زاری کرمانجی

شاندێکی عێراقی گەیشتنە هەرێمی کوردستان

بۆ بەشداریكردن لە كۆڕبەندی ئاشتی و ئاسایشی ڕۆژهەڵاتی ناوەڕاست لە دهۆك، شاندێكی باڵای عێراق گەیشتنە هەولێر و لەلایەن وەزیری ناوخۆی حكوومەتی هەرێمی كوردستانەوە پێشوازیان لێ كرا و بۆ دهۆك بەڕێ كران.
ئەمشەو پێنجشەممە 21ی 11ی 2024، پارێزگای هەولێر بڵاوی كردەوە، كە "ڕێبەر ئەحمەد، وەزیری ناوخۆ و ئامانج ڕەحیم، سکرتێری ئەنجوومەنی وەزیران و د. عەبدولحەکیم خەسرۆ، سەرۆکی فەرمانگەی هەماهەنگی و بەدواداچوونی حکوومەتی هەرێم و ئومێد خۆشناو، پارێزگاری هەولێر، لە فڕۆکەخانەی نێودەوڵەتیی هەولێر، پێشوازیان لەشاندێکى باڵاى عێراق كرد."
ئاماژەی بەوەش داوە، كە شاندەكەی عێراق پێکهاتبوون "لە حەیدەر عەبادی، سەرۆکی هاوپەیمانیی نەسر و قاسم ئەعرەجی، ڕاوێژکاری ئاسایشی نیشتمانیی عێراق و ژمارەیەکی دیکە لە سیاسەتمەدار و پەرلەمانتاران و ڕاوێژکارانی حکوومەتی عێراقی، کە بڕیار وایە سبەى هەیینى لە شاری دهۆک بەشداربن لە پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست (مێپس2024) لە زانکۆی ئەمەریکی – کوردستان.

سەرۆکی حکومەتی هەرێم پەیامێکی بڵاوکردەوە

ئێوارەی ئەمڕۆ پێنجشەممە 21ی 11ی 2024، مەسرور بارزانی سەرۆکی حکوومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە ئازاد گەرماڤی کرد بۆ کۆچی دوایی دایکی.
سەرۆکی حکوومەت پرسە و سەرەخۆشی و هاوخەمی خۆی پێگەیاند و هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵەکەیان ببەخشێت.
ئازاد گەرماڤی، بە ناوی بنەماڵەکەیەوە، سوپاس و پێزانینی بۆ پەیوەندیی و هاوخەمی سەرۆکی حکوومەتی هەرێمی کوردستان دەربڕی.

شیفا موسی لە شەهیدانی محمل قیڕ بزر بووە لە سەعات چواری ئێوارەوە تەمەنی ۱۲ ساڵە تا ئێستا هیچ سۆراخی نیە تیشێرتێکی ڕەش و کابۆیەکی ڕەشی لەبەرە
ژمارەی خانەوادەی
٠۷٥٠۷٥۷٤٦۷۷

بڕیاری دەستگیرکردن بۆ نەتەنیاهۆ دەرچوو

دادگای نێودەوڵەتیی لاهای بڕیاری گرتنی  بۆ هەر یەک لە بنیامین نەتەنیاهۆ سەرۆک وەزیرانی ئیسرائیل، یواڤ گالانت وەزیری بەرگری ئیسرائیل و محەمەد دیاب میسری ناسراو بە زەیف، فەرماندەی کوژراوی حەماس دەرکرد.
بڕیارەکەی ئەمڕۆکە لە لایەن کەریم خان داواکاری باڵای دادگای نێودەوڵەتیی لاهای دەرچووە و سوپای ئیسرائیلی بە ئەنجامدانی تاوانی جەنگی و تاوان دژی مرۆڤایەتی لە جەنگی غەزە تۆمەتبار کردووە. هاوکات گرووپی توندڕەوی حەماسی بە تۆمەتی هیرشکردنە سەر هاووڵاتییانی ئیسرائیل تۆمەتبار کردووە.
حەماس لە لایەن یەکیتی ئەوروپا و ئەمەریکا بە گرووپێکی تیرۆریستی ناودەبرێت. کەریم خان بەهاری ئەمساڵ داوای لە تیمی دادوەریی دادگاکە کردبوو لەبارەی حوکمی گرتنی بەرپرسانی باڵای ئیسرائیل و ‌حەماس رەزامەندی بفەرموون.
کەریم خان دەیویست حوکمی گرتن بۆ ئیسماعیل هەنییە و یە‌حیا سینواریش دەربکات بەڵام هەر دووکیان کوژراون. ئیسرائیل دەڵێت زەیفیش کوژراوە بەڵام حەماس رەتی کردووەتەوە.
نەتەنیاهۆ پێشتریش دەرچوونی هەر جۆرە حوکمێک لە لایەن ئەو دادگایەی رەت کردووەتەوە و پێی وایە لەبەرانبەر تیرۆردا بەرگری لە خۆیان دەکەن.

ڕۆژی هەینی پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست (مێپس2024) لە زانكۆی ئەمەریكی – كوردستان لە شاری دهۆك؛ دەست پێ‌ دەكات و سێ‌ رۆژ بەردەوام دەبێت.
لەسەر ئاستی هەرێمی كوردستان، هەریەكە لە سەرۆك مەسعوود بارزانی، نێچیرڤان بارزانی سەرۆكی هەرێمی كوردستان؛ مەسروور بارزانی سەرۆكی حكوومەتی هەرێمی كوردستان؛ ڕێبەر ئەحمەد وەزیری ناوخۆ و چەندان بەرپرسی تری حكوومەتی و حزبی بەشداریی كۆڕبەندەكە دەكەن.
لە كۆربەندەكە نزیكەی 124 ئەكادیمیست لە 40 وڵاتی جیاوازە بەشداریی دەكەن كە 73%ـیان بۆ جاری یەكەم بەشدار دەبن، لە میانی كۆڕبەندەكەدا، ژمارەیەك پانێل و وۆركشۆپ لەبارەی دۆخی ئێستەی دنیا و ڕۆژهەڵاتی ناوەڕاست بەڕێوە دەچن.
كۆڕبەندی "مێپس"ـی ساڵی ڕابردوو 20-11-2023 بەڕێوە چوو و بۆ ماوەی سێ ڕۆژ بەردەوام بوو. لەو كۆڕبەندەدا مەسروور بارزانی سەرۆك وەزیرانی كوردستان، هەنار و هەنگوینی كوردستانی بە دیاری دایە بۆریس جۆنسن سەرۆك وەزیرانی پێشتری بەریتانیا.

پڕۆژەی خزمەتگوزاری دەگەیندرێتە گەڕِەكێكی سۆران

ئامادەکاری بۆ قیرتاوکردنی شەقامە ناوخۆییەکانی گەرەکی وەستا رەجەب
دەكرێت.
بەرپرسی راگەیاندنی ئیدارەی سەربەخۆی سۆران رایگەیاند " ئامادەكارییەكانی گەیاندنی چەندن پڕۆژەی خزمەتگوزاری بۆ گەڕەكی وەستا رەجەب بەرەو كۆتایین و ئێستا تێمەكان تایبەت لەوێن".

بەگوژمەی یەك ملیار دینار ڕێگای گوندەكانی بێشە و هەسنان قیڕتاو دەكرێن

زاری كرمانجی-سۆران

لەسەر بودجەی ئیدارەی سەربەخۆی سۆران دەستكراوە بە پڕۆژەی چاككردن و ئامادەكاری بۆ قیڕتاو كردنی ڕێگای گوندی بێشە و گوندی هەسنان.

پڕۆژەی چاككردن و قیڕتاو كردنی ئەم دوو ڕێگایە لەسەر بودجەی ئیدارەی سەربەخۆی سۆران جێبەجێ‌ دەكرێت لە ڕێگەی بەڵێندەرایەتی، قۆناغی یەكەم دەستكراوە بە فرەوانكردن و تێكەڵە ڕێژكردنی و دانانی پڕدی بچوك و ئاوەڕۆ قۆناغی دووەمیش دەست بە قیڕتاو كردنیان دەكرێت”.

بەپێی زانیارییەكانی زاری كرمانجی گوژمەی ڕێگای گوندی بێشە زیاتر لە 713 ملیۆن دینارە، هەروەها گوژمەی ڕێگای گوندی هەسنان زیاتر له‌ 268 ملیۆن دینارە.

فەهی بورهان، سەرۆكی دەستەی گشتی ناوچە كوردستانییەكانی دەرەوەی ئیدارەی هەرێمی كوردستان ڕاگەیاند،"لەبەر ئەوەی مادەی 140 جێبەجێ نەكراوە سەرژمێرییەكە ناتوانێت سەرژمێرییەكی تەندروست بێت، چونكە كورد ناتوانێت بەو مافە یاسایی و دەستورییەی كە هەیەتی لە شارەكاندا پێبگات."
گووتیشی،"ڕاستی ئەم سەرژمێرییەی كە حكومەتی عێراقی بانگەشەی گەشەپێدانی بۆ دەكات ئێمە گومانمان هەیە لە داهاتودا و لە پێنج بۆ 10 ساڵی داهاتودا بگۆڕێت بۆ مەرامێكی سیاسی، هەروەكو چۆن سەرژمێرییەكانی سەردەمی پاشایەتی یان لەسەردەمی كۆماری و دواتر لە سەردەمی كۆماریش لەسەردەمی حزبی بەعسدا بۆ مەرامی سیاسی و بچوككردنەوەی جوگرافیای كوردستان و گۆڕینی دیموگرافیای ناوچەكان بەكاریان هێنا."
سەرۆكی دەستەی گشتی ناوچە كوردستانییەكانی دەرەوەی ئیدارەی هەرێمی كوردستان گوووتیشی " لە سنووری پارێزگای كەركوك رۆژی سێشەممە 19ی 11ی 2024، لەكاتی گەڕانەوەی خەڵكی ڕەسەنی شاری كەركوك لە سنوورەكانی سلێمانی و هەولێر بۆ كەركوك ڕێگرییان لێكراوە، بەڵام دواتر چارەسەركراوە ، ئومێد دەكەین پرۆسەكە بەباشی بەڕێوەبچێت و سەرئەنجام سەرژمێرییەكە بۆ گەشەسەندن بەكاربهێنرێت نەك بۆ مەرامی سیاسی."

کەسایەتییەکی دیاری سنووری قەزای ڕواندز کۆچی دوایی کرد

زاری کرمانجی -ڕواندز:

کەمێک پێش ئێستا ( حاجی یەحیا بەرزێوەیی ) کەسایەتی دیاری دۆڵ مەنجەڵ و سنووری قەزای ڕواندز، بەهۆی نەخۆشییەوە کۆچی دوایی کرد .

دووا وادەی خۆتۆمار كردن بۆ سەرژمێری كردنی گشتی دیاری كرا

پشتیوان کەریم -زاری کرمانجی:

بەڕێوەبەری ئاماری ئیدارەی سۆران، بە زاری کرمانجی ڕاگریاند:" لە دووەم رۆژی سەرژمێری کردنی هاووڵاتییان پڕۆسەکە لە سنووری بەڕێوەبەرایەتی ئاماری سۆران بەردەوامی هەیە.

هەژار ستوونی، بەڕێوەبوری ئاماری سۆران، هێمای بۆ ئەوەشکرد:" لە ڕێگەی زاری كرمانجی داواكارین لە هاووڵاتییان هاوکاری تیمەکان بن و لە یەكەم رۆژی سەرژمێری و زیاتر لە 70-80 ٪ی پڕۆسەکە بەڕێکی وبێ گرفت بەرێوە چووە، هەروەها تا کاتژمێر 12ی ئەمشەو سیستەمەکە لە سەر پلاتفۆڕمەکانی بژمێرەکان کراوە دەبێت دواتر دادەخرێت .“

ویلایەتە یەکگرتووەکانی ئەمریکا لە کۆبوونەوەی ئەنجوومەنی ئاسایشی نەتەوە یەکگرتووەکاندا ڤیتۆی بۆ بڕیارنامەیەکی پێشنیارکراوی دامەزراندنی ئاگربەست لە کەرتی غەززە کرد.
ڕۆبێرت وود، نوێنەری ئەمریکا لە نەتەوە یەکگرتووەکان وتی: «ئێمە لە کاتی دانوستانەکاندا بە ڕوونی ڕامانگەیاند کە ناتوانین پشتگیری لە ئاگربەستێکی بێ مەرج بکەین کە گەرەنتی ئازادی بارمتەکانی نەکات.»
هەروەها دانی دانۆن، نوێنەری ئیسرائیل لە نەتەوە یەکگرتووەکان، ئەم بڕیارنامە پێشنیارکراوەی بە "بێ ڕێزی" لە بنەماڵەی 101 بارمتەی ئیسرائیلی کە لە کەرتی غەززە ڕاگیراون وەسف کرد.ئەو بڕیارنامانەی کە ڕۆژی چوارشەممە لە ئەنجومەنی ئاسایش تاوتوێ کران، لە لایەن وڵاتانی دوورگەکە، ئیکوادۆر، ژاپۆن، ماڵتا، مۆزەمبیق، گویانا، کۆماری کۆریا، سیرالیۆن، سلۆڤینیا و سویسرا پێشکەش کران.

بە وێنە ... شەپۆلێكی بەفربارین زۆرێك لە ناوچەكانی باكووری كوردستانی گرتووەتەوە.

پێشمەرگەیەک گیانی لەدەستدا

ئێوارەى ئەمڕۆ لە قەزای خەبات پێشمەرگەیەک بەناوى ( رابەر نازم ) لە کاتی پاککردنەوەی چەکەکەى بەهەڵە فیشەکێکى لە دەست دەرچوو، بەهۆیەوە گیانى لەدەستدا.

لە دەڤەری برادۆست گەنجێک بە سەختی بریندار بوو

زاری کرمانجی - سیدەکان:

کەمێک بەر لە ئێستا، لە دەشتی هێرتی سەر بەقەزای سیدەکان، گەنجێک بەهۆی ڕووداوی هاتووچۆ زامدار دەبێت و ڕەوانەی سۆران کرا .

کاوان فەیسەل بەرپرسی بنکەی تەندروستی سیدەکان، بەزاری کرمانجی راگەیاند:" ئەمڕۆ چوارشەممە، گەنجێک بەناوی " ش، و، ج " تەمەن 26 ساڵان لە گوندی گۆڕابوزا بەهۆی وەرگەڕانی ماتۆڕسکیلەکەی بریندار دەبێت و دەگەیندرێتە بنکەی تەندروستیمان و رێوشوێنی پێویستی بۆ ئەنجامدرا .

بەرپرسی بنکەی تەندروستی سیدەکان، ئاشکرای دەکات:" گەنجەکە برینی زۆری بەجەستەیەوە دیاربوو، دوای تیمارکردن و چارەسەری سەرەتایی ڕەوانەی فریاکەوتنی سۆرانمان کرد .

ئەمساڵ لە سنووری قەزای سیدەکانی سەر بە ئیدارەی سۆران، چەند حاڵەتێکی گیان لەدەستدان و بریندار بوون بەهۆی ڕووداوی ئۆتۆمبێل و ماتۆڕسکیلەوە لە سنوورەکە تۆمار کراون .

لە شاری مەریوانی ڕۆژهەڵاتی کوردستان دوو هاوڵاتی خەڵکی هەرێمی کوردستان بە ڕووداوی هاتووچۆ گیانیان لەدەستدا.

بەپێی هەواڵی میدیاکانی ڕۆژهەڵاتی کوردستان، درەنگانی شەوی رابردوو لەسەر رێگەی سەرەکی (باشماخ - مەریوان) ڕووداوێکی سەختی هاتووچۆ لە جۆری پێکدادان لە نێوان دوو ئۆتۆمبێلی تایبەتدا ڕوویداوە.

ئاماژە بەوەشدەکەن، لە ئەنجامی ڕووداوەکە دوو هاوڵاتی گیانیان لەدەستداوە و دوو هاوڵاتی دیکەش برینداربوون.

بەپێی زانیارییەکان، ئەو دوو کەسەی گیانیان لەدەستداوە خەڵکی هەرێمی کوردستانن و بە مەبەستی گەشتکردن سەردانی رۆژهەڵاتی کوردستانیان کردووە و لە ئێستادا تەرمەکانیان لە پزیشکی دادی مەریوانە.

بەپێی راگەیەندراوێكی كە دوای كۆبوونەوەی ئەنجوومەنی وەزیرانی عێراق راگەیەندرا، ئاماژە بەوە كراوە "بەشێكی كۆبوونەوەكە تایبەت بووە بە پرسی پێشهات و ڕووداوە سەربازی و ئەمنییەكانی ڕۆژهەڵاتی ناوەڕاست".
وەك لە راگەیەندراوەكە ئاماژەی بۆ كراوە، سودانی رایگەیاندووە "ئیسرائیل ئامانجی فراوانكردنی شەڕە لە ناوچەكەدا."
باس لەوەشكراوە، پەیامەكەی "قەوارەی زایۆنی" كە ئاراستەی ئەنجوومەنی ئاسایشی نێودەوڵەتی كردووە، پاساو هێنانەوەیە بۆ دەستدرێژیكردنە سەر عێراق و هەوڵەكانی بۆ فراوانكردنی بازنەی شەڕ لە ناوچەكەدا.
لە كۆبوونەوەكەدا، سوودانی جەختی كردۆ‌تەوە كە بڕیاری شەڕ و ئاشتی لە عێراق بە دەست دەوڵەتەوەیە و وتوویەتی" ڕێگە بە هیچ لایەنێك نادرێت ئەو مافە بە خۆی بدات. هاوكات سەرلەنوێ ڕەتی كردەوە عێراق بخزێنرێتە ناو شەڕ".
لە كۆبوونەوەكەدا، سوودانی داوای كۆبوونەوەیەكی بەپەلەی ئەنجوومەنی وەزارەتی بۆ ئاسایشی نیشتمانی كردووە بۆ تاوتوێكردن و بەدواداچوونی پێشهاتەكان و دووپاتكردنەوەی هەڵوێستی عێراق.

.https://www.facebook.com/share/p/14NWitfBwT/

شاخەوان حوسێن بەڕێوەبەری ناحیەی سمیلان بەزاری كرمانجی ڕاگەیاند “ دەستکرا بە ڕاکێشانی تۆڕی کارەبای نیشتیمانی بۆ گوندی پیرۆمەر -مەزرا، لە ناحیەی سمیلان، بە شێوەی ڕاستەوخۆ بەگوژمەی ١٥٠ ملیۆن دینار لەسەر بودجەی ئیدارەی سەربەخۆی سۆران”.

گووتیشی ” ڕەزامەندی بەشی دووەمی درێژکردنەوەی ئەم تۆڕی کارەبایە بۆ بەری ئارونیان و بورەکەو سارکە و بارەموس و خێسوە، لە قۆناغی دوەم دەبێت تا هەموان تێیدا سوودمەندبن.