People's Spring

စိုက်ပျိုးရေးစရိတ်ချေးငွေ ကြွေးကျန်ပြန်မဆပ်ပါက လယ်မြေသိမ်းပြီး တောင်သူသားသမီးများအား စစ်မှူထမ်းဖို့ ခေါ်မည်ဟုဆိုကာ ခြိမ်းခြောက်ထားတဲ့ ကျုံပျော်မြို့နယ်အုပ်ချုပ်ရေးမှူးနဲ့ မြို့နယ်လယ်ယာဖွံ့ရေးဘဏ်မန်နေဂျာကို ပြည်သူ့ကာကွယ်ရေးတပ်ဖွဲ့က သတိပေးချက် ထုတ်ပြန်ပါတယ်။ ကျုံပျော်မြို့နယ်အုပ်ချုပ်ရေးမှူး ဦးမြင့်ထွန်းနဲ့ မြို့နယ်လယ်ယာဖွံ့ရေးဘဏ်မန်နေဂျာ ဒေါ်အေးသီတာတို့ဟာ ဒေသခံတောင်သူလယ်သမားများအား‌ စိုက်ပျိုးရေးစရိတ်ချေးငွေကြွေးကျန်များကို ဇန်နဝါရီ ၂၄ရက်နေ့ နောက်ဆုံးထားဆပ်ဖို့ ကျေးရွာအုပ်ချုပ်ရေးမှူးများမှတဆင့် သတိပေးစာပို့ ခြိမ်းခြောက်တောင်းခံနေတယ်လို့ ကျုံပျော်မြို့နယ်ပြည်သူ့ကာကွယ်ရေးအဖွဲ့က ထုတ်ပြန်ထားပါတယ်။ စစ်အာဏာသိမ်းမှုကြောင့် အဘက်ဘက်မှ အကျပ်အတည်းနှင့် ရင်ဆိုင်နေရချိန် လယ်သမားများအား ခြိမ်းခြောက်၊ ဆင့်ခေါ်၊ တောင်းရမ်းမှုများကို ဆက်လုပ်နေမည်ဆိုပါက ထိရောက်စွာ အရေးယူသွားမယ်လို့ သတိပေးထားပါတယ်။

“ညနေခင်းသတင်းလွှာ”

ဒီနေ့ (ဇန်နဝါရီ ၁၄ ရက်) ညနေခင်းသတင်းတွေကို People’s Spring က တင်ဆက်ပေးပါမယ်။

◾️မံစီမြို့သိမ်းတိုက်ပွဲမှထွက်ပြေးတဲ့ စစ်ကောင်စီတပ်အင်အား ၃၀၀ကျော်အနက် ၁၀၀ကျော်သာ ဗန်းမော်သို့ ပူးပေါင်းနိုင်ဟုဆို

ကချင်ပြည်နယ် မံစီမြို့ရှိ စစ်ကောင်စီတပ်ရင်းဌာနချုပ်သုံးခုကို ကချင်လွတ်လပ်ရေးတပ်မတော်(KIA)နဲ့ မဟာမိတ်ပူးပေါင်းတပ်ဖွဲ့များက တိုက်ခိုက်သိမ်းပိုက်ခဲ့ရာ အဲဒီတပ်စခန်းများမှ စစ်ကောင်စီတပ်သားများ ဗန်းမော်မြို့ဘက်သို့ ထွက်ပြေးသွား၍ KIAပူးပေါင်းတပ်က လိုက်လံတိုက်ခိုက်ရာ စစ်ကောင်စီတပ် အထိနာခဲ့တယ်လို့ စစ်ရေးသတင်းရင်းမြစ်က ပြောပါတယ်။ ဇန်နဝါရီ ၈ရက်မှာ မံစီမြို့အခြေစိုက် စစ်ကောင်စီတပ်ရင်းများဖြစ်တဲ့ ခမရ(၃၁၉)၊ ခမရ(၆၀၁)နဲ့ အမတ(၃၅၂)တို့ကို KIA/KPDFနဲ့ ABSDF ပူးပေါင်းတပ်များက သိမ်းပိုက်နိုင်ခဲ့ရာ စစ်ကောင်စီတပ်သား ၃၀၀ ကျော်မှာ မံစီမှ ဗန်းမော်မြို့ဘက်သို့ ထွက်ပြေးသွားတာလို့ ဆိုပါတယ်။ ထွက်ပြေးတဲ့ စစ်ကောင်စီတပ်များအား KIA ပူးပေါင်းတပ်က လိုက်လံတိုက်ခိုက်ရာ ဇန်နဝါရီ ၉ရက်မှ ဇန်နဝါရီ ၁၂ရက်အတွင်း တိုက်ပွဲများဖြစ်ခဲ့ပြီး စစ်ကောင်စီတပ်က သေဆုံးထိခိုက်မှုများခဲ့ကာ ၁၈၀ ခန့်ကို တိုက်ခိုက်ရှင်းလင်းနိုင်ခဲ့တယ်လို့ သိရပါတယ်။

◾️ဖားကန့် ဆန်ခါရွာမှာ မပေါက်ကွဲသေးတဲ့ ပေါင် ၅၀၀ဗုံးတစ်လုံး ကျန်နေ

ကချင်ပြည်နယ်၊ ဖားကန့်မြို့နယ် ဆန်ခါကျေးရွာမှာ မနေ့က စစ်ကောင်စီ လေကြောင်းမှ တိုက်ခိုက်ခဲ့ရာ ပေါင်၅၀၀ ဗုံးတစ်လုံး မပေါက်ကွဲသေးဘဲ ကျန်ရှိနေတယ်လို့ ဒေသခံတစ်ဦးက ပြောပါတယ်။ အဲဒီဗုံးဟာ ဆန်ခါကျေးရွာမှ နေအိမ်ဝင်းတစ်ခုရှိ အိမ်သာကျင်းဘေးမှာ စိုက်ဝင်နေတာလို့ ဆိုပါတယ်။ စစ်ကောင်စီဟာ မနေ့က ဖားကန့်မြို့နယ်ရှိ ဆန်ခါနဲ့ မဇွပ်ယာန်ကျေးရွာများရှိ ကျောက်စိမ်းတူး‌ဖော်ရေးလုပ်ကွက်များကို လေကြောင်းမှ ဗုံးကြဲတိုက်ခိုက်ခဲ့ပြီး လေကြောင်းတိုက်ခိုက်မှုကြောင့် အရပ်သား ၁၀ဦးထက်မနည်းသေဆုံးခဲ့တယ်လို့ သိရပါတယ်။

◾️ခြေလက်အင်္ဂါဆုံးရှုံး ပြည်သူများကို ခြေတုလက်တု အခမဲ့တပ်ဆင်ပေးမည်ဟု ကိုးကန့်အထူးဒေသ(၁)အသိပေး

စစ်ဒဏ်နဲ့ မြေမြှုပ်မိုင်းကြောင့် ခြေလက်အင်္ဂါဆုံးရှုံးခဲ့ရတဲ့ ပြည်သူများကို ၂၀၂၅ နှစ်ဆန်းမှစ၍ ခြေတု၊ လက်တု အခမဲ့တပ်ဆင်ပေးမယ်လို့ မြန်မာအမျိုးသားဒီမိုကရက်တစ်မဟာမိတ်တပ်မ​တော်(MNDAA) အထူးဒေသ(၁) ကျန်းမာရေးဌာန ပြောရေးဆိုခွင့်ရှိသူ ဒေါက်တာဘသက်က ပြောပါတယ်။ အထူးဒေသ(၁) ကျန်းမာရေးဌာနဟာ ဒေသတွင်း ပြည်သူများအား အခမဲ့ ကျန်းမာရေး စောင့်ရှောက်မှု ပေးမယ့် အခြေအနေများကို ဒေါက်တာဘသက်က ရှင်းပြရာ ၂၀၂၄ ခုနှစ်အတွင်း ဆေးရုံပေါင်း ၁၁ရုံ၊ ကျေးလက်ကျန်းမာရေးဌာန ၁၈ခု တည်ဆောက်နိုင်ခဲ့ပြီး အတွင်းလူနာ ၉ထောင်ကျော်၊ ပြင်ပလူနာ ၁၈၀၀၀၀ ကျော် ကုသပေးနိုင်ခဲ့ကြောင်း၊ ငှက်ဖျား၊ တီဘီ၊ HIV ရောဂါလူနာများအား အခမဲ့ကုသပေးခဲ့ကြောင်း၊ မူးယစ်ဆေးစွဲလူနာ ၁၂၀ ကို ကုသပေးခဲ့တယ်လို့ ဆိုပါတယ်။

◾️မိုးဗြဲမြို့ကို စစ်ကောင်စီက လက်နက်ကြီးဖြင့်ပစ်ခတ်နေ

ရှမ်း-ကရင်နီပြည်နယ်အစပ် မိုးဗြဲမြို့ကို စစ်ကောင်စီက လက်နက်ကြီးဖြင့် အဆက်မပြတ် ပစ်ခတ်နေတယ်လို့ Mobye Rescue Team(MRT)က ထုတ်ပြန်ပါတယ်။ ဒီနေ့ မနက်ပိုင်းမှ နေ့ခင်းပိုင်းအထိ မိုးဗြဲမြို့သို့ ပစ်မှတ်ထားကာ စစ်ကောင်စီက လက်နက်ကြီးဖြင့် တိုက်ခိုက်နေတာလို့ ဖော်ပြပါတယ်။ ဒါကြောင့် မိုးဗြဲ-လွိုင်​ကော်လမ်းမကြီးကို အသုံးပြုသွားလာနေကြတဲ့ ပြည်သူများအနေဖြင့် အထူးသတိပြုဖို့လည်း MRTက တိုက်တွန်းပါတယ်။ စစ်ကောင်စီ လက်နက်ကြီးပစ်ခတ်မှုများဟာ မနက်ဖြန်ပြုလုပ်မယ့် ကယားဒေး ပွဲတော် အောင်မြင်စွာကျင်းပနိုင်ရေးအတွက် ခြောက်လှန့်ပစ်ခတ်ခြင်းဖြစ်နိုင်ကြောင်းလည်း ကရင်နီစစ်ဘက်သတင်ရင်းမြစ်က ခန့်မှန်းပါတယ်။

◾️ခရီးသွားကားသမားများ အလှူငွေဖြင့် လက်နက် ၁၀လက်ဝယ်ယူနိုင်ခဲ့ဟု ချင်းတပ်စီးယင်း ပြော

ခရီးသွားကားသမားများရဲ့ အလှူငွေများဖြင့် လက်နက် ၁၀လက် ဝယ်ယူဖြည့်တင်းနိုင်ခဲ့တယ်လို့ တီးတိန်မြို့အခြေစိုက် CDF-CDM(စီးယင်း)ရဲ့ စစ်ဦးစီးချုပ် ကိုထောင်းပူက ပြောပါတယ်။ ၂၀၂၄ခုနှစ်က တီးတိန်မြို့နယ်ရှိ သိုင်းငင်စခန်းကို ချင်းတော်လှန်ရေးတပ်များက သိမ်းပိုက်ပြီးနောက် အဲဒီစခန်းရှိ လမ်းပိုင်းအသုံးပြုတဲ့ ခရီးသွားပြည်သူ ကားသမားများက စေတနာဖြင့် အလှူငွေများပေးခဲ့တာလို့ ဆိုပါတယ်။ စေတနာဖြင့် ငွေထည့်ဝင်ကြတဲ့ ကားဆရာများကိုလည်း ကျေးဇူးတင်ရှိကြောင်းCDF-CDM (စီးယင်း)က ဒီနေ့ထုတ်ပြန်ပါတယ်။

◾️စိုက်ပျိုးစာရိတ်​ချေး​ငွေပြန်ဆပ်ဖို့ ခြိမ်း​ခြောက်​တောင်း​နေ​သူများကို PDF သတိ​ပေး

(နွံကန်ပြိုကျမှုအတွင်း ရှာဖွေတွေ့ရှိသော ရုပ်အလောင်းတစ်လောင်းအား သယ်ယူလာစဉ်။ ဓာတ်ပုံ - CJ)

ဖားကန့်နွံကန်ပြိုကျမှု ရုပ်လောင်း ၂၁လောင်းတွေ့ရှိပြီး ဆက်ရှာနေ

▪️ပျောက်ဆုံးစာရင်းအရ ရှာဖွေဆယ်ယူရန် ၁၅ဦးကျန်နေ

ကဖေး/People's Spring

ကချင်ပြည်နယ်၊ ဖားကန့်မြို့နယ်ရှိ စဘော့ကျေးရွာမှ ကျောက်စိမ်းတူးဖော်ရေးလုပ်ကွက် နွံကန်ပြိုကျမှုအား ရှာဖွေကယ်ဆယ်ရေးဒုတိယရက်နေ့တွင် ရုပ်အလောင်းကိုးလောင်း ထပ်မံတွေ့ရှိပြီး စုစုပေါင်း သေဆုံးသူ ၂၁ဦး အတည်ပြုတွေ့ရှိထားသည်။

" ဆက်ရှာနေတယ်။ ပျောက်ဆုံးစာရင်းပေးသူက ၁၅ဦး ကျန်နေသေးတယ်"ဟု ဒေသခံတစ်ဦးကပြောသည်။

စဘော့ကျေးရွာမှ နွံကန်သည် ဇန်နဝါရီ ၁၃ရက် နံနက် ၁နာရီခန့်တွင် ပြိုကျပြီး ကျေးရွာအတွင်းရှိ နေအိမ် ၅၀ကျော် အိမ်ခေါင်မိုး မြုပ်လုနီးပါးအထိ နစ်မြုပ်သွားခဲ့သည်။

နွံကန်ပြိုကျစဉ် ထွက်ပြေးလွတ်မြောက်လာသူအချို့လည်းရှိပြီး သေဆုံးသူသည် အနည်းဆုံး ၁၀၀ကျော်နိုင်ကြောင်း ဒေသခံများက ခန့်မှန်းထားသည်။

သို့သော် ပျောက်ဆုံးစာရင်းပေးထားသူဦးရေမှာ ၃၆ဦးသာရှိပြီး ၂၁ဦး လက်တလော ပြန်တွေ့ထားသည်။

ယမန်နေ့ညနေအထိ ရုပ်အလောင်း ၁၂လောင်းတွေ့ရှိထားပြီး ယနေ့နံနက်ပိုင်းတွင် ခုနစ်လောင်းတူးဖော်နိုင်ပြီး ထပ်မံ၍ ရုပ်နှစ်လောင်းထပ်မံဆယ်ယူနေသည်။

ယမန်နေ့က နွံကန်ပြိုကျမှုကို ရှာဖွေကယ်ဆယ်ရေးပြုလုပ်နေကြစဉ် ဖားကန့်မြို့နယ်
ဆန်ခါနှင့်မဇွပ်ယာန်ရွာအတွင်း ကျောက်စိမ်းတူး‌ဖော်ရေးလုပ်ကွက်များ ကို စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့သည်။

ထို့ကြောင့် နွံကန်ပြိုကျမှုရှာဖွေကယ်ဆယ်ရေးများ နာရီအနည်းငယ်ကြာ ရပ်နားခဲ့ရသည်။

ထို့အပြင် လေကြောင်းတိုက်ခိုက်မှုတွင် အရပ်သား ၁၀ဦးထက်မနည်းသေဆုံးခဲ့ကြောင်း သတင်းရရှိသည်။

(ခရီးသွားပြည်သူကားသမားများ၏ စေတနာငွေဖြင့် ဝယ်ယူခဲ့သည့် လက်နက် ၁၀လက်ကို တွေ့ရစဥ်။ ဓာတ်ပုံ - CDF CDM SIYIN)

ခရီးသွားကားသမားများ၏ အလှူငွေဖြင့် လက်နက် ၁၀လက်ဝယ်ယူနိုင်ခဲ့ဟု ချင်းတပ်စီးယင်း ပြော

ရဲခေါင်/People's Spring

ခရီးသွားကားသမားများ၏ အလှူငွေများဖြင့် လက်နက် ၁၀လက် ဝယ်ယူဖြည့်တင်းနိုင်ခဲ့ကြောင်း တီးတိန်မြို့အခြေစိုက် CDF-CDM (စီးယင်း)၏ စစ်ဦးစီးချုပ် ကိုထောင်းပူက လူထုနွေဦး သို့ပြောသည်။

၂၀၂၄ခုနှစ်က တီးတိန်မြို့နယ်ရှိ သိုင်းငင်စခန်းကို ချင်းတော်လှန်ရေးတပ်များကသိမ်းပိုက်ပြီးနောက် အဆိုပါစခန်းရှိသော လမ်းပိုင်းအသုံးပြုသည့် ခရီးသွားပြည်သူ ကားသမားများက စေတနာဖြင့် အလှူငွေများပေးခဲ့သည်ဟု ဆိုသည်။

"အရင်တုန်းက သိုင်းငင်စခန်း မသိမ်းခင်တုန်းက စကစတွေက ကားဆရာတွေဆီကနေ တစ်စီး လေးငါးခြောက်သိန်းကောက်တာ။ကျွန်တော်တို့ သိမ်းအပြီးမှာတော့ ကားဆရာတွေဆီက စေတနာရှိသလောက် လှူပေးပါပဲ ပြောခဲ့တာ။အဲဒီကနေ အခု တစ်နှစ်အတွင်းရတဲ့ငွေတွေကနေ ဝယ်နိုင်ခဲ့တာပေါ့"ဟု CDF-CDM (စီးယင်း)၏ စစ်ဦးစီးချုပ် ကိုထောင်းပူက လူထုနွေဦး သို့ပြောသည်။

ထို့ကြောင့် စေတနာဖြင့် ငွေထည့်ဝင်ကြသော ကားဆရာများကိုလည်း ကျေးဇူးတင်ရှိကြောင်းCDF-CDM (စီးယင်း)က ယနေ့(ဇန်နဝါရီ ၁၄ရက်) ထုတ်ပြန်သည်။

"ဌာနချုပ်အရောက် တစ်လက်ကို သိန်းနှစ်ရာလောက်နဲ့ဝယ်ယူခဲ့ရတယ်"ဟု ကိုထောင်းပူက ပြောသည်။

သိုင်းငင်းကျေးရွာသည် ကလေး-တီးတိန်လမ်းမပေါ်ရှိ ကလေးမြို့မှ တီးတိန်နှင့် ဖလမ်းမြို့တို့ဆက်သွယ်သည့် လမ်းဆုံတွင် ရှိသည်။ သိုင်းငင်းကျေးရွာတွင် စစ်ကောင်စီတပ်က ၂၀၂၂ဇန်နဝါရီကစ၍ အထိုင်ချခဲ့ပြီး အဆိုပါစခန်းကို ချင်းတော်လှန်ရေးတပ်များက ၂၀၂၄ ဇန်နဝါရီ ၁၆ရက်က သိမ်းပိုက်နိုင်ခဲ့သည်။

(ဆန်ခါကျေးရွာမှ နေအိမ်ဝင်းတစ်ခုရှိ အိမ်သာကျင်းဘေး၌ စိုက်ဝင်နေသည့် ပေါင် ၅၀၀ဗုံးအား တွေ့ရစဉ်။ ဓာတ်ပုံ - CJ)

ပန်းဘဲတန်းမြို့နယ်ရွှေဆိုင်ဓားပြမှု တရားခံများတွေ့ရှိပါက ဆက်သွယ်ပေးရန် ရွှေဆိုင်အကူအညီတောင်း

တေဇ/People's Spring

ရန်ကုန်မြို့၊ပန်းဘဲတန်းမြို့နယ်၌ ဓားပြတိုက်ခံခဲ့ရသည့် ရွှေချစ်သူရွှေဆိုင်က ပြစ်မှူကျူးလွန်သူများကို တွေ့ရှိပါက ဆက်သွယ်ပေးရန် စီစီတီဗီမှတ်တမ်းကိုတင်၍ အကူအညီတောင်းထားသည်။

ဇန်နဝါရီ ၈ ရက် နံနက် ၉ နာရီခွဲအချိန်ခန့်တွင် အဆိုပါဆိုင်ကို အမျိုးသားသုံးဦးဝင်ရောက်၍ ဓားပြတိုက်ခဲ့ခြင်းဖြစ်ပြီး စိန်ထည် ၊ရွှေထည်နှင့် ငွေသား စုစုပေါင်း ကျပ်သိန်း၅,၀၀၀ မှ သိန်း ၇,၅၀၀ ကြားပါသွားကြောင်း ယင်းရွှေဆိုင်က အသိပေးထားသည်။

ထို့အပြင် ဆိုင်ပေါ်သို့ တတ်လာသည့် ဓားပြသုံးဦးအား ရိုက်ကူးထားသည့် စီစီတီဗီ မှတ်တမ်းကို တင်၍ ယင်းအမျိုးသားများကို တွေ့ပါက ဆက်သွယ်ပေးရန် အကူအညီတောင်းခံထားသည်။

ဆိုင်ကို သုံးရက်ခန့် ပိတ်ထားမည်ဖြစ်ပြီး ဓားပြများက ဆိုင်မှဖုန်း‌များကို ယူဆောင်သွားသောကြောင့် Kpay အကောင့်သို့ ပိုက်ဆံမလွှဲကြရန် မေတ္တာရပ်ခံထားသည်။

အမှတ်(၁)စစ်ဒေသရှိ စစ်သုံ့ပန်းများနှင့် တွေ့ဆုံခဲ့သည့် အဆိုတော်မိုင်းမိုင်ဆိုင်း

ဆဏ်း/People's Spring

စစ်ကိုင်းတိုင်း၊ အမှတ်(၁)စစ်ဒေသမှ စစ်သုံ့ပန်းများအား သွားရောက်တွေ့ဆုံ၍ သီချင်းများဖျော်ဖြေပေးခဲ့ကြောင်း အဆိုတော် မိုင်းမိုင်ဆိုင်း က အသိပေးထားသည်။

"ခံယူချက်တွေပြောင်းလဲဖို့တစ်သွေးတည်းတစ်သားစိတ်မွေးဖို့လူမဆန်တဲ့ စစ်တပ်က နေဘယ်လိုနည်း ဘယ်လိုပုံစံနဲ့ဒီဘက်ဘက်ရောက်လာလာ အမှန်ကို မြင်တတ်ပြီးလက်ခံတတ်ဖို့သိက္ခာမရှိတဲ့ တပ်ထဲသိက္ခာမရှိ တဲ့အလုပ် လူမဆန်တဲ့အလုပ်တွေ လုပ်ခဲ့ပြီးပြီကျန်ရှိတဲ့ ဘဝ သက်တမ်းကို တိုင်းပြည်အတွက် သိက္ခာရှိတဲ့ လူသားအဖြစ် မိဘတွေအတွက် သားကောင်းအဖြစ်မိသားစုအတွက်အဖေကောင်းအဖြစ် ဆက်လက်ရပ်တည်သွားဖို့ အားပေးဖြစ်အတူ သီဆိုဖျော်ဖြေဖြစ်ခဲ့ပါတယ်။" ဟု ဓာတ်ပုံများနှင့်အတူ မိုင်းမိုင်ဆိုင်း၏ ဖေ့စ်ဘွတ်ခ်၌ ဇန်နဝါရီ ၈ ရက်က တင်ထားသည်။

အလင်းဝင်သူများသည် ကိုယ့်အသိစိတ်နှင့် ဝင်ခြင်းဖြစ်ကာ သုံ့ပန်းများသည် မီးရှို့၊လူသတ်၊စစ်တိုက်ရာမှ ဖမ်းဆီးခံရခြင်းဖြစ်သော်လည်း တော်လှန်ဘက်တော်သားများအနေဖြင့် လူ့အခွင့်အရေး အပြည့်အဝနှင့် စစ်ဥပဒေအတိုင်း လိုက်နာဆောင်ရွက်သည်ကို သုံ့ပန်းအဖြစ် ဖမ်းဆီးထားသူများအား ကြည့်ရုံဖြင့် သိနိုင်ကြောင်း ၎င်းက ဆိုသည်။

"ကြည့်နော် ဝလို့ ဖီးလို့၊ ပြုံးလို့ ရွှင်လို့ ပျင်းရင် ဖတ်ဖို့ စာအုပ်တွေနဲ့၊ကိုရီးယား ဇာတ်လမ်းတွဲတွေ ပါပြပေးပြီးထားတာ၊ငါတို့ဘက်က လူပီသတယ် ၊တော်လှန်ရေးသမားကောင်းတွေပီသတယ်
လူ့အခွင့်အရေးနားလည်ပေးတယ်၊စစ်ဥပဒေကိုလိုက်နာတယ်။နင်တို့ဘက်ကတော့ လူမဆန်ပုံများ
ဒါတွေမြင်ပြီး လူစိတ်ဝင်တတ်ကြပါစေ"ဟု မိုင်းမိုင်ဆိုင်းက ရေးသားထားသည်။

မိုင်းမိုင်ဆိုင်းသည် အာဏာသိမ်းကာလစတင်သည့် အချိန်ကတည်းက ပြည်သူ့ဘက်တွင်ရပ်တည်ခဲ့သည့် အနုပညာရှင်တစ်ဦးဖြစ်ပြီး နေရာဒေသအသီးသီးမှ ရှေ့တန်းရဲဘော်များကို သွားရောက်ဖျော်ဖြေမှုများပြုလုပ်ပေးနေသူ ဖြစ်သည်။

စစ်အာဏာရှင်စနစ်ကို ဆန့်ကျင်ကြဖို့ စစ်ကိုင်းနဲ့ တနင်္သာရီမှာ လှုံ့ဆော်ဆန္ဒပြ

သုည/People's Spring

စစ်ကိုင်းနဲ့ တနင်္သာရီတိုင်းက သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင်စနစ်ကို ဆန့်ကျင်ကြဖို့ လှုံ့ဆော်တဲ့ သပိတ်လှုပ်ရှားမှုတွေ ဒီကနေ့ (ဇန်နဝါရီ ၈)မှာ အသီးသီး ပြုလုပ်ခဲ့ကြပါတယ်။

စစ်ကိုင်းတိုင်း ဆားလင်းကြီးမြို့နယ်မှာ လက်ပံတောင်းတောင်ဒေသလူထုသပိတ်အင်အားစုက "၂ဝ၂၅ နှစ်သစ်မှာ စစ်အာဏာရှင်နိဂုံးချုပ်ဖို့ လူထုစွမ်းအားနဲ့ တိုက်ဖျက်စို့" ခေါင်းစဥ်နဲ့ စစ်အာဏာရှင်ဆန့်ကျင်ရေးသပိတ် ပြုလုပ်ခဲ့ကြပါတယ်။

ယင်းမာပင်မြို့နယ်မှာလည်း အောင်လံလွှင့်မည် ရွှေရေကြည်လူထုသပိတ်စစ်ကြောင်း၊ ရွာပေါင်းစုံ သပိတ်၊ အောင်လံလွှင့်မည် ဒေါင်းသွေးနီသပိတ်စစ်ကြောင်းတို့က ပြည်သူတွေနဲ့အတူ စစ်အာဏာရှင်ကို ဆန့်ကျင်ကြောင်း ဆန္ဒထုတ်ဖော်ခဲ့ကြပါတယ်။

တနင်္သာရီတိုင်း ထားဝယ်ခရိုင်မှာလည်း ဒီမိုကရေစီအရေးလှုပ်ရှားမှုသပိတ်ကော်မတီ(DDMSC)မှ ဦးဆောင်ပြီး စစ်အာဏာရှင်စနစ်ဆန့်ကျင်ရေး လူထုသပိတ်လှုပ်ရှားမှုပြုလုပ်ခဲ့ပါတယ်။

စစ်အာရှင်စနစ်နဲ့အတူ အာဏာရှင်ဆန်သမျှ အလုံးစုံချုပ်ငြိမ်းရေးအတွက် လူထုတိုက်ပွဲကို အရှိန်မြှင့်လုပ်ဆောင်ကြဖို့ တိုက်တွန်းလှုံ့ဆော်တဲ့အနေနဲ့ "အာဏာရှင်ဆန်သမျှ ဖီဆန်ကြ၊ လူထုတိုက်ပွဲ အရှိန်မြှင့်ကြ" စာသားပါဘန်နာကိုင်ဆောင်ပြီး ချီတက်ခဲ့ကြပါတယ်။

ဓာတ်ပုံ - စစ်ကိုင်းဒေသသပိတ်အင်အားစု၊ လက်ပံတောင်းသပိတ်၊ DDMSC

(ဇန်နဝါရီ ၂ ရက်က မလှိုင်မြို့နယ်တိုက်ပွဲအတွင်း ဖမ်းဆီးနိုင်ခဲ့သော စစ်ကောင်စီတပ်သားနှင့် လက်နက်ခဲယမ်းများ တွေ့ရစဥ်။ ဓာတ်ပုံ - Guardains Of Malaing)

မလှိုင်မြို့နယ်တိုက်ပွဲ စစ်ကောင်စီတပ်သား ခြောက်ဦးသေ၊ တစ်ဦး အရှင်ဖမ်းမိ

ရဲခေါင်/People’s Spring

မန္တလေးတိုင်း၊ မလှိုင်မြို့နယ်တိုက်ပွဲအတွင်း စစ်ကောင်စီတပ်သား ခြောက်ဦးသေဆုံးပြီး တစ်ဦးအရှင်ဖမ်းမိကာ လက်နက်သုံးလက်လည်းရရှိခဲ့ကြောင်း မလှိုင်မြို့နယ်ပြည်သူ့ကာကွယ်ရေးအဖွဲ့(ပကဖ) တာဝန်ရှိသူက လူထုနွေဦးသို့ ပြောသည်။

မလှိုင်မြို့နယ်ရှိ သုံးတောင်ကျေးရွာနှင့် သရက်ကောင်းပင်ကျေးရွာများရှိ စစ်ကောင်စီ အထိုင်ချတပ်စွဲထားသောနေရာများကို ဇန်နဝါရီ ၂ရက် နံနက် ၁၀နာရီတွင် တော်လှန်ရေးတပ်ဖွဲ့များက တပြိုင်တည်းဝင်‌ရောက်တိုက်ခိုက်ခဲ့သည်ဟု ဆိုသည်။

"သုံးတောင်ရွာနဲ့ သရက်ကောင်းပင်ရွာက မလှိုင်မြို့နယ်နဲ့ နွားထိုးကြီးမြို့နယ် အစပ်မှာရှိကြတာပါ၊ ရန်သူတွေ တပ်စွဲနေထိုင်ကြတာကတော့ တနှစ်ကျော်လောက်ရှိပါပြီ၊ ဒီတိုက်ပွဲက မလှိုင်မြို့နယ်အတွင်းမှာ ရန်သူကို အရှင်ဖမ်းဆီးရမိတာနဲ့ လက်နက်ခဲယမ်းသိမ်းဆည်းရမိတဲ့ ပထမဆုံးတိုက်ပွဲလို့ပြောရမှာဖြစ်ပါတယ်"ဟု မလှိုင်မြို့နယ် ပကဖ တာဝန်ရှိသူက ပြောသည်။

တိုက်ပွဲမှာ ၁နာရီခန့်ဖြစ်ပွားခဲ့ပြီး စစ်ကောင်စီတပ်မှ တပ်ကြပ်ကြီးတစ်ဦးကိုလည်း အရှင်ဖမ်းမိခဲ့သည့်အပြင် G-3 အမျိုးအစားသေနက် (၃)လက်နှင့် ခဲယမ်းများလည်းသိမ်းဆည်း ရခဲ့သည်ဟု ဆိုသည်။

ထို့အပြင် စစ်ကောင်စီတပ်သားခြောက်ဦး မျက်မြင်သေဆုံးကာ အများအပြားဒဏ်ရာရရှိခဲ့ကြောင်း လည်း မလှိုင်မြို့နယ် ပကဖက ထုတ်ပြန်ထားသည်။

အဆိုပါ တိုက်ခိုက်မှုကို မြင်းခြံခရိုင်တပ်ရင်းအမှတ်(၃)၊ အမှတ်(၄)၊ အမှတ်(၈)၊ အမှတ်(၁၀)တပ်ရင်းများ၊ မိတ္ထီလာခရိုင် အမှတ်(၂)တပ်ရင်း(MHLG - PDF)နှင့် နွားထိုးကြီးမြို့နယ် ပ.က.ဖ၊ မလှိုင်မြို့နယ် ပ.က.ဖ တို့ ပူးပေါင်း တိုက်ခိုက်ခဲ့ခြင်းဟု ဆိုသည်။

တရုတ်နိုင်ငံရှိက​လေး​ဆေးရုံတွင် ​ဆေးခန်းပြဖို့ ​စောင့်ဆိုင်း​နေတဲ့ မိဘနဲ့က​လေးငယ်​တွေ ၊ Mask များပြန်တပ်​နေကြပြီဖြစ်တဲ့တရုတ်နိုင်ငံသား​တွေ နဲ့ HMPV ဗိုင်းရပ်စ်

တရုတ်မှာ ကူးစက်နေတဲ့ HMPV ဗိုင်းရပ်စ်ဆိုတာ

-People's Spring

တရုတ်မှာ တုပ်ကွေး၊ ကိုဗစ်တို့နဲ့ လက္ခဏာတွေ ဆင်တူတဲ့ အသက်ရှူ လမ်းကြောင်းဆိုင်ရာ ရောဂါမျိုး ဖြစ်ပွားစေတဲ့ ဗိုင်းရပ်စ်တစ်မျိုး ကူးစက်နေကြောင်း လူမှုကွန်ရက်ပေါ်မှာ သတင်းတွေ ပိုမို ပျံ့နှံ့လာနေပါတယ်။

တရုတ်ရဲ့ ရောဂါ ထိန်းချုပ်ရေးနဲ့ တိုက်ဖျက်ရေးဌာန (CDC)က HMPVလို့ ခေါ်ဝေါ်တဲ့ Human metapneumovirus ကူးစက်မှုတွေနဲ့ ပတ်သက်လို့ အသေးစိတ် ထုတ်ပြန်တာမျိုး မရှိသေးပါဘူး။ ဒါပေမဲ့ ဒီဇင်ဘာလ နောက်ဆုံးအပတ်မှာ ကောက်
ယူထားတဲ့ အချက်အလက်တွေအရ တရုတ်မှာ တုပ်ကွေးနဲ့ အလားသဏ္ဍန် ဆင်တူတဲ့ ဖျားနာမှုတွေ ပိုမို မြင့်တက်လာနေတယ်လို့ CDCက ကြေ
ညာထားပါတယ်။

ဓာတ်ခွဲ စစ်ဆေးထားတဲ့ အချက်အလက်တွေအရ တုပ်ကွေး ဗိုင်းရပ်စ်ဟာ အဲဒီလို ဖျားနာမှုတွေရဲ့ အဓိက အကြောင်းရင်းအဖြစ် ၃၀.၂ ရာခိုင်နှုန်းနဲ့ ထိပ်ဆုံးကနေ ဦးဆောင်နေပါတယ်။ ဒါဟာ လွန်ခဲ့တဲ့ တစ်ပတ်ကထက် ၆.၂ ရာခိုင်နှုန်း တိုးလာတဲ့ အဓိပ္ပါယ်ပါ။ ဆေးရုံတက်ရတဲ့ထိ လက္ခဏာ ပြင်း
ထန်တဲ့ အသက်ရှူ လမ်းကြောင်းဆိုင်ရာ လူနာတွေရဲ့ ၁၇.၇ ရာခိုင်နှုန်းဟာ တုပ်ကွေး ကူးစက်ခံရတာလို့ ဆိုပါတယ်။

တစ်ဖက်မှာလည်း HMPVကြောင့် တုပ်ကွေးဆန်တဲ့ လက္ခဏာတွေ ခံစားရသူ ဦးရေဟာလည်း တခြား သဘောတရား တူညီတဲ့ ဗိုင်းရပ်စ်တွေကို ကျော်တက်ပြီး ဒုတိယ နေရာကို ရောက်နေပါတယ်။ အဒီနိုဗိုင်းရပ်စ်၊ ကိုဗစ်ရောဂါ ဖြစ်ပွားစေတဲ့ Sars-Cov-2 ကိုရိုနာ ဗိုင်းရပ်စ်တွေထက် HMPV ဗိုင်းရပ်စ် ကူးစက်ခံရသူ ဦးရေက ပိုများနေပြီး အသက်ရှူ လမ်းကြောင်းဆိုင်ရာ ရောဂါ ကူးစက်မှုတွေရဲ့ ၆.၂ ရာခိုင်နှုန်း ရှိနေသလို ဆေးရုံတက်ရသူတွေထဲက ၅.၄ ရာခိုင်နှုန်းဟာ HMPV
ကြောင့်ဆိုတာ တွေ့ရှိထားပါတယ်။

HMPVကို ၂၀၀၁ ခုနှစ်မှာ စတင် တွေ့ရှိခဲ့ပြီး အ
သက်အရွယ် အားလုံးမှာ တုပ်ကွေးဆန်တဲ့ ရောဂါလက္ခဏာမျိုးတွေ ဖြစ်ပွားစေပါတယ်။ ဒါပေမဲ့ ငယ်ရွယ်တဲ့ ကလေးတွေနဲ့ သက်ကြီးရွယ်အိုတွေမှာ ကိုယ်ခံအားစနစ် အားနည်းမှုကြောင့် ရောဂါဒဏ် ပိုမိုခံစားရစေနိုင်ပါတယ်။

HMPVအကြောင်း နှိုက်နှိုက်ချွတ်ချွတ် သိရှိမှု နည်းပါးနေသေးတာကြောင့် ကုသဆေးနဲ့ ကာ
ကွယ်ဆေးလည်း မရှိသေးပါဘူး။ ဒါပေမဲ့ HMPVဟာ တုပ်ကွေးနဲ့ ဆင်တူပြီး အသက်ရှူ လမ်းကြောင်းဆိုင်ရာ ရောဂါလက္ခဏာတွေ ဖြစ်ပွားစေတဲ့ RSV ဗိုင်းရပ်စ် မိသားစုဝင် ဖြစ်တယ်ဆိုတာကို အတည်ပြုထားပါတယ်။

လူနာတွေကိုလည်း တုပ်ကွေးရောဂါ ခံစားရသူတွေမှာ အသုံးပြုတဲ့ နည်းလမ်းတွေနဲ့ပဲ ကုသပေးလေ့ ရှိပါတယ်။ ရောဂါ လက္ခဏာတွေက တုပ်ကွေးနည်းတူ နှာစေးတာ၊ ချောင်းဆိုတား၊ ဖျားနာတာတွေ ခံစားရတတ်ပါတယ်။ ပိုမိုပြင်းထန်တဲ့ အခြေအနေမှာ အဆုတ်ရဲ့ လေပြွန်တွေ ရောင်ရမ်းပြီး နမိုးနီးယား ဖြစ်စဉ်မျိုး ကြုံနိုင်ပါတယ်။ ဖျား
နာချိန် ဘယ်လောက် ကြာမြင့်သလဲ ဆိုတာက တိတိကျကျ သတ်မှတ်လို့ မရဘဲ များသော
အားဖြင့် တုပ်ကွေးကြောင့် ဖြစ်ပွားတဲ့ ဖျားနာမှုတွေလိုပဲ ရက်ပိုင်းနဲ့တင် ပျောက်ကင်းသက်သာတတ်ပါတယ်။ ဒါပေမဲ့ လက္ခဏာတွေ အရမ်းပြင်းထန်ရင်တော့ အသက်အန္တရာယ်အတွက် စိုးရိမ်စရာ ရှိပါတယ်။ တကယ်လို့ တရုတ်မှာ တုပ်ကွေးဆန်ဆန် ရောဂါလက္ခဏာ ခံစားနေရသူ အားလုံးကိုသာ ကျယ်ကျယ်ပြန့်ပြန့် ဓာတ်ခွဲ စမ်းသပ်နိုင်မယ်ဆိုရင် HMPV ဖြစ်ပွားမှုတွေ
ပိုမို တွေ့ရှိရမယ်လို့ ယုံကြည်ရပါတယ်။

HMPVဟာ တခြားသော အသက်ရှူ လမ်းကြောင်းဆိုင်ရာ ရောဂါတွေရဲ့ ဗိုင်းရပ်စ် အများစုနည်းတူ ချောင်းဆိုးတာ၊ နှာချေတာမျိုးကနေ လေထုထဲ ရောက်သွားတဲ့ အမှုန်အမွှားတွေကို ကပ်ငြိပြီး လူအချင်းချင်း ကူးစက်နိုင်ပါတယ်။ နောက်ပြီး ပွေ့ဖက်တာ၊ နမ်းရှုပ်တာ၊ ဗိုင်းရပ်စ် ကပ်ငြိနေတဲ့ အရာဝတ္ထုတွေကို ကိုင်တွယ်ထားတဲ့ လက်နဲ့ မျက်စိ၊ နှာခေါင်း၊ ပါးစပ်တို့ကို ထိမိရာကလည်း ကူးစက်လေ့ ရှိပါတယ်။

အမေရိကန်မှာတော့ HMPVကို တုပ်ကွေး၊ အလား
တူ ဗိုင်းရပ်စ်တွေနဲ့အတူ ရာသီအလိုက် ဖြစ်ပွားတဲ့ ရောဂါတွေ စာရင်းထဲ ထည့်သွင်းထားပြီး ဆောင်း
တွင်းနဲ့ နွေဦးပေါက်တွေမှာ အဓိက ကူးစက်တတ်တယ်လို့ ဆိုပါတယ်။ အမေရိကန် ကျန်းမာရေး အာဏာပိုင်တွေက ဆပ်ပြာနဲ့ သေချာဆေးတာ၊ မျက်နှာကို လက်နဲ့ ပွတ်သပ်တာတွေကနေ ရှောင်ကြဉ်တာ၊ နေမကောင်းသူတွေနဲ့ အရမ်းနီးနီးကပ်ကပ် မနေတာမျိုး နည်းလမ်းတွေကို သုံးပြီး ရောဂါ ကူးစက်နိုင်ခြေကို လျှော့ချနိုင်တယ်လို့ အကြံပြုထားပါတယ်။

လူမှုကွန်ရက်တွေမှာတော့ ကိုဗစ်ကပ်ရောဂါ စတင်ခဲ့ပြီး နောက်ထပ် ၅ နှစ်အကြာမှာ တရုတ်ကနေ နောက်ထပ် ကပ်ရောဂါဆိုးတစ်ခု ထပ်မံ ပျံ့နှံ့လာမလား ဆိုတာမျိုး စိုးရိမ်တကြီး ရေးသားမှုတွေ ရှိနေပါတယ်။ တရုတ်မှာ HMPV ကူးစက်မှုတွေ ဘယ်လောက် ကျယ်ပြန့်နေသလဲ ဆိုတာကို တိ
တိကျကျ မှတ်တမ်းမရှိသေးတဲ့အတွက် ကပ်ရောဂါအဆင့်ထိ စိုးရိမ်ရသလား ဆိုတာကို စနစ်
တကျ ချဉ်းကပ်ပြီး ကောက်ချက်ချဖို့ မဖြစ်နိုင်သေးပါဘူး။

ဒါပေမဲ့ HMPVအကြောင်း သိရှိမှု နည်းနေသေးတဲ့တိုင် ဗိုင်းရပ်စ် အသစ်ကျပ်ချွတ် မဟုတ်သလို အရင်နှစ်တွေ ကတည်းက ကူးစက်မှုတွေလည်း ရှိထားပြီး ဖြစ်တာကြောင့် ကိုယ်တိုင်တောင် သတိမထားမိဘဲ အဲဒီဗိုင်းရပ်စ်နဲ့ ပတ်သက်လို့ လူစုလူဝေးနဲ့ ကိုယ်ခံအား တည်ဆောက်မှု (herd immunity) ဖြစ်စဉ်မျိုး ရှိနှင့်နေနိုင်တယ်လို့ ပညာရှင်တွေက ယူဆထားပါတယ်။ ဥပမာ ကိုဗစ်ရောဂါ စတင်ကူးစက်တုန်းက

ဗိုင်းရပ်စ်ဟာ အသစ်စက်စက်ဖြစ်ပြီး လူတွေမှာ အဲဒီ ဗိုင်းရပ်စ်ကို ဆန့်ကျင် တိုက်ခိုက်နိုင်တဲ့ ကိုယ်ခံအား အခြေခံ လုံးဝ မရှိခဲ့ဘဲ အစိမ်းသက်သက် ရင်ဆိုင်ခဲ့ရတာပါ။

ဒါကြောင့် ကူးစက်ခံရရင်တောင် လူနာ အများစုဟာ တုပ်ကွေးရောဂါ ကုသမှု နည်းလမ်းတွေနဲ့ အဆင်ပြေ ပျောက်ကင်းနိုင်သလို အနားယူ အား
မွေးရင်း ကိုယ်ခံအား စနစ်နဲ့ အဲဒီဗိုင်းရပ်စ်ကို တွန်းလှန် တိုက်ထုတ်နိုင်မှာ ဖြစ်တယ်လို့ သိရပါတယ်။

ကိုးကား-Newsweek

အကျဉ်းသား ၅,၈၀၀ကျော်ကို ပြစ်ဒဏ်လွတ်ငြိမ်းခွင့်ပေး

-People’s Spring

ယနေ့ (ဇန်နဝါရီ ၄ရက်) ကျရောက်သည့် (၇၇)နှစ်မြောက်လွတ်လပ်ရေးနေ့တွင် စစ်ကောင်စီကအကျဉ်းထောင်အသီးသီးရှိ အကျဉ်းသား၊ အကျဉ်းသူ ၅,၈၆၄ ဦးကို ပြစ်ဒဏ်လွတ်ငြိမ်းခွင့်ပေးလိုက်သည်ဟု ကြေညာသည်။

၎င်းတို့သည် နောက်တကြိမ်ပြစ်မှုထပ်မံကျူးလွန်ပါက ယခုကျခံရန် ကျန်ရှိသည့် ပြစ်ဒဏ်များကိုပါ ဆက်လက်ကျခံပါမည်ဟူသော သတ်မှတ်ချက်ဖြင့် လွတ်ငြိမ်းခွင့်ပေးလိုက်ခြင်းဖြစ်သည်။

ထို့အပြင် ထောင်ဒဏ်တသက် ကျခံနေရသူ အကျဉ်းသား ၁၄၄ ဦးကိုလည်း ထောင်ဒဏ် ၁၅ နှစ်သို့ လျော့ပေါ့ပြောင်းလဲပေးခဲ့ကြောင်း၊ နိုင်ငံခြားသားအကျဉ်းသား ၁၈၀ ကိုလည်း ပြစ်ဒဏ်လွတ်ငြိမ်းခွင့်ပြုပြီး ပြည်နှင်ဒဏ်ပေးကြောင်းလည်း စစ်ကောင်စီက ထုတ်ပြန်သည်။

စစ်ကောင်စီသည် အကျဉ်းသားများအား လွတ်ငြိမ်းခွင့်ပေးရာတွင် မတရားဖမ်းဆီးခဲ့သော နိုင်ငံရေးအကျဉ်းသားများအား အနည်းငယ်သာ ထည့်သွင်းလေ့ရှိသည်။ ယနေ့ ပြစ်ဒဏ်လွတ်ငြိမ်းခွင့်တွင်လည်း နိုင်ငံရေးအကျဉ်းသား မည်မျှပါဝင်သည်ကို မသိရှိရသေးပေ။

စစ်​ကောင်စီတပ်ထံမှ သိမ်းဆည်းရရှိ​သောလက်နက်ခဲယမ်းများ ၊စစ်သုံ့ပန်း ၂ ဦးနှင့် PDFများ။ဓါတ်ပုံ-​လောင်းရှည် PDF

ကန်ပက်လက်မြို့မှ ဆုတ်ခွာလာသည့် စစ်​ကောင်စီတပ်ဖွဲ့ဝင်များကို PDFပူးပေါင်းတပ် ကြားဖြတ်တိုက်ခိုက်

■စစ်ကောင်စီတပ်မှ ၃ဦးသေ၊ ၂ဦး အရှင်မိ လက်နက် ၄လက်ရ ၊စစ်​ကြောင်းတပ်ပျက်ပြီးထွက်​ပြေး​နေဟု​လောင်ရှည်PDFအသိ​ပေး

ဟန်နွေ/People’s Spring

ချင်းပြည်နယ် ကန်ပက်လက်မြို့မှ စခန်းစွန့်ဆုတ်ခွါလာကြသော စစ်ကောင်စီအဖွဲ့မှ အင်အား ၅၀ ကျော်ပါ စစ်ကြောင်းကို ကြားဖြတ်တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်ရှိခဲ့ပြီး ၂ ဦး အရှင်ဖမ်းမိခဲ့ကြောင်း လောင်းရှည်ဒေသလုံးဆိုင်ရာ ပြည်သူ့ကာကွယ်ရေးတပ်ဖွဲ့(PDF)က သတင်းထုတ်ပြန်သည်။

ချင်းညီနောင်နှင့် မဟာမိတ်များသည် ၂၀၂၄ခုနှစ် ဒီဇင်ဘာ ၂၁ရက်တွင် မင်းတပ်မြို့ကို အပြီးသတ် သိမ်းပိုက်နိုင်ခဲ့ရာ မင်းတပ်နှင့် ဆက်စပ်ဒေသ ဖြစ်သော ကန်ပက်လက်မြို့မှ စစ်ကောင်စီတပ်သားနှင့် ရဲသားများသည် ဒီဇင်ဘာ ၂၁ရက် ညပိုင်း၌ မြို့ကို စွန့်ခွာထွက်ပြေးသွားခဲ့ခြင်းဖြစ်သည်။

အဆိုပါ ထွက်ပြေး စစ်ကောင်စီတပ်ဖွဲ့ဝင်များအနက်စစ်သားနှင့် ရဲတပ်ဖွဲ့ဝင် ၅၄ ဦး ပါ စစ်
ကြောင်းသည် ဆောမြို့မှတဆင့် လောင်းရှည်စစ်ကောင်စီတပ်စခန်းသို့ အင်အား ပူးပေါင်းလာရာ ဒီဇင်ဘာ ၃၀ရက်တွင် ကန်ပက်လက်နှင့် ဆောမြို့နယ် နယ်ခြား တနေရာ၌ ဂန့်ဂေါခရိုင်အမှတ်
(၆)တပ်ရင်း(လောင်းရှည် PDF)၊ အမှတ်(၃) တပ်ရင်း၊ လောင်းရှည်တိုက်နယ် ပကဖ တို့က ကြားဖြတ်တိုက်ခိုက်ခဲ့ခြင်းဖြစ်သည်။

အဆိုပါ တိုက်ခိုက်မှုအတွင်း စစ်ကောင်စီတပ်မှ ၁ဦး သေဆုံး ၃ဦး ဒဏ်ရာရပြီး ၁ဦး ဒဏ်ရာဖြင့် အရှင်ဖမ်းမိဟု ဆိုသည်။စစ်ကောင်စီတပ်စစ်ကြောင့် တပ်ပျက်ပြီး ထွက်ပြေးတိမ်းရှောင်သွားကြောင်းလည်း အသိ​ပေးထားသည်။

အလားတူ ဒီဇင်ဘာ ၃၁ရက်တွင်လည်း ဂန့်ဂေါခရိုင်အမှတ်(၆)တပ်ရင်းနှင့် လောင်းရှည်တိုက်နယ် ပ•က•ဖ အဖွဲ့၊ ဂန့်ဂေါခရိုင် အမှတ်(၃/၅)တပ်ရင်း/ ကိုဘခက်အဖွဲ့ (စလင်း)နှင့် မကွေးတိုင်း ဒရုန်းတပ်ဖွဲ့ စသည့် ပူးပေါင်းတပ်များသည် ထွက်ပြေးသွားသော စစ်ကောင်စီတပ်များကို လိုက်လံတိုက်ခိုက်ရာ စစ်ကောင်စီဘက်မှ ၂ဦး သေဆုံး ၁ဦး ဒဏ်ရာဖြင့် ဖမ်းမိခဲ့ဟု အသိပေးသည်။

တိုက်ပွဲ ၂ရက်တာ အတွင်း စစ်ကောင်စီထံမှ G3 (၁) လက်၊ MA2 (၂)လက်၊ MA3 (၁) လက် စုစုပေါင်း လက်နက် ၄လက်နှင့် ခဲယမ်းများ သိမ်းရဟု ဖော်ပြထားပြီး ပူးပေါင်းတပ်ဖွဲ့မှ ထိခိုက်မှုမရှိဟု အသိပေးသည်။

ထွက်ပြေးသွားသည့် စစ်ကောင်စီတပ်ဖွဲ့ဝင်များအနက်မှ ၂ဦးကို ဇန်နဝါရီ ၁ရက်တွင် တောတွင်းတနေရာ၌ ပြည်သူများမှ သွားရောက်စုံစမ်းစဉ် စစ်ကောင်စီ တပ်သား ၂ဦးက ပစ်ခတ်ခဲ့ရာ ပြည်သူ ၁ဦး ကျည်ထိမှန်ခဲ့ပြီး အသက်အန္တရာယ် မစိုးရိမ်ရဟုလည်း ထုတ်ပြန်သည်။

နယ်မြေရှင်းလင်းရေး ဆက်လက်လုပ်ဆောင်လျက်ရှိကြောင်း ဂန့်ဂေါခရိုင် အမှတ်(၆)တပ်ရင်းက အသိပေးထားပြီး ပြည်သူများအနေဖြင့် လူ
စိမ်းများ တွေ့ရှိပါက တပ်ရင်းသို့ အမြန်ဆုံး သတင်းပို့ရန် တိုက်တွန်းထားသည်။

အနန့်ကွင်းဗျူဟာသို့သွား​သော စစ်တပ်စစ်​ကြောင်းကို KNU ၊PDF နှင့်ပူး​ပေါင်းတပ်များကကြားဖြတ်တိုက်ခိုက်ပြီး​နောက်သိမ်း
ဆည်းရရှိ​သောလက်နက်ခဲယမ်းများနှင့်စစ်သားအ​လောင်းများ။ ဓါတ်ပုံ-​ပေးပို့

(ရှမ်းမြောက်၊ နမ့်ခမ်းမြို့နယ် မန်ပူးကျေးရွာတွင် တအာင်း(ပလောင်)အမျိုးသားပါတီရုံး ဆိုင်းဘုတ်တင်နေစဉ်။ ဓာတ်ပုံ - TNP / Facebook)

စစ်ကောင်စီကြိုးပမ်းနေသည့် အတုအယောင်ရွေးကောက်ပွဲကန့်ကွက်ကြောင်း တအာင်းပါတီ ထုတ်ပြန်

◾️တော်လှန်ရေးအင်အားစုများ၏ စစ်အာဏာရှင်ချုပ်ငြိမ်းရေး ကြိုးပမ်းမှုနှင့် အောင်မြင်မှုများအပေါ် ဂုဏ်ပြု

ထားမြတ်/People’s Spring

အာဏာသိမ်းစစ်ကောင်စီကဦးဆောင်ကျင်းပမည့် အတုအယောင်ရွေးကောက်ပွဲကို ကန့်ကွက်ကြောင်း တအာင်း(ပလောင်)အမျိုးသားပါတီ ညီလာခံက ထုတ်ပြန်ကြေညာသည်။

ထို့အပြင် နွေဦးတော်လှန်ရေး၊ ၁ဝ၂၇ စစ်ဆင်ရေးနှင့် အခြားတိုင်းရင်းသားတော်လှန်ရေးအင်အားစုတို့မှ စစ်အာဏာ ရှင်အမြစ်ပြတ် ချုပ်ငြိမ်းရေးအတွက် ကြိုးပမ်းလုပ်ဆောင်မှုများနှင့် အောင်မြင်မှုများ ရရှိခြင်းအပေါ် ကြိုဆိုဂုဏ်ပြုကြောင်း တအာင်း(ပလောင်)အမျိုးသားပါတီညီလာခံက ကြေညာသည်။

ဒီဇင်ဘာ ၂၄ရက်နှင့် ၂၅ရက်က ကျင်းပခဲ့သည့် တတိယအကြိမ်မြောက် တအာင်း(ပလောင်) အမျိုးသားပါတီညီလာခံက ဒီဇင်ဘာ ၂၇ရက်တွင် သဘောထား ထုတ်ပြန်ခဲ့ခြင်းဖြစ်သည်။ အဆိုပါ ညီလာခံကို တအာင်းပြည်တစ်နေရာ၌ ကျင်းပခဲ့သည်ဟု အသိပေးသည်။

တော်လှန်ရေးအင်အားစုများ၏ အောင်ပွဲများအနက် ၁၀၂၇ စစ်ဆင်ရေး၌ တအာင်းတိုင်းရင်းသားလက်နက်ကိုင်တပ်(PSLF/TNLA)လည်း ပါဝင်ဆင်နွှဲခဲ့ပြီး တစ်နှစ်တာအတွင်း စစ်ကောင်စီတပ်စခန်း ၁၅၀ ကျော်၊ မြို့ ၁၂မြို့ကို သိမ်းပိုက်ထိန်းချုပ်ထားနိုင်ခဲ့သည်။

ညီလာခံတွင် တက်ရောက်ခဲ့ကြသော ကိုယ်စားလှယ်များတို့မှ လက်ရှိနိုင်ငံရေးအခင်းအကျင်းတို့ကို သုံးသပ်ခဲ့ပြီး အာဏာသိမ်းအကြမ်းဖက်စစ်ကောင်စီမှ ဦးဆောင်ကျင်းပမည့် အတုအယောင်ရွေးကောက်ပွဲကို ကန့်ကွက်ကြောင်း ထုတ်ပြန်ခဲ့သည်။

စစ်ကောင်စီ၏ အရပ်သားပြည်သူလူထုအပေါ် တိုက်လေယာဉ်များဖြင့် ဗုံးကြဲခြင်း၊ လက်နက်ကြီးများဖြင့် ပစ်မှတ်ထားတိုက်ခိုက်ခြင်းတို့ကြောင့် ပြည်သူလူထုမှ နေရပ်စွန့်ခွါပြီး အတိဒုက္ခရောက်နေခြင်းတို့အပေါ် စာနာထောက်ထားသည်ဟု အသိပေးသည်။

ထို့ပြင် တအာင်းနိုင်ငံရေးအတိုင်ပင်ခံကော်မတီ ဦးဆောင်အကောင်အထည်ဖော်မည့် နိုင်ငံရေး လမ်းပြမြေပုံအဆင့်ဆင့်တိုင်းတွင် ပူးပေါင်းဆောင်ရွက်မည်ဟု ဖော်ပြသည်။

တအာင်း(ပလောင်)အမျိုးသားပါတီအနေဖြင့်လည်း တိုင်းရင်းသားတော်လှန်ရေးအင်အားစုများနှင့် ပြည်သူလူထုမှ ဦးဆောင်သည့် နွေဦးတော်လှန်ရေး၏ အန္တိမပန်းတိုင်ဖြစ်သည့် စစ်အာဏာရှင်စနစ်အပါအဝင် အာဏာရှင်စနစ် ဟူသမျှ ချုပ်ငြိမ်းရေးနှင့် ဖက်ဒရယ်ဒီမိုကရေစီနိုင်ငံတော်သစ်တည် ဆောက်ရေးတို့အတွက် ပြည်သူတစ်ရပ်လုံးနှင့် အတူရပ်တည်ပြီး ပါဝင်ဆောင်ရွက်သွားမည်ဖြစ်ကြောင်း သဘောထားထုတ်ပြန်ခဲ့သည်။

အဆိုပါ ညီလာခံသို့ ပါတီဗဟိုကော်မတီဝင်များ၊ အရပ်ဖက်အဖွဲ့အစည်းတို့မှ ကိုယ်စားလှယ်များနှင့် လေ့လာသူများ တက်ရောက်ခဲ့ပြီး ပါတီ ပါတီ၏စတုတ္ထသက်တမ်းတွင် ဆက်လက်တာဝန် ထမ်းဆောင်မည့် ဗဟိုကော်မတီဝင် (၃၈)ဦး၊ ဗဟိုအလုပ်အမှုဆောင်ကော်မတီဝင် (၂၁) ဦးနှင့် ဗဟိုဥက္ကဌအဖွဲ့၊ အထွေထွေအတွင်းရေးမှူးအဖွဲ့တို့ကို လျှို့ဝှက် ဆန္ဒမဲပေးစနစ်ဖြင့် ရွေးချယ် တင်မြောက်နိုင်ခဲ့ဟုဆိုသည်။

စစ်တပ်ထံမှသိမ်းဆည်းရရှိ​သောလက်နက်ခဲယမ်းများ နှင့် PGF တပ်ဖွဲ့ဝင်များ။ဓါတ်ပုံ-PGF

ပုပ္ပါးတောင်မကြီးပေါ်ရှိ ဆက်သွယ်ရေးစခန်းကို​တော်လှန်​ရေးနှစ်ဖွဲ့တိုက်ခိုက် အရာခံဗိုလ်အပါအဝင်စစ်သား ၂ ဦးသေဆုံး

ဇေအောင်/People's Spring

မန္တလေးတိုင်း၊ ကျောက်ပန်းတောင်းမြို့နယ်၊ ပုပ္ပါးတောင်မကြီးပေါ်ရှိ စစ်ကောင်စီ၏ ဆက်သွယ်ရေးစခန်းကို ​တော်လှန်​​ရေး နှစ်ဖွဲ့က ဝင်ရောက်တိုက်
ခိုက်ရာ အရာခံဗိုလ်အပါအဝင် ၂ ဦးသေဆုံးကြောင်း Myingyan Black Tiger (MBT)တပ်ဖွဲ့ခေါင်းဆောင် ဗိုလ်မိုက်ခဲက ပြောသည်။

ယမန်နေ့(ဒီဇင်ဘာ ၂၇ ရက်) ညနေ ၆ နာရီခန့်က
ကျောက်ပန်းတောင်းမြို့နယ်၊ ပုပ္ပါးတောင်မကြီးပေါ်ရှိ ဆက်သွယ်ရေးစခန်း၌ တာဝန်ကျနေသော စစ်ကောင်စီတပ်ဖွဲ့ဝင် ၃ ဦးအား MBT နှင့်
Popa Guerilla Force(PGF) တို့က ဝင်ရောက်စီးနင်းတိုက်ခိုက်ခဲ့ရာ အရာခံဗိုလ်အဆင့်ရှိသူအပါအဝင် စစ်သား (၂)ဦးအား ဖမ်းဆီးနိုင်ခဲဲ့ပြီး တစ်ဦးမှာ ပြည်သူများကြားမှ ထွက်ပြေးလွတ်မြောက်သွားကြောင်း ဗိုလ်မိုက်ခဲက ပြော
သည်။

"လောလောဆယ်ကတော့ အဲဒီစခန်းမှာ ကင်းစောင့်အနေနဲ့ ၃ ယောက်ပဲ။"ဟု ဗိုလ်မိုက်ခဲကဆက် ပြောသည်။

သို့သော် စစ်ကောင်စီတပ်ဖွဲ့ဝင်နှစ်ဦးအား စစ်ဆေးမှုများပြုလုပ်ခဲ့ပြီး စစ်သုံ့ပန်းဥပဒေနှင့်အညီ ခေါ်ဆောင်လာစဥ် ခုခံထွက်ပြေးသောကြောင့် မဖြစ်မနေ ပစ်ခတ်ရှင်းလင်းခဲ့ရကြောင်း ​၎င်းကဆိုသည်။

Popa Guerilla Force(PGF) ၏ ဒုတိယတာဝန်ခံ ရဲဘော် ဗျတ္တကလည်း "အဲ့မှာ စစ်တပ်ကကောင် သုံးကောင်နဲ့ ကျန်တဲ့ ဝန်ထမ်းတွေရှိတယ်။
​​ေ..ပဲ စိတ်ဝင်စားလို့ ဖမ်းခဲ့တာ။ တစ်ယောက်က ထွက်ပြေးတယ်။ နှစ်ယောက်ကို ခေါ်လာချိန် ခုခံထွက်ပြေးလို့ ပစ်ရှင်းလိုက်ရတယ်" ဟု ပြော
သည်။

လွတ်မြောက်သွားသူမှာ ရိုးရိုးတပ်သားဖြစ်ပြီး သေဆုံးသူနှစ်ဦးမှာ ဒုအရာခံဗိုလ်နှင့် တပ်သားတစ်ဦးဖြစ်ကြောင်း သိရသည်။

MBT တပ်ဖွဲ့ဝင်ထုတ်ပြန်သည့် ရုပ်သံမှတ်တမ်းအရ ဖမ်းဆီးရမိသူများမှာ ကျောက်ဆည်မြို့နယ်ရှိ အဆရ(၃)အဆင့်မြင့်ဆက်သွယ်ရေးတပ်မှ အရာခံဗိုလ်ကျော်စွာဟိန်းနှင့် တပ်သား စိုးစံမင်းဟု ဖြေကြားထားသည်ကို တွေ့ရသည်။

ဆက်သွယ်ရေးတပ်ဖွဲ့သည် စစ်အကူလက်ရုံးတပ်ဖွဲ့ တစ်ခုဖြစ်ပြီး စစ်တပ်၏ ဆက်သွယ်ရေးလုပ်ငန်းများဖြစ်သည့် အချက်ပြဆက်သွယ်ရေး၊ ကြိုးမဲ့ရေဒီယိုဆက်သွယ်ရေး၊ ဆက်သား၊ ချောပို့လုပ်ငန်း စသည်တို့ကို ဆောင်ရွက်ပေးရသည်။ ၎င်းအပြင် သမရိုးကျမဟုတ်သော ခေတ်သစ် စစ်ဘက်ဆိုင်ရာ အဆင့်မြင့်ဆက်သွယ်မှုလုပ်ငန်းများ၊ ဆက်သွယ်မှုကွန်ယက်ဆိုင်ရာလုပ်ငန်းများနှင့် သတင်းအချက်အလက် လုံခြုံမှု ကျိုးပေါက်ခြင်းမရှိရေး ကြီးကြပ်ပေးခြင်း စသည်လုပ်ငန်းများကိုပါ တာဝန်ယူရသည်။

ထိုစစ်ဆင်ရေးအတွင်း စစ်ကောင်စီတပ်ဖွဲ့ဝင်နှစ်ဦး၊ MA 11 သေနတ်တစ်လက်နှင့် UZI သေနတ်တစ်လက်အပြင် ခဲယမ်းအချို့ကိုပါ သိမ်းဆည်းရရှိခဲ့ကြောင်း MBT က အသိပေးသည်။

မူလက ခရစ်စမတ်နေ့တွင် စစ်ရေးဖော်ဆောင်ရန်ပြင်ဆင်ခဲ့သော်လည်း ပုပ္ပါးတောင်ပေါ်သို့တက်သည့် ဧည့်သည်များ အန္တရာယ်မဖြစ်စေရေးအ
တွက် ဒီဇင်ဘာလ၂၇ရက်တွင်အကောင်
အထည်ဖော်ခဲ့ခြင်းရဲ​​ဘော် ဗျတ္တက​ပြောသည်။
ပြည်သူများအနေဖြင့် Popa Guerilla Force(PGF)တပ်ဖွဲ့မှ ပြုလုပ်နေသော အောင်လံလွှင့်မည် စကားဝါမြေဆီ ဆိုသော ထီလက်မှတ်ကမ်ပိန်းတွင်လည်း ပါဝင်ကူညီပေးပါရန် မေတ္တာရပ်ခံထားသည်။

" ကျတော်တို့ အလုပ်နဲ့လည်းသက်သေပြခဲ့တယ်။ နောက်ထပ်မစ်ရှင်တွေဆွဲထားတာလည်းရှိတယ်။။ စစ်ကောင်စီကိုတိုက်ခိုက်ဖို့ အရှိန်မြှင့်ချင်လို့ ကျနော်တို့ကို ကူညီကြပါ" ဟု ရဲဘော်ဗျတ္တက ပြောသည်။

ပြည်သူများအနေဖြင့် ပွဲလမ်းသဘင်များ ပြုလုပ်လျှင် စစ်ကောင်စီတပ်သားများနှင့် နီးစပ်ရာများ၌ မပြုလုပ်ရန် MBTက မေတ္တာရပ်ခံသည်။

ထိုစစ်ဆင်ရေးအား မိမိတို့ Myingyan Black Tiger (MBT)တပ်နှင့် ညီနောင်မဟာမိတ်ဖြစ်သော Popa Guerilla Force (PGF)တို့ ပူးပေါင်းလုပ်ဆောင်ခဲ့ခြင်းဖြစ်သည်။

အဆိုပါတိုက်ခိုက်မှုဖြစ်ပွားပြီးနောက် ပုပ္ပါးတောင်မကြီးပေါ်သို့ အလည်အပတ်တောင်တက်ခရီးစဥ်များကို ဝန်​ဆောင်မှု​ပေး​နေ​သောလုပ်ငန်းက ရပ်ဆိုင်ထားကြောင်း သိရသည်။

ဂွမြို့ရှိ ခမရ (၅၆၂) ၊ ခမရ (၅၆၃) ​တပ်ရင်း
တည်​နေရာ​မြေပုံ/ အမ်း နပခသိမ်းတိုက်ပွဲတွင်
တိုက်ပွဲဝင်​နေ​သောAAစစ်သည်များ /နပခ သိမ်း
တိုက်ပွဲမှ စစ်သုံ့ပန်းများ / ဂွသို့စစ်ကူသွားပြီး ​သေဆုံးသွား​သောစစ်သားများနှင့်ဂွလာ​သော စစ်တပ်ထံမှAA သိမ်းဆည်းရရှိ​သောလက်နက်ခဲယမ်းများ ။ဓါတ်ပုံ-AA Info Desk

ဂွတိုက်ပွဲ၌ သေဆုံး၊ဒဏ်ရာရစစ်သားများကို
ပုသိမ်သို့ စစ်ကောင်စီပို့

ဇော်ဂျီ(ဧရာဝတီ)/People's Spring

ဂွမြို့နယ်တိုက်ပွဲတွင် သေဆုံးသူများနှင့် ဒဏ်ရာရသည့် ရာချီသော စစ်ကောင်စီတပ်ဖွဲ့ဝင်များကို
ဂွ- ရွှေသောင်ယံ-သာပေါင်းလမ်းမှတစ်ဆင့် စစ်ကောင်စီက ကားများဖြင့်ခေါ်ဆောင်သွားကြောင်း သတင်းရရှိသည်။

"ဟိုတနေ့က ကား ၁၇စီးတက်သွားတယ်။ ၇ စီးပြန်ဆင်းလာတယ်။ သေတာ တွေရော၊ အတိုအပြတ်တွေပါ ပြန်တင်လာတာ။ ၁၀၀ ကျော်တယ်" ဟု နယ်မြေခံသတင်းမြစ်တဦးကပြောသည်။

ဂွမြို့အမှတ်( ၅၆၂)ခြေမြန်တပ်ရင်း(ခမရ-၅၆၂)
နှင့် အမှတ်(၅၆၃)​ခြေမြန်တပ်ရင်း(ခမရ-၅၆၃)
ကို AAက ထိုးစစ်စင်တိုက်ခိုက်နေပြီး စစ်ကောင်စီသည် ငါးသိုင်းချောင်း-ဂွလမ်းအပြင် သာပေါင်း
-ရွှေသောင်ယံ- ဂွလမ်းမှတဆင့်လည်း စစ်ကူများပို့ဆောင်နေသည်။

ဂွမြို့နယ်တိုက်ပွဲများအတွင်း စစ်ကောင်စီထိခိုက်သေဆုံးမှုများပြားနေပြီးမြို့သိမ်းတိုက်ပွဲအတွက် ထိုးစစ်အရှိန်အဟုန်မြှင့်နေကြောင်း AAက ဒီဇင်
ဘာလ၂၁ရက်တွင် သတင်းထုတ်ပြန်ထားသည်။

"ဂွမှာတိုက်ပွဲအရမ်းပြင်းနေတယ်။ ၅၆၂ နဲ့ ၅၆၃ကို AAက တိုက်နေတာ။ လက်နက်ကြီးပစ်ခတ်သံတွေ အကျယ်ကြီးကြားနေရတယ်။ အိမ်တွေတောင်တုန်တယ်" ဟု ရွှေသောင်ယံမြို့မှ ဒေသခံတဦးကပြော
သည်။

ပြီးခဲ့သည့်ဒီဇင်ဘာလလယ်ကတိုက်ပွဲတွင် ဒဏ်ရာရရှိသူများကို စစ်ကောင်စီက ဂွ- ငါးသိုင်းချောင်းလမ်းမှတစ်ဆင့် ရေကြည်နှင့် ပုသိမ်ဆေးရုံသို့ပို့ဆောင်ခဲ့သည်။ အဆိုပါလမ်းပိုင်းတွင် AAက တိုက်ခိုက်မှုများရှိနေရာ စစ်ကောင်စီကဂွ- ရွှေသောင်ယံ-သာပေါင်းလမ်းကို အသုံးပြုနေခြင်းဖြစ်
သည်။

ထိုသို့ပို့ဆောင်စဉ် ရေကြည်ဆေးရုံမှအရပ်သားလူနာများကို စစ်ကောင်စီက အတင်းအကြပ်ဆင်းခိုင်းခဲ့သည်။ ပုသိမ်တွင် ဆေးကုနေရသည့် စစ်ကောင်စီတပ်ဖွဲ့ဝင်များကို စစ်ကောင်စီဒုတိယခေါင်းဆောင် ဒုဗိုလ်ချုပ်ကြီးစိုးဝင်းကဒီဇင်ဘာ
လ၂၇ရက်တွင် သွားရောက်တွေ့ဆုံခဲ့သည်။

ဂွ- ရွှေသောင်ယံ-သာပေါင်းလမ်းသည် ချောင်းသာနှင့် ‌ငွေဆောင်သို့ သွားသည့် လမ်းပိုင်း၌ပါဝင်သည်။ လက်ရှိအခြေအနေတွင် အဆိုပါလမ်းကိုအသုံးပြု၍ခရီးသွားလာမည်သူများ လုံခြုံရေးအန္တရာယ်ရှိနေကြောင်း ဒေသခံများကသတိပေးသည်။

စစ်ကောင်စီသည် ရခိုင်ပြည်နယ်နှင့်ထိစပ်နေသော ရေကြည်၊ ငါးသိုင်းချောင်း၊ လေးမျက်နှာ၊ ရွှေ သောင်ယံနှင့်သာပေါင်းမြို့နယ်များတွင် လုံခြုံရေးတိုးထားသည်။ တပ်ဖွဲ့ဝင်အင်အားမလုံလောက်၍ စစ်မှုထမ်းသင်တန်းဆင်းများကိုလည်း ဂွမြို့နယ်သို့ပို့နေသည်။

ဧရာဝတီတိုင်းအတွင်းသို့ တစ်ဆင့်ချင်းတစ်ဆင့်ချင်း ဆုတ်ခွာထွက်ပြေးနေသော စစ်ကောင်စီတပ်များကို အဆက်မပြတ်ထိုးစစ်ဆင်တိုက်ခိုက်လျက်
ရှိသည်ဟု AAက သတင်းထုတ်ပြန်ထားသည်။

မတရားစစ်မှုထမ်းဥပဒေနဲ့ စစ်အာဏာရှင်စနစ်ဆန့်ကျင်ရေး စစ်ကိုင်းတိုင်းမှာ ဆန္ဒပြ

သုည/People's Spring

စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေက မတရားစစ်မှုထမ်းဥပဒေနဲ့ စစ်အာဏာရှင်စနစ်ကို ဆန့်ကျင်ဖို့ ဆန္ဒပြသပိတ်တွေ ဒီကနေ့ (ဒီဇင်ဘာ ၄)မှာ အသီးသီး ပြုလုပ်ခဲ့ကြပါတယ်။

စစ်ကိုင်းတိုင်း ယင်းမာပင်မြို့နယ်မှာ ပြည်သူ့အားမာန် သပိတ်စစ်ကြောင်းဟာ အကြမ်းဖက်စစ်အုပ်စုရဲ့ မတရားစစ်မှုထမ်းဥပဒေကို အလိုမရှိကြောင်းနဲ့ စစ်အာဏာရှင်ကို ဆန့်ကျင်ကြောင်း ဆန္ဒထုတ်ဖော်ခဲ့ပါတယ်။

ရွှေဘိုမြို့နယ်မှာလည်း သပိတ်အင်အားစုနဲ့ ဒေသခံပြည်သူတွေ ပူးပေါင်းပြီး (၇၆)နှစ်မြောက် အပြည်ပြည်ဆိုင်ရာလူ့အခွင့်အရေးနေ့အဖြစ် "လူ့အခွင့်အရေးထွန်းကားစေ တရားမျှတလွတ်လပ်မြေ" ခေါင်းစဉ်နဲ့ လူထုလှုပ်ရှားမှု ပြုလုပ်ခဲ့ပါတယ်။

ယင်းမာပင်မြို့နယ်မြောက်ခြမ်းမှာလည်း အောင်လံလွှင့်မည် ဒေါင်းသွေးနီ သပိတ်စစ်ကြောင်းက စစ်ကောင်စီရဲ့ မတရားတဲ့စစ်မှုထမ်းဥပဒေကို ဆန့်ကျင်ကြဖို့ လှုံ့ဆော်ဆန္ဒပြခဲ့ပါတယ်။

အလားတူ ယင်းမာပင်မြို့နယ် ကျေးရွာတစ်ရွာမှာလည်း အောင်လံလွှင့်မည်ရွှေရေကြည်လူထုသပိတ်စစ်ကြောင်းဟာ "စစ်အာဏာရှင်ကို ဆန့်ကျင်ကြောင်း" ဆန္ဒထုတ်ဖော်ခဲ့ပါတယ်။

ဆန္ဒပြပြည်သူတွေဟာ "စစ်အာဏာရှင်စနစ် အလိုမရှိကြောင်း"၊ "ဖက်ဒရယ်ဒီမိုကရေစီပြည်ထောင်စုတည်ထောင်ရေး"၊ "သွေးစွန်းငွေဖြတ်တောက်ရေး စစ်ကောင်စီကို ငွေမပေး" စတဲ့ကြွေးကြော်သံတွေနဲ့အတူ ဆန္ဒထုတ်ဖော်ခဲ့ကြပါတယ်။

ဓာတ်ပုံ - ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု

“ဒီနေ့ဘာဖြစ်ခဲ့လဲ”

ဒီနေ့(ဒီဇင်ဘာ ၄ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️KIA ဗန်းမော်မြို့သိမ်းတိုက်ပွဲ ပြင်းထန်နေ

တရုတ်နယ်စပ်နှင့် မိုင်(၄၀)ခန့်သာကွာဝေးတဲ့ ကချင်ပြည်နယ် ဗန်းမော်မြို့သိမ်းတိုက်ပွဲကို ကချင်လွတ်လပ်ရေးတပ်မတော်(KIA)နဲ့ မဟာမိတ်ပူးပေါင်းတပ်များက ဒီနေ့ စတင်ရာ တိုက်ပွဲပြင်းထန်နေတယ်လို့ ကချင်စစ်ရေးသတင်းရင်းမြစ်က ပြောပါတယ်။ ဗန်းမော်နဲ့ မံစီဒေသတစ်ခုလုံး သိမ်းပိုက်နိုင်ရေး ထိုးစစ်ကို ဒီနေ့ မနက်ပိုင်းက စတင်ခဲ့ရာ တိုက်ပွဲပြင်းထန်နေဆဲဖြစ်တယ်လို့ ကချင်စစ်ရေးသတင်းရင်းမြစ်က ညနေပိုင်းမှာ ပြောပါတယ်။ KIA သတင်းရင်းမြစ်တစ်ဦးကလည်း စစ်ရေးအခြေအနေဟာ အရေးကြီးတဲ့ အချိန်ဖြစ်၍ အတိအကျ သတင်းများကို ပြောဆို၍မရကြောင်းနဲ့ စစ်ကောင်စီရဲ့ လေကြောင်းတိုက်ခိုက်လာနိုင်မှုကို သတိထားရမည်ဖြစ်ကြောင်း ပြောပါတယ်။

◾️ပြည်သူများလုံခြုံရေးစိန်ခေါ်မှု အခက်အခဲများဖြေရှင်းနိုင်ရေး ကြိုးပမ်းနေဟု TNLA ပြော

တအာင်းဒေသတွင်းရှိ ပြည်သူများရဲ့ လုံခြုံရေးစိန်ခေါ်မှု၊ စားဝတ်နေရေးအခက်အခဲ အကြပ်အတည်းများ ဖြေရှင်းနိုင်ဖို့ အစဉ်အမြဲ ကြိုးပမ်းဆောင်ရွက်နေတယ်လို့ တအာင်းတပ်မတော်(PSLF/TNLA)က အသိပေးပါတယ်။ PSLF/TNLA သတင်းပြန်ကြားရေးဌာနက နိုဝင်ဘာထုတ်စာစောင်ရဲ့ အယ်ဒီတာ့အာဘော်မှာ အခုလိုထည့်သွင်းဖော်ပြ အသိပေးခဲ့တာပါ။ TNLAပါဝင်တဲ့ ညီနောင်မဟာမိတ်များရဲ့ ၁၀၂၇ စစ်ဆင်ရေးအတွင်း တအာင်းဒေသအတွင်းရှိ မြို့နယ်(၁၂)မြို့ကို စစ်ကောင်စီလက်အောက်ခံမှ လွတ်မြောက်နိုင်ခဲ့ကြောင်း၊ စစ်ဆင်ရေး(၁)နှစ်တာကာလအတွင်း စစ်ကောင်စီဟာ အပြစ်မဲ့အရပ်သားပြည်သူများအား ဦးတည်ပြီး လေကြောင်း ဗုံးကြဲတိုက်ခိုက်မှု၊ လက်နက်ကြီးများ ပစ်ခတ်မှုကြောင့် ပြည်သူများ အသက်သေဆုံးရပြီး ထိခိုက်ဒဏ်ရာရရှိကာ နေအိမ်၊ အဆောက်အအုံများလည်း ထိခိုက်ပျက်စီးခဲ့ရကြောင်း ဖော်ပြပါတယ်။

◾️စစ်ခေါင်း​ဆောင် DSAကျောင်းဆင်းပွဲလာခါနီး တိုက်ပွဲများ ပြင်ဦးလွင်နှင့် ပိုနီးလာ

အာဏာသိမ်းခေါင်းဆောင်မင်းအောင်လှိုင်တက်ရောက်မယ့် စစ်တက္ကသိုလ်(DSA)ကျောင်းဆင်းပွဲနီးကပ်လာချိန်မှာ ​နောင်ချိုနဲ့ ပြင်ဦးလွင်မြို့နယ်ကြားဖြစ်ပွား​နေ​တဲ့ တိုက်ပွဲများမှာ ပြင်ဦးလွင်မြို့နှင့် တဖြည်းဖြည်းနီးကပ်လာနေပါတယ်။ ပြင်ဦးလွင်မြို့နှင့် (၁၆)မိုင်ခန့်သာဝေးတဲ့ ဘန့်ဘွေးကျေးရွာအနီးသို့ တော်လှန်ရေးတပ်ဖွဲ့များက ရှေ့တိုးတိုက်ခိုက်လာတာလို့ ဘန့်ဘွေးရွာခံများက ပြောပါတယ်။ ပြည်သူ့ကာကွယ်ရေးတပ်မတော်(မန္တလေး)အပါအဝင် တော်လှန်ရေးတပ်ဖွဲ့များဟာ ပြီးခဲ့တဲ့ရက်ပိုင်းအထိ ရှမ်းပြည်နယ်မြောက်ပိုင်း နောင်ချိုမြို့နယ် အုမ္မသီးကျေးရွာလမ်းခွဲဝန်းကျင်မှာသာ ရှိနေရာ ဒီဇင်ဘာ ၂ရက်နဲ့ ၃ရက် နှစ်ရက်ဆက်တိုက်ပွဲဖြစ်ပြီးနောက် ဘန့်ဘွေးကျေးရွာအနီးအထိ တိုက်ပွဲများဖြစ်ပွားလာတာလို့ ဆိုပါတယ်။

◾️အမ်းမြို့ကို အာရက္ခတပ်​တော်ထိန်းချုပ်

ရက္ခိုင်ပြည်နယ် အမ်းမြို့မှာ အ​နောက်ပိုင်းတိုင်စစ်ဌာနချုပ်(နပခ)ကလွဲလို့ ကျန်စစ်ကောင်စီတပ်စခန်းများအားလုံးကို အာရက္ခတပ်​တော်(AA)ကသိမ်းယူပြီး မြို့ကိုထိန်းချုပ်နိုင်ပြီလို့ ဒေသခံအချို့က ပြောပါတယ်။ AAဟာ နပခကိုလည်း ဆက်လက်ထိုးစစ်ဆင်နေပြီလို့ ဒေသခံအချို့ကပြောပါတယ်။ စစ်ကောင်စီတပ်က လေကြောင်းကနေ တောက်လျှောက်တိုက်ခိုက်နေတယ်လို့ အမ်းမြို့အနီး စစ်ဘေးရှောင်နေရတဲ့ ဒေသခံတစ်ဦးကပြောပါတယ်။ AAက အမ်းမြို့သိမ်းတိုက်ပွဲကို စက်တင်ဘာ ၂၆ရက်မှာ စတင်ခဲ့ပြီး အမ်းမြို့မှာ နပခအပါအဝင် စစ်ကောင်စီတပ်ရင်းစခန်း ၁၈ခုရှိသည့်အနက် ၈ ခုကို သိမ်းယူထားပြီးဖြစ်တယ်လို့ AAက နိုဝင်ဘာ ၁၃ရက်မှာ သတင်းထုတ်ပြန်ခဲ့ပါတယ်။

◾️စစ်ကောင်စီဝင်များ စဉ်းစားဆုံးဖြတ်ချိန်ရောက်ပြီဟု NUGဝန်ကြီးချုပ် သတိပေး

စစ်တပ်အတွင်းရှိ တပ်မတော်သားများအားလုံးအနေဖြင့် စစ်ရာဇဝတ်တရားခံနှင့်အတူ ရှေ့ဆက်မလား၊ မိမိ မိသားစု၊ မိမိနိုင်ငံအတွက် အကောင်းဆုံးဆုံးဖြတ်ချက်များ ချမလားဆိုသည်ကို သေချာစွာ စဉ်းစားကြရတော့မယ့်အချိန်ဖြစ်တယ်လို့ အမျိုးသားညီညွတ်ရေးအစိုးရ(NUG)ပြည်ထောင်စုဝန်ကြီးချုပ် မန်းဝင်းခိုင်သန်းက ပြောပါတယ်။ နောက်ဆုံးအချက်ပေး ခေါင်း‌လောင်းထိုးနေတဲ့ အချိန်ဖြစ်တယ်လို့လည်း မနေ့က ကျင်းပတဲ့ NUG အစိုးရအဖွဲ့အစည်းအဝေးမှာ ပြောဆိုခဲ့တာပါ။

◾️စစ်မှုထမ်းစစ်သားသစ်တစ်ဦး ပုလဲမြို့မှာ တာဝန်ကျစဥ် ထွက်ပြေးလွတ်မြောက်

စစ်မှုထမ်း အဓမ္မခေါ်ဆောင်ခံရတဲ့ စစ်သားသစ်တစ်ဦး စစ်ကိုင်းတိုင်း၊ ပုလဲမြို့မှာ တာဝန်ကျနေစဥ် ထွက်ပြေးလွတ်မြောက်လာပြီး တော်လှန်ရေးအဖွဲ့က ထိန်းသိမ်းပေးထားတယ်လို့ သိရပါတယ်။ မနေ့က ပုလဲမြို့ရှိ လူဝင်မှုကြီးကြပ်ရေး(လဝက)ရုံးမှာ တာဝန်ကျနေတဲ့ မကွေးမြို့ ကပစ(၈၉)တပ်ရင်းမှ အသက်(၁၉)နှစ်အရွယ် တပ်သားမိုးမင်းအောင်ဆိုသူ စက်ဘီးတစ်စီးဖြင့် ထွက်ပြေးလွတ်မြောက်လာပြီး ချင်းတွင်းကာကွယ်ရေးအထူးတပ်ဖွဲ့(CDF)က ထိန်းသိမ်းပေးခဲ့တယ်လို့ CDF တာဝန်ရှိသူက ပြောပါတယ်။ ပုလဲလဝကရုံးမှာ သင်တန်း ၃လဆင်းထားတဲ့ စစ်မှုထမ်းခေါ်ဆောင်ခံရသူ စစ်သားသစ် ၅ဝခန့်နဲ့ စစ်ကောင်စီတပ်သား ၃၀ ခန့် စုစုပေါင်း ၈၀ခန့်ရှိတယ်လို့ သိရပါတယ်။

◾️မတ္တရာအရှေ့ခြမ်းတိုက်ပွဲ စစ်သား ၇ဦးခန့်သေဆုံး

မန္တလေးတိုင်း၊ မတ္တရာမြို့နယ်အရှေ့ခြမ်းရှိ ပြည်သူ့ကာကွယ်ရေးတပ်မတော်(မန္တလေး)ထိန်းချုပ်နယ်မြေသို့ စစ်ကောင်စီတပ်စစ်ကြောင်းဝင်ရောက်လာ၍ တိုက်ပွဲဖြစ်ပွားပြီး စစ်သား ၇ဦးခန့်သေဆုံးကာ စစ်သုံ့ပန်းနဲ့ ခဲယမ်းအချို့ သိမ်းဆည်းရမိခဲ့တယ်လို့ မန္တလေး PDFက အသိပေးထုတ်ပြန်ပါတယ်။ ဒီဇင်ဘာ ၂ ရက် ညပိုင်းက မန္တလေး PDF ထိန်းချုပ်စိုးမိုးထားတဲ့ မတ္တရာမြို့နယ် အရှေ့ဘက်ခြမ်းရှိ မြို့ကုန်းကျေးရွာသို့ စစ်ကောင်စီတပ် စစ်ကြောင်းဝင်ရောက်လာပြီးနောက် တိုက်ပွဲဖြစ်ပွားခဲ့ပါတယ်။ မနေ့က တနေကုန်နီးပါး စစ်ကောင်စီ စစ်ကြောင်းနဲ့ မန္တလေး PDFတို့ တိုက်ပွဲဖြစ်ပွားခဲ့ပြီး ညနေပိုင်းမှာ စစ်ကောင်စီတပ်များ ပြန်လည်ဆုတ်ခွာသွားတယ်လို့ မန္တလေးPDF က ဒီနေ့ သတင်းထုတ်ပြန်ပါတယ်။

◾️NUG ဝန်ကြီးများ​​ တော်လှန်​ရေးနယ်​မြေများမှာ ရှိ​နေ​ကြောင်း ဆက်တိုက်အသိ​ပေး

နိုင်ငံပြင်ပသို့ရောက်နေတဲ့ အစိုးရအဖွဲ့ဝင်များ ပြည်တွင်းသို့ပြန်လာဖို့ အမျိုးသားညီညွတ်ရေးအစိုးရ(NUG)ယာယီသမ္မတဒူဝါလရှီးလက တိုက်တွန်းပြီးနောက် NUG အစိုးရအဖွဲ့ဝင် ဝန်ကြီးအချို့က ၎င်းတို့ တော်လှန်ရေးနယ်မြေများမှာ ရှိနေကြောင်း ဓာတ်ပုံမှတ်တမ်းများဖြင့် ဆက်တိုက်ထုတ်ဖော်ပြသလာပါတယ်။ ကာကွယ်ရေးဝန်ကြီးဦးရည်မွန်ဟာ မန္တလေးတိုင်းအတွင်း စစ်ဆင်ရေးနယ်မြေများမှာ PDF ရဲဘော်များနှင့်တွေ့ဆုံနေတဲ့ ဓာတ်ပုံမှတ်တမ်းများအား လူထုသပိတ်ခေါင်းဆောင်ဒေါက်တာတေဇာစန်းက နိုဝင်ဘာ ၃၀ ရက်မှာ လူမှုကွန်ရက်မှတဆင့် ဖော်ပြခဲ့ပါတယ်။ NUG ပညာရေးဒုဝန်ကြီး ဂျာထွယ်ပန်ကလည်း တော်လှန်ရေးအင်အားစုများထိန်းချုပ်ဒေသမှ တော်လှန်ပညာရေး မိသားစုများနှင့် တွေ့ဆုံဆွေးနွေးပွဲကို နိုဝင်ဘာ ၉ ရက်က ပြုလုပ်ခဲ့ပါတယ်။ သယံဇာတဝန်ကြီး ဒေါက်တာတူးခေါင်ကလည်း တော်လှန်ရေးနယ်မြေမှာ ရှိနေကြောင်း မှတ်တမ်းဓာတ်ပုံများကို မနေ့ ညပိုင်းက ဖော်ပြအသိပေးပါတယ်။

◾️ကနီမြို့နယ် လေကြောင်းတိုက်ခိုက်၍ ရွာလုံးကျွတ်ထွက်ပြေးတိမ်းရှောင်

စစ်ကိုင်းတိုင်း၊ ကနီမြို့နယ် နတ်ကြီးကျေးရွာအား စစ်ကောင်စီတပ်က လေကြောင်းတိုက်ခိုက်ခဲ့၍ ရွာလုံးကျွတ်ထွက်ပြေးခဲ့ရတယ်လို့ ဒေသခံတွေက ပြောပါတယ်။ ဒါပေမဲ့ စစ်ကောင်စီလေကြောင်းတိုက်ခိုက်မှုကြောင့် လူထိခိုက်မှုမရှိဘူးလို့ ဆိုပါတယ်။ နတ်ကြီးကျေးရွာအနီးကို စစ်ကောင်စီတပ်က မနေ့ ညပိုင်းက သုံးကြိမ် လေကြောင်းတိုက်ခိုက်ခဲ့ရာ ကျေးရွာအပြင်ကျ၍ လူထိခိုက်မှုမရှိဘူးလို့ ဒေသခံများက ပြောပါတယ်။ စစ်ရေးအပါအဝင် အဘက်ဘက်မှ ရှုံးနိမ့်နေတဲ့ စစ်ကောင်စီဟာ တော်လှန်ရေးအားကောင်းတဲ့ ဒေသများအား လေကြောင်းတိုက်ခိုက်မှု ဆက်တိုက်ပြုလုပ်နေပါတယ်။

(ပြင်ဦးလွင်မြို့စျေးအနီးရှိ နာရီစင်အား တွေ့ရစဉ်။ ဓာတ်ပုံ − အေအပ်ပီ)

စစ်ခေါင်း​ဆောင် DSAကျောင်းဆင်းပွဲလာခါနီး တိုက်ပွဲများ ပြင်ဦးလွင်နှင့် ပိုနီးလာ

ဒီးဒီ/People's Spring

အာဏာသိမ်းခေါင်းဆောင်မင်းအောင်လှိုင်တက်ရောက်မည့် စစ်တက္ကသိုလ်(DSA)ကျောင်းဆင်းပွဲပြုလုပ်မည့်ရက်နီးကပ်လာချိန်တွင် ​နောင်ချိုနှင့် ပြင်ဦးလွင်မြို့နယ်ကြားဖြစ်ပွား​နေ​သော တိုက်ပွဲများမှာ ပြင်ဦးလွင်မြို့နှင့် တဖြည်းဖြည်းနီးကပ်လာနေပြီ ဖြစ်သည်။

စစ်တက္ကသိုလ်များရှိရာ ပြင်ဦးလွင်မြို့နှင့် (၁၆)မိုင်ခန့်သာဝေးသော ဘန့်ဘွေးကျေးရွာအနီးသို့ပါ တော်လှန်ရေးတပ်ဖွဲ့များက ရှေ့တိုး တိုက်ခိုက်လာခြင်း ဖြစ်​ကြောင်း စုံစမ်းသိရသည်။

ပြည်သူ့ကာကွယ်ရေးတပ်မတော်(မန္တလေး) အပါအဝင် တော်လှန်ရေးတပ်ဖွဲ့များသည် ပြီးခဲ့သည့်ရက်ပိုင်းအထိ ရှမ်းပြည်နယ်မြောက်ပိုင်း နောင်ချိုမြို့နယ်၊ အုမ္မသီးကျေးရွာလမ်းခွဲဝန်းကျင်၌သာ ရှိနေရာ ဒီဇင်ဘာ ၂ရက်နှင့် ၃ရက် နှစ်ရက်ဆက်တိုက်ပွဲဖြစ်ပြီးနောက် အုမ္မသီးကျေးရွာမှ ဘန့်ဘွေးကျေးရွာအနီးတွင်ပါ တိုက်ပွဲများဖြစ်ပွားလာခြင်းဖြစ်သည်ဟု ဘန့်ဘွေးရွာခံများက ပြောသည်။

ဘန့်ဘွေးနှင့် အုမ္မသီးကျေးကျေးရွာသည် သုံးမိုင်​ကျော်ကွာ​ဝေးပြီး မန္တလေး−လားရှိုးလမ်းမကြီးဘေးတွင်ရှိသည်။

ဒီဇင်ဘာ ၂ ရက်က အဆိုပါနယ်မြေအတွင်း တနေကုန်နီးပါး တိုက်ပွဲပြင်းထန်ခဲ့ပြီး ဒီဇင်ဘာ ၃ရက်တွင်မနက်ပိုင်းတွင် တိုက်ပွဲဖြစ်ခဲ့သည်ဟု ဘန့်ဘွေးရွာခံများက ပြောသည်။

"ဒီဘက်(​တော်လှန်​ရေးတပ်များ)က ရှေ့တိုးလာတယ်။ဒီနေ့တော့တိုက်ပွဲငြိမ်နေတယ်"ဟု ဘန့်ဘွေး
ရွာခံတစ်ဦးက ပြောသည်။

နောင်ချိုမြို့နယ် ဘန့်ဘွေးကျေးရွာအုပ်စုရှိ ဂန့်ဂေါကျေးရွာအနီးတွင်မူ တအာင်းတပ်မတော်(TNLA)၊မန္တလေး PDF ပူးပေါင်းတပ်များနှင့် စစ်ကောင်စီတပ်တို့သည် အောက်တိုဘာ ၁၉ရက်ကတည်းက စတင်တိုက်ပွဲ ဖြစ်ပွားခဲ့သည်။ တိုက်ပွဲများဆက်တိုက်ဖြစ်ပြီးနောက် စစ်ကောင်စီတပ်က တဖြည်း
ဖြည်းရှေ့တိုးလာခဲ့ခြင်းဖြစ်သည်။

တိုက်ပွဲများဖြစ်ပွားသည့်ရက်က ပြင်ဦးလွင်မြို့ရှိ စစ်ကောင်စီတပ်က လက်နက်ကြီးများဖြင့် ပစ်ကူပေးခဲ့သည်ဟု ပြင်ဦးလွင်မြို့ခံအချို့က ပြောသည်။

ပြင်ဦးလွင်မြို့အရှေ့တောင်ဘက်၌ရှိသည့် နောင်ချိုမြို့နယ် တောင်းခမ်းကျေးရွာတွင်လည်း တိုက်
ပွဲ​များဆက်လက်ဖြစ်ပွားနေသည်။

လာမည့် ဒီဇင်ဘာ ၆ရက်တွင် ပြုလုပ်ရန်စီစဉ်နေသည့် ပြင်ဦးလွင်မြို့ရှိ စစ်တက္ကသိုလ်(DSA)နှင့် တပ်မတော်နည်းပညာတက္ကသိုလ်(DSTA) သင်တန်းဆင်းပွဲကို စစ်ခေါင်းဆောင်မင်းအောင်လှိုင် တက်ရောက်မည်ဟု စစ်​ကောင်စီတပ် အသိုင်းအဝိုင်းမှ သိရသည်။

၎င်းလာရောက်မည့်အချိန်တွင် ပြင်ဦးလွင်မြို့အနီး ဝန်းကျင်၌ တိုက်ပွဲများဖြစ်ပွားနေခြင်း ဖြစ်သည်။ ထို့ကြောင့် စစ်ကောင်စီက နိုဝင်ဘာလနောက်ဆုံးပတ်ကစပြီး သံချပ်ကာတပ်များခေါ်ယူပြီး ပြင်ဦးလွင်မြို့ဝန်းကျင်ကို လုံခြုံ​ရေးချထားကြောင်း အဆိုပါမြို့ခံများက ပြောသည်။

DSA နှင့် DSTA ကျောင်းဆင်းပွဲမှာ ပုံမှန် ဒီဇင်ဘာပထမအပတ်အတွင်း ပြုလုပ်လေ့ရှိသည်ဟု ပြင်ဦးလွင်မြို့ခံများက ပြောသည်။

စစ်တပ်အာဏာသိမ်းပြီးနောက် ပြင်ဦးလွင်ကျောင်းဆင်းပွဲပြုလုပ်မည့်ရက်ကို အတိအကျထုတ်ဖော်ပြောဆိုလေ့မရှိတော့ဘဲ သတင်းလွှင့်ထားသည့်ရက်ထက် နောက်ဆုတ်ပြုလုပ်လေ့ရှိသည်ဟု မြို့ခံများက ပြောသည်။

ယခုနှစ်ပြုလုပ်မည့် ကျောင်းဆင်းပွဲမှာ ပြီးခဲ့သည့်နှစ်ထက် ပိုမိုလုံခြုံရေးတင်းကြပ်ထားသည်ဟု မြို့ခံများက ပြောသည်။

သို့​သော် ၂၀၂၄ ဧပြီ ၈ရက်တွင် အာဏာသိမ်း​ခေါင်းဆောင်နှင့် ဇနီး ပြင်ဦးလွင်​ရောက်​နေချိန်တွင် PDF များက စစ်တက္ကသိုလ်အပါအဝင် စစ်​ရေးပစ်မှတ်များကို ​ရှော့တိုက်ဒုံးဖြင့် တိုက်ခိုက်ရာ မင်း​အောင်လှိုင်မှာပြန်သွားခဲ့ပြီး ​ဒေါ်ကြူကြူလှသာ တပ်တွင်းသင်္ကြန်ပွဲသို့ တက်​ရောက်ခဲ့သည်။

(မောက်မယ်ဒေသတိုက်ပွဲအတွင်း စစ်ကောင်စီနှင့် ပြည်သူ့စစ်ထံမှ သိမ်းရသော လက်နက်အချို့ကို တွေ့ရစဉ်။ ဓာတ်ပုံ - PNLA)

ပအိုဝ်းဒေသ၌ PNLAနှင့် စစ်ကောင်စီ၊ PNO ပူးပေါင်းတပ် တစ်ပတ်ကျော်ကြာတိုက်ပွဲဖြစ်နေ

▪️စစ်ကောင်စီနှင့် ပြည်သူ့စစ် ၃၀ကျော်သေဆုံးခဲ့ဟု PNLAပြော

ဟန်နွေ/People’s Spring

ရှမ်းပြည်နယ်တောင်ပိုင်း၊ မောက်မယ်မြို့နယ် အပါအဝင်ပအိုဝ်းဒေသ၌ စစ်ကောင်စီ၊ ပြည်သူ့စစ်ပူးပေါင်းတပ်နှင့် ပအိုဝ်းအမျိုးသားလွတ်မြောက်ရေးတပ်မတော်(PNLA)အကြားတိုက်ပွဲများ ဆက်တိုက်ဖြစ်ပွားနေသည်ဟု PNLA ပြောရေးဆိုခွင့်ရှိသူ ခွန်ရိန်းယံက ပြောသည်။

PNLAတပ်ရှိနေရာသို့ စစ်ကောင်စီနှင့် လက်အောက်ခံ ပြည်သူ့စစ် PNOတို့က ထိုးစစ် ဆင်လာ၍ နိုဝင်ဘာ ၂၀ရက်ကစ၍ တိုက်ပွဲဖြစ်နေသည်ဟု ဆိုသည်။

"၂၀ရက်နေ့ကနေ ဒီနေ့အထိ နေ့စဉ်ဖြစ်ပွားနေပါတယ်။ ပြင်းထန်တဲ့တိုက်ပွဲရယ် မပြင်းထန်တဲ့ တိုက်ပွဲရယ် ပဲရှိတာပေါ့။ တိုက်ပွဲကတော့ နေ့တိုင်းဖြစ်နေပါတယ်။ အဓိကတော့ ကျနော်တို့ နေတဲ့တောထဲကို ထိုးစစ်ဆင်လာလို့ တိုက်ပွဲဖြစ်ပွားနေရတဲ့ အခြေအနေဖြစ်ပါတယ်။ တိုက်ပွဲအတွင်း ကျနော်တို့ အတည်ပြုရသလောက်တော့ စစ်ကောင်စီနဲ့ စစ်ကောင်စီလက်ပါးစေ ပြည်သူ့စစ်ဘက်ကသေဆုံးတာ ၃၁ယောက်ပေါ့နော်”ဟု ခွန်ရိန်းယံက ပြောသည်။

တိုက်ပွဲအတွင်း စစ်ကောင်စီနှင့် ပြည်သူ့စစ်တို့၏ လက်နက်အချို့ကို PNLAက သိမ်းဆည်းရရှိထားသည်။

မောက်မယ်ဒေသတွင် တိုက်ပွဲများ မဖော်ဆောင် ရန် ပအိုဝ်းသံဃာတော်များက ယခုနှစ် မတ်လတွင် မေတ္တာရပ်ခံထားရာ စစ်ကောင်စီနှင့် PNOဘက်က မလိုက်နာဘဲ ထိုးစစ်ဆင်လာခြင်းဖြစ်သည်ဟု ဆိုသည်။ ပအိုဝ်းသံဃာတော်များက RCSS၊ PNO ပြည်သူ့စစ်နှင့် PNLA တပ်များကို မေတ္တာရပ်ခံထားခြင်းဖြစ်သည်။

" ပအိုဝ်းရဟန်းသံဃာတော်တွေရဲ့ မေတ္တာရပ်ခံချက်ကို ပစ်ပယ်ထားပြီးတော့မှ စစ်ကောင်စီနဲ့ စစ်ကောင်စီ လက်အောက်ခံ ပြည်သူ့စစ်က ကျနော်တို့ စခန်းတွေရှိတဲ့ တောတွေထဲကို လက်နက်ကြီးတွေနဲ့ ပစ်တယ်။ ထိုးစစ်ဆင်လာတယ်ပေါ့။ ပြီးတော့ ကျေးရွာတွေကိုလည်း လက်နက်ကြီးတွေနဲ့ ပစ်ခတ်တိုက်ခိုက်နေတာရှိတယ်။ ပြည်သူလူထုတွေရဲ့ နေအိမ်တွေလည်း ထိခိုက်ပျက်စီးတာရှိတယ်။ ထိခိုက်ပျက်စီးမှုရဲ့ အသေးစိတ်တော့ မသိရသေးပါဘူး”ဟု ခွန်ရိန်းယံက ပြောသည်။

PNLAကလည်း တိုက်ပွဲသတင်းထုတ်ပြန်ထားရာ ပအိုဝ်းဒေသကို စစ်ကောင်စီနှင့် PNOက ကျူးကျော်စစ်ကြောင်းထိုး တိုက်ခိုက်သဖြင့် မောက်မယ်မြို့နယ် ဟိုနမ့်ဒေသတွင် တိုက်ပွဲပြင်းထန်နေကြောင်း အသိပေးသည်။

စစ်ကောင်စီနှင့် PNO ပြည်သူ့စစ်တို့သည် နိုဝင်ဘာ၂၀ ရက်ကစတင်ပြီး ပအိုဝ်းဒေသ မောက်မယ်မြို့နယ် ဟိုနမ့်ဒေသကို စစ်ကြောင်းများဖြင့် အင်အားအလုံးအရင်းဖြင့် ဝင်ရောက် ကာ PNLAကို တိုက်ခိုက်နေခြင်းဖြစ်ကြောင်း၊ နိုဝင်ဘာ ၂၆ ရက်တွင်လည်း မောက်မယ်မြို့နယ် ဟိုနမ့်ဒေသ တောင်ဘက်ရှိ ပအိုဝ်းအမျိုးသားလွတ်မြောက်ရေးတပ်မတော် (PNLA)၏ တပ် စခန်းကို စစ်ကောင်စီနှင့် PNOပြည်သူ့စစ်က ထိုးစစ်ဆင်တိုက်ခိုက်ခဲ့ကြောင်း ထုတ်ပြန်သည်။

ထိုသို့ တိုက်ခိုက်ရာတွင် ပအိုဝ်းဒေသအတွင်းရှိ ပအိုဝ်းကျေးရွာများကို စစ်ကောင်စီနှင့် PNO ပြည်သူ့စစ်က လက်နက်ကြီးများ၊ ဒရုန်းများဖြင့် ပစ်ခတ်ဖျက်ဆီးခဲ့သည်ဟု ဖော်ပြထားသည်။

(သရက်ခရိုင် တပ်ရင်း(၄)နှင့်ပူးပေါင်းတပ်ဖွဲ့မှ ရဲဘော်အချို့အား ရှေ့တန်းတစ်နေရာတွင် တွေ့ရစဥ်။ ဓာတ်ပုံ - MOD)

မင်းတုန်းမြို့နယ်တွင် စစ်ကောင်စီစစ်ကြောင်းတိုက်ခိုက်ခံရပြီး အထိနာ၍ထွက်ပြေး

အိမ်သွင်/People's Spring

မကွေးတိုင်း၊ မင်းတုန်းမြို့နယ်အတွင်း စစ်ကြောင်းထိုးလာသည့် စစ်‌ကောင်စီတပ်ကို ပိတ်ဆို့တိုက်ခိုက်ရာ ၃၀ ဦးထက်မနည်းသေဆုံးပြီး လက်နက်ခဲယမ်းအများအပြားနှင့် ရွှေထည်အချို့ သိမ်းဆည်းနိုင်ကြောင်း သရက်ခရိုင်အမှတ်(၄)တပ်ရင်းက သတင်းထုတ်ပြန်သည်။

ရခိုင်တောင်တန်းများနှင့်အနီးရှိသည့် မင်းတုန်းမြို့နယ်ရှိ မှန်ကျေးရွာကို နိုဝင်ဘာ ၁၉ရက်ကတည်းက ဝင်ရောက်လာသော အင်အား ၁၀၀ခန့်ရှိ စစ်ကောင်စီတပ်စစ်ကြောင်းအား နိုဝင်ဘာ ၂၆ရက်တွင်သရက်ခရိုင်အမှတ်(၄)တပ်ရင်း တပ်ခွဲ(၁) နှင့် တပ်ခွဲ(၃)က ပိတ်ဆို့တိုက်ခိုက်ခဲ့ခြင်းဟု ထုတ်ပြန်သည်။

နံနက် ၆နာရီမှစ၍တိုက်ပွဲဖြစ်ပွားခဲ့ပြီး မိနစ် ၄၀ခန့်ကြာတိုက်ပွဲပြင်းထန်ခဲ့ပြီး စစ်ကောင်စီတပ်သား ၃၀ခန့် သေဆုံးပြီး ကျန်စစ်ကောင်စီတပ်ဖွဲ့ဝင်များ ကစဥ်ကလျား ဆုတ်ခွာထွက်ပြေးသွားသည်ဟု သရက်ခရိုင် အမှတ်(၄)တပ်ရင်းက သတင်းထုတ်ပြန်ထားသည်။

တိုက်ပွဲအတွင်း MA-‌1 သေနတ်သုံးလက်၊ MA-3 လေးလက်၊ ၄၀မမ ဗုံးပစ်လောင်ချာတစ်လက်၊ MA15 ငါးကြင်းမြှီးစက်လက်တစ်လက်၊ ၆၀မမ စိန်ပြောင်းတစ်လက်၊ ကင်းထောက်ဒရုန်း(၁)စီး၊ တိုက်ခိုက်ရေးဒရုန်းတစ်စီး နှင့် ကျည်အများအပြားသိမ်းရခဲ့သည်ဟု ဆိုသည်။

ထို့အပြင် ဒေသခံများထံမှ ခိုးယူထားသော ရွှေလက်ကောက် သုံးကွင်း သိမ်းဆည်းနိုင်ခဲ့ကြောင်းလည်း သတင်းထုတ်ပြန်ထားသည်။

တိုက်ပွဲအတွင်း ကပစ-၁၈(တောင်တွင်းကြီး)မှ တပ်ကြပ်အဆင့် စစ်သုံးပန်းတစ်ဦးအား ဖမ်းမိခဲ့သည်ဟု ဆိုသည်။

" ကာကွယ်ရေးတပ်ဖွဲ့တွေနဲ့တိုက်ပွဲဖြစ်ပွားပြီးတဲ့နောက်ပိုင်း တစ်နာရီလောက်အကြာမှာ ရဟတ်ယာဉ်နဲ့လာပစ်တယ်။ မြို့ပေါ်ကနေ ဖြတ်ပျံပြီး ပစ်တာပါ"ဟု မင်းတုန်းမြို့ဒေသခံတစ်ဦးက ပြောသည်။

အဆိုပါတိုက်ပွဲမတိုင်မီ နိုဝင်ဘာ ၂၁ရက်နှင့်၂၂ရက်ကလည်း သရက်ခရိုင်အမှတ်-၄တပ်ရင်းနှင့် ကျောင်းသားလက်ရုံးတပ်တော်(SAF) ပူးပေါင်းစစ်ကြောင်းက တိုက်ခိုက်ရာ စစ်ကောင်စီတပ်သား တစ်ဦး သေဆုံးပြီး လေးဦးဒဏ်ရာရရှိခဲ့ကြောင်း သရက်ခရိုင် အမှတ်(၄)တပ်ရင်းက သတင်းနှင့်ပြန်ကြားရေးတာဝန်ခံကိုမြတ်က အသိပေးထားသည်။

ထို့အပြင် တိုက်ပွဲများအတွင်း ပြည်သူ့ကာကွယ်ရေးတပ်ဖွဲ့ဘက်မှ တပ်ခွဲမှူးတစ်ဦးနှင့် ရဲဘော်တစ်ဦးဒဏ်ရာ(မစိုးရိမ်ရ)ရရှိခဲ့ကြောင်း သရက်ခရိုင် အမှတ်(၄)တပ်ရင်းက သတင်းထုတ်ပြန်သည်။

မင်းတုန်းမြို့တွင် အောက်တိုဘာ၂၁ရက်ကလည်း သန်းခေါင်းစာရင်းကောက်ရန် နယ်မြေရှင်းလင်းသည့် စစ်ကောင်စီစစ်ကြောင်းကို ပြည်သူ့ကာကွေးတပ်ဖွဲ့များကတိုက်ခိုက်ခဲ့သည်။ ထိုတိုက်ပွဲ၌ စစ်ကောင်စီတပ်ဖွဲ့ဝင်တဲ့ရှစ်ဦးသေဆုံးပြီး ဒဏ်ရာရသူများလည်းရှိကြောင်း သရက်ခရိုင်အမှတ်(၄) တပ်ရင်းက အောက်တိုဘာ ၂၂ရက် တွင် သတင်းထုတ်ပြန်ထားသည်။

(ကျောက်ကြီးမြို့နယ်တွင် စစ်ကောင်စီတပ်ပစ်ခတ်မှုကြောင့် ပျက်စီးမှုများအား တွေ့ရစဉ်။ ဓာတ်ပုံ - KNU)

ကျောက်ကြီးတွင် စစ်ကောင်စီတပ်ပစ်ခတ်မှုကြောင့် သက်ကြီးရွယ်အိုများအပါအဝင် ပြည်သူ ၆ဦးဒဏ်ရာရ

ဟန်နွေ/People’s Spring

ကရင်အမျိုးသားအစည်းအရုံး(KNU) ညောင်လေးပင်ခရိုင်၊ ကျောက်ကြီး(လယ်ဒိုမြို့နယ်တွင် စစ်ကောင်စီတပ်က ဒရုန်း ၊ လက်နက်ကြီးများဖြင့် ပစ်ခတ်တိုက်ခိုက်ခဲ့၍ ပြည်သူများ ထိခိုက်မှုထပ်မံဖြစ်ပေါ်ခဲ့ဟု KNU ဗဟိုက သတင်းထုတ်ပြန်သည်။

ကျောက်ကြီးမြို့နယ်တွင် နိုဝင်ဘာ ၂၀ရက်မှစ၍ ၂၆ရက်အထိ စစ်ကောင်စီတပ်မှ ကျေးရွာတွင်းသို့ လက်နက်ကြီး(၁၈)လုံး၊ ဒရုန်းဖြင့် အကြိမ် ၂၀ပစ်ခတ်ခဲ့၍ ပြည်သူများထိခိုက်မှု အခြေအနေကို အသိပေးခြင်းဖြစ်သည်။

စစ်ကောင်စီ၏ တိုက်ခိုက်မှုကြောင့် သက်ကြီးအဘိုးအို သုံးဦး၊ အဘွားအိုတစ်ဦးနှင့် အသက် ၅၅နှစ်နှင့် အသက် ၃၈နှစ်အရွယ် အမျိုးသမီး ၂ဦးတို့ ဒဏ်ရာရခဲ့သည်။

နိုဝင်ဘာ ၂၀တွင် စစ်ကောင်စီတပ်၏ ပိန်းဇလုပ် အခြေစိုက်တပ် ခလရ(၂၆၄)မှ ရေတွင်းကုန်းရွာ၊ အလယ်ကျွန်းရွာတို့ကို လက်နက်ကြီးဖြင့် ပစ်ခတ်ခဲ့ပြီး ကညင်ကြိုး၊ ကျောင်းကုန်းကျေးရွာနှင့် နံဇရွာများသို့ ဒရုန်းဖြင့် ပစ်ခတ်ခဲ့သည်ဟုဆိုသည်။

ပစ်ခတ်မှုကြောင့် ကညှင်ကြိုးကျေးရွာမှ (၅၅)နှစ် အရွယ် ဒေါ်ခင်စန်းဝင်း လက်နက်ကြီးစထိမှန် ဒဏ်ရာရရှိ ခဲ့ကြောင်း ဖော်ပြသည်။

ထို့ပြင် သူဌေးကုန်းကျေးရွာတွင် နေရာယူထားသော စစ်ကောင်စီတပ်မှ ဂရုပ်ကုန်းတွင် လက်နက်ကြီး ၈၁မမ လေးလုံးပစ်ခတ်ခဲ့သောကြောင့် ဂရုပ်ကုန်းကျေးရွာမှ အသက် ၆၆နှစ်အရွယ် အမျိုးသားတစ်ဦး ဒဏ်ရာရရှိခဲ့သည်ဟု ဆိုသည်။

နိုဝင်ဘာ ၂၁ရက်တွင် ခလရ(၂၆၄)မှ ဒရုန်း၊ လက်နက်ကြီးဖြင့်ပစ်ခတ်၍ ကညင်ကြိုးကျေးရွာမှ အသက် ၇၅နှစ်အရွယ် အဘိုးအိုတစ်ဦး၊ အသက် ၇၃နှစ်အရွယ် အဖွားအိုတစ်ဦး၊ အသက် ၇၀အရွယ် အဘိုးအိုတစ်ဦး၊ (၃၈)နှစ်အရွယ် အမျိုးသမီး တစ်ဦး ဒဏ်ရာရရှိခဲ့ကြောင်း KNUက အသိပေးသည်။

ကုန်းချောင်းဝမှ နေရာယူထားသော စစ်ကောင်စီ တပ်များလည်း တလှိုင်းခင်ကျေးရွာသို့လည်းကောင်း၊ နိုဝင်ဘာ ၂၂ရက်တွင် ခလရ(၂၆၄)မှ လိန်ပင်ကျေးရွာသို့လည်းကောင်း၊ နိုဝင်ဘာ ၂၃ရက်တွင် နတ်သံကွင်းရှိ စစ်ကောင်စီတပ်များမှ နိုဖိုးကျေးရွာသို့ လည်းကောင်း၊နိုဝင်ဘာ ၂၄ရက်တွင် ကျောက်တံခါးရှိ စစ်ကောင်စီတပ်များက ဖျံတလင်းကျေးရွာနှင့် ခိုလိုကျေးရွာအတွင်းသို့လည်းကောင်း လက်နက်ကြီးများ ပစ်ခတ်ခဲ့ကြောင်း ထုတ်ပြန်သည်။

နိုဝင်ဘာ ၂၆ရက်တွင် နတ်သံကွင်းရှိ စစ်ကောင်စီတပ်က ကျွဲတလင်းရွာ ဆေးပေးခန်းသို့ ဒရုန်း၊လက်နက်ကြီးဖြင့် တိုက်ခိုက်ခဲ့၍ ကျေးရွာဆေးပေးခန်း ပျက်စီးမှုရှိခဲ့သည်ဟု ဆိုသည်။

စစ်ကောင်စီ၏ ဒရုန်း၊လက်နက်ကြီး တိုက်ခိုက်မှုများကြောင့် တစ်ပတ်အတွင်း နေအိမ်သုံးလုံး၊ ဆန်စက်တစ်လုံး၊ ဆေးခန်းနှစ်ခန်းနှင့် ပြည်သူပိုင် အဆောက်အဦး နှစ်လုံး ပျက်စီးခဲ့ရသည့် အပြင်အပြစ်မဲ့ပြည်သူတစ်ဦးကိုလည်း စစ်ကောင်စီတပ်က အကြောင်းမဲ့ဖမ်းဆီးခဲ့ကြောင်း KNUက အသိပေးသည်။

ကျောက်ကြီးမြို့နယ်အပါအဝင် ညောင်လေးပင် ခရိုင်အတွင်းရှိ ကျေးရွာများကို စစ်ကောင်စီက ဒရုန်း၊ လက်နက်ကြီး၊လေကြောင်းတိုက်ခိုက်မှုများ ပြုလုပ်ခဲ့၍ အရပ်သားပြည်သူများစွာ ထိခိုက် သေဆုံးခဲ့ရပြီး ဒေသခံပြည်သူများစွာ စစ်ဘေးဒုက္ခကြုံနေကြရသည်။

ICC မှ တရားလိုရှေ့နေ ကာရင်မ်အေအေခန်း နှင့်
အာဏာသိမ်း​ခေါင်း​ဆောင် မင်း​အောင်လှိုင်။
ဓါတ်ပုံ- ICC

▪︎Breaking News

မင်းအောင်လှိုင်ကို ICC က ဖမ်းဝရမ်းထုတ်ရန် တရားလိုရှေ့နေရုံး လျှောက်ထား

■ICC က ဖမ်းဝရမ်းထုတ်ပေးခဲ့ပါက စစ်ခေါင်းဆောင်မင်းအောင်လှိုင်အား ဖမ်းဆီးရန် ကြိုးပမ်းမှု မှန်သမျှတွင် အနီးကပ်ညှိနှိုင်းဆောင်ရွက်မည်ဟု ရှေ့နေရုံးပြော

အီယိုရီ/People’s Spring

နိုင်ငံတကာရာဇဝတ်ခုံရုံး(ICC)မှ တရားလိုရှေ့နေတစ်ဦးက မြန်မာစစ်ခေါင်းဆောင်မင်းအောင်လှိုင်ကို ရိုဟင်ဂျာအရေးနှင့်ပတ်သက်၍ ဖမ်းဝရမ်းထုတ်ပြန်ရန် ယနေ့(နိုဝင်ဘာ ၂၇ရက်)လျှောက်ထားကြောင်း ICC က ထုတ်ပြန်သည်။

လွပ်လပ်ကျယ်ပြန့်ပြီး သမာသမတ်ကျသော စုံစမ်းစစ်ဆေးမှုများ ပြုလုပ်ပြီးသည့်နောက် စစ်ခေါင်းဆောင်၊​ စစ်ကောင်စီ၏ ယာယီသမ္မတ ဗိုလ်ချုပ်မှူးကြီးမင်းအောင်လှိုင်သည် မြန်မာနိုင်ငံနှင့် ဘင်္ဂလားဒေ့ရှ်နိုင်ငံတွင် တစိတ်တပိုင်းအားဖြင့် ကျူးလွန်ခဲ့သော လူသားမျိုးနွယ်အပေါ် ကျူးလွန်သည့် ရာဇဝတ်မှုများဖြစ်သည့် ရိုဟင်ဂျာများအား အဓမ္မမောင်းထုတ်ခြင်းနှင့် ခွဲခြားဖိနှိပ်ခြင်းတို့ ရာဇဝတ်မှုများအတွက် တာဝန်ရှိကြောင်း ယူဆရန် ခိုင်လုံသော အကြောင်းအရင်းများရှိသည်ဟု ICC တရားလိုရှေ့နေရုံးက ကောက်ချက်ချသည်။

အဆိုပါ ရာဇဝတ်မှုများကို ၂၀၁၇ ခုနှစ် ဩဂုတ် ၂၅ ရက်နှင့် ၂၀၁၇ ခုနှစ် ဒီဇင်ဘာ ၃၁ ရက်အကြား၌ မြန်မာစစ်တပ်က မြန်မာနိုင်ငံရဲတပ်ဖွဲ့၊ နယ်ခြားစောင့်ရဲတပ်ဖွဲ့နှင့် ရိုဟင်ဂျာမဟုတ်သော သာမန် အရပ်သူ အရပ်သားများ၏ အကူအညီတို့ဖြင့် ကျူးလွန်ခဲ့သည်ဟု ICC တရားလိုရှေ့နေရုံးက စွပ်စွဲသည်။

“ယခု လျှောက်ထားခြင်းသည် မြန်မာအစိုးရ ထိပ်တန်းအရာရှိတစ်ဦးအတွက် ဖမ်းဝရမ်းကို ကျွန်ုပ်၏ရုံးမှ ပထမအကြိမ် လျှောက်ထားခြင်း ဖြစ်သည်။ ထပ်မံ လျှောက်ထားမှုများ လာဦးမည် ဖြစ်သည်” ဟု ICC တရားလိုရှေ့နေ ကာရင်မ်အေအေခန်း(ကေစီ)က ဆိုသည်။

၂၀၁၆ ခုနှစ်နှင့် ၂၀၁၇ ခုနှစ်များအတွင်း မြန်မာနိုင်ငံ ရခိုင်ပြည်နယ်၌ ရုတ်တရက် ပေါ်ပေါက်ခဲ့သော အကြမ်းဖက်မှုများတွင် ကျူးလွန်ခဲ့သည်ဟု စွပ်စွဲခြင်းခံရသည့် ရာဇဝတ်မှုများနှင့် မြန်မာနိုင်ငံမှ ဘင်္ဂလားဒေ့ရှ်နိုင်ငံသို့ ရိုဟင်ဂျာများ အစုလိုက်အပြုံလိုက် နောက်ဆက်တွဲ စွန့်ခွာပြေးမှုများအတွက် ၂၀၁၉ နိုဝင်ဘာ ၁၄ ရက်မှစ၍ အထက်ပါ ICC တရားလိုရှေ့နေရုံးက စုံစမ်းစစ်ဆေးမှုများပြုလုပ်ခဲ့သည်။

ICC တရားလိုရှေ့နေရုံး၏ ယနေ့ လျှောက်ထားချက်သည် အတွင်းလူ သက်သေများစွာ၏ ထွက်ဆိုချက်များ ပါဝင်သော သက်သေထွက်ဆို ချက်များ၊ သတင်းမှတ်တမ်းဆိုင်ရာ သက်သေ အထောက်အထားများနှင့် စစ်မှန်ကြောင်း အတည်ပြုပြီးသော သိပ္ပံနည်းကျ အချက်အလက်များ၊ ဓာတ်ပုံနှင့် ဗီဒီယို အချက်အလက်များ ကဲ့သို့သော မြောက်မြားလှသည့် အရင်းအမြစ်များထဲမှ ကျယ်ပြန့်စုံလင်သော သက်သေ အထောက်အထားများကို အခြေခံထားခြင်းဖြစ်ကြောင်း အသိပေးသည်။

မြန်မာစစ်ခေါင်းဆောင် မင်းအေင်လှိုင်အား ဖမ်းဝရမ်းထုတ်ရန် လိုအပ်သောစံနှုန်းများနှင့် ကိုက်ညီမှုရှိမရှိကို နိုင်ငံတကာရာဇဝတ်တရားရုံးတော်(ICC)၏ တရားသူကြီးများက ဆုံးဖြတ်မည်ဖြစ်သည်။

ICCမှ တရားလိုရှေ့နေရုံးက တောင်းခံသောဝရမ်းကို တရားရုံး၏ အမှီအခိုကင်းသော တရားသူကြီးများက ထုတ်ပေးခဲ့ပါက စစ်ခေါင်းဆောင်မင်းအောင်လှိုင်အား ဖမ်းဆီးရန် ကြိုးပမ်းမှု မှန်သမျှတွင် တရားရုံး၏ မှတ်ပုံတင်အရာရှိနှင့် အထက်ပါရှေ့နေရုံးက အနီးကပ် ညှိနှိုင်းဆောင်ရွက်သွားမည်ဟု အသိပေးသည်။

(ကော့ကရိတ် - မြဝတီလမ်းပိုင်း အာရှလမ်းမပေါ်တွင် အောင်ဇေယျစစ်ကြောင်း၏ ယာဉ်တန်းအား တိုက်ခိုက်အပြီး ကော်ဘရာစစ်ကြောင်းမှ ရဲဘော်များအား ပြီးခဲ့သည့် ဧပြီကတွေ့ရစဉ်။ ဓာတ်ပုံ - ကော်ဘရာစစ်ကြောင်း)

အာရှလမ်းပိုင်း၌ ခံစစ်အနေအထားဖြင့်တိုက်ခိုက်ခံနေရသည့် အောင်ဇေယျစစ်ကြောင်းမှူး တိုက်ပွဲအတွင်း သေဆုံး

▪️စစ်ကောင်စီက အောင်ဇေယျစစ်ကြောင်း​အား စစ်မှုထမ်းဥပဒေမှ တပ်သားသစ်များဖြင့် အင်အားဖြည့်နေဟု ကရင်စစ်ရေးသတင်းရင်းမြစ်ပြော

ဒီးဒီ/People's Spring

ကရင်ပြည်နယ်၊ ကော့ကရိတ် - မြဝတီလမ်းပိုင်းကြား အာရှလမ်းမကြီးတွင် တိုက်ပွဲများဆက်လက်ဖြစ်နေရာ နိုဝင်ဘာ ၂၃ရက်ကတိုက်ပွဲအတွင်း စစ်ကောင်စီ၏ အောင်ဇေယျစစ်ကြောင်းမှ စစ်ကြောင်းမှူး၊ ဗိုလ်မှူးတစ်ဦးသေဆုံးကြောင်း ကော်ဘရာစစ်ကြောင်းနှင့် နီးစပ်သည့် ကရင်စစ်ရေးသတင်းရင်းမြစ်က ပြောသည်။

ပြီးခဲ့သည့် နိုဝင်ဘာ ၂၃ရက်ကတိုက်ပွဲအတွင်း သေဆုံးသူမှာ စစ်ကောင်စီ၏ ခြေလျင်တပ်ရင်း(၉၄)မှ ဒုတပ်ရင်းမှူး၊ အောင်ဇေယျစစ်ကြောင်း(၂)မှ စစ်ကြောင်းမှူးဟု ကော်ဘရာစစ်ကြောင်းမှ တာဝန်ရှိသူကလည်း အတည်ပြုသည်။

" တိုက်ပွဲက နေ့တိုင်းဖြစ်နေတယ်။ နေ့တိုင်းတော့ ပစ်နေကြတာပဲ။ ပြီးခဲ့တဲ့ သုံးရက်လောက်က တိုက်ပွဲမှာ ဗိုလ်မှူးတစ်ယောက်ကျတယ်။ စစ်ကြောင်းမှူးအဆင့်၊ ခေါင်းထိသွားတယ်။ သူ့ဦးထုပ်ကျန်ခဲ့တယ်။ အလောင်းတော့ သူတို့လာကောက်သွားတယ်"ဟု ကရင်စစ်ရေးသတင်းရင်းမြစ်က ပြောသည်။

လက်တလောတွင် အောင်ဇေယျစစ်ကြောင်းမှ ထွက်ပြေးလာသူများနှင့် ဖမ်းမိသည့် စစ်သားများလည်းရှိနေသည်ဟု ကရင်စစ်ရေးသတင်းရင်းမြစ်က ပြောသည်။ ထွက်ပြေးလာသူများနှင့် ဖမ်းမိသူအများစုမှာ စစ်ကောင်စီ၏ စစ်မှုထမ်းဥပဒေမှ အဓမ္မဆင့်ခေါ်ထားသော စစ်သားသစ်များဖြစ်သည်ဟု ၎င်းက ပြောသည်။

" အပေါ်ကလည်း စွတ်တိုးခိုင်း၊ ဖမ်းမိတဲ့သူတွေကြည့်လိုက်ရင်တော့ စစ်မှုထမ်းအပတ်စဉ်(၅)တို့ (၆)တို့ ကလေးတွေဗျာ သနားဖို့ကောင်းတယ်။ ထွက်ပြေးလာတာတွေလည်း ရှိတယ်။ တိုက်ပွဲမှာကွဲထွက်ပြီးတော့ ဖမ်းမိတာလည်း ရှိတယ်။ သေနတ်နဲ့ ထွက်ပြေးလာတဲ့သူလည်း ရှိတယ်။ သူတို့က ပြေးချင်နေကြတာ။ နယ်မြေမကျွမ်းတော့ မပြေးတက်တက်တာပေါ့"ဟု ကရင်စစ်ရေးသတင်းရင်းမြစ်က ပြောသည်။

လက်ရှိတွင် စစ်ကောင်စီက အောင်ဇေယျစစ်ကြောင်းထံ အင်အားဖြည့်တင်းမှုပြုလုပ်ပါက စစ်မှုထမ်းမှ တပ်သားသစ်များကိုသာ စေလွှတ်နေသည်ကို တွေ့ရကြောင်း ၎င်းက ပြောသည်။

" အနန်းကွင်းဗျူဟာမှာ ဖမ်းမိတဲ့သူတွေကိုကြည့်ပါလား ပြည်သူ့စစ်တွေ၊ ပြည်သူ့စစ်ဆိုတာ စစ်တိုက်ရမယ့်သူတွေ မဟုတ်ဘူးလေ"ဟု ကရင်စစ်ရေးသတင်းရင်းမြစ်က ပြောသည်။

ပြီးခဲ့သည့် အောက်တိုဘာလပိုင်းကစပြီး ဒေါနတောင်ပေါ်ရှိ စစ်ကောင်စီ​၏ အောင်ဇေယျစစ်ကြောင်း​ ရှေ့တန်းစခန်းတစ်ခုကို ကရင်အမျိုးသားလွတ်မြောက်ရေး တပ်မတော်(KNLA)ဦးဆောင်သော တော်လှန်ရေးတပ်များက သိမ်းပိုက်ပြီးနောက် ခံစစ်အနေအထားမှ တိုက်စစ်ပုံစံပြောင်းလဲတိုက်ခိုက် နေကြောင်း ကရင်စစ်ရေးသတင်းရင်းမြစ်က လူထုနွေဦးသို့ ပြောထားသည်။

အောက်တိုဘာ ၂၈ရက်တွင် ဒေါနတောင်ပေါ်ရှိ အောင်ဇေယျစစ်ကြောင်း​၏ ရှေ့တန်းစခန်းကို KNLAနှင့် ကော်ဘရာစစ်ကြောင်း ပူးပေါင်းတပ်များက တိုက်ခိုက်သိမ်းပိုက်ရာ လက်နက်ခဲယမ်းအများအပြားရရှိခဲ့ကြောင်း ကရင်စစ်ရေးသတင်းရင်းမြစ်က ပြောသည်။

အောက်တိုဘာ ၂၀ရက်ကလည်း အောင်ဇေယျစစ်ကြောင်းသည် လေကြောင်းပစ်ကူ အကူအညီသုံးပြီး အင်အားအများအပြားဖြင့် ရှေ့တိုးလာ၍ KNLA ပူးပေါင်းတပ်က တားဆီးတိုက်ခိုက်ရာ ပြန်လန်ကျသွားသည်ခဲ့သည်။

လက်ရှိတွင် တော်လှန်ရေးတပ်များက အပိုင်းပိုင်းဖြတ်တောက်ပိတ်ဆို့ထား၍ အောင်ဇေယျစစ်ကြောင်းမှာ နောက်ပြန်ဆုတ်၍ မရတော့သည့် အခြေအနေမျိုးရောက်နေသည်ဟုလည်း ကရင်စစ်ရေးသတင်းရင်းမြစ်က သုံးသပ်သည်။

ယခုနှစ် ၂၀၂၄ ဧပြီက ကရင်အမျိုးသားလွတ်မြောက်ရေးတပ်မတော်(KNLA)နှင့် PDF ပူးပေါင်းတပ်များက မြဝတီမြို့ရှိ သင်္ဃန်းညီနောင်ဗျူဟာ၊ လေးကေ့ကော်နှင့် မြဝတီမြို့စောင့်တပ် ခမရ(၂၇၅)တပ်ရင်းအား တိုက်ခိုက်သိမ်းပိုက်ခဲ့သည်။ အဆိုပါနေရာများကို ပြန်လည်ထိန်းချုပ်မည်ဟုဆိုကာ အာဏာသိမ်းစစ်ကောင်စီ၏ ဒုခေါင်းဆောင်ဒုဗိုလ်ချုပ်မှူးကြီးစိုးဝင်း ကိုယ်တိုင်ကွပ်ကဲသည့် နိုင်ငံ​တော်အဆင့် "​အောင်​​ဇေယျစစ်ဆင်​​ရေး" ဟုအမည်​ပေး၍ တပ်မ(၅၅)ဦးဆောင်သော အင်အား ၁၂၀၀ခန့်ပါ အောင်ဇေယျစစ်ကြောင်းသည် ဧပြီ ၉ရက်မှစ၍ ဖားအံနှင့် ​မော်လမြိုင်ဘက်မှ ချီတက်လာခဲ့သည်။

လေးရက်ဖြင့် မြဝတီမြို့အ​ရောက်ချီတက်မည်ဟု ​ကြွေး​ကြော်ခဲ့​သော်လည်း ခုနစ်လကြာသည်အထိ ဒေါနတောင်ပေါ်၊ တောနောရေတံခွန်တွင် ရှေ့ဆက်မတိုးနိုင်တော့ဘဲ ပိတ်မိနေခြင်းဖြစ်သည်။
အောင်ဇေယျစစ်ကြောင်းအား လက်နက်ကြီးပစ်ကူပေးနေသော မြဝတီမြို့အနီးရှိ စွယ်တော်ကုန်းဗျူဟာအမြှောက်တပ်စခန်းကိုလည်း ကော်ဘရာပူးပေါင်းတပ်က အောက်တိုဘာ ၁၇ရက်တွင် သိမ်းပိုက်ခဲ့သည်။

ထို့အပြင် မြဝတီ - ဝေါ်လေလမ်းပိုင်း ဘလယ်ဒိုကျေးရွာရှိ စစ်ကောင်စီတပ်​၏ ကာကင်းစခန်းသုံးခုအား ပူးပေါင်းတပ်များ သိမ်းပိုက်ထားသည်။

အဆိုပါလမ်းပိုင်းရှိ စစ်ကောင်စီ​၏ ကာကင်းစခန်းသုံးခုမှ စစ်ကောင်စီတပ်သားများမှာ စခန်းစွန့်ထွက်ပြေးသွား၍ ရှင်းလင်းသိမ်းပိုက်ခဲ့ကြောင်း VENOMစစ်ကြောင်းက အသိပေးထားသည်။

၂၀၂၃ နှစ်ကုန်ပိုင်းက ၁၁၁၁ စစ်​ဆင်​ရေးအတွင်း လွိုင်​ကော်တက္ကသိုလ်တွင် တပ်စွဲထား​သော တပ်မ ၆၆ လက်အောက်ခံတပ်ရင်းမှ စစ်သားများကို ကရင်နီပူး​ပေါင်းတပ်က ထိုးစစ်ဆင်ပြီး သိမ်းဆည်းရရှိ​သောလက်နက်ခဲယမ်းများ ။ဓါတ်ပုံ- KNDF

လွိုင်​ကော်မြို့နယ်တိုက်ပွဲတစ်ခုတွင် ခလရ (၈၀) တပ်ရင်းတစ်ခုလုံးပြုတ်

▪︎"တပ်မ(၆၆)က ရင်းတစ်ခုလုံး ရှစ်ယောက်ပဲ ထွက် ပြေးနိုင်တယ်။ ၁၉ ယောက်အရှင်ဖမ်းမိတယ်။ကျန်တဲ့သူက အကုန်သေတယ်"
-ကရင်နီစစ်​ရေးသတင်းရင်းမြစ်

ရဲခေါင်/People's Spring

လွိုင်ကော်မြို့နယ် ၊ ​လင်းဖုံ​လေရွာအနီးတိုက်ပွဲတွင် စစ်ကောင် စီ၏ တပ်မ (၆၆ )လက်အောက်ခံ အမှတ် (၈၀ )ခြေလျင်တပ်ရင်းတစ်ရင်း (ခလရ ၈၀) ခုလုံးနီးပါး သေဆုံးကြောင်း ကရင်နီစစ်ရေးသတင်းရင်းမြစ်အချို့က လူထုနွေဦးသို့ပြောသည်။

ယမန်နေ့(နိုဝင်ဘာ ၂၆ ရက်) နံနက် ၆ နာရီခန့်ကစတင်ဖြစ်ပွားသော တိုက်ပွဲတွင် မိုးဗြဲမြို့ကုန်းသာ ဘက်မှ လင်ဖုံလေးရွာသို့ စစ်ကြောင်း ထိုးဝင်လာသော ခလရ ၈၀ တပ်ရင်း ကို ကရင်နီတပ်ပေါင်းစုက ပိတ်ဆို့ တိုက်ခိုက်ခဲ့ခြင်းဟု သိရသည်။

"တပ်မ(၆၆)က ရင်းတစ်ခုလုံး ရှစ်ယောက်ပဲ ထွက် ပြေးနိုင်တယ်။ ၁၉ ယောက်အရှင်ဖမ်းမိတယ်။ကျန်တဲ့သူက အကုန်သေတယ်"ဟု အထက်ပါသတင်းရင်းမြစ်က ပြောသည်။

ကရင်နီအမျိုးသားများကာကွယ်ရေးတပ် KNDF ၏ ဒု စစ်ဦးစီးချုပ်မာဝီကလည်း ၎င်း၏ လူမှုကွန်ယက်တွင် "တပ်မ ၆၆ လက် အောက်ခံ ခ လ ရ ၈၀ မှ ဗိုလ်ကြီး Lလင်း Zဇော် မိ သားစု Mမုန့် Hဟင်း Kခါး ချက် လို့ ရ ပါပြီ။အမှန် တော့ ၈၀ တစ်တပ်လုံး နီး ပါးချက်ရမှာ ပါ ။စု ပေါင်း ချက် ကြ ပေါ့ ဗျာ"ဟု အသိပေးထားသည်။

တပ်မ(၆၆)လက်အောက်ခံ ခလရ(၈၀) သည် ပဲခူး တိုင်း၊ ပြည်ခရိုင်အင်းမမြို့နယ်အခြေစိုက် တပ်
ရင်းဖြစ်သည်။

တပ်မ ၆၆ ၏ လက်အောက်ခံတပ်ရင်းများသည် ယခင် ကတည်းက ကရင်နီပြည်နယ်၌ တပ်ရင်းလိုက် သေဆုံးမှုများရှိထားဖူးပြီး စစ်ကောင်စီသည် တပ်မ ၆၆ တပ်မမှူးနေရာများကို မကြာခဏ ဖြုတ်ထုတ်ခန့်အပ်ခဲ့ရသည်။

ကရင်နီပြည်နယ်၌ ၎င်းတို့ဆုံးရှုံးသွားသည့် နယ်
မြေများကို ပြန်ရရန်စစ်ကောင်စီက ယခုနှစ် နှစ်ဝက်ကစ၍ PNO/PNA ပအိုဝ်းပြည်သူ့စစ် နှင့်အတူဆီဆိုင်နှင့်ပင်လောင်းမြို့ဘက်မှ စစ်ကြောင်း
ထိုးလာခြင်းဖြစ်သည်။

လက်ရှိတွင်လည်း ရှမ်းတောင်နှင့် ကရင်နီပြည်နယ် အစပ်ဖြစ်သော မိုးဗြဲ နှသ့် ဖယ်ခုံမြို့နယ်တို့တွင် နေ့စဥ်နီးပါးတိုက်ပွဲ များပြင်ထန်စွာဖြစ်ပွားနေ
သည်။

ချင်းညီနောင်အဖွဲ့မှ ရဲဘော်များနှင့် ဖလမ်းမြို့မှ စစ်ကောင်စီတပ်စွဲရာနေရာများ။ ဓာတ်ပုံ - The Chin Journal

ချင်းညီနောင်၏ ဖလမ်းမြို့သိမ်းတိုက်ပွဲ ဆက်လက်ပြင်းထန်

ဟန်နွေ/People’s Spring

ချင်းပြည်နယ် ဖလမ်းမြို့ရှိ စစ်ကောင်စီတပ်စခန်းကို ချင်းညီနောင်နှင့် မဟာမိတ်တပ်များက ထိုးစစ်ဆင်တိုက်ခိုက်လျက်ရှိရာ ယနေ့(နိုဝင်ဘာ ၂၁ရက်)တွင် တိုက်ပွဲပြင်းထန်နေသည်ဟု ချင်းသတင်းရင်းမြစ်က ပြောသည်။

ဖလမ်းနှင့် မင်းတပ်မြို့သိမ်းတိုက်ပွဲကို နိုဝင်ဘာ ၉ရက်ကစတင်၍ ချင်းညီနောင်နှင့် မဟာမိတ်များက ဆင်နွှဲနေခြင်းဖြစ်သည်။

" အခုဒီနေ့ကတော့ ဖလမ်းမြို့နယ်မှာတိုက်ပွဲ အပြင်းအထန်ရှိပါတယ်။ စကစ လေယာဉ်သုံးပြီးမှ ဗုံးအလုံး ၅၀ကျော်လောက် ဗုံးကြဲတိုက်ခိုက်နေတယ်။ အဲဒီ ချင်းညီနောင်မဟာမိတ်တွေကနေအခု ဖလမ်း စကစတပ်ကုန်းကို တိုက်ခိုက်ပြီးမှ ကာကင်းအထိ သိမ်းပိုက်နိုင်တယ်။ တပ်ကုန်းအထဲကတော့ အခုတိုက်ခိုက်နေဆဲဖြစ်ပါတယ်။အဲဒါကြောင့် စကစတွေက လေယာဉ်နဲ့ Y12နဲ့လည်းပစ်ခတ်တိုက်ခိုက်ပါတယ်"ဟု ချင်းသတင်းရင်းမြစ်က ပြောသည်။

ချင်းညီနောင်အနေဖြင့် ဖလမ်းနှင့် မင်းတပ်မြို့အခြေပြု စစ်ကောင်စီတပ်စခန်းများအား တပြိုင်တည်း ထိုးစစ်ဆင်တိုက်ခိုက်နေကြောင်းသာ အသိပေးထားပြီး တိုက်ပွဲသတင်းများ ထပ်မံ ထုတ်ပြန်အသိပေးခြင်းမရှိပေ။

" ဖလမ်းမြို့ထဲပဲ အတိအကျ ရပ်ကွက်တော့ မသိနိုင်ဘူး။ အဝေးကနေ ကြည့်မယ်ဆိုရင် ၂နေရာလောက် မီးလောင်နေဆဲဖြစ်ပါတယ်"ဟု ချင်းသတင်းရင်းမြစ်က ဖလမ်းမြို့တိုက်ပွဲ အခြေအနေနှင့်ပတ်သက်ပြီး ပြောသည်။

ထို့အပြင် ချင်းပြည်နယ် မင်းတပ်မြို့သိမ်းတိုက်ပွဲသည်လည်း တိုက်ပွဲစတင်ချိန်မှ ပြီးခဲ့သည့် ရက်ပိုင်းအထိ တိုက်ပွဲပြင်းထန်ကာ စစ်ကောင်စီက လေကြောင်းမှ အပြင်းအထန်ခုခံတိုက်ခိုက် လျက်ရှိသည်။

မင်းတပ် ချင်းဒေသကာကွယ်ရေးတပ်(CDF) ပြောရေးဆိုခွင့်ရှိသူ ဆလိုင်းဟာအွမ်က မြို့ပေါ် တိုက်ပွဲ ဆက်ဖြစ်နေကြောင်းကို ပြီးခဲ့သည့် ရက်အနည်းငယ်က အတည်ပြုထားသော်လည်း စစ်ရေးအခြေအနေများ လိုအပ်မှသာ ထုတ်ပြန် အသိပေးမည်ဟု ပြောထားသည်။

မင်းတပ်ဒေသခံကလည်း ယမန်နေ့(နိုဝင်ဘာ ၂၀ရက်)တွင် မြို့ပေါ် အခြေအနေကို လူမှုကွန်ရက်တွင် ရေးသားဖော်ပြခဲ့ရာ စစ်ကောင်စီက လေကြောင်း ဗုံးကြဲတိုက်ခိုက်မှုဆက်လုပ်နေသလို ပြည်သူလူထု နေအိမ်များမီးရှို့ဖျက်ဆီးမှုများ ဆက်လုပ်ဆောင်နေသည်ဟု ဆိုသည်။

ချင်းဒေသကာကွယ်ရေးတပ်ဖွဲ့(CDF)များဖြင့် စုဖွဲ့ထားသည့် ချင်းညီနောင်သည် မဟာမိတ်အာရက္ခတပ်တော်(AA)နှင့် ပူးပေါင်းပြီး မတူပီမြို့သိမ်းတိုက်ပွဲ၊ ကန်ပက်လက်မြို့နယ် ကျင်ဒွေးမြို့သိမ်းတိုက်ပွဲများ အောင်မြင်မှုရရှိထားသည်။

ယခု မင်းတပ်နှင့် ဖလမ်းမြို့စစ်ဆင်ရေးတွင် AA ပါဝင်ခြင်းရှိ၊မရှိ တရားဝင်ထုတ်ပြန် ထားခြင်းမရှိသေးပေ။ သို့သော် ချင်းညီနောင်၏ အကူအညီတောင်းခံမှုကြောင့် မဟာမိတ်အဖွဲ့အစည်းအချို့သည် မိတ်ဖက်အဖွဲ့အစည်း အိမ်နီးချင်းကောင်း ပီသစွာဖြင့် စစ်ဆင်ရေးတွင် ပူးပေါင်းပါဝင်လျက်ရှိသည်ဟု အသိပေးထားသည်။

(သေဆုံးနေသော စစ်ကောင်စီတပ်ဖွဲ့အချို့နှင့် သိမ်းဆည်းရရှိသော လက်နက်ခဲယမ်းများအား တွေ့ရစဉ်။ ဓာတ်ပုံ - NUG အမှတ်(၁)စစ်ဒေသ)

မတ္တရာတိုက်ပွဲ စစ်ကောင်စီဘက်မှ ၁၂ဦးသေဆုံး၊ သေနတ် ၉လက်ရဟု NUG အမှတ်(၁)စစ်ဒေသထုတ်ပြန်

အိမ်သွင်၊ ဇေအောင်/People’s Spring

မန္တလေးတိုင်း၊ မတ္တရာမြို့နယ် ဆောက်ခြုံပေါက်ရွာသို့ ဝင်ရောက်လာသည့်အမှတ် (၉၁၀)စစ်အင်ဂျင်နီယာတပ်ရင်းမှ ထွက်လာသော စစ်ကောင်စီတပ်ကို တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၂ဦးသေဆုံးပြီး သေနတ် ၉လက်နှင့် လက်နက်ခဲယမ်းအများအပြားသိမ်းဆည်းရရှိခဲ့ကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန အမှတ်(၁)စစ်ဒေသကထုတ်ပြန်သည်။

ဆောက်ခြုံပေါက်ရွာအနီးတွင် နိုဝင်ဘာ ၁၇ရက်က တိုက်ပွဲဖြစ်ပွားခဲ့ခြင်းဖြစ်သည်။

"လတ်တလော နယ်မြေကောင်းကောင်း မရှင်းလင်းရသေးဘဲနဲ့ အလောင်း ၁၂လောင်းရယ် ဂန်းငယ်တွေကော၊ စက်သေနတ်တွေကော ရလိုက်တယ်။ လက်နက်တွေက အသစ်တွေလို့ပြောတယ်" ဟု ကာကွယ်ရေးရဲဘော်များနှင့် နီးစပ်သူတစ်ဦးက ပြောသည်။

ထိုစစ်ကောင်စီစစ်ကြောင်းသည် သနပ်ကုန်း၊ ငယ်တိုး၊ သဖန်းဒေါင့်ကျေးရွာ များ၌လည်းကောင်း၊ ဆောက်ခြုံပေါက်ရွာ အရှေ့ဘက် ၂ မိုင်ခန့်အကွာရှိ ရွှေချောင်းပျူရွာ၌လည်းကောင်း အထိုင်ချထားကြောင်း ဒေသခံအချို့က ပြောသည်။

လက်ရှိ တိုက်ပွဲဖြစ်ပွားခြင်းမရှိသေးသော်လည်း
ယနေ့(နိုဝင်ဘာ ၂၁ရက်) နေ့လယ်ပိုင်းက ငယ်တိုးရွာမှ စစ်ကောင်စီတပ်က လက်နက်ကြီးဖြင့် ပစ်ခတ်၍ ​ဒေါင်းကျွန်းရွာသို့ လက်နက်ကြီးကျကာ ပြည်သူတစ်ဦးဒဏ်ရာရရှိခဲ့ကြောင်း Wetlet Informational Networkအဖွဲ့က ပြောသည်။

စစ်ကောင်စီတပ်သည် မတ္ထရာမြို့နယ်အနောက်ခြမ်းကို နိုဝင်ဘာ ၉ ရက်မှစတင်ပြီး စစ်ကြောင်းထိုးခဲ့ပြီး တော်လှန်ရေးအဖွဲ့များနှင့် တိုက်ပွဲများဖြစ်ပွားခဲ့ခြင်းဖြစ်သည်။

စစ်ကောင်စီ၏ ခြေမြန်တပ်ရင်း(၇၀၁)မှ ဗိုလ်မှူးကျော်ဇေယျဦးစီးပြီး ခမရ(၇၀၁၊ ၇၀၃၊ ၇၀၄)အင်အား(၇၀)ကျော်ပါ စစ်ကြောင်းအား ပြင်ဦးလွင်ခရိုင်ကွပ်ကဲရေးမှူး၏ကွပ်ကဲမှုနှင့် အမှတ်(၅၁၀)တပ်ရင်း၊ မန္တလေးခရိုင် ပကဖ၊ မဟာအောင်မြေမြို့နယ်၊ ချမ်းမြသာစည်မြို့နယ်၊ မတ္တရာမြို့နယ် ပကဖ ပူးပေါင်းအဖွဲ့တို့က တိုက်ခိုက်ခဲ့ကြောင်း အသိပေးသည်။

စစ်ကောင်စီစစ်ကြောင်းသည် အောင်မြေသာစံမြို့နယ်ရှိ စအရ-၉၁၀(အမှတ်-၉၁၀ စစ်မြေပြင်အင်ဂျင်နီယာတပ်ရင်း)တွင် အင်အားစုဖွဲ့ပြီး သဖန်းဒေါင့်ရွာမှတဆင့် ဝင်ရောက်လာခြင်းဟု ဆိုသည်။

အဆိုပါတိုက်ပွဲ၌ စစ်ကောင်စီဘက်မှ(၁၂)ဦးသေဆုံးပြီး MA-15 (ငါးကြင်းမြီး)နှင့် MA-10 (RPG)အပါ လက်နက်(၉)လက်၊ RPG ဒုံးသီး(၈) လုံး၊ ၆၀ မမ ဗုံးသီး(၅)လုံး၊ အီနာဂါ ဗုံးသီး(၅) လုံး၊ 5.56 ကျည်(၃၅၁)တောင့်၊ G-3 ကျည်(၂၄၈)တောင့်၊ MA ကျည်အိမ်(၇)ခု၊ ကျည်အိမ်အဝိုင်း(၁)ခု၊ MA-15 ကျည်ခါးပတ်(၁)ခု၊ Equipment(၁)ခု၊ ယူနီဖောင်း(၂)စုံသိမ်းဆည်းရရှိကြောင်း အမှတ်(၁)စစ်ဒေသက ထုတ်ပြန်ထားသည်။

ထိုနေ့(နိုဝင်ဘာ ၁၇ရက်)ညနေပိုင်းတွင် စစ်ကောင်စီက Mi35၊ ဂျက်ဖိုက်တာတို့ကိုအသုံးပြု၍ လေကြောင်းမှ ခြောက်ကြိမ်ထက်မနည်းတိုက်ခိုက်ခဲ့ကြောင်း သတင်းထုတ်ပြန်ထားသည်။

မတ္တရာမြို့နယ်အတွင်း ပြည်သူ့ကာကွယ်ရေးတပ်မတော်(မန္တလေး)က သိမ်းထားသည့် တပ်စခန်းများကို ပြန်လည်ရရှိရန် စစ်ကောင်စီက လက်နက်ကြီးနှင့် လေကြောင်းတိုက်ခိုက်မှုများသာမက မြေပြင်စစ်ကြောင်းများကိုပါ အသုံးပြုပြီး တန်ပြန်ထိုးစစ်ဆင်နေသော်လည်း သိမ်းထားသည့် စခန်းများအား အပြည့်အဝထိန်းချုပ်ထားဆဲဖြစ်ကြောင်း မန္တလေး PDFက အောက်တိုဘာ တတိယပတ်အတွင်းက အသိပေးထားသည်။

မတ္တရာမြို့နယ်မှ စစ်ကောင်စီစခန်း ၄၀ကျော်ကို ပြည်သူ့ကာကွယ်ရေးတပ်ဖွဲ့များက ထိန်းချုပ်ထားသည်။

“ညနေခင်းသတင်းလွှာ”

ဒီနေ့ (နိုဝင်ဘာ ၂၁ ရက်) ညနေခင်းသတင်းတွေကို People’s Spring က တင်ဆက်ပေးပါမယ်။

◾️KIAသိမ်းပိုက်ထားတဲ့ ကန်ပိုက်တီမြို့မှာ ကချင်အမျိုးသားအလံလွှင့်ထူ

ကချင်လွတ်လပ်ရေးတပ်မတော်(KIA)က သိမ်းပိုက်ထားပြီးဖြစ်တဲ့ ကချင်ပြည်နယ် ဝိုင်းမော်မြို့နယ် ကန်ပိုက်တီ နယ်စပ်မြို့မှာ ကချင်အမျိုးသားအလံ လွှင့်ထူထားတယ်လို့ သတင်းရင်းမြစ်များက ပြောပါတယ်။ ကချင်အထူးဒေသ(၁)မှာ သိမ်းပိုက်ဖို့ နောက်ဆုံးကျန်နေတဲ့ မြို့ဖြစ်တဲ့၊ တရုတ်-မြန်မာတရား၀င်နယ်စပ်ကုန်သွယ်ရေး မြို့လည်းဖြစ်တဲ့ ကန်ပိုက်တီကို KIAက မနေ့မနက်ပိုင်းက စတင်ထိုးစစ်ဆင်ခဲ့ပြီး ညနေပိုင်းမှာ အပြီးသတ်သိမ်းနိုင်ခဲ့တာပါ။ သိမ်းပိုက်ပြီးနောက် နယ်စပ်ဂိတ်နေရာနဲ့ ကချင်အထူးဒေသ(၁) ရုံးအဆောက်အဦးနေရာတွေမှာ ကချင်အမျိုးသားအလံ လွှင့်ထူတာ တွေ့ရပါတယ်။

◾️မြန်မာ့အရေး ဆုံးဖြတ်ချက်အဆိုမူကြမ်းကို ကုလလုံခြုံရေးကောင်စီ အဖွဲ့ဝင်နိုင်ငံအချို့ တားဆီးပိတ်ပင်

စစ်ကောင်စီအပေါ် ကုလသမဂ္ဂလုံခြုံရေးကောင်စီရဲ့ ချက်ခြင်းအရေးယူမှုကို မြန်မာပြည်သူများက လိုအပ်နေပေမယ့် အနည်းငယ်သော ကောင်စီအဖွဲ့ဝင်နိုင်ငံအချို့က ကြန့်ကြာအောင်လုပ်ဆောင်နေတယ်လို့ ဗြိတိန်သံအမတ်ကြီး ဘာဘရာဝုဒ်ဝါ့ဒ်က ပြောပါတယ်။ ကုလသမဂ္ဂလုံခြုံရေးကောင်စီဟာ ဗြိတိန်ရဲ့ ကမကထပြုမှုကြောင့် မြန်မာ့အရေးတံခါးပိတ်ဆွေးနွေးပွဲကို မနေ့ ဇန်နဝါရီ ၂၀ရက်မှာ ပြုလုပ်ခဲ့ရာ အဲဒီ ဆွေးနွေးပွဲ မကျင်းပမီ အထက်ပါ ကုလသမဂ္ဂဆိုင်ရာ ဗြိတိန်သံအမတ်ကြီးနဲ့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းတို့က သတင်းထောက်များအား ရှင်းလင်းပြောကြားခဲ့ပါတယ်။ ပြီးခဲ့တဲ့ စက်တင်ဘာမှာ ဗြိတိန်ဦးဆောင်ကာ ကုလသမဂ္ဂလုံခြုံရေးကောင်စီအဖွဲ့ဝင်နိုင်ငံများက မြန်မာ့အရေးဆုံးဖြတ်ချက်မူကြမ်းတရပ် တင်သွင်းခဲ့ပေမယ့် အနည်းငယ်သော အဖွဲ့ဝင်နိုင်ငံအချို့က တားဆီးပိတ်ပင်ခဲ့တယ်လို့ ဗြိတိန်သံအမတ်ကြီးက ရှင်းလင်းပါတယ်။ အဲဒီအနည်းငယ်သော ကောင်စီအဖွဲ့ဝင်နိုင်ငံအချို့ရဲ့ အမည်ကို ဗြိတိန်သံအမတ်ကြီးက ထုတ်ဖော်ပြောဆိုခြင်းမရှိပါဘူး။ ဒါပေမဲ့ ကုလလုံခြုံရေးကောင်စီ အမြဲတမ်းအဖွဲ့ဝင် ၅နိုင်ငံထဲမှာ အာဏာသိမ်းစစ်ကောင်စီကို ထောက်ခံကူညီပံ့ပိုးနေတဲ့ ရုရှားနဲ့ တရုတ်နိုင်ငံတို့ ရှိနေပါတယ်။

◾️ငဖဲတိုက်ပွဲ စစ်ကောင်စီတပ်အထိနာဟု PRA ပြော

ရက္ခိုင်ပြည်နယ် အမ်းမြို့နှင့်နယ်မြေချင်းဆက်စပ်နေတဲ့ မကွေးတိုင်း၊ ငဖဲမြို့နယ်မှာ တိုက်ပွဲဖြစ်နေတယ်လို့ သိရပါတယ်။ ငဖဲမြို့နယ်၊ ဂုတ်ကြီးကျေးရွာ အရှေ့ဘက်မှာ မနေ့က စစ်ကောင်စီတပ်နှင့် တိုက်ပွဲထပ်မံဖြစ်ပွားခဲ့ပြီး စစ်ကောင်စီတပ် သေဆုံးထိခိုက်မှုရှိခဲ့တယ်လို့ လူထုတော်လှန်ရေးမဟာမိတ်အင်အားစု(PRA-Magway)က ဒီနေ့ သတင်းထုတ်ပြန်ပါတယ်။ အနောက်ပိုင်းတိုင်းစစ်ဌာနချုပ်(နပခ)ရှိရာ အမ်းမြို့သိမ်းတိုက်ပွဲကို အာရက္ခတပ်တော်(AA)က ဆင်နွှဲနေပြီး လက်ရှိ တိုက်ပွဲပြင်းထန်နေပါတယ်။

◾️တောင်ကုတ်မြို့တွင်း တိုက်ပွဲပြင်းထန်​နေ

ရက္ခိုင်ပြည်နယ် တောင်ကုတ်မြို့ထဲမှာ မြို့တွင်းတိုက်ပွဲဖြစ်နေပြီး ဒေသခံပြည်သူ သုံးသောင်းခန့် မြို့တွင်းမှာ ပိတ်မိနေသလို လေကြောင်းနဲ့ လက်နက်ကြီးထိမှန်၍ အရပ်သားထိခိုက် သေဆုံးမှုများလည်း ရှိနေပါတယ်။ အာရက္ခတပ်တော်(AA)နဲ့ စစ်ကောင်စီတပ်ဟာ နိုဝင်ဘာ ၁၅ ရက်မှစ၍ တောင်ကုတ်မြို့ပေါ် ထိတွေ့မှုရှိခဲ့ပြီး နိုဝင်ဘာ ၁၇ ရက်မှာ KBZ ဘဏ်အနီးမှာ တိုက်ပွဲပြင်းထန်ခဲ့တယ်လို့ မြို့မှ စစ်ရှောင်တစ်ဦးက ပြောပါတယ်။ လက်ရှိ တောင်ကုတ်မြို့မှာ ဒေသခံပြည်သူ သုံးသောင်းခန့် ပိတ်မိနေပြီး ၎င်းတို့အား ဘေးကင်းရာပို့ဆောင်ရေးနဲ့ လတ်တလောစားနပ်ရိက္ခာအကူအညီပေးနိုင်ရေးဟာ အရေးပေါ်အခြေအနေဖြစ်နေတယ်လို့ စစ်ဘေးရှောင်တစ်ဦးက ပြောပါတယ်။

◾️စစ်ကောင်စီ ထိုးစစ်နဲ့ လက်နက်ကြီးပစ်ခတ်မှုကြောင့် လွိုင်ကော်မြို့အနီး ကျေးရွာများရွှေ့ပြောင်း

စစ်ကောင်စီတပ်ရဲ့ ထိုးစစ်နဲ့ လက်နက်ကြီးပစ်ခတ်မှုများကြောင့် လွိုင်ကော်မြို့အနီးရှိကျေးရွာ ၁၀ရွာထက်မနည်းရွှေ့ပြောင်းနေရတယ်လို့ ကရင်နီလူ့အခွင့်အရေးအဖွဲ့ဦးဆောင်သူ ဦးဗညားက ပြောပါတယ်။ လွိုင်ကော်မြို့နှင့် ခြောက်မိုင်ခန့်အကွာ မြို့ အနောက်ဘက်ခြမ်းရှိ ကျေးရွာများမှာ မနေ့ကစ၍ ရွှေ့ပြောင်းနေရတယ်လို့ ဆိုပါတယ်။ ဒေါပေါ်ကလဲ၊ ဒေါဆော်လဲ၊ နိုးကိုးစံပြကျေးရွာ၊ ဒေါလိုရှေး၊ နိုးကိုးရွာမ၊ နိုးကိုးစိုက်ကွင်း၊ ဆော်ခီးဒေါ၊ ကယားညေးခူ၊ ဒေါစဲနဲ့ ရေယို စတဲ့ ကျေးရွာများဟာ ဒီးမော့ဆိုမြို့နယ် အနောက်ခြမ်းသို့ ရွှေ့ပြောင်းလိုက်ရတယ်လို့ အသိပေးပါတယ်။

◾️မြန်မာစစ်တပ်ရဲ့လုပ်ရပ်တွေက အာဆီယံအတွက် မူဝါဒပိုင်း အားနည်းမှုမျိုး ကြုံလာစေတယ်လို့ စင်ကာပူ ကာကွယ်ရေးဝန်ကြီး ဝေဖန်

မြန်မာနိုင်ငံမှာ စစ်တပ်ရဲ့လုပ်ဆောင်နေမှုတွေက အာဆီယံရဲ့ အဓိက အကျဆုံးအခြေခံ မူဝါဒတစ်ခုကို အားလျော့လာစေနိုင်တယ်လို့ စင်ကာပူ ကာကွယ်ရေး ဝန်ကြီးက သတိပေး ပြောကြားလိုက်ပါတယ်။ မြန်မာ့ လက်ရှိအကျပ်အတည်းတွေအတွက် အာဏာသိမ်းစစ်တပ်ရဲ့ လုပ်ရပ်တွေက လွန်ခဲ့တဲ့ ဆယ်စုနှစ် နှစ်ခုလောက်အတွင်း ကာကွယ်ရေးဆိုင်ရာ ပူးပေါင်းညှိနှိုင်းဆောင်ရွက်မှုတွေမှာ အာဆီယံက ဗဟိုချက်အဖြစ် ရပ်တည်အောင် တည်ဆောက်လာတဲ့ မူဝါဒကို အများကြီး အနှောင့်အယှက် ဖြစ်လာစေတယ်လို့ ဝန်ကြီး ဒေါက်တာ အန်ဂန်ဟန်က ပြောပါတယ်။ မြန်မာနိုင်ငံမှာ ၂၀၂၁ နှစ်ဆန်းပိုင်းတုန်းက စစ်တပ်က အာဏာသိမ်းခဲ့တဲ့နောက် လက်နက်ကိုင် တော်လှန်ရေးတွေအင်အားကောင်းကောင်းနဲ့ ပေါ်ပေါက်လာပြီး စစ်တပ်ဟာ အာဏာကို ထိန်းချုပ်ထားနိုင်ဖို့ အသည်းအသန် ရုန်းကန်နေရပါတယ်။

◾️ပေါက်မြို့နယ် ကိုင်းလယ်ရဲစခန်းအပါအဝင် စစ်ကောင်စီတပ်စွဲရာနေရာများကို တော်လှန်ရေးတပ်များတိုက်ခိုက်

မကွေးတိုင်း၊ ပေါက်မြို့နယ်ရှိ ကိုင်းလယ်နယ်မြေရဲစခန်းအပါအဝင် စစ်ကောင်စီတပ်စွဲထားတဲ့ နေရာသုံးခုကို ဒရုန်းဖြင့် ဗုံးသီး ၃၀၀ကျော်ကြဲချတိုက်ခိုက်ခဲ့တယ်လို့ ပေါက်မြို့နယ်ပြည်သူ့ကာကွယ်ရေးအဖွဲ့(ပကဖ)ဒရုန်းတပ်ဖွဲ့မှ တာဝန်ရှိသူတစ်ဦးက ပြောပါတယ်။ ဒရုန်းစစ်ဆင်ရေးအား နိုဝင်ဘာ ၄ရက်မှ ၁၁ရက်အထိ ကိုင်လယ်နယ်မြေရဲစခန်း၊ နိုဝင်ဘာ ၁၅ရက်မှ ၁၉ ရက်အထိ ပျူစောထီးအားကောင်းရာ ယာကြီးပြင်ကျေးရွာမှ ပျူခေါင်းဆောင်နေအိမ်နဲ့ ဘန်ကာများအပါအဝင် နိုဝင်ဘာ ၁၆ ရက်နဲ့ ၁၈ ရက်မှာ ပျူစောထီးအားကောင်းရာ ဒီးဒုတ်ကွင်းကျေးရွာတို့အား တိုက်ခိုက်ခဲ့တာလို့ ဆိုပါတယ်။ ကိုင်းလယ်နယ်မြေရဲစခန်းအား တိုက်ခိုက်ရာတွင် စခန်းရှိ စစ်ကောင်စီတပ်နဲ့ ရဲများ စခန်းစွန့်ထွက်ပြေးသွားတယ်လို့ သိရပါတယ်။

“ဒီနေ့ဘာဖြစ်ခဲ့လဲ”

ဒီနေ့(နိုဝင်ဘာ ၁၈ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️MNDAA ခေါင်းဆောင်နဲ့ ‘ဝ’ဒုစစ်ဦးစီးချုပ်ကို တရုတ်ဖမ်းပြီး တော်လှန်ရေးအင်အားစုများကို အကြပ်ကိုင်

ရှမ်းပြည်မြောက်ပိုင်း၊ လားရှိုးမြို့အား စစ်ကောင်စီကို ပြန်ပေးအပ်ဖို့ MNDAAအား ဖိအားပေးနေတဲ့ တရုတ်အစိုးရက MNDAA ခေါင်းဆောင်ဖုန်တာရွှင်နဲ့ ‘ဝ’ပြည် သွေးစည်းညီညွတ်ရေးတပ်မတော်(UWSA)ဒုတိယစစ်ဦးစီးချုပ်ပေါက်ကျွင်းဖုန်းတို့အား နေအိမ်အကျယ်ချုပ်ဖြင့် ဖမ်းဆီထားတယ်လို့ သတင်းရင်းမြစ်အချို့က ပြောပါတယ်။ ကိုးကန့်ခေါင်းဆောင် ဖုန်တာရွှင်ကို ပြီးခဲ့တဲ့ လကုန်ပိုင်းမှာ တရုတ်က ထိန်းသိမ်းထားပြီး ပြန်မလွှတ်ပေးသေးဘူးလို့ သိရပါတယ်။ UWSAဒုတိယစစ်ဦးစီးချုပ်ပေါက်ကျွင်းဖုန်းအား ဖမ်းဆီးခဲ့ရာမှာ ကျားဖြန့်လုပ်ငန်းများကြောင့်ဟု တရုတ်က အကြောင်းပြထားပေမယ့် အမှန်တကယ်မှာ ၁၀၂၇ စစ်ဆင်ရေးအတွင်း မြောက်ပိုင်းမဟာမိတ်ညီ​နောင် သုံးဖွဲ့အား UWSAက ကူညီနေတယ်လို့ တရုတ်က စွပ်စွဲကာ ဖမ်းဆီး ဖိအားပေး​နေတာလို့ သတင်းရင်းမြစ်အချို့က​ ဆိုပါတယ်။

◾️ရက္ခိုင်ပြည်နယ် တစ်နှစ်အတွင်း စစ်ကောင်စီတပ်သတ်ဖြတ်မှုကြောင့် အရပ်သားပြည်သူ ၇၀၀ကျော် သေဆုံး

ရက္ခိုင်ပြည်နယ်တိုက်ပွဲ တစ်နှစ်တာအတွင်း စစ်ကောင်စီတပ်သတ်ဖြတ်မှုကြောင့် အရပ်သားပြည်သူ ၇၀၀ကျော်သေဆုံးခဲ့တယ်လို့ အာရက္ခတပ်တော်(AA)ရဲ့ လူသားချင်းစာနာထောက်ထားရေးနှင့် ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး(HDCO)က ဒီနေ့ ထုတ်ပြန်ပါတယ်။ အမျိုးသား ၅၁၇ဦးနဲ့ အမျိုးသမီး ၂၁၈ဦး စုစုပေါင်း ၇၃၅ဦး စစ်ကောင်စီရဲ့ လက်ချက်ကြောင့် သေဆုံးခဲ့ရတာလို့ ဆိုပါတယ်။ သေဆုံးသူတွေထဲ (၁၈)နှစ်အောက် ကလေးသူငယ် ၁၃၂ဦး ပါဝင်တယ်လို့ ဖော်ပြပါတယ်။ စစ်ကောင်စီရဲ့ လေကြောင်းတိုက်ခိုက်မှု၊ လက်နက်ကြီးပစ်ခတ်မှု၊ စစ်ကြောင်းထိုးသတ်ဖြတ်မှု၊ စစ်ကျန်လက်နက်နဲ့ မြေမြှုပ်မိုင်းများကြောင့် သေဆုံးရခြင်းဖြစ်ပြီး လေကြောင်းတိုက်ခိုက်ခံရမှုကြောင့် အများဆုံးသေဆုံးခဲ့ရတာလို့ ဆိုပါတယ်။

◾️မြစ်ကြီးနား-ရွှေဘိုလမ်းပိုင်း စစ်ကောင်စီ ဒရုန်းတိုက်ခိုက်မှုကြောင့် ဘုန်းကြီးတစ်ပါးအပါအဝင် လေးဦးသေဆုံး

စစ်ကိုင်းတိုင်း၊ ကန့်ဘလူမြို့နယ် မြစ်ကြီးနား-ရွှေဘိုလမ်းပိုင်းမှာ စစ်ကောင်စီတပ်က ခရီးသည်တင်ယာဉ်တစ်စီးအား ဒရုန်းဖြင့် ဗုံးသီးချတိုက်ခိုက်ရာ ယာဥ်ပေါ်ပါ ဘုန်းကြီးတစ်ပါး ပျံလွန်တော်မူပြီး ခရီးသည် သုံးဦးသေဆုံးတယ်လို့ သိရပါတယ်။ ဒီနေ့ မနက်ပိုင်းက ကန့်ဘလူမြို့နယ် တောင်ခြမ်းမှာ စစ်ကောင်စီတပ်သားများနဲ့ ပျူစောထီးများက ဗုံးသီး ၅လုံးအား နှစ်ကြိမ်ခွဲချ တိုက်ခိုက်ခဲ့တာလို့ ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့(ကန့်ဘလူခရိုင်)က ပြောပါတယ်။ ဗုံးသီးများမှာ ငွေတိုးမန်း ခရီးသည်တင် ယာဉ်ဘေး ကပ်ကျပြီး ခရီးသွားပြည်သူ ၁၀ဦးလည်း ထိခိုက်ဒဏ်ရာရရှိခဲ့တယ်လို့ ဆိုပါတယ်။

◾️ကွတ်ခိုင်လေကြောင်းတိုက်ခိုက်မှု ကလေးငယ်တစ်ဦးအပါအဝင် သုံးဦးသေဆုံး၊ ၁၃ဦး ဒဏ်ရာရ

တအာင်းတပ်မတော်(TNLA)ထိန်းချုပ်ထားတဲ့ ကွတ်ခိုင်မြို့ကို စစ်ကောင်စီက မနေ့ညမှာ လေကြောင်းမှ ဗုံးကြဲတိုက်ခိုက်ခဲ့ရာ ကလေးငယ်တစ်ဦးနဲ့ အမျိုးသမီး နှစ်ဦး စုစုပေါင်း သုံးဦး သေဆုံးပြီး ၁၃ဦး ဒဏ်ရာရရှိခဲ့တယ်လို့ TNLAက ထုတ်ပြန်ပါတယ်။ မနေ့ည သန်းခေါင်ယံအချိန်မှာ စစ်ကောင်စီတပ်က ကွတ်ခိုင်မြို့ ရပ်ကွက်(၄)ကို တိုက်လေယာဉ်ဖြင့် ဗုံးကြဲခဲ့ရာ နှစ်လသားအရွယ်ကလေးငယ်တစ်ဦး၊ မိခင်ဖြစ်သူတစ်ဦးနဲ့ သက်ကြီးရွယ်အိုတစ်ဦး သေဆုံးခဲ့ပြီး အရပ်သားနေအိမ်တွေပေါ် ကြဲချတိုက်ခိုက်ခဲ့တာလို့ မြို့ခံတစ်ဦးက ပြောပါတယ်။ ဒဏ်ရာရသူ ၁၃ဦးအနက် ၆ဦးမှာ အမျိုးသမီးများဖြစ်ပြီး နေအိမ် ၈လုံးလည်း ထိမှန်ပျက်စီးခဲ့တယ်လို့ TNLAက ဖော်ပြပါတယ်။

◾️ဖယ်ခုံမြို့နယ် ဘန်ကောက်စစ်ရှောင်စခန်းကို စစ်ကောင်စီလေကြောင်း ထပ်မံတိုက်ခိုက်

ရှမ်းပြည်တောင်ပိုင်း၊ ဖယ်ခုံမြို့နယ် လအိကျေးရွာရှိ ဘန်ကောက်စစ်ရှောင်စခန်းကို စစ်ကောင်စီတပ်က ဒီနေ့ နေ့ခင်းပိုင်းက လေကြောင်း ထပ်မံတိုက်ခိုက်ခဲ့ပါတယ်။ ပြီးခဲ့တဲ့ စက်တင်ဘာလဆန်းပိုင်းက ကြဲချခဲ့တဲ့နေရာကို စစ်ကောင်စီတပ်က ထပ်မံတိုက်ခိုက်ခဲ့တာဖြစ်ပြီး အခုတကြိမ်တိုက်ခိုက်မှုမှာလည်း ထိခိုက်မှုရှိတယ်လို့ ဒေသတွင်းရင်းမြစ်က ပြောပါတယ်။ တိုက်ပွဲ ဖြစ်ပွားတဲ့နေရာမဟုတ်ဘဲ လူထုအပေါ်ပစ်မှတ်ထားတဲ့ စစ်​ကောင်စီရဲ့ လေကြောင်း တိုက်ခိုက်မှုဟာ စစ်ရာဇဝတ်မှုနဲ့ လူသားမျိုးနွယ်ပေါ် ကျူးလွန်တဲ့ ရာဇဝတ်မှုဖြစ်တယ်လို့ ကရင်နီပြည်ကြားကာလအုပ်ချုပ်ရေးကောင်စီ(IEC)မှ ဦးဗညားက မှတ်ချက်ပြုပါတယ်။

◾️ဗန်းမော်-မိုးမောက်ကြားမှာ ဒီနေ့ တိုက်ပွဲဆက်ပြင်းထန်

ကချင်ပြည်နယ် ဗန်းမော်-မိုးမောက်မြို့နယ်ကြား (၇)မိုင် အောင်မြေကျေးရွာမှာ ကချင်လွတ်လပ်ရေးတပ်မတော်(KIA)နဲ့ စစ်ကောင်စီတပ်အကြား ဒီနေ့ ဆက်သွယ်တိုက်ပွဲပြင်းထန်နေတယ်လို့ စစ်ရေးသတင်းရင်းမြစ်တစ်ဦးက ပြောပါတယ်။ ဗန်းမော်မြို့မှ စစ်ကောင်စီတပ်များက တင့်ကားများအသုံးပြုပြီး မိုးမောက်မြို့နယ်ဘက် ထိုးစစ်ဆင်နေ၍ တိုက်ပွဲများဖြစ်ပွါးနေကာ ဒီနေ့ နှစ်ဖက် လက်နက်ကြီးအပြန်အလှန် ပစ်ခတ်နေတယ်လို့ သတင်းရင်းမြစ်က ပြောပါတယ်။ စစ်ကောင်စီဟာ မိုးမောက်ကို ပြန်လိုချင်လို့နဲ့ ဗန်းမော်မြို့မကျရှူံးစေရေးအတွက် KIA တပ်ဖွဲ့များရှိနေတဲ့ (၇) မိုင်အောင်မြေကျေးရွာကို ထိုးစစ်ဆင်နေတာလို့ သတင်းရင်းမြစ်က သုံးသပ်ပါတယ်။

◾️စစ်အာဏာသိမ်းကာလ ၃နှစ်ကျော်အတွင်း စစ်တပ်က အရပ်သားနေအိမ် တစ်သိန်းကျော် မီးရှို့ဖျက်ဆီး

စစ်တပ်အာဏာသိမ်းကာလ ၃နှစ်ကျော်အတွင်း စစ်တပ်ရဲ့ မီးရှို့ဖျက်ဆီးမှုကြောင့် အရပ်သားနေအိမ် တစ်သိန်းကျော် ပျက်စီးခဲ့ရတယ်လို့ Data for Myanmar အဖွဲ့က ထုတ်ပြန်ပါတယ်။ ၂၀၂၁ မေလ ၁ ရက်မှ ၂၀၂၄ သြဂုတ် ၃၁ ရက်အထိ စစ်ကောင်စီတပ်နဲ့ ၎င်းလက်အောက်ခံအဖွဲ့အစည်းများရဲ့ မီးရှို့ဖျက်ဆီးမှုကြောင့် အရပ်သားနေအိမ်ပေါင်း ၁၀၁,၄၇၄ လုံး ပျက်စီးခဲ့တယ်လို့ ဖော်ပြပါတယ်။ စစ်ကိုင်းတိုင်းမှာ အများဆုံးဖြစ်ပြီး ၇၃,၃၅၁ လုံး မီးရှို့ဖျက်ဆီးခံရကာ တစ်နိုင်ငံလုံး မီးရှို့ဖျက်ဆီးခံရတဲ့အရေအတွက်ရဲ့ ၆၉ ရာခိုင်နှုန်းရှိတယ်လို့ Data for Myanmarက ဖော်ပြပါတယ်။

◾️မတ္တရာအနောက်ခြမ်း တိုက်ပွဲဖြစ်နေ

မန္တလေးတိုင်း၊ မတ္တရာမြို့နယ် အနောက်ခြမ်းမှာ တိုက်ပွဲဖြစ်ပွားနေပြီး စစ်ကောင်စီတပ်က လေကြောင်းနဲ့ လက်နက်ကြီးများဖြင့် ပစ်ခတ်တိုက်ခိုက်နေ၍ ဒေသခံသောင်းချီ ထွက်ပြေးတိမ်းရှောင်နေရတယ်လို့ သိရပါတယ်။ မနေ့ မနက်ပိုင်းက မတ္တရာမြို့နယ်အနောက်ခြမ်းရှိ ဆောက်ခြုံပေါက်၊ ငယ်တိုး သဖန်းဒေါင့်အပါအဝင် မြစ်ရိုးကျေးရွာတစ်လျှောက်အတွင်း စစ်ကောင်စီတပ်နဲ့ တော်လှန်ရေးအဖွဲ့များ တိုက်ပွဲများဖြစ်ပွားခဲ့တယ်လို့ Voice Of MDY အဖွဲ့က ပြောပါတယ်။ စစ်ကောင်စီရဲ့ လက်နက်ကြီးပစ်ခတ်မှုကြောင့် ဒေသခံပြည်သူနှစ်ဦး ထိခိုက်မှုရှိတယ်လို့ ဆိုပါတယ်။ ဒီနေ့ မနက်ပိုင်းမှာလည်း မတ္ထရာမြို့နယ်အနောက်ခြမ်းမြစ်ရိုးတစ်လျှောက်ရှိ ကျေးရွာများအား စစ်ကောင်စီတပ်က ဂျက်ဖိုက်တာဖြင့် လေကြောင်းတိုက်ခိုက်မှု သုံးကြိမ် ပြုလုပ်ခဲ့ပြီး မတ္တရာဘောလုံးကွင်းမှ ၁၂၀ မမများဖြင့် ဆက်တိုက်ပစ်ခတ်နေတယ်လို့ သိရပါတယ်။

◾️နိုင်ငံတဝန်းဆန္ဒပြပွဲတွေ

စစ်ကိုင်းတိုင်း ယင်းမာပင်မြို့နယ်ရှိ ကျေးရွာတစ်ရွာမှာ နောက်ပြန်မလှည့်ကြေး ဒီတော်လှန်ရေးသပိတ်စစ်ကြောင်းက "Airbus - စစ်ရာဇဝတ်မှုတွေမှာ ရင်းနှီးမြှုပ်နှံနေတာ အဆုံးသတ်" စာသားတွေ ကိုင်ဆောင်ပြီး ချီတက်ဆန္ဒပြခဲ့ကြပါတယ်။
မြင်းမူမြို့နယ် ကျေးရွာတစ်ရွာမှာ ၅/အရတ လူထုသပိတ်စစ်ကြောင်းနဲ့ သပိတ်တက်ကြွ လှုပ်ရှားသူတွေ အတူပူးပေါင်းဦးဆောင်ပြီး ဒေသခံကျေးလက်ပြည်သူလူထုကို လေကြောင်းအန္တရာယ်၊ မိုင်း၊ လက်နက်ကြီး အန္တရာယ် ကြိုတင်ကာကွယ်ဖို့ အသိပညာပေး ဟောပြောခြင်းနဲ့ တော်လှန်ရုပ်ရှင်ပြသတာတွေ ပြုလုပ်ခဲ့ပါတယ်။
ကသာမြို့နယ်မှာလည်း ကျေးလက်ပြည်သူတွေနဲ့ လူထုအောင်လံသပိတ်အဖွဲ့ ပူးပေါင်းကာ အထွေထွေ အာဏာဖီဆန်ရေး၊ စစ်အာဏာရှင်ဆန့်ကျင်ရေး သပိတ်မှောက် ချီတက်ဆန္ဒပြခဲ့ပါတယ်။

စစ်တပ်ရဲ့လေကြောင်းတိုက်ခိုက်မှုရပ်တန့်ဖို့နဲ့ စစ်အာဏာရှင်ဆန့်ကျင်ရေး စစ်ကိုင်းမှာ ဆန္ဒပြ

သုည/People's Spring

စစ်ကိုင်းတိုင်းအတွင်းရှိ သပိတ်အဖွဲ့တွေ၊ ဒေသခံပြည်သူတွေက စစ်တပ်ရဲ့လေယာဉ်နဲ့ ဗုံးကြဲတိုက်ခိုက်နေတာကို ရပ်တန့်ပေးဖို့နဲ့ စစ်အာဏာရှင်ကို ဆန့်ကျင်ကြရေး ဒီကနေ့ (နိုဝင်ဘာ ၁၈)မှာ အသီးသီး ဆန္ဒပြခဲ့ကြပါတယ်။

စစ်ကိုင်းတိုင်း ယင်းမာပင်မြို့နယ်ရှိ ကျေးရွာတစ်ရွာမှာ နောက်ပြန်မလှည့်ကြေး ဒီတော်လှန်ရေးသပိတ်စစ်ကြောင်းက "Airbus - စစ်ရာဇဝတ်မှုတွေမှာ ရင်းနှီးမြှုပ်နှံနေတာ အဆုံးသတ်" စာသားတွေ ကိုင်ဆောင်ပြီး ချီတက်ဆန္ဒပြခဲ့ကြပါတယ်။

ကသာမြို့နယ်မှာလည်း ကျေးလက်ပြည်သူတွေနဲ့ လူထုအောင်လံသပိတ်အဖွဲ့ ပူးပေါင်းကာ အထွေထွေ အာဏာဖီဆန်ရေး၊ စစ်အာဏာရှင်ဆန့်ကျင်ရေး သပိတ်မှောက် ချီတက်ဆန္ဒပြခဲ့ပါတယ်။

မြင်းမူမြို့နယ် ကျေးရွာတစ်ရွာမှာလည်း ၅/အရတ လူထုသပိတ်စစ်ကြောင်းနဲ့ သပိတ်တက်ကြွ လှုပ်ရှားသူတွေ အတူပူးပေါင်းဦးဆောင်ပြီး ဒေသခံကျေးလက်ပြည်သူလူထုကို လေကြောင်းအန္တရာယ်၊မိုင်း၊ လက်နက်ကြီး အန္တရာယ် ကြိုတင်ကာကွယ်ဖို့ အသိပညာပေး ဟောပြောခြင်းနဲ့ တော်လှန်ရုပ်ရှင်ပြသတာတွေ ပြုလုပ်ခဲ့ပါတယ်။

ဓာတ်ပုံ - ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု

(၁၁.၁၁ စစ်ဆင်ရေးအတွင်း လွိုင်ကော်မြို့တွင်းရှိ စစ်ကောင်စီစခန်းများကို ကရင်နီတပ်ပေါင်းစု၏ဝင်ရောက်တိုက်ခိုက်ခဲ့သည်ကိုတွေ့ရစဥ်။ ဓာတ်ပုံ - KNDF တပ်ရင်း- ၂)

'၁၁.၁၁စစ်ဆင်ရေး'နှစ်ပတ်လည်နေ့မတိုင်မီ လွိုင်ကော်မြို့ကို စစ်ကောင်စီ လုံခြုံရေးတိုးမြှင့်

ရဲခေါင်/People's Spring

'၁၁.၁၁စစ်ဆင်ရေး' နှစ်ပတ်လည်နေ့မတိုင်မီ လွိုင်ကော်မြို့ကို စစ်ကောင်စီက လုံခြုံရေးတိုးမြှင့်ထားကြောင်း ဒေသခံအချို့က ပြောသည်။

'၁၁.၁၁ စစ်ဆင်ရေး'အမည်ဖြင့် ၂၀၂၃ နိုဝင်ဘာ ၁၁ ရက်တွင် ကရင်နီတပ်ပေါင်းစုများစုဖွဲ့ပြီး ဒေသတွင်းရှိ စစ်ကောင်စီစခန်းများအား တိုက်ခိုက်ခဲ့ခြင်းဖြစ်သည်။

"(၁၁၁၁)နှစ်ပတ်လည်နေ့ မှာ လွိုင်ကော်ထဲ တော်လှန်ရေးတပ်ဖွဲ့တွေ လာလည်မယ်ဆိုပြီး လွိုင်ကော်ပတ် ပတ်လည်ကို ကင်းတွေချ ၊ တောင်မှန်သမျှ တက်နေရာယူထားတယ်တဲ့။ခြိမ်းခြောက်တဲ့အနေနဲ့ လက်နက်ကြီးတွေနဲ့ လွိုင်ကော်ပတ်လည်ကို လျှောက်ပစ်နေတယ်"ဟု လွိုင်ကော်မြို့ခံတစ်ဦးက ပြောသည်။

ထို့အပြင် လွိုင်ကော်မြို့ ကြည်သာယာ ၊နမ့်ဘော်ဝမ် ၊ ရေနီကန် ၊ဧက(၅၀၀) /အောင်ချမ်းသာ ရပ်ကွက်မှ ဒေသခံအချို့ကိုလည်း စစ်ကောင်စီက ပြည်သူ့စစ်မှုထမ်းရန် အတင်းအဓမ္မခေါ်၍ လစာကျပ် နှစ်သိန်း ၊သေနတ်(၁)လက် ၊ကျည် နှင့် လက်ပစ်ဗုံး(၂)လုံးစီပေးထားပြီး လွိုင်ကော်မြို့၌ ကင်းချထားသည်ဟု ၎င်းက ဆိုသည်။

'၁၁.၁၁ စစ်ဆင်ရေး'အတွင်း ကရင်နီတပ်ပေါင်းစုက လွိုင်ကော်မြို့ကိုပါ ထိုးစစ်ဆင်ခဲ့ပြီး မြို့လယ်ရှိ ရပ်ကွက်များကိုပါ လအတန်ကြာထိန်းချုပ်နိုင်ခဲ့သည်။

အဆိုပါ စစ်ဆင်ရေးအတွင်း လွိုင်ကော်မြို့တွင် စစ်ကောင်စီတပ်စခန်း ၁၂ ခု၊ ဒီးမော့ဆိုမြို့တွင် စခန်း ၁၃ ခု၊ ဖရူဆိုမြို့တွင် စခန်း တစ် ခု၊ ဘောလခဲမြို့တွင် စခန်း ၅ ခု၊ ဖားဆောင်းမြို့တွင် စခန်း ၉ ခု၊ ရှားတောမြို့တွင် စခန်း ၇ ခု၊ ဖယ်ခုံမြို့တွင် စခန်း ၁၇ ခု နှင့် မယ်စဲ့မြို့တွင် တပ်စခန်း တစ်ခု စုစုပေါင်း စခန်း ၆၅ ခုကို သိမ်းဆည်းနိုင်ခဲ့ပြီး တပ်ဆုတ်လက် နက်ချခဲ့သည့် စခန်းစုစုပေါင်း ၁၆ခုအထိ ရှိခဲ့သည်။

သို့သော် စစ်ကောင်စီ၏ ပင်မအခြေစိုက်တပ်များကို သိမ်းပိုက်နိုင်မှုမရှိခြင်း၊လေကြောင်းတိုက်ခိုက်မှု များပြားခြင်းနှင့် မြေပြင်စစ်ကူများစွာရောက်ရှိလာ၍ လွိုင်ကော်မြို့ကို ကရင်နီတပ်ပေါင်းစုဘက်က ပြန်လည်ဆုတ်ခွာပေးခဲ့ရသည်။

"လွိုင်ကော်ကို အင်အားဖြည့်ထားတဲ့ စကစ တပ်သားက သုံးထောင်လောက်ရှိတယ်။၁၁.၁၁ စစ်ဆင်ရေးတုန်းက အထိုင်တပ်တွေနဲ့ပေါင်းရင် အခု ၄,၀၀၀ ကျော် ၅,၀၀၀ ဝန်းကျင်မှာ ရှိလိမ့်မယ်။ဒါက ခုခံစစ်ထက် ပြန်ပြီး ထိုးစစ်ဆင်ဖို့ စကစ ဘက်က ပြင်ဆင်နေတဲ့သ ဘောပဲ"ဟု ကရင်နီစစ်ဘက်ရေးရာသတင်းရင်းမြစ်က လူထုနွေဦးသို့ ပြောသည်။

လက်ရှိတွင် ရှမ်းပြည်တောင်ပိုင်း ပင်လောင်းမြို့ဘက်မှတဆင့် ဖယ်ခုံမြို့ဘက်သို့ စစ်ကောင်စီတပ်နှင့် ပအိုဝ်းပြည်သူ့စစ် PNO တို့ ပူးပေါင်းပြီး စစ်ကြောင်းထိုးလျက်ရှိသည်။

(နိုဝင်ဘာ ၉ရက် နံနက်က မင်းတပ်မြို့မီးလောင်နေသည်ကို အဝေးမှမြင်တွေ့ရစဉ်။ ဓာတ်ပုံ - HKL-Mindat)

မင်းတပ်မြို့ပေါ်၌ တိုက်ပွဲပြင်းထန်နေဟု မြို့နယ် ပအဖ ပြော

ဟန်နွေ/People’s Spring

ချင်းပြည်နယ် မင်းတပ်မြို့ပေါ်၌ နိုဝင်ဘာ ၉ရက်တွင် တိုက်ပွဲများ တောက်လျှောက်ဖြစ်ပွားနေကြောင်း မင်းတပ်မြို့နယ် ပြည်သူ့အုပ်ချုပ်ရေးအဖွဲ့(ပအဖ)တာဝန်ရှိသူ ဆလိုင်းယောမာန်က အတည်ပြုသည်။

နိုဝင်ဘာ ၉ရက် နံနက်ကစ၍ မြို့ပေါ်၌ ပစ်ခတ်မှုများ ရှိနေသည့် အခြေအနေနှင့်ပတ်သက်ပြီး မေးမြန်းချက်အပေါ် ယခုကဲ့သို့ ပြောကြားခြင်းဖြစ်သည်။

"လက်ရှိအခြေအနေမှာတော့ မြို့ပေါ်မှာ တိုက်ပွဲတွေ တောက်လျှောက်ဖြစ်နေတယ်။ ဒီရက်ကိုပဲ စကစက ခြောက်ကြိမ်လောက် တိုက်လေယာဉ်တွေ လာပစ်တယ်။Y12 တွေ ဝဲနေတယ်။မြို့ပေါ်မှာတော့ တောက်လျှောက် တိုက်ပွဲတွေ ဖြစ်နေတယ်။ စကစက အိမ်တချို့ မီးရှို့သွားတာ ရှိတယ်။ အဲဒီလောက်ပဲ ပြောလို့ရပါတယ်”ဟု ဆလိုင်းယောမာန်က ပြောသည်။

မင်းတပ်မြို့နယ် ချင်းဒေသကာကွယ်ရေးတပ်(CDF-Mindat) အနေဖြင့် တိုက်ပွဲဖြစ်ပွားမှုနှင့်ပတ်သက်၍ တစုံတရာ သတင်းထုတ်ပြန်ခြင်းမရှိသေးပေ။

ယမန်နေ့တွင် စစ်ကောင်စီတပ်က မြို့ပေါ် နေအိမ်များကို မီးရှို့ ဖျက်ဆီးမှုကြောင့် မင်းတပ်မြို့ ဆောက်လုပ်ရေးဝန်း အနောက်ဖက်ခြမ်းရှိ နေအိမ်များ၊ မင်းတပ်မြို့ ရဲစခန်းရှေ့ ခေါနူးရိပ်သာ အနီး နေအိမ်များ မီးလောင်ခဲ့ဟု ဒေသခံက အသိပေးထားသည်။

CDF မင်းတပ်အနေဖြင့် တိုက်ပွဲသတင်းထုတ်ပြန်ထားခြင်းမရှိသော်လည်း မင်းတပ်မြို့သိမ်းတိုက်ပွဲ စစ်ဆင်ရေးဖော်ဆောင်မည်ဟု အသိပေးထားသည်။ အဆိုပါ စစ်ဆင်ရေးအတွက် ရန်ပုံငွေ ရှာဖွေသည့် လှုပ်ရှားမှုကို နိုဝင်ဘာ ၁ရက်မှ စတင်လုပ်ဆောင်နေခြင်းဖြစ်သည်။

“ဒီနေ့ဘာဖြစ်ခဲ့လဲ”

ဒီနေ့(နိုဝင်ဘာ ၉ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️အမ်းစစ်မြေပြင်သို့ တပ်မ ၆၆မှ အင်အား ၁၀၀ခန့် စစ်ကောင်စီက ရဟတ်ယာဥ်ဖြင့် ထပ်ပို့

အာရက္ခတပ်တော်(AA)က ထိုးစစ်ဆင်တိုက်ခိုက်နေတဲ့ အမ်းမြို့သိမ်းတိုက်ပွဲသို့ စစ်ကောင်စီက တပ်မ(၆၆)မှ အင်အား ၁၀၀ခန့်ကို ရဟတ်ယာဉ်ဖြင့် လာချသွားပြီး တိုက်ပွဲများဆက်လက် ပြင်းထန်နေတယ်လို့ သိရပါတယ်။ သဲကုန်းမြို့နယ် အခြေစိုက်အမှတ်(၆၆)ခြေမြန်တပ်မဌာနချုပ်မှ အင်အား ၁၀၀ခန့်ကို နိုဝင်ဘာ ၇ရက်မှာ အနောက်ပိုင်းတိုင်းစစ်ဌာနချုပ်(နပခ)ဝင်းအတွင်း စစ်ကောင်စီက ရဟတ်ယာဉ်ဖြင့် ပို့ဆောင်ခဲ့တလို့ မြေပြင်စစ်ရေးသတင်းရင်းမြစ်အချို့က ပြောပါတယ်။ အမ်းမြို့သိမ်းတိုက်ပွဲဟာ အလွန်ပြင်းထန်နေပြီး နပခတိုင်းမှူး ဗိုလ်ချုပ်ကျော်စွာဦးဟာ ကျောက်ဖြူမြို့မှာ ရောက်ရှိနေသလို ဒုတိုင်းမှူး ဗိုလ်မှူးချုပ် သောင်းထွန်းနဲ့ အခြားအရာရှိများဟာ နိုဝင်ဘာ ၄ရက်က မကွေးမြို့သို့ စစ်ရဟတ်ယာဉ်ဖြင့် ထွက်ပြေးသွားတယ်လို့ သိရပါတယ်။

◾️တိုက်ပွဲဖြစ်နေတဲ့ မင်းတပ်မြို့ကို စစ်ကောင်စီ လေကြောင်းတိုက်ခိုက်

ချင်းပြည်နယ် မင်းတပ်မြို့နယ်မှာ ဒီနေ့ မနက်ပိုင်းကစလို့ တိုက်ပွဲများ ဖြစ်ပွားနေပြီး ညနေပိုင်းမှာ စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့ပါတယ်။ မင်းတပ် ချင်းဒေသကာကွယ်ရေးတပ်(CDF) လှုပ်ရှားရာ မင်းတပ်မြို့မှာ ဒီနေ့ မနက်ပိုင်းကစလို့ ပစ်ခတ်မှုများဖြစ်ပွားနေပြီး စစ်ကောင်စီတပ်က နေအိမ်မီးရှို့မှုများရှိခဲ့တယ်လို့ ဒေသခံက ပြောပါတယ်။ ဒီနေ့ မနက်ပိုင်းက ခေါနူးရိပ်သာ တောင်ဘက်ခြမ်းရှိ ပြည်သူ့နေအိမ် ၁၀ လုံးခန့် မီးလောင်ခဲ့ပြီး လေကြောင်း ပျံဝဲမှုများဆက်ရှိနေကာ ဆက်သွယ်ရေးလိုင်း အခက်အခဲရှိတယ်လို့ ဒေသခံက အသိပေးပါတယ်။

◾️ပွင့်ဖြုမြို့နယ်တောင်ပိုင်းရှိ ကျေးရွာများကို စစ်ကောင်စီတပ် စစ်ကြောင်းထိုး

မ​​ကွေးတိုင်း ပွင့်ဖြုမြို့နယ်တောင်ပိုင်းရှိ ကျေးရွာများကို စစ်ကောင်စီတပ်က စစ်ကြောင်းထိုးနေ၍ ဒေသခံကာကွယ်ရေးတပ်များနှင့် စစ်ရေးတင်းမာနေတယ်လို့ သိရပါတယ်။ ဒါ့အပြင် စစ်ကောင်စီတပ်က ကျေးရွာများကို လက်နက်ကြီးများဖြင့် ပစ်ခတ်နေတယ်လို့ ဒေသခံများက​ပြောပါတယ်။ ဒီနေ့ မနက်ပိုင်းကစလို့ စစ်ကောင်စီတပ်က မဲဇလီရဲစခန်းကို အင်အားဖြည့်တင်းပြီး အနီးအနားရှိကျေးရွာကို လက်နက်ကြီးများပစ်ခတ်နေတာလို့ ဒေသခံတစ်ဦးက ပြောပါတယ်။ စစ်ကောင်စီတပ်က မဲဇလီရဲစခန်းမှ လက်နက်ကြီးဖြင့် ပစ်ခတ်မှုကြောင့် ကျွဲခြံရွာသားတစ်ဦး ထိခိုက်ဒဏ်ရာရရှိခဲ့တယ်လို့ ဆိုပါတယ်။

◾️ဖယ်ခုံမြို့နယ် စစ်ကောင်စီလေကြောင်းတိုက်မှုကြောင့် စစ်ရှောင်နှစ်ဦး သေဆုံး

စစ်ကောင်စီ လေကြောင်းတိုက်ခိုက်မှုကြောင့် ရှမ်းပြည်တောင်ပိုင်း၊ ဖယ်ခုံမြို့နယ် ကာလကျေးရွာမှ စစ်ရှောင်ပြည်သူနှစ်ဦးသေဆုံးခဲ့ရတယ်လို့ ဒေသခံအချို့က ပြောပါတယ်။ မနေ့ ညပိုင်းက လေကြောင်းမှ ဗုံးကြဲတိုက်ခိုက်မှုအတွင်း အဆောက်အဦးနဲ့ ယာဥ်အချို့ပါ ပျက်စီးခဲ့ရတယ်လို့ ဆိုပါတယ်။ တိုက်ပွဲမရှိဘဲ လေကြောင်းတိုက်ခိုက်မှုကြောင့် အသက် ၄၀အရွယ် အမျိုးသားနဲ့ အမျိုးသမီးစစ်ရှောင်နှစ်ဦး ဆုံးပါးသွားတယ်လို့ စစ်ရှောင်ကူညီပေးနေသူတစ်ဦးက ပြောပါတယ်။

◾️ဗန်းမော်-မိုးမောက်ကြားနဲ့ နောင်ချိုမြို့နယ်တို့မှာ တိုက်ပွဲဆက်ဖြစ်

ကချင်ပြည်နယ် ဗန်းမော်-မိုးမောက်မြို့နယ်ကြားမှာ ကချင်လွတ်လပ်ရေးတပ်မတော်(KIA)နဲ့ စစ်ကောင်စီတပ်တို့ ဒီနေ့ တိုက်ပွဲဆက်လက်ဖြစ်ပွားနေပြီး ရှမ်းပြည်မြောက်ပိုင်း နောင်ချိုမြို့နယ်မှာလည်း တအာင်းတပ်မတော်(TNLA)၊ မန္တလေး PDF ပူးပေါင်းတပ်နဲ့ စစ်ကောင်စီတပ်အကြား တိုက်ပွဲများ ဆက်ရှိနေတယ်လို့ စစ်ရေးသတင်းရင်းမြစ်က ပြောပါတယ်။ စစ်ကောင်စီဟာ ရှမ်းမြောက်ရှိ လားရှိုး၊ နောင်ချို၊ သိန္နီနဲ့ ကချင်ပြည်နယ် ဗန်းမော်ခရိုင် မိုးမောက်မြို့ကို ပြန်လည်ရရှိရေး ကြိုးပမ်းနေပြီး ထိုးစစ်ဆင်လာ၍ အခုလိုတိုက်ပွဲများ ဆက်ရှိနေတာလို့ ဆိုပါတယ်။ အခြားသတင်းတစ်ရပ်မှာ ကိုးကန့် တပ်မတော်(MNDAA)သိမ်းပိုက်ထားတဲ့ လားရှိုးမြို့ နေရာအချို့မှာ MPTနဲ့ MyTel ဖုန်းလိုင်းများ ပြန်ရနေတယ်လို့ ဒေသခံတစ်ဦးက ပြောပါတယ်။

◾️မြောင်မြို့နယ် ကျောက်ရစ်ရဲကင်းစခန်းမှာ စစ်ကောင်စီတပ်သားများ ဝမ်းပျက်၊ဝမ်းလျှောရောဂါဖြစ်ပြီး ဗိုလ်မှူးတစ်ဦး သေဆုံးဟုဆို

စစ်ကိုင်းတိုင်း၊ မြောင်မြို့နယ် ကျောက်ရစ် ရဲကင်းစခန်းရှိ စစ်ကောင်စီတပ်သားများဝမ်းပျက်၊ဝမ်းလျှောရောဂါ ဖြစ်ပွားနေပြီး ဗိုလ်မှူးတစ်ဦးသေဆုံးသွားတယ်လို့ မြောင်နယ်အခြေစိုက် Civilians Defense Security Organization Myaung အဖွဲ့မှ ကိုနွေဦး(မြောင်)က ပြောပါတယ်။ နိုဝင်ဘာပထမပတ်အတွင်းကစတင် ဝမ်းပျက်၊ဝမ်းလျောရောဂါဖြစ်ပွားပြီး ဗိုလ်မှူးတစ်ဦးသေဆုံးကာ ရောဂါရသူများအား ရေစကြိုမြို့ဆေးရုံသို့ ပို့ဆောင်ကုသနေရတယ်လို့ ဆိုပါတယ်။ ကျော​က်ရစ်ရဲကင်းစခန်းမှ စစ်ကောင်စီတပ်သားများဟာ စခန်းတွင်းမှ အပြင်ထွက်လေ့မရှိဘဲ ဘန်ကာနဲ့ ကတုပ်ကျင်းများအတွင်းမှာသာ နေထိုင်တယ်လို့ သိရပါတယ်။ ဒါ့အပြင် မြစ်ရေဝင်ခြင်းနဲ့ မိုးအဆက််မပြတ် ရွာသွန်းမှုတို့ကြောင့် ရေဝပ်ခဲ့၍ ရေမသန့်ရာမှ ဝမ်းပျက်၊ ဝမ်းလျှောရောဂါများ ဖြစ်ပွားခဲ့တာလို့ ဒေသခံအချို့က သုံးသပ်ပါတယ်။

◾️လွိုင်ကော်မြို့နယ်မှာ စစ်ကောင်စီတပ် လက်နက်ကြီးကျည်ထိမှန်၍ (၁၀)နှစ်အရွယ်ကလေးငယ်အပါအဝင် ပြည်သူလေးဦး သေဆုံး

ကရင်နီပြည်နယ်၊ လွိုင်ကော်မြို့နယ်ရှိ နိုးကိုးကျေးရွာမှာ စစ်ကောင်စီတပ်ပစ်ခတ်တဲ့ လက်နက်ကြီးကျည်ထိမှန်မှုကြောင့် (၁၀)နှစ်အရွယ် ကလေးငယ်အပါအဝင် ပြည်သူလေးဦး သေဆုံးခဲ့ရပါတယ်။ မနေ့ ညနေပိုင်းက စစ်​ကောင်စီတပ် ပစ်ခတ်တဲ့ လက်နက်ကြီးလေးလုံးခန့်မှာ နိုးကိုးကျေးရွာနဲ့ သရက်ပင်ကျေးရွာအတွင်း ကျရောက်ခဲ့တယ်လို့ လွိုင်ကော်မြို့ခံစစ်ရှောင်ကူညီနေသူတစ်ဦးက ပြောပါတယ်။ လက်နက်ကြီး ကျရောက်မှုကြောင့် ထိခိုက် သေဆုံးတဲ့ ပြည်သူ လေးဦးမှာ အသက် (၃၀)နှစ်ဝန်းကျင်အရွယ် အမျိုးသား နှစ်ဦး၊အသက်(၂၄)နှစ်အရွယ် အမျိုးသမီးတစ်ဦးနဲ့ (၁၀)နှစ်အရွယ် မိန်းကလေးတစ်ဦးတို့ဖြစ်ပါတယ်။

◾️ကျွန်းလှမြို့နယ်မှာ စစ်တပ်က ကျေးရွာမီးရှို့ပြီး ပြည်သူ ၂ဦး သတ်ဖြတ်သွား

စစ်ကိုင်းတိုင်း ကျွန်းလှမြို့နယ်မှာ စစ်ကောင်စီတပ် စစ်ကြောင်းက ဘအင်းသရက်တောကျေးရွာအား မီးရှို့ဖျက်ဆီးပြီး ဒေသခံပြည်သူ ၂ဦးကို သတ်ဖြတ်သွားတယ်လို့ သိရပါတယ်။ မနေ့ မနက်ပိုင်းက ကျွန်းလှမြို့နယ် ဘအင်းသရက်တောကျေးရွာအား စစ်ကောင်စီတပ်နဲ့ ပျူစောထီး အင်အား ၁၂၀ခန့်က ဝင်ရောက် မီးရှို့ဖျက်ဆီးခဲ့ပြီး ကျေးရွာရှိ အမျိုးသားနှစ်ဦးကိုပါ သတ်ဖြတ်ကာ အမျိုးသမီးတစ်ဦးအပါအဝင် သုံးဦးအား ဖမ်း​ဆီးသွားတယ်လို့ ကျွန်းလှ ကန့်ဘလူ တက်ကြွလှုပ်ရှားသူများအဖွဲ့က ပြောပါတယ်။ အဲဒီ စစ်ကြောင်းဟာ နိုဝင်ဘာ ၆ရက် ညပိုင်းက ကန့်ဘလူမြို့အခြေစိုက်အမှတ်(၆၀၀၆)တင့်ကားတပ်မှ ကျွန်းလှမြို့သို့ ကားနှစ်စီးဖြင့် ရောက်ရှိလာ‌တဲ့ အင်အား ၇၀ခန့်ပါ စစ်ကြောင်းဖြစ်ပါတယ်။ မနေ့က ကျွန်းလှမြို့နဲ့ ပေကုန်းကျေးရွာမှ ပျူစောထီးများနှင့်ပူးပေါင်းကာ ဘအင်းသရက်တောရွာသို့ ဝင်ရောက်ခဲ့တာလို့ သိရပါတယ်။

◾️မှော်ဘီလေတပ်ကို တာဝေးပစ်ဒုန်းများဖြင့် ပစ်ခတ်တိုက်ခိုက်ခဲ့ဟု USOပြောက်ကျားတပ်ပြော

ရန်ကုန်မြို့ မှော်ဘီမြို့နယ်ရှိ စစ်ကောင်စီ​ရဲ့ လေတပ်စခန်းကို တာဝေးပစ်မစ်ဇိုင်းဒုန်း လေးလုံးဖြင့် ပစ်ခတ်တိုက်ခိုက်ခဲ့တယ်လို့ Urban Special Operation(U.S.O)ပြောက်ကျားတပ်ဖွဲ့တာဝန်ရှိသူက ပြောပါတယ်။ လေတပ်ရဲ့ လေယာဉ်ဂိုထောင်နဲ့ အရာရှိနေအိမ်တွေကို ပစ်ခတ်ခဲ့ပြီး လေးလုံးစလုံး အောင်မြင်ကာ ထိခိုက်ပျက်စီးမှုကို အသေးစိတ် စုံစမ်းနေဆဲဖြစ်တယ်လို့ USO ပြောက်ကျားတပ်ဖွဲ့ တာဝန်ရှိသူက ပြောပါတယ်။ စစ်ဆင်ရေးကို ဒီနေ့ မနက်အစောပိုင်းမှာ လုပ်ဆောင်ခဲ့တာဖြစ်ပြီး စစ်ကောင်စီဘက်မှ ပိတ်ဆို့စစ်ဆေးမှုများရှိခဲ့ပေမယ့် ရဲဘော်အားလုံးလုံခြုံစွာ ဆုတ်ခွာနိုင်ခဲ့တယ်လို့ အသိပေးပါတယ်။ စစ်ကောင်စီဟာ အပြစ်မဲ့ပြည်သူများ၊ တိုင်းရင်းသားဒေသများကို လေကြောင်းတိုက်ခိုက်မှုများပြုလုပ်နေတာကြောင့် အဲဒီတိုက်ခိုက်မှု ပြုလုပ်ခဲ့တာလို့ USOက ထုတ်ပြန်ထားပါတယ်။

◾️နိုင်ငံတဝန်းဆန္ဒပြပွဲတွေ

စစ်ကိုင်းတိုင်း ယင်းမာပင်မြို့နယ်မှာ အောင်လံလွှင့်မည်ရွှေရေကြည်သပိတ်အင်အားစုက "Airbus:Stop investing in War crimes" ခေါင်းစဥ်နဲ့ အာဏာသိမ်းစစ်အုပ်စုကို စစ်ပွဲသုံးတိုက်ခိုက်ရေးပစ္စည်းတွေ ထောက်ပံ့ကူညီနေခြင်းကို ရပ်တန့်ပေးဖို့ တောင်းဆိုဆန္ဒပြခဲ့ပါတယ်။
ဆားလင်းကြီးမြို့နယ် ကျေးရွာတစ်ရွာမှာလည်း လက်ပံတောင်းတောင်ဒေသသပိတ်အင်အားစုက ပြည်သူတွေအပေါ်အကြမ်းဖက်ဖိနှိပ်ပြီး ရပ်ရွာလူနေအိမ်နဲ့ မြို့ပြတွေပေါ်အထိ တိုက်လေယာဥ်တွေနဲ့ ဗုံးကြဲတိုက်ခိုက်နေတာကို ရပ်တန့်ပေးဖို့ တောင်းဆိုလှုပ်ရှားမှု ပြုလုပ်ခဲ့ပါတယ်။ပြည်သူလူထုအပေါ် စစ်ရာဇဝတ်မှုတွေကို အဆုံးသတ်ဖို့ "Airbus: End investment in AVIC" ခေါင်းစဥ်နဲ့ လှုပ်ရှားခဲ့ကြပြီး စစ်အာဏာရှင်ဆန့်ကျင်ရေးကြွေးကြော်သံတွေနဲ့ ချီတက်ဆန္ဒပြခဲ့ပါတယ်။

တနင်္သာရီတိုင်းမှာလည်း ထားဝယ်ခရိုင် ဒီမိုကရေစီအရေး လှုပ်ရှားမှုသပိတ်ကော်မတီကဦးဆောင်ပြီး ဒီကနေ့ နေ့လည်က ထားဝယ်ခရိုင်၊ လောင်းလုံးမြို့နယ်အတွင်း စစ်အာဏာရှင်စနစ်ဆန့်ကျင်ရေး သပိတ်လှုပ်ရှားမှု ပြုလုပ်ခဲ့ပါတယ်။

(ကိုယ်တိုင်ထုတ် 5.56mm ကျည်သုံး ကာဘိုင်အမျိုးအစား သေနတ်အား ပြသနေစဥ်။ဓာတ်ပုံ - File)

ကျည်ဝယ်ရလွယ်ကူသည့် ကာဘိုင်သေနတ်အား မြင်းခြံတပ် MBT ထုတ်လုပ်

ဇေအောင်/People's Spring

မန္တလေးတိုင်း၊ မြင်းခြံခရိုင်အခြေစိုက် Myingyan Black Tiger(MBT)တပ်ဖွဲ့က ကျည်ဝယ်ရလွယ်ကူသည့် 5.56mm ကျည်သုံး ကာဘိုင်အမျိုးအစား သေနတ်အား အောင်မြင်စွာ ထုတ်လုပ်နိုင်ခဲ့ကြောင်း ယင်းတပ်ဖွဲ့က အသိပေး ထုတ်ပြန်သည်။

5.56mm ကျည်သုံး ကာဘိုင်အမျိုးအစား သေနတ်အား နိုဝင်ဘာ ၇ရက်တွင် အောင်မြင်စွာ ထုတ်လုပ်နိုင်ခဲ့ပြီး ရှေ့တန်းစစ်မျက်နှာပြင်၌ ကျည်ရှားပါးနေသော ရဲဘော်များအတွက် အဓိက ရည်ရွယ် ထုတ်လုပ်ခဲ့ခြင်းဖြစ်ကြောင်း Myingyan Black Tiger (MBT)တပ်ဖွဲ့က အသိပေးသည်။

"အရင်က ရဲဘော်တွေသုံးနေတာက အိန္ဒိယကိုးလုံး သေနတ်တွေကို အသုံးပြုနေတယ်။ အဲဒီသေနတ်တွေက ကျည်ရှားပါးတယ်။ ပိုက်ဆံရှိလို့ ဝယ်ချင်တိုင်းဝယ်လို့မရတဲ့ ပြဿနာတွေရှိတယ်။ တော်တော်လေးရှာရခက်တယ်။ သေနတ်တွေ Error ဖြစ်တာများတယ်။ အခုထုတ်တဲ့သေနတ်က ကျည်ဝယ်ရလွယ်ကူတယ်။"ဟု MBTတပ်ဖွဲ့ခေါင်းဆောင် ဗိုလ်မိုက်ခဲက ပြောသည်။

ကာဘိုင်သေနတ် အမျိုးအစားသည် ပေါ့ပါး၍ ပစ်မှတ်ကို မီတာ ၁၀၀အတွင်း တိကျစွာ ပစ်ခတ်နိုင်၍ ရှေ့တန်း၌ ကိုးလုံး (ရှော့ဂမ်း)အစား ယခု 5.56mmကျည်သုံး ကာဘိုင်များအား အစားထိုးအသုံးပြုသွားမည်ဟု MBT တပ်ဖွဲ့က ဆိုသည်။

MBT တပ်ဖွဲ့သည် "End Point" ကမ်ပိန်းပြုလုပ်နေပြီး ဆက်လက်ကူညီ‌ထောက်ပံ့ပေးပါရန်လည်း ပြည်သူများအား မေတ္တာရပ်ခံထားသည်။

Myingyan Black Tiger (MBT)တပ်ဖွဲ့သည် မြင်းခြံခရိုင်အပြင် မကွေးတိုင်းနှင့် စစ်ကိုင်းတိုင်း၌ပါ စစ်ဆင်ရေးများ ဆောင်ရွက်နေသည်။

(ကရင်အမျိုးသားအစည်းအရုံး(KNU)တပ်မဟာ (၆)၏ တပ်သားများကို တွေ့ရစဉ်။ဓာတ်ပုံ - ဒူးပလာယာခရိုင်)

ရှမ်းမြောက်စစ်ရေးကဲ့သို့ ပုံစံတူလုပ်မရဘဲ နိုင်ငံရေးလမ်းစဉ်၊ အင်အားအခြေအနေနှင့် အခွင့်အရေးပေါ်မူတည် လုပ်ရမည်ဟု KNUပြော

ဟန်နွေ/People’s Spring

ကရင်အမျိုးသားအစည်းအရုံး(KNU)အနေဖြင့် နိုင်ငံရေး၊ စစ်ရေး ဆောင်ရွက်မှုများကို ရှမ်းမြောက်ဒေသ စစ်ရေးဖော်ဆောင်မှုအပါအဝင် အခြားသူများလုပ်ဆောင်သကဲ့သို့ လုပ်ဆောင်၍ မရဘဲ အဖွဲ့ကချမှတ်ထားသည့် နိုင်ငံရေး၊ စစ်ရေးလမ်းစဉ်အတိုင်း တဆင့်ခြင်းလုပ်ဆောင်ရမည် ဖြစ်ကြောင်း KNU အုပ်ချုပ်မှုစွမ်းရည်မြှင့် တင်ရေးကော်မတီ အတွင်းရေးမှူး စောကပီက ပြောကြားသည်။

KNU၏ လက်ရှိသွားနေသည့် နိုင်ငံရေး၊ စစ်ရေး လမ်းစဥ်များအပေါ် ပြည်သူလူထုပိုမိုသိရှိနားလည်စေရန် ဆရာစောကပီမှ ကရင်ဘာသာဖြင့် ရှင်းပြချက်ကို KNUဗဟိုက ယနေ့ (နိုဝင်ဘာ ၈ရက်)တွင် ထုတ်ပြန်ခဲ့ခြင်းဖြစ်သည်။

KNUအနေဖြင့် KNUကွန်ဂရက်က ချမှတ်သည့် နိုင်ငံရေးလမ်းစဉ်အတိုင်း ဆက်သွားနေကြောင်း၊နိုင်ငံရေးလမ်းစဉ်နှင့် လုပ်ငန်းစဉ်အရ တော်လှန်ရေးကို ဦးဆောင်နေတဲ့အဖွဲ့အစည်းတစ်ခုအဖြစ် ကွန်ကရက်တစ်ကြိမ်ပြီး တစ်ကြိမ်ချမှတ်ထားခဲ့ကြောင်း ၎င်းက အသိပေးသည်။

" အခု ဖြ‌စ်ပေါ်နေတဲ့ လက်ရှိနိုင်ငံရေး အခြေအနေကိုပြောရမယ်ဆိုရင် ကျနော်တို့ကို ကျနော်တို့ရဲ့ ပြည်သူတွေဖြစ်စေ၊ အခြားပြည်သူ တွေဖြစ်စေ ကျနော်တို့အဖွဲ့အစည်းလုပ်ငန်းအ‌ပေါ် အားမလိုအားမရတာတွေ ရှိမယ်။ သို့သော် လက်ရှိရင်ဆိုင်နေရတဲ့ အခြေအနေတွေမှာ ကျနော်တို့လုပ်ဆောင်နေတဲ့အထဲမှာ ပထမတခုက နိုင်ငံရေးအရချမှတ်ထားတဲ့ လမ်းစဉ်အတိုင်း သွားတယ်။ ဒုတိယတခုက အင်အားနဲ့အခြေအနေအရ မိမိအခွင့်အရေးအခြေအနေအရ မူတည်ပြီးသွားတယ်။ တတိယတခုကတော့ တဆင့်ပြီးတဆင့်သွားတယ်"ဟု ဆရာစောကပီက ပြောသည်။

စစ်ရေး အခြေအနေများသည် ရှမ်းပြည်နယ် မြောက်ပိုင်း အခြေအနေနှင့်နိုင်ငံတခုလုံး၏ အခြေအနေများ မတူညီနိုင်ကြောင်း၊ ကရင်အမျိုးသားလွတ်မြောက်ရေးတပ်မတော်(KNLA) အနေဖြင့် စစ်ရေးလမ်းစဉ်၊ လုပ်ငန်းစဉ် ချမှတ်ထားပြီး KNU ချမှတ်ထားသည့် နိုင်ငံရေးလမ်းစဉ်များ တဆင့်ပြီး တဆင့်ဦးဆောင်မှု အခြေအနေနှင့် အခွင့်အရေးများအတိုင်း ဆောင်ရွက်နေကြောင်း ပြောကြားသည်။

" အရေးကြီးဆုံးကတော့ ကျနော်တို့ချမှတ်ထားတဲ့ နိုင်ငံရေးလမ်းစဉ်နဲ့ ချမှတ်ထားတဲ့ လုပ်ငန်းစဉ်တွေကို လမ်းလွဲမသွားဖို့ လိုအပ်တယ်။ အခြားသူတွေးထားချက်နဲ့ မတူညီတဲ့ အခြေအနေနဲ့ အခြားအဖွဲ့အစည်း မူတွေရဲ့လမ်းစဉ်အတိုင်း လုပ်ဆောင်လို့မရဘူး။ ၁၀၂၇ စစ်ဆင်ရေးတွေ ပေါ်လာတယ်။ အဲ့အတွက်ကြောင့် ကျနော်တို့က အဲလိုမျိုး အမည်တခုနဲ့ စစ်ဆင်ရေးတွေ ပေါ်လာဖို့ပြောကြတယ်။ တွေးကြတယ်။ အဲလိုမျိုးက ကျနော်တို့ရဲ့ အခြေအနေနဲ့ ကိုက်ညီမှုမရှိဘူး"ဟု ဆရာစောကပီက ပြောသည်။

KNUနယ်မြေတွင် ကော်ဘရာစစ်ကြောင်း ကဲ့သို့ စစ်ကြောင်းများ ရှိလာကြောင်း၊ လက်နက်ကိုင် တော်လှန်ရေးအတွက် ပူးပေါင်းလုပ်ဆောင်ခြင်း၊ အားပေးခြင်း၊ စစ်သင်တန်းအကူအညီပေးခြင်း၊ အခြားလူမျိုး‌များ၏ လက်နက်ကိုင် တော်လှန်ရေးအတွက်အကူအညီပေးခြင်းများ ရှိပြီး ပြည်တွင်းက ဗမာတိုင်းရင်းသားများကိုပါ သင်တန်းပေးခြင်း ပူးပေါင်းဆောင်ရွက်ခြင်းရှိကြောင်း ပြောကြားသည်။

" အခြားတဘက်ကိုကြည့်မယ်ဆိုရင် ကရင်အမျိုးသားအစည်းအရုံးရဲ့ အုပ်ချုပ်တဲ့နယ်မြေက အကျယ်ဆုံးပဲ။ တနင်္သာရီတိုင်း ဘက်မှာဆိုရင် အုပ်ချုပ်နယ်မြေတွေရှိတယ်။ ပဲခူးတိုင်းဘက်မှာ ဆိုရင်လည်း ကော်သူးလေ အုပ်ချုပ်နယ်မြေတွေရှိတယ်။ မွန်ပြည်နယ်ဘက်မှာဆိုလည်း ရှိတယ်။ ကျနော်တို့ရဲ့ နိုင်ငံရေးလုပ်ငန်းတွေမှာဖြစ်စေ၊ နိုင်ငံရေးလမ်းစဉ်တွေဖြစ်စေ၊ မြေပြင်စစ်ရေးလှုပ်ရှားမှုတွေဖြစ်စေ အခြားသူလုပ် သလိုပုံစံတူ လုပ်လို့မရ ဘူးလို့မြင်တယ်။ ကျနော်တို့ရဲ့ လမ်းစဉ်အတိုင်း တဆင့်ပြီးတဆင့် သွားရမှာဖြစ်တယ်"ဟု ဆရာစောကပီက ပြောသည်။

KNU အထွေထွေအတွင်းရေးမှူးချုပ် ပဒိုစောတာဒိုမူးကလည်း KNUအနေဖြင့် ပြည်သူ့ကာကွယ်ရေးတပ်မတော်(PDF)ရဲဘော်များနှင့်ပူးပေါင်းပြီးစစ်ကောင်စီကို ဆက်လက်တိုက်ခိုက်နေကြောင်း နိုဝင်ဘာ ၅ရက်က ကျင်းပခဲ့သည့် NUGနှင့် K2C(KNU၊KNPP၊CNF) တို့၏ ပူးတွဲသတင်းစာရှင်းလင်းပွဲတွင် အသိပေးသည်။

" တောင်ပိုင်းစစ်ရေး အခြေအနေကတော့ ကျနော်တို့နဲ့ PDFနဲ့ ပူးပေါင်းဆောင်ရွက်မှု ဒီဟာတွေကတော့ ကျနော်တို့ တောင်ပိုင်းမှာ စစ်တပ်ကို ရှေ့တန်းမှာ ရန်သူအသွင်နဲ့ လာတဲ့ စစ်သားတွေမှန်သမျှကတော့ ပြတ်ပြတ်သားသား ကျနော်တို့ ဆက်ပြီးတော့ စဉ်ဆက်မပြတ် ပြန်ပြီး ဖိအားပေး တွန်းလှန်ပြီး တိုက်ယူတဲ့ ရှင်းလင်းတာတွေ တောက်လျှောက်ှရိနေပါတယ်။ တချက်မှ မရပ်ပါဘူး။ PDFနဲ့ ပူးပေါင်းညှိနှိုင်းမှုက ဘာမှ ကျနော်တို့ကြားမှာ အခက်အခဲမရှိပါဘူး"ဟု ပဒိုစောတာဒိုမူးက ပြောကြားသည်။

KNU ပြောရေးဆိုခွင့်ရှိသူ ပဒိုစောတောနီးကလည်း KNU အနေဖြင့် ချွေစစ်ဖြင့် စစ်ကောင်စီကို တိုက်ခိုက်နေခြင်းဖြစ်ကြောင်း အသိပေးထားသည်။

KNUအနေဖြင့် စစ်တပ်အာဏာသိမ်းပြီးနောက်ပိုင်း စစ်ကောင်စီတပ်ကို ပြောက်ကျားစစ်အပါအ၀င် တိုက်ပွဲကြီးငယ် သောင်းချီ တိုက်ခိုက်ခဲ့သည့် တော်လှန်ရေးတပ်ဖွဲ့ဖြစ်ပြီး စစ်အာဏာရှင်ဆန့်ကျင်ရေး အင်အားစုများကို လက်ခံခြင်း၊ စစ်သင်တန်းပေးခြင်းအပါအဝင် အကူအညီများ ပေးအပ်ခဲ့သည်။

“ညနေခင်းသတင်းလွှာ”

ဒီနေ့ (နိုဝင်ဘာ ၈ ရက်) ညနေခင်းသတင်းတွေကို People’s Spring က တင်ဆက်ပေးပါမယ်။

◾️AAရဲ့ အမ်းမြို့သိမ်းတိုက်ပွဲအတွင်း နပခတိုင်းမှူးရော၊ ဒုတိုင်းမှူးပါ ထွက်ပြေး

အာရက္ခတပ်တော်(AA)ထိုးစစ်ဆင်တိုက်ခိုက်နေတဲ့ အမ်းမြို့သိမ်းတိုက်ပွဲမှာ မြေပြင်ကနေ တိုက်ရိုက်ကွပ်ကဲမယ့် စစ်ကောင်စီထိပ်တန်းအရာရှိများစွန့်ခွာထွက်ပြေးနေကြပြီး အနောက်ပိုင်းတိုင်းစစ်ဌာနချုပ်(နပခ)တိုင်းမှူးဗိုလ်ချုပ်ကျော်စွာဦးဟာ ကျောက်ဖြူမြို့မှာရောက်ရှိနေသလို ဒုတိုင်းမှူး ဗိုလ်မှူးချုပ်သောင်းထွန်းနဲ့ အခြားအရာရှိများဟာ မကွေးမြို့သို့ စစ်ရဟတ်ယာဉ်ဖြင့် ထွက်ပြေးသွားတယ်လို့ သတင်းရင်းမြစ်အချို့က ပြောပါတယ်။ နိုဝင်ဘာ ၄ရက်က နပခထဲရှိ ရဟတ်ယာဉ်ကွင်းသို့ စစ်ရဟတ်ယာဉ် ၂စီးဆင်းသက်ခဲ့ပြီး ရိက္ခာနဲ့ လူအင်အား ပို့ဆောင်ကာ ဒုတိုင်းမှူး ဗိုလ်မှူးချုပ် သောင်းထွန်းဦးဆောင်သည့် ၂ဝဦးခန့်ကို မကွေးမြို့တပ်မ(၈‌၈)သို့ ခေါ်ဆောင်သွားတယ်လို့ ဆိုပါတယ်။ လက်ရှိမှာ တိုင်းစစ်ဦးစီးမှူး ယာယီဗိုလ်မှူးချုပ်ကျော်ကျော်သန်း၊ ဗိုလ်မှူးကြီးအောင်ရွှေ‌တို့ အမ်းမှာ ရှိနေပြီး နပခထဲမှာ ရှိနေတယ်လို့ AAနှင့်နီးစပ်တဲ့သတင်းရင်းမြစ်က ပြောပါတယ်။

◾️တောင်ငူမြို့နယ် တိုက်ပွဲပြင်းထန်နေ

ပဲခူးတိုင်း၊ တောင်ငူမြို့နယ်ရှိ အိုင်စောက်ကျေးရွာနဲ့ အနီးကျေးရွာများမှာ တိုက်ပွဲပြင်းထန်နေပြီး စစ်ကောင်စီတပ်က လက်နက်ကြီးပစ်ခတ်မှုကြောင့် အရပ်သားအချို့ထိခိုက်ဒဏ်ရာရရှိထားတယ်လို့ သိရပါတယ်။ တောင်ငူမြို့နယ်ရှိ အိုင်စောက်၊ ကမ်းနီ၊ ကရင်နီကုန်း သက်ကယ်ကျင်း၊ ညောင်စခန်း၊ ကွမ်းသီးပင်နဲ့ ဇီးဖြူကုန်းကျေးရွာတို့မှာ ဒီနေ့ မနက်အစောပိုင်းကစလို့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့များ တိုက်ပွဲဖြစ်ပွားနေတာပါ။ နေ့ခင်းပိုင်းမှာ ကွမ်းသီးပင်ကျေးရွာကို စစ်ကောင်စီတပ်က လက်နက်ကြီးဖြင့်ပစ်ခတ်ရာ နေအိမ်ပေါ်ကျရောက်ပေါက်ကွဲပြီး ဒေသခံ လေးဦးဒဏ်ရာရရှိခဲ့ပါတယ်။ တိုက်ပွဲကြောင့် ကျေးရွာများအတွင်း ပိတ်မိနေသူများရှိသလို တောင်ငူမြို့ပေါ်သို့ထွက်ပြေးတိမ်းရှောင်လာသူ တစ်ထောင်နီးပါးရှိနေပြီလို့ သိရပါတယ်။

◾️ရခိုင်မှာ လူ ၂သန်းလောက် အငတ်ဘေး ကြုံလာနိုင်တယ်လို့ ကုလသမဂ္ဂအရာရှိဆို

ရခိုင်ပြည်နယ်ထဲမှာ ပြည်သူ ၂သန်းလောက်ဟာ လာမယ့် လပိုင်းတွေအတွင်း ငတ်မွတ်မှု အန္တရာယ်ကြီး ကျရောက်လာမယ့် ခြိမ်းခြောက်မှု ကြီးကြီးမားမား ရှိနေတယ်လို့ ကုလသမဂ္ဂ ထိပ်တန်း အရာရှိ တစ်ဦးက သတိပေးခဲ့ပါတယ်။ ရခိုင်ပြည်နယ်မှာ တိုက်ပွဲတွေ စတင်လာတာ တစ်နှစ်လောက် ကြာမြင့်လာခဲ့ပြီဖြစ်ပြီး အဲဒီအတွင်း ဒေသရဲ့ စီးပွားရေးဟာ လုံးဝဥဿုံ ပြိုကျသွားပြီလို့ ကုလသမဂ္ဂရဲ့ လက်ထောက် အတွင်းရေးမှူးချုပ်နဲ့ ကုလသမဂ္ဂ ဖွံ့ဖြိုးရေး အစီအစဉ်(UNDP)ရဲ့ ဒေသဆိုင်ရာ ဒါရိုက်တာ ကန်နီ ဝစ်နာရာဂျာက Guardian သတင်းဌာနကို ပြောကြားခဲ့ပါတယ်။ စစ်ပွဲကြောင့် ဒေသရဲ့ စီးပွားရေးနဲ့ စားနပ်ရိက္ခာ ထုတ်လုပ်နိုင်စွမ်းတွေ ဆိုးဆိုးရွားရွား ကျဆင်းသွားပြီး မိသားစု အများအပြားဟာ ဆိုးရွားတဲ့ ဆာလောင်မွတ်သိပ်မှု ပြဿနာနဲ့ စတင် ရင်ဆိုင်နေရပြီဖြစ်ကြောင်း၊ ပုံမှန်ဆိုရင် တိရစ္ဆာန် အစာအဖြစ် အသုံးပြုတဲ့ ဖွဲနုကို ဝမ်းစာအဖြစ် စားသောက်နေရတဲ့ မိသားစုတွေ ရှိလာကြောင်း သူက ဆိုပါတယ်။

◾️ထိုင်းဝန်ကြီးချုပ်နဲ့ စစ်ခေါင်းဆောင်တွေ့ဆုံအပြီး ထိုင်းရောက်မြန်မာများအား သံရုံးက ခြိမ်းခြောက်

ထိုင်းဝန်ကြီးချုပ်နဲ့ အာဏာသိမ်းစစ်ခေါင်းဆောင်မင်းအောင်လှိုင်တို့ တရုတ်နိုင်ငံမှာ တွေ့ဆုံအပြီးနောက်တစ်ရက်မှာ ဘန်ကောက်မြို့ရှိစစ်ကောင်စီရဲ့ မြန်မာသံရုံးက ထိုင်းရောက်မြန်မာများအား ခြိမ်း‌ခြောက်တဲ့ သတိပေးချက်တစ်ခု ထုတ်ပြန်လိုက်ပါတယ်။ ထိုင်းတော်ဝင်ရဲတပ်ဖွဲ့၊ လူဝင်မှုကြီးကြပ်ရေးဗျူရိုက လူဝင်မှုကြီးကြပ်ရေးအက်ဥပဒေ (B.E.2522)နှင့်အညီ နေထိုင်ခွင့်သက်တမ်းတိုးခြင်းဆိုင်ရာကိစ္စရပ်များအား အထူးအလေးထား အရေးယူဆောင်ရွက်နေကြောင်း၊ ထိုင်းနိုင်ငံအတွင်း သက်တမ်းကျော်လွန်နေထိုင်သူများအား လူဝင်မှု ကြီးကြပ်ရေးဗျူရိုအနေဖြင့် အရေးယူဆောင်ရွက်သွားမည်ဖြစ်ကြောင်း စစ်ကောင်စီ မြန်မာသံရုံးက ခြိမ်းခြောက်ထုတ်ပြန်ထားပါတယ်။

◾️ထိုင်းရောက် မြန်မာတွေရဲ့ အချက်အလက်တွေကို ထိုင်းဝန်ကြီးချုပ်ဆီကနေ စစ်ခေါင်းဆောင် တောင်းခဲ့တယ်လို့ဆို

ထိုင်းဝန်ကြီးချုပ်နဲ့ တွေ့ဆုံချိန်မှာ အာဏာသိမ်း စစ်ခေါင်းဆောင်မင်းအောင်လှိုင်က ထိုင်းနိုင်ငံရောက် မြန်မာတွေရဲ့ အချက်အလက်တွေ မျှဝေပေးဖို့ တောင်းခံခဲ့ကြောင်း ထိုင်းသတင်းဌာန Thai Enquirerက ဖော်ပြခဲ့ပါတယ်။ မင်းအောင်လှိုင်ဟာ အာဏာသိမ်းပြီးနောက်ပိုင်း ပထမဆုံး တရုတ်နိုင်ငံ ခရီးစဉ်အဖြစ် ယူနန်ပြည်နယ်ထဲက ကူမင်းမြို့ကို ရောက်ရှိခဲ့ချိန်မှာ ထိုင်းဝန်ကြီးချုပ် ဖေထောင်ထန် ရှီနာဝပ်ထရာနဲ့ တွေ့ဆုံခဲ့တာ ဖြစ်ပါတယ်။ သူတို့နှစ်ယောက်ဟာ ဒဿမ အကြိမ်မြောက် ဧရာဝတီ-ကျောက်ဖရား-မဲခေါင် စီးပွားရေး ပူးပေါင်းဆောင်ရွက်မှု မဟာဗျူဟာ (ACMECS) ထိပ်သီး အစည်းအဝေးရဲ့ ဆက်စပ် အစီအစဉ်မှာ တွေ့ဆုံခဲ့တာ ဖြစ်ပါတယ်။

◾️ကျောက်ကြီးမြို့နယ်မှာ စစ်ကောင်စီ လက်နက်ကြီးကြောင့် အရပ်သားတစ်ဦး ထပ်မံသေဆုံး

ကရင်အမျိုးသားအစည်းအရုံး(KNU) တပ်မဟာ(၃) ညောင်လေးပင်ခရိုင်၊ ကျောက်ကြီးမြို့နယ်မှာ စစ်ကောင်စီတပ်က လက်နက်ကြီးဖြင့် ပစ်ခတ်၍ အရပ်သားတစ်ဦး သေဆုံးခဲ့တယ်လို့ KNUဗဟိုက ဒီနေ့ထုတ်ပြန်ပါတယ်။ နိုဝင်ဘာ ၆ရက် နံနက်ပိုင်းက စစ်ကောင်စီရဲ့ ခလရ(၂၆၄) တပ်ရင်းမှ (၁၂၀)မမ လက်နက်ကြီး ငါးလုံး ပစ်ခတ်ခဲ့ရာ ငဖယ်အင်းကျေးရွာအတွင်း ကျရောက်ပေါက်ကွဲခဲ့ပြီး (၄၇)နှစ်အရွယ် အမျိုးသား တစ်ဦးသေဆုံးကာ အမျိုးသားတစ်ဦး ဒဏ်ရာရရှိခဲ့ပါတယ်။ ဒါ့အပြင် ခရစ်ယာန်ဘုရားရှိခိုးကျောင်း တစ်ကျောင်းထိခိုက်ပျက်စီးခဲ့ဟု အသိပေးပါတယ်။

◾️ကနီမြို့နယ် ပညာရေးဘုတ်အဖွဲ့တာဝန်ခံမိသားစုသတ်ဖြတ်ခံရမှု အမှုမှန်အမြန်ဆုံးဖော်ထုတ်ပေးဖို့ ရန်ကုန်တိုင်း CDM ပညာရေးဝန်ထမ်းများကွန်ရက် တောင်းဆို

စစ်ကိုင်းတိုင်း၊ ကနီမြို့နယ်မှာ မြို့နယ်ပညာရေးဘုတ်အဖွဲ့တာဝန်ခံမိသားစုသတ်ဖြတ်ခံရမှုဖြစ်ရပ် ပြင်းထန်စွာကန့်ကွက်ရှုတ်ချပြီး အမှုမှန်အမြန်ဆုံးဖော်ထုတ်ပေးဖို့ ရန်ကုန်တိုင်း၊ မြို့နယ်ပညာရေးဘုတ်အဖွဲ့များ အခြေခံပညာ CDM ပညာရေးဝန်ထမ်းများကွန်ရက်က တောင်းဆိုလိုက်ပါတယ်။ နိုဝင်ဘာ ၄ရက်က ကနီမြို့နယ်၊ ပညာရေးဘုတ်အဖွဲ့တာဝန်ခံ ဆရာဦးဝင်းဌေး၊ ဇနီး ဒေါ်ခြိမ့်ခြိမ့်သဲဝေ၊ သုံးလအရွယ် သမီးငယ် မရွှေဝတ်ရည်လွှာတို့ မိသားစု သုံးဦးဟာ တပုန်းကျေးရွာနေအိမ်မှာ မတရားသတ်ဖြတ်ခံခဲ့ရပါတယ်။ တော်လှန်ရေးအင်အားစုများ ထိန်းချုပ်စိုးမိုးနယ်မြေအတွင်း သုံးလအရွယ် သမီးငယ်လေး အပါအဝင် ပညာရေးဝန်ထမ်းမိသားစုအား လူမဆန်စွာသတ်ဖြတ်ခဲ့ကြတဲ့ မည်သည့် လူပုဂ္ဂိုလ်တစ်ဦးဦးက ဖြစ်စေ၊ မည်သည့်အဖွဲ့အစည်းတစ်ခုခုကဖြစ်စေ အမိန့်ပေးစေခိုင်းသူများ၊ ပူးပေါင်းကြံစည်သူများနဲ့ ကျူးလွန်သူများအား အမြန်ဆုံး ဖော်ထုတ်နိုင်ရေးအတွက် သက်ဆိုင်ရာ တာဝန်ရှိသူများအား အလေးအနက်တောင်းဆိုကြောင်း ရန်ကုန်တိုင်း၊ မြို့နယ်ပညာရေးဘုတ်အဖွဲ့များ အခြေခံပညာ CDM ပညာရေးဝန်ထမ်းများကွန်ရက်ရဲ့ ထုတ်ပြန်ချက်မှာ ဖော်ပြပါတယ်။

(မျှတခြင်းပါတီ (Fair Party)ရဲ့ထိုင်းအတိုက်အခံအမတ် Kannavee Suebsang၊ ထိုင်းဝန်ကြီးချုပ်နှင့်မြန်မာစစ်ခေါင်းဆောင် တွေ့ဆုံနေစဉ်)

“ဒီနေ့ဘာဖြစ်ခဲ့လဲ”

ဒီနေ့(အောက်တိုဘာ ၃၁ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️နောက်ဆုံးလက်ကျန် နယ်ခြားစောင့်တပ်(၁၀၀၁)ဌာနချုပ်ကို KIAသိမ်းပိုက်

ကချင်ပြည်နယ် ချီဖွေမြို့နယ် ဖိမော်ဒေသ အခြေစိုက်စစ်ကောင်စီ လက်အောက်ခံ နယ်ခြားစောင့်တပ်(BGF)-၁၀၀၁ တပ်ရင်းဌာနချုပ်ကို ကချင်လွတ်လပ်ရေးတပ်မတော်(KIA)က ဒီနေ့ သိမ်းပိုက်လိုက်ပြီလို့ စစ်ရေးသတင်းရင်းမြစ်အချို့က အသိပေးပါတယ်။ စစ်ကောင်စီလက်အောက်ခံ ဦးဇခုန်တိန့်ယိန်း ဦးဆောင်တဲ့ ကချင်အထူးဒေသ(၁)နယ်မြေမှာ ဖီမော်ဒေသအခြေစိုက် BGF(၁၀၀၁) တပ်ရင်း၊ ပန်ဝါဒေသ အခြေစိုက် BGF (၁၀၀၂) တပ်ရင်း၊ ကန်ပိုက်တီ စင်ကြိုင်ဒေသ အခြေစိုက် BGF (၁၀၀၃)တပ်ရင်းများရှိရာ အဲဒီ တပ်ရင်း သုံးခုစလုံးရဲ့ တပ်ရင်းဌာနချုပ်များကို KIAက သိမ်းပိုက်ရရှိထားပြီးဖြစ်ပါတယ်။ အဲဒီတပ်ရင်းဌာနချုပ်သိမ်းပိုက်နိုင်မှု အခြေအနေနဲ့ပတ်သက်လို့ KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူထံ ဆက်သွယ်မေးမြန်းထားဆဲပါ။

◾️ဆောနယ်ကို စစ်ကောင်စီလေကြောင်းတိုက်ခိုက်၊ ကလေးတစ်ဦးအပါအဝင် ၄ဦး ဒဏ်ရာရ

မကွေးတိုင်း ဆောမြို့နယ် ကံချောင်းကျေးရွာကို စစ်ကောင်စီက မနေ့ညပိုင်းက လေကြောင်းမှ ဗုံးကြဲတိုက်ခိုက်ခဲ့ရာ (၁၂)နှစ်အရွယ် မိန်းကလေးငယ် အပါအဝင် ၄ဦး ဒဏ်ရာရရှိခဲ့တယ်လို့ ဒေသသတင်းရင်းမြစ်က ပြောပါတယ်။ မနေ့ည သန်းခေါင်ယံအချိန်က ဆောမြို့နယ် ကံချောင်းကျေးရွာကို ဗုံး ၂လုံး ကြဲချတိုက်ခိုက်ခဲ့ရာ ဒေသခံပြည်သူများ​ရဲ့ နေအိမ် ၁၀လုံး ပျက်စီးခဲ့သည်ဟု ဆိုပါတယ်။ လေကြောင်းတိုက်ခိုက်မှုကြောင့် ကျေးရွာဆေးခန်းလည်း ပျက်စီးမှုရှိခဲ့တယ်လို့ သိရပါတယ်။

◾️ခေါပုတ်စခန်းမှ ထွက်ပြေးနေတဲ့ စစ်ကောင်စီတပ်သားများ ဖာပွန်ဗျူဟာ စခန်းသို့ ပူပေါင်းနိုင်ရေး ကြိုးပမ်းနေ

ကရင်အမျိုးသားအစည်းအရုံး(KNU)ပူးပေါင်းတပ်များရဲ့ တိုက်ခိုက်မှုကြောင့် ခေါပုတ်စခန်းအား စွန့်ခွာ ထွက်ပြေးသွားတဲ့ စစ်ကောင်စီတပ်သား ၂၀ ကျော် ကျန်ရှိနိုင်တယ်လို့ KNU တပ်မဟာ(၅) ပြောရေးဆိုခွင့်ရှိသူ ဗိုလ်မှူးကြီး စောကလယ်ဒိုက ပြောပါတယ်။ အဲဒီစစ်ကောင်စီတပ်ဖွဲ့ဝင်များဟာ ကရင်အမျိုးသားလွတ်မြောက်ရေးတပ်မတော်(KNLA) ဦး​ဆောင်​တဲ့ ပူးပေါင်းတပ်ရဲ့ တိုက်ခိုက်မှုကြောင့် အောက်တိုဘာ ၂၉ရက်မှာ ထွက်ပြေးသွားခြင်းဖြစ်ပြီး ဖာပွန်ဗျူဟာစခန်းသို့ ပြန်လည်ဝင်ရောက်နိုင်ရေး ကြိုးပမ်းနေတယ်လို့ ဆိုပါတယ်။ ဒါပေမဲ့ စစ်ကောင်စီတပ်သားများ ဖာပွန်ဗျူဟာသို့ ပြန်လည်ပူးပေါင်းနိုင်ရေး ခက်ခဲမယ်လို့ ဗိုလ်မှူးကြီးစောကလယ်ဒိုက သုံးသပ်ပါတယ်။

◾️တောင်ကုတ်မြို့နယ်ကို စစ်ကောင်စီ လေကြောင်း ထပ်မံတိုက်ခိုက်၊ ကလေးငယ်များအပါအဝင် အရပ်သား ၅ဦးသေဆုံး

ရက္ခိုင်ပြည်နယ်၊ တောင်ကုတ်မြို့နယ်ကို စစ်ကောင်စီက လေကြောင်း ထပ်မံတိုက်ခိုက်ရာ (၁၀)နှစ်အရွယ် မိန်းကလေးငယ်နှစ်ဦးအပါအဝင် ဒေသခံ ၅ဦးသေဆုံးပြီး ခုနစ်ဦး ဒဏ်ရာရခဲ့ပါတယ်။ တောင်ကုတ်မြို့နယ် မောင်းကျေးရွာကို မနေ့ နေ့ခင်းက ပုသိမ် လေတပ်မှတက်လာတဲ့ ဂျက်ဖိုက်တာဖြင့် ဗုံးကြဲတိုက်ခိုက်ခဲ့တာလို့ ရခိုင်စစ်ရေးသတင်းရင်းမြစ်က ပြောပါတယ်။ အရပ်သားနေအိမ်တွေအပေါ် ကြဲချခဲ့တာဖြစ်ပြီး လက်နက်ကြီးတွေလည်း ဆက်တိုက် ပစ်ခတ်ခဲ့တယ်လို့ မြို့ခံတစ်ဦးက ပြောပါတယ်။ အောက်တိုဘာ ပထမပတ်အတွင်း လေကြောင်းတိုက်ခိုက်မှု နှစ်ကြိမ်ကြောင့် အရပ်သားပြည်သူ ၁၉ဦးသေဆုံးခဲ့ပါတယ်။

◾️KIAတပ်မဟာ(၉) ဌာနချုပ်ဧရိယာကို စစ်ကောင်စီ လေကြာင်းတိုက်ခိုက်

ကချင်လွတ်လပ်ရေးတပ်မတော်(KIA) တပ်မဟာ (၉)ဌာနချုပ်နယ်မြေကို စစ်ကောင်စီက ဒီနေ့ မနက်ပိုင်းမှာ လေကြောင်းမှ ဗုံးကြဲတိုက်ခိုက်ခဲ့တယ်လို့ သိရပါတယ်။ ဒီနေ့ မနက်ပိုင်းမှာ စစ်ကောင်စီ လေကြောင်းမှဗုံးကြဲတိုက်ခိုက်မှု ၅ကြိမ်ပြုလုပ်ခဲ့ပြီး ထိခိုက်မှုအသေးစိတ်အခြေအနေကို မသိရသေးပါဘူး။ KIA တပ်မဟာ(၉)ဌာနချုပ် ဧရိယာဟာ ဖားကန့် မြို့နယ်အတွင်း တည်ရှိပြီး စက်တင်ဘာအတွင်းက ဖားကန့်မြို့ ဆိုင်းတောင်ရွာတွင် တိုက်ပွဲများ ပြင်းထန်ခဲ့ပါတယ်။ လတ်တလောမှာတော့ ဖားကန့်မြို့နယ်မှာ တိုက်ပွဲဖြစ်ပွားမှု မရှိသေးပေ။

◾️လားရှိုးမြို့ကို နှစ်လအတွင်း စစ်ကောင်စီ လေကြောင်းတိုက်ခိုက်မှု အရပ်သား ၇ဦးသေဆုံး

ကိုးကန့်တပ်မတော်(MNDAA)တိုက်ခိုက် သိမ်းပိုက်ထားတဲ့ လားရှိုးမြို့ကို စစ်ကောင်စီက နှစ်လအတွင်း လေကြောင်း တိုက်ခိုက်မှုများ ဆက်တိုက်ပြုလုပ်ခဲ့ရာ အရပ်သား ၇ဦးသေဆုံးပြီး ၅၇ဦးဒဏ်ရာရခဲ့တယ်လို့ MNDAAက ထုတ်ပြန်ပါတယ်။ MNDAAက လားရှိုးမြို့ကို သိမ်းပိုက်ပြီးနောက် ဩဂုတ်လကုန်မှစ၍ စစ်ကောင်စီက လားရှိုးမြို့ပေါ်ကို လေကြောင်း ဗုံးကြဲတိုက်ခိုက်ခဲ့ရာ အောက်တိုဘာလကုန်ပိုင်းအထိ နှစ်လတာအတွင်း အရပ်သား ထိခိုက်သေဆုံး အခြေအနေကို အသိပေးခဲ့တာပါ။ နှစ်လအတွင်း တိုက်လေယာဉ်မှ ဗုံး ၇၀ကျော် ကြဲချခဲ့ရာ အရပ်သား ၇ဦးသေဆုံးကာ ၅၇ ဦး ဒဏ်ရာရရှိခဲ့တယ်လို့ ဖော်ပြပါတယ်။ ဒါ့အပြင် လူနေအိမ် အဆောက်အအုံများ၊ စာသင်ကျောင်း၊ ဈေး၊ ဆေးရုံ၊ လျှပ်စစ်ဓာတ်အားပေးစက်ရုံ၊ လမ်းများ၊ ပြည်သူလူစုဝေးရာ နေရာများနဲ့ အများသုံးအခြေခံအဆောက်အအုံများ ဖျက်ဆီးခံခဲ့ရပါတယ်။

◾️စစ်တပ်က ကန့်ဘလူမြို့နယ် ကျေးရွာ ၂ရွာမီးရှို့ဖျက်ဆီးပြီး ပြည်သူ ၄၀ခန့် ဖမ်းဆီးသွား

စစ်ကိုင်းတိုင်း၊ ကန့်ဘလူမြို့နယ်ရှိ ကျေးရွာ ၂ရွာအား စစ်ကောင်စီတပ်က မီးရှို့ဖျက်ဆီးပြီး ဒေသခံပြည်သူ ၄၀ခန့်အား ဖမ်းဆီးခေါ်ဆောင်သွားတယ်လို့ သိရပါတယ်။ မနေ့ နေ့ခင်းက ကန့်ဘလူမြို့နယ် ကာဘိုးတိုက်နယ်အတွင်းရှိ ကျီစုရွာနဲ့ ကျောက်တိုင်ကျေးရွာအား စစ်ကောင်စီတပ်နဲ့ ပျူစောထီးပူးပေါင်းအင်အား ၁၆၀ခန့်က ဝင်ရောက်မီးရှို့ဖျက်ဆီးတဲ့အပြင် ဒရုန်းဖြင့် ဗုံးသီးချတိုက်ခိုက်ခဲ့ရာ ကျီစုကျေးရွာမှ ဘုန်းကြီးကျောင်း ၂ကျောင်းနဲ့ နေအိမ် ၄၀၀ ခန့် ပျက်စီးဆုံးရှုံးခဲ့တယ်လို့ ကျွန်းလှ ကန့်ဘလူ တက်ကြွလှုပ်ရှားသူများအဖွဲ့က ပြောပါတယ်။ ဒါ့အပြင် ကျောက်တိုင်ကျေးရွာမှလည်း ဘုန်းကြီးကျောင်းတစ်ကျောင်း၊ စာသင်ဆောင်တစ်ဆောင်နဲ့ နေအိမ် ၃၀၀နီးပါး ပျက်စီးဆုံးရှုံးခဲ့ပါတယ်။ ဒါ့အပြင် အိုင်ပေါင်းချောင်ကျေးရွာမှ ဘုန်းကြီးကျောင်းအတွင်း စစ်ရှောင်နေတဲ့ အမျိုးသား ၃၄ဦးနဲ့ အမျိုးသမီး ၃ဦး၊စုစုပေါင်း ဒေသခံ ပြည်သူ ၃၇ဦးအား ဖမ်းဆီးခေါ်ဆောင်သွားတယ်လို့ ဆိုပါတယ်။

◾️မိတ္ထီလာ-တောင်သာလမ်းပိုင်းရှိ စစ်ဆေးရေးဂိတ် ပစ်ခတ်မှု ရဲနှစ်ဦးသေဆုံး

မန္တလေးတိုင်း၊ မိတ္ထီလာ-တောင်သာလမ်းပိုင်းရှိ စစ်ကောင်စီ​ စစ်ဆေးရေးဂိတ်အား ပစ်ခတ်ရာ ရဲ နှစ်ဦး သေဆုံးတယ်လို့ တောင်သာမြို့နယ်ပြည်သူ့ကာကွယ်ရေးအဖွဲ့ တာဝန်ရှိသူက ပြောပါတယ်။ ဒီနေ့ မနက်ပိုင်းက တောင်သာမြို့နယ်၊ မိတ္ထီလာ-တောင်သာလမ်းပိုင်းရှိ ရုံးစည်ကြီးနယ်မြေရဲစခန်းမှ ရဲများရဲ့ စစ်ဆေးရေးဂိတ်အား ပစ်ခတ်ခဲ့တာလို့ ဆိုပါတယ်။ ဒါပေမဲ့ စစ်အုပ်စုရဲ့ ပြန်လည်ပစ်ခတ်မှုကြောင့် အနီးရှိ မောင်မြင့်ဆိုသူ သေဆုံးခဲ့ပြီး သေဆုံးသူမှာ စစ်ကောင်စီ သတင်းပေးဖြစ်တယ်လို့ တောင်သာပကဖက ပြောပါတယ်။

(ဆောမြိုကန် ကံချောင်းကျေးရွာကို စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ - CJ)

ဆောမြို့နယ် စစ်ကောင်စီလေကြောင်းတိုက်ခိုက်၊ ကလေးငယ် အပါအဝင် ၄ဦး ဒဏ်ရာရ

ထားမြတ်/People’s Spring

မကွေးတိုင်း ဆောမြိုကန် ကံချောင်းကျေးရွာကို စစ်ကောင်စီက ယမန်နေ့ ညတွင် လေကြောင်းမှ ဗုံးကြဲတိုက်ခိုက်ခဲ့ရာ (၁၂)နှစ်အရွယ် မိန်းကလေးငယ် အပါအဝင် ၄ဦး ဒဏ်ရာရရှိခဲ့ကြောင်း ဒေသ သတင်းရင်းမြစ်က ပြောသည်။

အောက်တိုဘာ ၃၀ရက် ည ၁၂နာရီတွင် ဆောမြို့နယ် ကံချောင်းကျေးရွာကို ဗုံး ၂လုံး ကြဲချတိုက်ခိုက်ခဲံရာ ဒေသခံပြည်သူများ ၏ နေအိမ် ၁၀လုံး ပျက်စီးခဲ့သည်ဟု ဆိုသည်။

လေကြောင်းတိုက်ခိုက်မှုကြောင့် ကျေးရွာဆေးခန်းလည်း ပျက်စီးမှုရှိခဲ့သည်ဟု သတင်းရင်းမြစ်က ပြောသည်။

ဒဏ်ရာရသူလေးဦးမှာ အသက်အန္တရာယ် စိုးရိမ်စရာ မရှိဟု အသိပေးသည်။

အဆိုပါဒေသ၌တိုက်ပွဲဖြစ်ပွားမှုမရှိဘဲ စစ်ကောင်စီက လေကြောင်း တိုက်ခိုက်လာခြင်းဖြစ်သည်ဟု ဒေသသတင်းရင်းမြစ်က ပြောသည်။

" ပျူ၊ ဒလံတွေက သတင်းပေးပြီးဆေးခန်းကို ပစ်ခိုင်းပုံရတယ်"ဟု ဒေသသတင်းရင်းမြစ်က ပြောသည်။

စစ်ကောင်စီဝါဒဖြန့် တယ်လီဂရန်ချန်နယ်တွင် ကံချောင်းကျေးရွာမှတဆင့် ဆောမှ ရက္ခိုင်ပြည်နယ်ဘက်သို့ ဆိုင်ကယ်များဖြင့် ရိက္ခာပို့နေကြောင်းနှင့် Star Link သုံးလို့ရသည့် ကျေးရွာဖြစ်ကြောင်းရေးသားထားသည်ကို တွေ့ရသည်။

ထို့ပြင် အဆိုပါ ကံချောင်းကျေးရွာသို့ NLD ပါတီလွှတ်တော်အမတ် ဦးကျော်မြင့် မကြာခဏလာသည်ဟုလည်း စစ်ကောင်စီဝါဒဖြန့် တယ်လီဂရန် တွင် ရေးသားထားပြီး ဒေသတွင်း၌လည်း PDF စခန်းကြီးရှိသည်ဟု ရေးသားထားသည်ကို တွေ့ရသည်။ ထိုသို့ ဝါဒဖြန့် ရေးသားချက်များ တွေ့ရပါက ဒေသတွင်းကို ဗုံးကြဲတိုက်ခိုက်မှုများပြုလုပ်လာသည်ကို ယခင်ကလည်း ကြုံရလေ့ရှိသည်ဟု ဆောမြို့နယ် သတင်းရင်းမြစ်က ပြောသည်။

(ကချင်ပြည်နယ်မြေပုံ နှင့် KIA ရဲဘော်များအား ရှေ့တန်းတနေရာ၌ တွေ့ရစဉ်။ ဓာတ်ပုံ - CJ)

တနင်္သာရီတိုင်း ထားဝယ်ခရိုင် လောင်းလုံးမြို့နယ်မှာလည်း ဒီမိုကရေစီအရေးလှုပ်ရှားမှုသပိတ်ကော်မတီ(DDMSC)က "လူထုအာဏာ တည်ဆောက်၊ လွတ်မြောက်ရေးအတွက် ဆက်လျှောက်" စတဲ့ ဘန်နာကိုင်စွဲချီတက်ခဲ့ကြပါတယ်။

“ဒီနေ့ဘာဖြစ်ခဲ့လဲ”

ဒီနေ့(အောက်တိုဘာ ၂၈ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️မိုးမောက်-ဗန်းမော်ကြား ဒီနေ့ တိုက်ပွဲပြင်းထန်၊ စစ်ကောင်စီ လေကြောင်းတိုက်ခိုက်ဟုဆို

ကချင်ပြည်နယ် မိုးမောက်နဲ့ ဗန်းမော်မြို့နယ်အကြားမှာ ကချင်လွတ်လပ်ရေးတပ်မတော် (KIA)နဲ့ စစ်ကောင်စီတပ်အကြား တိုက်ပွဲပြင်းထန်နေပြီး စစ်ကောင်စီက လေကြောင်းပစ်ကူပေးတိုက်ခိုက်ခဲ့တယ်လို့ သတင်းရင်းမြစ်က ပြောပါတယ်။ ပြီးခဲ့တဲ့ ဩဂုတ်လက မိုးမောက်မြို့ အခြေစိုက် ခမရ(၄၃၇)တပ်ရင်းကို KIAက သိမ်းပိုက်ပြီးနောက် စစ်ကောင်စီက ဗန်းမော်မြို့မှ မကြာခဏ ထိုးစစ်ဆင်ပြီး ခမရ(၄၃၇)တပ် ပြန်ရရေး ကြိုးပမ်းနေခဲ့ပါတယ်။ စစ်ကောင်စီဟာ ဗန်းမော်မြို့နယ်မှ မိုးမောက်မြို့နယ်သို့ သံချပ်ကားယာဉ်အသုံးပြုပြီး မြေပြင် ထိုးစစ်ဆင်လာရာ KIAက ခုခံတိုက်ခိုက်နေခဲ့ပါတယ်။

◾️အညာဒေသကို အခြေချချိန် တော်လှန်ရေးအင်အားစုအားလုံးနဲ့ ကောင်းမွန်တဲ့ဆက်ဆံရေးတည်ဆောက်ပြီး တော်လှန်ရေးအမြန်ဆုံးအောင်မြင်ဖို့ ကြိုးစားသွားမယ်လို့ BPLA ကွပ်ကဲရေးမှူးပြော

ဗမာပြည်သူ့တပ်တော်(BPLA)ဟာ အညာဒေသကို အခြေချတဲ့အခါ MODလက်အောက်ရှိ PDF တပ်ရင်းတွေနဲ့ရော၊ MODလက်အောက်ခံမဟုတ်တဲ့အခြားအင်အားစုတွေနဲ့ပါ ကောင်းမွန်တဲ့ဆက်ဆံရေးတည်ဆောက်ပြီး တော်လှန်ရေးအမြန်ဆုံးအောင်မြင်ဖို့ ကြိုးစားသွားမှာဖြစ်တယ်လို့ BPLA ကွပ်ကဲရေးမှူး ကိုဆောင်းခက ပြောပါတယ်။ BPLA ဟာ မကြာခင် အညာဒေသမှာအခြေချကာ စစ်ဆင်ရေးတွေဖော်ဆောင်လာနိုင်တော့မယ်လို့ မနေ့က အသိပေးခဲ့ပြီး ဒီနေ့မှာလည်း BPLA ဟာ ဗမာလူမျိုးစုကိုယ်စားပြုဖို့နဲ့ ဗမာလူထုရဲ့အသိအမှတ်ပြုမှုရရှိဖို့ တဆင့်ချင်း အကောင်းအထည်ဖော်သွားမယ်လို့ ကိုဆောင်းခက ပြည်သူများကို အသိပေးကြေညာပါတယ်။ မနေ့က ၁၀၂၇ စစ်ဆင်ရေး နှစ်ပတ်လည်နေ့ဖြစ်ပြီး ညီနောင်မဟာမိတ်(၃)ဖွဲ့ရဲ့ ဦးဆောင်မှုအောက်မှာ BPLA အပါအဝင် နွေဦးတော်လှန်ရေးတပ်ဖွဲ့တွေ အများကြီးတိုးတက်ဖြစ်ထွန်းခဲ့တယ်လို့လည်း ကျေးဇူးတင်စကားဆိုထားပါတယ်။

◾️နောင်ချိုလေကြောင်းတိုက်ခိုက်မှု ပြည်သူတစ်ဦးသေ၊ တစ်ဦးဒဏ်ရာရ

စစ်ကောင်စီတပ်က နောင်ချိုမြို့နယ်ကို မနေ့ညပိုင်းမှာ လေကြောင်းတိုက်ခိုက်ခဲ့ရာ နောင်ချိုဒေသခံတစ်ဦး သေဆုံးပြီး တစ်ဦး ဒဏ်ရာရရှိခဲ့တယ်လို့ တအာင်းတပ်မတော်(TNLA)က ထုတ်ပြန်ပါတယ်။ TNLAထိန်းချုပ်ထားတဲ့ နောင်ချိုမြို့ကို စစ်ကောင်စီက ဖျက်အားပြင်း ဗုံးများအပါအဝင် ဗုံး ၁၁လုံး ကြဲချတိုက်ခိုက်ခဲ့ရာ အသက်(၆၀)အရွယ် အမျိုးသားတစ်ဦး သေဆုံးပြီး အသက် (၅၀) ဝန်းကျင်ရှိ အမျိုးသမီးတစ်ဦး ဒဏ်ရာရရှိကာ နေအိမ် သုံးလုံးပျက်စီးခဲ့တယ်လို့ ဆိုပါတယ်။ ၁၀၂၇စစ်ဆင်ရေးမှာ စစ်ရှုံးနေတဲ့ စစ်ကောင်စီတပ်ဟာ တိုက်ပွဲဖြစ်ပွါးခြင်းမရှိတော့တဲ့ မြို့နယ်၊ ကျေးရွာနဲ့ နေရာဒေသများကို လေကြောင်းဖြင့် နေ့စဉ်ရက်ဆက် တိုက်ခိုက်ခဲ့တာကြောင့် ဒေသခံပြည်သူထိခိုက်သေဆုံးမှုများ ရှိသလို ပြည်သူပိုင်နေအိမ်၊ ဘုန်းကြီးကျောင်း၊ စာသင်ကျောင်းနဲ့ ဘာသာရေးအဆောက်အဦးများ ထိခိုက်ပျက်စီးမှု အများအပြားရှိခဲ့တယ်လို့ TNLAက ထုတ်ပြန်ပါတယ်။ ဒါ့အပြင် ကိုးကန့်တပ်မတော်(MNDAA)ထိန်းချုပ်ထားတဲ့ သိန္နီကိုလည်း စစ်ကောင်စီက မနေ့ညပိုင်းမှာ လေကြောင်း ဗုံးကြဲတိုက်ခိုက်ခဲ့ရာ ကချင်ခရစ်ယာန်ဘုရားကျောင်း ပျက်စီးခဲ့ပြီး နေအိမ်နဲ့ ယာဉ်အချို့ပျက်စီးခဲ့တယ်လို့ MNDAAက ထုတ်ပြန်ပါတယ်။

◾️၁၀၂၇စစ်ဆင်ရေး တစ်နှစ်အတွင်း စစ်ကောင်စီတိုက်ခိုက်မှုကြောင့် ပြည်သူ ၃၄၀ဦး သေဆုံး၊ ၆၇၀ကျော် ဒဏ်ရာရ

၁၀၂၇စစ်ဆင်ရေး တစ်နှစ်အတွင်း ရှမ်းပြည်နယ် မြောက်ပိုင်းရှိ မြို့နယ်များမှာ လူ့အခွင့်အရေး ချိုးဖောက်မှုများစွာကို စစ်ကောင်စီက ကျူးလွန်ခဲ့ရာ အကြမ်းဖက်တိုက်ခိုက်မှုကြောင့် ပြည်သူ ၃၄၀ ဦးသေဆုံးကာ ၆၇၀ကျော် ထိခိုက်ဒဏ်ရာရရှိခဲ့တယ်လို့ လူ့အခွင့်အရေးဆိုင်ရာလှုပ်ရှားမှုကွန်ယက်(HRAN)​က ထုတ်ပြန်ပါတယ်။ ရှမ်းမြောက်ဒေသ လူ့အခွင့်အရေးဆိုင်ရာအခြေအနေများကို အဓိက စောင့်ကြည့်ပြီး လူ့အခွင့်အရေး ချိုးဖောက်မှု အခြေအနေများအား ဖော်ပြထားတဲ့ HRANရဲ့အစီရင်ခံစာကို ၁၀၂၇ စစ်ဆင်ရေး တစ်နှစ်ပြည့် မနေ့က ထုတ်ပြန်ခဲ့တာပါ။ အထက်ပါသေဆုံး၊ ဒဏ်ရာရ အရေအတွက်မှာ လက်လှမ်းမီသမျှ စာရင်းကောက်ခံနိုင်တဲ့ အရေအတွက်ဖြစ်ပြီး ကောက်ခံနိုင်ခြင်းမရှိတဲ့ သေဆုံးထိခိုက်အရေအတွက် အများကြီး ကျန်ရှိနေသေးတယ်လို့ HRANပြောရေးဆိုခွင့်ရှိသူတစ်ဦးက ပြောပါတယ်။ ဒါ့အပြင် စစ်ကောင်စီရဲ့ တိုက်ခိုက်မှုများကြောင့် လူနေအိမ်များ၊ အများပိုင် အဆောက်အဦးများဖြစ်တဲ့ စာသင်ကျောင်း၊ သာသနာ့အဆောက်အုံ၊ ဈေး၊ ဆေးရုံ၊ ဆေးပေးခန်းများ ၁၉၀၅ကျော် ထိခိုက်ပျက်စီးခဲ့ပြီး မြေပြင်မှာ ပိုမိုများပြားနိုင်တယ်လို့ HRANက အသိပေးပါတယ်။ ကောက်ခံစုစည်းထားတဲ့ အချက်အလက်များအရ မြို့နယ်(၁၄)မြို့မှာ လေကြောင်းတိုက်ခိုက်မှုကြောင့် သေဆုံးသူ ၁၀၈ဦးနဲ့ ထိခိုက်ဒဏ်ရာရသူ ၁၈၃ဦးရှိတယ်လို့ ဖော်ပြပါတယ်။

◾️ဂန့်ဂေါရွာတပ်စွဲထားတဲ့ စစ်တပ်ကို တော်လှန်ရေးတပ်များ ပြန်လည်ပိတ်ဆို့ထား

ရှမ်းပြည်နယ်မြောက်ပိုင်း၊ နောင်ချိုမြို့နယ် ဂန့်ဂေါကျေးရွာမှာ တပ်စွဲထားတဲ့ စစ်ကောင်စီတပ်ကို တော်လှန်ရေးတပ်များက ပြန်လည်ပိတ်ဆို့ထားတယ်လို့ စစ်မြေပြင်ရှိ ရဲဘော်တစ်ဦးက ပြောပါတယ်။ ပြင်ဦးလွင်မြို့နယ် ဝက်ဝံကျေးရွာမှာ အထိုင်ချတပ်စွဲထားတဲ့ စစ်ကောင်စီတပ်သားများဟာ တအာင်းတပ်မတော်(TNLA)သိမ်းပိုက်ထားတဲ့ နောင်ချိုမြို့နယ်အတွင်း အောက်တိုဘာ ၂၂ရက်က စစ်‌ကြောင်းထိုးဝင်ရောက်လာရာ TNLAဦးဆောင်တဲ့ တော်လှန်ရေးတပ်များရှိနေတဲ့ ဂန့်ဂေါရွာသို့ ရောက်ရှိလာ၍ တိုက်ပွဲဖြစ်ပွါးခဲ့ပါတယ်။ အဲဒီနေ့မှာ စစ်ကောင်စီတပ်သားအချို့ နောင်ချိုမြို့နယ် ဘန့်ဘွေးရွာနဲ့ ဂန့်ဂေါကျေးရွာကြားမှာ နယ်ကျွံဝင်လာ၍ တော်လှန်ရေးအဖွဲ့များက တိုက်ခိုက်ရာ သေဆုံးမှုများခဲ့ပါတယ်။ မနေ့ညနေပိုင်းမှာ စစ်ကောင်စီတပ်က လက်နက်ကြီးပစ်ကူသုံးပြီး ဂန့်ဂေါရွာအား စစ်ကြောင်းထိုးလာရာ တော်လှန်ရေးတပ်များက အင်အားတိုးမြှင့်ကာ ပြန်လည်ပိတ်ဆို့ထားတယ်လို့ သိရပါတယ်။

◾️ကွတ်ခိုင်၊ သိန္နီနဲ့ နောင်ချိုမြို့နယ်တို့ကို စစ်ကောင်စီလေကြောင်းတိုက်ခိုက်

ရှမ်းပြည်နယ်မြောက်ပိုင်း သိန္နီမြို့နယ်၊ ကွတ်ခိုင်မြို့နယ်နဲ့ နောင်ချိုမြို့နယ်တို့ကို စစ်ကောင်စီက မနေ့ညပိုင်းနဲ့ ဒီနေ့ မနက်ပိုင်းမှာ လေကြောင်းမှ ဗုံးကြဲတိုက်ခိုက်ခဲ့တယ်လို့ ဒေသတွင်းသတင်းရင်းမြစ်က ပြောပါတယ်။ ကိုးကန့်တပ်မတော်(MNDAA)ထိန်းချုပ်ထားတဲ့ သိန္နီမြို့နဲ့ တအာင်းတပ်မတော်(TNLA)ထိန်းချုပ်ထားတဲ့ နောင်ချိုမြို့နယ် သပြေရွာတို့ကို မနေ့ညပိုင်းကလည်းကောင်း၊ KIA တပ်မဟာ(၁၀) တပ်ရင်း(၂)နယ်မြေ ကွတ်ခိုင်မြို့နယ် ပြိန်းလုံရွာအနီးကို ဒီနေ့ မနက်အစောပိုင်းကလည်းကောင်း စစ်ကောင်စီက လေကြောင်း ဗုံးကြဲတိုက်ခိုက်ခဲ့တာလို့ ရှမ်းမြောက်စစ်ရေးသတင်းရင်းမြစ်က ပြောပါတယ်။ စစ်ကောင်စီက အရပ်သားပြည်သူများနေထိုင်ရာနဲ့ ဘာသာရေးအဆောက်အဦးများကို ဆက်တိုက် ဗုံးကြဲတိုက်ခိုက်နေခြင်းဟာ နိုင်ငံတကာ စစ်ရာဇဝတ်မှုများကျူးလွန်နေတာလို့ ဆိုပါတယ်။

◾️NUG တောင်ပိုင်းစစ်ဒေသ တိုက်ပွဲများအတွင်း စစ်ကောင်စီတပ်သား ၁၇ဦးသေဆုံး

တောင်ပိုင်းစစ်ဒေသ၊ အမှတ် (၂)စစ်ဒေသခွဲနယ်မြေမှာ သုံးရက်အတွင်း စစ်ကောင်စီတပ်သား ၁၇ဦးသေဆုံးအောင် တိုက်ခိုက်နိုင်ခဲ့တယ်လို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် တောင်ပိုင်းစစ်ဒေသက သတင်းထုတ်ပြန်ပါတယ်။ ပဲခူးတိုင်း ကြို့ပင်ကောက်မြို့နယ်၊ ကျောက်ကြီးမြို့နယ်၊ တောင်ငူမြို့နယ်နဲ့ ပဲနွယ်ကုန်းမြို့တို့မှာ စစ်ကောင်စီစစ်ကြောင်းနဲ့ အထိုင်ချစခန်းများအား ပြီးခဲ့တဲ့ သုံးရက်အတွင်း စစ်ဆင်ရေးများ ဖော်ဆောင်ခဲ့တာလို့ ဆိုပါတယ်။ စစ်ဆင်ရေးအတွင်း စစ်ကောင်စီတပ်သား ၁၇ဦးသေဆုံးကာ ၆ဦးဒဏ်ရာရရှိခဲ့တယ်လို့ ဖော်ပြပါတ​ယ်။

◾️ချောက်မြို့နယ် သုံးရက်ဆက်တိုက်ပွဲ နှစ်ဖက်ထိခိုက်မှုရှိ

မကွေးတိုင်း၊ ချောက်မြို့နယ်မှာ သုံးရက်ဆက် တိုက်ပွဲဖြစ်ပွားပြီး စစ်ကောင်စီတပ်က ကျေးရွာများကို မီးရှို့ဖျက်ဆီးခဲ့တယ်လို့ Chauk Guerilla Force တပ်ဖွဲ့မှ ရဲဘော်တစ်ဦးက ပြောပါတယ်။ တိုက်ပွဲအတွင်း နှစ်ဖက် ထိခိုက်မှုရှိတယ်လို့ ဆိုပါတယ်။ အောက်တိုဘာ ၂၅ရက် မနက်ပိုင်းကစလို့ စစ်ကောင်စီစစ်ကြောင်းက မြေပြင်သာမက လေကြောင်းကပါ ဗုံးကြဲတိုက်ခိုက်ခဲ့ရာ ချောက်မြို့နယ်မှ ကျေးရွာ ၃၀ခန့်မှ ဒေသခံများ ထွက်ပြေးတိမ်းရှောင်နေရတယ်လို့ သိရပါတယ်။

◾️ကရင်နီပြည်နယ်မှာ လူသားချင်းစာနာထောက်ထားမှုအကူအညီနဲ့ ကုန်စည်စီးဆင်းမှုကို စစ်ကောင်စီ တားမြစ်

အာဏာသိမ်းစစ်ကောင်စီက ကရင်နီပြည်နယ်အတွင်း လူသားချင်းစာနာထောက်ထားမှုအကူအညီများကို ထိန်းချုပ်ထားမှု၊ အကူအညီပေးတဲ့အဖွဲ့အစည်းများ ကန့်သတ်မှုနဲ့ ကုန်စည်စီးဆင်းမှုကို တားမြစ်ထိန်းချုပ်ထားတယ်လို့ ကရင်နီပြည်ကြားကာလအုပ်ချုပ်ရေးကောင်စီ IECက ဒီနေ့ ထုတ်ပြန်ပါတယ်။ ဒါ့ကြောင့် ကရင်နီပြည်နယ်အတွင်း သဘာဝဘေးဆိုင်ရာအကျပ်အတည်းများနှင့် လူသားချင်းဆိုင်ရာ အကူအညီလိုအပ်ချက် အလွန်ကြီးမားနေတယ်လို့ အသိပေးပါတယ်။ စစ်ဘေးရှောင်ပြည်သူနဲ့ ရေဘေးသင့်ပြည်သူများရဲ့ ကြုံတွေ့နေရတဲ့ ခက်ခဲ​သော စိန်ခေါ်မှုများကို နိုင်ငံတကာက သိရှိပြီး စာနာထောက်ထားပေးဖို့နဲ့ ကူညီပံ့ပိုးမှုများတိုးမြှင့်ပေးဖို့လည်း IECက မေတ္တာရပ်ခံပါတယ်။

◾️နိုင်ငံတဝန်းဆန္ဒပြပွဲတွေ

စစ်ကိုင်းတိုင်း ယင်းမာပင်မြို့နယ်က ကျေးရွာတစ်ရွာမှာ နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက "Airbus - စစ်ရာဇဝတ်မှုတွေမှာရင်းနှီးမြှုပ်နှံနေတာ အဆုံးသတ်"စတဲ့စာသားတွေ ကိုင်ဆောင်ပြီး ချီတက် ဆန္ဒပြခဲ့ကြပါတယ်။
ဆားလင်းကြီးမြို့နယ်မှာလည်း လက်ပံတောင်းတောင်ဒေသသပိတ်အင်အားစုက ပြည်သူတွေအပေါ်အကြမ်းဖက်ဖိနှိပ်ပြီး ရပ်ရွာလူနေအိမ်နဲ့ မြို့ပြတွေပေါ်အထိ တိုက်လေယာဥ်တွေနဲ့ ဗုံးကြဲတိုက်ခိုက်နေမှုကို ရပ်တန့်ပေးဖို့ တောင်းဆိုလှုပ်ရှားမှု ပြုလုပ်ခဲ့ပါတယ်။ ပြည်သူလူထုအပေါ် စစ်ရာဇဝတ်မှုတွေကို အဆုံးသတ်ဖို့ Airbus: End investment in AVIC ခေါင်းစဥ်နဲ့ လှုပ်ရှားခဲ့ကြပြီး စစ်အာဏာရှင်ဆန့်ကျင်ရေးကြွေးကြော်သံတွေနဲ့ ချီတက်ဆန္ဒပြခဲ့ပါတယ်။

(NUGကာကွယ်ရေးဝန်ကြီးနှင့်အတူတွေ့ရသော BPLAကွပ်ကဲရေးမှူး၊ BPLA ရဲဘော်များ။ ဓာတ်ပုံ - Maung Saungkha)

ရခိုင်ပြည်နယ် သံတွဲမြို့ပေါ်ရှိ ပြည်ခိုင်ဖြိုးပါတီရုံးနဲ့ စစ်မှူးထမ်းဟောင်းရုံးနေရာကို မနေ့က စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ အရပ်သားအချို့ထိခိုက်သေဆုံးမှုရှိတယ်လို့ သိရပါတယ်။ သံတွဲမြို့ အံတော်ရပ်ကွက်ရှိ နေရာ ၂နေရာကို ဗုံးနှစ်လုံး ကြဲချတိုက်ခိုက်ခြင်းဖြစ်ပြီး မြို့တွင်းနောက်တစ်နေရာကိုလည်း ဗုံးတစ်လုံးကြဲချခဲ့တယ်လို့ မြို့ခံသတင်းရင်းမြစ်တစ်ဦးကပြောပါတယ်။ ဖုန်းလိုင်းဆက်သွယ်ရေးအခက်အခဲကြောင့် အရပ်သားထိခိုက်သေဆုံးမှုနဲ့ နေအိမ် အဆောက်အအုံပျက်စီးမှုအခြေအနေများကို မသိရသေးပါဘူး။ သံတွဲမြို့ကို ပြီးခဲ့တဲ့ ဧပြီမှာ အာရက္ခတပ်တော်(AA)က တိုက်ခိုက်ပြီးနောက် ဇူလိုင်မှာ စစ်ကောင်စီစခန်းများအားလုံး သိမ်းယူခဲ့ပါတယ်။

◾️တောင်ဒဂုံမြို့နယ် (၂၆)ရပ်ကွက်ရုံး ဖောက်ခွဲတိုက်ခိုက်ခံရ

ရန်ကုန်မြို့ ဒဂုံမြို့သစ်တောင်ပိုင်းမြို့နယ် အမှတ်(၂၆)ရပ်ကွက်အုပ်ချုပ်ရေးမှူးရုံးကို ပြင်းအားမြင့် အဝေးထိန်းမိုင်း နှစ်လုံးဖြင့် တိုက်ခိုက်ခဲ့တယ်လို့ Yangon UG People Army (YUPA) မှတာဝန်ရှိသူက ပြောပါတယ်။ ဖောက်ခွဲတိုက်ခိုက်ပြီးချင်း (၂၆)ရပ်ကွက်ရုံးထဲမှ မီးခိုးအများကြီးထွက်လာပြီး ရုံးပတ်ဝန်းကျင်တစ်ခုလုံးအမှောင်ချသွားကာ ပေါက်ကွဲအားပြင်းတာကြောင့် စစ်ကောင်စီတပ်ဖွဲ့ဝင်များ ထိခိုက်သေဆုံးမှုရှိနိုင်တယ်လို့ YUPA တာဝန်ရှိသူက ပြောပါတယ်။ တိုက်ခိုက်မှုကို YUPAနဲ့ မြောက်ဥက္ကလာပ ပြည်သူ့ကာကွယ်ရေးတပ်ဖွဲ့(၂)တို့ ပူးပေါင်းလုပ်ဆောင်ခဲ့တာလို့ သိရပါတယ်။

◾️နိုင်ငံတဝန်းဆန္ဒပြပွဲတွေ

စစ်ကိုင်းတိုင်း ယင်းမာပင်မြို့နယ် ကျေးရွာတစ်ရွာမှ ခေတ်ဟောင်း ချိုးဖျက် ဒို့မျိုးဆက် သပိတ်စစ်ကြောင်းက ဒေသခံပြည်သူတွေနဲ့ ပူးပေါင်းကာ စစ်အာဏာရှင်ကို ဆန့်ကျင်ကြောင်း ဆန္ဒပြခဲ့ပြီး ဘုတလင်မြို့နယ်ပြည်သူတွေနဲ့ အတူရှိကြောင်းလည်း ကြွေးကြော်ဆန္ဒထုတ်ဖော်ခဲ့ပါတယ်။
ယင်းမာပင်မြို့နယ်မြောက်ခြမ်းမှာ နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက သံအမတ်ကြီးဦးကျော်မိုးထွန်းကို ထောက်ခံကြောင်း "Our Ambassador Myanmars Voice ငါတို့သံအမတ်ကြီးသည် ငါတို့မြန်မာပြည်ရဲ့အသံ ဖြစ်သည်" စတဲ့စာသားတွေ ကိုင်ဆောင်ပြီး ဆန္ဒထုတ်ဖော်ခဲ့ကြပါတယ်။
ယင်းမာပင်မြို့နယ် မြောက်ခြမ်းမှာလည်း အောင်လံလွှင့်မည်ဒေါင်းသွေးနီသပိတ်စစ်ကြောင်းက သံအမတ်ကြီး ဦးကျော်မိုးထွန်းကို ကုလသမဂ္ဂမှာ ဆက်လက်ခန့်အပ်ရေး တောင်းဆိုဆန္ဒပြခဲ့ကြပါတယ်။

“ဒီနေ့ဘာဖြစ်ခဲ့လဲ”

ဒီနေ့(အောက်တိုဘာ ၂၅ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️လားရှိုးနဲ့ သိန္နီကို စစ်ကောင်စီ ဒီနေ့ည ထပ်မံ လေကြောင်းတိုက်ခိုက်

ကိုးကန့်တပ်မတော်(MNDAA)သိမ်းပိုက်ထားတဲ့ လားရှိုးနဲ့ သိန္နီမြို့ကို စစ်ကောင်စီတပ်က ဒီနေ့ည ၈ နာရီခန့်မှာ လေကြောင်းမှ ဗုံးကြဲတိုက်ခိုက်ခဲ့တယ်လို့ ဒေသသတင်းရင်းမြစ်က ပြောပါတယ်။ စစ်ကောင်စီတပ်ဟာ ဒီနေ့ နေ့ခင်းပိုင်းမှာ လားရှိုးမြို့ပေါ်သို့ လေကြောင်းမှ ၅ကြိမ် ဗုံးကြဲတိုက်ခိုက်ခဲ့ပြီးနောက် ညပိုင်းမှာ ထပ်မံ တိုက်ခိုက်လာတာပါ။ ဒီနေ့ညပိုင်း လေကြောင်းတိုက်ခိုက်မှုကြောင့် လူထိခိုက်မှုရှိ၊ မရှိကို စုံစမ်းနေဆဲပါ။ MNDAAက လားရှိုးမြို့ သိမ်းပိုက်ပြီးနောက် ဩဂုတ် ၃၀ရက်မှစ၍ လေကြောင်း တိုက်ခိုက်မှု လုပ်ဆောင်ခဲ့ရာ လက်ရှိအချိန်ထိ လားရှိုးမြို့နဲ့ မြို့နယ်အတွင်း အကြိမ် ၃၀ထက်မနည်း လေကြောင်း တိုက်ခိုက်ခဲ့ရာ အရပ်သားပြည်သူများ သေဆုံးထိခိုက်ကာ နေအိမ်အဆောက်အဦးများစွာ ထိခိုက်ပျက်စီးခဲ့ရပါတယ်။

◾️လားရှိုးမြို့ လေကြောင်းတိုက်ခိုက်မှု အရပ်သား တစ်ဦးသေဆုံး

လားရှိုးမြို့ကို စစ်ကောင်စီက ဒီနေ့ နေ့ခင်းပိုင်း လေကြောင်းဗုံးကြဲတိုက်ခိုက်မှုအတွင်း အရပ်သားတစ်ဦးသေဆုံးပြီး စက်ရုံအဆောက်အဦး ပျက်စီးမှုများ ရှိခဲ့တယ်လို့ ကိုးကန့် တပ်မတော် (MNDAA)က သတင်းထုတ်ပြန်ပါတယ်။ ဒီနေ့ နေ့ခင်း ၁နာရီ ၁၃မိနစ်မှ ၁နာရီ ၄၅မိနစ်တွင်း စစ်ကောင်စီက လားရှိုးမြို့ မယ်ဟန်ကျေးရွာရှိ ရွှေမြင်းနှစ်ကောင်စက်ရုံကို လေကြောင်းမှ ဗုံးကြဲတိုက်ခိုက်ခဲ့ပါတယ်။ ပေါင်ချိန်များတဲ့ ဗုံးလေးလုံးထက်မနည်း ကြဲချခဲ့ရာ အရပ်သားတစ်ဦးသေဆုံးကာ စက်ရုံအဆောက်အအုံအချို့ ပျက်စီးခဲ့ပြီး စက်ရုံအနီးရှိ မျိုးရိုးဘိုးဘွားခန်းမတစ်ခုလည်း ထိခိုက်ပျက်စီးခဲ့တယ်လို့ ဖော်ပြပါတယ်။

◾️စစ်အာဏာရှင်ကို တိုက်ခိုက်နေတဲ့ ‘အမြစ် ဖျက်သိမ်းရေး’စစ်ဆင်ရေး ဆောင်ရွက်နေဟု KIOဥက္ကဋ္ဌ အသိပေး

ကချင်လွတ်လပ်ရေးအဖွဲ့/ကချင်လွတ်လပ်ရေးတပ်မတော်(KIO/KIA)က စစ်အာဏာရှင်ကို တိုက်ခိုက်ချေမှုန်းနေခြင်းကို ရည်ညွှန်းတဲ့’အမြစ်ဖျက်သိမ်းရေး’စစ်ဆင်ရေးဆောင်ရွက်နေတယ်လို့ KIO ဥက္ကဋ္ဌ ဗိုလ်ချုပ်ကြီး အင်ဘန်လက ပြောပါတယ်။ ဒီနေ့ ကျရောက်တဲ့ KIO တည်ထောင်ခြင်း(၆၄)နှစ်မြောက် မိန့်ခွန်းမှာ ဗိုလ်ချုပ်ကြီးအင်ဘန်လက ထည့်သွင်းပြောကြားခဲ့တာပါ။ KIO ဗဟိုကော်မတီက စစ်အာဏာရှင်အမြစ်ဖျက်သိမ်းရေးအတွက် ‘Ru Nu Dan Majan Masing’ လို့ အမည်ပေးထားတဲ့ ဦးဆောင်ကော်မတီဖွဲ့စည်းပြီး ဖော်ဆောင်နေကြောင်းလည်း ဥက္ကဋ္ဌ ဗိုလ်ချုပ်ကြီးအင်ဘန်လ ပြောပါတယ်။ ဒါ့အပြင် စစ်အာဏာရှင်စနစ်ကို ဆန့်ကျင်တိုက်ခိုက်နေတဲ့ အဖွဲ့အစည်းများနှင့် ဆက်လက်လက်တွဲမယ်လို့ ထပ်လောင်းအသိပေးပါတယ်။ KIA ဟာ တစ်နှစ်အတွင်း စစ်ကောင်စီတပ်စခန်း ကြီးငယ် ၂၅၀ကျော်ကို တိုက်ခိုက်သိမ်းပိုက်ထားနိုင်ပြီး မြန်မာ-တရုတ် နယ်စပ်မြို့ ၂မြို့ အပါအဝင် မြို့ပေါင်း ၁၃မြို့ထက်မနည်းကို KIAက စိုးမိုးထိန်းချုပ်ကာ အုပ်ချုပ်ရေးဖော်ဆောင်နေတယ်လို့ ပြောပါတယ်။

◾️ဖားကန့်ရှိ ရှမ်းနီတပ်စခန်းတစ်ခုကို KIAသိမ်းပိုက်

ကချင်ပြည်နယ် ဖားကန့်မြို့နယ် ဆယ်ဇင်းဒေသရှိ ရှမ်းနီတပ်ဖွဲ့(SNA)ရဲ့ တပ်စခန်းတစ်ခုကို ကချင်လွတ်လပ်ရေးတပ်မတော်(KIA)က ဒီနေ့ မနက်ပိုင်းမှာ သိမ်းပိုက်နိုင်ခဲ့တယ်လို့ ကချင်စစ်ရေးသတင်းရင်းမြစ်တစ်ဦးက ပြောပါတယ်။ ဖားကန့် တာမခံ ဆယ်ဇင်းနားက ပန်ဆေးဆိုတဲ့ ရှမ်းနီတပ်ဖွဲ့တွေကို ဒီနေ့ မနက် ၅နာရီလောက်မှာ အပြီးသတ်သိမ်းယူလိုက်တာလို့ စစ်ရေးသတင်းရင်းမြစ်က ပြောပါတယ်။ ရှမ်းနီတပ်ဖွဲ့ဟာ စစ်ကောင်စီနှင့် ပူးပေါင်းပြီး အရင်ကလည်း KIAနှင့်တိုက်ပွဲများ ဖြစ်ပွားခဲ့တဲ့ တပ်ဖွဲ့ဖြစ်ပါတယ်။ ဆယ်ဇင်းဒေသရှိ SNA တပ်စခန်း သိမ်းပိုက်နိုင်မှုနဲ့ လက်နက်ခဲယမ်း၊ စစ်သုံ့ပန်းရရှိမှု ရှိ၊မရှိ အခြေအနေများကို ဆက်လက်စုံစမ်းဆဲပါ။

◾️စစ်ကောင်စီရဲ့ ရက်စက်စွာ သတ်ဖြတ်မှုဘေးမှ ပြည်သူများကာကွယ်နိုင်ရေး ပိုမိုအားထုတ်ကြိုးပမ်းဖို့ ဝန်ကြီးချုပ်မန်းဝင်းခိုင်သန်းတိုက်တွန်း

အာဏာသိမ်းစစ်ကောင်စီက ပြည်သူများအပေါ် ရက်စက်စွာ သတ်ဖြတ်မှု ကျူးလွန်နေခြင်းအား ကာကွယ်နိုင်ရေး ပိုမိုအားထုတ်ကြဖို့ အမျိုးသားညီညွတ်ရေးအစိုးရ(NUG)ပြည်ထောင်စုဝန်ကြီးချုပ်မန်းဝင်းခိုင်သန်းက တိုက်တွန်းလိုက်ပါတယ်။ အမျိုးသားညီညွတ်ရေးအစိုးရ၊ ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေးကို မနေ့က ကျင်းပရာ ကော်မတီ ဥက္ကဋ္ဌ ဝန်ကြီးချုပ် မန်းဝင်းခိုင်သန်းက အခုလိုတိုက်တွန်းခဲ့တာပါ။ အကြမ်းဖက်စစ်အုပ်စုက လူတွေ တစ်ဦး တစ်ယောက်မှ အသွင်ကူးပြောင်းရေးကာလ တရားမျှတမှုဖော်ထုတ်ရာမှာ လွတ်မြောက်မှု မရှိစေဖို့အတွက် ကြိုးပမ်းကြရမှာ ဖြစ်သလို လတ်တလော အခြေအနေမှာလည်း နယ်မြေ လုံခြုံရေးအတွက် ပိုမိုကြိုးပမ်းအားထုတ်ပြီး ပြည်သူတွေကို အကာအကွယ်ပေးနိုင်ရေး အတွက်လည်း ကြိုးပမ်းပေးကြဖို့ ဝန်ကြီးချုပ်မန်းဝင်းခိုင်သန်းက ပြောပါတယ်။

◾️သံတွဲမြို့‌ကို စစ်ကောင်စီ လေကြောင်းတိုက်ခိုက်

စစ်ကောင်စီ အာဏာသိမ်းခံရပြီးနောက် ၂၀၂၁ ခုနှစ် တွင် နိုင်ငံတကာပြိုင်ပွဲများ၌ သွားရောက်ယှဉ်ပြိုင်သည့် သူဇာဝင့်လွင် (Miss Universe ) နှင့် ဟန်လေး (Miss Grand International) တို့ နှစ်ဦးသာ အာဏာသိမ်းခံရသည့် ဖြစ်စဉ်အပေါ်ကမ္ဘာသိရန် ပြောကြားခဲ့ဖူးသည်။

သူဇာဝင့်လွင်သည် Miss Universe ပြိုင်ပွဲ၏ National Costume ပြိုင်ပွဲတွင် ချင်းတိုင်း
ရင်းသားရိုးရာဝတ်စုံနှင့် Pray For Myanmar စာတန်းကို ကိုင်ဆောင်၍ နိုင်ငံတွင်းအခြေအနေများကို ပြသခဲ့ပြီး The Best National Costume ဆုကိုရရှိခဲ့သည်။

ထို့အတူ ဟန်လေးသည်လည်း Miss Grand International ပြိုင်ပွဲစင်မြင့်၌ မြန်မာနိုင်ငံ၏ အခြေအနေများကို ရဲရဲဝံ့ဝံ့ပြောကြားခဲ့သည်။

အပြည့်အစုံ >>>

https://www.ludunwayoo.com/feature-mm/2024/10/22/102457/

သံအမတ်ကြီးဦးကျော်မိုးထွန်းထောက်ခံရေးနဲ့ စစ်အာဏာရှင်ဆန့်ကျင်ရေးသပိတ်တွေ စစ်ကိုင်းမှာ ပြုလုပ်

သုည/People's Spring

စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေက သံအမတ်ကြီးဦးကျော်မိုးထွန်းအား ထောက်ခံရေးနဲ့ စစ်အာဏာရှင်ဆန့်ကျင်ရေးသပိတ်တွေ ဒီကနေ့ (အောက်တိုဘာ ၂၅)မှာ အသီးသီး ပြုလုပ်ခဲ့ကြပါတယ်။

စစ်ကိုင်းတိုင်း ယင်းမာပင်မြို့နယ် ကျေးရွာတစ်ရွာမှ ခေတ်ဟောင်း ချိုးဖျက် ဒို့မျိုးဆက် သပိတ် စစ်ကြောင်းက ဒေသခံပြည်သူတွေနဲ့ ပူးပေါင်းကာ စစ်အာဏာရှင်ကို ဆန့်ကျင်ကြောင်း ဆန္ဒပြခဲ့ပြီး ဘုတလင်မြို့နယ်ပြည်သူတွေနဲ့ အတူရှိကြောင်းလည်း ကြွေးကြော်ဆန္ဒထုတ်ဖော်ခဲ့ပါတယ်။

ယင်းမာပင်မြို့နယ်မြောက်ခြမ်းမှာလည်း နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက သံအမတ်ကြီးဦးကျော်မိုးထွန်းကို ထောက်ခံကြောင်း "Our Ambassador Myanmars Voice ငါတို့သံအမတ်ကြီးသည် ငါတို့မြန်မာပြည်ရဲ့အသံ ဖြစ်သည်" စတဲ့စာသားတွေ ကိုင်ဆောင်ပြီး ဆန္ဒထုတ်ဖော်ခဲ့ကြပါတယ်။

ယင်းမာပင်မြို့နယ် မြောက်ခြမ်းမှာလည်း အောင်လံလွှင့်မည်ဒေါင်းသွေးနီသပိတ်စစ်ကြောင်းက သံအမတ်ကြီး ဦးကျော်မိုးထွန်းကို ကုလသမဂ္ဂမှာ ဆက်လက်ခန့်အပ်ရေး တောင်းဆိုဆန္ဒပြခဲ့ကြပါတယ်။

ဓာတ်ပုံ - ရွာပေါင်းစုံသပိတ်၊ စစ်ကိုင်းတိုင်းသပိတ်အင်အားစု

(ကရင်အမျိုးသားလွတ်မြောက်ရေးတပ်မတော်(KNLA)မှ ရဲဘော်တစ်ဦးအား တွေ့ရစဥ်။ ဓာတ်ပုံ - Getty Images)

အနန်းကွင်းဗျူဟာကို KNLA ပူးပေါင်းတပ် ဝိုင်းရံပိတ်ဆို့ထား၊ နေ့စဉ် တိုက်ပွဲငယ်များဖြစ်

◾️တော်လှန်ရေးပူးပေါင်းတပ်က ဒရုန်းဖြင့် စခန်းချေမှုန်းနေ၊ စစ်ကောင်စီက စစ်အင်အားဖြည့်တင်းကာ လက်နက်ကြီးပစ်ခုခံ

ဟန်နွေ/People's Spring

ဘုရားသုံးဆူ - သံဖြူဇရပ်လမ်းပေါ်ရှိ စစ်ကောင်စီ၏ အနန်းကွင်းဗျူဟာစခန်းကို ကရင်အမျိုးသားလွတ်မြောက်ရေးတပ်မတော်(KNLA) ဦးဆောင်သည့် တော်လှန်ရေး ပူးပေါင်းတပ်ဖွဲ့များက တိုက်ခိုက်လျက်ရှိရာ စခန်းကို ၀ိုင်းရံပိတ်ဆို့ထားပြီး တိုက်ပွဲငယ်များ နေ့စဉ်ဖြစ်ပွားနေဟု စခန်းသိမ်းစစ်ဆင်ရေး၌ ပါဝင်သည့် နဂါးနီစစ်ကြောင်းမှ စစ်ကြောင်းမှူး ကိုဟိန်းက ပြောသည်။

အဆိုပါ စစ်ကောင်စီဗျူဟာကို KNLA ဦးဆောင်သည့် မဟာမိတ်တပ်က ယခုနှစ် နွေရာသီတွင် စတင် ထိုးစစ်ဆင်နေခြင်းဖြစ်ပြီး စစ်ကောင်စီစစ်ကူတပ်များ အထိနာအောင် တိုက်ခိုက်ထားနိုင်သကဲ့သို့ စခန်းရှိ စစ်ကောင်စီတပ်များလည်း ထိခိုက်မှုရှိသည်ဟု အသိပေးသည်။

"လက်ရှိမှာ အနန်းကွင်းဗျူဟာကတော့ လက်ရှိမှာ KNLA ဦးဆောင်တဲ့ မဟာမိတ်တော်လှန်ရေးတပ်ဖွဲ့တွေဟာ စခန်းပတ်ချာလည် ဝိုင်းရံပိတ်ဆို့ထားပါတယ်။ နေ့စဉ် တိုက်ပွဲငယ်ရှိပြီးတော့ တော်လှန်ရေးတပ်တွေဘက်က ဒရုန်းတွေနဲ့ စခန်းကို ချေမှုန်းနေပါတယ်။
ရန်သူအင်အားက ၁၅၀ ဝန်းကျင်ရှိပြီးတော့ ထိခိုက်ဒဏ်ရာရရှိထားတဲ့ လူနာတွေ ၅၀ လောက် စခန်းထဲမှာ ရှိပါတယ်။ အနန်းကွင်းစစ်ဆင်ရေး စတင်တဲ့အချိန်ကစပြီး ကြားထဲမှာ စခန်းကနေ ထွက်ပြေးလာတဲ့ စကစ ရဲဘော်တွေတော့ ရှိပါတယ်။ ဒါကလည်း စစ်ဆင်ရေးပြီးမှ ထုတ်ပြန်ချက်တွေ ရှိလာမှာပါ။ မရှိရင်လည်း မရှိဘူးပေါ့လေ"ဟု စစ်ကြောင်းမှူး ကိုဟိန်းက ပြောသည်။

လက်ရှိ သံဖြူဇရပ် - ဘုရားသုံးဆူ ကားလမ်းမကြီးပေါ်ရှိ တောင်စွန်းစခန်းနှင့် လွတ်ရှမ်း စခန်းများကို တော်လှန်းရေးတပ်များက သိမ်းပိုက်ထားပြီးဖြစ်၍ အနန်းကွင်းဗျူဟာသာ ကျန်တော့သည်ဟု ဆိုသည်။

စခန်းသိမ်းတိုက်ပွဲအတွင်း စစ်ကောင်စီတပ်ကမြေပြင်မှ စစ်ကူအင်အားဖြည့်တင်းခဲ့ရာဩဂုတ်အတွင်းက စကခ(၁၉)မှ စစ်ကူတပ်များ ရောက်လာ၍ စခန်းတွင် အင်အားထပ်တိုးလာခြင်းဖြစ်သည်ဟု ဆိုသည်။

ဩဂုတ်လကုန်ပိုင်းက အနန်းကွင်းဗျူဟာစခန်းသို့ စစ်ကူတက်လာသည့် စစ်ကောင်စီတပ်နှင့် တော်လှန်ရေးပူးပေါင်းတပ်တို့အကြား တိုက်ပွဲများ ဖြစ်ပွားခဲ့ရာ စစ်ကောင်စီတပ်က ၉ဦးသေဆုံး၊ ၂၄ဦး ဒဏ်ရာရခဲ့ကြောင်း အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန တောင်ပိုင်း စစ်ဒေသက အသိပေးထားသည်။

"လက်ရှိမှာတော့ ရေးမြို့နယ်၊ မော့ကနင် (၁၀၆)တပ် နဲ့ သံဖြူဇရပ်မြို့နယ် ၊ အမှတ်(၄) တန်းမြင့်လေ့ကျင့်ရေးသင်တန်းကျောင်း(ဝဲကလီ) ကနေပြီးတော့ ၁၅၅ မမ ဟောင်ဝစ်ဇာ
လက်နက်ကြီးတွေ ပစ်ကူက အမြဲရှိတယ်ပေါ့။ လေကြောင်းဆိုရင် Y-12 နဲ့ပဲ စခန်းအတွက် လိုတဲ့ ခဲယမ်း၊ ရိက္ခာတွေ ခဏခဏ လာချပေးတယ်" ဟု စစ်ကြောင်းမှူး ကိုဟိန်းက ပြောပြသည်။

တိုက်ပွဲအတွင်း တော်လှန်ရေးပူးပေါင်းတပ်မှ ထိခိုက်ကျဆုံးမှုရှိပြီး စစ်ကောင်စီတပ်ဘက်က ထိခိုက်မှု နေတိုင်းနီးပါးရှိသည်ဟု ဆိုသည်။

"စစ်ဆင်ရေးမပြီးဆုံးသေးလို့ ကျွန်တော်တို့ မထုတ်ပြန်သေးတာပါ။ ဒီ အနန်းကွင်းဗျူဟာစခန်းပြီးရင် ဒီဘက် ကြာအင်းဆိပ်ကြီး နဲ့ ဘုရားသုံးဆူနယ်မြေက စစ်ကောင်စီ ကင်းစင်နယ်မြေ ဖြစ်လာတော့မှာပေါ့နော်။ ဒါကြောင့် စစ်ကောင်စီဘက်ကလည်း စခန်းမကျရေးကို နည်းမျိုးစုံနဲ့ လုပ်နေတာပေါ့။ ကျွန်တော်တို့ တော်လှန်ရေးတပ်တွေအနေနဲ့ KNLA ဦးဆောင်မှုနဲ့အတူ စခန်းရရှိရေးကို အပြီးသတ် တိုက်ပွဲဝင်သွားမှာပါ"ဟု စစ်ကြောင်းမှူး ကိုဟိန်းက ပြောပြသည်။

ပြင်ဦးလွင်မြို့အနီး တိုက်ပွဲပြင်းထန်နေ

ဒီးဒီ၊ဟန်နွေ/People's Spring

စစ်တက္ကသိုလ်များရှိရာ ပြင်ဦးလွင်မြို့နှင့် (၁၆)မိုင်ခန့်သာဝေးသော ဂန့်ကော်ကျေးရွာ၌ တအာင်းတပ်မတော်(TNLA)နှင့် စစ်ကောင်စီတပ်တို့ တိုက်ပွဲပြင်းထန်နေကြောင်း သတင်းရရှိသည်။

မန္တလေး - လားရှိုးလမ်းမကြီးအနီး နောင်ချိုမြို့နယ် ဘန့်ဘွေးကျေးရွာအုပ်စုရှိ ဂန့်ကော်ကျေးရွာတွင် တိုက်ပွဲပြင်းထန်နေခြင်းဖြစ်သည်။ အဆိုပါ ကျေးရွာ၌ အောက်တိုဘာ ၁၉ရက်ကတည်းက စတင်တိုက်ပွဲဖြစ်ပွားပြီး ယနေ့(အောက်တိုဘာ ၂၂ရက်)အထိ တိုက်ပွဲပြင်းထန်နေခြင်းဖြစ်သည်။

စစ်ကောင်စီတပ်က နောင်ချိုမြို့နယ် ဂန့်ကော်ရွာ၊ အုမ္မသီးကျေးရွာ လမ်းခွဲနေရာအထိစစ်ကြောင်းထိုးလာ၍ တိုက်ပွဲဖြစ်ပွားခြင်းဟု ပြင်ဦးလွင်မြို့ခံတစ်ဦးက ပြောသည်။

"စစ်ကြောင်းထိုးလာတယ်။ အဲနေ့တည်းကတိုက်ပွဲက ဖြစ်နေတာ။ အခု ပိုပြင်းထန်လာတယ်။ အနီးနားရွာတွေလည်း ထွက်ပြေးကုန်ကျပြီ"ဟု ပြင်ဦးလွင်ဒေသခံက ပြောသည်။

တအာင်းတပ်မတော်(TNLA)က ၁၀၂၇ စစ်ဆင်ရေး အပိုင်း(၂) ၁၂၀ရက်မြောက်နေ့အဖြစ် အောက်တိုဘာ ၂၂ရက်စစ်ရေးသတင်းဖော်ပြရာ နောင်ချိုမြို့၊ ဂန့်ကော်ကျေးရွာ၌ တိုက်ပွဲရှိခဲ့သည်ဟု ယနေ့ည ထုတ်ပြန်အသိပေးသည်။

ယနေ့ နေ့လည် ၁၂နာရီခွဲတွင် ဂန့်ကော်ရွာ စာသင်ကျောင်း၌ တိုက်ပွဲဖြစ်ပွားခဲ့ရာ
စစ်ကောင်စီတပ်က စာသင်ကျောင်းနှင့် ဘုန်းတော်ကြီးကျောင်းနေရာကို ဒရုန်းဖြင့် နှစ်ကြိမ် ဗုံး(၁၈)လုံး ကြဲချ တိုက်ခိုက်ခဲ့သည်ဟု ဖော်ပြသည်။

အောက်တိုဘာ ၁၉ရက်က တိုက်ပွဲဖြစ်ပွားမှုကြောင့် မန္တလေးမြို့မှ နောင်ချို၊ ကျောက်မဲ၊ သီပေါ၊ လားရှိုးမြို့ အတက်ကားများအား စစ်ကောင်စီအဖွဲ့က ပြင်ဦးလွင်မြို့နယ် မြိုင်ကြီးကွေ့လမ်းပိုင်းမှ လှည့်ပြန်ခိုင်းခဲ့ကြောင်း ခရီးသွားပြည်သူများက ပြောသည်။ ထိုနေ့ကစပြီး ပြင်ဦးလွင် - လားရှိုးလမ်းပိုင်းမှာ စစ်ကောင်စီက ပိတ်ထားခဲ့ခြင်း ဖြစ်သည်။

လက်တလောတွင် နောင်ချိုမြို့၌ ဆက်သွယ်ရေးလိုင်းများဖြတ်တောက်ထား၍ တိုက်ပွဲဖြစ်ပွားမှုအခြေအနေနှင့်ပတ်သက်ပြီး မသိရသေးကြောင်း အခြားဒေသရောက် နောင်ချိုမြို့ခံတစ်ဦးက ပြောသည်။

ရှမ်းပြည်နယ်တောင်ပိုင်း ရပ်စောက်မြို့နယ် ကျောက်ဂူမှ နောင်ချိုမြို့နယ်အတွင်းသို့ စစ်အင်အားပြန်လည်ဖြည့်တင်းရန် ကြိုးပမ်းနေသည့် စစ်ကောင်စီတပ်က ထိုးစစ်ဆင်လာ၍ နှစ်ဖက်ထိတွေ့ တိုက်ပွဲဖြစ်ပွားခဲ့ခြင်းဖြစ်သည်ဟု TNLAက အသိပေးသည်။

စစ်ကောင်စီတပ်သည် ပြီးခဲ့သည့် ရက်ပိုင်းအတွင်း နောင်ချိုမြို့နယ် နမ့်ဆန်မြို့နယ်တို့ကိုလေကြောင်း တိုက်ခိုက်မှုများ ဆက်တိုက်ပြုလုပ်ခဲ့ရာ အရပ်သား သေဆုံးထိခိုက်မှုများရှိခဲ့သည်။

ယနေ့နံနက်က နမ့်ဆန်မြို့နယ် ကိုစစ်ကောင်စီက တိုက်လေယာဉ်ဖြင့် လေကြောင်း တိုက်ခိုက်ခဲ့ရာ အရပ်သား၅ဦးသေဆုံးကာ ၄ဦး ဒဏ်ရာရရှိခဲ့ကြောင်း လွေးယေဦးက ပြောသည်။

"လက်ရှိကတော့ စစ်ကောင်စီကတော့ လေကြောင်း တိုက်ခိုက်တာမျိုး ပိုပြီးလုပ်လာတာ တွေ့ရပါတယ်"ဟု လွေးယေဦးက ပြောသည်။ စစ်ကောင်စီက အရပ်သားများကို ပစ်မှတ်ထား လေကြောင်း တိုက်ခိုက်သည့် စစ်ရာဇဝတ်မှုများကျူးလွန်နေသည်ဟုလည်း ၎င်းကပြောသည်။

စဥ့်ကူးနှင့်သပိတ်ကျင်းဒေသခံများနှင့် မန္တလေး PDFရဲဘော်များ တွေ့ဆုံနေစဥ်။ဓာတ်ပုံ-MDY PDF

စဥ့်ကူး နှင့် သပိတ်ကျင်းတွင် အုပ်ချုပ်ရေးဆိုင်ရာကိစ္စရပ်များ အကောင်အထည်ဖော်နေဟု မန္တလေး PDF ပြော

ဇေအောင်/People's Spring

မန္တလေး PDF က သိမ်းပိုက်ထားသော စဥ့်ကူးနှင့်သပိတ်ကျင်းမြို့နယ်တို့တွင် အုပ်ချုပ်ရေးဆိုင်ရာကိစ္စရပ်များ အကောင်အထည်ဖော်ဆောင်ရွက်နေကြောင်းပြည်သူ့ကာကွယ်ရေးတပ်မတော်
(မန္တလေး)၏ ပြောရေးဆိုခွင့်ရှိသူ ကိုအော်စမွန်က ပြောသည်။

ပြည်သူ့ကာကွယ်ရေးတပ်မတော်(မန္တလေး)က ၎င်းတို့ သိမ်းပိုက်ထားသည့် စဥ့်ကူးနှင့်သပိတ်ကျင်းမြို့နယ်တို့ရှိ ပြည်သူများနှင့် သွားရောက်တွေ့​ဆုံခဲ့သည်။

ဒေသခံပြည်သူများအား လက်ရှိလုပ်ဆောင်နေ
သည့်လုပ်ငန်းစဥ်များ ရှင်းလင်းခြင်း၊ လက်ရှိနိုင်
ငံရေး၊ စစ်ရေးအခြေအနေများအား မျှဝေခြင်း၊ ဒေသတည်ငြိမ်ရေးနှင့် တရားဥပဒေစိုးမိုးရေးကိစ္စများတွင် ပူးပေါင်းဆောင်ရွက်ခြင်းဆိုင်ရာ ကိစ္စရပ်များ ဆွေးနွေးခဲ့ကြောင်း ပြည်သူ့ကာကွယ်ရေးတပ်မတော်(မန္တလေး)၏ ပြောရေးဆိုခွင့်ရှိသူ ကိုအော်စမွန်က ပြောသည်။

"ကျွန်တော်တို့ ပြည်သူ့ကာကွယ်ရေးတပ်မတော်
(မန္တလေး)က ဒီသိမ်းယူထားတဲ့နယ်မြေတွေမှာ ဒေ
သတည်ငြိမ်ရေး နဲ့ တရားဥပဒေစိုးမိုးရေးလုပ်ငန်းတွေအတွက် အုပ်ချုပ်ရေးဆိုင်ရာကိစ္စတွေကို အ
ကောင်အထည်ဖော်တာတွေ ရှိနေပါပြီ။ ကျွန်တော်တို့တဆင့်ချင်း လုပ်ဆောင်နေပါတယ်။"ဟု ကိုအော်စမွန်က ပြောသည်။

ပြည်သူ့ကာကွယ်ရေးတပ်မတော်(မန္တလေး)နှင့် ပူးပေါင်းတပ်များသည် စဥ့်ကူးမြို့အပါအဝင် မြို့နယ်အတွင်းရှိ စစ်ကောင်စီစခန်းများအားလုံးကို ဇူလိုင် ၁၇ ရက်တွင်လည်းကောင်း၊ သပိတ်ကျင်းမြို့ကို သြဂုတ် ၂၅ ရက်တွင်လည်းကောင်း အပြီးသတ်သိမ်းပိုက်နိုင်ခဲ့သည်။

တစ်ယောက်ကကျတော့ လှေပေါ်မှာ ရုန်းရင်း
ဆန်ခတ်ဖြစ်တော့ သေနတ်တစ်ချက်ထွက်သွားတယ်။ ဒီစစ်သားနှိပ်လိုက်တဲ့ ခလုပ်က အဲဒီမှာ တစ်ယောက်ထိသွားတယ် ဒီကျည်ဆံက။ လှေပေါ်မှာပဲ ဆုံးတယ်။လှေသမားတွေနဲ့ထည့်ပေးလိုက်
တယ်။ အဲဒီလိုပုံစံ။

မေး-တော်လှန်ရေးအဖွဲ့တွေနဲ့ဘယ်လိုချိတ်ဆက်မိသွားလဲ။

ဖြေ- ချိတ်ဆက်မိတာက ကျနော်တို့ရဲ့ ရုန်းထွက်ချင်စိတ်ကိုပဲ ဘုရားကကူညီပေးတာလားမသိဘူး။ကျနော်တို့ တက်သွားတဲ့ ရွာက ဒေသခံ ကာကွယ်
ရေးတပ်ဖွဲ့တွေရှိတယ်။ အဲဒီရွာမှာ။ ဒါကို ကျနော်တို့က မသိဘူးကျနော်တို့ သင်္ချိုင်းကိုရောက်သွားတယ် ကျနော်တို့အုပ်စုက။ သင်္ချိုင်းရောက်သွားပြီး ရွာထဲ ဝင်မရဲဘူး။ ညဘက် နည်းနည်းမှောင်လာတဲ့အခါကျမှ နှစ်ယောက်ပေါ့ ကျနော်တစ်ယောက်ခေါ်သွားတယ်။ သွားပြောတယ်။ အိမ်ကြီး တစ်အိမ်ကို။မီးလင်းနေတဲ့အိမ်ကို။ကျနော်တို့ ဒီလိုမျိုးဖြစ်လာတယ် အကူအညီတောင်းတယ်ပေါ့နော်။ ကျနော်တို့ကို ကူညီပေးပေါ့ ကျနော်တို့ဘာဒုက္ခမှ မပေးဘူးပေါ့။ အဲဒီအချိန်မှာ အိမ်တစ်အိမ်ကိုလွှတ်ပေးလိုက်တယ် သူလမ်းညွှန်ပေးလိုက်တယ်။ ကျနော်ဆက်သွားတော့ ကာကွယ်ရေးတပ်ဖွဲ့လို့ ပြောတယ် လူအသက်ကြီးကြီးတစ်ယောက်နဲ့တွေ့တယ်။ အခက်အခဲကို ပြောပြလိုက်တော့ ဘာမှ စိတ်မပူနဲ့ သူအိမ်ကိုခေါ်သွားတယ်။ခေါ်သွားပြီး လှမ်းကြည့်လိုက်တော့ သူ့အမေထင်ရတယ် အဘွားကြီးတစ်ယောက်ရှိတယ်။ အဲဒီမှာ သူပြောပြတယ်။ ဒေသခံကာကွယ်ရေးတပ်ဖွဲ့တွေပေါ့ စစ်သားဘက်က မဟုတ်ဘူးပေါ့။ လုံး၀စိတ်ချလို့ရတယ် သူတို့ဆီရောက်လာတာ။ အဲဒီလိုပြောတယ်။ကျနော်တို့ကို ထမင်းတွေဘာတွေချက်ကျွေးကြ
တယ်။ အဲဒီမှာ ရေတွေဘာတွေချိုး။ အင်္ကျီတွေပေးတယ်။ ကျနော်တို့က အားလုံး ဖုန်းတွေဘာတွေအားလုံးကို သူတို့(စစ်ကောင်စီတပ်)က သိမ်းထားတယ်ဆိုတော့ အဝတ်တွေလည်းမယူလာဘူး ကြောပိုးအိတ်လည်း မယူလာဘူး လှေပေါ်မှာပဲ။ အားလုံးထားခဲ့တယ်။လူလွတ်ရင်ရပြီ။ အားလုံးကို ဘာမှ မယူလာခိုင်းဘူး။ လူလွတ်အောင်ပဲလုပ်မယ်ဆိုတဲ့ပုံစံမျိုးနဲ့ ကျနော်ခေါ်လာတယ်ဆိုတော့ သူတို့အားလုံးတော့ ပါလာတယ် ပစ္စည်းတွေမပါလာခဲ့ဘူးဆိုတော့ အဝတ်အစားမရှိဘူးဆိုတော့ သူတို့ အဝတ်အစားပေးတယ်။ ရွာထဲက။

မေး-နောက်တော့ရော ဘာဆက်ဖြစ်သေးလဲ။ တော်လှန်ရေးမှာ ပါဝင်ဖို့ ဘယ်လိုဆုံးဖြတ်ခဲ့ကြလဲ။
ဖြေ- ဒေသခံ ကာကွယ်ရေးတပ်ဖွဲ့တွေဆီကိုရောက်သွားတော့ ကျနော်တို့က မလုံခြုံသေးဘူးလေ။မလုံခြုံသေးဘူးဆိုတာ တောတတောရာဘာတော အဲဒီတောမှာ သွားအိပ်ခိုင်းထားတယ် မနက်ကျမှ စီစဉ်မယ်ပေါ့။ အဲဒီအချိန်မှာပဲ ညတွင်းချင်းစစ်
သားတွေတိုးလာတယ်ဆိုတော့လေ။ စစ်သားတွေရောက်လာတယ်ဆိုတာဟိုဘက်ရွာကို ရောက်နေပြီကြားတယ်။ ဒါဆိုရင် ကျနော်တို့ အန္တရာယ်ရှိသေးတယ်။ သူတို့လိုက်ရှာရင်တွေ့နိုင်သေးတယ်ပေါ့။ အဲဒီအချိန်မှာ ကျနော်တို့ကဘာမှ မလုပ်တက်သေးဘူး။ကျနော်တို့ဒေသမဟုတ်ဘူးဆိုတော့ ပြေးလို့လည်းမတက်သေးဘူး။ ဒီအချိန်မှာ KNU ကို ကျနော်တို့ရဲ့ လက်ရှိခေါင်းဆောင်ပေါ့နော် KNDO ခွဲ (၅)က ဗိုလ်ပေါ့။ သူက ရောက်လာတယ်ဗျ။လှေသမားတွေကသူတို့ဆီ ရောက်လာတယ်ပြောတယ် ဒီလိုမျိုးထားခဲ့တယ်ပြောလို့ သူတို့လိုက်ရှာပေးတာပေါ့။ဒေသခံ ကာကွယ်ရေးတပ်ဖွဲ့တွေနဲ့ KNDOပေါ့ ကျနော်တို့ကိုလာရှာပြီးတော့ ညတွင်း
ချင်းပဲ ခေါ်ပြီးသွားပြီးမှ သူတို့ထိန်းချုပ်ထားတဲ့နယ်မြေရောက်မှ ကျနော်တို့ အေးအေးဆေးဆေးနေရတယ်။ တစ်ညလောက်တော့ ကျနော်တို့ကောင်းကောင်းသွားလိုက်ရတယ် မအိပ်ရဘူး။ စစ်သားတွေတိုးနေတယ်ဆိုတော့။ အဲဒီရောက်မှ ကျနော်တို့ ဆုံးဖြတ်ကြတယ်။ အိမ်ပြန်ချင်တဲ့သူ ပြန်လို့ရတယ်ပေါ့နော်။ ဒီ KNU ပြောတာက။ တော်လှန်ရေးလုပ်ချင်တဲ့သူ လုပ်လို့ရတယ်။ ကိုယ့်ရဲ့ဆန္ဒအတိုင်းပဲပေါ့။ အိမ်ပြန်တဲ့သူတွေလည်း လေးငါးယောက်လောက်တော့ရှိတယ်ဗျ။ ကျနော်နဲ့ ကျန်ခဲ့တာ တော်လှန်ရေးလုပ်မယ်လို့ ဆုံးဖြတ်တာ၂၀လောက်တော့ကျန်ခဲ့တယ်။

မေး- စစ်ကောင်စီလက်က လွတ်အောင်ရုန်းထွက်မယ်လို့ ဆုံးဖြတ်ခဲ့တာ ဘာကြောင့်လဲ။

ဖြေ-ဒီစစ်အာဏာရှင်ရဲ့ လက်အောက်မှာ နေမယ်ဆိုရင် မတော်လို့ဗျာ ကျနော်တို့ မရုန်းထွက်ခဲ့ဘူးဆိုရင် သူတို့ပြောတဲ့ စစ်မှုထမ်းရမယ်ဆိုတဲ့၂နှစ်နဲ့ ၄လ ပြည့်ချင်မှာပြည့်မှာ။ ဘာဖြစ်လို့လဲဆိုရင် သေချာတယ် သင်တန်းပေးပြီးရင်ရှေ့တန်းပို့မှာပဲ။ သေချင်သေးသွားမယ်။ ဒါပေမဲ့ သေရမှာက လူတိုင်းသေရမှာ။ ဒါပေမဲ့ ပြည်သူမချစ်တဲ့စစ်သားမျိုး မလုပ်ချင်ဘူးဗျ။ နိုင်ငံသားတိုင်းကတော့ စစ်
သားလုပ်ချင်ကြတာပဲလေ။ဒါပေမဲ့ ပြည်သူ ချစ်တဲ့ စစ်သားပဲလုပ်ချင်ကြတာကိုး။ သူများကြည့်တဲ့ မျက်လုံးဒဏ်ကိုလည်း မခံနိုင်ဘူးလေဒီယူနီဖောင်းနဲ့ဆိုရင်။ မိသားစုတွေလည်းမျက်နှာငယ်တယ် ကိုယ့်အတွက်လည်း မလုံခြုံဘူး။ကိုယ်လည်းမျက်
နှာငယ်တယ် အဲဒီလိုပုံစံမျိုးပေါ့နော်။စပြီးတော့
သူတို့ထိန်းသိမ်းတဲ့ အချိန်တုန်းကဆိုရင် အိမ်ကိုတောင်ပြောတယ်။ ကျနော်ရွာမပြန်တော့ဘူး။ တ
ကယ်လို့ စစ်သားလုပ်ရမယ်ဆိုရင်။ ရှက်တယ်ပေါ့ဗျာ။ လူဖြစ်ရမှာ ရှက်တယ်ပေါ့နော်။သူတို့ထဲဝင် တာထက်ကိုယ့်ကိုယ်ကိုယ်သက်သေလိုက်တာမှ ကောင်းတယ်ပေါ့ အဲဒီလိုတွေးတာပေါ့နော်။နောက်

ကျနော်ထွက်ပြေးလို့ လွတ်မြောက်သွားတဲ့အချိန်မှာကတော့ ကိုယ့်ရဲ့ လွတ်လပ်ခွင့်တွေပြန်ရသွားပြီလို့ ခံစားရတယ်။ လွတ်လွတ်လပ်လပ် နေလို့ရပြီပေါ့။ ဒါပေမဲ့ ကိုယ်တစ်ယောက်တည်းလွတ်လပ်နေလို့မရဘူးပေါ့။ နောက်ထပ်ရှိသေးတယ် ။ နိုင်ငံထဲမှာ လူငယ်တွေအများကြီးရှိသေးတယ် သူတို့လွတ်မြောက်ဖို့။ ငါတို့ ရိုးရိုးသားသား တောင်းဆို
လို့မရတဲ့အရာကို ငါတို့တိုက်ယူမှရမယ်။ တော်
လှန်ရေးက ငါတို့နဲ့လည်းဆိုင်တယ်ဆိုတဲ့စိတ်မျိုးပေါ့နော်။ထိုင်းမှာလည်းဖမ်းနေတယ်ဗျာ။ တကယ်
လို့ဖမ်းမိသွားရင် ဒီကို ပြန်ရောက်လာမှာပဲ။ မြန်မာပြည်ထဲမှာ နေရင်လည်းသေနေတဲ့သူနဲ့ အတူတူပဲ။ အမြဲတမ်း ပုန်းနေရတာ။ ကျနော်တို့ လူငယ်အနေနဲ့ ဒီလိုမျိုးနေရတာ မကြိုက်ဘူးပေါ့ ဘယ်သူမှ။ ကိုယ့်ရဲ့ လွတ်လပ်မှုအတွက်ပဲ ဖြစ်ဖြစ် နောက်လူတွေအတွက်ပဲ ဖြစ်ဖြစ် တိုက်ယူမှ ရမယ်ဆိုရင်
တော့ တိုက်မှာပေါ့ ဒီတိုက်ပွဲပဲရှိတာကိုး။ ဒါကြောင့် တော်လှန်ရေးပဲလုပ်ဖြစ်တယ် အိမ်မပြန်ဖြစ်ဘူး။

မေး-ထိုင်းမှာဆိုရင်လည်းမြန်မာလုပ်သားတွေအများကြီးရှိနေတယ်။အခုလိုမျိုး ဖမ်းပြီးမြန်မာဘက်က စစ်ကောင်စီကို အပ်နှံနေတဲ့ ထိုင်းအစိုးရရဲ့လုပ်ရပ်အပေါ်ဘာပြောလိုပါသလဲ။

ဖြေ-ဒီထိုင်းအစိုးရကို ပြောချင်တာက ကျနော်အ
နေနဲ့သွားပြောလို့မရဘူးဆိုတော့လည်း မီဒီယာကနေတဆင့်သိစေချင်တယ်။မြန်မာနိုင်ငံသားတွေက ဒီစစ်သားတွေကို မလိုလားဘူးပေါ့။ စစ်သား(စစ်ကောင်စီတပ်သား)လည်းဘယ်သူမှ မလုပ်ချင်
ဘူးပေါ့။ စစ်ကောင်စီကို မလိုချင်ဘူးဆိုတာ သူတို့(ထိုင်းအစိုးရ)မသိဘူးလား ၊ မသိချင်ယောင်ဆောင်နေတာလားပေါ့။တကယ်လို့သိတယ်ဆိုရင်လည်း မြန်မာပြည်သားတွေကို ငဲ့ပေါ့နော်။ မြန်မာပြည်သားဆိုတာထိုင်းနိုင်ငံသားတွေနဲ့ အတူတူပဲ အိမ်နီးချင်းနိုင်ငံဆို သူတို့ကူညီပေးရမယ် ပြည်သူရဲ့ဆန္ဒကို လေးစားရမယ်ပေါ့။ ပြည်သူတွေက မလုပ်ချင်ဘူးဆိုရင်သူတို့ဘက်ကစဉ်းစားပြီးတော့ ပြည်သူကို ငဲ့သင့်တယ်ပေါ့။ ထိုင်းမှာဒီလိုမျိုးဖမ်းပြီးပို့ပေးနေတာကျတော့ စစ်သားတွေ(စစ်ကောင်
စီတပ်)ကို စစ်သားစုဆောင်းပေးနေသလိုဖြစ်နေတယ်။ဒါတွေကိုမလုပ်စေချင်ဘူး။ ဖြစ်နိုင်မယ်ဆိုရင် လူသားချင်းစာနာပြီးတော့ဖမ်းမိတဲ့သူတွေကိုထိုင်းနိုင်ငံမှာပဲ ထားပြီးထားစေချင်တယ်။မြန်
မာပြည်ဘက် မပို့ပေးဖို့ပေါ့။ တစ်နှစ်ကြာသည်ဖြစ်ဖြစ်နှစ်နှစ်ကြာသည်ဖြစ်ဖြစ်ပေါ့။ သူတို့ ရိုဟင်ဂျာတွေတောင် ၄၊ ၅နှစ်ထားတယ်ဗျာမြန်မာပြည်သား ဘာလို့ ထားလို့မရလဲ။ နိုင်ငံရေး အခြေအနေ ကြောင့် သူတို့မပို့ပေးဘူးဆိုရင် သူတို့ ဆုံးဖြတ်
ချက်အပေါ်မှာပဲ မူတည်တယ်လေဗျာ။ ဒါကို သူတို့က မသိချင်ယောင်ဆောင်ပြီး ဒီဘက်(စစ်ကောင်စီထံ)ကို ပို့ပို့ပေးနေတာ စစ်သားစုပေးနေသလို ဖြစ်နေတာဗျာ။ တကယ်က နှစ်နိုင်ငံပေါင်းပြီး လုပ်နေတဲ့ ပုံစံဖြစ်နေတယ်ဗျ။

မေး-ထိုင်းရောက်မြန်မာတွေကိုရော ဘာအကြံပေးလိုပါသလဲ။
ဖြေ-ထိုင်းကမြန်မာတွေပဲ ဖြစ်ဖြစ်ပေါ့။မြန်မာပြည်ထဲမှာလည်းအများကြီးရှိတယ်ပေါ့နော်။ အပေါ်ဘက်(မြန်မာပြည်အထက်ပိုင်း)မှာပဲဖြစ်ဖြစ်ကျနော်တို့ တနင်္သာရီတိုင်းမှာပဲဖြစ်ဖြစ် ဒီစစ်သားစု
ဆောင်းခံနေရတာ အများကြီးဖြစ်နေတယ်။ နိုင်ငံ
ထဲမှာလည်းဖြစ်နေတယ်။ နိုင်ငံခြားက သူတွေလည်း ဒီလိုမျိုးစုဆောင်းနေတယ်ဆိုတော့။ လက်
ရှိကတော့ ကျနော်တို့ ကြုံခဲ့ပြီးပြီ ကျနော်တို့ ရုန်းထွက်နိုင်ခဲ့တယ်။ ရှေ့မှာလည်းအများကြီးရှိတယ် စိတ်မပါဘဲ စစ်ကောင်စီလက်အောက်မှာ နေနေရ
တဲ့သူတွေအများကြီးရှိတယ်။ တကယ်လို့ သူတို့ သိရင်လည်း ရုန်းထွက်ကြပေါ့။ ကချင်၊ကယား၊ ကရင်၊ချင်း ၊ ထားဝယ်ပဲဖြစ်ဖြစ်ပေါ့ ကျနော်က ထားဝယ်လူမျိုးဆိုတော့ ဒီတိုင်းရင်းသား တွေအားလုံးက ညီအကိုတွေပဲလေ။ တကယ်လို့ စိတ်မပါဘဲ စစ်ကောင်စီလက်အောက်နေရမယ်ဆိုရင် တချိန် မဟုတ် တချိန် ကျနော်တို့ကထိပ်တိုက်တွေ့မှာပဲ။ ဒီညီအကိုအချင်းချင်းတော့ စစ်မတိုက်ချင်ဘူး။ရန်မဖြစ်ချင်ဘူး။ စစ်ကောင်စီ လက်အောက်
ရောက်သွားရင်တော့ စစ်တိုက်ရမှာပဲ။ ကျနော်တို့ မလုပ်ချင်ဘူး။ ပြီးတော့ ထိုင်းရောက်နေတဲ့သူတွေ တကယ်လို့များ မတော်တဆ ကျနော်တို့လို ဖမ်းမိပြီးတော့ မြန်မာပြည်ဘက်ပြန်ရောက်လာခဲ့မယ်ဆိုရင် စစ်ကောင်စီလက်အောက်မှာပေတေပြီးမနေ
နဲ့ ။ရုန်းထွက်ပေါ့နော်။ စဉ်းစားပေါ့။ နည်းလမ်းဆိုတာ ရှိတယ်။ ပြဿနာရှိရင် အဖြေရှိတယ်။ နည်းလမ်းရှိကောင်းရှိမှာပဲ။ကျနော်တို့လည်း တွေးခဲ့တာပဲ အမျိုးမျိုး။ တစ်နည်းမဟုတ် တနည်း အဆင်
ပြေမယ်လို့ ယုံကြည်ချက်ရှိတယ်တကယ်လည်း အဆင်ပြေခဲ့တယ်ပေါ့။ကျနော်တို့စီစဉ်တဲ့အတိုင်းရောက်လာတယ်။ ဒီလှေသေးသေးလေးပေါ် ရောက်လာရင်တော့ ကျနော်တို့လွတ်အောင်ပြေးမယ်ဆိုတဲ့ စိတ်မျိုးရှိတယ်ဆိုတော့ ကိုယ်လုပ်နိုင်တယ်ပေါ့။ ကြိုတွေးထားပေါ့။ တစ်နေရာ
မဟုတ်ရင် တစ်နေရာ ပြေးပေါက်ကတော့ တွေ့လိမ့်မယ်ဗျ။ သူတို့ အမြဲတမ်းမကြည့်နေနိုင်ဘူး လူအများနဲ့။ အနည်းဆုံးမရရင်တောင် ကိုယ့်ကိုယ်ကိုယ်လွတ်အောင်ပြေး။ စစ်ကောင်စီလက်အောက်
တော့ မနေကျနဲ့ပေါ့။ တကယ်လို့ရောက်သွားရင်မိသားစု မျက်နှာကိုကြည့်ပေါ့။ တကယ်လို့ ကိုယ်ပြေးလိုက်လို့ သေသွားတယ်ဆိုရင် ဒါတန်ဖိုးရှိတယ်ဗျ။ ဒီကောင်တွေလက်ထဲမှာ နေရင်ဘာတန်ဖိုးမှ မရှိဘူး။ ပြည်သူကြည့်တဲ့ မျက်လုံးက ရွံတဲ့ မျက်လုံးနဲ့ ကြည့်တယ်ဗျာ။ကိုယ့်ကိုယ်ကိုယ်

ရှက်တက်ဖို့လိုတယ်။ ဒါကြောင့် တကယ်လို့ မတော်တဆဒီလိုမျိုးဖြစ်ခဲ့မယ်ဆိုရင် ကျနော်တို့လိုမျိုးပဲပေါ့ သေနတ်ရှိတယ်ဆိုပြီး ကြောက်မနေနဲ့။ ဒီကောင်တွေမှာသေနတ်ပဲရှိတယ်။ ပညာလည်းမရှိဘူး ဦးနှောက်လည်းမရှိဘူး။သတ္တိလည်းမရှိ
ဘူးပေါ့။အဲဒါကြောင့် သေနတ်ရရင် သေနတ်ယူ၊သေနတ်မရဘူးဆို လူပေါ့ လွတ်အောင်ပြေးကြပေါ့ ဒီလိုမျိုးတိုက်တွန်းချင်တယ်။

မေး-ဘာများဖြည့်စွက်ပြောကြားလိုပါသေးလဲ။

ဖြေ-နောက်ထပ် ဒီလိုမျိုးပြဿနာ(စစ်ကောင်စီတပ်၏ အဓမ္မ စစ်သားစုဆောင်းခံရတာ)တွေ ကြုံရမယ့် ညီအကိုတွေကိုဒီလိုမျိုး(စစ်ကောင်စီတပ်က ရတဲ့နည်းနဲ့ ရုန်းထွက်ဖို့)ပဲမှာချင်တယ်။လွတ်
အောင်လည်းပြေးကြပေါ့နော်။ ကျန်းမာရေးလည်းဂရုစိုက်ကြပေါ့။

မေး-စစ်ကောင်စီက မတရားမှု ကျူးလွန်နေတဲ့အပေါ် ပြည်သူလူထုတွေ တော်လှန်နေတာ အနိုင်ရမယ်လို့ ယုံကြည်ပါသလား။

ဖြေ-ဒါကတော့ အပြည့်အ၀ ယုံကြည်တယ်ဗျ။ ဘာဖြစ်လို့လဲဆို ကျနော်အခုခေတ်လူငယ်တွေကိုယုံတယ်။ ကျနော်လူငယ်ဖြစ်လို့ လူငယ်တွေကို ယုံတယ်။ သေချာပေါက် နိုင်တယ်။မကြာတော့ဘူး။ မြို့ထဲမှာ ရှိတဲ့ မိဘပြည်သူတွေကိုလည်းပြောချင်
တယ် သိပ်မကြာတော့ဘူးပေါ့။ ကျနော်တို့မြို့ ပြန်ရတော့မှာပေါ့။

ကျေးဇူးတင်ပါတယ်။ ။

စောင့်နေတဲ့ ရွာတစ်ရွာပေါ့။ ကျနော်လည်း ရွာနာမည် မသိတော့ဘူး။ဒီရွာကို ပို့ပေးတယ်။ ဟိုမှာက စစ်သားတွေနဲ့ စစ်ကားတွေနဲ့ စောင့်နေတာပေါ့နော်။ ကျနော်တို့ကို ကားနဲ့ ခေါ်ပြီး သင်တန်းကျောင်းကို ပို့ပေးမယ်ဆိုပြီးတော့ပေါ့။ လှေသေးသေးလေးတွေနဲ့ လှေတစ်စီးမှာ ၃၀၊ ၄၀ ဒီလိုမျိုးထည့်ပေးတာပေါ့။ကျနော်တို့ လှေမှာတော့ အယောက် ၃၀ပါတယ်။ ကျနော်တို့ရှေ့မှာဆို လှေ ၁ စီးပဲ ရှိသေးတယ်။ လှေတွေ့တာ သုံးစီးဗျ။ ကျနော်တို့ကြတော့ ဒုတိယ လှေကျတယ်။ အယောက်သုံးဆယ်ပါတယ်။ ပြီးတော့ စစ်သားနှစ်ယောက်ပါတယ်။ နောက်ထပ်ဘယ်နှစ်စီးလာလဲတော့ကျနော်တို့ မသိဘူး။ ကျနော်တို့ နောက်မှာ ဆိုတော့လေ။ ကျနော်တို့က ဒုတိယ တစ်ယောက်မှာပဲ ကျနော်တို့က ပြေးတယ်ဆိုတော့လေ။

မေး-လှေပေါ်ရောက်တော့ဘယ်လိုတွေ တိုင်ပင်ပြီး လွတ်မြောက်အောင် လုပ်ခဲ့ကြလဲ။

ဖြေ-ကျနော်တို့ လှေပေါ်ရောက်သွားတော့ ပါလာတဲ့ လူ ၃၀ ကျတော့ ကျနော်တို့ ညီအကိုလိုနေကြတယ်ဗျာ။ ခင်ခင်မင်မင်နေကြတဲ့သူတွေဆိုတော့ သူတို့ကို မေးကြည့်တယ်။ ဒီစစ်ကောင်စီ လက်
အောက်မှာ နေချင်လား။ဒါမှမဟုတ် အိမ်ပြန်ချင်တာလားပေါ့ သူတို့ရဲ့ စိတ်ဓာတ်လေးတွေ လိုက်မေးကြည့်တော့ ကျနော်နဲ့ထပ်တူကျတယ်။ စစ်ကောင်စီကို တော်လှန်ချင်တဲ့ စိတ်ရှိတယ်။ တချို့ကလည်း အိမ်ပြန်ချင်တယ်ပေါ့။ ဒီစစ်ကောင်စီ လက်အောက်မှာ ဘယ်လိုနည်းနဲ့မှ မနေချင်ကြဘူးပေါ့။ ဒီသင်တန်းကျောင်းကို မရောက်ချင်ဘူးပေါ့။ သူတို့ စိတ်မှာ။ ကျနော်မေးကြည့်တယ် ပြေးချင်တဲ့ ဆန္ဒရှိလားပေါ့ တကယ်လို့ ပြေးမယ်ဆို သေလည်း သေနိုင်တယ်။ တခုခု လွဲချော်သွားရင် သေနိုင်တယ်ပေါ့။ ဒီပင်လည်ထဲမှာ ရေထဲမှာ လှေသေးသေးလေးပေါ်မှာသူတို့ကလက်နက်ရှိတယ် ကြောက်လားပေါ့ ကျနော်မေးကြည့်တော့ သူတို့က မကြောက်ဖူးပေါ့ ကျနော်တို့မှာ လူအများကြီးရှိတယ် သူတို့မှာသေနတ်ပဲရှိတယ် လူကနှစ်ယောက်ပဲ ရှိတယ်အဲဒီလိုမျိုးပြောတာပေါ့။သူတို့ ပြေးမယ် တိုက်တွန်းတာပေါ့ အကိုပြေးမယ်ဆိုရင် သူတို့လည်းလိုက်မယ် အကိုအဆင်ပြေသလိုလုပ်ပေါ့။ အကိုခိုင်းတဲ့အတိုင်းလိုက်လုပ်ပေးမယ် သူတို့ ပြောတဲ့ ပုံစံက။ အားလုံးကို လိုက်ညှိကြည့်တော့ တလေသံတည်းထွက်လာတယ်ပေါ့။ ကျနော်တို့လည်း ပြေးချင်တယ် ဟိုလူလည်း ပြေးချင်တယ် ပေါ့။ သူတို့ကို ကျနော်က ပြောတယ် ငါတို့က ကမ်းနားရောက်မှ လုပ်လို့ရမယ်။ ဘာဖြစ်လို့လဲဆိုရင် အပြင်မှာ သင်္ဘော စောင့်နေတယ်။ တကယ်လို့ သေနတ်သံတွေကြားပြီဆိုရင် သူတို့ သင်္ဘောကနေ လှမ်းပစ်ရင်ကျနော်တို့ အားလုံးသေမှာကိုး။ အဲဒါကြောင့် ကျနော်က သူတို့ကို ငါခိုင်းတဲ့အချိန်ပဲလုပ်ပေါ့။ ဒီစစ်သားနှစ်ယောက်ပါတယ်။ ပြီးတော့ လှေသမား ပြည်သူက ၄ယောက်ပါတယ်ဆိုတော့ဘ
လိုင်းကြီးလုပ်လို့မရဘူး။ လှေသမားတွေနဲ့ တိုင်ပင်ကြည့်တယ် ငါတို့ကို စစ်သားမရှိတဲ့ရွာတွေ ပြောပြပေါ့။ ဘယ်ရွာဘက်မှာ ရှိတယ် ဘယ်ဘက်မှာ စစ်
သားမရှိဘူးပေါ့။ ပြီးတော့ သူတို့ကို အကူအညီတောင်းတယ် ပို့ပေးလို့ရမလားစစ်သားမရှိတဲ့
နေရာကို။ သူတို့က ကြောက်တယ်ပေါ့ ပို့ပေးမရဲဘူးပေါ့ ဒီစစ်သားနှစ်ယောက်ရှိတယ်ဆိုတော့။ အဲဒါ ကျနော်တို့ ပြောတယ် ပထမအစီစဉ်ကတော့ အစီအစဥ်က ဆွဲရတာပေါ့ ။ ဒီလုပ်မယ်ဆိုရင် သူတို့ကို ပြောတယ်သေနတ်ကို လုပြီးတော့မှ သူတို့ကို ရေထဲကို ခုန်ချခိုင်းမယ်ပေါ့ ဒီစစ်သားတွေကို မသတ်ချင်ဘူးပေါ့။ အဲဒီလိုမျိုးပြောတယ်။ ကျနော်လူတွေနဲ့ တိုင်ပင်ထားတယ်။ ကမ်းနားရောက်ရင် စပြီး လှုပ်ရှားမယ်ပေါ့နော်။ ဒါပေမဲ့ တကယ့်တ
ကယ်သေနတ်လုတဲ့အချိန်မှာ သူတို့က ပြန်ပြီးတော့ ခုခံတယ်ဆိုတော့ ကျနော်တို့ မတော်တဆ သတ်မိသွားတယ် သူတို့နှစ်ယောက်ကို။ စစ်သားနှစ်ယောက်ကို သတ်ပြီး ရေထဲချခဲ့တယ်။ သေနတ်တွေကိုတော့ လုခဲ့တာပေါ့။ လုပြီးတော့မှ ရွာသား
တွေကို ပြောတယ် စစ်သားမရှိတဲ့ဘက်ကို ဦးတည်ပေါ့နော်။ PDF ဖြစ်ဖြစ် KNU ပဲဖြစ်ဖြစ် ရှိတဲ့ဘက်ကို ကျနော်တို့ကို ပို့ပေးပေါ့။ အဲဒီမှာ ရွာတစ်ရွာ ကမ်းစပ်မှာ ချပေးခဲ့တယ်။ ဓနိတောတွေဖြတ်ရသေးတယ် ရွာထဲဝင်ဖို့။

မေး- လှေပေါ်က ဆင်းတဲ့ အချိန် ဘယ်လို အခက်ခဲတွေ ကြုံခဲ့ရပါသေးလဲ။
ဖြေ-လှေပေါ်က ဆင်းတော့ လှေသမားတွေကလည်း သူတို့လည်း အိမ်ပြန်လို့မရဘူးဆိုတော့ သူတို့လည်း ကြောက်တယ်ပေါ့နော်။ ကျနော်တို့ပြောတယ် ရတယ်ငါတို့ကို စစ်သားမရှိတဲ့ရွာနားချပေးခဲ့။ ငါတို့ ပြေးမယ်ပေါ့။ ရွှံ့ပြင်ကြီးရှိတယ်။ ရေ
ကျချိန်ဆိုတော့။ နှုံးပြင်ကြီးပေါ့။ ကမ်းစပ်ကို မရောက်ခင် နှုံးပြင်ကြီ။ ၂နာရီလောက်ရှိမယ် ဒီပေါင်လောက်ရှိမယ် နှုံးက။ အဲဒီမှာပဲ ကျနော်တို့ ငါးလိုပဲ ကူးတာပေါ့ နှုံးပြင်ကြီးမှာ ဆိုင်းဆိုင်းပြီး တက်သွားတာပေါ့။ ၂ နာရီလောက်တော့ဖြတ်
လိုက်ရတယ်။ ခြေတွေဘာတွေ ကြွက်တက်တဲ့သူက တက်ပေါ့။မိုးကလည်းရွာနေတာ ရေကလည်းမသောက်ရဘူး။ ဒီမိုးရေလေးပဲပက်လက်လှန်ပြီး ခံသောက် အဲဒီလိုပုံစံမျိုး။ ပြီးရင်ဆက်သွား။နောက်ကစစ်သားတွေလာရင်လည်း ပစ်ရင်အားလုံးသေ
မှာကိုး။ သူတို့လက်ကလွှတ်လာပြီဗျာ။ သေချင်လည်း သေသွားမယ်ပေါ့။ အဲဒီလိုပုံစံမျိုးနဲ့ကျနော်တို့ရုန်းခဲ့တယ်။ ၂၇ယောက်ပဲလွတ်လာတယ်။ ၂ ယောက်ကပျောက်သွားတယ်။ ဘယ်လိုပျောက်လဲ မသိဘူး လမ်းကွဲပြီးတော့ ပျောက်သွားတယ်။

▪︎​မေးမြန်းခန်း

"တကယ့်တကယ်သေနတ်လုတဲ့အချိန်မှာ သူတို့က ပြန်ပြီးတော့ ခုခံတယ်ဆိုတော့ ကျနော်တို့ မတော်
တဆ သတ်မိသွားတယ်"

ထိုင်းကဖမ်းပြီးပြန်ပို့တာမှာစစ်သားသစ်စုဆောင်းခံရသူ ၃၀ဦးက အစောင့်စစ်သား ၂ ဦးကိုတိုက်
ခိုက်ထွက်ပြေးခဲ့တဲ့ ဖြစ်စဉ်မှာ ဦးဆောင်ပါဝင်ခဲ့သူ ကိုဖြိုးနဲ့မေးမြန်းခန်း

ထိုင်းနိုင်ငံမှာ အလုပ်လုပ်နေစဉ် တရားဝင်အ
ထောက်အထားမရှိလို့ဆိုပြီး ထိုင်းအာဏာပိုင်တွေကဖမ်းဆီးပြီးစစ်ကောင်စီထံ အတင်းအကြပ် ပြန်ပို့ခံရသူတွေကို စစ်​ကောင်စီကစစ်မှုထမ်းခိုင်းခဲ့တဲ့ လူငယ်များစွာရှိခဲ့ပါတယ်။ အဲဒီလိုအတင်း
အကြပ် စစ်သားစုဆောင်းခံရတဲ့ လူငယ်တွေထဲက လူငယ် ၃၀ဦးဟာ ၂၀၂၄ ခုနှစ် စက်တင်ဘာပထမပတ်မှာ အစောင့်စစ်သား ၂ဦးကို တိုက်ခိုက်ပြီး လက်နက်​တွေယူကာ ကရင်အမျိုးသားအစည်း
အရုံး(KNU)ထားဝယ်ခရိုင် တပ်မဟာ(၄)နယ်မြေက ကရင်အမျိုးသားကာကွယ်ရေးတပ်ဖွဲ့(KNDO) တပ်ရင်း(၇)တပ်ခွဲ(၅)ထံ လာရောက်ခိုလှုံခဲ့ကြပါတယ်။ အဲဒီဖြစ်စဥ်မှာ စစ်ကောင်စီတပ်ဆီကထွက်ပြေးနိုင်ဖို့ဦးဆောင်သူ ​တွေထဲမှာကိုဖြိုး
လည်းပါဝင်ပါတယ် ။ဒါ​ကြောင့် ကိုဖြို အား People's Spring က ဆက်သွယ်ပြီး ထိုင်းမှာ ဖမ်းဆီးခံရပုံ၊ ထိုင်းကနေ မြန်မာဘက်ကိုလွှဲ
ပြောင်းခံရတာ ၊ မြန်မာဘက်ရောက်ချိန်မှာ ကော့သောင်းက ခမရ(၂၆၂)ကို စစ်မှုထမ်းဖို့ ပို့ဆောင်ခံရပြီး​တောွ အစောင့်စစ်သား ၂ဦးကိုရှင်းလင်းပြီးတော်လှန်ရေးတပ်ဖွဲ့တွေဆီကိုခိုလှုံခဲ့တဲ့အခြေ
အနေတွေကို မေးမြန်းထားပါတယ်။

သက်ဝေ/People's Spring

မေး-ကိုဖြိုးတို့ထိုင်းဘက်မှာ အဖမ်းခံရပြီးဒီမြန်မာဘက် ပြန်ပို့ခံရတဲ့ဖြစ်စဉ်ကို ရှင်းပြပေးပါလား။

ဖြေ-ထိုင်းကို အာဏာသိမ်းပြီးနောက် စီးပွားရေးအရရော နောက် လွတ်လပ်မှုပေါ့ နေလို့ထိုင်လို့ အဆင်မပြေဘူးပေါ့နော် အဲဒါကြောင့်ကျနော်ထိုင်းကိုရောက်သွားတယ်။ ထိုင်းရောက်တော့လည်း အဆင်ပြေတဲ့အလုပ်လိုက်လုပ်ရတာပေါ့။ ကျနော်တို့မှာ အထောက်အထားလည်းမရှိဘူးဆိုတော့။ အဆင်ပြေသလိုနေပြီး လိုက်လုပ်ရတာ။ လုပ်ရင်း လုပ်ရင်းနဲ့ အထောက်အထား မပြည့်စုံဘူးဆိုပြီးထိုင်းရဲတွေ တအားဖမ်းလာတယ်။ကျနော်တို့
အလုပ်လုပ်ရင်းနဲ့ ဖမ်းမိတော့ ကျနော်တို့ ထောင်ထဲကို ရောက်သွားတယ်။ ထောင်ထဲမှာ သူတို့ ဥပ
ဒေအရ ထိန်းသိမ်းထားတယ်ပေါ့။ ပြီးတော့မှ ကျနော်တို့ကို ထောင်ကနေလူစုတဲ့ အချုပ်ပေါ့ မြန်မာပြည်ကို ပြန်လွှတ်ပေးမယ့် အချုပ် အဲဒီအချုပ်မှာ ထားထားတယ်။ ပြီးတော့မှ မြန်မာပြည် ပြန်ပို့ပေးတယ်။ ကျနော်တို့ စမိတာ ၆လပိုင်းလောက်ပေါ့။ ကျနော်တို့ကို ပို့ပေးတာ ၈လပိုင်းလောက်။ ထိုင်း နယ်စပ် ရနောင်းမှာပဲ။ ကျနော်တို့ကို ဟင်းခြံဆို
တဲ့ ရပ်ကွက်က လှေဆိပ်မှာ ထားတယ်။ ကျနော်တို့ကို ပို့ပေးမယ့်ရက်မှာ။ မြန်မာပြည်က လ၀ကတွေလာကြိုတယ်။ ပြီးတော့ ထိုင်းရဲတွေနဲ့ သူတို့ မှတ်တမ်းတွေတင်ကြတယ်။ ဓာတ်ပုံတွေဘာတွေရိုက်ပြီးတော့မှ။ ကျနော်တို့ကို လ၀က လက်ထဲ
လွှဲပေးလိုက်တာ။

မေး-လွှဲပေးပြီးနောက်ပိုင်း ဘယ်လို ဆက်ဖြစ်ပါသေးလဲ။ မြန်မာပြည်ဘက် ရောက်တော့ ကြုံရတဲ့အတွေ့အကြုံ ​ပြောပြ​ပေးပါဦး။

ဖြေ။ ။ မြန်မာပြည်ဘက်ကို ရောက်တော့ ကျနော်တို့ကို လူစုပြီးထားတယ်။ ထားပြီးတော့ ကျနော်တို့ကို ရဲတွေနဲ့ စောင့်ပြီးထားတယ်။ ကျနော်တို့ကို လ၀ကက မှတ်ပုံတင်တွေစစ် ဟိုဟာစစ် ဒီဟာစစ်ပြီးတော့ တချို့တဝက်ကိုကျတော့ အိမ်ပြန်ပို့ပေးမယ်ဆိုပြီး ပို့ပေးတယ်။ ကားပေါ်တင်ပြီး။ မိန်းကလေးတွေနဲ့အသက်ကြီးကြီး သူမျိုးပေါ့။ ကျနော်တို့လိုအရွယ်ရှိတဲ့ ၃၅ နှစ်အောက် ပေါ့ ၁၈နှစ်ကနေ သုံးဆယ် ကျော်ကျော်လောက်ကို စစ်တပ်ကိုပို့ပေးတယ်။ ကျန်းမာရေး စစ်ဆေးမယ်လို့တော့ပြောတယ်။ တပ်ထဲကိုဆိုရင် ကျနော်တို့ကို ကော့သောင်း တပ်ထဲ မိုးလုံလေလုံမှာ လူကို ခွဲပို့တာပေါ့။ ကော့သောင်းက တပ်ပေါ့။ လူ ၁၀၀
ကျော်မှာ ၃၀ကျော်ပဲ သပ်သပ်ခွဲပြီး စစ်တပ်ထဲ
ပို့တာပေါ့။ ကျန်းမာရေးစစ်ဆေးမယ်လို့တော့ သူတို့ပြောတယ်။ ဒီကျန်းမာရေး စစ်ဆေးမယ်ဆိုတာ သူတို့ လိမ်တာပေါ့။ ဟိုရောက်မှ ကျနော်တို့စစ်မှု
ထမ်းရမယ်ဆိုတာ သိတာပေါ့။ ကော့သောင်းကတပ်(ခမရ ၂၆၂ တပ်ရင်း)မှာ ၇ရက်လောက်ထားတယ်။ပြီးမှဘိတ်မြို့ကို ပို့ပေးတယ်။ ဟိုက ဖမ်းလာ ဒီက ဖမ်းလာ အဲဒီလူတွေအားလုံးကို ဒီဘိတ်မှာ စုထားတယ်ဗျ။ ပညာရေး(၁)လို့ ခေါ်တယ် ဒီကျောင်းက စစ်တပ်က ကျောင်းပေါ့။ အဲဒီ တပ်ထဲမှာ စုပြီးမှ ၁၅ရက်လောက်ထားပြီး ပုလောမြို့
မှာ သင်တန်းကျောင်းရှိတယ်။ဒီစစ်သင်တန်းကျောင်းကို ပို့ပေးမယ်ဆိုပြီး ကျနော်တို့ကို သ
င်္ဘောနဲ့ ပို့ပေးတာ။

မေး-မြိတ်ကနေ ပုလောမြို့ဘက် သွားတဲ့ အခြေအနေရှင်းပြပေးပါလား။

ဖြေ။ ။ ဘိတ်မှာကလူ ၂၇၀ ကျော်လောက်ရှိတယ်။
ဘိတ်မှာ အားလုံးစုထားပြီး ပုလောကို စစ်သင်္ဘောနဲ့ ပို့ပေးတာပေါ့။ စစ်သင်္ဘောနဲ့ ပို့ပေးပြီးမှ သူတို့စစ်သင်္ဘော ဝင်လို့မရတဲ့ နေရာ အထိ ပို့ပေးတယ်။ စစ်သင်္ဘော ၂ စီးလောက်ရှိတယ်။ ကျနော်အမြင်က ၂စီးပေါ့။ ဘေးမှာတော့ ရှိသေးတာပေါ့ သူတို့လုံခြုံရေးတွေချထားတဲ့ သင်္ဘောတွေ။ သူတို့ သင်္ဘော ဝင်လို့မရတဲ့ အချိန်ကျတော့ ပင်လည်မှာ ထွက်နေတဲ့ ငါးဖမ်းလှေ သေးသေးလေးတွေ သူတို့ဖမ်းထားတယ်။ငါးပေးမဖမ်းဘဲ သူတို့ သင်္ဘောမှာ ခေါ်ထားပြီး ကျနော်တို့လာတဲ့အချိန်ကျမှ ငါးဖမ်းသေးသေးလေးတွေနဲ့ လူနည်းနည်း နည်းနည်းစီခွဲပြီး ပို့ပေးတယ်။ ဒီပုလောကို။သူတို့

Video ဖိုင်မြင်တိုင်း အမှန်လို့ မမှတ်ယူပါနဲ့

ဆိုရှယ်မီဒီယာသုံးစွဲသူတွေကြားထဲမှာ ဖန်တီးပြုပြင်ထားတဲ့ ဗီဒီယိုတွေ အများကြီးပျံ့နှံ့နေပါတယ်။
သတင်းမှားနဲ့ လုပ်ကြံသတင်းဖြန့်ဖို့ရည်ရွယ်ချက်နဲ့ ဖြစ်ရပ်မှန်သတင်းအကြောင်းအရာတွေကို အခြေတည်ပြီး အသံတွေ၊ ရုပ်တွေ၊ အကြောင်းအရာတွေကို လိုရာရောနှော ပုံဖျက်ထားတတ်ကြပါတယ်။

ဒါကြောင့် ဗီဒီယိုဖိုင်ပါတိုင်းလည်း ယုံကြည်လို့မရပါဘူး။

#CheckTheFacts #ThinkBeforeYouShare #Myanmar #PSMIL

ကန်ပိုက်တီမြို့ရှိ နယ်ခြားစောင့်တပ်(BGF) - ၁၀၀၃ တပ်ရင်းအား တွေ့ရစဉ်။ ဓာတ်ပုံ - File

နိုင်ငံတကာအသိုက်အဝန်းရဲ့ ထိရောက်သော အရေးယူဆောင်ရွက်ချက်များ ကင်းမဲ့နေခြင်းက စစ်ကောင်စီအား အရပ်သားပြည်သူများအပေါ် အလွန်အမင်းယုတ်မာသော ရက်စက်ကြမ်းကြုတ်မှုများကို ဆက်လက်ကျူးလွန်ဖို့ တွန်းအားပေးရာရောက်တယ်လို့ မြန်မာသံအမတ်ကြီးဦးကျော်မိုးထွန်းက ကုလသမဂ္ဂညီလာခံမှာ ပြောပါတယ်။ နိုင်ငံတကာအသိုက်အဝန်းအနေဖြင့် မြန်မာနိုင်ငံရှိ ရဲစွမ်းသတ္တိ ပြည့်ဝသော အမျိုးသမီး လူ့အခွင့်အရေး ကာကွယ်စောင့်ရှောက်သူများအပေါ် ပစ်မှတ်ထား တိုက်ခိုက်နေခြင်းအတွက် လုံလောက်တဲ့ အာရုံစိုက်မှု ထားရှိသင့်ပြီး လိုအပ်ချက်နှင့်အညီ ထိရောက်သော အရေးယူဆောင်ရွက်ချက်များကိုလည်း လုပ်ဆောင်ရမယ်လို့ တိုက်တွန်းပါတယ်။ အာဏာသိမ်းစစ်တပ်က လူ့အခွင့်အရေး ကာကွယ်စောင့်ရှောက်သူများအပေါ် ကျူးလွန်နေတဲ့ အကြမ်းဖက်မှုများအား အမှန်တကယ် ရပ်တန့်ဖို့နဲ့ စစ်တပ်မှ ပြည်သူတစ်ရပ်လုံးအပေါ် ရက်ရက် စက်စက် ကျူးလွန်နေတဲ့ အန္တရာယ်မှ ကာကွယ်ပေးနိုင်ဖို့ ပြစ်မှုကျူးလွန်နေသူများအား ပြစ်ဒဏ်ကျသင့်စေ၍ တာဝန်ခံမှု ရှိစေရေးနဲ့ ပြစ်ဒဏ်ကင်းလွတ်ခွင့် ခံစားနေခြင်းအား အပြီးတိုင် ချုပ်ငြိမ်းရေးတို့ကို နိုင်ငံတကာ အစီအစဉ်များရဲ့ ဗဟိုချက်မှာ ထားရှိ လုပ်ဆောင်ရမယ်လို့ သံအမတ်ကြီး ဦးကျော်မိုးထွန်းက ထောက်ပြပါတယ်။

◾️တောင်ပိုင်းစစ်ဒေသနယ်မြေမှာ တစ်ပတ်အတွင်း ပြည်သူ ၈၈ဦးကို စစ်ကောင်စီ မတရားဖမ်းဆီး

ကရင်၊ မွန်နဲ့ ပဲခူးဒေသများပါဝင်တဲ့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန ပြည်သူ့ကာကွယ်ရေးတပ်မတော်(PDF)တောင်ပိုင်းစစ်ဒေသနယ်မြေမှာ တစ်ပတ်အတွင်း ပြည်သူ ၈၈ဦးကို စစ်ကောင်စီတပ်ဖမ်းဆီးခဲ့ပြီး အချို့မှာ မိသားစုနှင့် အဆက်အသွယ်မရဖြစ်နေတယ်လို့ တောင်ပိုင်းစစ်ဒေသက ဒီနေ့ထုတ်ပြန်ပါတယ်။ စစ်ကောင်စီတပ်က အဓမ္မစစ်မှုထမ်းခိုင်းဖို့အပါအဝင် မတရားဖမ်းဆီးမှု အခြေအနေများ၊ စစ်ကောင်စီလက်ချက်ကြောင့် အရပ်သားထိခိုက်သေဆုံးမှု အခြေအနေများကို တောင်ပိုင်းစစ်ဒေသက ထုတ်ပြန်အသိပေးခဲ့တာပါ။ ဒါ့အပြင် စစ်ကောင်စီရဲ့ ဒရုန်းဗုံးသီးကြဲချတိုက်ခိုက်ခဲ့ခြင်းကြောင့် တစ်ပတ်အတွင်း အပြစ်မဲ့ပြည်သူ ၂ဦး သေဆုံးခဲ့ပြီး ၉ဦးဒဏ်ရာရရှိခဲ့တယ်လို့ အသိပေးပါတယ်။

◾️မြဝတီမြို့နယ်ရှိ စစ်ကောင်စီ ကာကင်းစခန်းသုံးခုကို တော်လှန်ရေးတပ်များ ထပ်မံသိမ်းပိုက်

ကရင်ပြည်နယ်၊ မြဝတီမြို့နယ် မြဝတီ-ဝေါ်လေလမ်းပိုင်း ဘလယ်ဒိုကျေးရွာရှိ စစ်ကောင်စီတပ်​ရဲ့ ကာကင်းစခန်းသုံးခုအား မဟာမိတ်ညီနောင်ပူးပေါင်းတပ်များ သိမ်းပိုက်ရရှိတယ်လို့ ကော်ဘရာစစ်ကြောင်း(၂)VENOMစစ်ကြောင်းက ထုတ်ပြန်ပါတယ်။ အဲဒီလမ်းပိုင်းရှိ စစ်ကောင်စီ​ရဲ့ ကာကင်းစခန်းသုံးခုမှ စစ်ကောင်စီတပ်သားများမှာ စခန်းစွန့်ထွက်ပြေးသွား၍ ရှင်းလင်းသိမ်းပိုက်ခဲ့တာလို့ VENOMစစ်ကြောင်းက အသိပေးပါတယ်။ ကော်ဘရာပူးပေါင်းစစ်ကြောင်းများက အောက်တိုဘာ ၁၇ရက်မှာလည်း မြဝတီမြို့တောင်ဘက်ရှိ စစ်ကောင်စီ​ရဲ့ စွယ်တော်ကုန်းဗျူဟာအမြောက်ကုန်းစခန်းကိုလည်း သိမ်းပိုက်ခဲ့ပါတယ်။

◾️နိုင်ငံတဝန်းဆန္ဒပြပွဲတွေ

စစ်ကိုင်းတိုင်း ယင်းမာပင်မြို့နယ်မြောက်ခြမ်းမှာ နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက သံအမတ်ကြီးဦးကျော်မိုးထွန်းကို ထောက်ခံကြောင်း "Our Ambassador Myanmars Voice ငါတို့သံအမတ်ကြီးသည် ငါတို့မြန်မာပြည်ရဲ့အသံ ဖြစ်သည်" စာသားကိုင်ဆောင်ပြီး ဆန္ဒထုတ်ဖော်ခဲ့ကြပါတယ်။
ယင်းမာပင်မြို့နယ် ကျေးရွာတစ်ရွာမှာလည်း အောင်လံလွှင့်မည်ဒေါင်းသွေးနီသပိတ်စစ်ကြောင်းက သံအမတ်ကြီး ဦးကျော်မိုးထွန်းကို ကုလသမဂ္ဂမှာ ဆက်လက်ခန့်အပ်ရေး တောင်းဆိုဆန္ဒပြခဲ့ကြပါတယ်။

တနင်္သါရီတိုင်း ထားဝယ်ခရိုင်၊ လောင်းလုံးမြို့နယ်အတွင်းမှာလည်း ဒီမိုကရေစီအရေးလှုပ်ရှားမှုသပိတ်ကော်မတီ(DDMSC)မှ ဦးဆောင်ပြီး စစ်အာဏာရှင်စနစ်ဆန့်ကျင်ရေး လူထုသပိတ်လှုပ်ရှားမှု ပြုလုပ်ခဲ့ပါတယ်။
စစ်အာရှင်စနစ်နဲ့အတူ အာဏာရှင်ဆန်သမျှ အလုံးစုံချုပ်ငြိမ်းရေးအတွက် လူထုတိုက်ပွဲကို အရှိန်မြှင့်လုပ်ဆောင်ကြဖို့ တိုက်တွန်းလှုံ့ဆော်တဲ့အနေနဲ့ "အာဏာရှင်ဆန်သမျှ ဖီဆန်ကြ၊ လူထုတိုက်ပွဲ အရှိန်မြှင့်ကြ" စာသားပါဘန်နာ ကိုင်ဆောင်ပြီး ချီတက်ခဲ့ကြပါတယ်။

“ဒီနေ့ဘာဖြစ်ခဲ့လဲ”

ဒီနေ့(အောက်တိုဘာ ၂၀ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️တော်လှန်​ရေးတပ်​တွေ သိမ်းပိုက်ထိန်းချုပ်ထားတဲ့မြို့ပေါင်း ၈၅မြို့ ရှိလာ

ကချင်လွတ်လပ်​ရေးတပ်မ​တော်(KIA)က မြန်မာ-တရုတ် နယ်စပ်မှာရှိတဲ့ ပန်ဝါမြို့ကို ​အောက်တိုဘာ ၁၈ရက်ညမှာ အပြီးသတ်သိမ်းပိုက်လိုက်ပါတယ်။ ဒါ​ကြောင့် ​နွေဦး​တော်လှန်​ရေးမှာ ​တော်လှန်​ရေးတပ်​တွေ သိမ်းပိုက်ထိန်းချုပ်ထားတဲ့ မြို့ပေါင်း ၈၅မြို့ရှိလာပါတယ်။ တရုတ်ဖိအား​ပေး​နေတဲ့ကြားကပဲ KIA က ချီ​ဖွေ၊ ဆော့​လော်၊ ပန်ဝါမြို့​တွေနဲ့ စစ်တပ်စခန်း၊ BGF နဲ့ နယ်ခြား​စောင့်တပ်စခန်း​တွေကို ဆက်တိုက်ထိုးစစ်ဆင်သိမ်းပိုက်ခဲ့တာပါ။ အခုဆိုရင် စစ်တပ်အာဏာသိမ်းပြီး​နောက်ပိုင်း ကချင်ပြည်နယ်မှာ KIA သိမ်းပိုက်ထိန်းချုပ်ထားတဲ့မြို့​ပေါင်း အနည်းဆုံး ၁၂ မြို့ရှိ​နေပြီဖြစ်ပါတယ်။ ရှမ်းပြည်နယ်​မြောက်ပိုင်း မဘိမ်းမြို့ကိုလည်း KIA ဦး​ဆောင်တဲ့​တော်လှန်​ရေးတပ်​တွေက သိမ်းပိုက်ထားပါ​သေးတယ်။

◾️အောင်ဇေယျစစ်ကြောင်း လေကြောင်းပစ်ကူဖြင့် အင်အားသုံးရှေ့တိုးရာ အထိနာပြီး ပြန်လန်ကျ

ကရင်ပြည်နယ်၊ ဒေါနတောင်ပေါ်ရှိ တောနောရေတံခွန်အနီးမှာ စစ်ကောင်စီ​ရဲ့ အောင်ဇေယျစစ်ကြောင်းနဲ့ ကရင်အမျိုးသားလွတ်မြောက်ရေး တပ်မတော်(KNLA)ဦးဆောင်တဲ့ ကော်ဘရာပူးပေါင်းစစ်ကြောင်းတို့ တိုက်ပွဲဖြစ်ပွားရာ အောင်ဇေယျစစ်ကြောင်း ထိခိုက်မှုများတယ်လို့ ကရင်စစ်ရေးသတင်းရင်းမြစ်က ပြောပါတယ်။ ဒီနေ့ နေ့ခင်းက အောင်ဇေယျစစ်ကြောင်းဟာ လေကြောင်းပစ်ကူ အကူအညီသုံးပြီး အင်အားအများအပြားဖြင့် ရှေ့တိုးလာ၍ KNLA ပူးပေါင်းတပ်က တားဆီးတိုက်ခိုက်ရာ ပြန်လန်ကျသွားတယ်လို့ ဆိုပါတယ်။ အောင်ဇေယျစစ်ကြောင်းက ဂျက်ဖိုက်တာ နှစ်စင်းဖြင့် ပစ်ကူသုံးပြီး ပစ်ခတ်တိုက်ခိုက်ခဲ့ပေမယ့် အထိနာပြီး သေဆုံးမှုများတယ်လို့ သိရပါတယ်။ ဒါ့အပြင် သံဖြူဇရပ်-ဘုရားသုံးဆူလမ်းပေါ်ရှိ စစ်ကောင်စီ​ရဲ့ အနန်းကွင်းဗျူဟာစခန်းကိုလည်း KNLA ပူးပေါင်းတပ်က ပိတ်ဆို့ထားရာ ဒီနေ့ တိုက်ပွဲဖြစ်ပွားပြီး စစ်ကောင်စီတပ် ထိခိုက်မှုရှိတယ်လို့ ကရင်စစ်ရေးသတင်းရင်းမြစ်က ပြောပါတယ်။

◾️ကွမ်းလုံမြို့နယ် ဗုံးကြဲတိုက်ခိုက်မှု လူထိခိုက်မှုမရှိခဲ့

ကိုးကန့်တပ်မတော်(MNDAA)သိမ်းပိုက်ထားတဲ့ ကွမ်းလုံမြို့နယ် နမ့်ဟူးရွာကို စစ်ကောင်စီက ဒီနေ့ မနက်အစောပိုင်းမှာ လေကြောင်းဗုံးကြဲတိုက်ခိုက်ခဲ့ရာ လူနေအိမ်နဲ့ ဘုန်းကြီးကျောင်း ထိခိုက်ပျက်စီးခဲ့ရှိပေမယ့် လူထိခိုက်သေဆုံးမရှိခဲ့ဘူးလို့ ဒေသသတင်းရင်းမြစ်က ပြောပါတယ်။ စစ်ကောင်စီက မနေ့ မနက်အစောပိုင်းက လောက်ကိုင်ကို ဗုံးကြဲတိုက်ခိုက်ခဲ့ပြီး ဒီနေ့ မနက်အစောပိုင်းမှာ ကွမ်းလုံ နမ့်ဟူးရွာကို လေကြောင်းဗုံးကြဲတိုက်ခိုက်ခဲ့ပါတယ်။ စစ်ကောင်စီရဲ့ ကင်းထောက်လေယာဥ် ပျံဝဲနေချိန်မှာ အခြားနေရာကို ပြောင်းရွှေ့ခဲ့တာကြောင့် လူထိခိုက်မှုမရှိခဲ့တာလို့ သတင်းရင်းမြစ်က ပြောပါတယ်။ စစ်ကောင်စီက လေကြောင်း ဗုံးကြဲတိုက်ခိုက်ခဲ့ရာ ဗုံး ၄လုံးအနက် ၃လုံး ပေါက်ကွဲခဲ့တယ်လို့ သိရပါတယ်။

◾️ပန်ဝါမြို့ပေါ်ရှိ BGF ဆိုင်းဘုတ်ဖြုတ်ချ၊ မြို့ပေါ်နဲ့ နယ်စပ်ဂိတ်အနီး KIA တပ်နေရာယူ

ကချင်ပြည်နယ်၊ ချီဖွေမြို့နယ် ပန်ဝါမြို့ကို ကချင်လွတ်လပ်ရေးတပ်မတော်(KIA) က သိမ်းပိုက်ပြီးနောက် မြန်မာ-တရုတ်နယ်စပ်ဂိတ်အနီးနေရာနဲ့ ပန်ဝါမြို့တွင်းကို KIA တပ်ဖွဲ့ဝင်များ နေရာယူထားပြီး နယ်ခြားစောင့်တပ်(BGF)ဆိုင်းဘုတ်များကို ဖြုတ်ချခဲ့တယ်လို့ ကချင်စစ်ရေးသတင်းရင်းမြစ်အချို့က ဖော်ပြပါတယ်။ KIAက ပန်ဝါမြို့ကို သိမ်းပိုက်ပြီးနောက် မနေ့က ပန်ဝါမြို့အခြေအနေကို ဖော်ပြတဲ့ ရုပ်သံနဲ့ ၁၀၀၂ နယ်ခြားစောင့်တပ်ဆိုင်းဘုတ် ဖြုတ်ချတဲ့ ရုပ်သံတို့ကို လူမှုကွန်ရက်မှာ ဖော်ပြလာတာပါ။ ပန်ဝါမြို့ကို KIA တပ်က အောက်တိုဘာ ၁၈ရက်ညပိုင်းမှာ ဝင်ရောက်ပြီး မနေ့ မနက်ပိုင်းမှာ အပြီးသတ် ရှင်းလင်းထားတယ်လို့ စစ်ရေးသတင်းရင်းမြစ်တို့က အသိပေးပါတယ်။ စစ်သုံ့ပန်းနဲ့ လက်နက်ခဲယမ်းများစွာရရှိခဲ့ပြီး လုံခြုံရေး ဂရုစိုက်နေရဆဲဖြစ်တယ်လို့ စစ်ရေးသတင်းရင်းမြစ်က ဆိုပါတယ်။

◾️ဘုတလင်မြို့နယ် စီပါရွာကို စစ်တပ် ဝင်ရောက်စီးနင်း၊ ဒေသခံပြည်သူ ၆ဦးအား အပိုင်းပိုင်းဖြတ်တောက် သတ်ဖြတ်ခဲ့

စစ်ကိုင်းတိုင်း၊ ဘုတလင်မြို့နယ်ရှိ စီပါကျေးရွာကို စစ်ကောင်စီတပ်က ဝင်ရောက်စီးနင်းပြီး ဒေသခံပြည်သူ ၆ဦးရဲ့ ခန္ဓာကိုယ်အစိတ်အပိုင်းများအား အပိုင်းပိုင်းဖြတ်တောက် သတ်ဖြတ်ခဲ့တယ်လို့ ဒေသခံများက ပြောပါတယ်။ အောက်တိုဘာ ၁၇ရက်က စီပါကျေးရွာကို စစ်ကောင်စီတပ်စစ်ကြောင်း ဝင်ရောက်ခဲ့ပြီး နေအိမ်အများအပြားကို မီးရှို့ဖျက်ဆီးခဲ့ပါတယ်။ အောက်တိုဘာ ၁၈ရက်မှာ ရွာခံပြည်သူများက ကျေးရွာအတွင်းပြန်လည်ဝင်ရောက်ချိန် စစ်ကောင်စီစစ်ကြောင်းက အမျိုးသား ၆ဦးအား သတ်ဖြတ်ပြီး သုံးဦးရဲ့ ခေါင်း၊ လက်၊ ခြေထောက် အစရှိတဲ့ ခန္ဓာကိုယ်အစိတ်အပိုင်းများအား ဖြတ်တောက်ကာ နေအိမ်ခြံဝင်းများပေါ်မှာ တင်ထားခဲ့ပါတယ်။ ဒါ့အပြင် အသတ်ခံရသူ ၆ဦးမှာ စိတ်ကျန်းမာရေးမကောင်းသူ နှစ်ဦးပါဝင်တယ်လို့ ဒေသခံတစ်ဦးက ပြောပါတယ်။

◾️စစ်တပ်အပေါ် နိုင်ငံတကာရဲ့ ထိရောက်သော အရေးယူဆောင်ရွက်ချက်များ ကင်းမဲ့နေ

တော်လှန်​ရေးတပ်​တွေ သိမ်းပိုက်ထိန်းချုပ်ထားတဲ့မြို့ ၈၅ မြို့

-People's Spring

ကချင်လွတ်လပ်​ရေးတပ်မ​တော်(KIA)က
မြန်မာ-တရုတ် နယ်စပ်မှာရှိတဲ့ ပန်ဝါမြို့ကို ​အောက်တိုဘာ ၁၈ ရက်ညမှာ အပြီးသတ်သိမ်း
ပိုက်လိုက်ပါတယ်။ဒါ​ကြောင့် ​နွေဦး​တော်လှန်​ရေးမှာ ​တော်လှန်​ရေးတပ်​တွေ သိမ်းပိုက်ထိန်းချုပ်ထားတဲ့ မြို့ ၈၅ မြို့ရှိလာပါတယ် ။ တရုတ်ဖိအား​ပေး​နေတဲ့ကြားကပဲ KIA ကလည်း ချီ​ဖွေ ၊​ဆော့​လော် ၊ပန်ဝါမြို့​တွေ နဲ့ စစ်တပ်စခန်း ၊BGF နဲ့ နယ်ခြား​စောင့်တပ်စခန်း​တွေကို ဆက်တိုက်ထိုးစစ်ဆင်သိမ်းပိုက်ခဲ့တာပါ ။ အခုဆိုရင်စစ်တပ်အာဏာသိမ်းပြီး​နောက်ပိုင်း ကချင်ပြည်နယ်မှာ KIA သိမ်းပိုက်ထိန်းချုပ်ထားတဲ့မြို့​ပေါင်း အ
နည်းဆုံး ၁၂ မြို့ရှိ​နေပြီဖြစ်ပါတယ် ။ရှမ်းပြည်
နယ်​မြောက်ပိုင်းက မဘိမ်းမြို့ကိုလည်း KIA ဦး​ဆောင်တဲ့​တော်လှန်​ရေးတပ်​တွေကသိမ်းပိုက်ထားပါ​သေးတယ် ။

ဒါအပြင် ​တော်လှန်​ရေးတပ်​တွေက သိမ်းပိုက်ထိန်းချုပ်ထား​ပေမယ့်သတင်းမထုတ်ပြန်တာ​ကြောင့် People's Spring အင်ဖိုဂရပ်မှာ မပါ​သေးတဲ့မြို့​တွေလည်းကျန်ရှိနိုင်ပါတယ် ။လက်တ​လောမှာ အာရက္ခတပ်​တော်(AA)က​မောင်​တော ၊အမ်း ၊ဂွမြို့နယ် ၊ PDF ​တွေက ထီးချိုင့်၊အင်း​တော်မြို့ ၊KNU နဲ့ PDF​ ​တွေကဖာပွန်မြို့တွေက စစ်တပ်လက်ကျန်စခန်း​တွေကို ထိုးစစ်ဆင်တိုက်
ခိုက်ပြီးမြို့သိမ်းတိုက်ပွဲဆင်နွှဲ​နေကြပါတယ် ။

▪︎People's Spring Infographic

ဦးဇခုန်တိန့်ယိန်း ကိုအခမ်းအနားတခုတွင်​တွေ့ရစဥ်/ ဦးဇခုန်တိန့်ယိန်းစာကို ဗိုလ်ချုပ်ဂွန်​မော်က အမှတ်အသားပြုထားမှု / ပန်ဝါမြို့တွင်းသို့ KIA ဦး​ဆောင်​သောပူး​ပေါင်းတပ်ဝင်​ရောက်လာစဥ် နှင့် အမှတ် ၁၀၀၂ နယ်ခြား​စောင့်တပ် ဆိုင်းဘုတ်ကိုဖြုတ်ချစဥ် ။ဓါတ်ပုံ-CJ ၊File Photo