ሀገሬ ቴቪ- Hagerie TV

መነጋገሪያነቱ የቀጠለው የትሬንት አሌክሳንደር አርኖልድ ጉዳይ

ታኅሳስ 23 ቀን 2017 ዓ.ም፣ (ሀገሬ ቴቪ)፥ በመጪው ክረምት ነጻ ወኪል የሚሆነው እንግሊዛዊው የሊቨርፑል ተከላካይ ትሬንት አሌክሳንደር አርኖልድ በልጅነት ክለቡ ሊቨርፑል ይቆያል ወይስ ወደ ስፔኑ ሀያል ክለብ ሪያልማድሪድ ያቀናል የሚለው ጉዳይ መነጋገሪያነቱ ቀጥሏል፡፡

እኤአ ከ2016 ጀምሮ ለዋናው የሊቨርፑል ቡድን መሰለፍ የጀመረው እና ከተከላካይ መስመር እየተነሳ ከፍተኛ የግብ እድሎችን በመፍጠር የሚታወቀው ትሬንት አሌክሳንደር አርኖልድ በመርሲሳይዱ ክለብ ሊቨርፑል ምርጥ የሚባል የውድድር አመትን በማሳለፍ ላይ ይገኛል፡፡

በአዲሱ አሰልጣኝ አርነ ስሎት ቀዳሚ ተመራጭ የሆነው አሌክሳንደር አርኖልድ በመጪው ክረምት በአንፊልድ ያለው የውል ስምምነት የሚጠናቀቅ መሆኑን ተከትሎ ቀጣይ ቆይታው በተመለከተ ዘገባዎች በስፋት እየተሰራጩ ይገኛሉ፡፡

ከዋክብቶችን በማስኮበለል የሚታወቀው የስፔኑ ሀያል ክለብ ሪያልማድሪድ አርኖልድን በጥሩ የዝውውር መስኮት ለማስፈረም ለሊቨርፑል ይፋዊ ጥያቄ ቢያቀርብም ውድቅ ተደርጎበታል፡፡

ሊቨርፑል ወሳኝ ተጨዋቹን በነጻ ላለማጣትና በቀጣይ አመታት በአንፊልድ ለማቆየት ንግግር የጀመረ ሲሆን በቀጣይ ጊዝያት የተጨዋቹ ውሳኔ እንዲጠበቅ አድርጎታል፡፡

የቀኝ ተከላካይ ክፍተታቸውን ለመሙላት ሎስብንላኮቹ አርኖልድን ቀዳሚ ኢላማቸውን ማድረጋቸው የተዘገበ ሲሆን ለተጨዋቹ የአራት አመት የውል ስምምነት እንደሁም ከፍተኛ ክፍያ የሚያስገኝለትን ስምምነት አቅርብውለታል፡፡

አርኖልድ በልጅነት ክለቡ ሊቨርፑል ይቆያል ወይስ ወደ ስፔን በማምራት ማድሪድን ይቀላቀላል የሚለው ጉዳይ በቅርብ ቀናት እንደሚታወቅ ይጠበቃል፡፡


በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

በመቐለ ከተማ ሰላማዊ ሰልፍ ተካሄደ!

ታኅሳስ 23 ቀን 2017 ዓ.ም፣ (ሀገሬ ቴቪ)፥ በትግራይ ክልል መቐለ ከተማ ሰላማዊ ሰልፍ ተካሂዷል።

በክልሉ ርዕሰ መዲና በተደረገው ሰላማዊ ሰልፍ ላይ ‘’መንግስትን ለማፍረስ የሚደረገው እንቅስቃሴ ይቁም’’፣ ‘’ከፓርቲ በፊት መንግስት ይቀድማል’’ እና መሰል መፈክሮች ታይተዋል።

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

የ2025 የመጀመርያ ጨዋታ ብሬንትፎርድ ከአርሰናል

ታኅሳስ 23 ቀን 2017 ዓ.ም፣ (ሀገሬ ቴቪ)፥ በእንግሊዝ ፕሪሚየር ሊግ የ19ኛ ሳምንት ቦክሲንድ ደይ ጨዋታ በሜዳው ለተጋጣሚ ፈታኝ የሆነው ብሬንትፎርድ የሰሜን ለንደኑ ክለብ አርሰናልን በጂ ቴክ ኮምዩኒቲ ስታድየም ያስተናግዳል፡፡

በፈረንጆቹ አቆጣጠር 2025 አዲስ አመት ማግስት የመጀመርያ የፕሪሚየር ሊግ ጨዋታ የሚደረግ ሲሆን፤በተጨማሪም የቦክሲንግ ደይ የ19ኛ ሳምንት መርሀ ግብር ዛሬ ይጠናቀቃል፡፡

በያዝነው የ2024/25 የውድድር ዘመን በፕሪሚየር ሊጉ በሜዳው አንድ ጨዋታ ብቻ ሽንፈት ያስተናገደው ብሬንትፎርድ አርሰናልን የሚገጥምበት ጨዋታ ይጠበቃል፡፡

መድፈኞቹ ያለ ወሳኝ ተጨዋቻቸው ቡካዮ ሳካ ንቦቹን የሚገጥሙ ሲሆን ይህም ከሜዳቸው ውጭ የሚፈተኑበት ይሆናል፡፡

በሳምንቱ አጋማሽ የቼልሲ ነጥብ መጣል ተከትሎ አርሰናል ድል የሚቀናው ከሆነ ወደ 2ኛ ደረጃ ከፍ የሚል ሲሆን በዚህም ከሰማያዊዎቹ ጋር ያለውን የነጥብ ልዩነት ወደ 4 የማስፋት እድል ሲኖረው፤ በ2ኛ ደረጃ ላይ የተቀመጠው ኖቲንግሀም ፎረስትን ደግሞ በ2 ነጥብ መብለጥ ይችላል፡፡

መድፈኞቹ በአስደናቂ ግስጋሴ ላይ የሚገኘው እና ሊጉን በበላይነት ከሚመራው የመርሲሳይዱ ክለብ ሊቨርፑል ጋር ያላቸውን የነጥብ ልዩነት ለመጠቀም ወሳኝ የተባለ ጨዋታ ይጠብቃቸዋል፡፡

ከጨዋታው በፊት አስተያየታቸውን የሰጡት አሰልጣኝ ሚኪል አርቴታ ብሬንትፎርድ ከባድ ተጋጣሚ ነው፤ጨዋታው ፈታኝ ሊሆንብን ይችላል ያሉ ሲሆን በተጨማሪም ሊቨርፑልን ማስቆም የእኛ ስራ አይደለም፤ከእኛ የሚጠበቀው ጨዋታዎችን ማሸነፍ ብቻ ነው ብለዋል፡፡

ተጠባቂው ጨዋታ ምሽት 2፡30 ላይ ጅማሮውን ያደርጋል፡፡


በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

ህወሓት ጠቅላላ ጉባኤ እንዲያደርግ ተጠየቀ!

ታኅሳስ 22 ቀን 2017 ዓ.ም፣ (ሀገሬ ቴቪ)፥ የኢትዮጵያ ብሔራዊ ምርጫ ቦርድ ህወሓት እስከ የካቲት3 ቀን 2017 ዓ.ም ድረስ ጠቅላላ ጉባኤ እንዲያከናውን አሳስቧል።

ቦርዱ ታህሳስ 17 ቀን 2017 ዓ.ም በጻፈው ደብዳቤ እንደገለጸው፥ ህወሓትን በድጋሚ ሕጋዊ ፖርቲ አድርጎ ከመዘገበበት በስድስት ወራት ውስጥ ጠቅላላ ጉባኤ ማድረግ እንደሚገባው የምዝገባ ሰርትፊኬቱ ሲሰጠው መግለፁን ጠቁሟል።

በዚህም ቦርዱ ለህወሓት ነሃሴ 3 እና ነሃሴ 20 ቀን 2016 ዓ.ም፥ እንዲሁም ጥቅምት 21ቀን 2017 ዓ.ም በፃፍኩት ደብዳቤ አስፈላጊውን ቅድመ ዝግጅት በማድረግ ጠቅላላ ጉባኤ እንዲያከናውን ጠይቄያለሁ ብሏል።

ሆኖም ህወሓት እስካሁን ሕጋዊ ጠቅላላ ጉባኤ ለማከናወን የሚያስችል እንቅስቃሴ አለማድረጉን ጠቅሶ፥ ፓርቲው ጠቅላላ ጉባኤ ከማከናወኑ 21 ቀናት አስቀድሞ ለቦርዱ ማሳወቅ እንዳለበትም አሳውቋል።

ፓርቲው ጠቅላላ ጉባኤ ማድረግ የሚጠበቅበት ጊዜ ሊገባደድ ከሁለት ወር ያነሰ ጊዜ የቀረው በመሆኑ፥ ለጉዳዩ ትኩረት በመስጠት በቀረው አጭር ጊዜ የጠቅላላ ጉባኤውን እንዲያደርግ ቦርዱ በጥብቅ አሳስቧል።

በሕግ ፓርቲው ላይ የተጣለ ግዴታ በወቅቱ ሳይፈፀም ቢቀር፥ ቦርዱ ሕጉን መሠረት በማድረግ ተገቢ ነው የሚለውን ውሳኔ የሚሰጥ መሆኑን አሳውቋል።

ከዚህ ቀደም የህወሓት አመራሮችን ለሁለት የከፈለ ጉባኤ መደረጉ አይዘነጋም።

በወቅቱም ምርጫ ቦርድ ያልተገኘበትን እና ስርዓቱን ያልተከተለ ጠቅላላ ጉባኤ መሆኑን በመጥቀስ እውቅና እንደማይሰጥ ማስገንዘቡ ይታወሳል።


በማሕበራዊ መገናኛዎቻችን መረጃዎችን በፍጥነት ያግኙ

👉 ፌስቡክ: https://www.facebook.com/hagerietv
👉 ትዊተር: https://twitter.com/HagerieT
👉 ኢንስታግራም:https://www.instagram.com/hagerie_television
👉 ቴሌግራም: https://www.t.me/Hagerie_TeleVision
👉 ዩቲዩብ: https://www.youtube.com/hagerietv
👉 ዌብሲይት: https://www.hagerie.tv

የኬንያው ፕሬዝዳንት ከዓለም ሁለተኛው ሙሰኛ መሪ ተባሉ!

ታኅሳስ 22 ቀን 2017 ዓ.ም፣ (ሀገሬ ቴቪ)፥ ከፈረንጆቹ 2012 ጀምሮ የወንጀል ተግባራትንና ሙስናን በተደራጀ መልኩ እንዲፈጸም አግዘዋል ለተባሉ ግለሰቦችና ተቋማት ‘’የዓመቱ ሰው’’ የሚል ማዕረግን በመስጠት የሚታወቀው ‘’ኦርጋናይዝድ ክራይም ኤንድ ኮራፕሽን ሪፖርቲንግ ፕሮጄክት(OCCRP)፤ ስልጣኑን ያላግባብ የተጠቀመው/ሙሰኛ ሰው በሚል ዊሊያም ሩቶን ሁለተኛ ላይ አስቀምጧቸዋል።

የኬንያው ፕሬዝዳንት በቅርቡ ከስልጣናቸው የተነሱትን የሶሪያ የቀድሞ ፕሬዝዳንት በሽር አላሳድን በመከተል ነው ሁለተኛ ላይ መቀመጣቸው የተነገረው።

ድርጅቱ፤ በዓለም ዙሪያ ለሚገኙ ህዝቦች በዓመቱ ሙሰኛ ወይም ስልጣኑን ያለ አግባብ ተጠቅሟል የሚሉትን ሰው/ተቋም በእጩነት እንዲያቀርቡ በማድረግ፤ በሲቪክ ማህበራት ዳኞች፣ በምሁራን እና በጋዜጠኞች ታግዞ የመጨረሻውን አሸናፊ ሰው ይፋ ያድረጋል።

በዚህም ከህዝባቸው ጋር ቅራኔ ውስጥ የገቡት የኬንያው ፕሬዝዳንት ዊሊያም ሩቶ፤ በ40 ሺህ ሰዎች በመታጨት ከአላሳድ ቀጥሎ የዓመቱ ሁለተኛው ሙሰኛ/ስልጣኑን ያለ አግባብ የተጠቀመው ግለሰብ የሚለውን ማዕረግ ማግኘታቸውን ድርጅቱ በድረ ገጹ አስፍሯል።

በተለይም በኬንያ እንዲተገበር የሩቶ አስተዳደር አቅርቦት የነበረውን የግብር ማሻሻያ ተከትሎ፤ ያለፈው ግንቦትና ሰኔ ወር ላይ በሀገሪቱ ተቃውሞዎች ተቀስቅሰው እንደነበር ይታወሳል።

አመጹን ለማረጋጋት በሚል የሀገሪቱ የጸጥታ ኃይሎች በወቅቱ የወሰዱት ያልተመጣጠነ እርምጃ ታዲያ፤ ሩቶ ከአምባገነኑ የሶሪያ ፕሬዝዳንት በመቀጠል ሁለተኛ ላይ እንዲቀመጡ አስችሏቸዋል ተብሏል።

ከኡሁሩ ኬንያታ የሀገሪቱን መንበረ ስልጣን በተረከቡት ዊሊያም ሩቶ መንግስት ውስጥ የተንሰራፋ ሙስና ስለመኖሩ በተደጋጋሚ ሲነገር ቆይቷል።


በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

ዛሬ ማታ ርችት ይተኮሳል!

ታኅሳስ 22 ቀን 2017 ዓ.ም፣ (ሀገሬ ቴቪ)፥ የፈረንጆች አዲስ ዓመት በዓልን ምክንያት በማድረግ ርችት እንደሚተኮስ የኢ.ፌ.ዴ.ሪ ብሔራዊ መረጃና ደህንነት አገልግሎት የደህንነትና ልዩ ኦፕሬሽን ዋና መምሪያ አስታወቀ።

አገልግሎቱ ለአዲስ አበባ ፖሊስ በላከው ደብዳቤ እንዳስታወቀው ዛሬ ታህሳስ 22 ቀን 2017 ዓ/ም የሚከበረውን የፈረንጆቹን የአዲስ ዓመት ዋዜማ በዓል ምክንያት በማድረግ ከሌሊቱ 6:00 እስከ 6:15 ሰዓት ላይ በሸራተን ሆቴል ርችት እንደሚተኮስ አሳውቋል።

በመሆኑም ህብረተሰቡ ተገቢው መረጃ እንዲኖረው ሲል የአዲስ አበባ ፖሊስ አሳስቧል።

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

“ቡድናችን ገና በማደግ ላይ ነው፤ጫና ውስጥ አንገባም” ኮል ፓልመር

ታኅሳስ 18 ቀን 2017 ዓ.ም፣ (ሀገሬ ቴቪ)፥ ቼልሲ በ18ኛ ሳምንት የእንግሊዝ ፕሪሚየር ሊግ መርሀ ግብር በሜዳው ስታምፎርድ ብሪጅ በፉልሀም ሽንፈት ካጋጠመው በኋላ የቡድኑ ቁልፍ ተጨዋች የሆነው ኮል ፓልመር ቡድናችን ገና በማደግ ላይ የሚገኝ ነው፤ጫና ውስጥ አንገባም ሲል ተናግሯል፡፡

አስደናቂ የውድድር አመትን እያሳለፈ የሚገኘው የምእራብ ለንደኑ ክለብ ቼልሲ በገና ሰሞን የቦክሲንግ ደይ ጨዋታ በመገባደጃ ደቂቃዎች ላይ በተቆጠሩበት 2 ግቦች 2ለ1 በሆነ ዉጤት መሸነፉ ይታወሳል፡፡

የቼልሲን ብቸኛ ግብ በግሩም ሁኔታ ማስቆጠር የቻለው የቡድኑ ቁልፍ ተጨዋች ኮል ፓልመር በሰጠው አስተያየት ቡድናችን ገና በማደግ ላይ የሚገኝ ነው፤ፕሪሚየር ሊጉ ምን ያህል አሰቸጋሪ እንደሆነ እናውቃለን፤ሁሉንም ጨዋታዎች ልናሸንፍ አንችልም ሲል ተናግሯል፡፡

ወጣቱ ኮከብ አያይዞም የውድድር አመቱ ጅማሬ ላይ ሆነን ስንናገር ነበር አሁንም የምንናገረው ነገር እኛ የዋንጫ ተፎካካሪ አይደለንም፤ገና በደንብ እየተሰራ ያለ ቡድን ነው ሲል ጫና ውስጥ እንደማይገቡ ተናግሯል፡፡
የ22 አመቱ ኮከብ በአንድ የውድድር አመት ማለትም በ2024 በፕሪሚየር ሊጉ 26 ጎሎችን በማስቆጠር በጂሚ ፍሎይድ ሀሰልባይንክ ለ23 አመታት በ25 ጎሎች ተይዞ የነበረው የቼልሲን ክብረወሰን ሰብሯል፡፡

በሰማያዊዎቹ ቤት መድመቁን የቀጠለው እንግሊዛዊው ኮከብ በያዝነው የ2024/25 የውድድር ዘመን ባደረጋቸው 20 ጨዋታዎች 18 ጎሎች ላይ ቀጥተኛ ተሳትፎን ከማድረጉም በተጨማሪ በየጨዋታዎቹ የሚያሳያቸው እንቅስቃሴዎች ለክለቡ ትልቅ ተስፋን የሰጠ ሆኗል፡፡

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

“በሲቪል ማኅበረሰብ ድርጅቶች ላይ የተጣለው እገዳ ያሳስበኛል” ኢሰመኮ

ታኅሳስ 18 ቀን 2017 ዓ.ም፣ (ሀገሬ ቴቪ)፥ በሲቪል ማኅበረሰብ ድርጅቶች ላይ የተጣለው እገዳ የሲቪክ ምህዳሩን የሚያጠብ መሆኑን የኢትዮጵያ ሰብዓዊ መብቶች ኮሚሽን ገለፀ።

ኮሚሽኑ የሲቪል ማኅበረሰብ ድርጅቶች ባለስልጣን በማኅበራቱ ላይ የጣለው እገዳ የመደራጀት መብት ላይ አሉታዊ ተፅዕኖ እንዳይፈጥር ጥንቃቄ ሊደረግ ይገባል ሲል አሳስቧል።

ኢሰመኮ፤ ባለስልጣኑ በህዳር ወር በሰብዓዊ መብት ዙሪያ የሚሰሩ ሶስት የሲቪል ማኅበረሰብ ድርጅቶች ላይ እገዳ መጣሉን ተከትሎ ቅሬታዎች ደርሰውኛል ብሏል።

በቀረቡለት ቅሬታዎች እና በደረሱት መረጃዎች መሰረት ድርጅቶቹ ከፖለቲካ ገለልተኛ ሆኖ መስራት ሲገባቸው ከአላማ ውጪ በመንቀሳቀስ የሀገርን ጥቅም የሚጎዳ ተግባራት ላይ ተሰማርተዋል የሚል ደብዳቤ እንደደረሳቸው መመልከቱን ገልጿል።

በተጨማሪም ታህሳስ 14 ቀን 2017 ተጨማሪ ሁለት የሲቪል ማኅበረሰብ ድርጅቶች ተመሳሳይ ይዘት ባላቸው ደብዳቤዎች እንደታገዱ ዛሬ ባወጣው መግለጫ አስታውቋል።

የሲቪል ማህበረሰብ ድርጅቶች ላይ የሚተላለፉ ተደጋጋሚ እገዳዎች እንዳሳሰቡትም ገልጿል።

አክሎም የሲቪል ማኅበረሰብ ድርጅቶች ባለስልጣን የድርጅቶቹን የዕለት ተዕለት እንቅስቃሴ አደጋ ላይ በማይጥል መልኩ የምርመራ ስራዎቹን በተቻለ ፍጥነት አጠናቆ ወደ ስራቸው የሚመለሱበትን ሁኔታ እንዲያመቻች ጥሪ አቅርቧል።

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

እስከ ምሽቱ አራት ሰዓት ትራንስፖርት እንዲኖር ተወሰነ

ታኅሳስ 18 ቀን 2017 ዓ.ም፣ (ሀገሬ ቴቪ)፥ በአዲስ አበባ እስከ ምሽቱ አራት ሰዓት የትራንስፖርት አገልግሎት እንዲሰጥ ተወሰነ።

የከተማ አስተዳደሩ ካቢኔ ውሳኔውን ማስተላለፉን ያስታወቀው የከተማው ትራንስፖርት ቢሮ፤ አውቶቡሶች፣ ሚዲ ባስ እና ሚኒ ባሶች እስከ ምሽት አራት ሰዓት ድረስ የትራንስፖርት አገልግሎት እንዲሰጡ አሳስቧል።

ተሽከርካሪዎች በመደበኛነት አገልግሎት በሚሰጡበት መስመርና በሚከፈለው ህጋዊ ታሪፍ አማካኝነት አገልግሎት እንዲሰጡም ቢሮው ጠይቋል።

የትራንስፖርት ቁጥጥር ሰራተኞችም የውሳኔውን ተግባራዊነት እንዲቆጣጠሩ ጥሪ ተላልፏል።

የከተማ አስተዳደሩ ካቢኔ በከተማው ኮሪደር በለማባቸው አካባቢዎች እስከ ምሽቱ 3፡30 ድረስ የንግድ አገልግሎት እንዲሰጥ መወሰኑ የሚታወስ ሲሆን፤ የአዲስ አበባ ንግድ ቢሮ የትራንስፖርት ሁኔታው እንደሚመቻችና ደህነንትን በማስጠበቅ ዙሪያ መንግስት ኃላፊነቱን እንደሚወጣ መግለጹን መዘገባችን ይታወቃል።

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

ለቤት ውስጥ ሠራተኞች ምቹ የሥራ ሁኔታ መፍጠር ይገባል ተባለ

ታኅሳስ 17 ቀን 2017 ዓ.ም፣ (ሀገሬ ቴቪ)፥ የሕግ ባለሙያ ሴቶች ማህበርና የራስ አገዝ ቡድን አሰራር ድርጅቶች ህብረት በኢትዮጵያ (ኮሳፕ) ለሴት የቤት ውስጥ ሰራተኞች ምቹ የሥራ ሁኔታ መፍጠር በሚቻልበት መንገድ ዙሪያ የምክክር መድረክ አካሂደዋል።

በመድረኩ የተገኙት የአዲስ አበባ ፍትህ ቢሮ ተወካይ አቶ ታደሰ ፈይሳ፤ መንግስት ለቤት ሠራተኞች ጉዳይ ከሌላው ጊዜ በተሻለ ትኩረት እንደሰጠ ገልጸዋል።

የዓለም የሥራ ድርጅት የስምምነት ቁጥር 189 ለቤት ውስጥ ሰራተኞች አስቻይ የሥራ ከባቢን ከመፍጠር አንጻር የተሻለ የህግ ማዕቀፍ መሆኑ የተነሳ ሲሆን፤ ኢትዮጵያም ስምምነቱን እንድትፈርም ተጠይቋል።

በመድረኩ ላይ የተገኙ የመንግስት ተቋማት ተወካዮች፣ የሲቪልም ማህበረሰብ ድርጅቶች ተወካዮችና ሌሎች ባለድርሻ አካላት በጉዳዩ ዙሪያ ውይይት አከናውነዋል።

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

ታራሚዎች ከእስር ቤት አመለጡ!

ታኅሳስ 17 ቀን 2017 ዓ.ም፣ (ሀገሬ ቴቪ)፥ በደቡብ ምስራቃዊቷ ሀገር ሞዛምቢክ ከአንድ ሺህ የሚልቁ ታራሚዎች ከእስር ቤቶች ማምለጣቸው ተገለጸ።

ጥቅምት ወር ላይ በሀገሪቱ የተካሄደውን ምርጫ ተከትሎ አለመረጋጋት ውስጥ በሰነበተችው ሞዛምቢክ፤ በሁለት ማረሚያ ቤቶቿ ውስጥ የሚገኙ ታራሚዎች ማምለጣቸው ተነግሯል።

የገና በዓል እየተከበረ መሆኑን ተከትሎ፤ ከሌሎች ቀናት አንጻር በማረሚያ ቤቶቹ አነስተኛ የጥበቃ ኃይል በመሰማራቱ፤ ታሳሪዎቹ እንዲያመልጡ አግዟቸዋል ተብሏል።

አንዳንድ የመረጃ ምንጮች ከሀገሪቱ ማረሚያ ቤቶች ያመለጡት ታራሚዎች ቁጥር ከ1 ሺህ 500 በላይ ስለመሆኑ እየዘገቡ ይገኛሉ።

በሀገሪቱ ጋብ ብሎ የነበረው አለመረጋጋት ባሳለፍነው ሰኞ ዳግም በማገርሸቱ፤ ቢያንስ 21 ሰዎች ሲሞቱ በርካቶች ጉዳት ደርሶባቸዋል።

ካለፈው ወርሃ ጥቅምት ጀምሮ ደግሞ በአጠቃላይ 151 ሰዎች መሞታቸውን የአናዶሉ ዘገባ ያመላክታል።

ለሀገሪቱ አለመረጋጋት መንስኤ ነው በተባለው ምርጫ፤ ገዢው ፓርቲ 71 በመቶ ድምጽ አግኝቶ ማሸነፉ ከታወጀ በኋላ፤ የተቃዋሚ ፓርቲ ደጋፊዎች ለአመጽ ወደ ጎዳናዎች እንዲወጡ አድርጓቸዋል ተብሏል።

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

የኢትዮጵያ ሰብአዊ መብቶች ተሟጋቾች ማዕከል ታገደ!

ታኅሳስ 17 ቀን 2017 ዓ.ም፣ (ሀገሬ ቴቪ)፥ የኢትዮጵያ ሰብዓዊ መብቶች ተሟጋቾች ማዕከል፤ በመታገዱ ምክንያት ለጊዜው ከየትኛውም ስራዎቹ ዉጪ መሆኑንና ጽህፈት ቤቱ ተዘግቶ እንደሚቆይ አስታወቀ።

ድርጅቱ ዛሬ ባወጣው መግለጫ፤ የሲቪል ማኅበረሰብ ድርጅቶች ባለስልጣን በታኅሳስ 14 ቀን 2027 ዓ.ም በጻፈውና በታኅሳስ 16 ቀን 2017 ዓ.ም ባደረሰው ደብዳቤ መሰረት መታገዱን ይፋ አድርጓል።

ድርጅቱ የታገደው ‘’ከተቋቋመበት ዓላማ ውጪ በመንቀሳቀሱ እንደሆነና ግልጽ የሆነ የአደረጃጀት መዋቅር የሌለው በመሆኑ’’ እንደሆነ ባለስልጣኑ ለእገዳው የጠቀሳቸው ምክንያቶች ናቸው ተብሏል።

እነዚህ ምክንያቶች ተገቢ አለመሆናቸውን የገለጸው ድርጅቱ፤ ስራችንን ህኛ ስርዓትን አክብረን ስለመስራታችን የሚያረጋግጡ ደብዳቤዎችን እገዳውን ያስተላለፈው ባለስልጣን መስሪያ ቤቱ ራሱ በተለያዩ ወቅቶች በመጻፍ አረጋግጦልናል ብሏል።

ለሰብዓዊ መብቶች ተሟጋቾች ጥበቃ ማድረግ፣ ሙያዊ ክህሎታቸው እንዲዳብሩ መስራትና መብቶቻቸው እንዲከበሩ ማድረግ የታገደው የኢትዮጵያ ሰብዓዊ መብቶች ተሟጋቾች ማዕከል ዋነኛ ተግባራት መሆናቸውንም በዛሬው መግለጫው ላይ አሳውቋል።

የመብቶች እና ዴሞክራሲ ዕድገት ማዕከል (ካርድ)፣ የህግ ባለሙያዎች ለሰብዓዊ መብቶች እና የኢትዮጵያ ሰብዓዊ መብቶች ጉባኤ (ኢሰመጉ) ከዚህ በፊት፤ በሲቪል ማኅበረሰብ ድርጅቶች ባለስልጣን አማካኝነት መታገዳቸው ይታወሳል።

በማሕበራዊ መገናኛዎቻችን መረጃዎችን በፍጥነት ያግኙ
ፌስቡክ: https://www.facebook.com/hagerietv
ትዊተር: https://twitter.com/HagerieT
ኢንስታግራም: https://www.instagram.com/hagerie_television
ቴሌግራም: https://www.t.me/Hagerie_TeleVision
ዩቲዩብ: https://www.youtube.com/hagerietv
ዌብሲይት: https://www.hagerie.tv

https://www.youtube.com/watch?v=xPmq97RY6qQ

ሚያዚያ 10፣ 2016

የቡርኪና ፋሶ ወታደራዊ መንግሥት በዘረፋ ወንጀል ተሰማርው አግኝቻቸዋለሁ ያላቸውን 3 የፈረንሳይ ዲፕሎማቶችን ከሀገር እንዲወጡ ትዕዛዝ አስተላለፈ።

ከሦስቱ ዲፕሎማቶች ውስጥ ሁለቱ የፖለቲካ አማካሪዎች መሆናቸው የተገለፀ ሲሆን ሀገሪቷን በ8 ሰዓታት ውስጥ ለቀው እንዲወጡ ቀጭን ትዕዛዝ ተላልፎባቸዋል ሲል ኢስት አፍሪካ ኒውስ ዘግቧል።

የፈረንሳይ የውጭ ጉዳይ ሚኒስቴር በጉዳዩ ላይ ምንም ምላሽ እንዳልሰጠ በዘገባው ተጠቅሷል።

ቡርኪና ፋሶ በወታደራዊ መንግሥት መተዳደር ከጀመረች ወዲህ ከፈረንሳይ ጋር ያላትን ግንኙነት ማቋረጧ ይታወቃል።

#HagerieTv #Burkina_Faso #French_diplomats

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 10፣ 2016

የዓለም ባንክ የኢትዮጵያ የታክስ አስተዳደርን ለመደገፍ የአምስት ዓመት ፕሮጀክት መቅረፁን ገለፀ።

የገቢዎች ሚኒስቴር እና የዓለም ባንክ በፕሮጀክቱ አተገባበር ዙሪያ ውይይት አካሂደዋል።

በውይይቱ የገቢዎች ሚኒስትሯ ወ/ሮ አይናለም ንጉሤ ሚኒስቴር መ/ቤቱ በ2022 ዓ.ም ዘመናዊ የታክስ አስተዳደር ተገንብቶ ሀገራዊ ወጪ በታክስ ገቢ ተሸፍኖ የማየት ራዕይ ሰንቆ እየተንቀሳቀሰ እንደሚገኝ ገልጸዋል።

ፕሮጀክቱ በይፋ ስራውን ሲጀምር የግብር ከፋዮን መብት አስመልክቶ ግንዛቤ መስጠት፣ ሴት ግብር ከፋዮችን መደገፍ እንዲሁም የተለያዪ ቴክኖሎጂዎች በስራ ላይ እንዲውሉ ማድረግ ቅድሚያ የሚሰጣቸው መሆኑን ከገቢዎች ሚኒስቴር ማህበራዊ ገፅ ያገኘነው መረጃ ያመለክታል።

#Ethiopia #HagerieTv #የዓለም_ባንክ #World_Bank #ገቢዎች_ሚኒስቴር

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 10፣ 2016

ከማዳበሪያ እና ነዳጅ ንግድ በስተቀር የውጭ ባሃሀብቶች በሁሉም የገቢ ንግድ ኢንቨስትመንት ላይ መሰማራት እንደሚችሉ ተገለፀ።

ለውጭ ባለሃብቶች ዝግ ሆነው የቆዩት የወጪ፣ የገቢ፣ የጅምላና የችርቻሮ ንግድ ዘርፎች ክፍት መደረጋቸው ተነግሯል።

የኢትዮጵያ ኢንቨስትመንት ኮሚሽን እና የንግድና ቀጣናዎች ትስስር ሚኒስቴር በጋራ በሰጡት መግለጫ እንዳስታወቁት፤ የውጭ ባለሃብቶች ብቻ ተከልክለው የቆዩት የወጪ፣ የገቢ፣ የጅምላና የችርቻሮ የንግድ ስራ ዘርፎች ለውጭ ባለሃብቶች ክፍት ተደርገዋል ብለዋል።

ዘርፎቹ ለውጭ ባለሃብቶች ክፍት መደረጋቸው ዜጎችን ተጠቃሚ ያደርጋል ተብሏል።

ባለሃብቶቹ ከማዳበሪያ ጅምላ ንግድ እና ከነዳጅ በስተቀር በሌሎቹ መሳተፍ ይችላሉ ተብሏል።

#Ethiopia #HagerieTv #የውጭ_ባለሃብቶች #የኢትዮጵያ_ኢንቨስትመንት_ኮሚሽን #የንግድና_ቀጣናዎች_ትስስር_ሚኒስቴር

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 10፣ 2016

የኢትዮጵያ ዜጎች ለማህበራዊ ፍትህ ፓርቲ (ኢዜማ) በአማራ እና በትግራይ ክልል ለተከሰተው ችግር የአንበሳው ድርሻ የሚወስደው የፌደራል መንግሥቱ ነው ሲል አስታወቀ።

ፓርቲው በመግለጫው ግጭቶች ከመባባሳቸው በፊት በፕሪቶሮያው የሰላም ስምምነት መሰረት፤ የፌደራል መንግሥቱ የጦርነት ጎሳሚውን የህወሓት ስብስብ ትጥቅ እንዲፈታ እና ህግ እንዲከበር ሊሰራ ይገባል ሲል ገልጧል።

በሁለቱ ክልሎች መካከል የሚገኙ ቦታዎችን ለፀብ በመጠቀም ህውሓት አሁንም ዜጎችን ለስደት እና ለእንግልት እየዳረገ ነው ሲል አክሏል።

ፓርቲው ከፕሪቶሪያው ስምምነት ጀምሮ ሊታዩ ይባቸዋል ያላቸው ጉዳዮች ላይ ሃሳብ ሲሰጥ መቆየቱን በመግለጫው አስታወሷል።

#Ethiopia #HagerieTv #አማራ_ክልል #ትግራይ_ክልል #ኢዜማ

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 10፣ 2016

መንበረ ጸባኦት ቅድስት ስላሴ ካቴድራል ቤተክርስቲያንን ለማጠናቀቅ ከዚህ በኃላ 90 ሚሊየን ብር እንደሚያስፈልግ ተነገረ።

ቤተክርስቲያኑ በእድሜ ርዝማኔ ምክንያት እድሳት ሳይደረግለት በመቆየቱ ውስጣዊና ውጫዊ የሕንፃው በመጎዳቱ ዕድሳት እየተደረገለት መሆኑ ይታወቃል።

እድሳቱን ለማከናወን ቫርኔሮ ከተባለ ድርጅት ጋር በ172 ሚሊዮን ብር የሥራ ውል ሥምምነት ተፈፅሞ ሥራው እየተካሄደ ይገኛል፡፡

አሁን ላይ በአጠቃላይ የሕንፃ ጥገና ሥራው 65 በመቶ የደረሰ መሆኑም ተነግሯል፡፡

በውሉ መሠረት ሥራው ተጠናቆ የሚያልቅበት የጊዜ ገደብ መጋቢት 30 ቀን 2016 ዓ.ም የነበረ ቢሆንም ከውጭ ሀገር የሚመጡ የግንባታ ዕቃዎችን ለማስገባት የውጪ ምንዛሪ ለማግኘት አስቸጋሪ በመሆኑ ለ3 ወር ኮንትራክተሩ እንዲጨምር መደረጉ ተሰምቷል።

የካቴድራሉ የገንዘብ አስባሳቢ ኮሚቴ እስካሁን 90 ሚሊዮን ብር ማሰባሰብ መቻሉም ተነግሯል።
ከዚህ በኃላም ሚያዝያ 13 ቀን 2016 ዓ.ም በኢንተር ኮንቲነንታል ሆቴል የገንዘብ ማሰባሰብ መርሐ ግብር የተዘጋጀ ሲሆን ሚያዝያ 19 ቀን 2016 ዓ.ም የቀጥታ ሥርጭት ገንዘብ ማሰባሰብ መርሐ ግብር ተይዟል።

በአገር ውስጥ እና በውጪ ያላችሁ በዚህ መርሐ ግብር በመሳተፍ የበኩላችሁን አስተዋፅኦ እንድታደርጉ ጥሪ ቀርቧል።

#Ethiopia #HagerieTv #ዕድሳት #መንበረ_ጸባኦት_ቅድስት_ስላሴ_ካቴድራል_ቤተክርስቲያን

ሚያዚያ 10፣ 2016

የደቡብ አፍሪካው የቀድሞው ፕሬዝዳንትና በሙስና ቅሌት ወህኒ ወርደው የነበሩት ጃኮብ ዙማ ሌላ ፓርቲ አቋቁመው በ7ኛው የሀገሪቱ ምርጫ ላይ ተሳታፊ እንደሚሆኑ ተነግሯል።

የ82 ዓመቱ አዛውንት ዙማ ወደ ስልጣን የሚመጡት ከኔልሶን ማንዴላ ወደስልጣን መምጣት ጀምሮ በመሪነት የነበረውንና እርሳቸውም ያገለገሉትና አፍሪካን ናሽናል ኮንግረስን በመገዳደር ነው።

ከፈረንጆቹ 1994 ጀምሮ በስልጣን ላይ ያለው አፍሪካን ናሽናል ኮንግረሥ በመጪው ምርጫ የዙማን መወዳደር ተከትሎ ሊያሸንፍ እንደሚችሉ ትንበያዎች ያሳያሉ።

ዙማ ድል ቀንቷቸው ወደስልጣን ቢመጡ የቀድሞ አጋሮቻቸውን ሊበቀሉ ይችላሉየሚል ስጋትም እንዳለ ተነግሯል።

#HagerieTv #South_Africa #Jacob_Zuma #Election

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 10፣ 2016

የመቀሌ ዩኒቨርሲቲ ለገጠመው የበጀት እጥረት ፖለቲካዊ ውሳኔ ይሰጠኝ አለ።

ዩኒቨርሲቲው ከመንግሥት የተለቀቀለት በጀት ለሚያደርገው የጥናትና ምርምር ስራ በቂ አለመሆኑን ጠቁሟል።

በበጀት እጥረት ዩኒቨርሲቲው የማህበረሰብ አገልግሎት መስጠት እየተሳነው መሆኑንም ጠቁሟል።

ተቋሙ ይህን የገለፀው የኅዝብ ተወካዮች ምክር ቤት የሰው ሀብት ልማት፣ ሥራ ስምሪት እና ቴክኖሎጂ ጉዳዮች ቋሚ ኮሚቴ በዩኒቨርሲቲው ጉብኝት ባደረገበት ወቅት ነው።

ተቋሙ በበጀት እጥረት ሳቢያ የአይደር ሪፈራል ሆስፒታል አደጋ ላይ መውደቁን ገልጿል።

ዩኒቨርሲቲው የበጀት እጥረቱ እንዲፈታ ለሚመለከታቸው የተለያዩ አካላት ጥያቄ ቢያቀረብም ምላሽ አለመገኘቱን የጠቆሙት የዩኒቨርሲቲው ፕሬዝዳንት ዶ/ር ፋና ሐጎስ ጥያቄው ፖለቲካዊ ውሳኔን የሚጠይቅ መሆኑ ገልጸዋል።

#Ethiopia #HagerieTv #መቀሌ_ዩኒቨርሲቲ #የበጀት_እጥረት #Mekelle_University

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 10፣ 2016

ከንቲባ አዳነች አቤቤ፤ በኢትዮጵያ የአሜሪካ አምባሳደር ከኾኑት ኤርቪን ማሲንጋ ጋር ስለከተማ ልማት እና የመሬት አስተዳደር ጉዳዮች ላይ ተወያይተዋል።

አምባሳደሩ በሀገራቸው በከተማ ዕቅድ እና መሠረተ ልማት ዝርጋታ ላይ በተለይም ከማኀበረሰቡ አጋጥመው ስለነበሩ ተግዳሮቶች ለከንቲባ አዳነች ማብራራታቸውን ኤምባሲው በኤክስ ማኀበራዊ ገፁ አስታውቋል።

ኤርቪን ማሲንጋ ከዚህ ሥራ ዜጎችን በግልጽ ማወያየት እና ማሳተፍ እንደሚገባ እንዲሁም ትዕግስት መውሰድ ትምሕርት የወሰድንበት ነው ማለታቸውም ተገልጿል።

#Ethiopia #HagerieTv #Ervin_Jose_Masinga #Adanech_Abebe

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 10፣ 2016

ኳታር በእስራኤል እና በፍልስጤም ታጣቂ ቡድን ሃማስ መካከል የተኩስ አቁም ድርድር ላይ የአሸማጋይት ሚናዋን እንደገና እየገመገመች ነው ተባለ።

ሀገሪቱ ይህን ታድርግ እንጂ በአንዳንድ ፖለቲከኞች ጥረቷ እየተናጋ መሆኑን ጠድቅላይ ሚኒስትር ሼክ መሐመድ ገልፀዋል።

ጠቅላይ ሚኒስትሩ ይህን ይበሉ እንጂ ማንነታቸውን በስም ከመጥቀስ ተቆጥበዋል ሲል ሬውተርስ ዘግቧል።

ሀገሪቱ በጋዛ የተኩስ አቁም እንዲኖር እና የእስራኤል ታጋቾችን ለማስፈታት ከግብፅ እና ከአሜሪካ ጋር በመሆን ከፍተኛ ሚና እየተጫወተች መሆኑ ይታወቃል።

#HagerieTv #Qatar #Israel #Hamas

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 9፣ 2016

ዛሬ ረቡዕ በሰሜናዊ ዩክሬን ቸርኒቭ ከተማ ላይ በተወነጨፈ የሩሲያ ሚሳኤል ከ13 በላይ ዩክሬናውያን ለሞት ተዳረጉ።

ከሞቱት በተጨማሪ ከ60 በላይ ዜጎች ላይ የአካል ጉዳት መድረሱን የሃገሪቱ የውስጥ ጉዳይ ሚኒስቴር ገልጿል።

በዚህች ከሩሲያና ቤላሩስ ቅርብ ርቀት በምትገኘው ከተማ ከሰዎች በተጨማሪም በርካታ መንደሮች፣ መኪኖችና፣ መሰረተ ልማቶች መውደማቸውም ታውቋል።

የዩክሬኑ ፕሬዝደንት ቮልዶሚር ዘለንስኪ ብዙዎችን ለጉዳት ከዳረገው ጥቃት በኋላ የአውሮፓ ሀገራት የአየር መቃወሚያ እንዲሰጧቸው አጋሮቻቸውን ደጋግመው በመማፀን ላይ ናቸው።

ሆኖም ግን ዩክሬን እያስተናገደችው ያለው ጥቃት በአጋሮቻቸው ቸልተኝነት እንደሆነ ሳይተቹ አልቀሩም።

ጥቃቱን አስመልክቶ ከሩሲያ በኩል ምንም የተሰጠ ምላሽ እንደሌለ ተዘግቧል።

#HagerieTv #Ukrainian #Russian_missile #Chernivtsi

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 9፣ 2016

ሩሲያ፤ አዘርባጃን እና አርመኒያ በሚወዛገቡበት ናጎርኖ-ካራባህ ግዛት አስፍራ የነበረቻቸዉን ሰላም አስከባሪ ወታደሮቿን ማስወጣት እንደጀመረች ሲ.ጂ.ቲ.ኤን ዘግቧል።

የሩሲያ ወታደሮች ወደ ስፍራዉ ያቀኑት ከአራት ዓመት በፊት ለስድስት ሳምንታት የዘለቀዉን የአርመኒያ እና አዘርባጃንን ጦርነት ለማቆም በሚል ነበር።

ሁለቱ ሀገራት የሚወዛገቡበትን ናጎርኖ-ካራባህ ግዛት ላለፉት 30 ዓመታት አርመኒያ ይዛዉ የቆየች ሲሆን፤ ባለፈዉ መስከረም ወር ላይ የሩሲያ ሰላም አስከባሪ ወታደሮች ባሉበት አዘርባጃን ስፍራዉን መቆጣጠሯ ይታወቃል።

ሩሲያ በስፍራዉ የነበሩ ከሁለት ሺህ የሚልቁ ወታደሮቿን የምታስወጣዉ ወደ ዩክሬን የጦር ግንባር ለማሰማራት ይሁን ወይም ሌላ ምንም የተባለ ነገር እንደሌለ መረጃዉ ጠቁሟል።

#HagerieTv #Russia #Azerbaijan #Armenia #Nagorno_Karabakh_region

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 9፣ 2016

የጀርመኑ መራሔ መንግሥት ኦላፍ ሾልዝ እሁድ ዕለት ወደ ቻይና አቅንተው ከፕሬዝዳንት ሺ ጂን ፒንግ ጋር ተወያይተዋል።

የሁለቱን ሀገራት የንግድ ግንኙነት ለማሳደግ ትኩረቱን ያደረገ ውይይት አድርገዋል።

በተጨማሪ ከሀገሪቱ ጠቅላይ ሚኒስትር ሊ ኪያንግ ጋር በነበራቸው ውይይት የሀገራቱን ግንኙነት ወደ አዲስ የሁለትዮሽ ግንኘነት ከፍ እንዲል ኦላፍ ሾልዝ መጠየቃቸውን ሽንዋ የተሰኘ የዜና ምንጭ ዘግቧል።

የሁለቱን ሀገራት የአጠቃላይ ስትራቴጂካዊ አጋርነት 10 ዓመት እንደሞላው ያስታወሱት ደግሞ ጠቅላይ ሚኒስትር ሊ ኪያንግ ናቸው።

አሁንም ቢኾን የሁለቱን ሀገራት ግንኙነት እንዲያድግ ቻይና ዝግጁ መኾኗንም ገልፀዋል።

የጀርመኑ መሪ ቻይና የገቡት የምጣኔ ሀብት እና የሩሲያ ዩክሬንን ጦርነት አስመልክቶ ለመወያየት ነው ተብሏል።

#HagerieTv #Olaf_Scholz #China #Xi_Jinping

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 9፣ 2016

የኢትዮጵያ ምርጫ ቦርድ ከሁለት ዓመት በፊት ምርጫ ባልተደረገባቸዉ እና ድጋሚ በሚካሄድባቸው አራት ክልሎች ዉስጥ፤ በመጪዉ ሰኔ ወር ምርጫ እንደሚያከናዉን አስታወቀ።

ክልሎቹም አፋር፣ ቤንሻንጉል ጉሙዝ፣ ሶማሌ እና በማዕከላዊ ኢትዮጵያ ሲሆኑ ምርጫው የሚከናወነው በመጪዉ ሰኔ 9 ቀን 2016 ዓ.ም መሆኑን ቦርዱ በማህበራዊ ትስስር ገጹ ይፋ አድርጓል።

በድጋሚ ምርጫ የሚከናወንበት የሶማሌ ክልል የመራጮች ምዝገባ እና ምርጫዉ በአንድ ቀን እንደሚካሄድ ቦርዱ አሳዉቋል።

በዚህም ከሚያዚያ 21 እስከ ግንቦት 5 ባሉት ቀናት ዉስጥ መራጮች ምዝገባ ማከናወን እንደሚጠበቅባቸዉ ጥሪ ቀርቧል።

#Ethiopia #HagerieTv #የኢትዮጵያ_ምርጫ_ቦርድ

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv

ሚያዚያ 9፣ 2016

የኢንዱስትሪ ፓርኮች ልማት ኮርፖሬሽን ከጀርመን ኩባንያ ጋር የ1 ነጥብ 2 ሚሊዮን ዩሮ የድጋፍ ስምምነት ተፈራረመ።

ኮርፖሬሽኑ በዛሬው እለት ከጀርመን የስራ እድል ፈጠራ ማስተባበሪያ ቢሮ ጋር የተፈራረመው ስምምነት በሀዋሳ ኢንዱስትሪ ፓርክ የንፁህ ውሀ አቅርቦትን ለማሳደግ የሚያደርግ ነው ተብሏል።

ከዚህ በተጨማሪ የአምራች ኩባንያዎችን እርካታ በመጨመር ፓርኩ በሙሉ አቅሙ እንዲንቀሳቀስና ከ300 በላይ ለሚሆኑ ዜጎች የስራ እድል ለመፍጠር ያለመ ፕሮጀክት ተግባራዊ ለማድረግ መሆኑንም ከኮርፖሬሽኑ ማህበራዊ ገፅ ተመልክተናል።

#Ethiopia #HagerieTv #የኢንዱስትሪ_ፓርኮች_ልማት_ኮርፖሬሽን #IPDC #ጀርመን_ኩባንያ

በማኅበራዊ መገናኛዎች ያግኙን

ፌስቡክ: http://facebook.com/hagerietv
ትዊተር (ኤክስ): https://twitter.com/HagerieT
ኢንስታግራም: http://instagram.com/hagerie_television…
ቴሌግራም: http://t.me/Hagerie_TeleVision…
ዩቲዩብ: http://youtube.com/hagerietv
ዌብሳይት: http://hagerie.tv