ሜርሲ እና ብዕሯ✍

#ሁለት_ሰይፍ
ምዕራፍ ሁለት
ክፍል አራት(ሜርሲ✍️)

"እና እንደዛ ሆና ጥለህ መጣህ?" አቤነዘር በመገረም ጠየቀው::
"ምን ማድረግ ነበረብኝ::ድጋሚ እዛ ቤት መግባት::ድጋሚ ሕይወታቸውን አደጋ ላይ መጣል::"
"ስለ ሱዚያና ነው?"
አንገቱን በአዎንታ ነቀነቀለት:-
"ስህተት ልትሰራ ከጀመረች ማቆሚያ የላትም::የመጀመሪያ ፍቅረኛዋ በእሷ ምክንያት ነው እራሱን ያጠፋው::"
"ምን!?" ቆሞ ልብሱን ከሚያጥፍበት ከአልጋው ይቀመጣል::
"ቺት አደረገባት::ከዛ ያለውን ሁሉ ቀማችው::ስልህ ምንም እንዳይድን እንዳይሽር አድርጋ ተበቀለችው::በጣም ትወደው ነበር::እሱን በሌላ ሰው መቀማቷ ነው ለበቀል የዳረጋት::ዜን እራሱን ከፎቅ ላይ ወረወረ::"
"እሷ ናት የነገረችህ?"
"የተወሰነውን በስካር ውስጥ ሆና ነገረችኝ::የተቀረውን በእራሴ መንገድ አጣራሁ::የመለያየታችንም ምክንያቱ እሱ ነበር::"
"ቆይ ለምን?... በዚህን ያህል ልክ?"
"አባቷ::አባቷን በጣም ትወደው ነበር::አንድ ቀን እናቷን በገዛ አልጋው ላይ ከሌላ ሰው ጋር አገኘ::የሱዚያናን እጅ ይዞ ነበር::"
"እሷም አየች::"
"አዎ::በነጋታው ጠፋ::ከሁለት ዓመት በኋላ ወታደር ሆኖ ግዳጅ ሄዶ ነገር ኖሯል የሞቱ ዜና ተነገራቸው::ሱዚያና ሕይወት በቀለኛ አድርጓታል::አሁን ላይ ስለ እናቷ አሟሟትም ብዙ ጥያቄዎች አሉኝ::ክላስ ሰዓት ደረሰ መሰለኝ::" በሩ ላይ ቆሞ ከሚያወራበት ወደ ሳሎን ሄደ::

* * *

ሱዚያና ሊያልቅ የደረሰ የቭኦድካ ጠርሙስ በእጇ አንጠልጥላ ጣቷን ከተሰቀለው ከእናቷ ፎቶ ላይ አንጠልጥላ በስካር መንፈስ ውስጥ ሆና ታወራለች:-
"ይሄ ለአንቺ አይገባም ነበር::ይሄ ለሰራሽው ኃጢያት ክፍያ ሊሆን አይገባም ነበር::እንደዚህ በአጭሩ አይደለም የአንቺ ሕይወት መቀጠፍ የነበረበት::ለምን ቀደምሽኝ::" ጠርሙዙን ከፎቶው ላይ ወርውራ ይሰበራል::
"እኔ እንዳቀድኩልሽ ነበር ሞትሽ መሆን የነበረበት::


* * *

"በቀል መሆኑ ነው?.... የእኔን ቃል የናቅከው ልጅነቴን አይተህ ነው አይደል?"
"ዮሂ..." ድጋሚ ድምፁአን በስልኩ ውስጥ አዳመጠው::
"እያለቀስሽ ነው?"
"ለምንድነው ሕይወት የምትጠምብኝ::"
"ዮሂ ስሚኝ::ለእናንተ በማሰብ ነው ሱዚያና አደገኛ ሴት ናት::"
"በእሷ አታሳብ ባክህ::መሸነፍ ስለመሰለህ እንጂ::እህቴ በአንድም ሰው ፊት አልቅሳ አታውቅም::አንተ ምን አይነት ልብ ቢኖርህ ነው::ምን ያህል ክፉ ብትሆን ነው.."
"ዮሂ..." ስልኩን ትዘጋበታለች::ከጆሮው በማንሳት አይቶት ከጠረጴዛው አስቀምጦ ላፕቶፑን በመዝጋት በእረጅሙ ይተነፍሳል::
"ሱዚያና..."


* * *

ሱዚያና ባለማመን አተኩራ እየተመለከተችው:-
"እያበድሽ ነው እያልከኝ ነው::"
"አይደለም::"
"ታዲያ ምን ማለት ነው በሀኪም ትእዛዝ ያቆምኩትን መድሃኒት ቀጥይ ማለት?"
ናትናኤል የካፌውን ግራ ቀኝ አይቶ ወደ እሷ በመዞር:-
"አሁን ላይ ልክ አይደለሽም እያልኩሽ ነው::መድሃኒት መውሰድ ደግሞ እብደት እንዳልሆነ ጠንቅቀሽ ታውቂያለሽ::"
"እያሰብክልኝ ነው?"
"ሱዚያና::" ድምፁ ከፍ ያለ ስለነበር ድጋሚ ግራ ቀኙን አማትሮ ዝግ ባለ ድምፅ:-
"ሰው ነሽ::ስትጠፊ ዝም ብዬ ማየት አልችልም::ያልተነካውን ማንነትሽን አውቀዋለሁ::እሷ ሱዚያና ናት ለአንቺ የምትጠቅምሽ::"
"አመሰግናለሁ ስላሰብክልኝ::ለእኔ የሚበጀኝን እኔ እራሴ አውቀዋለሁ::ባይሆን አንተ ወደ እራስህ ተመለስ::ከማይሆኑ ሰዎች ጋር አትግጠም::ካልሆነ የእኔን ሰው እንዴት እንደማድነው አውቀዋለሁ::"
ተነስታ ስትወጣ በዓይኑ እየተከተላት ሳራ ከበሩ ስትገባ ይገጣጠማሉ::ሱዚያና በዓይኗ ገርምማት ትወጣለች::ሳራ ከቆመችበት ሆና ናትናኤልን ተመልክታው ወደ እሱ በማምራት ወንበር ስባ ትቀመጣለች::ናትናኤል በተደናገጠ ስሜት ሆኖ ወደ እሷ እየተመለከተ:-
"አጋጣሚ ነው ወይስ እየተከተልሽኝ?"
ፈገግ ብላ:-ለምን እከተልሃለሁ::አንተ ነህ ሥራ ቦታዬ ድረስ የመጣሀው::"
"ይሄ ካፌ?"
"የእኛ ነው::እንኳንም አገኘሁህ::ማክ ትላንት ማታ በእንቅልፍ ልቡ ወጥቶ አስፓልት ዳር ለጥቂት ነው መኪና የሳተው::"
"ምን!?"


ይቀጥላል....

✨✨✨✨✨✨✨✨✨✨✨✨✨
. ቀኖች ሁሉ ውብ ናቸው🤩
ግን ሁላችንም የራሳችን ልዩ የምንለው ቀን አለን።
እስቲ የእናንተ ምርጡ ቀናቹ የቱ ነው ። በመረጣቹት ቀን ምርጥ መንፈሳዊ ቻናሎችን እጋብዛቹሃለው ተቀላቀሉ። ምረጡ
👇👇👇👇👇👇👇👇👇👇👇👇

#ሁለት ሰይፍ
ምዕራፍ ሁለት
ክፍል ሶስት (ሜርሲ✍️)


ዮሃና ከበረንዳው ቁጭ ብላ ጆሮዋ ላይ ማዳመጫ አድርጋ መዝሙር ትሰማለች::ሳራ ከበሩ ሆና ስትመለከታት ቆይታ ከአጠገቧ ሄዳ ተቀመጠች::
ዮሃና ዘወር ብላ አይታት:-
"እንዴ ብርድ ነው ያምሻል ግቢ::"
"አንቺስ አይበርድሽም?"
"እኔ ደሕና ነኝ::አሞሻል እባክሽ ግቢ::"
ፊቷን ወደ ግቢው በር አድርጋ:-
"ስጋዬ ቢታመም ነበራ::" ዮሃና ወደ እሷ ትዞራለች::
"ምንድነው የሚያስጨንቅሽ ቆይ::ደሕና ነበርሽ እኮ::"
"ዮሂ... ሳትዋሺ ንገሪኝ::ፎቶው ላይ ያየሁትን አስረጂኝ::"
ዮሃና ልትነሳ ስትል እጇን አፈፍ አድርጋ ይዛ እንድትቀመጥ ታደርጋታለች::
"እባክሽን::" በዓይኗ ተማፀነቻት::
ዮሃና ቁጣ በተሞላ አይን እየተመለከተቻት:-
"እንዴት ግን ጠረጠርሽን?"
"ነጋር አታርዚም እባክሽን::"
"እሺ::እኔ እየጠጣሁ እያለ አንቺ ላክሽው መሰለኝ ወደ እኔ ደውሎ መጣ::ከአጠገቤ ተቀመጠ የተወሰነ ነገር አወራን አንቺ በጣም እንደተጨነቅሽ ነግሮኝ አሳምኖኝ ወጣን::"
"የመኪናውስ?"
"ህምም... እያወራን ነበር::እኔ ትንሽ ሞቅ ብሎኝም ነበር::እና እኔን ከዚህ ነገር ውስጥ ለማውጣት ያሳለፈውን ነገር አጫወተኝ::እያለቀሰ ነበር::ሰው እያለቀሰ ዝም ብለሽ ታይዋለሽ?... አቀፍኩት የድሮው ፍቅረኛው ፎቶውን አነሳች ይሀው ነው ::"
"የድሮ ፍቅረኛው!?"
"ሱዚያና::ትላንት ደግሞ ቸርች ፎቶውን አዳርሳ..."
"ቸርች?" ጮክ ብላ በድንጋጤ::
"የቸርቹ ሽማግሌዎች ጠርተው አውርተውት ነበር::እኛን ልርዳ ባለ ያለ ስሙ ስም ተሰጠው::"
"ቆይ ለምን አልነገርሽኝም እውነታውን::"
"ናቲ እኮ እፊትሽ ላይ ቆሞ ሊያስረዳሽ ነበር::ቸኮልሽ እንጂ::ምን ያህል ንግግርሽ እንደጎዳው ብታውቂ::"
ሁለቱም በዝምታ ይዋጣሉ::

* * *

ናትናኤል ከሳሎን ሶፋ ላይ ተቀምጦ ከላፕቶፑ ላይ ኦንላይን ተማሪዎቹን እያስተማራቸው አቤነዘር ከመኝታ ክፍሉ በሩን ከፍቶ አይቶት ይመለስ እና ጋቢ ይዞለት አልብሶት ይመለሳል::ቀና ብሎ በፈገግታ አይቶት ትምህርቱን ይቀጥላል::ጨርሶ ላፕቶፑን እንደዘጋው ከጠረጴዛው ላይ የተቀመጠው ስልክ ላይ መልእክት ሲገባለት ስልኩን አንስቶ ሲከፍተው ደነገጠ::መልእክቱን ደጋግሞ አነበበ::
"ነገ ላግኝህ::አምስት ደቂቃ ብቻ::" ከሳራ ነበር::

* * *

ሳራ ውሃውን ከቀዳችለት በኋላ ከፊቱ ካለው ሶፋ ትቀመጣለች::
"የምር ምንም አትፈልግም የሚበላ?"
"አዎ::በቅርብ ነው ከአቤኒ ጋር ምሳ የበላነው::ደሕና ነሽ?"
"አዎ::ድካሙ ብቻ ነው ያለቀቀኝ::"
"አይ ጥሩ::እነ ዮሃና ክላስ ሆነው ነው?"
"አዎ::ሹፌሩ ሊያመጣቸው ሄዷል::"
"ማክቤል ደሕና ነው አይደል?"
"ደሕና ነው::እየናፈከው አስቸገረኝ እንጂ::ካየህ በኋላ ደግሞ በጥያቄ እያጣደፈኝ ነው::"
ፈገግ ብሎ በዝምታ ይመለከታታል::
"ለምን ነበር የፈለግሽኝ?"
"እንድትመለስ ልጠይቅህ ነበር::ወደዚህ?"
"እንድትመለስ.... የማክ ጥያቄ ስለከበደሽ ወይም ንዝነዛው ስለሰለቸሽ መሆን አለበት::"
"አዎ... አይደለም::ዮሃና ሁሉንም ነገር ነግራኛለች::"
ፈገግ ይላል:-"እና አመንሻት::"
"ስትዋሸኝ አውቀዋለሁ::እና ይቅርታ በጣም የማይሆን ነገር ስለተናገርኩህ::"
"ልክ ነሽ እኮ::ምንም አላጠፋሽም::ይቅርታ ማለት ካለብኝም እኔ ነኝ ማለት ያለብኝ::እምነት ያጣሽብኝ የማይሆን ነገር ስላየሽብኝ ይሆናል::"
"ናቲ.."
"ሳራ::ቤት አግኛቻለሁ::እና ነገ እገባለሁ::ትንሽ የእኔ ሕይወት ውስብስብ ነው መሰለኝ ድጋሚ ላስጨንቅሽ አልፈልግም::ግን እንደዋወላለን መጥቼም እጠይቃችኋለሁ::መልካም ጊዜ::"
ተነስቶ በሩን ዘግቶ እንደወጣ ከፊቷ እንባዋ ይወርዳል::
በሩን መልሶ ከፍቶት ሲገባ እያለቀሰች ከነበረችበት ቆማ ትመለከተዋለች::ከሶፋው ላይ ረስቶት ወደ ወጣው ስልክ ይመለከታል::በሩ ተከፍቶ ማክቤል እና ዮሃናን ይገባሉ::


ይቀጥላል.....

@Mercy_ena_berua✍️

.    💒ዛሬ ቸርች ሄዳቹዋል⛪️ ?

ቸርች ለሄዳቹም ላልሄዳቹም ዛሬ አሪፍ መንፈሳዊ ቻናል ልጋብዛቹ☺️


አዎ ሄጃለው😊 ወይም እረ አልሄድኩም😔 በማለት መልሱ

❌ታዲያ መዋሸት አይቻልም❌

.              ❓ጥያቄ❓
ዳዊት ንጉስ ከመሆኑ በፊት ምን ነበረ?

ይህን ጥያቄ በትክክል ከመለሳቹ ገራሚ መንፈሳዊ ቻናል እጋብዛቹሃለው ተቀላቀሉ።

#ሁለት ሰይፍ
ምዕራፍ ሁለት
ክፍል ሁለት(ሜርሲ✍️)

ናትናኤል እና ማክቤል ከሆስፒታሉ አግዳሚ ወንበር ላይ ተቀምጠው ዮሃና ከፊታቸው በጭንቀት ትመላለሳለች::በሩ ተከፍቶ ዶክተር አንዷለም ሲወጣ ብድግ ይላሉ::ዮሃና ከፊቱ ፈጥና ትቆማለች::
"ዶክተር እንዴት ነች?"
"ደሕና ነች::ገብታችሁ ማየት ትችላላችሁ::ዮሃና አንዴ ቢሮ ላናግርሽ::"
"እሺ::ሊያትና መጣለሁ::" ከጀርባዋ ቸብ አድርጓት ከጋወኑ ውስጥ እጁን ከቶ ይሄዳል::ሶስቱም ተከታትለው ሲገቡ ሳራ በጀርባዋ ተኝታ ግሉኮስ ተጠምዶላታል::ስታያቸው በደከመው ፊቷ ፈገግ ትላለች::ናትናኤልን ስታየው የፈገገው ፊቷ ይከስማል::ናትናኤል ከበሩ ሲቆም ዮሃና እና ማክቤል ሄደው ማክቤል ከወንበሩ ዮሃና ከአልጋው ጫፍ ትቀመጣለች::ዮሃና እጇን ይዛት:-
"ለምን አልነገርሽኝም እያመመሽ እንደነበር::"
"ትንሽ እራስ ምታት ብቻ እኮ ነው::"
"እራስ ምታት ብቻ ነው የጣለሽ!?"
ማክቤል ወደ ዮሃና እየተመለከተ:-
"ለምን ትጮሂባታለሽ::ድጋሚ እራሷን እንዳትስት::"
ዮሃና:-"ይቅርታ አባቴ::" ፀጉሩን ደባብሳው ተነስታ ወጣች::ማክቤል ወደ ናትናኤል ዞሮ:-
"ናቲ ና ቁጭ በል::እህቴ ናቲ መጣ እኮ::" አለ ደስታውን መደበቅ እያቃተው::
ሳራ እያየችው:-"እንኳን ደሕና መጣህ::ለምን አትቀመጥም? "
በዝግታ እየተራመደ ከማክቤል ጎን ካለው ወንበር ይቀመጣል::
"ደሕና ነሽ አሁን?"
"አዎ::ደሕና ነኝ::" አንገቱን አቀርቅሮ ዝም ይላል::
ሳራ ወደ ማክቤል ዞራ:-"ማክ ዮሃናን ይዘሃት ና እስኪ::"
"እሺ::" ሲወጣ ሁለቱም ይመለከቱታል::ሳራ ፊቷ ተቀያይሮ ወደ እሱ እየተመለከተች:-
"እንድትርቃት ነግሬህ ነበር::በድብቅ እያገኘሃት ነበር ማለት ነው?"
"አሁንም እዛው ነሽ?"
"ምን የተቀየረ ነገር ይኖራል::"
"ለነገሩ ልክ ነሽ::ላገኛት ከፈለግኩ በግልፅ ነው የማገኛት::ካስፈለግኳት አገኛታለሁ::ማክቤልንም እንደዛው::"ከተቀመጠበት ይነሳል::
"ምን አልክ?.. ማን ፈቅዶልህ ነው የምታገኛቸው::"
ዝቅ ብሎ እያያት:-"ሳራ ፍቃድ እኮ በልብ ነው ያለው::እነርሱም ፍቃድ አላቸው::ከተበረዘ አስተሳሰብሽ ውጪ እና ከልብሽ ጋር ሁኚ::መንፈስ ቅዱስ ለልቡ ቅርብ የሆነ ሰው በዚህን ያህል ልክ እንዴት ልቡን ያጨልማል::እራስሽን ጠብቂ::እግዚአብሔር ይማርሽ::"ሲወጣ በዓይኗ ትከተለዋለች::በሩን ዘግቶ ይወጣል::

* * *
"አልገባኝም ዶክተር::ምግብ አትበላም ማለት ነው?"
"የሥራ ጫናውም ሊሆን ይችላል::የሚያስጨንቃት ነገርም ያለ መሰለኝ::እሱን ቀርበሽ አውሪያት::አሁን የፈለግኩሽ ስለ አንቺ የጤንነት ሁኔታ ለማወቅ ነው::መድሃኒት በአግባቡ እየወሰድሽ ነው?"
"አዎ ዶክተር::አሁን ላይ በጣም ደሕና ነኝ::"
"ሳራ እየዋሸሽኝ ከሆነ..."
"በፍፁም ዶክተር::ነገሮች ዘግይተውም ቢሆን ገብተውኛል::እድሜ ለናቲ::"
"ናቲ!?"
በሩ ተንኳክቶ ማክቤል ይገባል::
"ጎረምሳው::ና እስኪ እኔ ጋር::" ማክቤል ሲሄድ ያቅፈዋል::

* * *

"እና ጥለሃት መጣህ?"
"ምን ላድርግ አቤኒ::እንዳሰብኳት አይነት ሴት አይደለችም::" አቤነዘር ቆሞ ከነበረበት ከፊቱ ካለው ሶፋ ይቀመጣል::
"ናቲ አትቸኩል::ትዕግስት ይኑርህ::እሷ አሁን ላይ ትኩረቷ ሁሉ አደራዋ ላይ ነው::ለእነርሱ ስትል ብዙ ነገር ትታለች::ትምህርቷን.. ፍላጎቷን... የነበረችበት የሱስ ሕይወትም ነበር ያን ሁሉ እርግፍ አድርጋ ነው የተወችው::በሕይወቷ ይመጣል ብላ ያላሰበችው ዱብ እዳ ነው የመጣባት::እባክህን ጊዜ ስጣት::እውነታውን መረዳቷ አይቀርም::አሁን ግን የእሷ ጤንነት ይመለስ::" ከተቀመጠበት ይነሳል::
"ከቤተክርስቲያን ወጣቶች ጋር አሁን ልንጠይቃት ልንሄድ ነው::ቤተክርስቲያን ውስጥ ስለተፈጠረው ውዝንብር ማታ ስመጣ እናወራለን::ሁሉም ነገር ሰላም ይሆናል አታስብ::"
"አመሰግናለሁ ወንድሜ::" ትከሻውን በእጁ ቸብ አድርጎ ወጣ::ስልኩ ሲጠራ ከኪሱ አውጥቶ አይቶት ያነሳዋል:-
"አቤት ዮሃና::"
"እንደዚህ ይሻላል?... ምን ብትልህ ነው በዛ ቅፅበት ሮጠህ የሄድከው ስልክህ ደግሞ እየሰራልኝ አልነበረም::"
"ኔትዎርክ ይሆናል::እዛ እንድሆን አልፈለገችም ነበር::ምን አለ ዶክተሩ?"
"ምግብ እየበላች አልነበረም::እራሷን በርሃብ እየቀጣች ነበር ወይም በጭንቀቱ ምክንያት የምግብ ፍላጎቷ ወርዶ ይሆናል::"
"አልገባኝም የምን ጭንቀት?"
"ውስጧ ላይ ነው ሁሉንም ነገር የምትይዘው::ብዙ የተጎዳች መሰለኝ::ነገሮች ተስተካከሉ ስትል ደግሞ ያ ነገር ተፈጠረ ሌላ ጭንቀት::"
"ገባኝ::"
"አንድ ነገር ልለምንህ እባክሕን::"
"ምን?"
"ቅድም እኔን እና ማክቤልን ከዚህ በኋላ እንደማትተወን ቃል ገብተህልኛል::"
"ቃል አልገባሁም::ነገሩን ነው ያልኩሽ::"
"ዋት ኤቨር::እዛ ውስጥ ሳራንም አስገባት::"
"ዮሂ.. እኔ ምጠቅማት አይነት ሰው አይደለሁም::"
"እኔ ከእህቴ ጋር ነው የኖርኩት::በዚህን ያህል ልክ ከስሜቷ ጋር ስትታገል አንድም ቀን አይቻት አላውቅም::"
"ምን ማለት ነው?"
"አትጠይቀኝ::ስትቀርባት መልሱን ታገኘዋለህ::"


ይቀጥላል...


@Mercy_ena_berua✍️

🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂
🎤ከወንድ ዘማሪዎች ውስጥ ማንን ታደንቃላቹ ?
በመዝሙሮቹ የተባረካቹ እና የምትወዱትን ዘማሪ ምረጡ ቀጥሎም የሚመጣላቹ መንፈሳዊ ቻናል ተቀላቀሉ ።
⚡️Wave ለመግባት 👉 @samazion_cj
👇👇👇👇👇👇👇👇👇👇👇👇👇👇

#ሁለት_ሰይፍ
#ምዕራፍ_ሁለት
ክፍል አንድ(ሜርሲ✍️)

"በሳትንበት ደግመን ብንስት ዓለም ድንጋዩ አንተ ነህ የሚል ቢህል አለው::ለምን ይመስላችኋል እንድንሸሸግበት የሚፈልገው::ሚስጥራችንን ለእሱ እንድናዋየው የሚፈልገው::ምክንያቱም የሰውን ልብ ያውቃል አይስተውም::የሰው ልብ የተደጋገመ ነገር ሃዘን ይሰለቸዋል::የእሱ ልብ ሰባት ጊዜ ሰባ እንኳ ደጋግሟችሁ ብትወድቁ ፊቱ ብትመጡ::ለልቡ ብትናገሩ የእሱ ልብ አይሰለችም::የሰው ምክር ያደክማል የእግዚአብሔር ምክር ግን እለተ ተእለት ልባችሁን ያድሳል ያበረታል::ሰዓቴ አለቀ መሰለኝ::እግዚአብሔር ቃሉን በልባችን ያኑረው::"
"አሜን::"አለ ጉባኤው::ሰባኪው ሲወርድ ጉባኤው በጭብጨባ ተቀበለው::ፕሮግራሙ አልቆ ናትናኤል እየወጣ እያለ ከኋላው እጁ ሲያዝ ይቆማል::ዮሃና ነበረች::ዞሮ ቆም ይላል::
"ቢያንስ ይደወላል::"
"ዛሬ ብቻሽን ነሽ?"
አንገቷን በአዎንታ ትነቀንቃለች::
"ማርክ እና ሳራስ?"
"አላውቅም ስለ እነርሱ ብቻዬን ነው የመጣሁት::ማታም አንተ ክፍል ነበር ያደርኩት::"
"ምን ተፈጥሮ ነው?"
"ስለ እኛ ምንም ነገር አትጠይቀኝ::"

"እሺ አልጠይቅሽም::ደስ ብሎኛል ስለ አንቺ::"
"ምን ሆነው ነው እኛን እያዩ የሚያወሩት?" አይኗን ከእሱ አሻግራ እየተመለከተች::
"እነ ማን ናቸው?"
"የቤተክርስቲያን ሽማግሌዎች::" ዘወር ሲል አራት የቤተክርስቲያን ሽማግሌዎች እያዩአቸው ነበር::አንድኛው ወደ እነርሱ መጥቶ ሰላም ይላቸዋል::
"ከይቅርታ ጋር ናትናኤል ጥቂት ደቂቃ ቢሮ ልናናግርህ ፈልገን ነበር::"ሁለቱም ይተያያሉ::
"ይቻላል::"በዓይኑ ተሰናብቷት አብሮት ይሄዳል::አቤነዘር ራቅ ብሎ ከቆመበት ዮሃናን ይቀርባታል::
"ሰላም ዮሃና::"ዞራ ትመለከተዋለች::

* * *
ሳራ አልጋዋ ውስጥ ሆና እራሷን ሻሽ ግጥም አድርጋ አስራ ከትራሷ ደገፍ ብላ እጃን ትፈትጋለች::
ማክቤል ከእግሯ አጠገብ ተቀምጦ አይን ዓይኗን ይመለከታል::
"እህቴ ሰዓቱ እኮ ሄዷል::ዮሂ የምትመጣ አይመስለኝም::ወይ ዶክተሩ እዚህ ይምጣ::"
"አይ::ደሕና ነኝ እኮ::ስትመጣ አብረን እንሄዳለን::"
"እጅሽ እየተንቀጠቀጠ እንደሆነ እንዳላይ አይደል ጠፍረሽ የቆላለፍሻቸው::"
እያላቀቀች:-
"ይሀው ደሕና ነኝ::እንደውም ምሳ እንስራ::አልራበህም::" ከአልጋው ታግላ በመውረድ ሲያያት ፈገግ ትል እና ወደ በሩ ትሄዳለች ማክቤል ይከተላታል::

* * *

".. እናም ከእሷ በላይ አንተ ነገሮችን ታመዛዝናለህ::ኃጢያትህን ሸሽገህ በሰው ፊት ደሕና እየመሰልክ አስራት ብታስገባስ እግዚአብሔር ደስ ይሰኝብሃል::" ናትናኤል ከጠረጴዛው ላይ ካለው የዮሃና እና የእሱ ፎቶ ላይ ዓይኑን ተክሎ ለእረጅም ጊዜ ፀጥ ብሎ ሲያዳምጣቸው ቆይቶ ቀና አለ::
"የእግዚአብሔር ልብ ደስ ስለሚሰኝበት ነው የምሰጠው::እሱን በደልኩት እሱን ይቅርታ ጠየቅኩት::ለሌላው መግለጥ እንደነበረብኝ አላውቅም ነበር::እኔ እናንተን አከብራችኋለሁ::እግዚአብሔር እዚህ ወንበር ላይም አስቀምጧችኋል::በእሱ መነፅር ብታዩኝ እውነቱ በበራላችሁ ነበር::ደሕና ዋሉ::" ሲወጣ በአይናቸው ተከተሉት::
"እረግጦ ወጣ!?"

* * *

ወደ መኪና ማቆሚያው ሲሄድ ዮሃና ቆማ እየጠበቀችው አገኛት::ቀርቧት ይቆማል::
"ስለ እኔ እና አንተ ነው አይደል?"
አንገቱን አቀርቅሮ ዝቅ ይላል::
"ይቅርታ ናቲ እኔ ነኝ እዚህ ውስጥ የከተትኩህ::ከዚህ በኋላ አንረብሽህም::"ቀና ብሎ ይመለከታታል::
"መኪና ውስጥ ግቢ!"
"ሹፌሩ እየመጣ ነው::"
"ግቢ አልኩሽ!" ግራ በመጋባት ከኋላ ትገባለች::
የፊተኛውን በር ከፍቶ በመግባት ቤልቱን እያሰረ ወደ ጎን ዘወር ሲል ሁለት ወጣቶች ወደ እነርሱ ሲመለከቱ አየ::
"ሀይ ጌታ::"" ሞተሩን ያስነሳል::

* * *

ዓይኗን ጨፍና በመግለጥ ጎመኑን መክተፍ ቀጠለች::ማክቤል ከስሯ ሆኖ ቀና ብሎ ያያታል::
መክተፉን አቁማ ወደ እሱ በመመልከት:-
"ስልኬ እየጠራ ነው መሰለኝ::አምጣልኝ::" ወደ ክፍሏ በመሄድ ከጠረጴዛው ሄዶ ያነሳል::የዮሃና መሆኑን ሲያውቅ ቆም ብሎ ያነሳል::
"ሄለው ዮሂ::የት ሄደሽ ነው?"
"ቸርች ማክዬ::ለምን አልመጣችሁም?"
"አሟታል::"
"አሟታል?... ማን ሳራ?"
"አዎ::ማታም አንቺ አልነበርሽም::በጣም ሲያማት ነበር::"
"ናቲ ወደ ቤት ንዳው::ቆይ ምኗን ነው ያመማት.. ሀኪም ቤት ሄዳችሁ ታዲያ?"
"አልሄድንም::"
"እንዴ ለምን!?"
"አንቺን እየጠበቅን::" ድምፅ ሲሰማ ስልኩን በእጁ ይዞ እየሮጠ ወደ ሳራ ሄደ እና ደንግጦ ቆመ::
"ሄለው ማክ... ማክ ይሰማሃል.. ምን ተፈጥሮ ነው?" እንባው እየወረደ ስልኩን ወደ ጆሮው መለሰ::
"ወድቃለች::"

ይቀጥላል.....


@Mercy_ena_berua✍️

❓❓❓❓❓❓❓❓❓❓❓❓❓❓
✨በቅርቡ ከተለቀቁ የመዝሙር አልበሞች ውስጥ የትኛው የመዝሙር አልበም እናድርሳቹ

የምትፈልጉትን መርጣቹ የሚመጣላቹሁን መንፈሳዊ ቻናል ተቀላቀሉ

➢የሚሸጥ መንፈሳዊ #የFaceBook Page

#53K & #132K Follower ያለውን እጅግ በተመጣጣኝ ዋጋ መግዛት የሚፈልግ
  አናግሩኝ !
           አናግሩን  | ደውሉልን
         📥 @samazion_cj
         ☎️  +251955768670

.    💒ዛሬ ቸርች ሄዳቹዋል⛪️ ?

ቸርች ለሄዳቹም ላልሄዳቹም ዛሬ አሪፍ መንፈሳዊ ቻናል ልጋብዛቹ☺️


አዎ ሄጃለው😊 ወይም እረ አልሄድኩም😔 በማለት መልሱ

❌ታዲያ መዋሸት አይቻልም❌

#ሁለት_ሰይፍ
ክፍል አስራ ዘጠኝ(ሜርሲ✍️)

ናትናኤል ከአቤነዘር ክፍል ከአልጋው ተኝቶ ስልክ ከእራስ ጌው ጋር ያለ ስልክ ሲጠራ አይኑን ታግሎ በመግለጥ ስልኩን ሲመለከት ዮሐና ይላል እያነገራገረ ቆይቶ አንስቶ ጆሮው ላይ ያደርጋል::
"ሄለው ዮሂ::"እያዛጋ::
"ዛሬ ላገኝህ ነበር::"
"ደሕና አደርክ አይባልም?"
"አድረህ መስሎኝ የምታዛጋብኝ::አራት ሰዓት ወደ ሰፈር ደርሰህ ደውልልኝ::"
"ዛሬ ክላስ የለሽም?"
"ቅዳሜ ነው.."
"ኦህህ.. ያ... ዮሂ ምን መሰለሽ::"
"ምንም አታስረዳኝ::አራት ሰዓት ደውልልኝ::"
"አልችልም ዮሂ::ትረጋጋ እሷ መጀመሪያ::ተገናኘን ማለት ጥርጣሬዋን አረጋገጥን ማለት ነው::"
"ስለ እሷ አያገባኝም::እንደፈለገች አጣማ መረዳት ትችላለች::"
"ያገባሻል::እህትሽ ናት::"
"እህቴ ብትሆን እንደዛ ወርዳ ባላሰበች ነበር::"
"ለአንቺ ከመጠንቀቅ እና ከማሰብ ነው::"
"እኮ ፕራይቪስዬን ጥሳ የሚከታተለኝን ሰው መድባብኝ ነው ማሰቧን የምታሳየኝ::"
"እሷ አይደለችም::"
"ታዲያ ማነው?"


* * *

ሱዚያና ከቤቷ ደረጃ ላይ ተቀምጣ ሲጋራ እያጨሰች በሩ ሲንኳኳ በመተርኮሻው አጥፍታ መልሳ ከኪሷ በመመለስ ወደ በሩ ሄዳ ትከፍታለች::ናትናኤልን ስታየው በድንጋጤ ካለችበት ትቆማለች::
"እንዴት አደርሽ::መግባት ይቻላል::"
አንገቷን በአዎንታ በመነቅነቅ ያያዘችውን በር ትለቅለታለች::ገብቶ ግቢውን በዓይኑ በመቃኘት መተርኮሻውን አይቶ ከደረጃው ይቀመጣል::
በሩን ዘግታ ወደ እሱ በመቅረብ:-
"ውስጥ አትገባም::ቡና ላፍላልህ::"
"አይ::ጠጥቼ ነው የመጣሁት ተቀመጪ::"
አጠገቡ ትቀመጣለች::
"ሲጋራ እንዳቆምሽ ነበር የማውቀው::"
"አንዳንዴ ሕይወት እንዳሰብካት አትሄድም::"
"አንዳንዴ አይደለም ሁሌም ነው::አንቺ ኮንትሮል ማድረግ ያቃተሽን ነገር እሷ ኮንትሮል ታደርጋለች::አሁን የመጣሁት ምክንያትሽን ለማወቅ ነበር::ለምንድነው ከሕይወቴ የማትወጪው?"
አተኩራ አይታው:-
"ስለ ምወድህ::የማንም ሆነህ ማየት ስለማልችል::"
"ስለማትቺይ::" ፈገግ ይላል::
"አንድ ጥያቄ ልጠይቅሽ?" አንገቷን በአዎንታ ትነቀንቃለች::
"ፍቅር ወይስ በቀል ነበር ለእኔ የነበረሽ::"
"ምን እያልክ ነው::"
"ትለወጪያለሽ ብዬ አስብ ነበር::ግን የአባትሽ እና የቀድሞ ፍቅረኛሽ በቀል መወጫሽ አድርገሽኝ ነበር::በእኔ ላይ ብዙ ወንዶች ደርበሽ ነበር::"
"ይቅርታ ብዬ ነበር እኮ::"
"አይ::አፍሽ ብቻ ነው ያለሽ::ሥራሽ እስካሁንም አለ::ሱዚያና እባክሽ::ለእራስሽ አስቢ::የሰው ለውጥ ካላስደሰተሽ ያንን ሰው ከሕይወትሽ በማውtጣት እርሺው::ሕይወቴን አትበጥብጪው::"
ተነስቶ ሲወጣ ተመልክታው::ሲጋራውን ከኪሷ በማውጣት ታቀጣጥለው እና ወደ ውስጥ ምጋው በእረጅሙ ታወጣዋለች::
"ገና በቀሌን መች ጀመርኩኝ::አብረሀኝ
ትሞታለህ::"በስላቅ ፈገግ ትላለች::


ይቀጥላል....

@Mercy_ena_berua✍️

#ሁለት_ሰይፍ
ክፍል አስራ ስምንት(ሜርሲ✍️)

መጠጥ ቤት ላይ ዮሃና እና ናትናኤል ተቀምጠው ዮሃና እጇን በእጁ ላይ አድርጋ::መኪና ላይ ተቀምጠው ጉንጩን ይዛው ወደ እሷ እየተመለከተ እና አቅፉአት ከፎቶው ላይ ሲመለከት ቆይቶ ወደ ሳራ ቀና ሲል ፊቷ ደም ለብሶ ስትመለከተው ነበር::
"ሳሪ..."
"ምንም እንድታስረዳኝ አልፈልግም::ከጆሮዬ ይልቅ አይኔን አምነዋል::እኔ እኮ በዛ ፍጥነት ስትቀየር ግራ ገብቶኝ ነበር::ክፍልህ ስትገባ እንኳ ምንም አላልኩም::አምኘህ ነበር::"
"አይ አልመሰለኝም::አይንሽን ብታምኚው ከፊትሽ ቆሞ ያለውን ሰው ታምኚው ነበር::"
"ብዙ አትዘባርቅ::አላውቅህም::እናትህ እና አባትህ ሲመስለኝ ልክ ናቸው::ማንም ጥሩ ልብ ያለው ልጅ እናት እና አባቱን ጮሆባቸው እረግጧቸው አይሄድም::ከዚህ በኋላ እህቴ አጠገቧ.. አጠገቧ እንዳትደርስ::ወንድሜንስ ምን አድርገሀው እንደሆነ በምን አውቃለሁ::"
"ምን አልሽ ሳራ!?" ባለማመን ይመለከታታልም::
"እህምም.... አመሰግናለሁ በጣም::"

ጥሏት ወደ ክፍሉ ይገባል::

* * *

ናትናኤል ከመኪናው ላይ ዕቃውን በማስገባት ኮፈኑን ሲዘጋው ዮሃና እና ማክቤል ከመኪናው ይወርዳሉ::ማክቤል ሮጥ ብሎ ያቅፈዋል::ዮሃናም ቁጥጥ ብሎ አቅፎት በኋላ ፀጉሩን እያሻሸ:-
"ቃል ግባልኝ?"
"ምን?"
"እኔ ለጥቂት ጊዜ የሆነ ቦታ እሄዳለሁ እና ታላቅህን እንደማታስቸግራት.. አብረሃት መጫወቻ ቦታ እንደምትሄድ::ዎልክ እንደምታደርጉ::"
"እሺ::ግን ትቆያለህ?"
"አላውቅም::"
"ምን እያልክ ነው::" ዮሃና ከማክቤል ኋላ ቆማ::
"ወዴት ልትሄድ ነው::"
ቀረብ ብሎ ዝግ ባለ ድምፅ:-
"ስሚኝ ዮሂ::ማንም ምንም ቢልሽ ከለውጥሽ እንዳያስቆምሽ::ለእራስሽ ስትይ ታገይ::በምትሰሚው ነገር ልብሽ እንዳይወርድ::"
"እየተሰናበትከኝ ነው?.. ቆይ ምን ተፈጥሮ ነው::"
"ዮሃና.."ሲዞሩ ሳራ ከበሩ ቆማ ነበር::
"ወደ ውስጥ ግቡ!" ዮሃና ዞራ በጥያቄ ትመለከተዋለች::
"ባለፈው ያልኩሽን እንዳትረሺ::" የማክቤልን ግንባር ስሞ ወደ መኪናው ይገባል::
"ቶሎ ተመለስ::" አለው ማክቤል::
ዮሃና አንገቱን በመስኮቱ አውጥቶ በአዎንታ ይነቀንቅለታል::መኪናው ሲሄድ በአይናቸው እስኪታጠፍ ከሸኙት በኋላ ዮሃና ፈጠን ብላ ወደ ሳራ ሄዳ እፊቷ ትቆማለች::
"ምን አድርገሽው ነው?"
"በኋላ እናውራለን ውስጥ ግቢ::"
"የምር አንቺ ከሆነ ይሄን ያደረግሽው::በጣም የምታሳዝኚ ሰው ነሽ::" ቦርሳዋን በእጇ አንጠልጥላ ገፋ አድርጋት ትገባለች::

* * *

"ቤትህ ታምራለች::" አለ የአቤነዘርን ቤት በዓይኑ እየቃኘ::
"የላጤ ቤት ምኑ ያምራል ብለህ::" ያፈላውን ሻይ ለሁለቱም ቀድቶ ተቀመጠ::
"የምር ቆንጆ አድርገህ ነው የያዝከው::"
"የኮንደምኒየም ኑሮ ትንሽ አስቸጋሪ ነው ግን ትለምደዋለህ::የገባሁ ሰሞን ከላይ ያሉ ተከራዮች በየጊዜው ይጠጣሉ ሲጨፍሮ ቤቱ እላይህ ላይ የሚፈርስ ይመስል ነበር::"
ናትናኤል ፈገግ ብሎ:-
"ታዲያ አሁን አሉ::"
"አረ::ተንበርክኬ ቃል በቃል ጌታ ሆይ ከዚህ አውጣቸው አልኩ::ወጡ::"
"አጭር እና አሳዛኝ ታሪክ::" ሁለቱም ይስቃሉ::
አቤነዘር አተኩሮ ተመልክቶት:-
"ሱዚያና በዚህ ልክ ትሄዳለች ብዬ አልጠበቅኩም ነበር::ልክ ፎቶውን ስትሰጠኝ ልቤ እንዳላምናት ሲወተውተኝ መጥቼ ፀለይኩኝ::መንፈስ ቅዱስም የልቤን ጥርጣሬ አረጋገጠልኝ::ከባለፈው በኋላ እራሴን በጣም ሳየው ነበር::ወላጆችህን አገኘኋቸው የሚያወሩትን በጥልቀት ለማዳመጥ ሞከርኩኝ::የገባኝ ነገር ምን እንደሆነ ታውቃለህ::ስንት ነገር እንደተሸከምክ::ወጣቶች መሪ እያለህ እያንዳንዱን ትጋትህን አውቀው ነበር እና እንዴት ቻለበት ነው ያስባለኝ::እኔ ብሆን አልችለውም ነበር::የምር ይቅርታ ወንድሜ::ደጋግሜ እደውል የነበረውም ይቅርታ ልጠይቅህ ነበር::ከዚህ በኋላ ብቻህን አትዋጋም::እኔ ወንድምህም አለሁ::"
ናትናኤል ዓይኑ በእንባ ይሞላል::
"ዛሬ እግዚአብሔርን ምድር ላይ አንድ ሰው አጣህን ብዬው ነበር::"
አቤነዘር ተነስቶ ያቅፈዋል::

* * *

ሳራ እና ዮሃና ናትናኤል ከነበረበት ክፍል ከሶፋው ላይ ተቀምጠዋል::ዮሃና ፎቶዎቹን አይታቸው ቀና አለች::
"የሚከታተለን ሰው መድበሽ ነበር?"
"ምን?"
"ተይው እኔን አትመኚኝ::እሱን እንዴት?... አንቺ ልብ የለሽም?.. ቢያንስ አይን የለሽም!? እንዴት አሰብሽው ግን::እነዛ በርህራሄ የሚያዩት አይኖቹ... ከዛ በላይ ይሄ ፎቶ ማስረጃ ሆነሽ!?"
"ዮሃና እየጮህሽ ነው... ማክቤል ይነሳል::"
"ይነሳ::" ከተቀመጠችበት እየተነሳች::
"ታላቅ እህቱ መቼም የማያገኘውን ወንድሙን በምን እንደነጠቀችው ይስማ::ከሞት የመለሰንን ወንድማችንን አዋርዳው እንዳባረረችው ይመልከት::ምን አይነት ማሰብ የተሳነሽ ሴት ነሽ::"
ሳራ ብድግ ብላ በጥፊ ጉንጩአን ስትመታት ማክቤል ይገባል::ዝቅ ብላ የመታችበትን እጇን እየተንቀጠቀጠ ትመለከታለች::ዮሃና እንባዋ እየወረደ ተመለከተቻት::
"እማዬ እንደዚህ አልነበረም ቃል ያስገባችሽ::"ፎቶዎቹን ከመሬቱ ጥላ ትወጣለች::


ይቀጥላል...

@Mercy_ena_berua✍️

#ሁለት ሰይፍ
ክፍል አስራ ሰባት(ሜርሲ✍️)

ሱዚያና ጉንጩን ልትስመው ስትል ከወንበሩ ደገፍ ብሎ ይርቃታል::በጥያቄ ተመልክታው ወንበሩን ስባ ተቀመጠች::
"ምን ሆነሃል?... በዚህ ምሽት አጣድፈህ ስትጠራኝ እኮ ግራ ገባኝ::"
"ቤቴን እንዴት አወቅሽው?"
ፈገግ ትላለች:-
"በዚህ ዘመን ቤቴን እና ስልኬን እንዴት አገኘሽው አልቀረም እንዴ?"
"ለምን ይቀራል?... በጣም የተለየ ምክንያት ከሌለሽ በስተቀር የሰውን ፕራይቬሲ መጣስ ለምን አስፈለገ?"
"ይሄን ያህል ያስቆጣሃል ብዬ አላሰብኩም::"
"ስሚኝ ሱዚያና::የማውቅሽን ያህል አውቅሻለሁ::ስለ እናትሽ ስትነግሪኝ ምን አልባት ተለውጣ ይሆናል ብዬ አስቤ ነበር::ቆዳሽን ነበር የቀየርሽው::ገና እናትሽን ከቀበርሻት ወር አልሞላሽም::ምን አለ ክፋትሽን ብታቆይው::"
"ምን እያልክ ነው?"
"ደግመሽ ወደ ሕይወቴ እንዳትመጪ እያልኩሽ ነው::ሕይወትሽን ኑሪ::ብቻልሽ ቢቻልሽ ነገ ለምትመጣዋ ሱዚያና እዘኚላት::ሕይወቷን ሲኦል አታድርጊው::" የመኪና ቁልፉን ይዞ ይነሳል::
"ያቺ ሴት እውነተኛ ማንነትህን ብታውቅ ዛሬውን ከቤቷም ከሕይወቷም እንደምታስወጣህ ታውቃለህ መችም::" ጀርባውን ካዞረበት ወደ እርሷ ተመልሶ ይጠጋታል::ፈገግ ብሎ:-
"ያቺ ሴት ያልሻት ትላንት በተሳሳትኩት ስህተት የምትፈርድ ሴት አይደለችም::እና ደግሞ ብዙ የሚከራዩ ቤቶች አሉ::ጭንቅላትሽ ላይ ያሰብሽውን ክፋት ማስቆም አልችልም::ግን እመኚኝ መጨረሻ ላይ የምትጎጂው እራስሽን ነው::" ጥሏት ከካፌው ይወጣል::


* * *

ከሶፋው ላይ በጀርባው ተኝቶ መፅሐፍ ከሚያነብበት በሩ ሲንኳኳ መፅሀፉን ዘግቶ ሄዶ ይከፍታል::ዮሃና በወይን የተሞላውን ጠርሙዝ አሳይታው አልፋው ትገባለች::
"ለሆዳችሁ ህመም ትንሽ ወይን ተጎንጩ ብሏል ጳውሎስ::"ከሶፋው ተቀምጣ ብርጭቆውን ከጠረጴዛው አስቀምጣ ከወይኑ ግማሽ ትቀዳለች::በሩን መለስ አድርጎት ከሶፋው ከጎኗ ይቀመጣል::
"ሆድሽን አሞሻል?"
አንገቷን በአሉታ ትነቀንቃለች::
"ጳውሎስ እንዳለው እናንተ እንደምትሉት እንሂድ ብል እንኳ በዚህ ዘመን አንድም ሰው ወይንን ለሆድ ህመም ብሎ አይጠጣም::ምክንያቱም ከእሱ የተሻሉ ብዙ መድሃኒቶች አሉ::እንደው ለሆድ ህመም ብሎ ጠጣ ብንል::ያቺ የቀዳሻት ከበቂ በላይ ናት::እውነታው ግን ሰዉ የሚጠጣው ደስታን ፍለጋ.. ከእራሱ መደበቂያ... ንዴቱን ማብረጃ... የመሳሰሉት::እነዚህን ደግሞ ክርስቶስ ጋር የምታገኛቸው ነገሮች ናቸው::አሁን አንቺ ምንድነው የሚስጠጣሽ::" ጠርሙሱን እና የቀዳችውን ከፊቷ አንስቶ ከኋላው ካለው ጠረጴዛ ላይ በማስቀመጥ ተመልሶ ይቀመጣል::
"ናቲ ቀልድህን አቁም እና መልሰው::"
"ለጠየቅኩሽ ጥያቄ ምላሽሽ አሳምኖኝ ከተገኘ መልሼ እሰጥሻለሁ::"
"ድርቅና::ኡፍፍፍፍፍ... ምንድነው የሆንኩት::እ... አዎ::ምንድነው የሆንኩት ግን.."
ፈገግ ይል እና:-
"እኔ ላግዝሽ::ደብሮሽ ነበር?"
"እኔ ሁሌም እንደደበረኝ ነው::"
"ምክንያቱ ምንድነው?"
"አባቴ እና እናቴ..."
"እሱን ዛሬ መቃብራቸው ላይ ወድቀሽ አልቅሰሽ ወጥቶልሻል::እራስሽን አትሸውጂ::ሌላ ምክንያት ስጪኝ::"
እያሰበች ትቆያለች:-
"በቃ መጠጥ አማረኝ::"
"አማረኝ::ይሄ ጥሩ መልስ ነው::ልማድ አምሮትን ይወልዳል.. አምሮት ደግሞ ድርጊት... ድርጊቱ ደግሞ ወደ ኃጢያት ይመራሻል::ኃጢያት ደግሞ ወደ ሞት ይወስድሻል::ሰይጠን እንደሚገድልሽ እርግጠኛ ሲሆን ፈፅሞ ቸኩሎ አይገልሽም::ለእሱ እዛ ከበቁቂ በላይ ነብሳት አሉት::እሱ ጥሉ ከአንቺ ጋር አይደለም::ወደ ምድር ከጣለው እግዚአብሔር ጋር ነው::አንቺን በፊቱ እያሰቃየሽ ሊያሳየው ይወዳል::"
"ናቲ ምን አይነት የሚጨንቅ ነገር ነው የምታወራው::"
"ሳወራው ጨነቀሽ?.. ስትኖሪውስ!?... በጣም ጠንካራ ክርስቲያን እንደነበርሽ ሰምቻለሁ::እና የምነግርሽ ነገር በደምብ ይገባሻል:::"
ዝም ብሎ ሲያያት ቆይቶ:-
"ዮሂ... እመኚኚ ይገድልሻል::አሁን ደግሞ ወደ እራስሽ እየተመለሽ እንደሆነ ሲያውቅ ከእጁ እንዳታመልጪበት የእረጅም ጊዜ እቅዱን ለአሁን ያደርገዋል::ለእራስሽ ስትይ ከእግዚአብሔር ጎን ቁሚ::አሁን መጠጣት ትቺያለስ::እኔ ሻይ ላፍላ::ውስጥ ገብቶ ሻይውን ጥዶ ሲመለስ ዮሃናን ከተቀመጠችበት ያጣታል::ወደ ጠረጴዛው አይኑን ሲያደርግ ወይኑ እንዳስቀመጠው ነበር::

* * *

ዮሃና በማለዳ በመነሳት ከጭንቅላቷ አጠገብ ያስቀመጠችውን መፅሐፍ ቅዱስ ገልጣው ወዲያው ትዘጋው እና ቱታ ለብሳ የጆሮ ማዳመጫዋን በማድረግ ወደ ማክቤል ክፍል ገብታ ከተኛበት ስትመለከተው ትቆይ እና ግንባሩን ስማ በመውጣት ከግቢ ውጭ ስትወጣ ሹፌሯ ዳንኤል እየጠበቃት ታገኘዋለች::ሰላም ብላው ወደ መኪና ውስጥ በመግባት ጂም ቤት አድርሷት ይመለሳል::የቀድሞው አሰልጣኙአ ባለማመን ተመልክቷት አቅፉአት ሰላም ይላታል::በሳምንት አራት ቀን ጂሚ እየተመላለሰች ከ ናትናኤል ጋር እያወራች::የየቀኑን ሪፖርት እያቀረበችለት እራሷ ላይ ለውጥን ለማምጣት እየጣረች አሳለፈች::
ናትናኤልም የአቤነዘርን ስልክ ጨምሮ ማንኛውንም ስልክ ሳይመልስ እነ ዮሃና ላይ ትኩረቱን አድርጎ ሲሰራ አሳለፈ::ለውጣቸው ለእሱም ተዓምር ሆኖበት ነበር::
ሳራ የምታየው ነገር የፀሎቷ ምላሽ ቢሆንም በዚህ ፍጥነት ነገሮች እንዴት እንደተቀየሩ ጥያቄ ፈጥሮባት ግን እግዚአብሔርን ከማመስገን ሳትቦዝን ሳምንቱ ያልቃል::

* * *

ሳራ ማክቤልን ለማምጣት እየተዘጋጀች የግቢው በር ሲንኳኳ ፈጠን ብላ ስትወጣ ናትናኤልም ይወጣል::
"እኔ ልክፈተው::"ብላ ወደ በሩ ስትሄድ ከመሬቱ የወደቀ ፖስታ አይታ ታነሳ እና በሩን ከፍታ ውጭ ስታይ ማንንም ታጣለች::በሩን በመዝጋት ፖስታውን ከፍታው ከውስጡ ፎቶዎችን አውጥታ እየተመለከተች እጆችዋ መንቀጥቀጥ ይጀምራሉ::ናትናኤልን ቀና ብላ ትመለከተዋለች::


ይቀጥላል....

@Mercy_ena_berua✍️

#ሁለት-ሰይፍ
ክፍል አስራ ስድስት(ሜርሲ✍️)

....
"ፍቅረኛ!?"
"አዎ::ምነው ለምን ተገረምክ?"
"እንደተለያያችሁ ነበር ማውቀው::" ፈገግ ብላ:-
"መለያየት እና አለመግባባት በጣም የተለያዩ ነገሮች ናቸው::ናቲ ከእኔ ውጭ ማንም ሴት ባህሪውን ተሸክማ አትኖርም::"
"አልገባኝም::" ከቦርሳዋ በዛ ያሉ ፎቶዎችን አውጥታ ትሰጠዋለች::
"እንደዚህ እያደረገ አብራው የምትኖር ሴት ትኖራለች ብለህ ነው::" ፎቶውን አይቶ በድንጋጤ ቀና ሲል በፈገግታ ትመለከተዋለች::
"ናቲን አታውቁትም::"

* * *

ናትናኤል ራቅ ብሎ ቆሞ ዮሃናን ይመለከታታል::ዮሃና ከእናት እና አባቷ መቃብር ስር ወድቃ ትንሰቀሰቃለች::የተወሰኑ ደቂቃዎችን ሲያያት ቆይቶ ወደ እሷ በመሄድ ከጀርባዋ ሆኖ ዝቅ ብሎ ደግፎ ያነሳታል::
"ይበቃሻል::እንሂድ::" እጇን ስማ የሁለቱንም መቃብር በእጆችዋ ከዳበሰቻቸው በኋላ ደግፉአት ወደ መኪናው ይሄዳሉ::

* * *

ሳራ ከዳቦ መጋገሪያ ቤቱ የቀኑን ሪፖርት እየሰማች ወደ በሩ ቀና ስትል ዮሃና እና ናትናኤል ሲገቡ አይታ ፈዛ ትመለከታቸዋለች::ሪፖርቱን የሚያቀርበው ማኔጀሩ እሷን ተከትሎ ይዞራል::
"የማይታመን::" ፈጠን ብሎ ወደ እነርሱ ሄዶ እጅ ነስቶ ሁለቱንም ሰላም ይላል::"
"አይኔን ማመን አቅቶኝ ነበር::እንኳን ደሕና መጣሽ::"
"እንኳን ደሕና ቆየህ ሱራ::ሥራ እንዴት እየሄደ ነው::"
"ቆንጆ ነው በጣም::ሳራ በእናቷ ነው የወጣችው::"
ይሄን ሲል ሳራ አጠገባቸው ደርሳ ነበር::
"ትኩስ ዳቦ እና ትኩስ ትኩስ ተቆራጭ አማረንና.."
ሳራ ፈገግ ትላለች::
"ይሄ ለእኔ ትልቅ ተዓምር ነው::"
"በእርግጠኝነት ቃል በቃል የፀለይሽ ይመስለኛል::"
"አትስቺኝም እኮ::ልወጣ ስል ነው የመጣችሁት::"
"እኔ ሰላም ልበላቸው እና እንሄዳለን::" እሷ ስትሄድ ወደ ናትናኤል ትመለከታለች::
"አመሰግናለሁ::ይሄ ለእኔ ምን ማለት እንደሆነ አልገባህም::"
"ታላቁአ ነኝ::ምስጋና ለባዳ ነው::በስም ከሰማሁት በላይ በጣም ትልቅ ነው ማከፋፈያችሁ::"
"እናመሰግናለን::"
"እንውጣ እና ኬካችንን ትቀምሳለህ::"
"በደስታ..."

* * *

ማክቤል እጁን ይዞት በዝግታ ይራመዳል::
"አባዬንም በየቀኑ እጁን ይዜ ነበር ዎክ የማደርገው::" ናትናኤል ደንገጥ ብሎ ይቆማል::ዝቅ ብሎ እያየው:-
"የምር?..."
"አዎ::ብዙ ታሪኮችንም ይነግረኝ ነበር::"
"በጣም ጥሩ አባት ነው::" መራመድ ይቀጥላሉ::
"እስኪ ስለ አባትህ ንገረኝ::"
ደስ እያለው:-
"አባዬ ዓለም ላይ ከሚገኙ አባቶች ሁሉ ምርጡ ነበር::"
"ኦውው... ለምን እንደዛ አልክ?"
"ምክንያቱም አባቴ ነዋ::" ናትናኤል በመልሱ ተገርሞ ፈገግ ይላል::
"እሱ አይዋሽም... አይቆጣም... አይጮህም ነበር::ይፀልይልናል... እና ያከብረናል::"
"ያከብረናል::" ቃሉን ረገጥ አድርጎ ደገመው::
"እግዚአብሔር ግን ወሰደው::እኔ ከሄድኩብህ እግዚአብሔርን ለምን ወሰድከው ብለህ እንዳትጠይቀው ይለኝ ነበር::ለዛም ጠይቄው አላውቅም::ሳራ ግን ሁሌም ትጠይቀዋለች::አባዬ አልነገራትም መሰለኝ::"
"ይሆናል::ለምን አባትህ እንደዛ እንዳለ እኔ ልንገርህ::"
"በናትህ ንገረኝ::" እጁን ለቆ ይቆማል::
ናትናኤል ቁጢጥ ብሎ እያየው:-
"ምክንያቱም እግዚአብሔር ለእንደዚህ አይነት ጥያቄ ምላሽ ስለማይሰጥ ነው::"
"በህልምህ ምንድነው የምታየው?"
"እምም... አባዬ እና እማዬ በጣም ቆንጆ ቦታ ላይ ሆነው ስጠራቸው ዝም ይሉኛል::"
"ያሉበት ቦታ ያምራል?"
"በጣም::"
"አንተ የነበርክበት ቦታስ?"
"በረሃ ነው::"
"አንተ እነርሱ ያሉበት ቦታ ብትሆን እና እነርሱ በረሃው ላይ ቢጠሩህ ትሄዳለህ::"
"አይ.."
"ምን ታደርግ ነበር::"
"ወደ እኔ እጠራቸው ነበር::"
"በጣም ጥሩ::ሌላስ ምንም የምታየው ነገር የለም?"
"አለ::ከመሀከላችን ትልቅ እሳት የሚነድበት ገደል ነበር::"
"አየህ::ወደ እነርሱ ቢጠሩህ አንተ እዛ ጉድጓድ ውስጥ ትገባለህ::እግዚአብሔር እንደ እነርሱ ጊዜው ሲደርስ እሱ ነው የሚጠራህ::ያኔ ያን ጉድጓድ አታገኘውም::አንተ ደግሞ በእነርሱ ቦታ ብትሆን እዚህ አትመለስም ነበር::ለእነርሱስ የተሻለ ቦታ ሲሆኑ ደስ አይልህም::"
"ይለኛል::"
"በቃ ተዋቸው::እነርሱ እዛ ሁሌም ደስተኛ ናቸው::"
ማክቤል ፈገግ ሲል ናትናኤል ጠጋ አድርጎት ያቅፈዋል::


* * *

ሳራ ማክቤልን ካስገባችው በኋላ ወደ ናትናኤል ጠጋ ብላ:-
"ሱዚያና መጥታ ነበር::"
"ምን!?"


ይቀጥላል...

@Mercy_ena_berua✍️

#ሁለት-ሰይፍ
ክፍል አስራ አምስት(ሜርሲ✍️)

ናትናኤል በሩን ከፍቶ ሲወጣ ሳራን ከደረጃው ጋቢ ለብሳ ቁጭ ብላ ይመለከታታል::ዘወር ብላ አይታው ፊቷን ወዲያው በመመለስ እንባዋን ትጠርጋለች::በዝግታ እየተራመደ ሄዶ ከአጠገቧ ይቀመጣል::ከጆሮዋ አንዱን ማዳመጫ በማውጣት ጆሮው ላይ አድርጎ እያዳመጠ:-
"ሊሊ ::ብዙ ትውስታዎች አሉኝ ከመዝሙሩ ጋር::"
ሳራ አይኗን ከጨረቃው ላይ አድርጋ:-
"እናቴን እና አባቴን ያጣዋቸሁ ሰሞን ምንም ሊያፅናናኝ አልቻለም ነበር::ከእግዚአብሔር ቤት ከራቅኩ ደግሞ ከርሜ ነበር::መፀለይ ምን እንደሆነ ጠፍቶብኝ ነበር::እናም መኝታ ክፍሌ ላይ አልጋዬ ላይ ሆኘ ይሄን መዝሙር ደጋግሜ እሰማው ነበር::ትርጉሙ አይገባኝ ካእኔ ጋር አይገናኝ ግን በዚህ መዝሙር ውስጥ ነበር የመንፈስ ቅዱስን ማፅናናት ፊል አደርገው የነበረው::ቀላል ነው ብዬ አብሬያት ዘምሬ ብዙ ነገሮች ቀለሉኝ::ትልቁ ነገር ደግሞ ወደ ቤቱ መለሰኝ::"
"ዛትስ ዋይ አይ ሰይድ ድካም ላይ ስትሆኑ ምንም ማድረግ ቢያቅታችሁ መዝሙር ስሙ እል የነበረው::እኔም ውጭ እያለሁ ልክ እንደ አንቺ ፀሎት ምን እንደሆነ የዘነጋሁ ሰዓት::አቅም ያጣሁ ሰዓት:ዝም ብዬ መዝሙር እሰማ ነበር::እኔ እንቢ ብዬው እንጂ ከአጠገቤ ነበር ጌታ::"
ወደ እርሱ እየተመለከተች:-
"ለምን ነበር ከጌታ የራቅከው?"
"የለብታ ሕይወት ታክቶኝ::እግዚአብሔርን በስርዓት ውስጥ ነበር የማውቀው::ቸርች እሄዳለሁ የወጣቶች መሪ ስለነበርኩ መሪ መሆን ያለበትን ያሳዩኝን እሆን ነበር::ግን ገብቶኝ አልነበረም::በጌታ ቤት ሆኘ የልጅ ሳይሆን የባሪያ ሕይወት መኖር ልዩነቱ አልታይ አለኝ::"
"በግልህ ልታውቀው አትፈልግም ነበር?"
"ነበር::ግን እኔ ማወቅ ባለብኝ መንገድ ሳይሆን እነርሱ ባወቁት መጠን ነበር መንገዱን የመሩኝ::ልጅን በሚሄድበት መንገድ ምራው የሚለው ቃል እኔ ላይ ሊትራሊይ ሰርቶ ነበር::አባቴን ያሳየኝን እየሱስን ነበር የማውቀው::እየሱስ እኔ ጋር የውርስ ነበር::"
"ዚስ እዝ ዊርድ::አይ ሚን እንደዛ ተረድቼው አላውቅም::እና ውጭ ላይ ከለብታ ወደ ቀዝቃዛነት ተቀየርክ::"
"ያ... ቃሉ እንደሚለው::ከአፉ ከምተፋ ብዬ::" ሁለቱም ይስቃሉ::መዝሙሩን ታቆመው እና:-
"መጥፋት ከፈለግን እኮ የሚመቸንን ቃል ጠቅሰን ነው የምንጠፋው::ከዛ ለስህተታችን ቃሉን ጠበቃ እናቆማለን::"
"ልክ ነሽ::ዘግይቶ ነው የገባኝ::ብዙ ነገር አበላሽቼ በኋላ::ሱዚያናም የስህተቴ ውጤት ነበረች::"
"ሱዚያና?"
"እምም::እየጠጣሁ ነበር ያገኘኋት::አንድ ምሽት ሁሉን ነገር ቀየረው::እንደ አንበሳ ዙሪያዬን ሲዞረው ነበር ቀዳዳ ሲያገኝ አይቀጡ ቅጣት ቀጣኝ::"
"መስማት እችላለሁ?"
"ትችያለሽ ግን ጊዜው ሲደርስ::አሁን ትኩረታችን ማክ እና ዮሃና ላይ እናድርግ::"
"ጥሩ ይዘሃቸዋል::ብዙ ነገር እየተማርኩ ነው ከአንተ::"

* * *
ዮሃና ከቤት እየወጣች አሰብ ታደርግ እና የናትናኤልን ክፍል አንኳክታ ትከፍታለች::
"እንዴት አደሩ::" ከጠረጴዛው ቁርስ የበላበትን ሳህን ከሚያነሳበት ቀና ብሎ ተመልክቷት ፈገግ ይላል::
"ዛሬ የሆነ ቦታ ከክላስ በኋላ መሄድ ፈለግኩኝ እና?"
ቅንድቡን ከፍ ዝቅ አደረገ::
"ጥ.. እንዳሰብከው አይደለም::ነፃ ከሆንክ እደውልልሃለሁ::አብረን እንሄዳለን::"
"እሺ... ደውይልኝ ስትወጪ::"
"አይ ዊል::መልካም ቀን::"
"ለአንቺም::" በሩን መልሳ ዘግታ ትወጣለች::ማክቤል ከኋላዋ ቆሞ ኖራል ስታየው ትደነግጣለች::ምንም ሳይላት አልፉአት በሩን አንኳክቶ አንገቱን ያስገባል::ናትናኤል ሲያየው ደስ የሚል ፈገግታ እየለገሰው:-
"ክላስ?"
"አዎ::ዛሬ ኳስ እንጫወታለን?"
"አይ::ዛሬ ሌላ ነገር ነው የምናደርገው::ትወደዋለህ::ማታ ቅዘት ነበር?"
"አይ::አልነበረም::"
"በጣም ጥሩ::ዛሬም አይኖርም::እስከመጨረሻውም አይኖርም::"
"እሺ::ቻው::"
"ባይ::" አንገቱን ሲያወጣ ሳራ በግርምት ሆና ስትመለከተው አገኘ::
"የሆነ ነገርማ አስነክቷችኋል::እንዳያረፍድብን እንሂድ::"

* * *

"ስማኝ አቤኒ እኔ ወደ ኋላ አልመለስም::እኔ ከእግዚአብሔር ቤት አልወጣሁም::ዛሬም እግሩ ስር ነኝ::ከቀደመው ይልቅ አሁን በደምብ አውቀዋለሁ::"
"ታዲያ ክርስቶስን የሚያውቅ ሰው እንዴት አባት እና እናቱን ከቤት ያባራቸዋል::አባት እና እናትን ከማክበር ነው እኮ የሚጀምረው::"
"ጥቅስ... ዋት አባውት ልጁ?.. ህ... በጣም ጥሩ ሰው ነኝ አልልህም::ልክም አልሰራሁም::ግን ሥጋ ለባሽ መሆኔን አውቀዋለሁ::ስሜት አለኝ... እቆጣለሁ.. እናደዳለሁ... ይሰማኛል.... አለቅሳለሁ... ለእረጅም ጊዜያት እኔ ጋር የሌሉት የሰው ባህሪዎች አሁን እኔ ጋር አሉ::ለዛ ነው የሳትኩት::እሱ ስልክ አላነሳ ሲል እማዬ ጋር ደውዬ ይቅርታ ብያታለሁ::ግን መቼም ቢሆን ወደዛ እስራት አልመለስም::"
"ናቲ.. ምን እያልክ እንደሆነ እኮ ነው ያልገባኝ::እነርሱም ዘንድ እውነት አለ..."
"በምን እርግጠኛ ሆንክ?... ስለ ነገሩህ?.. እናት እና አባት ስለሆኑ?... መሪ ስትሆን የደለበ ፊርዳን እና ትንሹን ግልገል በእኩል አይን እይ::እግዚአብሔር ነው የመረጠህ::ሰው አይደለም::እኔ የገባሁበት መአት ውስጥ እንዳትገባ::"
ተነስቶ ሲወጣ በዓይኑ ይሸኘዋል::ሂሳብ ሊከፍል ዝቅ ብሎ ከኪሱ አውጥቶ ቀና ሲል የማያውቃት ሴት ከፊቱ ተቀምጣ ሲያያት በድንጋጤ ሊነሳ ቃጣው::
"ይቅርታ ስላስደነገጥኩህ::ፈልጌው አልነበረም::ሱዚያና እባላለሁ::የናቲ ፍቅረኛ::"
"ሱዚያና!?"


ይቀጥላል.....

@Mercy_ena_berua✍️

#ሁለት ሰይፍ
ክፍል አስራ አራት(ሜርሲ✍️)

ሳራ ክፍሉን በዓይኗ ካማተረች በኋላ ተከፍቶ ወደ ነበረው ላፕቶፕ በመሄድ ዘግታው ከሶፋው ትቀመጣለች::

* * *

"እንዴት ዋልሽ::" ዮሃና የሳራን ጉንጩአን በመሳም ቦርሳዋን አስቀምጣ ከፊቷ ካለው ሶፋ ትቀመጣለች::
ሳራ አይኗን እያሻሸች ከሶፋው ትቀመጣለች::
"ሰዓት ደርሶ ነው!?"
ዮሃና አንገቷን በአዎንታ ትነቀንቃለች::
"ማክስ!?" ብድግ ትላለች::
"ከናቲ ጋር ነው ውጭ::" ፈገግ ብላ::
"ናቲ!?" ትቀመጣለች::
"አዎ እሱ ነው ያመጣን::አንቺ አምጣቸው ያልሽው መስሎኝ"
"እኔ ሹፌሩን ነው ያልኩት::"ከበሩ ማክቤልን አስቀድሞ ናትናኤል ቦርሳውን ይዞለት ይገባል::
ማክቤል አቅፉአት ጉንጩአን ስሟት ከጎኗ ይቀመጣል::
"ምን ሆነሽ ነው እህቴ አሞሽ ነበር?" አላት ፊቷን አተኩሮ እያየ::
"አይ ደሕና ነኝ::ተኝቼ ስለነበር ነው::"
"ማክ ልክ ነው::በጣም የሚያስጨንቅሽ ነገር ካልተፈጠረ በቀን አትተኚም::የተፈጠረ ነገር አለ?.. ሥራ ጋር ደሕና አይደሉም?" አለች ዮሃና::
"አረ ምንም አልተፈጠረም::" ወደ ናትናኤል እየተመለከተች::
"እህታችን እየዋሸችን ነው ወንድሜ::ወደ ክፍላችን ብንገባ ይሻላል::" ዮሃና የማክቤልን እጅ ይዛው ወደ ላይ ይወጣሉ::መሄዳቸውን ካረጋገጠች በኋላ ወደ ናትናኤል ትዞራለች::
"የሰው ጭንቀት ግድ አይሰጥህም?"
"ኦውው.... እኔ ነበርኩ ምክንያቱ::"
"ስልክህን ጥለሀው ነው የሄድከው::"
"አዎ::ቸኩዬ ስለነበር... እናም የረባ ስልክ እንደማይደወል አውቅ ነበር::ስላስጨነቅኩሽ ግን ይቅርታ::ደሕና እደሩ::"
"የት ልትሄድ ነው?"
"ወደ ክፍሌ::" ፈገግ ብሎ አይቷት ይወጣል::
"ጤናህን አጥተሃል አንተ::"

* * *

ናትናኤል ተማሪዎቹን ተሰናብቶ ላፕቶፑን በመዝጋት ማዳመጫውን ሲያወልቅ በሩ ተንኳክቶ ዮሃና በሩ ላይ ትቆማለች::ፈገግ ብሎ አይቷት:-
"ነይ ግቢ ይላታል::" ዮሃና ከሶፋው በመቀመጥ ከጃኬት ኪሷ አንድ ወረቀት አውጥታ ትሰጠዋለች::
ናትናኤል ተቀብሏት ከፊቶት እያነበበው ፈገግ ይላል::
"ፍፁም::" ከወረቀቱ ቀና እያለ::
"ናትናኤል የሚባለው ወንድሜ አይንህን ከታናሼ አንሳ ብሎሃል በይልኝ::ፓርቲ የሚባል ነገር የለም::"
"አረ ናቲ::ይሄ ከእህቴ በላይ አንባገነንነት ነው::ብዙ አላመሽም እኮ::"
"ኦልሬዲይ መሽቷል::እንደባለፈው አንጠልጥዬሽ እንዳወጣሽ ከፈለግሽ ዩ ካን::"
"እሺ.. እሺ::ግን ይሄን ነገር ቀይርልኝ::ቀኑን ኖሬ ማሳለፌ ሳያንስ እየፃፍኩ እንድደግመው አታድርገኝ::"
"ቃል ቃል ነው ዮሃና::ማታ ያወራነውን አትርሺ::አንቺን ትተናል እኮ::እህትሽ ደሕና እንድትሆን አትፈልጊም::"
"እፈልጋለሁ እንጂ::"
"ስለዚህ::ማድረግ ያለብሽን ታደርጊያለሽ::" ፈገግ ብላ ትመለከተዋለች::
"ምን?"
"እምም... ከእህቴ ጋር ዛሬ የተፈጠረ ነገር አለ?"
"አይ.."
"ኦኦ... ሌላ ውሸት አልፈልግም::እኔም አንተን እየሰማሁ እንዳለ እኔም መሰማት አለብኝ::እህቴ እንድትጎዳ አልፈልግም::"
"እሺ::እናቴ እና አባቴ መጥተው ነበር::"
"ኖ ዌይ::በሰላም?"
"ወደ ቤት ይቅርታ ጠይቃቸው እንድመለስ::ትንሽ ስሜታዊ ነበርኩ ስልኬን እረስቼው ጥዬ ወጣሁ::"
"አረ አይደረግም::ቀኑን ሙሉ ታዲያ ሳትመለስ?"
"ማይ ባድ::እንደሚያስጨንቃት አላወኩም ነበር::"
ዮሃና ፈገግ ትላለች:-
"በይ በይ ነገር አትብይ::ሕጂ እና ተኚ::ይሄ እኔ ጋር ይቀመጥ::የነገ ሪፖርት እፈልጋለሁ::"
"እንዳልክ::ደሕና እደር::"እየተነሳች::
"ናይት::" ከወጣች በኋላ በእረጅሙ ይተነፍሳል::

* * *

ማክቤል እና ናትናኤል ኳስ ከግቢ ውስጥ እየተጫወቱ ሳራ ከደረጃው ሆና ትመለከታቸዋለች::ሳራ ከቤት በመውጣት ወደ እሱ ጠጋ ብላ ወረቀቱን ትሰጠዋለች::አንብቦት ጨርሶ ቀና ሲል አይን አይኑን በመማፀን እየተመለከተችው ነበር::
"ኖ... በፍፁም::"
"አረ በጌታ ናቲ::ኤጭ አሁንስ::"እየተነጫነጨች ሄዳ ከሳራ ጎን ትቀመጣለች::
ዮሃና እየሳቀ አይቷት ወረቀቱን ከኪሱ ይመልሰዋል::
"ምንድነው?" ትላለች ሳራ ግራ በመጋባት::
"ነገ ፈተና እያለሽ ሄደሽ ተቀመጥሽ?" ቆጣ ብሎ::
"አረ በምን ቀን ነው ቃል የገባሁልህ::" ብድግ ብላ እየተወራጨች ትገባለች::
"ምን እየተካሄደ ነው?"
"የቤተሰብ ወግ ነው ተያት::"
ወደ ማክቤል ዘወር ብሎ:-
"ስንት አገባህብኝ ማለት ነው?"


ይቀጥላል....


@Mercy_ena_berua✍️

.              ❓ጥያቄ❓
ከቤት እንስሳት መካከል ስሙ በመፅሀፍ ቅዱስ ላይ ያልተጠቀሰው እንስሳ የቱ ነው?

ይህን ጥያቄ በትክክል ከመለሳቹ አሪፍ መንፈሳዊ ቻናል እጋብዛቹሃለው ተቀላቀሉ።

.        ❓የመዝሙር ጥያቄ❓
    💿ይህ መዝሙር የማነው?💿
                       👇
🎶የእኔ ወዳጅ ኢየሱስ ነው🎶
🎶ግዙፉን ቀንበሬን የሰበረው🎶
🎶ከእርሱ በቀር ሌላ አላውቅም🎶
🎶በጣም ተዋደናል አንለያይም...🎶

ይህን ጥያቄ በትክክል ከመለሳቹ ጠቃሚ መንፈሳዊ ቻናል እጋብዛቹሃለው ተቀላቀሉ።

ቤተሰብ ክፍል አስራ አራት እና አስራ አምስት ነገ እለቅላችኋለሁ::እንደዛሬ ለመልቀቅ የማይመቹኝ ቀናት ሲኖሩ በቀጣይ ቀን ሁለት ክፍል የምለቅላችሁ ይሆናል::

ሰናይ ጊዜ❤️

#ሁለት ሰይፍ
ክፍል አስራ ሶስት(ሜርሲ✍️)

ማክቤል እና ዮሃና ከመጫወቻ መጫወቻ እየቀያየሩ ሲዝናኑ.. ሲስቁ.. ሲጫወቱ ናትናኤል ከተቀመጠበት ሆኖ በፈገግታ ይመለከታቸዋል::
ሳራ መሆኗን ሲያይ አንስቶ ጆሮው ላይ ያደርጋል::
"ቀን አንድ ታላቅነት ምን ይመስላል::"
"ታናሽ ያላቸው ሰዎች ምንኛ የታደሉ መሰለሽ::" አለ ፈገግ ብሎ::
"የመጀመሪያ ቀን ሁሉም ነገር ደስ ይላል::ዮሃና ደውላልህ ነበር?.. ስልኳ አይሰራም ከትምህርት ቤትም አልመጣችም::"
"ከማክቤል ጋር እየተጫወተች ነው::ስልኳም እኔ ጋር ነው::"
"የምርህን ነው?"
"ናቲ ፎቶ አንሳን እንጂ::" ትላለች ዮሃና ጮክ ብላ::
"ኦውው አልረብሻችሁ በቃ::ፎቷቸውን ግን እፈልጋዋለሁ::በጊዜም ግቡ::"
"አያሳስብሽ::" ስልኩን ከጆሮው አንስቶ::ተነስቶ ወደ እነርሱ ሄዶ ቆንጆ ቆንጆ ፎቶዎችን ያነሳቸዋል::አብሯቸውም ይነሳል::

* * *

ናትናኤል በሩን ከፍቶ እየወጣ::ጣቱን በአፉ በማድረግ ዝም እንድትል ምልክት ይሰጣታል::ግራ በመጋባት ከመስኮቱ አሻግራ ሲትመለከት ዮሃና ማክቤልን አቅፋ ተኝተው ታይ እና ፈገግ ትላለች::ከቤቱ ደረጃ ላይ በመቀመጥ አይናቸውን ከናትናኤል መኪና ላይ ያደርጋሉ::
"እየቆፈሩ ነበር እንዴ?"
ናትናኤል አይቷት ይስቃል::ከኪሱ ስልኩን በማውጣት ፎቶዎቹ ያሉበትን ከፍቶ ይሰጣታል::በፈገግታ ተሞልታ እያየች ሳታውቀው እንባዋ ከስልኩ ላይ ሲንጠባጠብ ደንግጣ በሹራቧ ከፊቷ ጠርጋ ከስልኩም ትጠርጋለች::ናትናኤል እያያት ፈገግ ይላል::
"በጣም ያማምራሉ::ከአደጋው በኋላ ወጥተን አናውቅም::"ስልኩን ትመልስለታለች::
"የምርሽን ነው::ይሄን ሁሉ ጊዜ?.. ለምን?"
"እኔንጃ::ዮሀናም በእራሷ መንገድ ገባች ማክም ህመሙ እየባሰበት ሄደ::እራት ውጭ እጋብዛቸዋለሁ ከቸርች መልስ ስለ መዝናናት አስበን አናውቅም::"
"ምን አልባት እንደሰማሁት ተዝናንተው እየተመለሱ አደጋው ስለተፈጠረ የፈጠረብሽ ፍርኃት ይሆናል::"
"ይሆናል::እራት እኛ ጋር ነህ አይደል.. እያዘጋጀሁ ነበር::"
"ሁለታችሁም ማልቀስ ትፈራላችሁ::"
"ህ.."
የመኪናው በር ሲከፈት ዘወር ይላሉ::ማክቤል አይኑን እያሻሸ ይወጣል::
"እህቴ::" አለ አይቷት::
"ነግቶ ነው?..." ሁለቱም ተያይተው ይሳሳቃሉ::ዮሃናም አይኗን እያሻሻች ትወጣለች::
"መች ደርሰን ነው!?"::

* * *

ናትናኤል የቤቱ በር ሲንኳኳ ላፕቶፑ ላይ ከሚፅፍበት ተነስቶ በሩን ይከፍታል::ትርሲት ከበሩ ቆማ ነበር::
"እንዴት አደርሽ?"
"እግዚአብሔር ይመስገን::ሰዎች ፈልገውህ ነበር?"
"ሰዎች... እኔን!?"
"አዎ ውጭ በር ላይ ቆመዋል::" ግራ እንደተጋባ ወደ በሩ በመሄድ ሲከፍት ሕይወት እና ኪሮስ ከውጭ ቆመው ሲያያቸው ይደነግጣል::

* * *

ሳራ የጭቅጭቅ ድምፅ ሰምታ ትወጣ እና ከሳሎኑ በር ላይ ትቆማለች::የናትናኤል ክፍል በር ገርበብ ብሎ ስለ ነበር የሚያወሩት በደምብ ይሰማል::
"በተከበርኩበት ሀገር ነው እያዋራድከኝ ያለው::አሁን በቤተክርስቲያን ሽማግሌዎቹ ፊት ይቅርታ ጠይቀሀን ወደ ቤት ትመለሳለህ::" አለ ኪሮስ ለመቆም እየቃጣው::
"ሀይ አባዬ::ይቅርታ ነው ያልከው?... ምን አጥፍቼ?"
"እረግጠሀን እንደወጣህ አትርሳ::"
"እረግጬ የወጣሁት ምንም ነገር የለም::ነግሬያችሁ ነው የወጣሁት::እዚህ በጣም ደሕና ነኝ::እስከ ቸርች የመሄዱ ጉዳይ ነው ያልገባኝ::"
"ምክንያቱም አንተ እዛ እያለህ ታደርጋቸው የነበሩ ሥራዎችን ስለሰማን::እንድትማር ብንልክህ ከዛች የሴተኛ አዳሪ ልጅ ጋር ገጥመህ ሕይወትህን አበላሸህ::አሁንም የወጣሀው ለዛ እንዲመችህ ነው አይደለም እንዴ?"
ናትናኤል ጭንቅላቱን ይዞ ዝቅ ብሎ ከቆየ በኋላ:-
"እባካችሁ ውጡልኝ::"
"ምን አልክ ናቲ::" አለች ሕይወት የሰማችውን ባለማመን::
"እንደውም ተዉት እኔ ብወጣ ነው የሚሻለው::"
እየፈጠነ ሲወጣ ሳራን ከበሩ ቆም ብሎ አይቷት ወደ መኪናው በመሄድ በሩን ከፍቶ በኋላ አስነስቶ ይወጣል::ሳራ በዝግታ እየተራመደች ሄዳ በሩን እየዘጋች ሕይወት እና ኪሮስ አጠገቧ ደርሶ ነበር::
ኪሮስ ቆም ብሎ አይቷት:-
"እባክሽን ወደ ልቡ እንዲመለስ እርጂው::" ብሏት ይወጣሉ::መኪናቸው ከዓይኗ እስኪርቅ ስትመለከት ቆይታ በሩን በመዝጋት::ወደ ቤት እየሄደች ስልክ ትደውልለታለች ስልኩ ከክፍሉ ላይ ሲጠራ ከጆሮዋ አንስታ ወደ ክፍሉ ትገባለች::



ይቀጥላል .......


@Mercy_ena_berua✍️

📡በ ቴሌቪዥናቹ ከምትከታተሏቸው መንፈሳዊ ቻናሎች ውስጥ ምርጡ መንፈሳዊ ቻናል ለእናንተ የቱ ነው ?

#ሁለት ሰይፍ
ክፍል አስራ ሁለት(ሜርሲ✍️)

ሳራ የግቢውን በር ከፍታው ከመኪናው ውስጥ ዮሃናን ስታይ ልቧ ይረጋጋል::በሩን ዘግታ ስትዞር ሁለቱም እየወጡ ነበር::ዮሃና ፊቷን አዙራ ወደ ቤት ትገባለች::ሁለቱም እያዩአት ቆይተው ስትገባ እርስ በእርስ ይተያያሉ::
"ይቅርታ ሳትለኝ እንዴት ገባች?.. የሆነ ነገር ብለሃታል አይደል::"
"ምን አልባት ለምትደግመው ስህተት ይቅርታ መጠየቁ አሰልችቷት ይሆናል::ደሕና ነሽ አይደል.. ማክ ተኛልሽ?"
"ደሕና ነኝ::ዛሬ ደስ ብሎት ነበር የተኛው::"
"በየማታው ነው ቅዘት የሚረብሸው?"
"አዎ::ሁሌም ለሊት ለሊት ላይ ይባንናል::የውጭ በር ከፍቶ ወጥቶም ያውቃል::"
"አንቺ ሲነቃ እንዴት ነው የምታውቂው?"
ፈገግ ብላ:-
"እስኪነሳ አልተኛም::"
ደንገጥ ብሎ:-
"ማለት!?....?"
"ሲነሳ አስተኝቼው ነው የምተኛው::ፀልየን መፅሐፍ ቅዱስ አንብቤለት::እንቅልፍ ቢሸውደኝ እንኳ እናቴ ልጅ እያለ ለሞግዚቷ ብላ የገዛችው ሞገድ አለ::ድምፁን ስሰማ እንሳለሁ::"
"ሳራ.."
"አይዞህ ለምጄዋለሁ::አመሰግናለሁ ስላመጣኃት::በድጋሚ ይቅርታ ስለረበሽኩህ ቅድም::"
"በፍፁም አልረበሽኝም::እንደውም ገላገልሽኝ::ሰበብ እየፈለግኩ ነበር::"
ፈገግ ብላ:-
"የማትፈልገውን ሰው ነው እራት የጋበዝከው::"
"አንዳንዴ ትገደጃለሽ::በይ ውጭው ይቀዘቅዛል ወደ ቤት ግቢ::"
"እሺ::ደሕና እደር::"
"ደሕና እደሪ::" እሷ ቀደም ብላ ስትገባ ከመኪናው ተደግፎ ጥቂት ደቂቃ ሲያስብ ከቆየ በኋላ ወደ ክፍሉ ይገባል::

* * *

ናትናኤል ቤቱን ዘግቶ እየወጣ ሳራ የማክቤልን ቦርሳ ይዛለት እየወጡ ይገናኛሉ::ዞሮ አይቷቸው:-
"እንዴት አደራችሁ::"አለ::
"እንዴት አደርክ ናቲ::"
"እግዚአብሔር ይመስገን::ዛሬ ምን ተገኝቶ ነው ፊትሽ ፈክቷል::"
"ይሀው አላልኩሽም::" አለ ማክቤል ቀና ብሎ እያያት::
"የምራችሁን ነው አልታወቀኝም ነበር::እ... ዛሬ ኳስ አትጫወቱም አመሻሽ?"
ማክቤል እና ናትናኤል ይተያያሉ::
"እንዴ እንጫወታለን እንጂ::" አለ ማክቤል ፈጠን ብሎ::
"አይ አንጫወትም::" አለ ናትናኤል::በጥያቄ አዩት::
"ኦውው.. ሥራ እንዳለብህ እረስቼው ይቅርታ::"
"አረ አይደለም::ከክላስ መልስ ከእኔ ጋር የሚንሄድበት አለ::"
"የት ነው?" ማክቤል ጓጉቶ::
"አይ እሱ ሰርፕራይዝ ነው::"
"ማክ ወደ መኪና ቦርሳህን ይዘህልኝ ግባ እስኪ::"
ተቀብሏት ሮጥ እያለ ሄደ::
"መጫወቻ ቦታ ከሆነ..."
"ሄይ ሳራ... እባክሽ ታላቅ ወንድማቸው እንድሆን ፍቀጂልኝ::አንድ ሳምንት ብቻ ስጪኝ::ለውጥ ካላየሽባቸው እመልስልሻለሁ::እግዚአብሔር እንደምታምኚው ሥራውንም እመኚ::ፍቀጂለት እንዲያግዝሽ::"
"ቦራ?"
"አዎ::የማውቀውም እሱን ነው::"
"እ... እሺ::ማታ ደግሞ ማክ ሳይነሳ ነው ያደረው::"
"የምርሽን ነው::"
"ጌታን... እስካሁን አልገባኝም::ደስተኛ ሆኖ ያየሁትም ትላንት ነው::ዮሂ ደግሞ ስነሳ ቁርስ ሰርታ ምሳ ቁአጥራለት ቀድማኝ ወጥታለች::አላውቅም ብቻ... ለውጣቸውን እያየሁ ስለሆነ ፈቅጄልሃለሁ::"
ፈገግ ብሎ:-
"አመሰግናለሁ::አንቺም ሰው ከፈለገሽ አይ አም ሂር::ኤኒ ታይም አለሁ::መልካም ቀን::"
ወደ መኪናው ሄዶ ሲገባ ትመለከተዋለች::
"አረ እህቴ እረፈደብኝ::" አለ ማክቤል አንገቱን አውጥቶ::
"ኦውው ይቅርታ..." ሮጥ ብላ ትሄዳለች::

* * *

ናትናኤል እና አቤነዘር ከአንድ ካፌ ተቀምጠው ያወራሉ::
"አመንካት?"
"ስለ እናቷ እንዴት ልትዋሸኝ ትችላለች ብለህ::"
"እኔንጃ ናቲ::አንተ ነህ የምታውቃት::ግን ተጠንቀቃት::"
"ምንድነው የምታውቀው ነገር አለ?... ደግሞ የምነግርህ ነገር አለ ብለሀኝ ነበር::"
"አይ እሱ ይቆይ እና አሁን የፈለግኩህ አባትህ መጥቶ ነበር::ፓስተርን ሊያናግረው እና እኔም ነበርኩኝ::"
"ማለት አልገባኝም ስለምንድነው የሚያናግረው::"
"ስለ አንተ::በጣም ተጨንቆ ነው ያወራው::ውጭ እያለ መንፈሳዊ ሕይወትህ እንደተበላሸ::ትላንትም መጠጥ ቤት እንደታየህ... ወደ ቤት እንድትመለስ..."
ናትናኤል እየሰማው ፈገግ አለ:-
"ሃይ አባዬ::አሁንም እንደ ድሮው እኔን መከታተል አላቆመም::ደጋግሞ መስበር አይታክትም ግን::"
"ለአንተ ብሎ እኮ ነው::"
"አቤኒ ብዙ የማታውቀው ነገር አለ::አሁን ልሂድ::"
የመኪና ቁልፉን ይዞ ተነሳ::


ይቀጥላል....

@Mercy_ena_berua✍️

#ሁለት ሰይፍ
ክፍል አስራ አንድ(ሜርሲ✍️)

ማክቤል የመታው ኳስ ናትናኤል አልፎ ከሳሎኑ በር ላይ ይላተማል::ሁለቱም በር በሩን እያዩ ሳራ በሩን ከፍታ ትወጣለች::
"ማይ ባድ::" አለ ናትናኤል እጁን ከፍ አድርጎ::
"በዚህ ከቀጠላችሁ የቤቱ መስታወት ሙሉ መርገፉ ነው::"
"አቆምን በቃ::" አለ እጁን ወደ ቦታው እየመለሰ ፈገግ ብሎ::
"ይሻላችኋል::ዛሬ እራት ከእኛ ጋር አብረህ ብትበላስ::"
"ይቅርታ ሳሪ... ቀጠሮ ነበረችኝ ለሌላ ጊዜ መሆን ይችላል::"
"ይችላል አረ...እና ከቀጠሮህ እንዳያስረፍድህ ማክን ከነኳሱ ልዋስህ::"
"የአንቺው ናቸው::" ኳሱን ልታነሳ ዝቅ ስትል ማክቤል አጠገቡ ደርሶ በዓይኑ አመስግኖት ወደ ውስጥ ይገባሉ::ናትናኤል የእጁን ሰዓት ይመለከታል::

* * *

ሱዚያና እና ናትናኤል ከሆቴሉ ጥግ ላይ ካለ ሰወር ካለ ስፍራ እራታቸውን እየተመገቡ ያወራሉ::ሱዚያና አብቅታ አፏን በሶፍት ከጠራረገች በኋላ ደገፍ ብላ ትመለከተዋለች::ጥቁር ሆኖ ሰውነቷን የሚያሳይ ቀሚስ ለብሳለች::ናትናኤል ቀና ብሎ ተመልክቷት ሹካውን አስቀምጦ አፉን በመጠራረግ ከወንበሩ ደገፍ ብሎ እሱም ይመለከታት ጀመር::
"በረታሽ?"
"እየሞከርኩ ነው::"
"ስለ እናትሽ መጠየቅ እችላለሁ?"
አንገቷን በአዎንታ ትነቀንቅለታለች::
"ለምን እራሷን አጠፋች?.. እነዛ መድሃኒቶችስ ምንድን ናቸው?"
በእረጅሙ ተንፍሳ:-"ሎንግ እስቶሪይ ሾርት::እናቴ የአእምሮ ጭንቀት አለባት እና ብቻዋን ስትሆን እንደቀልድ እየከፋ ሄዶ እራስን እስከማጥፋት ደረጃ አደረሳት::"
"አዝናለሁ... ግን ይሄን አላውቅም ነበር::"
"ሰሞኑን ነው ጎረቤቶችዋ ደውለው የነገሩኝ::እናቴ ነርስ ነበረች እና ህመሟን ታውቀው ነበር::ለዛም ነው መድሃኒት እንድልክላት የነገረችኝ::"
"በሰዓቱ ካልደረስኩ ችግር እንደሚፈጠር ነግረሽኝ ነበር::ለምንድነው እንደዛ የሆነው?.. እኔስ ለምን ገዳይ ተባልኩ::"
"እናቴ ስታወራኝ በጣም በተረበሸ ሁኔታ ውስጥ ሆና ነበር::ካረፈድሽ ይገድለኛል እያለች ጮሃብኝ ነው የዘጋችው::እኔም በዛ መረበሽ ውስጥ ሆኘ ነው አንተ ጋር የደወልኩት::"እንባዋ ሲፈስ ናፕኪን አውጥቶ ይሰጣታል::
እንባዋን እየጠራረገች ከቆየች በኋላ:-
"ለእሷም መሆን አልቻልኩም::"
"ሄይ.." አንዱን እጇን በእጁ ይይዛል::
"እዚህ ውስጥ አንቺ የለሽበትም አታውቂውም ነበር ምን እየተካሄደ እንዳለ::"
ስልኩ ሲጠራ እጁን አንስቶ ስልኩን ይዞ በማንሳት ጆሮው ላይ ያደርጋል::
"ሄለው ሳራ.."
"ናቲ ከረበሽኩህ ይቅርታ::ዮሃና ወጥታለች እና ስትመለስ ልትደውልላት ትችላለህ?... እባክህን.. እያመማት ነው.. እሷ እራሷን እየገደለች ነው::"
"እሺ ተረጋጊ አንቺ ይዣት እመጣለሁ::"
"አመሰግናለሁ::"
"ኤኒይ ታይም::" ስልኩን ዘግቶ መልሶ ወደ ዮሃና ስልክ ሲደውል እንደጠራ ታነሳዋለች::
"ሄይ ቆንጆው ክልሱ ልጅ::"
"ገና ፀሀይ ከመጥለቁአ ሰከርሽ?.. የት ነሽ?"
"ምነው አብረሀኝ ልትጠጣ ነው?"
"አዎ::አብረን እንጠጣለን::"
ቦታውን ነግራው ስልኩን ዘግቶ ቀና ሲል ሱዚያና በግርምት ታየዋለች::
"ይቅርታ በጣም::መሄድ አለብኝ::"
"የባለፈዋ ልጅ ናት?.... በዚህ ፍጥነት ርሌሽን ውስጥ ትገባለህ ብዬ አላሰብኩም ነበር::ደግሞ የተውከውን መጠጥ ጀመርክ::
"ሱዚ... ተንፈስ በይ እስኪ::ትሄጃለሽ ወይስ እዚሁ ትሆኛለሽ::"
"አረ ቤት ሄጄ ከእናቴ ፎቶ ጋር ላውራ እንጂ::"
ሲመለከታት ቆይቶ ወደ አስተናጋጁ እጁን አንስቶ:-
"ቢል::" ይለዋል::

* * *

ናትናኤል መኪናውን እየነዳ ዮሃና የእሱን ጃኬት ለብሳ ከኋላ ተቀምጣ በዝምታ መንገዱን ትመለከታለች::ፀጥ ያለ ስፍራ ሲደርስ መኪናውን አቁሞ በመውረድ ከፊቱ ከመኪናው ኮፈን ላይ ወጥቶ ተቀምጦ ሙሉ ሆና የወጣችውን ጨረቃ ይመለከታል::ዮሃና የወይን ጠርሙዙን በእጇ ይዛ በመውረድ ከአጠገቡ ትቀመጥ እና ትመለከተዋለች::
"እናቴ እና አባቴ አልጋ ለይተው መኖር ከጀመሩ አስር ዓመት አልፎታል::ግን ቸርች አብረው ይሄዳሉ አብረው ብዙ ቦታ ይታያሉ::ትጉህ ሰራተኛ ናቸው ልባቸው ግን ከተለያየ ቆይቷል::"
"ለምን ከዚህ ሁሉ አይፋቱም?"
"ክብር..ሀይማኖት::" ብሎ ፈገግ ይላል::
"በዚህ መሃል እኔን ገደሉኝ::ቸርች ወጣቶች መሪ በነበርኩ ሰዓት ከእግዚአብሔር እግር ስር የምደፋው አብዛኛውን ጊዜ ስለ እነርሱ ነበር::ግን አውቀው የዘጉትን በር ገንጥለህ ግባ ሆነ እና ፀሎቴ ተውኩኝ::ውጭ ሲልኩኝ እፎይ የምል መስሎኝ ነበር::ስሸሸው የኖርኩት ህሊናዬ ብቻዬን ስሆን አገኝቶ አይቀጡ ቅጣት ቀጣኝ::እኔ አሁን ያለሽበትን ህመም አውቀዋለሁ::አንቺም እኔም እናት እና አባታችንን አጥተናል::አንቺ ቢያንስ ከእኔ ትሻያለሽ ፍቅራቸው አብሮሽ አለ::የእኔዎቹ ስጋቸው ብቻ ነው አብሮኝ ያለው እና ስማቸው::የእንትና ልጅ መባል::ቢያንስ ታቅፈውሻል... ስመውሻል.. እወድሻለሁ ተብለሻል...ስታስታውሺያቸው ከነ ጥሩ ትውስታቸው ነው.. እኔ በምን አስታውሳቸዋለሁ::ፈልጌ አንድ መልካም ትውስታ አጣሁኝ::በሁለት ሰይፍ መወጋት ብቻ::"
እንባው ሲፈስ ፊቱን አዙሮ ጠረገ::


ይቀጥላል.....

@Mercy_ena_berua✍️

ቤተሰብ♥
Thank you for your patience.

#ሁለት ሰይፍ ያለማቁአረጥ በሳምንት ለሰባት ቀን ይቀጥላል::

ሰናይ ምሽት♥️

@Mercy_ena_berua✍️

"........እና መምህር እናቴ ምንትዋብ ለእራሷ አትሆንም::ለሰው ነው የምትኖረው::ለሰው ነው የምትለፋው::ሰውን ማጉረስ ነው የእሷ ደስታ::የሰው ፈገግታ ነው የሚያስፈግጋት::ሁሌ ከሰው ጋር ናት::እናም ልባም ሴት ያልኳት ለዛ ነው::"
"ብቻዋን ፈገግ ስትል አይተሃት ታውቃለህ?"
አሰብ አድርጎ"ብቻውን?.. ብቻዋን የምትሆነው ስትሰራ ብቻ አይደለምን?... ብቻዋን... እንጃ መምህር... "
"አይ ተወው::እንኳን እናት ፈገግ ብላ መንገደኛውም ከፊቱ ፈገግታ ከታየ ይስተዋላል::"
"ሊሉት የፈለጉት አልገባኝም መምህር.."
"ወዲህ ነው ልጄ... ወዲህ ነው::ወደ መቀመጫህ ተመለስ እናንተም በጭብጨባ ተቀበሏት::"
ልጁ ወደ መቀመጫዊ ሲያመራ መምህሩ ከከዛራቸው ደገፍ ብለው ከአንገታቸው አቀርቅረው አንድ ነገር ያጉተመትማሉ::ያስተዋለው ግን አልነበረም...ተማሪዎቹ ልባም የተባለችውን እናት የእኔም እናት እንደሷ በሆነች በሚል የልጅነት ምኞቴ ውስጥ ነበሩ::

ሰናይ ምሽት♥️

@Mercy_ena_berua✍️

.      🕊ስለ መንፈስ ቅዱስ የተዘመሩ መዝሙሮች ስብስብ 🕊
         Video Format 👇👇
youtu.be/j2ZDXEGylx8
youtu.be/j2ZDXEGylx8
youtu.be/j2ZDXEGylx8

ሉቃስ 2
⁹ እነሆም፥ የጌታ መልአክ ወደ እነርሱ ቀረበ የጌታ ክብርም በዙሪያቸው አበራ፥ ታላቅ ፍርሃትም ፈሩ።
¹⁰ መልአኩም እንዲህ አላቸው፦ እነሆ፥ ለሕዝቡ ሁሉ የሚሆን ታላቅ ደስታ የምሥራች እነግራችኋለሁና አትፍሩ፤
¹¹ ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋልና።


እግዚአብሔር ለሰው ልጆች ያለውን ፍቅር ለማሳየት ውድ ልጁን ወደዚህ ምድር ላከ::
ውልደቱ ውልደታችን ነው::

ሰናይ ገና ይሁንላችሁ❤️

@Mercy_ena_berua✍️

🔴⚪️🔴⚪️🔴⚪️🔴⚪️🔴⚪️
በዓል እየቀረበ ነው ለዛውም ገና🎉

በዓሉን ድምቅ የሚያደርጉ የተለያዩ ፕሮግራሞችን አዘጋጅተናል🪅
የፈለጋቹትን መርጣቹ ተቀላቀሉን
👇👇👇👇👇👇👇👇👇👇

እነሆ የገና ስጦታ ከዘማሪ ወርቅነህ አላሮ

#አንተ_ታውቃለህ የተሰኘው የፓስተር ዘማሪ ወርቅነህ አላሮ ቁጥር. 3 አልበሙ ተለቋል

ሙሉ አልበሙን ለማግኘት የቴሌግራም ቻናል ይጎበኙ ከታች ያለውን ሊንክ በመጫን
👇👇👇👇👇👇👇👇👇👇👇
https://t.me/YahwehTubeAlbum/349
https://t.me/YahwehTubeAlbum/349
https://t.me/YahwehTubeAlbum/349

🎅የኢየሱስ ክርስቶስ ውልደት🎅 መንፈሳዊ ፊልም ከፈለጋችሁ አሁኑኑ JOIN ይበሉ ይሄ ቻናል ምርጥ ምርጥ  ፊልሞችን በጥራትና በፍጥነት ያሳያል። 𝐉𝐨𝐢𝐧👇👇
https://t.me/addlist/RTZLA-fPJHEyOTFk
https://t.me/addlist/RTZLA-fPJHEyOTFk
wave ለመግባት👉 @wunuye_bot

🔴⚪️🔴⚪️🔴⚪️🔴⚪️🔴⚪️
በዓል እየቀረበ ነው ለዛውም ገና🎉

በዓሉን ድምቅ የሚያደርጉ የተለያዩ ፕሮግራሞችን አዘጋጅተናል🪅
የፈለጋቹትን መርጣቹ ተቀላቀሉን
👇👇👇👇👇👇👇👇👇👇

ደረሰ🤩🤩🤩ደረሰ🤩🤩🤩ደረሰ🤩🤩🤩

የጌታችን የኢየሱስ ክርስቶች የልደት መታሰቢያ በዓል (ገና ) ደረሰ🥳

በዓሉን ድምቅ የሚያደርጉ የተለያዩ ፕሮግራሞችን እያዘጋጀን እንገኛለን🎁

የፈለጋቹትን መርጣቹ ተቀላቀሉን በዓሉ አብረን ድምቅ ብለን እናሳልፋለን🎅🏾
👇👇👇👇👇👇👇👇👇👇

🎤አዳዲስ መዝሙሮች እና አልበሞች እየተለቀቁ ስለሆነ የምትፈልጉት ዘማሪ ስም በመንካት መሉ አልበም እና አዳዲስ ዝማሬዎችን ያገኙበታል 👇👇👇👇👇👇👇👇👇👇👇

ደረሰ🤩🤩🤩ደረሰ🤩🤩🤩ደረሰ🤩🤩🤩

የጌታችን የኢየሱስ ክርስቶች የልደት መታሰቢያ በዓል (ገና ) ደረሰ🥳

በዓሉን ድምቅ የሚያደርጉ የተለያዩ ፕሮግራሞችን እያዘጋጀን እንገኛለን🎁

የፈለጋቹትን መርጣቹ ተቀላቀሉን በዓሉ አብረን ድምቅ ብለን እናሳልፋለን🎅🏾
👇👇👇👇👇👇👇👇👇👇

🌝እርሶ ምን ወር ላይ ነው የተወለዱት ? የተወለዱበትን ወር በመንካት በሚመጣላችሁ ቻናል በመቀላቀል አሪፍ ጊዜ ከቻናሎቹ ጋር ያሳልፉ እንዳያመልጥዎ💫

ክርስቶስ እረጅም ስብከትን ከተራራው ወጥቶ አስተምሯል::አንድም ቃልም ያልተነፈሰበትም ጊዜም ነበር::አቅቶት አልነበረም ግን::
የመናገር ጊዜ ላይ ዝም አይልም::የፀጥታ ሰዓት ላይ ደግም አይናገርም ነበር::

"#ከእኔ_ተማሩ::"



ሰናይ ምሽት♥️

@Mercy_ena_berua✍️

🎤አዳዲስ መዝሙሮች እና አልበሞች እየተለቀቁ ስለሆነ የምትፈልጉት ዘማሪ ስም በመንካት መሉ አልበም እና አዳዲስ ዝማሬዎችን ያገኙበታል 👇👇👇👇👇👇👇👇👇👇👇

#Deep_Thoughts

There was a man and a woman who had never met. He was born in one place, and she was born in another. For years, they lived their own lives, with no idea the other even existed. They had their own stories—of pain, guilt, shame, and incredible victories. They had been through so much, tested by life in ways that shaped them into amazing individuals. But even with all that growth, they weren’t perfect.

One day, completely by chance, their paths crossed. They said hello, started talking, and couldn’t stop. It was like they’d known each other forever. They had so much in common and so many stories to share. Slowly, they fell for each other—not quickly, but deeply.

As time went on, they both felt something they couldn’t quite say aloud: “I love you so much, but I’m not sure you love me as much as I love you.” It wasn’t spoken, but they felt it. So, they prayed. They asked God, “Can you show them my heart? Show them how much I love them?” And God did. He revealed the depth of their love for one another, and it changed everything.

After that, they left behind anything that could threaten their relationship. They pushed aside every distraction or potential wedge because they knew the truth now—they loved each other deeply, truly, and unconditionally.

Now, let me ask you this: Have you ever felt that way about your relationship with God? Maybe you’ve thought, “I don’t love Him enough.” But here’s the truth: that’s not the real problem. The problem is that you don’t fully understand how much He loves you.

When you finally grasp how much God loves you, it changes everything. His love isn’t based on how good you are or what you do. It’s based on who He is. He loves you on your best days, but He also loves you just as much on your worst days. He loves you when you feel it and when you don’t. He loves you when you get it right and when you mess up completely. His love for you never changes because it’s not about you—it’s about Him and what Jesus did for you on the cross.

Think about this: with arms outstretched, nail-pierced hands, and blood flowing, Jesus said, “I love you this much. I love you so much it hurts. I would rather die than live without you.” That’s how deeply He loves you.

Here’s the amazing part: you can’t make God stop loving you. You could try, but you would fail. His love doesn’t depend on what you do or who you are—it’s all about His unchanging character. And when you truly get that, when you feel how deeply and unconditionally He loves you, it sets you free.
@transformation2christ

#የአባቱ_ልጅ
#ለምሽታችሁ😊


ሰናይ ምሽት❤️



@Mercy_ena_berua✍️
@Mercy_ena_berua✍️

#ሁለት ሰይፍ
ክፍል አስር(ሜርሲ✍️)

ናትናኤል እያበሰለ ዮሃና ሳህኖቹን እያቀራረበች ቆይታ ካለችበት ቆማ ትመለከተዋለች::
"ማነው የምግብ ሙያ ያስተማረህ?.. እናትህ?" ዘወር ብሎ ተመልክቷት ፈገግ ይል እና አይኑን ወደ ጥብሱ ይመልሳል::
"እንዴ... የተሳሳተ ጥያቄ ጠየቅኩህ?"
ዘወር ብሎ አይቷት:-
"አይይ... እናቴ ትዝ ብላኝ ነው::"
"ማለት?"
"እናቴ እዚህ አይደለም ያደገችው::በአባቷ ጣሊይናዊት ናት::እና የሀበሻ ምግብ ስትሰራም ሆነ ስትበላ ያየሁት በጣት የሚቆጠሩ ቀናት ላይ ነው::"
"እኔ እኮ ጠርጥሬ ነበር::ክልስ እንደሆንክ::"
"ማታም ብለሽኝ ነበር::የአያቴን የሆነ ነገር ወስጃለሁ መሰለኝ::ግን የአንቺ ግምት እንበለው እንጂ ክልስ እንኳ አይደለሁም::"
"ይሁን.... እና ከየት ተማርክ?"
"ውጭ ብቻዬን እያለሁ ለእራሴ አበስል ነበር::ከዩትዩብ ምናምን እያየሁ::እኔ ምልሽ.."
"አንተ የምትለኝ.."ወንበሩን ስባ ትቀመጣለች::
"ለምንድነው እራስሽን የምትጎጂው?.. ማለት ገና በጣም ወጣት ነሽ ብዙ ተስፋ አለሽ::ሶ ዋይ?..."
"ምግባችን ደርሷል መሰለኝ ላቀራርብ::" ትነሳ እና ከፊቱ ወደ ተደረደሩት በምግብ ወደ ተሞሉ ሳህኖች ትሄዳለች::
"ከጥያቄ አትሽሺ ዮሃና::ሽሽት መቼም ቢሆን መልስ ሆኖ አያውቅም::"
ቀና ብላ አይታው:-
"ሰዎችን ሞትን ሲፈሩት ምን ያህል ምድር ብትደላቸው ነው እላለሁ::እራሴን የማላጠፋው ሲኦል እንዳለ ስለማውቀው ነው::አይ ቲንክ ከዛኛው ስቃይ ይሄ ይሻላል መሰለኝ::"
ሳህኖቹን ይዛ ስትዞር ሳራ ማክቤልን አስከትላው በሁለት እጇ የሸመተቻቸውን አስቤዛዎች አንጠልጥላ ገብታ ስታያቸው ደንግጣ ትቆማለች::
ዮሃና ፈገግ ትል እና ሳህኑን ከጠረጴዛው በማስቀመጥ በፈገግታ አየቻቸው::
"እህቴ..." ማክቤል ሮጥ ብሎ ሄዶ አቀፋት::ዮሀናም ካቀፈችው በኋላ ግንባሩን ትስመዋለች::
"ደሲ ሲል..."
"የምር..."
"አዎ::እርቦኝ ነበር ግን እህቴ ሳሪ ቤት ሄደን አብስለን ከአንቺ ጋር አብረን እንበላለን ብላኝ ነበር::"
ዮሃና ፈገግ ብላ ሳራን ትመለከታለች::ሳራ በዝግታ እየተራመደች የቡና ሴርሞኒውን አይታ ፈገግ ትላለች::
"የማን ሃሳብ ነው?"
ዮሃና ዘወር ብላ ናትናኤልን ትመለከታለች::

* * *

ናትናኤል ከቤቱ ሆኖ ተቀምጦ በላፕቶፑ እየፃፈ እያለ ስልኩ ሲጠረ መልከት አድርጎ አንስቶ ጆሮው ላይ ያደርጋል::
"ክቡርነቶ::"
"እንዴት ዋልክ ናቲ::"
"ደሕና ነኝ እንዴት ነህ?"
"ደሕና ነኝ::ዛሬ ቤት ነህ?"
"የት መሄጃ አለኝ ብለህ?"
"እንዴ መሄጃማ አይጠፋም::ዛሬ የወጣቶች ፕሮግራም አለ ከአስር ሰዓት ጀምሮ::ለምን አትመጣም ሥራህን ከጨረስክ::"
"እምም.."ግንባሩን አከክ አከክ ያደርግ እና:-
"ውይ አቤኒ ዛሬ ክላስ የማስተምራቸው ልጆች አሉ::"
"የምር?"
"ያ... ክላስ ደግሞ መቅጣት አልችልም::ከፍለው እየተማሩ::"
"አዎ::እሱማ::በቃ ቀጣይ ሳምንት ትካፈላለህ::"
"እሞክራለሁ::"
"በል አልረብሽህ::ደግሞ... ሳልነግርህ::ስለ ድሮ እጮኛህ የሰማሁት ነገር አለ እና.."
"ማን ሱዚያና.."
"አዎ::ብቻ በአካል ይሻላል::ነገ ከቸርች በኋላ እናወራበታለን::"
"እ.. እሺ::መልካም ቀን::'
"ለአንተም::"
ስልኩን ከዘጋ በኋላ በዝግታ ከጆሮው አንስቶ ሲመለከተው በሩ ይንኳኳል::"
'ማነው... ይግቡ::"
በሩ ተከፍቶ ማክቤል አንገቱን ብቻ ሰዶ ይመለከታል::
"ኦውው.. ማክ... ና ግባ::"
"አይ.... እዚሁ ልሁን... በኋላ ኳስ እንጫወታለን?.. እም.... እህቴ ሳሪ ፈቅዳልኝ..."
"የምር.... ከዚህ በፊት ትከለክልህ ነበር ማለት ነው?"
"እ..."
"ኦውው ገባኝ::በደምብ ነው የምንጫወተው እንጂ::ደግሞ ዛሬ ጨዋታም አለ አብረን እናያለን::"
"አይ.. እሱ እንኳ ይቅርብኝ::"
"ለምን... ኳስ ማየት አትወድም?"
"'ሳይሆን..እህቴ ሳራ..."
ፈገግ ብሎ:-
"ገባኝ.... እኔ አስፈቅዳታለሁ::"
ማክቤል ልብ የሚሰርቅ ፈገግ አሳይቶት አንገቱን መልሶ ይዘጋዋል::
ናትናኤል ፈገግ ይላል:-
"ይሄን የመሰለ የልጅነት ፈገግታህን ተነጠቅክ::"
ስልኩ እጁ ላይ እያለ ሲጠራ አይቶት ሲያንገራግር ቆይቶ አነሳው::
"ሄለው ሱዚያና::"
"ዛሬ ላገኝህ ፈልጌ ነበር::"
"ማንን እኔን?"
"አዎ ማውራት አለብን::"
"ማውራት ያለብሽን ነገር እኮ ትላንት አወራሽ.."
"ያ የእኔ ስህተት ነበር::እባክህን.."
"እሺ ስንት ሰዓት?... "
"ዛሬ ማታ ሁለት ሰዓት.."
"ኦውው... እንደዛ እንኳ አይሆንም::"
"እሺ... አስራ አንድ ወይም አስራ ሁለት ሰዓት::"
ማክቤል ትዝ አለው:-
"ማታ ሁለት ሰዓት::"
አውርቶ ጨርሶ ከጆሮው አንስቶ በእረጅሙ ተነፈሰ::



ይቀጥላል....

@Mercy_ena_berua✍️
@Mercy_ena_berua✍️

~When lust takes control, at that moment God losses all reality. Satan does not fill us with hatred of God but with forgetfulness of God.~
#THOUGHTS
@transformation2christ

መንፈሳዊ ፊልም የሚመቻችሁ ከሆነ አሁኑኑ JOIN ይበሉ ይሄ ቻናል ምርጥ ምርጥ  ፊልሞችን በጥራትና በፍጥነት ያሳያል። 𝐉𝐨𝐢𝐧👇👇
https://t.me/addlist/RTZLA-fPJHEyOTFk
https://t.me/addlist/RTZLA-fPJHEyOTFk
wave ለመግባት👉 @wunuye_bot

#ሁለት_ሰይፍ
ክፍል ዘጠኝ(ሜርሲ✍️)

በሩ ተንኳክቶ ሳራ እና ማክቤል ተከታትለው ይገባሉ::
ዮሃና ብድግ ትላለች:-"ይሀውልሽ እህቴ እንደምታስቢው አይደለም::እኔ ማታ ምን እንደተፈጠረ አላውቅም::"
ናትናኤል ፍትፍቱን በሳህን ይዞ ሲወጣ ሳራ ወደ ናትናኤል ትመለከታለች::
"አመሰግናለሁ ናቲ::አንተንም አስቸገርኩህ::"
"የምን ምስጋና ነው::ይሄ በፍቃዴ መስሎኝ::"
ሳህኑን ከጠረጴዛው ከዮሃና ፊት ያስቀምጣል::
"ቢሆንም..."
"ሄይ ሳራ.... ቀለል አድርጊው::የት ልትሄዱ ነው በቅዳሜ በጠዋት ተነሳችሁ?"
"ማክ ቀጠሮ አለው ከዶክተሩ ጋር::ደርሰን እንመጣለን::"
"እና የማግዝሽ ነገር..."
"በፍፁም::ባይሆን ቤት የምትውል ከሆነ ቢያንስ በቂ እንቅልፍ እንድታደርግ ንገራት::"
ወደ ዮሃና ትመለከትና:-
"ከቻለች::"
"መልካም ቀን::" ሲወጡ ሁለቱም በአይናቸው ይሸኛቸዋል::ልክ እንደወጡ ዮሃና ግራ እንደተጋባች ወደ ናትናኤል ትመለከታለች::
"ማለት!?... ምን እየተካሄደ ነው ያለው!?.. ለምንድነው እህቴ የዘጋችኝ::
ከፊቷ ካለው ሶፋ ይቀመጥ እና እየተመለከታት:-
"እራስሽን እስካታውቂ የምትጠጪው እኮ ምንም ነገር ላለማስታወስ ነው አይደል::ታዲያ ምን እንደተፈጠረ ለምን ትጠይቂኛለሽ?"
"ወይኔ ጉዴ ዛሬ::አንተም እየተቆጣሀኝ ነው!?"
"እባክሽን ፍትፍቱን ብይ::መድሃኒት ሰዓትሽ እንዳያልፍ::"
"አሁንም እያዘዝከኝ ነው::መታጠቢያ ክፍል ቀድሜ መሄድ እችላለሁ!?"
አጠያየቁአ ፈገግ ያስብለዋል::
"ሆ.." ተነስታ ወደ መታጠቢያ ክፍል ትገባለች::
"ቁርስ ምን ትበያለሽ?"እየቆመ::
"ፍትፍቱ ምንድነው?.. ዲዘርት መሆኑ ነው::"
"እሱ ትውስታሽን ከመለሰው ብዬ ነው::"
"ሃሃ.... ምንም ይሁን::እንቁላልም ቢሆን::ብቻ ምግብ ይሁን::"

* * *
አንድ ከሰውነቱ ገዘፍ ያለ እና ፀጉሩ ያለ እድሜው በሽበት መወረሱን የሚያሳብቅ ከአይኖቹ ርህራሄ የሚነበበው ዶክተር አየለ ከፊታቸው በወንበሩ ተቀምጦ ማክቤልን ያወራዋል::

"የምትሰማው ድምፅ አለ?"
"አይ ዶክተር::ምስላቸው ብቻ ነው የሚታየኝ::"
"ጥሩ::ቤት ውስጥ እንዲስተካከል የምትፈልገው ነገር አለ?"
"አይ..." አንገቱን ደፍቶ::
ወደ ሳራ እየተመለከተ:-
"ስልክሽ እየጠራ ነው ሳራ::ወጥተሽ ለምን አታወሪም::"ደንገጥ ብላ ቦርሳዋን ከፍታ ስልኳን አውጥታ ስትመለከት::ምንም የጠራ ነገር ስታጣ ወደ ዶክተሩ ቀና ትላለች::
"በዛውም በሩን ገርበብ አድርጊው ስትወጪ::"
ሊላት የፈለገው ነገር ሲገባት ፈገግ ትላለች:-
"ኦህህ ያያ... የሥራ ስልክ ነው::አናግሬ መጣሁ::ተጫወቱ እናንተ::" በሩን ዘግታ ስትወጣ ዶክተሩ ወደ ማክቤል ይመለከታል:-
"የጠየቅኩህን አልመለስክልኝም::"
"አልመለስኩም እንዴ ዶክተር?"
"አዎ::ውሸት መልስ አይሆንም::አሁን እውነቱን ንገረኝ::"
"እምም.."እጆቹን ይፈትጋል::
"ዮሃና እና እሷ መጣላት ቢያቆሙ::"
"ሌላስ..."
"ሌላ.... ሌላ... ትንሽ ትንሽ ብጫወት::ውጭ እኮ አይደለም::እዛው እኛ ግቢ አንድ ልጅ አለ ከእሱ ጋር::"
"ታዲያ ማን ከለከለህ ማክዬ..."
"እምም.... ሳ... ሳራ..."

* * *

ሊያ በሶፍት እጇን እየጠረገች:-
"እንቁላል ጠብቄ ነበር::"
እየሳቀ:-
"እንቁላልም ቢሆን ሙያ ይጠይቃል እኮ::በዘይት አገላብጦ ማውጣት ብቻ የሚመስላቸው ሰዎች በጣም ነው የሚያስገርሙኝ::"
"ታዲያ አይደለም እንዴ::"
"እሱን ሌላ ጊዜ ሰርቼ የማበላሽ ይሆናል::"
"ኦውው... ሰክሬ እዚህ ካደርኩ ማለት ነው::መድሃኒቴን እወስዳለሁ::ከዛስ የምታዘኝ ነገር ይኖርህ ይሆን?"
"አልሰማሽም ስታወራ::ትተኛለሽ::"
"ውይ ናቲ... ምንም ሥራ ስሪ በለኝ::ግን በቀን ላይ ተኚ አትበለኝ::"
"እራስ ምታቱ እንዲለቅሽ እኮ ነው::"
"ለቀቀኝ እኮ::"
እያያት ይስቅ እና ሳህኖቹን እያነሳ:-
"እንደዛ ከሆነ::ኦንላይን አንድ ሰላሳ ደቂቃ ክላስ አስተምራለሁ::ከሶፋው ላይ ጋደም ብለሽ ትከታተይ እና ደክሟቸው ስለሚመጡ ምሳ እናዘጋጅላቸዋለን::ቤታችሁ መግባት ከተፈቀደልኝ::"
"ይሄ በጣም.. በጣም የተቀደሰ ሃሳብ ነው::ይቅር ትለኝም ይሆናል በዛው::"
"አይ ልቧ እንኳ ቂም መያዝ የሚችል አይነት አይደለም::"
"ሃ..ከመቼው ልቧ ጋር ደረስክ!?"
"ኦ... ኦ... በይ መድሃኒትሽን ውሰጂ::"
ወደ ውስጥ ሲገባ እየሳቀች ትመለከተዋለች::

* * *

ሳራ ከሱፐር ማርኬት ሸምታ ስትወጣ ሱዚያና የመኪናውን በር ከፍታ ስትወጣ ተመልክታት ቆም ብላ የፀሀይ መነፅሯን አውልቃ ትመለከታታለች::
ሳራ ኮፈኑን ከፍታ የያዘችውን ካስገባች በኋላ ወደ መኪናዋ በመግባት መኪናውን አስነስታ ስትሄድ ሱዚያናም በፍጥነት ወደ መኪናዋ በፍጥነት በመግባት ሞተሩን አስነስታ በፍጥነት ከኋላቸው መከተል ትጀምራለች::


ይቀጥላል...


@Mercy_ena_berua✍️

❓Question❓

What is the best thing that God has given to you in your life, which you have prayed for a long time?

I read a quote that said you've prayed for the rain but you have to deal with the mud too.

I realized everything that we prayed for in our lives there is always that side of it where it needs our energy and focus and work. So just sharing you this idea that I woke up thinking to.

Don't forget to thank God about every single little thing he gave you but also don't forget one time you've cried about the things you've got right now so be grateful and at the same time be responsible for the things that God has given you, be accountable and make sure to make intentional things to nurture, feed, guide, lead, protect what ever God has put inside your hand. Be patient cause God is still watching and you're in his hands.
God bless you.
#thoughts
@transformation2christ

#ሁለት-ሰይፍ
ክፍል ስምንት(ሜርሲ✍️)

"ሄይ... ብዙ አትረበሽ::ቁጭ በል::"
ያልጠበቀው ስለ ነበር ግራ እንደተጋባ ቁጭ ብሎ ተመለከታት::
"ለእኔ አይደለም::ሰዎችን የተሳሳተ ነገር..."
"ሰዎችን ተዋቸው::እኔንም ጨምሮ::ስህተቷን ከመቀበል የምትሸሽ ሰው ሆና የታየችኝ::እናቷ እንዳለችው አርፋ ከሆነም የአንተ ሳይሆን የእሷ ጥፋት ነው ማለት ነው::"
"ይሄን አልጠበቅኩም ከምር::"
"ምን ተነስቼ እንድሄድ ጠብቀህ ነበር!?..እኔም ያለፍኩበት ነገር ስለሆነ እንደዚህ አይነት ሰዎችን አልስታቸውም::" አለች ፈገግ ብላ::
"ለምን እንደ እህቴ መሆን እንደምፈልግ አሁን ገባህ?" ማክቤል ነበር::
ናትናኤል ፈገግ ብሎ አንገቱን በአዎንታ ነቀነቀ::
"ዩ ጋይስ አር አሜዚንግ ከምር::"

* * *

ናትናኤል ከበሩ ቆሞ ሲመለከታት ቆይቶ በእጁ የያዘውን ጋቢ አልብሷት ከአጠገቧ ይቀመጣል::
ዞራ አይታው:-
"ኦንላይን ሥራ የለም ዛሬ?"
"ዛሬ ትንሽ ልረፍ ብዬ ነው::"
"ምን እንደምትሰራ ማወቅ እችላለሁ?"
ፈገግ ብሎ እያያት:-
"ለአጠያየቅ ትህትናሽ ስል ብቻ እመልሳለሁ::" ስቃ አይኗን ከበሩ ትመልሳለች::
"ፍሪላንሰር ነኝ::ሁለ ገብ ነኝ እዛም እዚህም::ዲጂታል ማርኬቲንግ.. ትሬድ አደርጋለሁ... ኤዲትንግ... ግራፊክስ... ኦንላይን አስተምራለሁም::"
"ርሊይ?"
"ያ.... አይ ምን ገንዘብ የሚያስገኝ ኦንላይን ላይ የሚሰራ ሁሉ ነገር እንዲያልፈኝ አልፈቅድም::"
"ኃጢያትም ቢሆን?"
"እሱን እንኳ አልሞክረውም::"
"ስቀልድህ ነው::" አለች ፈገግ ብላ::
"ኃጢያት ባይሆኑም ወደ ኃጢያት መሩኝ እንጂ::"
በዝግታ ዞራ ተመለከተችው:-
"እንዴት?"
"እረጅም ታሪክ ነው::ሌላ ጊዜ::"
"እዚህኛው ጥያቄዬ ላይ ትህትና የለበትም ማለት ነው::"
"እንደዛ ማለቴ ሳይሆን.."
ሁለቱም ይስቃሉ... ሳቃቸውን የሚያቁአርጥ ድምፅ ሲሰሙ ሳራ ብድግ አለች::
"ማክ.." እየሮጠች ወደ ውስጥ ስትገባ ናትናኤልም እየተከተላት ገባ::
ማክቤል ከመኝታ ክፍል ወደ ሳሎን ባለው ደረጃ በባዶ እግሩ እየተንደረደረ የእናቱን እና የአባቱን ስም እየጠራ ሲወርድ ተመለከቱት::
ሳራ እየተንደረደረች ሄዳ ከስር ተቀብላው አቀፈችው::
"ማክ.. እኔ.. ነኝ... እኔ.. አለሁልህ.... እኔ.. አለሁልህ.. ቅዘት ነው::" እያገላበጠችው እየሳመችው እና እያቀፈችው ናትናኤል የሚሆነውን በዝምታ ይመለከታል::ማክቤል መጥራቱን አቁሞ ሲረጋጋ ወደ ሶፋው በመሄድ ስትቀመጥ እሱ ከሶፋው ወጥቶ ከእግሯ ጭንቅላቱን አስደግፎ አይኖቹን ይጨፍናል::ጋቢውን ከጀርባዋ አንስታ እሱን በማልበስ ፀጉሩን እያሻሸች ወደ ናትናኤል እንባ ባቀረሩ አይኖችዋ ተመለከተች::በዓይኑ ደሕና መሆኗን ሲጠይቃት አፀፋውን ትመልሳለች::
"ሂድ ተኛ::እኔ እጠብቃታለሁ::" አለችው ዝግ ባለ ድምፀት::አንገቱን በአዎንታ በመነቅነቅ በሩን ገርበብ አድርጎ በመውጣት ወደ ክፍሉ ገብቶ ከሶፋው በመቀመጥ በእረጅሙ ይተነፍሳል::
በር ሲንኳኳ ብድግ ይል እና ሲወጣ ሳራንም ከበሩ ያገኛታል::በመገረም እያያት:-
"አንቺ ከማክቤል ጋር ሁኚ::ጥለሽው መውጣትም አልነበረብሽም::እኔ አወራታለሁ::"
"ናቲ.."
"ፕሊስ... ወደ ውስጥ ግቢ::"

እሷ ስትገባ እሱ ወደ በሩ በፍጥነት በመሄድ ይከፍተዋል::ያደረሳት መኪና ሲሄድ ተመልክቶ ወደ እሷ ይዞራል::
"ሄይ ቆንጆው ልጅ.... ክልስ ነህ አይደለ?"
"በአያቴ::"
"ጠርጥሬ ነበር::" አለች በእጇ እያጨበጨበች ድምፁአን ከፍ አድርጋ::
"ሄይ ድምፅሽን ቀንሺ::ማክ ተኝቷል::"
"ኦውው... እኔን ወንድሜን... እሺሺሺ... አልረብሽም::"
ልትገባ ስትል በሩ አደናቅፉአት ልትወድቅ ስትል ደግፎ ይዙአት በሩን በአንድ እጁ ይዘጋዋል::
"ሂሂሂ.... ይሄን ፊልም ላይ ብቻ ነው የማውቀው የነበረው::"
"እባክሽን ዮሃና..."
"ኦውው... ማክ... እሺሺሺሺ...." አንድ ጣቷን በአፉአ በማድረግ ድምፅ ሳታሰማ ትስቃለች::
ወደ በር ሲደርሱ ቆም ይልና :-
"ዛሬ እኔ ጋር ታድሪያለሽ::"
"ህ?" ቀና ብላ ስካር ባጨናበሰው አይኖችዋ ትመለከተዋለች::
"ማክቤል ደህና አይደለም::"
"ኦውው... ከቆንጆው ልጅ ጋር ላድር ነው::"
"እንደዛ አይደለም::" ደንገጥ ብሎ::
"ገብቶኛል ባክህን...." ወደ እሱ ክፍል ይገባሉ::

* * *

አይኖችዋን በግድ ስትገልጥ ከፊቷ ናትናኤል ተቀምጦ ስትመለከት በርግጋ ትነሳለች::የተኛችበትን ሶፋ ትመለከታለች::
"እዚህ ምን እሰራለሁ!?"
"ምንም ነገር አታስታውሺም?"
"በፍፁም::"
"ሰው እንዴት እራሱን በዚህን ያህል ልክ ይበቀላል!?... ፍትፍት ላዘጋጅልሽ::"
በዓይኗ ሸኝታው ቤቱን ግራ በመጋባት ትቃኛለች::


ይቀጥላል.....


@Mercy_ena_berua✍️

"#Respect it"

የሻይ ሰዓት መልእክት ይሁናችሁ😊

ሰናይ ቀን❤️

@Mercy_ena_berua✍️

#ሁለት ሰይፍ
ክፍል ሰባት(ሜርሲ✍️)

አቤነዘር እና ናትናኤል የከፈቱት ቦርሳ ላይ አይናቸውን ተክለው በዝምታ ይመለከቱታል::
"ልብስ!?..... ይሄ ነው ሕይወትን እስከማጥፋት የሚያደርሰው!?"አቤነዘር ቀና ብሎ ይጠይቀዋል::
ናትናኤል ዓይኑን ከልብሶቹ ላይ እንደተከለ እጁን ከልብሶቹ መሃል ሰዶ በነጭ ፔስታል የታሰረ ነገር ያወጣዋል::እየተቻኮለ ሲፈታው ፔስታሉ ይበጠስ እና መድሃኒቶቹ ከጉልበቱ ላይ ይወድቃሉ::ሁለቱም በመደናገጥ እርስ በእርስ ይተያያሉ::ናትናኤል ብልቃጥ አንስቶ እያገላበጠ ይመለከተዋል::
"ምንደው?"
"እኔንጃ::"ስልኩን ከኪሱ አውጥቶ የመድሃኒቱን ስም ጎግል ይፈልገዋል::ሲያነበው ፊቱ ይለዋወጣል::
"ምንድነው?"


* * *

"ለምንድነው ያልነገርሽኝ!?"
"ለዚህ ነው የደወልክልኝ::"
"መልሺልኝ ሱዛን... እናትሽ እራሷን ልታጠፋ እየሞከረች እኔ እንዴት አላውቅም?... "
"ስማ እናቴን ከቀበርኳት ገና ሳምንቴ ነው::ቁስሌን አትቀስቅስብኝ::ድጋሚ በስልኬ እንዳትደውል::" ስልኩ ጆሮው ላይ ሲቁአረጥ አንስቶት ይመለከተዋል::አስቀምጦት ተነስቶ ወደ ውጭ ሲወጣ ለአይን ያዝ እያደረገ ነበር::ዮሃና እየተቻኮለች አጭር ቀሚስ ለብሳ ፊቷን በሜካፕ አስውባ ስትወጣ ይገናኛሉ::
"ሄይ ዮሃና::"
"ሄይ... ለመድከው ግቢያችንን?"
"እ.. አዎ::አንቺን መልመድ አቃተኝ እንጂ::"
ፈገግ ብላ:-"ሰው እኮ በቀላሉ አይለመድም::"
"ዮሃና.." የሳራ ድምፅ ከቤቱ ይሰማል::
"በል ቻው::እህቴን ሕፃን ልጅ እንዳይደለሁ አበክረህ ንገራት::"እየተጣደፈች በሩን ከፍታ ስትወጣ ሳራ ከሳሎኑ ትወጣለች::ወደ ናትናኤል ዘወር ብላ:-
"ዮሃናን አይተኃታል?... ተኝታ ነበር እና ስሄድ አጣኋት::የመድሃኒት ሰዓቷ እያለፈ ነው::"
በሃዘኔታ ትኩር ብሎ ይመለከታታል::
"ለምንድነው እንደዛ የምታየኝ::"
"ልክ ነኝ ብሎ የሚያስብ ሰውን በቀላሉ ማሸነፍ ከባድ ነው ሳራ::ያ ሰው ከእራሱ የተጣላ ከሆነ ደግሞ ጊዜ እና ትእግስት ይፈልጋል::"
በእረጅሙ ተንፍሳ:-
"ወጥታለች ማለት ነው?"
"ፋታም አልሰጠችኝም::"
"አምላኬ::" ጭንቅላቷን ትይዛለች::
"ልታሳብደኝ ነው አላማዋ::"
"እህቴ::" ሁለቱም ዘወር ይላሉ::ማክቤል ነበር::
"ማክ... መች ተነሳህ::"
"እማዬ እና አባዬን አየኋቸው::ለምን ግን ደም በደም እንደሆኑ አልገባኝም::ነጭ ልብስ ለብሰው ግን ደም ነው ልብሳቸው::ከእኔ እየሮጡ ነበር::"
"ሄይ..." ሄዳ በርከክ ብላ ታቅፈዋለች::
"ቅዘት እንዳታይ ፀልየህ ተኛ አላልኩህም?"ድምፁአ በሳግ መታፈኑ ሲሰማ ናትናኤል ደንገጥ ይላል::
"እፀልያለሁ እኮ::ወይ ፀሎቴ አልደረሰም ይሆናል::"
"አይደለም... እንኳን ፀልየህ አባታችን ሳትፀልይም በልብህ ስታስበው ያውቀዋል::መፀለይህን ቀጥል::"
ካቀፈችበት ግንባሩን ስማው እየተነሳች:-
"እራት ምን እንስራ::"
"ለምን እኔ እራት አልጋብዛችሁም ዛሬ?"
ሁለቱም ይመለከቱታል::
"አሪፍ ቦታ ነው::በዛውም አየር ትቀበላላችሁ::"
"አይ መቸገር የለብህም::"
"መች ተቸገርኩ አልኩሽ::ለእራሴም ስል ነው::የሚያዋጣኝ ፈልጌ::"
ፈገግ ብላ:-"ማክ እሺ ካለህ::" ዞራ ማክቤልን ትመለከተዋለች::
"አንቺ እሺ ብለሽ የለ::እኔ እንዴት እንቢ እላለሁ::"
ፈገግ ትልና:-
"እንለባብስ እና እንመጣለን::" ሲገቡ በዓይኑ ይከተላቸዋል::

* * *

ፀጥታ ከሰፈነበት ሀይሌ ግራንድ ሆቴል ውስጥ በጥግኛው በኩል ሶስቱም ተቀምጠው እራት ይመገባሉ::ናትናኤል ቀና ብሎ ማክቤልን እየተመለከተው:-
"ምን መሆን ነው የምትፈልገው ወደፊት?"
"እንደ እህቴ::"
ሳራ ያልጠበቀችው መልስ ስለነበር ዞራ በጥያቄ ትመለከተዋለች::
"እንደ እህቴ ማለት::"
"እንደ እሷ ጎበዝ ሰው::"
ናትናኤል አይኑን ወደ እሷ ይመልሳል::
"በምን በምንድነው ጎበዝ የሆነችው?"
"በሥራ... እግዚአብሔርን በማመን... እኛ ፊት ባለማልቀስ::" የሳራ ፊቷ በድንጋጤ ይለዋወጣል ወደ ናትናኤል ስትመለከት እያያት ነበር እና ዓይኗን ሰብራ ወደ ሌላ አቅጣጫ ስታደርግ ጥቁር በጥቁር የለበሰች ወጣት ወደ እነርሱ በፍጥነት ስትመጣ ትመለከታለች::
"ታውቃታለህ?"
የእሷን አይን ተከትሎ ሲዞር ከአጠገባቸው ደርሳ ነበር::
"ሱዚያና!?" ይቆማል::
"ኦውው.. አይ ሲ... በጣም ቆንጆ ናት::በእሷ ነው የለወጥከኝ::"
"ሄይ ተረጋጊ::ድምፅሽንም ቀንሺ::"
"ኦውው.... እያዘዝከኝ መሆኑ ነው!?... በጣም ጥሩ::እናቴን ገድለኃት በየሆቴሉ ሴት ይዘህ ትዞራለህ::" ሰው ወደ እነርሱ መመልከት ጀመረ::ሳራ እና ማክቤል ግራ በመጋባት ይመለከቷቸዋል::
"ገድለኃት!?" ሳራ ነበረች::
ሱዚያና ዝቅ ብላ አይታት:-"የእኔ ቆንጆ::ጊዜይሽን ከዚህ አረመኔ ሰው ጋር አታቃጥይ::ነገ ላይ ሕይወትሽን የምድር ሲኦል ያደርገዋል::አንተ ደግሞ ቀንህን ጠብቅ::" በመጣችበት መንገድ ስትመለስ ናትናኤል ከቆመበት ፈዞ ይመለከታታል::

ይቀጥላል...

@Mercy_ena_berua✍️

ሠላም ለእናንተ ይሁን ቅዱሳን😊🙌
ቃል የለለው ቃል የተሰኘ የግጥም መድብል በህዳር ስምንት ተመርቆ በገበያ ላይ ውሏል።በተጨማሪ ነገ ከቀኑ 8:30 ሰዓት ላይ በGMM TV WORLD WIDE INTERVIEW ከፕሮግራም አዘጋጅ ታምራት ሞቲ ጋር በቀጥታ መከታተል እንደሚትችሉ በታላቅ ደስታ እንገልፃለን። በመቀጠልም በድጋሚ እሁድ 6:00 እና ሰኞ 11:00 ይተላለፋል።

መፅሐፉን ለመግዛት የሚትፈልጉ
+251 90 570 6915 መደወል ትችላላችሁ።

@Mercy_ena_berua✍️

#ሁለት-ሰይፍ
ክፍል ስድስት (ሜርሲ✍️)

መኪናውን ከአስፓልት ዳር አቁሞ ከግንባሩ መሪውን ተደግፎ እራሱን ከጥፋተኝነት ስሜት ለማውጣት ምክንያት ይፈልጋል::ስልኩ ሲጠራ ቀና ብሎ ይመለከተው እና ሲያንገራግር ቆይቶ ያነሳዋል::የሲቃ ድምፅ ከስልኩ ውስጥ ይሰማዋል::
"በእናቴ ተበቀልከኝ ማለት ነው::"
"እባክሽ ሱዚ...."
"ዓለሜን... ተስፋዬን::ብቸኛ ምድር ላይ የቀረችኝን ሃብቴን ነው የቀማሀኝ::"
"ላስረዳሽ.."
"ዝም በል!" ጩሀቷ ዝም አስባለው::
"እመነኝ ሕይወትህን የምድር ሲኦል ነው የማደርገው::እናቴን እንደነጠቅከኝ አሉኝ የምትላቸውን ነገሮች ሁሉ እነጥቅሃለሁ::"
"ሱዚ እባክሽ ተረጋግ.. እኔ እናትሽን ምንም አላደረግኳትም::"
"ከዚህ በላይ ምን ታደርግ... ግን ለምን... አምኘህ.."ድምፁአ በሳግ ይታፈን እና ስልኩም ይቋረጣል::"

የተዘጋውን ስልክ ይመለከት እና ሰዓቱን ሲያይ ለአምስት እሩብ ጉዳይ ይላል::መኪናውን አስነሳ::

* * *

በሩን ዘግቶ ቆም ብሎ ከበረንዳ ላይ የተቀመጠችውን ሳራን ይመለከታል::ከአጠገቧ ደርሶ:-
"እንዴት አመሸሽ ::"
ፈገግ ለማለት እየሞከረች:-
"እንዴት አመሸህ::"
"ምን እየሰራሽ ነው በዚህ ብርድ::"
"ከጨረቃዋ ጋር እያወጋሁ አልልህም መችም::" ወገግ ብሎ ወደወጣው ሙሉ ጨረቃ ተመልክቶ ፊቱን ወደ እሷ ይመልሳል::
"ዮሃና..."
"ግባ... አድካሚ ቀን ያሳለፍክ ትመስላለህ::እረፍበት::"
አልፉአት ሄዶ በሩን ከፍቶ ይገባ እና ከቆይታ በኋላ ቱታ እና ሁዲ ለብሶ በእጁ ጋቢ ይዞ ተመለሰ::ከጀርባዋ ሲያለብሳት ዞራ ትመለከተዋለች::ከአጠገቧ በመቀመጥ ዓይኑን ከጨረቃው ላይ ያደርጋል::
"ሕይወት እንደዚህ ትፈትነኛለች ብዬ አንድም ቀን አስቤ አላውቅም::"
ዞሮ ይመለከታታል:-
"ስለ አባትሽ እና እናትሽ አቤኒ ሲነግረኝ በጣም ነበር ያዘንኩት::ብዙ እንደተሸከምሽ ይገባኛል::ስለ ማክቤል ብጠይቅሽ ቅር አይልሽም::"
"ጠይቀኝ..."
"ለምንድነው በዚህ እድሜው ብቸኛ የሆነው?.. ማለት አንድም ቃል እንኳ አልተነፈሰም ሳመጣው::ላወራው ሞከርኩ ግን ከአፉ የወጣው አንድ ቃል 'ናፍቀውኛል' የሚል ነበር::የሳራ አይኖች በእንባ ተሞልተው ከጉንጩአ ሲፈስ ናትናኤል ደነገጠ::
"ሄይ... ይቅርታ በጣም..."
"አይ.. አይ::" በእጆችዋ እየጠረገች::
"አ.. ም.. ፋይን... አብሯቸው ነበር::እሱ ጭረት እንኳ አልነካውም::ኑር ሲለው::ግን ሳይኮሎጂካሊ ተጎድቶ ነበር::ሂ ሓድ ኤትራዎማ ::ሃንድል ማድረግ አቃተው::እንደዚህ አልነበረም::ዮሃናም እንደዛው::"
"ኦውው... ክትትል እያደረገ ነው ታዲያ?"
"ይሃ.... ሳይክትሪስት አለው::ለውጡን በደምብ ባላየውም::ዕድሜውም መሰለኝ::"
በሩ ሲንኳኳ ሳራ ብድግ ብላ እየሮጠች ልትከፍት ስትሄድ ቀና ብሎ ይመለከታታል::

* * *

"ምን ማለት ነው ይሄ?"
"አላውቅም አቤኒ::ጭንቅላቴ ሊፈነዳ ነው ብታይ::"
"ቆይ ዕቃው ምን ነበር?"
"አላውቅም::አልከፈትኩትም::"
"በኢየሱስ ስም::ምን አይነት ፈተና ነው ይሄ?... ቆይ እራስን እስከማጥፋት የሚያስደርስ ምን ቢሆን ነው::የት ነው ዕቃው ያለው::"
"መኪናዬ ውስጥ::"
"ተነስ በቃ::"የለስላሳውን ሂሳብ ከፍሎ እየተነሳ::
"ወዴት?"
"ሕይወትን እስከማጥፋት ያስደረሰውን ነገር እንደቀልድ መኪናዬ ውስጥ ነው አልክ እኮ::እንየው እና ቀጣይ ምን ማድረግ እንዳለብን እንወስናለን::"
"አይ የሰው ነገር.."
"አረ ናቲ አትጃጃል::እንዴ የሚያስጠይቅህ ነገር ቢሆንስ የያዝከው::ሰይጣን በየት በኩል ሊያጠምድህ እንደሚመጣ አታውቅም::በል ተነስ.." ተነስቶ ተከታትለው ከካፌው ወጥተው ወደ ናትናኤል መኪና ያመራሉ::

ይቀጥላል...


@Mercy_ena_berua✍️

እንደዚህ አይነት መንፈሳዊ ለProfile Picture የሚሆን መንፈሳዊ ጥቅሶችን ከፈለጉ አሁኑኑ Join ይበሉ
     👇👇👇👇👇👇👇
https://t.me/addlist/RTZLA-fPJHEyOTFk
https://t.me/addlist/RTZLA-fPJHEyOTFk

ይሄ ወር ምን አስተማረኝ "ውይ ይሄ ሰውማ ለእኔ አለ" ከማለታችሁ በፊት በጨነቃችሁ ጊዜ "ፀልይልኝ"ብላችሁት ንገሩት እና ያንን ሰው ጠብቁት::"እንዴት ሆንክ " ብሎ መጠየቅ አይደለም..." ፀልይልኝ" ማለታችሁንም የሚረሳ ወዳጅ ሆኖ ልታገኙት ትችላላችሁ::ድጋሚ ሕይወት ይሄን ትምህርት እንደማታስተምረኝ አምናለሁ::

እየፃፍኩ አልነበረም at all... ይሄ ቤቴ እንደሆነ አውቃለሁ::ሜርሲን የማገኝበት ቤቴ::አንድ አንዴ ቤታችንን በልባችን ሳንረሳው በግብራችን እንረሳለን::
ሁለት ሰይፍን እንዳልረሳችሁት ተስፋ አለኝ::ጥሩ አንባቢዎች እንዳላችሁ አውቃለሁ::ለእናንተ ነው የማብራራው... አልዋሻችሁም consistency እንደ ቀድሞው በጣም የናፈቀኝ ነገር ነው::

እግዚአብሔር ከድካሜ በላይ ያድርገኝ::😊

ሰናይ ምሽት♥️

@Mercy_ena_berua✍️

እግር ጥሎኝ ነው የሚባለው😊.. ሰሞኑን ኮልፌ ቃለ ሕይወት ቤተክርስቲያን ሄጄ ነበር እና በፕሮግራሙ መሃል መፅሀፉ ሲተዋወቅ ደስ አለኝ(idk why ግን😊)...ያበረከተችውም ለቤተክርስቲያኑ ነው::
#ቃል_የሌለው_ቃል
#የግጥም መድብል
#ገጣሚ ደስታ እሸቱ
#0905706915 እየደወላችሁ ማዘዝ እና ማንበብ ትችላላችሁ::

@Mercy_ena_berua✍️

🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂🙎‍♂
ከወንድ ዘማሪዎች ውስጥ ማንን ታደንቃላቹ ❓
በመዝሙሮቹ የተባረካቹ እና የምትወዱትን ዘማሪ ምረጡ ቀጥሎም የሚመጣላቹ መንፈሳዊ ቻናል ተቀላቀሉ ።
⚡️Wave ለመግባት 👉 @samazion_cj
👇👇👇👇👇👇👇👇👇👇👇👇👇👇

🎤አዳዲስ መዝሙሮች እና አልበሞች እየተለቀቁ ስለሆነ የምትፈልጉት ዘማሪ ስም በመንካት መሉ አልበም እና አዳዲስ ዝማሬዎችን ያገኙበታል 👇👇👇👇👇👇👇👇👇👇👇

ጭራሹኑ ካለመንቃት ዘግይቶ መንቃት በጣም የተሻለ ነው ::እድሜ ልክ ከመሰቃየትም... ለጥቂት ጊዜም ቢሆን በጣም የከፋውን ስቃይ ተቀብሎ የቀረውን ጊዜ ያለህሊና ወቀሳ መኖር እጅጉኑ የተሻለ ነው::

ከእግዚአብሔር ቤት ሙሉ በሙሉ ከመውጣት እየተንፉአቀቁም ከእግሩ ስር መቆየት ለነብሳችን ትልቁን ውለታ መዋል ነው::

ከድካማችን በላይ ያድርገን
ሰናይ ምሽት❤️

@Mercy_ena_berua✍️

🙍‍♀🙍‍♀🙍‍♀🙍‍♀🙍‍♀🙍‍♀🙍‍♀🙍‍♀🙍‍♀🙍‍♀🙍‍♀🙍‍♀🙍‍♀🙍‍♀
ከሴት ዘማሪዎች ውስጥ ማንን ታደንቃላቹ ❓
በመዝሙሮቹ የተባረካቹ እና የምትወዱትን ዘማሪት ምረጡ ቀጥሎም የሚመጣላቹ መንፈሳዊ ቻናል ተቀላቀሉ ።
⚡️Wave ለመግባት 👉 @samazion_cj
👇👇👇👇👇👇👇👇👇👇👇👇👇👇

መንፈሳዊ ፊልም የሚመቻችሁ ከሆነ አሁኑኑ JOIN ይበሉ ይሄ ቻናል ምርጥ ምርጥ  ፊልሞችን በጥራትና በፍጥነት ያሳያል። 𝐉𝐨𝐢𝐧👇👇
https://t.me/addlist/RTZLA-fPJHEyOTFk
https://t.me/addlist/RTZLA-fPJHEyOTFk
wave ለመግባት👉 @wunuye_bot

❓❓❓❓❓❓❓❓❓❓❓❓❓❓
✨በቅርቡ ከተለቀቁ የመዝሙር አልበሞች ውስጥ የትኛው የመዝሙር አልበም እናድርሳቹ

የምትፈልጉትን መርጣቹ የሚመጣላቹሁን መንፈሳዊ ቻናል ተቀላቀሉ

😍😍😍😍😍😍😍😍😍😍😍😍😍
🎤ከወንድ ዘማሪዎች ውስጥ ማንን ታደንቃላቹ ?

በመዝሙሮቹ የተባረካቹ እና የምትወዱትን ዘማሪ ምረጡ ቀጥሎም የሚመጣላቹ መንፈሳዊ ቻናል ተቀላቀሉ
➨Wave ለመግባት የምትፈልጉ
👉ከ10K በላይ Subscriber ያላችሁ
📥inbox 👉 @samazion_cj
👇👇👇👇👇👇👇👇👇👇👇

መንፈሳዊ ፊልም የሚመቻችሁ ከሆነ አሁኑኑ JOIN ይበሉ ይሄ ቻናል ምርጥ ምርጥ  ፊልሞችን በጥራትና በፍጥነት ያሳያል። 𝐉𝐨𝐢𝐧👇👇
https://t.me/addlist/RTZLA-fPJHEyOTFk
https://t.me/addlist/RTZLA-fPJHEyOTFk
wave ለመግባት👉 @wunuye_bot

#ሁለት ሰይፍ
ክፍል አምስት(ሜርሲ✍️)


"ይሀውልሽ ሱዚያና አሁን ላይ የጣልኩትን ነገር የማነሳበት ሰዓት አይደለም::የድሮው ናቲ ሞቷል::ሕይወትሽን ኑሪ::"
"እርዳታህን የምጠይቀው እኮ ማንም ሰው እዛ ስለሌለኝ ነው::እማዬ ብቻዋን ከቤተሰብ ተነጥላ እንዳሳደገችኝ ታውቃለህ::ማንንም አምኘ ያንን ዕቃ ልሰጠው አልችልም::እባክህን.. እንደ አንድ እርዳታን እንደሚጠይቅህ ሰው ብቻ አድርገህ ቁጠረኝ እና ተበባረኝ::"
ዝም ብሎ ይቆያል::
"ህ.. ናቲ..."
"እሺ::ድጋሚ ግን ባትደውይልኝ ደስ ይለኛል::"
"አመሰግናለሁ ናቲዬ::እባክህን ለእናቴ ዕቃው ባልኩህ ሰዓት ሊደርስላት ይገባል::"
"እሺ አልኩሽ እኮ::ቻው::" ስልኩን ዘግቶ ሶፋው ላይ ወርወር ያደርጋል::
ድምፅ የሰማ ስለመሰለው ወደ ውጭ ሲወጣ ዮሃና ወደ ውጭ በር እየተጣደፈች ስታመራ ይመለከታታል::
"ዮሃና ተመለሺ::በዚህ ለሊት የት ልትሄጂ ነው!?" አለች ሳራ ከበሩ ቆማ::ናትናኤል ወደ ሳራ ይዞራል::
"የትም ልህዲ አያገባሽም::" በሩን ልትከፍተው ስትል በቁልፍ እንደተዘጋ ትመለከት እና በቁጣ ወደ ሳራ ትመለከት እና ትመለሳለች::
"ቁልፉን ስጪኝ::"እጇን እየዘረጋች::
"እባክሽ እንደ ሕፃን አትሁኚ::ወደ ቤት ግቢ!"
"እሱን አንቺ አትነግሪኝም... ቁልፉን ስጪኝ::"
"ዮሃና::" ሁለቱም ወደ ናትናኤል ይዞራሉ::
"ነገሩ ምንም ይሁን ምን በዚህ ሰዓት ብትወጪ ተጎጂዋ አንቺ ነሽ::ሲነገ ብታወሩ አይሻልም::ለእሱም ስትይ::"
ዮሃና ከበሩ በባዶ እግሩ የቆመውን ማክቤልን ትመለከተው እና ወደ ሳራ ትመለከታለች::
"ነገ አዘጋጅተሽ ጠብቂኝ::" በትከሻዋ ገፋ አድርጋት የማክቤልን ግንባር ስማ ትገባለች::
"ማክ ግባ እመጣለሁ::"
"አንቺ ጋር ዛሬ ማተኛት እችላለሁ?"
"አዎ የኔ ጣፋጭ::"
እሱ ሲገባ ወደ ናትናኤል ትዞራለች::
"ይቅርታ ናትናኤል ይሄን ክፍል ማከራየት ያልፈለግኩት ለዚህ ነበር::በየቀኑ ባህሪዋ ይቀያየራል::"
"ኢ ት ኢዝ ኦኬይ... ስልክ ተደውሎልኝ ነቅቼ ነበር::"
"እምም... እሺ..." ፊቷን አዙራ ስትገባ ይመለከታታል::

* * *
ሳራ እንደለመደችው በጠዋት ተነስታ ቁርሳቸውን ከሰራራች በኋላ እያቀራረበች እያለ ዮሃና ዩኒፎርሟን ለብሳ ትወርዳለች::
ሳራ ቀና ብላ አይታት :-"ቁርስ ቀርቧል..."
ቦርሳዋን ከትከሻዋ ታወርድ እና በእጇ አንጠልጥላው በተሰላቸ ስሜት ትመለከታታለች::
"ማታ ያልኩሽን ገንዘብ አዘጋጀሽልኝ?"
"የምለፋው.... አንቺ ፓርቲ ለፓርቲ እየዞርሽ እንድትበትኚው አይደለም::"
"ልበትን.. ሁ ኬርስ.... አባዬ ያስቀመጠልኝን ገንዘብ ነው የጠየኩሽ::"
"አስራ ስምንት ዓመት አልሞላሽም...."
"አሃ.... ጥሩ...."ወደ በሩ በፍጥነት ታመራ እና በሩን በርግዳ ትወጣለች::
"እህቴ.... ቁልፌን አስተካኪይልኝ::"አላት ማክቤል::ዞራ በስስት ትመለከተዋለች::

* * *

አቤነዘር እና ናትናኤል ፀጥታ ከሰፈነበት ካፌ ተቀምጠው ከፊታቸው ቡና ተቀምጦ ያወራሉ::
"እምም... የተወሰነ አውቃለሁ::እናት እና አባታቸውን ካጡ በኋላ ቦታ ተቀያየሩ ማለት ይቻላል::ሳራ ወደ እራሷ ስትመለስ ደህና የነበረችው ዮሃና ደግሞ ፍፁም ነው የተለወጠችው::ምን እንደተፈጠረ መረዳት አልቻልኩም::ምን አሰብክ ታዲያ::ቤት ትቀይራለህ?"
"አይ በፍፁም::እስኪ ትንሽ ልያቸው::"
"አዎ ልክ ነህ::እግዚአብሔር ያለምክንያት እዛ ቤት እንድትገባ ፍቃዱ አይሆንም::እርግጠኛ ሆኘ የምነግርህ ሶስቱም በጣም ንፁህ ልብ ያላቸው ልጆች ናቸው::የገጠማቸው ችግር ነው::"
"አይ ሲ..." ደገፍ ይል እና ይተነፍሳል::
"የሆነ የማደርሰው ዕቃ አለኝ::ነገ እንገናኛለን::" ተሰናብቶት ሂሳብ ሊከፍል ሲል አቤነዘር አሻፈረኝ ሲለው ቅር እያለውም ቢሆን ተሰናብቶት ወጥቶ ወደ መኪናው ያመራል::

* * *

መኪና እየነዳ እያለ ስልኩ ሲጠራ መኪናውን ከዳር አቁሞ ያነሳል::
"ሄለው..."
"እንዴት ነህ ናትናኤል::ሳራ ነኝ..."
"ኦውው ሳራ.. እንዴት ነሽ?"
"ደህና ነኝ::እባክህን አንድ ነገር ላስቸግርህ ነበር::"
"ችግር የለውም... ምን ነበር?"
"ወደ ሃያት ሄድኩኝ እና መንገድ ተዘጋጋብኝ::ሹፌሩ ደግሞ ስልኩ አይሰራም::ሥራ ካልያዝክ ማክቤልን ፒክ ታደርግልኛለህ?... በጣም ከይቅርታ ጋር::"
"እምም... ችግር የለውም::የት ነበር የሚማረው?"
መኪናውን ያዞራል::

* * *

ሰዓቱን ሲመለከት ለአንድ ሩብ ጉዳይ ይላል::መኪናውን ከኩርባው ላይ ሲያደርስ ግርግር እና ጩሀት ይመለከታል::መንገዱ በሰዎች ስለተሞላ መኪናውን እዛው ያቆም እና ኮፈኑን ከፍቶ ከሱዚያና የተላከውን እና ከፍቶት ያላየውን ቦርሳ በእጁ ይዞ ኮፈኑን በመዝጋት ቀና ብሎ ሲያስተውል ግርግሩ እና ጩሀቱ ያለው ከሱዚያና እናት ቤት መሆኑን ይመለከት እና ደንገጥ ብሎ ከጎኑ ወዳሉት ሁለት ሴት ወጣቶች ጠጋ ብሎ:-
"ምን ተፈጥሮ ነው?"
አንዷ ዘወር ብላ አስተውላው ከተመለከተችው በኋላ:-
"ያቺ ካናዳ ልጅ ያለቻት እናት አርፈው ነው አሉ::"
"የሱዚያና እናት!?"ድምፁን ከፍ አድርጎ::
"አው.. ሱዚያና... ምስኪን እናት.. እንደው ምን አጣው ብለው ነው በፈጣሪ ሥራ የገቡት::በገመድ ተንጠልጥለው ነው የተገኙት አሉ...."
"በኢየሱስ ስም.."ቦርሳውን ከመሬቱ በድንጋጤ ይጥላል::


ይቀጥላል.....

@Mercy_ena_berua✍️

📡📡📡📡📡📡📡📡📡📡📡📡
የምትወዱትን ከቲቪ ቻናሎች ዉስጥ መርጣችሁ ሙሉውን ፕሮግራም መከታተል ትችላላችሁ የምትወዱትን ቻናል ምረጡ ቀጥሎም የሚመጣላቹ መንፈሳዊ ቻናል ተቀላቀሉ
👉ከ5K በላይ Subscriber ያላችሁ
📥inbox 👉 @samazion_cj
👇👇👇👇👇👇👇👇👇👇👇

አንዳንዴ እስከምን እንደክማለን.. በገዛ እጃችን አመሰቃቅለነው ትተነው የሄድነውን ቤታችንን በሆነ ተዓምር ስንመለስበት ውብ ሆኖ እንዲጠብቅን እንመኛለን::
"ጠላቶቼን..." ብለን ስንፀልይ የገዛ ማንነታችንንም እያሰብን ይሁን::ከስንፍናችን በላይ ጠላታችን ማን ሆነና::ጠላት ለተባለው ክፉው ስንፍናችን ለየእለት ዕቅዱ እንደ መሳሪያው ነው::

ከድካማችን በላይ ያድርገን::

ሰናይ ምሽት ❤️

@Mercy_ena_berua✍️

🎤ከሴት ዘማሪዎች ውስጥ ማንን ታደንቃላቹ ?

በመዝሙሮቿ የተባረካቹ እና የምትወዷት ዘማሪት ምረጡ ቀጥሎም የሚመጣላቹ መንፈሳዊ ቻናል ተቀላቀሉ

"በሞት ጥላ መካከል" በእግዚአብሔር ቤት የመኖር ምሥጢር መጽሐፍ |ክፍል 4| #bereket #beyene #prot...
https://youtube.com/watch?v=b3j0xyTSvGM&si=Wc8EcHb0ELkTxaay

የማንን ሙሉ አልበም ወይም ነጠላ ይፈልጋሉ የፈለጉትን የዘማሪ ስም ይምረጡ
Waver 👉@samazion_cj
👇👇👇👇👇👇👇👇👇👇👇👇
👇👇👇👇👇👇👇👇👇

📡📡📡📡📡📡📡📡📡📡📡📡
የምትወዱትን ከቲቪ ቻናሎች ዉስጥ መርጣችሁ ሙሉውን ፕሮግራም መከታተል ትችላላችሁ የምትወዱትን ቻናል ምረጡ ቀጥሎም የሚመጣላቹ መንፈሳዊ ቻናል ተቀላቀሉ
👉ከ5K በላይ Subscriber ያላችሁ
📥inbox 👉 @samazion_cj
👇👇👇👇👇👇👇👇👇👇👇

📡📡📡📡📡📡📡📡📡📡📡📡
የምትወዱትን ከቲቪ ቻናሎች ዉስጥ መርጣችሁ ሙሉውን ፕሮግራም መከታተል ትችላላችሁ የምትወዱትን ቻናል ምረጡ ቀጥሎም የሚመጣላቹ መንፈሳዊ ቻናል ተቀላቀሉ
👉ከ5K በላይ Subscriber ያላችሁ
📥inbox 👉 @samazion_cj
👇👇👇👇👇👇👇👇👇👇👇

#ሁለት_ሰይፍ
ክፍል አራት (ሜርሲ✍️)

ናትናኤል የእራሴ የሚላቸውን ዕቃዎች በስርአት ከሰደረ በኋላ ከበሩ ጋር ሆኖ ቤቱን ይመለከታል::
"ናትናኤል::" ወደ ውጭ ይወጣል::ሳራ ሙሉ ቱታ ለብሳ በእጇ የመኪና ቁልፍ አንጠልጥላ ከእሱ እራቅ ብላ ቆማለች::
"ቤቱ አማረልህ?"
ፈገግ ብሎ:-
"ቀድሞም ያማረ ቤት ላይ እኮ ነው የገባሁት::"
እሷም ፈገግ ትል እና:-
"ቆንጆ ቆይታ እንዲኖርህ ነው የምመኘው::እምም... የሚያስቸግርህ ወይም የምትፈልገው ነገር ካለ ደውልልኝ::ማክቤልን ከክላስ የማመጣበት ሰዓት ደርሷል::"
"እሺ.." ፊቷን አዙራ ወደ በሩ ትሄዳለች::
"ሳራ.."
ቆም ብላ ትዞራለች::
"ስልክሽን አልሰጠሽኝም::"
"ኦውው.. ያ... ያዘው::"
ቁጥሯን ተቀብሏት ስትወጣ በዓይኑ ሸኝቷት ወደ ቤቱ ሲገባ እጁ ላይ የያዘው ስልክ ይጠራል::አቤነዘር መሆኑን ሲያይ ተቻኩሎ በማንሳት ወደ ጆሮው ያደርጋል::
"እንዴት ነው አዲሱ ቤትህ... እየተለመደ ነው::"
"ይለመዳል ብዬ ተስፋ አደርጋለሁ::" ከሶፋው ተቀምጦ ከአጠገቡ ሪሞቱን በማንሳት ከፊቱ ስታንዱ ላይ ያለውን ቲቪ ይከፍታል::
"ምን አሉህ?... ቅድም እኮ አልተደማመጥንም::"
"እምም... እንግዶችህ ጋር ነበርክ::እንደጠበቅኩት ነው::አላሳመንኳቸውም::"
"የምር.."
"ይሃ.... አባዬ በተለይ..."
"አንድ ልጃቸው እኮ ነህ::"
"ይገባኛል አቤኒ::ግን አንዳንዴ ውስጥህ የሚነግርህን ማዳመጥ አለብህ::"
"ልክ ነህ::ለልብህ የሚነግርህን መንፈስ ቅዱስ ማዳመጥ አለብህ::"
"መንፈስ ቅዱስ..."
"አዎ.. ምነው..."
"አይ ምንም...."
"ዛሬ የወጣቶች ፕሮግራም አለ::አስራ አንድ ሰዓት ለምን ብቅ አትልም::"
"ኦውው.. አቤኒ... በዛ ሰዓት ኦንላይን የምሰራው ሥራ አለኝ::በኋላ እንደዋወል በቃ::"
እያቅማማ:-"እሺ እንዳልክ::ደሕና ሁን::"
"ባይ.."ስልኩን ዘግቶ ከጎኖ በማስቀመጥ ወደ ቲቪው እየተመለከተ በእረጅሙ ተነፈሰ::
"ግራ የገባሽ ዓለም..."

*                         *                                   *

ሳራ መገናኛ ከሚገኘው ከሰፊው ዳቦ እና ኬክ መጋገሪያ እና መሸጫቸው ላይ ተሰይማ ከውስጥ ከሚሰራው ጀምሮ እስከ መሸጫው ድረስ ጥራታቸውን ሁኔታውን ካየች በኋላ ማኔጀሩ የቀን የሽያጭ ሁኔታውን ካብራራላላት በኋላ የሚያደርገውን አዛው ከእሱ ከተለያየች በኋላ ተሰናብታቸው በመውጣት ከመኪናዋ በመግባት ሰሚት ወዳለው ሌላኛው ቅርንጫፍ ታመራለች::

*                          *                             *

ናትናኤል ከበሩ ሲወጣ ማክቤል ከበረንዳው ጫፍ ላይ ተቀምጦ ኳሱን በእጁ እያመላለሰ ከበሩ ላይ ዓይኑን ተክሎ ሲያገኘው እሱም የዓይኑን አቅጣጫ ተከትሎ ወደ በሩ ይመለከታል::
ምንም የሚታይ ነገር ሲያጣ ዓይኑን ወደ ማክቤል ይመልሳል::
"ደሕና ነህ ማክቤል... ማክቤል.."
ማክቤል ደንገጥ ብሎ ይመለከተዋል::
"ደሕና ነህ..."
"አዎ..."
"እምም... ኳስ አብረን መጫወት እንችላለን::"
የማክቤል ፊት ይፈካል::
"እንዴ ትጫወታለህ::" ኳሱን እንደያዘ ይነሳል::
ናትናኤል ወደ መሃል እየሄደ:-
"ኩመካ ላይ እንዴት ነህ?"
"ማንም አይችለኝም::"
ናትናኤል እየሳቀ:-
"ታዲያ እኔ ልሞክርሃ::" እየተጫወቱ እያለ ሳራ ስትገባ ማክቤል የመታው ኳስ ከፊቷ ሲያርፍ ፊቷን ይዛ ዝቅ ትላለች::ማክቤል እና ናትናኤል በድንጋጤ ይመለከቷታል::
"ሳ... ደሕና ነሽ.." ቀና ብላ ትመለከተዋለች::
"ማክ አሁን ግባ::" ትላለች በተቆጣ ድምፀት::ማክቤል ፊቱን አዙሮ ወደ ውስጥ ይገባል::
"ደሕና ነሽ.."
"አዎ... አስቸገረህ አይደል?" ጉንቿን እያሻሸች::
"አይ እኔ ነኝ እንጫወት ያልኩት::"
ፊቷን አዙራ ትልቁን በር በመክፈት ከውጭ የቆመውን መኪናዋን ወደ ግቢ ታስገባ እና መልሳ ስትቆልፍ ወደ በሩ ጋር ይመለከታታል::ከመኪናው ነጭ ኬክ እና ዳቦ የያዘ ሁለት ፔስታል ይዛ በመውረድ ወደ እሱ ቀረብ ብላ አንዱን ፔስታል እያቃበለችው:-
"እስኪ ይሄን ቅመሰው::"
እየተቀበላት:-
"ኦውው... አመሰግናለሁ::"
"እናቴ እያለች ተከራዮችዋን የመጀመሪያ ቀን ቡና አፍልታ ኦልሞስት ደግሳ ነበር የምትቀበለው::ትንሽ ቢዚ ሆንኩኝ::"
"ዚ ስምን ኤሎት::አመሰግናለሁ በጣም::"
"ደሕና እደር::"
"ደሕና እደሪ::"
ገብቶ በሩን ከኋላው በመዝጋት አንድ ሶፍት ያወጣ እና ከፔስታሉ ውስጥ አንድ ተቆራሽ አንስቶ አንዴ ሲገምጠው አይኑ ይፈካል::
"ኦ ማይ ጋድ.. ይሄ ይለያል::" ድጋሚ ይገምጠዋል::

*                        *                                *

ስልኩ ሲጠራ ብድግ ይላል::ላፕቶፑ እንደተከፈተ ከጠረጴዛው ላይ ተቀምጧል::
"አምላኬ::መቼ ነው እንቅልፍ የወሰደኝ::"ቀና ብሎ የግድጊዳውን ሰዓት ሲመለከት ለሰባት ይቆጥራል::
"ማነው በዚህ ለሊት.." እግሩን ከሶፋው ላይ በማውረድ ስልኩን ከጠረጴዛው ላይ አንስቶ ደዋዩን ሲመለከት ደንገጥ ይላል ካቅማማ በኋላ አንስቶ ጆሮው ላይ ያደርጋል::
"ሱዚያና..."
"ይቅርታ የኔ ውድ ከመሸ ደወልኩብህ.... የሆነ ነገር ተፈጥሮ::"
"እባክሽን..."
"ይገባኛል... ብዙ እንደተጎዳህ... ግን አንዴ ብቻ ስማኝ.."
በእረጅሙ ይተነፍስና:-
"ምንድነው እሺ..."

   ይቀጥላል......
@Mercy_ena_berrua✍️

"አንድ ምክር ምከረኝ አባዬ..."
"ምን አይነት ምክር?"
"እኔንጃ... ብቻ ምክር ይሁን..."
አሰብ አድርጎ ጉሮሮውን ጠራረገ:-
"እስካሁን ለእኔ እንቆቅልሽ የሆነውን በመጨረሻም የገባኝን አንድ እውነት ልንገርህ::አንድ አንድ ሰዎች ይሰጡሃል ከፈጣሪ ይሁን ከጠላትህ አይታወቅም::ይሄ ሰው ሁሌ በመንገድህ አለ::ስኬትህ ላይ.. ውድቀትህ ላይ ሃዘን ደስታህ ላይ ሁሌ ከአንተ ጋር አለ::የሚኖረው ግን ለመልካም እንዳይመስልህ.... አቁሳዩም.. ቁስልህ ላይ እንጨት ሰዳጁም እሱ ነው::ሁሌ ልብህ ላይ ለሚሰማህ ህመም እሱ እዛ ውስጥ አለ::ብትገስፀው አይሄድ ብትለምነው አይገባው... እግዚአብሔርን ስለ እሱ ብትጠይቀው ምላሽ አታገኝም::ያ ሰው አይለወጥም::ይሄ ነገር የገጠመኝ እኔን ብቻ ከሆነ እሰየው እኔ ብቻ ብሆን የምር ደስ ባለኝ ይሄ ስቀይ ለሰው ልጅ አይገባውም እላለሁ ::አንተንም ከገጠመህ ግን እሱን ሰው ችላ በለው እኔም ብሆን ... ምክንያቱም እሱ ወይም አንተ ሕይወታችሁ ከዚህ ምድር እስካልሄደች ድረስ ይሄ ሰው ሁሌም አብሮህ አለ::"
"ችላ በለው ስትል..."
"ፀሀይዋ እያዘቀዘቀች ነው... እንግባ...."


ሰናይ ምሽት

@Mercy_ena_berua✍️

#ሁለት_ሰይፍ
ክፍል ሶስት (ሜርሲ✍️)


"ኦውው... የአቤነዘር ጓደኛ...ማታ መልእክት ልኮልኝ ነበር እመልሰዋለሁ እያልኩ ተዘናጋሁ::"
"ያ.. አብሮኝ እንዳይመጣ ፕሮግራም ገጠመው::አቅጣጫውን እያጠያየኩ ነበር የደረስኩት::"
"ኦውው.. አስለፋሁህ ይቅርታ::የሚከራየው ቤት ከዚህ ቤት ሶስተኛ ላይ ያለው ነበር::እምም... ቀደም ብትል ጥሩ ነበር::አንድ ሶስት ቀን አለፈው ሰው ከገባባት::"
"እርሊይ..."
"ይቅርታ በጣም::"
ዮሃና መጥታ ከአጠገቧ ትቆማለች::
"እንዴ ናቲ..."
ዞራ አየቻት:-
"ታውቂዋለሽ::"
"እኛ ቸርች ሆኖ እሱን የማያውቀው አለ::ልክ እኛ እዛ ቸርች እንኳን ደህና መጣችሁ የተባለን ቀን ነው እርሱ የተሸኘው::የወጣቶች መሪ ነበር::አንቺ አልነበርሽም ነበር::"
"ኦውው... አንድ ቀን አይተሽኝ ነው ያልረሳሽኝ::"
"መርሳት የማልፈልገውን ሰው አልረሳም::ምን እግርህ ጣለህ እኛ ቤት?"
"እምም... የሚከራይ ቤት አለ ተብዬ ነበር::ተከራይቷል::"
"ኦውው... ብቻህን አንድ ግቢ ነው የምትፈልገው ማለት ነው?"
"አይ እንደዛ እንኳ ሳይሆን.. ሥራዬን ከቤት ሆኘ ስለሆነ የምሰራው..."
"ገባኝ::ግን እዚህ ማንም ነፃነትህን የሚነሳ የለም::ግራውንድ ላይ ከተመቸህ ክፍሎች አሉ::እኛ አንጠቀምበትም::"
"ዮሂ..."
"እህቴ ደግሞ::ለሚታመን ሰው ነው የማከራየው ስትይ አልነበር::"
"አይ... ፍቃድሽ ካልሆነ ችግር የለውም ሌላ ቦታ እከራያለሁ::"
"አይ እንደዛ ሳይሆን::ልንረብሽህ እንችላለን ብዬ ነው::"
"እነማናቸው የሚረብሹት?.. አረ እህቴ... ይሀውልህ ናቲአታስብ::አንድ አንዴ እኔ ብረብሽህ ነው... እባክህን ክፍሉን ልታየው ትችላለህ?..."

* * *

"ዕቃ ከመግዛት ነው የተረፍኩት::ሙሉ ዕቃ የተሟላለት ቤት ነው::ሳሎን መኝታ ሻወር አለው ሌላ ምን እፈልጋለሁ::"
"አይ ጥሩ አድርገሃል::እዛ መግባትህ የእግዚአብሔር ፍቃድ ይሆናል::አሁን እንዴት እንደምታሳምናቸው አስብ::"
"እምም... እሱም አለ ለካ... አይፈቅዱልኝም በእርግጥ::አሳውቅሃለሁ ለማንኛውም::"
"እንደዋወል.." ስልኩን ከዘጋ በኋላ ወደ ጎን አይኑን ከትራፊኩ ላይ ይጥላል::የፈራው አልቀረም የፊሺካ ድምፅ ይሰማል::
"ፈጣሪዬ... ናቲ መንጃ ፍቃድ ይዣለሁ በለኝ::"መኪናውን ከዳር አቁሞ ሊፈልግ ዝቅ ይላል::

* * *

"በዛ ላይ ቆንጆ ነው..."
"ምን አልሽ!?"
"ቀልዴን ነው አረ::"እጇን ከፍ እያደረገች::
"ለቀልድም ቢሆን..."
"አረ አምላኬ መች ነው እንደዚህ አንባገነን የሆንሽው::"
"ዶክተሩ ያለውን በደምብ ሰምተሻል::በፍፁም መጠጥ አጠገብ መድረስ የለብሽም::ጨጓራሽ በጣም ተጎድቷል::"
"እሺ... እሞክራለሁ::"
"እሞክራለሁ አይደለም ታደርጊዋለሽ!" ትላለች ድምፁአን ከፍ አድርጋ::
"እህቴ እየጮህሽ ነው::"
"ልጩህ::ጮኬም በገባሽ::"
"እህቴ ከአይንሽ እንባ እየፈሰሰ ነው እያለቀስሽ ነው?"
ፊቷን ወደ አስፓልቱ አድርጋ በእጇ እንባዋን ትጠርጋለች::
"መች ነው እራስሽን መበቀል የምታቆሚው?... ቆይ እንዳጣሽ ትፈልጊያለሽ?... እናታችን እጄን ይዛ ነው ቃል ያስገባችኝ::"
"እህቴ.. ይቅርታ::" ስታቅፋት ሳራም ታቅፋታለች::
ድምፅ ሰምታ ዘወር ስትል ማክቤል ከመኪናው ውጭ ሆኖ መስታወቱን እያንኳኳ አይታ ፈገግ ትላለች::
"ማክ... " ዮሀና ዘወር ብላ ታየው እና ትስቃለች::
"በሩን ክፈቺለት::" ከኋላ ሲገባ ቦርሳውን አስቀምጦ በየተራ ይስማቸዋል::
"ክላስ ቆንጆ ነበር ማክ.."
"አዎ... ተሻለሽ አንቺ?"
"አንተም ሰምተህ ነበር!?"
"ባትሄጂ ማታ ጥሩ እራት ትበይ ነበር::አያምሽም ነበር::"
"የእኔ ነብስ::ሁለተኛ አልሄድም ጥያችሁ::አሁን ቤት ሄደን ቆንጆ እራት እንሰራለን::"
"እንዴ... ዛሬ ፒዛ አልጋበዝም?"
"ትጋበዛለህ አረ... እሱ ግን መክሰስ ነው::እራት እኔ ነኝ ቆንጆ አድርጌ የምሰራው::"
"ምን... እራት ላይ እንቁላል ልታበይን?"አለች ሳራ::
"እየተሰደብኩ ነው!?"
ማክቤል እና ሳራ ተያይተው ይሳሳቃሉ::

* * *

ናትናኤል ከእናቱ ሕይወት እና አባቱ ኪሮስ ጋር እራት በአንድ ጠረጴዛ እየተመገበ በየመሃሉ ቀና እያለ ይመለከታቸዋል::
ኪሮስ አስተውሎት ኖሮ ከወንበሩ ደገፍ ብሎ ይመለከተዋል::
"የሆነ ነገር ልትነግረን ፈልገሃል አይደል?"
ደንገጥ ብሎ ቀና ብሎ ይመለከተዋል::ሕይወትም መመገቧን አቁማ ታየዋለች::ከዚህ በላይ እንደማያስኬደው ስላወቀ ለመናገር ይወስናል::
"ምን መሰላችሁ አባዬ.... አድጌባችሁ አይደለም::እናንተ ላይ ማደግ አልፈልግም::ይሄን ስወስን ሁለት ዓመት እርቄያችሁ ቆይቼ እንደገና ልርቃችሁ ፈልጌ ሳይሆን...."
"ናቲ... ምንድነው ዋናው ጉዳይ?" አለ ኪሮስ ቆጣ እንዳለ::
"ቤት ተከራይቻለሁ::" ፊታቸው ሲለዋወጥ አስተዋለ::

ይቀጥላል....


@Mercy_ena_berua✍️

#ሁለት_ሰይፍ
ክፍል ሁለት(ሜርሲ✍️)

"ማክቤል.." በዝግታ ዘወር ብሎ ይመለከታት እና ዓይኑን አንገቱን ይመልሳል::በእፎይታ ትተነፍስ እና ከሶፋው ላይ ከአጠገቡ ትቀመጣለች::
"ጨረቃዋ ደስ ትላለች አይደል?"
"እማዬ ሁሌ ማታ ማታ እዚህ መቀመጥ ትወድ ነበር::"
ትመለከተዋለች::
"ለምን ቆንጆ እራት አንሰራም?"
"ላዛኛ ነው?"
"ኦፍኮርስ.... የፈለግከውን::"
እጁን ይዛ ይነሳሉ::

*                                *                              *

"እና አቤኒ... እንዴት ነው ቸርች... የወጣቶች መሪ መሆን..."
"ለአንተ አልነግርህም መችም ፈታኝ መሆኑን ::ግን እግዚአብሔር ይመስገን እሱ ከድካምህ በላይ ያደርግሃል::"
"እሱ ነው ትልቁ ነገር::" አስተናጋጁ ያዘዙትን የቤቱን እስፔሻል ኮምቦ ከፊታቸው ያስቀምጥ እና ከመሶቡ ከትሪው ላይ አድርጎላቸው::
"መልካም እራት::"ብሏቸው ሲሄድ አፀፋዊ ምስጋናቸውን ሰጥተውት ወደ ምግቡ ይመለከታሉ::
"በጣም የናፈቀኝ ምግብ::"
"ምሳ መጋበዙ ባይፈቀድልኝም እራቱ አይቅርብኝ ብዬ ነው::እንፀልይ::"
"ያ.."አይኑን ሲጨፍን አቤነዘር ይፀልይ እና እየተጫወቱ መመገብ ይጀምራሉ::በመሃል ናትናኤል አሰብ ያደርግ እና:-
"እኔ ምልህ አቤኒ... የሚከራይ ቤት እየፈለግኩህ ነበር እና አሪፍ ደላላ የምታውቀው ካለ..."
"ለማን ነው የምትፈልገው?" ግራ እየተጋባ ጠየቀው::
"ለእራሴ ነዋ ሌላ ለማን ይሆናል::"
"አረ አትቀልድ ናቲ::ቤታችሁስ..."
"ጠብቄ ነበር አለማመንህን::online ሥራዎችን ስለሆነ እየሰራሁ ያለሁት እረጅም ሰዓት ቤት ስቀመጥ ሌላ ነገር ይመስላቸዋል::እና ሥራው ነፃነት ይፈልጋል::በዛ ላይ ደግሞ እራሴንም ብቻዬን ሆኘ ሕይወቴን መምራት እፈልጋለሁ::"
"ይሄ ከባድ ነገር ነው::ነግረሀቸዋል?"
"አይ::ቤቱን ላግኝ እና እነግራቸዋለሁ::"
"ካልክ እሺ.... እምም... ደላላ ሳያስፈልገው የሆነ ቤት አለ::ካላከራዩት የምጠይቅልህ ይሆናል::ግን ምን አይነት ቤት እንደምትፈልግ አልነገርከኝም::"
"ምንም ይሁን ብቻ የእኔ ቤት መዋል የሚያሳስበው ሰው የሌለበት ቦታ ይሁን::"
"ገባኝ.."

*                             *                              *

ሳራ ከሳሎኑ ላይ ካለው ሶፋ ላይ ጋቢ ለብሳ ጋደም ብላ አንዴ የግድጊዳውን ሰዓት አንዴ በሩን ትመለከታለች::ሰዓቱ ለስድስት ይቆጥራል::ስልኳን አንስታ ቁልፎቹን ስትጫን የበር ጥሪውን ትሰማ እና ብድግ ብላ የሳሎኑን በር ከፍታ በመውጣት ከግቢው በር እሮጥ ብላ ደርሳ በሩን ትከፍታለች::ዮሃና በስካር መንፈስ ሆና ራይድ ካመጣት ሹፌር ትከሻ ላይ እራሷን ጥላለች::
"እባክሽን ታግዥኝ::"
ሳራ ፈጠን ብላ ትደግፋት እና ጋቢውን ታለብሳታለች::
"እስከ ቤት ላግዝሽ?"
"አይ አመሰግናለሁ::ከፈለችህ?"
"አዎ::በዚህ እንኳ ጎበዝ ናት::"
ፈገግ ብላ:-
"አመሰግናለሁ::ደሕና እደር::" ይዛት እስክትገባ ይመለከት እና ወደ መኪናው ይመለሳል::"
ሳራ ደግፋት እያስገበቻት ዮሃና በጨረፍታ ትመለከታታለች:-
"እህቴ.. ይቅርታ::ሳልፈልግ ነው::"
"አስገድደውሽ ነው አይደል::"
"አዎ እህቴ ልክ... ብለሻል::"
"አስገድደውሽ.. ህ... ማክቤል ተኝቷል ድምፅሽን ቀንሽ::
ከተከፈተው በር ይገቡ እና ከኋላቸው ትዘጋለች::

*                  *                               *
ዮሃና ከፊቷ ላይ ያለው ብልድልብስ ሲከፈት አይኖችዋን ትከፍታለች::ወዲያው የእራስ ምታቱ ህመም ጭንቅላቷን በእጇ ያስይዛታል::ሳራ ቆማ ትመለከታታለች::
"እኔና መክቤል እየወጣን ነው::ሱፍ ፍትፍት እና ጁስ አዘጋጅቼልሻል::ማስታገሻም ውሰጂበት::ዛሬ እረፍት አድርጊ::"
"እንዴ.. ክላስ እሄዳለሁ እኮ..."
"እንደዚህ ሆነሽ ነው የምትሄጂው!?.. ማታ ደም ነበር እኮ ሲያስመልስሽ የነበረው::ለማንኛው ሰራተኞቹን ቦታ ቦታ አስይዤ እመለሳለሁ::ሀኪም ቤት እንሄዳለን::"
"ሀኪም ቤት..!?"
ሳራ ሳትመልስላት ትወጣለች::
"ኤጭጭ ..."

*                        *                             "

"ሰዓት እየሄደ ነው... ቶሎ በይ..."
"እየጨረስኩ ነው እህቴ....."

የበሩን ደውል ስትሰማ ግራ በመጋባት አሰብ ታደርግ እና ወደ ውጭ በመውጣት በሩን ስትከፍት ከፊቷ የቆመውን ወጣት አይታ ደንገጥ ትላለች::
"ሰላም.. ምን ነበር?"
"ሰላም... ናትናኤል እባላለሁ::የሚከራይ ቤት እንዳላችሁ ሰው ጠቁሞኝ ነው የመጣሁት"


  ይቀጥላል....

@Mercy_ena_berua✍️

#ሁለት_ሰይፍ
✍️ሜርሲ
ክፍል አንድ

"ይሄ መኪና ፍጥነቱ ምንም አላማረኝም::"
"ሆስፒታል ገብታለች እኮ ልጄ::"
"አውቃለሁ ግን ተረጋግተህ ንዳው..."
ወደ ኋላ ስትመለከት ማክቤል ጆሮው ላይ ማዳመጫ አድርጎ ውጪውን ይመለከታል::
ዘወር ትላለች:-
"መኪናውን አቁመው.."
ዞሮ ይመለከታታል:-
"ምን ሆነሻል::"
"መኪናውን አቁመው.."ድምፁአን አውጥታው ስለነበር ማክቤል ማዳመጫውን ያወጣ እና ወደ እነርሱ ይመለከታል::
"ጥሩ ስሜት እየተሰማኝ አይደለም::"
"እማዬ..."
ሁለቱም ወደ ማክቤል ይዞራሉ::እና በዝግታ አይናቸውን ከማክቤል አይን ጋር አከታትለው ከመንገዱ ያደርጋሉ::
"ፍፁም እያየህ::" ከእሷ ድምፅ እኩል መሪውን ወደ ግራ ያዞረዋል::
"እማ... አባ..."ሳራ በሩን በርግዳ ትገባ እና አልጋው ላይ የመዝለል ያህል ወጥታ ከጉያዋ ውስጥ ታስገባዋለች::
"ቅዠት ነው.... ቅዠት ነው::"

* * *

"እግዚአብሔር በሥራው አይሳሳትም::የሚሳሳት ይመስላል በእርግጥ::ግን እውነታው እሱ ዘንድ ስህተት የለም::"ፕሮግራሙ አልቆ ሰዉ መበተን ጀምሮ ሳለ አንድ ረዘም ብሎ መልከ መልካም ወጣት እየተጣደፈ ጉባኤውን ቀድሞ ይወጣል::

"ናቲሻ.."
ዘወር ብሎ ይመለከታል::
"አንተ... ወዴት እያመለጥክ ነው::"
ቆም ብሎ በፈገግታ ይጠብቀው እና ሞቅ ያለ ሰላምታ ይለዋወጣሉ::
"ተናፍቀሃል.."
"እዚህም እንደዛው::"
"እና ምን ያስሮጥሃል..."
"ትንሽ ደክሞኛል አቤኒ::እዚህ ቆየሁ ማለት ጉባኤውን ሁሉ ሰላም አልኩ ማለት ነው::"
"ይሄ መበላሸት ነው ይታረም::"
"በእርግጥ አዎ ይታረማል::"
"ሙሉ ፕሮግራሙን ተኝተሽ ነበር..."
"ሲጀመር ለአንቺ ስል ነው የመጣሁት.."
ሁለቱም ድምፁን ወደ ሰሙበት ዘወር ይላሉ::ሁለት ሴቶች እና አንድ ልጅ ፈጠን እያሉ ጀርባቸውን ሰጥተው ከግቢው ያልፏቸዋል::
"ታሳዝነኛለችም... ታበረታኛለችም::"
ናትናኤል ወደ እሱ ይዞራል:-
"ማናት.."
"አንተ ውጭ በነበርክ ጊዜ ብዙ ታሪክ አልፎሃል::"
ናትናኤል ድጋሚ ዞሮ ይመለከታቸዋል::
"እንዴ... ናቲ... መች መጥተህ ነው?"
"አላልኩህም... ማደሬ ነው በቃ::"
"የቅዱሳን ሰላምታ ሊናፍቅህ ነበር የሚገባው::ምሳ እና ቡና በእኔ ግብዣ ይሁን::አሁን ሰላም በላቸው::"
ፈገግ ብሎ ወደጠራው ሰው ዘወር ይላል::

* * *

"መኪናዬን በትክክል እንድነዳው ፍቀጂልኝ እባክሽ::"
"ምኑን ነዳሽው::እስካሁን በእግሬ ሮጥ ሮጥ ብል ቤት ደርሼ ወጥቼ ነበር::"
"በዚህ ሰዓት ክራውድድ ይሆናል::ሶ ታገሺኝ ፕሊስ::ደግሞ የት ነው የምትወጪው?"
"የጓደኛዬ ልደት አለብኝ::"
"የአንቺ ጓደኞች ደግሞ በየእሁዱ ነው እንዴ ልደት የሚያከብሩት::"
"ጓደኞቼ ብዙ ናቸው::ሰው ይስጥሽ ብሎ መርቆኝ::ዛሬ ልክ አልሰራሽም::ቆይ የከተማው ሰው ሁሉ እኔ ሳልሰማ መኪና ታደለው እንዴ::"
ሳራ ፈገግ ብላ መንገዱን ታያለች::
"በኢየሱስ ስም!" ቃሉ ከአፏ እንደወጣ ፍሬኑን የበጠሰ መኪና ከግራ በኩል በብርሃን ፍጥነት ወጥቶ ከአንዱ ቪ8 ጋር ይላተማል::ሁለቱም በድንጋጤ ፈዘው ከፊታቸው የተፈጠረውን እየተመለከቱ ከኋላ ድምፅ ይሰሙ እና ዘወር ይላሉ::
"ማክ.." በአንድ ድምፀት::

* * *

ሁለቱም ማክቤል ላይ ዓይናቸውን አድርገው ከአልጋው ጫፍ ተቀምጠው ይመለከቱታል::
ዮሃና በዝግታ ትነሳለች::
"ተኝቷል::ልሂድ::" ቀረብ ብላ ግንባሩን ትስመው እና ለአፍታ ተመልክታው ትወጣለች::ሳራ ትከተላታለች::በሩን ገርበብ ካደረገች በኋላ ዮሃና ክፍሏ ስትገባ ተከትላት ትገባለች::ዮሃና ቁም ሳጥኗን በመክፈት በፍጥነት ልብስ ለመምረጥ ትሞክራለች::ከአልጋው ላይ ከዘረገቻቸው ልብሶች ላይ ግራ በመጋባት አይኗን ታንከራትታለች::
ከበሩ ላይ ቆማ ወደ ምታያት ሳራ እየተመለከተች:-
"ስምኚ እህቴ.... እኔ ስቻኮል ምን መልበስ እንዳለብኝ እንኳ አላውቅም::"
"እኔ ገና እንድትሄጂ አልፈቀድኩልሽም::"
"ቸርች ሄጄልሻለሁ ይሄን አትርሺ::"
"ለእኔ ነበር..."
"ኦፍ ኮርስ...ወንበር ላይ ከምተኛ አልጋዬ ላይ ተኝቼ አሳልፌ ቢሆን ኖሮ ይሄ ሁሉ ጣጣ ባልተከተለ ነበር::አሁን አትመርጪልኝም::ህ.. ለዛሬ ብቻ::"
ወደ እሷ ስትቀርብ በደስታ ከመሬቱ ዘለል ዘለል ትላለች::
"ማክ ተኝቷል..."
"ኦህህ... ይቅርታ...." ባለችበት ቀጥ ብላ ትቆማለች::
ሳራ አልጋው ላይ ካሉት ልብሶች አንዱን ውሃ ሰማያዊ ከለር ቀሚስ ታነሳለች::
"ትራይ ዚስ ዋን..."
ዮሃና በፈገግታ ትቀበላታለች::
"ግን እባክሽ... አምሽተሽ እና ሰክረሽ ቤት አለኝ ብለሽ እንዳትመጪ::"
"አያሳስብሽ..ቤት ሞልቷል..."
"ህ..."
"አልጠጣም.. አላመሽም እህቴ::"
"ሹፌሩን ልደውልለት::"
"አይ እህቴ.... ራይድ እደውላለሁ::"
በትዝብት ስትመለከታት ቆይታ ትወጣለች::

* * *

ሳራ ከእንቅልፏ ስትባንን ከሶፋው ላይ ከሳሎኑ መተኛቷን አስተዋለች::ስልኳን ከጠረጴዛው በማንሳት ስትመለከት ከምሽቱ አንድ ከአስር ይላል::
"በጌታ... እንዴት ብተኛ ነው..." አሰብ ታደርግ እና እግሯን በፍጥነት ከሶፋው በማውረድ ነጠላ ጫማውን አድርጋ ስልኳን እንደያዘች ወደ ላይ በደረጃው ትወጣለች::ደረጃው እንዳለቀ አንደኛ ፎቅ ላይ ካለው በስተቀኝ በኩል የማክቤልን ክፍል ከፍታ ትገባለች::አይኖችዋን ከክፍሉ ላይ እያንከራተተች ከቆየች በኋላ ከፍ ባለ ድምፅ:-
"ማክቤል..."ትላለች::

ይቀጥላል...

@Mercy_ena_berua✍
@Mercy_ena_berua✍

#ቃሉን_አብረን_እናንብብ
#Day_6
#ምሳ:-30
@Mercy_ena_berua✍️

ዛሬ ማታ 3:00

Are you ready🖐

#ቃሉን_አብረን_እናንብብ
#Day_5
#መዝ-133
@Mercy_ena_berua✍️

#ቃሉን_አብረን_እናንብብ
#Day_4
#መዝ-139
@Mercy_ena_berua✍️

https://www.facebook.com/leoul.zewelde

Idk ምን ያህል እንደሚጠቅማችሁ::የዚህን ልጅ post እንድታነቡት ልጋብዛችሁ::
Comment ላይ ሳይ ግማሹ ማንበብ ስለሚወድ... አስፈሪ ታሪክ ስለሚወድ... አፃፃፉ ስለሚመቸው... ልዑልን ስለሚወደው...ለማንበቡ ምክንያቱ ብዙ ነው... እናንተን ግን ስጋብዛችሁ እንደክርስቲያን እንድታነቡት እና ሃሳብ እንድትሰጡበት ጭምር ነው::ካነበብኳቸው ውስጥ አንዱ እንደቀልድ እንዳላነብ አስቆመኝ እና ቀርቷል ያልነው እሥራት still now እየሰራ እንዳለ ሳይ ምን ያህል ክርስቲያኑ እንደተዘናጋ ነበር ያሳየኝ::
አንብቡት ለማንኛውም እሱ ለምንም ብሉ ይፃፍ እናንተ እንደ ክርስቲያን አንብቡት::

ምንም ነገር ቢመጣ አንፈራም ብለን ሳለን የአንድ ወይም የሁለት ሰከንድ የመሬት መንቀጥቀጥ ልባችንን እንደዚህ ለምን ያርደዋል!?
የሆነ የውሸት ጩሀት አለብን እንጂ ውስጣችን ላለመኖር ዝግጁ አይደለም::
አዲስ አበባ ያላችሁ ግን ሰላም ናችሁ አይደል😊
እግዚአብሔር ሁል ጊዜም ምህረቱን ከእኛ አያርቅ::

ወደ ገደለው ስንገባ የሆነ ዜና ተነገረኝ እና ከመሸ የውስጥ ሰውነቴ ብቻ አይደለም በሥራ የዘላው ውጫዊው አካሌም ነበር የበረታው::በቅፅበት::እና ምን አሰብኩኝ እግዚአብሔር ተስፋ ሊሰጠን እና ሊያበረታን ሲፈልግ"በርታ/በርቺ.. ልጄ::" ብቻ አይልም::ሌሎችንም ሲያግዝ አሳይቶ ያበረታናል::I mean የሰው ደስታ ደስታችሁ ከሆነ::"አበርታኝ" ብላችሁት "አላበረታኝም" አትበሉ::ምን አልባት የሚያበረታበትን መንገድ ይሆናል ያልተረዳነው::

ሰናይ ምሽት ❤️

@Mercy_ena_berua✍️

ሜርሲ እና ብዕሯ✍ pinned «#ከሁለት_ሰይፍ ተከታታይ ልብወለድ የተወሰደ "....እነዚህ ልጆችሽ ናቸው::እግዚአብሔር የእኔን ኃላፊነት ለአንቺ አሳልፎ ሰጥቶሻል::እኔን ሊያሳርፈኝ ወዷል::አደራ ልጆቼን::" "እማዬ እግዚአብሔርን እንቢ ማለት ትቺያለሽ::አትችልም እሷ ብለሽ ንገሪው::እሺ ይልሻል..... እማዬ..... አይኖችሽን ግለጪና አውሪኝ. ….." *                           *                          …»

#ቃሉን_አብረን_እናንብብ
#Day_3
#ት.ሚል 4
@Mercy_ena_berua✍️

"#ሁለት_ሰይፍ"

በቅርብ ቀን

@Mercy_ena_berua✍️

#ቃሉን_አብረን_እናንብብ
#Day_2
@Mercy_ena_berua✍️

#ከሁለት_ሰይፍ ተከታታይ ልብወለድ የተወሰደ


"....እነዚህ ልጆችሽ ናቸው::እግዚአብሔር የእኔን ኃላፊነት ለአንቺ አሳልፎ ሰጥቶሻል::እኔን ሊያሳርፈኝ ወዷል::አደራ ልጆቼን::"
"እማዬ እግዚአብሔርን እንቢ ማለት ትቺያለሽ::አትችልም እሷ ብለሽ ንገሪው::እሺ ይልሻል..... እማዬ..... አይኖችሽን ግለጪና አውሪኝ. ….."

*                           *                           *

"እማ... አባ...." በሩን በርግዳ በመግባት ከአልጋው ላይ የመዝለል ያህል ወጥታ ታቅፋታለች::
"ቅዘት ነው እህቴ.... ቅዘት ነው::"

*                         *                             *
"ፒቲኤስዲ(PTSD) ሰዎች አደገ በተፈጠረ ጊዜ በቦታው ከተገኙ ወይም አደጋው ከደረሰባቸው በኋላ በአእምሯቸው የአደጋውን ጊዜ አሁን እንደተፈጠረ አድርጎ ጭንቅላታቸው ስለሚያቀርብላቸው በዛ ምክንያት የሚፈጠር እስትረስ ነው::እህትሽን ወደ ቀድሞ ጤንነት ለመመለስ የአንቺ እገዛ ያሻል::"

*                              *                         *

"ምንድነው ጫጫታው!?"
"እህትሽ በአጥር ዘላ ልትገባ ስትል በሩን እያሳያኋት ነበር::"
"አመሰግናለሁ ጋሼ እርሷን እኔ ላይ ያስደግፉ::"
"ይቅርታ እህቴ... የቤታችን በር አቅጣጫውን እንደቀየረ አላወኩም ነበር::"

*                         *                            *

"ቁርስ ቀርቧል..."
ቦርሳዋን ከትከሻዋ ታወርድ እና በእጇ አንጠልጥላው በተሰላቸ ስሜት ትመለከታታለች::
"ማታ ያልኩሽን ገንዘብ አዘጋጀሽልኝ?"
"የምለፋው.... አንቺ ፓርቲ ለፓርቲ እየዞርሽ እንድትበትኚው አይደለም::"
"ልበትን.. ሁ ኬርስ.... አባዬ ያስቀመጠልኝን ገንዘብ ነው የጠየኩሽ::"
"አስራ ስምንት ዓመት አልሞላሽም...."
"አሃ.... ጥሩ...." በሩን በርግዳ ትወጣለች::
"እህቴ.... ቁልፌን አስተካኪይልኝ::" ዞራ በስስት ትመለከታታለች::

*                      *                             *

"ናትናኤል እባላለሁ::የሚከራይ ቤት እየፈለግኩ እዚህ ተጠቁሜ ነው::"


    በቅርብ ቀን በሜርሲ እና ብዕሯ ቻናል ይጠብቁ::

@Mercy_ena_berua✍

#ቃሉን_አብረን_እናንብብ
#Day_1
@Mercy_ena_berua✍️

ስንቶቻችን መፅሐፍ ቅዱስን በየቀኑ እናነባባለን::አንድ ምዕራፍ.. አንድ ቁጥር... ብቻ መፅሐፍ ቅዱሳችን ስንቴ ይገለጣል::
መልሶች ተመሳሳይ ናቸው የአብዛኞቹ::

ምን አሰብኩ አንድ ክፍል ወይም አንድ ቁጥር በvoice አብረን እናነባለን በየማታው::

Part one ማታ እንጀምራለን::

".....በዚህ ምድር ላይ ትልልቅ ከምትላቸው ነገሮች ውስጥ አንዱ ምንድነው?"
"ትልቅ ከምለው ነገር..."
"አዎ.."
"እምም.... መታገስ::ትዕግስት ባይኖር ኖሮ ህመም እና ፈውስን ለይቼ ባላወቅኩ ነበር::"
"ማለት?"
"ትዕግስት ውስጥ ትልቅ ህመም አለው::እልፍ ሲል ደግሞ ፈውሱን ታጣጥሚዋለሽ::"
"አልገባኝም..."
"ታግሰሽ እይውማ ..... አንዳንድ ነገሮች ካልኖሩት በቃል አይገባም::"

ሰናይ ምሽት

@Mercy_ena_berua✍️

I wish ሁላችንም ቢገባን ማለት እግዚአብሔር ለእኛ እያሰበው ያለው ነገር ቢገባን::ብናውቅለት ብንኖርለት ፈገግ ብናሰኘው::ምን ያህል የተረጋጋ ልብ እና ሕይወት እንደሚኖረን አስባችሁታል::
ፀጋው ይርዳን

ሰናይ ቀን♥️

@Mercy_ena_berua✍️

ሜርሲ እና ብዕሯ✍ pinned «"ማስታወቂያ ስንት ቢከፍሉሽ ነው እንደዚህ የምታበዥው?" "እድሜህ ስንት ነው የሚልም ትለቂያለሽ ምን አይነት መሰገጥ ነው?" "አረ ሜርሲ ቀነስ አድርጊው.." "አረ 24ሰዓት የሞላቸውን አጥፊ..." ሌላም ብዙ ብዙ.... እንደዚህ አይነት መልእክቶች እየበዙብኝ ስለሆነ ግልፅ ላድርግላችሁ:: የሚሰራው cross promotion ሲሆን መንፈሳዊ የሆኑ ቻናሎች folder ይዙአል::ሁሉንም መንፈሳዊ ቻናሎች ለማያያዝ…»

"ማስታወቂያ ስንት ቢከፍሉሽ ነው እንደዚህ የምታበዥው?"
"እድሜህ ስንት ነው የሚልም ትለቂያለሽ ምን አይነት መሰገጥ ነው?"
"አረ ሜርሲ ቀነስ አድርጊው.."
"አረ 24ሰዓት የሞላቸውን አጥፊ..."
ሌላም ብዙ ብዙ.... እንደዚህ አይነት መልእክቶች እየበዙብኝ ስለሆነ ግልፅ ላድርግላችሁ::
የሚሰራው cross promotion ሲሆን መንፈሳዊ የሆኑ ቻናሎች folder ይዙአል::ሁሉንም መንፈሳዊ ቻናሎች ለማያያዝ እና አብሮ ለማደግ በሚል fixed በሆነ time የሚለቀቁ ናቸው::እኔ ሳልሆን ሌሎች adminoch ናቸው የሚለቁት (በነፃ)::እየገባችሁ ሌሎችንም ብትከታተሉ አሪፍ ነው::አሁን ግልፅ ያልሆነላችሁ ግልፅ የሆነላችሁ መሰለኝ😊... የማይሆኑ ነገሮቹን ሲለቁ ተንደርድሬ ሄጄ ነው የማጠፋው::ያስቆምኳቸው እና ያስወጣኋቸውም adminoch አሉ::

ወደ ጉዳዬ ስገባ እስከዛሬ ከተለቀቁት ፅሁፎች ውስጥ የትኛውን ነው በደምብ ወዳችሁት ያነበባችሁት እየመረጣች እየመለሳችሁ ፈልጌው ነው


#አኬልዳማ
#እንዳልጠፋ
#ከረፈደ
#የውስጥ ጩሀት
#የመውጊያው በትር
#ሎዛ
#ራማ
#አረሜን
#ነጥብ
#የተጋረደ
#ሶምበር
#የሞት መንገድ
#ሁለት ገፅታ
#ከስሜ በፊት
#ካልተፈቱ_እሥራቶች
#ስውር_ህልም
#ሻካር

ሰናይ ምሽት♥️

@Mercy_ena_berua✍️

"ሰዎች ትን ሲላቸው ለምንድነው ጀርባቸውን የምንመታው?"
"ምን አውቄ.."
"እሺ ትን ሲላቸው ለምንድነው ውሃ የምንሰጣቸው?"
"ምን አውቄ.."
"እሺ ስቅ ሲላቸው ሰው እያስታወሰህ ነው የሚባለውስ ለምንድነው?"
"ምን አውቄ..."
"እሺ ሲያስነጥሳቸው ለምንድነው ይማርህ/ሽ የምንለው?"
"ምን አውቄ..."
"ኡፍፍ.... "
ወደ እሷ ዞሮ አይኖችዋን እየፈለገ:-
"እማዬ ለምንድነው ዛሬ ሁሉንም ያላወቅሽው ከዚህ በፊት እኮ ሁሉንም ነገር ታውቂ ነበር::"
"ሁሉንም መልስ የሚያውቀው እግዜሩ ለእኔ ጥቂቷ ጥያቄ ዝምታን ከመረጠ ከእውቀት ከፍዬ የማውቀዋ እናትህ ስለምን ለሁሉ ምላሽ ይኖረኛል::ዝናቡ እየመጣ ነው እንግባ::"

ተነስታ ስትገባ በዓይኑ ይከተላታል::

* * *

#ከ15_ ዓመት_በኋላ

"አንቺ ደክሞሽ ነው ያልመለሽልኝ... እሱ ግን ዝምታውን ፈልጎት ነበር::"

ሰናይ ቀን❤️

@Mercy_ena_berua✍️