ቤተ መጻሕፍት

በድጋሚ የተለጠፈ

*#የቅድስት_ሥላሴ_ተኣምር*

*እንኳን #ለቅድስት_ሥላሴ ክብረ በዓል በሰላም አደረሳችሁ!

✝️ ሐምሌ 7 ቀን 2013 ዓ.ም. በቅድስት ሥላሴ ካቴድራል ዐዲስ አበባ ታቦቱ ቆሞ የተመሰከረ #የቅድስት_ሥላሴ ተኣምር!

✝️ መስካሪዋ እናት ናቸው።
የሁለት ልጆች እናት።

ሁለተኛው ልጃቸው የአራት አመት ልጅ ሆኖ በድንገት ራሴን ወጋኝ ዐይኔንም አቃጠለኝ ብሎ አለቀሰ።

✝️ ልጁ ሕመሙ ጸናበት፤
በአራተኛው ቀን ሁለት አይኖቹ ታወሩ።
ሁለት ጆሮዎቹም ደንቆሩ።

ከዚህ ይሰውረን!
ጤነኛ ልጅ ወልዶ
በአንድ ጊዜ እንዲህ ዐይነት ችግር ውስጥ መውደቅ ያሳዝናል።

✝️ አሜሪካን አገር የሚኖረው የዳንኤል አባት ፍጹም ሐዘን እና ጭንቀት ውስጥ ወደቀ።

እናት ሥራቸውን ለቀቁ፤
በርካታ ገንዘብ  እየተከፈለ የዳንኤል ሕክምናው በየአቅጣጫው ቀጠለ።

አልተሳካም።

✝️ ወላጅ እናት ሕጻን ዳንኤልን ይዘው በየጠበሉ ጉዞ ሆነ፤
አራት ዓመት ሙሉ በጸሎት ታገሉ፤
በጠበል ታገሉ፤
በእምነት ታገሉ።

ለአራት ዓመታት ሙሉ ልጅ ዳንኤል
ዐይኑ እንደታወረ፣
ጆሮውም መስማት እንደተሳነው
ኑሮ ቀጠለ።

የአባት እና እናት ጸሎት እና ተማጽኖ ቀጠለ።

  ✝️ ሐምሌ 6 ቀን 2013 ዓ.ም. እናት : ልጅ ዳንኤልን በመኪናቸው ይዘው  አራት ኪሎ #ቅድስት_ሥላሴ ካቴድራል መጡ።

✝️  ቅዳሴ የተቀደሰበትን እምነት፣
ግቢው ውስጥ ባለው #የቅድስት_ሥላሴ ጠበል በጥብጠው፣ ልጃቸው ዳንኤልን በስመ ሥላሴ በአብ በወልድ በመንፈስ ቅዱስ ስም ብለው የታወሩ አይኖቹን እና ሁለቱ ጆሮዎቹን በእምነቱ ለቀለቋቸው።

✝️ እንዲህ ብለውም ተማጸኑ፦
"አጋዕዝተ ዓለም ሥላሴ እርዱኝ ልጄ ቢያንስ ድምፄን ስምቶ እንድንግባባ፥
ጆሮውን እንኳን ክፈቱልኝ "  ብለው ተማጸኑ።

ከዚያም ልጃቸውን ይዘው መኪናቸውን እየነዱ ወደቤታቸው ሄዱ።

✝️ በዚያኑ ዕለት ሌሊቱን ሐምሌ 6 ቀን 2013 ዓ.ም. ከሌሉቱ 7:00 ሰዓት ላይ ሕጻን ዳንኤል በአልጋው ሆኖ እናቱን ተጣራ።

"ምነው ልጄ ደሞ አዕምሮውን ታመመብኝ ይሆን፤ በሌሊት የሚጠራኝ "    ብለው ወደ ሕጻኑ ሄዱ።

✝️ " እማዬ አይታይሽም? አይታይሽም? አይታይሽም? "  ብሎ ጮኽ ሕጻን ዳንኤል።

የሚሰማኝ ይመስል  " ምንድነው "  ስለው: ልጄ ዳንኤል ድምጼን ሰማኝ!

"እማ እማ "  አለ.....ጆሮው ተከፍቶ ድምጼን ሰምቶ!  
"እይው እይው... ያንን መስቀል"  አለኝ።

  ✝️ ለእኔ የሚታየኝ ነገር አልነበረም ፈዝዤ ቀረሁ። 

"እይው የሚያበራ መስቀል እና መስቀሉ ላይ ያሉትን ሦስት ትልልቅ ሰዎች እያቸው እያቸው እያቸው"  አለኝ።

"እነዚህ ሦስት ሰዎች መስቀሉ ላይ ሆነው አይኔን አበሩልኝ ጆሮዬንም አዳኑኝ"  ብሎ ተናገረ።

  ✝️ እናት "እ እ እ... ልጄ..ድምጼን እየሰማህ ነው?  እእእ እኔ እኔ እታይሃለሁ" 

  "አዎ አዎ እማዬ"።

እናት እንዲህ አሉ "...ልብስ ደረብኩ  እና ምን ዐይነት ልብስ ነው የለበስኩት?"  አልኩት  ልጄን 

" እናቴ ነጭ እኮ ነው " ብሎ በትክክል ነገረኝ።

✝️ እናት እና ልጅ ተቃቅፈው በለቅሶ  ተዋጡ።

ከአራት ዓመታት በኋላ ልጅ የእናቱን ድምጽ ሰማ!  የእናቱን ፊት አየ.....

✝️ ወዲያው እናት እና ልጅ ልብሳቸውን ለብሰው ሌሊቱን እናት መኪናቸውን እየነዱ ወደ #ቅድስት_ሥላሴ ካቴድራል መጡ።

ሥላሴ ቤተክርስቲያን ሲገቡ ልጅ #የቅድስት_ሥላሴን ሥዕል አየ።

"እማዬ እነዚህ ናቸው እኮ ማታ መስቀሉ ላይ ያየዋቸው! እነዚህ ናቸው እኮ ያዳኑኝ" ብሎ በገሀድ ተናገረ።

እልልታ እና ለቅሶ ቀጠለ....

✝️ ምስክርነቱ ተሰጠ።

ታቦቱ ዞሮ እንደቆመ ሊቃነ ጳጳሳቱም እንደቆሙ እኛ ሁላችን እንደቆምን ምስክርነቱ በገሃድ ለሕዝበ ክርስቲያን ታወጀ።

  ✝️ አይኖቻቸው በዕንባ የረጠቡ አዕላፍ ምእመናን በማያቋርጥ እልልታ ግቢውን አናጉት።
እልልልል
እልልልል
እልልልል......
የደስታ እንባ ከሁላችንም አይኖች ፈሰሰ....

ምን ልበላችሁ!?! ወገኖቼ በእምነታችን እንጽና!

✝️ ምስጋና ለአብ ወልድ መንፈስ ቅዱስ ሥላሴ!

ሐምሌ 7 ቀን 2013 ዓ.ም. ይህንን ተኣምር ታቦቱ ፊት ቆሜ እንደሰማሁ  ወዲያውኑ  ከጠዋቱ 5:05 ሰዓት ላይ ጻፍኩት፤
ለእናንተም አደረስኩ።

ዛሬም ተኣምሩ ልቤ ላይ ታትሟልና
ለሥላሴ ወዳጆች ዳግም ይደርስ እና #ሥሉስ-ቅዱስ ይመሰገኑ ዘንድ እነሆ ላኬያለሁ።

ሥላሴን አመስግኑ!

  + ዘአክሎግ+

✝️ *ብሩህ በዓል* ✝️

#ንስሓ #በምትገባበት ወይም
ቅዱስ ቊርባን በምትቀበልበት ቀን

#በመንፈሳዊ #ሁኔታ ውስጥ ስለምትገኝ

#የልብህን_እና_የኅሊናህን_ንጽሕና የሚያውክ ርዕስ አንሥተህ (አልያም እንሱ ቢያነሡ)

ከጓደኞችህ ጋር ላለመነጋገር
ራስህን አጥብቀህ ጠብቅ!!!
🤫

ካልተቻልህም ብትሸሽስ...😊

የሚያጨናግፍ ከባቢ(አካባቢ)

• መጥፎ ከባቢ(አካባቢ)
መንፈሳዊ ዕድገትን ይገታል፤

• ስለሆነም ወደ መንፈሳዊ መንገድ ስትገባ
ባልኝጀሮችህን፣
ወዳጆችህን እና
ተባባሪዎችህን ምረጥ፤
[ማኅበራዊ ድኅረ ገጽም ብትመርጥ]

• እነዚህ ሰዎች [እንዚህ ማኅበራዊ ድርኅረ ገጽ]፦
ዕድገትህን ሊገቱ ወይም ወደነበርህት ስፍራ ሊመልሱህ ይችላሉ፤

• #መልካሙ #ባልንጀራህ ከእነዚህ ሰዎች ሲለይህ፥
ክፉ ባልንጀራ ግን አንተን በመጣል ዕድገትህን ይገታል፤

• በመንፈሳዊ ልምምድህ ውስጥ
ዕድገትህን ሊያቆም የሚችልን ሰው
ወዳጅ ላለመሆን ተጠንቀቅ።

            #ገብርኤል_ሆይ!
ለሐና ልጅ #ለማርያም
ደስ የሚያሰኝ የምሥራች እንዳበሠርካት፣
ለእኛም፦
የምንጸድቅበትን፤
የምንድንበትን #የምሥራች_አብሥረን።

መልካም የምሥራች ማብሠር
ለአንተ ክፍልህ ነውና።

[{መልክአ ገብርኤል}]

በእውነት ሰውን የሚያደክመው
#ጾም ሳይኾን ኀጢአት ነው፤

ከኀጢአት አበጋዞችም የመጀመሪያው
ሆዳምነት (ሆድን መውደድ)
ልብላ ልብላ፣
ልጠጣ ልጠጣ ማለት ነው፤

ለዚኽም ነው
#ቅዱስ #ዮሐንስ #አፈወርቅ በእንተ ሐውልታት ድርሳኑ
"በሆዳምነትህ የደነዘው ማጭድህን በጾም ሳለው..." ያለው።

#ሆዳምነት

በመብል እና በሆዳምነት
የዛገው እና የደነዘውን ሰውነትህን
በጾም፦
ሳለው፤
ወልውለው፤
ሰንገው፤
ወደ #መንግሥተ #ሰማያት የሚወስደውን መንገድ ያዝ።

መንገዱ ጠባብ እና የማይመች ቢኾንም፦
አንተ ግን፣
በዚህ መንገድ ለመሄድ ምረጥና ተጓዝበት።


… መብል እና ሆዳምነት ትልቅ መሰናክል ናቸውና።


#ቅዱስ #ዮሐንስ #አፈወርቅ

" 'መካሪ አያስፈልገኝም '
የማለትን ያኽል ታላቅ ትዕቢት የለም"

[{ቅዱስ ባስልዮስ}]

#ወርኃዊጸሎት እና #የገድለቅዱሳን #ማሰሚያቀን

ዓርብ ኅዳር ፳፯(27)/፳፻፲፯ ዓ.ም.

በዚሁ ዕለት ተገኝተው በረከትን ይካፈሉ ዘንድ በአክብሮት ተጠርተዋል፤

መርሐ ግብሩም፥
ከጠዋቱ 1:00 -10:00 ሲሆን፥

ከ1፡00 - 6:00 ጸሎት ይደረሳል፣
ተኣምረ ማርያም እና ድርሳናት ይነበባሉ፤

ከ6:00 - 8:30 ሥርዐተ ቅዳሴ ከተካሄደ በኋላ

ከ8:30 - 10:00 ገድላት፣ ድርሳናት፣ ሃይማኖተ አበው፣ ስንክሳር፣... ይነበባል።

በመጨረሻም ጠበል ጠዲቅ(ንፍሮ፣ የንፍሮ ውሃ እና ሕብስት) ይስተናገዳሉ።


ከተቻሎት ሙሉውን
ካልሆነም በሚያመቾት ሰዓት መካፈል ይችላሉ።

ሌሎችንም ይጋብዙ።


፨በምስካየ ሕዙናን መድኃኔዓለም ገዳም፥
የተምሮ ማስተማር ሰንበት ት/ቤት ፨

ክብር ምስጋና ይግባውና፣
ጌታችን መድኃኒታችን ኢየሱስ ክርስቶስ፣

በዕለተ ዓርብ በጠላቶቹ እጅ ከተሠቃየው ሥቃይ ይልቅ፣

በወዳጁ ይሁዳ ምክንያት የተሠቃየው ሥቃይ እጅግ የከፋ ነበር።

. ከሐዋርያቱ ጋር አንድ አድርጎ የሾመው፣

. የከረጢቱን ገንዘብ እንዲይዝ የታመነበት ደቀመዝሙር ሲከዳው ማየቱ፣

. የጌታችን መጀመሪያው ሥቃዩ ቢሆንበትም፣

. የይሁዳ ትልቁ ኀጢአት
አሳልፎ መስጠቱ ሳይኾን፣

ንስሓ ሳይገባ ራሱን መግደሉ ነው።

#መራቀቅ

'መራቀቅ' ኹለት ዓይነት ነው፤

👉 አንደኛው
በፈቃደ እግዚአብሔር ተመርቶ   
                በመንፈሰ እግዚአብሔር ተነድቶ፣     
                 ሥጋዊ ደማዊነትን ትቶ፣ 
                 በቅጥነተ ሕሊና፣   
                 በትሑት ሰብእና፣ 
                 በንጹሕ ልቡና፣   
በምስጢር ሰማያዊ ትርጓሜ መዋኘት ነው፤ 
ይኽ የቅዱሳን የሊቃውንት ትርጓሜ ነው።


.ኹለተኛው ደግሞ 'በነገር መራቀቅ' ይባላል፤
ይኸውም
"ሊቅ በሉኝ" ብሎ፣  
"አስታዋሽ" ይበሉኝ ብሎ፣   
  "ደግ" ይበሉኝ፣   
   "እርሱም ይኽን ብሏል" ለመባል፣
 
ለጥቅም የተተወውን ኹሉ፥
ሌላው ረስቶት እርሱ ዐውቆት መስሎት፥
እያወጣ የሚዘከዝክ ነገረ ዘርቃዊ ማለት ነው።

👉 የሰነፍ መራቀቅ ይኼ ነው፤
የሞኝ ምስጢር ይኼ ነው፤

||የተማረ ሲራቀቅ ይመጥቃል፤
||ሰነፍ ሲራቀቅ ግን ያርቃል፥ ያደቃል፥ ይወድቃል፤ ያወድቃል።

፨ ነቢያት፣ ሐዋርያት፣ ሊቃውንት
ለጥቅም ዝም ያለትን ኹሉ፣
እኔ ካልተናገርሁት እያሉ
ያልተጻፈ ማንበብ፣
የሌለ ህልውና መጠየቅ
ያልተባለውን መናገር ኹሉ በነገር መራቀቅ ነው።

. በዚኽ ዘመን የሚጠየቁ ጥያቄዎች "በነገር ልራቀቅ"  እየኾኑ እየመጡ ነው።

. ራሳቸው የማይቆርቡ ሰዎች 
'እመቤታችን መቼ ቆረበች?' ሲሉ "ወይ መራቀቅ!!" ያሰኛል፤ 

. ሰው የራሱን መዳን ትቶ
ስለ #መድኃኒት #መፍለቂያዋ #መድኃኒት፣  
'መቼ ተቀበለች' እያሉ መራቀቅ ምን ሊባል ይችላል፤


. "ለመጀመሪያ ጊዜ ታቦት የተሸከመው ሰውዬ ማን ይባላል" እንደሚባለው ዓይነት ጥያቄዎች
"ታቦትን ማን ሰጠን፣ ለምን ሰጠን፣ ለታቦት መስገድ፣ መዘመር፣ መጸለይ ጥቅምን መማር ያድናል?"  ቢኾን ጥሩ ነበር።

. ጥያቄ ጥያቄ የሚሆነው፣
#ለመዳን #የኾነ #እንደኾነነው #እንጂ፣

በነገር ለመራቀቅ ተብሎ፣
የታቦት ጥቅም ሳይረዳ
"ታቦትን ለመዠመሪያ ጊዜ የተሸከመው ሰውዬ"  እያሉ መድከም፣   ጻማ ከንቱ ነው።


[{'ጸያሔ ፍኖት - መንገድ ጠራጊ'፤ በአባ ገብረ ኪዳን፤ ገጽ ፳፯-፳፱/ 27-29፤ ፳፻፲፩/2011ዓ.ም.}]

#ፍቅረ #ነዋይ - #የገንዘብ #ፍቅር ፨

ዛሬ ዓለምን ያሳበደ፣

እናትን ከልጇ፣
አባትን ከልጁ፣
ባልን ከሚስቱ ያካካደ፤

ወንድምን ከወንድሙ፣
ሕዝብንም ከሕዝቡ ያስተራረደ፤

ለባለስልጣኖች መታወርና
ጭካኔ የሸፈነው ፍርሃት፣
ለባለጠጎች ነውርና
የሥነ ምግባር ድህነት፣

ለድሆች ስብራት እና ምሬት፤

ለጎበዛዝት ስንፍና እና ቅዥት፤

ለቆነጃጅት ጨለማ ያልሠወረው ውርደት፤ 

በአጠቃላይ ለማኅበረ ሰብ የሞራል ዝቅጠት ዋና ምክንያት እንጥቀስ ካልን 
  '#ፍቅረ #ነዋይ -#የገንዘብ #ፍቅር'  ነው፤

በአጭሩ 'ገንዘብን' በመውደድ የተለከፈ ሰው፣  
ለማድረግ እና ለመሆን የሚጸየፈው ምንም ነገር አይኖርም


[{'ፍና ቅዱሳን' በቀሲስ ታምራት ውቤ፤ ገጽ ፪፻፲፫/213፤ ፳፻ወ፰/2008 ዓ.ም.}]

#ጾም

ቊስለ ነፍስን የምትፈውስ፣

ኃይለ ፍትወታት የምታደክም፣

የበጎ ምግባራት ኹሉ መጀመሪያ፣

ከእግዚአብሔር ጸጋን የምታሰጥ፣

የወንጌል ሥራ መጀመሪያ፣

የጽሙዳን ክብራቸው፣

የድንግልና የንጽሕና ጌጣቸው፣

የንጽሕና መገለጫ፣

የጸሎት ምክንያት እናት፣

የዕንባ መገኛዋ መፍለቂያዋ፣

አርምሞን የምታስተምር፣

ለበጎ ሥራ ኹሉ የምታነቃቃ፣


ሰውነትን
በእግዚአብሔር ፊት በማዋረድ ትሕትናን ገንዘብ ለማድረግ የምትረዳ
#መድኃኒተ #ነፍስ ናት


[{ማር ይስሐቅ አንቀጽ 4፥6}]

#ኅዳር #ጽዮን

"ጽዮን" ማለት "ጸወን አምባ፣ መጠጊያ" ማለት ነው

ጽዮን የሚለው ስም
. በቁሙ ለቅዱስ ዳዊት ተራራ እና ለኪዳኑ ጽላት ሲያገለግል
. በትንቢታዊ ምስጢሩ ግን
ለድንግል ማርያም፣
ለቤተ ክርስቲያን እና
ለዘለዓለማዊት ርስት ያገለግላል

ኅዳር 21 ቀን የእመቤታችን የቅድስት ድንግል ማርያም በተለየ መልኩ የምናከብርበት ምክንያት፡-

1. በብሉይ ኪዳን ታቦተ ጽዮን የፈጸመችውን ልዩ ልዩ ገቢረ ተኣምራትን በማሰብ

2. ቀዳማዊ ምኒልክ ከዐሥራ ሁለቱ ነገደ እስራኤል የበኲር ልጆች ጋር ሊቀ ካህናቱን አዛርያስን እና ታቦተ ጽዮንን ይዞ አክሱም የደረሰበት ዕለት በመሆኑ

3. በሦስት መቶ ሠላሳ ዓመተ ምሕረት በአብርሃ ወአጽብሃ ዘመነ መንግሥት "ክርስትና" የኢትዮጵያ ብሔራዊ ሃይማኖት #ይሁን ተብሎ ዐዋጅ የታወጀበት

4. ዘካርያስ በተቅዋመ ወርቅ ምሳሌ ራእይ ያየበት

5. ነቢዩ ሕዝቅኤል በተቆለፈች ቤተ መቅደስ

6. ዕዝራ በቅድስት ሀገር ምሳሌ ራእይ ያየበት

7. አብርሃና አጽብሃ በወርቅ እና በዕንቁ ያሠሩት ባለ ዐሥራ ሁለት ክፍል ቤተመቅደስ ለመጀመሪያ ጊዜ ቅዳሴ ቤቱ የተከበረበት

8. በዘጠነኛው መቶ ክፍለ ዘመን ዮዲት ጉዲት አብያተ ክርስቲያናትን ስታቃጥል
ታቦተ ጸዮንን ይዘው ወደ ዝዋይ ሐይቅ ከተሰደዱ በኋላ
ዘመነ ሰላም ሲጀመር አክሱም በነበሩ ካህናት አስታዋሽነት ከዝዋይ ወደ አክሱም የገባችበት ዕለት በመሆኑ

በርእሰ አድባራት ወገዳማት አክሱም ጽዮን ከፍ ባለ መንፈሳዊ በዓል ይከበራል፡፡

ይኽ ሲባል ግን በዓሉ የሚከበረው
በአክሱም ጽዮን ማርያም ብቻ ነው ማለት ሳይሆን፣
ታቦተ እግዝእትነ ማርያም ባለችበት ቦታ ሁሉ መከበሩን #ልብ ማለት ያስፈልጋል፡፡

ምልጃዋ አይለየን🙏

#ፈሪሃ #እግዚአብሔርን(እግዚአብሔርን መፍራትን) ገንዘብ ስታደርግ

ገንዘብ ካላቸው በላይ ባለጠጋው አንተ ነኽ፤


'እንዴት' ትለኝ ይኾናል፤

እኔም 'እንዲኽ ብዬ' እመልስልኻለው፤

የባለጠጎቹ ገንዘብ ያልቃል፤
ያንተ ግን ብል እና ዝገት አይበላውም፤

ጊዜ አይለውጠውም፤

አያልቅም፤

ወደ ሰማያት፣
ወደ ሰማየ ሰማያት፣
ወደ ምድር፣
ወደ አየራት፣
ወደ እንስሳቱ ዓይነት፣
ብዙ የብዙ ብዙ ወደሚኾኑት ዕፅዋት፣
ወደ ደቂቀ አዳም በጠቅላላው፣
ወደ መላእክት፣
ወደ መላእክት አለቆች፣
ወደ ኃይላት #ተመልከት፤

እነዚህ ኹሉ የአምላክኽ ፍጥረት ናቸው፤

የእነዚኽ #አምላክ እና #መጋቢ
ባርያ መኾን
"ድሃ መኾን" አይደለምና፥
'ድሃ አይደለኽም' ብዬ እነግርኻለው።


[{ ቅዱስ ዮሐንስ አፈወርቅ}]

ጸሎትህ እና ምልጃ አይለየን፤
በፍቅርህም ተቀበለን።


በፍጹም ኃይልህ፣
በፍጹም ልብህ፣
ያገለገልሃት እና የተሰደድክላት
#ቤተክርስቲያንንም አስባት”

የዓለሙ ኹሉ መምህር ለኾንህ፣
ለመንፈሳዊ አባቴ
ለቅዱስ #ዮሐንስ #አፈወርቅ፤

እጅግ የከበርከው አባቴ ሆይ፤

... የእኔን እና የሕዝቡን ልመና ትቀበል ዘንድ
በእውነት ሕያው ለኾንህ ለአንተ
ይህንን እኔ ራሴ በእጄ የጻፍኩት ደብዳቤ ላክኹኝ፡፡

ንስሐን የሰበክ ክቡር አባት ሆይ፣

ለቅድስናህ በማይገባ ሁኔታ የፈጸምኩት በደል ሁሉ ፥ በይቅርታህ🙏 ጥልቅ ውስጥ ጣልልኝ፤

ተነሳሒውን እኔን ይቅር በለኝ፡፡

ወደሚወዱህ ልጆችህ ተመለስ፣

ወደ እኛ በመምጣትኽም ደስ ይበለን😊፡፡

ትመጣ ዘንድ አላዝህም፣
ሁለተኛ እንዳላፍር ትመጣ ዘንድ በትሕትና እማጸንኻለሁ እንጂ፡፡

እጅግ #የተወደድክ እና #የተከበርክ አባቴ ሆይ፣
እባክህ በፈቃድህ ወደ እኛ ና🤲፣

በፍጹም ደስታ እና ፍቅር እንቀበልህ ዘንድ🥰።

ሰላም ለፍልሰተ ሥጋከ ዮሐንስ አፈወርቅ
ሀገረ ሢመትከ ቊስጥንጥንያ እምገዳም ርሑቅ
መንፈስየ ሐድስ እግዚኦ ውስተ ከርሥየ ዕሩቅ
በዘይትዓቅብ ውስቴቱ ትምህርተ ዚአከ ጽድቅ
ከመ ውድየተ ወይን ሐዲስ በሐዲስ ዝቅ

. ኅዳር ዐሥራ ሰባት

በዚህች ቀን ታላቅ እና ክቡር የኾነ የዓለሙ ኹሉ መምህር፣

የቍስጠንጥንያ ሊቀ ጳጳሳት #የቅዱስ #ዮሐንስ #አፈወርቅ ሥጋው የፈለሰበት ዕለት ነው።

. የአርቃዴዎስ ልጅ ታናሹ፣ ቴዎዶስዮስ በነገሠ ጊዜ መልእክተኞችን ልኮ፣

. #የቅዱስ #ዮሐንስን ሥጋ በመዘመር እና በማመስገን በታላቅ ክብር ወደ ቍስጠንጥንያ አፍልሶ አስመጣው።

. ይኽም ከዕረፍቱ በኋላ በሠላሳ አምስት ዓመቱ ነው።

. የዕንቍ ፈርጦች ባሉት የዕብነ በረድ ሳጥን ውስጥ አድርገው፣
ወደ ቤተ መቅደስ አስገቡት፤

. ከሥጋውም ታላላቅ የሆኑ ድንቆች ተኣምራት ተገለጡ።

ለእግዚአብሔርም ምስጋና ይኹን፤
እኛንም በዚኽ በከበረ አባት ጸሎት ይማረን፤
በረከቱም ከእኛ ጋር ትኑር፤
ለዘለዓለሙ አሜን።

. #ኅዳር #ዐሥራ #ሰባት

በዚህች ቀን ታላቅ እና ክቡር የኾነ የዓለሙ ኹለ መምህር፣

የቍስጠንጥንያ ሊቀ ጳጳሳት #የቅዱስ #ዮሐንስ #አፈወርቅ ሥጋው የፈለሰበት ዕለት ነው።

ቅዱሱን ማሰብ
አስደሳች ስሜትን 😊 ይፈጥራልና
እናነሳሳዋለን

ሰማዕቱ ቅዱስ ሚናስ

#የነቢያት #ጾም

. ከልደት በዓል አስቀድሞ የሚጾም ሲሆን፣ #ከኅዳር ፲፭/15/ ቀን ጀምሮ ለ፵፫/43 ቀናት ተጹሞ፣ የሚፈሰከው በልደት በዓል ነው፤

. ይኽ ጾም በዘመነ ብሉይ እና በዘመነ ሐዲስ ብዙ ቅዱሳን ጾመውታል፤

. ዛሬም እኛ ምእመናን፣
እንደ ሥርዐተ ቤተ ክርስቲያን መሠረት፣
የአባቶችን ፈለግ ተከትለን፣
ከፈጣሪ ጋር ለማግኘት እንጾመዋለን፤
መጾምም ይገባናልም፡፡

በመሆኑም በጌታችን ልደት፣
ትንቢተ ነቢያት ስለተፈጸመበት፣
ይህ ጾም የነቢያት ጾም ይባላል፤

. የወልደ እግዚአብሔርን ሰው መኾን ያስተማሩበት ስለሆነም ጾመ ስብከትም ይባላል፡፡

. ምንም እንኳን ትንቢቱ የተፈጸመ ቢሆንም፦
በረከት ለማግኘት
የነቢያትን ፈለግ ተከትለን
በየዓመቱ እንደ ዐዲስ ደስ ብሎን፣

ክብር ይግባውና ጌታችን ለፍርድ መጥቶ፣ መንግሥቱን ከሚያወርሳቸው ቅዱሳኑ ጋር እንዲደምረን፣

"የነቢያትና የሐዋርያት፣ የጻድቃን እና የሰማዕታት አምላክ ተለመነን" እያልን #እንማጸንበታልን፤ #እንጾመዋለን፡፡

#ጸሎት

በጸሎት
#ነፍስ ከእግዚአብሔር ጋር ትዋሐዳለች፥

የጌትነቱን ምስጢር ታያለች፤

ደስ እያላት ሥራዋን ሁሉ
በርሱ ብርሃን ታያለች፤

የሚያሸበርቅ የጌታን መልክ በማየት ታበራለች።


[አረጋዊ መንፈሳዊ ድርሳን ፲፬/14]

#የማይጸልይ #ሰው

የማይጸልይ ሰው አጥር እንደሌለው ቅጥር ነው፤

አጥር የሌለው ቅጥር፦
የአራዊት መፈንጫ እንደሚሆን ሁሉ፣
የማይጸልይ ክርስቲያንም
የአጋንንት መረማመጃ ይኾናል፤


"የማይጸልይ ሰው ቅጽር የሌላትን ሀገር ይመስላል፥
ያን ማንም እየገባ እንዲዘርፈው
እርሱም የተሰጠውን ጸጋ ያጣል"
[ማር ይስሐቅ]

በቅዱስ ቊርባን አግብቶ
ያለቅዱስ ቊርባን መኖር

ክፍል አራት

አንድ ሰው በቅዱስ ቊርባን አግብቶ
በቅዱስ ቊርባን ካልኖረ ምን ምን ፈተና እንደሚገጥመው በጥቂቱ እንይ፦

፩. ለመንፈሳዊ ዝለት እንዳረጋለን
፪. ከቤተ ክርስቲያን እንርቃለን
፫. ከጸሎት እንርቃለን
፬. ከእግዚአብሔር በረከት እንርቃለን
፭. ለሰይጣን ፈተና ክፉኛ እንጋለጣለን
፮. ለዝሙት እንጋለጣለን
፯. ለፈተና እንጋለጣለን
፰. አርአያ ሕይወት አይኖረንም
፱. በሰይጣን የበላይነት ይወስድብናል
፲. ሰማያዊ ቡራኬን እናጣለን




[ከማኅበራዊ ድኅረ ገጽ የተገኘ]

በቅዱስ ቊርባን አግብቶ
ያለ ቅዱስ ቊርባን መኖር

ክፍል ሦስት

. በተለይ መንፈሳዊ ግንዛቤት ሳይኖረን፣
በቅዱስ ቊርባን በመጋባት የሚገኘውን ሰማያዊ ጥቅም ሳናውቅ፣

ስለተዋደድን ላለመለያየት በቅዱስ ቊርባን የምንጋባ ከኾነ አደጋ አለው።

የብዙዎች ጋብቻ ያለመጽናት ምክንያት
ቊርባኑን መተዋቸው ነው።

. ዛሬ በአስደንጋጭ ኹኔታ
በሥርዐተ ተክሊል፣
በቅዱስ ቊርባን በቤ/ክ ተጋብተው
በፍርድ ቤት የሚለያዩት፣

በብዙ ምክንያቶች ቢኖሩትም
አንዱ ግን በቅዱስ ቊርባን የጀመሩትን ሕይወት በቅዱስ ቊርባን ስለማይኖሩት ነው



... ክፍል አራት ይቀጥላል


[ከማኅበራዊ ድኅረ ገጽ የተገኘ]

በቅዱስ ቊርባን አግብቶ
ያለቅዱስ ቊርባን መኖር

ክፍል ኹለት


አንዳንድ ያላወቁ ምእመናን በቅዱስ ቊርባን መጋባት፦
የፍቅር፣
የመዋደድ፣
አብሮ የመኖር ዋስትና፣
ያለመለያየት እና
የመተማመኛ ቀብድ ይመሰላቸዋል።

በዚህ እሳቤ የተጋቡት ግን ለመፋታት የሚቀድማቸው የለም።

ምክንያቱም ቅዱስ ቊርባን፦
የጋብቻችን ማኅተም፣
የቃል ኪዳን የአንድነት ምልክት እንጂ፣
አንዱ አንዱን የሚያስርበት፣
የራሱ ስለ መኾኑ የሚያረጋግጥበት ማሰሪያ ባለመኾኑ ነው።



... ክፍል ሦስት ይቀጥላል።


[ከማኅበራዊ ድኅረ ገጽ የተገኘ]

በቅዱስ ቊርባን አግብቶ
ያለቅዱስ ቊርባን መኖር

ክፍል አንድ


. ብዙዎች ጋብቻቸውን በቅዱስ ቊርባን ይፈጽሙና፣
ትዳራቸውን ያለ ቅዱስ ቊርባን ይኖራሉ።

. መንፈሳዊ ተጋቢዎች
በመጀመሪያ በቅዱስ ቊርባን ለመጋባት ሲወስኑ፣
ቅዱስ ቊርባን የጋብቻቸው ሥርዐት መፈጸሚያ ብቻ ሳይሆን
በትዳራቸው ውስጥ የሚኖሩት
የጸጋ ሕይወት መኾኑን መረዳት አለባቸው።

. በቅዱስ ቊርባን መጋባት ማለት፦
ቅዱስ ቊርባን እየተቀበሉ፣ እየተባረኩ፣
#በመለኮታዊ #ጸጋ #ለመኖር #ማስብ ማለት ነው፤

.ግን አብዛኞቹ ማለት በሚቻል ደረጃ
በቅዱስ ቊርባን የሚጋቡት
በቅዱስ ቊርባን ለመኖር ሳይሆን፣

ጋብቻቸውን ከኹለት አንዳቸውን
በቅዱስ ቊርባን ለመፈጸም
በመፈለጋቸው ብቻ ነው።



... ክፍል ኹለት ይቀጥላል


[ከማኅበራዊ ድኅረ ገጽ የታገኘ]

በቅዱስ ቊርባን አግብቶ
ያለ ቅዱስ ቊርባን መኖር
...

ቀጣይ የሚለጠፍ

#የነገሩኝን #አልሰማም #ብዬ


በአንድ ገዳም ውስጥ ወጣኒ መነኩሴ ይኖር ነበር፤

ይህም መነኩሴ ከዕለታት በአንድ ቀን
ከገዳም 'ውጣ ውጣ' የሚል መንፈስ ያድርበትና

ወደ ገዳሙ አበ ምኔት ሔዶ(የገዳሙ አለቃ) "ገዳሙን ለቅቄ ልውጣ ነው" ብሎ ይነግራቸዋል፤

በወጣቱ መነኩሴ አሳብ ቅር ያላቸው አበ መኔቱ "የዝሙት ጾር(ፈተና) ይዋጋሀል፤
ተው ይቅርብህ" ብለው ቢመክሩት አሻፈረኝ አለ፤

በኋላም የመነኮሳት ማኅበር ተሰብስበው
"ወንበዴ ይጣላሀል፤
አንበሳ ይሠብርሃል" እያሉ ቢመክሩትም '#አልሰማም' በማለት ገዳሙን ለቆ ይሔዳል፤


በመንገድ ሳለም ከውሃ ቀጂ፥ከእንጨት ሰባሪ ድቀት አገኘው(ተሰናከለ)፤

መንገደኞችንም ባገኘ ጊዜ "#የነገሩኝን #አልሰማም #ብዬ ፣ ይህ መከራ ስቃይ ደረሰብኝ" ብሏቸው ሸሸ፤ ሮጠም፤

መነገዶችም
"ይህ ሰው ሀብት፥ገንዘብ ቢኖረው ነው የሮጠው" ብለው ተከታትለውት ሔዱ፤

ደርሰው ቢፈትሹት፥
ገንዘብ እንዳልያዘ ተመለከቱ፤

ወዲያውኑ "አደከመን፤ ቅጣት ይገባዋል" ብለው ደብድበው ጥለውት ሔደዋል።

[ማር ይስሐቅ]


እኛም
ከቅድስት ቤ/ክ፣
ከአገልግሎት፣
ከቅዱሳት መጻሕፍት ንባባት፣
...
በአጠቃላይ ከሥርዐተ አምልኮ
'ውጣ ውጣ'
'ሒድ ሒድ'
'ራቅ ራቅ'
'ተወው ተወው'
'ይቅርብህ ይቅርብህ'
.....
የሚያሰኝ ነገር ቢፈጠር፥

ለአበው ካህናት
ለቅርብ ወዳጅ ማማከር
ብሎም #የሚሉንን #መስማት #ይገባናል።

https://t.me/betemetsihaf

ኅዳር ስድስት

በዚህች ዕለት
ክብርት #እመቤታችን #ከተወደደ #ልጇ ጋር ከስደት በሚመለሱበት ጊዜ

ደብረ ቊስቋም ገብተው
ካገኛቸው ድካም ዐረፉ።

እንኳን አደረሳችኊ

መልካም በዓል

"#መጻሕፍትን በምናነብበት ጊዜ ያለን ማንነት ሳይኾን፣
አንብበን ስንጨርስ የሚኖረን ማንነት ነው፥
በጣም አስፈላጊው ነገር "


[አባ ስምኦን ዘደብረ አቶስ]

ሰው፦ ራሱን በመግዛት፣ በልክ በመኖር፣ በሰላማዊ ሕይወት፣ በፍቅር፣ በርኅራኄ እና በመሳሰሉት የሚመራ ከሆነ፦

"#ነፍስ"
በአንቃዕድዎ ልቡና
በሰቂለ ኅሊና ሆና፣
ነገረ መለኮትን ታመላልሳለች፤

የእግዚአብሔርን #ፍቅር፣ #ቸርነት፣ #ምሕረት፣  #መግቦት እና #ጥበቃ እያሰበች፣ 
በ'ጸሎት' ትጠመዳለች

ለመቄዶንያ የብራንድ አምባሳደር ተብዬ በመሰየሜ እጅግ ታላቅ ክብር እና ዕድለኛነት ይሰማኛል።


እግዚአብሔር በደዌ እየደቆሰ ዋጋውን በምድር እንዳይቀር እያደረገለት ባለው ውድ ወንድማችን በክቡር ዶ/ር ብንያም አማካኝነት የተመሠረተውን ይህንን ቅዱስ ሥፍራ በተለያዩ አጋጣሚዎች የማየት ዕድል ነበረኝ።


መቄዶንያን ለመጀመሪያ ጊዜ ያየሁ ቀን የተሰማኝን የጥፋተኝነት ስሜት ልገልጸው አልችልም። ምጽዋትን በጽንሰ ሃሳብ ደረጃ መስበክ ቀላል ነው። እንደብንያምና አብረውት እንደሚያገለግሉ ወንድሞችና እኅቶች ራስን መመጽወት ግን ከባድ ነው።


- ከአረጋውያኑ እና ከአእምሮ ሕሙማኑ ጋር አብረው እየኖሩና አብረው እያደሩ፣

- ለማየት የሚቀፍፍ ቁስል ያለባቸውን በፍቅር  እያቀፉና እየመገቡ፣

- መጸዳጃ ቤት መሔድ የማይችሉ እና በዳይፐር የሚጠቀሙ በሺህ የሚቆጠሩ ሕሙማንን ከአልጋቸው ሳይነሡ እንዲጸዳዱ መርዳትና ማጠብ፣

- ከየትኛው ሆስፒታል በላይ በሺህ ከሚቆጠሩ ከአእምሮ ሕሙማን ጋር ያለ ምንም ልዩ ጥበቃ አብሮ መዋልና ማደር፣

- ነዳያንን ለማገልገል ነዳይ ሆኖ መኖር የቻሉትን ብንያምና አብረውት ያሉ ሰዎች ማየት ብቻ
ንስሓ እንድትገባ እና ምንኛ ጨካኝ ልብ ነው ያለኝ እንድትል የሚያደርግ ነው።


መቄዶንያ የአእምሮ ሕሙማንና አረጋውያንን መርዳት ብቻ ሳይሆን፣
ከረዳቸውና ጤናቸው ከተመለሰ በኋላ እዚያው መቄዶንያ ተቀጥረው እንዲሠሩ በማድረግ ሕይወታቸውን ከተረጂነት ወደ ረጂነት የሚቀይር ተቅዋም በመሆኑ
በዚያ ሥፍራ ማን ተረጂ ማን ረጂ መሆኑን ለመለየት እንኳን ግራ ይገባል።


መቄዶንያ በመላው ኢትዮጵያ 44 ቅርንጫፎች ያሉት ከወደቁበት የተነሡ ሰዎች ወደ አእምሮአቸው ሲመለሱ
ወደ ሥራ የሚገቡበት ብዙ ሥልጠና ያለው በሆስፒታል ደረጃም ብዙ ቁጥር የሚያስተናግድ ሥፍራ ነው።

በመሥራት ላይ ያሉትና የፊታችን የካቲት 1 2017 ዓ.ም. በሰይፉ ኢቢኤስ ዩቲዩብ ቻናል በሚደረግ የገቢ ማሰባሰቢያ ይጠናቀቃል ተብሎ በሚጠበቀው ግዙፍ ሆስፒታልና የአረጋውያን ማእከል ሲጨመርበት ትልቁ የድሆች መጠጊያ መሆኑ የማይቀር ነው።


መቄዶንያ ውስጥ ከሚረዱ አረጋውያንና ሕሙማን መካከል ብዙ መነኮሳት ካህናትና ዲያቆናት እንዳሉ ሁሉ፣
በርካታ ሼሆችና የእስልምና ምሁራንም ብዙ ናቸው።

ክርስቲያኖች በየዕለቱ ኪዳን የሚያደርሱበት፣
ሙስሊሞች የሚሰግዱበት፣
ፕሮቴስታንቶች የሚያመልኩበት የተለያየ ሥፍራ ተዘጋጅቶላቸው እምነታቸውን በየመምህሮቻቸው ይማራሉ።


መቄዶንያ በአጭሩ የተቀደሰውን የምጽዋት ሥራ የሚሠራ መንፈሳዊ ሥፍራ ሺህዎች ቤተሰብ የሆኑበት ባንሳለመውም የተባረከ ትንሽ ቤተ ክርስቲያን (Microcosm of the Church) ነው።

በቤተክርስቲያን ታሪክ ይህን ዓይነቱን ሥራ የሠራው ቅዱስ ባስልዮስ ሲሆን ሕሙማንን እያስታመመ አረጋውያንን እየረዳ የነበረበት ሥፍራ ባዚልያድ ይባል ነበረ።


መቄዶንያዎች በዛሬው ዕለት የብራንድ አምባሳደር ብለው ሲሰይሙኝ መጀመሪያ ላይ አእምሮዬ ላይ የመጣው የመጽሐፍ ቅዱስ ቃል :- "እኔም እናንተ ያልደከማችሁበትን ታጭዱ ዘንድ ሰደድኋችሁ፤ ሌሎች ደከሙ እናንተም በድካማቸው ገባችሁ” የሚለው ቃል ነው። (ዮሐ. 4:38)

እነርሱ ሕይወታቸውን ለሠጡለት ቅዱስ ዓላማ ተላላኪ እንድሆን በመመረጤ ደስ ቢለኝም ፥
ውጊያው በድል ሊጠናቀቅ ትንሽ ሲቀረው ትግሉን የተቀላቀለ የድል አጥቢያ አርበኛ የመሆን ስሜት ግን አላስተረፈኝም።


እነሱ ቁስል እየጠረጉ፣
የአረጋውያንን የታመመ እግር እያሹ ስለሚውሉ አንዳንድ ቅስቀሳ ለማድረግ ጊዜ የላቸውምና
"ሞልቶ ከፈሰሰ ጊዜህ ላይ እስቲ ቁምነገር ሥራና ጽደቅ " ሲሉኝ ሊምረኝ ሰበብ እየፈለገ ያለውን አምላክ አመስግኜያለው።

የምጽዋት አርበኞቹን የርኅራኄ ጀግኖቹን መቄዶንያዎችንም ከልብ አመሰግናለሁ።
(በተለይ በትዕግሥት በመደወልና በመወትወት የዚህ ዕድል ተካፋይ ያደረገችኝን የመቄዶንያ ሚድያና ኮሚኒኬሽን ኃላፊ የሺሐረግ አመሰግናለሁ)


ያሸከሙኝን ኃላፊነት ስቀበል ባዶ እጄን ላለመሔድ ያህል "ባዚልያድ" የተሰኘ በጥንታዊትዋ "መቄዶንያ" ስም የተሰየመ መጽሐፍ ለአምባሳደርነት "እንደ ሹመት" ደብዳቤ አቅርቤያለሁ።

ሙሉ ገቢው ለመቄዶንያ ሕንፃ የሚውለው ባዚልያድ መጽሐፍ በቅርቡ በእጃችን ይገባል።


ለሁለት ዓመት በብራንድ አምባሳደርነት እንዳገለግል የሠጡኝን ዝርዝር ሥራ ይዤ እንዲህ እናድርግ ብዬ ለማስተዋወቅ ብሞክር እንግዲህ እንዳትታዘቡኝ። ምክንያቱም ሰውን ለመርዳት ሰው መሆን በቂ ነው!


ዲያቆን ሄኖክ ኃይሌ
የመቄዶንያ ብራንድ አምሳደር

ጥቅምት 30 2017 ዓ.ም.

#ቸልተኝነት


" #የታወቀቸልተኝነት "

በሕግ ቋንቋ "የታወቀ ቸልተኝነት" የሚል አባባል አለ፤

አባባሉ፦
አንድ ድርጊት ደጋግመን በመፈጸማችን የተነሣ፥
በራስ መተማመናችን ከመጠን ተላልፎ ወደ መዘናጋት በመቀየሩ፣
#ጉዳትየሚያደርስበትን አጋጣሚ ይጠቁማል።


በጊዜው እና በቦታው ያልተኖረ ዕውቀት ኹሉ ቊጥሩ[የሚመደበው] ካለማወቅ ነው - አያድንማ!!


ይልቁንስ
የስሕተት ምንጭ ኾኖ፣
ራስን ማሳቱ ሳያንስ፣ 
ተመልካች እና ሰሚንም ያዘናጋል።


፨ ሊቁ ቅዱስ ዮሐንስ አፈወርቅ "እንዳንወድቅ ቸል ቸል አንበል፤...(ው)ድቀት ከቸልተኝነት ፈጥኖ ይገኛልና" ማለቱ ለዚኽ ነው።


ቸልተኝነት ስሕተትን፣  
ስሕተትም (ው)ድቀትን ታመጣለች።


፨ ቸልተኝነት ደግሞ
አንድም ካለማወቅ ነው፤
አንድም ያወቁትን ነገር   'አውቄዋለኁ'  ብሎ ራስን ከጥንቃቄ ማላላት ነው - መዘናጋት ነው"


[ጾም እና ምጽዋት፤ በ[ቀሲስ] ቃኘው ወልዴ፤ ቀዳሚ ቃል(በአማን ነጸረ ) ገጽ ፲፪/12፤ ፳፻፲፪/2012 ዓ.ም.፤ ክልስ ዕትም]

#ወርኃዊጸሎት እና #የገድለቅዱሳን #ማሰሚያቀን

ዓርብ ጥቅምት ፳፱/፳፻፲፯ ዓ.ም.

በዚሁ ዕለት ተገኝተው በረከትን ይካፈሉ ዘንድ በአክብሮት ተጠርተዋል፤

መርሐ ግብሩም፥
ከጠዋቱ 1:00 -10:00 ሲሆን፥

ከ1፡00 - 6:00 ጸሎት ይደረሳል፣
ተኣምረ ማርያም እና ድርሳናት ይነበባሉ፤

ከ6:00 - 8:30 ሥርዐተ ቅዳሴ ከተካሄደ በኋላ

ከ8:30 - 10:00 ገድላት፣ ሃይማኖተ አበው፣ ስንክሳር ይነበባል።

በመጨረሻም ጠበል ጠዲቅ(ንፍሮ፣ የንፍሮ ውሃ እና ሕብስት) ይስተናገዳሉ።


ከተቻሎት ሙሉውን
ካልሆነም በሚያመቾት ሰዓት መካፈል ይችላሉ።

ሌሎችንም ይጋብዙ።


፨በምስካየ ሕዙናን መድኃኔዓለም ገዳም፥
የተምሮ ማስተማር ሰንበት ት/ቤት ፨

❤️❤️

የተወደድኽ ኾይ!     

'ነገ ትሞታለኽና ቤትኽን አስተካክል'
የሚል መልእክት ቢደርስኽ፣ 

'ሳልፈጽመው...🤔' 
ብለኽ የሚቆጭኽ ነገር ምንድን ነው?

ከሰው ወገን ማንም እንደ እኔ ኀጢአት የሠራ በደለኛ የለም፤

እንደ አንተም ያለ መሐሪ ይቅር ባይ አምላክ አይኖርም፤


ፈጣሪዬ ክርስቶስ ሆይ፣
ዓለማትን ኹሉ የፈጠርህ ፈጣሪ እንደ መኾንህ መጠን፥

በኋለኛው ዘመን በዓለም ላይ ለመፍረድ በምትመጣበት ጊዜ፥

ከጎንህ በፈሰሰው ደም
ኀጢአቴን እጠብልኝ!



[{ መልክአ መድኀኔዓለም }]

" ቡቃያ በበቀለ ጊዜ
ሥር ሳይሰድ፣
ፀሐይ በመታው ጊዜ እንዲደርቅ፣

'#ጸሎትም'
ሌሊት ሲጸልዩ አድሮ
ቀን ከቧልት፣ 
ከጨዋታ ከዋሉ
አይረባም፤    
አይጠቅምም። "


[#ማርይስሐቅ[

. በንጹሕ ጸሎት
ከእግዚአብሔር ጋር የመነጋገርን እድል እንድታገኝ፣
አቀራረብህ ሁሉ ለእግዚአብሔር ክብር የሚጠነቅቅ #መንፈሳዊፍርሃት ያለው ይሁን!!፤

በርግጥ የአንተ ፍርሃት፣
ባሪያ ለጌታው የሚንቀጠቀጠውን ዓይነት ፍርሃት ሳይሆን፥
የልጅ እና የአባት ዓይነት፤

አልያም
ከቅጣት በላይ #ስለፍቅር የመጠንቀቅ ዓይነት ፍርሃት ይሁን።


[ጉዞ ወደ እግዚአብሔር ክፍል ፩ እና ፪፤ በብፁዕ ወቅዱስ አቡነ ሺኖዳ፤ ትርጉም በዲ/ን ግርማ ባቱ፤ ገጽ ፲፯/17፤ ፲፱፻፺፰/1998 ዓ.ም.]

#ትጋሀ #ሌሊት

ትጋሀ ሌሊትን (የሌሊት ትጋትን) ቢይዙ
የምትሰጥ ጸጋ
ደስ የምታሰኝ ናት፡፡

በትጋሀ ሌሊት አድሮ
ቀን ደግሞ
መጽሐፍ መመልከት
መልካም ነው፡:

ሌሊቱን #በጎነገር በማሰብ አሳልፈው፡፡

ወዳጆቼ
ትሩፋት ከመሥራት እና
ከኀጢአት ከመጠበቅ
እንዳናርፍ መሆን ይገባናልና


[ማር ይስሐቅ ክፍል ፯፤  አንቀጽ 15]

#አትፍረድ

"የስድብ መንፈስ ነቅዑ[ምንጩ፣ መነሻው]፣
በሌሎች ላይ  መፍረድ ነው"

ቅዱስ ኒፎን

'#መቀባጠር'

. መቀባጠር የውዳሴ ከንቱ ዙፋን ነው፤
በእርሱ ላይ ሆኖ ራሱን መግለጽ እና ማሳየትን ይወዳል።

. #ቀባጣሪነት፦
ያላዋቂነት ምልክት፣
የሐሜት በር፣
ወደ መዘበት የሚመራ፣

የሐሰት ሎሌ፣
የጸጸት አጥትፊ፣

የቀቢጸ ተስፋ ፈጣሪ እና ጠሪ፣
የእንቅልፍ መንገድ ጠራጊ፣
ረብ የለሽነትን መልሶ የሚሰበስብ፣

ንቁህነትን የሚያጠፋ፣
መነሣሳትን የሚያበርድ፣
ጸሎትን የሚየጨልም ነው።
'መቀባጠር'


[ ቅዱስ ዮሐንስ ዘሰዋስው ፤ ትርጉም ሳሙኤል ፈቃዱ ፤ ገጽ ፻፸/170 ፤ ፳፻፲፩/2011ዓ.ም.]

#ጸጥተኝነት

. ጸጥተኛ ሰው፣
ከእግዚአብሔር ጋር ብቻ ይነጋገራል።

. አገኘ አጣውን መቀባጠር፦  
#ጸሎትን፣ #ተዘክሮን እና #በመንፈሳዊሥራመጠመድን ያጓትታል።

. ቅዱሳን [መንፈሳውያን] አሳክቶ መናገር እየቻሉ፣
መናገር የማይችሉ እና
የማያስቡ መስለው፣
#ዝምትናን እና #ጸጥታን ገንዘብ ያደርጋሉ።

#ጸጥተኛ

" ደመና ሰማይን እንደሚሸፍን፣
ነገር ማብዛትም ልብን ይሸፍነዋል፤"

. ብዙ የሚያወራ ሰው፣ ውስጡ ባዶ ነው፤
#ከጸሎት፣ #ከማሰላሰል ወይም #ከመንፈሳዊሥራዎች ምንም ምን በልቡ ውስጥ የለውም።

. ብዙ መናገር፦
#ከተዘክሮይለያል፤
#ልብንያደክማል፤
#ራስንምለመርመርዕድል ይነፍጋል።

. #ጸጥተኛ መኾን ማለት፣
ሕሊናን ወደ #እግዚአብሔር ለመስቀልና፣
የርሱን ሥራ ለማዘከር ይቻል ዘንድ፣

ሕዋሳትን የሚታየውን የዚኽን ዓለም ውጣ ውረድ፣
#ከማውራት እና #ከማውጣት መከልከል ነው።

#ቅድስትኄራኒ

#ኹሌምየማልለይሽ #ጠባቂመልኣክሽ #ነኝ


የሥራ ምድቤ፣ ከበኣቴ ራቅ ያለ ቦታ ነበር፤

ሌሊት በዐሥር ሰዓት ተነሥቼ፣
ሄጄ ሥራዬን ስሠራ እውልና፥
ማታ በአምስት ሰዓት ወደ በኣቴ ስመለስ፣
ከባድ ድካም ና የሰውነት ዝለት እየተሰማኝ ነው።

ልተኛ ስዘጋጅም፥
" አኹን እንዴት ብዬ ነው ለጸሎት መነሣት የምችለው?
ቀሪው ሰዓቴ ለዕረፍት እና ለጸሎት በቂ ይኾናልኛል? " 
ብዬ አስባለኊ።

እያንዳንዷ መነኲሲት፣
ያለ ቀስቃሽ ራሷ መነሣት ስላለባት፣
" ዕንቅልፍ ይጥለኝ ይኾን " ብዬም እጨነቃለኹ፤

ያኔ ጊዜ ሰዓትም ሆነ፣
ለነገህ ጸሎት የሚያነቃ ደውል አልነበረንም፤

ኾኖም ረድኤተ እግዚአብሔር ከእኔ ጋር ነውና፣ ልክ ሲነጋ ሦስት ጊዜ " ኄራኒ ኄራኒ ኄራኒ! ተነሽ ጸልዪ "  የሚለኝ ድምፅ እሰማለኊ።

ታድያ ስነቃ የሚሰማኝ ለአራት ብቻ ሳይኾን ለስምንት ሰዓታት እንደተኛው ሆኖ ነው።

ልክ ከዕቅልፌ ነቅቼ ዐይኖቼን ስገልጥ፣
ከበላዬ ሊቀ መላእክት ይታየኛል፤

ከነቃሁ በኋላ ደግሞ፣
በመኝታዬ ግርጌ በኲል ይዞርና ይቆማል፤

ልክ ከአልጋዬ ስወርድ ይሰወራል።

ከዚህ በኋላ ምንም ዐይነት ድካም ሳይሰማኝ
ጸሎቴን አደርሳለኹ፤

በዚህ ሁኔታ በየዕለቱ በተመሳሳይ ሰዓት እና መንገድ መልኣኩ ያነቃኛል፤



አንድ ቀን አንተ ማን ነኽ ስለው
"እኔ ኹሌም የማልለይሽ ጠባቂ መልኣክሽ ነኝ" አለኝ።



[ ዝክረ ቅዱሳት አንስት ዘተዋሕዶ ቅጽ ፩፤ ትርጒም በአዜብ በርሄ፤ ገጽ ፻፶፬/154፤ ፳፻፰/2008 ዓ.ም. ]

#ቅድስትኄራኒ

. በቅዱስ ሥዕሏ ብቻ ሳይሆን
በይነ መረብ (ኢንተርኔት) ላይ ፈልገው ትክክለኛ መልክአ ሥጋዋን (በፎቶ) ሊያዩት የሚቻልዎትን

. በእርስዎ ዘመን የነበረችን፦
መናኒት ሰማዕት፥
ግብፃዊት ክርስቶስ ሠምራን፣
ቅብጣዊት አርሴማን
ማወቅ ይመኛሉን?!፤

. በግብጽ በሰንበት ት/ቤት ተምራ አድጋ፣
ለሰንበት ተማሪዎች ሁሉ አርአያ በሚሆን ሕይወት አልፋ፣

. በ፰/8ኛው ሺህ እንዴት ፥ የ፬/4ኛውን መ.ክ.ዘ ቅዱስ አኗኗር መኖር እንደሚቻል ያሳየችን ቅድስት ማውቅ ይፈልጋሉ?!፤

. እንግዲያውስ ይኽነን የጣማፍ ኄራኒን ቅዱስ ሕይወት የሚያስነብበውን መጽሐፍ ማንበን አይፈልጉም?!።

ከፈለጉ
ይኽነን መጻሕፍት ያንብቡ👇👇👇
[ ዝክረ ቅዱሳት አንስት ዘተዋሕዶ ቅጽ ፩/1፤ እና ቅጽ፪/2 ትርጒም በአዜብ በርሄ፤ ፳፻፰/2008 ዓ.ም. ]

#ቅድስትኄራኒ

...

. በዚሁ እኔና እርስዎ ባለንበት ዘመን በጸሎቷ ስትፈውስ፣

. እንደ ቅዱስ ጳውሎስ በመንፈስ እየተነጠቀች፥
አንዴ አውሮፓ
አንዴ አፍሪካ ስትገኝና ተኣምራት ስታደርግ፣

. የተሳፈሩበት አውሮፕላን ሊከሰከስ ሲል
"ቅዱስ ጊዮርጊስ ሆይ ያንን ክንፍ ያዝ፤
ቅዱስ መርቆርዮስ ሆይ ያንን ክንፍ ያዝ"
ብላ ጸልያ
ተሳፋሪው ከመከስከስ አደጋ ስታድን ማየት ይፈልጋሉ?!

...

. ዲያብሎስ ግዘፍ ነሥቶ አውሬ እየሆነ ሲታገላት፣

. እንደ ጥንያታውያን አባቶች እና እናቶች በጸጋ ክብሯ ድል ስታደርግ፣

. የተሐድሶ መናፍቃንን ውስጣቸው ያለው መንፈስ እስኪሸበር ድረስ ስታሳፍር
አንብበው የበረከት ሱታፌን ማግኘት ይሻሉ?!

ከፈለጉ

ይኽነን መጻሕፍት ያንብቡ👇👇
[ ዝክረ ቅዱሳት አንስት ዘተዋሕዶ ቅጽ ፩/1፤ እና ቅጽ፪/2 ትርጒም በአዜብ በርሄ፤ ፳፻፰/2008 ዓ.ም. ]

#ቅድስትኄራኒ

...

. እርሶ የሚሰሙትን እየሰማች፣

የሚያዩትን እያየች፣

የእርስዎ ዘመን የደረሰበትን ቴክኖሎጂ እየተጠቀመች፣

እርስዎ በሚገለገሉባቸው የኢንተርኔትና የቴሌቪዥን ጊዜ እየኖረች፣

መኪናን አውሮፕላንን ባቡርን ልክ እንደ እርስዎ እየተጓጓዘችባቸው፣

በስልክ ሀሎ! እያለች...

ክብሯ እንደ አባ እንጦንስ፣

ንጽሕናዋ እንደ አባ መቃርስ እንደ አባ ጳውሊ የኾነላት

ቅድስት ኄርኒን ማውቅ ይፈልጋሉ!?


ከፈለጉ
ይኽነን መጻሕፍት ያንብቡ👇👇
[ #ዝክረቅዱሳት አንስት ዘተዋሕዶ ቅጽ ፩/1፤ እና ቅጽ፪/2 ትርጒም በአዜብ በርሄ፤ ፳፻፰/2008 ዓ.ም. ]

#ቅድስትኄራኒ

. ራሷን ዝቅ ስለ ማድረጓ እና ስለ ትሕትናዋም፣ ብዙዎች ተማርከዋል፤ ብዙዎችም መስክረውላታል።

. እግዚአብሔር ድክመቷን እና ታናሽነቷን ተመልክቶ ብቻ፣
ክብሩን በርሷ እንደሚገልጥ እንጂ፣
ከርሷ የኾነ አንዳች ነገር እንደሌለ  
በንጹሕ ልብ እና አንደበት ትናገራለች።

. ሊያወድሳት ወይም ምስጋና ሊያቀርብላት የሚያስብ ሰው ካለ    
"በፍቅሩ የያዘንን የሰማዩን አምላካችንን አመስግኑ"   በማለት ራሷን ከውዳሴ ከንቱ ታሸሻለች።

. ይኽ ኹሉ የሚያሳየው፦  
የማያልቅ ጸጋው አብዝቶ እንደ ሰጣትና፣ 
ርሷም ይኽነን መክሊቷን፣  
በግብርም(በሥራም) በቃልም ለኹሉ እንደምታካፍል ነው።

#ቅድስትኄራኒ

. የልቧ ንጽሕና፣ 
ለሰዎች የምታሳየው አክብሮት፣  
ራሷን ዝቅ ማድረጓ፣ 
እያንዳንዷ እንቅስቃሴዋ እና
ንግግሯ   
ኢየሱስ ክርስቶስን  ይሰብካል።

. ... ድምጿን የሰማ ኹሉ፣  በመንፈስ ቅዱስ ኃይል ወደ እግዚአብሔር ፍቅር ይሳባል።

. ኹሉን በፍቅር የሚቀበል ፈጣሪም፣  
ወደ ቤቱ ያስገባቸዋል፤  
በዚኽም እግዚአብሔር ይወደሳል፤    ይመሰገናል።


🔆💡#የገዳምመብራት፣ #እማሆይኄራኒ በረከቷ፣ ፍቅሯ፣ ምልጃዋ፣ .... በእውነት ይደርብን🔆💡

እንኳን ለተወዳጇ ለቅድስት ኄራኒ እረፍት አደረሳችኹ።

ስለ ቅድስት ኄራኒ ሕይወቷን፣ ተጋድሎዋን፣ ... እያነሣሣን እንዘክራት

#አሳድጉኝ

አዘጋጅ፦ አባ ታድሮስ ማላቲ (ግብጻዊ)

ተርጓሚ፦ በአያሌው ዘኢየሱስ

የገጽ ብዛት፦ ፪፻፶፪/252

፳፻፭/2005 ዓ.ም.

#ቅዱስ አባ ዮሐንስ ሐፂር

የአባ ባይሞይ ደቀመዝሙር በነበረበት ጊዜ
አባቱ አባ ባይሞይ ዮሐንስን ይጠራውና
ያለ ምንም ምክንያት ደብድቦ ያባርረው ነበር፤

እርሱ ግን "ምን አጠፋሁ?" ብሎ እንኩዋ ሳይጠይቅ "አባቴ ሆይ! ማረኝ?" እያለ ከእግሩ ሥር ይወድቅ ነበር::

ለብዙ ጊዜ በተመሳሳይ ሲደበድበው: እርሱም በርሱው ተደብድቦ: እርሱው ይቅርታን ሲጠይቅ ኖረ፤

አንድ ቀን ግን እንደ ልማዱ ሊገርፈው ሲሔድ ፯ቱ ሊቃነ መላእክት ከበውት አይቶ ደንግጦ ተመልሷል::

አባ ባይሞይ ይሕንን ሁሉ የሚያደርገው ጠልቶት ወይ ክፉ ሆኖ አልነበረም፤
"አንድ ሰው የሌላኛውን ግፍ መቀበል ካልቻለ፣
ሰይጣንን ድል አይነሣም " የሚል ትምህርት ስለ ነበረ ነው እንጂ::

#ቅዱስ አባ ዮሐንስ ሐጺር 

በቤተ ክርስቲያን ያሉ አበው ሊቃውንት እንደሚሉት፥
ከቅዱሳን በቁመቱ የአባ አርሳኒን ያክል ረዥም አልነበረም፤ እርሱ እንደ ዝግባ ቀጥ ያለ ነበር::

በዚያው ልክ ደግሞ የቅዱስ ዮሐንስን [ዛሬ የምናከብረውን] ያህል አጭር አልነበረም:: በዚህ ምክንያት ይሔው ለዘለዓለም "ዮሐንስ ሐጺር - አጭሩ አባ ዮሐንስ" ሲባል ይኖራል::

ሊቃውንትም ቁመቱንና ቅድስናውን በንጽጽር ሲገልጡ :-
"ሰላም ሰላም ዕብሎ በሕቁ:
ለዮሐንስ ሐጺር ዘነዊኅ ሒሩተ ጽድቁ" ይላሉ:: "ቁመቱ እጅግ ያጠረ: ጽድቁ ግን ከሰማይ የደረሰ ቅዱስ ዮሐንስን ሰላም ሰላም እንለዋለን" እንደ ማለት ነው::

ቅዱሱ የተወለደው በ፬/4ኛው መቶ ክ/ዘመን በምድረ ግብጽ ነው፤  ወላጆቹ ምንም ከሥጋዊ ሃብት ድሆች ቢሆኑም ባለመልካም ክርስትና ነበሩና በጐውን ሕይወት አስተምረውታል።

ወደ ምናኔ የገባው ገና በ፲፰/18 ዓመቱ ሲሆን የታላቁ አባ ባይሞይ ደቀ መዝሙር ሆኖ ተጋድሎን እና ትሕርምትን ተምሯል::

ቅዱስ ዮሐንስ ሐጺር በወቅቱ ከነበሩ ቅዱሳን ከቁመቱ ባሻገር
በትሕትናው፣
በትእግስቱ እና
በመታዘዙ ይታወቅ ነበር።

እስኪ ዛሬ ስለ አባ ዮሐንስ ሐፂርን እያነሣሳን እንዘክረው።

. #አንድ ቀን አንድ ሰው ወደ አባ ዮሐንስ ሐፂር በኣት መጣና፣ ሥራዉን እያየ ያመሰግነው ጀመር፤

. #አባዮሐንስ ግን ዝም አለውና ገመድ  መሥራቱን ቀጠለ፤

እንግዳዉም እንደገና ወሬውን ቀጠለ፤ አባ ዮሐንስም ጸጥ አለ፤

ለሦስተኛ ጊዜ እንግዳው ወሬ ሲያበዛ  
አባ ዮሐንስ ሐፂርም 'አንተ ወደ በኣቴ በመግባትኽ፣ እግዚአብሔር ወጥቶ ሄደ'   ብሎ ተናገረው"


#ከአባታችን ከአባ ዮሐንስ ሐፂር ረድኤት በረከት ይክፈለን።

መልካም እና ቀና ሰው ኹን ...

ያንን ለማስረዳት ግን አትድከም።

✝ #መታዘዝ ✝

. የመንፈሳዊ (የተጋድሎ) ሕይወት መግቢያ  በር፦   '#መታዘዝ ' ነው።

. ለመንፈሳዊ ሕይወት አእማድ የኾኑት፦   'ትኅትና'   እና   'ትዕግስት'   መሥፈሪያቸው (መለኪያቸው)፦   '#መታዘዝ '  ናት።

. ሰው፦   በ'ትዕግስት' የሚያደርገው  እና   'ትሕትና'ን የሚማረው፣   በ'#መታዘዝ ' ውስጥ ሲያልፍ ብቻ ነው።

#. 'ማጉረምረም' ስትሞት፣   '#ትዕግስት' ነፍስ ትዘራለች፤

. 'ትዕግስትን' መልብስ  ስትጀምር፣ 
'#ጽናትን' ገንዘብ ወደ ማድረግ ታድጋለህ፤

. በፍጻሜህም "ተስፋ መቁረጥን" ድል ታደርጋለህ


. ለዚህ ኹሉ መግቢያ ጠባቧ በር ግን  ✝ #መታዘዝ ✝  ናት።


፨ የቅዱሳን፡ አምላክ፡ ይርዳን፤ አሜን፨

#መታዘዝ

ከአበው አንዱ አራት ሠራዊት በእግዚአብሔር ዘንድ አየሁ አለ።

>. #መጀመሪያ፦ በደዌው ሆኖ እግዚአብሔርን የሚያመሰግን በሽተኛ (ድውይ ዘበአኮቴት) ነው።

>. #ኹለተኛው፦ ሰዎችን (እንግዶችን) ደስ እያለው በፍቅር የሚቀበል እና የሚያሳርፋቸው ነው።

>. #ሦስተኛው በገዳም የሚኖር እና ከሰው ጋር የማይነጋገር (ዝጉሐዊ) ነው።

>. #አራተኛው ደግሞ ስለ እግዚአብሔር ብሎ ለመምህሩ የሚታዘዝ እና የሚላላክ ረድእ ነው።

👉 #በዚህረድእ በአንገቱ ላይ የወርቅ ባዝግና ተሸልሞ
መንበሩም ከኹሉም በላይ ሆኖ አየሁት።

ይህን ለሚያሳየኝ "ይህ ታናሽ እንዴት ከኹሉ በለጠ?" ብዬ ጠየኩት።

እርሱም "እንዚህ መልካም የሠሩ በራሳቸው ፈቃድ ነው፤
ይህ ግን የራሱን ፈቃድ ለእግዚአብሔር እና ለመምህሩ የተወ ነው።
#ስለዚህም ከፍ ያለ ክብር እና መንበር ተሰጠው" አለኝ



[ከበረሐውያን ሕይወት እና አንደበት ፤ በዲ/ን ያረጋል አበጋዝ፤ ገጽ ፸፭/75፤ ፳፻፫/2003 ዓ.ም.]

"ነቢይን በነቢይ ስም የሚቀበል፥
የነቢይን ዋጋ ይወስዳል፤

ጻድቅን በጻድቅ ስም የሚቀበል፥
የጻድቁን ዋጋ ይወስዳል፤

ማንም፦
ከእነዚህ ከታናናሾቹ ለአንዱ
ቀዝቃዛ ውሃ ብቻ በደቀ መዝሙር ስም የሚያጠጣ
እውነት እላችኋለሁ ዋጋው አይጠፋበትም።"


(ማቴ. ፲፥፵፩-፵፪)

ከጻድቁ ረድኤት ይክፈለን🙏

ለሚያገልግል ሰው፣
ከፍጹምነት የምታደርስ፣
     የተወደደች፣
         የተመረጠች ተልእኮ
    🤲 ጸሎት 🤲ናት

[አረጋዊ መንፋሳዊ]

"ራስኽን በሐሰት አትውቀስ፤
ራስን መክሰሱ ትሕትና አይደለም፤
ታላቁ ትሕትና ሰዎቹ ሲወቅሱኽ መታገስ ነው"
(ቅዱስ ሰራፕዮን)

ለሰው ሲቻለው ይቅርታን ከማድረግ የበለጠ ደግነት አይገኝለትም፤

ዳግመኛም ሳይለመኑ የለማኙን ችግር ዐውቆ መስጠት፣
ከስጦታ ሁሉ የበለጠ ነው፤

እነዚህ ሁለቱ ነገሮች (ሲቻል ይቅር ማለት እና ሳይለመኑ ዐውቆ መስጠት) እርስ በርሳቸው ያመዝናሉ።

ማስተዋል፣
ታማኝነት፣
መልካም ጠባይ እና
ዕውቀት የሌለው ሰው፣
ማስተዋል ከሌላቸው እንስሶች የባሰ ወይም ያነሰ ነው፤
(መዝ. ፵፰/፵፱፥ ፲፪)

('አንጋረ ፈላስፋ' በሊቀ መዘምራን ሞገስ ዕቁበ ጊዮርጊስ፤ ገጽ ፴፬)

አሐቲ ድንግል -
በርእሰ ሊቃውንት አባ ገብረ ኪዳን ግርማ

የሚያረካ የመጻሕፍት ፊት አውራሪ ፤
የነገረ ማርያም ጥም ቆራጭ ፤
የትርጓሜ ድግስ ፤
የምሥጢራት ዝናም ፣
ያለ ስስት በፍቅር የተጻፈ ቅኔ መወድስ ፤
እንደ ሊቅ በምሥጢር እየተራቀቀ
እንደ መናኝ በፍቅር እሳት እየተማወቁ የጻፉት
በጸዳለ ምሥጢር የተጽደለደለ መጽሐፍ ተከስቶአል::

እመቤታችንን የሚወድ ሁሉ
በፍቅርዋ ባሕር ለመዋኘት የሚችልበት
እጅግ እጅግ እጅግ ውብ መጽሐፍ ፤

በጸሎት መንፈስ ለብቻ ተኾኖ ካልሆነ ሊነበብ የማይችል በዕንባ የሚያሰጥም መጽሐፍ ፤

ሌላ ነገር አንብበህ በዚያው ዓይንህ ልታነበው የማይገባ
ዓይኖች ጾመው ሌላ ከማየት አክፍለው ሊያነቡት የሚገባ
የወላዲተ አምላክ የቀሚስዋን ዘርፍ በፍቅር የሚያስነካ መጽሐፍ እነሆ ከደጃችን ነው::

እንደ ቃና ሊቀ ምርፋቅ መልካም የወይን ጠጅ "አሐቲ ድንግል" እያለች በመናኛ መጻሕፍት ለምን ሰከርን የሚያሰኝ የመጽሐፍ ወይን ታዩ ዘንድ ኑ! !

ቅዳሜ ከሰዓት በቦሌ መድኃኔዓለም ካቴድራል

ሥዕል :- ሠዓሊ ዲ/ን ዮርዳኖስ ዘሪሁን (ገብረ ኪዳን) እንደሣለው

ዲያቆን ሄኖክ ኃይሌ እንደጻፈው

...

አብዝቶ ከመብላት፣
ከደስታ፣
ከዕረፍት ብዛት እና
ከእንቅልፍ ብዛት
...
የሚመጣ የዝሙት ጾር/ፈተና አለ

ከሰይጣን የሚመጣም አለ

ከትዕቢት እና ከትምክሕት የሚመጣም አለ፥

በትምክሕት ሲባል "በተጋድሎዬ የዝሙትን ጾር ነሥቼው እኖራለኹ የሚል" የትዕቢት ጾር ማለት ነው።


[ ሐተታ ዘቅዱስ አትናቴዎስ (ተስእሎተ አንትያኮስ] ፤ ተርጓሚ መ/ር ቃለ ጽድቅ ሕግነህ ፥ ገጽ ፺፰/98፤ ፳፻፲፮/2016 ዓ.ም.]

፨ #ከዋናዓላማችን ውጪ የምናጠፋቸው ጥቃቅን ደቂቃዎች ወደ ጨዋታ ያመሩናል፤

ጨዋታ መቀራረብን፤
መቀራረብ መላመድን፤
መላመድ ደግሞ ምኞትን (ፍትወትን) ያስከትላል።


፨ #በተለያየ አጋጣሚ ከተዋወቅናቸው
ወንድሞች/እኅቶችም፣
አገልጋዮችም ጋር ኾነ፣
ከንስሐ አባቶቻችን ጋር
ከመጠን በላይ ያለፈ ቀረቤታ፣

ፍጻሜው አንድም ለኀጢአት አልያም
ለሐሜት ያጋልጣል፤


፨ #ከአገልጋዮች ጋር የምናደርገው ግንኙነት የተመጠነ
ሊያውም በቤተክርስቲያን ለድኅነታችን የሚጠቅም ምክር እና ተግሣፅ ለመቀበል ብቻ መሆን ይኖርበታል።


፨ #ወደቤተክርስቲያን አገልጋዮች ስንሄድም
አለባበሳችን፦
የሰውነታችንን ቅርጽም ሆነ
ዕርቃናችንን የማያጋልጥ፣
በበዛ ሽቶ እና ቅባቶች ያልተበረዘ መሆን ይኖርበታል።


፨#አቀማመጣችንም፦
ከአካላዊ ንኪኪ የራቀ እና
ከሰዎች ዕይታ ፍጹም ያልተሰወረ መሆን ይገባዋል።


፨ #በተቻለ መጠን፦
የመጣንበትን ጉዳይ በተመጠነ፣
ግልጽ በሆነ ሁኔታ ማቅርብ እና
ስሜታዊ በመኾን የቆይታ ጊዜን አለማራዘም ያስፈልጋል ።።


...እንዲዳረስ share...
@betemetsihaf

......... ወርኃ ጽጌ .........
(ከመስከረም 26 እስከ ኅዳር 6)

በኢትዮጵያ ኦርቶዶክስ ተዋሕዶ ቤተክርስቲያን ሥርዐት መሠረት፣ ከመስከረም 26 ቀን እስከ ኅዳር 6 ቀን ያለው 40 ቀን፣ የእመቤታችን እና የልጇን ስደት በማሰብ ወርኃ ጽጌን (ዘመነ ጽጌን) ታከብራለች፡፡ 

ወቅቱ የአበባ እና የፍሬ ወቅት በመኾኑ እመቤታችን በአበባ ጌታችን በፍሬ እየተመሰሉ፣ ጌታችን በአምልኮት እመቤታችን በእናትነቷ በተለየ ምስጋና ይመሰገናሉ ፡፡

በዚህ በወርኃ ጽጌ (በዘመነ ጽጌ) የሚጾሙ ክርስቲያኖች ሲኖሩ፣ ጾሙን መንፈሳውያን ሰዎች ሳይታዘዙ በራሳቸው ፈቃድ የሚጾሙት ጾም በመሆኑ (የፈቃድ) የትሩፋት ጾም ይባላል፡፡

በቀኖና ቤተክርስቲያን ከታዘዙት ከ7ቱ አጽዋማት ውጪ የሆነ ትርፍ ጾም ማለት ነው፤ ከታዘዘው አትርፎ የጾመ ሰው የመጾሙን ዋጋ ያገኛል፡፡

ነገር ግን የጽጌን ጾም የሚጾሙ ሰዎች ለመመጻደቅ መጾም የለባቸውም፡፡ የማይጾሙ ሰዎችንም መንቀፍና መክሰስ የለባቸውም፡፡

የጽጌ ጾም እንዲጾም በቀኖና ቤተክርስቲያን ከ7ቱ አጽዋማት አንዱ ተደርጎ ስላልተወሰነ፣ የማይጾሙ ሰዎችን ሕገ ጾምን እንዳፈረሱ አድርጎ መውሰድ ስሕተት ነው፡፡

ይልቁንም የሚጾሙ ሰዎች ቢችሉ፣ መጾማቸው እንዳይታወቅባቸው ቢያደርጉ የተሻለ ነው፡፡

"ስትጾሙ እንደግብዞች አትጠውልጉ" የተባለው ለዚህ ዓይነቱ ጾም ነውና(ማቴ. 6፥16)፡፡

https://t.me/betemetsihaf

" ሰይጣን፦ በልብህ ውስጥ 'ክርስቶስ'
መኖሩን እና አለመኖሩን ዐያውቅም፤

.ስትቆጣ፣ ስትበሳጭ ባየኽ ጊዜ፣
ስትጮህ፣
ስትምል፣
በቊጣ ስትናገር፣
ዋዛ ፈዛዛ ስትናገር፣ ... ሌላም ሌላም ሲያይብህ፥

. አጅሬ ሰይጣን፦
'እግዚአብሔር' በአንተ ዘንድ እንደሌለ ያውቃል።

. ያን ጊዜም የውጭውን እና የውስጡን ሰውነትኽን ይገዛል።

. በልብህ ውስጥም ክፉ ያሳስብኻል፤

. መብራት እንደሌለው ቤት ያደርግኻል፤

. በውስጥኽ ያለውን በርብሮ ይወስድብኻል።



[ የከበረ አባ ቢልስ ]

ዝም የምትል ከሆነ፥ ከፍቅር የተነሣ ዝም በል፤
የምትናገርም ከሆነ ከፍቅር የተነሣ ተናገር"


አውግስጢኖስ

https://t.me/betemetsihaf

"ጸሎት"ን የማታፈቅር ሰው ከሆንክ፥
ምንም ዓይነት በጎ ነገር በውስጥኽ እንደማይኖር ዕወቅ፤

ወደ እግዚአብሔር የማትጸልይ ከሆነ፣
በመንፈሳዊነትኽ ሞተኻል፣ ...
የውስጥ ሰላምም አይኖርኽም፣

የክፉ ሰዎች እና የአጋንንት መጫወጫም ትኾናለህ፣...
ሕይወትም የለኽም፣...


{[ቅዱስ ዮሐንስ አፈወርቅ]}

" 'ተጨዋች ነው' ለመባል ብዙ ከመዋሸት እና ፌዘኛ ከመኾን ይልቅ፣
አንደበትን በመግራት፣   'አብሮ ለመጫወት የማይመች (ዘጊ) ነው'   መባል የተሻለ ነው፤

   'ዘመናዊ'  ለመባል ሕዋሳትን ኹሉ የኀጢአት ማስታወቂያ ከማድረግ፣
ለወንጌል እንደሚገባ በመኖር   'ያልሠለጠነ ነው'  መባል ክብር ነው።



https://t.me/betemetsihaf

✝ ✝ ✝ ደመራ ✝ ✝ ✝

.  የውሃ በዓል ከሚባሉት ውስጥ በዓለ ጥምቀት እና ቃና ዘገሊላ ተጠቃሽ ሲሆኑ፤
. በዓለ እሳት ከሚበሉት ውስጥ ደግሞ ደብረ ታቦር እና የደመራ በዓል ተጠቃሽ ናቸው፡፡

.  ደመራ፣ ደመረ ጨመረ ካለው የግእዝ ቃል የመጣ ነው፤  ትርጉሙ መጨመር (መከመር) ማለት ነው፡፡

.  የኢትዮጵያ ሕዝብ በታላቅ ናፍቆት እና አክብሮት ከሚያከብራቸው በዓላት አንዱ ከመስከረም ፲፮ ዕለት (በዋዜማው) የሚከበረዉ የደመራ በዓል እና በማግስቱ በመላ ኢትዮጵያ ብሔራዊ በዓል ሆኖ ጥንትም ሆነ ዛሬ በታላቅ ድምቀት የሚከበረው የመስቀል በዓል አንዱ ነው፡፡

.  የመስቀልን በዓል ከዋዜማው ጀምሮ ደመራ በመለኮስ፣ ማክበር የተጀመረው የታላቁ ቆስጠንጢኖስ እናት ንግሥት ዕሌኒ፣
ከቁስጥንጥያ ተነሥታ ድሆች ክርስቲያኖችን ለመርዳት እና አብያተ ክርስቲያናትን ለመሥራት በ326 ዓ.ም ወደ ኢየሩሳሌም ከሄደች በኋላ ነው፡፡

.  ኢየሩሳሌም በደረሰች ጊዜ የጌታችን መስቀል ተኣምራት እንዳያደርግ፣ አይሁዶች በምቀኝነት ቀብረውት ነበርና፣
የተቀበረበትን ቦታ የሚያሳያት አጥታ በመፈለግ፣
ብዙ ጊዜ አሳለፈች በኋላ ግን አንድ ኪራኮስ የሚባል እስራኤላዊ አካባቢውን ነግሯት፣
ደመራ አስደምራ ዕጣን አጢሳ ወደ ፈጣሪዋ ብትማጸን፣
የዕጣኑ ጢስ ወደ ሰማይ ከወጣ በኋላ
ተመለወሶ መስቀሉ የተቀበረበትን ስፍራ አመለከተ፡፡

.  እርሷም በምልክቱ መሰረት ብታስቆፍር የጌታችን ኢየሱስ ክርስቶስን ክቡር መስቀል አገኘች፡፡

. የእርሱ መስቀል ለመሆኑ ድውያንን በመፈወሱ፣ አንካሳ በማበራቱ፣ ጎባጣ በማቅናቱ ታውቋል፡፡

.  ይኽንንም ይዞ ኢትዮጵያዊው ሊቅ ቅዱስ ያሬድ "ሰገደ ጢስ" ብሎ በድጓው ጽፎት ይገኛል፡፡

. ስለዚህ በየዓመቱ የመስቀልን በዓል ስናከብር፣ ደመራ የምንደምረው እና የምናበራው ንግሥት እሌኒ አብነት በማድረግ ነው፡፡

. በሀገራችንም በተለያዩ ማኅበረሰቦች ዘንድ ዋናውን ምክንያት መሠረት በማድረግ
በልዩ ልዩ ዘይቤ፣
መልካም በሆኑ ምግባራት ታጅቦ ይከበራል። 


።። የበረከት የሰላም በዓል ያድርግልን ፡፡።

ጸጥታን እና ዝምታን፦
ቤትኽ እና ጓደኛኽ አድርጋቸው፤
እንደ መላእክት ያደርጉኻልና፤

የመንፈስ ቅዱስም ማደሪያ ትኾናለኽ።



[ መጽሐፈ ገነት ዘውእቱ ዜና አበው፤
ትርጒም በመ/ር ክፍለ ማርያም ደስአለው ፤
ገጽ፦ ከ፻፴፬/134፤
፳፻፲/2010 ዓ.ም. ]

ውዳሴ መስቀል

ተርጓሜ፦ መ/ር መዝገቡ ስብሐት

ገጽ ብዛት፦ ፪፻፰/208

፳፻፰/2008 ዓ.ም.

ቅዱስ መስቀል
በኦርቶዶክሳዊት ቤተ ክርስቲያን አስተምህሮ

በወ/ሮ ዘውዴ ገ/እግዚአብሔር

ገጽ ብዛት፦ ፪፻፴፯/237

፳፻፮/2006 ዓ.ም.

የሰውን ልጅ በሩህሩህነት አሸንፈው።

ቀናተኛውን በመልካምነትኽ እንዲደነቅ አድርገው።

ኹሉንም ሰው ውደድ፥ 

ነገር ግን ከኹሉም ሰው ጋር ርቀትኽን ጠብቀኽ ኑር።


[{የበረሃው ኮከብ ቅዱስ እንጦንዮስ}]


https://t.me/betemetsihaf

. ሰዎችን ስትቀርብ ቀላል እንጂ ኃይለኛ ነፋስ አትሁን፤

. ብዙዎች 'ኃይል' መለያቸው ስለ ኾነ 'ማዕበል' ኾነው መቅረብ ይወዳሉ።

. በቀላል ነፋስ የተመሰሉት 'ትሑታን' እና 'ታጋሾች' ግን የሚለዩት፥ ራሳቸውን ዝቅ በማድረጋቸው ነው።

. ከሰዎች ጋር ስትቀርብም 'ራስኽን በመውደድ' አይሁን፤

. ሐዋርያው 'በወንድሞች መዋደድ፥ እርስ በእርሳችሁ ተዋደዱ" ብሏል።

. ይኽም ያለ ማቆላመጥ ፥ ከልብህ በትሕትና ይሁን