ကိုထင် (ခ) လင်းမြတ်

ပုဗ္ဗနိမိတ်
*****
အကျဉ်းဦးစီးဌာနရဲ့ ရဲဖက်စခန်းတွေမှာဆို အဲသလိုအဖြူဝမ်းဆက်တွေ။ အေးလေ … ကြိုဝတ်ကြည့်ထားတော့ ကျင့်သားရတာပေါ့။ အာဂျင်တီးနားကဝရမ်းလောက်ထုတ်နိုင်တာပါ။ တကယ်ဖမ်းမှာက ငါတို့ရဲ့ဂျန်ဇီ PDF တွေပါလေ ….. ။ ။


လေးစားလျက်
ကိုထင် (ခ) လင်းမြတ်

အဖိုး ဦးအောင်ဆန်း
**************

နှစ်ပေါင်း (၁၁၀) ရှိခဲ့ပြီ။
နေရာမှားပြီးပွင့်ခဲ့ရှာတဲ့ပန်း။ ယုတ်မာတဲ့မြေနဲ့မတန်ပါဘူးလေ ….. ။ ။

လေးစားလျက်
ကိုထင် (ခ) လင်းမြတ်

အရပ်ရှည်နည်း
********
အရပ်ရှည်ချင်ရင် ဘားခိုရသတဲ့။ အဆစ်တိုတကောင်ဟာ ဒီသော့ချက်ကိုကောင်းကောင်းသိလေတော့ ကလောဘားကို နေပြည်တော်အထိပင့်ပြီးခိုတော့တာဘဲပေါ့ ….. ။ ။

လေးစားလျက်
ကိုထင် (ခ) လင်းမြတ်

မကောင်းမှုမှန်သမျှမလုပ်ရ
*********************
အနှီပုဂ္ဂိုလ်ဟာ သူ့အသိုင်းအဝိုင်းမှာတော့ တရားထူးတရားမြတ်ရရှိထားသူအဖြစ်နာမည်ကြီးပါတယ်။

ဗုဒ္ဓသာသနာအတွင်းမှာ တရားထူးတရားမြတ်ရရှိထားသူတယောက်ဟာ “သတ္တဝါအများအပြားထိခိုက်ပျက်စီးစေတတ်တဲ့အလုပ်တခုကိုလုပ်ကိုင်အသက်မွေးနေတယ်” ဆိုတဲ့အချက်ဟာ မြတ်ဗုဒ္ဓရဲ့အခြေခံအကျဆုံး အဆုံးအမဖြစ်တဲ့ “သဗ္ဗပါပဿ အကရဏံ (သို့) မကောင်းမှုမှန်သမျှမလုပ်ရ” ဆိုတာနဲ့ ပြဒါးတလမ်းသံတလမ်း ဆန့်ကျင်လို့နေပါပြီ။ ဆောင်းပါးကရေးသားထားသလိုသာမှန်ကန်ခဲ့မယ်ဆိုရင် ဗုဒ္ဓသာသနာရဲ့ပြင်ပနည်းလမ်းနဲ့ရှင်သန်သူဖြစ်နေတာကြောင့် ဗုဒ္ဓသာသနာထဲကစင်ကြယ်မှုမှတ်တိုင်များနဲ့ လားလားမျှမသက်ဆိုင်သူသာဖြစ်သွားပါလိမ့်မယ်။

ကာယကံရှင်အနေနဲ့ဘယ်လိုဖြေရှင်းလာမယ်ဆိုတာကတော့ စိတ်ဝင်စားစရာပါဘဲလေ … ။ ။

အရာရာကိုချင့်ယုံနေတဲ့
ကိုထင် (ခ) လင်းမြတ်

ဂါဇာ
****
ဂါဇာဆိုတာဟာ တနှစ်ပတ်လုံးမြေထဲပင်လယ်ရာသီဥတုရှိတဲ့အရပ်။ အမေရီကန်ပြည်ထောင်စုမှာဆိုရင် ကလီဖိုးနျားပြည်နယ် လော့ဇ်အန်းဂျလစ်ဇ်တို့ ဆန်ဒီယေးဂိုတို့ရဲ့ရာသီဥတုနဲ့တောင်ဆင်တူပါသတဲ့။ ဒါကတော့ ဂါဇာရဲ့အလှတရားပေါ့။

“ဂါဇာကိုအမေရီကန်ကလက်လွှဲယူပြီး ပြန်လည်ထူထောင်ရေးလုပ်မယ်၊ ပါလက်စတိုင်းတွေကတော့ အီဂျစ်နဲ့ဂျော်ဒန်ကိုထွက်ခွါပေးရမယ်” ဆိုတဲ့ သမ္မတထရမ့်ပ်စကားကတော့အတော်လွန်ပါတယ်။ အေးလေ၊ ဒါကလည်း ပရမ်းပတာပြောတတ်တဲ့သူ့ရဲ့စရိုက်အရ အရိုးစွဲနေတဲ့စတန့်တွေထဲကတခုဘဲပေါ့။ အာရပ်တွေကြီးစိုးနေခဲ့တဲ့အရပ်ထဲမှာ အစ္စရေးနိုင်ငံကိုဇွတ်ထူထောင်ခဲ့တဲ့ ၁၉၄၈ ကနေဒီနေ့အထိ ပြဿနာတွေကငြိမ်းချမ်းမသွားသေးဘူး။ ဒီလောက်တောင်ပြဿနာတွေများရတဲ့ကြားထဲ ထရမ့်ပ်ရဲ့ဒီစကားဟာ မဆုံးနိုင်တဲ့အမုန်းတရားနဲ့စစ်မီးလျှံကိုမွေးယူခြင်းသက်သက်သာဖြစ်လာလိမ့်မယ်။ ပထမသက်တမ်းတုန်းကလည်း ဂျေရုူဆလင်ကိုမြို့တော်အဖြစ်ဇွတ်အသိအမှတ်ပြုခဲ့ပြီးပြီ။ တကယ်ဆို ဂျေရူဆလင်မ်ဟာ ဂျူး၊ ခရစ်ယာန် နဲ့ အစ္စလာမ် ဘာသာတရားသုံးခုလုံးနဲ့သက်ဆိုင်တဲ့မြို့။ ဒါကြောင့် ကျင့်ဝတ်သိက္ခာအရမလုပ်ရမယ့်အလုပ်ကို လုပ်ခဲ့ခြင်းသာဖြစ်တယ်လို့ဘဲပြောရလိမ့်မယ်။

နောက်တခုက တရားသောနည်းလမ်းကိုအသုံးပြုပြီးတော့ အစ္စရေးဟာ ဂါဇာကိုဘယ်တုန်းကမှမပိုင်ခဲ့ဖူးဘူး။ စစ်ရေးကျူးကျော်မှုတွေကိုတော့လာမပြောနဲ့ပေါ့။ UN အကြောင်းလည်းလာမပြောပါနဲ့။ UN ဟာ ၁၉၁၄ မှာဖွဲ့ခဲ့တဲ့နိုင်ငံပေါင်းချုပ်အသင်းရဲ့ New Version သာဖြစ်တယ်။ ကော့ကေရှန်တွေထင်တိုင်းမွှေချင်လို့ cover ယူထားတဲ့အဖွဲ့အစည်းတခုသက်သက်ပါဘဲ။ အခု ဗမာပြည်၊ အစ္စရေး-ပါလက်စတိုင်း နဲ့ ဆူဒန်ကိစ္စတွေထဲ ဘယ်နေရာမှာမှစောက်သုံးမဝင်တာလက်တွေ့ပါဘဲ၊ ကော့ကေရှန်အကျိုးစီးပွါးမှမပါတာလေ။ ဒါကြောင့် ဂါဇာဟာအစ္စရေးတောင်မပိုင်တာပါဆိုမှတော့ အမေရီကန်ဆိုဝေလာဝေးပေါ့။ ထရမ့်ပ်လုပ်ပုံဟာ ပွဲဆူအောင်လုပ်တဲ့လုပ်ကွက်တခုထက်ဘာမှမပိုဘူး။ အကျိုးဆက်အနေနဲ့ သက်ကြီးရွယ်အိုတွေ လူမမယ်ကလေးတွေ ကြားကနေအချောင်သေကြရဦးမှာ။ ငယ်ငယ်က စူးအီဇိုက်လုပ်ပြီး ဘော်ရ်ကုံးတွေခွဲကြတာမြင်ရရင် “ငှယ် … ဒီကလော်ရ်ကားတွေဆိုးလှချည်လား” ဆိုတဲ့အမြင်သာရှိခဲ့ဖူးတာ။ အခုကျတော့ “အေ့လေ တရားမျှတမှုကို ဘယ်သူတောင်းစားကမှလာမပေးလေတော့ ရှင်နေလည်းမထူးတော့ပြီမို့ အသက်ကိုရင်းပြီး ကိုယ့်ရပ်တည်ချက်နဲ့ဆန္ဒကိုဖော်ပြတယ်” လို့သာသတ်မှတ်လိုက်တော့တယ်။ ကိုယ့်အသက်ကိုတောင်မနှမြောတဲ့အထိနာကျည်းရတယ်ဆိုတဲ့အဆင့်ဟာ အဆုံးစွန်ဆုံးဖြစ်သွားပြီကိုး။

ဒီကမ္ဘာဟာ လူတွေထက် ဉာဏ်ရည်နဲ့နည်းပညာအဆမတန်မြင့်မားတဲ့ Alien တွေလာအုပ်ချုပ်မှသာ ငြိမ်းချမ်းရေးဆိုတာဖြစ်လာတော့မှာပါ။ ခုအတိုင်းကတော့ ဂိတ်လွန်ဖျင်တဆုံးယားကြသူတွေကြောင့် ငြိမ်းချမ်းရေးဆိုတာဟာ ရေမှာအရုပ်ရေးသလိုသက်သက်ပါဘဲလေ ….. ။ ။

လေးစားလျက်
ကိုထင် (ခ) လင်းမြတ်

ဖြစ်နိုင်ချေ
******
“ထိုင်းနိုင်ငံကိုသွားခဲ့တာ ဗီဇာမလို၊ Passport မရှိခဲ့ဘဲသွားခဲ့တယ်” တဲ့။ အမယ် … ဒီအတိုင်းတောင်ပြန်လာလိုက်သေး ဆိုဘဲ။

ကြည့်ရတာ လူကုန်ကူးတဲ့အဖွဲ့တွေကခေါ်သွားပေးတာဖြစ်မယ်၊ လှုပ်ရှားဖို့ကျတော့ ဟိုဖက်မှာစျေးကွက်မဝင်တဲ့အခါ ပြန်အပို့ခံရ။ ဒါဘဲတွေးလို့ရတယ် … ။

ဘာသာတရားတွေရဲ့အရိပ်ကိုခိုပြီး ပရမ်းပတာတွေပြော လိမ်ညာစားကြသူတိုင်းဟာ အင်မတန်စက်ဆုပ်စရာကောင်းတယ်။ အဲသလိုလူစားတွေဟာ ကိုးကွယ်ယုံကြည်မှုတိုင်းရဲ့ဆိုင်းဘုတ်တွေအောက်မှာရှိနေတတ်ကြပါတယ်။ သူတို့အားလုံးရဲ့ဘုံတူညီချက်ကတော့ “အမှန်တရားဖက်မှာ လုံးဝ မရပ်ကြခြင်း” ပါဘဲ။ အမှန်တရားဖက်မှာရပ်မိရင် ပုံးကြောင်သွားနိုင်တယ်မဟုတ်လား၊ ဗမာပြည်မှာဆို အခန့်မသင့်ရင် စစ်ကြောရေးတောင်ရောက်ပြီး နောက်နေ့မှာ “အလောင်းလာထုတ်ပါ” ဆိုတာမျိုး ဖြစ်သွားနိုင်တယ်လေ ….. ။ ။

လေးစားလျက်
ကိုထင် (ခ) လင်းမြတ်

တံဆိပ်သစ်
*******
နာဇီအလေးပြုပုံဒီဇိုင်းမျိုးလုပ်ခဲ့တဲ့ အီလန်မာ့စ်ရဲ့ တက်စ်လာတံဆိပ်သစ် တဲ့ ….. ။

လေးစားလျက်
ကိုထင် (ခ) လင်းမြတ်

DeepSeek ဠီးဖြစ်ခန်း
****************
ခေါင်းစဉ်ရိုင်းရိုင်းအတွက်တော့ “ဆောရီး” ပါဘဲ။ ဒီလိုခေါင်းစဉ်မျိုးသာတပ်ချင်တာမို့ကိုတပ်ကိုတပ်လိုက်ရခြင်းဖြစ်ပါတယ်။ မှန်တာပြောရရင် DeepSeek ဟာ ChatGPT ကိုပုခုံးချင်းယှဉ်တော့မလားရယ်လို့ ခနတဖြုတ်လောက်အယူတိမ်းမိခဲ့တာကိုလည်းဝန်ခံပါတယ်။ ကွန်မြူနစ်အစိုးရတွေဟာ သိပ်ရယ်ရတယ်၊ အဝေဖန်ခံနိုင်ဖို့ဝေးစွ အမေးတောင်မခံနိုင်ရှာဘူး။ ရှီကျင့်ဖျင်ရဲ့ပေါ်လစီတွေ ကွန်မြူနစ်တရုတ်ပြည်တွင်းကကိစ္စတွေမပြောနဲ့ သူတို့နဲ့အမြှီးချင်းချည်ပြီး အကျိုးစီးပွါးချင်းယှက်နွယ်ထားတဲ့စစ်ရာဇဝတ်ကောင်ကိုတောင်မှအထိမခံဘူး။ စိတ်ချ၊ ဒီလိုနှောင်ကြိုးတွေနဲ့ DeepSeek ဟာ လုံးဝ ဆက်ပြီးအောင်မြင်စရာမရှိဘူး။ ဒီလိုတွေပြောလို့ ဒီမိုကရေစီနိုင်ငံတွေကိုလည်းအထင်ကြီးနေတယ်မထင်လိုက်ပါနဲ့။ အမေရီကန်တော့ မီးလောင်လိုက် မုန်တိုင်းမွှေလိုက်နဲ့ဒုက္ခပင်လယ်ဝေနေတာပါ။

ကြားဖူးတဲ့ဟာသလေးတခုနဲ့အဆုံးသတ်ပါရစေ …
ကလေးတယောက်ကသူ့ကျောင်းကသင်ပေးလိုက်တဲ့နိုင်ငံရေးစနစ်တွေအကြောင်းနားမရှင်းလို့ သူ့အဖေကိုမေးသတဲ့ …
“ဖေဖေ ဖေဖေ ဒီမိုကရေစီနဲ့ကွန်မြူနစ်စနစ် ဘာကွာလဲဟင် ???” တဲ့၊
အဖေကခနစဉ်းစားပြီး ရှင်းလင်းပြတ်သားတဲ့အဖြေတခုပေးသတဲ့ …
“အေး ငါ့သားရေ ကွန်မြူနစ်စနစ်မှာလူတွေကအစိုးရကိုဘာမှပြောလို့မရဘူး၊ အစိုးရကလည်း ဘာမှလုပ်မပေးဘူးကွာ့” တဲ့။
သားဖြစ်သူက “ဒီမိုကရေစီစနစ်ကရောဖေဖေ?” တဲ့ …
အဖေက “အေး ငါ့သားရေ ဒီမိုကရေစီစနစ်မှာတော့ လူတွေကအစိုးရကိုပြောဆိုဝေဖန်လို့ကောင်းကောင်းရတယ်ကွာ့၊ အဲ … အစိုးရကတော့ ဘာမှပြန်မလုပ်ပေးဘူး” တဲ့ဗျား။ တကယ်တော့ တလောကလုံးကအစိုးရဆိုသည်များဟာ အဆိုးဒီဂရီသာကွာခြားကြတာပါလေ။ ကောင်းတဲ့အစိုးရဆိုတာကတော့ IDEAL ပါဘဲ။ အဟင်း … IDEAL ဆိုတာဟာ “မရှိဘူး” ဆိုတဲ့စကားလုံးအတွက် အယဉ်ကျေးဆုံးသောအသုံးအနှုံးပါဘဲ ….. ။ ။

လေးစားလျက်
ကိုထင် (ခ) လင်းမြတ်

ဆရာဦးကိုနီသို့တမ်းချင်း
******************

ဆရာရေ
ဉာဏ်ပညာဟာ ခိုင်မာမြဲမြံတာမို့
ကျည်ဆံတွေဟာမဖောက်နိုင်ဘူး
ကျည်ဆံမဖောက်နိုင်တာမှန်သမျှကို
လက်နက်ကိုင်တိုင်းကြောက်ကြတယ်ဆရာ။
ဒါကြောင့် မခိုင်မာတဲ့ဆရာ့ခန္ဓာကိုယ်ကိုဘဲ
သေနတ်သမားတွေကရန်ရှာခဲ့တာပေါ့ ...

ဆရာရေ၊
ယုံကြည်မှုဟာ ထက်သန်တောက်ပတာမို့
အကြမ်းဖက်ခြင်းဟာမလွှမ်းနိုင်ဘူး
အကြမ်းဖက်ခြင်းမလွှမ်းနိုင်တာမှန်သမျှကို
လက်နက်ကိုင်တိုင်းကြောက်ကြတယ်ဆရာ
ဒါကြောင့် အပိုဆောင်းမပါတဲ့ဆရာ့အသက်ကိုဘဲ
အဓမ္မဝါဒီတွေကခြွေယူခဲ့တာပေါ့ ...

ဆရာရေ
စေတနာဟာ ဝင်းလက်ရှင်းသန့်တာမို့
မစ္ဆရိယဟာမဖယ်ရှားနိုင်ဘူး
မစ္ဆရိယမဖယ်ရှားနိုင်တာမှန်သမျှကို
လက်နက်ကိုင်တိုင်းကြောက်ကြတယ်ဆရာ
ဒါကြောင့် စေတနာကောင်းတဲ့ဆရာ့နှုတ်ကိုဘဲ
အန္ဓဗာလတွေပိတ်ခဲ့ကြတာပေါ့ ...

ဆရာရေ
ဆရာ တာဝန်ကျေခဲ့ပါတယ်
ဆရာ အောင်မြင်ခဲ့ပါတယ်
ဆရာ အထမြောက်ခဲ့ပါတယ် ...
တိုင်းပြည်ကတော့
ရုန်းကန်နေဆဲ
ကျရှုံးနေဆဲ
နစ်မြုပ်ဆဲပါ ...
ကျန်ရစ်သူတွေတတ်နိုင်တာဆိုလို့
ဆရာတို့လို အာဇာနည်တွေကို
သတိရလွမ်းဆွတ်ခြင်းသက်သက်မျှသာပါလေ ..... ။ ။


စိတ်မကောင်းဖြစ်နေရဆဲ
ကိုထင် (ခ) လင်းမြတ်

တရက်ထဲ ကန်ဒေါ်လာ ၁.၅ ထြီလျံဆုံးရှုံး
*********************************
ကွန်မြူနစ်တျုတ်ဖြစ် DeepSeek AI Model ကြောင့် ကန် Stock Market မှာ ဒေါ်လာ ၁.၅ ထြီလျံဆုံးရှုံးနစ်နာသွားပါတယ်။ စိနဘာတွေလုပ်ဦးမှာလဲ ကန်ပညာရှင်တွေတန်ပြန်နိုင်ပါ့မလားဆိုတာ စိတ်ဝင်စားစရာပါ ….. ။ ။

https://youtu.be/vdIG_ALOivI?si=36VeJ9tFVA5KZ65Y


လေးစားလျက်
ကိုထင် (ခ) လင်းမြတ်

Channel ကို Subscribe, RCS များလုပ်ပေးကြဖို့ မေတ္တာရပ်ခံပါတယ်။

နားကားတော့မယ်
*************

DSA ကို ပျဉ်းမနားရွှေ့မတဲ့။ ဒီဖက်မှာက “လမ်းများအားလုံးနေပြည်တော်ဆီသို့” ။ ကိုချေတို့တောင် ပဲခူးတိုင်းထဲရောက်နေပြီ။ ၂၀၂၅ ဟာ အဆစ်တိုရဲ့နေဝင်ချိန်သာ … ။

လေးစားလျက်
ကိုထင် (ခ) လင်းမြတ်

အကြွေး !!!!!
********

နေစိုးမောင်ကိုထောင်သုံးနှစ်ချတာလောက်မပြောနဲ့၊ သန်းရွှေကိုထောင်ထဲထည့်ပြတောင် ကိုဂျင်မီနဲ့ဇေယျာသော်တို့အတွက်အငြိုးဟာ မပြေဘူးမှတ်ပါလေ ….

လေးစားလျက်
ကိုထင် (ခ) လင်းမြတ်

တျုတ်လင်မယား
************
လင်နာမည်က - ဖန်ရှောက်ခင်
မယားနာမည်က - ဠီးဝင်ပြုံး

ကြားနာမှုနဲ့ ဗမာပြည်အတွက်အလားအလာ
***********************************
၂၀၂၅ ဂျန္နဝါရီ (၂၁) မှာ အမေရီကန်နိုင်ငံဆိုင်ရာ ကုလသမဂ္ဂသံအမတ်လောင်းကို လွှတ်တော်ကြားနာပွဲလုပ်ခဲ့ကြပါတယ်။ အဲသလိုစကားပြောကြတဲ့အထဲ ဗမာပြည်ရဲ့ပြဿနာအကြောင်းလည်းပါလာတာမို့ ဒီသံအမတ်သစ်တက်လာရင် ဗမာပြည်အတွက်ဘာတွေများအကျိုးသက်ရောက်မှုရှိလာနိုင်မယ်ဆိုတာကို ဒီမှာပြောထားပါတယ်ဗျာ့။ Channel ကို Like & Subscribe လေးများလည်းလုပ်ပေးခဲ့ကြဖို့ မေတ္တာရပ်ခံပါရစေ ….. ။

https://youtu.be/teT5Mcxcu3M?si=7SlMOPLMBUQN0JE1

လေးစားလျက်
ကိုထင် (ခ) လင်းမြတ်

ခွိ
**
မေးတတ်လက်ထှာ …
“ခွိ” ကနဲ အသံထွက်အောင်ရယ်မိသွားတယ်။ “ဆိတ်လစိမဟုတ်ကြောင်းသက်သေပြဖို့ မြဝတီကိုသိမ်းပြီး တလရဖက်ကိုအပ်” လို့ပြောရင် ကွီးချစ် စိတ်ဆိုးမလားမသိဝူး …
😁😁😁😁😁

လေးစားလျက်
ကိုထင် (ခ) လင်းမြတ်

ရာဇောဝါဒ နဲ့ သုနခေါဝါဒ
*******************
“ရာဇောဝါဒ” ဆိုတာ ရာဇဆိုတဲ့မင်းကိုပေးသောဩဝါဒလို့ဆိုတယ်။ “သုနခေါဝါဒ” ဆိုတာကတော့ သုနခေါကိုပေးတဲ့ဩဝါဒပေါ့လေ။ “သုနခေါ” ဆိုတာ “ဘာ” ကိုဆိုတယ်ကိုတော့ ကြောင့်ကြစိုက်ပြီးဂူဂယ်လ်ကြစေလိုပါတယ်။

၂၀၂၅ ဂျန္နဝါရီ (၂၀) မှာ သမ္မတထရမ့်နန်းတက်တယ်ပေါ့။ သူ့ကို “ရာဇ” လို့ခေါ်မယ်။ ကြိုက်တာမကြိုက်တာတပိုင်းထား၊ သူဟာ သူ့နိုင်ငံကမဲဆန္ဒရှင်ပြည်သူအများစုတင်လို့ဖြစ်လာတဲ့ သမ္မတ သို့တည်းမဟုတ် မင်း ဖြစ်ပါတယ်။ သူ့ပေါ်လစီတွေကတော့ လှုပ်လှုပ်ခတ်ခတ်ပါဘဲ။ အဲ … သူ့ကျမ်းကျိန်ပွဲနဲ့နန်းတက်ပွဲအစီအစဉ်အတွင်းမှာဘဲ သူတို့ဘာသာရေးဆိုင်ရာခေါင်းဆောင်တယောက်ဖြစ်တဲ့ Bishop Mariann Budde က သူ့ကို “မေတ္တာရပ်ခံပါတယ်” ဆိုတဲ့စကားသုံးပြီး ဩဝါဒပေးခဲ့ပါတယ်။ တိုတိုပြောရရင် LGBTQ တွေ၊ နိုင်ငံတွင်းရွှေ့ပြောင်းဝင်ရောက်နေထိုင်ကြသူတွေ၊ နိုင်ငံသားတွေအားလုံးအပေါ်မှု ဂရုဏာတရားလက်ကိုင်ထားဖို့ပါဘဲ။ ဒီစကားကို ထရမ့်မကြိုက်ပါဘူး၊ မကြိုက်ကြောင်းလည်း သတင်းထောက်အမေးကိုပေါ်တင်ပြန်ဖြေပါတယ်။

ဗမာပြည်မှာ အဆစ်တိုတကောင်စွရူးတွေထ၊ မာရဝိဇယဆိုတဲ့စကျင်ကျောက်ရုပ်တုကြီးတခုကို ကြပ်ပြေးနေပြည်တော်မှာထုဆစ်ပြီး ၂၀၂၃ မှာဖွင့်ပွဲလုပ်ခဲ့တာမှတ်မိကြဦးမှာပါ။ အပ္ပနားသီတဂူဂတုံးတောင် “စမိုင်းလင်း” ဆိုပြီး ခုံပေါ်ထိုင်ရင်းအဆစ်တိုကို ဘောလှမ်းမလိုက်သေးပါရောလား။ အဆစ်တိုကတော့ ပြည်သူတင်မြှောက်ထားတဲ့အစိုးရဆီကအာဏာကိုလုတော့ သုနခေါ လို့ဆိုရမယ်။ သူ့ကို ကျောက်မဲဆရာတော်က သုနခေါဝါဒ ချီးမြှင့်ခဲ့တယ်။ “မကောင်းမှုရှောင်၊ ကောင်းမှုဆောင်၊ ဖြူအောင်စိတ်ကိုထား” တဲ့။ သေချာတယ် သုနခေါတို့လို အ-ဟိတ်ပဋိသန္ဓေသမားတွေ ဒီဩဝါဒကိုနားလည်စရာအကြောင်းမရှိဘူးရယ်။

Bishop Mariann ရော ကျောက်မဲဆရာတော်ပါ ဆိုသင့်တဲ့စကား ပေးသင့်တဲ့ဩဝါဒကို ဆိုကြပေးကြခဲ့တဲ့အတွက် သူတို့ဟာ ဆိုင်ရာဘာသာများရဲ့ သာသနာ့ဝန်ထမ်းကောင်းတွေဖြစ်ကြပါပေတယ်လို့ လေးစားသမှုအပြည့်နဲ့ ဦးညွှတ်ဂါရဝ ပြုရပါကြောင်းလေ ….. ။ ။

လေးစားလျက်
ကိုထင် (ခ) လင်းမြတ်

ခေါင်းဆောင်မှုသည်အခရာ
*****************
ခေါင်းဆောင်မှုဟာဘယ်လောက်အရေးကြီးသလဲဆိုတာကို ဒီမိုကရေစီဘိုးအေ အမေရီကန်ကပါသက်သေပြလိုက်တဲ့ဖြစ်ရပ်ကတော့ လတ်တလောဖြစ်သွားခဲ့တဲ့ လော့စ်အန်းဂျလစ်မီးလောင်မှုပါဘဲ။ အရင်ကလည်း ပိုစ့်တခုနှစ်ခုမှာ “အမေရီကန်ဟာ ခေါင်းဆောင်မှုကပ်သင့်နေကြောင်း” ရေးပြခဲ့ဖူးပါတယ်။ သေချာတာကတော့ ပင်မအကြောင်းအရာမဟုတ်လို့ ဇောင်းသိပ်မပေးခဲ့ဘူးပေါ့။

ဒီနေ့ဘဲ LA မှာနေတဲ့ ငယ်သူငယ်ချင်းတယောက်ဆီဖုန်းဆက်ပြီး သတင်းမေး၊ စကားပြောတော့မှ မီးသတ်ပိုက်ခေါင်း (Fire hydrant) တွေထဲ ရေလုံလောက်အောင်မရှိတာ၊ မီးငြိမ်းသတ်မှုတွေမထိရောက်တာအပြင်၊ ကယ်ဆယ်ရေးတွေပရမ်းပတာဖြစ်တာ၊ မျှော်မှန်းထားတာထက်ပိုဆိုးရွားနေခဲ့တဲ့မီးသတ်စနစ်များရှိနေတာတွေကိုပါသိခဲ့ရပါတယ်။ မီးသင့်တဲ့နေရာတွေထဲ ဟောလီးဝုဒ်ရုပ်သံလောကကနာမည်ကြီးတွေရဲ့တန်ဖိုးကြီးအိမ်ယာတွေပါကုန်တဲ့အပြင် သူဌေးရပ်ကွက်တွေပါထိခိုက်ခဲ့တာကြောင့် ဒီပိုစ့်ရေးနေတဲ့အချိန်အထိ ဆုံးရှုံးမှုတန်ဖိုး ဒေါ်လာဘီလျံများစွာရှိနေခဲ့ပြီလို့သိရပါတယ်။ တကိုယ်စာသုံးသပ်မှုအရတော့ အိမ်တွေတင်ဆုံးရှုံးတာမဟုတ်ဘဲ အခြားသော Infrastructure များ၊ အိမ်တွေထဲစုဆောင်းသိုမှီးထားတဲ့ အဖိုးတန်ဇိမ်ခံပစ္စည်းများနဲ့ အနုပညာလက်ရာများပါထည့်တွက်ရင် အာမခံကုမ္ပဏီတွေအနေနဲ့ ဆုံးရှုံးလေသမျှပေးလျော်ဖို့ ဖြစ်နိုင်မယ််မထင်ပါဘူး။ အာမခံ စထားကတည်းက “ဘယ်ပမာဏအထိသာလျော်မယ်” ဆိုတဲ့ T&C တွေသတ်မှတ်ထားပြီးသားလည်းဖြစ်နေလို့ပါ။ ဒါကတော့ မီးသင့်ရပ်ဝန်းရဲ့လက်ရှိအနေအထားနဲ့ အလျင်အမြန်ဖြစ်ပေါ်လာတော့မယ့် နိုင်ငံရေး-လူမှုရေးအခင်းအကျင်းဖြစ်ပါတယ်။

မီးကြောင့်ဖြစ်ပေါ်လာတဲ့အဆုံးအရှုံးဟာ ကန်တနိုင်ငံလုံး GDP ရဲ့အစိတ်အပိုင်းတခုစာဖြစ်လာမယ့်ကိစ္စမို့ ပေါ့ပေါ့မဟုတ်ပါဘူး။ တောမီးဘေးအမြဲခြိမ်းခြောက်ခံနေရတဲ့ကယ်လီဖိုးနျားဟာ ၂၀၂၄ GDP ဒေါ်လာ ၄ ထြီလျံကျော်ရှိတဲ့အပြင် ကြီးမားတဲ့ပြည်နယ်အခွန်ကိုလည်းကောက်ခံနေတာကြောင့် ပြည်နယ်အစိုးရတခုလုံးရဲ့ဖင်ထိုင်ခုံကို ဒီမီးကိစ္စကဆွဲလှုပ်မှာကျိန်းသေနေပါပြီ။ အခုတောင် Celebrities တွေတဦးချင်းစီက ဗဟိုအစိုးရ၊ ပြည်နယ်အစိုးရ နဲ့ Governor Newsom ကိုမေးခွန်းတွေထုတ်နေကြပါပြီ။ ထုတ်လည်းထုတ်သင့်ပါတယ်။ မီးအန္တရာယ်အမြဲရှိနေတဲ့ဒေသမှာ အမြဲဘဲတောမီးလောင်နေတဲ့ကိစ္စဟာ ကမ္ဘာ့ထိပ်တန်းတိုင်းပြည်တခုအတွက်တော့ ရှက်ဖွယ်လိလိပါဘဲ။ သက်ကြားအို POTUS ဘဒင်ကတော့ ရက်ပိုင်းလောက်သာသမ္မတသက်တမ်းကျန်ချိန်မှာ တောပြောတောင်ပြောတွေပြောရင်း စင်ပေါ်ကနေဖင်ခါပြီးဆင်းသွားတော့မှာပါ၊ ရာဇဝတ်မှုတွေနဲ့သူ့သားကို သမ္မတလွတ်ငြိမ်းချမ်းသာခွင့်လည်းပေးပြီးပြီမဟုတ်လား။ ကောက်ခါငင်ခါ “ကလီဖိုးနျားယားမီးဘေးအတွက် ဗဟိုအစိုးရကနေ Lump sum ဒီလောက်ပေးတယ်” ဆိုပြီး ဆင်းခါနီးထလုပ်ရင်လည်း ဒါဟာအခွန်ထမ်းပြည်သူများရဲ့ပိုက်ဆံတွေသာဖြစ်နေမှာပါ။ ငွေရိုက်ထုတ်ရင်လည်း ငွေဖောင်းပွမှုဒဏ်ကို နိုင်ငံသားတွေအလူးအလဲခံကြရဦးမှာပါ။ အမေရီကန်နေသူများအတွက် မကောင်းတဲ့အချက်တခုပေါ့လေ။

ချုပ်ရရင်
ခေါင်းဆောင်မှုညံ့ဖျင်းခြင်းဟာ အခြား ဖွံ့ဖြိုးပြီး၊ ဖွံ့ဖြိုးဆဲတိုင်းပြည်တွေမဆိုထားနဲ့ အမေရီကန်လိုတိုင်းပြည်မှာတောင်တိုင်ပတ်တယ်ဆိုတာကိုထောက်ပြချင်တာပါ။ ဒါကြောင့်မို့ ဘယ်တိုင်းပြည် ဘယ်အဖွဲ့အစည်းမဆို ခေါင်းဆောင်မှုညံ့ဖျင်းရင်ဖြင့် နားကားဖို့သာပြင်ပေတော့ လို့သာဆိုလိုက်ရပါကြောင်း ….. ။ ။

လေးစားလျက်
ကိုထင် (ခ) လင်းမြတ်

မှတ်ချက် ။ ။ ဆုံးရှုံးမှုတန်ဖိုးများမှားယွင်းနေသောကြောင့် ပြန်လည်ပြင်ဆင်ထားပါသည်။

လော့စ်အန်းဂျလစ်ဇ်မီး
****************

တပြေးညီ
*****
စာထဲမှာတော့ဒီစကားကို “Across the board” လို့ပြောဆိုရည်ညွှန်းလေ့ရှိကြတယ်ပေါ့။

အဆစ်တိုအုပ်စိုးမှုအောက်မှာ မီးတွေဖြတ်၊ ရေတွေပြတ်တော့ ဖက်ဆစ်တပ်အသိုင်းအဝိုင်းလည်းခံရတယ်၊ စစ်ဘောမ တွေလည်းခံရတယ်၊ ဖြူဖြူထွေးအောက်က Follower ၁၁ သန်းကျော်လည်းခံရတယ်၊ Non-CDM တွေလည်းခံရတယ်၊ အချောင်သမားတွေလည်းခံရတယ်၊ ခြံစည်းရိုးခွထိုင်တဲ့သူမှန်သမျှလည်းခံရတယ်၊ “ကိုယ်လုပ်မှကိုယ်စားရတာ” လို့ကြွေးကြော်ခဲ့သူများလည်းခံရတယ်၊ တော်လှန်ရေးနဲ့ပါတ်သက်ပြီး ဘာစောက်လုပ်မှမလုပ်ဘဲနဲ့ “မင်းတို့တော်လှန်ရေးဘယ်တော့ပြီးမှာတုန်း?” လို့မေးခွန်းထုတ်သူတွေလည်းခံရတယ်၊ အဲ … တော်လှန်ရေးဖက်ကလူမှန်သမျှလည်းခံရပါတယ်။ တခွန်းထဲပြောရင်တော့ တပြည်လုံးမှာ “Across the board” ပေါ့လေ။

ဘာတွေကွာသွားသလဲဆိုရင်တော့ တော်လှန်ရေးဖက်ကို လုံးဝ ခြေစုံပစ်ထောက်ခံ-ကျားကန်ထားသူမှန်သမျှဟာ ဘဝနဲ့အသက်ခန္ဓာကိုစတေးထားကြပြီး “ဒီပွဲမပြတ်လို့မရဘူး !!!” ဆိုတဲ့ခံယူချက်ခိုင်မာကြတယ်။ ဟုတ်-မဟုတ် သိချင်ရင် ဖက်ဆစ်တပ်ကမီးရှို့သုတ်သင်တာကိုခံခဲ့ရတဲ့ PDF လေးနှစ်ယောက်ရဲ့ဗီဒျိုကိုပြန်ကြည့်လိုက်ကြရုံပါဘဲ။ အဲ … တော်လှန်ရေးရဲ့ဖီလာနဲ့ ကင်းကွာတဲ့နေရာက ကျား-မ-ကြီး-ငယ်တွေအတွက်ကတော့ လောကငရဲပေါ့လေ။ ဆင်းရဲဟာဒီလောက်နဲ့ရပ်လိမ့်မယ်မထင်နဲ့။ အဆစ်တိုနဲ့ဖက်ဆစ်တပ်ဟာ တိုင်းပြည်ကို အဆုံးစွန်အနေအထားအထိဆွဲချသွားကြဦးမှာ၊ စိတ်သာချ။ စစ်ဟာမြို့ပြကိုရောက်လာဦးမှာ။ အဲဒီအခါကျ အခုထက်ဆိုးတဲ့အခြေအနေကိုရင်ဆိုင်ရရင် “ဪ … ငါတို့ ဓမ္မဖက်ကရပ်ခဲ့မိရင်ကောင်းမှာ …” ဆိုတဲ့ “နောင်တ” ဟာ မလွဲမသွေနှိပ်စက်ပါလိမ့်ဦးမယ်။ ခေတ်ပျက်ရဲ့လောကဓံဟာ ဆူကြုံနိမ့်မြင့်အားလုံးရဲ့အပေါ်ကိုတပြေးညီနှိပ်စက်လာတဲ့အခါမှာ ဘဝဟာ ဘယ်လိုမှပျော်စရာမကောင်းတတ်တော့တာသဘာဝပါဘဲ။ ခံနိုင်ရည်ကိုမွေးကြပေါ့လေ … ။ ။

လေးစားလျက်
ကိုထင် (ခ) လင်းမြတ်

စစ်အုပ်စုအတွက် ကံ-ကံ၏အကျိုး
***************************
အချိန်ဆယ်ရက်လောက်ကာလအတွင်းမှာဘဲ ပထမပိုင်းမှာ “ဒေါ်အောင်ဆန်းစုကြည်ကိုလွှတ်ပေးပါ” ဆိုတဲ့အသံတွေနဲ့ search fire လုပ်လိုက်တယ်ပေါ့။ ပြီးကျ “မင်းတို့အားလုံးကိုဒါဘဲထင်တယ်” ဆိုတဲ့အကွက်နဲ့ လျှော့ရက်တလခွဲပေးလိုက်တယ်။ ကိုယ်တွေက စောမောင်၊ သန်းရွှေလက်ထက်ကတည်းကဒါမျိုးအဆင်တွေမြင်ဖူးပြီးသားမို့ လုံးဝ မယုံကြည်ခဲ့ပါဘူး။ ဒါကြောင့် အိမ်ချုပ်ပြောင်းမယ်ဆိုတာမျိုးကိုတောင်မမျှော်လင့်ခဲ့။ “ငွေဆောင်ကြေငြာချက်” ဆိုတာကိုလူတွေကဝိုင်းဆဲကြတော့ အခြေအနေမဟန်တဲ့အကွက်ကိုအသာရုတ်သိမ်းပြီး Plan-A ကိုပြန်သွားလိုက်တာသက်သက်ပါဘဲ။ အဆစ်တိုအပါအဝင်အကြမ်းဖက်စစ်ဗိုလ်တွေဟာ ချီးကိုသာအားပါးတရစားချင်စားလိုက်လိမ့်မယ် ဒေါ်အောင်ဆန်းစုကြည်ကိုတော့ စိတ်ရင်းအမှန်နဲ့လွှတ်ပေးစရာအကြောင်း လုံးဝ မရှိဘူးရယ်။ သေနတ်ကိုင်ထားတာသတ္တိရှိလို့မှမဟုတ်တာ၊ ကြောက်လို့။ ကြောက်တာကမှ ကိုယ့်ယီးကိုမြွေထင်သလိုမျိုးအထိကိုကြောက်ကြတာ။ ကြောက်ဆို လုပ်ထားတာသမျှတွေဟာ ကြိုးမိန့်တဒါဇင်မကနဲ့ တသက်တကျွန်းဘဝအခုတရာမကကျခံနိုင်တာတွေချည်းမဟုတ်လား။

အဆစ်တိုအဖွဲ့ရဲ့ Search fire အစီအစဉ်အပြီးမှာတော့ ဒုတိယပိုင်းအနေနဲ့ ဒေါ်အောင်ဆန်းစုကြည်ကိုပုတ်ခတ်စော်ကားတဲ့စာတွေ၊ ပိုစ့်တွေ တွေ့လာရခြင်းပါဘဲ။ ဒါတွေမြင်တော့ ဗိုလ်သန်းရွှေလက်ထက်မှာမြင်ခဲ့ဖူးတဲ့ အောင်မင်းတို့ ဦးဖြိုးတို့ ကေတုနီလာတို့ ခြင်ကျား(မအူပင်) တို့ ဖေကံကောင်းတို့ကိုတောင်အမှတ်ရစေပါသေးတယ်။ လုပ်ကွက်ကရှင်းရှင်းလေးပါ “မင်းတို့လွတ်မြောက်စေချင်နေတဲ့သူဟာ အဲသလိုဟေ့” ဆိုတဲ့ message ကိုပေးဖို့ကြိုးစားတာပါဘဲ။ အဟက် … သိပ်ရယ်ရတဲ့အကွက်ပေါ့။ တခါသားက သီတဂူအပ္ပနားဂတုံးပြောတာကြားဖူးလိုက်တယ် “လူမိုက်ဆိုတာ နည်းမှားကြီးတွေကိုဘဲဆက်ကျင့်သုံးတတ်တယ်” ဆိုလား။ တကယ်ဆို ၁၉၈၉ လောက်တုန်းက ဒေါ်အောင်ဆန်းစုကြည်နဲ့အပြိုင် Public Figure တွေအများကြီးရယ်။ နဝတဟာဒေါ်အောင်ဆန်းစုကြည်ကို “နိုင်ငံတော်အားနှောင့်ယှက်ဖျက်ဆီးသူများရဲ့ရန်မှကာကွယ်တယ်” ဆိုသောပါးစပ်နဲ့မဆန့်တဲ့အလုံးတွေသုံးပြီးအိမ်ချုပ်ချတော့မှ လူသိများကုန်တော့တာ။ “ဟာ အောင်ဆန်းသမီးဟေ့”၊ “ဟာ ဗိုလ်ချုပ်အောင်ဆန်းမျိုးဆက်ပါလား” ဆိုပြီးဖြစ်ကုန်ကြတာအများကြီး။ သတိထားမိကြတော့မှသူ့အကြောင်းစုံစမ်းသိရှိကုန်ကြတော့တာ။ သိကုန်ကြတော့လည်း အကျိုးစီးပွါးပဓာနသမားတွေနဲ့စောက်ပေါတွေကလွဲလို့ ကျန်တဲ့သူအားလုံးသူ့ကိုချစ်ကုန်ကြတာလက်တွေ့။ နဝတလည်းပြာယာတွေခတ်ပြီး “အောင်ဆန်း ကိုဖြုတ် စုကြည် လို့ခေါ်ဝေါ်စေ” လုပ်တာတောင် ဆေးမမှီတော့ဘူး။ အခုလည်း ဒီအကွက်နဲ့ပြန်လာချေပြီပေါ့။ မီဒီယာမပွင့်လင်းခင်ကတောင်အပြည့်အဝမအောင်မြင်တဲ့ဒီနည်းဟာ ဂျန်ဇီတွေကွပ်ကဲတဲ့တော်လှန်ရေးခေတ်မှာ ဘာတွေဖြစ်လာမယ်ဆိုတာစောင့်သာကြည့်ကြပေတော့။

ဒေါ်အောင်ဆန်းစုကြည်ရဲ့ပုံရိပ်ကိုဖြိုချဖို့ကြိုးပမ်းတဲ့စစ်အုပ်စုနဲ့စစ်ဘောမတွေပစ္စုပ္ပန်မှာအဓိကသုံးကြတဲ့ issue သုံးခုရှိတယ်
(၁) အဖေအရှိန်အဝါကြောင့် ဆိုတာရယ်
(၂) နိုင်ငံခြားမှာနေခဲ့တဲ့သာမန်မိန်းမတယောက် ဆိုတာရယ်
(၃) အဂတိလိုက်စားသူ ဆိုတာရယ်ပေါ့။
စစ်အုပ်စုနဲ့စစ်ဘောမတွေအတွက်တော့ သူတို့သုံးတဲ့အကွက်ဟာ သူတို့ကိုယ်တိုင်ပက်လက်လှန်ပြီးတံတွေးထွေးနေသလိုမျိုးပါဘဲ။ ဘာကြောင့်လဲဆိုတော့ သူတို့အားလုံးဟာ ဘယ်ဥကပေါက်မှန်းမသိတဲ့ကောင်တွေဖြစ်နေခြင်း၊ နိုင်ငံခြားထွက်ရင်အဖမ်းခံရမယ့်ဝရမ်းပြေးတွေဖြစ်နေခြင်း၊ အလွဲသုံးစားသမားများ သူခိုးများ ဓါးပြများဖြစ်နေခြင်းတို့ကြောင့်ပါဘဲ။ အခုကအရင်လိုမဟုတ်တော့ဘဲတဖက်သတ်မီဒီယာခေတ်မဟုတ်တော့တာကြောင့် ဆန့်ကျင်ဖက်ဆိုးကျိုးဟာ ပြုလုပ်သူများဆီအမြန်ဆုံးပြန်ရောက်သွားတော့မှာဖြစ်ပါတယ်။ စစ်ရေးဖိအားပါသွတ်သွင်းနိုင်ရင်တော့အကောင်ဆုံးပေါ့လေ။

ကြည့်ရတာတော့ စစ်အုပ်စု-စစ်ဘောမတွေအနေနဲ့ “ဒီအဖွားကြီးကိုဖြိုလိုက်ရင် ငါတို့နိုင်ပြီ” လို့ခပ်တိမ်တိမ်တွေးပုံပါဘဲ။ ဒါပေမယ့် ဒီအဖွားကြီးစကားဖြစ်တဲ့ “ကျမကို လုံးဝ မလိုအပ်တော့တဲ့အချိန်” ဆိုတဲ့ဝါကျလေးကိုမေ့နေသလားတော့မသိပါဘူး။ အခုတော်လှန်ရေးဟာ သူမပါဘဲသွားနေတာဖြစ်ပြီး အခုနိုင်ငံရေးအခင်းအကျင်းဟာလည်း သူမပါဘဲရှေ့ဆက်နေတာပါ။ စစ်အုပ်စုကသူ့ကိုဖျောင်လိုက်မယ်ဆိုရင်တော့ ဖက်ဆစ်တပ်ရဲ့တပြည်လုံးကဟိုးအောက်ခြေရဲဘော်အထိ သေမိန့်ကျသွားမှာပါ၊ ပြည်သူနဲ့တော်လှန်ရေးဟာ ကျူပင်ခုတ်ကျူငုတ်မကျန်လုပ်ထည့်ပါလိမ့်မယ်။ သူ့ကိုပြန်လွှတ်ပေးရင်တော့ အများစုကသူ့ကိုပုခုံးပေါ်တင်ပြီး National Icon အဖြစ်ဝိုင်းပူဇော်ကြမှာပါ။ စစ်အုပ်စု-စစ်ဘောမများအတွက်ကတော့ ဆုပ်လည်းစူးစားလည်းရူးပါဘဲ။ အခွင့်အရေးကောင်းကိုဖျက်ဆီးပြီး ရွှေဥဥပေးနေတဲ့ငန်းကိုသတ်မိခြင်းဟာ ဘယ်လောက်တောင်ခါးသီးနာကျည်းစရာကောင်းတယ်ဆိုတဲ့အချက်ကို လက်တွေ့မြင်နေရပါပြီ။ ဆက်လုပ်ချင်လုပ်ကြပေါ့၊ အဓမ္မဝါဒီတွေအတွက် မနက်ဖြန်တိုင်းဟာအိပ်မက်ဆိုးဖြစ်လာနေဦးမှာပါဘဲ ….. ။ ။

လေးစားလျက်
ကိုထင် (ခ) လင်းမြတ်

2024 December လချုပ်
********************
2024 December တလလုံးရဲ့ Activists များပါဝင်မှုကို စုစည်းတင်ပြလိုက်ရပါတယ်။ AB ဟာမြေပြင်တော်လှန်ရေးအဖွဲ့များအတွက်ရည်စူးတဲ့ အန်မျူနစ်ရှင် (အင်္ဂလိပ်လိုတမင်မရေးခြင်းပါ) ထုတ်လုပ်ရေးမှာပါဝင်ပံ့ပိုးခဲ့တာတနှစ်ကျော်ခဲ့ပါပြီ။ ပါဝင်ကြတဲ့ Donor အားလုံးကို အလေးအနက်ကျေးဇူးတင်ရှိပါကြောင်း မြေပြင်အဖွဲ့များအားလုံးကိုယ်စား အလေးအနက်ဆိုပါရစေ။

တကိုယ်စာအမြင်အရ ၂၀၂၅ ဟာတော်လှန်ရေးရဲ့နောက်ဆုံးကာလဖြစ်လိမ့်မယ်လို့တွက်ဆတဲ့အတွက် ပွဲကဖို့အတွက်ကုန်မယ့်ငွေကိုမြန်မြန်နဲ့များများပံ့ပိုးနိုင်ရင် လိုရင်းအမြန်ရောက်ပြီးလွတ်မြောက်မယ် လို့သာထပ်မံ Highlight လုပ်ပါရစေ။

AB ကတော့ ဆက်သွားနေမှာပါ ….. ။ ။

လေးစားလျက်
ကိုထင် (ခ) လင်းမြတ်
Activists Burma

သုံးချိုးတချိုးကောင်
***************

Administration မှာ
တိုင်းပြည်ရဲ့သုံးဆယ့်သုံး(%)ဘဲအုပ်ချုပ်နိုင်တော့တယ်။

မီး (Power supply) ကိုလည်း
တနေ့တာရဲ့ သုံးပိုင်း-တပိုင်းဘဲ ပေးနိုင်တော့တယ်။

ကလိမ်ကကျစ်ရွေးကောက်ပွဲအတွက်သန်းခေါင်စာရင်းတောင် သုံးပုံ-တပုံ တိကျမှုဘဲအာမခံနိုင်တော့တယ်။

ပြောထုတ်လိုက်တိုင်းလည်း
စကားရဲ့သုံးခွက်-တခွက်တင်သာအများဆုံးယုံရတယ်။

ဒါ့ကြောင့် ဒီလိုကောင်မျိုးကို
“သုဉ်းပုံ-တပုံ ဝရမ်းပြေး” လို့သာ
ခေါ်ထိုက်တော့တယ် … ။ ။

လေးစားလျက်
ကိုထင် (ခ) လင်းမြတ်

မှတ်ချက် ။ ။ အိုက်ဒီယာခရက်ဒစ်။

Activists Burma ရဲ့အလှူတော်များ
****************************

ဖိနပ်ကြားကနတ်စကား
***************
ရွေးကောက်ပွဲကထွက်ပေါ်လာမယ့်အစိုးရကို အာဏာလွှဲပေးမယ် … ။

လေးစားလျက်
ကိုထင် (ခ) လင်းမြတ်

စားပွဲဝိုင်းထိုင်ပုံထိုင်နည်း
******************
မှတ်တမ်းတွေအရ ၁၉၃၇ မှာ ဂျပန်ဟာစိနကိုကျူးကျော်တယ်။ ၁၉၃၉ မှာတော့ ဂျာမနီဟာပိုလန်ကိုကျူးကျော်ပြီး ဒုတိယကမ္ဘာစစ်ကိုစခဲ့တယ်။ ၁၉၄၀ မှာတော့ အီတလီဟာစစ်ထဲဝင်ပါလာတယ်။ ဝင်ရိုးတန်းသုံးနိုင်ငံကြောင့် ၁၉၃၇-၁၉၄၀ ကာလအတွင်းသေကြေပျက်စီးတဲ့ပမာဏတင် ငါးသန်းနီးပါးရှိသတဲ့။ အဆိုပါကာလအတွင်းပျက်စီးဆုံးရှုံးမှုတွေကတော့ အဲဒီခေတ်ငွေကြေးနဲ့တင် ကန်ဒေါ်လာဘီလျံ-၃၀ ပတ်လည်ရှိသတဲ့။ ကနေ့ငွေကြေးနဲ့ဆို ဘီလျံ-၆၀၀ ပတ်လည်ရှိပါတယ်တဲ့။ ကမ္ဘာစစ်တခုလုံးချုပ်လိုက်ရင်တော့ စစ်ဖက်အရပ်ဖက်လူပေါင်း သန်း-၈၀ ကျော်သေပြီး၊ ဆုံးရှုံးမှုတန်ဖိုးဟာ အခုခေတ်ငွေကြေးနဲ့ဆို ကန်ဒေါ်လာထြီလျံ-၄၀ နီးပါးရှိပါတယ် တဲ့။ ဒါက ဒုတိယကမ္ဘာစစ်နဲ့ပါတ်သက်တဲ့အဓိကအချက်အချို့ပါ။

၁၉၄၃ စက်တန်ဘာ (၈) ရက်မှာ အီတလီစစ်ထဲကထွက်တယ်၊ ၁၉၄၅ မေ (၇) ရက်မှာ ဂျာမနီစစ်ရှုံးတယ်၊ ၁၉၄၅ စက်တန်ဘာ (၂) ရက်မှာ ဂျပန်လက်နက်ချတယ်။ ဘယ်သူတဦးတယောက်ရဲ့ဆွဲဆောင်ဖြားယောင်းသိမ်းသွင်းမှုကမှ ဒီသုံးနိုင်ငံရဲ့အရှုံးကိုဖြစ်ပေါ်စေခဲ့တာမဟုတ်ပါဘူး။ လူစကားပြောလို့နားမလည်တဲ့စစ်ဘီလူးတွေကိုလူစကားမပြောဘဲ သူတို့နားလည်တဲ့လက်နက်ဘာသာစကားနဲ့ပြောဆိုခဲ့လို့ဦးကျိုးသွားခဲ့ရတာဖြစ်ပါတယ်။ အီတလီနဲ့ဂျာမနီလစ်သွားတာတောင်မှ ဖျင်ဆက်ယားနေသေးတဲ့နိပွန်တို့ကိုဆိုရင် ၁၉၄၅ ဩဂက်ဇ် (၆) ရက်နဲ့ (၉) ရက်တွေမှာ “ချာတိတ် (Little Boy)” နဲ့ “ဝတုတ် (Fat Man)” ကျွေးလိုက်မှ နေသာထိုင်သာရှိသွားပြီးလက်နက်ချခဲ့ကြတာဖြစ်တယ်။ ဒီဖြစ်ရပ်တွေဟာဘာကိုပြနေသလဲဆိုရင် ဘာမှမဖြစ်သေးခင်ကတည်းက လူလိုသူလိုထိုင်စကားပြောတာမျိုးကို မယဉ်ကျေးတဲ့အပြင်လက်ရုံးကိုသာအားကိုးသူတွေဟာ နားလည်းမလည် ကျင့်လည်းမကျင့်သုံး ဆိုတာကိုပြနေတာပါဘဲ။

“ဟာ … စစ်ချည်းတိုက်နေတော့တာလား?” ဆိုတော့မဟုတ်ပါဘူး။ သွေးအင်မတန်ဆာပြီးစစ်ကိုသာလိုလားနေခဲ့တဲ့ ဂျာမနီ အီတလီ ဂျပန်တို့ကို စစ်နဲ့သာစကားပြောအပြီး “တော်ပါပြီ၊ ကြောက်ပါပြီ၊ ရပ်ပါပြီ” ဆိုတဲ့အခါကျမှသာ စားပွဲဝိုင်းထိုင်ခဲ့ကြတာပါ။ စားပွဲဝိုင်းထိုင်ပြီးတဲ့အခါမှာလည်း စစ်ရှုံးသွားတဲ့ကောင်တွေကို နယ်မြေထိန်းချုပ်တာ၊ လက်နက်ဖြုတ်သိမ်းတာ၊ စစ်လျော်ကြေးယူတာ၊ စစ်ရာဇဝတ်ကောင်တွေကိုခုံရုံးတင်တာတွေ လုပ်ခဲ့ကြပါတယ်။ “သွေးကြွေး” အတွက်မဆွေးနွေးခဲ့ဘဲ စစ်ကိုနိုင်အောင်တိုက်ပြီးမှသာ “လာခဲ့စမ်း မအိမ်လုံးများ !!!” ဆိုပြီး စားပွဲဝိုင်းဆီဒရွတ်ဆွဲခေါ်လာခဲ့တာဖြစ်ပါတယ်။ စစ်ဝါဒီတွေကို မျက်စပစ်ပြီး အောက်စလွတ်ပြနေခဲ့ကြတာမဟုတ်ပါဘူး။

ချုပ်ရရင် “အကြမ်းဖက်လိုစိတ်ရှိသူတွေနဲ့ Deal လုပ်ရတယ်” ဆိုတာဟာ မိန်းမရွှင်တယောက်ရဲ့ခံယူချက်မျိုးနဲ့ နည်းနည်းပိုပေးလိုက်တိုင်း နေ့တွက်ကိုက်ဖို့ခေါ်ရာလိုက်တဲ့သဘော လုံးဝ မဟုတ်ပါဘူးလို့သာ ရှင်းရှင်းဆိုချင်ပါကြောင်း ….. ။ ။

လေးစားလျက်
ကိုထင် (ခ) လင်းမြတ်

သက်ဆိုင်သူများသို့
**************

ဒီမှာမိတ်ဆွေတို့ …

“တော်လှန်ရေးအင်အားစုများရဲ့ထိုးစစ်ကြောင့်
အလုံးစုံပြိုလဲတော့မယ့်လမ်းကြောင်းပေါ်ရောက်နေတဲ့ဖက်ဆစ်တပ်ကိုအသက်ဆက်ပေးဖို့အတွက်
နွေဦးအဟုန်ကိုရပ်တန့်ဖို့ကြိုးပမ်းရင်း
သမိုင်းတရားခံစာရင်းထဲခေါင်းလျှိုပြီးမဝင်လိုက်ပါနဲ့” လို့
တိုက်တွန်းပါရစေဗျာ ….. ။ ။

လေးစားလျက်
ကိုထင် (ခ) လင်းမြတ်

ဆန္ဒတွေပြည့်ပါစေ
*************

ကျန်တဲ့လျှပ်စစ်ဓာတ်အားသုံးယာဉ်ရထားတွေဘာတခုမှဖြစ်မလာချင်နေ၊ ဝရမ်းပြေးအဆစ်တိုရဲ့ဆန္ဒကိုနောက်ဆုံးဖြည့်ဆည်းတဲ့အနေနဲ့ သူ့ကိုတော့လျှပ်စစ်ကုလားထိုင်ပေါ်ကို တင်ပေးလိုက်ကြပါလေ ….. ။ ။

လေးစားလျက်
ကိုထင် (ခ) လင်းမြတ်

အောင်မြင်ပါစေ ရက္ခိတမြေ
*********************
အကြမ်းဖက်အဆစ်တိုတပ်အနေနဲ့ AA ရဲ့အောင်မြင်မှုတွေကိုဖျက်ဆီးလိုတဲ့သဘောနဲ့ ပြည်တွင်းကစောက်ပေါအဖွဲ့အစည်းများကို ဘယ်လိုဘဲဖိအားပေးပြီးစာတွေထုတ်ထုတ် အဆုံးမှာတော့ “ဖုန်မထတဲ့ခွေးလှေးခုန်မှု” အဖြစ်သာနိဂုံးချုပ်ရမှာပါ။ AA ဟာ လက်ရှိစစ်ရေးအားသာမှုအရ ၂၀၂၅ နှစ်ဆန်းမှာဘဲရခိုင်ဒေသတခုလုံးကိုသိမ်းပိုက်ရရှိသွားမယ်လို့သာမြင်မိပါတယ်။ ဒါကတော့ ရခိုင့်စစ်ရေးအလားအလာကိုခန့်မှန်းမိခြင်းပါ။

ရခိုင်ဒေသဟာ မြစ်ဝကျွန်းပေါ်အထိခြေမဆန့်ခဲ့ရင်တောင် စတုရန်းမိုင် ၁၄,၀၀၀ ကျော်ကျယ်ဝန်းတာကြောင့် အကျယ်အဝန်းစတုရန်းမိုင် ၈,၀၀၀ ကျော်သာရှိတဲ့အစ္စရေးနိုင်ငံထက်တဆခွဲကျော်ကြီးပါတယ်။ မိုင် ၄၀၀ ကျော်ရှည်လျားတဲ့ကမ်းရိုးတန်း၊ ကျယ်ပြန့်ကြီးမားတဲ့ရေသယံဇာတ၊ သဘာဝအကာအကွယ်ဖြစ်တဲ့ရခိုင်ရိုးမ အစရှိတဲ့အခြေခံကောင်းတွေကြောင့် AA နဲ့ရခိုင်လူမျိုးတွေဟာ နိုင်ငံတခုထူထောင်မယ်ဆိုရင်တောင် ထူထောင်ဖို့အတွက်လုံလောက်တဲ့အခင်းအကျင်းရှိကြပါတယ်။ နိုင်ငံတကာအထိခြေဆန့်နေခဲ့ပြီးတဲ့ ခေတ်ပညာတတ်
ရခိုင်လူမျိုးတွေလည်းသိန်းချီရှိတာကြောင့် အစ္စရေးနိုင်ငံထူထောင်စဉ်ကလိုမျိုး ရက္ခိတနိုင်ငံတော်ထူထောင်ဖို့ပြန်လည်ဖိတ်ခေါ်ခဲ့ရင် အများအပြားပြန်လာကြလိမ့်မယ်လို့လည်းမျှော်လင့်မိပါတယ်။ ဂျူးတွေထက်မနိမ့်တဲ့မျိုးစောင့်စိတ်ဓာတ်ရှိကြောင်း ပစ္စုပ္ပန်ရခိုင်စစ်ပွဲများကသက်သေကောင်းကောင်းပြနေပြီမဟုတ်လား။ ဒါ့အပြင်ကမ္ဘာ့နိုင်ငံကြီးတွေကိုရောက်ရှိနေကြတဲ့ရခိုင်ပညာတတ်တွေလော်ဘီကောင်းကောင်းလုပ်နိုင်ရင်တော့ လွတ်လပ်စရခိုင်နိုင်ငံတော်ကိုအသိအမှတ်အပြုခံရဖို့ကိစ္စဟာ ခက်ခဲလှတဲ့အနေအထားမရှိပြန်ပါဘူး။ ရခိုင်ဒေသအတွင်းမှာ ရှိရင်းစွဲပြည်တွင်းပြည်ပရင်းနှီးမြှုပ်နံမှုများအပြင် ရခိုင်ကမ်းရိုးတန်းတလျှောက်တည်ဆောက်လို့ရရှိနိုင်တဲ့ regular & smokeless industry တွေကြောင့် လွတ်လပ်စရခိုင်နိုင်ငံတော်ဖြစ်ခဲ့ရင် တနှစ်နှစ်နှစ်အတွင်းမှာတင် ဒေါ်လာဘီလျံချီတဲ့ GDP ကိုမြင်လာရနိုင်ပါတယ်။ ဒါကတော့ ရခိုင်ဒေသရဲ့အနာဂတ်ကိုသုံးသပ်မိတဲ့တကိုယ်စာအမြင်ပါ။

အရင်တုန်းကတော့ ပြည်ထောင်စုကိုတစုတစည်းထဲဖြစ်စေချင်ခဲ့တာအမှန်ပါဘဲ၊ အခုအခါမှာတော့ စွမ်းနိုင်သူမှန်သမျှကိုလွတ်မြောက်ခြင်းကိုသာဖြစ်စေချင်ပါတော့တယ်။ ၂၀၀၉-၂၀၁၀ လောက်ကတည်းကစခဲ့တဲ့ ရခိုင်တမျိုးသားလုံးရဲ့ညီညွတ်မှု၊ စုစည်းမှု၊ အနစ်နာခံမှု၊ ဇွဲကြီးမှုတွေကြောင့် အနှစ်-၂၀ ကျော်ကြာတဲ့အခါ ကနေ့အနေအထားဖြစ်တဲ့ စစ်ရေးအောင်မြင်မှုအသီးအပွင့်ကိုစံစားကြရပြီဖြစ်ပါတယ်။ ဒါတောင်စစ်ပြီးရင် ပြန်လည်ထူထောင်ရေးအတွက်ခါးချည့်အောင်ရုန်းရဦးမှာဖြစ်တယ်။ ယုတ်မာတဲ့အိမ်နီးချင်းတွေသာဝန်းရံနေတဲ့ဗမာပြည်အတွက်တော့ တော်လှန်ရေးအစိုးရရှိနေတဲ့ရခိုင်လိုအိမ်နီးချင်းမျိုးကိုရလိုက်ရင် ပြည်မရဲ့စစ်အာဏာရှင်စနစ်ချုပ်ငြိမ်းရေးအတွက် အင်မတန်ကြီးမားတဲ့အထောက်အကူကိုလက်ခံရရှိမှာဖြစ်ပါတယ်။ အခုအထိလည်း ပြည်မကသွားရောက်ကြတဲ့လူငယ်နဲ့တက်ကြွလှုပ်ရှားသူများကို AA အနေနဲ့အများကြီးလေ့ကျင့်ပေးနေတာပကတိအရှိတရားဖြစ်ပါတယ်။ စစ်ရေးအနှောင့်အယှက်ကင်းကင်းနဲ့သာအားထုတ်ခွင့်ရရင် ရခိုင်ဒေသ သို့တည်းမဟုတ် ရခိုင်နိုင်ငံတော်သစ်ဟာ အချိန်တိုအတွင်းထိုးတက်သွားမှာဖြစ်ပါတယ်။ ဒါကတော့ AA တို့ရဲ့မြေအပေါ်မြင်တဲ့ Positive View ပါဘဲ။

နိဂုံးချုပ်ရရင်
စစ်တွေ နဲ့ ကျောက်ဖြူကိုရပြီးတဲ့အခါ AA တို့အနေနဲ့ ‘ကွန်ဖက်ဒြိတ်’ မကလို့ ‘လွတ်လပ်တဲ့အာရကန်နိုင်ငံ’ ဘဲထောင်ထောင် အောင်မြင်ပါစေလို့ နှစ်ဦးဆုမွန်တောင်းလိုက်ရပါကြောင်း ….. ။ ။

လေးစားလျက်
ကိုထင် (ခ) လင်းမြတ်

ခက်ဆစ်အသစ်
**********

အဆစ်တိုတပ်ရဲ့ခက်ဆစ်အသစ်ကတော့
“မွင်းခါး၊ မုဆိုးမ = ကန့်သတ်ပစ္စည်း” ဖြစ်ပါတယ်။ ခွင့်ပြုချက်မရှိဘဲ မသုံးစွဲရပါဘူး ….. ။ ။

လေးစားလျက်
ကိုထင် (ခ) လင်းမြတ်

ရှားပါးလူသားအနိစ္စရောက်ရှာ
***********************
လွတ်လပ်ပြီးအမေရီကန်ပြည်ထောင်စုရဲ့ တဦးတည်းသော အသက်ရာပြည့်သမ္မတကြီးဂျင်မီကာတာဟာ ဒီနေ့ ဒီဇန်ဘာ (၂၉)၊ ၂၀၂၄ အမေရီကန်အရှေ့စံတော်ချိန် မွန်းလွဲ ၄:၀၀ နာရီမှာ ကွယ်လွန်အနိစ္စရောက်ခဲ့ပြီဖြစ်ပါတယ်။ ဒီမိုကရက်ပါတီကတက်လာပြီးသမ္မတဖြစ်လာခဲ့တဲ့ဂျင်မီကာတာဟာ (၃၈) ယောက်မြောက်အမေရီကန်သမ္မတဖြစ်ပြီး ဂျယ်ရယ်လ်ဖို့ဒ်သက်တမ်းအပြီးမှာ တာဝန်ယူခဲ့သူဖြစ်ပါတယ်။ သမ္မတဂျင်မီကာတာကို ငြိမ်းချမ်းရေးသမားအဖြစ် တကမ္ဘာလုံးကသိကြတဲ့ဂုဏ်ဒြပ်ဟာ သူတိမ်းပါးသွားသည့်တိုင်သတင်းမွှေးနေဆဲဖြစ်နေဦးမှာပါလေ ….. ။ ။

လေးစားလျက်
ကိုထင် (ခ) လင်းမြတ်

လူဇာ (Loser)
*********
“ရဲဘော်တို့ အကျယ်ချဲ့ပြီးတော့ရှည်ရှည်မပြောချင်ဘူး၊
ဒီ အခု စစ်မြေပြင်ကိုထွက်ရမယ်၊
ဆင်းရဲမယ် ငတ်မယ် အခက်အခဲတွေနဲ့ရင်ဆိုင်ရမယ်၊
ဗမာပီပီ ဗမာ့သွေးကိုပြပါ၊
အထက်ဗိုလ်များရဲ့အမိန့်ကိုနာခံကြပါ၊
အထက်ဗိုလ်များကလဲသာတူညီမျှရဲဘော်စိတ်ထားကြပါ၊
ရဲဘော်တို့ကိုကတိပေးထားတဲ့အတိုင်း
ကျုပ်ကိုယ်တိုင်ရဲဘော်တို့နဲ့အတူချီတက်မယ်၊
ဗမာ့ရန်သူကိုချေမှုန်းကြ၊
အနီးစပ်ဆုံးရန်သူကိုရှာပြီးတိုက်ကြ၊
ဒါဘဲ !!! “

အထက်ပါမိန့်ခွန်းဟာ ဖက်ဆစ်တော်လှန်ရေးအတွက် ၁၉၄၅ မာ့ချ် (၁၇) ရက်နေ့မှာ တခုတည်းသောဗမာ့တပ်မတော်ရဲ့စစ်သေနာပတိ သခင်အောင်ဆန်း ခေါ် ဗိုလ်တေဇက တပ်ထွက်စစ်ကြောင်းကိုပြောခဲ့တာဖြစ်ပါတယ်။ တက္ကသိုလ်ကျောင်းသားကိုအောင်ဆန်း၊ ဝံသာနု ဒို့ဗမာအစည်းအရုံးဝင်သခင်အောင်ဆန်း၊ ဂျပန်ပြန်ရဲဘော်သုံးကျိပ်အဖွဲ့ဝင် ဗိုလ်တေဇ၊ ဒုတိယကမ္ဘာစစ်အပြီး British-Burma ရဲ့အစိုးရအဖွဲ့ဝန်ကြီးချုပ်ဦးအောင်ဆန်းဟာ ဗမာပြည်လွတ်လပ်ရေးအတွက် ဘယ်လောက်တောင်အရေးကြီးခဲ့သလဲဆိုတဲ့အချက်ကို နိုင်ငံ့သမိုင်းမျက်ခြေမပြတ်သူမှန်သမျှသိပြီးသားပါ။ ဒါကြောင့်လည်း ဗမာပြည်ရဲ့ Political Leadership မှာရော Leadership Icons ဆိုတဲ့ခေါင်းစဉ်အောက်မှာပါ “သခင်အောင်ဆန်း” အကြောင်းကိုမလေ့လာထားဖူးရင် Leadership နဲ့ပါတ်သက်လို့ ပြီးပြည့်စုံတဲ့နားလည်တတ်ကျွမ်းမှုရယ်လို့ ဆိုဖို့ခက်ပါတယ်။ ဒါကတော့ ကျောက်ထီးတန္တုအလေးပြုထားရသူ ဗမာ့အာဇာနည်တယောက်အကြောင်းကို စံပေတံတချောင်းသဖွယ် ဦးစွာကိုးကားလိုက်ခြင်းပါ။

လက်ရှိဗမာပြည်အခင်းအကျင်းကတော့ အများသိထားပြီးဖြစ်တဲ့အတိုင်း ပြည်သူ့အစိုးရလက်ထဲကနေ ပြည်သူ့အာဏာကိုလုယူထားသော ဖက်ဆစ်အကြမ်းဖက်စစ်တပ်ရမ်းကားနေချိန်ဖြစ်ပါတယ်။ လူလိုနားလည်မယ်အောက်မေ့လို့တပြည်လုံးမှာငြိမ်းချမ်းစွာဆန္ဒတွေပြ၊ ဖြစ်စေချင်တာကိုတောင်းဆိုခဲ့ကြပေမယ့် အကြမ်းဖက်စစ်တပ်ဟာ လက်နက်မဲ့ပြည်သူကိုရက်ရက်စက်စက်နှိပ်ကွပ်ဖို့ကြိုးစားခဲ့ပါတယ်။ အဲသလိုနှိပ်ကွပ်ခဲ့တဲ့အကြမ်းဖက်မှုအတွက် တာဝန်အရှိဆုံးခေါင်းဆောင်ကတော့ အဆစ်တို-မင်းအောင်လှိုင်သာဖြစ်ပါတယ်။ ဒီသကောင့်သားဟာပြည်သူကရွေးချယ်တင်မြှောက်ထားတာမဟုတ်တဲ့အတွက် ပြည်သူ့ခေါင်းဆောင်မဟုတ်တာကတော့ထင်ရှားလှပါတယ်။ ဒါဖြင့် သူ့ကိုသစ္စာခံနေကြတဲ့လက်နက်ကိုင်တွေ၊ Non-CDM တွေ၊ စစ်ဘောမတွေအတွက်ရော ခေါင်းဆောင်ကောင်းဖြစ်နေရဲ့လားဆိုတဲ့အချက်ကို ကနဦးဖော်ပြခဲ့တဲ့ပေတံနဲ့ တိုင်းတာကြည့်ကြရအောင်ပါ။

လူထုကိုရန်သူလိုသဘောထားတဲ့အဆစ်တိုဟာ သူ့ပန်းတိုင်ဖြစ်တဲ့ အာဏာပိုင်ဘဝကိုသွားချင်ရင် ထိုသွားရာလမ်းမှာသူနဲ့အတူပါဝင်နေကြသူတိုင်းဟာ သူ့ရဲဘော်တွေသာဖြစ်ပါတယ်။ သူ့ရဲဘော်တွေထဲ ဘဝပျက်သူတွေ အဖမ်းဆီးခံရသူတွေ ကိုယ်လက်အင်္ဂါဆုံးရှုံးသူတွေ အသက်ပါပေးလိုက်ရသူတွေရှိနေလင့်ကစား သူတယောက်ကတော့ဖြင့် ဘဝလည်းမပျက် အဖမ်းလည်းမခံရ ကျန်းမာပကတိ ချမ်းသာစွာရှိနေခြင်းဟာ ရဲဘော်တွေတခြား သူကတခြားဖြစ်နေခြင်းရဲ့သက်သေပါဘဲ။ ဆင်းရဲခြင်း ငတ်ခြင်း အခက်အခဲများရင်ဆိုင်ရခြင်းတို့ဟာ သူ့ရဲဘော်များအတွက်သာသီးသန့်ဖြစ်နေတာပါ။ သာဓကအားဖြင့် ရေတောင် ၄-၅ ရက်မသောက်ရဘဲ သူ့အတွက်အသက်ပေးတိုက်နေရခြင်းကို ERO တွေကသာမဖော်ထုတ်ခဲ့ရင် သိလာနိုင်စရာအကြောင်းမရှိပါဘူး။ သူ့ကိုသစ္စာခံစရာအကြောင်းမရှိတဲ့ပြည်သူတရပ်လုံးကိုတောင်မောက်မာစော်ကားသေးရင် သူ့ကိုထောက်ခံသူမှန်သမျှကို သာတူညီမျှဆက်ဆံဖို့ဝေးပါသေးတယ်။ ကန့်သတ်မဲ့လူပါးဝတော့မှာပါ၊ ဝလည်းဝနေတာပါဘဲ။ သူ့အောက်က စိုးဝင်းတကောင်မြစ်ဝကျွန်းပေါ်စစ်တိုင်းသွားစဉ် ပြောခဲ့တဲ့စကားနဲ့ချထားတဲ့မူကိုကြည့်လိုက်ပါ။ ရဲ (၃) ရဲနဲ့တော့တိုက်ရမယ်၊ ကြွေလွင့်ခဲ့ရင်တော့ ဘာခံစားခွင့်မှမရှိပါဘူးတဲ့။ ဘယ်လောက်တောင်ရင့်သီးရိုင်းစိုင်းနေခြင်းပါလဲ ??? စိုးဝင်းကိုခိုင်းတဲ့အဆစ်တိုကိုယ်တိုင်ဆိုရင် ခေါင်းဆောင်လုပ်ပြီးတာဝန်ယူမှု တာဝန်ခံမှုမရှိတာကြောင့် အောက်လက်ငယ်သားတွေကာလနာတိုက်နေချိန်မှာ သူကတော့ပွဲတက်ပြီးသီချင်းဆိုနေခဲ့ပါသေးတယ်။

လူမှာမွေးရာပါအတ္တရှိပါတယ်။ သတ္တဝါဖြစ်တည်မှုကိုက “အတ္တဗဟိုပြုမူ” ပေါ်အခြေခံခြင်းဟာ ဖော်ပြစရာမလိုတဲ့သမုတိသစ္စာတခုပါ။ သေဘေးနဲ့ကြုံလာတဲ့သတ္တဝါတိုင်းမှာ အဆိုပါအတ္တခေါင်းထောင်ထလေ့ရှိပါတယ်။ ဒါကြောင့် ကမ္ဘာကလက်နက်ကိုင်အဖွဲ့အစည်းတိုင်းဟာ အဆိုပါအတ္တကို ရဲဘော်ရဲဘက်စိတ်နဲ့လှည့်ဖျားသိမ်းသွင်းရင်း Mission တွေပြီးမြောက်အောင်အကောင်အထည်ဖော်ကြရတာပါ။ တိုက်ပွဲဝင်စစ်သားတွေဖြစ်လာဖို့လေ့ကျင့်ပေးရတာဟာ လွယ်နေတာတော့မဟုတ်ပါဘူး၊ အချိန် ခွန်အား ငွေကြေး အမြောက်အများရင်းနှီးရတာမျိုးပါ။ အဆစ်တိုရော စိုးဝင်းရော ဖက်ဆစ်တပ်ရဲ့ထိပ်ပိုင်းကအခြားကောင်တွေရောဟာ ရဲဘော်ရဲဘက်စိတ်ကင်းကင်းနဲ့ သွေးရူးသွေးတန်း-ပရမ်းပတာတွေလျှောက်လုပ်ခဲ့ကြတာကြောင့် သူတို့အားကိုးလှတဲ့ဖက်ဆစ်တပ်သည်ပင်လျင် အရှိန်ပြင်းပြင်းနဲ့ကျဆုံးခြင်းလမ်းဆီ အရှိန်နဲ့သွားနေခဲ့ပါပြီ။ အမှားကိုမပြင်နိုင်တဲ့အပြင် အမှားသစ်တွေကိုတောင်ရှေ့တိုးပြီးကျူးလွန်နေကြတာကြောင့် ဖက်ဆစ်တပ်ရဲ့နောက်တိုးစစ်တိုင်းတွေဟာလည်း ဆက်ပြီးကျရှုံးသွားဦးမှာပါ။ မကြာခင်မှာဘဲ ICC ဟာအဆစ်တိုတကောင်ကို ဝရမ်းထုတ်လာမှာပါဘဲ။ အဲဒီအခါမှာ ၅၀-၅၀ ဖြစ်နေတဲ့နိုင်ငံရေးဂယ်ပေါက်ဟာလည်း အဆစ်တိုအတွက်ရေရာတော့မှာမဟုတ်ပါဘူး။

အဆစ်တိုအတွက်ချုပ်ပြီးပြောစရာတခွန်းသာရှိပါတယ်
“မင်းဟာ Loser !!!” လို့သာ ….. ။ ။

လေးစားလျက်
ကိုထင် (ခ) လင်းမြတ်

အတိတ်စိမ်း
*******
အဆစ်တိုက “မြောက်ပြန်လေညှင်း” တဲ့
ပျော်လိုက်ပါတော့ဒူဝါတို့ရေ၊ သူ လှူတော့မယ် …..
😄😄😄😄😄

လေးစားလျက်
ကိုထင် (ခ) လင်းမြတ်

တိုက်ဆိုင်တယ်ထင်ရင်ရူးနေလို့ !!!
***************************
ဒီလောကမှာ လူထုခေါင်းဆောင်ဒေါ်အောင်ဆန်းစုကြည်ကို လုံးဝ ပျောက်ကွယ်သွားစေလိုသူတွေကို အကြမ်းအားဖြင့်စုစည်းကြည့်ရင် အုပ်စုကြီးသုံးခုတွေ့ရမှာပါ။
နံပါတ် (၁) ကတော့၊ ရာထူး အာဏာ နဲ့ လုပ်ပိုင်ခွင့်တွေကိုအလွဲသုံးစားလုပ်ပြီး ခိုးဝှက်ထားတဲ့စည်းစိမ်များပိုင်ရှင်စစ်ဗိုလ်တွေနဲ့အာဏာပိုင်တွေဖြစ်ပါတယ်။
နံပါတ် (၂) ကတော့၊ နံပါတ် (၁) အုပ်စုနဲ့ပေါင်းစားပြီး ‘အောင်ဆန်းစုကြည်သာအုပ်စိုးရင် ငါတို့တော့ခွေးဖြစ်ရချည်ရဲ့’ ဆိုတဲ့ခံယူချက်ရှိသူ သာယာစီးများပါ။
နံပါတ် (၃) ကတော့၊ မိမိအလိုမကျမှုသက်သက်အပေါ်အခြေခံတဲ့ပုဂ္ဂလဓိဋ္ဌာန်များကြောင့်မုန်းတီးကြသူများပေါ့။ စစ်အစိုးရအဆက်ဆက်ကာလတွေမှာ အုပ်စု (၁) ဟာ ခေါင်းဆောင်ကိုအချိန်မရွေးဇီဝိန်ခြွေနိုင်သူများဖြစ်ကြပါတယ်၊ ပစ္စုပ္ပန်ကာလအပါအဝင်ပေါ့။ ဒီစာပိုဒ်ကို ပေးထားချက် (တစ်) လို့မှတ်ယူနိုင်ပါတယ်။

ဒီဆယ်ရက်တာကာလအတွင်းမှာ ဗမာပြည်နဲ့ပါတ်သက်တဲ့ အရေးပါသောစစ်ရေးနိုင်ငံရေးအခြေအနေတွေဖြစ်ပေါ်ခဲ့ပါတယ်။ ဖက်ဆစ်တပ် စစ်ရေးပြိုလဲမှုတွေဖြစ်ခဲ့တယ်၊ အဆစ်တိုကိုဝရမ်းထုတ်ရင်ဖမ်းမယ့်ဆီးမယ့်ကိစ္စတရားဝင်ပေါ်ပေါက်လာတယ်၊ ဗြိတိန်နိုင်ငံခြားရေးဝန်ဟောင်းတွေက ခေါင်းဆောင်ရဲ့လွတ်မြောက်မှုအတွက်အသံထုတ်လာကြတယ်၊ ခေါင်းဆောင်ရဲ့သား ကိုထိန်လင်းတယောက် သူ့မိခင်လွတ်မြောက်ရေးအတွက်စိတ်နှလုံးပင်ပန်းဖွယ်ရာတောင်းဆိုလာရှာတယ်။ ဒါတွေကတော့ ပေးထားချက် (နှစ်) ပေါ့။

“ရန်သူကိုတိုက်ခိုက်တဲ့နေရာမှာ ရန်သူ့နေရာကနေစဉ်းစားပါ” ဆိုတဲ့စကားဟာ အောင်ပွဲရယူမယ့်သေနင်္ဂဗျူဟာရဲ့အစိတ်အပိုင်းတခုဖြစ်ပါတယ်။ လတ်တလောအခင်းအကျင်းမှာ ဖက်ဆစ်တပ်နဲ့စစ်အုပ်စုအတွက် ခေါင်းဆောင်ဟာ “Insurance for their Escape Plan” ဖြစ်နေပေမယ့် အဆစ်တိုတကောင်ဟာ မလိုမုန်းထားအာဃာတတရားကြီးမားတာကြောင့် ခေါင်းဆောင်ရဲ့ကြွေလွင့်ခြင်းကိုအင်မတန်လိုလားနေတာကိုသံသယမရှိလိုက်ကြပါနဲ့။ သာဓကအဖြစ် ဒေါက်တာဇော်မြင့်မောင်နဲ့ဦးဝင်းခိုင်တို့ကိုသာကြည့်ပါ။ ဒါကြောင့် ပြည်တွင်းမှာရောပြည်ပမှာပါ “အောင်ဆန်းစုကြည်သံ” အညံမခံချင်ကြပါဘူး။ ပြည်ပကိုသူ့အနေနဲ့ဘာမှလုပ်မရပေမယ့် ပြည်တွင်းမှာတော့ အထက်အပိုဒ် (၂) မှာဖော်ပြခဲ့တဲ့ကိစ္စအတွက်တန်ပြန်ဖို့ ထောက်ပြုတ်များအကူအညီနဲ့သေချာပေါက်ကြိုးစားမှာပါဘဲ။ ကြိုးစားလို့လည်း အစီအမံတွေထဲကတခုဖြစ်တဲ့ ဖြူဖြူထွေးကိစ္စကိုဆွဲဖွလိုက်တာပါ။ ဖြူဖြူထွေးဆိုတာမျိုးဟာသူတို့အတွက်တော့ ပွန်းတကောင်အဆင့်တောင်မရှိတဲ့ “ပွန်းတကောင်ရဲ့ဘောမှာတွယ်တဲ့ မွှား” အဆင့်ပါ၊ ဝိုင်းရှော့လို့ရှောသွားလည်းအရေးမကြီးပါဘူး။ သူတို့အတွက် ဝါဒဖြန့်ချီစရာအမြတ်တောင်အတိုင်းအတာတရပ်ထိထွက်သွားနိုင်ပါသေးတယ်။ သူတို့တကယ်လိုချင်တာက စစ်ရေးအရှုံးတွေရင်ဆိုင်နေရတဲ့ဒေသမဟုတ်တဲ့ပြည်တွင်းအရပ်ဒေသများရဲ့ ‘ဒေါ်အောင်ဆန်းစုကြည်အပေါ်သဘောထား’ ကိုတီးခေါက်ကြည့်လိုက်ခြင်းပါ။ ‘ငါတို့ဒီအဖွားကြီးကိုဖျောင်လိုက်ရင် ငါတို့စိုးမိုးထားတဲ့ပြည်တွင်းလက်ကျန်မှာဘယ်လောက်အားပြင်းတဲ့တုန့်ပြန်မှုရှိလာလိမ့်မလဲ ???’ ဆိုတာကိုပါ တွက်ဆလိုက်တဲ့သဘောလည်းဖြစ်ပါတယ်။ ဖြူဖြူထွေးဂယက်ကြောင့် အပိုဒ်(၂) မှာဖော်ပြခဲ့တဲ့ကိစ္စတွေကတော့ မှေးမှိန်သွားတာဧကန်ပါဘဲ။

ဗမာပြည်နွေဦးဟာ ERO တွေ၊ PDF တွေ နဲ့ ပြည်တွင်းပြည်ပတက်ကြွလှုပ်ရှားသူများရဲ့ပွဲသာဖြစ်ပါတယ်။ ဘာကြောင့်တုန်းလို့မေးရင် တပြည်လုံးဟာ လွတ်မြောက်လိုသူတွေမဟုတ်ကြဘူး။ ဘာမှမလုပ်ဘဲလွတ်မြောက်ချင်နေတဲ့အချောင်သမားတွေလည်းအများအပြားပေါ့။ ဖြူဖြူထွေးနဲ့အလားတူဖက်ခွက်စားတွေမှာ သန်းချီတဲ့သာဝကတွေရှိနေခြင်းကိုက အဆိုပါ Follower များရဲ့ခံယူချက်နဲ့ဉာဏ်ရည်ဉာဏ်သွေးကိုထင်ဟပ်ပြနေခြင်းပါဘဲ။ ဒီလူအုပ်ဆီကနေ တော်လှန်ရေးအတွက် ၉၀% နဲ့အထက် ဘာမှမျှော်လင့်လို့ရနိုင်စရာအကြောင်းမရှိပါဘူး။ ဒီအချက်ကိုနောကြေနေလို့လည်း အဆစ်တိုနဲ့ဖက်ဆစ်တပ်ဟာ ပြည်သူ့ခေါင်းဆောင်များနဲ့နွေဦးတော်လှန်ရေးကိုတိုက်ခိုက်ဖို့ သပ်လျှိုဖို့ အစီအမံများကိုဆက်လက်ဖော်ဆောင်နေမှာပါဘဲ၊ ရန်သူကရန်သူ့အလုပ်လုပ်မှာကိုး။ အပြင်ပန်းမှာတော့ ‘တိုက်ဆိုင်သွားသလို’ မျိုးလုပ်ကွက်ဖော်မှာပါ။ အဲ … သူတို့လုပ်ရပ်တွေရဲ့ရလာဒ်များကို “တိုက်ဆိုင်တယ်” လို့ထင်ကြရင်တော့ “ရူးနေလို့ဘဲ !!!” လို့သာဒဲ့ဒိုးဆိုပါရစေ ….. ။ ။

လေးစားလျက်
ကိုထင် (ခ) လင်းမြတ်

တာဇံများအားဆုံးမရန်လိုအပ်ခြင်း
***************************
အင်္ဂလိပ်စကားပုံတခုရှိတယ်၊ ဗမာလိုပြန်ရင်တော့
“စောက်ပေါတအုပ်ကြီးရဲ့အင်အားကိုလျှော့မတွက်နဲ့” ပါတဲ့။
၁၂ နာရီအတွင်းမှာ Follower တသောင်းနှစ်ထောင်ကျော်သာကျဆင်းသွားတာတော့လက်တွေ့ပါ။ တလရဖက်ကဆက်လုပ်ရမယ့်အလုပ်တွေကတော့
(၁) ဒေါက်တိုင်တွေကိုဖြို
(၂) လက်မည်းတွေကိုဖြတ် ဖို့ပါဘဲလေ ….. ။ ။

လေးစားလျက်
ကိုထင် (ခ) လင်းမြတ်

ပလန် အေ တူ ဇီ
***********
အလုပ်ကိုမဖြစ်ဖြစ်အောင်ဘယ့်နှယ်လုပ်ရမယ်ဆိုတဲ့ချဉ်းကပ်မှုမျိုးနဲ့ ပြဿနာတခုခုကိုကျော်လွှားဖို့ကြံတဲ့အခါတိုင်း Planning ဟာထိပ်တန်းအဆင့်အနေနဲ့အရေးပါပါတယ်။ Management လို့ခေါ်တဲ့စီမံခန့်ခွဲမှုရဲ့လက်တံတွေထဲလည်း Planning ဟာအသက်သွေးကြောသဖွယ်ဖြစ်ပါတယ်။ Planning ရဲ့နောက်မှသာ ကျန်တဲ့ဆောင်ရွက်ဖွယ်များလိုက်ပါရတာဖြစ်ပါတယ်။ စာထဲတော့ Implementation phase သို့တည်းမဟုတ် အကောင်အထည်ဖော်ခန်းလို့ဆိုတယ်ပေါ့။ ကိစ္စအတော်များများမှာ မူလအစီအမံအတိုင်းသာအကောင်အထည်ဖော်ရတာသဘာဝမို့ Planning ဂွမ်းရင် ကျန်တာဂွမ်းဖို့ကတော့ သေချာသလောက်ပါဘဲ။ ဒါကတော့ စာတွေထဲရေးကြသင်ကြတဲ့အချက်တခုကို Highlight လုပ်ပြခြင်းပါဘဲ။ အကိုးအကားပေါ့လေ။

လွန်ခဲ့တဲ့ ၃၆ နာရီအတွင်းဗမာပြည်မှာ ထူးခြားတဲ့နိုင်ငံတကာဆက်ဆံရေးနဲ့စပ်သော ကိစ္စနှစ်ခုဖြစ်ပွါးခဲ့တာကိုသတိထားမိလိုက်ပါတယ်။ ပထမတခုက AA Custom တံဆိပ်သုံးပြီး ရခိုင်ကနေဘင်္ဂလားဖက်ကိုသွင်းတဲ့ပစ္စည်းတွေရောက်သွားတာရယ်၊ ဒုတိယတခုက ဘင်္ဂလားနိုင်ငံခြားရေးဌာနအကြံပေးရဲ့ထုတ်ပြန်ချက်ရယ်တို့ပါဘဲ။ ကောန်ဖက်ဒရိတ်ကိုသွားချင်တဲ့ AA အနေနဲ့ အချုပ်အခြာနိုင်ငံတခုရဲ့အင်္ဂါစဉ်အချို့ကို အာရက္ခဒေသအတွင်းမှာစတင်ကျင့်သုံးနေတာကိုတကြိမ်မကသတိပြုမိနေခဲ့ပါတယ်။ AA Custom ကိစ္စကတော့ နိုင်ငံတကာနယ်ပယ်အထိတိုးဝင်ဖို့ကြိုးစားလိုက်တဲ့ဆောင်ရွက်မှုတခုပါ၊ ရလာဒ်ကတော့ တပ်လှန်သွားတယ်ပေါ့။ ဒီရလာဒ်နဲ့စပ်လျဉ်းလို့ AA ခေါင်းဆောင်များလည်းမျှော်လင့်ထားပြီးသားဖြစ်ပါလိမ့်မယ်။ ဖြစ်နိုင်ချေက ၅၀-၅၀ မဟုတ်လား။ မရှေးမနှောင်းမှာဘဲ ဘင်္ဂလားနိုင်ငံခြားရေးဌာနအကြံပေး တူဟစ်ဟူစိန်က “ရခိုင်ပဋိပက္ခအတွက် အစိုးရမဟုတ်တဲ့သူတွေနဲ့ထိတွေ့ဆက်ဆံမှုမပြုနိုင်ဘူး” လို့ပြောလာခဲ့ပါတယ်။ ဒီသတင်းကိုဖတ်မိတဲ့ဗမာပြည်ဖွားတွေကတော့ ဒေါသဖြစ်ကြတယ်ပေါ့။ ဒီနှစ်ခုကတော့ သတိထားမိတဲ့ဖြစ်ရပ်တွေပါ။

ဆက်လက်ပြီး ကိုယ်ပိုင်အမြင်ကိုတင်ပြလိုပါတယ်။
AA အနေနဲ့ အာရက္ခနိုင်ငံတော်သီးသန့်ထူထောင်မှာလား၊ ဒါမှမဟုတ် ဖက်ဒရယ်ပြည်ထောင်စုရဲ့အစိတ်အပိုင်းအဖြစ်ဆက်လက်ရပ်တည်မှာလားဆိုတဲ့အချက်ကတော့ ရှိနှင့်ပြီးသားဖြစ်မှာပါ။ ကျိန်းသေတာကတော့ အာရက္ခနိုင်ငံတော်သစ်အဖြစ်ထူထောင်မယ်ဆိုရင် စိန်ခေါ်မှုအမြောက်အများကိုရင်ဆိုင်ရမှာဖြစ်ပါတယ်။ အကြီးမားဆုံးစိန်ခေါ်မှုကတော့ အိမ်နီးချင်းသုံးနိုင်ငံဖြစ်တဲ့ တရုတ်၊ ဘင်္ဂလားနဲ့ အိန္ဒိယတို့ရဲ့အသိအမှတ်ပြုမှုကိုရရှိဖို့ဘဲဖြစ်ပါတယ်။ ရခိုင်ဒေသအတွင်းမှာ အဆိုပါသုံးနိုင်ငံလုံးနဲ့နက်နက်ရှိုင်းရှိုင်းဆက်စပ်နေတဲ့ကိစ္စတွေရှိနေတာကြောင့် သူတို့သုံးနိုင်ငံလုံးဟာ ဆုပ်လည်းစူးစားလည်းရူးဘဝကိုရောက်ချင်ကြမယ်မထင်ပါဘူး။ ‘အကျိုးစီးပွါးပဓာနမူ’ နဲ့လည်ပတ်နေတဲ့ကနေ့ကမ္ဘာကြီးမှာ ဘယ်သူကမှ ‘ငါတို့အကျိုးစီးပွါးပျက်ချင်လည်းပျက်တော့’ ရယ်လို့ လွယ်လွယ်သဘောထားနိုင်မှာမဟုတ်လို့ပါဘဲ။ ဒီနေရာဟာ AA အတွက်အရေးပါတဲ့လမ်းဆုံဖြစ်တာကြောင့် မဟာဗျူဟာမှန်မှန်ချမှတ်ကျင့်သုံးနိုင်မှသာလျင် လုံခြုံအေးချမ်းတဲ့အာရက္ခပြည်အတွက် အာမခံချက်ပေးနိုင်မှာဖြစ်ပါတယ်။

ဘဂုံးကိုယ်စားလှယ်ပြောတဲ့စကားဟာတကယ်တော့ စိတ်ဆိုးဒေါသထွက်စရာအကြောင်းသိပ်မရှိပါဘူး။ “Cannot engage non-state actor" လို့ပြောသွားခြင်းထဲ AA ကိုပုတ်ခတ်ထားတာတလုံးမှမပါပါဘူး။ ဘင်္ဂလားဟာ အချုပ်အခြာအာဏာပိုင်တိုင်းပြည်မို့ ‘အချုပ်အခြာအာဏာပိုင်ပါ’ လို့ပြောထားတဲ့အဆစ်တိုတို့စစ်ကောင်စီနဲ့သာပြောရမှာဖြစ်ပါတယ်။ ဒါဟာတကယ့်ကိုအဆင့်အတန်းရှိတဲ့သံခင်းတမန်ခင်းဆိုတာကိုသဘောပေါက်ထားကြဖို့လည်းလိုအပ်ပါတယ်။ လက်ရှိဘင်္ဂလားအစိုးရဟာ MNDAA နဲ့ TNLA ကိုဖိအားပေးလိုက်၊ UWSA ကိုပိတ်ဆို့လိုက်၊ KIA ကိုခေါ်စကားပြောလိုက်လုပ်နေတဲ့ကွန်မြူနစ်တရုတ်နဲ့ ကွာချင်တိုင်းကွာနေတာကိုသတိပြုမိကြဖို့လိုပါတယ်။ တနည်းအားဖြင့် ဒီမိုကရေစီစစ်စစ်ကိုကျင့်သုံးလိုတဲ့ဘင်္ဂလားကြားဖြတ်အစိုးရဟာအဆစ်တိုစစ်ကောင်စီကို ‘မင်းတို့ကြောင့်ဖြစ်နေတဲ့ရခိုင်ဒေသပဋိပက္ခကို မင်းတို့ဖာသာရှင်း’ ဆိုသောသတင်းစကားပြတ်ပြတ်သားသားကိုပေးနေတာဖြစ်ပါတယ်။ နားမလည်တဲ့စစ်ဘောမနဲ့လော်ဘီတွေကအူမြူးနေပေမယ့် အဆစ်တိုစစ်တပ်ရဲ့အကြမ်းဖက်မှုတွေကိုတာဝန်ခံခိုင်း-တာဝန်ယူခိုင်းနေတာလည်းဖြစ်ပါတယ်။ အဆစ်တိုကိုယ်တိုင် ရိုဟင်ဂျာအကြမ်းဖက်မှုကြောင့် တရားဝင်ဝရမ်းပြေးဖြစ်ဖို့ လက်တကမ်းသာလိုတော့တာအားလုံးအသိလည်းဖြစ်ပါတယ်။ ‘အလွတ်သဘောဆွေးနွေးမှုတွေ’ မှာပြောတဲ့စကားလုံးတိုင်းကို အသေးစိတ်လိုက်ပြီးခံစားနေဖို့မလိုပါဘူး။ ‘နားတော့စွင့် ကျွတ်ကြဲဝမ်းမြောက်နေစရာမလို’ ဆိုတဲ့သဘောပါ။

အရေးအကြီးဆုံးအပိုင်းကိုဆက်ပါ့မယ်။

ဗမာပြည်ရဲ့လက်ရှိနိုင်ငံရေးအခင်းအကျင်းမှာ နုကြည်ဟာသမိုင်းပေးတာဝန်ကိုယူထားတာပါ။ ERO တွေနဲ့ PDF တွေရဲ့ထိုးစစ်များဟာ မကြာမြင့်မှီမှာဘဲပြည်မထဲကိုဝင်ရောက်လာတော့မှာဧကန်ပါဘဲ၊ ဒါကို ကလေးတွေးနဲ့တောင်တွေးလို့ရနေပါပြီ။ စစ်ရေးဖော်ဆောင်မှုများရဲ့နောက်မှာ နိုင်ငံရေးအစီအမံတွေထက်ကြပ်မကွာလိုက်ပါလာဖို့ကိစ္စဟာ အနာဂတ်ဖက်ဒရယ်နိုင်ငံတော်အတွက်သေရေးရှင်ရေးတခုပါဘဲ။ ကျနော်ကတော့ ကိုယ်တိုင်လည်းဝင်လုပ်နေတာမဟုတ်၊ ဝင်လုပ်ဖို့လည်းအစီအစဉ်မရှိတဲ့အတွက် “ထိန်းကွပ်ကြမ်မတ်ပေးတယ်” ဆိုတဲ့ပေါကြောင်ကြောင်ခံယူချက်များလည်းရှိမနေပါ။ ဘာတခုတော့ပြောနိုင်သလဲဆိုရင် ဘင်္ဂလားနိုင်ငံခြားရေးအကြံပေးရဲ့စကားဟာ တော်လှန်ရေးပဲ့ကိုင်များအတွက် ‘အချက်ပေးခေါင်းလောင်းသံ’ ဖြစ်တယ်ဆိုတာပါဘဲ။ နုကြည် နဲ့ ERO များရဲ့ Bonding တွေဘယ်မျှခိုင်မြဲတယ်၊ ဘယ်လောက် Politically smart ဖြစ်ကြတယ်၊ နိုင်ငံရေးလောကဓံသစ်တွေအပေါ် Resilient ဘယ်ရွေ့ရှိတယ်၊ Plan A to Ze ဘယ်လိုတွေပြင်ဆင်ထားတယ်ဆိုတဲ့စိန်ခေါ်မှုတွေ ဆက်တိုက်လာတော့မှာပါ။ ရန်သူစစ်ကောင်စီရဲ့စစ်ရေးအင်အားဟာတဖြည်းဖြည်းပြိုကျနေပါပြီ။ စစ်ကောင်စီရဲ့စစ်ရေးအလုံးစုံပြိုသွားလည်း လူထုကိုကိုယ်စားပြုတဲ့ကြားကာလနိုင်ငံရေးအခင်းအကျင်းပြည့်ဝတဲ့အစိုးရတရပ်ရှိမနေရင် “ဖက်ဒရယ်အိပ်မက်” ကို အကြီးအကျယ်ခြိမ်းခြောက်ခံရနိုင်တယ်လို့သာမြင်မိပါကြောင်း ….. ။ ။

လေးစားလျက်
ကိုထင် (ခ) လင်းမြတ်

ဆုတောင်း
******
နောက်ဆုံးခရစ္စမတ်ဖြစ်ပါစေ
အားမင် …..

လေးစားလျက်
ကိုထင် (ခ) လင်းမြတ်

ခရစ္စမတ်လက်ဆောင်တခု
********************

ရမှာ
****
ရွှေဘတို့ကအချိန်တန်ရင်ရမှာပါ
“နောင်တ !!!”
😁😁😁😁😁

လေးစားလျက်
ကိုထင် (ခ) လင်းမြတ်

ဉာဏ်ထုံ ဉာဏ်ပု
***********

အဆစ်တိုရဲ့ရာထူးအရွှေ့အပြောင်းတွေမြင်ရတော့ “၂၀၂၅ မှာ တော်လှန်ရေးအောင်မယ်” ဆိုတာကိုပိုပြီးယုံကြည်သွားမိတယ်။ ကံကုန်ရင် ဉာဏ်ထုံတာသဘာဝ … ။

လေးစားလျက်
ကိုထင် (ခ) လင်းမြတ်

တန်သူတို့သာလွတ်စေသား
********************
ဗမာပြည်နွေဦးရဲ့လက်နက်ကိုင်တော်လှန်ရေးခရီးမှာ အားအရဆုံးကတော့ AA TNLA MNDAA KIA တို့ပါဘဲ၊ ဒါကို သတင်းတွေမျက်ခြေမပြတ်သူတိုင်းလည်းသိပါတယ်။ ဒီတိုင်းရင်းသားတွေဟာ လွတ်မြောက်မှုနဲ့ ခြွင်းချက်မရှိ ထိုက်တန်ကြတယ်လို့သာယုံကြည်မိပါတယ်။

“ဗမာတပြည်လုံးလွတ်မြောက်ရေး” လို့ပြောလာကြရင်တော့ It’s a different story လို့ဆိုရမှာပါဘဲ။ ဘာလို့ပါလိမ့်လို့မေးရင် Fund raising တွေ၊ Campaign တွေ၊ PRF တွေဟာ အကောင်းဆုံး ညွှန်းကိန်းများမို့ပါဘဲ။ တော်လှန်ရေးကိုမကူလည်းနိုင်ငံတလွှားမှာ လူတွေသေ ဘဝတွေပျက်နေကြသည့်တိုင် ဘာလို့မကူကြပါလိမ့်ဆိုတော့ အချောင်သမားစိတ်ဓာတ်တွေအားကောင်းနေတာကြောင့်ပါဘဲ။ အားလုံးဝိုင်းရုန်းရင်အချိန်တိုနဲ့ပြတ်ရမယ့်ပွဲဟာ အချောင်ခိုနေကြလို့သာ ဒီနေ့အထိအကြောရှည်နေခြင်းပါဘဲ။

တနေ့နေ့မှာ တိုင်းရင်းသားတွေဟာ သူတို့စီရင်စုသူတို့တိုက်သိမ်းတည်ထောင်ပြီးမြေပြန့်ကိုမဆင်းလာခဲ့ရင်တောင် သူတို့မှာအဲသလိုရွေးချယ်ပိုင်ခွင့်အပြည့်ရှိတယ်လို့သာမြင်ပါတယ်၊ သူတို့ခါးသီးခံစားခဲ့ကြရတာဟာ မျိုးဆက် ၃-၄ ခုမကရှိခဲ့ပြီမဟုတ်လား။ ချုပ်ရရင်တော့ ထိုက်တန်တဲ့သူတွေသာလွတ်မြောက်ကြစေချင်ပါတယ်လေ။ ကျွန်စိတ်မကင်းကြသူတွေအတွက်တော့ Version အသစ်နဲ့ကျွန်ဇာတ်သွင်းခံရဖို့ သိပ်မလိုတော့ဘူးမို့ပါ။

စိတ်မရှိကြပါနဲ့၊ တန်ရာရမှာတော့ ဧကန်ပါဘဲ ….. ။ ။

လေးစားလျက်
ကိုထင် (ခ) လင်းမြတ်

အလံဖြူစစ်ကြောင်း
*************
AA တို့လက်ချက်နဲ့ဖြစ်ပေါ်လာခဲ့တဲ့ ဖက်ဆစ်တပ် အနောက်ပိုင်းတိုင်းစစ်ဌာနချုပ်ရဲ့ အလံဖြူစစ်ကြောင်း ….. ။ ။

လေးစားလျက်
ကိုထင် (ခ) လင်းမြတ်

Credit - AA Infodesk

Version များ
********
အဟောင်း
“ဟေ့ … မင်းတို့အားလုံးကို ငါတို့ဝိုင်းထားပြီ၊
လက်နက်ချတော့ !!!!!”
ဟား …..
😳😳😳😳😳

အသစ်
“ဟေ့ … မင်းတို့အားလုံး ငါတို့ကိုဝိုင်းထားပြီ၊
လက်နက်ချတော့ !!!!!”
အွန် …..
🙄🙄🙄🙄🙄


လေးစားလျက်
ကိုထင် (ခ) လင်းမြတ်

အတိုချုပ်
*****
အချိန်ရှားပြီးအရေးကြီးတဲ့အခုလိုအချိန်မျိုးမှာ ဘုံရန်သူဖြစ်တဲ့ ဖက်ဆစ်တပ်ကိုထောင့်ပေါင်းစုံ၊ ကဏ္ဍအမျိုးမျိုးကနေထိုးနှက်နိုင်ဖို့ဆိုတာဟာ မရှိမဖြစ်အရေးကြီးတဲ့မဟာဗျူဟာဖြစ်ပါတယ်။ ဒီအချက်နဲ့ပါတ်သက်လို့ ပစ္စုပ္ပန်အခင်းအကျင်းတွေကို အနည်းငယ်မျှလောက်သုံးသပ်နိုင်သူဆိုရင်တောင် မမှိတ်မသုန်သိမြင်နေကြပြီးလည်းဖြစ်ပါတယ်။

အဖွဲ့အစည်းနဲ့အလုပ်လုပ်တဲ့အခါမှာ အဖွဲ့အစည်းကြီးလေလေ ဒါမှမဟုတ် Hierarchy တွေများလေလေ လှုပ်ရှားမှုနှေးကွေးလေလေဖြစ်တတ်တာဟာသဘာဝဖြစ်ပါတယ်။ ဒါကိုလည်း အဖွဲ့အစည်းနဲ့အလုပ်လုပ်ဖူးသူတိုင်း ကောင်းကောင်းနားလည်ခံစားတတ်ကြပါတယ်။ Solution က ဘာလဲ??? နှေးနေရင်မြန်အောင်လုပ်ပေါ့၊ ရှင်းရှင်းလေးရယ်။ ကြိုးနီတွေဖယ်ရှား၊ Holding point တွေကိုတတ်နိုင်သမျှလျှော့ချ၊ Delegate များများလုပ်၊ သတင်းစီးဆင်းမှုကိုအမြန်ဆုံးဖြစ်လာစေမယ့် channel တွေဖွင့်၊ လုပ်ပိုင်ခွင့်မှန်သမျှကို တာဝန်-ဝတ္တရားနဲ့တွဲပြီးပေး အစရှိတဲ့ မရိုးနိုင်သော Management Practices တွေရှိနှင့်ပြီးသားပါ။ အတိအကျလိုက်နာပြီး ထိထိရောက်ရောက်အကောင်အထည်ဖော်နိုင်ဖို့သာလိုအပ်တာပါလေ။ အထက်ကဖော်ပြခဲ့တာအပြင် အင်မတန်အရေးကြီးတဲ့ Supreme Task တခုရှိပါသေး။ အဲဒါကတော့ “Right man at the right place” ဖြစ်ဖို့ပါဘဲ။ ဒီစကားကယဉ်ကျေးလွန်းတော့ အချို့ကနားမလည်နိုင်ကြဘူးပေါ့။ ဆက်စပ်နည်းဗျူဟာတခုကိုခပ်ရိုင်းရိုင်းပြောရရင် “စွလုပ်မလုပ်တဲ့ကောင်ကိုဖယ် အလုပ်လုပ်တဲ့သူနဲ့အစားထိုး” ဆိုတာမျိုးလုပ်လိုက်ခြင်းဟာ Tactic အရအင်မတန်ထိရောက်တဲ့ကျင့်သုံးမှုတခုပါဘဲ။

ကျနော့အနေနဲ့တော်လှန်ရေးစကတည်းကဒါမျိုးအကြံပေးစာ တခါမှမရေးဖူးသလိုပါဘဲ။ နုကြည်ရော အခြားတော်လှန်ရေးအဖွဲ့အစည်းတွေအတွက်ရောရည်ရွယ်ပြီး ဒီတခုတော့အကြံပေးချင်ပါတယ်လေ။ ပွယောင်းယောင်းဖွဲ့စည်းပုံတွေ၊ effective & efficient မဖြစ်တဲ့လူစားတွေဟာ တော်လှန်ရေးရဲ့အဓိကလုပ်ငန်းကိုရော အဖွဲ့အစည်းကိုပါ အကြီးအကျယ်ထိခိုက်အားနည်းစေပါလိမ့်မယ်။ ဖယ်ရှားသင့်တဲ့အရာတွေ၊ ဖယ်ရှားသင့်တဲ့လူပုဂ္ဂိုလ်တွေကိုမဖယ်ရှားနိုင်ရင်တော့ တော်လှန်ရေးကိုစတေးလိုက်ရမှာပါဘဲ။ သေချာတာတခုကတော့ တော်လှန်ရေးဟာပြည်သူ့နှလုံးသည်းပွတ်ဖြစ်တာမို့ တော်လှန်ရေးကိုစတေးလိုက်တဲ့လူပုဂ္ဂိုလ်နဲ့အဖွဲ့အစည်းမှန်သမျှဟာ သမိုင်းတရားခံများအနေနဲ့မှတ်တမ်းဝင်ကြလိမ့်မယ် ဆိုတာပါဘဲ။ ကျေးဇူးတင်ပါတယ် ….. ။ ။

လေးစားလျက်
ကိုထင် (ခ) လင်းမြတ်

တပခမစ်ရှင်
*******
ဖက်ဆစ်တပ်ရဲ့တောင်ငူလေတပ်စခန်းကို တေဇောဓာတ်နဲ့ဂုဏ်ပြုပေးတဲ့ဗီဒျိုကို ခွင့်ပြုချက်ရယူပြီး ပြန်တင်ပေးလိုက်ရပါတယ်။ ပီတိဖြစ်ကြစေသတည်း ….. ။ ။

လေးစားလျက်
ကိုထင် (ခ) လင်းမြတ်

မျှော် …
***

အဆစ်တို၏ “ကြိုးစင်ရောက်မှနားမယ်” နှင့်အခြားဝတ္ထုတိုများ၊ ICC စာပေမှ မကြာမှီထွက်ပါတော့မည်။ “မျှော် !!!!!”

လေးစားလျက်
ကိုထင် (ခ) လင်းမြတ်

ကြိုဆိုပါ၏
*******
ထိုင်ဝမ်သမ္မတ၏ အမေရီကန်ခရီးစဉ်ကို လှိုက်လှဲစွာကြိုဆိုပါသည်။ “လွတ်လပ်သောထိုင်ဝမ်နိုင်ငံတော်” အမြန်ဆုံးပေါ်ထွန်းပါစေ ….. ။ ။

လေးစားလျက်
ကိုထင် (ခ) လင်းမြတ်

သိဖို့
*

“ရဲဝင်းဦး” ကိုတပ်ချုပ်ပေးလည်း တပြုံလုံးကြိုးစင်တက်ရမှာက တက်ရမှာဘဲ။ ဘာမှမပြောင်းလဲဘူး။
သိဖို့ !!!!!

လေးစားလျက်
ကိုထင် (ခ) လင်းမြတ်

အခုအခါမှာတော့ တရုတ်ကြီးက ‘ထိန်းထိန်းသိမ်းသိမ်းလုပ်ကြပါတွေဘာတွေ’ ထပြောနေတာကိုကြည့်ခြင်းအားဖြင့် ICC အထိခြေဝင်ရှုပ်ဦးမှာကတော့ထင်ရှားနေပါပြီ။ လာမယ့်သီတင်းပတ်တွေအတွင်းဘာတွေဖြစ်လာမယ်ကတော့ အတော့ကိုစိတ်ဝင်စားစရာကောင်းလှပါတယ်။ အကွက်ပိုလှသွားတာကတော့ နက်တန်ယာဟုရဲ့အယူခံကိစ္စပါဘဲ။ နက်တန်ယာဟုလို အစ္စလာမ်ကမ္ဘာနဲ့ပေါ်တင်စစ်ခင်းနေတဲ့အနုမြူပိုင်ရှင်နိုင်ငံကသိမ်သိမ်မွေ့မွေ့ပြောဆိုချဉ်းကပ်နေခြင်းဟာ အဆစ်တိုအတွက်တော့ ခြောက်အိပ်မက်တွေချည်းပါဘဲ။ ပြည်တွင်းတော်လှန်စစ်ရေးအခြေအနေအရလည်း ကချင်၊ စစ်ကိုင်း၊ ချင်း၊ ရခိုင် စင်္ကြံလမ်းပွင့်ဖို့လိုအပ်နေပါသေးတယ်။ ဒီဇန်ဘာလအတွင်းအဆိုပါစင်္ကြံလမ်းပွင့်သွားပြီဆိုရင်တော့ တော်လှန်ရေးဟာ Game Changer အဆင့်ကိုချက်ခြင်းဆိုသလိုရောက်ရှိသွားမှာဖြစ်ပြီး စိနနဲ့ရုရှအနေနဲ့ အဆစ်တိုကိုကယ်တင်ဖို့စဉ်းစားကြတော့မယ်မထင်ပါဘူး။

ချုပ်ရရင်
နိုင်ငံ့ရန်စွယ်ဖြစ်တဲ့ မဘသဂတုံးပျက်တွေ၊ မျက်ကန်းမျိုးချစ်တွေနဲ့ နိုင်ငံ့ရန်သူဖြစ်တဲ့ဗမာစစ်ဗိုလ်တွေကျူးလွန်ခဲ့တဲ့ရိုဟင်ဂျာကိစ္စဟာ ကာလဝိပါက်နောက်ပိုးတက်ပါပြီ။ ဒီအခင်းအကျင်းဟာတော်လှန်ရေးအတွက် အင်မတန်လှပတဲ့ဖန်တီးပေးလာမှုပါဘဲ။ ၂၀၂၅ ဟာ အရင်ကတည်းကခန့်မှန်းခဲ့သလို တော်လှန်ရေးအတွက်ရော အနာဂတ်ဖက်ဒရယ်ပြည်ထောင်စုအတွက်ရောထူးခြားတဲ့နှစ်ဖြစ်လာမှာမို့ ပြည်တွင်းပြည်ပကဓမ္မဝါဒီတွေအနေနဲ့ ဒီ ၄-၅-၆ လမှာတော်လှန်ရေးထဲသွန်ထည့်အားစိုက်နိုင်ကြဖို့ အလွန်တရာအရေးကြီးလှကြောင်း တင်ပြလိုက်ရပါတယ် ….. ။ ။

လေးစားလျက်
ကိုထင် (ခ) လင်းမြတ်

အနာဂတ်ကိုမြင်နေရပြီ …
*******************

“ငါ့ဘဝမှာ ရာနဲ့ချီတဲ့ရွာတွေမီးတိုက်ခံထားရတဲ့ဒီမြင်ကွင်းမျိုး တခါမှမမြင်ခဲ့ဖူးဘူး။ အောင်ဆန်းစုကြည်အနေနဲ့လည်း ဒီကိစ္စတွေကိုရာနှုန်းပြည့်သိနေလိမ့်မယ်လို့လည်း ငါမထင်ဘူး” တဲ့။ ဒီစကားကို ၂၀၁၈ ခုနှစ်ကပြောခဲ့သူကတော့ ဗြိတိန်ဝန်ကြီးချုပ်ဟောင်း ဘောရစ်ဇ်ဂျွန်ဆန် ဖြစ်ပါတယ်။ ဒီလိုမျိုး Ethnic Cleansing လုပ်တဲ့ နိုင်ငံတော်အဆင့်ရာဇဝတ်မှုကို ဗမာပြည်စစ်တပ်ဟာဘာကြောင့်ကျူးလွန်ခဲ့သလဲဆိုတဲ့မေးခွန်းအတွက် ခိုင်လုံတဲ့နောက်ခံအကြောင်းတရားတွေရှိပါတယ်။

၁၉၈၈ စက်တန်ဘာ (၁၈) မှာ မြန်မာ့ဆိုရှယ်လစ်လမ်းစဉ်ပါတီဥက္ကဋ္ဌ အာဏာရှင်ဟောင်းဗိုလ်နေဝင်းရဲ့လမ်းညွှန်မှုနဲ့ အရပ်သားပြည်သူ လူပေါင်းထောင်ချီကိုသတ်ဖြတ်နှိမ်နင်းပြီးအာဏာယူခဲ့တဲ့ နဝတစစ်ကောင်စီဟာ လူထုအားကိုလျှော့တွက်ပြီး “ရွေးကောက်ပွဲလုပ်ပေးမယ်၊ နိုင်တဲ့ပါတီကိုအာဏာလွှဲမယ်” ဆိုပြီးစကားကျွံခဲ့ပါတယ်။ စကားကျွံခဲ့တဲ့လက်သည်ကတော့ အာဏာသိမ်းစစ်ခေါင်းဆောင် ဗိုလ်စောမောင်ဖြစ်ပါတယ်။ တကယ်တန်းရွေးကောက်ပွဲလည်းလုပ်ရော စစ်ကောင်စီ၊ စစ်ဗိုလ်များနဲ့ မဆလပါတီခေါင်းဆောင်များ လုံးဝမမျှော်လင့်ထားသလိုပုံစံမျိုးနဲ့ NLD ခေါ် အမျိုးသားဒီမိုကရေစီအဖွဲ့ချုပ်ဟာ တောင်ပြိုကမ်းပြိုအနိုင်ရခဲ့ပါတော့တယ်။ တဖက်မှာကမိခင်အဖွဲ့အစည်းရဲ့ဖိအား တဖက်မှာကကျွံထားတဲ့စကားတွေကြား ဗိုလ်စောမောင်ဟာရူးသလိုကြောင်သလိုဖြစ်လာပြီး သူ့အောက်ကကပ်လျက်ဗိုလ်သန်းရွှေက အာဏာလုယူတာကိုခံယူလိုက်ရပါတယ်။ အဲဒီအချိန်ကစလို့ ‘တမိုးလုံးဖျောက်ဆိပ်’ ဆိုသလိုဘဲဗမာတပြည်လုံးမှာ စစ်ဗိုလ်သူခိုးတွေ စစ်ဗိုလ်ဓါးပြတွေအောတိုက်ပြီးပေါ်လာပါတော့တယ်။ အဆိုပါစစ်အုပ်စုဓမြဂိုဏ်းရဲ့အမြုတေသဘောကတော့ရှင်းရှင်းလေးပါ၊ “အာဏာကိုကိုင်ထားမယ်၊ ပြည်သူကိုကျွန်ပြုမယ်၊ တိုင်းပြည်ရဲ့ဓနဥစ္စာတွေကိုခိုးဝှက်မယ်” ဆိုတာပါဘဲ။ စကားအလှတွေကတော့အမျိုးစုံပြောခဲ့တာပေါ့လေ။ ဥပမာဆောင်ရရင် အလံနီသခင်စိုးပြောခဲ့သလို “ဖာခေါင်းဦးဆောင်တဲ့ပြည့်တန်ဆာပပျောက်ရေး” လိုသာဖြစ်ခဲ့တဲ့သဘောပေါ့။

စစ်အုပ်စုဓမြဂိုဏ်းဟာ နည်းနည်းခိုးရတဲ့ကောင်တွေက များများခိုးနိုင်တဲ့ကောင်တွေကိုမကျေနပ်တဲ့ ဣဿာ-မစ္ဆရိယအားကြီးသောရပ်ဝန်းဖြစ်တာမို့ ၁၉၈၈-၂၀၁၀ အတွင်းမှာ အချင်းချင်းဖြုတ်-ထုတ်-ရှင်းတွေလည်းအကြိမ်ကြိမ်ဖြစ်ပေါ်ခဲ့ပါတယ်။ အကြီးကျယ်ဆုံးကတော့ အာဏာရှင်ဟောင်းဗိုလ်နေဝင်းရဲ့ထီးမိုးဖိနပ်ကိုင်ဗိုလ်ခင်ညွန့်တို့ထောက်လှမ်းရေးတပြုံလုံးကို ဗိုလ်သန်းရွှေကရှင်းပစ်တဲ့ကိစ္စဘဲဖြစ်ပါတယ်။ နိုင်ငံတကာရဲ့ဖိအားနဲ့ ရာသက်ပန်ဆုပ်ကိုင်ထားလို့မရတဲ့အာဏာရဲ့သဘောကိုသိမြင်လာတဲ့ဗိုလ်သန်းရွှေတယောက် ဗိုလ်ခင်ညွန့်ချခဲ့ပြီးသား Exit Plan လို့ခေါ်ရမယ့် Roadmap ကိုအသာမြောလိုက်ပြီး ၂၀၀၈ မှာ ဗမာပြည်အောက်ပိုင်းကိုနာဂစ်မုန်တိုင်းတိုက်ခတ်ပြီးကာလမှာတင် စာအုပ်စိမ်းအခြေခံဥပဒေကို ဇွတ်အတင်းအတည်ပြုခဲ့ပါတယ်။ စာအုပ်ရဲ့သဘောနဲ့ပြင်ဆင်ထားတဲ့အခင်းအကျင်းကတော့ရှင်းပါတယ်၊ “ဗမာစစ်တပ်နဲ့သူ့အသိုင်းအဝိုင်းအနေနဲ့ အာဏာကိုရာသက်ပန်ဆုပ်ကိုင်မယ်” ဆိုတာပါဘဲ။ ၂၀၁၀ မှာဒီသဘောကိုအခိုင်အမာကိုင်စွဲပြီး ဗိုလ်သန်းရွှေကန့်လန်ကာနောက်ကိုဝင်တယ်၊ သူ့လက်ကိုင်ဒုတ်တွေနဲ့ကမ္ဘာကိုမျက်လှည့်ဆက်ပြတယ်၊ စစ်တပ်ရဲ့လက်ဝေခံအာဏာကိုထူထောင်ခဲ့ပါတယ်။ ကမ္ဘာကတော့ သွေးစွန်းလက်ပိုင်ရှင်စစ်ဗိုလ်တွေကိုဆေးဖော်ကြောဖက်မလုပ်ခဲ့တာကြောင့် ကနဦးမှာမှန်းချက်နဲ့နှမ်းထွက်တော့မကိုက်ခဲ့ပါဘူး။

ဗိုလ်သန်းရွှေရဲ့ ၂၀၁၀ ဖြစ်စေအမိန့်နဲ့သမ္မတဖြစ်လာခဲ့တဲ့ဗိုလ်သိန်းစိန်ဟာ ၂၀၁၂ မှာ ဒီချုပ်နဲ့ဒေါ်အောင်ဆန်းစုကြည်တို့ကိုပွဲသွင်းလာပြီး နိုင်ငံတကာကို Marketing ဆင်းလာခဲ့ပါတယ်။ “(ဒေါ်) အောင်ဆန်းစုကြည် ဆိုတဲ့ Brand” ဟာ နိုင်ငံတကာမှာဂုဏ်သိက္ခာရှိပြီးပွဲတိုးတာမို့ ဗိုလ်သိန်းစိန်ရဲ့ပြဇာတ်ဟာအတိုင်းအတာတခုအထိတော့အလုပ်ဖြစ်ခဲ့ပါတယ်။ ဒါပေမယ့် စစ်အုပ်စုဓမြဂိုဏ်းဟာ လူထုကိုရောလူထုခေါင်းဆောင်အပေါ်မှာပါကြိုးကိုင်ပြီး ထုတ်သုံးချင်တဲ့ထုတ်သုံးပြီး ဖြုတ်သိမ်းချင်တဲ့အချိန်ဖြုတ်သိမ်းချင်ကြတာကြောင့် မသီတာထွေးကိစ္စကိုဖန်တီးပြီးလူထုခေါင်းဆောင်ကိုအစွယ်တခုနဲ့ထောက်ထားဖို့ယုတ်ယုတ်မာမာလုပ်ဆောင်ခဲ့ကြပါတယ်။ ထင်တိုင်းမပေါက်ခဲ့ဘဲ ၂၀၁၅ မှာဒီချုပ်နိုင်သွားတော့ သီတာထွေးကိစ္စထက်ပိုကြီးလေးသောရာဇဝတ်မှုဖြစ်တဲ့ ရိုဟင်ဂျာလူမျိုးတုံးသတ်ဖြတ်မှုကို ဒီချုပ်အာဏာယူထားစဉ်မှာကျူးလွန်ခဲ့ကြတာဖြစ်ပါတယ်။ ရိုးရိုးကျူးလွန်ရုံတင်မက နိုင်ငံတကာကကိုယ်စားလှယ်တွေကိုပါခေါ်ပြပြီး “တွေ့လား အောင်ဆန်းစုကြည်အစိုးရရဲ့လမ်းညွှန်ချက်အတိုင်း ဒီစစ်ဆင်ရေးကိုငါတို့လုပ်ခဲ့တာ” လို့တရားခံဖြစ်အောင်ကိုစီစဉ်ခဲ့ကြတာပါဘဲ။ ခေါင်းဆောင်ကိုယ်တိုင် The Hague ကြားနာပွဲကိုတက်ပြီး “ဗမာစစ်တပ်အပေါ်အစိုးရအာဏာမသက်ရောက်” ဆိုတဲ့အချက်ကိုသက်သေပြနိုင်ခဲ့လို့ ဒီကနေ့ရလာဒ်ဖြစ်တဲ့ အဆစ်တိုလည်ပင်းကြိုးကွင်းဝဲခန်းကိုရောက်လာရတာပါဘဲ။

အဆစ်တိုနိဂုံး၏ပထမခြေလှမ်း
*************************
ဗမာပြည်ဖက်ဆစ်အကြမ်းဖက်စစ်တပ်အတွက်တော့ အဆစ်တိုမင်းအောင်လှိုင်တကောင်ဟာသမိုင်းတလျှောက်ထူးခြားတဲ့ဂုဏ်ကိုဆောင်ကျဉ်းလာသူပါဘဲ။ ဂျပန်ပြန်ရဲဘော်သုံးကျိပ်ခေတ်ကတည်းကစတင်တည်ထောင်ခဲ့တဲ့ဒီတပ်ရဲ့ကာကွယ်ရေးဦးစီးချုပ်အဆက်ဆက်တွေထဲ နိုင်ငံတကာမှာဝရမ်းအထုတ်ခံရမယ့်သူဟာ ဒီကောင်တကောင်ထဲသာဖြစ်လာတော့မှာပါ။ “ဝရမ်းပြေးကာချုပ်” ပေါ့လေ။

ဖက်ဆစ်တပ်ရဲ့ဝါဒဖြန့်ချီရေးယန္တရားတွေကတော့ ဒီသတင်းအပေါ်ဒေါသတကြီးတုန့်ပြန်နေကြတာတွေ့ရလေတော့ ဒီသတင်းဟာသူတို့အတွက်ဘယ်လောက်တောင်တုန်လှုန်ခြောက်ခြားစရာဖြစ်နေသလဲဆိုတာထင်ရှားလှပါတယ်။ “သတ္တိရှိရင်ဝင်ဖမ်း !!!” လို့ကြွေးကြော်နေကြခြင်းဟာလည်း တိုက်တိုင်းရှုံးတပ်တခုအတွက် အလွန်တရာရယ်ဖွယ်ပါဘဲ။ အင်အားကြီးနိုင်ငံတွေအနေနဲ့ ICC ကိုလှန်ပြကောင်းလှန်ပြနိုင်ကြပေမယ့် ဗမာပြည်လိုနိုင်ငံငယ်တခုအနေနဲ့ရော ဗမာပြည်ဖက်ဆစ်တပ်ရဲ့စုတ်ပြတ်နေတဲ့ပကတိအရှိတရားအရရော လေသံကျယ်ကျယ်နဲ့အာခံမယ့်ကိစ္စဟာ မိုက်မဲခြင်းသက်သက်သာဖြစ်ပါလိမ့်မယ်။ အဆစ်တိုမင်းအောင်လှိုင်အောက်ကကောင်တွေအနေနဲ့ သူ့ကိုဝိုင်းဖမ်းပေးလိုက်ခြင်းကတောင် သူတို့သမိုင်းကိုအတိုင်းအတာတရပ်အထိအဖတ်ဆယ်ပေးနိုင်ပါလိမ့်မယ်။

အခုအခါမှာ မင်းအောင်လှိုင်ကိုဝရမ်းကပ်တော့မယ့်သတင်းဟာ နိုင်ငံတကာသတင်းတွေအထိပါဟိုးလေးတကြော်ပေါ်ထွက်လာခဲ့ပြီမို့ ဒီကိစ္စအပေါ် စိနရောအေဆီယံကပါလက်ရှောင်နေဖို့ကျိန်းသေသလောက်ပါဘဲ။ သိပ်မကြာခင်ကတောင် စလုံးကာဝန်က မင်းအောင်လှိုင်တို့အဖွဲ့ကိုပက်ပက်စက်စက်ပြောထားပြီးသားဆိုလေတော့ အေဆီယမ်ဟာ ဝရမ်းပြေးတကောင်ကို ပေါ်တင်လျှော်ပစ်လိုက်နိုင်ပါတယ်။ “တိုင်းပြည်ကိုမီးလောင်တိုက်သွင်းမယ်၊ အခြေအနေမကောင်းရင် တရုတ်၊ ရုရှမဟုတ်တဲ့အခြားတနိုင်ငံငံကိုလစ်မယ်” လို့ပြင်ထားခဲ့ရင်လည်း အဆိုပါထွက်ပေါက်ဟာ အဆစ်တိုမင်းအောင်လှိုင်အတွက် လုံးဝ နီးပါးပိတ်ဆို့သွားခဲ့ပါပြီ။

“အဆစ်တိုနဲ့အကြမ်းဖက်ဂိုဏ်းဟာ တူသောအကျိုးပေးဖို့ မဝေးတော့ပြီ” လို့သာသုံးသပ်ရပါကြောင်း ….. ။ ။

လေးစားလျက်
ကိုထင် (ခ) လင်းမြတ်

ကျွန်ဇာတာအားကောင်းလာတဲ့နိုင်ငံ
****************************

အာဇာနည် ဗုဒ္ဓဘာသာ
အမျိုးသား တိုင်းပြည်

အစေခံ အလုပ်သမားနဲ့ဘုံကျွန်
အများဆုံးပို့မည် ….. ။ ။

👏👏👏👏👏

လေးစားလျက်
ကိုထင် (ခ) လင်းမြတ်

ဒီလိုဘဲမြင်တော့တယ်
****************
တော်လှန်ရေးအောင်ချင် အားလုံးဝိုင်းကူကြ။ ဗမာပြည်ကောင်းစားဖို့ ဘယ်သူ့မှာမှအကူအညီပေးဖို့တာဝန်မရှိဘူး။ ရွေးကောက်ပွဲမတိုင်ခင်ကတည်းက ဘယ်သူတက်တက် ဘာမှမမျှော်လင့်ကြဖို့ပြောခဲ့ပြီးသားပါလေ။ အမှန်တရားဆိုတာအခုလိုဘဲခါးသီးတတ်တယ်။ ဗမာပြည်ဖွါးအားလုံးဝိုင်းကူကြရင်အရွေ့ရှိပြီးတော်လှန်ရေးအောင်မယ်။ ဒါမှမဟုတ်ရင် အများလားရာရွေ့မယ်။ ရှင်းရှင်းလေးပါ။

ဒီ့ထက်ပိုလက်တွေ့ဆန်ချင်ကြရင် တော်လှန်ရေးကိုမကူတဲ့ ရဟန်း ရှင် လူ ကျား မ ကြီး ငယ် မရွေးကို အဆစ်တိုအောက်မှာထားခဲ့လိုက်ကြ။ စွန့်ဝံ့သူတွေ လွတ်မြောက်နယ်မြေဖန်တီး၊ ထိုက်တန်တဲ့လွတ်မြောက်နယ်မြေမှာနေကြဖို့ကြိုးစား၊ ဒါသာရွေးချယ်စရာရှိတော့တယ်။ သာယာစီးတွေ ဂျန်ဠီးတွေ အချောင်သမားတွေအတွက် လုံးဝ ထည့်မစဉ်းစားကြပါနဲ့တော့။

သုံးစားမရသူတွေကြောင့် တော်လှန်ရေးကိုအနစ်မွန်းမခံကြနဲ့ ….. ။ ။

လေးစားလျက်
ကိုထင် (ခ) လင်းမြတ်

အိုင်ဆိုနဲ့ကျနော်
***********
(တော်လှန်ရေးနဲ့မဆိုင်ပါ၊ မဖတ်လိုကကျော်သွားပါ။)

ဒီနှစ်အောက်တိုဘာကုန်ခါနီးကတည်းက အလုပ်ထဲမှာ Vibes ကောင်းကောင်းတွေရနေခဲ့တယ်။ အထူးသဖြင့် အိုင်ဆို (ISO) လက်မှတ်ယူဖို့ သုံးရက်ဆက်စာရင်းစစ် (Audit) ဝင်တဲ့အချိန်မှာ ပြဿနာကြီးကြီးမားမားမရှိလိုက်ဘဲနဲ့ အောင်အောင်မြင်မြင်ပြီးဆုံးသွားခဲ့ခြင်းလိုမျိုးပေါ့။ အဖွဲ့အစည်းဟာ Biochemical Engineering အလုပ်တွေလုပ်တာမို့ လိုအပ်ချက်တွေဟာ ပုံမှန် QMS ထက်ပိုမိုကျယ်ပြန့်ခဲ့ပါတယ်။ ဒီကြားထဲမှာ Management ရဲ့ညွှန်ကြားချက်နဲ့ ဆောင်ရွက်ဆဲလုပ်ငန်းစဉ်ကို Quarter သုံးခုစာလောက်ရပ်ထားပေးလိုက်ရသေးတာမို့ အစအဆုံးကြာမြင့်ချိန်ဟာ (၁၈) လလောက်ရှိသွားခဲ့ရတယ်ပေါ့လေ။ အခုတော့ အဖွဲ့အစည်းလည်းလက်မှတ်ရ၊ ကိုယ့်ခေါင်းပေါ်ကဝန်ထုပ်ဝန်ပိုးလည်းပေါ့ပါးသွားခဲ့ပြီပေါ့။ ISO certified QMS အကြောင်းသိလိုသူတွေ၊ လက်မှတ်ရယူလိုသူလုပ်ငန်းရှင်တွေအတွက် အတိုင်းအတာတရပ်အထိသိမြင်နိုင်ကြရန်အလို့ငှါတို့ထိရေးသားမှာမို့ ဒီပိုစ့်ကို knowledge sharing လုပ်တဲ့စာစုလို့ မှတ်ယူနိုင်ကြပါတယ်။

နိုင်ငံကြီးတွေဟာ သူတို့တိုင်းပြည်ထဲကကုန်ထုတ်လုပ်ငန်းများကို စည်းစနစ်တကျစံသတ်မှတ်ချက်များနဲ့အညီ နိုင်ငံတကာကလက်ခံလာစေဖို့ကြိုးပမ်းလေ့ရှိကြပါတယ်။ အဲသလိုကြိုးပမ်းတဲ့အခါမှာသူတလူငါတမင်းဆောင်ရွက်ခြင်းမျိုးမဟုတ်ဘဲ ခိုင်မာတဲ့အဖွဲ့အစည်းတွေတည်ထောင်ပြီး နိုင်ငံကိုကိုယ်စားပြုစေပါတယ်။ အမေရီကန်ပြည်ထောင်စုမှာတော့ စံသတ်မှတ်ချက်များနဲ့သက်ဆိုင်လာရင် ANAB (ANSI National Accreditation Board) ဆိုတဲ့အဖွဲ့အစည်းက ဒီတာဝန်ကိုဆောင်ရွက်ပေးပါတယ်။ ဒီအဖွဲ့ဟာ IAF (International Accreditation Forum) လို့အမည်ရတဲ့နိုင်ငံတကာအဖွဲ့အစည်းနဲ့ချိတ်ဆက်ပြီးအလုပ်လုပ်ပါတယ်။ တနည်းအားဖြင့် စံသတ်မှတ်ချက်တွေနဲ့ပါတ်သက်ပြီး ကမ္ဘာလုံးလွမ်းခြုံချိတ်ဆက်ထားတဲ့ကွန်ယက်ကြီးပေါ့လေ။ (ဒါကြောင့်မျက်မှောက်ခေတ်ကမ္ဘာကို ရွာတခုလိုတင်စားကြတာပါ။ ကကျိုးကကြောင်လုပ်တဲ့ကောင်တွေကို သပိတ်မှောက်၊ ပိတ်ဆို့၊ အရေးယူတာမျိုးလုပ်လာရင် အဲသလိုအလုပ်ခံရတဲ့တိုင်းပြည်ဟာ အကျဉ်ခံရသလိုဖြစ်တာကြောင့် အင်မတန်နစ်နာရတတ်တာမျိုးဖြစ်ပါတယ်။ ဒါကြောင့် နိုင်ငံတကာကနေ ကိုယ့်တိုင်းပြည်ကိုအရေးယူတာမျိုးမခံရအောင်လို့ အုပ်ချုပ်သူအစိုးရများဟာ လိမ္မာရေးခြားရှိဖို့ အလွန်အရေးကြီးပါတယ်။ ဤသည်ကား စကားချပ်ပါလေ။) ဥပမာအားဖြင့် ကျနော့အဖွဲ့အစည်းကိုလက်မှတ်ပေးဖို့အတွက် IAF ပဋိဉာဉ်တွေ၊ စံသတ်မှတ်ချက်တွေနဲ့ညီ-မညီ ANAB အသိအမှတ်ပြု Audit Firm တခုခုကစစ်ဆေးအတည်ပြုပေးရတယ်ပေါ့။ ဒါက လက်မှတ်ချပေးတဲ့လုပ်ငန်းရဲ့သဘောသွားပါ။

ကျနော့ရဲ့အဖွဲ့အစည်းအနေနဲ့လက်မှတ်လိုချင်ပါတယ်၊ ဘာလို့လည်းဆိုတော့ လုပ်ငန်းရဲ့ Reputation ကောင်းဖို့ပါ။ “ဟေ့ … ငါ့ကုမ္ပဏီ QMS က ISO Certified ကွာ့” ဆိုရင် Quality နဲ့ပါတ်သက်ပြီးစျေးကွက်ထဲမယ် လက်မထောင်နိုင်ပါတယ်။ စရိတ်အပိုင်းကျတော့ အပြင် Consultant အဖွဲ့တွေငှါးရင် ဒေါ်လာလေးငါးသောင်းကုန်မယ်၊ Internal-External Audit တွေအတွက်ကလည်း တသောင်းခွဲနှစ်သောင်းလောက်ကသွားဦးမှာဆိုတော့ စျေးတွက်ကောင်းတဲ့ Management အနေနဲ့ ကျနော့ကိုခန့်လေသတည်းပေါ့။ ISO အတွက်လည်းသုံးလို့ရမယ်၊ တကယ့် QMS အစစ်ကိုလည်းထောင်နိုင်မယ်၊ QMS ကိုစောင့်မယ့်ကောင်လည်းရသွားမယ်၊ အခြားဝန်ထမ်းတွေအတွက်လည်း ISO Training အတွက်ပူစရာမလိုဘူး၊ ကုမ္ပဏီရဲ့ Process & Product Quality တွေအတွက်လည်းစဉ်ဆက်မပြတ်အကြံဉာဏ်တွေရမယ်၊ Client Visit တွေဆိုလည်း QMS နဲ့ပါတ်သက်လာရင် ‘ဂတုံးလာစမ်း ငါတို့ကိုယ်စား မင်းပွါးပေတော့’ ဆိုပြီးခိုင်းလို့ရပါသေးတယ်။ ဒါကတော့ အဖွဲ့အစည်းဖက်ကရခဲ့တဲ့အကျိုးအမြတ်ပေါ့လေ။ လိုချင်တဲ့အနေအထားရသည်အထိ ဂတုံးရစ်တဲ့ဒဏ်ကို Trade Employee တွေခံရတာကတော့ မဖြစ်မနေပေးဆပ်ရတဲ့အရင်းအနှီးတွေထဲကတခုပေါ့။

ဘဝမှာ ISO Certified QMS တွေထဲ၊ Audit တွေထဲ၊ Recertification တွေထဲ၊ Annual Review တွေထဲပါဝင်ပါတ်သက်ခဲ့ရဖူးခဲ့ပေမယ့် ဒီတကြိမ်ဟာအမြိုင်ဆုံး အားအရဆုံးပါဘဲ။ Management ကယုံကြည်မှုအပြည့်နဲ့ CEO ကိုယ်တိုင်စာထုတ်ပြီး “Management Representative” အဖြစ်တရားဝင်ခန့်ထားပေးခဲ့ပါတယ်။ ကိုယ်တိုင်လည်း QMS ကြီးတခုလုံးကိုထမ်းပိုးပေးထားတဲ့ SOP တွေအားလုံးရဲ့ ၉၀% ကျော်ကိုတယောက်ထဲရေးခဲ့ပါတယ်။ Umbrella SOP အခုလေးဆယ်ရှိပါတယ်။ Trade SOP အခုနှစ်ရာကျော်ရှိပါတယ်။ Work Instruction & Forms တထောင့်နှစ်ရာကျော်ရှိပါတယ်။ အဖွဲ့အစည်းဟာ ၁၉၈၅ ကထည်းကထူထောင်ခဲ့ပြီး အရင်ကတည်းက BS Standard နဲ့လာခဲ့တာမို့ ဖရိမ်အကြမ်းရှိပြီးသားပါ။ ဒါဟာအတော့ကိုအထောက်အကူရတဲ့အချက်ပါဘဲ။ တနှစ်ခွဲအတွင်း ISO Training အခုသုံးရာကျော်ဆောင်ရွက်ပေးခဲ့ပါတယ်။ Internal Audit နှစ်ကြိမ်၊ External Audit နှစ်ကြိမ် မှာ Audit Team တွေနဲ့ပူးပေါင်းဆောင်ရွက်ပြီး နှိုက်နှိုက်ချွတ်ချွတ်အစစ်ဆေးခံပေးခဲ့ပါတယ်။ Audit အဝင်ခံရတဲ့ကာလတွေဟာ စိတ်ဖိစီးမှုအပြင်းထန်ဆုံးအချိန်တွေပါဘဲ။ ဘယ်လောက်ကောင်းအောင်ဘဲလုပ်ထားလုပ်ထား ချွေးပျံဖွယ်ရာမေးခွန်းတွေကတော့ရှောင်မရခဲ့ပါဘူး။ ကိုယ်ညံ့ရင် ကိုယ့်အဖြေတွေ၊ တင်ပြပုံတွေဟာ အဖွဲ့အစည်းရဲ့ရောင်ပြန်ဖြစ်သွားမှာမို့ အတော်လေးကိုကြိုးစားခဲ့ရပါတယ်။ အဖွဲ့အစည်းတိုင်းဟာဘုရားလောင်းတွေနဲ့ဖွဲ့စည်းထားခြင်းမဟုတ်တာမို့ စုန်းပြူးဝန်ထမ်းတွေကလည်းတပိုင်တနိုင်ဒုက္ခပေးကြပါသေးတယ်။ ဒါတွေကတော့ MR တယောက်ရဲ့ဖြတ်သန်းမှုတစေ့တစောင်းပါ။

ချုပ်ရရင် နိုင်ငံတကာကိုထိုးဖောက်မယ့်ထုတ်ကုန်ပစ္စည်းတခုဒါမှမဟုတ်အများကိုရည်ရွယ်ရင် ISO Certified QMS ဟာမရှိမဖြစ်လောက်ကိုအရေးကြီးပါတယ်။ အဖွဲ့အစည်းကိုတော့ ISO အပြီးနောက်တဆင့်အနေနဲ့ Product Quality အတွက် Six Sigma Project တွေလုပ်မယ်လို့တင်ပြထားပါတယ်။ အဲ … ၂၀၂၅ မှာ Project အတွက် Budget တွေချပေးခဲ့မယ်ဆိုရင်ပေါ့လေ ….. ။ ။

လေးစားလျက်
ကိုထင် (ခ) လင်းမြတ်

ဗျူဟာ
***

ကိုးကန့်ခေါင်းဆောင်ကိုစိနကဖမ်းတယ်လား??? လွယ်လွယ်လေး၊ ကိုးကန့်အဖွဲ့အနေနဲ့ NUG နဲ့ပေါင်းပြီးတိုက်ပွဲကိုဆက်၊ စိနကိုလှန်ပြလိုက်ကြ !!!!!

လေးစားလျက်
ကိုထင် (ခ) လင်းမြတ်

ရည်ရွယ်ချက်
********
တကယ်ဆို YouTube Channel ကိုထောင်လိုစိတ်မရှိခဲ့ပါဘူး။ အကြောင်းက ကိုယ့်မျက်နှာ၊ ကိုယ့်အသံကိုလူကြားချမပြချင်လို့ပါဘဲ။ ရုပ်ရည်ကလည်းမျက်နှာထားမှုန်ကုပ်ကုပ်နဲ့ဂတုံးတယောက်မျှသာဖြစ်ပြီး အသံကလည်းများများစားစားကြီးကောင်းမနေလို့ပါ။ ထူးကဲတဲ့အသံဩဇာရှင်တွေ အဆိုပညာရှင်တွေ ပါရမီရှင်တွေများပြားနေတဲ့ခေတ်မှာ ကိုယ်ဟာ ‘ပမွှား’ ပါလေ။ တကယ်က ရေးရတာသာသန်တာပါ။ စာတပုဒ်ရေးရတာဟာရေးနေတုန်းအမှားလည်းခံပါတယ်၊ ပြန်ပြင်လို့ရနေတာကိုး။ အသံကကျတော့ မှားသွားရင် ‘အစကနေပြန်ကျော့ပေတော့’ ဘဲ။ Studio facility မှမရှိတာ။ ဒါပေမယ့် Donor တွေလည်းခါးချိလာတာကြာပြီမို့ ဂဠုန်ဆားချက်တဲ့သဘောပါဘဲ။ သည်းညည်းခံပြီးသာနားသောတဆင်ပေးကြပါ။

“ရလာတဲ့ငွေကြေးထဲကအခွန်ကိုနှုတ်ပြီး တော်လှန်ရေးမပြီးမချင်းပံ့ပိုးပါ့မယ်”
ဆိုတဲ့ကတိကိုတော့ပေးနိုင်ပါရဲ့ဗျာ ….. ။ ။

လေးစားလျက်
ကိုထင် (ခ) လင်းမြတ်

https://youtu.be/lmsDgzqY70c?si=yn7CLJB_p_tjocQL

"ICO Round 2
နွေဦးဘဏ်မှ အစုရှယ်ယာများကို ပြည်သူများအတွက် ဒုတိယအကြိမ်ရောင်းချခြင်း

၂၀၂၄ ခုနှစ် နိုဝင်ဘာ ၁၅ရက်မှ ဒီဇင်ဘာ ၅ရက်နေ့အထိပြုလုပ်မည့် နွေဦးဘဏ်SDB ၏
"အိမ်ပြန်လှိုင်းသစ် ICO Round 2" တွင်  အစုရှယ်ယာများကို အနည်းဆုံး 10$ မှစတင်၍ အများဆုံး မိမိစိတ်ကြိုက်ပမာဏဝယ်ယူနိုင်မည်။

အမေရိကန်ဒေါ်လာဖြင့်သာမက နေ့စဉ်ပြင်ပငွေကြေးလဲလှယ်နှုန်းနှင့်တပြေးညီ မြန်မာကျပ်ငွေ၊ ထိုင်းဘတ်၊ စင်္ကာပူဒေါ်လာ၊ ဩစတြေးလျဒေါ်လာ၊ ယူရို၊ ဂျပန်ယန်း၊ ကိုရီးယားဝမ်၊ စတာလင်ပေါင်၊ မလေးရှားရင်းနစ် အစရှိသည့် နိုင်ငံတကာငွေကြေး၁၀မျိုးဖြင့်လည်း ဝယ်ယူနိုင်မည်။

SDB ၏ နိုင်ငံတကာ Relationship Manager များမှတဆင့်သာမက မိမိ၏ SDB acc တွင်ငွေဖြည့်ပြီး မိမိကိုယ်တိုင်စိတ်ကြိုက်ဝယ်ယူနိုင်မည်။

လိုင်းများကြပ်ကုန်သည်အထိ ပြည်သူများအလုအယက်ဝိုင်းဝန်းဝယ်ယူခဲ့ကြရာ ယခု Round 2 တွင် လည်း စတင်ပြီး ၁၂ နာရီ အတွင်း USD 2 million နီးပါးအထိ ရောင်းချပြီးဖြစ်ပါသည်။

၃ ပတ်တာ အတွင်း မျှော်မှန်း target ဖြစ်သည့် USD 10 millions ရရှိဖို့ အတွက် ပြည်သူအများစုမှ တခဲနက် ပူးပေါင်းပါဝင်အားဖြည့်ဖို့ လွန်စွာ အရေးကြီးပါသည်။

နွေဦးဘဏ်၏ ICO Round 2 တွင် ပါဝင်ကူညီ ရင်း တော်လှန်ရေးအရှိန်ကို အတူတူမြှင့်တင်ကြဖို့ တော်လှန်ရေး မိတ်ဆွေ၊ ညီအကို မောင်နှမများ အားလုံးကို စည်းရုံးလှုံဆော် ပေးဖို့ အကူအညီ တောင်းခံအပ်ပါသည်။

ပြည့်မိခင်ကိုလွမ်းဆွတ်လျက် …..

https://youtu.be/tkv5fBICle8?si=x_0oHec3fwbW00jm

လိုချင်မိတဲ့ဓမ္မပါလဂိုဏ်း
*******************
(ဘာသာရေးနွယ်သောပိုစ့်၊ မဖတ်ချင်ကျော်သွားပါ)

“ဘုန်းကြီးနဲ့မိန်းမဖက်အိပ်နေတောင်မပစ်မှားနဲ့ !!!”
“မိမိရဲ့ဝန်တိုစိတ်ကဆူညံတယ်ဟုခံစားရစေတာပါ !!!”
“မင်းတို့ဒါမျိုးဝတ်နိုင်နေနိုင်မှပြော !!!”
“သမီးဘုန်းကြီးဝတ်ဖူးလား !!!”
“သီလမလိုဘူး ငါ့မှာပရိတ်သတ်ရှိတယ် !!!”
“ရှင်မောဂ္ဂလာန်အလောင်းကိုပြပြီးပြဿနာမရှာဘူး !!!”
…
…
…
စသည် စသည်ဖြင့်။ အော်ဂလီဆန်စရာ Own-tune ဒေသနာတို့သည် ဗမာပြည်ကြီးမှာများပြားကြပါတယ်။
ဒါတွေကသေးရိုးလား
# နေညိုရင်လေပြိုလို့ယမကာဝိုင်းဖွဲ့ကြတာ
# ညနေစောင်းသိက္ခာချပြီးစကိလေးနဲ့ညဖက်နှပ်နေတာ
# တည်းခိုခန်းဖွင့်ပြီးဝင်ငွေကိုစာရင်းကိုင်နဲ့စစ်ယူတာ
# သံဃိကကျောင်းနဲ့မြေကိုအကွက်ရိုက်ပြီးငှါးစားတာ
# ယောဂီမနဲ့သီလရှင်ဆီကဘလိုးဂျော့အလှူခံတာ
# တတိယပါရာဇိကကိုကျူးလွန်တိုက်တွန်းတာ
…
…
…
ဆိုတာတွေလည်းရေတွက်မနိုင်လောက်အောင်များပြားလာပါပြီ။ ဗမာပြည်ဗုဒ္ဓသာသနာအတွင်းမှာ ရဟန်းကောင်းတွေရှိနေဆဲဖြစ်ငြားသော်လည်း အပုပ်နံ့တလှိုင်လှိုင်နဲ့ဂတုံးပျက်တွေသာလျင်လူပေါ်လူဇော်လုပ်ပြီး သာသနာ့မျက်နှာကို အိုးမည်းတင်မဟုတ် ကတ္တရာပုံးလိုက်ပါလောင်းချနေခဲ့တာကြာပါပြီ။ ကိုးကွယ်ရာကြောင့်ဖြစ်တဲ့ဘေးအရာမှာ သမုတိသံဃာရတနာဟာဗမာပြည်ထေရဝါဒသာသနာထဲတော့ ဘေးအန္တရာယ်အပေးနိုင်ဆုံးပါဘဲ။

ထိတွေ့ဆက်ဆံလိုက်ရတဲ့သင်္ကန်းဆင်မြန်းကြသူတွေထဲရာခိုင်နှုန်းအများစုဟာ ကာလတို-ရှည်အတွင်းမှာ ဟင်ကနဲဟာကနဲဖြစ်အောင်အစွမ်းထက်ကြတာမို့ ရှေးခေတ်အရိယာသံဃာများရဲ့ဂုဏ်ကျေးဇူးကိုသာမျှော်မှန်းတမ်းတပြီး စစ်မှန်တဲ့ဓမ္မကိုသာဦးထိပ်ထားတဲ့ “ဓမ္မပါလဂိုဏ်း” ဆိုတာမျိုးကိုးကွယ်မှုတခုရှိသင့်နေပါပြီ။
အဆိုပါ ဓမ္မပါလဂိုဏ်းဟာ
(၁)
ကိုယ်ချင်းစာတရားကိုအခြေခံမယ်၊ ငါ့ကိုးကွယ်ရာသည်သာအမြတ်ဆုံးဆိုတဲ့မာနမျိုးမထားဘူး။
(၂)
ဆိတ်ကွယ်ရာအရပ်မှာတောင်မကောင်းမှုကိုမပြုတဲ့ဗုဒ္ဓရဲ့ဂုဏ်ကိုရည်မှတ်ကိုးကွယ်မယ်၊ ရှုပ်ထွေးအမှိုက်ပွတဲ့ဘုရားစင်လိုမျိုးတော့မထားဘူး။
(၃)
သံသရာကလွတ်ကြောင်းဗုဒ္ဓအဆုံးအမကိုသာဆောင်ထားကျင့်သုံးမယ်၊ ရွတ်ဖတ်အော်ဟစ်ခြင်းမှန်သမျှနဲ့ငွေကုန်ဝန်တာကြီးသောအခမ်းအနားမှန်သမျှကိုစွန့်လွတ်မယ်။
(၄)
မြတ်ဗုဒ္ဓရဲ့ ပထမ ဒုတိယ တတိယ သာဝကကြီးများအမှူးပြုတဲ့ အရိယာသံဃာတို့ရဲ့ဂုဏ်ကိုသာရည်စူးကိုးကွယ်မယ်၊ ဘုန်းကြီးကိုးကွယ်ခြင်းကိုကျောခိုင်းမယ်။
(၅)
ဟန်ဆောင်မှုကင်းတဲ့ တိတ်ဆိတ်ခြင်း ယဉ်ကျေးခြင်း အပြန်အလှန်လေးစားခြင်း စာနာနားလည်ခြင်း ရိုင်းပင်းကူညီခြင်း ပူးပေါင်းဆောင်ရွက်ခြင်း ဆွေးနွေးညှိနှိုင်းခြင်း နူးညံ့ကြင်နာခြင်းတို့ထွန်းကားတဲ့ရပ်ဝန်းတခုကိုတည်ထောင်ပြီးအဓွန့်ရှည်စေမယ်။

ဒီလောက်အခြေခံအချက်တွေရှိနေရင်ကိုဘဲ အဆိုပါကျင့်သုံးဆောက်တည်မှုနဲ့ယဉ်ပါးနေတဲ့အသိုင်းအဝိုင်းဟာ အလွန်တရာငြိမ်းချမ်းနေမှာဖြစ်ပါတယ်။ တွေးကြည့်လေ လော်တွေနဲ့နားကွဲမတတ်အော်နေတဲ့ “ဘုံကထိန် ဘုံကထိန်” ဆိုတဲ့အသံမကြားရ၊ “မရှိလို့မလှူ မလှူလို့မရှိ” ဆိုတာမျိုးနဲ့ အေးဓါးပြအတိုက်ခံမနေရရင်ကိုဘဲ တော်တော်ကလေးကိုနေသာထိုင်သာရှိနေကြမှာမဟုတ်လား။ အဲ … “ရွာပြင်ထွက်နေရနေရ” ဆိုတာမျိုးလို လုပ်ရဲတဲ့သတ္တိရှိဖို့တော့အရေးကြီးတယ်ပေါ့ … ။ ။

လေးစားလျက်
ကိုထင် (ခ) လင်းမြတ်

စိတ်မကောင်းဖြစ်ရုံမှတပါး …
***********************
ဒီလဆန်းမှာ U.S က Donor အချို့ရဲ့ လစဉ်ထောက်ပို့မှုရပ်ဆိုင်းသွားကြောင်း အသိပေးပါရစေ။ အခြေအနေအရပ်ရပ်ကြောင့်ရပ်ဆိုင်းသွားသူများဟာ လွန်လေပြီးသောနှစ်များစွာကတည်းက အမေရီကန်နိုင်ငံမှာနိုင်ငံသားဖြစ်နှင့်ခဲ့ကြပြီး ၂၀၂၁ ဖေ (၁) နောက်ပိုင်းမှသာ မတရားမှုကိုဆန့်ကျင်ပြီး ဓမ္မဖက်ကရပ်တည်ခဲ့ကြသူများဖြစ်ပါတယ်။

အချို့ကတော့ဘာမှမပြောကြပေမယ့် အချို့ပြောတဲ့စကားတွေကို အနှစ်ချုပ်ပြီးတင်ပြရရင်
ဒီလောက်ပြဿနာတက်နေတဲ့ဗမာပြည်ထဲမှာ
- ပွဲလမ်းသဘင်တွေတက်နေနိုင်ကြတယ်
- ဝယ်ခြမ်းစားသောက်နိုင်နေကြတယ်
- လက်ဝတ်ရတနာတွေဆင်မြန်းနေနိုင်ကြတယ်
- ပေါ်ပင်ဘုန်းကြီးတွေကိုဝဖီးအောင်ကျွေးနေနိုင်ကြတယ်
- အပျော်အပါးတွေလိုက်စားနိုင်နေကြတယ်
- ပြည်တွင်းပြည်ပခရီးတွေထွက်နေနိုင်ကြတယ်
ဆိုတာတွေပါဘဲ။ ရာထောင်သောင်းချီတဲ့အနှစ်မဲ့သောပိုစ့်တွေဟာ Social Media များပေါ်မှာလွယ်လွယ်တွေ့နိုင်ကြတာမို့ အရင်ကလိုလည်းဘာမှကျယ်ကျယ်ပြန့်ပြန့်ရှင်းပြလိုစိတ်မရှိတော့ပါဘူး။

ရှိသမျှအင်အားနဲ့တော့ AB အနေနဲ့စွမ်းနိုင်သမျှ ဆက်လက်ဆောင်ရွက်ပေးနေဦးမှာပါ။ ဘယ်နည်းနဲ့အဆုံးသတ်မယ်ကတော့ အနာဂတံသဉာဏ်မရှိတော့လည်း အတတ်မသိနိုင်ဘူးပေါ့။ ရင်ထဲဆန္ဒကိုမကွယ်မဝှက်ဖော်ပြရရင်တော့ “တော်လှန်ဝံ့သူတွေကိုသာလွတ်မြောက်စေချင်တော့တာ” အမှန်ဘဲဖြစ်ပါတယ်လေ။ ကမ္မဿကာပေါ့ ….. ။ ။

လေးစားလျက်
ကိုထင် (ခ) လင်းမြတ်

အဖြစ်မှန်က ဒီလို !!!
***************
တရားမဝင် အာဏာလုစစ်ကောင်စီက
တရားဝင်အမျိုးသားညီညွှတ်ရေးအစိုးရကို
နိုင်ငံကူးလက်မှတ်သက်တမ်းတိုးခြင်းဟာ
“တရားမဝင်” ဆိုပြီး
သတင်းများနဲ့တိုက်ခိုက်နေပါတယ်။

တကယ်တော့
တရားဝင် NUG အစိုးရရဲ့
Passport သက်တမ်းတိုးပေးခြင်းဟာ
တကယ် တရားဝင်တဲ့ကိစ္စဖြစ်ပါတယ်။

ဒီတော့
တရားမဝင်စစ်ကောင်စီကပြောတဲ့
“တရားမဝင်ဘူး” ဆိုတဲ့အရာတိုင်းဟာ
“တရားဝင်တယ်” လို့မှတ်ကြပါ … ။

မောထှာဗျာ ….. ။ ။

လေးစားလျက်
ကိုထင် (ခ) လင်းမြတ်

ကြွေသူကကြွေ ရန်သူကရန်သူပီသဆဲ …
********************************
“ဦးဝင်းခိုင် ICU ထဲမှာဆုံးပြီ” တဲ့။
စိတ်ထဲယူကျုံးမရဖြစ်ရပါတယ်။ အင်မတန်အဖိုးတန်တဲ့လူသားနောက်တယောက်ကိုဗမာပြည်ကြီးလက်လွတ်လိုက်ရပြန်ပြီပေါ့။

၂၀၀၀ ပြည့်လွန်နှစ်များဆီကဗမာပြည် ရန်ကုန် RC-2 ဝင်းထဲမှာဖွင့်လှစ်ထားခဲ့တဲ့ “မြန်မာနိုင်ငံအင်ဂျင်နီယာအသင်း” ဆိုတာဆီစတင်ရောက်ရှိဖူးခဲ့ပါတယ်။ ကိုယ်တွေရောက်ဖူးတဲ့အချိန်မှာ ဒေါက်တာစိန်မြင့်က ဥက္ကဋ္ဌတောင်ဖြစ်နေခဲ့ပါပြီ။ သူ့အရှေ့မှာတုန်းကတော့ ပါမောက္ခချုပ်ဦးကြင်စိုး၊ ပါမောက္ခချုပ်ဦးညီလှငယ်၊ ပါမောက္ခချုပ်ဒေါက်တာဖေဝင်းတို့အသီးသီးဥက္ကဋ္ဌတာဝန်ယူခဲ့တယ်ပေါ့။ တနည်းအားဖြင့် သင်ကြားရေးဖက်ကဆရာကြီးတွေကအသင်းကိုတွဲကိုင်တဲ့သဘောပါ။ ဒေါက်တာစိန်မြင့်ဥက္ကဋ္ဌဖြစ်လာပြီးတဲ့နောက်တော့ အင်ဂျင်နီယာအသင်းကိုသီးခြားရပ်တည်စေတာမျိုးဖြစ်လာခဲ့ပါတယ်။ အချိန်ကာလဟာ သန်းရွှေ-ခင်ညွှန့်စစ်အစိုးရခေတ်မို့ ခေတ်ပညာတတ်အင်ဂျင်နီယာတွေကိုတိုးတက်စေချင်တယ်ထင်ရင်မှားပါလိမ့်မယ်။ “မီဒီယာကိုမီဒီယာနဲ့တိုက်” ဆိုတဲ့ငကျော်ဆန်းစကားလိုဘဲ “အင်ဂျင်နီယာကိုအင်ဂျင်နီယာနဲ့တိုက်” ဆိုတာမျိုးဖန်တီးဖို့သာ ဒီအဖွဲ့ကိုတည်ထောင်ကျယ်ပြန့်ခွင့်ပေးခဲ့ပုံပါဘဲ။ MICT Park ကအင်ဂျင်နီယာအသင်းထဲ ထောက်လှမ်းရေးအချို့ကိုပါတွဲထားပေးခဲ့တာမျက်မြင်မို့ပါ။ အသင်းထဲ စစ်ဘောမ စီနီယာအင်ဂျင်နီယာများလည်းအပြိုင်းအရိုင်းပေါ့လေ။ အသင်းအမှုဆောင်ထဲ စစ်အင်ဂျင်နီယာတပ်ကဗိုလ်မှူးကြီးတယောက်တောင်ပါသေးရဲ့။

ဒေါက်တာစိန်မြင့်အသင်းဥက္ကဋ္ဌဖြစ်လာပြီးတဲ့နောက် သူ့ကိုဝိုင်းပြီးအဓိကဝန်းရံသူတွေထဲ UE (Myanmar) ကဦးဝင်းခိုင်ဟာတယောက်အနေနဲ့ပါဝင်ခဲ့ပါတယ်။ သူတို့အဖွဲ့ဟာ ထောက်လှမ်းရေးနဲ့စစ်အစိုးရဝိုင်းကြပ်နေတဲ့ကြားကဘဲ အင်ဂျင်နီယာအသင်းကိုရော အသင်းဝင်အင်ဂျင်နီယာများကိုပါ အများကြီးတိုးတက်စေခဲ့ကြပါတယ်။ ခင်ညွှန့်-စိုးဝင်းအပြောင်းအလဲကြားမှာဘဲ ဒီနေ့တွေ့နေရတဲ့ MES အဆောက်အဦးကိုအုတ်မြစ်ချတည်ဆောက်နိုင်ခဲ့ကြပါတယ်။ ဘယ်တုန်းကမှဗမာပြည်မှာမလုပ်ခဲ့ဖူးတဲ့ “အေဆီယမ်အင်ဂျင်နီယာညီလာခံ” တို့၊ “အေဆီယမ်လူငယ်အင်ဂျင်နီယာညီလာခံ” တို့ကိုလည်း ဗမာပြည်က Host အနေနဲ့ကျင်းပနိုင်ခဲ့ကြပါတယ်။ အေဆီယမ်ဟာနိုင်ငံရေးအရသိပ်ပြီးသုံးစားလို့ရတဲ့အဖွဲ့အစည်းမဟုတ်ခဲ့ပေမယ့် အေဆီယမ်အင်ဂျင်နီယာအဖွဲ့အစည်းထဲဗမာပြည်ဝင်ဆန့်လာမှုကြောင့်တော့ ဗမာအင်ဂျင်နီယာတွေဟာ အေဆီယမ်နိုင်ငံတွေဆီထွက်ခွါအလုပ်လုပ်နိုင်ကြတဲ့တွန်းအားသစ်တခုဖ့စ်ခဲ့တာတော့အမှန်ပါ။ အဲဒီတုန်းကသွားစရာကတော့ စင်္ဂပူနဲ့မလေးရှားလောက်သာရှိခဲ့တာမဟုတ်လား။ ဗမာအင်ဂျင်နီယာတွေလည်း “အေဆီယမ်အင်ဂျင်နီယာတွေ” ဖြစ်ခွင့်ရလာခဲ့ကြပါတယ်။ “ဘာအကျိုးရှိသလဲ?” လို့တော့အကန်တွေမမေးပါနဲ့၊ အနည်းဆုံး “ASEAN Engineer” ဆိုပြီး CV ထဲထည့်ရေးရင် လူရှိန်တာပေါ့လေ။ ကိုယ်တိုင်လည်းအရင်တုန်းကရေးခဲ့ရတာဝန်ခံရမှာပါဘဲ။

အဲဒီနောက် အေဆီယမ်အင်ဂျင်နီယာအသိုင်းအဝိုင်းထဲကို MES အနေနဲ့ Workshop တွေ သင်တန်းတွေပို့ဆောင်ပေးနိုင်ခဲ့ပါသေးတယ်။ ကိုယ်တိုင်လည်း ဝင်လျှောက်တဲ့တခုထဲပါသွားခဲ့လို့ ဦးဝင်းခိုင်ရဲ့အဗျူးကိုခံခဲ့ရပါသေးတယ်။ ခေါ်တာက Civil-related topic ကိုယ်က Mechanical ဆိုတော့ မဆီလျော်လှဘူးပေါ့။ သွားရတာ-မသွားရတာအပထား၊ ဦးဝင်းခိုင်ဟာ အကြံကောင်းဉာဏ်ကောင်းတွေပေးပြီး အနာဂတ်ကောင်းအတွက်လင်းရောင်ခြည်တွေဖွင့်လှစ်ပေးခဲ့သူတယောက်ဆိုတာကတော့ လုံးဝ ငြင်းမရပါဘူး။ အဲဒီနောက်တော့ ကိုယ့်နည်းကိုယ့်ဟန်နဲ့စင်္ဂပူရောက်အပြီး ၂၀၀၇ လောက်မှာ စင်္ဂပူ City Hall MRT နား သူနဲ့ထပ်တွေ့ခဲ့ပါသေးတယ်။ သူ့အလုပ်ကိစ္စတွေရှိနေလေတော့ စကားတောင်ကြာကြာမပြောခဲ့ရပါဘူး။ MES တုန်းကသူ့ Lecture ဖြစ်တဲ့ Facility Management မှာသူပြောခဲ့တဲ့စကားတွေနဲ့ လက်တွေ့ကိုယ်ကြုံနေရတာတွေနဲ့နှိုင်းယှဉ်ပြီးပြောပြတာကိုတော့ စိတ်ဝင်တစားနားထောင်သွားပါသေးတယ်။ ထုံးစံအတိုင်းဘဲ အကြံကောင်းဉာဏ်ကောင်းတွေထပ်ရခဲ့ပါသေးတယ်။ “ဗမာပြည်ပြန်ဖို့” ဆိုတာမျိုးကိုတော့ လုံးဝ မတိုက်တွန်းခဲ့ပါဘူး။

ဒီချုပ်လက်ထက်မှာသူဝန်ကြီးဖြစ်လာတော့လည်း သူတာဝန်ယူထားရတဲ့အပိုင်းကို ပီပြင်အောင်ဆောင်ရွက်နိုင်ခဲ့သူပါဘဲ။ ဒီလိုဆောင်ရွက်ခဲ့လို့လည်း စစ်အုပ်စုဓမြဂိုဏ်းရဲ့မပြေနိုင်တဲ့ရန်ငြိုးအတွက်ဓါးစာခံဖြစ်ခဲ့ရတာကျိန်းသေတာပေါ့။ ဒီချုပ်အစိုးရလက်ထက်မှာ အမတ်တွေထဲရော ဝန်ကြီးတွေထဲပါ သုံးစားလို့သိပ်မရတဲ့သူတွေပါလာခဲ့တာ ငြင်းမရတဲ့အမှန်တရားပါ။ အနည်းငယ်မျှသာထူးချွန်ပြောင်မြောက်စွာဖောက်ထွက်လာခဲ့ကြပါတယ်။ အဲဒီထဲက ထူးချွန်သူတယောက်ကတော့ ဦးဝင်းခိုင်ပါဘဲ။ သူသာဒီချုပ်အစိုးရကာလမှာစစ်တပ်နဲ့ပေါင်းစားခဲ့ရင် အခုလိုအဖြစ်ဆိုးလည်းကြုံမှာမဟုတ်သလို သူ့ဘဝလမ်းလည်းသာယာနေမှာပါ။ ကိုယ်လိုကောင်တောင်တနေ့အာဏာသိမ်းနိုင်မယ့်အနေအထားကိုခန့်မှန်းတတ်ရင် သူလိုလူစားဟာမသိစရာအကြောင်းမရှိပါဘူး။ လာလတ္တံ့သောအန္တရာယ်ရဲ့အတိမ်အနက်ကိုလည်းရိပ်စားမိခဲ့မှာပါဘဲ။ အဲသလိုအနေအထားမျိုးမှာတောင် Clean Government ဖြစ်လာစေရေးရှေးရှုပြီး Ethics ကိုအစွန်းအထင်းမခံခဲ့ခြင်းဟာ လေးစားဦးညွှတ်စရာကောင်းလှပါတယ်။

ကောင်းမှုတွေကိုသာအလေးထားစိုက်ပျိုးခဲ့တဲ့ဦးဝင်းခိုင် လားရာဂတိမြင့်မြတ်လိမ့်မယ်လို့အလေးအနက်ယုံကြည်လျက်ပါလေ … ။ ။

လေးစားလျက်
ကိုထင် (ခ) လင်းမြတ်

Various statistical releases from China’s National Bureau of Statistics (NBS) and Ministry of Commerce (MOFCOM) from 2018–2020.
U.S. Department of Agriculture, Economic Research Service. “Trade Damage Estimate from Retaliatory Tariffs,” 2019.

ထရမ့်ပ် ရဲ့ ကန်-စိန ကုန်သွယ်ရေးစစ်
******************************
အမေရီကန်ပြည်ထောင်စုရဲ့ ၄၅ ယောက်မြောက်သမ္မတဖြစ်ခဲ့ပြီး ၄၇ ယောက်မြောက်သမ္မတအဖြစ်ရွေးကောက်ခံခဲ့ရတဲ့ ဒေါ်နယ်ထရမ့်ဟာ သူ့သက်တမ်း (၂၀၁၆-၂၀၂၀) အတွင်းမှာ စိနနဲ့ကုန်သွယ်ရေးစစ်ပွဲဆင်နွဲခဲ့ပါတယ်။ အချို့ကလည်း “For show ပါကွာ” လို့ပြောကြသလို အချို့ကလည်း “ထရမ့်ပ်ကြောင့် စိနတို့အထိနာခဲ့တယ်” လို့ဆိုကြပါတယ်။ လပေါင်းများစွာကြာခဲ့တဲ့ဒီကိစ္စကြီးကို ပိုစ့်တပုဒ်ထဲနဲ့တော့ပြည့်စုံအောင်ဖော်ပြပေးဖို့မစွမ်းသာပါဘူး။ အရေးကြီးတဲ့အချက်များကိုတော့ တို့ထိအနှစ်ချုပ်ပေးလိုပါတယ်။ အသေးစိတ်သိလိုသူများအတွက်တော့ ကျမ်းကိုးတွေကိုသာဆက်လက်လေ့လာကြပါလို့တိုက်တွန်းလိုက်ရပါတယ်ဗျာ။

ကုန်သွယ်ရေးစစ်မှာဘာတွေလုပ်ခဲ့ကြတုန်း ???
ထရမ့်အစိုးရဟာတရုတ်ပြည်ကထုတ်ပြီးအမေရီကန်ထဲသွင်းတဲ့ကုန်တွေကို ကန်ဒေါ်လာဘီလျံရာနဲ့ချီပြီးအခွန်တွေကောက်ခဲ့ပါတယ်။ အပြန်အလှန်အားဖြင့် တရုတ်ပြည်ကလည်းအမေရီကန်ကိုတပုံစံထဲလက်တုန့်ပြန်ခဲ့ပါတယ်။ ဒီလုပ်ရပ်ဟာ ‘ကန်-စိနကုန်သွယ်စစ်’ ရဲ့ပင်မကျောရိုးဖြစ်ခဲ့ပါတယ်။

ကန်အတွက်ကောင်းကျိုးများ
(၁)
တရုတ်ထုတ်ကုန်များစျေးမြင့်ပြီး ကန်ပြည်တွင်းထုတ်ကုန်များရဲ့ရောင်းအားကိုမယှဉ်နိုင်ဖြစ်လာကာ ကန်ကုန်ထုတ်လုပ်မှုလုပ်ငန်းများအသက်ရှူများစွာချောင်ခဲ့ပါတယ်။
(၂)
တရုတ်ကိုအစဉ်တစိုက်စွပ်စွဲပြောဆိုခဲ့တဲ့ ဉာဏပစ္စည်း (Intellectual property) ခိုးယူမှု၊ နည်းပညာခိုးယူမှု၊ ကုန်သွယ်ရေးမှာလူလည်ကြခြင်းတွေထဲကအချို့နဲ့ပါတ်သက်ပြီး တရုတ်အားဝန်ခံစေနိုင်ခဲ့ပါတယ်။
(၃)
တရုတ်ပြည်ဖြစ်ပစ္စည်းများကိုအကြီးအကျယ်မှီခိုနေရမှုကိုလျှော့ချပြီး ရေရှည်အမိမြေလုံခြုံရေးကိုအာမခံချက်ပေးနိုင်မယ့်အခင်းအကျင်းကိုအကောင်အထည်ဖော်နိုင်ခဲ့ပါတယ်။
(၄)
တရုတ်နဲ့အမေရီကန်အကြားက အမေရီကန်ဘက်ခြမ်းက ကုန်သွယ်ရေးလိုငွေပြမှုကိုအတိုင်းအတာတရပ်အထိလျှော့ချနိုင်ခဲ့ပါတယ်။

ကန်အတွက်ဆိုးပြစ်များ
(၁)
တရုတ်ကနေတင်သွင်းလာတဲ့ပစ္စည်းမှန်သမျှကို ကန်စားသုံးသူတွေအနေနဲ့စျေးကြီးပေးပြီးဝယ်သုံးခဲ့ကြရပါတယ်။
(၂)
ကန်လယ်သမားတွေ တရုတ်ပြည်ကိုပစ္စည်းသွင်းတဲ့အခါတရုတ်အစိုးရကကြီးမားတဲ့အခွန်အတုပ်စည်းကြပ်တာကိုခံရလို့ တရုတ်စျေးကွက်ရှယ်ယာအချို့ကိုလက်လွတ်ခဲ့ရပါတယ်။
(၃)
တရုတ်ပစ္စည်းတွေအပေါ်မှီခိုနေရတဲ့ကန်ထုတ်ကုန်လုပ်ငန်းများဟာ ထောက်ပို့ပြဿနာများနဲ့အကြီးအကျယ်ရင်ဆိုင်ကြရပြီး အချို့လုပ်ငန်းများနှေးကွေးပိတ်သိမ်းသည်အထိအခြေဆိုက်ခဲ့ရပါတယ်။
(၄)
ကမ္ဘာ့စီးပွါးရေးအင်အားအကြီးဆုံးနှစ်ကောင်ချကြတဲ့ပွဲမို့ ကမ္ဘာ့စီးပွါးရေးအပေါ်ကြီးမားသောသက်ရောက်မှုရှိခဲ့ပြီး နှေးကွေးလေးလံခြင်းတွေ ကမ္ဘာ့နေရာအနှံ့မှာဖြစ်ပေါ်ခဲ့ပါတယ်။

တရုတ်ကိုဘာတွေသက်ရောက်ခဲ့သလဲ ???
(က) အနှုတ်လက္ခဏာ
တရုတ်ပစ္စည်းတွေကိုကန်ကအခွန်များပြားစွာကောက်တဲ့အခါ တရုတ်ပြည်တွင်းကုန်ထုတ်လုပ်ငန်းတွေကိုထိခိုက်စေခဲ့ပါတယ်။ တရုတ်ပြည်တွင်းကလုပ်ငန်းတွေနှေးကွေးပိတ်သိမ်းရသည်အထိဖြစ်ခဲ့ပါတယ်။ တရုတ်ပြည်တွင်းမှာအထိုင်ချထားတဲ့လုပ်ငန်းတွေဟာ အရှေ့တောင်အာရှနိုင်ငံများဆီရွှေ့ပြောင်းခဲ့ပါတယ်။
(ခ) အပေါင်းလက္ခဏာ
နာကျင်မှုထဲကနေသင်ခန်းစာယူတဲ့တရုတ်ဟာ ပြည်တွင်း Semiconductor ထုတ်လုပ်မှုလိုလုပ်ငန်းတွေထဲအကြီးအကျယ်မြှုပ်နှံခဲ့ပါတယ်။ ဒေသတွင်းမဟာမိတ်တွေရှာဖွေပြီးပူးပေါင်းဆောင်ရွက်ပါတယ်။ ဥပမာ “အရှေ့တောင်အာရှတွင်လုပ်သည်၊ သို့သော် တကယ်တန်းကတရုတ်ပစ္စည်း” ဆိုတာမျိုးပါ။
(ဂ) ခံနိုင်ရည်ကိုတည်ဆောက်ခြင်း
လူဦးရေသန်း ၁၄၀၀ ကျော်ရှိတဲ့ပြည်တွင်းစျေးကွက်ထဲလည်း တရုတ်ဗဟိုအစိုးရအနေနဲ့ကုန်ပစ္စည်းတွေဖြန့်ချီပြီးသုံးစွဲတတ်လာအောင်ပျိုးထောင်ပေးခြင်းအားဖြင့် ပို့ကုန်ကိုအကြီးအကျယ်မှီခိုနေရခြင်းကိုလျှော့ချပစ်ဖို့ကြိုးစားလာပါတယ်။

နိဂုံးချုပ်
ကန်အစိုးရအနေနဲ့ တရုတ်ကိုပြင်းပြင်းထန်ထန်ထိုးနှက်ခဲ့လင့်ကစား တရုတ်ပြည်ရဲ့စီးပွါးရေးအဆောက်အအုံကြီးတခုလုံးကို အကြီးအကျယ်ထိခိုက်ပျက်စီးအောင်မစွမ်းသာခဲ့ပါဘူး တဲ့။ ဖွတ်မြီးချင်းချည်ထားသလိုဖြစ်နေတဲ့ ကန်နဲ့တရုတ်ရဲ့ဆက်နွယ်နေသောစီးပွါးရေးကြောင့် တခုကိုထိုးနှက်ရင်နောက်တခုကိုပါထိခိုက်သလိုသာဖြစ်လာစေပါတယ် တဲ့ဗျာ ….. ။ ။

လေးစားလျက်
ကိုထင် (ခ) လင်းမြတ်

ကျမ်းကိုးများ
“The US-China trade war and Phase One Agreement.” Peterson Institute for International Economics, 2020.
Dollar, David. “The US-China trade war and its implications for decoupling and self-reliance in China.” Brookings Institution, 2020.
McBride, James, and Andrew Chatzky. “The U.S. Trade Deficit: How Much Does It Matter?” Council on Foreign Relations, 2021.
Congressional Research Service. “U.S.-China Trade Relations,” 2019.
International Monetary Fund. “World Economic Outlook: Global Manufacturing Downturn, Rising Trade Barriers,” October 2019.
World Bank. “Global Economic Prospects: Slow Growth, Policy Challenges,” January 2020.

စေတနာလေးတခု
************

ဗမာပြည်နွေဦးအတွက်တော့ တပြားမှမလာ၊ Election မှာရှုံးတာဘဲကောင်းတယ် !!!!!

2024 October လချုပ်
********************
2024 October တလလုံးရဲ့ Activists များပါဝင်မှုကို စုစည်းတင်ပြလိုက်ရပါတယ်။ ဒီလစာရင်းအချုပ်မှာ ‘နည်းနည်းလျော့သွားတဲ့နောက်တလ’ လို့တော့ဆိုရပါလိမ့်မယ်။ အားမငယ်ဘဲ ရှေ့ဆက်ကြတာပေါ့လေ ….. ။ ။

လေးစားလျက်
ကိုထင် (ခ) လင်းမြတ်
Activists Burma

ကန်ရွေးကောက်ပွဲနေ့နဲ့ ဗမာပြည်နွေဦး
******************************
နွင်ဘာ (၅) ရက်နေ့ဟာ အမေရီကန်နိုင်ငံတွင်းမှီတင်းနေထိုင်ကြသူအားလုံးအပေါ် အကြီးအကျယ်ရိုက်ခတ်မှုရှိမယ့်နေ့ပါဘဲ။ ဗမာပြည်အတွက်တော့ ထူးခြားစရာမရှိပါဘူး။ ဒီမိုကရက်က ဒေါ်အောင်ဆန်းစုကြည်အစိုးရ၊ NUG PDF နဲ့ ပြည်သူတွေအတွက် ဘာမှလုပ်ပေးမှာမဟုတ်သလို ရပတ်ဘလစ်ကန်ကတော့ စိတ်ကိုဝင်စားတာမဟုတ်လို့ပါဘဲ။ ကိုယ့်အားကိုယ်ကိုး ကိုယ်ထူကိုယ်ထကြရမှာပါ။ ငါတို့မှာ ငါတို့ဘဲရှိတာမဟုတ်လား ….. ။ ။

လေးစားလျက်
ကိုထင် (ခ) လင်းမြတ်

အကုန်လုပ်မယ်
**********
တော်လှန်ရေးအတွက်သီချင်းလည်းဆိုပါ့မယ်။ အသံအရည်အသွေးရော အဆိုပိုင်းရော ပိုကောင်းအောင် ဆက်ပြီးကြိုးစားသွားပါဦးမယ် ….. ။ ။

https://youtu.be/jYTCdWLLjJ8?si=8gUZ5C2RWhI1tAXx

လေးစားလျက်
ကိုထင် (ခ) လင်းမြတ်

နယ်စပ်ပိတ်တယ် ???
**************
KIA ဖီမော်သိမ်းလို့ နယ်စပ်ပိတ်တယ်လား ??? ကောင်းပြီလေ၊ ငါတို့ကလည်း …..

ထိုင်ဝမ်သည် လွတ်လပ်သောနိုင်ငံဖြစ်သည်။
တိဘက်နိုင်ငံတော် လွတ်လပ်ပါစေ။
လွတ်လပ်သော ဝီဂါနိုင်ငံတော်ပေါ်ထွန်းဖို့မျှော်လင့်တယ်။

Taiwan is an independent state.
May Tibet be liberated.
We expect to see republic of Uyghur.

台湾是一个独立的国家。
愿西藏得到解放。
我们期望看到维吾尔共和国。

ဒါဘဲ၊ ရှင်းတယ် !!!!!

လေးစားလျက်
ကိုထင် (ခ) လင်းမြတ်

နပခ
****

“ခရေပွင့်အပြီးကြွေပြီ” တဲ့ !!!!!

လေးစားလျက်
ကိုထင် (ခ) လင်းမြတ်

တိုးမြင့်အားထုတ်သင့် …
******************

ရောက်ဆဲအရပ်မှာတင်တွင်းတူးပြီး လျောင်းကမ္မဋ္ဌာန်းကို (၇) ရက်ဆက်တိုက်အားထုတ်နေသင့်တာပါလေ … ။ ။

ကိုထင် (ခ) လင်းမြတ်

ဖြေကြည့် …
********
အဲဒီတော့ဘာဖြစ်တုန်း???
ရောက်တာတဲ့ DPRK တပ်တွေက “အညားစရော” လို့ပြောလာကြလား ??? ဖြေကြည့်ပါဦး …..

အကြောက်တရားအားဖြင့်ကျုံးသွင်းခြင်း
*********************************
တခါတုန်းက သုတေသနပညာရှင်အချို့ဟာ မျောက် (၅) ကောင်ကိုသုံးပြီးစမ်းသပ်မှုတခုပြုလုပ်ခဲ့ကြသတဲ့။ ဒီ “စမ်းသပ်မှု” ဆိုတဲ့ကိစ္စနဲ့ပါတ်သက်ပြီး အပြင်လောကမှာတော့ အငြင်းပွါးစရာအတော်များများရှိနေခဲ့ပါတယ်။ ‘ဒီကိစ္စဟာကြာပြီ’ လို့လည်းဆိုကြတယ်၊ ‘ဒီကိစ္စဟာဒုတိယကမ္ဘာစစ်မတိုင်ခင်ကတည်းကရှိတယ်’ လို့လည်းဆိုကြတယ်၊ ‘ဒီကိစ္စဟာဒုတိယကမ္ဘာစစ်အပြီးမှဖြစ်တာ’ လို့လည်းဆိုကြတယ်၊ ‘ဒီကိစ္စဖြစ်တာ ၁၉၆၆ တုန်းက’ လို့လည်းဆိုကြတယ်၊ ‘ဒီကိစ္စကို G.R. Stephenson ရဲ့ Primate Behavior Research ကနေထုတ်နှုတ်တင်ပြတယ်’ လို့လည်းဆိုကြတယ်ပေါ့။ ကိုယ်တိုင်လည်း ကျယ်ကျယ်ပြန့်ပြန့်သုတေသနလိုက်မလုပ်နိုင်တာမို့ မှတ်သားမိသမျှကိုဖောက်သည်ချခြင်းသက်သက်ပါ။ တကယ့်အဓိက Suject Matter ကတော့ စိတ်ဝင်စားစရာကောင်းလှတာကြောင့် တင်ပြလိုက်ရခြင်းဖြစ်ပါတယ်။ စမ်းသပ်ပုံကိုသိပြီးသူတွေအတွက်တော့ ကောက်ချက်ဆွဲတဲ့အပိုင်းကိုသာတန်းဖတ်လိုက်လို့ရပါတယ်ဗျာ။ ကိုယ်ပိုင်အမြင်တွေထဲကရှုထောင့်တခုထဲကိုသာဖော်ပြတာမို့ အမြင်မတူခြင်းများလည်းရှိနိုင်ကြောင်း လက်ခံထားပြီးဖြစ်ပါတယ်။

# စမ်းသပ်ပုံ
ပုံးကြီးတလုံး (မျောက်တွေအထဲမှာချောင်ချောင်ချိချိနေနိုင်လောက်အောင်ကျယ်ဝန်းပါတယ်၊ ဆယ်ပေပတ်လည် စသဖြင့်ပေါ့)၊ မျောက်ငါးကောင်၊ လှေကားတစင်း နဲ့ ငှက်ပျောသီးတဖီးတို့ အဓိကပါဝင်ပါတယ်။
ပထမဆုံး
အခန်းထဲမှာလှေကားထောင်၊ လှေကားထိပ်မှာငှက်ပျောဖီးကိုတင်၊ ပုံးအပေါ်မှာ ရေတွေဖြန်းမယ့်ရေပိုက်တွေနဲ့လူတွေကိုနေရာချ၊ ပြီးတာနဲ့ မျောက်ငါးကောင်ကိုပုံးထဲလွှတ်ချလိုက်ပါတယ်။ မျောက်တွေဟာတောင်တောင်မြောက်မြောက်လျှောက်ကြည့်ပြီးမကြာခင်မှာဘဲ လှေကားထိပ်ကငှက်ပျောဖီးကိုတွေ့ကြပါသတဲ့။ ဒီအခါမှာငါးကောင်ထဲကတကောင်ဟာ ငှက်ပျောဖီးကိုယူဖို့လှေကားထိပ်ကိုပြေးတက်ပါသတဲ့။ အဲသလိုပြေးတက်တာနဲ့ ပုံးပေါ်မှာအသင့်စောင့်နေတဲ့လူတွေက မျောက်တွေကိုရေအေးပိုက်တွေဖွင်းပြီး စိမ့်နေအောင်အေးတဲ့ရေနဲ့ဝိုင်းထိုးကြပါသတဲ့။ ငှက်ပျောဖီးတက်ယူဖို့ကြိုးစားတဲ့မျောက်ဟာ ငှက်ပျောဖီးကိုတက်မယူတော့ဘဲလှေကားပေါ်ကဆင်းပြေးမှသာ ရေအေးတွေနဲ့ဝိုင်းထိုးတဲ့ကိစ္စကိုရပ်တန့်ကြပါသတဲ့။ ငှက်ပျောသီးကို မျောက်ငါးကောင်ထဲကဘယ်မျောက်ဘဲတက်ယူဖို့ကြိုးစားကြိုးစား ရေအေးနဲ့ဝိုင်းထိုးခံရပါများတော့မျောက်တွေအားလုံးဟာငှက်ပျောသီးရယူဖို့ကိစ္စကိုလက်လျှော့လိုက်ကြပါသတဲ့။ ဒါ့အပြင် ငှက်ပျောသီးတက်ယူဖို့ကြိုးစားတဲ့မျောက်ပေါ်လာတိုင်း ကျန်မျောက်တွေကဝိုင်းဝန်းရိုက်နှက်ကြတဲ့အဆင့်ကိုပါရောက်ရှိလာပါရောတဲ့။
ဒုတိယအဆင့်အနေနဲ့
မျောက်ငါးကောင်ထဲကတကောင်ကိုဆွဲထုတ်ပြီးအသစ်တကောင်အစားထိုးထည့်လိုက်ပါသတဲ့။ မျောက်သစ်လည်း ငှက်ပျောသီးရဖို့ကြိုးစားတိုင်းအတီးခံရတော့ သူလည်းအခြားမျောက်လေးကောင်နဲ့တပုံစံထဲပြုမူပါတော့သတဲ့။ တဆက်ထဲ လှေကားထိပ်ကငှက်ပျောဖီးကိုလည်း စမ်းသပ်သူများကဖယ်လိုက်ပါသတဲ့။
တတိယအဆင့်အနေနဲ့
မျောက်ဟောင်းလေးကောင်ကိုတကောင်စီအစဉ်အတိုင်းဖယ်ပြီးအသစ်တွေနဲ့အစားထိုးပါသတဲ့။ ရေအေးနဲ့ပက်တာတွေမလုပ်တော့သည့်တိုင် လှေကားပေါ်တက်မယ့်မျောက်မှန်သမျှဟာကျန်မျောက်များရဲ့တိုက်ခိုက်ခြင်းကိုဆက်ခံရပါတော့သတဲ့။
နောက်ဆုံးအဆင့်
ဒီအဆင့်မှာတော့
(က) မျောက်ဟောင်းငါးကောင်လုံးမရှိတော့ပါ
(ခ) ငှက်ပျောဖီးလည်းမပါတော့ပါ
(ဂ) ရေအေးအကြောင်းလည်းမသိကြတော့ပါ
(ဃ) ငှက်ပျောဖီးကြောင့်ဒဏ်ပေးခံရမှန်းလည်းမသိကြပါ
“လှေကားပေါ်မတက်ရ၊ တက်တဲ့မျောက်ကိုတိုက်ခိုက်ရမယ်” ဆိုတဲ့အသိမှားဟာ မျောက်များမှတ်ဉာဏ်ထဲနက်ရှိုင်းစွာဝင်ရောက်သွားခဲ့ပါပြီ။ အခုဖော်ပြခဲ့တာတွေကတော့ စမ်းသပ်လေ့လာမှုရဲ့အနှစ်ချုပ်ကလေးပေါ့။

# ကောက်ချက်
Freedom of Speech ဆိုတာမရှိ၊ Reasoning ကိုအားမပေးတဲ့ပညာရေးစနစ်မျိုးထွန်းကားပြီး၊ Senior က Junior ကို Blind faith တွေအတင်းအကြပ်သွပ်သွင်းတဲ့ဓလေ့ထုံးတမ်းထွန်းကားတဲ့အရပ်တိုင်းကလူသားများဟာလည်း အထက်ကဖော်ပြခဲ့တဲ့စမ်းသပ်ခန်းမှာပါတဲ့မျောက်သစ်များ (မူလမျောက်ငါးကောင်မဟုတ်) လိုပါဘဲ။ သူတို့ဟာ အကြောင်းရင်းကိုသိနိုင်စွမ်းလည်းမရှိကြပါဘူး၊ ပကတိအခင်းအကျင်းကိုစူးစမ်းလေ့လာခြင်းလည်းကင်းကြပါတယ်၊ အနွယ်တူခြင်းလည်းအကြောင်းမဲ့တိုက်ခိုက်တတ်ကြပါတယ်၊ ပြဿနာကိုဖန်တီးခဲ့တဲ့လက်သည်တရားခံကိုရှာဖွေနိုင်ဖို့ကတော့ ဝေလာဝေးပေါ့။ ဒီသော့ချက်ကိုကောင်းကောင်းသိတဲ့သမိုင်းအဆက်ဆက် ကမ္ဘာအရပ်ရပ်ကအုပ်စိုးသူများဟာ မလျော်ကန်သောသဘောနဲ့ သူတို့ရဲ့အုပ်ချုပ်ခံ၊ ကျွန်ပြုခံအဖြစ်ထားရှိလိုသူများကို ဒီနည်းအတိုင်းအကြောက်တရားကိုဖြစ်ပေါ်စေပြီး ကျုံးသွင်းခဲ့ကြပါတယ်။ မျက်မှောက်ခေတ်မှာလည်း ကျုံးသွင်းနေကြဆဲပါဘဲ။ အနာဂတ်မှာလည်း ကျုံးသွင်းမှုတွေရှိနေဦးမှာပါ။ တကယ်တော့ နိုင်ငံတိုင်းကိုဆိုင်ရာနိုင်ငံသားတိုင်းပိုင်ကြတာမို့ အဲသလိုကျုံးသွင်းမခံရဖို့အတွက် အကြောက်တရားကိုဆန့်ကျင်နိုင်မှအောင်မြင်ပါလိမ့်မယ်။ ဒီလိုဆန့်ကျင်တဲ့နေရာမှာ Rise of the planet ထဲက Caesar ရဲ့စိတ်ဓာတ်နဲ့လုပ်ရပ်မျိုးကို မွေးမြူပျိုးထောင်နိုင်မှသာ မိမိတို့ကိုမတရားသဖြင့်ကျွန်ဇာတ်သွင်းမယ့်သူတွေကို အောင်နိုင်လိမ့်မှာဖြစ်ပါကြောင်း ….. ။ ။

လေးစားလျက်
ကိုထင် (ခ) လင်းမြတ်

ကျန်တဲ့သူတွေ
********
ဖျင်ယားပြီးမယ်ပွဲသွားပြိုင်တယ်၊ တော်လှန်ရေးထဲမပါဘဲ ဖက်ဆစ်တပ်လက်အောက်မှာသာယာသလိုကျန်နေခဲ့တဲ့သတ္တဝါတွေရဲ့စိတ်ဓာတ်ကို နိုင်ငံတကာကသိသွားတယ်။ တိုင်းပြည်မှာနိုင်ငံရေးကအခရာဘဲ။ နိုင်ငံရေးညံ့ရင်အရာရာညံ့တယ်။ ဒါကိုဘယ်လိုဘဲလှီးလွှဲရှောင်ရှားလည်း ပြေးလို့လွတ်စရာမရှိဘူး။ အဆစ်တိုဟာယုတ်ယုတ်မာမာနဲ့အာဏာလုထားထားတာကို သာယာသလိုနေပြီးဟိုပွဲလုပ်လိုက် ဒီပွဲလုပ်လိုက် ဟိုဟာနဲ့ပျော်လိုက် ဒီဟာနဲ့ပျော်လိုက်လုပ်နေသူအားလုံးရဲ့စိတ်ဓာတ်ဟာ “Nasty Mind” ပါဘဲ။

သိပ်ကျိန်းသေတာတခုကတော့ ဒီတော်လှန်ရေးဟာ “အသက်ကိုစွန့်ပါတယ်” ဆိုတဲ့အထိ စိတ်ဓာတ်မြင့်မြတ်ကြသူတွေဦးဆောင်နေတာမို့ ကနေ့အထိခရီးရောက်လာတာဖြစ်တယ်။ တကယ်ဆို တော်လှန်ရေးကိုလျစ်လျူရှုထားတဲ့ လူ့အောက်တန်းစားအားလုံးဟာ လွတ်မြောက်မှုမှန်သမျှနဲ့ တရံတဆစ်ကလေးတောင်မှထိုက်တန်မနေဘူး။ နိုင်ငံတကာဟာ များမကြာခင်မှာဘဲ လွတ်မြောက်ခြင်းနဲ့မထိုက်တန်တဲ့သူတွေကို အရှုံးကြီးရှုံးတဲ့မယ်ပွဲကိုမြင်သလိုဘဲမြင်လာကြမှာပါ။ ဗမာပြည်ကတော့ အများလားရာရွေ့ပြီး တန်ရာရသွားမှာပါ။ ခုတောင် လာအိုလိုနိုင်ငံကိုအလုပ်သမားတွေစပြီးပို့နေရပြီမဟုတ်လား။ ပေါ့ပေါ့နေပေါ့ပေါ့စားပြီး မြင့်မြတ်တဲ့စိတ်ဓာတ်မရှိသူတွေအတွက်တော့ ပြည်တွင်းမှာလည်းသဘောက် ပြည်ပမှာလည်းကျွန်အဖြစ်သာ နိဂုံးချုပ်လိမ့်မယ်။ ဆဲနိုင်ပြီ ….. ။ ။

လေးစားလျက်
ကိုထင် (ခ) လင်းမြတ်

ဇာတ်
*
သုံးပွင့်ဆိုင်အချစ်ဇာတ်လမ်း …
အဲလေ ဟုတ်ပေါင်

“သုံးပွင့်ဆိုင် အကိုက်ဇာတ်လမ်း !!!” ….. ။ ။

လေးစားလျက်
ကိုထင် (ခ) လင်းမြတ်

ကွန်မြူနစ်အကွက်သစ်
***************
ပူးတွဲပါ SS ရဲ့အောက်ခြေကိုကြည့်လိုက်ရင် “Follow ထားတာ ၂၄ နာရီကျော်သူများကိုသာ ပေးမန့်တယ်” လို့အဓိပ္ပါယ်ရတဲ့စာသားကိုမြင်ကြရမှာပါ။ CCP ကို ဝိုင်းဆဲကြတော့ ကွန်မြူနစ်စာမျက်နှာလည်းမခံနိုင်တော့ဘူး၊ ကန့်သတ်ရတော့တာဘဲလေ။ “မရဲဘဲနဲ့ကျွဲပြီးစီးတယ်” ဆိုတာ ဒါမှအစစ်ပါ။ နောက်ပြီး Follower ကလည်းလိုချင်သေးတော့ “ဆဲချင်ရင် Follow လုပ်” ဆိုတဲ့အကွက်နဲ့ “လင်လိုချင်ပေမယ့် အဝှါကြောက်တဲ့အပျိုကြီး” ဒီဇိုင်းချိုးတော့တာပေါ့။

ဘာဘဲဖြစ်ဖြစ် “တရုတ်ကွန်မြူနစ် ကျဆုံးပါစေ” လို့သာ … ။

လေးစားလျက်
ကိုထင် (ခ) လင်းမြတ်

သုတေသနသစ်
**********

ဒြုန်းကနေဝဲပျံထွက်လာတဲ့အပိုင်းအစတွေမှန်ဖူးရင် အဲသလိုဘဲဂယောင်ခြောက်ခြားတွေပြောကုန်ကြတယ်ထင်ပါရဲ့။ ဒီကိစ္စကို သုတေသနပြုသင့်တယ်။
😄😄😄😄😄

တရာနဲ့ဖြေ ပေါက်ဖော်ရေ
*******************

ဘုတလင်ဖြစ်ရပ်လောက် နာကျင်စရာကောင်းလို့လားပေါက်ဖော်ရာ၊ မင်းတို့မလဲ …..
😏😏😏😏😏

ရာဇဝင်ရှိကြတယ်
***********

KIA ကပန်ဝါကိုသိမ်းလို့ ပန်ဝါနယ်ခြားဂိတ်ကိုတရုတ်ကပိတ်သတဲ့။
“သူတောင်းစားထမင်းဝလာရင် ဇရပ်ပေါ်တက်ပြီး အဝှါတောင်တယ်” ဆိုတဲ့စကားဟာ စိနအတွက်တော့ကွက်တိဘဲ။ ယဉ်ကျေးမှုတော်လှန်ရေးကာလက ဆန်နီထမင်းကြမ်းနဲ့ ပဲငံပြာရည်ခွက်ထဲကျောက်စရစ်ခဲထည့်စုပ်စားခဲ့တဲ့ဘဝကနေ တိန်ရှောင်ဖိန်ကောင်းမှုနဲ့ ဆန်ဖြူထမင်းဝဝစားလာရတော့ ဇရပ်ပေါ်ကသူတောင်းစားလိုဖြစ်လာတော့တာပါဘဲဗျာ၊ ဂိတ်လွန်လူပါးဝလာသပေါ့၊ ဒါထက်ဘာမှမပိုပါ ….. ။ ။

လေးစားလျက်
ကိုထင် (ခ) လင်းမြတ်

စက်ရပ်
***
စိနတို့ဝိုင်းညှော်နေတဲ့ကြားက ဒူဝါတို့ရဲ့ KIA ဟာ ပန်ဝါကိုသိမ်းပိုက်ထိန်းချုပ်လိုက်ပြီလို့ ကြားသိရပါကြောင်း ….. ။ ။

လေးစားလျက်
ကိုထင် (ခ) လင်းမြတ်

တရုတ်ကွန်မြူနစ်ကျဆုံးပါစေ
***********************
တရုတ်အစိုးရဟာ KIO ခေါင်းဆောင်တွေကိုတွေ့ပြီး ဖက်ဆစ်တပ်ကိုတိုက်နေတဲ့ ကချင့်တိုက်စစ်တွေကိုရပ်တန့်ဖို့ ဖိအားတွေပေးနေသတဲ့။

ကိုင်း … ငါတို့တော်လှန်ရေးဘက်တော်သားတွေအနေနဲ့လည်း KIO-KIA နဲ့အတူရပ်ပြီး ငါတို့ပြည်တွင်းရေးကိုဝင်ရောက်စွက်ဖက်နေတဲ့ တရုတ်ကွန်မြူနစ်ကို ကျယ်ကျယ်လောင်လောင် တုန့်ပြန်လိုက်ကြစို့ရဲ့ !!!!!

ထိုင်ဝမ်သည် လွတ်လပ်သောနိုင်ငံဖြစ်သည်။
တိဘက်နိုင်ငံတော် လွတ်လပ်ပါစေ။
လွတ်လပ်သော ဝီဂါနိုင်ငံတော်ပေါ်ထွန်းဖို့မျှော်လင့်တယ်။

Taiwan is an independent state.
May Tibet be liberated.
We expect to see republic of Uyghur.

台湾是一个独立的国家。
愿西藏得到解放。
我们期望看到维吾尔共和国。


လေးစားလျက်
ကိုထင် (ခ) လင်းမြတ်

ဟာ … ကြေကွဲလိုက်ထှာ
ဟီး ဟီး ဟား ဟား
ဟိုး ဟိုး ဟဲ ဟဲ
ဟေး ဟေး ဟက် ဟက် !!!!!
😁😁😁😁😁

သူက အကျိုးပေးကိုပါတာ …..

မသနား
***
ခွေးဘီလူးသန်းရွှေရဲ့သားမက်ကို အဆစ်တိုတို့ဖက်ကဖမ်းလိုက်တယ်ဆိုတဲ့ကောလဟာလတွေဖြစ်ပေါ်နေပါတယ်။ သတင်းအမှန်ဆိုရင်တော့ အဆစ်တိုဟာခွေးဘီလူးကို ‘ဒါဘဲ’ လို့လှန်ပြပြီး အရိုက်အရာပေးခဲ့တဲ့ကျေးဇူးကိုစပြီးဆပ်လိုက်ခြင်းလို့ပြောလို့ရပါတယ်။ ဒါ့အပြင် ကြိုးစင်တက်ခြင်း လုပ်ရဲလို့ခံရဲခြင်းတွေကလွဲလို့ ‘ဘာမဆိုလုပ်ရဲတယ်’ လို့ကြွေးကြော်ခဲ့တဲ့သူ့စကားကို အဆစ်တိုအနေနဲ့ အပြုအမူနဲ့ထပ်ပြီးသက်သေပြလိုက်ခြင်းပါဘဲ။

ဘယ်လိုဘဲဖြစ်နေနေ-ဖြစ်လာလာ ခွေးဘီလူးကိုဘဲဖြစ်ဖြစ် ခွေးဘီလူးသားမက်ကိုဘဲဖြစ်ဖြစ် ခွေးဘီလူးမြေးကိုဘဲဖြစ်ဖြစ် အဆစ်တိုမိသားစုကိုဘဲဖြစ်ဖြစ် “လုံးဝ မသနား” လို့သာအတိအလင်းဆိုချင်ပါတယ်။ ဒီဖြစ်ရပ်ဟာ ခွေးချင်းကိုက်တဲ့ပွဲထက်လည်း ဘာမှမပိုဘူးရယ်လို့ နိဂုံးအနေနဲ့ပြောလိုပါကြောင်းဗျား ….. ။ ။

လေးစားလျက်
ကိုထင် (ခ) လင်းမြတ်

မှတ်ချက် ။ ။ ပြည်သူ့ဂရုဏာလိုချင်ရင် တော်လှန်ရေးကိုအပြည့်အဝပါဝင်ရုံကလွဲလို့ အခြားရွေးချယ်စရာမရှိပါ … ။

ဟော …..

တန်ရာပေးမယ်
**********
ဘယ်လို ဘယ်လို?
ဗမာပြည်နွေဦးကိုထိခိုက်လာအောင်လို့ ကိုးကန့်အပါအဝင် EAO တွေကိုဖိအားပေးတယ်၊ စစ်သူပုန်ကိုအားပေးတယ်၊ ဗမာ့ပြည်တွင်းရေးထဲခြေဝင်ရှုပ်တယ်၊ ဗမာတပြည်လုံးကပြည်သူ့ဆန္ဒကို စော်ကားတယ်တဲ့လား ??? အဟင်း … ငါတို့က ဒင်းတို့ရဲ့ဗမာပြည်တွင်းကအကျိုးစီးပွါးကိုတောင်မပျက်စီးစေချင်မိခဲ့တဲ့အပေါ် သူတို့ကဒါမျိုးပြန်ပေးတယ်တဲ့လား ????? ကောင်းပြီလေ။ အခုတော့ဒီလိုရပ်တည်တယ်၊ ရှင်းရှင်းဘဲ။

ထိုင်ဝမ်သည် လွတ်လပ်သောနိုင်ငံဖြစ်သည်။
တိဘက်နိုင်ငံတော် လွတ်လပ်ပါစေ။
လွတ်လပ်သော ဝီဂါနိုင်ငံတော်ပေါ်ထွန်းဖို့မျှော်လင့်တယ်။

Taiwan is an independent state.
May Tibet be liberated.
We expect to see republic of Uyghur.

台湾是一个独立的国家。
愿西藏得到解放。
我们期望看到维吾尔共和国。

လေးစားလျက်
ကိုထင် (ခ) လင်းမြတ်

ငါတို့လည်းရပါတယ်
***************
ကန်သမ္မတဘိုက်ဒန်က ၂၀၂၃ တုန်းက ကယ်လီဖိုးနယားပြည်နယ် ဆန်ဖရန်စစ္စကိုမှာ အေပက်အစည်းအဝေးလုပ်ခဲ့တယ်။ စိနသမ္မတကြီးရှီလည်းတက်ရောက်ခဲ့တယ်ပေါ့လေ။ အစည်းအဝေးမိန့်ခွန်းတခုမှာ ကန်သမ္မတဘိုက်ဒန်က စိနသမ္မတရှီကို “Dictator (အာဏာရှင်)” လို့ပြောထည့်လိုက်တော့ တကမ္ဘာလုံးကသံတမန်ရပ်ကွက်တခုလုံး ဟင်ကနဲ ဟာကနဲတွေဖြစ်ကုန်ကြတာပေါ့လေ။ ဒီကိစ္စကြောင့်ပွက်လောအရိုက်ဆုံးက တရုတ်ပြည်မ ပါဘဲ။

မုဆိုးမလေးဂင်္ဂါဇာတ်လိုဘဲ စိန CCP ဝါဒဖြန့်ချီရေးတွေလည်း မပြီးနိုင်မစီးနိုင်ပြောလိုက်ကြဆိုလိုက်ကြ၊ ဝေဖန်လေကန်လိုက်ကြ၊ ကြုံးဝါးစိန်ခေါ်လိုက်ကြနဲ့ ပေါ့လေ။ တခါသားမှာ စိန CCP အမာခံတယောက်နဲ့ ကန်ဖက်က Freedom of Speech ကိုလက်ခံသူတယောက် စကားစစ်ထိုးကြရော တဲ့။

ဒီအခါမှာ ကန်ဖက်က Freedom of Speech သမားက
“ဟျောင် … မင်းနားလည်ထားဖို့က၊ ငါတို့ကန်နိုင်ငံသားတွေဟာ ကန်သမ္မတဘိုက်ဒန်ကိုမကြိုက်လို့ ကနေ့ ဝါရှင်တန်-ဒီစီ က ကန်သမ္မတအိမ်ဖြူကိုသွား၊ သမ္မတအားတဲ့အချိန် သူ့ရဲ့ Oval Office ထဲမှာ သူထိုင်တဲ့စားပွဲကိုလက်သီးနဲ့ထုပြီး ‘ဒီမှာ သမ္မတကြီး၊ သမ္မတကြီးနဲ့အစိုးရအဖွဲ့ အမေရီကန်နိုင်ငံကြီးကို ကနေ့အုပ်ချုပ်လည်ပတ်နေပုံနဲ့ပါတ်သက်ပြီး လုံးဝ မကြိုက်ဘူး’ လို့သွားပြီး ဆန္ဒထုတ်ဖော်လို့ရတယ်ကွာ့ !!!” လို့ပြောရော တဲ့။ ဒီအခါမှာ စိန CCP အမာခံက၊ “မင်းတို့တင်ပြောလို့ရတာမဟုတ်ဘူး၊ ငါတို့လည်းအဲသလိုမျိုး သမ္မတဆီအထိတက်ပြီးဝေဖန်လို့ရတယ်” လို့ပြန်ပြောပါရော တဲ့။ ကန်ဖက်က Freedom of Speech သမားလည်း အံ့တွေဩပြီး “အေး … ဘယ်လိုရတယ်ဆိုတာပြောပြစမ်း” ဆိုပြီးဆက်မေးပါရော တဲ့။

ဒီအခါမှာ စိန CCP အမာခံက
“ငါတို့လည်း ဘေဂျင်းက Zhognanhai ရုံးဆီ ရက်ချိန်းတောင်း၊ ခွင့်ပြုချက်ရပြီးရင် သမ္မတရှီရုံးခန်းထဲဝင်၊ သူ့ရဲ့ မဟော်ဂနီစားပွဲကိုထုပြီး ‘ဒီမှာ သမ္မတကြီး၊ ကန်သမ္မတကြီးနဲ့အစိုးရအဖွဲ့ အမေရီကန်နိုင်ငံကြီးကို ကနေ့အုပ်ချုပ်လည်ပတ်နေပုံနဲ့ပါတ်သက်ပြီး လုံးဝ မကြိုက်ဘူး’ လို့သွားပြီး ဆန္ဒထုတ်ဖော်လို့ရတယ်ကွာ့ !!!” လို့ပြန်ပြောသတဲ့။

ကိုင်း … စိနကွန်မြူနစ်စနစ်ဟာဘယ်လောက်တောင်လွတ်လပ်တုန်း။ ကမ္ဘာ့ခေါင်းဆောင်တွေကိုတောင် စိတ်ကြိုက်ဝေဖန်ပြောဆိုလို့ရနေတာမဟုတ်လား ???
အဟင်း ဟင်း ….. ။ ။

လေးစားလျက်
ကိုထင် (ခ) လင်းမြတ်

ဖြစ်ပုံ
*

ဖြစ်ပုံ (၁)
မေး
ပုဂံနဲ့ပါတ်သက်ပြီးဒေါက်ဇော်ကိုဘာပြောချင်ပါသလဲ ???
ဖြေ
ဒေါက်ဇော်ဟာ ပုဂံကျိန်စာသင့်လူသားတယောက်ပါ၊ ပုဂံကိုဖျက်ဆီးသွားလို့ လုံးဝ မကျေနပ်ပါဘူး !!!

ဖြစ်ပုံ (၂)
မေး
ပုဂံနဲ့ပါတ်သက်ပြီး အဆစ်တိုကိုဘာပြောချင်ပါသလဲ ???
ဖြေ
အု .. အဟု … ဝု … ဖရု … (ဘောနင်နေ၍ မဖြေနိုင်ရှာ)

ပလော်ဘလမ် ?????

လေးစားလျက်
ကိုထင် (ခ) လင်းမြတ်

ဂတိ
****

သုဂတိသွားနှင့်သူအတွက်
ဒုဂ္ဂတိလားမည့်သူ၏ နှုတ်ခွန်းဆက် ….. ။

စက်ဆုပ်စွာဖြင့်
ကိုထင် (ခ) လင်းမြတ်

လမ်းစဉ်
****

တော်လှန်ရေးဖက်က အဲဒါမျိုးတွေလုပ်နေတဲ့အချိန်မှာ ဒေါက်တာဇော်မြင့်မောင်တယောက်ကတော့ ဖက်ဆစ်များရဲ့ရက်စက်ယုတ်မာမှုကြောင့် ကြွေလွှင့်ခဲ့ရပြီ။

တော်လှန်ရေးဘက်တော်သားတွေအနေနဲ့ ခုအတိုင်းဆက်သွားနေဦးမှာလား ? ဒါမှမဟုတ် အစ္စရေး IDF ရဲ့ ဟမ္မူရာဘီဥပဒေကိုပြောင်းလဲကျင့်သုံးမှာလား ဆိုတာကိုတော့ ရွေးသင့်ချိန်ထက် ကျော်လွန်နေပါပြီလေ … ။

မှတ်ချက် ။ ။ အစ္စရေးဘာလုပ်လုပ်ထောက်ခံတယ် လို့တော့ မဆိုလိုပါကြောင်း။

လေးစားလျက်
ကိုထင် (ခ) လင်းမြတ်

အချောင်သမားများအတွက်
*********************
ဒေါ်အောင်ဆန်းစုကြည်အသက်ပေးပြရင်ရောတတိုင်းပြည်လုံးအုံကြွကြမယ်ထင်သလား ????? အဟင်း … အချောင်သမားတွေကို လုံးဝ မယုံကြည်မိပါဘူးလေ …..