Karim Raximov

Alibabaning Accio sun'iy intellektini ishlatib ko`rdim. Juda ajablanarlisi, bu SI yuqoridagi ikkala masalani ham to`liq va tez ishladi. Bu Chatgpt va DeepSeekdan ham ancha kuchli ekan....

-------

Savol: Bizda ilm hozirgi eng ilg`or holatdan qancha ortda?

Chatgpt: Ha sizlar orqadasizlar tezyurar mashinaga minib yetib olinglar...

DeepSeek: Ortdasizlar, samolyotda yetib olinglar...

Accio: Hozirgi yurishlaringizda Raketaga chiqsalaringiz ham yetolmaysizlar...

@karimraximov

ChatGPT vs DeepSeek, Round 1

Chatgpt va DeepThink(R1) ikkalasiga universitet olimpiadasidan ikkita soddaroq matematik masala berdim. Birinchi masala holatlarga bo`linadigan ketma-ketlik limiti edi, Chatgpt bitta holatni tahlil qilmasdan qoldirib ketdi va javob to`kis chiqmadi. DeepSeek esa masalani to`liq yechdi. Ikkinchi masala Matritsalar bo`yicha edi, Chatgpt yecholmadi va umuman olganda xato mulohaza qildi(20 balldan 0 ball). DeepSeek ham xato ishladi lekin bitta holni topdi (20 balldan 1 ball). Tahlil qilishdan shuni angladimki, Ikkala SI ni masalalarni tahlil qilishidagi farqlar ko`p va yondashuv boshqa boshqa. Demak DeepSeek yaratuvchilari ushbu SIni yaratishda boshqa nuqtai nazardan qarashganga o`xshaydi va ayrim jabhalarda chatgptdan effektivroqqa o`xshayapti.

Biz O`rta Osiyo xalqlari aslida hammamizniki bo`lgan allomalarimizni seniki-meniki qilmasdan birlashib tezroq o`zimizni suniy intellektimizni yaratmasak allomalarimiz tugul o`zimizga egalik qilolmay qolamiz bu ketishda.

@karimraximov

4 yoshli bola kechqurun ota-onasi va opa ukalari bilan uxladi, ko'zini ochdi juda qattiq og'riq his qilgan, tanasini nazorat qilolmaydi, o'zi shok holatida.... Qanchadir vaqtdan keyin uni bomba tushib yer bilan yakson qilingan uyi xarobalaridan qazib olishdi. U oilasidan to'liq ajralgandi undan boshqa hech bir oilasi azosi tirik qolmagan. Bir o'zi qoldi... Uni shofixonaga olib borishdi. 1-2kundan keyin shifoxonani ham bombalashdi, u yerdan ham omon qolgan bola bir oyog'ini yo'qotdi...

Afsuski bu shunchaki qo'rqinchli ertak emas, bunga o'xshash juda juda ko'plab voqealar ko'z o'ngimizda Falastinda ro'y berdi va biz hech nima qilolmadik.

Umid qilamanki tuzilgan sulhdan keyin Falastindagi qirg'in haqiqatdan tugaydi va endi Falastindagi bolalar bomba ovozidan emas sog' omon uyquga to'yib uyg'onadi.

#freepalestine

@karimraximov

Abdulxoliq G'ijduvoniy yurti bo'lgan men tug'ilgan G'ijduvon aholisida matematika faniga umuman olganda ilmga bo'lgan qiziqish juda ham yuqori. Yaqin yillarda G'ijduvon hokimi Sherzod Raximovich bu qiziqishga rag'batlantirishni va ta'limga bo'lgan e'tiborni boshqa bosqichga olib chiqdi deb o'ylayman(yaqinda o'tkazilgan Buxoro ochiq olimpiadasida masalalarni shaxsan hokimning o'zlari yechib tahlil qilib berishlari bunga yaqqol bir misol).

Yaqinda Khiso jamoasi bilan G'ijduvonda Buxoro ochiq olimpiadasini o'tkazdik. Bundan keyin G'ijduvon hokimiyati va Khiso hamkorligida Buxoro ochiq olimpiadasi G'ijduvonda regulyar yo'lga qo'yiladigan bo'ldi. Bu albatta juda ajoyib.

Yoshlarga doimiy o'zlari ustida ishlab ushbu olimpiadalar orqali bilimlarini sinab borishlarini tavsiya beraman. Unutmang natijaga bir kunda erishilmaydi, natijalar doimiy mehnat ortidan keladi.


G'ijduvon deganda insonlar miyasiga birinchi shashlik emas Olimlar kelmaguncha qattiq ishlashimiz kerak.


@karimraximov

π olimpiadasi!

V.I. Romanovskiy nomidagi Matematika Instituti, Toshkent shahridagi Turin politexnika universiteti va TIFT Universiteti tashkilotchiligida 2025-yilning 26-29 iyun kunlari Toshkent shahridagi Turin politexnika universitetida matematika bo'yicha talabalar o'rtasida xalqaro darajadagi olimpiada bo'lib o'tadi.


Olimpiada tartibi:
1. Olimpiadada 2 kun 5 tadan masala beriladi, har kungi masalalarni yechish uchun talabalarga 5 soatdan vaqt ajratiladi. Har bir masalaga 10 balldan ball beriladi.

2. Olimpiadaga qatnashishda jamoaviy ro'yxatdan o'tiladi. Bir jamoada jamoa rahbari va 6 tagacha talaba bo'lishi mumkin. Olimpiadada alohida o`zingiz ham qatnashsangiz bo`ladi.

3. Appelyatsiya jarayonida talabalar umuman aralashmaydi, barcha appelyatsiya jarayonlarida jamoa rahbarlari shogirdlari ishlarini himoya qiladi.

4. Olimpiadada 1-4 kurs bakalavr talabalari va magistratura bosqichi 1-kurs talabalari qatnashishi mumkin.


Hozircha Jamoa rahbarlari olimpiadada ro'yxatdan o'tishlari mumkin. Deadline 14-mart 2025(π day). Keyinchalik talabalar uchun ro'yxatdan o'tish ochiladi. Tezroq jamoangizni tuzing va jamoa sifatida ro'yxatdan o'ting!


Olimpiada ro'yxatdan o'tish va olimpiada haqida to'liq ma'lumotni quyidagi saytdan olishingiz mumkin: https://sites.google.com/view/uzmc

@karimraximov

Bu olimpiada bo'yicha ko'pchilik qiziqish bildirib yozayapti, qiziqishingiz uchun rahmat. Tez orada olimpiada sayti, qaysi universitetda o'tkazilishi(hali o'tkaziladigan joy noma'lum), registratsiya uchun talablar, va olimpiada dasturi to'liq e'lon qilinadi.


@karimraximov

Uzbekistan Math Competition for University Students


2025-yil iyun oyi oxiri(25-30 iyunlar)da xalqaro darajadagi olimpiada mutaxassislari bilan birga universitet talabalari uchun yangi olimpiada tashkil qilishni rejalashtirayapmiz. Olimpiadani xalqaro darajada tashkil qilinishi rejalashtirilayapti. Unda 2 kun 5 tadan masala va har bir kun uchun 5 soatdan vaqt beriladi. Appelyatsiya uchun yana bir kun ajratiladi.

Hozircha qatnashishga masala tanlashda va hakamlik qilishga rozi bo'lgan chet eldagi mutaxassislarimiz:

Abror Pirnapasov (University of Maryland, USA)

Hakimboy Egamberganov (National University of Singapore)

Tolibjon Ismoilov (Scuola Internazionale Superiore di Studi Avanzati, Italia)

Shohzod Quroqboyev (KU Leuven, Belgium)

Jasurbek Imomov (National University of Singapore)

Lazizbek Abdullaev (National University of Singapore)

Shoxrux Ibragimov (University of Münster)

Nodirbek G'afforov (National University of Singapore)

Yana boshqa olimlarimizdan javob kutayapmiz.

Ushbu musobaqada qatnashsangiz, siz eng kamida xalqaro tajribaga ega bo'lgan ajoyib olimlar suhbati va tavsiyalarini olish imkoniga ega bo'lasiz.

Olimpiadaga homiylik qilmoqchi bo'lganlarni biz bilan @univolimp2025 orqali aloqaga chiqishlarini kutib qolamiz!

@karimraximov

Kuchli mutaxassislarni ishga yollash

Birinchi marta Singapurga borganinda 10 kunlik ilmiy safar bilan borgandim va u yerdagi professor bilan birinchi marta ko'rishayotgandim. 2-3kun ilm qilganimizdan keyin, menga u qanday qilib NUSga ishga kelganini aytgandi. Aytishi bo'yicha uni avvalo ilmiy tashrif buyurishi uchun taklif qilishgan va shu tashrifi davomida uni eng zo'r joydagi mehmonxonalarga qo'yib, judaham yuqori mulozamat bilan uni ko'ngliga qarashgan ekan va oxirida juda katta maosh bilan ishga taklif qilishgan ekan. Ya'ni kuchli universitetlar kuchli mutaxassislarni ishga yollash uchun aynan shunga o'xshash qadamlar bosar ekan. Shu professor Singapurga tashrifim oxirgi kunlarida menga ham ajoyib muomala qildi Singapurni zo'r joylarini ko'rsatishga harakat qildi, zo'r restorantlarga olib bordi va oxir oqibat Singapurga ishga taklif qildi.


Hozir Xitoyning Shenzhen shahriga ilmiy safar bilan kelganman. Bu yerda ham safarim boshidan buyon ajoyib muomala va mulozamat ko'rdim va oxirida shu yerga kelishimni taklif qilishdi.

Demak sizga zo'r mutaxasis kerak bo'lsa aynan shunday muomala bilan ishga taklif qilsangiz katta ehtimol bilan keladi. Siz bu uchun aqlli ishga yollashni bilishingiz kerak.


Meni O'zbekistondagi asosiy ish joyim Matematika Instituti va u yerda hammasi ajoyib yo'lga qo'yilgan. 2-ish joyim O'zMUda esa 2 oydan buyon maoshimni berishmadi. Sizni sistemaga kiritolmayapmiz deb ancha yugurtirishdi(juda yoqimsiz holat). Vaholanki keyin aniqlashimiz bo'yicha buni amalga oshirish 3 daqiqa vaqt olarkan.

Kuchli universitet bo'lishning asosiy shartlaridan biri kuchli mutaxassislarga ega bo'lish. Kuchli mutaxassislarni yollay olganlar va ularni saqlay olganlargina o'sadi aks holda hech nimaga erisholmaydi va asta sekin cho'kadi.

@karimraximov

Ustozlik qilish, muallim bo'lish masuliyatli bir vazifa hisoblanadi. Ushbu mas'uliyatli vazifani halol va beminnat bajarayotgan ustozlarni bugungi bayram bilan tabriklayman!


Undan tashqari barcha shogirdlarimga tabrik uchun minnatdorchilik bildirib, Allohdan ilmlarini ziyoda qilishini tilab qolaman.

@karimraximov

ChatgGPTdan genotsid haqida so'raganimda shunday javob berdi!

@karimraximov

--sen nega ko'p narsalarni baykot qilgansan?
--kel 1 so'mdan yig'ib yosh bolalar ustiga bomba yog'dirayotgan terrorist davlatga beramiz va ular bomba olib yosh bolalarni o'ldirishda davom etadi.
--jinnimisan?
--jinnimasman; va shuning uchun ham 1 so'mim ham shularga bormasin uchun qo'limdan kelgancha boykot qilaman...


@karimraximov

ChatgGPT maktablarimizda bir sinfda 40tadan bolani o'qitishga qarshi.


Bugun ertalab ChatgGPT bilan O'zbekistonni qanday rivojlantirish mumkinligi haqida dildan gaplashdik. Yuqoridagi rasmda suhbatimiz yozishmasini o'qishingiz mumkin.

O'ylab qoldim shu narsalarni tushunmaydigan ayrimlarni o'rniga shu ChatgGPTni ishga qo'ysakmikin. Oylik ham to'lamasdik!

@karimraximov

Hech nima davlatni ilmchalik rivojlantirmaydi va dunyoga tanitmaydi.

Qochirimni yaxshi ko`radigan rivojlangan davlatdagi bir odamdan so`rashdi, sizlar bu rivojlanishga qanday erishdingiz? U javob berdi:
-biz bu holatga kelish uchun sportga katta mablag` ajratdik, shunga parallel ravishda ilmga sportchalik e'tibor qaratmadik, jamiyatga sport ortidan boyib ketilishini propoganda qildik, hatto utyukni tokka tiqqanda ham sportchilar chiqib aqllilik qilib ilm bilan sportni solishtirib ilm qilish sportdan oson ekanligini aytaverdi. Shunda xalq ichida kuchli sportchilar ko`paydi. Bu ishlarni va sportni kuchini qarangki bu sportchilar bir joyga yig`ilib har xil ixtirolar qilib boshlashdi, ular atom bombasi yaratdi, robortlar yaratishdi, uchuvchisiz uchuvchi uchoqlar yaratishdi va hokazo. Shular ortidan davlatimiz juda boyib ketdi, mana o`zim ham millionerman. Gapirsam gap ko`p lekin hozir universitetda matematikadan darsim bor shunga bormasam bo`lmaydi, sizlar esa men aytgan yo`ldan boravinglar hammasi zo`r bo`lib ketadi.


Bu gaplarim bilan hech nima demoqchi emasman!

Mayli aytmoqchiman: sportga e'tibor beraverish kerak lekin hamma narsa ilmga bo`lgan katta e'tibordan keyin bo`lishi kerak.

@karimraximov

Barchaga yangi o`quv yili muborak bo`lsin!

Yozda deyarli post qo'yolmadim, chunki ilmiy ishga juda sho`ngìb ketdim. Allohga shukurki ushbu yozda har xil hammualliflar bilan birgalikda 4 ta maqolani tugatdik:

https://arxiv.org/abs/2409.02039
https://arxiv.org/abs/2407.01984
https://arxiv.org/abs/2406.13353
https://arxiv.org/abs/2405.12033

Nasib bo'lsa endi ilmiy ishlar bilan birgalikda yoshlarga ilm berish bilan shug'ullanishni boshlaymiz. Umid qilamanki talaba yoshlarimiz o`qishga kirgandan keyingi o`qish ham juda muhimligini anglab qattiq ishlab bizga ko`makchi bo`ladi va biz ham ularga to`g`ri ilm berib ularga ko`makchi bo`lamiz.

@karimraximov

NTU(Singapur)da matematika bo'yicha phd pozitsiya


4-kursni bitirgan yoki magistraturani bitirgan yoki magistratura birinchi kursini bitirgan talabalar uchun Singapurning NTU universitetidagi professor tanishim matematika yo'nalishi PHD dasturiga grand elon qildi. Ushbu professor shug'ullanadigan sohalar:

multiscale problems, probabilistic partial differential equations, numerical analysis


Agarda siz o'zingizni shu pozitsiyaga loyiq deb bilsangiz, menga murojaat qiling, men imtixon olib ko'rib ushbu dasturga sizni tavsiya qilaman!

Menga emaildan bog'lansangiz maqsadga muvofiq bo'ladi.

emailim: [email protected]

Ma'lumot uchun NTU dunyo reytingida 15-o'rinda turadi:

https://www.topuniversities.com/universities/nanyang-technological-university-singapore-ntu-singapore

@karimraximov

Hakimjon Singapur Milliy Universitetida PhD qilish bo'yicha kun.uz ga ajoyib intervyu beribdi:

https://t.me/kunuzofficial/149212

@karimraximov

Tavsiyanoma!

Bu o`quv yili (eng) top chet el universitetlariga va yozgi maktablariga mening tavsiyam bilan grand asosida borganlar (aynan ushbu o`quv yildagilar) soni 4 taga yetdi. Alloh nasib qilsa asta sekin bu sonni yildan yilga ko`paytiramiz.

Top universitetlar uchun tavsiyanoma va uni kim tomonidan berilayotgani juda muhim hisoblanadi. Ko`pchilik menga tavsiyanoma bering deb so`rab yozadi. Shu uchun umumiy qilib javob bermoqchiman: tavsiyanomani kamida bir semestr dars o`tib, o`zim imtihon olgan talabalarga berishim mumkin. Umumiyroq ma'lumot ushbu linkda.


Qo`shimcha sifatida aytishim mumkinki, kelayotgan o`quv yilida hozircha O`zbekiston milliy universiteti matematika fakulteti matematika yo`nalishi talabalariga dars o`taman.

@karimraximov

Bugun "Yozgi maktab" da ochilish marosimi va ilk darslar boʻlib oʻtdi!

🚂 Dastlab soat 9:00 da Xorazm viloyatidan kelgan ko‘p sonli o‘quvchilar kutib olindi va yotoqxonaga joylashtirildi.

Toshkent shahridagi Turin Politexnika universitetida bo‘lib o‘tgan ochilish marosimida loyiha rahbari Sardor Bozorboyev qoidalar va #yozgi_maktab_ustozlari ni tanishtirdi.

👨‍🏫 Shundan soʻng xalqaro olimpiada g‘oliblari ishtirokida maharot darslari boshlanadi. Darslarda faol bo‘lgan o‘quvchilar maxsus valyutalar bilan to‘plashdi.

🍛 Tushlik, erkin grafik va kechki ovqat tashkil qilinadi.

➡️ Ertaga sizni yanada qiziqarli darslar va tadbirlar kutmoqda

📍 LOKATSIYA

✅ Loyiha homiylari TTPU va TIFT universitetlari

ℹ️ Koordinatorlar +998932825657 (Zafarbek), +998939290006 (Dilnoza), +998942030108 (Nilufar)

Iqtisodchilar matematikani o'qishi bo'yicha ajoyib tavsiya.

Ma'lumot o'rnida: hozircha O'zbekistonda matematikani o'qitish bo'yicha O'zbekiston Milliy Universitetiga yetadigani yo'q.

@karimraximov

Odatda yozda juda ko‘p ishlayman va ko`p natijalarimni aynan yozda olganman. Erkin va bosimsiz ishlash insonga yangi natijalar olishga ko‘makchi bo‘ladi. Shuning uchun anchadan buyon telegram kanalimda post yozishga vaqtim bo‘lmadi, lekin ajoyib inson Bekzod aka To‘xtasinov tashabbusi bilan qilingan ishlarni ko`rib buni albatta ulashishim kerak deb o‘yladim. Bekzod aka respekt.

Bekzod aka va qilingan ish bo‘yicha to‘liqroq ma'lumot: https://t.me/bazarbaevs/10468

@karimraximov

Kriptografiya va Matematika

Yaqin insoningiz bilan boshqalar tushunmaydigan qilib gaplaringizni shifrlab gapirib ko'rganmisiz? Shuni o'zi kriptografiyadi shifrlashning bir ko'rinishi. Shifrlash anchadan buyon juda dolzarb hisoblanadi va ayni damda esa super dolzarb.


Kriptografiyaga yaqinda qiziqib oz oz o'rganib boshlagan edim. Lekin ajoyib yosh matematiklarimizdan biri Dr. Aliyev Abdurahmon mendan oldin qiziqib ancha narsa o'rganib qo'yibdi. Bugun Fikratda shu haqida suhbatlashdik. Matematikani zamonaviy kriptografiyadagi roli juda katta ekanligini ushbu ko'rsatuvda oz bo'lsada anglab olishingiz mumkin deb umid qilaman:

https://www.youtube.com/live/8Dr2G9F4BTs?si=vQ21ZxQ4MLKTPKgK

@karimraximov

2-son

❤️‍🔥Bu safargi podkastimizda ayrim muammolarga matematiklar nuqtayi nazaridan fikr bildirishga harakat qildik.

O‘zbekistonda xalqaro darajadagi matematiklar bormi?

Ular yiliga qancha pul topa olishi mumkin?

Xalqaro matematik olimpiadani nega yuta olmaymiz?

Finlandiya yoki Singapur? Qaysi birining ta’lim tizimi biz uchun ma’qul?

Shu kabi savollarga quyidagi spikerlar javob berishadi:

Karim Rahimov – V. I. Romanovskiy nomidagi Matematika instituti yetakchi ilmiy xodimi, fizika-matematika fanlari doktori.

Sardor Bazarboyev – bir necha xalqaro olimpiadalar g‘olibi, xalq ta’limi a’lochisi, matematikaga oid kitoblar muallifi.

Azimjon Mahmudov – "Sodiq School" maktabi matematika va SAT fani ustozi, “Abituriyent” gazetasi va kitobi muallifi.

Hasanxo‘ja Muhammad Sodiq – "Sodiq School" maktabi asoschisi, matematika fani ustozi.

P.S. bundan keyin buxanka trendga chiqsa kerak.

🕸To'liq videoni ko'rish uchun
https://youtu.be/oQhNtTutVhc

Inson uchun oddiy lekin robot uchun murakkab!

Bilasizmi kundalik hayotda inson miyasi murakkab darajadagi matematikaga tayanib ishlaydi, lekin insonning o`zi buni uncha his qilmaydi. Eng sodda misol:

Barchamiz katta yo`llarni kesib o`tganmiz, ayniqsa bizda odatiy hol bo`lgan svetofor ishlamay qolganda bu ishni amalga oshirish ancha diqqat talab qiladi, lekin inson odatda vaziyatni tez tahlil qiladi va o`zi uchun optimal vaqt topib yo`lni kesib o`tadi. Aynan shu vaziyatda robot shu ishni bajarishi uchun nima qilishi kerak bilasizmi? U yo`lni kesib o`tishdagi optimal vaqtni topish uchun xususiy hosilali differensial tenglama yechishiga to`g`ri keladi, bu esa oddiy hisob kitob emas, bu murakkab darajadagi matematika.

Inson bu o`zini haligacha to`liq anglay olmagan bir mo`jiza. O`zimizni oz bo`lsada anglay olish undan tashqari dunyoda o`z o`rnimizni munosib egallash uchun kompleks bilim kerak bo`ladi, bu uchun esa ilm olishdan, murakkab bo`lsada yuqori darajadagi aniq fanlarni o`rganishdan to`xtamaslik kerak. O`zimiz o`rgana olmasak ham hech bo`lmaganda shu fanlar muhimligini his qilishimiz va yoshlarni aniq fanlarni chuqur o`rganishga targ`ib qilishimiz lozim.

@karimraximov

Ozginadan keyin Fikrat dasturida Fraktallar haqida gaplashamiz:

https://www.youtube.com/live/Igh0gckoZ80?si=q0bWgNDW_0gG6f-a

@karimraximov