የወልቂጤ ከተማ አስተዳደር መንግስት ኮሚዩኒኬሽን ጉዳዮች ጽ/ቤት

ይህ የተቋማችን ቻናል በገጠመን ችግር ምክንያት መቀየር ስለተገደድን በቅርቡ አዲስ በከፈት ነው ቴሌግራም ቻናል ሊንኩን ተጭነው ቤተሰብ ይሁን https://t.me/wcagca
ስለትብብሮ እናመሰግናለን 🙏

የኢትዮጵያን ብሔራዊ ጥቅሞች መለየትና ማስከበር፡ ኢትዮጵያ ብሔራዊ ጥቅሞቿን ለመለየትና ለማስከበር የምትከተለው የዓይን አፋርነት አካሄድ ነበር፡፡ ይሄም በመሆኑ ብሔራዊ ጥቅሞቻችንን ለማስከበር የሚያስችል ገቢራዊ አካሄድ እንዳንጓዝ አድርጎን ኖሯል፡፡ ለውጡ ይሄን አካሄድ ቀይሯል፡፡ ኢትዮጵያ ብሔራዊ ጥቅሞቿን ለማስከበር  ግልጽና ጉልሕ የሆነ መንገድን ትከተላለች፡፡ ባለፉት ዘመናት የተከሠተውን የባሕር በር የማጣት ስብራት ለመጠገንም ይሄንኑ መንገድ መከተል አስፈላጊ ነበር፡፡ በዚህም የተነሣ በአሁኑ ወቅት የኢትዮጵያ የባሕር በር ጥያቄ ተገቢና ትክክለኛ መሆኑን ዓለም በብዛት እንዲቀበለው ለማድረግ ተችሏል፡፡ በዓለም አቀፍ መድረኮችም ብሔራዊ ጥቅሞቿን ሊያስከብሩ በሚችሉ የሁለትዮሽና ባለ ብዙ ዘር ትብብሮች ላይ በጉልሕ ትሳተፋለች፡፡ አባል ትሆናለች፡፡ እንደ ብሪክስ ባሉ ማሕቀፎች ላይ ያደረገቸው የአባላነት ተሳትፎም የዚህ አንዱ ማሳያ ነው፡፡ የለውጡ መሪም ውጤትም የሆነውን የብልጽግና ፓርቲ አምስተኛ ዓመት ስናከብር፣ ያለፉትን ስኬቶች ቆጥረንና አዳብረን በማስቀጠል፤ ፈተናዎቻችንን በመወጣትና ስሕተቶችን በማረም ይሆናል፡፡ የለውጡ ትግል፣ የለውጡ ሥራና ውጤት ከአንድ ፓርቲ በላይ ነው፡፡ ጥቅሙም ሀገራዊና ለሁሉም ዓይነት ማኅበረሰብ ነው፡፡ ከላይ የተጠቀሱት ማሳያዎች የጅምራችንን ትክክለኛነት አመላካች ናቸው፡፡

ነገር ግን መጀመራችንን እንጂ ማጠናቀቃችንን አያሳዩም፡፡ ስለሆነም የፖርቲያችን አመራርና አባላት፣ የተፎካካሪ ፓርቲዎች አመራርና አባላት፣ እንዲሁም መላው የኢትዮጵያ ሕዝብ፤ ለውጡ ሰክኖና ሥር መሠረት ይዞ፣ ይህ ዘመን የኢትዮጵያ የማንሠራራት ዘመን እንዲሆን በጋራ እንድንነሣና እንድንታገል በዚሁ አጋጣሚ ጥሪ አቀርባለሁ፡፡ 

ኢትዮጵያ ታፍራና ተከብራ ለዘለዓለም ትኑር!
ህዳር 17፤ 2017

ክቡር ጠ/ሚ ዐቢይ አሕመድ (ዶ/ር)

‹ያጋ ቃዋ››- የጉራጌ ማህበረሰብ  የቡና  ሥነ-ሥርዓት
============================
የጉራጌ ማህበረሰብ ማኅበራዊ ግንኙነታቸውን ከሚያቀራርብላቸው ወይም ከሚያጠነክርላቸው መልካም እሴቶች መካከል ‹‹ያጋ ቃዋ›› የሚሉት የቡና አጠጣጥ ሥነ ሥርዓት አንዱ ነው፡፡

የጉራጌ ማኅበረሰብ ካለበት ቀዬ አቅራቢያ ከሚገኙ ጎረቤቶቹ ከሦስት እስከ ስድስት አባላት በመሆን ቃዋ (ቡና) ይጠጣሉ፡፡

የቡና አፈላል ሒደቱ የሚከናወነው ተራ በተራ ነው፡፡ ዛሬ በአንዱ አባ ወራ ቤት ከተፈላ ሌላ ጊዜ ደግሞ ተራውን ጠብቆ በሌላኛው አባወራ ቤት ይፈላል፡፡

ይህ ዓይነቱ የቡና አጠጣጥ ሥነ ሥርዓት "ያጋ ቃዋ" በመባል ይታወቃል፡፡ ጠዋት ላይ የሚካሄደው የቡና አጠጣጥ ሥነ ሥርዓት ያጋ ቃዋ ሲባል መሸት ሲል ተጠራርተው የሚጠጡት ቡና ደግም ዊጔር ቃዋ (ሸንጎ ቡና) ተብሎ ይጠራል፡፡

ያጋ ቃዋ እጅግ በጣም ተወዳጅ የሆነ የቡና አጠጣጥ ሥነ ሥርዓት ነው። ሰዎችን እርስ በርስ የሚያገናኝና የሚያዋድድ፣ የሚያፋቅርና የሚያስተሳስብ ስለሆነ ጉራጌዎች ለያጋ ቃዋ ልዩ ትኩረት ይሰጡታል፡፡

ባለተረኛዋ እማወራ ሌሊት ወፎች ከመንጫጫታቸው በፊት አስቀድማ በመነሳት ‹‹ቦሄ ያትየደርሄ ጔታ ቦሄ አወሬ›› (ሰላም ያሳደርከኝ አምላክ ሰላም አውለኝ) በማለት ለአምላኳ ምሥጋና ካቀረበች በኋላ ተጣጥባ ቡና የማፍላት ዝግጅቷን ትጀምራለች፡፡

የቡና አቆላሉ ሥነ ሥርዓቱ ሌላ ትዕይንት ይፈጥራል፡፡ ቡናው ይታጠባል፣ ይቆላል፣ ይወቀጣል፡፡ ከቀርከሃ የሚዘጋጀው ባህላዊ የቡና መቁያ ማንቁሬት ተብሎ ይጠራል፡፡

ባህላዊ የቡና መቁያ ምጣድ፣ ምዳድ ሲባል ባህላዊ የቡና መውቀጫ ደግሞ ዳንጋሳ (ሙቀጫ) ተብሎ ይጠራል፡፡ በሸክላ የተሠራ ባህላዊ ቡና የሚፈላበት መሣሪያ ጀበን (ጀበና) በመባል ይታወቃል፡፡ ጀበናው እሳት ላይ የሚጣድበት በሸክላ የተሠራ ደግሞ ጎንዝየ (ጉልቻ) ተብሎ ይጠራል፡፡ ቡናው ሲቆላ ምጣዱ ላይ ይወዛል፡፡

የቡናው መዓዛ አካባቢውን ሲያውደው ሰውነት ላይ አንዳች ስሜት በመፍጠር አፍ አውጥቶ ከሩቅ ኑ ቡና ጠጡ ብሎ ይጣራል፡፡

ጉራጌዎች ቡና በሚጠጡበት ሰዓት ቤት ያፈራውን የቡና ቁርስ ያቀርባሉ፡፡ ብዙ ጊዜ ቆሎ፣ አተርና ባቄላ የመሳሰሉ ጥራጥሬዎች በብዛት ይዘወተራል፡፡ እንደ ወቅቱ ሁኔታ ድንችም ቡና ቁርስ ላይ ይቀርባል፡፡

ጉራጌዎች ፆም ወይም የፆም ወቅት ካልሆነ በስተቀር ቡና በቅቤ ነው የሚጠጡት፡፡ የቅቤ ቡና መጠጣት የሰውነት እርካታ ከመስጠቱም በላይ ፍቱን መድኃኒት ነው ብለው ያስባሉ፡፡

ብዙ ጊዜ ቡና ውስጥ ተደርጎ የሚጠጣ ቡና በቅመማ ቅመም የተዘጋጀ ያልተነጠረ (ጥሬ) ቅቤ ነው፡፡ ይህ ዓይነቱ ቅቤ ኡፋ ይባላል፡፡ በነገራችን ላይ ጉራጌዎች ባህላዊ የሆነ የቅቤ አዘገጃጀት ዘዴ አላቸው፡፡ በቅመማ ቅመም ታሽቶ የተዘጋጀ ቅቤ ከምግብ ጋር ተሠርቶ ሲበላ እጅግ ከመጣፈጡ የተነሳ ጣት ያስቆረጥማል፡፡

ጉራጌዎች የሚያፈሉት ቡና ይጣፍጣል፡፡ የቅቤ ቡናቸው እጅግ ተመራጭ ነው፡፡ አባወራው ቡና ወደ ተጠራበት ቤት ከመሄዱ በፊት ፈረስ፣ አህያ ወይም የሚያርስበት በሬ ካለው አስቀድሞ ወደ መስክ ያሰማራል፡፡

እማወራዋም የወተት ላም እቤቷ ካለች ወተቷን ካለበች በኋላ ነው ወደ ተረኛዋ ቡና አፍዩ ቤት የምታመራው፡፡ በጉራጌዎች የምትታለብ ላም ‹ኤብ ራም› ይባላል፡፡

ኤብ ማለት ወተት ማለት ሲሆን ራም ደግሞ ላም ነው፡፡ ያጋ ቃዋ ጠጪ አባላት በተረኛ ቤት ይሰባሰባሉ፤ አምሽቶ ያነጋን አምላክ ይመስገን ቀኑም በሰላም ያውለን እያሉ የከበረ ሰላምታቸውን ይለዋወጣሉ፡፡ ጎረቤታሞቹ ሲገናኙ ጨዋታው ይደራል፡፡

ሽማግሌዎች ጨዋታቸውን ያደሩታል፡፡ ቡናቸውን እየጠጡ ያወጋሉ፡፡ ስለ ሥራቸው ይነጋገራሉ፣ ስለማኅበራዊ ኑሯቸው ይወያያሉ፣ ወደፊት ስለሚከውኑት ያቅዳሉ፡፡

እነዚህና ሌሎችም ውብ ባህላዊ እሴቶቻችን ከመጥፋት በመታደግ ይበልጥ ለማህበራዊ መስተጋብሮቻችን መጠቀም ይገባል መልዕክታችን ነው።

@wcagca

https://t.me/wcagca

የህልም ጉልበት፤ ለእመርታዊ እድገት! ክፍል ሁለት

ዛሬ ከምሽቱ 2:30 ጀምሮ ይጠብቁን

#PMOEthiopia

የዩቲዩብ ቻናላችንን Subscribe/ሰብስክራይብ ያድርጉ!

https://youtu.be/uaCtCi2o09o?si=sNNeZWn-U_G_7jPh

የሥነ-ምግባራዊ አመራር
ሥነ-ምግባራዊ አመራር ማለት  ተገቢ/ተቀባይነት ያለውን ባህሪ በግል ድርጊት እና ከሌሎች ጋር በሚኖር ግንኙነቶች ማሳየት እና ይህ ባህሪ በማንኛውም የሁለትዮሽ መስተጋብር፤ ውሳኔ አሰጣጥ እና አፈጻጸም ሂደቶች በሰራተኞች ውስጥ እንዲሰርጽ ማድረግ መቻል ነው፡፡
• ሥነ-ምግባራዊ መሪዎች በአንድ ተቋም ወስጥ መልካም ሥነ-ምግባር በሰራተኞች በቀጣይነት እንዲተገበር የሚያስችል ምቹ ሀኔታዎችን የመፍጠር እና ለብልሹ አሰራር የሚጋብዙ ሁኔታዎች እንዲቀንሱ የማድረግ ሀላፊነት አለባቸው፡፡
ሥነ-ምግባራዊ መሪዎች ሁለት ቁልፍ ሃላፊነቶች አሉባቸዉ
1) ሥነ-ምግባር የተላበሱ  ዉሳኔዎች መወሰናቸውን ማረጋገጥ
2) በሚመሩት ተቋም ዉስጥ ሥነ-ምግባራዊ ባህል በመገንባት ተከታዮች በቀጣይነት እንዲተገብሩት ማድረግ ናቸው፡፡ በሥነ-ምግባራዊ አመራር ዉስጥ መሪዎች የትኩረት ነጥቦች በመሆናቸው ሁል ጊዜ ተገቢ እና ተቀባይነት ያለውን ባህሪ ብቻ  ማሳየት ይጠበቅባቸዋል፡፡
የሥነ-ምግባራዊ  አመራር ክህሎቶች (skills)
መሪዎች ሊያዳብሯቸው እና ጥቅም ላይ ማዋል ይጠበቅባቸዋል ከሚባሉት ክህሎቶች መካከል የሚከተሉት መሰረታዊ ናቸዉ፡፡
1. አቅም እና ችሎታን ማሳደግ
2. የተቋሙን የስነ-ምግባር መስፈርት ከፍ አድርጎ መቅረጽ
3. አዎንታዊ ግንኙነት መፍጠር
4. ተገቢ የሆነ የመስተጋብር/የመግባቢያ እና የትብብር መንገድ መዘርጋት
5. ሥነ-ምግባራዊ አጣብቂኞችን መለየት
6. ሌሎች ሥነ-ምግባራዊ እንዲሆኑ ማነሳሳት
7. ፊት ለፊት መሆንን መረዳት
8. የአክብሮት ተግባቦት መፈጸም
9. ሥነ-ምግባራዊ የሆነ የቡድን ሥራዎችን ማበረታታት
10. ሥነ-ምግባር የተላበሱ ተግባራትን ማከናወን
11. ሥነ-ምግባራዊ እሴቶች እና ባህሪዎችን በየጊዜዉ መከለስ እና ማዳበር
የሥነ-ምግባራዊ አመራር መርሆዎች (Principles)
ቁልፍ ከሚባሉት መርሆዎች ውሰጥ የሚከተሉት ዋናዋናዎቹ ናቸው፡፡
1.ዓላማ (Purpose)
2. ጤናማ የሆነ ክብር/ኩራት (Pride)
3. ትዕግስተኝነት (Patin
4. ጠንቃቃነት
5. ፅናት
6. አተያይ
7. ሞራላዊ ብቃት
የሥነ-ምግባራዊ  አመራር  መገለጫ  ባህርያት (Chracteriostics)
አሁን ባለንበት ዘመን እና ማህበረሰብ ውስጥ ሥነ-ምግባራዊ መሪ ለመሆን ከፍተኛ የሆነ ድፍረት እና ጥንካሬ ይጠይቃል፡፡
ድፍረት ስንል አስቸጋሪ የሆኑ ውሳኔዎችን ለመወስን ያለንን  የሞራል ጥንካሬ ነዉ፡፡ የሞራል ጥንካሬ ሥስት ነገሮችን ያካተተ ሲሆን እነሱም እሴቶችን መተግበር፤  አደጋዎችን መለየት እና ችግርን መቋቋም ናቸዉ፡፡
ሥነ-ምግባራዊ መሪዎች በየቀኑ ውሳኔ ሲያሳልፉ ትልቅ ወይም ትንሽ የሚባሉ ሥነ-ምግባራዊ አጣብቂኞች ይገጥሟቸዋል፡፡ እነዚህን የመሰሉ ተግዳሮቶችን ለመቋቋም የሚከተሉት መገለጫ ባህርያት ሊኖሯቸው ይገባል፡፡
1. አስተዋይነት
2. ሁሉን አካታችነት
3. ሃላፊነት እና ተጠያቂነት
4. አሳቢነት
5. ቀጣይነት
6. ግልፅነት የተላበሰ የዉሳኔ አሠጣጥ እና ተግባቦት ስርዓአት ማስፈን
7. ግልፅ እና መደበኛ የሥነ-ምግባር መመሪያዎች፣ ደንቦች እና እሴቶች እንዲኖሩ ማድረግ
8. አርአያነት ያለው ባህሪያት ላሳዩ ሰራተኞች ዕዉቅና እና ሽልማት መስጠት
9. ሥነ-ምግባራዊ ባህሪ የአንድ ግዜ ክስተት ሳይሆን ቀጣይነት ያለው ሂደት መሆኑን ማሳየት
10. ፍትሐዊነት
11. አክብሮት የተሞላበት የሁለትዮሽ ተግባቦት መፈጸም
12. ሀቀኝነት
13. ሌሎችን ማመን
14. ህግ አክባሪነት
15. የተሟላ/ርትኡ ስብእና መገንባት
16. የህዝብን ጥቅም ማስቀደም
17. እሴትን ያማከለ ዉሳኔ መወሰ

https://youtu.be/uaCtCi2o09o?si=CCk6Ql8r6Ab2Vrzc

ጠቅላይ ሚኒስትር ዐቢይ አሕመድ (ዶ/ር) ከህዝብ ተወካዮች ምክር ቤት አባላት ለቀረቡላቸው ጥያቄዎች የሰጡት ማብራሪያ -ክፍል ሁለት
- ሰላምና ደህንነትን በተመለከተ
ከማንም በላይ ሰላም እንፈልጋለን፡፡ ጦርነትን በተግባር እናውቀዋለን፤ አንፈልገውም፡፡ ከኃይል አማራጭ ይልቅ የሰላም አማራጭ ውጤቱ ከፍተኛ ነው፡፡ መንግስት ግጭቶች በሰላም እንዲፈቱ  ቅድሚያ ሰጥቶ ሰርቷል፡፡ አሁንም ያለን አቋም የትኛውም አይነት አለመግባባት በሰላም እንዲፈታ ነው፡፡ ነገር ግን የትኛውም አካል በኃይል እና ጥላቻ መጠፋፋትን እንጂ ዓላማውን ማሳካት አይችልም፡፡ ሰከን ብሎ ማሳብ ይገባል፡፡ ሃሳብ አልባ ትግል ፍሬ የለውም፡፡

- የአማራ ክልል አሁናዊ ሁኔታን በተመለከተ
በአማራ ክልል ላይ ከየትኛውም መንግስት በላይ አሁን ያለው መንግስት በርካታ የልማት ስራዎችን እያከናወነ ነው፡፡ በክልሉ ታላላቅ የመንገድ፣ የኢንዱስትሪ የቱሪዝም ልማቶች እየተከናወኑ ነው፡፡ በዚህም ክልሉን የኢንዱስትሪ ማዕከል ለማድረግ እየተሰራ ነው፡፡ የፋሲል ቤተ-መንግስት እየታደሰ ነው፤ በዋና ዋና ከተሞች የኮሪደር ልማት እየተከናወነ ነው፡፡ የመገጭ ግድብን 7 ቢሊዩን ብር መድበን ከበርካታ ዓመታት የግንባታ መቋረጥ በኋላ ቀን ከሌት እየገነባን ነው፡፡ ነገር ግን በክልሉ ልማት እንዳይከናወን ለማደናቀፍ የሚጥሩ ኃይሎች አሉ፡፡ ይህን ተባብረን ማስቆም አለብን፡፡ የአማራ ህዝብ ማን እንደሚሰራለትና ማን እንደሚያወራለት ጠንቅቆ የሚያውቅ ጨዋ ህዝብ ነው፡፡ መንግስት ክልሉን የማልማት ስራውን አሁንም አጠናክሮ ይቀጥላል፡፡

- የገዥ ትርክት ውቅሮች
ህገመንግስታዊነት
የህግ መንግስት መርሆችና ዴሞክራሲን ያከበረ የጋራ ትርክት መገንባት

ህብረብሔራዊነት
ኢትዮጵያ የበርካታ ብሔር፣ብሔረሰብና ህዘቦች ሀገር መሆኗን መቀበል ያስፈልጋል፡፡
ብልጽግናን በየደረጃው ማረጋገጥ
በሁለም አግባብ በየደረጃው ልማትና ብልጽግናን በማረጋገጥ ድህነትን ለመድፈቅ በጋራ መስራት ይገባል፡፡

ማረምና ማስቀጠል
ትናንት የነበሩ ድክመቶችን ማረም፤ ያሉ ጥንካሬና ወረቶችን ደግሞ ማስቀጠል ይገባል፡፡

ሀገራዊ መግባባትን መፍጠር
የጋራ ህልም በመፈጠር የበለጸገችና ያደገች ኢትዮጵያን ለማየት በጋራ መሰለፍ ይገባል፡፡ ከፓርቲ ባለፈ ትውልድን የሚሻገር እሳቤ መፍጠር ይገባል፡፡

- ሀገራዊ የምክክር ኮሚሽንን በተመለከተ

ሀገራዊ የምክክር ኮሚሽን የተሻለ ስኬት እንዲያስመዘግበ የምክር ቤቱ አባላት ጠንካራ ድጋፍ ማድረግ ይገባቸዋል፡፡ ለታሃድሶ ኮሚሽንን እና ለሽግግር ፍትህም መሰል ድጋፍ መደረግ አለበት፡፡ ከዚህ ቀደም ከነበሩ ኮሚሽኖች ትምህርት በመውሰድ አሁን ያሉ እድሎችን መጠቀም ይገባል፡፡ ከዚህ አኳያ መንግስት እንደ አስፈጻሚ አካል የሚያደርገውን ድጋፍ አጠናክሮ ይቀጥላል፡፡

- ኮሪደር ልማትን በተመለከተ
ኮሪደር ልማት ማለት ኢትዮጵያን የሚመጥን ከተማ መገንባት ማለት ነው፡፡ ከከተሜነት እድገት ጋር የተሳሳረ ልማት ነው፡፡ በኮሪደር ልማት ሰፋፊ መንገድ ከመስራት ባለፈ ታዳጊዎች እግር ኳስ የሚጫወቱባቸውን የስፖርት ማዘውተሪያ ስፍራዎች እና የእግረኛ መንገዶች ተሰርተዋል፡፡ ይህም ሁሉንም ተጠቃሚ የሚያደርግ ፍትሃዊ ልማት ለዜጎቻችን ያቀረብንበት ነው፡፡ አሁን ላይ በተለያዩ ከተሞች ከምንሰራው የኮሪደር ልማት ባሻገር፤ የገጠር ኮሪደር ልማት ጀምረናል፡፡ ይህም ኢትዮጵያዊያን የተሻለ ኑሮ ይገባቸዋል በሚል የተጀመረ ነው፡፡ የተሟላ ብልጽግናን የምናረጋግጠውም በዚሁ መንገድ ነው፡፡

- ዲፕሎማሲን በሚመለከት
የኢትዮጵያ አቋም ከሁሉም ጋር በትብብርና ሰጥቶ በመቀበል መርህ መኖር ነው፡፡ ኢትዮጵያ የአፍሪካ የኃይል ማዕከል ናት፤ ከራሷ ባለፈ ለአፍሪካ ልማት ቁርጠኛ ናት፡፡ ከየትኛውም ጎራ ጋር ሳንሰለፍ ከሁሉም ጋር በሰጥቶ መቀበል መርህ ለብሔራዊ ጥቅማችን እንሰራለን፡፡ ሁሉም ኢትዮጵያዊ ይህን በመገንዘብ ሀገርን አስቀድሞ መስራት አለበት፡፡ በውስጥ የሚኖረን አንድነትና ሰላም ለዲፕሎማሲያዊ ጥንካሬያችን ከፍተኛ ሚና አለው፡፡

- የባህር በር ጥያቄን በተመለከተ
ኢትዮጵያ ሰላማዊ በሆነ መንገድ በቀይ ባህር ላይ የባህር በር ያስፈልጋታል፡፡ በዚህ ጉዳይ ወደ ኋላ የማይል ይፋዊ አቋም አለን፡፡ ነገር ግን ይህን ለማሳካት ጦርነትም ሆነ የኃይል አማራጭ አንፈልግም፡፡ ፍላጎታችንን ማሳካት የምንሻው በሰላማዊ አማራጭ ነው፡፡ ይህ ምክንያታዊና ፍትሃዊ ጥያቄ ነው፤ እኛ ባናሳካው ልጆቻችን ያሳኩታል፡፡ ኢትዮጵያ የትኛውንም ሀገር ላይ ወረራም ሆነ ጥቃት አትፈጽምም፡፡ ነገር ግን ኢትዮጵያን ለመንካት የሚሞክሩ ካሉ አሳፍረን እንመልሳለን፡፡ ይህን ማድረግ የሚያስችል በቂ አቅም አለን፡፡

#የጠሚሩምላሾች
#PMOEthiopia

ጥቅምት 19/2017 ዓ.ም
የወልቂጤ ፖሊ ቴክኒክና ሳተላይት ኮሌጅ በ2017 ዓመተ ምህረት በተለያዩ የስልጠና ዘርፎች የሚያሰለጥናቸዉ ተማሪዎች እየተቀበለ ይገኛል።

ኮሌጁ የአካባቢ ጸጋን መሰረት ባደረገ መልኩ ገበያ ተኮር የሆኑ ስልጠናዎች በመስጠት ወጣቶች፣ ሴቶችና አካል ጉዳተኞች ከስራ ጋር የማስተሳሰር ስራ በስፋት እየሰራ መሆኑም ተጠቁሟል።

በተያዘዉ በጀት አመት ከ2 ሺህ 5 በላይ ሰልጣኞች በመቀበል ስልጠና ለመስጠት ዝግጅት ተደርጓል።

የወልቂጤ ፖሊ ቴክኒክና ሳተላይት ኮሌጅ ዲን አቶ ሀይሩ አህመዲን እንዳሉት በ2017 ዓመተ ምህረት በተለያዩ የስልጠና ዘርፎ ሰልጣኞች ተቀብሎ ለማስተማር ቅድመ ዝግጅት ተደርጎ በዛሬዉ እለት ምዝገባ እየተካሄደ ይገኛል።

የአካባቢ ጸጋን መሰረት ባደረገ መልኩ ገበያ ተኮር የሆኑ ስልጠናዎች በመስጠት ወጣቶች፣ ሴቶችና አካል ጉዳተኞች ከስራ ጋር የማስተሳሰር ስራ ይሰራል ብለዋል።

በተያዘዉ አመት ከ2 ሺህ 5 በላይ ሰልጣኞች በመቀበል ስልጠና ለመስጠት ዝግጅት ተደርጓል ብለዉ ከ2016 በተለየ ሁኔታ አጠቃላይ የተቋሙ ስራዎች ዲጂታላይዝድ ለማድረግና የኔትወርክ መሰረተ ልማት በሀይብርኦብቲስ የመቀየር ፣ አዳዲስ የስለጠና ዘርፎች ጭምር በማስገባትና በዞንግ ዲፈረንሴሽን የአካባቢ ጸጋ መሰረት ያደረጉ ስልጠና ሙሉ ትግበራ ለመጀመር እየተሰራ መሆኑም አመላክተዋል።

ሰልጣኞች በተቋሙ ሰልጥነዉ ሲወጡ ከስራ ጋር የማስተሳሰር ስራ የሚሰራ እንደሆነም አስታዉሰዉ ከዛሬ ጥቅምት 19/2017 ዓመተ ምህረት እስከ 22/2017 አመተ ምህረት ሰልጣኞች እንዲመዘገቡ በሞንታርቦና በተለያዩ የማህበራዊ ሚዲያ አማራጮች የቅስቀሳ ስራ የተሰራ መሆኑም ተናግረዋል።

አዲስ ሰልጣኝ ተማሪዎች በሚፈልጉት ዲፓርትመንቶች መርጠዉ እየተመዘገቡና ለተማሪዎች አጠቃላይ ኮሌጅ እየሰራዉ ያለዉ ስራ ግንዛቤ የመፍጠር ስራም እየተሰራ መሆኑም አብራርተዋል።

የቴክኒክና ሙያ ተቋማቶች በአለም አቀፍና በሀገራችን ተመራጭ እየተደረገ እንደሆነም ጠቁመዉ በቴክኒክና ሙያ የተመረቀ የሰዉ ሀይል በሀገር ዉስጥና በዉጭ ሀገር የስራ ዕድል የማግኘት ሁኔታ በጣም ከፍተኛ መሆኑም አብራርተዋል።

ክህሎትና የቢዝነስ ሀሳብ ሳይጨብጡ ወደ ስራ መሰማራት የማይቻልበት ወቅት መሆኑም ያስረዱት ዲኑ በኮሌጁ በዚህ አመት ከ2 ሺህ 5 መቶ በላይ ሰልጣኞች የሚቀበሉና ነባር ሰልጣኞችም በተገቢዉ ስልጠናቸዉ እየተከታተሉ መሆኑም አመላክተዋል።

ከቦሌለሚ ኢንዱስትሪ ፓርክ ሻት ጋርመንት ፋብሪካ ጋር በዚህ አመት ከተቋሙ የተመረቁ ከ80 በላይ ሰልጣኞች በቀጥታ ስራ ዕድል የተፈጠረላቸዉ መህኑም ያስታወሱት ሀላፊዉ ከካንስ ኢንጅነሪንግ ጋር በመሆን በአቶሞቲቭና በብረታ ብረት የሰለጠኑ ልጆች ወደ ስራ የማስገባት ስራም እንደሚሰራና እንዲሁም የቆጮ ማሽን የሚያመርቱ ልጆች በማደራጀት ወደ ስራ ለማስገባት እየተሰራ ነዉ ብለዋል።

ኮሌጂ ከዚህ በታች በተዘረዘሩት የሙያ መስመሮች በመደበኛ፣ በዊኬንድና በማታ ፕሮግራሞች ሰልጣኞችን እየተቀበለ ይገኛል።
👉በኢንፎርሜሽን ኮሙዩኒኬሽን ቴክኖሎጂ ከደረጃ 1-5
👉በሆቴልና ቱሪዝም ቴክኖሎጂ ከደረጃ1-4
👉በኤሌክትሪካል ኤሌክትሮኒክስ ቴክኖሎጂ ከደረጃ 1-5
👉በሜታል ማኑፋክቸሪንግ ቴክኖሎጂ ከደረጃ 1-5
👉በአውቶሞቲቭ ቴክኖሎጂ ከደረጃ 1-5
👉በጋርመንት ቴክኖሎጂ ከደረጃ 1-5
👉በቴክስታይል ቴክኖሎጂ ከደረጃ 1-4
👉በኮንስትራክሽን ማኔጅመንት ቴክኖሎጂ ከደረጃ 1-5
👉በኢኮኖሚክ ኢንፍራስትራክቸር ቴክኖሎጂ ከደረጃ 1-5
👉በአርባን ግሪነሪ ቴክኖሎጂ ከደረጃ 1-4
👉በሌዘርና ቆዳ ቴክኖሎጂ ከደረጃ 1-2
👉በሶላር ፒቪ ሲሆን አመልካቾች ወደ ተቋሙ በአካል እየመጡ እየተመዘገቡ ይገኛል ሲል የዘገበዉ የጉራጌ ዞን የመንግስት ኮሚኒኬሽንና መምሪያ ነዉ።

የወባ መከላከል እና መቆጣጠር ስራዎችን ውጤታማ ለማድርግ የሕብረተሰብ ተሳትፎን ማሳደግ ይገባል፡፡
___

የጤና ሚኒስትር ዶክተር መቅደስ ዳባ የወባ በሽታ መከላከል እና መቆጣጠር ስራዎችን በውጤታማነት መመራት እንዲቻል የህብረተሰብ ተሳትፎን ለማሳደግ የማህበረሰብ ውይይት እና ምክክሮችን አካቶ መስራት እንደሚገባ ገለጹ፡፡

የጤና ሚኒስቴር ከኢትዮጵያ ህብረተሰብ ጤና ኢንስቲትዩት ጋር በመሆን እንደ ሀገር ያለውን የወባ በሽታ መከላከል እና መቆጣጠር ስራዎች፣ በሰው ሀይል እና በፋይናንስ አቅርቦት ክልሎችን እየደገፈ ይገኛል፡፡

በበይነ መረብ በተደረገ ስብሰባ የጤና ሚኒስቴር እና የኢትዮጵያ ህብረተሰብ ጤና ኢንስቲትዩት በጋራ በመሆኑ በክልሎች የወባ በሽታ መከላከል እና መቆጣጠር ላይ እየተሰሩ ያሉ ስራዎች ሳምንታዊ የአፈጻጸም ግምገማ አድርገዋል፡፡

ያቆሩ ውሃዎችን የማዳፈን፣ የአልጋ አጎበሮችን በአግባቡ የመጠቀም፣ የጸረ ወባ ኬሚካል እርጭት ስራዎችን በተገቢው መንገድ ማከናወን፣ የኮምኒኬሽን ስራዎችን ከመስራት አንጻር እንዲሁም የወባ በሽታ ህክምና አሰጣጥ እና ኬዝ ማኔጅመንት ላይ በክልሎች በኩል ሳምንታዊ ሪፖርት ቀርቦ ውይይት ተደርጎበታል፡፡

በበይነ መረብ በተደረገው ስበሰባ አመራር የሰጡት የጤና ሚኒስቴር ዶክተር መቅደስ ዳባ የወባ መከላከል እና መቆጣጠር ስራዎችን ውጤታማ ለማድርግ የሕብረተሰብ ተሳትፎን ማሳደግ እንደሚገባ ገልጸዋል፡፡ የሚጠበቀውን ለውጥ ለማምጣት እንዲቻል ወደ ማህበረሰቡ በመውረድ ለውጥ አምጪ ስራዎችን ከመስራት አንጻር ማህበረሰቡን ያሳተፉ ንቅናቄዎችን በመፍጠር ሊሰራ እንደሚገባ ተናግረዋል፡፡

ህብረተሰቡ የወባ በሽታ መከላከል እና መቆጣጠር ሂደት ላይ ውይይት እንዲያደርግ እና ውሃ ያቆሩ ስፍራዎችን የማዳፈን፣ የአልጋ አጎበሮችን በአግባቡ የመጠቀም ልምዶችን ማሳደግ፣ የጸረ ወባ ኬሚካል እርጭት ስራዎችን በአግባቡ መስራት እንደሚገባ የተናገሩት ዶክተር መቅደስ ዳባ በተለይ የክልል ጤና ቢሮ ኃላፊዎች፣ ከጤና ኤክስቴንሽን ጀምሮ በየደረጃው ያሉ የጤናው ዘርፍ ባለ ድርሻ አካላት እና አመራሮች ለወባ በሽታ መከላከል እና መቆጣር ስራዎች ላይ በተናበበ መንገድ መስራት እንደሚገባ የስራ መመሪያ ሰጥተዋል፡፡

#ጤና ሚኒስቴር

ጥቅምት 19/2017 ዓ.ም
ዜና ሹመት
የጉራጌ ዞን አስተዳደር የተለያዩ ሹመቶች ተሰጥቷል። በዚሁ መሰረት:-

1, አቶ ሙራድ ረሻድ የጉራጌ ዞን ወጣቶችና ስፖርት መምሪያ ኃላፊ
2, አቶ ሚነወር ሃያቱ የዞኑ ገቢዎች መምሪያ ኃላፊ
3, አቶ እንዳለ ስጦታው የጉራጌ ዞን ደንና አካባቢ ጥበቃ መምሪያ ኃላፊ
4, ወይዘሮ ትብለጥ እስጢፋኖስ የጉራጌ ዞን ትራንስፖርትና መንገድ ልማት መምሪያ ኃላፊ
5, አቶ አብድልበር ሰኢድ የዞኑ ፐብሊክ ሰርቪስ የሰው ሀብት ልማት መምሪያ ኃላፊ አድርጎ ሾሟል።

መልካም የስራ ዘመን ይሁንላችሁ!!

መረጃው:- የጉራጌ ዞን መንግስት ኮሙኒኬሽን መምሪያ ነው

የ2017 ዓ.ም የዩኒቨርሲቲ ምደባ ይፋ ሆነ

የ2017 ዓ.ም የዩኒቨርስቲ ምደባ ይፋ መሆኑን የትምህርት ሚኒስቴር ገለፀ።

በ2016 የትምህርት ዘመን የ12ኛ ክፍል አገር አቀፍ ፈተና ወስደው በ2017 ዓ.ም በመንግሥት የከፍተኛ ትምህርት ተቋማት ትምህርታቸውን ለመከታተል የሚያስችል የማለፊያ ውጤት ያስመዘገቡ ተማሪዎች የተመደቡበትን ዩኒቨርሲቲ ከአሁኑ ሰዓት ጀምሮ በተቋሙ ድረ-ገጽ http://placement.ethernet.edu.et ወይም ቴሌግራም https://t.me/moestudentbot ማየት እንደሚችሉም ሚኒስቴር መስሪያ ቤቱ ገልጿል።

በቀጣይ ተማሪዎቹ የከፍተኛ ትምህርት ተቋማቱ በሚያስተላልፉት ጥሪ መሰረት ምዝገባ እንዲያከናውኑም መልዕክት አስተላልፏል።

ጥቅምት 14/2017 ዓ.ም [ወልቂጤ]

የወልቂጤ ከተማ አስተዳደር ገቢዎች ጽህፈት ቤት የደረጃ "ሀ" እና "ለ" ለሚገኙ አዳዲስ ግብር ከፋዮች ከደረሰኝ አያያዝና አጠቃቀም ላይ የግንዛቤ ማስጨበጫ ስልጠና ሰጠ።

የሚሰጡ አገልግሎቶች ህግና ስርአቱን ጠብቀው፣ ፍትሀዊና ፈጣን ሆነው የሚነሱ የአገልግሎት ቅሬታዎችን በመቀነስ የተገልጋይ እርካታን ለማረጋገጥ ግብር ከፋዩን በስልጠና ግንዛቤውን ማስፋት ማስፈለጉን አቶ ሰንብት ኸሊል የወልቂጤ ከተማ አስተዳደር ገቢዎች ጽህፈት ቤት ተወካይ ተናግረዋል።

ደረሰኝ የሌላቸው ወጪዎች ተአማኒነት ያለው ወጪ በመዝገብ ወጪ ማስፈር እንደሚያስፈልግ በመግለጽ ግብር ከፋዩ ከደረሰኝ አጠቃቀምና ጉድለት የሂሳብ መዝገብ ውድቅ የሚያደርጉ ነገሮች ላይ ጥንቃቄ ማድረግ ያስፈልጋል ብለዋል።

ቫት ማለት መንግስት ከተጠቃሚዎች እንድንሰበስብ ሀላፊነቱን የሰጠን የአደራ ገንዘብ ስለሆነ ሁሉም በየተቋሙ በታማኝነት የቫት ደረሰኝ በመቁረጥ እንዲሰበስቡ አሳስበዋል።

በመድረኩ የተሳተፉ ግብር ከፋዮች በሰጡት አስተያየት የሚጠበቅባቸውን ግብር በታማኝነት ለመክፈል የበኩላቸውን ሚና እንደሚወጡም ተናግረዋል።

በገኙትም ስልጠና ይበልጥ ግንዛቤ እንዳገኙ ጠቁመው በቀጣይም እንዲህ አይነት መሰል መድረኮችን መዘጋጀት እንዳለበትም መልእክታቸውን አስተላልፈዋል።

ከመድረኩም በደረሰኝ አያያዝ ና አጠቃቀም ዙሪያ ማብራሪያ የያዘ ሰነድ በታክስ ትምህርት ናስልጠና ባለሙያ በሆኑት አቶ ሀይረዲን ሚፍታ ቀርቦ ግንዛቤ የማስጨበጥ ስራ ተሰርቷል ።

በተጨማሪም የከተማው አስተዳደር ድህረ-ገጽን ይጎብኙ
👇
www.wolkitecityadministration.gov.et

አንድ_ሆነን_እንስራ_ኢትዮጵያ_ታሸንፍ❗️

ወቅታዊ፣ ትኩስ እና የተሟላ መረጃዎችን ለማግኘት ከታች የተቀመጡ ሊኮች በመጫን የተቋማችንና ሌሎች የሚዲያ አማራጮችን ይጠቀሙ፡-👇

👉 ዌብሳይት፦ http://www.wolkitecityadministration.gov.et

👉 ዩቲዩብ ፦ https፡//www.youtube.com/@wolkitecityadministrationgov.c/featured

👉 ቴሌግራም፦ https://t.me/WCGCA

👉ኢ_ሜይል፦ [email protected] ይጎብኙ❗️

👉 ስልክ፦ +251113659879

ጥቅም14/2017ዓ.ም

የወባ ወረርሽኝን ለመከላከልና ለመቆጣጣር የተቀናጀ ስራ ሊሰራ ይገባል -የጤና ሚኒስትር ዶክተር መቅደስ ዳባ

የወባ ወረርሽኝን ለመከላከልና ለመቆጣጣር እየተከናወነ ያለውን ስራ በሚመለከት በተደረገው ሳምንታዊ የግምገማ መድረክ ላይ የጤና ሚኒስትር ዶ/ር መቅደስ ዳባ በበየነ መረብ ባስተላለፉት መልእክት የወባ ወረርሽኝን ለመከላከልና ለመቆጣጣር የተቀናጀ ስራ ሊሰራ ይገባል ብለዋል።

በሀገር አቀፍ ደረጃ ወቅታዊ የወባ ወረርሽኝን በተመለከተ ጤና ሚኒስቴር ከኢትዮጵያ የሕብረተሰብ ጤና አደጋ ማስተባበሪያ ማዕከል፣ ከክልል ጤና ቢሮዎችና ክላስተሮች ወረርሽኙን ከመከላከልና ከመቆጣጣር አንጻር እየተሰሩ ያሉ ስራዎች በመገምገም ያጋጠሙ ማነቆዎችን በጋራ ለመፍታት ዘርፈ ብዙ ስራዎችን እየሰራ ይገኛል።

ይሁን እንጅ ከክረምት መዉጣት ጋር ተያይዞ የወባ በሽታ እየጨመረ መሆኑ በመድረኩ የተገለጸ ሲሆን ወረርሽኙን ለመግታት በየደረጃዉ ያለዉ አመራር፣ የጤና ባለሙያና የሚመለከተዉ ባለድርሻ አካላት በጋራ ሊሰሩ እንደሚገባ ተገልጿል።

በመድረኩ ላይ የክልል ጤና ቢሮ ሀላፊዎች የወባ በሽታ ወረርሽኝን ለመከላከልና ለመቆጣጠር እየተሰሩ ያሉ ስራዎች፣ የታዩ ክፍተቶች፣ ያጋጠሙ ተግዳሮቶች፣ የተወሰዱ እርምጃዎችንና በቀጣይ መሰራት የሚገባቸው የትኩረት አቅጣጫዎችን በተመለከተ በዝርዝር ሪፖርት አቅርበዋል፡፡

ወርሽኙን ለመግታት እየተሰሩ ያሉ ውጤታማ ስራዎችን አጠናክሮ መቀጠል እንደሚገባ ያነሱት የጤና ሚኒስትር ዶ/ር መቅደስ ዳባ በተለይ የግንዛቤ ማስጨበጫ ስራዎችን በእቅድ መስራት፣ የቅኝትና የቁጥጥር ስራን ማጠናከር፣ በቤት ለቤት ስራ ማህበረሰቡን በማንቃትና በማደራጀት አከባቢዉን እንዲያጸዱ፣ ዉኃ ያቆሩ ቦታዎችን የማፋሰስና ለወባ መራባት ምቹ የሆኑ ረግረጋማ አከባቢዎችን የማዳፈን ስራ ተጠናክሮ መቀጠል እንዳለበት አሳስበዋል።

ለዚህም በየደረጃዉ ያለዉ አመራር ከሚመለከታቸዉ ባለድርሻ አከላት ጋር በመሆን ህብረተሰቡ በተደራጀ መልኩ ግንባር ቀደም ተሳታፊ በመሆን የመከላከል ስራ ላይ ሚናውን እንዲወጣ ይጠበቀዋል።

የሕብረተሰቡን ተሳትፎና ባለቤትነት በማረጋገጥ ከላይ እስከታችኛዉ እርከን ድረስ በመናበብ ከተሰራ የወባ በሽታን ለመቆጣጠር በአገራችን ጥሩ ተሞክሮ መኖሩን ያነሱት ሚኒስትሯ መድሃኒት እና የግብዓት አቅርቦት ላይ ያለውን ስርጭት በተመለከተም ተገቢው ቁጥጥር መድረግ እንዳለበት የስራ መመሪያ እና አቅጣጫ በመስጠት ባለድርሻ አካላት አስፈላጊውን ድጋፍ በማድረግ ተገቢውን ስራ ሊያከናውኑ እንደሚገባ አሳስበዋል፡፡

በመጨረሻም የወባ በሽታ የመከላከልና የመቆጣጠር ተግባራት በአመራሩ ዘንድ ልዩ ትኩረት ተሰጥቶት እንዲሰራ ለማድረግ በየክልሉ ያሉ አመራሮች እና ባለሞያዎች ትኩረት በመስጠት በየአካባቢው የሚገኙ ውሃ ያቆሩ ቦታዎችን የማፋሰስና የማዳፈን ስራ በዘመቻ መልክ ተግባራዊ ማድረግ እዲቻል ከፍተኛ አመራሩ ትኩረት በመስጠት በቅንጅት ለመስራት የተሰጠዉን አቅጣጫ ተግባራዊ ለማድረግ በመስማማት መድረኩ ተጠናቋል፡፡

መረጃው :- የጤ/ሚኒስቴር ነው

ወባ በሽታ