Lovedface የተወደደ መልክ

🟠 አንዳንድ ቆርጣችሁ መጣል ያለባችሁ ነገሮች አሉ። እነዚያን ነገሮች ቆርጣችሁ የምትጥሉት ስለማይጠቅሙ አይደለም። ነገር ግን ከጥቅማቸው ይልቅ የሚያመጡት ጉዳት እጅግ የከፋ በመሆኑ ነው። ጌታ ኢየሱስ እንደዚህ አለ… “ወደ ሴት ያየ ሁሉ የተመኛትም ያን ጊዜ በልቡ ከእርስዋ ጋር አመንዝሮአል። ቀኝ ዓይንህም ብታሰናክልህ አውጥተህ ከአንተ ጣላት፤ ሙሉ ሰውነትህ በገሃነም ከሚጣል ይልቅ ከአካላትህ አንድ ቢጠፋ ይሻልሃልና። ቀኝ እጅህም ብታሰናክልህ ቆርጠህ ከአንተ ጣላት፤ ሙሉ ሰውነትህ በገሃነም ከሚጣል ይልቅ ከአካላትህ አንድ ቢጠፋ ይሻላልና” (ማቴ 5፡28-30)። ይሄ ቃል ምን ማለት ነው? አንድ ሰው ሁለት አይኖች አሉት። ሁለቱም አይኖች ይጠቅሙታል። ከነዚህ ከሁለቱ አይኖች የቀኝ አይን ማሰናከያ ቢሆንና በሀጢያት ከእግዚአብሔር ጋር የሚለየን ቢሆን አውጥተን ልንጥለው ይገባል እያለን ነው። በፍፁም ከሀጢያት ጋር እንዳንደራደር እየነገረን ነው። ውጤቱ እንደነገረን ገሃነም ነው።
 
🟠 ብዙ ሰዎች ቲክቶክን ወይም ፌስቡክን እየተጠቀሙ በሀጢያት ይቸገራሉ። ያን አፀያፊ ምስል የሚመለከቱት በቲክቶክ ወይም በፌስቡክ ነው። ከዚህ ሀጢያት ጋር ሲታገሉ ለማድረግ የሚሞክሩት የሚያዩትን ቻናል፥ ቪዲዮ ወይም የሚከተሉትን ሰውና ገፅ ማስተካከልና ያን በማድረግም ሀጢያቱን ማሸነፍ የሚችሉ ይመስላቸዋል። ስለዚህ ተመልሰው በዚያው ሀጢያት ይወድቃሉ። እንዲህ አይነት ሰዎች ማድረግ ያለባችሁ ሙሉ በሙሉ ፌስቡክን መጠቀም ማቆም ነው። ማድረግ ያለባችሁ ሙሉ በሙሉ ቲክቶክን መጠቀም ማቆም ነው። ይሄ ማለት ፌስቡክና ቲክቶክ አይጠቅሙም ማለት አይደለም። ይሄን ፅሁፍ እንኳን አንዳንዶች እያነበባችሁ ያላችሁት በፌስቡክ ነው። ነገር ግን በፌስቡክ ላይ እናንተን የሚያሰናክል ነገር ካለ ከነጥቅሙ ቆርጣችሁ መጣል አለባችሁ። ኢየሱስ የሚመክራችሁ እንደዛ ነው። ኢየሱስ አስተካክላችሁ ተጠቀሙ አይደለም የሚላችሁ። አስተካክዬ እጠቀማለሁ የሚለው ሃሳብ የሰይጣን ማታለያ ነው። የሚያሰናክላችሁ ነገር ያለበትን ነገር እስከ ጥቅሙ ቆርጣችሁ መጣል አለባችሁ። ከኢየሱስ የተሻለ ጠቢብ ለመሆን አንሞክር። ዝም ብለን እሱ ያለንን እንተግብር።
 
🟠 ኢየሱስ በምሳሌው ላይ “ቀኝ አይንህም ብታሰናክልህ አውጥተህ ከአንተ ጣላት” ሲል የማየትን ጥቅም የሚሰጠን ሌላ ግራ አይን ስላለ እሱን ተጠቀሙ የሚያሰናክላችሁን ግን ከነጥቅሙ ቆርጣችሁ ጣሉት እያለ ነው። ፌስቡክ ወይም ቲክቶክ ላይ ያለውን የሚጠቅም ነገር ሌላ ቦታ ታገኙታላችሁ። ስለዚህ የሚያሰናክላችሁ ነገር ያለበትን አስተካክላችሁ መጠቀም ሳይሆን ቆርጣችሁ መጣል አለባችሁ። አንዳንዶች የሚያሰናክላቸው ሶሻል ሚዲያ ሳይሆን ሌላ ነገር ነው። በሚያሰናክላቸው ነገር ላይ ተመሳሳይ ውሳኔ መውሰድ አለባቸው። ችግሩ ከእግዚአብሔር ሳይለያችሁ ቀድማችሁ ግደሉት። ቀን ሳለ መንገዳችሁን አቅኑ።
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 በፅሁፉ "እኔ" የሚለው ሃሳብና ቃል የሚወክለው ዳግመኛ የተወለደ ክርስቲያን አንባቢውን ነው፡፡ በድምፄ እየተናገርኩ ላንብበው፡፡
 
🟠 ፅድቅ ወደ እግዚአብሔር የገባሁበት በር ወይም ምክንያት ነው፡፡ በፅድቅ ካልሆነ ወደ እግዚአብሔር መቅረብ አይቻልም፡፡ የጌታ ቃል “የፅድቅን ደጆች ክፈቱልኝ ወደ እነርሱ ገብቼ እግዚአብሔርን አመሰግናለሁ” ይላል (መዝ 118)፡፡ ይህ ማለት ከእግዚአብሔር ጋር ለመገናኘት በፅድቅ በር ማለፍ አለብኝ ማለት ነው፡፡ በእርግጥ አሁን በክርስቶስ ፀድቂያለሁ እላለሁ፡፡ ምክንያቱም “በእምነት ከፀደቅን በእግዚአብሔር ዘንድ በጌታችን በኢየሱስ ክርስቶስ ሰላምን እንያዝ“ ተብሎ ተነግሮኛል (ሮሜ 5)፡፡ ሰላምን እንያዝ ማለት ከእግዚአብሔር ጋር የተጣላሁ ነበርኩ፤ አሁን ግን በክርስቶስ በኩል ሰላም ሆነናል ከአብ ጋር ታርቂያለሁ ማለት ነው፡፡ ስለዚህ እግዚአብሔር በእኔ ላይ አንድ የያዘብኝ እንከን ወይም ነውር የለምና ያንን ከጌታ ጋር ያገኘሁትን ሰላም ወይም አብሮነት አጥብቄ ልከተል ማለት ነው፡፡ ፅድቅ ማለት በእግዚአብሔር ፊት ለመገኘት ንፁህ፣ እንከን አልባ መሆን ማለት ነው፡፡ ታዲያ ስለዚህ ስላገኘሁት ፅድቅ አንድ መረዳት ያለብኝ ነገር አለ፡፡ ምክንያቱም ፅድቄ ተነካ ማለት ከእግዚአብሔር ጋር ያለኝ ህብረት ተበላሸ ማለት ነው፡፡ ስለዚህ አንድ ሁልጊዜ ማስታወስ ያለብኝ ነገር አለ፡፡
 
🟠 ይህቺ አለም በክስ የተሞላች ናት፡፡ በህግ በኩል ክስ፣ ባለፈ ታሪኬ በኩል ክስ፣ በሰዎች በኩል ክስ፣ በሰይጣን በኩል ክስ አለብኝ፡፡ የሚከስሰኝ አለም ውስጥ ነው የምኖረው፡፡ ክሱ አለማው በእግዚአብሔር ፊት ለመቆም እንደማልችል ማሳወቅ ነው፡፡ እግዚአብሔር ፊት ብቁ እንዳልሆንኩ ማሳመን ነው፡፡ እግዚአብሔር ሊረዳኝ ቢፈልግም ግን እንዳልቻለ እንዳምን ማድረግ ነው፡፡ ከእግዚአብሔር ጋር ያለኝ ህብረት የውሸት መሆኑን እንድቀበል ማድረግ ነው፡፡ ይሄ ነው የክሱ አላማ፡፡ ቁም ነገሩ ያለው ግን ክሱ ላይ አለመሆኑ እግዚአብሔር ይባረክ! አንድ ሰው ተከስሶ ፍርድ ቤት ቀረበ ማለት ተፈረደበት ማለት ነው እንዴ? አይደለም፡፡ ፍርዱን የሚወስነው ዳኛው ነው፡፡ ክሱ ትክክል ነው ወይም አይደለም ማለት የሚችለው ዳኛው ብቻ ነው፡፡ ሃሌሉያ! ጌታ ይባረክ! እግዚአብሔር ደግሞ ስለእኔ ጉዳይ እንዲያውም ክስ ላለመቀበል ወስኗል፡፡ እኔን እግዚአብሔር ፊት መክሰስ የማይቻል ነው፡፡ “እግዚአብሔር የመረጣቸውን ማን ይከስሳቸዋል (accuse)“፡፡ ሃሌሉያ! ጉዳዩ ታይቶ ሳይሆን ፍርድ የሚሰጠው… ገና ወደ ፍርድ ሳይመጣ ክሱ ውድቅ ነው፡፡ ይሄን ሳስብ ይገርመኛል! ጌታ አንዴ ምን አለ… “የእግዚአብሔር ባሪያዎች ርስት ይህ ነው፤ ፅድቃቸው ከእኔ ዘንድ ነው ይላል እግዚአብሔር“ (ኢሳ 54)፡፡ ሃሌሉያ! ፅድቄ በማንም እጅ አይደለም፣ በማንም መነካት አይችልም፡፡ የኔ ፅድቅ በእግዚአብሔር ዘንድ ነው፡፡ እኔ በእግዚአብሔር ፊት ልከሰስበት የምችልበት ምንም እንከን የሌለብኝ ንፁህ የጌታ ልጅ ነኝ፡፡
 
🟠 በዚህ አለም ያሉ ክሶች ሁሉ የሚመጡት አእምሮዬ ውስጥ ብቻ ነው፡፡ በዚህ አለም ስኖር አንዱ ያለብኝ ጦርነት ያ ነው፡፡ ለዚህ ነው ጌታ መልበስ ስላለብኝ የጦር እቃ ሲነግረኝ “የፅድቅንም ጥሩር ለብሳችሁ…“ ያለኝ (ኤፌ 6)፡፡ የሚመጣብኝ ክስ ብዙ ጊዜ እንዲህ ነው “አንተን/አንቺን ብሎ ፃድቅ… አትመጥኚም/አትመጥንም… ያለፈ ታሪክህን አትርሳ/ ያለፈ ታሪክሽን አትርሺ…“፡፡ ከዚህም ሌላ አንዳንድ ጊዜ የትዳር አጋሬ/የጓደኛዬ/የቤተሰቤ መልካም ያልሆኑ ሃሳቦች፣ ቃሎችና ድርጊቶች ያለመብቃት ስሜትንና ክስን ያመጣሉ፡፡ ግን የፅድቅን ጥሩር ለብሻለሁ፡፡ ፅድቄ ከእግዚአብሔር ዘንድ ነው እላለሁ፡፡ እግዚአብሔር ካፀደቀኝ ማን ይከስሰኛል? እግዚአብሔር ብቁ እንደሆንኩ ከነገረኝ የሱ አስተያየት ብቻ ነው የሚያስፈልገኝ… ብቁ ነኝ፡፡ ከእግዚአብሔር ጋር ያለኝ ሰላምና ህብረት ለዘላለም የጠበቀ ነው፡፡ ምክንያቱም ፅድቄ በማንም፣ በምንም እንዳይነካ ከእርሱ ዘንድ ነው፡፡ ይህን ስለማስብ ነው በፅድቅ መንገድ መሄድ የቻልኩት፡፡ በእምነት ብቻ መፅደቄን ስቀበል በህይወቴ/በኑሮዬ ጌታን በሚያከብር መንገድ ብቻ በመሄድ ያንን ፅድቅ መግለጥ ችያለሁ፡፡ ጌታ ይባረክ!
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 ይህችን ምድር ከእርሷ አልላቀቅ ብለው ለወደዷት ሰዎች ትተናት እንሄዳለን። በጣም በቅርቡ የዚህ አለም የህይወት ስርዓት ሙሉ በሙሉ ሊያልፍ ነው። መፅሀፍ ቅዱስ እንደዚህ ይላል “የጌታው ቀን ግን እንደ ሌባ ሆኖ ይመጣል፤ በዚያም ቀን ሰማያት በታላቅ ድምፅ ያልፋሉ፥ የሰማይም ፍጥረት በትልቅ ትኵሳት ይቀልጣል፥ ምድርም በእርስዋም ላይ የተደረገው ሁሉ ይቃጠላል” (2ጴጥ 3፡10)። ምድር በሙሉ በእሳት ትቃጠላለች። ይሄ ቃል ምን እንደሚያስታውሰኝ ታውቃላችሁ? ጌታ አንድ ጊዜ የሰጠውን ምሳሌ ያስታውሰኛል “ምሳሌም ነገራቸው እንዲህ ሲል፦ አንድ ባለ ጠጋ ሰው እርሻ እጅግ ፍሬያም ሆነችለት። እርሱም፦ ፍሬዬን የማከማችበት ስፍራ አጥቻለሁና ምን ላድርግ? ብሎ በልቡ አሰበ። እንዲህ አደርጋለሁ፤ ጐተራዬን አፍርሼ ሌላ የሚበልጥ እሠራለሁ፥ በዚያም ፍሬዬንና በረከቴን ሁሉ አከማቻለሁ፤ ነፍሴንም። አንቺ ነፍሴ፥ ለብዙ ዘመን የሚቀር ብዙ በረከት አለሽ፤ ዕረፊ፥ ብዪ፥ ጠጪ፥ ደስ ይበልሽ እላታለሁ አለ። እግዚአብሔር ግን። አንተ ሰነፍ፥ በዚች ሌሊት ነፍስህን ከአንተ ሊወስዱአት ይፈልጓታል፤ ይህስ የሰበሰብኸው ለማን ይሆናል? አለው” (ሉቃ 12፡16-20)። ልክ እንደዚህ ብዙዎች ለዚህ ምድር ሕይወታቸው እየሮጡ ነው። ነገር ግን የዚህ ምድር ኑሮ ሊያበቃ ጫፍ ላይ ደርሷል። በእንደዚህ አይነት ሰዎች ላይ የጌታ መምጣት እንደ ወጥመድ ይደርስባቸዋል፤ ወዴትም አያመልጡም ይላል መፅሀፍ ቅዱስ። ጌታ በእርሱ ለሚያምኑት ያዘጋቸውን አስደናቂ አለም ላሳያችሁ።
 
🟠 “ነገር ግን ጽድቅ የሚኖርባትን አዲስ ሰማይና አዲስ ምድር እንደ ተስፋ ቃሉ እንጠብቃለን” (2ጴጥ 2፡13)። ኦ ሃሌሉያ! ከፊታችን አዲስ ሰማይና አዲስ ምድር አለ። በዚያ አለም ፅድቅ ነው የሚኖረው። አመፅ የለም፥ ክፋት የለም፥ ሀጢያት የለም፥ በዚህ ምድር የተቸገርንባቸው ነገሮች ሁሉ የሉም። አቤት እንዴት ድንቅ ነው! በእውነት አምላካችን ድንቅ አምላክ ነው። እንደዚህ አይነት ተስፋ የሰጠ አምላክ በምድር ላይ ሰምታችሁ ታውቃላችሁ? በየትኛውም ሃይማኖት ማንም ደፍሮ እንዲህ ተናግሮ አያውቅም። አሁን ያለንበት አለም በክፉ የተያዘ ነው። “ዓለምም በሞላው በክፉው እንደ ተያዘ እናውቃለን” (1ዮሐ 5፡19)። ይሄንንም ክፉ አለም እንደ ደህና ነገር የሚመኙት አሉ። ነገር ግን ምድራዊ ስለሆኑ ነው የሚመኙት። ምድር ምድሩን እያዩ ነው የሚኖሩት። የምድርን ስኬትና ገንዘብ፥ ዝናና ክብርን ሲያሳድዱ ታዩዋቸዋላችሁ። ራሳቸውን ለማስደሰት ይሯሯጣሉ። በጊዜያዊ ተድላና ሀጢያት ተጠምደዋል። መፅሀፍ ቅዱስ ሃሳባቸው ምድራዊ ነው ይላል። ስለዚህ ምድር ምድሩን ይመለከታሉ። ስለእኛ ግን ጌታ ሲናገር እንዲህ ይላል “ይህም ሊሆን ሲጀምር ቤዛችሁ ቀርቦአልና አሻቅባችሁ ራሳችሁን አንሡ” (ሉቃ 21፡28)። ራሳችሁን አንስታችሁ ወደ ሰማይ ተመልከቱ። እኔና እናንተ ከሰማይ የሚገለጥ ጌታ አለን። ስለዚህ የምናየው ወደ ምድር ሳይሆን ወደ ሰማይ ነው። “ነገር ግን ልባችሁ በመጠጥ ብዛትና በስካር ስለ ትዳርም (ስለምድር ኑሮ) በማሰብ እንዳይከብድ፥ ያ ቀንም በድንገት እንዳይመጣባችሁ ለራሳችሁ ተጠንቀቁ” (ሉቃ 21፡34)። ወዳጆቼ ከፊታችሁ እየመጣ ያለውን ተስፋ አውቃችሁ ለዚያ ተዘጋጁ።
 
🟠 “አዲስ ሰማይንና አዲስ ምድርንም አየሁ፥ ፊተኛው ሰማይና ፊተኛይቱ ምድር አልፈዋልና፥ ባሕርም ወደ ፊት የለም። ቅድስቲቱም ከተማ አዲሲቱ ኢየሩሳሌም፥ ለባልዋ እንደ ተሸለመች ሙሽራ ተዘጋጅታ፥ ከሰማይ ከእግዚአብሔር ዘንድ ስትወርድ አየሁ። ታላቅም ድምፅ ከሰማይ። እነሆ፥ የእግዚአብሔር ድንኳን በሰዎች መካከል ነው ከእነርሱም ጋር ያድራል፥ እነርሱም ሕዝቡ ይሆናሉ እግዚአብሔርም እርሱ ራሱ ከእነርሱ ጋር ሆኖ አምላካቸው ይሆናል፤ እንባዎችንም ሁሉ ከዓይኖቻቸው ያብሳል፥ ሞትም ከእንግዲህ ወዲህ አይሆንም፥ ኀዘንም ቢሆን ወይም ጩኸት ወይም ሥቃይ ከእንግዲህ ወዲህ አይሆንም፥ የቀደመው ሥርዓት አልፎአልና ብሎ ሲናገር ሰማሁ። በዙፋንም የተቀመጠው። እነሆ፥ ሁሉን አዲስ አደርጋለሁ አለ። ለእኔም። እነዚህ ቃሎች የታመኑና እውነተኛዎች ናቸውና ጻፍ አለኝ” (ራዕ 21፡1-5)። ኧረ ሃሌሉያ! ወዳጆቼ ይሄ ቃል የአንድ ሀገረ ገዥ ቃል አይደለም። የሰማይና የምድር ፈጣሪ ጌታ እንዲህ እያለ ነው... “እውነተኛ የታመነ ቃል ልንገራችሁ… እንባ የሌለበት አዲስ ሰማይና ምድር አዘጋጅቼላችኋለሁ። አብረን የምንኖርበት ሰማይና ምድር አዘጋጅቼላችኋለሁ።” ኦ ሃሌሉያ! ዘላለም እናመልከው ዘንድ እንሄዳለን። ዘላለም እየዳሰስነውአብረነው እንኖር ዘንድ እንሄዳለን። ጌታ ኢየሱስ እየመጣ ነው!! ሃሌሉያ!
 
🎧 የምህረት ኢተፋን እሄዳለሁ የሚለውን መዝሙር ከታች አስቀምጬላችኋለሁ።
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🎧 ላስጊጥልህ የመቅደስህን ስፍራ - ሊሊ ጥላሁን

🟠 ሄይዲ ቤከር የተባለች ታላቅ የእግዚአብሔር ሴት አንድ ጊዜ በቤተ-ክርስቲያን ሁኔታ ተሰናክላ (Offended) እግዚአብሔር የሰጣትን አገልግሎት ብቻዋን መስራት ጀመረች። እሷ የተጠራችው ሞዛምቢክ ለተባለ ሀገር በመሆኑ እዚያ ሄዳ የወንጌል ስራዋን ቀጠለች። ከቤተ-ክርስቲያን ቅዱሳን ጋር ግን ግንኙነት ማድረግ አትፈልግም ነበር። ምክንያቱም እሷ በተመለከተቻቸው የቤተ-ክርስቲያን አማኞችና መሪዎች ውስጥ ለድሆች ፍቅር አልነበረም። በዛ ተሰናክላ ከቅዱሳን ጋር ያላትን ግንኙነት አቋርጣ ከጌታ ጋር ብቻ የአገልግሎት ጉዞዋን ቀጠለች። በዚህ ሁኔታ ውስጥ እያለች እግዚአብሔር ወደ እርሷ መጣና እንዲህ አላት “ያለእኔ ምንም ልታደርጊ አትችይም፤ ያለክርስቶስ አካልም (ቤተ-ክርስቲያን) ምንም ልታደርጊ አትችይም”። ኦ ሃሌሉያ! አስደናቂ ንግግር ነው።
 
🟠 ክርስቶስ ራስ ሆኖ፤ እኛ እያንዳንዳችን ብልቶች አንጂ አካሎች አይደለንም። አካሉ ቤተ-ክርስቲያን ናት። አስባችሁታል አንድ ጣታችሁ ከሰውነታችሁ ተለይቶ ብቻዬን መኖር እፈልጋለሁ ብሎ ቢወጣ? የጣታችሁ የብቻ ኑሮ እዛው ጋር ያበቃል። ወዳጆቼ ምንም አይነት ምክንያት ከቤተ-ክርስቲያን ለመቅረት በቂ አይደለም። ሰዎች ቤተ-ክርስቲያን ላለመሄዳቸው እንደ ትልቅ ምክንያት አድርገው የሚያቀርቡት ትዳራቸውን፥ ስራቸውን፥ ልጆቻቸውን፥ ማህበራዊ ኑሯቸውንና ከነዚህም የሚያንሱ ሌሎች ነገሮችን ነው። ሰው እንዴት ጌታን ከቅዱሳን ጋር ለሚያመልክበት ጊዜ መምጣት ላለመቻሉ ምክንያት ይሰጣል? ይሄ እኮ የሚያሳፍር ነገር ነው። ያለሁበት ቤተ-ክርስቲያን የዞን መሪ ፓስተር ዲ ትባላላች። አንድ ጊዜ እንዲህ አለች “ቤተ-ክርስቲያን የሌለበት ቦታ ከሆነ ያላችሁት እናንተ ቤተ-ክርስቲያን መጀመር አለባችሁ ምክንያቱም ያለ ቤተ-ክርስቲያን መኖር አይታሰብም”። ኦ ሃሌሉያ! ሐዋርያ ጳውሎስ በዕብራውያን 10፡25 ላይ እንዲህ አለ “በአንዳንዶችም ዘንድ ልማድ እንደ ሆነው፥ መሰብሰባችንን አንተው እርስ በርሳችን እንመካከር እንጂ፤ ይልቁንም ቀኑ ሲቀርብ እያያችሁ አብልጣችሁ ይህን አድርጉ።” አንዳንዶች በተደጋጋሚ ቤተ-ክርስቲያን ከመቅረታቸው የተነሳ ልማድ ሆኖባቸው ያለ ቤተ-ክርስቲያን መኖር ጀምረዋል። እንዴት አይነት የሚያሳዝን ኑሮ ነው! ለስራ ማለዳ ተነስተው እየተጉ፥ ለቅዱሳን ህብረት ግን ጊዜ የላቸውም። ከድፍረታቸውም የተነሳ ለራሳቸው ላለመሄዳቸው ምክንያት ይሰጣሉ። ምክንያት መስጠት ያለባችሁ ቤተ-ክርስቲያን ሄዳችሁ ቤተ-ክርስቲያን በመሄዳችሁ ምክንያት ለቀራችሁበት ቦታ ነው። በዚያ ለምን ቀራችሁ ስትባሉ ቤተ-ክርስቲያን ስለሄድኩ መምጣት አልቻልኩም ማለት ትችላላችሁ። እንዴት ግን ወደ ሌላ ስፍራ ሄዳችሁ ቤተ=ክርስቲያን ለምን ቀራችሁ ስትባሉ እዚህ ቦታ ስለሄድኩ ትላላችሁ?
 
🟠 ብዙዎች ጌታን የሚወዱት በአንደበታቸው ብቻ ነው። የጌታ ቤት ጉዳይ አያሳስባቸውም። ግድ አይሰጣቸውም። ጌታ ኢየሱስ የተናገረውን ታስታውሳላችሁ? “የአባቴን ቤት የንግድ ቤት አታድርጉት አላቸው። ደቀ መዛሙርቱም። የቤትህ ቅናት ይበላኛል ተብሎ እንደ ተጻፈ አሰቡ” (ዮሐ 2፡16-17)። የቤቱ ቅንዓት! “ወደ እግዚአብሔር ቤት እንሄድ ባሉኝ ጊዜ ደስ አለኝ” (መዝ 122፡1)። በሐዋርያት ዘመን ሰዎች ከቤተ-ክርስቲያን ህብረት እንዲታገዱ የቅጣት ትዕዛዝ ይተላለፍ ነበር። ከዚያ ህብረት ሲወጡ ከመንፈስ ቅደስ የቤተ-ክርስቲያን ቅባትና የህብረት ጥበቃ፥ የፍቅር ግንኙነት፥ የፀሎት ትስስር ውጪ ናቸው። አንዳንዶች ባሁን ዘመን እንደዚያ ሳይታገዱ በራሳቸው ፈቃድ ራሳቸውን ከቤተ=ክርስቲያን እያገለሉ ነው። ለሰይጣን ጥቃት ራሳቸውን ክፍት እያደረጉ ነው። የጊዜው የመንፈስ ቅዱስ ቃልና ማበርታት አይደርሳቸውም። የጊዜውን ቃል ስትነግሯቸውም በመንፈስ ህብረት እያደረጉ ስላልሆነ አይቀበሉትም ወይም ቸል ይሉታል። በዚህ አይነት ኑሮ እንዳትገኙ።
 
🟠 የሊሊ ጥላሁንን ላስጊጥልህ የመቅደስህን ስፍራ የሚለውን መዝሙር ከታች አስቀምጬላችኋለሁ።
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🎧 የሕይወት ሚስጥር - ዳንኤል አምደሚካኤል

🟠 እስራት ታውቃላችሁ? እስራት በአሳሪው ቁጥጥር ስር ያደርጋችኋል። በእርሱ ፈቃድ ስር ያስገዛችኋል። ወደ ቀኝ ወይም ወደ ግራ ፈቀቅ ማለት አትችሉም። ወዳጆቼ በእግዚአብሔር ቃል ውስጥ የፍቅር እስራት የሚባል ነገር አለ። የፍቅር ገመድ እስራት። “በሰው ገመድ በፍቅርም እስራት ሳብኋቸው ለእነርሱም ቀምበርን ከጫንቃቸው ላይ እንደሚያነሣ ሆንሁ፥ ድርቆሽም ጣልሁላቸው” (ሆሴ 11፡4)። ይሄ የእግዚአብሔር የፍቅር ገመድ እስራት ነው። እሰረኝ ጌታ ሆይ! በፍቅርህ እስራት እሰረኝ። bind me oh Lord, bind me oh God, with you Love, bind me. አንዳንድ ሰዎች ለምን እንደፈለግነውና ደስ እንዳሰኘን መኖር እንደማንችል አይረዱም። ወዳጆቼ የታሰርንበት ፍቅር አለ። ወደ ሌላ እንዳናይ የገዛን ፍቅር አለ። እንዲህ ያለው ፍቅር አንዳንድ ጊዜ በሰዎች ዘንድ የሚያስንቅ መንገድን ያራምዳችኋል። “ብዙ ውኃ ፍቅርን ያጠፋት ዘንድ አይችልም፥ ፈሳሾችም አያሰጥሙአትም ሰው የቤቱን ሀብት ሁሉ ስለ ፍቅር ቢሰጥ ፈጽሞ ይንቁታል” (መኃ 8፡4)። ኦ ሃሌሉያ! ያላችሁን ሀሉ የሚያሰጥ ፍቅር ይዟችሁ ያውቃል? ለእግዚአብሔር የምትሰጡት የሕይወታችሁ ክፍል ስንት ነው? 30 ፐርሰንት? 60 ፐርሰንት? ሁሉም የእርሱ ይሆንለት ዘንድ ይገባል። የሚተርፍ ወይም የሚቀር የለም። ጌታ ሆይ አንተ ነፍስህን እንደሰጠኸኝ ነፍሴ ለአንተ ትሆን ዘንድ ይገባል።
 
🟠 በዚህ የፍቅር እስራት ያልታሰሩ ሰዎች እግዚአብሔር ሊጠቀምባቸው አይችልም። ምክንያቱም ለራሳቸው የሚኖሩ ሰዎች ናቸው። ለራሱ የሚኖር ሰው እንዴት ምስኪን ነው! ሰው እንዴት ለራሱ ይኖራል? የራሱን መብል ለማግኘት፥ የራሱን ልብስ ለማግኘት፥ የራሱን ጉዳይ ለማስፈፀም፥ ራሱን ለማስደሰት፥ የራሱን ስራ ለማሳካት… ሰው እንዴት እንዲህ ይኖራል? እጅግ አሰቃቂ ሕይወት ነው። የጨለማ ሕይወት ነው። ሰው እንዴት ራሱን የሕይወቱ አላማና ግብ አድርጎ ይኖራል?! በእርግጥም ጌታ ኢየሱስ ከዚህ አይነት ሕይወት ሊገላግለን መጣ። ስለሌሎች በመኖርና በመሞት የሕይወትን ትርጉም አሳየን። ይኸውላችሁ ብዙ ሰዎች ድባቴ (Depression) ውስጥ የሚገቡት፥ ተስፋ የሚቆርጡት አላማና ፍላጎት ስለሌላቸው ሳይሆን አላማና ፍላጎታቸው በራሳቸው ዙሪያ ያጠነጠነ ስለሆነ ነው። ሰው እንዴት ስለህልሙ ሲጠየቅ “ትልቅ ድርጅት የመክፈት ህልም አለኝ” ብሎ ይናገራል? በቃ? ትልቅ ድርጅት መክፈት ነው ሕይወትን ትርጉም የሚሰጣት? ወዳጆቼ አነቃቂ ተናገሪዎች ስለህልምና አላማ የሚያስተምሩት ከጨለማው ከሰይጣን መንግስት እንደሆነ ልነግራችሁ እወዳለሁ። እኛ ብርሃን የበራልን ግን እንዴት እንደምንኖር ታውቃላችሁ? “ይህን ስለቆረጥን የክርስቶስ ፍቅር ግድ ይለናልና፤ አንዱ ስለ ሁሉ ሞተ፤ እንግዲያስ ሁሉ ሞቱ፤ በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ” (2ቆሮ 5፡14-15)። ኦ ሃሌሉያ! ግድ ይለናል የሚለው ቃል በግሪክ Sunecho ሱኔኮ ሲሆን መታሰር ማለት ነው። ሐዋርያ ጳውሎስ የክርስቶስ ፍቅር አስሮናል እያለ ነው። ጌታ ይባረክ! ያሰረን ደግሞ ለራሳችን እንዳንኖር፤ ለአንዱ ጌታ ብቻ እንድንኖር ነው። ይሄን ነገር አንዳንዶች ይረዱታል፥ አንዳንዶች ግን በጭራሽ አይረዱትም። ለአንዱ ለኢየሱስ ብቻ መኖር!
 
🟠 ሕይወታችሁ ትርጉም የሚኖረውና ደስታ የሚሞላው በፍቅር ታስራችሁ ለጌታ ብቻ የምትኖሩ ከሆነ ነው። አለዚያ ቀኑ ራሱ እንዴት እንደሚገፋላችሁ አላውቅም። ጌታ ለሕይወታችሁ ወዳለው ዓላማ ተመለሱ። የሕይወትን ጣዕም ያኔ ታገኙታላችሁ። ለውዳችሁ ኑሩለት! እርሱም በቅርቡ ይመጣል።
 
🎧 የዳንኤል አምደሚካኤልን የሕይወት ሚስጥር ሳይገባቸው የሚለውን መዝሙር ከታች አስቀምጬላችኋለሁ።
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 የዮሐንስ ራዕይ መፅሀፍን ስታጠኑ ከሰባቱ አብያተ ክርስቲያናት ውስጥ አምስቱ ንስሃ ይገቡ ዘንድ ጌታ ሲናገራቸው ታያላችሁ። ምዕራፍ ሁለትና ሶስት ላይ የንስሃ ጥሪ ካቀረበላቸው በኋላ በምዕራፍ አራት ላይ ዮሐንስን በተከፈተ የሰማይ ደጅ ወደዚህ ውጣ ሲለው ትመለከታላችሁ። ዮሐንስ በተከፈተ ደጅ ወደ ሰማይ ከወጣ በኋላ ምዕራፍ ስድስት ላይ ማህተሞቹ መፈታት ጀምረው በመጀመሪያው ማህተም መፈታት ሀሰተኛው ክርስቶስ በምድር ላይ መስራት ሲጀምር ትመለከታላችሁ። “አየሁም፥ እነሆም፥ አምባላይ ፈረስ ወጣ፥ በእርሱም ላይ የተቀመጠው ቀስት ነበረው፥ አክሊልም ተሰጠው፥ ድልም እየነሣ ወጣ ድል ለመንሣት” (ራዕ 6፡2)። ከሀሰተኛው ክርስቶስ መምጣት በፊት ግን ምዕራፍ አራት ላይ ሰማይ ተከፈተ። ዮሐንስ ወደዚህ ውጣ የሚልን ድምፅ ሰማ። ንጥቀት ማለት እሱ ነው። ቤተ-ክርስቲያን ወይም የክርስቶስ አማኞች በተከፈተ ደጅ ወደ ሰማይ ይሄዳሉ። ከዚያ በፊት ግን ንስሃ እስካልገቡ ድረስ መሄድ እንደማይችሉ ለአምስቱ አብያተ ክርስቲያናት ይነግራቸዋል። ከእነዚያ ውስጥ አንዷ በሰርዴስ የነበረችው ቤተ-ክርስቲያን ናት። የቤተ-ክርስቲያኗ ችግር ከጥቂቶች በስተቀር አብዛኞቹ አማኞች ልብሳቸው የረከሰ መሆኑ ነበር። “ነገር ግን ልብሳቸውን ያላረከሱ በሰርዴስ ጥቂት ሰዎች ከአንተ ጋር አሉ፥ የተገባቸውም ስለ ሆኑ ነጭ ልብስ ለብሰው ከእኔ ጋር ይሄዳሉ” (ራዕ 3፡4)። የረከሰ ልብስ ምንድነው? ልብሳችንንስ እንዴት ማንፃት እንችላለን?
 
🟠 አዳም ባለመታዘዝ ከኤደን ገነት በተባረረ ጊዜ የእግዚአብሔር ድምፅ ሲመጣ ራቁቴን ስለሆንኩ ፈራሁ ተሸሸግሁም ነበር ያለው። አለመታዘዙ መንፈሳዊ ልብሱን አሳጥቶት ራቁቱን ቀረ። ስለዚህ በእግዚአብሔር ፊት መቆም አልቻለም ነበር። እግዚአብሔር እንስሳን ገድሎ የቁርበትን ልብስ አለበሳቸው (ዘፍ 3፡21)። ይህ የሚያመለክተው ንፁህ የእግዚአብሔር በግ የሆነው ኢየሱስ ስለአለም ሀጢያት ራሱን መስዋዕት አድርጎ ራቁትነታችንን እንደሚያስቀርና እንደገና በእግዚአብሔር ፊት እንቆም ዘንድ እንደሚያስችለን ነበር። ያን እንደሚያደርግ አስቀድሞ ተናገሮ ነበር እርሱም አደረገው! ሃሌሉያ! ስለዚህ በሁለት መጎናፀፊያዎች አለበሰን አንደኛው የደህንነት መጎናፀፊያ ሲሆን ሁለተኛው ደግሞ የፅድቅ መጎናፀፊያ ነው። “አክሊልን እንደ ለበሰ ሙሽራ፥ በጌጥ ሽልማትዋም እንዳጌጠች ሙሽራ፥ የማዳንን ልብስ አልብሶኛልና፥ የጽድቅንም መጐናጸፊያ ደርቦልኛልና በእግዚአብሔር እጅግ ደስ ይለኛል፥ ነፍሴም በአምላኬ ሐሤት ታደርጋለች” (ኢሳ 61፡10)። እንዴት ድንቅ የሆነ ቃል ነው! አሁን ማወቅ ያለባችሁ በዮሐንስ ራዕይ ሁለትና ሶስት ላይ ያሉት ቤተ-ክርስቲያናት የዳኑና እነዚህን ሁለት መጎናፀፊያዎች የለበሱ እንደነበሩ ነው። ስለነዚህ አብያተ ክርስቲያናት ከዚህ በፊት የነበረኝ እምነት የተለየ ነበር። ነገር ግን ቃሉን በይበልጥ ሳጠና ድነው የክርስቶስ መቅረዝ ወይም ብርሃንና ተልዕኮ አብሯቸው ያለ ናቸው። ንስሃ ግቡ የሚላቸው ከዚህ በፊት የነበሩበት ትክክለኛ መስመር ስለነበረና ከዚያ በኋላ የሳቱ ስለነበሩ ነው። በሎዶቅያ ያለችው ቤተ-ክርስቲያን ራቁቷን ሆና ተገኘች። “ሀብታም ነኝና ባለጠጋ ሆኜአለሁ አንድም ስንኳ አያስፈልገኝም የምትል ስለ ሆንህ፥ ጐስቋላና ምስኪንም ድሀም ዕውርም የተራቆትህም መሆንህን ስለማታውቅ፥ ባለ ጠጋ እንድትሆን በእሳት የነጠረውን ወርቅ፥ ተጐናጽፈህም የራቁትነትህ ኃፍረት እንዳይገለጥ ነጭ ልብስን፥ እንድታይም ዓይኖችህን የምትኳለውን ኵል ከእኔ ትገዛ ዘንድ እመክርሃለሁ” (ራዕ 3፡17-18)። ከዚህ የተነሳ ንስሃ እስካልገባች ጌታ እንደሚተፋት ይናገራል። ለሰርዴስም ቤተ-ክርስቲያን ስማቸውን ከሕይወት መፅሀፍ የማልደመስሰው ልብሳቸውን ያላረከሱትን ነው ይላል… “ነገር ግን ልብሳቸውን ያላረከሱ በሰርዴስ ጥቂት ሰዎች ከአንተ ጋር አሉ፥ የተገባቸውም ስለ ሆኑ ነጭ ልብስ ለብሰው ከእኔ ጋር ይሄዳሉ። ድል የነሣው እንዲሁ በነጭ ልብስ ይጐናጸፋል፥ ስሙንም ከሕይወት መጽሐፍ አልደመስስም፥ በአባቴና በመላእክቱም ፊት ለስሙ እመሰክርለታለሁ” ሃሌሉያ! የተጠራነው ለዚህ ነው።
 
🟠 ልብሱ የመዳንና የፅድቅ ልብስ ነው። የሚረክሰውና የሚያድፈው ደግሞ በስጋ ስራዎች ነው። “አንዳንዶችንም በሥጋ የረከሰውን ልብስ እንኳ እየጠላችሁ በፍርሃት ማሩ” (ይሁዳ 1፡23)። ወዳጆቼ በስጋ ስራዎች እየኖራችሁ ከሆነ አደጋ ውስጥ ናችሁ። “የሥጋ ሥራም የተገለጠ ነው እርሱም ዝሙት፥ ርኵሰት፥ መዳራት፥ ጣዖትን ማምለክ፥ ምዋርት፥ ጥል፥ ክርክር፥ ቅንዓት፥ ቁጣ፥ አድመኛነት፥ መለያየት፥ መናፍቅነት፥ ምቀኝነት፥ መግደል፥ ስካር፥ ዘፋኝነት፥ ይህንም የሚመስል ነው። አስቀድሜም እንዳልሁ፥ እንደዚህ ያሉትን የሚያደርጉ የእግዚአብሔርን መንግሥት አይወርሱም” (ገላ 5፡19-21)። የሚያደርጉ የሚለው ቃል በግሪክ “Prasso -ፕራሶ” ሲሆን በልማድ መኖር፤ ባሕሪ ማድረግ፤ ተዘፍቆ እየኖሩ መገኘት ማለት ነው። ሰው ይሄን የሕይወት አካሄዱ አድርጎ በፍፁም የእግዚአብሔርን መንግስት ሊወርስ እንደማይችል መፅሀፍ ቅዱስ አስረግጦ ይናገራል። በነዚህ የስጋ ስራዎች ምክንያት የሎዶቅያ ቤተ-ክርስቲያ አማኞች ልብሳቸውን አጥተው ራቁታቸውን ቀሩ፥ የሰርዴስ ቤተ-ክርስቲያን አማኞች ደግሞ ልብሳቸው ረከሰ። ለሁለቱም ጌታ የንስሃ ጥሪ ያደርጋል። ወዳጆቼ ተስፋ ካለ ለምን አንመለስም? ጌታ የንስሃ ጥሪ ካቀረበ ለምን ልባችንን በሀጢያት እናታልላን? በሀጢያት መታለል ማንም እልከኛ እንዳይሆን እንጠንቀቅ ብሎ መፅሀፍ ቅዱስ ነግሮናል። እልከኝነት ይቅር። ለማይመለሱት የከፋ ፍርድ እንዳለ ጌታ ራሱ ይናገራል… ከአፉ እንደሚተፋቸው ይናገራል። ነገር ግን ስለኢየሱስ ክርስቶስ ደም እግዚአብሔር ይባረክ! ኦ ሃሌሉያ! መፅሀፍ ቅዱስ እንዲህ ይላል “ከሽማግሌዎቹም አንዱ ተመልሶ፦ እነዚህ ነጩን ልብስ የለበሱ እነማን ናቸው? ከወዴትስ መጡ? አለኝ። እኔም። ጌታ ሆይ፥ አንተ ታውቃለህ አልሁት። አለኝም። እነዚህ ከታላቁ መከራ የመጡ ናቸው፥ ልብሳቸውንም አጥበው በበጉ ደም አነጹ” (ራዕ 7፡14)። በእርግጥም የኢየሱስ ክርስቶስ ደም ከሀጢያት ሁሉ ያነፃል። “የልጁም የኢየሱስ ክርስቶስ ደም ከኃጢአት ሁሉ ያነጻናል… በኃጢአታችን ብንናዘዝ ኃጢአታችንን ይቅር ሊለን ከዓመፃም ሁሉ ሊያነጻን የታመነና ጻድቅ ነው” (1ዮሐ 1፡7-9)። ወዳጆቼ ልብሳችሁን ታጥቡና ታነፁ ዘንድ አደራ እላችኋለሁ። “ወደ ሕይወት ዛፍ ለመድረስ ሥልጣን እንዲኖራቸው በደጆችዋም ወደ ከተማይቱም እንዲገቡ ልብሳቸውን የሚያጥቡ ብፁዓን ናቸው” (ራዕ 22፡14)። እናንተ በኢየሱስ ደም የታመናችሁና ልብሳችሁን ያጠባችሁ የተባረካችሁ ናችሁ። ቤዛችን ኢየሱስ ሊመጣ በደጅ ነው። የመለከቱ ድምፅ በጣም በቅርቡ ይሰማል።
 
 📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

ስሜ አማኑኤል ከበደ ይባላል። አክራሪ ኦርቶዶክስ ከሆነ አባትና ቤተሰብ የመጣሁ ነበርኩኝ። አባቴ ቤተክርስቲያን እንድንከታተል ካለው ከፍ ያለ ፍላጎት የተነሳ የመጀመሪያ ደረጃ ትምህርቴን የተማርኩት በቅዱስ ራጉኤል ቤተ-ክርስቲያን ት/ቤት ነው። ታላቅ ወንድሜ ሲራክ በጌታ ኢየሱስ አምኖ ድኖ ስለነበር መዝሙሮችን አዳምጥ ነበር። ወንድሜና የእርሱ ቤተሰቡ ጌታን በማመኑ ምክንያት ብቻ በአባቴ ከቤት መባርና ከስራ መባረር ጀምሮ ብዙ መከራ ደርሶበታል። እኔ ዘጠኝ ወይም አስር አመቴ አካባቢ የክርስቶስ ፍቅር ሃይል ገዝቶኝ እህቴ ሳባ መፅሀፍ ቅዱስ ወደሚያስተምራት ወንድም ደረጄ ወስዳኝ ተንበርክኬ የሕይወቴን ጌታ ተቀበልኩት! አቤቱ ጌታዬ ሆይ አመሰግንሃለሁ! ያን ቀን ልረሳው አልችልም! ሕይወቴን፣ አዳኜን፤ ፍቅሬንና እውነተኛ አባቴን አገኘሁ! ከዚያን ጊዜ ጀምሮ ጌታ በእጁ ይዞኝ በመውደቅና መነሳት በድካምና በብርታት እሱ ብቻውን ታማኝ ሆኖ በእኔ ሳይሆን በሱ ፍቅር አኖረኝ። ከቤተሰቤም ጋር ተሰብስበን ስለአክራሪው አባቴ፤ ስለእናቴም መፀለይ ጀመርን። ጌታ ያን የአባቴን ጠንካራ ልብ በፍቅር ሰብሮ አሸነፈና አዳነው። አሁን በሰማይ ከጌታ ጋር አለ። እናቴ አስካለም እንዲሁ የጌታ ሃያል የመስቀል ፍቅር አንበርክኳት አምና ዳነች። ዛሬ በየሄደችበት ስለእርሱ ትመሰክራለች። ጌታ ቤተሰቤን ሁሉ ወረሰልኝ! አቤቱ ጌታዬ ሆይ እኔ ምስክር ነኝ። ፍቅርህ ሃያል ነው። ሃይልህም ታላቅ ነው። ወደ አንተ የሚመጡትን ሁሉ ታድናለህ፤ ታፀድቃለህ፣ የዘላለም ሕይወት ትሰጣለህ!

ኢየሱስ የእግዚአብሔር ልጅ እንደሆነና ከዘላለም ሞት ማዳን የሚችል ብቸኛ መንገድ መሆኑን እኔም አይቻለሁ።

 #እኔምስክርነኝ

አዜብ ሀይሉ - ታማ ነበር ነፍሴ

🟠 አንድሪው ዎማክ የተባለ የእግዚአብሔር ሰው እግዚአብሔር ወደ እርሱ በመጣ ጊዜ የሆነውን ነገር ልንገራችሀ። የተፈጠረውን ነገር ቃል በቃል ሳይሆን ሃሳቡን ተከትዬ በትምህርተ ጥቅስ ልንገራችሁ። ይሄን በመድረክ ላይ ሲያስተምር ነበር የተናገረው። እንዲህ አለ… “እኔ በልጅነቴ ነው ጌታ ኢየሱስን አግኝቼ የዳንኩት። ከዚያም በኋላ ደግሞ ከአብዛኞቻችሁ የተሻለ የቅድስና ሕይወት ነበር የምኖረው። ስለቅድስና ሕይወቴ በጣም እርግጠኛ ነኝ፤ ከእኔ በተሻለ ቅድስና የኖረ ሰው በዚህ ጉባኤ ሊኖር ይችላል፤ ነገር ግን የሚኖር አይመስለኝም። በጣም በጥንቃቄ ነበር የኖርኩት፤ ቡና እንኳን አልጠጣም። አንድ ጊዜ ግን እግዚአብሔር ወደ እኔ መጣ። እጅግ በጣም ነበር የፈራሁት። ቅድስናዬ በፊቱ ሊያቆመኝ አልቻለም፤ በጣም ደነገጥኩ። በምህረቱ ካልሆነ ቅድስናዬ በቂ እንዳልሆነና በፊቱ ልቆም እንደማልችል አወኩኝ” አለ። ወዳጆቼ የትኛው የቅድስና ደረጃ በእግዚአብሔር ፊት ደፋር ሊያደርገን ይችላል? እኛ በእግዚአብሔር ፊት ጥሩ ሁኔታ ላይ እንደሆንን የምናስበው ራሳችንን ከሌሎች ጋር እያነፃፀርን የተሻልን በመሆናችን ከሆነ እጅግ ስህተት ነው። በራሳችሁ ስራ ተስፋ እንድትቆርጡ እስኪ አንዳንድ ቃሎች ልንገራችሁ።
 
1. ያለ እምነት የሆነ ሁሉ ሀጢያት ነው። “የሚጠራጠረው ግን ቢበላ በእምነት ስላልሆነ ተኮንኖአል፤ በእምነትም ያልሆነ ሁሉ ኃጢአት ነው” (ሮሜ 14፡23)። እየተጠራጠራችሁ ያለ እምነት አድርጋችሁት የምታውቁት ነገር አለ? ብዙ ጊዜ ነው የሚገጥመን አይደል? ወዳጆቼ እሱ ሀጢያት ነው። አሁንስ በራሳችሁ የስራ ቅድስና በእግዚአብሔር ፊት ትቆማላችሁ?
 
2. “እንግዲህ በጎ ለማድረግ አውቆ ለማይሠራው ኃጢአት ነው” (ያዕ 4፡17)። ማድረግ እንዳለባችሁ እያወቃችሁ ያላደረጋችሁት መልካም ነገር አለ? እሱ ሀጢያት ነው። ያወቃችሁትን አለመኖር ሀጢያት ነው። ታዲያ አሁንም በራሳችሁ ጥሩ ሁኔታ ውስጥ እንዳላችሁ ይሰማችኋል።
 
🟠 የራሳችንን ሁኔታ እያየንና ከሌሎች ጋር እያነፃፀርን በእሱ ታምነን ከሆነ ስተናል። “የእግዚአብሔርን ጽድቅ ሳያውቁ የራሳቸውንም ጽድቅ ሊያቆሙ ሲፈልጉ፥ ለእግዚአብሔር ጽድቅ አልተገዙም” (ሮሜ 10፡3)። እጅግ ያሳዝናል። የራሳችንን ፅድቅ ለማቆም መሞከር እጅግ አደገኛና ፈፅሞ የማይቻል ነው። ወዳጆቼ ታዲያ ጳውሎስ ለምን ይመስላችኋል እንዲህ ያለው… “በክርስቶስም በማመን ያለው ጽድቅ ማለት በእምነት ከእግዚአብሔር ዘንድ ያለው ጽድቅ እንጂ ከሕግ ለእኔ ያለው ጽድቅ ሳይሆንልኝ፥ በእርሱ እገኝ ዘንድ ሁሉን እንደ ጕድፍ እቈጥራለሁ” (ፊል 3፡8-9)። የራሳችሁ ፅድቅ ይቅርባችሁ። መልካም ይሁን ክፉ የምትቆጥሩት ስራ አይኑራችሁ። እኛ ምንም የሚቆጠር ነገር የለንም። በእምነት ብቻ የሚገኘው የእግዚአብሔር ፅድቅ ካልሆነ የሰው ፅድቅ በእግዚአብሔር ፊት የመርገም ጨርቅ ነው።
 
🟠 ስለዚህ በፀጋው ብቻ ታመኑ። በሕይወቴ ውስጥ ሁልጊዜ ከማሰላስላቸው ቃሎች ውስጥ አንዱ የሆነውን ልንገራችሁ… “የፈረስን ኃይል አይወድድም፥ በሰውም ጭን አይደሰትም። እግዚአብሔር በሚፈሩት፥ በምሕረቱም (በዕብራይስጥ Chesed - ኸሴድ) በሚታመኑት ይደሰታል” (መዝ 147፡10-11)። ኦ ሃሌሉያ! እግዚአብሔር ምህረቱን ስትታመኑ ደስ ይለዋል። ያለምህረቱ ደግሞ ማናችንም እድል ፈንታ ሊኖረን አይችልም። Chesed - ኸሴድ ማለት የአዲስ ኪዳን ተመጣጣኙ ቃል ፀጋ (Charis - ካሪስ) ነው (በሌክሲከን ልታዩት ትችላላችሁ)። ምህረትን እንድንቀበል ወደ ፀጋው ዙፋን በእምነት እንቅረብ የሚለው ለዚህ ነው። በፀጋው ምክንያት ያለእኛ ስራ በምህረት እንድናለን፤ በምህረት ከዳንን በኋላ በምህረት እንኖራለን። በምህረት እንደዳንን ይሄን ቃል ተመልከቱ “ነገር ግን እግዚአብሔር በምሕረቱ ባለ ጠጋ ስለ ሆነ፥ ከወደደን ከትልቅ ፍቅሩ የተነሣ በበደላችን ሙታን እንኳ በሆንን ጊዜ ከክርስቶስ ጋር ሕይወት ሰጠን፥ በጸጋ ድናችኋልና” (ኤፌ 2፡4-5)። አያችሁት? ፀጋው ባመጣው ምህረት ዳንን። ያ ምህረት ከዳንን በኋላ ቢቆም ማናችንም ከፍፃሜ መድረስ አንችልም። የዕብራውያን መፅሀፍ ለአማኞች የተፃፈ ሲሆን ምን እንዳላቸው አስተውሉ… “ከኃጢአት በቀር በነገር ሁሉ እንደ እኛ የተፈተነ ነው እንጂ፥ በድካማችን ሊራራልን የማይችል ሊቀ ካህናት የለንም። እንግዲህ ምሕረትን እንድንቀበል በሚያስፈልገንም ጊዜ የሚረዳንን ጸጋ እንድናገኝ ወደ ጸጋው ዙፋን በእምነት እንቅረብ” (ዕብ 4፡15-16)። በዚህ ስፍራ በደምብ ብታጠኑት ድካም ተብሎ የተጠራው የአማኝ በሀጢያት መውደቅ ወይም መሳሳት ሲሆን በፀጋው ምክንያት ምህረትን እንደሚያገኝ ይናገራል። ይህ ሀጢያት እያወቅን ያላደረግነውን (Sin of Omission) እንዲሁም ቃሉን ተላልፈን ያደረግነውን (Sin of Commission) ያጠቃልላል። Sin of Commission ደግሞ እያወቅን (Intentional) እና ሳናውቅ ()Unintentional የሰራነውን ሀጢያት ያካትታል። በእርግጥም በኢየሱስ ደም ውስጥ ታላቅ የምህረት ሃይል አለ። ሃሌሉያ!
 
🎧 ከታች የአዜብ ሀይሉን ታማ ነበር ነፍሴ የሚለውን መዝሙር አስቀምጬላችኋለሁ።

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 በመስጠት እግዚአብሔርን የሚስተካከል ማነው? አንድ ጊዜ ሐዋርያ ጳውሎስ በጥልቀት አስቦ ይመስለኛል እንዲህ አለ… “ስለማይነገር ስጦታው እግዚአብሔር ይመስገን” (2ቆሮ 9፡15)። ለምን መሰላችሁ? የእግዚአብሔር ስጦታ ሕይወት ነው። ሰው ያለውን ይሰጣል፥ የቻለውን ይሰጣል፥ የሚወደውን ነገር ይሰጣል፥ ውድ የሚለውን ነገር ይሰጣል። ይሄ በሰው ልጆች ታሪክ የታወቀ ነው። በስላሴ ጉባኤ ግን ለሚወዱት የሚሰጠው ስጦታ ሕይወት ስለሆነ እግዚአብሔር አብ የልጁን የኢየሱስን ሕይወት አሳልፎ ሰጠ። ኢየሱስ በእግዚአብሔር አብ እጅ የተሰጠ ስጦታ ነው። ወልድ ከአብ ጋር እኩል ሆኖ ሲኖር ሳለ፤ አብ ወልድን እንዲህ አለው “ለአለም ስጦታ አድርጌ ልሰጥህ እፈልጋለሁ”፤ ወልድ ደግሞ “እሺ በአንተ እጅ እኔን ለአለም ትሰጠኛለህ” አለው። ኦ ሃሌሉያ! በስላሴ ጉባኤ የፍቅር ስጦታ ሕይወት ነው። ይሄን የምላችሁን ታሪክ በዮሐንስ ወንጌል 3፡16 ላይ ታገኙታላችሁ። ቀጥሎ ደግሞ እግዚአብሔር አብ መንፈስ ቅዱስን ለኢየሱስ ሰጠው። አብ ይሄን ስጦታ ለኢየሱስ የሰጠው እስከ ሞት በመታዘዙ ነበር። ይሄ አስደናቂ እውነት ነው። መንፈስ ቅዱስም በአብ በኩል ለኢየሱስ ተሰጠ። ይሄን ደግሞ በሐዋርያት ስራ 2፡33 ላይ ታገኛላችሁ ”…የመንፈስ ቅዱስን የተስፋ ቃል ከአብ ተቀብሎ…”። አብ ለኢየሱስ የሰጠው ስጦታ መንፈስ ቅዱስን ነበር። ኢየሱስ ደግሞ ይህን ከአብ የተቀበለውን መንፈስ ቅዱስ ለእኛ ሰጠው ወይም ወደ እኛ አፈሰሰው። “የመንፈስ ቅዱስን የተስፋ ቃል ከአብ ተቀብሎ ይህን እናንተ አሁን የምታዩትንና የምትሰሙትን አፈሰሰው” (ሐዋ 2፡33)። በስላሴ ጉባኤ የፍቅር ስጦታ ማለት ምን ማለት እንደሆነ አያችሁ? ራስን መስጠት ነው። ሕይወትን መስጠት ነው። ኢየሱስም ስለሚሰጠን ስጦታ እንዲህ ብሏል “ነፍሱን ስለ ወዳጆቹ ከመስጠት ይልቅ ከዚህ የሚበልጥ ፍቅር ለማንም የለውም” (ዮሐ 15፡13)። ኢየሱስ ለእኛ የሰጠው ነፍሱን ነው። እንዴት ድንቅ ነው!
 
እኛ ለእግዚአብሔር ምን ልንሰጠው እንችላለን? ብዙ ጊዜ ያሳስበኛል ታውቃላችሁ። ጌታ ሆይ ምን ልሰጥህ እችላለሁ እለዋለሁ። ምንስ ያስደስተዋል? እኔ ያለኝ ሆኖ የእግዚአብሔር ያልሆነስ ምን አለ? ይገርማል እኮ ወዳጆቼ። ምድርና ሞላዋ፤ በእርሷም የሚኖሩ ሁሉ የእርሱ ለሆነ ጌታ ምን ትሰጡታላችሁ? ግን እሱ ዛሬም ጥያቄ አለው። ወዳጆቼ እግዚአብሔር ዛሬም ስጡኝ የሚለው ነገር አለ። እና የሚጠይቀን በስላሴ ጉባኤ እንዳለው ነው። እግዚአብሔር በዛ ንፁህ የስላሴ ጉባኤ ያለውን የሕይወት ስጦታ ይጠይቃል። ሕይወት ስጡኝ ይላል፤ ልብ ስጡኝ ይላል። አቤቱ ጌታ ሆይ! ጌታ ኢየሱስ ሆይ! አንድ የመፅሀፍ ቅዱስ ክፍል ልንገራችሁ። ሁልጊዜ የማሰላስለው ነው። “ልጄ ሆይ፥ ልብህን ስጠኝ” (ምሳ 23፡26)። ራሱ የፈጠረውን ልብ ስጡኝ ይላችኋል። ትኩረታችሁ እሱ ላይ ብቻ እንዲሆን ይፈልጋል። እንዲህ በሉት “ጌታ ሆይ ልቤ የአንተ ናት፤ አይኖቼ አንተን ብቻ ይዩ፤ ጆሮቼ አንተን ብቻ ይስሙ” ኦ ሃሌሉያ! አዎ አይኖቼ ሌላ ማየት አይችሉም። ጆሮቼም ሌላ መስማት አይችሉም። ልቤም የሌላ መሆን አይችልም። ጌታዬ ሆይ!
 
🟠 ጌታ ኢየሱስ በምድር ላይ ሳለ ለቄሳር ግብር መስጠት ተፈቅዷል ወይ የሚል ጥያቄ ሲጠይቁት ”ኢየሱስም ክፋታቸውን አውቆ። እናንተ ግብዞች፥ ስለ ምን ትፈትኑኛላችሁ? የግብሩን ብር አሳዩኝ አለ። እነርሱም ዲናር አመጡለት። እርሱም፦ ይህች መልክ ጽሕፈቲቱስ የማን ናት? አላቸው። የቄሣር ነው አሉት። በዚያን ጊዜ። እንኪያስ የቄሣርን ለቄሣር የእግዚአብሔርንም ለእግዚአብሔር አስረክቡ አላቸው” (ማቴ 22፡18-21)። ሳንቲሙ ላይ ያለው የቄሳር መልክ ነበር። የቄሳር መልክ እላዩ ላይ ያለው ሳንቲም የቄሳር ነው። የቄሳር መልክ እላዩ ላይ ያለው እቃ የቄሳር ነው። የቄሳር መልክ እላዩ ላይ ያለው ነገር የቄሳር ነው። የቄሳር መልክ የተቀመጠበት ባለቤቱን ለማመልከት ነው። ከዚያ ግን የእግዚአብሔርን ለእግዚአብሔር አስረክቡ አለ። የእግዚአብሔር መልክ የተቀመጠበት ማነው? አሁን ቃሉን ተረዳችሁት? የእግዚአብሔር መልክ እላዩ ላይ የተቀረፀበት ፍጥረት ሰው ነው። ሰውን በመልካችን እንደምሳሌአችን እንፍጠር ብሎ ነው የፈጠረው። ስለዚህ ለእግዚአብሔር አስረክቡ ያለው ምንድነው? ሰውን ነው። ራሳችንን ነው። እናንተ የእናንተ አይደላችሁም። የእግዚአብሔር መልክ ስላለባችሁ ሕይወታችሁን ለእግዚአብሔር ብቻ ልትሰጡ ይገባል። ስለዚህ ይህ ክፍል የሚያወራው ስለአስራት አይደለም (ነገር ግን አዲስ ኪዳን ላይ አስራት ማውጣት ትክክለኛ የቤተ-ክርስቲያን መርህ ነው)።
 
🟠 የእግዚአብሔር ጥሪ ራሳችሁን አስረክቡኝ ነው። ልባችሁን ስጡኝ ነው! አቤቱ ጌታ ሆይ ልቤ የአንተ ናት። ትኩረቴም ወደ አንተ ነው። ራሳችሁን ለእርሱ ከሰጣችሁ፤ ኢየሱስን ለአለም እንደሰጠው እናንተንም ለአለም ይሰጣችኋል። “የጌታንም ድምፅ። ማንን እልካለሁ? ማንስ ይሄድልናል? ሲል ሰማሁ። እኔም። እነሆኝ፥ እኔን ላከኝ አልሁ” (ኢሳ 6፡8)። ልቡን ለጌታ የሰጠ ሰው ምላሽ እኔን ላከኝ ይላል። ያኔ አብ ኢየሱስን ላከ። ደግሞ ኢየሱስ እንዲህ አለ “ኢየሱስም ዳግመኛ። ሰላም ለእናንተ ይሁን፤ አብ እንደ ላከኝ እኔ ደግሞ እልካችኋለሁ አላቸው” ኦ ሃሌሉያ! ታዲያ እናንተስ ለመላክ እሺ ትላላችሁ? ኢየሱስ በአብ እንደተሰጠ እናንተስ እርሱ በእጁ ለአለም ይሰጣችሁ ዘንድ ትወዳላችሁ? አሜን ጌታ ሆይ! እኔን ላከኝ! እኔ በእጅህ ልሰጥ!
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 ይሄን ፅሁፍ እያነበበች ላለች ለተጨነቀች ነፍስ እግዚአብሔር መልስ አለው። ሰው ሰውን ለመረዳት እጅግ የራቀ ነው። የተረዳችሁንና የሚረዳችሁን ሰው አላገኛችሁ ይሆናል። ምክንያቱም እናንተ መናገርና ማሳየት የምትችሉት የቻላችሁትን ብቻ ነው እንጂ ልባችሁን ሙሉ በሙሉ በቃላት ወይም በሁኔታችሁ ማሳየት አትችሉም። እግዚአብሔር ግን ልባችሁን ያየዋል። ጭንቀታችሁ ይገባዋል። ለሰው እውጥታችሁ ማሳየት የማትችሉትን ክፍል እሱ ያውቀዋል። ሊፈርድባችሁ ሳይሆን ሊረዳችሁ፥ ሊኮንናችሁ ሳይሆን ሊያፅናናችሁ፥ ሊተቻችሁ ሳይሆን ሊያድናችሁ ይፈልጋል። እሱ ስለጭንቀታችሁ እንዲህ ብሎ ተናግሯል… “ነገር ግን ተጨንቃ ለነበረች ጨለማ አይሆንም” (ኢሳ 9፡1)። ጭንቀታችሁን ወደ ደስታ ይለውጠዋል። ወደ እግዚአብሔር ኑ። በእርሱ ውስጥ መሸሸጊያ አለ። እግዚአብሔር ለሙቀቱና ለበረሃው ጥላ ይሆንላችኋል። መጠጊያ ሆኖ ያሳርፋችኋል። በእርሱ ዘንድ የማይቻል ነገር የለም። ወደ ማንም አትሂዱ። ወደሚወዳችሁና ወደሚያስብላችሁ፤ ወደፈጠራችሁ እግዚአብሔር ኑ።
 
🟠 አንዳንዶቻችሁ እኔ እኮ እዚህ ጭንቀት ውስጥ የገባሁት በራሴ ጥፋት ነው። የእጄን ነው ያገኘሁት፥ የሚገባኝን ነው ያገኘሁት። እዚህ ችግር ውስጥ የገባሁት በራሴ ጥፋት ነው ትላላችሁ። ነገር ግን አትርሱ አምላካችን የምህረት አምላክ ነው። ስትበረቱ ብቻ አይደለም የሚመለከታችሁ። በውሃ ላይ ለመራመድ መንገድ ጀምራችሁ ስትሰጥሙ እጆቹ የተዘረጉ ናቸው። ከገባችሁበት ለማውጣት የዘላለም ወዳጅ ነው። እግዚአብሔር የዘላለም ወዳጃችሁ ነው። የዘላለም ረዳታችሁ ነው። የነገራችሁን ቃል ዛሬ ላስታውሳችሁ “እርሱ ራሱ። አልለቅህም ከቶም አልተውህም ብሎአልና” (ዕብ 13፡5)። ይሄን የተናገረው እርሱ ራሱ ነው። ጌታ የተጨነቀውን ይጠራል፤ የወደቀውን ያነሳል እንጂ ትቶ ማለፍ አይሆንለትም። እየነደደ የነበረው እሳት ተመናምኖ ጠፍቶ እየጤሰ ነው? ጌታ የሚጤሰውን ጧፍ አያጠፋም፤ ቅጥቅጡንም ሸንበቆ አይሰብርም። ይጠግናል፤ ይፈውሳል፤ ያበረታል፤ ያቆማል። እንደውም መፅሀፍ ቅዱስ የሚለው “እግዚአብሔር ልባቸው ለተሰበረ ቅርብ ነው፥ መንፈሳቸው የተሰበረውንም ያድናቸዋል” (መዝ 34፡18)። እግዚአብሔር በክፉ ቀን የበለጠ የመቅረብ ባሕሪ አለው። ዛሬ በጭንቀታችሁ እርሱ ቅርብ ነው። ይሄን ማወቅ ብቻ እንዴት ያፅናናል!!
 
🟠 እና አይዟችሁ! “ጌታ ቅርብ ነው” ደግሞ አንድ ሚስጥር ልንገራችሁ። ዳዊት ጎልያድን ሊመታና ሊገድለው የቻለው ከጎልያድ በፊት በእረኝነት ስፍራ አንበሳውን ስላሸነፈ ነው። ይህ ማለት የተገለጠውን ችግር ጎልያድን ያሸነፈው የማይታየውን ዲያቢሎስ ስላሸነፈ ነው። እኛ ዲያቢሎስን ማሸነፋችን የሚታወቀው ባለመጨነቃችን እንደሆነ ታውቃላችሁ? ጴጥሮስ ያንን ነው ያስተማረን… “እርሱ ስለ እናንተ ያስባልና የሚያስጨንቃችሁን ሁሉ በእርሱ ላይ ጣሉት። በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤ በዓለም ያሉት ወንድሞቻችሁ ያን መከራ በሙሉ እንዲቀበሉ እያወቃችሁ በእምነት ጸንታችሁ ተቃወሙት” (1ጴጥ 5፡7-9)። የዲያቢሎስ ማሸነፊያ ስልት ጭንቀት ነው። በዚህ ስፍራ ላይ የተነገረን የሚውጥበት መንገድ ጭንቀት ነው። ልክ ጭንቀታችሁን በጌታ ላይ ስትጥሉት የማይታየውን ዲያቢሎስ አሸነፋችሁት ማለት ነው። ከዚያ የሚታየው ችግር ይወድቃል። የበለጠ እንድትረዱት ጌታ አትጨነቁ ብሎ በማቴዎስ ወንጌል ምዕራፍ 6 ላይ ሲያስተምር የሰማይ ወፎችን ተመልከቷቸው ነው ያለው። ያለመጨነቅ ሕይወት የሰማይ አእዋፍ ሕይወት ነው። እናንተም እንደሰማይ አእዋፍ ነፃ ሆኖና የሚያስፈልጋችሁ ተሟልቶ ለመኖር አትጨነቁ እያለ ነው። ነገር ግን መፅሀፍ ቅዱስ ስለአዳኝ ወጥመድ እንዲህ ይላል “እርሱ ከአዳኝ ወጥመድ ከሚያስደነግጥም ነገር ያድንሃልና” (መዝ 91፡3)። በዚህ ስፍራ ወጥመድ የሚለው ቃል ትርጉም በዕብራይስጥ ቃል ወፍ የሚጠመድበት ወጥመድ ማለት ነው። አዳኙ ዲያቢሎስ ነው። ወጥመዱ ደግሞ ጭንቀት ነው። የሚያጠምዳችሁ እንደ ወፍ ባለመጨነቅ ከምትኖሩበት ኑሮ ነው። ከዚያ ምክንያት ፈጥሮ ያስጨንቃችኋል። ለዚህ ነው ሰው ሲጨነቅ ወዴት መሄድና ምን ማድረግ እንዳለበት ግራ የሚገባው። ወጥመድ ውስጥ ስለሆነ ነው። ወጥመዱ ሲሰበር አጥማጁን አሸነፋችሁት ማለት ነው። እንደ ወፍ ነፃ ትሆናላችሁ። ጌታ ያለመጨነቅ ሕይወት ብሎ የጠራው የአእዋፍ ሕይወት ይህ ነው። ስለዚህ ጭንቀታችሁን በጌታ ላይ ስትጥሉት በዚያ ደቂቃ የችግራችሁ ምንጭ ተሸነፈ ማለት ነው። ኦ ሃሌሉያ! “ጌታ ቅርብ ነው። በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ” (ፊል 4፡6)። ጌታ ለዘላለም ይመስገን!
 
🎧 የፀሀይ ዘለቀን ፊቱ ሳይለወጥ የሚል መዝሙር ከታች አስቀምጬላችኋለሁ

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

ፀሀይ ዘለቀ - ፊቱ ሳይለወጥ

ፍቅርህ አሸነፈኝ - አውታሩ ከበደ

🔶 በዚህ ፅሁፍ ውስጥ “እኔ” የሚለው ሃሳብና ቃል የሚወክለው አንባቢውን ነው
 
🟠 ሰዎች ማለዳ ተነስተው ወደሚሄዱበት ሲሄዱ ሳይ ምንድነው እንዲህ የመኖር ጉጉት እንዲኖራቸው ያደረገው እላለሁ። ሰው በምን ተደስቶ ሊኖር ይችላል? ስለራሴ የማውቃቸው ጥቂት ነገሮች አሉ። ገንዘብ አያስደስተኝም፥ ዝና አያስደስተኝም፥ ስኬት አያስደስተኝም፥ መዝናናት አያስደስተኝም። እነዚህ ነገሮች በፍፁም ዘላቂና መሰረታዊ ደስታ ወይም እረፍት ሊሰጡ ፈፅሞ እንደማይችሉ አረጋግጫለሁ። ብዙዎች እነዚህን አግኝተው ሕይወታቸው ግን የተቅበዘበዘ ሲሆን አይቻለሁ። እነዚህን አግኝተው ውስጣቸው እንደጎደለ አይቻለሁ። ታሪክ ይሄን ያረጋግጣል። የእኔ ሙላትና የእኔ የመኖር ደስታ የእግዚአብሔር ፍቅር ነው። እግዚአብሔር ይወደኛል! እ.ግ.ዚ.አ.ብ.ሔ.ር እኔን በግሌ ይወደኛል! ሃሌሉያ! ሃሌሉያ! በእያንዳንዱ ቀን የመኖር ተስፋዬ፥ የመቀጠል ጉልበቴ እግዚአብሔር እኔን መውደዱ ነው። የፈገግታዬ ምክንያት ነው፤ በውስጤ እስቃለሁ፤ እግዚአብሔር ይወደኛል። እግዚአብሔር አይጠላኝም፤ እግዚአብሔር የተባለው አምላክ ይወደኛል።
 
🟠 የእግዚአብሔር ፍቅር የማጌጥበት ውበቴ ነው፥ የምደፍርበት ድፍረቴ ነው፥ በልቤ ሸሽጌ የምይዘው ሀብቴ ነው። ጌታ ኢየሱስ በምድር ላይ ሳለ ሲፀልይ እንዲህ ብሎ ነበር “እኔንም የወደድህባት ፍቅር በእነርሱ እንድትሆን…” (ዮሐ 17፡26)። አቤት! አቤት! አቤት! ሰው በምን እንደሚመካ አላውቅም። እኔ የምመካው በዚህ ነው። በዚህ ፍቅር እመካለሁ… እግዚአብሔር ክርስቶስን እንሚወደው እኔን ይወደኛል። ኧረ ሃሌሉያ! ኧረ ሃሌሉያ! ሰው ለምንድነው ለመደሰት ሌላ ፍቅር የሚፈልገው? ሰው ለምንድነው ለመርካት በሰዎች መወደድ የሚፈልገው? ጌታ ሆይ! እኔስ በአንተ ፍቅር ረክቻለሁ፥ በአንተ ፍቅር ተደስቻለሁ። የሕይወት ጀመሪና ፈፃሚ የሆነው ጌታ “ውድ” እያለ ይጠራኛል፥ ሰማይ ዙፋኑ፥ ምድር የእግሩ መረገጫ የሆነ ክቡር አምላክ በእኔ ፍቅር ልቡ እንደተያዘ በየዕለቱ ይነግረኛል። ጌታ ሆይ! ኢየሱስ ሆይ! አንተ ትፈልገኛለህ፥ በአንተ  እፈለጋለሁ… “ወዳጄ ሆይ፥ ተነሺ ውበቴ ሆይ፥ ነዪ… በዓለት ንቃቃትና በገደል መሸሸጊያ ያለሽ ርግብ ሆይ፥ ቃልሽ መልካም ፊትሽም ያማረ ነውና መልክሽን አሳዪኝ፥ ድምፅሽንም አሰሚኝ” (መኃ 2፡10-14)። ሰዎችን በማን መፈለግ ነው የሚያስደስታቸው? በማን መወደድ ነው የሚፈልጉት? ጌታ ሆይ እኔ በአንተ መፈለጌ በቅቶኛል፥ በአንተ መወደዴ አርክቶኛል። ጌታ ሆይ ረክቻለሁ በፍቅርህ። ሌላ ፍቅር አያስፈልገኝም፥ ሌላ መፈለግ አያስፈልገኝም፥ ሌላ ተቀባይነት አያስፈልገኝም። ጌታ ሆይ አንተ በቅተኸኛል፤ ረካሁ ጌታ ሆይ። ተደሰትኩ አባት ሆይ!
 
🟠 “በአፉ መሳም ይሳመኝ፥ ፍቅርህ ከወይን ጠጅ ይልቅ መልካም ነውና… በአንተ ደስ ይለናል፥ ሐሤትም እናደርጋለን ከወይን ጠጅ ይልቅ ፍቅርህን እናስባለን” (መኃ 1፡2-4)። ጌታ ከወደደኝ በኋላ ሌላ የሐሴት መንገድ እንዴት እፈልጋለሁ? ሌላ ደስ የሚያሰኝ ነገር እንዴት እፈልጋለሁ? በአፉ መሳም ይሳመኝ ማለት ከጌታ አፍ የሚወጣው እኔን በመውደድ የሚያናግርበት የሞገስ/የፀጋ ቃል ነው። በዚያ የሞገስ ቃል ይናገረኝ ማለት ነው። “ሞገስ (Grace) በክንፈሮችህ ፈሰሰ” ይላል (መዝ 45፡2)። እንዴት ነው ሞገስ ወይም ፀጋ ከጌታ ከንፈሮች የሚፈስሰው? መፅሀፍ ቅዱስ “ከአፉ ከሚወጣው ከፀጋው ቃል የተነሳ እየተደነቁ…” ይላል (4፡22)። ጌታ በፀጋ ቃል ነው የሚናገረኝ። በሞገስ ቃል ይጠራኛል። ጌታ እኔን ከሚናገርባቸው የሞገስ ቃሎች ሁሉ ልቤ ላይ የሚገዝፈው በእርሱ ዘንድ የተወደድኩ መሆኔን ሲነግረኝ ነው “በዓይኔ ፊት የከበርህና የተመሰገንህ ነህና፥ እኔም ወድጄሃለሁና…” (ኢሳ 43፡4)። ጌታ ሆይ ተመስገን! ኡህህህ! ሃሌሉያ! ሃሌሉያ!
 
🎧 ፍቅርህ አሸነፈኝ የሚለውን የአውታሩ ከበደ መዝሙር በቴሌግራም ቻናላችን አስቀምጬላችኋለሁ።

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 አንድ ቃል አስተውላችሁ ተመልከቱ… “ስትጦሙም፥ እንደ ግብዞች አትጠውልጉ…” ቃሉ ድንገት ከፆማችሁ (If you fast) አይልም። የሚለው ስትፆሙ ወይም በምትፆሙ ጊዜ (When you fast) ነው። ይህ ማለት የምትፆሙበት ጊዜ ያስፈልጋችኋል ማለት ነው። እውነት ልንገራችሁ ይህ ጊዜ የፆምና የፀሎት ጊዜ ነው። ማንም ይዋሻችሁና ያታልላችሁ ዘንድ አትፍቀዱ። የግድ መፀለይ ያስፈልጋችኋል፥ የግድ መፆም ያስፈልጋችኋል። በመንፈሳዊ ሕይወቱ ንቁ የሆነን ሰው ብትጠይቁት አሁን ያለንበት ይህ ጊዜ የፆምና የፀሎት እንደሆነ ይነግራችኋል። በየትኛውም የስራ፥ የአገልግሎት ወይም የሕይወት ሁኔታ ውስጥ ብትሆኑ ምን ያህል ቀን መፆምና መፀለይ እንዳለባችሁ የመንፈስ ቅዱስን ምሪት ተቀብላችሁ ጀምሩ።
 
🟠 በሐዋርያት የመጀመሪያው የመንፈስ ቅዱስ ንቅናቄ የተነሳው በኢየሩሳሌም በአንድ ልብ ሆነው ሲፀልዩ በነበሩ ሰዎች ነው። በዚያ ንቅናቄ ወንጌል በኢየሩሳሌምና በይሁዳ፤ በእስራኤል ተሰራጨ። ቀጥሎ ሁለተኛው ታላቅ ንቅናቄ በአንፆኪያ ከተማ ነበር። የሐዋርያት ስራ ምዕራፍ 13 ላይ ጳውሎስና በርናባስን ጨምሮ ነቢያትና አስተማሪዎች በአንድ ልብ ሆነው ማምለክና መፆም ጀመሩ። መንፈስ ቅዱስ እንደ አዲስ አቅጣጫ ሰጣቸው። ወደ አሕዛብ ይሄዱ ዘንድ ጳውሎስና በርናባስን ለዩልኝ አለ። አምልኮ፥ ፆምና ፀሎት ባለበት የጊዜው የመንፈስ ቅዱስ እንቅስቃሴና ምሪት አለ። ኦ! አሁን ያ እንዴት እንደሚያስፈልገን! ታላቅ የሆነ የእግዚአብሔር መገለጥና ምሪት የሚመጣው ከፆም በኋላ ነው። ሙሴ የቀደመውን ብሉይ ኪዳንና የመቅደስ ዲዛይን ሲቀበል 40 ቀን ፆሞ ነበር። ኢየሱስም በመንፈስ ቅዱስ የሆነ የአዲስ ኪዳኑን አገልግሎት ሊጀምር ሲል 40 ቀን ፆሟል። ጌታ ኢየሱስ መንፈስ ቅዱስን እንደተሞላ ወደ ምድረ በዳ ለፆምና ለፀሎት ሄደ። በዚያ ከቆየ በኋላ “ኢየሱስም በመንፈስ ኃይል ወደ ገሊላ ተመለሰ” ይላል (ሉቃ 4፡14)። ከመንፈስ ቅዱስ ጋር የጠበቀ ግንኙነት ትፈልጋላችሁ? ከጊዜው የመንፈው ቅዱስ ሃሳብና እቅድ ጋር ሳትተላለፉ መስማማት ትፈልጋላችሁ? እንግዲህ መንገዱን ተከተሉት።
 
🟠 ዳዊት እንዳለው እግዚአብሔርን በትጋት መፈለግ ያለብን ሰዓት ነው… “አምላኬ፥ አምላኬ፥ ወደ አንተ እገሠግሣለሁ ነፍሴ አንተን ተጠማች፥ ሥጋዬ አንተን እንዴት ናፈቀች እንጨትና ውኃ በሌለበት በምድረ በዳ። ኃይልህንና ክብርህን አይ ዘንድ እንዲሁ በመቅደስ ውስጥ ተመለከትሁህ። ምሕረትህ ከሕይወት ይሻላልና ከንፈሮቼ ያመሰግኑሃል” ኦ ሃሌሉያ! ሃሌሉያ! ከምግብና ከምትጠጡት በላይ እግዚአብሔር ያስፈልጋቸኋል። አንዳንድ ሰዎች እግዚአብሔርን እፈልጋለሁ ይላሉ። ነገር ግን ማድረግ ያለባቸውን ለማድረግ ከውስጣቸው ቁርጠኛ አይደሉም። በቸልተኝነት የሆነ አንድ ምድራዊ ነገርን የሚፈልጉት መጠን ያክል እሱንም እፈልገዋለሁ ይላሉ። የሚፈልጉትም በትርፍ ጊዜያቸው ነው። ይኸውላችሁ እኔና እናንተ እንደዛ መሆን አንችልም። ሕይወታችን የተመሰረተው እኮ እግዚአብሔር ላይ ነው። “እግዚአብሔርን ፈልጉ፥ በሕይወትም ትኖራላችሁ” (አሞ 5፡6)። ሕይወታችን የተመሰረተው እሱን መፈለግ ላይ ነው። የዳዊትን የፆምና የፀሎት ሕይወት ብትመለከቱት… “ጕልበቶቼ በጾም ደከሙ ሥጋዬም ቅቤ በማጣት ከሳ” ይላል። በጣም ይፆማል፤ ይፀልያል። እግዚአብሔርን በቸልታ ሳይሆን እንደ ውድነቱ መጠን ፈልጉት።
 
🟠 ለአንዲት ሴት ጌታ ስለፆም ሲያስረዳት “ሰዎች በፆም ጊዜ መንፈሳዊ ስሜታቸው (Sensitivity) ይጨምራል” አላት። ይሄ ሁሉም የእግዚአብሔር ሰዎች የሚስማሙበት ነው። ስትፆሙ እግዚአብሔርን የመረዳት፥ የእግዚአብሔርን ድምፅና ሃሳብ የመለየት ችሎታችሁ እጅግ ይጨምራል። ለዚህ ነው መፆም ያለብን። የግድ ፈቃዱን ማወቅ አለብን፥ የግድ በጠበቀ ሁኔታ ከእርሱ ጊዜ ጋር መገናኘት አለብኝ። እውነት እነግራችኋለሁ አሁን ያለንበት ይሄ ጊዜ የፆምና ፀሎት ነው። ሳትዘገዩ ይሄን አድርጉ።
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 ሄይዲ ቤከር አንድ ጊዜ ስትናገር ስህተት ስትሰራ የእግዚአብሔር መንፈስ ለእሷ የሚያሳውቅበት መንገድ እንዳለው ተናገች። በዚያን ጊዜ “ጌታ ሆይ እንደዚህ ሆኜ መኖር አልችልም እባክህ ምንድነው ያደረኩት?” ትለዋለች። እሱም ይሄን ነው የተሳሳትሽው ወይም ችግሩ ያ ነው ብሎ ይጠቁማታል። በዚያን ጊዜ በፊቷ ተደፍታ ንስሃ እንደምትገባና ከመንፈስ ቅዱስ ጋር ያላት ግንኙነት እንዳይሻክር እንደምታደርግ ከልምዷ ተናገረች። ይህ መፅሀፍ ቅዱሳዊ ነው። ሰው ከእግዚአብሔር ጋር ህያው (Active) የሆነ ግንኙነት ኖሮት በስህተት መንገድና በሀጢያት መንገድ ያለ ወቀሳ ሊቀጥል አይችልም። ወዳጆቼ በስህተት ወይም ሀጢያት መወቀስ (Conviction) የምንችለው መንፈስ ቅዱስ ጋር ህብረት ሲኖረን ነው። ሰው ስህተት ሰርቶ ምንም የማይወቀስ ከሆነ ከእግዚአብሔር ጋር ያለው ህብረት እጅግ የላላ ነው ማለት ነው። ኦ! የመንፈስ ቅዱስን ወቀሳና ማስተካከያ የማያውቁ ሰዎች እንዴት ምስኪኖች ናቸው! መፅሀፍ ቅዱስ “ለመቀጣት ታገሡ፤ እግዚአብሔር እንደ ልጆች ያደርግላችኋልና፤ አባቱ የማይቀጣው ልጅ ማን ነው?” ይላል (ዕብ 12፡7)።
 
🟠 በእግዚአብሔር የፍቅር ህብረት ውስጥ ያለን ሪቫይቫል የሚቀንሰው ይሄን ወቀሳ ቸል ስንለው እንደሆነ ታውቃላችሁ? ተሳስተን ውስጣችን ስህተት መሆናችንን ሲነግረን በእግዚብሔር ፊት ንስሃ ገብተን ህሊናችንን ነፃ ካላደረግንንና ቸል እያልነው ስንሄድ ለብ የማለት ሕይወት ውስጥ እንገባለን። ጌታ ኢየሱስ ሲናገር እንዲህ አለ “እኔ የአባቴን ትእዛዝ እንደ ጠበቅሁ በፍቅሩም እንደምኖር፥ ትእዛዜን ብትጠብቁ በፍቅሬ ትኖራላችሁ” (ዮሐ 15፡10)። ግልፅ ነው። በትዕዛዙ ስንኖር በፍቅሩ ውስጥ እየተመላለስን ነው። በትንሹ ሲወቅሳቸው ቸል ያሉ ሰዎች ምን እንደሚሆኑ ታውቃላችሁ? “ስለዚህ መንፈስ ቅዱስ እንደሚል። ዛሬ ድምፁን ብትሰሙት፥ አባቶቻችሁ እኔን የፈተኑበት የመረመሩበትም አርባ ዓመትም ሥራዬን ያዩበት በምድረ በዳ በፈተና ቀን በማስመረር እንደ ሆነ፥ ልባችሁን እልከኛ አታድርጉ። …ነገር ግን ከእናንተ ማንም በኃጢአት መታለል እልከኛ እንዳይሆን…” (ዕብ 3፡7-13)። ሰው የመንፈስ ቅዱስን ወቀሳ (Conviction) ቸል ሲል እልከኛ ይሆናል። ሕሊናው መፅሀፍ ቅዱስ እንደሚል ይደነዝዛል። ከዚያ ስህተት እየሰራ ምንም አይመስለውም፥ የሰው ልብ እያቆሰለ ምንም አይመስለውም፥ የሚጎዱ ቃሎችን እየተናገረ ምንም አይመስለውም፥ ይቅር አልልም ብሎ ምንም አይመስለውም። ኦ! እንዴት አይነት አሳዛኝ ሕይወት ነው! ሕሊናችሁ ሁልጊዜ ንፁህ (Sincere) መሆን አለበት። ሐዋርያ ዮሐንስ ሲናገር ልባችንስ ባይፈርድብን በእግዚአብሔር ፊት ድፍረት አለን ያለው ለዚህ ነው (1ዮሐ 3፡21)። ሕሊና የልብ ክፍል ነው። ሐዋርያ ጳውሎስ ደግሞ እንደ አባቶቼ አድርጌ በንፁህ ህሊና የማመልከው እግዚአብሔር ይላል (2ጢሞ 1፡3)።
 
🟠 በስህተታችሁ አትድፈሩ፥ ይልቁን ንስሃ ግቡ። ሕሊናችሁን ንፁህ አድርጉ። መንፈስ ቅዱስ ወቀሳውን (Conviction) የሚነግረን በህሊናችን እንደሆነ አስታውሱ። “…ሕሊናዬም በመንፈስ ቅዱስ ይመሰክርልኛል” (ሮሜ 9፡1-2)። ሕሊናችሁ ውስጥ ምንም ወቀሳ ከሌለ ከእግዚአብሔር ጋር ያላችሁ የፍቅርና የአምልኮ ሕይወት ጥብቅ እየሆነ ይመጣል ማለት ነው። ኦ ሃሌሉያ! ይኸውላችሁ… ከዚህ ውጪ አማራጭ ያለ እንዳይመስላችሁ! ደግሞ ከጌታ ጋር በጠበቀ ግንኙነት ከመኖር ውጪ ምን አማራጭ እንፈልጋለን?! ጌታ በሎዶቅያ ያለውን ቤተ-ክርስቲያን መልዓክ (አገልጋይ) ምን ብሎ እንደወቀሰው አትርሱ… “በራድ ወይም ትኩስ እንዳይደለህ ሥራህን አውቃለሁ። በራድ ወይም ትኩስ ብትሆንስ መልካም በሆነ ነበር። እንዲሁ ለብ ስላልህ በራድም ወይም ትኩስ ስላልሆንህ ከአፌ ልተፋህ ነው” (ዮሐ 3፡15-16)። ለብ ብላችሁ አትኑሩ። ያን አትፍቀዱ!
 
📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 ካትሪን ኩልማን ልብ ለልብ በተሰኘ የቲቪ ፕሮግራሟ ላይ የተናገረችው ነገር በመንፈሴ ውስጥ በመቅረቱ ሁልጊዜ ይሰማኛል። የዚያ ፕሮግራም ርዕስ እግዚአብሔር ሕይወታችንን ይመራዋል የሚል ነው። በዚያ ፕሮግራም ላይ ስትናገር በሕይወቴ ምንም አይነት ተግዳሮት ቢገጥመኝ፥ ምሽቱ ምንም ያክል ቢሆን፥ መከራው እንደ ውሃ ተከምሮ መጠን ሊያልፍ እንኳን ቢሆን የእግዚአብሔር እጆች ከእኔ በታች ካሉ ግን አልፈራም። እነዚያ እጆች ከእኔ በታች ካሉ የሲኦል አጋንንትን ሁሉ መግጠም እችላለሁ አለች። ኦ ሃሌሉያ! በእግዚአብሔር ውስጥ መኖር! ምን ማለት ነው? “መኖሪያህ (habitation) የዘላለም አምላክ ነው” ተብሎ በዘዳግም 33:27 ላይ ሲነገረን… ቃሉ ምን ማለት ነው? በእርግጥ እግዚአብሔር ውስጥ ሆኖ መኖር ይቻላል? እኔ ያንን ነው የምፈልገው። ጌታ በእጆቹ እንዲከልለኝ እፈልጋለሁ። ዙሪያዬን እንዲከበኝ እፈልጋለሁ። ወደ ቀኝ ስዞር ማየት የምፈልገው እሱን ነው። ወደ ግራ ስመለከት ማየት የምፈልገው እሱን ነው። ልክ አሳ በውሃ ውስጥ ሲኖር መኖሪያው ውሃ ነው ስንል ወደ ቀኝ ውሃ ነው፥ ወደ ግራ ውሃ ነው፥ ወደ ላይ ውሃ ነው፥ ወደ ታች ውሃ ነው! ለእኔ እግዚአብሔር እንደዛ እንዲሆንልኝ ነው የምፈልገው። ያስ ይቻላል? ኦ! ምሳ 18፡10 ላይ “የእግዚአብሔር ስም የጸና ግምብ ነው ጻድቅ ወደ እርሱ ሮጦ ከፍ ከፍ ይላል (ይሸሸጋል)” የሚለውን ቃል አነብና አለቅሳለሁ። ጌታ ሆይ መሸሸግ እፈልጋለሁ፥ በአንተ ውስጥ መሰወር እፈልጋለሁ እለዋለሁ። ኦ ሃሌሉያ! ሃሌሉያ! ሃሌሉያ! አቤቱ ጌታዬ ሆይ! የመጨረሻው የደህንነት ስፍራ እግዚአብሔር ነው። ዳዊት እንደተናገረው መኖር ይቻላል? “አንተ ከኋላም ከፊትም ዙሪያዬን ከለልኸኝ፤ እጅህንም በላዬ አደረግህ” (መዝ 139፡5 አ.መ.ት)።
 
🟠 ታውቃላችሁ?… ክርስቶስ ወደ ምድር የመጣው ይሄንን ሕይወት ሊሰጠን ነው። እንዴት እንደሆነ ላሳያችሁ። በመጀመሪያ የክርስቶስ መኖሪያ ስፍራ የት እንደሆነ ተመልከቱ… “መቼም ቢሆን እግዚአብሔርን ያየው አንድ ስንኳ የለም፤ በአባቱ እቅፍ ያለ አንድ ልጁ እርሱ ተረከው” (ዮሐ 1፡18)። በአባቱ እቅፍ የነበረው አይልም። የሚለው በአባቱ እቅፍ ያለ ነው። ያ ማለት ኢየሱስ ምድር ላይ እየተመላለሰ በአባቱ እቅፍ ውስጥ ነበር። ኦ ሃሌሉያ! እንዴት ድንቅ ነው! የኢየሱስ መኖሪያ የአባቱ እቅፍ ነው። አንድ ጊዜ ጌታ የተናገረውን ቃል ላስታውሳችሁ “አንድ ጻፊም ቀርቦ። መምህር ሆይ፥ ወደምትሄድበት ሁሉ እከተልሃለሁ አለው። ኢየሱስም፦ ለቀበሮዎች ጉድጓድ ለሰማይም ወፎች መሳፈሪያ አላቸው፥ ለሰው ልጅ ግን ራሱን የሚያስጠጋበት የለውም አለው” (ማቴ 8፡19-20)። ለምን እንዲህ አለ? ለጠያቂው የመለሰለት እኔ ሰማያዊ መኖሪያ ውስጥ እየኖርኩኝ ነው በማለት ነበር። ልክ ዮሐንስ ወንጌል ምዕራፍ 4 ላይ ደቀመዛሙርቱ የሚበላ ምግብ ሲያመጡለት እናንተ የማታውቁት መብል አለኝ፤ የእኔ መብል የላከኝን ፈቃድ አደርግ ዘንድ ስራውንም እፈፅም ዘንድ ነው እንዳለው ማለት ነው። ኢየሱስ በምድር ቢኖርም ሕይወቱ ሰማያዊ ነበር። በምድር እየተመላለሰ የሚኖረው ግን በአባቱ እቅፍ ነበር። አሁን ለእኛ እርሱ በሚኖርበት በአባቱ እቅፍ ውስጥ ስፍራን አዘጋጀልን። ዮሐንስ ወንጌል ምዕራፍ 14፡2-3 ያን ይናገራል… “በአባቴ ቤት ብዙ መኖሪያ አለ፤ እንዲህስ ባይሆን ባልኋችሁ ነበር፤ ስፍራ አዘጋጅላችሁ ዘንድ እሄዳለሁና፤ ሄጄም ስፍራ ባዘጋጅላችሁ፥ እኔ ባለሁበት እናንተ ደግሞ እንድትሆኑ ሁለተኛ እመጣለሁ ወደ እኔም እወስዳችኋለሁ”። ኢየሱስ ይሄን ሲናገር ወዴት ነው የምትሄደው መንገዱስ ምንድነው ብሎ ቶማስ ሲጠይቀው። የምሄደው ወደ አብ ነው፤ መንገዱ ደግሞ እኔ ነኝ አለው። ይህ ቃል ሁለት ነገሮችን ያመለክታል። አንደኛ ጌታ ተመልሶ መጥቶ በንጥቀት ወደ ሰማይ እንደሚወስደን ሲሆን ሁለተኛ ደግሞ አሁን በምድር ላይ ሳለን በአብ ውስጥ መኖር እንድንችል እንዳደረገን ነው። ስለዚህ ጌታ በአብ ዘንድ ተቀባይነት እንድናገኝና በአብ ውስጥ መኖር እንድንችል ስፍራን ያዘጋጅልን ዘንድ ከሞት እንደተነሳ ወደ አብ አርጎ ሄደ። ኢየሱስ ከሞት ከተነሳ በኋላ ወደ ሰማይ ያረገው ሁለቴ ነው። በመጀመሪያ ከሞት እንደተነሳ ማርያም ልትነካው ስትል “ገና ወደ አባቴ አላረግሁምና አትንኪኝ አላት” (ዮሐ 20፡17)። በዚህ ጊዜ በመጀመሪያ እርገት ወደ አብ ሄዶ ለእኛ ስፍራን ሊያዘጋጅ ነበር። አዘጋጅቶም ተመለሰና በደቀመዛሙርት መካከል ቆሞ ቶማስን “እጅህንም አምጣና በጎኔ አግባው” አለው (ዮሐ20፡27)። ይህ ማለት ወደ አብ አርጎ መጥቶ ነበር ማለት ነው። ለዚህ ነው አሁን መነካት እችላለሁ ንካኝ ያለው። ስለዚህ በአብ ውስጥ መኖር እንድንችል ስፍራን አዘጋጅቶ መጣና ደቀመዛሙርት መካከል ቆሞ ከዚህ በኋላ አብ ውስጥ መኖር እንደምንችል አስታወቀ። ቀጥሎ ደግሞ ደቀ መዛሙርቱ ሁሉ እያዩት ሁለተኛ ጊዜ አረገ። ታዲያ በመጀመሪያ ያረገው እኛ በአብ ውስጥ መኖር እንችል ዘንድ ስፍራን ሊያዘጋጅልን ነበር።
 
🟠 ጳውሎስ ይሄን ሲያስረዳን እንዲህ አለ “ሞታችኋልና፥ ሕይወታችሁም በእግዚአብሔር ከክርስቶስ ጋር ተሰውሮአልና” (ቆላ 3፡3)። አሁን እኛ በክርስቶስ ውስጥ ሆነን በአብ ውስጥ ነን። በእግዚአብሔር ውስጥ ተሰውረናል። ይህ ድንቅ ነው። መኖሪያችን እግዚአብሔር ነው። አስተውሉ… በእግዚአብሔር ውስጥ የሆንነው በኢየሱስ ክርስቶስ ውስጥ ሆነን ነው። ስለዚህ በክርስቶስ ኢየሱስ ውስጥ ስንመላለስ በእግዚአብሔር ውስጥ እየተመላለስን ነው። ሃሌሉያ! አሁን በክርስቶስ በማመናችን በአግዚአብሔር ውስጥ እየኖርን ነው። ጌታ ይባረክ! ይህ ድንቅ እውነት ነው። ነገ በክርስቶስ ውስጥና በፍቅሩ ውስጥ መኖርና መቀጠል ማለት ምን ማለት እንደሆነና እንዴት ባልቀዘቀዘ ፍቅር ውስጥ መኖር እንደምንችል አሳያችኋለሁ።

👉 እግዚአብሔር ሕይወታችንን ይመራዋል የሚለውን ቪዲዮ በአማርኛ ትርጉም በዩቲዩብ ቻናላችን ውስጥ አስቀምጬዋለሁ።

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

አንተ ገናና - ዮሴፍ በቀለ

🟠 ለችግራችሁ መፍትሄ የምታደርጉት ምንድነው? ከእግዚአብሔር ሌላ የምታውቁት መፍትሄ አለ እንዴ? ያን መፍትሄ እንዴት ልታውቁት ቻላችሁ? እንዴት? ወዳጆቼ እኔና እናንተ እኮ ከእግዚአብሔር በቀር ሌላ መፍትሄ ላናውቅ ቆርጠናል። አሁን ይሄን እየፃፍኩኝ የጌታ እናት ማርያም የተናገረችው ቃል በመንፈሴ ውስጥ እያስተጋባ ይሰማኛል… “ነፍሴ ጌታን ታከብረዋለች፥ መንፈሴም በአምላኬ በመድኃኒቴ ሐሴት ታደርጋለች” ሃሌሉያ! ሃሌሉያ! እኔ ጌታን አከብረዋለሁ። ጌታን አከብረዋለሁ። ሃሌሉያ! ጴጥሮስ እንደተናገረው አይነት ነው… “ማስፈራራታቸውንም አትፍሩ አትናወጡም፥ ዳሩ ግን ጌታን እርሱም ክርስቶስ በልባችሁ ቀድሱት” (1ጴጥ 3፡15)። እንዴት ድንቅ ነው! ሌላውን አትመልከቱ ጌታ ክርስቶስ በልባችሁ ከፍ ያለውን ስፍራ እንዲይዝ ቀድሱት። ጌታ ኢየሱስ ሆይ! አንተ በእኔ ዘንድ የተቀደስክ ነህ! አቤቱ ፊትህን ብቻ እሻለሁ፤ በእግርህ ስር እወድቃለሁ። ሌላ መፍትሄ አልፈልግም! ከሌላም የሆነ መፍትሄ አልፈልግም። ጌታ ሆይ የአንተን ብቻ እፈልጋለሁ። እባክህ አባት ሆይ እጆቼን በእጆችህ አጥብቀህ ያዝ!

🟠 ”እግዚአብሔርም ለእስራኤል ቤት እንዲህ ይላልና። እኔን ፈልጉ፥ በሕይወትም ትኖራላችሁ ነገር ግን ጌልገላ ፈጽሞ ትማረካለችና፥ ቤቴልም ከንቱ ትሆናለችና ቤቴልን አትፈልጉ፥ ወደ ጌልገላም አትግቡ፥ ወደ ቤርሳቤህም አትለፉ። በዮሴፍ ቤት እሳት እንዳትቃጠል፥ በቤቴል የሚያጠፋትም ሳይኖር እንዳትበላ፥ እግዚአብሔርን ፈልጉ፥ በሕይወትም ትኖራላችሁ” (አሞፅ 5፡4-6)። ወዳጆቼ ለምን ሌላ መፍትሄ ትፈልጋላችሁ? ጌታ እኮ ነገረን። እኔን ፈልጉ። እኔን ፈልጉ ይላል። እግዚአብሔር በእኔ መፈለግን የሚፈልግ አምላክ መሆኑ በራሱ ዘመኔን ሁሉ ሲደንቀኝ ይኖራል። አቤቱ እፈልግሃለሁ። ጌታዬ እሻሃለሁ። አንተን በማሰብ ውስጤ ይላወሳል። ደግሞ ጌታ በዚሁ አሞፅ ላይ በተፃፈው ቃል የሞትን ጥላ ወደ ንጋት የሚለውጠውን ፈልጉ ይላል። ኦ ሃሌሉያ! ችግሩ ምንም ቢሆን በጌታ ዘንድ መፍትሄ አለው። እሱ እንደሚፈልገው መፍትሄ ያደርጋል። ጌታ የእስራኤልን ልጆች ሲገስፅ ምን እንዳላቸው ታውቃላችሁ? “ሕዝቤ ሁለቱን ክፉ ነገሮች አድርገዋልና እኔን የሕያውን ውኃ ምንጭ ትተውኛል፥ የተቀደዱትንም ጕድጓዶች፥ ውኃውን ይይዙ ዘንድ የማይችሉትን ጕድጓዶች፥ ለራሳቸው ቆፍረዋል” (ኤር 2፡13)። ጌታ ሆይ! ወዳጆቼ ወደ ሌላ መፍትሄ ሄዳችኋል? እባካችሁ ተመለሱ። የተቀደደ ጉድጓድ ነው እየቆፈራችሁ ያላችሁት። ተመለሱ!
 
🟠 ሐዋርያ ጳውሎስ በመንፈሴ የታተመ የተናገረው ቃል አለ። እሱን ልንገራችሁ። አስተውላችሁ አንብቡት… “በመካከላችሁ ሳለሁ ከኢየሱስ ክርስቶስ በቀር እርሱም እንደተሰቀለ ሌላ ነገር እንዳላውቅ ቆርጬ ነበርና” (1ቆሮ 2፡2)። ኦ ሃሌሉያ! ሃሌሉያ! እኛ የወሰንነውን ውሳኔ አያችሁት? የምናውቀው እሱን ብቻ ነው። ለእኛ ለየትኛውም ጥያቄ መልሱ እሱ ነው። መፍትሄያችንም እሱው ነው። እስቲ በፊቱ እንውደቅ። ከምንም በላይ እሱን እየፈለግነው በፊቱ እንሁን። ጴጥሮስ የመከረንን ታውቃላችሁ? “እንግዲህ በጊዜው ከፍ እንዲያደርጋችሁ ከኃይለኛው ከእግዚአብሔር እጅ በታች ራሳችሁን አዋርዱ” (1ጴጥ 5፡6)። እንዴት ነው ከጌታ እጅ በታች ራሳችንን የምናዋርደው? “በስሜ የተጠሩት ሕዝቤ ሰውነታቸውን አዋርደው ቢጸልዩ፥ ፊቴንም ቢፈልጉ…” (1ዜና 7፡14)። ኦ! ኦ! ኦ! ጌታ ይባረክ! ራሳችንን በፊቱ የምናዋርደው በፀሎት ነው። ራሳችንን ለጌታ የምናስገዛው በፀሎት ነው። ሌላ መፍትሄ አይኑራችሁ። ሌላ መፍትሄ አትፈልጉ! ጌታ አለ! እርሱ ፊት ውደቁ!
 
 
🎧 በጥልቅ የማመልክበትን የዮሴፍ በቀለን “ሾሜሃለሁ አንተ ገናና” የሚል የድሮ መዝሙር በቴሌግራም ቻናላችን አስቀምጬላችኋለሁ።

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 በትምህርት ቤት የሂሳብ ትምህርት ላይ ቁልፍ መያዝ ያለብን ነገር ፎርሙላ ነበር። አንድ ሰው ፎርሙላ ካለው ጥያቄዎችን (Problem) መመለስ ይችላል። በፎርሙላው ውስጥ ቁጥሮቹ ይሞሉና መልሱ ይገኛል። መፅሀፍ ቅዱስ አባቶች የሄዱበት ውድቀት የሌለበት መንገድ እንዳለ ይናገራል። ይሄ መንገድ ሁሌ ይሰራል። ፎርሙላ ነው። በትክክል ከተጠቀምንበት የማይሰራበት አጋጣሚ የለም። በእርግጥ የእግዚአብሔር መንገድ ውስጥ ግምት የለም። ድንገት ሊሰራ ይችላል ብለን የምናደርገው ነገር የለም። ምክንያቱም ፃድቅ በእምነቱ በሕይወት ይኖራል ተብሎ ተፅፏል።
 
🟠 ይህ ውድቀት የሌለበት መንገድ ፀሎት ይባላል። ጌታ በፍፁም ለፀሎት ምላሽ ላይሰጥ አይችልም። ስለፀሎት እንዲሀት ተብሎ የተፃፈውን አስታውሱ… “እግዚአብሔር እንኪያስ ቀንና ሌሊት ወደ እርሱ ለሚጮኹ ለሚታገሣቸውም ምርጦቹ አይፈርድላቸውምን? እላችኋለሁ፥ ፈጥኖ ይፈርድላቸዋል።” (ሉቃ 18፡7)። ፎርሙላውን እየነገረን ነው በዚህ ስፍራ። እግዚአብሔር ከፀለያችሁ ፈጥኜ ምላሽ እሰጣለሁ እያለ ነው። ሃሌሉያ! እግዚአብሔር የሚገኘው በግምት አለመሆኑ ደስ ይላል። አባቶቻችን በዚህ መንገድ በድፍረት ነበር የሚሄዱት። አንድ ጊዜ ንጉስ ናቡከደነፆር ህልምን አልሞ ህልሙን ከነፍቺው የሚነግረውን አጥብቆ ፈለገ። ማንም ሊነግረው ባለመቻሉ ጠቢባን ሁሉ ይገደሉ ዘንድ ትዕዛዝ ወጣ። ዳንኤል ግን ቀን እንዲሰጠው ለመነና ያን ውድቀት የሌለበት መንገድ ተጓዘ… “የዚያን ጊዜም ዳንኤል ወደ ቤቱ ሄደ። ዳንኤልም ባልንጀሮቹም ከቀሩት ከባቢሎን ጠቢባን ጋር እንዳይሞቱ ስለዚህ ምሥጢር ምሕረትን ከሰማይ አምላክ ይለምኑ ዘንድ ነገሩን ለባልንጀሮቹ ለአናንያና ለሚሳኤል ለአዛርያ አስታወቃቸው። የዚያን ጊዜም ምሥጢሩ በሌሊት ራእይ ለዳንኤል ተገለጠለት ዳንኤልም የሰማይን አምላክ አመሰገነ።” (ዳን 2፡17-19)። ሃሌሉያ! መልስ ላይቀበሉ አይችሉም። ምክንያቱም ወደ ወደ እግዚአብሔር መፀለይ የግድ መልስን ያስገኛል።
 
🟠 በሐዋርያት ዘመን ሄሮድስ ያዕቆብን ሲገድል ሕዝቡ ደስ ስለተሰኘ ጴጥሮስን ጨምሮ ያዘው። ያዕቆብን እንደገደለ ጴጥሮስንም ለመግደል ነበር የያዘው። ነገር ግን መፅሀፍ ቅዱስ “ጴጥሮስም በወኅኒ ይጠበቅ ነበር፤ ነገር ግን በቤተ ክርስቲያን ስለ እርሱ ወደ እግዚአብሔር ጸሎት አጥብቆ ይደረግ ነበር” ይላል (ሐዋ 12፡5)። ሃሌሉያ! ከዚያም ጌታ መልዓክ ልኮ ከወህኒ አወጣው። ምክንያቱም ፀሎት አጥብቆ ይደረግ ነበር። ወዳጆቼ ከመፀለይ አታቋርጡ። “የጻድቅ ሰው ጸሎት በሥራዋ እጅግ ኃይል ታደርጋለች” (ያዕ 5፡16)። ፀሎት የግድ ሃይልን ያደርጋል። የግድ ውጤትን ያመጣል። ፎርሙላው ይህ ነው። የጌታ ስም ይባረክ!

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 ወዳጆቼ የእግዚአብሔርን ክብር ማየት ሁሉን ነገር ያስረሳል። እርሱን ብቻ ያስናፍቃል። ማለዳ ይናፍቃችኋል፥ በቀትር ስሌላ ማሰብ ይሳናችኋል፥ በምሽት ልባችሁን ይወስደዋል። ኢሳይያስ ጥሩ ማሳያ ነው እላለሁ። (ኢሳ 6፡1) “ንጉሡ ዖዝያን በሞተበት ዓመት እግዚአብሔርን በረጅምና ከፍ ባለ ዙፋን ላይ ተቀምጦ አየሁት፥ የልብሱም ዘርፍ መቅደሱን ሞልቶት ነበር” እንዴት ያለ ቃል ነው? ሰው እንዴት እግዚአብሔርን ያያል? ወዳጆቼ እግዚአብሔር ይታያል። ክብሩ ይታያል። አይታይም ብለው አያታልሏችሁ። የምናገረው መንፈሳዊ ቋንቋ ነው። እግዚአብሔር በተለያየ መንገድ ይታያል። “ሙሴም አሮንም ናዳብም አብዩድም ከእስራኤልም ሰባ ሽማግሌዎች ወጡ የእስራኤልንም አምላክ አዩ ከእግሩም በታች እንደ ሰማይ መልክ የሚያበራ እንደ ብሩህ ሰንፔር ድንጋይ የሚመስል ወለል ነበረ። እጁንም በእስራኤል አዛውንቶች ላይ አልዘረጋም እነርሱም እግዚአብሔርን አዩ፥ በሉም ጠጡም” (ዘፀ 24፡9-11)። እግዚአብሔር የሚታይ፥ ራሱንም በግላችን የሚገልጥ አምላክ ነው። ይሄን እመኑ። ኢሳይያስ እግዚአብሔርን ካየ በኋላ የመለሰው ምላሽ ምን ነበር? “እኔም። ከንፈሮቼ የረከሱብኝ ሰው በመሆኔ፥ ከንፈሮቻቸውም በረከሱባቸው ሕዝብ መካከል በመቀመጤ ዓይኖቼ የሠራዊትን ጌታ ንጉሡን እግዚአብሔርን ስለ አዩ ጠፍቻለሁና ወዮልኝ! አልሁ” (ኢሳ 6፡5)። ይህ ነገር ካትሪን ኩልማንንና ቤኒ ሂንን ያስታውሰኛል።
 
🟠 ካትሪን መንፈስ ቅዱስን የተሞላችው ስለመንፈስ ቅዱስ አሰራር ብዙም በማይታወቅበት የሜቶዲስት ቤተ-ክርስቲያን ነበር። የአስራ አራት አመት ልጅ ሆና በአንድ እሁድ በሜቶዲስት ቤተ-ክርስቲያን ፕሮግራም እየተካፈለች የሚዘምሩበትን ደብተር ይዛ ቆማ ነበር። ድንገት መንቀጥቀጥ ጀመረች፤ የመዝሙሩን ደብተር ወንበሩ ላይ አስቀመጠች። ማልቀስ ጀመረች፤ ምክንያቱም ከፍተኛ የሆነ ሀጢያተኝነት ተሰማት። ከመንፈስ ቅዱስ ጋር የነበራት የመጀመሪያ ግንኙነት ያ ነበር። ከዚያም ተለወጠች ዳግመኛ ተወለደች። ቤኒ ሂንም ጌታን ካመነ በኋላ የካትሪን ኩልማንን ፕሮግራም ለመካፈል እርሷ ወዳለችበት ከተማ ከጓደኛው ጋር ሄዶ ነበር። እናም ለመግባት በር ላይ ከመሰለፉ ጀምሮ በእግዚአብሔር ሃይል ይንቀጠቀጥ ነበር። ወደ ውስጥ ከገቡም በኋላ ያ የመንፈስ ቅዱስ ህልውና ነበር። እና ካትሪን ኩልማን ማገልገል ስትጀምር ሀጢያቱ፥ ስህተቱና ድካሙ ድንገት እጅግ ጎልቶ ታየው። በመንፈስ ሆኖ እንዲህ ማለት ጀመረ “ውድ ኢየሱስ እባክህ ምህረትህ በእኔ ላይ ይሁን”፤ ደግሞ ደጋግሞ ይሄን አለ። ጌታ ለስለስ ባለ ድምፅ “ምህረቴ በአንተ ላይ ብዙ ነው” አለው። ያኔ ለመጀመሪያ ጊዜ ከእግዚአብሔር ጋር ህብረት ጀመረ። ኢሳይያስም እንደዛ ነበር የሆነው። ነገር ግን ጌታ በክብሩ ስለነበር የመጣው አፉን በእሳት ቀደሰለት። ቀጥሎ የሆነው ምንድነው? “የጌታንም ድምፅ። ማንን እልካለሁ? ማንስ ይሄድልናል? ሲል ሰማሁ። እኔም። እነሆኝ፥ እኔን ላከኝ አልሁ” ኦ ሃሌሉያ! ጌታን እነሆኝ አለው። “Here am I, send me” ኧረ ሃሌሉያ! ሃሌሉያ! ይኸውናኝ ጌታ ሆይ አለ። ውሰደኝ አለው። በጌታ ፍቅር ተያዘ። በካትሪንና በቤኒሂንም የሆነው ይህ ነው። ወዳጆቼ የጌታ ፍቅር ከያዛችሁ ምን ማድረግ ትችላላችሁ? ከእርሱ ውጪ አልታይ ይላችኋል። የጌታን ልብ ለማስደሰት ብቻ ትኖራላችሁ። አይኖቻችሁ ሌላ ማየት አይችሉም። ጆሮቻችሁ ሌላ መስማት አይችሉም። ለአንድ ብቻ መኖር ትጀምራላችሁ። እርሱ ብቻ ደስታችሁ ይሆናል።
 
🟠 ክብሩን ማየት ይቻላል እያልኳችሁ ነው። ጌታን ማየት ይቻላል እያልኳችሁ ነው። እኛ የተፈጠርነው እሱን ፈልገን ለማግኘት ነው። “ምናልባትም እየመረመሩ ያገኙት እንደ ሆነ፥ እግዚአብሔርን ይፈልጉ ዘንድ በምድር ሁሉ ላይ እንዲኖሩ የሰውን ወገኖች ሁሉ ከአንድ ፈጠረ” (ሐዋ 17፡26)። አንድ ቃል ሁሌ ያስደንቀኛል። በእግዚአብሔር ቃል ውስጥ እግዚአብሔርን ስለመፈለግና ፈልጎ ስለማግኘት ብዙ ቦታ ይናገራል። ነገር ግን በቃ በጣም ልቤን የሚነካው አንድ ቃል አለ፤ እንዲህ ይላል… “በከንቱ ፈልጉኝ አላልሁም” (ኢሳ 45፡19)። ኦ ሃሌሉያ! ወዳጆቼ ይህ ቃል አይደንቅም? ጌታ በከንቱ ፈልጉኝ አላልኩም እያለን ነው። ማለትም ሊገኝልን ነው ፈልጉኝ ያለው። ራሱን ሊገልጥልን ነው ፈልጉኝ ያለው። እግዚአብሔርን ምን ያክል ነው የምትፈልጉት? እግዚአብሔር ምን ያክል ነው የሚያስፈልጋችሁ? ያለ ጌታ እንዴት ነው ሰው መውጣትና መግባት የሚችለው? ያለ ጌታ ሰው እንዴት ነው ኑሮ ተመችቶት የሚኖረው? ጌታ ሆይ ታስፈልገናለህ! አቤቱ ታስፈልገናል። አቤቱ አንተ ምግባችን ነህ ጉልበት የምትሰጠን፥ እርካታችን ነህ የምንጠጣህ፥ ሕይወታችን ነህ የምንኖረህ፥ ትርጉም ነህ ለእያንዳንዱ ቀናችን። ጌታ ሆይ፥ ኢየሱስ ሆይ! “ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና” (ዕብ 11፡6)። እግዚአብሔርን ለሚፈልግ ው እግዚአብሔር የሚሰጠው ዋጋ ምንድነው? መልሱን የምታገኙት በዘፍጥረት 15፡1 ላይ ነው። “ከዚህም በኋላ፥ የእግዚአብሔር (ያህዌ) ቃል እንዲህ ሲል በራእይ ወደ አብራም መጣ፤ ‘አብራም ሆይ፤ አትፍራ፤ እኔ ለአንተ ጋሻህ ነኝ፤ ታላቅ ዋጋህም እኔው ነኝ’” (አ.መ.ት)። ሃሌሉያ! ሃሌሉያ! ዋጋህ እኔው ነኝ አለ ጌታ! ስሙ ለዘላለም ይባረክ። ዋጋችሁ እሱው ነው። እግዚአብሔርን ለሚፈልግ ሰው ዋጋውና የሚያገኘው ራሱ እግዚአብሔርን ነው!
 
🎧 የሊሊን እኔ ግን አንተን አምናለሁ የሚለውን መዝሙር በቴሌግራም ቻናላችን አስቀምጬላችኋለሁ።

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

እኔ ግን አንተን አምናለሁ - ቃልኪዳን ጥላሁን (ሊሊ)

🟠 ጌታ ሆይ ብላችሁ መጮህ መጀመር አለባችሁ። የግድ ኢየሱስ ያስፈልጋችኋል። የክርስትና ህይወታችሁን ደካማ (beggarly) ከሚያደርጉት ነገሮች አንዱና ዋንኛው የፀሎት ሕይወታችሁ መድከም ነው። እውነቴን ነው ምላችሁ በደካማ የፀሎት ሕይወት ከእንግዲህ መቀጠል አትችሉም። የፀሎትን ምጥ ማወቅ አለባችሁ። ከላይ ከላይ መፀለይ አትችሉም። ጴጥሮስ አንዳች ሰው ሄዶበት የማያውቀውን መንገድ ከኢየሱስ አይቶ ጀምሮ በውሃ ላይ ሲሄድ ሳላ ነፋሱና ማዕበሉን አይቶ ፈራ (ማቴ 14፡28-31)። ከዚያም ወደ ውሃው ውስጥ መስጠም እንደጀመረ መፅሀፍ ቅዱስ ይናገራል። ነገር ግን ምንድነው ያደረገው? ምን ነበረ ከጌታ ዘንድ ምላሽን ያስገኘለት? “ጌታ ሆይ አድነኝ ብሎ ጮኸ”። ኧረ ሃሌሉያ! ኧረ ሃሌሉያ! “ወዲያውም ኢየሱስ እጁን ዘርግቶ ያዘው” ኦኦኦኦኦኦኦ!!!!! ሃሌሉ……ያ! ሃሌሉያ! መጮህ አለብን! በጣም መጮህ አለብን! ጌታ ሆይ! ጌታ ሆይ! ኢየሱስ ሆይ! ኢየሱስ ሆይ! ጌታ ሆይ! ኢየሱስ ሆይ! ኧረ ወዳንተ እጮሃለሁ! እጮሃለሁ! እጮሃለሁ!!!!!!

🟠 ጌታ ኤርሚያስ ታስሮ በግዞት ቤት በነበረበት ጊዜ ተገልጦለት በቅድሚያ እንዲህ ብሎ ራሱን አስተዋወቀው…. (ኤር 33፡1-3) “ስሙ እግዚአብሔር የሆነ፥ ያደረገው እግዚአብሔር፥ ያጸናውም ዘንድ የሠራው እግዚአብሔር እንዲህ ይላል…” ይኸውላችሁ ራሱን ሲያስተዋውቀው ያለውን አስተውሉ። ራሱን አምላክ ነኝ እኔ እያለ እያስታወሰው ነው። ፈጣሪ የሆንኩ አምላክ ነኝ እያለው ነው። ከዚያ ምን እንዳለው ታውቃላችሁ? “ወደ እኔ ጩኽ፥ እኔም እመልስልሃለሁ አንተም የማታውቀውን ታላቅና ኃይለኛ ነገርን አሳይሃለሁ”። ወዳጆቼ “ወደ እኔ ጩኽ” የአምላክ ጥሪ ነው። አምላክ አላችሁ? ጌታ አላችሁ? ኢየሱስ ጌታችሁ ነው? በቃ ጌታ ሆይ ብላችሁ ጩኹ! ሳታቋርጡ ጩኹ! ኧረ ሃሌሉያ! ሃሌሉያ! እንዲህ ነው መጮህ ያለባችሁ። እነዛ እውሮች ወደ ጌታ ምን ብለው ጮኹ? (ማቴ 20፡29-34) “ጌታ ሆይ የዳዊት ልጅ ማረን ብለው ጮኹ” ሕዝቡ ዝም እንዲሉ ሲነግሯቸው “ጌታ ሆይ የዳዊት ልጅ ማረን እያሉ አብዝተው ጮኹ” ሃሌሉያ! ከዚያ የሆነው ምንድነው? “ኢየሱስም ቆሞ ጠራቸው…” ይላል መፅሀፍ ቅዱስ። ሃሌሉያ! አይናቸውን ከፈተ። ዝም እንዳትሉ እባካችሁ! ጌታ ሆይ፥ ኢየሱስ ሆይ እያላችሁ አብዝታችሁ ጩኹ! ሃሌሉያ! ጨኹ እንደዛች ሱናማዊት ሴት (ማቴ 15፡21-28) “ጌታ ሆይ የዳዊት ልጅ ማረኝ ልጄን ጋኔን ክፉኛ ይዞአታል ብላ ጮኸች” ጌታ ዝም ብሏት ሲሄድ ደግማ “ጌታ ሆይ” ብላ ጠራችው… “ጌታ ሆይ እርዳኝ እያለች ሰገደችለት”… በሁለተኛው ጌታ ሆይ ስትለው ማናገር ጀመረ። ወዳጆቼ ጌታ መልስ ሳይሰጠን ሊቀር አይችልም። እኛ ነን ጌታ ሆይ፥ ኢየሱስ ሆይ እያልን መጮህ ያለብን። ይህችን ከነናዊት ሴት ጌታ በሁለተኛው “የልጆችን እንጀራ ይዞ ለቡችሎች መጣል አይገባም” አላት። እሷ ግን ለሶስተኛ ጊዜ ደግማ ጌታ ሆይ ብላ ጮኸች! ኦ ሃሌሉያ! “አዎን ጌታ ሆይ ቡችሎችም እኮ ከጌቶቻቸው ማዕድ የወደቀውን ፍርፋሪ ይበላሉ አለች”። ጌታ ከዚያ በላይ ያለመልስ ሊተዋት አልቻለም። “አንቺ ሴት እምነትሽ ታላቅ ነው፤ እንደ ወደድሽ ይሁንልሽ አላት”። አምላካችን ጩኸትን የሚሰማ፤ ፀሎትን የሚመልስ ነው።

🟠 ለመሆኑ የእግዚአብሔር ልጅ ስንሆን ምን አይነት መንፈስ ነው የሆነልን? “አባ አባት ብለን የምንጮኽበትን የልጅነትን መንፈስ ተቀበላችሁ” አይደል የሚለው? (ሮሜ 8፡15)። ወደ አባታችን የምንጮህበት መንፈስ ነው እኮ! እኛ አባት አለን። ወደ እርሱ የምንጮህበት አምላክ አለን። ከመጮህ አታቋርጡ። የማታውቁት ታላቅና ሃይለኛ ነገር ሊሆን ነው። አትጠራጠሩ! ሊሆን ነው! ታላቅና ሃይለኛ ነገር ሊሆን ነው። እግዚአብሔር ራሱን ይገልጥላችኋል! አሜን!

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ @Lovedface

🟠 ጌታ ሆይ ከእንቅልፌ ስነቃ አስብሃለሁ፥ በእያንዳንዱ የቀን ጊዜዬ ከአንተ ጋር እቆራኛለሁ። ጌታ ሆይ አንተ የነፍሴ እስትንፋሰ ነህ። በእርግጥ ይሄን የምለው ለማለት ብዬ አይደለም። ያለአንተ ምንም ላደርግ እንደማልችል የነገርከኝ ቃል እውነት መሆኑን ስላረጋገጥኩኝ ነው። “ያለ እኔ ምንም ልታደርጉ አትችሉምና…” (ዮሐ 15፡5)።ኦ ሃሌሉያ! ጌታ ሆይ አንድን ነገር ለማድረግ ሳስብ የማስብህ ያለአንተ ምንም አደርግ ዘንድ ስለማይቻለኝ ነው። አንድ ጊዜ ሙሴ የተናገረው ትዝ ይለኛል “አንተ ከእኛ ጋር ካልወጣህስ፥ ከዚህ አታውጣን።” ጌታ ሆይ አንተን ሳልይዝ ወዴት ነው የምወጣው? አንተን ሳልይዝ ምንድነው የምናገረው? ሲጀመር እኮ የምሄድበት ቦታ ለመሄዴ ምክንያቱ አንተ ነህ። የምናገረውንም ለመናገሬ ምክንያቴ አንተ ነህ። ታዲያ አንተ ከሌለህበት ምን እሰራለሁ? ለምን እናገራለሁ? አቤቱ የተቤዥከኝ ጌታ ሆይ አንተ ሕይወቴን በዋጋ አልገዛሃትምን? “ተቤዥቼሃለሁና አትፍራ፤ በስምህም ጠርቼሃለሁ አንተ የእኔ ነህ” (ኢሳ 43፡1)። እኔ የአንተ ነኝ። የትኛው የራሴ ፍላጎትና የትኛው የራሴ መሻት ሲኖረኝ? ጌታዬ እኮ ነህ። ሕይወቴ ነህ አባት ሆይ! ሕይወቴ ነህ፤ የምኖርህ ነህ።

🟠 “በመኝታዬም አስብሃለሁ፥ በማለዳም እናገርልሃለሁ፤ ረዳቴ ሆነኸኛልና፥ በክንፎችህም ጥላ ደስ ይለኛልና። ነፍሴ በኋላህ ተከታተለች፥ እኔንም ቀኝህ ተቀበለችኝ” (መዝ 63፡6-7)። እግዚአብሔር እኔን የተቀበለ ወዳጄ ነው። የእርሱ ፍቅር ያስተማምነኛል። በአብሮነቱ ምክንያት ደህንነት ይሰማኛል። እጅግ በጣም የሚወደኝ አምላክ ነው ያለኝ። በክንፎቹ ጋርዶ ሚስጥራዊ በሆነ ስፍራ ያነጋግረኛል። ነፍሴ ታውቀዋለች። በእርሱ ትደገፋለኝ። በፍቅሩ ትጓደዳለች። እግዚአብሔር ይወደኛል። እግዚአብሔር ያናግረኛል። እግዚአብሔር ወዳጄ ነው። ሃሌሉያ! “ጠማማ ሁሉ በእግዚአብሔር ፊት ርኩስ ነው፤ ወዳጅነቱ ግን ከቅኖች ጋር ነው” (ምሳ 3፡32)። አቤት! እንዴት ድንቅ ነው። እግዚአብሔር ወዳጁ የሆነለት ሰው ምን አይነት ሰው ነው? ጓደኛህ ማን ነው ተብሎ ሲጠየቅ እግዚአብሔር ነው ብሎ መመለስ የሚችል ማነው? ኧረ እግዚአብሔር የእኔ ወዳጅ ነው! ጌታ ኢየሱስ የቅርብ ወዳጄ ነው። “ከእንግዲህ ወዲህ ባሮች አልላችሁም፤ ባርያ ጌታው የሚደርገውን አያውቅምና፤ ወዳጆች ግን ብያችኋለሁ፥ ከአባቴ የሰማሁትን ሁሉ ለእናንተ አስታውቄአችኋለሁና” (ዮሐ 15፡15)። ኧረ ሃሌሉያ! ሃሌሉያ! ሃሌሉያ! ሃሌሉያ!

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ

🟠 ለክርስቶስ መምጣት የምንዘጋጅበት ሁለተኛው መንገድ በልሳንና በአእምሮ መፀለይ ነው። ይሁዳ 1፡20-21 “እናንተ ግን፥ ወዳጆች ሆይ፥ ከሁሉ ይልቅ በተቀደሰ ሃይማኖታችሁ ራሳችሁን ለማነጽ እየተጋችሁ በመንፈስ ቅዱስም እየጸለያችሁ፥ ወደ ዘላለም ሕይወት የሚወስደውን የጌታችንን የኢየሱስ ክርስቶስን ምሕረት ስትጠባበቁ በእግዚአብሔር ፍቅር ራሳችሁን ጠብቁ።” ይህ ስፍራ የሚናገረው ኢየሱስ ዳግመኛ መጥቶ በአካል ወደ ዘላለም መንግስት የምንገባበትን ጊዜ ነው እንጂ “የዘላለም ሕይወት እንዳላችሁ ታውቁ ዘንድ በእግዚአብሔር ልጅ ስም ለምታምኑ ይህን ጽፌላችኋለሁ” (1ኛ ዮሐንስ 5፡13) ብሎ ሐዋርያ ዮሐንስ የዘላለም ሕይወት ባመንን ጊዜ የተቀበልነው ሕይወት እንጂ ወደፊት የምንጠብቀው እንዳልሆነ ነግሮናል። ስለዚህ የጌታን መምጣት ስንጠባበቅ ከየትኛውም ጊዜ በላይ በልሳን እንፀልይ ዘንድ ያስፈልገናል። ልሳን መናገር ከመንፈስ ቅዱስ ህብረት እያደረግን ምሪትና ድምፁን መለየት አንድንችል ያደርገናል።

🟠 ጌታ ኢየሱስ ስለዳግም መምጣቱ ምልክቶች በሉቃስ ወንጌል 21 ላይ ዘርዝሮ ከተናገረ በኋላ እንዲህ አለ… “ነገር ግን ልባችሁ በመጠጥ ብዛትና በስካር ስለ ትዳርም በማሰብ እንዳይከብድ፥ ያ ቀንም በድንገት እንዳይመጣባችሁ ለራሳችሁ ተጠንቀቁ፤ በምድር ሁሉ ላይ በሚቀመጡ ሁሉ እንደ ወጥመድ ይደርስባቸዋልና። እንግዲህ ሊመጣ ካለው ከዚህ ሁሉ ለማምለጥ፥ በሰው ልጅም ፊት ለመቆም እንድትችሉ ስትጸልዩ ሁል ጊዜ ትጉ” (ሉቃ 21፡34-36)። ወዳጆቼ በዚህ ጊዜ ፀሎት ላይ እጅግ በጣም ትኩረት ልታደርጉ ይገባል። “ጊዜው መቼ እንዲሆን አታውቁምና ተጠንቀቁ፤ ትጉ፤ ጸልዩም። ቤቱን ትቶ ወደ ሌላ አገር እንደ ሄደ ሰው ነው፥ ለባሮቹም ሥልጣን ለእያንዳንዱም ሥራውን ሰጥቶ በረኛውን እንዲተጋ አዘዘ። እንግዲህ በማታ ቢሆን ወይም በእኩለ ሌሊት ወይም ዶሮ ሲጮኽ ወይም በማለዳ ቢሆን ባለቤቱ መቼ እንዲመጣ አታውቁምና ድንገት መጥቶ ተኝታችሁ እንዳያገኛችሁ ስለዚህ ትጉ። ለእናንተም የምነግራችሁ ለሁሉ እላለሁ፤ ትጉ።”

🙏 አሜን ጌታ ሆይ፤ ማራናታ!

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ

ጌታ ምን እንደሚገጥመው ይናገራል። ይሞታል ይላል። ይህ ጥቅስ የሚያወራው ስለስጋዊ ሞት ሊሆን አይችልም ምክንያቱም ሁሉም ሰው ስጋዊ ሞት ስለሚሞት።

🟠 ስለዚህ ምንድነው ማድረግ ያለብን? “ራሳችንን ብንመረምር ግን ባልተፈረደብን” እንዳለ ጳውሎስ (1ቆሮ 1131) ራስን መመርመርና ንስሃና በኢየሱስ ክርስቶስ ደም መንፃት ያስፈልገናል። ከዚህ በፊት ጌታ ኢየሱስን እንደግል አዳኛችሁ አድርጋችሁ ያልተቀበላችሁ ሰዎች ጌታ ኢየሱስን ተቀበሉ። በዚያ ጊዜ ንስሃና የሀጢያት ስርየትን ታገኛላችሁ። በጌታ የሆናችሁት ደግሞ ራሳችሁን መርምራችሁ በፈሰሰው የኢየሱስ ደም ራሳችሁን አንፁ፤ ንስሃም ግቡ። አስታውሱ ሁላችንም በጌታ ኢየሱስ ዳግም መምጣት በድፍረት መቆምና ከእርሱ ጋር ለዘላለም አብረን እንደምንሆን ማረጋገጥ እንችላለን። ለዳንኤል ስለመጨረሻው ዘመን በተብራራለት ጊዜ የተነገረውን ቃል አስቡ (ዳን 12፡10) “ብዙ ሰዎች ሰውነታቸውን ያጠራሉ ያነጡማል ይነጥሩማል ክፉዎች ግን ክፋትን ያደርጋሉ ክፉዎችም ሁሉ አያስተውሉም፥ ጥበበኞች ግን ያስተውላሉ።” አስተውሉ! ጌታ ባለው ቃል የዚህን ክፍል አንድ ትምህርት ልጨርስ (ሕዝ 18፡30-32) “የእስራኤል ቤት ሆይ፥ ስለዚህ እንደ መንገዱ በየሰዉ ሁሉ እፈርድባችኋለሁ፥ ይላል ጌታ እግዚአብሔር ንስሐ ግቡ ኃጢአትም ዕንቅፋት እንዳይሆንባችሁ ከኃጢአታችሁ ሁሉ ተመለሱ። የበደላችሁትን በደል ሁሉ ከእናንተ ጣሉ አዲስ ልብና አዲስ መንፈስም ለእናንተ አድርጉ የእስራኤል ቤት ሆይ፥ ስለ ምን ትሞታላችሁ? የምዋቹን ሞት አልፈቅድምና፥ ይላል ጌታ እግዚአብሔር ስለዚህ ተመለሱና በሕይወት ኑሩ።” አቤት! የምናመልከው ጌታ እንዴት ድንቅ ነው! ክፍል ሁለትን ነገ አቀርብላችኋለሁ።

📱 የአምላኬ ቃል አፕሊኬሽንን በማውረድ የየእለት ዲቮሽኛል ታገኛላችሁ

🟠 ወዳጆቼ የክርስቶስ ዳግም መምጣት በእርግጥም ዝግጅት ይፈልጋል። ወንጌላዊ ሬንሃርድ ቦንኬ በምድር ሳሉ አንድ ራዕይ አይተው ነበር። በራዕዩ እሳቸው በአንድ የሩጫ መስመር እየሮጡ ነበር። እናም ከሰማይ እንደ ደመና የከበቡን ምስክሮች ወይም ፃድቃን መናፍስት “ፍጥነት ጨምር፥ ፍጥነት ጨምር” ይሏቸዋል። እሳቸውም “ለምን?” የሚል ጥያቄን ሲያቀርቡ የምስክሮቹ ምላሽ “ምክንያቱም ይህ የመጨረሻው ዙር ነው” የሚል ነበር። ስለዚህ ያለንበትን ጊዜ አውቀን እንደጊዜው መዘጋጀትና መንቃት እጅግ ያስፈልገናል። የክርስቶስ መምጣት ምንም ዝግጅት ባይፈልግ ኢየሱስ ለምን የመምጣቱን ምልክት ይነግረናል? ሐዋርያት የዘመኑን ምልክቶች መፃፍ ለምን አስፈለጋቸው? “ሰነፎችንም ቸልተኛ መሆን ያጠፋቸዋል” ይላል ጌታ (ምሳ 1፡32)። የምንናፍቀው ጌታ በቅርቡ ይመጣል። በእግሮቹ ስር እየሰገድን እናመልከዋለን። ያን ጌታ እንዴት ነቅተን መጠበቅ እንደምንችልና እንዴት መዘጋጀት እንደምንችል እነግራችኋለሁ። በእውነት የጌታን ምክር ከሰማን ሁላችንም ያለሀፍረት ሆነን በፊቱ እንቆማለን። እንዴት ድንቅ ነው! ለጌታ መምጣት መዘጋጀት እንደሚቻል ማወቃችን በራሱ ለእኔ ድንቅ ነው። ለዚህ ብቸኛ ለሆነ ከየትኛውም ነገር በላይ ለሆነ ጌታና ቀን መዘጋጀት ይቻላል። ሃሌሉያ! ከእኛ ከሰው ልጆች መካከል ከዚህ ተስፋ የራቀ ወይም መዘጋጀት የማይችል የለም።

🟠 በጌታ የመጀመሪያ መምጣት ጊዜ እግዚአብሔር መጥምቁ ዮሐንስን ልኮ ነበር። ሉቃስ 7፡29-30 ላይ የተፃፈ አስደናቂ ቃል ላሳያችሁ “የሰሙትም ሕዝብ ሁሉ ቀራጮች እንኳ ሳይቀሩ በዮሐንስ ጥምቀት ተጠምቀው እግዚአብሔርን አጸደቁ፤ ፈሪሳውያንና ሕግ አዋቂዎች ግን በእርሱ ስለ አልተጠመቁ የእግዚአብሔርን ምክር ከራሳቸው ጣሉ።” አስተውሉ የእግዚእብሔርን ምክር ከናቁት በስተቀር ለኢየሱስ የመጀመሪያ መምጣት መዘጋጀት የማይችል ሰው አልነበረም። ቀራጭ የነበረው በዮሐንስ የንስሐ ጥምቀት ለኢየሱስ የመጀመሪያ መምጣት ተዘጋጀ። መዘጋጅት አያስፈልገንም ያሉት ግብዝ ፈሪሳውያንና ሕግ አዋቂዎች ግን የክርስቶስ ገዳዮች ሆነው ተገኙ። ወዳጆቼ እንደ ጳውሎስ “ሩጫዬን ጨርሻለሁ፤ ወደፊት የፅድቅ አክሊል ይጠብቀኛል” ማለት አትፈልጉም? እኔ አንድ ህልም አለኝ። ጌታዬን ፊትለፊት ባገኘሁት በዚያች እለት እጆቹን በትከሻዬ ላይ አድርጎ “አንተ በጎ፥ ታማኝ ባሪያ” አንዲለኝ እፈልጋለሁ። ሃሌሉያ! ካትሪን ኩልማን አንድ ጊዜ እንዲህ ብላ ተናገረች… “ኢየሱስን ፊት ለፊት በማገኘው ቀን፤ በእርግጥ ፃድቅና ነውር አልባ አድርጎ በፊቱ እንደሚያቆመኝ አውቃለሁ። በዚያን ቀን እወድሃለሁ ብዬ አልነግረውም። ምክንያቱም እንደምወደው ያውቃል። ያኔ መንገር አይጠበቅብኝም ምክንያቱም አሁንም ቢሆን ያውቀዋል። ነገር ግን ዓይኖቹን በዓይኖቼ እያየሁ አንዲህ እለዋለሁ ‘ሞክርያለሁ (I tried)’።” ኦ ሃሌሉያ! ለዚያ ቀን የሚያስፈልገውን ሁሉ በሙሉ መሰጠት አድርጋና ተዘጋጅታ የቻልኩትን ሁሉ ሞክርያለሁ ለማለት ነበር ፍላጎቷ።

🟠 የመጀመሪያው ዝግጅት ንስሃና የሀጢያት ስርየት ነው። ሁለቱ የተለያዩ ነገሮች ናቸው። ንስሃ መንገድን መቀየር፥ ሲሄዱ ከነበሩበት ስህተትና ሀጢያት መመለስ ሲሆን የሀጢያት ስርየት ደግሞ የተሰራ ሀጢያት በእግዚአብሔር ፊት እንዳይቆጠር (not Impute) የሚያደርግልን ነው። የሀጢያት ስርየት ከሀጢያት ቅጣትና ፍርድ ያድናል። ነገር ግን የሀጢያት ስርየት ያለንስሃ መሰበክ የለበትም እላለሁ። የሀጢያት ስርየትን ብቻ የሚሰብኩ ሰዎች አሉ። መፅሀፍ ቅዱስ ግን በሮሜ 2 ላይ እንዲህ ነው የሚለው “የጌታ ቸርነት ወደ ንስሃ እንዲመራህ…”። ጌታ ኢየሱስ በአንደበቱ የተናገረውን ቃል ተመለክቱ “ክርስቶስ መከራ ይቀበላል በሦስተኛውም ቀን ከሙታን ይነሳል፥ በስሙም ንስሐና የኃጢአት ስርየት ከኢየሩሳሌም ጀምሮ በአሕዛብ ሁሉ ይሰበካል” (ሉቃ 24፡47)። ትክክለኛ የፀጋ ሰባኪ ሁለቱን አብሮ ሊሰብክ ይገባል። ሐዋርያ ዮሐንስም እንዲሁ በሀጢያታችን ብንናዘዝ ሀጢያታችንን ይቅር ሊለን ከዓመፃም ሁሉ ሊያነፃን የታመነና ፃዲቅ እንደሆነ ይነግረናል (1ዮሐ 1፡9)። የሚለማው ሀጢያቱን የሚናዘዝና የሚተዋት ነው። ኦ አስደናቂ ነው! የትኛውም ሀጢያት ከክርስቶስ ኢየሱስ ደም በላይ አይደለም። ይሄ የእኔ ግምት አይደለም። “የልጁም የኢየሱስ ክርስቶስ ደም ከኃጢአት ሁሉ ያነጻናል” (1ዮሐ 1፡7)። የኢየሱስ ደም ያለፈ፥ የአሁንና የወደፊትን (Past, Present and Future) ሃጢያት ማንፃት ይችላል። ይህን ማስተዋል አለባችሁ። ይህን ካላመናችሁ በጣም ትልቅ ስህተት ውስጥ ናችሁ። (ሃሳቡንም በትክክለኛው መንገድ መረዳት ያስፈልጋል)። በመሰረቱ ኢየሱስ የሞተውና ደሙን ያፈሰሰው ከእኔና ከእናንተ መወለድ በፊት መሆኑ ብቻ እንኳን የኢየሱስ ደም የወደፊትን ሀጢያት እንደሚያነፃ ያሳያል። ከእግዚአብሔር ጋር ህብረት እያደረገ በብርሃን የሚመላለስ አንድ አማኝ ሃጢያትን ቢያደርግ እጅግ አስተማማኝ የሆነ የኢየሱስ ደም ስላለ በዚያ ይነፃል። ኦ ሃሌሉያ! በኢየሱስ ደም ውስጥ ሃይል አለ።

🟠 ወዳጆቼ መቼም ሰው በሀጢያት የሚኖርበት የተመቻቸ መንገድ ውስጥ ገብቶ ድኛለሁ ብሎ ንስሃ ሳይገባ ጌታ ተመልሶ ቢመጣ ምንም ችግር የለውም ብሎ ማሰብ ሀሰት ነው፤ መጽሐፍ ቅዱስ አንደዛ አያስተምርም። ከተፃፈውም አትለፉ። በሁለት የአዲስ ኪዳን ቃሎችና በአንድ የብሉይ ኪዳን ቃል ላሳያችሁ። ፀጋን በተሳሳተ መንገድ እንዳትረዱትና በቸልተኝነት እንዳትኖሩ። አንደኛው በማቴዎስ 24፡45-51 ላይ አገልጋይ ለሆነ ሰው የተፃፈ ቃል ነው… “እንኪያስ ምግባቸውን በጊዜው ይሰጣቸው ዘንድ ጌታው በቤተ ሰዎች ላይ የሾመው ታማኝና ልባም ባሪያ ማን ነው?ጌታው መጥቶ እንዲህ ሲያደርግ የሚያገኘው ያ ባሪያ ብፁዕ ነው፤ እውነት እላችኋለሁ፥ ባለው ሁሉ ላይ ይሾመዋል። ያ ክፉ ባሪያ ግን። ጌታዬ እስኪመጣ ይዘገያል ብሎ በልቡ ቢያስብ፥ ባልንጀሮቹን ባሮች ሊመታ ቢጀምር ከሰካሮችም ጋር ቢበላና ቢጠጣ፥ የዚያ ባሪያ ጌታ ባልጠበቃት ቀን ባላወቃትም ሰዓት ይመጣል፥ ከሁለትም ይሰነጥቀዋል፥ እድሉንም ከግብዞች ጋር ያደርግበታል፤ በዚያ ልቅሶና ጥርስ ማፋጨት ይሆናል።” ኦ! ይሄን ቃል እንዴት ትተረጉሙታላችሁ? ግልፅ ነው አይደል? ሁለተኛው ሐዋርያ ጳውሎስ ለገላትያ ሰዎች የፃፈው በምዕራፍ 5፡21 ላይ የስጋ ስራዎችን ከዘረዘረ በኋላ የተናገረው ነው… “አስቀድሜም አንዳልሁ እንደዚህ ያሉትን የሚያደርጉ (ግሪክ ቃል: Prasso-ፕራሶ) የእግዚአብሔርን መንግሥት አይወርሱም።” Prasso (ፕራሶ) ማለት ልምድ አድርጎ መኖር። በስህተት ሳይሆን በቀጣይነት በሀጢያቱ መጠመድን ያመለክታል። ሌላው በሕዝቅኤል 18፡21-24 ላይ ያለው ነው “ኃጢአተኛውም ካደረጋት ኃጢአት ሁሉ ቢመለስ ትእዛዜንም ሁሉ ቢጠብቅ ፍርድንና ቅን ነገርንም ቢያደርግ ፈጽሞ በሕይወት ይኖራል እንጂ አይሞትም። የበደለው በደል ሁሉ አይታሰብበትም በሠራው ጽድቅ በሕይወት ይኖራል። በውኑ ኃጢአተኛ ይሞት ዘንድ እፈቅዳለሁን? ይላል ጌታ እግዚአብሔር ከመንገዱስ ይመለስና በሕይወት ይኖር ዘንድ አይደለምን? ጻድቁ ግን ከጽድቁ ቢመለስ ኃጢአትንም ቢሠራ ኃጢአተኛውም እንደሚያደርገው ርኵሰት ሁሉ ቢያደርግ፥ በሕይወት ይኖራልን? የሠራት ጽድቅ ሁሉ አትታሰብለትም ባደረገው ዓመፅና በሠራት ኃጢአት በዚያች ይሞታል።” እኛ ያለስራ በፀጋ እንደዳንን ግልፅ ነው። ነገር ግን ሰው በክርስቶስ ከፀደቀ በኋላ እንደ አሕዛብ ወይም ጌታን እንደማያውቅ ሰው ሀጢያትን መኖሪያው አድርጎ ቢኖር

መልካም የኢየሱስ ክርስቶስ ልደት በዓል!

1ጢሞ 1:15 "ኃጢአተኞችን ሊያድን ክርስቶስ ኢየሱስ ወደ ዓለም መጣ የሚለው ቃል የታመነና ሁሉ እንዲቀበሉት የተገባ ነው፤ ከኃጢአተኞችም ዋና እኔ ነኝ"

ኢየሱስ ሊያድነን ወደ አለም መጣልን! ደግሞ በቅርብ ተመልሶ ይመጣል። ከእርሱም ጋር ለዘላለም እንሆናለን! አሜን!

በክርስቶስ ፍቅር እወዳችኋለሁ፤ አከብራችኋለሁ!

🟠 ኢየሱስ ክርስቶስ የሚለበስ እንደሆነ ታውቃላችሁ? መፅሀፍ ቅዱስ በገላትያ 3፡27 ላይ "ከክርስቶስ ጋር አንድ ትሆኑ ዘንድ የተጠመቃችሁ ሁሉ ክርስቶስን ለብሳችኋልና" ይላል። ኦ! ይህ ምን ማለት ሊሆን ይችላል? ክርስቶስስ ማን እንደሆነ ታውቃላችሁ? እርሱን መልበስ ማለት ምን ማለት እንደሆነ ታውቃላችሁ? በመጀመሪያ አንድ ነገር ልምከራችሁ። የእግዚአብሔር ቃል እውነት መሆኑን አረጋግጡ። አንድ ሰው በግሉ ያለው አስተሳሰብ የእግዚአብሔር ቃል በሕይወቱ ላይ እንዳይሰራ ወይም እንዲሰራ ማድረግ ስለሚችል ማለት ነው። የእግዚአብሔር ቃል ምንም ያህል ሃይል ቢኖረው እንኳን አንድ ሰው ግን በሕይወቱ ላይ እንዳይሰራ ማድረግ ይችላል። ይሄን የሚያስረዳ ቃል ላሳያችሁ። "ባስተላለፋችሁትም ወግ የእግዚአብሔርን ቃል ትሽራላችሁ Making the word of God of none effect through your tradition" (ማር 7፡13)። መሻር ወይ none effect እንዲሆን ማድረግ ማለት እንዳይሰራ፥ ህያው ሆኖ እንዳይገለጥ ማድረግ ማለት ነው። ነገር ግን ለሚቀበለው ሰው "የእግዚአብሔር ቃል ሕያው ነውና የሚሰራም" (ዕብ 4፡12)። ኦ ሃሌሉያ!! እኔ የእግዚአብሔርን ቃል ከሚቀበሉት ነኝ። እናንተስ?

🟠 ክርስቶስ ማን ነው? ከላይ ለብሳችሁታል የተባለው ክርስቶስ ማን ነው? መልበስስ ምን ማለት ነው? ከመጨረሻው ብጀምር ልብስ የተገለጠውና የሚታየው ክፍል ማለት ነው። ለምሳሌ መፅሀፍ ቅዱስ ትህትናን እንደ ልብስ ልበሱ ሲል መገለጣችሁ እና መታወቂያችሁ ትህትና ይሁን ማለቱ ነው። እግዚአብሔር ክርስቶስን ለብሳችሁታል ሲል አሁን የምንታየው እኛ ሳንሆን ክርስቶስ ነው ማለቱ ነው። ኦ! ጳውሎስ የተናገረው ክርስቲያኖች የሆንን ብዙ ጊዜ በውስጣችን የምናሰላስለው "እኔ አልኖርም ክርስቶስ ግን በእኔ በሕይወት ይኖራል" የሚል በገላትያ 2፡20 ላይ የተፃፈ ቃል አለ። አሁን ስትመላለሱ እናንተ አይደለም እየታያችሁ ያላችሁት፥ ክርስቶስ ነው እየታየ ያለው። ምክንያቱም ለብሳችሁታል። የክርስቶስን ባሕሪ ለብሳችሁታል፥ የክርስቶስን ሃይል ለብሳችሁታል። ጌታ ሃይሉ ምን ያህል ነው? የእርሱን ሃይል ለብሳችሁ እየተመላለሳችሁ ነው። ይሄ አስተሳሰብ (Consciousness) ይኑራችሁ። ለዚህ ነው ክርስቶስን በጥልቀት ማጥናት ያለብን። ማንነቱን፥ ባሕሪውንና ክብሩን እያወቅን ለመግለጥ። ጳውሎስ "እርሱንና የትንሳኤውን ሃይል እንዳውቅ" ብሎ የተናገረው ለዚህ ነው። ስለክርስቶስ "ስልጣን በሰማይና በምድር ተሰጠኝ" ስላለ በስፍራ ሁሉ ስትሄዱ ያንን ስልጣን የተሰጠውን ክርስቶስ ለብሳችሁት ነው የምትሄዱት። ስለዚህ በስሙ አጋንንትን ለማውጣት ስልጣን አለን፥ በሽተኞችን ለመፈወስ ስልጣን አለን። ይሄ እውነት ነው። ሃሌሉያ!

🟠 ጌታ የዋህና በልቡ ትሁት ነው። በባሕሪው ፍፁም የእግዚአብሔር ምሳሌ ነው። ክርስቶስን ለብሳችሁ ስትመላለሱ ትሁትና የዋህ ነው ምትሆኑት። ማንነታችሁ ክፋትን የሚፀየፍ ስለሆነ ያ ማንነታችሁ ክርስቶስን በማወቅ ይገለጣል። በመጨረሻ ሮሜ 13፤14 ላይ ያለውን ቃል ላሳያችሁ... "ጌታን ክርስቶስን ልበሱት ምኞቱንም እንዲፈፅም ለስጋ አታስቡ"። ሃሳባችሁ በክርስቶስ የተያዘ ሲሆን ስለእርሱ ስታሰላስሉ እርሱ ይገለጣል፥ ምኞትና ሃጢያት እድል ወይም በር አያገኝም። ክርስቶስ ማን እንደሆነ ትኩረት አድርጋችሁ አጥኑ። እርሱ ሕያው ሆኖ በሕይወታችሁ ላይ ሲገለጥ ትመለከታላችሁ።

🙏 በፅሁፉ እኔ የሚለው ቃልና ሃሳብ የሚወክለው አንባቢውን ነው።
 
🙏 ከሸክምና ከጭንቀት ነፃ የሆነ ሕይወት
 
🟠 ሸክም በዝቶብኝ የነበርኩ ሰው መሆኔን አልክድም። የተጨነኩኝ ነበርኩ እላለሁ። በእውነት የሚያሳርፍ ኢየሱስ ነው። ኢየሱስ አሳርፋለሁ ብሎ የተናገረው ቃል ለእኔ ነው። "እናንተ ደካሞች ሸክማችሁ የከበደ ሁሉ ወደ እኔ ኑ እኔም አሳርፋችኋለሁ" (ማቴ 11፡28)። እንዴት ድንቅ የሆነ ቃል ነው! ማነው እንደዚህ ብሎ መናገር የሚችለው? የትኛውም ሰው ሊል የሚችለው ሸክም የከበዳችሁ ካላችሁ አማክራችኋለሁ ወይም የአቅሜን እረዳችኋለሁ ነው። ከዚህ የዘለለ ማንም ሊያደርግ አይችልም። ደግሞስ የነፍስ እረፍት መስጠት የሚችል ማን አለ? እኔ እኮ ለዚህ ነው ኢየሱስ የስጋዬ ብቻ ሳይሆን የነፍሴ ጌታ ነው የምለው። እርሱ ነፍስን ያሳርፋል። አቤቱ ጌታ ሆይ ስምህ ለዘላለም ይባረክ!
 
🟠መፅሀፍ ቅዱስ እንዴት እረፍቴን አስጠብቄ መኖር እንደምችል ነግሮኛል።

1. እግዚአብሔር ከእኔ ጋር ነው። ኦ ሃሌሉያ! "እግዚአብሔር በመካከልዋ ነው አትናወጥም እግዚአብሔርም ፈጥኖ ይረዳታል" (መዝ 46፡5)። እስኪ እግዚአብሔር ከእኔ ጋር ሆኖ ምን ክፉ ነገር ነው ሊፈጠር የሚችለው? በቃ አልናወጥም። ምድር ብትነዋወጥ ምድርን የፈጠረው እግዚአብሔር እኮ ከእኔ ጋር ነው። የኢየሱስ የምድር ላይ የመጨረሻ ቃል በልቤ ይመላለሳል "እነሆ እስከ ዓለም ፍፃሜ ድረስ ሁልጊዜ ከእናንተ ጋር ነኝ" (ማቴ 28፡20)። በመሃል ጌታ እኔን የሚተውበት ጊዜ የለም። ከዚህ የተሳ እረፍት እየተሰማኝ ነው።

2. ልቤ እንዲታወክ አልፈቅድለትም። የተለያዩ ሁኔታዎች በኑሮ ሊገጥሙኝ ይችላሉ፤ ነገር ግን ልቤ እንዲጨነቅ አልፈቅድም። በእርግጥ ብዙ ሰው የሚሰማውን ስሜት መቆጣጠር እንደሚችልና የመቆጣጠርም ሃላፊነት እንዳለበት አያውቅም። እኔ እንደ እግዚአብሔር ልጅ በአእምሮዬ ላይና በስሜቴ ላይ ስልጣን አለኝ፤ ማዘዝም እችላለሁ። ስለዚህ ጌታ በዮሐንስ 14፡27 ላይ በኪንግ ጀምስ ትርጉም እንዲህ ይላል "ልባችሁ እንዲታወክና እንዲፈራ አትፍቀዱ"። ይህ ማለት አንዳንድ ሰዎች የልባቸውን መታወክ ይፈቅዳሉ ማለት ነው። ነገር ግን አለመፍቀድ የተነሳውንም መታወክ ዝም በል ፀጥ በል ብለን ማዘዝ እንችላለን። ይህ አስደናቂ እውነት ነው።

3. በፍፁም ሸክምና ትካዜን አልሸከምም። መጨነቅና መተከዜ የሃላፊነት ስሜት መስሎኝ በብዙ ነገር እጨነቅ ነበር። ጌታ ማርታን የገሰፃት ተግሳፅ እንዲህ የሚል ነበር "ኢየሱስም መልሶ፦ ማርታ ማርታ በብዙ ነገር ትጨነቂአለሽ ትታወኪማለሽ የሚያስፈልገው ግን ጥቂት ወይም አንድ ነገር ነው፤ ማርያምም መልካም ዕድልን መርጣለች ከእርስዋም አይወሰድባትም አላት"። ይሄ የኢየሱስ ተግሳፅ ለእኔም ጭምር ነበር። እስኪ አስቡት እግዚአብሔርን የሚያክል አምላክ የሆነ እንዲህ ሲለኝ "ትካዜህን በእግዚአብሔር ላይ ጣል፥ እርሱም ይደግፍሃል፤ ለፃድቁም ለዘላለም ሁከትን አይሰጠውም" ኧረ ሃሌሉያ! ሃሌሉያ! ተናጋሪው እኮ እግዚአብሔር ነው። እደግፍሃለሁ ያለው፥ ለዘላለም የእኔን መታወክ የማይፈቅደው እግዚአብሔር እራሱ ነው። በአዲሱ መደበኛ ትርጉም እንዲህ ይላል "የከበደህን ነገር በእግዚአብሔር ላይ ጣል፤ እርሱ ደግፎ ይይዝሃል፤ የፃድቁንም መናወጥ ከቶ አይፈቅድም።" ታዲያ ጌታ እንዲህ ካለኝ ከዚህ በላይ ምን እፈልጋለሁ?

4. ጌታ የሰጠኝን የፀሎት መንገድ እጠቀማለሁ። ፊል 4፡6-7 "ጌታ ቅርብ ነው። በነገር ሁሉ በፀሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ። አእምሮንም የሚያልፍ የእግዚአብሔር ሰላም ልባችሁንና አሳባችሁን በክርስቶስ ኢየሱስ ይጠብቃል"። እኔ ማድረግ የሚጠበቅብኝ እጅግ ለሚቀርበኝና በውስጤ እየኖረ ላለው ጌታ ሃሳቤን በፀሎት መንገር ነው። ያ ማለት ጉዳዩን እግዚአብሔር እጅ ላይ ማስቀመጥ ማለት ነው። እና ከዚያ በኋላ እንዴት ልጨነቅ እችላለሁ??? ይሄ ከቶ የማይሆን ነው።
 
🟠 ከላይ ያሉት እውነቶች መርሳት የሌለብኝ ናቸው። ምክንያቱም የሚያስጨንቅ ዘመን እንደሚመጣ ጌታ በትንቢት ሲናገር (2ጢሙ 3፡1) በዚያ የሚያስጨንቅ ዘመን ውስጥ ግን እኔ በፍፁም ልጨነቅ የማልችልበትን የተደላደለ መሰረት አስቀምጦልኝ ነው። ይሄ ጌታ እንዴት ድንቅ ነው! ሃሌሉያ!
 
🎧 በቴሌግራም ቻናላችን የምህረት ኢተፋን "ማረፍ ባንተ" የሚል ሃሳብ ያለበትን መዝሙር አስቀምጬላችኋለሁ። @Lovedface

የፈቀደውን አድርጓል - ምህረት ኢተፋ

እረኛዬ - ሐዋርያ ዮሐንስ ግርማ

🙏 እረኛ አላችሁ?
 
🟠 ሕይወት ከእኛ በላይ የሆነ አቅምና ጥበብን የምትጠይቅ አይመስላችሁም? እውነት ነው የሚመራን፥ የሚረዳን፥ የሚያስተምረን፥ በሕይወት መንገድ የሚጠብቀን ያስፈልገናል አይደል? በገዛ ራሱ ብቻ የሚመላለስ ሰው እንዴት ምስኪን ነው! በራሱ ይጥራል፥ በራሱ ይሞክራል፥ በራሱ ውጤት ላይ ለመድረስ ይለፋል። ነገር ግን በፍፃሜው ይወድቃል እንደገና ደግሞ ለመነሳት ይሞክራል። ወዳጆቼ እኔና እናንተ እንደዚህ አይደለንም። እንደዚህ ነበርን... እንዲህ ተብሎ እንደ ተፃፈ "እኛ ሁላችን እንደ በጎች ተቅበዝብዘን ጠፋን፤ ከእኛ እያንዳንዱ ወደ ገዛ መንገዱ አዘነበለ፤ እግዚአብሔርም የሁላችንን በደል በእርሱ ላይ አኖረ" (ኢሳ 53፡7)። በገዛ መንገዳችን ሄደን ነበርን። ክርስቲያን በመሆናችን ግን ይሄ ታሪክ ተቀይሯል። ጴጥሮስ ከላይ ያስቀመጥኩትን በትንቢተ ኢሳይያስ መፅሀፍ ላይ የተፃፈውን ጠቅሶ ምን እንዳለ ታውቃላችሁ... (1ጴጥ 2፡25) "እንደ በጎች ትቅበዘበዙ ነበርና፥ አሁን ግን ወደ ነፍሳችሁ እረኛና ጠባቂ ተመልሳችኋል"። ኦ ሃሌሉያ! ጌታ እራሱ ነው ወደ እረኛችሁ ተመልሳችኋል ያለን። ወዳጆቼ እኛ ጌታ ኢየሱስን የተቀበልን ሰዎች እረኛ አለን። እናንተ እረኛ አላችሁ! እረኛ ምንድነው? ጌታ እግዚአብሔር ራሱ የተናገረውን ቃል ላካፍላችሁ።
 
🟠 (ሕዝ 34፡11፥15-16) "ጌታ እግዚአብሔር እንዲህ ይላልና፦ እነሆ እኔ ራሴ በጎቼን እሻለሁ፤ እፈልግማለሁ... እኔ ራሴ ቦጎቼን እሰማራለሁ አስመስጋቸውማለሁ ይላል ጌታ እግዚአብሔር። የጠፋውንም እፈልጋለሁ፤ የባዘነውንም እመልሳለሁ፤ የተሰበረውንም እጠግናለሁ፤ የደከመውንም አፀናለሁ፥ የወፈረውናና የበረታውንም አጠፋለሁ፤ በፍርድም እጠብቃቸዋለሁ።" ኦ ጌታ እግዚአብሔር ይመስገን። ጠፍታችኋል? ጌታ እኮ የጠፋውን የሚፈልግ እረኛ ነው። እየባዘናችሁ ነው? ኧረ እረኛችን የባዘነውን የሚመልስ ነው። ወይስ ደክማችኋል? ጌታ የደከመውን አይጥልም ይልቁን ሀይልን ሞልቶ ያፀናል። በትዳር ተከድታችሁ፥ ወይም አንዳች ውድቀት ደርሶባችሁ ልባችሁ ተሰብሯል? "እግዚአብሔር ልባቸው ለተሰበረ ቅርብ ነው፥ መንፈሳቸው የተሰበረውንም ያድናቸዋል" (መዝ 34፡18)።
 
🟠 በአዲስ ኪዳን ወልድ (ጌታ ኢየሱስ) ራሱን ካስተዋወቀባቸው ስሞች አንዱ "እረኛ" የሚል ነው። እንዲያውም "መልካም እረኛ እኔ ነኝ" ብሏል ጌታ (ዮሐ 10፡11)። ከላይ የተጠቀሱትንና ሌሎችም መዝሙር 23 ላይ የተጠቀሱትን የእረኛ ባህሪዎች ጨምሮ ለምን እንደሚተገብር ታውቃላችሁ? ኢየሱስ ከአባቱ የተሰጠው አደራ አለ። እኔ ያንን አደራ አስቤ እረፍት ተሰምቶኛል። ለእናንተም ልንገራችሁ። "አብ የሚሰጠኝ ሁሉ ወደ እኔ ይመጣል፥ ወደ እኔም የሚመጣውን ከቶ ወደ ውጭ አላወጣውም። ፈቃዴን ለማድረግ አይደለም እንጂ የላከኝን ፈቃድ ለማድረግ ከሰማይ ወርጃለሁና። ከሰጠኝም ሁሉ አንድን ስንኳ እንዳላጠፋ በመጨረሻውም ቀን እንዳስነሳው እንጂ የላከኝ የአብ ፈቃድ ይህ ነው" (ዮሐ 6፡36-39)። ኧረ እግዚአብሔር ፍቅር ነው። ቃሉን አያችሁት? የሰው አይምሮ ልጠፋ እችላለሁ የሚል ስጋት ስላለበት፤ የምጠፋው እኔ እሆንን የሚል አስተሳሰብ ስላለው ጌታ እርግጠኛ ለማድረግ፥ አንዳችን እንኳን ሳንቀር ሁላችንንም ለማሳረፍ ብሎ "እንድን ስንኳ እንዳላጠፋ" የሚል ቃል ተጠቀመ፤ "ከቶ" የሚል ቃል ተጠቀመ። ሃሌሉያ! ሃሌሉያ! አቤቱ ጌታ እግዚአብሔር ሆይ አከብርሃለሁ።
 
🟠 ታዲያ እረኛችን ኢየሱስ አባቱ የሰጠውን አደራ የሚወጣው ይመስላችኋል? አደራውን በመፈፀምስ የሚሳካለት ይመስላችኋል? እኔ በኢየሱስ ለማመን ወስኛለሁ። እረኛ አለኝ ብያለሁ። እናንተስ? አዎ እንዳመናችሁ አውቃለሁ። ይሄን ጮክ ብላችሁ በሉት... "እግዚአብሔር እረኛዬ ነው፥ የሚያሳጣኝም የለም። በለመለመ መስክ ያሳድረኛል በዕረፍት ውኃ ዘንድ ይመራኛል። ነፍሴን መለሳት፥ ስለ ስሙም በጽድቅ መንገድ መራኝ። በሞት ጥላ መካከል እንኳ ብሄድ አንተ ከእኔ ጋር ነህና ክፉን አልፈራም በትርህና ምርኵዝህ እነርሱ ያጸናኑኛል። በፊቴ ገበታን አዘጋጀህልኝ በጠላቶቼ ፊት ለፊት ራሴን በዘይት ቀባህ፥ ጽዋዬም የተረፈ ነው። ቸርነትህና ምሕረትህ በሕይወቴ ዘመን ሁሉ ይከተሉኛል፥ በእግዚአብሔርም ቤት ለዘላለም እኖራለሁ" (መዝ 23)። ክብር ለእግዚአብሔር ይሁን!!! ጌታ ለዘላለም ይባረክ! እረኛ አላችሁ! አሜን።
 
🎧 በቴሌግራም ቻናላችን የሐዋርያ ዮሐንስን እረኛዬ የሚለውን መዝሙር አስቀምጬላችኋለሁ።

🙏 እግዚአብሔር ምን ያህል ታማኝ ነው?

🟠 ሰው በአንደበቱ የተናገረውን ሲጠብቅ ታማኝ እንለዋለን። መቼም የሰው መታመን ገደብ ያለበት መሆኑን ሁላችንም እንረዳለን። የተለያዩ ፓስተሮች በተለያየ አጋጣሚ ሲያስተምሩት የተካፈልኩትን ልንገራችሁ። እግዚአብሔር በዘፍጥረት 15 ላይ ከእግዚአብሔር ጋር ቃል-ኪዳን ሊያደርግ መጣ። ቃል-ኪዳን በሁለት አካሎች መካከል የሚደረግ ነው። አብርሃምም መስዋዕቱን በሁለት ክፍል አዘጋጀና ከእግዚአብሔር ጋር ቃል-ኪዳን ለማድረግ መጠበቅ ጀመረ። እግዚአብሔር ግን ቃል-ኪዳኑ በሚደረግ ጊዜ በአብርሃም ላይ ከባድ እንቅልፍ አመጣበት። እግዚአብሔርም ለአንተና ለዘርህ እነዚህን ምድሮች እሰጣለሁ ብሎ በመስዋዕቱ መካከል በማለፍ ብቻውን ለአብርሃም ቃል-ኪዳን ገባለት። እግዚአብሔር አብርሃምን ለምን በእንቅልፍ ጣለው? ምክንያቱም በቃል-ኪዳኑ ታማኝ ለመሆን ብቁ መሆን የሚችለው እግዚአብሔር ራሱ ብቻ ስለሆነ ነው። አብርሃም ለእግዚአብሔር ቃል-ኪዳን የሚያዋጣው ነገር ባለመኖሩ ነው። ስለዚህ እግዚአብሔር ብቻውን ቃል-ኪዳኑን አደረገ። እግዚአብሔር የሚታመነው ራሱን ነው። ኦ ሃሌሉያ! ታዲያ አብርሃም በሕይወት በሌለበት ጊዜ እግዚአብሔር እንደ ቃል-ኪዳኑ እንደተናገረው ከአራት ትውልድ በኁዋላ የአብርሃምን ዘር እስራኤላውያንን ከግብዕ ምድር አውጥቶ ወደ ተስፋ ምድር አገባቸው። አዎ እግዚአብሔር ታማኝ ነው።

🟠 እግዚአብሔር ታማኝነት ባህሪው ነው። ሊለወጥ አይችልም። እግዚአብሔር በቃሉ የተናገረው ሁሉ እውነት ነው። "ቃልህ እውነት ነው" (ዮሐ 17፡17) ይላል። እግዚአብሔር እኮ እናንተን የጠራችሁ የጌታችንን የኢየሱስ ክርስቶስን ክብር ለማግኘት ነው። "የጌታችንን የኢየሱስ ክርስቶስን ክብር ለማግኘት በወንጌላችን ጠራችሁ" (2ተሰ 2፡14)። እኔ እና እናንተ የተጠራነው በጌታችን በኢየሱስ ክርስቶስ ማንነትና ክብር ለመመላለስ ነው። በእርግጥ ግን እግዚአብሔር ይሄን ለማድረግ ታማኝ ነው? የጌታ ቃል "የሚጠራችሁ የታመነ ነው፤ እርሱም ደግሞ ያደርገዋል" ይላል (1ተሰ 5፡24)። አቤት እግዚአብሔር! ስለእግዚአብሔር በአንድ ስፍራ እንዲህ ይላል "እርሱ አምላክ ነው፥ ስራውም ፍፁም ነው፤ መንገዱም ሁሉ የቀና ነው፤ የታመነ አምላክ ክፋትም የሌለበት፥ እርሱ እውነተኛና ቅን ነው" (ዘዳ 32፡4)። ኧረ ሃሌሉያ! ኧረ ሃሌሉያ! እሱ ምናልባት ከቃሉ ፈቀቅ ብሎ ይሆን ወይ ተብሎ አይሰጋበትም። በቃሉ ላይ ፍፁም ፈቀቅ አይልም። እግዚአብሔርን በቃሉ ውስጥ አናግሩት። በቃሉ ውስጥ እመኑት። እግዚአብሔር የሚያኮራ አምላክ ነው።

🟠 በእናንተ ላይ ጠላት ሆነው የተነሱ ነገሮች ሊኖሩ ይችላሉ። በሽታ ነው? ማጣት ነው? በቤተሰብ ውስጥ ያለ ሰላም ማጣት ነው? ድካም ነው? ፈተና ነው? ስራ ማጣት ነው? እግዚአብሔር ምን እንደሚላችሁ ታውቃላችሁ? "ጠላቶችህ ይገዙልሃል፥ አንተም ከፍታቸውን ትረግጣለህ" (ዘዳ 33፡29)። ኧረ ሃሌሉያ! ኧረ ሃሌሉያ! አቤት እግዚአብሔር እንዴት ድንቅ ነህ!! ይሄን የተናገረው ራሱ እግዚአብሔር ነው። የጠላቶቻችሁ ከፍታ የእናንተ እግር በታች ነው። የማዕበሉና የንፋሱ ብርታት የእግራችሁ መረገጫ ነው። የሰይጣን ውሸትና ትዕቢት ከእግራችሁ በታች ነው። ጠላቶቻችሁ ተራ ናቸው። እኔና እናንተ ረግጠናቸዋል። ኧረ ሃሌሉያ! በድል ነው እየተመላለስን ያለነው። ምክንያቱም እግዚአብሔር ታማኝ አምላክ ነው!! ኦ ሃሌሉያ! ሁልጊዜ ይሄን አስታውሱ!

🙏 በፅሁፉ እኔ የሚለው ሃሳብና ቃል የሚወክለው አንባቢውን ነው።

🟠 ክርስቲያን የመሆኔ ተስፋና እድል ፈንታዬ ምንድነው? እግዚአብሔር እንደሚሰጠኝ የነገረኝስ ምንድነው? የእምነታችን አባት የሆነው አብርሃም የወንድሙን ልጅ ሎጥንና ምርኮውን ከጠላቶች እጅ አስጥሎ ከተመለሰ በኋላ ጠላቶቹ ተመልሰው ሊመጡና ሊዋጉት በሚችሉበት ሁኔታ ውስጥ ነበር። ከዚያ እግዚአብሔር ወደ እርሱ በራዕይ መጣና "አብራም ሆይ አትፍራ፤ እኔ ለአንተ ጋሻህ ነኝ፤ ታላቅ ዋጋህም እኔው ነኝ" (ዘፍ 15፡1)። አቤት እግዚአብሔር! በቃ የእኔ ዋጋ አንተ ነህ። ታላቅ ዋጋዬ ነህ። አንተን አለኸኝ እላለሁ። እግዚአብሔር አምላክ አለኝ እላለሁ። መጽሐፍ ቅዱስ በዕብራውያን 11፡6 ላይ "ወደ እግዚአብሔር የሚደርስ እግዚአብሔር እንዳለ፥ ለሚፈልጉትም ዋጋ እንዲሰጥ ያምን ዘንድ ያስፈልገዋልና" ይላል። እግዚአብሔርን ስፈልገው እድልፈንታዬ ሆነልኝ። ርስቴ ሆነልኝ። እኔም ለዘላለም ወርሼዋለሁ እላለሁ። ኦ ሃሌሉያ!
 
🟠 እና ከዚህ የተነሳ በእግዚአብሔር ቃል ላይ የተነገረኝ ተስፋ አለ። "አይኖችህ ንጉስን በውበቱ ያዩታል" (ኢሳ 33፡17)። እግዚአብሔር ለእርሱ የሆነለት ሰው እግዚአብሔርን ዘወትር ይመለከተዋል። "ሁልጊዜ እግዚአብሔርን በፊቴ አየዋለሁ፤ በቀኜ ነውና አልታወክም" (መዝ 16፡8)። አቤቱ አምላኬና ንጉሴ ሆይ! አይኖቼ አንተን ያያሉ። ጌታ ሆይ አንተን ይመለከቱሃል! ይህ መንፈሳዊ ነገር ነው። ለአንዳንዶች ማብራራት አይቻል ይሆናል። ነገር ግን እኔ ሳመልክ ጌታን በመንፈሴ አየዋለሁ። በቃሉ ውስጥ ጌታን አየዋለሁ። በሕይወቴ በብዙ መንገዶች ጌታን አየዋለሁ። መንፈሳዊ አይኖች አሉኝ። የልቦናዬ አይኖች እሱን እየተመለከቱት ነው። የጌታን ውበት አውቀዋለሁ። የጌታዬን ክብር አውቀዋለሁ።  ኧረ ሃሌሉያ! እና አሁን አንድ ሚስጥር አለ። ሕይወቴ እንዲህ ያማረ የሆነበት ምክንያት ጌታን ዘወትር መመልከት መቻሌ ነው።
 
🟠 (2ቆሮ 3፡18 CJB) "So all of us, with faces unveiled, see as in a mirror the glory of the Lord; and we are being changed into his very image, from one degree of glory to the next, by ADONAI the Spirit ስለዚህ እኛ ሁላችን በመጋረጃ በማይከደን ፊት፤ አንድን ነገር በመስታወት እንደሚመለከቱት አይነት መንገድ የጌታን ክብር እየተመለከትን፤ ጌታ በሆነው መንፈስ ያን ራሱን መልክ እንመስል ዘንድ ከአንድ ክብር ደረጃ ወደ ሚቀጥለው የክብር ደረጃ እየተለወጥን ነው" ኦ ሃሌሉያ! ኢየሱስን እየመሰልኩ የመጣሁት አይኖቼ ንጉሱን በውበቱ ስለሚመለከቱት ነው። ሕይወቴን ስመለከተው የኢየሱስን እየመሰለ እያደገ ነው። ባህሪዬን ስመለከተው የኢየሱስን እየመሰለ እያደገ ነው። ጌታ ኢየሱስ በተመላለሰበት ክብርና ብርሃን እየተመላለስኩ ነው። እርሱ እንዳለ እንዲሁ እኔ በዚህ ዓለም ነኝ (1ዮሐ 4፡17)። ሃሌሉያ!

በዚህ ፅሁፍ ውስጥ እኔ የሚለው ሃሳብና ቃል የሚወክለው አንባቢውን ነው።

🟠 ጌታ ኢየሱስ በመስቀል ላይ ተሰቅሎ በነበረበት ጊዜ በቀኝና በግራ ሁለት ወንበዴ ሰዎች ተሰቅለው ነበር። ዘመናቸው ያለቀው በክፋትና በሃጢያት ነበር። ከሁለቱ ግን አንዱ ሀጢያተኛ እንደሆነና ምህረት እንደሚያስፈልገው አመነ። ጌታን "ጌታ ሆይ በመንግስትህ በመጣህ ጊዜ አስበኝ" አለው (ሉቃ 23፡42-43)። ያለምንም አይነት ቅድመ ሁኔታ ኢየሱስ "እውነት እልሃለሁ ዛሬ ከእኔ ጋር በገነት ትሆናለህ" አለው። እንዴት አይነት ድንቅ ፍቅር ነው? "እግዚአብሔር በክርስቶስ ሆኖ ዓለሙን ከራሱ ጋር ያስታርቅ ነበርና በደላቸውን አይቆጥርባቸውም ነበር"። ኦ ሃሌሉያ! ፍቅር እኮ ነው በደልን የማይቆጥረው! ፍቅር ነው ይቅር የሚለው! ፍቅር ነው ምህረትን የሚያደርገው! "ፍቅር ይታገሳል፥ ቸርነትንም ያደርጋል፥ ፍቅር አይቀናም፥ ፍቅር አይመካም፥ ፍቅር አይታበይም፥ የማይገባውን አያደርግም፥ የራሱንም አይፈልግም፥ አይበሳጭም፥ በደልን አይቆጥርም" (1ቆሮ 13፡4-5)። እኔ የአምላኬን ምህረት አውቀዋለሁ! እኔ የአምላኬን ፍቅር አውቀዋለሁ! እርሱ ፍቅር ነው። እግዚአብሔር ፍቅር ነው።

🟠 ኢየሱስ በምድር ላይ ሳለ ተከታዮች ነበሩት። ማለትም ከእርሱ ጋር ግንኙነት ማድረግ የጀመሩ የሚከተሉት ነበሩት። እና ስለእነርሱ ጌታ በልቡ ያሰበው ምን እንደነበረ በመፅሀፍ ቅዱስ ላይ መፃፉ እንዴት መልካም ነው! "ኢየሱስም ከፋሲካ በዓል በፊት ከዚህ ዓለም ወደ አብ የሚሄድበት ሰዓት እንደ ደረሰ አውቆ በዚህ ዓለም ያሉትን ወገኖቹን የወደዳቸውን እስከ መጨረሻው ወደዳቸው" (ዮሐ 13፡1)። ኦ ሃሌሉያ! እስከመጨረሻው አስተማማኝ በሆነ ፍቅር ተወደድኩ! አቤቱ ጌታ ሆይ እንግዲህ ምን እላለሁ!! እባክህ ይሄን ፍቅር የበለጠ ግለጥልኝ!

🟠 "በዚህ ሁሉ ግን በወደደን በእርሱ ከአሸናፊዎች እንበልጣለን። ሞት ቢሆን፥ ሕይወት ቢሆን፥ መላእክትም ቢሆኑ፥ ግዛትም ቢሆን፥ ያለውም ቢሆን፥ የሚመጣውም ቢሆን፥ ሃይላትም ቢሆኑ፥ ከፍታም ቢሆን፥ ዝቅታም ቢሆን፥ ልዩ ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቼአለሁ" (ሮሜ 8፡37-39)። ይሄ ፍቅር እኮ ነው የሚያስተማምነኝ! ይሄ ፍቅር እኮ ነው ዛሬም እንድደፍር የሚያደርገኝ! ለዘወትር የማይወድቅ ፍቅር ነው። አይለወጥም! እስከመጨረሻው ነው! ደስታን የሚሰጠኝ ነው። እረፍት የሚሰጠኝ ነው። በሕይወት መንገዴ ስሳሳት ምህረትን እንደማገኝ እርግጠኛ ነኝ። ዮሐንስ ወንጌል ምዕራፍ 13፡1 ላይ ኢየሱስ እስከመጨረሻው የወደዳቸው ደቀ-መዛሙርት ምዕራፍ 16፡32 ላይ ትተውት እንደሚሄዱ ነግሯቸው ነበር። እንዳለውም ኢየሱስ ወደ መከራ ሲሄድ ሁሉም ትተውት ሲሄዱ፥ ጴጥሮስም ሲክደው፥ ቀለዮጳና ሌላ ደቀ-መዝሙርም  ተስፋ ቆርጠው ወደ ኤማሁስ እየጠወለጉ ሲሄዱ እንመለከታለን። ኢየሱስ ግን ፍቅሩ እስከመጨረሻ ነው። ሁሉን ወደ መንገዳቸው ሲመልስ፥ ሁሉን አብሮ ሰራተኛ ሲያደርጋቸው፥ ሁሉን ሲባርካቸው አይቻለሁ። ኢየሱስ ፍቅሩ እስከመጨረሻ ነው! የእርሱ አጋፔ የሆነ ፍቅር ነው። የራሱ ደረጃ ያለው ፍቅር ነው። ምክንያት አልባ ፍቅር ነው! ለነገሩ እኔን ለመውደዱ ምንስ ምክንያት ፈልጌ ላገኝ እችላለሁ? ማይልስ ሙኔሮ አንድ ጊዜ እንዲህ አለ... "መፅሀፍ ቅዱስ ውስጥ ፈልጋችሁ የማታገኙት ነገር እግዚአብሔር ለምን እንደሚወዳችሁ ነው"። የእስራኤል ልጆች በምን ወደድከን ሲሉት ምክንያት አልባ ስለነበር በቃ "ያዕቆብን ወደደኩ" የሚል ነበር ምላሹ (ሚል 1፡2)።

🟠 እሱ ፍቅሩ ዘላለማዊ ነው! እስኪ ይሄን ቃል ላስበው "እግዚአብሔር ከሩቅ ተገለጠልኝ እንዲህም አለኝ፤ በዘላለም ፍቅር ወድጄሻለሁ፤ ስለዚህ በቸርነት ሳብሁሽ" (ኤር 31፡3)። ኦ ሃሌሉያ! ልወድቅ ይሆን የሚል ሃሳብ ሲመጣብኝ እግዚአብሔር እስራኤል ከእርሱ አጠብቅው ሊሸሹ በፈለጉ ጊዜ የተናገረውን ቃል አስታውሳለሁ "ኤፍሬም ሆይ እንዴት እጥልሃለሁ? እስራኤል ሆይ እንዴትስ አሳልፌ እሰጥሃለሁ? እንዴትስ እንደ አዳማ እጥልሃለሁ? እንዴትስ እንደ ሲባዮ አደርግሃለሁ? ልቤ በውስጤ ተናውጣለች፥ ምህረቴም ተነስታለች። እኔ አምላክ ነኝ እንጂ ሰው አይደለሁምና፥ በመካከልህም ቅዱሱ ነኝና የቁጣዬን መቅሰፍት አላደርግም፥ ኤፍሬምንም አጠፋ ዘንድ አልመለስም በመዓትም አልመጣም" (ሆሴ11፡8-9)። አዎ እኔ ጌታዬ አምላክ እንጂ ሰው አይደለም። በምክንያት ሳይሆን ያለ ምክንያት ይወደኛል። በምክንያት ሳይሆን ያለምክንያት ይምረኛል። በምክንያት ሳይሆን ያለምክንያት ይረዳኛል። በምክንያት ሳይሆን ያለምክንያት ከእኔ ጋር አለ! እኔ በሕይወት መካከል ነኝ፤ የኢየሱስ ፍቅር ግን እስከ መጨረሻው ነው። ኦ ሃሌሉያ! ሃሌሉያ! ሃሌሉያ!

አምላኬ ሆይ በአንተ እጅግ ደስ ይለኛል!

https://youtu.be/9yPSyEH9SIw

እግዚአብሔር እጅግ ሊያከብረን ወሰነ። ከነዚህ ህፃናት ጋር እናመልከው ዘንድ ፈቅዶ እድል ሲሰጠን በፊቱ ወድቆ ከማንባት በስተቀር እንግዲህ ምን ይባላል! አቤቱ ጌታ ሆይ አንተስ ድንቅ ነህ! ሌላ ምን እንላለን?!

በዚህ ፅሁፍ እኔ የሚለው ሃሳብና ቃል የሚወክለው አንባቢውን ነው።

🟠 አቤቱ ጌታ እግዚአብሔር ሆይ አንተ ተስፋው የህንክለት ሰው ምስጉን ነው። አንተስ ተስፋዬ ባትሆን ሕይወትን እንዴት እኖረው ነበር? በእውነት ጌታ ሆይ አንተ አምላኩ የሆንክለት ሰው ምስጉን ነው። መዝ 33:12 "እግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ።" እንዴት ያለ አስደናቂ ቃል ነው? እግዚአብሔር ለእኔ አምላክ ለመሆን መወሰኑ፤ እኔን ተስፋ ለሌለው ሕይወት አሳልፎ አለመስጠቱ፤ ድቅድቅ ጨለማ በሆነው አለም ውስጥ ለእኔ ተስፋ ለመሆን መወሰኑ እኔ ያስደንቀኛል። ማን ነኝ እኔ እርሱ ይህን ያህል ተስፋ ሊሰጠኝ? የትኛውስ ታሪኬ በፊቱ ያቆመኛል? አቤቱ ጌታ ሆይ! አቤቱ አንተ ግን አምላክ ሆንከኝ። አቤቱ አንተ ተስፋ ሆንከኝ... ተስፋን ሰጠኸኝ።

🟠 ደግሜም እደነቃለሁ። ራእይ 21:3-5 "ታላቅም ድምፅ ከሰማይ። እነሆ፥ የእግዚአብሔር ድንኳን በሰዎች መካከል ነው ከእነርሱም ጋር ያድራል፥ እነርሱም ሕዝቡ ይሆናሉ እግዚአብሔርም እርሱ ራሱ ከእነርሱ ጋር ሆኖ አምላካቸው ይሆናል፤ እንባዎችንም ሁሉ ከዓይኖቻቸው ያብሳል፥ ሞትም ከእንግዲህ ወዲህ አይሆንም፥ ኀዘንም ቢሆን ወይም ጩኸት ወይም ሥቃይ ከእንግዲህ ወዲህ አይሆንም፥ የቀደመው ሥርዓት አልፎአልና ብሎ ሲናገር ሰማሁ። በዙፋንም የተቀመጠው። እነሆ፥ ሁሉን አዲስ አደርጋለሁ አለ። ለእኔም። እነዚህ ቃሎች የታመኑና እውነተኛዎች ናቸውና ጻፍ አለኝ።" አቤቱ ጌታ እግዚአብሔር ሆይ! ስምህ ለዘላለም ይባረክ! ማን ነው እንዲህ ያለ ተስፋን መስጠት የሚችለው? ማን ነው ይህን መናገርና መፈፀም የሚችል? ጌታ ሆይ እንባ ሁሉ እንዴት ይታበሳል? ሀዘን የሌለበትስ ሕይወት አለ? ስቃያችንም የሚያበቃበት ደግሞም የማይመለስበት ጊዜ ይመጣል? አንተም ራስህ ከእኛ ጋር ንጉሳችን ሆነህ የምትኖርበት ጊዜ ይመጣል? አቤቱ ጌታ እግዚአብሔር ሆይ አንተ ካልሆንክ በስተቀር ይህ እንዴት ሊሆን ይችላል? ንጉስ ሆይ ስምህን እባርከዋለሁ። ስምህን ከፍ አደርገዋለሁ ጌታ ሆይ! በእርግጥም ተስፋዬ ነህ። አንተ አምላኬ ነህ! መዝ 100:3 "እግዚአብሔር እርሱ አምላክ እንደ ሆነ እወቁ፤ እርሱ ሠራን እኛም አይደለንም፤ እኛስ ሕዝቡ የማሰማርያውም በጎች ነን።" አቤቱ ንጉስ ሆይ አንተ አምላካችን እኛም ሕዝብህ ነን። ስምህ ለዘላለም ይባረክ!!

🟠 አንድ ጊዜ ሊሊ ጥላሁን ባደረገችው ቃለ መጠይቅ ላይ ጠያቂው "ጌታ ባይኖርሽ ኖሮ ምን አይነት ሰው ትሆኚ ነበረ?" ብሎ ጠየቃት። እጅግ አስፈላጊ ጥያቄ ነው። ምን ብላ እንደመለሰች ታውቃላችሁ? (ቃል በቃል) "እህህህህህ... አይ ዶን ኖው (አላውቅም)። ምን እንደምል አላቅም። ሁልጊዜ ሚያስደንቀኝ ነገር ነው። ሕይወቴን በሙሉ ያቆመው ነገር ነው። ኤቭሪ ሲንግል ሚኒት (በእያንዳንዱ ደቂቃ) እግዚአብሔር ባይኖረኝ ኖሮ ምን ይሆን ነበር የሚለው ጥያቄ አለ በቃ። እ... ብዙ ሰዎች ሲናገሩ ሰው ካለምንም ነገር መ... እ.. ካለ ውሃ መኖር ይችላል... ካለ ምግብ መኖር ይችላል... ለተወሰነ ጊዜ... ካለ ተስፋ ግን መኖር አይቻልም። ተስፋ የሌለኝ ሰው ነበርኩኝ። እና እ... ምናልባት ይሄን ያህልም ጊዜ በሕይወት ላልኖር እችል ነበረ። እና ሁሌ ሕይወቴን እንደዚህ በኤክሳይትመንት (በሐሴት) የተሞላ የሚያደርገው ያቺን ነገር ስለማስብ ነው። ኢየሱስ ባይኖረኝ ኖሮ.. ማን ሕይወት ይሆነኝ ነበር? ማ ጓደኛ ይሆነኝ ነበረ? ከሁሉ በላይ ደግሞ እኔ ሚያስደንቀኝና ሚያስደስተኝ ነገር... እግዚአብሔርን.. እኔ ኢየሱስን ማወቄ ሳይሆን.. እሱም ያስደስታል ከዛም በላይም ባልለው እንደዛው በዛው መጠን ልክ ኢየሱስ እኔን ማወቁ ያስደስተኛል። ማን ነበር እኔን ሚያቀኝ? ራሱ ስለራስህ.. እ.. ስታስረዳ መኖር... እኔኮ እንደዚህ ነው... እኔ ይሄንን የተናገርኩት እኮ እውነቴን ነው... እኔኮ እንዲህ አይነት ሰው ነኝ እያልኩኝ ሳልናገር መኖር መቻሌ... ምክንያቱም አምላካችን ልብንና ኩላሊትን ሚመረምር አምላክ ስለሆነ... ስለሚያቅህ.. ምን.. ካለምንም ማስረጃ መግለጫ ካለመስጠት ከሱ ጋራ መኖር... ስት.. መቻሌ.. ሳስበውና እሱ ባይኖረኝ ማነው እረኛዬ? ማነው ሕይወቴ? ማነው ደስታዬ? ማነው እርካታዬ? እንዴት እኖር ነበር የሚለው ጥያቄ ራሱ ለኔ.. እህም.. አስደናቂ ጥያቄ ነው።"

@Lovedface

🔶 አባቴ እንዴት ይሆን እንደነበር ስለማውቅ እናንተም እንዴት እንደሆናችሁ እረዳለሁ። ትክክል እንደሆናችሁ ታስባላችሁ ነገር ግን ሕይወታችሁ ትክክል አለመሆናችሁን ፍንትው አድርጎ ያሳያል። የሀጢያት፣ የሰይጣንና የሀይማኖት እስራት ውስጥ ናችሁ። እኔም ከእናንተ ያልተሻልኩ እጅግ ሀጢያተኛ ነበርኩኝ። ነገር ግን የኢየሱስ ክርስቶስ ደም ከሀጢያት ሁሉ ያነፃል። ከሀጢያት ሃይልም ያድናል። እርሱ የሚሰጠው ፅድቅና ሰላም እንጂ የራሳችን ፅድቅ አይረባንም። እባካችሁ ይሄን ኢየሱስ ወደ ልባችሁ አስገቡትና ወደ ጌታ ኢየሱስ የዘላለም ደስታ ግቡ።

🙏 ከእግዚአብሔር ጋር ጥልቅ ፍቅር ዲቮሽናል
የአምላኬ ቃል አፕሊኬሽንን በቴሌግራም ቻናል ታገኛላችሁ @Lovedface
አማኑኤል ከበደ
ጥር 10 2016 ዓ.ም

🔶 ኦርቶዶክስ በነበርኩበት የሕፃንነቴ አመታት የሃይማኖት ልዩነት ምን እንደሆነ አይገባኝም ነበር። ይህም እስከ ዘጠኝና አስር አመቴ አካባቢ ማለት ነው። እናትና አባቴ ኦርቶዶክስ ነበሩ። በተለይም አባቴ እጅግ አክራሪና ዙሪያው ባሉ ሰዎች የተመሰከረለት ኦርቶዶክሳዊ ነበር። በየጊዜው ምፅዋት ሲያደርግ፣ ቤተ-ክርስቲያንን ሲደግፍ፣ ቄሶችንና አስተማሪዎችን ወደቤት እየጋበዘ እንድንማር ሲያደርግ፣ ባዘጋጀው የቅዱሳን ስዕሎች በሞሉበት የፀሎት ክፍል ውስጥ ዳዊት ይዞ ሲፀልይ ነው የማውቀው። እኔና እህቶቼም ቤተ-ክርስቲያን ዕሮብና እሁድ እንሄለን። ትምህርቶች እንማራለን፣ እናስቀድሳለን፣ እንጠመቃለን። አባቴ ለሃይማኖታችን ትኩረት እንድናደርግ ስለሚፈልግ ቅዱስ ራጉኤል ትምህርት ቤት ሲከፈት እዛ አስገባን። ከዚህ ጋር ተደምሮ እኔም በሰባትና በስምንት አመቴ አካባቢ ወይም አንደኛና ሁለተኛ ክፍል እያለሁ ለእግዚአብሔርና ለሃይማኖቴ ከፍተኛ ትኩረትና ፍቅር ነበረኝ። ሁሉንም የትምህርት አይነቶች በአግባቡ ብከታተልም የምወደው ትምህርት ግን ስነ-ምግባር የተባለውን ስለመጽሐፍ ቅዱስ የምንማርበትን ነበር። የአስተማሪያችን ስም አእምሮ ይባል ነበር። የሚነግረንን ታሪኮች እየሰማሁ ወደቤት እመጣና መጽሐፍ ቅዱስ ውስጥ ፈልጌ ታሪኩን አነብ ነበር። እንዲህ ነው ብዬ መግለፅ ባልችልም ለእግዚአብሔር ያለኝ ፍላጎት እጅግ እየጨመረ መጣ። በዚያን ጊዜ ፋሲካን ያለምግብና ያለውሃ አከፍል እንደነበር ትዝ ይለኛል።

🔶 በዚህ መሃል ታላቅ ወንድሜ ጌታ ኢየሱስን የግል አዳኙ አድርጎ ተቀበለ። አንዳንድ የፕሮቴስታንት መዝሙሮች በድብቅ እቤት ውስጥ ይከፈቱ እንደነበር አስታውሳለሁ። ለኔ እነዚያን መዝሙሮች መስማት ችግር አልነበረውም ምክንያቱም ስለኢየሱስና ስለእግዚአብሔር የሚናገሩ ስለነበሩ ውስጤን ገዝተውታል። ከኦርቶዶክስም ጋር ምን ሊያጋጨው እንደሚችል ትኩረት ሰጥቼ አስቤው አላውቅም። የኦርቶዶክስም ሆነ የፕሮቴስታንት መዝሙሮችንና ትምህርቶችን በካሴት እሰማ ነበር። መጽሐፍ ቅዱሴን አነባለሁ፣ አስቀድሳለሁ፣ እጠመቃለሁ፣ ትምህርት ቤቴ ቤተ-ክርስቲያን ውስጥ ስለነበር ቤተ-ክርሰቲያን በእረፍትና በምሳ ሰዓት እሄዳለሁ። ብቻ ከእግዚአብሔር ጋር ያለኝን ግንኙነት እጅግ ወድጄዋለሁ። እንዳልኳችሁ የሃይማኖቶቹ ልዩነት አይታየኝም ነበር። አሁን ዞር ብዬ ሳስበው ፍላጎቴ ከእግዚአብሔር ጋር መገናኘትና እሱን ማስደሰት ብቻ እንጂ ሃይማኖቱ አልነበረም። እግዚአብሔር ሕፃናትንና አዋቂዎችን ሳይለይ ወደ እርሱ የሚመጡትን እንደ ደረጃቸው መቀበሉን ሳስብ ይደንቀኛል።

🔶 ታላቅ ወንድሜ ጌታን መቀበሉ ሲሰማ አባቴ ጎረቤትና ቄስ ሰብስቦ እንዲመለስ ይጠይቀዋል። ወንድሜም ጌታ ኢየሱስን መረጠ። በዚህ ባለመስማማታቸው ጭንቅላቱን ይዞ ከቤት ሲወጣ ማየቴ ትዝ ይለኛል። ጌታን በመምረጡ ከአባቴ ጋር ተቆራረጠ፣ ከስራም ተባረረ። ያን ጊዜ ይመስለኛል በተወሰነ ደረጃ የፕሮቴስታንትና የኦርቶዶክስ ልዩነት የገባኝ። ቢሆንም ለእኔ ሁለቱም ያን ያህል ልዩነት የለውም ነበር። የፕሮቴስታንት መዝሙር የምሰማው አባቴ እንዳያውቅ በድብቅ ነበር። እነዚያ መዝሙሮች ልቤን ይነኩት ስለነበር ካሴቶቹን እሰበስብ ነበር። ትንሽ ወክማን የምትባል ካሴት የምትቀበል መዝሙር ማጫወቻ ሰው ሰጥቶኝ ስለነበር በሱ መዝሙሮች እየከፈትኩ እሰማለሁ። መጽሐፍ ቅዱስንም አነባለሁ። በዚህ መሃል ታላቅ እህቴ ጌታን በማግኘቷ እሷ በድብቅ የፕሮቴስታንት ቤተ-ክርስቲያን ትሄድ ነበር። በዚያን ጊዜ እኔም ኢየሱስ ክርስቶስ በራልኝ። ልቤን በፍቅር ሲይዘው እሱን ፈለኩት። ኢየሱስ ክርሰቶስን በትክክለኛ ማንነቱ የተቀበሉት ፕሮቴስታንቶች መሆናቸው ታየኝ። ምክንያቱም መዝሙሩም ስብከቱም ኢየሱስና እግዚአብሔር ብቻ ነው። ከኦርቶዶክስ ጋር ያለውን ልዩነት ላጣራ ብዬ አልዘገየሁም ምክንያቱም ኢየሱስ እውነት መሆኑን ለማረጋገጥ ሌሎች ውሸት መሆናቸውን ማጣራት ስለማያስፈልግ ነው። የበራልኝ ኢየሱስ ብቻ ነበር። የተከተልኩትም እሱን ብቻ ነው። ስለሌላው ላስብ አልችልም። ለእኔ ቁም ነገሩ ሃይማኖት አልነበረም። ነገር ግን ኢየሱስን በሙላት ያገኘሁት ወንድሜና እህቴ በተከተሉት ፕሮቴስታንት ሃይማኖት ውስጥ ነበር። እህቴ አንድ ቀን መጽሐፍ ቅዱስ ወደሚያስተምራት ሰው ወሰደችኝና ተንበርክኬ ጌታ ኢየሱስን የግል አዳኜ አድርጌ ተቀበልኩኝ። አስር ወይም አስራ አንድ አመቴ አካባቢ ነበር። መጽሐፍ ቅዱስም መማርና በኦርቶዶክስና በፕሮቴስታንት መካከል ያለውን ልዩነት መረዳት ጀመርኩኝ። ያም ሆኖ ኢየሱስን ይዤ የኦርቶዶክስ ቤተ-ክርሰቲያን መሄድን እንደ ክፉ ነገር አላየውም ነበር። ነገር ግን አመታት ባለፉ ቁጥር ኦርቶዶክስ ያለችበት ጨለማ ይበልጥ ፍንትው እያለ ታየኝ። እነዚያ ኢየሱስ የሌለባቸው የድንጋይ ቤተ-መቅደሶች ባዶ መሆናቸውን ውስጤ እየተረዳ መጣ። ወደ ፕሮቴስታንት ቤተ-ክርሰቲያን ስሄድ መጽሐፍ ቅዱስና ኢየሱስ ብቻ የሚሰበኩ በመሆናቸው በዚያ ውስጥ ሕይወቴ ትርጉም እያገኘ፣ ደስታዬም እየበዛ ሄደ።

🔶 ይህ ሁሉ ሲገባኝ ለአባቴ መፀለይ ጀመርኩኝ። ከታላቅ ወንደሜና እህቴ እንዲሁም ከሌሎች ጋር በመሆን ለረጅም ጊዜ ለአባቴ እንፀልይለት ነበር። ታዲያ በመጨረሻ ያን ያህል አክራሪ የነበረው አባቴም ወደ ጌታ መጣ። አሳዳጅ የነበረው በተራው ተሳዳጅ ሆነ። ያኔ በልጁና በሌሎች ላይ ያደረሰው ስደት በራሱ ላይ ደረሰበት። ጓደኞቹ ራቁት። ነገር ግን ውስጡ የነበረው ደስታ እጅግ ብዙ ነበር። ይህ ሁሉ የሆነው ስለስሜ የተጠላችሁ ትሆናላችሁ ተብሎ ስለተፃፈ ነው። ጥቂት ቆይቶ ወደተቀበለው ጌታ ሄደ። በሞቱ ላይም ጌታ ኢየሱስ ተሰበከ። አሁን በሰማይ በዘላለም ደስታ ውስጥ እየኖረ ነው። እኔም በቅርቡ ከእርሱ ጋር መቀላቀሌና ወደ ዘላለም ደስታ መሄዴ አይቀርም። በእውነት በክርስቶስ ኢየሱስ ያመኑት ሁሉ ይህን ደስታ ይቀላቀላሉ። ኢየሱስ በቅርቡ ተመልሶ ይመጣል። እናንተም ኦርቶዶክሳውያን ወንድሞቼና እህቶቼ በኢየሱስ ክርስቶስ ብቻ አምናችሁ ወደዚህ የዘላለም ደስታ አትቀላቀሉንም? ከተያዛችሁበት የሀጢያት እስራት ሊፈታችሁ የሚችለው ኢየሱስ ክርስቶስ ብቻ አይደለም? አዳኙ ኢየሱስ ብቻ አይደለም? በፍርድ ቀን በዚያ በእግዚአብሔር ፊት ስትቆሙ ምን ትላላችሁ? እግዚአብሔር ለምን ስለእናንተ አሳልፌ የሰጠሁትንና የሞተላችሁን ኢየሱስን አልተቀበላችሁም ሲላችሁ ምን ትመልሳላችሁ? እኔ የቀደመችው ሃይማኖት ተከታይ ነኝ ትሉታላችሁ? ኢየሱስንም እኮ ከሌሎቹ ጋር ጨምሬ አምኜው ነበር ትሉታላችሁ? ኢየሱስን አንዳንዴ እጠራው ነበር ትሉታላችሁ? የኦርቶዶክስ ሃይማኖት ተከታይ ነበርኩ ትሉታላችሁ? የሃይማኖት አባቶች ያሉኝን ሰምቼ ነው ትሉታላችሁ?

🔶 “በጠበበው ደጅ ግቡ፤ ወደ ጥፋት የሚወስደው ደጅ ሰፊ፣ መንገዱም ትልቅ ነውና ወደ እርሱ የሚገቡ ብዙዎች ናቸው፤ ወደ ሕይወት የሚወስደው ደጅ የጠበበ መንገዱም የቀጠነ ነውና የሚያገኙአትም ጥቂቶች ናቸው” (የማቴዎስ ወንጌል 7፡13-14)። ጠባቡ ደጅ ኢየሱስ ነው። የቀጠነውም መንገድ ኢየሱስ ነው። ምክንያቱም ኢየሱስ ራሱ “እኔ መንገድና እውነት ሕይወትም ነኝ” ብሏል (የዮሐንስ ወንጌል 14፡6)። ነገር ግን ይህን መንገድ የሚያገኙት ጥቂቶች ናቸው። ስለምን ከኢየሱስ ሌላ ሌላውን ፈለጋችሁ? ዛሬስ በጠባቡ መንገድ አትገቡም? በቀጠነውስ መንገድ አትጓዙም? ስለኢየሱስ መጠላትን ፈርታችሁ ነው? መወገዝን ፈርታችሁ ነው? ሀጢያታችሁ ይዟችሁ ነው? ጓኞቼን አጣለሁ ብላችሁ ነው? በራሳችሁ መልካም ስራ ታምናችሁ ነው? ወይስ ከኢየሱስ ይልቅ ሃይማኖቴ ይሻለኛል ብላችሁ?

🔶 በመካከለኛው ክፍለ ዘመን በታህሳስ 14 (ዲሴምበር 24) የሚከበር የአዳምና ሔዋን ቀን የሚባል በዓል ነበር። በዚህ በዓል የፍጥረት፣ የሀጢያት፣ የፍርድና የእግዚአብሔር ምህረት ታሪክ ይወሳና ይነገር ነበር። የገነት ጨዋታ የሚባል በአውሮፓ ታዋቂ የሆነ ጨዋታም ነበረበት። ከዚህ ጨዋታ የተነሳ የገነት ዛፍ የሚል ነገር በ14ኛው ክፍለ ዘመን ተጀመረ። ሰዎች እነዚህን ዛፎች በየቤታቸው ውስጥ ማድረግ ጀመሩ። ሉተር በመጣ ጊዜ ይህን ጨዋታ ተጠቅሞ የአዳምና ሔዋንን ታሪክን ይናገር ነበር። ጉዳዩን ወደ ኢየሱስ ክርስቶስ ውልደትም ያመጣው ነበር። ይህ ነው አሁን በዓለም ዙሪያ ሁሉ የገና ዛፍ ሆኖ ወደ እኛ የተሸጋገረው። በታህሳስ 14 (ዲሴምበር 24) የነበረው የገነት ዛፍ አሁን የገና ዛፍ ሆነ። ይህን የገና ዛፍ አጠቃቀም በአውሮፓ ሀገሮች ከ1510 ዓ.ም ጀምሮ በታሪክ ተመዝግቦ እናገኘዋለን። በፈረንሳይ ደግሞ ይህን የገና ዛፍ በፓምና በኦቾሎኒ እንዲሁም በሌሎች ነገሮች ማስጌጥ ተጀመረ። የገና ዛፍ አላማ በጠረጴዛ ላይ ይቀመጥና ትንንሽ ስጦታዎች ከስሩ ለማስቀመጥ ነበር። የስጦታዎቹ መጠንና ብዛት እያደገ ሲመጣ የዛፉም መጠን እያደገ መጣና ራሱን ችሎ መሬት ላይ የሚቀመጥ ሆነ። ይህ የገና ዛፍና ስጦታ ሰዎች ቢያደርጉት ምንም አይነት ክፋትና አጋንንታዊ ነገር የሌለው መነሻውም መጽሐፍ ቅዱሳዊ ታሪክ መሆኑ ግልፅ ነው።

🔶 ነገር ግን ከገና ጋር የተያያዙ አንዳንድ ክፉ ነገሮች መወገድ አለባቸው። ለምሳሌ አንዱ ሚስልቶ (Mistletoe) የተባለው ነው። ሚስልቶ ተክል የገና ማስጌጫ ሆኖ ይጠቀሙበት ነበር። ከሚስልቶ ተክል በታች የወንድና የሴት መሳሳም የሚለው ባህል የመጣው ሳተርኔሌያ ከተባለው የአሕዛብ በዓል ነው። የማይተዋወቁ ወንድና ሴት በዚያ ተክል በታች ይሳሳማሉ። የተሳሳሙት አንድ ቀን በትዳር ይገናኛሉ የሚል ሃሳብ የነበረው ነው። ይህ ከኢየሱስ ውልደት ጋር ምንም ግንኙነት የሌለው አጋንንታዊ ነገር ስለሆነ ከገና ጋር ሊያያዝ አይገባም።

🔶 የምናከብረው ቀኑን ሳይሆን በቀኑ የተወለደውን ጌታ መሆኑን ማስታወስ ያስፈልጋል። ቀን ከቀን አይበልጥም፤ አይለይም (ገላትያ 4፡10)። ስለዚህ ይህን ቀን ኢየሱስን በዓለም ዙሪያ ሁሉ ለማክበርና ወንጌሉን ለመናገር ብንጠቀምበት መልካም ነው እላለሁ። የኢየሱስ ስም በአንድ ልሳን በዓለም ሁሉ የሚጠራበትን ይህን በዓል ማራከስና እንዲሻር ማሰብ ሞኝነት እንጂ ጥበብ አይደለምና ይህን የምታስቡ ተመለሱ። የምታከብሩት ደግሞ ቀኑና በዓሉ መጽሐፍ ቅዱስ ውስጥ ባይፃፍም ነገር ግን መጽሐፍ ቅዱሳዊ መሆኑን ማለትም እግዚአብሔር ለቤተ-ክርስቲያን በሰጣት ስልጣን መሰረት የተወሰነ መሆኑን ተረድታችሁ በእምነትና በድፍረት አክብሩት እላለሁ። በበዓሉ መሰባሰቡ፣ የገና ዛፍ፣ ጌጦችና ስጦታዎችም ምንም አይነት ክፋት የላቸውም። ይልቁን የእግዚአብሔርን፣ የመጽሐፍ ቅዱስንና የክርስትናን እውነትና ታሪክ የሚያሳዩ ናቸው እላለሁ።

ቴሌግራም፡ @Lovedface
አማኑኤል ከበደ
🙏 ከእግዚአብሔር ጋር ጥልቅ ፍቅር ዲቮሽናል
የአምላኬ ቃል አፕሊኬሽንን በቴሌግራም ቻናል ታገኛላችሁ
ታህሳስ 27 2016 ዓ.ም

ነበር የሚራመዱት። አጋንንትን ከሰዎች ብቻ ሳይሆን ከነዚህም የጣኦት መቅደሶች ያስወጡና ቤተ-ክርስቲያን ያደርጓቸው ነበር። ይህ ቢሆንም ግን የገና በዓል ቀን የተወሰነበት ምክንያት ከአሕዛብ በዓልና አምልኮ ጋር ምንም አይነት ግንኙነት እንደሌለው መረዳት ይገባል።

🔶 በነገራችን ላይ በመጀመሪያዎች የቤተ-ክርስቲያን ሶስት ክፍለ ዘመኖች ክርስቶስ በስጋ አልመጣም የሚል ዶሰቲስም (Docetism) የሚባል ወደ ቤተ-ክርስቲያን ሾልኮ የገባ የኑፋቄ ትምህርት ነበር። ሐዋርያ ዮሐንስም በ1ኛ ዮሐንስ መልዕክት 4፡2-3 ላይ “ኢየሱስ ክርስቶስ በስጋ እንደመጣ የሚታመን መንፈስ ሁሉ ከእግዚአብሔር ነው። ኢየሱስ ክርስቶስም በስጋ እንደ መጣ የማይታመን መንፈስ ሁሉ ከእግዚአብሔር አይደለም፤ ይህም የክርስቶስ ተቃዋሚው መንፈስ ነው” ሲል ተቃውሞታል። ምናልባትም ይህ የኑፋቄ ትምህርት የሞተው በገና በዓል ምክንያት ሊሆን ይችላል። ምክንያቱም ገና ቤተ-ክርስቲያን በየዓመቱ የምታከብረው ኢየሱስ ከድንግል ተወልዶ በስጋ እንደመጣ የሚያሳይ ክብረ በዓል ነው። ይህም ኑፋቄውን ለመጣል ጉልበት አለው።

🔶 በመቀጠል በሪፎርሜሽኑ ጊዜ ስለገና ወይም የኢየሱስ ልደት በዓል የተፈጠረው ነገር ምን እንደሆነ እንመልከት። በጥንት የሮም ካቶሊክ ቤተ-ክርስቲያን ገና የሚከበረው ለአንድ ቀን አልነበረም። ለአራት ሳምንታት የሚቆይ ፆም ከተደረገ በኋላ ለአስራ ሁለት ቀኖች በተከታታይ በድግስ ያከብራሉ። በታህሳስ 27 (ጃንዋሪ 6) ጥምቀትን በማክበር ያጠናቅቃሉ። በሪፎርሜሽኑ ጊዜ በሉተር ተከታዮችና በሮም ካቶሊክ ቤተ-ክርስቲያን ልዩነት ተፈጠረ። ቢሆንም ማርቲን ሉተር የክርስቶስን ልደት እንዳናከብር የሚከለክል ምንም አይነት ነገር እንደሌለ በመረዳቱና በካቶሊክ ውስጥ ችግር ያለባቸውንና ችግር የሌለባቸውን ነገሮች ለያይቶ በመመልከቱ ጠቢብ ሆኖ የገናን በዓል በቤተ-ክርስቲያን ከማክበርና ሻማዎችንና መዝሙሮችን ከማድረግ አልተቆጠበም።

🔶 ሳንታ ክላውስ፣ የገና ዛፍና ስጦታ መሰጣጠቱ ከየት መጣ? አንዳንድ ክርስቲያኖች ገና የአሕዛብ ባህል እንደሆነ እንዲያስቡ ያደረጓቸው እነዚህ ነገሮች ናቸው። የአሕዛብ አምልኮ ውስጥ እንድንሳተፍ ያደርግና ለአጋንንት በር ይሆናል የሚል ስጋት አላቸው። በቅድሚያ ስለ ሳንታ ክላውስ እንመልከት። ታሪኩ የሚጀምረው በ4ኛው ክፍለ ዘመን ነው። በዚያን ጊዜ ኒኮላስ የሚባል ሊቀ ጳጳስ ነበር። የተወለደው አሁን ቱርክ ተብላ በምትጠራው ፓቴራ (Patara) ከተማ አካባቢ ነበር። በ325 በተካሄደው የኒቂያ ጉባኤ ላይ ተካፋይ ነበር። ነገር ግን እዚህ ግባ የሚባል ሚና አልነበረውም። ነገር ግን በደግነቱና በቸርነቱ ይታወቅ ነበር። ከሱ በኋላ አምስት ጳጳሳት በስሙ ተሰይመዋል። የኒኮላስ ቤተሰቦች ሲሞቱ ያወረሱት ትልቅ ውርስ ነበር። ያን ገንዘብም ለሚያስፈልጋቸው ሰዎች ይሰጥ ነበር። ኒኮላስ በሚኖርበት ዘመን ሶስት ሴቶች ልጆች የነበሩት ድሃ ሰው ነበር። ይህ ሰው ጥሎሽ (Dowry) ተብሎ የሚጠራው ከሙሽሪት ለሙሽራ የሚሰጥ ሀብት የለውም ነበር። የጋብቻ ስርዓታቸው ሙሽሪት ለሙሽራ ጥሎሽን ወይም ስጦታ መስጠትን ያስገድዳል። በዚያ ዘመን ደግሞ ሴቶች ካላገቡ ለባርነትና ለጥቃት የተጋለጡ ስለሚሆኑ አባት ለልጆቹ ያንን ጥሎሽ ወይም ሀብት ማዘጋጀት አለበት። ስለዚህ አንድ ቀን ምሽት ሁሉም በተኛበት ኒኮላስ ለዚህ ሰውዬ የወርቅ ሳንቲሞችን በመስኮት ወረወረለት። ይህም ከሶስቱ ሴት ልጆች ለታላቋ ሴት ጥሎሽ ሆነ። ቀጥሎም ኒኮላስ ለሁለተኛዋ ሴት እንዲሁ አደረገ። በዚህ ጊዜ ገንዘቡ ከየት እንደመጣ ማንም አያውቅም ነበር። ሶስተኛዋ ልትዳር ስትል ያ የሴቶቹ አባት ሌሉቱን ሁሉ ቁጭ ብሎ መጠበቅ ጀመረ። ያን ቀን ኒኮላስ ገንዘቡን ሲሰጥ ማንነቱ ታወቀ። ስለዚህ በአጠቃላይ በታሪኩ ኒኮላስ ቸርና ደግ ሰው መሆኑን ይታወቃል። በ343 ዓ.ም ከዚህ ዓለም በሞት ተለየ። ብዙ ተአምራትን እንዳደረገ ይነገር ስለነበር በካቶሊክ ቤተ-ክርስቲያን ሴንት ኒኮላስ ወይም ሴንት ኒክ በመባል ተጠራ። የሞተው ህዳር 26 (ዲሴምበር 6) በመሆኑ በአውሮፓ ቤተ-ክርስቲያን መታሰቢያው በዚያ ቀን ሆነ። ህፃናት በዋዜማው ቀን ጫማቸውን ውጪ ያሳድሩና ጠዋት ከረሜላ ተቀምጦላቸው ያገኙ ነበር። ስለዚህ የፕሮቴስታንት እንቅስቃሴ አውሮፓን ሲቆጣጠር ይህ ሴንት ኒኮላስ የካቶሊክ በመሆኑ በሌላ መተካት ተጀመረ። ስጦታ ይሰጣል የተባለው ሳንታ ክላውስ በእንግሊዝ የገና አባት (Father Christmas) ሆነ። በኔዘርላንድ ሲንተርክላስ ወይም ሳንታ ክላውስ እንደተባለ ቀረ። አሁን ያለው ሳንታ ክላውስ ስያሜውን የወሰደው ከዚሁ ነው። ማርቲን ሉተር የሰዎችን ትኩረት ከካቶሊክ ቅዱሳን ወደ ኢየሱስ ለማዞር ሲል ህዳር 25 (ዲሴምበር 5) ምሽት የነበረውን የስጦታ ቀን ወደ ገና ዋዜማ ወይም ታህሳስ 14 (ዲሴምበር 24) አዞረው፤ ሴንት ኒክን ደግሞ ክርስቶስ ህፃኑ ወይም በጀመርንኛ Christkindl በሚል ተካው።

🔶 በመጀመሪያዎቹ ጊዜዎች ሳንታ ክላውስ የሚለብሰው ልብስ ቡኒ ቢሆንም በጊዜ ሂደት ቀይ ሆነ። በ1831 የኮካ ኮላ ካምፓኒ የክረምት ሽያጩን ለማሻሻል ሳንታ ክላውስን እንደ ማስታወቂያ መጠቀም ጀመረ። በዚያ ወቅት ጥቁር ቡትስ ጫማና ጥቁር ቀበቶ ማድረግ ተጀመረ። እንዲህ እያለ በሂደትና ትርክት ቅብብሎሽ ሳንታ ክላውስ ባለነጭ ፂም ከመሆን ጀምሮ ቀይ ልብስ እስከመልበስና ባለስምንት ዋላዎች ጋሪ የሚነዳ ሆነ። ሌሎችም ክፉ ነገሮች ከሳንታ ክላውስ ጋር በተያያዘ ተጨምረዋል። እንዲህ ያለው ታሪክ ክርስቶስን የሚሸፍንና ሕፃናትን በተሳሳተ እምነት የሚቀርፅ አካሄድ መሆኑ ግልፅ ነው። ሳንታ ክላውስ ከክርስቶስ ልደት ወይም ከገና ጋር የሚያገናኘው ምንም ነገር የለም። ስለዚህ በገና ጊዜ የገና አባት ወይም ሳንታ ክላውስ ሊነሳ አይገባውም።

🔶 ስለገና ዛፍ እንመልከት። በጥንት የሮም ኢምፓየርና ሌሎች አለም ክፍሎች በነበሩ በዓሎች የነበረውን አረንጓዴ ዛፎች የመጠቀም ልምድ ተመልክተናል። እነዚህ ሀገሮች ዛፎች መጠቀም የጀመሩት ተኮራርጀው ሳይሆን ዛፎችን ለክረምት በዓሎች መጠቀም የተለመደና ከወቅቱ አንፃር አስፈላጊ ስለነበር ነው። ቤተ-ክርስቲያን በ4ኛው ክፍለ ዘመንና ከዚያም በኋላ ለአመታት ገናን ስታከብር ዛፎችን መጠቀም የጀመረችው ከሳተርኔሊያ የአሕዛብ በዓል ተመልክታ ሊሆን ይችላል። ነገር ግን ዛፍ መጠቀምን ወስደው ክርስትናዊ የሆኑ ነገሮች ጨምረውበታል። ለምሳሌ የፓም ወይም አፕል ፍሬ ያደርጉበት ነበር። ይህም የኤደን ገነትን ለማሰብ ነበር። በሳተርኔሊያ በዓል እንደ አዲስ ሕይወት ምሳሌ ይጠቀሙበት የነበረውን ሆሊ (Holly) የተባለ ዛፍ ወስደው የእሾህ አክሊል እንዲወክል አድርገውታል። ስለዚህ የዛፍ አጠቃቀሙን በተወሰነ መልኩ ከአሕዛብ ሲወስዱ ክርስቲያናዊ መልክ ሰጥተው ተክተውታል። ይህ እንዳለ ሆኖ ግን እኛ ዛሬ የገና ዛፍን ከምንጠቀምበት ምክንያትና ሁኔታ ጋር በጭራሽ አይገናኝም። ስለዚህ እኛ ዛሬ የገናን ዛፍ የምንጠቀምበት ምክንያትና አካሄድ በጥንት ከነበሩት የአሕዛብ አምልኮትም ሆነ ቤተ-ክርስቲያን ያን ለመቀየር ካደረገችው ጥረት ጋር በጭራሽ አይገናኝም። የዚህ ዘመን የገና ዛፍ አጠቃቀማችን የራሱ የሆነ አመጣጥ፣ ትርጉምና መልክ አለው እንጂ ከአምልኮት ጋርም ሆነ ከጥንት ቤተ-ክርስቲያን የገና በዓል አከባበር ጋር አይገናኝም። ታዲያ ዛሬ የምንጠቀምበት የገና ዛፍ ከየት መጣ?

🔶 አሁን እኛ በገና በዓል የገናን ዛፍ ስለምንጠቀም፤ ዛፍን የተጠቀምንበት ምክንያት ከነዚያ የአሕዛብ እና አጋንንታዊ በዓሎች ጋር ይያያዛል ወይ? የሚለውን ልንመልስ ይገባል። ቀኑስ እነዚህ የአሕዛብ በዓሎች ከሚደረጉበት ቀን ጋር ለምን ተመሳሳይ ሆነ? እነዚህ ሁሉ የአሕዛብ በዓሎች የገና በዓል ከመጀመሩ አስቀድሞ የነበሩ በዓሎች ናቸው። ስለዚህ የገና በዓል ከየት እንደመጣ፣ ለምን ቀኑ ታህሳስ 15 (ዲሴምበር 25) እንደሆነና ዛሬ የምናከብረውን በዓል መልክ እንዴት ሊይዝ እንደቻለ እንመልከት።

🔶 እስከ 4ኛው ክፍለ ዘመን ድረስ በነበሩት የመጀመሪያዎቹ የቤተ-ክርስቲያን ዘመናት የክርስቶስ ልደት አይከበርም ነበር። ምክንያቱ ደግሞ ልደትን ማክበር እንደመልካም ነገር ስለማይቆጠር ነበር። ያም የሆነው በወቅቱ የነበሩ አንዳንድ የመጽሐፍ ቅዱስ አጥኚዎች መጽሐፍ ቅዱስ ልደትን ማክበር መልካም እንዳልሆነ እንደሚጠቁምና የአሕዛብ ነገር እንደሆነ ስለሚያስተምሩ ነበር። ለምሳሌ በመጽሐፍ ቅዱስ ልደትን ያከበሩት አሕዛብና ክፉ የሆኑት ፈርኦንና ሄሮድስ መሆናቸው፤ እንዲሁም መጥምቁ ዮሐንስ በሄሮድስ ልደት ላይ መገደሉ ከሚያነሷቸው ምክንያቶች ውስጥ ነበሩ። ታዲያ የዚህ አስተሳሰብ ለውጥ የመጣው በ312 ዓ.ም ንጉስ ቁስጥንጢኖስ ክርስቲያን ሲሆን ነበር። እርሱ ወደ ክርስትና ሲመጣ በክርስቲያኖች ላይ የሚደረገውን ስደትና ስቃይ አስቆመ። በዚያን ጊዜ ቤተ-ክርስቲያን በስውር የምትንቀሳቀስ ነበረች። ከቁስጥንጢኖስ ክርስትና በኋላ ግን በሙሉ ተቋም አሰራር ለመስራት ማደግ ጀመረች። ከዚያ በኋላ ነው ገና የሚባለው በዓል የቤተ-ክርስቲያን ልማድ የሆነው። ይህም የሆነው በአንድ በኩል በየሃገራቱ ጠንካራ ባህል ሆነው የተሰነቀሩትን የአሕዛብ በዓሎች እግዚአብሔርን በሚያከብሩ ክርስቲያናዊ በዓሎች ለመተካት ነበር። ገና በራሱ የአሕዛብ በዓል አይደለም። ነገር ግን ሌሎች የአሕዛብ በዓሎችን ሁሉ ተክቶና አሸንፎ ፀንቶ ቆሟል። ገና ባይኖር ኖሮ አሁን በዓለም የሚከበረው ሳተርኔሊያ/Saturnalia ወይም ሶል ኢንቪክተስ/Sol Invictus ወይም ሌላ የአሕዛብና አጋንንታዊ በዓል ሊሆን ይችል ነበር። ነገር ግን የገና በዓል ምክንያትና ታሪክ ከሌሎቹ በዓሎች በአሳማኝነቱና በዋጋው እጅግ ስለላቀ ሌሎችን ጥሎ እሱ አይሎ ወጣ።

🔶 እነዚህ ሁሉ ገናን ለማክበር መልካም ምክንያቶች ቢሆኑም ለምን በታህሳስ 15 (ዲሴምበር 25) መከበር እንደ ጀመረ እንመልከት። ይህ ቀን ኢየሱስ የተወለደበት ቀን ላይሆን ይችላል። ምንም እንኳን ኢየሱስ የተወለደበትን ወቅት የሚጠቁሙ አንዳንድ መረጃዎች በመጽሀፍ ቅዱስ ውስጥ ቢኖሩም ግን መጽሐፍ ቅዱስ ኢየሱስ የተወለደበትን ቀን በግልፅ አይናገርም። ኢየሱስ በመክተቻ በዓል (Feast of Harvest – Feast of SUKKOT) ማለትም መስከረምና ጥቅምት (ሴፕቴምበርና ኦክቶበር) አካባቢ እንደተወለደ የሚያሳይ አሳማኝ መከራከርያ ቢኖርም ዋናው ነጥብ እሱ አይደለም። ዋናው ነገር ቤተ-ክርስቲያን ለምን በታህሳስ 15 (ዲሴምበር 25) ለማክበር እንደወሰነች ማወቁ ነው።

🔶 በቅድሚያ ሴክስተስ ጁሊየስ አፍሪካነስ የተባለ ክርስቲያንና ታሪክ አጥኚ ታህሳስ 15 (ዲሴምበር 25) ኢየሱስ የተወለደበት ቀን እንደሆነ ጠቆመ። ከዚህ ቀደም በቤተ-ክርስቲያን ኢየሱስ ተወለደ ተብሎ የሚታመነው በጁሊያን ካሌንደር መሰረት በመጋቢት 16 (ማርች 25) ነበር። የዚህም ምክንያት ፍጥረት የተፈጠረው በመጋቢት 16 (ማርች 25) ነበር ተብሎ ስለሚታመን ነበር። ኢየሱስም ሊወለድ የሚችለው እግዚአብሔር ብርሃን ይሁን ባለበት በዚሁ ቀን ነው በሚል አሳማኝ ምክንያት ኢየሱስ የተወለደው በመጋቢት 16 (ማርች 25) እንደሆነ ታመነ። ከዚያም ሴክስተስ ጁሊየስ አፍሪካነስ መጣና መጋቢት 16 (ማርች 25) ኢየሱስ የተፀነሰበት እንጂ የተወለደበት ቀን አይደለም በማለት በዚያ ቀን ላይ ዘጠኝ ወር በመጨመር ኢየሱስ የተወለደው በታህሳስ 15 (ዲሴምበር 25 ነው) አለ። ይህ ቀን ደግሞ በጁሊያን ካሌንደር መሰረት (Winter Solstice) ሙሉ የፀሐይ ብርሃን የሚመጣበት ቀን ስለሆነ ሰዎች ብርሃን ጨለማን ድል እንደነሳ የሚያከብሩበት ቀን ነው። የአሕዛብ በዓሎችም በዚህ ቀን ይከበሩ ነበር። ነገር ግን ከላይ እንደምትመለከቱት የኢየሱስ ልደት በታህሳስ 15 (ዲሴምበር 25) እንዲሆን ከመወሰኑ ጋር ምንም የሚያገናኘው ነገር የለም። አፍሪካነስ ታህሳስ 15ን (ዲሴምበር 25) የኢየሱስ ልደት ቀን እንደሆነ ከጠቆመ በኋላ ቤተ-ክርስቲያን በ336ዓ.ም እስክትቀበለው ድረስ አንድ ክፍለ ዘመን አለፈ። ይህም ቁስጥንጢኖስ ከመሞቱ አንድ አመት ቀደም ብሎ ማለት ነው። ታዲያ ቤተ-ክርስቲያን ቀኑን እንደ ኢየሱስ ልደት ቀን ተቀበለች እንጂ የልደት በዓሉ ይከበር እንደነበር የሚገልፅ ነገር ባይኖርም ቤተ-ክርስቲያን ኢየሱስ የተወለደበትን ቀን ከተቀበለችና ከተስማማች ላታከብር የምትችልበት ሁኔታ አይኖርም በሚል ብዙ የታሪክ ፀሀፊዎች ቀኑ መከበር የጀመረው በዛው ጊዜ እንደሆነ አስበው ፅፈዋል። የቀኑን አወሳሰን እንዲህ ካስተዋልን ቤተ-ክርስቲያን በታህሳስ 15 (ዲሴምበር 25) ዕለት የኢየሱስን ልደት ለማክበር የወሰነችው ከአሕዛብ ጋር ለመፎካከር ብላ ነው የሚለው ሃሳብ ውሃ አይቋጥርም፤ ምንም አይነት ማስረጃም የለውም። ነገር ግን የኢየሱስ ልደት በዓል እያየለ መምጣቱን ሁሉም የታሪክ ፀሀፊዎች ይስማማሉ። በዚህ ጊዜ በአሕዛብ በዓሎች የነበሩት ዛፍ፣ ሻማና የመሳሰሉት በኢየሱስ ልደት በዓል ውስጥ እየተካተቱ መጡ። ይህም ከምንም ዓይነት ጣኦት አምልኮ ጋር ግንኙነት የለውም። ይልቁን በዓሉ ከሚከበርበት ወቅት (ክረምት ከመሆኑና የአዲስ አመት መንደርደሪያ ከመሆኑ) ጋር በተያያዘ ከላይ እንዳብራራሁት እነዚህን ነገሮች መጠቀም የለተመደ ስለነበር ነው። እግዚአብሔር ፍጥረትን የፈጠረው ለእኛ ጥቅም እንጂ ለአጋንንት ነው ብለን እንድንተወው አይደለም። ስለዚህ ለጌጥም ሆነ ለሙቀትና ብርሃን ዛፍን፣ ሻማንና የመሳሰሉትን መጠቀም ምንም አይነት ከመጽሐፍ ቅዱስ ጋር የሚጋጭና አጋንንታዊ የሆነ ነገር የለውም። ምድርና ሞላዋ የእግዚአብሔር እንጂ የአጋንንት አይደለም።

🔶 የኢየሱስ ልደት በዓልና የአሕዛብ በዓሎች የሚከበሩበት ቀን ተመሳሳይ መሆኑ የኢየሱስ ልደት ቀን ከአሕዛብ በዓል እንደመጣ የሚያሳይ አይደለም። በኢየሱስ ልደት በዓልና በአሕዛብ በዓሎች መካከል የሚመሳሰሉ ነገሮች መኖራቸው የኢየሱስ ልደት በዓል የአሕዛብ በዓል እንደሆነ የሚያሳይ አይደለም። ይህን ማስተዋል ይገባል። ቤተ-ክርስቲያን በዲሴምበር 25 የምታከብረው የአሕዛብ በዓል ነው በማለት ይህን ስህተት እንዳንፈፅም እንጠንቀቅ። የገና በዓል ከሌሎቹ የአሕዛብ በዓሎች በመላቁና በዓለም ዙሪያ ሁሉ እየተከበረ ስለክርስቶስ መነገሩ ደስ ሊለን ሲገባ አንዳንድ ሰዎች ተነስተው ታሪኩን በትክክል ሳያጠኑ በዓሉ ይቅር የሚልን ሃሳብ ይናገራሉ። የሆነው ነገር እነዚያን የጨለማ በዓሎች የብርሃን በዓል ድል ነሳቸው። የክፋት ነገሮች ተጠርገው በእግዚአብሔራዊ ነገር ተተኩ። የቀድሞዋ ቤተ-ክርስቲያን የአሕዛብ ነገሮችን እግዚአብሔራዊ በሆኑ ነገሮች የመተካት ልምዷ በሌሎችም ነገሮች ሰፊ ነበር። ለምሳሌ ለሮምና ለግሪክ አማልክት የተሰሩ የጣኦት ቤቶችን ክርስትና ወደ አካባቢው ሲመጣ እነዚያኑ የጣኦት ቤተ-መቅደሶች ወደ ቤተ-ክርስቲያንነት ይለውጧቸው ነበር። እነዚያን የጣኦት ቤቶች ከማቃጠል ይልቅ ጣኦቶቹን ከመቅደሱ በማውጣትና በክርስቲያናዊ ነገሮች በመተካት በዚህ አይነት አስተሳሰብ

🔶 በአማርኛ ገና ወይም የክርስቶስ ኢየሱስ ልደት መታሰቢያ በዓል በእንግሊዝኛ Christmas ብለን የምንጠራው በዓል መቼና ለምን መከበር እንደጀመረና ከክርስቶስ ቤተ-ክርስቲያን ጋር ያለውን ታሪክ እንመለከታለን። ገና የአሕዛብ በዓል ነው ወይ? የገና ዛፍና የሳንታ ክላውስ አመጣጥ እንዴት ነው? ክርስቲያኖችስ ገናን ሊያከብሩት ይገባል ወይ? የሚሉትንና የክርስቶስ ልደት መታሰቢያ በዓል እንዳይከበር የሚቃወሙ ሰዎችን ሃሳቦች በዚህ ፅሁፍ በስፋት እንመለከታለን።

🔶 ከስያሜው ስንጀምር በአማርኛ ገና የሚለው ቃል የመጣው ክሪስቶገና (Christougenna) ከሚለው የግሪክ ቃል ሲሆን ትርጉሙም የክርስቶስ ልደት ማለት ነው። እንዲሁም በእንግሊዝኛ ክሪስማስ (Christmas - Christ’s mass) ማለት የክርስቶስ ማህበር ማለት ነው። በቤተ-ክርስቲያን ተሰብስበው የክርስቶስን ልደት ሲያከብሩ የክርስቶስ ማህበር ተብለው ስለተጠሩ ስሙ Christmas ሆነ።

🔶 አንዳንድ ሰዎች ከሚሉት በተቃራኒ የገና በዓል በጭራሽ የአሕዛብ በዓል ሆኖ አያውቅም። የተጀመረውም ከክርስቶስ ልደት በፊት አይደለም። ከጅማሬው የታሰበው በበዓሉ የኢየሱስ ክርስቶስን ልደት ለማክበር ነው። ይህ በታሪክ የተረጋገጠ እውነታ ነው። እስከ 4ኛው ክፍለ ዘመን ድረስ የገና በዓል የሚባለው ነገር አይታወቅም ነበር። የገና በዓል መከበር ከጀመረበት ጊዜ አስቀድሞ በተመሳሳይ ወቅት ታህሳስ ወይም ዲሴምበር አካባቢ የሚከበሩ ሌሎች ብዙ በዓሎች ነበሩ። በዓለም ዙሪያ ሰዎች ታህሳስ (ዲሴምበር) አካባቢ ያለውን የጊዜ ወቅት በዓል ለማክበር የሚጠቀሙበት የተለያዩ ምክንያቶች አሉ። አንዱም ምክንያት ለብዙ ሀገሮች ወቅቱ የክረምትና የጨለማ በመሆኑና ያን ወቅት ለመሻገር በቤተሰባዊ መሰባሰብ፣ በመብላትና በመጠጣት ለማሳለፍ ነው። ሌላው ምክንያት ደግሞ በዚህ ፀሀይ ብዙም በማትወጣበት ጊዜ አንዳንድ ሰዎች የሚያካሂዷቸው አጋንንታዊ ስርዓቶች መኖራቸው ሌሎች ደግሞ አጋንንታዊ ያልሆኑ ባህላዊ ስርዓቶችን የሚያደርጉባቸው ጊዜ በመሆኑ ነው። 

🔶 በሮም ኢምፓየር በ4ኛው ክፍለ ዘመን በክረምት ወቅት (ታህሳስ/ዲሴምበርና ጥር/ጃንዋሪ መጀመሪያ አካባቢ) የሚደረጉ የተለያዩ በዓሎች ነበሩ። ከእነዚህ ውስጥ ስለገና ለማውራት መነሻ የሚሆኑንን አራት በዓሎች እንመልከት።

1. ሳተርኔሊያ/Saturnalia፡ ይህ ከታህሳስ 7 እስከ 13 (ዲሴምበር 17-23) የሚደረግ ለአንድ ሳምንት የሚቆይ በዓል ነበር። ይህም ሳተርን ለተባለው የእርሻና የጊዜ አምላክ በሚደረግ መስዋዕት ይጀመራል። ከዚያም በሮም በከፍተኛ ደረጃ በተታታይ ዝግጅቶችና የመንገድ ላይ ትዕይንቶች ይከበራል። እጅግ ጋጠወጥ በሆኑ ድርጊቶች የተሞላ በዓል ነበር። ይህ ደግሞ በቀደመው ዘመን ቤተ-ክርስቲያን ገና ወይም የክርስቶስ ልደት ብላ ከምታከብረው በዓል ምክንያትና አካሄድ ጋር ምንም አይነት ቅርርብ የሌለው በመሆኑ ገና ከዚህ በዓል ጋር እንማይገናኝ ማስተዋል ይገባል። ነገር ግን አንዳንድ የሚያመሳስላቸው ነገሮች ነበሩ። ይህም አረንጓዴ ዛፍና ሻማዎችን መጠቀማቸው ነው።

2. ሶል ኢንቪክተስ/Sol Invictus፡ ይህ በዓል የማይበገረው የፀሐይ አምላክ በሚል የሚከበር ነው። በድሮ ጊዜ በዓለም ዙሪያ ሁሉ ለእያንዳንዱ የወቅት መቀየር ትልቅ ቦታ ነበራቸው። ምክንያቱም የቀኑና የምሽቱ ርዝማኔና ማጠር፤ እንዲሁም የዝናብና የፀሐይ ወቅቶች ከሚያመርቱት ነገሮችና ከሚኖሩት ሕይወት ጋር ከፍተኛ ቁርኝት ስለነበራቸው ነው። ስለዚህ በድሮ ጊዜ ክረምት በሚሆንበት ወቅት በሁሉም የዓለም ክፍሎች የሆነ አይነት በዓል ይኖራል። በሮም ኤምፓየር ደግሞ ሶል ኢንቪክተስ ይከበር ነበር። ምድር በፀሐይ ዙሪያ በምህዋርዋ ላይ ከምታደርገው ዙረት የተነሳ በተወሰኑ ጊዜዎች ውስጥ ፀሐይ በሰሜኑ የዓለም ክፍል አካባቢ የምታበራው ከሃያ አራቱ ሰዓት ለአጭር ሰዓት በመሆኑ የቀኑ ርዝማኔ አጭር ሆኖ የምሽቱ ርዝማኔ ይጨምራል። በሌሎች ጊዜዎች ደግሞ በተቃራኒው ፀሐይ ሙሉ በሙሉ እየወጣች የቀኑ ርዝማኔ ይጨምራል። በሰሜን የዓለም ክፍል የቀኑ ርዝማኔ የሚጨምርበትና ፀሐይ በሙላት ማብራት የምትጀምርበት ጊዜ በግሪጎሪያውያን ካሌንደር ታህሳስ 11 (ዲሴምበር 21) አካባቢ ነው። ይህ ቀን ሮማውያን በወቅቱ በሚጠቀሙበት ጁሊያን ካሌንደር መሰረት ታህሳስ 15 (ዲሴምበር 25) ነበር። ነገር ግን በዚህ ዘመን የገና በዓልን የምናከብርበት ቀን ታህሳስ 15 (ዲሴምበር 25) የመሆኑ ምክንያት የሮም ኢምፓየር በዚህ ቀን ያከብር ከነበረው ሶል ኢንቪክተስ/Sol Invictus በዓል ጋር በምንም አይገናኝም። ምክንያቱን ቀጥሎ የማስረዳ ይሆናል።

3. የሚትራስ ውልደት/birth of mithras፡ ሚትራስ የብርሃን፣ የፍትህና የመሃላ አምላክ ነበር። ይህም እንደዚሁ በታህሳስ 15 (ዲሴምበር 25) የሚከበር በዓል ነበር። በዚህ ቀን የሚትራስ ልደት ይከበራል። ነገር ግን ይህም በዓል ልክ እንደ ሶል ኢንቪክተስ/Sol Invictus ሁሉ ገና በታህሳስ 15 (ዲሴምበር 25) እንዲሆን ከተወሰነበት ምክንያት ጋር ምንም ዓይነት ግንኙነት የለውም።

4. ካሌንድስ/Calends፡ ይህ ለቀናት የሚቆይ የጥንት ሮማውያን የአዲስ አመት ክብረ በዓል ነበር። የሳተርኔሊያ/Saturnalia በዓል ካለቀ አንድ ሳምንት በኋላ አካባቢ አዲስ አመት ሲጀመር በትዕይንቶችና በመጠጦች የሚከበር በዓል ነበር።

🔶 በአጠቃላይ ከታህሳስ 7 እስከ ታህሳስ 26 (ዲሴምበር 17 - ጃንዋሪ 5) በሮም እነዚህንና ሌሎችን ጨምሮ ብዙ በዓሎች ይደረጉ ነበር። ይህ ወቅት በዓሎችን ለማድረግ ምቹና ተመራጭ ነበር። ምክንያቱ ደግሞ ወቅቱ የብርድና የጨለማ በመሆኑ ሰዎች ያንን በምግብ፣ በመጠጥ፣ እሳት እያነደዱ በመሞቅና ከሌሎች ጋር በአብሮነት ለማሳለፍ በዓሎችን ይጠቀሙ ስለነበር ነው። አንዳንዶችም ለአምላኮቻቸው መስዋዕትን ያቀርቡ ነበር። በእነዚህ በዓሎች የተለመደው ማስጌጫ አረንጓዴ ዛፎች በተለይም አመቱን ሙሉ የማይረግፉና አረንጓዴ እንደሆኑ የሚቆዩ ዛፎች ነበሩ። ተመራጭ ያደረጋቸው ምክንያት ደግሞ ሌሎች ነገሮች በክረምት ሲጠፉና ሲዳከሙ እነዚህ ዛፎች ክረምቱንም ሳይቀር አረንጓዴ ሆነው መቆየታቸው ነው። በተጨማሪ በእነዚህ በዓሎች ለክረምቱ ጨለማ ሻማዎችን ይጠቀሙ ነበር። ይህን ማየት ያስፈለገው ለምን የገና በዓል ከሌሎች አሕዛብ በዓሎች ጋር አንዳንድ የሚያመሳስሉ ነገሮች እንደኖሩት ለመረዳት ስለሚጠቅም ነው።

🔶 ሌላው ደግሞ አሁን ጀርመን፣ የስካንዲኔቪያ አገሮችና ታላቋ ብሪቴን ብለን በምንጠራቸው አካባቢዎች ይከበር የነበረ ጥንታዊ በዓል ነው። ይህም ክርስትና ወደዚያ አካባቢ ከመድረሱ አስቀድሞ የነበረ ዩል/Yule የተባለ በዓል ነው። በታህሳስ (ዲሴምበር) መጨረሻ ይከበር ነበር። አባትና ልጅ ወደ ጫካ በመሄድ መሸከም የሚችሉትን ያህል ትልቅ እንጨት ወደ ቤት በማምጣት ያነድዱት ነበር። አንዳንድ ጊዜ ይህ እንጨት ከትልቀቱ የተነሳ እየነደደ ለቀናት ሊቆይ ይችላል። የእንስሳ መስዋዕት ደግሞ ለአምላኮቻቸው ያቀርቡ ነበር። የመስዋዕት ስጋውን በዚህ በዓል ወቅት ይመገቡ ነበር። በእሳቱ ዙሪያም ተቀምጠው አስፈሪ ታሪኮችን ያወራሉ።

የእምነት አዋጆች ለጤንነትና ለፈውስ
ፓስተር ክሪስ ኦያኪሎሜ
ትርጉም: አማኑኤል ከበደ @Lovedface የተወደደ መልክ

🔶 በጤንነትና በፈውስ እግዚአብሔር በክርስቶስ ኢየሱስ ያዘጋጀላችሁን ሕይወት በተጨባጭ እንድትኖሩ የሚረዳችሁን መጽሐፍ በአማርኛ ተርጉሜ አቅርቤላችኋለሁ።

🔶የእምነት አዋጆች ለጤንነትና ለፈውስ
ፓስተር ክሪስ ኦያኪሎሜ
ትርጉም: አማኑኤል ከበደ @Lovedface የተወደደ መልክ

👇👇👇

እጅግ የተባረኩበት ዝማሬ ስለሆነ በኢየሱስ ፊልም ቪዲዮ ሰርቼ ለእናንተ ላካፍላችሁ ወደድኩ።

ማላወራው - ዘማሪ ዲያቆን ሐዋዝ ተገኝ

https://youtu.be/X_mEad6jb-0?si=iJPEWLgVZV__iqbY

የተወደደ መልክ Lovedface:
Youtube: @emanuelKebede
Facebook: @Lovedface
Telegram: @Lovedface
Tiktok: @Lovedface
የአምላኬ ቃል እንዲሁም ጥልቅ ጥናትና ሌሎች አፕሊኬሽኖችን በቴሌግራም ቻናል ያገኛሉ።

አማኑኤል ከበደ

የኢየሱስ ሕይወት ፊልም በአማርኛ 4K UHD በከፍተኛ ጥራት The Life of Jesus Film (Amharic)

https://youtu.be/OuZqyzvgv1g?si=XjNnj3idUBCvfuoW

በLovedface የተወደደ መልክ የተዘጋጀ

Youtube: @emanuelKebede
Facebook: @Lovedface
Telegram: @Lovedface
Tiktok: @Lovedface
የአምላኬ ቃል እንዲሁም ጥልቅ ጥናትና ሌሎች አፕሊኬሽኖችን በቴሌግራም ቻናል ያገኛሉ።

አማኑኤል ከበደ

https://youtu.be/QjZxDqWRQjI?si=bJoKGsn9a1yCSGtY

የአጋፔቶስ ንጉስ || ልታዩት የሚገባ አስደናቂ ታሪክ tiktok.com/@Lovedface

Tiktok.com/@Lovedface