eGP-Ethiopia

የመንግስት ግዥና ንብረት ባለስልጣን የ6ወራት የአፈጻጸም ሪፖርቱን ገመገመ፡፡
*******
(ጥር 9/2017)ባለስልጣኑ ላለፉት 6 ወራት ያከናወናቸዉን ተግባራት ለመገምገም ነዉ መድረኩን ያዘጋጀዉ፡፡ ሁሉም የተቋሙ ሰራተኞች የተሳተፉበት ይህ መድረክ የስራ አፈጻጸሙን ከመገምገም ባሻገር ለተሻለ ትግበራ አጋዥ ይሆናሉ ተብሎ የታሰቡ ተጨማሪ አጀንዳወች ላይ ጭምር ስልጠና ለመስጠት ታስቦ የተዘጋጀ ነዉ፡፡

የባለስልጣኑ ዋና ዳይሬክተር ክብርት ወ/ሮ መሠረት መስቀሌ በወቅቱ እንደተናገሩት በዕለቱ የአፈጻጸም ሪፖርቱ ሚቀርብ መሆኑን በማስቀደም የቀረበዉን ሪፖርት በመገምገም የተሻለ የተተገበሩትን ይበልጥ ለማስቀጠልና ሊሻሻሉ የሚገባቸዉን የመፍትሔ አቅጣጫ ለማስቀመጥ አሥፈላጊ መሆኑን በማመን መዘጋጀቱን ገልጸዉ ለተሻለ ዉጤታማነት የሠራተኛዉን ስብዕና በተሻለ መገንባት አስፈላጊ በመሆኑ በዘርፉ ልምድ ባላቸዉ ባለሞያ ስልጠና እንደሚሰጥ ገልጸዋል፡፡

አያይዘዉም የተግባራትን ተፈጻሚነት ይበልጥ በመደገፍ ለተሻለ ዉጤታማነት ለመብቃት የማይተካ ሚና ያለዉ የሪፎርም መሰረታዊ ጽንሰ ሃሳብ ትግበራ በሪፖርት መቅረቡም የአጀንዳዉ አካል መሆኑን ጠቁመዋል፡፡

በመጨረሻም ባለስልጣኑ መደበኛና ተቋማዊ የሪፎርም ስራወችን ጎን ለጎን ሲተገብር የቆየ መሆኑን አስታዉሰዉ ትግበራዉ ጥሩ የሥራ ስምሪትና የተነሳሽነት ብሎም በጋራ የመስራት መንፈስ የተስተዋለበት ዉጤታማነትም የታየበት ስለሆነ ለዘርፉ ተሳታፊዎች ምስጋናችን የላቀ ነዉ ሲሉ ተደምጠዋል፡፡

የባለስልጣኑ ስትራቴጂክ ጉዳዮች ስራ አስፈጻሚ ወ/ሮ ልዋም አስፋዉ አጠቃላይ ሪፖርቱን ያቀረቡ ሲሆን የሪፎርም ትግበራ ሪፖርቱን ደግሞ የለዉጥ ትግበራ ስራ አስፈጻሚ አቶ ሰጠኝ ገላን አቅርበዋል፡፡

ተሳታፊዎች ሃሳብ አስተያየት የሚሰጡበት ዕድል የተሰጠ ሲሆን ዕድሉን የወሰዱ ተሳታፊወች የተለያዩ ሰነዶች በማንዋልና በመመሪያ ደረጃ መዘጋጀቱ፣የአሳታፊነት መርህን ተቋሙ መከተሉ፣ የአሰራር ግልጸኝነት መኖሩን በአዎንታዊ ሲያነሱ ከዝዉዉር፣ ደረጃ እድገት፣ የተሸከርካሪ ስምሪትናነዳጅ አጠቃቀምና መሰል ጉዳዮች ጋር የተያያዙትን ደግሞ ሊሻሻሉ ይገባል በሚል አንሰተዋል፡፡

ዋና ዳይሬክተር ክብርት ወ/ሮ መሰረት መስቀሌና ም/ዋና ዳይሬክተር ክቡር አቶ ወልደአብ ደምሴን ጨምሮ የባለስልጣኑ የስራ አመራሮች ግልጸኝነት በሚሹት ዙሪያ ተቋማዊ ምላሽና አስታያየት በመስጠት የጠዋቱ መርሃ-ግብር ተጠናቅቋል፡፡

የመንግስት ግዥና ንብረት ባለስልጣን ለመላዉ የክርስትና እምነት ተከታዮች በሙሉ እንኳን ለገና በዓል በሠላም አደረሳችሁ እያለ…
.
ግዥን ለማዘመን ሂደቱን ከማንዋል ወደ ኤሌክትሮኒክ ዘዴ መቀየሩ ይታወቃል፡፡ በዚሁ የአሰራር ሥርዓትም ሁሉም የፌደራል ተቋማት ዩንቨርሲቲዎችን ጨምሮ እየተገበሩት የሚገኙ ሲሆን የፌደራል ቅርንጫፍ ተቋማትን በዚሁ ስርዓት ለማካተት ስልጠና ተሰጥቶ ለየተቋማቱ ባለሙያ ጭምር በመመደብ ተግባራዊነቱ እየተደገፈ ለተሻለ አፈጻጸም ብርቱ ጥረት እየተደረገ ይገኛል፡፡

የባለስልጣኑ ግዥን የማዘመን ሂደት በዚህ ሳያበቃ የቀጣይ የትኩረት አቅጣጫዉን በክልሎች ላይ እንዲሆን በማቀድ ለተግባራዊነቱ አቅዶ ድጋፍና ክትትሉንም ይበልጥ አጠናክሮ እየሰራም ይገኛል፡፡

በተለይም የመንግስት ገንዘብ ተገቢዉ ጥቅም ማስገኘት እንዲችል ብሎም ጥራት ያላቸዉን እቃዎች በተመጣጣኝ ዋጋ መግዛት እንዲቻል የአቅራቢዎች ተሳትፎ እጅግ ወሳኝ በመሆኑ ቁጥራቸዉን ለመጨመር ዘወትር ረቡዑ ቋሚ የጊዜ ሰሌዳ በማበጀት ባለማቋረጥ ስልጠና እየሰጠ ያለ ተቋምም ነዉ፡፡

ባለለስልጣኑ የግዥ ስርዓትን በኤሌክትሮኒክ ሲስተም ከማድረግ ባለፈ የንብረት ቁጥጥር ስርዓትን፣ቅሬታና አቤቱታን፣የኦዲትን ትግበራዉን፣የተሸከርካሪ ስምሪትንና ሌሎች ተያያዥ ጉዮችን ጭምር በሲስተም እንዲሆኑ አድርጓል፡፡

በአሁኑ ሰዓት በቅርቡ በአዋጅ ቁጥር 1333/2016 ጸድቆ የተሰጠዉን አዋጅ ተፈጻሚ ለማድረግ መመሪያዎችን አዘጋጅቶ በየደረጃዉ ከሚመለከታቸዉ ባለድረሻ አካላት ግብዓት በመዉስድ ረቂቁን ለትግብራ ዝግጁ ከማድረጉም በተጨማሪ የተሰጠዉን ስልጣን በአካታችነት መርህ በመቃኘት አዋጁን በብሬል በማሳተም አይነሰዉራን ህጉን አዉቀዉ በዘርፉ ተጠቃሚ ሚሆኑበት የአሰራር ስርዓት የዘርጋ ሲሆን በቅርቡ ደግሞ በድምጽ ጭምር በመቅረጽ ተደራሽ እንዲሆን ለመድረግ በዝግጅት ላይ መገኘቱ በሃገራችን ግንባር ቀደም ተቋም ያደርገዋል፡፡

ስለሆነም ከዚሀ በፊት ያልተመዘገባቹህ አቅራቢዎች በwww.egp.ppa.gov.et በመመዝገብ ተሳታፊነታቹህን ማረጋገጥ የምትችሉ መሆኑን ባለስልጣኑ ይገልጻል፡፡ በተጨማሪም ለአቅራቢዎች በተያዘዉ የስልጠና ፕሮግራም ዘወትር ረቡዑ ጠዋት ከ2፡30 ጀምሮ የሚሰጠዉን ስልጠና በስፍራዉ በመገኘት እንድትወስዱ ባለስልጣን መ/ቤቱ ጥሪዉን ያስተላፋል፡፡

አቅራቢዎች በሲስተም ተመዝግበዉ በመንግስት ጨረታ ላይ በሚሳተፉበት ወቅት፡-
-የመንግስትን የግዥ ዕቅድ በቀላሉ ያገኛሉ
-የግዥ ማስታዎቂያዎችን በቀላሉ ያገኛሉ
-የጨረታ ሠነድ በቀላሉ ያገኛሉ
-የመጫረቻ ሠነድ በሲስተሙ አዘጋጅቶ ማቅረብ ያስችላቸዋል
-የጨረታ መክፈቻ ሥነ-ስርዓት በሲስተሙ በቀላሉ መከታተል ይችላሉ
-አቤቱታ ማቅረብና ምላሽ ማግኘት እንዲሁም ዉል መፈራረም የሚያስችል በመሆኑ እንድትጠቀሙ ባለስልጣኑ በድጋሜ ያሳስባል፡፡

ለበለጠ መረጃ
- የባለስልጣኑ ድህረ-ገጽ መመልከት ይችላሉ(www.ppa.gov.et)
-9430 በመደወል መረጃዎችንና ማብራሪያዎችን ማግኘት ይችላሉ
-በሶሻል ሚዲያ #e-GP Ethiopia (telegram, facebook, linkiden)

የመንግስት ግዥና ንብረት ባለስልጣን!

እንኳን ለገና በዓል በሠላም አደረሳችሁ።
የመንግስት ግዥና ንብረት ባለሥልጣን!!

የመንግስት ግዥና ንብረት ባለሥልጣን የ6ወር የሥራ አፈጻፀሙን እየገመገመ ይገኛል።
*

(ታህሳስ24/2017 )ባለሥልጣኑ በአሁኑ ሠዐት የግማሸ ዓመት አፈፃፀሙን ሁሉም የስራ ክፍሎች የየክፍሉን አፈፃፀም በዝርዝር እንዲያቀርቡ በማድረግ ነው እየገመገመ የሚገኘው።

በግምገማ ሂደቱ የባለሥልጣኑ ዋና ዳይሬክተር ክብርት ወ/ሮ መሠረት መሥቀሌና ም/ዋና ዳይሬክተር ክቡር አቶ ወልደአብ ደምሴን ጨምሮ ሁሉም የሥራ አስፈጻሚወች በተገኙበት ነው ተግባራዊ እየሆነ የሚገኘው።

ሪፓርቱ በዋናነት የተከናወኑ ዝርዝር ተግባራት ፣ ያጋጠሙ ችግሮችና የተቀመጡ የመፍትሔ አቅጣጫዎችን ባማከለና ለጥያቄናአስተያየት ክፍት በሆነ ግልጽና ተቋሙ በህግ እና ሥርዓት ከተቋቋመበት ዓላማ አንጻር ትኩረቱን ያደረገ አቅጣጫ በመስጠት ላይ የተመሠረተ የስራ ግምገማ በማካሄድ ላይ ነው።

የመንግስት ግዥና ንብረት ባለስልጣን በአዋጅ ቁጥር 1333/2016 የጸደቀውን አዋጅ ለዜጎች ተደራሽ እንዲሆን በማቀድ በብሬይል አዘጋጅቶ መስጠቱን ተከትሎ ርክክቡን ያካሄዱ ተቋማት ምስጋናቸውን አየቸሩ ይገኛል።

ባለሥልጣኑም መሠል ዓርዓያ ሊሆን የሚገባው ተግባር ወደ አፈጻጸም እንዲቀየር በየደረጃው የራሳቸውን አሻራ ላሳረፉ ሁሉ ለነበራቸው አበርክቶ ልባዊ ምሥጋናውን ይገልጻል።

ለመንግስት ግዥና ንብረት ባለስልጣን ሰራተኞች በሥነ-ልቦና ግንባታ ዙሪያ ስልጠና ተሰጠ፡፡

(ታህሳስ /2017)  ስልጠናዉ ለባለስልጣኑ ሴት ሰራተኞችና የስራ ክፍል ኃላፊ ለሆኑ ወንድ ሰራተኞች ነው የተሰጠዉ፡፡

ስልጠናዉን ተጋብዘዉ የሠጡት የሥነ-ልቦና እና የማማከር አገልግሎት ባለሞያ የሆኑት ወ/ሮ ሻሮን አበበ ሲሆኑ ዋነኛ ትኩረቱን በሴቶች ላይ ያደረገና ጎታች ከሆኑ ያሥተሳሰብ ትርክቶች በመዉጣት የተሻለ ስነ-ልቦና መገንባት በሚያስችሉ መንገዶች ዙሪያ  ማብራሪያ ሰጥተዉበታል፡፡

አክለውም ሴትነትን ከመንፈሳዊ፣ማህበራዊ፣ ስነልቦናዊ እና ሳይንሳዊ ዕይታዎች አንጻር በመተንተን ወደ ትግበራ መቀየር የሚቻልበትን ስልት የስልጠናዉ ተቀዳሚ ተግባር በማድርግ አብራርተዋል፡፡

በመጨረሻም የስልጠናዉ ተሳታፊዎች  በስልጠናዉ ፋይዳ ዙሪያ አስተያየታቸዉን ሰጥተዋል፡፡

www.press.et- https://press.et/?p=143763 በሊንኩ ገብተው ከኢትዮጵያ ፕሬስ ድርጅት ጋር የተደረገውን ቃለ ምልልስ ማግኘት እንደሚችሉ በአክብሮት እንገልጻለን።

ለሴቶችና ማህበራዊ ጉዳይ ሚኒስቴር የተዘጋጀውን የብሬል አዋጅ ለማስረከብ እና የተመረቀውን የህጻናትን ማቆያ ለማስጎብኘት የተዘጋጀውን መርሃ -ግብር የሚያስቃኝ ፎቶ በከፊል።

ከሁሉም ክልሎች ከተዉጣጡ የግዥና ፋይናንስ ሃላፊዎች ጋር በግዥ አቤቱታናጥፋተኝነት፣ በካልም(CALM) ኦዲት እና የአቅም ግንባታ ስልጠና  ዙሪያ የምክክር መድረክ ተካሄደ፡፡
**

የግዥና ንብረት ባለስልጣን በካልም ፕሮጀክት ድጋፍ በርካታ ተግባራትን ሲያከናዉን መቆየቱን ተከትሎ ከተሰጠዉ ተግባርና ሃላፊነት አንጻር በግዥ አቤቱታናጥፋተኝነት፣ በካልም ኦዲት እና የአቅም ግንባታ ስልጠና ጋር በተያያዘ  ክልሎች ያሉበትን ደረጃ ለመገምገም እና በቁልፍ የግዥ አፈጻጸም መለኪያ ዙሪያ የክልሎች የ2015 እና የ2016 ዓ/ም አፈጻጸም በጋራ ለማየት ታቅዶ የተዘጋጀ መድረክ ነዉ ሲሉ አቶ ፀጋዬ አበበ (የካልም ፕሮጀክት አስተባባሪ) መድረኩን ባስተዋወቁበት ወቅት ገልጸዋል።

መድረኩን የመንግስት ግዥና ንብረት ባለስልጣን ክብርት ወ/ሮ መሠረት መስቀሌ  የከፈቱት ሲሆን  በካልም ኦዲትና በግዥ አቤቱታናጥፋተኝነት ቦርድ ዙሪያ ክልሎች ያሉበትን ደረጃ የምናይበት መድረክ ነዉ ሲሉ ገልጸዋል፡፡ አያይዘዉም የካልም ፕሮጀክቱ የግዥ አስተዳደር ስርዓታችን የሰለጠነና ዓለምአቀፍ ተቀባይነት ያለው የተናበበ ጥምር እንቅስቃሴ እንዲኖር በማድረግ ረገድ ጉልህ አስተዋጽኦ  እያበረከተ ያለ ፕሮጀክት መሆኑን ገልጸዋል፡፡

በመቀጠልም የፕሮጀክቱ ዓላማ የተሻለ ተፈጻሚነት እንዲኖረዉና ዓለምአቀፍ ተቀባይነት ያለዉ የተናበበ የአሰራር ስርዓት ለመዘርጋት ተግባሮቻችን በዲጂታል ሲስተም በዘመነ እይታ መቃኘት አስፈላጊ በመሆኑ በአዋጅ ቁጥር 1333/2016 አዲስ የጸደቀዉ አዋጅ፣ በመንግስት የኤሌክትሮኒክ ግዥ ትግበራ እና በተሸከርካሪ እና የነዳጅ አጠቃቀም( ኢፍሊት ማኔጅመንት)  ዙሪያም ጭምር ገለጻ እንደሚሰጥ ጠቁመዋል፡፡

አዋጁን የገንዘብ ሚኒስትር የህግ አማከሪ አቶ ሃብታሙ መነሻ ለተሳታፊዎች ያቀረቡ ሲሆን የባለስልጣኑ ም/ዋና ዳይሬክተር ክቡር አቶ ወልደአብ ደምሴ ከኢጂፒ ሲስተም ጋር ተያያዥነት ያላቸዉ ዝርዝር ጉዳዮችን ከሲሰተሙ ጅማሮ አሁን እስከደረሰበት ደረጃ ባስቃኘ መልኩ ገለጻቸዉን አቅርበዋል፡፡

ከቀረበዉ ገለጻ ጋር ተያይዞ ተሳታፊዎች ሃሳብ አስተያየታቸዉን ሰጥተዋል፡፡ የባለስልጣኑ የበላይ አመራሮች ፣ የፕሮጀክት ማናጀሩ ፣ የገንዘብ ሚንስትሩ የህግ አማካሪ እና ጉዳዩ የሚመለከታቸው የባለስልጣኑ የሥራ ኃላፊዎች ለቀረቡ ሃሳብ አስተያየቶች ግልጽና ተቋማዊ ምላሽ ሰጥተዉበታል፡፡

በመጨረሻም የመድረኩ አብይ ዓላማ አዋጁን ከክልሎች አሠራርና አዋጅ ጋር ማጣጣምና የኤክትሮኒክ ግዥ ሲስተምን ልክ እንደ ፌደራል ተቋማት ሁሉ በክልሎች ማስፋፋት ሚቻልበት ግንዛቤን ለሠፍጠር ጭምር መሆኑ በማጠቃለያው ተካትቷል።

ቀጣይ በሚኖረን መርሃ-ግብር ቀደም ሲል የተገለጹ ከካልም ኦዲት፣ ከግዥ አቤቱታና ጥፋተኝነት እና መሰል ጉዳዮች ጋር ተያያዥነት ያላቸዉ ጉዳዮች የሚቀርቡ ይሆናል፡፡

የንግዱ ማህበረሰብ ተወካዮችና የኮንስትራክሽን ዘርፉ ማህበራትና አማካሪዎች በፌደራል መንግስት የግዥ አፈጻጸም  ረቂቅ መመሪያ ዙሪያ አስያየታቸውን ሠጥተዋል።

****

በቁጥር በርከት ያሉ አስተያየት  ሠጭዎች የመመሪያው መዘጋጀት  ካለዉ ጉልህ ሚና በመጀመር የማህበራትን ተሳትፎ ማካተቱና  ግብዓት እንዲሰጡበት መድረክ መፈጠሩ የሚበረታታ መሆኑን በማስቀደም በረቂቅ መመሪያው ቢካተት በሚል ሀሳብ ከሰጡባቸው ጉዳዮች መካከል :-

ከስራ ተቋራጮች ጨረታ ጋር በተያያዘ፣ ከዋጋ ማስተካከያ፣ከግልግል ዳኝነትና ግጭት አፈታት፣ከህንጻ ግንባታ ደረጃ አሰጣጥ፣ ወቅታዊ ችግሮች ሲገጥሙ ከተቋራጩ አንግል፣ ከተጠያቂነት ወሠን፣ ከቦርድ አወቃቀር ከልማት ድርጅቶች እና ከዋስትና፣ ከልዩ ተጠቃሚነት እና ሌሎች በርከት ያሉ ግልጸኝነት የሚሹ ጉዳዬች ዙሪያ ለግብዓትነት ተሠጥተዋል።

ለተነሱ ጉዳዬች የባለስልጣኑን ም/ዋና ዳይሬክተር ክቡር አቶ ወልደአብ ደምሴን ጨምሮ ዋና ዳይሬክተሯ ክብርት ወ/ሮ መሠረት መስቀሌ ምላሽና ግልጸኝነት  በሚሹት ተቋማዊ ማብራሪያ ሠጥተዋል። በመጨረሻም በጽሁፍ ተጨማሪ አሥተያየት መስጠት የሚችሉበት ዕድል መኖሩም ተጠቁሟል።

ቀደም ሲል የቀረበውን የንብረት አስተዳደር ረቂቅ መመሪያ መነሻ በማድረግ ዕድል የወሰዱ በርካታ ቁጥር ያላቸዉ የከፍተኛ ትምህርት  ተቋማት ተሳታፊዎች ሃሳብ አስተያየታቸዉን ሰጥተዋል፡፡
*
ከተነሱት መካከል የመመሪያዉ  ተሻሽሎ የቀረበ መሆን፣ ለብዙ ንብረት ነክ ጥያቄዎች ምላሽ  በሚሰጥ መልኩ የተዘጋጀ መሆኑን በአዎንታዊነት በማስቀደም ግልጸኝነትና ተጨማሪ ማብራሪያ  በሚሹት ዙሪያ በርካታ ሃሳብ አስተያየቶችን ሰጥተዋል፡፡

ከትርጉም ጋር በተያያዘ፣ከጠፋ ንብረት፣ ከንብረት ማስወገድ፣ለትምህርት ወደ ውጭ የሚሄዱ ሠራተኞች ንብረት ጋር በተያያዘ፣ የጋራ መጠቀሚያ ንብረቶች፣ከንብረት ዋጋ፣አገልግሎት ከሰጡ ንብረቶች፣ከንብረት አስተዳደር በኢፍሚስና ኢጅፒ (በማንዋልና በኤሌክትሮኒክ ሲስተም የንብረት መረጃን ከመያዝ  እና ከማስተዳደር አንፃር፣ ከንብረት አቀማመጥና ሌሎች በርካታ ዝርዝር ሃሳቦች ጋር የተያያዙ ሀሳቦች በግብዓትነት ተሰጥተዋል፡፡

በመቀጠልም ግልጸኝነት በሚሹ ጉዳዮች ዙሪያ የባለስልጣኑ ዋና ዳይሬክተር ክብርት ወ/ሮ መሰረት መስቀሌ እና ም/ዋና ዳይሬክተር ክቡር አቶ ወልደአብ ደምሴ ግልጽ ምላሽና ማብራሪያ ሰጥተዉበታል፡፡

ዋና ዳይሬክተሯ አያይዘውም የተሰጡ ግብዓቶች ገንቢና በተሻለ ለመፈጸም አጋዥ መሆናቸውን በማስታወስ በሁለቱም ረቂቅ መመሪያዎች በግብዓትነት ላበረከቱት ገንቢ ሀሳብና አስተያየት የላቀ ምስጋና አቅርበዋል።

በመጨረሻም በመድረኩ ካነሷቸው ግብዓቶች በተጨማሪ ሌሎች  ሀሳብ አስተያየቶች ካሉ በጽሁፍና ሌሎች አማራጮች እስከ ህዳር 15/2017 መላክ የሚቻል መሆኑን  ጠቁመዋል።

ለ 2 ተከታታይ ቀናት ሲካሄድ የነበረው የግዥና ንብረት አስተዳደር ረቂቅ መመሪያውን የተሻለ እና የሚያሰራ ለማድረግ ታስቦ የተዘጋጀው የግብዓት ማሠባሠቢያ መድረክም  ተጠናቅቋል።

የንብረት አስተዳደር ረቂቅ መመሪያው ለከፍተኛ ትምህርት  ተቋማት ኃላፊዎች እየቀረበ ይገኛል።
***

ባለሥልጣኑ በአዋጅ ቁጥር 1333/2016 አዲስ የጸደቀውን አዋጅ ተፈጻሚ ለማድረግ የሚያሥችል ረቂቅ መመሪያ በግዥው ዘርፍ ባዘጋጀው ልክ ለንብረትም ትኩረት በመሥጠት ንብረትን በአግባቡ ለመጠቀም፣ለመጠበቅና ለመቆጣጠር ብሎም አሠራርን ተከትሎ  ለማስወገድ የህግ መሠረት እንዲኖረው በማለም ረቂቅ የንብረት መመሪያ ማዘጋጀቱን ተከትሎ ነው የግብዓት ማሠባሠቢያው መርሃግብር  የተዘጋጀው።

የንብረት አስተዳደር ረቂቅ መመሪያውን  የመንግስት ግዥና ንብረት እቅድና መረጃ አስተዳደር ዴስክ ኃላፊው አቶ ዘበነ ገዛኻኝ አማካኝነት ለውይይትና ሙያዊ አስተያየት በሚያመች መልኩ ዝርዝር ገለጻ እየተሠጠበት ይገኛል።

አቅራቢው በዋናነት ነባሩ የንብረት አስተዳደር መመሪያ ከአዲሡ ረቂቅ መመሪያ ጋር ያለው ልዩነት ላይ ትኩረቱን ያደረገ የአቀራረብ ስልት ነው እየተጠቀሙ የሚገኘው።

በቀጣይ በሚኖረው የከሰዓት መርሃግብር  ተሳታፊዎች በቀረበው  የንብረት አስተዳደር ረቂቅ  መመሪያው  ዙሪያ ለተሻለ ትግበራ ዕድል የሚሠጡ  ግብዓቶችን እንደሚሠጡ በዕጅጉ ይጠበቃል።

የተፈጠረውን የግብዓት ማሰባሠቢያ መድረክ ተጠቅመው ረቂቅ መመሪያው የተሻለና ለአፈጻጸም በሚያመች መልኩ  እንዲቃኝ የተደራጀና ሙያዊ አስተያየቶችን ተሳታፊዎች መስጠታቸውን ተከትሎ የባለሥልጣኑ ዋና ዳይሬክተር ክብርት ወ/ሮ መሠረት መስቀሌ ሁሉንም በዳሰሰ መልኩ ተቋማዊ ምላሽና ማብራሪያ ረቂቅ መመሪያው ከተቀረጸበት አግባብ ጋር በማጣጣም ማብራሪያ ሠጥተዋል።የተነሱ  ግብዓቶችም መመሪያውን ይበልጥ ለማሻሻልና የሚያሠራ ለማድረግ ሚናቸው ከፍ ያለ  መሆኑን ጭምር  ገልጸዋል።

በመጨረሻም ለግብዓት የሚሆን የትኛውንም አሥቻይ ሀሳብና አስተያየት በገጽ ለገጽ በቀረቡ አስተያየቶች  ብቻ የሚወሠን ሥላልሆነ እስከ ህዳር 15/2017ዓ/ም በጽሁፍ  ጭምር ለባለሥልጣኑ ማቅረብ እንደሚችሉና ከዚህም ያለፈ ነገር ቢኖር ረቂቅ አዋጁ ለፍትህ ሚኒስትር ቀርቦ ዳግም ተገምግሞ ጸድቆ ሲሰጠን  ወደ ትግበራ የምንገባበት ሂደት እንደሚኖር  በመግለጽ በግዥ መመሪያው ዙሪያ ሲካሄድ የነበረው የውይይት መድረክ ተጠናቅቋል።

የመንግስት ግዥና ንብረት ባለስልጣን ባዘጋጀው የግዥና ንብረት አሥተዳደር ረቂቅ መመሪያ የግብዓት ማሠባሰቢያ መድረክ የከሠዓት  መርሃግብር  በርካታ ተሳታፊዎች አሥተያየታቸውን ሠጥተዋል።

መመሪያው የተዘጋጀበትና የቀረበበት አግባብ ብሎም ከአሠራር አንጻር ህጋዊ ምላሽ በሚሹ በርካታ ጥያቄዎች መርህን የተከተለ ምላሽ ለመስጠት በሚያስችል አግባብ መዘጋጀቱ  እንዲሁም የኤክትሮኒክ ግዥን( ኢጅፒ) በመመሪያም በአሠራርም እንዲካተት ሆኖ መዘጋጀቱ የሚመሠገን ተግባር መሆኑን በማስቀደም ከዋጋ ማስተካከያ፣ከኢጂፒ ሲስተም ጋር በተያያዘ፣ ከእርማት(Editing)  በተገናኘ፣ ይግባኝን ከማሥተዳደር ጋር በተያያዘ፣ ከሕይወት ዘመን ወጭ ትንተና፣ከማዕቀፍ ግዥ፣ ከዋስትና፣ ለቦታው ተገቢውን ባለሞያ ከመመደብ አንጻር፣ ከልዩ አስተያየት፣ ከውል ማስከበሪያ ፣ ከጥቃቅንና አነስተኛና ፣ ግልጽ ጨረታ አየር ላይ ከሚቆይበት ጊዜ፣ ከፕሪፎርማ ግዥ ፣ ከጨረታ ማስከበሪያ፣ እና ሌሎች መሠል ጉዳዬች ጋር የተያያዙ  ዘርፈ ብዙ ሀሳብና አሥተያየቶች በግብዓትነት ከተሰነዘሩ ጉዳዮች መካከል ይገኙበታል።

ነገ በሚኖረዉ መርሃግብርም ጉዳዩ በቀጥታ የሚመለከታቸው ባለሞያዎች የረቂቅ መመሪያው አዘጋጆቾና የባለሥልጣኑ የበላይ አመራሮች ለተሻለ ተፈጻሚነት በሚያግዝ መልኩ ሙያዊና ተቋማዊ ማብራሪያ እንደሚሰጡ ይጠበቃል።

የመንግስት ግዥና ንብረት ባለስልጣን ባዘጋጀው የግዥና ንብረት አሥተዳደር ረቂቅ መመሪያ የግብዓት ማሠባሰቢያ መድረክ የከሠዓት መርሃግብር  በርካታ ተሳታፊዎች አሥተያየታቸውን ሠጥተዋል።

መመሪያው የተዘጋጀበትና የቀረበበት አግባብ ብሎም ባለሥልጣኑ የተበታተኑ ሠነዶችን ወደ አንድ ለማምጣት እያደረገ ያለው ጥረት ሊበረታታ የሚገባው መሆኑን  በማሥቀደም ከብቃት ማረጋገጫ ፣ ከልዩ ፈቃድ፣ ከቀጥታ ግዥ፣ ከልዩ አስተያየት፣ ከይግባኝ ሠሚ ኮሚቴ ስብጥር፣ ከመንግስት ኤሌክትሮኒክ ግዥ ሲስተም ትግበራ፣ከፕሪፎርማ ግዥ ፣ ከዋጋ ማቅረቢያ፣ ከጥቃቅንና አነስተኛና  መሠል ጉዳዬች ጋር የተያያዙ ሀሳብና አሥተያየቶች በግብዓትነት ከተሰነዘሩ ጉዳዮች መካከል ይገኙበታል።

ነገ በሚኖረዉ መርሃግብርም ጉዳዩ በቀጥታ የሚመለከታቸው ባለሞያዎች የረቂቅ መመሪያው አዘጋጆቾና የባለሥልጣኑ የበላይ አመራሮች ለተሻለ ተፈጻሚነት በሚያግዝ መልኩ ሙያዊና ተቋማዊ ማብራሪያ እንደሚሰጡ ይጠበቃል።

ከሁሉም የፌደራል ባለበጀት መ/ቤቶች የግዥና ንብረት የሥራ ኃላፊዎች ጋር በግዥ አፈጻጸም ረቂቅ መመሪያ ዙሪያ የግብዓት ማሰባሠቢያ መድረክ እየተካሄደ ይገኛል።

******

የመንግስት ግዥና ንብረት ባለሥልጣን ቀደም ሲል በአዋጅ ቁጥር 1333/2016 የጸደቀውን አዲሡን አዋጅ ማስፈጸም የሚያስችሉ የግዥና ንብረት አስተዳደር መመሪያወችን እያዘጋጀ የቆየና ቀደም ሲል የራሱን ሠራተኞች ጨምሮ የሚመለከታቸውን ባለድርሻ አካላት እያወያየ በተዘጋጀው ረቂቅ አዋጅ ዙሪያ የተለያዩ ግብዓቶችን በማሠባሰብ ገንቢ አሥተያየቶችን እየጨመረ ማሻሻያዎችን በማከል አጎልብቶ ተጨማሪ አስቻይና አሠሪ ግብዓቶችን ለመሠብሠብ ስራውን በዋናነት ተግባራዊ ከሚያደርጉት የሁሉም የፌደራል ተቋማት የግዥና ንብረት የሥራ ክፍል ኃላፊዎች ለመቀበል የተዘጋጀ መድረክ ነው።

መድረኩን የገንዘብ ሚኒስትር ሚኒስትር ክቡር አቶ አህመድ ሺዴ በሥፍራው በመገኘት የከፈቱ ሲሆን የባለሥልጣኑን ዋና ዳይሬክተር ክብርት ወ/ሮ መሠረት መሥቀሌና ም/ዋና ዳይሬክተር ክቡር አቶ ወልደ አብ ደምሴን ጨምሮ ሁሉም የፌደራል ባለበጀት መ/ቤቶች የግዥና ንብረት የሥራ ክፍል ኃላፊዎች በመድረኩ እየተሳተፉ ይገኛል።

በአሁኑ ሠዐት ረቂቅ መመሪያው በአቶ አብርሃም ረጋ(የገንዘብ ሚኒስቴር የህግ ባለሞያ) አንድ በአንድ ገለጻ እየተሠጠ ይገኛል። በዋናነት አዲሡ አዋጅ ከነባሩ ያለውን ጉልህ ልዩነት በማሳየትና የተደረጉ መሠረታዊ ማሻሻያዎች ላይ ልዩ ትኩረት በመስጠት ላይ የተመሠሰረተ ገለጻ በመስጠት ትኩረቱን ያደረገ ማብራሪያ በማቅረብ መድረኩ ለአሥተያየት በሚያመች መልኩ እየቀረቡ ይገኛል።

ከሠዐት በኋላ ተሳታፊዎች አሥተያየት የሚሠጡበት መርሃግብር እንደሚኖር ይጠበቃል። ግብዓቶችም የተደራጁና ሙያዊ አሥተያየቶች ላይ እንደሚያተኩሩ ይጠበቃል።

በቀጣይ ቀናት ደግሞ የንብረት አሥተዳደር መመሪያው የሚቀርብና በተመሳሳይ ግብዓቶችን የማሠባሠብ መርሃግብር ይኖራል።

ከሁሉም የፌደራል ባለበጀት መ/ቤቶች የግዥና ንብረት የሥራ ኃላፊዎች ጋር በግዥ አፈጻጸም ረቂቅ መመሪያ ዙሪያ የግብዓት ማሰባሠቢያ መድረክ እየተካሄደ ይገኛል።

የመንግስት ግዥና ንብረት ባለስልጣን አጠቃላይ ሠራተኞች በግዥና ንብረት አስተዳደር መመሪያ ዙሪያ ውይይት እያካሄዱ ይገኛል።
*
ዉይይቱ በዋናነት በአዋጅ ቁጥር 1333/2016 ለጸደቀው አዋጅ ተፈጻሚነት የተዘጋጀው መመሪያ ዙሪያ በመወያየት ለተሻለ ተፈጻሚነት የሚያግዙ ግብዓቶችን ለማሰባሠብ ታልሞ የተዘጋጀ መድረክ ነው።

ይህን ያዉቃሉ?

በመንግስት ግዥ (eGP) ላይ የሚወጡ ጨረታዎችን ለመሳተፍ የፋይዳ መታወቂያ እንደ ቅድመ ሁኔታ መያዝ ይኖርባቸዋል!

እርስዎም የተለያዩ አገልግሎቶችን ለማግኘት በአቅራቢያዎ id.et/locations ላይ በሚያገኙአቸው የምዝገባ ማዕከላት በመሄድ የፋይዳ መታወቂያዎን ዛሬውኑ ይያዙ።

#ፋይዳ #eGP #Fayda

ባለስልጣኑ የመጀመሪያ ሩብ ዓመት የዕቅድ አፈጻጸሙን ገመገመ፡፡
***
(ጥቅምት 13, 2017ዓ/ም) የመንግስት ግዥና ንብረት ባለስልጣን የመጀመሪያ ሩብ ዓመት የዕቅድ አፈጻጸሙን የገመገምገዉ ዋና ዳይሬክተሯን ክብርት ወ/ሮ መሠረት መስቀሌን ጨምሮ ም/ዋና ዳይክተሩ ክቡር አቶ ወልደአብ ደምሴና ሁሉም የተቋሙ የስራ አመራሮችና ሰራተኞች በተገኙበት ነዉ፡፡

የአፈጻጸም ሪፖርቱን የባለስልጣኑ ስትራቴጅክ ዕቅድ ስራ አስፈጻሚ ወ/ሮ ልዋም አስፋዉ ያቀረቡ ሲሆን በሁሉም ስራ ዘርፎች የተከናወኑ አጠቃላይ ተግባራትን፣ በክንዉን ወቅት ያጋጠሙ ተግዳሮቶች ከነመፍትሔዎቻቸዉ ብሎም በቀጣይ በትኩረት የሚከናወኑ ተግባራትን ባካተተ መልኩ ቀርቧል፡፡

በማያያዝም ከሪፎርም አንጻር የተከናወኑ ተግባራት በሪፖርቱ የተካተቱ ሲሆን ከተገልጋዮች ቻርተር፣ ለአካል ጉዳተኞች ምቹ ሁኔታን ከመፍጠር አንጻር ያሉ አበረታች ጅማሮዎች፣ ከአዲሱ አዋጅ መመሪያና ማንዋል ዝግጅት፣ ከተሸከረካሪ ስምሪት፣ ከህጻናት ማቆያ ፣ ከዲጂታል የመንግስት ንብረት አገልግሎት ዉሳኔ አሰጣጥ ስርዓት ዝርጋታ አንጻር የተሰሩ የትስስር ስራዎች በተለይም የኢጂፒ ሲስተምን በመጠቀም  መተግበር በሚያሥችሉ ተጨማሪ የተሻሻሉ ትግበራዎች  እና ሌሎች በርካታ ተያያዥ  የሪፎርም ክንዉኖች ዙሪያ በዝርዝር  ቀርቧል፡፡

በመጨረሻም  በቀረበዉ የአፈጻጸም ሪፖርት ዙሪያ ተሳታፊዎች ያላቸዉን ሃሳብ አስተያየት እንዲሰጡ ዕድል የተሰጣቸዉ ሲሆን ዕድሉን የወሰዱ በሩብ ዓመቱ የተሻለ የስራ ተነሰሽነት የተፈጠረበትና በርካታ ተግባራት የተከናወኑበት የክንዉን መርሃ-ግብር መሆኑን ገልጸዉ ከበጀት ዉስንነት፣ ከሚዲያ የዳሰሳ ጥናት፣ ከስልጠና ጋር የተያያዙ እና ሌሎች ጉዳዮች የተነሱ ሲሆን የስራ ክፍል ኃላፊዎች በተነሱ ጉዳዮች ዙሪያ ማብራሪያ ሰጥተዉበታል፡፡

በመጨረሻም የባለስልጣኑ ዋና ዳይሬክተር ክብርት ወ/ሮ መሠረት መስቀሌ በቀረቡ ሃሳብ አስተያየቶች ዙሪያ ተገቢዉን ተቋማዊ ማብራሪያ  በመስጠት  የሩብ ዓመት አፈጻጸሙ  ጥሩ የሚባል ደረጃ የሚገኝ መሆኑን አስታዉሰዉ የቀጣይ ትግበራችን መሻሻል በምንችልበት ጉዳዮች ላይ  ትኩረቱን ሊያደርግ እንደሚገባ በመጠቆም ለመርህና ለአሰራር ቅድሚያ የሚሰጥ ትግበራን መሰረት ያደረገ ተቋማዊ አሰራር ባለስልጣኑ እንደሚከተል ጭምር አጽንኦት በመስጠት መርሃ-ግብሩን አጠቃልለዋል፡፡

የመንግስት ግዥና ንብረት ባለስልጣን አመራሮችና ሰራተኞች የሰንደቅ ዓላማ ቀንን አከበሩ፡፡
***
የባለስልጣኑ አመራሮችና ሠራተኞች 17ኛዉን የሰንደቅ ዓላማ ቀን ያከበሩት ከፕላንና ልማት ሚኒሰቴርና ከመንግስት ግዥ አገልግሎት አመራርና ሰራተኞች ጋር በጋራ በመሆን ነዉ፡፡

”ሰንደቅ ዓላማችን ለብሔራዊ አንድነታችን፣ለሉዓላዊነታችንና ለኢትዮጵያ ከፍታ!” በሚል መሪ ሃሳብ ነዉ ያከበሩት፡፡

ዕለቱ የፕላንና ልማት ሚኒስቴር ዴኤታ ክቡር አቶ በረከት ፍስሃጽዮን፣የመንግስት ግዥና ንብረት ባለስልጣን ዋና ዳይሬክተር ክብርት ወ/ሮ መሠረት መስቀሌ፣የመንግስት ግዥና ንብረት ባለስልጣን ም/ዋና ዳይሬክተር ክቡር አቶ ወልደአብ ደምሴ እና የመንግስት ግዥ አገልግሎት ዋና ዳይሬክተርን ጨምሮ ሌሎች አመራሮች በተገኙበት በተለያዩ መርሃ-ግብሮች በደማቅ ሁኔታ ተከብሯል፡፡

የኅብረ-ብሔራዊ አንድነታችን መገለጫ የሆነዉን የሰንደቅ ዓላማ ቀን ሲከበር ገላጭ የሆነና ትልቅ  ሀገራዊ መልዕክት በማስተላለፍ የጀመረዉ መርሃ-ግብር የሉዓላዊነታችን አርማ ለሆነችዉ ሰንደቅ ዓላማ ለክብሯ ዘብ ለመቆም ቃል በመግባት ቀጥሎ የኢትዮጵያን ብሔራዊ  መዝሙር በጋራ በመዘመር ተጠናቅቋል፡፡

የመንግስት ግዥና ንብረት ባለስልጣን

ባለስልጣኑ ከብሔራዊ ዲጂታል መታወቂያ ፕሮግራም ጽ/ቤት ጋር የመግባቢያ ሠነድ ተፈራረመ፡፡
***
የመ/ግ/ን/ባለስልጣን ዋና ዳይሬክተር ክብርት ወ/ሮ መሠረት መስቀሌ በንግግራቸዉ ለኢጂፒ ሲስተም ትስስር ትግበራ አጋዥ የሆነ የመግባቢያ ሰነድ ለመፈራረም መድረኩ መዘጋጀቱን የገለጹ ሲሆን ትስስሩ በግዥዉ ዘርፍ ያሉ የአሰራር ጉድለቶችን ለማስወገድና ማነቆዎችን ጭምር ለመፍታት ብሎም ከብክነት በጸዳ መንገድ ለመተግበር ያስችላል ሲሉ ተደምጠዋል፡፡

አያይዘዉም  ሲሰተሙን ከብሄራዊ መታወቂያ ጋር ማስተሳሰሩ ያለዉን ፋይዳ ሲገልጹ ዕዉነተኛ ማንነትን በማረጋገጥ የሲስተሙን ተዓማኒነት ከፍ ማድረግ ቀዳሚዉ ነዉ ብለዋል፡፡

በመቀጠልም የፋይዳ መታወቂያ ተጠቃሚ መሆን በኤሌክትሮኒክ የመንግስት ግዥ ላይ ለመሳተፍ እንደቅድመ ሁኔታ እንደሚጠየቅ የገለጹ ሲሆን ይህን ተግባራዊ በማያደርጉ ላይ ሲስተሙ በራሱ ዝግጁ (Active) እንደማይሆን ጭምር ገልጸዋል፡፡

በመጨረሻም አቶ ዮዳሄ ዓርኣያስላሴ የብሄራዊ መታወቂያ ፕሮግራም ስራ አስፈጻሚ የሲሰተሙን ጠቀሜታ በማስቀደም ስምምነቱን በታላቅ ደስታና ኩራት እንደተቀበሉትና ለተግባራዊነቱም የጋራ ብርቱ ጥረት እንደሚደረግ ገልጸዋል፡፡

ከሁሉም ባንኮችና ኢንሹራንሶች ጋር በኢጂፒ ሲሰተም ትስስር ትግበራ ዙሪያ የምክክር መድረክ ተካሄደ፡፡
***
የመንግስት ግዥና ንብረት ባለስልጣን ዋና ዳይሬክተር ክብርት ወ/ሮ መሠረት መስቀሌ በመክፈቻ ንግግራቸዉ ባለስልጣኑ የዲጅታላይዜሽን እና የትራንስፎርሜሽን ጉዞን ከተቀላቀለ ጊዜ ጀምሮ አሰራርን ዘመናዊ፤ቀልጣፋና ዉጤታማ ለማድረግ በዘርፉ በርካታ ስራዎችን እያከናወነ የሚገኝ ተቋም መሆኑን አስታዉሰዉ በተለይም የኢጂፒ ሲስተምን በመጠቀም ቀደም ሲል የተተገበሩና በቀጣይም የተሻሻሉ ትግበራዎችን ጭምር የሲስተሙ አካል በማድረግ ከመተግበር በዘለለ ለንግዱ ማህበረሰብ በኢጂፒ ሲስተም ዙሪያ በቂ መረጃ እንዲኖረዉ በአካል ከሚሰጠዉ ድጋፍ በተጨማሪ በበይነ-መረብ ለመስጠት የሚያሥችል ስርዓት ተጠናቅቆ ወደ ተግባር መገባቱን ጭምር ሲገልጹ ተደምጠዋል፡፡

አያይዘዉም ሲስተሙን ቀደም ሲል ከሌሎች ተቋማት ጋር የማስተሳሰር ተግባር መከናወኑን ገልጸዉ የዚሁ መድረክ ዋነኛ ዓላማም ባንኮችንና ኢንሹራንሶችን ከመንግስት ኤሌክትሮኒክ ግዥ ጋር ማስተሳሰር መሆኑን በመጠቆም በተለይም ከግዥ ጋር የተያያዙ ማስተግበሪያዎችን ሲስተሙን ተጠቅመዉ የንግዱ ማህበረሰብ (አቅራቢዎች) ደንበኛ ከሆኑበት የትኛዉም የባንክና የኢንሹራንስ አማራጮች በኦንላይን እንዲያዙ የሚስችላቸዉን የሲስተም ዝርጋታ ትዉዉቅ በማድረግ በይፋ ለማስጀመር መሆኑን ገልጸዋል፡፡

በተጨማሪም የሲስተም ትስስሩ ሁሉም ባንኮችና ኢንሹራንሶች የግዥ ነክ ዋስትናዎችን የኢጂፒ ሲስተምን በመጠቀም ማስቀረብና ማዋቀር እንዲያስችል መደረጉን ጭምር አስገንዝበዋል፡፡

በመጨረሻም የሲስተም አጠቃቀምን አስመልክቶ ባለስልጣኑ የገጽ-ለገጽም ይሁን የበየነ-መረብ ድጋፍ እንደሚያደርግ በማረጋገጥ ከጥቅምት 1/2017 ጀምሮ የሲስተም ትስስር ትግበራዉ ተፈጻሚ እንደሚሆን ገልጸዋል፡፡

በመቀጠልም የኢጂፒ ፕሮጀክት ዋና ማናጀር አቶ ታደሰ ከበደ በአጠቃላይ የኢጂፒ ትግበራ ዙሪያ ገለጻ ያደረጉ ሲሆን በሙከራ ደረጃ ከተሞከረበት ጀምሮ አሁን የተደረሰበትን ሂደት በመዳሰስ አሳይተዋል፡፡ አያይዘዉም የኢጂፒ ሲስተም አልሚና የፔራጎ ኢንፎርሜሽን ሲስተም ስራ-አስኪያጅ አቶ እዉነቱ አበራ ባንኮችና ኢንሹራንሶች የሲስተም ትስስሩን እንዴት ተግባራዊ እንደሚያደርጉ ሙያዊ ማብራሪያ ሰጥተዋል፡፡

በማያያዝም ጥያቄ፤ሃሳብና አስተያየት እንዲያነሱ ዕድል የተሰጣቸዉ ሲሆን ዕድሉን የወሰዱ ተሳታፊዎች የተፈጠረዉ የሲስተም ትስስር ስርዓት ለማስተዋወቅ የተዘጋጀዉ መድረክ ተገቢ መሆኑን በአዎንታዊ በማንሳት ከተሟላ ቁሳቁስ፤ከደህንነት፤ ከአቅም ግንባታ ስልጠና እንዲሁም ከራሱ ከሲስተሙ ጋር ተያያዥነት ያላቸዉ ሃሰሳቦች ያነሱ ሲሆን ለቀረቡ ጥያቄዎችም ጉዳዩ በቀጥታ የሚመለከታቸዉ የፕሮጀክቱ ም/ዋ/ማናጀሮችና ባለሙያዎች ማብራሪያ ሰጥተዉበታል፡፡

በመጨረሻም በባለስልጣኑ ም/ዋና ዳይሬክተር ክቡር አቶ ወልደአብ ደምሴና ዋና ዳይሬክተሯ ክብርት ወ/ሮ መሠረት መስቀሌ ምላሽና ማጠቃለያ የዕለቱ መርሃ-ግብር ተጠናቅቋል፡፡