Esdros S.C

በመዝጊያው መርሀግብር ላይ ተገኝተው ለአሸናፊ ቅርንጫፍ ትምህርት ቤቶች ሽልማት ያበረከቱት በኤስድሮስ ኮንስትራክሽን ንግድና ኢንዱስትሪ አ.ማ ምክትል ስራአስኪያጅ የትምህርት ዘርፍ አቶ አለሙ ወልዴ እንደተናገሩት ”ይህ የጥያቄና መልስ ውድድር እናንተ የአቡነ ጎርጎሪዮስ ተማሪዎች እንድትበላለጡና እንድትሸናነፉ ሳይሆን ከሌሎች ትምህርት ቤቶች ጋር ብቁና ተወዳዳሪ በመሆን በተለይም በዘንድሮ ዓመት በሚሰጠው የ12ኛ ክፍል ሀገር አቀፍ ፈተና የመሪነቱን ደረጃ እንድትይዙ ለማድረግ ነው ፡፡ ለዚህ ዝግጅት መሳካት ከቅርንጫፍ ትምህርት ቤቶች በተጨማሪ በዋና ቢሮ የምትገኙ የትምህርት ባለሙያዎች ያለኝን አክብሮትና አድናቆት ለመግለጽ እወዳለሁ፡፡” በማለት ምስጋናቸውን አቅርበዋል፡፡
ለበለጠ መረጃ፡-
በስልክ ቁጥር 0111575954/ 0930-36-37-79/0973-60-00-10 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

በ12ኛ ክፍል ተማሪዎች መካከል የጥያቄና መልስ ውድድር ተካሄደ ፡፡
***********
የ2017ዓ.ምየ12ኛ ክፍል ተማሪዎች የመጀመሪያው በቀለም ትምህርት የጥያቄና መልስ ውድድር በአቡነ ጎርጎርዮስ ቅርንጫፍ ትምህርት ቤቶች መካከል ተካሄደ፡፡
ታህሳስ 23 ቀን 2017 ዓ.ም አዲስ አበባ በሚገኙ 4 ቅርንጫፍ ትምህርት ቤቶች መካከል በተካሄደው የመጀመሪያ ዙር የጥያቄና መልስ ውድድር በተፈጥሮ ሳይንስ በ 7 የትምህርት ዓይነትና በማኅበራዊ የትምህርት ዘርፍ በ 5 የትምህርት ዓይነት ከእያንዳንዱ የአቡነ ጎርጎርዮስ ቅርንጫፍ ትምህርት ቤቶች 3 ተወዳዳሪ ተማሪዎች ለውድድር ቀርበዋል፡፡

በቃሊቲ 2ኛ ደረጃ አዘጋጅነት በተካሄደው በዚህ የ12ኛ ክፍል የጥያቄና መልስ ውድድር በተፈጥሮ ሳይንስ ዘርፍ 1ኛ ተማሪ ዮናታን ደረጀ ከለቡ ቅርንጫፍ፣ 2ኛ ተማሪ ነብዩ ዳንኤል ከአዋሬ ቅርንጫፍ 3ኛ ተማሪ አቤል ዳዊት ከመሪ ቅርንጫፍ ደረጃ በመውጣት አሸናፊ ሆኗል፡፡
በተመሳሳይ በማኅበራ ሳይንስ ትምህርት ዘርፍ የጥያቄና መልስ ውድድር 1ኛ ተማሪ ነብዩ ተስፋ ከአዋሬ ቅርንጫፍ፣ 2ኛ ተማሪ አናንያ ባያብል ከመሪ ቅርንጫፍ እንዲሁም 3ኛ ተማሪ ኤፍሬም እንግዳወርቅ ከለቡ ቅርንጫፍ ከ1ኛ እስከ 3ኛ ደረጃን አግኝተዋል፡፡
በአጠቃላይ ውጤት በተወዳዳሪ ቅርንጫፍ ትምህርት ቤቶች 1ኛ ለቡ ቅርንጫፍ ትምህርት ቤት የመሪነቱን ደረጃ ሲያገኝ፣ አዋሬ ቅርንጫፍ ትምህርት ቤት 2ኛ እና መሪ ቅርንጫፍ ትምህርት ቤት 3ኛ ደረጃን በማግኘት ውድድራቸውን አጠናቀዋል፡፡

ከዚህም ሌላ የለቡ ቅርንጫፍ በንፋስ ስልክ ላፍቶ ክፍለ ከተማ በወረዳ 01 ስር በሚገኘው አባይ ክላስተር ስር ከሚሀኙ 11 የግልና የመንግስት ትምህርት ቤቶች መካከል በተደረገ የጥያቄና መልስ ውድድር በ6ኛም ሆነ በ8ኛ ክፍል ተማሪዎች ውድድር 2ኛ ደረጃን በማግኘት አሸናፊ ሆኗል፡፡
በቀጣይም በክፍለ ከተማ እና ከተማ ደረጃ በሚደረገው የጥያቄ እና መልስ ውድድር የአቡነ ጎርጎርዮስ ቅርንጫፍ ትምህርት ቤቶች በሚደረጉ የጥያቄና መልስ ውድድር እንደሚወዳደሩ ይጠበቃል፡፡
ለበለጠ መረጃ፡-
በስልክ ቁጥር 0111575954/ 0930-36-37-79/0973-60-00-10 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

በኮልፊ ቀራንዮ ክፍለ ከተማ ወረዳ 5 አዲስ ህይወት ክላስተር ስር በሚገኙ ትምህርት ቤቶች መካከል በተደረገው የጥያቄና መልስ ውድድር የአቡነ ጎርጎርዮስ ትምህርት ቤቶች ወይራ ቅርንጫፍ የ6ኛ ክፍል 1ኛ ደረጃን ሲያገኝ በ8ኛ ክፍል ውድድር 3ኛ ደረጃ በመውጣት ተሸላሚ ሆኗል፡፡

በተመሳሰይ መልኩ በለሚ ኩራ ክፍለ ከተማ በሚገኙ በእድገት ጮራ ክላስተር ስር 2 የመንግስትና 6 የግል የትምህርት ተቋማት በተወዳደሩበት የሲኤም ሲ መሪ 2ኛ ደረጃ ትምህርት ቤት የ12ኛ ክፍል ተማሪዎች በተፈጥሮ ሳይንስ ዘርፍ የጥያቄና መልስ 2ኛ በመውጣት አሸናፊ ሆኗል፡፡

የአቡነ ጎርጎሪዮስ ትምህርት ቤቶች ቃሊቲ ትምህርት ቤት በአቃቂ ቃሊቲ ክፍለ ከተማ ወረዳ 8 ሰርቲ ክላስተር በሚገኙ 9 ትምህርት ቤቶች መካከል በ6ኛ ክፍል ተማሪዎች መካከል በተደረ የጥያቄና መልስ ውድድር 1ኛ በመውጣት አሸናፊ ሆኗል፡፡

የአቡነ ጎርጎርዮስ ትምህርት ቤቶች በሚገኙበት ወረዳዎች አሸናፊ ሆኑ፡፡
የአቡነ ጎርጎርዮስ ትምህርት ቤቶች ተማሪዎች በለሚ ኩራ ክፍለ ከተማ በወረዳ 2 በእድገት ጮራ ክላስተር፣ በአቃቂ ቃሊቲ ክፍለ ከተማ በወረዳ 8 ሰርቲ ክላስተር፣ በንፋስ ስልክ ላፍቶ ክፍለ ከተማ በወረዳ 01 ስር በሚገኘው አባይ ክላስተር እና በኮልፌ ቀራንዮ ክፍለ ከተማ በወረዳ 5 አዲስ ህይወት ክላስተር በሚገኙ ወረዳዎች መካከል በተደረገ የጥያቄና መልስ ወድድር የአቡነ ጎርጎርዮስ ትምህርት ቤቶች በሚገኙበት ወረዳዎች አሸናፊ ሆኑ፡፡

በአቡነ ጎርጎርዮስ ቅርንጫፍ ትምህርት ቤቶች በ8ኛ ክፍል 7ቱም ቅርንጫፍ 3 ተወዳዳሪዎችን ያሳተፉ ሲሆን በ7 የቀለም ትምህርቶች የጥያቄና መልስ ውድድር ተካሂዶ ከለቡ ቅርንጫፍ 1ኛ ተማሪ እዮሲያስ ያሬድ፣ 2ኛ ተማሪ ሳምራዊት ደረጀ ከለቡ ቅርንጫፍ እና 3ኛ ተማሪ ናታን ተስፋዬ ከወይራ ቅርንጫፍ አሸናፊ ሆነዋል፡፡
በትምህርት ቤቶች ደረጃ በ8ኛ ክፍል 1ኛ ለቡ ቅርንጫፍ ሲወጣ ቃሊቲ እና አዋሬ ቅርንጫፍ 2ኛ እና 3ኛ በመውጣት አሸናፊ ሆነዋል፡፡
በአቡነ ጎርጎርዮስ ቅርንጫፍ ትምህርት ቤቶች የ6ኛ እና የ8ኛ ክፍል ተማሪዎች መካከል የተደረገው የመጀመሪያ ዙር የጥያቄና መልስ ውድድር፤ በቅርንጫፍ ትምህርት ቤቶች መካከል ተወዳዳሪነትን ከመፍጠሩም በላይ በወረዳ፣ በክፍለ ከተማ እና በአዲስ አበባ ከተማ ደረጃ ለሚደረጉ የጥያቄና መልስ ወድድሮች ትልቅ ልምድ የሚያገኙበት መድረክ እንደሆነ ከዝግጅት አስተባባሪዎች ያገኘነው መረጃ ያመለክታል፡፡
ለበለጠ መረጃ፡-
በስልክ ቁጥር 0930-36-37-79 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

6ኛ ክፍል በ6 የትምህርት ዓይነቶች የጥያቄና መልስ ውድድር ከተሳተፉ 21 ተማሪዎች መካከል ከወይራ 1ኛ ተማሪ ይስሐቅ አቡ ፣ተማሪ አሐዱ አብይ ከመሪ 2ኛ እና ተማሪ ሰማርያ መስፍን ከእግዚአብሄር አብ 3ኛ በመውጣት አሸናፊ ሆነዋል፡፡
በውድድሩም በትምህርት ቤቶች ደረጃ በ6ኛ ክፍል 1ኛ ወይራ ቅርንጫፍ ፣ 2ኛ እግዚአብሔር አብ እና 3ኛ መሪ ቅርንጫፍ በመውጣት አሸናፊ ሆነዋል፡፡

በ2004 ዓ.ም ዘመኑን በዋጁ 12 ባለ አክሲዮኖች በብር 100,000.00 ካፒታል የተቋቋመው ኤስድሮስ ኮንስትራክሽን ንግድና ኢንዱስትሪ አ.ማ በአሁን ወቅት 4131 ባለ አክሲዮኖች የተከፈለ ካፒታሉም 421.755 ሚሊዮን ብር ማድረስ ችሏል፡፡
ለበለጠ መረጃ፡-በስልክ ቁጥር 0930 363 779/0973-60-00-10 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

ጉባኤውን ለመጀመር የሚያስችል ምላተ ጉባኤ መሟላቱ ከተረጋገጠ በኃላ የጉባኤውን መጀመር በንግግር የከፈቱት የኤስድሮስ ኮንስትራክሽን ንግድና ኢንዱስትሪ አ.ማ የዳሬክተሮች ቦርድ ሰብሳቢ መሐሪ መኰንን(ዶ/ር) በ10 አጀንዳዎች ላይ ውይይት እንደሚደረግ ገልፀዋል፡፡ በዚሁ መሰረት የአክሲዮን ማኅበሩ የ2016 በጀት ዓመት ያከናወናቸውን ዋናዋና ሥራዎች ሪፓርት ቀርቧል፡፡ በሪፖርቱ የ2017 ዓ.ም የትኩረት አቅጣጫዎችን በዝርዝር ሲያቀርቡም በተዘጋጀው የ3ኛው ዙር የ5ዓመት ሰልታዊ ዕቅድ (Strategic plan) መሰረት የኩባንያውን መዋቅር የማሻሻል ሥራ፣ የሥራ ደረጃ እና ምዘና የማስጠናት ሥራ፣ በተለያዩ የንግድ ሥራዎች ለመሰማራት የሚያስችል የአዋጭነት ጥናት በማጥናት ወደተግበር መግባት፣ የትምህርት ቤቶቹን ተደራሽነት ለማሳደግ ከመንግስት የት/ቤት መስሪያ ቦታ በመጠየቅ ትምህርት ቤቶችን መገንባት፣ የሪል እስቴት አፓርታማን ህንጻ ማጠናቀቅ እና በቀጣይ ሪል እስቴት ለመገንባት የአዋጭነት ጥናት በማድረግ ለመተግበር እና የአክሲዮን ማኅበሩ መለያ /Brand/ ማስጠናትና መተግበር በሚሉ 6 ጉዳዮች ላይ ትኩረት አድርጎ እንደሚሰራ በዝርዝር በሪፖርታቸው ገልጸዋል፡፡
ጉባኤው አጠቃላይ የፋይናንስ ሪፓርት እና የውጪ ኢዲተሮች ሪፓርትም ያዳመጠ ሲሆን በቀረቡት ሪፖርቶች እና የትኩረት አቅጣጫ ላይ ሰፊ ውይይት በማካሄድ ያለምንም ተቃውሞ እና ድምጽ ታቅቦ በሙሉ ድምፅ አጸድቋል፡፡ ኩባንያው በ2016 በጀት ዓመት የተጣራ ትርፍ ብር 85.278 ሚሊዮን ያስመዘገበ ሲሆን ጉባኤውም የቦርድ አባላት ክፍያ እና ህጋዊ መጠባበቂያ ተቀንሶ ብር 56.82 ሚሊዮን ትርፍ ሙሉ በሙሉ ኩባንያውን ለማሳደግ እንዲውል በመሉ ድምፅ ውሳኔ አሳልፋል፡፡

የኤስድሮስ ኮንስትራክሽን ንግድና ኢንዱስትሪ አ.ማ 12ኛው የባለ አክሲዮኖች መደበኛ ጠቅላላ ጉባኤ ካፒታል በማሳደግ ተጠናቀቀ፡፡
ኤስድሮስ ኮንስትራክሽን ንግድና ኢንዱስትሪ አ.ማ 12ኛ መደበኛ ጠቅላላ ጉባኤ ታህሳስ 12 ቀን 2017 ዓ.ም በአዲስ አበባ ከተማ በቀድሞው ግሎባል ሆቴል በአሁኑ ኢትዮጵያ ቁጥር ሁለት ሆቴል ባለአክሲዮኖች የዳይሬክተሮች ቦርድ አባላት እና የኩባንያው ማኔጅመንት አባላት በተገኙበት አካሂዷል፡፡

በዚሁ ጉባዔ ሁሉም ባለ አክሲዮኖች የሚገኙ ሲሆን በጉባዔው ላይ መሳትፍ የማይችሉ ከሆነም ተወካዮቻቸውን የተውከሉበትን ዋናውን እና ፎቶ ኮፒውን እንዲሁም የታደሰ የቀበሌ መታወቂያ ወይም ፓስፖርት ወይም የመንጃ ፈቃድ ይዘው እንዲቀርቡ በማድረግ መሳተፍ የሚችሉ መሆኑን የዳሬክተሮች ቦርድ አስታውቋል፡፡
ለበለጠ መረጃ፡-በስልክ ቁጥር 0930 363 779/0973-60-00-10 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

ኤስድሮስ 12ኛ ጠቅላላ ጉባዔውን ነገ ያካሂዳል፡፡
ኤስድሮስ ኮንስትራክሽን ንግድና ኢንዱስትሪ አ.ማ 12ኛ መደበኛ የባለ አክሲዮኖች ጠቅላላ ጉባዔ ነገ ታህሣሥ 12 ቀን 2017 ዓ.ም በአዲስ አበባ ከተማ በቀድሞው ግሎባል ሆቴል በአሁኑ ኢትዮጵያ ቁጥር ሁለት ሆቴል ከጠዋቱ 2፡00 ሰዓት ጀምሮ እንደሚያካሄድ አስታውቋል፡፡ በነገው 12ኛው መደበኛ ጠቅላላ ጉባዔ በ10 አጀንዳዎች ላይ ውይይት እንደሚደረግ ይጠበቃል፡፡
1. ድምፅ ቆጣሪዎች መሰየምና ምልዓተ ጉባዔ መሟላቱን ማረጋገጥ
2. የ12ኛ መደበኛ ጠቅላላ ጉባዔ አጀንዳዎችን ማጽደቅ
3. አዳዲስና በዝውውር የገቡ ባለ አክሲዮኖችን መቀበል
4. የዳይሬክተሮች ቦርድ የ2016 በጀት ዓመት ሪፖርት እና የ2017 በጀት ዓመት የትኩረት አቅጣጫዎችን መስማትና ማጽደቅ
5. የውጭ ኦዲተር ሪፖርት መስማትና ማጽደቅ
6. የ2016 በጀት ዓመት ትርፍ ላይ ተወያይቶ መወሰን
7. የዳይሬክተሮች ቦርድ አክሲዮናቸውን ያሳደጉ ነባር፣ አዳዲስ እና በዝውውር የገቡ ባለአክሲዮኖች በመወከል በሰነዶች ማረጋገጫ እና ምዝገባ አገልግሎት በመቅረብ እንዲፈርሙ ውክልና መስጠት፡፡
8. የዳይሬክተሮች ቦርድ አባላት አበልና የአገልግሎት ክፍያ መወሰን
9. የውጪ ኦዲተር መሠየም
10. የ12ኛ መደበኛ ጠቅላላ ጉባዔ ቃለ ጉባዔ ማጽደቅ በሚሉ አጀንዳዎች ላይ ተወያይቶ እንደሚያጸድቅ ይጠበቃል፡፡

አቧሬ አንደኛና መካከለኛ ደረጃ ቅርንጫፍ ትምህርት ቤት ባሳለፍነው ሳምንት ማብቂያ ላይ በ4ኬሎ ቅድስት ሥላሴ አዳራሽ በተደረገው የዕውቅና እና ሽልማት መርሀግብር በአራዳ እና ቂርቆስ ክፍለ ከተማ ቅርንጫፍ ጽ/ቤት ታሪክ ለመጀመሪያ ጊዜ የሆነውን ከፍተኛ ነጥብ በማስመዝገብ የትምህርትና ስልጠና ተቋማት እውቅና ፍቃድ እድሳት ዋና ሥራ አስኪያጅ ከሆኑት ወ/ሮ ምንታምር አዴማ እጅ ሽልማቱን ተረክቧል፡፡
የአቡነ ጎርጎርዮስ ትምህርት ቤቶች አቧሬ አንደኛና መካከለኛ ደረጃ ቅርንጫፍ ትምህርት ቤት ከዚህ በፊት ከአራዳ ክፍለ ከተማ ከሚገኙ ትምህርት ቤቶች በተሻለ ተማሪ ብዛት እና 100% ተፈታኞችን በማሳለፍ 1ኛ በመሆን የዋንጫ እና የሰርተፍኬት ሽልማት እንደተበረከተለት ይታወሳል፡፡

ለበለጠ መረጃ፡-
በስልክ ቁጥር 0930-36-37-79 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

አቧሬ ቅርንጫፍ 1ኛ በመሆን ተሸላሚ ሆነ፡፡
************* ************** ************
የአቡነ ጎርጎርዮስ ትምህርት ቤቶች አቧሬ አንደኛና መካከለኛ ደረጃ ቅርንጫፍ ትምህርት ቤት በአዲስ አበባ ከተማ አስተዳደር የትምህርትና ስልጠና ተቋም እውቅና ፍቃድና ዕድሳት ዳሬክቶሬት በ2016 ዓ.ም እውቅናና ፍቃድ ከተሰጣቸው ትምህርት ቤቶች 86.86% በማምጣት 1ኛ በመሆን ተሸለሚ ሆነ፡፡
በአራዳ እና ቂርቆስ ክፍለ ከተማ የትምህርትና ስልጠና ተቋም እውቅና ፍቃድና ዕድሳት ቅርንጫፍ ጽ/ቤት ዳሬክቶሬት አዘጋጅነት በተካሄደው በዚህ የሽልማት መርሀግብር ላይ የአቡነ ጎርጎርዮስ ትምህርት ቤቶች አቧሬ አንደኛና መካከለኛ ደረጃ ቅርንጫፍ ትምህርት ቤት የሰርተፍኬትና የዋንጫ ተሸላሚ ሆኗል፡፡

በመረሐግብሩ ማጠቃለያ ላይ የተከናወኑ ሥራዎችን በጋራ በመሆን ጉብኝት የተደረገ ሲሆን በ2007 ዓ.ም የመማር ማስተማር ሥራውን የጀመረው እና የአቡነ ጎርጎርዮስ ት/ቤቶች የመጀመሪያው የሆነውን አዋሬ ቅርንጫፍ ለሁሉም ቅርንጫፍ ትምህርት ቤቶች ሞዴል የሚሆኑ ሥራዎችን በመስራት አርአያነቱን ለማስጠበቅ እንደሚሰራ በመርሐግብሩ ላይ ያገኘነው መረጃ ያመለክታል፡፡
ለበለጠ መረጃ፡-በስልክ ቁጥር 0930 363 779 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

በአቧሬ 1ኛ ደረጃ ቅርንጫፍ በወላጅ ኮሚቴ የልማት ሥራዎች ተከናወኑ::
በአቡነ ጎርጎርዮስ የአዋር የመጀመሪያና መካከለኛ ደረጃ ቅርንጫፍ ት/ቤት ወተመህ በራሱ ወጪ የአስተዳዳርና የመምህራን ቢሮዎችን ደረጃውን በጠበቀ መልኩ በመሥራት ምቹ የሥራ ቦታዎች እንዲፈጠሩ ሥራዎችን በማከናወን ለአገልግሎት አበቃ፡፡

መርሀግብሩን ያስጀመሩት የቅርንጫፍ ትምህርት ቤቱ ርዕሰ መምህር አቶ ደረጀ በቀለ በአቀረቡት ንግግር” የትምህርት ቤቱ ወተመህ ኮሚቴ ከተቋቋመበት ጊዜ ጀምሮ ለተቋሙ በገንዘብ ፣በዕውቀት አስፈላጊዎን ድጋፍ ሲያደርግ ነው የቆየው ይኸም ድጋፍ ተጠናክሮ በርካታ ስራችዎን እያከናወነ ይገኛል፡፡”በማለት የመርሀግብሩን መጀመር እና መርሀግብሩን አስተዋውቀዋል፡፡

በዚህ የእውቅና የሽልማት መርሐግብር ላይ የኤስድሮስ ኮንስትራክሽን ንግድና ኢንዱስትሪ አ.ማ ዋና ሥራ አስኪያጅ እና የማኔጅመንት አባላት ፣ የወተመህ አመራር አባላት እና የቅርንጫፍ ትምህርት ቤቱ አስተዳዳር ሰራተኞች በተገኙበት በወላጆች ድጋፍ የተከናወኑትን ሥራዎች እና መነሻ ሀሳብ ለኤስድሮስ ማኔጅምነት አባላት ያብራሩት የት/ቤቱ ወተመህ ሰብሳቢ ዶ/ር አንዱዓለም ኃይሉ “የት/ቤቱ ወተመህ ሥራ አስፈፃሚ ወደ ሥራ እንደገባ የት/ቤቱን ነባራዊ ሁኔታ በመረዳት እና ክፍተቶችን በመለየት የልጆቻችን መማሪያ የሆነውን ት/ቤት ምቹ ለማድረግ እና የተቋሙ ራዕይ እውን ለማድረግ እየሰራን እንገኛለን፡፡ የቀድሞ ወተመህ የጀመራቸውን ሥራዎችና በአገልግሎት ዘመኑ በመጠናቀቁ ምክንያት ያላከናወናቸውን ተግባራት በመለየት ከትምህርት ቤቱ አስተዳዳር ጋር በጋራ በመሆን የመጀመሪያ የሆነውን የአስተዳደር ክፍሎችና የመምህራን ማረፊያ ክፍሎችን በማሰራት ለአገልግሎት ማብቃት ችለናል፡፡ ዘመናዊ ኤሌክትሮኒክስ ማስተማሪያ /Smart board/ ገጠማ ለማድረግ እየተሠራ ነው፡፡ ቤተ ሙከራዎችን ማዘመን እና በቅርንጫፍ ትምህርት ቤቱ የሚከናወነውን የመማር ማስተማር ሁኔታ ሊያቀላጥፉና ሊያግዙ የሚገባቸውን ተግባራት በመለየት ለመሥራት አቅደናል፡፡” በማለት የተሰሩ ስራዎችና በወተመ በቀጣይ ለማሳካት የታቀዱ ስራዎችን አብራርተዋል፡፡

በመርሐግብሩ ላይ ለወተመህ ዕውቅና ሽልማት ያበረከቱት የኤስድሮስ ኮንስትራክሽን ንግድና ኢንዱስትሪ አ.ማ ዋና ሥራ አስኪያጅ አቶ አንተነህ ፈለቀ እንደተናገሩት “ኤስድሮስ ዋንኛ ትኩረቱ የተማሪዎች የመቀበል አቅም በማሳደግ ያለውን የህብረተሰቡን ፍላጎት ማሟላት፣ ወተመህ ለዚሁ ዓላማችን ድጋፍ (እገዛ) የሚሆን ይህንን መሰል ሥራዎችን መስራቱ ደግሞ የመማር ማስተማር ስራውን የበለጠ ምቹ ከማድረጉም ባሻገር አብሮነትን የሚያጎለብት ነው፡፡ በመሆኑም፣ የቅርንጫፍ ትምህርት ቤቱ አስተዳዳር ከወላጅ ኮሚቴ ጋር በቅርበትና በአንድነት እየሠራ በመሆኑ ሊመሰገን ይገባዋል፡፡ በጋራ በመሆን በጋራ ብዙ ሥራዎችን እንስራለን በድጋሚ አመሰግናለሁ፡፡” በማለት ገልጸዋል፡፡

የወተመህ ሰብሳቢ ዶ/ር አንዱዓለም ኃይሉ እንደተናገሩት “ይህ ዕውቅና እና ስጦታው የቅርንጫፍ ትምህርት ቤቱ አስተዳዳር ነው፡፡ እኛ እንድንሠራ እና የመማር ማስተማር ስራውን እንድናግዝ ስላደረገን ነው ይህንን ሥራ መሥራት የቻልነው፡፡ ተናቦ ከተሠራ በርካታ ስራዎችን መስራት እንደሚቻል ማሳያ ነው፡፡” በማለት ተናገረዋል፡፡

በጉባኤው ላይ መገኘት የማይችሉ ባለአክሲዮኖች ጉባኤው ከመካሔዱ በፊት ሜክሲኮ ሰንጋተራ ሕብረት ባንክ ዋና መስሪያ ቤት 8ኛ ፎቅ ላይ በሚገኘው የኤስድሮስ ኮንስትራክሽን ንግድና ኢንዱስትሪ አ.ማ ዋና መ/ቤት በአካል በመገኘት የውክልና ቅጽ በመሙላት ውክልና መስጠት የምትችሉ ሲሆን ተወካዮቻችሁ ለጠቅላላ ጉባኤ ሲመጡ የውክልና ፎርሙን ዋናውን እና ፎቶ ኮፒውን እንዲሁም የታደሰ የቀበሌ መታወቂያ ወይም ፓስፖርት ወይም የመንጃ ፈቃድ ይዘው እንዲቀርቡ በማድረግ መሳተፍ የሚችሉ መሆኑን የዳሬክተሮች ቦርድ አሳውቋል፡፡
ለበለጠ መረጃም በስልክ ቁጥሮች 0973-60-00-10/09 30-36-37-79/011-126-01-01 / 011-157-59-54 በመደወል ተጨማሪ መረጃ ማግኘት የሚችሉ መሆኑን የኤስድሮስ ኮንስትራክሽን ንግድና ኢንዱስትሪ አክሲዮን ማኅበር የዲሬክተሮች ቦርድ ጥሪውን አቅርቧል፡፡

12ኛው የባለ አክሲዮኖች መደበኛ ጉባኤ ታህሳስ 12 ቀን 2017 ዓ.ም ይካሄዳል፡፡
ኤስድሮስ ኮንስትራክሽን ንግድና ኢንዱስትሪ አ.ማ 12ኛ መደበኛ የባለ አክሲዮኖች ጠቅላላ ጉባኤ ቅዳሜ ታህሳስ 12 ቀን 2017 ዓ.ም በአዲስ አበባ ከተማ በቀድሞው ግሎባል ሆቴል በአሁኑ ኢትዮጵያ ቁጥር ሁለት ሆቴል ከጠዋቱ 3፡00 ሰዓት ጀምሮ ያካሒዳል፡፡
በዚሁ በ12ኛ መደበኛ ጠቅላላ ጉባኤው በ12 አጀንዳዎች ላይ እንደሚወያይ ይጠበቃል፡፡
1. ድምፅ ቆጣሪዎች መሰየምና ምልዓተ ጉባኤ መሟላቱን ማረጋገጥ
2. የ12ኛ መደበኛ ጠቅላላ ጉባኤ አጀንዳዎችን ማጽደቅ
3. አዳዲስና በዝውውር የገቡ ባለ አክሲዮኖችን መቀበል
4. የዳይሬክተሮች ቦርድ የ2016 በጀት ዓመት ሪፖርት እና የ2017 በጀት ዓመት የትኩረት አቅጣጫዎችን መስማትና ማጽደቅ
5. የውጭ ኦዲተር ሪፖርት መስማትና ማጽደቅ
6. የ2016 በጀት ዓመት ትርፍ ላይ ተወያይቶ መወሰን
7. የዳይሬክተሮች ቦርድ አክሲዮናቸውን ያሳደጉ ነባር፣ አዳዲስ እና በዝውውር የገቡ ባለአክሲዮኖች በመወከል በሰነዶች ማረጋገጫ እና ምዝገባ አገልግሎት በመቅረብ እንዲፈርሙ ውክልና ስለመስጠት
8. የዳይሬክተሮች ቦርድ አባላት አበልና የአገልግሎት ክፍያ መወሰን
9. የውጪ ኦዲተር መሠየም
10. የ12ኛ መደበኛ ጠቅላላ ጉባኤ ቃለ ጉባኤ ማጽደቅ በሚሉ አጀንዳዎች ላይ ተወያይቶ እንደሚያጸድቅ ይጠበቃል፡፡

ወደ ዩኒቪርስቲ ለሚገቡ የአቡነ ጎርጎሪዮስ ተማሪዎች ስልጠና ተሰጠ፡፡
ኤስድሮስ ኮንስትራክሽን ንግድና ኢንዱስትሪ አ.ማ ከአዲስ አበባ ዩኒቨርሲቲ እና ሰውነት በጎ አድራጎት ድርጅት ጋር በመተባባር በ2016 ዓ.ም ሀገር አቀፍ የ12ኛ ክፍል ብሔራዊ ፈተና ወስደው ወደ ዩኒቪርሲቲ ለሚገቡ ተማሪዎች የ''up skilling'' ስልጠና ሰጥቷል፡፡
ጥቅምት 30 እና ህዳር 1 ቀን 2017 ዓ.ም በአዲስ አበባ ዩኒቨርስቲ ማንዴላ አዳራሽ በተሰጠው በዚህ ስልጠና የተዳሰሱ ረዕሶች፤
1. Core Social Skills to Collage Entrance,
2. Career Choices,
3. Digital Literacy and Experience Sharing ናቸው፡፡
በ2016 የት/ት ዘመን ሀገር አቀፍ የ12ኛ ክፍል ብሔራዊ ፈተና ወስደው በ2017 ዓ/ም ወደ ዩኒቨርሲቲ ለመግባት በዝግጅት ላይ የሚገኙ በአቡነ ጎርጎርዮስ ትምህርት ቤቶች የአዋሬ፣ የለቡ እና የሰሚት ቅርንጫፍ ትምህርት ቤት ተማሪዎች ስልጠናውን እንዲያገኙ ተደርጓል፡፡

በዚህ ስልጠና ላይ የመጀመሪያዋ ኢትዮጵያዊት እንስት ፕሮፊሰር አለምፀሐይ መኰንን የትምህርት፣ የሥራእና የህይወት ተሞክሯአቸውን በመዝጊያው ፕሮግራም ላይ ተገኝተው ለሰልጣኝ ተማሪዎች በማካፈላቸው ተማሪዎቹ ከፍተኛ ልምድና ክህሎት ያገኙበት መሆኑን ለማወቅ ተችሏል፡፡
ለበለጠ መረጃ፡-በስልክ ቁጥር 0930 363 779 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

የአዋሬ ቅርንጫፍ 2ኛ ደረጃ ት/ቤት ለመስከረም 2ኛ ደረጃ ት/ቤት ተማሪዎች ልገሳ አደረገ፡፡
በአቡነ ጎርጎርዮስ ትምህርት ቤቶች አዋሬ ቅርንጫፍ 2ኛ ደረጃ ት/ቤት የማኅበራዊ አገልግሎት (በጎ አድራጎት) ክበብ ’’ዓመቱን በበረከት እንጀምር ’’በሚል መሪ ቃል ለመስከረም 2ኛ ደረጃ ት/ቤት ተማሪዎች የጽሕፈት መሳሪያና ለሴት ተማሪዎች የንጽህና መጠበቂያ ቁሳቁስ ድጋፍ አደረገ፡፡
ጥቅምት 22 ቀን 2017 ዓ.ም በመስከረም 2ኛ ደረጃ ት/ቤት በመገኘት ልገሳ ያደረጉት በአቡነ ጎርጎርዮስ ትምህርት ቤቶች አዋሬ ቅርንጫፍ 2ኛ ደረጃ ት/ቤት ከ9ኛ እስከ 12ኛ ክፍል ያሉ ተማሪዎችን በማስተባበር የትምህርት ቁሳቁስ እና የንጽህና መጠበቂያ ሞዴስ ለ20 የመስከረም 2ኛ ደረጃ ት/ቤት ተማሪዎች አበርክተዋል፡፡

አዋሬ ቅርንጫፍ 2ኛ ደረጃ ት/ቤትን በመወከል በመርሀ ግብሩ ላይ ንግግር ያደረጉት የአዋሬ 2ኛ ደረጃ ት/ቤት ርዕሰ መምህር አቶ ሳሙኤል ይልማ እንደተናገሩት “ከ9ኛ እስከ 12ኛ ክፍል ያሉ ተማሪዎችን በማስተባበር ይህ በዛሬው እለት ለማበርከት ያመጣነው የትምህርት ቁሳቁስ እና የንህፅና መጠበቂያ ሞዴስ ሲሆን፤ የስጦታውም ዓላማ እርዳታ ሳይሆን ተማሪዎቻችን መተሳሰብን ፣ ሰበአዊነትን እንዲሁም የማኅበራዊ አገልግሎት ግንዛቤ እንዲኖራቸው ለማድረግ መሆኑን ከግንዛቤ አንዲያስገቡ ለማስተማርና ለማሳየት ነው፡፡”በማለት በቀጣይም መሰል ልገሳ እንደሚቀጥል ተናግረዋል።

የመስከረም 2ኛ ደረጃ ትምህርት ቤትን በመወከል ንግግር ያደረጉት የትምህርት ቤቱ ርዕሰ መምህር አቶ ሲሳይ አለሙ እንደተናገሩት "ይህ የልገሳ መርሀግብር ትልቅ መልዕክት ያለው ነው፡፡ አንድ ሰው የሚማረው የአስተሳሰብ ለውጥ ለማምጣት ነው፡፡ ለዚህ ደግሞ ዛሬ የተደረገልን ይህን በተግባር የሚያሳይ ነው፡፡ ትልቅ ልምድ ነው ሊበረታታ ይገባል፡፡ ለኛ ስጦታ ብቻ አይደለም አስተሳሰብ የሚቀይር ተግባር ነው፡፡ በትምህርት ቤቱ ስም አመሠግናለሁ እግዚአብሔር ያክብራችሁ፡፡” በማለት ተናግረዋል፡፡

በልገሳ መርሀግብሩ ላይ የተገኙት የአራዳ ክፍለ ከተማ ትምህርት ጽ/ቤት ተወካይ አቶ ሀጎስ ተካ እንደተናገሩት “አቡነ ጎርጎርዮስ 2ኛ ደረጃ ት/ቤት አዋሬ ቅርንጫፍ በርካታ ውጤታማ ሥራ እየሠራ እንዳለ እናውቃለን፡፡ ይህ የዛሬው መርሀግብርም አንዱ መሳያ ነው፡፡ ትልቅ ልምድ የሚወሰድበት ተግባር ነው እንደ ጽ/ቤት እውቅና የሚሰጠው ተግባር ነው፡፡ በዚህ ለተሳተፈችሁ ሁሉ ትልቅ አክብሮት አለኝ፡፡” በማለት መልዕክታቸውን አስተላልፈዋል፡፡
የአቡነ ጎርጎርዮስ አዋሬ ቅርንጫፍ 2ኛ ደረጃ ት/ቤት ተማሪዎች ከዚህ ቀደም በመሰል የበጎ አድራጎት ሥራዎች ለመቅዶንያ የአረጋውያን እና የአዕምሮ ሕሙማን መርጃ ማዕከል እና በከተማው ለሚገኙ በርካታ በጎ አድራጎት ድርጅቶች የገንዘብ እና የአልባሳት ድጋፍ ማድረጋቸው ይታወሳል፡፡
ለበለጠ መረጃ፡-በስልክ ቁጥር 0930 363 779 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

አቶ ተስፋዬ ይሁኔ የኤስድሮስ ኮንስትራክሽን ንግድ እና ኢንዱስትሪ አ.ማ የዳሬክተሮች ቦርድ አባል፣ የትምህርትና ኢንፎርሜሽን ቴክኖሎጂ ዘርፍ አስተባባሪ በመርሐግብሩ በመገኘት ሰልጣኝ ተማሪዎች ውጤታማ በሚሆኑበት ጉዳይ ላይ ልምዳቸውን አካፍለዋል፡፡ኤስድሮስ ኮንስትራክሽን ንግድና ኢንዱስትሪ አ.ማ ካሉት 28 ቅርንጫፍ ትምህርት ቤቶች መካከል ቀዳሚ የሆነው የአዋሬ 2ኛ ደረጃ ቅርንጫፍ ትምህርት ቤት በ2017 ዓ.ም 299 ወንድና 284 ሴት ተማሪዎችን በድምሩ 583 ተማሪዎችን ይዞ የመማር ማስተማር ሥራውን እያከናወነ ይገኛል፡፡
ለበለጠ መረጃ፡-በስልክ ቁጥር 0930 363 779 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

ከሰልጣኝ ተማሪዎች መካከልም ተማሪ ዳግማዊት አስፋው “ሰልጠናው ከጠበቅነው በላይ ነው፡፡ ይህንን መሰል ስልጠና ለእኛ ብቻ ሳይሆን ከታች ክፍል ጀምሮ ላሉ ተማሪዎች ቢሰጥ፡፡” የሚል አስተያየት የሰጠች ሲሆን፤ ተማሪ ነብዩ ዳንኤል በበኩሉ “ስልጠናው ቀደም ብሎ በመሰጠቱ ሰፊ ዝግጅት እንድናደርግ ያደርገናል፡፡ ስልጠናውም በውስጤ ለሚመላለሱ ጥያቄዎች መልስ ያገኘሁበት ነው፡፡” የሚል አስተያየት ሰጥቷል፡፡

ስለ ስልጠናው አስተያየታቸውን የሰጡን በአቡነ ጎርጎርዮስ ትምህርት ቤቶች የአዋሬ 2ኛ ደረጃ ር/መምህር ሳሙኤል ይልማ “የ2017ዓ.ም ብሄራዊ ፈተና የሚወስዱ ተማሪዎች በከፍተኛ ውጤት ለማሳለፍ ከመደበኛ ትምህርታቸው በተጨማሪ ይህንን መሰል የሥነልቦና ስልጠናዎች የመስጠት ስራ እንሰራለን::” በማለት አስያየት ሰጥተዋል፡፡

ስልጠናውን የሰጡት የሥነ ልቦና ባለሙያና በማማከር ሥራ ሰፊ ልምድ ያላቸው አሰልጣኝ አቶ ሽመልስ ገበየሁ ሲሆኑ፤ ስልጠናውን ሲገልጹ “የተማሪዎቹ የስልጠና አቀባበልና ተሳትፎ የሚገርም ነው፡፡ ይህ የሚያሳየው ተማሪዎቹ ለጉዳዩ የሰጡት ትኩረት ከፍተኛ እንደሆነ ነው፡፡ ለዚህ ማሳያው በስልጠና ወቅትና ከስልጠናው በኋላም የሚያነሷቸው ጥያቄዎች ተማሪዎች ያላቸው ክትትልና ዝግጅት ከፍተኛ መሆኑን ነው፡፡” በማለት የስልጠናውን ሂደት ገልጸዋል፡፡
ጥቅምት 13 እና 14 ቀን 2017 ዓ.ም በቅርንጫፍ ትምህርት ቤቱ ቁጥራቸው 119 የሚሆኑ የ12ኛ ክፍል የተፈጥሮ ሳይንስና ማኅበራዊ ሳይንስ ተማሪዎች ሰልጥነዋል፡፡

ለአዋሬ 12ኛ ክፍል ብሄራዊ ፈተና ተፈታኝ ተማሪዎች ስልጠና ተሰጠ፡፡
በአቡነ ጎርጎርዮስ ትምህርት ቤቶች የአዋሬ 2ኛ ደረጃ ትምህርት ቤት የ12ኛ ክፍል ተማሪዎች በ2017 ዓ.ም ለሚካሄደው ሀገር አቀፍ ፈተና እንዴት አዕምሯዊ ዝግጅት በማድረግ በፈተና ውጤታማ መሆን ይቻላል በሚል ርዕሰ ጉዳይ ላይ ስልጠና ተሰጥቷል፡፡

ተሳታፊ ወላጆችም በአጠቃላይ በቀረበው ሪፓርት ላይ ጥያቄና አስተያየት ሰጥተው ሰፊ ውይይት እና ማብራሪያ ከሚመለከተው የኩባንያው የስራ ኃላፊዎች ከተሰጠ በኃላ የኤስድሮስ ኮንስትራክሽን ንግድ እና ኢንዱስትሪ አ/ማ ቦርድ አባል አቶ ተስፋዬ ይሁኔ የመርሀግብሩ መዝጊያ ንግግር እና መልዕክት በማስተላለፍ መርሀግብሩ ተጠናቋል፡፡

ለበለጠ መረጃ፡-በስልክ ቁጥር 0930 363 779 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያገኛሉ::

አጠቃላይ የተከናወኑ ስራዎችን ሪፓርት ያቀረቡት የኤስድሮስ ኮንስትራክሽን ንግድ እና ኢንዱስትሪ አ.ማ የትምህርት ዘርፍ ተጠባባቂ ም/ዋና ሥራ አስኪያጅ አቶ እያሱ ታዬ ላለፉት 10 ዓመታት የመማር ማስተማር አገልግሎት ሲሰጥበት የነበረውን የሲኤምሲ ቅርንጫፍ ትምህርት ቤት በአዲስ አበባ ከተማ አስተዳደር እየተካሄደ ባለው የኮሪደር ልማት ጋር ተያይዞ ቦታው ለልማት በመፈለጉ ምክንያት ከሲ.ኤም ሲ ወደ አዲሱ መሪ ግቢ መዛወሩን በመግለጽ የሲ.ኤም.ሲ ግቢ ለማግኘት የነበሩ ሂደቶች፣ የሲኤምሲ ቅርንጫፍ አማራጭ ዕጣ ፈንታዎች፣ በአዲሱ የመሪ ግቢ የመማር ማስተማሩን ለማስጀመር የተሰሩ ስራዎች፣ ያጋጠሙ ቁልፍ ችግሮች እና የተሰጡ መፍትሄዎች እንዲሁም ወደፊት ትኩረት የሚሹ ጉዳዮች ላይ ሰፊ ማብራሪያ ሰጥቷል፡፡