Klaster.uz @klasteruzb Channel on Telegram

Klaster.uz

@klasteruzb

Мамлакатимизда фаолият юритаётган пахта-тўқимачилик кластерлари фаолияти ҳақида маълумот берувчи канал. Мурожаат учун: @Sir_Hoji

Klaster.uz (Uzbek)

Klaster.uz kanali, mamlakatimizda faoliyat yuritayotgan paxta-to'qimachilik klasterlari faoliyati haqida ma'lumot beruvchi Telegram kanalidir. Bu kanal orqali, paxta-to'qimachilik sohasida faollik ko'rsatayotgan tashkilotlar va shaxslar uchun foydali ma'lumotlar, yangiliklar va ko'rgazmalar taqdim etiladi. Klaster.uz kanali foydali ma'lumotlar bilan to'ldirilgan bo'lib, paxta-to'qimachilik sohasida faollik ko'rsatuvchi shaxslar uchun mos ravishda qo'llanilishi mumkin. Agar siz ham bu sohada faol bo'lish, yangiliklardan xabardor bo'lishni istasangiz, ushbu kanalga a'zo bo'ling va yangiliklardan va ma'lumotlardan foydalaning! Murojaat uchun: @Sir_Hoji

Klaster.uz

14 Feb, 12:35

“Global Textile” Тошкент вилоятининг уч туманида иш бошлади

“Global Textile” компанияси Тошкент вилоятидаги пахта-тўқимачилик йўналишидаги фаолиятини кенгайтирмоқда. Дастлаб вилоятнинг Оққўрғон туманида, эндиликда Чиноз ва Бўка туманларида кластер ташкил этган ҳолда, иш бошлаяпти.

Компаниядан маълум қилишича, ушбу ҳудудларда тўқимачилик кластерини янада ривожлантириш мақсадида жойларда пахтакор ва пудратчилар, ишчи ва сувчилар билан учрашувлар ташкил этилди. Шунингдек, ҳокимлик ва маҳаллий фаоллар билан асосий масалалар муҳокама қилинди.

“Биргаликдаги саъй-ҳаракатлар билан пахтачиликка замонавий агротехник ечимларни жорий этамиз, ишлаб чиқариш самарадорлигини ошириб, янги иш ўринлари яратамиз”, дейди “Global Textile” компанияси вакили.

Бизни кузатиб боринг:👇
https://t.me/klasteruzb
804
Klaster.uz

13 Feb, 06:12

12 минг тоннадан ортиқ тикув иплари ишлаб чиқарилди

Статистика агентлиги маълумотларига кўра, 2024 йилнинг январь-декабрь ойларида мамлакатимиз йирик корхоналари, шу жумладан, кластер фабрикалари томонидан 12 039,7 тонна пахтадан йигирилган тикув иплари ишлаб чиқарилган. Бу кўрсаткич 2023 йилнинг мос давридагига нисбатан 20,3 фоиз ўсган.

Эслатиб зтамиз, пахтадан йигирилган тикув иплари ишлаб чиқариш ҳажми 2022 йилда 1 857 тоннани, 2023 йилда эса 10 004,1 тоннани ташкил қилган эди.

Бизни кузатиб боринг:👇
https://t.me/klasteruzb
1,298
Klaster.uz

13 Feb, 04:35

Булоқбоши туманидаги “Fayz-M” пахта-тўқимачилик кластерларида ишсиз фуқаролар бандлигини таъминлаш бўйича Уйчи тажрибаси асосида бўш иш ўринлари меҳнат ярмаркаси бўлиб ўтди.

Бизни кузатиб боринг:👇
https://t.me/klasteruzb
880
Klaster.uz

12 Feb, 06:25

Покистон бозорига кириш учун муҳим платформа

Покистоннинг Лаҳор шаҳрида “Made in Uzbekistan” миллий маҳсулотлар кўргазмаси бўлиб ўтмоқда.

Унда мамлакатимиз иқтисодиёт тармоқлари корхоналари юқори сифатли маҳсулотлари иштирок этмоқда. Жумладан, тўқимачилик саноатининг 30 дан ортиқ йирик корхоналари томонидан ишлаб чиқарилган кийим-кечаклар, мато ва бошқа ярим тайёр маҳсулотлар намойиш қилиняпти. Улар орасидан “Global textile” ва “Bunyodkor textile” сингари пахта-тўқимачилик кластерларининг рақобатдош маҳсулотлари ҳам ўрин олган.

Айтиш жоизки, “Made in Uzbekistan” кўргазмаси тўқимачилик маҳсулотларини Покистон бозорига олиб киришда муҳим платформа вазифани ўтамоқда. Негаки, унинг доирасида “B2B” вa “G2B” форматида музокаралар ташкил этилиб, ҳамкорлик алоқаларини ўрнатиш, қўшма лойиҳаларни амалга ошириш борасида амалий келишувларга эришиляпти.

Бизни кузатиб боринг:👇
https://t.me/klasteruzb
1,339
Klaster.uz

12 Feb, 04:36

Хитой ғўза навлари майдонлари кенгайтирилади

Жорий мавсумда Қашқадарё вилоятида пахта ҳосилдорлигини ошириш мақсадида хитой ғўза навлари майдонлари кенгайтирилиши кутилмоқда.

Вилоят ҳокими Муротжон Азимов Хитойнинг тўқимачилик саноати соҳасида йирик компаниялардан бири ҳисобланган “Синьцян Лихуя Груп” компанияси вакиллари билан учрашувда ушбу йўналишдаги масалалар муҳокама қилинди.

Томонлар юқори навли пахта етиштириш, жумладан, генетик модификацияланган навлардан фойдаланишга жиддий эътибор қаратишга келишиб олган.

Бизни кузатиб боринг:👇
https://t.me/klasteruzb
1,138
Klaster.uz

11 Feb, 04:19

Агрономлар Хитойда малака ошириб келади

Жорий йилда Наманган вилоятида 2025 йил ҳосили учун 48,9 минг гектар майдонга чигит қадалади. Шундан 21 минг гектари 76х10 схемада Хитой технологияси асосида экилади.

Наманган вилояти ҳокими Шавкатжон Абдураззоқов Хитойнинг уруғчиликка ихтисослашган “Jin Feng Yuan” компанияси бош директори Жанг Йин Бао бошчилигидаги делегация билан учрашувда ушбу инновацион усулнинг аҳамияти билан қизиқиб, хорижлик ҳамкорларнинг бу борадаги таклифлари билан танишди.

Учрашувда ҳамкорлар уруғлик чигитни етказиб беришдан тортиб, агротехника тадбирларини ўтказишда яқиндан ёрдам бериш, маҳаллий агрономлар Хитойда малака ошириб келишини ташкиллаштириб беришга тайёр эканлигини билдирдилар.

Шунингдек, янги технологияни жорий қилишда зарур бўладиган сув тежовчи технологиялар ва плёнкалар Наманганда ишлаб чиқарилиши белгилаб олинди.

Бизни кузатиб боринг:👇
https://t.me/klasteruzb
1,319
Klaster.uz

10 Feb, 07:43

“Haj Textile” — блогер нигоҳида

Бухородаги “Haj Textile” пахта-тўқимачилик кластерига таниқли тўқимачилик блогери Эдуардо Педернейра ташриф буюриб, видеоконтент тайёрлабди. Унда айтилишича, мазкур кластер мамлакатда халқаро стандартларни жорий этишда етакчилардан бири ҳисобланади.

“Haj Textile” пахта толасини чуқур қайта ишлашнинг барча саноат занжирини яратган ноёб саноат мажмуасидир. Яъни ип йигиришдан тортиб, тайёр тикувчилик маҳсулотлари ишлаб чиқаришгача бўлган барча жараён бир жойда бажарилади. Бунинг учун кластер замонавий технологик дастгоҳ ва линиялар билан жиҳозланган ўзига хос саноат зонасини яратган.

Бизни кузатиб боринг:👇
https://t.me/klasteruzb
1,205
Klaster.uz

07 Feb, 04:57

Тожикистон делегацияси кластер корхонаси билан танишди

Тожикистон Республикаси Сўғд вилояти делегацияси Наманган вилоятига ташрифи доирасида Тўрақўрғон туманидаги “Ифтихор Кийим Саноати” пахта-тўқимачилик кластери корхонасида бўлдилар. Меҳмонлар кластер фаолияти билан яқиндан танишиб, ишлаб чиқарилаётган бренд маҳсулотларни кўздан кечирдилар.

“Ифтихор Кийим Саноати” кластери томонидан 17 гектар майдонни эгаллаган, лойиҳа қиймати 200 миллион еврога тенг бўлган йирик ишлаб чиқариш лойиҳаси амалга ошириляпти. Бу ерда пахта хом ашёси чуқур қайта ишланиб, калава ип, тўқувчилик, бўяш, тикувчилик ва деним-нонденим маҳсулотлар тайёрлаш йўлга қўйилади.

Сўғд вилояти раиси Ражаббой Аҳмадзода бошчилигидаги меҳмонлар юртимизда тадбиркорликни ривожлантириш бўйича амалга оширилган ишларни юқори баҳоладилар. Айниқса, кластер фаолияти уларда катта таассурот қолдирганини мамнуният билан изҳор қилдилар.

Бизни кузатиб боринг:👇
https://t.me/klasteruzb
2,354
Klaster.uz

06 Feb, 09:47

“Global Textile” Малайзия компаниялари билан ҳамкорлик қилади

Президент Шавкат Мирзиёевнинг Малайзияга расмий ташрифи доирасида кеча икки мамлакат ишбилармон доираларининг бизнес форуми бўлиб ўтди. Унда пахта-тўқимачилик кластерлари ҳам иштирок этиб, ҳамкорлик алоқаларини йўлга қўйиш бўйича тенг манфаатли келишувларга эришилди.

Ушбу тадбир доирасида “Global Textile” бош директори Музаффар Разаков Малайзиянинг икки йирик компанияси билан ҳамкорлик тўғрисида меморандум имзолади. Ушбу келишув қуёш панелларини ўрнатиш, целлюлоза ва биоўғитлар ишлаб чиқариш бўйича қўшма лойиҳаларни амалга оширишни назарда тутади.

Ушбу лойиҳалар илғор технологияларни жорий этиш ва барқарор ишлаб чиқаришни ривожлантириш учун янги имкониятлар эшигини очиб беради, албатта.

Бизни кузатиб боринг:👇
https://t.me/klasteruzb
1,693
Klaster.uz

06 Feb, 07:35

Янги мавсум учун 3180 тонна уруғлик чигит тайёрланмоқда

2025 йил пахта ҳосили учун Қорақалпоғистонда жами 3180 тонна маҳаллий навлардан уруғлик чигит тайёрлаш белгиланган. Бугунгача уруғлик чигитнинг 55 фоизи мавсумга тахт қилиб қўйилди. Бундан ташқари, 650 тонна хорижий ғўза навларини тайёрлаш кўзда тутилган бўлиб, айни пайтда ушбу уруғлик чигитлар ҳам қайта ишланмоқда.

Кластер ва фермерларни юқори сифатли уруғлик чигит билан таъминлашда Кегейли туманидаги “Xalqabad best seeds” кластерга қарашли уруғчилик корхонасининг ҳиссаси катта, албатта. Бу ерда тайёрланган уруғлик Қораўзак, Кегейли, Тахиатош, Шуманай ҳамда Чимбой туманларига етказиб берилади.

Айни пайтда ушбу корхонада пахтакорларга уруғлик чигитни ўз вақтида етказиш мақсадида ишлар жадаллаштирилган.

Бизни кузатиб боринг:👇
https://t.me/klasteruzb
1,866
Klaster.uz

06 Feb, 05:19

Кластернинг инновацион мажмуаси

Навбаҳор туманидаги “Қоражон” маҳалласида жойлашган “Навбаҳор томорқа хизмати кластери” томонидан ташкил этилган “Қизилқум барака парранда” корхонаси инновацион мажмуа ҳисобланади. Бу ерда инновацион усулда парранда парваришлаш йўлга қўйилган.

Мазкур корхонада бугунги кунда 83 мингта товуқ боқиляпти. Кунига шунча тухум олиниб, савдога чиқарилмоқда. Корхона тўлиқ қувватга чиқса, тухум етиштириш ҳажми каррасига ошиши кутилмоқда. Шунингдек, кўплаб янги иш ўринлари яратилиб, бу ерда меҳнат қилаётган сони 120 нафарга етказилади.

Бизни кузатиб боринг:👇
https://t.me/klasteruzb
851
Klaster.uz

05 Feb, 09:46

2,5 минг тонна уруғлик чигит тайёрланади

Ангор туманидаги “Surxondaryo best seeds” МЧЖ йилига 2,5 минг тонна уруғлик чигит тайёрлаш қувватига эга. Бу ерда тозаланган чигитларни дорилаш, саралаш, қайта ишлаш, тукли ва туксиз уруғлик чигит учувчанлиги, механик шикастланганлиги, оғирлиги, ўлчами ва намлиги бўйича доимий назорат ўрнатилган.

Айни пайтда корхонада иш қизғин. Агрокластерларга янги мавсум учун сифатли уруғлик чигит етказиб бериш учун бор имкониятлар ишга солинган. Натижада бугунгача маҳаллий “Бухоро-102” ғўза навига мансуб 1000 тоннадан ортиқ тукли чигитларга кимёвий ишлов бериб бўлинди.

Корхонани рақобатбардошлигини таъминлаш, уруғлик чигит тайёрлаш кўламини ошириш мақсадида амалиётга замонавий технологик услубларни қўллаш, ишни тўғри ва самарали ташкил этиш чора-тадбирлари кўрилмоқда.

Бизни кузатиб боринг:👇
https://t.me/klasteruzb
924
Klaster.uz

04 Feb, 10:08

Халқаро сертификат олган деҳқонларга солиқ имтиёзлари берилади

Фармонга кўра, ер участкаларини ажратиш ишлари 2025 йил 1 мартгача тўлиқ якунланади.

Янги тизим биринчи босқичда 2025 йил баҳорги экиш мавсумигача белгиланган ҳудудларда туман ҳокимликлари тасарруфида турган, 2025 йил ва ундан кейинги йиллар ҳосили учун пахта ва ғалла экинларини етиштириш назарда тутилмаган бўш турган ер участкаларида жорий этилади.

Янги тизим самарадорлигини мунтазам равишда таҳлил қилган ҳолда, заруратга кўра, уни 2025 йилги кузги экиш мавсуми ва ундан кейинги даврларда бошқа ҳудудларга ҳам татбиқ этиш бўйича таклиф киритиб борилади.

Қуйидагилар ташкил этилади:

🔹“Қишлоқ хўжалигида ер ислоҳотларини амалга ошириш лойиҳа офиси”;

🔹белгиланган ҳокимликлар ҳузурида “Ижарага берилган қишлоқ хўжалиги ерларига хизмат кўрсатиш дирекцияси” давлат корхоналари.

Органик маҳсулотлар етиштириш учун Global G.A.P, GMP, FSCC, HACCP, Halal, Organic ва бошқа халқаро даражада тан олинадиган сертификатларни олган деҳқон, фермер хўжаликлари ва қишлоқ хўжалиги корхоналарига ижарага берилган ер участкалари учун 2028 йил 1 январгача ер солиғи 50 фоиз миқдорида тўланади.

Бизни кузатиб боринг:👇
https://t.me/klasteruzb
1,912
Klaster.uz

04 Feb, 09:45

Қишлоқ хўжалигида янги тизим яратилади

Президент томонидан 2025 йил 3 февраль “Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида”ги Фармон имзоланди.

Фармонга кўра, қишлоқ хўжалигига мўлжалланган ер участкаларини ажратишда, тажриба-синов тариқасида, ижарага олувчиларнинг мустақиллиги ва юқори қўшилган қийматга эга экинлар етиштиришга асосланган янги тизим яратилади.

Янги тизим доирасида:

ер участкалари контурлар яхлитлиги ва суғориш тизимини бузмаган ҳолда 3 гектардан 50 гектаргача бўлган ўлчамларда “E-auksion”да савдоларга чиқарилади;

электрон онлайн аукцион савдоларида яшаш жойидан, ташкилий-ҳуқуқий шаклидан, бошқа ер участкаси бор ёки йўқлигидан қатъи назар, барча жисмоний ва юридик шахслар (резидентлар), шу жумладан, чет эл инвестициялари иштирокидаги корхоналар иштирок этиши мумкин.

Янги тизим доирасида электрон онлайн аукцион ғолиби – ижарага олувчи Ер кодексида белгиланган ҳуқуқлар ва мажбуриятлар билан бирга қуйидаги ҳуқуқларга эга бўлади, жумладан:

ер участкасидан 49 йил ижара ҳуқуқи асосида фойдаланиш;

қишлоқ хўжалиги экинларининг турлари, навлари ва ҳажмларини мустақил равишда белгилаш;

ер участкасини иккиламчи ижарага бериш;

дала четида 20 сотихдан кўп бўлмаган, қишлоқ хўжалигига хизмат кўрсатувчи объектларни жойлаштириш.

Бизни кузатиб боринг:👇
https://t.me/klasteruzb
2,979
Klaster.uz

03 Feb, 10:00

139 миллион долларлик маҳсулот экспорт қилинди

Бухоро вилоятида ўтган йили ҳудудий экспорт ҳажми 263 миллион АҚШ долларидан ошди. Шундан 139 миллион доллари тўқимачилик саноати маҳсулотлари улушига тўғри келди. Табиийки, бунда пахта-тўқимачилик кластери корхоналари драйверга айланди.

Ғиждувон туманидаги пахтачилик кластери тизимидаги ишлаб чиқариш корхоналари томонидан ўтган йили экспорт ҳажми 40 миллион АҚШ доллардан ошди.

– Корхонамиз 2018 йилда ип йигирув ишлаб чиқариш тизимида ташкил этилган, – дейди жамият иш бошқарувчиси Қўзибой Чориев. – Бугунги кунда тайёр маҳсулотгача бўлган поғонани босиб ўтдик. 2025 йилда 50 миллион доллардан ортиқ экспорт қилишни режалаштирганмиз.

Умуман олганда, 2025 йилда 194,8 миллион тўқимачилик саноати маҳсулотлари экспорти бўйича корхонабай йўл харита ишлаб чиқилган.

Бизни кузатиб боринг:👇
https://t.me/klasteruzb
1,776
Klaster.uz

03 Feb, 04:16

Пахта хом ашёсининг бошланғич нархи эълон қилинди

Бугун пахта хом ашёси бўйича биржа савдолари ўтказилади.

Ўзбекистон Республикаси Вазирлар Маҳкамасининг 2023 йил 25 декабрдаги 680-сонли қарори билан тасдиқланган пахта хом ашёсини биржа савдолари орқали сотишни тартибга солиш тўғрисидаги низомнинг 12-бандига мувофиқ, Нью-Йорк биржасида пахта толасининг охирги 6 ойдаги ўртача фьючерс котировкаларидан келиб чиқиб ҳисобланган, биржа савдоларида фьючерс шартномаси асосида сотиладиган 1 тонна (биринчи нав, иккинчи синф) пахта хом ашёсининг бошланғич нархи - 7 720 000 сўмни ташкил этди.

Пахта хом ашёси бўйича биржа савдолари душанба-жума кунлари икки савдо сессиясида (эрталабки сессия – 09:00-12:30; кечки сессия – 14:00-18:00) ўтказилади.

Бизни кузатиб боринг:👇
https://t.me/klasteruzb
2,317
Klaster.uz

31 Jan, 04:23

Ғалладан 100 центнер ҳосил олиш кўзланган

Наманган туманидаги “Тошбулоқ техт” кластери нафақат пахтачилик, балки ғаллачиликда ҳам юқори натижаларни қўлга киритиб келмоқда. Жорий мавсумда 700 гектар майдонда ғалла парваришлаётган кластер гектаридан 100 центнердан ошириб дон олишни кўзлаган.

Кластер раҳбарининг айтишича, айни қиш чилласида ғаллани ўғитлаш, ортидан чилла суви бериш каби муҳим агротехника тадбирлари амалга оширилмоқда.

Мутахассисларнинг айтишича, бугун берилган минерал ўғитлар экинга узоқ муддат таъсир қилади. Айниқса, буғдой майсаларини ўстиради, ниҳолни бақувват қилади. Шу боис гектарига 200-250 килограммдан ўғит солиниб, ортидан зудлик билан суғориш чора-тадбирлари кўриляпти.

Шунингдек, экин майдонлари четига 2700 туп тут, 1200 туп бодом ҳамда 2000 туп терак кўчатлари ўтқазилмоқда.

Бизни кузатиб боринг:👇
https://t.me/klasteruzb
1,572
Klaster.uz

30 Jan, 04:29

Мирзачўлда “Buxoro Agroklaster” тажрибаси жорий этилади

Бухоро вилоятидаги “Buxoro Agroklaster” кўп тармоқлик кластери мамлакатимиздаги энг илғор қишлоқ хўжалиги субъектларидан бири ҳисобланади. Бу ерда илм-фан ютуқларига асосланган инновациялар амалиётга жорий этилаётгани туфайли аграр соҳанинг кўплаб тармоқларида юқори самарадорликка эришилмоқда.

Кластер бой тажрибаси эндиликда Мирзачўл туманида жорий этилиши режалаштирилган. Шу боис туман ҳокими Б. Мирзакулов “Buxoro Agroklaster” кластерида бўлиб, унинг фаолияти билан яқиндан танишди. Қишлоқ хўжалиги экинларини етиштиришнинг замонавий усуллари, пахта хом ашёсини дастлабки ва чуқур қайта ишлаш, сувни тежайдиган технологиялар, айниқса, меҳмонда катта қизиқиш уйғотди.

Учрашув якунида “Buxoro Agroklaster” кластери жорий йил пахта ҳосили учун эртапишар ва ҳосилдорлиги юқори бўлган уруғлик чигит етказиб бериш бўйича келишувга эришди.

Бизни кузатиб боринг:👇
https://t.me/klasteruzb
1,715
Klaster.uz

29 Jan, 05:37

Зараркунандаларга қарши биологик усулда курашилади

Жаҳон тажрибасидан аёнки, биологик усул қишлоқ хўжалигида зараркунанда ҳашаротларга қарши курашишда хавфсиз, атроф-муҳитга безарар ва самарали усул ҳисобланади. Шу боис юртимизда мазкур усул тобора оммалашмоқда. Жумладан, Наманган туманида бу йил 5160 гектар ғалла ҳамда 4423 гектар пахта майдонларига биологик ишлов берилиши режалаштирилган.

Айни пайтда тумандаги қишлоқ хўжалиги экинлари зараркунандаларига қарши воситалар ишлаб чиқарувчи марказий биолабораторияда янги мавсумга тайёргарлик бошлаб юборилди. Занг, шира, илдиз қурти сингари касаллик ва зараркунандаларга қарши биомаҳсулотлар тайёрланяпти. Жумладан, кузги тунламга қарши баҳорги ер таёрлаш даврида дала майдонларига 5х5 схемаларда қўйиш учун тўлиқ захираси яратилган.

Бизни кузатиб боринг:👇
https://t.me/klasteruzb
624
Klaster.uz

28 Jan, 04:57

Нишон туманида 400 гектар ер ўзлаштирилади

Илгари Нишон туманидаги Усмон Юсупов номли МФЙга сув етказилмагани туфайли ҳудуддаги ерлардан етарлича фойдаланилмаган. Шу боис 2,5 километрлик ариқлар тармоғи қурилиши режалаштирилган. Бугунги кунга қадар 1 километрлик ариқлар тармоғи қуриб битказилди.

Иш жараёнига махсус техникалар жалб этилиб, ариқлар нишаблиги ҳам техниканинг ўзи томонидан назорат қилинади. Бу эса сув оқимининг бир меъёрда юришига ёрдам беради. Тармоқни барпо этиш жараёнида аҳоли хонадонларига ҳам махсус қувурлар ўтказилмоқда.

Энг муҳими, янги ариқлар тизими ташкил этилиши натижасида 400 гектар қўшимча ер ўзлаштирилади. Шунингдек, аҳоли томорқаларидан янада унумли фойдаланиш имкониятига эга бўлади.

Бизни кузатиб боринг:👇
https://t.me/klasteruzb
1,171
Klaster.uz

28 Jan, 04:19

“Яшил тадбиркор” мақоми кимларга берилади?

Эндиликда ҳудудида дарахт эккан, ишлаб чиқаришда экологик тоза ускуна ва материаллардан фойдаланганларга “яшил тадбиркор” мақоми берилади. Бу тадбиркорлар рейтингида ҳам инобатга олинади. Уларга ташқи бозорларга чиқиши учун “яшил сертификат” олиш, бозор топишда ҳар томонлама ёрдам кўрсатилади.

Бизни кузатиб боринг:👇
https://t.me/klasteruzb
791
Klaster.uz

27 Jan, 10:11

Кластернинг ёғ-мой ишлаб чиқариш корхонаси иш бошлади

Косонсой туманидаги “Namangan Paxta Teks” пахта-тўқимачилик кластери томонидан ёғ ишлаб чиқариш заводи ишга туширилди. Умумий қиймати 30 миллиард сўмга тенг бўлган ушбу йирик лойиҳа ижроси доирасида 110 та янги иш ўрни яратилди.

— Янги заводимиз йилига 18 минг тонна чигитни қайта ишлаш қувватига эга, — дейди кластер раҳбари Лутфулло Эгамбердиев. — Бошқача қилиб айтганда, етиштирилган пахта чигитини қайта ишлаб, истеъмолчиларга 3500 тонна сифатли ёғ, 9,5 минг тонна шрот, 5,5 минг тонна шулха ишлаб етказиб бериш имконияти яратилди.

Кластер томонидан бу каби ички бозорни сифатли халқ истеъмоли моллари билан тўлдиришга қаратилган яна кўплаб лойиҳаларни амалга ошириш кўзда тутилган.

Бизни кузатиб боринг:👇
https://t.me/klasteruzb
944
Klaster.uz

27 Jan, 04:35

“Buxoro Agrocluster” пахта-тўқимачилик кластерида томчилатиб суғориш технологияси жиҳозлари ишлаб чиқариш йўлга қўйилди.

Тафсилотлар видеоматериалда.

Бизни кузатиб боринг:👇
https://t.me/klasteruzb
971
Klaster.uz

24 Jan, 05:11

Биржа савдоларида иштирок этиш тартиби қандай?

Аввал хабар берганимиздек, яқин қабул қилинган Президентнинг “Пахта хом ашёсини етиштириш ва сотишда бозор механизмларини қўллашни изчил давом эттириш чора-тадбирлари тўғрисида”ги Фармонига асосан, амалиётга янгиликлар татбиқ этилмоқда. Масалан, жорий йилдан бошлаб кластерлар пахтага талаби ва нарх таклифини биржага қўяди, фермерлар эса ўзига маъқулини танлаб, фьючерс шартномасини тузади.

Қашқадарё вилоятининг Қамаши туманида бўлиб ўтган ўқув-амалий семинарда ушбу Фармон мазмун-моҳияти, биржа савдоларида иштирок этиш тартиб-таомиллари атрофлича тушунтирилди.

Семинарда иштирок этган Шаҳрисабз, Чироқчи, Кўкдала, Яккабоғ, Ғузор ва Қамаши тумани қишлоқ хўжалиги соҳа вакиллари ўзларини қизиқтирган саволларига масъуллардан жавоб олдилар.

Бизни кузатиб боринг:👇
https://t.me/klasteruzb
2,055
Klaster.uz

23 Jan, 09:33

Пахта етиштиришда хитойликлар иштироки ортмоқда

Қашқадарё вилоятида пахта етиштиришда хитойлик инвесторлар фаол иштирок этмоқда.

Масалан, “Xinjiang Liuhua” компанияси ўтган йил вилоятнинг Косон туманидаги “Жарқум” ва “Майдаёбу” ҳудудларидан 7 минг 600 гектар майдонни ўзлаштириб, томчилатиб суғориш технологиялари асосида пахта етиштиришни бошлаган эди. Бу орқали “Тинчлик” МФЙнинг 200 дан зиёд ёшлари иш билан таъминлади.

Қишлоқ хўжалик соҳасида 25 йиллик тажрибага эга “Fm world” корхонаси Миришкор туманида 1 минг 200 гектар майдонда иш бошлаган. Хитойнинг яна бир “ЛИХУА Групп” корхонаси 300 миллион доллар инвестиция киритиб, вилоятнинг Косон, Миришкор, Кўкдала ва Нишон туманларида 20 минг 600 гектар ерда пахта етиштириш ва қайта ишлаш ташаббусини билдирган. Бу 1,5 мингта иш ўрни яратилади, 130 минг тонна пахта етиштирилади, деганидир.

Бизни кузатиб боринг:👇
https://t.me/klasteruzb
1,761
Klaster.uz

23 Jan, 07:16

Бир кунда 50 тонна уруғлик чигит тайёрланмоқда

Президентнинг 2022 йил 28 январдаги «Қишлоқ хўжалиги экинлари уруғчилигини янада ривожлантириш бўйича қўшимча чора-тадбирлар тўғрисида»ги қарорига кўра, ҳудудларни юқори авлодли уруғликлар етиштиришга ихтисослаштириш тизими жорий этилди. Бунда пахта-тўқимачилик кластерлари муҳим роль ўйнаяпти, албатта.

Ғиждувон туманидаги «Бухоро Агрокластер» кўп тармоқли кластерига қарашли «Пахта уруғчилиги» МЧЖда мазкур қарор ижроси доирасида уруғлик чигит тайёрлаш ишлари жадаллаштирилди.

— Жамоамиз 60 кишилик ишчи-мутахассислардан иборат бўлиб, айни кунда истиқболли навларга мансуб пахта чигитини экиш олдидан кимёвий воситалар ёрдамида дорилаш, уруғни талаб даражасида сақлаш ишларини бажармоқдамиз, – дейди «Пахта уруғчилиги» МЧЖ раҳбари Мирхон Умаров. — Ҳар куни 50 тонна атрофидаги чигитни кимёвий дорилаб, буюртмачиларга етказиш ҳаракатидамиз. Бунинг учун моддий-техника имкониятларимиздан унумли фойдаланмоқдамиз.

Бизни кузатиб боринг:👇
https://t.me/klasteruzb
1,129
Klaster.uz

23 Jan, 04:59

“Made in Uzbekistan” дастури амалга оширилади

Президент томонидан 2025 йил 16 январда “Тўқимачилик ва тикув-трикотаж саноатида қайта ишлаш занжирини ривожлантириш бўйича қўшимча чора-тадбирлар тўғрисида”ги Фармон имзоланди.

Мазкур ҳужжатга кўра, 2025–2027 йилларда тўқимачилик ва тикув-трикотаж саноатида қайта ишлаш занжирини ривожлантиришнинг асосий мақсадли кўрсаткичлари белгиланди:

маҳсулотлар экспортини 2025 йилда 4,0 миллиард, 2026 йилда 5,0 миллиард ва 2027 йилда 7,0 миллиард АҚШ долларига етказиш;

АҚШ ва Европа давлатлари бозорларига тайёр маҳсулотлар экспортини 500 миллион долларга етказиш;

илғор технологиялар ва замонавий дизайнерлик ишланмаларини кенг жорий қилиш ҳамда халқаро брендларни жалб қилиш орқали жами экспортда тайёр тикув-трикотаж маҳсулотлари улушини 70 фоизга етказиш;

ип-калавани чуқур қайта ишлашни янада ривожлантириш мақсадида 5,0 миллиард доллар миқдорида хорижий инвестициялар ва кредитлар жалб қилиш.

Тўқимачилик тармоғида қайта ишлашни чуқурлаштириш учун қулай молиявий шарт-шароитлар яратиш мақсадида белгиланган қўллаб-қувватлаш механизмлари жорий этилади.

Маҳаллий маҳсулот ва брендларни халқаро “маркетплейс”ларда тарғиб қилиш, жойлаштириш ва реклама қилиш бўйича “Made in Uzbekistan” дастури амалга оширилади.

Бизни кузатиб боринг:👇
https://t.me/klasteruzb
1,288
Klaster.uz

22 Jan, 08:32

“Global textile” лойиҳасининг янги босқичи

Мамлакатимиздаги энг йирик кластерлар гуруҳи ҳисобланган “Global textile” компанияси Оққўрғон туманида ҳам фаолиятини бошлабди.

Шу муносабат билан “Global Textile” раҳбари Музаффар Разаков туманда бўлиб, кластер ходимлари, 200 дан ортиқ оилавий пудратчилар ва ҳудуддаги раҳбарлар билан учрашув ўтказди.

Компаниядан маълум қилишича, бундай мулоқот ҳозирги вазиятни чуқурроқ тушуниш, муҳим вазифаларни муҳокама қилиш ва келгусидаги ишлар стратегиясини ишлаб чиқиш имконини беради. Бундай учрашувларда лойиҳанинг муваффақиятли ва барча томонларнинг манфаатларини ҳисобга олган ҳолда ривожланишига ёрдам берадиган қарорлар пайдо бўлади.

“Global textile” фаолияти кенгайтирилиб, Оққўрғон туманида ҳам иш бошлагани компания агротехник лойиҳасининг янги босқичи эканлиги айтилмоқда.

Бизни кузатиб боринг:👇
https://t.me/klasteruzb
1,440
Klaster.uz

22 Jan, 05:20

Агротехника тадбирлари жадал олиб борилмоқда

Сурхондарё вилоятида 2025 йил ҳосили учун ғалла парваришлаш, шудгорланган экин ерларини лазерли текислаш, пушта олиш, чигит экишга тайёрлаш, дала четлари, коллектор-дренажлар атрофларига мевали кўчатлар экиш каби агротехника тадбирлари жадал олиб борилмоқда.

Хусусан, Қизириқ туманидаги “GTG” кластерида ғаллаларни озиқлантириш, чигит қадаладиган ерларни замонавий усулда текислаш, пушталаш ишлари мутахассислар тавсиялари асосида обитобида бажарилмоқда. Бу ўз самараларини беради, албатта.

Бизни кузатиб боринг:👇
https://t.me/klasteruzb
1,283
Klaster.uz

17 Jan, 05:16

Қиш чилласида қулупнай пишди

Қоракўл туманидаги Хўжалар маҳалласида яшовчи Раҳматулло Очилов қишда ҳам қулупнай етиштириш мумкинлигини ўз тажрибаси мисолида кўрсатди.

—Ижтимоий тармоқлар орқали Корея технологияси асосида қулупнай етиштириш сирларини ўрганиб, 2023 йил кеч куз ойларида 3 сотих майдонда иссиқхона барпо қилгандик,— дейди Раҳматулло Очилов.—Албатта, бошида қийналдик, аммо ортга чекинмасдан, оиламиз билан астойдил меҳнат қилиб, гидропоника усулида етиштирган қулупнайларимиз декабрь ойида пишиб етилди. Дастлабки “уринишда” қарийб 23 миллион сўмлик маҳсулотни бозорга чиқариб сотиб, мўмай даромадга эришганмиз.

Деҳқоннинг айтишича, бу мавсумда янада кўпроқ фойда олишни кўзлаяпти. Чунки иссиқхонага серҳосиллиги ва базоргирлиги билан ажралиб турадиган “Албион” нави экилган. Унинг ҳар тупи бир ярим килогача мева беради. Айни пайтда қулупнай мевалари терилиб, килоси ўртача 200 минг сўм атрофида сотиляпти.

Бизни кузатиб боринг:👇
https://t.me/klasteruzb
719
Klaster.uz

16 Jan, 15:33

Тўқимачиликдаги экспортчи корхоналарни қўллаб-қувватланади

Бизни кузатиб боринг:👇
https://t.me/klasteruzb
1,938
Klaster.uz

16 Jan, 12:30

Кластерлар пахтага бўлган талаби ва нархини энди биржага қўяди

Пахта етиштириш ва қайта ишлашда қўшимча бозор механизмлари жорий қилиниши белгиланди. Унга кўра, жорий йилдан бошлаб кластерлар пахтага талаби ва нарх таклифини биржага қўяди, фермерлар эса ўзига маъқулини танлаб, фьючерс шартномасини тузади.

Имтиёзли кредит олмай, ўзи пахта етиштирган фермерларга биржада сотган пахтасини 10 фоизи миқдорида субсидия берилади.

Имтиёзли кредитни йил якунигача тўлиқ қайтарган фермерларга кредитнинг 4 фоизи қайтариб берилади. Уларга кредит фоизи амалда 10 фоиздан 6 фоизга тушади.

Бизни кузатиб боринг:👇
https://t.me/klasteruzb
2,064
Klaster.uz

16 Jan, 10:10

2,65 миллиард долларлик тўқимачилик маҳсулотлари экспорт қилинди

Статистика агентлиги маълумотларига қараганда, 2024 йил январь-ноябрь ойларида Ўзбекистондан хорижга 2,65 миллиард АҚШ долларилик тўқимачилик маҳсулотларини экспорт қилинди. Ушбу кўрсаткич умумий экспортнинг 10,9 фоизини ташкил этган.

Экспорт қилинган тўқимачилик маҳсулотлари таркибида:

калава ип – 1,15 млрд;

тайёр тўқимачилик маҳсулотлари – 1,04 млрд;

трикотаж мато – 271,4 млн;

газламалар – 134,9 млн;

пайпоқ маҳсулотлари – 38,2 млн долларини ташкил этди.

Бироқ 2024 йил якунлари бўйича тўқимачилик саноатида етарли шароит бўла туриб, инвестиция режаси 7 миллион долларга кам бажарилган. Президент томонидан бу ҳолат айни пайтда бўлиб ўтаётган йиғилишда жиддий танқид қилиниб, соҳага масъул раҳбар шу йил биринчи чоракда ўзгариш қилмаса, унинг фаолиятига баҳо берилиши ҳақида қаттиқ огоҳлантирилди.

Бизни кузатиб боринг:👇
https://t.me/klasteruzb
873
Klaster.uz

16 Jan, 05:08

Пахтачиликда 90 см схемадан бутунлай воз кечилади

Жорий йил республикамизда 878 минг гектар майдонга чигит қадалиши режалаштирилган. Қўшимча тарзда яна 150 минг гектарга чет давлатларидан олиб келинадиган 12 та хориж ғўза нави тажриба-синов тариқасида экилади.

— 2024 йилда Хитой, Ҳиндистон, Туркия ва АҚШдан олиб келиган 18 та ғўза навининг жами 2475 тонна уруғлик чигити пахта-тўқимачилик кластерлари ва фермер хўжаликларининг ер майдонларига экилди, — дейди Қишлоқ хўжалигида билим ва инновациялар миллий маркази директори Шуҳрат Отажонов. — Ўтган мавсумда синов натижалари умумлаштирилиб, ушбу навлар ичидан “истиқболли” деб топилганлари жорий йилда пахта майдонларининг 20 фоизига жойлаштирилади.

Шу билан бирга, 20 фоиз майдонда маҳаллий ғўза навлари интенсив агротехнология асосида 76х10 қўшқатор схемада плёнка остига экилади. Қолган 60 фоиз ерга тиндирилган маҳаллий ғўза навлари экилади.Бунда 90 см схемадан бутунлай воз кечилади.

Батафсил: https://www.youtube.com/watch?v=sYfft-EhDKE

Бизни кузатиб боринг:👇
https://t.me/klasteruzb
2,676
Klaster.uz

15 Jan, 04:16

Қишлоқ хўжалиги техникалари мавсумга ҳозирланмоқда

Жиззах вилояти Мирзачўл туманида қишлоқ хўжалиги техникаларини модернизация қилиш бўйича муҳим лойиҳалар изчил давом эттирилмоқда. Яъни чигит экиш сеялкалари ва культиваторларни янги технологияларга мослаштириляпти. Бу хориждан олиб келинган техникаларни оптималлаштириш, мамлакатимизда мавжуд ресурслардан унумли фойдаланиш имконини яратади.

Айтиш жоизки, жорий йил мамлакат бўйича чигит 76/10 схема асосида экиш режалаштирилган. Бу эса юқори ҳосилдорликка эришиш, харажатларни камайтириши айтилмоқда.

Бизни кузатиб боринг:👇
https://t.me/klasteruzb
1,310
Klaster.uz

14 Jan, 04:49

Ватан ҳимоячилари куни муборак бўлсин!

Юртимизда тинчлик ва барқарорликни таъминлаш, халқимиз осойишталигини сақлаш, фуқароларнинг ҳуқуқ ва эркинликлари, қонуний манфаатларини ҳимоя қилиш йўлида фидокорона хизмат қилаётган ҳарбийларни, мард ўғлонларни бугунги байрам билан муборакбод этамиз.

Барчага Ўзбекистон Республикаси Қуролли Кучлари ташкил этилганининг 33 йиллиги ҳамда Ватан ҳимоячилари куни қутлуғ бўлсин!

Бизни кузатиб боринг:👇
https://t.me/klasteruzb
1,240
Klaster.uz

13 Jan, 05:39

Кластернинг янги корхонаси қуриб битказилди

Наманган вилоятидаги “Iftixor kiyim sanoat” пахта-тўқимачилик кластери томонидан йирик инвестициявий лойиҳа амалга оширилмоқда.

Германия ва Италия давлатлари ишбилармонлари билан ҳамкорликда рўёбга чиқарилаётган ушбу лойиҳанинг қиймати 197,8 миллион АҚШ долларига тенг. Йилига 80 минг тонна калава ип ва тўқимачилик маҳсулотлари ишлаб чиқаришга мўлжалланган.

Кластернинг янги қувватини ташкил этиш учун “Ибрат" эркин иқтисодий зонаси танланган. Айни пайтда корхонанинг қурилиш ишлари тўлиқ якунлан, ускуна ва датгоҳларнинг 90 фоизи ўрнатиб бўлинди. Қолган жиҳозларни монтаж қилиш ишлари эса жадал олиб блориляпти.

Янги корхона шу йилнинг иккинчи чорагида ишга туширилиши кўзда тутилган. Натижада 2000 та янги иш ўрини яратилади ҳамда йилига қўшимча равишда 80 миллион долларлик саноат маҳсулотлари экспорти учун имконият яратилади.

Бизни кузатиб боринг:👇
https://t.me/klasteruzb
1,359
Klaster.uz

10 Jan, 06:11

Суғориш тармоқлари таъмирланмоқда

Қоровулбозорда деҳқончилик қилишнинг ўзига яраша машаққатлари бор. Яъни саҳро бағрида жойлашгани туфайли туман ўзига хос тупроқ ва иқлим шароитига эга. Бу эса сув ресурсларидан оқилона фойдаланишнр тақозо қилади. Шу боис сув иншоотлари ҳамда хўжаликлараро ички суғориш тармоқларини таъмирлашга алоҳида эътибор қаратилмоқда.

Қоровулбозор туманида жами 486 километр ички суғориш тармоқлари мавжуд бўлиб, жорий қишки мавсумда унинг 10 километри бетонлаштирилди. Бундан ташқари, тумандаги умумий узунлиги 517 километрлик зовурларнинг 41 километри махсус техникалар ёрдамида тозаланди.

Буларнинг бари мўл ҳосил етиштиришда муҳим аҳамият касб этади, албатта.

Бизни кузатиб боринг:👇
https://t.me/klasteruzb
1,595
Klaster.uz

09 Jan, 11:19

Ўз брендини яратган кластер

Пахтакор туманида 2019 йилда ташкил этилган “Semrug‘ cluster” республикамиздаги уруғчиликка ихтисослашган илк кластер ҳисобланади. Корхона хориждан келтирилган илғор ускуналар билан жиҳозлангани, инноввация, илм-фанга суянган ҳолда иш юритилаётгани рақамли технологияларни татбиқ этиш имконини бермоқда.

Уруғчилик корхонасида 67 нафар мутахассиснинг бандлиги таъминланган. Уларнинг саъй-ҳаракати туфайли ўтган қисқа давр ичида ғўза ва ғалла уруғчилигида кластер ўз брендини яратди.

Айни вақтда бу ерда “Элита” ва “Р-1” синфига мансуб бўлган уруғлик чигит тайёрланмоқда. Уруғликнинг асосий қисми Жиззах вилояти экин ерларига экилса, қолгани қўшни Қозоғистонга экспорт қилинади.

Айтиш жоизки, мазкур уруғчилик кластерида деҳқончилик ҳам йўлга қўйилган. Пахта майдонининг 82 гектарида томчилатиб, ғалла майдонининг 30 гектарида ёмғирлатиб суғориш тизимидан фойдаланилмоқда.

Бизни кузатиб боринг:👇
https://t.me/klasteruzb
1,625
Klaster.uz

09 Jan, 04:59

Йирик брендлар билан ҳамкорлик йўлга қўйилади

Наманган вилоятида ўтган 2024 йилда 631 та янги корхона ташкил этилди. Жорий йилда эса бу борадаги ишлар кўлами кенгайтирилиб, 4,2 миллиард АҚШ доллари ўзлаштирилиши, 1 400 та лойиҳа ишга туширилиши кўзда тутилган. Бунинг ҳисобига 34 мингта янги иш ўрни яратилиб, экспорт ҳажми 1,2 миллиард долларга етиши кутиляпти. Бунда тўқимачилик саноатига драйверга айланади, албатта.

Дарҳақиқат, вилоятда экспортни қўллаб-қувватлаш учун ажратиладиган маблағлар доирасида Уфа шаҳрида “Савдо уйи” ташкил этилади. Бунинг ҳисобига вилоятдаги 30 дан ортиқ тўқимачилик корхоналарида йилига қўшимча 150 миллион долларлик маҳсулотлар экспорт қилиш имконияти пайдо бўлади.

2025 йилда Испаниянинг “Zara”, Япониянинг “Uniqlo”, Германиянинг “Hugo Boss” каби йирик брендлари билан ҳамкорлик йўлга қўйилади.

Бизни кузатиб боринг:👇
https://t.me/klasteruzb
817
Klaster.uz

08 Jan, 10:03

#Фоторепортаж

Техникалар янги технологияга мослаштирилмоқда

Қиш фасли деҳқонлар учун янги мавсумга тайёргарлик кўриш учун қизғин иш пайти ҳисобланади. Бу вақтдан унумли фойдаланиш мақсадида кластер машина-трактор паркалариlf қишлоқ хўжалиги техниклари кўздан кечирилиб, экин-тикин мавсумига ҳозирланмоқда.

Мирзачўл туманидаги “Mirzacho‘l agroklaster” пахта-тўқимачилик кластери тасарруфидаги техникfлар пахтачиликда татбиқ қилинадиган янги технология асосида такомиллаштирилмоқда. Яъни чигит қадашда 76 схемада, қўшқатор қилиб, плёнка остига экиш, томчилатиб суғориш усулини қўллашга мослаштириляпти. Бу жарёнда нафақат чигит қадаш агрегатлари, балки ғўза парваришлаш, культивация қилиш ускуналари ҳам қайта жиҳозланмоқда.

Буларнинг бари пахтачиликда янги ёндашув ва илғор илмий назарияларни самарали жорий этишда муҳим аҳамият касб этади.

Бизни кузатиб боринг:👇
https://t.me/klasteruzb
1,092
Klaster.uz

08 Jan, 04:51

Шофирконда 19 минг гектар ернинг “шўри ювилмоқда”

Шофиркон туманида 2025 йил ҳосили учун кенг қамровли агротехника тадбирлари босқичма-босқич амалга оширилмоқда. Бу жараёнда ер текислаш, шудгорлаш, “шўр ювиш” ва яхоб суви беришга алоҳида эътибор қаратиляпти.

Қишки мавсумда “шўр ювиш” тадбири 19 минг гектардан ошиқ майдонда ўтказилиши белгиланган бўлиб, бугунги кунгача кшбу агротехника тадбири 7 минг 666 гектарда тўла-тўкис якунланди. Бунда 300 нафарга яқин сувчилар алоҳида жонбозлик кўрсатмоқда.

Бизни кузатиб боринг:👇
https://t.me/klasteruzb
1,415
Klaster.uz

06 Jan, 12:57

Ғўзанинг 31 та янги навига патент олинди

Сўнгги 5 йилда ғўзанинг ўрта толали 58 та, ингичка толали 6 та навнинг бирламчи уруғчилиги ташкил этилди. 31 та навга патент, 10 та навга гувоҳномалар олинди. Ғўзанинг янги 20 та нави давлат нав синовига топширилди.

2024 йилда Қишлоқ хўжалиги экинлари навларини синаш Марказининг тақдимотномаси асосида 33 та нав уруғликлари нав синаш участкаларига синаш учун етказиб берилди.

Бизни кузатиб боринг:👇
https://t.me/klasteruzb
657
Klaster.uz

06 Jan, 12:35

Қишлоқ хўжалиги таваккалчиликлари суғурта қилинади

Қонунчилик палатасидаги партиялар фракцияларида “Қишлоқ хўжалиги таваккалчиликларини суғурта қилиш тўғрисида”ги қонун лойиҳаси биринчи ўқишда кўриб чиқилмоқда.

Кейинги пайтда кузатилаётган глобал иқлим ўзгариши шароитида қишлоқ хўжалиги маҳсулотларини етиштиришда турли қийинчиликлар юзага келмоқда. Ушбу қонун лойиҳаси аграр соҳада таваккалчиликларни суғурта қилиш сиёсатини такомиллаштириш орқали деҳқонларни турли хил табиий офатлар ва бошқа хатарлардан кўриладиган зарарлардан ҳимоялаш мақсадида ишлаб чиқилган.

Қонун лойиҳасида қишлоқ хўжалиги суғуртасини давлат томонидан қўллаб-қувватлашнинг ҳуқуқий асослари, қишлоқ хўжалиги соҳасида таваккалчиликларни суғурталаш жараёнида иштирок этувчи субъектларининг ҳуқуқ ва мажбуриятлари белгиланмоқда. Шунингдек, соҳада суғурта муносабатларини тартибга солишнинг ягона тизимини яратиш кўзда тутилмоқда.

Бизни кузатиб боринг:👇
https://t.me/klasteruzb
765
Klaster.uz

04 Jan, 05:20

Маҳсулот етиштиришда янги тартиб жорий этилади

Президентнинг 2024 йил 30 декабрдаги “Қишлоқ хўжалиги майдонларидаги қўшимча имкониятлардан фойдаланган ҳолда маҳсулот етиштиришни кўпайтиришга доир чора-тадбирлар тўғрисида”ги 465-сонли қарори қабул қилинди.

Унга кўра, дала четлари ҳамда аҳоли томорқаси, хонадонлар ва кўп қаватли уйлар олди, маҳалланинг ички кўчаларида қишлоқ хўжалиги маҳсулотлари етиштириш тизимини такомиллаштириш бўйича янги тартиб жорий этилади.

Қишлоқ хўжалиги маҳсулотлари етиштиришни ташкил қилиш бўйича:

— Ўсимликлар карантини ва ҳимояси агентлигига дала четларида ҳамда аҳоли томорқаси, хонадонлар ва кўп қаватли уйлар олди, маҳалланинг ички кўчаларида маҳсулот етиштириш, қишлоқ хўжалиги субъектларига уруғ ва кўчатлар етказиб бериш ҳамда етиштирилган маҳсулотларни экспортга йўналтиришни ташкил қилиш вазифаси юклатилади;

— агентлик йил давомида даромадли экинлар экиш ва уларни экспорт қилиш учун мева-сабзавот маҳсулотларини экспорт қилувчи тадбиркорларнинг талабларини ўрганади.

Дала четларидан самарали фойдаланган қишлоқ хўжалиги маҳсулотлари етиштирувчиларни қўллаб-қувватлаш бўйича:

— ички фитосанитария сертификати бир йил давомида бепул берилади;

— дала четларига экилган “in-vitro” усулида яратилган мевали пайвандтагли кўчатларни сотиб олиш харажатларининг 50 фоизи миқдорида, бироқ ҳар бир мевали пайвандтагли кўчатга 25 минг сўмдан ошмаган ҳолда Агросаноатни ривожлантириш ва қўллаб-қувватлаш давлат мақсадли жамғармасидан белгиланган тартибда субсидия ажратилади.

Бизни кузатиб боринг:👇
https://t.me/klasteruzb
1,689
Klaster.uz

03 Jan, 06:44

Илғор теримчига компьютер совға қилинди

2024 йилги пахта йиғим-терими мавсумида фаол иштирок этган энг намунали ва илғор теримчилар қишлоқ хўжалиги вазири Иброҳим Абдураҳмоновнинг совғаси топширилмоқда.

Янги йил байрами шукуҳи кезиб юрган шу кунларда Жиззах вилояти Шароф Рашидов туманидаги Қангли маҳалласида истиқомат қилувчи 6 нафар илғор теримчига вазир совғалари улашилди. Уларга компьютер, телевизор ва дам олиш масканларига бепул йўлланма топширилди.

Айтиш жоизки, бу каби эътироф соҳа ходимларининг қадр-қимматини ошириш, уларни янги ютуқларга илҳомлантириш ва тизимдаги илғор тажрибаларни кенгайтиришга хизмат қилади.

Бизни кузатиб боринг:👇
https://t.me/klasteruzb
1,335
Klaster.uz

03 Jan, 05:18

#Йил_воқеаси

Лолахон Муротова номидаги қишлоқ хўжалигига ихтисослашган касб-ҳунар мактаби очилди

Бизни кузатиб боринг:👇
https://t.me/klasteruzb
1,105
Klaster.uz

01 Jan, 04:43

Кириб келган Янги йил қутлуғ бўлсин!

Президент табригида эътироф этилганидек, 2024 йилда миришкор деҳқон ва фермерларимиз, кластерларимиз ишчи-хизматчилари мардона меҳнат қилиб, мўл ҳосил етиштирдилар. 

Янги йил ҳар бир инсон, ҳар бир оилага, жонажон юртимизга катта-катта ютуқ ва омадлар олиб келсин!

Ҳамма эзгу ниятларимиз рўёбга чиқсин!

Янги йил барчамизга муборак бўлсин! 

Бизни кузатиб боринг:👇
https://t.me/klasteruzb
1,387
Klaster.uz

27 Dec, 06:00

Садаариқ тубдан реконструкция қилинмоқда

Наманган туманидаги Садаариқ канали ҳудуддаги қишлоқ хўжалиги ерларига сув етказиб берадиган асосий тармоқ ҳисобланади. Ушбу каналда обиҳаёт йўқотишларининг олдини олиш мақсадида 3800 метрини реконструкция қилиш режалаштирилган.

Ҳозирги кунда умумий қиймати 8,5 миллиард сўм бўлган ушбу лойиҳа ижросига киришилди. Таъмирлаш-тиклаш ишлари жадал олиб борилмоқда. Мақсад канални янги экин-тикин мавсумига қадар тубдан реконструкция қилиб, қишлоқ хўжалиги экинларини суғоришда сув исрофининг олдини олишдир.

Бизни кузатиб боринг:👇
https://t.me/klasteruzb
1,948
Klaster.uz

26 Dec, 05:02

#Фотофакт

Ерлар шўри ювилмоқда

Айни пайтда “Бухоро Агрокластер” кластер томонидан Вобкент туманидаги экин ерларида “шўр ювиш”, чилла сувига қондириш каби муҳим агротехника тадбирлари бажарилмоқда.

Бизни кузатиб боринг:👇
https://t.me/klasteruzb
1,808
Klaster.uz

25 Dec, 12:29

Вазир кластерлар муаммосини тинглади

Қишлоқ хўжалиги вазири Иброҳим Абдураҳмонов пахта-тўқимачилик кластерлари раҳбарлари билан учрашув ўтказди.

Унда пахта-тўқимачилик кластерларининг иш услуби, қишлоқ хўжалиги ва ишлаб чиқариш субъектларида эришилаётган натижалар, жамоалар моддий манфаатдорлигини таъминлашга қаратилган оқилона иш тутуми муҳокама қилинди. Ўз навбатида, кластерлар раҳбарлари соҳа олдида турган муаммо ҳамда масалалар юзасидан ўз фикрлари ва таклифларини билдирди.

Мулоқотда кластерлар илмий-тадқиқот институтлари, хусусан, олимлар жамоаси билан ўзаро ҳамкорлик алоқаларини йўлга қўйиш кераклиги, бу нафақат юқори натижаларга эришиш, балки сифат кўрсаткичларини яхшиланишига хизмат қилиши таъкидланди.

Учрашув якунида 2025 йилдан бошлаб пахта етиштиришда янги 76 схемани жорий этиш орқали ҳосилдорликни ошириш, чигит қадаш ва ғўза парваришлаш жараёнларини илмий асосда, илғор тажрибага таянган ҳолда амалга ошириш юзасидан тавсиялар берилди.

Бизни кузатиб боринг:👇
https://t.me/klasteruzb
3,347
Klaster.uz

25 Dec, 10:19

Кластернинг янги қуввати ишга туширилди

Янги йил байрами арафасида Бандихон туманидаги “Bandixon agroklaster” пахта-тўқимачилик кластерининг янги корхонаси фойдаланишга топширилди.

Мазкур янги қувват сунъий тола аралашмали калава ип ишлаб чиқаришга ихтисослашган. Лойиҳанинг умумий қиймати 18,4 миллион долларга тенг бўлиб, унинг ижроси натижасида 300 та янги иш ўрни яратилди.

Корхона кластер томонидан амалга оширилаётган “саноат занжири” лойиҳасининг иккинчи босқичи ҳисобланади. Унинг биринчи босқичида 150 иш ўрнига эга пахтага дастлабки ишлов бериш корхонаси ишга туширилган эди.

Корхонанинг расмий очилиш маросимида Сурхондарё вилояти ҳокими Улуғбек Қосимов иштирок этиб, аҳоли бандлигини таъминлаш ва туман иқтисодиётини ривожлантиришда фаол иштирок этаётган кластер фаолиятига муваффақият тилади.

Бизни кузатиб боринг:👇
https://t.me/klasteruzb
918
Klaster.uz

25 Dec, 07:21

Арнасойда ширин картошка етиштирилади

Яқинда Арнасой туманида хитойлик инвесторлар томонидан “Zhongya agricultural import and export” масъулияти чекланган жамиятига асос солинди. Унга бўш турган 157 гектар ер майдони 30 йил фойдаланиш учун ижарага берилди.

Ушбу майдонларнинг бир қисмига келгуси йил ҳосили бошоқли дон экилган бўлса, асосий қисмига ширин картошка — батат етиштириш кўзда тутилган. Айни пайтда экин-тикин учун ер тайёрлаш ишлари олиб борилмоқда.

Батат оддий картошкага нисбатан 1,5 баравар кўп калорияга эга бўлиб, ҳосилдорлиги ҳам юқори. Таркибида минерал моддалар, хусусан, натрий, калий, кальций, магний, фосфор, темир ҳамда йод моддалари кўплиги жиҳатидан ҳам озуқавийлик бўйича картошкадан устун туради.

Бизни кузатиб боринг:👇
https://t.me/klasteruzb
859
Klaster.uz

25 Dec, 06:39

Янги йил байрамида кетма-кет 6 кун дам олинади

Президент “Янги йил байрамини нишонлаш даврида қўшимча ишланмайдиган кунни белгилаш ва дам олиш кунини кўчириш тўғрисида” қарор қабул қилинди.

Унга кўра, 2025 йилда 5 кунлик иш ҳафтасида ишлайдиган ходимлар учун дам олиш куни 4 январь – шанба кунидан 2 январь – пайшанба кунига кўчирилди. 6 кунлик иш ҳафтасида ишлайдиган ходимлар учун 2 январь – пайшанба қўшимча дам олиш куни этиб белгиланди.

Шу тариқа юртдошларимиз Янги йил байрами муносабати билан кетма-кет 6 кун дам олади:

➖28 декабрь, шанба — 6 кун ишловчилар учун одатий иш куни, 5 кун ишловчилар учун одатий дам олиш куни;

➖29 декабрь, якшанба — барча учун одатий дам олиш куни;

➖30 декабрь, душанба — 6 кун ишловчилар учун қўшимча дам олиш куни, 5 кун ишловчилар учун 14 декабрь (шанба) кунидан кўчирилган дам олиш куни;

➖31 декабр, сешанба — барча учун қўшимча дам олиш куни;

➖1 январь, чоршанба — Янги йил байрами;

➖2 январь, пайшанба — 6 кун ишловчилар учун қўшимча дам олиш куни, 5 кун ишловчилар учун 4 январь (шанба) кунидан кўчирилган дам олиш куни.

Бизни кузатиб боринг:👇
https://t.me/klasteruzb
945
Klaster.uz

24 Dec, 07:02

Кам ҳосилли пахта майдонлари қисқартирилади

Қорақалпоғистонда қишлоқ хўжалигида самарадорликни ошириш чора-тадбирлари доирасида кам ҳосилли пахта майдонлари қисқартирилиши кўзда тутилмоқда.

Маълум бўлишича, ҳозир ушбу ҳудуддаги 87 минг гектар пахтадан ўртача 28 центнер ҳосил олинаяпти, 10 та туманда рентабеллик паст. Экспертлар бундай кам ҳосилли пахта майдонларини қисқартириб, ўрнига чорва озуқаси ва кунжут экишни тавсия қилмоқда. Озуқабоп экинлар ҳисобига 6,5 триллион сўмлик гўшт ва сут етиштириш, кунжутдан экспортни 500 миллион долларга кўпайтириш мумкинлиги ҳисоб-китоб қилинган. Бу орқали анча сув ҳам иқтисод бўлади.

Шундан келиб чиқиб, 31 минг гектарда кунжут, 22 минг гектарда мош экиб, экспортга йўналтирилади. 30 минг гектарда қизилмия экиш бўйича уч йиллик дастур ишлаб чиқилади.

Умуман олганда, 3 та асосий йўналишни – қишлоқ хўжалиги, саноат ва туризмни ривожлантириш бўйича лойиҳа офиси ташкил этилади.

Бизни кузатиб боринг:👇
https://t.me/klasteruzb
1,733
Klaster.uz

04 Dec, 07:06

Қишлоқ ва сув хўжалиги масалалари бўйича ўринбосар лавозими қайта жорий қилинмоқда

Президентнинг «Қишлоқ хўжалиги соҳасида давлат бошқарувини янада такомиллаштириш чора-тадбирлари тўғрисида»ги қарори билан Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари – Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи лавозими жорий қилинади.

Шунингдек, туман (Қувасой шаҳар) ҳокимликлари тузилмаларига ҳам ушбу лавозим киритилади.

Эслатиб ўтамиз, илгари ушбу лавозим мавжуд бўлиб, ҳудудий давлат бошқаруви органлари тузилмасини такомиллаштириш ислоҳотлари жараёнида қисқартирилган эди.

Бизни кузатиб боринг:👇
https://t.me/klasteruzb
664
Klaster.uz

04 Dec, 05:30

Пахтачиликда бу йилги натижа қандай бўлди?

2024 йилги деҳқончилик мавсуми якунланиб, қишлоқ хўжалиги тармоқлари сарҳисоб қилинмоқда. Шу ҳисобда, пахтачиликдаги бу йилги натижалардан кўнгил тўладими?

Рақамларга назар ташлайдиган бўлсак, мамлакат бўйича жами 3 миллион 100 минг тонна пахта хом ашёси етиштирилди. Бу камида 1 миллион тонна пахта толаси, деганидир. Бироқ ялпи хирмон ўтган йилгиси билан қиёсланганда, анча кам, 700 минг тонна кам ҳосил олинган.

Охирги етти йиллик бўйича таҳлил қилинганда эса ёмон манзара ҳосил бўлмайди. Мана, ўзингиз таққослаб кўринг:

2023 йил — 3 миллион 800 минг тонна;

2022 йил — 3 миллион 510 минг тонна;

2021 йил — 3 миллион 400 минг тонна;

2020 йил — 3 миллион тоннадан зиёд;

2019 йил — 2 миллион 845 минг тонна;

2018 йил — 2 миллион 300 минг тонна пахта етиштирилган.

Кўпчилик хориж ғўза навлари парваришига зўр берилган бу йилги шароитда пахтачиликда ҳосил яхши бўлганини эътироф этмоқда. Қолаверса, мавсум давомида аввалги йиллардаги каби ҳосилга зиён етказидаган экстремал об-ҳаво кузатилмади. Фақат айрим жойларда етиштирилган ҳосил тўлиқ йиғиштириб олинмагани айтилмоқда.

Бу эса ўрганиш талаб этадиган баҳсли фикр, албатта. Лекин мавсум аввалида терим пули паст белгилангани, механизациялаштириш даражасининг пастлиги пахта йиғим-терими суръатига салбий таъсир кўрсатгани бор гап.

Бизни кузатиб боринг:👇
https://t.me/klasteruzb
772
Klaster.uz

03 Dec, 04:55

АҚШ Афғонистонда Қўштепа  каналининг қурилишидан хавотирда

Афғонистонда Қўштепа  каналининг  қурилиши эҳтимолий ҳалокатли оқибатларга олиб келиши мумкин. Бу ҳақда Америка маркази хабар берди.

Қурилиш жараёнида бетонларнинг етишмаслиги сувнинг етарли даражада йўқотилишига олиб келади: юз минглаб куб метр сув ерга сингиб кетиб, тупроқ шўрланади ва буғланади. Бу Марказий Осиёдаги музликларнинг эриши билан бирга минтақа учун экологик, иқтисодий ва ижтимоий хавфларни кучайтиради.

Юқоридаги муаммо юзасидан, Халқаро ҳамжамият  зарарни минималлаштириш учун Толибон ҳукуматини канал қуриш жараёнида замонавий технологиялардан фойдаланишга  кўндириш лозимлигини таъкидламоқда.

ЮНИСEФга кўра, Қўштепа канал қурилиши Амударёдан сув оқимининг 8-20 фоизини бошқа томонга буриб юборади. Бу жараён Ўзбекистон қишлоқ хўжалигида 250 минг иш ўрни йўқолишига ва мамлакат ялпи ички маҳсулотининг 0,7 фоизга қисқаришига олиб келиши мумкин.

Бизни кузатиб боринг:👇
https://t.me/klasteruzb
1,653
Klaster.uz

03 Dec, 04:07

Хитой тажрибаси оммалаштирилади

Жорий йилда Арнасой туманида 9 минг гектар пахта майдонининг 985 гектарига тажриба асосида Хитой чигити экилган эди. Тажриба ўзини оқлаб, ушбу майдонларда пахта ҳосилдорлиги кескин ошди. Шу боис 2025 йилда хориж ғўза нави экиладиган майдонларни икки баробарга ошириш режалаштирилмоқда.

Арнасой тумани ҳокими Одил Мусанов ва Хитойнинг “China Xinjiang Hongtai Seed Industry Technology Co.Ltd” компанияси вакиллари ўртасида бўлиб ўтган музокарада шу ҳақда келишиб олинди.

Хитой технолгиясининг афзаллиги шундаки, чигит қўш-қатор қилиб экиш орқали кўчатлар сони 250 мингтага оширилади. Натижада гектаридан камида 50 центнердан ҳосил олишга эришилади.

Келишувга кўра, ҳамкорлар туман фермер ва кластерлари учун ўқув семинарлари ташкил этилиб, янги технология бўйича пахта етиштириш, юқори ҳосил олиш, хом ашёни эрта йиғиштири олиш юзасидан тушунчалар бериши кўзда тутилди.

Бизни кузатиб боринг:👇
https://t.me/klasteruzb
1,828
Klaster.uz

02 Dec, 04:56

Илмга асосланган жойда ривожланиш бўлади

“Buxoro Agroklaster” кластери шўрланган еларда ҳам мўл ҳосил олишнинг уддасидан чиқмоқда. Бунинг замирида ишга илм асосида ёндашилгани, амалиётга инновациялар қўлланаётгани ётибди.

Гап шундаки, кластер тизимида ер майдонлари унумдорлигини аниқлаб берувчи замонавий лаборатория ишга туширилган. У Германиянинг замонавий технологиялари билан жиҳозланган бўлиб, тупроқ таркибидаги қирқдан ортиқ, сув таркибидаги ўнга яқин кўрсаткичларни аниқлаш имконига эга.

Ушбу лабораторияда тупроқнинг кимёвий таркиби ўрганилиб, шу орқали ўсимликларнинг минерал ва органик ўғитларга бўлган талаби аниқланади. Тупроқ хоссалари, шўрланиш даражаси ҳам чуқур таҳлил қилинади. Унинг натижалари асосида ерни меъёрлаштириш бўйича чора-тадбирлар кўрилади.

Бу ерда шакллантирилган маълумотлар корхонанинг яна бир лойиҳаси – “Agro Smart Map Uz” платформасига юклаб борилади. Шу маълумотлар асосида ер эгалари керакли агротехнологик тавсиялар олади.

Бизни кузатиб боринг:👇
https://t.me/klasteruzb
970
Klaster.uz

29 Nov, 05:16

Ромитанда 74 километр ариқ ўзани бетонлаштирилди

Ромитан туманида ички суғориш тармоғи 1371 километрни ташкил этиб, жорий йил бошидан ҳудуддаги 216 та фермер хўжалиги ва агрокластер томонидан 220 километр сув йўлини бетонлаштириш режаси ишлаб чиқилган.

Туман сув етказиб бериш хизмати давлат муассасаси директори Ғолибжон Ғайбуллаевнинг айтишича, жорий йилнинг ўтган даврида 74 километр ариқ ўзани бетонлаштирилди. Айни пайтда ариқларни бетонлаштириш ишлари жадал давом эттирилмоқда. Бу жараёнда 70 нафарга яқин ишчи-мутахассис икки бригадага бўлинган ҳолда ариқлар ўзанини лойқадан тозалаш ва бетонлаштириш ишларида яқиндан ёрдамлашмоқда.

Ромитан туманида Чавкар, Кўли Палос, “Северний”, Муғонча, Қўрғон каби канал ва коллекторлар мавжуд бўлиб, уларда мавсумий тозалаш, реконструкция ишлари мунтазам олиб борилмоқда. Ўтган йили республика бюджетидан ажратилган 9 миллиард 376 миллион сўм ушбу ишлар ижросига йўналтирилди.

Бизни кузатиб боринг:👇
https://t.me/klasteruzb
3,026
Klaster.uz

28 Nov, 12:49

Ердан унумли фойдаланган кластерларга катта енгилликлар берилади

Дала четини самарали ишлатган аҳоли, фермер ва кластерларга катта енгилликлар берилади. Масалан, фермерларга тадбиркорлар рейтингини ҳисоблашда қўшимча балл берилади, ички фитосанитар сертификати бир йил давомида бепул берилади. Энг асосийси, барча экин майдонлари учун ер солиғини икки йилга бўлиб тўлашга рухсат берилади.

Шу билан бирга, дала чети ҳисоби, нима маҳсулот етиштирилгани ва қанча маҳсулот олингани “e-Фито” портали орқали назорат қилиб борилади. Шунингдек, ҳар бир маҳаллада камида 100 тадан хонадонга лимон, ток кўчати тарқатилади.

Сайхунобод тажрибаси асосида 164 та қишлоқ туманларининг 4 тадан маҳалласига минитехника берилиши белгиланди. Ким минитракторда хизмат кўрсатса, ўзини ўзи банд қилган бўлади ва уларга мамлакатимизда чиқадиган техника учун 30 миллион сўмгача гаровсиз кредит берилади.

Бизни кузатиб боринг:👇
https://t.me/klasteruzb
2,035
Klaster.uz

28 Nov, 12:34

Пахта ва ғалла майдонлари яна 104 минг гектарга қисқартирилади

Айни пайтда Президент Шавкат Мирзиёев раислигида бўлиб ўтаётган видеоселектор йиғилиши шу ҳақда маълум қилинди.

Унда айтилишича, шу пайтгача пахта ва ғалла ерларининг 260 минг гектари озиқ-овқат маҳсулотлари етиштириш учун ажратилган бўлса, кеча яна 104 минг гектар ер майдонини шу мақсад учун ажратишга рухсат берилган.

Йиғилишда, шунингдек, томорқа, кўчалар, дала четлари ва канал-коллекторлар атрофидаги ерларда озиқ-овқат ва даромадли экинларни экиб, активга айлантириш масалалари кенг муҳокама қилинмоқда.

Бизни кузатиб боринг:👇
https://t.me/klasteruzb
1,882
Klaster.uz

28 Nov, 09:33

Адирликда боғ барпо этилмоқда

Чортоқ туманида “Siberian Wellness-Namangan” агрокластери ташкил этилмоқда. Вазирлар Маҳкамасининг 2022 йил 7 июндаги “Наманган вилоятида замонавий мева-сабзавотчилик агросаноат кластерларини ташкил этиш чора-тадбирлари тўғрисида”ги қарорига асосан амалга оширилаётган ушбу лойиҳа доирасида 20,9 миллион АҚШ доллари миқдорида тўғридан-тўғри хорижий инвестиция жалб этилади.

Бунинг ҳисобига 679,2 гектар адир ерлари ўзлаштирилиб, боғ яратилади, сабзавот маҳсулотлари етиштириш йўлга қўйилади. Жумладан, баҳор мавсумида 100 гектар майдонга Франциядан ноёб турдаги олма ва гилос кўчатлари олиб келиниб, интенсив боғ барпо қилиш ишлари бошлаб юборилди.

Лойиҳа ташаббускорларининг айтишича, боғда томчилатиб суғориш тизими йўлга қўйилади. Шу мақсадда тик қудуқ қазилиб, ховуз барпо қилинди. Айни пайтда электр тармоғи тортилмоқда.

Бизни кузатиб боринг:👇
https://t.me/klasteruzb
1,498
Klaster.uz

28 Nov, 04:53

Сувни тежаш, мўл ҳосил олиш кафолати

Нишон туманидаги “Indorama Agro” пахта-тўқимачилик кластери 13 минг 700 гектар ерда деҳқончилик қилиб келмоқда. Шундан 7 минг гектарига 2025 йил ҳосили учун пахта етиштириш режалаштирилган.

Мазкур экин майдонларининг 4 минг гектарини лазерли текислаш мақсад қилинган бўлиб, бугунги кунга қадар қўшни Туркманистон Республикаси билан чегара ҳудудда жойлашган ерларнинг 1 минг 400 гектари лазерли текислаб бўлинди. Кластер томонидан ерларни замонавий ускуналар билан текисланаётгани бежиз эмас, албатта. Бу усул, айниқса, сув тақчиллиги юқори бўлган Қашқадарё вилоятида обиҳаётни тежаб, мўл ҳосил етиштириш имконини беради.

Яна бир эътиборли жиҳати шундаки, кластер томонидан лазерли текисланган ерларга чигит плёнка остига 76 схемада қўшқатор қилиб экиш режалаштирилган. Бунинг учун Хитой ғўза нави танланган. Келгуси йилда ғўза майдонларида тўлиқ томчилатиб суғориш технологияси жорий этилади.

Бизни кузатиб боринг:👇
https://t.me/klasteruzb
1,932
Klaster.uz

27 Nov, 09:20

“Барор”нинг ишида барор бор

“Асака текстиль” кластерининг “Барор” бренди остида тўқимачилик маҳсулотлари етказиб берувчи замонавий мажмуасининг майдони 13 гектарни эгаллаган.

Ушбу корхонада йилига ўртача 14 минг 200 тонна тола чуқур қайт аишланиб, 10 минг тонна калава ип, 4 минг 600 тонна момиқ сочиқ ва бошқа маҳсулотлар ишлаб чиқарилади. 2 минг 400 нафар кишининг бандлиги таъминланган.

Кластернинг сочиқ, мато, калава ипларни бўёқлаш, гулли мато тайёрлаш қувватлари ҳам мавжуд. Дастлабки лойиҳа янада ривожлантирилиб, тайёр маҳсулот ишлаб чиқариш ҳажми 14 миллион 600 минг донага етказилган. Йиллик эскпорт ҳажми эса 36 миллион долларни ташкил этмоқда.

Асакадаги 2-сон касб-ҳунар мактабининг 108 нафар ўқувчиси дуал таълим шаклида шу корхонада иш билан таъминланган. Бир вақтни ўзида, ўқувчилар таҳсил олиши учун корхонада ҳам барча шароитлар яратилган.

Бизни кузатиб боринг:👇
https://t.me/klasteruzb
607
Klaster.uz

27 Nov, 04:53

Норинда форель балиғи етиштирилмоқда

Форель, яъни хонбалиқ дунёда энг кўп истеъмол қилинаётган харидорбоп балиқ тури саналади. У тоза ва совуқ сувда яшагани сабабли ноёб ҳисобланади.

Юртимиз тадбиркорлари ишбилармонлиги туфайли ушбу ноёб балиқни саноат усулида етиштиришнинг уддасидан чиқишмоқда. Норин туманидаги “Fishville Norin” масъулияти чекланган жамияти шулардан бири. Бу ерда интенсив усулда йилига 1 000 тонна форель балиқлари етиштирилади.

Тадбиркорнинг айтишича, Нориннинг табиати хонбалиқ етиштириш учун қулай. Ушбу лойиҳани амалга оширишдан кўзланган асосий мақсад ички бозорга ноёб балиқ маҳсулоти етказиб бериш, фуқаролар бандлиги ва озиқ-овқат хавфсизлигини таъминлашга муносиб ҳисса қўшишдир.

Айни пайтда жамиятда 100 та янги иш ўрни яратилган. Келгусида маҳсулотларни экспорт қилиш ҳам кўзда тутилган.

Бизни кузатиб боринг:👇
https://t.me/klasteruzb
732
Klaster.uz

26 Nov, 04:41

Тўрт йилда 5 500 гектар ер ўзлаштирилди

Озиқ-овқат хавфсизлигини таъминлашда кластерларнинг роли тобора ошмоқда. Бунга Бухоро вилоятидаги “Яккатут” ғаллачилик, уруғчилик ва шоличилик кластери фаолияти яққол мисол бўла олади.

Кластер томонидан ғалла ва шоли, соя, чорва озуқаси, ун, нон ва қандолат маҳсулотлари ишлаб чиқариш йўлга қўйилган. Бугунгача тўртта лойиҳа амалга оширилиб, 1250 та иш ўрни яратилди.

Эътиборли жиҳат шундаки, кластер 2021 йилдан буён 5 500 гектар барханли қум ерларни ўзлаштирилиб, 914 гектар ерда бошоқли дон, 1 000 гектар ерда шоли, 500 гектар ерда соя, 300 гектар майдонда тариқ, нўхат ва мош каби экинлар етиштирилмоқда.

2023 йилда қуввати 50 минг тонна ун ишлаб чиқариш ҳамда 15 минг тонна уруғни лазерли тозалаш корхоналари ишга туширилган бўлса, жорий йилда шолини қайта ишлаш қуввати фойдаланишга топширилади.

Бизни кузатиб боринг:👇
https://t.me/klasteruzb
901
Klaster.uz

25 Nov, 15:28

Ҳосилдорликни ошириш бўйича таклифлар ўрганилди

Юртимиз аҳолиси йилига қарийб 1 миллион нафарга ўсиб бораяпти. Ер ва сув манбалари эса чекланган. Шу боис ички бозор барқарорлигини омилкорлик ва ҳосилдорлик орқали таъминлаш мумкин.

Озиқ-овқат хавфсизлигини таъминлаш, пахта ва ғалла ҳосилдорлигини ошириш бўйича таклифлар тақдимотида ушбу масала кенг муҳокама қилинди.

Келгуси йил 4 миллион 800 минг гектарда экинлар етиштириш мўлжалланган. Шундан 2 миллион гектардан зиёд ерда мева-сабзавот, картошка, дуккакли ва полиз маҳсулотлари экилади.

Пахтачиликда хорижий навларни экишнинг натижадорлиги таҳлил қилинди.

Давлатимиз раҳбари бу борада кластер, фермер ва саноат корхоналари фикрини ўрганиб, масалага илмий ёндашиш, фермерларни замонавий агротехнологияларга ўқитиш муҳимлигини таъкидлади. Замонавий пахта териш машинаси ва аҳоли томорқалари учун кичик агротехникалар ишлаб чиқариш бўйича топшириқлар берилди.

Бизни кузатиб боринг:👇
https://t.me/klasteruzb
1,546
Klaster.uz

25 Nov, 05:32

“Payariq Claster”га манипуляция ҳаракатлари учун чора кўрилди

Рақобат қўмитасининг Самарқанд вилояти ҳудудий бошқармаси томонидан ўтказилган мониторнинг натижасида “Payariq Claster” МЧЖ томонидан 2022 йилда 259,1 тонна пахта ёғи, 890,5 тонна шрот ва 418,9 тонна шулха ҳамда 2023 йилда 2250 тонна техник чигит маҳсулотлари тўғридан-тўғри шартномалар асосида сотилганлиги аниқланди.

Шунингдек, кластер корхонаси томонидан маҳсулотларни биржа савдоларига қўймасдан тўғридан-тўғри сотилиши туфайли ўртача биржа котировка нархлари билан таққосланганда жами 1,9 милилард сўмга яқин миқдорда тафовут (фарқ) аниқланди.

Аниқланган ушбу ҳолатларга мувофиқ, “Payariq Claster” МЧЖга нисбатан иш қўзғатилиб, натижаси юзасидан белгиланган тартибда тегишли таъсир чораси қўлланилди. Қонунбузилиш ҳолатини бартараф этиш ва келгусида йўл қўймаслик бўйича бажарилиши мажбурий бўлган кўрсатма берилди.

Бизни кузатиб боринг:👇
https://t.me/klasteruzb
996
Klaster.uz

21 Nov, 07:00

Кластерда ёшлар дуал таълим асосида ишли бўлмоқда

Бугун республикамиз барча вилоятлари ҳокимлари Андижон вилоятига ташриф буюрди. Бундан кўзланган мақсад ҳудудда амалга оширилаётган ишлар билан яқиндан танишиш, ўзаро тажриба алмашишдир.

Вилоятлар ҳокимлари дастлаб Асака туманидаги “Барор” кластер корхонасида бўлиб, бу ерда кластер усулида маҳсулот етиштириш ва тайёр кийим-кечаклар ишлаб чиқариш жараёнини кўздан кечирдилар.

Вилоят раҳбарларида кластерда дуал таълим тизими асосида ёшларни касб ўргатиш орқали уларнинг бандлигини таъминлаш бўйича олиб борилаётган ишлар катта қизиқиш уйғотди.

Бизни кузатиб боринг:👇
https://t.me/klasteruzb
2,676
Klaster.uz

21 Nov, 04:48

“Қишлоқ хўжалиги кооперативи тўғрисида”ги Қонунга шарҳ

Тафсилотлар “Ахборот 24” информацион дастурида.

Бизни кузатиб боринг:👇
https://t.me/klasteruzb
3,114
Klaster.uz

20 Nov, 09:10

2025 йил — Атроф-муҳитни асраш ва “яшил” иқтисодиёт йили

Эл-юртимизнинг фикр-мулоҳазалари, хоҳиш-истакларини атрофлича ўрганиб, билдирилган тавсиялардан келиб чиққан ҳолда, Президент 2025 йилни юртимизда “Атроф-муҳитни асраш ва “яшил” иқтисодиёт йили” деб эълон қилишни таклиф қилди.

Йиғилганлар ушбу ташаббусни тўлиқ қўллаб-қувватладилар.

Бизни кузатиб боринг:👇
https://t.me/klasteruzb
2,306
Klaster.uz

20 Nov, 08:49

Абдулла Арипов номзоди Бош вазир лавозимига маъқулланди

Олий Мажлис Қонунчилик палатаси депутатлари Президент томонидан Бош вазир лавозимига кўрсатилган Абдулла Арипов номзодини кўриб чиқдилар.

Номзод Вазирлар Маҳкамасининг яқин муддатга ва узоқ истиқболга мўлжалланган ҳаракатлар дастурини тақдим этди.

Номзод ва Ҳукуматнинг дастури кўриб чиқилгач, Бош вазир лавозимига номзодни маъқуллаш масаласи овоз беришга қўйилди.

Яширин овоз бериш йўли билан депутатлар Абдулла Ариповни Ўзбекистон Республикаси Бош вазири лавозимига маъқулладилар.

Бизни кузатиб боринг:👇
https://t.me/klasteruzb
1,977
Klaster.uz

20 Nov, 06:41

Ҳар гектар ердан 5 минг доллар даромад олиш вазифаси қўйилди

Айни пайтда Қонунчилик палатасининг Бош вазир лавозимига номзодни кўриб чиқиш ва Вазирлар Маҳкамасининг яқин ва узоқ истиқболга мўлжалланган ҳаракатлар дастури муҳокамасига бағишланган мажлиси бўлиб ўтмоқда.

Унда иштирок этаётган давлат раҳбари аҳолимиз сони кўпайиб бораётган ҳозирги шароитда озиқ-овқат хавфсизлигини таъминлаш энг долзарб вазифа бўлиб қолишини таъкидлади. Бу борада қишлоқ хўжалигининг барча тармоқлари, аввало, мева-сабзавотчиликни интенсив ривожлантириш, янги уруғ навларини яратиб, импортни 50 фоизга қисқартириш бўйича дастурлар борлиги айтилди.

“Ҳукумат бу дастурлар ижросини таъминлаб, қишлоқ хўжалигида ишлаб чиқаришни 1,3 баробар ошириш, ҳар гектар ердан олинадиган ўртача даромадни 5 минг долларга етказиш, соҳада экспорт ҳажми 10 миллиард доллардан иборат бўлиши, сув тежайдиган технологиялар билан қамраб олинган ер майдонларини 2 карра ошириш бўйича ишни самарали ташкил этиши зарур”, деди давлат раҳбари.

Янги йилда сув тежайдиган технологияларни жорий қилишга 5 триллион сўм, каналларни бетонлашга 800 миллиард сўм йўналтирилади.

Эслатиб ўтамиз, келгуси беш йилда аҳолимиз сони 40 миллион нафардан ортиши кутилмоқда.

Бизни кузатиб боринг:👇
https://t.me/klasteruzb
3,278
Klaster.uz

19 Nov, 09:24

Эндиликда Қашқадарёда янгича усулда пахта етиштирилади

Бу йилги мавсумда Косон туманининг Жарқум ҳудудида хитойлик инвесторлар томонидан янги тажриба асосида пахта етиштириш йўлга қўйилган эди.

Бу усулда томчилатиб суғориш технологиялари қўлланилиб, экин парваришида хориж усуллари татбиқ этилди. Натижада пахтачиликда мўл ҳосил олиндики, бу эса туман раҳбарларининг эътиборини тортди. Шу боис Қашқадарё вилояти ҳокими Муротжон Азимов бошчилигида туман раҳбарлари “Қашқадарё JINGU” масъулияти чекланган жамиятига ташриф буюриб, кластер фаолияти билан яқиндан танишдилар. Хитойлик инвесторлар билан суҳбатлашиб, тажриба алмашдилар.

Янгича усулда пахта етиштириш ва томчилатиб суғориш технологияларидан унумли фойдаланиш мақсадида мазкур тажрибани вилоятнинг бошқа ҳудудларида ҳам оммалаштириш таклифи илгари сурилди.

Бизни кузатиб боринг:👇
https://t.me/klasteruzb
2,282
Klaster.uz

19 Nov, 04:03

“Кампирнинг дарди ғўзада”ми ё?..

Очиғи, бу мақолнинг маъносига унчалик тушунмаганман. Нега кампирнинг дарди ғўзада бўлиши керак? Яқинда Ўзбекистон халқ артисти Гавҳар Зокирова билан сафарда юрганимизда шу мақол ҳақида гап кетди. Опа: “Эшитганим бор. “Кампирнинг дарди ғўзада” эмас, ғозада. Абдулла Қодирий ҳам ғоза сўзини ишлатган экан” деб қолди.

Шундан кейин ичимга ғулув тушди. Уйга келиб, ўзим кўп қарайдиган —“Маънолар махзани” китобини варақладим. Унда бу мақолга берилган шарҳда шундай жойи бор: “Чол: Э Худо, тилла тўла кўза бер”, дейди. Кампир: “Э Худо, сават тўла ғўза бер”, дейди. Илгари аксарият кампирлар кунларини ғўза(кўсак) чувиш, чарх йигириш билан ўтказардилар. Мазкур мақолни: “Ҳар ким ўзи яхши кўрадиган, ўз тириклигини таъминлайдиган, ўзига эрмак, ҳузур-ҳаловат бахш этадиган нарсалар ҳақида ўйлайди, ўшанга эришиш ҳаракатида бўлади” деган маънода қўллайдилар”. Бир қарашда бу шарҳ тўғрига ўхшайди. Лекин...

Мен бу китобдан сўнг “Ўзбек тилининг изоҳли луғати”дан ғоза сўзини изладим ва қуйидаги шарҳни ўқидим: ҒОЗА. (ф. Аёллар юзига сурадиган қизиллик, элик). эск. Юзга сурадиган қизил рангли пардоз буюми, элик.
Кампирнинг дарди ғозада. Ҳар ким ўз ташвиши, ўз истаги, мақсади ҳақида ўйлайди ёки қайғуради, деган маънода ишлатилган матал.

Мана бу бошқа гап. Бу ерда мақол ва маталларимизга хос киноя бор, тилимизга мос кесатиш бор, миллий қарашларимизга яраша мантиқ бор, муҳими бадиият бор. Менимча, чолу кампир айтишувида ҳам чолнинг тилла тўла кўза сўраши бор гап. Лекин кампир сават тўла ғўзамас, сават тўла ғоза сўраган бўлса керак.

Алишер Навоий ҳам“Сабъаи сайёр” достонида ғоза сўзини упа-элик маъносида ишлатган экан:
Ясади беқиёсу андоза,
Сабзадин вўсма, лоладин ғоза.

Эшқобил ШУКУР

Бизни кузатиб боринг:👇
https://t.me/klasteruzb
1,583
Klaster.uz

18 Nov, 10:37

Кўҳитангда 760 гектар ер ўзлаштирилмоқда

Шеробод туманининг тоғли Кўҳитанг ҳудудида 760 гектар ер майдонини ўзлаштириш ва фойдаланишга киритиш ишлар жадал олиб борилмоқда.

“Surxon gold OURS” МЧЖ томонидан ўзлаштирилаётган мазкур ер майдонида томчилатиб суғориш тизими орқали 500 гектарида ғалла, 100 гектарида сабзавот ва полиз экинлари етиштириш ҳамда 100 гектар майдонда боғ ташкил этиш режалаштирилган.

Бунинг учун ҳудудда 6 минг куб метр ҳажмли сув ҳавзаси барпо этилади.

Бизни кузатиб боринг:👇
https://t.me/klasteruzb
1,447
Klaster.uz

18 Nov, 06:57

Пилла етиштирувчилар даромад солиғидан озод қилинди

Президент томонидан имзоланган Қонун (ЎРҚ-1001-сон, 15.11.2024 й.) билан Солиқ кодексига қўшимча киритилди

Қонунга кўра, 2023 йил 1 январдан 2026 йил 1 январга қадар бўлган даврда:

🔹жисмоний шахсларнинг уй шароитида тирик пилла етиштириш (касаначилик) фаолиятидан олинган даромадларини жисмоний шахслардан олинадиган даромад солиғидан озод қилинади;

🔹уй шароитида тирик пилла етиштирувчи касаначилар меҳнатига ҳақ тўлашга йўналтириладиган маблағлар ижтимоий солиқдан озод қилинади;

🔹тутзорлар билан банд бўлган ер участкалари учун ер солиғи белгиланган солиқ ставкаларига нисбатан 0,1 коэффициент қўлланилган ҳолда ҳисоблаб чиқарилади.

Бизни кузатиб боринг:👇
https://t.me/klasteruzb
1,636
Klaster.uz

15 Nov, 06:43

#Фоторепортаж

Ер ҳайдасанг, куз ҳайда...

Бизни кузатиб боринг:👇
https://t.me/klasteruzb
2,746
Klaster.uz

15 Nov, 05:06

Конимехлик миришкор вилоятда биринчи бўлишди

Конимехлик деҳқонлар пахтачиликда ҳам яхши тажриба орттирганини бу йилги мавсумда исботлашди. Улар пахта етиштириш бўйича шартнома режасини Навоий вилоятида биринчи бўлиб бажардилар.

Жорий йилда 360 гектардан ортиқ майдонга ғўзанинг “Бухоро-102”, “C-6601” нави экилди. Экин парвариши обитобида бажарилгани туфайли табиат инжиқликларига қарамасдан мўл ҳосил етиштирилди. Гектаридан ўртача 35-40 центнердан ортиқ ҳосил йиғиштириб олиниб, ялпи пахта хирмони 1128,0 тоннага етказилди.

Бунда “Аҳмад бобо”, “Гавҳарбек оғли Жандос”, “Соҳиб”, “Алишер Суннат”, “Аваз”, “Аймекен”, “Учқун Нарқул ўғли” сингари илғор фермер хўжаликларининг ҳиссаси, айниқса, катта бўлди.

Бизни кузатиб боринг:👇
https://t.me/klasteruzb
1,755
Klaster.uz

14 Nov, 05:27

13 та пахта-тўқимачилик кластери ўз маҳсулотини “Better Cotton” лицензияси асосида экспорт қилади

Тошкент мезбонлик қилган “Better Cotton” форумида “Яхши пахта” дастурининг глобал савдо тармоғига уланиш, янги бозорларни ўзлаштириш, бу борада Ўзбекистон имкониятлари муҳокама қилинди.

Тафсилотлар видеоматериалда.

Бизни кузатиб боринг:👇
https://t.me/klasteruzb
1,192
Klaster.uz

14 Nov, 04:23

Қўшиб ёзиш учун 15 миллион сўм

Бўка тумани қишлоқ хўжалиги бўлими бошлиғи Т.Б. пора олаётган вақтда ҳуқуқ-тартибот идоралари томонидан ушланган.

Аниқланишича, туман аграр соҳа етакчиси 30 тонна пахтани қўшиб ёзиш эвазига фермердан 15 миллион сўраган. Бу қинғирлик ўз вақтида фош қилинди. “Бўлим бошлиғи қамоқда, фермер эса режани қандай бажаришни билмай ўтирибди ҳалиям”, дейилади хабарда.

Бизни кузатиб боринг:👇
https://t.me/klasteruzb
1,227
Klaster.uz

13 Nov, 09:19

“Indorama”нинг янги мавсумдаги асосий мақсади маълум бўлди

Сингапурнинг “Indorama” компанияси томонидан 2025 йилда 3,5 минг гектар майдонда томчилатиб суғориш технологиялари жорий қилинади. Бу ҳақда компания вице президенти Амит Лохия қишлоқ хўжалиги вазири Иброҳим Абдураҳмонов билан учрашув маълум қилди.

Айтиш жоизки, Ўзбекистон иқтисодиётига энг кўп инвестиция киритилаётган чет компанияларидан бири Сингапурнинг “Indorama” компанияси ҳисобланади. У бугунги кунда тўқимачилик, қишлоқ хўжалиги ва кимё соҳаларида йирик лойиҳаларни амалга оширмоқда. Жумладан, Қашқадарё ҳамда Сирдарё вилоятларида пахта-тўқимачилик кластерлари фаолиятини йўлга қўйган.

2025 йилда хорижий ғўза навларини экишда янгича, илғор технологияларни қўллаш, суғоришнинг тежамкор усулларини кенгайтириш компания қишлоқ хўжалиги соҳаси йўналишидаги асосий мақсади этиб белгиланган.

Бизни кузатиб боринг:👇
https://t.me/klasteruzb
1,419
Klaster.uz

13 Nov, 04:53

Сурхондарёда 739,6 минг тонна дон етиштирилди

2024 йилги қишлоқ хўжалиги мавсумида Сурхондарё вилоятидаги барча тоифадаги хўжаликлар томонидан 739,6 минг тонна дон етиштирилди. Бу 2023 йилдагига таққосланганда 6,5 фоиз кўпдир.

Ҳудудлар кесимида айтганда, энг кўп ғалла Музработ (120 067 тонна), Шеробод (100 952 тонна) ҳамда Денов (86 083 тонна) туманлари томонидан етиштирилган.

Хўжаликлар тоифалари бўйича таҳлил қилинганда эса дон ишлаб чиқариш умумий ҳажмининг 68,5 фоизи фермер хўжаликлари ҳиссасига тўғри келган.

Бизни кузатиб боринг:👇
https://t.me/klasteruzb
1,053
Klaster.uz

13 Nov, 04:42

Мўл ҳосилга тайёргарлик кўришнинг айни палласи

Учқўрғон туманида кузги мавсумда такрорий экиндан бўшаган 10200 гектар ерни шудгорлаш, 6950 гектарга ғалла экиш режалаштирилган. Бу ҳақда “Мамасоли ота ўғиллари ШНА” фермер хўжалиги даласида ташкил этилган “Куз — келгуси йил ҳосилига пухта тайёргарлик кўришнинг айни палласи” мавзусидаги семинарда маълум қилинди.

Семинарда ушбу муҳим агротехника тадбирларини қисқа муддатда сифатли якунлаш, бу жараёнда эътибор қаратиш зарур бўлган жиҳатлар ҳақида маълумот берилди. Шунингдек, ноябрь-декабрь ойлари учун белгиланган ички ариқларни бетонлаштириш ҳамда “Яшил макон” доирасида кўчат экиш ишларини сусайтирмаслик муҳимлиги айтиб ўтилди.

Мутахассислар томонидан агротехника тадбирларини бажариш юзасидан қўшимча тавсиялар берилди.

Бизни кузатиб боринг:👇
https://t.me/klasteruzb
1,008
Klaster.uz

12 Nov, 04:33

Мансабдорлар кооператив фаолиятига аралашишга ҳақли эмас

“Қишлоқ хўжалиги кооперативи тўғрисида”ги Қонун қабул қилинди. Мазкур ҳужжат қишлоқ хўжалиги кооперативининг ташкил этилиши, фаолияти, қайта ташкил этилиши ва тугатилиши соҳасидаги муносабатларни тартибга солади.

Қонунга кўра, қишлоқ хўжалиги кооперативи – қишлоқ хўжалиги фаолиятини амалга ошириш учун пай усулига, жисмоний ва (ёки) юридик шахсларнинг ихтиёрий равишда бирлашишига асосланган мустақил тижорат ташкилоти ҳисобланади.

Кооператив қишлоқ хўжалиги соҳасида хизматлар кўрсатиш билан бир қаторда қишлоқ хўжалиги маҳсулотларини етиштириш, сақлаш, қайта ишлаш ва реализация қилиш, шунингдек қонунда тақиқланмаган бошқа фаолият турлари билан шуғулланиш ҳуқуқига эга.

16 ёшга тўлган жисмоний шахслар, шунингдек кооператив устави талабларига жавоб берадиган юридик шахслар кооператив аъзолари бўлиши мумкин.

Кооператив аъзоларининг реестри кооператив бошқаруви томонидан юритилади ва унда кооперативнинг ҳар бир аъзоси тўғрисида тегишли маълумотлар кўрсатилади.

Давлат органлари, бошқа ташкилотлар ва мансабдор шахслар кооперативнинг қонунчиликка мувофиқ амалга ошираётган фаолиятига аралашишга ҳақли эмас.

Бизни кузатиб боринг:👇
https://t.me/klasteruzb
2,411
Klaster.uz

12 Nov, 04:16

Каналларни бетонлаш жадал суръатларда амалга оширилмоқда

Қашқадарё вилоятида жорий йилнинг ўтган даврида 12 та каналнинг 107,4 километр қисмида бетонлаштириш ишлари амалга оширилди. Шу давр ичида жами 120 минг 759 гектар сув тежовчи технологиялар қўлланилди.

Жумладан:
— 11495 гектар томчилатиб суғориш технологиялар (шунинг 7661 гектари пахта);
— 1573 гектар ёмғирлатиб суғориш;
— 4387 гектар кўчма эгилувчан қувурлар орқали суғориш;
— 16407 гектар эгатга плёнка тушаб суғориш;
— 3843 гектарни дискрет текислаш;
— 83059 гектар ерларни лазерли текислаб суғориш технологиялари жорий этилган.

Мутахассисларнинг айтишича, ноябрь-март ойлари каналларни бетонлаштириш учун энг мақбул муддат ҳисобланади.

Бизни кузатиб боринг:👇
https://t.me/klasteruzb
1,333
Klaster.uz

11 Nov, 10:16

Ўзбекистон Республикаси Президенти томонидан “Қишлоқ хўжалиги кооперативлари тўғрисида”ги Қонун имзоланиб, расмий матбуотда эълон қилинди.

Ушбу қонун уч ойдан сўнг кучга киради.

Бизни кузатиб боринг:👇
https://t.me/klasteruzb
1,822
Klaster.uz

11 Nov, 04:39

“Чўлқувар” маҳалласида мотокультиватор ишлаб чиқарилмоқда

Қоровулбозор туманида инвестициявий лойиҳаларни ишга тушириш, тадбиркорлик ташаббусларини қўллаб-қувватлаш орқали янги иш ўринларини яратиш ва аҳоли бандлигини таъминлаш масалаларига алоҳида эътибор қаратилмоқда. Натижада ишлаб чиқариш корхоналари сафи ой сайин кенгайиб боряпти.

Яқинда “Чўлқувар” маҳалла фуқаролар йиғини ҳудудида иш бошлаган “Bukhara Real Moto” масъулияти чекланган жамияти — шулардан бири. У юк мотоцикллари ишлаб чиқаришга ихтисослаштирилган. Айни пайтда бу ерда “Лочин” бренди остида турли юк мотоцикллари, квадроцикллар ҳамда қишлоқ хўжалиги учун мўлжалланган мотокультиватор воситалари ишлаб чиқармоқда.

Келгусида корхона фаолияти кенгайтирилиб, халқ хўжалигида кенг фойдаланиладиган минитехникалар ишлаб чиқариш ўзлаштирилиши режалаштирилган.

Бизни кузатиб боринг:👇
https://t.me/klasteruzb
1,499
Klaster.uz

08 Nov, 09:20

Хитойдан пахта териш ва чигит экиш техникалари олиб келинди

Сурхондарё вилоятига Хитойнинг пахта териш ва чигит экиш техникалари жалб қилинади. Қумқўрғон туманидаги “Файз агро 555” фермер хўжалиги даласида ташкил этилган кўргазмали семинарда Хитойдан келтирилган дастлабки техникакалар, шу жумладан, замонавий чигит экиш сеялкаси тақдим этилди.

Тадбирда хорижнинг чигит экиш сеялкаси ва пахта териш машиналарининг ўзига хос хусусиятлари намойиш этилиб, бу техникалар меҳнат унумдорлигини ошириш, ҳосилдорликни кўпайтириш ва иш жараёнларини оптималлаштиришга қаратилганлиги таъкидланди. Пахтачилик тармоғига янги технологиялар жорий этилиши ҳосилдорликни ошириш, ҳосилни эрта йиғиштириб олишда муҳим аҳамиятга эга эканлиги қайд этилди.

Эслатиб ўтамиз, вилоятдаги 300 нафар фермер қишлоқ хўжалиги технологияларини янгилаш мақсадида Хитойдан замонавий техникаларни келтириш ташаббуси билан чиққан.

Бизни кузатиб боринг:👇
https://t.me/klasteruzb
2,425
Klaster.uz

08 Nov, 04:12

Учкўприклик пахтакорлар шартномавий режани бажарди

Жорий йилда Учкўприк туманидаги 202 та фермер хўжалиги томонидан 5 минг 350 гектар майдонда ғўза парвариш қилиниб, бугунги кунгача 20 минг тоннадан зиёд пахта ҳосили топширилди ва шартномавий режа бажарилди.

Туманда пахтачиликда илм-фан ва инновацияларга асосланган ҳолда ҳосилдорликни ошириш бўйича олиб борилган саъй-ҳаракатлар ўз самарасини бермоқда. Натижада “Қуммозор Меҳнатобод диёри”, “Миржалол гулистон Дурдонаси”, “Ҳакимбой”, “Бахшитол Собиржон ариқ”, “Биллур замин кўрки”, “Бобошбек келажаги” каби фермер хўжаликларида ўртача ҳосилдорлик гектарига 50 центнердан ортиқни ташкил қилди.

Миришкор деҳқонларнинг мавсум давомида қилган фидойи меҳнатлари туфайли ана шундай баракали ҳосил олиниб, юксак хирмон барпо қилинди.

Бизни кузатиб боринг:👇
https://t.me/klasteruzb
1,703
Klaster.uz

07 Nov, 12:56

1 миллиард долларга насос станциялари модернизация қилинди

Айни пайтда Президент Шавкат Мирзиёев раислигида қишлоқ хўжалигида сув ва энергия ресурсларидан унумли фойдаланиш масалалари юзасидан йиғилиш бўлиб ўтяпти.

Унда мазкур соҳада ҳали қилинадиган ишлар кўплиги кўрсатиб ўтилди. Масалан, кластер ва фермерларга етказиб берилаётган ҳар бир куб метр сувга республика бўйича ўртача 212 сўм харажат қилиняпти. Бухоро, Қашқадарё ва Наманган вилоятларида бу кўрсаткич 2-3 баробар юқори.

Охирги йилларда 1 миллиард доллар ҳисобига Қарши, Аму-Бухоро, Аму-Занг каби йирик насос станциялар модернизация қилинди. Лекин, Бухоро, Қашқадарё, Наманган ва Сурхондарёда ўрта ва майда эскирган насослар янгиланмагани учун сув таннархи ошиб кетмоқда. Бетонлаш ҳисобига йўқотиш 10-15 фоизга камайган бўлса-да, 20 та туманда йўқотишлар кўрсаткичи республикада энг юқорилигича қоляпти.

Бизни кузатиб боринг:👇
https://t.me/klasteruzb
2,364
Klaster.uz

07 Nov, 05:06

Теримчилар ҳар томонлама рағбатлантирилмоқда

Пахта йиғим-терим мавсуми якунланиб бораётганига қарамасдан Қоровулбозор тумани пахта майдонларида ҳосил ҳали мўл. “Бухоро Агрокластер заминлари” кластерининг чўл бағридаги экин майдонлари оппоқ бўлиб турибди. Шу боис ҳосилни териб олиш ишлари жадаллаштирилган. Терим пулларини ўз вақтида бериш, илғорларга қўшимча совға-саломлар улашиш орқали ҳашарчилар ҳар томонлама рағбатлантирилмоқда.

Кластер раҳбарининг айтишича, янги ўзлаштирилган ерларнинг 1000 гектарига апрель-май ойларида ғўзанинг хориж нави экилганди. Агротехника тадбирлари хитойлик мутахассис-олимларнинг тавсияси асосида олиб борилди. Натижада ҳосил кутилганидан ҳам зиёда бўлди.

Айни кунларда эса етиштирилган ҳосилни йиғиб олиш ишлари давом этмоқда.

Бизни кузатиб боринг:👇
https://t.me/klasteruzb
2,037
Klaster.uz

06 Nov, 10:45

Куз ёмғири буғдойни суғормасдан ундириб олиш имконини беради

Баъзи замонавий иқлим моделларига кўра, 4−10 ноябрь оралиғида республиканинг текислик ҳудудларида умумий ёғингарчилик миқдори 5−25 мм гача, водий маркази, шарқи ва Тошкент вилоятида 25−45 мм гача, тоғларда эса 80 мм гача бўлиши прогноз қилинган. Шимол ва чўл ҳудудларида эса, одатдагидек, у қадар катта ёғингарчилик кутилмалари мавжуд эмас.

Ҳафталик ёғин бизга осмондан яхшигина сув улашади. Бу эса кузги ғаллаларни экиб, суғормасдан кўкартириб олиш учун айни муддао.

Синоптикнинг уқтиришича, биз энди баҳор-куз ёмғирларидан унумли фойдаланиб, кузги буғдой, умуман қишлоқ хўжалиги маҳсулотларини парвариш қилиш, экиш, ўғитлаш бўйича янги қадамларни бошлашимиз керак.

Бизни кузатиб боринг:👇
https://t.me/klasteruzb
2,751
Klaster.uz

06 Nov, 05:37

“Ан Боёвут” навини кашф этган фермер

Ҳар гал Сирдарё сафарига борганимда бир-биридан танти ва ажойиб, самимий инсонлар даврасига шошиламан. Бу кенгликларда чўл машаққатига бардош бериб, бўстон яратган қўли қадоқ деҳқонлар яшайди. Улар билан суҳбат қурганингизда эса бу чўлларнинг шунчаки ўзлаштирилмаганига, эришилган ғалабалар оддий қўлга киритилмаганига амин бўласиз.

Боёвут туманининг “Ўзбекистон” маҳалласида истиқомат қилаётган меҳнат фахрийси Худойқул ака Маҳкамов ана шундай инсонлардан бири. У киши “Ан-Боёвут” ғўза навининг асосчиларидан бири.

“Тақдир мени жуда довруқли, ўз соҳасининг фидоий одамлари билан учраштирган, — дейди Худойқул ака. — Мен бу селекционер олимлар билан танишганимда 30 ёшли йигит эдим. Ўзбекистон Фанлар академияси экспериментал биология илмий-текшириш институтнинг Боёвут станциясида узоқ тажриба олиб борилди. Нав муаллифлари Саодат Содиқов, Солижон Султонов, Ремер Рахимбоевлар қаторида менга ҳам нав муаллифлиги берилди. Нав, асосан, 1970-76 йилларда кашф этилган. 1983 йилдан эса районлаштрилган. 9 хил патент берилган. Улар орасида тезпишар ва ўрта пишар нави ажралиб туради.

Энди бу “Ан-Боёвут” навининг ҳам ўзига хос табиати бор. Ундан яхши ҳосил олиш учун, ер яхши тайёрланган бўлиши, намлик яхши бўлиши керак. 1 гектарига 12000 кўчат қалинлиги тўғри келади. Уни вақтида озиқлантириш, вақтида қатор ораларига ишлов бериш керак. Табиатан сувсизликка чидамли. Балки шу жиҳатдан бизнинг чўл шароитимизда ундан юқори ҳосил олингандир.

Дастлаб гуллаганда биринчи сув ва пишганида иккинчи сув берилади. Яхши ишлов берилса гектарига 45 центнер ҳосил беради. Толасининг сифати яхши, толаси ҳам мустаҳкам. 5-тип талабига жавоб беради. Бу нав ҳарҳолда бизнинг деҳқонларимиз ишончини оқлади. Бу камтар меҳнатимиз ҳам кичик бир тарихий жасорат аслида. Бугун ўша кунларни катта соғинч билан эслайман”

Мен қаламкаш сифатида жуда кўплаб одамлар билан учрашганман. Аммо, Худойқул акадаги камтарлик, самимият мени қувонтиради. Мен бу киши билан 2015 йилда “Меҳнат шуҳрати” орденини олганида, мириқиб суҳбатлашган эдим.

Яқинда эса яна бир бор йўқладим. Энди қарилик бироз билдирибди. Кексаликка хос белгиларни кўрдим. Ўз даврида даланинг меҳнатида толиқмаган, меҳнатидан бахт топган одам қаршимда эканини ҳис қилдим. Хотиралар, чўлларнинг ўзлаштирилиш-ю суҳбатида бўлган тиниб-тинчимас одамлар ҳақида яхши эслаб сўзлаб берди.

Худойқул ака бугун оиласи, турмуш ўртоғи, фарзандлар, неваралар ардоғида. Фарзандлари юритаётган “Маҳкамов Жаҳонгир” фермер хўжалигига ҳам бош-қош. Кекса деҳқон сифатида маслаҳатгўй. Фаолиятини дастлаб 30 гектар ердан бошланган хўжалик 120 гектар экин майдонида ҳар йили мўл ҳосил ундириб Ўзбекистонимиз равнақига ўз ҳиссасини қўшмоқда. Фидоий чўл қаҳрамонига эса узоқ умр, хотиржамлик ва саломатлик тилаб қоламиз.

Ўлжабой Қаршиев

Бизни кузатиб боринг:👇
https://t.me/klasteruzb
1,311
Klaster.uz

05 Nov, 05:34

Тадбиркорларнинг ҳуқуқий ҳимояси кучайтирилмоқда

Бу йил 20 август куни тадбиркорлар билан бўлиб ўтган очиқ мулоқотда айтилган муаммо ва фикрлар асосида тадбиркорларнинг ҳуқуқий ҳимоясини кучайтириш, текширувларни тартибга солишга қаратилган чора-тадбирлар ишлаб чиқилди. Унга кўра:

➖2025 йил 1 январдан бошлаб битта ҳуқуқбузарлик учун битта жавобгарлик чорасини белгилаш назарда тутилмоқда.

➖тадбиркорлик фаолиятини якка тартибдаги тадбиркор сифатида рўйхатдан ўтмасдан амалга оширганлик учун молиявий жарима бекор қилинмоқда.

➖рақамли маркировкалаш қоидаларини ҳамда фискал белгиларни акс эттириш тартибини бузиш, ходимлар сонини яшириш учун маъмурий жавобгарлик бекор қилинади.

➖2025 йил 1 мартдан судда иш юритиш тарафлар келишуви билан тугатилганда давлат божининг бир қисмини қайтариб бериш тартиби жорий этилади.

Бизни кузатиб боринг:👇
https://t.me/klasteruzb
1,281
Klaster.uz

04 Nov, 06:59

#Пресс_тур

Экспорт ҳажми 50 миллион АҚШ долларига етказилади

“Парвоз Ҳумо Равнақ транс” пахта-тўқимачилик кластерига 2017 йилда Ғиждувон туманидаги умумий ер майдони 9,1 гектарлик бўш турган собиқ ип йигирув фабрикаси инвестиция киритиш шарти билан “ноль” харид қийматида берилган эди.

Кластер томонидан бу ерга фаолиятнинг дастлабки даврида умумий қиймати 27 миллион долларлик инвестиция киритилиб, замонавий фабрика фаолияти йўлга қўйилди. Натижада 300 дан ортиқ янги иш ўрни яратилди.

Лойиҳанинг 2-босқичи доирасида 2020-2021-йилларда қиймати 155,4 миллиард сўмлик инвестиция ўзлаштирилиб, пахта ҳамда кимёвий толалар аралашмасидан калава ип ва тайёр мато ишлаб чиқариш йўлга қўйилди. Бунинг эвазига яна 400 та иш ўрни яратилди.

Лойиҳанинг учинчи босқичида эса ҳар бири 7 минг квадрат метрли 5 қаватли бино қуриб битказилди. Бу эса 1000 нафар ишчи ўрни яратилишига асос бўлди. Умумий қиймати 200 миллиард сўмдан иборат бўлган тикувчилик комплекси фаолияти ташкил этилиши, табиийки, ишлаб чиқариш кўламини ҳам кенгайтирди.

Умуман олганда, ўтган давр ичида пахта хом ашёсини қайта ишлашдан то тайёр трикотаж маҳсулотлари ишлаб чиқариш жараёнигача бўлган лойиҳалар амалга оширилди. Ҳозирги вақтда йиллик қуввати 40 минг тоннага мўлжалланган пахта тозалаш заводи, қуввати 12 минг 500 тонна бўлган ип йигирув фабрикаси, 30 минг тонна калава ип тўқиб тирикотаж мато ишлаб чиқариш ҳамда 14 минг 500 тонна қувватга эга тайёр бўёқ ва гул босиш фабрикалари мавжуд ишлаб турибди.

Кластер томонидан 2024-2027 йилларда яна 22 миллион долларга тенг бўлган янги лойиҳаларни амалга ошириш эвазига қўшимча 3 мингта янги иш ўрни яратиш режалаштирилган. Бунинг натижасида экспорт ҳажми 50 миллион АҚШ долларига етиши кутиляпти.

Бизни кузатиб боринг:👇
https://t.me/klasteruzb
1,314
Klaster.uz

04 Nov, 06:50

#Пресс_тур

Журналистлар кластер фаолияти билан таништирилди

Ғиждувон туманидаги “Парвоз Ҳумо Равнақ транс” пахта-тўқимачилик кластерига пресс-тур ташкил қилинди.

Пресс-тур иштирокчилари пахта толасини чуқур қайта ишлаб бўйича яратилган “саноат занжири” билан яқиндан танишиб, ўзларини қизиқтирган саволларга масъуллардан жавоб олишди.

Бизни кузатиб боринг:👇
https://t.me/klasteruzb
1,406
Klaster.uz

24 Oct, 12:37

“Khantex-Group”га таъсир чораси қўлланилди

Рақобат қўмитасининг Андижон вилояти ҳудудий бошқармаси томонидан ўтказилган мониторинг натижасида “Khantex-Group” МЧЖ манипуляция ҳаракатларини содир этганлиги аниқланди. Яъни кластер 2023-2024 йилларда техник чигитни биржа савдосига тасдиқланган режа-графикдан кам қўйган.

Шунингдек, кластер корхона томонидан техник чигитининг биржа савдоларида бошланғич нарх белгилаш ва сотишда камчиликлар ҳам аниқланган. Ушбу маҳсулот сотиш баҳоси биржа савдоларида шаклланган ўртача биржа котировка нархлари билан таққосланганда жами 380 млн сўмга яқин тафовут чиққан.

Ҳудудий бошқарма томонидан “Рақобат тўғрисида”ги Қонуннинг 29-моддаси ва Вазирлар Маҳкамасининг 170-сонли қарори билан тасдиқланган Низом талаблари бузилиши аломатлари билан “Khantex-Group”га нисбатан иш қўзғатилиб, натижаси юзасидан белгиланган тартибда тегишли таъсир чораси қўлланилди. Қонунбузилиш ҳолатига келгусида йўл қўймаслик юзасидан кўрсатма берилди.

Бизни кузатиб боринг:👇
https://t.me/klasteruzb
614
Klaster.uz

24 Oct, 06:40

2 миллион 295 минг тонна ҳосил жамғарилди

Бугунги кунга қадар мамлакат бўйича 2 миллион 295 минг тонна пахта хом ашёси йиғиб-териб олинди. Бу мўлжалдаги ҳосилнинг 62,4 фоизидир.

Кластер ва фермерлар ўртасида мавсум якунига қадар 3 миллион 680 минг тонналик “оқ олтин” хирмони бунёд этиш бўйича шартнома имзолаган.

Бизни кузатиб боринг:👇
https://t.me/klasteruzb
1,709
Klaster.uz

23 Oct, 07:25

Пахта янги тартиб асосида қабул қилинмоқда

Бу йилги мавсумда Навбаҳор туманидаги “Navbahor tekstil” пахта-тўқимачилик кластерида пахта хом ашёсини янги тартиб асосида қабул қилиш йўлга қўйилди.

Янгилик шундан иборатки, пахта тозалаш заводида техник регламентга асосланган ҳолда, пахта хирмонлари очиқ осмон остида эмас, балки усти ёпиқ иншоотларда сақланмоқда. Пахтанинг умумий оғирлиги, килограммларга оид аниқ маълумотлар эса “Агроплатформа” тизимида қандай рақам кўринаётган бўлса, пахта тайёрлов маскани компьютерларида ҳам шу рақамлар акс этмоқда.

Умуман олганда, кластер томонидан пахта қабул қилиш ва сақлаш масканларида технологик амалиётлар тобора кенгайтирилаётгани туфайли улар бугунги кун талабларига тўла жавоб берадиган замонавий объектга айланди.

Бизни кузатиб боринг:👇
https://t.me/klasteruzb
1,038
Klaster.uz

22 Oct, 12:24

Теримчилар 105 миллион сўм тўлаб берилди

Олот туманининг «Баландмачит» МФЙ ҳудудидаги «Sobirjon Sa’dullaev» фермер хўжалигида пахта мавсуми бошидан бери 60 нафарга яқин теримчи ҳосилни йиғиб олиш билан банд. Октябрь ойи бошига қадар улар 70 тонна пахтани териб топширишган.

Таассуфки, заҳматли меҳнат учун тўланадиган ҳақ иш берувчи томонидан кечиктирилган. Бундан ташвишга тушган теримчилар Ўзбекистон касаба уюшмалари Федерацияси Юридик клиникаси негизида ишга туширилган колл-марказининг қисқа 1092 рақамларига қўнғироқ қилишган. Шундан сўнг ҳолат касаба уюшмалари Бухоро вилояти кенгаши томонидан ўрганилди.

Аниқланишича, 3 октябрь ҳолатига кўра, териб топширилган пахта пуллари 105 миллион сўмни ташкил этади. Кенгаш мутахассислари масала юзасидан иш берувчи билан тушунтириш ишлари олиб боргач, теримчиларнинг иш ҳақлари тўлаб берилди.

Рустам Насимов,
Ўзбекистон касаба уюшмалари Федерацияси
Бухоро вилояти кенгаши бош мутахассиси

Бизни кузатиб боринг:👇
https://t.me/klasteruzb
1,027
Klaster.uz

22 Oct, 06:25

Янги мавсумда янгича ёндашув

Касби туманидаги “Индорама агро” пахта-тўқимачилик кластери раҳбариятининг айтишича, аввалги пахта йиғим-терим мавсумида етарлича қўл кучини топа олмагач, ҳосилни вақтида йиғиб олиш имкони камайиб кетган.

Бу йил 30 та замонавий пахта териш машинаси сотиб олиниб, пахта далаларига чиқарилди. Натижада иш унуми ортиб, қўл меҳнати каррасига камайди. Чунки техникаларнинг ҳар бири ёрдамида кунига 50 тоннадан пахта териб олиняпти. Теримчи ва операторларга муносиб меҳнат шароити яратиб бериш, мажбурий меҳнатга йўл қўймаслик чора-тадбирлари ҳам доимий эътибор марказида бўлиб турибди.

Эслатиб ўтамиз, кластер корхонаси томонидан Қашқадарёда 2 та логистика маркази, 2 та МТП, 3 та биолаборатория, 2 та пахтани қайта ишлаш заводи қурилган бўлиб, 25 минг гектар ер майдонларида дон, пахта ва бошқа бошоқли дон экинлари етиштирилмоқда.

Бизни кузатиб боринг:👇
https://t.me/klasteruzb
1,348
Klaster.uz

21 Oct, 11:57

Энг яқин кўмакчи

Жорий йилда Қизилтепа туманида фаолият юритаётган 238 та фермер хўжалиги томонидан 7100 гектар майдонда пахта етиштирилди.
Ҳосилни йиғиб-териб олишда 13 та пахта терим комбайни пахтакорларнинг энг яқин кўмакчисига айланган.

Бизни кузатиб боринг:👇
https://t.me/klasteruzb
1,169
Klaster.uz

21 Oct, 05:36

Сайхунободликлар ошқовоқ экспорт қила бошлашди

Сайхунободда етиштирилган ошқовоқлар Россия, БАА, Латвия каби қатор давлатларга экспорт қилина бошланди. Деҳқонларнинг айтишича, 1 килограмм ошқовоқнинг экспорт нархи ўртача 2500-3000 сўмни ташкил этяпти.

Бу йил умумий майдони 210 гектар бўлган аҳоли томорқаларида етиштирилган ошқовоқнинг “Мускат” ва “Гантел” навларидан ҳар гектаридан ўртача 30-35 тонна ҳосил олинмоқда.

Бизни кузатиб боринг:👇
https://t.me/klasteruzb
1,159
Klaster.uz

21 Oct, 04:50

23 минг тонналик хирмон уйилди

Қорақалпоғистон Республикасидаги “Agro To‘rtko‘l tekstil cluster” кластерининг 5 та пахта қабул қилиш масканида бугунги кунга қадар 23 минг тоннадан зиёд хирмон уйилган. Эътиборли жиҳати шундаки, бу ерда қабул қилинган пахталар қайта ишлаш учун тўғридан-тўғри кластернинг ўзига йўналтирилади.

Кластер пахта йиғим-терим мавсумини уюшқоқлик билан ўтказиш мақсадида 600 нафар доимий ишчидан ташқари мавсумий ва ёлланма ишчилар ҳам жалб қилинди. Уларни моддий рағбатлантириш чоралари кўриляпти. Масалан, пахта терими мавсумида ҳар бир ходим ойлигига қўшимча 1 миллион сўмдан қўшиб бериляпти.

Шу билан бирга, кластер ходимлари, теримчи ва ҳашарчилар 3 маҳал иссиқ овқат билан таъминланган. Ҳатто, узоқдан келадиган ишчиларга электромотопедлар олиб берилган. Буларнинг бари мавсумни кўнгилдагидек ўтказиш, ҳосилни ёғин-сочинли кунларга қолдирмасдан йиғиштириб олишда муҳим омилга айланди.

Бизни кузатиб боринг:👇
https://t.me/klasteruzb
1,208
Klaster.uz

19 Oct, 09:48

Деҳқон, фермер ва кластерлар диққатига!

Россиянинг Краснодар ва Ставрополь ўлкаларидан келтирилган юқори сифатли ва серҳосил бўлган
“Алексеевич” - 150 т;
“Баграт” - 150
уруғлик ғалла навлари сотилади.

Ғалла уруғликлари элита авлодига мансуб бўлиб, мувофиқлик сертификатига эга ва дориланган.
Маҳсулот 50 кг қопларда қадоқланган.

Нархи ҚҚС билан ҳисобланганда 10.000 сўм. Тўлов исталган усулда амалга оширилади.

Кўшимча маълумот учун тел.:
☎️+998998469133
☎️+998977601933

Бизни кузатиб боринг:👇
https://t.me/klasteruzb
1,632

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.