ማዕደ ፡ ጥበብ ፡፡

❝ መጽዋችና ጭስ መውጫ አያጣም! ❞

መጽሐፍ እንዲኽ ይላል፦


❝ ረዳትና ወንድሞችና በመከራ ቀን ይጠቅማሉ ፤ ከኹለቱም ይልቅ ግን ለማዳን ምጽዋት ትሻላለች፡፡... ምጽዋትን መመጽወት አታቃልል! ከወርቅ ድልብ ይልቅ ፈጽሞ ምጽዋት ይጠቅምኻል። ምጽዋትን በድኾች ቤት አድልባት።  እርሷም ትሻላለች። ከመከራኽም ኹሉ አንትን ማዳን ትችላለች።


... በጦርም ቢኾን በመሣሪያም ቢኾን እርሷ ቀደማ ጥንተ ጠላትኽን ድል ትነሣልኻለች። የዕለት ጠላትኽንም ታጠፋልኻለች።... በቁጣ ቀን ሀብት አትረባም ፤ ጽድቅ (ምጽዋት) ግን ከሞት ታድናለች፡፡... ምጽዋት ኹሉ ይቅርታን ያመጣል።


... ምጽዋትን ለሚሰጥ ሰው በፍጻሜ ዘመኑ እግዚአብሔር ዋጋውን ያስብለታል። በመከራም በተሰነካከለ ጊዜ የሚድንበትን ረድኤት ያገኛል።


     ... ምጽዋት መመጽወት ድልብ ታደልብልኻለችና ጥቂትም ቢኾን ምጽዋትን ለመመጽወት በገንዘብኽ አትዘን። ምጽዋት በመከራ ቀን ከሞት ታድናለችና። ወደ ጨለማ ይገቡ ዘንድ አታሰናብትም።


... ስጦታ በስውር ቍጣን ታጠፋለች፥ የብብትም ውስጥ ጉቦ (ሥውር ምጽዋት) ጽኑ ቍጣን ታበርዳለች።… መከራም እንዳታገኛችኹ በጎ ሥራን ሥሯት። ምጽዋት ከሞት ታድናለችና ከኃጢአትም ኹሉ ታነጻለችና ወርቅ ከማድለብ ምጽዋት መስጠት ይሻላል።


   ...ምጽዋትንና ጽድቅን የሚያደርጉ ሰዎች ኹሉ ለራሳቸው ሕይወትን ያገኛሉ።... ምናሴ ምጽዋት መጸወተ ፥ እውነትንም አደረገ። ከመከሩበት ከሞት መቅሰፍትም ዳነ። ልጄ ምጽዋት የምታደርገውን እይ - ከሞት ታድናለች ታጸድቃለችም❞¹


  ስለዚኽ ፥ ኢንሹራንስ ከመግባት ምጽዋት መመጽወት ይሻላል ማለት ነው። ልበ በል አንባቢ! “ይሻላል” አልኹ እንጂ “አያስፈልግም” አላልኹም! ይኽ ጽንፍ መያዝ ነውና! አንድም ይኽ እንደ እምነትኽ የብቃት ደረጃ ይወሰናልና!


ግድ የለም ወዳጄ! ዘበኛ ከምታደልብ ምጽዋትን አድልብ! ቤትኽን ይጠብቅልኽ ዘንድ ዳግመኛ ውሻ ቀጥረኽ ከምታደልብ ምጽዋትን ባጡ በነጡ ድኾች ላይ ማድለብ ይሻላል።


‘ምረጥ!’ ብሎ የሚያስጨንቅኽ የለም እንጂ ፥ እንዲኽ ብሎ የሚያስጨንቅ ቢኖር ፥ እውነት እልኻለኹ - ምጽዋት ሺሕ ጊዜ ትሻላለች። ነገር ግን እምነታችን ገና ፍጹም አይደለምና ፥ ግድ የለም ፥ ውሻም ዘበኛም ማድለቡ አይከፋም! ዳሩ ግን ፥ ምጽዋትን ማድለብ እንዳንዘነጋ!

____
¹ ሲራ.፵ ፥ ፳፬ ፣ ፳፱ ፥ ፲፩ - ፲፫ ፣ ፫ ፥ ፳፰ ፣ ፯ ፥ ፲ ፣ ፲፮ ፥፲፬ ፣ ምሳ. ፲፩ ፥ ፬ ፣ ፳፩ ፥ ፲፫ - ፲፬ ፣ ጦቢ.፬ ፥ ፱ - ፲ ፣ ፲፪ ፥ ፯ ፣ ፲፪ ፥ ፱ ፣ ፲፬ ፥ ፲ - ፲፩



✍️ ዲ/ን ዳዊት ሰሎሞን።


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

... ከዓመት በፊት ከአንዲት ልጅ ጋር ተዋውቄ ነበር። ሰንበት ተማሪ ነች። ድንግል ነች። በተክሊል የማግባትም ዕቅድ አላት። ትውውቃችን አድጎ ስለ ጋብቻ፣ ስለ ልጆች አስተዳደግ፣ ስለ ገንዘብ አያያዝ... ማውጋት ኹሉ ጀምረን ነበር።


ብቻ ዲያቆን መኾኔን ስትሰማ ደነገጠች። ዲያቆናትን የሳለችው ፍቅር መስጠት የማይችሉ፣ ሚስት ለመዝናናት ብትፈልግ የማይፈቅዱ፣ ሚስቶቻቸው ሲዘንጡ የማይወዱ፣ ቤቱን በድብርት የሚሞሉ፣ ካላንደር ዕያዩ መኝታ የሚለዩ... አድርጋ ነው።


አስተሳሰቧ ትክክል አለመኾኑን ለማስረዳት ብሞክርም አልሰማችም። ተለያየን። ለነገሩ እንኳን ተለያየን። መልአክ የመሰለችን እጮኛ ባላገኘሁ ነበር።


ግን ዲያቆናት እንዲህ የታሰቡት ለምን ይመስላችኋል? 😀


© ጌጡ ተሾመ ጋዲሳ


@Tibebsenayit
@Dndawitsol

❝ ተርእዮ (የመታየት ጉጉት) ❞


አሁን ለደረስንበት "ኹለንተናዊ ውድቀት" ተጠያቂው "ዘመኑ" ወይም ማኅበራዊ ሚዲያው አይደለም። ተጠያቂው "ዘመኑ" ሳይሆን እኛው ነን - በዘመኑ ውስጥ የምንሠራ ነንና። ሚዲያውም ቢሆን የኛን የልብ ጥመትና ክፋት ገለጠብን እንጂ በራሱ መጥፎ አይደለም።


ከጥቂት ዓመታት በፊትና በአሁኑ ዘመን መካከል በተለይ በክርስቲያናዊ አኗኗር ላይ ብዙና ሰፊ ለውጦች የታዩ ይመስለኛል። ከሁሉ ከሁሉ ግን ዕለት ዕለት የሚገርመኝ የተርእዮ ፍላጎታችን መጋሸብ ነው። አሁን ላይ ግሽበት ለኢኮኖሚው መስክ ብቻ የሚነገር አይደለም። ከእርሱ ሌላ ኢጎ ("የእኔነትና - የለኔነት") ከፍተኛ ሁኔታ ጋሽቧል። የመታየት አምሮትም ከዚህ የሚለይ አይደለም። የአሁን ሰው ዛሬን መኖር ረስቷል። ዛሬን (አሁንን) ከመኖር ይልቅ ለትዝታ የሚሆነው ላይ ይታትራል።


ቤተ ክርስቲያን (ንግሥ፣ ማኅሌት፣ ቅዳሴ ... ) በእግሩ መጥቶ፤ በልቡ ግን ከሥርዓተ አምልኮቱ ውጪ ይሆናል። ነገ ራሱና ሌሎች የሚያዩትን በፎቶና በቪዲዮ ለማስቀረት "ይተጋል"። በአምልኮቱ ጊዜ በልዩ ሁኔታ የተገኘውን ክርስቶስን (Divine Presence) ሳያገኝ፤ ሌሎች ለሚያዩት፣ በቲክቶክ ለሚለቀው ቪዲዮ ይደክማል። በቤተ ክርስቲያን ሥርዓተ አምልኮት ላይ ማን እንዴትና ለምን እንደሚገኝ የምናውቀው ይመስለናል እንጂ ፈጽሞ አላወቅነውም።


ክርስቶስ እኛን ለማግኘት ይመጣል፤ እኛ በኢጎአችን ተመርተን የሠራነውን ለሌሎች 'Broadcast' ለማድረግ እንፋጠናለን። ስለዚህም ጸጋ እግዚአብሔር ከብዙዎቻችን ጋር ሳይዋሐድ የሚመለስ ይመስለኛል። 'Divine Presence' ሊዋሐደው የሚሻ እውነተኛ (ልባዊ) 'human presence' ይፈልጋልና። እኛ ሰማያዊውን ለሰው መታያ አደረግነው። መዝሙሩ ብዙዎች የሚኩነሰነሱበት መታያ ሆነ፤ ትምህርቱም ብዙዎች የጸሎትና የቅዳሴ መንፈስ የራቀው፡ እርስ በእርስ መሸነጋገያ የሆነ ሆነ። ምስጋና እና ክብርን መጠማት በዛ።


"የራስ ሥራን" በሰው ክብር መሸጫ መለወጫ ገበያዎች ብዙ ሆኑ። "ሌላው ሰው" ለክርስትናችን አስፈላጊያችን መሆኑ ተረሳ። ዓለም እርሱን በእጁ ስለያዘው ገንዘብ ምክንያት እንደምትፈልገው፤ እንዲሁ እኛም እርሱን ለመውደድ በእርሱም ከእግዚአብሔር ጋር መገናኘትን ሳይሆን ስለ ገንዘቡና ስለሚሰጠን 'attention' ብቻ እንፈልገዋለን።


ታዲያ ክርስትናውን መቼ መኖር እንጀምር ይሆን? መቼ ከራሳችን ጋር የእውነት እንተያይ? መቼ እውነተኛ ንስሐን እናግኝ? መቼ እግዚአብሔርን እና ሌላውን ሰው የእውነት እንወድ ይሆን?


"ኦ እግዚእየ ኢየሱስ ክርስቶስ ወልደ እግዚአብሔር ሕያው ወልደ ማርያም ሥግው መሐረኒ!"


© ዲ/ን ሚኪያስ አስረስ

(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

ቅዱስ ዳዊት ከዙፋኑ ወርዶ በታቦተ ጽዮን ፊት በደስታ ዘለለ።

በዚኽ ትደነቃለህን? ቅዱስ ዮሐንስ አለልህ አይደል በማኅፀን ሳለ በአማናዊት ጽዮን ፊት በደስታ የዘለለ!

እመቤታችን ስትመጣ የተኛ ሊቀሰቀስ.. የተቀመጠ ሊነሣ .. የተነሣ ሊሰግድ ግድ ነዋ።

ጽዮናዊያን ኹሉ እንኳን ለበዓለ ጽዮን አደረሠን !!

@Tibebsenayit
@Dndawitsol

+ የቅዱስ ገብርኤል ተአምር +


"የቅዱስ ገብርኤል ወዳጅ ነኝ 🥺

በእርግዝናዬ ስምንተኛ ወር ላይ በጣም ታመምኩ። ነገሩ ሲጀምር እንደ morning sickness ቢሆንም ከባድ ነበር።

ምንም ምግብ መመገብ አልችልም። እንደገናም ደም ያስተፋኝ ነበር። ስለዚህ ሆስፒታል ተኛሁ። የልጄ የልብ ምት አንዳንዴ ይጠፋል፤ ደግሞ ትንሽ ትንሽ ይሰማል።

ሃኪሞቹ ልጄን ላጣ በመሆኑ ማጽናናቱ ላይ አተኩረዋል።

"አይዞሽ፤ ልጅ ነሽ፤ ሌላ ትወልጃለሽ፤ በርቺ" ይሉኛል

ከፍተኛ ክትትል እያደረጉ ያጽናኑኛል። ስለዚህ ልጄን እንደማላቅፍ ገባኝ።

አንዱን ሌሊት በህልሜ አንድ ሽማግሌ የገብርኤልን ዝክር እንዳልረሳ ደጋግሞ ነግሮኝ ሄደ። "የቅዱስ ገብርኤል ዝክር አለብሽ እሺ፤ እንዳትረሺው አደራ እያለ እልፎኝ ከሄደም በኋላ ዞር እያለ እያየኝ ዘክሪው እሺ አደራ" እያለ ሄደ።

በማግስቱ ዶክተሮቹን ያስገረመ ለውጥ አሳየሁ።

ቆይቶም ጥቂት ምግብ ቀመስኩ።
እንደገናም የምግብ ፍላጎት ይኖረኝ ጀመር። የልጄም የልብ ምት ጤነኛ ሆነ። ብቻ ብቻ ህክምናው ግራ የሚያጋባ ነገር ነበር።
ሳወራልሽ ቀላል ይመስላል ። ልጅን በሆድ ውስጥ እያለ በስምንት ወር ማጣት እና ከፍተኛ ህመምን መቋቋም እንዴት በቃል ይገለጻል?

ደግሞም የልብ ምቷ ይጠፋም ስለነበር ባዩትም የህክምና ውጤት እያጽናኑኝ ነበር።
በቀጣይ ስለምወልደው ልጅ ስለ ተስፋዬ ነበር የሚነግሩኝ።

ነገር ግን ሕልሙን ባየሁ በሳምንቱ ከሆስፒታል በደኅና ወጣሁ። ፋሲካን ቤቴ አከበርኩ ካልተሳሳትኩ ሚያዝያ 27/28 ቀን ነበር የዋለው። እንዲህ እያለ በቀጣዩ ወር ዘጠኝ ወሬ ገባ።

ሃኪሞቹ ከገመቱት ቀን ቀደም ብሎ በ18 ምጤ መጣ፤ በ19 በሰላም ተገላገልኩ።

ይኸው በየወሩ እዘክረዋለሁ። በዓመት አንዴ ደግሞ ነዳያንን እመግባለሁ።
ይኸው እየመሰከርኩለት እየዘከርኩት አለሁ።"


© ኢሌኒ በርሄ


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

❝ ተበልቶ ፍሪጅ × ❞


ስሙ ለጊዜው ይቆየንና አንድ የጥበብ ሰው ከሠራተኛው ጋር ለመጀመሪያ ጊዜ የተጋጨበትን ምክንያት ስሰማ ደነቀኝ። የተጣላው በምን እንደኾነ ታውቃለኽ? ሠራተኛው ምግብ አብስላ ተበልቶ ተረፈ። የተረፈው ፍሪጅ ተቀምጦ ሲያይ!


ይኽ ሰው ፍሪጅ ውስጥ ምግብ ሲያይ ደነገጠ! ከዚያም ሠራተኛውን ጠርቶ እንዲኽ አላት፦

❝ተበልቶ ይለቅ! የሚመጣ ሰው ኹሉ ይብላ! መንገድ ላይ የተራበ ስታይ ስጪ! ለራት ሌላ ይሠራ! ለቁርስ እንዲኹ ሌላ! ተበልቶ ፍሪጅ?! እንዴት?...”❞


ከእኛ መካከል እርሱን አርአያ የሚያደርገው ማነው በእውነት?


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

ዘማሪ ዘዋዝ ተገኝ ሆይ! በመመለስኽ ደስ ብሎናል! በቤቱ ያጽናኽ!

@Tibebsenayit
@Dndawitsol

❝ ጾም ለነቢያት ልደትን፣ ለኀያላን ብርታትን ትሰጣለች፤ ሕግ አውጪዎችንም ጥበበኞች ታደርጋቸዋለች፡፡ ጾም የነፍስ ጠባቂዋ፣ የሥጋ ጽኑ ጓደኛዋ፣ የዐርበኞች የጦር መሣሪያቸው፣ ለሯጮችም የልምምድ ሥፍራቸው ነች፡፡ ጾም ፈተናን ታርቃለች፤ ቅድስናን ታሰጣለች፤ የትግሃት ወዳጅ፣ እንዲሁም ዐርከ ድንግልና ነች፡፡


... በሰልፍ ጊዜ ዐርበኛ ኾና ትዋጋለች፤ በሰላም ጊዜም አርምሞን ታስተምራለች፡፡ ናዝራውያንን ትቀድሳለች፤ ካህናትንም ፍጹማን ታደርጋለች፡፡ በመንፈስና በእውነት ሆነን በምናመልክበት በዘመነ ሐዲስ ብቻ ሳይሆን በዘመነ ብሉይም ቢሆን ያለ ጾም በጎ ምግባራትን መሥራት አይቻልም ነበር ❞ (ቅዱስ ጎርጎርዮስ፣ በእንተ ጾም፣ ድርሳን ስድስት)


"ሥጋ የሚበረታው ነፍስ በደከመችበት መስሪያ መጠን ሲሆን ነፍስም የምትበረታው ሥጋ በደከመበት መስፈሪያ መጠን ነው" (አባ ዳንኤል)


አምላካችን ልዑል እግዚአብሔር ጾማችንን፣ ጸሎታችንን፣ ሱባዔያችንን በቸርነቱ ይቀበልልን!!!

© ከገድላት አንደበት


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

❝ ጹሙ ስትባሉ ከበላችኹ ፥ ብሉ ስትባሉ ትጾማላችኹ ❞


አንድ ወዳጄ ጋር ስለ ጾም እያወጋን ፥ በመኻል እንዲኽ አለኝ፦ "አንድ አባት ምን አለ መሰለኽ - 'እግዚአብሔር ጹሙ ሲላችኹ ከበላችኹ ፥ ብሉ ሲላችኹ ትጾማላችኹ'" እኔም 'ምን ማለታቸው ነው?' አልኹት።


እርሱም መልሶ "ጾምን አክብራችኹ ካልጾማችኹ የበሽታ መናኽሪያ መኾናችኹ አይቀርምና ፥ ሀብቱ ንብረቱ ተገኝቶ 'አኹን አርፌ ልብላ ልጠጣ' የምትሉበት ቀን ሲመጣ መብሉ መጠጡ 'እሺ በጄ' አይላችኹምና ፣ በሐኪም ትእዛዝ 'እንዳትነኩ' የምትባሏቸው የምግብ ዝርዝሮች እንደ አሸን መፍላታቸው አይቀርምና ፥ ክፉ ቀን ሳይመጣ ጾምን እወቋት! - እግዚአብሔር ጹሙ ሲላችኹ ጹሙ! ብሉ ስትባሉ መብላት እንድትችሉ!" ማለታቸው ነው አለኝ።


Once again - እግዚአብሔር ጹሙ ሲላችኹ ከበላችኹ ፥ ብሉ ሲላችኹ ትጾማላችኹ!


ይቆየን!


እንኳን ለጾመ ነቢያት በሠላም አደረሳችኹ! (N.B. ጾሙ ነገ ይጀመራል! - ነገ አይ'በላም - የምትበሉት ካለ ዛሬ አጠናቅቁ!)


✍️ ዲ/ን ዳዊት ሰሎሞን።


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

❝ ተአምር ዘቅዱስ ሚካኤል ❞


ድርሳነ ሚካኤል ላይ የተጻፈ አንድ ተአምር እናንሣ፦ አንድ ችግረኛ ሰው ወደ ቅዱስ ሚካኤል ቤተ - ክርስቲያን ማልዶ እየኼደ በስዕሉ ፊት በመቆም ቅዱስ ሚካኤልን የዕለት ጉርስ የዓመት ልብስ ይሰጠው ዘንድ ከልቡ ይለምናል። ታዲያ ከዕለታት አንድ ቀን ቅዱስ ሚካኤል ወደርሱ መጥቶ እንዲኽ ይለዋል (ከተአምሩ ላይ እንደሚገኘው ቃል በቃል አስቀምጬዋለኹ) ፦


       ❝ አንተ ሰነፍ! ሰውነትኽ መሥራት ከሚችለው ሥራ አንዳችም አልሠራኽም! ነገር ግን በሥራ ፈትነት ተቀምጠኽ ምን ትዘበዝበኛለኽ? ለመሥራትም ክንድኽን አላነሣኽም። እርሻ አርሰኽ ምድር በምትሰጠው ጥቅም አልተጠቀምክም! አታክልት አልተከልክም። ዘር አልዘራኽም።


    ... ይኽን ማድረግ እንኳን ባይቻልኽ ንግድ አትነግድምን? የሥራ ፍሬኽን አበዛልኽና እባርክልኽ ዘንድ። እንግዲኽ ፥ ረዳት እኾንኽ ዘንድ በማናቸውም የሥራ መስክ ያልተሠማራኽና ዕድልኽንም ያልሞከርኽ ስለኾነ ፥ ከሰው ኹሉ በታች ኾነኽ ተዋረድኽ። በስንፍናኽና በታካችነትኽ ከልጆችኽና ከሚስትኽም ጋር በችግር አለንጋ ስትገረፉ ትገኛላችኹ።


      ... አኹንም ወደ ቤተ-ክርስቲያን ኺድና ትነግድበት ዘንድ ከቤተ-ክርስቲያኑ ገቢ ገንዘብ እንዲሰጥኽ ለኤጲስቆጶሱ ንገረው። እኔም በትርፉ ቤተሰቦችኽን ታስተዳድርበት ዘንድ እንዲባርክልኽ ከወጣኽበትም በሠላም መልሶ ከቤትኽ እንዲያገባኽ እግዚአብሔርን እለምነዋለኹ አለው ❞ ¹


        ከዚኽ በኋላ ይኽ ችግረኛ ገንዘቡን ተበድሮ ነግዶ አትርፎ ፥ ብድሩንም በጊዜው መልሶ የልቡ መሻት እንደተፈጸመለት ድርሳኑ ይነግረናል። ወደ መልዕክቴ ልመለስ፦


        ይኽ ችግረኛ ሰው በእጁ ላይ ያለውን ሳይጠቀም እንዲኹ መለመኑ ከቅዱስ ሚካኤል ዘንድ የደረሰበትን ተግሣጽ ሰምተናል። አንተም እንዲኹ ታደርግ ዘንድ ከወደድኽ እንዲኽ ያለውን ተግሣጽ ታስተናግዳለኽ። "አንተ ሰነፍ! ሰውነትኽ መሥራት ከሚችለው ሥራ አንዳችም አልሠራኽም!" የሚለውን ተግሣጽ አንተም ትሰማለኽ!


       እግዚአብሔር እጁን ያሳይኽ ዘንድ ከወደድኽ እጅኽን አሳየው! ‘ይኼው ተፍ ተፍ እያልኹ ነው!’ በለው። በእጅኽ ባለው በጥቂቱ ታመን! እጅኽን አጣጥፈኽ ከተቀመጥኽ ግን እግዚአብሔርም እጁን አጣጥፎ ይቀመጣል። ስለዚኽ ውጣ ውረድ ጣር ድከም! ድካምኽ በእርሱ ዘንድ ያማረ የተወደደ መስዋዕት ነውና። ድካምኽ በልበ ሙሉነት ወደ እግዚአብሔር ትለምን ዘንድ መተማመንን ይሰጥኻልና!


ይቆየን!

---------
¹ ድርሳነ ሚካኤል (፳፻፲፫ ዓ.ም) ዘጥቅምት ፣ ገጽ 554 - 564


✍ ዲያቆን ዳዊት ሰሎሞን።


እንኳን ለቅዱስ ሚካኤል ዓመታዊ ክብረ በዓል በሠላም አደረሳችኹ!


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

'የሰው ሕይወት በገንዘቡ ብዛት አይደለምና ተጠንቀቁ፥ ከመጎምጀትም ሁሉ ተጠበቁ '


በ40 ዓመቷ በጨጓራ ካንሰር ከመሞቷ በፊት በዓለም ታዋቂው ዲዛይነር እና ደራሲ “ክሪስዳ ሮድሪጌዝ” እንዲህ ስትል ፅፋለች።


1. ጋራዥ ውስጥ የአለማችን ውድ መኪና ነበረኝ፣ አሁን ግን በዊልቸር መንቀሳቀስ አለብኝ።

2. ቤቴ ሁሉንም አይነት ብራንድ ያላቸው ልብሶች፣ ጫማዎች እና ውድ እቃዎች ይሸጣል፣ አሁን ግን ሰውነቴ በሆስፒታሉ በተዘጋጀ ትንሽ ጨርቅ ተጠቅልሏል።


3. በባንክ ውስጥ ብዙ ገንዘብ አለኝ። አሁን ግን ከዚህ መጠን ምንም አልጠቀመኝም።


4. ቤቴ እንደ ቤተ መንግስት ነበር አሁን ግን በሆስፒታል ውስጥ በሁለት አልጋዎች ተኝቻለሁ።


5. ከባለ አምስት ኮከብ ሆቴል ወደ ባለ አምስት ኮከብ ሆቴል. አሁን ግን በሆስፒታል ውስጥ ከአንድ ላብራቶሪ ወደ ሌላ በመንቀሳቀስ ጊዜዬን አሳልፋለሁ


6. በመቶዎች የሚቆጠሩ ሰዎችን ፊርማ ሰጥቻለሁ ነገርግን በዚህ ጊዜ የሕክምና መዝገቦች የእኔ ፊርማ ናቸው።


7. ፀጉሬን ለመስራት ሰባት ፀጉር አስተካካዮች ነበሩኝ ፣ አሁን ግን - በራሴ ላይ አንድ ፀጉር የለኝም።


8 .በግል ጄት ላይ፣ የትኛውም ቦታ መብረር እችላለሁ፣ አሁን ግን ወደ ሆስፒታል በር ለመራመድ ሁለት እርዳታዎች ያስፈልጉኛል።


9. ምንም እንኳን ብዙ ምግቦች ቢኖሩም, አሁን የእኔ አመጋገብ በቀን ሁለት ክኒን እና ምሽት ላይ ጥቂት የጨው ውሃ ጠብታዎች ናቸው::


10. ይህ ቤት፣ ይህ መኪና፣ ይህ አውሮፕላን፣ ይህ የቤት ዕቃ፣ ይህ ባንክ፣ ብዙ ዝናና ዝና፣ አንዳቸውም አይመጥኑኝምነበር። አሁን ግን ከእነዚህ ውስጥ አንዳቸውም ሊደርሱልኝ እና ሊጠቅሙኝ አልቻሉም፡፡


“የሰው ሕይወት በገንዘቡ ብዛት አይደለምና ተጠንቀቁ፥ ከመጐምጀትም ሁሉ ተጠበቁ ..

(ከማኅበራዊ ሚዲያ የተገኘ)

በድጋሜ እንኳን አደረሳችኹ!

ይኽቺን መዝሙር ተጋበዙልኝ እስኪ

❝ እስከ ማእዜኑ ❞

በዘማሪ ዲ/ን ዮሴፍ ግርማ

@Tibebsenayit
@Dndawitsol

"ሄሮድስም ከሞተ በኋላ፥ እነሆ፥ የጌታ መልአክ በግብፅ ለዮሴፍ በሕልም ታይቶ ፥ "የሕፃኑን ነፍስ የፈለጉት ሞተዋልና ተነሣ፥ ሕፃኑን እናቱንም ይዘህ ወደ እስራኤል አገር ሂድ አለ" (ማቴ. ፪ ፥ ፳)

እንኳን ለቁስቋም በዓል በሠላም አደረሳችኹ!

❝ በመከራ ላላችኹ ❞

❝ በሕመም ለምትሰቃዩ ❞

ክፍል ፩


(ትረካው ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

... የሚገባኽ ዘግይቶ ሊኾን ይችላል። ወይም በጊዜ ሊገባኽ ይችላል - ከእግዚአብሔር በላይ ለሰው ልጅ ጓደኛ ሊኖረው አይችልም - የማያስከፋ ፣ ታጋሽ የኾነ ፣ ማንኛውንም ነገር ማለት የምትችልበት ‘space' ነው እግዚአብሔር። (እውነት ነው የምነግርኽ! I feel እንደዛ አኹን ላይ)።


I know he has an answer! መልስ አለው ለአንተ! ይታገስኻል! ይጠብቅኻል! ስለ አንተ ይለፋል! ሊያጽናናኽ የማይኼደው ርቀት የለም! በዚኽ ሊነግርኽ ይሞክራል። ጆሮኽን ትዘጋበታለኽ። በዚያ ይነግርኻል - ጆሮኽን ትዘጋበታለኽ።

…


አንዳንዴ እየሰበረ ያስተምርኻል። እግዚአብሔር የፍቅር አምላክ ነው ቢኾንም ‘politely' በስሱ ሊነግርኽ ይሞክርና አልገባኽ ካለ ደግሞ በመከራና በችግር እንዲገባኽ ያደርጋል። ‘No! ከሰዎች በላይ እኔን እመነኝ’ ይልና አልገባኽ ካለ እንዲክዱኽ አድርጎ ይገባኻል። I feel እኔ እንደዛ!...


© ገጣሚ ዘውድ አክሊል

 
(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

~ አስተርእዮተ ርእሱ ለዮሐንስ ~


በዚኽችም ቀን የመጥምቁ ዮሐንስ ራስ የታየበት ነው።


ሔሮድስ ልደቱን ባከበረ ጊዜ ወለተ ሔሮድያዳ በዘፈን አጥምዳ አስማለችው። እርሱም የታላቁን ነቢይ ራስ አስቆርጦ በወጪት አድርጐ ሰጣት። አበው "እምሔሶ ለሔሮድስ ይብላዕ መሐላሁ - ሔሮድስ መሐላውን በበላ በተሻለው ነበር" ይላሉ። የቅዱስ ዮሐንስ ራሱ በርራ ስትሔድ አካሉን ግን ደቀ መዛሙርቱ ቀብረውታል።


ርጉም ሔሮድስ አንገቱን ካስቆረጠው በኋላ የመጥምቁ ቅዱስ ዮሐንስ ራሱ የጸጋ ክንፍ ተሰጥቷት ጌታችን ወዳለበት ደብረ ዘይት ሔዳ በፊቱ ሰገደች:: ቅዱሳን ሐዋርያት በአዩት ነገር ተገርመው ራሱን እጅ ነሷት።


ከዚኽ በኋላ ጌታችን ኢየሱስ ክርስቶስ ለቅዱስ ዮሐንስ ራስ የማስተማር ሥልጣን ሰጥቶ አሰናበታት። በመላው ዓለም ለ15 ዓመታት ስትሰብክ ኑራ ዓረቢያ ውስጥ ዓርፋለች። ይህች ዕለት ለቅዱሱ 'አስተርዕዮተ ርዕሱ' ወይም ቅድስት ራሱ ከተወረችበት የተገለጠችበት ነው።


ለእግዚአብሔርም ምስጋና ይሁን እኛንም በዚህ ጸድቅ ጸሎት ይማረን! በረከቱም ከእኛ ጋር ትኑር ለዘላለሙ አሜን።


ወስብሐት ለእግዚአብሔር!

ምንጭ :- መጽሐፈ ስንክሳር

(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

❝ ለቀኑ ክፋቱ ይበቃዋል! ❞


በጭንቅ በፍርሃት ሲሰቃይ የነበረ አንድ ሰው ከዚኽ ችግር እንዲወጣ የረዳውን ዐይን ከፋች በር አመልካች ገጠመኝ እንዲኽ ይተረክልናል፦


“አንድ ቀን ባለቤቴ የቆሸሹ ዕቃዎችን እያጠበች እኔ እያደረቅኹ አስቀምጣለኹ። በዚኽ መኻል ግን አንድ ሓሳብ መጣልኝ፦ ባለቤቴ ዕቃዎችን ስታጥብ እያዜመች ነበር። እኔም ዜማዋን ስሰማ ለራሴ እንዲኽ አልኹት፦


'ቢል! ባለቤትኽ ምን ያኽል ደስተኛ እንደኾነች ተመልከት። ለ ዐሥራ ስምንት ዓመታት በትዳር ኖራችኋል። ከተጋባችኹባት ቀን ጀምሮ ይኼው እስካኹን ሳትሰለች ዕቃ ታጥባለች።

እንበልና የተጋባችኹበት ቀን ላይ ለመጪዎቹ ዐሥራ ስምንት ዓመታት ስለ ምታጥባቸው ጎተራ የሚያኽል የቆሸሸ ዕቃ ክምር ብታስብ ኖሮ ምን የሚሰማት ይመስልኻል? ግልጽ ነው - ለማንም ሴት አስጨናቂ ነበር የሚኾነው።

ባለቤቴ ምንም ሳይመስላት ዕለት ዕለት ዕቃዎቹን የምታጥበው በዕለቱ የቆሸሹትን ዕቃዎች በዕለቱ ስለምታጥባቸው ነው!'


ይኽን እውነታ ከዞረልኝ በኋላ ችግሬ ገባኝ - ትናንት የቆሸሹትን ፣ ዛሬም የቆሸሹትን ፣ ወደፊት ሊቆሽሹ የሚችሉትን ፣ ጨርሰው ያልቆሸሹትንም ዕቃዎች ዛሬ ለማጠብ እየሞከርኩ ነው። ምን ያኽል ሞኛ ሞኝ እንደተጫወትኹ ገባኝ።…


አኹን ጭንቅ ፍርሃት የለብኝም። ጨጓሯ ጋር ተለያይተናል። ዕንቅልፍ ማጣት ኧረ ወዴት?! ያለፉ ጭንቀቶቼን ወደ ቆሻሻ መጣያ ዘንቢል ውስጥ ጨምሬአቸዋለኹ። ነገ ሊቆሽሹ የሚችሉ ዕቃዎችንም ዛሬ ማጠብ አቁሜአለኹ።"


❝ The load of tomorrow, added to that of yesterday, carried Today makes the strongest falter -

የነገ ጭንቀት ከትናንተ ሓሳብ ጋር ተደምሮ ዛሬ ቢሸከሙት የሕይወት ታላቅ ጭንቅ ውዥንብር ይሉኻል እርሱ ነው! ❞


Source: Dale carnegie, how to stop worrying and start living, p.358 – 359


ትርጒም፦ ዲ/ን ዳዊት ሰሎሞን።


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

ማዕደ ፡ ጥበብ ፡፡ pinned «+++ ይህን ያውቁ ኖሯል? +++ [ስለ መድኃኔ ዓለም መታሰቢያ] በአንድ ወቅት በገነት ያሉ ቅዱሳን ፤ ቅዱስ መብዓ ጽዮን በሰማያት የተሰጠውን ክብር ተመለከቱና መድኃኔ ዓለምን "ለመብዓ ጽዮን ጻድቅ የሰጠኽው ይህ ሁሉ ክብር እና ሥጦታ ከምን የተነሣ ነው?" ብለው ጠየቁት። ክብር ይግባውና መድኃኔ ዓለም እንዲህ ሲል መለሰላቸው "እርሱ ግን ብዙ ወደደኝ የሞቴንም መታሰቢያም አደረገ ፤ ለደቀ መዛሙርቴ የሞቴን…»

+++ ይህን ያውቁ ኖሯል? +++
[ስለ መድኃኔ ዓለም መታሰቢያ]


በአንድ ወቅት በገነት ያሉ ቅዱሳን ፤ ቅዱስ መብዓ ጽዮን በሰማያት የተሰጠውን ክብር ተመለከቱና መድኃኔ ዓለምን "ለመብዓ ጽዮን ጻድቅ የሰጠኽው ይህ ሁሉ ክብር እና ሥጦታ ከምን የተነሣ ነው?" ብለው ጠየቁት። ክብር ይግባውና መድኃኔ ዓለም እንዲህ ሲል መለሰላቸው "እርሱ ግን ብዙ ወደደኝ የሞቴንም መታሰቢያም አደረገ ፤ ለደቀ መዛሙርቴ የሞቴን መታሰቢያ አድርጉ ብዬ እንደነገርኳቸው" አላቸው። (ገድለ መብዓ ጽዮን ዘእሑድ)

+++

፨ አምላካችን በወንጌል ያስተማረውን ፤ ቅዱሳን በሕይወት ኖረው የሰበኩትን ክርስቲያናዊ ሕይወት እየኖረ(በንስሓ እና በመልካም መንፈሳዊ ምግባራት እየተመላለሰ) ፤ የመድኃኔ ዓለምን መታሰቢያ የሚያደርግ ክርስቲያን ይህ ቃልኪዳን ተገብቶለታል።


+ "የሚያከብረውና መታሰቢያውን የሚያደርግ ግን መድኃኒታችንን የተቀበሉት የዮሴፍ እና ኒቆዲሞስ ጓደኛቸው ይሆናል።" [ወዘሰ ያከብር እንዘ ይገብር ተዝካሮ ፤ ሱታፌሆሙ ለኒቆዲሞስ ወዮሴፍ እለ ተወክፍዎ ለመድኃኒነ]


+ "የመድኃኔ ዓለምን መታሰቢያ ያደረገ ግን በመንግሥተ ሰማያት ባለሟልነትን ያገኛል። በየወሩም አምስት ሺህ ነፍሳትን ከደይን ያወጣል ፤ በየሳምንቱ ዓርብ ዓርብም ስለ ስቅለቱ ሦስት መቶ አርባ ነፍሳት ይሰጠዋል ፤ የዕንቊ የወርቅ አክሊል የብርሃን ልብስ ይሠጠዋል።" [ዘገብረሰ ተዝካረ መድኅን ይረክብ ሞገሰ በመንግሥተ ሰማያት ፤ ወአሥራተሂ ለለወርኁ ፶፻ ነፍሳተ ያወጽእ እምደይን ወበዕለተ ዓርብሂ ፫፻ወ፵ ይትወሀቦ በእንተ ስቅለቱ አክሊለ ዕንቊ ወወርቅ ወልብሰ ብርሃን ያሠረግዎ] (ገድለ መብዓ ጽዮን ዘሰኑይ)

+++

+ "የመድኃኔ ዓለምን መታሰቢያ አድርጉ መታሰቢያውን የሚያደርግ ክብሩ ብዙ ነውና።" (ተአምረ መድኃኔ ዓለም)

+++

"ለኅጡአ ምግባር ገብርከ ዘርቱዕ ሃይማኖቱ ፤ ምስለ ቅዱሳን ይኩን ማኅደረ ቤቱ ፤ መድኃኔ ዓለም ክርስቶስ አድኅነኒ እሞተ ከንቱ ፤ ኲሉ ከንቱ ከንቱ ንብረቱ ፤ እስመ ኲሉ ኃላፊ ውእቱ" -


"መልካም ምግባር ለሌለው ሃይማኖቱ ግን ለቀናው ባሪያህ ፤ ማደሪያውን መኖሪያውን ከቅዱሳን ጋር አድርግ ፤ መድኃኔ ዓለም ክርስቶስ ሆይ ከከንቱ ሞት አድነኝ ፤ ዓለምም በዓለም ውስጥ ያለውም ከንቱ ነው ፤ ሁሉም ኃላፊ ነውና"
[መልክዓ መድኃኔ ዓለም]

+++

ስብሐት ለእግዚአብሔር
ዲያቆን ደረጀ ድንቁ
ጥቅምት 26 2017 ዓ.ም


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

“ዲ/ን ሄኖክ ኀይሌ አንድ ጊዜ ‘እናቴ እንዲኽ እንዲኽ ዐይነት ነገር ላይ ነች። እናቴ በሕይወት እያለች ማግባት እንዳለብኝ ይሰማኛል” ስለው ምን አለኝ መሰለኽ ፦

“እንደዚኽ ዐይነት ውሳኔ እንዳትወስኚ! ሕይወትን ከዚያ ሰው ውጪ ስታስቢው ዓለምሽ የሚከብድሽ ሰው ይመጣል! ጠብቂው እርሱን ሰው! እንጂ አይ… እናቴ እንደዚኽ ስለኾነች ፥ ‘ሕይወቴን በኾነ ነገር ያሟላዋል’ ብለሽ የትዳር ሕይወት ውስጥ እንዳትገቢ!” አለኝ።


© አርቲስት ሶልያና


ምክር ይሉኻል እንደዚኽ ነው!


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

አርቲስት ሶልያና በአንድ ቃለመጠይቋ እንዲኽ ስትል ሰማኋት፦


❝እግዚአብሔር ቀ‘ና ም ቀናተኛም አምላክ ነው!❞


እግዚአብሔር ቀናም ነው - ነገሮችን ያቀናልኻል - ‘Stable' ያደርግልኻል። ‘at the same time' ቀናተኛ አምላክ ነው። ‘ያቺ ሴት ዓለሜ ናት። ያቺ ሴት ደስታዬ ናት…’ የምትል ከኾነ (ችግር አለ!) እግዚአብሔር እንዲኽ እንድትል የሚፈልገው ለእርሱ ነው።


‘ደስታዬ ነው! የምሸሸግበት ነው! ያድነኛል! ምንም ነገር ውስጥ ብኾን ይደርስልኛል…’ እንድትለው የሚፈልገው ራሱን ነው። አንተ እንዲኽ ማለት የጀመርክ ቀን ፍጹም ባመንክበት ሰው ነው የምትከዳው። እግዚአብሔር ስለሚቀና በዚያ ሰው ነው አንተን የሚቀጣኽ!


ከዚያ ግን እንደዚኽ ዐይነት ሰዎችን ሕይወትኽ ውስጥ ያመጣል። እንድታመሰግነው ግን ይፈልጋል!... እኔ እያለፍኹበት ያለው ሕይወት ተገብቶኝ አይደለም። እግዚአብሔር የሰጠኝ ሞገስ ስለተገባኝ አይደለም። እግዚአብሔር መልካምና ቀና አምላክ ስለኾነ ነው። እርሱን የሚያስቀና ነገር ሳደርግ ግን ኦፍ ኮርስ ቆንጆ ኩርኩም አለው…
 

(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

❝ ተአምር ፪ ❞


ጸሎትና ልመናዋ በእኛ በኹላችንም ላይ ይደርብንና በዚህች ዕለት ጥቅምት 21 ቀን በሀገራችን ኢትዮጵያ እናታችን እማሆይ ኄራኒ ያደረገችው ተአምር ይህ ነው፦


        አዲስአበባ ውስጥ ባለ በአንድ ሰንበት ትምህርት ቤት ያገለግል የነበረን ወንድም በአንድ ሌሊት ቅድስት ኄራኒ በእንቅልፍ ሳለ ትቀሰቅሰዋለች። ቢነቃ ዐረብ ሴትን ያያል። ይህንንም በአቅራቢያው ላሉ አባቶች  ይነግራቸዋል። እነርሱም የጸላዬ ሠናያት ፈተና ሊሆን እንደሚችል እና በጸሎት እንዲተጋ መክረው ይመልሱታል ።


       ይህንን ካለፈ በኋላ የሰንበት ትምህርት ቤቱ የመጽሐፍ ሽያጭ በሚደረግበት ዕለት በሻጭነት እንዲያገለግል ይህ ወንድም  ይመደባል። ከመጻሕፍቱ መካከልም በእኅታችን አዜብ በርሔ የተተረጎመውን "ዝክረ ቅዱሳት አንስት ዘተዋሕዶ ቅጽ ፩" መጽሐፍ በመምረጥ ማንበብ ይጀምራል።


     ከዚያም በመጽሐፉ ካሉ ሥዕላት አንዱን ይመለከታል ከዚህ በፊት በሕልም በራዕይ ያያት እንደሆነች ባወቀ ጊዜ ይደነቃል ከበረከቷ ለመካፈል ፍቅሯንም ታጸናለት ዘንድ በዓለ ዕረፍቷን ምክንያት አድርጎ ዝክሯን ለመዘከር ወሰነ።


     የመዘከሪያው ዕለት በቀረበ ጊዜ ቤተሰብ ከማስቸገር በማለት በምግብ ቤት ለዝክር የሚሆን ጠበል ጸዲቅ እንዲያዘጋጁለት ያዛል። የምግብ ቤቱ ሠራተኞች ለምግብ ቤቱ ተስተናጋጆች የሚሆነውን አሰናድተው ከጨረሱ በኋላ ለዝክር የሚሆነውን ምግብ ማዘጋጀት ሲጀምሩ ከመካከላቸው ርኩሳት መናፍስት ያደሩባቸው ስለነበሩ "አንዲት ዐረብ መጥታ እያቃጠለችን ነው" እያሉ መጮህ ይጀምራሉ። በዚያውም ዕለት በእናታችን ምልጃ መናፍስቱ ከሰዎቹ ላይ ለቀው ሰዎቹ ለመፈወስ በቅተዋል።


የእናታችን የእማሆይ ኄራኒ በረከት በኹላችን ይደርብን! ጸሎቷ ይደረግልን! አሜን!


© ዲያቆን ብንያም አድማሱ


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

+ የእማሆይ ኄራኒ በዓለ ረፍት! +


የቅዱስ መርቆርዮስ ወዳጅ የነበረች በዘመናችን በመልካም ሥራ እግዚአብሔር የገለጣት እናት። በአካለ ሥጋ እያለች በተዓምራት ለብዙዎች በረከት ትሰጥ እንደነበረው አሁንም በድል ነሺዋ ቤተክርስቲያን ሆኖ በሀገራችን ሳይቀር እግጅ ብዙ ገቢረ ተዓምራት እያደረገች ያለች ታላቅ እናት ናት።


በሀገራችን ከተለያዩ ሰዎች የሰማሁት በእርሷ ምልጃ የተደረጉ ተዓምራት ለበረከት አጋራለሁ! አንዱን እነሆ፦


ባለትዳር ናቸው። የ3 ዓመት ልጃቸው ትታመምባቸዋለች ፥ ባልና ሚስት እጅግ ይረብሻሉ።ልጅ በመሆኗ የቱ ጋር እንደሚያማት ማስረዳት አለመቻሏ ትልቅ ጭንቀት ነበር። እህልም ቢሰጧት አትበላም ጡትም አልጠባ ትላለች። ምግብ በሰጧት ጊዜ ልቅሶ ብቻ ኾነ።


ቅዳሜ ለእሑድ ሙሉ ሌሊቱ ስታለቅስ ታድራለች። አባት በቅዳሴ እግዚአብሔርን ልማጸን ብሎ ከቤት ይወጣል። ከመውጣቱ በፊት ለልጁ ምግብ ከማብላታቸው በፊት ጠበልና እምነት እንዲያደርጉላት ይነግራቸዋል።


ከቤተ ክርስቲያን ሲመለስ ሕጻኗ እየተጫወተችና እየቦረቀች ያገኛታል ።በጣም ተደንቆ ቤት ውስጥ የነበሩት ለልጁ እምነት እና ጠበል እንዳደረጉላት ሲጠይቃቸው ፥ አድርገውላት እንደሆነ የተሻላት ይመልሱለታል። ሕፃኗ ግን "አይደለም ባባ!" ብላ ወደቤት ይዛው ትገባና ማታ ማታ ያነበው የነበረውን መጽሐፍ የት እንዳለ ትጠይቀዋለች።


መጽሐፉ በጓደኛው ግብዣ ያነበው የነበሩው "ዝክረ ቅዱሳት አንስት ዘተዋሕዶ ቁ.፩" በተርጓሚ አዜብ በርሔ የተተረጎመውን መጽሐፍ ነበር። ታዲያ ማታ ማታ ያንን መጽሐፍ እሷን አቅፎ ነበር ያነብ የነበረው።


መጽሐፉን ሲሰጣት ትገልጥና የእናታችን እማሆይ ኄራኒን ሥዕል ታሳየውና በሕልሜ መጥታ የዳበሰቻትን ቦታ እየጠቆመች ዳበሰችኝና "አይዞሽ ከዚህ በኋላ አያምሽም" ብላይ ሄደች አለችው።


በረከቷ ይደርብን ምልጃ ጸሎቷ ይደረግልን!

ይቀጥላል...


© ዲ/ን ብንያም አድማሱ


(ጥቅምት ፳፩ ቀን በዓለ ዕረፍቷ እንደኾነ ልብ ይሏል)


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)


@Tibebsenayit
@Dndawitsol

❝ እዘዝልኝ! ❞


“ለሰው ችግሬን አልቅሼ ነበር የምናገረው። በጣም አልቃሻ ነኝ። አንድን ሰው ‘ብር አበድረኝ’ ለማለት አልቅሼ ነው የምጠይቀው።


አንዳንዴ ግን - ችግሬን ምናለበት እንደዚያ አልቅሼ ለእግዚአብሔር ብነግረው እላለኹ። አኹን ላይ ወደዚያ መጥቻለኹ - ችግሬን ለሰው ሳይኾን ለእግዚአብሔር መናገር። ሰውዬውን እግዚአብሔር ያዝዘዋል። እግዚአብሔር ጋር ኼጄ ‘እዘዘልኝ…’ ማለት ብቻ!...


© ዘማሪ ተስፋ ሚካኤል

(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

እንኳን ለቅዱስ እስጢፋኖስ የሹመት በዓል በሠላም አደረሳችኹ!

"እስመ በጻሕኮ በበረከት ሠናይ

ወአንበርከ አክሊለ ዲበ ርእሱ ዘእምዕንቍ ክቡር

ሐይወ ሰአለከ ወሀብኮ - "

"በበጎ በረከት ደርሰኽለታልና

ከከበረ ዕንቍ የበለጠ አክሊልን በራሱ ላይ አደረክለት

ሕይወትን ለመነኽ ሰጠኸውም!"

❝ አጠያየቅ ላይ ችግር አለ! ❞


ሐረር የሚኖር አንድ አጎት አለኝ። ‘ግሪን ሙቭመንቱ’ ላይ ነበረበት (ያኛው ላይ)። (የገባው ገብቶታል) ታዲያ እርሱን አቆመና ተገለጸለት - መንፈሳዊ ሕይወቱ ላይ በረታ።


ታዲያ አንድ ቀን መንገድ ላይ እየኼደ አንድ ‘ፒያጆ’ መኪና ላይ ‘የገብርኤል ስጦታ’ የሚል ጽሑፍ ያነባል። (ፒያጆ መኪና ማለት በነዳጅ ሳይኾን በእግዚአብሔር ቸርነት የምትንቀሳቀስ መኪና ማለት ናት)። ታዲያ ይኽ አጎቴ  መኪናውን አስቆመና ተቆጥቶ ‘ስማ አንተ! ገብርኤል እንደዚኽ ዐይነት ተራ ነገር አይሰጥም! አጠያየቅ ላይ ችግር አለ። ከፍ አድርገኽ እስኪ ጠይቀው። በፍጹም እርሱን የማይመጥን ነገር ነው የጠየቅኸው!...’ ምናምን አለው ማለት ነው።


እኔም ያኔ ነው የተገለጸልኝ - ቆሎ ቆርጥመን ውኃ ጠጥተን ለእግዚአብሔር ‘ይኽቺን አታሳጣን’ እንለዋለን። አጠያየቅ ላይ ችግር አለ። ምንድን ነው ማለት ያለብን - ‘እግዚአብሔር ሆይ! ቆሎና ውኃ ሰጥተኸኝ የለ! ተመስገን! ማታ ላይ ጥብስ አድርገው እሺ!’


(Home take message: ከፍ አድርገኽ ጠይቀው! ለእግዚአብሔር የሚሳነው ነገር የለም!)


© የሰይፉ ምስክርነት


ምንጭ፦ በምስሉ ላይ እንደተገለጸው።

N.B. በቅንፍ የተጠቀሱት ከጸሓፊው የተጨመሩ ናቸው።


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

❝ ዕቁብ ወይስ ማኅበር? ❞



ጉዳዩ፦ ነዳያንን ወይም ከማኅበሩ ውጭ ያሉ ሌሎችኝ ሰዎችን ሳያካትቱ (ሳይመግቡ) በየተራ ጽዋ የሚጠጡ ዕቁብተኞችን ይመለከታል።


ይድረስ ለዕቁብተኞች ፦


የሀገራችን ማኅበር ‘ዕቁብ’ ተብሎ  እንጂ  ‘ማኅበር’ ተብሎ ሊጠራ አይገባውም።  ‘ማኅበር’ የሚባለው የክርስቶስ ወገኖች  የኾኑት ምዕመናን ተሰብስበው የመዋጮ ገንዘብ እያወጣጡ ‘ይህ ለልብሳችን ፣ ይህም ለኪሳችን… ‘ይህን ብንሰጥ ነገ ምን እንውጥ?’’ ሳይሉ ነዳያንን የሚረዱበት ነው።


 ‘ጌታዬ ፍሥሓ’ የተባሉ አንድ የጥንት መምህር እየዞሩ እያስተማሩ በነበረበት ወቅት ፲፪ ጓደኛሞች የበዓለ እግዚአብሔርን ማኅበር እያቋቋሙ ነበርና እሊኽን መምህር እንዲባርኩላቸው ጠሯቸው። እርሳቸውም ከማኅበርተኞች ውጭ ሌላ እንግዳም ኾነ ድኻ እንዳልተገኘ ዐይተው ፥ ይኽ የመፈራረቅ ማኅበርም ጥቅም እንደሌለውና ዋጋ እንደማያሰጥ ዐውቀው ነዳያንን ይቀላቅሉ ዘንድ እንዲኽ የሚል ምሳሌ ነገሯቸው፦


"ልጆቼ! አንድ ነገር ልንገራችኹና ፍርዱን አስታውላችኹ ንገሩኝ፦ አንድ ባለጸጋ ሰው ነበረ። በዚኽ ዓለም ሲኖር ፲፪  ልጆች ወልዶ ሞተ። ከሞተ በኋላም ልጆቹ እንደ ክርስቲያን ደምብ የአባታቸውን ሀብት ከመካፈላቸው በፊት የአባታቸውን ተዝካር ለማውጣት አሰቡና ብዙ ድግሥም ደገሱ።

ከዚያ በኋላ ግን ቀኑ እንደ ደረሰ ኹሉም የቤተ ክህነት ትምህርት የተማሩ ነበሩና እንዲኽ ተባባሉ፦ ‘እንግዲኽ ግማሾቻችን ቄሶች ግማሾቻችን ዲያቆናት ነን። እንግዲኽ ቅዳሴውም ፍትሐቱም ራሳችን ከቻልን ምን ሰው ያስጠራናል? እኛው ራሳችን ፈትተን ፣ ራሳችን ቀድሰን ተዝካራችንን መብላት ነው እንጂ’ ብለው ተስማምተው የአባታቸውን ተዝካር ራሳቸው ፈትተው ራሳቸው በሉ።"


እንግዲኽ ፍረዱ ፦ ‘ሰውዬው ተዘከረ ልጆቹም ተዝካር አወጡ ይባላል? ወይስ አይባልም?’ ብለው ጠየቋቸው። እነርሱም ፥ ‘አባታችን! የራሳቸውን ገንዘብ ራሳቸው ደግሰው ራሳቸው ከበሉት ምን ተዝካር ወጣ ይባላል?!’ ብለው ማኅበረተኞቹ መለሱላቸው።


እርሳቸውም መልሰው፦ ‘ጥሩ ነው ልጆቼ! በራሳችኹ ፈረዳችኹ። የእናንተም ማኅበር እንደእነርሱ ተዝካር ነው። እናንተም እንደእነርሱ ናችኹ። በማኅበራችኹ ነዳያንን ሳትጨምሩ ከበላችኹና ከጠጣችኹ የምግብ መለዋወጥ ነው እንጂ ማኅበር አይባልም’ ብለው መክረዋቸው ኼዱ።


እነርሱም ይኽ ተግሣጽ ኾኗቸው ለማኅበር ሲሰበሰቡ ድኾችን ከያሉበት እየፈለጉ ያዘጋጁትን ኹሉ ለድኾች አካፍለው የሚኼዱ ኾነዋል።


እኔም የሀገራችን ማኅበር ‘ዕቁብ’ እንጂ ‘ማኅበር’ ተብሎ ሊጠራ አይገባውም (ነዳያን የማይሳተፉበትን ማኅበራት) ያልኩት ለዚኽ ነው - ዛሬ ከኔ ቤት ቢበላ ቢጠጣ ፥ በቀጣይ ከጓደኛዬ ቤት እንበላለን እንጠጣለን። ስለዚኽ የኛ መፈራረቅ ነው እንጂ ነዳያን አይገኙበትምና ‘ዕቁብ’ መባሉ ስለዚያ ነው።


ምንጭ፦ አ/ገብረ ኢየሱስ ክፍሌ። ጊዜ የወለደው ሰው የወደደው። የመጀመሪያ ዕትም። ፲፱፻፶፪ ዓ.ም. ገ.፶፫ - ፶፬


(ጽሑፉ ጠቅሞኛል ብለው ካመኑበት ለሌሎች በማጋራት አገልግሎቱን ይደግፉ)

@Tibebsenayit
@Dndawitsol

ማዕደ ፡ ጥበብ ፡፡ pinned «❝ ባለጸጋው ሮክፌለር ❞ በዓለም ታሪክ ውስጥ ከሚጠቀሱ ታላላቅ ከበርቴዎች መኻከል አንዱ ነው። በሠላሳ ዓመቱ በአሜሪካ የመጀመሪያው ሚሊየነር ነበር። የዘይት ማቀነባበሪያ ፋብሪካ ባለቤት ነው። በዚኹ ቢዝነስ ተሳክቶለት በኀምሳ ዓመቱ በአሜሪካ ታላቁ ከበርቴ እርሱ ነበር። በወጣትነት ዘመኑ ፥ ውሳኔዎቹ ፣ አመለካከቶቹ ፣ ግንኙነቶቹ ኹሉ ግላዊ ሀብትን ማከማቸት ላይ ነበር የተመሠረቱት።…»

❝ ቁራሽ ዳቦ በደብረ ዳሞ! ❞


አቡረ አረጋዊ ደብረ ዳሞን ከመምረጣቸው በፊት ሌሎች ቦታዎችን ሞክረው ነበር። ነገር ግን ፈቃደ እግዚአብሔር አልነበረም። ብለው ብለው ደብረ ዳሞ ደረሱ። ርቧቸው ነበርና ቁራሽ ዳቦ ቢቀምሱ ጠግበው ቁጭ! ‘ጥጋብ በቁራሽ ዳቦ?’ ብለው ለራሳቸው ጠየቁ። በቁራሽ ዳቦ መጥገባቸውን ያስተዋሉት አባታችን ቦታው የረድኤት ቦታ መኾኑን በዚኽ ዐውቀው መኖሪያቸውን በዚያው አደረጉ።


ቁራሽ ዳቦ በዓለም ቁራሽ ዳቦ ነው። በገዳም ግን ቁራሽ ዳቦ አይደለም። የቀመሳችኹት ታውቁታላችኹ። ረድኤት እግዚአብሔር በምልዐት ያደረባቸው ጥቂት አባቶች እና እናቶች ለጊዜው ይቆዩንና ስለ ሰፊው ማኅበረሰብእ እናውራ - በዓለም ኾነን ቁራሽ ዳቦ እየበላን እንኖራለን ብንል ከጥቂት ቀናት በኋላ ፍርስርሳችን ሊወጣ ይችላል። ትንሽ ቆይተኽ በመጽሐፍ የምታውቃቸው የሕመም ዐይነቶች ግዘፍ ነሥተው በሰውኘትኽ ይገለጻሉ። ሰውነትኽ የሕመማት ማስተማሪያ ሞዴል ኹሉ ሊኾን ይችላል።


 ይኽ ልምምድ በገዳም ቢኾንስ? በርግጠኛነት መናገር የሚቻለው በዓለም እንዳለው ከረድኤት የተራቆተ አይኾንም። እንደ ተለማማጁ የብቃት ደረጃም ይወሰናልና ‘ማንም እዚያ ኼዶ በቁራሽ ዳቦ መኖር ይችላል’ ማለት አይቻልም። ረድኤቱ ግን ግልጽ ነው!


 ገድላቸውን ሳነብብ የገረመኝ ነጥብ ኾኖ ስላገኘኹት እንዲኽ አጋራኋችኹ።


እንኳን ለአቡነ አረጋዊና ለቅዱስ ገብረ ክርስቶስ ዓመታዊ ክብረ በዓል በሠላም አደረሰን።


(ጽሑፉ ጠቅሞኛል ብለው ካመኑበት ለሌሎች ማጋራትን አይዘንጉ)


✍️ ዲያቆን ዳዊት ሰሎሞን።

@Tibebsenayit
@Dndawitsol

❝ ባለጸጋው ሮክፌለር ❞


በዓለም ታሪክ ውስጥ ከሚጠቀሱ ታላላቅ ከበርቴዎች መኻከል አንዱ ነው። በሠላሳ ዓመቱ በአሜሪካ የመጀመሪያው ሚሊየነር ነበር። የዘይት ማቀነባበሪያ ፋብሪካ ባለቤት ነው። በዚኹ ቢዝነስ ተሳክቶለት በኀምሳ ዓመቱ በአሜሪካ ታላቁ ከበርቴ እርሱ ነበር።


በወጣትነት ዘመኑ ፥ ውሳኔዎቹ ፣ አመለካከቶቹ ፣ ግንኙነቶቹ ኹሉ ግላዊ ሀብትን ማከማቸት ላይ ነበር የተመሠረቱት። ይኽ ግን የቀጠለው ኀምሳ ሦስት ዓመት እስኪሞላው ድረስ ብቻ ነበር።


ኀምሳ ሦስተኛው ዓመቱ ላይ ግን ታሪክ ተቀየረ። በአሜሪካ የመጀመሪያው ቢሊየነር በኾነበት በዚኽ ዓመት ሕይወት ፊቷን አዞረችበት። በከባድ ሕመም ተያዘ። መላ ሰውነቱ በሕመም ተመታ። የራስ ጸጉሩ ኹሉ ከዳው። ያሻውን አማርጦ ይበላ ይጠጣ የነበረው ይኽ ባለጸጋ ከሾርባና ከቁራሽ ዳቦ ውጭ አልቀመስልኽ አለው።  እንቅልፍ ኹሉ እምቢ አለው። እንዲያውም አንድ የቅርቡ ሰው እንደጻፈው ከሕመሙ ጽናት የተነሣ ፥ ፈገግ ማለት እንኳን ተስኖት ነበር።


እነዚያ ጊዜያት ማለት ለእርሱ ሕይወት ትርጒም ያጣችበት ጊዜያት ነበሩ። ምንም ምን አልጥምኽ አለው። የበቁ የነቁ የግል ዶክተሮቹም በዓመት ውስጥ የሕይወቱ ፍጻሜ እንደሚኾን ተንብየው ነበር።


በአንድ ሌሊት ግን ታሪክ ተቀየረ። እንዲኽ ኾነ፦ እንቅልፍ እምቢ ብሎት ከሕመሙ ስቃይ የተነሣ እያጣጣረ ሳለ ብቸኛ ተስፋው ወደኾነው ወደ አምላኩ በጸሎት ተመለሰ። ለጸሎቱም መልስ በሕልም ምላሽን አገኘ። እንዲኽ የሚል ድምጽንም ሰማ፦


     “በምድር ያኸማቸኸው ሀብት ኹሉ
በገነትም ኾነ በሲኦል ምን ምን
አይረባህም። ሥራኽና ሓላፊነትኽ
ለሌሎች ጥቅም ይኾን ዘንድ
በዚኽ ምድር በትነኸው ትኼድ
ዘንድ ነው”


በሕልሙ ተግሣጽ ልቡ የተነካው ሮክፌለር ከሀብቱ ኹሉ ቅንጣቷን እንኳን ወደ ቀጣዩ ዓለም ይዞ መኼድ እንደማይችል ልብ አደረገ። በማግስቱም የሥራ ባልደረቦቹን ሰብስቦ ተግሣጹን እውን ያደርገው ዘንድ ተነሣ። አብዛኛውን የሀብቱ ክፍል ለበጎ አድራጎት ድርጅቶች መስጠት እንደሚፈልግ ነገራቸው። እነርሱም ሓሳቡን ተቀብለው ወደ ትግበራው ገቡ። በስሙ ፋውንዴሽን አቋቋሙ።


 በሀብቱ እጅግ ብዙ ሆስፒታሎች ፣ የጥናት ማዕከላት (Research centers)ና የበጎ አድራጎት ድርጅቶች ተደገፉበት። ይኽ ተግባሩ ከእርሱ አልፎ ለዓለም ታላላቅ የመድኃኒት ግኝቶችን አበረከተ፦ ፔንስሊን ፣ የወባ መድኃኒቶች ፣ የ ‘ቲቢ’ መድኃኒቶችና ሌሎች በርካታ የመድኃኒት ግኝቶች የተገኙት በእርሱ ድጋፍ በበረቱ የጥናት ተቋማት ጥረት ነበር። ሮክፌለር በአጠቃላይ ከ $500 ሚሊዮን ዶላር በላይ ለእነዚኽና መሰል ተቋማት ለመለገስ በቅቷል። ይኽን ያኽል እንኳን ሰጥቶ ሀብቱ አልጎደለበትም ነበር፦ ሮክፌለር ሀብቱን በሰጠው ቍጥር የበለጠ ይበዛለት ነበር እንጂ!



የጤናውስ ጉዳይ እንዴት ኾነ? ታሪኩ እዚኽ ላይ አላበቃም። ምናልባት ከታሪኩ ኹሉ የሚደንቀው ይኽ ነበር፦ መስጠት ሲጀምር የሰውነቱ ኬምስትሪ በሚገርም ፍጥነት እየተሻሻለ ነበር። ጤናው በአስገራሚ ኹኔታ ይመለስ ጀመረ። በመስጠት ውስጥ ያገኘው ‘አእምሮንም ኹሉ የሚያልፍ የእግዚአብሔር ሠላም’ና የውስጥ እርካታ ሰውነቱን እያከመው ነበር። የፈወሰው እርሱ ነበር።


የውስጡ መፈወስ ነበር ለሚታየው ሰውነቱ ፈውስ ምክንያት የኾነው። መ‘ፈወስም ብቻ አልነበረም። ፍጹም ጤነኛም ኾነ እንጂ። በዓመት ውስጥ በሞቱ አልጋ ላይ ሲጠባበቁት የነበሩት ዶክተሮቹ ምናልባት በመሞት ሳይቀድሙት አልቀረም - ሮክፌለር ከዚያ በኋላ አርባ አምስት ዓመታትን ኖረ! በመጨረሻዎቹ ዓመታቶቹም በውሎ ማስታውሻው እንዲኽ ብሎ ነበር፦


        ❝እግዚአብሔር ይኽንን አስተማረኝ -
ኹሉም ነገር የእርሱ እንደኾነ! እኔም
እንዲኹ የእርሱን ሓሳብና ዓላማ
ለማስፈጸም የተሰየምኹ አንድ
ግለሰብ እንደኾንኩ!

የሕይወቴ ጉዞ ረጅም ፥ ዳሩ ግን
ፍሥሐን ሐሴትን የተመላ ነበር።
ጭንቅ ፣ ፍርሃት ጠፍቶልኝ ነበር።
እግዚአብሔርም ዕለት ተዕለት ለእኔ
መልካም ነበር! ❞


       አኹን ከስሙ ቅጥያ 'philanthropist' የሚል ቃል ይገኝበታል። በግእዙ 'ፍቅረ ኲሉ ደቂቀ እጓለመሕያው' ማለት ነው። በበጎ አድራጎት ድርጅት ላቅ ብለው የኼዱ ሰዎች የሚጠሩበት ስያሜ ነው። እርሱም ከእነዚኽ አንዱ ኾኖ አልፏል!


ጆን ዲ ሮክፌለር! (1839 - 1937 እ.ኤ.አ)

ትርጒም፦ ዲያቆን ዳዊት ሰሎሞን።

(ጽሑፉ ጠቅሞኛል ብለው ካመኑበት ለሌሎች ማጋራትን አይዘንጉ)

@Tibebsenayit
@Dndawitsol

© አባ ገብረ ኪዳን

~እግዚአብሔር የማይገኝበት ጊዜ አለ~

Audio size: 2.88 mb

@Tibebsenayit
Comment @Dndawitsol

(ትምህርቱ ጠቅሞኛል ብለው ካመኑበት ለሌሎች ማጋራትን አይዘንጉ)

ዛሬ ነው!

~ ሲሉ ሰማኹ... ~


"BIBLE" ማለት "Basic Information Before Leaving Earth" ማለት ነው ሲሉ ሰማኹ

....

"FEAR" ማለት "False Evidence Appearing Real" ማለት ነው ሲሉ ሰማኹ

...

"EGO" ማለት "Ejecting God Out of the System" ማለት ነው ሲሉ ሰማኹ

...

"JOY" ማለት "Jesus Others, then You" ማለት ነው ሲሉ ሰማኹ። (በሕይወትኽ ውስጥ ከአንተ ጥቅም በፊት እግዚአብሔርን ካስቀደምኽ ፣ ቀጥሎም ለወንድም ለእህትኽ ቅድሚያ ቀሰጠኽ "JOY" የተባለን "የውስጥ ደስታ" ታገኛለኽ ለማለት)


(ጽሑፉ ጠቅሞኛል ብለው ካመኑበት ለሌሎች ማጋራትን አይዘንጉ)

@Tibebsenayit
@Dndawitsol

ዛሬ ነው!

የፊታችን እሑድ!

የፊታችን ቅዳሜ!

❝ ከሚቻላችኹ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው" (፩ኛ ቆሮ. ፲ ፥ ፲፫) ❞


         ሕይወቱ ከዐቅሙ በላይ እንደከበደበት ያማርር የነበረ አንድ ሰው እንደነበረ ተነገረ። ከዚኽም በላይ ሊቋቋመው እንደማይችል ራሱን አሳምኑ ተቀምጦ ሳለ ጌታችን ተገልጦ የእያንዳንዱ ሰው መስቀል ከዐቅሙ በላይ እንዳልኾነ ሊያስረዳው ቢሞክርም ልጁ ግን “እኔ የተሸከምኹት መስቀል ልሸከመው እጅግ ከብዶኛል። ለምን ጌታ ሆይ?? ለምን??” እያለ ማጉረምረሙን አላቆመም ነበር።


         ከዚያም ጌታችን አንድ ምርጫ አቀረበለት፦ “እሺ! ና አብረን እንኺድ። የወደድኸውን መስቀል ትመርጣለኽ” ብሎ ወደ አንድ ቦታ ይወስደዋል። ልጁም ታላቅ እፎይታን ተመላ። በሓሳቡም ተስማማ።


        ጌታችንም የተለያዩ መስቀሎች በውስጡ ወዳሉበት አንድ ትልቅ ክፍል ይወስደዋል። የሚሻለውን ይመርጥ ዘንድም ዕድሉን ይሰጠዋል። ልጁም የተሸከመውን መስቀል በበሩ ጎን አስቀምጦ ለራሱ ቀለል ያለ መስቀል ይፈልግ ዘንድ ይጀምራል።


       ከክፍሉ ጫፍ እስከ ጫፍ አሰሳውን ተያያዘው። እያንዳንዱን መስቀል እያነሣ እየተሸከመ ይሞክራል። ነገር ግን ኹሉም መስቀሎች በፊት ከነበረው መስቀል ይልቅ ከባድ ነበሩ እንጂ በቅለቱ የሚሻል አልተገኘም።


ነገር ግን ፥ መጨረሻ ላይ ድንገት በበሩ አካባቢ ከእንጨት የተሠራ አንድ መስቀል ያስታውላል። ሩጦ ኼዶ ያቅፈውና “ይኽ ቢኾንልኝ እወዳለኹ” ሲል ይመልሳል። ጌታችንም ፈገግ ብሎ “እሺ! ይኹን። ይኼ መስቀል ግን እኮን ወደዚኽ ክፍል ስንገባ ከበሩ ጎን ያስቀመጥኸው መስቀል ነበር” ሲል መለሰለት ይባላል።


Source: St. Elisabeth convent minsk post under the title “No cross is too heavy”


ትርጒም፦ ዲያቆን ዳዊት ሰሎሞን።


@Tibebsenayit
Comment @Dndawitsol

© አባ ገብር ኪዳን ግርማ

<< ዳዊት የሚደግም ሰው... >>

Audio size: 11.4mb

(ትምህርቱ ጠቅሞኛል ብለው ካመኑበት ለሌሎች ማጋራትን አይዘንጉ)

@Tibebsenayit
@Dndawitsol

© አባ ገብረ ኪዳን

<< የጥፋት መጀመሪያ ጸሎት ማቋረጥ ነው >>

Audio size: 1.98mb


(ትምህርቱ ጠቅሞኛል ብለው ካመኑበት ለሌሎች ማጋራትን አይዘንጉ)


@Tibebsenayit
@Dndawitsol

© አባ ገብረ ኪዳን

<< ዘጠኙን ሊጠብቅልን ነው! >>

Audio size: 3.5mb (የዳታ ወጪ አሳስቧችኹ ድምጹን ለማውረድ እንዳትሳቁቁ በማሰብ የተለጠፈች)

@Tibebsenayit
@Dndawitsol

https://vm.tiktok.com/ZMhREfK8v/

ቅዱስ ቍርባን የፈተቱ የቀሳውስት እጆችን መሳለም ያደረገው ተአምር!

<< ቅዱስ ቂርቆስ vs ማቱሳላ >>


“Count the life in yr years, not the years in yr life” ይላል ፈረንጅ። ‘በዕድሜኽ ውስጥ  የኖርኻቸውን ቀናት ቁጠር እንጂ ዕድሜኽን በከንቱ አትቁጠር!’ ማለት ይኾናል አስማምተን ስንተረጉመው። ይኽቺ አባባል ትዝ ባለችኝ ጊዜ ነበር ቅዱስ ቂርቆስና ማቱሳላ አእምሮዬ ውስጥ ‘click' ያደረጉት። ‘ያቃጨሉት’ ማለቴ ነው። ‘ቅዱስ ቂርቆስ የማቱሳላን ዕድሜ ቢያገኘው ስንቱን ጽድቅ በሠራው ነበር’ ብለው ነበር መጋቤ ሐዲስ እሸቱ። እርሳቸውኮ አይናገሩ!


‘count the life in yr years' ማለት አንድም እንደ ቅዱስ ቂርቆስ ኹኑ ማለት ነው። ሦስት ዓመት ‘invest' አድርጎ ‘The Return on investmenቱ’ ምን ቢኾን ጥሩ ነው? የዘላለም ሕይወት! ያልባከነ ዕድሜ ይሉኻል ይኼ ነው! እጥር ምጥን ግን ጥፍጥ ያለች ዕድሜ! ቅልብጭ ያለች ያልተንዛዛች ዕድሜ! ዕድሜ ቦታውን ሲያገኝ እንዲኽ ነው። ዕድሜ ሰጪና ዕድሜ ተቀባይ ሲገናኙ እንዲኽ ነው!

 
‘count the life in yr years' ማለት አንድም እንደ ቅዱስ ጊዮርጊስ ኹኑ ማለት ነው። በኻያ ሰባት ዓመቱ ሊቀ ሰማእታት ኾኖባታልና። መንግሥተ ሰማያትን በደሙ ገዝቶታልና። ‘ተከዘሮ ለእግዚአብሔር አምላክከ በውርዝውናከ - በጉብዝናኽ ወራት ፈጣሪኽን አስብ’ የተባለውን ቃል ኖሮ አሳይቶናልና።


ታዲያ ‘count the life in yr years' በተባለው አነጋገር ውስጥ ‘life' የተባለው ምኑ ነው? በንስሓና በሥጋወደሙ ሕይወት መመላለስ ነው! በጾም በጸሎት ሕይወት መመላለስ ነው! በበጎ ምግባር መመላለስ ነው!...


‘not the years in yr life' ያለው ደግሞ ማቱሳላና አስቦ ነው መሰል። ዘጠኝ መቶ ስሳ ዘጠኝ ዓመታት ኖሮ የተጻፈለት ነገር ግን የለም።


እኛስ ከየትኞቹ ወገን እንኾን? ‘count the life in years' ከተባሉት ወገን ወይስ ‘count the years in your life' ከተባሉት ወገን?


✍️ ዲ/ን ዳዊት ሰሎሞን።

@Tibebsenayit
@Dndawitsol

ዛሬ ነው!

ለነገ ጠዋት 4:00 ተዘጋጅታችኋል?

ነገ ነው!

~ በመርካቶ ቅዱስ ራጉኤል ቤ/ክ!

~ ከሩቅ ለምትመጡ አታስቡ፦ ከጠዋቱ 5 ሰዓት ብትደርሱም ትደርሳለችኹ!

“አንተ ኸሉን የምትችል ነኽና ኹሉን ይቅር ትላለኽ! ለንስሓ እያቆየኸው የሰውንም ኃጢአት ቸል ትላለኽ። በዚኽ ዓለም ያሉትን ሰዎች ኹሉን ትወዳለኽ። ጠልተኽ የፈጠርኸው የለምና ከፈጠርኸው ፍጥረት ምንም ምን የምትንቀው የለም።

... አንተ ከጠላኸውማ በፊትኽ እንዴት በጸና ነበር?! ከጠላኸው አንተ ካልወደድኸውስ ምንም ምን ባልፈጠርኸው ነበር! አንተ ወድደኽ ያልፈጠርኸው ካልኾነ እንዴት በተጠበቀ ነበር? ለፍጥረቱም ኹሉ ትራራለኽ። ይቅር ትላለኽ።” (ጥበ.፲፩ ፥ ፳፬ - ፳፯)

የንስሓ ዓመት ያድርግልን! አሜን!

በድጋሜ መልካም ዐዲስ ዓመት!


@Tibebsenayit
@Dndawitsol