Аслан Орақбай @aslan_oraqbay Channel on Telegram

Аслан Орақбай

@aslan_oraqbay

Мен көбірек пайдалы ақпарат шығарғым келеді, оны көбейтетін факторлардың бірі кітаптарымды сатып алу/біреуге сатып алып беру

Аслан Орақбай (Kazakh)

Сізге ақпараттандыруды көмектесетін оқырман Орақбаев Асланның телеграм каналыға қош келдіңіз! Көпірек пайдалы ақпарат көрсетуді мақсат қойған бұл каналда Орақбаев Аслан кітаптарымен таныса алады. Оларды сатып алу/біреуге сатып алып беру жайлы ретеңіз жүжігі бойынша көмек алуға болады. Олар барлық тараптарға арналған болып, табысқа арналған кітаптармен де толықтыру мақсатын ұстануда көмек көрсету үшін тұтынуы мүмкін. Орақбаев Асланның каналына жазылыңыз және жаңа мәліметтерден білу үшін тыңда көмек көріңіз!

Аслан Орақбай

09 Jan, 14:05

Соңғы кезде біздің кей қазақ Құдаймен тегі жүгенсіз алысып кетті. Қанша батыр болсаң да, бұл әрекетің біртүрлі көрінеді бар ғой.

Қызық негізі. “Құдайды жоқ” деп санап алған адам кіммен күресіп жүр өзі? Жоқ нәрсемен есі дұрыс адам шайқаса ма? Ал егер Құдайды бар деп іштей мойындап алған, бірақ Онымен алысуды өзіне сән көретін адамның мақсаты не сонда?! Екі жағдайда да Құдаймен алысып жүрген адамның “жалпы дені сау ма өзі?!” деген сұрақ туады бізде.

Мейлі сен Тәңір деген жаратушының әскері екенсің, Исламдағы Алламен жауласып жүр екенсің. Сол “Алла” - “Тәңір” деген қазақ сөзінің араб тіліндегі нұсқасы екеніне ой жүгіртіп көрген жоқсың ба? Мағынасы бір ғой. Әр ұлттың тілінде таулардың атаулары, сөздері, дыбысталуы әртүрлі болғанмен таудың заты - тау, судың заты - су, адамның заты - адам, мейлі ол “адам”, “человек”, “human” “инсан”, “人” “der mensch”, тағы бірдеңе болсын. Мен Аллаға тиісе берсем болады, тек Тәңірге тиіспесем болды деген не даңғойлық? Құдайдың қай тілдегі атауына тиіссең де, Ол – бәрі бір Бір Жаратушыға тиетін сөздер ғой. Жамандық шақырмай қойыңдар енді, ақылдарың бар ғой.

Жазба авторы – Ақберен Елгезек
1,321
Аслан Орақбай

09 Jan, 11:07

Алла Тағала үшін тағдырының тосынсыйларына төзімділік танытқанды толассыз табыс тосып тұр.
1,234
Аслан Орақбай

09 Jan, 11:00

Қылықтары жасандылықпен жамылмаған, яғни шынайылықпен ғана жасалады. Қашан адам өз-өзімен шынайы болса, оның әрбір іс-әрекеті жарасымды әрі орынды болады. Осылайша, күлетін жерде езу тартып, күлмейтін жерде дарақылыққа салынбайтын болады.

Сағид ибн Асс бірде ұлына былай өсиет етеді: «Әзілдескенде шектен шықпауың керек. Расында, көп күлкі адам бойынан асыл қасиеттерді қашырып, ақымақтықты әкеледі. Әзілдесуден тосылып та қалма. Шектен тыс тұйық болу достық көңілді әлсіретіп, адамдарды алыстатады». Қалжыңдас, бірақ ретімен. Достарыңның көңілін аула, бірақ орынды сөздермен.

📖 Бетперде кітабынан үзінді
1,196
Аслан Орақбай

09 Jan, 10:58

Алла Елшісі(ﷺ): «Кісінің мұсылман бауырын мазақ етуі жамандық ретінде жеткілікті», – деген.

📖 Бетперде кітабынан үзінді
1,269
Аслан Орақбай

09 Jan, 10:40

Аллам! Жаман көршіден, қарттығыма жетпей шашымды ағартатын жардан, маған қожайын болатын баладан, азап әкелетін малдан Сенен пана сұраймын. Сондай-ақ көзі маған (күле) қарап, жүрегі мені аңдумен болатын, жақсылығымды көрсе, жасыратын, жамандығымды көрге тарататын арам достан сақта!

📖 Бетперде кітабынан үзінді
1,267
Аслан Орақбай

09 Jan, 10:29

“Шүбәсіз, Алланың мейірімі (игілікті істерді атқаруға келгенде ішкен асын жерге қоятын) ізгі жандарға жақын” (Әғраф, 56)
1,258
Аслан Орақбай

08 Jan, 10:30

«Алла сендерді аналарыңның ішінен ешнәрсе білмейтін түрде шығарды да, сендерге есту, көру және ойлау қабілетін берді. Әрине, шүкіршілік етесіңдер» (Нұр, 78).

Яғни, Алла Тағала саған мәселені шеше алатындай, өмірдің сынақтарына қарсы тұратындай ризық есіктерін қағатын құралдардың барлығын берді. Алла бір басыңдағы осыншама нығметті шүкір етуің үшін берді. Ал шүкір ету тек тілмен ғана болмайды, денемен де қатар болады. Денемен шүкір ету деген – Алланың берген нығметтерін дұрыс жолға қолданып, пайдаға жарату.

📖 ХӘЛ кітабынан үзінді
1,491
Аслан Орақбай

07 Jan, 18:15

Мүмкіндік кітабы жайлы

Сілтеме: мүмкіндік
1,579
Аслан Орақбай

07 Jan, 13:38

Хадисте келгендей, «Оларды көргенде Алланы еске түсіреді». Яғни көргенге Алланың мейірімін еске түсіретін иман жүзді, жылы шырайлы кісі қандай жақсы адам! Ол өмірден озса да, жанашырлығы көптің есінен көпке кетпей, көптің дұғасына ілігеді. Себебі тірісінде басқаларға жайлылық, тыныштық сыйлап, жақсы қарым-қатынаста болған жақсы адамды өлім ұмыттыра алмайды.
1,509
Аслан Орақбай

07 Jan, 13:38

Кейде адам тапсырылған жүкті ауырсынып, бойы үйренбей, ойы қарсыласып жатады. Мейлі жұмыс болсын, міндеттеме немесе садақа болсын. Осындай жағдайда көшбасшы екінші тараптың дайын болуын күтіп, түсіністікпен қарай білуі қажет. Себебі қандай да бір өзгеріске бірден сіңісіп кету көптің қолынан келе бермейді.

Алла намазды парыз етіп аят түсіргенде де былай деді: «Үй-ішіңді намазға бұйыр әрі өзің де оған сабырлы бол» (Таһа, 132). Яғни бұл аяттан дініміздің тірегі, ең басты ғибадаты болған намаз құлшылығын отбасыға бұйыру барысында да сабырлық танытып, көркем түрде бұйыру керек. Ұрып-соғу, жазалау секілді қаталдық тәсілдерін қолдану жөн болмайды. Осындай жағдайда кейбір отбасыларда ата-ана балаларына жанашырлық танытудан тайытқып, сөзін тыңдату үшін негізгі мақсат ниеттен тайытқып жатады.

Нағыз көшбасшылық дарыған адам байыптылығымен өзін де, өзгелерді де шаршатпайды, өмірі артық уайым мен дау-дамайдан аман болады.

📖 Бетперде
1,512
Аслан Орақбай

07 Jan, 11:01

Абдулла ибн Омардан жеткен хадисте былай келеді: ««Баласына жақсылық жолында көмектескен әкені Алла мейіріміне бөлейді». Одан: «Ол қалай, Алла Елшісі?» – деп сұралғанда, Пайғамбарымыз(ﷺ): «Жақсылығына мән беріп, кемшіл тұсын өткізе салған әке», – деп жауап берген екен».

📖 Бетперде
1,455
Аслан Орақбай

06 Jan, 11:21

Бірде Пайғамбарымыздың(ﷺ) заманында Айша анамызға бір қыз келіп, беделі мен билігі күшеюі үшін ағасының ұлына күштеп үйлендірмекші болған әкесіне шағым айтып келеді. Сонда Айша анамыз оған Алла Елшісі(ﷺ) келгенше күтіп отыра тұруын айтады. Алла Елшісі(ﷺ) келгенде оған бәрін айтып береді. Пайғамбарымыз әкесіне адам жіберіп, шақыртады да, істі қыздың қалауына сай шешіп береді….
Яғни әкесі қызы үшін жауапты болса да, оны күштеп қаламаған адамына тұрмысқа бере алмайды.

📖 Бетперде
1,678
Аслан Орақбай

05 Jan, 23:12

Адамдарды әрқашан жақсылыққа үндеп, жақсылығын айтып отыр.

Ата-анасына қамқорлық қып, баққанға жақсы ұл, өнегелі ұрпақ, сауапты адам екенін айт.

Жанашыр жарға ерекше адам, жақсы жұбай екенін айт.

Адал, еңбекқор жұмысшыға әлі де адамдарда жақсылық бар екенін саған ұқтырғанын айт.

Ықыласты студент пен талапты шәкіртке олардың ерекше ынталы екенін айт.

Шынайы досыңа оның шынайылығы мен адалдығы сені жігерлендіретінін айт.

Адамдар көбелек тәрізді, кейде өзіндегі әдемілікті байқай бермейді. Олардың жақсы жағын айт, бұл таза жүректілердің істейтіні.

🧭Компас кітабынан үзінді
1,952
Аслан Орақбай

05 Jan, 04:21

Өзгенің кемшіл тұсына кешіріммен қарайды. Ондай кісі алдына келген адамды кешірім сұратпай-ақ кешіріп жібере алады.
«Алладан қорқып, араларыңды жарастырыңдар» (Әнфәл, 1).
Яғни олар сенімен арадағы байланыста осалдық танытқан жерлерін адамдарда болуы қалыпты әлсіздік деп қабылдайды. Бүгін жолдасы қателессе, ертең әлсіздік өзіне де келіп, бір жерден шалыс басатынын біледі. Өзін ренжіткендерге қарағанда өзі ренжіткендер туралы ойланады. Алланың кең мейірімі мен кешіріміне ой жүгіртіп, өзі де кешірімге мұқтаж бола тұра, басқаны кешірмей қоюдан қорқады.

📖 Бетперде
2,035
Аслан Орақбай

31 Dec, 20:20

Абдулла ибн Аббастан жеткен хадисте Алла Елшісі(ﷺ) сахабаларынан: «Сендерге нашар адам туралы хабар берейін бе?» – деп сұрайды. Сахабалар: «Қаласаңыз, иә, Алла Елшісі», – дейді. Сонда Пайғамбарымыз(ﷺ): «Қателікті кешіре алмайтындар, кешірімді қабыл алмайтындар және кемшілікті кешіре білмегендер», – деп жауап береді.

📖 Бетперде
2,912
Аслан Орақбай

31 Dec, 19:45

Салют дыбысы ұйқыдан оятты…

00:44
1/01/2025
2,542
Аслан Орақбай

31 Dec, 19:39

Тағдыр табандылыққа ғашық
2,267
Аслан Орақбай

31 Dec, 19:38

Дұға жасаған сәтте сұраудың ешқандай шекарасы жоқ. Тағы да не сұрап жатсың демейді, жауапсыз қалдырмайды. Дұға етуді нәсіп еткен Аллаға шүкір етемін.
2,281
Аслан Орақбай

31 Dec, 19:38

Аспанға салютты емес, дұғаңды жібер
2,217
Аслан Орақбай

31 Dec, 11:32

«Сондай қайыр істегендер, бергендеріне міндетсіну, ренжіту араластырмаса (беріп алып бұлданбаса, кейітпесе), оларға Раббыларының құзырында сыйлық бар. Сондай-ақ оларға қорқыныш жоқ, әрі олар қайғырмайды» (Бақара, 262).
2,297
Аслан Орақбай

31 Dec, 10:38

Бұл – құлағанның артынан мазақтап, сүрінгенді сынап отыратын заман болғанымен, сені надандардың нәлеті алдап қоймасын! Құладың ба, қайта тұр. Қайта, жығылғанда қайтадан бой көтеруді үйренетін боласың. Әр сүрінуің сені әлсіретпейді, керісінше тәжірибелі әрі мықты етеді.

📖 Бетперде
1,676
Аслан Орақбай

31 Dec, 08:38

"Күту" немесе біз жаңа күннен не күтеміз?!

Адамның өмірі әйтеуір бітпейтін күтулерден тұрады.
Аялдамаға барып көлік күтеміз,
Аяңдаған адамды келіп күтеміз.
Тапқанымызды беріп,мейман күтеміз,
Жаққанымызды беріп,Алладан иман күтеміз.
Тосыннан толағай “сый” күтеміз,
Аста-төк көтеріңкі көңіл-күй күтеміз.
Баламыздың өніп-өскенін күтеміз,
Даламыздың жылы-жел ескенін күтеміз.
Келешегі бар деп, жас малдың шапқанын күтеміз,
Берешегі бар деп, қарыздың қайтқанын күтеміз.
Басқаның бізді мақтап айтқанын күтеміз,
Тәкаппардың тәубеге қайтқанын күтеміз.
Әйтеуір бітпейтін күтулер...
Үзіліп жатып, жалғана беретін үміттер жалғаса да береді.

Түйін: Алладан басқаға алаңдамай, айналаны аңғарып, алдыңдағыға арымайтын алғыс айтсаң абзалы сол болар...

@serikbay_oraz
1,780
Аслан Орақбай

28 Dec, 11:20

Мен күйзелісімді де, күйінішімді де Аллаһқа ғана шағамын.
Юсуф, 86

Адамға шағымдансаң, аяушылықпен қарайды. Аллаһқа шағымдансаң, мейірімділікпен қарайды.

Әлсіз өзі сияқты әлсізге шағымданбайды, ал барлық адам – әлсіз. Пақыр өзі сияқты пақырға шағымданбайды, ал барлық адам – пақыр. Әлсіз күштіге жүгінеді. Аллаһтан асқан күшті ешкім жоқ. Пақыр байға жүгінеді, Аллаһтан асқан бай ешкім жоқ.

Аллаһтың алдында толықтай әлсіздігіңді көрсет: шағымдан, жыла, сұра... Ал адамның алдында өз-өзіңді жина да, басыңды көтеріп жүр. Себебі адамның көзіндегі аяушылық – әлсіздік, адамға сүйену – ақсақтық.

📘”114” кітабынан үзінді
2,115
Аслан Орақбай

28 Dec, 11:19

Қайдан білесің, бәлкім Аллаһ бұдан кейін мүлдем басқа жағдай туғызар.
Талақ, 1 аят

Адам қиын жағдайға тап болған кезде одан шығатын жер жоқ деп ойлайды. Кейін, түптің түбінде, Аллаһ Тағаладан жеңілдік келеді.


Сафа мен Мәруаның арасында су іздеп жүрген Ажар анамыз баласының аяғының астынан барлық мұсылман ішетін зәмзәм суы шығады деп ойлады ма екен?

Алла Тағала осылайша бір хәлден екінші хәлге қас-қағым сәтте ауыстырады.

Басымыздан өткерген қиын сәттерді бітпес деп ойлаған едік. Алайда олардың бәрі бүгін жай ғана естеліктер болып қалды.

Үмітіңді үзбе! Жаратушыңа Сен! Аллаһтан жеңілдіктің келуін күту – ең үлкен құлшылықтардың бірі.

📘”114” кітабынан үзінді
1,821
Аслан Орақбай

27 Dec, 21:43

Адамның қайғысы қаншалықты үлкен болса, күлімсірегені соңшалықты ыстық болады екен. Әжем солай деген. Қайғының үлкендігі неге қарай өлшенетінін білмеймін. Бірақ біреудің күлімсірегенінің ыстықтығын сезінген кезде ол кісінің қайғысының үлкен екенін түсінемін. Қайғысымен әдеміленіпті..

📘 “сенің қамқор ағаң”
1,914
Аслан Орақбай

27 Dec, 21:42

Суық - жалғыз қыс қана емес.
Дөрекілік - суық.
Көңілдің қалуы - суық.
Сәтсіздік - суық.
Сүйікті адамдардың ажырауы - суық.
Достардың өзгеруі - суық.
Жанның суықтығы - тәннің суықтығынан жаман.
1,839
Аслан Орақбай

27 Dec, 21:36

Қателесіп басқа пойызға отырған кезде, ең бірінші станциядан түсіп қалуға тырыс.

Себебі алыстап кеткен сайын
кері қайтуда қиын болады
2,041
Аслан Орақбай

27 Dec, 21:36

Күтуден шаршағаныңыз үшін бәрінен бас тартпақшымысыз? Қалайша?
Құдайдың сізге берген уәдесін ұмытқаныңыз ба?

Ол сізге көтере алмайтын нәрсені жүктемейді. Оған сеніңіз. Ол әрдайым сізге қарайласады. Тек алға қарай жүре беріңіз. Сізді биікке жетелер күн алыс емес
2,094
Аслан Орақбай

27 Dec, 21:32

Алла Тағаланың құдіреті шексіз емес пе?! Ендеше, неге қорқасың?

Алла өмірдің ағысын қас қағым сәтте-ақ өзгертіп жібере алады. Бір сәтте мүмкін емес нәрсені болдырып жібере де алады.

Уайымдама, Алла бір күні жүрегіңдегі арманыңды күтпеген жерден орындайды. Сабырдан кейін тек қуаныш бар.
5,942
Аслан Орақбай

27 Dec, 21:32

Әр адам - өз жанының дәрігері. Ол өз қалауымен емделуге шешім қабылдамағанға дейін дертіне шипа таппайды.

📖Кешірдім кітабынан
1,808
Аслан Орақбай

26 Dec, 12:12

Аслан Орақбай pinned «Аллаһым! Надели нас таким страхом перед Тобой, которого будет достаточно, чтобы отделить нас от непокорности Тебе, и таким повиновением Тебе, которого будет достаточно, чтобы привести нас к Твоему Раю, и такой убежденностью, которой будет достаточно, чтобы…»
0
Аслан Орақбай

26 Dec, 12:01

Біз сүюді және сүйікті болуды білуіміз керек. Қайғы-қасіретті де көтере алуымыз керек, ал қажет кезде күлкіні қайырымдылық ретінде таратуды білуіміз керек.
1,596
Аслан Орақбай

26 Dec, 12:00

Аллаһым! Надели нас таким страхом перед Тобой, которого будет достаточно, чтобы отделить нас от непокорности Тебе, и таким повиновением Тебе, которого будет достаточно, чтобы привести нас к Твоему Раю, и такой убежденностью, которой будет достаточно, чтобы невзгоды мира этого казались нам незначительными.

Раббым! Дай нам пользоваться нашим слухом, зрением и силой, пока Ты будешь поддерживать в нас жизнь, и даруй это нашим наследникам. И отомсти за нас тем, кто нас притеснял, и помоги нам против тех, кто враждует с нами, и не допусти, чтобы религию нашу постигло какое-нибудь бедствие. И не делай мир этот ни самой большой нашей заботой, ни пределом нашего знания, и не давай власти над нами тем, кто не станет проявлять милосердия по отношению к нам
1,510
Аслан Орақбай

26 Dec, 12:00

Өткен уақытты қайтарып келу мүмкін емес. Сондықтанда ізгі амалдар жасаудың күні бүгінгі осы күнің.

Бойымыздағы аманаттың бәрін Шын Иесіне табыстаудың күні бүгінгі осы күнің. Сол үшін ғой «Ертең істеймін!» дейтіндер құрыды», дейтіндері.
1,348
Аслан Орақбай

26 Dec, 11:51

Оқығандарымыздың қалтасы тесік, байларымыздың төбесі тесік. Екеуін бір жерге желімдесең де қосылмайды.

©️ Міржақып Дулатұлы
1,344
Аслан Орақбай

24 Dec, 12:32

Жақыным!

Құр әншейін жылы сөздің көңіл кетігін бітей алмайтынын білемін. Електей шұрқ тесігі көп жүрек жарасын кім жаза алады? Жақсы көргеніңді жоғалту тағдырға бітсе, не істей аласың?

Бұдан былай біреуді ұнатсаң, жақсы көрмеуге тырыс, сонда бәлкім қасыңда ұзағырақ қалар... Айырылған уақытта жұбаныш сөздің өзі де көңіл айтқан сөздей боп тиеді.

📘 “сенің қамқор ағаң” 44 бет
1,896
Аслан Орақбай

24 Dec, 06:19

сені жұбатқанның бәрі уайым-қайғысыз емес. Мүмкін ол кісі жабырқағанда өзін жұбатар біреуге зар болатын шығар.

Саған қол ұшын берген кісі де мұқтаж болғанында өзіне көмектесер біреуді таппай қалар.

Арқаңнан қағып тұрып, үнсіз ғана іштей: «Мен адамдардың арқасынан қағып, демеп жүрмін. Иә, Алла! Өзің де мені демей гөр!», - деген болуы да мүмкін.

🫂”сенің қамқор ағаң” кітабынан
2,027
Аслан Орақбай

24 Dec, 06:19

Өздерін ғана ойлайтын адамдар үшін қадірсіз болудан тоймадың ба?

📚«Сенің қамқор ағаң» кітабынан
3,937
Аслан Орақбай

22 Dec, 09:14

Аллаға қарай жақсылап бұрыл, енді қайтып артыңа қарайламайтындай дәрежеде бұрыл. Алланың алдында басын игенге барлық нәрсе қолжетімді болмақ.

📖 жаңа кітаптан үзінді
2,292
Аслан Орақбай

22 Dec, 09:13

Дұға – ең берекелі сәттің бірі. Дұға – қиындықтың шешіліп, үйірілген қара бұлттың сейілмей тұрып ең бірінші келетін жеңілдіктің уағы. Дұғада сұрағаныңның сөзсіз қабыл болатынына сен, кемел сен. Сені жоқтан бар еткен Раббың қажеттілігіңді де сөзсіз жоқтан бар етеді, мүмкін емес дегеніңді мүмкін етеді, алысты жақындатып, маңыңдағы жамандықты алыс етеді.

📖 жаңа кітаптан үзінді
2,182
Аслан Орақбай

21 Dec, 12:37

https://www.instagram.com/reel/DD1uDIIN-tp/?igsh=MTU1cWhwcHo2NjczcA==
2,170
Аслан Орақбай

21 Dec, 12:37

Умра деп жазып кетейік😉☺️

Инстаграмға
2,184
Аслан Орақбай

21 Dec, 10:48

Раббың Мейірімді! Пайғамбарың(ﷺ) Мейірімді! Қатігездік сенің не теңің?!
1,606
Аслан Орақбай

21 Dec, 10:11

Нәпсің “намазды кешіктір” деп азғырған сайын “намаз - ол тыныштық, демалыс” деген сөздерді есіңе ал.

📘Мүмкіндік кітабынан
1,630
Аслан Орақбай

21 Dec, 10:11

Амалыңнан сұралатын бірінші құлшылық - Намаз. Оны жоспарыңның ең соңына қойма.

📘 Мүмкіндік
1,577
Аслан Орақбай

21 Dec, 09:25

1/01/2025

Жаңа жылды намазбен бастауға керемет МҮМКІНДІК

Тез жеткізу IQUP дүкені
1,467
Аслан Орақбай

21 Dec, 09:19

Барлығымыз бақытты болғымыз келеді, тіпті бақытты болу үшін не істеу керектігін де білеміз. Алайда оларды жасауға уақыт таппаймыз. Біз бақытты болуға да босамайтын болғанбыз.

📘Мүмкіндік кітабынан
1,387
Аслан Орақбай

21 Dec, 09:08

Күн сайын маңызды істерің мен маңызды емес істеріңнің арасында жүздеген таңдаулар жасайсың. Таңдауларың сенің қандай адам болатыныңды анықтайды.

📘Мүмкіндік
1,409
Аслан Орақбай

21 Dec, 09:05

Байқадың ба? Өзгелерге ішіңдегіні айтып берген кезде, айтқаныңа өкінесің. Себебі, еш пайдасы болмайды. Ал дұға еткен кезде мүлдем өкінбейсің. Себебі, ішіңдегіні Аллаға айтқан кезде уайым-қайғыңнан сейілесің.

📘 Мүмкіндік
1,570
Аслан Орақбай

21 Dec, 09:05

егер амалдарыңыз аз болса,

ол нәрседе ықыласты болыңыз

📘 “мүмкіндік” кітабынан
1,435
Аслан Орақбай

21 Dec, 09:03

Channel photo updated
0
Аслан Орақбай

20 Dec, 20:26

Ислам - махаббатқа қарсы емес, керісінше махаббаттың атымен жасалатын күнәға қарсы.
2,713
Аслан Орақбай

20 Dec, 20:26

Көңілі құлазығанға серік, еңсесі түскенге дем бол! Адасқанға жол сілтер, өзін жоғалтқанға өзін табуға көмектес. Ештеңе істей алмасаң да жай ғана ол сезінген нәрсені сезіне алатыныңды көрсет.

Бір нәрсе істеу үшін супермендік керек емес, жай ғана адамдығыңды көрсет.

📘”КОМПАС” кітабынан үзінді, Аслан Орақбаев
1,778
Аслан Орақбай

20 Dec, 15:19

Aqsultan bauyrym tabysqa qatysty video daiyndapty🏆

https://www.youtube.com/watch?v=9TvsPW27cw4
1,620
Аслан Орақбай

18 Dec, 20:31

Қайта-қайта жасап, қайталанып кетсе де күнә-қателікке иіліп қалма. Оны өз мақсатыңа пайдаланып, қайта-қайта тәубе етіп, күнә-қателіктеріңді жуып-шайып ал. Күнә сені жақсылық жасаудан, құлшылық қылудан тыйып, тосып қалмасын.

Қайта жасап, тағыда қобалжи берсең Пайғамбарымыздың: «Жамандықтан кейін жуып-шаятын жақсылық қыл», (Тирмизи)- деген сөзін ұмытпа. Осы пайғамбарлық дәрі жүректегі рухани ауруларды емдейді. Жан дүниенің қусап, кеуіп қалаудан сақтайды. Жүректі, көңілді бастапқы қалыпан қайтара алады.

"компас" кітабынан үзінді
1,924
Аслан Орақбай

31 Oct, 08:53

Өмір кешіккендерді кешірмейді

Келесі күннің таңын нақты көретінімізді білетін сияқты, ісіміздің барлығын ертеңге не болмаса басқа бір күнге қалдыратынымыз өтірік емес шығар. Бір шынаяқ кофені ішуді, фильм көруді демей-ақ қояйын, кітап оқуды, жаңа білімді үйренуді, тіпті жақындарымыздың жағдайын сұрап, қатты құшақтауды не жақсы көретінімізді айтуды ұмытып кетеміз.

Бірақ өмірдің әділдігіне қараңызшы, адам ертеңге қалдыра берген дүниелерінің барлығын, жағдайы нашарлағанда, яғни аурухана дәлізінде есіне түсіреді екен.

Өміріміздің өлшеулі hәм қадірлі екендігін сол кезде түсінеді екенбіз. Бұл дүниенің тірлігі ешқашан бітпейді.

Бір курстан естіген едім: "Кейінге қалдыру өмірдің ұйытқысын жоғалтады. Ашулансаң айғайла, сүйсең айт, сағынсаң артынан жүгір".

📘ҚойынДәптер
3,113
Аслан Орақбай

24 Oct, 19:53

Көлік сатып алғанға емес, аяғынан айырылғанға қара. Кең сарайдағыларға емес, шатырларда тұрып жатқан босқындарға қара. Шетел асып қыдыруға кеткенге емес, аурухананың дәрі сасыған иісін иіскеп, ауырып жүргенге қара. Жоғары мансаптағыларға емес, бүйрегі істен шығып, оны күнде шайдырып жүрген науқасқа қара.

Пенде болғандықтан, біз қолда бар нығметке шүкір етудің орнына бізде жоқ нығметті аңсап отырамыз.

🧭 Компас кітабынан
3,868
Аслан Орақбай

22 Oct, 01:47

Есіңнен шығарма! Менменсігеннің түбіне менмендігі жетті. Өзім өстім дегенді өзімшілдігі өшірді. Қандай жетістікке жетсең де сені жоғарылатып, айыңды оңыңнан тудырып жатқан Алла екенін ұмытпа. Алла қалап, саған күш қуат бермесе тозаңды да көтере алмаған болар едің.

Аллаға жақындатпаған кез келген жылжу құлдырау. Сені қарапайым қылмаған білім надандық. Аллаға ғана мұқтаж екеніңді сездірмеген байлық пақырлық.

Адамдардың алдында кішірейе білгеннің Алланың алдында дәрежесі өсетінін ұмытпа!

🧭 Компас кітабынан
3,381
Аслан Орақбай

21 Oct, 20:18

Күнініне мың рет күнә жасап қоятындай нәпсісінің алдында өте әлсіз болсаң да, мың рет тәубе етуде әлсіздік танытпа.

Шайтанға ең сүйікті кез мұсылманның үмітсіздікке салынып, Алланың мейірімінен күдер үзген сәті. Ал Алланы қуантатын ең басты нәрсе құлдарының тәубе еткен көрінісі!

Бұған Алла Елшісінің мына хадисі дәлел: “Сендердің бірің сахарада түйесін жоғалтып алып, кейін қайтадан тауып алса, қуана ма? - деп сұрайды. Сахабалар: Иә! Уа, Алланың елшісі! - деп жауап қатады. Сонда Пайғамбарымыз: Мұхаммедтің жаны құдіретінде болған Аллаға ант етейін! Алла Тағала құлының тәубесіне сендердің бірің жоғалтқан түйесін тапқанда қуанғанынан әлдеқайда қатты қуанады! - деген екен.

Ал сен нені таңдайсың! Кімді қуантқың келеді?!

🧭 Компас кітабынан
3,133
Аслан Орақбай

21 Oct, 12:37

Әдетте қоғамда қалыптасып үлгерген үрдістен тыс әрекет жасауды бастап кету қиынға соғады. Ал сен еш нәрседен қысылмай, осындай бір қайырлы істі бастап кетіп, бұзғыншылықтың бетін қайтар.

Жүрген жеріңде жақындарыңның басын біріктіріп сауапты бір іске жұмылдырып жіберуді әдетке айналдыр. Мейлі ол қарызға батқанға ақшалай көмек беру болсын, мұқтажға қол жинау, жылу жинау болсын қиналғанның жүзіне күлкі үйірілуіне басқалардың себеп болуына сен себеп бол!

Өзінің кішірейіп, өзгенің көгергенін қалайтын адамның Жаратқанның алдында мәртебесі биік болмақ. Жақсылықтың кілті мен жамандықтың құлпы болуға ұмтыл! Ізгілік сенен басталып, ібілістің ілмегін сен үзетін бол!

🧭 Компас кітабынан
2,619
Аслан Орақбай

21 Oct, 09:02

Сені ешқашан ұмытпаймын

Кейде адамдар өздерінің мәселелеріне біздің килік- пеуімізді қалайды. Бірақ сонда да басындағы қиындықты сезінгенімізді қалап тұрады.

Жомарттық – тек қана дүние-мал ғана емес, сезіну де, көңіл бөлу де – жомарттық. Кейде қайғыны бөлісудің өзі бүкіл дүниеге тең келетін кездер болады.

Айша анамызға зина жаласы жабылғанда аңсарлық бір әйел жәй ғана келіп бірге отырып, өзінің басынан өтіп жатқандай жылап кетеді. Сонда Айша анамыз: «Сені ешқашан ұмытпаймын», - деген сөзін айтады.

Мейірімділік жүректі жібітеді. Қалай болса да, қандай болса да жақсылық тарапта болу, оны сезіне білу керек.

Көңілі құлазығанға серік, еңсесі түскенге дем бол! Адасқанға жол сілтер, өзін жоғалтқанға өзін табуға көмектес. Ештеңе істей алмасаң да жай ғана ол сезінген нәрсені сезіне алатыныңды көрсет.

Бір нәрсе істеу үшін супермендік керек емес, жай ғана адамдығыңды көрсет.

Адамдар – көбелек тәрізді, кейде өзіндегі әдемілікті байқай бермейді. Олардың жақсы жағын айт, бұл – таза жүректілердің істейтіні.

Алланың алдындағы ең жаман адам – басқалар оның жамандығынан қашқан адам.

🧭 Компас кітабынан
2,583
Аслан Орақбай

21 Oct, 09:00

Апта берекеге толы болсын🫂

Сұрақ: кітаптан үзінділерді текст ретінде немесе скрин ретінде салған дұрыс?

Мысалдар төменде
2,374
Аслан Орақбай

20 Oct, 11:48

Сіз тірек көрген жан күндердің бір күні сізді тастап кетуі әбден мүмкін. Айналаңыздағы құндылықтар өзгеріп, жаныңыз жақын көрген жандар сатқынға айналып, сенгеніңіз сенімге лайық болмай шығатын сәттер болады. Алайда, сіз сол сәттерден сабақ алыңыз, ойланыңыз, кімге және неге сену керектігін біліңіз.

Толқын соқса жел ырғағына көніп кететін жасанды қайық секілді жалған жандарды өзіңізден алыстатыңыз. Енді сіз айдалада аш-жалаңаш қалсаңыз да үмітсіздікке салынбайсыз. Себебі, қаһарлы толқындар мен жалғыздықты жалғыз өткергенсіз.

Қараңғылық сейіледі, жаңа қолдаулар пайда болады.

Үлкен теңіздегі буырқанған толқын іспеттес шынайы достар. Дауылға төтеп берер қайықтар... Бұл өмірдің заңдылығы. Дауылдан аман шығып, тақыр шөлді жаяу жүріп өткен әр тірі жан өткенінен сабақ алады. Себебі, бір қателескен жан өзіне сол қателікті екінші мәрте жасауына жол бермейді емес пе?!

📘сенің қамқор ағаң
3,237
Аслан Орақбай

15 Oct, 19:17

Біз көңілдерді түсіруші үшін емес,
Түскен көңілдерді көтеру үшін келдік…

“Сенің қамқор ағаң” кітабынан
3,448
Аслан Орақбай

14 Oct, 08:22

Олжас Ханафин ұстаздың (Алла рахымына алсын) телеграм каналындағы жазбалар мен аудармалардың жиынтығы. PDF форматта. Тегін.
2,805
Аслан Орақбай

12 Oct, 15:24

Сынақ – Алланың жіберетін әскерлерінің бірі. Ол өткен жерінен із қалдырмай кетпейді. Сынақты өткерген адамның бойында әйтеуір бір өзгеріс болады. Адам сынақтан тәлім алады. Сынақпен есейеді, өмір туралы түсінігі өзгеріп, пайымы кеңейеді.

Бұрынғы хәлімен салыстырғанда рухани көтеріліп, Аллаға жақындайды. Ал кейбір адам сынақтың сындарды сәтінің уақытша екенін ұмытып, терең уайымға батып, өмір сүруден түңіліп кетеді.

"тыныштық эликсирі" кітабынан, Аслан Орақбаев
4,457
Аслан Орақбай

12 Oct, 15:16

“Олардың жүректеріндегі кекті шығардық. Туыс болып, тақтардың үстінде бір-біріне қарсы отырады” (Хижр, 47).

Жүрек құлшылығы жанға тыныштық пен амандықтың дәнін егеді. Жамандық пен жанжал түрлерінен ада қылады. Ондай адамның жүрегінен кек пен ыза, жеккөрушілік пен қызғаныш болмайды. Яғни оны көңілін бұрып алып кететіндей жаман ойлар мазаламайды.

Басқалардың бақытына, жетістігіне шынайы қуанады. Бауырларына жақсылық қалап жүреді. Өзгеге болсын дейді.

Жақындарының қателігіне кешірім жасауда жылдам әрі үзір іздеу өнерін жетік меңгереді.

Біреудің ұнамсыз ісіне куә болса, жазғыруға емес, ақтап алуға, себебін іздеуге асық тұрады

"тыныштық эликсирі" кітабынан, Аслан Орақбаев
3,113
Аслан Орақбай

12 Oct, 14:14

Кешірдім кітабын оқыған адам бар ма?

Сіздер үшін қуанышты жаңалық 🥳

Жұмыс дәптері шықты📚

Сілтемені бас
2,856
Аслан Орақбай

12 Oct, 13:50

Жүрек тыныштығы кәсіп етумен қол жеткізілетін нәрсе емес, нәсіп етілетін нәрсе. Мұсылман амалын жасайды, ыждаһаттылық көрсетеді, жақсылыққа ұмтылып, ізгіліктің жолында жарысады, бір Алладан туралықты сұраумен болады. Алла болса, құлының еңбегін еш кетірмейді, жасаған амалына сай сый дайындайды, дәрежесін көтереді.

Амал ету, бойсұну, туралыққа ұмтылу адамның қолынан келетін істер. Ал жүрек тыныштығы – сол амалдардың жемісі. Алланың пендесінің тырысуы үшін берген үлкен сыйы. Жүрек тыныштығын жайбырақ күндерде анықталмайды, керісінше қиындық келгенде ғана айқындалады.

Мысалы жақсы, бақытты, бейбіт күндерде тыныштықта болу, алаңдамай байсалдылық таныту бәрінің қолынан келеді.

Ал басқа сынақ түсіп, қиындықтың кезеңі басталғанда тағдырына еш налымай, сынақпен көркем түрде қарым-қатынас жасау тек жүрек тыныштығына жеткен адамның ғана қолынан келеді.

"тыныштық эликсирі" кітабынан, Аслан Орақбаев
3,299
Аслан Орақбай

10 Oct, 06:58

Ақырет басты уайымы болған адам бұл өмірде бақытты өмір сүреді. Себебі болмашы түсініспеушіліктерді ушықтырмай, ренжіткенді кешіре салады, сұрағанға бере салады.

Оны жалған өмірдің өтпелі қиындықтары уайымдатпайды. Бар ұмтылғаны мен қалауы ақыретке байлаулы болады.

Жалған өмірде біреуге жете алмай қалдым, әлдекімнен жеңілдім деп іштей өзін жегідей жемейді. Себебі шынайы жеңіс пен жеңілістің, сәттілік пен сәтсіздіктің ақыретте ғана екенін біліп, талмай ақыреті үшін амалын жасаумен ғана болады.

Оны қазіргі нәтижесі уайымдатпайды, ақыретке апарар жолдан ләззат алып, көңілі тыныш хәлде мына өмірден тыныш қана мәңгілікке өтеді. 

"тыныштық эликсирі" кітабынан, Аслан Орақбаев
3,437
Аслан Орақбай

08 Oct, 10:25

Елемеу – өмірлік басты өнер түрлерінің бірегейі, өмірдің сапасын арттырып, дау-дамайдың, кикілжіңнің бетін қайтаратын құрал секілді дағды.

Бірде Ахмад ибн Хәнбалдан бір кісі: “Амандықты қайдан табамыз?” деп сұрапты. Сонда: “Амандықтың тоғыздан бірі сүрініп кеткен қателіктерді елемеуде” дейді де, сөзін одан әрі жалғап: “Тіпті елемеу амандықтың барлық бөлшегі” деген екен.

Басқаның қателігін елемеу адамға разылық сезімін алып келеді. Ондай адам сәйкесінше, басқаның кішкентай жетістігінің өзіне қуана алады. Жаны тыныш, жүзі жадыраңқы келеді. Көршімен де, туыс-туғанмен де, дос-жаранмен де тату болады.

"тыныштық эликсирі" кітабынан, Аслан Орақбаев
3,400
Аслан Орақбай

03 Oct, 12:05

Кезіндегі Сүлеймен пайғамбардың жақсылық жаршысы болған “Һудһуд” құсындай сен де адамдар арасында тек қана жақсылық тасушы елші бол. Нұх пайғамбардың кезінде топан судың аяқталғанынан хабар берген көгершін құсындай адамдар арасында тек жақсылық тарат.

Жан баласы сенен әлдебіреу туралы нашар пікір мен сасық сөздер естімейтіндей болсын! Өзгенің мерейін өсіретін жағымды пікірлерді теріп жүріп, бауырлардың арасын жарастыр, жүздерін бауырмалдықтың сәулесімен нұрландыр.

Өзгенің айыбын әшкере етіп, жүзін реніштің мұңы торлайтындай өсек аянды іліп әкетуге даяр тұратын өлексені қорек ететін қара құзғындай болма! Егер өсек тасу саған жеңіл болатын болса, ібілістің елшісіне айналғаныңды біліп, кеш болмай тұрғанда тәубеңе кел.

Уәһб ибн Мунәббиһке бір кісі келіп “Бәленше сені өсектеп жатыр!” дейді. Сонда ғалым: “Шайтан сенен басқа елші таппаған ба?!” деп жауабын қысқа қайырған екен.

"КЕМЕ" кітабынан үзінді, Аслан Орақбаев
3,915
Аслан Орақбай

02 Oct, 15:30

Қоғамға пайдалы болып жүргенімізге, Аллаға сансыз шүкір🐝

“Сенің қамқор ағаң” кітабы
3,495
Аслан Орақбай

30 Sep, 05:10

Кейбір адамдар басқа адамдар туралы ғайбат айтудан еш шімірікпестен, орталарында талқылап отыра береді. Көп жағдайда олар бұл күнәларын “шындық қой” деп ақтап алып жатады. Сонда олардың ойынша адамдардың етін жесе де ақиқат айтылмай қалмау керек пе?! Әңгімелерін бәленшенің дүниелік айыптарын ашудан бастап, пәленшенің діндарлығынан мін табумен аяқтайды.


Бәзбіреудің ғайбаттағанынан екі жақ бір бірінен алшақтап, қаншама некелер қиылмай қалып жатыр. Қаншама ғайбаттар бар, бір отбасының балаларының жеп отырған нанынан айырып, ризық есігін жапқан. Қаншама садақалар бар ниет етілген иесіне жетпей қалған. Себебі орта жолдан қосылған кеудесі тар біреудің бәленше деген мұқтаждың өтірік мұқтаж екендігін кеше ғана баласына телефон сатып алып беріп жатқанын көргенін айтып адамды ойынан айнытатын. Айта берсең айналамызда ғайбаттың түрі көп ақ.

"КЕМЕ" кітабынан үзінді, Аслан Орақбаев
3,730

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.