Tingla Hayot | #freePalestine 🇵🇸

Naqadar uzundir, og'irdir bu yo'l,
Dalalar yastanib yotar ko'k kabi.
Tig'lar xotiramni osmon - cheki yo'q,
Tizginsiz bu shiddat kenglik asabi.

Bu kenglikda o'ylar meni g'ijimlar,
Ul ko'z qofiyasin sudrab keladir.
Qancha qochsang, shuncha qilgay hujumlar,
O'q singari xotiramni tiladir.

Tegramda zich havo - ona Turkiston,
Yorgay tomirimni ko'r hayajonim.
Bu maydon ichinda men to'kmagan qon,
Mening uni deya ayagan jonim.

Yana yiroqlarga chorlaydi moziy,
Vatan tushunchasi kelar yetaklab
Ayrilgan, xo'rlangan ulus ovozin.
Shoiring beshigi aytar ertaklar.

Yassaviy maqbari mung'aymish mag'rur.
Tovushga aylandi har bir g'isht rangi.
"Dunyo mening deganlar.." Nido kelur.
"Karkas qushdek.." Qadim so'zlar jarangi.

"Yolg'on da'vo qilganlar.." So'zlar shoir,
"Oqni qaro qilganlar.." Ayting, kimlar?!
Maqbara boshimga yiqilar hozir,
Yana tovush: "Harom yegan hokimlar.."

Parchin-parchin bo'ldi yodim simlari,
Simlar - ko'zlarimga mil tortgan chizgu.
O'tgan ulug'larni eslayman barin,
Xotirot mozori - Turkiston mangu.

Kecha sodiq o'g'ling o'tdi dunyodan,
Saxiy inson edi, u shoir edi.
Sanchilib yashaydi bir umr yodda,
Ketayotib men yig'lab bo'ldim dedi.

Yig'la endi, ko'zim, sen-da yig'lab ol,
To'ysin ko'z yoshingga bu turkiy sitam.
To'ysin, Vatan yodi chidar bemalol,
O, sabr daraxti, qutlug' Turkiston.

Naqadar uzundir, og'irdir bu yo'l..

Rauf Parfi, 1981-yil
Iymon Asiri kitobidan.

@Tingla_Hayot

Diskleymer: Bu motivatsion post emas va gap orzular haqida ketmayapti. Yuqoridagi fikrlarning pastda yoziladigan gaplarga aloqasi bo‘lmasligi ham mumkin. Barchasi shunchaki intriga uchun yozildi. Gap nima haqida ketayotganini tushunmasligingiz ehtimoli ham bor va bu sizning aybingiz emas)

Man bir akani ma’lum vaqtdan beri taniyman. Kanalini ko‘pdan beri kuzataman. O‘zi bilan salom-aligimizga bir yildan oshdi. O‘sha aka o‘tgan yili bir necha yillik orzularidan biriga erishdi. Bu uchun ancha ter to‘kdi, pul yig‘di, tajriba to‘pladi, turli xil sinovlardan o‘tdi, sabr qildi va o‘z maqsadiga erishdi. Albatta, buni odatiy hayot yo‘li deyishimiz mumkin edi, agarda u odam shuncha harakatlari evaziga “birovning bratishkasi” degan quruq tuhmatli tamg‘aga loyiq ko‘rilmaganida.

Ko‘pchilik anglaganidek, gap “Yog‘du” nashriyoti ta’sischisi Muhammad Amin Mirsaidov haqida boryapti. Nashriyot ochishni birinchi abzasda aytilgan o‘sha ikki xil orzuning bir qo‘lda tutib turilishi deb hisoblayman: orzuyingdagi biznes, jamiyatga foydang tegadi, hissiy qoniqish va samarali tizim o‘rnatolsang, o‘zing istagan moddiyatga ham erishish mumkin. Qanchalik yoqimli holat bu! Yakunda, sanab o‘tilganlardan hech biri o‘xshamagan taqdirda ham inson uchun yoqimli tajriba bo‘lardi nashriyot ochish. Va yana, agarda u odam shuncha harakatlari evaziga “birovning bratishkasi” degan quruq tuhmatli tamg‘aga loyiq ko‘rilmaganida. O‘ta sentimental odam sifatida aytaman: buni qabul qilish judayam og‘ir.

O‘sha 1000kitob loyihasi bo‘yicha mashmashalarga umuman aralashmadim. To‘g‘ri-da, mani fikrim nimaniyam o‘zgartirardi. Ustiga-ustak tayinli fikrim ham bo‘lmasa. Lekin ayrimlarning manfaatlar to‘qnashuvi deb bir insonning yarim umrlik orzusi ustidan mag‘zava ag‘darishayotganiga jim qarab turmaslik kerak, deb hisobladim. Gap-so‘zlar mayli, shuncha nashriyot ichidan aynan “Yog‘du”ga nisbatan korrupsion ish ochilgani kulgimni qistatyapti.

Muhammad Amin akani o‘zidan ahvol so‘rab yozdim. Xurshid Yo‘ldoshevning uzoq yillik tanishi yoki bratishkasi emasman, deyapti. 1000kitob ofisiga borganda birinchi marta ko‘rishgan. O‘g‘irlik qilmagani uchun bu surishtiruvlardan umuman xavotirda emas. Lekin e’tiborimni tortgani, agar aybsizligi isbotlansa, unga qarshi gap tarqatganlarni tuhmat uchun sudga berish niyati ham yo‘q. Man bu harakatni populizm deb hisoblamayapman. Akani hech kimdan da’vosi yo‘q, shunchaki tinch qo‘yishsa bo‘ldi degan fikrda. O‘rnida bo‘lganimizda, ko‘pchiligimiz Navoiydan Toshkentga kelib, hammani yig‘ib, birma-bir bahslashib, qo‘polroq aytganda barcha tuhmatlar uchun “so‘ravolardik”. Shaxsan man shunday qilardim.

Yozayotganlarim qanaqadir “zakaz” post emas. Aks holda kattaroq auditoriyasi bor biror jurnalist-bloger tomonidan yozilgan bo‘lardi. Mani gapim esa qaygayam borardi, zakazga nimadir yozsam. Shunchaki o‘zimizga o‘xshagan bir odamni, xuddi manikiga o‘xshagan orzulari ustidan balchiq tortishayotganini qabul qilolmay yozdim bularni.

Ayrim “ziyoli”lardan farqli o‘laroq, bu masalada kimgadir tuhmat qilmaslikka farosatim yetadi. Kimdir nimadir o‘g‘irlagan bo‘lsa, sudga tortilsin. Xuddi shunday, tuhmat qilganlar ham!

Hech qanaqa dalilim yo‘q. Shuning uchun aniq fikr bildirishdan yiroqman. Lekin bir qoida bor: Bunaqa katta masshtabdagi loyihadan pul o‘g‘irlash uchun 3 kishilik jamoa kamlik qiladi. Tankning balonini yog‘och tish kovlagich bilan teshib bo‘lmasligini bilish uchun ziyoli bo‘lish shart emas. Tankni ishdan chiqarish uchun kattaroq kuchlar kerak! “Yog‘du” ustidan shikoyat qilayotganlar o‘sha “kuchlar” emas deb umid qilaman.

E’tiboringiz uchun rahmat! Orzularingiz uchun kurashing va ularni oyoqosti qilishlariga yo‘l qo‘ymang! Haqiqat hamisha g‘alaba qilaversin, agar u bo‘lsa)

@phaziloff

Результаты конкурса:

Победители:
1. Usmon🇵🇸 (@Usmon715)
2. Surayyo 🇵🇸🇵🇸 (@m_surayyo_sh)

Проверить результаты

Suyukli bobomiz haqlariga duoda bo'lib turinglar. Salomatliklaridagi muammolarga siz azizlarning duolari eng yaxshi shifo, in shaa Allah.

Konkurs!

"Muqaddima" va "Fors Nomalari" asarini kimgadir sovg‘a qilmoqchiman. Ikkita g‘olib bo‘ladi va g‘olib xohlagan kitobini tanlab olishi mumkin. Hech qanaqa kanalga a'zo bo‘lish shartmas, shu kanalda borliklarizni o‘zi yetadi menga :)

Ishtirok etish uchun "Qatnashaman" so‘zi ustiga bosishingiz yetarli. Bot Jum'a kuni 21:00'da g‘olibni aniqlaydi. Qolaversa o‘zingizning qanday odam ekanligizni ham bilib olishingiz mumkin, qani shu haqida do‘stlaringizga ichingizdan hech nima o'tmay, samimiy ulasholasizmi yo‘qmi?) Omad.

"Davlat" kitobini o'qir ekanmiz, asar qadimgi Yunon qadriyatlarini o'zida mujassam ettirgan holatda, Suqrotning quyidagi so'zlari bilan boshlandi: "Kecha men Aristonning o'g'li Glavkon bilan birgalikda ma’budaga sig'inish uchun Pireyga bordim, bundan tashqari, ma’budaning bayramini qanday o‘tkazayotganliklarini ham ko‘rmoqchi edim".

Va asarda, "Zevs nomi bilan ont ichamanki", "Zevsga qasamki" kabi jumlalarni qahramonlar aktiv ishlatib borishadi. Bu bizga davr va joy atmosferasini to'liq anglash uchun yordam beradigan qimmatli manbadir, aslida. Chunki hozirgi zamonga kelib ham, hayotimizning ko'p jabhalarida qadimgi yunon falsafasiga, atamalariga va an'analariga murojaat qilmoqdamiz. Siyosatdan tortib kalendargacha hamma yo'llar qadimgi Yunonistonga olib boradi.

Biroq meni tanimaganlar ko'p qiziqishadi nega tug'ilgan kunni oddiy kundek qabul qilishimga, odamlarni tabriklamasligimga va o'zim ham sovg'a va tabrik qabul qilmasligimga. Mantiqiy jihatdan, men yilida bir marta emas, iloji boricha har kuni loyiq ekanligimni his qilib yashaydigan davra a'zosiman. Biologik jihatdan, meni tug'ilishimga sababchi odamlar tabrik va sovg'alarga haqlidir. Hujuvatingiz ko'tarsa, borib ularning ko'nglini oling. Marketing jihatidan, men istemolchi jamiyatning iste'molchi a'zosi emasligimni aniq belgilab olganman.

Diniy jihatdan, menga bu kunni bazm-u jamshidda o'tkazishim uchun biror tayinli fatvo berilmagan. Tarixiy jihatdan esa, qadimgi Misrda Fir'avnning Xudo sifatida tug'ilishini nishonlash tadbiri va qadimgi Yunonistonda oy xudosiga sig'inish rituali hisoblangan (har bir detali bir amaliyot, hatto, tort va shamlar, uning puflanish jarayoni ham), hozirgi kunga qadar yetib kelgan bu an'anani nishonlash naqadar to'g'ri?

Endi esa, katta munozaralarga olib kelgan yangi yil bayramini nishonlamasligim haqida. Bu ham xuddi o'sha sabablar bilan bog'liqdir. Ushbu kun haqida videoda biroz ma'lumot berilgan. Aniqki, din ilmida ham, ilm-fanda ham eng cho'qqida emasman, ammo "nima uchun?" degan savolni berish men uchun qiyin emas. Ayniqsa, XXI asrda ma'lumot topish juda osondir.

Marketing kurslarida o'qigan va bir necha yillik tajribaga ega shaxs sifatida ham shuni aytamanki, ratsional kishilarni diniy fobiyalaringiz bilan assotsiatsiya qilmasdan, o'zingizga savol va javob berishdan qo'rqmasdan bir o'ylab ko'ring-chi: siz iste'mol qilayotgan mahsulotlarning tarkibigayam qiziqmasdan sotib olishingiz, qaysidir musiqani eshitishingiz, qaysidir hazilni tilingizga olishingiz, qaysidir sportchini deb jon kuydirishingiz, qaysidir usulda kiyinishingiz — hammasi o'zingizning tanlovingizmikan yoki qayerdadur sizning psixologiyangiz yaxshilab hisob-kitob qilib chiqilgan?

Ongli jamiyatda yashashni istar ekanmiz, ongli holatga ko'chishni qabul qilish darajasiga yetishimiz va jamiyat ongli ravishda surib chiqarayotgan narsalardan rostakamiga voz kecha olishga irodali bo'lishimiz kerak, azizlar. Kim ham mahsulotlari inson sog'ligiga foydali, ta'lim sistemasi to'g'ri, turmush qurish oson, birta aniq kun emas, har kunini bayramdek o'tkazadigan, tarbiyasi koinot darajasida raso jamiyatda yashagisi kelmaydi.

Buning uchun hamma jamiyatda talab yo'q narsalarga talab yo'qligini ko'rsata olishi kerak. Bunga harakatlar ziyolilar tomonidan boshlab berilganida "Jadidlar" davri edi. Ya'ni haligacha davom etmoqda, Xudoga shukr. Lekin ba'zi intellektual qatlam a'zolarimiz borki, haliyam har qanday o'zgarishni nimagadur islomafobiyalari bilan qabul qilisholmaydi.

Shunaqalarga maslahatim, shu islomofobiyangiz o'zingiznikimi yoki kimgadur sizni shunaqa programmalash kerak bo'lganmi, bir sarhisob qilib ko'rsangiz. O'zingizniki bo'lsa, shifo tilayman. Kimdirning ta'sirida bo'lsangiz, ilm oling. Yana bir gap, men bunaqa rituallarni nishonlaydiganlarga "Nishonlama", demayman, avvalo, qadriyatim gapirsin. Ikkinchidan, menga ham kelib "Nishonla", deyishga hech kimning haqqi u yerda tursin, sababi ham yo'q. Shuning uchun, faktlar olamida bir-birimizni tushunib yashashga nima yetsin.

Hamma gapim shu.

Kitob o'qishim sustlashgan bir paytda sizlarga film tavsiya qilmoqchiman. Bugun bitta yaxshi, bitta yomoni haqida ozgina qaydlar.

The Platform 2 (IMDb 5/10)

Aslida o'rtacha va yomon filmlar haqida yozgim kelmaydi, bo'lmasa shunchalik ko'p trash ko'rganmanki, asti qo'yavering. The Platform'ning birinchi qismi juda yoqqan, shuni ta'sirida ikkinchisini ham ko'rdim. Filmda ramziy ma'noda Zamyatin (antiutopiya janridagi "Biz" asarining muallifi) nomini qo'llashgan. Birinchi qismidan farqli ravishda bu qismda asosan fanatizmga uchmaslik ilgari surilgan. Nomlar alohida qilib bog'lab chiqilgani hisobiga va ulardan umuman bexabarligim ta'sirida jumboqdek bo'lib qoldi. Yana yoqmagani ingliz tilining "fransuzcha" shevasidan boshim og'rib ketti. Bilamizki Netflix aktyor va aktrisa tanlashda oxirgi paytlar juda no'noq. Faqatgina birinchi qismdagi amakini ko'ribgina ozgina film ichiga kira oldim. Xullas ko'p g'ingshiyverib, nolib bazo'r oxirigacha yetib bordim. Lekin tan olish kerak Squid Game 2 va The Platform 2 ham birinchisidek chiqmadi. Ularning g'oyalarini, aytmoqchi bo'lganlarini muhokama qilish maroqli - lekin avvalgisidek emas. Squid Game haqida yozmaganimni sababi final mavsumi keyingi yil chiqarkan, tugallanmagan va o'ta qisqa qilib taqdim qilingan serialga hozircha fikr bildirgim kelmayapti. Lekin bu yomon ekanligini inkor qilmaydi.

*_*

Nowhere (IMDb 6,3/10)

Random uchrab qolgan filmlardan bittasi. Filmning asosiy qismida homilador ayol bolasi va o'zi uchun Atlantika okeanining o'rtasida oddiy konteynerda jon saqlashga harakat qiladi. Ko'p ma'lumot ham izlamadim, shuning uchun okean nomi haqida faktga ega emasman va bu tahmin shunchaki Irlandiya yaqinida bo'lgani uchungina yozdim. Filmning real hayotga umuman aloqasi yo'q ekan ya'ni Skandinaviya mamlakatlarida bunaqangi fuqarolar urushi va harbiy harakatlar bo'lmagan. Sababi aynan bir tuzum sababsiz homilador ayollar va bolalarni o'ldirishni yoki asossiz uydan olib ketishni boshlaydi. Tabiiyki bu siyosiy boshboshdoqlik fonida xalq oddiy suv uchun ham oxirgi nafasigacha kurashadigan qilib qo'yiladi. Umumiy planda istalgan uchinchi dunyo mamlakatini qo'ysangiz bo'ladi. Asosiy motiv emotsiyalaringizga o'ynab har yili dengiz va okeanlarda yaxshi hayot uchun umid bilan kelishga harakat qilib yo'lning o'zida yarmini qurbon qiladigan muhojirlarning o'sha vaziyatdagi qiyinchiliklari, matonati haqida uqtiradi. Jahon Sog'liqni Saqlash statistikasiga ko'ra 300,000 dan ziyod migrantlar dengizda omonatlarini topshirishgan. Ularning chorak qismi 5 yoshdan kichik bolalar. Bu aniqlangani xolos, bilamizki bu narsani aniqlash doim abstrakt - chunki noqonuniy va na migrant chiqib kelgan hukumat va na shartli ravishdagi istalgan migrant kirib kelmoqchi bo'lgan hukumat buni aniqlay olmaydi. Shuning uchun ham film nomi 'Nowhere' bo'lsa kerak ya'ni hech qayerdan hech qayerga, o'ligi ham tirigi ham mavhum.

Xullas judayam oddiy ssenariy orqasidan hissiyotingiz bilan o'ynashadi bu film va bu muammoga chuqurroq e'tibor qaratishga chaqiradi. Shukrki biz suvdan yiroq davlatmiz, oddiy 'Meksika orqali Amerika' vasvasasida qancha yurtdoshlarimiz o'lib ketayotganligini ham bilmaymiz. Tasavvur qiling dengiz yoki Okean yaqin bo'lsada bu chegara bizni Buyuk Britaniyaga eltsa.. Bu har kungi daxshatli xabarlarning yanayam bir nechtaga ko'payishi degani.

@Tingla_Hayot

- Have you heard about the broken windows theory? If a place is already filthy, it's easier on the human psyche to make it dirtier, rather than clean it.

🎬 The 8 Show
@Tingla_Hayot

https://youtu.be/7Un3pTENopc?si=LBgG--mXUexsjyfL

Falastinlik 100 nafar bolalar va ayollar Oʻzbekistonga evakuatsiya qilindi

Oʻzbekistonning Misrdagi elchisi Mansurbek Qilichevga koʻra, 26-dekabr kuni ikki davlat Sogʻliqni saqlash vazirliklari bilan kelishilgan holda 100 nafar yarador falastinlik bolalar, ayollar va ularning hamrohlari Oʻzbekistonga evakuatsiya qilindi.

Oʻzbekiston hukumati falastinliklar bemor oilalarining barcha ehtiyojlari, jumladan, davolanish harajatlari, mehmonxona, maktab, oziq-ovqat va boshqalar bilan toʻliq taʼminlaydi.

👉 @kunonline

@ustozation

Shayx Muhammad Sodiq Muhammad Yusuf bilan bo‘lgan avtohalokat haqida.

@Tingla_Hayot

Tekin tavsiya

Uzoooq o'ylab, yozib-o'chirib bitta qarorga keldim. Do'zaxlik sudya (The Judge from Hell, 2024) serialini o'zingiz ko'rib xulosa qilishingiz kerak. Mening yozganlarim turtki bo'lmasligi, spoiler'lik qilib qo'ymasligim kerak. Va yana shuni aytamanki, din targ'ibotchisi emasman. Chunki serialni men emas, koreyslar ishlagan. Ularning 60%'i hech qanday dinga ishonmasligidan kelib chiqadigan bo'lsak - bu targ'ibot ularga kerak bo'lgan. Aslida g'oyalar o'xshash, baribir aytib qo'Ygan yaxshi. Qo'rqmasdan, vijdoningiz uyg'onmasdan ko'rmasligingizning iloji yo'q. O'zingizga beradigan kelajakdagi savollaringiz haqida ham ortiqcha to'xtalib o'tirmayman.

Inson o'z-o'ziga dushman, shu qatorda bu dushmanlik kuchaysa - o'zgalar uchun ham xavfli..

Adolat o'zi nima? Buni odam ta'riflab berolmasa kerak - o'zidan kelib chiqib adl izlaydi bu ulug' odamzod. Aslidachi?!

IMDb (7,8/10)

@Tingla_Hayot

Eshitgan bo'lsangiz kerak "hech kutilmaganda" Cho'lponning shu asari topilibdi va chop etishibdi. Adadi 1,000 nusxa.

Shu kitobning qancha tez sotilishi orqali oxirgi yillardagi kitobxonlik va jadidlarga bo'lgan munosabatni bilib olishimiz mumkin bo'ladi. IMHO albatta.

@Tingla_Hayot

yozmayapman emas, ularni ulasholmayapman..

Menimcha eng qalami o'tkir yozuvchi O'tkir Hoshimov bo'lgan. U Twitter yo'q paytida o'z tvit'larini yozib ketgan. Ajib. Hozir ham qo'limga adibning 1993-yilda nashr qilingan, oltmish betlik "Shumlik" hajviy hikoyalari to'plami yetib keldi.

Maza qildim.

#Faust #qaydlar

Ilohiyot ila band bo’ldim,
Faylasufi xiradmand bo’ldim.
Ilmi huquq, ilmi tabobat -
Barchasini o'rgandim, faqat,
Faqat menga bir narsa ayon:
Nodon edim, nodonman hamon.

@Tingla_Hayot

#Faust #qaydlar

Takror aytamanki, ko’p yozing faqat,
Gap ko’p bo’laversin, fikr shart emas.
Xaloyiqni hang-mang qilolsangiz bas,
Siznikidir obro’, sizniki shuhrat.

@Tingla_Hayot

Menimcha "Faust"ni o'qish vaqti keldi.

Андхуй тумани

​​"Iste‘fo"

Murod Muhammad Do‘st o‘zbek adabiyotidagi kuchli yozuvchilardan biri. Adabiyotning eng yirik darg‘alaridan biri desak ham adashmaymiz. O‘zi aytganidek erinmasa, boshqa shoh asarlariniyam yaratgan bo‘lardi.

Yaqinda "Iste‘fo"sini tugatdim. M.M.Do‘st asarlarida o‘zaro uzviylik bor. "Lolazor"dagi qahramonlar "Galatepaga qaytish"da, "Galatepadagi" G‘aybarov "Iste‘fo"da bor. Roman-epopiya deb bo‘lmaydi lekin siz o‘zaro bog‘liqlikni his qilasiz. Yuqoridagi ikki asari o‘zbek adabiyotidagi uncha-muncha asarni ortda qoldiradi, ammo "Iste‘fo"si bo‘shroq. Balki Elomonov personajini asarga tegadigan darajada laqmaligi, beparvoligi o‘quvchining g'ashini keltirgani uchun ham shunaqa tuyilar.

Aslida, Elomonov obrazi 1980-90-yillardagi ishonuvchan, ateizm va  kommunizm bilan sug‘orilgan miyaga ega insonni, kadrni tasvirlaydi.
Elomonov- o‘zi xohlamagan hayotni yashagan o‘zbek. Mansabi, rafiqasi, keyingi mansabini xohlamagan, o‘ziga erkinlik bermagan, sevgan joyi (Galatepa), ishidan mahrum, qobiqdan chiqishga ehtiyoji bor, ammo jasorati yo‘q inson - Elomonov. Bu inson sizga kimnidir eslatib yubormadimi?

Binafshaxon personajiyam o‘quvchiga ko‘p narsani gapirib beradi, ismini o‘zgartirgan, ijodi haminqadar, unutilishga mahkum, Elomonov bilan o‘zining nomi mustahkamlanishi, jamiyatdagi obro‘si yanada balandroq bo‘lishi, tirikchilik bilan o'ralashib, "ijodi"ni to‘xtatmaslik uchun turmush quradi. Sevgisiz, jamiyat uchun qurilgan amaldor va shoira oilasi. Hatto, oilaning muammolari biz uchun yaxshi tanish. Hatto, haligacha bu oilaning muammolari jamiyatdagi juda ko‘p oilalar uchun aktual.

"Iste‘fo"ni maishiy asar deyish xato. Lekin, yozuvchining boshqa asarlari bilan taqqoslaganda, oradagi tafovut yaqqol seziladi. Asarning yutug'i davr ruhiyati va o‘sha davr insonlarning psixologiyasini ajoyib tasvirlay olganida.

M.M.Do‘st asarlarini bir qiziq jihatini kashf etdim, asarlarini jamlab yoki asarlarining o‘zaro uzviyligi ustida bir adabiyotshunos juda yaxshi va kattagina ilmiy ish qilishi mumkin. Birinchidan, adabiyotshunos bu jarayondan zavqlanadi, ikkinchidan adabiyotshunosligimiz xazinasiga yaxshi ilmiy ish qo'shiladi.

Nima bo‘lgandayam, tavsiya qilaman kitobni. O‘qing. O‘qiylik.

@dilnurasblog

Topib berganga suyunchisi ham bor, nimaqisa aytamanda :)

Izlam'ning birinchi to'plami kimdadir to'liq holatda bo'lsa - sotib olaman. Botga yoki o'zimga (@ulugxon) yozishingiz mumkin.

O'zimda faqat "Qon", "Jazba" va "Faqat U Qoldi" kitoblari bor.

Nimagadir fikr bildirar ekanmiz, xolislikdan bizni parda to‘sib turadi. Deylik mashhurlik pardasi. Mansab pardasi. Oshna-og‘ayni, qarindosh-urug‘lik pardasi...
Xalq shoirining she’rini ochiq tahlil qilishga uning NOMI yo‘l bermaydi. Chunki o‘rtada u katta shoir, hamma gapi to‘g‘ri, har aksirig‘i — she’r degan dogma bor. Va chetlab o‘tamiz haqiqatni. To‘g‘rirog‘i yashiramiz. Yashirish — fazilat go‘yo. Birovning aybini yashirish kerak degan chiroyli gap yo Isoning o‘zganing ko‘zidagi cho‘pni ko‘rasan-u o‘z ko‘zingdagi xodani ko‘rmaysan kabi hikmatiga
aloqador emas. Bu Naqshbandning haqiqatni kerak bo‘lsa, yelkamga chiqib ayt, deganidir. Har qanday holatda borni bor, yo‘qni yo‘q deya olish jasorat ham emas, ehtiyoj. Insoniylik. Kundalik ehtiyojlardan biri. Lekin parda bor ongimizda. Bu parda haqiqatni chetlab o‘tish bilan birga, oddiy voqeadan KATTA qahramonlik, ojizlikdan jasorat yasab bera oladi. Nitshe qirol bilan bir kunda tug‘ilgani uchun buyuk emas.

Qaysidir ijod maxsuliga baho beryabsizmi, muallifini o‘ldiring avval. Uning soyasi, salobati, shuhrati bosib turmasin boshingizni. O‘lgan muallif haqida esa yanayam yolg‘on gapirishga o‘tamiz.

Qaysidir voqeni tahlil qilayotganda ham ishtirokchilari mansabini unuting.

O‘rtamiyona narsani hech qanday buyuk ulug‘lash buyuklashtirib qo‘yolmaydi.

Parda — tobelik. Ommaviy e’tirof, ommaviy shovurga tobelik.

Biror hodisani yashirish bilan go‘yo yaxshi ko‘rinishingiz mumkin omma oldida, lekin asl haqiqat yo‘qolmaydi.

Aslidan boshqacha ko‘rsatish qon-qonimizga singib ketgan. Paxta planini ortig‘i bilan topshirdik! Berilgan topshiriq yuz foiz amalga oshirildi! Kambag‘alchilikka chek qo‘yildi!

Qo‘rquv bilan parda uyqoshday.
Shunay qilinishi kerak deb o‘ylaymiz. O‘ylamaymiz, o‘z-o‘zidan shunday qilamiz. Ikki odam gurunglashayotganda doim borni yo‘q, yo‘qni bor qilib ko‘rsatishga chiranadi. Kimdir haqida gap ketsa, u to‘g‘rida kimlardir aytgan tashbihlarni jamlab, o‘zimizga ma’qulini tanlab olamiz ichidan.

Falon yil ko‘chada bir adabiyotshunosni uchratib qoldim. Menga aytdiki: Tabriklayman, Erkin A’zam "Tafakkur" ning birinchi sahifasida she’ringizni bosibdi. Bu sizni qabul qildi adabiyot degani...

O‘zining ko‘zi yo‘qmidi? Bor edi! Avvaldan tanirdi. Lekin u kishi Erkin A’zamga tobe. Parda. U odam Erkin aka asarlari haqida hech qachon xolis yozolmaydi. Boshqalar haqida ham. Chunki Erkin aka bir ishorasi bilan o‘zgartirib yuborishi mumkin qarashini.

Pardani yirtish — o‘zini tanigan, bahosini, darajasini biladigan odamning ishi. Lekin u ahmoq bo‘lsa, parda yirtilgach ham o‘zgarmaydi avvalgi holat. Chunki faqat ahmoqlargina o‘zgarmasdir. Ahmoq pardani yirtganda ham, pardani yirtish kerak degan odamning gapini ushlab qoladi. Yangilanmaydi. To boshqa birov boshqa yo‘lga boshqarmaguncha shu gap soyasida yashaydi.

Jontemir

O'zimcha asragim keladi seni -
Yovuzlik, Xiyonat qashqirlaridan!..

@Tingla_Hayot

Amazon'dan kitob olmoqchi bo'lganlar yo'qmi? 5-6 kishi yig'ilib olsak yetkazib berish narxi arzonroq tushardi.

$15'ga bir dona kitob olmoqchi edim, yetkazib berishini o'zi $20 ekan)

Murojaat: @TinglaHayot_bot yoki forward qilingan kanalni izohlar qismi.

Usmon akadan panch😁

Har doimgidek MTJ o'yinini ko'rmayman deb ko'rib qo'yaman. Futbolchilarimizdan biri bo'lgan hakamga rahmat! Rasvo o'yin uchun ham alohida "rahmat".

O'shanda Anzirat buvi oxirigacha nuqta qo'yib ketmaganda, afsus..

@Tingla_Hayot

Bir umrga tatigulik..

🎙 @auror_au
🎞 Bilmayman, topolmadim.

@The_end_rasmiy

Shaxsiy fikrim qani?

@Tingla_Hayot

Пейджерлар, смартфонлар, ноутбуклар ва электр транспорт воситаларининг портлашларидан сўнг, ўша саволни қайта сўраш вақти келди - 11 сентябрь куни Жаҳон савдо марказини ким портлатди?

Propaganda haqidagi video ko'pchilikning nafsi va aqliga og'ir kelibdi-da..

Ba'zi raddiyachalardan "Biroz chirkin yashab ham turish kerak" degan g'oyalar ham turibdi. Bilamizki biroz bu hamma uchun har xil miqdor.. Ehtiyot bo'lib fikr bildiring-a, asl yuzingiz hammaga ayon bo'lib qolmasin hurmatli "elita"lar.

@Tingla_Hayot

Shuning uchun hammadan ham intervyu olavermaylik, o'rtoqlar. Usmonov bilan jazolansin deganlarning fikriga qo'shilaman.

Nima bu solishtirish? Ilm-fanni oldida sportni zarracha qadri yo'qligini anglab yetishimiz kerak. Sport yuksaltirganda biz hozir uchinchi dunyo mamlakati sifatida qaralmasdik.

Shundog'am g'azabini ichiga yutib yurgan kichik bir jamiyatni jig'iga tegmanglar bunaqa gaplar bilan!

@Tingla_Hayot

Oxirgi intervyu tizerini o'chirdim. Hamid Sodiqga hurmat saqlagan holda, albatta. Sabab g'oyalar va fikrlar emas - savollar. Sayoz. Undan ko'ra Fikrat'ning istalgan boshqa sonini ko'ring.

O'zbek tilidagi yaxshi intervyular, yanayam aniqrog'i savollar ketma-ketligini bir tizimlashtirib va umumiy ma'no chiqarib bera oladigan - qisqaroq aytsam uzviy ravishda bog'laydiganlar kam. Yoki men ko'rmayapman.

@Tingla_Hayot

Shuncha vaqt o’tib bir kitob haqida - aniqrog’i uning ichidan kontekstlarni olib bir tahlil-post yozmoqchi edim. Aksiga olib bugun kitob yo’qolib turibdi. Ustiga-ustak undan boshqa kitobni tugata olmadim shu oy hisobidan. Alamli..

Bundan buyog’iga yaxshi bo’ladimi yoki yomon - o’qib tugatgan kitoblarim haqida kanalda yozib (oldingidek) bormoqchiman. Faqat o’qish vaqtida bir narsani hisobga olinglar - men prof tahlilchi yoki taqriznavis emasman. Men shunchaki o’z qarashlarimni raqamli olamga qoldirmoqchiman. Kun kelib o’qishim uchun, va yana kimdir shularni o’qib kitobga qiziqishi ortishiga oz bo’lsada hissam qo’shilishi uchun, yozishni unutib qo’ymaslik uchun.. Shuning uchun chuqur badiiy tahlil qilib, uslubni tushuna olmabsan degan gaplar bo’lmasin. Oldingi tortishuvlarimni ko’rib - bu narsani oldindan sug’urtalab qo’yyapman.

Bundan tashqari hech yo’q bir oyda bir kitob ulashish kuni ham belgilaymiz. Birinchisi bugun boshlanadi, demak men o’qib tugatgan va yo’qotib qo’ygan kitobim qaysi ekanligini topgan birinchi odamga mendan kitob sovg’a bor. Bir donagina yordam bor va har bir kishi 2 tadan tahmin qilish imkoniyatiga ega.

Yordam: 3-nashrii “Akademnashr”ga tegishli adabiyot. Tahminlarni @TinglaHayot_bot’ga jo’nating. Kimgadir bu kitobni o’qiyotganim haqida oldin aytgan bo’lsam, o’sha odamning javobi hisobga olinmaydi.

UPD. Kitob nomi topildi! Bu Murod Chovush'ning "Hech" kitobi edi.

@Tingla_Hayot

Мазҳарабозлар орасида ёлғиз қолсангиз ҳам Фаластинни қўллаб-қувватланг 🇵🇸 ✌️

Ҳар бир овоз вожибдир. Яшасин Фаластин!

Etim jimirlab ketdi.. 😢

@Tingla_Hayot

📍 Samarqand
Bulvarda mana bu daraxtni kesishibdi. Nega?

@Tingla_Hayot

Shukrullo o'z asaridagi ilk dialogni istehzoli gap bilan boshlaydi.

- Odatda, bizda rahbarlarning qaysi yaxshi-yomonligi tirigida emas, aksincha o'lgandan keyin aytiladi.

Bu asarga doim ikki xil pozitsiyada bo'lishadi, ya'ni har kim o'zi xohlagan xulosani olaveradi. Bir taraf bu avtobiografik asardan keyin shukrona keltirishga tinimsiz da'vat qiladi va butun vujudi bilan bunga boshqalarni ham undaydi. Axir rostan ham bu voqealar yozilganining o'zi erkinlik, unda bo'lgan azoblar bugungi kunda ham bo'lmaganiga shukrlar aytish - burch.

Lekin, yana shunday qatlam(cha) borki, kitobdan tamomila ko'proq xulosalarni oladi, o'rganadi. Doim buning nima ekanligini tushuntira olmayman va bu shunisi bilan ham menga qiziq va bir vaqtning o'zida alamli.

Zakiy obunachilarim allaqachon bu asarni nomini eslashdi, hech qanday spoiler'larsiz esa ikkita kanal a'zosi buni topa olishdi. Ularni kitob yutib olganlari bilan tabriklab, qolganlar esa o'zimizni xafa qilmaslik uchun ertaga borib Jum'a hadyasi sifatida ushbu kitobni o'z-o'zimizga sovg'a qilamiz. Yoqimli mutolaa, agar yoqimli deb aytolsak kitob voqealarni..

@Tingla_Hayot

📽 Meshpolvon (1995)

Maktabdan qaytib kelganimda necha bor ko'rgan bo'lsam bir lahza ham tushunmagan ekanman. Hozir angladim..
O'z elim deb o'lganlarga o'lim yo'q!

@Tingla_Hayot

Xullas o‘zimda bor bo‘lgan, oldin mutolaa qilgan bir kitobni yana bir bor yangiroq muqovada sotib oldim. Muqovasi unchalik muhimmas, boshqatdan o‘qigim keldi.

Demak kanalni biroz jonlantirish maqsadida shu kitobni o‘qib bo‘lgunimga qadar kimdir kitob nomini topsa bitta yaxshi kitob mendan hadya..

Tahminlaringizni @TinglaHayot_bot'ga cheksiz ravishda jo‘natishingiz mumkin.

“Мутолаа билан инсон саломат қолиши мумкин”, - Хайрулла Ҳамидов.

Тўлиқ видео - https://youtu.be/46OwhqC7lUA

#архив

U keldi...

Yana Hayitvoylarimizni masjidga qaytarib - jamoatni ko'rganda ko'z quvonadigan, qalb qandaydir taskin sezadigan bayramimiz keldi. Ayollar xina qo'yadigan, erkaklaridan "hayitlik" oladigan kun eshik qoqib turibdi. Bolalarni muzqaymoq puli bilan shodon qilish onlari bu. Qo'shnichilikning eng avjga chiqib, bir-biriga nisbatan mehrini so'zsiz izhor etadigan soatlar. Biz Islomning naqadar go'zal ekanligini yanayam ko'proq his qiladigan kundir bu! Bugun xafa bo'lmang, sizga yarashmaydi. Hayitlik bering, kerak bo'lsa oling. So'ppayib o'tirsangiz hech kim bermaydi, ko'ngilni keeeng qilib so'rang. Jo'juqlar bo'lsa o'zingiz bering. Yana ularnikini ko'p qilib beraman deb chuv tushirib yurmang.

Esingizdan chiqmasin, yana bir necha duo qiling. Shunday duo qilingki hozir bu hisni tuymayotgan kimki bo'lsa mana shu baxtni his qilishga yetkazsin Xudo. Aytingki, Hayitvoy va Jumavoylarimizga ham shu jamoat ruhi ta'sir qilib, qalblari yumshab ketsin. Yana shunday duo qilingki, ko'nglida shu bayram istagi bor lekin bayram qila olmayotgan, bolalari kulmayotgan Falastin uchun ham so'rang. So'rangki ular ham sizdek quvnash haqida rejalar qilishsin, yangi kiyimlarini kiyib ko'chalari bo'ylab hayitlik yig'ishsin, o'zlarini emas balki mollaridan ajratib jonliq qurbonliklar qilishsin..

@Tingla_Hayot

Qo'shilgum 👇

https://t.me/ParadisePersona/1405

Муаллима ўқувчиларига "жавобинг нотўғри", дейишдан сақланар эди. Хато жавоб берган ўқувчига: "Тўғри жавобга яқинлашдинг", дер эди.

Бир куни ҳатто хато жавоб берган ўқувчисига: "Сен бошқа саволга тўғри жавоб бердинг, бу саволга эмас", деган эди.

Унинг қалби, бошқа қалбларни парчалашга йўл топа олмас эди!