አጫጭር ግጥሞችና መጣጥፎች 📚

What is life?

Life is a journey between B and D

B= Birth
D= Death,
     but C in between. and what is C?

C is a choice.

Want to suffer? You have a choice to suffer or not suffer. Take your choice then live happily!

የዩቲዩብ ቻናላችንን ሰብስክራይብ እንዲያደርጉ በፍቅር እንጋብዛለን።

https://youtube.com/@gamel_media2?si=nq6FK2e5YyR0OH2h

https://youtu.be/r42BZR8ah84?si=dWzqQlLHcA8h0X5S

እምቢ! ትልቅ የሰውነት ቋንቋ!!
_______

ሠዓሊ ገብረክርስቶስ ደስታ ጥቂት በማይባሉ ሥዕሎቹ ውስጥ ደጋግሞ በቁማቸው የተገነዙ ሰዎችን ሲስል አገኘዋለሁ። ይገርመኝና ብዙ ጥያቄም እጠይቃለሁ። ለምን? የሚሉ ብዙ ጥያቄዎችና መልሶች።

ሰሞኑን ደግሞ ተገድለው ተገንዘው በሜዳ ላይ የተደረደሩ የእኛው የራሳችንን አስከሬኖች በሀዘንና በተወጋ ልብ እያየሁ ስገረም ሳላስበው የገብረክርስቶስ ሥዕሎች ትዝ አሉኝ። እና ራሴን ጠየቅኩት።

የትኛችን ነን የተሻልነው? ሞተው የተገነዙት? ወይስ እኛ በቁማችን የተገነዝነው? እኛና እነሱን ምን ይለየናል? ሆድን እየሞሉ መኖር ሰውነት ነው? ህይወት ማለት ቆሞ መገኘት ብቻ ነው? ትንፍሽ ማለት የማይችል ማኅበረሰብ በህይወት ያለሁ ሰው ነኝ ማለት ይችላል ደፍሮ?

አንዳንዴ አስበዋለሁ የሼክስፒርን የሞቱት ተገላግለዋል፣ ዕድለኞች ናቸው የሚለውን አባባል። አንዳንዴ ደግሞ አስበዋለሁ። ተገንዞ ከመቆም። ተሸብቦ፣ በድን አካልን ይዞ ከመንገላወድ። ቁርጡ የታወቀውን ሞት መሞት ይሻላል እያልኩ አስባለሁ።

አንድ የቆየ ጠያቂና አነፃፃሪ ስንኞችን የያዘ ያገራችን ግጥም እንዲህ ይላል፦

"ከመኖር አለመኖር ሳይሻል አይቀርም፣
ከመኖር ጭንቅ አለ ካለመኖር ምንም።
ካለመኖር መኖር ሳይሻል አይቀርም፣
ከመኖር ተስፋ አለ ካለመኖር ምንም።"

ግጥሙ የመኖርን ፍዳና ተስፋ፣ የመሞትን ግልግልና ተስፋ-ቢስነት እያነፃፀረ መሐል ላይ ሆኖ ፍርዱን ከአንባቢ የሚጠይቅ፣ ሚዛናዊ እይታን የተላበሰ ግጥም ነው።

ግን መኖርን ጥሩ አድርጎ ያስቀመጠበት ምክንያት በመኖር ውስጥ ተስፋ ስላለ የሚል ነው። እኔ ደሞ የምጠይቀው አለ ወይ? ብዬ ነው።

እውነት በቁማችን ተገንዘን በመኖራችን ውስጥ ተስፋ አለ? ተስፋ እየታየን ነው እየኖርን ያለነው? እውን ተስፋችን አልተሟጠጠም? ተስፋ የታየውማ ማኅበረሰብ ይጠይቃል።

ነገውን የተሻለ ለማድረግ የተሻለን ለውጥ ለማምጣት ይነሳል። ይናገራል። ይተነፍሳል። ይነጋገራል። ነገውን የሚያጨልምበት ነገር ሲያይ ይበሳጫል። ይናደዳል። ተስፋቸው የጨለመባቸው እንዳይኖሩ የቻለውን ይጥራል። ሌላም ብዙ ብዙ።

እና እጠይቃለሁ ደግሜ። ተስፋ ያለው ማኅበረሰብ ነን ወይ እኛ? መኖርን የምናመሠግንበትና የምንናፍቅበት ምክንያቱ ምንድነው? ለመንገላወድና ለመራባት። ለመብላትና ለመጠጣት። በህይወት እስካሉ ድረስ። በቃ? ይኸው ነው? ታዲያ እንስሳቱስ እንዲሁ አይደሉ? ምን ለየን?

ሰው ስትሆን መብት ያምርሃል። ሰው ስትሆን ሰብዓዊ ክብር ያምርሃል። ሰው ስትሆን የማሰብ ነፃነት ያምርሃል። ሰው ስትሆን በመረጥከው የህይወት መንገድ የመጓዝ ክፉ አምሮት ዕረፍት ይነሳሃል።

ሰው ስትሆን ከሚመስሉህ ጋር መጎዳኘትን፣ ሃሳብ መለዋወጥን ትፈልጋለህ። ሰው ስትሆን ሳትሳቀቅ፣ ሳትፈራ፣ ሳትሳደድ፣ ሳትገደል፣ በቁምህም ሆነ ሞተህ ሳትገነዝ እንደ ሰው መኖርና እንደ ሰው መሞት ትፈልጋለህ። ሰውነትን ከእንስሳነት የሚለዩት ጥቂት መሠረታዊ ክሮች እነዚህን የመሳሰሉት ናቸው። ግን እነዚህ ከሌሉህስ?

ሰው ከሆንክ በቁምህ እንደተገነዝክ አትኖርም። ሰው ከሆንክ፣ እንደ እንስሳ እሽሽ እየተባልክ እየተነዳህ፣ እየተገረፍክና በየሜዳው እየተረፈረፍክ አትኖርም። እና ሰው ከሆንክ የተሻለን ነገ፣ የተሻለን ህይወት ለማምጣት ባለ በሌለ አቅምህ ትነሳለህ።

ተፈጥሮህም (ኢንስቲንክትህም) ያስገድድሃልኮ። ለህልውናህ ፀር የሆነን ከባቢ እንድትፋለመው፣ እንድትቀይረው፣ ወይ እንድትሸሸው በሩቁ፣ ሰው ከሆንክ። አለዚያ ግን ዶሮ ሆነሃል ማለት ነው። በግ ሆነሃል። ፍየልና ኤሊ ሆነሃል። ከኤሊዎች እንኳ የተወሰኑት ባህር ውስጥ ገብተው ራሳቸውን አስጠብቀው መኖር ችለዋል።

ሰው ሆነህ ግን ሁሌ እንደተሰነግክ፣ ሁሌ ልጓም እንደጠለቀልህ፣ ሁሌ እንደተጋለበብህ፣ ሁሌ እንደ ጋሪ ፈረስ እየተጎተትክ መኖር አትችልም ነው የሚሉን የሰውን ልጅ በመከራውም በፍስሃውም ውስጥ ሆኖ ያጠኑት ሳይንቲስቶች።

የመጨረሻው አረመኔና አፋኝ ናዚያዊ ሥርዓት፣ በመጨረሻው ተስፋ አስቆራጭ የሞትና የባርነት ካምፕ ውስጥ እንኳ ሰዎችን አጉሮ በማሰቃየትና በመጨረስ፣ በምንም የማይሞተውን የሰውን ልጅ የነፃነት ፈላጊነትና ብርቱ የተቋቋሚነት መንፈስ ሊሰብረው አልቻለም።

የሞት ካምፕ ውስጥ ያሉ ሰዎች እንኳ ተባብረው ከሞት ሸለቋቸው ውስጥ ለመውጣት ለጆሮ ማመን የሚከብዱ ተጋድሎዎችን ያደርጋሉ። በሚገርም የመንፈስ ፅናት ከእነሱ እጅግ የገዘፉ ገዳዮቻቸውን ይቋቋማሉ። ምክንያቱም የሰውን ልጅ እንደ እንስሳ አድርገህ ለረዥም ጊዜ ማኖር አትችልም! ሰው ሰው ስለሆነ። ከእንስሳት ስለሚለይ።

ታሪክ ደግሞ ደጋግሞ ያሳየን አንድ ሃቅ ቢኞር፣ የሰውን ልጅ በቋሚነት እንደ ሙክት እያሰባህ፣ እንደ በሬ እያረስክበት፣ ጉልበቱ ሲደክም እያረድክ እየሰለቀጥከው፣ የሚያመነዥከውን እየጣልክለት የሁልጊዜ ተበዪህ፣ የሁልጊዜ ታራጅህ፣ የማይናገር የማይጋገር የዘለዓለም ተጋላቢ ባሪያህ አድርገህ ልታኖረው በፍፁም እንደማትችል ነው።

ምክንያቱም የሰው ልጅ የሰው ልጅ ነው። ከብት አይደለም። ይለያል። ተስፋ ያለው ሰው የነገ ተስፋውን ለማቆየት ይታገላል።

ተስፋ የቆረጠ ሰው ደሞ ጭራሽ ከተስፈኛውም በላይ ይብስበታል። ሁሉን ነገሩን ለመሰዋት ዓይኑን አያሽም። የሚያጣው ነገር የለም። ቀን ብቻ መቁጠር ነው ህይወት ለእሱ። ይህን ሰው በምንም ልታስፈራራው አትችልም። ማንኛውንም ነገሩን ትቶ ይፋለምሃል ተስፋ የቆረጠ ሰው።

በናዚ የሞት ካምፕ ውስጥ ኖሮ የሰውን ልጅ በምንም የማይሰበር ቅስምና የሰውነትን ወኔ ያየው ቪክቶር ፍራንክል፣ Man's Search for Meaning በሚለው ከሞት ካምፕ በወጣ ባመቱ በፃፈው መፅሐፉ ላይ፣ የሰውን አጠቃላይ ፍጥረት ሲገልፀው እንዲህ ይለዋል፦

"It is a peculiarity of man that he can only live by looking to the future - sub specie aeternitatis."

የሰው ልጅ ማለት - ያለበት መከራ ሳይበግረው፣ ከመከራው ባሻገር ያለውን የወደፊቱን ጊዜ እያሰበ ካልሆነ በስተቀር መኖር የማይችል፣ ፅኑ መንፈሱ ከእንስሳት ሁሉ የተለየ ብቸኛው የምድሪቱ ፍጡር ነው!" ብሎ ነው የሚገልፀው ፍራንክል።

በቋሚነት በቁሙ እንደተገነዘ መኖርን የተቀበለ ሰው፣ ከሰውነት የሚጎድለው ነገር አለ። በቋሚነት መንፈሱ እንዲበድን፣ ቅስሙ እንዲሰበር፣ እንደ ቤት እንስሳት በግጦሹ ተሰማርቶ ወደበረቱ እየገባ፣ እየታገደ፣ እየተፈለጠ እየተቆረጠ ለመኖር የተስማማ ሰው፣ ግለሰብም ሆነ ማኅበረሰብ (ካለ)፣ እርሱ ከሰው ዝርያነት ያነሰ ለእንስሳት የቀረበ ፍጡር መሆን አለበት።

ሰው ከሆነ የፈለገው መከራ ቢወርድበት resilient spiritቱን ሊገድልበት አይችልም። ሰው ያለ ተስፋው ሊኖር አይችልም። ተስፋ ያለው ሰው ህይወቱን የተሻለ ለማድረግ ይፈራገጣል። ተይዞም ይንደፋደፋል። በቁም ተገንዞ ከመኖር፣ ሞቶ ተገንዞ አፈር መግባትን እንደ ትልቅ ግልግልና ዕድለኝነት የተቆጠረውም ለዚህ ነው።

ይህን የመሳሰለውን የኛን ህይወት የሚጠይቁ ነገሮችን ሳያወጡ ሳያወርዱ የሠላም እንቅልፍ ተኝቶ ማደር የሚቻልበት ጊዜ ላይ ዣያለን አይመስለኝም። በተለይ ለእኛ ለኢትዮጵያውያን ይህ ዘመን፣ ይህ ጊዜ በፍፁም ዕረፍት የሚሰጥ ሊሆን አይችልም። ወይ በቁማችን ካልበደንን በስተቀር። እያልኩ አሰላስላለሁ።

እና ደሞ ትርጉም ከሌለው መቆም። ሰብዓዊነት ከራቀው መመላለስ። ከሰውነት ከጎደለ ተራ ሰውነት። ከዝም ብሎ መንገላወድ። ከዝም ብሎ እየበሉ-እየጠጡ-ዝም-የጋን -ወንድም ኑሮ፣ አንዳንድ ትርጉም ያለው መቀመጥ ይሻላል ብዬም አስባለሁ። እንደ ሮዛ ፓርክስ።

ሮዛ ፓርክስ በባርነትና በዘር በተሸነሸነች የአሜሪካኖቹ አስቀያሚ ህይወት ውስጥ እየተመላለሰች፣ ትርጉመቢስ የሆነ ሰብዓዋነት የራቀው ህይወት የታከታት ሰው ነች።

በዚያች ዕለት ምን እንደታያት አላውቅም። ቆማ ተሳፍራ በሠላም ቤቷ መግባትን የመሠለ፣ ሁሉም በባርነት ለመገዛት የተስማማ ማኅበረሰብ ሁሉ የሚያደርገው ነገር እያለላት፣ ለምን አልቆምም እቀመጣለሁ ማለትን መረጠች? አላውቅም። ግን በቃ አንድ ቀን ተቀመጠች። እና አልነሳም አለች። እኖደ ሰው ተቀምጬ ግደሉኝ። ቆማ መገነዝን እምቢ አለች።

በ1955 (በፈረንጆቹ አቆጣጠር) ነው። ልክ በዛሬዋ ዕለት። ዛሬ ዲሴምበር 1 ቀን ላይ፣ ልክ 69 ዓመቱ። ሮዛ ፓርክስ በሞንትጎመሪ፣ አላባማ ውስጥ የተቀመጠችበትን የተሣፋሪ ወንበር ለነጭ መንገደኛ አልለቅም ካለች!

ሮዛ ፓርክስ ህግ አክባሪ ሆና ለመኖር ታግላለች ህይወቷን ሙሉ። ዕድሜ ልኳን ለነጭ ተሳፋሪ እየተነሳች፣ በቁሟ እንደተገነዘች ወደ ቤቷ መግባትና መውጣትን ተለምዳው የኖረች ነች። 42 ዓመቷ ነበር። ግን የዚያን ዕለት መረራት። ባርያ ሆኖ ከመቆም፣ ሰው ሆኖ መቀመጥን መረጠች። እምቢ አለች። ክብሬን ስጡኝ፣ ወይም ግደሉኝ አለች። እምቢ!

እምቢ! እምቢታ! ሰው ከሆንክ ሁሌ ሲጭኑህ ፈረስ፣ ሲረግጡህ መሬት ሆነህ አትኖርም። የጋማ እንስሣ እንኳ ሲመርረው ባለቤቱን ይራገጣል። ሸክሙን ይጥላል። ገመዱን ይበጥሳል። ልጓሙን ይነክሳል። ሰውስ?

ሰው እንደ ሰው ኖሮ፣ እንደ ሰው ይሞታል። አሊያ ደግሞ ሰው መስሎ በቁም ተመላልሶ፣ ሙሉ ሰው ሳይሆን ይሞታል። አሊያ ግን እምቢ ይላል።

የቱንም ያህል ህግ ቢጫንበት፣ የቱንም ያህል ጠብመንጃ ቢወደርበት፣ የቱንም ያህል መከራ ቢጠብቀው፣ የሰው ልጅ ያሁኑን መከራ ብቻ ሳይሆን፣ ከእርሱ አልፎ የሚያገኘውን ነፃነቱን ያስባል። ያያል። ለእርሱ ሲል ነው እምቢታው!

የሮዛ ፓርክስ እምቢታ የሚሊየኖችን እምቢታ ቀሰቀሰ። አሜሪካ የሁሉም ሰዎች ሀገር ሆነች። አሁንም ያ እምቢታ የጠፋባቸው፣ ያንን እምቢታ የረሱም አሉ። ግን ያቺ የአንዲት ሴት እምቢታ፣ ዛሬ አሜሪካኖች የሚኮሩበትን የሰውልጅ ነፃነት አጎናፀፈቻቸው።

በብዙ ጭንቅ የወጣች እምቢ ነች። ብዙ ዋጋ የተከፈለባት እምቢታ ነች። ግን... እምቢ! ትልቅ የሰውነት ቋንቋ መሆኑን አስገንዝባን አለፈች።

እንኳን ለሮዛ ፓርክስ የእምቢታ መታሰቢያ ቀን አደረሰን።

ሰው ሆነህ ቁም። ወይ ሰው ሆነህ ተቀመጥ። አልዓዛር ሆይ፣ እልሃለሁ። ከመግነዝህ ውጣ!

ከእምቢታ ጋር ወደፊት!

ፈጣሪ ኢትዮጵያችንን አብዝቶ ይባርክ።
from Facebook Assaf Hailu

ዳይመንድ ላይ ተኝታ፤ሰላማዊ እንቅልፍ የራቃት ኮንጎ ።

በአለም በድህነት ከሚታወቁ ሃገራት ሶስተኛዋ ዲሞክራቲክ ኮንጎ ናት የሚገርመው ... በአለም በከፍተኛ ደረጃ አልማዝ ከሚያመርቱ ሃገራትም ሶስተኛዋ ዲሞክራቲክ ኮንጎ ናት
...........

ነዳጅ አላት ፡ በዱባይ ጌጣጌጥ መሸጫ ሱቆች ተደርድረው የሚታዩት የወርቅ ጌጣጌጦች በአብዛኛው የሚሄዱት ከዲሞክራቲክ ኮንጎ ሲሆን በአለም ከሚታወቁ ወርቅ አምራች ሃገራት መሃከልም አንዷ ነች ።

ዛሬ ፡ በኒውዮርክ ፡ ፓሪስ ፡ ለንደን እና ቶኪዮ በሚገኙ ትላልቅ የዳይመንድ መሸጫ ሱቆች ላይ ሚሊየን ዶላሮች የሚጠራባቸው የአልማዝ ጌጣጌጦች .. ተዝቀው የሚወሰዱት. . ከዚች ካልታደለች ደሃ ሃገር ነው ።እንደውም በአለም ላይ በአልማዝ ክምችታቸው ዲሞክራቲክ ኮንጎን የሚበልጡት ሩሲያና ቦትስዋና ብቻ ናቸው ።

ይሄ ብቻ አይደለም ፡ በአለም ደረጃ ለሚመረቱ ለአውሮፕላን ፡ ለመኪና ለሴራሚክስና ለኤሌትሪክ እቃዎች መስሪያ የሚያገለግለው 60% የኮባልት ምርት የሚሄደው ከዚችው ሃገር ነው ።
ከላይ ያወራነው በመመረት ላይ ያለ ማእድኗን ነው ፡ ግን ይህ ብቻ አይደለም. ......
ዲሞክራቲክ ኮንጎ. . ገና ያልተነካ ከ 23 ትሪሊዮን ዶላር በላይ የሚሆን ማእድን ያላትም ሃገር ነች ። በሌላ በኩል ደግሞ በዚህ አመት ብቻ 26 ሚሊዮን ህዝቦቿ ለምግብ ዋስትና ችግር ተጋልጠዋል ። 3.4 ሚሊዮን ህጻናት ደግሞ ለከፋ የተመጣጠነ ምግብ እጥረት በመዳረጋቸው የምእራባውያንን እርዳታ ይሻሉ ።

..........

ፈጣሪ በአልማዝና በወርቅ ቀላቅሎ በሰራው በዚች ሃገር ምድር ከሚኖሩ ዜጎቿ መሃል ንፁህ የመጠጥ ውሃ የሚያገኙት ግማሽ ያህሉ ብቻ ናቸው ። ምድሯ በጣም በማእድን ከመበልፀጉ የተነሳ አንድ ሰው በባዶ እጁ ቆፍሮ ማእድን ማውጣት ይችላል የሚባልባት ኮንጎ ፡ ወደ መዋእለ ህጻናት ሄደው የሚማሩት ህጻናት አንድ ፐርሰንቱ ብቻ ናቸው ፡ ለአለም የሚበቃ ሃብት ይዛ መቶ ሚሊየን የማይሞሉ ህዝቦቿን ማኖር ባቃታት ዲሞክራቲክ ኮንጎ ፡ ውስጥ እየተንቀሳቀሱ ሰላሟን የሚነሷት ከአንድ መቶ ሃያ በላይ የሚሆኑ ፡ ታጣቂ ቡድኖች ግን በችግር ምክንያት አንድም ቀን የሚተኩሱት ጥይት አጥተው አያውቁም ።
.............
በአለም በወባ በሽታ በሚሞቱ ዜጎች ቁጥር ዲሞክራቲክ ኮንጎ ሁለተኛውን ደረጃ ይዛለች ፡ በዚህም ከአምስት አመት በታች የሆኑ 19 በመቶ ህጻናት በየአመቱ ለሞት ይዳረጋሉ ፡ የኮንጎ ህዝብ የሚበላና የሚጠጣ ብቻ አይደለም ችግሩ ፡ የጤና ጉዳይም ብቻ አይደለም ፡ በነጻ የሚገኝ ሰላሙን እንኳን አጥቷል ። መሬቷ ላይ ወርቅ ቢታጣ አልማዝ በሞላበት በዚች ምድር ፡ በየቦታው የሚንቀሳቀሱት ከ 120 በላይ ታጣቂ ሀይሎች ማእድኑን እያወጡ ፡ከሀያላኑ ሀገራት መሳሪያ ይገዙበታል ።
.............

እነሱም እሳቱ እንዲቀጣጠል ሰርጎገብ እስከመላክ በሚደርስ ጣልቃ ገብነት ይሳተፋሉ ። ከአመት አመት ለውጥ የለም ፡ አልማዙ ይወጣል ፡ ወርቁ ይሸጣል ፡ ማእድናቶቿ እንደጉድ ይጋዛሉ ፡ በምትኩ መሳሪያ ይጫንላቸዋል ። ስንዴ በርዳታ ይላካል ።
አፍሪካ ፡ ከእርስ በርስ ጦርነት ወጥታ በሰላም መኖር እስካልጀመረችና ፡ ህዝቧ እስካልነቃ ድረስ ፡ ወደፊትም ፡ በአውሮፓውያን ሲዘረፍና ቅኝ ሲገዛ ይኖራል ።

ይህች በምስሉ ላይ የምናያትም የዲሞክራቲክ ኯንጎ ቦክሰኛ ናት ። እና ከጥቂት ጊዜያቶች በፊት በተጠናቀቀው የፓሪሱ ኦሎምፒክ ላይ በተካፈለችበት ወቅት ፡ በዚህ በሚያሳዝን ሁኔታ ፡ የቦክስ መድረክ ላይ ሆና ፡ አለም የኮንጎ ሁኔታ ላይ ዝምታን መምረጡ እንዳሳዘናት በምልክት በመግለፅ በሀገሯ ሰላም እንዲሰፍን በቻሉት ሁሉ እንዲያግዟቸው ጠይቃ ነበር ።
Via- Wasihun Tesfaye

የተወጋ ትዳር!
(አሌክስ አብርሃም)

በነገራችን ላይ ቆንጆ ሴት ስላገቡ ቆንጆ ልጆች መውለድ እንደሚችሉ የሚያስቡ ወንዶች አሉ። ስለዚህ ለትዳር ቆንጆ ሴት ያሳድዳሉ። በሰው ምርጫ መግባት አልፈልግም። ግን የአንድ ጓደኛየን ተሞክሮ ማካፈል እፈልጋለሁ። ለነገሩ የሱም ተሞክሮ ለህይወታችን ምንም አይጨምርም እንተወው። ዋናው ነገር ግን ልጆች ሲወለዱ ሜካፕ፣ሂውማን ሄር ፣የተወጋ ከንፈር፣ በሰርጀሪም ይሁን በኤክሰርሳይስ የተስተካከለ የሰውነት ቅርፅና  የተጠና አማላይነት ከእናታቸው አይወርሱም። በኋላ የኔ አይደሉም እንዳትሉ!

በዘር የሚተላለፉ የጤና ችግሮች፣ ደከም ያለ አዕምሮ፣ ባህሪ  ወዘተ ግን ሊወርሱ ይችላሉ። እና ስትጋቡ ከፍቅር አልፋችሁ "ስለምርጥ ዘር" እስከማሰብ የደረሰ የከብት እርባታ መንፈስ ካደረባችሁ ቢያንስ ለትውልዱ ስትሉ ጤናና ባህሪ ላይ ላይ አተኩሩ።

ሴቶችም እንደዛው "ከሚያምር ረዢም ወንድ የሚያምር ልጅ " የሚል መፎክር ውስጣችሁ ካደረ ፣ የምትመርጡት  ለምርጥ ዘር የሚሆን ኮርማ እንጅ ባል አይደለም። መለሎው ኮርማ የቅድም አያቱን ስንዝሮ ቁመትና መጋፊያ እግር ለልጃችሁ ሊያወርስ ይችላል። ሆስፒታል አቀያይረውብኝ መሆን አለበት እስክትሉ የጀነቲክስ አልጎሪዝም እብድ ነው። የሆነ ሁኖ መሠረቱ ከተወጋ ትዳር ቆንጆ የምትሉትም ይወለድ መልከ ጥፉ ዋጋው ውድ ነው። ከምታፈቅሯቸው ውለዱ ፣ ከፍቅር የተወለዱ መልአክ ናቸው። ልጆች ምንጊዜም ውብ ናቸው። አስቀያሚ የሚያደርጓቸው አስቀያሚ ሒሳብ የሚሰሩ ወላጆች ፣ የእነዚህ ወላጆች ስብስብ የፈጠረው ማህበረሰብ ነው። የተወጋ ትዳር የተወጋ ማህበረሰብ ይፈጥራል።

ከአልፎጂያጁ ማስታወሻ የተቀነጨበ

(በእውቀቱ ስዩም)

ከብዙ መጠፋፋት በሁዋላ ፥ በቀደምለት  ከምኡዝ ጋራ ተገናኘን፤ ኑሮ እና እድሜ ለውጦታል፤ ተጫዋች የነበረው ሰውየ  ተነጫናጭ እና ተናዳፊ ሆኖ ቆየኝ::

አሳዘነኝ!

ገና እንደተገናኘን “ እንዴት ነው  አልዘነጥሁም?” አልሁት በወፍራሙ ፈገግ ብየ ::
“ላለፉት አስራ አምስት  አመታት አንድ የቆዳ ጃኬት ለብሰህ ነው የማውቅህ ፥ከቻልክ ቀይረው ካልቻልክ አስቀልመው “ ብሎ ለከፈኝ፤

የእግር ጉዞ ጋበዝኩትና ፒያሳ ስንደርስ  አስፋልቱ ዳር ድንክየ የመንገድ መብራት ተተክላ ተመለከትን :
:  
“ ይቺ ደግሞ ምንድናት?” ስለው ፥

“ የአብሪ ትል መታሰቢያ ሀውልት መሆን አለባት “ ሲል መለሰልኝ፤
 
ትንሽ እንደ ሄድን እኔ በአዲሱ የእግረኛ መንገድ ዳር የለመለመውን ሳር እያየሁ ማድነቅ ጀመርሁ ፤” አሁን ደሞ በሳሩ ላይ የወተት ላም ቢያስማሩበት ጥሩ ነው፤  “ አለ ምኡዝ ::

“ ሰው በእንጀራ ብቻ አይኖርም፤ ድሀ የአካባቢ ውበት አይወደለትም ያለህ ማንነው “ ብየ ሞገትኩት፤

እጁን በንቀት አወናጨፈና “   ለነገሩ አንተ የዘወትር  ጎመን ተመጋቢ ስለሆነህ ሳር ግጣችሁ እደሩ ቢባል ሽግግሩ ብዙ  የሚከብድህ አይመስለኝም”
 
አራት ኪሎ በስላሴ ትዩዩ ባለው መንገድ ስንደርስ ምኡዝ አንዲት አልፎሂያጅ ሴት አስቆሞ ጀነጀነ፤ “አላማ “አለኝ ብላ ፊትም ደረትም ነሳችው፤ “ከአራት የመሬት መንቀጥቀጥ እና ከሁለት የእርስበርስ ጦርነት ለጥቂት ተርፈሽ ስለ ምን አላማ ነው የምታውሪው? “ሲላት ጥላው ሄደች፤

በመልስ ጉዞአችን ላይ ከቀበና ድልድይ ስር በሚገኘው ፓርክ ውስጥ  ወጣት  ፍቅረኛሞች ትከሻ ለትከሻ ተደጋግፈው  ሲያጠኑ ተመለከትን፤  ምኡዝ  የድልድዩን አግዳሚ ተደግፎ ቁልቁል እያያቸው ” ይሄንን መናፈሻ “መፈሳፈሻ “አደረጋችሁት አይደል?” ብሎ ቆሊያቸውን ገፈፈው፤

ሰፈር ስንደርስ ፥ምግብ ቤት ገብተን ምሳ አዘዝን፡ ፡
ከፊትለፊታችን አንድ የማውቀው የሰፈራችን ልጅ ቁጭ ብሎ ሻይ ይጠጣል፤
ሲያፈጥብን “እንብላ “ ብየ ጋበዝኩት::
ልጁ ብዙ ሳይግደረደር ወንበር ስቦ  ማእዱ ላይ ተጣደ፤

እኔና ምኡዝ እየበላን  በአፍሪካ ቀንድ ዙርያ ይከሰታል ስለተባለው የመሬት መንሰንጠቅ  መወያየት  ጀመርን ::
ተጋባዡ  የጥያን ደንጋይ የሚያክል  ጉርሻ የዳጠውን ጉሮሮውን እህህ ብሎ ካጸዳ በሁዋላ፤

“ የመሬት መሰንጠቁ የሚከሰት ከሆነ፥ ኢትዮጵያ የባህር በር ብቻ ሳይሆን የባህር መስኮት ይኖራታል” አለ፤

ይኸኔ ምኡዝ በንዴት ፤-

“እጅህን የሰነዘርከው አንሶህ ሀሳብ ትሰነዝር ጀመር ! ተነስ!”

ከ150 አመት በኋላ ዛሬ በህይወት ካለነው ሰዎች አንዳችንም በህይወት አንገኝም።

ዛሬ ላይ ከምንታገልላቸው ነገሮች 70 በመቶ የሚሆኑት ከ150 አመት በኋላ አንዳቸውም ለምልክት እንኳ አይገኙም፡፡ ፈጽመው ይጠፋሉ ይረሳሉ፡፡

እስኪ ወደ ኋላ 150 አመት እንሂድ፡፡ ወቅቱ 1872 ገደማ ነው የሚሆነው፡፡ ያኔ የሰው ልጅ እንደ እቃ በአደባባይ ተደርድሮ የሚሸጥበት ወቅት ነበር፡፡

በወቅቱ ብርቅ የነበረውን የፊት መስታወት ለማግኘት ሲሉ የገዛ ዘመዶቻቸውን የሸጡ ሰዎች ዛሬ የታሉ?

መስታወትንስ ዛሬ ላይ እንደ ሀብት የሚያስበው ማን ነው?

ማንም ጨው ወይም ጌጥ ወይም ሌላ ነገር ለማግኘት ሲሉ የተሻሻጡ ብዙ ሰዎች ነበሩ፡፡

ዛሬ ላይ እነዚያ ሰዎች የሞቱላቸው የገደሉላቸው የተካካዱባቸው የተሻሻጡላቸው አብዛኞቹ ነገሮች ይህ ነው የሚባል የረባ ዋጋ ያላቸው አይደሉም፡፡

በጊዜው ግን ለሰው ልጅ የሞትና የህይወት ልዩነት ነበሩ፡፡

የሰው ልጅ በየጊዜው የሚታገልላቸው አብዛኞቹ ነገሮች ዛሬ ላይ ዞር ተብለው ሲታዩ በጣም የሚያስቁ ናቸው፡፡

አሁን አሁን ላይ ዘመኑ የኢንተርኔት በመሆኑ ኢንተርኔት ትዝታችንን ያስቀምጥልናል ብለን እናስብ ይሆናል፡፡ግን ይህም አስተማማኝ አይደለም።

#ማጠቃለያው
ህይወትን ቀለል አርገህ ኑር፡፡ ምንም ሆነ ምንም ዘላለም የሚኖር የለም፥ ከዚህች ምድር በህይወት የሚወጣ ሰውም የለም፡፡

ዛሬ ልትሞትለት እና ልትገድልለት የተዘጋጀኸው መሬት ከዚህ ቀደምም ብዙዎች ተጋድለውለት ሞተው ጭራሽ እንዳልነበሩ ሁሉ ተረስተዋል፡፡

ከ150 አመታት በኋላ ዛሬ አንተ እንደ ትልቅ ሀብት የምታያቸው አብዛኞቹ ነገሮች ምንም ፋይዳ የሌላቸው ተራ ቁሶች ይሆናሉ፡፡

እና ምን ለማለት ነው ፥ ፍቅር ይግዛን ፥ መጠላለፍ ከጀርባ መወጋጋት መቀናናት መፎካከር ይቅርብን፡፡ ህይወት ከማንም ጋር የምታደርገው ፉክክር አይደለችም፡፡

ቀደምንም ዘገየንም መጨረሻችን መቃብር ነው፡፡

የአነቃቂ ንግግር ዲስኩር አቅራቢ እንዲህ ሲል ለተሰበሰበው ህዝብ ንግግር አደረገ፣

"የህይወቴ ምርጥ ጊዜያት ከሌላ ሰው ሚስት ጋር ያሳለፍኳቸው ጊዜዎች ናቸው"

ይህንን ሲናገር ህዝቡ በድንጋጤ  ክው አለ። ተናጋሪው የህዝቡን ስሜት ከተረዳ በኋላ እንዲህ ሲል ጨመረበት ፣

"ያቺ ሴት እናቴ ናት! " ብሎ ሲናገር ህዝቡ በፉጨትና በጭብጨባ አቀለጠው።

ይህንን ንግግር ያዳመጠው ሌላው ሰው ቤቱ ሄዶ ሊሞክረው ፈለገና ራት ላይ ለሚስቱ "የህይወቴ ምርጥ ጊዜያት ከሌላ ሰው ሚስት ጋር ያሳለፍኳቸው ጊዜዎች ናቸው...." ብሎ ቀጣዩን ሃሳብ ከመናገሩ በፊት ሚስቱ በያዘችው የጋለ መጥበሻ አናቱን ብላው አሁን ሆስፒታል ይገኛል።

ባሻዬ!

1.የአንዳንድ አነቃቂዎችን ንግግር እንደ አደገኛ ጨዋታ በቤት ውስጥ አትሞክረው፣

2. copy ያደረግኸውን ንግግር በአግባቡ paste ካላደረከው አደጋው የከፋ ነው።

በአጭሩ Don't copy if you cannot paste.
@snetsehuf

ገላጣ
(በእውቀቱ ስዩም)

ዛሬ  የተከበረውን የዓለም አቀፍ ራሰ በራዎች ቀን ሳልዘክር ወደ ምኝታየ ብሄድ የሶቅራጥስ አጽም ይወጋኛል፤

ሊቁ አለቃ ኪዳነ ወልድ ክፍሌ  “በራሕ”የሚለውን ቃል ሲተረጉሙት-“ በራ፥ መላጣ፥ ራሰ ገላጣ፥ ከቦታው የታጣ፥ የራሱ ቁርበት፥ ሳንባና ጉበት የሚመስል “ ይላሉ (መጽሀፈ ስዋሰው ወግስ ፥ ገጽ 287፤ በትርጉሙ  ውስጥ ያሉትን አሉታዊ  ቃላት ብዛት ለተመለከተ  አለቃ ባለ ሙሉ ጠጉር እንደሆኑ መገመት አያቅተውም፤

አለቃ “ራሰ ገላጣ “  ቢሆኑ ኖሮ “ራሰ በራ ” የሚለውን  ሲተረጉሙ “ራሱ የበራለት፤ ታጥቦ የተወለወለ የንጉስ ብርሌ የመሰለ፥  መላጣ፥ ከፎረፎርና  ከቅማል ስጋት ነጻ የወጣ “ብለው ሊተረጉሙት ይችሉ ነበር፤

በታሪካችን ትልልቅ ራሰ በራ ተጽእኖ ፈጣሪዎች ነበሩ፤  ከጌቶች መካከል ብንጠቅስ፥ ራስ ስኡል ሚካኤል፥ አጤ ምኒልክ፥ ራስ ዳርጌ፥  መለስ ዜናዊ፥ ከደራሲ ፥ሀዲስ አለማየሁ፥ ጃርሶ ኪሩቤል ሞትባይኖር፥ መንግስቱ ለማ፥ ሊጠቀሱ ይችላሉ፤  ( ሎሬት ጸጋየ ገብረመድህን ራሰ በራ ነው ወይስ የተሸጋሸገ ጎፈሬ ነው የሚለው በታሪክ ሲያከራክር ይኖራል )

“ለኔ እየሰጠችኝ ደረቁን እንጀራ
እስዋ በነካካው በራሰው ልትበላ"

የሚለውን ጥንታዊ ውስጠ ወይራ  ዘፈን መናሻ አድርገን ብንናገር ፥ ሴቶች ከሚያበጥር ይልቅ የሚወለውል ወንድ የበለጠ እንደሚማርካቸው መረዳት አያቅትም፤

ስለ ጸጉር ጨዋታ በተነሳ ቁጥር ፈገግ የምታሰኝኝ ድምጻዊ  አብነት አጎናፍር የተናገራት ናት፤ አብነት እንዲህ አለ፤

“   ከጥቂት ጊዜ በፊት  ጸጉር ላስተክል ቱርክ ሄጄ ፤ ጸጉር የሚተከለው ሰውየ መላጣ መሆኑን ሳይ ትቸው ተመለስኩ"🙂
@snetsehuf

https://t.me/major/start?startapp=392137374

👑 Join me in @Major game and earn $MAJOR token soon!
⭐️ 750 rating bonus for you.
⭐️ 1000 rating bonus if you are Premium.






አሁን ላይ ካሉት ኤርድሮፖች ውስጥ በጣም አሪፍ የሚባለው ነው ያልጀመራችሁ ቶሎ ጀምሩ https://t.me/major/start?startapp=392137374

ማን ያውቃል
(በእውቀቱ ስዩም)

የመስቀል ወፍና የአደይ አበባ
ቀጠሮ እንዳላቸው መስከረም ሲጠባ
ማን ያውቃል?

(ገጣሚ መንግስቱ ለማ)

ከሁሉ አስቀድሜ፥  እጅግ የሚያምር የበአል ስርአትን ለፈጠሩልን ካህናት አባቶች እና እናቶች ምስጋና አደርሳለሁ፤ ላይን ውብ የሆነውን አበባ፥ ለጆሮ የሚጥመውን  ማህሌት፤ ለአፍንጫ ጣፋጭ የሆነውን እጣን እና የሚያውድ ሳር ሁሉ  አግኝተን  የምናጣጥመው በበአል ነው፤
 
ይገርማል!

“የማይታረድበት አመትባል  እና  ጋቢ የማይለብስ ባል ግርማ ሞገስ የላቸውም  “ ይል ነበር ጋሽ አሽኔ፥ የሰፈራችን ሸማኔ  -፥የጋቢው ምርት የጠበቀውን ያክል አልሄድለት ሲል፤

  ለዚያ ነው ትናንት እንዃን  አደረሳችሁ ከማለት የተቆጠብኩት፤ በውነት ትናንትና  ' እንኳን ተቃረባችሁ እንጂ እንኳን አደረሳችሁ” ለማለት የማይቻልበት ሁኔታ ላይ ነበርን፤

በዚህ አገር ታሪክ  ውስጥ፥ ከተመዘገቡት ማሰቃያ ስልቶች አስከፊው   “ወፌ  ይላ” መገረፍ ይመስለኝ ነበር፤   ከፊትለፊትህ ባለው ቴሌቪዥን  የአውዳመት  የሙዚቃ ቪድዮ ውስጥ ፥ አጋም የመሰለ ያዶሮ ወጥ በትልቅ ሰታቴ ውስጥ  ሰንተከተክ እያየህ  በጦም ፍርፍር ማሳለፍን  የመሰለ  ስቃይ የለም፤ ለማንኛውም፥ በቀጣይም  እንዲህ ያለ ሁኔታ ሊደገም ስለሚችል እነ ደመረ ለገሰ፥ የአመት በአል የሙዚቃ ቪድዮ ስትሰሩ ፥ የሱፍ ፍትፍተና ስንግ ቃርያን ማካተትን አትርሱ፤

ዘልዛይመር ያልያዛችሁ የኔ ዘመነኞች እንደምታስታውሱት፥ ልጆች እያለን በእንቁጣጣሽ መባቻ፥ የአበባ ስእል  ቤት ከቤት እያዞርን ፍራንካ እንሰበስብ ነበር፤ እኔ ከፍተኛ የስእል ፍላጎት ቢኖረኝም፥ አበባ መሳል ብዙ አይሳካልኝም፤ የሰፈራችን አባዎራዎች የዘረጋሁላቸውን ወረቀት  ይቀበሉና ፥የመርዶ ደብዳቤ የሚያነቡ ይመስል ፊታቸውን  ዝፍዝፍ አድርገው ይገረምሙኛል፤  ሽልንግ  ይሰጠኛል ብየ ስጠብቅ “  አሁን ይሄ አበባ ነው አሜባ ?” የሚል ዘግናኝ ሂስ የሚሰጠኝም አይጠፋም ፤  አጋነንከው በሉኝና፥የኛ ሰፈር ወላጆች ልጆቻቸውን "አበባ" ብለው  መሰየም  ያቆሙት  የኔን ስእል ካዩ በሁዋላ ይመስለኛል፤

  በተቃራኒው ደስታ የሚባል ጉዋደኛ ነበረኝ፤ ደስታ የንቁጣጣሽ ስእል ሰሎ ቤት ለቤት ሲያዞር እናቶች ተቀብለው ፥ስእሉን አይተው ያንን የጥይት ማስቀመጫ ሳንዱቅ የሚያክል ግንባሩን ስመው ፤ ብር ይሰጡትና ስአሉን በፍሬም አድርገው ከዋናው በር ፊትለፊት ባለው ግድግዳ ላይ ይሰቅሉታል፤ “ስታድግ አፈወርቅ ተክሌን የምትተካ ሰአሊ ይወጣኻል” የማይለው ሰው  አልነበረም፤ 
በቅርብ የሆነ ጊዜ ሳገኘው የዲሽ ጥገና  ባለሙያ ሆኖ አገኘሁት፤

የልጅነታችንን አስንተን ሰናወጋ በትካዜ እንዲህ አለ፤

“ የስእል ችሎታየ የሆነ ጊዜ ላይ  ጥሎኝ ቢጠፋም፥ ከቤት ወደ ቤት የሚያዞረኝ አባዜ ግን አብሮኝ ቀጥሏል☹"

“የመስቀል ወፍና ትልቅ ዲፎ ዳቦ
የበአል ቀንና  ማንአልሞሽ ዲቦ
ቀጠሮ እንዳላቸው ማን ያውቃል?

( ገጣሚ፥ መንግስቱ ሀይለማርያም)

መልካም አውዳመት ፤  በጎ ዘመን ይሁንላችሁ!
@snetsehuf

https://youtu.be/oEIWfiQQfdY?si=QlrQzZIWwAo6cBIQ

https://youtu.be/cCR2yZw1lO0?si=DGRxr2PhA0Z_gT5d

https://youtu.be/X6nkwY9G-YY

https://youtu.be/08Bqpv58hQg?si=b6pWrjFqD6JlLjS1

t.me/empirebot/game?startapp=hero392137374

https://t.me/major/start?startapp=392137374

👑 Join me in @Major game and earn $MAJOR token soon!
⭐️ 750 rating bonus for you.
⭐️ 1000 rating bonus if you are Premium.

https://youtu.be/EVXqITNqrPQ

ቀጣዩ CATS ነው ቶሎ ጀምሩት Dogs አይታቹሃል 3 ሳምንት ነው የቆየው ይሄም እንዳያመልጣችሁ

ይህ Bot ቴሌግራም መጠቀም ከጀመርንበት ቀን አንስቶ ያለውን ጊዜ በማስላት 🐈 Cats Token እየተሰጠ ይገኛል ይህንን Bot Start
CATS ለመጨመር ሰዎችን  INVITE አድርጉ

t.me/catsgang_bot/join?startapp=01J2Pp8Qbp5peEDVpky27
Meow, lets see who is OG 😼

https://youtu.be/5zvS_c5enKs?si=pkShPo9JQrJX_o5p

ተንታኝ

(በእውቀቱ ስዩም)

ቅድም የሆነ ምግብ ቤት ቁጭ ብየ ፤ ከፊቴ በተንጣለለው ቲቪ ማራቶን ስመለከት  ከጎኔ የተቀመጠ ተመጋቢ  ያጉተመትማል፤

“ይረባሉ ብለህ ነው?” አለኝ፤

“ያቅማቸውን እየሞከሩ ነው “ አልኩት፤

“ ለሜሳ የተባለው ባለፈው መሰናክል ላይ ወድቆ ሆስፒታል መግባቱን ሰምተሀል መቼም”

“ የወደቀውኮ ወድዶ አይደለም፤ አደናቅፎት ነው፤ በነገራችን ላይ ስሙ ለሜሳ ሳይሆን ለሜቻ ነው”አልሁት ፤

“ ከተሸነፈ በሁዋላ እንኩዋን ስሙን ዜግነቱንና ጾታውን  አሳስቼ ብጠራው መብቴ ነው’ አለ ሰውየው

አስከትሎ እንዲህ አለ፤ ”   እንደ ነገርኩህ  መውደቁ አይደለም ችግሩ፤  እንዴት በወሳንሳ ሆስፒታል ይገባል?  መሰናክሉ ቢያደናቅፈው መሰናክሉን  እንክትክት አርጎ እንክትካቹን  ከእግሩ ላይ እንደ አቧራ አራግፎ  መሮጥ ነበረበት ፤  የኛ አትሌቶች ፍጥነት እንጂ ጉልበት የላቸውም፤ ጡንቻማ ላመል አታገኝባቸውም ፤ የጀመይካ    ያጭር ርቀት ሯጮችን  ተመልከት ፤ እግራቸው ያንጋፋ ዝግባ ግንድ ነው የሚያክለው፤ ደረታቸው ከደራርቱ ቱሉ አደባባይ ይሰፋል፤   የክንዳቸውን ፈርጣማነት  ስትመለከት  በትርፍ  ጊዜያቸው ቦክስና ነጻ ትግል እንደሚወዳደሩ ትገምታለህ፤  በሲኖትራክ  ብትገጫቸው ራሱ አይወድቁም፤ ቢወድቁ እንኳ  የወደቁበት መሬት  ይጠረመሳል፤”

“ህም “ አልሁና ወደ ማራቶኑ ማፍጠጤን ቀጠልሁ፤

ሰውየው ቀጥሏል፤
 
“ የኛ አትሌቶች ገንቢ ምግብ መመገብ  አለባቸው፤  ሩጫ በድርቆሽ ፍርፍርና በበሶ   የሚዘለቅ አይደለም፤ ፍሪምባና ሻኛ እየበሉ  ክብደት ማንሳት አለባቸው፤ ይልቁንም ውድድሩ  ቢያንስ ሀለት ወር ሲቀረው ከወሲብ መታቀብ አለባቸው፤ ከሚስታቸው ጋራ ከተኙ  እንኩዋ ካንድ ዙር በላይ እንዳይሄዱ ክትትል ሊደረግባቸው ይገባል፤”

ታምራት ቶላ አንደኛ  ሲወጣ የምግብ ቤቱ ተስተናጋጆችና አስተናጋጆች ቆመን ማጨብጨብ ጀመርን፤  ሰውየው ከተቀመጠበት ሆኖ መዳፎቹን በዝግታ  ማማታት ጀመረ፤

“ተነስተህ አታጨበጭብም?” ስለው፤

“ ይቅርታ፥ ዲስክ ላይ ችግር ስላለ፤ መቀመጡን እመርጣለሁ”
@snetsehuf

https://youtu.be/OgYi-52Kzrc?si=yYuJArTUEaaXl7IQ

ታጋይና ትግል
(በእውቀቱ ስዩም)
እኔ እምለው፤   እግረኛ መቅጣት የከተማይቱ ዋነኛ የገቢ ምንጭ ሆኖ ቀረ ማለት ነው?    በቀደም እዚህ ቀበና  መንገድ  ዳር ካለው አግዳሚ ወንበር  ላይ ተቀምጨ እናፈሳለሁ፤  ባቅራቢያየ የቆመ ደንብ አስከባሪ፥  ተነስቼ የሆነ ስህተት እስክፈጽም ድረስ በጉጉት ሲጠብቀኝ ቆየ፤ በመጨረሻ ሰበብ ቢያጣ  " የሳይክል ነጂዎች ወንበር ላይ ተቀምጠሀል" ብሎ መቶ አምሳ ብር  ቀጣኝ🙂
 
በነገራችን ቅዳሜ፥ ከፖለቲካ ውጭ የሆነ ቀን ሆኖ መከበር ይኖርበታል፤ በቅዳሜ ቀን ስለፍቅር ስለ ኪነጥበብ ስለ ፍልስፍና ስለ ተፈጥሮ ብቻ እየቀደድን እንድንውል የሚያዝ ህግ መውጣት አለበት፤

ይህን ስል አንድ የማውቀው ሰውየ ትዝ አለኝ ፤ ሰውየው የ "ያ ትውልድ አባል “ ነው፤ ለነገሩ እኔ ራሴ ለካ  ሳላስበው “ያ ትውልድ”  ሆኛለሁ ፤ ለመግባባት እንዲመቸን ይሄንን ሰውየው “  የቀድሞው -ያ ትውልድ አባል ነው፤ የመሰረተ ትምርት ዘመቻ ላይ ተሳትፏል ፤ ጎህ መጽሄት ላይ ደርግን በመቃወም  ጽፏል፤  በመጨረሻ በሱዳን በኩል ወጥቶ ብዙ አመት ሰው በላው ካፒታሊዝምን እያገለገለ  ኑሮዋል፤ እና አሁን በቅርቡ ወደ አገሩ ገብቶ አንዲት ወጣት ሴት  አግብቶ መኖር ጀምሯል ፤ 

ሚስትዮዋ ብዙ ነገሩ ቢመቻትም  ወሬው ያሰለቻታል፤ ከሚያወራው ዘጠና በመቶው ፖለቲካ ነው ፤”  እስቲ ዛሬ እንኳ  ስለ ፍቅር ብቻ እናውራ “ ስትለው “ እሺ  ይቅርታ “ ብሎ  ብዙ ሳይቆይ ወደ ትንታኔ እና ወደ መፈክር ይመርሻል፤

ሴትዮዋ  ምርር ሲላት ዘዴ ፈጠረች፤  ፖለቲካ  ማውራት ሊጀምር  ቶሎ ብላ ትስመዋለች፤ ወይ ትዳራዋለች፤

   ከሌሊቶች ባንዱ ሌሊት  ለመተቃቀፍ ሲሞክሩ የሆነ ነገር ተከሰተ!  የሰውየው መራቢያ አካል  እንደ ብር የመግዛት አቅም ተዳከመበት! ይሁን እንጂ “  እንዲህ አይነት ነገር ፥ያጋጥማል “ ብሎ አቅፏት፤ ስሟት  በመተኛት ፋንታ ፥ ሰውነቷ ላይ ተንበልብሎ    ይወራጭ ጀመረ ፤

መጨረሻ ላይ ቢቸግራት ፥
 
“ አልሆነልህምኮ፤ ለምን አርፈህ አትተኛም?”

ስትለው ፥ የመለሰው መልስ ያስተክዘኛል፤

“ዝምበይ !  ታጋይ ይሞታል እንጂ ትግል አይሞትም”
@snetsehuf

ልውውጥ
(በእውቀቱ ስዩም)

በመጀመርያ እጅግ  ቸር እና ታታሪ ለሆነው የጎፋ ህዝብ መጽናናትን ከልቤ  እመኛለሁ፤ ሀዘኑን ያቅልላችሁ ወገኖቼ!


  ስሙኝማ !  ትናንትና “ እንኳን ደስ ያላችሁ “ ብሎ የሚጀምር የኢኮኖሚ ሀተታ ሲዘዋወር  አየሁ፤  በአለቃ ተከለወልድ መዝገበቃላት እገዛ ልረዳው ብሞከርም ምንም ሊዘልቀኝ አልቻለም፤  ያም ሆኖ፥ የአማርኛው አለቅጥ መወሳሰብ የሆነ ከበድ ያለ ነገር እየመጣ እንደሆነ  መገመት ችያለሁ፤

ትዝ ይለኛል፤  የሆነ ጊዜ አንድ መስራያ ቤት ውስጥ ተቀጥሬ  ለሰባት ወራት ሰርቼ   ተባረርሁ፤  አለቃየ ቢሮው ጠርቶ “ ከዛሬ ጀምሮ ተባርረሀል  “ አላለኝም፤  በፈገግታ “ ከዛሬ ጀምሮ  ወደ መስርያቤታችንን በመመመላለስ   እንዳትደከም ባብላጫ ድምጽ  ተወስኗል” ነበር  ያለኝ ፤ እኔም ተጨንቆና ተጠቦ በአክብሮት ስላባረረኝ ደስ ብሎኝ ራሴን የመግደል ውሳኔየን ለመጭው አምሳ አመት አራዘምኩት🙂

እንዳለመታደል ሆኖ፥ የኢኮኖሚስቶች እና ያይዶል ዳኞች   አማርኛ  ምንም አይገባኝም፤
ትናንት አንድ አንጋፋ ኢኮኖሚስት  በሚድያ ቀርቦ “ ብር ዋጋ እያጣ ስለሆነ ገንዘባችሁን እቃ ላይ አስቀምጡ ” የሚል ምክር ለገሰ፤  ምክሩን ሰምቼ አምስት መቶ ብር ሞሰብ ላይ  አስቀመጥኩ፤ በሁዋላ ሳጣራ ለካ እቃ  ግዙበት  ማለት ነው፤  

አንዱ ደግሞ “ ከዚህ በሁዋላ የኢትዮጵያ ብር ዋጋ ስለማይኖረው ግብይት የሚካሄደው በምርት እና ባገልግሎት  ልውውጥ  ነው”  ሲል ተናገረ፤  ይሄ እንኳ ግልጥ ሆኖልኛል፤ የተቀቀለ እንቁላል ሰጥተህ  የተቀቀለ በቆሎ ትቀባለለህ፤ በኪራይ ቤት የምትኖር ሀኪም ከሆንህ የቤት ኪራይ በብር አትከፍልም፤ በምትኩ፤ የአከራይህን ቤተሰቦች በታመሙ ቁጥር በነጻ መድፌ ትወጋለህ፤     አሁን እኔ፤ ምሳ ካሰኘኝ  ለሬስቶራንቱ ባለቤት አንድ  አጠር ያለ ወግ  አነብለታለሁ፤  በለውጡ ድርቆሽ ፍርፍር  ያዝዝልኛል  ፤ 

ከዚህ በላይ ምን እፈልጋለሁ ዠለስ? ከተኩስ ልውውጥ ወደ ሸቀጥ ልውውጥ መሄድምኮ  መሻሻል  ነው!

“ኑሮ እንዴት ነው” ሲሉት “ ተመስጌን ነው!  ከነገ ይሻላል”  ያለው ሰውየ ግን ሀውልት ሊሰራለት ይገባል፤

Invite your friends and get bonuses for each invited friend! 🎁

Your referral link: https://t.me/avagoldcoin_bot?start=82f724038f688f197b32
Start belut zare yalkal

https://youtu.be/uEJt2jq1VBQ?si=JJiGoKWP4q1NZtH4