FERMERGA MADAD

250 та қўйни бир киши ўзи ўғрилаб ҳайдаб кетиши мумкинми?

Бир одам 10 та қўйни ҳайдаб кетолмайдию.

Мана бу видеодаги одамларнинг айтишича, тоғлиқ ҳудудидан 250 та қўйни ўғрилашда фақат бир киши айбланиб судга чиқарилибди. Бошқа ўғрилар сувдан қуруқ чиқиб кетяпти экан.

Э, қойиле! Терговчида ҳам юрак катта экан лекин.

Президент аҳолимиз сони кўпайиб бораётган ҳозирги шароитда озиқ-овқат хавфсизлигини таъминлаш энг долзарб вазифа бўлиб қолишини таъкидлади.

Бу борада қишлоқ хўжалигининг барча тармоқлари, аввало, мева-сабзавотчиликни интенсив ривожлантириш, янги уруғ навларини яратиб, импортни 50 фоизга қисқартириш бўйича дастурлар бор.

Ҳукумат бу дастурлар ижросини таъминлаб, қишлоқ хўжалигида ишлаб чиқаришни 1,3 баробар ошириш, ҳар гектар ердан олинадиган ўртача даромадни 5 минг долларга етказиш, соҳада экспорт ҳажми 10 миллиард доллардан иборат бўлиши, сув тежайдиган технологиялар билан қамраб олинган ер майдонларини 2 карра ошириш бўйича ишни самарали ташкил этиши зарур.

Янги йилда сув тежайдиган технологияларни жорий қилишга 5 триллион сўм, каналларни бетонлашга 800 миллиард сўм йўналтирилади.

Ipakchilik sohasiga soliq imtiyozlari berildi

Soliq kodeksining 483-moddasiga qo‘shimchalar kiritildi.
👉 OʻRQ-1001-son, 15.11.2024 y.

Pillachilikni yanada rivojlantirish, xususan, mahsulot ishlab chiqarish va eksport hajmlarini oshirish, aholi bandligini taʻminlash va daromadlarini koʻpaytirish maqsadida

2023-yil 1-yanvardan 2026-yil 1-yanvargacha:

▫️jismoniy shaxslarning uy sharoitida tirik pilla yetishtirishdan (kasanachilik) olingan daromadlari jismoniy shaxslardan olinadigan daromad soligʻidan ozod qilinadi;

▫️ pilla yetishtiruvchi yuridik shaxslarning uy sharoitida tirik pilla yetishtiruvchi kasanachilar mehnatiga haq toʻlashga yoʻnaltiriladigan mablagʻlari ijtimoiy soliq toʻlashdan ozod etildi. Bunda boʻshagan mablagʻlar kasanachilarni moddiy ragʻbatlantirishga yoʻnaltirishi shart hisoblanadi;

▫️pilla yetishtirish sohasida ozuqa bazasi sifatida foydalaniladigan tutzorlar bilan band boʻlgan yer uchastkalari uchun yer soligʻi xalq deputatlari tuman (shahar) Kengashlari tomonidan belgilangan soliq stavkalariga nisbatan 0,1 koeffitsienti qoʻllanilgan holda hisoblanadi.

Maʻlumot uchun. Ilgari jismoniy shaxslarning uy sharoitida tirik pilla yetishtirish (kasanachilik)dan olgan daromadlaridan jismoniy shaxslardan olinadigan daromad soligʻi, yuridik shaxslarning esa kasanachilik bilan shugʻullanuvchilarning mehnatiga haq toʻlash xarajatlaridan ijtimoiy soliq toʻlangan.

Саволингизни: @yuristgamurojaat гa қолдиринг

👉 @fermerga_madad

Ер низоларида қизиқ бир масала бор.

2021 йилга қадар туман ҳокимларида фуқаро ва тадбиркорларга ер участкаларни ажратиш ваколати бўлган вақтда турли тадбиркорлар ва фуқароларга маҳаллий ҳокимлар томонидан ОБОДОНЛАШТИРИШ мақсадида ер участкалари ҳоким қарори берилган.

Тадбиркорлар ва фуқаролар ҳокимнинг мазкур қарорига асосан ҳудудларда мазкур ерларни ободонлаштириб кичик тадбиркорлик субъектлари ташкил қилишган ва улар ҳозирда фаолият олиб бормоқда. Бироқ масаланинг қизиқ жиҳати шундаки, улар бу ерларни ва ерда қурилган мулкларни давлат рўйхатидан ўтказишда жиддий муаммоларга дуч келмоқда.

Чунки, Ер кодексида ерларни ОБОДОНЛАШТИРИШ мақсадида берилиши назарда тутилмаган, бу ҳокимларнинг ўзи томонидан тўқиб чиқарилган шакл ҳисобланади.

Вазиятда тадбиркор кадастрда ерни ва мулкни давлат рўйхатидан ўтказишни сўраб мурожаат қилади. Бироқ, кадастр рад жавобини беради. Тадбиркор сарсон... Бундай низолар айниқса Тошкент шаҳрида талайгина.

Бино-иншоот 2018 йилгача қурган бўлсаю умид бўлади янги қонун билан расмийлаштиришдан, агар ундан кейин қурилган бўлса, бино-иншоотни бузишга тўғри келади. Сабаби ҳокимларнинг бундай нотўғри чиқарган ҳужжати билан берилган ерни расмийлаштиришнинг қонуний ечими мавжуд эмас.

Саволингизни: @yuristgamurojaat гa қолдиринг

👉 @yuristlar_maslahati 👈

Ўзбекистон Республикаси Cолиқ кодексининг 483-моддасига ипакчилик тармоғини янада ривожлантиришга қаратилган қўшимча киритиш тўғрисида
Ўзбекистон Республикасининг Қонуни, 16.11.2024 йилдаги ЎРҚ-1001-сон

#Янги_ҳужжат

Саволингизни: @yuristgamurojaat гa қолдиринг

👉 @yuristlar_maslahati 👈

Кўчмас мулк объектига кадастр йиғмажилдини тайёрлаш ва кадастр паспортини расмийлаштиришни рад этиш учун қуйидагилар асос бўлади:

👉 туман (шаҳар) филиалида ушбу кўчмас мулк объектининг мансублиги масаласида низолар борлигидан далолат берувчи суд ҳужжатларининг мавжудлиги;
👉 ваколатли орган томонидан кўчмас мулк объектига тақиқ ёки хатлов қўйилганлиги;
👉 тақдим этилган ҳужжатларда нотўғри, қарама-қарши ёки бузилган маълумотлар аниқланиши;
👉 туман (шаҳар) филиалида ушбу ер участкаси қонунчилик ҳужжатларида белгиланган тартибда олиб қўйилганлиги ҳақидаги маълумотларнинг мавжудлиги;
👉 ер участкасига бўлган ҳуқуқларнинг қонунчилик ҳужжатларида назарда тутилган ҳолларда ва тартибда бекор қилинганлиги;
👉 ариза берувчи давлат хизматидан фойдаланишдан бош тортганлиги;
👉кўчмас мулк объектида ўлчов ишларини олиб борилишига, шу жумладан, кўчмас мулк объектига кириш имкони йўқлиги (фойдаланиб келаётган шахслар томонидан бино ва иншоотга, ер участкасига киришга қаршилик қилиш).

Республикаси Вазирлар Маҳкамасининг қарори, 22.06.2021 йилдаги 389-сонли қарори

Саволингизни: @yuristgamurojaat гa қолдиринг

👉 @fermerga_madad

Бош прокуратурага! Давлатнинг миллиардлаб маблағлари ўмарилаётган бўлиши мумкин.

Республикадаги банкрот деб топилган барча кластерларнинг банкрот деб топилганлиги масаласини ўрганиб чиқиш лозим. Бугун бир обуначимиз дон кластери ҳақида мурожаат қилмоқда. Унинг айтишича, “SHIMBAY DAN CLASTER" 2024 йилнинг сентябрь ойида суд томонидан тўловга қобилиятсиз деб топилган.

Обуначининг айтишича, мазкур кластернинг 100 га яқин фермер олдида қарздорлиги бор. Бизга алоқага чиққан фермернинг олдида 300 млн қарздорлик. Солиқдан 600 млн (шу сабабли банкрот деб топилган) 8 млрд банкдан кредитлари ҳам бўлган.

Қандай қилиб шунчалик осон даражада банкрот деб топилиши мумкин шунча маҳсулотни олган ва қарздорлиги бўлган кластер. Бундай кластерлар Республикада талайгина топилади ва буларнинг устидан жиддий текширув ўтказилиши лозим.

Давлатни ҳам, шартнома тузган фермерларни ҳам қақшатган.

Саволингизни: @yuristgamurojaat гa қолдиринг

👉 @yuristlar_maslahati 👈

Ер ижараси билан боғлиқ низоларда фойдаланиладиган энг муҳим хужжатлар!

👉 Ер кодекси,
👉 «Фермер хўжалиги тўғрисида»ги қонун
👉 «Деҳқон хўжалиги тўғрисида»ги қонун
👉 «Қишлоқ хўжалик кооперативи (ширкат хўжалиги) тўғрисида»ги қонун
👉 «Экологик назорат тўғрисида»ги қонун
👉 Ўзбекистон Республикаси Президентининг «Қишлоқ хўжалигида ислоҳотларни чуқурлаштиришнинг энг муҳим йўналишлари тўғрисида» 2003 йил 24 мартдаги ПФ-3226-сонли фармон
👉 «Қишлоқ хўжалиги ер ва сув ресурсларидан самарали фойдаланиш бўйича чора-тадбирлари тўғрисида» 2019 йил 17 июндаги ПФ-5742-сонли фармони
👉 «Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида» 2020 йил 7 сентябрдаги ПФ-6061-сонли фармони
👉 «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида» 2021 йил 8 июндаги ПФ-6243-сонли фармонлари фармони
👉 Ўзбекистон Республикаси Президентининг «Қишлоқ хўжалигига мўлжалланган ерлардан фойдаланиш ва муҳофаза қилиш тизимини такомиллаштиришга доир қўшимча чора-тадбирлар тўғрисида» 2021 йил 24 февралдаги ПҚ-5006-сонли қарори
👉 Ўзбекистон Республикаси Вазирлар Маҳкамасининг «Қишлоқ хўжалик корхоналарини фермер хўжаликларига айлантириш чора-тадбирлари тўғрисида» 2002 йил 5 январдаги 8-сонли қарори
👉 «Қишлоқ хўжалиги ишлаб чиқаришида шартномавий муносабатларни такомиллаштириш ва мажбуриятлар бажарилиши учун томонларнинг жавобгарлигини ошириш чора-тадбирлари тўғрисида» 2003 йил 4 сентябрдаги 383-сонли қарори
👉 «Қишлоқ хўжалигида ижара муносабатларини янада ривожлантириш чора-тадбирлари тўғрисида» 2003 йил 5 ноябрдаги 486-сонли қарори
👉 «Фермер хўжалиги ер майдонини мақбуллаштириш ва уни тугатиш тартиби тўғрисидаги низомни тасдиқлаш ҳақида» 2013 йил 31 январдаги 22-сонли қарори

Саволингизни: @yuristgamurojaat гa қолдиринг

👉 @yuristlar_maslahati 👈

Яккасарой туманидаги 6 сотих ер кўп қаватли турар жой қуриш учун қарийб 54,5 млрд сўмга сотилибди. Харидор Geoekostart МЧЖ.

Қишлоқ хўжалиги кооперативи аъзолари камида етти нафар жисмоний ва (ёки) юридик шахслардан иборат бўлиши керак

Қишлоқ хўжалиги кооперативиларни ташкил қилиш бўйича бирнечна шартноар қўйилган.

👉 Кооператив фаолиятининг асосий тури кишлок хўжалиги соҳасида хизматлар кўрсатишдан иборат. Кооператив кишлоқ хўжалиги соҳасида хизматлар кўрсатиш билан бир қаторда кишлоқ хўжалиги маҳсулотларини етиштириш, сақлаш, кайта ишлаш ва реализация қилиш, шунингдек қонунда тақиқланмаган бошқа фаолият турлари билан шуғулланиш ҳуқуқига эга.

👉 Кооператив камида етти нафар жисмоний ва (ёки) юридик шахслардан иборат таркибда ташкил этилиши мумкин.

👉 Қўшма кооператив камида учта кооперативдан иборат таркибда ташкил этилиши мумкин.

👉 Кооператив ташкил этиш истагини билдирган жисмоний ва (ёки) юридик шахслар таъсис кўмитасини тузади.

Таъсис кўмитасининг вазифалари жумласига қуйидагилар киради:

👉 кооператив уставининг лойиҳасини тайёрлаш;
👉 ташкил этиладиган кооператив муассисларининг таъсис йиғилишини тайёрлаш ва ўтказиш.

Кооператив муассисларининг таъсис йиғилиши:
👉 кооперативни ташкил этиш тўғрисида қарор кабул килади;
👉 кооператив уставини тасдиклайди;
👉 кооператив устави тасдикланган ҳужжатга ўз исми, фамилияси ва манзилларини кўрсатган ҳолда, юридик шахсларга нисбатан эса ўз вакилларининг ваколатларини тасдиқлайдиган ҳужжатни кўрсатган
ҳолда имзо қўйган таъсис йиғилиши иштирокчиларини кооператив аъзолигига кабул килиш тўғрисида карор кабул килади;
👉 кооперативнинг бошқарув органларини, шу жумладан кооператив бошқарувини, кооператив бошкаруви раисини ва кооперативнинг кузатув кенгаши аъзоларини сайлайди.

Кооперативга аъзо бўлиш қандай?
Кооперативга аъзо бўлиб кириш истагини билдирган жисмоний ва юридик шахслар кооиерагив давлат рўйхатидан ўтказилганидан кейин кооператив аъзолигига кабул қилиш тўғрисида кооператив бошқарувига ариза беради. Кооператив бошқарувининг кооператив аъзолигига қабул қилиш тўғрисидаги қарори кооператив аъзоларининг умумий йиғилиши томонидан тасдиқланиши лозим.

Саволингизни: @yuristgamurojaat гa қолдиринг

👉 @fermerga_madad

Фермерлар томонидан кўпдан кутилган "Қишлоқ хўжалиги кооперативи тўғрисида"ги қонун қабул қилинди.

Нима сабадан бу қонун интиқлик билан кутилди. Бундан бир неча йиллар олдин фермерлар ўзлари етиштирган пахтани қайта ишлаш мақсадида бирлашадилар ва бу бирлашмани кооперация деб номлаб давлат рўйхатидан ўтказишади. Бу жараён ҳудудларда яхшигина иш беради. Юзлаб фермерлар ўз маҳсулотларини қайта ишламоқчи бўлиб ҳудудларда кооперацияларга бирлашишади. Бироқ уларнинг фаолиятига хирмонда пахта тайёр бўлгандан сўнг аралашишлар бошланади.

Ҳатто Фарғонада кооперативга аъзо бўлган фермерларни "олиб кириб" ҳам қўйишади. Бундай ҳолат Хоразимда ҳам кузатилади. Кооперативга аъзо бўлган фермерларни яна мажбурлаб кластерлар билан шартнома қилдиришади.

Бу каби низолар тўхтамагандан сўнг мазкур соҳада алоҳида қонун қабул қилиш зарурати пайдо бўлди ва қонун кеча қабул қилинди. Эди кооперативлар ўз фаолиятларининг ҳуқуқий асосларига бемалол кооперативларга бирлашиш ва ишлаш мумкин.

Бутун республика фермерлари номидан Президентга мурожаатнома.

Республикамизнинг фаол фермерлари қишлоқ хўжалик сохасини ривожлантиришга қаратилган таклиф ва тавсиялари билан Президентга мурожаати

Қишлоқ хўжалиги кооперативлари тўғрисидаги Қонун Президент томонидан имзоланиб, расман эълон қилинди.

#Янги_ҳужжат

Саволингизни: @yuristgamurojaat гa қолдиринг

👉 @yuristlar_maslahati 👈

Ер ости сувларининг бугунги кундаги ҳолати

https://www.youtube.com/watch?v=J9Pl5Q_q0a4

Кадастр агентлигига савол.

Ўзбошимчалик билан эгаллаб олинган ер ва ундаги кўчмас мулкка мулк ҳуқуқини эътироф этиш жадвали биринчи кун очилганда маҳалланинг хатловдан ўтказиш бошланиш ва тугатиш жадвали кўрсатилганди. Бугунги жадвалда фақат бошланиш вақти турибди тугаш жадвали ўчирилган.

Бирқанча саволлар бор. Масалан, жадвалга кўра Қорақалпоғистон Республикаси Амударё тумани Гулзор МФЙда 08.11.2024 йилда хатлов бошланиши режалаштирилган, бироқ бу маҳалладаги қайси бино иншоотлар ва ер участкалари ҳақида ҳам маълумот бериладими ёки фақатгина маҳаллаларни кўриш мумкинми?

Бу савол қаердан келиб чиқди? Қонуннинг 17-моддасида автоматлаштирилган ахборот тизимида тўлиқ шакллантирилган электрон йиғма жилд маълумотлари тегишли фуқаролар ўзини ўзи бошқариш органлари биноларининг эълонлар бурчакларида, Кадастр агентлигининг расмий веб-сайтида ҳамда бошқа ахборот манбаларида жамоатчиликка эълон қилинади дейилган.

Манфаатдор жисмоний ва юридик шахслар ўзбошимчалик билан эгаллаб олинган ер участкасига ҳамда унда қурилган бинолар ва иншоотларга тааллуқли маълумотлар ва ҳужжатлар бўйича эътирозлари мавжуд бўлган тақдирда, электрон йиғмажилддаги маълумотлар жамоатчиликка эълон қилинган кундан эътиборан бир ой ичида улар бўйича ваколатли ташкилотларга шикоят қилиши мумкинлиги белгиланган.

Маҳаллалар эълон қилинди, бироқ ҳали ахборот тизимида тўлиқ шакллантирилган электрон йиғма жилд маълумотлари маҳаллалар кесимида қачон эълон қилиниши ҳақида ҳеч қаерда маълумот берилмади?

Демак, бугун Қорақалпоғистон Республикаси Амударё тумани Гулзор МФЙда ҳаитлов бошланди. Бу ерда истиқомат қилувчи Эшматов Тошмат қаердан ва қачон автоматлаштирилган ахборот тизимида тўлиқ шакллантирилган электрон йиғма жилд маълумотларини олиш имконига эга бўлади? Ушбу маҳаллада ҳатлов ишлари қачон тугаши ҳақида қаердан маълумотлар олиш мумкин?

Саволингизни: @yuristgamurojaat ga қолдиринг

👉 @yuristlar_maslahati 👈

Тошкент, Андижон, Сурхондарё ва Хоразм вилоятларида ер майдонларини ноқонуний сотиш ҳолатлари аниқланди

Давлат хавфсизлик хизматининг Тошкент вилояти бўйича бошқармаси ходимлари томонидан ўтказилган тезкор тадбирда, Чиноз туманида фаолият юритувчи адвокатлик бюроси адвокати ва унинг опаси ўзаро тил бириктириб, ҳозирда жазо муддатини ўтаётган маҳкумга тегишли фермер хўжаликка балиқчилик билан шуғулланиш учун 2016 йилда Чиноз тумани ҳокимининг қарорига мувофиқ 49 йил муддатга ижарага берилган 9,72 гектар ер майдонини сохта ҳужжатлар асосида давлат идораларидаги танишлари орқали харидор номига расмийлаштириб бериш эвазига 35 минг АҚШ доллари олган вақтларида ушланди.

Навбатдаги ҳолатда, Андижон шаҳридаги улгуржи савдо фаолияти билан шуғулланувчи масъулияти чекланган жамиятнинг муқаддам бир неча маротаба судланган раҳбари 1985 й.т., якка тартибдаги тадбиркор билан тил бириктириб, ўзига Асака тумани ҳокимининг 2020 йилдаги қарорига асосан иссиқхона иншоотлари қуриш мақсадида ажратилган 1 гектар ер майдонининг тоифасини мансабдор танишлари орқали ўзгартириб, у ерда 30 та коттеж типидаги уй-жойлар қуриш учун тегишли ҳужжатларни расмийлаштириб бериш эвазига харидордан 230 минг АҚШ доллари талаб қилишади. Давлат хавфсизлик хизматининг Андижон вилояти бўйича бошқармаси ходимлари томонидан ўтказилган тезкор тадбирда, улар сўралган пул маблағидан 30 минг АҚШ долларини олдиндан олган вақтларида ушланди.

Давлат хавфсизлик хизматининг Сурхондарё вилояти бўйича бошқармаси ходимлари ўтказган тезкор тадбирда, Жарқўрғон туманидаги чорвачиликка ихтисослашган фермер хўжалик раҳбари 2015 йилда туман ҳокимининг қарори билан чорвачилик ва қишлоқ хўжалиги махсулотлари етиштириш мақсадида 49 йил муддатга ижарага берилган ер майдонининг 11 гектар қисмини кадастр идораларидаги танишлари орқали харидор номига расмийлаштириб бериш эвазига 430 млн. сўм талаб қилиб, олдиндан 23.600 АҚШ доллари ва 100 млн. сўм олган вақтида ашёвий далиллар билан ушланди.

Давлат хавфсизлик хизматининг Хоразм вилояти бўйича бошқармаси ходимлари ўтказган тезкор тадбирда эса Урганч шаҳрида яшовчи, 1969 ва 1980 йилларда туғилган 2 нафар фуқаро, Урганч тумани ҳокимлиги захирасидаги 5 сотих ер майдонини мансабдор танишлари орқали, маиший хизмат кўрсатиш шохобчаси қурмоқчи бўлган тадбиркор номига расмийлаштириб бериш эвазига 350 млн. сўм талаб қилишиб, олдиндан 300 млн. сўм олган вақтларида ушланди.

Ҳозирда мазкур шахсларга нисбатан жиноят ишлари қўзғатилиб, тергов ҳаракатлари олиб борилмоқда.

👉 @fermerga_madad