በምስራቅ ጉራጌ ዞን የምስራቅ መስቃን ወረዳ መንግስት ኮሚዩንኬሽን ጉዳዮች ፅ/ቤት

ኢትዮጵያ በኦሊምፒኩ የመጀመሪያ ወርቋን አገኘች!
።።።።።።።።።።።።።።።።።።።።
ነሃሴ 04 ፣ 2016 ዓ,ም (የምስራቅ መስቃን ወረዳ መንግስት ኮሙኒኬሽን ጉዳዮች ፅ/ቤት) ኢትዮጵያ በኦሊምፒኩ የመጀመሪያ ወርቋን አገኘች። 

በፓሪስ 2024  የኦሊምፒክ ወድድር በማራቶን ኢትዮጵያ በአትሌት ታምራት ቶላ አማካኝነት የመጀመሪያ ወርቋን አግኝታለች፡፡

በፓሪስ ኦሊምፒክ የወንዶች የማራቶች ውድድር የተካሄደ ሲሆን ÷አትሌት ታምራት ቶላ ፣ቀነኒሳ በቀለና ደሬሳ ገለታ ኢትዮጵያን ወክለው ተወዳድረዋል።

በዚህም ታምራት ቶላ ውድድሩን  2 ሰዓት ከ6 ደቂቃ ከ26 ሰከንድ በመግባት በቀዳሚነት በማጠናቀቅ በኦሊምፒኩ ለኢትዮጵያ የመጀመሪያውን የወርቅ ሜዳሊያ አስገኝቷል፡፡

አትሌት ደሬሳ ገለታ ደግሞ ውድድሩን በአምስተኛ ደረጃ  አጠናቋል፡፡

ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ ትኩስ እና የተሟሉ መረጃዎችን ለማግኘት፡-
ቴሌግራም፦ t.me/misrakmeskanworedacommunication
ፌስቡክ፦  https://www.facebook.com/mesrakmeskan/
ኢ-ሜይል፦[email protected]

የምስራቅ መስቃን ወረዳ ዋና አስተዳዳሪ አቶ ጀማል አወል በወረዳዉ ባሞ ቀበሌ የአቅመ ደካሞችን ቤት የመገንባት መርሃ ግብር አስጀመሩ!
።።።።።።።።።።።።።።።።።።።።
ነሃሴ 01፣ 2016 ዓ,ም ሀሙስ ገበያ (የምስራቅ መስቃን ወረዳ መንግስት ኮሙኒኬሽን ጉዳዮች ፅ/ቤት) የምስራቅ መስቃን ወረዳ ዋና አስተዳዳሪ አቶ ጀማል አወል በወረዳዉ ባሞ ቀበሌ የአቅመ ደካሞችን ቤት የመገንባት መርሃ ግብር አስጀምረዋል።

በመርሃ ግብሩ ዋና አስተዳዳሪዉን ጨምሮ የወረዳዉ ዋና አፈ ጉባኤ የተከበሩ አቶ አለሙ ግዛዉ ፣ የወረዳዉ ዋና የመንግስት ተጠሪ አቶ ሸህቾ ኢብራሂም ፣ የወረዳዉ ወጣቶችና ስፖርት ፅ/ቤት ኃላፊ አቶ አብድልኸይ አህመድ እንዲሁም ሌሎች አመራሮችና ወጣቶች ተገኝተዋል።

በወረዳዉ የክረምት ወራት የበጎ ፍቃድ አገልግሎት ተግባራት የአቅመ ደካሞችን ቤት በማደስ ብሎም በመገንባት ፣ የችግኝ ተከላ በማካሄድ፣ የክረምት ወክት የማጠናከሪያ ትምህርት ለተማሪዎች በመስጠት ቀጣይነት በለዉ መልኩ በሁሉም ቀበሌዎች መሰል የበጎ ፍቃድ ተግባራት ተጠናክረዉ መቀጠል እንዳለበት ዋና አስተዳዳሪዉ ተናግረዋል።

በክረምት ወቅት የበጎ ፍቃድ አገልግሎት ተግባራት በወረዳዉ በዛሬዉ ዕለት በሃሙስ ገበያ ከተማ የደም ልገሳ መርሃግብር በሰፊዉ የተከናወነ ሲሆን በዕለቱ ደም ለመሰብሰብ ከታቀደዉ በላይ ብዙ ደም መሰብሰብ መቻሉም ተገልጿል።

ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ ትኩስ እና የተሟሉ መረጃዎችን ለማግኘት፡-
ቴሌግራም፦ t.me/misrakmeskanworedacommunication
ፌስቡክ፦ https://www.facebook.com/mesrakmeskan/
ኢ-ሜይል፦[email protected]
ዩትዩብ፦https://youtube.com/channel/UCH3dI7vy2ULtrlosd_GtqcQ

በምስራቅ ጉራጌ ዞን የምስራቅ መስቃን ወረዳ ከተማ ልማትና ኮንስትራክሽን ጽ/ቤት አመታዊ ጉባኤ አካሄደ!
።።።።።።።።።።።።።።።።።።።።
ነሃሴ 01፣ 2016 ዓ,ም ሀሙስ ገበያ (የምስራቅ መስቃን ወረዳ መንግስት ኮሙኒኬሽን ጉዳዮች ፅ/ቤት) በምስራቅ ጉራጌ ዞን የምስራቅ መስቃን ወረዳ ከተማ ልማትና ኮንስትራክሽን ጽ/ቤት አመታዊ ጉባኤዉን አካሂዷል።

ፅ/ቤቱ ባካሄደዉ ጉባኤ በወረዳዉ በከተማ ልማትና ኮንስትራክሽን ፅ/ቤት በ2016 ዓ.ም የተከናወኑ አበይት የስራ አፈፃፀምን በመገምገም የ2017 ዓ.ም ዕቅድ ግምገማና የስራ አቅጣጫ አስቀምጧል።

በፕሮግራሙ የምስራቅ መስቃን ወረዳ ዋና አስተዳዳሪ አቶ ጀማል አወል፤ የምስራቅ መስቃን ወረዳ ዋና የመንግስት ተጠሪ አቶ ሸህቾ ኢብራሂም ፤ የምስራቅ መስቃን ወረዳ ዋና አፈጉባኤ የተከበሩ አቶ አለሙ ግዛው ፤ የቀበሌ ሊቀመንበሮች የወረዳዉ አመራሮች ፣ የሀሙስ ገበያ ማዘጋጃ ቤት ኃላፊዎችና ባለሞያዎች እንዲሁም ሌሎችም ባለድርሻ አካላት ተገኝተዋል።

የምስራቅ መስቃን ወረዳ ዋና አስተዳዳሪ አቶ ጀማል አወል መድረኩን በመሩበት ወቅት እንደተናገሩት ከከተማ ልማትና መሰረተ ልማት ስራዎች አንፃር ባለፈው በጀት አመት ጠንካራ ስራዎች መስራት መቻሉን ጠቅሰዉ በቀጣይ በጀት አመት የተጀመሩ መልካም ስራዎችን ማስቀጠልና በወረዳዉ የሃሙስ ገበያ ከተማን በማዘመን ረገድ ትኩረት ሰጥቶ መስራት እንደሚገባ ገልፀዋል።

የመሬት አሰባሰብ ስራ፣ የውስጥ ለውስጥ መንገድ ከፈታ ፤ የቆሻሻ አወጋገድ ባህልን ማሳደግ ፣ የቄራ ግንባታ ስራና ሌሎችም የገፅታ ግንባታ ስራዎችን ማጠናከር እንደሚገባ ገልፀዉ ህገወጥ የመሬት አጠቃቀም እና ከዘርፉ ጋር የተያያዙ ሲስተዋሉ የነበሩ ችግሮችን ከወዲሁ መቅረፍ እንደሚገባም አመላክተዋል።

ዋና አስተዳዳሪዉ አክለዉም በከተማው ግንባር የሚገኙ ቦታዎች ላይ ጥራት ያላቸው ግንባታ እንዲገነቡ በማድረግ ከተማው ለኢንቨስትመንት ምቹ እንዲሆን በመስራት እና ተጨማሪ ኢንቨስተሮችን በመሳብ የከተማዋን ገቢ ማሳደግ ያስፈልጋል ብለዋል።

በተለይም በማህበር በመደራጀት እና በተለያዩ አማራጭ ቤት የማልማት ፍላጎትና አቅም ያላቸው አካላት መሬቱን በህግ አግባብ የማግኘታቸው ሁኔታ ላይ በቀጣይ በጀት አመት በትኩረት መስራት እንደሚገባ አብራርተዋል።

በተጨማሪም ከተማዉን ከማልማት አኳያ ለመስራት የታሰቡ ተግባራቶችን እስከታችኛው የቀበሌ መዋቅሮች በማቀናጀት እና በማጠናከር ሰው ተኮር ስራዎችን መስራት እንደሚገባ ገልፀው  ማህበረሰባችን በማስተባበር ሊረዱ የሚገቡ አቅመ ደካማ የሆኑ የማህበረሰብ ክፍሎች በመርዳት የበጎነት ተግባራት ማጠናከር ያስፈልጋል ብለዋል።

ፕሮግራሙን አስመልክቶ የእንኳን ደና መጣቹ መልዕክት ያስተላለፉት የምስራቅ መስቃን ወረዳ ከተማ ልማትና ኮንስትራክሽን ፅ/ቤት ኃላፊ አቶ መሀመድኑር ስርሞሎ እንደተናገሩት የጉባኤዉ ዋና አላማ በ2016 በጀት አመት በፅ/ቤቱ የተከናወኑ ጠንካራ ስራዎችና በጉድለት የታዩ ተግባራትን በመገምገም ለ2017 በጀት አመት የተሻለ ስራ ለመስራት የሚያበቃ እና ችግርችን ለይቶ የዕቅድ አካል ለማድረግ የተዘጋጀ መድረክ እንደሆነ ገልፀዋል።

ስለሆነም በቀጣይ የተጀመሩ ጠንካራ ተግባራትን ማስቀጠልና በጉድለት የተለዩ ስራዎችን በቀጣይ በጀት አመት የዕቅድ አካል ተደርገዉ እንደሚሰሩ ገልፀው በተለይም ለቤት መስሪያ ቦታ በማህበር ለተደራጁ አካላት የመሬት አቅርቦት ስራ ላይ በትኩረት እንደሚሰራ ተናግረዋል።

የፅ/ቤቱ ምክትልና የመሬት ዘርፍ ኃላፊ አቶ ነስሩ ሙዜ ለጉባኤዉ የተዘጋጀ ሰነድ ባቀረቡበት ወቅት እንደተናገሩት በበጀት አመቱ ተግባራትን በጥራት ለማከናወን የነዋሪዎችን አደረጃጀት የማጥራትና መልሶ የማደራጀት ስራ መሰራቱን ተናገረዋል።

ከዕቅድ አንፃር ማዘጋጃ ቤታዊ አገልግሎት ከማሻሻል፣ የተገልጋዮችን እርካታ ከማሳደግ ፤ ለተለያዩ አገልግሎቶች የሚውል  መሬት በማዘጋጀት አቅርቦትን ማሳደግ ፤ በመሬት ላይ የሚፈፀም የኪራይ ሰብሳቢነት አመለካከትና ተግባር እንዲቀረፉ በማድረግ ፤ የኢሌ ወጃ  እና ዶበና ጎላ ቀበሌዎች የማጠናከር ስራ እንደሚሰራ አመላክተዋል።

በዕለቱ ፕሮግራሙን አስመልክቶ የወረዳዉ አስተዳዳሪ አቶ ጀማል አወል እንዲሁም ሌሎችም አመራሮች የአረንጓዴ አሻራ የችግኝ ተከላ መርሃ ግብር አከናዉነዋል።

በመጨረሻም በወረዳዉ የከተማ ልማት ስራን በማገዝ ረገድ የተሻለ አፈፃፀም ላከናወኑ ባለድርሻ አካላት የእዉቅናና የሽልማት ፕሮግራም በማካሄድ የነበረዉ የጉባኤ መድረክ ተጠናቋል።

ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ ትኩስ እና የተሟሉ መረጃዎችን ለማግኘት፡-
ቴሌግራም፦ t.me/misrakmeskanworedacommunication
ፌስቡክ፦  https://www.facebook.com/mesrakmeskan/
ኢ-ሜይል፦[email protected]
ዩትዩብ፦https://youtube.com/channel/UCH3dI7vy2ULtrlosd_GtqcQ

የምስራቅ መስቃን ወረዳ ብልፅግና ፓርቲ ፅ/ቤት የ2016 ዓ.ም የመንግስትና የፓርቲ ስራዎችን አፈፃፀም መነሻ በማድረገ ሲካሄድ የነበረዉ የአመራር የምዘና መድረክ ተጠናቀቀ!
።።።።።።።።።።።።።።።።።።።።
ሐምሌ 25 ፣ 2016 ዓ,ም (የምስራቅ መስቃን ወረዳ መንግስት ኮሙኒኬሽን ጉዳዮች ፅ/ቤት) የምስራቅ መስቃን ወረዳ ብልፅግና ፓርቲ ፅ/ቤት የ2016 ዓ.ም የመንግስትና የፓርቲ ስራዎችን አፈፃፀም መነሻ በማድረገ ሲካሄድ የነበረዉ የአመራር የምዘና መድረክ ተጠናቋል።

የግምገማ መድረኩ በዋናነት የአመራሩን የቀጣይ ተግባርና የአስተሳሰብ አንድነትን በማጎልበት ረገድ ትልቅ አቅም እንደሚፈጥር የተገለፀ ሲሆን አመራሩ የፓርቲዉን ሁለንተናዊ አላማ በመረዳት በቀጣይ በጀት አመት የፓርቲና የመንግስት ስራዎችን በላቀ ሁኔታ ለመፈፀም አጋዥ እንደሆነም ተመላክቷል።

የምዘና መድረኩ የምስራቅ መስቃን ወረዳ ዋና አስተዳዳሪ አቶ ጀማል አወል እና የወረዳው ዋና የመንግስት ተጠሪ አቶ ሸህቾ ኢብራሂም አማካኝነት የተመራ ሲሆን የተቀመጡ አጀንዳዎችን መሰረት በማድረግ አመራሩ ያሉበትን ጉድለቶች ለማረም በሚያስችል ሁኔታ በጥልቀት ግምገማ መደረጉም ተገልጿል።

ጠንካራ ተቋማትን ከመፍጠር፣ የአገልግሎት አሰጣጥን ከማሻሻል፣ የመልካም አስተዳደር ችግሮችን ከመፍታትና ጠንካራ ፓርቲን በመፍጠር ተግባራትን በላቀ ሁኔታ ከመፈፀምና ከማስፈፀም አኳያ አመራሩ በዋናነት በጥልቀት ከተገመገመባቸዉ ነጥቦች መካከል ይገኙበታል።

የምስራቅ መስቃን ወረዳ ዋና አስተዳዳሪ አቶ ጀማል አወል በማጠቃለያዉ መድረኩ እንደተናገሩት የምዘና ሂደቱ በመንግስትና በፖርቲ የሚሰጡ ተልዕኮዎችን በውጤታማነት ለመፈፀምና የአስተሳሰብ እና የተግባር አንድነትን የበለጠ ለማጠናከር እንደሚረዳ በመግለፅ አመራሩ ራሱን እንዲፈትሽ እና ጉድለቱን ፈጥኖ እንዲያርም የሚያደርግ የምዘና መድረክ  መሆኑን ተናግረዋል።

በበጀት አመቱ የተከናወኑ በርካታ ዉጤታማ ተግባራት መኖራቸዉን የጠቀሱት ዋና አስተዳዳሪዉ በተቋም ደረጃ አደረጃጀቶችን በማጠናከር፣ የሚነሱ የመልካም አስተዳደር ችግሮችን በመለየት ምላሽ መስጠት፣ ከሰላም አንፃር የህግ የበላይነትን ለማስጠበቅ አመራሩ ከጸጥታ አካላትና ከማህበረሰቡ ጋር በጋራ በመሆን በትኩረት መስራት እንዳለበት፣ ምርጥ ተሞክሮዎችን መቀመርና ማስፍት ላይ በቀጣይ በትኩረት መስራት እንደሚገባ አመላክተዋል።

አያይዘዉም በአመራር ምዘናው የታዩ ጉድለቶችን በማረም ከመንግስትና ከፓርቲ ስራዎች አንፃር በጥንካሬ የታዩትን ማስቀጠል እንደሚገባና ማህበረሰቡ የሚጠብቅብንን አገልግሎት ለመስጠት የበለጠ መዘጋጀት እንደሚገባም አስገንዝበዋል።

የምስራቅ መስቃን ወረዳ ዋና የመንግስት ተጠሪ አቶ ሸህቾ ኢብራሂም በበኩላቸዉ ምዘናዉ የአመራሩን የመፈፀምና የማስፈፀም አቅም ከፍ የሚያደርግ መሆኑን ጠቅሰዉ ከፓርቲዉ አላማ አንፃር የተቀመጡ ግቦችን ለማሳካት ብሎም ህዝብን በተሻለ ሁኔታ ተጠቃሚ ለማድረግ የዉስጥ ፓርቲ አንድነትን ማጠናከርና የተሰጡ ተልኮዎችን በብቃት መወጣት እንደሚገባ አብራርተዋል።

የአመለካከት ችግሮችን በማስወገድ ጥራት ያለዉ ዕቅድ በማቀድ የተሻለ አገልግሎት መስጠት እንደሚገባ የጠቆሙት አቶ ሸህቾ ከተረጂነት ለመዉጣት ምርትና ምርታማነትን ለማሳደግ በሚደረገዉ ሂደት አመራሩ በበላይነት ከፊት ሆኖ መምራት እንዳለበትም ተናግረዋል።

በመጨረሻም አመራሩ በግምገማ ሂደቱ የነበሩ አጠቃላይ ሁነቶችን በመረዳት ያሉትን ጉድለቶች በማረም ረገድ መጠናከር እንዳለበትና እንደፓርቲ የተቀመጡ ግቦችን ለማሳካት መግባባት ላይ በመድረስ የነበረዉ መድረክ ተጠናቋል።


ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ ትኩስ እና የተሟሉ መረጃዎችን ለማግኘት፡-
ቴሌግራም፦ t.me/misrakmeskanworedacommunication
ፌስቡክ፦  https://www.facebook.com/mesrakmeskan/
ኢ-ሜይል፦[email protected]

የማክሮ ኢኮኖሚ ማሻሻያ ተከትሎ የውጭ ምንዛሬ ጨምሯል በሚል ያለአግባብ የዋጋ ጭማሪ በሚያደርጉ ነጋዴዎች ላይ እርምጃ እንደሚወስድ የምስራቅ ጉራጌ ዞን ንግድና ገበያ ልማት መምሪያ አሳወቀ!
።።።።።።።።።።።።።።።።።።።።
ሐምሌ 24 ፣ 2016 ዓ,ም (የምስራቅ መስቃን ወረዳ መንግስት ኮሙኒኬሽን ጉዳዮች ፅ/ቤት) የማክሮ ኢኮኖሚ ማሻሻያ ተከትሎ የውጭ ምንዛሬ ጨምሯል በሚል ያለአግባብ የዋጋ ጭማሪ በሚያደርጉ ነጋዴዎች ላይ እርምጃ እንደሚወስድ የምስራቅ ጉራጌ ዞን ንግድና ገበያ ልማት መምሪያ አሳወቀ።

የምስራቅ ጉራጌ ዞን ንግድና ገበያ ልማት መምሪያ ኃላፊ ወ/ሮ ቤተልሄም ታደሰ ኢትዮጵያ ያደረገችውን የማክሮ ኢኮኖሚ ማሻሻያ ተከትሎ የውጭ ምንዛሬ ይጨምራል በሚል አንዳንድ ነጋዴዎች ኃላፊነት በጎደለው መልኩ ያለአግባብ የዋጋ ጭማሪ ለማድረግ የሚደረጉ ጥረቶች መስተዋሉ ጠቁመዋል።

ስግብግብ ነጋዴዎች የተጋነነና አግባብ ያልሆነ የዋጋ ጭማሪ በሚያደርጉት ላይ ቁጥጥር ለማድረግ መምሪያው አስፈላጊውን ዝግጅት ማድረጉ ገልፀዋል።

ምርት በሚያከማቹና በሚደብቁ አላስፈላጊ የምርት ዕጥረት እንዲፈጠር በሚያደርጉ ነጋዴዎች ላይ የበር ለበር ክትትልና ቁጥጥር ስራ የኑሮ ውድነትን በሚፈጥሩ አካላት ላይ እርምጃ እንደሚወስድ ጠቅሰዋል።

የንግዱ ማህበረሰብ ኃላፊነት ከጎደለው ተግባር እራሱን መቆጠብ ያስፈልጋል ያሉት መምሪያ ኃላፊዋ ማህበረሰቡም መሰል ድርጊት የሚፈፅሙ ነጋዴዎች ሲያገኝ ጥቆማ እንዲሰጥ አሳስበዋል።
ለጥቆማ

0913113284
0916745572
0915666277
0911071169

# የምስራቅ ጉራጌ ዞን መንግስት ኮሚኒኬሽን ጉዳዮች መምሪያ
ስልክ_0926964496_ይደውሉ_ያገኙናል

ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ ትኩስ እና የተሟሉ መረጃዎችን ለማግኘት፡-
ቴሌግራም፦ t.me/misrakmeskanworedacommunication
ፌስቡክ፦ https://www.facebook.com/mesrakmeskan/
ኢ-ሜይል፦[email protected]