ULUL ALBAB - The People of Intellect @weareululalbab Channel on Telegram

ULUL ALBAB - The People of Intellect

@weareululalbab

"Фақат ақл эгаларигина эсларлар" (2:269)

❗️Kitoblar, tajriba, saviya, fikrlash, rivojlanish.

@weareululalbab
@introverts_shell
@mymadinah

©️ Manba bilan olinsin!

Murojaat: @ua_ask_bot

Ayollar uchun xos kanalga qo'shilish uchun @mukhiddinova_link

ULUL ALBAB - The People of Intellect (Uzbek)

ULUL ALBAB - Aqliy insonlar

ULUL ALBAB - bu sizning aqllingizga qiziq insonlar uchun Telegram kanali. Bu kanalda, kitoblar, tajriba, saviya, fikrlash va rivojlanish mavzulari haqida muloqotlar mavjud. Kanalda @introverts_shell va @mymadinah ham mavjud. Agar siz aqliy insonlarning jamiyatini tushuning va ular bilan birga o'z fikrlaringizni o'zlashtirishni istasangiz, bu kanal siz uchun. Bu kanalda bilim olish, fikrlar almashish va o'zini rivojlantirish imkoniyatlariga ega bo'lasiz.

Kanal haqida qo'shimcha ma'lumotlar olish uchun murojaat @ua_ask_bot orqali amalga oshiriladi. Ayollar uchun xos kanalga @mukhiddinova_link orqali qo'shiling va aqliy insonlar jamiyatida o'z o'zingizni izlaning. ULUL ALBAB - Aqliy insonlar kanali sizni kutmoqda!

ULUL ALBAB - The People of Intellect

14 Jan, 05:01

Ilmni "estetik" narsa deb tushunmaylik.

Chiroyli yozuv, chiroyli daftar, chiroyli parta, chiroyli rasm - umuman dars qilishga "chiroyli muhit" degan narsa qadriyatlarimizni buzyapti.

Ijtimoiy tarmoqlarda bizga ko'rsatiladigan qulaygarchilik bo'lmasa, dars qilolmaydigan bo'lib qolyapmiz.

Ilmning mashaqqati qayerda qoldi?
Xunuk yozuvda bo'lsa ham qaydlar, to'lib ketgan daftarlar, hoshiyasiga ham o'tib ketgan yozuvlar, beli bukilib dars qilishlar, sharoiti bo'lmasa ham imkon qidirish, kitoblar varaqlash qayerda qoldi? Peshona teri qayerda qoldi?

Ilmni mashaqqatsiz qilib ko'rsatishning oqibatlari:
- unga yuzaki munosabat;
- "xo'ja-ko'rsin"ga o'qish/o'rganish;
- matonat va sabrning yo'qolishi;
- va ilmning qadrsizlanishiga olib boradi.
Biroz qiyinchilikka yuz tutsa, ortga tisariladigan bo'lib qoladi o'rganuvchi. Shunday bo'lyapti ham.

@weareululalbab
3,361
ULUL ALBAB - The People of Intellect

13 Jan, 05:19

Solih do'stlarni qayerdan topaman?

Ilm yo'lida. Niyatni xolis qilib, Alloh yo'lida do'stlashish orqali. Shu yo'lga tushib, imkon boricha o'zingizni bag'ishlash orqali. Niyatga yarasha qalblarni ulfat qilib qo'yadi, rag'bat va himmatni oshiradi.

Bu yil ham (ayollar uchun) bepul siyrat darslarimiz Ramazondan oldin bo'ladi, in sha Alloh.
Qabul yaqinda shu kanalda e'lon qilinadi ❗️

@weareululalbab
2,594
ULUL ALBAB - The People of Intellect

12 Jan, 05:26

Vaqt yetmayapti, birinchi nimadan kechay?

1. Vaqtni zoe qiladigan odatlar:
    - telefon, screen time, ijtimoiy tarmoqlar;
   (nazoratga olib, 2-3 soat tejash m-m);
    - bekorchi o'y-fikrlar;
    - ko'p yeb-ichish;
    - tegishli bo'lmagan narsalarga qiziqish.
  
2. Ortga tortayotgan, dangasalashtirayotgan, procrastinationga sabab bo'layotganlar:
    - oshna-og'aynilar;
    - ortiqcha choyxona va "gap"lar;
    - kino, musiqa va boshqa lag'v.
   (lag'vdan tiyilib, kuniga 2-4 soat tejash m-m.)

3. Uyqudan (kechish emas) kamaytirish:
    - balki 8 soat uyqu siz uchun ko'pdir;
   (6 soat uxlash o'rganilsa, kuniga 2 soat tejaladi);
    - yetarli va sifatli uxlash.

Shu tartibda qilib ko'ring-da, yana vaqt yetmasa, keyin boshqa foydasi kamroq narsalardan voz keching.

@weareululalbab
2,797
ULUL ALBAB - The People of Intellect

10 Jan, 05:08

Bu oyna.
Unga qarab o'zimizni ko'raylik.
Bizniki ko'proq qaysinga o'xshaydi? Javob bizni umidsiz ham, xotirjam ham qilmasin.

Bu yil "2025 goals" (maqsadlar)imiz orasiga qalbimizni ham qo'shaylik. 1-rasmdagi holidan 2-rasmdagi holiga kelgunicha tirishaylik...ki, Alloh qalblarimizni salim qilsin.

@weareululalbab
4,226
ULUL ALBAB - The People of Intellect

09 Jan, 05:40

Badiiy adabiyot o'qishda(n avval) musulmonda bo'lishi kerak:
- niyat xolisligi. Allohning ma'rifati(ga eltadigan)ni istash;
- quvvatli iymon;
- dinida yetarli ilm;
- dinga muhabbat va rozilik;
- tanqidiy va tahliliy fikrlash qobiliyati;
- qiziquvchanlik (kitob mohiyatini anglashga);
- kitob haqida ilmli odamdan tavsiya/fikr;
- foydali va foydasiz kitobni ajratolish;
- "dunyoviy" dunyoni ham yaxshi tushunish;
- adashmasligini duo qilib so'rash.

@weareululalbab
3,452
ULUL ALBAB - The People of Intellect

08 Jan, 04:57

Hal qilinishi kerak bo'lgan muammoni:
1. Ko'rmay, ignor qilib o'tib ketsang, u davom etaveradi.
2. Undan qochsang, o'zing ortga ketasan. Oldinga yuraman desang, yana unga duch kelasan.
3. Unga taslim bo'lsang, to'xtaysan. O'smaysan.
4. U bilan yuzlashsang, hal qilib o'tib ketasan. Mahorat va tajriba shakllantirasan. O'sasan.

Qora chiziq - sen.
Qizil chiziq - muammo.

@weareululalbab
3,493
ULUL ALBAB - The People of Intellect

07 Jan, 05:32

Oilada ilm yo dinida qarshilikka uchrayotganlar:

1⃣ Mindset. Alloh sizga sinov beribti, o'zingizni bu holdan chiroyli olib chiqib ketishni vazifa biling. Bu kunlar ham o'tadi. Yengillik kelganda, Alloh yo'lidagi bu yig'ilarni sog'inasiz.
2⃣ Ixlos. Kimnidir qoyil qoldiraman, shu qilishganiga ham isloh bo'lib ketaman, demasdan, niyatingizni Allohga xoslang. To'siqlarni deb, ilm yo'lidan chiqib ham ketmang.
3⃣ Sabr va duo. Tanqid va ta'qiqqa reaktiv bo'lmang. O'zingiz va boshqalarga kenglik va ofiyat so'rang.
4⃣ Sirli amallar. Ko'rishsa, qarshilik kuchayyaptimi, unda ko'rsatmay qiling. Ko'rishmaydigan vaqt va joyda ibodat qilib, ilm bilan shug'ullanib oling.
5⃣ Hali o'zingiz yaxshi bilmay turib, dindan, ilmdan ma'ruza o'qimang. Dinni yomon ko'rsatib qo'ymang. Hikmatni ishlating.
6⃣ Qattiq gapirishsa, mehr bilan javob qaytaring. Qalblariga e'tibor bering, qalblarga tegining. Yumshatishini Allohdan so'rang. Axloqni yo'qotmang.
7⃣ Allohdan kuch; do'st, yo'lboshchi, ustozlardan yordam oling. Umidni yo'qotmang.

Ko'rsatilayotgan qarshiliklar orqali Alloh ixlosingiz, xulqingiz va olingan ilmga amalingizni sinayotgan bo'lishi mumkin. Tajriba (amal) maydonidasiz.

@weareululalbab
3,108
ULUL ALBAB - The People of Intellect

06 Jan, 04:58

"Kaloming asiringdir. Og'zingdan chiqqanida esa, sen uning asiriga aylanasan".

[Ibn al-Qayyim, ad-Daa' wa-d-dawaa', 358]

@weareululalbab
3,428
ULUL ALBAB - The People of Intellect

05 Jan, 05:01

#ustoz_darsda #haftalik_challenge

Har yarim soatda Allohni eslang.
(Doimiy zikrga shunday erishiladi).

@weareululalbab
3,255
ULUL ALBAB - The People of Intellect

02 Jan, 06:06

Urug' sepadigan vaqtdamiz:

"Rajab - urug' ekiladigan oy.
Sha'bon - ekin sug'oriladigan oy.
Ramazon esa, hosil yig'ib olinadigan oydir".

- Abu Bakr al-Varroq al-Balxiy

@weareululalbab
4,155
ULUL ALBAB - The People of Intellect

31 Dec, 05:40

Bugunga o'xshagan kunlarda mo'min sinaladi.
Ba'zilarga osonmasdir. Istamay, shu holatda bo'lib qolishi mumkin.

- Avvalo, go'zal qaytarish, ogohlantirish, eslatish - vazifamiz. Chunki "Din - nasihatdir" (hadisni o'rganing).
- Bo'lmasa, qatnashmaslik, aralashmaslik, uzoqlashish.
- Hech bo'lmasa, qalban inkor qilish, u ishlarni yomon ko'rish. Buyog'iga oilasini isloh qilishga harakat qilish.

Haqiqatni yuzaga chiqarolmasak ham, botilga qarsak chalmasligimiz kerak.

Yillar kelaveradi, ketaveradi, azizlar.
Alloh barchamizni oxiratimizga zarar emas, foyda bo'ladigan ishlar bilan band qilsin. Amiyn.

@weareululalbab
6,922
ULUL ALBAB - The People of Intellect

30 Dec, 05:45

Siqilganda nima qilasiz?

Bashariyat tarixidagi eng katta vazifa habibimiz Rasululloh sollallohu alayhi wasallamga berilgandi.

Bu yo'lda sobit turish uchun qalblar Xoliqi va boshqaruvchisi - Allohning ko'rsatmasi shunday bo'ldi:
1. Tasbih ayting.
2. Sajda qilivchilardan bo'ling. (Namoz o'qing)
3. (O'limgacha) Ibodat qiling.
(Hijr, 97-99)

Biz ham "ko'ngilyozdi"ga shoshilish o'rniga yuqoridagiga amal qilishimiz Allohga itoat va sunnatga amal qilish bo'ladi. Ko'p foydalar olinadi.

@weareululalbab
4,635
ULUL ALBAB - The People of Intellect

29 Dec, 05:15

Zakiyroq bo'lishni istaganlarga:

"To'rt narsa aqlni o'stiradi:
1. Ortiqcha gapni tark qilish.
2. Misvok ishlatish.
3. Solihlar bilan o'tirish.
4. Ulamolar bilan o'tirish".

- Imom Shofeiy rohimahulloh

@weareululalbab
4,715
ULUL ALBAB - The People of Intellect

28 Dec, 05:05

Ramazonga chin tayyorgarlik:

- gunoh va ma'siyatlardan tiyilish;
- nafsni tarbiyalash;
- taomni kamaytirish;
- siyrat o'rganish;
- xulqni sayqallash;
- kechirish;
- eng muhimi Qur'on bilan bog'lanish bilan bo'ladi.

"Seni sog'indik", deyish yo kun sanashning o'zi kifoya qilmaydi.
Alloh barchamizni Ramazonga salim qalb bilan yetkazsin.

@weareululalbab
5,703
ULUL ALBAB - The People of Intellect

26 Dec, 05:32

O'qing 😎(Yusuf surasi, 100-oyat)

Sizning ham shunday vaqtingiz keladi.
Hammasi iziga tushadigan bir kun keladi.
So'nggi puzzle bo'lagi o'z o'rnini topadigan vaqt keladi.

O'shanda o'zingizga o'zingiz:
- "mana shu ilgari ko'rgan tushimning ta'biridir, Parvardigorim uni rost qildi;
- U Zot menga buyuk in'om qildi", deysiz.

Ungacha Yusuf alayhissalomdek rozi va qat'iy ishonch bilan ayting:
- "Robbim O'zi xohlagan narsani sezdirmay lutf bilan amalga oshiruvchidir;
- Albatta, Uning O'zigina bilim va hikmat Sohibidir".

@weareululalbab
7,066
ULUL ALBAB - The People of Intellect

25 Dec, 06:04

Qiyinchilikda dindan qochilmaydi.
Dinga qochiladi.

Qanday?:
- Tavba qilib;
- Taqvoni kuchaytirib;
- Namozni qoim qilib;
- "Qur'on"ni ko'paytirib;
- Zikrda bardavom bo'lib;
- Qalbni taftish qilib;
- Din va ilmga harislikni oshirib;
- Ko'proq yaxshilik qilib;
- Odamlardan qalban uzoqlashib;
- Tunlarni bedor tutib;
- Duoni ko'paytirib.

Mushkulot - Allohga yaqinlashishga bir imkon. "Tezroq o'tib ketsin", deb duo qilmang.
O'zi rozi bo'lgunicha sizni poklashini so'rang.

@weareululalbab
3,965
ULUL ALBAB - The People of Intellect

24 Dec, 05:44

Kimdir "IT" (ayti) o'qib, yaxshi pul topsa, sizda ham shunday bo'ladi, deganimas.
Kimdir bir o'qituvchida yuqori IELTS olsa, sizda ham shunday bo'ladi, deganimas.
Kimdir universitetni bitirib, yaxshi joyda ishlasa, sizda ham shunday bo'ladi, deganimas.
Kimdir ilm yo'lidan ketsa, siz ham shunday qilishingiz kerak, deganimas.

- Birovga 100% taqlid bilan ularga yetgan narsaga erisholmasligingiz mumkin.
- Har kimning peshonasiga har xil rizq bitilgan.
- O'zingiz bo'ling. O'zligingizni toping.
- Kamchilik va kuchli tomonlaringizni biling.
- Alloh sizni hikmat bilan joylagan yerda rozi bo'lib, unib, ko'karishni o'rganing.
- Eng yaxshi musulmon bo'lishga harakat qiling.

@weareululalbab
4,848
ULUL ALBAB - The People of Intellect

23 Dec, 05:20

2025da qanday kitoblar o'qiy?

Muhimlik darajasiga ko'ra tavsiya:
1⃣ Qur'on (doimiy). Boshqa kitoblarni o'qisangiz-u, Allohning kitobini o'qimasangiz yo o'qishni o'rganmasangiz, hayotingizda ko'p barokat va o'zgarish kutmang.
2⃣ Tafsir (doimiy). Bu yil o'qiganimiz 40ta kitobning qariyb yarmi tafsirga oid ekan. Har tomonlama ta'riflab bo'lmas foydaga ega.
3⃣ Fiqh (doimiy). Ibodat va mu'amalatga tegishli masalalarni o'rganib yuring.
4⃣ Siyrat. Ramazonda (yo undan avval) "Ar-Rohiyqul Maxtum" yo "Nurul Yaqiyn" o'qing.
5⃣ Hadis (doimiy). "Riyozus Solihiyn" yo "Hadis va Hayot". Amal va axloq.
6⃣ Self-help (ora-orada). Shaxsiy va aqliy rivojlantiradigan yaxshi kitob albatta kerak.
7⃣ Sohangizga tegishli. Mutaxassis sifatida o'stiradigan.
8⃣ Yana, arab tili, ijtimoiy masalalar, ilm-fanga oid boshqa kitoblar.

Son uchun kitob o'qimang. Lekin tez o'qishni ham biling.

@weareululalbab
8,000
ULUL ALBAB - The People of Intellect

21 Dec, 05:22

Imtihonda qanday savol tushishini bilish undan o'tish, deganimas. U savollarga to'g'ri javob berolgangina imtihondan o'tadi.

Qiyomatda ham shunday.
Oxirat borligini bilishning o'zi yetmaydi.
U kunda qanday savol bo'lishini bilishning o'zigina yetmaydi.
Unga haqiqiy tayyorgarlik qilish bilan omon qolish mumkin.
Dunyo - shu imtihonga tayyorgarlik makoni.
Ammo biz asl imtihonni unutgan, o'sha makonga aldangan va unga maftun bo'lganlarmiz...

@weareululalbab
5,547
ULUL ALBAB - The People of Intellect

20 Dec, 05:55

Ehtiyotkorlik bilan tanlash kerak bo'lgan narsalar:
🔵vaqt: uni qanday o'tkazish;
🔵ko'z va quloq: nima ko'rish/ko'rmaslik, nima eshitish/eshitmaslik;
🔵taom: qanday to'g'ri ovqatlanish;
🔵kitob: qanday kitoblar o'qish;
🔵libos: qanday kiyinish;
🔵odamlar: kimga yaqin bo'lish;
🔵mavzu: nima haqida gaplashish;
🔵joy: qanday joylarga borish.

Har biri sizni bir yildan keyin boshqa odamga aylantirishi mumkin. Be selective.

@weareululalbab
5,452
ULUL ALBAB - The People of Intellect

19 Dec, 05:42

Solih do'st qanday bo'ladi?

- dunyo uchun do'stlashmaydi, Alloh uchun do'stlashadi;
- seni yaxshilikka chaqiradi;
- yomonlikdan qaytaradi;
- u bilan suhbatlashish/ko'rishish senga Allohni eslatadi;
- u bilan gaplashganingda ilming ortadi;
- uning amallari senga oxiratni eslatadi;
- tez-tez gaplashmasa ham, seni doim qo'llaydi;
- o'ziga ravo ko'rganni senga ham ravo ko'radi;
- vaqtingni o'z vaqtini qadrlagandek qadrlaydi;
- ayblaringni aytadi, zaifliklaringga sabr qiladi;
- nasihatni qabul qiladi;
- isloh bo'lishingni xohlaydi;
- siringni saqlaydi, omonatingga xiyonat qilmaydi;
- kibr, rashk, hasad qilmaydi;
- sen va oilang haqqiga duo qiladi...

@weareululalbab
6,375
ULUL ALBAB - The People of Intellect

18 Dec, 05:15

Bir yaxshilik ko'proq yaxshilikni chaqiradi.
Bir ishda taqvo boshqalarida ham taqvoni chaqiradi.
Hidoyatni iroda qilish ko'proq hidoyatni chaqiradi.

Boshlab olish qiyindir, lekin davomi oson bo'ladi.
Avvalgi qadamlarni tashlashda bardavom bo'linsa, natija ko'rinadi. Allohning izni bilan.

Yomonlikka qarshi turmaslik esa, ko'proq yomonlik olib keladi. (Baqara, 10-oyat; Tavba, 125-oyat)

@weareululalbab
4,413
ULUL ALBAB - The People of Intellect

16 Dec, 04:50

Qaror qabul qilishga qiynalsangiz...

Bu savollar shariatga uyg'un qaror qilishga yordam beradi, in sha Alloh:
🔢 Alloh bu ishimdan rozi bo'ladimi yo norozimi?
🔢 Bu ishim meni jannatga yaqinlashtiradimi yo do'zaxgami?
🔢 Buni qilishim taqvoga yaqinroqmi yo qilmasligimmi? Nima qilsam taqvoga yaqinroq bo'ladi?
🔢 Rasululloh sollallohu alayhi wasallam buni qilgan bo'larmidilar yo yo'qmi?
🔢 Bu ishim birovga foyda beradimi, zarar keltirmaydimi?


Alloh rozi bo'ladigan qarorlar ➡️ Alloh rozi bo'ladigan hayot.

@weareululalbab
4,993
ULUL ALBAB - The People of Intellect

14 Dec, 04:59

Hech qachon:

- ko'proq qayg'urolganingizga;
- ko'ngli ochiq bo'lolganingizga;
- kommunikatsiya taklif qilolganingizga;
- shartlarsiz sevolganingizga afsuslanmang!

Ichingizda bor ekan-ki, berolibsiz. Xursand bo'ling.
4,951
ULUL ALBAB - The People of Intellect

13 Dec, 05:10

Kunini yengil (telegram, instagram, youtube va hkz.lardan) boshlagan odam:
- kayfiyati o'zgaradi yo buziladi;
- samaradorligi tushadi;
- arzon dofaminga aldanadi;
- uzoq muddatda o'zidan qoniqmaydi;
- boshqa tomonlama rivojlanyapman, deb o'ylasa ham, ruhan o'smaydi.

Shuning o'rniga nafsiga og'ir bo'lsa-da, foydali ish (Qur'on o'qib, zikr) qilgan odam:
- kayfiyati yaxshilanadi, qalbi va ruhi poklanadi;
- oyatlardan o'lim va oxiratni eslaydi;
- ilohiy kuch oladi, iymoni mustahkamlanadi;
- serotonin moddasini oshiradi;
- hayotiga baraka kiradi va vaqtni qadrlaydi;
- intellekti o'sadi;
- irodasi kuchayadi.

Har bir harakatimiz - tanlov. 1,5,10 yildan keyin o'zimizni qanday ko'rmoqchi bo'lsak, shunga mos tanlov qilishimiz kerak.

@weareululalbab
6,258
ULUL ALBAB - The People of Intellect

12 Dec, 05:34

Haq talashish o'rniga yaxshi usul bor:

➡️ U noto'g'ri qildi, men to'g'ri qildim, demaslik.
➡️ Tavba va istig'forga shoshilish.
➡️ Duo qilish:
"Allohim, agar men nohaq bo'lgan bo'lsam, kamchiligimni ko'rsat, meni isloh qil. Agar ularda mening haqqim qolib ketgan bo'lsa, uni O'zingga havola qildim. Hammamizni isloh qil".

Siz bu vaziyatda isyon qilmadingiz.
Alloh bitganiga qarshi bormadingiz.
Bir qalbni og'ritmadingiz.

Vaqt o'tib, haqqingiz qaytib kelsa, duoingiz qabul bo'lganiga xursand bo'ling. Qaytmasa, bahonada kamchiligingizni tuzatganingizga xursand bo'ling. Win-win.

@weareululalbab
4,528
ULUL ALBAB - The People of Intellect

11 Dec, 05:42

Yaxshi o'qish uchun nima qilay?
Universitetga kirish uchun nima qilay?
Dangasalikni ketkazish uchun nima qilay?
Yaxshi musulmon bo'lish uchun nima qilay?
Jannat uchun nima qilay?

Bizni o'ylantiradigani - nima qilish.
Lekin, aslida, boshqacha savoldan boshlash kerak: "Nima qilmasligim kerak?"

Yaxshi talaba bo'lish uchun nima qilmasligim kerak?
Universitetga kirishim uchun nimadan voz kechishim kerak?
Yaxshi odatlardan oldin qaysi yomonlaridan voz kechishim kerak?
Do'zaxiy bo'lmaslik uchun nima qilishim kerak?

Isloh uchun ko'p harakatlarimiz to'xtatilmagan bir gunoh sabab bekor ketishi mumkin.

@weareululalbab
4,591
ULUL ALBAB - The People of Intellect

10 Dec, 05:40

Yillar, raqamlarga xoslamaymiz, lekin so'nggi yilning saboqlari bizga ko'p bo'ldi. Ulardan eng qimmatlisi - ...ning kashfi. U barcha narsaning negizi, islohi va go'zalligi ekan.

Munosabatda muammo bo'lsa, ...ingizga qarang.
Tilda, xulqda, odobda muammoingiz bo'lsa, ...ingizga qarang.
Ibodatda, iymonda, taqvoda muammoingiz bo'lsa, ...ingizga qarang.
Sustkashlik, himmat, bardavomlikda muammoingiz bo'lsa, ...ingizga qarang.

Alloh rahmati bilan, bu yil kashf qilganimiz "qalb" bo'ldi. Endi nuqtalar o'rniga shu so'zni qo'yib, boshidan o'qib ko'ring.
Nabiy sollallohu alayhi wa sallamning bu gaplarini eshitmagan bo'lmasa kerak: “Ogoh bo‘lingki, tanada bir parcha go‘sht bor. Agar u tuzalsa, butun tana tuzaladi. Agar u buzilsa, butun tana buziladi. Ogoh bo‘lingki, u qalbdir”. Lekin, ishoning, bu gapni anglash, mag'zini chaqish va yashash tamoman boshqa narsa ekan.

Shunda ham, bir dona nasihat qilish kerak bo'lsa, qaytaramiz: Qalbingizni o'rganing, doim unga qarang. Uni isloh qiling, boshqa narsalar ham isloh bo'ladi.

@weareululalbab
5,093
ULUL ALBAB - The People of Intellect

07 Dec, 05:46

Role modelingiz kim?

Musulmon o'ziga role model (havas qilgan shaxs) sifatida dinsiz, dahriy, Allohga iymoni yo'q, qadriyatsiz insonlarni qabul qilmaydi. Boshqa ishlari "besh" bo'lsa ham, dunyoning eng "boy" insoni bo'lsa ham.

Role model bo'lishga eng haqli zot Rasululloh sollallohu alayhi wasallam (Ahzab:21), keyin payg'ambarlar, sahobalar, tobeinlar, mutaqaddim ulamo va imomlar, zamonamiz solihlari, ota-ona, jamiyatning iymonli peshqadamlaridir.

Bunda e'tibor beriladigan eng asosiy xislatlar:
- Allohga ishonchi va ibodati;
- odob-axloqi;
- ilmi va amali;
- hikmat va zakovati (dunyo va dinni to'g'ri tushunishi).

To'g'ri role model tutish uchun ularni tanib; hayotini o'rganib, qalban anglab, qadriyatlarimizni isloh qilishimiz kerak.

@weareululalbab
5,035
ULUL ALBAB - The People of Intellect

06 Dec, 05:44

Ko'rish uchun ko'taril.
Ko'rinish uchun emas.

(Allohning) ma'rifati uchun ilm ol.
Tanilish uchun emas.

Isloh uchun amal qil.
Maqtov uchun emas.

@weareululalbab
19,590
ULUL ALBAB - The People of Intellect

05 Dec, 06:00

"Allohni asra, U ham seni asraydi", dedilar Rosululloh sollallohu alayhi wa sallam.

"Allohni asrash" nima degani?
- Hududlariga rioya qilish;
- buyurgan narsalarini bajarish;
- qaytarganlaridan tiyilish.

Allohni ustun qo'yayotganingizdan aminmisiz? Endi Uning muhofazasidan ham amin bo'ling.
To Allohning rioyasini qilarkansiz, ikkilanmang.
To Uni tanlarkansiz, oldinga boring, to'xtamang.
Xavotirlanmang, qo'rqmang.

Kim xavotirlansa, rioya qilmayotganidan bo'ladi.
Kim rioya qilolmayotgan bo'lsa, xavotirlanadi.

@weareululalbab
5,059
ULUL ALBAB - The People of Intellect

04 Dec, 05:52

Kunlik darsga vaqt ajratolish uchun ilk tayyorgarlik:
1⃣ Kamida bir kun avval rejaga kiriting:
     Ertaga dars uchun necha soat/daqiqa ajrataman?
     Soat nechadan nechagacha dars qilolaman?
2⃣ Avvaldan muhitni tayyorlang:
    Dars uchun parta/stolim tayyor va tartiblimi?
     Kitob, daftar, qalam, kompyuter va boshqa qurollar hozirmi?
3⃣ Aynan nima o'rganishingizni biling:
     Ertaga qaysi mavzuni o'qiyman?
     Qaysi birini qayd qilaman?
4⃣ Dars vaqti chalg'itishi mumkin bo'lganlarni oldindan hal qilib qo'ying:
    Ijtimoiy tarmoqni o'zimdan uzoqlatdimmi?
     Telefonim jiringlab, bezovta qilmaydimi?
     Ovqatim, kir-chir, ish, ko'chadagi ishlar hal qilinganmi?
5⃣ Cheklist va progres jadvali tuting:
     Bajargan vazifalarim ko'z oldimdami?
Progresimni ko'rib turibmanmi?
     Bugun dars qilolmasam, unga qanday ta'sir qiladi?

@weareululalbab
5,318
ULUL ALBAB - The People of Intellect

03 Dec, 05:22

"Ey o'g'lim! Dunyo chuqur bir okeandir. Va unda ko'pchilik g'arq bo'lgan. Shunday ekan, undagi:
- kemang Allohga taqvo,
- yuking Allohga chin iymon,
- yelkaning Allohga tavakkal bo'lsin!

Shoyad, najot topsang...".

- Hazrati Luqmon o'g'liga.

@weareululalbab
2,312
ULUL ALBAB - The People of Intellect

02 Dec, 09:30

Alloh bandaga yaxshilikni xohlasa, uni o'zi(ning kamchiligi) bilan mashg'ul qilib qo'yadi. O'zi bilan ovora inson:
- mas'uliyatli bo'ladi;
- o'zini sarhisob qiladi;
- johillik va takabburlik qilmaydi;
- qalb xotirjamligini topadi;
- kamchiliklaridan tez xalos bo'ladi;
- doim rivojlanadi;
- munosabatlari yaxshilanadi;
- negativ tarqatmaydi.

Birovning ming aybini o'ylagandan, o'zining bir kamchiligini tuzatgan yaxshi.

@weareululalbab
3,360
ULUL ALBAB - The People of Intellect

01 Dec, 06:06

"Agar bir kishi sizga boshqasidan shikoyat qilib kelsa, unga ayting: "Ey birodar, uni kechir, chunki afv taqvoga yaqinroqdir".

Agar u: "Qalbim kechirishga bardosh bera olmaydi, Alloh amr qilgani kabi qasos olishni istayman", desa, ayting:

"Agar qasos olmoqchi bo‘lsang, buni eng yaxshi usulda qil va seni xafa qilgan darajadagina javob qaytar. Agar unday qilolmaydigan bo'lsang, kechirim eshigiga qayt. Albatta, kechirim eshigi kengroqdir. Kim kechirsa va yaxshilik qilsa, uning mukofoti Alloh huzurida bo‘ladi. Kechirgan kishi o‘z to‘shagida tinch uxlaydi, qasos olishni istagan kishi esa o'sha ustida o‘ylanib, ag'darilib-to'ntarilaveradi".

- Fuzayl ibn Iyyoz rohimahulloh (Hilyatul avliyo)

@weareululalbab
2,959
ULUL ALBAB - The People of Intellect

30 Nov, 11:24

#eynafs

Alloh uchun kechganing har bir narsa - yomonlik, gunoh, shubha, vasvasa, shahvat, kino, ashula, g'azab, tuyg'u, oqlov, inson - uchun mukofot mutlaqo bordir.

Va u "mukofot" sen kutgan emas, Robbing xohlagan shaklda bo'ladi.

@weareululalbab
3,020
ULUL ALBAB - The People of Intellect

29 Nov, 05:42

Masalan,

O'zining faqirligini bilgan, Allohning Al-G'oniyligini biladi.
O'zining johilligini bilgan, Allohning Al-A'liymligini biladi.
O'zining zaifligini bilgan, Allohning Al-Qodirligini biladi.
O'zining adashganini bilgan, Allohning Al-Haadi'ligini biladi.
O'zining gunohkorligini bilgan, Allohning At-Tawwabligini biladi.
O'zining bandaligini anglagan, Alloh Robb ekanligini biladi.
...

@weareululalbab
3,697
ULUL ALBAB - The People of Intellect

28 Nov, 04:39

O'rganishning kaliti kuni bilan dars qilish, samarasiz yodlash emas, balki "metakognitiv" o'rganishdir.

Sodda qilib aytganda - kishi o'z o'rganish jarayoni haqida o'rganishi. Metakognitiv bo'lish quyidagi savollarga javob topishdan boshlanadi:
- o'rganish stilim qanday?
- nima qilsam yaxshiroq o'rganaman?
- bu o'rganish texnikasi menga mosmi? Uni qanday o'zimga moslashtirsam bo'ladi?
- nega hayajonlanyapman/hayajonlanmayapman/shoshyapman/shoshmayapman?
- miyam qachon yaxshi qabul qiladi? Qaysi vaqt qaysi vazifani bajarganim samarali?
- qanday qilib yaxshiroq qaror qabul qilaman?
- muammoni bunday yechganim to'g'ri bo'ldimi?
- kunlik qo'yayotgan vazifam yetarli/ko'p/kammi?
- tuzgan rejalarim nega ish beryapti/bermayapti?
- o'zgarish sezyapmanmi? qachon o'zgarish sezishim kerak?
- muhimi: buni o'rganish aqlimga, qalbimga, ruhimga, jamiyatga nima foyda keltiradi?...

Metakognitiv o'rganish uzoq vaqtda katta samara beradi, bi-iznillah.

@weareululalbab
3,287
ULUL ALBAB - The People of Intellect

27 Nov, 05:14

Avvalgilarga ko'zning mo'jizasi berilardi.
Ko'rish, ushlash, aqldan ozish mumkin edi ulardan.
Lekin ko'z mo'jizalari 1-2 asrdan so'ng qissa, hikoyaga aylanadi. Ko'rmaganlardan ba'zilar g'ayb, ba'zilari cho'pchak deb qabul qiladilar.

Bizga berilgani esa ko'z emas, qalb mo'jizasi - Qur'on.
Qalblarni va aqllarni ojiz qoldiruvchi mo'jiza.
Uning mo'jizaligi vaqtlarga chegaralanmagan, ta'siri zamonga bog'liq emas.

"Nega men uning mo'jizaligini sezmayapman?"

Qur'onning mo'jizaligini his qilib undan kunlik hayotda hidoyat topish uchun unga ochiq qalb bilan, taslimiyat, haqirlik, kamtarlik, hayoti unga bog'liqdek hidoyat istab, Allohga qullikni his qilib kelish kerak. Qur'on sizga ochilishi uchun siz unga ochilishingiz kerak.

@weareululalbab
3,116
ULUL ALBAB - The People of Intellect

26 Nov, 10:15

Oson bo'lib qolmaydi.
Sen o'rganasan, xatoingdan dars olasan.
O'zingni isloh qilasan, avvalgidan yaxshilanib borasan.

Vaqt davolamaydi.
Sen moslashasan, davom etishni o'rganasan.
Robbingga yaqinroq bo'lasan, islom bilan quvvatlanasan.

@weareululalbab
3,580
ULUL ALBAB - The People of Intellect

25 Nov, 10:00

"Maroqli hifz" qo'llanmasi bilan qisman bo'lsa-da, tanishib chiqishga imkon bo'ldi. Foydali, tajribadan o'tgan usul va maslahatlar taqdim qilingan ekan. Ancha mehnat ham singgan. Alloh tuzganlarga ajrlarini, istifoda qilganlarga foydasini ko'paytirib bersin.

Yodlash salohiyatining individualligini inobatga olgan holda, amalda qo'llashda o'zingizga xos nyuans va o'zgarishlar bo'lishi ehtimolini unutmang.

Hifzga jiddiyati borlarga ulashib qo'ysangiz, yaxshilikka dalolat bo'ladi, in sha Alloh.

@weareululalbab
3,111
ULUL ALBAB - The People of Intellect

25 Nov, 06:20

#ustoz_darsda

Kiyim* kibrni paydo qilmaydi, bor kibrni zohirda ko'rsatib beradi.

*libosning hashamati

@weareululalbab
3,075
ULUL ALBAB - The People of Intellect

24 Nov, 05:01

Falastin diyori yoshlari zukko, harakatchan, ijodiy va innovativligi meni doim hayratga solib kelgan. Yoshligi, travmalari, muhiti, qiyinchiligi, urush va hokazolarni hecham ro'kach qilishmaydi negadir.

Boshqa ommaviy videolari qatorida, o'sha ma'lum sharoitdagi ta'limi haqida video joylabti. Sharoiti bo'la turib, bahonasi ko'p bizlarga o'rnak bo'lsa, ajabmas.

Bugun dam olish emas, ilm olish kuni.

@weareululalbab
4,078
ULUL ALBAB - The People of Intellect

23 Nov, 09:34

Erib ketasan...       #kitobdan

Ba'zan ota o'g'lini u yaxshi ko'rgan narsasini yeyishdan qaytaradi. Chunki o'sha narsa uning oshqozoniga zarar qilishi mumkin. Ushbu man etish uni pastga urish emas, balki uni asrashdir.

Hadisi sharifda Payg'ambarimiz Muhammad sollallohu alayhi wa sallam aytadilar:
"Agar Alloh taolo bir bandasini yaxshi ko'rsa, xuddi sizlar kasallaringizni suvdan saqlaganlaringiz kabi uni dunyoda himoya qilib qo'yadi". (Imom Bayhaqi)

Qiyomat kuni barcha haqiqatlar oshkor bo'lganda, Alloh taolo senga ravo ko'rgan narsalarining hikmatini bilganingda, sen Robingga bo'lgan muhabbating va shukronalikdan shamdek erib ketasan.

@weareululalbab
3,878
ULUL ALBAB - The People of Intellect

22 Nov, 06:18

Farzandlar uchun duoda:
1. Rabboniy tarbiya bilan tarbiyalanishini so'rash.
2. Itoatli va axloq bilan ulg'ayishini so'rash.
3. Ota-ona o'zini farzandiga namuna qilib qo'yishini so'rash.

Ibrohim alayhissalomning duolarida ko'p yaxshiliklar bor. Zurriyotlarining namozda qoyim bo'lishidan oldin o'zlariga ham shu narsani so'rayaptilar. Toki avval o'zlari bajarib o'rnak bo'lish uchun.

@weareululalbab
3,342
ULUL ALBAB - The People of Intellect

21 Nov, 17:00

Qur'on senga nima demoqchiligini istab, uning oyatlarini o'qish umuman dunyodan tashqari tajriba.

So'zlarga zorligingda,
ruhing taskin istaganda,
qalbing dakki eshtishi kerak bo'lganda,
ulfatingni sog'inganda oyatlardan yo'l izlashing, satrlardan o'zingni qidirishing achchiq-shirin bir tashnalik.

Ayni shu damda Allohning kitobi senga gapira boshlashi esa ta'rifi yo'q tuyg'u.

21:50.
21.11.2024.

@weareululalbab
3,132
ULUL ALBAB - The People of Intellect

21 Nov, 05:45

Ibn al-Qayyim rohimahulloh aytadilar:
"Musofir to yo'lida davom etarkan, manziliga mutlaqo yetadi. To'g'ri yo'lni o'ziga lozim tutadi va kechalari uyg'onadi. Lekin to'g'ri yo'ldan og'ishgan va (yurish o'rniga) tunda uxlagan odam qanday qilib manziliga yetsin?!". (Al-Fawaid)

Yo'lga tushgan odam oxir-oqibat manziliga yetadi.
Tez yursa ham, sekin yursa ham, yiqilsa ham, qoqilsa ham, toki "uxlamas" ekan, toki to'g'ri yo'lda ekan, manziliga yetadi.

Yo'lini aniqlamay turib, yo'lga tushmay turib, bir narsaga erishmoqchi bo'lganlar ko'p bugun.

@weareululalbab
3,026
ULUL ALBAB - The People of Intellect

20 Nov, 05:12

Qur'on bilan rishta qurolmayapman. Nima qilay?

➡️Bardavom duo. Busiz bo'lmaydi. Allohdan kalomiga sizni bog'lashini, bunga vositalarni yo'llashini, uning fahmi, tilovati, hifzini va u orqali islohni oson qilishi so'rang.

➡️Endi, qadam tashlang. Undan afzal so'z, undan afzal kitob yo'qligini o'zingizga singdiring. Vaqt qizg'onmang. Og'rinmang. Harakatni to'xtatmang. Tushunishga nima talab qilinsa, hammasini qilib ko'ring. Balki oylar ketar, balki yillar - farqi yo'q, siz arqonni qo'yib yubormang.

➡️Oshiq bo'ling. Sevgan, vaqt ajratadi. Ustuvorlik beradi.
Allohni sevgan, Kitobini ham sevadi. Boshqacha bo'lishi mumkinmas. Bahonasi bo'lishi mumkinmas.
Oshiq mahbubiga shoshgani kabi mushtoq bo'ling.
Mus'hafni ochganingiz onda qalbingiz yayrasin.
Tilovatini eshitganingiz onda ruhingiz rohatlansin, aqlingiz uyg'onsin.

O'ylab ko'ring:
Biri bilan baxtli bo'lish uchun vaqt ajratamiz-ku, munosabat ustida ishlaymiz-ku, mehr beramiz-ku! Bu munosabat ham shunday mehrga muhtoj.

@weareululalbab
2,443
ULUL ALBAB - The People of Intellect

19 Nov, 07:07

Mana bu "Ongli muslima" 1-mavsumiga ilk bor (4 oy oldin) berilgan e'lon. Shugina ma'lumot bilan, Allohga tavakkal qilib, xayr istab, ariza to'ldirishgan ekan-da, deb o'ylayapman hozir. Niyatlariga baraka bergandir-ki, kecha 2-bosqichga yo'l olishdi.

Loyihaning 2-mavsumiga bergan e'lonimiz ham deyarli ayni.
Bu loyiha haqida biladiganlar biladi, lekin so'raganlar uchun faqat bularni aytolamiz. Loyiha:
- maqsadi - o'z nomi bilan "ongli" bo'lishga intilish.
- haqiqiy muslima bo'lish, o'zidagi salbiyotlardan kechish yo'llari va ikki dunyoga foyda bo'ladigan odatlar shakllantirishga ko'maklashadi.
- haftalik vazifalar (asosan, xulq va boshqa tomonlama rivojlanishga oid) yuklaydi va bajarish talab qilinadi. Bajarilmasa, chora-tadbir ko'riladi.
Biz hech nimaga majburlamaymiz, faqat ko'maklashamiz, qo'llaymiz. Katta narsalar va'da qilmaymiz, lekin darslardan o'zingiz anglashlar bilan harakatga kelasiz, Alloh izn bersa.

Yetarli "otziv"larimiz va ijobiy harakatlar bisyor, lekin maqsadimiz loyihani reklama qilish emas. Yo'limiz tutashsa, loyihada ko'rishamiz. Bo'lmasa, sizni undan yaxshisiga yo'llab qo'ysin, amiyn.

@weareululalbab
2,416
ULUL ALBAB - The People of Intellect

18 Nov, 05:00

"Nega xafasan?", desalar, ularga haqiqatni ayt:

"Kamdan-kam istig'for aytaman va Qur'on o'qishni tark qilganman"...

#kitobdan

Javobni allaqayerlardan qidirib yurmaylik, sababi oddiy va ravshan aslida.

@weareululalbab
3,186
ULUL ALBAB - The People of Intellect

16 Nov, 12:37

#ustoz_darsda #reflection

Bu hayotdan olib ketolmaydigan narsalaringiz nima?

O'shalarning hammasi dunyo hisoblanadi.

Alloh esa (to'plagan) dunyoyingizga qaramaydi.

@weareululalbab
3,205
ULUL ALBAB - The People of Intellect

16 Nov, 05:40

Vanihoyat, uzoq kutilgan

"Ongli muslima: Foundation (Poydevor)" loyihasi 2-mavsumiga qabul ochiq!

Qizlar uchun har tomonlama rivojlanishga ilk qadam.
📝Haftada bir dars, amaliy vazifalar, tajriba almashinuvi, insaytlar va monitoring.
🗓 Bosqich 3 oy davom etadi.
🎟 Muvaffaqiyatli bitirganlar sertifikat bilan keyingi bosqichga o'tishadi.
💳 3 oylik lohiya uchun to'lov 300.000 so'm (oyiga 100.000, faqat ikkiga bo'lib to'lash mumkin).

Shartlar:
✅Vazifalarni muntazam bajarish va belgilab borish. Bajarilmasa, minimum jarima to'lashga rozi bo'lish.
❗️Oxirigacha borishga qasd qilsangizgina bu arizani to'ldiring:

Arizalar 21.11.2024, 23:59gacha qabul qilinadi.
Qabul tanlov asosida bo'ladi.
4,040
ULUL ALBAB - The People of Intellect

15 Nov, 05:01

"Jumadan jumagacha aytgan so'zlarini sanab bera oladiganlarni bilaman".

© Fuzayl ibn Iyyoz rohimahulloh

Kamroq gap ➡️ kamroq xato;
kamroq xato ➡️ kamroq gunoh;
kamroq gunoh ➡️ yaxshiroq xotira;
yaxshiroq xotira ➡️ ko'proq ilm;
ko'proq ilm ➡️ ko'proq amal.

@weareululalbab
3,512
ULUL ALBAB - The People of Intellect

14 Nov, 05:37

Uyquga oid tez-tez so'raladigan savollar: #youasked

1. So'nggi kun/oylarda ko'p uxlaydigan bo'lib qoldim.
- O'zingizni o'rganing. Tanangiz, miyangiz, ongingiz, qalbingiz qanday ishlaydi? Izlangandan so'ng, harakatga o'ting, ularni boshqarishga yo'l toping.

2. Qanday qilib uyqumni tartiblashim mumkin?
- Erta uyg'onish va erta uxlash orqali. Erta turish choralari.

3. Bu taqvoimga, ilm olishimga, dunyoimga katta ta'sir qilyapti.
- Balki uyqu bularga emas, bular uyquga ta'sir qilayotgandir. Ilmga rag'batni oshiring, uyquga zo'rg'a vaqt topadigan bo'lasiz.

4. Qancha harakat qilsam ham, yenga olmayapman.
- Qiziq, qancha jiddiy harakat qildik?

5. Hayotga qiziqishni qanday qilib yangilasam bo'ladi?
- Iymonni yangilash (bu) orqali.

@wearaululalbab
3,505
ULUL ALBAB - The People of Intellect

13 Nov, 06:06

Bemavrid uyqu kelganda, uxlab qolmaslik uchun:

- shaytondan panoh tilang;
- charchoq, dangasalikni ketkazishini so'rab duo qiling;
- joyingizni/xonangizni alishtiring. Yorug'roq joyga chiqing;
- tashqariga/tabiatga qarang yoki chiqing;
- chuqur va uzun nafas olib-chiqarish mashqlarini bajaring;
- yuzni sovuq suv bilan yuving;
- tahorat oling va ikki rak'at namoz o'qing;
- 5-10 daqiqalik sport qiling;
- asal, zanjabil, limon, yalpizli suv iching;
- meva yoki yong'oqlar yeng;
- o'zingizga o'zingiz gapiring, "uxlamaysan, ishing ko'p", deng.

@weareululalbab
3,869
ULUL ALBAB - The People of Intellect

12 Nov, 05:55

Ba'zan to'xtash - bir joyda turish, degani emas.
To'xtash yo'qotish, degani. Ortga ketish degani.

To'xtaganda nima yo'qotamiz?
Vaqt, shakllantirgan mahoratlarimiz, o'rgangan odatlarimizni yo'qotamiz.
Shuning uchun ham to'xtatgan darslarimizga qaytishimiz qiyin.
Mutolaasiz 1-2 kundan keyin bu odatga qaytish qiyin.
Tanaffusdan keyin sport zalga chiqish qiyin bo'lganidek.

To'xtagingiz kelsa, chumoli qadamida yuring.
To'xtab qolsangiz, bir qadam oldinga tashlang.
Bir qadam ortga tashlasangiz, ikki qadam oldinga tashlang.
Lekin bir joyda turmang, to'xtamang.

@weareululalbab
3,531
ULUL ALBAB - The People of Intellect

11 Nov, 05:36

Shunday onlar bo'ladi-ki, ularni ta'riflashga so'z yetmaydi. Kecha shunday kunlardan biri edi.

Alloh inoyatidan uzoq kutilgan diydorni nasib qildi. Read & Lead oilasini jamlagan, to'lqinlantirgan, yig'latgan, kuldirgan fayzli kun bo'ldi. Mikrafon ortidagi ovoz sohibalari, notanish bo'lsa-da, avval bir-birini tanigan ruhlardek bir-biriga qovushdi.

Do'st-birodarlarni ilm yo'lida orttiring, chunki unda dunyoviy sabab bo'lmaydi.Yaratgandan xayrli maqsadlarda jipslashtirib, roziligi yo'lida sobitqadam qilishini so'rab qolamiz.

Tadbirimiz ishtirokchilariga xursandchilik atagan homiyimiz @qamarbooks va xotirjam o'tishiga hissa qo'shgan @omonatstyle xizmatlaridan Alloh rozi bo'lsin. Barokatlar yog'dirsin.

@weareululalbab
3,923
ULUL ALBAB - The People of Intellect

09 Nov, 09:34

#lifehack

Negativchilarga ahamiyat bermay, xafa bo'lmaslik uchun tushuningki, ularning negativi ularga tegishli.

Masalan, birov sizga mahsulotini o'tkazmoqchi bo'lsa, siz uni sotib olishinga majburmisiz? Yo'q.
Shunday, negativ va yomon gaplarni ham o'zingizga qabul qilishingiz shartmas.

Bu negativ ularning mulki, deng, o'zingizga.
Bu menga tegishli narsa emas, deng.
Kishi o'zida nima bo'lsa faqat shuni taqdim qiladi.
Sizda yaxshilik bo'lsin.

@weareululalbab
3,572
ULUL ALBAB - The People of Intellect

08 Nov, 05:25

#zikr_oson

Azon, elektron mus'haf, xatm uchun eslatma va menga eng yoqadigan zikrlar qismi - hammasi shu ilovada. Zikrlarda sanoq tugamaguncha keyingisiga o'tmaydi.

Playmarket va Appstore da ham bor.

Faqat arab va ingliz tilida.

@weareululalbab
3,235
ULUL ALBAB - The People of Intellect

06 Nov, 05:31

Kamroq yeyishga yordam beradigan odatlar:

- reja bilan ma'lum vaqt taomlanish;
- taomdan 30-40 daqiqa oldin suyuqlik ichish, aralash yemaslik;
- kichik hajmdagi idish (kosa o'rniga salat idishi) va qoshiqda taomlanish;
- "bismillah" bilan boshlash;
- oshqozonni uchdan biriga yeyish;
- tizzani ko'ksiga bukib o'tirib, taomlanish;
- ne'matning foydalari haqida tafakkur qilish;
- sekin va ko'proq chaynash;
- qoshiq/vilkani har og'izga olib borgandan so'ng pastlatish, dasturxonga qo'yish va yana qayta ko'tarish;
- oxirigacha to'ymay taomdan chiqish;
- shukr qilish;
- jasad va organlarni ro'zaga o'rgatish.

@weareululalbab
3,245
ULUL ALBAB - The People of Intellect

05 Nov, 05:00

"Kuz, yomg'ir, xazon," romantikami?

Yaqinda Madinada ikki marta qattiq yomg'ir yoqqanida, uyga sharros suv o'tib, parta ivib-ishib, deraza tomchilar zarbidan singudek bo'lgandi. Qisqa muddatga bo'lsa-da, havo sovib, muzdek bo'lib ketgandi. Ancha tafakkur kelgandi.

Bir video orqali yana eslatildik. Uyi chodir bo'lganlar, tomi yo'qlar, ko'chada yashayotgan, 395 kundan beri shunday yashayotganlar qancha?! Bir necha yillardan beri shunday kun ko'rayotganlar qancha?!

Ular kuzni eslasa, qish yodiga keladi.
Tark etilish, boshpanasizlik, izg'irin,...
O'tgan yil ham sovuqotishgan.
Hech nima/kim isitolmagan.
Iymonlariga suyanishgan.

Yomg'ir-qorni ko'rib, "romantika"dan avval boshqalarning ahvoli qalbimizdan o'tmaguncha, hali ko'p islohga muhtojmiz. Alloh barchaga qish-u yozni birdek ne'mat qilsin.

@weareululalbab
4,151
ULUL ALBAB - The People of Intellect

03 Nov, 04:56

O'zingni sevma!

O'zini sevib yashash kishini baxtli qilmaydi.
Qaysi "psixolog" shunday desa ham.

O'zini koyib, nafsni sindirib yashash baxtli qiladi.
Insonlarni yaxshi ko'rib, qusuriga ko'z yumib, rivojlanishga intilib, ular uchun komfortdan kechib, yonib-kuyib yashash baxtli qiladi.
O'zi qonab tursa ham, boshqaning yarasi bitishiga ko'maklashish baxtli qiladi.

Shuning uchun "ummat dardi" degan narsa bor.
Shuning uchun ham "din xizmati" degan narsa bor.
Hech biri "avvalo, o'zingni sev", demaydi.
"O'zingga ravo ko'rgan narsangni birodaringga ham ravo ko'r", deydi. "Yaxshilik va taqvoda birlash", deydi.

@weareululalbab
7,530
ULUL ALBAB - The People of Intellect

01 Nov, 04:40

Nasibangizni unutmang

"Nega ba'zimiz qodir bo'lsak-da, kunlik tilovat qilolmaymiz", deb o'ylardim. Javobini keyin topdim. Chunki bu ham rizq ekan, nasiba ekan. Xuddi dunyo ishlarida hammaga har xil rizq berilganidek, Qur'ondan ham har kim o'z nasibasicha ololarkan xolos.

- Mus'hafni ochib mustaqil o'qoladigan bo'lsangiz, shu rizqdan nasibalantirilgan insonlardan birisiz.

- Tilovatni tarannum bilan qilolsangiz, oyatlarning mazmunini anglab tursangiz dunyodagi eng ne'matlantirilgan kishilardansiz.

- Oyatlar tafakkur va tadabburga, tavoze' va amali islohga yetaklasa, dunyodagi eng baxtli insonlardansiz.

Allohning kalomi bilan vaqt kechirish va bundan rohatlanish hammaga ham nasib qilavermaydi. Sizga bu muhabbat berilgan bo'lsa, uning shukri uchun ham o'zingizga kunlik vazifa tayin qiling. Uni bajarmasdan uxlamang, xuddi kunlik taomdan rizqingizni unutmaganingiz kabi. Chunki u ruhingiz va qalbingiz "taom"i.

@weareululalbab
2,837
ULUL ALBAB - The People of Intellect

31 Oct, 05:34

Hayotda "priorities" - ustuvorliklarni aniqlab oling, desak, "u qanday bo'ladi?", deyishadi.

"Ustuvorliklar" deganda:
💚 maqsadingiz, shaxsiyatingiz, oilangiz, oxiratingiz, kasbingiz uchun muhim bo'lgan;
💚 vaqt nuqta-i nazaridan chegaralangan, tezroq bajarilishi kerak bo'lgan, vaqti chiqsa imkoni ham kamayadigan shoshilinch;
💚 uni bajarmaslik salbiy natija va uqubatlarga olib borib, sizga va boshqalarga zarar bo'ladigan vazifalar.

Musulmonning kunlik ustuvorliklari:
  1. Iymoni va ibodati
  2. Xulqi va qadriyati
  3. Oilaviy va ijtimoiy majburiyati
  4. Ilm va ta'lim
  5. Vaqti va sog'lig'i
bo'lganda, har narsaga chalg'imay, maqsadli va tartibli hayot yashay oladi.

@weareululalbab
2,791
ULUL ALBAB - The People of Intellect

30 Oct, 05:17

وَتَزَوَّدُوا فَإِنَّ خَيرَ ٱلزَّادِ ٱلتَّقوَى

Ali rodiyallohu anhu qabristonga qarab:

“Ey qabrlarda yotganlar, ey qorong‘uliklarda yolg‘iz qolganlar, sizlarda nima gap? Bizdan so‘rasangiz, mollaringiz taqsimlandi, bolalaringiz yetim qoldi, xotinlaringiz boshqa nikohlandi. Bizda ana shunday xabarlar. Sizlarda qanday xabarlar bor?” – deb so‘radilar.

So‘ngra Kumaylga qarab:
– Ey Kumayl, agar ularga javob qilish uchun izn berilganida: “(Oxirat safariga) ozuqa olib keling, eng yaxshi ozuqa taqvodir”, deb aytishgan bo‘lar edi, – dedilar. Keyin esa yig‘lab, bunday dedilar: “Ey Kumayl, qabr amallar sandig‘idir. Buni faqat o‘lganingdan so‘ng bilasan...”.

@weareululalbab
2,753
ULUL ALBAB - The People of Intellect

29 Oct, 05:18

Bir safar Umar ibn Xattob rodiyallohu anhu Tur surasini o'qidilar (yo eshitdilar). Quyidagi oyat yetganda, u kishini yig'latdi:

"Albatta, Robbing azobi ro'y berajak".

Shunchalik qattiq yig'laganlaridan, kasal bo'lib (yotib) qoldilar. Odamlar kasalliklari tufayli u kishini ziyorat qilishni boshladilar.

© Ibn al-Qayyim, The Disease and the Cure, 102.

@weareululalbab
2,398
ULUL ALBAB - The People of Intellect

28 Oct, 05:26

"Vazifalarimni taqsimlay olmayman, charchab qolaman"

Vazifalar ko'payib ketsa, kunlarga bo'lib oling.
Keyin shulardan katta qismini haftaning boshida qiling. Masalan, uch kunlik (Qur'on) vazifangiz bo'lsa, 70-80%ini birinchi kuni bajarib (yodlab) qo'ying.

Kunlik vazifalarni ham xuddi shunday.
Kunning birinchi qismida yo imkon bo'lgan ondayoq 70-80%ini bajarib oling.
"Hali vaqtim bo'ladi", deb o'tirmang.
Keyin ishingiz chiqib qolishi, o'qishga ketib qolishingiz yo mehmon kelib qolishi mumkin.

Bu "front-loading" usuli energiyaning to'g'ri taqsimotiga va sizga bog'liq bo'lmagan omillar samaradorlikka ta'sir qilmasligiga yordam beradi.

@weareululalbab
2,743
ULUL ALBAB - The People of Intellect

27 Oct, 12:15

Allohim, meni o'z holimga tashlab qo'yma.
Ko'z ochib yumguncha ham, bir lahzaga ham.
Sening zikringsiz o'zligimni unutaman.
Bandaligimni, qulligimni unutaman.

Allohim, meni o'zim bilan ovora qilib qo'yma.
Sensiz dunyoga g'arq bo'laman.
Yolg'onlarga mashg'ul bo'laman.

Allohim, o'zimni o'zimga maftun qilma.
Ko'zlarim ko'r, quloqlarim kar, qalbim qattiq bo'lmasin.
Ko'radiganim, eshitadiganim, yuradiganim Sen uchun Sening yo'lingda bo'lsin.

Allohim, meni o'z holimga bir on ham tashlab qo'yma. Bir on ham...

@weareululalbab
3,066
ULUL ALBAB - The People of Intellect

25 Oct, 05:32

Hozir ekavering, bir kun unadi.
Hozir sug'oravering, bir kun o'sadi.
"Bir kun" qachon? Xayrli vaqtida.

To'g'ri zamon, to'g'ri makon, to'g'ri sabablar bizning xohishimizga ko'ra emas, Allohning irodasi bilan sodir bo'ladi.

Atrofingizga qarab, bugunning o'lchovi bilan o'lchamang. Chegaralar qo'ymang.
Hozirgi to'siqlar ilm, din, ummat yo'lidagi maqsadlaringizdan to'xtatmasin.
Ehtimollarga joy qoldiring.
Farosat va harakatli bo'ling.

@weareululalbab
3,304
ULUL ALBAB - The People of Intellect

24 Oct, 05:12

Xurmo danagidagi "ahamiyatsiz, arzimagan" misolidagi o'xshatishlar

💡Qitmiyr - xurmo danagidagi ingichka po'stloq.
"(Ey mushriklar), sizlar U Zotni qo'yib iltijo qilayotgan butlaringiz esa po'stloqcha narsaga ham ega emasdirlar" (Fatir, 13).

💡Fatiyl - xurmo danagining o'rtasidan o'tgan ingichka ipsimon tola.
"O'zlarini pok qilib ko'rsatayotgan kimsalarni ko'rmadingizmi? Yo'q, faqat Alloh O'zi xohlagan zotlarni poklaguvsidir va ularga qilchalik zulm qilinmas". (Niso, 49)

💡Naqiyr - xurmo danagidagi (kichik) ariqcha.
"Yoki ular uchun mol-mulkdan biron nasiba bormi? Shunday bo'lgan taqdirda ham ular odamlarga zig'irchalik muruvvat qilmagan bo'lur edilar". (Niso, 53)

@weareululalbab
2,927
ULUL ALBAB - The People of Intellect

23 Oct, 06:45

"Nega rivojlanolmayapman?"

Ustozsiz holatimiz bilan ustozdan keyingi holatimizda nimadir o'zgarishi kerak.
Vazifa tayyorlamagandagi bilan tayyorlangandagisi orasida nimadir farq bo'lishi kerak.
Kitob o'qishdan avvalgi holatimiz bilan o'qiganimizdan keyingi holatda nimadir o'zgarishi kerak.

Yangi pog'onaga chiqmoqchi bo'lsak, nimadir o'zgarishi kerak.
Avvalgi harakatlar, bir xil jarayonlar bir xil natijaga olib chiqaveradi.

Yangi tizim - yangi pog'ona.
Yangi muhit - yangi biz.

@weareululalbab
2,891
ULUL ALBAB - The People of Intellect

22 Oct, 06:08

Gapimiz ta'sir qilmasa...

Eshituvchiga ta'sir qilishi uchun gapda quyidagilar bo'lishi kerak ekan:
1. Ishonch. Notiq gapirayotgan gapiga o'zi ishonishi va undan o'zi ta'sirlangan bo'lishi.
2. Pok qalb. Notiqning qalbi marazlik va kirlikdan pok bo'lishi kerak.
3. Amal. Kishining gapi, avvalo, uning (o'z) amali orqali quvvatlanishi kerak.

Hasan Basriy rohmatullohi alayh bir kishining masjidda qilayotgan nutqidan foyda topmadilar. Keyin oldiga borib, dedilar:
"Yo sening qalbingda kasallik bor, yo mening qalbimda".

@weareululalbab
3,264
ULUL ALBAB - The People of Intellect

21 Oct, 05:20

#tavsiya

Ilmga harislikni oshirishning yana bir usuli din xizmatchisi bo'lgan ulamolar hayotini o'qish va ularning himmatlaridan yuqtirishga intilishdir. Ularni o'ziga g'oyibona bo'lsa-da ustoz tutishdir.

Shu kabi ulamolarning hikmatlari va ko'plab boshqa mavzularda foyda ulashiladigan shu kanalni sizlarga tavsiya qilaman.

Yana turli mavzularda ham foydali postlar mavjud.

@weareululalbab
1,666
ULUL ALBAB - The People of Intellect

20 Oct, 12:08

Qalb shunday narsaki, dunyo matohlarini undan (ongli harakatlar orqali) chiqarmaguncha, Alloh uchun bo'shamaydi.

Bunda dunyodan keladiganlarga nisbatan "yopiq*", ketadiganlariga nisbatan ochiq bo'lishni mashq qilish yordam beradi.

*ehtiyotkor

@weareululalbab
2,927
ULUL ALBAB - The People of Intellect

19 Oct, 05:30

Namozdaligingda qalbingga; yeyotganingda tomog'ingga; birovning uyida ko'zingga; odamlar orasida tilingga ahamiyat ber.

Ikki narsani unutma:
1. Allohni;
2. O'limni.

Ikki narsani unut:
1. Qilgan yaxshiligingni;
2. Senga qilingan yomonlikni.

- Luqmoni Hakim #kitobdan

@weareululalbab
3,782
ULUL ALBAB - The People of Intellect

18 Oct, 05:31

Nega erisholmayapman?

Chunki voz kecholmayapsiz.
- Ortiqcha uyqudan;
- ko'ngil xushlikdan;
- komfort zonadan;
- zararli odatlardan;
- gunoh va ma'siyatlardan;
- mansab va orzu-havasdan;
- yaxshi ko'rganlardan.

Maqsadchalar, odatlar, yutuqlarga erishish qiyin deb o'ylashadi, ammo undan qiyinrog'i - voz kechish.

Kechish azobini totganlarga erishishish mashaqqati yengilroq tuyilaveradi.

@weareululalbab
3,673
ULUL ALBAB - The People of Intellect

17 Oct, 09:01

1️⃣2️⃣3️⃣4️⃣5️⃣

📢 Siz ham shunday tarjima va arabiy e'roblashni o'rganmoqchi bo'lsangiz, hoziroq qo'shiling. Darslar boshlanib bo'lgan, shoshiling!


⚪️ NAHV ACADEMY ⚪️

👤 Ustoz: Sherzod Akhmadjonov
Iordaniya Hanafiyya fiqhi kulliyasi talabasi. Til bo'yicha qator sertifikatlar sohibi.

💬 Darslar haqida "otziv"lar

1️⃣ Telegram ➡️Chat
3️⃣ Instagram 2️⃣ YouTube
2,109
ULUL ALBAB - The People of Intellect

17 Oct, 04:56

Robbim menga nima demoqchi?

Bir kuni oilaviy guruhimizga qori Minshawiy rohimahulloh qiroatida Isro surasining 78-oyatidan boshlanadigan qismini tashlashdi (bizga xos hikoyasi bor). O'sha vaqt Haramda edim. Sanoqli daqiqalardan keyin shomga turganda, imom xuddi shu oyatlarni qiroat qildilar. Subhanalloh.

Kecha ham Takasur surasi haqida gaplashayotganimizda shomga azon aytildi. Xuzayfiy hafizahulloh birinchi rakatda qaysi surani o'qidilar, deb o'ylaysiz? Xuddi shu Takasur surasini. Allohu akbar.

Bunday holatlar hammaning hayotida ko'p sodir bo'ladi. Aytingchi, buni tasodif deya olamizmi? Yo'q, bu tasodif emas, Alloh subhanahu wa ta'alaa bizga xossatan yetkazmoqchi bo'lgan maqsadli xabarlar bular. Undan keyingi vazifamiz o'sha belgi (oyatlar)ni qayta yana o'rganishimiz bo'lishi kerak. Chunki unda holatimizga mos saboq batahqiq mavjuddir.

@weareululalbab
2,278
ULUL ALBAB - The People of Intellect

16 Oct, 14:35

Baxt - Haramda "At-tafsirul muyassar"ni ochib, Read & Lead davrasida o'tirish.

@weareululalbab
2,331
ULUL ALBAB - The People of Intellect

16 Oct, 05:54

- Qanday qilib bu yoshda bunday sog'liqdasiz?
- (Sababi) shu vaqtgacha hech kim bilan tortishmadim.
- Yo'geee, faqat shu bo'lishi mumkin emas-ku?!
- Ha, to'g'ri aytasiz.

@weareululalbab
2,336
ULUL ALBAB - The People of Intellect

15 Oct, 05:33

Faqat shaytondan panoh tilanmaydi, Allohning qahr-g'azabi va uqubatidan ham panoh so'rash kerak.

Allohning nomi bilan O'zi(ning g'azabi)dan panoh tilash #duo

اللَّهُمَّ إِنِّي أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وأَعُوذُ بِكَ مِنْكَ، لَا أُحْصِي ثَنَاءً عَلَيْكَ، أَنْتَ كَمَا أَثْنَيْتَ عَلَى نَفْسِكَ

Ma'nosi va o'qilishi rasmda.

@weareululalbab
2,325
ULUL ALBAB - The People of Intellect

14 Oct, 05:48

Ongli tanlovlar bilan chiroyli ohang chiqadi, bo'lmasa shunchaki yoqimsiz tovush.

Musulmon tanlashi kerak bo'lganlari:
- do'st-birodar - Allohni eslatadiganini;
- ilm - foydalisini;
- vaqt - uni kim bilan, qanday o'tkazishni;
- dam - bekorchilik va haromga olib bormaydigani;
- boylik - halol kasb qilib, beminnat sarflaydigani;
- taom - halol, toyyib va sog'lomini;
- uyqu - vaqtida, yetarli va isrofsizini;
- amal - ixlosni ziyoda qiladigan, solihlarini;
- gap - kerakli, Allohning zikri bo'lgan, lag'vdan holisini;
- oxirat manzili - jannatni, Allohning liqosini.

@weareululalbab
2,747
ULUL ALBAB - The People of Intellect

13 Oct, 05:57

#podcastdan
"Har namoz oxirida keyingi namozni qazo qilmay, vaqtida o'qishni Allohdan so'rang. 40 kun shunday qiling".

#lifehack
Kishi biror odatda 40 kun bardavom bo'lolsa, u xulqiga ko'chishni boshlaydi. Kamida 40 kun chidab bersangiz, keyin o'zingiz xohlab qiladigan bo'lasiz, Allohning izni bilan.

@weareululalbab
2,942
ULUL ALBAB - The People of Intellect

12 Oct, 14:50

#munojot

Allohim, meni O'zingga mahbub bo'lguncha isloh qil. Jaholatimni ketgaz, aqlimni och, diningda fahm ber.

Ey, qalbimning egasi, buruvchisi va boshqaruvchisi, uni O'z diningda sobit bo'lgunicha burib qo'yaver.

Ey, nafsim valiysi va mavlosi, uni O'zing rozi bo'ladigan ishlarga moyil qilib, ehson egalaridan bo'lguncha tarbiyalashga imkon ber.

@weareululalbab
3,032
ULUL ALBAB - The People of Intellect

12 Oct, 06:01

"Sug'ur kuni" qilib turing

Bir xil, takrorlanuvchi, zerikarli tuyuladigan ishlarni har kuni majburan bo'lsa ham qilib ko'ring.

Qur'onni qanday yodlashadi? Har kuni qanchadir o'qish, topshirish bilan.
Yodlaganini qanday mustahkamlaydi? Har kuni qanchadirini takrorlash bilan.
Talaba qanday ilm oladi? Har kuni bir vaqtda ma'lum kitoblar o'qish bilan.
Qanday qilib ilmni yuqtiradi? Kunlik virdlarini erinmay bajarishi bilan.
Va hakazo.

Nimagadir erishish oson, deb o'ylaymiz tashqaridan. Lekin erishilganlar ortida o'ta katta sabr talab qiladigan "sug'ur kun"lari turibti.

Sinab ko'ring, necha kunda zerikarkansiz...

@weareululalbab
2,203
ULUL ALBAB - The People of Intellect

11 Oct, 05:10

"Juma haftaning hayitiga o'xshagan namoz kuni bo'lib, Alloh taolo (hayitdagi) qurbonlikni masjidga erta chiqish bilan alishtirdi.

Juma kuni berilgan sadaqa boshqa kunda berilgan sadaqadan farq qiladi. Binobarin, Juma Ramazon kabi ajralib turadi. Shayxul-islom Ibn Taymiyyaning Jumaga ketayotib sadaqa qilganlarini ko'rganman".

- Ibn al-Qayyim rohimahulloh, Zaad al-Ma'aad.

@weareululalbab
2,250
ULUL ALBAB - The People of Intellect

09 Oct, 12:17

Kulaylikmi, yig'laylikmi...
Alloh ahvollarimizni isloh qilsin. Amin.

@weareululalbab
2,712
ULUL ALBAB - The People of Intellect

09 Oct, 05:40

Tizimli va tartibli ravishda to'liq tafsir (Fotihadan Nasgacha) o'qishning ba'zi foydalari:

💡Allohning kitobi uchun ajratgan vaqtingiz hayotingizga ko'plab barokat olib keladi;
💡sura va oyatlarni uzuq-yuluq emas, tartibli, ularning nozil bo'lishi va kontekst(mavzusi)iga ko'ra tushuna boshlaysiz;
💡suralarning ketma-ketligi va mavzularning bir-biriga qurilib borishi miyangizni ochadi, iymonning bir manbasi bo'ladi, tan berasiz (kamtarlik), Allohning kalomini yanada qadrlay/seva boshlaysiz;
💡belgilar, ahkomlar, qissalar, ibratlar haqida kengroq va chuqurroq tafakkur qilishni o'rganasiz;
💡bularni har kuni o'qib yurgan odam hayotidagi muammolariga ham bevosita Qur'ondan javob izlay boshlaydi;
💡bir joyda o'tirib har kuni bu ishni qilish nafsni sabrga va intizomga o'rgatadi;
💡takror keladigan oyatlar, bir oyatning boshqa oyat bilan tafsir qilinish holatlarida ko'proq narsa esingizda qolayotganini sezasiz;
💡tafsir jarayonida ko'plab hadislarni ham o'rganasiz;
💡keyingi ilmlarga poydevor vazifasini bajaradi.

Bu yo'lda bizga eng katta vosita bo'lgan kitob shayx Alauddin Mansur rohimahullohniki bo'ldi.

@weareululalbab
2,822
ULUL ALBAB - The People of Intellect

08 Oct, 13:30

Musulmon biri uchun jaholat, depressiya va umidsizlik vaqtlari ming to'rt yuz yil oldin o'tib ketgan (bo'lishi kerak).

@weareululalbab
2,536
ULUL ALBAB - The People of Intellect

08 Oct, 06:18

Oxirgi hafta eshitganim/eshitayotganim yaxshi podcastlar:
- من أين تبدأ التربية؟
- أخطاء قاتلة للآباء قد تدمر شخصية الطفل
- Xayrulla Hamidov bilan
- O'zgarish vaqti keldi

@weareululalbab
2,816

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.