CJ Platform

@cjplatform

We are freedom and voices.
Website Link: https://cjplatform.com/

CJ Platform (English)

Are you looking for a platform where freedom and voices are celebrated? Look no further than CJ Platform! This Telegram channel is a hub for individuals who value the power of expression and believe in the importance of sharing their voices with the world. Whether you are an artist, activist, writer, or simply someone who wants to make a difference, CJ Platform is the place for you.

With a focus on promoting diversity, inclusivity, and creativity, CJ Platform provides a space where people from all walks of life can come together to share their thoughts, ideas, and passions. From thought-provoking discussions to inspiring art showcases, this channel is a melting pot of talent and inspiration.

But CJ Platform is more than just a place to share your own voice – it's also a community where you can connect with like-minded individuals, collaborate on projects, and support one another in your creative endeavors. By joining CJ Platform, you become part of a network of passionate individuals who are dedicated to making a positive impact on the world.

If you're ready to join a community that celebrates freedom and voices, then CJ Platform is the channel for you. Visit our website at https://cjplatform.com/ to learn more and start sharing your voice today!

CJ Platform

21 Nov, 14:25

ဒီကနေ့နိုဝင်ဘာလ ၂၁ ရက်၊ ကြာသပတေးနေ့မှာဘယ်လိုသတင်းတွေကို နားဆင်ကြည့်ရှုရဖိုရှိသလဲ?
(၁)ရခိုင်တိုက်ပွဲတစ်နှစ်ကျော်လာအပြီး ကလေးငယ်အများအပြား အာဟာရချို့တဲ့မှုနဲ့ နာမကျန်းဖြစ်မှုတွေနဲ့ ရင်ဆိုင်နေရတဲ့သတင်း
(၂)ပုလဲမြို့တွင်းက လူမရှိတဲ့ နေအိမ်တွေကို စစ်ကောင်စီတပ် ပစ္စည်းတွေယူပြီး မီးတင်ရှို့နေတဲ့သတင်း
(၃)မိုးကြောင့် စစ်ကိုင်းက ကြက်သွန်စိုက်တောင်သူတွေ နှစ်ခါပြန် အထိနာရတဲ့သတင်း
(၄)ဗြိတိန်-ပြင်သစ် ပေါင်းထုတ်ထားတဲ့ ဒုံးကျည်ကို ပထမဆုံးသုံးပြီး ယူကရိန်းက ရုရှားကိုတိုက်ခိုက်လိုက်တဲ့သတင်း
(၅)မန်စီးတီးအသင်းရဲ့ အဓိကကစားသမားတွေဖြစ်တဲ့ ကီဗင် ဒီဘရိုင်း၊ ဂျွန်စတုန်း၊ ဂရီးလစ်ချ်နဲ့ အကန်ဂျီတို့ဟာ ဒဏ်ရာကြောင့် ကာလအတန်ကြာ အနားယူနေရပြီးနောက် အသင်းနဲ့အတူ လေ့ကျင့်ခန်းပြန်ဆင်းနေကြပြီဖြစ်တဲ့သတင်း
စတဲ့သတင်းတွေအပါအဝင် အထူးခြားဆုံးနဲ့ စိတ်ဝင်စားစရာအကောင်းဆုံး နောက်ဆုံးရသတင်းတွေကိုဒီတစ်ပတ် ငါတို့နိုင်ငံ ဘာထူးလဲ မှာ နားဆင်ကြည့်ရှုနိုင်ပါပြီ။
YouTube တွင် ကြည်ရှုရန် >>> https://youtu.be/iyjoNDWwxaU

112

CJ Platform

21 Nov, 12:32

KIA ပူးပေါင်းတပ်ဖွဲ့တွေ အလုံးစုံထိန်းချုပ်ထားတဲ့ ကန်ပိုက်တီမြို့ထဲ ပြည်သူတွေ ပြန်မဝင်နိုင်သေး

CJ Platform

ကချင်ပြည်၊ အထူးဒေသ- ၁၊ စစ်ကောင်စီလက်အောက်ခံ ဇခုန်တိန့်ယိန်း ထိန်းချုပ်ထားတဲ့ တရုတ်-မြန်မာနယ်စပ်ရှိ ကန်ပိုက်တီမြို့ကို ယမန်နေ့ နိုဝင်ဘာ ၂၀ ရက်နေ့ညက KIA ပူးပေါင်းတပ်ဖွဲ့ဝင်တွေ သိမ်းပိုက်ထိမ်းချုပ်လိုက်ပေမဲ့ ပြည်သူတွေ ပြန်မဝင်နိုင်သေးဘူးလို့ စုံစမ်းသိရှိရပါတယ်။

ပြီးခဲ့တဲ့ နိုဝင်ဘာ ၁၉ ရက် နဲ့ ၂၀ ရက် မနက်ပိုင်းက ကချင်အမျိုးသားလွတ်လပ်ရေးတပ်မတော် KIA က ဝင်ရောက်မယ်လို့ သတင်းတွေ ထွက်ပေါ်အပြီး ပြည်သူတွေက နီးစပ်ရာ ကျေးရွာတွေဆီ ထွက်ပြေးခိုလှုံနေကြရတာဖြစ်တယ်လို့ ပြောပါတယ်။

“မနေ့က မနက်အစောပိုင်းမှာ အကုန်ပြေးကြရတာပဲ။ အခုအထိတော့ ဘယ်သူမှ ပြန်မဝင်ကြဘူး။ လေယာဉ်ဗုံးကြဲမှာ ကြောက်လို့” လို့ အဲဒီက အသက် ၂၇ နှစ်အရွယ် အမျိုးသမီးတစ်ဦးက CJ Platform ကို ပြောပါတယ်။

ကန်ပိုက်တီမြို့ မှာ လေကြောင်းဗုံးကြဲတာလည်း မရှိသလို လက်နက်သံတွေလည်း မကြားရတော့ဘဲ လက်ရှိမှာ KIA ပူးပေါင်းတပ်ဖွဲ့တွေက နယ်မြေရှင်းလင်းရေးလုပ်ဆောင်နေပြီး ဌာနဆိုင်ရာရုံးတွေမှာ ကချင်အမျိုးသားအလံကို လွှင့်ထူထားတဲ့အပြင် တရုတ်မြန်မာ နယ်စပ်ဂိတ်မှာလည်း လွှင့်ထူခဲ့တယ်လို့ သိရပါတယ်။

ကန်ပိုက်တီမြို့ရှိ စစ်ကောင်စီတပ်ဖွဲ့ဝင် မိသားစုတွေနဲ့ Non CDM ဝန်ထမ်းတွေဟာ ပြီးခဲတဲ့ နိုဝင်ဘာ ၁၉ ရက်နေ့ကတည်းက တရုတ်နိုင်ငံကို ပို့ဆောင်ထားတယ်လို့ သိရပြီး လက်ရှိမှာ ထွက်ပြေးလွတ်မြောက်နေတဲ့ စစ်ကောင်စီတပ်ဖွဲ့ဝင်နဲ့ ပြည်သူ့စစ်တပ်ဖွဲ့ဝင်တွေကို နယ်မြေရှင်းလင်းရေး လုပ်ဆောင်နေတယ်လို့ ကချင်စစ်ရေးသတင်းရင်းမြစ်က ပြောပါတယ်။

“ဖမ်းဆီးရမိထားတာတွေလည်းရှိပါတယ်။ လက်နက်သိမ်းဆည်း ရမိတာတွေလည်းရှိပါတယ်။ အသေးစိတ်တော့မသိရသေးပါဘူး”လို့ ကချင်စစ်ရေးသတင်းရင်းမြစ်က CJ Platform ကို ပြောပါတယ်။

ဒါ့အပြင် မြို့သိမ်းတိုက်ပွဲ ဖြစ်ပွားစဉ်အတွင်း လေကြောင်းဗုံးကြဲတိုက်ခိုက်မှုမရှိသလို ယမန်နေ့ညကတော့ လေယာဉ်ဝဲတာတော့ရှိခဲ့ပြီး လက်ရှိအချိန်ထိ လေကြောင်းတိုက်ခိုက်မှု မရှိဘူးလို့ သိရပါတယ်။

KIA ပူးပေါင်းတပ်ဖွဲ့တွေက ကန်ပိုက်တီမြို့ထဲမှာရှိတဲ့ စစ်ကောင်စီရဲ့ ခမရ-၃၈၉ နဲ့ ဇခုန်တိမ့်ယိန်းဦးဆောင်တဲ့ ပြည်သူစစ်လက်အောက်ခံ ဦးဘောမ်လန်းပြည်သူ့စစ်တို့ကို ယမန်နေ့ တစ်ရက်ထဲမှာ အပြီးသတ်တိုက်ခိုက်ခဲ့ပြီး မြို့ကို သိမ်းပိုက်ထိန်းချုပ်ခဲ့တာပဲ ဖြစ်ပါတယ်။

ကန်ပိုက်တီမြို့ဟာ ကချင်အထူးဒေသ - ၁ ရဲ့ နောက်ဆုံး လက်ကျန်မြို့ဖြစ်သလို ပြီးခဲ့တဲ့ အောက်တိုဘာ ဒုတိယအပတ်အတွင်း ဦးဘောမ်လန်းပြည်သူ့စစ်အဖွဲ့က ဒေသခံတွေကို စစ်မှုထမ်းဖို့ ခေါ်ဆောင်ခဲ့တာတွေ ရှိခဲ့ပေမဲ့ KIA ပူးပေါင်းတပ်ဖွဲ့တွေက ယမန်နေ့ညက အပြီးသတ်သိမ်းပိုက်ခဲ့တာပါ။

လဂွန်းအိမ်၊ ဆလိုင်း

ရုပ်သံ - ကချင်တောင်တန်း
Website တွင် ဖတ်ရှုရန် >>> https://cjplatform.com/21-11-2024-8/
****************************************
CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPlatform #ကန်ပိုက်တီမြို့ #KIA #ကချင်ပြည် #ဇခုန်တိန့်ယိန်း

267

CJ Platform

21 Nov, 12:32

KIA ပူးပေါင်းတပ်ဖွဲ့တွေ အလုံးစုံထိန်းချုပ်ထားတဲ့ ကန်ပိုက်တီမြို့ထဲ ပြည်သူတွေ ပြန်မဝင်နိုင်သေး

235

CJ Platform

21 Nov, 11:31

မိုးကြောင့် စစ်ကိုင်းက ကြက်သွန်စိုက်တောင်သူတွေ နှစ်ခါပြန် အထိနာ

CJ Platform

အညာဒေသ စစ်ကိုင်းတိုင်းအတွင်း စပါးထက် ဈေးကောင်းရတဲ့ ကြက်သွန်စိုက်ပျိုးမှုဟာ ပြီးခဲ့တဲ့ရာသီအတွင်း မိုးသည်းထန်စွာရွာသွန်းခဲ့မှုကြောင့် တောင်သူတွေ အထိနာခဲ့ရတယ်လို့ သူတို့တွေက CJ Platform ကို ပြောပါတယ်။

တဖန် ပြန်လည်စိုက်ပျိုးရာမှာလည်း ဒေသအခေါ် ကတ္တားစေ့လို့ခေါ်တဲ့ ကြက်သွန်မျိုးစေ့စျေးနှုန်းတွေ နှစ်ဆမြင့်တက်သွားတာကြောင့် တောင်သူတွေအတွက် နှစ်ခါပြန်အထိနာခဲ့ရတယ်လို့ သူတို့က ပြောပါတယ်။

“မျိုးစေ့ပျိုးကာလက တစ်လလောက်ကြာတယ်။ ဒီလစိုက်ဖို့ အရင်လက ပျိုးတာက အပျက်အစီးရှိလို့ ထပ်၀ယ်ရတာ။ ကတ္တားစေ့ တစ်ပြည်စျေးကို နှစ်သိန်းပေးခဲ့ရတယ်” လို့ စစ်ကိုင်းမြို့နယ်က ကြက်သွန်စိုက်တောင်သူ ကိုခိုင်စိုးက CJ Platform ကို ပြောပါတယ်။

တောင်သူတွေအနေနဲ့ ပြီးခဲ့တဲ့ အောက်တိုဘာလအတွင်း မိုးသည်းထိန်စွာရွာသွန်းခဲ့တာကြောင့် အခုနိုဝင်ဘာလအတွင်း စိုက်ပျိူးရမယ့် ပျိုးပင်တွေဆုံးရှုံးခဲ့ရတဲ့အတွက် ဒီလထဲ မျိုးစေ့တွေကို စျေးအမြင့်နဲ့ ပြန်လည်၀ယ်ယူပြီး ထပ်မံစိုက်ပျိုးနေကြရတယ်လို့ သိရပါတယ်။

“မိုးကြီးတော့ အကုန်ပျက်စီးတာ။ ပထမတစ်ခါက ပျိုးပင်တွေ၀ယ်စိုက်ခဲ့တာ။ ဆယ်သိန်းရှုံးခဲ့တာ။ ခုတစ်ကျော့ကျ အစေ့၀ယ်ပြီးပြန်ပျိုးထားဆဲပဲ။ စျေးကတော့ နှစ်သိန်းစျေးပဲ။ ကာမိအောင်တော့ အခုကြက်သွန်ပေါ်ရင် စျေးကောင်းရဖို့မျှော်ရမှာပဲ” လို့ ရေဦးဒေသခံ အသက် ၅၂ နှစ်အရွယ် ဒေါ်၀င်းက CJ Platform ကို ပြောပါတယ်။

ပြီးခဲ့တဲ့ အောက်တိုဘာလအတွင်း ကြက်သွန်မျိုးစေ့ တစ်ပြည်ကို ကျပ်တစ်သိန်း၀န်းကျင်အထိ မြင့်တက်ခဲ့တဲ့အပြင် နို၀င်ဘာလထဲမှာတော့ ကျပ် ၂၀၀,၀၀၀ အထိ ဆက်လက်မြင့်တက်လာတယ်လို့ တောင်သူတွေဆီကနေ သိရပါတယ်။

ကြက်သွန်နီမျိုးစေ့ စျေးနှုန်းမြင့်တက်ရခြင်းဟာ လက်ရှိကြက်သွန်စျေးကွက်အတွင်း လက်ကျန်ကြက်သွန်တွေ စျေးနှုန်းမြင့်တက်မှုကြောင့်ဖြစ်တယ်လို့ စစ်ကိုင်းမြို့နယ်က ကြက်သွန်နီစိုက်ပျိုးသူ အသက် ၅၀ အရွယ် ဒေသခံတစ်ဦးက ပြောပါတယ်။

စစ်ကိုင်းမြို့ကြက်သွန်စျေးကွက်အတွင်း အရင် ကြက်သွန်နီ(အကြီး)တစ်ပိဿာ ၂၅၀၀ ကျပ်ကနေ အခုနိုဝင်ဘာ တတိယပတ်အတွင်း ၅၀၀၀ ကျပ်အထိ မြင့်တက်လာတယ်လို့ သိရပါတယ်။

ဒါ့အပြင် ကြက်သွန်နီ(အလတ်)တစ်ပိဿာ ၃၀၀၀ ကျပ်နဲ့ အသေးတစ်ပိဿာ ၁၀၀၀ ကျပ်ဈေးအထိ မြင့်တက်လာတယ်လို့ သိရပါတယ်။

အညာဒေသမှာ ဆောင်းကြက်သွန်နီကို နိုဝင်ဘာ၊ ဒီဇင်ဘာနဲ့ ဇန်နဝါရီလတွေမှာ စိုက်ပျိုးပြီး ဖေဖော်ဝါရီ၊ မတ်နဲ့ ဧပြီလတွေမှာ ရိတ်သိမ်းလေ့ရှိတယ်လို့ တောင်သူတွေဆီကနေ သိရပါတယ်။

မင်းထက်

ဓာတ်ပုံ - လူမှုကွန်ရက်

ပုံစာ - အညာဒေသ စစ်ကိုင်းတိုင်းအတွင်းက ကြက်သွန်စိုက်ခင်းတစ်ခုကို တွေ့မြင်ရစဉ်
Website တွင် ဖတ်ရှုရန် >>> https://cjplatform.com/21-11-2024-7/
****************************************
CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPlatform #အညာဒေသ #စစ်ကိုင်းတိုင်း #ကြက်သွန်စိုက်ခင်း

267

CJ Platform

21 Nov, 11:30

မိုးကြောင့် စစ်ကိုင်းက ကြက်သွန်စိုက်တောင်သူတွေ နှစ်ခါပြန် အထိနာ

223

CJ Platform

21 Nov, 10:34

မြန်မာနိုင်ငံရဲ့ လုပ်ရပ်တွေဟာ အာဆီယံ ဗဟိုချက်မူဝါဒကို ထိခိုက်စေတယ်လို့ စင်္ကာပူ ကာကွယ်ရေးဝန်ကြီး ပြော

CJ Platform

မြန်မာနိုင်ငံရဲ့ လုပ်ရပ်တွေဟာ နှစ်ပေါင်း ၂၀ ကျော် ကာကွယ်ရေးဆိုင်ရာ ပူးပေါင်း ဆောင်ရွက်မှု ကာလတစ်လျှောက် ကြိုးစားတည်ဆောက်ခဲ့တဲ့ အာဆီယံ ဗဟိုချက်မူဝါဒကို ထိခိုက်စေပြီး အန္တရာယ်ရှိနေတယ်လို့ စင်္ကာပူ ကာကွယ်ရေးဝန်ကြီး ဒေါက်တာငွေအင်ဟင်းက အသိပေးပါတယ်။

ယမန်နေ့ နိုဝင်ဘာ ၂၀ ရက်နေ့၊ စင်္ကာပူကာကွယ်ရေး ဝန်ကြီးဌာနက ထုတ်ပြန်ချက်ထဲ အဲဒီလို ပြောကြားခဲ့သလို လာအိုနိုင်ငံမှာ ကျင်းပခဲ့တဲ့ ၁၈ ကြိမ်မြောက် အာဆီယံကာကွယ်ရေးဝန်ကြီးများ အစည်းအဝေး (ADMM) မှာလည်း ဒေသတွင်းရဲ့ အမြင့်ဆုံးကာကွယ်ရေးဆိုင်ရာ တိုင်ပင်ဆွေးနွေးရေးနဲ့ ပူးပေါင်းဆောင်ရွက်ရေး ယန္တရားတွေဟာ ယုံကြည်စိတ်ချရမှု ဆုံးရှုံးနိုင်တယ်လို့ ပြောပါတယ်။

၂၀၂၁ ခုနှစ် ဖေဖော်ဝါရီလမှာ စစ်တပ်က အရပ်သားအစိုးရကို ဖြုတ်ချပြီး မတရားအာဏာသိမ်းလိုက်ပြီး နောက်မှာ ဆန္ဒပြမှုတွေ၊ လက်နက်ကိုင်တော်လှန်မှုတွေ ဖြစ်ပွားခဲ့ပြီး အခြေအနေတွေကို စစ်တပ်က ထိန်းချုပ်နိုင်ခြင်း မရှိခဲ့ပါဘူး။

အာဆီယံဗဟိုချက်မူဝါဒဟာ ဒေသတွင်း ပူးပေါင်းဆောင်ရွက်ရေးနဲ့ သံတမန်ရေးရာ ကိစ္စရပ်တွေမှာ အာဆီယံက ဦးဆောင်အခန်းကဏ္ဍကနေ ပါဝင်သင့်တယ်ဆိုတဲ့ အခြေခံမူကို ရည်ညွှန်းတာလည်း ဖြစ်ပါတယ်။ အာဆီယံမှာ မြန်မာအပါအဝင် အဖွဲ့ဝင် ၁၀ နိုင်ငံရှိပါတယ်။

မြန်မာနိုင်ငံရဲ့ ကန့်ကွက်မှုတွေကြောင့် တချို့ကိစ္စရပ်တွေ ရပ်တန့်နေတယ်လို့လည်း စင်္ကာပူကာကွယ်ရေးဝန်ကြီးဌာန (MINDEF) က ထုတ်ပြန်ချက်မှာ ရေးသားခဲ့ပေမဲ့ ဘယ်ကိစ္စရပ်တွေ ဖြစ်တယ်ဆိုတာကိုတော့ အသေးစိတ် ထုတ်ဖော်ရေးသားထားတာ မရှိပါဘူး။

ဒါ့အပြင် မြန်မာနိုင်ငံရဲ့ လုပ်ရပ်တွေဟာ အာဆီယံက ချမှတ်ထားတဲ့ ဘုံသဘောတူညီချက် ငါးချက်ကို အကောင်အထည်ဖော်မှုလည်း မရှိသလို အာဆီယံရဲ့ လုပ်ငန်းဆောင်တာတွေကို အဟန့်အတားဖြစ်စေခဲ့တယ်လို့ ဒေါက်တာငွေအင်ဟင်းက ထောက်ပြခဲ့ပါသေးတယ်။

ဘုံသဘောတူညီချက် ငါးချက်ဟာ အာဆီယံအဖွဲ့ဝင်နိုင်ငံတွေက မြန်မာ့အရေး အဆုံးသတ်စေဖို့ ရည်ရွယ်ပြီး သဘောတူညီထားတဲ့ ငြိမ်းချမ်းရေးအစီအစဉ် ဖြစ်ပေမဲ့ စစ်ကောင်စီကတော့ အကောင်အထည်ဖော်ဖို့ ပျက်ကွက်နေဆဲပဲ ဖြစ်ပါတယ်။

ဒါ့အပြင် မြန်မာနိုင်ငံအနေနဲ့ အာဆီယံကို ကိုယ့်နိုင်ငံရေးအတွက် အသုံးမချရန်နဲ့ ကိုယ့်ရဲ့ ရည်ရွယ်ချက်တွေအတွက် ADMM ကို အခက်အခဲဖြစ်အောင် မလုပ်ဖို့လည်း MINDEF ရဲ့ ထုတ်ပြန်ချက်မှာ ထည့်သွင်း ဖော်ပြထားပါတယ်။

ဒေါက်တာငွေအင်ဟင်းက တခြားဝန်ကြီးတွေကို “ADMM ရဲ့ ဗဟိုချက်မူဝါဒကို ထိန်းသိမ်းရန်အတွက် ADMM ရဲ့ အကျိုးစီးပွားအလို့ငှာ စည်းလုံးညီညွှတ်စွာ အတူတကွ လုပ်ဆောင်ကြဖို့”ကိုလည်း တိုက်တွန်းပြောဆိုခဲ့ပါတယ်။ အဲဒီကိစ္စရပ်တွေကို လာမယ့်နှစ်မှာ ဆက်လက်ဆွေးနွေးကြဖို့လည်း ADMM က သဘောတူခဲ့ကြတယ်လို့ သိရပါတယ်။

မြန်မာနိုင်ငံမှာ စစ်တပ်ကအာဏာသိမ်းမှုနောက်ပိုင်း အရပ်သား ၅,၀၀၀ ကျော် သေဆုံးခဲ့ပြီး လူပေါင်း ၃ ဒသမ ၃ သန်း‌ကျော် နေရပ်စွန့်ခွာ ထွက်ပြေးခဲ့ရတယ်လို့ အခုနှစ် စက်တင်ဘာလက ထုတ်ပြန်ခဲ့တဲ့ ကုလသမဂ္ဂအစီရင်ခံစာအရ သိရပါတယ်။

ဓာတ်ပုံ- MINDEF
ပုံစာ- လာအိုနိုင်ငံမှာ ကျင်းပခဲ့တဲ့ ၁၈ ကြိမ်မြောက် အာဆီယံကာကွယ်ရေးဝန်ကြီးများ အစည်းအဝေး (ADMM) မှာ စင်္ကာပူကာကွယ်ရေးဝန်ကြီး ငွေအင်ဟင်းကို တွေ့ရစဉ်

ကိုးကား- CAN
Website တွင် ဖတ်ရှုရန် >>> https://cjplatform.com/21-11-2024-6/
****************************************
CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPlatform #အာဆီယံ #စင်္ကာပူ #ADMM

271

CJ Platform

21 Nov, 10:34

မြန်မာနိုင်ငံရဲ့ လုပ်ရပ်တွေဟာ အာဆီယံ ဗဟိုချက်မူဝါဒကို ထိခိုက်စေတယ်လို့ စင်္ကာပူ ကာကွယ်ရေးဝန်ကြီး ပြော

226

CJ Platform

21 Nov, 08:33

ပုလဲမြို့တွင်းက လူမရှိတဲ့ နေအိမ်တွေကို စစ်ကောင်စီတပ် ပစ္စည်းတွေယူပြီး မီးတင်ရှို့နေ

CJ Platform

စစ်ကိုင်းတိုင်း၊ ပုလဲမြို့အတွင်း တိုက်ပွဲတွေနဲ့ စစ်ကောင်စီလေကြောင်းရန်တွေကြောင့် မြို့ခံသောင်းနဲ့ချီ ၁၀ ရက်လောက်မပြန်နိုင်သေးဘဲ တိမ်းရှောင်နေရချိန် လူမရှိတဲ့အိမ်တွေကို စစ်ကောင်စီတပ်က ပစ္စည်းတွေယူပြီး မီးရှို့ဖျက်ဆီးမှုတွေ ပြုလုပ်နေတယ်လို့ ဒေသခံတွေက CJ Platform ကို ပြောပါတယ်။

အဲဒီမြို့တွင်းက နေအိမ်တွေကို တိုက်ပွဲတွေ ငြိမ်သက်ခဲ့တဲ့ နို၀င်ဘာ ၁၄ ရက်ကနေ ယမန်နေ့ နို၀င်ဘာ ၂၀ ရက်အထိ စစ်ကောင်စီတပ်က မီးရှို့ဖျက်ဆီးနေတယ်လို့ ဒေသခံတွေနဲ့ မြို့နယ်ကာကွယ်ရေးအဖွဲ့ဝင်တွေရဲ့ ပြောကြားချက်အရ သိရပါတယ်။

နေအိမ်ဘယ်လောက်အထိ မီးရှို့ဖျက်ဆီးခံထားရလဲဆိုတာနဲ့ပတ်သက်တဲ့ အသေးစိတ်အချက်အလက်တွေကိုတော့ ပုလဲမြို့အတွင်း စစ်ကောင်စီတပ်ဖွဲ့ဝင်တွေတပ်စွဲထားတဲ့အတွက် မသိရသေးဘူးလို့ သူတို့က ပြောပါတယ်။

“အဲဒီကောင်တွေက မြို့ထဲရှိနေတာ။ မီးရှို့တယ်။ ရမ်းပစ်တာတွေရှိတယ်။ အန္တရာယ်များလို့ ပြည်သူတွေကိုတောင် ပြန်မလွှတ်ဘဲထားတယ်။ တားထားတယ်ပေါ့။ စကစတွေ မြို့ထဲရှိနေတာကြောင့်ပါပဲ” လို့ ပုလဲမြို့နယ် ပြည်သူ့အုပ်ချုပ်ရေးအဖွဲ့ဝင် ဦးကျော်စိုးဝင်းက ပြောပါတယ်။

ယမန်နေ့ နို၀င်ဘာ ၂၀ ရက်နေ့ မနက် ၁၁ နာရီခွဲခန့်က ပုလဲမြို့ပေါ်နေအိမ်တွေကို ထပ်မံမီးရှို့ဖျက်ဆီးနေတယ်လို့ အသက် ၄၀ ခန့်အရွယ် စစ်ရှောင်အရေးကူညီဆောင်ရွက်နေသူ အမျိုးသားတစ်ဦးက CJ Platform ကို ပြောပါတယ်။

ပြီးခဲ့တဲ့ နို၀င်ဘာ ၁၁ ရက်ကစလို့ လေးရက်ဆက် ပုလဲမြို့ပေါ် နဲ့ တဝိုက်မှာ ဗမအမျိုးသားတော်လှန်ရေးတပ်မတော်(BNRA)ပူးပေါင်းတပ်တွေက မြို့သိမ်းတိုက်ပွဲဆင်နွှဲခဲ့ပါတယ်။

အဲဒီနောက် မြို့ကိုခေတ္တထိန်းချုပ်နိုင်ခဲ့ပေမဲ့ နို၀င်ဘာ ၁၄ ရက်နေ့မှာ ကာကွယ်ရေးပူးပေါင်းတပ်တွေ ပြန်လည်ဆုတ်ခွာခဲ့ပြီးနောက် စစ်ကောင်စီတပ်က ပြန်လည်စိုးမိုးထားပါတယ်။

အဲဒီနေ့ကစပြီး စစ်ကောင်စီတပ်က ပုလဲမြို့ပေါ်က နေအိမ်တွေမီးရှို့ဖျက်ဆီးတာနဲ့ လက်နက်ကြီး/ငယ်တွေ ရမ်းသမ်းပစ်ခတ်တာတွေ နေ့စဥ်လုပ်ဆောင်နေတယ်လို့ သိရပါတယ်။

အဲဒီမှာ တိုက်ပွဲစတင်ချိန်ကစပြီး မြို့ခံတွေနဲ့ ကျေးရွာ ၂၀ ခန့်က ဒေသခံ နှစ်သောင်းခန့် ဘေးလွတ်ရာနေရာတွေကို ထွက်ပြေးတိမ်းရှောင်ခဲ့ရတာ ဒီကနေ့ နိုဝင်ဘာ ၂၁ ရက်နေ့အထိ ၁၁ ရက်ကြာမြင့်ပြီဖြစ်ပါတယ်။

စစ်ကောင်စီက လေးရက်တာတိုက်ပွဲအတွင်း လေကြောင်းကနေ အကြိမ် ၅၀ ထက်မနည်း တိုက်ခိုက်ခဲ့ပြီး စစ်ကောင်စီဘက်က သုံ့ပန်း ၂၅ ဦးနဲ့အတူ လက်နက်ခဲယမ်းအမြောက်အမြား ရရှိခဲ့တယ်လို့ BNRA က ထုတ်ပြန်ထားပါတယ်။

မင်းထက်

ဓာတ်ပုံ - ပေးပို့

ပုံစာ - ပြီးခဲ့တဲ့ နို၀င်ဘာ ၁၉ ရက်နေ့မှာ စစ်ကောင်စီက ပုလဲမြို့တွင်း မီးရှို့ဖျက်ဆီးနေတာကို တွေ့မြင်ရစဥ်
Website တွင် ဖတ်ရှုရန် >>> https://cjplatform.com/21-11-2024-5/
****************************************
CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPLatform #စစ်ကိုင်းတိုင်း #ပုလဲမြို့ #စစ်ရှောင် #BNRA

341

CJ Platform

21 Nov, 08:32

ပုလဲမြို့တွင်းက လူမရှိတဲ့ နေအိမ်တွေကို စစ်ကောင်စီတပ် ပစ္စည်းတွေယူပြီး မီးတင်ရှို့နေ

309

CJ Platform

21 Nov, 07:44

ငါးနှစ်အကြာမှာ ရန်ကုန်၊ ရေကျော်ပွဲဈေး စစ်ကောင်စီပြန်လုပ်ဖို့ ပြင်ဆင်

CJ Platform

ရန်ကုန်မြို့၊ ပုဇွန်တောင်မြို့နယ်က ထင်ရှားတဲ့ ရေကျော်ပွဲဈေးကို ဒီနှစ် ၂၀၂၄၊ နိုဝင်ဘာလ ၂၂ ရက်ကနေစပြီး ပြန်လည်ကျင်းပဖို့ စစ်ကောင်စီက ပြင်ဆင်နေပါတယ်။

အဲဒီပွဲဈေးကို ကိုဗစ်-၁၉ ကပ်ရောဂါဖြစ်ပွားခဲ့တဲ့ ၂၀၂၀ ပြည့်နှစ်ကစလို့ အာဏာသိမ်းခဲ့ပြီးနောက် မကျင်းပဖြစ်ခဲ့တာပါ။

“မလုပ်တာဘဲ လေးနှစ်ကျော်နေပြီလေ။ မေ့မေ့ပျောက်ပျောက်တောင်ရှိနေပါပြီ။ အခုက နိုင်ငံရေးလည်းမငြိမ်တော့ ပွဲတော်လုပ်နေရင်း တစ်ခုခုဖြစ်မှာတော့ စိုးရိမ်တယ်" လို့ ရေကျော်လမ်းထဲနေထိုင်သူ အမျိုးသားတစ်ဦးက CJ Platform ကို ပြောပါတယ်။

ဒီနှစ်ပွဲတော်ကို နိုဝင်ဘာလ ၂၂ ရက်ကနေ ၂၅ ရက်နေ့အထိ သုံးရက်တာကျင်းပမှာဖြစ်ပြီး ဒီကနေ့မှာ ဈေးဆိုင်ခန်းတွေ ပြင်ဆင်နေတာကို တွေ့ရပါတယ်။

ကိုထက်

ဓာတ်ပုံ - ကိုထက်
Website တွင် ဖတ်ရှုရန် >>> https://cjplatform.com/21-11-2024-4/
****************************************
CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPlatform #ရန်ကုန်မြို့ #ပုဇွန်တောင်မြို့ #ရေကျော်ပွဲဈေး

359

CJ Platform

21 Nov, 07:44

ငါးနှစ်အကြာမှာ ရန်ကုန်၊ ရေကျော်ပွဲဈေး စစ်ကောင်စီပြန်လုပ်ဖို့ ပြင်ဆင်

321

CJ Platform

21 Nov, 06:31

ရခိုင်က ကလေးငယ်တွေ အာဟာရချို့တဲ့မှုနဲ့ နာမကျန်းဖြစ်မှု များပြား

CJ Platform

ရခိုင်ပြည်မှာ စစ်ကောင်စီထိန်းချုပ်ထားတဲ့ မြို့နယ်တွေနဲ့ အာရက္ခတပ်တော် (AA) ထိန်းချုပ်ထားတဲ့မြို့နယ်တွေက ကလေးငယ်အများစုဟာ ရခိုင်တိုက်ပွဲ တစ်နှစ်တာကာလအတွင်း အာဟာရချို့တဲ့မှုနဲ့ နာမကျန်းဖြစ်မှုတွေ ပိုမိုဖြစ်ပွားနေတယ်လို့ စုံစမ်းသိရှိရပါတယ်။

စားသောက်ကုန် စျေးအဆမတန်ကြီးမြင့်မှုနဲ့ အာဟာရပြည့်ဝအောင် မစားသောက်နိုင်မှုတွေကြောင့် ကလေးငယ်တွေမှာ အခုလို အာဟာရချို့တဲ့မှုတွေ ရှိနေတာလို့ ဆိုပါတယ်။

“စစ်ဘေးရှောင်တွေကလည်း အလုပ်မရှိ၊ ဝင်ငွေမရှိကြတဲ့ အခါကျ ကလေးအမေတွေ၊ ကလေးတွေက တကယ်ကို သနားစရာကောင်းတယ်။ ကောင်းကောင်း ဝယ်မစားနိုင်ကြဘူး။ ကလေးအမေတွေ နို့မထွက်တာတွေလည်း ကြားရတယ်” လို့ ပုဏ္ဏားကျွန်းမြို့နယ်က လူမှုရေးလှုပ်ရှားနေသူ အသက် ၃၂ နှစ်အရွယ် အမျိုးသားတစ်ဦးက CJ Platform ကို ပြောပါတယ်။

ဒါ့အပြင် စစ်ကောင်စီက လမ်းတွေ ပိတ်ဆို့ ဖြတ်တောက်ထားတာကြောင့် ကုန်ပစ္စည်းနဲ့ ဆေးဝါးပြတ်လပ်မှုတွေ ကြုံတွေ့နေရပြီး ကလေးငယ်တွေအတွက် ဆေးဝါးဝယ်ယူရာမှာလည်း အခက်အခဲတွေ ရှိတယ်လို့ စုံစမ်းသိရှိရပါတယ်။

“ဆောင်းရာသီရောက်လာတော့ ဖျားနာတာ ပိုဖြစ်ကြတယ်။ ဆေးတွေကလည်း စျေးကြီးတာအပြင်ကိုမှ တော်ရုံဆေး ရှာမရဘူး။ တချို့ဆို စျေးကြီးလွန်းလို့ ဆေးလည်း ဝယ်မတိုက်နိုင်ကြဘူး” လို့ မြောက်ဦးမြို့မှာ နေထိုင်တဲ့ အသက် ၃၀ ကျော် ကလေးမိခင်တစ်ဦးက ပြောပါတယ်။

ဒါ့အပြင် အသက် ၂ နှစ်အောက် ကလေးငယ်တွေမှာ ဝက်သက်ကာကွယ်ဆေး၊ ဝမ်းပျက်ဝမ်းလျှော၊ ဂျပန်ဦးနှောက်ရောင် ကာကွယ်ဆေးနဲ့ အခြားကာကွယ်ဆေး အမျိုးအစားတွေကို ထိုးပေးဖို့ လိုအပ်နေတယ်လို့လည်း သိရှိရပါတယ်။

“အခု ကလေးအများစု ကာကွယ်ဆေးမထိုးနိုင်ဘူး။ ဆေးဝါးလည်း မလုံလောက်တာတွေရှိတယ်။ အေအေ အနေနဲ့လည်း လုံလုံလောက်လောက် မလုပ်ပေးနိုင်သေးတဲ့ အပိုင်းတွေလည်း ရှိတာပေါ့လေ”လို့ စစ်တွေမြို့ကနေ ကျောက်တော်မြို့ကို စစ်ဘေးရှောင်လာတဲ့ အသက် ၂၉ နှစ်အရွယ် သူနာပြုတစ်ဦးက ပြောပါတယ်။

လက်ရှိမှာ ရခိုင်ပြည်အတွင်း စစ်ကောင်စီက လမ်းတွေအားလုံးကို ပိတ်ဆို့ဖြတ်တောက်ထားပြီး လက်နက်ကြီးနဲ့ လေကြောင်း တိုက်ခိုက်မှုတွေ ပြုလုပ်နေလို့ ကလေးငယ်တွေဟာ ကိုယ်ကျန်းမာရေးအပြင် စိတ်ကျန်းမာရေးလည်း ထိခိုက်နေရတယ်လို့ ဆိုပါတယ်။

ယမန်နေ့ နိုဝင်ဘာလ ၂၀ ရက်နေ့ဟာ ကလေးများနေ့ဖြစ်ပေမဲ့ မြန်မာနိုင်ငံမှာရှိတဲ့ ကလေးတွေကတော့ စစ်ဘေးတွေ၊ သဘာဝဘေးတွေကြောင့် ကျန်းမာရေး၊ ပညာရေးနဲ့ ကလေးသူငယ်အခွင့်အရေးတွေ ဆုံးရှုံးနေရပါတယ်။

ကုလသမဂ္ဂအပြည်ပြည်ဆိုင်ရာ ကလေးများ ရန်ပုံငွေအဖွဲ့ (UNICEF) ရဲ့ ထုတ်ပြန်ချက်အရ စစ်ပွဲနဲ့ သဘာဝဘေးအန္တရာယ်ကြောင့် မြန်မာကလေးငယ် ခြောက်သန်းဟာ လူသားချင်း စာနာထောက်ထားမှုဆိုင်ရာ အကူအညီတွေ လိုအပ်နေတယ်လို့ သိရပါတယ်။

သုတ

ဓာတ်ပုံ - UNICEF

ပုံစာ - ကမ္ဘာ့ကလေးများနေ့အတွက် UNICEF က နာဂတ်ကို ကလေးတွေ ဦးဆောင်နေကြောင်း ထုတ်ပြန်ထားပုံ
Website တွင် ဖတ်ရှုရန် >>> https://cjplatform.com/21-11-2024-3/
****************************************
CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPlatform #ရခိုင် #စားသောက်ကုန် #အာဟာရချို့တဲ့ #ကလေးသူငယ်

364