စာ လွှာ

ကလေးရေ
ကိုယ့်ရဲ့ ကြွက်မလေးရေ...

မင်းနေလို့မကောင်းဖြစ်တဲ့အခါ
ပိုပြီးမနေတတ်မထိုင်တတ်နဲ့
စိတ်ပူတာ "ငါ"

မင်း မျက်နှာလေးညှိုးနေရင်
ဘာကြောင့်လဲဆိုတဲ့ အဖြေကို
မရမက သိချင်တာလဲ "ငါ"

မင်း ဒေါသထွက်ပုံပေါ်နေရင်
မရမက လိုက်ချော့ဖို့
ကြိုးစား မိတာလဲ "ငါ"

တကယ်တော့ ငါဟာ
မင်းနဲ့ပတ်သက်ရင်
အထိအရှ မခံနိုင်သူပါ...။

#ဏီရို

"ရည်းစားစကား"

မင်းကို မြင်တဲ့အချိန်မှာ
ကိုယ့်မျက်လုံး သူငယ်အိမ်ဟာ
၄၅% ပိုမိုပြူးကျယ်လာ...။

#ဏီရို

Morning ပါ ကလေးရေ ...🤍🤍🤍

ဒီအချိန်လောက်ဆို
နိုးလောက်ရောပေါ့

ပြီးတော့ ...
မနေ့က မပျော်ခြင်းတွေ
နာကျင်ကိုက်ခဲခြင်းတွေကို
ပြန် တွေးနေမိမယ်ထင်တယ်

မင်းအတွက်ရေးတဲ့စာလေးပါ ...
ကော်ဖီ ခွက်နဲ့ ဝေးနေတာကြာပြီဖြစ်တဲ့
မင်းအတွက်
မနက်ခင်းလေးမှာ
အတူရှိနေမယ်နော်ဆိုတဲ့
စကားလေး လက်ဆောင်ပေးထားတယ်

ဘယ်အချိန်မဆို ...
တစ်ခုခုဆို
တ လိုက်ရင် ရှိနေနိုင်ဖို့
အချိန်လေး ပေးထားတယ် ။

မနက်ခင်းတွေက
အရင်ကလောက်
ပျော်ဖို့ကောင်းမနေဘူး
ပြီးတော့ ...
လန်းဆန်းမနေဘူးလေ

ဒါပေမယ့်
အနည်းဆုံးတော့
မင်းပြုံးလိုက်နိုင်ရင်
အချိန်ခဏလေးတော့
လှသွားမှာပါ ...

သွားမပေါ်ချင်နေပါစေတော့
အလှဆုံးမဖြစ်ချင်နေပါစေတော့
ပြုံးတယ်ဆိုရုံလောက်
ပြုံးပြလဲ ဖြစ်ပါတယ်။

Morning ပါ ကလေးရေ

တစ်နေ့တာလုံးမှာ
အစစအရာရာ အဆင်ပြေပါစေနော် ။

#ကျေးကို

ချစ်ရတဲ့သူတွေနဲ့
ကော်ဖီတစ်ခွက်ရှိရင်
ဘဝဟာ ပြည့်စုံပါတယ်

ကော်ဖီဖျော်ပေးတဲ့သူက
မင်း ဖြစ်‌နေရင်ပေါ့...။

#ဏီရို

ဗဟုသုတလည်းရ ၊အသုံးလဲဝင်တဲ့ အကြောင်းအရာတွေကို ပုံမှန်တင်ဆက်ပေးသွားမယ် ဒီ Facebook Page လေးကိုလဲ Like & Follow လုပ်ပေးကြပါဦးခင်ဗျာ....
https://www.facebook.com/profile.php?id=61572215180857&mibextid=ZbWKwL

လောကကြီးမှာ

ချစ်ရုံ သက်သက်

ရေစက်တွေ ရှိတာကိုလဲ

လက် ခံ ပေး ပါ....။

ဆရာမပုညခင် ၏
နောက်ဆုံးနက္ခတ် ဝတ္ထုမှ...

မင်း ပျော်နေတာကို ငေးပြီး
ကိုယ်လည်း ပျော်အောင်နေပါတယ် ...

တစ်နေ့နေ့တော့
ပြန်ချစ်ကောင်းပါရဲ့ဆိုတဲ့
မျှော်လင့်ချက်တွေက
တစ်နေ့ထက်တစ်နေ့
ပိုပြီး မသေချာလာတော့ဘူးလေ ...

ကိုယ်ချစ်တာကို
မြင်နိုင်ကောင်းပါရဲ့လို့
တစ်ချိန်လုံးတွေးခဲ့တာ
မြင်ပါရဲ့နဲ့ မမြင်ချင်ယောင်ဆောင်မှန်းကို
တစ်နေ့ထက်တစ်နေ့
ပိုပြီး သိလာရတယ် ။

မင်းရဲ့ အနာဂတ်မှာ
ကိုယ်မဟုတ်ရင် ပြီးရောဆိုတဲ့
အတွေးတွေများရှိနေတာလား
ဒါမှမဟုတ်
အချစ်ခံရတာထက်
ချစ်ပေးနေရတာကို
ပိုသဘောကျတာလား ...

မင်းမို့လို့
ပေါပေါပဲပဲ ပေးနေမိတာပါ
တကယ်တော့
ကိုယ့်အချစ်တွေက
မျက်ရည်နဲ့ ရင်းထားရတော့
ပိုပြီး တန်ဖိုးကြီးပါတယ် ။

မင်း ပျော်နေတာလေးပဲ
မြင်ချင်ပါတယ် ...
ပျော်အောင် ထားချင်တဲ့လူက
ကိုယ်ဖြစ်ချင်တယ်...

ဒါမှမဟုတ်
တစ်စုံတစ်ယောက်ကြောင့်
မင်းပျော်နေတာကို ငေးနေရရင်လည်း
အဆင်ပြေပါတယ် ။

#ကျေးကို

We are in love or not?
Please answer...

လောကမှာ ​လောဘအကြီးဆုံးကလည်း
Gemini ဖြစ်သလို
​လောဘမရှိဆုံးကလည်း Geminiပါပဲ

သူလိုချင်တဲ့​လောဘက
သူချစ်တဲ့လူဆီကရဖို့ပဲရှိတယ်

သူချစ်တဲ့လူဆီက အကုန်လိုချင်တယ်
အကုန်သိချင် အကုန် ​တွေ့ချင်
အကုန်ကြားချင်တယ်

တချိန်တည်းမှာပဲ
ချစ်တဲ့လူနဲ့ ​ဝေမျှတယ်
သူချစ်တဲ့လူတ​ယောက်က
ဆုတခုရခဲ့ရင်
မုန့်တခုစားရရင်
လက်​ဆောင်တခုရခဲ့ရင်
သူတို့ ခမျာ ပြုံး​နေတာပါပဲ

သူတို့မရလည်း ​လောဘမရှိ
မနာကျင်ပါ
ဘာလို့လဲဆို "မင်း" ဖြစ်​နေလို့

မင်းကလှလိုက်တာလို့ စိတ်ချမ်းသာ​နေတဲ့
အချစ်ကို ​ငေးကြည့်​နေတဲ့
ချစ်တတ်သူပါပဲ

ငါမရလို့
ငါဆုမရလို့
ငါမစားရလို့ဆိုတာ သူများအတွက်​တော့
ဖြစ်ချင်ဖြစ်လိမ့်​ပေမဲ့
ချစ်ရသူအတွက်က​တော့
ကြည်နူးမှုပဲရှိပါတယ်

သူများကို ဒုက္ခ​ပေးတာရှိတယ်
​လောဘကြီးတယ်ဆိုခဲ့ရင်​တောင်
ချစ်မိတဲ့လူအ​ပေါ် ဘာ​လေးများ ​ဖြည့်​ပေးရမလဲ
​စောင့်​နေကြတာပါရယ်

နည်းနည်း​လေး စကားများတာရယ်
အဆက်အစပ်မရှိ ​ပေါက်ကရ​လေး​တွေ​ပြောတတ်တာရယ်
အ​တွေး​တွေများတာရယ်

ပြီး​​တော့ သဝန်တိုလွယ်ပြီး
သူမှ သူဖြစ်​​စေချင်တာကလွဲရင်
ပြုံးပြီး ကြည့်​နေတတ်တဲ့ လူစားမျိုးပါ

​ပေါက်ကရ​လေး​တွေ​ပြောမယ်
ခပ်​ပေါ​ပေါ​လေး​တွေ လုပ်တယ်
သူစိတ်ချမ်းသာတဲ့ ​နေရာ​လေးမလို့ပါရယ်

ခု​ရေးပြလိုက်တာက​တော့
သူတို့ဘယ်လိုချစ်လဲ ဆိုတဲ့ weekရဲ့ ပထမဆုံး geminiကို စ​ပြောတာပဲဖြစ်ပါတယ်
Credit

Admin လဲ Gemini ပဲ

ဘယ်လိုပဲဖြစ်ဖြစ်
ဘယ်အချိန်
ဘယ်နေရာပဲရောက်ရောက်
ဘာတွေပဲလုပ်လုပ်
ချစ်နေခြင်း၊ သတိရခြင်းဟာ
မင်းအပေါ်မှာ မပြောင်းလဲတဲ့အရာ...။

#ဏီရို

တိမ်တွေ
ပေါက်ဖွားတဲ့အချိန်မှ
လေပြင်းလာဖြစ်ရပေမယ့်
ကြယ်လေးတွေ အတွက်တော့
သူရဲကောင်း ပါပဲ...။

#ဏီရို

ကိုယ်လား?...
ဒီလိုပဲ
အဆင်ပြေအောင်နေပါတယ်
တကယ်တမ်း
အဆင်မပြေပေမယ့်လည်း
မင်းအတွက်
အဆင်ပြေအောင်
ဟန်ဆောင်ရတာပေါ့...။

#ဏီရို

မင်းအတွက်
မင်း မထိခိုက်စေဖို့
မင်း ပျော်ရွှင်စေဖို့အတွက်
ကိုယ့်ရဲ့ ဆန္ဒတွေကို မျိုသိပ်
ဒဏ်ရာနဲ့ပဲ ကိုယ့်ကိုကိုယ်နှစ်သိမ့်
နာစရာရှိလဲ ကိုယ်ပဲနာ
သာစရာရှိရင် မင်းပဲ အသာရပါစေ
အသက်ရှူလိုက်တိုင်း
ပျော်ရွှင်အေးချမ်းပါစေ
ကြာသပတေးသမီးလေးရေ...။

#ဏီရို

ကိုယ့်စေတနာတွေ မှန်ခဲ့ပါသည်
ဒါကြောင့်...
အဲဒီ ကြွက်မလေး
ပျော်ရွှင်လန်းဆန်း
ကျန်းမာပါစေ
စိုးရိမ်သံသယနဲ့
အပူအပင်တွေကင်းပါစေ
အရင်လို
ရွှင်လန်းသွက်လက်စွာ ရှိပါစေ
အိပ်ရာနိုးချိန်ကနေ
အိပ်ရာဝင်ချိန်အထိ
အခက်အခဲများကင်း၍
ပျော်ရွှင်မှု‌‌တွေသာ
ပိုင်ဆိုင်ပါစေ.....

#ဏီရို

Channel photo updated

တချို့ ချစ်ခြင်းမေတ္တာတွေက
ပေးဆပ်ခြင်းပဲ ဖြစ်ချင်တာ...

သူ့မှာ ရယူချင်တာဆိုလို့
မြင် နေခွင့်၊ ကြား နေခွင့် နဲ့
ချစ်ရတဲ့သူရဲ့
အခက်အခဲနဲ့
လိုအပ်ချက်တချို့ကို
တိတ်တဆိတ်
ကူညီ ဖြည့်ဆည်းခွင့် သာ ရှိတာပါ...။

#ဏီရို

ကိုယ်မတတ်နိုင်တဲ့
တောင်းဆိုမှုတွေထက်
ကိုယ် တတ်နိုင်တဲ့
မြင်နေခွင့်၊ ကြားနေခွင့် လေးပဲ
ပေးသနားပါ...။

#ဏီရို

တခါတလေ
သရဲတစ္ဆေ ဖြစ်ရတာ ပိုကောင်းတယ်

သူ ကိုယ့်ကို မမြင် မကြားရပဲ
ကိုယ်က သူ့အနားမှာရှိပြီး
သူ့ အသံလေးကြား
သူ့ မျက်နှာလေးနဲ့ လှုပ်ရှားမှုတွေကို
မြင်နေခွင့်ရတယ်
(အန္တရာယ်တခုခုဖြစ်ရင်တောင်
ကူညီပေးနိုင်သေးတယ်)...။

#ဏီရို

ကိုယ်တို့ ပြန်စကြရအောင်
တစ်ယောက်နဲ့တစ်ယောက်
အထိခိုက်မခံတဲ့ ဆက်ဆံရေးမျိုးထက်
တစ်ယောက်ကိုတစ်ယောက်
ပိုနားလည်မှုရှိတဲ့ နီးစပ်မှုမျိုးနဲ့
ပြန်ပြီး ခင်မင်ရင်းနှီးကြရအောင်...

#‌ဏီရို

မြက်ရိုင်းက

မိုးကုပ်စက်ဝိုင်းကို နမ်းမရသလိုမျိုး၊

နေနဲ့ လက

တစ်ယောက်ကိုတစ်ယောက်

မပိုင်ဆိုင်နိုင်ကြသလိုမျိုး

ရိုးသားစွာ… တို့

ဝေးလိုက်ကြပါစို့။

ချစ်သူကို မြတ်နိုးရုံနဲ့

အရာရာကို လက်ဖြန့်မိုး

စောင့်ရှောက်ချင်တဲ့ လူငယ်

ခု… ခြွင်းချက်နဲ့ လက်နက်ချလိုက်ပါတယ်…။

တေလေဘဝရဲ့

ပထမဆုရ အမှားတွေကို

လွယ်အိတ်ညိုထဲထည့်ပြီး

မီးအိမ်လက်ဆွဲ

ရာဇဝင်ထဲမှာ ခရီးဆက်ရဦးမယ်။

#တာရာမင်းဝေ ''မီးတောက်ရစ်သမ်'' မှ

အရင်လို
စကားတွေအများကြီးပြော
စာတွေပုံမှန် ပို့ခွင့် မရှိတော့လို့

ကြွက်မလေးရေ..
ကျန်းမာရေးဂရုစိုက်ပါ

မိုးရွာ နေပူထဲသွားရင် ထီးမမေ့ပါနဲ့

အေးတဲ့အချိန်တွေဆို
အနွေးအင်္ကျီ‌ဝတ်ပါ

အရမ်းတိုလွန်းတဲ့
အဝတ်တွေ မဝတ်ပါနဲ့

ညဖက်တွေအိပ်မရမှာစိုးလို့
ကော်ဖီသောက်တာလျှော့ပါ

ညမိုးချုပ်လွန်းတဲ့အထိ
အပြင်မှာမနေပါနဲ့

မတည့်တာတွေ မစားပါနဲ့

လူတွေကို ဂရုစိုက်ဆက်ဆံပါ

ညဖက်အိပ်ရေးပျက်တဲ့အထိ
စာဖတ်၊ ဖုန်းသုံး၊ ရုပ်ရှင်မကြည့်ပါနဲ့

အပြင်တွေကို တစ်ယောက်ထဲ
လျှောက်လျှောက်မသွားပဲ
ရင်းနှီးတဲ့မိန်းကလေးအဖော်နဲ့သွားပါ

ကိုယ့်ဘဝရှေ့ရေးအတွက်
ဦးစားပေးပြီးလုပ်ပါ၊ ကြိုးစားပါ

ရတနာသုံးပါး၊ မိဘဆရာ မမေ့ပါနဲ့
ခင်ပွန်းကြီးဆယ်ပါ ကျေးဇူးသိပါ

ကိုယ့်ကိုကိုယ် ဂရုစိုက်ပါ

အရေးမပါတဲ့ကိစ္စမျိုးတွေ
ခေါင်းထဲကထုတ်ပစ်ပါ

စိတ်ညစ်စရာတွေ၊ အမှိုက်လိုကိစ္စ‌တွကို
အကြာကြီးသိမ်းမထားပါနဲ့

ပတ်ဝန်းကျင်ကစကားသံတွေကို
သိပ်ပြီးခေါင်းထဲမထားပဲ
လုပ်သင့်တာကိုလုပ်ပါ

အမှန်အမှားကို
ခွဲခြားဆုံးဖြတ်နိုင်ပါစေ...

ကိုယ်အရင်လို ဂရုတစိုက်
စကားတွေပြော စာတွေပို့ခွင့်
မရှိနိုင်လို့ ဒီကနေပဲ ပြောပါရစေ

နေမကောင်းရင်ဆေးသောက်ဖို့လဲ
မပျင်းနဲ့နော်...

ကိုယ်ရေးထားတာတွေလဲ
မဖတ်ပဲ ကျော်မသွားပါနဲ့

အရင်လိုပဲ ဆူသံလေးတွေ
ကြားယောင်နေပါမယ်

#ဏီရို

လူချင်းဝေးနေမှ မဟုတ်ပါဘူး
အတူရှိနေရက်နဲ့
တိတ်ဆိတ်နေပေးရတာလဲ
ဝေးကွာခြင်းပဲ မဟုတ်လား???

#ဏီရို

ကိုယ်တိုင်မခူးရက်တဲ့
ပန်းလေးတစ်ပွင့်ရယ်ပါ
တခြားသူတွေ ခူးဖို့မပြောနဲ့
ညှိုးသွားမှာ၊ ရနံ့ပြယ်သွားမှာ
ကြွေသွားမှာမျိုး မဖြစ်စေဖို့
ကိုယ် အမြဲတမ်း ဂရုစိုက်ခဲ့တယ်...

ဒီပန်းကလေး နေရောင်အောက်မှာ
ပွင့်လန်းပါစေ၊ လန်းဆန်းပါစေ
လတ်ဆတ်တဲ့ရနံ့တွေ သင်းပျံ့ပါစေ...

#ဏီရို

Google Map ကနေ
Location လေး share ပေးပါလား?

မင်းရဲ့ အပြုံးအောက်မှာ
လမ်းပျောက်နေလို့...

#ဏီရို

တိုက်ဆိုင်မှုရှိလို့ တင်လိုက်ပါတယ်...
မူရင်းဖန်တီးသူအား လေးစားစွာ Credit ပေးပါတယ်...

ပြောခွင့် ဆိုခွင့်
မရပေမယ့်
account လေး
online ဖြစ်တာကို
မြင်နေရတာက
ကျေနပ်စရာ ဘဝ...

#ဏီရို

ကိုယ်လေ...
ဒီအတိုင်းလေး
တိတ်ဆိတ်နေပေးလိုက်တော့မယ်

လိုသည်ဖြစ်ဖြစ်
မလိုသည်ဖြစ်ဖြစ်
ဂရုစိုက်ခဲ့တယ်။

သိသည်ဖြစ်စေ
မသိသည်ဖြစ်စေ
တကယ် ချစ်ခဲ့ပါတယ်။

ဉပေက္ခာပြုခဲ့ရင်တောင်
ချစ်နေဆဲပါပဲ...

#ဏီရို

ဂရုစိုက်တယ်ဆိုတာ
ကိုယ်က ပြန်ပြီး
ဂရုစိုက်ခံချင်လို့မဟုတ်ဘူး...

ကိုယ့်အတွက်၊
ဘဝအတွက် အရေးကြီးတဲ့သူ
မရှိမဖြစ်လို့ သတ်မှတ်ထားတဲ့သူ
ဂရုစိုက်ဖို့ လိုတဲ့သူဖြစ်နေလို့
ဒီအတိုင်းလေး
စိုးရိမ်ပေးဖြစ်တယ်
တတ်နိုင်တာတွေ
ဖြည့်ဆည်းပေးဖြစ်တယ်
ဂရုစိုက်ပေးဖြစ်တယ်...
ဒါကလဲ
ချစ်ခြင်းမေတ္တာ တမျိုးပဲမဟုတ်လား?

#ဏီရို

တို့နှစ်ယောက်
နေ့တိုင်းနီးပါး
မြင်တွေ့နေရပေမယ့်
တစ်ဘဝလုံး အတူရှိခွင့်ကျတော့
............။

#ဏီရို

ဒီအတိုင်းလေးပဲ ကောင်းပါတယ်
အချိန်မရွေး စကားပြောလို့ရမယ်
ဆုံးရှုံးရတာတို့
ပိုင်ဆိုင်ရတာတို့
ဘာမှ မရှိတော့ဘူး
ဒီအတိုင်းလေးပဲ ကောင်းပါတယ်
တစ်သက်လုံး ပက်သက်နေလို့ရတယ်လေ။


-လင်းမာအို

ကိုယ် နေထိုင်ခွင့်
ရှိသည်ဖြစ်စေ မရှိသည်ဖြစ်စေ

အဲဒီကမ္ဘာလေး...
အေးချမ်းပါစေ
လန်းဆန်းပါစေ
ဘေးကင်းပါစေ
ကျန်းမာပါစေ...။

#ဏီရို

ဘယ်ဖက်နဲ့ပဲဖြစ်ဖြစ်

ဘယ်နေရာမှာပဲ ဖြစ်ဖြစ်

ဘယ်လိုကြောင့်ပဲ ဖြစ်ဖြစ်

ဘာအတွက်ကြောင့်ပဲ ဖြစ်ဖြစ်

"စစ်" ဆိုတာ "အချစ်" မဟုတ်

"အချစ်" က စစ် မှ ကောင်းပေမယ့်
"စစ်" ကတော့ မဖြစ်လေ ကောင်းလေ...

"အချစ်" ကို မတားပါနဲ့
"စစ်" ကို တားပါ

"အချစ်"က ပန်းတွေကို ဖူးပွင့်စေပေမယ့်
"စစ်" က ပွင့်ပြီးသားပန်းတွေကို
လွင့်ကြွေ ခြောက်သွေ့ ပျက်စီးစေတယ်...။

#ဏီရို

အရင်တုန်းကတော့
ချစ်ရင်
ပိုင်ဆိုင်ဖို့ ကြိုးစားရမှာပေါ့လို့ပဲ
တချိန်လုံး တွေးခဲ့တာ ။

သတိရရင်
မဖြစ်မနေ ဆက်သွယ်ရမှာပေါ့လို့ပဲ
တစိုက်မတ်မတ် တွေးနေခဲ့တာ ။

မဟုတ်ဘူးဗျ ...

တစ်ခါတစ်လေကျတော့
ကိုယ်ဘယ်လောက်ပဲချစ်ချစ်
ကိုယ်ချစ်နေတာကို
သူမလိုချင်တော့တဲ့အခါ

ကိုယ့်အနားမှာ
သူမပျော်တော့တဲ့အခါ
စွန့်လွှတ်ပေးခဲ့ခြင်းတွေကလဲ
အချစ်ပါပဲ ...

မင်းပျော်ပါစေဆိုတဲ့အတွေးနဲ့
လက်လွှတ်ပေးခဲ့ခြင်းတွေကလဲ
အချစ်ပါပဲ ...

သေလောက်အောင်
လွမ်းနေပါစေ ...
ကိုယ်ဆက်တဲ့ ဖုန်းတွေက
အနှောင့်အယှက်ဖြစ်စေတဲ့အခါ
ကိုယ်ပို့တဲ့စာတွေက
အပျင်းပြေဖတ်ဖို့တောင်
အရေးပါမနေတဲ့အခါ

ဆက်သွယ်ဖို့မကြိုးစားတာကလဲ
အချစ်ပါပဲ ။

#ကျေးကို

အချစ်ရေ
ဘဝကို ခံနိုင်ရည်ရှိရှိနဲ့
ဖြတ်သန်း‌နေပါ တယ်...

မင်း စကားမပြော
အဖက်မလုပ်တာထက်

စိတ်တို၊ ဒေါသထွက်
ရန်လုပ်တာ လေးပဲ
ပိုခံနိုင်ရည်ရှိပါတယ်...

နေနိုင်အောင် နေဖို့ထက်
နေတတ်သလိုပဲ နေပါတယ်
မင်း မရှိပဲ မနေတတ်တာတော့
ဘယ်တတ်နိုင်မလဲ အချစ်ရယ်...