3,080

Tharyarwaddy 8 City

06 Jan, 02:24

ဓာတ်ပုံ - စစ်ကောင်စီတပ်မှ ရိုက်နှက်သတ်ဖြတ်လိုက်သည့် ကိုသိန်းသန်းဌေး

3,082

Tharyarwaddy 8 City

06 Jan, 02:22

အုတ်ဖိုမှာ စစ်ကောင်စီတပ်က အမျိုးသား၁ဦးကို ဖမ်းဆီးပြီး လူသွားလူလာများသည့် လမ်းပေါ်တွင် လက်ပြန်ကြိုးတုတ်ကာ ရိုက်သတ်၍ အလောင်းစွန့်

Tharyarwaddy 8 City / ဇန်နဝါရီ၆၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ စစ်ကောင်စီတပ်က အမျိုးသား၁ဦးကို ဖမ်းဆီးပြီး လူသွားလူလာများသည့် လမ်းပေါ်တွင် လက်ပြန်ကြိုးတုတ်ကာ ရိုက်သတ်၍ အလောင်းစွန့်ခဲ့ကြောင်း သတင်းရရှိပါသည်။

ဇန်နဝါရီလ ၃ရက်နေ့တွင် အုတ်ဖိုမြို့နယ်၊ ဒေါင်းစပါးအုပ်စု၊ ဂွေးချောင်းကျေးရွာမှ ကိုသိန်းသန်းဌေး အသက်၄၁နှစ် အပါအဝင် အမျိုးသမီး၂ဦး၊ အမျိုးသား၁ဦး စုစုပေါင်း ၄ဦးအား စစ်ကောင်စီမှ လာရောက်ဖမ်းဆီးပြီး အုတ်ဖို စရဖရုံးသို့ ကားဖြင့် ခေါ်ဆောင်သွားကြောင်း သိရသည်။

ထိုသို့ဖမ်းဆီးပြီး အုတ်ဖို စရဖရုံး၌ ရိုက်နှက်စစ်ဆေးပြီးနောက် ဇန်နဝါရီလ ၄ရက်နေ့တွင် ကိုသိန်းသန်းဌေး အား ဝိုင်းရွာရဲစခန်းမှ တဆင့် ပဲခူးရိုးမထဲသို့ လူသားဒိုင်းအနေနဲ့ ခေါ်ဆောင်သွားကြောင်း၊ ဇန်နဝါရီလ ၅ရက် ယမန်နေ့ နံနက်၅နာရီခန့်တွင် သာလိကာ-ဂွေးချောင်းကို ဆက်သွယ်ထားတဲ့ ခြောက်တင်းကွင်း ဆက်သွယ်ရေး လမ်းပေါ်တွင် စစ်ကောင်စီတပ်သားများမှ ကိုသိန်းသန်းဌေး အား ဝါးကြောနှီးဖြင့် လက်ပြန်ကြိုးတုတ်ကာ ဦးခေါင်းကို ရိုက်နှက်သတ်ဖြတ်၍ သေနတ်နှစ်ချက်ဖောက်ပြီး အလောင်းစွန့်ထားခဲ့ကြောင်း သိရသည်။

"ဂွေးချောင်းက ကိုသိန်းသန်းဌေးရယ် ယောက်ျားလေး ၁ယောက်နဲ့ မိန်းကလေး ၂ယောက်ကို ၃ရက်နေ့က NUGနဲ့PDFကို အားပေးကူညီတယ်ဆိုပြီး စစ်တပ်က လာဖမ်းသွားတယ်။ မနေ့မနက်က ခြောက်တင်းကွင်း လမ်းပေါ်မှာ စစ်သားတွေ ကိုသိန်းသန်းဌေး မျက်နှာကို အဝတ်နဲ့စည်း ဝါးကြောနှီးနဲ့ လက်ပြန်ကြိုးတုတ်ပြီးမှ ရိုက်သတ်တာ။ အဲ့စစ်သားတွေက ကိုသန်းသန်းဌေးကို မသတ်ခင် မျက်နှာကို သေးနဲ့ပန်းပြီးတော့ အကြမ်းဖက် အားပေးကောင်ဆိုပြီး မိုက်မိုက်ရိုင်းရိုင်းတွေ ဆဲတယ်။ သူတို့သတ်ပြီးတော့ သေနတ်လည်း ၂ချက်ဖောက်ပြီးမှ အလောင်းထားခဲ့ကြတာ"ဟု ဒေသခံတစ်ဦးမှ Tharyarwaddy 8 City ကို ရှင်းပြပါသည်။

စစ်ကောင်စီတပ်မှ ရိုက်နှက်သတ်ဖြတ်လိုက်သည့် ကိုသိန်းသန်းဌေး သည် သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ၅ ကြို့ပင်ကောက်Heroပြောက်ကျားတပ်ဖွဲ့ မှ ရဲဘော်တစ်ဦး၏ ဖခင်ဖြစ်ကြောင်း၊ ကိုသိန်းသန်းဌေး၏ အလောင်းကိုတော့ အုတ်ဖိုမြို့နယ်ပြည်သူ့ဆေးရုံ သို့ ပရဟိတအသင်းကားဖြင့် လာရောက်သယ်ယူသွားကြောင်း သိရသည်။

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်
#tharyarwaddy8city

3,169

Tharyarwaddy 8 City

05 Jan, 12:27

အုတ်ဖိုနဲ့ ကြို့ပင်ကောက်မှာ စစ်မှုထမ်းထောက်ပံ့ကြေး လစဥ်မပေးတဲ့အိမ်တွေကို စစ်တပ်ခေါ်ဖမ်းခိုင်းပြီး မီးရှို့မည်ဟု အုပ်ချုပ်ရေးမှူးများက ခြိမ်းခြောက်ငွေတောင်းနေ

Tharyarwaddy 8 City / ဇန်နဝါရီ၅၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်နှင့် ကြို့ပင်ကောက်မြို့နယ်တို့မှာ စစ်မှုထမ်းထောက်ပံ့ကြေး လစဥ်မပေးတဲ့အိမ်တွေကို စစ်တပ်ခေါ်ဖမ်းခိုင်းပြီး မီးရှို့မည်ဟု အုပ်ချုပ်ရေးမှူးများက ခြိမ်းခြောက်ငွေတောင်းနေကြောင်း သတင်းရရှိပါသည်။

အုတ်ဖိုမြို့နယ်၊ ကမွန်းခြုံအုပ်စု၊ သရက်ကုန်းကျေးရွာက အုပ်ချုပ်ရေးမှူး နေလင်းအောင် ဆိုသူသည် ဒေသခံများအား စစ်မှုထမ်း ထောက်ပံ့ကြေးဟုဆိုကာ ငွေကြေးများ လစဥ်ကောက်ခံနေကြောင်း၊ ၄င်းကောက်ခံသည့် ငွေမပေးသည့် နေအိမ်များအား စစ်တပ်ခေါ်ဖမ်းခိုင်းပြီး မီးရှို့ပစ်မည်ဟု ခြိမ်းခြောက်နေကြောင်း သိရသည်။

"သရက်ကုန်းအုပ်ကြီး နေလင်းအောင်က စစ်မှုထမ်း ထောက့်ပံ့ကြေး လစဥ်ကောက်ခံနေပါတယ်။ စစ်မှုထမ်း ထောက့်ပံ့ကြေး မပေးတဲ့ ရွာသူရွာသားများကို စစ်တပ်ခေါ်ဖမ်းခိုင်းမယ်လို့ ခြိမ်းခြောက်ငွေတောင်းတယ်။ သူ့ဆီမှာ လက်ပစ်ဗုံးတွေနဲ့ သေနတ်ရောရှိတော့စစ်တပ်ကို ဖုန်းဆက်လိုက်တာနဲ့ တစ်ရွာလုံးပြာကျသွားမယ်ပြောပြီး ငွေတောင်းနေတာ။ တောင်းလို့ရတဲ့ငွေတွေကို ကိုယ်ကျိုးအတွက် အများစု သုံးနေပေမယ့် ကြောက်လို့ ဘယ်သူမှ မပြောရဲကြဘူး"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အလားတူ ကြို့ပင်ကောက်မြို့နယ်၊ ဆင်နင်းပင်အုပ်စု အုပ်ချုပ်ရေးမှူး သန်းစိုး နှင့် ဆယ်အိမ်မှူး မြင့်ကြည် ဆိုသူတို့မှ ဆင်နင်းပင်၊ ကတုတ်၊ ကတက်ကုန်း၊ မကျီးပင်စု၊ နင်းညန်းဦးနှင့် လက်ဆက်ကျေးရွာတို့မှ ဒေသခံပြည်သူများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် နှစ်သောင်းကျပ်မှ သုံးသောင်းကျပ် လစဥ်ကောက်ခံနေပြီး ၄င်းတို့ကောက်ခံသည့် ငွေမပေးပါက စစ်တပ်ခေါ် ဖမ်းခိုင်းမည်ဟု ခြိမ်းခြောက်နေကြောင်း သိရသည်။

"ဆင်နင်းပင်အုပ်စု အုပ်ကြီး သန်းစိုးနဲ့ ဆယ်အိမ်မှူး မြင့်ကြည့်တို့ စစ်မှုထမ်းကြေးအတွက် တစ်အိမ်ကို နှစ်သောင်းနဲ့ သုံးသောင်း နှစ်စားခွဲပြီး လစဥ်တောင်းနေပါတယ်။ သူတို့တောင်းတဲ့ငွေမပေးရင် စစ်သားတွေခေါ်ပြီး ဖမ်းခိုင်းမယ်လို့ ခြိမ်းခြောက်နေတယ်။ သူတို့ဖုန်းဆက်ပြီး ဖမ်းခိုင်းတာလည်းရှိတော့ အားလုံးကြောက်နေရပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

သတင်း - တက်တိုးအောင်၊ ခန့်စိုး
စာတည်း - ဂန္တဝင်နွေဦး

#အုတ်ဖိုမြို့နယ်
#ကြို့ပင်ကောက်မြို့နယ်
#tharyarwaddy8city

3,253

Tharyarwaddy 8 City

မင်းလှမှာ နှစ်သစ်ကူးညတွင် အဝေးထိန်းဗုံးများ ဆက်တိုက်ပေါက်ကွဲတာကြောင့် ပေါ်တာဆွဲဖို့လုပ်နေတဲ့ စစ်ကောင်စီတပ်သားတွေနဲ့ရဲတွေ စခန်းထဲဝင်ပြေး

Tharyarwaddy 8 City / ဇန်နဝါရီလ၂၊၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက မင်းလှမြို့နယ်မှာ နှစ်သစ်ကူးညတွင် အဝေးထိန်းဗုံးများ ဆက်တိုက်ပေါက်ကွဲတာကြောင့် ပေါ်တာဆွဲဖို့လုပ်နေတဲ့ စစ်ကောင်စီတပ်သားတွေနဲ့ရဲတွေ စခန်းထဲဝင်ပြေးကြကြောင်း သတင်းရရှိပါသည်။

ဒီဇင်ဘာလ ၃၁ရက်နေ့ ည၈နာရီခန့်တွင် မင်းလှမြို့ပေါ်ရှိ မြို့မရဲစခန်းအနီး၌ အဝေးထိန်းဗုံးများ တွေ့ရှိရပြီးနောက် လူငယ်များအား ပေါ်တာဆွဲဖိုလုပ်နေတဲ့ စစ်ကောင်စီတပ်သားများနှင့် ရဲတပ်ဖွဲ့ဝင်များ စခန်းထဲကို ဝင်ပြေးကြကြောင်း သိရသည်။

အဆိုပါတွေ့ရှိသည့် အဝေးထိန်းဗုံးအား ခပ်လှမ်းလှမ်းမှ သေနတ်ဖြင့် ပစ်ခတ်ဖေါက်ခွဲပြီးနောက် တခြားနေရာများတွင်လည်း အဝေးထိန်းဗုံးများ ပေါက်ကွဲတာကြောင့် စစ်ကောင်စီတပ်သားများ အပြင်ထွက်မလာတော့ကြောင်း မြို့ခံများထံမှ သိရှိရပါသည်။

"နှစ်သစ်ကူးညက မြို့ထဲမှာ အဝေးထိန်းဗုံးတွေ ဆက်တိုက်ကွဲလို့ ပေါ်တာဆွဲဖို့ လုပ်နေတဲ့ စစ်သားနဲ့ရဲတွေ အပြင်မထွက်ရဲကြတော့ဘူး။ ၈နာရီလောက်က ရဲစခန်းနားမှာ လက်လုပ်ဗုံး အရင်ဆုံးတွေ့ပြီး ရဲနဲ့စစ်သားတွေ အဝေးကနေ သေနတ်နဲ့ပစ်ခွဲတယ်။ အဲ့နောက်တော့ ဗုံး၈လုံးလောက်ရှိမယ်ထင်တယ် ပေါက်ကွဲသံကြားရတော့တာပဲ။ အရင်ကဆို စစ်သားနဲ့ရဲတွေ မူးရူးပြီး ညတိုင်း လက်ကမြင်းကြောထပြီး သေနတ်တွေပစ်နေတာတဒိုင်းဒိုင်းနဲ့လေ။ ခုကြတော့ သူတို့ငြိမ်ကုတ်ပြီး အပြင်ထွက်တာတောင် သိပ်မတွေ့ရတော့ဘူး"ဟု ရုံးလမ်းနေ ဒေသခံတစ်ဦးမှ Tharyarwaddy 8 City ကို ပြောသည်။

လာမည့်ရက်ပိုင်းအတွင်း မြို့ပေါ် ရပ်ကွက်များနှင့် ကျေးရွာများက အသက် ၁၄နှစ်မှ ၆၀နှစ်အတွင်း အမျိုးသားများကိုသာမက အသက်၁၈နှစ်မှ ၃၂နှစ်အတွင်း အမျိုးသမီးများကိုပါ ပေါ်တာဆွဲ ဖမ်းဆီးမှုများ လုပ်ဆောင်သွားမည်ဟု မြို့နယ်စစ်ကောင်စီအဖွဲ့ဝင် တစ်ဦး၏ ပြောဆိုချက်အရ သိရှိရပါသည်။

ဓာတ်ပုံ - မင်းလှထွေအုပ်ရုံးရှေ့တွင် စစ်ကောင်စီတပ်သားများနှင့် ရဲတပ်ဖွဲ့ဝင်များအား တွေ့ရစဥ်(ပုံဟောင်းအသုံးပြုထားသည်)

သတင်း - ဗိုလ်စိန်
စာတည်း - ကိုမိုက်

#မင်းလှမြို့နယ်
#tharyarwaddy8city

3,203

Tharyarwaddy 8 City

02 Jan, 03:25

သာယာဝတီနဲ့ ကြို့ပင်ကောက်မှာ စစ်မှုထမ်းထောက်ပံ့ကြေးဆိုပြီး အုပ်ချုပ်ရေးမှူးများက လစဥ်တောင်းနေလို့ ပြည်သူတွေ အခက်ကြုံနေ

Tharyarwaddy 8 City / ဇန်နဝါရီ၂၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက သာယာဝတီမြို့နယ်နှင့် ကြို့ပင်ကောက်မြို့နယ်တို့မှာ စစ်မှုထမ်းထောက်ပံ့ကြေးဆိုပြီး အုပ်ချုပ်ရေးမှူးများက လစဥ်တောင်းနေလို့ ပြည်သူတွေ အခက်ကြုံနေကြောင်း သတင်းရရှိပါသည်။

သာယာဝတီမြို့နယ်၊ သုံးဆယ်မြို့၊ ရေတွင်းကုန်းအုပ်စု အုပ်ချုပ်ရေးမှူး ကျော်အေး ဆိုသူနှင့် ရာအိပ်မှူး ဇော်ဝင်း ဆိုသူတို့မှ ရေတွင်းကုန်း၊ ညောင်ကောက်ကွေး၊ ဘန့်ဘွေးကုန်း၊ မကျီးချောင်းနှင့် ရွာသစ်ကျေးရွာနေ ဒေသခံများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် နှစ်သောင်းကျပ် လစဥ်ကောက်ခံနေကြောင်း၊ ၄င်းတို့ ကောက်ခံသည့် ငွေမပေးသည့် နေအိမ်များအား စစ်တပ်ခေါ်ဖမ်းဆီးမည်ဟု ခြိမ်းခြောက်နေကြောင်း သိရသည်။

"အနောက်ရေတွင်းကုန်းအုပ်စု အုပ်ကြီးကျော်အေးနဲ့ ရာအိမ်မှူး ဇော်ဝင်းတို့က စစ်မှုထမ်းကြေး လစဥ် နှစ်သောင်း ကောက်နေပါတယ်။ ကျွန်တော်တို့ အုပ်စုကနေ တစ်လကို စစ်မှုထမ်း တပ်သားသစ် ၃ယောက် စုမပေးနိုင်လို့ လူဌားထည့်ဖို့ ကောက်တာလို့ ပြောတယ်။ တချို့လတွေဆို ငါးထောင်တခါ နှစ်သောင်းတခါနဲ့ တပတ်တခါ တောင်းတာမျိုးတွေရှိတော့ မရှိဆင်းရဲသားတွေ အခက်ကြုံနေပါတယ်။ ငွေမပေးရင် စစ်မှုထမ်းရမယ် စစ်တပ်ခေါ်ဖမ်းခိုင်းမယ်ပြောလို့ ကြောက်ကြောက်နဲ့ ရှာဖွေပေးနေရပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အလားတူ ကြို့ပင်ကောက်မြို့နယ်၊ လက်ပံပင်အုပ်စု အုပ်ချုပ်ရေးမှူး စိုးကြီး ဆိုသူ နှင့် ဆယ်အိမ်ခေါင်း မြင့်မောင် ဆိုသူတို့ ဟာ လက်ပံပင်စုရွာနှင့် သာစည်ကျေးရွာမှ ဒေသခံပြည်သူများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် ငါးသောင်းကျပ် လစဥ်ကောက်ခံနေသလို စစ်မှုထမ်းရန် အကျုံးဝင်သူ တစ်ဦးလျှင် ခြောက်သောင်းကျပ် လစဥ် ကောက်ခံနေပြီး ၄င်းတို့ကောက်ခံသည့် ငွေမပေးပါက စစ်တပ်ခေါ် ဖမ်းခိုင်းမည်ဟု ခြိမ်းခြောက်နေကြောင်း သိရသည်။

"သာစည်မှာနေတဲ့ ဆယ်အိမ်ခေါင်း မြင့်မောင်နဲ့ လက်ပံပင်စုမှာနေတဲ့ အုပ်စုအုပ်ကြီး စိုးကြီးတို့က စစ်မှုထမ်းကြေးဆိုပြီး လက်လုပ်လက်စားတွေဆို ငါးသောင်း၊ အဆင်ပြေတဲ့သူဆို တစ်သိန်း လစဥ်တောင်းနေတယ်။ အသက်၁၈နှစ်ကျော်တဲ့ မိန်းကလေး ယောက်ျားလေးရှိရင် တစ်ယောက်ကို ခြောက်သောင်းလည်း ထပ်တောင်းတယ်။ သူတို့တောင်းတာ မပေးတဲ့သူတွေကို စစ်တပ်ခေါ် ပေါ်တာဆွဲခိုင်းနေလို့ မရှိရှိတာ ရောင်းချပေးနေရတယ်။ ခုဆိုစားဖို့ထက် စစ်မှုထမ်းကြေးပေးဖို့ မရရတဲ့အလုပ်လုပ်ပြီး ပေးနေရလို့ အခက်ကြုံနေပါတယ်"ဟု ဒေသခံ သားနှစ်ယောက် မိခင် တစ်ဦးမှ Tharyarwaddy 8 City ကို ပြောပြပါသည်။

သတင်း - ဝတီမောင်၊ ခန့်စိုး
စာတည်း - ဂန္တဝင်နွေဦး

#သာယာဝတီမြို့နယ်
#ကြို့ပင်ကောက်မြို့နယ်
#tharyarwaddy8city

3,269

Tharyarwaddy 8 City

01 Jan, 13:40

ကြို့ပင်ကောက်မှာ စစ်ကောင်စီတပ်နဲ့ ပျူစောထီး ပူးပေါင်းစစ်ကြောင်း နှစ်ရက်ဆက် တိုက်ခိုက်ခံရပြီး (၁၁)ဦး သေဆုံး၍ နာရေးကား၃စီးနဲ့ အလောင်းသယ်ယူ(ရုပ်သံ)

Tharyarwaddy 8 City /ဇန်နဝါရီ၁၊၂၀၂၅

ကြို့ပင်ကောက်မှာ စစ်ကောင်စီတပ်နဲ့ ပျူစောထီး ပူးပေါင်းစစ်ကြောင်း နှစ်ရက်ဆက် တိုက်ခိုက်ခံရပြီး (၁၁)ဦး သေဆုံး၍ နာရေးကား၃စီးနဲ့ အလောင်းကောက်သွားကြောင်း တော်လှန်ရေးတပ်ဖွဲ့များထံမှ သိရှိရပါတယ်။

စစ်ကောင်စီဘက်မှ သေဆုံးသွားသည့် အလောင်းများကို နာရေးကားများဖြင့် သယ်ဆောင်သွားပြီး ထိတွေ့တိုက်ပွဲများ ဆက်လက် ဖြစ်ပွားလာနိုင်လို့ ပြည်သူအနေနဲ့ သတိထားနေထိုင်ကြဖို့လည်း ရဲဘော်ကရင်လေးမှ အသိပေးပြောကြားပါတယ်။

ယခုတိုက်ခိုက်မှုများကို သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ(၁) YOMA (GBK-PDF)၊ သာယာဝတီခရိုင် တပ်ရင်း ၃၈၀၂ လက်အောက်ခံ တပ်ခွဲ(၁) Dragon Brothers (GBK-PDF)၊ ပဲခူးရိုးမအခြေပြု BTZM (GBK-PDF) နှင့် သာယာဝတီခရိုင်ပြည်သူ့ကာကွယ်ရေးအဖွဲ့ တို့ပူးပေါင်းဆောင်ရွက်ခဲ့တာလို့ သတင်းထုတ်ပြန်ထားပါသည်။

သတင်း - ခန့်စိုး
တင်ဆက် - ဧပရယ်
ထုတ်လုပ် - Tharyarwaddy 8 City

#ကြို့ပင်ကောက်မြို့နယ်
#tharyarwaddy8city

3,445

Tharyarwaddy 8 City

01 Jan, 11:46

သာယာဝတီခရိုင်အတွင်း၌ ၂၀၂၄ခုနှစ်အတွင်း ဖြစ်ပွားခဲ့သော စစ်ရေးသတင်းအနှစ်ချုပ်(ရုပ်သံ)

Tharyarwaddy 8 City /ဇန်နဝါရီ၁၊၂၀၂၅

၂၀၂၄ခုနှစ်အတွင်း သာယာဝတီခရိုင်ရှစ်မြို့နယ်၌ စစ်ကောင်စီတပ်ဖွဲ့ဝင် ၅၀၀ ဦး သေဆုံးခဲ့ကာ စစ်ကောင်စီထောက်တိုင် ၈၆ဦး သေဆုံးခဲ့ပြီး ယခုလာမည့် ၂၀၂၅ခုနှစ်အတွင်း စခန်းသိမ်း မြို့သိမ်း တိုက်ပွဲများ ဖြစ်ပွားလာနိုင်ပါတယ်။

ယခုဖော်ပြသည့် စစ်ကောင်စီတပ်ဖွဲ့ဝင်များ
စစ်ကောင်စီထောက်တိုင်များ၏ သေဆုံးစာရင်းမှာ သာယာဝတီခရိုင်ရှစ်မြို့နယ်အတွင်းမှ အရေအတွက်သာ ပါဝင်၍ မြေပြင်တွင် ယခုထက် သေဆုံးဦးရေ များပြားနိုင်ပြီး မိမိတို့ Tharyarwaddy 8 City သတင်းဌာနအနေနဲ့ လက်လှမ်းမီသလောက် ပြုစုထားခြင်းဖြစ်သလို ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်များကို ကိုးကားဖော်ပြထားခြင်းသာ ဖြစ်ပါတယ်။

တင်ဆက် - ဧပရယ်
ထုတ်လုပ် - Tharyarwaddy 8 City

#သာယာ၀တီခရိုင် #သာယာဝတီမြို့နယ်
#လက်ပံတန်းမြို့နယ် #မင်းလှမြို့နယ်
#မိုးညိုမြို့နယ် #အုတ်ဖိုမြို့နယ်
#ကြို့ပင်ကောက်မြို့နယ် #ဇီးကုန်းမြို့နယ်
#နတ်တလင်းမြို့နယ်
#စစ်ရေးသတင်းအနှစ်ချုပ်
#tharyarwaddy8city

3,535

Tharyarwaddy 8 City

01 Jan, 01:00

သာယာဝတီခရိုင်အတွင်း၌ ၂၀၂၄ခုနှစ်အတွင်း ဖြစ်ပွားခဲ့သော စစ်ရေးသတင်းအနှစ်ချုပ်

Tharyarwaddy 8 City /ဇန်နဝါရီ၁၊၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက သာယာဝတီ၊ လက်ပံတန်း၊ မင်းလှ၊ မိုးညို၊ အုတ်ဖို၊ ကြို့ပင်ကောက်၊ ဇီးကုန်းနှင့် နတ်တလင်းမြို့နယ်တို့တွင် ၂၀၂၄ခုနှစ်အတွင်း ပြည်သူ့ကာကွယ်ရေးတပ်ဖွဲ့များ၏ တိုက်ခိုက်မှုများကြောင့် စစ်ကောင်စီတပ်ဖွဲ့ဝင်များနှင့် စစ်ကောင်စီထောက်တိုင်များ သေဆုံးခဲ့မှုများကို Tharyarwaddy 8 City သတင်းဌာနမှ စုစည်းကောက်နုတ် တင်ပြပေးလိုက်ပါတယ်။

စစ်ကောင်စီတပ်ဖွဲ့ဝင်များဆိုသည်မှာ ရဲနှင့်စစ်သားများကို ရည်ရွယ်ပြီး စစ်ကောင်စီထောက်တိုင်များ ဆိုသည်မှာ အုပ်ချုပ်ရေးမှူး၊ ရာအိမ်မှူး၊ ဆယ်အိမ်မှူး၊ သတင်းပေးဒလန်များ၊ ပျူစောထီးများ ပါဝင်ပါတယ်။

၁။သာယာဝတီမြို့နယ်
၂၀၂၄ခုနှစ်အတွင်း သာယာဝတီမြို့နယ်တွင် စစ်ကောင်စီ တပ်ဖွဲ့ဝင် ၁ဦး သေဆုံးခဲ့သလို စစ်ကောင်စီထောက်တိုင် ၁ဦး သေဆုံးခဲ့ပြီး သာယာဝတီဂဠုန်တပ်ဖွဲ့ နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်း ဖြစ်ပါတယ်။

၂။လက်ပံတန်းမြို့နယ်
၂၀၂၄ ခုနှစ်အတွင်း လက်ပံတန်းမြို့နယ်တွင် စစ်ကောင်စီတပ်ဖွဲ့ဝင် ၇၀ဦး၊ စစ်ကောင်စီထောက်တိုင် ၁၂ဦး သေဆုံးခဲ့ပြီး ရွှေတန်းမြေပြည်သူ့ကာကွယ်ရေးတပ်ဖွဲ့၊ သာယာဝတီဂဠုန်တပ်ဖွဲ့၊ သာယာတီခရိုင် တပ်ရင်း ၃၈၀၂ လက်အောက်ခံ တပ်ခွဲ၂၊ တပ်ခွဲ၃၊ တပ်ခွဲ၅၊ သာယာဝတီခရိုင် တပ်ရင်း ၃၈၀၃ နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၃။မင်းလှမြို့နယ်
၂၀၂၄ခုနှစ်အတွင်း မင်းလှမြို့နယ်တွင် စစ်ကောင်စီတပ်ဖွဲ့ဝင်၂၅၂ဦး၊ စစ်ကောင်စီထောက်တိုင် ၁၂ဦး သေဆုံးခဲ့ပြီး သာယာတီခရိုင် တပ်ရင်း ၃၈၀၂ လက်အောက်ခံ တပ်ခွဲ၅၊ တပ်ခွဲ၂၊ တပ်ခွဲ၃၊ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို၊ Yoma Phoenix Drone Force၊ သာယာဝတီခရိုင် တပ်ရင်း ၃၈၀၃၊ မင်းလှမြို့နယ်ပြည်သူ့ကာကွယ်ရေးအဖွဲ့နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၄။မိုးညိုမြို့နယ်
၂၀၂၄ခုနှစ်အတွင်း မိုးညိုမြို့နယ်တွင် စစ်ကောင်စီတပ်ဖွဲ့၀င်များနှင့် စစ်ကောင်စီထောက်တိုင်များ တိုက်ခိုက်ခံရခြင်းမရှိ၍ သေဆုံးခြင်းမရှိခဲ့သလို စစ်ရေးလှုပ်ရှားမှု တစုံတရာ မတွေ့ရှိရသေးပဲ သာယာဝတီခရိုင်ရှစ်မြို့နယ်တွင် အငြိမ်သက်ဆုံးမြို့နယ် ဖြစ်ပါတယ်။

၅။အုတ်ဖိုမြို့နယ်
၂၀၂၄ခုနှစ်အတွင်း အုတ်ဖိုမြို့နယ်တွင် စစ်ကောင်စီတပ်ဖွဲ့ဝင် ၈၈ဦး၊ စစ်ကောင်စီထောက်တိုင် ၂၂ဦး သေဆုံးခဲ့ပြီး သာယာဝတီခရိုင် တပ်ရင်း ၃၈၀၂ လက်အောက်ခံ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို၊ တပ်ခွဲ၅၊ တပ်ခွဲ၁ Dragon Brothers GBK-PDF၊ တပ်ခွဲ၆ Black Dragon GBK-PDF၊ သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ၁ YoMa GBK-PDF၊ တပ်ခွဲ၅ ကြို့ပင်ကောက်ဟီးရိုးပြောက်ကျားတပ်ဖွဲ့နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၆။ကြို့ပင်ကောက်မြို့နယ်
၂၀၂၄ခုနှစ်အတွင်း ကြို့ပင်ကောက်မြို့နယ်တွင် စစ်ကောင်စီတပ်ဖွဲ့ဝင် ၆၄ဦး၊ စစ်ကောင်စီထောက်တိုင် ၂၈ဦး သေဆုံးခဲ့ပြီး သာယာဝတီခရိုင် တပ်ရင်း ၃၈၀၂ လက်အောက်ခံ တပ်ခွဲ၁ Dragon Brothers GBK-PDF၊ တပ်ခွဲ၆ Black Dragon GBK-PDF၊ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို၊ သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ၁ YoMa GBK-PDF၊ တပ်ခွဲ၅ ကြို့ပင်ကောက်ဟီးရိုးပြောက်ကျားတပ်ဖွဲ့၊ BTZM GBK-PDF (ပဲခူးရိုးမအခြေပြုတပ်ဖွဲ့နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၇။ဇီးကုန်းမြို့နယ်
၂၀၂၄ခုနှစ်အတွင်း ဇီးကုန်းမြို့နယ်တွင် စစ်ကောင်စီတပ်ဖွဲ့ဝင် ၇ဦး၊ စစ်ကောင်စီထောက်တိုင် ၁ဦး သေဆုံးခဲ့ပြီး BTZM GBK-PDF (ပဲခူးရိုးမအခြေပြုတပ်ဖွဲ့) နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၈။နတ်တလင်းမြို့နယ်
၂၀၂၄ခုနှစ်အတွင်း နတ်တလင်းမြို့နယ်တွင် စစ်ကောင်စီတပ်ဖွဲ့ဝင် ၁၉ဦး၊ စစ်ကောင်စီထောက်တိုင် ၁၀ဦး သေဆုံးခဲ့ပြီး သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ၂ Phoenix D F၊ တပ်ခွဲ၃ နတ်စစ်သည်၊ တပ်ခွဲ၄ BRA၊ တပ်ခွဲ၆ ဧရာညီနောင်စစ်ကြောင်း နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၂၀၂၄ခုနှစ်အတွင်း သာယာဝတီခရိုင်ရှစ်မြို့နယ်၌ စစ်ကောင်စီတပ်ဖွဲ့ဝင် ၅၀၀ ဦး သေဆုံးခဲ့ကာ စစ်ကောင်စီထောက်တိုင် ၈၆ဦး သေဆုံးခဲ့ပြီး ယခုလာမည့် ၂၀၂၅ခုနှစ်အတွင်း စခန်းသိမ်း မြို့သိမ်း တိုက်ပွဲများ ဖြစ်ပွားလာနိုင်ပါတယ်။

ယခုဖော်ပြသည့် စစ်ကောင်စီတပ်ဖွဲ့ဝင်များ
စစ်ကောင်စီထောက်တိုင်များ၏ သေဆုံးစာရင်းမှာ သာယာဝတီခရိုင်ရှစ်မြို့နယ်အတွင်းမှ အရေအတွက်သာ ပါဝင်၍ မြေပြင်တွင် ယခုထက် သေဆုံးဦးရေ များပြားနိုင်ပြီး မိမိတို့ Tharyarwaddy 8 City သတင်းဌာနအနေနဲ့ လက်လှမ်းမီသလောက် ပြုစုထားခြင်းဖြစ်သလို ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်များကို ကိုးကားဖော်ပြထားခြင်းသာ ဖြစ်ပါတယ်။

သတင်း - Tharyarwaddy 8 City အဖွဲ့သားများ
စာတည်း - ရာမန်

#သာယာ၀တီခရိုင်
#tharyarwaddy8city

4,248

Tharyarwaddy 8 City

31 Dec, 12:11

ကြို့ပင်ကောက်မှာ စစ်ကောင်စီတပ်နဲ့ ပျူစောထီး ပူးပေါင်းစစ်ကြောင်း နှစ်ရက်ဆက် တိုက်ခိုက်ခံရပြီး (၁၁)ဦး သေဆုံး၍ နာရေးကား၃စီးနဲ့ အလောင်းသယ်ယူ

Tharyarwaddy 8 City /ဒီဇင်ဘာ၃၁၊၂၀၂၄

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက ကြို့ပင်ကောက်မြို့နယ်၊ ဥယျာဥ်ကြီးကျေးရွာရှိ စစ်ကောင်စီတပ်နှင့် ပျူစောထီး အင်အား ၄၀ခန့်ပါ ပူးပေါင်းစစ်ကြောင်းအား ဒီဇင်ဘာလ ၂၉ရက် ညနေ ၄နာရီ ၃၀မိနစ် အချိန်တွင် တော်လှန်ရေး ပူးပေါင်းတပ်ဖွဲ့များမှ သွားရောက်တိုက်ခိုက်ခဲ့ကြောင်း သတင်းရရှိပါသည်။

တော်လှန်ရေးပူးပေါင်းတပ်ဖွဲ့များမှ ၆၀မမ၊ ၄၀မမ လက်နက်ကြီး လက်နက်ငယ်များဖြင့် ပစ်ခတ်တိုက်ခိုက်ခဲ့ကြသလို စစ်ကောင်စီဘက်မှလည်း လက်နက်ကြီး လက်နက်ငယ်များ အသုံးပြု တိုက်ခိုက်ကြ၍ ထိတွေ့တိုက်ပွဲ ၁နာရီ ကြာမြင့်ခဲ့ကြောင်း၊ အပြန်အလှန် ပစ်ခတ်မှုအတွင်း စစ်ကောင်စီဘက်မှ ၅ဦးသေဆုံးကာ အထိနာသဖြင့် ဥယျာဥ်ကြီးကျေးရွာ ဘုန်းကြီးကျောင်းသို့ ဆုတ်ခွာသွားကြောင်း သိရသည်။

ထိုသို့ ဥယျာဥ်ကြီးကျေးရွာ ဘုန်းကြီးကျောင်းသို့ တပ်ဆုတ်သွားသည့် စစ်ကောင်စီတပ်နှင့် ပျူစောထီး ပူးပေါင်းစစ်ကြောင်းအား ဒီဇင်ဘာလ ၃၀ရက် နံနက်၅နာရီ အချိန်တွင် တော်လှန်ရေးပူးပေါင်းတပ်ဖွဲ့များမှ ထပ်မံတိုက်ခိုက်ခဲ့ရာ တိုက်ပွဲကြာမြင့်ချိန် ၁နာရီအတွင်း စစ်ကောင်စီဘက်မှ ၆ဦးသေဆုံးကာ အများအပြား ဒဏ်ရာရရှိခဲ့ကြောင်း သိရှိရပါသည်။

"ဥယျာဥ်ကြီးရွာက နှစ်ရက်ဆက်တိုက်ပွဲမှာ စခနဲ့ ပျူ ၁၁ကောင် သေဆုံးသွားပါတယ်။ အဲ့သေတဲ့ အလောင်းတွေကို နာရေးကား ၃စီးနဲ့ လာသယ်သွားပါတယ်။ ခုထပ်ပြီး ကုန်းရွာဘက်ကနေ စခတွေတက်နေလို့ တိုက်ပွဲတွေ ဆက်လက်ပြင်းထန်လာနိုင်ပါတယ်။ စခတွေ အထိနာနေတော့ ပြည်သူကိုမဲနိုင်လို့ ရိုးမအစပ်က ရွာတွေအနေနဲ့ သတိထားနေထိုင်ကြဖို့ တိုက်တွန်းချင်ပါတယ်"ဟု သာယာဝတီခရိုင်PDFတာဝန်ရှိသူတစ်ဦးမှ Tharyarwaddy 8 City ကို ပြောသည်။

ယခုတိုက်ခိုက်မှုများကို သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ(၁) YOMA (GBK-PDF)၊ သာယာဝတီခရိုင် တပ်ရင်း ၃၈၀၂ လက်အောက်ခံ တပ်ခွဲ(၁) Dragon Brothers (GBK-PDF)၊ ပဲခူးရိုးမအခြေပြု BTZM (GBK-PDF) နှင့် သာယာဝတီခရိုင်ပြည်သူ့ကာကွယ်ရေးအဖွဲ့ တို့ပူးပေါင်းဆောင်ရွက်ခဲ့တာလို့ သတင်းထုတ်ပြန်ထားပါသည်။

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်
#tharyarwaddy8city

3,352

Tharyarwaddy 8 City

26 Nov, 15:03

13 Nov, 05:13

ပုံစာ- BTZM GBK PDFရဲဘော်များနဲ့ လက်နက်ကြီးများကိုတွေ့ရစဉ်။

2,502

Tharyarwaddy 8 City Media

13 Nov, 05:11

ဇီးကုန်းမှာ စစ်ကြောင်းထိုးနေတဲ့ စစ်တပ်ကို ပဒေသာမိုင်းနဲ့တိုက်ခိုက်မှု စစ်သား၄ဦးသေဆုံး

Tharyarwaddy 8 City/နို၀င်ဘာ၁၃၊၂၀၂‌၄

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ်ထဲက ဇီးကုန်းမြို့နယ်၊ ဘော်ဘင်ကျေးရွာမှာ အထိုင်ချတပ်ထားတဲ့စစ်ကြောင်းက ဘော်ဘင်ဆည်အနီး‌ ကျေးရွာများနဲ့ သင်္ခရိုင် ကျေးရွာတို့ကို ၁၄ရက်ကျော်စစ်ကြောင်းထိုးခဲ့တယ်လို့ ကြို့ပင်ကောက်မြို့နယ် ပြည်သူ့ကာကွယ်ရေးတပ်ဖွဲ့(BTZM GBK PDF)ပဲခူးရိုးမအခြေပြုတပ်ခွဲထံမှ သိရှိရပါတယ်။

နို၀င်ဘာလ၁၂ရက်နေ့၊ မနက်၇နာရီအချိန်တွင် အဆိုပါစစ်ကြောင်းကို ဘော်ဘင်ဆည် တမံ(၁)ရှိ တိုက်ပြာနဲ့ သစ်လုံးအဆောင် ကြားတစ်နေရာတွင် ပဒေသာမိုင်းနဲ့တိုက်ခိုက်ခဲ့တာဖြစ်ပါတယ်။

"ပဒေသာမိုင်း ၃လုံးခွဲတာပါ၊နိုဝင်ဘာလ ၁၂ရက်နေ့ မနက် ၇နာရီ အချိန်မှာဇီးကုန်မြို့နယ်စစ်ကြောင်းက ဘော်ဘင်ဆည်ဘောင် အမှတ် ၁တိုက်ပြာလေး သစ်လုံးဆောင် သင်္ခရိုင်ဘက်ကိုစစ်ကြောင်းထိုးနေတာ အင်အားက၂၀၀နီးပါးပါတယ်။ ရိုးမကိုအပြတ်ခြေမှူန်းမယ်လဲသိရတယ်"ဟု ကြို့ပင်ကောက်မြို့နယ် ပြည်သူ့ကာကွယ်ရေးတပ်ဖွဲ့(BTZM GBK PDF)ပဲခူးရိုးမအခြေပြုတပ်ခွဲရဲ့ တာ၀န်ခံ ရဲဘော်တေ‌ဇမင်းမှ Tharyarwaddy 8 City Media ကိုပြောပါတယ်။

ထိုကဲ့သို့ ပဒေသာမိုင်းနဲ့ တိုက်ခိုက်ခဲ့မှုကြောင့် စစ်ကောင်စီ စစ်ကြောင်းမှ တပ်ဖွဲ့၀င်၄ဦးသေဆုံးပြီး၊၃ဦးဒဏ်ရာ ရရှိခဲ့တာကြောင့် ဘော်ဘင်ဆည် တမံ(၂)ဘက်ကို ၎င်းစစ်ကြောင်းမှ လက်နက်ကြီး၊ လက်နက်ငယ်များနဲ့ရမ်းသမ်းပစ်ခတ်ကာ တပ်ဆုတ်သွားပါတယ်။

၎င်းတိုက်ခိုက်မှုကို ကြို့ပင်ကောက်မြို့နယ် ပြည်သူ့ကာကွယ်ရေးတပ်ဖွဲ့(BTZM GBK PDF)ပဲခူးရိုးမအခြေပြုတပ်ခွဲမှ ပဒေသာမိုင်းနဲ့ အချိန်ကိုက် မိုင်းဆွဲတိုက်ခိုက်နိုင်ခဲ့ခြင်းလည်းဖြစ်ပါတယ်။

ဇီးကုန်းမြို့နယ်ဟာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ အားကောင်းတဲ့အပြင် မြို့နယ်ရဲ့ ၃ပုံ၂ပုံဟာ စစ်တပ်ထောက်ခံသူတွေနဲ့ ပျူစေားထီးတွေအများဆုံး‌နေထိုင်တဲ့မြို့နယ်ဖြစ်ပါတယ်။

လက်ရှိအချိန်ကာလမှာ အရပ်သားပြည်သူတွေ အနေနဲ့ စစ်ကောင်စီတပ်သားများရဲ့ ဘေးအနီးအနားမှာရှိနေပါက စစ်ကောင်စီနဲ့ လွတ်ကင်းရာကိုနေထိုင်ကြဖို့ အနီးကပ်မနေထိုင်ကြဖို့အတွက် ပြည်သူတွေကိုကြို့ပင်ကောက်မြို့နယ် ပြည်သူ့ကာကွယ်ရေးတပ်ဖွဲ့(BTZM GBK PDF)ပဲခူးရိုးမအခြေပြုတပ်ခွဲရဲ့ တာ၀န်ခံ ရဲဘော်တေ‌ဇမင်းမှ Tharyarwaddy 8 City Mediaမှတဆင့် သတင်းစကားပါးထားပါတယ်။

သတင်း-ခန့်စိုး
စာတည်း-ကျော်ဇောရှိန်

#ဇီးကုန်းမြို့နယ် #ဘော်ဘင်ဆည်
#စကစအင်အား၂၀၀

#စစ်ကြောင်းထိုး #စစ်သား၄ဦးသေ

#ပဒေသာမိုင်း၃လုံး

#tharyarwaddy8citymedia

2,579

Tharyarwaddy 8 City Media

12 Nov, 13:07

ပုံစာ-ကျဆုံးရဲဘော်၃ဦးအတွက် အမိန့်ပြန်တမ်းနဲ့ အလေးပြုအခမ်းအနား

2,936

Tharyarwaddy 8 City Media

06 Nov, 06:24

ဇီးကုန်းမှာ စစ်အုပ်စုကင်းပုန်းကို တိုက်ခိုက်မှု ၆၀မမဗုံးသီးတစ်လုံး သိမ်းဆည်းရရှိ

Tharyarwaddy 8 City /နို၀င်ဘာ၆၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက ဇီးကုန်းမြို့နယ်၊ ဘော်ဘင်ကျေးရွာမှာတပ်စွဲထားသော အကြမ်းဖက်စစ်ကောင်စီတပ်သားများ ကင်းပုန်း၀ပ်နေစဉ် တော်လှန်ရေးရဲဘော်များက သွားရောက်တိုက်ခိုက်ခဲ့ကြောင်း စစ်ရေးဖော်ဆောင်ရာမှာ ပါ၀င်‌သည့်အဖွဲ့များထံမှ သတင်းရရှိပါသည်။

နို၀င်ဘာလ၃ရက်နေ့၊ ည၇နာရီအချိန်မှာ ကင်းပုန်း၀ပ်နေစဉ် အလစ်အငိုက်တိုက်ခိုက်ခဲ့သောကြောင့် စစ်ကောင်စီတပ်သားများနှင့် ဘော်ဘင်ကျေးရွာမှ ပျူစောထီးအဖွဲ့၀င်များဟာ အထိနာကာ ထွက်ပြေးခဲ့ခြင်းဖြစ်ပါသည်။

"ဇီးကုန်းမြို့နယ် ဘော်ဘင်ရွာတပ်အထိုင်းစခန်းက စခတွေကြို့ပင်ကောက်မြို့နယ်အတွင်းစစ်ကြောင်းထိုးနေချိန် နောက်ကျန်အင်အားဘော်ဘင်ရွာစခအဖွဲ့ကင်းပတ်ချိန်ကျွန်တော်တို့ဝင်ပစ်တာပါ "ဟု BTZM GBK PDF ပဲခူးရိုးမအခြေပြုတပ်ဖွဲ့၏ တာ၀န်ခံ ရဲဘော်တေဇမင်းမှ Tharyarwaddy 8 City Media ကိုပြောပါသည်။

ထို့အပြင် စစ်ကောင်စီတပ်သားများမှ အရက်သောက်စားထားပြီး ကင်းပုန်း၀ပ်နေစဉ် နေအိမ်ထဲအထိ ၀င်ရောက်ပစ်ခတ်တာကြောင့် ထွက်ပြေးခဲ့ခြင်းဖြစ်သလို ထိခိုက်မှု‌ရှိလို့ ထွက်ပြေးခြင်းဖြစ်တယ်ဆိုတာယူဆလို့ရကြောင်း တာ၀န်ခံကထပ်မံရှင်းပြသည်။

၎င်းစစ်ကောင်စီတပ်သားများနှင့် ပျူစောထီးအဖွဲ့၀င်များထွက်ပြေးသွားကြပြီးနောက် စစ်ကောင်စီယူနီဖောင်း ဘောင်းဘီတစ်ထည်၊ ကျည်ကာအင်္ကျီတစ်ထည် နှင့် ၆၀မမ ဗုံးသီးတစ်လုံးတို့ကို သိမ်းဆည်းရရှိခဲ့ကြောင်း သိရသည်။

အဆိုပါစစ်ဆင်ရေးကို သာယာ၀တီခရိုင်တပ်ရင်း ၃၈၀၁၊ တပ်ခွဲ(၃) နတ်စစ်သည်တပ်ဖွဲ့၊ တပ်ရင်း ၃၈၀၂ တပ်ခွဲ(၄) မြေအောက်ပြောက်ကျားတပ်ဖွဲ့-အုတ်ဖို နှင့် BTZM GBK PDF ပဲခူးရိုးမအခြေပြုတပ်ဖွဲ့ဆိုသည့် တပ်ဖွဲ့(၃)ခုမှ ပူးပေါင်းပြီး စစ်ရေးဖော်ဆောင်ခဲ့ခြင်းဖြစ်ပါသည်။

သတင်း - ဇွန်ပန်း
စာတည်း - ကျော်ဇောရှိန်

#ဇီးကုန်း #ဘော်ဘင်ရွာ
#စစ်ကောင်စီထွက်ပြေး
#၆၀မမရရှိ
#tharyarwaddy8citymedia

362

Tharyarwaddy 8 City Media

05 Nov, 14:48

ကမ်ပိန်းမဲလက်မှတ်များအား https://www.facebook.com/profile.php?id=61551029252119&mibextid=ZbWKwL တွင် ဝယ်ယူနိုင်ပါသည် ။

1,398

Tharyarwaddy 8 City Media

05 Nov, 14:36

24 Oct, 10:17

အုတ်ဖိုမြို့နယ် ကန့်နီကျေးရွာက နေအိမ်တွေ စစ်ကောင်စီတပ်ရဲ့ မီးရှို့ခြင်းခံရ(ရုပ်သံ)

Tharyarwaddy 8 City/အောက်တိုဘာ၂၄၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ်ထဲက အုတ်ဖိုမြို့နယ်ရှိ ကန့်နီကျေးရွာက အရပ်သားပြည်သူတွေရဲ့ နေအိမ်တွေကို အောက်တိုဘာလ၂၃ရက်နေ့ နေ့လယ်၂နာရီ၄၅မိနစ်အချိန်က‌ စတင်ပြီး‌ တော့ စစ်ကောင်စီတပ်က မီးရှို့ခဲ့ကြတယ်လို့ ဒေသခံတွေထံမှတဆင့် စုံစမ်းသိရှိရပါတယ်။

သတင်း - တက်တိုးအောင်
စာတည်း- နွေဦးဇင်ယော်
သတင်းဖတ်သူ - ဧပရယ်

ရုပ်သံတည်းဖြတ် - Tharyarwaddy 8 City Media

Tharyarwaddy 8 City Media ၏သတင်းများကို တယ်လီဂရမ်၊ ယူကျူ့၊ ဖေ့ဘုတ် စာမျက်နှာတွေက‌ နေလဲ သာယာ၀တီခရိုင်အတွင်းက သတင်းများကို၀င်ရောက်ဖတ်ရှု့နိုင်ပါသည်။

#အုတ်ဖို
#ကန့်နီ
#စကစ #မီးရှို့နေ

#tharyarwaddy8citymedia

5,008

Tharyarwaddy 8 City

24 Oct, 10:16

အုတ်ဖိုမြို့နယ် ကန့်နီကျေးရွာက နေအိမ်တွေ စစ်ကောင်စီတပ်ရဲ့ မီးရှို့ခြင်းခံရ(ရုပ်သံ)

Tharyarwaddy 8 City/အောက်တိုဘာ၂၄၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ်ထဲက အုတ်ဖိုမြို့နယ်ရှိ ကန့်နီကျေးရွာက အရပ်သားပြည်သူတွေရဲ့ နေအိမ်တွေကို အောက်တိုဘာလ၂၃ရက်နေ့ နေ့လယ်၂နာရီ၄၅မိနစ်အချိန်က‌ စတင်ပြီး‌ တော့ စစ်ကောင်စီတပ်က မီးရှို့ခဲ့ကြတယ်လို့ ဒေသခံတွေထံမှတဆင့် စုံစမ်းသိရှိရပါတယ်။

အဲ့ဒီနေ့ ညနေ ၃နာရီနဲ့ ၆မိနစ် အချိန်မှာတော့ မနက်ထဲက ဂမုန်းဆည် ရှင်းလင်းဆောင်အနီးတ၀ိုက်ကို နင်းမိုင်းတွေထောင်ပြီး တပ်ဆုတ်လာတဲ့အင်အား၃၀ခန့်ပါ စစ်ကြောင်းနဲ့ ခန့်မှန်းအင်အား (၆၀)ခန့်ပါတဲ့ စစ်တပ်စစ်ကြောင်း နှစ်ခုဟာ ပူးပေါင်း အင်အားဖြည့်တင်း လာပြီး ကန့်နီကျေးရွာနဲ့ ဒေသအခေါ် ဘော်ဘင်တိုက်ဆိုတဲ့နေရာတွေရှိ အရပ်သားပြည်သူ တွေရဲ့နေအိမ်တွေကို မီးရှို့ဖျက်ဆီးခဲ့တာလဲဖြစ်ပါတယ်။

ဒါ့အပြင် ဒေသခံအမျိူးသမီး ၆ဦးကိုလဲ လူသားဒိုင်းအဖြစ် ဝိုင်းကျေးရွာမှာရှိတဲ့ ရဲစခန်းကို ဖမ်းစီးခေါ်ဆောင်သွားပြီး ညနေပိုင်းမှာတော့ အဲ့ဒီအမျိုးသမီးများထဲမှ ၅ဦးကိုသာပြန်လွှတ်ပေးပြီးတော့ အမျိုးသမီးတစ်ဦးကို လက်ရှိအချိန်ထိ ပြန်မလွှတ်သေးဘူးလို့ ပြန်လွတ်လာသူတွေနဲ့နီးစပ်သူတွေထံမှ သိရပါတယ်။

အဆိုပါ အင်အား၉၀ပါ စစ်တပ်ရဲ့ပူးပေါင်း စစ်ကြောင်းဟာ ကန့်နီ‌ ကျေးရွာအနီးတ၀ိုက်ကို ယမန်နေ့ နေ့လယ် ၂နာရီ၄၅မိနစ် အချိန်မှစတင်ပြီး မီးရှို့နေတာဖြစ်တာကြောင့် ကန့်နီနဲ့ အနီးအနားကျေးရွာတွေဖြစ်တဲ့ ဆင်တဲကုန်း၊ကန့်နီ တံငါကုန်းစတဲ့‌ ကျေးရွာများရှိ ဒေသခံ အရပ်သားပြည်သူတွေဟာ တောတောင်တွေထဲထွက်ပြေးတိမ်းရှောင်နေကြရပါတယ်။

အဲ့ဒီနယ်ဘက်မှာတော့ ဒီသတင်းကို လူမနေတဲ့အိမ်တွေမီးရှို့တာဖြစ်တယ်လို့ စစ်ကောင်စီတပ်မှ သတင်းမှားတွေဖြန့်ဝေနေပေမယ့် Tharyarwaddy 8 City Media ရဲ့ မြေပြင် အခြေအနေများကို စုံစမ်းမှုအရ အရပ်သားပြည်သူတွေနေထိုင်တဲ့ အိမ်ခြေ ၂၀ကျော်ကို မီးရှို့ခဲ့တာလည်းဖြစ်ပါတယ်။

ကြို့ပင်ကောက်မြို့နယ်နဲ့ အုတ်ဖိုမြို့နယ်တို့ဟာ ထိစပ်နေတဲ့ မြို့တွေဖြစ်ပြီး အောက်တိုဘာ၂၃ရက်နေ့မနက်ပိုင်းအချိန်တွင် မြို့နှစ်ခုရဲ့ နယ်စပ်ဒေသတွင်ရှိတဲ့ ကန့်နီကျေး ရွာက‌နေ ဆုတ်ခွါလာတဲ့ စစ်ကောင်စီတပ်ဖွဲ့၀င် ခန့်မှန်းအင်အား (၃၀)ခန့်ဟာ ဂမုန်းဆည် ရှင်းလင်းဆောင်အနီး တစ်ဝိုက်တွင် နင်းမိုင်းများထောင်ခဲ့ကြောင်းသတင်းရရှိပါတယ်။

သတင်း - တက်တိုးအောင်
စာတည်း- နွေဦးဇင်ယော်
သတင်းဖတ်သူ - ဧပရယ်

ရုပ်သံတည်းဖြတ် - Tharyarwaddy 8 City Media

Tharyarwaddy 8 City Media ၏သတင်းများကို တယ်လီဂရမ်၊ ယူကျူ့၊ ဖေ့ဘုတ် စာမျက်နှာတွေက‌ နေလဲ သာယာ၀တီခရိုင်အတွင်းက သတင်းများကို၀င်ရောက်ဖတ်ရှု့နိုင်ပါသည်။

#အုတ်ဖို
#ကန့်နီ
#စကစ #မီးရှို့နေ

#tharyarwaddy8citymedia

4,629

Tharyarwaddy 8 City

23 Oct, 09:22

Breaking News
_____

အုတ်ဖိုမှာ စစ်ကောင်စီတပ်က ကျေးရွာတွေကို မီးရှို့နေ

Tharyarwaddy 8 City/ အောက်တိုဘာ ၂၃၊၂၀၂၄

ပဲခူးတိုင်းအ‌နောက်ခြမ်း၊ သာယာ၀တီခရိုင်ရှစ်မြို့နယ်ထဲက ကြို့ပင်ကောက်နဲ့ အုတ်ဖိုမြို့နယ် နှစ်ခုရဲ့ နယ်စပ်ဒေသတွင်ရှိသော ကန့်နီကျေး ရွာမှ ဆုတ်ခွာသွားသော စစ်ကောင်စီတပ်ဖွဲ့၀င် ခန့်မှန်းအင်အား (၃၀)ခန့်ဟာ ဂမုန်းဆည် ရှင်းလင်းဆောင်အနီး တစ်ဝိုက်တွင် နင်းမိုင်းများထောင်ခဲ့ကြောင်းသတင်းရရှိပါတယ်။

ယနေ့ ညနေ ၃နာရီ ၆မိနစ် အချိန်မှာတော့ အဲ့ဒီစစ်ကြောင်းဟာ ခန့်မှန်းအင်အား (၆၀)ခန့်အင်အားထပ်ဖြည့်လာပြီး ကန့်နီကျေးရွာနဲ့ ဘော်ဘင်တိုက်ဆိုသောနေရာရှိ ပြည်သူပိုင်နေအိမ်များကို မီးရှို့ဖျက်ဆီးနေတာလဲဖြစ်ပါတယ်။

အဆိုပါ စစ်တပ်စစ်ကြောင်းဟာ ကန့်နီ‌ ကျေးရွာအနီးတ၀ိုက်ကို ယနေ့နေ့လယ် ၂နာရီ၄၅မိနစ် အချိန်မှစတင်ပြီး မီးရှို့နေတာဖြစ်တာ‌ ကြောင့် ကန့်နီနဲ့ အနီးရှိကျေးရွာများမှ ဒေသခံအများအပြားဟာ တောတောင်တွေထဲ ထွက်ပြေးတိမ်းရှောင်နေကြရပါတယ်။

"သိပ်လဲမထူးဆန်းပါဘူး၊ ကြွက်မနိုင်ကျီ မီးနဲ့ရှို့တဲ့သဘောပါပဲ၊ ဟိုရက်ကဒီကောင်တွေအတော်ကျ(သေ)သွားတာလေ အဲ့ဒါကြောင့်ပြန်လုပ်တယ်ပဲပြောရလိမ့်မယ်"ဟု ဒေသခံတစ်ဦးက Tharyarwaddy 8 City Media ကိုပြောပါတယ်။

ပြီးခဲ့တဲ့ရက်ပိုင်းမှာ အထိနာသွားတဲ့စစ်ကောင်စီတပ်က တော်လှန်ရေးတပ်ဖွဲ့များကို မနိုင်တော့‌တာကြောင့် ပြည်သူပိုင် အိုးအိမ်းများကို မီးရှို့နေတာလဲဖြစ်ပါတယ်။

လက်ရှိအချိန်ထိ မီးရှို့နေသေးကြောင်းနဲ့ ရွာလုံးကျွတ်နီးပါးမီးရှို့ခံနေရတဲ့အပြင် အရပ်သားပြည်သူများထိခိုက်သေဆုံးမှုနဲ့ နေအိမ် ပျက်စီးမှုအခြေအနေတွေကို မသိရသေးကြောင်း ဒေသခံတစ်ဦးမှ ရှင်းပြပါတယ်။

သတင်း - တက်တိုးအောင်
စာတည်း- နွေဦးဇင်ယော်

ပုံစာ - ကန့်နီကျေးရွာအား စစ်တပ်မှ မီးရှို့နေမှုကိုမြင်တွေ့ရတာပဲဖြစ်ပါတယ်။(ဓါတ်ပုံ- Tharyarwaddy 8 City Media)

Tharyarwaddy 8 City Media ၏သတင်းများကို တယ်လီဂရမ်၊ ယူကျူ့၊ ဖေ့ဘုတ်တို့တွင် ၀င်ရောက်ကြည့်ရှု့နိုင်ပါသည်။

#အုတ်ဖို
#ကန့်နီ
#စကစ #မီးရှို့နေ

#tharyarwaddy8citymedia

5,020

Tharyarwaddy 8 City

10 Oct, 10:06

ကျောင်းသူ၊ကျောင်းသားများအား မူးယစ်ဆေးရောင်း‌နေသူတွေ ကို ရဲနှင့်စစ်တပ်က လိုင်းကြေးယူပြီး ကာကွယ်ပေးထား

Tharyarwaddy 8 City / အောက်တိုဘာ၁၀၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက မင်းလှမြို့နယ်အပိုင် ရန်ကုန်-ပြည်ကားလမ်းဘေးရှိ မင်းလှမြို့တွင်း နှင့် စိန်ကန့်လန့်(ပဲခူးရိုးမဖြတ်လမ်း)လမ်းဆုံတို့၏ ဆုံမှတ်နေရာတွင် သရက်တပင်တာဆုံရှိပြီး ထိုသရက်တပင်လမ်းဆုံတွင် အခြေခံပညာအထက်တန်းကျောင်း (အထက-သရက်တပင်)‌ရှိပါသည်။

အောက်တိုဘာလ ၇ရက် နေ့တွင် ကျောင်းသားမိဘများ နှင့် အပြင်လူလုံး၀ ဝင်ခွင့်မရှိသည့် စာသင်ကျောင်းဝန်းထဲတွင် ကျောင်းသူ၊ကျောင်းသားများ၏ လျှပ်စစ်စက်ဘီး နှစ်စီး (ကာလတန်ဖိုး ၁၀သိန်း၀န်းကျင်)ခန့် ပျောက်ဆုံးသွားသည်ဟုသိရသည်။

၎င်းကျောင်းရှိ ကျောင်းသားများ၏ လွယ်အိတ်ထဲတွင် မဖွယ်မရာပစ္စည်းများနှင့် ကာမဆက်ဆံရာတွင် အသုံးပြုသည့် ကွန်ဒုံးများလည်း အမြဲပါရှိကြောင်း ကျောင်းသားကျောင်းသူတချို့ထံမှ သိရပြန်သည်။

အဆိုပါ သရက်တပင် တာဆုံရှိ အထက်တန်းကျောင်းတွင် ကျောင်းသား ကျောင်းသူများထဲမှ အသက်၁၂နှစ်မှ ၁၄နှစ်၀န်းကျင်ရှိ ကျောင်းသားကျောင်းသူအများစုမှာ မူးယစ်ဆေးဝါးများကို အလွန်အကျွံ သုံးစွဲပြီး အကျင့်စာရိတ္တများအလွန်ပျက်စီး‌နေကြောင်း ကျောင်းကော်မတီတာ၀န်ရှိသူများထံမှ စုံစမ်းသိရှိရပါသည်။

သရက်တပင်ကျောင်းသည် လမ်းဆုံလမ်းခွနေရာ‌တွင် တည်ရှိသလို ရန်ကုန်-ပြည်ကားလမ်းဘေးတွင် ရှိနေပြီး ကျောင်းသား၊ကျောင်းသူများအထိ မူးယစ်ဆေးဝါးများ ပြန့်နှံ့နေသည်ကို မြို့နယ်ရဲတပ်ဖွဲ့နှင့် စစ်ကောင်စီတပ်တို့မှ အရေးယူတားဆီးခြင်းမရှိသည့်အပြင် မူးယစ်ဆေးရောင်းချသူများထံမှ လိုင်းကြေးယူကာ မူးယစ်ဆေးရောင်းချနေသူတွေကို ကာကွယ်ပေးထားသည်။

ထို‌မူးယစ်ဆေးရောင်းချသူတွေကို အပြစ်ပေးအရေးယူဖို့ရှိသော်လည်း စစ်တပ်မှ အကာအကွယ် ပေးထားသောကြောင့် အရေးယူဖို့ ခက်ခဲနေကြောင်း၊ အချိန်တခုစောင့်ပြီးပါက အရေးယူမူတွေလုပ်ဆောင်မည်ဟု သာယာ၀တီခရိုင် PDFတပ်ရင်း ၃၈၀၂မှ တာ၀န်ရှိသူတစ်ဦးမှ ရှင်းပြထားသည်။

" အာဏာမသိမ်းခင်က စံပြကျောင်းတကျောင်းပဲ မလွဲသာလို့သာ က‌လေး‌တွေကိုကျောင်းထားရတာ စစ်ကျွန်ပညာရေးကတော့ စာမတက်ပဲ အကျင့်စာရိတ္တ ပျက်စီးတာပဲအဖတ်တင်တယ် ၊ဆရာမတွေကလဲ သူတို့ကျူရှင်တက်ကလေး‌‌တဲ့က‌ လေး ကိုပဲ ဦးစားပေးတာ" ဟု သတ္တမတန်းတက်ရောက်နေသည့် ကျောင်းသား၏ မိဘတဦးမှ Tharyarwaddy 8 city ကို ပြောပါသည်။

ထို့အပြင် တပ်နယ်မြေဖြစ်သော စိန်ကန့်လန့် နှင့် မင်းလှမြို့နယ်၏ နေရာအနှံ့မှာလည်း မူးယစ်ဆေးဝါးများကို ‌လွယ်လင့်တကူ ဝယ်ယူလို့ရသည်ဟု သိရပါသည်။

(ကျန်ရှိသည့် မူးယစ်ဆေးရောင်းသူစာရင်းကိုလဲ မြို့နယ် ပကဖ စစ်ဆင်ရေးတာဝန်ခံဆီတွင် ရောက်ရှိနေပြီး၊ လိုအပ်သလို အပစ်ပေးအရေးယူမှုများ လုပ်ဆောင်မည့်အတွက် နောက်ကိုဆက်လက်မရောင်းချဖို့ ) စစ်‌ဆင်ရေး တာဝန်ခံ ဗိုလ်ကတုံးမှ Tharyarwaddy 8 City ကို ပြောကြားပါသည်။

အ‌ခြေခံပညာ အထက်တန်း‌ကျောင်း -အထကသရက်တပင်အနီးမှာ မူးယစ်ဆေးဝါးရောင်းချသူ သည် ဝေယံဆိုသူဟု ဆက်လက်စုံစမ်းသိရှိရသည်။

ဒါ့အပြင် သွဲ့သွဲ့လင်း၊ သရက်တပင်အပိုင််နယ်ဖြစ်သည့် ကုလားကုန်းရွာမှ ဦးသန်းဝင်း ဆိုသူတို့ကို အရေးယူပေးရန် ဒေသခံတချို့မှ နယ်ခံ ပြည်သူ့ကာကွယ်ရေးတပ်ဖွဲ့များထံ စာပေးပို့တိုင်ကြားမှုများပြုလုပ်ထားကြောင်းသိရပါသည်။

သတင်း - အနတ္တ
စာတည်း - ရာမန်

#မင်းလှ #သရက်တပင်တာဆုံ
#အထကသရက်တပင်
#မူးယစ်ဆေး #ကွန်ဒုံး
#ကျောင်းသားကျောင်းသူ
#tharyarwaddy8city

9,978

Tharyarwaddy 8 City

07 Oct, 15:48

Tharyarwaddy 8 City ပရိတ်သတ်တို့အားအသိပေးချက်

ရက်စွဲ။ ။ အောက်တိုဘာလ ၇ရက်၊ ၂၀၂၄ခုနှစ်

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ် အတွင်းရှိ သတင်းထူး၊ သတင်းဦးများနှင့် မြို့နယ်များအတွင်းရှိ
တော်လှန်ရေးတပ်ဖွဲ့များ၏ တိုက်ခိုက်မှုများအကြောင်း နီးနီးကပ်ကပ် ခိုင်လုံသော တပ်ရင်း၊ တပ်ခွဲများနှင့်ရင်းနီးသည့်
ခရိုင်ကိုယ်စားပြုအနေဖြင့် ကသတင်းများကိုတင်ဆက်ခဲ့ပါသည်။

Tharyarwaddy 8 City Local News ၏ Facebookစာမျက်နှာသည်လက်ရှိအချိန်တွင် စစ်ကောင်စီ၏အကြီးစားထောက်ပို့များ၏
တိုက်ခိုက်မှုကြောင့် လက်တလောအဆင်မပြေဖြစ်နေပါသည်။

ထို့ကြောင့် သတင်းများကို Tharyarwaddy 8 City ၏ Telegram, YouTube ချန်နယ်များမှတင်ဆက်သွားမည်ဖြစ်ပါသည်။

အယ်ဒီတာအဖွဲ့

9,036

Tharyarwaddy 8 City