Wishe press

عێراق كۆتایی بە قەدەغەی هاتوچۆ لە ناو پارێزگاكان دێنێت

.
.
هاوكات لەگەڵ بەڕێوەچوونی پرۆسەی سەرژمێریی گشیی دانیشتووانی لە عێراق و هەرێمی كوردستان و بۆ سەرخستنی پرۆسەكە، قەدەغەی هاتوچۆ لە ناوخۆی شارەكان و لە نێوان شار و پارێزگاكان هاتە سەپاندن، دوای تەواوبوونی ئەو دوو رۆژەی بۆ سەرژمێرییەكە دیاری كرابوون، عێراق كۆتایی بە قەدەغەی هاتوچۆی ناو پارێزگاكان هێنا.

عەمید میقداد میری، گوتەبێژ بە ناوی لیژنەی باڵای تەناهیی سەرژمێریی گشتیی دانیشتووان لە بەیاننامەیەكدا رای گەیاند كە بڕیار درا بە كۆتاهێنان بە قەدەغەی هاتوچۆی تایبەت بە پرۆسەی سەرژمێری تەنیا لە ناو پارێزگاكان لە سەعات 12ی ئەمشەوەوە، لەگەڵ هێشتنەوەی لە نێوان پارێزگاكان بۆ سبەی هەینی بۆ تەواوكردنی پرۆسەكە.

لای خۆیەوە عەبدولزەهرە هینداوی، گوتەبێژ بە ناوی وەزارەتی پلاندانانی عێراق دووپاتی كردەوە كە تیمەكانی سەرژمێری لە چەند سەعاتی داهاتوو سەردانی هەموو ئەو شوێنانە دەكەن كە تا ئێستە پێی نەگەیشتوون و سەرژمێری نەكراون.

https://wishe.net/details.aspx?=hewal&jmare=174810&Jor=1

سبەی بەنزین لەم شوێنانەی هەولێر دابەش دەکرێ..

دکتۆر عومەر مارف بەرزنجی نوسەر و رۆشنبیر: سوودانی مرۆڤێكی عاقڵە

وەزیری پلاندانانی حكوومەتی هەرێمی كوردستان، پەیامێكی بڵاو كردەوە و رای گەیاند، هەموو دانیشتوانی هەرێمی كوردستان دڵنیا دەكەینەوە كە تاوەكو تەواو كردنی تۆماری هەموو خێزانەكان پرۆسەی سەرژمێری بەردەوام دەبێ.

دارا رەشید وەزیری پلاندانانی حكوومەتی هەرێمی كوردستان لە پەیامەكەیدا دەڵێ‌، لە بەردەوامی پرۆسەی جێبەجێ كردنی سەرژمێری لە پارێزگاكان و ئیدارە سەربەخۆكانی هەرێمی كوردستان، لەماوەی پێنج رۆژی ڕابردوودا ڕێژەیەكی بەرزی كارەكان جێبەجێ كراوە، سەرەڕای هەبوونی ئاستەنگی تەكنیكی .

"لەم كاتەدا هاووڵاتییان پێوەندی زۆر دەكەن بە سەنتەی پێوەندیەكان لە ژووری عەملیاتی سەرژمێری و بەرێوبەرایەتیەكانی ئاماری پارێزگاكان تا دڵنیا ببنەوە كە سەردان دەكرێن" وەزیری پلاندانان وای نووسیوە.

هەروەها دەڵێ‌، لەبەر ئەوەی پێشتر راگەینرابوو كە پرۆسەكە ئەم قۆناغە بۆ دوو رۆژ بەردەوام دەبێ دواتر ناتوانین كەس تۆمار بكەین، بەڵام لێرەوە هەموو دانیشتوانی هەرێمی كوردستان دڵنیا دەكەینەوە كە تاوەكو تەواو كردنی تۆماری هەموو خێزانەكان پرۆسەكە بەردەوام دەبێ بۆیە داوا دەكەین لەسەرجەم ئەو خێزانانەی كە تائێستە خۆیان تۆمار نەكردوو لەماڵەكایان بمێنەوە، چونكە پرۆسەكە بەردەوام دەبێ تا دوا خێزان و دوا هاووڵاتیی تۆمار دەكرێ .

پرۆسەی سەرژمێری گشتیی لە عێراق و هەرێمی كوردستان ماوەی دوو رۆژە بەردەوامە، كورد چاوی لەسەر كەركووك و ناوچە دابڕێنراوەكانە تا تەواوی كوردان لەوێ‌ تۆمار بكرێن.

https://wishe.net/details.aspx?=hewal&jmare=174806&Jor=14

هەفتەی داهاتوو ئەنجامی سەرەتایی سەرژمێری دێتە راگەیاندن

دوێنێ چوارشەم و ئەمڕۆ پێنجشەم پرۆسەی سەرژمێریی گشتیی دانیشتووان لە عێراق و هەرێمی كوردستان بەڕێوە چوو، گوتەبێژی وەزارەتی پلاندانانی عێراق رای گەیاند كە وەزارەتەكەیان هەفتەی داهاتوو ئەنجامی سەرەتایی پرۆسەكە رادەگەیەنێت.

عەبدولزەهرە هینداوی، گوتەبێژی وەزارەتی پلاندانانی عێراق رای گەیاند، پرۆسەی سەرژمێریی گشتیی دانیشتووان لە سێ قۆناغ پێك هاتووە، قۆناغی ژمارەلێدان و گەمارۆسازی، كە لە سەرەتای مانگی ئەیلوولی رابردوو دەستی پێ كرد و لە 30ی تشرینی یەكەمی رابردوو كۆتایی هات، قۆناغی ژماردنی دانیشتووان و تۆماركردنی داتا سەرەكییەكانیان، كە دوێنێ چوارشەم دەستی پێ كرد و ئەمڕۆ پێنجشەم لەناو قەدەغەی هاتوچۆ بەردەوامە و كۆتایی دێت.

روونی كردەوە، سێیەم و دوایین قۆناغ كە دوای قۆناغی دووەم دەست پێ دەكات و تا 10ی كانوونی یەكەمی داهاتوو بەردەوام دەبێت، داتای تەواو و وردی دانیشتووانی وەردەگیرێت، كە پێوەستە بە لایەنەكانی كۆمەڵایەتی وئابووری ئەوان.

سەبارەت بە ئەنجامەكان، هینداوی دووپاتی كردەوە، هەفتەی داهاتوو ئەنجامە سەرەتاییەكان لە دوای كۆكردنەوەی داتاكان و لێوردبوونەوەیان دێتە راگەیاندن، لە رۆژانی یەكشەم یان دووشەمی داهاتوو، ئەوەش لە میانەی كۆنگرەیەكی فەرمیی رۆژنامەوانیدا، كە ژمارەی دانیشتووانی عێراق و ژمارەی دانیشتووانی هەر پارێزگایەك و ژمارەی نێر و مێ و تەمەنە جیاوازەكان دەگرێتەوە.

https://wishe.net/details.aspx?=hewal&jmare=174800&Jor=1

دەنگ بدەن بە پارێزگارێک …https://www.instagram.com/p/DCo5i9itNnw/?igsh=MWwxc2o4c2MxbzU5aQ==

له‌ پارتییه‌وه‌ بۆ لایه‌نه‌كان: ئاماده‌ بن

.
.

.
.

https://wishe.net/details.aspx?=hewal&jmare=174790&Jor=14

ئێوارەی ئەمڕۆ پێنجشەم، ئەحمەد داودئۆغڵۆ سیاسەتمەداری توركیا و سەرۆكی پارتی ئایندە گەیشتە هەولێر و لەلایەن بەپرسانی باڵاوە پێشوازی لێ‌ كرا.

ئەحمەد داودئۆغڵۆ لەلایەن رێبەر ئەحمەد وەزیری ناوخۆی حكوومەتی هەرێمی كوردستانەوە پێشوازی لێ‌ كرا. مەبەستی سەردانەكەی بەشداری كردنە لە كۆڕبەندی "مێپس" كە سبەی لە دهۆك بەڕێوە دەچێت.

سبەی هەینی، پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست (مێپس2024) لە زانكۆی ئەمەریكی – كوردستان لە شاری دهۆك دەست پێ دەكات و تا ڕۆژی یەكشەم، بەبەشداری نزیكەی 124 كەسایەتی سیاسی و ئەكادیمیست لە 40 وڵاتی جیاوازە بەردەوام دەبێت.

https://wishe.net/details.aspx?=hewal&jmare=174798&Jor=14

جگەر و گۆشت دەبرژێنێ و کەبابیشی هەیە…ئەو فرۆشیارە دەڵێ؛ گەشتیار نان نەبوو بیخوا هاتین بۆ ئیش

مەسروور بارزانی سەرۆك وەزیرانی كوردستان، سبەی هەینی 22ی تشرینی دووەم، بەشداریی كۆڕبەندی ئاشتی و ئاسایشی رۆژهەڵاتی ناوەڕاست "مێپس" لە زانكۆی ئەمەریكی- كوردستان لە دهۆك دەكات.

لەسەر ئاستی هەرێمی كوردستان، هەریەكە لە سەرۆك مەسعوود بارزانی، نێچیرڤان بارزانی سەرۆكی هەرێمی كوردستان و مەسروور بارزانی سەرۆكی حكوومەتی هەرێمی كوردستان و چەندان بەرپرسی تری حكوومەتی و حزبی بەشداریی كۆڕبەندەكە دەكەن.

كۆڕبەندەكە بە هاوبەشیی لەگەڵ زانكۆكانی هارڤارد، كامبرێج، ئەتلەنتیك كاونسڵ، ویڵتۆن پارك و كرایسیس ڕیسپۆنس كاونسڵ بەڕێوە دەچێت.

پێشتر راگەیەنرابوو كە نزیكەی 124 ئەكادیمیست لە 40 وڵاتی جیاوازە بەشداریی كۆڕبەندەكە دەكەن، 73%ـیان بۆ جاری یەكەم بەشدار دەبن و ژمارەیەك پانێل و وۆركشۆپ لەبارەی دۆخی ئێستەی دنیا و ڕۆژهەڵاتی ناوەڕاست بەڕێوە دەچن.

كۆڕبەندی "مێپس"ـی ساڵی ڕابردوو لە 20-11-2023 بەڕێوە چوو و بۆ ماوەی سێ ڕۆژ بەردەوام بوو.

https://wishe.net/details.aspx?=hewal&jmare=174793&Jor=14

هەژار بەو بژمێرە دەڵێ چۆنە جلی کوردیت لەبەرە، دەڵێ با کچەکە وەڵام بداتەوە و ئەویش دەڵێ، سەری کورد بەرز دەکەینەوە لە کەرکووک...

لە سەرژمێری تا نیوەڕۆی ئەمڕۆ 80%ـی كەركووكییەكان تۆمار كران

لە رووسیاوە تەلەفۆنێك بۆ محەمەد شیاع سوودانی هات، مەترسی چی هەیە..

.
.

https://www.wishe.net/details.aspx?=hewal&jmare=174786&Jor=1

ئێرە کوردستانە؛ وڵاتی چوار وەرز و پێکەوەژیانی هەموو نەتەوە و ئایینەکان.

دووەم رۆژی سەرژمێری لە هەولێر
.
.

https://www.facebook.com/share/p/1CTcPD1fFt/?mibextid=WC7FNe

سەرۆك بارزانی بەشداریی پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست (مێپس2024) دەكات.

ڕۆژی هەینی پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست (مێپس2024) لە زانكۆی ئەمەریكی – كوردستان لە شاری دهۆك؛ دەست پێ‌ دەكات و سێ‌ رۆژ بەردەوام دەبێت.

لەسەر ئاستی هەرێمی كوردستان، هەریەكە لە سەرۆك مەسعوود بارزانی، نێچیرڤان بارزانی سەرۆكی هەرێمی كوردستان؛ مەسروور بارزانی سەرۆكی حكوومەتی هەرێمی كوردستان؛ ڕێبەر ئەحمەد وەزیری ناوخۆ و چەندان بەرپرسی تری حكوومەتی و حزبی بەشداریی كۆڕبەندەكە دەكەن.

لە كۆربەندەكە نزیكەی 124 ئەكادیمیست لە 40 وڵاتی جیاوازە بەشداریی دەكەن كە 73%ـیان بۆ جاری یەكەم بەشدار دەبن، لە میانی كۆڕبەندەكەدا، ژمارەیەك پانێل و وۆركشۆپ لەبارەی دۆخی ئێستەی دنیا و ڕۆژهەڵاتی ناوەڕاست بەڕێوە دەچن.

كۆڕبەندی "مێپس"ـی ساڵی ڕابردوو 20-11-2023 بەڕێوە چوو و بۆ ماوەی سێ ڕۆژ بەردەوام بوو. لەو كۆڕبەندەدا مەسروور بارزانی سەرۆك وەزیرانی كوردستان، هەنار و هەنگوینی كوردستانی بە دیاری دایە بۆریس جۆنسن سەرۆك وەزیرانی پێشتری بەریتانیا.

https://www.wishe.net/details.aspx?=hewal&jmare=174783&Jor=14

خەڵاتی نێودەوڵەتیی ئاشتیی منداڵان بە کچێکی ئەفغانستان درا

نیلا ئیبراهیمی چالاکی بواری مافەکانی منداڵان بووە براوەی خەڵاتی نێودەوڵەتیی ئەمساڵی ئاشتیی منداڵانی دنیا، ئەو توانیویەتی بەرگری لە مافی منداڵانی ئەفغانستان بکات.

ئەو کچە بەهۆی ئەوخەباتەی بۆ بەدیهێنانی مافی منداڵان کردبووی خەڵاتەکەی پێ دراوە. ماڵپەڕی سی ئێن ئێن رۆڵی کچەکەی بە بوێرانە و قارەمانانە هەژمار کردووە.

نیلا ئیبراهیمی دوای ئەوە ناوبانگی دەرکرد و ناسرا کە لە تۆڕە کۆمەڵایەتییەکان ڤیدیۆی گۆرانییەکی خۆی بڵاو کردەوە کە تێدا پاڵپشتی لە خوێندنی کچان لە ئەفغانستان دەکات.
لە 47 وڵاتی دنیا 165 کەس بۆ ئەو خەڵاتە پاڵیورابوون و دواجار لیژنەی پیوەندیدار ئەو کچەی ئەفغانستان بە شایانی وەرگرتنی خەڵاتەکە دەستنیشان کرد.

ئەو کاتەی کە تاڵیبان دەستی بەسەر ئەفغانستاندا گرت، نیلا تەمەنی 15 ساڵ بوو و بە یارمەتیی دامەزراوەیەک توانی لەگەڵ بنەماڵەکەی بەرەو پاکستان هەڵبێت و دواتر لە کەنەدا بە پەنابەر وەرگیرا.

https://www.wishe.net/details.aspx?=hewal&jmare=174775&Jor=8