Lara's Insight

Live stream finished (39 minutes)

Live stream started

Endi natijasini kutamiz!

19 октября в зоопарке - Московский Зоопарк/Moscow zoo.

O'tgan kuni bitta do'stim bir qancha kitoblar yuboribdi. Yangi nashrdan chiqqan kitoblar ekan, xursand bo'ldim. Sovg'adan emas, e'tiboridan ✨

Hilola Jo'rayevaning oldinroq bergan "Kirka"si bilan hozir menda 2 ta kitob bo'ldi). Muqovalariga mahliyo bo'lib o'tiribman.

The mug I need ✨
Shu hafta judayam og'ir o'tdi. Og'ir kitoblar, to'xtovsiz o'qigan maqolalarim, behisob darslar. Mayda muammolar. O'ylar. Kutish. O'ylab qo'ygan narsalaringni amalga oshmasligini bilish. Charchoq, og'riq. Va yana kutish. Kecha charchaganimdan hatto ko'zlarimni yumib yig'lab olibman.

Ertaga onam keladi. Hech bo'lmaganda 1 kungina unutaman hayotni.

Я спросил у осени
Где моя любимая?

2024-yil iqtisodiyot bo‘yicha Nobel mukofoti Daren Ajemo'g'lu, Saymon Jonson va Jeyms A. Robinsonga "institutlar qanday qilib mamlakatda farovonlikni yaratishi bo'yicha tadqiqotlari uchun" topshirildi.

O'zbek auditoriyasida olimlar "Mamlakatlar tanazzuli sabablari: qudrat, farovonlik va kambag'allik manbalari" kitobi bilan mashhur. "Sapiens"ni tugatish arafasida mazkur kitobni keyingi reading-list'imga qo'shishim mumkin edi. Biroq adabiy tilimdagi biroz o'tmaslashishni inobatga olib "Buzrukning kuzi"da to'xtadim).

📎 Asar haqida quyidagi postni o'qib chiqish tavsiya qilaman.
📌 Kitobni audio tinglash

@larasinsight

Hamma bilan chiqishib keta bilish bu aslida yaxshi ko'nikma emas, hatto insonning yashab keta olishi uchun muhim ko'nikma sifatida qaralsa ham. Globallashuv jarayonida bu ko'nikma orqali maksimal foyda olish mumkindir ehtimol, biroq bu individualizmning yo'qligi, shaxsiy fikr sustligi va ko'pchilik tomonga og'ish singari vaziyatlar orqali namoyon bo'ladi. Men utalitar - universal - jamiyatga doimo qarshi bo'lganman. Insondagi kirishimlilik ulug'lanadigan yuqoridagi jamiyatlarda o'ziga xoslik, boshqalardan ajralib turish parda ostida qoralanganiga guvoh bo'lasiz. Vaholanki, yangilik va o'zgachalik ko'pincha omma tomonidan qarshi kutib olinadi. Moslashuvchan va yetarlicha kirishimli emas deya tanqid ostiga olinadi. Bu qoida faqat odamlar uchunmas, balki g'oyalar uchun ham birdek ishlaydi. Ko'pchilikka yoqmagan - aniqrog'i "kirisha olmagan" g'oya foydasiz deya topiladi va undan qochiladi. Ko'pchilikka manzur bo'lmagan shaxsdan uzoqlashiladi va unga normal bo'lmagan shaxs deya qaraladi.

Shu qop-qora ko'zlaring malak
Ham do'zaxim, ham jannatimdir.

Lermontovning "Demon" poemasini o'zbek tilidagi go'zal tarjimada o'qib chiqdim. Murakkab bo'lmagan sodda tematika, biroq ramziy: ramzlashtirilsa, ijtimoiy normalardan aziyat chekayotgan individualizm va shu vajdan jamiyatdan uzoqlashishni afzal bilguvchilar haqida so'zlangani anglanadi. Muallifning esa bu mavzularga ishora qilganiga shubham bor...

Poema romantik motivlar asosida yaratilgan, aynan shu harakat belgilariga urg'u beriladi. Qiynalish, yolg'izlik, isyon va boshqa depressiv elementlar katta yoshdagi teran odamda kechadigan tushkunlikdan farq qiladi. Bu sodda va o'smir bolaning injiqligi misol emotsional hamda qisqa, qaysidir ma'noda konkret yakunni taqdim qilish uchun sayozdek. Poema ekzistensial mavzularni ochib berish uchun yozilishiga qaramasdan, muallifning romantizmga qayta to'xtalishi katta salmoqni egallaydi.

Tanlanilgan mavzusi va demon obrazini neytral darajaga olib chiqish asarning katta yutug'i. Odatda boshqa asarlarda antogonist qiyofasida namoyon bo'ladigan iblis timsoli Lermontov qalamida insoniy qahramon sifatida ko'rsatiladi. Va sof muhabbatning insonlarga emas, iblisga berilishi - hammadan ko'ra ko'proq qadrlaydigan mavjudotga in'om etilishi - asarni harakatga keltiruvchi asosiy nuqta bo'lgan.

Poemaning o'zi nima haqida deguvchilar uchun sevgi-muhabbat va yolg'izlik haqida deya javob berardim.

Sof she'riyat va professional tarjimani sevuvchilar uchun tavsiya qilib qolaman. Umumiy qaralganda mifologiyaga murojaat qilingan asarlarni yoqtirmayman, shaxsiy bahoyim 3/5 🍷

📎 Poemani o'qish

@larasinsight