Galymdar.kz

Әлемнің сақталуы – Алланы еске алудың берекесінде. Егер ол тоқтаса, әлем жойылып, қирайды!

Сахих хадисте: «Қиямет “Алла, Алла” деп айтатын ешкім қалмаған кезде ғана келеді», – делінген.

Бұл ғалымдар мен ізгілердің берекесі әлемдегі жындар мен адамдарға ғана емес, жануарлар мен жансыз заттарға да әсер ететінін дәлелдейді.

#Ғалымдар_жамағаты
#Алланы_еске_алушылар

Құранды жаттаудағы маңызды ережелердің бірі:

Әр күн сайын жаттауға міндеттену: белгілі бір мөлшерді тағайындап, оны азайтпау керек. Егер сіз бірнеше күн бойы сол нәрсеге әдеттенсеңіз, шайтанның азғыруына ермей, жалқаулыққа итермелеуші себептерден аулақ болсаңыз, онда жаттау процесіне әбден үйреніп, жаттауыңыз тамақ пен сусын сияқты күнделікті өміріңіздің бір бөлшегіне
айналады.

📚Құран жаттау керек еді..

Оқушы өз дәрісінде дауысын көтеріп оқу керек, сол арқылы өзінің дауысын естігені жөн. Себебі құлақпен естілген нәрсе жүректе сақталады. Адам өзі оқығанынан гөрі естігеніне көбірек мән береді. Сондай-ақ оның сөйлеу шеберлігі артады.

📚Кайфа тахфазу әл-Құран

Атақты ғалым ибн Хажар Асқаланидің (رحمه الله) 52 әйел ұстазы болған. Солардың ішінде әйгілі болғандар Фатима әт-Таннухия мен Фатима әл-Мақдисия.

Ол дәуірде әйелдердің ғылыммен көп айнылысқанына дәлел.

Жаттаған сүрелеріңді қайталаудың ең жақсы жолы - түнгі намазда оқу. Өйткені, ол кезде адамның ойы таза және жүрегі басқа істерден бос болады.

📚Құран жаттау керек еді

Егер адамдар сенің қадіріңді білмесе, үмітіңді үзбе. Алла сенің кім екеніңді білгені жеткілікті . Біздің Нұх пайғамбарды (Алланың сәлемі болсын) тануымыз оның таразысына ештеңе қоспайды, және Алла бізге айтпаған пайғамбарларды білмеуіміз олардың таразысынан ештеңені азайтпайды.

Расайл мин әл-Құран

Жаратылыстың негізі – адамның табиғатынан ажырамайтын қасиет!

Алла Адамды топырақтан жаратты, ал топырақ – ағаштар мен өсімдіктер өсіп шығатын орын. Сондықтан ер адам өзінің құндылығын еңбектеніп, өндіруден табады!

Алайда Алла Тағала Хауаны Адамның қабырғасынан, жүрек тұсынан жаратты.

Сол себепті, әйелдің еңбек пен өндіріске қатынасы біршама алшақ.

📚Расайл мин әл-Құран

Арабтар жол таңдамас бұрын сапарлас дос таңдайтын, үй таңдамас бұрын көршіні таңдаған!

Ізгі дос — өмірдің ең үлкен нығметтерінің бірі. Ол – терең құдық, оған өз құпияңды сеніп тапсыра аласың.

Ізгі дос- ақылға қонымды ой, онымен мәселелеріңді бөлісе аласың.

Ізгі дос- жылы иық, оған қайғыңды сүйеніп жеңілдете аласың.

Ізгі дос- жұмсақ қол, ауыртпалығыңды жеңілдететін тірек.

📚Расайл мин әл-Құран

Егер жалғандық өз шыңына жетсе, бұл ақиқаттың жеңісі жақын дегенді білдіреді!

Алланың әлемдегі заңы бойынша, кез келген нәрсе өз шыңына жеткенде, кері құлдырау басталады.

Сондықтан есіңде болсын: түннің ең қараңғы сәті — таң алдында аз ғана уақыт қалғанда болады!

Ал алпыс жасқа келгенде, Хадишаның құрбыларының сексенге таяғанын көріп, өзінің шапанын шешіп, оларға отыруға ұсынды. Жанындағылардың таңданысын сейілтіп:

«Бұлар Хадишаның құрбылары ғой!» — деді.

📚Расайл мин әл-Құран

Айшаның өзі қабірінде жатқан Хадишадан қызғанатын және оған: «Әлі де оны есіңе аласың ба? Алла саған одан да жақсысын бермеді ме?» деп айтатын.

Ал ол(Алланың салауаты мен сәлемі болсын): «Алла мені Хадишадан артық ешкіммен алмастырған жоқ!» деп жауап беретін.

Неткен адалдық!

📚Расайл мин әл-Құран

«Ілім іздену – ризықтың ең үлкен себептерінің бірі.»

Маған сеніңіздер, мен аспаздықты оқығанмын, бес жыл оқыдым. Аспаздыққа келгенде бізге ең үлкен жалақыны аспаздар алатынын айтатын: бас аспаздың жалақысы барлық жалақылардан жоғары. Біз барлығымыз жас кезімізде дүниені іздеу үшін аспаздықты таңдадық. Мен аспаздықты оқығанда 15 жаста едім, менің мамандығым аспаз болатын. Мен аспаздықты үйрендім және осы өмірді сүрдім, бірақ Алла Тағаланың маған берген үлкен мәртебесі - мен аспаздықтан дін іліміне ауыстым. Қазір, Алланың қалауымен, мен аспаз болып жұмыс істеп жүрген барлық достарымнан әлдеқайда жақсы өмір сүріп жатырмын.

Шейх Әдһам (хафизаһуллаһ)

Мұса (оған Алланың сәлемі болсын) Мәдиянға жеткенде, оның не үйі, не жұмысы, не жұбайы жоқ еді. Ол жақсылық жасады да, көлеңкеге барып, қолын көкке көтеріп:

رَبِّ إِنِّي لِمَآ أَنزَلۡتَ إِلَيَّ مِنۡ خَيۡرٖ فَقِيرٞ

Мағынасы:

«Уа, Раббым! Шүбәсіз, маған берер қандай жақсылығыңа, нендей нығметіңе болса да зәрумін!» – деді.


Дұғаның транскрипциясы:

“Рабби иннии лима әнзәлта иләййә мин хайрин фақиир”


Осы дұғаны айтқан күні күн батпастан, оның үйі, жұмысы және жұбайы болды!

Сіз де осы дұғаны әрбір жасаған жақсылығыңыздан кейін оқып көріңіз!

📚Расайл мин әл-Құран

Шейх Бадруддин әл-Хасани, хадис ғылымының үлкен ұстазы (Алла оны рақымына алсын), Дамаскіде үш түрлі мәжіліс өткізетін еді: бір мәжілісі барлық адамдармен, екіншісі саудагерлермен, ал үшіншісі тек таңдаулы ғалымдармен болатын.

Муса Пайғамбар (оған Алланың сәлемі болсын) туралы:

Анасы: «Оны өзенге ағызып жібер және ол үшін еш қорықпа!» (Қасас, 7)

Екінші анасы: «Оны өлтірмеңдер» (Қасас, 9)

Қарындасы: «Сенің қарындасың барып...» (Таһа, 40)

Жұбайы: «Әкетайым, оны жалдап алыңыз...» (Қасас, 26)

Ұлы тұлғалардың жетістіктерінде әйелдердің үлесі жоқ деп айту мүмкін емес!

📚Расайл мин әл-Құран

Перғауынның сарайынан Асия шықты, Қағбаны тауаф жасайтын бұл үмметтің қыздарынан неге ғалым әйелдер шықпайды

Нуруиддин Илдиз(Хафизаһуллаһ)

Имам Ахмад ибн Ханбал кішіпейілділікті Алла Елшісінен (оған Алланың сәлемі мен игілігі болсын) үйренді. Ол Пайғамбардың (оған Алланың сәлемі мен игілігі болсын) өз қойын сауып, аяқ киімін жөндеп, киімін тігіп, жұбайы Айшамен жарысқанын және жұбайы Сафияның көз жасын сүрткенін білді.

Бірде сахабалар (Алла оларға разы болсын) бір қойды соймақ болып, жұмыс бөліседі. Біреуі: «Мен қойды соямын», — десе, екіншісі: «Мен оның терісін сыпырамын», — дейді. Сонда Пайғамбарымыз (оған Алланың сәлемі мен игілігі болсын): «Мен отын жинаймын», — деп айтқан екен.

Имам Ахмад Бағдадтың базарына барып, бір бума отын сатып алып, оны иығына салып көтеріп жүрді. Оны көрген адамдар оған қарай жүгірді. Дүкен иелері дүкендерін тастап, өтіп бара жатқандар тоқтап, сәлем беріп жатты. Бәрі: «Отынды біз көтереміз!» – деп айта бастады.

Имамның жүзі қызарып, көзіне жас келді де, ол: «Біз бейшарамыз, Алла Тағала біздің күнәмізді жасырмағанда, масқарамыз шығар еді», – деді.


📚Расайл мин әл-Құран

Бір сөздің өзі адамды өзгертеді

Рилс ➡️жақсы сөз сөйлейік

Кім ойлады дейсің, жылдар бойы қой баққан Мұса пайғамбар (оған Алланың сәлемі болсын) Алламен сөйлесетін пайғамбарға айналады деп?!

Немесе Құрайыштың бай-манаптарының қойын аз ғана ақшаға баққан Мұхаммед (оған Алланың сәлемі мен игілігі болсын) кейін соңғы пайғамбар әрі елші болатынын?!

Мүмкін, өміріңнің ең әдемі күндері әлі алда шығар. Аздап күш салып, Аллаға деген сеніміңді нығайта түссең, алда сен күтпегендей керемет күндер келетінін көресің!

Шейх Әдһам (хафизаһуллаһ)