Khit Thit Media

ကနီမြို့နယ်၊ ချောင်းမအရှေ့ရွာသို့ စစ်တပ်က စက်တပ်လေထီးများဖြင့် ပစ်ခတ်တိုက်ခိုက်မှု ပြည်သူ ၅ ဦးသေဆုံးပြီး ၂၀ ဦးထိခိုက်ဒဏ်ရာရ

ရန်ကုန်၊ ဖေဖော်ဝါရီ ၁၉

ကနီမြို့နယ်၊ ချောင်းမအရှေ့ရွာသို့ စစ်တပ်က စက်တပ်လေထီးများဖြင့် ပစ်ခတ်တိုက်ခိုက်မှု ပြည်သူ ၅ ဦးသေဆုံးပြီး ၂၀ ဦးထိခိုက်ဒဏ်ရာရရှိကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ ဖေဖော်ဝါရီလ ၁၈ ရက်နေ့ ညနေ ၅ နာရီအချိန် စစ်ကိုင်းတိုင်း၊ကနီမြိုနယ် တောင်ခြမ်း ချောင်းမ အရှေ့ရွာကို စစ်တပ်က စက်တပ် လေထီးများဖြင့် ပစ်ခတ်တိုက်ခိုက်ခဲ့ရာ ပြည်သူ ၅ ဦးသေဆုံးပြီး ၂၀ ဦးဒဏ်ရာရရှိကြောင်း၊ အဆိုပါ စက်တပ်လေထီးများသည် မုံရွာမြို့နယ် အခြေစိုက် အနောက်မြောက်တိုင်းစစ်ဌာနချုပ် တက်လာခြင်းဖြစ်ကြောင်း သိရှိရသည်။

"နမခက နေတက်လာတဲ့စက်တပ်လေထီးတွေပါ။ စက်တပ် လေထီးတွေက ၁၂၀မမ ၄လုံး ချတာ။ ၄လုံးကို တစ်ခါချရင် ၂လုံးနဲ့ ၂ ကြိမ်ချသွားတာပါ။ သေဆုံးသူတွေကတော့ ကိုချစ်ဦး၊ဒေါ် မြတ်ဌေး၊ ကိုနေလင်းထွန်း၊ကိုဟန်သူကိုကိုနဲ့ ချောင်းမအနောက်ရွာ ကလေး ၁ ဦးသေဆုံးတယ်။ ပြည်သူ ၂၀ ဦးလည်း ကျည်စထိမှန်တာရှိတယ်" ဟု ချောင်းမ အရှေ့ရွာသားတစ်ဦးက ပြောဆိုသည်။

အကြမ်းဖက်စစ်တပ်က ကနီမြို့နယ်အတွင်း မုဌောရွာ၊ နတ်ကြီးရွာ၊ ထောက် ကြံ့ကုန်း၊ ဆူးလေကုန်း၊ နတ်လာပို့ရွာ၊ နွားခြံကုန်းရွာများကို လေကြောင်းတိုက် ခိုက်မှုများ ဆက်တိုက် လုပ်ဆောင်နေခြင်းဖြစ်ကြောင်း၊ လတ်တလော လေ ကြောင်းတိုက်ခိုက်မှုများကြောင့် ပြည်သူ ၁၀ ဦးခန့်အထိသေဆုံးခဲ့ပြီဖြစ် ကြောင်း သိရှိရသည်။

စစ်ကောင်စီက စစ်မှုထမ်းဆင့်ခေါ်၍ ထွက်ပြေးလာသော မြန်မာနိုင်ငံသား ၁၁၆ ဦးကို ထိုင်းနိုင်ငံတွင် တရားမဝင် ဝင်ရောက်မှုဖြင့် ဖမ်းဆီး

ရန်ကုန်၊ ဖေဖော်ဝါရီ ၁၉

အကြမ်းဖက် စစ်ကောင်စီက စစ်မှုထမ်းဆင့်ခေါ်၍ ထွက်ပြေးလာသော မြန်မာနိုင်ငံသား ၁၁၆ ဦးကို ထိုင်းနိုင်ငံတွင် တရားမဝင် ဝင်ရောက်မှုဖြင့် ဖမ်းဆီးလိုက်ကြောင်း ထိုင်းသတင်းဌာနများက သတင်းဖော်ပြသည်။

ဖေဖော်ဝါရီလ ၁၈ ရက်နေ့ ညနေ ၅ နာရီ ၃၀ မိနစ်အချိန် ထိုင်းနိုင်ငံ၊ ထိုင်း-မြန်မာနယ်စပ် ကန်ချနဘူရီ ခရိုင်၊ Sangkla Buri တွင် မြန်မာနိုင်ငံသား ၁၁၆ ဦးကို ဖမ်းဆီးရရှိခြင်းဖြစ်ကြောင်း၊ ဖမ်းဆီးရရှိသူများတွင် အမျိုးသမီး ၄၄ ဦးနှင့် ကလေးငယ် ၂ ဦး ၊ အမျိုးသား ၇၀ ဦးပါဝင်ကြောင်း၊ မြန်မာနိုင်ငံတွင် စစ်တပ်က ဆင့်ခေါ်နေသော စစ်မှုထမ်းအဖြစ်မှ ရှောင်တိမ်းရန် ထွက်ပြေးလာကြသည်ဟု ဖမ်းဆီးရရှိသူများက ထွက်ဆိုကြောင်း သိရှိရသည်။

ဖမ်းဆီးရရှိသူများက တစ်ဦးလျှင် ထိုင်းဘတ်ငွေ ၁၈၀၀၀ မှ ၂၀၀၀၀ ဘတ် ပေး၍ ထိုင်းနိုင်ငံ၊ ဘန်ကောက်နှင့် မလေးရှားနိုင်ငံ သို့ သွားရောက် အလုပ်လုပ်ရန် အတွက် တရားမဝင် နယ်စပ်ဖြတ်ကျော်လာခြင်းဖြစ်ကြောင်း သိရှိရသည်။

ဗန်းမော်မြို့ ခလရ ၂၃၆ တပ်ရင်းကို KIA နှင့် PDF တပ်က အပြီးသတ် သိမ်း ပိုက် လိုက်ပြီး စကခ ၂၁ ကို အပြင်း အထန် ထိုးစစ်ဆင်နေ၊ စစ်တပ်ဘက်မှ သေဆုံးမှုများပြား

ရန်ကုန်၊ ဖေဖော်ဝါရီ ၁၉

ကချင်ပြည်နယ်၊ ဗန်းမော်မြို့ရှိ ခလရ ၂၃၆ တပ်ရင်းကို အပြီးသတ် သိမ်းပိုက်လိုက်ပြီး စကခ ၂၁ ကို အပြင်းအထန် ထိုးစစ်ဆင်နေကာ အကြမ်းဖက် စစ်တပ်ဘက်မှ သေဆုံးမှုများပြားကြောင်း KIA စစ်ရေးသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၁၈ ရက်နေ့တွင် KIA ပူးပေါင်း တပ်ဖွဲ့များက ဗန်းမော်မြို့ရှိ အကြမ်းဖက် စစ်တပ်၏ ခလရ ၂၃၆ တပ်ရင်း နှင့် အမတ ၃၆၆ တပ်ရင်းတို့ကို အပြီးသတ် တိုက်ခိုက်သိမ်းပိုက်လိုက်ခြင်းဖြစ်ကြောင်း သိရသည်။

ထို့ပြင် အမှတ် ၂၁ စစ်ဆင်ရေးကွပ်ကဲမှုဌာနချုပ် (စကခ ၂၁) ကိုလည်း KIA ပူးပေါင်းတပ်ဖွဲ့များက အပြင်းအထန်ထိုးစစ်ဆင် တိုက်ခိုက်နေပြီး စစ်ဆင်ရေး ကွပ်ကဲမှု ဌာနချုပ်အနီးထိ ပူးပေါင်းတပ်များ ရောက်ရှိနေကာ အကြမ်းဖက် စစ်တပ်ဘက်မှလည်း သေဆုံးမှုများပြားကြောင်း သိရှိရသည်။

"ဖေဖော်ဝါရီလ ၁၈ ရက်နေ့မှာ အမတ-၃၆၆ ကို အပြီးသတ်သိမ်းပိုက်လိုက်ပြီး ခလရ-၂၃၆ လည်းရပြီ အခု စကခ-၂၁ ကို ဆက်လက်ထိုးစစ်ဆင်နေတယ်။ စစ်ဆင်ရေးကွပ်ကဲမှုဌာနချုပ် အနားထိ KIA တပ်တွေရောက်နေပြီ စစ်ခွေးတွေ အကျအဆုံးများတယ်" ဟု KIA ၏ စစ်ရေးသတင်းရင်းမြစ်က ပြောဆိုသည်။

ဇန်နဝါရီလ ၂၄ ရက်နေ့တွင် ဗန်းမော်မြို့ရှိ သံချပ်ကာတပ်ရင်းကို သိမ်းပိုက်နိုင်ခဲ့ပြီး သံချပ်ကာကား ၄ စီးကို သိမ်းဆည်းရရှိခဲ့ကြောင်း၊ ဇန်နဝါရီ ၂၆ ရက်နေ့တွင် ဗန်းမော် လေယာဉ်ကွင်းနှင့် လေဆိပ်တစ်ခုလုံးကို အပြီးသတ် တိုက်ခိုက်သိမ်း ပိုက်နိုင်ခဲ့ကြောင်း၊ ဖေဖော်ဝါရီလဆန်းပိုင်းတွင် အမှတ် ၅၀၁၄ တင့်ကားတပ်၊ အမြောက်တပ် ၃၆၆ ၊ အမှတ် ၆၀၀၇ သံချပ်ကာတပ်နှင့် အမှတ် ၅၀၁၄ တင့်ကားတပ်တို့ ထပ်မံ သိမ်းပိုက်နိုင်ခဲ့ခြင်းဖြစ်ကြောင်း သိရသည်။

အမတ ၃၆၆ တပ်ရင်းကို KIA ပူးပေါင်း တပ်က ဖေဖော်ဝါရီလ ၂ ရက်နေ့တွင် သိမ်းပိုက်နိုင်ခဲ့သော်လည်း တိုက်ပွဲများ ဆက်လက်ဖြစ်ပွားနေခြင်းကြောင့် ဖေဖော်ဝါရီလ ၁၈ ရက်နေ့မှ အပြီး သတ်သိမ်းပိုက်နိုင်ခဲ့ခြင်းဖြစ်ကြောင်း၊ အမှတ် ၂၁ စစ်ဆင်ရေးကွပ်ကဲမှုဌာနချုပ်တွင် အကြမ်းဖက် စစ်တပ်က အခိုင်အမာ ခံစစ်ပြင်ဆင်ထားပြီး လေကြောင်းဖြင့် ခုခံနေ၍ တိုက်ပွဲများ ပြင်းထန်နေကြောင်း သိရှိရသည်။

ဗန်းမော်မြို့ကို အပြီးသတ်သိမ်းပိုက်နိုင်ရေးအတွက် စကခ ၂၁ ၊ ခလရ ၄၇ ၊ လေ့ကျင့်ရေးတပ်နှင့် ဒုံးတပ်ရင်းအပါအဝင် စစ်ကောင်စီတပ်များ ကျန်ရှိနေဆဲဖြစ်ပြီး KIA ဦးဆောင်သော တော်လှန်ရေး တပ်များက ထိုးစစ်ဆင်နေဆဲဖြစ်ကြောင်း ဗန်းမော်မြို့သိမ်းတိုက်ပွဲကို ၂၀၂၄ ခုနှစ် ဒီဇင်ဘာလ ၄ ရက်နေ့မှစတင်၍ KIA ၊ PDF အပါအဝင် တော်လှန်ရေး တပ်ပေါင်းစုက စတင်တိုက်ခိုက်နေခြင်းဖြစ်ကြောင်း သိရှိရသည်။

ဓာတ်ပုံ - ဇန်နဝါရီလ ဆန်းပိုင်းအတွင်း မံစီမြို့ကို သိမ်းပိုက်ခဲ့ကြသည့် KIA ဦးဆောင်သော တော်လှန်ရေးတပ်များ။

Khit Thit သတင်းဌာန၏ ဖေဖော်ဝါရီ ၁၉ ရက် မနက်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၁၉ ရက် မနက်ပိုင်း တင်ဆက်ပေးမယ့် သတင်းတွေကတော့

- အကြမ်းဖက်စစ်ကောင်စီအနေနဲ့ တိုင်းရင်းသားအဖွဲ့အစည်းတွေနဲ့ တွေ့ဆုံဆွေးနွေးဖို့ ချည်းကပ်မှုမရှိဘဲ ရွေး ကောက်ပွဲကျင်းပရေး ပြောဆိုနေရင် အသိအမှတ်ပြုမှုမရတဲ့ ဆုံးရှုံးမှုသာဖြစ်လိမ့်မယ်လို့ ထိုင်းဝန်ကြီးချုပ်ဟောင်း သက်ဆင်က သတိပေးပြောဆိုလိုက်ပါတယ်။

- မြန်မာနိုင်ငံကနေ ပြည်ပနိုင်ငံတွေကို သွားရောက်အလုပ်လုပ်ဖို့ အဓိကကျတဲ့ OWCI ပြည်ပအလုပ်သမား သက်သေခံကတ်တွေ ထုတ်ပေးမှုကို စစ်ကောင်စီက မနေ့ကစပြီး ယာယီရပ်ဆိုင်းလိုက်ပြီလို့ ပြည်ပ အလုပ်အကိုင်အေဂျင်စီအသိုင်းအဝိုင်းက ပြောပါတယ်။

- ကရင်နီအမျိုးသားများကာကွယ်ရေးတပ် (KNDF) ဆီကို ဖေဖော်ဝါရီလအတွင်း အကြမ်းဖက်စစ်တပ်က တပ်သား ၁၃ ဦး လက်နက်ခဲယမ်းတွေနဲ့အတူ အလင်းဝင်လာခဲ့တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။

https://www.youtube.com/watch?v=047fShAv6PE

သထုံမြို့ အမှတ် ၄၀၂ အမြောက်တပ်ရင်းမှ စစ်မှုထမ်း တပ်သားသစ် ၁ ဦး နှင့် တီးတိန်မြို့ ခလရ ၂၆၉ တပ်ရင်းမှ စစ်ကောင်စီ တပ်သား ၂ ဦး လက်နက်ခဲယမ်းနှင့်အတူ အလင်းဝင်

ရန်ကုန်၊ ဖေဖော်ဝါရီ ၁၉

မွန်ပြည်နယ်၊ သထုံမြို့ အမှတ် ၄၀၂ အမြောက်တပ်ရင်းမှ စစ်မှုထမ်း တပ်သားသစ် ၁ ဦး သေနတ် ၁ လက် ယူဆောင်လာပြီး အလင်းဝင်ရောက်ခဲ့ကြောင်း သထုံမြို့ပြ အထူးပြောက်ကျားအဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ပြောဆိုသည်။

ဖေဖော်ဝါရီလ ၁၇ ရက်နေ့ ညပိုင်း သထုံမြို့ အမှတ် ၄၀၂ အမြောက်တပ်ရင်းမှ စစ်မှုထမ်း သင်တန်းဆင်း တပ်သားသစ် ၁ ဦးသည် သေနတ် ၁ လက်နှင့် လက်နက်ခဲယမ်းများ ယူဆောင်လာပြီး သထုံမြို့ပြ အထူးပြောက်ကျားအဖွဲ့ထံ အလင်းဝင်ရောက်ခဲ့ခြင်းဖြစ်ကြောင်း သိရသည်။

အလင်းဝင်ရောက်လာသော စစ်မှုထမ်း တပ်သားသစ် ၁ ဦးသည် MA-1 သေနတ် ၁ လက်၊ ကျည်ဘောက် ၃ ဘောက်၊ ၄၀ မမ အသီး ၂ လုံး၊ ကျည် ၁၀၁ တောင့်တို့ကို ယူဆောင်လာခဲ့ကြောင်း သိရှိရသည်။

"သထုံမြို့နယ် ၄၀၂ အမြောက်တပ်ရင်း ကနေပြီးတော့ ပြီးခဲ့တဲ့ ၁၇ ရက်နေ့ညက ကျွန်တော်တို့ သွားကြိုခဲ့တာပေါ့။ ကျွန်တော်တို့ သူ့ကို သွားကြိုပြီးတဲ့အချိန် ဂိတ်အရှေ့မှာ ဓာတ်မီးနဲ့ လှမ်းထိုးတဲ့ စစ်ခွေးကို သေနတ်နဲ့ပစ်ခတ်လိုက်တာ စစ်ခွေး ၁ ကောင် ဗိုက်ထိသွားတယ်လို့တော့ သိရတယ်။ သူက ထိုင်းမှာနေတာ ရဲဖမ်းခံရပြီးတော့ မြန်မာပြည်ကို ပြန်ပို့တော့ စစ်မှုထမ်း ဥပေဒနဲ့ တပ်ထဲရောက်လာတာလို့ သိရတယ်။ သူက သင်တန်း ၄ လ လောက်တက်ပြီးတော့ ၄၀၂ တပ်ရင်းကို ရောက်တာ ၂ လလောက်ပဲရှိသေးတယ်။ သူက ထားဝယ်ဇာတိလို့ သိရတယ်။ ထားဝယ် ၅၁၆ တပ်ရင်းမှာ သင်တန်းတက်ခဲ့ရတယ်လို့ သိရတယ်" ဟု သထုံမြို့ပြ အထူးပြောက်ကျားအဖွဲ့မှ တာဝန်ရှိသူတစ်ဦးက ပြောဆိုသည်။

အလားတူ ချင်းပြည်နယ်၊ တီးတိန်မြို့ရှိ ခလရ ၂၆၉ တပ်ရင်းမှ စစ်ကောင်စီတပ်သား ၂ ဦး ခဲယမ်းများ ယူဆောင်လာပြီး အလင်းဝင်ရောက်ခဲ့ကြောင်း CDF Civic Defense Militia -CDM -Siyin က ပြောဆိုသည်။

ဖေဖော်ဝါရီလ ၁၇ ရက်နေ့တွင် တီးတိန်မြို့ရှိ ခလရ ၂၆၉ တပ်ရင်းမှ စစ်ကောင်စီ တပ်သား ကျော်စောနိုင်နှင့် တပ်သား ဇော်လင်းတို့ ၂ ဦးသည် CDF CDM SIYIN ထံသို့ ခဲယမ်းများ ယူဆောင်လာပြီး အလင်းဝင်ရောက်ခဲ့ကြောင်း သိရှိရသည်။

ခဲယမ်းများ ယူဆောင်လာပြီး အလင်းဝင်ရောက်လာသော စစ်ကောင်စီ တပ်သား ၂ ဦးကို ထိုက်တန်စွာ ဆုချီးမြှင့်သွားမည်ဖြစ်ပြီး စစ်ကောင်စီတပ်အတွင်းမှ အလင်းဝင်ရောက်လိုသော တပ်သားများကို မြို့တွင်းတွင်ဖြစ်စေ၊ မည်သည့်နေရာတွင် ဖြစ်စေ သွားရောက်ကြိုဆိုပေးမည်ဖြစ်ပြီး ၎င်းတို့ သွားရောက်လိုသောနေရာ၊ လုပ်လိုသည့် အလုပ်အကိုင်ကိုလည်း စိတ်တိုင်းကျဖြစ်စေရန် စီမံဆောင်ရွက်ပေး မည်ဖြစ်ကာ ကောင်းမွန်စွာ စောင့်ရှောက်ပေးသွားမည်ဖြစ်ကြောင်း CDF Civic Defense Militia -CDM -Siyin က အသိပေး နှိုးဆော်ထားသည်။

ဒေါ်အောင်ဆန်းစုကြည်ကို အာဂျင်တီးနားတရားရုံး၏ ဖမ်း၀ရမ်းမှ ဖယ်ထုတ်နိုင်ရေး နည်းလမ်းများအားလုံးကို NUGက အသုံးပြုမည်

ရန်ကုန်၊ ဖေဖော်ဝါရီ ၁၉

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို အာဂျင်တီးနားတရားရုံး၏ ဖမ်း၀ရမ်းမှ ဖယ်ထုတ်နိုင်ရေး လုပ် ဆောင်သင့် လုပ်ဆောင်ထိုက်သည့် နည်းလမ်းများအားလုံးကို အမျိုးသားညီညွတ်ရေးအစိုးရ- NUGက အသုံးပြုမည်ဖြစ်ကြောင်း NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဖေဖော်ဝါရီလ ၁၄ ရက်နေ့ အာဂျင်တီးနားတရားရုံးက မင်းအောင်လှိုင်၊ စိုးဝင်း အပါအဝင် စစ်ဗိုလ်ချုပ် ၂၃ ဦး၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတ ဦးထင်ကျော်တို့ကို ရိုဟင်ဂျာလူမျိုးတုန်းသတ်ဖြတ်မှုအတွက် ဖမ်း၀ရမ်းထုတ်ခဲ့ကြောင်း၊ အဆိုပါ ဖမ်း၀ရမ်းမှ ဒေါ်အောင်ဆန်းစုကြည်ကို ဖယ်ထုတ်နိုင်ရေးအတွက် နည်းလမ်းမျိုးစုံဖြင့် အသုံးပြုဆောင်ရွက်သွားမည်ဖြစ်ကြောင်း သိရှိရသည်။

"လုပ်လို့ရတဲ့ နည်းလမ်းတွေနဲ့တော့ ကျနော်တို့ ဆက်လုပ်သွားဖို့ရှိတယ်။ ဘယ်ဟာလဲဆိုတာတော့ အတိအကျ ပြောဖို့ ခက်နေတယ်" ဟု ဦးနေဘုန်းလတ်က ပြောဆိုသည်။

NUG ကလည်း ယမန်နေ့ညပိုင်း ကြေညာချက် တစ်ရပ်ထုတ်ပြန်ခဲ့ပြီး ယင်းကြေညာချက်တွင် ဒေါ်အောင်ဆန်းစုကြည်နှင့် ဦးထင်ကျော်တို့ကို ဖမ်း၀ရမ်းမှ ဖယ်ထုတ်ပေးရန် တောင်းဆိုထားသည်။

NUG ၏ ကြေညာချက်တွင် ရိုဟင်ဂျာများအပေါ် နည်းလမ်းမျိုးစုံအသုံးပြု၍ အကြမ်းဖက်သတ်ဖြတ်မှု ကျူးလွန်ခဲ့သူများမှာ မြန်မာစစ်တပ်ခေါင်းဆောင်များနှင့် ၎င်းတို့၏လက်အောက်ခံ တပ်ရင်းတပ်ဖွဲ့များသာဖြစ်ပြီး အဆိုပါ ပြစ်မှုများနှင့် လျော်ညီသော ပြစ်ဒဏ်ချမှတ်နိုင်ရေး၊ ကျူးလွန်ခံခဲ့ရသူများအတွက် တရားမျှတမှု ပြန်လည်ရရှိ စေရေးအတွက် နိုင်ငံတကာတရားရုံးများတွင် တရားစွဲဆိုနိုင်ရေး ကြိုးပမ်းမှုမှန်သမျှကို အမျိုးသား ညီညွတ်ရေးအစိုးရအနေဖြင့် ကြိုဆိုထောက်ခံကြောင်း ဖော်ပြထားသည်။

၂၀၁၇ ခုနှစ်၌ ဖြစ်ပွားခဲ့သော ရိုဟင်ဂျာများအပေါ် အကြမ်းဖက်သတ်ဖြတ်မှု ကျူးလွန်ခဲ့သူများမှာ ထိုစဉ်က တရားဝင် ကျင့်သုံးခဲ့သော ၂၀၀၈ ခုနှစ်၊ ဖွဲ့စည်းပုံအခြေခံဥပဒေပုဒ်မ ၂၀ (ခ)၊ (ဂ) အရ မင်းအောင်လှိုင် ဦးဆောင်သည့် မြန်မာစစ်တပ်သာလျှင်ဖြစ်ပြီး ၎င်းတို့ကျူးလွန်ခဲ့သည့် ပြစ်မှု၊ပြစ်ဒဏ်အားလုံးအတွက် ခြွင်းချက်မရှိ တာဝန်ယူ၊ တာဝန်ခံရမည့်သူများမှာ မင်းအောင်လှိုင်နှင့် အပေါင်းအပါများသာဖြစ်ကြောင်း၊ ထို့ကြောင့် မင်းအောင်လှိုင်နှင့် အပေါင်းအပါများအား UK အခြေစိုက် Burmese Rohingya Organization UK (BROUK) က အာဂျင်တီးနားတရားရုံးမှတဆင့် တရားစွဲဆိုခြင်း နှင့် ဖမ်းဝရမ်းထုတ်ခြင်းကို ကြိုဆိုကြောင်း NUG က ဆိုသည်။

သို့သော် အာဂျင်တီးနားနိုင်ငံ တရားရုံးက နိုင်ငံတော်သမ္မတဟောင်း ဦးထင်ကျော်နှင့် လက်ရှိနိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်တို့ကို လူမျိုးတုံးသတ်ဖြတ်မှု နှင့် စစ်ရာဇဝတ်မှု အမှန်တကယ် ကျူးလွန်ခဲ့သော မင်းအောင်လှိုင်နှင့် အပေါင်းအပါများနည်းတူ တရားခံစာရင်းတွင်ထည့်သွင်း၍ ဖမ်းဝရမ်း ထုတ်ရန် ကြိုးပမ်းနေခြင်းအား မှားယွင်းသောစွပ်စွဲဆောင်ရွက်ချက်အဖြစ် ကျွန်ုပ်တို့ အခိုင်အမာ မှတ်ယူ သောကြောင့် တရားစွဲဆိုထားခြင်းမှ ဖယ်ရှားပေးရန်တောင်းဆိုကြောင်း၊
နိုင်ငံတော်သမ္မတဟောင်း ဦးထင်ကျော်နှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တို့သည် ရိုဟင်ဂျာအရေးအတွက် ခိုင်မာကောင်းမွန်၍ ရေရှည်ငြိမ်းချမ်းပြေလည်မည့် အဖြေရရှိ စေရန် “ကိုဖီအာနန်ကော်မရှင်” ဖွဲ့စည်းခြင်းအပါအဝင် နည်းလမ်းအမျိုးမျိုးဖြင့် ကြိုးပမ်းဆောင်ရွက် ခဲ့ကြောင်း NUG က ကြေညာထားသည်။

အလားတူ အမျိုးသားညီညွတ်ရေးအစိုးရ အနေဖြင့်လည်း “ရိုဟင်ဂျာမူဝါဒ” တရပ် ပြဌာန်း၍ ရိုဟင်ဂျာ ပြည်သူများ တရားမျှတမှု ရရှိရေးနှင့် ပတ်သက်ပြီး တစိုက်မတ်မတ် ဆောင်ရွက်လျက်ရှိကြောင်း၊ ယခုကဲ့သို့အခြေအနေတွင် အမျိုးသားညီညွတ်ရေးအစိုးရ၏ ခေါင်းဆောင်တဦးဖြစ်သော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတဟောင်း ဦးထင်ကျော်တို့ကို အာဂျင်တီးနားတရားရုံးတွင် မှားယွင်းစွာ ထည့်သွင်းတရားစွဲဆိုခြင်းသည် ရိုဟင်ဂျာပြည်သူလူထုနှင့် အခြားပြည်သူလူထုများအကြား နားလည်မှု လွဲမှားခြင်းများ ဖြစ်ပေါ်လာနိုင်ပြီး၊ ရေရှည်ငြိမ်းချမ်းရေး၊ သင့်မြတ်ရေးနှင့် အနာဂတ်ကာလ မြန်မာနိုင်ငံ၏ ဒီမိုကရေစီ ဖော်ဆောင်ရေးကို များစွာအနှောင့်အယှက် အဟန့်အတား ဖြစ်လာနိုင်ကြောင်း NUG က ထောက် ပြသည်။

ထို့ကြောင့် အာဂျင်တီးနားတရားရုံးက ပြည်သူ့အစိုးရအဖွဲ့ခေါင်းဆောင်များကို ထည့်သွင်းတရားစွဲဆိုကာ ဖမ်းဝရမ်းထုတ်ရန် ကြိုးပမ်းခြင်းအားဖြင့် မြန်မာနိုင်ငံသားများ အချင်းချင်းအကြား သွေးစည်းညီညွတ်မှုကို ပြိုကွဲစေပြီး၊ စစ်အာဏာရှင်စနစ် အပြီးတိုင်ချုပ်ငြိမ်းစေရေးအတွက်ရွပ်ရွပ်ချွံချွံ တိုက်ပွဲဝင်လျက်ရှိသော နွေဦးတော်လှန်ရေးကို အနှောင့်အယှက်ဖြစ်စေမည်သာမက အကြမ်းဖက်စစ်အာဏာရှင်များကိုသာ အကျိုးကျေးဇူးဖြစ်ထွန်း စေလိမ့်မည် ဖြစ်ပါကြောင်း NUG က သဘောထား ကြေညာထားသည်။

ရန်ကုန်လေဆိပ်တွင် PJ နိုင်ငံကူးလက်မှတ်ဖြင့် ပြည်ပအလုပ်အကိုင်အတွက် သွားရောက်မည့် မြန်မာနိုင်ငံသား အားလုံးကို ထွက် ခွာခွင့် စစ်ကောင်စီက ယာယီ ရပ်ဆိုင်းလိုက်၍ အလုပ်သမား ၁၀၀၀ ကျော် လေဆိပ်မှ လှည့်ပြန်ရ

🟥 ပြည်ပသို့ အလုပ်အကိုင်ဖြင့် ထွက်ခွာမှု အလွန်များပြားနေ၍ စစ်ကောင်စီက အရေအတွက်လျှော့ချမည်ဟု ကြေညာထား

ရန်ကုန်၊ ဖေဖော်ဝါရီ ၁၉

ရန်ကုန်အပြည်ပြည်ဆိုင်ရာ လေဆိပ်တွင် PJ နိုင်ငံကူးလက်မှတ်ဖြင့် ပြည်ပအလုပ်အကိုင်အတွက် နိုင်ငံခြားသို့ သွားရောက်ကြမည့် အမျိုးသမီးနှင့် အမျိုး သားများအားလုံးကို မြန်မာနိုင်ငံမှ ထွက်ခွာခွင့် စစ်ကောင်စီက ယာယီရပ်ဆိုင်းထားကြောင်း အလုပ်သမားဝန်ကြီးဌာနနှင့် ပြည်ပ အလုပ်အကိုင်အေဂျင်စီများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဖေဖော်ဝါရီလ ၁၄ ရက်နေ့မှစတင်ပြီး စစ်ကောင်စီ၏ အလုပ်သမားဝန်ကြီးဌာနက ပြည်ပသို့ အလုပ်အလုပ်အကိုင်အတွက် PJ နိုင်ငံကူးလက်မှတ်ဖြင့် ထွက်ခွာမည့်သူအားလုံးကို အကြောင်းပြချက်မပေးဘဲ ပြည်ပထွက်ခွင့် ယာယီပိတ်ပင်လိုက်ခြင်းဖြစ် ကြောင်း၊ ဖေဖော်ဝါရီလ ၁၄ ရက်နေ့မှ ဖေဖော်ဝါရီလ ၁၉ ရက်နေ့အထိ ပြည်ပသို့ အလုပ်အကိုင်ဖြင့် ထွက်ခွာမည့် အလုပ် သမား ၁၀၀၀ ကျော် ယာယီတားဆီးခံထားရကြောင်း၊ ယာယီတားဆီးအမိန့်ကြောင့် ပြည်ပသွားမည့် အလုပ်သမားများမှာ လေယာဉ်လက်မှတ်များ ဆုံးရှုံးနေကြကြောင်း သိရှိရသည်။

"ယာယီပြည်ပထွက်ခွင့် ပိတ်တာက ဖေဖော်ဝါရီလ ၁၄ ရက်နေ့ကတည်းက ပိတ်တာ။ PJ လက်မှတ်ကိုင်ပြီး OWIC ကတ် အသင့်နဲ့ ပြည်ပထွက်မယ့် သူအားလုံးကို လေဆိပ်မှာ တားဆီးတာပါ။ ပိတ်တာကတော့ ယာယီပါ။ အလုပ်သမားဝန်ကြီးဌာန ဘက်က ပြောတာက သူတို့ စည်းမျဉ်းစည်းကမ်းတွေ အမိန့် တွေအားလုံး ပြန်သုံးသပ်နေတယ်။ ပြည်ပထွက်တဲ့ အရေအတွက်က အရမ်းများနေတယ်။ အဲဒါကို ပြန်ပြီး ထိန်းချုပ် ကန့်သတ်မယ်။ လူဦးရေ အ ကန့် အသတ်နဲ့ပဲ ပြည်ပထွက်ခွင့်ပြုမယ်။ အခု ခွင့်ပြုထားတဲ့ စနစ်ကလည်း ပြည်ပကို အလုပ်နဲ့ ထွက်ဖို့ အရမ်းမြန်ဆန်နေတယ်။ အဲဒါကြောင့် အားလုံးကို အမိန့် အသစ် မထွက်မချင်း ယာယီရပ်ဆိုင်းထားတာလို့ အလုပ်သမားဝန်ကြီး ဌာနဘက်က ပြောပါတယ်" ဟု ပြည်ပအလုပ်အကိုင်အေဂျင်စီ ပိုင်ရှင်တစ်ဦးက ပြောဆိုသည်။

ဇန်နဝါရီလ ၃၁ ရက်နေ့ အလုပ်သမားဝန်ကြီး အသစ်ဖြစ်လာသော ချစ်ဆွေက ဖေဖော်ဝါရီလ ၁၅ ရက်နေ့ ပြည်ပအလုပ်အကိုင် အေဂျင်စီများနှင့်တွေ့ဆုံစဉ် ပြည်ပသို့ ထွက်ခွာသည့် အလုပ်သမားအရေအတွက် အလွန်များပြားနေပြီး လုပ်ငန်းစဉ်များမှာလည်း အလွန်မြန်ဆန်နေကြောင်း၊ ထို့ကြောင့် ပြည်ပအလုပ် သမားအရေအတွက် လျှော့ချမည်ဖြစ်ပြီး လုပ်ငန်းစဉ်များကိုလည်း ပိုမို စိစစ်မည်ဖြစ်ကြောင်း ထုတ်ဖော်ပြောဆိုခဲ့သည်။

အလုပ်သမားဝန်ကြီးဌာနကလည်း လတ်တလော ပြည်ပသို့ အလုပ်သမား စေလွှတ်မှုများကို မူဝါဒများ ပြန်လည် သုံးသပ်နေသည့်အတွက် ယာယီရပ်ဆိုင်းထားပြီး ယခု ဖေဖော်ဝါရီလ ၂၁ ရက်နေ့နောက်ပိုင်းတွင် ညွှန် ကြားချက် အသစ်များ ထွက်ရှိနိုင်ကြောင်း၊ ပြည်ပထွက်ခွာရန် ယခင်ထက်ပိုမို၍ အချိန်ကြာမြင့်မည်ဖြစ်ပြီး စိစစ်မှုလုပ်ငန်းစဉ်များလည်း များပြားလာမည်ဖြစ် ကြောင်း၊ အလုပ် သမားဝန်ကြီးဌာနအတွင်းတွင်လည်း ဝန်ကြီးအသစ် အပြောင်း အလဲဖြစ်၍ ဌာနဆိုင်ရာ အကြီးအကဲနှင့် ရာထူးများ အပြောင်းအလဲ လုပ် နေကြောင်း နေပြည်တော် အလုပ်သမားဝန်ကြီးဌာနသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ မွန်းလွဲပိုင်းတွင် ပြည်ပအလုပ်အကိုင်အတွက် အလုပ်သမားသက် သေခံကတ် OWIC ထုတ်ပေးမှုများကို စစ်ကောင်စီက ယာယီရပ်ဆိုင်းကြောင်း ကြေညာခဲ့ပြီး မည်သည့်အချိန်တွင် ပြန်လည် ဖွင့်လှစ်မည်ကိုမူ ကြေညာခြင်းမရှိသေးပေ။

စစ်ကောင်စီက ဂျပန်နိုင်ငံနှင့် ကိုရီးယားနိုင်ငံများသို့ G to G စနစ်ဖြင့် အလုပ် သမား စေလွှတ်မှုများနှင့်ပတ်သက်၍လည်း ပြန်လည်သုံးသပ်နေပြီး မူဝါဒပိုင်းဆိုင်ရာ အပြောင်းအလဲ နှင့် သတ်မှတ်ချက်များ ပြောင်းလဲရန်လည်း ရှိနေကြောင်း၊ ထိုင်းနိုင်ငံသို့ MoU အလုပ်သမားစေလွှတ်မှုများကိုမူ ရက်အကန့် အသတ်မရှိ ရပ်ဆိုင်းထားကြောင်း သိရှိရသည်။

"တောင်ကိုရီးယားနဲ့ ဂျပန်ကို G to G လွှတ်တဲ့ အလုပ်သမားတွေကတော့ ဖြေ လျှော့မှုတွေ ရှိလာမယ်လို့ သိရတယ်။ ဒါပေမယ့်လည်း အဆင့်တွေကတော့ ပိုပြီး များလာဖို့ရှိတယ်။ ပိုခက်ခဲမယ့် အလားအလာရှိတယ်။ အချိန်ကတော့ အခုထက် ပိုကြာသွားနိုင်တယ်" ဟု ပြည်ပအလုပ်အကိုင်အေဂျင်စီပိုင်ရှင်တစ်ဦးက ရှင်းပြသည်။

သို့ရာတွင် အသက် ၁၈ နှစ်မှ အသက် ၃၅ နှစ်အတွင်း စစ်မှုထမ်းရန် အကျုံးဝင်သည့် အမျိုးသားများအားလုံး အလုပ်အကိုင်ဖြင့် ပြည်ပထွက်ခွာခွင့် ပိတ်ပင်ထား ခြင်းကိုမူ ဆက်လက်ထားရှိမည်ဖြစ်ကြောင်း သိရှိရသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၂၀ ဦးသေဆုံး

ရန်ကုန်၊ ဖေဖော်ဝါရီ ၁၈

မြန်မာနိုင်ငံတစ်ဝန်း ဖေဖော်ဝါရီလ ၁၈ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၂၀ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

မင်းလှမှ စိတ်ဝေဒနာရှင် ကိုမိုးဝင်းအောင်ကို စစ်တပ်က စစ်မှုထမ်းတပ်သားအဖြစ် ဖမ်းဆီးပြီး စစ်သင်တန်းကျောင်းပို့၊ ရန်ကုန်တွင်လည်း ပစ္စည်းအဟောင်းဝယ်သူကို သူခိုးဟုစွပ်စွဲပြီး စစ်တပ်ထဲသွင်း

ရန်ကုန်၊ ဖေဖော်ဝါရီ ၁၆

ပဲခူးတိုင်း၊ မင်းလှမြို့နယ်တွင် စိတ်ဝေဒနာ ခံစားနေရသည့် ကိုမိုးဝင်းအောင်ကို စစ်တပ်က စစ်မှုထမ်းတပ်သားအဖြစ် စု ဆောင်း ဖမ်းဆီးပြီး စစ်သင်တန်းကျောင်းပို့ဆောင်ကာ စစ်သင်တန်းတက်ခိုင်းနေပြီဖြစ်ကြောင်း ကိုမိုးဝင်းအောင်နှင့်ရင်းနှီးသော မိတ်ဆွေများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဇန်နဝါရီလ ၂၁ ရက်နေ့တွင် မင်းလှမြို့နယ်၊ တောင်လိမ်ကျေးရွာတွင် နေထိုင်သော စိတ်ဝေဒနာ ခံစားနေရသည့် အသက် ၃၃ နှစ်အရွယ် ကိုမိုးဝင်းအောင် ၊ ကိုသံချောင်းနှင့် ကိုငဇော် တို့ကို ပဲခူးရိုးမပေါ်သို့ စစ်ကြောင်းထိုးလာသည့် စစ်တပ်က လူသားဒိုင်းအဖြစ် ပေါ်တာဆွဲ ဖမ်းဆီးသွားခဲ့ကြောင်း၊ ယင်းနောက် အဆိုပါ ဖမ်းဆီးခံရသူ ၃ ဦးကို ဖေဖော်ဝါရီလ ၅ ရက်နေ့တွင် အကြမ်း ဖက်စစ်တပ်က မင်းလှမြို့နယ် အုပ်ချုပ်ရေးမှူးရုံးသို့ ခေါ်ဆောင်လာခဲ့ပြီး တစ်ဦးလျှင် ငွေကျပ် သိန်း ၃၀ ဖြင့် ပြန်ရွေးရန် အကြောင်းကြားကြောင်း၊ ငွေကြေးဖြင့် ရွေးယူမှုကြောင့် ကိုသံချောင်းနှင့် ကိုငဇော် တို့မှာ ပြန်လည် လွတ်မြောက်လာခဲ့သော်လည်း စိတ်ဝေဒနာရှင်ကိုမိုးဝင်းအောင်မှာမူ စစ်သင်တန်းကျောင်းသို့ အပို့ခံလိုက်လိုက်ရကြောင်း သိရှိရသည်။

"မင်းလှမြို့နယ် ထွေအုပ်ရုံးမှာ မိသားစုတွေက လိုက်ထုတ်တာ ကိုသံချောင်းနဲ့ ကိုငဇော်ကို ပြန်လွှတ်ပေးတယ်။ ကိုမိုးဝင်းအောင် ကို စစ်မှုထမ်းဖို့ စစ်သင်တန်းပို့လိုက်ပြီ။ ကိုမိုးဝင်းအောင်က အရပ် ၄ ပေခွဲပဲ ရှိတယ်။ စိတ်လည်းမနှံ့ဘူး။ သားစိမ်း၊ ငါးစိမ်းတွေလည်း စားတယ်။ တစ်ချက်တစ်ချက် စိတ်ထဖောက်သွားရင် ထိန်းလို့မရဘူး။ သူ့ကိုတော့ ပြန်လွှတ်ပေးစေချင်တယ်။ သူ့အမေကတော့ သူ့သားစိတ်နဲ့ အိပ်ရာထဲလဲနေတယ်" ဟု ကိုမိုးဝင်းအောင်၏ မိတ်ဆွေက ပြောဆိုသည်။

အလားတူ ဖေဖော်ဝါရီလ ၁၃ ရက်နေ့ နံနက် ၄ နာရီခန့်အချိန်ကလည်း မင်းလှမြို့၊ ကံဦးကွက်သစ် ရပ်ကွက်တွင် နေထိုင်သော လူငယ် ၁ ဦးသည် ၄င်း အလုပ်လုပ်ကိုင်နေသော မြို့မစျေးအတွင်းရှိ ကုန်စုံဆိုင်သို့ စျေးရောင်းရန် သွားရောက်စဥ် စစ်တပ်က စစ်မှုထမ်းခိုင်းရန် ဖမ်းဆီးသွားခဲ့ကြောင်း သိရသည်။

ထို့အတူ ရန်ကုန်မြို့၊ သင်္ဃန်းကျွန်းမြို့နယ်၊ ၁၆/၃ ရပ်ကွက်တွင် တွန်းလှည်းဖြင့် ပစ္စည်းအဟောင်းများ လိုက်လံဝယ်ယူနေသော အမျိုးသား ၁ ဦးကိုလည်း ရာအိမ်မှူး လေးနိုင်က ရိုက်နှက် ဖမ်းဆီးပြီး စစ်မှုထမ်းခိုင်းရန် စစ်တပ်ထဲသို့ ပို့ဆောင်လိုက်ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၁၄ ရက်နေ့ သင်္ဃန်းကျွန်းမြို့နယ်၊ ၁၆/၃ ရပ်ကွက်တွင် တွန်းလှည်းဖြင့် ပစ္စည်းအဟောင်းများ လိုက်လံဝယ်ယူနေသော လင်မယား ၂ ဦးကို ရာအိမ်မှူး လေးနိုင်က ခိုးရာပါ ပစ္စည်းများ ဝယ်ယူသည်ဟုဆိုကာ ရိုက်နှက် ဖမ်းဆီးခဲ့ကြောင်း၊ ထိုသို့ ဖမ်းဆီးပြီးနောက် အမျိုးသမီးဖြစ်သူကို ပြန်လွှတ်လိုက်ပြီး အမျိုးသားဖြစ်သူကို စစ်မှုထမ်းရန် စစ်တပ်ထဲ ထည့်သွင်းလိုက်ခြင်းဖြစ်ကြောင်း သိရသည်။

" ၁၆/၃ ရပ်ကွက်မှာ တွန်းလှည်းနဲ့ ပစ္စည်း အဟောင်းတွေ လိုက်ဝယ်နေတဲ့ လင်မယား ၂ ဦးက Air con အဟောင်းကို တင်ပြီး လာတဲ့ အချိန်တွင် သူခိုးပစ္စည်း ဝယ်လာတယ်ဆိုပြီး လေးနိုင်က စွပ်စွဲ ဖမ်းဆီးပြီး ရပ်ကွက် ရုံးခန်းခေါ်သွားတယ်။ လင်းမယား ၂ ဦးလုံးကိုလည်း ပါးတွေ နားတွေ ရိုက်ပါတယ်။ အမျိုးသမီးဖြစ်သူက အိမ်ရှင်ဆီကနေ ဝယ်လာတဲ့ အကြောင်း ရှင်းပြတာကို လက်မခံဘဲ အတင်း အဓမ္မကို ရိုက်နှက်တာပါ။ အမျိုးသမီးက အိမ်ရှင်ကို လိုက်ပြပါမယ့် ပြောလဲမရဘူး။ မင်းတို့ နောက်ကို လိုက်ကြည့်စရာ မလိုဘူးဆိုပြီး အမျိုးသမီးကို ၁ သိန်းသွားရှာလာခဲ့လို့ပြောပါတယ်။ အမျိုးသမီး ဖြစ်သူက ကျွန်မသွားရှာ လာခဲ့မယ်ဆိုပြီး နံနက် ကြတော့ ပြန်လာတော့ နင့်ယောကျာ်းကို စစ်မှုထမ်းဖို့ ပို့လိုက်ပြီလို့ ပြောပါတယ်။ အမျိုးသမီး ဖြစ်သူက ငိုလိုက်တာဆိုတာ လူမြင်မကောင်းဘူး။ လေးနိုင်က ရပ်ကွက်ထဲမှာ အပြစ်မဲ့ ပြည်သူတွေ ငွေမရှိတဲ့လူတွေကို အနိုင်ကျင့်နေတာပါ" ဟု ဒေသပြည်သူ တစ်ဦးက ပြောဆိုသည်။

အကြမ်းဖက်စစ်ကောင်စီတပ်က စစ်မှုထမ်းအပတ်စဉ် ၁၀ အတွက် နိုင်ငံတစ်ဝန်းတွင် ပေါ်တာဆွဲ ဖမ်းဆီးမှုများ လုပ်ဆောင်နေပြီး ယခုစစ်မှုထမ်းအပတ်စဉ်တွင် စစ်သားအရေအတွက် ၄၀၀၀ ဝန်းကျင်သာ ရရှိကြောင်း နေပြည်တော်စစ်မှုထမ်းဆင့်ခေါ်ရေးဗဟိုအဖွဲ့ထံမှ သိရှိရသည်။

ပြည်ပသို့ တစ်လလျှင် အလုပ်သမား ရာဂဏန်း အရေအတွက်သာ စေလွှတ်ရန် အလုပ်သမားဝန်ကြီးအသစ် ချစ်ဆွေက ကန့်သတ်ပိတ်ပင်

🟥 ပြည်ပအလုပ်အကိုင် အေဂျင်စီ တစ်ခုလျှင် လိုင်စင်ကြေး ငွေကျပ် သိန်း ၅၀၀၀ ငွေပေါင်တင်ရန်ညွှန်ကြား

ရန်ကုန်၊ ဖေဖော်ဝါရီ ၁၆

မြန်မာနိုင်ငံမှ ပြည်ပနိုင်ငံများသို့ လစဉ် အလုပ်သမား စေလွှတ်မှု အရေအတွက်ကို စစ်ကောင်စီ၏ အလုပ်သမားဝန်ကြီး အသစ် ချစ်ဆွေက ကန့်သတ်လိုက်ပြီး ပြည်ပအလုပ် အကိုင်အေဂျင်စီ တစ်ခုလျှင် လိုင်စင်ကြေး ငွေကျပ် သိန်း ၅၀၀၀ ငွေပေါင်တင်ရန် တောင်းခံလိုက်ကြောင်း ပြည်ပအလုပ်အကိုင်အေဂျင်စီပိုင်ရှင်များက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ ရန်ကုန်မြို့တွင် စစ်ကောင်စီက အသစ်ခန့်အပ်လိုက်သော အလုပ် သမားဝန်ကြီးအသစ် ချစ်ဆွေက ပြည်ပအလုပ်အကိုင် ဝန် ဆောင်မှုလုပ်ငန်းရှင်များအဖွဲ့ချုပ် (MOEAA)နှင့် တွေ့ဆုံစဉ် ထိုသို့ ပြောဆို ညွှန်ကြားလာခြင်းဖြစ် ကြောင်း သိရှိရသည်။

ပြည်ပအလုပ်အကိုင်အေဂျင်စီများအနေဖြင့် အလုပ်သမားဝန်ကြီးဌာနထံသို့ လိုင်စင်ကြေးအဖြစ် ငွေကျပ် သိန်း ၅၀၀၀ ငွေပေါင် တင်သွင်းရမည်ဖြစ် ကြောင်း၊ ပြည်ပအလုပ်အကိုင်အေဂျင်စီများအနေဖြင့် ချမှတ်ထားသော စည်း ကမ်း၊ အမိန့်နှင့် ဥပဒေများကို မလိုက်နာပါက အဆိုပါငွေပေါင်တင်ထားသော လိုင်စင်ကြေးငွေများကို ပြန်မပေးဘဲ သိမ်းဆည်းမည်ဖြစ်ကြောင်း သိရှိရသည်။

"ပြည်ပအလုပ်အကိုင်အေဂျင်စီတွေက အရမ်းတင်းကျပ်တဲ့စည်းမျဉ်း စည်း ကမ်းတွေအောက်မှာ အလုပ်လုပ်နေရတာ ဘယ် လို လုပ်ပြီး လိုင်စင်ကြေး ငွေပေါင် သိန်း ၅၀၀၀ ပေးနိုင်မလဲ။ အခုတောင် ပြည်ပအလုပ်အကိုင်အေဂျင်စီတွေ ရပ်နားနေတာဆိုတော့ ငွေပေါင် သိန်း ၅၀၀၀ တင်ရမယ်ဆိုရင်တော့ လုပ်မယ့် အေဂျင်စီတောင် ရှိပါတော့မလားမသိဘူး။ သိန်း ၅၀၀၀ တော့ တင်ဖို့ အရမ်းခက်ခဲမယ်ထင်ပါတယ်" ဟု ပြည်ပအလုပ်အကိုင်အေဂျင်စီပိုင်ရှင်တစ်ဦးက ဆိုသည်။

ထို့ပြင် စစ်ကောင်စီက ပြည်ပသို့ စေလွှတ်မည့် အလုပ်သမားအရေအတွက်ကိုလည်း ကန့်သတ်လိုက်ပြီး လိုင်စင်ရ အေဂျင်စီများအနေဖြင့် ထိုင်းနိုင်ငံသို့ တစ်လလျှင် အလုပ်သမားအရေအတွက် ၂၀၀ ဦး၊ ဂျပန်နိုင်ငံသို့ တစ်လလျှင် အလုပ်သမားအရေ အတွက် ၂၀၀ ဦးနှင့် မလေးရှားနိုင်ငံသို့ ၁၀၀ ဦး စသည်ဖြင့် နိုင်ငံအလိုက် အလုပ်သမားစေလွှတ်မှုများကို ကန့်သတ်လိုက်ကြောင်း သိရှိရသည်။

လက်ရှိတွင် အသက် ၁၈ နှစ်မှ အသက် ၃၅ နှစ်အတွင်း အမျိုးသားများကို ပြည်ပနိုင်ငံများသို့ သွားရောက် အလုပ်လုပ်ခွင့်ပိတ် ပင်ထားပြီး အမျိုးသမီးများနှင့် အသက် ၃၅ နှစ်အထက် အမျိုးသားများကို ပြည်ပသို့ သွားရောက် အလုပ်လုပ်ခွင့်ပြုဆဲဖြစ်​ ကြောင်း သိရှိရသည်။

"ဒီလို အရမ်းတင်းကျပ်တော့ ပြည်ပအလုပ်အကိုင်အေဂျင်စီအလုပ်တွေကတော့ အရမ်းကို ခက်ခဲသွားမယ်။ ပြည်ပ ထွက် အလုပ်လုပ်မယ့် အလုပ် သမားတွေလည်း အတော်ခက်ခဲသွားမယ်" ဟု ပြည်ပအလုပ်အကိုင်အေဂျင်စီပိုင်ရှင်က ပြောဆိုသည်။

စစ်ကောင်စီက ထိုင်းနိုင်ငံဆိုင်ရာ မြန်မာသံအမတ် ချစ်ဆွေကို ၂၀၂၅ ခုနှစ် ဇန်နဝါရီလ ၃၁ ရက်နေ့တွင် အလုပ်သမားဝန်ကြီး အသစ်အဖြစ် ပြောင်းရွှေ့ ခန့်အပ်လိုက်ကြောင်း သိရှိရသည်။

ဓာတ်ပုံ- စစ်ကောင်စီ၏ အလုပ်သမားဝန်ကြီးအသစ် ချစ်ဆွေ။

Khit Thit သတင်းဌာန ဖေဖော်ဝါရီ ၁၆ ရက်နေ့ ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၁၆ ရက်နေ့မှာ ရန်ကုန်ခေတ်သစ်သတင်းဌာရဲ့ This Week ရုပ်သံအစီအစဉ်ကို ထုတ်လွှင့် သွားမှာဖြစ်ပါတယ်။ဒီအစီအစဉ်မှာ တစ်ပတ်အတွင်း မြန်မာနိုင်ငံမှာ ဖြစ်ပေါ်ခဲ့တဲ့ သတင်းတွေထဲကမှ ထူးခြားတဲ့ သတင်းတွေကို ရွေးချယ်ကောက်နုတ်သုံးသပ် တင်ဆက်ပေး ထားတာလည်း ဖြစ်ပါတယ်။

https://www.youtube.com/watch?v=DY9deFOSrSU

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၇ ဦးသေဆုံး

ရန်ကုန်၊ ဖေဖော်ဝါရီ ၁၅

မြန်မာနိုင်ငံတစ်ဝန်း ဖေဖော်ဝါရီလ ၁၅ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၇ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

ပုသိမ်ကြီးမြို့ အခြေစိုက် ခလရ ၄ မှ ပြည်သူ့စစ် ၂ ဦး သေနတ် ၂ လက်ယူဆောင်လာပြီး အလင်းဝင်

ရန်ကုန်၊ ဖေဖော်ဝါရီ ၁၅

မန္တလေးတိုင်း၊ ပုသိမ်ကြီးမြို့ အခြေစိုက် ခလရ ၄ မှ ပြည်သူ့စစ် ၂ ဦး သေနတ် ၂ လက်ယူဆောင်လာပြီး အလင်းဝင်ရောက်ခဲ့ကြောင်း မန္တလေးခရိုင် ပြည်သူ့ကာကွယ်ရေးအဖွဲ့က ထုတ်ပြန်ထားသည်။

ဇန်နဝါရီလ ၂၅ ရက်နေ့တွင် ခလရ ၄ တပ်ရင်းမှ ပြည်သူ့စစ် ၂ ဦးသည် သေနတ် ၂ လက်ယူဆောင်လာပြီး အလင်းဝင်ရောက်ခဲ့ခြင်းဖြစ်ကြောင်း သိရသည်။

အဆိုပါ ပြည်သူ့စစ် ၂ ဦးသည် MA1 သေနတ် ၂ လက်၊ ကျည် ၄၁၇ တောင့်နှင့် ကျည်ဘောက် ၆ ခုတို့ ယူဆောင်လာခြင်းကြောင့် မန္တလေးခရိုင် ပကဖ က ဂုဏ်ပြုငွေ ၁ ဦးလျှင် ငွေကျပ် ၁၀ သိန်း ချီးမြှင့်ခဲ့ပြီး လွတ်မြောက်နယ်မြေကို ပို့ဆောင်ထားပြီး ဖြစ်ကြောင်း သိရှိရသည်။

မန္တလေးခရိုင် ပကဖ အဖွဲ့အနေဖြင့် အလင်းဝင်ရောက်လာသူများနှင့် ဝင်ရောက်လိုသူများကိုလည်း ကြိုဆိုလျှက်ရှိပြီး မန္တလေးခရိုင်အတွင်းရှိ စစ်ကောင်စီ လက်အောက်ခံ ပြည်သူ့စစ်များ၊ တပ်မတော်သားများ၊ ရဲများ အလင်းဝင်ရောက်လိုလျှင် မန္တလေးခရိုင် ပြည်သူ့ကာကွယ်ရေးအဖွဲ့ကို ချိတ်ဆက် ဆက်သွယ်နိုင်ကြောင်း အသိပေး ထုတ်ပြန်ထားသည်။

လောင်းလုံးမြို့ပေါ် လဝကရုံးရှေ့ရှိ စစ်တပ်ဂိတ်ကို ဝင်ရောက် ပစ်ခတ်မှု စစ်ကောင်စီတပ်သား ၂ ဦးသေဆုံး

ရန်ကုန်၊ ဖေဖော်ဝါရီ ၁၅

တနင်္သာရီတိုင်း၊ လောင်းလုံးမြို့ပေါ် လဝကရုံးရှေ့ရှိ အကြမ်းဖက် စစ်တပ်ဂိတ်ကို ဝင်ရောက် ပစ်ခတ်ရာ စစ်ကောင်စီတပ်သား ၂ ဦးသေဆုံးခဲ့ကြောင်း DNLA ဖက်ဒရယ်ဓူဝံကြယ်တပ်ခွဲမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၁၀ ရက်နေ့ မွန်းလွဲ ၁၂ နာရီခန့်တွင် လောင်းလုံးမြို့ပေါ် လဝကရုံးရှေ့တွင် ဂိတ်ချ စစ်ဆေးနေသေ အကြမ်းဖက် စစ်ကောင်စီ တပ်သားများကို DNLA ဖက်ဒရယ်ဓူဝံကြယ်တပ်ခွဲ မှ တော်လှန်ရေး ရဲဘော်များက ဝင်ရောက် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၂ ဦးသေဆုံးပြီး ထိခိုက်ဒဏ်ရာရရှိသူများလည်းရှိကာ အရေအတွက်ကို ဆက်လက်စုံစမ်းလျက်ရှိကြောင်း တော်လှန်ရေး ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။

"လောင်းလုံးမြို့နယ်၊ လဝကရုံးရှေ့မှာ ဂိတ်ချ စစ်ဆေးနေတဲ့ စစ်ခွေးတွေကို ကျနော်တို့ DNLA ဖက်ဒရယ်ဓူဝံကြယ်တပ်ခွဲက ဝင်ရောက် ပစ်ခတ်တိုက်ခိုက်ခဲ့တာ စစ်ခွေး ၂ ကောင်သေဆုံးတယ်။ ထိခိုက်ဒဏ်ရာရရှိတဲ့ အရေအတွက်ကိုတော့ ဆက်လက် စုံစမ်းဆဲနေပါတယ်" ဟု DNLA ဖက်ဒရယ်ဓူဝံကြယ်တပ်ခွဲမှ တာဝန်ရှိသူ တစ်ဦးက ပြောဆိုသည်။

မြိုင် ကန်နီရွာတွင် မွန်းမံ သင်တန်းတက်နေသော ပျူစောထီးများကို လက်နက်ကြီးများဖြင့် ပစ်ခတ် တိုက်ခိုက်မှု စစ်တပ်ဘက်မှ ထိခိုက်မှုရှိ

ရန်ကုန်၊ ဖေဖော်ဝါရီ ၁၅

မကွေးတိုင်း၊ မြိုင်မြို့နယ်၊ ကန်နီ ပျူစောထီးရွာတွင် မွန်းမံ သင်တန်းတက်နေသော ပျူစောထီးများကို လက်နက်ကြီးများဖြင့် ပစ်ခတ် တိုက်ခိုက်ရာ စစ်တပ်ဘက်မှ ထိခိုက်မှုရှိကြောင်း ဗစ်တာ ပြောက်ကျား တပ်ဖွဲ့မှ ကိုဗစ်တာက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၁၄ ရက်နှင့် ၁၅ ရက်နေ့တွင် ကနီပျူစောထီးရွာ၌ သရက်ကန်ရွာ၊ သရက်ကွရွာ၊ ဝက်ပုတ်ရွာ၊ တွင်းမရွာနှင့် ကန်နီရွာမှ လက်နက်ကိုင် ပျူစောထီး အင်အား ၁၂၀ ခန့်သည် မွန်းမံ သင်တန်းတက်နေစဉ် တော်လှန်ရေး တပ်ဖွဲ့များက ၂ ရက်ဆက်တိုက် ၁၈၀ မမ လက်နက်ကြီး ၅ လုံး၊ ၆၀ မမ လက်နက်ကြီး ၉ လုံးတို့ဖြင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။

ယင်း တိုက်ခိုက်မှု အတွင်း ပျူစောထီးများ မွန်းမံ သင်တန်းဝင်း အတွင်းထွက်ပြေးမှုများရှိပြီး ထိခိုက်မှုများရှိကာ သေဆုံးမှု အရေအတွက် အတိအကျကို အတည်ပြုနိုင်ခြင်းမရှိသေးကြောင်း၊ ထို့ပြင် အကြမ်းဖက် စစ်ကောင်စီ တပ်သားများကလည်း ၆၀ မမ လက်နက်ကြီးများ၊ လက်နက်ငယ်များ၊ စက်လက်များဖြင့် ပြန်လည် ပစ်ခတ် တိုက်ခိုက်ခဲ့ပြီး တော်လှန်ရေး တပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။

"စစ်ခွေး သေစာရင်းကတော့ အတည်မပြုနိုင်သေးဘူး။ ၁၄ ရက်နေ့ နံနက် ၈ နာရီ ၃၀ မိနစ် ကနေ ၁၀ နာရီ ၃၀ မိနစ် ထိ ၁ ကြိမ်၊ ၁၅ ရက်နေ့ နံနက် ၈ နာရီ ၃၀ မိနစ်ကနေ ၉ နာရီ ၃၀ မိနစ်ထိ ၁ ကြိမ်ပေါ့။ ၂ ရက်ဆက်တိုက် သွားရောက် တိုက်ခိုက်ခဲ့တာပါ။ ပျူခွေး လက်နက်ကိုင် ၁၂၀ ခန့်ရှိတဲ့ မွန်းမံ သင်တန်းကို ပထမ ရက်ကတော့ ပျူရွာဘက်က လက်နက်ကြီး၊ စက်လက်နဲ့ လက်နက်ငယ်တွေနဲ့ ပြန်ပစ်တယ်။ ကျနော်တို့ ရဲဘော်တွေ အထိအခိုက်မရှိ ဆုတ်ခွာနိုင်ခဲ့တယ်" ဟု ဗစ်တာ ပြောက်ကျား တပ်ဖွဲ့မှ ကိုဗစ်တာက ပြောဆိုသည်။

အဆိုပါ တိုက်ခိုက်မှုကို ဗစ်တာပြောက်ကျားတပ်ဖွဲ့၊ လျှပ်စီးပြောက်ကျားတပ်ဖွဲ့၊ လင်းမွှေ အဖွဲ့ မြိုင် ပကဖ၊ အညာမြေ ပြောက်ကျားတပ်ဖွဲ့၊ ပခုက္ကူခရိုင် တပ်ရင်း ၂ နှင့် ပြည်သူ့လွတ်မြောက်ရေး ကျောင်းသားတပ်တော်တို့က ပူးပေါင်းလုပ်ဆောင်ခဲ့ကြောင်း သိရသည်။

ပဲခူးတိုင်းတွင် စစ်ဆင်ရေးများအတွက် အရေးကြီး လိုအပ်ချက်များ ဖြည့်ဆည်းနိုင်ရေး NUG ဝန်ကြီးချုပ်ရုံးက ကွင်းဆင်း

ရန်ကုန်၊ ဖေဖော်ဝါရီ ၁၃

ပဲခူးတိုင်းတွင် အနာဂတ် စစ်ဆင်ရေးများအတွက် အရေးတကြီးလိုအပ်ချက်များအား ဖြည့်ဆည်းဆောင်ရွက်နိုင်ရေး NUG ဝန်ကြီးချုပ်ရုံးမှ အဖွဲ့က ကွင်းဆင်းတွေ့ဆုံကြောင်း NUG က သတင်းထုတ်ပြန်သည်။

ပဲခူးတိုင်းအတွင်းရှိ PDF တပ်ရင်းများသို့ သွားရောက်ပြီး တာဝန်ထမ်းဆောင်နေကြသော ပြည်သူ့ကာကွယ်ရေးတပ်မတော်သားများနှင့် NUG ဝန်ကြီးချုပ်ရုံးမှ အဖွဲ့က သွားရောက် တွေ့ဆုံကြောင်း၊ NUG ဝန်ကြီးချုပ်ရုံးမှ အဖွဲ့တွင် အလုပ်သမားဒုဝန်ကြီး ဦးကျော်နီ၊ ဝန်ကြီးချုပ်ရုံး အတွင်းဝန် ဒေါ်ကြည်ပြာ၊ ဝန်ကြီးချုပ်ရုံးပြောရေးဆိုခွင့်ရှိသူ ဦးနေဘုန်းလတ်၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန တွဲဖက်အတွင်းဝန် ဦးအာကာမျိုးထက်၊ ရန်ကုန်တိုင်း ပြည်သူ့ကာကွယ်ရေးအဖွဲ့တာဝန်ခံ ဦးနောင်ရိုး တို့ပါဝင်ခဲ့ကြောင်း သိရှိရသည်။

ခရီးစဉ်အတွင်း PDF တပ်ရင်းတာဝန်ရှိသူများက မြေပြင်အခြေအနေများ၊ စစ်ဆင်ရေးအခြေအနေများ၊ PDF တပ်ရင်းများ၏ လိုအပ်ချက်များ ဆွေးနွေးခဲ့ပြီး PDF များ စိုးမိုးထိမ်းချုပ်ထားသည့် စစ်တောင်းမြစ်အလွန်ဒေသများသို့လည်း သွားရောက်လေ့လာခဲ့ကြကြောင်း၊ PDF တပ်ရင်းများ၏ လတ်တလောလိုအပ်ချက်များအတွက် ဝန်ကြီးချုပ်ရုံးက ထောက်ပို့ကူညီမှုများပြုလုပ်ကာ အနာဂတ် စစ်ဆင်ရေးများအတွက် အရေးတကြီးလိုအပ်ချက်များအား အလျင်အမြန် ဖြည့်ဆည်းဆောင်ရွက်ပေးနိုင်ရေးကိုလည်း ဆွေးနွေးညှိနှိုင်းခဲ့ကြောင်း NUG က သတင်းထုတ်ပြန်သည်။

ကမ္ဘောဒီယားသံဃရာဇာဆရာတော်နှင့် အိန္ဒိယ ငြိမ်းချမ်းရေးသံတမန် Gurudev Sri Sri Ravi Shankar တို့ကို မင်းအောင်လှိုင်က နေပြည်တော် ဖိတ်ပြီး ငြိမ်းချမ်းရေးတရား ဟောခိုင်း၊ ဗေဒင်ယတြာအရ လုပ်ဆောင်မှုအဖြစ် သုံးသပ်

ရန်ကုန်၊ ဖေဖော်ဝါရီ ၁၃

အကြမ်းဖက် စစ်ခေါင်းဆောင် မင်းအောင်လှိုင်က ကမ္ဘောဒီယားသံဃရာဇာဆရာတော်နှင့် အိန္ဒိယ ငြိမ်းချမ်းရေးသံတမန် Gurudev Sri Sri Ravi Shankar တို့ကို နေပြည်တော်သို့ ဖိတ်ကြား ပြီး ငြိမ်းချမ်းရေးတရား ဟောခိုင်းကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။

စစ်ခေါင်းဆောင် မင်းအောင်လှိုင်၏ ဖိတ်ကြားမှုဖြင့် ကမ္ဘောဒီးယားနိုင်ငံ သံဃရာဇာဆရာတော် His Holiness Samdech Preah Abhisiri Sugandha Mohasangharajah Dhipadi Dr. Bour Kry က ဖေဖော်ဝါရီလ ၂ ရက်နေ့ မြန်မာနိုင်ငံသို့ ရောက်ရှိခဲ့ပြီး မင်းအောင်လှိုင်က ဖေဖော်ဝါရီလ ၄ ရက်နေ့တွင် သွားရောက် ဖူးမြော်ကြောင်း၊ ယင်းသို့ သွားရောက် ဖူးမြော်စဉ် ကမ္ဘောဒီးယားနိုင်ငံ သံဃရာဇာဆရာတော်က ငြိမ်းချမ်းရေး တရားချီးမြှင့်ဟောကြားကြောင်း သိရှိရသည်။

အလားတူ မင်းအောင်လှိုင်၏ ဖိတ်ကြားချက်အရ အိန္ဒိယနိုင်ငံမှ ငြိမ်းချမ်းရေးသံတမန် Gurudev Sri Sri Ravi Shankar သည် ဖေဖော်ဝါရီလ ၇ ရက်နေ့ မြန်မာနိုင်ငံသို့ ရောက်ရှိခဲ့ပြီး ဖေဖော်ဝါရီလ ၉ ရက်နေ့ နေပြည်တော်တွင် အကြမ်းဖက် မင်းအောင်လှိုင်နှင့်တွေ့ဆုံခဲ့ကြောင်း သိရှိရသည်။

ယင်းနောက် မင်းအောင်လှိုင်နှင့် အိန္ဒိယ ငြိမ်းချမ်းရေး သံတမန်တို့တွေ့ဆုံစဉ် ငြိမ်းချမ်းရေးတရားများကို မင်းအောင်လှိုင်က ဟောခိုင်းခဲ့ပြန်ကြောင်း၊ မင်းအောင်လှိုင်ကလည်း မြန်မာနိုင်ငံအခြေအနေနှင့် လက်ရှိကြုံတွေ့နေမှုများအပေါ် ရှင်းလင်း အကြံဉာဏ်များရယူခဲ့ကြောင်း သိရှိရသည်။

" ကမ္ဘောဒီးယား သံဃရာဇာဆရာတော်ရော အိန္ဒိယ ငြိမ်းချမ်းရေး သံတမန်ရောက တပ်ချုပ် ဖိတ်လို့ ရောက်လာတာပါ။ တူညီတာက နှစ်ဦးစလုံးကို ငြိမ်းချမ်းရေး တရားဟောခိုင်းတယ်။ ပြည်ပတိုင်းပြည်က ဖိတ်ပြီး ငြိမ်းချမ်းရေးတရားဟောခိုင်းတာမျိုးဆိုတော့ ဗေဒင်ယတြာဖြစ်မယ်လို့ ယူဆပါတယ်" ဟု နေပြည်တော် တပ်သတင်းရင်းမြစ်က ဆိုသည်။

ထို့ပြင် အကြမ်းဖက် စစ်ခေါင်းဆောင် မင်းအောင်လှိုင်က ၎င်းဆရာရင်း သံဃာတော်တချို့ကိုလည်း နေပြည်တော်ရှိ ၎င်း၏ နေအိမ်သို့ ရဟတ်ယာဉ်၊ လေယာဉ်များဖြင့် ပင့်​ဆောင်၍ ဆွမ်းကပ်ခြင်း၊ ယတြာလုပ်ခိုင်းခြင်း၊ တရားဟောခိုင်းခြင်းများကိုလည်း မကြာခဏ လုပ် ဆောင်နေကြောင်း သိရှိရသည်။

မြန်မာစစ်တပ်ထံသို့​ ရေနံစည် သန်းချီ ရောင်းချခဲ့သော စစ်ရာဇဝတ်မှု ကြံရာပါ စင်ကာပူ Interra Resources ကို အရေးယူပေးရန် အရပ်ဘက်အဖွဲ့များတောင်းဆို

ရန်ကုန်၊ ဖေဖော်ဝါရီ ၁၃

မြန်မာစစ်အုပ်စု၏ စစ်ရာဇဝတ်မှုများတွင် Interra Resources က ကြံရာပါ ပတ်သက်မှုနှင့် ပတ်သက်၍ အရေးယူပေးရန် စင်ကာပူအစိုးရနှင့် စင်ကာပူစတော့အိတ်ချိန်း ခေါင်းဆောင်များကို မကွေးအခြေစိုက် အရပ်ဘက်အဖွဲ့အစည်းများ၊ လူထုတိုက်ပွဲကော်မတီများ၊ သမဂ္ဂများ စုစုပေါင်း ၂၀ ဖွဲ့တို့က ယနေ့ဖေဖော်ဝါရီလ ၁၃ ရက်နေ့တွင် အိတ်ဖွင့်ပေးစာပေးပို့တောင်းဆိုခဲ့ကြောင်း သိရှိရသည်။

စင်ကာပူစတော့အိတ်ချိန်းစာရင်းဝင် ကုမ္ပဏီတစ်ခုဖြစ်သော Interra Resources သည် အကြမ်းဖက် စစ်တပ်၏ တရားမဝင်အာဏာသိမ်းပြီးနောက်ပိုင်း Gold petrol Joint Operating Company Inc. ရှိ ၎င်းတို့၏ ၆၀​​ ရာခိုင်နှုန်း ပိုင်ဆိုင်မှုမှတစ်ဆင့် မြန်မာစစ်အုပ်စုထံသို့ ရေနံစည်ပေါင်း ၂ ဒသမ ၃ သန်းကျော်ကို ရောင်းချပေးအပ်ခဲ့ကြောင်း သိရှိရသည်။

ရေနံစည်ပေါင်း ၂ ဒသမ ၃ သန်းကျော်သည် အမေရိကန်ဒေါ်လာ သန်း ၁၅၀ ကျော်တန်ဖိုးရှိပြီး အဆိုပါရေနံများသည် အရပ်သားပြည်သူ များအပေါ် ဆိုးဝါးပြင်းထန်သည့် ရက်စက်ကြမ်းကြုတ်မှုကြီးများ ကျူးလွန်ခဲ့သည့် အကြမ်းဖက်စစ်တပ် ၏ စစ်ဆင်ရေးများအတွက် လောင်စာဆီဖြည့်သွင်းရာတွင် အဓိကကျကြောင်း၊ ထို့ကြောင့် Interra Resources သည် စစ်အုပ်စု၏ နိုင်ငံတကာရာဇဝတ်မှုများတွင် ကြံရာပါ ပတ်သက်နေခြင်းဖြစ်ကြောင်း အရပ်ဘက်အဖွဲ့များက ပြောသည်။

"စစ်အုပ်စုက ပြည်သူတွေအပေါ် ကျူးလွန်နေတဲ့ စစ်ရာဇဝတ်မှုတွေအတွက် လိုအပ်တဲ့ လောင်စာဆီတွေကို Interra Resources က ရောင်းချထောက်ပံ့နေမှုကို ချက်ချင်းရပ်တန့်ဖို့ ဖြစ်ပါတယ်။ စင်ကာပူအစိုးရနဲ့ စင်ကာပူစတော့အိတ်ချိန်းအနေနဲ့ Interra Resources အပေါ် စုံစမ်းစစ်ဆေးမှုတွေ လုပ်ဆောင်ဖို့နဲ့ စတော့အိတ်ချိန်းမှ ဖြုတ်ချခြင်း၊ စစ်ရာဇဝတ်မှုတွေမှာအားပေးကူညီမှုအတွက် တာဝန်ခံစေခြင်း အပါအဝင် လိုအပ်တဲ့အရေးယူဆောင်ရွက်မှုတွေ လုပ်ဆောင်ဖို့ တောင်းဆိုခြင်း ဖြစ်ပါတယ်" ဟု အရပ်ဘက်အဖွဲ့များကိုယ်စား ပြောရေးဆိုခွင့်ရှိသူ မတမာက ပြောဆိုသည်။

စစ်တပ်၏ အကြမ်းဖက်စစ်ဆင်ရေးများတွင် အသုံးပြုသော စစ်လေယာဉ်များ၊ တင့်ကားများနှင့် ထရပ်ကားများ မောင်းနှင်ရန် စင်ကာပူကုမ္ပဏီက စွမ်းအင်ဖြည့်ပေးခဲ့ကြောင်း၊အကြမ်းဖက်မှုများကြောင့် ကလေးသူ ငယ်များအပါအဝင် လူထောင်ပေါင်းများစွာအား သေဆုံးစေခဲ့ပြီး၊လူပေါင်း ၃ သန်းကျော်အား နေရပ်စွန့် ခွာ တိမ်းရှောင်စေခဲ့ကာ ယင်းလုပ်ရပ်များသည် စစ်ရာဇဝတ်မှုများနှင့် လူသားမျိုးနွယ်အပေါ်ကျူးလွန် သော ရာဇဝတ်မှုများ မြောက်ကြောင်း သိရှိရသည်။

ထို့ကြောင့် စင်ကာပူအစိုးရနှင့် စင်ကာပူစတော့အိတ်ချိန်း အနေနှင့် Interra Resources က မြန်မာစစ်အုပ်စုထံ ရေနံစိမ်းထောက်ပံ့မှုကို ချက်ချင်းရပ်တန့်စေရန်၊ လူ့အခွင့်အရေးချိုးဖောက်မှုများတွင် နောက်ထပ်ကြံရာပါပတ်သက်မှုမရှိစေရေး ကာကွယ်သည့် အနေဖြင့် Interra Resources အား စင်ကာပူစတော့အိတ်ချိန်းမှ စာရင်းပယ်ဖျက်ရန်၊ Interra Resources ၏ မြန်မာနိုင်ငံတွင်း လုပ်ငန်းဆောင်ရွက်မှုများအပေါ် စနစ်တကျ စုံစမ်းစစ်ဆေးရန်အပါအဝင် စစ်ရာဇ ဝတ် မှုတွင် အားပေးကူညီခဲ့ခြင်းတို့အတွက် ရာဇဝတ်ကြောင်းအရ အရေးယူတာဝန်ခံစေရန် တောင်းဆိုထားသည်။

အကြမ်းဖက်အဖွဲ့အစည်းဖြစ်သည့် မြန်မာစစ်တပ်က တရားမဝင် ထိန်းချုပ်ထား သည်ဖြစ်ရာ ငွေကြေးခဝါချမှု၊ အကြမ်းဖက်မှုအား ငွေကြေးထောက်ပံ့မှုများအတွက် ရာဇဝတ်ကြောင်းအရ အရေးယူတာဝန်ခံစေရန်၊ မြန်မာ့ရေနံနှင့်သဘာဝဓာတ်ငွေ့လုပ်ငန်း (MOGE)၊ မြန်မာ့ရေနံဓါတုဗေဒလုပ်ငန်း​ (MPE) နှင့် မြန်မာ့နိုင်ငံခြားကုန်သွယ်ရေးဘဏ် (MFTB)၊ မြန်မာ့ရင်းနှီးမြှပ်နှံမှုနှင့် စီးပွားရေးဘဏ် (MICB)၊ မြန်မာ့စီးပွားရေးဘဏ် (MEB) တို့အပါအဝင် စစ်အုပ်စုထိန်းချုပ်ဘဏ်များအပေါ် ပစ်မှတ်ထား ဒဏ်ခတ်ပိတ်ဆို့မှုများ ချမှတ်ရန် ဆက်လက် တောင်းဆိုထားသည်။

ထို့ပြင် အာဆီယံအဖွဲ့ဝင်နှင့် လူ့အခွင့်အရေးအပေါ် လေးစားလိုက်နာသည့် နိုင်ငံတစ်ခုဖြစ်သော စင်ကာပူနိုင်ငံအနေဖြင့် စင်ကာပူအာဏာပိုင်နယ်မြေအတွင်းရှိ ကုမ္ပဏီများကို မြန်မာနိုင်ငံတွင်း ရက်စက်ကြမ်းကြုတ်မှုကြီး များ ကျူးလွန်ရာတွင် ပံ့ပိုးကူညီပါဝင်ခြင်း မရှိစေရန် လုပ်ဆောင်ရမည့် သီးခြားတာဝန်တစ်ရပ် ရှိကြောင်း၊ Interra Resources အပေါ် ပြတ်သားသည့် အရေးယူဆောင်ရွက်မှု လုပ်ဆောင်ခြင်းသည် စင်ကာပူနိုင်ငံ ၏ လူ့အခွင့်အရေးအပေါ် လေးစားလိုက်နာဆောင်ရွက်မှု၊ ကော်ပိုရိတ်တာဝန်ခံမှုအတွက် သာဓက ကောင်း တစ်ခုကို ပြသနိုင်မည် ဖြစ်ကြောင်း အရပ်ဘက်အဖွဲ့များက စုပေါင်းတောင်းဆိုထားသည်။

Khit Thit သတင်းဌာန၏ ဖေဖော်ဝါရီ ၁၃ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၁၃ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

- အကြမ်းဖက် စစ်ကောင်စီက မြန်မာနိုင်ငံမှာ လူတိုင်း စစ်မှုထမ်းဖို့ တာဝန်ရှိတာတွေ နိုင်ငံကို ကာကွယ် ဖို့ အရေးကြီးတယ်ဆိုတာတွေပါတ့ သူတို့ရဲ့ စစ်မှုထမ်း စနစ်အကြောင်းတွေကို အခြေခံပညာ ကျောင်း တွေမှာ လာမယ့် ပညာသင်နှစ်အတွင်း စတင်သင်ကြားမယ်ဆိုပြီး လုပ်လာပြန်တယ်လို့ စစ်ကောင်စီ လက်အောက်ခံ ပညာရေးအသိုင်းအဝိုင်းဆီကနေ သိရပါတယ်။

- အကြမ်းဖက် စစ်ကောင်စီက စစ်မှုထမ်းရမယ့် အသက် ၁၈ နှစ်ကနေ အသက် ၃၅ နှစ်အတွင်း အမျိုးသားတွေ အားလုံး ပြည်ပ အလုပ်လုပ်ခွင့် တရားဝင် ဆိုင်းငံ့ဖြစ်တယ်လို့ ပြည်ပအလုပ်အကိုင် အေဂျင်စီတွေကို အသိပေးကြေငြာလိုက်ပြီဖြစ်တဲ့အတွက် တချို့အေဂျင်စီတွေလည်း လုပ်ငန်းတွေ ရပ်နားကုန်ကြပြီလို့ ရန်ကုန်အခြေစိုက် ပြည်ပအလုပ်အကိုင်အေဂျင်စီတာဝန်ရှိသူတစ်ဦးက ရန်ကုန် ခေတ်သစ်ကို ပြောပါတယ်။

- မကွေးတိုင်းက ရေစကြိုမြို့နယ်၊ ပခန်းမြို့မြောက်ဘက်အတွင်း ဝင်ရောက်လာတဲ့ အကြမ်းဖက် စစ်ကောင်စီတပ်သားတွေကို တော်လှန်ရေးပူးပေါင်းတပ်တွေက ကြားဖြတ် တိုက်ခိုက်ခြေမှုန်းမှုအတွင်း စစ်ကောင်စီတပ်သား ၁၀ ဦးထက်မနည်းသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

https://www.youtube.com/watch?v=2vjhLB7OxWU

ကလေးမြို့နယ် တောင်ပိုင်းရှိ ဂန့်ဂေါ - ကလေး လမ်းပိုင်းတွင် တိုက်ပွဲဖြစ်ပွားနေပြီး စစ်တပ်က လေယာဉ်ဖြင့် ဆက်တိုက် ဗုံးကျဲနေ၍ ကျေးရွာ ၅ ရွာကျော်မှ သောင်းနှင့်ချီသော ပြည်သူများ ထွက်ပြေးတိမ်းရှောင်နေရ

ရန်ကုန်၊ ဖေဖော်ဝါရီ ၁၃

စစ်ကိုင်းတိုင်း၊ ကလေးမြို့နယ် တောင်ပိုင်းရှိ ဂန့်ဂေါ - ကလေး လမ်းပိုင်းတွင် တိုက်ပွဲဖြစ်ပွားနေပြီး အကြမ်းဖက် စစ်တပ် လေယာဉ်ဖြင့် ဆက်တိုက် ဗုံးကျဲနေ၍ ကျေးရွာ ၅ ရွာကျော်မှ သောင်းနှင့်ချီသော ပြည်သူများ ထွက်ပြေးတိမ်းရှောင်နေရကြောင်း

ဖေဖော်ဝါရီလ ၁၁ ရက်နေ့ ညပိုင်းက စတင်ကာ ကလေးမြို့နယ် တောင်ပိုင်း ဂန့်ဂေါ - ကလေး လမ်းပိုင်းရှိ ကမ်းပါးနီ အကြမ်းဖက် စခန်းကို တော်လှန်ရေးတပ်ဖွဲ့များက စတင်တိုက်ခိုက်ခဲ့ပြီး ထိတွေ့ တိုက်ပွဲများ လက်ရှိချိန်ထိ ပြင်းထန်နေဆဲဖြစ်ကြောင်း သိရသည်။

တိုက်ပွဲအတွင်း အကြမ်းဖက် စစ်တပ်ဘက်မှ အထိနာ၍ လေယာဉ်ဖြင့် အပြင်းအထန် ခုခံနေခြင်းဖြစ်ကြောင်း၊ အကြမ်းဖက် စစ်တပ်သည် တိုက်ပွဲဖြစ်ပွားရာ နေရာအပြင် လူနေ ကျေးရွာများကိုပါ ဗုံးကျဲ တိုက်ခိုက်ခြင်းကြောင့် ရှားဖိုရွာ၊ တင်သားရွာ၊ အရှေ့စည်းရွာ၊ ဒိုးနွယ်ရွာနှင့် ကုက္ကိုလ်ရွာမှ သောင်းနှင့်ချီသော ပြည်သူများသည် ဘေးလွတ်ရာထွက်ပြေးတိမ်းရှောင်နေရကြောင်း သိရှိရသည်။

အကြမ်းဖက် စစ်တပ်သည် ဖေဖော်ဝါရီ ၁၂ ရက်နေ့မှ စတင်ပြီး Y-12 လေယာဥ် ၊ ဂျက်ဖိုက်တာများဖြင့် ဗုံးအလုံး ၁၀၀ ခန့် ကျဲချတိုက်ခိုက်ခဲ့ကြောင်း၊ တင်သားရွာနှင့် အောင်မင်္ဂလာရွာကိုလည်း လေယာဉ်ဖြင့် ဗုံးကျဲ တိုက်ခိုက်ခဲ့ကြောင်း၊ ယင်းလေကြောင်း တိုက်ခိုက်မှု အတွင်း တင်သားရွာမှ နေအိမ်များ ပျက်စီးမှုရှိပြီး လူထိခိုက်မှုရှိမရှိကို အတည်ပြုနိုင်ခြင်းမရှိသေးကြောင်း၊ ယင်းနေ့ မွန်းလွဲ ၁၂ နာရီကျော်တွင် Y - 12 ဖြင့် ဗုံးအလုံး ၄၀ ကျဲချခဲ့ပြီး ညနေ ၄ နာရီကျော်ခန့်တွင် ဗုံးအလုံး ၅၀ ဝန်းကျင် ကျဲချ တိုက်ခိုက်ခဲ့ကြောင်း သိရသည်။

"ဂန့်ဂေါ - ကလေး လမ်းမကြီးပေါ်က ကမ်းပါးနီ စစ်ခွေးစခန်းကို ဒေသကာကွယ်ရေးတပ်ဖွဲ့တွေက ဖေဖော်ဝါရီ ၁၁ ရက်နေ့ ညပိုင်းကစ တိုက်ခိုက်နေတာ စစ်ခွေးတွေကလည်း လေယာဉ်နဲ့ အပြင်းအထန်ခုခံနေတယ်။ စစ်ခွေးတွေက တိုက်ပွဲဖြစ်ပွားတဲ့ ဧရိယာတွေအပြင် လူနေကျေးရွာတွေကိုပါ ဗုံးကျဲ တိုက်ခိုက်လာတာကြောင့် ရှားဖို ၊ တင်သား၊ အရှေ့စည်း၊ ဒိုးနွယ်၊ ကုက္ကိုလ် စတဲ့ ကလေးနယ်တောင်ပိုင်းက ကျေးရွာတွေက ဒေသခံ ပြည်သူ တစ်သောင်းခန့် ဘေးလွတ်ရာကို တိမ်းရှောင်နေကြရတယ်။ ကုက္ကိုလ်နဲ့ တင်သားကို ဗုံးကျဲကတည်းက လူတွေရွာထဲမနေရဲတော့ဘူး။ အကုန်ဘေးကိုရှောင်နေကြရတာ" ဟု ဒေသပြည်သူ တစ်ဦးက ပြောဆိုသည်။

လက်ရှိချိန်တွင် အကြမ်းဖက် စစ်တပ်က ကြံသာရွာနှင့် မှန်တောရွာ ဘက်ကို စစ်ကူ စစ်ကြောင်းများ ထပ်မံ ပို့ဆောင်နေ၍ တိုက်ပွဲများ ဆက်လက်ဖြစ်ပွားနေဆဲနေပြီး လေယာဉ်များ ဆက်တိုက် ပျံဝဲနေဆဲဖြစ်ကြောင်း သိရသည်။

ဖားကန့်မှော်လှည့်သပိတ်က လွတ်လပ်ရေး ခေါင်းဆောင် ဦးအောင်ဆန်း၏ နှစ်တစ်ရာပြည့် မွေးနေ့ အမှတ်တရ ပဲပြုတ်နှင့် နံပြားကျွေးမွေး

ရန်ကုန်၊ ဖေဖော်ဝါရီလ ၁၃

ကချင်ပြည်နယ် ဆိပ်မူကျေးရွာတွင် ဖားကန့်မှော်လှည့်သပိတ်ဦးဆောင်သူများက မြန်မာ့လွတ်လပ်ရေးခေါင်းဆောင်ကြီး ဦးအောင်ဆန်း၏ ယနေ့ကျရောက်သည့် နှစ်တစ်ရာပြည့် မွေးနေ့အထိမ်းအမှတ် ပြည်သူများကို မနက်စာ ပဲပြုတ်နှင့်နံပြားကျွေးခဲ့ကြောင်း သိရှိရသည်။

Khit Thit သတင်းဌာန၏ ဖေဖော်ဝါရီ ၇ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၇ ရက် ညနေပိုင်း တင်ဆက်ပေးမယ့် သတင်းတွေကတော့

- အကြမ်းဖက် စစ်ကောင်စီတပ်က ရန်ကုန်တိုင်းမှာ တစ်ရပ်ကွက်ကို လူငယ် ၃ ဦးနှုန်းနဲ့ မြို့နယ်တစ်ခုကို လစဉ်လတိုင်း စစ်မှုထမ်းတပ်သားသစ် အနည်းဆုံး အယောက် ၇၀ မဖြစ်မနေ စုဆောင်းထားဖို့ ညွှန်ကြား လာပြီဖြစ်တဲ့အတွက် အခြေနေတွေ ပိုဆိုးလာပြီလို့ ကမာရွတ်မြို့နယ်စစ်မှုထမ်းဆင့် ခေါ်ရေးအဖွဲ့နဲ့ တိုက်ရိုက်ပတ်သက်နေရတဲ့ သတင်းရင်းမြစ်က ရန်ကုန်ခေတ်သစ်ကို ပြောပါတယ်။

- ရှမ်းပြည်နယ်က ရွှေညောင်မြို့နယ်မှာ စစ်မှုထမ်းသင်တန်း အပတ်စဉ် ၁၀ တက်ရောက်ဖို့ ဆင့်ခေါ်ခံရတဲ့ လူငယ် ၁ ဦးဟာ သူ့ကိုသူ ကြိုးဆွဲချပြီး အဆုံးစီရင်သွားတယ်လို့ သေဆုံးသူနဲ့နီးစပ်သူတွေက ရန်ကုန် ခေတ်သစ်ကိုပြောပါတယ်။

- တနင်္သာရီတိုင်း၊ သရက်ချောင်းမြို့နယ်၊ ဝင်းဝကျေးရွာမှာ အင်အားဖြည့်တင်းဖို့ဆိုပြီး ထွက်လာတဲ့ အကြမ်းဖက် စစ်ကောင်စီတပ် စစ်ကြောင်းကို တော်လှန်ရေးပူးပေါင်းတပ်တွေက လမ်းတစ်လျှောက် ၄ ကြိမ်ဆက်တိုက် ကြားဖြတ်တိုက်ခိုက်မှုအတွင်း စစ်ကောင်စီတပ်သား စုစုပေါင်း ၂၃ ဦး သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

https://www.youtube.com/watch?v=z1tDmNZU9dg

စစ်ကောင်စီက ပြုလုပ်မည့် ရွေးကောက်ပွဲမှာ ဒီမိုကရေစီ စံနှုန်းများနှင့် မကိုက်ညီ၍ နိုင်ငံတကာက လက်မခံရန် အပြည်ပြည်ဆိုင်ရာ ရွေးကောက်ပွဲ စောင့်ကြည့် အကူအညီပေးရေးအဖွဲ့ကြီး ၃ ခုက ကြေညာ

ရန်ကုန်၊ ဖေဖော်ဝါရီ ၇

စစ်ကောင်စီက ပြုလုပ်မည့် ရွေးကောက်ပွဲမှာ ဒီမိုကရေစီစံနှုန်းများနှင့် မကိုက်ညီ၍ နိုင်ငံတကာက လက်မခံရန် အပြည်ပြည်ဆိုင်ရာ ရွေးကောက်ပွဲ စောင့်ကြည့်အကူအညီပေးရေးအဖွဲ့ကြီး ၃ ခုက ကြေညာလိုက်သည် ။

အပြည်ပြည်ဆိုင်ရာ ဒီမိုကရေစီနှင့် ရွေးကောက်ပွဲ အကူအညီပေးရေး အဖွဲ့အစည်း(International IDEA)၊ လွတ်လပ်သောရွေး ကောက် ပွဲများဆိုင်ရာ အာရှကွန်ယက်(ANFREL)နှင့် ကလပ်ဒီမက်ဒရစ်အသင်း(Club de Madrid)တို့က အထက်ပါအတိုင်း ထုတ်ပြန်ကြေညာလိုက်ခြင်းဖြစ်သည်။

စစ်ကောင်စီက ၄ နှစ်တာအတွင်း အကြမ်းဖက်မှုများ၊ အတင်းအကျပ် နေရာရွှေ့ပြောင်းခြင်းနှင့် နိုင်ငံရေးလွတ်လပ်ခွင့်များကို ဖိနှိပ်ခြင်းများကို ဆက်လက်လုပ်ဆောင်နေကြောင်း၊ လက်ရှိတွင် စစ်တပ်က စနစ်တကျ လူ့အခွင့်အရေးချိုးဖောက်မှုများကျူးလွန်နေကြောင်း၊ အတိုက်အခံနိုင်ငံရေးပါတီများကို တားမြစ်ပိတ်ပင်ထားသော ပြင်းထန်လွန်းသော ဥပဒေများ၊ နိုင်ငံရေးခေါင်းဆောင်များနှင့် ဒီမိုကရေစီရေး တက်ကြွလှုပ်ရှားသူများကို ဖမ်းဆီးထိန်းသိမ်းခြင်း၊ မီဒီယာအပေါ် ပြင်းထန်စွာ ကန့်သတ်ချုပ်ချယ်ခြင်း ဆောင်ရွက်နေကြာင်း၊ စစ်ကောင်စီ၏ မဲဆန္ဒရှင်စာရင်းနှင့် သန်းခေါင်စာရင်းအတွက် ကောက်ယူနေသည့်အဖွဲ့အစည်းများမှာ ယုံကြည်စရာလက်ခံနိုင်စရာ မရှိကြောင်း၊ လက်ရှိအခြေအနေအောက်တွင် မြန်မာနိုင်ငံတွင် စစ်မှန်သော ရွေးကောက်ပွဲ မဖြစ်နိုင်ကြောင်း အဆိုပါအဖွဲ့များက ဆိုကြသည်။

အဆိုပါ အခြေအနေများကြောင့် မြန်မာနိုင်ငံတွင် စစ်ကောင်စီက ပြုလုပ်မည့် ရွေးကောက်ပွဲသည် ဒီမိုကရေစီ ရွေးကောက်ပွဲများဆိုင်ရာ နိုင်ငံတကာစံနှုန်းများနှင့် ကိုက်ညီမည်မဟုတ်ကြောင်း၊ ဂုဏ်သိက္ခာရှိသော ရွေးကောက်ပွဲဖြစ်လာနိုင်စရာမရှိကြောင်း ၊ စစ်ကောင်စီ၏ ရွေးကောက်ပွဲသည် တရားမဝင်သော အစိုးရတစ်ရပ်ကို တရားဝင်ဖြစ်စေရန်ကြိုးပမ်းမှုထက် မပိုကြောင်း ထောက်ပြထားသည်။

စစ်မှန်သော ဒီမိုကရေစီ ရွေးကောက်ပွဲများတွင် မြန်မာနိုင်ငံ ပြည်သူများ၏ ဆန္ဒကို လွတ်လပ်စွာ ထုတ်ဖော်ခွင့် ပေးသည့် ပွင့်လင်းသော ပြိုင်ဆိုင်မှု ပတ်ဝန်းကျင် လိုအပ်ကြောင်း၊ မြန်မာစစ်တပ်က ဒီမိုကရေစီနည်းကျ ရွေးကောက်တင်မြှောက်ထားသော အစိုးရနှင့် ဥပဒေပြုလွှတ်တော်ကို ၂၀၂၁ ခုနှစ်ဖေဖော်ဝါရီလ ၁ ရက်နေ့တွင် အာဏာသိမ်း၍ ဖယ်ရှားခဲ့ကြောင်း ကြေညာချက်တွင် ဖော်ပြထားသည်။

ထို့ကြောင့် စစ်ကောင်စီ၏ တရားမ၀င် ရွေးကောက်ပွဲအတွက် နည်းပညာ၊ ပစ္စည်း သို့မဟုတ် နိုင်ငံရေးဆိုင်ရာ ပံ့ပိုးမှုများကို မပေးကြရန် နိုင်ငံတကာအသိုင်းအဝိုင်းကို အဆိုပါအဖွဲ့ ၃ ခုက တိုက်တွန်းသည်။

ထို့ပြင် ၂၀၂၀ ပြည့်နှစ် နိုဝင်ဘာလ ရွေးကောက်ပွဲ ရလဒ်များကို ကာကွယ်ရန်၊ ၂၀၂၂ ခုနှစ် ကုလသမဂ္ဂလုံခြုံရေးကောင်စီဆုံးဖြတ်ချက်အမှတ် ၂၆၆၉ ကို အကောင်အထည်ဖော်ရန်၊ မြန်မာနိုင်ငံ ဒီမိုကရေစီလမ်းကြောင်ပေါ် ပြန်လည် ရောက်ရှိရေး အကူအညီပေးကြရန် တောင်းဆိုသည်။

စစ်တပ်၏ အတုအယောင် ရွေးကောက်ပွဲက မြန်မာနိုင်ငံအတွက် ငြိမ်းချမ်းရေး သို့မဟုတ် တည်ငြိမ်ရေးကို မယူဆောင်နိုင်ဘဲ သဘောထားကွဲလွဲမှု၊ အကြမ်းဖက်မှုများကို နက်နက်ရှိုင်းရှိုင်း နက်ရှိုင်းစေမည်ဖြစ်ကြောင်း၊ အာဏာရှင် အုပ်ချုပ်မှုစနစ်နှင့် စစ်တပ်အာဏာသိမ်းမှုကြောင့် ဖြစ်ပေါ်လာသော အကျပ်အတည်းများကို ပိုမိုဆိုးရွားစေမည်ဖြစ်ကြောင်း အဆိုပါအဖွဲ့ ၃ ခုက သတိပေးသည်။

ဓာတ်ပုံ - Myanmar Electronic Voting Machine (MEVM) စက်ကို စစ်ဆေးနေသည့် အကြမ်းဖက် မင်းအောင်လှိုင်။

ကျောမြို့ ကပစ ၂၃ တပ်မှ ဗိုလ်ကြီး ၁ ဦး မိမိကိုယ်ကို အဆုံးစီရင်

ရန်ကုန်၊ ဖေဖော်ဝါရီ ၇

မကွေးတိုင်း၊ ဂန့်ဂေါမြို့နယ်၊ ကျောမြို့ခြေစိုက် ကာကွယ်ရေးပစ္စည်းထုတ်လုပ်ရေး စက်ရုံ ကပစ ၂၃ တပ်တွင်း၌ ဗိုလ်ကြီး ၁ ဦး ကိုယ့်ကိုကိုယ် သေနတ်ဖြင့် ပစ်ခတ်ကာ အဆုံးစီရင်သွားကြောင်း တပ်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ ဖေဖော်ဝါရီလ ၆ ရက်နေ့တွင် ဂန့်ဂေါမြို့နယ်၊ ကျောမြို့အနီးအခြေစိုက်ထားသည့် အမှတ် ၂၃ ကာကွယ်ရေး ပစ္စည်းထုတ်လုပ်ရေး စက်ရုံတပ်အတွင်း တာဝန်ကျနေသော ဗိုလ်ကြီး ၁ ဦးသည် မိသားစုနှင့်ဝေးကွာနေရသဖြင့် အထက်အရာရှိများ၏ ဖိနှိပ်မှုကို မခံတော့သဖြင့် မိမိကိုယ်ကို သေနတ်ဖြင့်တေ့ကာ ပစ်သတ်သေသွားခြင်းဖြစ်ကြောင်း သိရသည်။

“ဖေဖော်ဝါရီလ ၆ ရက်နေ့ ကပစ ၂၃ တပ်ထဲမှာ ၃ ပွင့်ဗိုလ်တစ်ယောက် ပါစပ်ထဲ သေနတ်နဲ့ပစ်ပြီးသေတယ်၊ သေနတ်နဲ့ ပစ်သေတာပဲ သိတာ၊ ဘာကြောင့်ပစ်တယ်ဆိုတာ အတိအကျတော့ မသိရသေးဘူး။ ၃ ပွင့်ဗိုလ်လို့ သိရတယ်။ မိသားစုက အပြင်ရောက်နေတာ ကြာပြီ၊ သူက ထွက်မရလို့ စိတ်ညစ်ပြီး ကိုယ့်ကိုကိုယ် သတ်သေတာနေမယ်၊ ဒီနေ့ စစ်ကားတွေလည်း ကျောနဲ့ ကပစထဲ သွားလိုက်ပြန်လိုက်နဲ့ လုပ်နေ တာ။” ဟု တပ်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။

ပြီးခဲ့သည့် ၂၀၂၄ ခုနှစ်၊ ဩဂုတ်လနှောင်းပိုင်းမှစတင်ပြီး ကျောမြို့၊ အမှတ် ၂၃ ကာကွယ်ရေးပစ္စည်း ထုတ်လုပ်ရေးစက်ရုံမှ တပ်မိသားစုဝင်များအားလုံးကို ရွှေ့ပြောင်းမှုများ လုပ်ဆောင်ခဲ့ရာ စက်တင် ဘာလ ၄ ရက်နေ့တွင် ကိုယ်ဝန်ဆောင်၊ ကလေးမိခင်၊ ကလေးငယ်များ အပါအဝင် တပ်မိသားစုဝင် များအား လုံးကို ရဟတ်ယာဉ်များဖြင့် အနောက်မြောက်တိုင်း စစ်ဌာနချုပ်သို့ ပို့ဆောင်ကာ ယင်းမှတ ဆင့် သက်ဆိုင်ရာ ဇာတိနေရာများသို့ ပြန်ခိုင်းခဲ့ကြောင်း၊ ထိုသို့ ပြောင်းရွှေ့ပေးပြီးနောက် ကပစ ၂၃ မှ အရာရှိနှင့် စစ်သည်များကို အသေခံ တိုက်ပွဲဝင်ရန် စစ်ကောင်စီက အမိန့်ပေး ညွှန်ကြားထား ကြောင်း သိရှိရသည်။

အကြမ်းဖက်စစ်ကောင်စီက ဂန့်ဂေါမြို့နယ်အတွင်း တပ်များ၊ ကပစစက်ရုံများ၊ အင်ဂျင်နီယာတပ် များတွင် လေကြောင်းဖြင့် လက်နက်ခဲယမ်းနှင့် ရိက္ခာများ ဖြည့်တင်းပေးနေပြီး တပ်များနှင့်စခန်းများ မကျစေရေး အရာရှိနှင့်စစ်သည်များ ရွပ်ရွပ်ချွံချွံ တိုက်ပွဲဝင်ကြရန် အမိန့်ပေးညွှန်ကြားနေကြောင်း၊ ဂန့်ဂေါမြို့နယ်အတွင်းတွင် မြေပြင် ကုန်းလမ်းကို စစ်ကောင်စီက ထိုးဖောက်နိုင်တော့ခြင်းမရှိဘဲ လေကြောင်းကိုသာ အဓိက အားကိုးနေရကြောင်း သိရှိရသည်။

ကလေးမြို့နယ်တွင် သပိတ်စစ်ကြောင်း ၂ခု ပူးပေါင်း၍ စစ်အာဏာရှင် ဆန့်ကျင်ရေး ချီတက် ဆန္ဒပြ

ရန်ကုန်၊ ဖေဖော်ဝါရီ ၇

ကလေးမြို့နယ်တွင် ကလေးမြို့လူထုတိုက်ပွဲဦးဆောင်ကော်မတီက ပြည်သူ့ပညာရေးသပိတ်စစ်ကြောင်းနှင့်အတူ ကလေးမြို့လူထုသပိတ်စတင်ထွက်ရှိခြင်း ၄ နှစ်ပြည့်အထိမ်းအမှတ်အဖြစ် " အထွေထွေဖိနှိပ်မှုကို တွန်းလှန်ကြ လွတ်မြောက်ရေးဆီ ချီတက်ကြ" ကြွေးကြော်သံများဖြင့် ချီတက်ဆန္ဒပြခဲ့ကြကြောင်းသိရှိရသည်။

ရွှေတောင်နှင့် ဥသျှစ်ပင် စစ်ဆေးရုံများတွင် မိုးထိတောင် စစ်တပ်စခန်း တိုက်ပွဲမှ ဒဏ်ရာရ စစ်သား အများအပြား ရောက်ရှိနေပြီး စစ်မှုထမ်းတပ်သားသစ်များပါ သေဆုံးဒဏ်ရာရသူများတွင် ပါဝင်နေ

ရန်ကုန်၊ ဖေဖော်ဝါရီ ၂

ပဲခူးတိုင်း၊ ရွှေတောင်မြို့နယ်နှင့် ဥသျှစ်ပင်မြို့ စစ်ဆေးရုံများတွင် မိုးထိတောင်စစ်တပ်စခန်းတိုက်ပွဲမှ ဒဏ်ရာရ စစ်သား ၂၀၀ ဝန်းကျင်ရောက်ရှိနေပြီး တိုက်ပွဲအတွင်း စစ်မှုထမ်းတပ်သားသစ်များပါ သေဆုံး ဒဏ်ရာရခဲ့ကြောင်း စစ်မှုထမ်းတပ်သားများ၏ မိသားစု ဝင်တချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဇန်နဝါရီလ ၂၆ ရက်နေ့တွင် AA နှင့် တော်လှန်ရေးတပ်များက ရခိုင်ပြည်နယ်နှင့်ပဲခူးတိုင်းအစပ်၊ ပန်းတောင်းမြို့နယ်၊ မိုးထိတောင်တပ်စခန်းကို တိုက်ခိုက်သိမ်းပိုက်ခဲ့ပြီး ယင်းတိုက်ပွဲတွင် စစ်ကောင်စီတပ်၏ လက်နက်ခဲယမ်း၊ အလောင်းများသိမ်း ပိုက်ရရှိခဲ့ကြောင်း၊ အဆိုပါ တိုက်ပွဲမှာ ဒဏ်ရာရရှိသော စစ်သား ၂၀၀ ခန့်မှာ လက်ရှိတွင် ရွှေတောင်မြို့ နှင့် ဥသျှစ်ပင်မြို့ စစ်ဆေးရုံများတွင် ရောက်ရှိ ဆေးကုသမှု ခံယူနေကာ စစ်မှုထမ်းတပ်သားသစ်အများအပြားပါ ဒဏ်ရာရရှိကြောင်း သိရှိရသည်။

"အပတ်စဉ် ၅ နဲ့ အပတ်စဉ် ၆ က စစ်မှုထမ်းတွေ တော်တော်များပါတယ်။ မိုးထိတောင် တိုက်ပွဲမှာ ဒဏ်ရာရပြီး ရွှေတောင်စစ်ဆေးရုံကို ရောက်လာတာ။ ကျဆုံးတာတွေလည်း များတယ်။ အခုတော့ ဒဏ်ရာရထားလို့ မိသားစုတွေဆီ ဖုန်းဆက်ခွင့်ပေးတယ်။ သွားတော့ ကြည့်လို့မရသေးဘူး။ ဒဏ်ရာရက သက်သာရင်လည်း ရှေ့တန်းပြန်ပို့မယ်ပြောလို့ ဆေးရုံမဆင်းခင် လာတွေ့ဖို့ ကလေး (တူဖြစ်သူ) က ပြောနေတယ်" ဟု ရန်ကုန်တိုင်း၊ ဒလမြို့နယ်မှ စစ်မှုထမ်းတပ်သားဖြစ်သူ၏ အဒေါ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ရွှေတောင်မြို့နယ်နှင့် ဥသျှစ်ပင်မြို့ စစ်ဆေးရုံတွင် ဆေးကုသမှု ခံယူနေသော ဒဏ်ရာရ စစ်သား ၂၀၀ ကျော် အနက် အသက်အန္တရာယ်စိုးရိမ်ရသည့် အခြေအနေ ရှိသူများပါဝင်ပြီး တိုက်ပွဲအတွင်း ခြေပြတ်၊ လက်ပြတ်ဒဏ်ရာ ရရှိသူများလည်း ပါဝင်နေကြောင်း သိရသည်။

အကြမ်းဖက် စစ်တပ်က ပုဂ္ဂလိက ဒိုင်နာ၊ ကင်တာနှင့် FAW ကားများကို ဖမ်းဆီးချောဆွဲပြီး ပဲခူးတိုင်း၊ပန်းတောင်းမြို့နယ်၊ ညောင် ဂျိုးဂိတ်သို့ လက်နက်နှင့် ခဲယမ်းများ ပို့ဆောင်ခိုင်းပြီးနောက် အပြန်တွင် မိုးထိတောင် တိုက်ပွဲမှ ဒဏ်ရာ စစ်သားများကို တင်ဆောင်ကာ ရွှေတောင်နှင့် ဥသျှစ်ပင်မြို့ စစ်ဆေးရုံများသို့ ပို့ဆောင်ခိုင်းခဲ့ကြောင်း သိရှိရသည်။

မိုးထိတောင်တိုက်ပွဲတွင် ဒဏ်ရာရရှိသူများအနက်မှ ပြင်ပဒဏ်ရာမျှ သာရရှိပြီး ပြန်လည် သက်သာလာသည့် စစ်သားများကို ရှေ့တန်းစစ်မြေပြင်သို့ ပြန်လည်စေလွှတ်နေကာ မိုးထိတောင်တပ်စခန်းကို ပြန်လည် သိမ်းပိုက်ခိုင်းနေကြောင်း၊ ဥသျှစ်ပင်မြို့တွင် စစ်တပ်က အင်အားစုစည်းနေပြီး မကြာမီ မိုးထိတောင်တပ်စခန်း သို့ ပြန်လည် ထိုးစစ်ဆင်ရန် ပြင်ဆင်နေကြောင်း သိရှိရသည်။

ဓာတ်ပုံ-ဥသျှစ်ပင်မြို့ စစ်ဆေးရုံ။ (ပုံအဟောင်းဖြစ်ပါသည်။)

နွေဦးတော်လှန်ရေး ၄ နှစ်ပြည့်အဖြစ် အမေရိကန် ဝါရှင်တန်ဒီစီ မြန်မာသံရုံးရှေ့တွင် မြန်မာများ ဆန္ဒပြ

ရန်ကုန်၊ ဖေဖော်ဝါရီ ၁

အမေရိကန်ပြည်ထောင်စု ဝါရှင်တန်ဒီစီအခြေစိုက် မြန်မာသံရုံးနှင့် တရုတ်သံအမတ်ကြီးနေအိမ်ရှေ့တွင် ပြည်ပရောက် ဒီမိုကရေစီအရေးတက်ကြွလှုပ်ရှားသူ မြန်မာများက ဖေဖော်ဝါရီလ ၁ ရက်နေ့(ဒေသစံတော်ချိန်) မွန်းလွဲ ၂ နာရီတွင် နွေဦးတော်လှန်ရေး ၄နှစ်ပြည့်အဖြစ် ဆန္ဒပြခဲ့ကြသည်။

မြန်မာစစ်တပ်မှာ အာဏာသိမ်းခဲ့သော်လည်း နိုင်ငံအနှံ့တွင် စစ်တပ်ကို တိုင်းရင်းသားလက်နက်ကိုင်တပ်ဖွဲ့များက တိုက်ခိုက်နေသည့်အတွက် စစ်တပ်မှာ ရှုံးနှိမ့်မှုများစွာကို ကြုံတွေ့နေရကြောင်း၊ BBC ၏ အချက်အလက်အရ စစ်တပ်က နိုင်ငံတစ်ဝန်းတွင် ၂၁ ရာခိုင်နှုန်းသာ ထိန်းချုပ်ထားနိုင်တော့ကြောင်း၊ မြန်မာနိုင်ငံသားများသည် ပိုမိုကောင်းမွန်သော အခွင့်အရေးကို ပိုင်ဆိုင်ခွင့်ရှိကြောင်း၊ ပြည်သူ့အခွင့်အရေး အပြည့်အ၀ ပြန်လည်ရရှိ ရှင်သန်ပါစေကြောင်း မြန်မာနိုင်ငံ၏ ဒီမိုကရေစီလှုပ်ရှားမှုကို ထောက်ခံသူတစ်ဦးဖြစ်သူ ဆန္ဒပြပွဲတွင် ပါဝင်ဆန္ဒပြခဲ့သည့် Erika က ပြောကြားသည်။

“၄ နှစ်အတွင်းမှာ ကျွန်တော်တို့ ငြိမ်မနေဘူး။ အရွေ့တစ်ခုကို သွားနေကြတယ်။ စစ်ကောင်စီက အရှုံးကြီး ရှုံးနေပြီ။ စစ်ကောင်စီ ရှုံးသွားတဲ့တစ်နေ့မှာ ခင်ဗျား(Non CDM)တို့ ပြန်စရာနယ်မြေမရှိဖြစ်လိမ့်မယ်။ ခင်ဗျားတို့ နောက်မကျခင် လှည့်လာလို့ရတယ်”ဟု တေးရေး တေးဆို လင်းထက်က ဆန္ဒပြပွဲတွင် ပြောသည်။

ဆန္ဒပြပွဲတွင် အတုအယောင် ရွေးကောက်ပွဲ၊ တရုတ်နှင့် ကျန်းဖြန့်ကိစ္စ၊ လက်ရှိနိုင်ငံရေးမှာ ဆွေးနွေးစရာမရှိ၊ ပြုတ်ချရေးလမ်းကြောင်းတစ်ခုရှိသာရှိသည့်ကိစ္စ၊ ၄ နှစ်ပြည့်ခဲ့သည့်တိုင် ဘယ်ပြည်သူကမှ လက်မခံသည့် စစ်ကောင်စီ၏ ကျရှုံးခန်းတို့နှင့်ပတ်သက်ကာ တောင်းဆို ဆန္ဒပြခဲ့ကြကြောင်း ဆန္ဒပြပွဲလာရောက်ကြသူများက ပြောကြားသည်။

စစ်မှုထမ်းရန် အကျုံးဝင်နေသည့် ပြည်ပရောက် လူငယ်များ စာရင်းကောက်ယူနေပြီး မိဘဆွေမျိုးများကို ခံဝန် လက်မှတ်စတင်ရေးထိုးခိုင်း၊ စစ်မှုထမ်း ဆင့် ခေါ် ချိန် ပြည်ပမှ ပြန်လာရမည်ဖြစ်ပြီး ပြန်မလာလျှင် တာဝန်ခံလက်မှတ်ထိုးသူ မိသားစုဝင်ကို အရေးယူမည်ဟု ခြိမ်းခြောက်

ရန်ကုန်၊ ဖေဖော်ဝါရီ ၂

အကြမ်းဖက်စစ်ကောင်စီက စစ်မှုထမ်းရန် အကျုံးဝင်နေသည့် လူငယ်များစာရင်းကို ကောက်ယူရာတွင် ပြည်ပရောက် လူငယ်များ၏ အမည်စာရင်းများကိုပါ စတင်ထည့်သွင်းကောက်ယူနေပြီး မိဘဆွေမျိုးများကို ရပ်ကွက်ရုံးသို့ ခေါ်ယူကာ စာရင်းသွင်းတာဝန်ခံ လက်မှတ်ရေးထိုးခိုင်းနေကြောင်း သိရှိရသည်။

ဇန်နဝါရီလအတွင်း စစ်ကောင်စီက ရပ်ကွက်၊ ကျေးရွာနှင့် မြို့နယ်များတွင် အသက် ၁၈ နှစ်မှ အသက် ၃၅ နှစ်အတွင်း လူငယ်များကို စစ်မှုထမ်းရန် ဆင့်ခေါ်ပြီး စာရင်းသွင်းခိုင်းနေကြောင်း၊ ယင်းသို့ ဆင့်ခေါ် စာရင်းသွင်းခိုင်းရာတွင် ပြည်ပရောက် လူငယ်များ၏ နေအိမ်များကိုပါ ဆင့်ခေါ်စာများ ပေးပို့ပြီး ကာယကံရှင်(သို့မဟုတ်) မိသားစုဝင်တစ်ဦးဦးက ရပ်ကွက်ရုံးသို့ လာရောက်၍ မှတ်ပုံတင် စာရင်းသွင်းရမည်ဖြစ်ကြောင်း၊ စာရင်းမသွင်းလျှင် ပြည် သူ့စစ်မှုထမ်းဥပဒေဖြင့် အရေးယူမည်ဟု ခြိမ်းခြောက် ခဲ့ကြောင်း သိရှိရသည်။

"သန်းခေါင်စာရင်းမှာပါတဲ့ အသက်အရွယ်နဲ့ လူဦးရေကို ကြည့်ပြီး မောင်--ဘယ်သူကတော့ စစ်မှုထမ်းဖို့ အကျုံးဝင်လို့ စာရင်းသွင်းမှတ်ပုံတင်ဖို့ ဆင့်ခေါ်တာလို့ပြောပါတယ်။ အိမ်ကသားက ထိုင်းမှာ အလုပ်သွားလုပ်နေတာ ၁ နှစ်ကျော်ပါပြီ။ လူကိုယ်တိုင် မရှိလည်း မိဘဆွေမျိုးတစ်ဦးဦး ရပ်ကွက်ရုံးကိုလာပြီး မှတ်ပုံတင်စာရင်းသွင်းပါလို့ ခေါ်လို့သွားရပါတယ်။ စစ်မှုထမ်းဆင့်ခေါ်လာရင် ထိုင်းမှာရောက်နေတဲ့ သားကို ပြန်ခေါ်ပေးရမယ်။ မခေါ်ရင် လက်မှတ်ထိုးတဲ့ ကျမကို တရားစွဲ အရေးယူထောင် ချမယ်ပြောပါတယ်" ဟု ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ်၊ အမှတ် ၆၀ ရပ်ကွက်မှ မိခင်တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ် အမှတ် ၆၀ ရပ်ကွက်တွင် ယခု ဇန်နဝါရီလနှောင်းပိုင်း စစ်မှုထမ်းရန် အကျုံးဝင်သည့် လူငယ်များအားလုံးကို စာရင်းသွင်းမှတ်ပုံတင်ခိုင်းမှုများကို ရပ်ကွက်အုပ်ချုပ်ရေးမှူး အောင်စိုးမိုးက ဆင့်ခေါ်စာပေးပို့ လုပ်ဆောင်ခဲ့ကြောင်း၊ လူငယ်များအားလုံးကို ကာယကံရှင် (သို့မဟုတ်) မိဘဆွေမျိုးတစ်ဦးဦးကို ဆင့်ခေါ် စာရင်းသွင်းမှတ်ပုံတင်စေခဲ့ကြောင်း သိရှိရသည်။

ပြည်သူ့စစ်မှုထမ်းနည်းဥပဒေ ပုဒ်မ ၃၃ (က) နှင့် (ခ) တွင် စစ်မှုထမ်းရမည့် အသက်အရွယ်ရောက်သူ နိုင်ငံသားတိုင်းကို မှတ် ပုံတင် စာရင်းသွင်းရန် ဆင့်ခေါ်ခြင်းခံရသူသည် လာရောက်သတင်းပို့ရန် ပျက်ကွက်ပါ မြို့နယ်စစ်မှုထမ်းဆင့်ခေါ်ရေးအဖွဲ့က ပျက်ကွက်သူ၏ မိသားစုထံသို့ သွားရောက်စုံစမ်းစစ်ဆေးရမည်ဖြစ်ကြောင်း၊ ပျက်ကွက်သူ၏ မိသားစုဝင်တစ်ဦးဦးသည် ဆင့်ခေါ်ခြင်းခံရသူမှာ မည်သည့်အကြောင်းကြောင့် ပျက်ကွက်နေသည် သို့မဟုတ် မည်သည့်နေရာဒေသသို့ ရောက်ရှိနေ သည်ကို ခိုင်လုံသည့် အထောက်အထားများနှင့်အတူ တင်ပြ၍ ကိုယ်စားမှတ်ပုံတင် စာရင်းသွင်း သတင်းပို့ရမည်ဖြစ်ကြောင်း၊ အကယ်၍ စစ်မှုထမ်း မှတ်ပုံတင် စာရင်းသွင်းရန် ပျက်ကွက်နေသူ၏ မိသားစုဝင်တစ်ဦးဦးက လိုက်နာခြင်းမရှိလျှင်ဖြစ်စေ၊ ခိုင်လုံသော အထောက်အထား တစ်စုံတစ်ရာ တင်ပြနိုင်ခြင်းမရှိလျှင်ဖြစ်စေ သတင်းပို့ရန် ပျက်ကွက်နေသူသည် ပြည်သူ့စစ်မှုထမ်းခြင်းကို ရှောင်လွဲခြင်းဖြင့် ပုဒ်မ ၂၃ ပုဒ်မခွဲ (က) ကို ဖောက်ဖျက်ကျူးလွန်သည်ဟု မှတ်ယူရမည်ဖြစ်ကြောင်း ပြဋ္ဌာန်းထားသည်။

အလားတူ ရှမ်းပြည်နယ်၊ တောင်ကြီးမြို့နယ်၊ နောင်ကားအုပ်စု၊လွယ်စင်းရွာနှင့်တဲခဲကျေးရွာတွင် စစ်မှုထမ်းရန်ဟုဆိုကာ အသက် ၁၈ နှစ်မှ အသက် ၂၇ နှစ်အတွင်းရှိ အမျိုးသမီးများစာရင်းကို ကျေးရွာအုပ်ချုပ်ရေးအဖွဲ့များက ကောက် ယူခဲ့ပြီး ယင်းစာရင်းတွင် ပြည်ပသို့ ရောက်ရှိ အလုပ်လုပ်ကိုင်နေသည့် စစ်မှု ထမ်းရန် အကျုံးဝင်နေသော အမျိုးသမီးများစာရင်းကိုပါ ထည့်သွင်း ကောက်ခံခဲ့ကြောင်း သိရှိရသည်။

"ပြည်ပရောက်နေလည်း စစ်မှုထမ်းဖို့ ဆင့် ခေါ်ရင် ပြန်ခေါ်ပေးရမယ်။ ပြန်ခေါ်တာ မလာရင် မိသားစုကို အရေးယူမယ်ဆိုတော့ မိသားစုပါ ထွက်ပြေးရမယ့် အခြေအနေဖြစ်နေတယ်။ အိမ်မှာရှိတဲ့ သား ၂ ဦးစလုံးက ထိုင်းဘက်မှာ အလုပ်လုပ်နေကြတာ"ဟု မကွေးတိုင်း၊ချောက်မြို့နယ်၊ သံဘိုကျေးရွာမှ ဒေသပြည်သူတစ်ဦးက ပြောဆိုသည်။

လက်ရှိတွင် စစ်ကောင်စီက စစ်မှုထမ်းနည်းဥပဒေ ဇန်နဝါရီလ ၂၃ ရက်နေ့တွင် ပြဋ္ဌာန်းပြီးနောက် အသက် ၁၈ နှစ်မှ အသက် ၃၅ နှစ်အတွင်း အမျိုးသားများကို PJ အလုပ်အကိုင်နိုင်ငံကူးလက်မှတ်ဖြင့် ပြည်ပသို့ သွားရောက် အလုပ်လုပ်ခွင့် ပိတ်ပင်ထားကြောင်း သိရှိရသည်။

ဓာတ်ပုံ- တောင်ကြီးမြို့နယ်၊ နောင်ကားကျေးရွာအုပ်စုတွင် ကောက်ယူနေသော အမျိုးသမီးစစ်မှုထမ်းစာရင်းတစ်ခု။

Photo-ပေးပို့။

Khit Thit သတင်းဌာန ဖေဖော်ဝါရီ ၂ ရက်နေ့ ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၂ ရက်နေ့ မှာ ရန်ကုန်ခေတ်သစ်သတင်းဌာရဲ့ This Week ရုပ်သံအစီအစဉ်ကို ထုတ်လွှင့် သွားမှာဖြစ်ပါတယ်။ဒီအစီအစဉ်မှာ တစ်ပတ်အတွင်း မြန်မာနိုင်ငံမှာ ဖြစ်ပေါ်ခဲ့တဲ့ သတင်းတွေထဲကမှ ထူးခြားတဲ့ သတင်းတွေကို ရွေးချယ်ကောက်နုတ်သုံးသပ် တင်ဆက်ပေး ထားတာလည်း ဖြစ်ပါတယ်။

https://www.youtube.com/watch?v=4nm6bxhF5zY

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၃၂ ဦးသေဆုံး

ရန်ကုန်၊ ဖေဖော်ဝါရီ ၁

မြန်မာနိုင်ငံတစ်ဝန်း ဖေဖော်ဝါရီလ ၁ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၃၂ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

ဆီမီးခုံမြို့တွင် ဘေးတွဲ ဆိုင်ကယ်ဖြင့် ဈေးဝယ်ပြီး ပြန်လာသော ပျူစောထီးများကို ပစ်ခတ် တိုက်ခိုက်မှု ၄ ဦးသေဆုံး

ရန်ကုန်၊ ဖေဖော်ဝါရီ ၁

မန္တလေးတိုင်း၊ မြင်းခြံမြို့နယ်၊ ဆီမီးခုံမြို့တွင် ဘေးတွဲ ဆိုင်ကယ်ဖြင့် ဈေးဝယ်ပြီး ပြန်လာသော ပျူစောထီးများကို ပစ်ခတ် တိုက်ခိုက်ရာ ၄ ဦးသေဆုံးခဲ့ကြောင်း ရွှေဂျိုးဖြူ-ပြည်သူ့ကာကွယ်ရေးတပ်ဖွဲ MGN က ပြောဆိုသည်။

ဇန်နဝါရီလ ၂၈ ရက်နေ့ နံနက် ၈ နာရီခန့်တွင် မြင်းခြံမြို့နယ်၊ ဆုံရွာမှ ပျူစောထီးများသည် ဆီမီးခုံမြို့မှ ဈေးဝယ်ပြီး ဘေးတွဲ ဆိုင်ကယ်များဖြင့် ပြန်လာစဉ် ဆီမီးခုံမြို့ ရေနက်ဆိပ်ကမ်း (စစ်‌သင်္ဘောတည်ရှိရာရေတပ်စခန်း) နှင့် ဆုံရွာ အကြားရှိ ကားလမ်းပိုင်းတွင် တော်လှန်ရေး တပ်ဖွဲ့များက ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။

ယင်း တိုက်ခိုက်မှုအတွင်း ပျူစောထီး ၄ ဦး သေဆုံးပြီး ၂ ဦး ထွက်ပြေး လွတ်မြောက်သွားကြောင်း၊ တော်လှန်ရေး တပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။

အဆိုပါ တိုက်ခိုက်မှုကို ရွှေဂျိုးဖြူ-ပြည်သူ့ကာကွယ်ရေးတပ်ဖွဲ့ (မြင်းခြံ) နှင့် မြင်းခြံ မြောက်ပိုင်းသား ပြောက်ကျားတပ်ဖွဲ့ (MNGF) တို့က ပူးပေါင်း လုပ်ဆောင်ခဲ့ကြောင်း၊ အဆိုပါ ဆုံရွာ ပျူစောထီးရွာသည် အနီးနားရှိ ကျေးရွာများမှ ပြည်သူပိုင် ပစ္စည်းများကို ခိုးဆိုးလုနိုက်ပြီး မုဒိမ်းကျင့်ဗိုလ်ကျနေသူများ ဖြစ်ကြောင်း သိရသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၉၁ ဦးသေဆုံး

ရန်ကုန်၊ ဇန်နဝါရီ ၂၅

မြန်မာနိုင်ငံတစ်ဝန်း ဇန်နဝါရီလ ၂၅ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၉၁ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

မြင်းမူနှင့် ထန်းတပင်တွင် စစ်ယာဉ်တန်းနှင့် စစ်တပ် အထိုင်စခန်းကို တိုက်ခိုက်မှု စစ်ကောင်စီ တပ်သား ၄ ဦးသေဆုံး

ရန်ကုန်၊ ဇန်နဝါရီ ၂၅

စစ်ကိုင်းတိုင်း၊ မြင်းမူမြို့နယ်၊ မုံရွာ -မန္တလေးလမ်းပိုင်းတွင် စစ်ယာဉ်တန်းကို မိုင်းဆွဲ တိုက်ခိုက်ခဲ့ရာ စစ်သား ၄ ဦး သေဆုံးပြီး ကား ၁ စီးပျက်စီးခဲ့ကြောင်း Dog Killers People's Defence Force Myinmu တပ်ဖွဲ့တာဝန်ခံ ကိုမောင်ကာ က ရန်ကုန်ခေတ်သစ်သတင်းဌာနထံသို့ ပြောဆိုသည်။

ယနေ့ ဇန်နဝါရီလ ၂၅ ရက်နေ့ မွန်းလွဲ ၁၂ နာရီ ၃၄ မိနစ်ခန့်တွင် မုံရွာမြို့ ဝမ်ပေါင်ကုမ္မဏီမှ ထွက်လာသော ကြေးနီ ကားများနှင့် အကြမ်းဖက် စစ်သားများ လိုက်ပါလာသော ကားများကို မြင်းမူမြို့နှင့် ဝမ်းပြည့်ရွာ အကြား အရောက် ၃ ကြိမ် မိုင်းဆွဲ တိုက်ခိုက်ခဲ့ရာ အကြမ်းဖက် စစ်သား ၄ ဦး သေဆုံးပြီး အများအပြား ဒဏ်ရာရရှိခဲ့ကြောင်း သိရဿည်။

“မုံရွာဘက်ကနေ စစ်ကိုင်းဘက်သွားတာ ကြေးနီတင်တဲ့ကားတွေရယ် စစ်သားတွေ တင်တဲ့ကား‌တွေရယ် Jammer ကားတွေရယ်ပါတယ်။ ပထမ ကြေးနီကားကို ဆွဲတယ်။ မိုင်း ၂ လုံးပေါ့။ ကားကိုထိ တယ်။ ဒဏ်ရာရ သွားတဲ့သူတွေလည်းပါသွားတယ်။ နောက်Jammer ကားကိုလည်းဆွဲတယ်။ ဒုတိယအကြိမ်ဆွဲတော့လည်း ထပ်ထိတယ်။ ဂျန်ပါကားက သံတွေနဲ့ဆိုတော့ ထိရုံပဲ ထိတာ နောက်ဆုံးကာ စခတွေခပဲ ပါလာတဲ့ကားကိုကျတော့ ထိထိမိမိဆွဲလိုက်တာ အဲဒီမှာ သေဆုံးဒဏ်ရာရတာတွေဖြစ်တာ နောက်ဆုံးကားမှာမိတာ မိုင်းဆွဲပြီးတော့ လက်နက်ငယ်တွေနဲ့ ရမ်းသမ်းပစ်သေးတယ်။ မြင်းမူမြို့ အဝင်နားရောက်တော့ ရပ်သွားတာ ရပ်သွားပြီးတော့ လက်နက် ငယ်တွေနဲ့ ရမ်းသမ်းပစ်ပြီး သေဆုံးတဲ့သူတွေနဲ့ လူနာတွေကို မြင်းမူမြို့ထဲကနေ ကား ၃ စီးနဲ့ လာသယ်သွားတာ” ဟု Dog Killers People's Defence Force Myinmu တပ်ဖွဲ့တာဝန်ခံ ကိုမောင်ကာ က ပြောဆိုသည်။

ထို့သို့ မိုင်းဆွဲတိုက်ခိုက်မှုကြောင့် စစ်သားအများအပြား လိုက်ပါလာသည့် ကားမှာ မြင်းမူမြို့အဝင်၌ ပျက်စီးသွားပြီး ကားပေါ်တွင် ပါလာသော စစ်သားအလောင်းများနှင့် ဒဏ်ရာရရှိသူများကို လူနာတင်ယာဉ် ၃ စီးဖြင့် လာရောက်သယ်ဆောင်သွားကြောင်း၊ ပြည်သူများ အနေဖြင့် လမ်းပိုင်း အသုံးပြုမှုကို သတိပြု သွားလာကြရန်နှင့် စစ်ကောင်စီ တပ်သားများ အနီး သွားလာခြင်းမပြုလုပ်ရန် တော်လှန်ရေး တပ်ဖွဲ့များက အသိပေး ပြောဆိုထားသည်။

အဆိုပါ တိုက်ခိုက်မှုကို Dog Killers People's Defence Force Myinmu (DK-PDF MMU) တပ်ဖွဲ့မှ ရဲဘော်များက လုပ်ဆောင်ခဲ့ခြင်းဖြစ်ပြီး အကြမ်းဖက်စစ်သားများက လက်နက်ငယ္များဖြင့် ရမ်းသမ်း ပစ်ခတ်မှုရှိခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင် ခဲ့ကြောင်း သိရသည်။

ထို့ပြင် ပဲခူးတိုင်း၊ ထန်းတပင်မြို့နယ်ရှိ ထန်းတပင်တံတား အရှေ့ဘက်ကမ်းထိပ်ရှိ စစ်တပ် အထိုင်ချတပ်စွဲသော နေရာကို ဒရုန်းဖြင့် ဗုံးသီးများ ကျဲချတိုက်ခိုက်ခဲ့ကြောင်း တောင်ငူခရိုင် ပြည်သူ့ကာကွယ်ရေးတပ်မတော်၊ တပ်ရင်းအမှတ် - ၃၅၀၁ တပ်ခွဲ ၂ ကတာဝန်ရှိသူတစ်ဦးက ရန်ကုန်ခေတ်သစ်မီဒီယာကို ပြောဆိုသည်။

ဇန်နဝါရီလ ၁၉ ရက်နေ့တွင် ည ၉ နာရီခန့်တွင် ထန်းတပင်မြို့နယ်ရှိ ထန်းတပင်တံတား အရှေ့ဘက်ကမ်းထိပ်ရှိ စစ်တပ် အထိုင်ချတပ်စွဲထားသော အင်အား ၂၅ ဦးခန့်ရှိ စစ်ကောင်စီ တပ်သားများကို တော်လှန်ရေး တပ်ဖွဲ့များက ဒရုန်းဖြင့် ဗုံးသီးများ ကျဲတိုက်ခိုက်ခဲ့ကြောင်းခဲ့ကြောင်းသိရှိရသည်။

"စစ်ခွေးတွေရဲ့ ဒဏ်ရာရစာရင်းပဲ သိရသေးပါတယ်။ လက်ရှိတော့ တောင်ငူစစ်ဆေးရုံမှာပဲ ရှိသေးတော့ အသေအပျောက်စာရင်းကအတိကျမရသေးလို့ပါ။ ဒဏ်ရာရ အရေအတွက်များတယ်"ဟု တောင်ငူခရိုင် ပြည်သူ့ကာကွယ်ရေးတပ်မတော်၊ တပ်ရင်းအမှတ် - ၃၅၀၁ တပ်ခွဲ ၂ ကတာဝန်ရှိသူတစ်ဦးကပြောဆိုသည်။

အဆိုပါတိုက်ခိုက်မှုကို အုတ်တွင်းမြို့နယ် ပကဖ၊ (people's Defence Organization - Oktwin) နှင့် တပ်ရင်း (၃၅၀၁) တပ်ခွဲ(၂)၊ ယောနသံ ဒရုန်း အဖွဲ့က ပူးပေါင်း လုပ်ဆောင်ခဲ့ကြောင်း သိရှိရသည်။

ဘုတ်ပြင်းမြို့နယ်ရှိ အကြမ်းဖက် စစ်တပ်၏ ခလရ ၅၆၀ တပ်ရင်းမှ စစ်မှုထမ်း အပတ်စဉ် ၆ သင်တန်းဆင်း တပ်သားသစ် ၃ ဦး အလင်းဝင်

ရန်ကုန်၊ ဇန်နဝါရီ ၂၅

တနင်္သာရီတိုင်း၊ ဘုတ်ပြင်းမြို့နယ်ရှိ အကြမ်းဖက် စစ်တပ်၏ ခလရ ၅၆၀ တပ်ရင်းမှ စစ်မှုထမ်း အပတ်စဉ် ၆ သင်တန်းဆင်း စစ်သား ၃ ဦး အလင်းဝင်ရောက်ခဲ့ကြောင်း PDF Kawthaung District Battalion 1 - P23201 တပ်ရင်းမှူး အညာက ရန်ကုန်ခေတ်သစ် သတင်းဌာနထံသို့ပြောဆိုသည်။

ဇန်နဝါရီလ ၂၀ ရက်နေ့တွင် ဘုတ်ပြင်းမြို့နယ်ရှိ အကြမ်းဖက် စစ်တပ်၏ ခလရ ၅၆၀ တပ်ရင်းမှ စစ်မှုထမ်း သင်တန်းဆင်း စစ်သား ၃ ဦးသည် လက်နက် ယူဆောင်လာခြင်းမရှိဘဲ ကော့သောင်းခရိုင် အမှတ် ၁ တပ်ရင်း (PDF) ၊ ပလဖ ၊ ပကဖ နှင့် KNLA ပူးပေါင်းအဖွဲ့ထံ အလင်းဝင်ရောက်ခဲ့ခြင်းဖြစ်ကြောင်းသိရှိရသည်။

"ထွက်ပြေးလာတာက ၂၀ ရက်နေ့ကပါ။ ၂၃ ရက်နေ့ရောက်မှ တော်လှန်ရေးတပ်ပေါင်းစုနဲ့ တွေ့တာပါ။ လက်နက်မပါဘူး။ ထွက်သူတို့တွေကတော့နယ်အစုံပဲ။ စကထ ၄ ပင်လောင်းသင်တန်းဆင်းတွေပါ။ စစ်မှုထမ်း အပတ်စဉ် ၆ က ပါ။ မိခင်တပ်ရင်းကတော့လေညှာ ၅၆၀ ကလို့ ပြောတယ်။ မိခင်တပ်ရင်းမရောက်ခင် ထွက်ပြေးလာတယ်ပြောတယ်။ ကျွန်တော်တို့ မဟာမိတ်တပ်ဖွဲတွေဆီကိုပြည်သူတွေမေးပြီးရောက်လာတယ်" ဟု PDF Kawthaung District Battalion 1 - P23201 တပ်ရင်းမှူး အညာက ပြောဆိုသည်။

အဆိုပါ လူငယ် ၃ ဦးကို အကြမ်းဖက် စစ်တပ်ခန့် အုပ်ချုပ်ရေးမှူးက စစ်မှုထမ်းရမည်ဟုဆိုကာ နေအိမ်များမှ ခေါ်ဆောင်လာပြီး စစ်ကောင်စီ တပ်သားများထံ ပေးပို့ခဲ့ခြင်းဖြစ်ကြောင်း အဆိုပါ လူငယ်များကို လက်ရှိချိန်တွင် ပလဖ အဖွဲ့က တစ်ဦးလျှင် ငွေကျပ် ၁ သိန်း ၂ သောင်း ထောက်ပံ့ပေးအပ်ထားကြောင်း သိရသည်။

"သူတို့ကို အုပ်ချုပ်ရေးမှူးတွေကခေါ်လာပြီး စစ်တပ်ထဲထည့်တာလို့ သိရတယ်။ လက်ရှိမှာ ဂုဏ်ပြုစုငွေတော့ မဟုတ်ဘူး။ တစ်ယောက်ကို တစ်သိန်း နှစ်သောင်းနှုန်းနဲ့ ပလဖ က ထောက်ပံ့ပေးထားပါတယ်။ ဘယ်လိုဆောင်ရွက်မလဲဆိုတာကိုတော့ ကျနော်တို့မဆုံးဖြတ်ဘူး။ သူတို့ကိုပဲရွေးချယ်ခိုင်းထားပါတယ်။ ခိုလှုံမှာလား၊ လက်နက်ကိုင်ပြီး စစ်အာဏာရှင်ကိုတော်လှန်မလား။ စဥ်းစားခိုင်းထားပါတယ်။ အခုလိုအသိစိတ်နဲ့ဝင်လာတဲ့လူတွေကိုကြိုဆိုပေးပါတယ် နောက်လည်း ဆက်သွယ်လာရင် နွေးနွေးထွေးထွေးကြိုဆိုပါတယ်လို့ပြောချင်ပါတယ်" ဟု PDF Kawthaung District Battalion 1 - P23201 တပ်ရင်းမှူး အညာကပြောဆိုသည်။

ယင်းမာပင်မြို့နယ်တွင် စစ်အာဏာရှင်စနစ် ကျရှုံးရေး ဆန္ဒပြချီတက်

ရန်ကုန်၊ ဇန်နဝါရီ ၂၅

စစ်ကိုင်းတိုင်း ယင်းမာပင်မြို့နယ်တွင် ဖက်ဒရယ်အတွက်ပြည်သူ့တွဲလက်သပိတ်စစ်ကြောင်းနှင့် ပြည်သူ့အားမာန် သပိတ်စစ်ကြောင်းမှ ကျောင်းသားမိဘ ပြည်သူများသည် စစ်အာဏာရှင်စနစ် ကျရှုံးရေး ဆန္ဒပြချီတက်ခဲ့ကြကြောင်း သိရှိရသည်။

Khit Thit သတင်းဌာန၏ ဇန်နဝါရီ ၂၃ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဇန်နဝါရီ ၂၃ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

- ရှမ်းမြောက်မှာ ကိုးကန့် MNDAA နဲ့ ယာယီအပစ်ရပ်ထားတယ်ဆိုပေမယ့် အကြမ်းဖက် စစ်ကောင်စီက ရှမ်းမြောက် နဲ့ ရှမ်းတောင်မှာ စစ်အင်အားတွေ အကြီးအကျယ် ဆက်လက် ချဲ့ထွင်နေပြီး ရိက္ခာနဲ့ လက်နက်ခဲယမ်းတွေပါ အဆက်မပြတ် ဖြည့်တင်းနေတယ်လို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။

- ရန်ကုန်မြို့ ၊ တောင်ဥက္ကလာ ၅ ရပ်ကွက်မှာ ပေါ်တာဆွဲ ဖမ်းဆီးခံရတဲ့ အသက် ၁၉ နှစ်အရွယ် မောင်ခန့်ဟိန်း အပါအဝင် သူငယ်ချင်း လူငယ် ၆ ဦးဟာ စစ်မှုထမ်း သင်တန်းဆင်းပြီးတဲ့နောက်မှာပဲ ရခိုင် ရှေ့တန်းစစ်မြေပြင်ကို အပို့ခံရပြီး တိုက်ပွဲအတွင်း ပျောက်ဆုံးနေတယ်လို့ မိဘဆွေမျိုးတွေနဲ့ နီးစပ်သူတွေက ရန်ကုန်ခေတ်သစ်ကို ပြောပါတယ်။

- ပဲခူးတိုင်း ၊ သာယာဝတီမြို့နယ်မှာ ပေါ်တာဆွဲဖမ်းဆီးခံရပြီး စစ်မှုထမ်း တပ်သားဖြစ်လာတဲ့ ကိုချစ်နန်း ဆိုသူဟာ ရခိုင်တိုက်ပွဲမှာ သေဆုံးသွားတဲ့အကြောင်းကို ရန်ကုန်ခေတ်သစ်ကနေ သတင်းဖော်ပြပြီး တဲ့နောက်မှာပဲ စစ်ကောင်စီတပ်က ကိုချစ်နန်းရဲ့ ကျန်ရစ်သူ မိသားစုဆီ လျော်ကြေးငွေကျပ် ၈ သိန်း လာပေးသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

https://www.youtube.com/watch?v=KZ7auZw16e0

မော်လမြိုင်မြို့၊ လှိုင်ရပ်ကွက်နှင့် သာယာအေး ရပ်ကွက်ရှိ နေအိမ်များကို စစ်တပ်က မြေကော်စက်၊ ဘက်ဖိုးများဖြင့် အင်အားသုံး ဖြိုဖျက်သဖြင့် ပြည်သူများ ပစ္စည်းများသယ်ယူ ထွက်ပြေးရ

ရန်ကုန်၊ ဇန်နဝါရီ ၂၃

မွန်ပြည်နယ်၊ မော်လမြိုင်မြို့၊ လှိုင်ရပ်ကွက်နှင့် သာယာအေး ရပ်ကွက်ရှိ နေအိမ်များကို အကြမ်းဖက် စစ်တပ်က မြေကော်စက်၊ ဘက်ဖိုးများဖြင့် အင်အားသုံး ဖြိုဖျက်သဖြင့် ကျန်ရှိနေသော နေအိမ်များမှ ပြည်သူများမှာလည်း ပစ္စည်းများ သယ်ယူ ထွက်ပြေးနေရကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

အကြမ်းဖက် စစ်တပ် လက်အောက်ခံ လှိုင်ရပ်ကွက်ရှိ မြို့နယ် စည်ပင်သာယာရေးအဖွဲ့က ကျူးကျော် အဆောက်အဦး၊ ခြံစည်းရိုးနှင့် တရားမဝင် ဘုန်းကြီးကျောင်းများဟု ဆိုကာ ဇန်နဝါရီလ ၂၆ ရက်နေ့ နောက်ဆုံးထား၍ ဖယ်ရှားရန်နှင့် ရှင်းလင်းဆောင်ရွက်ခြင်း မရှိပါက ဥပအေ နှင့်အညီရှင်းလင်း ဆောင်ရွက်သွားမည်ဟု ဆိုင်းဘုတ်များ လိုက်လံထောင်ပြီးနောက် ပြည်သူပိုင်နေအိမ်များကို ဘက်ဟိုးများဖြင့် အင်အားသုံးဖြိုဖျက် နေကြောင်း ကျန်ရှိနေသော နေအိမ်များမှ ပြည်သူများလည်း စတင်ပြောင်းရွေ့နေကြကြောင်း သိရသည်။

အကြမ်းဖက် စစ်တပ်က အတင်းအဓမ္မ ပြောင်းရွှေ့ခိုင်းသော နေအိမ်များသည် လွန်ခဲ့သော ၈ နှစ်ကပင် မြေပိုင်ရှင် အဆင့်ဆင့်ထံမှ လွှဲပြောင်း ရောင်းဝယ်ယူထားသော နေအိမ်များဖြစ်ပြီး အတင်းအကျပ် စစ်တပ်က ခြိမ်းခြောက် ပြောင်းခိုင်းနေသည့်အတွက် ရပ်ကွက်နေ ပြည်သူများမှာ မည်သည့်နေရာကို ပြောင်းရွှေ့ရမည်ကို မသိရှိကြဘဲ ငိုယို ထိတ်လန့်စိုးရိမ်နေပြီး အကြမ်းဖက် စစ်တပ်ကလည်း အသာ တကြည် မပြောင်းလျှင် ပစ်ခတ်မည်ဟု ခြိမ်းခြောက်ထား၍ ပြည်သူများ ကြောက်လန့်နေကြောင်း သိရှိရသည်။

"မော်လမြိုင်မြို့က ပြည်သူ့ပိုင် နေအိမ် အဆောက်အဦးတွေကို စစ်ခွေးတွေက အင်အားသုံးပြီး ဘက်ဟိုးနဲ့ ထိုး ဖျက်ဆီးနေပါပြီ လှိုင်ဘက်မှ စဖျက်နေတာ သာယာအေးရပ်ကွက်မှာလည်း ဖျက်ခိုင်းတဲ့ အိမ်တွေ အများကြီးပဲ ပြည်သူတွေ ငိုနေကြတာလည်း အများကြီးပဲ ပြောင်းရွှေ့နေတဲ့ ပြည်သူတွေလည်းရှိပါတယ်" ဟု ဒေသပြည်သူ တစ်ဦးက ပြောဆိုသည်။

ပြည်သူ့နေအိမ်များ ဖျက်သိမ်းအမိန့်ကို ဇန်နဝါရီလ ၁၀ ရက်နေ့ နံနက် ၉ နာရီခန့်တွင် မွန်ပြည်နယ် အစိုးရအဖွဲ့ရုံး အောင်ဆန်းခန်းမတွင် ကျင်းပပြုလုပ်သည့် အစည်းအဝေး၌ လုံခြုံရေးနှင့် နယ်စပ်ရေးရာ ဝန်ကြီးက နေအိမ်များ ဖျက်သိမ်းရန် ညွှန်ကြားခဲ့ခြင်းဖြစ်ပြီး လိုက်နာ ဆောင်ရွက်ခြင်းမရှိပါက ပြည်သူများကို ဥပဒေနှင့်အညီ အရေးယူဆောင်ရွက်သွားရန် အမိန့်ပေးခဲ့ခြင်းဖြစ်ကြောင်း သိရှိရသည်။

မြန်မာနိုင်ငံ၏ လူဦးရေ ၅၂ သန်းဝန်းကျင်တွင် လူဦးရေ အနည်းငယ်သာ စစ်သားဖြစ်ခွင့်ရပြီး မွန်မြတ် မြင့်မြတ်၍ ဂုဏ်ယူတတ်ကြရန် စစ်ခေါင်းဆောင် မင်းအောင်လှိုင် ပြော၊ လက်တွေ့တွင် စစ်သားမရှိ၍ တစ်နိုင်ငံလုံး လူငယ်များကို ပေါ်တာဆွဲ ဖမ်းနေ

ရန်ကုန်၊ ဇန်နဝါရီ ၂၃

မြန်မာနိုင်ငံ၏ လူဦးရေ ၅၂ သန်းဝန်းကျင်တွင် လူဦးရေ အနည်းငယ်သာ စစ်သားဖြစ်ခွင့်ရပြီး မွန်မြတ်၊ မြင့်မြတ်လှသည့်တာဝန်များကို ထမ်းဆောင်ရသဖြင့် ဂုဏ်ယူတတ်ကြရန် စစ်ခေါင်းဆောင် မင်းအောင်လှိုင်က ပြောဆိုလိုက်သည်။

အကြမ်းဖက်စစ်ခေါင်းဆောင် မင်းအောင်လှိုင်က ယမန်နေ့ နေပြည်တော်၊တောင်ညို တပ်နယ်သို့ သွားရောက်ပြီး ထိုသို့ ပြော ဆို လိုက်ခြင်းဖြစ်သည်။

လက်ရှိ မြန်မာနိုင်ငံတွင် လူဦးရေ ၅၂ သန်းခန့်ရှိပြီး အမျိုးသား ၄၇ ရာခိုင်နှုန်းနှင့် အမျိုးသမီး ၅၃ ရာခိုင်နှုန်းခန့်ရှိကြောင်း၊ `၎င်းအနက်မှ လူဦးရေ အနည်းယ်သာ တပ်မတော်သားဘ၀ကို ခံယူ၍ မွန်မြတ်လှသည့် ၊ မြင့်မြတ်လှသည့် တာဝန်များကို ထမ်းဆောင်ရကြောင်း၊ တပ်မတော်သားများ၏ဘ၀ကို ဂုဏ်ယူတတ်ရန်နှင့် ပေးအပ်လာသည့်တာဝန်များကို ကျေပွန်စွာ ထမ်းဆောင်ကြရန် မင်းအောင်လှိုင်က အမိန့်ပေး ညွှန်ကြားသည်။

အကြမ်းဖက်စစ်ခေါင်းဆောင်က ထိုသို့ ပြောဆိုသော်လည်း လက်တွေ့တွင် စစ်တပ်တွင် သေဆုံးမှုများပြားပြီး တိုက်ခိုက်သူ မရှိ၍ စစ်မှုထမ်း ဥပဒေကို ၂၀၂၄ ခုနှစ် ဖေဖော်ဝါရီလ ၁၀ ရက်နေ့ အသက်သွင်းခဲ့ကြောင်း၊ ယမန်နှစ် မေလမှစတင်၍ စစ် မှုထမ်း သင်တန်းများဖွင့်လှစ်ခဲ့ကာ ယခုအခါ တပ်သားသစ် အရေအတွက် လုံလောက်စွာမရ၍ နိုင်ငံတစ်ဝန်းတွင် စစ်တပ်က လူငယ်များကို ပေါ်တာဆွဲ ဖမ်းဆီးမှုများ လုပ်ဆောင်လျက်ရှိကြောင်း သိရှိရသည်။

ယနေ့ ဇန်နဝါရီလ ၂၃ ရက်နေ့ မော်လမြိုင်မြို့နယ်တွင် စစ်တပ်က ပေါ်တာဆွဲ ဖမ်းဆီးမှုများ လုပ်ဆောင်ခဲ့ပြီး လူငယ်တချို့ ဖမ်းဆီးခံရကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

"​မော်လမြိုင်မြို့စွန်ဘက်မှာ ဒီမနက်အ​စောပိုင်းက အိမ်ထဲထိဝင်ပြီး လူငယ်တွေကို ဖမ်းဆီးပါတယ်။ အဲဒီမှာ အသက် ၂၀ ဝန်း ကျင်ရှိတဲ့ လူငယ် ၂ ဦးကို ဖမ်းဆီးသွားပါတယ်။ မိသားစုကို တစ်ဦးကို ၁၀ သိန်းနှုန်းနဲ့ သိန်း ၂၀ ပေးသွားပါတယ်။ စစ် မှုထမ်းဖို့အတွက် လျှော်ကြေးပေးတာလို့ပြောပါတယ်။ အသာတကြည်လိုက်ရင် မိသားစုအတွက် ​ငွေချန်ခဲ့မယ်။ မလိုက် ရင်​ငွေ​တောင်ရမှာမဟုတ်ဘူးဆိုပြီး​ ဆွဲခေါ်သွားကြပါတယ်" ဟု မော်လမြိုင်မြို့မှ ဒေသသတင်းရင်းမြစ်က ဆိုသည်။

အလားတူ ပဲခူးတိုင်း၊ မိုးညိုမြို့နယ်၊ လက်ပံခုံကျေးရွာတွင် အုပ်ချုပ်ရေးမှူး နှင့်စစ်တပ်က လူယ်များကို ပေါ်တာဆွဲ ဖမ်းဆီးမှုများ လုပ်ဆောင်ခဲ့ပြီး ပြည်သူများထံမှလည်း စစ်မှုထမ်းငွေကြေးများ ကောက်ခံလျက်ရှိကြောင်း သိရှိရသည်။

ထို့အတူ ဇန်နဝါရီလ ၁၅ ရက်နေ့မှစတင်၍ မကွေးတိုင်း၊ မင်းဘူးမြို့နယ်၊ စကုမြို့ပေါ်တွင် စစ်တပ်နှင့် မင်းဘူးမြို့နယ်စီမံအုပ်ချုပ်ရေးအဖွဲ့မှ အုပ်ချုပ်ရေးမှူး အောင်မြင်တို့က အိမ်စီးကား ၂ စီးဖြင့် လူငယ်များကို လိုက်လံ ဖမ်းဆီးကြောင်း၊ အဓိက အားဖြင့် စစ်မှုထမ်းမည့် တပ်သားအရေအတွက် မပြည့်မီ၍ ပေါ်တာဆွဲ ဖမ်းဆီးမှုများ လုပ်ဆောင်ခြင်းဖြစ်ကြောင်း သိရှိရသည်။

"ဇန်နဝါရီလ ၁၅ ရက်နေ့ မနက်ပိုင်းကစပြီး စကုမြို့ပေါ်မှာ အိမ်စီးကား ၂ စီးနဲ့ လူငယ်တွေတွေ ပေါ်တာဆွဲ ဖမ်းဆီးနေတာ ဒီနေ့အထိပါပဲ။ မင်းဘူးမြို့နယ်အုပ်ချုပ်ရေးမှူး ဦးအောင်မြင် ကိုယ်တိုင်ဦးစီးပြီး တွေ့တဲ့လူငယ်တွေကို လမ်းပေါ်၊ အလုပ်ရုံတွေထဲအထိ လက်ထိပ်ခတ်ဖမ်းဆီး တပ်ထဲပို့ပါတယ်။ ဇန်နဝါရီလ ၁၄ ရက်နေ့ စကုနယ်မြေရဲစခန်းရှေ့က ဆိုင်ကယ်ဝပ်ရှော့မှာ အလုပ် လုပ်နေတဲ့ လူငယ် ၁ ဦးကို စစ်မှုထမ်းဖို့ ဖမ်းဆီးသွားပါတယ်။ ဆိုင်ရှေ့ကို ကားမောင်းသူ ၁ ဦးတည်းပါတဲ့ အနေ အထားနဲ့ မောင်းလာပြီး ဆိုင်ရှေ့ရောက်မှ ဟွန်းတီးပါတယ်။ နောက်ခန်းနဲ့ ထိုင်ခုံတွေမှာ စစ်သားတွေကို လူမမြင်အောင် လုပ်ပြီး ဟွန်းသံကြားလို့ ထွက်လာမှ ဆင်းဖမ်းတာပါ" ဟု ဒေသပြည်သူတစ်ဦးက ရှင်းလင်းပြောဆိုသည်။

အကြမ်းဖက်စစ်ကောင်စီက အသက် ၁၈ နှစ်မှ အသက် ၃၅ နှစ်အတွင်း လူငယ်များကို လစဉ် စစ်မှုထမ်း တပ်သားသစ်များအဖြစ် လူဦးရေ ၅၀၀၀ ခေါ်ယူမည်ဖြစ်​ကြောင်း ထုတ်ပြန်ပြောဆိုထားသည်။

မုံရွာမြို့နယ်၊ တောပု ပျူစောထီးရွာမှ ညောင်ဖြူပင် ရဲစခန်းသို့ ရိက္ခာပို့လာသော စစ်တပ်စစ်ကြောင်းကို ပဒေသာမိုင်းဖြင့် ဖောက်ခွဲမှု စစ်ကောင်စီတပ်ဖွဲ့ဝင် ၂ ဦး သေဆုံးပြီး ၅ ဦး ဒဏ်ရာရ (ရုပ်/သံ)

ရန်ကုန်၊ ဇန်နဝါရီလ ၂၃

စစ်ကိုင်းတိုင်း၊ မုံရွာမြို့နယ် တောပု ပျူစောထီးရွာမှ ညောင်ဖြူပင် ရဲစခန်းသို့ ရိက္ခာပို့ လာသည့် စစ်တပ်စစ်ကြောင်းကို
ပဒေသာမိုင်းဖြင့် ဖောက်ခွဲတိုက်ခိုက်ရာ ပျုစောထီး ၂ ဦး သေဆုံးပြီး ၅ ဦး ဒဏ်ရာရရှိခဲ့ကြောင်း Immortal Guerrilla Force – Monywa မှ တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။

ယမန်နေ့ ဇန်နဝါရီလ ၂၂ ရက်နေ့ နံနက် ၈ နာရီခွဲအချိန် အင်အား ၂၅ ဦးပါ စစ်သားနှင့်ပျူစောထီးများပါဝင်သော စစ်ကြောင်းကို ပဒေသာမိုင်း ၂ လုံးဖြင့် တိုက်ခိုက်ခဲ့ခြင်းဖြစ်ကြောင်း၊ မိုင်းထိမှန်၍ ၂ ဦးသေဆုံးပြီး ၅ ဦးဒဏ်ရာရကြောင်း၊ ဒဏ်ရာရသည့် ၅ ဦးအနက် ၂ ဦးမှာ ခြေထောက်ပြတ်၍ ရိက္ခာထုပ်များကို ချ၍ ထွက်ပြေးသွားကြကြောင်း သိရှိရသည်။

“မိုင်းထိပြီး ရိက္ခာတောင်ပြန်မသယ်နိုင်ဘဲ ပြေးကြတော့တာပဲ။ တိုက်ခိုက်ခဲ့တဲ့ ရဲဘော်တွေ အားလုံးဘေးကင်းပါတယ်” ဟု Immortal Guerrilla Force – Monywa မှ တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။

အဆိုပါ တိုက်ခိုက်မှုကို ချောင်းဦးမြို့နယ် ပကဖ တိုက်ခိုက်ရေးတပ် CHU PDF တပ်ဖွဲ့ ၂ Immortal Gurreilla forceနှင့်အတူ မုံရွာခရိုင် တပ်ရင်း၂၃၊ မုံရွာခရိုင် တပ်ရင်း ၂၅ ၊မုံရွာခရိုင် တပ်ရင်း ၂၈၊ BLDF, Special Force 11, တို့ပူးပေါင်းလုပ်ဆောင်ခဲ့ခြင်းဖြစ်ကြောင်း သိရှိရသည်။

ဒဂုံမြို့သစ် တောင်ပိုင်းတွင် အုပ်ချုပ်ရေးမှူး မျိုးသူရဝင်းနှင့် ပျူစောထီးများက ဗန္ဓုလအငှား အိမ်ရာမှ လူငယ်များကို ပေါ်တာဆွဲ ဖမ်းဆီးငွေညှစ်နေ၊ တိုက်ကြီးတွင်လည်း အုပ်ချုပ်ရေးမှူးများက စစ်မှုထမ်းကြေးများ တိုးကောက်နေ

ရန်ကုန်၊ ဇန်နဝါရီ ၂၃

ရန်ကုန်မြို့၊ ဒဂုံမြို့သစ် တောင်ပိုင်းမြို့နယ်တွင် အုပ်ချုပ်ရေးမှူး မျိုးသူရဝင်းနှင့် ပျူစောထီးများက ဗန္ဓုလအငှား အိမ်ယာမှ လူငယ်များကို ပေါ်တာဆွဲ ဖမ်းဆီးငွေညှစ်နေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဒဂုံမြို့သစ်တောင်ပိုင်းမြို့နယ်၊ အမှတ် (၁၄၁/၂) ရပ်ကွက်အတွင်းရှိ ဗန္ဓုလအငှားအိမ်ယာတွင် အုပ်ချုပ်ရေးမှူး မျိုးသူရဝင်း ဦးဆောင်သော ပျူစာထီး ကိုကိုအောင်၊ စုစုဝေ၊ သီတာ၊ သားသား၊ ဖိုးသား၊ ခင်မောင်အေးနှင့် အကြမ်းဖက် စစ်ကောင်စီ တပ်သားများက တိုက်ခန်းနေ လူငယ်များကို စစ်မှုထမ်းရန် အတင်းအဓမ္မ ပေါ်တာဆွဲ ဖမ်းဆီး ငွေညှစ်ခြင်း၊ ဧည့်စာရင်း စစ်ဆေးချိန်တွင် ပြည်သူများကို အကြောင်းမဲ့ ဖမ်းဆီးခြင်း၊ လူငယ်အများစုကို အဓမ္မ ရိုက်နှက်ဖမ်းဆီးပြီး ငွေကြေး တောင်းရမ်းခြင်းများ လုပ်ဆောင်နေခြင်းဖြစ်ကြောင်း သိရသည်။

ထို့ပြင် အုပ်ချုပ်ရေးမှူး မျိုးသူရဝင်းသည် အိုးအိမ်ဝန်ထမ်း ဦးစီးမှူး ရုံးအုပ် သီတာဇင် ၊ ဝင်းနိုင်ထွန်း တို့နှင့် ပူးပေါင်း၍ ၎င်းတို့ထံမှ ဝယ်ယူခြင်းမရှိသော ပိုင်ရှင်များက တဆင့်ခံ ငှားရမ်းထားသော တိုက်ခန်းများကိုလည်း လိုက်လံ ပိတ်သိမ်းခြင်းများ လုပ်ဆောင်ကြောင်း၊ ၎င်းတို့ လုပ်ဆောင်မှုများကို ကန့်ကွက်ပါက စစ်တပ်ခေါ်၍ ပေါ်တာဆွဲ ဖမ်းဆီးကာ စစ်ထဲထည့်မည်ဟု ခြိမ်းခြောက်ကြောင်း သိရှိရသည်။

"ရပ်ကွက် အုပ်ချုပ်ရေးမှူး မျိုးသူရဝင်းနဲ့ ပျူစောထီးတွေ စစ်ခွေးတွေ ပူးပေါင်းပြီး ဗန္ဓုလအငှားအိမ်ယာထဲမှာ တိုက်ခန်းနေ လူငယ်တွေကို စစ်မှုထမ်းဖို့ အတင်းအဓမ္မ ပေါ်တာဆွဲ ဖမ်းဆီးငွေညှစ်တာ ဧည့်စာရင်း စစ်ဆေးချိန်မှာ ပြည်သူတွေကို အကြောင်းမဲ့ ဖမ်းဆီးတာ လူငယ်တွေကို အဓမ္မ ရိုက်နှက်ဖမ်းဆီးပြီး ငွေကြေး တောင်းရမ်းတာတွေ လုပ်ဆောင်နေပါတယ်။ နောက်ပြီး အိုးအိမ်ဝန်ထမ်း ဦးစီးမှူး ရုံးအုပ် ဒေါ်သီတာဇင် နဲ့ ဦးဝင်းနိုင်ထွန်း တို့ကလည်း ရောင်းစားထားပြီး တဆင့်ငှားရမ်းထားတဲ့ တိုက်ခန်းတွေကို လိုက်ပိတ်တာတွေလုပ်နေပါတယ်။ သူတို့ငွေကြေးယူထားတဲ့ အခန်းတွေနဲ့ ချဲထီရောင်းချသူ၊ အရက်နှင့် ဆေးပြား ရောင်းချတဲ့ ပျူစောထီးတွေက ဝယ်ယူထားတဲ့ အခန်းတွေကို လုံးဝ မပိတ်ပါဘူး" ဟု ဒေသပြည်သူ တစ်ဦးက ပြောဆိုသည်။

အလားတူ ရန်ကုန်မြို့၊ တိုက်ကြီးမြို့နယ်၊ ဖိုးခေါင်ကျေးရွာအုပ်စုတွင် အုပ်ချုပ်ရေးမှူး သိန်းထွန်းအောင်က စစ်မှုထမ်းကြေးများကို ထပ်မံတိုးကောက်နေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

တိုက်ကြီးမြို့နယ်၊ ဖိုးခေါင်ကျေးရွာအုပ်စု အုပ်ချုပ်ရေးမှူး သိန်းထွန်းအောင်၊ ရာအိမ်မှူး ဖိုးထူး ၊ သောင်းအေး ၊ တင်စိုး နှင့် သဲဖား တို့က စစ်မှုထမ်းကြေး ၂၀၀၀၀ ကျပ်မှ ၃၀၀၀၀ ကျပ်ထိ တိုးကောက်နေကြောင်း၊ အဆိုပါ ရရှိလာသော ငွေကြေးများကိုလည်း အုပ်ချုပ်ရေးမှူး သိန်းထွန်းအောင်နှင့် ရာအိမ်မှုး၊ ဆယ်အိမ်မှုးများက အချိုးကျ ခွဲတမ်း ယူဆောင်နေခြင်းဖြစ်ကြောင်း သိရသည်။

"အုပ်ချုပ်ရေးမှူး သိန်းထွန်းအောင်က အပတ်စဉ် ငွေကျပ် ၂၀၀၀၀ တောင်းတာကနေ ငွေကျပ် ၃၀၀၀၀ အထိ တိုးကောက်လာပါတယ်။ အဲလို တိုးကောက်ပြီး စစ်ခွေးတွေက ခွဲတမ်းချပြီး ယူဆောင်နေပါတယ်" ဟု ဒေသပြည်သူ တစ်ဦးက ပြောဆိုသည်။

သာယာဝတီတွင် ပေါ်တာဆွဲဖမ်းဆီးခံရပြီး စစ်မှုထမ်း တပ်သားဖြစ်လာသော ကိုချစ်နန်း ရခိုင်တိုက်ပွဲတွင် သေဆုံးမှု Khit Thit က သတင်းဖော်ပြပြီးနောက် စစ်တပ်က လျှော်ကြေး ၈ သိန်းလာပေး ၊ ကိုချစ်နန်းတွင် ဇနီးနှင့် ကလေး ၂ ဦး ကျန်ရစ်ခဲ့

ရန်ကုန်၊ ဇန်နဝါရီ ၂၃

ပဲခူးတိုင်း၊ သာယာဝတီမြို့နယ်၊ ရေတွင်းကုန်းရွာမှ ပေါ်တာဆွဲ ဖမ်းဆီးခံရပြီး စစ်မှုထမ်းတပ်သားဖြစ်လာသော ကိုချစ်နန်း ရခိုင် တိုက်ပွဲအတွင်း သေဆုံးမှုကို Khit Thit က သတင်းဖော်ပြပြီးနောက် အကြမ်းဖက် စစ်တပ်က မိသားစုထံ ထောက်ပံ့လျှော် ကြေး ငွေကျပ် ၈ သိန်း လာပေးကြောင်း မိသားစုနှင့်နီးစပ်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယမန်နေ့ ဇန်နဝါရီလ ၂၂ ရက်နေ့ နံနက်ပိုင်း စစ်မှုထမ်း တပ်သား ကိုချစ်နန်း ရခိုင်တိုက်ပွဲတွင် သေဆုံးသွားကြောင်း Khit Thit က သတင်းဖော်ပြပြီးနောက် နာရီပိုင်းအကြာ ချက်ချင်းပင် စစ်တပ်က ကျန်ရစ်သူမိသားစုထံသို့ သွားရောက်၍ ထောက် ပံ့ကြေး ပေးအပ်ကြောင်း၊ ကိုချစ်နန်း၏ မိသားစုထံ အကြမ်းဖက် စစ်တပ်က ထောက်ပံ့ကြေး ငွေကျပ် ၈ သိန်း လာရောက်ပေးကြောင်း၊ ထို့ပြင် ငွေကျပ် ၅ သိန်းလည်း ထပ်မံလာပေးမည်ဟု စစ်တပ်က ပြောဆိုသွားပြီး ကိုချစ်နန်း၏ ဇနီဖြစ်သူကိုလည်း နောက်အိမ်ထောင်မပြုမချင်း ထောက်ပံ့ပေးမည်ဖြစ်ကြောင်း၊ လူမမယ် ကလေး ၂ ဦးကိုလည်း အသက် ၁၈ နှစ် ပြည့်သည်အထိ ထောက်ပံ့ပေးပါမည်ဟု ပြောဆိုသွားကြောင်း သိရှိရသည်။

"ကိုချစ်နန်း မိသားစုထံ မနေ့က မွန်းလွဲပိုင်းလောက်မှာ စစ်ခွေးတွေက ထောက်ပံ့ကြေး ၈ သိန်း လာရောက် ပေးသွားတယ်လို့ သိရတယ်။ နောက်ထပ် ၅ သိန်းလည်း ထပ်ပေးဦးမယ်လို့ ပြောတယ်။ ကိုချစ်နန်းမှာက ဇနီးဖြစ်သူနဲ့ လူမမယ် ကလေး ၂ ဦးကျန်ခဲ့တယ်။ ကိုချစ်နန်းရဲ့ အမျိုးသမီးကိုလည်း နောက်အိမ်ထောင်မပြုမချင်း ထောက်ပံ့ပေးမယ်တဲ့ ကလေးတွေလည်း အသက် ၁၈ နှစ်ထိ ထောက်ပံ့ပေးမယ်လို့ ပြောသွားပါတယ်။ စစ်ခွေးတွေက အဲလိုလာပေးတာ မီဒီယာမှာ ပါလာလို့ ဒီကောင်တွ လာပေးတာ နဂိုတည်းက ပေးချင်စိတ်ရှိရင် သေဆုံးသွားကြောင်း လာပြောတည်းက ပေးမှာပေါ့။ သူတို့ ဆက်ထောက်ပံ့မယ်ဆိုတာလည်း ပါးစပ်ပြောပဲပြောသွားတာ" ဟု ကျန်ရစ်သူ မိသားစုနှင့်နီးစပ်သူက ပြောဆိုသည်။

ကိုချစ်နန်းကို ၂၀၂၄ ခုနှစ်၊ မေလတွင် အကြမ်းဖက် စစ်တပ်က နေအိမ်အတွင်း အတင်းအဓမ္မ ပေါ်တာဆွဲ ဖမ်း ဆီးခဲ့ခြင်းဖြစ်ပြီး စစ်မှုထမ်းသက်တမ်း ၇ လ အကြာတွင် ရခိုင်ပြည်နယ်သို့ ပို့ဆောင်ခံရကြောင်း၊ ရခိုင်ရှေ့တန်းစစ်မြေပြင်သို့ ပို့ဆောင်ခံရပြီးနောက် မိခင်ဖြစ်သူနှင့် အဆက်အသွယ် ပြတ်တောက်ခဲ့ကြောင်း၊ ဇန်နဝါရီလ ၂၁ ရက်နေ့တွင် တိုက်ပွဲအတွင်း သေဆုံးခဲ့ကြောင်း သိရသည်။

လက်ပံတုန်းကျေးရွာအုပ်စုတွင်လည်း အကြမ်းဖက် စစ်ကောင်စီ တပ်သားများက ပေါ်တာဆွဲ ဖမ်းဆီးသွားသော လူငယ် ၁၅ ဦးသည်လည်း မိသားစုဝင်များနှင့် အဆက်အသွယ် ပြတ်တောက်နေ၍ မိဘဖြစ်သူများက စိုးရိမ် ပူပန်နေကြကြောင်း သိရှိရသည်။

Khit Thit သတင်းဌာန၏ ဇန်နဝါရီ ၂၃ ရက်မနက်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဇန်နဝါရီ ၂၃ ရက် မနက်ပိုင်း တင်ဆက်ပေးမယ့် သတင်းတွေကတော့

- တရုတ်က မြန်မာစစ်ကောင်စီအပါအဝင် နိုင်ငံ ၆ ခုပူးပေါင်းကာ ကျားဖြန့်နှိမ်နင်ရေး ဇင်ယော်ပူးပေါင်း လှုပ်ရှားမှုဒုတိယအပိုင်း စတင်သွားမယ်လို့ ရန်ကုန်အခြေစိုက် မြန်မာနိုင်ငံဆိုင်ရာတရုတ်သံရုံးက ကြေညာလိုက်ပါတယ်။

- မန္တလေးတိုင်း၊ မတ္တရာမြို့နယ်၊ သပိတ်ကျင်းမြို့နယ်နဲ့ ရှမ်းပြည်နယ်မြောက်ပိုင်း ၊ နောင်ချိုမြို့တို့ မှာ အကြမ်းဖက်စစ်တပ်က အင်အားထပ်ဖြည့်ပြီး ထိုးစစ်ဆင်ဖို့ပြင်ဆင်နေတယ်လို့ ပြည်သူ့ကာကွယ်ရေး တပ်မတော် (မန္တလေး) တပ်ဖွဲ့၊ ပြောရေးဆိုခွင့်ရှိသူ ကိုအော်စမွန်က ရန်ကုန်ခေတ်သစ်ကို ပြောပါတယ်။

- သတင်းမီဒီယာတွေအနေနဲ့ စစ်ကောင်စီနဲ့ စစ်တပ်အပေါ် ထိခိုက်စေတဲ့ရေးသားမှုတွေ ရှောင်ကြရန်နဲ့ စစ်တပ်ဆန့်ကျင်သူတွေကို အားပေးအားမြှောက်လုပ် ရေးသားရင် သတင်းမီဒီယာတွေကို အရေးယူမယ်လို့ အကြမ်းဖက်စစ်ကောင်စီရဲ့ ပြန်ကြားရေးဝန်ကြီး မောင်မောင်အုန်း ခြိမ်းခြောက် လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

https://www.youtube.com/watch?v=MB2FYXncGmo

တောင်ဥက္ကလာ ၅ ရပ်ကွက်မှ ပေါ်တာဆွဲ ဖမ်းဆီးခံရသော အသက် ၁၉ နှစ်အရွယ် ကိုခန့်ဟိန်း အပါအဝင် သူငယ်ချင်း လူငယ် ၆ ဦး စစ်မှုထမ်း သင်တန်းဆင်းပြီးနောက် ရခိုင် ရှေ့တန်းစစ်မြေပြင်သို့ ပို့ဆောင်ခံရကာ တိုက်ပွဲအတွင်း ပျောက်ဆုံးနေ

ရန်ကုန်၊ ဇန်နဝါရီ ၂၃

ရန်ကုန်မြို့၊ တောင်ဥက္ကလာမြို့နယ် ၅ ရပ်ကွက်မှ ပေါ်တာဆွဲ ဖမ်းဆီးခံရသော အသက် ၁၉ နှစ်အရွယ် ကိုခန့်ဟိန်း အပါအဝင် သူငယ်ချင်း လူငယ် ၆ ဦးမှာ စစ်မှုထမ်းသင်တန်း ဆင်းလာပြီးနောက် ရခိုင်ပြည်နယ် ရှေ့တန်း စစ်မြေပြင်သို့ ပို့ဆောင်ခံလိုက်ရကာ ပျောက်ဆုံးနေကြောင်း မိဘဆွေမျိုးများနှင့်နီးစပ်သော သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

၂၀၂၄ ခုနှစ် အောက်တိုဘာလတွင် တောင်ဥက္ကလာမြို့နယ် ၅ ရပ်ကွက်၌ နေထိုင်သော အသက် ၁၉ နှစ်အရွယ် ကိုခန့်ဟိန်း အပါအဝင် လူငယ် ၆ ဦးသည် နေအိမ်ရှေ့တွင် ဂိမ်းထိုင်ဆော့နေစဉ် အကြမ်းဖက် စစ်ကောင်စီ တပ်သားများက ပေါ်တာဆွဲ ဖမ်းဆီးသွားခြင်းဖြစ်ကြောင်း သိရသည်။

အကြမ်းဖက် စစ်ကောင်စီ တပ်က လူငယ် ၆ ဦးကို ဖမ်းဆီးပြီးနောက် ခမရ ၄၃၅-၄၃၆ တပ်ရင်းထဲသို့ ခေါ်ဆောင်ခဲ့ ကြောင်း၊ ယင်းမှတစ်ဆင့် ဘုရင့်နောင် စစ်ကြောရေးတပ်သို့ ပို့ဆောင်ခဲ့ပြီး နောက်ဆုံးတွင် လှည်းကူးမြို့နယ်ရှိ စစ်မှုထမ်း စစ်သင်တန်းကျောင်းသို့ ပို့ဆောင် ခဲ့ကြောင်း၊ စစ်မှုထမ်း စစ်သင်တန်း တက်ရောက်နေစဉ် မိသားစုဝင်များနှင့် တွေ့ဆုံခွင့်မပေးဘဲ စစ်သင်တန်းဆင်းပြီးနောက် တစ်ပတ်အကြာတွင် လူငယ်များကို ရခိုင်သို့ ပို့ဆောင်ခဲ့ကြောင်း သိရှီရသည်။

စစ်တပ်က လူငယ် ၆ ဦးကို လေယာဉ်ဖြင့် ရခိုင်ပြည်နယ်ကို ပို့ဆောင်ခဲ့ပြီးနောက် အဆက်အသွယ်ပြတ်တောက်ခဲ့ကြောင်း၊ အဆိုပါလူငယ် ၆ ဦးမှာ ရခိုင်ရှေ့တန်း စစ်မြေပြင်တိုက်ပွဲတွင်လည်း ထိခိုက်ဒဏ်ရာရရှိထားသည်ဟု ဆက်သွယ်ပြောဆိုလာပြီးနောက် လုံး၀ အဆက်အသွယ်မရတော့ကြောင်း သိရှိရသည်။

"ကို ခန့်ဟိန်းက လွန်ခဲ့တဲ့ ၂ လ ကျော်လောက်က တောင်ဥက္ကလာ ၅ ရပ်ကွက်မှာ ဆွဲခံရတာပါ။ အသက် ၁၉ နှစ်ပဲရှိပါသေးတယ်။ သူတို့ တိုက်အောက်မှာ သူငယ်ချင်း ၆ ဦးစုပြီး ဂိမ်းဆော့နေတဲ့ အချိန် စစ်တပ်က ပေါ်တာဆွဲ ဖမ်းဆီးသွားတာ ၆ ဦးလုံးကို ညတွင်းချင်း တောင်ဥက္ကလာ ခမရ ၄၃၅-၄၃၆ တပ်ရင်းထဲ ခေါ်သွားတယ်။ အဲဒီကနေ ဘုရင့်နောင် လှိုင်စစ်ကြောရေးတပ်ကိုပို့တယ်။ ပြီးတော့ လှည်းကူးမှာ စစ်သင်တန်း တက်ခိုင်းတယ်။ သူတို့ကို သင်တန်းဆင်းမယ့်နေ့မှာ မနက်အစောကြီးကတည်းက မျက်လုံးပိတ်ပြီး လေယာဉ်နဲ့ ရခိုင် ပို့လိုက်တယ်လို့ ပြောတယ်။ ကလေးတွေလည်း ရင်ဘတ်နဲ့ ပေါင်ရင်းမှာ ကျည်ထိထားတယ်လို့ ပြောတယ်။ ဘာမှလဲ မစားရဘူး။ ရေလဲမသောက်ရတာ ၅ ရက်ရှိပြီးလို့ ဖုန်းလှမ်းပြောတယ်။ အဲနောက်ပိုင်း ဖုန်းအဆက် အသွယ်ပြတ်သွားတယ်။ အခုတော့ လူငယ်တွေ ပျောက်ဆုံးနေတယ်" ဟု မိဘဆွေမျိုးများနှင့်နီးစပ်သော သတင်းရင်းမြစ်က ရှင်းပြသည်။

အကြမ်းဖက် စစ်ကောင်စီ တပ်က ပေါ်တာဆွဲ ဖမ်းဆီးသွားသော အသက် ၁၉ နှစ်အရွယ် ကိုခန့်ဟိန်း အပါအဝင် လူငယ် ၆ ဦးမှာ ဆင်းရဲနွမ်းပါးသူများဖြစ်ပြီး သားဖြစ်သူများနှင့် အဆက်အသွယ် ပြတ်တောက်နေကာ စစ်တပ်ကလည်း တာဝန်ယူမှု၊ တာဝန်ခံမှု မရှိ၍ မိသားစုဝင်များ စိုးရိမ်ပူပန်နေကြောင်း သိရသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၂၆ ဦးသေဆုံး

ရန်ကုန်၊ ဇန်နဝါရီ ၁၉

မြန်မာနိုင်ငံတစ်ဝန်း ဇန်နဝါရီလ ၁၉ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၂၆ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆို ချက်များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိ သည်ကို သိစေအပ်ပါသည်။

မြိုင်မြို့နယ်အတွင်း ရိက္ခာ လိုက်လံ ပို့ဆောင်နေသည့် စစ်တပ် စစ်ကြောင်းကို အကြိမ်ကြိမ် လိုက်လံ တိုက်ခိုက်မှု စစ်ကောင်စီ တပ်သား ၁၁ ဦးသေဆုံးပြီး ကောက်ယူရရှိသော စစ်သားအလောင်းကို PDF တပ်ဖွဲ့က သဂြိုလ်ပေး

ရန်ကုန်၊ ဇန်နဝါရီ ၁၉

မကွေးတိုင်း၊ မြိုင်မြို့နယ်အတွင်း ရိက္ခာ လိုက်လံ ပို့ဆောင်နေသည့် အကြမ်းဖက် စစ်တပ် စစ်ကြောင်းကို PDF တပ်ဖွဲ့များက အကြိမ်ကြိမ် လိုက်လံ တိုက်ခိုက်ရာ စစ်ကောင်စီ တပ်သား ၁၁ ဦးသေဆုံးခဲ့ပြီး ကောက်ယူရရှိသော စစ်သားအလောင်းကို ကောင်းမွန်စွာ သဂြိုလ်ပေးခဲ့ကြောင်း ပခုက္ကူခရိုင် အမှတ် ၁၅ တပ်ရင်းမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၆ ရက်နေ့တွင် ပခုက္ကူမြို့ တပ်မ ၁၀၁ မှ အင်အား ၃၀၀ ကျော်နှင့် ရိက္ခာကား အစီးရေ ၃၅ စီးပါ စစ်ကြောင်းသည် မြိုင်မြို့နယ် အတွင်းဝင်ရောက်လာပြီး ရိက္ခာလာရောက်ပို့ဆောင်ခဲ့ခြင်းဖြစ်ကြောင်း သိရသည်။

ဇန်နဝါရီလ ၇ ရက်နေ့တွင် အကြမ်းဖက် စစ်တပ် စစ်ကြောင်းကို တော်လှန်ရေး တပ်ဖွဲ့များက မိုင်းဆွဲပြီး ကြားဖြတ် လိုက်လံ ပစ်ခတ် တိုက်ခိုက်ရာ အကြမ်းဖက် စစ်တပ်ဘက်မှ တပ်ကြပ် ၁ ဦးသေဆုံးခဲ့ပြီး ထိခိုက်ဒဏ်ရာ အများအပြားဖြင့် မြိုင်မြို့ပေါ်ကို ဇန်နဝါရီလ ၁၀ ရက်နေ့တွင် ရောက်ရှိသွားကြောင်း သိရှိရသည်။

ယင်း စစ်ကြောင်းသည် ဇန်နဝါရီလ ၁၃ ရက်နေ့တွင် မြိုင်မြို့ပေါ်မှ အင်အား ၁၅၀ ကျော်နှင့် ရိက္ခာကား ၁၈ စီးပါ စစ်ကြောင်းဖြင့် ကန်နီပျူစောထီးရွာကို ထပ်မံ ရိက္ခာ လာရောက်ပို့ဆောင်စဉ် တော်လှန်ရေး တပ်ဖွဲ့များက ၃ ရက်ဆက် ထပ်မံ လိုက်လံတိုက်ခိုက်ခဲ့ပြီး အကြမ်းဖက် စစ်တပ်ဘက်မှ ဗိုလ် ၁ ဦး အပါအဝင် ၁၀ ဦးသေဆုံးကာ ၃၀ ဦးထက်မနည်း ထိခိုက်ဒဏ်ရာရရှိခဲ့ပြီး တော်လှန်ရေး ရဲဘော် ၁ ဦး ကျဆုံးခဲ့ကြောင်း သိရသည်။

အဆိုပါ တိုက်ခိုက်မှုကို ပခုက္ကူခရိုင် အမှတ် (၂ ၊ ၆ ၊ ၇ ၊ ၁၄ ၊ ၁၅ ၊၁၇) တပ်ရင်းများ၊ မြိုင်မြို့နယ် ပ.က.ဖ၊ နဂါးနီအဖွဲ့ (ပ.က.ဖ)၊ဆင်ရိုင်းရာဇာအဖွဲ့ (ပ.က.ဖ)၊ အညာဟီးရိုး-လက်နက်ကြီး (ပ.က.ဖ)၊ ဗစ်တာပြောက်ကျားတပ်ဖွဲ့ (ပ.က.ဖ) ၊ဗိုလ်လင်းမြွေအဖွဲ့ (ပ.က.ဖ) တို့က ပူးပေါင်း လုပ်ဆောင်ခဲ့ကြောင်း သိရှိရသည်။

ယနေ့ ဇန်နဝါရီလ ၁၉ ရက်နေ့တွင် အကြမ်းဖက် စစ်တပ် စစ်ကြောင်းသည် မြိုင်မြို့ပေါ်ကို ပြန်လည် ရောက်ရှိသွားကြောင်း သိရသည်။

ဓာတ်ပုံ - ဇန်နဝါရီလ ၇ ရက်နေ့ တိုက်ပွဲအတွင်း သေဆုံးခဲ့သည့် အကြမ်းဖက် စစ်တပ်ဘက်မှ တပ်ကြပ် စိုးထိုက်ဦး

ဆိပ်ဖြူအခြေအစိုက် ကပစ ၂၁ ကို ရှော့တိုက်ဒုံးများဖြင့် ပစ်ခတ်တိုက်ခိုက်မှု အရာရှိ ၂ ဦး အပါအဝင် စစ် သား ၉ ဦး သေဆုံးပြီး လေယာဉ် ဗုံးသီးကုန်ကြမ်း သိုလှောင် ဂိုဒေါင် မီးလောင်ပျက်စီး

ရန်ကုန်၊ ဇန်ဝါရီ ၁၉

မကွေးတိုင်း၊ ဆိပ်ဖြူမြို့နယ်အခြေစိုက် အကြမ်းဖက်စစ်ကောင်စီ၏ ကပစ ၂၁ ကို ၁၀၇ မမ ရှော့ တိုက်ဒုံးများဖြင့် ပစ်ခတ်တိုက်ခိုက်ခဲ့ရာ အရာရှိ ၂ ဦး အပါအဝင် စစ်သား ၉ ဦး သေဆုံးကာ လေယာဉ် ဗုံးသီးကုန်ကြမ်းသိုလှောင်ဂိုဒေါင်မီးလောင်ပျက်စီးပျက်စီးခဲ့ကြောင်း Young Revolution Front တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ ဇန်နဝါရီလ ၁၈ ရက် ညနေ ၄ နာရီ မိနစ် ၂၀ အချိန်က ဆိတ်ဖြူမြို့နယ် ကာကွယ်ရေး ပစ္စည်း စက်ရုံ (ကပစ) အမှတ် ၂၁ အတွင်းသို့ ၁၀၇ မမ ရှော့တိုက်ဒုံး ၈ လုံး ဖြင့်တိုက်ခိုက်ခဲ့ရာ ၇ လုံး ကို အောင်မြင်စွာ ပစ်ခတ်နိုင်ခဲ့ပြီး လေယာဥ်ဗုံးသီး ကွင်တိန်နာ ဗုံး အအေးခန်း ထိန်းချုပ်ဂိုဒေါင် ၃ ပြို ကျ ပျက်စီးကာ ကုန်ကြမ်းဂိုဒေါင်မီးလောင်ခဲ့ကြောင်း ယင်း ဂိုဒေါင် များအတွင်းရှိ အကြမ်းဖက်စစ် တပ် အရာရှိ ၂ ဦး ၊ အခြားအဆင့် ၇ ဦး စုစုပေါင်း ၉ ဦးသေဆုံးကာ ၈ ဦး ဒဏ်ရာရရှိခဲ့ကြောင်း သိရ သည်။

အဆိုပါ တိုက်ခိုက်မှုကို Brave Warriors for Myanmar (BWM) အဖွဲ့၏ ဦးဆောင်စီမံမှုဖြင့် Eagle Brigade (ANyar Eagle) အဖွဲ့ ၊ ပေါက်တောင်ပိုင်း ၊ Young Revolution Front.ဗိုလ်နားပေါက်အဖွဲ့၊ No More Dictatorship-NMD အဖွဲ့၊ Shadow (Mandalay)အဖွဲ့ နှင့် ပခုက္ကူခရိုင် တပ်ရင်း ၁၉ တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

စစ်ကောင်စီ၏ ကပစ (၂၁) သည် နိုင်ငံတဝန်းရှိ ပြည်သူလူထုကို ဗုံးကြဲသတ်ဖြတ်ရာတွင် အသုံးပြု သော ပေါင် ၂၅၀၊ ပေါင် ၅၀၀ ဗုံးသီးများ ၊ cluster ဗုံးသီးများ အပါအဝင် တိုက်လေယာဉ်သုံး လူသတ် ဗုံး သီးအမျိုးမျိုးကို အဓိကထုတ်လုပ်ပေးနေသည့်စက်ရုံဖြစ်ကြောင်း သိရသည်။

ထို့ကြောင့် BWM နှင့် မဟာမိတ် အဖွဲ့များက ကပစ ၂၁ ကို လေတပ် ဆက်စပ်ပစ်မှတ်အဖြစ်သော် လည်းကောင်း၊ အရေးပါသော အကြီးစား စစ်ရေး ပစ်မှတ် အဖြစ်သော်လည်းကောင်းသတ်မှတ်၍ BWM Mission 31 အဖြစ် ဖော်ဆောင်တိုက်ခိုက်ခဲ့ခြင်းဖြစ်ကြောင်း သိရသည်။

ဗိုလ်တစ်ထောင် ရေတပ်မှ ဗိုလ်ကြီး ၁ ဦးနှင့် ဘားအံ ရတဖ ၂၂ မှ ရဲတပ်သား ၁ ဦး တို့ ကျားသစ်နက် စစ်ကြောင်းထံ အလင်းဝင်

ရန်ကုန်၊ ဇန်နဝါရီ ၁၉

ရန်ကုန်၊ ဗိုလ်တစ်ထောင် ရေတပ်မှ ဗိုလ်ကြီး ၁ ဦးနှင့် ဘားအံ ရတဖ ၂၂ မှ ရဲတပ်သား ၁ ဦးတို့ အလင်းဝင်ရောက်ခဲ့ကြောင်း ကျားသစ်နက် စစ်ကြောင်း (Black Panther Column) မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၈ ရက်နေ့တွင် ကျားသစ်နက် စစ်ကြောင်းထံ ဗိုလ်တစ်​ထောင်မြို့နယ် ရေတပ် ပင်မ စက်မှု လက်မှုတပ် (NED) မှ ဗိုလ်ကြီးတစ်ဦး နှင့် ဇနီး ဖြစ်သူတို့ အပါအဝင် ကရင်ပြည်နယ်၊ ဘားအံ ရတဖ (ရဲ တပ်ရင်း) ၂၂ မှ ရဲတပ်သားတစ်ဦးတို့ အလင်းဝင်ရောက်ခဲ့ခြင်းဖြစ်ကြောင်း သိရသည်။

အဆိုပါ အလင်းဝင်လာသူ ၂ ဦးသည် လက်နက်များ ယူဆောင်လာခြင်းမရှိကြောင်း၊ ထိုသို့ အလင်းဝင်လာသည့်အတွက် ကျားသစ်နက် စစ်ကြောင်းမှ နွေးထွေးစွာ ကြိုဆို လက်ခံထားကြောင်း သိရှိရသည်။

" ၈ ရက်နေ့က အလင်းဝင်ရောက်ခဲ့တာပါ။ လက်နက်တွေတော့ မပါလာပါဘူး။ အခုလို စစ်ကောင်စီရဲ့ ယုတ်မာ ကောက်ကျစ် စဥ်းလဲ မှုများမှ ရုန်းထွက်ပြီး အလင်းဝင်ရောက်လာတဲ့အတွက် ကျားသစ်နက် စစ်ကြောင်းကနေ နွေးထွေးစွာ ကြိုဆို လက်ခံထားပါတယ်" ဟု ကျားသစ်နက် စစ်ကြောင်း (Black Panther Column) မှ တာဝန်ရှိသူ တစ်ဦးက ပြောဆိုသည်။

ယင်းမာပင်မြို့နယ်တွင် စစ်အာဏာရှင် ဆန့်ကျင်ရေးချီတက် ဆန္ဒပြ

ရန်ကုန်၊ဇန်နဝါရီ ၁၉

ယင်းမာပင်မြို့နယ်တွင် အောင်လံလွှင့်မည်ရွှေရေကြည်လူထုသပိတ်စစ်ကြောင်းက ဇန်နဝါရီလ ၁၉ရက်နေ့တွင် စစ်အာဏာရှင် အလိုမရှိကြောင်း ဆန္ဒထုတ်ဖော်ခဲ့ကြကြောင်းသိရှိရသည်။

အဆိုပါ ဆန္ဒပြ ပြည်သူများက "စစ်အာဏာရှင် အလိုမရှိကြောင်း"၊ "ဖက်ဒရယ်ဒီမိုကရေစီပြည်ထောင်စုတည်ထောင်ရေး"၊"သွေးစွန်းငွေဖြတ်တောက်ရေး စစ်ကောင်စီကို ငွေမပေး" စသည့် ကြွေးကြော်သံတွေ့နဲ့အတူ ဆန္ဒထုတ်ဖော်ခဲ့ကြကြောင်းသိရှိရသည်။

ပေါင်မြို့နယ်တွင် အကျဉ်းဦးစီးဌာနက သစ်ခိုးထုတ်ပြီး အကျဉ်းသားများကို ခိုင်းစေနေ

ရန်ကုန်၊ ဇန်နဝါရီ ၁၉

မွန်ပြည်နယ်၊ ပေါင်မြို့နယ်တွင် အကျဉ်းဦးစီးဌာနက သစ်ခိုးထုတ်ပြီး အကျဉ်းသားများကို သစ်ခိုးထုတ်လုပ်ငန်းများတွင် ခိုင်းစေနေကြောင်း ပေါင်မြို့နယ်အခြေစိုက် သစ်လုပ်ငန်းရှင်များနှင့်နီးစပ်သူများက ပြောဆိုသည်။

မွန်ပြည်နယ် ပေါင်မြို့နယ် ဇင်းကျိုက်မြို့ ခလောက်အင်းရပ်ကွက်နားရှိ အကျဉ်းဦးစီးဌာနဝင်းအတွင်းတွင် ၂၀၂၄ ခုနှစ် ဒီဇင်ဘာလကုန်မှ စ၍ ဘုန်းကြီးကျောင်းပြန်လည်ပြုပြင်ရန်အတွက်ဆိုကာ ကျွန်းသီးသန့် သစ်များကို လက်ခံထိန်းသိမ်းထားသော်လည်း အဆိုပါ သစ်များသည် တရားမဝင် သစ်ကုန်ကူးရန် လုပ်ဆောင်နေခြင်းသာ ဖြစ်ကြောင်း သစ်လုပ်ငန်းနှင့် နီးစပ်သူများထံမှ သိရှိရသည်။

ပေါင်မြို့နယ်တွင် နှစ် ၂၀၀ နီးပါး ရှေးဟောင်း ရွှေဒင်္ဂါးကျောင်း၏ အမိုး ပျက်စီးယိုယွင်းနေသည်ကို ပြန်လည်ပြုပြင်ပေးမည်ဟု ကျောင်းဆရာတော်ကို လျှောက်ထား၍ တရားမဝင်သစ်ကုန်ကူးမှုများလုပ်ဆောင်နေကြောင်း၊ သစ်များထားရန်အတွက် အကျဉ်းဦးစီးဌာနဝင်းကို အသုံးချခဲ့ခြင်းဖြစ်ကြောင်း သိရှိရသည်။

လက်ရှိအတွင်း ထောင်ပိုင်က အကျဉ်းဦးစီးဝင်းထဲရှိ သစ်များကို ဘုန်းကြီးကျောင်းသို့ အမြန်ရွှေ့ပြောင်းရန် ပြောဆိုထားသော် လည်း သစ်ကုန်ကူးရန် လုပ်ဆောင်နေသူများက ဘုန်းကြီးကျောင်းသို့ လှူရန် စိတ်ကူးမရှိဘဲ သစ်စက်များကို ရောင်းချရန် လိုက်လံစပ်နေခြင်းဖြစ်ကြောင်း သစ်လုပ်ငန်းနှင့် နီးစပ်သူများထံမှ သိရှိရသည်။

“သစ်ပိုင်ရှင်က လျှပ်စစ်ဌာနက မြို့မှူးလို့လည်း ခေါ်တယ် ရဲသီဟလို့ သိထားတယ်။ သူ့နောက်မှာ ပွဲစားတချို့ရှိတယ်။ ဆရာတော်ကြီးနဲ့ ထောင်ပိုင်က အသုံးချခံနေကြရတာ။ ကျောင်းပြင်တာကို အခွင့်ကောင်းယူထားတာ ။ ဒီသစ်အားလုံးက ကျောင်းဆီ တစ်ခုမှ မရောက်ဘဲနဲ့ ပေါင်မြို့မှာ ရှိတဲ့ ဘီကင်သစ်စက်ကို သွားပြီးတော့ သစ်စပ်တာတွေ လုပ်ငန်းရှင်တွေကို သွားပြီးတော့ စပ်တာတွေ ဘားအံဘက်ကို သွားပြီးတော့ စပ်တာတွေ အကြီးအကျယ်လုပ်နေတယ်” ဟု သစ်လုပ်ငန်းနှင့် နီးစပ်သူတစ်ဦးက ရန်ကုန်ခေတ်သစ်သတင်းဌာနသို့ ပြောကြားသည်။

လက်ရှိ အဆိုပါ သစ်များကို သစ်သမားများက မထိရဲသေးသည့်အတွက် အကျဉ်းဦးစီးဝင်းထဲတွင် သစ်များရှိနေသေးကြောင်း သစ်လုပ်ငန်းနှင့် ဆက်စပ်သူများထံမှ သိရှိရသည်။

ထို့ပြင် သစ်ခိုးထုတ်သူများသည် စစ်တပ်နှင့် ပူးပေါင်းပြီး တောင်ငူ ၁၄၄ မိုင်မှ သစ်များကို ခိုးထုတ်နေပြီး ယနေ့ ဇန်နဝါရီလ ၁၉ ရက်နေ့ ညပိုင်းတွင်လည်း တောင်ငူ ၁၄၄ မိုင်မှ သစ်ကားများ ရန်ကုန်သို့ တရားမဝင် သစ်များ သယ်ယူရန် လုပ်ဆောင်နေကောင်းလည်း သစ်လုပ်ငန်းနှင့် နီးစပ်သူများထံမှ သိရှိရသည်။

Khit Thit သတင်းဌာန၏ ဇန်နဝါရီ ၈ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဇန်နဝါရီ ၈ ရက် ညနေပိုင်း တင်ဆက်ပေးမယ့် သတင်းတွေကတော့

- ကချင်ပြည်နယ်က မံစီမြို့ကို KIA-PDF ပူးပေါင်းတပ်တွေက ဒီကနေ့ မနက်ပိုင်းမှာပဲ အပြီးသတ် တိုက်ခိုက် သိမ်းပိုက်ထိန်းချုပ်လိုက်ပြီလို့ KIA ရှေ့တန်း သတင်းရင်းမြစ်က ရန်ကုန်ခေတ်သစ်ကို ပြောပါတယ်။

- ရခိုင်ပြည် နဲ့ ပဲခူးတိုင်း အစပ်က ပန်းတောင်းမြို့နယ်မှာရှိတဲ့ အကြမ်းဖက် စစ်ကောင်စီရဲ့ တောင်ပုံကြီး စခန်း အာရက္ခတပ်တော် AA နဲ့ PDF ပူးပေါင်းတပ်တွေက တိုက်ခိုက်သိမ်းပိုက်လိုက်ပြီး ၊ တိုက်ပွဲအတွင် သေကုန်ကြတဲ့ စစ်ကောင်စီတပ်သားတွေရဲ့ အလောင်းတွေကို ပြည်မြို့ က အေးငြိမ်ရာ သင်္ချိုင်းကုန်းကို သယ်ပြီး သဂြိုလ်နေကြတယ်လို့လည်း ဒေသခံ စစ်ရေး သတင်းရင်းမြစ်က ရန်ကုန်ခေတ်သစ်ကို ပြောပါတယ်။

- ပဲခူးတိုင်းက ပေါင်းတလည်မြို့မှာ ဘယ် PDF မှ ဂရုမစိုက်ဘူးဆိုပြီး အကြမ်းဖက် စစ်ကောင်စီအတွက် လူငယ်တွေကို စစ်မှုထမ်း တပ်သားသစ်အဖြစ် လိုက်စုနေတဲ့ ရေကြည်ကုန်း ကျေးရွာ ရာအိမ်မှူး လင်မယားနဲ့ ၊မြို့လှစံပြကျေးရွာ အုပ်ချုပ်ရေးမှူးအောင်နိုင်ဦး ဆိုသူတို့ ၃ ဦးဟာ တစ်ရက်တည်းမှာပဲ ပစ်ခတ်ရှင်းလင်းခံရပြီး ၃ ဦးစလုံး သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

https://www.youtube.com/watch?v=eKoRrqVskTo

TNLA သိမ်းပိုက် ထိန်းချုပ်ထားသည့် မိုးကုတ်မြို့ အရှေ့ပိုင်းကို စစ်တပ်က Y-12 လေယာဉ်ဖြင့် ဗုံးသီး အလုံး ၃၀ ကျော် ကျဲချတိုက်ခိုက်

ရန်ကုန်၊ ဇန်နဝါရီ ၈

မန္တလေးတိုင်းတွင် တအာင်း အမျိုးသားလွတ်မြောက်ရေး တပ်မတော် -TNLA သိမ်းပိုက် ထိန်းချုပ်ထားသည့် မိုးကုတ် မြို့အရှေ့ပိုင်းကို အကြမ်းဖက် စစ်တပ်က Y-12 လေယာဉ်ဖြင့် ဗုံးသီး အလုံး ၃၀ ကျော်ကျဲချ တိုက်ခိုက်ခဲ့ကြောင်း ဒေသ ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယနေ့ ဇန်နဝါရီလ ၈ ရက်နေ့ မွန်းလွဲ ၁ နာရီ ခန့်တွင် မိုးကုတ်မြို့ အရှေ့ပိုင်းရှိ ဂေါက်ကွင်း ကျောက်လုပ်ကွက်နှင့် မစိုးရိမ်ကျောင်းတို့ကို အကြမ်းဖက် စစ်တပ်က Y-12 လေယာဉ်ဖြင့် ဗုံးသီး အလုံး ၃၀ ကျော် ကျဲချတိုက်ခိုက်ခဲ့ပြီး ထိခိုက်ပျက်စီးမှုအခြေအနေကို အတည်ပြုနိုင်ခြင်းမရှိသေးကြောင်း သိရသည်။

“မိုးကုတ် အရှေ့ပိုင်း ဂေါက်ကွင်း ကျောက်လုပ်ကွက်နဲ့ မစိုးရိမ် ကျောင်းကို Y-12 နဲ့ ဗုံးလာ ကျဲသွားတာ ထိခိုက် ပျက်ဆီးမှုကိုတော့ သေသေချာချာ မသိရသေးပါဘူး။ ဗုံးသီးက အလုံး ၃၀ ကျော်တယ်။ အဓိက ပစ်မှတ်က ဂေါက်ကွင်း၊ ညောင်သုံးပင် နေရာတွေပါ” ဟု ဒေသ ပြည်သူတစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

မိုးကုတ်မြို့ကို ၂၀၂၄ ခုနှစ်၊ ဇူလိုင်လ ၂၅ ရက်နေ့တွင် တအာင်းအမျိုးသားလွတ်မြောက်ရေး တပ်မတော် - TNLA က သိမ်းပိုက်ထိန်းချုပ်ခဲ့ပြီး နိုဝင်ဘာလ ၁၁ ရက်နေ့ကလည်း အကြမ်းဖက်စစ်ကောင် စီတပ်က မိုးကုတ်မြို့ကို ဗုံးကျဲတိုက်ခိုက်ခဲ့ရာ အမျိုးသား ၁၆ ဦး၊အမျိုးသမီး ၄ ဦးသေဆုံးခဲ့ပြီး ၁၃ ဦး ဒဏ်ရာရရှိခဲ့ကြောင်း TNLA က ထုတ်ပြန်ထားသည်။

ယင်းမာပင်မြို့ပေါ်တွင် စစ်တပ် တပ်စွဲထားသော ခရိုင်ရဲစခန်း၊ စုပေါင်းရုံး၊ ရဲကင်းဘန်ကာနှင့် ခရိုင်ရဲမှူး နေအိမ်တို့ကို ၂ ရက်ဆက် ဒရုန်းဖြင့် ဗုံးကျဲ တိုက်ခိုက်မှု စစ်တပ်ဘက်မှ ထိခိုက်မှုများ၍ မြို့သစ်ရွာကို ဝင်ရောက်စီးနင်း မီးရှို့ဖျက်ဆီး

ရန်ကုန်၊ ဇန်နဝါရီ ၈

စစ်ကိုင်းတိုင်း၊ ယင်းမာပင်မြို့ပေါ်တွင် အကြမ်းဖက် စစ်တပ် တပ်စွဲထားသော ခရိုင်ရဲစခန်း၊ စုပေါင်းရုံး၊ ရဲကင်းဘန်ကာနှင့် ခရိုင်ရဲမှူး နေအိမ်တို့ကို ၂ ရက်ဆက် ဒရုန်းဖြင့် ဗုံးကျဲ တိုက်ခိုက်ရာ စစ်တပ်ဘက်မှ ထိခိုက်မှုများပြားကြောင်း နယ်စည်းမခြားဇာမဏီပြောက်ကျားတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၄ ရက်နေ့ နံနက်ပိုင်းတွင် ယင်းမာပင်မြို့ပေါ်၌ အကြမ်းဖက် စစ်တပ် တပ်စွဲထားသော စုပေါင်းရုံး၊ ရဲကင်းဘန်ကာ၊ ခရိုင်ရဲမှူး နေအိမ်နှင့် လွတ်လပ်ရေးနေ့ ကျင်းပနေသော နေရာတို့ကို တော်လှန်ရေးတပ်ဖွဲ့များက တပြိုင်တည်း ဒရုန်းဖြင့် ဗုံးကျဲ တိုက်ခိုက်ခဲ့ရာ အကြမ်းဖက် စစ်ကောင်စီ တပ်သားများ ထိခိုက်မှုများစွာရှိကြောင်း သိရသည်။

ဇန်နဝါရီလ ၅ ရက်နေ့တွင်လည်း နံနက်ပိုင်းမှ စတင်ပြီး ယင်းမာပင်မြို့ပေါ်ရှိ အကြမ်းဖက် စစ်တပ် တပ်စွဲထားသော စုပေါင်းရုံး၊ ခရိုင်ရဲမှူးနေအိမ်နှင့် ခရိုင်ရဲစခန်းတို့ကို တော်လှန်ရေး တပ်ဖွဲ့များက ဒရုန်းဖြင့် ထပ်မံ ဗုံးကျဲ တိုက်ခိုက်ခဲ့ကြောင်း သိရှိရသည်။

ထိုတိုက်ခိုက်မှု အတွင်း အကြမ်းဖက် စစ်တပ်ဘက်မှ စစ်သား၊ ရဲနှင့် ပျူစောထီး အများအပြား ထိခိုက်မှုရှိပြီး ခရိုင်ရဲမှူး၏ သားဖြစ်သူလည်း ပြင်းထန် ဒဏ်ရာရရှိခဲ့ကြောင်း သိရသည်။

အဆိုပါ တိုက်ခိုက်မှု ၂ ရက်တာအတွင်း အကြမ်းဖက် စစ်ကောင်စီ တပ်သားများ ထိခိုက်မှုများပြားခဲ့ခြင်းကြောင့် ဇန်နဝါရီလ ၅ ရက်နေ့ နံနက် ၁၁ နာရီခန့်တွင် အကြမ်းဖက် စစ်ကောင်စီ တပ်သားများက ယင်းမာပင်မြို့အနီးရှိ မြို့သစ်ကျေးရွာကို ဝင်ရောက် စီးနင်းပြီး ပြည်သူပိုင် နေအိမ် ၂ လုံး ၊ ဆန်၊ စပါးနှင့် နွားစာ သိုလှောင်အဆောက်အဦး ၄ လုံး ၊ ထွန်စက် ၁ စီး ၊ နွားစာစင်းစက် ၁ ခုံ ၊ ဆိုင်ကယ် ၁ စီး ၊ စက်ဘီး ၂ စီး တို့ကို မီးရှို့ဖျက်ဆီးခဲ့ကြောင်း သိရှိရသည်။

အဆိုပါ တိုက်ခိုက်မှုကို နယ်စည်းမခြားဇာမဏီ ပြောက်ကျား (ယင်းမာပင်ဒရုန်းတပ်ဖွဲ့)၊ ယင်းမာပင်ခရိုင်ဒရုန်းတပ်ဖွဲ့၊ ယင်းမာပင်ခရိုင်တပ်ရင်း ၁၊ ၁၇၊ ၃၇ ၊ ဗျူဟာ ၄၃ ၊ ၄၇ ၊ Salingyi Special Task Force၊ ယင်းမာပင်ခရိုင်တပ်ရင်း ၂၉ တပ်ခွဲ ၁ Golden Star Force၊ တောကျီးကန်း ၊ အာဠာဝက ၊ တောသားကြီး ၊ BED ငညို ၊ SBTF ၊ Anyar Fighter၊ ပြည်သူအားလုံးရဲ့PK ၊ GZ Fighter (Lpdf)နှင့် Next Generarion Hope အဖွဲ့တို့က ပူးပေါင်း လုပ်ဆောင်ခဲ့ကြောင်း သိရသည်။

ICC ၀ရမ်းထုတ်ခံရတော့မည့် မင်းအောင်လှိုင် ဦးဆောင်သော စစ်ကောင်စီ၏ စိတ်မှန်း လူဦးရေစာရင်းဖြင့် လုပ်မည့် အတု အယောင် ရွေးကောက်ပွဲကို အားမပေးဘဲ နိုင်ငံရေးဂုဏ်သိက္ခာစောင့်ထိန်းကြရန် NUG တိုက်တွန်း

ရန်ကုန်၊ ဇန်နဝါရီ ၈

အပြည်ပြည်ဆိုင်ရာ ရာဇဝတ်ခုံရုံး (ICC) က ဖမ်း၀ရမ်းထုတ်ခံရတော့မည့် မင်းအောင်လှိုင် ဦးဆောင်သော စစ်ကောင်စီ၏ စိတ် မှန်း လူဦးရေ သန်းခေါင်စာရင်းဖြင့် ပြုလုပ်မည့် အမည်ခံ အတုအယောင်ရွေးကောက်ပွဲကို အားမပေးဘဲ နိုင်ငံရေးဂုဏ်သိက္ခာစောင့်ထိန်းကြရန် NUG ဝန်ကြီးချုပ်ရုံး ပြောခွင့်ရ ဦးနေဘုန်းလတ်က ပြောဆိုသည်။

ယနေ့ ပြုလုပ်သည့် “ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း” (၆/၂၀၂၄)တွင် ၎င်းက အထက်ပါအတိုင်း ပြောဆိုလိုက်ခြင်းဖြစ်သည်။

"အကြမ်းဖက်စစ်အုပ်စုအနေနဲ့ ၂၀၂၅ ခုနှစ်အတွင်းမှာ တရားမဝင်အတုအယောင်လုပ်ပွဲတခုကို ရွေးကောက်ပွဲ အမည်ခံပြီး လုပ် ဆောင်ဖို့ ပြင်ဆင်နေတာတွေ့ရပါတယ်။ အဲဒီ့အတွက် ဟန်ပြ သန်းခေါင်းစာရင်းကောက်ယူမှုတခုကို ၂၀၂၄ ခုနှစ် စက်တင် ဘာလအတွင်းပြုလုပ်ခဲ့ပြီး ၎င်းတို့ စိုးမိုးထိမ်းချုပ်နိုင်ခြင်းမရှိတဲ့ ဒေသတွေက လူဦးရေစာရင်းကို စိတ်မှန်း (Remote Sensing) နဲ့ ကောက်ခံခဲ့ကြောင်းကိုလည်း အကြမ်းဖက်စစ်အုပ်စုကိုယ်တိုင်က ထုတ်ပြန် ဝန်ခံထားတာ တွေ့ရပါတယ်။ ဒီမိုကရေစီနဲ့ လူ့အခွင့်အရေးကို တန်ဖိုးထားလေးစားကြတဲ့ နိုင်ငံတွေအနေနဲ့ အပြည်ပြည်ဆိုင်ရာရာဇဝတ်ခုံရုံး(ICC) ရဲ့ဖမ်းဝရမ်းထုတ်တာကို ခံရတော့မယ့် စစ်ရာဇဝတ်ကောင် ပြုလုပ်မယ့် ဘယ်လိုရှုထောင့်ကပဲကြည့်ကြည့် တရားဝင်မှု မရှိတဲ့ ရွေးကောက်ပွဲအမည်ခံ လုပ်ပွဲကို အားမပေးခြင်းဖြင့် မိမိတို့ရဲ့ နိုင်ငံရေးဂုဏ်သိက္ခာကို စောင့်ထိန်းကြဖို့လိုအပ်ကြောင်း ထပ်မံပြောကြား လိုပါတယ်" ဟု ၎င်းက ပြောဆိုသည်။

စစ်ကောင်စီ၏ အတုအယောင် ရွေးကောက်ပွဲကို လက်မခံသကဲ့သို့ NUG အပါဝင် တော်လှန်ရေးအင်အားစုများက ချမှတ်ထားသော နိုင်ငံရေးဘုံသဘောထားများအရလည်း တွေ့ဆုံဆွေးနွေးမှု လမ်းကြောင်းကို ဖွင့်လှစ်ထားကြောင်း၊ ယင်းဘုံသဘောထား ၆ ချက်တွင် စစ်အာဏာသိမ်းထားမှုကို ဖယ်ရှားပြီး မြန်မာစစ်တပ်၏ နိုင်ငံရေး၌ ပါဝင်နေခြင်းအား အဆုံးသတ်ရန်၊ လက် နက်ကိုင်တပ်ဖွဲ့များ အားလုံးကို ဒီမိုကရေစီနည်းကျ ရွေးကောက်တင်မြှောက်ထားသည့် အရပ်သားအစိုးရ၏ စီမံအုပ်ချုပ်မှုအောက်၌ အပြည့်အဝထားရှိရန်၊ ၂၀၀၈ ဖွဲ့စည်းပုံအခြေခံဥပဒေကို အပြီးတိုင်ဖျက်သိမ်းရန်နှင့် ယင်းကို ပြန်လည်အသက်သွင်းရန် ကြိုးပမ်းမှုမှန်သမျှကို တိုက်ဖျက်ရန်၊ သက်ဆိုင်သူအားလုံး လက်ခံနိုင်သော ဖက်ဒရယ်နှင့် ဒီမိုကရေစီစနစ်ကို အခြေခံသည့် ဖွဲ့စည်းပုံ အခြေ ခံ ဥပဒေ ရေးဆွဲပြဌာန်းရန်၊ ထွက်ပေါ်လာသော ဖက်ဒရယ်ဒီမိုကရေစီ ဖွဲ့စည်းပုံအခြေခံဥပဒေနှင့် အညီ ဖက်ဒရယ်ဒီမိုကရေစီ ပြည်ထောင်စုသစ်အား တည်ဆောက်ရန်၊ ပဋိပက္ခအတွင်း မတရားကျူးလွန်ခံရသူများအတွက် တရားမျှတမှုရရှိရေးနှင့် အသွင်ကူး ပြောင်းရေးကာလ တရားမျှတမှုရရှိရေး လုပ်ငန်းစဉ်ဖော်ဆောင်ရန် တို့ဖြစ်ကြောင်း ၎င်း က ဆက်လက်ပြောဆိုသည်။

အကြမ်းဖက် စစ်တပ်အနေဖြင့် အဆိုပါ နိုင်ငံရေးဦးတည်ချက် ၆ ချက်ကို လက်ခံမည်ဆိုလျှင် စစ်အာဏာသိမ်းမှုကို အဆုံး သတ်ပြီး အေးချမ်းတည်ငြိမ်စွာ အာဏာလွှဲပြောင်းခြင်းဆိုင်ရာ ကိစ္စရပ်များအတွက် ဆွေးနွေးသွားရမည်ဟု လုပ်ငန်းစဉ် (ခ) တွင် အတိအလင်းကြေညာထားပြီးဖြစ်ကြောင်း ၎င်းက ထုတ်ဖော်ပြောဆိုသည်။

ဓာတ်ပုံ - အကြမ်းဖက် မင်းအောင်လှိုင် စက်ဖြင့် မဲပေးသည့်စနစ်ကို စမ်းသပ်နေစဉ်။

မုံရွာမှ အရာတော်ကို စစ်ကြောင်းထိုးနေသည့် စစ်တပ်က ကျောက်ကာမြောက်ရွာမှ ပြည်သူ ၃၀ ကျော်ကို ဖမ်းဆီးပြီး စစ်ကြောင်းရှေ့မှ မိုင်းရှင်းခိုင်းမှု ပြည်သူ ၅ ဦး မိုင်းထိမှန်ဒဏ်ရာရ

ရန်ကုန်၊ ဇန်နဝါရီ ၈

စစ်ကိုင်းတိုင်း၊ မုံရွာမြို့နယ်မှ အရာတော်မြို့နယ်ကို စစ်ကြောင်းထိုးနေသည့် အကြမ်းဖက် စစ်တပ်က ကျောက်ကာမြောက်ရွာမှ ပြည်သူ ၃၀ ကျော်ကို ဖမ်းဆီးပြီး လူသားဒိုင်း ပြုလုပ်၍ စစ်ကြောင်းရှေ့မှ သွားခိုင်းသောကြောင့် ပြည်သူ ၅ ဦး မိုင်းထိမှန်ပြီး အရေးပေါ် ကုသနေရကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီ ၆ ရက်နေ့တွင် မုံရွာ-အရာတော် လမ်းအတိုင်း စစ်ကြောင်းထိုးလာသည့် အကြမ်းဖက် စစ်တပ်သည် မုံရွာမြို့နယ်၊ ကျောက်ကာမြောက်ရွာမှ အသက်အရွယ် ကြီးရင့်များနှင့် အမျိုးသမီးများ အပါအဝင် ပြည်သူ ၃၀ ကျော်ကို လူသားဒိုင်းအဖြစ် ဖမ်းဆီးပြီး စစ်ကြောင်းထိုးခဲ့ခြင်းဖြစ်ကြောင်း သိရသည်။

အဆိုပါ အကြမ်းဖက် စစ်တပ်သည် စစ်ကြောင်းထိုးရာ လမ်းတစ်လျှောက်တွင် အရပ်သား ပြည်သူများကို ၅ ဦး တစ်ဖွဲ့ဆီထား၍ စစ်ကြောင်း ရှေ့ဆုံးမှ သွားလာခိုင်းသောကြောင့် ပြည်သူ ၅ ဦး မိုင်းထိမှန်ပြီး ဒဏ်ရာရရှိကာ မုံရွာမြို့ရှိ နမခ စစ်ဆေးရုံတွင် အရေးပေါ် ကုသမှု ခံယူနေရကြောင်း သိရှိရသည်။

ထိုသို့ မိုင်းဆွဲ တိုက်ခိုက်ခံရပြီးနောက် ကျန်ရှိသော ပြည်သူများကိုလည်း စစ်ကြောင်းရှေ့မှ ထပ်မံ သွားလာခိုင်းပြီး လက်ရှိချိန်ထိ အရာတော်မြို့နယ်ဘက်ကို စစ်ကြောင်းထိုးနေဆဲ ဖြစ်ကြောင်း သိရသည်။

"စစ်ခွေးတွေ သက်ကြီး ရွယ်အိုတွေကော အမျိုးသမီးတွေကော အားလုံးပေါင်း ပြည်သူ ၃၀ ကျော်ကို ဖမ်းဆီး ခေါ်ဆောင်သွားတာပါ။ စစ်ကြောင်းထိုးရာ လမ်းတစ်လျှောက်မှာ ပြည်သူ ၅ ဦးကို တစ်ဖွဲ့ဆီ ရှေ့ဆုံးကနေ လူသားဒိုင်း ပြုလုပ်ပြီး အရာတော်ဘက်ကို ဆက်လက် ထွက်ခွာနေပါတယ်။ ပြည်သူ ၅ ဦးကတော့ မိုင်းထိမှန်ပြီး မုံရွာ နမခ စစ်ဆေးရုံမှာ အရေးပေါ် ကုသမှု ခံယူနေရတယ်။ကျန်ရှိနေတဲ့ ပြည်သူတွေလည်း အသက်အန္တရာယ် စိုးရိမ်ရပါတယ်။ စစ်ခွေးတွေက လူသားဒိုင်းပြုလုပ်ထားတုန်းပဲ" ဟု ဒေသပြည်သူ တစ်ဦးက ပြောဆိုသည်။

ဓာတ်ပုံ - ၂၀၂၁ ခုနှစ်တွင် ဖယ်ခုံမြို့နယ် ရွှေပြည်အေးရွာမှ ပြည်သူ ၁၉ ဦးကို အကြမ်းဖက် စစ်တပ်က လူသားဒိုင်းအဖြစ် ဖမ်းဆီးခေါ်ဆောင်လာစဉ်။ (ပုံအဟောင်းဖြစ်ပါသည်။)

ဧရာ၀တီတိုင်းဝန်ကြီးချုပ် မန်းဂျော်နီနှင့် တိုင်းကပဖ အဖွဲ့က မြို့နယ်ပကဖများကို တွေ့ဆုံ၍ တော်လှန်ရေး ဟန်ချက်ညီညီ ဖော်ဆောင်ရေး မှာကြား

ရန်ကုန်၊ ဇန်နဝါရီ ၈

ဧရာ၀တီတိုင်းဝန်ကြီးချုပ် မန်းဂျော်နီနှင့် တိုင်းကပဖ အဖွဲ့က မြို့နယ်ပကဖများကို တွေ့ဆုံ၍ တော်လှန်ရေး ဟန်ချက်ညီညီ ဖော်ဆောင်ရေး မှာကြားကြောင်း သိရှိရသည်။

ဧရာဝတီတိုင်း၊ဝန်ကြီးချုပ်ဟောင်း မန်းဂျော်နီ နှင့် တိုင်းပကဖဦးဆောင်အဖွဲ့သည် ပုသိမ်ခရိုင် ၊ ​မြောင်းမြခရိုင်ပကဖ ၊ မအူပင်ခရိုင် နှင့် ဟင်္သတခရိုင်ပကဖ တာဝန်ရှိသူများ၊ရဲ​ဘော်များနှင့် တွေ့ဆုံပြီး ဧရာဝတီတိုင်းပကဖ၏ ဆောင်ရွက်ထားရှိမှုအခြေနေများ၊ ရှေ့လုပ်ငန်းရှေ့လုပ်ငန်းစဉ်များကို ပကဖလုပ်ငန်းလမ်းညွန်နှင့်အညီ ဧရာဝတီ တိုင်းစစ်ဌာန ၊ ဗျူဟာ၊ တပ်ရင်း၊တပ်ဖွဲ့များ၊ တိုင်းတွင်းရှိ တော်လှန်ရေးအင်အားစုများနှင့် ဟန်ချက်ညီညီ ဖော်ဆောင်သွားမည့် လုပ်ငန်းစဥ်များကို ဆွေးနွေးမှာကြားခဲ့ကြောင်းသိရှိရသည်။

ထိုသို့တွေ့ဆုံမှု ခရီးစဉ်တွင် ဧရာဝတီတိုင်းဝန်ကြီးချုပ်ဟောင်း မန်းဂျော်နီ၊ တိုင်းပကဖတာဝန်ခံ ရဲဘော်အတူး ၊ စစ်ရေးတာဝန်ခံ ရဲဘော်ဂျိုကာ ၊စည်းရုံးရေးတာဝန်ခံ ရဲဘော်ထူးထက် ၊ဘဏ္ဏာ​ရေးမှုး ရဲဘော်ဂျီး​တော်၊ရုံးအဖွဲ့မှူး ရဲဘော်ဗေဒါနှင့် ပုသိမ်ခရိုင်၊ မြောင်းမြခရိုင် ၊ မအူပင်ခရိုင် ၊ င်္ဟသာတခရိုင်ပကဖတာဝန်ခံများ၊CRAH ဥက္ကဌနှင့်တိုင်းလွှတ်တော်ကိုယ်စားလှယ်များ လိုက်ပါကြောင်း သိရှိရသည်။

ပုသိမ်၊ ခလရ ၁၁ မှ စစ်သား ၄ ဦးကို ထွက်ပြေးနေ၍ တွေ့ရှိပါက အကြောင်းကြားရန် စစ်တပ်က လိုက်လံနှိုးဆော်၊ စစ်သားနှင့်ရဲများ ထွက်ပြေးမှုများ ဆက်တိုက်ဖြစ်နေ

ရန်ကုန်၊ ဇန်နဝါရီ ၈

ဧရာဝတီတိုင်း၊ ပုသိမ်မြို့၊ ခလရ ၁၁ တပ်ရင်းမှ ထွက်ပြေးသွားသော စစ်သား ၄ ဦးကို စစ်တပ်က လိုက်မရှာခိုင်းဘဲ လိုက်ရှာသူများပါ ထွက်ပြေးမည်ကို စိုးရိမ်၍ ပြည်သူများတွေ့ရှိပါက သတင်းပို့ရန် အုပ်ချုပ်ရေးမှူးများကို ခိုင်းစေထားကြောင်း ပုသိမ်-သတင်းအထူးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၆ ရက်နေ့တွင် ပုသိမ်မြို့၊ တပ်မ ၆၆ လက်အောက်ခံ ခလရ ၁၁ တပ်ရင်းမှ တပ်ကြပ် ၁ ဦး အပါအဝင် တပ်သား ၄ ဦးသည် တပ်မှ ထွက်ပြေးသွားခြင်းဖြစ်ကြောင်း၊ ထိုသို့ ထွက်ပြေးသွားသော်လည်း နီးစပ်ရာ ကျေးရွာများကို စစ်ကောင်စီ တပ်သားများ စေလွတ်၍ လိုက်ရှာခိုင်းခြင်းမရှိဘဲ လိုက်ရှာခိုင်းသူများပါ ထပ်မံ ထွက်ပြေးမည်ကို စိုးရိမ်နေခြင်းဖြစ်ကြောင်း သိရသည်။

အဆိုပါ ထွက်ပြေးသွားသော တပ်ကြပ် ၁ ဦး အပါအဝင် တပ်သား ၄ ဦးကို ဝါးယားချောင်းရွာ၊ ရွှေမြင်တင်ရွာ၊ ဇင်ပြွန်ကုန်းရွာ၊ သစ်ပုတ်ကုန်းရွာနှင့် နီးစပ်ရာ ကျေးရွာများမှ ပြည်သူများအနေဖြင့် တွေ့ရှိရင် သတင်းပေးပို့ရန်နှင့် အုပ်ချုပ်ရေးမှူးများကိုလည်း ရှာဖွေခိုင်းထားကြောင်း သိရှိရသည်။

အလားတူ ဇန်နဝါရီ ပထမ ပတ်အတွင်း အမှတ် ၆ စစ်အခြေခံ လေ့ကျင့်ရေးတပ်မှ ထွက်ပြေးသွားသော စစ်မှုထမ်းများ ရှိသည့်အတွက် အကြမ်းဖက် စစ်ကောင်စီ တပ်သားများက ဖောကား ၁ စီးဖြင့် ဇန်နဝါရီလ ၅ ရက်နှင့် ၆ ရက်နေ့တွင် မရမ်းချောင်း ကျေးရွာအုပ်စုနှင့် ရွှေမြင်တင် ကျေးရွာအုပ်စုတို့ကို ရှောင်တခင် ဝင်ရောက် စစ်ဆေး‌မှုများ ပြုလုပ်သွားကြောင်း သိရသည်။

ထို့ပြင် ဇန်နဝါရီ ၂ ရက်နေ့ကလည်း ရွှေသောင်ယံ မြို့နယ်ခွဲ မကျီးဇင်တိုက်နယ်ရဲစခန်းမှ ဆုတ်ခွာ ထွက်ပြေးလာသော ရဲသား ၆ ဦးနှင့် ရဲမေ ၂ ဦးကို သာပေါင်းမြို့ ရဲစခန်းတွင် ဖမ်းဆီးထိန်းသိမ်းထားပြီး ရဲသား ၆ ဦးကို အချုပ်ထဲတွင် ထည့်ထားကာ ရဲမေ ၂ ဦးကို ရဲစခန်းဝင်းတွင် အကျယ်ချုပ်ထားရှိပြီး မကျီးဇင် တိုက်နယ်ကို ပြန်လည် ပို့ဆောင်မည်ဖြစ်ကြောင်း သိရှိရသည်။

သာပေါင်းမြို့ ရဲစခန်းတွင်လည်း စခန်းမှူး ဝင်းနိုင်ဦးက စခန်းအတွင်း ကတုတ်ကျင်းများကို လူတရပ်ကျော် တူးခိုင်းပြီး သဲအိတ်များထပ်ကာ၍ ခံစစ်များ ပြင်ဆင်ထားကြောင်း သိရသည်။

ဓာတ်ပုံ - ခရီးသည်တင်ကားနှင့် ဆိုင်ကယ်များကို စစ်ဆေးနေသော စစ်ကောင်စီတပ်ဖွဲ့ဝင်များ။ (ပုံအဟောင်းဖြစ်ပါသည်။)

အရာတော်၊ ဝါးတန်းရွာအနီးတွင် စစ်တပ် စစ်ကြောင်းကို တိုက်ခိုက်မှု စစ်တပ်ဘက်မှ ထိခိုက် သေဆုံးမှုရှိ၊ ဝက်လက်တိုက်ပွဲတွင် စစ်ကောင်စီတပ်ဖွဲ့ဝင် ၆ ဦး အရှင်ဖမ်းဆီးရရှိ

ရန်ကုန်၊ ဇန်နဝါရီ ၈

စစ်ကိုင်းတိုင်း၊ အရာတော်မြို့နယ်၊ ဝါးတန်းကျေးရွာအနီးတွင် အကြမ်းဖက်စစ်တပ် စစ်ကြောင်းကို လက်နက်ကြီးဖြင့် ပစ်ခတ်တိုက်ခိုက်ခဲ့ရာ စစ်သားများ ထိခိုက်သေဆုံးမှုရှိကြောင်း Black Hero LPDF တပ်ဖွဲ့ တာဝန်ခံ BK က ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ ဇန်နဝါရီလ ၇ ရက် နံနက် ၉ နာရီ ၃၂ မိနစ်က မုံရွာမြို့မှ အင်အား ၁၅၀ ခန့်ဖြင့် အရာ တော်မြို့နယ် ဘက်သို့ ထွက်ခွာ လာသော အကြမ်းဖက်စစ်တပ်စစ်ကြောင်းကို အရာတော်မြို့နယ် ၊ ဝါးတန်းကျေးရွာ အနောက်ဘက်အရောက် ၆၀ မမ လက်နက်ကြီးဖြင့် ၅ လုံးပစ်ခတ်တိုက်ခိုက်ခဲ့ရာ အကြမ်းဖက်စစ်ကောင်စီတပ်သားများ ထိခိုက်သေဆုံးမှုရှိပြီး အတိအကျ သိရှိနိုင်ရန် စုံစမ်း နေဆဲဖြစ် ကြောင်း သိရသည်။

“အထိအခိုက်ကတော့ရှိတယ်။ အသေအပျောက်က သေချာမသိရဘူး။ အဲဒီစစ်ကြောင်းက လက်ရှိ ကျွန်းကိုးပင်ဘက်မှာရောက်နေပြီ။ အရာတော်ဘက်ကနေ ထွက်လာတဲ့ စစ်ကြောင်းကလည်း ကမ်းဖြူရွာမှာရောက်နေတယ်။ မုံရွာကနေ ထွက်လာတဲ့ စစ်ကြောင်းကို အရာတော်ဘက်ကနေ တစ် ကြောင်းထွက်ပြီး လာကြိုတာ၊ စစ်ကြောင်းလမ်းကြောင်းပေါ်မှာရှိတဲ့ ရွာတွေကတော့ ထွက်ပြေး‌ နေကြရတယ်၊ ဓားစာခံပြည်သူတွေလည်း ဖမ်းဆီးခံရတာရှိတယ်၊ တချို့တော့ ပြန်လွှတ်ပေးတယ်လို့ သိရတယ်” ဟု Black Hero LPDF တပ်ဖွဲ့ တာဝန်ခံ BK က ရန်ကုန်ခေတ်သစ်သတင်းဌာနထံသို့ ပြောကြားသည်။

အဆိုပါ တိုက်ခိုက်မှုကို Black Hero LPDF တပ်ဖွဲ့ ၊ မုံရွာခရိုင် တပ်ရင်း ၂၇ - Black Dragon ၊ နယ်စည်းမခြား ကမျဉ်းနီ လက်နက်ကြီးတပ်ဖွဲ့နှင့် Brother Revolution Force – Monywa တပ်ဖွဲ့ တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည် ဆုတ်ခွာနိုင်ခဲ့ကြောင်း၊ အကြမ်းဖက်စစ်တပ် စစ်ကြောင်းကြောင့် မုံရွာမြို့နယ်အတွင်းရှိ ရွာထုံ ရွာ၊ ကျောက္ကာရွာအပါအဝင် စစ်ကြောင်းလမ်းကြောင်းပေါ်ရှိကျေးရွာမှ ပြည်သူများ ထွက်ပြေး တိမ်း‌ ရှောင်နေကြရကြောင်း သိရသည်။

“ကျနော်တို့တပ်ဖွဲ့က Local တပ်ဖွဲ့လေးဖြစ်တော့ အလှူငွေမရတာကြာပြီ။ ရှိတာလေးနဲ့ တိုက်ခိုက် နေတာ၊ တော်တော်လေးခက်ခဲနေလို့ မိုင်းမဆွဲရတာကို ကြာနေပြီမို့ မိဘပြည်သူတွေအနေနဲ့ ကျနော် တို့ Black Hero LPDF လေးကနေ လာရောက်ကူညီပေးပါအုံးလို့ မေတ္တာရပ်ခံချင်ပါတယ်” ဟု Black Hero LPDF တပ်ဖွဲ့ တာဝန်ခံ BK က ပြောဆိုသည်။

အလားတူ ဇန်နဝါရီလ ၅ ရက်နေ့ စစ်ကိုင်းတိုင်း၊ ဝက်လက်မြို့နယ်၊ မှတ်ထိရွာ တောင်ဘက်တွင် စစ်အင်အား အင်အား ၇၀ ဦးပါ စစ်ကြောင်းကို တော်လှန်ရေးတပ်များက တိုက်ခိုက်ခဲ့ရာ စစ်ကောင်စီအဖွဲ့ဝင် ၄၇ ဦး သေဆုံးပြီး ၆ ဦး ဖမ်းဆီးရမိ၍ ၁၇ ဦး ပျောက်ဆုံးနေကြောင်း အမှတ် ၁ စစ်ဒေသက သတင်းထုတ်ပြန်သည်။

ထိုစစ်တပ်စစ်ကြောင်းကို ရွှေဘိုခရိုင် ကွပ်ကဲရေးမှူး ညွန်ကြားမှုဖြင့် ရွှေဘိုခရိုင် တပ်ရင်း ၁၊ ၂၊ ၄၊ ၅၊ ၁၅၊ ၂၃နှင့် အမှတ် ၂ ရွှေဘိုခရိုင် ကွပ်ကဲရေး ဒရုန်းတပ်ဖွဲ့၊ M.Sai Naw ဒရုန်းတပ်ဖွဲ့၊ Phoenix Wings ဒရုန်းတပ်ဖွဲ့၊ ဝက်လက်မြို့နယ် ပကဖ ပူးပေါင်းအဖွဲ့တို့မှ ပူးပေါင်းတိုက်ခိုက်ခဲ့ကြရာ လက်နက် ၄၅ လက် သိမ်းဆည်းရမိပြီးနောက် MA-3 ၁ လက် ထပ်မံ သိမ်းဆည်းရမိကြောင်း သိရှိရသည်။

Khit Thit သတင်းဌာန၏ ဇန်နဝါရီ ၈ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဇန်နဝါရီ ၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

- မြန်မာနိုင်ငံ တစ်ဝှမ်း လျှပ်စစ်မီး မပေးနိုင်တဲ့ အကြောင်းအရင်း ၄ ခုကို အကြမ်းဖက် စစ်ကောင်စီက ထုတ်ဖော်ဝန်ခံထားပြီး ၊ မင်းအောင်လှိုင်ရဲ့ ညွှန် ကြားချက်အရ ဧရာ၀တီမြစ်မှာ တမံ ဆောက်ပြီး လျှပ်စစ်ထုတ်ယူမယ်ဆိုပြီးတော့ပါ ပြောလာပြန်တယ်။

- မကွေးတိုင်းက နတ်မောက်မြို့နယ်မှာ ပြည်သူတွေကို စစ်တပ်ခေါ်ပြီး ပေါ်တာဆွဲ ဖမ်းဆီးခိုင်းနေတဲ့ ဂွေးချောင်းရွာ အုပ်ချုပ်ရေးမှူး ဘိုဝင်း ပစ်ခတ်ခံရပြီး ပွဲချင်းပြီးကို သေသွားပြီလို့ နတ်မောက် ပြည်သူ့ကာကွယ်ရေး တပ်ပေါင်းစုရဲ့ တာဝန်ရှိသူ တစ်ဦးက ရန်ကုန်ခေတ်သစ်ကို ပြောပါတယ်။

- စစ်ကိုင်းတိုင်းက ရေဦးမြို့မှာ အကြမ်းဖက် စစ်ကောင်စီတပ်က အမျိုးသမီးတွေကိုပါ ခြိမ်းခြောက် ငွေညှစ်ဖို့ ပေါ်တာဆွဲ ဖမ်းဆီးတာတွေ လုပ်လာနေပြီး ၊ ရန်ကုန်မြို့မှာလည်း အသက်မပြည့်သေးတဲ့ ဆယ်ကျော်သက်အရွယ် အမျိုးသမီးငယ်တချို့ပါ ပျောက်ဆုံးမှုတွေရှိလာနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

https://www.youtube.com/watch?v=CyWuJzsQtpo

ကျောက်ပန်းတောင်း၊ ဆည်ရွာတွင် စစ်တပ်က အသက် ၄၄ နှစ်အရွယ် ကိုမင်းအောင် ကို ပစ်သတ်၊ ဖြူးနှင့် ညောင်လေးပင်တွင် စစ်တပ်၏ ပစ်ခတ်တိုက်ခိုက်မှုကြောင့် ပြည်သူ ၂ ဦးသေဆုံးပြီး ၆ ဦး ဒဏ်ရာရ

ရန်ကုန်၊ ဇန်နဝါရီ ၅

မန္တလေးတိုင်း၊ ကျောက်ပန်းတောင်းမြို့နယ်၊ ဆည်ရွာတွင် အကြမ်းဖက် စစ်တပ်က အသက် ၄၄ နှစ်အရွယ် ကိုမင်းအောင် ကို ပစ်သတ်ခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၃ ရက်နေ့တွင် ကျောက်ပန်းတောင်းမြို့နယ်၊ ဆည်ကျေးရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ ဝင်ရောက် စီးနင်းပြီး ကျေးရွာနေ ပြည်သူ အသက် ၄၄ နှစ်အရွယ် ကိုမင်းအောင်ကို ပစ်သတ်ခဲ့ခြင်းဖြစ်ကြောင်း သိရသည်။

"ကျောက်ပန်းတောင်းမြို့နယ် ဆည်ကျေးရွာမှာ တိုက်ပွဲဖြစ်ပွားခြင်းမရှိဘဲနဲ့ အသက် ၄၄ နှစ် အရွယ် ကိုရင်ကြီး (ခေါ်) ကိုမင်းအောင်ကို စစ်ခွေးတွေက ပစ်သတ်လို့ သေဆုံးသွားတယ်။ ကိုရင်ကြီးက ခရမ်းချဥ်ခင်း အသွားကြည့်ပြီး ပြန်အလာမှာ စစ်ခွေးတွေနဲ့ တွေ့ပြီး ပစ်သတ်ခံရတာ" ဟု ဒေသပြည်သူ တစ်ဦးက ပြောဆိုသည်။

အလားတူ ပဲခူးတိုင်း၊ ဖြူးမြို့နယ်၊ ထန်းကုန်းရွာကို အကြမ်းဖက် စစ်တပ်က ပစ်ခတ်သော လက်နက်ကြီး ကျရောက် ပေါက်ကွဲမှုကြောင့် ပြည်သူ ၂ ဦး သေဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဒီဇင်ဘာလ ၂၆ ရက်နေ့ နံနက် ၁၀ နာရီခန့်တွင် မျက်နီကွင်းရွာ ထိတွေ့တိုက်ပွဲ ဖြစ်ပွားနေစဉ်၌ အကြမ်းဖက် စစ်တပ်၏ ခလရ ၇၃ တပ်ရင်း နှင့် ကန်ကလေးမှ စစ်ကောင်စီ တပ်သားများ ပစ်ခတ်သော လက်နက်ကြီးကျည်သည် ထန်းကုန်းကျေးရွာအတွင်း ကျရောက်ပေါက်ကွဲခဲ့ပြီး ကျေးရွာနေပြည်သူ အသက် ၂၅ နှစ်အရွယ်နှင့် အသက် ၅၂ နှစ်အရွယ် ဒေါ် ရင်းကူမာရီတို့ လက်နက်ကြီး ကျည်စ ထိမှန်၍ နေရာမှာတင် ပွဲချင်းပြီး သေဆုံးခဲ့ကြောင်း၊ ထို့ပြင် ကလေးငယ် ၁ ဦးလည်း ထိခိုက်ဒဏ်ရာရရှိခဲ့ကြောင်း သိရသည်။

ထို့ပြင် ပဲခူးတိုင်း၊ ညောင်လေးပင်ခရိုင်ရှိ ကျေးရွာများကို အကြမ်းဖက် စစ်တပ်က လေယာဉ်ဖြင့် ဗုံးကျဲတိုက်ခိုက်ခြင်း၊ ဒရုန်းဖြင့်ပစ်ခတ်ခြင်း၊ လက်နက်ကြီးဖြင့် ပစ်ခတ်ခြင်းနှင့် မိုင်းထောင်ထားမှုကြောင့် ပြည်သူ ၅ ဦး ထိခိုက် ဒဏ်ရာရရှိခဲ့ကြောင်း KNU ဗဟိုက တရားဝင် သတင်းထုတ်ပြန်သည်။

လယ်ဒိုမြို့နယ်တွင် ဇန်နဝါရီလ ၁ ရက်နေ့ ည ၉ နာရီ ၃၀ မိနစ်ခန့်၌ တကော်ဒဲကျေးရွာနှင့် ဃဲဒဲကျေးရွာ အတွင်းကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ခြင်းကြောင့် ဃဲဒဲကျေးရွာတွင်နေထိုင်သည့် စောသွဲဂေဟဲ၏ နေအိမ် ၁ လုံး နှင့် တကော်ဒဲ ကျေးရွာတွင် နေထိုင်သည့် စောဘရော်၏ နေအိမ် ၁ လုံးတို့ ထိခိုက်ပျက်ဆီး ခဲ့ရကြောင်း၊ ယင်းနေ့ နံနက် ၁၀ နာရီခန့်တွင်လည်း ကျောက်တံခါးတွင် နေထိုင်သည့် ဦးစီနန်ရာအင်သည် ဘုရားဇီးကုန်းရွာအနီးတွင် အကြမ်းဖက် စစ်တပ်က ထောင်ထားသော မိုင်းနင်းမိပြီး ခြေနှစ်ဖက် ဆုံးရှုံးခဲ့ကြောင်း သိရသည်။

ဆောထိမြို့နယ်တွင် ဇန်နဝါရီလ ၁ ရက်နေ့ မွန်းလွဲ ၂ နာရီခန့်တွင် အကြမ်းဖက် စစ်တပ်၏ ပိန်းဇလုပ် အခြေစိုက် ခလရ ၂၆၄ တပ်ရင်းက ဒရုန်းဖြင့် အောပဝါး ကျေးရွာအတွင်းကို ဗုံးသီး ၂ လုံး ကျဲချခဲ့ပြီး ကျေးရွာ အတွင်းနေထိုင်သည့် အသက် ၆၂ နှစ်အရွယ် စောဘလယ် နှင့် အသက် ၅၅ နှစ်အရွယ် နန်းမီဖူး တို့ ထိခိုက် ဒဏ်ရာရရှိခဲ့ကြောင်း သိရှိရသည်။

မူးမြို့နယ်တွင်လည်း ဒီဇင်ဘာ ၃၁ ရက်နေ့ မွန်းလွဲ ၃ နာရီ ၃၀ မိနစ်ခန့်တွင် အုတ်ဖြတ်တွင် အခြေစိုက်ထားသော အကြမ်းဖက် စစ်ကောင်စီ တပ်သားများက ၁၂၀ မမ လက်နက်ကြီး ၂ လုံး ပစ်ခတ်ခဲ့ရာ ကြက်တက်ညောင်ပင် ကျေးရွာ အတွင်း ကျရောက် ပေါက်ကွဲခဲ့ပြီး ၎င်းကျေးရာတွင် နေထိုင်သည့် အသက် ၃၈ နှစ်အရွယ် ဒေါ်စုဝင်းနှင့် အသက် ၄၅ နှစ်အရွယ် ဦးမိုးနိုင်တို့ ထိခိုက် ဒဏ်ရာရရှိခဲ့ကြောင်း သိရသည်။

မတ္တရာ-ဆည်တော်လမ်းပိုင်းတွင် စစ်တပ် ရိက္ခာပို့ယာဉ်တန်းကို မိုင်းဆွဲတိုက်ခိုက်မှု စစ်သား ၄ ဦး အရှင်မိပြီး ကား ၃ စီးနှင့် သေနတ် ၄ လက် သိမ်းဆည်းရရှိ၊ စစ်တပ်က ချောဆွဲလာသော ကားကို ပကဖ က ပိုင်ရှင်ထံ ပြန်လည် ပေးအပ်

ရန်ကုန်၊ ဇန်နဝါရီ ၄

မန္တလေးတိုင်း၊ မတ္တရာ-ဆည်တော်လမ်းပိုင်းတွင် စစ်တပ် ရိက္ခာပို့ယာဉ်တန်းကို မိုင်းဆွဲတိုက်ခိုက်ရာ စစ်သား ၄ ဦး အရှင်မိပြီး ကား ၃ စီးနှင့် သေနတ် ၄ လက် သိမ်းဆည်းရရှိကာ စစ်တပ်က ချောဆွဲလာသော ကားကို ပိုင်ရှင်ထံ ပြန်လည် ပေးအပ်ခဲ့ကြောင်း မတ္တရာမြို့နယ် မိုးကြိုးစစ်ကြောင်း တိုက်နယ် ၃ ပကဖ မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

၂၀၂၄ ခုနှစ် ဇွန်လအတွင်း စတင်ခဲ့သော ရှမ်း-မန်း စစ်ဆင်ရေး ကာလအတွင်း တိုက်ပွဲဖြစ်ပွားရာ မတ္တရာ-ဆည်တော် လမ်းပိုင်းကို လူအင်အားနှင့် လက်နက်ခဲယမ်းများ လာရောက် ပို့ဆောင်သော စစ်တပ် ယာဉ်တန်းကို မိုးကြိုးစစ်ကြောင်း၊ တိုက်နယ် ၃ ပကဖ က မိုင်းဆွဲ တိုက်ခိုက်ခဲ့ကြောင်း သိရသည်။

ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၄ ဦးကို အရှင်ဖမ်းဆီးနိုင်ခဲ့ပြီး Cantar ကား ၁ စီး၊ Mark II ကား ၁ စီး ၊ Faw ကား ၁ စီး၊ G3 သေနတ် ၃ လက် ၊ MA-13 သေနတ် ၁ လက် တို့ကိုလည်း သိမ်းဆည်းရရှိခဲ့ကြောင်း သိရှိရသည်။

ထို သိမ်း‌ဆည်း ရရှိထားသော ကားများထဲမှ Cantar ကား သည် CDM ဆရာမ တစ်ဦး ပိုင်‌ဆိုင်သည်ဟု သိရှိရသောကြောင့် အဆိုပါ ကားကို ဇန်နဝါရီလ ၃ ရက်နေ့တွင် မိုးကြိုးစစ်ကြောင်း တိုက်နယ် ၃ ပကဖ ရဲဘော်များက ပိုင်ရှင်ဖြစ်သူ CDM ကျောင်းဆရာမ ထံ ကားနှင့် ဆက်စပ်သော စာရွက်စာတမ်းများ စစ်ဆေး၍ ပြန်လည်အပ်နှံခဲ့ကြောင်း သိရသည်။

"ပြည်သူတွေအနေနဲ့ လက်ရှိ စစ်ဆင်ရေးမှာ ပါဝင် တိုက်ခိုက်နေကြတဲ့ အဖွဲ့အစည်းတွေဆီကို စိစစ်ထောက်ပို့ပေးကြဖို့နဲ့ မတ္တရာအတွက် မိုးကြိုးစစ်ကြောင်းက လက်မနှေးဘဲ ပါဝင်တိုက်ခိုက်လျက်ရှိပါတယ်" ဟု မတ္တရာမြို့နယ် မိုးကြိုးစစ်ကြောင်း တိုက်နယ် ၃ ပကဖ မှ တာဝန်ရှိသူ တစ်ဦးက ပြောဆိုသည်။

လက်ရှိချိန်တွင် မိုးကြိုးစစ်ကြောင်း၊ တိုက်နယ် ၃ ပကဖ သည် ရှမ်း-မန်း စစ်ဆင်ရေးတွင် တာဝန်ကျေပြွန်စွာ စွမ်းစွမ်းတမံ ပါဝင်ဆင်နွှဲလျက်ရှိပြီး တိုက်ခိုက်ရေး အင်အား ထပ်မံ ဖြည့်ဆည်းနိုင်ရန်လည်း သင်တန်းသားအသစ်များ ထပ်မံခေါ်ယူနေပြီး လေ့ကျင့်သင်ကြားပေးလျက်ရှိကြောင်း၊ မြို့သိမ်းတိုက်ပွဲများအတွက် ကြိုတင်ပြင်ဆင်စု ဖွဲ့လေ့ကျင့်လျက်ရှိပြီး ပြည်သူများအနေဖြင့် စောင့်ကြည့်အားပေးဝန်းရံကြပါရန် မိုးကြိုးစစ်ကြောင်း၊ တိုက်နယ် ၃ ပကဖ က မေတ္တာရပ်ခံထားသည်။

ဗိုလ်ချုပ်၊ ဗိုလ်မှူးချုပ်နှင့် ဗိုလ်မှူးကြီး အဆင့်ရှိသူ ၅၃ ဦး သေဆုံး၊ ဒဏ်ရာရ နှင့် သုံ့ပန်းအဖြစ် ဖမ်းဆီးခံရခြင်း အပါအဝင် ၂၀၂၄ ခုနှစ်အတွင်း စစ်ကောင်စီတပ်ဖွဲ့ဝင် ၁၄၀၀၀ ကျော်သေဆုံး၊ စစ်တပ်နှင့်ရဲ ဘက်မှ CDM ဝင်သူ ၁၄၇၆၀ ဦးရှိ

ရန်ကုန်၊ ဇန်နဝါရီ ၅

မြန်မာနိုင်ငံတစ်ဝန်း စစ်အာဏာရှင်စနစ် ချေမှုန်းတိုက်ဖျက်ရေးအတွက် ဖြစ်ပွားနေသော တော်လှန်ရေး တိုက်ပွဲများတွင် စစ်ကောင်စီတပ်ဘက်မှ ဗိုလ် ချုပ်၊ ဗိုလ်မှူးချုပ်နှင့် ဗိုလ်မှူးကြီး အဆင့်ရှိသူ ၅၃ ဦး သေဆုံး၊ ဒဏ်ရာရ နှင့် သုံ့ပန်းအဖြစ် ဖမ်းဆီးခံရခြင်း အပါအဝင် ၂၀၂၄ ခုနှစ်အတွင်း စစ်ကောင်စီတပ်ဖွဲ့ဝင် ၁၄၀၀၀ ကျော်သေဆုံးခဲ့ကြောင်း အမျိုးသားညီညွတ်ရေးအစိုးရ-NUG ၊ ကာကွယ်ရေးဝန်ကြီးဌာနက ယမန်နေ့ တရားဝင် အစီရင်ခံစာ ထုတ်ပြန်သည်။

ပြည်သူ့ကာကွယ်ရေးတပ်မတော်- PDF ၊ ပြည်သူ့ကာကွယ်ရေးအဖွဲ့ -ပကဖ၊ တိုင်းရင်းသားတော်လှန်ရေးအဖွဲ့များနှင့် ဒေသကာကွယ်ရေးတပ်အသီးသီး၏ တိုက်ခိုက်မှုကြောင့် ၂၀၂၄ ခုနှစ် ဇန်နဝါရီလမှ ဒီဇင်ဘာလ ၂၉ ရက်နေ့ အထိ စစ်တပ်အရာရှိ ၃၁၅ ဦးသေဆုံးပြီး ဒဏ်ရာရရှိသူ စစ်အရာရှိ ၁၂၇ ဦး စုစုပေါင်း သေဆုံးနှင့်ထိခိုက်ဒဏ်ရာရရှိသူ စစ်အရာရှိ ၄၄၂ ဦး ရှိကြောင်း၊ ဗိုလ်ချုပ်၊ ဗိုလ်မှူးချုပ်နှင့် ဗိုလ်မှူးကြီး အဆင့်ရှီသူ အနည်းဆုံး ၅၃ ဦးသည်လည်း သေဆုံး၊ ဒဏ်ရာရနှင့် စစ်သုံ့ပန်း အဖြစ် ဖမ်းဆီးခံခဲ့ရကြောင်း သိရှိရသည်။

နိုင်ငံတစ်ဝန်း တိုက်ပွဲများတွင် ၂၀၂၄ ခုနှစ်အတွင်း စစ်ကောင်စီတပ်ဘက်မှ စစ်၊ ရဲနှှု့် နယ်ခြားစောင့်တပ်ဖွဲ့ဝင် သေဆုံးသူ ၁၄၀၉၃ ဦး၊ ဒဏ်ရာရရှိမှု ၇၃၆၃ ဦး၊ စုစုပေါင်း ၂၁၄၅၆ ဦး ရှိပြီး တပ်မ အင်အား ၁၀ ခုကျော် ပမာဏနှင့် ညီမျှသည့် အင်အား ပြုန်းတီးခဲ့ကြောင်း သိရှိရသည်။

နိုင်ငံတစ်ဝန်းရှိ စစ်ကောင်စီတပ်၏ စခန်းပေါင်း ၇၄၁ ခုကို တော်လှန်ရေးတပ်ဖွဲ့များက တိုက်ခိုက်သိမ်းယူခဲ့ကြောင်း၊ တော်လှန် ရေးအဖွဲ့ အသီးသီး၏ တိုက်ခိုက်မှုကြောင့် တိုင်းစစ်ဌာနချုပ် ၂ ခု ၊ ဒကစဌာနချုပ် ၁ ခု၊ စကခ ဌာနချုပ် ၅ ခု၊ စစ်ဗျူဟာအခြေချ စခန်း ၆ ခု၊ လေတပ်ဆွယ် ၂ ခု၊ တိုက်ခိုက်ရေး နောက်တန်းစခန်း ၈၆ ခု၊ လက်ရုံးနောက်တစန်းခန်း ၅၄ ခု ၊ နယ်ခြားစောင့်စခန်း ၁၇ ခု လက်လွှတ်ဆုံးရှုံးခဲ့ကြောင်း၊ ၂၀၂၄ ခုနှစ်အတွင်း စစ်ကောင်စီ၏ အဓိက တိုက်ခိုက်ရေးအင်အား ဖြစ်သော တပ်မ ၁၀ ခု၊ စကခ ၁၇ ခု၊ တပ်မဟာ ၃ ခုတို့မှ တပ်ရင်း ၂၈၂ ရင်းတွင် အနည်းဆုံး တပ်ရင်း ၁၀၁ ရင်း ခန့်ဖွဲ့စည်းပုံ ပျက်နေပြီဖြစ်ကာ ၁၄၂ ရင်းသည်လည်း အင်အား ချိနဲ့လျက်ရှိကြောင်း သိရှိရသည်။

ထို့ပြင် ၂၀၂၁ ခုနှစ်မှ ၂၀၂၄ ခုနှစ် ဒီဇင်ဘာလအထိ တပ်ဘက်မှ ၃၈၂ ဦး၊ ရဲ ၁၀၈၈၈ ဦး စုစုပေါင်း CDM လုပ်သူ ၁၄၇၆၀ ဦး ပြည်သူ့ရင်ခွင်ခိုလှုံခဲ့ကြောင်း၊ အရာရှိအဆင့်တွင် CDM ဝင်သူ ဒုဗိုလ်မှူးကြီး ၅ ဦး၊ ဗိုလ်မှူး ၄၂ ဦး၊ ဗိုလ်ကြီး ၃၂၃ ဦး၊ ဗိုလ် ၁၀၂ ဦးရှိခဲ့ကြောင်း သိရှိရသည်။

ဓာတ်ပုံ- ယမန်နေ့ လွတ်လပ်ရေးနေ့တွင် တိုက်ပွဲအတွင်း သေဆုံးခဲ့သော စစ်အရာရှိအတွက် ပေးအပ်သော သူရဲကောင်းဘွဲ့ကို ကျန်ရစ်သူ ဇနီးက မင်းအောင်လှိုင်ထံမှ လက်ခံရယူနေစဉ်။

တောင်သာမြို့နယ်၊ ကျောင်းကုန်းရွာအနီးကို စစ်တပ်က စက်တပ် လေထီးများဖြင့် ဒုတိယ အကြိမ် ထပ်မံ ဗုံးကျဲ တိုက်ခိုက်

ရန်ကုန်၊ ဇန်နဝါရီ ၃

မန္တလေးတိုင်း၊ တောင်သာမြို့နယ်၊ ကျောင်းကုန်းရွာအနီးကို အကြမ်းဖက် စစ်တပ်က စက်တပ် လေထီးများဖြင့် ဒုတိယ အကြိမ် ထပ်မံ ဗုံးကျဲ တိုက်ခိုက်ခဲ့ကြောင်း မြင်းခြံခရိုင်အမှတ် ၃ တပ်ရင်းမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဇန်နဝါရီလ ၃ ရက်နေ့ နံနက် အစောပိုင်း ၅ နာရီခန့်တွင် တောင်သာမြို့နယ်၊ ကျောင်းကုန်းရွာအနီးကို အကြမ်းဖက် စစ်တပ်က စက်တပ် လေထီးများဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။

အဆိုပါ တိုက်ခိုက်မှု အတွင်း ပြည်သူများ ထိခိုက်မှု မရှိသော်လည်း အကြမ်းဖက် စစ်တပ်က တောင်သာမြို့နယ်အတွင်း စက်တပ် လေထီးများဖြင့် ဒုတိယ အကြိမ် တိုက်ခိုက်ခြင်းဖြစ်ကြောင်း သိရှိရသည်။

"ဒီနေ့ နံနက် အစောပိုင်း ၅ နာရီကျော်ခန့်က လေထီးစက်တက် ယာဉ်နဲ့ တောင်သာမြို့နယ် ကျောင်းကုန်းရွာအနီး တပ်ရင်း ၃ ဌာနေအနားကို ဗုန်းသီး ၄ လုံး လာရောက် ကျဲချသွားပြန်ပါတယ်။ အထိအခိုက်မရှိဘဲ လူလိုက်ပါ လေထီးစက်တက်ယာဉ်နဲ့ ဒုတိယအကြိမ် တိုက်ခိုက်တာဖြစ်ပါတယ်" ဟု မြင်းခြံခရိုင်အမှတ် ၃ တပ်ရင်းမှ တာဝန်ရှိသူ တစ်ဦးက ပြောဆိုသည်။

ထို့ပြင် အကြမ်းဖက် စစ်တပ်သည် တောင်သာမြို့နယ်အတွင်းရှိ ကျေးရွာများကို ဂျက်ဖိုက်တာများ၊ လက်နက်ကြီးများနှင့် ရှော့တိုက်ဒုံးများဖြင့်ပါ အလစ်အငိုက် တိုက်ခိုက်နေ၍ ပြည်သူများ သတိပြုနေထိုင်ကြရန် မြင်းခြံခရိုင်အမှတ် ၃ တပ်ရင်းမှ တာဝန်ရှိသူ တစ်ဦးက ဆက်လက် ပြောဆိုသည်။

ဒီဇင်ဘာလ ၂၅ ရက်နေ့ကလည်း တောင်သာမြို့နယ်၊ ဇရပ်ကြီးရွာ စာသင်ကျောင်းကို အကြမ်းဖက် စစ်တပ်က စက်တပ် လေထီးများဖြင့် ပထမ အကြိမ် ဗုံးကျဲ တိုက်ခိုက်ခဲ့ပြီး ယင်း တိုက်ခိုက်မှုအတွင်း အမျိုးသမီး ၂ ဦး ထိခိုက်ဒဏ်ရာရရှိခဲ့သည်။

အလားတူ ကမ္ဘာ့ကုလသမဂ္ဂအပါဝင် လူ့အခွင့်ရေးဆိုင်ရာအဖွဲ့အစည်းများ၊ နိုင်ငံတကာအသိုင်း အ ဝိုင်း၊ အဖွဲ့အစည်းများ အနေဖြင့်လည်း အကြမ်းဖက်စစ်တပ်နှင့် ၎င်းတို့၏ လက်ဝေခံအဖွဲ့အစည်း များ၊ လူပုဂ္ဂိုလ်များအား လူ့အခွင့်အရေး ကိုဗြောင်ကျကျချိုးဖောက်နေမှုများအား မျက်ကွယ်ပြုမနေ ပဲ ထိရောက်သောအရေးယူမှုများပြုလုပ်ပေးပါရန် ဆက်လက်တောင်းဆိုထားသည်။

အလားတူ မန္တလေးတိုင်း၊ ပြင်ဦးလွင်မြို့နယ် ပြင်စာကျေးရွာ တွင် ကျေးရွာအုပ်ချုပ်ရေးမှူး ကိုကြီး၊ ရာအိမ်မှူး ချစ်ကို၊ ရာအိမ်မှူး အောင်ငြိမ်းတို့က ဦးဆောင်၍ ပျူစောထီးအဖွဲ့များနှင့်အတူ လူငယ်များကို ရိုက်နှက် ပေါ်တာဆွဲ ဖမ်းဆီးနေကြောင်း ဒေသ ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

"ပြင်စာကျေးရွာအုပ်ကြီးက အရင်မုဆိုးလုပ်တာ။ နာမည်က ဦးကိုကြီး။ ရာအိမ်မှူး ချစ်ကိုက အရက်ရောင်းတဲ့သူ၊ အမှုပွဲစား၊ ရဲသတင်းပေး လုပ်တဲ့သူ၊ ရာအိမ်မှူးအောင်ငြိမ်းက လက်သမား လက်လုပ်လက်စား အခုမှ ရာအိမ်မှူးဖြစ်ပြီး ချမ်းသာလာတာ။ အဲဒါ ပျူစောထီးတွေနဲ့ ပေါင်း​ပြီး လူငယ်တွေကို လိုက်ဖမ်းနေတယ်။ ဧည့်စာရင်းစစ်ပြီး ဧည့်စာရင်းတိုင်ထားတာတောင် လူငယ်တွေ အသက် ၁၈ နှစ်ကနေ အသက် ၃၅ နှစ်ဆိုရင် ရိုက်နှက်ဖမ်းတယ်။ ပြီးတော့ စစ်တပ် လက်ထဲအပ်တယ်။ လူစားထိုးချရင် သူတို့က သိန်း ၈၀ ကနေ သိန်း ၁၀၀ အကြား တောင်းတယ်။ သူတို့ဟာသူတို့ လူလိုက်ဖမ်းပြီး လူစားထိုးပေးတယ်" ဟု ဒေသပြည်သူတစ်ဦးက ဆိုသည်။

စစ်မှုထမ်းဥပဒေကြောင့် ငွေညှစ်ကာ ပြင်စာကျေးရွာ အုပ်ကြီး ကိုကြီးမှာ ငွေကြေး အလွန်ချမ်းသာလာကြောင်း၊ ယခုအခါ အုပ်ချုပ်ရေးမှူး ကိုကြီးမှာ မယားကြီးရှိသော်လည်း King Stone KTV မှ အမျိုးသမီးငယ်တစ်ဦးကို အိမ်တစ်လုံးဆောက်ပေး၍ ပေါင်းသင်းနေထိုင်နေကြောင်း သိရှိရသည်။

ဓာတ်ပုံ - စစ်မှုထမ်းအပတ်စဉ် ၈ တွင် စုဆောင်းခံရသည့် လူငယ်များ။

မန္တလေးမြို့တွင် ဒီဇင်ဘာလအတွင်း စစ်သားအဖြစ် လူငယ် ၄၀၀ နီးပါး ဖမ်းဆီးခံရ၊ ပြင်ဦးလွင် ပြင်စာကျေးရွာတွင်လည်း အုပ်ချုပ်ရေးမှူးနှင့်အဖွဲ့ က လူငယ်များကို ရိုက်နှက်၍ ပေါ်တာဆွဲဖမ်းဆီးနေ

ရန်ကုန်၊ ဇန်နဝါရီလ ၃

မန္တလေးမြို့ပေါ်ရှိ မြို့နယ် ၇ မြို့နယ်တွင် ဒီဇင်ဘာလအတွင်း စစ်မှုထမ်းစစ်သားအဖြစ် ၄၀၀ နီးပါး ဖမ်း ဆီးခံရ ပြီး လူငယ်များလူ့အခွင့်အရေးချိုးဖောက်ခံရမှုအပေါ် NUG အစိုးရနှင့် နိုင်ငံတကာအသိုင်းအဝန်းက ထိရောက်စွာအရေးယူပေးရန် မန္တလေးသပိတ်အင်အားစုက တိုက်တွန်းလိုက်သည်။

ဒီဇင်ဘာလ ၁ ရက်နေ့မှ ၃၁ ရက်နေ့အထိ မန္တလေးမြို့ပေါ်ရှိ အောင်မြေသာဇံမြို့နယ်တွင် ၆၄ ဦး ၊ ချမ်းအေး သာဇံမြို့နယ်တွင် ၂၅ ဦး ၊ မဟာအောင်မြေမြို့နယ် တွင် ၃၈ ဦး ၊ချမ်းမြသာစည်မြို့နယ် တွင် ၅၂ ဦး ၊ ပြည်ကြီးတံခွန်မြို့နယ်တွင် ၈၂ ဦး ၊ ပုသိမ်ကြီးမြို့ နယ် တွင် ၇၇ ဦး ၊ အမရပူရမြိူ့နယ် တွင် ၅၃ ဦး၊ စုစုပေါင်းအနေဖြင့် ၇ မြို့နယ်တွင် လူငယ် ပေါင်း ၃၉၁ ဦး ထက်မနည်းကို စစ်မှုထမ်းစစ် သားအဖြစ် မတရားဖမ်းဆီးခံခဲ့ရကြောင်း သိရသည်။

လက်ရှိကောက်ခံထားသော အချက်အလက်များသည် မြေပြင်သတင်းမီဒီယာများ၏ အချက်အလက် များအပေါ်တွင်အခြေပြု ၍ စာရင်းပြုစုထားခြင်းဖြစ်ပြီး မြေပြင်ပေါ်တွင် ယခုထက်မက များပြားနိုင် ကြောင်း၊ ထူးထူးခြားခြားတွေ့ရှိရသည်မှာ မဟာအောင်မြေမြို့နယ်အတွင်းရှိ ရပ်ကွက်တခုတွင် စစ်မှု ထမ်းဥပဒေစတင်အသက်ဝင်ချိန်မှစတင်၍ ယခုအချိန်အထိ လူငယ် ၁၀၀ ကျော်ခန့်အား မတရား ဖမ်းဆီးခံခဲ့ရကြောင်း သိရသည်။

အကြမ်းဖက်စစ်ကောင်စီသည် မြန်မာနိုင်ငံအနှံ့အပြားတွင် စစ်မျက်နှာဖွင့်ထားရပြီး ယခုအခါတွင် အရှုံးများဖြင့်သာ ရင်ဆိုင်နေရသောကြောင့် မတရားပြဌာန်းထားသော စစ်မှုထမ်းဥပဒေကို အ ကြောင်းပြကာ လူငယ်များကို ဖမ်းဆီးပြီး စစ်ပွဲအတွင်းသို့ မတရားဆွဲသွင်းလျက်ရှိ ကြောင်း၊ ထို့ ကြောင့် မြန်မာနိုင်ငံ၏ လူသားအရင်းအမြစ်များဆုံးရှုံးကာ လူအခွင့်အရေးချိုးဖောက်မှုလည်း အမြောက်အများ ဖြစ်ပေါ်နေကြောင်း မန္တလေး သပိတ်အင်အားစုက ထောက်ပြထားသည်။

အကြမ်းဖက်စစ်ကောင်စီနှင့် ၎င်းတို့၏ လက်ဝေခံအဖွဲ့အစည်းများ၊လူပုဂ္ဂိုလ်များသည် လူ့အခွင့်အ ရေးကို ပေါ်ပေါ်တင်တင် ချိုးဖောက်ကာ ပိုမိုဆိုးရွားစွာဖြင့် လူငယ်များကိုမတရားဖမ်းဆီးနေသည်မှာ အထင်အရှားဖြစ်ပြီး မတရားဖမ်းဆီးရာတွင် နေ့၊ ညမရွေး မတရားပြဌာန်းထားသော ဧည့်စာရင်း ဥပဒေကို အကြောင်းပြဖမ်းဆီးခြင်း၊ လမ်းများတွင်တွေ့ရာလူငယ်များကို မတရားဖမ်းဆီးခြင်းများ ပြုလုပ်လျက်ရှိရာ အကြမ်းဖက်စစ်ကောင်စီသည် မတရားထုတ်ပြန်ထားသော စစ်မှုထမ်းဥပဒေ ပါအချက် အလက်များအား ဂရုမစိုက်တော့ဘဲ ဗြောင်ကျစွာပင် လူ့အခွင့်အရေးကို ချိုးဖောက် နေခြင်း ဖြစ်ကြောင်း မန္တလေးသပိတ်အင်အားစုက ပြောဆိုသည်။

ထို့ကြောင့်လူငယ်များအနေဖြင့် အချိန်မတော်နေအိမ်ပြင်ပသို့သွားလာခြင်း၊ မလိုအပ်ဘဲ ခရီးမသွားရန်၊ ပျော်ပွဲရွှင်ပွဲများသို့သွားလာခြင်းများကို တတ်နိုင်သမျှရှောင်ကြဉ်ရန်၊ အကြမ်းဖက်စစ်တပ်၏ မတရား ဖမ်းဆီးစစ်မှုထမ်းခြင်းမခံရစေရန် မိမိ၏ပတ်ဝန်းကျင်ရှိ စစ်ကောင်စီယန္တရား၊ လှုပ်ရှားမှုများကို မျက် ခြေမပျက်လေ့လာ အကဲခတ်ထားပြီး အန္တရာယ်တစုံတရာကျရောက်လာနိုင်သော အခြေအနေရှိပါ ကကြိုတင်ရှောင်ရှားထားကြရန်၊ မိသားစု နှင့် ခြိမ်းခြောက်အကြပ်ကိုင်ခံရခြင်းကဲ့သို့ မလွှဲမရှောင်သာ အခြေအနေများနှင့် ကြုံတွေ့ရပြီး တပ်သားသစ် စုဆောင်းခံရမည်ဆိုပါက ကြိုတင်ပြင်ဆင်ချိန်ရ သည့် အခြေ အနေတွင် လိုအပ်သောပြင်ဆင်မှုများကို ပြင်ဆင်ထားကြပါရန်နှင့် မိမိတို့ နေထိုင်ရာပတ် ဝန်းကျင်၊ လက်လှမ်းမီရာများတွင် မတရားဖမ်းဆီးခံရမှုများရှိပါက တော်လှန်ရေးအင်အားစုများထံသို့ သတင်းပေးပို့ရန် တိုက်တွန်းထားသည်။

အကြမ်းဖက်စစ်တပ်၏ လမ်းပေါ်စစ်ဆေးမတရားဖမ်းဆီးမှုများတွင် အလုပ်ပြန်ချိန်နောက်ကျသော အခြေခံလူတန်းစား လူငယ်အလုပ်သမားများအား ပစ်မှတ်ထားဖမ်းဆီးသည်ကိုတွေ့ရှိရကြောင်း၊ ထို့ကြောင့် အလုပ်ရှင်များအနေဖြင့် အလုပ် သမားများ၏ အလုပ်ချိန်များအား အလုပ်သမား များ နှင့် ညှိနှိုင်းတိုင်ပင်ကာ အနည်းငယ်လျော့ချပေးပါရန် အခြေခံလူတန်းစားအလုပ်သမား လူငယ် များကိုယ်စား မန္တလေးသပိတ်အင်အားစုက တောင်းဆိုထားသည်။

ထိုသို့မဟုတ်ပါက အလုပ်ရှင်များသည် အကြမ်းဖက်စစ်တပ်၏ လူသားအရင်းအမြစ်ဆုံးရှုံးစေရေး လူ့ အခွင့်အရေးချိုးဖောက်မှုများတွင် သွယ်ဝိုက်သောနည်းဖြင့် အားပေးကူညီနေခြင်း ဖြစ်ကြောင်း မန္တလေးသပိတ်အင်အားစုက ပြောဆိုသည်။

အမျိုးသားညီညွတ်ရေးအစိုးရ၊ အမျိုးသားအတိုင်ပင်ခံကောင်စီတို့ကလည်း အကြမ်းဖက်စစ်ကောင်စီ ၏ စစ်မှုထမ်းဥပဒေကို အကြောင်းပြကာ လူငယ်များအားမတရားဖမ်းဆီးမှုများအား အရေးကြီးသော လူ့အခွင့်အရေးချိုးဖောက်ခံရသော နိုင်ငံရေးဆိုင်ရာကိစ္စရပ်အဖြစ် သတ်မှတ်ကာ အဆောတလျင် ဖြေရှင်း နည်းလမ်းရှာပေး ပါရန် မြန်မာနိုင်ငံတဝှမ်းရှိ လူငယ်လူထုတရပ်လုံးကိုယ်စား မန္တလေး သပိတ်အင်အားက တောင်းဆိုထားသည်။

စစ်ကိုင်းတိုင်းတွင် NUG ကာကွယ်ရေးဝန်ကြီး ဦးရည်မွန် ရောက်ရှိနေပြီး ၂၀၂၅ နှစ်သစ်ကူး အထိမ်းအမှတ် အားကစားပြိုင်ပွဲများသို့ တက်ရောက်အားပေး

ရန်ကုန်၊ ဇန်နဝါရီ ၃

အမျိုးသားညီညွတ်ရေးအစိုးရ-NUG ကာကွယ်ရေးဝန်ကြီး ဦးရည်မွန်သည် စစ်ကိုင်းတိုင်းတွင် ရောက်ရှိနေပြီး ၂၀၂၅ ခုနှစ် နှစ်သစ်ကူး အထိမ်းအမှတ် အားကစားပြိုင်ပွဲများ တက်ရောက်အားပေးကြောင်း အမှတ် ၁ စစ်ဒေသက သတင်းထုတ်ပြန်သည်။

ဇန်နဝါရီလ ၁ ရက်နေ့ NUG ကာကွယ်ရေးဝန်ကြီး ဦးရည်မွန်က စစ်ကိုင်းတိုင်းအတွင်းရှိ တော်လှန်ရေးတပ်များ ထိန်းချုပ်ထားသည့် နယ်မြေတစ်နေရာတွင် ပြည်သူ့ကာကွယ်ရေးတပ်မတော်၊ အမှတ် ၁ စစ်ဒေသ၏ ၂၀၂၅ ခုနှစ် နှစ်သစ်ကူး အထိမ်းအမှတ်အားကစားပြိုင်ပွဲများသို့ တက်ရောက်အားပေးခဲ့ကြောင်း၊ အဆိုပါ အားကစားပြိုင်ပွဲတွင် ဘောလုံး၊ ခြင်းလုံး၊ လွန်ဆွဲ စသည့် ကစားနည်းများ ပါဝင်ပြီး ပြည်သူ့ကာကွယ်ရေး တပ်မတော်သားများနှင့် အတူ ဒေသခံ ပြည်သူများပါ ပါဝင် ဆင်နွှဲခဲ့ကြကြောင်း သိရှိရသည်။

"ကချင်ပြည်နယ်နဲ့ စစ်ကိုင်းက တောက်လျှောက် နယ်မြေစိုးမိုးမှုရှိနေပါပြီ။ လေကြောင်းရန် တစ်ခုကလွဲရင် မြေပြင်မှာ တော်လှန်ရေးတပ်တွေက အပြည့်အ၀ ထိန်းချုပ်ထားတာပါ။ ဥဒဟို သွားလာလို့ ရနေပါပြီ။ ထိန်းချုပ် နယ်မြေကလည်း အင်မ တန် ကျယ် ဝန်းပါတယ်" ဟု ကချင်ပြည်နယ်၊ လိုင်ဇာမှ စစ်ကိုင်းတိုင်းသို့ ရွှေ့ပြောင်းမှု လုပ်ခဲ့သည့် NUG ကာကွယ်ရေးဝန်ကြီးဌာနမှ ဝန်ထမ်းတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ကာကွယ်ရေးဝန်ကြီး ဦးရည်မွန်သည် မကြာခဏဆိုသလို စစ်ကိုင်းတိုင်းနှင့် မန္တလေးတိုင်းအတွင်းရှိ ပြည်သူ့ကာကွယ်ရေးတပ်များထံသို့ ကွင်းဆင်း စစ်ဆေးမှုများ လုပ်ဆောင်လေ့ရှိပြီး ယမန်နှစ်အတွင်း စစ်ကောင်စီနှင့် စစ်ရေး ရင်ဆိုင်ထားသော မန္တလေး PDF ၏ ရှေ့တန်းစစ်မျက်နှာပြင်တချို့သို့ပင် သွားရောက်စစ်ဆေးခဲ့မှုများရှိကြောင်း NUG ကာ ကွယ်ရေးဝန်ကြီးဌာန သတင်းရင်းမြစ်တချို့က ပြောဆိုသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၁၃ ဦးသေဆုံး

ရန်ကုန်၊ ဇန်နဝါရီ ၁

မြန်မာနိုင်ငံတစ်ဝန်း ဇန်နဝါရီလ ၁ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၁၃ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆို ချက်များအရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိ သည်ကို သိစေအပ်ပါသည်။

နေပြည်တော်၊ ပျဉ်းမနားမြို့နယ်ရှိ စစ်တပ် ဂိတ်စခန်းကို ဗုံးခွဲ တိုက်ခိုက်မှု စစ်ကောင်စီ တပ်သားများ ထိခိုက်မှုရှိ

ရန်ကုန်၊ ဇန်နဝါရီ ၁

နေပြည်တော်၊ ပျဉ်းမနားမြို့နယ်ရှိ အကြမ်းဖက် စစ်တပ် ဂိတ်စခန်းကို ဖောက်ခွဲ တိုက်ခိုက်ရာ စစ်ကောင်စီ တပ်သားများ ထိခိုက်မှုရှိကြောင်း နေပြည်တော် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဇန်နဝါရီလ ၁ ရက်နေ့ နံနက် ၄ နာရီခန့်တွင် ပျဥ်းမနားမြို့နယ်၊ အဟာရသုခစျေးနှင့် ဘောဂသီရိကားကြီးကွင်း အကြား ကင်ပွန်းတန်းကျေးရွာမြောက်ဘက်ရှိ အကြမ်းဖက် စစ်တပ် ဂိတ်စခန်းငယ်တစ်ခုကို တော်လှန်ရေး တပ်ဖွဲ့များက ဗုံးခွဲ တိုက်ခိုက်ခဲ့ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်မှုရှိသော်လည်း အရေအတွက်ကို အတည်ပြုနိုင်ခြင်းမရှိသေးကြောင်း သိရှိရသည်။

"ထိခိုက်မှု ရှိပါတယ်။ သေဆုံးမှု ရှိမရှိတော့ အတည်မပြုနိုင်သေးပါ။ ထပ်မံ အတည်ပြုနိုင်ဖို့ ထောက်လှမ်းဆဲပါ။ အဓိက ပြောချင်တာကတော့ နေပြည်တော်ကို ထိလို့မရနိုင်ဘူး ဆိုတာကို ကျွန်တော်တို့ ရိုက်ချိုးပြတာပါပဲ။ တပြည်လုံးမှာ တိုက်ပွဲဝင်နေကြတဲ့ တော်လှန်ညီအကိုတွေ အားတက်ဖို့ ရည်ရွယ်ပါတယ်။ နောက်ပြီး အကြမ်းဖက် စစ်ကောင်စီ ခေါင်းဆောင်ဟာ သူ့နေရာမှာကိုပဲ မလုံခြုံဘူး ဆိုတဲ့ ခံစားချက်မျိုးကို ရစေချင်တာပါ" ဟု နေပြည်တော် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို နေပြည်တော်-ပျဥ်းမနားမြို့နယ် (ပကဖ) တိုက်ခိုက်ရေး တပ်ခွဲ ဗိုလ်တာရာအဖွဲ့က လုပ်ဆောင်ခဲ့ခြင်းဖြစ်ကြောင်း သိရသည်။

ယင်းမာပင်မြို့နယ်တွင် သပိတ်စစ်ကြောင်း ၂ ခု ပူးပေါင်း၍ စစ်အာဏာရှင် ဆန့်ကျင်ရေး ဆန္ဒပြ

ရန်ကုန်၊ဇန်နဝါရီ ၁

ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းသည် ယင်းမာပင်၊ဆားလင်းကြီး ရွာပေါင်းစုံ သပိတ်စစ်ကြောင်းနှင့်အတူ တောင်ယာသပိတ်ဆင်နွှဲရင်း စစ်အာဏာရှင် တော်လှန်ရေးဆန္ဒပြခြင်းကို ဇန်နဝါရီလ ၁ရက်နေ့တွင် ပြုလုပ်ခဲ့ကြကြောင်းသိရှိရသည်။

မြင်းခြံမြို့နယ်၊ မြောက်ကျွန်းရွာရှိ စစ်တပ် အထိုင်စခန်းကို ဝင်ရောက် တိုက်ခိုက်မှု စစ်ကောင်စီ တပ်သား ၁ ဦး သေဆုံး

ရန်ကုန်၊ ဇန်နဝါရီ ၁

မန္တလေးတိုင်း၊ မြင်းခြံမြို့နယ်၊ မြောက်ကျွန်းရွာရှိ အကြမ်းဖက် စစ်တပ် အထိုင်စခန်းကို ဝင်ရောက် တိုက်ခိုက်ရာ စစ်ကောင်စီ တပ်သား ၁ ဦး သေဆုံးခဲ့ကြောင်း အမေ့သွေး ပြောက်ကျားတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဒီဇင်ဘာလ ၃၁ ရက်နေ့ ည ၇ နာရီခန့်တွင် မြင်းခြံမြို့နယ်၊ မြောက်ကျွန်းကျေးရွာရှိ အကြမ်းဖက် စစ်တပ် အထိုင်ချ တပ်စွဲထားသော စခန်းတွင် ပြည်သူလူထုဆီမှ အကြောင်း အမျိုးမျိုးပြပြီး ကောက်ခံထားသော ငွေများဖြင့် သောက်စားမူးရူးပျော်ပါး နေသော စစ်ကောင်စီ တပ်သားများကို တော်လှန်ရေး တပ်ဖွဲ့များက ဝင်ရောက် တိုက်ခိုက်ခဲ့ခြင်းဖြစ်ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၁ ဦး သေဆုံးပြီး ကျန်ရှိနေသော စစ်သားများနှင့် ပျူစောထီးများ ပြင်းထန်ဒဏ်ရာ ရရှိခဲ့ကြောင်း၊ တိုက်ပွဲအတွင်း အကြမ်းဖက် စစ်တပ်ဘက်မှ ထိခိုက်မှုရှိသောကြောင့် နောက်အနိမ့်ကျေးရွာမှ စစ်သားများက ၈၀ မမ လက်နက်ကြီးများဖြင့် ပစ်ကူ ပေးတိုက်ခိုက်ခဲ့ပြီး မြောက်ကျွန်းအထိုင်စခန်းမှလည်း ၄၀ မမများ၊ စက်လေးများ၊ လက်နက်ငယ်များဖြင့် ပြန်လည် ပစ်ခတ် တိုက်ခိုက်ခဲ့ကြောင်း သိရှိသည်။

"စစ်ခွေးတွေ အလစ်အငိုက်မထင်မှတ်တဲ့ အချိန်မျိုးမှာ ဝင်ရောက် တိုက်ခိုက်ခဲ့တာပေါ့။ စစ်ခွေး ၁ ကောင်နေရာမှာပဲ သေဆုံးတယ်။ ကျန် စစ်ခွေးတွေလည်း ဒဏ်ရာရတာများတယ်။ နှစ်သစ်အကြို အထိမ်းအမှတ်အဖြစ် စစ်ခွေး ၁ ကောင်ရှင်းလင်းနိုင်ခဲ့ပါတယ်။ အနိမ့်ကျေးရွာက ၈၀ မမ တွေ ပစ်ကူပေးတာ ၈ ချက်လောက်ပစ်တယ်။ မြောက်ကျွန်း အထိုင်စခန်းကနေလည်း ၄၀ မမနဲ့ စက်လေးနဲ့ လက်နက်ငယ်တွေ ပြန်လည် ပစ်ခတ်ခဲ့လို့ ပြန်လည်ဆုတ်ခွာခဲ့တယ်" ဟု အမေ့သွေး ပြောက်ကျားတပ်ဖွဲ့မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို မြင်းခြံမြို့နယ် ပြည်သူ့ကာကွယ်ရေးအဖွဲ့၏ ကွပ်ကဲမှုအောက်ရှိ အမေ့သွေး ပြောက်ကျားတပ်ဖွဲ့နှင့် မြင်းခြံပြည်သူ့ကာကွယ်ရေးအဖွဲ့ ၊ ဧရာဝတီ မင်းသားကြီးအဖွဲ့တို့က ပူပေါင်း လုပ်ဆောင်ခဲ့ကြောင်း သိရသည်။

ဟားခါးရှိ စစ်တပ်စခန်း ၄ ခုကို တိုက်ခိုက်သိမ်းပိုက်မှု စစ်ကောင်စီဘက်မှ ၂၀ ဦးနီးပါးသေဆုံးကာ လက်နက် ၅၇ လက်၊ ဒရုန်းနှင့် ခဲယမ်းများ ရရှိ၊ ဟားခါးတိုက်ပွဲများတွင် စစ်တပ်ဘက်မှ တပ်ရင်းမှူး ၃ ဦးသေဆုံး

ရန်ကုန်၊ ဒီဇင်ဘာ ၂

ချင်းပြည်နယ်၊ ဟားခါးမြို့နယ်၊ ဟားခါးနှင့် ထန်တလန် အကြား သီမြစ်ချောင်းအနီးမှ စစ်ကောင်စီတပ်စခန်းများ၊ ဟားခါးမြို့ကာကင်းစခန်းများ စုစုပေါင်း စစ်ကောင်စီတပ်စခန်း ၄ ခုကို ချင်းပြည်အစိုးရ ပူးပေါင်းတပ်များက တိုက်ခိုက်သိမ်းပိုက်ရရှိကြောင်း CNA သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

နိုဝင်ဘာလ ၃၀ ရက်နေ့ ဟားခါး နှင့် ထန်တလန်အကြားရှိ သီမြစ်စခန်း၊ Umpu Puaknak စခန်း၊ Nawn Thlawk Bo စခန်း နှင့် Kiamtlang/Ruavazung စခန်းများကို ချင်းပြည်အစိုးရ ပူးပေါင်းတပ်များက တိုက်ခိုက်သိမ်းပိုက်ခဲ့ကြောင်း၊ အဆိုပါ စခန်းသိမ်းတိုက်ပွဲများ တွင် စစ်တပ်ဘက်မှ လက်နက်ကြီးများ၊ လက်နက်ငယ်များ အပါအဝင် သေနတ် ၅၇ လက်၊ ခဲယမ်းများ၊ ဒရုန်းများကို တိုက်ခိုက်သိမ်းပိုက်ရရှိကြောင်း၊ စစ်ကောင်စီတပ်ဖွဲ့ဝင် ၂၀ နီးပါး သေဆုံးပြီး စစ်သုံ့ပန်း ၁၉ ဦးဖမ်းဆီးရရှိကြောင်း CNA သတင်းရင်းမြစ်က ပြောဆိုသည်။

" ဟားခါး Ruavazung စခန်းကနေ စစ်သုံ့ပန်း ၁၉ ဦးမိတာပါ။ သီမြစ်စစ်တပ် စခန်းသိမ်းတိုက်ပွဲမှာ သေနတ်တွေ၊ RPG ၊ 60MM တို့ရတယ်။ စခန်း ၄ ခုကို သိမ်းပိုက်ရာမှာ သေဆုံးသူ စစ်ဘက်ကနေ ၂၀ ကျော်လောက်ရှိမယ်။ စစ်သားတွေက အကုန်ထွက်ပြေးကုန်ကြတာ။ တောထဲ ခြုံထဲမှာ လည်း အလောင်းတွေရှိတယ်။ လက်နက်ခဲယမ်းကတော့ ၅၇ လက်လောက်ရထားတယ်။ ဒရုန်းတွေလည်းပါတယ်။ ပြီးရင် နိုဝင်ဘာလ ၂၉ မှာ ဟားခါးမြို့ ဗျူဟာကုန်း ၂၂၆ တပ်ရင်းမှူးကို ဟားခါးအပြန် အော်တိုတောင်ကနေ CC တပ်က ပစ်တယ်။ ဒဏ်ရာရပြီး ဆေးရုံတင်တာ မနေ့က တပ်ရင်းမှူး ဆုံးတယ်။ ခလရ ၂၂၂ တပ် ရင်းမှူး သေတာလည်း ပြောပြီးပြီ။ ဟားခါးတိုက်ပွဲတွေမှာ တပ်ရင်းမှူး ၃ ဦးသေတယ်" ဟု CNA သတင်းရင်းမြစ်က ပြောဆိုသည်။

လက်ရှိအချိန်အထိ စစ်ကောင်စီတပ်က လေကြောင်းတိုက်ခိုက်မှုများ ၊ လက်နက်ကြီးပစ်ခတ်မှုများ၊ စစ်ကူအင်အား ဖြည့်တင်းမှုရှိနေကြောင်း၊ စစ်ရေးအခြေအနေမှာ ဆက်လက်တင်းမာနေပြီး တိုက်ပွဲများ ဆက်လက် ဖြစ်ပွားနိုင်ကြောင်း CNA သတင်းရင်းမြစ်က ရှင်းလင်းပြောဆိုသည်။

Photo- Voice of Chinalnd။

မင်းအောင်လှိုင်ကို ICC က ဖမ်း၀ရမ်းရန် ထုတ်ရန်ရှိနေမှုအပေါ် မန္တလေးအာဏာရှင်စနစ်ဆန့်ကျင်ရေးအင်အားစုနှင့် မြန်မာနိုင်ငံရှေ့နေများ ကောင်စီက ကြိုဆိုပြီး ဖမ်း၀ရမ်းကို စောလျင်စွာ အတည်ပြု ထုတ်ပေးရန် တောင်းဆို

ရန်ကုန်၊ ဒီဇင်ဘာ ၂

အကြမ်းဖက် မင်းအောင်လှိုင်ကို နိုင်ငံတကာရာဇဝတ်ခုံရုံး (ICC) က ဖမ်း၀ရမ်းထုတ်ရန်ရှိနေမှုအပေါ် အာဏာရှင်စနစ်ဆန့်ကျင်ရေးပြည်သူ့အင်အားများ ချိတ်ဆက်ညှိနှိုင်းရေးကော်မတီ (မန္တလေး)နှင့် မြန်မာနိုင်ငံရှေ့နေများ ကောင်စီက ကြိုဆိုကြောင်းထုတ်ပြန်ကြသည်။

နိုင်ငံတကာရာဇဝတ်တရားရုံး (ICC)၏ ရှေ့နေချုပ် Karim A.A. Khan KC က အကြမ်းဖက်စစ်အုပ်စု ခေါင်းဆောင်မင်းအောင်လှိုင်ကို နိုင်ငံတကာ ရာဇဝတ်မှုခုံရုံး (ICC) တွင် ရုံးတင်စစ်ဆေးနိုင်ရေးအတွက် ဖမ်းဝရမ်းထုတ်ပေးရန် ၂၀၂၄ ခုနှစ်၊ နိုဝင်ဘာလ ၂၇ ရက်နေ့ ဦးတိုက်လျှောက်ထားသည်ကို သိရှိရပါသဖြင့် ထောက်ခံကြိုဆိုအပ်ကြောင်း၊ အကြမ်းဖက် မင်းအောင်လှိုင်၏ ရိုဟင်ဂျာများအပေါ် ကျူးလွန်သည့် လူမျိုးသုဉ်းသတ်ဖြတ်မှုသည် သက်သေခိုင်လုံမှုရှိနေသည့်အတွက် နိုင်ငံ တကာရာဇဝတ်တရားရုံး အနေဖြင့် ဖမ်းဝရမ်းအား အတည်ပြုပြီး နိုင်ငံတကာဥပဒေများနှင့်အညီ အပြစ်ပေးအရေးယူသွား နိုင်မည်ဟု ယုံကြည်ကြောင်း အာဏာရှင်စနစ်ဆန့်ကျင်ရေးပြည်သူ့အင်အားများ ချိတ်ဆက်ညှိနှိုင်းရေးကော်မတီ (မန္တလေး)က ထုတ်ပြန်သည်။

ထို့ပြင် အကြမ်းဖက် မင်းအောင်လှိုင် ဦးဆောင်သော အကြမ်း ဖက်စစ်တပ်က ရိုဟင်ဂျာများအပေါ် လူမျိုးသုဉ်းသတ်ဖြတ်မှု ကျူးလွန်ခြင်းသာမက မြန်မာနိုင်ငံအနှံ့အပြားတွင် ပြည်သူလူထုအပေါ် လူ့အခွင့်အရေးချိုးဖောက်မှုများအား စနစ်တကျ ကျယ်ကျယ်ပြန့်ပြန့် ကျူးလွန်လျက်ရှိပါသည်။ ယင်းကျူးလွန်မှုများအားလုံးသည် ရောမစာချုပ်ပါ ပြဌာန်းချက်များအရ လူသားမျိုးနွယ်ပေါ်ကျူးလွန်သည့် ရာဇဝတ်မှု နှင့် စစ်ရာဇဝတ်မှု မြောက်ကြောင်း ထောက်ပြထားသည်။

ထို့ကြောင့် ကမ္ဘာ့နိုင်ငံအသီးသီးမှ တာဝန်ရှိသူများအပါအဝင် နိုင်ငံတကာအဖွဲ့အစည်းများ အနေဖြင့်လည်း နိုင်ငံတကာရာဇဝတ်မှုများအား ပြောင်ပြောင်တင်းတင်း ကျူးလွန်နေသည့် မင်းအောင်လှိုင်အပါအဝင် အကြမ်းဖက်စစ်အုပ်စုနှင့် ပူးပေါင်းဆောင်ရွက်နေမှုအားလုံးအား ရပ်တန့်၍ ၎င်းတို့အား ထိရောက်စွာ အရေးယူနိုင်ရေး နှင့် နစ်နာသူများအတွက် တရားမျှတမှုရှာဖွေပေးနိုင်ရေးအတွက် ဝိုင်းဝန်းအားထုတ် ပေးကြရန်လည်း အလေးအနက် တိုက်တွန်းအပ်ထားသည်။

ထို့အတူ မြန်မာနိုင်ငံရှေ့နေများကောင်စီကလည်း မင်းအောင်လှိုင်ကို ဖမ်း၀ရမ်းထုတ်ပေးရန် ICC တရားရုံးမှ တရားသူကြီးများက ဖမ်း၀ရမ်းထုတ်ပေးရန်နှင့် လိုအပ်သလို ဥပဒေနှင့်အညီ အမြန်ဆုံး အရေးယူဆောင်ရွက်ရန် တောင်းဆိုထားကြောင်း သိရှိရသည်။

"မင်းအောင်လှိုင်က ကမ္ဘာ့ချဉ်ဖတ်။ ဝရမ်းပြေး ဘဝနဲ့တော့ နိုင်ငံကို အုပ်ချုပ်လို့ ရမှာ မဟုတ်ဘူးလို့ ပြောချင်ပါတယ်။ ဒီ ဝရမ်းပြေးဘဝနဲ့ နိုင်ငံတွင်းမှာ နေလို့ရတယ်။ အာဏာကို ဆက်ပြီး ကိုင်ထားဖို့ တော်တော်လေးကို ခဲယဉ်းတယ်"

Free Rohingya Coalition ၏ ပူးတွဲတည်ထောင်သူ ရိုနေဆန်းလွင်နှင့်တွေ့ဆုံခြင်း

By ရန်ကုန်ခေတ်သစ်

ရခိုင်ပြည်မှ ရိုဟင်ဂျာတွေနဲ့ပတ်သက်၍ လူသားမျိုးနွယ်အပေါ် ရာဇဝတ်မှုတွေ ကျူးလွန်ကြောင်း ပြစ်မှုထင်ရှားတာကြောင့် မြန်မာ စစ်ခေါင်းဆောင် မင်းအောင်လှိုင်ကို ဖမ်း၀ရမ်းထုတ်ပေးဖို့ နိုင်ငံတကာရာဇဝတ်တရားရုံး (ICC)ရဲ့ ရှေ့နေချုပ် Karim A.A. Khan KC က ICC တရား ရုံးမှာ နိုဝင်ဘာလ ၂၇ ရက်နေ့ လျှောက်ထားလိုက်ပါတယ်။ အဲဒီလို ICC က ဖမ်း၀ရမ်းထုတ်မယ့် အာရှမှ စစ်ခေါင်းဆောင်တစ်ဦးဖြစ်လာမယ့် မင်းအောင်လှိုင်အတွက် ဖြစ်ပေါ်လာနိုင်တဲ့ အခြေအနေတွေနဲ့ပတ်သက်၍ Free Rohingya Coalition ရဲ့ ပူးတွဲတည်ထောင်သူ ရိုနေဆန်းလွင်ကို ရန်ကုန်ခေတ်သစ်သတင်းဌာနက တွေ့ဆုံမေးမြန်းထားပါတယ်။

မေး။ ။ ICC မှာ မင်းအောင်လှိုင်ကို ဖမ်းဝရမ်းထုတ်ဖို့ ICC ရှေ့နေချုပ်က လျှောက်ထားမှုရှိလာတော့ အဲဒီအခြေအနေကို အတိုချုံး ပြန်ပြောပြလို့ရမလား။

ဖြေ။ ။ ဟုတ်ကဲ့ခင်ဗျာ။ ဒီအမှုကို လွန်ခဲ့တဲ့ ရှေ့နေချုပ်ကတော့ သူ့ရဲ့ အလှည့် ပြီးသွားလို့ အငြိမ်းစားယူသွားပြီ။ သူကနေ စတင်ပြီးတော့ ၂၀၁၉ နိုဝင်ဘာ ၁၄ ရက်နေ့မှာ စတင်ခဲ့တယ်။ အခုဆိုရင် ၅ နှစ်ကျော်ပြီ။ အခုဆိုရင် ပထမဆုံးရင်ဆိုင်ရတာ ၂ ခု။ တစ်ခုကတော့ မြန်မာနိုင်ငံက Rome Statute
စာချုပ်ကို လက်မှတ်ထိုးထားတဲ့ နိုင်ငံမဟုတ်ဘူး။

နောက်တစ်ခုကတော့ မြန်မာနိုင်ငံရဲ့ ရိုဟင်ဂျာတွေ ကြုံတွေ့နေရတဲ့ အခြေအနေကို ကုလသမဂ္ဂရဲ့ လုံခြုံရေးကောင်စီကနေ ICC ကို လွှဲပြောင်းပေးတာ မရှိဘူး။ ဒီအခြေအနေ ၂ ခုကြောင့် မြန်မာနိုင်ငံရဲ့ ကိစ္စက စစ်တပ်ကနေပြီးတော့ ရိုဟင်ဂျာတွေအပေါ် ရာဇဝတ်မှုပေါင်းစုံကျူးလွန်တယ်။ Rome Statute
အရ ICC မှာ အရေးယူလို့ မရတဲ့ အနေအထားမှာ ဖြစ်နေတယ်။ အဲဒီအတွက်ကြောင့် ဒီရှေ့နေချုပ်ကနေ ဦးဆောင်ပြီးတော့ ဘယ်လို ပုံစံမျိုးနဲ့ အရေးယူလို့ရမလဲဆိုတာ လမ်းရှာတယ်။ လမ်းရှာတာမှာ ရိုဟင်ဂျာတွေကို မြန်မာနိုင်ငံရဲ့ နယ်နိမိတ်အတွင်းမှာ ပြစ်မှုတွေ ကျူးလွန်တွေ ကျူးလွန်ပြီးတော့ ဘင်္ဂလားဒေ့ရှ်နိုင်ငံကို တွန်းပို့လိုက်တယ်။ ဘင်္ဂလားဒေ့ရှ်နိုင်ငံက ရောမ စာချုပ်ကို လက်မှတ်ထိုးထားတဲ့ နိုင်ငံဖြစ်တဲ့အတွက်ကြောင့် ဒီဘက်မှာ သူတို့ crime လုပ်ပြီးတော့ ဟိုဘက်ကို Force deportation ပေါ့။ ဒီဟာက ICC မှာ Crime report လုပ်လို့ရတယ်။ ဆိုတော့ ဒီရှေ့နေ့ချုပ်ကနေပြီးတော့ တရားရုံးကို ဦးတိုက်လျှောက်ထားတယ်။

ဒီကိစ္စကို စုံစမ်းခွင့်ရှိတယ်လို့ တရားရုံးကို လျှောက်ထားတယ်။ တရားရုံးက စုံစမ်းခွင့်ရှိတယ်လို့ ခွင့်ပြုလိုက်တယ်။ အဲဒီအချိန်ကစပြီး စုံစမ်းနေတာပေါ့။ စုံစမ်းတာမှာ ကြားမှာ ကိုဗစ်ကာလလည်း ဖြစ်တဲ့အတွက်ကြောင့် နောက်ပြီးတော့ မြန်မာနိုင်ငံကိုဒီ အမှုကို စတင်တဲ့ NLD အစိုးရလက်ထက်ပေါ့။ အဲဒီအချိန်မှာ ဒီဟာကို စုံစမ်းခွင့်ပေးမလား မပေးဘူးလားဆိုပြီးတော့ မေးမြန်းခဲ့တဲ့အခါမှာ မြန်မာနိုင်ငံကနေပြီးတော့ ဒီ ICC ရဲ့ Rome Statute စာချုပ်ကို လက်မှတ် မထိုးထားတဲ့ နိုင်ငံဖြစ်တဲ့အတွက်ကြောင့် ဒါကို စုံစမ်းခွင့်မပေးဘူးဆိုပြီးတော့ ငြင်းပယ်ခဲ့တယ်။

ဒါက နည်းနည်းလေး အခက်အခဲရှိတဲ့အတွက် ဒီမှာ ရောက်လာတဲ့ Victim တွေကို အင်တာဗျူးလုပ်တယ်။ နောက်ပြီးတော့ ဒီ လေ့လာစုံစမ်းမှုတွေ လုပ်တယ်။ နောက်ပြီးတော့ evidences တွေ လုပ်ပြီးတော့မှ လွန်ခဲ့တဲ့ ရက်ပိုင်းမှာ ICC လက်ရှိရှေ့နေချုပ်က ဘင်္ဂလားဒေ့ရှ်နိုင်ငံ သွားပြီးတော့ ဒါကို အဆုံးသတ်ပြီးတော့ ဒီမှာ ပြစ်မှုထင်ရှားတယ်၊ ရာဇဝတ်မှုတွေ ပေါင်းစုံကျူးလွန်ခဲ့တယ်။ ရိုဟင်ဂျာတွေ အမှန်တကယ် ခံစားရတယ်။ ဒီ ရာဇဝတ်မှုတွေ အားလုံး ကျူးလွန်ဖို့ အမိန့်ပေးခဲ့တဲ့ လူက တာဝန်အရှိဆုံးလူက စစ်တပ်ရဲ့ ခေါင်းဆောင် ကာကွယ်ရေးဦးစီးချုပ်မင်းအောင်လှိုင်က တာဝန်အရှိဆုံးဖြစ်တယ်။ သူ့ကို အရင်ဆုံး ဖမ်းဝရမ်းထုတ်ဖို့လိုတယ်ဆိုပြီး ဖမ်းဝရမ်းထုတ်ပေးဖို့ လျှောက်ထားလိုက်တဲ့အချိန်ပေါ့။

မေး။ ။ ICC ခုံရုံးရဲ့ အကြောင်း အတိုချုပ်လေးရဲ့ သူ့ရဲ့ လုပ်နိုင်စွမ်းနဲ့ သူတို့ကို ဘယ်မှာ တရားစီရင်ပြီးတော့ ဘယ်လို ထောင်ချလို့ရတယ်ဆိုတာလေး ရှင်းပြပေးပါဦး။

ဖြေ။ ။ ICC မှာက အဖွဲ့ဝင်နိုင်ငံ ၁၂၄ နိုင်ငံရှိတယ် ။ ဖမ်းဝရမ်းထုတ်လိုက်ပြီဆိုရင် ဒီ ၁၂၄ နိုင်ငံက ICC မှာ Rome Statute စာချုပ်ကို လက်မှတ်ထိုးထားတဲ့အတွက် သူတို့အနေနဲ့ သူတို့နိုင်ငံအတွင်းကို အခြေချလာမယ်ဆိုလို့ရှိရင် ဖမ်းဝရမ်းထုတ်ခံရတဲ့ လူက အခြေချလာမယ်ဆိုရင် သူတို့အနေနဲ့ မဖြစ်မနေ ဖမ်းဆီးပေးရမယ့် တာဝန်ရှိတယ်။ တကယ်လို့ ဖမ်းဆီးမပေးဘူးဆိုရင် ဒါက သူတို့ ကိုယ်တိုင် လက်မှတ်ထိုးထားတဲ့ စာချုပ်ကို ဖောက်ဖျက်ခြင်းဖြစ်တယ်။ ဒါက တစ်ပိုင်းပေါ့။

ဒါပေမဲ့ တကယ်တမ်းမှာ ဖမ်းဝရမ်းထွက်လာလို့ရှိရင် အနေအစား မပြတ်ဘူးဆိုတဲ့ပုံစံမျိုး။ ဥပမာ ထိုင်းနိုင်ငံလို နိုင်ငံမျိုးကို သွားမယ်ဆိုရင် သူ့မှာ အတော်လေးကို ၊ တရုတ်နိုင်ငံကို သွားမယ်ဆိုရင်လည်း ဒါက အာမခံချက် တောင်းကို တောင်းရမယ်။ အနေအစား မပျက်ဘူးဆိုတာတော့ မဟုတ်ဘူး။ ဘာဖြစ်လို့လဲဆိုတော့ နိုင်ငံရေးကစားတာက ဘယ်သူ့ကိုမှ ယုံကြည်လို့ မရဘူး ။ ဘယ်နိုင်ငံကိုမှ ယုံကြည်လို့ မရဘူး။ ဥပမာ တရုတ်က အနောက်နိုင်ငံ အထူးသဖြင့် အမေရိကန်နဲ့ Power Balance လုပ်နေတာ ရှိတယ်။ နောက်ပြီးတော့ တခြားနိုင်ငံတွေကလည်း သူ့ဘာသာ သူ့ဂုဏ်သိက္ခာနဲ့ သူလုပ်နေတာ အများကြီး ရှိတယ်ဆိုတော့ သူ့အတွက်က ဘယ်နိုင်ငံကိုမှ ယုံကြည်လို့မရတဲ့ အနေအထားဖြစ်လာနိုင်တဲ့အနေအထားရှိတယ်။

အနေအစားမပျက်ဘူးဆိုတာ ဘယ်လိုမှ မဖြစ်နိုင်ဘူး။ ဝရမ်းပြေး တစ်ယောက်က ဝရမ်းပြေး အမြဲတမ်းပြေးနေရမယ်။ ဘယ်လိုဖြစ်လာမလဲဆိုတော့ မြန်မာနိုင်ငံက သူ့အတွက် လုံးဝ အမိုးဖွင့် အကျဉ်းထောင် ။ ဒီအထဲကနေ ထွက်ဖို့ သူ့မှာ လိုအပ်ချက်တွေက အတော်လေးအများကြီးရှိလာမယ်။

မေး။ ။ ဆိုတော့ မြန်မာနိုင်ငငံ အိမ်ထဲမှာပဲ လှည့်ပတ်နေပေါ့။ မြန်မာနိုင်ငံထဲမှာပဲ လှည့်ပတ်နေပေါ့။

ဖြေ။ ။ မြန်မာနိုင်ငံထဲမှာပဲ လှည့်ပတ်နေ အဲဒီပုံစံမျိုးပေါ့. နိုင်ငံတွင်းမှာ သူက ဝရမ်းပြေးဆိုတော့ ။ ဘယ်နေရာသွားသွား ဝရမ်းပြေးဆိုတဲ့အမြင်။ နိုင်ငံတကာကလည်း ဝရမ်းပြေးတစ်ယောက်နဲ့ ဘယ်လိုဆက်ဆံမလဲ။ နောက်ပြီးတော့ UN ကနေပြီးတော့ သူ့ရဲ့ သွားတွေ့ဆုံတာတွေ၊ တခြားနိုင်ငံက သံအမတ်တွေက သွားတွေ့တာတွေ ။ ဝရမ်းပြေးတစ်ယောက်နဲ့ လက်ဆွဲနှုတ်ဆက်မှာလား။ သူ့ကိုယ်သူ ပူတင်တို့ နေတန်ညာဟုတို့နဲ့ သွားပြီးတော့ နှိုင်းယှဉ်လို့ ရမှာမဟုတ်ဘူး။ သူက အဲဒီအဆင့်က Powerful လူတစ်ယောက်တော့ မဟုတ်ဘူး။

မေး။ ။ စစ်ကောင်စီက ICC ရဲ့ ပြောဆိုချက်ကို အသိအမှတ်မပြုဘူး။ နိုင်ငံက ICC အဖွဲ့ဝင်မဟုတ်ဘူး ငြင်းနေတော့ ဒါက မသက်ရောက်ဘူးလား။ ငြင်းလိုက်ရုံနဲ့ ပြီးသွားပြီလား။

ဖြေ။ ။ မပြီးပါဘူး။ ဖမ်းဝရမ်းထုတ်ပြီဆိုတာနဲ့ ၁၂၄ နိုင်ငံကို လိုက်နာရမယ့်ဟာရှိတယ်။ အဲဒီမှာ ၁၂၄ နိုင်ငံမှာ မလိုက်နာဘူးလို့ ပြောမယ့် နိုင်ငံ တော်တော်လေးကို ရှားတယ်။ ဥပမာ ကမ္ဘောဒီးယားလို နိုင်ငံ ဖြစ်ကောင်းဖြစ်နိုင်တယ်။ ဒါပေမဲ့ အရှေ့တီမောတော့ ဒါကို လှိုက်လှိုက်လှဲလှဲ ကြိုဆိုတယ်။ ဒါကို သူ ဂရုမစိုက်ဘူးလို့ ပြောပေမယ့် တကယ်တမ်းအဖွဲ့ဝင်နိုင်ငံမဟုတ်တဲ့ နိုင်ငံတွေကတောင် သူ့ကို ဘယ်လို ပုံစံမျိုးနဲ့ ကိုင်တွယ်မလဲ စောင့်ကြည့်ရမယ်။ အဖွဲ့ဝင်နိုင်ငံမဟုတ်လို့ ငါ impunity တောင်းစရာမလိုဘူး သွားကို သွားမယ်ဆိုတဲ့ ပုံစံမျိုးမှာ ဟိုက ဖမ်းပြီးတော့ ICC ကို အပ်လိုက်မယ့် အနေအထားတွေ ဖြစ်ကောင်းဖြစ်နိုင်တယ်။

ဒီမှာက နိုင်ငံတိုင်းက နိုင်ငံရေး ဂုဏ်သိက္ခာကို မြှင့်တင်ချင်တဲ့ နိုင်ငံတွေ ။ ဒီလိုပုံစံမျိုးမှာ ICC ရဲ့ wanted criminal ကို ဖမ်းပြီးတော့ ပို့လိုက်မယ်ဆို နည်းနည်းနောနော နိုင်ငံရေး ဂုဏ်သိက္ခာတက်မှာ။ ဒါတွေကို စဉ်းစားပြီးတော့ နိုင်ငံတိုင်းက သူ့ကို အသုံးချဖို့ ကြိုးစားတာတွေ အများကြီးရှိမှာ။ တကယ်တမ်း ဖမ်းဝရမ်းထွက်လာပြီးတဲ့အခါကျရင် တရားဝင်ကြေညာတာတွေ အစိုးရကြားမှာ အချင်းချင်း ဘာတွေ ပြောနေတာတွေ ဒါတွေကို နားထောင်ကြည့်မယ်ဆိုရင် တကယ်တမ်းကို မင်းအောင်လှိုင်အတွက် တော်တော်လေးကို ဆိုးရွားလာတဲ့အခြေအနေရှိတယ်။ မင်းအောင်လှိုင်မှာ Supporter ဆိုတာ ဘယ်နိုင်ငံမှ မရှိဘူး။ ရုရှားကလည်း လက်နက်ရောင်းနေရလို့ deal လုပ်နေတာ။

တရုတ်ကလည်း သူ့ စီးပွားရေး interest ၊ တခြား Interest တွေကြောင့် သူ့ကို အခုမှ ပြန်ပြီးတော့ အဖတ်လုပ်နေတဲ့ အနေအထားမှာ ရှိတယ်။ တကယ်တန်းမှာ criminal တရားဝင် criminal ဖြစ်လာပြီဆိုရင် တရုတ်ကလည်း ပြန်စဉ်းစားမှာ ငါတို့ criminal တစ်ယောက်ကို backup လုပ်ပေးမလား ဒါမှမဟုတ်လို့ရှိရင် နိုင်ငံအတွင်းမှာ တကယ်ကို နိုင်ငံရေးအခြေအနေပြောင်းအောင်လုပ်ပြီးတော့မှ တခြားအစိုးရကို တင်နိုင်အောင် ကြိုးစားမလား တခြားအပြောင်းအလဲတွေ အများကြီး ဖြစ်လာနိုင်တယ်။

မေး။ ။ ICC ခုံရုံးမှာ ဘယ်သူက တရားလိုလုပ်တာလဲ။

ဖြေ။ ။ ဟုတ်ကဲ့ ။ ဒီမှာက အဓိက ရိုဟင်ဂျာနဲ့ ပတ်သက်ပြီးတော့ နှစ်ပေါင်းများစွာ ခံစားနေရတာ။ ဘာကြောင့်လဲဆိုတော့ ရိုဟင်ဂျာတွေကို ညှင်းပန်းနှိပ်စက်တယ်၊ သတ်ဖြတ်တယ်ဆိုတာ ၁၉၇၈ မှာ ပထမဆုံးဖြစ်ခဲ့တယ်။ ဒီကိစ္စမှာ ကျွန်တော်တို့ အသေအချာသိခဲ့တာ ဘင်္ဂလားဒေ့ရှ်နိုင်ငံမှာ ။ နောက်ပြီးတော့ ICC က အငြိမ်းစား ယူသွားတဲ့ ရှေ့နေချုပ် ။ သူတို့ ရှေ့နေချုပ်နဲ့ ဘင်္ဂလားဒေ့ရှ်နိုင်ငံနဲ့ ဒီ case ကို ဖြစ်အောင် လုပ်တာ။ ဒီမှာက တခြား credit လုပ်မယ်ဆိုရင် တခြားလုံးဝမဟုတ်ဘူး။ ဘာကြောင့်လဲဆိုတော့ ကျွန်တော်တို့မှာ အပြင်မှာ ထုတ်ပြောလို့မရတာတွေလည်း ရှိတယ်။

ကျွန်တော်တို့ ကိုယ်တိုင် တွေ့ဆုံခဲ့တာ ရှိတယ်။ ကျွန်တော်တို့ သိတာတွေ အများကြီးရှိတယ်။ အဓိက ဒါကို တော်တော်များများ သိတာ ဘင်္ဂလားဒေ့ရှ် effort အများကြီးပါတယ်။ ဘာကြောင့်လဲဆိုတော့ ဒီ ပြဿနာတွေ အားလုံးကို ပြေလည်စေချင်တယ်။ ဒါကြောင့် ဒီ ICC ကိစ္စတင်မကဘူး ၊ ICJ ကိစ္စတွေမှာလည်း ဘင်္ဂလားဒေ့ရှ်က အများကြီး ပံ့ပိုးပေးနေတာတွေ ရှိတယ်။ Credit ကို

ဒီမှာ ICC အဖွဲ့ဝင်နိုင်ငံမဟုတ်တဲ့ နိုင်ငံတွေကလည်း ဒီ ICC ရဲ့ ထုတ်ပေးလိုက်တဲ့ ဖမ်းဝရမ်း သူတို့အနေနဲ့ ကူညီပေးမယ်၊ ဖမ်းဆီးပေးမယ်ဆိုရင် ဒါက ဖြစ်နိုင်တဲ့ အနေအထားမှာ ရှိတယ်။ ဆိုတော့ ဒီမှာ ဖမ်းဆီးဖို့က နံပါတ် ၁ အချက်က ဖမ်းဝရမ်းထုတ်ခံရတဲ့လူက ရောမ စာချုပ်လက်မှတ်ထိုးထားတဲ့ နိုင်ငံကို မသွားဘူးဆိုရင်တော့ ဘယ်လိုမှ ဖမ်းခံရဖို့ မရှိဘူး။

နောက်ပြီးတော့ ICC မှာ Law Enforcement Index သူတို့မှာ ရဲတပ်ဖွဲ့ နိုင်ငံတွင်းကို ဝင်ပြီးတော့ ဖမ်းဖို့ မရှိဘူး။ ဒီလို နိုင်ငံတစ်နိုင်ငံကနေ မြားပြီးတော့ သူ့ကို မဖမ်းဘူးလို့ လိမ်ပြောပြီးမှ ဖမ်းမယ်ဆိုရင်တော့ ဒါ ဖြစ်နိုင်တယ်။ တချို့တွေကလည်း ဒီ အာဖရိကမှာဆိုရင် ကိုယ်တိုင်သွားပြီးတော့ အဖမ်းခံတာလည်း ရှိတယ်။ ဒီလို ဖမ်းပေးတာတွေလည်း ရှိတယ်ဆိုတော့ ဒါ ဘယ်လိုဖြစ်လာမလဲတော့ ပြောလို့တော့ မရဘူး။ ဘာဖြစ်လို့လဲဆိုတော့ ဖမ်းဝရမ်းထုတ်ခံရတယ်ဆိုကတည်းက အဖမ်းမခံရအောင် အားလုံးက ရှောင်ကြတယ်။

တကယ်လို့ သွားမယ်ဆိုရင်တောင် အဲဒီနိုင်ငံကို သူတို့ကို မဖမ်းဘူးဆိုတဲ့ အာမခံချက်ပေးမယ်ဆိုတာကို အာမခံချက်ပေးမှသာသွားမယ်ဆိုတော့ အဖမ်းခံရဖို့ Chance ကတော့ အတော်လေး နည်းတယ်။ ဒါပေမဲ့ အဖမ်းခံရပြီဆိုရင် တရားရုံးမှာ အမှုရင်ဆိုင်ရမယ်။ ဒီအမှုကို ဘယ်လိုပုံစံမျိုးနဲ့ ချေပမယ်၊ ဒါတွေက တကယ်ကို နည်းနည်းလေးကြာမြင့်တဲ့ Process ။ ဒီမှာ ကြိုးမိန့်ပေးတာကတော့ ICC မှာ လုံးဝမရှိတော့ဘူး ။ နိုင်ငံတကာမှာ ကြိုးမိန့်ပေးတာ သေဒဏ်စီရင်တာကို ပြင်းပြင်းထန်ထန် ကန့်ကွက်နေတဲ့အချိန်မှာတော့ ဘယ်လိုမှ မဖြစ်တော့ဘူး ဆိုတော့ သူ့ကို နောက်ဆုံး တကယ်လို့ အမှုရင်ဆိုင်ရတယ်ဆိုရင် ကောင်းကောင်းမွန်မွန်လုံလုံခြုံခြုံနဲ့ ထားမယ်။ အမှုရင်ဆိုင်မယ်။ ပြီးသွားရင် ထောင်ဘယ်လောက်ဆိုတာကတော့ တရားသူကြီးဆုံးဖြတ်ပေါ့။ အဲဒီလို ဆုံးဖြတ်ပြီးသွားပြီဆိုရင် ဒီလို ကျွန်းနိုင်ငံကို သွားပြီးတော့ ဆုံးဖြတ်တဲ့အပေါ်မှာ ဘယ်နေရာမှာ သူတို့အတွက် Safety ။ ဘာလို့ဆို ဒီလို ပြစ်မှုကြီး ကျူးလွန်တဲ့လူက အန္တရာယ်က အတော်လေး များတယ်။ ဒါကို တော်ရုံတန်ရုံထောင်မှာ ထားလို့မရဘူး။ အကျဉ်းထောင်ထဲမှာ သေတဲ့အထိပေါ့။ ဒီလို ရာဇဝတ်မှုကြီးလို့ရှိရင် ပြန်လွှတ်ဖို့မရှိဘူး။ တစ်သက်တစ်ကျွန်းဆိုတဲ့ ပုံစံမျိုးနဲ့ ခံရမယ့် အနေအထားမှာရှိတယ်။

ဖမ်းခံရမယ့် Chance ကတော့ အတော်လေးနည်းတယ်။ ဒါပေမဲ့ ဖိအားတစ်ခုပေါ့။ နိုင်ငံတကာရာဇဝတ်ခုံရုံး ICC ကနေထုတ်ထားတဲ့ ဝရမ်းပြေးတစ်ယောက်အနေနဲ့ နိုင်ငံတစ်နိုင်ငံကို အုပ်ချုပ်ဖို့လည်း လွယ်မှာမဟုတ်တော့ဘူး ။ ဒါပေမယ့် သူ့ကိုယ်သူ ပူတင်တို့ အစ္စရေး ဝန်ကြီးချုပ်နေတန်ညာဟုတို့နဲ့ နှိုင်းယှဉ်လို့တော့ မရဘူး။ ဟို ၂ ယောက်က ရုရှားဆိုတဲ့ နိုင်ငံကလည်း ကမ္ဘာမှာ နျူကလီးယားနဲ့ အကြီးဆုံးရှိတဲ့ နိုင်ငံ။ သူ့ရဲ့ ပါဝါကလည်း အတော်လေးကို မြင့်တယ်။ ပြီးတော့ အရှေ့အလယ်ပိုင်းနိုင်ငံတွေ အာရှနိုင်ငံတွေက အခုထိ သူကို ထောက်ခံနေတာ ရှိတယ်။ ဒါက ဖြစ်နေတာက အနောက်နိုင်ငံတွေနဲ့ ရုရှားကြားမှာ ဖြစ်နေတဲ့ ပြဿနာတစ်ခု ပုံစံမျိုး သွားနေတယ်။

နောက်ပြီးတော့ အစ္စရေး ဝန်ကြီးချုပ် နေတန်ညာဟုမှာလည်း သူ့ကို အနောက်နိုင်ငံတွေက ထောက်ခံနေပေမယ့် ကနေဒါလို နိုင်ငံမျိုး ဥရောပမှာ ရှိတဲ့ နိုင်ငံမျိုး ဥပမာ ပြင်သစ်လို နိုင်ငံမျိုးကတောင် သူ့ကို လာလို့ရှိရင် ဖမ်းကို ဖမ်းပေးမယ်၊ UK လိုနိုင်ငံမျိုးကလည်း ဖမ်းကို ဖမ်းပေးမယ် တရားဝင်ထုတ်ပြန်ကြေညာထားတာတွေ ရှိတယ်ဆိုတော့ သူ့ကို အများစုထောက်ခံနေတဲ့ နိုင်ငံတွေထဲမှာတောင် ဒီနိုင်ငံတကာရဲ့ ဥပဒေကို လေးစားလိုက်နာသွားမယ်လို့ ထုတ်ပြန်ထားတာ ရှိတယ်။

မင်းအောင်လှိုင်က ကမ္ဘာမှာ ချဉ်ဖတ်။ သူ့ကို ၂၀၂၁ ခုနှစ် အာဏာသိမ်းပြီးကတည်းက နိုင်ငံတော်တော်များများက လက်မခံခဲ့ဘူး။ အဲဒီထဲမှာ အာဆီယံထဲမှာ non-interference policy ရှိတော့ သူ့ကို အစည်းအဝေးတွေ တက်ခွင့်မပေးဘူး။ သူနဲ့ တရားဝင် ပေါ်ပေါ်ထင်ထင် ဆက်ဆံနေတာမျိုး မရှိဘူးဆိုတော့ ဒီ ဖမ်းဝရမ်းက သူ့အတွက် တော်တော်လေးကို ကြီးမားတဲ့ ဖိအားတစ်ခု ဖြစ်လာနိုင်တယ်။ နောက်ပြီးတော့ အခု သူ ကြိုးစားနေတဲ့ ရွေးကောက်ပွဲမှာက ကြိုးစားနေတာ သမ္မတပြန်ဖြစ်ဖို့ပဲ ကြိုးစားနေတာ ဒါက လူတိုင်းသိတယ်။ ဒီဟာအတွက်လည်း အဟန့်အတားတစ်ခုဖြစ်နိုင်တယ်။

မေး။ ။ ဆိုတော့ ICC ရဲ့ ဖမ်းဝရမ်းထုတ်လာတဲ့အပေါ် မင်းအောင်လှိုင်က အနေအစား မပျက်ဘူးဆိုတဲ့ သဘော ပြောလို့ရလား။

ဖြေ။ ။ အဲဒီလိုတော့ ပြောလို့မရဘူးဗျ။ သူက လောလောဆယ်တော့ သူက ဂရုစိုက်စရာမလိုဘူး။ တရုတ်ဘက်ကလည်း သူ့ကို နည်းနည်းလေး တရုတ်ဘက်ကလည်း ။ တရုတ်နဲ့က သူနဲ့ ဆက်ဆံရေးကြည့်မယ်ဆိုရင် လွန်ခဲ့တဲ့ ၃ နှစ်က ဆက်ဆံရေးအတော်တော်လေး နိမ့်ကျနေတာ တွေ့ရတယ်။ အခု ရက်ပိုင်းမှာပဲ ဒီလထဲမှာ တရုတ်ကို သွားတယ်။ နည်းနည်းလေး ပြန်ပြီး ပြေလည်လာတဲ့အနေအထားမှာ ရှိတယ်။ သူ့ကို နည်းနည်းလေး Backup လုပ်ပြီး ပြောနေတဲ့ အနေအထားမှာ ရှိတယ်။

အမှန်တကယ် ပေးမယ်ဆိုရင် ဘင်္ဂလားဒေ့ရှ်နဲ့ ရှေ့နေချုပ် တို့က ဒီလောက် Case ကို ဖြစ်အောင် လုပ်လာတာ။

ဆိုတော့ ဒီမှာက ဖြည့်ပြီး ပြောချင်တာက မြန်မာတစ်နိုင်ငံလုံးမှာ ရာဇဝတ်မှုတွေ အားလုံးမှာ ရိုဟင်ဂျာတွေ အပေါ်မှာ ကျူးလွန်တာလည်း မင်းအောင် လှိုင်ပဲ။ တိုင်းရင်းသားလူနည်းစုတွေ အားလုံးအပေါ်ကို ကျူးလွန်တာလည်း မင်းအောင်လှိုင်ပဲ ။ မြန်မာတစ်နိုင်ငံလုံးကို ၂၀၂၁ ကနေ စပြီး ကျူးလွန်နေတာလည်း မင်းအောင်လှိုင်ပဲ ကျွန်တော်တို့အတွက်က အရေးကြီးတာက ဒီ ရာဇဝတ်ကောင်ကို ပြစ်ဒဏ်ပေးမယ် ဘယ်လိုပုံစံမျိုးဖြစ်လာမလဲဆို ဒီ ရိုဟင်ဂျာအမှုနဲ့ ဒီလိုမျိုးဖြစ်လာတယ်ဆိုတာ ဒါအားလုံးအတွက်က တစ်နိုင်ငံလုံးအတွက် အကျိုးသက်ရောက်မှု ရှိတယ်။

ကျွန်တော်တို့ အနေနဲ့ အမြန်ဆုံး ဖမ်းဝရမ်းထွက်လာတဲ့အခါ ဒီ နိုင်ငံတွေကို ရာဇဝတ်ကောင်နဲ့ အဆက်အဆံမလုပ်ဖို့ ဝိုင်းဝန်းပြီးတော့ Advocacy လုပ်မယ်ဆိုရင် နိုင်ငံတွင်းမှာ ကြီးမားတဲ့ ပြောင်းလဲမှု ဖြစ်လာနိုင်တယ်။ ဖိအားတစ်ခုဖြစ်လာမယ်။ ဒီ Criminal နဲ့ လုံးဝ Deal မလုပ်ဘဲ relationship cut off လုပ်ပြီးတော့ ဒီဟာကို လုံးဝ ဖြုတ်ချနိုင်အောင် ဝိုင်းဝန်းပံ့ပိုးပြီး ဒီဟာ အတော်လေးကို ကြီးမားတဲ့ လက်နက်တစ်ခုဖြစ်လာနိုင်တယ်။

မေး။ ။ ဝရမ်းထွက်လာမယ့် အချိန်ပေါ့။ ပြည်သူတွေ ဘယ်တော့လောက် ထပ်ပြီးတော့ ပျော်ရဦးမလဲ။ အချိန်လေး နည်းနည်းလေး ခန့်မှန်းပြီး ပြောပေးပါလား။

ဖြေ။ ။ ခန့်မှန်းပြီးတော့ ဆိုတာ ဒါက တရားသူကြီးတွေ ပေါ်မှာ မူတည်တာပေါ့။ အခုကတော့ တရားရုံးကို ဦးတိုက်လျှောက်ထားတော့ တရားသူ ကြီးတွေကလည်း case တွေကလည်း ကိုင်ထားတာ နည်းနည်းနောနောတော့ မဟုတ်ဘူး။ ကျွန်တော် ထင်တယ်။ ကျွန်တော်ထင်တယ် ဒီဟာ အချိန်တိုတိုလေးအတွင်းမှာ ထွက်လာနိုင်တယ်။ ဘာကြောင့်လဲဆိုတော့ မြန်မာနိုင်ငံက မြန်မာနိုင်ငံထက် ဒီမင်းအောင်လှိုင်နဲ့အဖွဲ့က ကြေညာလိုက်တယ်။

ဂရုစိုက်စရာမလိုဘူး။ ငါတို့က ICC အဖွဲ့ဝင် နိုင်ငံမဟုတ်ဘူးဆိုပြီးတော့ ကြေညာလိုက်တယ်ဆိုတော့ စိန်ခေါ်မှု မရှိတော့ဘူး။ တရားရုံးမှာ ရောက်သွားပြီးတော့ နေတန်ညာဟုကိစ္စမှာ ၅ လကျော်ကြာတယ်။ ဘာကြောင့် ကြာလဲဆိုတော့ သူတို့ နိုင်ငံကနေ ပြီးတော့ စိန်ခေါ်တယ် challenge လုပ်တယ်။ နေတန်ညာဟုကလည်း မင်းအောင်လှိုင်လိုပဲ ငါ ICC အဖွဲ့ဝင်နိုင်ငံမဟုတ်ဘူး ဂရုစိုက်စရာမလိုဘူးဆိုပြီး ကြေညာတယ်။ ဒါပေမဲ့သူ့ကို ထောက်ခံအားပေးတဲ့လူက ဒီစီရင်ချက်ကို ဒီ application ကို တင်တဲ့ဟာကို challenge လုပ်တဲ့အတွက် ၅ လကြာတယ်။ အခု ဒီမှာက မင်းအောင်လှိုင်အတွက် challenge လုပ်ဖို့က မရှိဘူး။ လပိုင်းအတွင်းမှာ ၁ လ ၂ လအတွင်းမှာ ဖြစ်လာဖို့ ရှိတယ်လို့ ကျွန်တော်တို့က မျှော်လင့်တယ်။

အစ္စရေးဝန်ကြီးချုပ် နေတန်ညာဟုလည်း ဒီဟာထွက်လာပြီးတော့မှ အခုမှ အယူခံဝင်မယ်ဆိုပြီး ဖြစ်လာတယ်။ ICC အဖွဲ့ဝင်နိုင်ငံမဟုတ်ဘူး။ ဂရုစိုက်စရာမလိုဘူး ပြောပြီးတော့မှ ။ ဘာဖြစ်လို့လဲဆိုတော့ သူ့ကိုယ်ကတော့ ထောက်ခံအားပေးတဲ့နိုင်ငံက သူ့ကို ဖမ်းပေးမယ်ဆိုပြီး ဖြစ်လာတယ်။ ဆိုတော့ ကျွန်တော် ထင်တယ်။ မင်းအောင်လှိုင်ကတော့ အယူခံဝင်လည်း ဘာမှ မဖြစ်လာဘူး ။ သူ့ကို ထောက်ခံအားပေးတဲ့ နိုင်ငံ ဘယ်နိုင်ငံက မရှိဘူး။ သူ့အတွက် ရုရှားကလည်း လုပ်မှာ မဟုတ်ဘူး။ တရုတ်ကလည်း လုပ်မှာ မဟုတ်ဘူး။ ကျွန်တော်ထင်တယ် ဒီဟာက အမြန်ဆုံးထွက်လာဖို့ ရှိတယ်။

မေး။ ။ ICC ရှေ့နေချုပ်ရဲ့ ထုတ်ပြန်ချက်ထဲမှာ နောက်ဆက်တွဲတွေ လာဦးမယ်ဆိုတော့ ဘယ်သူတွေကို ထပ် ၀ရမ်းထုတ်မှာလဲ။

ဖြေ။ ။ ဒီမှာက သူပြောသွားတာမှာ ရှင်းရှင်းလင်းလင်းပဲ ။ စစ်တပ်ပါတယ်။ ရဲတပ်ဖွဲ့ပါတယ်။ နယ်ခြားစောင့်ရဲတပ်ဖွဲ့။ ရိုဟင်ဂျာမဟုတ်တဲ့ အရပ်သားတွေ ပါတယ်။ ဆိုတော့ အဲဒီတုန်းက ကျွန်တော်တို့ ပွင့်ပွင့်လင်းလင်းပြောလို့ရှိရင် အစိုးရတစ်ရပ်ရှိတယ်။ စစ်တပ်ဆိုတာက အစိုးရရဲ့ လက်အောက်မှာ ရှိတယ်။ ဒါ ကျွန်တော်တို့ နိုင်ငံမှာ ၂၅ ရာခိုင်နှုန်းက လွှတ်တော်မှာ စစ်တပ်က ထိန်းချုပ်ထားတယ်။

နောက်ပြီးတော့ Power Sharing ပိုင်းမှာလည်း အကုန်လုံး သိတယ်။ တကယ့်ဟာက စစ်တပ်က အစိုးရရဲ့ လက်အောက်။ ဆိုတော့ သူတို့က ICC က အစိုးရကို Target လုပ်မယ်။ ဒါက ကျွန်တော်တို့ ပြောလို့မရဘူး။ နောက်တစ်ခုက သူ ဒီမှာ စစ်တပ်တင် မဟုတ်ဘူး ရဲတပ်ဖွဲ့ နယ်ခြားစောင့်ရဲတပ်ဖွဲ့။ ရိုဟင်ဂျာမဟုတ်တဲ့ အရပ်သားတွေ။ အရပ်သားတွေထဲမှာ နိုင်ငံရေးသမားတွေ၊ လောင်စာထည့်ပေးတဲ့ နိုင်ငံရေးသမားတွေလည်း အများကြီး ရှိတယ်။ သူတို့ကို Target လုပ်မယ်။ ဒါတွေကလည်း ကျွန်တော်တို့ ဘယ်လိုမှ ပြောလို့မရဘူး။ ဒီ တရားရုံးက လွတ်လပ်တဲ့ တရားရုံးဖြစ်တယ်။ ဒီမှာ သူတို့ ဆွေးနွေးနေတာ ကျွန်တော်တို့နဲ့ သိတဲ့လူတွေ ရှိတယ်ဗျ။ ဒီလူတွေကတော့ ကျွန်တော်တို့ကို information Share တာ မလုပ်ဘူး။

နောက်ဆက်တွဲဘာတွေ ဖြစ်လာနိုင်လဲဆို နံပါတ် ၁ အချက် ဒီအစိုးရထဲမှာ တာဝန်ရှိသူတွေ ရှိတယ်။ ဒါကို လောင်စာပုံစံမျိုးနဲ့ ပြောဆိုခဲ့တာတွေ ရှိတယ်။ ဒါကို မှတ်တမ်းတွေကတော့ မီဒီယာမှတ်တမ်းတွေ evident တွေ အများကြီး ရှိတယ်။ဒါကိုလည်း သူတို့အနေနဲ့ စိုးရိမ်စိတ် ရမယ့်အနေအထားဖြစ်တယ်။ နောက်တစ်ခုက မင်းအောင်လှိုင်က ပစ်မိန့်ပေးလိုက်ပြီ ။ဒီ ပစ်မိန့်တွေကို ဘယ်သူတွေက လုပ်လဲ။ တပ်မမှူးတွေ၊ တိုင်းမှူးတွေ ၊

နောက်ပြီးတော့ အောက်ခြေမှာ ။ ဥပမာ ဘူးသီးတောင်မှာဆို တပ်ကြပ်ကြီး တစ်ယောက် တော်တော်လေးကို ဆိုးဆိုးရွားရွားနဲ့ လူအများကြီးကို သတ်ခဲ့တာတွေ ရှိတယ်။ ဒီလိုလူတွေက အစ ဖမ်းဝရမ်းထုတ်လာနိုင်တယ်။

နောက်ပြီးတော့ နိုင်ငံရေးသမားတွေ အားပေးခဲ့တာ ဒီ သတ်တာကို ပြစ်မှုကျူးလွန်တာကို မတရားသဖြင့် အားပေးခဲ့တဲ့ မီဒီယာမှာ အင်တာဗျူးပေးခဲ့တာတွေ။ ဆိုတော့ သူတို့ကိုလည်း ပစ်မှတ်ဖြစ်လာနိုင်တယ်။ ဘယ်လိုပုံစံမျိုးနဲ့ လုပ်မလဲ။ အဲဒီဟာကတော့ ရှေ့နေချုပ်အပေါ်မှာ မူတည်တယ်၊ တရားရုံးရဲ့ ဆုံးဖြတ်ချက်အပေါ်မှာ မူတည်တယ်။ ကျွန်တော်တို့ စောင့်ကြည့်ရမှာပေါ့။ ဘာကြောင့်လဲဆိုတော့ ကျွန်တော် တစ်ခုပြောချင်တာက မတရားမှုလုပ်ပြီးသွားရင် အဲဒီ မတရားမှုက လွတ်ဖို့ မရှိဘူး။ အဖမ်းခံရသည်ဖြစ်စေ အဖမ်းမခံရသည် ဖြစ်စေ ဝရမ်းပြေးကတော့ ဝရမ်းပြေးပဲ။ ဝရမ်းပြေးက ပြည်တွင်းက ထုတ်ထားတဲ့ ဝရမ်းပြေးမဟုတ်ဘူး။ နိုင်ငံတကာ တရားရုံးက ထုတ်ထားတဲ့ ဝရမ်းပြေးဖြစ်တယ်။ ဒီ ဝရမ်းပြေးက ဒီနိုင်ငံတွင်းမှာပဲ ပိတ်လှောင်နေပြီး နိုင်ငံကနေ အပြင်ထွက်ဖို့ လမ်းဆိုတာ ဘယ်တော့မှ ရှိမှာ မဟုတ်ဘူး။

ကျွန်တော်တို့က လက်ရှိ ကျွန်တော်တို့ နယ်မြေမှာ ဆိုလို့ရှိရင် ရိုဟင်ဂျာတွေ အခုချိန်ထိ တော်တော်ကြီးကို ခံစားနေရတာ။ ဒါ တစ်ဆင့်ပြီး တစ်ဆင့်။ ကျွန်တော်တို့က လုပ်တယ်။ တရားမျှတမှုရဖို့။ ဒီ တရားမျှတမှုက ကျွန်တော်တို့ လုပ်တဲ့အလုပ်သည် တစ်နိုင်ငံလုံးမှာ အားလုံးကို အကျိုးသက်ရောက်မှု ရှိရမယ်။ အားလုံးခံစားရမယ်။ အဲဒီလိုပုံစံမျိုးနဲ့ မတရားမှုအားလုံးကို ချုပ်ငြိမ်းသွားအောင်တော့ ဆက်တိုက်ကို ဖြစ်အောင် လုပ်နေမှာပဲ ။

မေး။ ။ ဒီနောက်ဆုံး မေးခွန်းပါ။ အခု သူကလည်း တရားရုံးကို ဆက်မသွားဘူး အသိအမှတ်လည်း မပြုဘူး။ သူ့နိုင်ငံတွင်းမှာပဲ သူနေမယ်။ အာဏာကိုပဲ ဆက်ဆုပ်ကိုင်ထားမယ်ဆိုရင် ဘယ်လို ဆက်ဖြစ်လာမလဲ။ တရားရုံးက သူ့ကို မျက်ကွယ်ထောင်ဒဏ်ချလို့ရလား။ ဘယ်လို စီရင်လို့ရလဲ ။ ဒါ နောက်ဆုံးမေးခွန်းပါ အစ်ကို။

ဖြေ။ ။ တရားရုံးက သူ မပါဘဲနဲ့ ပြစ်ဒဏ်ချလို့မရဘူး။ ဒါပေမဲ့ သူ ဝရမ်းပြေးအဖြစ်နဲ့ပဲ ရှိနေမယ်။ နောက်ပြီး သူကနေပြီးတော့ ဘယ်သူနဲ့မှ မဆက်ဆံဘူးဆိုတာ ။ နိုင်ငံတစ်နိုင်ငံက အဲဒီလို isolated တော့ နေလို့မရဘူး။ ဥပမာ ဦးနေဝင်းလက်ထက်က isolated နေခဲ့ပေမယ့် သူ ဆေးကုဖို့ ဂျာမနီသွားတယ်။ တခြားနိုင်ငံတွေ သွားတယ်။ ဒီလိုပုံစံမျိုးနဲ့ ဘယ်လိုမှ နေလို့မရဘူး။

ဝရမ်းပြေးတစ်ယောက်ကိုတော့ ဥပမာ မလေးရှားနိုင်ငံက မကြာခင် အာဆီယံ ဥက္ကဋ္ဌဖြစ်လာမယ် မလေးရှားဆိုလို့ရှိရင် မြန်မာအရေးကို တော်တော်လေးကို ပြောဆိုတာတွေ ရှိတယ်။ တကယ်လက်တွေ့လုပ်နေတာတွေ ရှိတယ်။ အဲဒီလိုမျိုးပဲ ဒါပြီးသွားရင် ဖိလစ်ပင်းဖြစ်လာမယ်။ အာဆီယံထဲမှာတော့ မလေးရှား ဖိလစ်ပင်း နောက် အင်ဒိုနီးရှား ဒီ ၃ နိုင်ငံက တော်တော်လေးကို strong ဖြစ်တဲ့ နိုင်ငံ။ အခုလက်ရှိ သူ အာဆီယံမှာ နည်းနည်းလေး အဆက်အသွယ်ရှိနေတာ။ သူကိုယ်တိုင်လည်း တက်လို့ မရဘူး။

သူ အာဆီယံထဲမှာတော့ သူကောင်းကောင်းမွန်မွန်နေလို့မရဘူးဆိုလို့ရှိရင် သူ ဒီအာဏာကို ထိန်းချုပ်ထားဖို့ဆိုတာ လွယ်ကူမယ့် ကိစ္စမဟုတ်ဘူး ဘာလို့လဲဆိုတော့ နိုင်ငံတစ်နိုင်ငံ run ဖို့အတွက်က Diplomatic တစ်ခုတည်းမဟုတ်ဘူး ကုန်သွယ်ရေး ဘာညာ အများကြီး ရှိလာတယ်။ နောက်ပြီးတော့ နိုင်ငံတစ်နိုင်ငံရဲ့ pressure ကလည်း တော်တော်လေးကို ဒီနိုင်ငံတွေအတွင်းမှာ အာဆီယံအတွင်းမှာလည်း အနောက်နိုင်ငံတွေကနေ Pressure ပြန်ခံရမှာ ။

တရုတ်တစ်ခုတည်းနဲ့ ပြီးသွားမှာ မဟုတ်ဘူး။ တရုတ်ကလည်း ဝရမ်းပြေးကို Backup လုပ်ပြီးတော့ ဘာမှလည်း အရည်အချင်းမရှိ Power မရှိတဲ့ ချဉ်ဖတ်ကြီး backup လုပ်ပြီး နေမှာ မဟုတ်ဘူး။ ကျွန်တော် ထင်တယ်။ အပြောင်းအလဲတော့ လုံးဝ ဖြစ်မလာဘူးဆိုတာ မဟုတ်ဘူး။ အပြောင်းအလဲ ဖြစ်တော့ ဖြစ်လာမယ်။ သူ ဆင်းသွားပြီးတော့ စစ်တပ်ကို အာဏာထားချင်တယ်ဆိုလို့ရှိရင် နောက်ကွယ်ကနေ ထိန်းချုပ်ပြီးတော့ နောက်တစ်ယောက်ကို တင်မလား။ အဲဒီပုံစံမျိုး ဖြစ်လာနိုင်တယ်။

နောက် သူ့ကို တင်ခဲ့တဲ့ ဦးသန်းရွှေကိုတောင် စကားနားမထောင်ဘူး။ သူ့သားမက်ကို ပြန်ဖမ်းတယ်။ အဲဒီပုံစံမျိုး လုပ်လာတော့ သူ နောက်တစ်ယောက် တင်လို့ ရှိရင် သူ့ရဲ့ အနေအထား ဘယ်လိုဖြစ်လာမလဲ ဒါတွေက အများကြီး စဉ်းစားစရာတွေ အများကြီးရှိတယ်။ ကျွန်တော်က အကောင်းဘက်ကို မျှော်လင့်တယ်။ သိပ်ပြီးတော့ မကြာခင် ဝရမ်းထွက်ပြီးသွားရင် အပြောင်းအလဲတစ်ခုတော့ မြင်ကို မြင်ရမယ်လို့ ယုံတယ်။

မေး။ ။ အဲဒီတော့ တရားရင် မဆိုင်ရင်လည်း နေ။ မသေမချင်း ဝရမ်းပြေးဘဝနဲ့ ဘဝကို အဆုံးသတ်သွားပေါ့။ အဲဒီလိုလား။

ဖြေ။ ။ ဟုတ်ပါတယ် ။ ဝရမ်းပြေး ဘဝနဲ့တော့ နိုင်ငံကို အုပ်ချုပ်လို့ ရမှာ မဟုတ်ဘူးလို့ ပြောချင်ပါတယ်။ ဒီ ဝရမ်းပြေးဘဝနဲ့ နိုင်ငံတွင်းမှာ နေလို့ရတယ်။ အာဏာကို ဆက်ပြီး ကိုင်ထားဖို့ တော်တော်လေးကို ခဲယဉ်းတယ်။ ပူတင် မဟုတ်ဘူး၊ နေတန်ညာဟု မဟုတ်ဘူး။ အဲဒါ မင်းအောင်လှိုင် ကမ္ဘာ့ချဉ်ဖတ်။

Khit Thit သတင်းဌာန၏ ဒီဇင်ဘာ ၂ ရက် မနက်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဒီဇင်ဘာ ၂ ရက် မနက်ပိုင်း တင်ဆက်ပေးမယ့် သတင်းတွေကတော့

-နိုင်ငံတကာရာဇဝတ်ခုံရုံး (ICC) က ဖမ်း၀ရမ်းထုတ်တော့မယ့် အကြမ်းဖက်စစ်ခေါင်းဆောင် မင်းအောင်လှိုင် ကို ဖမ်းဆီးနိုင်ရေးနဲ့ တရားစီရင်နိုင်ရေးအတွက် အစွမ်းကုန် အရှိန်မြှင့်ကြိုးပမ်းအား ထုတ်မယ်လို့ အမျိုးသာညီညွတ်ရေးအစိုးရ-NUG ၊ ကရင်အမျိုးသားအစည်းအရုံး-KNU ၊ ကရင်နီ အမျိုးသားတိုး တက်ရေးပါတီ-KNPPနဲ့ ချင်းအမျိုးသားတပ်ဦး-CNF တို့က ပူးတွဲကြေညာချက်တစ်ရပ်ကို ထုတ်ပြန် လိုက်ပါတယ်။

နာမည်ကျော် မဘသ၊ သွေးသောက်အဖွဲ့ဝင်နဲ့ အစွန်းရောက်အမျိုးသားဝါဒီ၊ စစ်တပ်လော်ဘီ ပျူစောထီး မင်းမင်း သေဆုံးပြီးနောက် အလောင်းပြန်လည်မရရှိသေးတဲ့အတွက် အလောင်းနဲ့ ခေါင်းပါပြန်လည်ရရှိရေး ကြိုးစားရှာဖွေနေတယ်လို့ အစွန်းရောက် အမျိုးသားရေးသမားတွေက ပြောပါတယ်။

ချင်းပြည်နယ်၊ ဟားခါးမြို့ကို ကာကွယ်ထားတဲ့စစ်တပ်တပ်စခန်းကို CNA ဦးဆောင်တဲ့ ချင်းပြည် အစိုးရတပ်တွေက တိုက်ခိုက်သိမ်းပိုက်လိုက်ပြီး စစ်တပ်ဘက်က ခလရ ၂၂၂ တပ်ရင်းမှူး၊ ဗိုလ်ကြီးနဲ့ ရဲမှူး စုစုပေါင်း ၃ ဦး သေဆုံးကာ စစ်သား ၁၉ ဦးကို လက်နက်ခဲယမ်းတွေနဲ့အတူ ဖမ်းဆီးရရှိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://youtu.be/vCz5D41wQfQ?si=eUcVm2d7VdOmS74a

ယင်းတိုက်ပွဲအတွင်း ယောတပ်တော် -YA မှ ရဲဘော် ၂ ဦး အပြင်းအထန်ထိခိုက်ဒဏ်ရာရရှိခဲ့ ကာ ပူးပေါင်းလာသော ပြည်သူ့ကာကွယ်ရေး တပ်မတော်မှ ရဲဘော် ၁ ဦး အသက်ပေးဆပ်ခဲ့ရ ကြောင်း၊ တိုက်ပွဲများအတွင်း ဒဏ်ရာရရှိသော စစ်သား ၅ ဦးလည်း ထပ်မံသေဆုံး၍ ဒဏ်ရာရရှိသူ စစ်သား ၁၀ ဦးမှာ ဆေးကုသနေရကြောင်း သိရသည်။

စစ်ဆင်ရေးတိုက်ပွဲများတွင် ယောတပ်တော် - YA သည် မဟာမိတ် ချင်းညီနောင် - CB ၊ ယောကာကွယ်ရေးတပ် - YDF တို့နှင့် ပူး ပေါင်းကာ ယောဒေသစစ်ဆင်ရေးများကို တိုးမြှင့်ဖေါ်ဆောင်လျက်ရှိပြီး နီးစပ်ရာ ဒေသခံကာကွယ် ရေးတပ်ဖွဲ့များ၊ ခရိုင်တပ်ရင်းများ နှင့် Drone တပ်ဖွဲ့များလည်းပူးပေါင်းကာ ဟန်ချက်ညီတိုက်ပွဲဝင်ခဲ့ ကြခြင်းဖြစ်ကြောင်း သိရသည်။



“စစ်ရေးတွေ ပြင်းထန်လာဖို့ရှိမယ်၊ ပြည်သူတွေ အစစအရာရာ ပြင်ဆင်ထားကြဖို့လိုမယ်၊ ကျနော်တို့ ယောတပ်တော်အနေနဲ့ စစ်အာဏာရှင်စနစ် အမြန်ဆုံး အမြစ်ဖြတ်ရေး ၊ ယောဒေသ အမြန်ဆုံးလွတ် မြောက်ရေး၊ ဖက်ဒရယ် ပြည်ထောင်စုတည်ဆောက်ရေးတို့အတွက် ရည်ရွယ်ချက်တူ မဟာမိတ် တပ်ဖွဲ့တွေနဲ့ ပူးပေါင်းကာ တိုက်ပွဲဝင်သွားမှာဖြစ်ပါတယ်” ဟု ယောတပ်တော် - YA တပ်ဖွဲ့မှ တာဝန် ရှိ သူတစ်ဦးက ပြောဆိုသည်။

One attachment
• Scanned by Gmail

ထီးလင်းတွင် စစ်တပ် စစ်ကြောင်းကို တိုက်ခိုက်မှု စစ်သား ၂၄ ဦးသေဆုံးပြီး ၁ ဦးအရှင်ဖမ်းမိကာ လက်နက်ခဲယမ်းများ သိမ်း ဆည်းရရှိ

ရန်ကုန်၊ ဒီဇင်ဘာ ၂

မကွေးတိုင်း၊ ထီးလင်းမြို့နယ်၊ ကျောက်ထုမြို့မှ ထွက်လာသော စစ်တပ် စစ်ကြောင်းကို ၄ ရက်တာ တိုက်ခိုက်ခဲ့ရာ စစ်တပ်ဘက်မှ ဗိုလ်ကြီး ၁ ဦး အပါအဝင် စစ်သား ၂၄ ဦးသေဆုံးပြီး ၁ ဦးအရှင်ဖမ်းမိကာ လက်နက်ခဲယမ်းများ လည်း သိမ်းဆည်းရရှိခဲ့ကြောင်း Yaw Army – YA တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြား သည်။

နိုဝင်ဘာလ ၂၀ ရက်နေ့ နံနက် နာရီအချိန် ထီးလင်းမြို့မှ ထွက်ခွာလာသော အင်အား ၈၀ ကျော်ပါ အကြမ်း ဖက်စစ်တပ် စစ်ကြောင်းက ယောတပ်တော် - YA ၏ လှုပ်ရှားစစ်ကြောင်း ၂ တပ်ဖြန့်ထားသောနေရာသို့ လက်နက်ကြီး၊ လက်နက်ငယ်များဖြင့် ပစ်ခတ်ပြီး စတင်ထိုးစစ်ဆင်တိုက်ခိုက်လာခဲ့သဖြင့် နှစ်ဖက်အပြန်အလှန် ပစ်ခတ်တိုက်ပွဲဖြစ်ခဲ့ကြောင်း၊ တိုက်ပွဲဖြစ်ပွား ချိန်အတွင်း အကြမ်းဖက်စစ်ကောင်စီတပ်က Mi-35 ချေမှုန်းရေး ရဟတ်ယာဥ်များဖြင့် လေကြောင်း ပစ်ကူပေးခဲ့ကြောင်း သိရသည်။

ယောတပ်တော် - YA နှင့် မဟာမိတ်တပ်ဖွဲ့များ၊ ပြည်သူ့ကာကွယ်ရေးတပ်မတော် - PDF ပူးပေါင်း တပ်ဖွဲ့ကလည်း တိုက်ခိုက်ရေး Drone များ၊ ဒေသခံပကဖ တပ်ဖွဲ့များက လက်နက်ကြီးများဖြင့် ယော တပ်တော်ကို အားဖြည့်ပေးခဲ့သောကြောင့် နိုဝင်ဘာလ ၂၀ ရက်နေ့ ည ၇ နာရီအချိန်အထိ တိုက်ပွဲပြင်းထန်ခဲ့ကြောင်း၊ အကြမ်းဖက် စစ်တပ်မှ အများအပြား ထိခိုက်သေဆုံးကာ ထီးလင်းမြို့တွင်းသို့ ပြန်လည် ဆုတ်ခွာသွားကြောင်း သိရသည်။

အလားတူ နိုဝင်ဘာလ ၂၆ ရက်နေ့ မွန်းလွဲ ၂ နာရီ ၂၆ မိနစ်အချိန် ကျောက်ထုမြို့ အမြောက်တပ်၊ အမတ ၃၆၈ တပ်ဝန်းအနီး ၁ ကီလိုမီတာ အကွာ၌ ယောတပ်တော် (YA) ၏လှုပ်ရှားစစ်ကြောင်း ၄ နှင့်ကျောက်ထု အမတ ၃၆၈ မှ ထွက်လာသော အင်အား ၃၀ ခန့်ပါ စစ်ကြောင်း ရှေ့ပြေးစစ်သားများ ထိတွေ့တိုက်ပွဲ အနီး ကပ်ဖြစ်ခဲ့ရာ ညနေ ၄ နာရီ အချိန်အထိ အပြန်အလှန်ပစ်ခတ်တိုက်ပွဲဖြစ်ခဲ့ပြီး အကြမ်းဖက်စစ် ကောင်စီ တပ်မှလည်း ထိခိုက်သေဆုံးမှုများပြားကာ ယောတပ်တော် - YA မှ ရဲဘော်တစ်ဦး ကျဆုံးခဲ့ ကြောင်း သိရသည်။

နိုဝင်ဘာလ ၂၇ ရက်နေ့ နံနက် ၈ နာရီ မိနစ် ၅၀ အချိန် ကျောက်ထုမြို့ ၊ အမတ ၃၆၈ တပ်မှ ထပ်မံ အင်အားဖြည့်တင်းပြီး ယောတပ်တော် - YA အခြေပြုရာနေရာသို့ ထပ်မံ စစ်ကြောင်းထိုးလာခဲ့သဖြင့် လက်ဦးမှုရယူတိုက်ခိုက်ခဲ့ကြောင်း၊ အကြမ်းဖက်စစ်ကောင်စီ စစ်ကြောင်းအထိနာခဲ့ပြီး လေကြောင်းပစ်ကူ ၆ ကြိမ် တိုက်ခိုက်ခဲ့ကြောင်း၊ ယင်း တိုက်ပွဲ သည် ၂၃ နာရီ ကြာမြင့်ခဲ့ပြီး လေ ကြောင်းပစ်ကူတိုက်ခိုက်နေသည့်ကြားမှပင် ယောတပ်တော် - YA တပ်ဖွဲ့ဝင်များ အထိအခိုက်မရှိ တိုက်ပွဲဝင်နိုင်ခဲ့ကြောင်း သိရှိရသည်။

နိုဝင်ဘာလ ၂၈ ရက်နေ့ နံနက် ၇ နာရီအချိန် အကြမ်းဖက်စစ်ကောင်စီတပ်သားများ ပြန်လည် ဆုတ်ခွာ သွားသဖြင့် တိုက်ပွဲဖြစ်ပွားရာနေရာကို နယ်မြေရှင်းလင်းရေး လုပ်ဆောင်ခဲ့ရာ အကြမ်းဖက် စစ် သား အလောင်း ၂ လောင်း၊ MA-1 အမျိုးအစား သေနတ် ၂ လက် ၊ ခဲယမ်း နှင့် စစ်အသုံး အဆောင် ပစ္စည်းအချို့ သိမ်းဆည်းရရှိခဲ့ကြောင်း သိရသည်။

ထို့အတူ နိုဝင်ဘာလ ၂၈ ရက် နံနက် ၇ နာရီ ၃၀ မိနစ်အချိန် ထီးလင်းမြို့၊ ရွှေထီးခန်းမမှ အင်အား ၈၀ ခန့် ဖြင့် အနီးအနားကျေးရွာများကို လုယက်ဖျက်ဆီးရန် ထွက်လာသော တပ်မ ၇၇၊ တပ်ရင်း ၁၀၇ ပူး ပေါင်း စစ်ကြောင်းကို ယောတပ်တော်- YA ၏ လှုပ်ရှားစစ်ကြောင်း ၃ က လက်ဦးမှု ရယူပြီး ကြားဖြတ် တိုက်ခိုက်ခဲ့ရာ အကြမ်းဖက်စစ်သားများ အထိနာပြီး မွန်းလွဲ ၁ နာရီ ၃၀ မိနစ်အချိန်တွင် ထီးလင်းမြို့ တွင်းသို့ ပြန်ဆုတ်သွားကြောင်း သိရသည်။

အဆိုပါတိုက်ပွဲသည် ၅ နာရီခွဲခန့်ကြာမြင့်ခဲ့ပြီး အကြမ်းဖက်စစ်ကောင်စီတပ်မှ Mi 35 ချေမှုန်းရေး ရဟတ် ယာဉ်ဖြင့် လေကြောင်းပစ်ကူပေးကာ ၎င်းတပ်များကို ဆွဲထုတ်သွားခဲ့ကြောင်း၊ တိုက်ပွဲပြင်းထန်‌ နေ ချိန် တွင် ပြည်သူ့ကာကွယ်ရေးတပ်မတော် (PDF) နှင့် ဒရုန်းတပ်ဖွဲ့မှလည်း ယောတပ်တော် (YA) နှင့် လာရောက်ပူးပေါင်းခဲ့ကြကာပြီး ဟန်ချက်ညီညီ တိုက်ပွဲဖေါ်ဆောင်နိုင်ခဲ့ခြင်းဖြစ်ကြောင်း သိရသည်။

အဆိုပါတိုက်ပွဲများအတွင်း စစ်ကြောင်းမှူး အရာရှိ ဗိုလ်ကြီး တစ်ဦးအပါအဝင် အကြမ်းဖက်စစ်သား အ လောင်း ၈ လောင်း၊ စစ်သုံ့ပန်း ၁ ဦး၊ MA 1 အမျိုးအစား သေနတ် ၁ လက်၊ ကာဘိုင် ၂ လက်၊ အခြား ကျည်နှင့် ခဲယမ်းများ၊ စစ်အသုံးအဆောင်များ၊ ရေဒီယို စက်များ သိမ်းဆည်းရရှိခဲ့ကြောင်း၊ စစ်ကြောင်းထိုး ထိုးစစ်ဆင်လာသော စစ်တပ်မှာ ကစဥ့်ကလျားဖြင့် ထွက်ပြေး ဆုတ်ခွာသွားကြောင်း ယောတပ်တော် -YA တပ် ဖွဲ့မှ တာဝန် ရှိသူတစ်ဦးက ပြောဆိုသည်။

“၄ ရက်တိုက်ပွဲအတွင်း စကစဘက်က တိတိကျကျ သတင်းရတာတော့ စုစုပေါင်း ၂၄ ယောက်သေ တယ်ဗျ၊ ရရှိတဲ့လောင်းက ၈ လောင်းရတယ်။ ဒီထက်ကျဆုံးတာတွေ၊ ထိခိုက်ပြင်းထန်တွေနဲ့ ပျောက် ဆုံးနေတာတွေလည်းရှိတယ်။ စကစဘက်က စစ် ကြောင်းမှူးအရာရှိတစ်ယောက်လည်း ကျဆုံးတဲ့အ ထဲမှာပါတယ်။ လေယာဉ်ပစ်ကူတော့ တိုက်ပွဲ ၄ ရက်လုံးမှာလာပါတယ်။ အဲဒီတိုက်ပွဲတွေပြီးကတည်း က အခုချိန်ထိ မထွက်တော့ပါဘူး” ဟု ယောတပ်တော် - YA တပ်ဖွဲ့မှ တာဝန်ရှိသူတစ်ဦးက ရန်ကုန် ခေတ်သစ်သတင်းဌာနထံသို့ ပြောကြားသည်။

ယင်းမာပင်မြို့နယ်တွင် "Airbus - စစ်ရာဇဝတ်မှုတွေမှာ ရင်းနှီးမြှုပ်နှံနေတာ အဆုံးသတ်"စာသားနှင့် ချီတက်ဆန္ဒပြ

ရန်ကုန်၊ နိုဝင်ဘာ ၂၁

ယင်းမာပင်မြို့နယ်ရှိ ကျေးရွာတစ်ရွာတွင် ယင်းမာပင်မြောက်ခြမ်း နောက်ပြန်မလှည့်ကြေး ဒီတော်လှန်ရေးသပိတ်စစ်ကြောင်းက "Airbus - စစ်ရာဇဝတ်မှုတွေမှာ ရင်းနှီးမြှုပ်နှံနေတာ အဆုံးသတ်" စာသားများကိုင်ဆောင်ပြီး နိုဝင်ဘာလ ၂၁ ရက်နေ့တွင် ချီတက်ဆန္ဒပြခဲ့ကြကြောင်း သိရှိရသည်။

မြန်မာစစ်ကောင်စီကြောင့် အာဆီယံ၏ ဒေသတွင်း ပူးပေါင်းဆောင်ရွက်ရေး ပျက်ပြားစေနိုင်ပြီး ယုံကြည်မှုဆုံးရှုံးနိုင်ဟု စင်ကာပူကာကွယ် ရေးဝန်ကြီး သတိပေး

🟥 စစ်ကောင်စီအနေဖြင့် လက်တုံ့ပြန်နိုင်ငံရေးအတွက် အာဆီယံကို အသုံးမချရန် ပြော

ရန်ကုန်၊ နိုဝင်ဘာ ၂၁

မြန်မာစစ်ကောင်စီကြောင့် အာဆီယံ၏ ဒေသတွင်း ပူးပေါင်းဆောင်ရွက်ရေး ပျက်ပြားစေနိုင်ပြီး ယုံကြည်မှု ဆုံးရှုံးနိုင်ကြောင်း စင်ကာပူကာကွယ် ရေးဝန်ကြီး Dr Ng Eng Henက သတိပေးပြောဆိုလိုက်သည်။

လာအိုနိုင်ငံတွင် နိုဝင်ဘာလ ၂၀ ရက်နေ့ ကျင်းပသည့် ၁၈ ကြိမ်မြောက် အာဆီယံကာကွယ်ရေးဝန်ကြီးများအစည်းအဝေးသို့ တက်ရောက်စဉ် စင်ကာပူကာကွယ်ရေးဝန်ကြီးက အထက်ပါအတိုင်း သတိပေးပြောဆိုလိုက်ခြင်းဖြစ်သည်။

အာဆီယံ ကာကွယ်ရေးဝန်ကြီးများ အစည်းအဝေးတွင် မိတ်ဖက်နိုင်ငံအသစ်များနှင့် ကာကွယ်ရေးဆိုင်ရာ ပူးပေါင်းဆောင်ရွက်ရေး ဆွေးနွေးစဉ် အာဆီယံ ၉ နိုင်ငံက သဘောတူညီခဲ့သော်လည်း မြန်မာကန့်ကွက်ခဲ့ကြောင်း ၊မြန်မာစစ်ကောင်စီ ကိုယ်စားလှယ်၏ ကန့်ကွက်မှုကြောင့် ဆွေးနွေးမှုမှာ သောင်မတင် ရေမကျဖြစ်ခဲ့ရကြောင်း သိရှိရသည်။

စင်ကာပူ ကာကွယ်ရေးဝန်ကြီးက “ မြန်မာရဲ့ အပြုအမူက လွန်ခဲ့သည့်ဆယ်စုနှစ် နှစ်ခုအတွင်း ကျနော်တို့ ဝီရိယစိုက်ထုတ် တည်ဆောက်ခဲ့တဲ့ အာဆီယံအဖွဲ့ကြီးရဲ့ ဒေသတွင်း ပူးပေါင်းဆောင်ရွက်ရေးကို ပျက်ပြားစေမယ့် အန္တရာယ်ရှိပါတယ်။ အာဆီယံကာကွယ်ရေးဝန်ကြီးတွေအပေါ် ယုံကြည်ကိုးစားမှုတွေ ဆုံးရှုံးပါလိမ့်မယ်”ဟု ပြောဆိုသည်။

ထို့ပြင် မြန်မာ၏ အပြုအမူသည် အာဆီယံခေါင်းဆောင်များ၏ ဆွေးနွေး သဘောတူညီချက် ဆုံး ဖြတ်ထားသော အာဆီယံဘုံသဘောတူညီချက် ၅ ချက် အကောင်အထည်ဖော်ရေးနှင့် မြန်မာကိစ္စကြောင့် အာဆီယံ၏ ဆုံးဖြတ်မှုများ မသက်ရောက်ရေး ဆုံးဖြတ်ချက်နှင့် ကိုက်ညီမှု မရှိကြောင်း ၎င်းက ဆက်လက်ပြောဆိုသည်။

"မြန်မာစစ်ကောင်စီအနေနဲ့ အာဆီယံကို ကိုယ့်ရဲ့ နိုင်ငံရေးလက်တုံ့ပြန်မှု အတွက် အသုံးမချပါနဲ့။ သူရဲ့ ရည်မှန်းချက်အတွက် အာဆီယံကာကွယ်ရေးဝန်ကြီးအဆင့် အစည်းအဝေးတွေကိုလည်း ခက်ခဲတဲ့ အခြေအနေတွေဆီ တွန်းမပို့ပါနဲ့" ဟု စင်ကာပူ ကာကွယ်ရေးဝန်ကြီးက တိုက်တွန်းပြောဆိုသည်။

အာဆီယံကာကွယ်ရေးဝန်ကြီးများ အစည်းအဝေး(ADMM)က လာမည့်နှစ်တွင် သောင် မတင်ရေမကျ ဖြစ်နေသည့် ခက်ခဲသောကိစ္စရပ်များကို ဆက်လက်ဆွေးနွေးရန် သဘောတူညီခဲ့ပြီး ADMM ၏ အကျိုးစီးပွားအတွက် စည်းလုံးညီညွတ်စွာ ပူးပေါင်းဆောင်ရွက်ကြရန် စင်ကာပူဝန်ကြီးက တိုက်တွန်းသည်။

လာအိုနိုင်ငံတွင် ကျင်းပနေသည့် ၁၈ ကြိမ်မြောက် အာဆီယံကာကွယ်ရေးဝန်ကြီးများအစည်းအဝေးသို့ အကြမ်းဖက်စစ်ကောင်စီဘက်မှ ကာကွယ်ရေးဝန်ကြီးဌာန၊ နိုင်ငံတကာရေးရာဌာနက ညွှန်ကြားရေးမှူးချုပ် ဦးဇော်နိုင်ဝင်း တက်ရောက်နေခြင်းဖြစ်သည်။

Khit Thit သတင်းဌာန၏ နိုဝင်ဘာ ၂၁ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ နိုဝင်ဘာ ၂၁ ရက် ညနေပိုင်း တင်ဆက်ပေးမယ့် သတင်းတွေကတော့

- ကချင်ပြည်နယ်၊ တရုတ်-မြန်မာနယ်စပ်မှာရှိတဲ့ ကန်ပိုက်တီမြို့ကို KIA-PDF ပူးပေါင်းတပ်တွေက အပြီးသတ် သိမ်းပိုက်ပြီးတဲ့နောက်မှာပဲ ကန်ပိုက်တီမြို့နဲ့ တရုတ်-မြန်မာချစ်ကြည်ရေး ဥမင်လှိုဏ်ခေါင်း မှာပါ KIA အလံကို လွှင့်တင်လိုက်ပြီဖြစ်သလို ၊ ထွက်ပြေးနေတဲ့ စစ်ကောင်စီဘက်တော်သားတွေ ကိုလည်း KIA-PDF ပူးပေါင်းတပ်တွေက လိုက်လံဖမ်းဆီးရှင်းလင်းနေတယ်လို့ KIA သတင်းရင်းမြစ်က ရန်ကုန်ခေတ်သစ်ကို ပြောပါတယ်။

- နေပြည်တော်၊ ပုဗ္ဗသီရိမြို့နယ်အတွင်းက စစ်ကောင်စီလက်အောက်ခံ ဝန်ကြီးဟောင်း၊ ဗိုလ်မှူးချုပ် ဟောင်း တွေနဲ့ စစ်အရာရှိဟောင်းတွေရဲ့ နေအိမ်တွေကိုပါ စည်ပင်ပိုင်မြေမှာ ကျူးကျော်တယ်လို့ ပြောပြီး ၊ စစ်ကောင်စီတပ်နဲ့ ရဲတွေ ၊ စည်ပင်တွေက ဝင်ရောက်ဖျက်ဆီးသွားတယ်လို့ ဒေသခံပြည်သူ တွေက ရန်ကုန်ခေတ်သစ်ကိုပြောပါတယ်။

- ရခိုင်ပြည်နယ် အစပ်က မကွေးတိုင်း ငဖဲမြို့နယ်မှာ လက်ရှိတိုက်ပွဲပြင်းထန်နေတဲ့ ရခိုင်ပြည်နယ် အမ်းမြို့နယ်အတွက် စစ်ကူသွားမယ့် အကြမ်းဖက် စစ်ကောင်စီတပ် စစ်ကြောင်းကို ငဖဲမြို့နယ် တော်လှန်ရေးပူးပေါင်းတပ်တွေက ကြားဖြတ်တိုက်ခိုက်ခြေမှုန်းမှုအတွင်း စစ်ကောင်စီတပ်သား ၉ ဦးသေသွားပြီး အများအပြား ဒဏ်ရာရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။


https://www.youtube.com/watch?v=dPq1t5jE-JM

မတ္တရာတွင် ဗိုလ်မှူး ကျော်ဇေယျ ဦးဆောင်သော ခမရ ၇၀၁ စစ်ကြောင်းကို တိုက်ခိုက်မှု စစ်သား ၁၂ ဦးသေဆုံးပြီး လက်နက် ၉ လက် သိမ်းဆည်းရရှိ

ရန်ကုန်၊ နိုဝင်ဘာ ၂၁

မန္တလေးတိုင်း၊ မတ္တရာမြို့နယ်၊ အကြမ်းဖက် စစ်တပ်၏ ခမရ ၇၀၁ တပ်ရင်းမှ ဗိုလ်မှူး ကျော်ဇေယျ ဦးဆောင်သော စစ်ကြောင်းကို ကြားဖြတ် တိုက်ခိုက်ရာ စစ်တပ်ဘက်မှ ၁၂ ဦးသေဆုံးပြီး လက်နက် ၉ လက် သိမ်းဆည်းရရှိခဲ့ကြောင်း အမှတ် ၁ စစ်ဒေသ က သတင်းထုတ်ပြန်သည်။

နိုဝင်ဘာလ ၁၇ ရက်နေ့ နံနက်ပိုင်းတွင် အမှတ် ၉၁၀ စစ်အင်ဂျင်နီယာတပ်ရင်းမှ ထွက်လာသော ခမရ ၇၀၁ တပ်ရင်းမှ ဗိုလ်မှူး ကျော်ဇေယျ ဦးစီး အင်အား ၇၀ ကျော်ပါ စစ်ကြောင်းကို ဆောက်ခြုံပေါက်ရွာအရောက်တွင် တော်လှန်ရေး တပ်ဖွဲ့များက ကြားဖြတ် တိုက်ခိုက်ခဲ့ကြောင်း ၊ယင်း တိုက်ပွဲ အတွင်း စစ်ကောင်စီ တပ်သား ၁၂ ဦးသေဆုံးကြောင်း သိရှိရည်။

ထို့ပြင် စစ်ကောင်စီတပ်ထံမှ MA-15 (ငါးကြင်းမြီး) ၊ MA-10 (RPG) အပါအဝင် လက်နက် ၉ လက်၊ RPG ဒုံးသီး ၈ လုံး၊ ၆၀ မမ ဗုံးသီး ၅ လုံး၊ အီနာဂါ ဗုံးသီး ၅ လုံး၊ 5.56 ကျည် ၃၅၁ တောင့်၊ G-3 ကျည် ၂၄၈ တောင့်၊ MA ကျည်အိမ် ၇ ခု၊ ကျည်အိမ်အဝိုင်း ၁ ခု၊ MA-15 ကျည်ခါးပတ် ၁ ခု၊ Equipment ၁ ခု၊ ယူနီဖောင်း ၂ စုံ သိမ်းဆည်းရရှိခဲ့ကြောင်း၊ အဆိုပါစစ်တပ် စစ် ကြောင်းမှာ အောင်မြေသာစံမြို့နယ်ရှိ အမှတ်-၉၁၀ စစ်မြေပြင်အင်ဂျင်နီယာတပ်ရင်း တွင် အင်အားစုဖွဲ့ပြီး မတ္တရာမြို့နယ် သဖန်းဒေါင့်ရွာမှတစ်ဆင့် ဝင်ရောက်လာခြင်းဖြစ်ကြောင်းသိရှိရသည်။ သိရသည်။

တိုက်ပွဲဖြစ်ပွားပြီးနောက် အကြမ်းဖက် စစ်တပ်က ဂျက်တိုက်လေယာဉ်နှင့် Mi-35 တို့ဖြင့် ဗုံးကျဲ ပစ်ခတ် တိုက်ခိုက်ခဲ့ကြောင်း၊ အဆိုပါ တိုက်ခိုက်မှုကို ပြင်ဦးလွင်ခရိုင်ကွပ်ကဲရေးမှူး၏ ကွပ်ကဲမှုနှင့် အမှတ် (၅၁၀) တပ်ရင်း၊ မန္တလေးခရိုင် ပကဖ၊ မဟာအောင်မြေမြိုနယ်/ ချမ်းမြသာစည်မြိုနယ်/ မတ္တရာမြိုနယ် ပကဖ ပူးပေါင်း လုပ်ဆောင်ခဲ့ကြောင်း သိရသည်။

ပွင့်ဖြူမြို့နယ်၊ ဆင်လူးရွာရှိ စစ်တပ် ဂိတ်နှင့် အထိုင်စခန်းကို ဝင်ရောက် တိုက်ခိုက်မှု စစ်ကောင်စီ တပ်သား ၂ ဦး သေဆုံး

ရန်ကုန်၊ နိုဝင်ဘာ ၂၁

မကွေးတိုင်း၊ ပွင့်ဖြူမြို့နယ် ဆင်လူးရွာကျေးရွာရှိ အကြမ်းဖက် စစ်တပ် ဂိတ်နှင့် အထိုင်စခန်းကို ဝင်ရောက် တိုက်ခိုက်ရာ စစ်ကောင်စီ တပ်သား ၂ ဦး သေဆုံးခဲ့ကြောင်း မင်းဘူးခရိုင် အမှတ်-၄ တပ်ရင်း (ပွင့်ဖြူမြို့နယ်) မှ တာဝန်ရှိသူတစ်ဦးက ရန်ကုန်ခေတ်သစ်မီဒီယာသတင်းဌာနထံသို့ ပြောဆိုသည်။

နိုဝင်ဘာလ ၁၈ ရက်နေ့ ညနေ ၄ နာရီခန့်တွင် ပွင့်ဖြူမြို့နယ်၊ ဆင်လူးရွာ ကျေးရွာရှိ အကြမ်းဖက် စစ်တပ် ဂိတ် နှင့် အထိုင် စခန်းကို တော်လှန်ရေး တပ်ဖွဲ့များက ဝင်ရောက် တိုက်ခိုက်ခဲ့ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်တပ်ဘက်မှ စစ်သား ၁ ဦး နှင့် ပျုစောထီး ၁ ဦး သေဆုံးပြီး စစ်ကောင်စီ တပ်သား အများ အများအပြား ထိခိုက် ဒဏ်ရာရရှိခဲ့ကြောင်း၊ တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်းသိရှိရသည်။

"ကျွန်တော်တို့ အနေနဲ့ကတော့ ပြည်သူ့စစ် အဖွဲ့ဝင်ထားတဲ့ ရွာဒေသက ပြည်သူများ အမြန်ဆုံး လာရောက် ပူးပေါင်း ပါဝင်နိုင်ကြောင်းနဲ့ အကြမ်းဖက်စစ်ကောင်စီ ထောက်တိုင်များနဲ့ ဆက်လက် ပူးပေါင်းဆောင်ရွက်မှုတွေ မပြုလုပ်ဖို့အတွက်ပဲ ပြောချင်တယ်" ဟု မင်းဘူးခရိုင် အမှတ်-၄တပ်ရင်း (ပွင့်ဖြူမြို့နယ်) မှ တာဝန်ရှိသူတစ်ဦးက ပြောဆိုသည်။

အဆိုပါ တိုက်ခိုက်မှုကို မင်းဘူးခရိုင် အမှတ်(၄) တပ်ရင်းနှင့် မကွေးတိုင်း ပြည်သူ့ကာကွယ်ရေးအဖွဲ့ ဒရုန်း လက်ရုန်းတပ်ဖွဲ့ တို့က ပူးပေါင်း လုပ်ဆောင်ခဲ့ကြောင်း၊ ပြည်သူများ အနေဖြင့် အကြမ်းဖက် စစ်ကောင်စီ ဂိတ်စခန်းများ အကြမ်းဖက် စစ်ကောင်စီ ထောက်တိုင်များနှင့် ဝေးဝေးနေထိုင်၍ ပြည်သူ့ကာကွယ်ရေး တပ်ဖွဲ့များနှင့် လာရောက် ပူးပေါင်း ပါဝင်​နိုင်ကြောင်း မင်းဘူးခရိုင် အမှတ်-၄တပ်ရင်း (ပွင့်ဖြူမြို့နယ်) မှ တာဝန်ရှိသူတစ်ဦးက ဆက်လက်ပြောဆိုသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၂၉ ဦးသေဆုံး

ရန်ကုန်၊ နိုဝင်ဘာ ၁၄

မြန်မာနိုင်ငံတစ်ဝန်း နိုဝင်ဘာလ ၁၄ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၂၉ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

မုံရွာမြို့၊ ရန်ကင်းမီးပွိုင့်တွင် လုံခြုံရေးယူနေသော ရဲ ၂ ဦးနှင့် စစ်ကူထွက်လာသော စစ်သားများကို တိုက်ခိုက်မှု ၆ ဦးသေဆုံးပြီး သေနတ် ၁ လက်သိမ်းဆည်းရရှိ

ရန်ကုန်၊ နိုဝင်ဘာ ၁၄

စစ်ကိုင်းတိုင်း ၊ မုံရွာမြို့ ၊ ကျောက်က္ကာလမ်း၊ ရန်ကင်းမီးပွိုင့်တွင် လုံခြုံရေး ယူနေသော ရဲ ၂ ဦးနှင့် စစ်ကူ ထွက်လာသော စစ်သားများကို ပစ်ခတ်တိုက်ခိုက်ခဲ့ရာ စစ်သား၊ ရဲ ၆ ဦးသေဆုံးပြီး သေနတ် ၁ လက် သိမ်းဆည်းရရှိခဲ့ကြောင်း Kaung Kin Local PDF (ဒီပဲယင်းမြို့နယ်) အဖွဲ့မှ တာဝန်ရှိသူတစ်ဦး က ရန်ကုန်ခေတ်သစ်သတင်းဌာနထံသို့ ပြောကြားသည်။

ယနေ့ နိုဝင်ဘာလ ၁၄ ရက် နံနက် ၇ နာရီခန့်က မုံရွာမြို့၊ ကျောက္ကာလမ်းမပေါ်ရှိ ရန်ကင်းမီးပွိုင့်တွင် လုံခြုံရေးယူနေသော ဒုအရာခံ ဗိုလ် ၁ ဦးနှ့င် ရဲတပ်သား ၁ ဦးကို ဝင်ရောက်ပစ်ခတ်တိုက်ခိုက်ခဲ့ရာ နှစ်ဦး စလုံးသေဆုံးသွားပြီး BA 63 (ခေါ်) G3 အမျိုးအစားသေနတ်တစ်လက်သိမ်းဆည်းရရှိခဲ့ ကြောင်း သိရသည်။

“သူတို့က လူကြီးလမ်းကြောင်းခရီးစဉ်ရှိပုံရတယ်။ ရန်ကင်းဘုန်းကြီးကျောင်းထဲမှာကတော့ စောစော ကတည်းက ရှိနေတာ၊ မီးပွိုင့်မှာ လုံခြုံရေးယူနေတဲ့ ခွေး ၂ ကောင်ကို ပစ်ပြီးတော့ ကျနော်တို့ G3 သေနတ်တစ်လက်ယူပြီးပြန်ထွက်ခဲ့တဲ့ အချိန်မှာ ရန်ကင်းမီးပွိုင့်မှာရှိတဲ့ စခနဲ့ လည်းထိတွေ့တိုက်ပွဲ ဖြစ်တယ်။ ရန်ကင်းမီးပွိုင့်မှာရှိတဲ့ စခကင်းထဲကိုလည်း ၄၀ မမ တစ်လုံးပစ်ထည့်လိုက်တယ်။ အဲဒီထဲ မှာရှိတဲ့ စခတွေလည်းထိသွားတယ်လို့ သိရတယ်။ ရန်ကင်းဘုန်းကြီးကျောင်းထဲကနေ ထွက်လာတဲ့ စခတွနဲ့လည်း ထိတွေ့တိုက်ပွဲထပ်ဖြစ်တယ်။ စုစုပေါင်း ၆ ဦးသေတယ်၊ သေနတ်တစ်လက်ရခဲ့တယ်။ ၄၀ မမ ပစ်တာက ထိသွားတယ်လို့ ယူဆရတယ်၊ နီးတဲ့ စခတွေဆီကလက်နက်ပဲဝင်ကောက်ခဲ့ရတာ၊ ဘေးမလှမ်းမကမ်းမှာရှိတဲ့ စခရဲ့ လက်နက်က မယူခဲ့ရဘူး။ အဲဒီအချိန်မှာက ရန်ကင်းဘုန်းကြီး‌ ကျောင်းထဲမှာရှိတဲ့ စခတွေနဲ့ထိတွေ့တိုက်ပွဲကဖြစ်နေတော့” ဟု Kaung Kin Local PDF (ဒီပဲယင်း မြို့နယ်) အဖွဲ့မှ တာဝန်ရှိသူတစ်ဦး က ရန်ကုန်ခေတ်သစ်သတင်းဌာနထံသို့ ပြောကြားသည်။

ထို့သို့ တိုက်ခိုက်မှုအတွင်း ရန်ကင်းဘုန်းကြီးကျောင်း၌ တပ်စွဲထားသော အကြမ်းဖက်စစ်သားများက စစ်ကူထွက်လာခဲ့ရာ ထပ်မံ ထိတွေ့တိုက်ပွဲဖြစ်ခဲ့ပြီး စစ်သား ၄ ဦး ထပ်မံသေဆုံးသွားကြောင်း သိရ သည်။

အဆိုပါ တိုက်ခိုက်မှုကို မုံရွာမြို့နယ် ပြည်သူ့လုံခြုံရေးအဖွဲ့(မုံရွာမြို့နယ်-ပလဖ) နှင့် Kaung Kin Local PDF (ဒီပဲယင်းမြို့နယ်) အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

“တော်လှန်ရေးက အချိန်ကာလကြာလာတော့ ပြည်သူလူထု ပျင်းရိငြီးငွေ့လာတယ်၊ တက်ကြွမှုတွေ အားနည်းလာတယ်။ အခုလိုမစ်ရှင်တွေဝင်လုပ်တဲ့အခါမှာ အသက်အန္တရာယ်တွေအကြီးရှိတယ်။ ဝင် ပစ်ပေမယ့် အောင်မြင်မှုမရခဲ့ဘူး။ အောင်မြင်မှုမရခဲ့ပေမယ့် လှုပ်ရှားရတဲ့အနေအထားမှာ အခက်အခဲ များစွာရှိတယ်။ ကုန်ကျစရိတ်များစွာလည်းရှိတယ်၊ အခုလိုမျိုးလေး ဂန်းလေးဘာလေးရခဲ့တယ်ဆို ရင်တော့ အားဖြစ်တာပေါ့။ ဂန်းမရခဲ့ဘူးဆိုရင် အားငယ်ရတယ်၊ ဘာကြောင့်လည်းဆိုရင် ကုန်ကျ သွားတဲ့ ငွေကြေး၊လက်နက်ခဲယမ်းဖိုးတွေကို ဖြည့်တင်းဖို့လုပ်ဆောင်ရတဲ့အနေအထားမှာ အားနည်း မှုတွေတွေ့ရတယ်။ ကျနော်တို့တွေက Local အဖွဲ့တွေဖြစ်တဲ့အတွက် ပြည်ပဝင်ငွေစီးဆင်းမှုအား နည်းတယ်၊ NUG ကနေချမှတ်ပေးတဲ့ ခွဲတမ်းဆိုတာလည်းမရှိဘူး။ ကျနော်တို့အနေနဲ့ကတော့ ပြည် သူလူထုကိုပဲအားကိုးနေရတာ၊ ပြည်သူလူထုအနေနဲ့ အမှန်တကယ်အလုပ်လုပ်နေတဲ့ အဖွဲ့အစည်း တွေကို ကူညီမှုတွေ ပေးစေချင်ပါတယ်” ဟု Kaung Kin Local PDF (ဒီပဲယင်း မြို့နယ်) အဖွဲ့မှ တာဝန်ရှိသူတစ်ဦး က ပြောဆိုသည်။

ကရင်နီပြည်နယ်ရှိ စစ်ရှောင်စာသင်ကျောင်းမှ ကလေး ၄၀၀ ကျော်ကို ထမင်းနှင့်ဟင်း လှူဒါန်း

ရန်ကုန်၊နိုဝင်ဘာ ၁၄

ကရင်နီပြည်နယ်ရှိ စစ်ရှောင်စာသင်ကျောင်းတစ်ကျောင်းမှ ကလေး ၄၀၀ ကျော်ကို နွေဦးအားမာန်ဖောင်ဒေးရှင်းက အလှူရှင်ကိုယ်စား ယနေ့နိုဝင်ဘာ ၁၄ ရက်နေ့တွင် ထမင်းနှင့်ဟင်း လှူဒါန်းခဲ့ကြောင်း သိရှိရသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၈၈ ဦးသေဆုံး

ရန်ကုန်၊ နိုဝင်ဘာ ၁၂

မြန်မာနိုင်ငံတစ်ဝန်း နိုဝင်ဘာလ ၁၂ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၈၈ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

ဟားခါးမြို့နယ်တွင် ၄ လတာ ဖြစ်ပွားခဲ့သော တိုက်ပွဲများအတွင်း စစ်သား ၅၃ ဦးသေဆုံးပြီး ၁၇ ဦး အလင်းဝင်၊ စစ်ရဟတ်ယာဉ် ၁ စီးကို ပစ်ခတ် ဖျက်ဆီးနိုင်ခဲ့ကာ လက်နက် ၅၀ ကျော် သိမ်းဆည်းရရှိ

ရန်ကုန်၊ နိုဝင်ဘာ ၁၂

ချင်းပြည်နယ်၊ ဟားခါးမြို့နယ်တွင် ၄ လတာ ဖြစ်ပွားခဲ့သော တိုက်ပွဲများအတွင်း စစ်သား ၅၃ ဦးသေဆုံးပြီး စစ်ရဟတ်ယာဉ် ၁ စီးကို ပစ်ခတ် ဖျက်ဆီးနိုင်ခဲ့ကာ စစ်ကောင်စီ တပ်သား ၁၇ ဦး အလင်းဝင်ရောက်ခဲ့ပြီး လက်နက် ၅၀ ကျော် သိမ်းဆည်းရရှိခဲ့ကြောင်း CDF – Hakha မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ဇူလိုင်လ ၁၂ ရက်နေ့မှ နိုဝင်ဘာလ ၁၂ ရက်နေ့ အထိ ချင်းပြည်နယ်၊ ဟားခါးမြို့ပေါ် အပါအဝင် ဟားခါး -ထန်တလန်လမ်းပိုင်းတွင် တိုက်ပွဲများ ပြင်းထန်ခဲ့ပြီး Mi 17 ရဟတ်ယာဉ် ၁ စီးကို အမြီးပိုင်း ပျက်စီးသည်အထိ ပစ်ခတ်နိုင်ခဲ့ကြောင်း သိရသည်။

အဆိုပါ တိုက်ပွဲများအတွင်း အကြမ်းဖက် စစ်သား ၅၃ ဦး သေဆုံးပြီး ၆ ဦး အရှင်ဖမ်းမိကာ ၁၄ ဦး ထိခိုက်ဒဏ်ရာရရှိခဲ့ကြောင်း၊ ထို့ပြင် ဟားခါးမြို့နယ်အတွင်း တာဝန်ကျနေသော ရဲ ၁၃ နှင့် စစ်သား ၄ ဦး စုစုပေါင်း ၁၇ ဦး CDF – Hakha ထံ လက်နက်ချအလင်းဝင်ရောက်ခဲ့ပြီး စုစုပေါင်း လက်နက် ၄၃ လက် သိမ်းဆည်း ရရှိခဲ့ကြောင်း သိရသည်။

“ရဟတ်ယာဉ်ကိုတော့ ဟားခါးမှာ ပစ်တာ ဟားခါးမှာတော့ ပျက်မကျဘူး၊ ကလေးရောက်တော့ ပျက်သွားတယ်လို့ သတင်းရထားတာ ၄ လအတွင်း စစ်ပွဲတွေကအများကြီးပဲ ထန်တလန်မှာ လည်းရှိတယ်။ ဟားခါး -ထန်တလန်ကြားမှာ လည်းရှိတယ်။ ပြီးတော့လွတ်လပ်ရေး ကျောက်တိုင်တို့ သင်္ချိုင်းကုန်းတို့ ပြီးတော့ ဟားခါးမြို့ထဲကိုလည်း ဝင်နိုင်သလောက်တော့ဝင်တယ်။ ချင်းပြည်နယ် အစိုးရရုံးတို့ဘာတို့ပေါ့။ ကျနော်တို့ဝင်တာတွေအများကြီးပေါ့။ အခုထိလည်းတိုက်ပွဲတွေက ဖြစ်နေတုန်း ဖလမ်းလည်း လေယာဉ်နဲ့လာပစ်နေတာတွေရှိတယ်။ ထန်တလန်မှာလည်းရှိတယ်။ ထန်တလန်လည်း ကျနော်တို့ ချေမှုန်းနိုင်သလောက်ချေမှုန်းမယ်။ နေရာအစုံမှာဝန်းရံထားတယ်။ ကျနော်တို့ တက်နိုင်သလောက်တော့ တက်ထားတယ်။ ဟားခါးမြို့အတွင်း စစ်ဆင်ရေးဆင်နွှဲနိုင်အောင်လည်း ကြိုးစားနေတယ်။ ထန်တလန်နဲ့ဟားခါးကြားမှာက အတော်လေးဒုက္ခပေးနေတယ်။ အဲဒီကြားက စခန်းတွေကို အကုန်လုံးချေမှုန်းမယ်။ ပြီးမှ ဟားခါးကိုတက်မယ်လို့ ပြင်ဆင်ထားတယ်။ မကြာခဏလည်း စစ်ပွဲတွေဖြစ်နေတယ်” ဟု CDF – Hakha မှ တာဝန်ရှိသူတစ်ဦးက ပြောဆိုသည်။

အလင်းဝင်ရောက်လာသည့် စစ်ကောင်စီတပ်သားများက လက်နက် ၉ လက် ယူဆောင်လာပြီး ၆၀ မမ၊ MA-15 နှင့် M79 အပါအဝင် စုစုပေါင်း လက်နက် ၅၂ လက် ရရှိခဲ့ကြောင်း၊ ၈၂ ရက်ကာလအတွင်း ဟား ခါးမြို့မှ ထန်တလန်မြို့သို့ စစ်ကောင်စီ တပ်သားများ စစ်ကူသွားရောက် နိုင်ခြင်းမရှိစေရန် ပိတ်ဆို့ တားဆီးနိုင်ခဲ့ပြီး ထန်တလန်မြို့သိမ်းပိုက်နိုင်ရေး အတွက်လည်း ဆက်လက် ထိုးစစ်ဆင်တိုက်ခိုက်လျက်ရှိကြောင်း သိရသည်။

“လက်နက်ချတဲ့သူတွေက ပြည်သူ့စစ်တွေက ပိုများတယ်။ တကယ့် စစ်တပ်ထဲဝင်တဲ့သူတွေတော့မရှိဘူး။ ကျနော်တို့ဆီမှာ CDM ဝင်ထားတဲ့သူတွေလည်း အများကြီးရှိတယ်။ ၁၁ ယောက်ကတော့ ပြည်သူ့စစ်တွေပေါ့။ သူတို့မေးကြည့်တော့ စစ်တပ်ထဲမှာ ဝင်ခိုင်းတုန်း က ဘာမှမသိဘဲ လိုက်သွားတယ်။ ကျနော်တို့ကို သင်တန်းတက်ခိုင်းတယ်။ ၃ လလောက်သင်တန်း တက်ပြီးတော့ ဟားခါးရောက် လာတာ ဟားခါးကိုလည်းမရောက်ဖူးဘူး။ အခုဟားခါးမှာ ၁၀၇ ဦး ပို့ထားတယ်။ ဟားခါးကိုလည်း ကျနော်တို့ ကြားတောင်မကြားဖူးဘူး လို့ပြောတယ်။ သူတို့ ၁၀၇ ဦးလုံး CDM တော့ လုပ်ချင်တယ် လုပ်မယ့် နေရာမသိလို့တော့ ပြောတယ်။” ဟု CDF – Hakha မှတာဝန်ရှိသူတစ်ဦးက ရှင်းပြသည်။

စဉ့်ကူးမြို့နယ် စစ်ဆင်ရေးတွင် ပျူစောထီး ၁၀၀ ဦးခန့်ကို အလင်းဝင်ရန် စည်းရုံးသိမ်းသွင်းနိုင်ခဲ့သော တပ်ရင်းမှူး ဒိုလေးကို စစ်ရေးဗျူဟာထူးချွန်ဆု ပေးအပ်ချီးမြှင့်

ရန်ကုန်၊ နိုဝင်ဘာ ၁၂

စဉ့်ကူးမြို့နယ် စစ်ဆင်ရေးတွင် ပျူစောထီး ၁၀၀ ဦးခန့်ကို အလင်းဝင်ရန် စည်းရုံးသိမ်းသွင်းနိုင်ခဲ့သော အမှတ် ၁၂၂၂ တပ်ရင်း တပ်ရင်းမှူး "ဒိုလေး" ကို အမှတ်၁၂၂၂ တပ်ရင်း က "စစ်ရေးဗျူဟာထူးချွန်ဆု" ပေးအပ်ချီးမြှင့်ခဲ့ကြောင်း သိရှိရသည်။

တပ်ရင်းမှူး ဒိုလေးသည် ရန်သူ့နယ်မြေအတွင်း ထွက်ပြေးရောက်ရှိနေသော စဉ့်ကူးမြို့နယ် ပျူစောထီး ခေါင်းဆောင် 'ရေတော်ငနိုင်' အပါအဝင် စဉ့်ကူးမြို့နယ် ထုံးကြီး ကျေးရွာ ပျူစောထီး လက်နက်ကိုင်များ၊ဆည်သည် ၊ ဒိုးပင်ကုန်း ၊ ဇီးပင်ကုန်း၊ရေတော်ဘက်မှ ပျူစောထီးခေါင်းဆောင်များ စုစုပေါင်း ပျူစောထီးဦးရေ ၁၀၀ ဦး ခန့်ကို တပ်ရှိရာသို့ ပြန်ခေါ်ကာ ကျည်တစ်ချက်မှ မဖောက်‌စေဘဲ လက်နက်ချ အညံ့ခံရန် စည်းရုံးသိမ်းသွင်းနိုင်ခဲ့ခြင်း ဖြစ်ကြောင်း သိရှိရသည်။

မြင်းမူတွင် စစ်ကား ၂ စီးကို မိုင်းဆွဲ တိုက်ခိုက်မှု စစ်တပ်ဘက်မှ ၅ ဦး သေဆုံး၊ နွားထိုးကြီး အမြန်လမ်းပိုင်းရှိ စစ်စခန်းကို ရော့ကတ် ၂ လုံးဖြင့် ပစ်ခတ် တိုက်ခိုက်

ရန်ကုန်၊ နိုဝင်ဘာ ၁၂

စစ်ကိုင်းတိုင်း၊ မြင်းမူမြို့နယ်တွင် စစ်ကား ၂ စီးကို မိုင်းဆွဲ တိုက်ခိုက်ခဲ့ရာ စစ်သား ၅ ဦးသေဆုံးခဲ့ကြောင်း BLDF တပ်ခွဲ အညာမိုင်းတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်မီဒီယာကို ပြောဆိုသည်။

ယနေ့ နိုဝင်ဘာလ ၁၂ ရက်နေ့ မွန်းလွဲ ၁၂ နာရီ ၂၁ မိနစ်ခန့်တွင် စစ်ကိုင်းမြို့ တပ်မ ၃၃ မှ ထွက်လာသည့် စစ်ကား ၂ စီးနှင့် မုံရွာမြို့ဘက်မှ ထွက်လာသော စစ်ကား ၂ စီးသည် မုံရွာ - မန္တလေး လမ်းပိုင်းရှိ မြောင်လမ်းခွဲ၌ စစ်သားများကို တင်ဆောင်ခဲ့ကြောင်း သိရသည်။

ထိုသို့ တင်ဆောင်ပြီးနောက် စစ်ကိုင်းဘက်သို့ ပြန်လာသော စစ်ကား ၂ စီးကို မြင်းမူမြို့နယ်၊ အလ္လကပ္ပကျေးရွာ အနီးတွင် တော်လှန်ရေး တပ်ဖွဲ့များက မိုင်းဆွဲတိုက်ခိုက်ခဲ့ရာ စစ်သား ၅ ဦးသေဆုံးပြီး ထိခိုက်ဒဏ်ရာရရှိသူများလည်း ရှိကြောင်း သိရသည်။

“စစ်ကိုင်းကနေ ထွက်လာတဲ့ကား ၂ စီးနဲ့ မုံရွာကနေ ထွက်လာတဲ့ကား ၂ စီး မြောင်လမ်းခွဲမှာဆုံပြီး စစ်သားတွေချိန်းတင်သွားတာ စစ်ကိုင်းဘက်ပြန်လာတဲ့ ကား ၂ စီးကို မိုင်းဆွဲတိုက်ခိုက်ခဲ့တာပါ။ ၅ ဦးသေတယ်။ ထိခိုက်မှုလဲရှိတယ်။ ထိထိမိမိ ခွဲနိုင်ခဲ့တာပါ။ မျ ကားပေါ်ကနေ ရမ်းသမ်းပစ်ခတ်ပြီး ကားကတော့ ဆက်မောင်းသွားပါတယ်” ဟု ဗမာလွတ်မြောက်ရေး ဒီမိုကရက်တစ် တပ်ဦး BLDF တပ်ခွဲ အညာမိုင်းတပ်ဖွဲ့မှ တာဝန်ရှိသူတစ်ဦးက ပြောဆိုသည်။

အဆိုပါ တိုက်ခိုက်မှုကို ချောင်းဦးမြို့ခြေစိုက် ဗမာလွတ်မြောက်ရေး ဒီမိုကရက်တစ် တပ်ဦး BLDF တပ်ခွဲ အညာမိုင်းတပ်ဖွဲ့၊ ဇာမဏီ တပ်ဖွဲ့နှင့် ဒေါင်းဘုရင်တပ်ဖွဲ့တို့ ပူးပေါင်းကလုပ်ဆောင်ခဲ့ခြင်းဖြစ်ပြီး တော်လှန်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

ထို့ပြင် မန္တလေးတိုင်း၊ နွားထိုးကြီးမြို့နယ်၊ အမြန်လမ်းမပေါ် မိုင်တိုင်အမှတ် ၃၁၇ ရှိ အကြမ်းဖက် စစ်တပ် အထိုင်စခန်းကို ရော့ကတ် ၂ လုံးဖြင့် ပစ်ခတ်တိုက်ခိုက်ခဲ့ကြောင်း နွားထိုးကြီး PDF တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်မီဒီယာကို ပြောဆိုသည်။

ယမန်နေ့ နိုဝင်ဘာလ ၁၁ ရက်နေ့ ညနေ ၃ နာရီခန့်တွင် ရန်ကုန်- မန္တလေး အမြန်လမ်းပိုင်း မိုင်တိုင် အမှတ် ၃၁၇ တွင် တပ်စွဲအထိုင်ချထားသော အကြမ်းဖက် စစ်သားများကို တော်လှန်ရေး ရဲဘော်များက Rocket ၂ လုံးဖြင့် ပစ်ခတ် တိုက်ခိုက်ခဲ့ရာ အကြမ်းဖက် စစ်သားများ ထိခိုက်သေဆုံးမှုကို စုံစမ်းနေဆဲဖြစ်ကြောင်း သိရသည်။

“အင်အားကတော့ အမြန်လမ်းမပေါ်ဆိုတော့ ပုံမှန်မရှိဘူး။ ခန်းမှန်းတော့ ၄၀ လောက်ရှိနိုင်တယ်။ ပစ်မှတ်ကိုထိ မထိကတော့ မသိရသေးပါဘူး။ သူတို့ အနားကပ်မရတော့ ဘယ်နေရာထိတယ်ဆိုတာ အတိအကျ မသိရတာပါ” ဟု နွားထိုးကြီး PDF တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။

အဆိုပါ တိုက်ခိုက်မှုကို Natogyi People Defence Force မြင်းခြံခရိုင်အမှတ် ၄ နှင့် မြင်းခြံခရိုင် အမှတ် ၁၀ တပ်ရင်းတို့ ပူးပေါင်း လုပ်ဆောင်ခဲ့ပြီး ပြည်သူ့ကာကွယ်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

ပုလောမြို့နယ်ကို ၁ လကြာ စစ်ကြောင်းထိုးနေသည့် စစ်တပ်က ပြည်သူ ၄ ဦးကို ပေါ်တာဆွဲ ဖမ်းဆီးပြီး ကျေးရွာ ၅ ရွာကို မီးရှို့ဖျက်ဆီး၊ ထောင်နှင့်ချီသော ပြည်သူများ ထွက်ပြေးတိမ်းရှောင်နေရ

ရန်ကုန်၊ နိုဝင်ဘာ ၁၂

တနင်္သာရီတိုင်း၊ ပုလောမြို့နယ်ကို စစ်ကြောင်းထိုးနေသည့် အကြမ်းဖက် စစ်တပ်က ပြည်သူ ၄ ဦးကို ပေါ်တာဆွဲ ဖမ်းဆီးပြီး ကျေးရွာ ၅ ရွာကို မီးရှို့ဖျက်ဆီးခဲ့ကြောင်း ပုလောမြို့နယ် ပကဖ မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာကို ပြောဆိုသည်။

အောက်တိုဘာလ ၁၄ ရက်နေ့မှ စတင်၍ ပုလောမြို့နယ်အတွင်း စစ်ကြောင်းထိုးနေသည့် အကြမ်းဖက် စစ်ကောင်စီ တပ်သားများသည် ဇရပ်ဆိပ်ရွာမှ လူငယ် ၄ ဦး ပေါ်တာဆွဲ ဖမ်းဆီးပြီး ကျေးရွာ ၅ ရွာကို မီးရှို့ဖျက်ဆီးခဲ့ကြောင်း သိရသည်။

အကြမ်းဖက် စစ်တပ် မီးရှို့ဖျက်ဆီးမှုကြောင့် ကြဲရွာ နေအိမ် ၁ လုံး၊ ဇရပ်ဆိပ်ရွာ မှ နေအိမ် ၁ လုံး၊ ကဒဲရွာမှ နေအိမ် ၈ လုံး၊ ကျောင်းနိမ့်ရွာမှ နေအိမ် ၁၀ လုံးနှင့် သစ်လှတောရွာမှ နေအိမ် ၁ လုံး မီးလောင်ပြာကျခဲ့ပြီး ထောင်နှင့်ချီသော ပြည်သူများ ဘေးလွတ်ရာထွက်ပြေးနေရကြောင်း သိရှိရသည်။

အဆိုပါ စစ်ကြောင်းသည် လက်ရှိချိန်တွင် ဇရပ်ဆိပ်ရွာ၊ ပလရွာ ၊ သစ်လှတောရွာနှင့် ထမင်းမစားရွာတို့တွင် တပ်စွဲထားပြီး ထမင်းမစားရွာနှင့် ပုလောလမ်းပိုင်းတွင်လည်း အကြမ်းဖက် စစ်တပ်က စစ်အင်အားများ ထပ်တိုးထားကြောင်း သိရသည်။

"အောက်တိုဘာလ ၁၄ ရက်နေ့မှာ ကြဲရွာဘက်ကနေ စစ်တပ်က စစ်ကြောင်းစထိုးတာ ကျေးရွာ ၅ ရွာမှာရှိတဲ့ နေအိမ်တွေလည်း မီးရှို့ဖျက်ဆီးခံရတယ်။ ဇရပ်ဆိပ်ရွာက လူငယ် ၄ ဦးလည်း ပေါ်တာဆွဲ ဖမ်းဆီးခံရတယ်။ အခုလက်ရှိ စစ်ကြောင်းက ဇရပ်ဆိပ်ရွာ၊ ပလရွာနဲ့ သစ်လှတောရွာဘက်မှာရှိသေးတယ်။ ပုလောမြောက်ဘက်မှာရှိတဲ့ ထမင်းမစားရွာနဲ့ ပုလောလမ်းပိုင်းမှာလည်း စစ်အင်အားတွေ ထပ်တိုးနေတယ်လို့ သိရပါတယ်။ စစ်ရေးတင်းမာနေတဲ့ အခြေအနေပါ" ဟု ပုလောမြို့နယ် ပကဖ မှ တာဝန်ရှိသူ တစ်ဦးက ပြောဆိုသည်။

အကြမ်းဖက် စစ်တပ်က ကျေးရွာများကို ဆက်တိုက် ဝင်ရောက် စီးနင်းပြီး စစ်အင်အားများ ထပ်မံ ဖြည့်တင်းနေခြင်းကြောင့် ဒေသတွင်း တော်လှန်ရေး တပ်ဖွဲ့များနှင့် စစ်ရေးတင်းမာလျက်ရှိပြီး ပြည်သူများ ဂရုစိုက် သွားလာကြရန် ပုလောမြို့နယ် ပကဖ မှ တာဝန်ရှိသူ တစ်ဦးက ဆက်လက်ပြောဆိုသည်။

လှိုင်းဘွဲ့မြို့နယ်တွင် စစ်တပ်က စစ်မှုထမ်းရန်အတွက် လူအင်အား ၈၀ ဦး တောင်းခံပြီး လှိုင်းဘွဲ့စစ်ဗျူဟာသို့ အမြန်ဆုံးပို့ဆောင်ပေးရန် ညွှန်ကြား၊ စုဆောင်းသည့် လူအင်အားများမှာ မြ၀တီနှင့်ကော့ကရိတ်တွင် ထိုးစစ်ဆင်ရန်အတွက် အဓိက ဟုဆို

ရန်ကုန်၊ နိုဝင်ဘာ ၁၀

ကရင်ပြည်နယ်၊ လှိုင်းဘွဲ့မြို့နယ်တွင် စစ်တပ်က စစ်မှုထမ်းရန်နှင့် ပြည်သူ့စစ်အဖြစ် အမှုထမ်းရန် လူအင်အား ၈၀ ဦး တောင်းခံပြီး လှိုင်းဘွဲ့စစ်ဗျူဟာသို့ အမြန်ဆုံးပို့ဆောင်ပေးရန် ညွှန်ကြားထားကြောင်း လှိုင်းဘွဲ့မြို့နယ်မှ အုပ်ချုပ်ရေးအဖွဲ့နှင့်နီးစပ်သော သတင်းရင်းမြစ်များက ရန်ကုန်ခေတ် သစ်သတင်းဌာနထံသို့ ပြောဆိုသည်။

ယခုနိုဝင်ဘာလအတွင်း အကြမ်းဖက်စစ်ကောင်စီက လှိုင်းဘွဲ့မြို့နယ်အတွင်းတွင် ပြည်သူ့စစ်နှင့် စစ်မှုထမ်း တပ်သားသစ် အင်အား ၈၀ ဦးစုဆောင်းပေးရန် ညွှန်ကြားလာခြင်းဖြစ်ကြောင်း၊ သို့ရာ တွင် လက်ရှိအချိန်အထိ လူ ၉ ဦးသာ ပေးနိုင်ကြောင်း၊ အဆိုပါ စုဆောင်းခိုင်းသည့် စစ်အင်အားများကို မြ၀တီမြို့နယ်နှင့်ကော့ကရိတ်မြို့နယ်အတွင်း ထိုးစစ်ဆင်ရန်နှင့် လုံခြုံရေးအတွက် နေရာချထားရန်ဖြစ်ကြောင်း သိရှိရသည်။

"လှိုင်းဘွဲမြို့နယ်အုပ်ချုပ်ရေးမှူး ဦးဆောင်တဲ့ ပြည်သူ့စစ်အင်အားစုဆောင်းရေး မြို့နယ်ကော်မတီက လူ ၈၀ ဦးတောင်းခံပါတယ်။ အရေးတကြီးဖြစ်တဲ့အတွက်အပူတပြင်း လူသစ်စုဆောင်းနေသော်လည်း အခုအချိန်အထိ ၉ ဦးသာရရှိပါတယ်။ အဲဒီ ၉ ဦးကိုလည်း ငွေထောက်ပံ့ခြင်း၊ ရွာမြေကွက်လပ် မြေလွတ်မြေရိုင်းတချို့ကို ပေးပြီးတော့ စည်းရုံးနေရပါတယ်။ အခုတော့ မစဖကနေ လှိုင်းဘွဲ့စစ်ဗျူဟာ ကိုပို့ဆောင်ပေးလိုက်ပါပြီ" ဟု လှိုင်းဘွဲ့မြို့နယ် အုပ်ချုပ်ရေးအဖွဲ့၏ သတင်းရင်းမြစ်ကရှင်းပြသည်။

လှိုင်းဘွဲ့မြို့နယ်တွင် KNU နှင့် တော်လှန်ရေးတပ်များ အားကောင်းသည့် အ တွက် အကြမ်းဖက်စစ်ကောင်စီတပ်များမှာ ပေါ်တာဆွဲရန် ဖမ်းဆီးရန်နှင့် အတင်း အကျပ် အဓမ္မ ခေါ်ဆောင်ရန် ခက်ခဲကြောင်း၊ နယ်မြေစိုးမိုးမှုအရလည်း မြို့ပေါ်တွင်သာ တပ်နှင့် စစ်ကောင်စီဝန်ထမ်းများရှိနေပြီး ကျေးရွာများအားလုံးတွင် တော်လှန်ရေးတပ်များက လွှမ်းမိုးထားကြောင်း သိရှိရသည်။

"လှိုင်းဘွဲ့မှာက နယ်မြေစိုးမိုးမှုက KNU က အင်မတန်အားကြီးတယ်။ ရွာတွေဘက်ကလည်း ဆင်းပြီး လူစုတာမျိုးက လုပ်ရတာ အကန့်အသတ်ရှိနေတယ်။ စည်းရုံးပြီးတော့ပဲ လုပ်နေရတော့ လူမရဖြစ်နေတာပါ" ဟု လှိုင်းဘွဲ့မြို့နယ် အုပ်ချုပ်ရေး သတင်းရင်းမြစ်က ရှင်းပြသည်။

လှိုင်းဘွဲ့မြို့နယ်စီမံကော်မတီဥက္ကဌအဖွဲ့က ကျန်ရှိနေသော စစ်မှုထမ်း ၇၁ ဦးကို ရရှီရေး အစည်းအဝေးများ လုပ်ဆောင်နေကြောင်း၊ လတ်တလော စစ်မှုထမ်း စာရင်းကောက်ခံထားသူများ တိမ်းရှောင်ပါကဥပဒေနှင့်အညီအရေးယူရန်၊ စာရင်းကောက်ခံထားရသူ၏ အစ်ကို သိူ့မဟုတ် ညီတော်စပ်သူ တစ်ဦးဦးကို တာဝန်ထမ်းဆောင်စေရန်၊ ညမထွက်ရအမိန့်ကို ဖောက်ဖျက်၍သွားလာနေသူများ ယာဥ်/ လမ်းစည်းကမ်းဖောက်ဖျက်သူများနှင့် လိုင်စင်မဲ့မောင်းနှင်သူများကို အဖွဲ့ဖြင့်စစ်ဆေးပြီး စစ်မှု ထမ်းရေး စည်းရုံးသိမ်းသွင်းရန် လုပ် ဆောင်မည်ဖြစ်ကြောင်း သိရှိရသည်။

ယခုအခါတွင် လှိုင်းဘွဲမြို့နယ် စစ်မှုထမ်းလိုအပ်နေသည့် ဦးရေ ၈၀ ဦးပြည့်မီအောင် ဆက်လက်တာဝန်ပေးအပ်ခြင်းခံထားရသည့် လှိုင်းဘွဲမြို့နယ်စီမံအုပ်ချူပ်ရေးအဖွဲ့ ကော်မတီဥက္ကဌနှင့်အဖွဲ့မှ ရပ်ကွက်/ ကျေးရွာအုပ်စုများအတွင်းစည်း ရုံးသိမ်းသွင်းတိုက်တွန်းကြပြီး ရရှိသူစာရင်းနှင့်အချက်အလက်အပြည့်အစုံ ကို မြို့နယ်ရဲတပ်ဖွဲ့မှူးထံပေးပို့တင်ပြ၍ အထွေထွေအုပ်ချုပ်ရေးဦးစီးဌာနသို့ မိတ္တူပေးပို့တင်ပြရန် မြို့နယ်စီမံအုပ်ချုပ်ရေးအဖွဲ့က ညွှန်ကြားထားကြောင်း သိရှိရသည်။

ကရင်ပြည်နယ်တွင် ပြည်သူ့စစ်မှုထမ်းများ ခေါ်ယူရာတွင် အဓိကအားဖြင့် ဘားအံမြို့ပေါ် အပါ အဝင် မြို့ပေါ်နေရာများတွင်သာ ခေါ်ယူနိုင်ကြောင်း၊ သို့ရာတွင် မြို့ပေါ်မှ လူငယ်များမှာလည်း ကျေးရွာများနှင့် KNU နယ်မြေများထဲသို့ ပြေးဝင်နေကြသည့်အတွက် ပြည်သူ့စစ်နှင့် စစ်မှုထမ်းတပ်သားသစ် ရရှိမှု အလွန်နည်းပါးနေကြောင်း သိရှိရသည်။

တော်လှန်အနုပညာရှင် မင်းမော်ကွန်း ဦးဆောင်ပါဝင်နေသည့် "ဖြတ်" ရုပ်ရှင်ဇတ်ကားကို အမေရိကန်ပြည်ထောင်စုတွင် ပထမဆုံးအကြိမ်အဖြစ် ပွဲဦးထွက်ပြသ၊ အမေရိကန်ဒေါ်လာ ၃ သောင်းနီးပါး ရရှိ

ရန်ကုန်၊ နိုဝင်ဘာ ၁၀

တော်လှန်အနုပညာရှင် မင်းမော်ကွန်း ဦးဆောင်ပါဝင်နေသည့် "ဖြတ်" ရုပ်ရှင်ဇတ်ကားကို အမေရိကန်ပြည်ထောင်စုတွင် ပထမဆုံးအကြိမ်အဖြစ် ပွဲဦးထွက်ပြသခဲ့ပြီး အမေရိကန်ဒေါ်လာ ၃ သောင်းနီးပါးရရှိကြောင်း ပွဲစီစဉ်သူများထံမှ သိရှိရသည်။

အဆိုပါရုပ်ရှင်ဇာတ်ကားကို ဒါရိုက်တာ စောအေးထူး စီစဉ်တင်ဆက်ပြီး အမေရိကန်တွင် ပြသသော " ဖြတ် " ရုပ်ရှင်ဇာတ်ကားသည် တစ်ကမ္ဘာလုံးဆိုင်ရာ ပထမဦးဆုံး ပွဲဦးထွက် အနေဖြင့် နယူးယောက်မြို့ တွင် နိုဝင်ဘာလ ၉ ရက်​နေ့တွင် ပထမဆုံး စတင်ပြ​သခဲ့ကြောင်း/ အမေရိကန်ဒေါ်လာ ၂၉၀၀၀ ရန်ပုံငွေရရှိခဲ့ကြောင်း သိရှိရသည်။

အဆိုပါ ရုပ်ရှင်ဇတ်ကားကို ပွဲစဥ် ၂ ခုဖြင့် စီစဥ်ပြသသွားပြီး ပထမ ပွဲကို မွန်းလွဲ ၁၂ နာရီ ၃၀ မိနစ်အချိန်တွင်လည်းကောင်း နှင့် ဒုတိယပွဲကို မွန်းလွဲ ၂ နာရီ ၃၀ မိနစ်အချိန်တွင်လည်းကောင်း နယူးယောက်မြို့ရှိ Walter W.Brige lll Theater ၌ Helping Hands for Burma- H2B မှ စီစဥ်ပြသခဲ့ကြောင်း ၊ရုပ်ရှင်နှင့်ပတ်သက်သော အမှတ်တရပစ္စည်း လေလံတင်ခြင်း ပစ္စည်း များ အပြင် မြန်မာအစားစားများ လည်း ရောင်းချခဲ့ကြောင်း သိရှိရသည်။

ရုပ်ရုင်ပွဲအပြီး အနုပညာရှင် ကိုမင်းမော်ကွန်း ကိုအောင်မြင့်မြတ် ကိုထက်မြတ် ကိုအိုင်း​ဇက် တို့ကိုယ်တိုင် အွန်လိုင်းမှတဆင့်ပရိသတ်များနှင့်တွေဆုံနှုတ်ခွန်းဆက်စကားပြောကြားခဲ့ကြောင်း၊ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် ဦးကျော်မိုးထွန်း နှင့် နယူးယောက်မြို့ ရှိ မြန်မာပြည်ပွား ညီအကိုမောင်နှမ များ ၃၀၀ ကျော် အားပေးခဲ့ကြကြောင်း၊ ရရှိသော ရန်ပုံငွေအားလုံးကို တော်လှန်ရေးအတွက် လိုအပ်သော နေရာများသို့ တိုက်ရိုက် လှူဒါန်းသွားခဲ့ကြောင်း သိရှိရသည်။

မင်းတပ်မြို့သိမ်း တိုက်ပွဲစတင်နေပြီး စစ်တပ်က ပြည်သူပိုင်နေအိမ်များကို ဆက်တိုက် မီးရှို့ဖျက်ဆီးနေသည့်အပြင် လေကြောင်းမှလည်း အပြင်းအထန် ဗုံးကျဲနေ

ရန်ကုန်၊ နိုဝင်ဘာ ၁၀

ချင်းပြည်နယ်၊ မင်းတပ်မြို့သိမ်း တိုက်ပွဲ စတင်နေပြီး အကြမ်းဖက် စစ်တပ်က ပြည်သူပိုင် နေအိမ်များကို ဆက်တိုက် မီးရှို့ဖျက်ဆီး၍ လေကြောင်းဖြင့် အပြင်းအထန် ဗုံးကျဲ ခုခံနေကြောင်း မင်းတပ်မြို့နယ် ပြည်သူ့အုပ်ချုပ်ရေးအဖွဲ့ ပြန်ကြားရေး တာဝန်ခံ ကိုယောမာန်က ရန်ကုန်ခေတ်သစ် မီဒီယာသို့ ပြောဆိုသည်။

နိုဝင်ဘာလ ၉ ရက်နေ့မှ စ၍ မင်းတပ်ပေါ်ရှိ အကြမ်းဖက် စစ်တပ် တပ်စွဲထားသော နေရာများတွင် ဒေသတွင်း တော်လှန်ရေး တပ်ဖွဲ့များနှင့် အကြမ်း ဖက် စစ်ကောင်စီ တပ်တို့ တိုက်ပွဲများ ဆက်တိုက်ဖြစ်ပွားနေခြင်းဖြစ်ကြောင်း သိရသည်။

အကြမ်းဖက် စစ်တပ်က ယင်းနေ့ နံနက် ၉ နာရီခန့်မှ စတင်၍ မင်းတပ်မြို့ ရဲစခန်းရှေ့ ခေါနူးရိပ်သာ အနီးတစ်ဝိုက်၊ ဆောက်လုပ်ရေးလမ်းခွဲ ကားလမ်းမဘေး နှင့် ဆောက်လုပ်ရေးဝင်း အတွင်းရှိ ပြည်သူပိုင် နေအိမ်များကို ဆက်တိုက် မီးရှို့ဖျက်ဆီးနေခြင်းဖြစ်ကြောင်း သိရှိရသည်။

ထို့ပြင် အကြမ်းဖက် စစ်တပ်သည် တိုက်ပွဲစတင်ဖြစ်ပွားသည့် နံနက်ပိုင်းမှ စ၍ ညပိုင်းအထိ ဆက် တိုက် ဗုံးကျဲ တိုက်ခိုက်နေပြီး မြို့ပေါ်နေ ပြည်သူအားလုံး ဘေးလွတ်ရာကို ထွက်ပြေးတိမ်း ရှောင်နေရကြောင်း သိရသည်။

"မြို့ပေါ်မှာ တိုက်ပွဲဖြစ်နေပါတယ်။ လောလောဆယ် မြို့သိမ်းတိုက်ပွဲ စစ်ဆင်ရေး စနေပါတယ်။ မြို့ပေါ်မှာ တောက်လျှောက် တိုက်ပွဲတွေ ဖြစ်နေပါတယ်။ အဲတာကြောင့် စစ်ခွေးတွေကလည်း ထွက်လို့နေရတဲ့ နေရာတွေက ထွက်လာပြီးတော့ တချို့အိမ်တွေကို မီးလိုက်ရှို့နေတာပါ။ မြို့ပေါ်မှာ တောက် လျှောက် တိုက်ပွဲဖြစ်ပါတယ်။ လေယာဉ်တွေကတော့ ဆက်တိုက်ကို ဗုံးကျဲနေတာ" ဟု မင်းတပ်မြို့နယ် ပြည်သူ့အုပ်ချုပ်ရေးအဖွဲ့ ပြန်ကြားရေး တာဝန်ခံ ကိုယောမာန်က ပြောဆိုသည်။

ဓာတ်ပုံ - စစ်တပ်၏ မီးရှို့မှုကြောင့် မီးလောင်နေသော မင်းတပ်မြို့။

Photo Credit- Ĥkl Mindat

Khit Thit သတင်းဌာန နိုဝင်ဘာ ၁၀ ရက်နေ့ ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့နိုဝင်ဘာ ၁၀ ရက်နေ့ မှာ ရန်ကုန်ခေတ်သစ်သတင်းဌာရဲ့ This Week ရုပ်သံအစီအစဉ်ကို ထုတ်လွှင့် သွားမှာဖြစ်ပါတယ်။ဒီအစီအစဉ်မှာ တစ်ပတ်အတွင်း မြန်မာနိုင်ငံမှာ ဖြစ်ပေါ်ခဲ့တဲ့ သတင်းတွေထဲကမှ ထူးခြားတဲ့ သတင်းတွေကို ရွေးချယ်ကောက်နုတ်သုံးသပ် တင်ဆက်ပေး ထားတာလည်း ဖြစ်ပါတယ်။

https://www.youtube.com/watch?v=fVGpGg7XF_c

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၇ ဦးသေဆုံး

ရန်ကုန်၊ နိုဝင်ဘာ ၉

မြန်မာနိုင်ငံတစ်ဝန်း နိုဝင်ဘာလ ၉ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၇ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၆၀ ဦးသေဆုံး

ရန်ကုန်၊ နိုဝင်ဘာ ၄

မြန်မာနိုင်ငံတစ်ဝန်း နိုဝင်ဘာလ ၄ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၆၀ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

တနင်္သာရီတွင် စစ်တပ် စစ်ကြောင်းကို မိုင်းဆွဲ တိုက်ခိုက်မှု ၄ ဦးသေဆုံး၊ ဂန့်ဂေါတွင်လည်း စစ်ကောင်စီ တပ်သားများ မိုင်းနင်းမိပြီး ၄ ဦးသေဆုံး

ရန်ကုန်၊ နိုဝင်ဘာ ၄

တနင်္သာရီတိုင်း၊ တနင်္သာရီမြို့နယ်တွင် အကြမ်းဖက် စစ်တပ် စစ်ကြောင်းကို မိုင်းဆွဲ တိုက်ခိုက်ရာ စစ်ကောင်စီ တပ်သား ၄ ဦး သေဆုံးခဲ့ကြောင်း တနင်္သာရီမြို့နယ် ပကဖ ဇုံ ၅ တောဗုံးကြီးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

နိုဝင်ဘာလ ၂ ရက်‌နေ့ မွန်းလွဲ ၃ နာရီခန့်တွင် တနင်္သာရီမြို့နယ်၊ ဇဝဲကျေးရွာရှိ ခမရ ၅၅၆ တပ်ရင်းမှ တနင်္သာရီမြို့ဘက်ကို တက်လာသည့် အင်အား ၆၅ ဦးပါ စစ်တပ် စစ်ကြောင်းသည် ဘန်းလမွတ် ကျေးရွာအရောက်တွင် တနင်္သာရီမြို့နယ် ပကဖ ဇုံ-၅ မှ တော်လှန်ရေးတပ်ဖွဲ့က မိုင်းဆွဲ တိုက်ခိုက်ရာ စစ်ကောင်စီ တပ်သား ၄ ဦး သေဆုံးပြီး အများအပြား ထိခိုက်ဒဏ်ရာရရှိခဲ့ကြောင်း သိရသည်။

တိုက်ခိုက်မှု ဖြစ်ပွားပြီးနောက် အကြမ်းဖက် စစ်ကောင်စီ တပ်သားများက ၄၀ မမ များ၊ လက်နက်ငယ်များဖြင့် ရမ်းသမ်း ပစ်ခတ်ခဲ့သော်လည်း တော်လှန်ရေး ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရှိရသည်။

အလားတူ မကွေးတိုင်း၊ ယောဒေသ၊ ဂန့်ဂေါမြို့နယ်မြောက်ပိုင်း မြောက်ခင်ရန်းရွာမှ အကြမ်းဖက်စစ်သား၊ ပျူ စောထီးများ စစ်ကြောင်းထွက်လာစဉ် မိုင်းမိပြီး ဒုရဲအုပ်တစ်ဦးအပါအဝင် ၄ ဦးသေဆုံးခဲ့ကြောင်း ယောဒေသ ပြည်သူ့ကာကွယ် ရေး တပ်ဖွဲ့ - YPDF မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။

ယမန်နေ့ နိုဝင်ဘာလ ၃ ရက် နံနက် ၆ နာရီခန့်က ဂန့်ဂေါမြို့နယ်မြောက်ပိုင်း၊ မြောက်ခင်ရန်းရွာ အကြမ်းဖက်စစ်သား၊ ပျူစောထီးများသည် ရေသာရွာဘက်သို့ စစ်ကြောင်းထိုးလာစဉ် ယောဒေသ ပြည်သူ့ကာကွယ်ရေးတပ်ဖွဲ့ - YPDF တပ်ဖွဲ့မှ ထောင်ထားသော မိုင်းမိပြီး ဒုရဲအုပ် တစ်ဦး အပါအဝင် ၄ ဦး နေရာမှာပင် သေဆုံးသွားကြောင်း၊ ထိုသို့ မိုင်းမိပြီးနောက် ပတ်ဝန်းကျင်အား ရမ်းသမ်းပစ်ခတ် ကာ ပြန်ဆုတ်သွားပြေးသွားကြောင်း သိရသည်။

“မနေ့က မနက်စောစောထွက်လာတာ၊ ပျူစောထီးရွာကနေ ရေသာရွာဘက်ကို ထွက်လာတာ၊ မိုင်း မိပြီးတော့ ဒုရဲအုပ်တစ်ယောက်အပါအဝင် ၄ ယောက် နေရာမှာတင် သေသွားတယ်၊ နာမည်တော့ စုံစမ်း နေဆဲပဲ။ ဂန်းတွေပစ်ဖောက်၊ စက်လက်တွေပစ်ဖောက်ပြီးမှ ပြန်ဆုတ်သွားကြတာ၊ တိုက်ပွဲ လည်း မဖြစ်လိုက်ဘူး။ သူတို့နဲ့သူတို့ ပစ်ပြီးမှပဲ ပြန်ဆုတ်သွားကြတာ၊ ပြည်သူတွေ ထိခိုက်တာတွေ လည်း မရှိပါဘူး။” ဟု ယောဒေသ ပြည်သူ့ကာကွယ်ရေးတပ်ဖွဲ့ - YPDF မှ တာဝန်ရှိသူတစ်ဦးက ရန် ကုန် ခေတ်သစ်သတင်းဌာနထံသို့ ပြောကြားသည်။

ဂန့်ဂေါမြို့နယ်မြောက်ပိုင်း မြောက်ခင်ရန်း၊ ကုက္ကား၊ ဟံသာဝတီကျေးရွာစသည့် ကျေးရွာများတွင် နေထိုင်သူ ဒေသနေပြည်သူများကို အကြမ်းဖက်စစ်ကောင်စီတပ်က ပျူစောထီးသင်တန်းပေးကာ လက်နက်တပ်ဆင်ပေးထားပြီး လူသတ် မှု၊ လုယက်မှု၊ အနီးအနားကျေးရွာများကို စစ်ကြောင်းထိုးကာ မီးရှို့ဖျက်ဆီးမှု၊ ပြည်သူပိုင်ပစ္စည်းများကို ခိုးယူမှုများ လုပ်ဆောင်စေရန် စေခိုင်းလျက်ရှိကြောင်း သိရသည်။

ကြို့ပင်ကောက်တွင် စစ်တပ်က သင်္ခရိုင် မိဘမဲ့ ပရဟိတကျောင်းမှ ကလေးငယ်များ အပါအဝင် ပြည်သူ ၆၀ ခန့်ကို ဖမ်းဆီးသွားပြီး အေးရွာလေးရွာရှိ နေအိမ်များကို မီးရှို့ဖျက်ဆီး၊ သောင်းနှင့်ချီသော ပြည်သူများ ဘေးလွတ်ရာ ထွက်ပြေးနေရ

ရန်ကုန်၊ နိုဝင်ဘာ ၄

ပဲခူးတိုင်း၊ ကြို့ပင်ကောက်မြို့နယ်တွင် အကြမ်းဖက် စစ်တပ်က သင်္ခရိုင် မိဘမဲ့ ပရဟိတကျောင်းမှ ကလေးငယ်များ အပါအဝင် ပြည်သူ ၆၀ ခန့်ကို ဖမ်းဆီးသွားပြီး အေးရွာလေးရွာရှိ နေအိမ်များကို မီးရှို့ဖျက်ဆီးခဲ့ကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

အောက်တိုဘာလ ၂၄ ရက်နေ့မှစ၍ ကြို့ပင်ကောက်မြို့နယ်၊ အရှေ့ဘက်ခြမ်းရှိ ကျေးရွာများကို ဇီးကုန်းမြို့နယ်၊ ဘော်ဘင်ကျေးရွာတွင် အထိုင်ချ တပ်ဆွဲထားသော အကြမ်းဖက် စစ်ကောင်စီ တပ်သားများက အင်အား ၁၂၀ ခန့်ဖြင့် ကျေးရွာများကို ဝင်ရောင်စီးနင်ခဲ့ကြောင်း သိရသည်။

ထိုသို့ ဝင်ရောက် စီးနင်းပြီးနောက် ကြို့ပင်ကောက်မြို့နယ်အတွင်းရှိ ပြည်သူ့ကာကွယ်ရေးတပ်ဖွဲ့ မဟာမိတ်တပ်ခွဲ ၃ ခွဲ ဖြင့် ထိတွေ့ တိုက်ပွဲများ အောက်တိုဘာလ ၂၅ ရက်နေ့အထိ ဆက်တိုက် ဖြစ်ပွားခဲ့ကြောင်း၊ တိုက်ပွဲဖြစ်ပွားပြီးနောက် အကြမ်းဖက် စစ်တပ်ဘက်မှ ထိခိုက် ကျဆုံးမှု များပြားခြင်းကြောင့် စစ်တပ်က သခွတ်ပင်၊ အင်တိုင်းကုန်း၊ ဆည်တော်ဦး၊ သင်္ခရိုင်ရွာ၊ ရုံးချောင်း ၊ အေးရွာလေး နှင့် ဥယျဉ်ကြီး စသော ကျေးရွာ များကို လက်နက်ကြီးများဖြင့် ရမ်းသမ်းပစ်ခတ်ခြင်းကြောင့် သောင်းနှင့်ချီသော ပြည်သူများ ဘေးလွတ်ရာ ထွက်ပြေးနေရကြောင်း သိရသည်။

အကြမ်းဖက် စစ်တပ် စစ်ကြောင်းသည် ဥယျဉ်ကြီးရွာတွင် ပိတ်မိနေသော ပြည်သူများကိုလည်း ရိုက်နှက်၍ လက်ပြန်ကြိုးတုပ်ကာ ညှင်းပန်း နှိပ်စက်ပြီးနောက် ပြည်သူ ၈ ဦးကို ဖမ်းဆီး ခေါ်ဆောင်သွားကြောင်း၊ အေးရွာလေး မှ လူနေအိမ်များ ဈေးဆိုင်များ ရှိ အဖိုးတန်ကြီး ပစ္စည်းများနှင့် ကုန်ခြောက် ကုန်စုံများကို မွှေနှောက်ရှာဖွေ ယူဆောင်သွားပြီး နေအိမ် ၁၀ လုံးကို မီးရှို့ဖျက်ဆီးခဲ့ကြောင်း သိရှိရသည်။

ထို့ပြင် အကြမ်းဖက် စစ်တပ် စစ်ကြောင်းသည် သင်္ခရိုင်ရွာကိုလည်း ဝင်ရောက် စီးနင်းခဲ့ပြီး ကျေးရွာနေ ပြည်သူ ၁၀ ဦး နှင့် ကလေးငယ် ၁၃ ဦးကို ဖမ်းဆီး၍ ဇီးကုန်းမြို့နယ် ဘော်ဘင်ကျေးရွာကို ဖမ်းဆီး‌ခေါ်ဆောင်သွားကြောင်း၊ သင်္ခရိုင် မိဘမဲ့ စောင့်ရှောက်ရေး ပရဟိတ ဘုန်းတော်ကြီးသင်စာသင်ကျောင်းကို နိုဝင်ဘာလ ၁ ရက်နေ့တွင် အကြမ်းဖက် စစ်တပ်က ထပ်မံ ဝင်ရောက်လာပြီး ကလေးငယ် ၂၉ ဦးကို ဖမ်းဆီးပြီး လူသားဒိုင် ပြုလုပ်၍ စစ်ကြောင်း ပြန်လည် ဆုတ်ခွာသွားကြောင်း သိရသည်။

"အခုတော့ စစ်ကြောင်းက ဆုတ်ခွာ သွားပြီ ကြို့ပင်ကောက်မြို့ ဘေးမှာရှိတဲ့ ဇီးကုန်းမြို့အရှေ့ဘက်ခြမ်း ဘော်ဘင်ရွာ မှာ အထိုင်ချထားတယ်။ မိဘမဲ့ကျောင်းက ကလေးငယ် ၂၀ ကျော်ကို လူသားဒိုင်း ပုံစံ သုံးပြီး ဖမ်းဆီးသွားတယ်။ တချို့ကိုပြန်လွှတ်တယ်။ တစ်ချို့ ဖမ်းဆီးခံထားရပါတယ်" ဟု ဒေသပြည်သူ တစ်ဦးကပြောဆိုသည်။

ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းက စစ်အာဏာရှင် တော်လှန်ရေး ချီတက် ဆန္ဒပြ

ရန်ကုန်၊ နိုဝင်ဘာ ၄

ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းသည် နိုဝင်ဘာလ ၄ ရက်နေ့တွင် စစ်အာဏာရှင် တော်လှန်ရေး ချီတက်ဆန္ဒထုတ်ဖော်ခဲ့ကြကြောင်း သိရှိရသည်။

Khit Thit သတင်းဌာန၏ နိုဝင်ဘာ ၂ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ နိုဝင်ဘာ ၂ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

-ရခိုင်ပြည်နယ် အမ်းမြို့နယ်မှာ အကြမ်းဖက် စစ်ကောင်စီရဲ့ ခမရ ၃၇၃ ၊ ကံ့ကော်တစ်ထောင်ဘုရား စခန်း၊ ပူလောင်တောင်ဘုရားကုန်း ၊ စရဖတပ်၊ အမှတ် ၂ ကုတင် ၃၀၀ စစ်ဆေးရုံ၊ အမှတ် ၈ တိုက်ပွဲ ဝင်စည်းရုံးရေ သင်တန်းကျောင်း၊ အမ်း-မင်းဘူးတောင်ကြားလမ်းက စစ်စခန်းတွေ အားလုံးနဲ့ နပခ ဌာနချုပ်ကိုကာထားတဲ့ ကားကင်းစခန်းတွေ အကုန်လုံးကိုပါ အာရက္ခတပ်တော် AA က သိမ်းပိုက်ရရှိ ထားပြီလို့ AA ရဲ့ ပြောရေးဆိုခွင့်ရှိတဲ့ သတင်းရင်းမြစ်က ရန်ကုန်ခေတ်သစ်ကို ပြောပါတယ်။

ကချင်ပြည်နယ်၊ ချီဖွေမြို့နယ်ထဲမှာရှိတဲ့ လဂွေကျေးရွာက အကြမ်းဖက် စစ်ကောင်စီလက်အောက်ခံ ပြည်သူ့စစ်စခန်းတွေ နဲ့ စစ်ကောင်စီတပ်စခန်းတွေ အကုန်လုံးကို KIA - PDF ပူးပေါင်းတပ်တွေက အပြီးသတ် တိုက်ခိုက်သိမ်းပိုက်လိုက်ပြီလို့ KIA သတင်းရင်းမြစ်က ရန်ကုန်ခေတ်သစ်ကို ပြောပါတယ်။

မကွေးတိုင်း ၊ ဂန့်ဂေါမြို့နယ်က မြောက်ခင်ရန်းပျူစောထီးကျေးရွာနဲ့ တောင်ခင်ရန်းကျေးရွာကြားမှာ တိုက်ပွဲဖြစ်ပွားမှုအတွင်း စစ်ကောင်စီဘက်က ကုက္ကားသား ပျူစောထီး ဆိုသူကတော့ တစ်ခါတည်း သေသွားတဲ့အပြင် ၊ နောက်ထပ် စစ်ကောင်စီဝင် ၁၀ ဦးဝန်းကျင်က ဒဏ်ရာတွေ ရသွားကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://youtu.be/IFgUpNhEfgI?si=dsrxBHu9XwbkkWgV

နိုင်ငံတကာရှိ မြန်မာသံရုံးများအနေဖြင့် မြန်မာအလုပ်သမားများထံမှ လုပ်ခလစာ နိုင်ငံခြားငွေများ ပြည်တွင်းသို့ ဘဏ်များမှတစ်ဆင့် ပြန်လည် လွှဲပြောင်းရေး စည်းရုံးဆောင်ရွက်ကြရန် စစ်ကောင်စီ ညွှန်ကြား

🟥 ပြည်ပရောက် မြန်မာများက စစ်ကောင်စီဘဏ်များမှ ငွေလွှဲခြင်းမရှိသည့်အပြင် ကားတင်သွင်းခွင့်လျှောက်ထားခြင်းလည်း လုံး၀မရှိသေး

ရန်ကုန်၊ နိုဝင်ဘာ ၂

မြန်မာအလုပ်သမားများ သန်းချီရှိသော ထိုင်း၊ မလေးရှား၊ စင်ကာပူ အပါ အဝင် ကိုရီးယား၊ ဂျပန်နိုင်ငံများမှ စစ်ကောင်စီ လက်အောက်ခံ မြန်မာသံရုံးများအနေဖြင့် မြန်မာအလုပ်သမားများထံမှ လုပ်ခလစာ နိုင်ငံခြားငွေများကို ပြည်တွင်းသို့ ဘဏ်များမှတစ်ဆင့် ပြန်လည် လွှဲပြောင်းရေး စည်းရုံးဆောင်ရွက်ကြရန် စစ်ကောင်စီက အမိန့်ပေး ညွှန်ကြားထားကြောင်း သိရှိရသည်။

စစ်အာဏာသိမ်းချိန်မှစတင်၍ နိုင်ငံခြားရင်းနှီးမြုပ်နှံမှုများ လျော့ကျနေခြင်း၊ နယ်စပ်ကုန်သွယ်ရေးများ ရပ်ဆိုင်းနေခြင်း၊ ပြည်တွင်းမှ ပို့ကုန်များ မတင်ပို့နိုင်တော့ခြင်းကြောင့် နိုင်ငံခြားငွေများ ရရှိမှု ကျဆင်းလျက်ရှိကြောင်း၊ ထို့ကြောင့် ပြည်ပရောက် မြန်မာအလုပ်သမားများထံမှ လုပ်ခလစာ နိုင်ငံ ခြားငွေ များသည် လိုအပ်ချက်ရှိနေသော တိုင်းပြည်အတွက် အထောက်အကူဖြစ်စေမည်ဖြစ်သောကြောင့် ပြည်ပရောက် မြန်မာအလုပ်သမားများထံမှ နိုင်ငံခြားငွေများကို ပြည်တွင်းရှိ ဘဏ်များမှတစ်ဆင့် တရားဝင် ပြန်လည် ဝင်ရောက်လာရေး စည်းရုံးဆောင်ရွက်ကြရန် စစ်ကောင်စီက အမိန့်ပေးထားကြောင်း၊ ယခုနောက်ဆုံးအနေဖြင့် မြန်မာနိုင်ငံသို့ စစ်ကောင်စီဘဏ်များမှတစ်ဆင့် ငွေပေးပို့ လွှဲပြောင်းသော ပြည်ပရောက် မြန်မာများကို လျှပ်စစ်ကားနှင့် ဆိုင်ကယ်များ တင်သွင်းခွင့်ပြုမည်ဖြစ်ကြောင်း စစ်ကောင်စီက ညွှန်ကြားလာခြင်းဖြစ်သည်ဟု သိရှိရသည်။

"ပြည်တွင်းကို ငွေလွှဲတဲ့အပေါ်မှာ မူတည်ပြီးတော့ စီးပွားရေးနဲ့ကူးသန်းရောင်းဝယ်ရေးဝန်ကြီးဌာနက သတ်မှတ်လုပ်ထုံးလုပ်နည်းနဲ့ အညီ သက်ဆိုင်ရာဘဏ်တွေကနေ ငွေလွှဲတဲ့ပမာဏအပေါ်မှာပဲ ပါမစ်ခွင့်ပြုသွားမှာဖြစ်ပါတယ်။ ဒီလိုခွင့်ပြုဖို့လည်း ၂၀၂၃ ခုနှစ်အောက်တိုဘာလ ၂၆ ရက်နေ့မှာ အမိန့်စာထုတ်ပြန်ပြီးဖြစ်ပါတယ်" ဟု စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သတင်းရင်းမြစ်က ပြောဆိုသည်။

ပြည်ပရောက် မြန်မာနိုင်ငံသားများအနေဖြင့် မိမိတို့ရရှိသည့် လစာငွေ၊ သို့မဟုတ် အခြားဝင်ငွေများကို မြန်မာနိုင်ငံသို့ ဘဏ်လမ်းကြောင်းမှတစ်ဆင့် ပြန်လည်လွှဲပို့ခြင်းအတွက် အထူးအစီအစဉ်အနေ ဖြင့် တစ်နှစ်အတွင်း အမေရိကန် ဒေါ်လာ ၂ သိန်းနှင့်အထက် လွှဲပို့ပါက လွှဲပို့ငွေ၏ ၅ ရာခိုင်နှုန်း တန်ဖိုးနှင့် ညီမျှသော လျှပ်စစ်သုံးမော်တော်ယာဉ် တစ်နှစ်လျှင် တစ်စီးနှုန်း၊ ပုံမှန်လစာရရှိသူများမှအပ အခြားဝင်ငွေရရှိသူများအနေဖြင့် တစ်နှစ်အတွင်း အမေရိကန် ဒေါ်လာ ၅ သောင်းနှင့်အထက် လွှဲပို့ပါက လွှဲပို့ငွေ၏ ၅ ရာခိုင်နှုန်း တန်ဖိုး နှင့် ညီမျှသော လျှပ်စစ်သုံးမော်တော်ယာဉ်/လျှပ်စစ်သုံးမော်တော်ဆိုင်ကယ် တစ်နှစ်လျှင် တစ်စီးနှုန်း တင်သွင်းခွင့်ပြုမည်ဖြစ်ကြောင်း​ စစ်ကောင်စီက ကြေညာထားသည်။

မြန်မာနိုင်ငံသို့ ငွေပြန်လွှဲသော ပြည်ပရောက် မြန်မာများကို လျှပ်စစ်သုံးမော်တော်ယာဉ်/ လျှပ်စစ် သုံးမော်တော်ဆိုင်ကယ် တင်သွင်းခွင့်ပြုရာတွင် တစ်ဦးတစ်ယောက်ချင်း တင်သွင်းမှုကိုလည်းကောင်း၊ တစ်ဦးတစ်ယောက်ချင်း တင်သွင်းရန် ယာဉ်တန်ဖိုး မပြည့်မီပါက စုပေါင်း၍ တင်သွင်းနိုင်သည်ဟု စစ်ကောင်စီက ယမန်နှစ်တွင် ကြေညာချက် ထုတ်ပြန်ခဲ့သည်။

၂၀၂၃ ခုနှစ် အောက်တိုဘာလ ၂၆ ရက်နေ့တွင် စတင်ခဲ့သော ပြည်ပရောက် မြန်မာများအတွက် ပြည်တွင်းသို့ စစ်ကောင်စီဘဏ်များမှတစ်ဆင့် ငွေပြန်လွှဲမှုအပေါ် ကားတင်သွင်းခွင့် ပေးမည့် အစီအစဉ်တွင် မည်သည့် ပြည်ပရောက် မြန်မာနိုင်ငံသားကမှ လျှောက်ထားမှု မရှိကြောင်း သိရှိရသည်။

ဓာတ်ပုံ- ပြည်ပနိုင်ငံများသို့ သွားရောက် အလုပ်လုပ်ကြသည့် မြန်မာများကို ရန်ကုန်လေဆိပ်တွင် တွေ့ရစဉ်။

ဘီလူးချောင်း ရေအားလျှပ်စစ်ထုတ်စက်ရုံ အပါအဝင် ရေအားလျှပ်စစ်စက်ရုံ ၉ ခု မလည်ပတ်နိုင်သဖြင့် ဓာတ်အားရရှိမှု အလွန်လျော့နည်းနေပြီး လျှပ်စစ်မီးများ အချိန်ပိုမို ကြာမြင့်စွာ ပြတ်တောက်မည်၊ တစ်နိုင်ငံလုံး ဓာတ်အားလိုအပ်ချက်၏ ၄၆ ရာခိုင်နှုန်းသာ ထုတ်နိုင်

ရန်ကုန်၊ နိုဝင်ဘာ ၂

ကရင်နီရှိ ဘီလူးချောင်းလောပိတရေအားလျှပ်စစ်စက်ရုံများ အပါအဝင် နိုင်ငံတစ်ဝန်းရှိ ရေအားလျှပ်စစ်စက်ရုံ ၉ ခု မလည်ပတ်နိုင်သဖြင့် တစ်နိုင်ငံဓာတ်အားထုတ်လုပ်မှု အလွန်လျော့နည်းနေပြီး လျှပ်စစ်မီးများ အချိန်ပိုမို ကြာမြင့်စွာ ပြတ်တောက်မည်ဖြစ်ကြောင်း လျှပ်စစ်ဝန်ကြီးဌာနထံမှ သိရှိရသည်။

စက်တင်ဘာလနှင့်အောက်တိုဘာလအတွင်း ဖြစ်ပေါ်ခဲ့သော ရေကြီးရေလျှံမှုများကြောင့် ဘီလူးချောင်းလောပိတ ရေအားလျှပ်စစ်စက်ရုံများ၊ ရွှေလီရေအားလျှပ်စစ်ထုတ်စက်ရုံ၊ ပေါင်းလောင်းရေအားလျှပ်စစ်ထုတ်စက်ရုံများတွင် ရေအားလျှပ်စစ်ထုတ်လုပ်သည့် စက်များ ရေဝင်ပျက်စီးခြင်း၊ ရေအားလျှပ်စစ်ထုတ်စက်ရုံများတွင် ရေကြီးမှုများကြောင့် ပျက်စီးမှုများဖြစ်ပေါ်ခဲ့ကြောင်း၊ အဆိုပါ ပျက်စီးမှုများကို ယခုအချိန်အထိ မပြင်ဆင်နိုင်သေးဘဲ ရေအားလျှပ်စစ်ထုတ်လုပ်ရေးလုပ်ငန်းများ ရပ်နားထားရကြောင်း သိရှိရသည်။

"ဘီလူးချောင်း ရေကြီးတော့ လောပိတ ဘီလူးချောင်း ရေအားလျှပ်စစ်ထုတ်တဲ့ စက်ရုံတွေအထိ ရေဝင်တယ်။ ရေတွေကြီးတော့ စက်တွေ အကုန်ပျက်ကုန်တယ်။ ရေဝင်ထားလို့။ အဲဒီလိုပဲ အခြား ရေအားလျှပ်စစ်ထုတ်လုပ်ရေး စက်ရုံတွေလည်း သဘာ၀ဘေးအန္တရာယ်ဖြစ်တဲ့ ရုတ်တရက်ရေကြီးမှုတွေကြောင့် ပျက်စီးမှုတွေ အတော်များပါတယ်။ အဲဒါကြောင့် စက်ရုံတွေက စက်အပြည့် မလည်နိုင်သလို ရေအားက လျှပ်စစ် အပြည့်မထုတ်နိုင်ဘူး။ ပုံမှန် မိုးတွင်းကာလ ဆည်မှာ ရေရရင် ရေအားလျှပ်စစ်ပိုတိုးထွက်ပေမယ့် ဒီနှစ်က သဘာ၀ဘေးကြောင့် ရေအားလျှပ်စစ်စက်ရုံတွေ ပျက်စီးမှုတွေ အများကြီးကြုံရတယ်။ အဲဒါတွေကို ပြင်ဆင်ဖို့ကလည်း အချိန် တိုအတွင်း မပြီးနိုင်ဘူး။ တချို့ စက်ပစ္စည်းတွေက လဲလှယ်မှရမယ့် အခြေအနေမျိုးဖြစ်တော့ ဘတ်ဂျက်တင်ပြစောင့်ရတာမျိုးတွေနဲ့ Process တွေ ကရှိတော့ အလွယ်တကူတော့ မပြင်နိုင်သေးဘူး။ အလှည့်ကျနဲ့ အခု မီးထိန်းပေးနေပေမယ့် မီးပြတ်တာ အချိန်ပိုကြာပါလိမ့်မယ်" ဟု လျှပ်စစ်ဝန်ကြီးဌာနမှ သတင်းရင်းမြစ်က ရှင်းပြသည်။

လက်ရှိ တစ်နိုင်ငံလုံးတွင် ပြည်သူများကို ၄ နာရီ မီးပေး၊ ၄ နာရီ မီးဖြတ်စနစ်ကို ကျင့်သုံးပြီး စက်မှုဇုန်များတွင်မူ တစ်ရက်လျှင် ၄ နာရီသာ မီးပေးတော့ ကြောင်း၊ ထိုသို့ လျှပ်စစ်ဓာတ်အား လျှော့ချပေးနေသော်လည်း ရရှိနေသော ဓာတ်အားမှာ အလွန်နည်းပါးနေသဖြင့် လာမည့်ရက်ပိုင်းအတွင်း အခြေအနေ မီးပြတ်တောက်မှုများ အခြေအနေ ပိုမိုဆိုးဝါးလာနိုင်ကြောင်း သိရှိရသည်။

တစ်နိုင်ငံလုံး တစ်ရက်လျှင် လျှပ်စစ်ဓာတ်အား လိုအပ်ချက် ၅၄၄၃ မဂ္ဂါဝပ်ရှိပြီး လက်ရှိတွင် တစ်ရက်လျှင် ၂၅၀၀ မဂ္ဂါဝပ်ဝန်းကျင်သာ ထုတ်လုပ်နိုင်ကြောင်း၊ တစ်နိုင်ငံလုံး လျှပ်စစ်ဓာတ်အားလိုအပ်ချက်၏ ၄၆ ရာခိုင်နှုန်းကိုသာ ဓာတ်အား ထုတ်လုပ်နိုင်ကြောင်း သိရှိရသည်။

ဓာတ်ပုံ- အောက်တိုဘာလ ၁ ရက်နေ့ ရေကြီးနေသော ဘီလူးချောင်း ဓာတ်အားပေးစက်ရုံကို စစ်ကောင်စီအဖွဲ့ဝင်များ သွားရောက်စစ်ဆေးနေစဉ်။

ပေါင်းတည်နှင့် မင်းလှတို့တွင် စစ်တပ်စစ်ကြောင်းများကို တိုက်ခိုက်မှု စစ်တပ်ဘက်မှ ၁၂ ဦးသေဆုံးဟုဆို

ရန်ကုန်၊ နိုဝင်ဘာ ၂

ပဲခူးတိုင်း၊ ပေါင်းတည်မြို့နှင့် မင်းလှမြို့နယ်တို့တွင် စစ်တပ်စစ်ကြောင်းများကို တိုက်ခိုက်ရာ စစ်တပ်ဘက်မှ ၁၂ ဦးသေဆုံးကြောင်း တော်လှန်ရေးတပ်ဖွဲ့များက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ နိုဝင်ဘာလ ၁ ရက်နေ့ နံနက် ၁ နာရီ ၃ မိနစ်အချိန် ပဲခူးတိုင်း၊ ပေါင်းတည်မြို့နယ် ၊ကျောက်ကြီးတောင်စစ်တပ်အထိုင်စခန်းမှသစ်ပုတ်တာဝါတိုင်စစ်တပ်အထိုင်စခန်းသို့ အင်အားဖြည့်တင်းရန်ထွက်လာသောအကြမ်းဖက်စစ်ကောင်စီအင်အား ၄၀ ဦးပါစစ်ကြောင်းကို ပြည်ခရိုင်ပြည်သူ့ကာကွယ်ရေးတပ်မတော် ၃၆၀၁၊ PPDFတပ်ရင်း တပ်ခွဲ ၁ ၊တပ်ခွဲ ၅ တို့က ချီတက်ရွာနှင်သစ်ရွာအကြားတွင် မိုင်း ၃ ကြိမ်ဆွဲ၍ကြားဖြတ်တိုက်ခိုက်ရာ စစ်တပ်ဘက်မှ ၁ ဦးသေဆုံးပြီး ၃ ဦးဒဏ်ရာရရှိသွားကြောင်း သိရှိရသည်။

အကြမ်းဖက်စစ်ကောင်စီတပ်က လက်နက်ကြီး၊ လက်နက်ငယ် စက်ကလေးများဖြင့် ရမ်းသမ်း ပြန်လည်ပစ်ခတ်တိုက်ခိုက်သော်လည်းပြည်သူ့ကာ ကွယ် ရေးတပ်ဖွဲ့ဝင်များမှာ အထိအခိုက်အန္တရာယ်မရှိကြောင်း၊ စစ်တပ်က သေဆုံးနှင့်ဒဏ်ရာ စစ်သည်များကို ယမန်နေ့ နံနက် ၄ နာရီ ၃၀ မိနစ်အချိန်တွင်သစ်ပုတ်တာဝါတိုင်စစ်တပ်အထိုင်စခန်းသို့ ပြန်လည်သယ်ယူသွားကြောင်း သိရှိရသည်။

အလားတူ မကွေးတိုင်း၊ အထက်မင်းလှမြို့နယ်နှင့် ရခိုင်ပြည်နယ်၊ အမ်းမြို့နယ်တို့ကို ဆက်သွယ်ထားသည့် လမ်းပိုင်း ထိန်းချုပ်နိုင်ရေးအတွက် ဝင်ရောက်လာသည့် အကြမ်းဖက်စစ်တပ် စစ်ကြောင်းကို တိုက် ခိုက်ခဲ့ရာ စစ်သား ၁၁ ဦးသေဆုံးခဲ့ကြောင်း အထက်မင်းလှပြည်သူ့ကာကွယ်ရေးတပ်ဖွဲ့ထံမှ သိရ သည်။

အောက်တိုဘာလ ၃၀ ရက်နေ့ မွန်းတည့် ၁၂ နာရီခန့် မလွန်တပ်နယ် ကပစ၂ (ကာကွယ်ရေးပစ္စည်း စက်ရုံံ) နှင့် ကုန်းကြီး ကပစ - ၁၀ မှ ထုတ်နုတ်အင်အား ၁၀၀ ဝန်းကျင်ခန့်ဖြင့် အထက်မင်းလှမြို့ နယ်နှင့် ရခိုင်ပြည်နယ်၊အမ်းမြို့နယ်သို့ဆက်သွယ်ထားသည့် လမ်းပိုင်းများ၊ ပုသိမ်-မုံရွာလမ်းပိုင်းတို့ ကို စစ်ကောင်စီတပ်များက လာရောက်ပိတ်ဆို့ခဲ့သဖြင့် အထက်မင်းလှပြည်သူ့ ကာကွယ်ရေးတပ်ဖွဲ့ (ပကဖ) က ပဒေသာမိုင်းများ၊ ဆွဲမိုင်းများဖြင့် တိုက်ခိုက်ခဲ့ရာအကြမ်းဖက်စစ်ကောင် စီတပ်သားများ ထိခိုက်သေဆုံးမှု အများအပြားရှိခဲ့ကြောင်း သိရသည်။

ထို့ပြင် အောက်တိုဘာလ ၃၁ ရက်နေ့ နံနက် ၇ နာရီ ၄၀ မိနစ်ခန့်အချိန် ပုသိမ်-မုံရွာလမ်းမကြီး တ လျှောက် လူသားတံတိုင်းအဖြစ် ဖမ်းဆီထားသည့် ပြည်သူများကို အသုံးပြုကာ လက်နက်ကြီးများဖြင့် ရမ်းသမ်းပစ်ခတ်၍ ထပ်မံစစ်ကြောင်းထိုးဝင်ရောက်လာခဲ့ပြီး အထက်မင်းလှပြည်သူ့ကာကွယ်ရေး တပ်ဖွဲ့၊ ယာယီစခန်းငယ်အနီးသို့ရောက်ရှိလာခဲ့ရာ အသင့်ထောင်ထားသော ပဒေသာမိုင်း၊ တိုက်မိုင်း၊ ဆွဲမိုင်းများဖြင့် တိုက်ခိုက်ခဲ့ကြောင်း သိရသည်။

ထို့နောက် အကြမ်းဖက်စစ်သားများက အထက်မင်းလှမြို့နယ်ပြည်သူ့ကာကွယ်ရေးတပ်ဖွဲ့ ယာယီ စခန်း ငယ်ကိုမီးရှို့ဖျက်ဆီးပြီး မွန်းလွဲ ၂ နာရီခန့်တွင် သေဆုံးစစ်သား ရုပ်အလောင်းများနှင့် ဒဏ်ရာ ရရှိသူများကို ကားဖြင့် သယ်ဆောင်သွားကြောင်း၊ အကြမ်းဖက်စစ်သား ၁၁ ဦး သေဆုံးပြီး ၁၇ ဦး ထိခိုက်ဒဏ်ရာရရှိခဲ့ကြောင်း အထက်မင်းလှမြို့နယ်ပြည်သူ့ကာကွယ်ရေးတပ်ဖွဲ့က ထုတ်ပြန်ထား သည်။

လက်ရှိအချိန်တွင် အထက်မင်းလှမြို့နယ် စစ်ရေးတင်းမာမှုများရှိနေပြီး စစ်ကောင်စီတပ်ကလည်း မကြာ ခဏ စစ်ကြောင်းထိုးဝင်ရောက်နေသဖြင့် ဟန့်တားတိုက်ခိုက်လျက်ရှိရာ လက်နက်ခဲ ယမ်း များ လိုအပ်ချက်ရှိနေသဖြင့် ဝိုင်းဝန်းကူညီထောက်ပံ့ပေးကြပါရန် အထက်မင်းလှပြည်သူ့ ကာကွယ် ရေး တပ်ဖွဲ့က မေတ္တာရပ်ခံထားသည်။

ဓာတ်ပုံ- ပြည်သူ့ကာကွယ်ရေးတပ်ဖွဲ့ဝင်များ။

ဘီလူးချောင်း ရေအားလျှပ်စစ်ထုတ်စက်ရုံ အပါအဝင် ရေအားလျှပ်စစ်စက်ရုံ ၉ ခု မလည်ပတ်နိုင်သဖြင့် ဓာတ်အားရရှိမှု အလွန်လျော့နည်းနေပြီး လျှပ်စစ်မီးများ အချိန်ပိုမို ကြာမြင့်စွာ ပြတ်တောက်မည်၊ တစ်နိုင်ငံလုံး ဓာတ်အားလိုအပ်ချက်၏ ၄၆ ရာခိုင်နှုန်းသာ ထုတ်နိုင်

ရန်ကုန်၊ နိုဝင်ဘာ ၂

ကရင်နီရှိ ဘီလူးချောင်းလောပိတရေအားလျှပ်စစ်စက်ရုံများ အပါအဝင် နိုင်ငံတစ်ဝန်းရှိ ရေအားလျှပ်စစ်စက်ရုံ ၉ ခု မလည်ပတ်နိုင်သဖြင့် တစ်နိုင်ငံဓာတ်အားထုတ်လုပ်မှု အလွန်လျော့နည်းနေပြီး လျှပ်စစ်မီးများ အချိန်ပိုမို ကြာမြင့်စွာ ပြတ်တောက်မည်ဖြစ်ကြောင်း လျှပ်စစ်ဝန်ကြီးဌာနထံမှ သိရှိရသည်။

စက်တင်ဘာလနှင့်အောက်တိုဘာလအတွင်း ဖြစ်ပေါ်ခဲ့သော ရေကြီးရေလျှံမှုများကြောင့် ဘီလူးချောင်းလောပိတ ရေအားလျှပ်စစ်စက်ရုံများ၊ ရွှေလီရေအားလျှပ်စစ်ထုတ်စက်ရုံ၊ ပေါင်းလောင်းရေအားလျှပ်စစ်ထုတ်စက်ရုံများတွင် ရေအားလျှပ်စစ်ထုတ်လုပ်သည့် စက်များ ရေဝင်ပျက်စီးခြင်း၊ ရေအားလျှပ်စစ်ထုတ်စက်ရုံများတွင် ရေကြီးမှုများကြောင့် ပျက်စီးမှုများဖြစ်ပေါ်ခဲ့ကြောင်း၊ အဆိုပါ ပျက်စီးမှုများကို ယခုအချိန်အထိ မပြင်ဆင်နိုင်သေးဘဲ ရေအားလျှပ်စစ်ထုတ်လုပ်ရေးလုပ်ငန်းများ ရပ်နားထားရကြောင်း သိရှိရသည်။

"ဘီလူးချောင်း ရေကြီးတော့ လောပိတ ဘီလူးချောင်း ရေအားလျှပ်စစ်ထုတ်တဲ့ စက်ရုံတွေအထိ ရေဝင်တယ်။ ရေတွေကြီးတော့ စက်တွေ အကုန်ပျက်ကုန်တယ်။ ရေဝင်ထားလို့။ အဲဒီလိုပဲ အခြား ရေအားလျှပ်စစ်ထုတ်လုပ်ရေး စက်ရုံတွေလည်း သဘာ၀ဘေးအန္တရာယ်ဖြစ်တဲ့ ရုတ်တရက်ရေကြီးမှုတွေကြောင့် ပျက်စီးမှုတွေ အတော်များပါတယ်။ အဲဒါကြောင့် စက်ရုံတွေက စက်အပြည့် မလည်နိုင်သလို ရေအားက လျှပ်စစ် အပြည့်မထုတ်နိုင်ဘူး။ ပုံမှန် မိုးတွင်းကာလ ဆည်မှာ ရေရရင် ရေအားလျှပ်စစ်ပိုတိုးထွက်ပေမယ့် ဒီနှစ်က သဘာ၀ဘေးကြောင့် ရေအားလျှပ်စစ်စက်ရုံတွေ ပျက်စီးမှုတွေ အများကြီးကြုံရတယ်။ အဲဒါတွေကို ပြင်ဆင်ဖို့ကလည်း အချိန် တိုအတွင်း မပြီးနိုင်ဘူး။ တချို့ စက်ပစ္စည်းတွေက လဲလှယ်မှရမယ့် အခြေအနေမျိုးဖြစ်တော့ ဘတ်ဂျက်တင်ပြစောင့်ရတာမျိုးတွေနဲ့ Process တွေ ကရှိတော့ အလွယ်တကူတော့ မပြင်နိုင်သေးဘူး။ အလှည့်ကျနဲ့ အခု မီးထိန်းပေးနေပေမယ့် မီးပြတ်တာ အချိန်ပိုကြာပါလိမ့်မယ်" ဟု လျှပ်စစ်ဝန်ကြီးဌာနမှ သတင်းရင်းမြစ်က ရှင်းပြသည်။

လက်ရှိ တစ်နိုင်ငံလုံးတွင် ပြည်သူများကို ၄ နာရီ မီးပေး၊ ၄ နာရီ မီးဖြတ်စနစ်ကို ကျင့်သုံးပြီး စက်မှုဇုန်များတွင်မူ တစ်ရက်လျှင် ၄ နာရီသာ မီးပေးတော့ ကြောင်း၊ ထိုသို့ လျှပ်စစ်ဓာတ်အား လျှော့ချပေးနေသော်လည်း ရရှိနေသော ဓာတ်အားမှာ အလွန်နည်းပါးနေသဖြင့် လာမည့်ရက်ပိုင်းအတွင်း အခြေအနေ မီးပြတ်တောက်မှုများ အခြေအနေ ပိုမိုဆိုးဝါးလာနိုင်ကြောင်း သိရှိရသည်။

တစ်နိုင်ငံလုံး တစ်ရက်လျှင် လျှပ်စစ်ဓာတ်အား လိုအပ်ချက် ၅၄၄၃ မဂ္ဂါဝပ်ရှိပြီး လက်ရှိတွင် တစ်ရက်လျှင် ၂၅၀၀ မဂ္ဂါဝပ်ဝန်းကျင်သာ ထုတ်လုပ်နိုင်ကြောင်း၊ တစ်နိုင်ငံလုံး လျှပ်စစ်ဓာတ်အားလိုအပ်ချက်၏ ၄၆ ရာခိုင်နှုန်းကိုသာ ဓာတ်အား ထုတ်လုပ်နိုင်ကြောင်း သိရှိရသည်။

ဓာတ်ပုံ- အောက်တိုဘာလ ၁ ရက်နေ့ ရေကြီးနေသော ဘီလူးချောင်း ဓာတ်အားပေးစက်ရုံကို စစ်ကောင်စီအဖွဲ့ဝင်များ သွားရောက်စစ်ဆေးနေစဉ်။

အမေရိကန်တွင် NUG ဝန်ကြီး ဒေါက်တာဆာဆာက သံအမတ်ကြီးဦးကျော်မိုးထွန်း အပါအဝင် နယူးယောက်ရှိ မြန်မာပြည်သူများနှင့်တွေ့ဆုံ

ရန်ကုန်၊ နိုဝင်ဘာ ၂

အမေရိကန်ပြည်ထောင်စု၊ နယူးယောက်တွင် ခေတ္တရောက်ရှိနေသည့် အမျိုးသားညီညွတ်ရေးအစိုးရ (NUG) အပြည်ပြည်ဆိုင်ရာပူးပေါင်းဆောင်ရွက်ရေး ဝန်ကြီး ဒေါက်တာဆာဆာက ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် ရုံးသို့ လာရောက်ပြီး ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းနှင့် တွေ့ဆုံခဲ့ကြောင်း သိရှိရသည်။

ထို့ပြင် နယူးယောက်မြို့တွင် အမျိုးသားညီညွတ်ရေးအစိုးရ (NUG) အပြည်ပြည်ဆိုင်ရာပူးပေါင်းဆောင်ရွက်ရေး ဝန်ကြီး ဒေါက်တာဆာဆာနှင့် မြို့ခံမြန်မာလူထုနှင့်တွေ့ဆုံခဲ့ကြောင်း၊ နိုဝင်ဘာလ ၁ရက်နေ့ ညနေပိုင်းက မြို့ခံ မြန်မာလူထုနှင့်ရင်းရင်းနှီးနှီးတွေ့ဆုံပြီး NUG ဝန်ကြီးဒေါက်တာဆာဆာu အပြည်ပြည်ဆိုင်ရာ ပူးပေါင်းဆောက်ရွက်ရေးဝန်ကြီးဌာန၏ လုပ်ဆောင်နေမှုများကို ရှင်းလင်းတင်ပြပြီး တက်ရောက်လာသော မြန်မာလူထု၏ မေးမြန်းသောမေးခွန်းများကို ရင်ူနှီးပွင့်လင်းစွာ ပြန်လည်ဖြေကြားခဲ့ကြောင်း သိရှိရသည်။

ပေါင်းတည်နှင့် မင်းလှတို့တွင် စစ်တပ်စစ်ကြောင်းများကို တိုက်ခိုက်မှု စစ်တပ်ဘက်မှ ၁၂ ဦးသေဆုံးဟုဆို

ရန်ကုန်၊ နိုဝင်ဘာ ၂

ပဲခူးတိုင်း၊ ပေါင်းတည်မြို့နှင့် မင်းလှမြို့နယ်တို့တွင် စစ်တပ်စစ်ကြောင်းများကို တိုက်ခိုက်ရာ စစ်တပ်ဘက်မှ ၁၂ ဦးသေဆုံးကြောင်း တော်လှန်ရေးတပ်ဖွဲ့များက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ နိုဝင်ဘာလ ၁ ရက်နေ့ နံနက် ၁ နာရီ ၃ မိနစ်အချိန် ပဲခူးတိုင်း၊ ပေါင်းတည်မြို့နယ် ၊ကျောက်ကြီးတောင်စစ်တပ်အထိုင်စခန်းမှသစ်ပုတ်တာဝါတိုင်စစ်တပ်အထိုင်စခန်းသို့ အင်အားဖြည့်တင်းရန်ထွက်လာသောအကြမ်းဖက်စစ်ကောင်စီအင်အား ၄၀ ဦးပါစစ်ကြောင်းကို ပြည်ခရိုင်ပြည်သူ့ကာကွယ်ရေးတပ်မတော် ၃၆၀၁၊ PPDFတပ်ရင်း တပ်ခွဲ ၁ ၊တပ်ခွဲ ၅ တို့က ချီတက်ရွာနှင်သစ်ရွာအကြားတွင် မိုင်း ၃ ကြိမ်ဆွဲ၍ကြားဖြတ်တိုက်ခိုက်ရာ စစ်တပ်ဘက်မှ ၁ ဦးသေဆုံးပြီး ၃ ဦးဒဏ်ရာရရှိသွားကြောင်း သိရှိရသည်။

အကြမ်းဖက်စစ်ကောင်စီတပ်က လက်နက်ကြီး၊ လက်နက်ငယ် စက်ကလေးများဖြင့် ရမ်းသမ်း ပြန်လည်ပစ်ခတ်တိုက်ခိုက်သော်လည်းပြည်သူ့ကာ ကွယ် ရေးတပ်ဖွဲ့ဝင်များမှာ အထိအခိုက်အန္တရာယ်မရှိကြောင်း၊ စစ်တပ်က သေဆုံးနှင့်ဒဏ်ရာ စစ်သည်များကို ယမန်နေ့ နံနက် ၄ နာရီ ၃၀ မိနစ်အချိန်တွင်သစ်ပုတ်တာဝါတိုင်စစ်တပ်အထိုင်စခန်းသို့ ပြန်လည်သယ်ယူသွားကြောင်း သိရှိရသည်။

အလားတူ မကွေးတိုင်း၊ အထက်မင်းလှမြို့နယ်နှင့် ရခိုင်ပြည်နယ်၊ အမ်းမြို့နယ်တို့ကို ဆက်သွယ်ထားသည့် လမ်းပိုင်း ထိန်းချုပ်နိုင်ရေးအတွက် ဝင်ရောက်လာသည့် အကြမ်းဖက်စစ်တပ် စစ်ကြောင်းကို တိုက် ခိုက်ခဲ့ရာ စစ်သား ၁၁ ဦးသေဆုံးခဲ့ကြောင်း အထက်မင်းလှပြည်သူ့ကာကွယ်ရေးတပ်ဖွဲ့ထံမှ သိရ သည်။

အောက်တိုဘာလ ၃၀ ရက်နေ့ မွန်းတည့် ၁၂ နာရီခန့် မလွန်တပ်နယ် ကပစ၂ (ကာကွယ်ရေးပစ္စည်း စက်ရုံံ) နှင့် ကုန်းကြီး ကပစ - ၁၀ မှ ထုတ်နုတ်အင်အား ၁၀၀ ဝန်းကျင်ခန့်ဖြင့် အထက်မင်းလှမြို့ နယ်နှင့် ရခိုင်ပြည်နယ်၊အမ်းမြို့နယ်သို့ဆက်သွယ်ထားသည့် လမ်းပိုင်းများ၊ ပုသိမ်-မုံရွာလမ်းပိုင်းတို့ ကို စစ်ကောင်စီတပ်များက လာရောက်ပိတ်ဆို့ခဲ့သဖြင့် အထက်မင်းလှပြည်သူ့ ကာကွယ်ရေးတပ်ဖွဲ့ (ပကဖ) က ပဒေသာမိုင်းများ၊ ဆွဲမိုင်းများဖြင့် တိုက်ခိုက်ခဲ့ရာအကြမ်းဖက်စစ်ကောင် စီတပ်သားများ ထိခိုက်သေဆုံးမှု အများအပြားရှိခဲ့ကြောင်း သိရသည်။

ထို့ပြင် အောက်တိုဘာလ ၃၁ ရက်နေ့ နံနက် ၇ နာရီ ၄၀ မိနစ်ခန့်အချိန် ပုသိမ်-မုံရွာလမ်းမကြီး တ လျှောက် လူသားတံတိုင်းအဖြစ် ဖမ်းဆီထားသည့် ပြည်သူများကို အသုံးပြုကာ လက်နက်ကြီးများဖြင့် ရမ်းသမ်းပစ်ခတ်၍ ထပ်မံစစ်ကြောင်းထိုးဝင်ရောက်လာခဲ့ပြီး အထက်မင်းလှပြည်သူ့ကာကွယ်ရေး တပ်ဖွဲ့၊ ယာယီစခန်းငယ်အနီးသို့ရောက်ရှိလာခဲ့ရာ အသင့်ထောင်ထားသော ပဒေသာမိုင်း၊ တိုက်မိုင်း၊ ဆွဲမိုင်းများဖြင့် တိုက်ခိုက်ခဲ့ကြောင်း သိရသည်။

ထို့နောက် အကြမ်းဖက်စစ်သားများက အထက်မင်းလှမြို့နယ်ပြည်သူ့ကာကွယ်ရေးတပ်ဖွဲ့ ယာယီ စခန်း ငယ်ကိုမီးရှို့ဖျက်ဆီးပြီး မွန်းလွဲ ၂ နာရီခန့်တွင် သေဆုံးစစ်သား ရုပ်အလောင်းများနှင့် ဒဏ်ရာ ရရှိသူများကို ကားဖြင့် သယ်ဆောင်သွားကြောင်း၊ အကြမ်းဖက်စစ်သား ၁၁ ဦး သေဆုံးပြီး ၁၇ ဦး ထိခိုက်ဒဏ်ရာရရှိခဲ့ကြောင်း အထက်မင်းလှမြို့နယ်ပြည်သူ့ကာကွယ်ရေးတပ်ဖွဲ့က ထုတ်ပြန်ထား သည်။

လက်ရှိအချိန်တွင် အထက်မင်းလှမြို့နယ် စစ်ရေးတင်းမာမှုများရှိနေပြီး စစ်ကောင်စီတပ်ကလည်း မကြာ ခဏ စစ်ကြောင်းထိုးဝင်ရောက်နေသဖြင့် ဟန့်တားတိုက်ခိုက်လျက်ရှိရာ လက်နက်ခဲ ယမ်း များ လိုအပ်ချက်ရှိနေသဖြင့် ဝိုင်းဝန်းကူညီထောက်ပံ့ပေးကြပါရန် အထက်မင်းလှပြည်သူ့ ကာကွယ် ရေး တပ်ဖွဲ့က မေတ္တာရပ်ခံထားသည်။

ဓာတ်ပုံ- ပြည်သူ့ကာကွယ်ရေးတပ်ဖွဲ့ဝင်များ။

သန်လျင်၊ ဒဂုံဆိပ်ကမ်း၊ လှိုင်သာယာနှင့်ဓနုဖြူမြို့နယ်တို့တွင် စစ်မှုထမ်းအပတ်စဉ် ၇ အတွက် စစ်မှုထမ်းရန် လူငယ်များကို စစ်တပ်နှင့်အုပ်ချုပ်ရေးအဖွဲ့က ဆင့်ခေါ်နေပြီး မလာရောက်လျှင် ပေါ်တာဆွဲ ဖမ်းဆီးမည်ဟု တရားဝင် အသိပေးကြေညာ

ရန်ကုန်၊နိုဝင်ဘာ ၂

ရန်ကုန်တိုင်း၊ သန်လျင်၊ ဒဂုံဆိပ်ကမ်း၊ လှိုင်သာယာနှင့် ဧရာ၀တီတိုင်း၊ ဓနုဖြူမြို့နယ်တို့တွင် စစ်မှုထမ်းအပတ်စဉ် ၇ အတွက် စစ်မှုထမ်းရန် လူငယ်များ ကို စစ်တပ်နှင့်အုပ်ချုပ်ရေးအဖွဲ့များက ဆင့်ခေါ်နေပြီး မလာရောက်လျှင် ပေါ်တာဆွဲ ဖမ်းဆီးမည်ဟု တရားဝင် အသိပေး ကြေညာလာကြောင်း သိရှိရသည်။

အောက်တိုဘာလ ၃၁ ရက်နေ့ ရန်ကုန်တိုင်း သန်လျင်မြို့ ပဲခူးစုရပ်ကွက်တွင် ရပ်ကွက်အုပ်ချုပ်ရေးမှူး သက်၀င်းထိုက်က စစ်မှုထမ်းရန်အတွက် အသက် ၁၈နှစ် မှ အသက် ၃၅ နှစ်အတွင်းယောကျ်ားလေးများကို အုပ်ချုပ်ရေးမှူးရုံးသို့ လာရောက်ရန် ၊ လူငယ်များအနဖြင့် စစ်မှုမထမ်းချင်လျှင် ငွေကြေး ပေးရမည်ဖြစ်ပြီး မပေးသူများကို စစ်မှုထမ်းပဒေဥပဒေ ပေါ်တာဆွဲဖမ်းဆီးသွားမည်ဖြစ်ကြောင်း ပြောဆိုသည်။

"အသက် ၁၈ နှစ် ၃၅ နှစ်ကြား ယောက်ျား လေး ဦးရေ က ရပ်ကွက်ထဲမှာ ၈၀၀ ကျော်ရှိတယ်။ တကယ်လို့ လူငယ်တွေ စစ်ထဲ မဝင်ချင်ရင် လူ၀ယ်ထည့်ရမယ်ပေါ့။ လူငယ် ၈၀၀ ကျော်လုံး ရှိသည် ဖြစ်စေ မရှိသည် ဖြစ်စေ စစ်မှုမထမ်းချင်ရင် လူငယ်ရှိတဲ့ အိမ်ထောင်စု တစ်စုကို ၅၀၀၀၀ ကျပ်ကို ပေးရမယ်။ အရင်စက်တင်ဘာလကလည်း လူငယ်တွေနဲ့ အမျိုးသားရှိတဲ့ အိမ်ထောင်စုတိုင်းကို ၃၀၀၀၀ ကောက်သွားတယ်။ အုပ်ချုပ်ရေးမှူး သက်ဝင်းထိုက်က အုပ်ချုပ်ရေးမှူး မလုပ်ခင်က အိမ်ငှားဘ၀ကနေ အခု အိမ် ၊ ခြံ၊ ကားပိုင်ဖြစ်သွားပါပြီ။ ထောက်ခံစာတစ်ခု ၁၀၀၀၀ ကျပ်၊ ဧည့်စာရင်းတိုင်ရင် တစ်ဦးကို ငွေ ကျပ် ၃၀၀၀ ကောက်ပါတယ်" ဟု ဒေသပြည်သူတစ်ဦးက ပြောဆိုသည်။

အလားတူ နိုဝင်ဘာလ ၁ ရက်နေ့ ညပိုင်း ရန်ကုန်တိုင်း ဒဂုံမြို့သစ် ဆိပ်ကမ်းမြို့နယ် ၊ ၆၀ ရပ်ကွက်တွင် စစ်မှုထမ်းကြရန်အတွက် လူငယ်များကို ဆင့်ခေါ်လိုက်ပြီး နိုဝင်ဘာလ ၂ ရက်နေ့ လူငယ်များကို မဲနှိုက်ခိုင်းမည်ဖြစ်ကြောင်း။ မဲပေါက်သူများ တပ်သားသစ်အဖြစ် အမှုထမ်းရမည်ဟု ၆၀ ရပ်ကွက်အုပ်ချုပ်ရေးမှူး သောင်းထွန်းက တရားဝင် ကြေညာလာကြောင်း သိရှိရသည်။

" ၆၀ ရပ်ကွက်၊ မေတ္တာ ၂ လမ်း။ အပိုင် ၃ တစ်ပိုင်းလုံးမှာ လူငယ် ၁၅၀ ကျော် စာရင်းတောင်းနေပါတယ်။ မဲနှိုက်ခိုင်းပြီး စစ်ထဲထည့်မယ်ပြောတယ်" ဟု ဒေသပြည်သူတစ်ဦးကဆိုသည်။

ထို့ပြင် လှိုင်သာယာ အရှေ့ပိုင်းမြို့နယ်၊ အမှတ် ၂ ရပ်ကွက်အတွင်းတွင် အသက် ၁၈ နှစ်မှ အသက် ၃၅ နှစ်အကြား လူငယ်များကို စစ်မှုထမ်းအပတ်စဉ် ၇ အတွက် စစ်တပ်နှင့်ရဲများက ဝင်ရောက် ပေါ်တာဆွဲ ဖမ်းဆီးနေကြောင်း သိရှိရသည်။

" လူပေးဖို့ ရပ်ကွက်တွေက လိုအပ်သလောက် မပေးနိုင်လို့ စစ်တပ်နဲ့ရဲက ညပိုင်း ပေါ်တာဆွဲ ဖမ်းဆီးပါတယ်။ စစ်မှူထမ်းကိစ္စတွေကို ခေါ်လို့မရလို့ညဘက်တွေထွက်တဲ့လူမှန်သမျှဖမ်းဆီးခေါ်ဆောင်သွားပါတယ်။ ရပ်ကျေးတွေ‌‌စစ်တပ် ရဲ‌တွေညတိုင်း ကင်းလှည့် တွေ့တာခေါ်ယူစစ်ဆေးဖမ်းဆီးပြီး စစ်ထဲထည့်နေတယ်။ တော်တော်များများလူငယ်တွေပျောက်ဆုံးနေပါတယ်။ လုပ်ငန်းရှင်စီးပွားရေးသမားတွေရဲ့သားတွေသမီးတွေ မပါအောင် အမှတ် ၂ ရပ်ကွက်အုပ်ချုပ်ရေးမှူး ဆန်းမြင့်က တာဝန်ခံပြီးတော့ လုပ်ပေးတယ်။ အုပ်ကြီးဆန်းမြင့်ကို ပိုက်ဆံပေးရတယ်" ဟု ရပ်ကွက်အတွင်းမှ စီးပွားရေးလုပ်ငန်းရှင်တစ်ဦးက ဆိုသည်။

ထို့အတူ ဧရာဝတီတိုင်း ဓနုဖြူမြို့နယ်တွင်လည်း မြို့နယ် အုပ်ချုပ်ရေး ကော်မတီ က အသက် ၃၅ အောက် လူငယ်များ စာရင်း အကုန် ပေးကြရန်၊ ပတ်စ်ပို့ဓာတ်ပုံ ၂ ပုံ၊ ကိုယ်ရေးအကျဉ်းများကို ဖြည့်သွင်း၍ သက်ဆိုင်ရာ မြို့နယ်အုပ်ချုပ်ရေးအဖွဲ့ထံသို့ တင်ပြကြရန် ကျေးရွာတိုင်းနှင့် ရပ်ကွက်တိုင်းတွင် ဖိအားပေးနေကြောင်း သိရှိရသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၃၀ ဦးသေဆုံး

ရန်ကုန်၊ အောက်တိုဘာ ၃၁

မြန်မာနိုင်ငံတစ်ဝန်း အောက်တိုဘာလ ၃၁ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၃၀ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

သရက်ချောင်းနှင့် လောင်းလုံးတွင် သန်းခေါင်စာရင်း ကောက်ခံနေသော စစ်ကောင်စီ တပ်သားများကို ဒရုန်းဖြင့် ဗုံးကျဲ တိုက်ခိုက်မှု စစ်တပ်ဘက်မှ ၈ ဦး သေဆုံး

ရန်ကုန်၊ အောက်တိုဘာ ၃၁

တနင်္သာရီတိုင်း၊ သရက်ချောင်းမြို့နယ်နှင့် လောင်းလုံးမြို့နယ်တို့တွင် သန်းခေါင်စာရင်း ကောက်ခံနေသော အကြမ်းဖက် စစ်ကောင်စီ တပ်သားများကို ဒရုန်းဖြင့် ဗုံးကျဲ တိုက်ခိုက်ရာ စစ်တပ်ဘက်မှ ၈ ဦး သေဆုံးခဲ့ကြောင်း ထားဝယ်မြို့နယ်ပြည်သူ့ကာကွယ်ရေးအဖွဲ့က ပြောဆိုသည်။

အောက်တိုဘာလ ၁၅ ရက်၊ ၁၆ ရက်နှင့် ၁၉ ရက်နေ့တွင် သရက်ချောင်းမြို့နယ်အတွင်းရှိ ရန်တောင်ရွာ ၊ သင်းကျွန်းရွာနှင့် လောင်းလုံးမြို့နယ်အတွင်းရှိ ညင်းမော်ရွာတို့တွင် သန်ခေါင်းစာရင်း လိုက်လံကောက်ယူနေသော အကြမ်းဖက် စစ်ကောင်စီ တပ်သားများကို တော်လှန်ရေးတပ်ဖွဲ့များက ၃ ကြိမ် ဗုံးကျဲ တိုက်ခိုက်ခဲ့ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၈ ဦး ထက်မနည်း သေဆုံးပြီး ထိခိုက်ဒဏ်ရာရရှိသူများပြားကြောင်း သိရှိရသည်။

ထို့ပြင် အကြမ်းဖက် စစ်ကောင်စီ တပ်သားများသည် ဘုန်းကြီးကျောင်း၊ ဘုရားစေတီ နှင့် ပြည်သူများ၏ နေအိမ်များတွင် နေရာယူတပ်ဖြန့်၍ ပြည်သူပိုင် ပစ္စည်းများကိုလည်း ခိုးယူ ဖျက်ဆီးမှုများ လုပ်ဆောင်ခဲ့ကြောင်း သိရသည်။

အဆိုပါ တိုက်ခိုက်မှုကို Sky Ghost Drone Force (SGDF) ၊ ထားဝယ်တောင်ပိုင်း ပြည်သူ့ကာကွယ်ရေးအဖွဲ့ နှင့် ပြည် သူ့ကာကွယ်ရေးအဖွဲ့များက ပူးပေါင်း လုပ်ဆောင်ခဲ့ကြောင်း သိရှိရသည်။

တောင်သာမြို့နယ်တွင် ဂိတ်ဖွင့်ပြီး စစ်ဆေးရေး လုပ်ဆောင်နေသော စစ်ကောင်စီ တပ်သားများကို ပစ်ခတ် တိုက်ခိုက်မှု ၃ ဦးသေဆုံး

ရန်ကုန်၊ အောက်တိုဘာ ၃၁

မန္တလေးတိုင်း၊ တောင်သာမြို့နယ်တွင် ဂိတ်ဖွင့်ပြီး စစ်ဆေးရေး လုပ်ဆောင်နေသော အကြမ်းဖက် စစ်ကောင်စီ တပ်သားများကို ပစ်ခတ် တိုက်ခိုက်ရာ ၃ ဦးသေဆုံးခဲ့ကြောင်း TTA-People Defense Force အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

အောက်တိုဘာလ ၃၁ ရက်နေ့ နံနက် ၈ နာရီခန့်တွင် တောင်သာမြို့နယ်၊ ရုံးစင်ကြီးရဲစခန်းမှ ထွက်လာသော အင်အား ၁၅ ဦးပါ ရဲတပ်ဖွဲ့များသည် စခန်းအနီးရှိ မိတ္ထီလာ-တောင်သာ လမ်းပိုင်းတွင် ဂိတ်ချပြီး ခရီးသွားပြည်သူများ၏ ကားနှင့် ဆိုင်ကယ်များကို တားဆီး နှောက်ယှက် စစ်ဆေးနေစဉ် တော်လှန်ရေး တပ်ဖွဲ့များက ဝင်ရောက် ပစ်ခတ် တိုက်ခိုက်ခဲ့ကြောင်း သိရသည်။

ယင်းပစ်ခတ် တိုက်ခိုက်မှု အတွင်း ရဲ ၁ ဦး ပွဲချင်းပြီး သေဆုံးပြီး ကျန် ၁ ဦးမှာ ပြင်းထန် ဒဏ်ရာဖြင့် ဆေးရုံတွင် ထပ်မံသေဆုံးခဲ့ကြောင်း၊ ထို့ပြင် နှစ်ဖက် ပစ်ခတ်မှု အတွင်း ရဲသတင်းပေး မောင်မြင့်ဆိုသူလည်း ရဲများ၏ ပစ်ခတ်မှုကြောင့် သေဆုံးခဲ့ကြောင်း သိရှိရသည်။

"နံနက်ပိုင်း ၈ နာရီ ၂၀ လောက်က တောင်သာနဲ့ မိတ္ထီလာ လမ်းပေါ်မှာရှိတဲ့ တိုက်နယ်စခန်းဖြစ်တဲ့ ရုံးစင်ကြီးရဲစခန်းနဲ့ဆို မီတာ ၁၀၀၀ လောက်ဝေးတယ်ပေါ့။ အဲမှာသူတို့ အများပြည်သူသွားလာနေတဲ့ လမ်းပေါ်မှာ ဂိတ်ချစစ်ပြီးတော့ ငွေကြေး ကောက်ခံ စစ်ဆေးနေတဲ့အချိန်မှာ ကျန်တော်တို့က ပြောက်ကျားဝင်ပစ်တာပေါ့။ ဝင်ပစ်တာကတော့ ၅ မိနစ်တောင်မကြာပါဘူး။ မျက်မြင်ကတော့ ၁ ကောင်ကတော့ အဲနားမှောက်နေတယ်။ ကျန်တဲ့ တစ်ကောင်ကတော့ ဆေးရုံရောက်မှသေသွားတယ်။ ကျန်တော်တို့ လာတဲ့ အချိန်မှာ ရဲခွေးတွေရှေ့မှာ ဆိုင်ကယ်ရပ်ပြီးတော့ PDF တွေလာနေပြီလို့ ပြောတဲ့ မောင်မြင့်ဆိုတဲ့ ဒလန်ကို သူတို့ဘက်က ပစ်တဲ့ ကျည်မှန်ပြီးတော့ သေသွားတယ်။ လက်နက်တွေကတော့ မကောက်နိုင်ခဲ့ဘူး။ ၁၅ ကောင်မှာ ၃ ကောင်လောက်ပဲ လမ်းပေါ်မှာ ကျန်တဲ့ ကောင်တွေက တိုက်မြင့်ပေါ်မှာ နေရာယူထားတာဖြစ်တော့ ကျန်တော်တို့က အဲ ၃ ကောင်ကို ဝင်ပစ်ပြီးတော့ ပြန်ဆုတ်ခဲ့ရတယ်" ဟု TTA-People Defense Force အဖွဲ့မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို မြင်းခြံခရိုင် အထူးစစ်ဆင်ရေး (MDSO) ၏ တစိတ်တပိုင်းအဖြစ် ဖော်ဆောင်ခဲ့ခြင်းဖြစ်ပြီး တောင်သာမြို့နယ် ပြည်သူ့ကာကွယ်ရေးအဖွဲ့နှင့် နေပြည်တော် ၈၀၁ တပ်ရင်း၊ မိတ္ထီလာ ပကဖ ၊ စဥ့်ကိုင် ပကဖ ၊ တောင်သာ ပလဖ ၊ ကျောက်ပန်းတောင်း ပကဖ နှင့် ညောင်ဦးခရိုင်ရင်း ၁ ပူးပေါင်းလုပ်ဆောင်ခဲ့ကြောင်း သိရသည်။

ထို့ပြင် မြင်းခြံခရိုင် အထူးစစ်ဆင်ရေး (MDSO) ကို အရှိန်မြှင့် လုပ်ဆောင်ရန် "မြင်းခြံခရိုင် ထိုးစစ်မြိုင်" ကမ်ပိန်းတွင် ပြည်သူအားလုံး ပူးပေါင်း ပါဝင်ပေးရန် မေတ္တာရပ်ခံကြောင်း TTA-People Defense Force အဖွဲ့မှ တာဝန်ရှိသူ တစ်ဦးက ဆက်လက် ပြောဆိုသည်။

ကန့်ဘလူတွင် စစ်တပ်က ကျီစုရွာနှင့် ကျောက်တိုင်ရွာကို မီးရှို့ဖျက်ဆီးမှု ဘုန်းကြီးကျောင်းနှင့် စာသင်ကျောင်း များအပါအဝင် နေအိမ် ၇၀၀ ကျော် ပျက်စီး

ရန်ကုန်၊ အောက်တိုဘာ ၃၁

စစ်ကိုင်းတိုင်း ကန့်ဘလူမြို့နယ်တွင် အကြမ်းဖက် စစ်တပ်က ကျီစုရွာနှင့် ကျောက်တိုင်ရွာကို မီးရှို့ဖျက်ဆီးခြင်းကြောင့် ဘုန်းကြီးကျောင်းနှင့် စာသင်ကျောင်းများ အပါအဝင် နေအိမ် ၇၀၀ ကျော် ပျက်စီးခဲ့ကြောင်း ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်မှ တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။

အောက်တိုဘာလ ၃၀ ရက်နေ့တွင် အကြမ်းဖက် စစ်တပ်က ဒရုန်းဖြင့် ဗုံးသီချတိုက်ခိုက်မှုကြောင့် အိုင်ပေါင်းချောင်ရွာမှ အမျိုးသားတစ်ဦး ဗုံးစမှန်၍ ထိခိုက်ဒဏ်ရာရရှိခဲ့ကြောင်း၊ ထို့ပြင် အိုင်ပေါင်းချောင်ရွာမှ ဘုန်းကြီးကျောင်းအတွင်း စစ်ရှောင်နေသည့် အမျိုးသား ၃၄ ဦးနှင့် အမျိုးသမီး ၃ ဦး စုစုပေါင်း ပြည်သူ ၃၇ ဦးကို အကြမ်းဖက် စစ်တပ်က ဖမ်းဆီးပြီး ကန့်ဘလူ ၆၀၀၆ တကရ တပ်သို့ ခေါ်ဆောင်သွားကာ ယခုအချိန်ထိ ပြန်လည်လွတ်မြောက်လာခြင်းမရှိသေးကြောင်း သိရှိရသည်။

ထို့ပြင် ယင်းနေ့ မွန်းလွဲပိုင်းတွင် ကန့်ဘလူမြို့နယ် ကာဘိုးတိုက်နယ်အတွင်းရှိ ကျီစုရွာနှင့် ကျောက်တိုင်ရွာတို့ကို အကြမ်းဖက်စစ်တပ်နှင့် ပျူစောထီး ပူးပေါင်းအင်အား ၁၆၀ ခန့်က ဝင်ရောက်မီးရှို့ဖျက်ဆီးပြီး Drone ဖြင့် ဗုံးသီးချ တိုက်ခိုက်ခြင်းကြောင့် ကျီစုရွာမှ ဘုန်းကြီးကျောင်း ၂ ကျောင်း နှင့် ပြည်သူပိုင်နေအိမ် ၄၀၀ ခန့် မီးလောင် ပြာကျပျက်စီးဆုံးရှုံးခဲ့ကြောင်း၊ ကျောက်တိုင်ရွာမှ ဘုန်းကြီးကျောင်း(မြောက်)ကျောင်း၊ စာသင်ဆောင် ၁ ဆောင် နှင့် ပြည်သူပိုင်နေအိမ် ၃၀၀ နီးပါးလည်း မီးလောင်ပြာကျ ပျက်စီးဆုံးရှုံးခဲ့ကာ ထောင်နှင့်ချီသော ပြည်သူများ ဘေးလွတ်ရာ ထွက်ပြေးတိမ်းရှောင်နေရကြောင်း သိရသည်။

"တိုက်ပွဲမဖြစ် မြေပြင်မှာ ထိတွေ့မှု လုံးဝ မရှိပါဘူး။ လတ်တလောတော့ ကျောက်တိုင်နဲ့ ကျီစုက ပြည်သူတွေ ရှောင်နေရတယ်။ အိုင်ပေါင်းချောင်ရွာက ပြည်သူတွေ ဖမ်းခံရတာလည်း အောက်တိုဘာ ၃၀ ရက်နေ့ကပါပဲ"ဟု ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်မှ တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။

မီးရှို့ဖျက်ဆီးခံရသည့် ကျီစုရွာနှင့် ကျောက်တိုင်ရွာများသည် လွန်ခဲ့သည့် ၂ နှစ်ကလည်း ဝင်ရောက်မီးရှို့ဖျက်ဆီးခံထားရဖူးသည့် ကျေးရွာများ ဖြစ်ကြောင်း ၊ ပြည်သူများသည် နောက်ပိုင်းတွင်မှ အိမ်ပြန်ဆောက်၍ ဝင်ရောက်နေထိုင်နေကြချိန်တွင် ယခုအကြိမ်၌ ဘုန်းကြီးကျောင်းပါမကျန် မီးရှို့ဖျက်ဆီးခံလိုက်ရခြင်း ဖြစ်ကြောင်း သိရှိရသည်။

ပေါက်မြို့နယ်တွင် စစ်တပ် စစ်ကြောင်းကို ကြားဖြတ် တိုက်ခိုက်မှု စစ်ကောင်စီ တပ်သား ၁၀ ဦးသေဆုံးပြီး လက်နက် ၄ လက် သိမ်းဆည်းရရှိ၊ စစ်တပ်က ပြည်သူ ၂ ဦးကို ဖမ်းဆီး သတ်ဖြတ်ပြီး သံဃာတော် ၁ ပါးနှင့် ပြည်သူ ၁၇ ဦးကို ဖမ်းဆီးသွား

ရန်ကုန်၊ အောက်တိုဘာ ၂၉

မကွေးတိုင်း၊ ပေါက်မြို့နယ်တွင် အကြမ်းဖက် စစ်တပ် စစ်ကြောင်းကို ကြားဖြတ် တိုက်ခိုက်ရာ စစ်ကောင်စီ တပ်သား ၁၀ ဦးသေဆုံးပြီး လက်နက် ၄ လက် သိမ်းဆည်းရရှိခဲ့ကြောင်း ပေါက်မြို့နယ် ပြည်သူ့ကာကွယ်ရေးအဖွဲ့ ပြန်ကြားရေးတာဝန်ခံက ရန်ကုန်ခေတ်သစ် မီဒီယာသို့ ပြောဆိုသည်။

အောက်တိုဘာလ ၂၈ ရက်နေ့ နံနက် ၅ နာရီခန့်တွင် ပေါက်မြို့ နယ် ရန်ကင်းကျေးရွာ မြောက်ဘက်ရှိ ဒီးဒုတ်ကွင်း စစ်ဘေးရှောင် နေအိမ်များကို အကြမ်းဖက် စစ်ကောင်စီ တပ်သားများနှင့် ဒီးဒုတ်ကွင်း ပြည်သူ့စစ်များ ပါဝင်သော ပူးပေါင်း စစ်ကြောင်းက ဝင်ရောက် စီးနင်းခဲ့ကြောင်း သိရသည်။

ထိုသို့ ဝင်ရောက်စီးနင်းပြီးနောက် အကြမ်းဖက် စစ်ကောင်စီ တပ်သားများက စစ်ရှောင်နေအိမ် ၇ လုံးနှင့် ဆေးခန်း ၁ ခုကို မီးရှို့ ဖျက်ဆီးခဲ့ပြီး သံဃာတော် တစ်ပါးကို လူဝတ်လဲ၍ စစ်ရှောင် ပြည်သူ ၁၇ ဦးနှင့် အတူ ဖမ်းဆီးခေါ်ဆောင်သွားကြောင်း၊ ထို့ပြင် အကြမ်းဖက် စစ်ကောင်စီ တပ်သားများက ပြည်သူပိုင်ကားများဖြင့် ပြည်သူပိုင် ပစ္စည်းများကို အတင်းဓမ္မလုယူ တင်ဆောင်လာသွားကြောင်း သိရှိရသည်။

အဆိုပါ အကြမ်းဖက် စစ်တပ် စစ်ကြောင်းသည် စစ်ရှောင်ပြည်သူ ဦးဌေးအောင်ကို ဖမ်းဆီး သတ်ဖြတ်ခဲ့ပြီး စစ်ရှောင်ပြည်သူ ဦးသန်းစိန် ကိုလည်း နေအိမ်ထဲ ပိတ်လှောင်၍ မီးရှို့ သတ်ဖြတ်ခဲ့ကြောင်း၊ အကြမ်းဖက် စစ်တပ်၏ ပစ်ခတ်မှုကြောင့် ပြည်သူ ၄ ဦး ထိခိုက် ဒဏ်ရာရပြီး ၁ ဦးမှာ အသက် အန္တရာယ် စိုးရိမ်ရကြောင်း သိရသည်။

အကြမ်းဖက် စစ်တပ်က ဖမ်းဆီးသွားသော ပြည်သူများမှာ ဦးမိုး ၊ ဒေါ်သီတာထွေး ၊ ဦးမိုးညို ၊ ကိုမိုးဒီ ၊ ကိုငချမ်း ၊ ကိုဖိုးချော ၊ ဦးလှညို ၊ ကိုငဦး ၊ မဇင်မာဦး ၊ ဦးသန်းမြိုင် ၊ ဦးစိုးဝင်း ၊ ဦးမောင်အေး ၊ ဦးတင်မောင်ဆွေ ၊ ကိုရဲလင်းနိုင်နှင့် အမည်မသိ ပြည်သူ ၃ ဦး တို့ဖြစ်ပြီး ပြည်သူပိုင်ကား ၁ စီးနှင့် သံဃာတော်ကား ၁ စီး ကိုလည်း ပြည်သူပိုင် ပစ္စည်းများနှင့် အတူ ယူဆောင်သွားကြောင်း သိရှိရသည်။

ယင်း စစ်ကြောင်းကို အောက်တိုဘာလ ၂၈ ရက်နေ့ နံနက်ပိုင်းတွင် ပေါက်မြို့နယ် ပြည်သူ့ကာကွယ်ရေး အဖွဲ့ -ပေါက်_ပကဖ ၊ ပခုက္ကူခရိုင် တပ်ရင်း ၅ ၊၁၂၊ ၁၈ ပူးပေါင်း အဖွဲ့က ကြားဖြတ် ဝင်ရောက် တိုက်ခိုက်ခဲ့ကြောင်း၊ တိုက်ပွဲ အတွင်း အကြမ်းဖက် စစ်တပ်က Mi-35 စစ်ရဟတ်ယာဉ်ဖြင့် လေကြောင်း ပစ်ကူပေး တိုက်ခိုက်ခဲ့ကြောင်း သိရှိရသည်။

အဆိုပါ တိုက်ပွဲအတွင်း အကြမ်းဖက် စစ်ကောင်စီ တပ်သား ၁၀ ဦး သေဆုံးပြီး ထိခိုက်ဒဏ်ရာရသူများလည်းရှိကြောင်း၊ အကြမ်းဖက် စစ်ကောင်စီ တပ်သားများထံမှ MA-3 သေနတ် ၁ လက် ၊ G-3 သေနတ် ၁ လက် ၊ AK သေနတ် ၁ လက် ၊ ကာဘိုင် သေနတ် ၁ လက်နှင့် ဆက်စပ်ပစ္စည်း အချို့သိမ်းဆည်းရရှိခဲ့ကြောင်း၊ ထို့ပြင် ပေါက်မြို့နယ် ပကဖ ရဲဘော် ၁ ဦး နှင့် ပခုက္ကူခရိုင်တပ်ရင်း ၁၂ မှ ရဲဘော် ၁ ဦး မြင့်မြတ်စွာ ကျဆုံးခဲ့ကြောင်း သိရသည်။

နွားထိုးကြီးမြို့နယ်၊ ပြင်စည်ရွာ ရဲစခန်းကို ရော့ကတ်များဖြင့် ပစ်ခတ်တိုက်မှု ရဲစခန်းကို ထိမှန်ခဲ့ပြီး အမိုးပွင့်ထွက် ပျက်စီး

ရန်ကုန်၊ အောက်တိုဘာ ၂၉

မန္တလေးတိုင်း၊ နွားထိုးကြီးမြို့နယ်၊ ပြင်စည်ကျေးရွာ ရဲစခန်းကို ရော့ကတ်များဖြင့် ပစ်ခတ်တိုက်ခိုက်ခဲ့ရာ ရဲစခန်းကို ထိမှန်ပြီး ခေါင်မိုးများ ပွင့်ထွက် ပျက်စီးခဲ့ကြောင်း နွားထိုးကြီး မြို့နယ် PDF တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ အောက်တိုဘာလ ၂၈ ရက်နေ့ ညနေ ၄ နာရီခန့်တွင် နွားထိုးကြီးမြို့နယ် ၊ ပြင်စည်ကျေးရွာ ရဲစခန်း၀င်းအတွင်းကို Rocket ၅ လုံး ဖြင့် ပစ်ခတ်တိုက်ခိုက်ခဲ့ရာ ၂ လုံးမှာ စစ်တပ် ကင်းပုန်းကို ထိမှန်ခဲ့ပြီး ကျန် ၁ လုံးမှာ ရဲစခန်းကို ထိမှန်ခဲ့သောကြောင့် ခေါင်မိုးများ ပွင့်ထွက် ပျက်စီးခဲ့ကြောင်း သိရသည်။

“စစ်ခွေးတွေ ထိခိုက် သေဆုံးမှု အခြေအအနေတော့ မသိရသေးပါဘူး။ စုံစမ်းနေဆဲပါ ” ဟု နွားထိုးကြီးမြို့နယ် PDF တပ်ဖွဲ့မှ တာဝန်ရှိသူတစ်ဦးက ပြောဆိုသည်။

အဆိုပါ တိုက်ခိုက်မှုကို Natogyi People Defence Force မြင်းခြံခရိုင် အမှတ် ၄ တပ်ရင်း နွားထိုး ကြီး PDF နှင့် မြင်းခြံခရိုင် အမှတ် ၁၀ တပ်ရင်းတို့ ပူးပေါင်းကာ လုပ်ဆောင်ခဲ့ခြင်ဖြစ်ကြောင်း သိရသည်။

ရန်ကုန်မြိုပေါ်တွင် စစ်‌အာဏာရှင်ဆန့်ကျင်‌ရေးကလောင်နီလှုပ်ရှားမှုထပ်မံပြုလုပ်

ရန်ကုန်၊ အောက်တိုဘာ ၂၉

ရန်ကုန်မြိုပေါ်တွင် ရန်ကုန်အခြေစိုက် တော်လှန်ရေးအင်အားစုများက အကြမ်းဖက် စစ်ကောင်စီက လုံခြုံရေးတင်းကျပ်ထားသည့်ကြားက ကလောင်နီလှုပ်ရှားမှုထပ်မံပြုလုပ်ခဲ့ကြောင်း သိရှိရသည်။

အနီရောင်ဖြင့် ရေးသားထားသော အာဏာရှင်ဆန့်ကျင်ရေးစာသားများကို YBS ကားများနှင့် လူနေရပ်ကွက်များတွင် လိုက်လံ ဖြန့်ဝေခဲ့သော ကလောင်နီလှုပ်ရှားမှုတွင် "မင်းအောင်လှိုင် အရူးပြည်သူ့အပြုံး၊ တရုတ်အားကိုး ပုဆိန်ရိုး မင်းအောင်လှိုင်တို့ အသေဆိုး၊ သပိတ်စုံသူပုန်ထ ၊ ငုံမခံနဲ့တုံပြန်ကြ" ဆိုသော အာဏာရှင်ဆန့်ကျင်ရေးစာသားများကို ရေးသားဖြန့်ဝေခဲ့ကြခြင်း ဖြစ်ကြောင်း သိရှိရသည်။

ကန့်ဘလူမြို့နယ်၊ ကာဘိုးရွာရှိ စစ်တပ် ကင်းပုန်းကို ဝင်ရောက် တိုက်ခိုက်မှု စစ်ကောင်စီ တပ်သား ၃ ဦးသေဆုံးပြီး လက်နက် ၃ လက် သိမ်းဆည်းရရှိ

ရန်ကုန်၊ အောက်တိုဘာ ၂၉

စစ်ကိုင်းတိုင်း၊ ကန့်ဘလူမြို့နယ်၊ ကာဘိုးရွာရှိ အကြမ်းဖက် စစ်တပ် ကင်းပုန်းကို ဝင်ရောက် တိုက်ခိုက်ရာ စစ်ကောင်စီ တပ်သား ၃ ဦးသေဆုံးပြီး လက်နက် ၃ လက် သိမ်းဆည်းရရှိခဲ့ကြောင်း ကန့်ဘလူမြို့နယ် လှုပ်ရှား ဒရုန်းတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

အောက်တိုဘာလ ၂၆ ရက်နေ့ နံနက် ၁၀ နာရီ ၃၀ မိနစ်ခန့်တွင် ကာဘိုးရွာ စာသင်ကျောင်း၌ ကင်းပုန်းဝပ်နေသော အကြမ်းဖက် စစ်ကောင်စီ တပ်သားများကို တော်လှန်ရေး တပ်ဖွဲ့များက ဝင်ရောက် ပစ်ခတ် တိုက်ခိုက်ခဲ့ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၃ ဦး သေဆုံးပြီး G-3 သေနတ် ၁ လက်၊ ကာဘိုသေနတ် ၁ လက်နှင့် MA-1 သေနတ် ၁ လက်တို့ သိမ်းဆည်းရရှိခဲ့ကြောင်း သိရရှိရသည်။

"ကာဘိုးရွာ စာသင်ကျောင်းထဲမှာ ကင်းပုန်းဝပ်နေတဲ့ စစ်ခွေးတွေကို ဝင်ရောက် တိုက်ခိုက်တာပေါ့။ ဝင်ပစ်ပြီးတော့ လက်နက်တွေ သိမ်းဆည်းပြီး ပြန်လည် ဆုတ်ခွာခဲ့တာလို့ သိရတယ်။ G-3 ၁ လက်၊ ကာဘို ၁ လက်နဲ့ MA-1 ၁ လက် သိမ်းဆည်းရရှိခဲ့တယ်။ ဝင်ရောက်ပစ်ခတ်တာက နံနက် ၁၀ နာရီ ၃၀ မိနစ်လောက်က ဝင်ရောက် တိုက်ခိုက်တာ ၁၁ နာရီ ၃၀ မိနစ်လောက်မှာ အပြီးသတ် ဆုတ်ခွာနိုင်တယ်။ စစ်ခွေးတွေက ရွာထဲမရှိဘူး။ ဘေးရွာတွေကို စစ်ကြောင်းရောက်နေတဲ့အချိန် ဝင်ပစ်တာ" ဟု ကန့်ဘလူမြို့နယ် လှုပ်ရှား ဒရုန်းတပ်ဖွဲ့မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို ကန့်ဘလူခရိုင် တပ်ရင်း(၄) နှင့် ကန့်ဘလူမြို့နယ် ပကဖ အဖွဲ့တို့က ပူးပေါင်း လုပ်ဆောင်ခဲ့ကြောင်း သိရသည်။

ပြည်ပထုတ်ကုန်များ တင်ဆောင်သည်ဟုဆိုကာ အိမ်စီးကား၊ ကုန်ကားနှင့် ခရီးသည်တင်ကားများကို စစ်ကောင် စီက သိမ်းယူနေပြီး ကချင်၊ ကရင်နှင့် မန္တလေးတွင် ကား ၈ စီး အသိမ်း ခံရ

ရန်ကုန်၊ အောက်တိုဘာ ၂၇

မြန်မာနိုင်ငံတွင်းသို့ ပြည်ပမှ တရားမဝင် ကုန်ပစ္စည်းများ တင်သွင်းသယ်ဆောင်လာသည်ဟုဆိုကာ ကုန်ပစ္စည်းတင်ဆောင်လာသော အိမ်စီးကား၊ ခရီးသည်တင်ကားနှင့်ကုန်ကားများကိုပါ စစ်ကောင်စီက သိမ်းယူလျက်ရှိကြောင်း မော်လမြိုင်အခြေစိုက် အဝေးပြေး ကုန်စည်သယ်ပို့ဆောင်ရေး လုပ်ငန်းရှင်တချို့က ရန်ကုန်ခေတ်သစ်သတင်းဌာနထံသို့​ ပြောဆိုသည်။

ယခုရက်ပိုင်းအတွင်း မြ၀တီမြို့မှ ယိုးဒယားပစ္စည်းများတင်ဆောင်လာသော ကုန်ကားများ အပါအဝင် ယာဉ်များကို စစ်ကောင်စီက လမ်းတလျှောက် စစ် ဆေးရေးဂိတ်များစွာ ချ၍ စစ်ဆေးလျက်ရှိရာ ယိုးဒယားပစ္စည်းများ တွေ့ရှိပါက ယာဉ်ကိုပါ သိမ်းဆည်းနေကြောင်း၊ ယာဉ်မောင်းကိုလည်း ဖမ်းဆီးထားကြောင်း ၊ ကုန်စည်ပို့ဆောင်ရေး လုပ်ငန်းရှင်တချို့မှာ ကုန်ကားများပါ သိမ်းဆည်းခံရနေ၍ အလွန်ဒုက္ခဖြစ်နေရကြောင်း သိရှိရသည်။

"အရင်လတွေတုန်းကတော့ ကုန်ပဲ ဖမ်းတာ။ လူနဲ့ကား ကို ညှိနှိုင်းပြီး ငွေပေးရင် ပြန်လွှတ်ပေးတယ်။ အခုက ကုန်တင်မဟုတ်ဘူး။ ယာဉ်မောင်းရော ကားရော သိမ်းပစ်တယ်။ အဲဒါ လိုက်ကြည့်တော့ မရဘူး။ စီမံချက်နဲ့ ဖမ်းခိုင်းနေလို့ ပြန်ရွေးခွင့်မပေးဘူး။ ကားကလည်း ဆုံးမလိုဖြစ်နေတယ်။" ဟု မော်လမြိုင် ကုန်စည်သယ်ယူပို့ဆောင်ရေး လုပ်ငန်းရှင်က ရှင်းပြသည်။

စစ်ကောင်စီ၏ ယနေ့ သတင်းထုတ်ပြန်ချက်တွင်မူ ကချင်ပြည်နယ်၊ ၂၁ မိုင်ဂိတ်တွင် မြစ်ကြီးနားမြို့မှ နမ္မတီးမြို့သို့ သွားရောက်မည့် ယာဉ်နှစ်စီးပေါ်မှ တရားဝင်စာရွက်စာတမ်း အထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်းတစ်မျိုး ကို ဖမ်းဆီးရရှိခဲ့ပြီး ယင်းပစ္စည်းများကို တင်ဆောင်လာသော Nissan AD Van နှင့် Hiace Mini Bus ကား ၂ စီးတို့ကို သိမ်းယူလိုက်ကြောင်း ၊ အလားတူ ကရင်ပြည်နယ်၊ ထီလုံ-ဘားအံလမ်းရှိ ခမရ ၂၀၂ စစ်ဆေးရေးဂိတ်တွင် ပြည်ပမှ ကုန်ပစ္စည်းများ တင်ဆောင်လာသော Toyota Probox ကား ၂ စီး၊ Mitsubishi Canter Truck ကား ၁ စီး၊ Forland Dump Truck ၁ စီး ၊ Yutong Bus ကား ၁ စီးတို့ကို ဖမ်းဆီး သိမ်းဆည်းခဲ့ကြောင်း၊ မန္တလေးတိုင်း ၁၆ မိုင် ကျောက်ချောစစ်ဆေးရေးစခန်းတွင် ပြည်ပသွင်းကုန်များ တင်လာသော စက်မှုဇုန်ထုတ် Myanmar Station Wagon ကား ၁ စီးကို သိမ်းဆည်းလိုက်ကြောင်း သတင်းထုတ်ပြန်ထားသည်။

သို့ရာတွင် ကုန်ကားသိမ်းခံရသော လုပ်ငန်းရှင်တချို့က ဂိတ်တာဝန်ကျ စစ်တပ်နှင့်ဆက်သွယ်သောအခါ ကားတန်ဖိုး၏ ၈၀ ရာခိုင်နှုန်းကို ငွေပေး၍ ရွေးယူမှသာလျှင် ပြန်လည် ထုတ်ပေးမည်ဖြစ်ကြောင်း၊ မော်လမြိုင်မှ ကားသိမ်းခံရသော လုပ်ငန်းရှင်တချို့ ကားတန်ဖိုး၏ ၈၀ ရာခိုင်နှုန်းကို ပေး၍ ထုတ်ယူနိုင်မှုများရှိကြောင်း သိရှိရသည်။

"သိမ်းသွားတဲ့ တပ်တာဝန်ရှိသူတွေနဲ့ ဆက်သွယ်ကြည့်တော့ ကားတန်ဖိုးရဲ့ ၈၀ ရာခိုင်နှုန်းပေးရင် ကားပြန်ပေးမယ်။ ဘာလို့ဆိုတော့ အစားထိုးကားတစ်စီးထည့်ရမှာမို့လို့ ပြောတယ်။ ၈၀ ရာခိုင်နှုန်းဆိုတော့လည်း ကားသိပ်မကောင်းရင် မရွေးတော့ဘူး။ တချို့တော့ ကားက ကောင်းနေသေးတော့ ရွေးကြသူတွေရှိတယ်" ဟု အဆိုပါ ကုန်စည်လုပ်ငန်းရှင်က ရှင်းပြသည်။

အောက်တိုဘာလ ၉ ရက်နေ့ နေပြည်တော်တွင် ပြုလုပ်ခဲ့သည့် တရားမဝင်ကုန်သွယ်မှု တိုက်ဖျက်ရေး ဦးဆောင်ကော်မတီအစည်းအဝေး ၄/ ၂၀၂၄ တွင် အကြမ်းဖက်ဒု စစ်ခေါင်းဆောင် စိုးဝင်းက လက်နက်ကိုင်အဖွဲ့အစည်းများကို သက်ဆိုးရှည်စေသော တရားမဝင် ကုန်သွယ်မှု ကြီးထွားလာနေခြင်းကို တိုက်ဖျက်တားဆီးရန်၊ လမ်းကြောင်းများတွင် စောင့်ကြည့်ဖမ်းဆီးရမည့်အပြင် ဂိုဒေါင်များနှင့်သိုလှောင်ရုံများကိုလည်း လိုက်လံစစ်ဆေး ဖမ်းဆီးရန်၊ စျေးကွက်များအတွင်းထိပါ ကွင်းဆင်း၍ ဖမ်းဆီး စစ်ဆေးအရေးယူရန် ညွှန်ကြားပြီးနောက် တစ်နိုင်ငံလုံးတွင် ဖမ်းဆီးမှုများ ဖြစ်ပေါ်လာခြင်းဖြစ်သည်။

ဓာတ်ပုံ- အကြမ်းဖက်စစ်ကောင်စီ၏ မြို့အဝင် စစ်ဆေးရေးဂိတ်တစ်ခု။

အထက်မင်းလှမြို့နယ် ပြည်သူ့ကာကွယ်ရေးတပ်ဖွဲ့ အပတ်စဥ် ၅ အခြေခံစစ်ပညာသင်တန်းဆင်းပွဲ ပြုလုပ်

ရန်ကုန်၊အောက်တိုဘာ ၂၇

အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန မကွေးတိုင်း အထက်မင်းလှ မြို့နယ်ပြည်သူ့ကာကွယ်ရေး တပ်ဖွဲ့ (ပကဖ)အပတ်စဥ် ၅ အခြေခံစစ်ပညာသင်တန်းဆင်းပွဲကို အောက်တိုဘာလ ၂၃ ရက်နေ့တွင်ပြုလုပ်ခဲ့ကြောင်း သိရှိရသည်။

အဆိုပါ သင်တန်းကာလ ၃ လကြာမြင့်ခဲ့ပြီးသင်တန်းတွင် အခြေခံစစ်ပညာရပ်များ ဆေးဘက်ဆိုင်ရာ ဘာသာရပ်များ၊ နိုင်ငံရေး၊ စစ်ရေးဘာသာရပ်များနှင့် လူထုအခြေပြု ကူညီကယ်ဆယ်ရေး စသည့် ဘာသာရပ်များကိုပါ စာတွေ့၊လက်တွေ့ သင်တန်းပို့ချပေးခဲ့ကြကြောင်း သိရှိရသည်။

လောက်ကိုင်မြို့ကို ယနေ့ နံနက်ပိုင်း လေယာဉ်ဖြင့် ဗုံးကျဲမှု ပြည်သူ ၄ ဦးအနည်းငယ် ဒဏ်ရာရရှိပြီး ဟိုတယ်နှင့်နေအိမ် အဆောက်အအုံတချို့ ပျက်စီး

ရန်ကုန်၊ အောက်တိုဘာ ၂၇

ရှမ်းပြည်နယ်မြောက်ပိုင်း၊ လောက်ကိုင်မြို့ကို ယနေ့ နံနက်ပိုင်း လေယာဉ်ဖြင့် ဗုံးကျဲချခဲ့ရာ ပြည်သူ ၄ ဦးအနည်းငယ် ဒဏ်ရာရရှိပြီး ဟိုတယ်အဆောက်အအုံနှင့် နေအိမ်တချို့ ပျက်စီးသွားကြောင်း MNDAA က သတင်းထုတ်ပြန်သည်။

ယနေ့ အောက်တိုဘာလ ၂၇ ရက်နေ့ နံနက် ၀၀ နာရီ ၂၀ မိနစ်အချိန်နှင့် နံနက် ၀၀ နာရီ ၂၇ မိနစ်အချိန်တို့တွင် စစ်လေယာဉ်များဖြင့် လောင်ကိုင်မြို့ပေါ်သို့ ဗုံးများကျဲချခဲ့ခြင်းဖြစ်ကြောင်း၊ ဗုံးကျဲမှုကြောင့် ပြည်သူ ၄ ဦးထိခိုက်ဒဏ်ရာရရှိသော်လည်း ဒဏ်ရာ ပြင်းထန်သူမရှိကြောင်း ၊ ဗုံးကျဲမှုကြောင့် လောက်ကိုင်မြို့ရှိ စွမ်းဖုန်ချိန်(Shuang feng cheng)ဧရိယာမှ ဟိုတယ်အဆောက်အအုံအများအပြား ပျက်စီးခဲ့ကြောင်း၊ ယင်းဒေသရှိ အစားအစာရောင်းဝယ် လမ်း ဆိုးရွားစွာ ပျက်စီးခဲ့ကြောင်း၊ အခြားအိမ်အများအပြားလည်း ထိခိုက်မှုအမျိုးမျိုးဖြင့် ပျက်စီးခဲ့ကြောင်း သိရှိရသည်။

အကြမ်းဖက်စစ်ကောင်စီက ယနေ့ ကျရောက်သည့် ၁၀၂၇ စစ်ဆင်ရေး ၁ နှစ်ပြည့်အဖြစ် နမ့်ခမ်းမြို့ကိုလည်း ယနေ့ နံနက် ၇ နာရီကျော်အချိန် ဗုံးများကျဲချခဲ့ကြောင်း သိရှိရသည်။

နမ့်ခမ်းမြို့နယ်၊ စခန်းသစ်ကုန်းကို စစ်ကောင်စီက လေယာဉ်ဖြင့် ဗုံးကျဲ၊ ၁၀၂၇ စစ်ဆင်ရေး ၁ နှစ်ပြည့် နှစ်ပတ်လည်နေ့ လေကြောင်းအန္တရာယ်သတိပြုရန် သတိပေးချက်များရှိ

ရန်ကုန်၊ အောက်တိုဘာ ၂၇

ရှမ်းပြည်နယ်မြောက်ပိုင်း၊ နမ့်ခမ်းမြို့နယ်၊ စခန်းသစ်ကုန်းကို စစ်ကောင်စီက လေယာဉ်ဖြင့် ဗုံးကျဲချသွားကြောင်း TNLA ၏ ထုတ်ပြန်ချက်နှင့် ဒေသပြည်သူများ၏ ပြောဆိုချက်အရ သိရှိရသည်။

ယနေ့ အောက်တိုဘာလ ၂၇ ရက်နေ့ နံနက် ၇ နာရီ ၃၅ မိနစ်၊ နံနက် ၇ နာရီ ၄၅ မိနစ်နှင့် နံနက် ၈ နာရီ ၁၄ မိနစ်အချိန် တိုက်လေယာဉ်ဖြင့် ၃ ကြိမ် လာရောက် ဗုံးကျဲတိုက်ခိုက်ခဲ့ကြောင်း TNLA က ထုတ်ပြန်ပြီး ထိခိုက်သေဆုံးမှု အခြေအနေ မသိရှိရသေးကြောင်း ဒေသပြည်သူများက ဆိုကြသည်။

"လေယာဉ်က တစ်မနက်လုံး တောက်လျှောက်ဝဲပျံနေရာကနေ နမ့်ခမ်းမြို့ စခန်းသစ်ကုန်းဘက်ကို ကျဲသွားတယ်။ အထိအခိုက်တော့မသိရသေးဘူး" ဟု နမ့်ခမ်းမြို့မှ ဒေသပြည်သူတစ်ဦးက ပြောဆိုသည်။

ယနေ့သည် ၁၀၂၇ စစ်ဆင်ရေး ပထမလှိုင်း၏ ၁ နှစ်ပြည့် နှစ်ပတ်လည်ဖြစ်သောကြောင့် လေကြောင်း သတိပြုကြရန် ယမန်နေ့ကတည်းက သတိပေးမှုများရှိနေကြောင်း လားရှိုးမြို့နယ်အခြေစိုက် ဒေသသတင်းရင်းမြစ်က ပြောဆိုသည်။

"ဒီနေ့ လေကြောင်းတိုက်ခိုက်မှုတွေ ဖြစ်မယ်ဆိုတာက သတိပေးမှုတွေရှိပါတယ်။ တရားဝင်ကြီး သတင်းထုတ်ပြန် ကြေညာတာမဟုတ်ပေမယ့် သတိထားဖို့ မနေ့ကတည်းက လားရှိုးမြို့ ပြည်သူတွေအချင်းချင်းအကြားမှာ သတင်းဖြန့်ဝေကြတာရှိပါတယ်" ဟု လားရှိုးမြို့ အခြေစိုက် ဒေသတင်းရင်းမြစ်က ရှင်းလင်းပြောဆိုသည်။

ထို့ပြင် လက်ရှိ တံတားဦးလေတပ်၊ နေပြည်တော်ဧလာ လေတပ် အပါအဝင် လေတပ်စခန်းများမှ လေယာဉ်များ ရှမ်းပြည်နယ်မြောက်ပိုင်းဒေသများသို့ တောက်လျှောက်တက်နေကြောင်း လေကြောင်း သတင်းအချက်အလက်များအရ သိရှိရသည်။

ယနေ့သည် အကြမ်းဖက်စစ်ကောင်စီကို အထိနာစေခဲ့သော မြောက်ပိုင်းမဟာမိတ်ညီနောင် ၃ ဖွဲ့၏ ၁၀၂၇ စစ်ဆင်ရေး ပထမလှိုင်း စတင်ခဲ့သည့် ၁ နှစ်ပြည့် နှစ်ပတ်လည်လည်းဖြစ်သည်။

တိုင်းပြည်ပြဿနာကို လူထုထိခိုက်မှုအနည်းဆုံးနည်းလမ်းဖြင့်ဖြေရှင်းမည်ဟု အသံကောင်းဟစ်၊ စစ်အာဏာရှင်စနစ် သက်ဆိုးရှည်စေရေး ကြိုးပမ်းနေမှုကို မျက်နှာဖုံးခွာချရမည်ဟု SNLD ပြော

ရန်ကုန်၊ အောက်တိုဘာ ၂၇

တိုင်းပြည်ပြဿနာကို ပြည်သူလူထု ထိခိုက်မှုအနည်းဆုံးနည်းလမ်းဖြင့် ဖြေရှင်းမည်ဟု အသံကောင်းဟစ်ကာ စစ်အာ ဏာရှင်စနစ် သက်ဆိုးရှည်ကြာစေ ရေး ကြိုးပမ်းလျက်ရှိနေမှုများကို မျက်နှာဖုံးခွာချရမည် ဖြစ်ကြောင်း SNLD က ထုတ်ပြန်ပြောဆိုသည်။

ယမန်နေ့အောက်တိုဘာလ ၂၆ ရက်နေ့တွင် ကျရောက်သော ရှမ်းတိုင်းရင်းသားများ ဒီမိုကရေစီအဖွဲ့ ချုပ် - SNLD ၏ ၃၆ နှစ်မြောက် နှစ်ပတ်လည်အထိမ်း အမှတ်အခမ်းအနားတွင် SNLA က နိုင်ငံရေး ရပ်တည်ချက် သဘောထားအဖြစ် ထုတ်ပြန်လိုက်ခြင်းဖြစ်သည်။

တိုင်းပြည်ပြဿနာကို ပြည်သူလူထုထိခိုက်မှုအနည်းဆုံးနည်းလမ်းဖြင့် ဖြေရှင်းမည်ဟု အသံကောင်းဟစ်ခြင်း၊ လူထုအုပ်ချုပ်ရေးအစစ်အမှန်ပေါ်ပါက်ရေးကို လက်တလုံးခြား ဆန့်ကျင်ပြီး စစ်အာ ဏာ ရှင်စနစ် သက်ဆိုးရှည်ကြာစေရေး ကြိုးပမ်းလျက်ရှိနေသည်ကို မျက်နှာဖုံးခွာချကြရန် လိုအပ်ကြောင်း၊ တိုင်းပြည်အုပ်ချုပ်ရေးစနစ် မပြောင်းလဲဘဲ၊ အုပ်ချုပ်သူလူတစု ပြောင်းပြုရုံဖြင့် ဒီမိုကရေစီကျင့်သုံး နိုင်မည် မဟင်္စကြောင်း၊ ဖက်ဒရယ်နိုင်ငံရေးစနစ် ဖြစ်ထွန်းရန်မတတ်နိုင်ကြောင်း၊ ထိုကြောင့် လူထုအုပ်ချုပ် ရေး ကို လူထုကိုယ်တိုင် ပါဝင်လုပ်ကိုင်နိုင်မည့်အခင်းအကျင်းမပေါ်ပေါက်သေးသမျှ နိုင်ငံ ရေး ပြဿနာဖြေရှင်းရေး မပြီးဆုံးသေးကြောင်း SNLD က ဆိုသည်။

မြန်မာနိုင်ငံ၏ ကမ္ဘာ့ စံချိန်တင်ရှည်ကြာသည့် ပြည်တွင်းစစ်သည် အမျိုးသားတန်း တူ ညီရေးနှင့် ကိုယ်ပိုင်ပြဌာန်းခွင့်ကို လက်မခံသည့် အာဏာရှင်အဆက်ဆက်၏ ကျဉ်းမြောင်း ယုတ် ညံ့သော နိုင်ငံရေးကလိမ်ကျမှုကြောင့် သက်ဆိုးရှည်နေခြင်းဖြစ်ကြောင်း၊ အာဏာရှင်စနစ်နှင့် ယင်း၏ ထောက်တိုင်များအား အပြီးတိုင်ဖယ်ရှားပစ်မှသာ နိုင်ငံရေးပြဿနာအရပ်ရပ်ကို နိုင်ငံရေး နည်းဖြင့် ဖြေရှင်းနိုင်မည်ဖြစ်ပြီး၊ ခေတ်စနစ်အခြေအနေနှင့် လိုက် လျောညီထွေသည့် ဖက်ဒရယ် ပြည်ထောင်စု ကိုလည်း စုပေါင်းတည်ထောင်နိုင်မည်ဟု အလေးအနက်ခံယူကြောင်း SNLD က ပြောသည်။

၁၉၄၇ ခုနှစ် ပင်လုံစာချုပ်အရ ပြည်ထောင်အချင်းချင်းစုပေါင်းတည်ဆောက်မည့် ပြည်ထောင်စုကြီး သည် ပြည်တွင်းစစ်ကာလကြာရှည်လွန်းသည်နှင့်အမျှ ပြည်ထောင်သားအချင်းချင်းကြား အတူယှဉ် တွဲနေထိုင်သည့် နိုင်ငံရေးစိတ်ဆန္ဒကောင်းများကိုပင် မှေးမိန်ခန်းခြောက်လုမတတ် တွန်းပို့လျက်ရှိရာ ရှမ်းပြည်သားအပေါင်းသည်လည်းကောင်း၊ ပြည်ထောင်စုနိုင်ငံသားအပေါင်းသည် လည်းကောင်း ငြိမ်းချမ်းစွာအတူယှဉ်တွဲ နေထိုင်ရေးမူအရ တိုင်းပြည်ကိုပြန်လည် တည်ဆောက်ကြရမည်ဖြစ် ကြောင်း SNLD က ကြေညာထားသည်။

မတရားသဖြင့် လက်နက်ကိုင်အနိုင်ကျင့်ခြင်းကို မလွဲမရှောင်သာ ဆန့်ကျင် တွန်းလှန်ရမည်ဟုဆိုသော် လည်း တိုက်ခိုက်ရေးအောင်ပွဲများမှသည် ပြည်သူ့နိုင်ငံရေးအောင်ပွဲများအထိ ဆက်လက် သယ် ဆောင်အနားသတ်ပေးနိုင်မှ တည်ငြိမ်အေးချမ်းမှု အစစ်အမှန်ကို ခံစားရမည်ဟု ခံယူသည်ဟု ဆို သည်။

နိုင်ငံရေး၊ စီးပွါးရေး၊ လူမှုရေးအပြင် လူမျိုးရေးအရပါ တဖက်သတ်ဖိနှပ်ခံလာရသည်နှင့်အမျှ ပြန် လည် လက်တုန့်ပြန်ခွင့်ရချိန် လူမျိုးရေးအစွန်း ရောက် ကန့်သတ်ခွဲခြားဆက်ဆံမှုများ မလုပ် ဆောင်မိရန် လိုအပ်ပြီး ရည်ရွယ်ရင်းပန်းတိုင်ဖြစ်သော တန်းတူညီမျှသည့် ပြည်ထောင်စုတည် ဆောက်ရေးကို မျက်ခြေမပြတ်ရန် အထူးလိုအပ်ကြောင်း၊ တပြိုင်တည်းတွင် မြန်မာ့ပြည်တွင်းရေး ကိစ္စ နှင့် စပ်လျဉ်း၍ နိုင်ငံကြီးအချို့က စီးပိုးကြိုးကိုင်လျက် လူထုဆန္ဒအပေါ် လျစ်လျူရှုကာ တဖက်သတ် ဆောင်ရွက်ရန်ကြိုးစားနေသည်ကို ဒီမိုကရေစီဘက် တော်သားအချင်းချင်း တစိတ်တဝမ်းတည်းသော ပြည်ထောင်စုစိတ်ဓာတ်ဖြင့်သာ ကျော်လွှားနိုင်မည် ဖြစ်ကြောင်း၊ မဟာအင်အားကြီးနိုင်ငံများ၏အားပြိုင်မှုအကြား မိမိတို့နိုင်ငံ၏ ဖက်ဒရယ်ဒီမိုကရေစီ ပန်းတိုင်သို့ အရောက်လှမ်းနိုင်ရန်ကား တိုင်းရင်းသားပြည်သူလူထုအပေါ် သစ္စာမဏ္ဍိုင်ပြုလျက် တွန်းလှန် တိုက်ပွဲဝင်ရေးသည်သာ အခရာဖြစ်သည်ကို သတိချပ်ရမည်ဖြစ်ကြောင်း SNLDက ထုတ်ပြန်ထား သည်။

ယနေ့ကာလတွင် အရပ်သားပြည်သူများကို စစ်ရေးပစ်မှတ်အဖြစ် တမင်ရည်ရွယ်အကြမ်းဖက် နေမှု များ နှင့် မဆင်မခြင်တုန့်ပြန်ခုခံမှုအချို့ကြောင့် ဒုက္ခပင်လယ်ဝေနေသည့် တိုင်းရင်းသားပြည်သူ တရပ်လုံး အတွက် မဖြစ်မနေထည့်သွင်းစဉ်းစားရမည်မှာ လူမမယ်ကလေးများ၊ အမျိုးသမီးနှင့် လူ ငယ်လူရွယ်များ၏ အနာဂတ်ပညာရေးကို ဦးစားပေးဆောင်ရွက်ရန် အလွန်အရေးကြီးကြောင်း၊ စစ်ကြောင့် ပညာရေးခါးဆက်မပြတ်ရလေအောင် ဝိုင်းဝန်းကြံဆောင်ကြရမည်သာဖြစ်ကြောင်း SNLD က ဆက်ပြောသည်။

နောက်ဆုံးအနေဖြင့် အနာဂတ်ဖက် ဒရယ် ဒီမိုကရေစီ စနစ်ပေါ်ထွန်းရေးကို ခိုင်ကျည်သစ္စာပြုလျက် ဒီမိုကရေစီ မိတ်ဖက်အချင်းချင်း လက်တွဲညီညီ ချီတက်ကြမည်ဖြစ်ကြောင်း ရှမ်းတိုင်းရင်းသားများဒီမိုကရေစီအဖွဲ့ချုပ်က ပြောဆိုသည်။

ရေနံချောင်းတွင် စစ်တပ်နှင့် တော်လှန်ရေးတပ်များအကြား တိုက်ပွဲ ၂ ကြိမ်ဖြစ်ပြီး စစ်သား ၁၀ ဦးသေဆုံးဟုဆို

ရန်ကုန်၊ အောက်တိုဘာ ၂၇

မကွေးတိုင်း၊ ရေနံချောင်းမြို့နယ်တွင် တိုက်ပွဲ ၂ ကြိမ်ဖြစ်ပြီး အကြမ်းဖက်စစ်ကောင်စီတပ်သား ၁၀ ဦး သေဆုံးခဲ့ကြောင်း People's Defense Force -Yenangyaung (YNG-PDF) မှတာဝန်ရှိသူတစ်ဦး က ရန်ကုန်ခေတ်သစ်သတင်းဌာနထံသို့ ပြောကြားသည်။

အောက်တိုဘာလ ၂၀ နေ့ အင်အား ၇၀ ခန့်ဖြင့် ရေနံချောင်းမြို့နယ်၊ ကုန်းအိုင် -ဖောင်းကွဲလမ်းမှ မကျည်းကန်အုပ်စုအတွင်း စစ်ကြောင်းထိုးဝင်ရောက်လာသော အကြမ်းဖက်စစ်တပ်ကို အောက်တိုဘာလ ၂၁ ရက်နေ့ ညနေပိုင်း မကျည်းကန်အုပ်စု ၊ ရွှေကျင်ကန်ကျေးရွာအနီး၌ ပြည်သူ့ကာကွယ် ရေးတပ်ဖွဲ့ဝင်များက ပိတ်ဆို့တိုက်ခိုက်ခဲ့ကြောင်း သိရသည်။

ထိုနောက် အောက်တိုဘာလ ၂၂ ရက်နေ့ နံနက်ပိုင်းတွင်းလည်း စစ်တပ်က အလယ်ကုန်းရွာအနီးသို့ ထပ်မံ ချဉ်း ကပ်လာခဲ့ရာ ပြည်သူ့ကာကွယ်ရေးတပ်ဖွဲ့ဝင်များက လက်နက်ကြီး၊ မိုင်း၊ လက်နက်ငယ်များဖြင့် ထပ်မံ ပိတ်ဆို့တိုက်ခိုက်ခဲ့ကြောင်း၊ အကြမ်းဖက်စစ်သားများ အထိနာပြီး မကျည်းကန်ကျေးရွာတွင် တစ်ညအိပ် တပ်စွဲကာ ရေနံချောင်းမြို့သို့ ပြန်လည် ဆုတ်ခွာသွားကြောင်း သိရသည်။

ယင်းအကြမ်းဖက်စစ်ကောင်စီတပ်သားများညသ် ရွှေကျင်ကန်ကျေးရွာအတွင်း ပြည်သူပိုင် လက်ဝတ် ရတနာများ၊ တန်ဖိုးကြီးပစ္စည်းများကို မွှေနှောက် ရှာဖွေကာ ခိုးယူသွားကြောင်း သိရသည်။

အဆိုပါတိုက်ခိုက်မှုကို People's Defense Force -Yenangyaung (YNG-PDF) ၊ တမာမြေအထူး လှုပ်ရှားစစ်ကြောင်းနှင့် အက်တောတိုက်နယ် ပ-က-‌ဖ တို့ ပူးပေါင်းကာ တိုက်ခိုက်ခဲ့ကြောင်း သိရသည်။

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၂ ဦးသေဆုံး

ရန်ကုန်၊ အောက်တိုဘာ ၂၅

မြန်မာနိုင်ငံတစ်ဝန်း အောက်တိုဘာလ ၂၅ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၂ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

ရေတာရှည်နှင့် ရေစကြို ရှိ စစ်တပ် စခန်းများကို တိုက်ခိုက်မှု စစ်ကောင်စီ တပ်သား ၁ ဦးသေဆုံးပြီး စစ်တပ် ပစ်ခတ်မှုကြောင့် ပြည်သူ ၁ ဦး သေဆုံး

ရန်ကုန်၊ အောက်တိုဘာ ၂၅

ပဲခူးတိုင်း၊ ရေတာရှည်မြို့နယ်၊ ဒိုးတန်းကျေးရွာတွင် စစ်တပ် စခန်းကို ဝင်ရောက်တိုက်ခိုက်ခဲ့ရာ စစ် သား ၁ ဦးသေဆုံးပြီး အကြမ်းဖက် စစ်တပ်က ရမ်းသမ်းပစ်ခတ်မှုကြောင့် ပြည်သူ ၁ ဦးသေဆုံးခဲ့ကြောင်း ပုဝါနီစစ်ကြောင်းမှ တာဝန်ရှိ သူတစ်ဦးက ရန်ကုန်ခေတ်သစ်သတင်း ဌာန ထံသို့ ပြောကြားသည်။

အောက်တိုဘာလ ၂၄ ရက်နေ့ နံနက် ၁၂ နာရီ ၃၀ မိနစ်ခန့်တွင် ရေတာရှည်မြို့နယ်၊ စစ်တောင်းမြစ် အနောက်ဘက်ကမ်းရှိ ဒိုးတန်းကျေးရွာတွင် အကြမ်းဖက် စစ်တပ်က တပ်ဆင်ထားသော Jammer များကို တော်လှန်ရေးအင်အားစုများက ဝင်ရောက်ဖျက်ဆီးရန်သွားရောက်စဉ် စစ်တပ် ကာကင်းနှင့် ထိတွေ့ တိုက်ပွဲ ဖြစ်ပွားခဲ့ကြောင်းသိရသည်။

ယင်း အပြန်အလှန် ပစ်ခတ်တိုက်ပွဲအတွင်း စစ်သား ၁ ဦးသေဆုံးပြီး ၁ ဦးဒဏ်ရာရရှိကာ ဒိုးတန်းရွာရှိ ဘုန်းကြီးကျောင်းဘက်သို့ စစ်ကောင်စီ တပ်သားများပြန်လည် ဆုတ်ခွာသွားကြောင်း၊ ထိုသို့ ဆုတ်ခွာသွားပြီးနောက် နံနက် ၁၂ နာရီ ၅၅ မိနစ်ခန့်တွင် အကြမ်းဖက် စစ်သာများ၏ Jammer များနှင့် စခန်းကို ဝင်ရောက်ဖျက်ဆီးခဲ့ပြီး တော်လှန်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

အဆိုပါ တိုက်ခိုက်မှုအတွင်း အကြမ်းဖက်စစ်သားများက လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်တိုက်ခိုက်ခြင်းကြောင့် ဒိုးတန်းကျေးရွာမှ ပြည်သူ ၁ ဦးခေါင်းကို ကျည်ထိမှန်ပြီး ၂ ဦးဒဏ်ရာရရှိခဲ့ကြောင်း သိရသည်။

အလားတူ မကွေးတိုင်း၊ ရေစကြိုမြို့နယ်၊ မင်းရွာကျေးရွာရှိ အကြမ်းဖက် စစ်တပ် အထိုင်စခန်းကို ဒရုန်း ဖြင့် ဗုံးကျဲ တိုက်ခိုက်ရာ စစ်သားများ တပ်စွဲထားသော နေအိမ် ၁ လုံး မီးလောင်ပြီး စစ်ကောင် စီ တပ်သားများ ထိခိုက်မှုရှိကြောင်း ရဲဘော်ညီနောင်ပြောက်ကျားတပ် တပ်ခွဲမှူး ကိုကျော်က ရန်ကုန်ခေတ်သစ် မီဒီယာသို့ ပြောဆိုသည်။

အောက်တိုဘာလ ၂၄ ရက်နေ့တွင် ရေစကြိုမြိုနယ်၊ မင်းရွာကျေးရွာတွင် အထိုင်ချ တပ်ဆွဲထားသော စစ်ကောင်စီ တပ်သားများကို တော်လှန်ရေး တပ်ဖွဲ့များက ဒရုန်း ၄ စီးဖြင့် ဗုံးသီး ၁၅ လုံး ကျဲချ တိုက် ခိုက်ခဲ့ကြောင်း သိရသည်။

ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ တပ်စွဲထားသော နေအိမ် ၁ လုံး မီးလောင်ပျက်စီးပြီး စစ်ကောင်စီ တပ်သားများ ထိခိုက်သေဆုံးမှုရှိသော်လည်း အရေအတွက်ကို အတည်မပြုနိုင်သေးကြောင်း သိရှိရသည်။

"အဲတိုက်ခိုက်မှုမှာ စစ်ခွေးတွေ တပ်စွဲထားတဲ့ နေအိမ် ပေါ်ကို ကျပြီးတော့ မီးခိုးလုံးထွက်လာတာမြင် လိုက်ရတယ်။ စစ်ခွေးတွေ အော်ပြီး ပြေးနေတဲ့ အသံတွေလည်း ကြားရတယ်။ ထိခိုက်သေဆုံးမှု အခြေအနေကိုတော့ ကျန်တော်တို့ဆီမှာ စောင့်ကြည့် ဒရုန်းမရှိတဲ့ အတွက် အနီးကပ် မတွေ့လိုက် ရဘူး။ ကျန်တော်တို့ အဓိက လိုအပ်နေတဲ့ စောင့်ကြည့် ဒရုန်း ၁ စီးကို ပြည်သူတွေအနေနဲ့ လှူဒါန်း ပေးကြဖို့ မေတ္တာရပ်ခံပါတယ်" ဟု ရဲဘော်ညီနောင်ပြောက်ကျားတပ် တပ်ခွဲမှူး ကိုကျော် က ပြောဆိုသည်။

အဆိုပါ တိုက်ခိုက်မှုကို ရဲဘော်ညီနောင် ပြောက်ကျားတပ် ၊ BlackTiger -Myingyan ၊ ဧရာဝတီမင်း သားပြောက်ကျားတပ်ဖွဲ(မြင်းခြံ) နှင့် NY Local PDFတို့က ပူးပေါင်း လုပ်ဆောင်ခဲ့ကြောင်း သိရ သည်။

ဂွမြို့အနီးတွင် တိုက်ပွဲပြင်းထန်နေပြီး တိုင်ကျိုးကျေးရွာမှ ပြည်သူများ ရွာလုံးကျွတ် ထွက်ပြေးနေရ

ရန်ကုန်၊ အောက်တိုဘာ ၂၅

ရခိုင်ပြည်နယ်၊ ဂွမြို့နှင့် ၁၅ မိုင်ခန့်အကွာရှိ တိုင်ကျိုးကျေးရွာတွင် တိုက်ပွဲ ပြင်းထန်နေပြီး ရွာလုံးကျွတ် ထွက်ပြေး တိမ်းရှောင်နေရ ကြောင်း ဒေသတွင်း စစ်ရေး သတင်းရင်းမြစ်များက ပြောဆိုသည်။

ယနေ့ အောက်တိုဘာလ ၂၅ ရက်နေ့ နံနက်ပိုင်းမှစ၍ ဂွမြို့နှင့် ၁၅ မိုင်ခန့်အကွာ ကုလားပြင် (ရတနာ မြိုင်)ရွာ နှင့် ကမ်းသာယာကမ်းခြေကြားရှိ တိုင်ကျိုး ကျေးရွာတွင် ရခိုင့်တပ်တော် -AA နှင့် အကြမ်း ဖက်စစ်ကောင်စီတပ်တို့ အကြား တိုက်ပွဲ ပြင်းထန်နေပြီး ပြည်သူများ ရွာလုံးကျွတ် ထွက်ပြေး တိမ်းရှောင်နေရကြောင်း သိရသည်။

" တိုင်ကျိုးဆိုတဲ့ ရွာအနီးမှာ အခု လောလောဆယ် တိုက်ပွဲဖြစ်နေပါတယ်။ ဒီနေ့ မနက်ပိုင်းက စပြီး ဖြစ်နေ ကြတာပါ။ ရွာသားတွေကတော့ ထွက်ပြေးတိမ်းရှောင်နေရတာပေါ့။ ဘယ်လိုတွေတောင် ဖြစ် နေပြီလဲ အသေးစိတ်မသိရပါဘူး။ အဲဒီနဲ့ ၇ မိုင်အကွာလောက်နေ လှမ်းပြီး သတင်းတွေ ကြားနေရပါ တယ်။ တိုက်ပွဲက အရမ်းပြင်းထန်နေလို့ မိသားစုတွေကို အတင်းရွာက ထွက်ဖို့ လှမ်းခေါ်နေရပါ တယ်။ အသံတွေက အရမ်းကျယ်တာ" ဟု ဒေသစစ်ရေး သတင်းရင်းမြစ်က ပြောဆိုသည်။

ယင်းတိုက်ပွဲဖြစ်ပွားရာနေရာသို့ တိုင်ကျိုးပင်လယ်ပြင်အတွင်းရှိ အကြမ်းဖက် စစ်ကောင်စီ စစ်သင်္ဘော ၂ စီးကလည်း လက်နက်ကြီးများဖြင့် အဆက်မပြတ် ပစ်ကူပေးနေသည့်အပြင် ဂွမြို့ဘက်မှလည်း အကြမ်းဖက် စစ်သား အင်အား ၃၀၀ ခန့် စစ်ကူ ဆင်းလာကြောင်း သိရသည်။

"တိုင်ကျိုးမှာ စစ်ကောင်စီတပ်သား ၃၀၀ ကျော်ကျော်လောက်ရှိတယ်ကြားတယ်။ နှစ်ဖက် လက် နက် ကြီးသံတွေကတော့ ဆူညံနေတာပဲ တိုင်ကျိုးရဲ့ ကျိုင်မှာလည်း ရေတပ်က ရှိနေတယ်။ ကမ်း သာယာအနီး ဇီးကုန်းရှိ စစ်ကောင်စီ အမြောက်တပ်ကလည်း လက်နက်ကြီးတွေနဲ့ တောက်လျှောက် ပစ်ခတ်နေပါတယ်” ဟု ဒေသစစ်ရေး သတင်းရင်းမြစ်က ဆက်လက် ပြောဆိုသည်။

သံတွဲမြို့ကို သိမ်းပိုက်ပြီးနောက် ဂွမြို့နယ်ကို သိမ်းပိုက်ရန် ရခိုင့်တပ်တော် - AA က ထိုးစစ်ဆင်တိုက် ခိုက်နေခြင်းဖြစ်ပြီး ယခုတိုက်ပွဲမှာ ဂွမြို့နှင့်အနီးဆုံးတိုက်ပွဲဖြစ်ကြောင်း၊ ဂွမြို့နယ် ကျိန္တလီမြို့ရှိ စစ် ကောင်စီတပ်ရင်းများနှင့် ကုလားပြင်ကျေးရွာက တပ်စခန်းများမှာ ဂွမြို့ဘက်သို့ တဖြေးဖြေးဆုတ် ခွာသွား၍ ကြွေချိုင်၊ တိုင်ကျိုး၊ ဇီးကုန်း၊ ကမ်းသာယာ စသည့် ဒေသများရှိ စစ်ကောင်စီတပ်များကို ရခိုင်တပ်တော်- AA ဆက်လက် ထိုးစစ်ဆင်တိုက်ခိုက်နေခြင်းဖြစ်ကြောင်း သိရသည်။

အကြမ်းဖက်စစ်ကောင်စီတပ်အနေဖြင့်လည်း ဂွမြို့မကျဆုံးစေရေးအတွက် လက်နက်၊ လူ၊ ရေတပ် အင်အားကို ဧရာဝတီတိုင်းဘက်မှတဆင့် တိုးမြှင့်ဖြည့်တင်းထားကြောင်း၊ အမ်းနှင့် မောင်တောမြို့တို့လည်း တိုက်ပွဲများပြင်းထန်နေပြီး အမ်းမြို့ရှိ အနောက်ပိုင်းတိုင်းစစ်ဌာန ချုပ် (နပခ) ကို AA က အရှိန်မြှင့် တိုက်ခိုက်လျက်ရှိရာ စစ်ကောင်စီတပ်အနေဖြင့် အမ်းလေဆိပ်ကို အသုံးပြု၍ မရတော့သည်အထိ ဆုံးရှုံးထားကြောင်း သိရသည်။

Western News-WN သတင်းဌာနသည် ရန်ကုန်ခေတ်သစ်သတင်းဌာန၏ မိတ်ဖက်သတင်းဌာနဖြစ်သည်။

ယင်းမာပင်မြောက်ခြမ်း ကျေးရွာများ သပိတ် စစ်ကြောင်းက ဖက်ဆစ် စစ်တပ် တော်လှန်ရေး ချီတက် ဆန္ဒပြ

ရန်ကုန်၊ အောက်တိုဘာ ၂၅

ယင်းမာပင်မြို့နယ် မြောက်ခြမ်းကျေးရွာများ လူထုသပိတ်စစ်ကြောင်း ဦးဆောင်ကာ ယနေ့ အောက်တိုဘာလ ၂၅ ရက်နေ့တွင် ဖက်ဆစ်စစ်တပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

ပွင့်ဖြူတွင် စစ်သား စုဆောင်းနေသူ ရပ်ကွက် အုပ်ချုပ်ရေးမှူး သာဒွေးအောင်အိမ်ကို မိုင်းခွဲမှု မြို့မရဲစခန်းမှူး အပါအဝင် အုပ်ချုပ်ရေးအဖွဲ့နှင့် စစ်တပ်ဘက်မှ ၅ ဦး အပြင်းအထန် ဒဏ်ရာရ

ရန်ကုန်၊ အောက်တိုဘာ ၂၁

မကွေးတိုင်း၊ ပွင့်ဖြူမြို့ အရှေ့ပိုင်းရပ်ကွက် အုပ်ချုပ်ရေးမှူး သာဒွေးအောင်က စစ်မှုထမ်းဥပဒေ ထမ်းဆောင်ရန်အတွက် အတင်းအဓမ္မ လူစာရင်းကောက်ခံခြင်းအပါအဝင် ပြည်သူများကို စိတ်ဒုက္ခရောက်စေသော ဆိုးရွားသည့် လုပ်ရပ်များ လုပ်ဆောင်သည့်အတွက် ၎င်း၏ အိမ်ကို အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ရာ မြို့မ ရဲစခန်းမှူးအပါအဝင် ၅ ဦး ပြင်းထန်ဒဏ်ရာရရှိခဲ့ကြောင်း မင်းဘူးခရိုင် အမှတ် ၄ တပ်ရင်း တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။

အောက်တိုဘာလ ၂၀ ရက်နေ့ မွန်းလွဲ ၁ နာရီခွဲအချိန် ပွင့်ဖြူမြို့၊ အရှေ့ပိုင်းရပ်ကွက်အုပ်ချုပ်ရေးမှူး၏ အိမ်ရှေ့တွင် အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ခြင်းဖြစ်ပြီး သာဒွေးအောင်၏ သား၊ ရဲစခန်းမှူး၊ ပျူစောထီး ၊ ဝါတပ်မှ အကြမ်းဖက်စစ်သားနှင့် တပ်ကြပ် တို့ ၅ ဦး ထိခိုက်ဒဏ်ရာများ ရရှိခဲ့ခြင်း ဖြစ်ကြောင်း သိရှိရသည်။

ရပ်ကွက်အုပ်ချုပ်ရေးမှူး သာဒွေးအောင်က စစ်မှုထမ်းရန်အတွက် ရပ်ကွက်နေပြည်သူများအပေါ် ငွေကြေးကောက်ခံခြင်းများ၊ သန်းခေါင် စာရင်း ကောက်ယူခြင်းနှင့် ပြည်သူများကို စိတ်ဒုက္ခရောက်စေသော ဆိုးဆိုးရွားရွား လုပ်ရပ်များကို ကျူးလွန်လာကြောင်း ပြည်သူများမှ အသိပေးတိုင်ကြားလာသဖြင့် အကြမ်းဖက်စစ်ကောင်စီ၏ ထောက်တိုင်အဖြစ် ဆောင်ရွက်နေသော သာဒွေးအောင်ကို မင်းဘူးခရိုင်တပ်ရင်း ၄ က အဝေးထိန်းမိုင်းဖြင့် တိုက်ခိုက်ခဲ့ခြင်းဖြစ်ကြောင်း သိရှိရသည်။

ထို့ပြင် ပထမအကြိမ် မိုင်းကွဲအပြီးတွင် ပွင့်ဖြူမြို့နယ်မြေရဲစခန်းမှ ရဲစခန်းမှူး အပါအဝင် ရဲတပ်သားများနှင့် အကြမ်းဖက်စစ်သားများ လာရောက်စစ်ဆေးသည့်အချိန်တွင် ထမ်မံ၍ ဒုတိယအကြိမ် အဝေးထိန်းမိုင်းအကြီးဖြင့် ထပ်မံဖောက်ခွဲတိုက်ခိုက်ခဲ့ကြောင်း၊ ပွင့်ဖြူမြို့မ စခန်းမှူးအပါအဝင် ၅ ဦး အပြင်းအထန် ထိခိုက်ဒဏ်ရာများ ရရှိခဲ့ကြောင်း မင်းဘူးခရိုင် အမှတ် ၄ တပ်ရင်း တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။

ပွင့်ဖြူမြို့နယ်အတွင်းရှိ ပြည်သူများအနေဖြင့် အကြမ်းဖက်စစ်သားများ၏ ဂိတ်များအနီးတွင်နေခြင်း ၊အကြမ်းဖက်စစ်သားများနှင့် နီးနီးကပ်ကပ်နေခြင်း၊ စကစ ၏ ထောက်တိုင်ဆောင်ရွက် လုပ်ဆောင်မှုများနှင့် လုံးဝမပြုလုပ်ကြရန်နှင့် ဝေးဝေးရှောင်ကြဥ် နေထိုင်ပေးကြရန် အထူးမေတ္တာရပ်ခံ ပန်ကြားအပ်ကြောင်းလည်း မင်းဘူးခရိုင် အမှတ် ၄ တပ်ရင်း က သတိပေးချက်ထုတ်ပြန်သည်။

ဘင်္ဂလားပင်လယ်အော်တွင် လေဖိအားနည်းရပ်ဝန်းဖြစ်ပေါ်နေပြီး ဆိုင်ကလုန်းမုန်တိုင်းအဖြစ်ရောက်ရှိနိုင်ကာ မြန်မာနိုင်ငံတစ်ဝန်း မိုးကြီး၊ ရေကြီးနှင့် မြေပြိုမှုများဖြစ်နိုင်ဟု သတိပေး

ရန်ကုန်၊ အောက်တိုဘာ ၂၁

ဘင်္ဂလားပင်လယ်အော်တွင် လေဖိအားနည်းရပ်ဝန်းဖြစ်ပေါ်နေပြီး အောက်တို ဘာလ ၂၃ ရက်နေ့ ဆိုင်ကလုန်းမုန်တိုင်းဖြစ်လာနိုင်ဟု မိုးလေဝသနှင့်ဇလဗေဒညွှန်ကြားမှုဦးစီးဌာနက ယနေ့ နံနက် ၁၀ နာရီတွင် သတိပေးချက်ထုတ်ပြန်သည်။

ယနေ့မြန်မာစံတော်ချိန် နံနက် ၉ နာရီ ၃၀ မိနစ်အချိန် တိုင်းထွာချက်များအရ ဘင်္ဂလားပင်လယ်အော် အရှေ့အလယ်ပိုင်းနှင့် ယင်းနှင့်ဆက်စပ်လျက်ရှိသော ကပ္ပလီပင်လယ်ပြင်မြောက်ပိုင်းတို့တွင် ဖြစ်ပေါ် နေသော လေဖိအားနည်းဆဲလ်သည် ပိုမိုအားကောင်းလာပြီး၊ လေဖိအားနည်းရပ်ဝန်း(Low Pressure Area)အဖြစ်သို့ ရောက်ရှိခဲ့ကြောင်း၊ အဆိုပါ လေဖိအားနည်းရပ်ဝန်း(Low Pressure Area)သည် အနောက်-အနောက်မြောက်ဘက်သို့ ရွေ့လျားနိုင်ပြီး၊ ပိုမိုအားကောင်းလာနိုင်ကာ ၂၂-၁၀-၂၀၂၄ ရက်နေ့တွင် မုန်တိုင်းငယ်(Depression) အဖြစ်သို့လည်းကောင်း၊ ၂၃-၁၀-၂၀၂၄ ရက်နေ့တွင် ဘင်္ဂလား ပင်လယ်အော်အရှေ့အလယ်ပိုင်း၌ ဆိုင်ကလုန်းမုန်တိုင်း(Cyclonic Storm)အဖြစ်သို့လည်းကောင်း ရောက်ရှိ နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ဆိုသည်။

လေဖိအားနည်းရပ်ဝန်း၏ အရှိန်ကြောင့် ယနေ့နံနက်မှ ၂၄-၁၀-၂၀၂၄ ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်း ဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်း ရွာပြီး၊ အချို့ဒေသများတွင် ဒေသအလိုက် မိုးကြီးခြင်း၊ နေရာကွက်၍ မိုးကြီးခြင်းများနှင့်အတူ လေပြင်း တိုက်ခတ်ခြင်းများ ဖြစ်ပေါ်နိုင်ကြောင်း၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်း များကျရောက်ပြီး လှိုင်းကြီးမည်ဖြစ်ကြောင်း၊ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၄၀ အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ၉ ပေမှ ၁၁ ပေခန့် ရှိနိုင်ကြောင်း သိရှိရသည်။

ထို့ကြောင့် မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေးနှင့် လေကြောင်းပျံသန်းရေးအနေဖြင့်လည်း ကြိုတင်သတိပြုရန် မိုး/ဇလက သတိပေးသည်။

ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်ဝန်း ၂ ကြိမ် ဖြစ်ပေါ်နိုင်ပြီး ၁ ကြိမ်တွင် ပိုမိုအားကောင်းလာကာ ဆိုင်ကလုန်းမုန်တိုင်းအဖြစ်သို့ ရောက်ရှိနိုင်သည်ဟု မိုး/ဇလက ထပ်မံ သတိပေးထားသည်။

ကျောက္ကာမှ မြိတ်သို့ သွားသည့် လူဦးရေ ၇၀ နီးပါး ခရီးသည်လှေ ပင်လယ်ပြင်တွင် လှိုင်းကြီး၍ နစ်မြုပ်၊ လူ ၇ ဦးအလောင်းသာ ဆယ်ယူနိုင်ပြီး အများစု ပျောက်ဆုံးနေ

ရန်ကုန်၊ အောက်တိုဘာ ၂၁

တနင်္သာရီတိုင်း၊ ပုလောမြို့နယ်၊ ကျောက္ကာကျေးရွာမှ မြိတ်မြို့သို့ သွားသည့် လူဦးရေ ၇၀ နီးပါး လိုက်ပါသော ခရီးသည်တင်လှေသည် ယမန်နေ့ညပိုင်း လှိုင်ကြီးလှေထန်၍ နစ်မြုပ်သွားခဲ့ရာ လူ ၇ ဦး၏ အလောင်းကိုသာ ဆယ်ယူနိုင်ပြီး အများစု ပျောက်ဆုံးနေကြောင်း ပျောက်ဆုံးနေသူတစ်ဦး၏ မိသားစုဝင်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ခရီးသည်တင် လှေပေါ်တွင် လိုက်ပါသူများတွင် သီတင်းကျွတ်ကာလ ပုလောမြို့နယ်ရှိ နေအိမ်သို့ ခဏ ပြန်လာကြပြီး အောက်တိုဘာလ ၂၁ ရက်နေ့ တနင်္လာနေ့ ထိုင်းနိုင်ငံဘက်သို့ ပြန်တက်မည့်သူများ၊ စစ်ဘေးရှောင်များ၊ သီတင်းကျွတ် ကျောင်းပိတ်ရက် အိမ်ပြန်လာကြသည့် ကျောင်းသားကျောင်းသူများ ပါဝင်ကြောင်း၊ လှေသည် ညပိုင်း ထွက်ခွာခဲ့ခြင်းဖြစ်ပြီး ထွက်ခွာခဲ့ပြီးနောက် ၁၅ မိနစ်အကြာတွင်ပင် နစ်မြုပ်သွားခြင်းဖြစ်ကြောင်း၊ စတင်ထွက်ခွာချိန် လှေပေါ်တွင် လိုက်ပါသူတစ်ဦးက လှိုင်းများ အရမ်းကြီး၍ လေအလွန်တိုက်၍ လှေလူးနေသည်ဟု မိသားစုထံသို့ ဆက်သွယ်ပြောဆိုခဲ့ကြောင်း၊ ယင်းနောက် အဆက်အသွယ် ပြတ်တောက်သွားခြင်းဖြစ်ကြောင်း သိရှိရသည်။

"၇ ဦးအလောင်းတော့ ရပြီပြောတယ်။ လှေသမားတွေပြောတာက ၂၀ လောက်တော့ အလောင်းတွေ့ပြီလည်း ပြောတယ်။ ကျနော့်ညီအလောင်း တော့မရသေးဘူး" ဟု ပျောက်ဆုံးနေသူတစ်ဦး၏ မိသားစုဝင်က ပြောဆိုသည်။

နစ်မြုပ်သွားသော လှေမှာ ဦးဝင်းရှီပိုင်ဆိုင်သော ခရီးသည်တင်လှေတင်ဖြစ်ပြီး ပလမြို့မှ စစ်ဘေးရှောင်များက မြိတ်မြို့ဘက်သို့ စစ်ဘေးရှောင်ရန် စီးနင်းကြခြင်းဖြစ်ကြောင်း သိရှိရသည်။

လက်ရှိ ဘင်္ဂလားပင်လယ်အော်တွင် လေဖိအားနည်းဆဲလ်သည် ပိုမိုအားကောင်းလာနိုင်ကာ လာမည့် ၆နာရီအတွင်း လေဖိအားနည်းရပ်ဝန်း(Low Pressure Area) အဖြစ်သို့လည်းကောင်း၊ ထိုမှတစ်ဆင့် အနောက်-အနောက်မြောက်ဘက်သို့ ဆက်လက်ရွေ့လျားနိုင်ကြောင်း၊ အောက်တိုဘာလ ၂၂ ရက်နေ့ တွင် မုန်တိုင်းငယ်(Depression)အဖြစ်သို့လည်းကောင်း၊ အောက်တိုဘာလ ၂၃ ရက်နေ့ ဘင်္ဂလား ပင်လယ်အော်အရှေ့အလယ်ပိုင်း၌ ဆိုင်ကလုန်းမုန်တိုင်း(Cyclonic Storm)အဖြစ်သို့ လည်းကောင်း ရောက်ရှိနိုင်ကြောင်း ၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်ဖြစ်ကြောင်း မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၄၀ အထိ တိုက်ခတ်နိုင်ကြောင်း၊ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၉ ပေမှ ၁၁ ပေခန့် ရှိနိုင်ကြောင်း၊ မိုးလေဝသနှင့်ဇလဗေဒညွှန်ကြားမှုဦးစီးဌာနက ယနေ့ နံနက်ပိုင်း သတိပေးချက် ထုတ်ပြန်ထား သည်။

ဓာတ်ပုံ- ယနေ့ နံနက် ၂ နာရီဝန်းကျင်အချိန် လှေနစ်မြုပ်မှုမှ ပြန်လည် ဆယ်ယူရရှိသည့် အလောင်းတချို့။

တောင်ငူလေတပ်ကို ရှော့တိုက်ဒုံးဖြင့် ပစ်ခတ်မှု လေတပ်ဘက်မှ ၄ ဦးသေဆုံးပြီး ၈ ဦးဒဏ်ရာရရှိ၊ ရဟတ်ယာဉ် ၁ စီးနှင့် Y12 လေယာဉ် ၁ စီး ပျက်စီးဟုဆို

ရန်ကုန်၊ အောက်တိုဘာ ၂၁

ပဲခူးတိုင်း၊ တောင်ငူလေတပ်ကို ရှော့တိုက်ဒုံးဖြင့် ပစ်ခတ်ခဲ့ရာ လေတပ်ဘက်မှ စစ်သည် ၄ ဦးသေဆုံးပြီး ၈ ဦးဒဏ်ရာရရှိကြောင်း၊ ရှော့တိုက်ဒုံးသည် လေယာဉ် သိုလှောင်ရုံသို့ ကျရောက်ပေါက်ကွဲပြီး ရဟတ်ယာဉ် ၁ စီးနှင့် Y12 လေယာဉ် ၁ စီးပျက်စီးကြောင်း Brave Warriors for Myanmar-BWMမှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောဆိုသည်။

အောက်တိုဘာလ ၂၀ ရက်နေ့ ည ၈ နာရီ ၂၃ မိနစ်ခန့်အချိန် အကြမ်းဖက် စစ်တပ်၏ တောင်ငူမြို့ရှိ တောင်ငူလေတပ်စခန်း အတွင်းကို ၁၀၇ မမ ရှော့တိုက်ဒုံး ၃ လုံးဖြင့် ပစ်ခတ် တိုက်ခိုက်ခဲ့ပြီး ၂ လုံး ကို အောင်မြင်စွာ ပစ်ခတ်နိုင်ခဲ့ကြောင်း၊ ပစ်ခတ်လိုက်သော ရှော့ဒုံး ၂ လုံးထဲမှ တစ်လုံးမှာ မော်တော်ယာဥ်ဂိုဒေါင်ပေါ်သို့ကျပြီး နောက်တစ်လုံးမှာ လေယာဥ်သိုလှောင်ရုံပေါ်သို့ ကျရောက်ပေါက်ကွဲခဲ့ကြောင်း၊ ပစ်ခတ်မှု ဖြစ်ပြီးနောက် မကြာခင် အရေးပေါ်လူနာတင်ကား ၃ စီး လေတပ်ထဲသို့ ဝင်ရောက်သွားပြီး လူနာများကိုသယ်ယူသွားခဲ့ကြောင်း၊ လေတပ်အရာရှိ ၂ ဦးနှင့် အခြားအဆင့်စစ်သည် ၆ ဦးဒဏ်ရာအပြင်းအထန်ရခဲ့ကြောင်း၊ အခြားအဆင့်စစ်သည် ၄ ဦးသေဆုံး ခဲ့ကြောင်းသိရှိရသည်။​

လေယာဉ်သိုလှောင်ရုံကို ရှော့တိုက်ဒုံး ထိမှန်သဖြင့် လေယဥ်ထိခိုက်ပျက်စီးမှုအနေဖြင့် ရဟတ်ယဥ် ၁ စီး၏ ဒလက်နှင့်မှန်ကွဲပြီး နောက်အမြီးပိုင်းမှာသုံးမရတော့လောက်အောင်ပျက်စီးခဲ့ကြောင်း၊ ဗုံးကျဲ Y-12 လေယာဉ် ၁ စင်း သုံးမရတော့လောက်အောင်​ ​ပျက်စီးသွားခဲ့ကြောင်း သိရှိရသည်။

"ပစ်ခတ်မှုဖြစ်ပြီးနောက်မှာ ခွေးကား ၅ စီးနဲ့ ရှော့တိုက်ဒုံးနဲ့ ပစ်တယ်လို့ သူတို့ထင်တဲ့နေရာတွေကို ပတ်ရှာပါတယ်။ အဖမ်းအဆီးသတင်းတော့မကြားရသေးပါဘူး။ ကျနော်တို့ရဲဘော်တွေ ဘေးကင်းပါတယ်။ မြေပြင်မှာ ကဏ္ဍအသီးသီးကနေပူးပေါင်းပါဝင်ပေးခဲ့တဲ့ မဟာမိတ်အဖွဲ့များအားလုံးကို ကျေးဇူးတင်ကြောင်းပြောချင်ပါတယ်" ဟု Brave Warriors for Myanmar-BWMမှ တာဝန်ရှိသူက ဆိုသည်။

ဓာတ်ပုံ- မုံရွာအခြေစိုက်အနောက်မြောက်တိုင်းစစ်ဌာနချုပ်၏ လေတပ်စခန်းဝင်း ။ (ပုံအဟောင်းဖြစ်ပါသည်။)

ဂျပန်နိုင်ငံ နာဂိုရာမြို့တွင် တော်လှန်ရေးထောက်ပို့ သီတင်းကျွတ်ဈေးရောင်းပွဲပြုလုပ်

ရန်ကုန်၊ အောက်တိုဘာ ၂၁

ဂျပန်နိုင်ငံ နာဂိုရာမြို့တွင် တော်လှန်ပြည်လွတ် သီတင်းကျွတ်ခေါင်းစဉ်နှင့် တော်လှန်ရေးထောက်ပို့ သီတင်းကျွတ်ဈေးရောင်းပွဲကို ဂျပန်ရောက် မြန်မာနိုင်ငံသားများ အောက်တိုဘာလ ၂၀ ရက်နေ့တွင် ပြုလုပ်ခဲ့ကြကြောင်း သိရှိရသည်။