Janob Musayev | Digital World

FAANG darajasidagi kompaniyalarga ishga kirishda yaxshi tomoni ular qaysidir texnologiyani bilmasligingga qarab o'tirmaydi. Muhimi muammoni yecha olishingni ko'rsata olsang bas.

FAANG darajasidagi kompaniyalarda ishlashning qiyin tomoni ular qaysidir texnologiyani bilmasligingga qarab o'tirmaydi. Muhimi muammoni yecha olishing kerak.

#faang #engineering_life

@Janob_Musayev

Jahongir aka Rust sekin kompilyatsiya bo'lishini tez-tez yozib turardi. Shunga orada ko'p vaqti bo'sh qolishini ham.

Men hozir ishlayotgan scriptni ishlatib ko'rishga yuborgandim 1 soat 12 daqiqada natija chiqardi 🥲

Yana birorta ishga kirib olsammikun qoladigan bo'sh vaqtda nimadir qilib turishga :)

#microsoft_life

@Janob_Musayev

Ishdagi bo'ladigan qiziq voqealardan biri kunlik stendaplar bekor bo'lishi.

Stendap o'zi bekor bo'lishi unchalik qiziq emas. Lekin bekor bo'lgani haqidagi xabarni o'qimasdan kimlardir qayta-qayta meetingni boshlab yuborishi va 1-2 daqiqadan keyin chiqib ketishini kuzatish qiziq.

Eng yomoni har bir meeting avtomatik yozib olishga qo'yib qo'yilgan va u yozuvlardan kimlar qatnashganini ko'rsa bo'ladi. Yoki aniqrog'i kim xabarni o'qimasdan meetingga kirib olganini bilib olish mumkin. Toza "kazyol" :)

Bugun bekor bo'lgan stendap naqd 4 marta boshlab to'xtatildi. Kirib olgan odamlar o'zi shosha-pisha kirib keyin hech kim yo'qligini ko'rib chatni o'qib chiqib ketyapti. Lekin anavi "kazyol" hammasini yozib olyapti 😁

#microsoft_life

@Janob_Musayev

Mashenniklar

Boshida bular postlar tagiga yozishni boshlaganida indamadim, hatto o'chirmadim ham. Qo'y, balki rostdan ham yordamga muxtojdir derdim. Keyin yozaverishdi bular. Bir kuni boshqa ism bilan yana shunaqa xabar yozishgan, xabarda bir xil kartalar yozishganini sezib qoldim. Keyin shubha qildim va bloklab qo'ya qoldim, lekin hali aniq mashennik degan xulosa qilmagandim.

Bir blokladim, ikki blokladim, uch blokladim... lekin ular yana qaynab chiqishayotgan edi.

Muxtoj ekan, shuncha telegram akkauntni qayerdan olyapti bular?

Bir akkauntni delete qilib qaytadan ochyaptimi desam, bloklangan akkauntlar haliyam ishlab turibdi.

Ikkinchi rasmda ustiga qiziql chiziq chizilganidan boshqa hammasi Shahlo bular. Soliha degani shahlo mani onam man qiziman degan)

Bularga aslo pul bermang, o'tqizmang ham!

Yordam bermoqchi bo'lsangiz, qarindosh qo'shnilaringiz ichida ko'p muxtojlar bor, ishanavering

Jamoada endi eng "kenja" emasman

Mastercardda ish boshlaganimda bir yilgacha jamoaga yangi odam qo'shilmagandi. Keyin qo'shilganlari ham asosan balandroq darajada qo'shilgandi. Men jamoada hisobda doim eng kenjasi edim.

Microsoftda esa bugun jamoamizga mening darajamdagi yangi dasturchi keldi va men bir oyga qolmasdan "kenja"lik o'rnimni yo'qotib qo'ydim. Uning ustiga unga o'zim onboarding buddy bo'lib berdim kutib olib, tanishtirib, yo'l-yo'riq ko'rsatib.

O'zimni afsonaviy va rahmatli Hojiboy Tojiboyevning mana bu hazilidagi "zo'rg'a yuradigan" bolaga o'xshatdim.

Microsoftda hayot og'ir, tez katta bo'lish kerak ekan 😁

#microsoft_life

@Janob_Musayev

Amerika tengdir O'zbekistonga desak bo'ladimi endi? )

Lekin bizda haliyam GMni himoya qiladigan, Xitoy tovarlari kirmasligi kerak degan argumentlarni ba'zi odamlar qattiq himoya qilaveradi. Chunki biz zamonaviy erkin savdo muhitida yashab ko'rmaganmiz hech qachon. Amerika esa bu og'riqni his qilayotganiga atigi bir necha hafta bo'ldi.

Amerika tez orada o'ziga kelib oladi va tentak odam qarorini sudlar orqali bekor qilib yuboradi. Bizda esa shoyad shu bahona erkin bozor bo'yicha odamlarda fikr yaxshilanib qolsa.

#economics

P.S: Chet eldan shaxsiy foydalanish uchun telefon olib kirishda ham deklaratsiya to'ldirish majburiy qilib qo'yilgani, aks holda 30% miqdorida boj to'lash nima uchun kun muhokamasi bo'lmagani odamni o'ylantiradi.

@Janob_Musayev

Bolaligimizda yoshi kattalar bilan ko'rishib qolsak, birinchi so'raladigan savol "Kimning o'g'lisan?" bo'lardi. Ishga kirgandan keyin bu savol "Menejering kim?"ga o'zgarar ekan :)

@Janob_Musayev

Microsoftda dasturiy muhandis sifatida foydalanadigan mahsulotlarim

"Hash-pash" deguncha ish boshlaganimga 1 oy ham bo'lib qolyapti ekan. Men esa haligacha ishlatishim kerak bo'lgan narsalarning oxiriga yetolmayapman. Xayron qoldiradigan va mazza qiladigan joying esa ularning deyarli hammasi Microsoft o'ziga tegishli bo'lgan mahsulotlar, ayniqsa softwarelar.

Laptop
Faqatgina shu joyida yaqqol Microsoftnikini bo'lmagan narsa ishlatyapman — Lenova Thinkpad. Lekin aytganimdek bu software emas hardware va hardware sanoatida Applega yetadigani yo'q ekanini tan olish kerak.

OS va hujjatlar uchun
Windows va Office. Menimcha bu yerda izohga hojat yo'q. Aynan shu 2 mahsulot Microsoftni Microsoft qilgan va albatta eng ko'p hate qilinadiganlari. O'zim ham shaxsiy maqsadlarda MacOS, Google Docs va Sheets ishlataman )

Shaxsiy cloud va Email
Oddiy odamlar orasida Gmail va Google Drive qanchalik yetakchi bo'lsa, korporativ dunyoda OneDrive va Outlook haqida shunday deyish mumkin. Mastercardda ham shulardan foydalanardik. Boshqa Microsoft mahsulotlari bilan birga ular sanoat standardiga aylanib ketgan.

Xabarlashish
Slack... Hazillashdim :)
Microsoft Teams albatta. Mijoz va hamkasblar bilan gaplashishda Slack, Whatsapp va boshqa messengerlardan foydalanish mumkin emasligi Mastercardda ham Microsoftda ham eng birinchi o'rgatiladigan narsalardan (xavfsizlik nuqtai nazaridan). Teams esa hozirgi vaqtda o'z dasturlari va botlariga ega ekosistemaga aylanib ketmoqda

Enterprise Cloud
AWS deb o'ylab ham ko'rmadingiz degan umiddaman. Azurega ham ishim Mastercarddayoq tushgandi va shu sababdan ham Azure Fundamentals sertifikatini olib qo'ygandim. Bu yerda ham cloud texnologiyalarida shubhasiz Azuredan foydalaniladi. Azure katta ehtimol bilan kompaniyaning oxirgi 15 yildagi eng yaxshi mahsulotlari top 3 taligida.

VCS and DevOps
Faqatgina Microsoft GitHubdek mahsulotga egalik qilib turib boshqa mahsulot ishlatishga jurat qila olsa kerak. Bu yerda biz Azure DevOpsdan foydalanyapmiz. Uning ichiga esa repository management, build pipelines, test suits, wikis va hattoki team management boardlar ham kirib ketadi. Qisqa qilib aytganda Atlassian (Jira, Bitbucket, Confluence) raqobatchisi. Qizig'i Gartner DevOps bozorida Microsoftni Atlassiandan oldinga qo'ygan ekan. DeepSeek ham Azure DevOps bozorda kattaroq ulushga ega deb tahmin qildi :)

IDE
JetBrains mahsulotlarini qanchalik yaxshi ko'rsam ham bu yerda Visual Studio va VS Codedan foydalanishni boshlashim kerak bo'lyapti. VS Code dasturchilar tomonidan judayam ijobiy kutib olingan va hozirgacha sevib ishlatiluvchi men eslaydigan birinchi Microsoft mahsuloti.

Database
Men uchun eng yangi narsalardan biri bu CosmosDB. Azure saytida yozilishicha CosmosDB "NoSQL, relational, and vector database" ekan. Shu ta'rif o'zi meni qo'rqityapti to'g'risi. Satya aka aytishiga qaraganda OpenAI ham ChatGPT servislari uchun CosmosDBdan foydalanar ekan

Frontend
Mana shu yerga kelib va nihoyat ko'pchilikka yaxshi tanish bo'lgan — React. Lekin shu yerda ham ko'pchilik JSchilar hozirda TypeScriptdan foydalanishadi. Sanoatda buyam standard bo'lib ulgurgan. TypeScript kimniki ekanini esa bilasiz :)

Backend
Java...dan ko'chirilgan deb ataluvchi C# va .NET shubhasiz. 2000-yillarda Microsoft boshqa kompaniya va mahsulotlardan tez-tez "ilhom olib turgani" hech kimga sir emas. Lekin vaqt o'tishi bilan C# va .NET ortida ularni yaxshi ko'radigan juda katta community yaraldi. Bunga ular open source bo'lib o'zgargani ham katta ta'sir qilgan bo'lsa kerak.

Bular hozircha ishda ishlatishim kerak bo'lgan va dasturchi atalmish g'alatiroq odamlarga tushuntirish mumkin bo'lgan mahsulotlar.

Eng qiziq joyi men yuqoridagilarning hech biri bilan deyarli 1 yillik tajribaga ham emasman (Windows, Officedan tashqari). Shularning hammasini va yana tushuntirish qiyin bo'lgan boshqa juda ko'p narsalarni o'rganib chiqishim kerak.

Aytgancha, men hozir umuman Software Engineer bo'lib emas, Data Engineer sifatida ishlashim kerak ekan 😐

...

#engineering_life #software_engineering_life #data_engineering_life #life_is_hard

@Janob_Musayev

ChatGPT lost it's job to AI ))

People are still employed

Ishda ishlatadigan toollar ichida faqat Windows va Office bilan yaxshi tanish ekanman. Qolgan 985 tasi nima ekanini anglab olishim kerak 🤯

#no_comment #microsoft_life

@Janob_Musayev

2021-yilda Tesla kompaniyasi haddan tashqari qimmatlab ketganda BYD (Xitoy) sekin-asta uni o'z o'rniga tushirib qo'ygandi.

2025-yilga kelib DeepSeek (Xitoy) tarixni NVIDIA bilan takrorlaydi shekilli.

NVIDIA bozordagi o'rnini saqlab qolish uchun endi chinakamiga mehnat qiladigan vaqtlari kelyapti. Shundan qanday o'tishiga qarab keyin uni chinakamiga top 5 talikdagi kompaniya sifatida ko'rish mumkin bo'ladi (yoki yo'q).

#AI #news

@Janob_Musayev

Bugun City o'yinidan oldin qilish kerak bo'lgan ish.

Bo'ydoqlar esa har doimgidek shunchaki ich etlarini yeyishi mumkin. Arzimaydi :)

#joke

@Janob_Musayev

Amazondan Microsoftga

Ofisda oxirgi 2 oyda ishga kelganlar anchagina ekan (30-40 tacha). Eng qizig'i kim bilan gaplashsam "Oldin Amazonda ishlaganman" deyapti. Yangilar orasida ham, 2-3 yildan beri ishlaganlar orasida ham. O'zim shaxsan gaplashganlardan 6 tacha sanadim.

Bugun bittasidan "Sabab nima?" desam, "Yangi yildan har kuni ofisga kelish majburiy bo'ldi" dedi. Mastercardda ham o'tgan yili yanvardan kamida 3 kun kelish majburiy bo'lgandi. Bu yerda esa haliyam to'liq uydan ishlash mumkin. Irlandiyadagi eng katta ikkita muammo turar joy (ijara) va jamoat transporti ekanini hisobga olsak, bu narsa ish joyini tanlashda eng asosiy faktorlardan ekanini tushunish mumkin.

Amazonni men chinakam Amazon o'rmonlaridek tasavvur qilaman. Undan tirik chiqa olgan odam qolgan istalgan joyda bemalol yashab ketadi :)

Jahongir aka, anaqisa referral berishim mumkin, PHP mashhurligi uchun qo'shgan hissangiz hurmatidan 😁

#amazonian_life #microsoft_life

@Janob_Musayev

Microsoft kutubxonasi

Bu esa yangi ochilgan kutubxona. Ichida hali unchalik ko'p kitob yo'qdek, lekin hozirgisi ham bemalol bir yilga yetarli (faqat qiziqqanlarimni hisoblasak).

Badiiy adabiyot, biznes, ijtimoiy va texnologik mavzularda kitoblar topish mumkin. Eng qizig'i aynan dasturlash va texnologiyalar bo'yicha u kitoblar kutganimdek ko'p emas.

Undan tashqari qolgan hamma qilganidek esdalik yig'ish bilan shug'ullandim. Rasmdagi kitob ishdan bo'sh vaqtda o'qish uchun juda yaxshi tanlov menimcha. Harvard Business Review bazasidan ham foydalanish imkoniyati bor bo'lsa kerak, faqat hali tekshirib ko'rmadim. Men uchun eng qiziq joyi shu bo'lardi.

Rasmdan bugungi eng asosiy foydani sezgan bo'lsangiz kerak. Ha endi menda O'Reilly paypog'i bor 😁

#microsoft_life

@Janob_Musayev

Ofisimizda bugun kutubxona ochilishi bo'ldi. Microsoft akkauntimiz bilan O'Reilly kitoblari, The Economist jurnali, IEEE Xplore ilmiy maqolalari, getAbstract ilovasidan bepul foydalansak bo'lar ekan. Bular hozircha bilganlarim.

O'rganish uchun imkoniyat judayam ko'p, faqat vaqtni to'g'ri taqsimlash kerak.

#microsoft_life

P.S: Qayerdadir jonli kutubxona ham bormi lekin bilmadim )

@Janob_Musayev

Copilot vs ChatGPT

Kechagi kuni "Copilot — bu shunchaki ChatGPTni sal boshqacharoq qilib o'rab qo'yilgan, o'xshamagan varianti" degan gap aytilgan maqola o'qib qoldim. Sizning fikringizni bilmoqchiman.

Copilot va ChatGPT asosiy farqini bilasizmi?

#AI #Copilot

@Janob_Musayev

Google, Amazondagilar shunaqa rasm tashlab qolsa havas qilardim. Endi men ham ichki tizimda ham kim bilandir o'zbekcha gaplasha olaman )

#microsoft_life

P.S: Shahzodbek Germaniya ofisida, men Irlandiyada. Ikkalamiz ham new joinerlarmiz.

@Janob_Musayev

Mastercard ofisidan Microsoft ofisigacha bo'lgan yo'l

Oldin ham aytganimdek ikkalasi bir-biriga juda yaqin joylashgani uchun oradagi yo'lni time lapse video qilib olib ko'rishga qaror qildim.

Tez orada ofis ichini ham videolarini ulashaman

@Janob_Musayev

Zerikarli ishlarni sun'iy intellektga topshiring

Bugun @Musayev_blogi kanalimda Time Management bo'yicha ovozli chat o'tkazgandim. Uning videosini YouTubega joylashimda o'zim tavsif yozib o'tirmasdan, zerikarli joyini ChatGPTga yuklab qo'yaverdim tinchgina.

Mundarija va havolalar ustida ozgina ishlab yuborilsa qolgani ajoyib chiqqan. 5 dan 5 qo'yish mumkin bemalol. Ayniqsa, bu ChatGPT tekin versiyasi ekanini hisobga olsak :)

#AI #GenAI #prompt_engineering

P.S: Masterklass ikkinchi qismi ertaga bo'lib o'tadi. Judayam amaliy va qiziq bo'lishiga harakat qilaman

@Janob_Musayev

Product Management yo’nalishida ketmoqchi bo’lganimda albatta topshirgan bo’lar edim.

Rustam aka bilan ancha yillar oldin ishlagan edim. Bunaqa professional bilan ishlash omad.

📱 What can be better than a Lenova Windows machine? Yes, two Lenovo Windows machines

Ikkinchisi nimaga ekanini o'zim ham yaxshiroq tushunib olsam, sizlarga ham aytib beraman nimaga 2 ta ekanini )

#microsoft_life

@Janob_Musayev

Janob Musayev | Digital World pinned «Janob Musayev bilan tanishuv v1.0 ITga juda ko'pchilik dasturchilar qatori video o'yinlar orqali qiziqib qolganman. "PES", "Need for Speed", "Call of Duty" va "Assasin's Creed" kabi o'yinlarni juda yaxshi ko'raman. Sinfdoshlarim orasida birinchi bo'lib internet…»

2020-yil
➡️ Dasturlash faoliyatimdagi eng qiyin va muhim yil bo'ldi
➡️ Fevral - Agrobankdan marketpleys qurish uchun buyurtma oldik
➡️ Aprel - ba'zi sabablarga ko'ra loyihani 2 ta junior davom ettirishga majbur bo'ldik
➡️ May - birinchi marta tashqi API lar bilan ishlash Humo va Uzcardni to'g'ridan-to'g'ri ulashga to'g'ri keldi :)
➡️ Iyun - Payme, Click kabi servislarsiz 2 to'lov tarmog'ini ulashga muvaffaq bo'ldim
➡️ Iyul - loyiha dedlayni va ajratilgan budjet tugadi, lekin ish yarmiga ham yetmagandi. Tekinga ishlashda davom etdim
➡️ Avgust - loyihani bank ABS tizimiga ulash umrimdagi eng rasvo tashqi servis bilan ishlash tajribasi bo'ldi
➡️ Sentabr - akamning to'yi, Onam va o'zim COVID bilan kasallanganimiz stress darajasini pikka olib chiqdi
➡️ Oktabr - to'y o'tdi. ABSga ham bir amallab ulandik
➡️ Noyabr - loyiha bir dunyo kamchilik bilan majburan ishga tushdi. Menejer almashdi va keyingi 4 oyda faoliyatimdagi eng yomon menejer bilan ishlashga majbur bo'ldim
➡️ Dekabr - yana oylik olishni boshladim (norasmiy)

2021-yil
➡️ Yanvar - rasman Agrobankka ishga olindim (shartnoma asosida)
➡️ Fevral - marketing jamoasidan "Rahbariyat loyihaga nisbatan o'tgan yilgi ishonchini to'liq yo'qotdi" degan gap eshitdim. Xuddi hammasiga biz aybdordek
➡️ "Merit" o'quv markazi dasturchilik vakansiyasi uchun suhbatdan o'tdim, lekin chetga o'qishga ketmoqchiligim sabab birga ishlamaslikka qaror qildik
➡️ Mart - eski menejer o'z o'rniga qaytib ko'p narsani o'rniga qo'ydi. Savdolar sekin-asta ko'paya boshladi
➡️ Aprel - "Unicorn" startap akseleratsiyasida qatnashib EventGO loyihasi uchun yaxshigina summada grant yutib oldik
➡️ May - Chakana.uz ning bir kunlik pul aylanmasi noyabr-fevral oralig'ida bir oyda bo'lgani bilan tenglashdi
➡️ Chetda o'qish rejamni yana bir yilga surdim (batafsil @Musayev_blogi'da)
➡️ Iyun - EPAMda "Biznes analitika" bo'yicha bir oylik trening o'tagandan so'ng amaliyotchi sifatida ishga kirmaslikka qaror qildim
➡️ Avgust - 2019-yil boshlab keyin qolib ketgan "Pocket Vocabulary" kitobimni tugatishga kirishdim
➡️ Sentabr-noyabr - asosan chetga hujjat topshirish bilan band bo'ldim
➡️ Dekabr - Chakana.uz Agrobankning "Yil loyihasi" deb topildi

2022-yil
➡️ Yanvar-mart - bankning boshqa bir loyihasi ustida ishladim. Yii2 rivojlanishidan umidim so'ngani sabab yangi loyihani Laravelda yozishga qaror qildim
➡️ May-iyun - chetga o'qishga ketishim aniq bo'ldi
➡️ Iyul - loyihani boshqalarga topshirib Team Lead sifatida "Smartbank"ning marketpleys qismini qurishni boshladim
➡️ Avgust - Pocket Vocabularyni chop etib, sotuvga chiqardim
➡️ Sentabr - Irlandiyaga kelib Information Systems yo'nalishida o'qishni boshladim. Ishim yarim stavka onlayn davom etdi
➡️ Oktabr - erta kundan keyingi yil uchun ishga topshirishni boshladim. Accenture 2 kunda "reject" berdi
➡️ Dekabr - kutilmaganda Apple suhbatga chaqirdi. Birinchi suhbatdan zo'r o'tdim. Ikkinchisi esa o'xshamadi. System design bo'yicha juda kuchsiz ekanimni bildim

2023-yil
➡️ Fevral - Mastercarddan kelgan intervyu taklif xatini o'tkazib yuborishimga oz qoldi. Batafsil bu yerda
➡️ Mart - texnik topshiriq sifatida 3 kunda API yozish berilgan. Laravel bilan "qalpoq" qilib tashlaganman. Github repository ham bor
➡️ Suhbatdan 24 soat ham o'tmasdan telefon qilib o'tganimni aytishdi. O'sha kuni kechki payt, Onam tug'ilgan kunida Mastercarddan offer oldim
➡️ Aprel - Smartbazar MVPsini ishga tushirdik
➡️ May-iyul - diplom ishim Conversational AI mavzusiga oid bo'ldi (texnik emas, biznes tomonlama)
➡️ Sentabr - Mastercardda ish boshladim. Javada kod yozishga qaytdim
➡️ Noyabr-dekabr - umrimda qilmagan ish — rosa unit test yozdim va bu menga yoqdi :)
➡️ Dekabr - Agrobankdagi ishimni to'liq to'xtatdim

2024-yil
➡️ Fevral-Mart - Azure Fundamentals sertifikatini oldim. U yerdagi bilimlar Microsoft suhbatida asqotdi
➡️ Iyun - Linkedindan Microsoft rekruyteri yozib qoldi. And the rest is history :)

2025-yil
➡️ Yanvar - Microsoftning Dublin ofisida Software Engineer sifatida ish boshladim

Tanishganimdan xursandman :)

#career_path #intro

@Janob_Musayev

Janob Musayev bilan tanishuv v1.0

ITga juda ko'pchilik dasturchilar qatori video o'yinlar orqali qiziqib qolganman. "PES", "Need for Speed", "Call of Duty" va "Assasin's Creed" kabi o'yinlarni juda yaxshi ko'raman. Sinfdoshlarim orasida birinchi bo'lib internet kafelarda o'tirib "Odnoklassniki", "Mail.ru" kabi ijtimoiy tarmoqlarda akkaunt ochganman. DTM sabab birinchi marta Pascalda kod yozib ko'rganman

2016-2017 1-kurs
➡️ Birinchi kursdaligimda noutbukim yo'q edi
➡️ Xonadoshlarim noutbukida Qudrat aka Abdurahimov "C++ dasturlash" kursini o'rganganman
➡️ Omadimiz kelib Sunnatullo aka Hojiyev birinchi kursda rosa contestlar bilan rosa qiynagan )
➡️ Sunnat akadan 1-2 oy davomida algoritmlash bo'yicha dars olganman
➡️ Dekabr - birinchi marta ICPC olimpiadasida qatnashib stringni o'qib olishni bilmay o'tirib-o'tirib qaytib chiqqanmiz )
➡️ Aprel - universitet olimpiadasida qandaydir bo'lib 4-o'rinni olganman

2017-2018 2-kurs
➡️ Sentabr-dekabr krizis davri bo'lgan. Dasturchi bo'lishim to'g'rimi o'zi deb rosa o'ylanganman
➡️ Oktabr - noutbuk oldim va C++ builderda kurs ishi uchun birinchi GUI dastur yaratdim
➡️ Bir yil davomida udemydagi "Java Masterclass" kursini o'qib yurganman mustaqil
➡️ Aprel - Sherzod Shermatov TATUga kelib ketgandan keyin dasturlashga qiziqishim ancha ortgan
➡️ Aprel - "Typing Master"da 25 soat shug'ullanib klaviaturaga qaramay yozishni o'rganganman
➡️ May - JavaFXda 3-kurslar uchun 6-7 ta kurs ishi qilib 50,000 so'mdan sotganman

2018-2019 3-kurs
➡️ Sun'iy intellekt, Machine Learning, Big Data, IoT kabi mavzularga juda qiziqib qolganman (nazariy)
➡️ Dekabr - @AlgorithimsUz kanalini yuritishni boshlaganman (hozir arxiv)
➡️ Dekabr - Mediumda birinchi "Algoritmlar va Ma’lumotlar tuzilmasini o’rganish uchun 7 sabab" degan post yozganman
➡️ YouTubeda ham shu mavzuda 30 ga yaqin videolar ishlab chiqqanman
➡️ Dekabr - 2 va 3-kurslar o'rtasidagi universitet tanlovida qandaydir qilib 3-o'rinni olib 500,000 so'mga yaqin pul yutib olganman. Yagona pul mukofotim
➡️ Yanvar - Yo'ldosh aka Sultonov bilan tanishdim va bitta jamoada TUIT Open olimpiadasida qatnashib 18-o'rinni oldik. Yo'ldosh aka aybdor 😁
➡️ Fevral - IELTS imtihonim va "grantomaniya" kasalligi sabab loyiha qolib ketdi )
➡️ Mart - Yo'ldosh aka bilan suhbatdan keyin PHP o'rganishga qaror qildim. Aytdimku aybor deb :)
➡️ Aprel - AI, Big Data va IoT haqidagi bilimlarim Huaweining "Seeds for the future" dasturi suhbatida yordam berdi
➡️ Aprel - o'sha bilimlar Yaponiyaning "Sakura Science" almashinuv dasturi suhbatida ham qo'l kelgan. Dastur mavzusi ham "AI in Medicine" edi
➡️ May - Udemydan Brad Traversyning HTML & CSS, PHP va Javascript kurslarini ko'rib chiqdim
➡️ Iyun - Shavkat aka Hamidjonov va Rustam aka Mamadinovlar jamoasiga amaliyotchi bo'lib qo'shilish uchun topshiriq oldim
➡️ Birinchi Yii2 da qilgan loyiham shu bo'lgan va jamoaga taklif qilishgan. Lekin nimagadir taklifni qabul qilmaganman. Haligacha o'zim ham tushunmayman )

2019-yil 4-kurs
➡️ Avgust - Yaponiyadan qaytgach Yo'ldosh akadan "Jamoangizga olasizmi?" deb so'radim va o'sha kuniyoq "Revolution Team"ga qabul qilindim :)
➡️ Sentabr - Yii2da birinchi "zakaz" ishni bitirganman. Proektda hatto git ishlatilmagandi. O'zgarishlarni FTPdan to'g'ri serverga tashlardim. Lekin egasiga 3 yilga yaqin xizmat qilgan
➡️ Oktabr - gruppadoshlarim bilan juda katta ERP tizim buyurtma olib boshlab qo'yganmiz. 4-5 oyda juda ko'p ish qilgan bo'lsak ham loyiha bitmagan
➡️ Noyabr - Revolution tarkibida Asaxiy.uz loyihasida ishladim
➡️ Dekabr - Dmitriy Yeliseevning «Неделя ООП» va «Интернет-магазин на Yii2» kurslarini ko'rib chiqdim. Miyam portlab ketadigan darajada ko'p foyda olganman 🤯

Davomi keyingi postda...

Ungacha bu va undan pastdagi postlarni o'qib turinglar :)
🔗 https://t.me/janob_musayev/50

#career_path #intro

@Janob_Musayev

Xo'p mayli yengildim. Kimdir Windowsda ❌ tugmasi qayerda bo'lishini aytib yuborsin 🥲

Eeeskitdan o'zi Windows va Edgeni yaxshi ko'rardim. Edgedan oldin Internet Explorer ishlatib yurardim. Lenovaniku aytmasa ham bo'ladi )

#microsoft_life

@Janob_Musayev

#OneDay and #DayOne deyisharmidi )

#microsoft_life

@Janob_Musayev

Mastercarddagi yakunlovchi kun

30-dekabr kuni Mastercarddagi ishimni yakunladim. Ajoyib davr va tajriba bo'ldi. Mastercard va undagi jamoa o'zimga bo'lgan ishonch ortishida juda muhim rol o'ynadi deyishim mumkin.

Ayniqsa menejerim juda ajoyib inson edi. Menimcha, mening karyeradagi eng katta yutuqlarimdan biri menejerlar bilan deyarli har doim omadim kelgani bo'lsa kerak. Buyog'iga ham an'ana davom etadi deb umid qilaman.

#mastercard_life

@Janob_Musayev

2024-yil chinakamiga har tomonlama ajoyib yil bo'ldi.

Yangi yilda dasturlash va startaplar qurish borasida shaxsiy tajribaga asoslangan ko'proq foydali postlar, chatlar va kurslar qilmoqchiman.

Olivye yeyishdan zerikkan paytingizda izohlarda nima mavzular qiziq ekanini yozib qoldirsangiz bo'ladi :)

Yangi yilingiz bilan!

@Janob_Musayev

⚽️ + ⚽️ + 📱

@Janob_Musayev

Copilotni ishlatish endi yanayam...

Bugun Jahongir aka kanalida yangi o'rganayotgan dasturchilarga ChatGPT yoki Copilot kabi AI yordamchilardan foydalanmaslikni, ularni umuman o'chirib yuborishni tavsiya qildi.

Albatta, men bu fikrga 100% qo'shilmadim. Bu gaplar bo'lsa, darrov Satya akaga yetib boribdi shekilli Copilotni ishlatishni yanayam osonroq qilib qo'yibdi :)

Xullas, endi VS Code orqali Copilotni tekinga ishlatish mumkin ekan. Faqat bunda u beradigan tavsiyalar oyiga 2000 tagacha cheklangan va siz u tavsiyani qabul qilasizmi yo'qmi uning Copilotga qizig'i yo'q deyishdi 😁

Shunday qilib Microsoft hozirdan mening fikrlarimni inobatga olishni boshlabdi.

👉 https://github.blog/news-insights/product-news/github-copilot-in-vscode-free/

#news #AI #Copilot #Microsoft

@Janob_Musayev

Agar sun'iy intellekt mening ishimni olib qo'yolmaydi deb hisoblasangiz, fikringizga qo'shilaman.
Agar olib qo'yadi deb o'ylasangiz, bu borada ham siz haqsiz

Batafsilroq
https://t.me/spotuz_uz/13385

#discussion #AI

@Janob_Musayev

LinkedInga yangi ish joyini qo'shish payti misol tariqasida Microsoft turadi. Aynan o'sha misol o'zini ishlatish boshqacha hissiyot berar ekan 🙂

Mastercardda ish boshlaganimdan beri keyingi ishlashni eng xohlagan kompaniyam aynan Microsoft edi. Sababi haqida esa biroz keyinroq batafsil yozaman.

Ungacha izohlarda o'z fikringizni bildirib turishingiz mumkin :)

#career_development #Microsoft

@Janob_Musayev

Oldinroq olgan videoimga Captions.ai bilan subtitr qo'yib ko'rdim. Oldin ham o'zbek tilida zo'r ishlashini eshitgandim, lekin o'zing sinab ko'rganing baribir boshqa ekan.

AI menga o'xshagan kreativlikni yaxshi ko'radigan, lekin dangasa odamlar uchun judayam zo'r eshiklarni ochib berishi shubhasiz :)

Videodagi subtitrlar dastur qanday generatsiya qilgan bo'lsa shunday holatda. Atayin hech narsaga tegmadim. Oldin professional odamdan 3-4 soat vaqt oladigan narsani hozir yarim soatga qolmay zo'r sifatda qilib tashlash mumkin ekan.

Tez orada Generative AI bilan yanayam yaqinroqdan tanishib olaman )

#AI #GenAI #Microsoft

P.S: Dastur tekin emas. Oyiga $7-10 atrofida. Post esa reklama emas (afsuski 🥲)

@Janob_Musayev

Oldin sening ishdan bo'sh vaqtda shug'ullanadigan hobbying bo'ladi. Keyin sekin-asta u bilan professional shug'ullanishni boshlaysan va yakunda u sening ishingga aylanib qoladi :)

#shunchaki #career

@Janob_Musayev

Qozog'istondan yaqqol ustun bo'lgan bitta jihatimiz bor - ulardan salkam 2 baravar ko'p bo'lgan aholimiz soni. Aynan shu narsa hozirda bizning bozorni jozibaliroq qilishi mumkin xolos.

Lekin iqtisodiy ko'rsatkichlar, ya'ni odamlarimiz daromadi ularnikidan salkam 5 baravar kamligi, mulk daxlsizligi, insonlar huquqi, ochiqlik va albatta ilm-fandagi muammolar haliyam bizni jiddiy tarzda orqaga tortyapti.

Nima bo'lganda ham, eng qimmatli resurs - odamlarimiz qadriga yetish va ularning hayot sifatini oshirish kerak. Sonini ham :)

#discussion #economics

@Janob_Musayev

Bilmadim qanchalik "unicorn" deb atash to'g'ri. Lekin endi O'zbekistonda $1 milliardlik kompaniyalar yagona emasligi aniq

🔗 https://the-tech.kz/tbc-uzbekistan-oczenen-v-1-milliard/

#news #startup_life #fintech

@Janob_Musayev

MDC Uzbekistanda qilgan taqdimotim eng motivatsion nuqtasi

2022-yil Oktabr oyida hozirgi noutbukimni Microsoftda ishlaydigan akadan sotib olgandim (tasodifan). O'sha kuni oldin Microsoft ofisi oldida, keyin esa 500m yurib Mastercard ofisi oldida selfi qilgandim.

U vaqtda ishga topshirishni boshlamagandim ham. Keyingi 2 yil ichida o'z sohalari gegemonlari bo'lgan bu kompaniya ikkalasida ham ishlash nasib qilishi esa orzu tugul tushimga ham kirmagandi.

Effort Never Dies

Taqdimotni to'liq holatda ko'rish uchun esa shu yerda qoldiraman.

🔗 Journey to Microsoft (presentation)

#microsoft #mastercard #insipiration

P.S: O'sha aka "Leetcodeda ko'p-ko'p masala ishla" degandi. Aytganiga kirmadim lekin. Sizlar unaqa qilmanglar 😁

@Janob_Musayev

Nima uchun ishga olishgani sababini tushungandirsizlar )

@Janob_Musayev

📱 Microsoftdan taklif oldim

🔗 Erinmasdan o'qib chiqish :)

#microsoft #interviews #software_engineering

@Janob_Musayev

Biznes lugʻatni oʻrganishda davom etamiz.

Narx va qiymat

Ko'pchilik ikkalasining farqiga bormaydi. Buni eng sodda Uorren Baffet tushuntirgan ekan: Narx - siz to‘laydigan narsa. Qiymat - siz oladigan narsa.

Demak, narx bu mijoz biznesga to'lashi zarur bo'lgan summadir. Qiymat bo'lsa mijoz to'laydigan pul evaziga biznes unga sotadigan narsadir. (xizmat, emotsiya, tovar...)

#biznes
@allaevuzb

Hali MVPsi ham e'lon qilinmagan loyihamizda bugun ketma-ket bir emas, 2 ta sotuvni amalga oshirdik.

Sotuvlarku hali platforma haqida o'ylab ham ko'rmagan paytimizdan boshlangan edi. Bunisi aynan o'zimiz qurgan platforma orqali o'tdi. Demak, MVP ishlayapti :)

"Super-muper" dastur yasash va startap qurish orasidagi farq ham shunda bo'lsa kerak )

#startup_life

P.S: Sizlar kutayotgan mavzuda ham, loyiha o'zi nima ekanini ham tez orada yozaman

@Janob_Musayev

Ta'tilga O'zbekistonga kelgandim bir hafta oldin. Mastercarddagi oktabr oyligim sal ko'proq tushdi. Qarasam, lavozimim oshib qolibdi 🙂

...

#mastercard_life

@Janob_Musayev

Mahalliy dasturchilar tomonidan ishlab chiqilgan neyron tarmoq ekan :)

Googleni qachon o'zlashtirib oldik? 😁

#AI #GenAI

@Janob_Musayev

Anchadan beri ko'rsatmoqchi bo'lib yurgan kichikkina narsam :)

Microsoft ofisi biznikidan (Mastercard) 500m narida joylashgan. Shuning uchun doim avtobuslarini ko'rib turamiz. Bizda bo'lsa bunaqa avtobuslar yo'q )

#irish_life #mastercard_life #microsoft

@Janob_Musayev

Бизнес учун энг муҳим бўлган нарсалардан бири маълумот йиғишдир. Сотув ҳақида, маҳсулотлар ҳақида, мижозлар ҳақида. Қанча кўп маълумот йиғилса келажакда маълумотлар анализи бизнесни ривожлантириш учун деярли чексиз имкониятларни очади.

Аввало тўғри йиғилган маълумотлар бизнеснинг унумдорлигини рақамларда ўлчаш имконини беради. Рақамларда ўлчаш тартибни яратишга, умуман бу тартиб қанақа бўлиши кераклиги ҳақида тушунчага эга бўлишга хизмат қилади. Айнан маълумотлар базаси бизнес учун нима ва кимлар муҳим деган саволга жавоб топиб беради.

Бекордан бекорга катта компаниялар дата аналитикага миллиардлаб инвестиция киритмаяпти.

Кичик бизнес бўлсангиз, ишни оддийдан бошланг. Бу дўкондаги товарлар ҳисоботини юритадиган дастур, шунингдек сотувни бошқариш. Мана шуни ўзи сизга қайси товар қанча даромат олиб келаётганлиги, қайси бири яхши сотилиб, қайси бирига талаб пастлиги, қайси маҳсулотлар полкада туриб қолаётганлиги ҳақида маълумот беради.

Ундан кейин кунлик мижозлар сони, улар қайси соатларда келиши ва бошқа маълумотларни ўлчаш ва шундан келиб чиқиб тўғри қарорлар бериш, маркетинг қилиш, харажатларни камайтириш мумкин. Лекин, энг биринчи ишни маълумотларни йиғиш ва ўлчаш имконини берадиган программадан бошланг. Агар программа бўлса, ундан унумдорроқ фойдаланиш ва яхшилаш устида бош қотиринг.

✅ Эсдан чиқарманг, бугун бизнес учун маълумотлар базаси жуда муҳим.

@allaevuzb

"Biznikilar baribir yo'lini topadi" degan rasm :)

@Janob_Musayev

Tasavvur qiling sizga intervyuda shunaqa savol berildi. ChatGPT va Googlega murojaat qilmasdan, qanday javob berishingizni yozib qoldiring:

Toshkentda nechta benzin quyish shahobchasi bor?

#logical_thinking #problem_solving #product_managment

@Janob_Musayev

Copilot haqida birinchi taassurot

Bugun vanihoyat ishda Copilotning korporativ versiyasini ishlatish imkoni bo'ldi va bir so'z bilan aytganda o'zimga kerakli ekanini oldin bilmagan yordamchini topgandek bo'ldim.

O'zi Copilotni JetBrains IDElari ichida, kod yordamchisi sifatida ishlatib ko'rgandayoq bu narsani endi doimiy ishlataman degandim. Sababi, u tavsiyalarni siz yozayotgan koddan kelib chiqib beradi. Hattoki, o'zbek tilidagi yorliqlarning ham matnini juda chiroyli va xatosiz yozib beradi. Ishlatib ko'rmagan bo'lsangiz, albatta sinab ko'rishingiz kerak. Talabalar tekinga ishlatsa bo'ladi.

Bugungi ishlatgan Copilot esa faqat kod yozishda yordam beradigan yoki ChatGPT kabi alohida dastur emas. U hozir barcha Microsoft mahsulotlari — Office, Outlook, Teams, Azure... lar ichiga plugin sifatida o'rnatib tashlanyapti. Bu nima beradi?

O'zim bugun uni 3 xil holatda ishlatdim:

1. Oxirgi 7 kundagi emaillarim tahlili va qisqacha mazmuni.
Test uchun birinchi so'ragan narsam shu bo'ldi. Hamma emaillarni bo'lmasa ham, lekin aynan men eslangan va men bilan ko'proq aloqa qilgan odamlar emaillari va ularning mazmunini aytib berdi.

2. Hamkasbim atrofida bo'layotgan voqealar
Qarasam, menejerim hozirgi paytda nimalar bilan mashg'ul ekanini so'rashim mumkin ekan. Albatta, uning shaxsiy yozishmalari emas men ham ishtirok etgan chatlar, emaillar va fayllarni tahlil qilib hozirgi vaqtda nimalar ustida ishlayotgani haqida aytib berdi.

3. Majlis mazmunini xulosalab berish
Eng yoqqan joyi bir majlisga 10 daqiqacha kechroq kirdim. Qarasam Copilot plugin turibdi. Kirib "Hey, majlisda hozirgacha bo'lgan narsalarni qisqacha aytib ber" dedim. Bir pastda nimalar haqida gaplar bo'ldi, kim qisqacha nima dedi, nima vazifalar ko'rib chiqilganini yozib berdi.

Bular hozircha bir kun davomidagi 10-15 daqiqa foydalanish orqali qilingan ishlar. Copilot shubhasiz ishdagi samaradorlik uchun juda ijobiy ta'sir qiladigan yordamchi bo'ladi.

#AI #working_life #productivity

@Janob_Musayev

Mana Lorem Ipsum ishlatib ham professional loyiha qilsa bo'lar ekanku, huddi piyozdan kampot qilgandek. Backend dasturchi sifatida nimagadir shuni hech menejmentga tushuntira olmaganman-da 😐

President Tech Awards Hackatonida aynan "Lorem Ipsum" nomli loyiha g'olib bo'libdi. Albatta, har doimgidek guruhda ko'pchilik hakamlarni so'kib yotibdi. Lekin xolis bildirilgan fikrlarga ko'ra loyiha g'olib bo'lishga arzir ekan (endi ko'rib chiqaman)

Biz esa bu kabi musobaqalarda ochiqlik va raqobat madaniyatini yaxshilashimiz kerak ozgina :)

#news #AI #startup

@Janob_Musayev

Algoritmlashni o'rganishda qiyinchilikka uchrayotganlar uchun Scott Barrett kursini ko'rishni tavsiya qilaman. Sabab:
- Kurs animatsion holda tushuntirilgan (qiyin mavzularni tushunishni osonlashtiradi)
- Har bir mavzuga mashqlar ham berilgan
- Kurs Python, Java, C++, JavaScript tillari uchun alohida qilib tayyorlangan
- Endi boshlovchilar uchun eng yaxshi tanlov

Eng asosiysi bu kursni tekinga o'rganish ham mumkin. Visa karta va VPN orqali udemy personal plan subscription ni 7 kunga aktivlashtirsangiz kifoya.

Kursga o'tish: Data Structures & Algorithms in Python | Java | C++ | JavaScript

✍️ @otabekio

Mastercard bilan 1 yil

Bugun "Mastercardda birinchi kun" bo'lganiga ham roppa-rosa bir yil bo'libdi. Bir yil davomida ko'p narsa o'rgandim. Lekin ular ichida eng asosiysi - o'zimga ishonch mustahkamlanishi bo'ldi.

Xalqaro kompaniyada nafaqat jon saqlab qola olishim, balki bemalol qolganlar bilan tengma-teng ishlay olishimni bildim. Buyog'iga endi bemalol plankani balandroq qo'yish ham mumkin )

#mastercard_life

@Janob_Musayev

🇺🇿Mustaqilligimizning 33 yilligi muborak bo'lsin!

🎉 Bugun erkimiz, ozodligimiz o'z qo'limizga o'tgan kun.

“Effort team” jamoasi O'zbekiston Respublikasi Mustaqilligining 33 yilligi bilan barcha yurtdoshlarimizni samimiy muborakbod etadi!

Bayram kunlarini oila davrasida maroqli oʻtkazishingizga tilakdoshmiz.

#mustaqillik #33yosh

Telegram | YouTube | Mentorlik

Scam

Irlandiyada butun dunyoda bo'layotganidek scam xabarlar, qo'ng'iroqlar ko'payib boryapti.

Oldinlari faqat shaxsiy raqamlardan SMSlar kelardi. Bugunning o'zida esa 2 ta yangi darajadagisi uchradi.

Ayniqsa, kunduzi qarasam AIBdan SMS kelgan. Aynan shu nom bilan oldin ham haqiqiy AIB tasdiqlash kodlarini yuborgan. Bu safar bo'lsa, hisob raqamingizdan qaysidir odamga pul chiqarish belgilandi, bekor qilmoqchi bo'lsangiz bu linkka kiring deb keldi.

Linkdan scam ekanini bilinib turgan bo'lsa ham baribir xavotirga sola oldi ozgina. Ilovadan kirib debit o'tkazmalar bo'limini tekshirdim; hech nima yo'q. Keyin internetga kirib huddi shu matnni qidirib ko'rdim va Redditdagi muhokamada boshqalar ham scam ekanini aytishganini o'qidim.

Hozir bo'lsa WhatsAppdan profiliga Revolut rasmini qo'yib qong'iroq qilishyapti. Risk qilib o'tirmasdan bloklab qo'ya qoldim.

Eng asosiysi qaysi ma'lumotlarni aytish bexatar, qaysilarini esa har qanday holatda ham hech kimga aytmaslik kerakligini bilib olish kerak payt bo'lyapti.

#irish_life #security

@Janob_Musayev

Atoqli otlar albatta yaxshi fikr emasku, lekin
- Bulut xizmatlari (Cloud Services)
- Kichik xizmatchalar (Micro Services)
- Epchil metodogiyalar (Agile Methodologies)
- Orqa va OldiTaraf dasturlash
- Ilova Dasturlash Interfeysi (API)
kabi tarjimalarni ishlatishni bemalol o'ylab ko'rish mumkin ekan )

@Janob_Musayev

Agar dasturchilar texnologiyalari O‘zbekistonda ishlab chiqarilganda qanday bo‘lar edi.

Salom, men Qahva tili (☕️) dasturchisiman. Ora-orada Zanglagan tilda (🦀) ham yozib turaman. Yozgan dasturlarimni odatda Toshkent Bulut Xizmatlari orqali foydalanuvchilarga yetkazaman.

To‘g‘risini aytsam, yozgan dasturlarim ba’zan ishlamay qoladi. Ayniqsa qish vaqtida.

Dasturlarim kattalashib ketsa ularni, KichikXizmatchalarga bo‘lib chiqaman. KichikXizmatchalarning yaxshi tarafi shundaki - har bir KichikXizmatni boshqa dasturlash tilida yozsa bo‘ladi. Xohlasam Ilon tilida (🐍) , xohlasam Fil tilida (🐘), xohlasam Borish tilida (🏃), xohlasam hatto Yig‘ilish tilida yozishim mumkin.

Loyihalarni yaxshi boshqarish maqsadida biz Epchil metodologiyalaridan foydalanamiz. Har kuni ishga kelganimizda “O‘rningizdan Turing” yig‘ilishi bo‘lib o‘tadi va har birimiz qilgan progresslarimiz haqida aytib beramiz.

Biror bir ish qilishdan oldin biz JIRAga kirib Chipta yaratamiz va bu chiptada shu ishni bitirish uchun nima qilish kerakligini yozamiz. Masalan, OrqaTaraf dasturchilari OldiTaraf dasturchilari uchun IDI (Ilova Dasturlash Interfeysi) qilib berishi kerak bo‘lsa hammasini shu chiptada kelishib yozib qo‘yamiz.

Bizning jamoada OrqaTarafni odatda Qahva tili (asosan Bahor Etik frameworkida), Ilon tili (asosan TezIDI frameworkida) va Zanglagan tilda yoziladi. Fil tilini ko‘p ishlatmaymiz, chunki Fil tilida OrqaTarafni himoyalash qiyin vazifa. Bekorga Amazonda bu til taqiqlanmagan.

OldiTarafni esa QahvaSkript tilida yozamiz. Aytib o‘tish joizki QahvaSkript va Qahva boshqa boshqa tillar.

Bizning jamoamiz haqida biror savolingiz bo‘lsa komment qoldiring va men qo‘ldan kelgancha javob berishga harakat qilaman.

@jakhonrakhmonov

Mastercardda "meeting free day"
1-qism

Kecha bizda "meeting free day" — majlislarsiz kun bo'ldi. O'zi odatda bu kabi kunlar yiliga 2-3 marta bo'lib turadi. Lekin hozirgacha aynan bizning menejer unga ko'p e'tibor bermasdi. Bu safar bo'lsa rahbariyat bir haftacha oldin tayyorgarlik qilib, bu kunda hammaga ish bilan o'z ustida ishlash haqida topshiriq berishdi.

Men nimalar qilganim va o'rganganimni shu yerda yozib qoldirmoqchiman.


Kun birinchi yarmi — Open Banking haqida o'rganish

👉 Bir kun biror bir texnologiyani chuqur o'rganib chiqish qiyinligi va shundoq ham har kuni bu borada nimadir o'rganayotganimni hisobga olib men bizning departamentimiz — Open Banking nimaligini yaxshiroq tushunishga qaror qildim

👉 Hozirgi vaqtda ko'p kompaniyalar o'z API larini ishlab chiqib, ma'lum bir ma'lumotlarini ochiqlayotganidan xabaringiz bo'lsa kerak. Ochiq Banklar (Open Banking) ham huddi shu konsepsiya — u yerda banklar o'z mijozlari va ularning ma'lumotlarini API lar orqali ochadi. Bu API lardan esa boshqa kompaniyalar, fintech startuplar foydalangan holda yangi mahsulotlar ishlab chiqishi mumkin

👉 Eng yorqin misollardan biri sizdagi 4-5 bank hisob raqamingiz, kartalaringiz, omonatlaringiz, kreditlaringiz va tranzaksiyalaringizni bitta ilovaga yig'ib beruvchi mahsulotni olish mumkin. Lekin Open Bankingdan foydalanish holatlari faqat bu bilan cheklanmagan.

👉 Eng qizig'i shulardan biri banklar va hisob raqamlar oralig'ida to'lov protsessorlari (PayPal, Stripe, Payme, Click) va tarmoqlarisiz (Visa, Mastercard, Uzcard, Humo) pul o'tkazish ekan. Bu degani men ishlayotgan bo'lim qaysidir ma'noda Mastercardning asosiy faoliyati uchun tahdid hisoblanar ekan :)

👉 Albatta, Mastercard ham, Visa ham buni sezgan holda o'zlari Open Banking haqida eng ko'p gapirishyapti, turli xil startaplarni sotib olishyapti. Masalan, Mastercard oxirgi 5 yilda bu sohadagi Aiiaa va Finicity startapini sotib olgan. Visa esa 2021-yilda bozordagi eng katta o'yinchi Plaidni sotib olish imkoniyatini qo'ldan chiqargan, lekin o'tgan yili Tink startapini sotib olgan.

👉 Meni qiziqtirgan joyi bu kabi sotib olishlar orqali ular Open Banking sohasini yaxshilashmoqchimi yoki shunchaki kuchli o'yinchilar ularga xavf tug'diradigan mahsulot ishlab chiqishini oldini olishyaptimi degan savol bo'ldi. Aytishadiku "Agar raqobat qila olmasang, sotib ol" deb :)

👉 O'zbekistonga keladigan bo'lsak, birorta bank hali ochiq API chiqarganini topolmadim. Bu borada qandaydir rasmiy yangilik ham ko'rmadim. Ammo Qozog'iston allaqachon bu sohani yo'lga qo'yish uchun qonunlar ishlab chiqayotganinin ko'zim tushdi

👉 Ochiq API larga ko'zim tushmagan bo'lsa ham, O'zbekistondagi menejerim sherikchiligida Open loyihasi borligini bilaman. Ular qilayotgan "MultiBank" loyihasi aynan shu sohaga to'g'ri keladi.

👉 Yana bir o'rgangan juda qiziq narsam — bu Stripe startapi bo'ldi. Hozirgacha to'lovlarni amalga oshirishda Stripega juda ko'p duch kelganman. Lekin bu startap 2021-yili salkam $100 milliardga baholangani va Irland aka-ukalar tomonidan asos solinib, Dublinda Yevropadagi bosh ofisi borligini bilmagandim (asosiy ofisi esa Californiada)


Shunday qilib kunning birinchi yarmida texnik bo'lmasa ham, biznes tomonlama juda qiziq mavzuni o'rganib chiqdim.

Davomi bor...

#mastercard_life #open_banking #finance

@Janob_Musayev

Shaxsiy AI chatbot

Bugun o'z noutbukimda shaxsiy AI chatbotimni ishlatib ko'rdim. Albatta, eng birinchi bo'lib dasturlashdagi eng qiyin savolga javob so'radim 😐

#ai #llm #chatgpt #llama3

P.S: Yuqoridagi ChatGPT emas. U o'z noutbukimda ishlayotgan LLM model, internetsiz ham ishlaydi. Batafsil keyinroq yozaman

@Janob_Musayev

"Ilon bo'lib yashagandan Dinozavr bo'lib o'tgan yaxshi"
Sardor Og'a gapi bo'lsa kerak 😁

#joke

@Janob_Musayev

Mahsulot Menejerligi uchun yo'llar ochilishni boshlayapti

Bugundan rasman Mastercarddagi menejerim o'zgardi. Bu narsa hozirgi ishimni jiddiy o'zgartirib tashlamasa ham mahsulot menejerligi (Product Management) uchun yo'l ochib beryapti.

Oldingi menejerim loyihada ko'proq texnik tomonga fokus qaratgan, dasturchilarni boshqarish bilan shug'ullanuvchi, o'zi ham kamida 15 yillik dasturlashdan keyin loyiha menejerligiga o'tgan odam edi. Meni ishga olishda ham o'zi suhbat qilgan va hozirgacha ham juda ko'p joyda qo'llab keldi.

Menejerim har 2 haftada boshqaruvidagi har bir odam bilan 1-ga-1 suhbat o'tkazadi. Unda asosan ishlarim qanday ketayotgani, jamoadagi boshqalar qanchalik yordam beryotgani va qo'shimcha qiziqish va rejalarim haqida so'rab turardi. Bundan tashqari har Juma kunlari ham birga piyoda yurib suhbat qurish imkoni bo'lardi.

Shu suhbatlarda mahsulot menejerligiga bo'lgan qiziqishim haqida bir-ikki marta eslagandim. Uzoq muddatli rejalarimda texnik tomondan biznes va strategik tomonga o'tish niyatim borligini ham aytganman. Lekin hech qachon u tomonga o'tkazishini iltimos qilmagandim.

Shunday bo'lsa ham qiziqishimni hisobga olib meni bugundan rasman hozirgi menejerimga topshirdi. Yangi menejerim bilan ham o'zi aslida ishni boshlaganimdan beri bitta mahsulotda birga ishlab kelayotgan edik. Uning o'zi ham 7-8 yil davomida dasturchi bo'lib ishlagan va Lead Software Engineer darajasidan Product Manager roliga o'tgan odam. Oldingi menejerimdan farqli ravishda u ko'proq aynan strategiya, biznes, prioritetlash va mijozlar bilan ishlaydigan odam. Hali yosh bo'lishiga qaramay Mastercard API lari uchun "Oltin Standardlar" ishlab chiqib, ulardagi doimiylikni ta'minlashda asosiy ishni qilgan.

Xullas, to'g'ridan-to'g'ri uning qo'l ostida bo'lish menga dasturlashdan bo'sh vaqtlarda mijozlar bilan suhbatlarda, yuqori boshqaruv uchun taqdimotlarda, keyingi strategiya va reja ishlab chiqish va mahsulot menejerlar muhokamalarida ishtirok etish (kamida eshitib turish) imkonini beradi.

Shunday qilib hali rasman dasturchi bo'lib turgan bo'lsam ham Product Management uchun jiddiy eshiklar ochilyapti

#mastercard_life #product_management

P.S: Qisqa yangilik ham long-read bo'lib ketdi. Bu kabi postlar avvalombor o'zimga xotira bo'lgani uchun aybga buyurmaysizlar )

@Janob_Musayev

PHPni o'rganmoqchilar bormi..?! :)

Sardor og'a kanalida PHPchilar uchun kurslar kam, o'zim dars o'tishga vaqtim yo'q deb bir necha marta xavotir olib yozdi. Men ham amaldagi sobiq PHPchi sifatida bu xavotirlarga qo'shilaman.

Lekin ba'zi bir umidli yoshlarimiz borki, ular PHP "o'lishi"ga yo'l qo'yishmaydi. Shulardan biri o'zim bilan bir nechta loyihada birga ishlagan, maktabda o'qib yurgan paytidan dasturlash bilan shug'ullanib, TutorialsUz loyihasini yuritib, keyinchalik Uzcardga o'tib, hozirda esa Amerika firmasida ishlayotgan Sanjarbek Sobirjonov

Sanjarbek adashmasam 2 yildan beri bo'sh vaqtini PHP haqida kitob yozishga sarfladi. Yaqinda esa shu kitoblarini yakunlabdi. Bir emas, naqd 3 ta:
1. Yosh bekend dasturchi bo'laman (1-qism, 1036 bet )
2. PHP 7 va MYSQL amaliyotga asoslangan kitob
3. Chuqurlashtirilgan dasturlash - PHP 8

Qiziquvchilar bo'lsa, quyidagi postdan batafsil ma'lumot olishingizlar mumkin:
👉 https://t.me/todaysobirjonov/459

Bu narsalarni Sanjarbekni shaxsan taniganim, birga ishlaganim va qilgan g'aroyib loyihalari haqida bilganim uchun yozyapman. Shunaqa g'aroyib ishlaridan biri bilan kitobni xarid qilish jarayonida o'zingiz sezmagan holda to'qnash kelishingiz ham mumkin. Xullas, o'zingiz tengi (yoki yoshroq) yigitdan o'rganish mumkin narsalar juda ko'p (o'zimda ham).

#tavsyu

P.S: "Ehh men Pythonchi edimda" deganlar uchun "Pythonni 0dan professionalgacha o'rganamiz" degan kitobi ham bor )
U KITOB HAM O'SHA LINK ICHIDA!

@Janob_Musayev