Kawhmu News Agency

ကော့မှူးမြို့နယ်ကျိုက်ထော်ရဲစခန်းက နယ်ထိန်း တင်မိုးဇော် ပစ်ခတ်ခံရပြီး ပွဲချင်းပြီးသေဆုံး
-------------------------------
KNA| December 17,2023./နွေဦးဝေ

ရန်ကုန်တောင်ပိုင်းခရိုင်၊ ကော့မှူးမြို့နယ် အနောက်ခြမ်း ကျိုက်ထော်ကျေးရွာ နယ်မြေရဲစခန်းက နယ်ထိန်း တစ်ဦးဖြစ်တဲ့ တင်မိုးဇော်(ခ)စမိုင်း အရပ်ဝတ်နဲ့ ပစ်ခတ်ခံရပြီး သေဆုံးသွားတယ်လို့ သိရပါတယ်

ဒီကနေ့ ဒီဇင်ဘာလ ၁၇ရက် နံနက် ၁၁ နာရီ ၂၅ မိနစ်ခန့်မှာ အဆိုပါ နယ်ထိန်း တင်မိုးဇော်ဆိုသူဟာ အရပ်ဝတ်နဲ့ တော်လှန်ရေး ရဲဘော်တွေရဲ့ သတင်းတွေကို လိုက်လံ စုံစမ်းနေစဥ် တလုတ်ထော်ကျေးရွာနဲ့ အင်ယားချောင်ကျေးရွာ အကြားမှာ ပစ်ခတ်ခံရပြီး ပွဲချင်းပြီး သေဆုံးသွားတာဖြစ်တယ်လို့ ကော့မှူးပကဖ တာဝန်ရှိသူက ခေတ်သစ်မီဒီယာကို အတည်ပြုထားပါတယ်။

အဆိုပါ နယ်ထိန်း တင်မိုးဇော်ဆိုသူဟာ အရပ်ဝတ်နဲ့ တော်လှန်ရေးတပ်ဖွဲ့ဝင်တွေရဲ့ အကြောင်းကို လိုက်လံထောက်လှမ်းနေသူတစ်ဦးဖြစ်သလို တော်လှန်ရေး ရဲဘော်တွေ မိသားစုတွေကို ဖမ်းဆီးစစ်ဆေးရာမှာ အဓိက ပါဝင်သူ ၁ ဦးဖြစ်တယ်လို့ သိရပါတယ်။

ဒါ့အပြင် ၎င်းနယ်မြေအပိုင်တွေမှာလည်း 2D ၊ 3D ၊ ကြက်ဝိုင်း၊ ဖဲဝိုင်း၊ လေးကောင်ဂျင် အစရှိတဲ့လောင်းကစားပေါင်းစုံကို ဖွင့်ခွင့်ပေးပြီး ပိုက်ဆံရှာဖွေစားသောက်နေသူ ဖြစ်တယ်လို့ သိရှိရပါတယ်။

ကော့မှူးမြို့နယ်အတွင်းမှာ တရားမဝင် လောင်းကစားတွေကို အကြမ်းဖက်စစ်‌အုပ်စုခန့်အုပ်‌ချုပ်ရေးမှူး၊ စာရေးတွေနဲ့ အပေါင်းအပါ‌ေတွက အကြမ်းဖက်စစ်သား/ရဲတွေနဲ့ ပေါင်းကာ ဒိုင်ကိုင်ခြင်း လိုင်းကြေးကောက်ကာ ခွင့်ပြုခြင်းတွေကို ကျယ်ကျယ်ပြန့်ပြန့် လုပ်ဆောင်နေတာလည်းဖြစ်ပါတယ်။

Photo.KTM

[KNAရဲ့ သတင်းရုပ်သံတွေကို Telegram Channel နဲ့ You Tube Channel ကနေ ဖတ်ရှုနားဆင်နိုင်ဖို့ Channelလေးတွေ ကို Subscribed လုပ်ပေးကြဖို့ မေတ္တာရပ်ခံပါတယ်။

YouTube Channel
https://youtube.com/@kawhmunewsagency21]

#Kawhmu_NewsAgency

အကြမ်းဖက်ခိုမုန်းတပ်စခန်းက သိမ်းဆည်းရမိတဲ့ လက်နက်ခဲယမ်းတွေကိုTNLAထုတ်ပြန်
--------------------------------
KNA| December 9,2023./နွေဦးဝေ

ရှမ်းပြည်မြောက်ပိုင်း၊တအာင်းပြည်နယ်၊မန်တုံမြို့နယ် အကြမ်းဖက် စစ်ကောင်စီရဲ့ ခိုမုန်းတပ်စခန်းကို PSLF/TNLA မှ ဝင်ရောက်ရှင်းလင်း ခဲ့ပြီး အဆိုပါ တိုက်ပွဲအတွင်း ရန်သူတပ်စခန်းမှ လက်နက်၊ခဲယမ်း အများအပြား သိမ်းဆည်းရရှိခဲ့တယ်လို့ PSLF/TNLA သတင်းနှင့် ပြန်ကြားရေးဌာနမှ ဒီနေ့ ရက်စွဲနဲ့ သတင်းထုတ်ပြန် ထားပါတယ်။

အကြမ်းဖက်စစ်ကောင်စီရဲ့ ခိုမုန်းတပ်စခန်းမှ ၆၀ မမ လက်နက်ကြီး၊ ပစ္စတို ၁ လက် ၊လက်နက် ၅ လက်၊ ခဲယမ်းများစွာ နဲ့ စစ်သုံးပစ္စည်း များ သိမ်းဆည်းရရှိခဲ့တယ်လို့ ဓာတ်ပုံ မှတ်တမ်းနဲ့တကွ အသိပေးထားပါတယ်။

တအာင်းပြည်နယ် တပ်မဟာ (၃)စစ်ဒေသ တအာင်းအမျိုးသား လွတ်မြောက်ရေးတပ်ဖွဲ့ရဲ့ နယ်မြေဖြစ်တဲ့ အကြမ်းဖက်စစ်ကောင်စီ ရဲ့ ခိုမုန်းတပ်စခန်းကို ဒီဇင်ဘာ ၇ ရက်၊ ညနေ ၄ နာရီ မိနစ် ၃၀ အချိန်မှာ ဝင်ရောက်ရှင်းလင်း သိမ်းပိုက်နိုင်ခဲ့ကြတယ်လို့ ဖော်ပြထားပါတယ်။

[KNAရဲ့ သတင်းရုပ်သံတွေကို Telegram Channel နဲ့ You Tube Channel ကနေ ဖတ်ရှုနားဆင်နိုင်ဖို့ Channelလေးတွေ ကို Subscribed လုပ်ပေးကြဖို့ မေတ္တာရပ်ခံပါတယ်။

YouTube Channel
https://youtube.com/@kawhmunewsagency21]

#Kawhmu_NewsAgency

မုန်းတိုက်ပွဲအတွင်းက လက်နက်ချ အညံခံလာတဲ့ အကြမ်းဖက်စစ်သားတွေကို ကောင်းမွန်စွာနဲ့ ဆေးကုသမှု ပေးထားတယ်လို့ Royal Column အသိပေး
-------------------------
KNA| December 8,2023./နွေဦးဝေ

ပဲခူးတိုင်း၊ ကျောက်ကြီးမြို့နယ်၊ မုန်းမြို့တိုက်ပွဲအတွင်းမှာ လက်နက်ချ အညံခံလာတဲ့ အကြမ်းဖက် စစ်သားတွေကို ကောင်းမွန်စွာနဲ့ ဆေးကုသမှု ပေးထားတယ်လို့ တော်ဝင်ဒေါင်းစစ်ကြောင်းက ဓာတ်ပုံတွေနဲ့တကွ အသိပေးထုတ်ပြန်လိုက်ပါတယ်။

အကြမ်းဖက်စစ်တပ်ရဲ့ ခြေမြန်တပ်ရင်း (၅၉၀) နဲ့ (၅၉၉) ၊ မုန်းမြို့မ ရဲခစန်း တို့ကို တော်လှန်ရေး မဟာမိတ်ပူးပေါင်းတပ်တွေက ဒီဇင်ဘာ ၄ ရက် ညနေပိုင်းမှာ တိုက်ခိုက်သိမ်းပိုက် ရရှိခဲ့တာပါ။

စခန်းသိမ်းတိုက်ပွဲအတွင်း လက်နက်ခဲယမ်း အမြောက်အများ သိမ်းဆည်းရမိခဲ့သလို ဖမ်းဆီးရမိတဲ့ သုံ့ပန်း တွေ ၊ လက်နက်ချ အညံခံလာတဲ့ အကြမ်းဖက်စစ်သားတွေနဲ့ ၎င်းတို့ရဲ့ မိသားစုဝင်တွေကို ကောင်းမွန်စွာ ထိန်းသိမ်းစောင့်ရှောက်ထားတယ်လို့ဆိုပါတယ်။

ဒါ့အပြင် ဒဏ်ရာရထားတဲ့ ရန်သူ့တပ်သားများကိုလည်း တော်လှန်ရေးတပ်ဖွဲ့က လူသားချင်းစာနာ မှုအပြည့်အဝဖြင့် ဆေးကုသကာ ကောင်းမွန်စွာ စောင့်ရှောက်ထားတယ်လို့ တော်ဝင်ဒေါင်းစစ်ကြောင်းက ပြောပါတယ်။

အကြမ်းဖက်စစ်သားတွေအနေနဲ့ မိမိတို့ရဲ့ အသက်ကို ငဲ့ညှာတဲ့အနေနဲ့ပဲဖြစ်ဖြစ်၊ ပြည်သူ့မျက်နှာကို ထောက်ပြီးတော့ပဲဖြစ်ဖြစ် အလင်းဝင်ကြဖို့အတွက်လည်း တော်ဝင်ဒေါင်းစစ်ကြောင်းက တိုက်တွန်းထား ပါတယ်။

YouTube Channel
https://youtube.com/@kawhmunewsagency21]

#Kawhmu_NewsAgency

တာရင်တောင်ကို သိမ်းယူနိုင်ခဲ့ပြီးနောက် လောက်ကိုင်အနီးဝန်းကျင်မှာ စစ်ကောင်စီတပ်စခန်း(၄)ခုသာရှိကျန်ရှိ
----------------------------------
KNA| December 6,2023./

ရှမ်းပြည်နယ် လောက်ကိုင်မြို့နဲ့ ၂ မိုင်သာဝေးပြီး တုန်ချိန်ရပ်ကွက်ရဲ့ တောင်ဘက်ခြမ်းရှိတဲ့ တာရင်တောင် အမှတ် ၄ စခန်းနေရာကို ကိုးကန့်တပ်မတော် (MNDAA) က ယနေ့ နံနက် ၉ နာရီမှာ သိမ်းယူခဲ့ပြီးနောက် စစ်ကောင်စီအတွက် အရေးကြီးတဲ့ High Point တောင်ကုန်းတစ်ခုလုံးကို MNDAA က အပြီးအပိုင် သိမ်းပိုက်နိုင်ခဲ့တာလည်း ဖြစ်ပါတယ်။

ကိုးကန့်ဒေသအခေါ် တာရင်တောင် (လေးမျက်နှာစေတီကုန်း) ဟာ စစ်ကောင်စီအတွက် အရေးကြီးတဲ့ High Point တစ်ခုဖြစ်ပြီး ယင်းတောင်ကုန်းနေရာမှာ စစ်ကောင်စီစခန်း ၄ ခုရှိနေတာလည်း ဖြစ်ပါတယ်။

ပြီးခဲ့တဲ့ ဒီဇင်ဘာလ ၃ ရက်နေ့မှာ MNDAA က တာရင်တောင်ကို စတင်တိုက်ခိုက်ခဲ့တာဖြစ်ပြီး ၂ ရက်တာ ပြင်းပြင်းထန်ထန် ပစ်ခတ် တိုက်ခိုက်ခဲ့ပြီးနောက် ဒီဇင်ဘာလ ၅ ရက် နေ့လည် ၃:၂၈ နာရီမှာ တာရင်တောင်မှာရှိတဲ့ စစ်ကောင်စီစခန်း အမှတ် ၁၊ ၂၊ ၃ စတဲ့ စခန်းသုံးခုကို သိမ်းယူနိုင်ခဲ့တာလည်း ဖြစ်ပါတယ်။

အဲ့ဒီနောက် ဒီကနေ့ ဒီဇင်ဘာလ ၆ ရက် နံနက် ၉ နာရီဝန်းကျင်မှာ ကျန်ရှိနေတဲ့ စစ်ကောင်စီစခန်း အမှတ် ၄ စခန်းကို သိမ်းယူနိုင်ခဲ့ပြီးနောက် စစ်ကောင်စီ အခိုင်အမာ တပ်စွဲထားတဲ့ တာရင်တောင်တစ်ခုလုံးကို MNDAA က သိမ်းယူနိုင်ခဲ့တာလည်းဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

အဆိုပါ စခန်း သိမ်းယူမှုမှာ စစ်ကောင်စီစစ်သုံ့ပန်း ၁၁ ဦးကို ဖမ်းဆီးနိုင်ခဲ့ပြီး ဖမ်းဆီးရမိတဲ့ စစ်သုံ့ပန်းများတွင် သက်ကြီးရွယ်အိုများလည်း ပါဝင်နေတယ်လို့ သိရပါတယ်။

လက်ရှိအချိန်မှာ တာရင်တောင်စခန်းကို MNDAA က သိမ်းယူနိုင်ခဲ့တဲ့အတွက် လောက်ကိုင်အနီးဝန်းကျင်တွင် စစ်ကောင်စီ တပ်စွဲထားတဲ့ High Point နေရာများ မရှိတော့ဘဲ မီရှင့်ကုတ်၊ နန့်ထင်မိန်၊ ရန်လုံကျိုင့်နဲ့ တာရွှေထန် တပ်စခန်းများသာ ကျန်ရှိတော့တယ်လို့ MNDAA က ထုတ်ပြန်ထားပါတယ်။

Photo: The Kokang

[KNAရဲ့ သတင်းရုပ်သံတွေကို Telegram Channel နဲ့ You Tube Channel ကနေ ဖတ်ရှုနားဆင်နိုင်ဖို့ Channelလေးတွေ ကို Subscribed လုပ်ပေးကြဖို့ မေတ္တာရပ်ခံပါတယ်။

YouTube Channel
https://youtube.com/@kawhmunewsagency21]

#Kawhmu_NewsAgency