አቡነ ሽኖዳ ሳልሳዊ Pope Shenouda III

“አንኳኩቼ አላገኘሁም” አትበል፡፡ ብቻ የለመንከው፣ ደጅ የጠናኸው አንተ የምትወደው ሳይሆን እግዚአብሔር የሚወድልህ ይሁን፡፡ ወደ እግዚአብሔር የተዘረጋ እጅ ፈጽሞ ባዶውን አይመለስም፡፡ ስለዚህ ራስህን፣ ልመናህን ምን ዓይነት እንደሆነ ፈትሽ እንጂ አንኳኩቼ አላገኘሁም አትበል፡፡ እንኳንስ ንጹሐ ባሕርይ የሆነው እግዚአብሔር ክፋት የሚስማማው ምድራዊ አባትም ለልጁ ጀሮውን አይደፍንም፡፡
አስቀድሞ ሕያዊት ነፍስን “እፍ” ብሎ እንዲሁ የሰጠን ጌታ፣ ኋላም ተቀዳሚ ተከታይ የሌለው አንድ ልጁን ሳይራራ ከሰጠን እንደምን በዚህ ይታማል? እንደምንስ አይሰጠንም እንላለን? /ሮሜ.8፥32/፡፡ ልጁን የሰጠው እኮ ጭራሽ “ስጠን” ብለው ላልለመኑ አሕዛብም ጭምር ነው፡፡ ታድያ እንዲህ የምንለምን እኛማ እንዴት አብልጦ አይሰጠንም? የሚበልጠውን ሰጥቶን ሳለስ እንደምን ትንሹን አይሰጠንም እንላለን? ስለዚህ ከእኛ የሚጠበቀውን ሳናደርግ “እግዚአብሔር ጸሎቴን አይሰማም” የሚል የሰነፎች አባባል የምንናገር አንሁን፡፡ ጀሮን የፈጠረ ይሰማል!”
(ቅዱስ ዮሐንስ አፈወርቅ)

🌺
መልካም_በዓል
🌺
እነሆ ፡ መላእክት ፡ በአንድ ፡ ኃጥእ ፡ ንስሐ ፡ መግባት ፡ ደስ ፡ የሚሰኙ ፡ ከሆነ ፡ እንዴት ፡ በአንድ ፡ ሰው ፡ መጠመቅ ፡ ይበልጥ ፡ ደስ ፡ አይሰኙ?።

ምክንያቱም ፡ ከምድራዊነት ፡ ሰማያውያንን ፡ መላእክትን ፡ ወደ ፡ መምሰል ፡ ይመጣልና።
✤
ሊቁ ፡ ቅዱስ ፡ ኤፍሬም ፡ ሶርያዊ
✤
             
🌾
"፴፤ እርሱ ፡ ሊልቅ ፡ እኔ ፡ ግን ፡ ላንስ ፡ ያስፈልጋል።"
🌾
(የዮሐንስ ፡ ወንጌል ፫፤)

   #አምላክ_ተጠመቀ

ዘላለማዊ ሰበር ዜና
።።።።።።።።።።።።።
ከዚህ በፊትም፣ ከዚህ በኋላም ያልተደረገ የዓለማችን ሚዲያዎች ሁሉ በአንድነት የዘገቡት ታላቅ ዜና በዛሬው ዕለት ተሰምቷል።

ዛሬ ታሕሳስ 29 - 00 ዓ.ም. በቤተልሔም ከተማ ከሌሊቱ 9:00 ላይ የዓለም ፈጣሪ የሆነው መድኀኒተ-ዓለም ለሰው ልጅ ሁሉ ተወልዷል።

ዜናውም በሁሉም ዓለማት እና በመላዕክት ሀገር ጭምር በቀጥታ ስርጭት ተላልፎ ዓለም ከተፈጠረች ተሰምቶ የማያውቅ ደስታ ሆኗል።

ሀበነዮም ሚዲያ

መዝሙር 36

7: አቤቱ፥ ምሕረትህን እንዴት አበዛህ!
የሰው ልጆች በክንፎችህ ጥላ ይታመናሉ።
8: ከቤትህ ጠል ይጠጣሉ፥ ከተድላም ፈሳሽ ታጠጣቸዋለህ።

9: የሕይወት ምንጭ ከአንተ ዘንድ ነውና፤
በብርሃንህ ብርሃንን እናያለን።

አቡነ ሽኖዳ ሳልሳዊ Pope Shenouda III pinned «"የእምነት ጉዞ" (Mulualm's view) ከጌታችን ትንሣኤ በኋላ ያለው ጊዜ የመጠራጠር ወቅቶች ነበሩ። ማርያም መግደላዊት ያየችውን ለማሳመን የምትጥርበት፣ የኤማሆስ መንገደኞች ደቀመዛሙርቱ ዓየነው ያሉትን ትንሣኤ በፍጹም ጥርጣሬ መቀበል አቅቷቸው ሲከራከሩ፣ ከዛም ቶማስ ማየት አይበቃም ፥ ሀሉስኔሽን (hallucination) የሚባል ነገር አለ፣ "ሁላችሁም ፍላጎታችሁ እና ናፍቆታችሁ ተደማምሮ ነው ያያችሁት…»

"የእምነት ጉዞ"
(Mulualm's view)

ከጌታችን ትንሣኤ በኋላ ያለው ጊዜ የመጠራጠር ወቅቶች ነበሩ። ማርያም መግደላዊት ያየችውን ለማሳመን የምትጥርበት፣ የኤማሆስ መንገደኞች ደቀመዛሙርቱ ዓየነው ያሉትን ትንሣኤ በፍጹም ጥርጣሬ መቀበል አቅቷቸው ሲከራከሩ፣ ከዛም ቶማስ ማየት አይበቃም ፥ ሀሉስኔሽን (hallucination) የሚባል ነገር አለ፣ "ሁላችሁም ፍላጎታችሁ እና ናፍቆታችሁ ተደማምሮ ነው ያያችሁት የመሰላችሁ እንጂ አልተነሣም" አላቸው። ለማመንም መንካት፣ መንካት ብቻ አይደለም “በችንካር የተወጉትን እጆቹ፣ በጦር የተደረቆሰው ጎኑ ውስጥ ጣቶቼን መክተት አለብኝ” አለ። ያኔ ብቻ ነው ማምነው ብሎ ጥርጣሬውን አወጀ።

አንድ የቀድሞ ፕሮፌሰሬ በጻፈው ወራዊ መጣጥፍ “እኔን በጣም የሚገርመኝ ይሄን ሁሉ ጥርጣሬ ደቀመዛሙርቱ ሲያውጁ ጌታችን ምን ተሰምቶት ይሆን የሚለው ነው? ስለትንሣኤው በርግጠኝነት ነግሯቸዋል እኮ” ይላል። ራሱን ማስነሣት እንደሚችል አላዛርን ከቀናት በኋላ ከሞት አስነስቶ አሳይቷቸዋል።

እኔ ሰዎች ሲጠራጠሩ ሳይ እምብዛም አይገርመኝም። ደቀመዛሙርቱ እኮ ነው ያላመኑት። የሞቱን ዓይነት ነግሯቸው፣ እንደሚክዱቱ እና ዶሮ ሳይጨው አላውቀውም እንደሚሉት ገልጾላቸው ፥ እነሱ እኮ ነው መነሳቱን የተጠራጠሩት። ከሁለት ሺ ዓመታት በኋላ ያለን ሰዎች ብንጠራጠር እንደምን ያስደንቃል? በእውነት በሚያምኑት እንደነቅ እንጂ። በቃና ዘገሊላ ወይን ሲያልቅ ውሃ የሞሉበትን ጋኖች ወይን ያደረገ አምላክን ያዩ፣ በጭቃ አብኩቶ ግንባር ላይ ዓይኖች የፈጠረን አምላክ ለተመለከቱ፣ በታላቁ ተራራ ላይ ሙሴ እና ኤልያስ ከበውት ከእግዚአብሔር አብ ይሄ የምወደው ልጄ ነው የሚለውን ተወዳጅ ድምጽ የሰሙ ደቀመዛሙርቱ እኮ ናቸው የተጠራጠሩት። ያን ሁሉ ልምዳቸውን፣ ያን ሁሉ የጌታን ተአምሮች ምን ብለው ቆጥረውት ነው የተጠራጠሩት?

ይሄን የደቀመዛሙርቱ ልምድ ብቻ አድርጋችሁ ከወሰዳችሁት ፥ ስለራሳችን የመማር ዕድልን ነው ያባከነው።

በማርቆስ ወንጌል ምዕራፍ ዘጠኝ ቁጥር ሃያ ላይ የአንድ ብላቴና አባት ከልጅነት ጀምሮ ፈውስ የራቀውን፣ በከባድ አጋንንት የሚሰቃይን ልጁን ወደ ደቀመዛሙርቱ ያመጣዋል። ደቀመዛሙርቱ ግን ይሄን አደገኛ አጋጋንት ሊያስወጡ አልተቻላቸውም። ስለዚህ አባት ከደቀመዛሙርቱ አለመቻል የተነሳ ጌታችንንም ተጠራጠረው። "ብትችል አድንልኝ አለው።" ጌታ ግን የእርሱ መቻል ሳይሆን የአባት እምነት ነው መሠረቱ አለው። “ቢቻልህ ትላለህ ፥ ለሚያምን ሁሉ ይቻላል አለው።” መዳን እንዳያመልጠው የተጨነቀው የብላቴናው አባት “አምናለሁ” አለ ፥ ጮሆ! ግን እምነት የልብ ስለሆነ ጩኸቱ ጥርጣሬውን አላዳፈነውም። በጸጥታ ያለው ያለማመን ጩኸት ፥ ከጩኸቱ በላይ ለጌታ የተሰማው መሆኑ ስለገባው ፥ “አለማመኔን እርዳው” አለው።

ሲ ኤስ ሉዊስ ከሚያምን ቤተሰብ ተወልዶ በጥርጣሬ እና ባለማመን ሠላሳዎቹ ዕድሜ ውስጥ የገባ ሊቅ ነበር። በእምነት ስለተጠናቀቀው የሕይወት ጉዞው ሲናገር “እርግጠኛ ሆነን ከጀመርን በጥርጣሬ እናጠናቅቃለን፤ በጥርጣሬ ከጀመርን ግን ፥ በዚህም ከታገስን በእምነት እና በርግጠኝነት እናጠናቅቃለን።” ይላል።

ጓዶች! የእምነት ጉዞ ከዚህ በኋላ አልጠራጠርም የሚባልበት አይደለም። ቀጠ ያለ አይደለም። ይሄ ሕይወት ረጅም ነው ፥ ቀጥ ሊል ብቻ አይቻለውም። ጌታችን አለ ብለን ዘይት ተሸክመን ሌሊት ስንሄድ እርሱ አይኖርም፣ ኤማሆስ ስንሄድ ደግሞ በዛ የጥርጣሬ መንገድ መኃል ስለ እምነት እየነገረን እርሱ አለ። በተዘጋ ቤት ውስጥ የተወጋ ጎኑ ውስጥ የጥርጣሬ ጣታቸውን ሊከቱ ለሚወዱም ይመጣል። ምክንያቱም እነርሱንም ይወዳቸዋል።

ከትላንት መከራ መውጣታችን፣ የተደረገልን ነገር ሁሉ ለዛሬው እና ለነገ እምነታችን ዋስትና አይደለም። “ሁለተኛ አልክድህም” የሚባል የእምነት ጉዞ የለም። ይሄ ሕይወት ወጣ ገባ ነው።እኛ ተጠራጣሪዎች ነን። አዕምሮአችንን  ልንረዳው አንችልም ፥ እንደዛ ነው የሚሰራው። እናምናለን ፥ አንድ ቀን አለማመናችንን ይረዳዋል።

"Say to every weak person, 'There is a Divine Power that can support you';

say to every sinner, 'God is ready to save you.' Tell him, 'God is able to help you, for His Holy Spirit works with you and His grace stands at your door, and His angels encamp around you to deliver you, and the spirits of the saints intercede for you.'

Be messengers of hope and messengers of peace, and give joy to all"

+ Pope Shenouda +

✝ #እግዚአብሔርን_ተስፋ_አድርግ

ለመንጋው ሁሉ በጎ እንደሚመኝ እንደ መልካም እረኛ #እግዚአብሔርም በፍጥረታቱ በሙሉ ያለምንም ጥርጥር በዝምታ ይሠራል። ይሁን እንጂ ሰዎች በመከራ ውስጥ ሆነው #የእግዚአብሔር መልስ ከዘገየባቸው እንደማይሰራ አድርገው ያስባሉ። እነርሱ #እግዚአብሔር አይሰራም በሚያስቡበት ሰዓት ሁሉ እርሱ ግን ለእነርሱ በጥልቅ እየሰራ ነው። ሰዎች ይህንን ስለማይገነዘቡ #የእግዚአብሔርን ሥራና የስራውን ውጤት ፈጥነው ለማየት ይፈልጋሉ። እነዚህ ሰዎች ግን በእምነታቸው ያመኑትን በዓይነቻቸው እስኪመለከቱ ድረስ ሊቆዩ ይገባቸዋል።" #እግዚአብሔርን ተስፋ አድርግ በርታ ልብህም ይጽና #እግዚአብሔርን ተስፋ አድርግ፡፡" መዝ 26 ፥ 14።
 
#አቡነ_ሺኖዳ_ሣልሳዊ

"አስታውስ"
(አቡነ ሺኖዳ ሣልሳዊ)

† ደካማነትህን አስታውስ፣ ያንጊዜ በጣም ጠንቃቃ ትሆናለህ፣ ሊጎዱህ በሚችሉ በትምክህትና በውዳሴ ከንቱም አትሸነፍም፡፡

† የተሰጠህን በፍቅር የተሞላ የእግዚአብሔርን ቸርነት አስታውስ፣ ይህም በምስጋና የተሞላ ሕይወት እንድትመራ ያደርግሃል። በእግዚአብሔር ፍቅርና ሥራ ላይ ስትታመን ፍጹም የሆነ እምነት በልብህ እያደገ ይመጣል፡፡ ከእግዚአብሔር ጋር ያሳለፍከው ጊዜ ደግሞ በእምነት እንድትኖር ያበረታታሃል፡፡

† የሰዎችን ፍቅርና ካንተ ጋር ያሳለፉትን መልካም ጊዜ አስታውስ፡፡ የሰዎችን ቀናነት ትጠራጠር ዘንድ ወይም ያደረጉብህን ክፉ ነገር ታስብ ዘንድ ይገባሃልን? የቀደመ ፍቅራቸው ስለ እነርሱ ይማልዳል ያንተንም ቁጣ ያበርዳል፡፡

† ሞት እንዳለ አስታውስ፣ እንዲሁ በዓለም ያለ ፈተናም እንደሚያልፍ፡፡ "ሁሉ ከንቱ ነው፣ ነፋስንም እንደመከተል ነው፡፡" መክብብ 1፥14 ማለትን ትረዳለህ፡፡

† በእግዚአብሔርፊት መቆምህንና እርሱም እንደሚመለከትህ አስታውስ፣ ያኔ ኃጢአት አትሰራም እግዚአብሔርን ታየዋለህና፡፡

† ስለ አንተ የፈሰሰውን የክርስቶስን ክቡር ደም አስታውስ፡፡ በዚህም ሕይወትህ ያለውን ዋጋ በእርግጥ ታውቃለህ፤ በዓይኖችህ ፊት የከበረ ይሆናል፣ ስለዚህም በከንቱ በመኖር አታጠፋውም፣ "በዋጋ ተገዝታችኋልና" 1ኛ ቆሮ.6:20 እንዲል ቅዱስ ጳውሎስ፡፡

† በወላጆችህ እምነት በተጠመቅህባት ቦታ ለእግዚአብሔር የገባኸውን ቃል አስታውስ፤ ዲያብሎስን፣ ሥራዎቹን ሁሉ፣ ሐሳቦቹንና ጥበቡን፣ ኃይሉንም ትክድ ዘንድ፡፡

"ኃጢአታችን ሳይቀር እግዚአብሔርን ታላቅ ነህ ይለዋል።"
.
የጻድቃን ጽድቅ ብቻ ሳይሆን #ኀጢያታችንም_እግዚአብሔር_ታላቅ_እንደሆነ_ይመሰክራል፤
የተቀየምኳቸውን እና ያዘንኩባቸውን ሰዎች ሳስብ ወይም ስለክፋታቸው ያማኋቸውን ሳስብ ምን ያህል ምህረት የማላውቅ ሰው መሆኔን ነው የምገነዘበው።
እነዚህ ሰዎች ሁሉ እኔ በእግዚአብሔር ላይ ካደረኩት ኃጢአት አንጻር ምንም በደል አልሰሩብኝም ማለት ይቻላል። በተመሳሳይ ኃጢአት ስንት ጊዜ እንደወደቅን አስታውሱ፤ ከዛ ያለምንም ሀፍረት እግዚአብሔርን ይቅር በለን እንደምንል አስተውሉ፤ ምንም እንኳ ይሄን ኃጢአት ስንደጋግም እና ይቅር በለን ስንል ብዙ ጊዜያችን ቢሆንም። በተቃራኒው ያዘንባቸው ወይም የተቀየምናቸው ሰዎች ስንት ጊዜ በድለውን ነው? ምን ያህል አሳዝነውን ነው?

እውነት ነው ሰውም ሆነ ተቋማት ተመሳሳይ ስህተት ስንፈጽም በመጀመሪያ ማስጠንቀቂያ ይጽፉብናል፣ ቀጥሎ ግን ያንኑ በደል ወይም ጥፋት ብንደግም ያቧሩናል። ታዲያ እኛስ በወዳጆቻችን ላይ ተመሳሳይ ነገር ብንወስድ ወይም ከሁለት እና ሦስት ጊዜ በላይ ሲበድሉን ብንጣላቸው ወይም ብንቀየማቸው ምን ችግር አለው? ችግሩ ያለው ለኛ እንዲሰጠን በምንፈልገው ርህራሄ እና ምህረት ውስጥ ነው። ማለት በአንድ ጉዳይ ከአስር እና ከዛ በላይ ጊዜ እየወደቅን፤ ለሰከንድም ቢሆን ግን ይቅርታ የማይገባን ነን ብለን እራሳችንን ቆጥረን አናውቅም።  ይልቁስ አባታችን ሆይ ብለን ስንጸልይ በደላችንን ይቅር በለን እንለዋለን፣ እኛ ግን ሁለት እና ሦስቴ የበደሉንን ይቅር ለማለት ተቸግረናል።

ለራሳችን ሲሆን ለከት የሌለው፣ ወሰን የሌለው ምህረት እንፈልጋለን። እኛን ለበደሉን ሲሆን ግን ከዚህ ሰው ጋር ሁለተኛ አልገጥምም፣ ለእርሱ ጥሩ አስቤ እሱ ግን ተመቀኘብኝ እንላለን። በተመሳሳይ ግን ሕይወቱን አሳልፎ የሰጠንን ጌታችን ኢየሱስ ክርስቶስን ለማሳዘን ፥ ካሳዘነውም በኋላ ይቅርታ እንዲሰጠን ለመጠየቅ ድፈረት አለን ብቻ ሳይሆን ፥ ይቅርታ ይገባናል ብለን እናምናለን።

ይሄ ደብል ስታንዳርድ፣ ይሄ ሁለት ሚዛን ምን ያህል አድሎዖዊ እንደሆን፣ ምን ያህል ራስ ወዳድ እንደሆን ነው የሚያሳየው። እኛ የተበደርነውን ይቅር እንዲለን ጠይቀን፣ ከኛ የተበደሩትን ግን አፍንጫቸውን ይዘን የምንቀበል አስገራሚዎች ነን።

ሲ ኤስ ሉዊስ “አባታችን ሆይ” ስለሚለው ጸሎት ሲተነትን፤ “እኛ የበደሉንን ይቅር እንደምን” የሚለው ቃል በኀላፊ ግስ (past tense) ያልተጻፈ ነው ይላል። ማለትም “አሁንም ያለማቋረጥ እየበደሉን ያሉትን ሰዎች (አንድ ጊዜ ብቻ ሳይሆን እየደጋገሙ የሚበድሉንን) ይቅር እንደምንል፣ አንተም ያለማቋረጥ የምንበድልህን እኛን ይቅር በለን” በሚል ነው የተጻፈው ይላል። ሰባት ጊዜ አይደለም ሰባ ሰባት ጊዜ የሚበድሉንን ይቅር ለማለት ልብ ከሌለን፣ ከእግዚአብሔር ስለኃጢአታችን ምህረትን የመጠየቅ ሞራል የለንም።

ዘወትር ስለኢዮብ ሳስብ የሚደንቀኝ ለኢዮብ ያን መከራ የመጽናት አቅም የሰጠው እግዚአብሔር መሆኑ አለመጻፉ ነው። የኢዮብ ጽናቱ እግዚአብሔር ነበር።
ለኛም ሰዎችን ይቅር የማለት አቅሙን የሚሰጠን እግዚአብሔር ነው። ይቅር የማለት አቅሙን ካጣችሁ፣ ልባችሁ ቂም እየቋጠረ ካስቸገራችሁ፣ አይዟችሁ። ብዙ እንደዛ የሚቸገሩ ሰዎች አውቃለሁ። ግን ፈጣሪን ይቅር የማለት አቅም እንዲሰጣቸው ሲጠይቁት፣ የራሳቸውን የኃጢአት ብዛት እያሳያቸው ፥ ሰዎችን ይቅር የማለት ልብን ለገሳቸው።

እኛም የምህረት ልብን የሚሰጠን መሃሪ አምላካችንን እንለምን። የበደሉንን ይቅር እንድንል የይቅርታ ልብ እንዲሰጠን እንማጸነው። ኃጢአታችንን ከኛ እንዳይሰውርብን እንለምነው።  #የኛም_የምህረት_ልባችን_ምስጢር_እግዚአብሔር_ነው። ኃጢአታችን ሳይቀር እግዚአብሔርን ታላቅ ነህ ይለዋል።

(ምንጭ:- Mulualem's View page)

"ልጆቼ! ከእሳተ ገሃነም እንዴት ልንተርፍ(ልንድን) እንደሚገባን እንጂ እሳተ ገሃነም የት እንዳለ ለማወቅ እጅግ የምንደክም አንኹን፡፡"

#ቅዱስ_ዮሐንስ_አፈወርቅ

#ፍቅር: -
1. ይታገሣል፥
2. ቸርነትንም ያደርጋል፤
3. ፍቅር አይቀናም፤
4. ፍቅር አይመካም፥
5. አይታበይም፤
6: የማይገባውን አያደርግም፥
7. የራሱንም አይፈልግም፥
8. አይበሳጭም፥
9. በደልን አይቆጥርም፤

(1ኛ ቆሮንቶስ፥ 13፦ 4-5)

እኔ እሰማሃለሁ ተናገረኝ !
...
           ሰው እንደልቡ የፍላጎቱን ይናገራል ፤ ወዳጅ እንደ ውዱ ጠላትም እንደ ጥሉ ይናገራል ፤ የስጋ ለባሽ ንግግር ማለዳ ለምክር ቢሆን ሲመሽብግን ለሃሜት ነው ፤ ምስጢርን መናገር ኋላ የትዝብት ሚዛን ላይ ለመቀመጥ ነው አትጩህ ብሎ ነጋሪትን እንደመነረት ነው። መፍትሄ ያለህ አንዱ አንተ ብቻ ነህ የእኔ ጌታ ፤ አሁን አንተ የልቤን ታውቃለህና የልብህን ንገረኝ አንተ የውስጤን ታውቃለህ የሚረባኝን ተናገረኝ እኔ እሰማሃለሁ።
       ድምፅህ ይሰማኝ አንተ ዝም ስትል የኔ ሕይወት አያምርበትም ቃልህ እስትንፋሴ ነውና ተናገረኝ ። ጉዴን፣ ምስጢሬን ፣ሸክሜን አንተ ታውቃለህ እኔ የማላውቀውን እንኳን ታውቅልኛለህ ስለዚህ ተናገረኝ እኔ እሰማሃለሁ። የራሴን እንዳልመርጥ አንተ ምርጫዬን ምረጥልኝ እሳት እና ፍትፍቱን ለመለየት አይኖቼ አልተከፈቱም ፤ አንተ የሕይወት ምንጭ ነህ የሕይወትም ቃል አለህ ጌታ ሆይ ብቻ ሃሳብህን ንገረኝ ፍቃድህን ልወቅ ተናገረኝ እኔም እሰማለሁ። መፍትሄ ፤ መንገድ ፤ መድረሻ ፤ እረፍት ፤ እፎይታ አለህ አንተ የእኔ ንጉስ ተናገረኝ እሰማሃለሁ። ተናገረኝ ተናገረኝ ..
  ተራራውን ዘልሎ ቃልህ ደጄን ይምታ
ዛሬስ ጠምተኸኛል አልችልም ዝምታ።

(ዘማሪ ሃዋዝ)

✝እግዚአብሔርን የሚወድ እና በእግዚአብሔር የሚወደድ #መንፈሳዊ_ሰው ሁልጊዜ ደስተኛ ነው ። በምንም ሁኔታ ይሁን በምንም እግዚአብሔር በእርግጠኝነት እንደሚሰራለት ይሰማዋል በእርሱም ስራ ይደሰታል ። በእርግጥም እግዚአብሔር ሥራውን ባናየውም  እንኳ ይሠራል ። ሥራውን ከተወሰነ ጊዜ በኋላ ልናየው እንችላለን በዚህም እንደሰታለን ። ይህን ደስታችንም ማንም አይወስድብንም ። ነገር ግን የእግዚአብሔር ልጆች የሚደሰቱት በስጦታዎቹ ብቻ ሳይሆን በራሱ በጌታም ነው ።

( አቡነ ሺኖዳ ሣልሳዊ)
🙏

"Say to every weak person, 'There is a Divine Power that can support you'; say to every sinner, 'God is ready to save you.' Tell him, 'God is able to help you, for His Holy Spirit works with you and His grace stands at your door, and His angels encamp around you to deliver you, and the spirits of the saints intercede for you.' Be messengers of hope and messengers of peace, and give joy to all"

+ Pope Shenouda +

(ከኤፌሶን ወንዝ ከዲያቆን ሄኖክ መጽሐፍ)
#በራስህ ክፉ ነገር አታድርግ

ወዳጄ ሆይ ሰውነትህ በአምላክ ደም የተገዛ ክቡር ሰውነት ነው። አካልህ "አንተ" እንጂ "ያንተ" አይደለም። "በዋጋ ተገዝታችኋልና ለራሳችሁ አይደላችሁም፤ ስለዚህ በሥጋችሁ እግዚአብሔርን አክብሩ" ይላል። ስለዚህ በከበረ የእግዚአብሔር ልጅ ደም የተገዛ ሰውነትህን ለሰይጣን በርካሽ አትሽጠው:: አትግደል የሚለው ሕግ ራስህንም ይጨምራል::

ቤተ መቅደስ የሆነ ሰውነትህን ለማፍረስ አታስብ። "ማንም የእግዚአብሔርን ቤተ መቅደስ ቢያፈርስ እግዚአብሔር እርሱን ያፈርሰዋል፤ የእግዚአብሔር ቤተ መቅደስ ቅዱስ ነውና፥ ያውም እናንተ ናችሁ" ፩ኛ ቆሮ. ፫፥፲፯ ሰዎች አስቀይመውህ ይሆን? "አሳያቸዋለሁ፤ ስሞት የእኔን ነገር ይገባቸዋል" ብለህ በሰዎች ተቀይመህ ራስህን አትጉዳ። እመነኝ ብትሞት ሰዎች ከሳምንት በላይ አያስታውሱህም። ለሕይወትህ ዋጋ ያልሠጡ ሰዎች ለሞትህ ዋጋ አይሠጡም። ፈጥነውም ይረሱሃል። ለሚረሱህ ሰዎች ብለህ የማይረሳህን አምላክ አታሳዝን። ሰው ስለ አንተ ግድ የለውም እግዚአብሔር ግን የራስህን ጸጉር ሳይቀር በቁጥር ያውቀዋል። እንኳንስ ራስህን ልትጎዳ አንዲት ጸጉር እንኳን ከአንተ እንድትወድቅ አይፈልግም። እግዚአብሔርን በኃጢአት ብታሳዝነው እንኳን ኖረህ ንስሓ እንድትገባ እንጂ እንድትሞት አይፈልግም። አባትህ ነውና ከእርሱ ጋር ባትሆንም እንድትኖር ይፈልጋል።

በምሳሌ ልንገርህ፦ ሁለት ሴቶች አንድን ሕፃን "የኔ ልጄ ነው" ብለው እየተከራከሩ ጠቢቡ ሰሎሞን ፊት ቀረቡ። ጠቢቡ ሰሎሞን ሰይፍ አመጣና "ልጁን ቆርጬ ለሁለት ላካፍላችሁ" አላቸው። አንደኛዋ ሴት "እሺ እንካፈል" ስትል እውነተኛዋ እናት ግን "ልጄ ከሚሞት እርስዋ ትውሰደው" አለች። እናት መሆንዋም በዚህ ታወቀ። (፩ኛ ቆሮ. ፫፥፩፮-፳፰)

ወዳጄ ያንተም ኑሮህ ከእግዚአብሔር ጋር ላይሆን ይችላል። ዓለም የራስዋ አድርጋህም ይሆናል። በሱስ ውስጥ ትዘፍቀህ፣ እንደ ሶምሶን በደሊላ እቅፍጀ፣ እንደ ዴማስ በተሰሎንቄ ውበት ተማርከህ ይሆናል። እግዚአብሔር ግን አባትህ ነውና ሞትህን አይፈልግም። "ልጄ ከሚሞት እርስዋ ትውሰደው" እንዳለችው እናት ፈጣሪህ ከነኃጢአትህም ቢሆን እንድትሞት አይፈልግም። ከእርሱ ጋር ባትኖርም መኖርህን ይፈልጋል። "የሟቹን ሞት አልፈቅድምና፥ ይላል ጌታ እግዚአብሔር፤ ስለዚህ ተመለሱና በሕይወት ኑሩ" ሕዝ. ፲፰፥፴፪

የይሁዳ ኃጢአቱ ጌታውን መሸጡ አልነበረም። ራሱን መግደሉ ነው። እግዚአብሔር የሚያዝነው ከበደልህ በላይ በእርሱ ተስፋ ቆርጠህ ራስህን ስትጎዳ ነው።

ወዳጄ የአንተን መኖር የሚፈልጉ ብዙ ናቸው። ፈጣሪ ወደዚህች ዓለም ያለ ምክንያት አላመጣህም። በአንተ አለመኖርም የሚጎድል ነገር አለ። አንተን የሚመስል ሌላ ሰው አልፈጠረምና ለዚህ ዓለም አንተን የሚተካ የለም፣ በክብር ወደዚህ ዓለም ያመጣህ አምላክ በክብር ወደራሱ እስኪወስድህ ድረስ "በራስህ ላይ ክፉ ነገር አታድርግ"

"የወኅኒውም ጠባቂ ከእንቅልፉ ነቅቶ የወኅኒው ደጆች ተከፍተው ባየ ጊዜ፥ እስረኞቹ ያመለጡ መስሎት ራሱን ይገድል ዘንድ አስቦ ሰይፉን መዘዘ። ጳውሎስ ግን በታላቅ ድምፅ፦ ሁላችን ከዚህ አለንና በራስህ ክፉ ነገር አታድርግ፡ ብሎ ጮኸ" ሐዋ. ፲፮፥፳፯-፳፰ ይህ ሰው እስረኛ ያመለጠ መስሎት ራሱን ሊያጠፋ ሲል ጳውሎስ "ሁላችን ከዚህ አለንና በራስህ ክፉ ነገር አታድርግ" አለው።

ወዳጄ አንተስ ተስፋ የቆረጥኸው ምን ያመለጠ መስሎህ ነው? የትምህርት ዕድል ያመለጠህ መስሎህ ነው? ገና ሺህ የትምህርት ዕድሎች አሉህ። ዕድሜህ ያመለጠህ መስሎህ ነው? ነገ የሚጠብቁህ ብሩሕ ዘመናት እኮ ቁጭ ብለው አሉ? የሚረዳኝ ሰው የሚያስብልኝ ሰው አጥቼያለሁ? ብለህ ከሆነም ካልሰሙህ ጥቂቶች በላይ ልንሰማህ የምንሻ "ሁላችን ከዚህ አለንና በራስህ ክፉ ነገር አታድርግ"

መከራ ጸናብኝ ኑሮ ጨለመብኝ የሀገሪቱ ሁኔታ ተስፋ አሳጣኝ ብለህ ይሆን? እኛስ አብረንህ አይደልንም? አብረን ከገባንበት ችግር አብረን ብንወጣ አይሻልም? ከአንተ በባሰ ሁኔታ የታሰርንና የተገረፍን ጳውሎሶችና ሲላሶች "ሁላችን በዚህ አለንና በራስህ ክፉ አታድርግ" ስንልህ ስማን። ይልቅ አንተም እንደ ወኅኒው ጠባቂ "እድን ዘንድ ምን ላድርግ ብለህ?" ነፍስህን የምታድንበትን መንገድ ወደ መቅደሱ ቀርበህ ጠይቅ።

ወዳጄ ይህንን ጽሑፍ ያነበብኸውም በሕይወት ስላለህ ነው። የአንተን ዓይን የሚጠብቁ ብዙ ጽሑፎች፣ የአንተን ጆሮ የሚፈልጉ ብዙ ድምፆች፣ የአንተን መሐረብ የሚፈልጉ ብዙ ዕንባዎች፣ የአንተን ሳቅ የሚፈልጉ ብዙ ቀልዶች ... ገና ብዙ ብዙ አሉ። ስለዚህ ሰይጣንን አሳፍረው። እንዲህ በለው "ጠላቴ ሆይ፥ ብወድቅ እነሣለሁና፥ በጨለማም ብቀመጥ እግዚአብሔር ብርሃን ይሆንልኛልና በእኔ ላይ ደስ አይበልህ" ሚክ. ፯፥፰

(ዲያቆን ሄኖክ ኃይሌ - የኤፌሶን ወንዝ ገጽ 9-14)

✝️ ከመላእክት ጋር አንድ የሆነችው ቤተ ክርስቲያን መላእክት በሥቃዩ ጊዜ ለጌታ ያቀረቡለትን ይህንን ምስጋና ከልጆችዋ ጋር እያዜመችው ትሰግዳለች።

" ✝️ለከ ኃይል ክብር ወስብሐት ወእዘዝ እስከ ለዓለም

✝️አማኑኤል አምላኪየ ለከ ኃይል ክብር ወስብሐት ወእዘዝ እስከ ለዓለም ፤

✝️ኦ እግዚየ ኢየሱስ ክርስቶስ ለከ ኃይል ክብር ወስብሐት ወእዘዝ እስከ ለዓለም "

"👉ለአንተ ኃይል ክብር ምስጋናና እዘዝ ለዘለዓለም ይገባል
👉አማኑኤል አምላኬ ክብር ምስጋናና እዘዝ ለዘለዓለም ይገባል ፤
👉ጌታዬ ኢየሱስ ክርስቶስ ሆይ ለአንተ ኃይል ክብር ምስጋናና እዘዝ ለዘለዓለም ይገባል "
...
አማኑኤል ሆይ የእጆችህ መዘርጋት
ፍቅርህ ሸፈነው ይህን ሁሉ ፍጥረት
አንተ ሞተህ ነው የቆምነው በህይወት
ይኸው ልባችን ነግሰህ ኑርበት 🙏🙏🙏
...አሜን!❤️

“እርሱ መድኃኒት የሚያዝ ሐኪም ሳይሆን ራሱ #መድኃኒት ነው።”
.
"በኋላውም ቀርባ የልብሱን ጫፍ ዳሰሰች፥ የደምዋም ፈሳሽ በዚያን ጊዜ ቆመ" ሉቃ. ፰፥፵፬
ከዐሥራ ሁለት ዓመትም ጀምሮ ደም የሚፈሳት ሴት ነበረች፥ ትዳርዋንም ሁሉ ለባለመድኃኒቶች ከስራ ማንም ሊፈውሳት አልተቻለውም። ደምዋ ፈስሶ አያልቅም ወይ? ዓሥራ ሁለት ዓመት ሙሉ? እንዴት ያለ ሕመም ነው? ሰው በክፉ ሽታዋ እስኪርቃት ድረስ የማይቆም ደም። ባለ መድኃኒቶች ሊያቆሙት ያልቻሉትን የደም ጎርፍ የናዝሬቱ ባለ መድኃኒት በቀሚሱ ብቻ አቆመው። በልብሱ ጫፍ ብቻ። ሳያያት ሳይነካት እጁን ሳይጭንባት በልብሱ ጫፍ ብቻ የደምዋን ዝናብ እንዲያባራ አደረገው። የሕመምዋን ማዕበል ገሠጸው።

በልብሱ ጫፍ ብቻ የሚፈውስ ሐኪም እንዴት ያለ ነው? ቀጠሮ ሳይሠጥህ ሳያናግርህ ቀና ብሎ ሳያይህ ስትነካው ብቻ የምትድንበት ከሆነ እርሱ መድኃኒት የሚያዝ ሐኪም ሳይሆን ራሱ መድኃኒት ነው። የልብሱን ጫፍ የነካ ከዳነ ሥጋውን የበሉ ደሙን የጠጡማ ምንኛ ይድኑ ይሆን? ሊፈውሳት አስቦ አልነበረም የዓሥራ ሁለት ዓመት ሴት ልጅ ከሞት ሊያስነሣ መንገድ ሲሔድ ግን እግረ መንገዱን የዓሥራ ሁለት ዓመት የቁም ሙትዋን ፈወሳት። መድኃኔዓለም እንዲህ ነው። ወደ በሽተኛው ሳይሔድ በቃሉ ብቻ ተናግሮ ይፈውሳል፤ በሽተኛው ቤት ገብቶ በአልጋው ላይ ይፈውሳል። ሊፈውስ ሲሔድም ይፈውሳል። እናም የሴቲቱ አልቆም ያለ ደም በልብሱ ጫፍ ብቻ ቀጥ አለ።

ጌታዬ ሆይ የእኔንስ ደም የምታቆመው መቼ ነው? ምን ደም ፈስሶህ ያውቃል ካልከኝ ኃጢአት የሚባል ደም ሲፈሰኝ አይታይህም? አንተስ በቃልህ "ኃጢአታችሁ እንደ ደም ብትቀላ እንደ ባዘቶ ትጠራለች" ብለህ የለ? እንደ ደም የቀላው የእኔ ኃጢአት ነው። ይኸው ሲፈስ ከሴቲቱ በላይ ቆየ። ላቆመው ብል አልቆም አለኝ። ያላሰርኩበት ጨርቅ፣ ያልሞከርኩት ቅባት፣ ያልሔድኩበት ባለ መድኃኒት የለም። ገንዘቤን ከሰርኩ እንጂ ኃጢአቴ ግን መቆም አልቻለም። እንዲያውም መጠኑ እየጨመረ ነው። ባሕር ሆኖ ሊያስጥመኝ የደረሰ የኃጢአት ደም ከብቦኛል።

ለእኔ የሚሆን የቀሚስ ጫፍ ታጣ ይሆን? እኔ እንደ ሴቲቱ ታላቅ እምነት የለኝም ቀሚስህ ግን አሁንም ኃይል አለው። ልትፈውሰኝ ና አልልህም ስታልፍ ግን ልዳስስህና ልዳን። ጉዞህን ሳላሰናክል ሰው ሳይሰማ በልብስህ ጫፍ ብቻ ደሜን አቁምልኝ። የእኔን ደሜን መግታት ላንተ ምንህ ነው? ደምህንስ አፍስሰህልኝ የለ? እባክህን ደሜ ሳይቆም ሌላ ዓመት አልሻገር። እኔ ኃጢአቴን "ያለፈው ዘመን ይበቃል" ማለት ቢያቅተኝም አንተ ግን ይበቃሃል በልልኝ። በእምነት ማጣት የታጠፈውን እጄን ወደ ልብስህ ጫፍ ዘርጋልኝ። እኔ ማቆም ያልቻልኩትን የበደል ደም ጸጥ አድርገህ "አንድ ሰው ዳስሶኛል ኃይል ከእኔ ወጥቶአል" በል። እነጴጥሮስም ይደነቁ እኔም በሰላም ልሒድ።
(ዲያቆን ሄኖክ ኃይሌ - የኤፌሶን ወንዝ ገጽ 168-170)

ስለ እኔ ዋጋ ከፍለህልኝ
በመስቀል ሞቴን ሞተህልኝ
ወጣሁኝ ከዚያ ከጨለማ
ኢየሱስ ምህረትህ ቀድማ


ኢሳይያስ 53
¯¯¯¯¯¯¯¯¯¯
¹ የሰማነውን ነገር ማን አምኖአል? የእግዚአብሔርስ ክንድ ለማን ተገልጦአል?
² በፊቱ እንደ ቡቃያ ከደረቅም መሬት እንደ ሥር አድጎአል፤ መልክና ውበት የለውም፥ ባየነውም ጊዜ እንወድደው ዘንድ ደም ግባት የለውም።
³ የተናቀ ከሰውም የተጠላ፥ የሕማም ሰው ደዌንም የሚያውቅ ነው፤ ሰውም ፊቱን እንደሚሰውርበት የተናቀ ነው፥ እኛም አላከበርነውም።
⁴ በእውነት ደዌያችንን ተቀበለ ሕመማችንንም ተሸክሞአል፤ እኛ ግን እንደ ተመታ በእግዚአብሔርም እንደ ተቀሠፈ እንደ ተቸገረም ቈጠርነው።
⁵ እርሱ ግን ስለ መተላለፋችን ቈሰለ፥ ስለ በደላችንም ደቀቀ፤ የደኅንነታችንም ተግሣጽ በእርሱ ላይ ነበረ፥ በእርሱም ቍስል እኛ ተፈወስን።
⁶ እኛ ሁላችን እንደ በጎች ተቅበዝብዘን ጠፋን፤ ከእኛ እያንዳንዱ ወደ ገዛ መንገዱ አዘነበለ፤ እግዚአብሔርም የሁላችንን በደል በእርሱ ላይ አኖረ።
⁷ ተጨነቀ ተሣቀየም አፉንም አልከፈተም፤ ለመታረድ እንደሚነዳ ጠቦት፥ በሸላቶቹም ፊት ዝም እንደሚል በግ፥ እንዲሁ አፉን አልከፈተም።
⁸ በማስጨነቅና በፍርድ ተወሰደ፤ ስለ ሕዝቤ ኃጢአት ተመትቶ ከሕያዋን ምድር እንደ ተወገደ ከትውልዱ ማን አስተዋለ?
⁹ ከክፉዎችም ጋር መቃብሩን አደረጉ፥ ከባለጠጎችም ጋር በሞቱ፤ ሆኖም ግፍን አላደረገም ነበር፥ በአፉም ተንኮል አልተገኘበትም ነበር።

"... በክርስትና ቃል የተገባልን ነገር በዚህ አለም መከራ ነው። ጭራሽ 'የሚያዝኑ ብፁዓን ናቸው' ነው የተባልነው። ፈርመን የገባነው ለዚህ መከራ ነው። ወደ ክርስትና ስንመጣ ደስታን፣ የስኬት ሕይወትን፣ መከራ እና ስቃይ የሌለበትን ሕይወት ትመራላችሁ ብሎ የጠራችሁ ሁሉ መጥፎ ጠሪ ብቻ አይደለም መጥፎ ወዳጅም ነው።

“በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ።” (ዮሐ ፲፮፥፴፫)። ይሄን ያለን ጌታችን ነው።

አይዞአችሁ ነው ያለን ማለትም:-
+ጥቂት ጀግንነት እንጂ እውቀት አይደለም ይሄን መከራ የሚያሳልፋችሁ እያለን።

+አይዞችሁ ነው ያለን ማለትም ብዙ ፍቅር ነው ይሄን ጊዜ የሚያስታግሳችሁ እንጂ ሙሁራዊነት አይደለም እያለን ነው።

+አይዞአችሁ ነው ያለን ማለትም ይሄን ስቃይ ማለፍ የሚቻለው በመሰቃየት ብቻ ነው እያለን ነው።

አይዞን ክርስቲያኖች። በመጨረሻ እንጽናናለን።,,,"

(@Mulualem's View):-

"Many will not accept surrendering to God unless their own human ways have failed"

+ Pope Shenouda +

"ምስጋና የሚሠዋ ያከብረኛል..."

መዝሙር ፥50

14: ለእግዚአብሔር የምስጋናን መሥዋዕት ሠዋ፥
ለልዑልም ስእለትህን ስጥ፤

15: በመከራ ቀን ጥራኝ፥
አድንህማለሁ፡ አንተም ታከብረኛለህ።

16: ኃጢአተኛውን ግን እግዚአብሔር አለው፦
ለምን አንተ ሕጌን ትናገራለህ?
ኪዳኔንም በአፍህ ለምን ትወስዳለህ?

17: አንተስ ተግሣጼን ጠላህ፥
ቃሎቼንም ወደ ኋላህ ጣልህ።

18: ሌባውን ባየህ ጊዜ ከእርሱ ጋር ትሮጥ ነበር፡
እድል ፈንታህንም ከአመንዝሮች ጋር አደረግህ።

19: አፍህ ክፋትን አበዛ፥
አንደበትህም ሽንገላን ተበተበ።
20: ተቀምጠህ ወንድምህን አማኸው፥
ለእናትህም ልጅ ዕንቅፋት አኖርህ።

21: ይህን አድርገህ ዝም አልሁህ፤
እኔ እንደ አንተ እሆን ዘንድ ጠረጠርህ፤
እዘልፍሃለሁ በፊትህም እቆማለሁ።

22: እግዚአብሔርን የምትረሱ እናንተ፥ ይህን አስተውሉ፤ አለዚያ ግን ይነጥቃል የሚያድንም የለም።

23: ምስጋና የሚሠዋ ያከብረኛል፤
የእግዚአብሔርን ማዳን ለእርሱ የማሳይበት መንገድ ከዚያ አለ።

#ትህትናን_መማር...

1. በሁሉ ማመስገን:- "የምስጋና ሕይወት ትህትና የሚበቅልበት ለም አፈር ነው።"

2. የመታዘዝ ሕይወት:- መታዘዝ የሚፈልጉትን ማድረግ አይደለም የማንፈልገውንና የማንወደውን ማድረግ እንጂ:: ራስን መስጠት እንለማመድ።

3. ሰዎችን እናክብር ፥ ለእውቀታቸው እና ለስብዕናቸው እውቅና እንስጥ፤
ሰዎችን በመተቸት እና በማዋረድ የእኛን ክብር በድብቅ ከፍ ከማድረግ እንቆጠብ።

4. ለሰዎች ምክር እና ሀሳብ ከመስጠት እንቆጠብ፦

በሁሉም ጉዳይ ዘሎ የመምከር እና ሰውን የማቃናት ፍላጎታችንን እንግታ። ከዛ ይልቅ አጠገባችን ባለው እና በሚያወራን ሰው ላይ እናተኩር። በተለይ ሰዎች ችግራቸውን ሲነግሩን የኛ ሀሳብ ልዩ ስለሆነ አድርገን አናስብ። መደመጥ ፈልገው እንደሆነና፣ ብንችል በጸሎታችን እንድናስባቸው ይሁን እንጂ ለመምከር አንፍጠን።

+ጌታ በነገር ሁሉ ትሁት መሆንን ይስጠን!
አሜን !

#ትሕትና፤

+ ትሕትና የጸጋ በር ነው፣
+ ትሕትና የክብር ዙፋን ነው፣
+ ትህትና የከፍታ መቅድም ነው፣ #ትህትና የዓለማት ጌታን ወደእኛ የሚያቀርብ ሠረገላ ነው፤

ስለዚህ እንዲህ እያልን እንጸልይ “ጌታ ሆይ ምንም ቢወስድ ፥ ምንም ቢፈጅ ትሑት አድርገኝ።”

የዘላለም ፍርድ (ከ Mulualem’s view page የተወሰደ)

“እግዚአብሔር አይዘበትበትም፣ ሰው ሁሉ የዘራውን ያንኑ ያጭዳል”። (ገላ 6፥8)

እግዚአብሔር በባህሪው ንጹሁ ነው። ውሸት ከእርሱ ጋር ፈጽሞ ሕብረት የለውም። ለቃሉም ታማኝ ነው። አዳምን ያን ፍሬ ከበላክ ትሞታለህ ብሎታል፤ በዚህም አልራራለትም። ሞትን ለዘላለም አስጎነጨው እንጂ። የእጁ ሥራ ቢሆን እንኳ፤ እርሱ ለቃሉ ታማኝ ስለነበረ፣ ከገነት አባረረው። ወደ ሞት ዓለም ጣለው። ሊምረው ሲያዝንለት እንኳ ቃሉን ሳይሽረው አደረገው። ምህረቱ ፍርዱን አላሸነፈውም። ፍርዱም ምህረቱን አላጠፋውም። የትኛውም ኃጢአት ያለቅጣት እንደማያልፍ ነገረን እንጂ።

በገሀነም የማይቀጣ ኃጢአት ካለ፣ ያ ኃጢአት በመስቀሉ በቀራንዮ ተቸንክሯል ማለት ነው። “የሞት ሞት ትሞታለህ ቃሌን የሻርክ ቀን” ላለው ቃሉ አንድያ ልጁን ኃጢአት አደረገው። (2ኛ ቆሮ 5፥21)። በዚህም በክርስቶስ ኢየሱስ የማይምኑት ሁሉ፣ ከልጁ ሞት ጋር አልተባበሩም እና የኃጢአት ደሞዝን ይቀበላሉ። በእርሱ ጭካኔ ግን አይደለም፣ በወላጆቻቸውም በደል አይደለም፣ በራሳቸው ኃጢአት እንጂ። እርሱማ አዳምን ለዘላለም ሞት ቢጥለው ያ ጭካኔው ሳይሆን ቃሉ እና ፍርዱ ነበር። አትብላ ብሎታል። በላ። ስለዚህ ሞተ። ማንም ባያድነን የሚከሰው የለም። ግዴታ የለበትም እና። ቃሉ እና ሕጉን ነው የፈጸመው። ነገር ግን እንዲሁ ወዶናልና፣ የእጆቹን ውብ ሥራ ለሞት ይተወው ዘንድ ፍቅሩ እና ክብሩ አልፈቀደሉትም። ቃሉን ይሽር ዘንድ ደግሞ እርሱ አይለዋወጥም። ስለዚህ ያን ሞት እርሱ ተሸከመ።
ቀንበሩ ከባድ የሆነን እቃ አጎንብሰን፣ ዝቅ ብለን ትከሻችን ላይ እንደምንጭነው፣ ከዛም ቀና ብለን፣ አሁን በትከሻችን ላይ ያለውን ያ መሬት ተቀምጦ የነበረውን ከራሳችን ጋር እንደምናነሳው፤ ጌታ በቃሉ ሸክም መሬት የወደቀውን ለማንሳት ዝቅ አለ፣ በትከሻው ላይ በአባቱ ፈቃድ አኖረው፣ ከራሱ ጋር ያን መሬት የወደቀውን ይዞት ተነሳ። እርሱ ወዳለበት ቦታም ወሰደው። ፍርዱን ሳይሽር ፍቅር መሆኑን ገለጠልን። ራሱን ከወደቅነው በታች አድርጎ፣ በፍቅር ትከሻው ይዞን ተነሣ። በዚህም ፍቅሩ ካለ ፍርዱ ሙሉ እንደማይሆን በኛ በሰዎች የዕለት ሕይወት ውስጥ የተገለጠውን እውነት የበለጠ አሳየን።

ሙሉውን ጽሁፍ ለማግኘት https://www.mulualemblogs.com/post/%E1%8B%A8%E1%8B%98%E1%88%8B%E1%88%88%E1%88%9D-%E1%8D%8D%E1%88%AD%E1%8B%B5

ወንድሞች ሆይ እንመክራችኋለን:-
+ያለስርዓት የሚሄዱትን ገስጿቸው፥
+ድፍረት የሌላቸውን አፅኗቸው፥
+ለደካሞች ትጉላቸው፥
+ሰውን ሁሉ ታገሱ፥
+ማንም ለሌላው በክፉ ፈንታ ክፉ እንዳይመልስ ተጠንቀቁ፥ ነገር ግን እርስበርሳችሁ ለሁሉም መልካሙን ለማድረግ ትጉ፤
...
፨ሁልጊዜ ደስ ይበላችሁ፥
፨ሳታቋርጡ ፀልዩ፥
፨በሁሉ አመስግኑ፥
ይህ የእግዚአብሔር ፈቃድ በክርስቶስ የኢየሱስ ወደ እናንተ ነውና!🙏

፨መንፈስን አታጥፉ፥
፨ትንቢትን አትናቁ፥
፨ሁሉን ፈትኑ፥
፨መልካሙንም ያዙ፥
፨ከማናቸውም አይነት ክፉ ነገር ራቁ፥
🙏የሰላምም አምላክ ራሱ ሁለንተናችሁን ይቀድስ!🙏

፨መንፈሳችሁም፥ ነፍሳችሁም፥ ስጋችሁም ጌታችን ኢየሱስ ክርስቶስ በመጣ ጊዜ ያለ ነቀፍ ፈፅመው ይጠበቁ!
፨የሚጠራችሁ የታመነ ነው፤ እርሱም ደግሞ ያደርገዋል🙏

፨ወንድሞች ሆይ ስለኛ ፀልዩ
፨ከወንድሞች ሁሉ ጋር በተቀደሰ አሳሳም ሰላምታ ተሰጣጡ

👉ይህ መልዕክትም ለቅዱሳን ወንድሞች ሁሉ እንዲነበብ በጌታ አምላችኋለሁ

፨የጌታችን የኢየሱስ ክርስቶስ ፀጋ ከንናንተ ጋር ይሁን! 🙏አሜን!🙏
...
(የቅዱስ ጳውሎስ መልእክት ወደ ተሰሎንቄ)

"ጌታችን ኢየሱስ ክርስቶስ በፍጹም ፍቅር ይወደናል!"

ከ"Mulualem’s View"

“ፍጹም ፍቅር ፍርሃትን አውልቆ ይጥላል።” ለምን የምንታበይ (pride) ይመስላችኋል? ጄሪ ሩት “ትልቁ ኃጢአት ትዕቢት ሳይሆን የእግዚአብሔርን ፍቅር አለማስተዋል (reject ማድረግ) ነው” ይላል። ይሄ ማለት ትዕቢት ታላቅ ኃጢአት አይደለም እያለ አይደለም። ይልቁስ እያለ ያለው “ለምንድነው ሰው የሚታበየው?” የሚለውን ነው። ማለትም ለምንድነው ራሳችንን የምንኮፍሰው፣ ከሆነው በላይ ሆነን ለሰው መታየት የምንፈልገው? መልሱ ስለምንፈራ ነው።

እንፈራለን ሰዎች ሁሉ ነገራችንን ቢያውቁ አይወዱንም ብለን። ሰዎች የልባችንን እና በውስጣችን ያለውን፣ የሆነውን ነገር ቢያውቁ ያገሉናል ብለን፣ አያከብሩንም ብለን እንፈራለን። ስለዚህ እንታበያለን። ይሄ ደግሞ የሆነው በሕይወታችን ፍጹም ያፈቀረን ሰው ስለሌለ ነው። ቤተሰባችን ውስጥ ጎበዙ ልጅ የበለጠ ሲፈቀር አይተናል። ይሄ ለሰነፉም ለጎበዙም የሚያስተላልፈው መልዕክት አለ። ለጎበዙ ፥ “ጎበዝ ሆነ ያልቀጠልክ እንደሆነ ፍቅራችን ይቀንሳል” የሚል መልክዕት ሲሆን ፥ ለሰነፉ ደግሞ “ሰነፍ ስለሆንክ እንደጎበዙ ልጅ አንወድህም” እያልነው ነው። ይሄ በማንኛውም ቤተሰብ ውስጥ ያለ ነው። በይስሃቅ ቤት ውስጥ ነበር፤ ኤሳውን አባት ፥ ያዕቆብን እናት አብልጠው ወደዋል። በያዕቆብ ቤት ውስጥ ነበር፤ ዮሴፍን አብልጦ ወዷል። እሴ የዳዊት አባት ፥ ዳዊት ልጁ መሆኑን እስኪረሳ ድረስ ፥ ነቢዮ ሳሙኤል እግዚአብሔር እንደሰው ደም ግባትን እንደማያይ በመንገር፤ ሌላ ልጅ እንዳለው እስኪያስታውሰው ድረስ በአባቱ የተረሳ እና የማይረባ የተባለ ነበር።  ዳዊት ሰሎሞንን የበለጠ ወዷል። እንዲህ እያለ ይቀጥላል።

እኛም በልጆቻችን መካከል በመልክ ወይም በዕውቀት ወይም በስኬት መለኪያ ወይም ለኛ ባላቸው ታዛዥነት መሰረት አድልዖ እናደርጋለን። እኛም በዛ አድልዖ ነው ያደግነው’ና። ስለዚህ ከእነ እንከናችን መወደድን እናውቅም። ስለዚህ በሰው ፊት ሁልጊዜ እንታበያለን ምክንያቱም እውነተኛ ማንነታችንን ቢያውቁ አይወዱንም ብለን ስለምናስብ። ምንአልባትም ልክ ነን። ነገር ግን ይሄ ማንነታችን የእግዚአብሔርን ፍቅር እንዳናስተውል አሳውሮናል። ማሳወር ብቻ ሳይሆን የክርስቶስን ፍቅር ትተን በዚህ ዓለም ከሚገኝ ቁስ ነፍሳችንን ለማርካት እንጥራለን። ለውሸት እና ለተለያዩ ኃጢአቶች በዚህ ምክንያት እንጋለጣለን። 

ስለምንፈራ ባልንጀሮቻችንን በፍጹም ፍቅር አንወዳቸውም። ወንድሙን መውደድ ያልቻለ ሰው ደግሞ የማያየውን እግዚአብሔርን ወዳለው ማለት ውሸት ነው። ስለዚህ ይሄ ውሸት ትዕቢትን ይወልዳል። ትዕቢት ደግሞ ውርደትን እና መለያየትን (ከእግዚአብሔርም ከሰውም) ታስከትላለች።

የፊዚክስ እና የሒሳብ ሊቁ ባዚል ፓስካል እንዳለ ባለን ሕይወት እና በራሳችን አንረካም፤ ስለዚህ በሰው አዕምሮ ውስጥ ሀሳብ ወለድ (imaginary) የሆነ ሕይወትን  መኖር እንሻለን። በዚህም ምክንያት መብለጥ፣ ማንጸባረቅ እንፈልጋለን። ይሄን ሀሳብ ወለድ (imaginary) ማንነት ለመጠበቅ እንደክማለን በዚህም እውነተኛ ማንነታችንን እናሶግዳለን። ርጋታ፣ ደግነት፣ እውነተኝነት ባህሪያችን ከሆነ ያን ማንነታችንን ለሰው ለማሳወቅ እና ከሀሳብ ወለዱ ማንነታችን ጋር ለማጣበቅ እንተጋለን። እነዚህን መልካም ባህሪያችንን ከራሳችን ለይተን ከሀሳብ ወለዱ ማንነታችንን ጋር እናጣብቀዋለን። ጀግና ለመባል ፈሪዎች መሆንን እንመርጣለን። የከንቱ ማንነታችን መገለጫው አንዱ በአንዱ ብቻ መርካት አለመቻላችን ነው። ስለዚህም እውነተኛ ማንነታንችንን ስለሌላው እንክደዋለን። ለክብራችን ለመሞት እንወዳለን።

ሁላችን በዚህ ዓለም ላይ ከቤተሰቦቻችን ጀምሮ በብዙ ሰው ቆስለናል። እኛም እንደቆሰልነው አቁሰለናል። ችግሩ ግን ይሄ ቁስል ፍርሃትን መውለዱ፣ ያ ፍርሃት ደግሞ ድጋሚ ላለመቁሰል ትዕቢትን ጋሻ እና ዋልታ ማድረጉ ነው። ትዕቢት በሰው አዕምሮ ውስጥ ከሆነው ውጪ የተሻለ ሆኖ የመቆጠር ፍላጎት ነው፤ በዚህም ያጣነውን እውነተኛ የሰዎችን ፍቅር እና አክብሮት የማግኘት የመሻት ውጤት ነው። ይሄ ትዕቢት ግን ሀሳብ ወለድ (imaginary) ስለሆነ በውስጣችን ያለውን ወናነት (vacuum) አይሞላውም። ይልቁስ በራሳችን የበለጠ እንድናፍር ያደርገናል።

ልክ ያልሆኑትን ለመሆን ተመኝተው እንደወደቁት እና በመጨረሻም እርስ በእርስ ሳይቀር እንደተፋፈሩት አዳም እና ሔዋን። ለዚህ ነው ይሄን እውነተኛ ፍቅር ሊሰጠን ወደሚችል፣ ሳንገልጥለት ማንነታችንን ከኛ የተሻለ ወደሚያውቅ፤ ለመወደድ መታበይ እና ሀሳብ ወለድ ማንነት መፍጠር ወደሌለብን ወደ አምላካችን መቅረብ ያለብን።

አንድ ነገር ግን እናውቃለን። ይሄም:- #ጌታችን_ኢየሱስ_ክርስቶስ_በፍጹም_ፍቅር እንደሚወደን ነው። ይሄ ፍቅር ፍጹም ነው። ያለምንም ቅደመ ሁኔታ ነው የሚወደን። እስቲ አስቡት እግዚአብሔር ያለምንም ቅድመ ሁኔታ እንደሚወዳችሁ! ምን ማለት ነው ይሄ ለእናንተ? #ክርስቶስ_በእውነት_እጅግ_ይወደናል! እስቲ ጊዜ ሰጥታችሁ አስቡት “ይሄ ምን ማለት እንደሆነ”።

ሐዋርያው ቅዱስ ዮሐንስ በመጀመሪያ መልዕክቱ ምዕራፍ አራት እንዲህ ይላል “ፍቅርም እንደዚህ ነው፤ እግዚአብሔር እርሱ ራሱ እንደ ወደደን ስለ ኃጢአታችንም ማስተስሪያ ይሆን ዘንድ ልጁን እንደ ላከ እንጂ እኛ እግዚአብሔርን እንደ ወደድነው አይደለም።  ወዳጆች ሆይ፥ እግዚአብሔር እንዲህ አድርጎ ከወደደን እኛ ደግሞ እርስ በርሳችን ልንዋደድ ይገባናል።”
...
#ክብርና_ምስጋና በፍጹም ፍቅር ለወደደን ኀጢያታችንንም በክቡር ደሙ ላጠበው ለአምላካችንና ለአባታችን, ለመድኀኒታችን #ለኢየሱስ_ክርስቶስ_ይሁን! 🙏ለዘለአለሙ #አሜን!

አቡነ ሽኖዳ ሳልሳዊ Pope Shenouda III pinned «Life is hard the sitiuation is hard but it dosen't matter what is happenning Leave every thing in THE LORD's Capable hands and TRUSR him... The Lord may not change the situation that you are in, but He will definately change you to overcome the sutuation.»

Life is hard the sitiuation is hard but it dosen't matter what is happenning Leave every thing in THE LORD's Capable hands and TRUSR him...

The Lord may not change the situation that you are in, but He will definately change you to overcome the sutuation.

✝ጣፋጭ  የሕይወት ቃል✝
    🎋🥀🍀🥀🍀🥀🍀🥀🎋

መዝሙር 23
¯¯¯¯¯¯¯¯¯¯
¹ እግዚአብሔር እረኛዬ ነው፥ የሚያሳጣኝም የለም።
² በለመለመ መስክ ያሳድረኛል፤ በዕረፍት ውኃ ዘንድ ይመራኛል።
³ ነፍሴን መለሳት፥ ስለ ስሙም በጽድቅ መንገድ መራኝ።
⁴ በሞት ጥላ መካከል እንኳ ብሄድ አንተ ከእኔ ጋር ነህና ክፉን አልፈራም፤ በትርህና ምርኵዝህ እነርሱ ያጸናኑኛል።
⁵ በፊቴ ገበታን አዘጋጀህልኝ፤ በጠላቶቼ ፊት ለፊት ራሴን በዘይት ቀባህ፥ ጽዋዬም የተረፈ ነው።
⁶ ቸርነትህና ምሕረትህ በሕይወቴ ዘመን ሁሉ ይከተሉኛል፥ በእግዚአብሔርም ቤት ለዘላለም እኖራለሁ።

#ጌታን_በልብህ_ውደደው!

ጌታ ክርስቶስን በእጁ ያቀፈው ሰው በግድ ካልሆነ በቀር ወዶ ላንዱ አይሰጠውም ነበር በክንዱ ያቀፈው ሰው ሁሌም መዓዛው ከልብሱ ተዋህዳ ትኖራለች ልብሱ ተቆራርጦ እስኪወድቅ ድረስ ፤ በፍቅር ይዞት የሚተወው አልነበረም ፡ እንዲሁ ሁሉ ጌታን ክርስቶስን በህሊናችሁ ከማፍቀር ፡ መዕዛውን ከማሽተት አትስነፉ፡፡

የህፃኑን ቃል ሰምቶ ልቡ እንደእሳት ያልተቃጠለ ማነው? እሱን ባገኘበት ቦታ ሁሉ ነገሩን ሰምቶ ደስ ያላለው አይቶትም በፍቅሩ ያልተቃጠለ ማነው? እሽኮኮ ብለህ ወደግብፅ ይዘኸው የሄድክ ዮሴፍ ሆይ ንዑድ ክቡር ነህ ፡ የሚሽከሙትን የሚሽከም ጌታን መሽከም ከባድ አይደለምና፤ ጌታ ክርስቶስን አይቶ ደስ ያላለው የልቡናውን ሐዘን ያልዘነጋ ማነው? ከእሱ ጋር መገናኘት ሐዘንን ያዘነጋል መልኩንም ማየት መከራን ያርቃል ቃሉንም መስማት ሃጢአትን ከልብ ነቃቅሎ ያጠፋል፡፡

የዮሴፍ ልጅ ያእቆብ በጌታ ፍቅር ይቃጠል ነበር በትከሻው እሽኮኮ ብሎ ካንዱ ወዳንዱ ቦታ ይወስደው ነበር መልኩን አይቶ ይጠግበው ዘንድ ዮሴፍም ወደሚጠርብበት ቦታ ይዞት ይሄድ ነበር ከእርሱ ተለይቶ መቆየት አይቻለውምና ያዩት ሰወች ሁሉ በመልኩ ደስ ይላቸው ነበር ተዓምራትን የሚያደርግ ልጅነትን የሚሰጥ ያለዘር የተፀነሰ በፍፁም ድንግልና የተወለደ ወልድን ያደንቁት ነበር፡፡ ሐዘንን አርቆ ደስ የሚያሰኝ እሱን ባየነው እያሉ ይመኙት ነበር ፡ ልደቱ ድንቅ የሚሆን ጌታን ይወዱት ነበር እንዲህም አንተ ሳታቋርጥ ጌታን በልብህ ውደደው ፤ ደስ የሚያሰኝ ሕፃን ጌታ ያዩትን ሁሉ የሚያስደንቅ ሆነ ደስ የሚያሰኝ ሕፃን ጌታን አውቀው ወደዱት ሕፃናትም ባዩት ጊዜ በፍቅሩ እሳት ይቃጠሉ ነበር ጎልማሶችም ቀርበው ባዩት ጊዜ በእርሱ ደስታ ያድርባቸው ነበር ደናግልም እሱን አይተው ንፅህናን ያገኙ ነበር (አንድም የንፅህና ፅናት ይሆናቸው ነበር) ፡ ባልቴቶችም እሱን ባዩት ጊዜ እመቤታችንን ይህን የወለደች ማሕፀን እፁብ እያሉ ያመሰግኗት ነበር ህፃናት ወጣቶች ደናግላን ጎልማሶች ሁሉ የጌታን ፊቱን አይተው ደስ ይላቸው ነበር፡፡

ወደሱ መጥተው በውጭ ለቆሙ ሁሉ እሱን ማየት ስንቅ ደስታ ይሆንላቸው ነበር እንዲሁ አንተም እሱን በማሰብ ከዚህ አለም ሃጥያት መሽሻ ስንቅን ያዝ ተዓምራትን የሚያደርግ ልጅነትን የሚሰጥ ጌታ ክርስቶስ በሰው ሁሉ ዘንድ የሚደነቅ ሆነ እሱን አይቶ ልቡ እሱን ከማየት የሰለቸ ማነው? መዓዛውን ያሽተተ እሱን ለማያዝ ቸኩሎ ደረቱን ያልደቃ ማነው? እኔስ እንኳን እሱን የዮሴፍ የቤቱን ግድግዳ አደንቃለሁ በእግሩ የረገጣትንም መሬት አደንቃለሁ፡፡
ጌታን የሚወዱት እነዚያ ግን የአምላክን ሰው መሆን ሳያውቁ ያከብሩት ነበር ሳያውቁት ሳይረዱት ልእልናውን ይናገሩ ነበር አምላክነቱን ሳያውቁ ይመኩበት ነበር ሐዘንን የሚያርቅ እሱ እንደሆነ ሳያውቁት በልባቸው ይወዱት ነበር የእግዚአብሔር የባሕርይ ልጅ እንደሆነ ሳያውቁት በፍቅሩ እሳት ይቃጠሉ ነበር ሙታንን የሚያነሳ እሱ እንደሆነ ሳያውቁ ከእሱ ጋር በተገናኙ ጊዜ በሞቱባቸው ዘመዶቻቸው የሚያዝኑት ሐዘናቸውን ይዘነጉ ነበር ከእሱ የምትገኝ ሕይወትን የምታስገኝ መዓዛውን በአንድ ሆነው ያደንቁ ነበር ሐብት ምስጢር ከእሱ እንዲገኝ ሳያውቁ እሱን ለማየት ይሳሱ ነበር በሕፃናት ባሕርይ የተሰወረ አካላዊ ቃል እንደሆነ ሳያውቁ አንድ ሁነው መዓዛውን ያደንቁ ነበር ከሰማይ የመጣ ሙሽራ እሱ እንደሆነ ሳያውቁ በፍቅሩ ተጠልፈው በፍቅሩ ተስበው ዚህን አለም መከራውን የዚህን አለም ደስታውን ይዘነጉ ነበር አንተ ግን ወልድ ኢየሱስ ክርስቶስ እግዚአብሄር አካላዊ ቃል መድህን አለም እንደሆነ አውቀሃልና በሚበልጥ ፍቅር በተደሞ ጌታ ክርስቶስን ውደደው የዚህን አለም ደስታ የሚያስንቀውንም ጌታ ክርስቶስን እየወደድህ እያደነቅህ ይህንን አለም ግን ጥላው ናቀው፡፡

ከሄሮድስ የኮበለለ የሕፃን የክርስቶስ መልክ በግብፃውያን ዘንድ ተወደደ የግብፅ ቆነጃጅት በየጊዜው ይሰበሰቡ ነበር እሱንም በማየት ደስ ይላቸው ነበር ያለዘር የተፀነሰ በድንግልና የተወለደ ብዙ ተአምራትን የሚያደርግ ጌታን ኑ እንየው እያሉ እርስ በርሳቸው ይነጋገሩ ነበር፤ እንዲሁም አንተ ከልቦናህ ጋር ጌታህን ክርስቶስ በፀሎት በተዘክሮ ታየው ዘንድ እለት እለት ተማከር
ያዩት ሁሉ ከበረከቱ ጠግበዋልና
ያዩት ሁሉ የውበትን መጨረሻ አይተዋልና
ያዩት ሁሉ ፍቅሩ በልባቸው ተነድፎ ቀርቶላቸዋልና
ያዩት ሁሉ ከዚች ሃላፊ ብርቅርቅ አለም መለየትን አግኝተዋልና...
አንተም፦ ጌታን ታየው ዘንድ ወደጌታ ሂድ በእግረ ንስሃ ወደ ልብህ መቅደስ ተመለስ፡፡

(#አረጋዊ_መንፈሳዊ)

#እግዚአብሔር_እግዚአብሔር_ነው!

እግዚአብሔር ሩቅ ነው በጥበቡ አይታይምና፤
እግዚአብሔር ቅርብ ነው አጠገባችን(በውስጣችን) ይኖራልና፤
እግዚአብሔር ትልቅ ነው ሥፍራ አይበቃውምና፤
እግዚአብሔር ረቂቅ ነው አይጨበጥምና፤
እግዚአብሔር ግዙፍ ነው በዓለሙ ሁሉ ሞልቷልና፤
እግዚአብሔር ጥልቅ ነው በዋና አይገኝምና፤
እግዚአብሔር ፋሲካ ነው ለሁሉ ታርዷልና፤
እግዚአብሔር ዓመት በዓል ነው፣ ለሁሉ ደስታ ነው
እግዚአብሔር መኮንን ነው ቶሎ ይፈርዳልና፤
እግዚአብሔር እንግዳ ነው ቶሎ ወሬ ይሰማልና፤
እግዚአብሔር ትሑት ነው ሰውን አይንቅምና፤
እግዚአብሔር መሀሪ ነው ቶሎ ይቅር ይላልና ሩኅሩኅ ነውና፤
እግዚአብሔር ሐኪም ነው፣ ሁሉን በጥበብ አድርጓልና
እግዚአብሔር ምስጉን ነው ፀሐይን ጨረቃን ፈጥሯልና
እግዚአብሔር ክቡር ነው ሰማይና ምድር የርሱ ናቸውና
እግዚአብሔር ባለጸጋ ነው ለሁሉ ይመግባልና፤
እግዚአብሔር ብሩህ ነው ጨለማ የለበትምና፤
እግዚአብሔር ኃያል ነው የሚቋቋመው የለምና፤
እግዚአብሔር እሳት ነው እጅግ ያስፈራልና፤
እግዚአብሔር መካር ነው መጻሕፍትን ሰጥቶናልና፤
እግዚአብሔር አባት ነው አሳድጎናልና፤
እግዚአብሔር ወንድም ነው ሰው ሆኗልና፤
እግዚአብሔር ወዳጅ ነው የሆዱን ነግሮናልና፤
እግዚአብሔር አገር ነው እንኖርበታለንና፤
እግዚአብሔር ማርና ስኳር ነው ይጣፍጣልና፤
እግዚአብሔር ገናን ነው የሚያህለው የለምና፤
እግዚአብሔር ጨው ነው ሁሉን ያጣፍጣልና፤
እግዚአብሔር ክረምት ነው ሁሉን ያበቅላልና፤
እግዚአብሔር አይጠረጠርም፣ ሁሉን ያውቃልና፤
እግዚአብሔር አይዘነጋም በሁሉ ድካም የለበትምና፤
እግዚአብሔር አይሰጋም የሚሽረው የለምና፤
እግዚአብሔር የሰው ሎሌ ነው በክረምት ለማብቀል፣ በበጋ ለማብሰል የተዘጋጀ ነውና፤
እግዚአብሔር እንግዳ አይደለም ከጥንት የነበረ ነውና፤

ጌታ ሆይ አንተን የሚገልፅ ቃል አላገኘንም። አንተ ግን አንተ ነህና አንተ ራስህን ባወቅኽበት መጠን ተመስገን!  ለዘለአለሙ አሜን።

ምስጋና ይሁን አንድ አምላክ ለሆነው ለአብ ለወልድ ለመንፈስ ቅዱስ፤ ጥንትም አሁንም ኋላም ለሚኖር አሜን።

(አደባባይ ፣ አለቃ ዘነብ “መጽሐፈ ጨዋታ ሥጋዊ ወመንፈሳዊ”)

https://t.me/shenouda27

"ሁሉም ስላጠፉ የእኔም ጥፋት ችላ ሊባል ይገባል ወይም እኔ ብቻ ሳልሆን ሁሉም ነው የሳቱት" የሚለው እና ለራስ የመማር ዕድልን መንፈግ ፍጹም የሆነ ስንፍና ነው። ይሄ ነገ ተመሳሳይ ጥፋት ለማጥፋት የሚሰጥ ማረጋገጫ ነው። እንዲህ የሚል ሰው ነገ በተመሳሳይ ወይም በባሰ ጥፋት ላይ ታገኙታላችሁ።

ይሄ ልጆች ያላቹ ወላጆች ዘወትር የሚገጥማችሁ የስንፍና መልስ እኮ ነው። "ስልክ አይቻልም፣ አይሰጣችሁም!" ስትሏቸው ለልጆቻችሁ ፥ ስልክ ጎበዝ ተማሪ ለመሆን እንዴት አስፈላጊ እና ጠቃሚ እንደሆነ አይደለም የሚያብራሩላችሁ። ይልቁንስ የሚሏቹ አንድ ነገር ነው። "ሁሉም ተማሪዎች ትምህርት ቤት ውስጥ ስልክ አላቸው፤ ሁሉም ናቸው እንደዛ የሚያደርጉት ስለዚህ እኔም እንደ ሁሉም ልሁን።" ይሄን የልጆች መልስ ነው ዛሬ አዋቂ ስንሆን የምንመልሰው።

በሕይወት መንጋነትን ከሰዎች ልታስቀሩ አትችሉም። ማስቀረት የምትችሉት እናንተ መንጋ አለመሆንን ብቻ ነው። ሕዝብ አለመሆንን ግን ማስቀረት እንችላለን። ልጆቻችንም ገና ልጅ እያሉ መማር ያለባቸው ብቻቸውን የመቆም ብቃትን ነው። ሁሉም ስለተሳሳቱ የኛን ጥፋት፤ ለጥፋቱም የምንቀበለውን ቅጣት ዝቅ አያደርገውም።

ተፈጥሮ ለዚህ ዓይነት የጅልነት ምክንያት ቦታ የላትም። ሁሉም ርቃኑን ነው ብሎ ዝናብ ከመዝነብ አያቆምም። ማንም መጠለያ የለውም ብሎ የተፈጥሮ ዑደት አይታጎልም። ስለዚህ ይሄ ሰበብ እራሳችንን ለማጽናናት የስነልቦና ጥገና ብቻ ነው የሚያደርገው። መማር የሚፈልግ ሰው ደግሞ ከእንደዚህ ዓይነት የስነልቦና ሕክምና ራሱን ያርቃል። መማርን የሚወድ ሰው ርቃኑን የመቆም ድፍረት አለው። "ጠቢብን ተቸው ይወድሃል" እንዳለው ጠቢበኛው ሰሎሞን "ሰነፍን ደግሞ ተቸው ይጠላሃል" ነው መልሱ።

ለመማር እና ለመለወጥ የሚፈልግ ሰው ከብዙ ሰዎች ጋርም ይሁን ብቻውን ጥፋት ካጠፋ ኋላፊነት ከመውሰድ ፈጽሞ አይቆጠብም። ከጥፋቱ ለመማር እንጂ የሚቸኩለው ፥ ስለሚሰማው ስሜት አይደለም። በጓደኝነትም ሆነ በማንኛውም አጋርነት ውስጥ ፈጽሞ ማራቅ ያለብን (ዕድሉ ካለን እና ከቻልን) ስለምንሰጣቸው ትችት ከጥፋታቸው በላይ እንድንጨነቅ የሚያደርጉን ሰዎችን ነው። እነዚህ ለለውጥ እና ለዕድገት ጸር ናቸው። ቁስላቸው ከመዳኑ በላይ የሚጨነቁት ፥ ቁስሉን እንድናሻሽላቸው ነው።

ስንናገር በነጻነት እንድንናገር የማይፈቅዱልን እና ያን safety (ደኅንነት) የማይሰጡን ሰዎች ሕይወታችንን በመጨረሻ ሲዖል ያደርጓታል። በሕይወት (በተለይ ግብ ላለው ተልዕኮ) ከፍትፍቱ በላይ ስለፊቱ መጨነቅ የለብንም። እርሱ የቢዝነስ ደንበኛ ለማያዝ እንጂ ለሕይወት አጋር አይሆንም።

(Mulualem's view)

#እግዚአብሔርን ማክበር...
.
✝መንግሥቱን በምድር ላይ በማስፋፋት #እግዚአብሔርን እናከብራለን !!

#መድኃኒታችን_ኢየሱስ_ክርስቶስ ለአባቱ ለእግዚአብሔር አብ ሲናገር "እኔ  ላደርገው የሰጠኸኝን ሥራ ፈጽሜ በምድር አከበርሁህ ... ከዓለም ለሰጠኽኝ ሰዎች  ስምህን ገለጥሁላቸው ። የአንተ ነበሩ ለእኔም ሰጠሃቸው ..የሰጠኸኝን ቃል ሰጥቻቸዋለሁና ...ከእነርሱ ጋር በዓለም ሳለሁ የሰጠኽኝን በስምህ እኔ እጠብቃቸው ነበር ጠበቅኀቸውም  .. መጽሐፍም እንዲፈጸም ከጥፋት ልጅ በቀር ከእነርሱ ማንም አልጠፋም ... እኔንም የወደድህባት ፍቅር ከእነርሱ እንድትሆን እኔም በእነርሱ ፤ ስምህን አስታወቅሗቸው አስታውቅማቸዋለሁ ። "  ዮሐ ፲፯ *፬ ፤ ፮፤፰  ብሏል ።

እኛስ ልክ እንደዚህ ልንል እንችላለን ? #ለእግዚአብሔር የምንመሰክረው በአንደበታችን ብቻ ነው ወይስ በሕይወታችንም ጭምር ? መንግሥቱን በምድር ላይ እያሰፋን ነው ? የእርሱን ስም ለማክበር ምክንያቶች ሆነናል ?

#እግዚአብሔርን ለማክበር ቀድሞ መገኝት ቀናው አመለካከትና ድርጊት ነው ይህን ለማድረግ የማንበቃ ከሆንን ግን ቢያንስ ቢያንስ እርሱን በማክበር ውስጥ ተካፋዮች ከመሆን መራቅ የለብንም

#እግዚአብሔርን ከማማረርና ስሙን በከንቱ ከማንሳት ልንርቅ ይገባናል ። አለመታዘዝና መተላለፍን ከእኛ ዘንድ ልናርቅ ይገባናል ።

#እግዚአብሔር በእኛ አድሮ ያደረጋቸውን ነገሮች እኛ እንዳደረግናቸው አድርገን እንድንቆጥር የሚያደርገንን ትዕቢትም ከእኛ ማስወገድ አለብን ።

#የእግዚአብሔር ቅዱስ መቅደስ የተባለው ሰውነታችንን እንዳናረክስም መጠንቀቅ አለብን ። ከዚህ በተጨማሪ ሰዎች በእኛ ሰበብ #የእግዚአብሔርን ስም እንዳይሰድቡና መከራ እንዳይገጥማቸው ከፍተኛ ጥንቃቄ ማድረግ ከእኛ ይጠበቃል ።

(አቡነ ሺኖዳ ሳልሳዊ)

እግዚአብሔር መሓሪና ምሕረቱም የበዛ እንደሆነ ሁሉ ፍርዱም እውነትና ፍጹም መሆኑን፣ በደልን ይቅር የሚል፣ ኃጢአትንም የማይወድ መሆኑን ማወቅ ይገባል፡፡ ከእግዚአብሔር ቸርነትና ምሕረት አንጻር ፍርዱንና ቅጣቱንም አስቦና ተረድቶ ወደ ንስሓ መመለስ ያስፈልጋል፡፡ ቸርነቱን በመተማመን ጭከናውን መርሳት፣ ምሕረቱንም ተስፋ በማድረግ ፍርዱንም ደግሞ መዘንጋት አይገባም፡፡ ‹‹እንግዲህ የእግዚአብሔርን ቸርነትና ጭከና ተመልከት፤ጭከናውም በውድቀቱ ላይ ነው፤ በቸርነቱ ግን ጸንተህ ብትኖር የእግዚአብሔር ቸርነት በአንተ ላይ ነው፤ ያለዚያ አንተ ደግሞ ትቆረጣለህ›› (ሮሜ. ፲፩፥፳፪)

እግዚአብሔር እውነተኛ ፈራጅ ነው፤ ፍርዱም በትክክል ነው፤ ንስሓ ገብተን ከፊቱ ብንቆም የእግዚአብሔርን ቸርነት እናያለን፡፡ በግድ የለሽነት የምንኖር ንስሓ የማንገባ ሆነን በፊቱ ብንቆም ደግሞ በጭካኔውና በፈራጅነቱ እግዚአብሔርን እናየዋለን፡፡

(አቡነ ሽኖዳ ሳልሳዊ)

https://t.me/shenouda27

✝️እግዚአብሔር እንዲህ ይላል...


የእስራኤል ቤት ሆይ፥ ስለዚህ እንደ መንገዱ በየሰዉ ሁሉ እፈርድባችኋለሁ፥ ይላል ጌታ እግዚአብሔር፤ ንስሐ ግቡ ኃጢአትም ዕንቅፋት እንዳይሆንባችሁ ከኃጢአታችሁ ሁሉ ተመለሱ።

የበደላችሁትን በደል ሁሉ ከእናንተ ጣሉ አዲስ ልብና አዲስ መንፈስም ለእናንተ አድርጉ፤ የእስራኤል ቤት ሆይ፥ ስለ ምን ትሞታላችሁ?

የምዋቹን ሞት አልፈቅድምና፥ ይላል ጌታ እግዚአብሔር፤ ስለዚህ ተመለሱና በሕይወት ኑሩ።

(ሕዝቅኤል 18: 30-32)

ፊልጵስዩስ 4 (Philippians)
4፤ ሁልጊዜ በጌታ ደስ ይበላችሁ፤ ደግሜ እላለሁ፥ ደስ ይበላችሁ።
.
#እግዚአብሔርን የሚወድ እና በእግዚአብሔር የሚወደድ #መንፈሳዊ_ሰው ሁልጊዜ ደስተኛ ነው ። በምንም ሁኔታ ይሁን በምንም እግዚአብሔር በእርግጠኝነት እንደሚሰራለት ይሰማዋል በእርሱም ስራ ይደሰታል ። በእርግጥም እግዚአብሔር ሥራውን ባናየውም እንኳ ይሠራል ። ሥራውን ከተወሰነ ጊዜ በኋላ ልናየው እንችላለን በዚህም እንደሰታለን ። ይህን ደስታችንም ማንም አይወስድብንም ። ነገር ግን የእግዚአብሔር ልጆች የሚደሰቱት በስጦታዎቹ ብቻ ሳይሆን በራሱ በጌታም ነው ።
(አቡነ ሺኖዳ ሣልሳዊ)

https://t.me/shenouda27

"ፍቅር ምንድነው የሚመስለው?

እጆች አሉት ሌሎችን የሚረዱ። እግሮች አሉት ወደ ድኆች እና ችግረኞች የሚሮጡ። ዓይኖች አሉት ስቃይን የሚያዩ ፥ የተጠሙትን የሚመለከቱ። ጆሮች አሉት የሰዎችን መቃሰት እና ሲቃ የሚሰሙ። ያ ነው የፍቅር መልክ።"

( ቅዱስ አውግስጢኖስ)