မြေလတ်အသံ - Myaelatt Athan

အမ်း-ပဒါန်းလမ်းပိုင်းမှာ တိုက်ပွဲဖြစ်ပြီး စစ်ကောင်စီဘက်က သေဆုံးမှုများဟုဆို

ငဖဲ၊ နိုဝင်ဘာ ၂၁၊ ၂၀၂၄။

မကွေးတိုင်း၊ ငဖဲမြို့နယ်၊ အမ်း-ပဒါန်းလမ်းပိုင်းရှိ ဂုတ်ကြီးကျေးရွာအနီးမှာ တိုက်ပွဲဖြစ်ပြီး စစ်ကောင်စီဘက်က ထိခိုက်သေဆုံးမှုတွေရှိခဲ့တယ်လို့ လူထုတော်လှန်ရေးမဟာမိတ်အင်အားစု (PRA - Magway) အဖွဲ့ရဲ့ စစ်ဦးစီးချုပ်ဆီက သိရပါတယ်။

ပဒါန်းဘက်ကနေ အမ်းမြို့ဘက်ကို ဦးတည်လာတဲ့ အင်အား ၄၀ ဝန်းကျင်ပါ စစ်ကောင်စီတပ်သားတွေကို နိုဝင်ဘာ ၂၀ ရက် ညနေ ၄ နာရီလောက်မှာ ခြုံခိုတိုက်ခိုက်ခဲ့ရာက နှစ်ဖက်ပစ်ခတ်မှု ၁၅ မိနစ် ဖြစ်ခဲ့တာလို့ ဆိုပါတယ်။

"တိုက်ပွဲအတွင်းမှာတော့ တပ်ကြပ်ကြီး ၁ ဦးအပါအဝင် ၉ ယောက်လောက်ကျသွားတာကို မြင်ခဲ့ရတယ်လို့ မြေပြင်က သတင်းပို့ပါတယ် " လို့ လူထုတော်လှန်ရေးမဟာမိတ်အင်အားစု (PRA - Magway) စစ်ဦးစီးချုပ် နောင်သူရိန်က မြေလတ်အသံကို ပြောပါတယ်။

သတင်းအပြည့်အစုံ - https://myaelattathan.org/articles/အမ်း-ပဒါန်းလမ်းပိုင်းမှာ_တိုက်ပွဲဖြစ်ပြီးစစ်ကောင်စီဘက်က_သေဆုံးမှုများဟုဆို

ပျူနဲ့စစ်သားတွေ ဝေဟင်ရောမြေပြင်ကပါတိုက်ခိုက်ခံရလို့ စစ်သား ၁ ဦးသေ (ရုပ်/သံ)

ပွင့်ဖြူ၊ နိုဝင်ဘာ ၂၁၊ ၂၀၂၄။

မကွေးတိုင်း၊ ပွင့်ဖြူမြို့၊ ဆင်လူးကျေးရွာမှာ အထိုင်ချနေတဲ့ စစ်သားနဲ့ ပျူစောထီးတွေကို နိုဝင်ဘာ ၁၈ ရက် နေ့လယ် ၁ နာရီကနေ ၁ နာရီခွဲအထိ မြေပြင်ကတိုက်ခိုက်တဲ့အပြင် ဝေဟင်ကပါ ဒရုန်းနဲ့ ဗုံးချတိုက်ခိုက်ခဲ့တယ်လို့ မင်းဘူးခရိုင် အမှတ် ၄ တပ်ရင်း တာဝန်ခံဆီက သိရပါတယ်။

ဆင်လူးရွာအတွင်းက ရွာခံပျူစောထီးအင်အား ၁၀၀ ခန့်နဲ့ ရွာမှာလာတပ်စွဲနေတဲ့ ပွင့်ဖြူဝါတပ်က စစ်သားအင်အား ၂၀ ခန့်ကို မြေပြင်ကတိုက်ခိုက်ခဲ့တဲ့အပြင် ဒရုန်းနဲ့ ဗုံးသီး ၃ လုံးကြဲချခဲ့ရာ စစ်သား ၁ ဦးသေပြီး ပျူစောထီး ၁ ဦး ဆေးရုံတင်ထားရတယ်လို့ မင်းဘူးခရိုင် အမှတ် ၄ တပ်ရင်း တာဝန်ခံက ပြောပါတယ်။

တိုက်ခိုက်ပြီးနောက်ပိုင်းမှာ ကံပြားရဲစခန်းကနေ Canter ကား ၁ စီး၊ ဆိုင်ကယ် ၁၀ စီးနဲ့ စစ်ကူရောက်လာပြီး အင်အားထပ်မံဖြည့်တင်းထားတယ်လို့ သူကဆက်ပြောပါတယ်။

ဒီတိုက်ခိုက်မှုကို မင်းဘူးခရိုင် အမှတ် ၄ တပ်ရင်းနဲ့ မကွေးတိုင်း ပကဖ ဒရုန်းလက်ရုန်းတပ်ဖွဲ့ တို့က ပူးပေါင်းလုပ်ဆောင်ခဲ့တာ ဖြစ်ပါတယ်။

ဆင်လူးရွာကို အာဏာသိမ်းပြီး ၆ လခန့်အကြာမှာ စစ်ကောင်စီကတပ်စွဲကာ ပျူစောထီးသင်တန်းပေးရာကနေ ပျူစောထီးအားကောင်းတဲ့ကျေးရွာ ဖြစ်လာတာလို့ ဆိုပါတယ်။

အဲဒီပျူစောထီးတွေဟာ ဆင်လူးရွာကနေ ၁၀ မိုင်ကျော်ဝေးတဲ့ ကံပြားရွာက စစ်ဆေးရေးဂိတ်ကိုသွားပြီး စစ်သားတွေအစား ဂိတ်စောင့်ပေးတာလုပ်တဲ့အပြင် စလင်း ခလရ ၂၅၃ ၊ ခလရ ၂၅၄ ၊ ခလရ ၂၅၅ နဲ့ ပွင့်ဖြူဝါတပ်တွေနဲ့အတူ စစ်ကြောင်းထိုးရာမှာ လိုက်ပါလေ့ရှိတယ်လို့လည်း သိရပါတယ်။

သတင်း - ဒိန်းဂျား၊ တည်းဖြတ် - HP

#မြေလတ်အသံ
#မကွေး #ပွင့်ဖြူ #ဆင်လူး #ပျူစောထီး #တိုက်ပွဲ

https://youtu.be/HeiU7g0Rqhw

ရေစကြို၊ သဲတောရွာကို လေယာဉ်နဲ့ ပစ်ခတ်ပြီး စစ်ကြောင်းထိုးစီးနင်းလို့ ရွာခံ ၃ ဦးဒဏ်ရာရ

■ ဒဏ်ရာကြောင့်မပြေးနိုင်တဲ့ အမျိုးသား ၁ ဦးအပါ ရွာခံ ၁၀ ဦးကျော်ဖမ်းခံထားရ

ရေစကြို၊ နိုဝင်ဘာ ၂၁၊ ၂၀၂၄။

မကွေးတိုင်း၊ ရေစကြိုမြို့နယ်၊ သဲတောရွာကို စစ်ကောင်စီတပ်က လေယာဉ်နဲ့ ဗုံးကြဲပစ်ခတ်ပြီးနောက် မြေပြင်စစ်ကြောင်းနဲ့ သေနတ်ပစ်ဖောက်စီးနင်းလာလို့ ဒေသခံ ၃ ဦးကျည်ထိမှန်ဒဏ်ရာရရှိကာ ခြေထောက်ထိမှန်လို့ မပြေးနိုင်တဲ့ရွာခံအမျိုးသား ၁ ဦးအပါ ရွာခံ ၁၀ ဦးကျော် ဖမ်းဆီးခံထားရတယ်လို့ သိရပါတယ်။

နိုဝင်ဘာ ၂၁ရက် ဒီကနေ့မနက် ၅ နာရီလောက်မှာ သဲတောရွာ ဘုန်းကြီးကျောင်းအနီးကို ပေါင် ၃၀၀ ဗုံးသီး ၂ လုံး၊ ရော့ကတ်တွေနဲ့ ၂ ကြိမ် ဗုံးကြဲပစ်ခတ်ပြီးတဲ့နောက် မိနစ်ပိုင်းသာခြားပြီး စစ်ကောင်စီတပ်အင်အား ၁၅၀ ဝန်းကျင်ဟာ စစ်ကြောင်း ၂ ကြောင်းနဲ့ ရွာအတွင်း၊အပြင်ခွဲစီးနင်းခဲ့တာလို့ ဆိုပါတယ်။

" လေယာဉ်ဗုံးကြဲပြီးတာနဲ့ ကျနော်တို့ ဗုံးခိုကျင်းကနေထွက်ပြီး ရွာဖျားရောက်နေတဲ့အချိန် သူတို့က ရွာထဲကို လက်နက်(ငယ်)တွေပစ်ဖောက်ပြီး ဝင်လာတာ—-

သတင်းအပြည့်အစုံ - https://myaelattathan.org/articles/ရေစကြို_သဲတောရွာကိုလေယာဉ်နဲ့ပစ်ခတ်ပြီး_စစ်ကြောင်းထိုးစီးနင်းလို့ရွာခံ_၃ဦးဒဏ်ရာရ

နယ်မြေတိုးချဲ့တိုက်ခိုက်ရာမှာ လိုအပ်နေတဲ့ ဒရုန်းတစီးဝယ်ယူဖို့ RFPDF တပ်ဖွဲ့ကမ်ပိန်းပြုလုပ်(ရုပ်/သံ)

ပေါက်၊ နိုဝင်ဘာ ၂၁၊၂၀၂၄။

မကွေးတိုင်း၊ ပခုက္ကူခရိုင်၊ ပေါက်မြို့နယ်တောင်ပိုင်းမှာ အခြေစိုက်လှုပ်ရှားနေတဲ့ Rocket Fighter People Defence Force -RFPDFတပ်ဖွဲ့ဟာ စစ်ရေးအရှိန်မြှင့်တင်ဖို့အတွက် အညာဝရဇိန်ကမ်ပိန်းကို ပြုလုပ်နေပါတယ်။

Rocket Fighter People Defence Force - RFPDFတပ်ဖွဲ့ကို ၂၀၂၂ ဇူလိုင် ၁၂ ရက်နေ့က စတင်ဖွဲ့စည်းတည်ထောင်ခဲ့တာပါ။

Rocket Fighter တပ်ဖွဲ့ကို စတင်ဖွဲ့စည်းချိန်မှာ ရဲဘော် ၉ ဦးနဲ့ စတင်ဖွဲ့စည်းခဲ့တာဖြစ်ပြီး တူမီးသေနတ်၊ လက်လုပ်တတောင့်ထိုး သေနတ်တွေကိုသာ အသုံးပြုတိုက်ပွဲဝင်ခဲ့ရတာလို့ အဲဒီအဖွဲ့က ဆိုပါတယ်။

Rocket Fighter တပ်ဖွဲ့အနေနဲ့ ယခင်က ပေါက်တောင်ပိုင်းနယ်မြေတဝိုက်မှာသာ စစ်ရေးလှုပ်ရှားမှုတွေ ပြုလုပ်ခဲ့ပြီး ယခုအခါ ပခုက္ကူခရိုင်အတွင်းရှိ မြို့နယ်တွေအထိ စစ်ဆင်ရေးဖော်ဆောင်နိုင်ဖို့ရည်ရွယ်ကာ ဒရုန်းအကြီးတစီးဝယ်ယူဖို့အတွက် အညာဝရဇိန်ကမ်ပိန်းကို ပြုလုပ်ခဲ့တာလို့ တပ်ဖွဲ့တာဝန်ရှိသူက ပြောပါတယ်။

အင်တာဗျူး

ကမ်ပိန်းကာလကို အောက်တိုဘာ ၂၀ ရက်နေ့မှ ဒီဇင်ဘာ ၂၀ ရက်နေ့အထိ သတ်မှတ်ထားပြီး ကမ်ပိန်းအတွက်မဲလက်မှတ်ရောင်းအား ၁၈ ရာခိုင်နှုန်းသာ ရရှိသေးတယ်လို့ ဆက်ပြောပါတယ်။

အညာဝရဇိန် ကမ်ပိန်းမှာ မဲလက်မှတ် ၁ စောင်ကို မြန်မာငွေ ၂၀,၀၀၀ ကျပ်၊ ထိုင်းငွေ ၂၀၀ ဘတ်နှုန်းနဲ့ သတ်မှတ်ရောင်းချနေသလို Rocket Fighter Page မက်ဆင်ဂျာက တဆင့်ဝယ်ယူအားပေးနိုင်ပြီး ဆုအဖြစ် အခေါက်ရွှေတကျပ်သားကို ကံစမ်းမဲဖောက်ပေးမယ်လို့ သိရပါတယ်။

RFPDF တပ်ဖွဲ့ဟာ တပ်ဖွဲ့စတင်ဖွဲ့စည်းချိန်ကနေ ဒီနေ့အထိ စစ်ကောင်စီလက်အောက်ခံ စခန်းတွေကိုတိုက်ခိုက်တာ၊ ပျူစောထီးရွာတွေကို တိုက်ခိုက်တာ၊ စစ်ကောင်စီရဲ့စစ်ကြောင်းတွေကိုတိုက်ခိုက်တာစတဲ့ တိုက်ပွဲပေါင်း ၃၀ ကျော်ကို မဟာမိတ်တွေနဲ့ ပါဝင်တိုက်ခိုက်ခဲ့တယ်လို့လည်း ဆိုပါတယ်။

သတင်း - စောကျော်ငြိမ်း၊ တည်းဖြတ် - HP

#မြေလတ်အသံ
#မ‌ကွေး #ပေါက် #RFPDF တပ်ဖွဲ့ #ကမ်ပိန်း

https://youtu.be/8OylzoEL87E

မုံရွာ ပလဖစခန်းမှာ ကျင်းပတဲ့မွေးနေ့ပွဲတခုကို မခင်လေး* တယောက် သွားရောက်ခဲ့ပါတယ်။ သူဟာ အာဏာရှင်တော်လှန်ရေး သပိတ်တက်ကြွလှုပ်ရှားသူတဦးပါ။

အဲဒီနေ့က အဖွဲ့အစည်းအစုံက လူငယ်တွေ နေ့လယ်ပိုင်း သောက်ကြစားကြရင်းနဲ့ ည‌နေပိုင်းရောက်လာတော့ ပြန်တဲ့သူကပြန်၊ စခန်းမှာ နားတဲ့သူကနား လုပ်နေကြချိန် မခင်လေးတယောက်လည်း ပလဖစခန်းနားက ကွမ်းခြံထဲက တဲတခုမှာ မွေးနေ့ရှင်အမျိုးသမီး မိန်းကလေးတယောက်နဲ့အတူ နားနေခဲ့ပါတယ်။

အဲဒီနေ့က သူတို့ဟာ အဖျော်ယမကာသောက်ထားကြပေမယ့် သတိလွတ်တဲ့အထိ မူးနေကြတာတော့ မဟုတ်ဘူးလို့ အသက် ၂၃ နှစ်အရွယ် မခင်လေးက ဆိုပါတယ်။

အတူရှိနေတဲ့အဖော်မိန်းကလေးက သူမရဲ့ ချစ်သူပြန်လာလို့ ခဏထွက်သွားတဲ့အချိန် တယောက်တည်းကျန်ခဲ့တဲ့ မခင်လေးရှိရာ ကွမ်းခြံတဲထဲကို ပလဖအဖွဲ့ဝင် ရဲဘော်တဦးရောက်လာပြီး ---

ဆောင်းပါးအပြည့်အစုံ - https://www.myaelattathan.org/articles/အကာအကွယ်မဲ့_အနိုင်ကျင့်ခံ_နှုတ်ဆိတ်နေရတဲ့_အညာကအမျိုးသမီးတွေ

စစ်မှုထမ်းလူစုပေးတဲ့ သဲကုန်းမြို့နယ်က ရာအိမ်မှူး ပစ်သတ်ခံရ

သဲကုန်း၊ နိုဝင်ဘာ ၂၁၊ ၂၀၂၄။

ပဲခူးတိုင်းအနောက်ခြမ်း၊ သဲကုန်းမြို့နယ်မှာ စစ်မှုထမ်းလူစုပေးတဲ့ ရာအိမ်မှူး ၁ ဦးကို သေနတ်နဲ့ ပစ်ခတ်ခဲ့တယ်လို့ ပြည်ခရိုင်ပြည်သူ့ကာကွယ်ရေးတပ်ဖွဲ့ PPDF က နိုဝင်ဘာ ၂၁ ရက် ဒီကနေ့မနက်မှာ သတင်းထုတ်ပြန်ထားပါတယ်။

သဲကုန်းမြို့နယ်၊ ပုတီးကုန်းမြို့၊ သပြေလှအုပ်စု၊ ရင်းတိုက်ကွင်းရွာက အသက် ၄၃ နှစ်အရွယ် ရာအိမ်မှူး ကိုဌေးလွင် ကို နိုဝင်ဘာ ၂၀ ရက် မနေ့မနက် ၄ နာရီခွဲလောက်က နေအိမ်ကဖမ်းဆီပြီး ရင်းတိုက်ကွင်း လမ်းမပေါ်မှာ ဦးခေါင်းကိုပစ်ခတ်ခဲ့ရာ ပွဲချင်းပြီးသေဆုံးခဲ့တယ်လို့ ဆိုပါတယ်။

“သူ့အိမ်ကနေဖမ်းပြီး လမ်းရောက်မှ ပစ်သတ်ခဲ့တာပါ။ မိသားစုတွေရှိနေလို့ အိမ်မှာတော့မရှင်းတာပါ။” လို့ PPDFက စစ်ထောက်လှမ်းရေးနဲ့ သတင်းပြန်ကြားရေးတာဝန်ခံက ပြောပါတယ်။

သတင်းအပြည့်အစုံ - https://www.myaelattathan.org/articles/စစ်မှုထမ်းလူစုပေးတဲ့_သဲကုန်းမြို့နယ်ကရာအိမ်မှူး_ပစ်သတ်ခံရ

“စိတ်ဖိစိးမှုကိုလျော့ကျစေတဲ့ စပါးလင်” (Podcast)

မြေလတ်အသံ၊ နိုဝင်ဘာ ၂၁၊ ၂၀၂၄။

သောတရှင်များအားလုံး မင်္ဂလာပါ။

မြေလတ်အသံရဲ့ “လက်တကမ်း ကျန်းမာရေး Podcast” အစီအစဉ်နားဆင်လို့ရပါပြီ။

အခုတပတ် လက်တကမ်းကျန်းမာရေးအစီအစဉ်မှာ “စိတ်ဖိစိးမှုကိုလျော့ကျစေတဲ့ စပါးလင်”အကြောင်းကို တင်ဆက်ပေးသွားမှာပါ။

စပါးလင်ရဲ့ ဘယ်အစိတ်အပိုင်းတွေကို ဆေးဘက်ဆိုင်ရာမှာ အသုံးပြုနိုင်သလဲ။ ဒူလာရောဂါကို သက်သာပျောက်ကင်းစေဖို့ စပါးလင်ကိုဘယ်လိုသုံးရမလဲ။ စပါးလင်ဆီကရော ဘယ်လိုရောဂါတွေကို သက်သာပျောက်ကင်းစေသလဲ။ စပါးလင်ရဲ့ဘေးထွက်ဆိုးကျိုးက ဘာတွေလဲ စတာတွေကို နားဆင်ရမှာပါ။

#မြေလတ်အသံ
#စပါးလင် #pocast #စိတ်ဖိစီးမှု #သွေးကြောကျဉ်း #ဒူလာ #ဘေးထွက်ဆိုးကျိုး #စပါးလင်ဆီ

https://youtu.be/3uWE7ztHKt8

မုံရွာက PDF ရှေ့တန်းစခန်း ၂ ခုကို စစ်တပ်ကစီးနင်းပြီး သေနတ်နဲ့ပစ္စည်းတချို့သိမ်းဆည်းခံရ

■ စစ်ကြောင်းဝင်ရာတလျောက်က ဒေသခံ ၂၀ ကျော်ကိုပါဖမ်းဆီးထား

မုံရွာ၊ နိုဝင်ဘာ ၂၀၊ ၂၀၂၄။

စစ်ကိုင်းတိုင်း၊ မုံရွာမြို့နယ်၊ နိဗ္ဗာန်ဝကျေးရွာရှိ မုံရွာခရိုင် အမှတ် ၁၁ တပ်ရင်းရဲ့ ရှေ့တန်းစခန်း ၂ ခုကို စစ်တပ်က ဝင်ရောက်စီးနင်းခဲ့ပြီး စစ်ကြောင်းဝင်ရာလမ်းတလျှောက်က ဒေသခံ ၂၀ ကျော်ကိုလည်း ဖမ်းဆီးထားတယ်လို့ တပ်ရင်းတာဝန်ရှိသူတွေဆီက သိရပါတယ်။

နိုဝင်ဘာ ၁၉ ရက် မနက် ၈ နာရီကျော်မှာ သံပြားကာ ကား ၄ စီး၊ ဖောကား ၁ စီးနဲ့ အင်အား ၁၅၀ ကျော်လောက်ပါတဲ့ စစ်ကောင်စီစစ်ကြောင်းဟာ နိဗ္ဗာန်ဝရွာနဲ့ ရွာနီးကပ်လျက်မှာရှိတဲ့ ရွှေမြင်းတင်တောင်ရှိ ရှေ့တန်းစခန်းကို စစ်ကြောင်း ၂ ကြောင်းခွဲပြီး စီးနင်းခံရတာလို့ ဆိုပါတယ်။

"ကျနော်တို့စခန်းတွေ ဝင်စီးခံရတာ။ ရှေ့တန်းစခန်းတွေပါ။ ကျနော်တို့က နေရာလေးတွေ ခွဲထားတာ။ လူတွေကတော့ အကုန်လွတ်တယ်။ ရွှေမြင်းတင်တောင်မြောက်ဘက် ပတ္တမြားဘက်ခြမ်းမှာတော့ --

သတင်းအပြည့်အစုံ - https://www.myaelattathan.org/articles/မုံရွာကPDFရှေ့တန်းစခန်း၂ခုကို_စစ်တပ်ကစီးနင်းပြီး_သေနတ်နဲ့ပစ္စည်းတချို့သိမ်းဆည်းခံရ

ကျွန်းလှမြို့နယ်၊ ကုက္ကိုကုန်းရွာကို စစ်တပ်ကမီးရှို့ပြီး ရွာအနီး ဒရုန်းတွေနဲ့ပစ်ခတ်နေ

ကန့်ဘလူ၊ နိုဝင်ဘာ ၂၀၊ ၂၀၂၄။

စစ်ကိုင်းတိုင်း၊ ကျွန်းလှမြို့နယ်၊ ကုက္ကိုကုန်းရွာက နေအိမ်တွေကို စစ်ကောင်စီတပ်သားတွေ မီးရှို့နေပြီး ရွာအနီးကိုလည်း ဒရုန်းတွေနဲ့ လိုက်လံပစ်ခတ်နေတယ်လို့ ဒေသခံတွေဆီက သိရပါတယ်။

အင်အား ၂၀၀ ၀န်းကျင်ပါတဲ့ စစ်သားနဲ့ ပျူစောထီးအဖွဲ့တွေက နို၀င်ဘာ ၂၀ ရက် ဒီနေ့လယ် ၁ နာရီလောက်မှာစပြီး ကုက္ကိုရွာကနေအိမ်တွေကို မီးရှို့ခဲ့တာလို့ ဆိုပါတယ်။

"အိမ်အပျက်အစီးလည်း အစ်မတို့အတည်ပြုလို့မရသေးဘူး။ စစ်ကြောင်းက ရွာထဲမှာပဲ ရှိနေတဲ့အတွက် ဘာမှလုပ်လို့မရသေးဘူး။” လို့ ကျွန်းလှ - ကန့်ဘလူ တက်ကြွလှုပ်ရှားသူများအဖွဲ့တာဝန်ခံ အမျိုးသမီးတဦးက ပြောပါတယ်။

သတင်းအပြည့်အစုံ - https://www.myaelattathan.org/articles/ကျွန်းလှမြို့နယ်_ကုက္ကိုကုန်းရွာကို_စစ်တပ်ကမီးရှို့ပြီး_ရွာအနီးဒရုန်းတွေနဲ့ပစ်ခတ်နေ

CDM ဗိုလ်မှူး ဟိန်းသော်ဦးသတင်းကို မျှော်နေတဲ့ မိခင် ဒေါ်ဝင်းဝင်း (ရုပ်သံဆောင်းပါး)

မြေလတ်အသံ၊ နိုဝင်ဘာ ၂၀၊ ၂၀၂၄။

ဒေါ်ဝင်းဝင်းဟာ အာဏာသိမ်းစစ်တပ်ကို ပြန်လည်ဆန့်ကျင်တဲ့ အစောဆုံး CDM တပ်အရာရှိတွေဖြစ်တဲ့ ဗိုလ်မှူး ဟိန်းသော်ဦးနဲ့ ဗိုလ်ကြီး ဘုန်းပြည့်တို့ရဲ့အမေ ဖြစ်ပါတယ်။

မြန်မာ့ဆိုရှယ်လစ်လမ်းစဉ်ပါတီခေတ်ကတည်းက သူဟာ မြန်မာစစ်တပ်က တပ်ကြပ်ကြီးတဦးနဲ့ အိမ်ထောင်ကျပြီး တပ်အဝန်းအဝိုင်းထဲမှာ နှစ်ပေါင်း ၄၀ ကျော်ကြာ နေထိုင်ခဲ့ပါတယ်။ နောက်ပိုင်းမှာ ကာကွယ်ရေးပစ္စည်းစက်ရုံ ကပစတပ်မှာ စစ်သည်အစားခန့် အမြဲတမ်းအရပ်သားဝန်ထမ်းတဦးအဖြစ် ဝင်ရောက်လုပ်ကိုင်ခဲ့ပါတယ်။

သူ့ရဲ့ ဒုတိယမြောက်သား ဟိန်းသော်ဦးနဲ့ သားအငယ်ဆုံး ဘုန်းပြည့်တို့နှစ်ယောက်က စစ်တက္ကသိုလ်ဆင်း စစ်ဗိုလ်အရာရှိတွေ ဖြစ်လာခဲ့ပါတယ်။ သမီးတဦးကတော့ နိုင်ငံရပ်ခြားမှာ အလုပ်သွားလုပ်နေခဲ့ပါတယ်။

ဒေါ်ဝင်းဝင်းရဲ့အမျိုးသားက လွန်ခဲ့တဲ့ ၉ နှစ်လောက်က မိတ္ထီလာအခြေစိုက် တပ်တခုမှာ တာဝန်ထမ်းဆောင်ရင်း ဆိုင်ကယ်အက်စီးဒန့်ဖြစ်ပြီး ဆုံးပါးခဲ့ရာ သားသမီးတွေလည်း သူ့အနားမရှိတာကြောင့် မိတ္ထီလာတပ်ထဲမှာ သူတယောက်တည်းပဲ နေထိုင်ဖြစ်ခဲ့ပါတယ်။

စစ်တပ်ထဲမှာပဲ အနေကြာခဲ့တဲ့သူဟာ တိုင်းပြည်မှာ ဖြစ်ပျက်နေတဲ့ အခြေအနေတွေကို သိနားလည်နိုင်မှု နည်းခဲ့တယ်လို့ ဆိုပါတယ်။

နောက်ပိုင်းမှာ သူဟာ မိတ္ထီလာတပ်ထဲကနေ အလုပ်ထွက်ပြီး သူ့သားသမီးတွေရဲ့ အကြံပြုချက်အရ ရန်ကုန်၊ ရွှေပြည်သာမြို့နယ်ကို ပြောင်းရွှေ့နေထိုင်ခဲ့ပါတယ်။

၂၀၂၁ စစ်အာဏာသိမ်းတဲ့အခါမှာတော့ သူ့ဘဝနေထိုင်မှုနဲ့ အတွေးအမြင်တွေဟာ တဆစ်ချိုးပြောင်းလဲဖို့ ကြုံလာပါတော့တယ်။ အဲ့ဒါကတော့ စစ်အာဏာသိမ်းတာကို လက်မခံတဲ့ စစ်ဗိုလ် သား ၂ ယောက်စလုံး စစ်အာဏာရှင်ဆန့်ကျင်ရေး CDM လုပ်တဲ့နောက်ကို မမျှော်လင့်ဘဲ လိုက်သွားဖြစ်ခဲ့လို့ပါ။

တောထဲရောက်တဲ့အခါ တဖြည်းဖြည်းနဲ့ တိုင်းရေးပြည်ရေးအခြေအနေကို သိနားလည်လာပြီး သားနှစ်ယောက်ရဲ့ လုပ်ရပ်ကို ဂုဏ်ယူမိသလို အချိန်အကြာကြီး ဝေးကွာနေတဲ့ သားနှစ်ယောက်နဲ့ အတူပြန်ဆုံနေထိုင်ရတဲ့အခါ မိခင်တယောက်အနေနဲ့ ပျော်ရွှင်ကြည်နူးနေခဲ့မိတယ်လို့ ဆိုပါတယ်။

အသက် ၆၀ ကျော်တဲ့အထိ မြန်မာစစ်တပ်အဝန်းအဝိုင်းမှာ နေထိုင်ခဲ့တဲ့ သူ့အတွက် မြန်မာစစ်တပ်နဲ့ နှစ်ပေါင်းများစွာတိုက်နေတဲ့ ကရင်အမျိုးသားအစည်းအရုံး KNU နယ်မြေမှာ ခိုလှုံရမယ်လို့ တကြိမ်တခါမျှ မတွေးဖူးပါဘူး။

စစ်အာဏာသိမ်းတာကို လက်မခံတဲ့ လက်နက်မဲ့လူထုကို စစ်တပ်က အကြမ်းဖက်သတ်ဖြတ်နေတဲ့အခါ ပြန်လည်ခုခံတိုက်ခိုက်ဖို့ တောထဲရောက်လာတဲ့ လူငယ်တွေကို သူ့သားစစ်ဗိုလ်နှစ်ဦးက သူတို့တတ်ကျွမ်းထားတဲ့ စစ်ပညာပြန်လည်သင်ကြားပေးနေခဲ့ချိန်မှာ မိခင်ဖြစ်တဲ့ ဒေါ်ဝင်းဝင်းက အအားမနေဘဲ ထမင်းဟင်းတွေ ချက်ပြုတ်ပေးခဲ့ပါတယ်။

ယုံကြည်ရာကို တက်တက်ကြွကြွလှုပ်ရှားနေတဲ့ သားနှစ်ယောက်နဲ့အတူ တောထဲမှာပျော်ပျော်ရွှင်ရွှင်ဖြတ်သန်းနေချိန်မှာ သူတို့မိသားစုကို စစ်တပ်က လိုက်ရှာနေခဲ့ပါတယ်။ သူတို့သားအမိ သုံးယောက်လုံးကို ရှာမတွေ့တော့အခါ နိုင်ငံခြားမှာရှိတဲ့ သူ့သမီးဆီကို စစ်တပ်ကအရာရှိတွေက ဆက်သွယ်ပြီး သူတို့မိသားစုကို ပြန်လာဖို့ ခြိမ်းခြောက်ခဲ့ပါတယ်။

ဒါပေမဲ့လည်း သူတို့မိသားစုဟာ အဲ့ဒီခြိမ်းခြောက်ချက်ကို မမှုဘဲ သူတို့ယုံကြည်ချက်အတိုင်း သတ္တိရှိရှိ ရှေ့ဆက်ခဲ့ပါတယ်။

၂၀၂၁ ဩဂုတ် ၂၆ ရက် မနက်ပိုင်းမှာတော့ ဗိုလ်မှူးဟိန်းသော်ဦးဟာ အလုပ်ကိစ္စနဲ့ ခရီးထွက်သွားခဲ့ပြီး အဲ့ဒီနေ့ကစလို့ အားလုံးနဲ့ အဆက်အသွယ်ပြတ်တောက်သွားရာ ဒီကနေ့အထိ သတင်းအစန မရတော့ပါဘူး။

လအတန်ကြာတဲ့အထိ သားဖြစ်သူ ဗိုလ်မှူး ဟိန်းသော်ဦးနဲ့ အဆက်အသွယ်မရတာကြောင့် နီးစပ်ရာကို လိုက်လံမေးမြန်းစုံစမ်းပေမယ့် ဗိုလ်မှူး ဟိန်းသော်ဦးနဲ့ ပတ်သက်လို့ သက်ဆိုင်ရာ ဘယ်အဖွဲ့ အစည်းကမှ ရေရေရာရာ မပြောနိုင်ဘူးလို့ ဆိုပါတယ်။

လပေါင်းများစွာ လူလည်းပြန်မလာ၊ သတင်းလည်းမကြားရတော့တဲ့အဆုံး ဒေါ်ဝင်းဝင်းနဲ့ သူ့သားအငယ် CDM ဗိုလ်ကြီး ဘုန်းပြည့်တို့ဟာ တဖက်နိုင်ငံကို ပြောင်းရွှေ့နေထိုင်ခဲ့ပါတယ်။

ဗိုလ်မှူး ဟိန်းသော်ဦး ပျောက်နေတာ ဒီနေ့အထိဆိုရင် ၃ နှစ် နီးပါးကြာသွားခဲ့ပြီဖြစ်တဲ့အတွက် ဒေါ်ဝင်းဝင်းဟာ သားဖြစ်သူရဲ့သတင်းကို နေ့စဉ်မျှော်လင့်နေပြီး သူသားနဲ့ပတ်သက်တဲ့ သတင်းကြားထားသူတွေရှိရင် အကြောင်းကြားပေးဖို့ တောင်းဆိုနေပါတယ်။

#မြေလတ်အသံ
#ရုပ်သံဆောင်းပါး #CDM #ဗိုလ်မှူးဟိန်းသော်ဦး #ဗိုလ်ကြီးဘုန်းပြည့် #မိခင်

https://youtu.be/Nd1efkCig0I

ပဲခူးမှာ ဆယ်အိမ်မှူးနဲ့ မီးသွေးဖုတ်လုပ်သား ၅ ဦးကို စစ်တပ်ကဖမ်းဆီး

ပဲခူး၊ နိုဝင်ဘာ ၂၀၊ ၂၀၂၄။

ပဲခူးတိုင်း၊ ပဲခူးမြို့နယ်၊ သံဆို့ပင်ကျေးရွာအနီးက စလူဆည်ဘက်ကို စစ်ကောင်စီ စစ်ကြောင်းဝင်ကာ ဆယ်အိမ်မှူးအပါအဝင် ဒေသခံ ၆ ဦးကို ဖမ်းဆီးသွားတယ်လို့ ဒေသခံတွေဆီက သိရပါတယ်။

နိုဝင်ဘာ ၁၉ ရက် နေ့လယ် ၁၂ နာရီခန့်မှာ စစ်တပ်ယူနီဖောင်းဝတ်အင်အား ၂၀ ခန့်နဲ့ အရပ်ဝတ် လက်နက်ကိုင် အင်အား ၁၀ ဦးခန့်ဟာ စလူဆည်ဘက်ကို ကား၊ ဆိုင်ကယ်တွေနဲ့ ဝင်ရောက်လာပြီး မီးသွေးဖုတ်နေသူတွေနဲ့ သံဆို့ပင်ရွာက ဆယ်အိမ်မှူးဦးဝင်းပိုင်တို့ကို ဖမ်းဆီးခေါ်သွားတာလို့ ဆိုပါတယ်။

"အရင်တခါ တိုက်ပွဲဖြစ်ခဲ့တာနဲ့ ပတ်သက်ပြီး အဆက်စပ်ရှိတယ်။ သံသယနဲ့ ဆည်နားမှာ ဆယ်အိမ်မှူးလုပ်တဲ့ ကိုဝင်းပိုင်ကိုဖမ်းသွားတာ။ သူအပါအဝင် ၆ ဦးဖမ်းခံရတယ်လို့ သိထားရတယ်။ ကျန်သူတွေ ကတော့မီးသွေးဖုတ်သမားတွေလို့ သိရတယ်။ ဘယ်သူတွေဆိုတာတော့စုံစမ်းတုန်းဘဲ"လို့ ဒေသခံတဦးက ပြောပါတယ်။

သတင်းအပြည့်အစုံ - https://myaelattathan.org/articles/ပဲခူးမှာ_ဆယ်အိမ်မှူးနဲ့မီးသွေးဖုတ်လုပ်သား_၅ဦးကိုစစ်တပ်ကဖမ်းဆီး

ပန်းတောင်းမှာ အမျိုးသား ၁ ဦး ကြိုးဆွဲချသေဆုံး

ပန်းတောင်း၊ နိုဝင်ဘာ ၂၀၊ ၂၀၂၄။

ပဲခူးတိုင်းအနောက်ခြမ်း၊ ပန်းတောင်းမြို့နယ်က ကျေးရွာတရွာမှာ အမျိုးသား ၁ ဦး ကြိုးဆွဲချသေဆုံးခဲ့တယ်လို့ မြို့ခံတဦးဆီက သိရပါတယ်။

ပန်းတောင်းမြို့နယ်၊ ပန်းတောင်း - တောင်ကုတ်ကားလမ်းဘေးရှိ ရွှေညီနောင်အုပ်စု၊ ဗြူးကုန်းရွာက အသက် ၄၂ နှစ်ဝန်းကျင် ကိုဖိုးပု(ခ)ကိုဇော်မင်းထွန်းဟာ နိုဝင်ဘာ ၁၉ ရက် မနေ့မွန်းတည့်ချိန်လောက်မှာ နေအိမ်ထုတ်တန်းမှာ ကြိုးဆွဲချသေဆုံးနေတာကို တွေ့ခဲ့တာလို့ ဆိုပါတယ်။

ကိုဖိုးပုဟာ အိမ်ထောင်ကွဲနေသူဖြစ်လို့ တရွာတည်းနေမိခင်နဲ့အတူ သွားရောက်နေထိုင်ပြီး နိုဝင်ဘာ ၁၈ ရက်မွန်းလွဲပိုင်းလောက်မှာ ၎င်းအရင်နေခဲ့တဲ့ အိမ်ကို(ဗြူးကုန်းရွာကအိမ်ကို) ပြန်သွားခဲ့ပြီးမှ အဲဒီအိမ်မှာပဲကြိုးဆွဲချခဲ့တာလို့ ဆိုပါတယ်။

သတင်းအပြည့်အစုံ - https://www.myaelattathan.org/articles/ပန်းတောင်းမှာ_အမျိုးသား၁ဦး_ကြိုးဆွဲချသေဆုံး

ဖြူးမြို့နယ်မှာ စစ်အုပ်စုနဲ့ တော်လှန်ရေးတပ်တို့ တိုက်ပွဲဖြစ်ပြီး စစ်ကောင်စီတပ်သား ၂ ဦးသေဆုံး

ဖြူး၊ နိုဝင်ဘာ ၁၉၊ ၂၀၂၄။

ပဲခူးတိုင်း၊ ဖြူးမြို့နယ်၊ ညောင်ပင်သာရွာကနေ အင်ပင်ရွာဘက်ကို ကင်းလှည့် ထွက်လာတဲ့ စစ်အုပ်စု ၃၀ ဦးခန့်ကို တော်လှန်ရေးပူးပေါင်းအဖွဲ့က ကြားဖြတ်တိုက်ခိုက်လို့ စစ်ကောင်စီတပ်သား ၂ ဦးသေဆုံးခဲ့တယ်လို့ သာယာဝတီခရိုင် ပကဖဆီက သိရပါတယ်။

နိုဝင်ဘာ ၁၇ ရက် မနက်အစောပိုင်း ၂ နာရီခွဲလောက်မှာ ခမရ ၄၃၉ က စစ်အုပ်စု ၃၀ ဦးခန့် ကင်းလှည်အလာမှာ တော်လှန်ရေးပူးပေါင်းအဖွဲ့တွေနဲ့ ထိတွေ့တိုက်ပွဲ ၁၅ မိနစ်ကျော်ဖြစ်ခဲ့တာလို့ ပြောပါတယ်။

"ကျနော့်ကလေးတွေက ကင်းပုန်းစောင့်နေချိန် သူတို့ဝင်လာတော့ အလစ်ငိုက်ထိတွေ့ဖြစ်ကြတာ၊ သူတို့ဘက်ကပြန်ဆုတ်သွားတော့ ကျနော့်ကလေးတွေသွားကြည့်တော့ ဘာမှတော့မကျန်ခဲ့ဘူး သွေးကွက်တွေပဲတွေ့တာ" လို့ သာယာဝတီခရိုင် ပကဖ စစ်ရေးတာဝန်ခံ ရဲသစ္စာက ပြောပါတယ်။

သတင်းအပြည့်အစုံ - https://myaelattathan.org/articles/ဖြူးမြို့နယ်မှာ_စစ်အုပ်စုနဲ့တော်လှန်ရေးတပ်တို့_တိုက်ပွဲဖြစ်ပြီးစစ်ကောင်စီတပ်သား_၂ဦးသေဆုံး

မြေလတ်ပေးစာ (Podcast)

မြေလတ်အသံ၊ နိုဝင်ဘာ ၁၉၊ ၂၀၂၄။

မြေလတ်ဒေသတွင်းက ပြည်သူတွေရဲ့စကားသံတွေကို ကိုယ်စားပြုဖတ်ကြားပေးမယ့် ပေးစာအစီအစဉ်ဖြစ်ပါတယ်။

- တော်လှန်ရေးအဖွဲ့တွေအနေနဲ့ ဂိတ်ချစစ်ဆေးတဲ့အခါ ဂိတ်တွေအများကြီးမချကြပါနဲ့လို့ ရေးတဲ့စာ။

- ကော့သောင်းမှာ နှစ်ကျိတ်ရှစ်ဆူဘုရားပွဲကိုအကြောင်းပြပြီး လောင်းကစားတွေလုပ်နေ။

- ရေနံချောင်းမြို့နယ်ထဲမှာ စစ်တပ်က ပြည်သူတွေကိုနှိပ်စက်အနိုင်ကျင့်။

မြေလတ်ပေးစာအစီအစဉ်မှာ စာတွေပေးပို့ချင်ရင်တော့ မြေလတ်အသံရဲ့ Facebook Messenger နဲ့ Telegram - @MLATpaysar မှာ ရေးသားပေးပို့နိုင်ပါတယ်။

#မြေလတ်အသံ
#မြေလတ်ပေးစာ #Podcast #တော်လှန်ရေး #ဂိတ်ချ #ပြည်သူ #ကော့သောင်း #နှစ်ကျိတ်ရှစ်ဆူ #လောင်းကစား #ရေနံချောင်း #စစ်တပ် #နှိပ်စက်

https://youtu.be/UbGN-uS0x78

လေကြောင်းတိုက်ခိုက်ခံရလို့ သပိတ်ကျင်းမှာ ၂ ရက်အတွင်း ကလေးငယ် ၄ ဦးအပါ ၆ ဦးသေဆုံး

မန္တလေး၊ နိုဝင်ဘာ၁၉၊ ၂၀၂၄။

တိုက်ပွဲတွေပြင်းထန်နေတဲ့ သပိတ်ကျင်းမြို့နယ်မှာ စစ်တပ်က နေ့စဥ်လေကြောင်းက တိုက်ခိုက်နေပြီး ကလေးငယ်တွေအပါ ပြည်သူ ၆ ဦးသေဆုံးထားပါတယ်။

မန္တလေးတိုင်း၊ သပိတ်ကျင်းမြို့နယ် တွင်းငယ်ကျေးရွာအနီးမှာ စစ်ကောင်စီတပ်နဲ့ တော်လှန်ရေးတပ်တွေ နေ့စဥ်တိုက်ပွဲတွေဖြစ်နေတာပါ။

နိုဝင်ဘာ ၁၇ ရက်က ကျောက်ဖြူကျေးရွာကို လေယာဥ်နဲ့ ဗုံးကြဲခံရလို့ ကလေးငယ် ၃ ဦးနဲ့ လူကြီး ၁ ဦးသေဆုံးခဲ့ပြီး နိုဝင်ဘာ ၁၈ ရက် မနေ့ကလည်း တွင်းငယ်ကျေးရွာအနီးက လေကြောင်းတိုက်ခိုက်ခံရမှုမှာ ကလေးငယ် ၁ ဦးနဲ့ အမျိုးသမီး ၁ ဦးသေဆုံးခဲ့တယ်လို့ ဒေသခံတဦးက ပြောပါတယ်။

သတင်းအပြည့်အစုံ - https://myaelattathan.org/articles/လေကြောင်းတိုက်ခိုက်ခံရလို့_သပိတ်ကျင်းမှာ၂ရက်အတွင်း_ကလေးငယ်၄ဦးအပါ_၆ဦးသေဆုံး

ခရီးသွားကားတွေကို စစ်ဆေးနေချိန် စစ်ကောင်စီတပ်က ဒရုန်းနဲ့ဗုံးချလို့ PDF ၁ ဦးနဲ့ ခရီးသွားပြည်သူ ၄ ဦး သေဆုံး

ကန့်ဘလူ၊ နိုဝင်ဘာ ၁၉၊ ၂၀၂၄။

စစ်ကိုင်းတိုင်း၊ ကန့်ဘလူမြို့နယ်၊ ကျီကျင်းကျေးရွာအနီးကို စစ်ကောင်စီတပ်က ဒရုန်းနဲ့ဗုံးချလို့ PDF ၁ ဦးနဲ့ သံဃာ ၁ ပါးအပါ ခရီးသည် ၄ ဦးသေဆုံးကာ ၉ ဦးဒဏ်ရာရခဲ့တယ်လို့ ကန့်ဘလူမြို့နယ် ပကဖနဲ့ဒေသခံတွေထံက သိရပါတယ်။

နိုဝင်ဘာ ၁၈ ရက် ယမန်နေ့မနက် ၇ နာရီကျော်မှာ အထက်ပါကျေးရွာအနီး ရွှေဘို-မြစ်ကြီးနားသွားကားလမ်းပေါ်မှာ ကာကွယ်ရေးပူးပေါင်းအဖွဲ့တွေက ခရီးသွားကားတွေကို စစ်ဆေးရေးလုပ်နေချိန် ဇီးကုန်း၊ သကြားစက်ဘက်ကနေ စစ်ကောင်စီအဖွဲ့က ဒရုန်းနဲ့ ၂ ကြိမ် ဗုံးသီး ၅ လုံးချတိုက်ခိုက်ခဲ့တာလို့ ဆိုပါတယ်။

" ** က ဒရုန်းနဲ့ဗုံးချတာ။ အဖွဲ့စုံစစ်းဆေးရေးလုပ်နေချိန် ပြည်သူကားတွေပေါ်ချတာ။ ကားဘေးနားတွေကျတော့ ကား ၂ စီးတော့ပျက်စီးသွားတယ်။ ရဲဘော်တွေလည်းကျ ပြည်သူအပါအဝင် သံဃာလည်းသေတယ်"လို့ ကန့်ဘလူမြို့နယ် ပကဖပြန်ကြားရေးတာဝန်ခံကပြောပါတယ်။

သတင်းအပြည့်အစုံ - https://myaelattathan.org/articles/ခရီးသွားကားတွေကို_စစ်ဆေးနေချိန်စစ်ကောင်စီတပ်ကဒရုန်းနဲ့ဗုံးချလို့_PDF၁ဦးနဲ့ခရီးသွားပြည်သူ၄ဦးသေဆုံး

စစ်မှုထမ်းမဲပေါက်ပြီး ရှောင်နေတဲ့အိမ်တွေကို မီးရှို့မယ်ပြောတဲ့ မင်းလှကအုပ်ချုပ်ရေးမှူး အသတ်ခံရ

■ ပေါက်ခေါင်းမှာလည်း ပျူစောထီးအဖွဲ့ဝင် ၁ ဦး ပစ်သတ်ခံရ

ပဲခူး၊ နိုဝင်ဘာ ၁၉၊ ၂၀၂၄။

ပဲခူးတိုင်းအနောက်ခြမ်းက မင်းလှနဲ့ ပေါက်ခေါင်းမြို့နယ်တွေမှာ ကျေးရွာအုပ်ချုပ်ရေးမှူး ၁ ဦးနဲ့ ပျူစောထီးအဖွဲ့ဝင် ၁ ဦး သေနတ်နဲ့ ပစ်သတ်ခံခဲ့ရတယ်လို့ ကာကွယ်ရေးတပ်ဖွဲ့တွေထံက သိရပါတယ်။

နိုဝင်ဘာ ၁၉ ရက်ဒီမနက် ၈ နာရီ‌ခန့်မှာ အသက် ၅၀ နှစ်ဝန်းကျင်ရှိ မင်းလှမြို့နယ်၊ ညောင်ကုန်းကျေးရွာ အုပ်စုအုပ်ချုပ်ရေးမှူး ကိုအာကြီး (ခ) ခင်ထွန်းလွင်ဟာ မင်းလှမြို့ဘက်ကနေ ဆိုင်ကယ်နဲ့ ၁ ဦးတည်းလာချိန် ချောင်းနားရွာအနီးမှာ သေနတ်နဲ့ ပစ်ခတ်ခဲ့တာလို့ ဆိုပါတယ်။

“ သူနေတဲ့ဖြူကွင်းရွာကနေ ၁ ယောက်ထဲဆိုင်ကယ်မောင်းလာတာကို ပစ်သတ်ခဲ့တာပါ။ သူ့ကိုရှင်းဖို့ စောင့်နေတာကြာပြီ၊ ခုမှအောင်မြင်သွားတာ" လို့ သာယာဝတီခရိုင် တပ်ရင်း ၃၈၀၂ တပ်ခွဲ ၃ ပြန်ကြားရေးတာဝန်ခံ ကိုတစ်က ပြောပါတယ်။


သတင်းအပြည့်အစုံ - https://myaelattathan.org/articles/စစ်မှုထမ်းမဲပေါက်ပြီး_ရှောင်နေတဲ့အိမ်တွေကိုမီးရှို့မယ်ပြောတဲ့_မင်းလှကအုပ်ချုပ်ရေးမှူး_အသတ်ခံရ