AGROBLOGER (Zahid Abdusalamov) @agrobloger Channel on Telegram

AGROBLOGER (Zahid Abdusalamov)

@agrobloger

БОҒДОРЧИЛИК, ОЧИҚ ДАЛА ВА ИССИҚХОНА ДЕҲҚОНЧИЛИГИ БЎЙИЧА МАЪЛУМОТЛАР КАНАЛИ

Facebookда: facebook.com/agroblogeruz
TikTokда: TikTok.com/@agrobloger
YouTubeда: youtube.com/@agrobloger

Реклама: @agrobloger_admin
Канал ташкил топган: 22/12/2018й

AGROBLOGER (Uzbek)

AGROBLOGER kanali bu bo'g'orchilik, ochiq dala va issiqxonadehqonchiligiboyicha ma'lumotlar kanali. Kanal 2018 yil 22-dekabrda tashkil topgan va Facebook, TikTok, va YouTube platformalarida ham mavjud. Agrobloger kanalida siz ochiq dala va issiqxonadehqonchiligi bo'yicha eng so'nggi ma'lumotlar bilan tanishing. Agroblogerda, ziraklar uchun eng yangi texnologiyalar, mahsulotlarnikach turlari, va dala vaqti mavjud bolgan qoloblar haqida ma'lumotlar topishingiz mumkin. Agrobloger kanalida reklama ham amalga oshirish mumkin, uchunagar tashrif buyuring va yangi mahsulotlaringizni reklam qilishingiz mumkin. Agrobloger kanali sizning agro biznesingizga yordam berish uchun yangi yechimlar va ma'lumotlar bilan ta'minlaydi. Agrobloger kanaliga obuna bo'ling va yangiliklardan xabardor bo'ling!

AGROBLOGER (Zahid Abdusalamov)

21 Nov, 08:54

⚡️ОТАБЕК БАКИРОВ, таниқли иқтисодчи: "Иссиқхоналарга газ октябрдан узлуксиз берилиши керак эди-ку, жаноб Мирзамаҳмудов!?".

Мухбирга қойил, репортажда бирон марта “газ” деган сўзни ишлатмай, муаммо нимада эканини очиб бера олипти.

Лекин ҳар йили чиқадиган ва бу йил ҳам чиққан навбатчи қарорга кўра, иссиқхоналарга газ узлуксиз етказилиши керак эмасмиди? Ижро хусусан, вазир Мирзамаҳмудовга юклатилмаганмиди?

Нега унда иссиқхоналар ўтин ёқаяпти, чиқинди ёқаяпти, шина ёқаяпти? Газ эмас?

Иссиқхоналарга мўлжалланган ва ваъда қилинган газ қани? Олигархларга кетдими? Пули қаёққа оқди? Кипргами? Швейцариягами ё Гонконгга?

Газдан узилган иссиқхоналар ҳашак ва шина ёқмоқда, пропан ишлаб чиқаришга газ йўқ, газ экспорти эса потираб ошмоқда

Бундай қийшиқ манзара энергетикада миллий иқтисодиёт манфаатлари эмас, чўнтак ва олигархия доминацияси устун келгандагина юзага келади.

Октябрда 60,9 млн.долларлик газ экспорти амалга оширилган, бу ўтган йилнинг октябрига нисбатан 1,3 баробар кўп. Йил бошидан буён 540,4 млн.долларлик ёки минтақадаги нархлардан келиб чиқилса, 2,8 млрд.куб газ экспорт қилинган. Газ экспортининг бенефициарлари ёпиқ қарорлар асосида иш юритишни қойилмақом давом эттираётган олигархик гуруҳлар ҳисобланади.

2,8 млрд.куб газ нафақат ҳашак ва шина ёқаётган исссиқхоналарга, ишга тушганидан буён ярим қувватига чиқмаган Uzbekistan GTL, чорак қувватида ишлаётган Шўртан ГКМ, Муборак ГКМ учун ҳам етган бўларди. 3000 кмдан пропан ташимаган бўлардик, нархлар икки карра ошмаган бўларди.

Қайсидир тўда бир неча юз миллион доллар ишлаб олиши учун бутун мамлакатга миллиардлаб зарар етказишга борилмасди. .

Ҳалиям кечмас, газ экспорти қонун билан тақиқланиши керак!

Оруэллнинг 1984 романида Ҳақиқат вазирлиги бўлса, Ўзбекистонда Энергетика вазирлиги бор.

Хўп, уларга ишонилса, иссиқхоналарга табиий газ етказиб бериш бўйича ҳеч қандай чекловлар мавжуд эмас.

Вазирлигимиз аввалроқ панелга мажбурлаш йўқлиги, қишда эса метан заправкаларни ёпмаганлиги каби антиҳақиқатлари билан шўҳрат қозонганди.

Майли, нима бўлгандаям, Тошкент туманидаги 38та иссиқхонадан 9таси ишини тўхтатган (нега тўхтатади, газ борку, чеклов киритилмаганку), 26таси газ бўлишига қарамасдан, кўмир, ўтин ва ҳашак ёқмоқда.


AGROBLOGER канали:
@agrobloger
1,490
AGROBLOGER (Zahid Abdusalamov)

21 Nov, 08:54

⚡️ЛАВИРОН - ИССИҚХОНАДА ВИРУС КАСАЛЛИКЛАРИГА ҚАРШИ ТЕНГСИЗ ВОСИТА!

Экинларда вирус касалликлари кузатилса, препаратнинг сарф меъёри 10 литр хлорланмаган сувга 20 мл миқдорида ва 5-6 кунда бир марта қўлланилади.

"ЛАВИРОН" микробиологик вирулицидини вирус касалликларнинг олдини олишда 10 литр хлорланмаган сувга 15 мл миқдорида экинларингизга ёки кўчатхонада ёш кўчатларга барги орқали ишлов беринг.

✅Препаратни турли NPK ўғитлар ва аминокислотали ўғитлар билан бирга қўллаш мумкин.

✅Профилактика учун ишлов беришни ҳар 15-20 кунда жами 2-3 марта амалга ошириш мумкин.

✅Ҳимоя даври: 1-1,5 ой.

✅Қўллаш вақти: кечки салқинда.

✅2 марта қўллашдан кейинги самара: 99%

✅УНУТМАНГ! Вирус касалликлари тупроқда 6-7 йилгача яшайди.

14 ЙИЛДАН БУЁН ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Марказий Осиёда ягона бўлган биологик препаратлар ишлаб чиқарувчи: "Anguzal Agroservis" компанияси.

Бош офис манзили: Тошкент шаҳри, Олтин водий кўчаси, 1-уй.
📍Локация: https://t.me/AnguzalAgroservis/2259

Телеграмда мурожаат учун:
@Anguzal

Компания телефонлари:
+998994300064
+998941150064

Телеграмдаги расмий каналимиз:
@AnguzalAgroservis
Телеграмдаги мулоқот учун гуруҳимиз:
@AnguzalAgroservis_guruhi
764
AGROBLOGER (Zahid Abdusalamov)

20 Nov, 22:03

КАРАМ-БУЙРАК САЛОМАТЛИГИ УЧУН ЭНГ ФОЙДАЛИ САБЗАВОТ!

Буйраклар организмда муҳим функцияларни бажаради, қонни филтрлайди ва сув мувозанатини тартибга солади. Уларнинг саломатлигини диққат билан кузатиб бориш лозим, чунки соғлом буйракларсиз организм самарали ишлай олмайди.

Мутахассислар хулосасига кўра, буйрак саломатлигини қўллаб-қувватлайдиган энг яхши сабзавот — бу карам. Дарҳақиқат, карам кўплаб фойдали озуқа моддаларини ўз ичига олади ва буйрак саломатлигини таъминлашда ёрдма беради. АҚШ қишлоқ хўжалиги вазирлиги томонидан тақдим этилган маълумотларга кўра, бир стакан тўғралган карам таркибида 82,1 грамм сув, 2,22 грамм ўсимлик толаси, 35 миллиграмм калций, 151 миллиграмм калий ва 16 миллиграмм натрий мавжуд. Буйрак касалликларини даволашда учун моддалар муҳим рол ўйнайди.

Диетолог Жейн Грин Ҳенд карамни мунтазам истеъмол қилиш керак бўлган маҳсулотлар сирасига қўшиш кераклигини тавсия қилади, бунга икки асосий сабаб бор: “Буйракларнинг ёш ва соғлом бўлиши учун уларни натрий билан ортиқча юкламаслик тавсия этилади, буйрак касаллиги билан оғриган беморлар учун эса калий ва оқсил ҳам ортиқча юк бўлиши мумкин, шунинг учун карам энг яхши танловдир”, дея тушунтирди мутахассис.

Ҳар қандай турдаги — хом ёки пиширилган карам буйракларни детоксикация қилишга ёрдам беради, чунки сабзавот C витамини, фолий кислотаси, B6 витамини ва ўсимлик толаларига бой.

Карамнинг ягона салбий томони унинг ҳазм қилиш тизимига таъсири бўлиши мумкин. Хусусан, ичакларида муаммоси бор инсонларда карам истеъмолидан кейин ошқозонда газлар ҳосил бўлади ва қорин дам бўлади.

Шунингдек, карам баъзи дориларнинг, жумладан қонни суюлтирувчи воситаларнинг самарадорлигига таъсир қилиши мумкин.


AGROBLOGER канали:
@agrobloger
1,663
AGROBLOGER (Zahid Abdusalamov)

20 Nov, 21:34

СУВ ИНҚИРОЗИ ТОМОН КЕТАЁТГАН ЎЗБЕКИСТОН...


AGROBLOGER канали:
@agrobloger
1,723
AGROBLOGER (Zahid Abdusalamov)

20 Nov, 21:20

⚡️ПРЕЗИДЕНТ МАТБУОТ ХИЗМАТИ: Ўзбекистон қишлоқ хўжалигида импортни 50 фоизга қисқартириш режалаштирилмоқда.

Ҳукумат қишлоқ хўжалигида ишлаб чиқаришни 1,3 баробар ошириши, ҳар гектар ердан олинадиган ўртача даромадни 5 минг долларга етказиши зарур.

Президент Шавкат Мирзиёев иштирокида Олий Мажлис Қонунчилик палатасининг мажлиси бўлиб ўтди.

Президент аҳоли сони кўпайиб бораётган ҳозирги шароитда озиқ-овқат хавфсизлигини таъминлаш энг долзарб вазифа бўлиб қолишини таъкидлади.

Бу борада қишлоқ хўжалигининг барча тармоқлари, аввало, мева-сабзавотчиликни интенсив ривожлантириш, янги уруғ навларини яратиб, импортни 50 фоизга қисқартириш бўйича дастурлар бор.

Ҳукумат бу дастурлар ижросини таъминлаб, қишлоқ хўжалигида ишлаб чиқаришни 1,3 баробар ошириш, ҳар гектар ердан олинадиган ўртача даромадни 5 минг долларга етказиш, соҳада экспорт ҳажми 10 миллиард доллардан иборат бўлиши, сув тежайдиган технологиялар билан қамраб олинган ер майдонларини 2 карра ошириш бўйича ишни самарали ташкил этиши зарур.

Янги йилда сув тежайдиган технологияларни жорий қилишга 5 триллион сўм, каналларни бетонлашга 800 миллиард сўм йўналтирилади, дейилади хабарда.


AGROBLOGER канали:
@agrobloger
2,196
AGROBLOGER (Zahid Abdusalamov)

20 Nov, 21:19

ЎЗБЕКИСТОНДА БУГУН ҚАНДАЙ ОБ-ҲАВО КУТИЛМОҚДА?

"Ўзгидромет" бугун, 21 ноябр, ҳафтанинг пайшанба куни кутилаётган об-ҳаво маълумотини эълон қилди.

Тошкент шаҳрида ҳаво бироз булутли бўлиб, кечаси ва эрталаб бироз ёмғир ёғиши кутилади, кундузи эса, ёғингарчилик кутилмайди. Шамол шарқдан 5-10 м/с тезликда эсиши мумкин. Ҳарорат кечаси +6...+8, кундузи +13...+15 даража илиқ бўлиши кутилади.

Қорақалпоғистон Республикаси ва Хоразм вилоятида ҳаво бироз булутли бўлиб, ёғингарчилик кутилмайди. Баъзи жойларга туман тушиши, шамол шарқдан 7-12 м/с тезликда эсиши, айрим ҳудудларда эса, 13-18 м/с гача кучайиши мумкин. Ҳарорат кечаси -3...+2, кундузи +7...+12 даража илиқ бўлиши кутилади.

Бухоро ва Навоий вилоятида ҳаво бироз булутли бўлиб, баъзи жойларда ёмғир ёғиши кутилади. Айрим ҳудудларда туман тушиши эҳтимоли бор. Шамол шарқдан 13-18 м/с тезликкача кучайиши мумкин. Ҳарорат кечаси 0...+5, кундузи +11...+16, чўл ҳудудларда +5...+10 даража илиқ бўлиши кутилади.

Тошкент, Сирдарё, Самарқанд ва Жиззах вилоятларида ҳаво бироз булутли бўлиб, баъзи жойларда ёмғир ёғиши кутилади. Шамол шарқдан 7-12 м/с тезликда эсиши мумкин. Ҳарорат кечаси +3...+8, кундузи +12...+17 даража илиқ бўлиши кутилади.

Қашқадарё ва Сурхондарё вилоятида ҳаво бироз булутли бўлиб, баъзи жойларда ёмғир ёғиши кутилади. Шамол шарқдан 7-12 м/с тезликда эсиши мумкин. Ҳарорат кечаси +6...+11, кундузи +15...+20 даража илиқ бўлиши кутилади.

Андижон, Наманган ва Фарғона вилоятларида ҳаво бироз булутли бўлиб, ёғингарчилик кутилмайди. Айрим ҳудудларга туман тушиши эҳтимоли бор. Шамол эса, шарқдан 5-10 м/с тезликда эсиши мумкин. Ҳарорат кечаси +2...+7, кундузи +8...+13 даража илиқ бўлиши кутилади.

Республиканинг тоғли ҳудудларида ҳаво бироз булутли бўлиб, вақти-вақти билан ёғингарчилик (ёмғир, қор) кутилади, баъзи жойларда кучайиши эҳтимоли бор. Шамол шарқдан 7-12 м/с тезликда эсиши мумкин. Ҳарорат кечаси -2...+3, кундузи +2...+7 даража илиқ бўлиши кутилади.

БОШЛАНГАН ЯНГИ КУН БАРЧАМИЗГА ҲАЙРЛИ ВА БАРАКОТЛИ БЎЛСИН!


AGROBLOGER канали:
@agrobloger
1,964
AGROBLOGER (Zahid Abdusalamov)

20 Nov, 15:38

⚡️ЭКСКЛЮЗИВ: Бугун Анталия шаҳрида дунёнинг энг йирик "GROWTECH-2024" агрокўргазмаси бошланди!

👇👇👇
https://youtu.be/Ey9s3PeZXc8?si=rhK5D5KFL0oHR3Wk

@AGROBLOGER
2,663
AGROBLOGER (Zahid Abdusalamov)

20 Nov, 13:22

ГЕРМАНИЯДА КАМ УГЛЕВОДЛИ КАРТОШКА СОТУВГА ЧИҚАРИЛДИ.

Чакана савдо гиганти Каufland (Германия) кам углеводли (ўртача кўрсаткичдан 30% камроқ) картошкани сотувга чиқарди.
«Linella» номли янги нав бутун Германия бўйлаб Каuflandнинг барча савдо нуқталарида сотилмоқда, дея хабар берди Аll Retail.

Картошканинг инновацион нави Каuflandнинг узоқ йиллик ҳамкори – Europlant Plant Breeding компанияси билан ҳамкорликда яратилган.

Картошка навларига ихтисослашган селекцион компания углевод миқдори деярли учдан бир қисмга камайтирилган турли навларни ишлаб чиққан.

Картошка органик равишда, биринчи навбатда, Қуйи Саксониядаги оилавий корхоналарда етиштирилади, улар назорат қилинадиган усулларга мувофиқ ишлайди ва QS сертификатига эга.
Мунтазам тестлар картошканинг белгиланган паст энергетик таркибга мос келишини таъминлайди.

Картошка нозик таъмга ва мумсимон текстурага эга бўлиб, салатларга ёки димлаб пишириш учун жуда ҳам мос келади.

«Картошка рационимизнинг ажралмас қисмидир. Linella кам углеводли картошка истеъмол қилишни истовчи мижозлар учун мукаммал муқобил», дейди Кauflandнинг мева-сабзавотлар хариди бўйича бошқарувчи директори Стефан Люкс.


AGROBLOGER канали:
@agrobloger
1,596
AGROBLOGER (Zahid Abdusalamov)

20 Nov, 13:22

☄️ИККИСИ БИРДА!

ПЛАНТАСТИМ - ЭКИНЛАРНИ ИЛДИЗ КАСАЛЛИКЛАРИДАН ҲИМОЯ ҚИЛУВЧИ ВА ИЛДИЗ ТИЗИМИНИ ТЕЗ РИВОЖЛАНТИРУВЧИ НОЁБ МИКРОБИОЛОГИК СТИМУЛЯТОР!

Таркиби: Trichodema lignorum замбуруғлари

Ишлов самараси:

Фосфор кислотаси синтези ҳисобига тупроқни табиий равишда рН 6.0-6.5гача мувофиқлаштиради.

Ўсимликларнинг илдиз орқали фосфор ва калийнинг осон ўзлаштирилиши ва эрувчанлигини 85%га оширади.

Тиамин, Пиридоксин, Биотин, Пантотен ва никотин кислоталари, В12 витамини, ауксинлар ҳисобига ўсимликлар ривожланишида кучли илдиз тизимини таъминлайди.

Илдиз касалликларидан (фузариоз, вертициллёз, қора оёқча ва ҳ.к) ҳимоя қилади.

Қишлоқ хўжалиги экинлари: бошоқли ва техник экинлар, иссиқхоналар, кўчатхоналар экинлари, мевали дарахтлар ҳосилдорлигини 20-40%га оширилишига ёрдам беради.

БИРГАЛИКДА СОҒЛОМ МАҲСУЛОТ ЕТИШТИРАМИЗ!

15 ЙИЛЛИК ЎЗГАРМАС СИФАТ!

Марказий Осиёда ягона бўлган биологик препаратлар ишлаб чиқарувчи: "Anguzal Agroservis" компанияси.

Телеграмда саволлар учун: @anguzal манзилига ёзинг.

Бош офис манзили: Тошкент шаҳри, Олтин водий кўчаси, 1-уй.
📍Локация: https://t.me/AnguzalAgroservis/2259

Компания телефонлари:
+998994300064
+998941150064

Телеграмдаги расмий каналимиз:
@AnguzalAgroservis
Телеграмдаги мулоқот учун гуруҳимиз:
@AnguzalAgroservis_guruhi
1,492
AGROBLOGER (Zahid Abdusalamov)

20 Nov, 13:15

ШЎР ТУПРОҚЛАРГА ЧИДАМЛИ ВА ЧИДАМСИЗ МЕВАЛИ ДАРАХТЛАР ҲАҚИДА...

Мевали дарахтлар шўрланган ерга маълум даражагача мувофиқлашади. Тўла ҳосилга киргунга қадар дарахтларнинг шўрга чидамлилиги авлоддан-авлодга ўтган сайин оша боради. Тўла ҳосилга киргандан кейин эса ҳосил ўсимликни заифлаштириб қўйиши сабабли унинг шўрга чидамлилиги пасаяди.

Мева дарахтларининг шўрга чидамлилиги кўп жиҳатдан уларнинг турига, навига, индивидуал хусусиятларига ва пайвандтакка боғлиқдир. Унумдор ерларда ва органик ўғитлар солинган шароитда мевали дарахтлар анча юқори даражадаги шўрланишга чидай олади.

Хлорид – сульфатли шўрланишда олманингтурли навлари хлорга нисбатан турлича даражада чидамлиликка эга. Масалан, туркман олмаси (ҳазорасп ва бобоараб хиллари) шўрга чидамли ҳисобланади. Ренет Симеренко камроқ чидамли, Кандиль синап ва Розмарин навлари эса шўрга анчагина чидамлидир.

Нок олмага қараганда шўрга чидамлироқ бўлади. Хоразм вилоятида нокнинг маҳаллий навлари – алмурут ва шакар-мурутлар шўрланишга жуда чидамли. Европа навларидан эса Любимица Клаппа, Роктор, Жюль, Гюйо, Вильямс, Лесная красавица навлари чидамли бўлади. Ўрмон тупроқ турлари шўрланишга анча чидамли.

Беҳи нокка қараганда шўрланишга камроқ чидамлидир.

Ўрик – шўрга чидамли мева турларидан бири, аммо бу жиҳатдан у нокдан кейинда туради. Лекин ўрикнинг нокдан кўра шўрга чидамлироқ маҳаллий турлари бор. Бухоро ва Хоразм вилояти туманлари ҳудудларидаги шўрланган ерларда барпо қилинган катта-ката ўрикзорлар сўзимизнинг далили бўла олади.

Хоразмнинг шўрланган ерларида ўрик дарахтлари тегишли агротехника билан парвариш қилинганда яхши ўсади ва айниқса, Қизилполвон, Кузги, Хоразмий, Оқпайванди, Қорақалпоқ, Тўрткўл хурмони, Хива тўқ-сариқ нави, Оқ-нуқул, Оллоберган навлари ва бошқаларнинг уруғ кўчатлари ҳамда навлари яхши ҳосил беради.

Олхўри тупроқ шўрига чидамлилик жиҳатидан ўрикдан кейинда туради ва таҳминан шафтоли, олча ҳамда гилос чидаган шўрланишга чидайди.

Хоразмда ўсадиган ва маҳаллий аҳоли таносул деб атайдиган қора олу ва ўрик-тоғолча (племкот) маҳаллий олхўри нави тупроқ шўрига жуда чидамли бўлади. Хонаки олхўрининг бошқа навларидан Ренколд зелёний ва Бертон навлари ҳам жуда чидамли бўлади.

Гилос олчага қараганда тупроқ шўрига анча ёмон чидайди.

Шафтоли ҳам тупроқ шўрига камроқ чидамли. Хоразмда шафтолининг маҳаллий навлари (Хоразм анжир шафтолиси ва бошқалар) шўрланган ва сизот сувлар юза жойлашган ерларида ўсаверади.

Анжир ва анор шўрга бирмунча чидамли бўлади.

Хурмо ва ёнғоқ тупроқ шўрига жуда сезгир бўлади.

Уноби ва жийда ўсимлиги шўрга чидамли бўлади.

Қулупнай шўрга камроқ чидамли бўлади. Кульвер нав бошқа навларга қараганда кам шўрланган ерларда ҳам ўсиши мумкин.

Шундай қилиб, тупроқ шўрига чидамлилик даражасига кўра, барча меваларни тахминан қуйидаги тартибда жойлаштириш мумкин – жийда, уноби, ток, анжир, анор, нок, ўрик, туркман олмаси, бодом, беҳи, уй олмаси, олхўри, шафтоли, олча, гилос, ёнғоқ, хурмо.


AGROBLOGER канали:
@agrobloger
1,482
AGROBLOGER (Zahid Abdusalamov)

20 Nov, 00:42

⚡️ДУБАЙ БОЗОРЛАРИ: Ўзбек мевалари жўнатилса қайси бири харидоргир бўлиши мумкин?


AGROBLOGER канали:
@agrobloger
3,666
AGROBLOGER (Zahid Abdusalamov)

20 Nov, 00:32

АПЕЛЬСИННИНГ ЯНГИ НАВИ ИМПОРТ ЎРНИНИ БОСА ОЛАДИМИ?

Айтилишича, 2023 йили Ўзбекистонга салкам 12 минг тоннага яқин апельсин хориждан импорт қилинган. Бозорларимизга 8 млн долларга яқин маҳсулот четдан сотиб олинди. Бу эса юртимиз селекционер олимлари олдида катта вазифа турганлигини англатади.

Халқимиз севиб истеъмол қиладиган ушбу маҳсулотни иқлимлаштириш, маҳаллий навлар билан чатиштириб, рақобатбардош янги навлар яратиш имконияти мавжуд. Чунки, юртимизда қуёшли кунларнинг кўплигини, апельсиннинг совуққа чидамлилигини инобатга олинадиган бўлса, уни етиштиришда қанчалик имкониятлар юқори эканлиги аён бўлади.

Бу борада мамлакатимиз селекционер олимлари томонидан олиб борилаётган илмий изланишлар эътиборга молик. Шу кунларда ўзбек селекционер олими Тошкент Давлат Аграр университети доценти, “Мевачилик ва узумчилик” кафедраси илмий ходими Муҳаммадазиз Фахриддинов шогирди Андижон қишлоқ хўжалиги ва агротехнологиялар институти таянч докторанти Бунёд Балласов билан йилига тўрт марта ҳосил берадиган апельсиннинг янги маҳаллий навини яратишди ва яқин кунларда патентлаштиришади, дейилади хабарда.

🔹Батафсил ушбу видеоҳаволада танишиш мумкин: https://youtu.be/7k1Wd3eODl4?si=KsSA37lljVle7PsK


AGROBLOGER канали:
@agrobloger
1,804
AGROBLOGER (Zahid Abdusalamov)

19 Nov, 19:03

ЎЗБЕКИСТОНДА БУГУН ҚАНДАЙ ОБ-ҲАВО КУТИЛМОҚДА?

"Ўзгидромет" бугун, 20 ноябр, ҳафтанинг чоршанба куни кутилаётган об-ҳаво маълумотини эълон қилди.

Тошкент шаҳрида ҳаво бироз булутли бўлиб, кечаси ва эрталаб бироз ёмғир ёғиши кутилади, кундузи эса, ёғингарчилик кутилмайди. Шамол шарқдан 5-10 м/с тезликда эсиши мумкин. Ҳарорат кечаси +8...+10, кундузи +13...+15 даража илиқ бўлиши кутилади.

Қорақалпоғистон Республикаси ва Хоразм вилоятида ҳаво бироз булутли бўлиб, ёғингарчилик кутилмайди. Шамол шарқдан 7-12 м/с тезликда эсиши мумкин. Ҳарорат кечаси -2...+3, кундузи +7...+12 даража илиқ бўлиши кутилади.

Бухоро ва Навоий вилоятида ҳаво бироз булутли бўлиб, кечга томон баъзи жойларда ёмғир ёғиши кутилади. Шамол шарқдан 7-12 м/с тезликда эсиши мумкин. Ҳарорат кечаси 0...+5, кундузи +11...+16, чўл ҳудудларда +3...+8 даража илиқ бўлиши кутилади.

Тошкент вилоятида ҳаво бироз булутли бўлиб, кечаси ва эрталаб баъзи жойларда ёмғир ёғиши кутилади. Шамол шарқдан 7-12 м/с тезликда эсиши мумкин. Ҳарорат кечаси +5...+10, кундузи +13...+18 даража илиқ бўлиши кутилади.

Сирдарё, Самарқанд ва Жиззах вилоятларида ҳаво бироз булутли бўлиб, ёғингарчилик кутилмайди. Шамол шарқдан 7-12 м/с тезликда эсиши мумкин. Ҳарорат кечаси +5...+10, кундузи +13...+18 даража илиқ бўлиши кутилади.

Қашқадарё ва Сурхондарё вилоятида ҳаво бироз булутли бўлиб, кечаси ва эрталаб баъзи жойларда ёмғир ёғиши кутилади. Шамол шарқдан 7-12 м/с тезликда эсиши мумкин. Ҳарорат кечаси +8...+13, кундузи +17...+22 даража илиқ бўлиши кутилади.

Андижон, Наманган ва Фарғона вилоятларида ҳаво бироз булутли бўлиб, баъзи жойларда ёмғир ёғиши мумкин. Айрим ҳудудларга туман тушиши эҳтимоли бор. Шамол эса, шарқдан 7-12 м/с тезликда эсиши мумкин. Ҳарорат кечаси 0...+5, кундузи +8...+13 даража илиқ бўлиши кутилади.

Республиканинг тоғли ҳудудларида ҳаво бироз булутли бўлиб, вақти-вақти билан ёғингарчилик (ёмғир, қор) кутилади, баъзи жойларда кучайиши эҳтимоли бор. Шамол шарқдан 7-12 м/с тезликда эсиши мумкин. Ҳарорат кечаси -2...+3, кундузи +2...+7 даража илиқ бўлиши кутилади.

БОШЛАНГАН ЯНГИ КУН БАРЧАМИЗГА ҲАЙРЛИ ВА БАРАКОТЛИ БЎЛСИН!


AGROBLOGER канали:
@agrobloger
1,880
AGROBLOGER (Zahid Abdusalamov)

17 Nov, 13:29

⚡️ДУНЁДАГИ ЭНГ КЎП МАОШЛИ КАСБ ЭГАЛАРИ: Ўсимликшунослар пешқадамлар сафида!

Ушбу мақолада сўнгги йиллар маълумотларига кўра дунёдаги энг кўп ҳақ тўланадиган касблар рейтинги келтирилган.

Ўсимликлар соҳаси селекционерлари ва генетик муҳандислари: йиллик маоши - 97 560 АҚШ доллари.

2050 йилга бориб дунё аҳолиси 9,4 миллиард кишига етиши тўғрисида башоратлар қилиняпти. Ер аҳолисининг доимий ўсиб бориши туфайли сайёрада ўта муҳим - очлик муаммоси пайдо бўлиши эҳтимоли жуда катта, дейди олимлар. Ҳатто ҳозирда ҳам кам ривожланган мамлакатларда озиқ-овқат маҳсулотларининг кескин танқислиги ҳам сир эмас. Ернинг керакли миқдорда ўсимлик озуқасини етиштириш қобилияти аҳолининг ўсиш суръатларидан анча орқада эканлигини ҳисобга оладиган бўлсак, ўсимликлар соҳаси селекционерлари ва генетик муҳандислари келажакда жуда керакли бўлиб қолаётир.

Реклама менежери: йиллик маоши - 100 020 АҚШ доллари.

Замонавий дунёда фақат сифатли маҳсулот ишлаб чиқариш етарли эмас. Турли хизматлар сонининг фаол ўсиб бориши бозорда ҳар бир алоҳида маҳсулотни илгари суришнинг ўзига хос ва жонли усулларини топиш заруратини талаб қилади. Бу касб эгалари бошқалардан фарқли ўлароқ, янги тасвирли ижобий имиж яратмоғи ва уни харидорга етказа олмоғи даркор, шунда одамлар бу маҳсулотларни сотиб олиш ҳақида ўйлаб ўтирмасдан, дарҳол бу ишни амалга оширади. Аслида “Реклама менежери” ихтисослиги шундай пайдо бўлган.

IT-мутахассиси: йиллик маоши  - 100 110 АҚШ доллари.

Замонавий дунёда барча жабҳани компьютер технологиялари ва ахборот назорат қилади. IT-мутахассислари дастурий таъминотни ишлаб чиқиш билан бирга, тизимларни хакерлардан ҳимоя қилиш ва муҳим маълумотларнинг сизиб чиқишини олдини олиш билан шуғулланади. Бу мутахассислик ортида инсониятнинг бутун технологик келажаги ётади.

Ҳуқуқшунос: йиллик маоши  - 110 590 АҚШ доллари.

Улар ўз фаолиятлари билан нафақат жисмоний шахсларга, балки қонун нормаларига риоя қилишлари лозим бўлган йирик компанияларга ҳам фойдаси тегадиган касб эгаларидир. Барча ҳуқуқий низоларни тартибга солишда айнан ҳуқуқшуносларнинг хизмати бор. Уларнинг аралашувисиз замонавий дунёда ҳеч қандай шартнома тузилмайди, ҳеч қандай ҳужжат имзоланмайди ва катта битимлар амалга оширилмайди.

Учувчи: йиллик маоши - 134 090 АҚШ доллари.

Ҳаво транспорти машҳур ва тезкор бўлганлиги сабабли, самолёт бошқарувчи мутахассислиги дунёдаги энг юқори ҳақ тўланадиган ва нуфузли касблардан бири ҳисобланади. Касб аниқ кўникмалар, психологик тайёргарлик ва бошқа одамларнинг ҳаёти учун масъулиятни талаб қилади. Аста-секин учувчисиз самолётлар пайдо бўлмоқда, ҳали улар тирик одамларни сиқиб чиқармагунча, бу касб эгалари ҳар доим ҳурматли ва фойдали бўлиб қолади.

Анестезиолог: йиллик маоши 162 080 АҚШ доллари.

Чет элда шифокор лавозими жуда нуфузли ва анестезия бўйича мутахассисларга катта маош тўланади. Анестезиолог нафақат операция вақтида беҳушлик дозасини тайинлайдиган шифокор, балки операция вақтида ҳам, операциядан кейинги даврда ҳам беморнинг хавфсизлигини таъминлайдиган мутахассисдир. Шунинг учун уларнинг меҳнати юқори иш ҳақи даражасига муносибдир, дейилади хабарда.


AGROBLOGER канали:
@agrobloger
4,459
AGROBLOGER (Zahid Abdusalamov)

17 Nov, 13:29

⚡️ҲУРМАТЛИ МЕҲМОНДЎСТ ЎЗБЕКИСТОН ХАЛҚИ! АЗИЗ БОҒБОНЛАР ВА САБЗАВОТ ЕТИШТИРУВЧИЛАР ДИҚҚАТИГА!

🥇 7 йилдан ортиқ вақт давомида аграр сектори учун ускуналар ва турли техникаларни ишлаб чиқариш билан шуғулланиб келаётган Озарбайжоннинг «Agrosistems» компанияси энди ўз маҳсулотларини Ўзбекистонга етказиб бера бошлади !

✅ Компания соатига 6000 - 10000 кг ҳажмдаги гидрокулерларни ишлаб чиқаради, бу ускуналар маҳсулотнинг сақлаш муддатини узайтиради ва уни турли микроб ва бактериялардан тозалайди. Шу билан сиз маҳсулотингизни узоқ масофаларга муваффақиятли ташишингиз мумкин бўлади, бу эса ўз навбатида сизнинг агробизнесингизнинг самарадорлигини оширади. Шунингдек, ускуналар маҳсулотнинг табиий таъми ва кўринишини сақлаб қолишга ёрдам беради, бу эса маҳаллий ва халқаро бозорларда жуда муҳим.

📌Гидрокулерлардан ташқари, компания маҳсулотларни ҳаво ёрдамида олдиндан совитиш учун ускуналар, мева ва сабзавотларни йиғиш учун гидравлик платформалар ва агрокоплекс ҳудуди бўйлаб маҳсулотни осонроқ ҳаракатлантириш учун аравачалар ишлаб чиқаради.

📈 Компания ўз ускуналарининг биринчи партиясини Ўзбекистонга муваффақиятли етказиб берди ва ҳозирда янги ҳамкорликларга очиқ!

Тақдимот: https://bit.ly/4dOYlGD

Батафсил ахборот учун:
📲 Телефон: +994504441701 (Watsapp / Telegram)
📲 2-телефон: +994507195979 (Watsapp / Telegram)
✍️: E-mail: [email protected]
🖥 Сайт: www.agrosystems.az
2,274
AGROBLOGER (Zahid Abdusalamov)

17 Nov, 13:29

⚡️БИЗДА ФЕРМЕРЛАРГА ЮҚОРИДАГИДЕК БОСИМ ҚИЛИНАЁТГАН БИР ВАҚТДА:

Европа Иттифоқи қишлоқ хўжалигида Агроботлар (ҳайдовчисиз тракторлар) улушини 2030 йилга бориб, 50 фоизга етказмоқчи. Жорий 2024 йил ярмига келиб, ушбу кўрсаткич 9%ни ташкил қилаётгани айтилмоқда.
Голландиянинг AGXEED компаниясида ишлаб чиқарилаётган ушбу техника мўъжизасининг нархи 145000-180000€ атрофида сотилмоқда, дейилади хабарда.

🟢🟢🟢

Фермерларимизнинг 1-рақамли канали: FERMER.UZ
1,631
AGROBLOGER (Zahid Abdusalamov)

17 Nov, 06:08

САБЗАВОТ ЭКИНЛАРИНИНГ ШЎР ТУПРОҚЛАРГА МУНОСАБАТИ

Сабзавот экинлари шўрга чидамлилиги бўйича 3 гуруҳга бўлинади:

1). Шўрга жуда чидамли экинлар: ошқовоқ, лавлаги, бақлажон, сельдерей, карам (1% гача шўрланганликка бардош бера олади).

2). Шўрга ўртача чидамли экинлар: тарвуз, қовун, пиёз, помидор, шолғом, брюква (0,4-0,6% гача);

3). Шўрга камроқ чидамли экинлар: бодринг, сабзи, редиска, саримсоқпиёз, маккажўхори ва кўчат қилиб ўтқазилган барча ўсимликлар (0,1-0,4% гача).

Ўзбекистон шароитида сульфат-хлоридли ва хлорид-сульфатли шўрланган ерлар мавжуд. Шунинг учун шўрга чидамлилик бу ҳудудда хлорнинг миқдорига қараб белгиланади.

Масалан, баъзи экинлар учун қуйидагича (хлор бўйича. %): ош лавлаги учун: 0,030-0,035; карам учун: 0,020-0,033; редиска учун: 0,17—0,20; картошка, пиёз. салат, исмалоқ ва укроп учун: 0,015-0,020, сабзи учун: 0.010-0,15. Бундан мана шу миқдорда шўрланган қатламларда юқорида санаб ўтилган экинларнинг илдизи яшаши мумкинлиги кузатилади.


AGROBLOGER канали:
@agrobloger
3,351
AGROBLOGER (Zahid Abdusalamov)

17 Nov, 06:08

ТУПРОҚНИНГ P.H ТАҲЛИЛИ ҲАҚИДА...

Тупроқ муҳитининг нордонлиги ёки ишқорлилиги тупроқ эритмасидаги Н+ва ОН- ионларининг нисбатига боғлиқ. Муҳитнинг реакцияси, одатда, водород ионлари концентрацияси 10 сонининг манфий логорифми кўринишида ифодаланади ва «РН» билан ифодаланади. Тупроқ муҳитининг концентрацияси барча ўсимликлар учун муҳим аҳамиятга эга.

Нордон тупроқларга оҳак киритилса, Н+ ионлари Са2+ни эгаллайди ва pH мўътадилга қараб силжийди. Масалан, нордон муҳитда ўсимликлар ўзлаштирилишига молик Fe, Мn, Со, Сu миқдори ортиб N, Р, Мо, V миқдори камаяди. Тупроқ муҳитининг реакцияси ўсимликлар томонидан озиқ элементларнинг ютилишига кучли таъсир кўрсатади. Маълумки, нордон эритмалар таркибидаги Н+ ионлари анионларнинг ўзлаштирилишига ёрдам берса, ишқорли эритмаларда катионлар кўпрок ўзлаштирилади.

Бу ҳол айниқса ишқорий тупрокларда фосфорли ўгитларни қўллашда яққол кўринади. Тупроқ муҳити реакциясининг таъсири бошқа ташқи муҳит омиллари таъсирида у ёки бу томонга қараб силжийди.


AGROBLOGER канали:
@agrobloger
3,022
AGROBLOGER (Zahid Abdusalamov)

17 Nov, 06:07

🏅ИССИҚХОНАДА ПОМИДОР ВА БОДРИНГ ЕТИШТИРИШДА ЭНГ ТЎҒРИ ЙЎЛ-БИОЛОГИК ПРЕПАРАТЛАРНИ ЎЗ ВАҚТИДА ҚЎЛЛАШДИР!

🖊 ПОМИДОР ЕТИШТИРИШ:

✅Аввалги экин олиб чиқиб кетган озиқанинг ўрнини тўлдириш мақсадида экишдан олдинги тупроқни тайёрлашда маҳаллий гўнг, Фосфорли ва Калийли ўғитлар киритилади. Бунда тупроқнинг кимёвий таркибини эътиборга олиш муҳимдир.

❕ДИҚҚАТ: Микробиологик препаратларни қўллашда хлорланмаган сув ишлатилади. Минерал ўғитлар билан биргаликда ишлов бериш мумкин.

1). Помидор кўчатларини экиш вақтида стакан ёки кассетадаги кўчатларни "Плантастим" биостимуляторининг сувдаги аралашмасига ботириб экилади (10 л сув/150 мл). Бу ишловлар илдиз чиришидан сақлайди ва илдиз тизимини кучайтиради.
Ҳар 14-15 кунда томчилатиб суғориш тизими орқали 100 л сув/1,5 л "Плантастим"ли сув билан суғорилади.

2). Помидор кўчатлари экилгандан 8-10 кун ўтгач, барг орқали "Престиж Плюс" биоинсектициди билан (10 л сув/150 мл), бир ҳафтадан сўнг, "Спорагин" биофунгициди (10 л сув/150 мл) билан пуркаш ишлари олиб борилади. Бу тадбирлар зараркунандаларга ва замбуруғ касалликларига қарши профилактика бўлади.
Ушбу ишловлар ҳар 10-12 кунда такрорланади.

3). Помидор кўчатлари экилгандан бошлаб, ҳар 15 кунда вирус касалликларига қарши "Лавирон" вирулициди билан ишлов бериб борилиши зарур. Бунда сарф меъёри 10 л сув/15-20 мл.

4). Помидорнинг гуллаш даврида (10 л сув/50 мл) "Бактомин" билан, жами 2 марта, 14 кун фарқи билан пуркалади. Энг пастки 2 та мевашодаси шаклланиб бўлгандан бошлаб, (10 л сув/80 мл) "Максиплант" биостимулятори билан ҳар 14-15 кунда бир марта, жами 4-5 марта барг орқали пуркаш ишлари қилинади. Бу - мева йириклашиши ва барг массаси ҳамда поя ривожига хизмат қилади.

5). Иссиқхонада кечаси ҳарорат +12°С даражадан пастлаши кузатилганда ҳар 5-6 кунда бир марта "Антифроз" антистрессант препарати билан пуркаш ишлари олиб борилиши зарур. Бу ишловлар экинларда модда алмашинувини +2°С да ҳам давом этишини таъминлайди.

🔹🔹🔹🔹🔹

🖊БОДРИНГ ЕТИШТИРИШ:

✅Аввалги экин олиб чиқиб кетган озиқанинг ўрнини тўлдириш учун экишдан олдинги тупроқни тайёрлашда маҳаллий гўнг, Фосфорли ва Калийли ўғитлар киритилади.

1). Экиш вақтида уруғларни "Плантастим" биостимулятори аралаштирилган сувда 4-5 соат сақлаш (1 л хлорланмаган сувга 10 мл) ёки стакан ҳамда кассетадаги кўчатларни "Плантастим"ли аралашмага ботириб экиш (10 л хлорланмаган сувга 150 мл). Бу ишловлар илдиз чиришидан сақлайди ва илдиз тизимини кучайтиради.
Ҳар 10-12 кунда томчилатиб суғориш тизими орқали 100 литр сувга 1,5 литр "Плантастим"ли сув билан суғориш ишлари олиб борилади.

2). Бодринг кўчатлари экилгандан 7-8 ўтиб ёки уруғ экилгандан 16-17 кун сўнгра, барг орқали аввал "Престиж" биоинсектициди билан (10 л хлорланмаган сувга 150 мл), 3 кун ўтказиб, "Спорагин" биофунгициди (10 л хлорланмаган сувга 150 мл) билан пуркаш ишлари олиб борилади. Бу тадбирлар зараркунандаларга ва замбуруғ касалликларига қарши юқори самара беради.
Ушбу ишловлар ҳар 10 кунда бир мартадан такрорлаб борилади.

3). Бодринг кўчатларининг 7-8 та барг ҳосил қилгандан бошлаб, ҳар 15 кунда вирус касалликларига қарши "Лавирон" вирулициди билан ишлов бериб борилиши зарур.

4). Бодрингнинг қийғос гуллаш давридан бошлаб, 10 литр хлорланмаган сувга 50 мл "Бактомин" ва 80 мл "Максиплант" биостимуляторлари билан ҳар 18-20 кунда бир марта, жами 3 марта пуркаш ишлари қилинади. Бу мева йириклашиши ва барг массаси ҳамда поя ривожига хизмат қилади.

5). Иссиқхонада кечаси ҳарорат +12°С даражадан пастлаши кузатилганда ҳар 5-6 кунда бир марта "Антифроз" антистрессант препарати билан пуркаш ишлари олиб борилиши зарур. Бу ишловлар экинларда модда алмашинувини +2°С даражада ҳам давом этишини таъминлайди.

15 ЙИЛЛИК ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Марказий Осиёда ягона бўлган биологик препаратлар ишлаб чиқарувчи: "Anguzal Agroservis" компанияси.

Бош офис манзили: Тошкент шаҳри, Олтин водий кўчаси, 1-уй.
📍Локация: https://t.me/AnguzalAgroservis/2259

☎️ Компания телефонлари:
+998994300064
+998941150064

📨 Расмий каналимиз:
@AnguzalAgroservis
📨Мулоқот учун гуруҳимиз:
@AnguzalAgroservis_guruhi
1,470

2024 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.