Дастан Құрманбаев @dastan_kurmanbayev Channel on Telegram

Дастан Құрманбаев

@dastan_kurmanbayev

🎓 “Нұр-Мубарак” түлегі
🕌 Қызылорда обл. Бас имамы

Дастан Құрманбаев (Kazakh)

🎓 Дастан Құрманбаев таңдаған каналыңызға қош келдіңіз! 🕌 Бұл каналда 'Нұр-Мубарак' түлегімен байланысты айтылған жаңалықтар, діни мәселелер және іслам дініне арналған ақпараттар табылады. Дастан Құрманбаев - Қызылорда облысының бас имамы, сіздерге діндер туралы мағлұматтарымен бірге, практикалық өмір ақпараттарымен де жаңа мәліметтерді ұсына алады. Бұл канал арқылы сіз дінге қызмет ететін адам болып, оның білімі мен тәжірибесін алып таба аласыз. Дастан Құрманбаев каналына қосылыңыз, жаңа білім іздейіңіз! 🌟

Дастан Құрманбаев

29 Jan, 17:36

Ойлан!
Ойлан!
Ерте деме, кеш деме!
Ойдан қымбат жоқ дер едім ештеңе.
Одан кейін – шүкіршілік,
Ол болса,
Баспанаға жарап жатыр бөшке де!

Сатылмағын сән-салтанат,
Сәулетке.
Ол бәрібір баяндамас әулетке.
Шындық ізде,
Ізде және Әділдік.
Көзің сатпай кәрі сайқал дәулетке.

Ақымақ жандар
Адам бармас жырақта
Алтын үшін аруақтарды жүр аттап.
Менен жұрттың бәрі де бай,
Бәрі бай,
Менің жаным тынышырақ бірақ та!

Айыптаман ақылымды шет көрсең,
Көп алады өмір өзі, кеп берсе.
Бар болғасын жоғалады, бітеді,
Бір ғажабы, жоғалмайды жоқ нәрсе.

Есептесең алтыныңды, есепте!
Ол ажалдан құтқармайды “дос” ед деп,
Жарлыға өлу әлдеқайда жеңілдеу,
Өмір сүру қиынырақ десек те!

Байлық! Байлық!
Байлық деген батпан сор,
Адамзатты тура жолдан қаққан сол!
Ағыл-тегіл дүниең де жетпейді,
Әділеттің өзі жетпей жатқан соң!

Ойлан!
Ойлан!
Ерте деме, кеш деме!
Ойдан қымбат жоқ дер едім ештеңе.
Одан кейін – шүкіршілік,
Ол болса,
Баспанаға жарап жатыр бөшке де!

Қадыр Мырза Әлі - Диогеннің монологы
2,672
Дастан Құрманбаев

29 Jan, 16:30

Намаз – мұсылманның серігі.

Тарих беттерінде қалған ізгілердің бірі “Журәйжға” зина жасады деп жала жабылып, бөтен бір сәбиді соған теліген кезде: “Тұра тұрыңдар! Намаз оқып алайын” деді.

Намазын оқып болған соң, барлық жаладан аман шықты. Адамдар оның кінәсіз екенін мойындады.

Хубайб ибн Ғадиді мүшріктер өлтіреміз дегенде: “Тұра тұрыңдар намазымды оқып алайын” деді. Өлсем де намаздан кейінгі өлім неткен хайырлы еді деді.

Алла елшісі де ‎ﷺ: “Әй,Біләл! Бізді намазбен демалдыр” деді.

Намаз – тыныштық. Намаз – тығырықтан шығар жол. Намаз – мүміннің ең көркем амалы.

(Мәғә ән-нәби📚)
1,507
Дастан Құрманбаев

29 Jan, 13:21

https://youtu.be/WfYYggrsm6Q?feature=shared
3,925
Дастан Құрманбаев

29 Jan, 13:07

ТАҢ НАМАЗЫНЫҢ САУАБЫ
⠀
Бір құдси хадисте Алла Тағала: "Ей, адам баласы! Таңертең оқылатын төрт ракағат намазды жіберіп алма, қалғанын Өзім жеткеремін", - деген. (Əбу Дәуіт)
⠀
Бұл жердегі "Төрт ракағат намаз" ғалымдардың көбісінің айтуынша, таң намазының екі ракағат сүннеті мен екі ракағат парызы. Оны қаза қылмай уақытында оқыған адамға Алла Тағала "Қалғанын Өзім жеткеремін" деп уəде берген. Яғни таң намазын оқыған адамды ризық, амандық т.б. күні бойығы қажеттіліктермен Алла Тағала Өзі қамтамасыз етеді.
⠀
Тағы бір хадисте: "Кімде-кім таң намазын оқыса, ол күні бойы Алланың панасында болады", - деген. (Муслим)
⠀
Тағы біреуінде: "Таң намазының екі ракағат сүннеті дүниеден де, ондағы нəрселерден де артық", - деген. (Муслим)
4,326
Дастан Құрманбаев

29 Jan, 09:14

☝🏻Видеоның астындағы сипаттаманы толығымен ашып оқыңыздар! Біраз пайдалы да, сауапты мағлұмат берілген )
4,951
Дастан Құрманбаев

28 Jan, 18:07

Меккедегі 2-сабақ шықты❗️

https://youtu.be/1-oXt0RrdRw?feature=shared
6,250
Дастан Құрманбаев

28 Jan, 17:45

Мінез өзгере ме?

https://www.instagram.com/reel/DFYMJrvtLVh/?igsh=MXFtYzF2eHd1ZXA5bA==
6,260
Дастан Құрманбаев

28 Jan, 14:15

Алланың жолына түссең жүгір, қиын болып бара жатса жылдам жүр, шаршасаң жай жүр, оған да шамаң жетпей жатса еңбектеп болса да алға жылжы. Тек артқа қайтушы болма!

Имам Шафиғи

📚 Нәбә-ун Яқин
8,919
Дастан Құрманбаев

27 Jan, 05:59

Сира - Пайғамбардың өмірбаяны болса, шәмәйіл - Пайғамбардың қадір-қасиеті (мінез-құлқы т.б.), басқаша айтқанда “Пайғамбартану”.
8,201
Дастан Құрманбаев

26 Jan, 14:47

Жоғарыдағы Мухаммад әл-Ғазалидің “Мұсылманның мінезі” деген кітабы бойынша сабақтарымыз жалғасын тауып жатыр. Мынау жаңа сабақ! Көріңіздер, таратыңыздар. Ең керекті білімдердің бірі осы ☝🏻
9,230
Дастан Құрманбаев

26 Jan, 14:31

https://youtu.be/zpz6hubV7eU?feature=shared
19,278
Дастан Құрманбаев

26 Jan, 13:09

Шынайы оқылған намаздың белгілері — жаман істерден тыю, егер әлі де істеп жүрген болса ұялту.

📚 Мухаммад әл-Ғазали, Фиқһ әс-Сира
10,003
Дастан Құрманбаев

26 Jan, 13:05

Қазір көбіміз оқып жүрген намаз — Алла Тағала Миғражда парыз еткен намаз емес…

📚 Мухаммад әл-Ғазали, Фиқһ әс-Сира
10,415
Дастан Құрманбаев

26 Jan, 07:53

Кейде кеудедегі қуыстың шуылын естімеу үшін өтірік қаржылық мақсат қоямыз. Соны сатып алсақ көңіліміз тыншиды деп өзімізді алдаймыз. Жаңа үй. Жаңа көлік. Балалар. Бірақ қаржылық мақсат орындалған кезде көңіл тыншымайды. Өйткені, әдемі люстра үйге жылулық бермейді. Дүние көңіл емі бола алған емес. Құдайға арналған орынды ешбір дүние жаба алмайды
8,746
Дастан Құрманбаев

25 Jan, 13:47

Ә.Нұршайықов. Мәңгілік махаббат жыры
10,740
Дастан Құрманбаев

25 Jan, 09:48

Намаз уақыттары, пәтуалар, мақалалар, сұрақ-жауап, медиа т.б. көптеген функциялары бар 👍🏻
10,427
Дастан Құрманбаев

25 Jan, 09:33

Ассалаумағалейкум! Құрметті бауырлар!

📲 Muftyat.kz мобильді қосымшасының жаңа нұсқасын төмендегі сілтеме бойынша өтіп, телефондарыңызға тегін жүктеп алуларыңызға болады!

IOS ⬇️
https://apps.apple.com/kz/app/muftiyat-kz/id6499507851

Android ⬇️
https://play.google.com/store/apps/details?id=com.thedevelopers.muftiyatkz&pcampaignid=web_share
15,358
Дастан Құрманбаев

23 Jan, 14:35

Біреу сендерге жақсылық қылса, сендер де оған дәл сондай жақсылық істеңдер. Егер істей алмасаңдар, дұға жасаңдар.

Хадис
11,607
Дастан Құрманбаев

22 Jan, 15:14

Мешіт саған мұқтаж емес, керісінше сен мешітке мұқтажсың.

(Кештеу тарқатып жазармын)
12,850
Дастан Құрманбаев

22 Jan, 13:25

https://youtu.be/pjY2tu5O-JU?feature=shared
12,893
Дастан Құрманбаев

21 Jan, 03:01

“Юсуф” сүресін тыңдағанның қайғы-мұңы кетеді.

📚 Тафсир әл-Бағауи
4,993
Дастан Құрманбаев

20 Jan, 10:01

Бұл 11-дәрістің 2-бөлімі. Өйткені 11 мен 12-нің арасында бір сабақ салынбай қалыпты. Соны енді салып жатырмыз.
6,713
Дастан Құрманбаев

20 Jan, 09:59

https://youtu.be/ZDeuqtRgQQo?feature=shared
6,729
Дастан Құрманбаев

19 Jan, 15:40

Дүйсенбі күні құптан намазынан кейін “Ақмешіт-Сырдария” мешітінде “Шәмәйіл” сабақтарын жалғастырамыз‼️
7,907
Дастан Құрманбаев

18 Jan, 17:41

Жауабы: Екінші әйел )

Бұл жердегі “Айта алмайтын болсаң” деп отырғаным — алып алып бірінші әйеліңе айта алмай жүретін болсаң дегенім ғой.
9,153
Дастан Құрманбаев

18 Jan, 17:30

Жұмбақ:

Ала алмайтын болсаң, айтпа. Айта алмайтын болсаң, алма.
9,120
Дастан Құрманбаев

18 Jan, 10:40

Көзге тілден де қатты еге болу керек.

Абдулла ибн Масғуд (Алла разы болсын)

📚 Ибн Әбуд-Дунияның “Әл-Уарағ” жинағынан
9,865
Дастан Құрманбаев

18 Jan, 06:19

Дінді оймен емес, уахимен ұстану керек:

https://www.instagram.com/reel/DE9N4bTtfEL/?igsh=MXV6NDFvbzA1bjYzZw==
9,435
Дастан Құрманбаев

17 Jan, 17:51

Өзіндегі нығметтерді көре білмеген адам — басқаларға көреалмаушылық қылады.
10,004
Дастан Құрманбаев

17 Jan, 16:59

«Ризық кілттері» кітабын алу үшін.

https://wa.me/message/UE24VDKS3I66F1

Соңғы 300 данасы қалыпты.
8,286
Дастан Құрманбаев

16 Jan, 10:51

Бірөзің отырғанда өз-өзіңе есеп бер, өміріңнің өтіп жатқанын ойла және жайбарақат кезіңде қиын күндерге қам жаса.

📚 Ибн әл-Жаузи. Мауағиз (Уағыздар)
11,169
Дастан Құрманбаев

16 Jan, 06:29

Құран Рамазан айында түсті, бірақ оны Рамазанда ғана оқы деген сөз жоқ. Рамазанды күтпей-ақ Құран оқуды көбейтейік.
11,355
Дастан Құрманбаев

15 Jan, 19:20

Әр адамға міндетті болған нәрсе:

Бірінші кезекте - жеке бастың құлшылығы.
Екіншісі - өзінің мамандығы бойынша елге қызмет ету.
Үшіншісі - кез-келген бір уақытта үлкен проблема болып мұсылмандардың алдынан шығатын діннің дамуына кедергі болатын дүниелермен күресу - әрбір мұсылманға міндет болады.

- ұстаз Ерсін Әміренің уағызынан
✈️ t.me/yersin_amire
11,148
Дастан Құрманбаев

15 Jan, 03:36

Алла Тағалаға жақындасаң, барлық жақсы нәрсе саған жақындайды.

@452e
10,923
Дастан Құрманбаев

13 Jan, 18:10

Алла Тағала бүкіл медицинаны жарты аятқа сыйғызып: “Жеңдер, ішіңдер, бірақ шамадан асырмаңдар”, - деп айтқан.

📚 Ибн Касир. Тафсир

Қазақта “Ауру астан” деген сөз бар…
13,808
Дастан Құрманбаев

13 Jan, 16:02

Бедеу екенімді білсем де, дұға жасай берейін бе?

https://www.instagram.com/reel/DExYsW0NSN-/?igsh=MWF4M2dyYzdnajdueA==
12,416
Дастан Құрманбаев

13 Jan, 13:16

Білім алудың бір әдебі — жүзінші рет естісең де, бірінші рет естігендей тыңдау. Шын мәнінде, адамды білмегені емес, “білем” дегені құртады.
13,579
Дастан Құрманбаев

13 Jan, 12:07

Тіпті, кейбір TikTok жатармандары 1-2 сағаттық фильмнен бастап, сериялдарға шейін көріп тастап жатыр екен ғой қиқалап ))
12,368
Дастан Құрманбаев

13 Jan, 12:04

TikTok көруге кететін уақытты кітап оқуға жұмсасақ, бір жылда жүз емес, екі жүз кітап оқитын сияқтымыз ))
12,092
Дастан Құрманбаев

12 Jan, 18:47

Жаныңды жеп жүрген жаралардың көбі жарты сағаттық салихалы сұқбаттан жазылатын жаралар ғой.
16,644
Дастан Құрманбаев

12 Jan, 11:55

1. Рамазанға дейін аяқталатын жоспарың болсын.

2. Рамазан айында жасалатын жоспарың да болсын.

3. Рамазанда басталып, жыл соңына дейін жалғасатын жоспарың болсын.

Рамазанға байланған жоспарларда сөзсіз береке бар.
9,184
Дастан Құрманбаев

12 Jan, 10:08

Өмірде екі түрлі құмарлыққа берілмесең, сенен мықты адам жоқ! Құдайдың алдында да, адамдардың алдында да арың таза, абыройлы боласың.

Ол екеуі: ақшаға және әйелге деген құмарлық.

Берілмеу деп отырғаным — екеуіне де адал жолмен қол жеткізу, адалымен шектелу.
26,108
Дастан Құрманбаев

07 Jan, 13:11

Ибн Ражаб әл-Ханбали деген хадис ғалымының “Пайғамбардың Ибн Аббасқа өсиеті” деп аталатын хадиске жазған түсіндірмесі. Бұл хадисте иманға, тағдырға, көркем мінезге т.б. қатысты маңызды тақырыптар қамтылған. Автор әр тақырыпқа бір тарау арнайды. Ибн әл-Жаузи “Бұл хадисті білмеген, түсінбеген адам көп білімнен құр қалады” деп айтқан. Дәрістің жалғасы бар👆🏻
2,558
Дастан Құрманбаев

07 Jan, 12:36

https://youtu.be/Jy4tSgPU0-4?si=F8FXAiuvCQmbkZs-
3,315
Дастан Құрманбаев

07 Jan, 10:52

Ибн Ақил әл-Ханбали (1040-1119): “Принципсіз адаммен араласпа. Өйткені, ол бас пайдасы қайда болса, сонда қарай бұрылып кете береді”, - депті.

📚 Әл-Фунун
3,899
Дастан Құрманбаев

07 Jan, 10:14

Мен екі жерде қатты шаршаймын: сапарда және көп адам жиналатын жерде. Бірақ Мекке мен Мәдинада керісінше, демаламын. Әлхамдулиллә!
4,041
Дастан Құрманбаев

07 Jan, 08:35

Кеше бір кісі “Небір ақымақтарды көріп, мыналар да өлмей ризығын тауып жеп жүр ғой. Біз де өлмеспіз деген ой келеді” дейді ))
4,701
Дастан Құрманбаев

05 Jan, 17:47

wa.me/77085814791
2,666
Дастан Құрманбаев

05 Jan, 16:22

Сенің Алла Тағаламен мәмілең — сені екі рет құтқаратын жалғыз қарым-қатынас. Ол сені дүниеде (бәлелерден) бір құтқарады, ақиретте (азаптан) тағы бір құтқарады. Ендеше Онымен байланысыңды үзбе.

@452e
7,753
Дастан Құрманбаев

05 Jan, 15:15

Жақсы достың мысалы – қателессең, қатеңді айтып саған насихат қылады. Сені ізгі амалдарға құлшындырып, саған әрдайым жігер сыйлайды. Сен жоқта сен үшін дұға қылады. Өзіне қалағанды саған да қалайды.

Лұқман әл-Хакім айтпақшы: «Әй, ұлым! Аллаға иман еткеннен кейінгі тапқан ең үлкен нығметің – шыншыл досың болсын».
6,842
Дастан Құрманбаев

05 Jan, 13:52

50 000 жыл = 25 минут

https://www.instagram.com/reel/DEceBBmNrT5/?igsh=MXV1NDNqZ3FjMHFhYQ==
4,475
Дастан Құрманбаев

05 Jan, 10:08

Бақытты тәпішке )

“Мешітте аяқ киімің ұрланғаны ештеңе емес, аяқ киіміңнің мешітте мүлде болып көрмегені қасірет” деген сөз бар еді ғой…
8,066
Дастан Құрманбаев

04 Jan, 12:14

Ең жақсы иман — пенденің қайда жүрсе де, Алла Тағала өзімен бірге екенін (көріп, естіп, біліп тұрғанын) біліп жүруі.

📚 Хадис. Табарани
8,652
Дастан Құрманбаев

04 Jan, 08:18

Ғалымдардың білімін, даналардың даналығын бойына жинап алып, ақиқатқа келгенде ақымақтардың ісін істейтіндерден болма!

Хасан әл-Басри
8,736
Дастан Құрманбаев

03 Jan, 09:16

Уа, иман келтіргендер! Ендеше, Алладан лайықты түрде қорқып, Оған қарсы келуден әрі азабынан барынша сақтаныңдар және әрдайым жібі түзу сөз айтыңдар!

“Ахзаб” сүресі, 70-аят
9,812
Дастан Құрманбаев

03 Jan, 04:53

Ақылды, алғыр мұсылманның бір белгісі: ризық-несібесі көбейген сайын Алла Тағаладан қорқуы арта береді.

Хасан әл-Басри
9,726
Дастан Құрманбаев

03 Jan, 03:36

Барлық нәрсені Алла үшін жаса. Сол кезде өкініш болмайды.

Али Тантауи (Алла рахым етсін)
9,050
Дастан Құрманбаев

03 Jan, 03:22

Пайғамбарымыз (ﷺ): “Қиындыққа тап болғанда дұғаң қабыл болсын десең, жайбарақат кезде көп дұға жаса”, - дейді.

📚 Тирмизи

Өйткені дұға тек керегіңді сұрау ғана емес, дұға деген — мінәжат, жалбарыну, өзіңнің Алла Тағалаға мұқтаж, Оның алдында қауқарсыз бір құл екеніңді көрсету.

Сол үшін де Пайғамбарымыз ﷺ тағы бір хадисте: “Дұға ол — ғибадат”, - дейді.
9,527
Дастан Құрманбаев

03 Jan, 02:57

(Уа, Мұхаммед!) Егер құлдарым сенен Мен туралы сұраса, Мен оларға өте жақынмын, Маған жалбарынып, дұға еткеннің дұғасын жауапсыз қалдырмаймын. Ендеше, олар да Менің үндеуіме оңды жауап берсін һәм Маған тиісінше иман келтіріп, соның арқасында (ақыл-ой әрі рухани тұрғыдан) кемелдену жолына түссін.

“Бақара” сүресі, 186-аят
9,044
Дастан Құрманбаев

03 Jan, 02:51

Уа, адамдар! Сендер нәпсілерің құмартып тұрған нәрселерді тастамайынша, сол жолда сабырлы болмайынша армандарыңа жетпейсіңдер.

Хасан әл-Басри
9,376
Дастан Құрманбаев

01 Jan, 03:09

Алматыдан Шымкенте ұшайын деп жатырмыз. Онлайн тіркеген кездегі орным артқы жақ еді. Бизнес санатқа ауыстырып жіберіпті. Соған қарағанда (Ақтаудағы оқиғадан кейін, артқы орында отырғандардың аман қалу ықтималдығы 90% деген хабар тарағаннан кейін) артқы орындарға сұраныс қатты болып жатыр деген сөздер рас-ау ))

Тағдырға иман келтірудің бір жақсы жері — “Басыңа жазылған нәрсе бәрібір келеді, жазылмағаны не істесең де келмейді” деген (хадистегі) сенімнен жүрегің толықтай тыныштық табады.

Қазақтың “Қырық жыл қырғын болса да, ажалды өледі” деген аталы сөзінің ар жағында осындай ақида (діни сенім) жатыр.
11,608
Дастан Құрманбаев

31 Dec, 15:58

Алла елшісі (оған Алланың салауаты мен сәлемі болсын): «Бес түн бар, онда дұғалар кері қайтарылмайды. Олар – Ережеп айының алғашқы түні, Шағбан айының жартысындағы түн, Жұма түні, Ораза және Құрбан айт түндері», – деген (Ибн Асакир).
21,465
Дастан Құрманбаев

31 Dec, 15:51

Бәрі құттықтау сөздер, суреттер жіберіп жатқанда құттықтайтын себеп, жіберетін сурет таппай отырған намазхан бауырларға ))
11,137
Дастан Құрманбаев

31 Dec, 15:50

Қасиетті Ережеп айы құтты болсын!
12,176
Дастан Құрманбаев

29 Dec, 17:18

Мысырлық жазушы Мұстафа Рафиғи (1880-1937): “Жігіт өзі күнәһар болса, қыздардың барлығы бұзылған деп ойлайды”, — дейді.

📚 Уахи әл-Қалам
13,831
Дастан Құрманбаев

29 Dec, 07:37

Кеңдіктің бұдан да басқа көріністері бар. Бұл жай ғана мысал. Бірақ кеңдік жасаймын деп өзіне зиян келтірмеуі де керек!
11,485
Дастан Құрманбаев

29 Dec, 07:30

Сатқанда, сатып алғанда және қарыз қайтаруды талап еткенде кең болған адамды Алла мейіріміне бөлесін.

📚 Сахих әл-Бухари

Бұл хадисте Пайғамбарымыз ﷺ мына адамдарға дұға жасап жатыр:

Бір затын (үйін, көлігін т.б.) сатқан уақытта тек өзінің ғана пайдасын ойламай, сатып алушының да жағдайына қараған адамға,

сол сияқты сатып алғанда да сатушының (мысалы, тез арада ақша керек болғаннан кейін амалсыздан, асығыс сатып жатқан) жағдайын пайдаланып, бағаны жерге ұрмайтын адамға

және біреуден қарызын қайтаруды талап еткенде де, артық сөз айтпай, өзіне кесірі тимейтін болса, тағы да уақыт беріп т.с.с. жолдармен кеңдік көрсеткен адамға.

📚 Бұл жердегі “Алла мейіріміне бөлесін” деген сөзді кейбір ғалымдар дұға емес, уәде деп түсіндіреді. Яғни, ондай адамды Алла Тағала міндетті түрде мейіріміне бөлейді деген сөз.
12,145
Дастан Құрманбаев

29 Dec, 07:16

Қиямет қарсаңында болатын біраз құбылыстан хабары бар Хузайфа ибн әл-Яман деген сахаба айтады (Алла разы болсын):

“Сондай бір заман келеді. Ол кезде суға батып бара жатқан адамның дұғасындай дұға қылғандар ғана құтылады”.

📚 Мусаннаф ибн Әбу Шайба

Бұл жердегі “суға батып бара жатқан адамның” дұғасы (дуға әл-ғариқ) деп отырғаны:

Ләә иләәһә илләә анта! Субхаанәка иннии кунту миназ-зоолимиин.

Мағынасы: “Сенен басқа тәңір жоқ! Сен мінсізсің! Мен расында да, өз-өзіне қиянат жасаған залымдардың бірі болыппын!”

📚 Бұл “Әнибя” сүресінің 87-аяты. Бұл дұғаны Юнус пайғамбар киттің ішінде жатқанда жасаған.
10,133
Дастан Құрманбаев

25 Dec, 15:38

– 2025-ке ең ұлы мақсат?

– Бірде-бір намазды қаза етпеу.
10,512
Дастан Құрманбаев

24 Dec, 18:25

Хадис ғұламасы Ибн Хажар әл-Асқалани (1372-1448) бір хадиске түсіндірме беріп отырып: “Ақырзаман жақындағанда барлық нәрсенің берекесі кетеді. Тіпті, уақыттың да берекесі болмайды”, — дейді.

📚 Фатх әл-Бари
14,993
Дастан Құрманбаев

21 Dec, 18:55

Күнәға есік ашпа! Күнә дария сияқты: терең бойлаған сайын жағадан алыстай бересің, сосын қайтуың қиын болады.

#бір_жерден_оқыдым
20,689
Дастан Құрманбаев

19 Dec, 12:45

Өмір бір үлкен қаладағы ақшам мен құптанның арасындағы қымқуыт тіршілікке ұқсайды. (Егер жүрегіңе ғайыптан сәуле түсіп, кеудеңді нұрға бөлемесе,) ештеңені ұғынып та, сезініп те үлгермейсің…
21,691
Дастан Құрманбаев

19 Dec, 12:17

https://youtu.be/q9Y0GtvlLwM?si=gSjXxMZcOCAwHmvN
18,391
Дастан Құрманбаев

18 Dec, 09:27

Бір үзім нанды нығмет (Құдайдың сыйы) санамайтын адам, үстіне тамақ үйілген дастарханды да нығмет деп білмейді.

Қарапайым баспананы нығмет деп білмейтін адам, зәулім сарайды да нығмет көрмейді.

Екі аяғын нығмет көрмейтін адам, қымбат көлікті де нығметке баламайды.

Нығметті сезіну үшін оның құнына емес, құндылығына қарау керек!

Қолыңда бар нығметтер көзіңе жоқтай немесе аздай көрініп жатса, мына нәрсені бір ойлап қой:

Сен күнде ұйқыдан тұрғанда беті-қолыңды жуасың, ал біреу тұра сала бүйрегін шаяды…

📚 Шарқауи, Расәйіл мин ән-Нәби
22,022
Дастан Құрманбаев

01 Dec, 07:34

Мына жақта жексенбілік сұрақ-жауап болып жатыр! Кілең бойдақтар сұрақ қойып жатыр ))
2,398
Дастан Құрманбаев

01 Dec, 05:09

МЕНІКІ
⠀
Имам Муслимнің “Сахих хадистер” жинағында Пайғамбарымыздың ﷺ келесі хадисі кездеседі:

“Адам баласы “Малым! Малым!” дейді. Ей, адам баласы, саған малыңнан тек жеп - тауысқаның, киіп - тоздырғаның және садақа қылып - сақтап қойғаның ғана тиіседі”.
⠀
Тағы бір хадисте “және садақа қылып - (Алла Тағаланы, мұқтаждарды) риза қылғаның” дейді.
⠀
Шын мәнінде адамның қанша ақшасы болса да, азғантайы ғана асқазанына барады. Тағы біразын киіп, мініп т.б. жолдармен тауысады.

“Ер жігітке Қаратаудай мал бітсе, жияр, көбейтер, талап етер, бірақ несібесінен артық жемес”. (Қорқыт)
⠀
Бірақ ішіп-жеп, киіп, мініп тауысқанының рахатын таусылғанша көрсе, садақа қылғанының рахатын мәңгі-бақи көреді.

Сондықтан да “садақа қылып - сақтап қойғаның” деп айтты.
⠀
Қысқасы, адамның “менікі” деп жүргенінің, шынтуайтында аталған үшеуі ғана өзінікі. Үшіншісі таза өзінікі. Бұл үшеуінен басқасы басқалардыкі: бекер шашқаны - шайтандыкі, артында қалғаны - мұрагерлерінікі.
3,224
Дастан Құрманбаев

30 Nov, 15:16

Құранды жаттап алу оңай, Қари болу қиын.
4,956
Дастан Құрманбаев

30 Nov, 04:56

Жаңа жоба! Жазылып қойыңыздар ✅
5,344
Дастан Құрманбаев

30 Nov, 04:51

https://youtu.be/hwaSr9KKnww?si=DxlZaKhTkEGiFWoZ
5,407
Дастан Құрманбаев

29 Nov, 16:26

Расында Алла Тағала өз ісін тиянақты істейтіндерді жақсы көреді.

📚 Хадис. Байхақи
6,047
Дастан Құрманбаев

29 Nov, 14:43

“Мен Алла Тағаланы жақсы көрем” деп айтып, бірақ Оның тыйған істерінен тыйылмайтын адам өтірік айтады.

Яхия ибн Муғаз (Алла рахымына алсын)
6,104
Дастан Құрманбаев

29 Nov, 06:55

Бір Аллаға құлшылық жасап, Оған еш нәрсені серік етіп қоспаңдар. Ата-аналарыңа жақсылық жасаңдар. Сондай-ақ жақын туыстарыңа, жетімдерге, кедей-кепшікке, жақын көршілеріңе, алыс көршілеріңе, (сапарлас немесе жақын) жолдастарыңа, (елінен жырақта жүрген) мұқтаж жолаушыға және қоластыларыңдағы құлдарың мен күңдеріңе жақсылық жасаңдар. Шүбәсіз, өзін әлдеқандай көретін мақтаншақты Алла жақсы көрмейді.

“Ниса” сүресі, 36-аят
6,479
Дастан Құрманбаев

29 Nov, 03:01

Әйгілі ғұлама Әбул-Фараж ибн әл-Жаузи (Алла рахымына алсын):

“Мұнапықтар* Құран оқығаннан көрі тас тасығанды оңай көреді”, — дейді.

📚 Хилия

* Өтірік мұсылман болып жүрген екіжүзділер
6,612
Дастан Құрманбаев

28 Nov, 12:55

Өмірдегі ең маңызды істердің бірі — отбасын құру! Оны білімсіз, дайындықсыз іске асыру — немқұрайдылық, ал “маңдайыма жазылғанын көрермін” деп тағдырға ысырып қойып, қаннен-қаперсіз жүру — жауапкершіліктен қашу болады.

Есіңізде болсын, тағдырдың көп бөлігі сіз бен біздің таңдауларымыздан тұрады!
7,117
Дастан Құрманбаев

28 Nov, 11:55

Асқар Тоқмағанбетов атамыздан біреу:
– Білімсіз өмір сүруге бола ма? – деп сұрағанда, ол:
– Болады, бірақ ол өмір емес, тек күнелту ғана, – депті.
6,414
Дастан Құрманбаев

27 Nov, 13:14

Сыртынан бірде-бір адам жақсы сөз айтпайтын адамнан алысырақ жүргенің дұрыс.

Адамды біреулер мақтап, біреулер жазықсыз даттап жатуы қалыпты құбылыс. Бірақ барлығы бірдей жайдан-жай жамандауы мүмкін емес.

Демек, шынымен бір бәлесі болып тұр ғой!
7,725
Дастан Құрманбаев

27 Nov, 12:20

Мына жақта бомба сабақтар болып жатыр ғой біле білсеңіздер )
7,910
Дастан Құрманбаев

27 Nov, 12:19

https://youtu.be/55DTaUofqrY?si=PVdbRUYmIWl1M8UL
8,152
Дастан Құрманбаев

25 Nov, 17:00

Сәбит әл-Бунани деген табиғиннің айтуынша, бір тәулікте жиырма төрт сағат болса, өлім періштесі әрбір жан иесінің төбесіне жиырма төрт рет келіп кетеді. Егер ажалы жетсе, жанын алып кетеді.
9,934
Дастан Құрманбаев

25 Nov, 15:57

Ай, адам баласы-ай! Кедейліктен қорыққаны сияқты тозақтан да қорықса, жәннатқа кірер еді ғой…

Яхия ибн Муғаз (Алла рахымына алсын)
9,566
Дастан Құрманбаев

25 Nov, 09:54

Біз Құдайдың жаратқанына емес, өзіміздің істегенімізге жауап береміз.

Пайғамбарымыз (ﷺ): “Шын мәнінде Алла Тағала сендердің денелеріңе де, түрлеріңе де қарамайды. Жүректеріңе қарайды!”, — дейді. (Муслим)

Дене мен түр — Құдайдың ісі. Бірақ, сол денеден шыққан іс-әрекеттер ол — біздің ісіміз. Біз соған жауап береміз.

Ендеше түрімізді ғана әрлей бермей, жүрегімізді де сәндейік.

Денемізді ғана жөндей бермей, іс-әрекетімізді де түзейік.
10,222
Дастан Құрманбаев

24 Nov, 15:40

Келесі сериясына Арман Қуанышбаев ұстазды шақырыпты. Былайынша тым жақсы жоба. Тек арасына біз сияқтылар кіріп кетіп быт-шытын шығаратыны болмаса )
10,605
Дастан Құрманбаев

24 Nov, 15:38

Бір көруге болады ))
10,583
Дастан Құрманбаев

24 Nov, 15:38

https://youtu.be/Q10VoTLj96E?si=44UbInSKav8YiQbO
12,407
Дастан Құрманбаев

22 Nov, 09:41

Ер кісілер хош иіске (парфюмге) ақшасының үштен бірін жұмсаса да ысырап болмайды.

Омар ибн әл-Хаттаб (Алла разы болсын)
1,379
Дастан Құрманбаев

22 Nov, 06:15

Уа, иман келтіргендер! Ой атаулының көбінен аулақ болыңдар (яғни, өзге адамдар жайлы, әсіресе, мүмін бауырларың жайлы түрлі жаман ойларға беріле беруден аулақ болыңдар)! Өйткені ой атаулының бір парасы (яғни, өзгелер жайлы ойлаған жаман, яки арам ойлар) күнәға жатады! Бір-біріңді аңдымаңдар және біріңді-бірің ғайбаттамаңдар! Қайсыбірің болмасын, өлген бауырының етін жегенді ұната ма? Әнеки, бірден жиіркендіңдер. Ендеше, Алладан қорқыңдар! Шүбәсіз, Алла – Тәууәб (құлдарының шынайы тәубелерін қабыл етуші), Рахим (тәубеге келіп, Өзіне бет алған құлдарына ерекше мейірімді).

“Хужурат” сүресі, 12-аят
2,875
Дастан Құрманбаев

21 Nov, 08:46

Ең керек мамандық — “Жақсы адам” деген мамандық.

Ең табысты жұмыс — “Жақсы адам” деген жұмыс.

Ең жоғарғы қызмет — “Жақсы адам” деген қызмет.
5,089
Дастан Құрманбаев

20 Nov, 18:44

Білім – ең жақсы мұра, әдеп – ең жақсы жолдас, тақуалық – ең жақсы азық, ғибадат – ең табысты келісім, ақыл – ең жақсы жолбасшы, жақсы мінез – ең жақсы серік, жұмсақтық – ең жақсы көмекші, қанағат – ең жақсы байлық, сәттілік – ең жақсы жәрдемші, өлімді ойлау – ең жақсы уағызшы!

Хасан әл-Басри
6,039
Дастан Құрманбаев

20 Nov, 12:42

https://youtu.be/X9Xxj_usSCE?si=BXUiyJ9hDZliXkg9
3,297
Дастан Құрманбаев

19 Nov, 17:10

Бүгін мәһір беруден қашып тұрған еркек — ертең…
19,034
Дастан Құрманбаев

19 Nov, 14:20

Бәрі “мүфтият мәһірді алып тастады” деп айтып жатыр екен. Мүфтият мәһірді алып тастай алмайды. Өйткені ол мүфтияттың заңы емес, шариғаттың талабы. Мүфтият тек қалыңмалды мәһір деп берсе және қыз соған келіссе, мәһір орнына жүретінін ғана айтты.

“Күйеуі тарапынан берілетін қалыңмалды қыздың разылығымен(!) мәһірге жатқызуға және артынан алып баратын жасауына пайдалануға болады.

«Әке еңбегі», «ана сүті» секілді қыздың әке-шешесіне, туыстарына берілетін мал-мүлік (кәдесый, т.б.) мәһірге жатпайды”. https://www.muftyat.kz/kk/fatwa/fetvy/2024-11-18/45652-alyimal-zhajyinda-dnmz-ne-dejd/
10,274
Дастан Құрманбаев

19 Nov, 09:34

Бір атеисті тыңдап біраз адам атеист болып кетіп жатыр дейді.

Жоқ. Олар атеист болып кетіп жатқан жоқ, атеист екендерін біліп жатыр! Бұрын өздерін мұсылманбыз деп ойлаған. Жай ғана ойлаған. Бірақ ойланбаған.

“Иман деген — жүрекке орнығып, іс-әрекетпен расталған нәрсе”, — дейді Хасан әл-Басри.

Имансыздық “бос жүректерге” кіріп жатыр, иман орныққан жүректерге емес ☝🏻
9,060
Дастан Құрманбаев

18 Nov, 12:20

Барлығын жүрек пен миға салмақ қыла бермей, өмірде кейбір нәрселерге жай қарай салған дұрыс.
8,718
Дастан Құрманбаев

18 Nov, 07:44

Қызылорда облыстық орталық «Ақмешіт-Сырдария» мешітіне садақа берудің нұсқаулығы

Садақаңыз қабыл болсын! 🤲🏻
8,323
Дастан Құрманбаев

17 Nov, 13:59

Егер екі істің қайсысын істеріңді білмей тұрсаң, қайсысы дұрыс, қайсысы бұрыс екенін анықтай алмай жатсаң, нәпсің қаламай тұрғанын істе. Себебі нәпсі адамды ұятқа қалдыратын іске жетелейді.

Имам Шафиғи (Алла рахымына алсын)
8,642
Дастан Құрманбаев

17 Nov, 12:23

Жақсы істерді әдетке
айналдырыңдар. Жақсылық тек әдетке айналған істерде ғана болады.

Абдулла ибн Масғуд (Алла разы болсын)
8,404
Дастан Құрманбаев

17 Nov, 11:36

Жүрушілер аз деп тура жолды жатырқама.

Фудайл ибн Ғияд (Алла рахымына алсын)
8,471
Дастан Құрманбаев

15 Nov, 19:00

Үмбеттің ғұламасы атанған Абдулла ибн Аббас деген сахаба әңгімелейді (Алла разы бослын):

“Қиямет күні рух пен дене таласып, кінәні бір-біріне артпақ болады. Рух денеге “Сен істедің” десе, дене оған “Сен бұйырдың. Сен болмасаң, мен бір шіріген діңгек сияқтымын. Сенсіз қолымды да, аяғымды да қимылдата алмаймын” дейді. Рух та одан қалыспай “Мен де сенсіз құр әшейін ауа сияқтымын. Ештеңе де істей алмаймын” деп айтады.

Сол кезде Алла Тағала төрелігін айтсын деп бір періштені жібереді. Ол оларға мынандай мысал келтіреді: “Сендердің мысалдарың мүгедек пен соқырдың мысалындай. Екеуі бір бақшаға кіреді. Мүгедек соқырға “Мен жеміс көріп тұрмын. Бірақ орнымнан тұра алмаймын” дейді. Соқыр “Онда мен сені көтерейін. Сосын сен оны ал” дейді. Сөйтіп екеуі жемісті алады”.

Сосын періште “Енді екеуінің қайсысы жемісті алған болып есептеледі?” деп сұрайды. Рух пен дене “Екеуі де” деп жауап береді. Сонда періште “Мінеки, төрелігін өздерің айтып отырсыңдар” дейді.

📚 Суюти. Шархус Судур
9,703
Дастан Құрманбаев

15 Nov, 06:23

Арыңды сақта, болсаң да малға кедей.

Яссауи
9,310
Дастан Құрманбаев

14 Nov, 20:15

Пайғамбарымыз ﷺ айтады: «Жаным қолында тұрған Алла Тағаланың атымен ант етейін, егер олар (мәйітті жоқтап, жылап жатқан отбасы, жақындары) сол кезде оның не істеп жатқанын көрсе, не айтып жатқанын естісе, мәйіт жайына қалып, өз бастарын ойлап жылар еді. Шын мәнінде мәйітті табыттың үстіне қойған кезде, рухы көтеріледі де, былай деп айтады: «Әй, отбасым! Әй, менің балаларым! Бұл дүние мені алдап соққанындай, сендерді де алдап соқпасын. Дүниені адалдан да, арамнан да жинап, ақыр соңында басқаларға қалдырып бара жатырмын. Рахатын солар көреді, бірақ жауабын мен берем. Менің ісім сендерге сабақ болсын!».

📚 Қуртуби, Тазкира
9,997
Дастан Құрманбаев

14 Nov, 16:56

Танымал сахаба Сағыд ибн Убаданың баласы Қайыс өте жомарт кісі болған. Бір күні төсек тартып жатып қалады. Бірақ жора-жолдастарының біразы көңілін сұрауға келмей қояды. Сосын ол “Пәленше қайда? Түгенше қайда?” деп сұрай бастайды. “Саған берешек қарыздары болған соң ұялып келмей жатыр” деген жауап естиді. Сонда Қайыс “Бауырлардың бір-бірін зиярат етулеріне тосқауыл болған дүниесі құрысын!” дейді де, хабаршы алдырып “Қайыс өзіне берешегі барлардың бәрінің қарызын кешті” деп хабар айтқызады. Содан кейін көңілін сұрауға келгендердің көптігінен кешке дейін есігінің табалдырығы сыныпты деген әңгіме бар.
9,160
Дастан Құрманбаев

14 Nov, 16:25

Үмбеттің ғұламасы атанған сахаба Абдулла ибн Аббас (Алла оларға разы болсын): “Дүниеде адамдардың мырзасы — жомарттар, ақиретте — тақуалар”, — деген екен.

Ал әйгілі сахаба Әли ибн Әбу Талиб (Алла оған разы болсын): “Жомарттық — сұратпай беру. Ал сұратып беру ұялғаннан беру болады”, — депті.
8,230
Дастан Құрманбаев

14 Nov, 12:05

Жұрттың көзінше өзін жамандаған адам, шын мәнінде мақтанып жатыр.

Хасан әл-Басри

📚 Ибн әл-Жаузи. Хасан әл-Басридің ғибратты сөздері
8,993
Дастан Құрманбаев

14 Nov, 09:54

Омар ибн әл-Хаттаб айтады (Алла разы болсын):

“Бауырыңның сүйіспеншілігіне бөленгің келсе, бірінші болып сәлем бер, жақсы көретін аттарымен ата және өз қасыңнан орын бер”.
9,462
Дастан Құрманбаев

13 Nov, 21:04

“Адам үйінен шыққан кезде есігінің алдында екі ту тұрады: біреуі періштенің қолында, екіншісі шайтанның қолында болады. Егер ол Алла жақсы көретін іске шыққан болса, періште туын алып соңынан ереді. Сөйтіп ол үйіне оралғанша періштенің туының астында болады. Ал егер Алланың ашуын шақыратын іске шыққан болса, шайтан туын алып соңынан ілеседі. Сөйтіп үйіне қайтқанша шайтанның туының астында болады”.

📚 Ахмад ибн Ханбал. Муснад. 8286-хадис

Періштенің туының астында болады, яғни Алла оның жақсы ісіне жәрдем береді. Шайтанның туының астында болады, яғни Алла оған ашулы болады.
9,030
Дастан Құрманбаев

13 Nov, 13:51

Бірде Мұса пайғамбар Алла Тағаладан “Уа, Жаратушы Ием, мүмін құлыңа неге дүние бермейсің?” деп сұрайды.

Сосын Алла Тағала оған жәннаттың көп есігінің біреуін ашып көрсетеді де “Мынау менің оған дайындап қойғаным!” деп айтады.

Сонда Мұса пайғамбар “Сенің үстемдігіңмен, ұлықтығыңмен, биік мәртебеңмен ант етейін, біреу тіпті қос қолы мен қос аяғы бірдей жоқ болып, жаратылғаннан бастап қиямет-қайымға дейін бетімен жер сүзіп жүретін болса, бірақ соңында баратын жері осы болса, ешбір қиындық көрмегендей болады!” дейді.

Сосын тағы “Уа, Жаратушы Ием, кәпір құлыңа неге дүние бересің?” деп сұрайды.

Алла Тағала оған тозақтың көп есігінің біреуін ашып көрсетеді де “Мынау менің оған дайындап қойғаным” деп айтады.

Сонда Мұса пайғамбар “Уа, Жаратушы Ием, Сенің үстемдігіңмен, ұлықтығыңмен ант етейін, егер Сен оған бүкіл дүниені сондағы нәрселерімен бірге қосып берсең де, ол жаратылғаннан бастап қиямет-қайымға дейін соның барлығына еге болып келсе де, соңында баратын жері осы болса, бірде-бір жақсылық көрмегендей болады!” дейді.
8,672
Дастан Құрманбаев

13 Nov, 12:11

Бірде Пайғамбарымыз (ﷺ): “Жаным қолында тұрған Алла Тағаланың атымен ант етейін, жәннатқа тек мейірімділер ғана кіреді”, — деп айтады.

Сахабалар: “Барлығымыз мейірімдіміз, уа, Алланың елшісі!”, — дейді.

Сонда Пайғамбарымыз (ﷺ): “Өздеріңе, балаларыңа, жақындарыңа көрсететін мейірімді айтып тұрған жоқпын! Жалпыға бірдей мейірімді болуды айтып тұрмын”, — деп дауысын жоғарылатты.

📚 Ибн әл-Жаузи. Хасан әл-Басридің ғибратты сөздері
8,006
Дастан Құрманбаев

13 Nov, 11:01

Нағыз уағызшы Исламды сөзімен емес, ісімен уағыздайды!

Хасан әл-Басри (Алла рахымына алсын)
3,780
Дастан Құрманбаев

13 Nov, 07:29

Ібілістің ең үлкен арманы адамдарды шариғаттың міндеттемелерінен босату. Босатып алу десек дұрыс болатын сияқты. Ол оны “еркіндік” деген идеяны таратумен жүзеге асырады. Сөйтіп босатып алып, өзінің “шариғатына” кіргізеді. Сосын жүреді Ібілістің айтқанын істеп “квадробер” болып үріп, мяулап 🤦🏻‍♂️
4,584
Дастан Құрманбаев

13 Nov, 07:03

Адам ақылымен, ұятымен және жұмсақтығымен басқарады.

Хасан әл-Басри (Алла рахымына алсын)
4,546
Дастан Құрманбаев

12 Nov, 21:10

Бұл дүние — адамзат сапарының құрсақ пен қабір арасындағы аялдамасы!
5,082
Дастан Құрманбаев

12 Nov, 18:05

Бұрын адамдардың күнәсі көрініп қалып, бірақ тәубесі көрінбейтін еді. Тәубесін тек оңашада жасайтын.

Қазір адамдардың күнәсін көріп-білмесең де, өз күнәсін өзі ашқандардың тәубесін көретін болдық.

«Ешкім білмейді бірақ осыдан 5 жыл бұрын азартқа қатты кірдім. Бірақ қазір тәубе еттім». «Бұрындары ішімдік пен ойын-сауыққа қатты құмар болдым. Бірақ қазір жаман әдеттерді тастап, кәсіп ашып көтеріліп кеттім».

Күнә жасасаң тәубе ет. Ендігәрі қайталама. Сосын оны ешкімге айтпа.

Бұрынғы күнәларыңды қозғамай-ақ контентіңді жасай берсеңші…

Алла елшісі ‎ﷺ айтпақшы:

“Үмметімнің барлығы амандықта, тек өз күнәсін өзі жария еткендерден басқа” дейді.
2,873
Дастан Құрманбаев

12 Nov, 18:03

Бір ақылгөй кісіден “Сараңдықтан жаман мінез бар ма?” деп сұрапты.

Сонда “Иә. Бар. Берген адам бергенін міндетсініп айтатын болса, міне, сол сараңдықтан да жаман”, — депті.
4,823
Дастан Құрманбаев

12 Nov, 09:47

Бір күні аббасилер халифасы Мәһдиге қолына аяқ киім ұстаған бір кісі келіп “Мынау Алла елшісінің аяқ киімі! Осыны сізге сыйға тартуға рұқсат етіңіз” дейді. Халифа аяқ киімді қолына алып, сүйіп, сыйға сый деп орнына он мың дирхам беріп шығарып салады.

Сосын қасында отырғандарға қарап: “Уаллаһи, Алланың елшісі мына аяқ киімді кимек түгіл, көрмегенін де білем! Бірақ қазір оны өтірік деп алмай қойсам, сыртқа шығады да “Халифаға Алла елшісінің аяқ киімін сыйлап едім, алмай қойды!” деп өсек таратады және барлығы соған сенеді. Өйткені халық әлсіздердің сөзін сөйлейді. Зұлымдық жасап тұрған әлсіздің өзі болса да, соның жағына шығады. Сондықтан мен одан аяқ киімін емес, тілін сатып алдым”, — деген екен.

📚 Ибн Касир. Әл-Бидаяту уан-Ниһая
5,723
Дастан Құрманбаев

12 Nov, 07:17

Пайғамбарымыздың (ﷺ): “Дүниедегі жомарт жандар, ақиретте де жомарт болады(1)”, — деген хадисін Хасан әл-Басри (Алла рахымына алсын) төмендегідей түсіндіреді:

Бұл дүниеде Алла Тағала олардың басқаларға жасаған қайырымды істері үшін күнәларын кешіреді. Сосын қиямет күні оларға: “Сауаптарыңды қалаған адамдарыңа сыйлаңдар! Мен сендердің күнәларыңды кешірдім”, — деп айтады. Сөйтіп олар дүниеде жомарттық қылғандарындай, ақиретте де сауаптарын қалаған адамдарына сыйлап жомарттық жасайды(2).

1. Хадисті имам Ахмад “Зуһд” жинағында келтірген

2. Хасан әл-Басридің түсіндірмесін Ибн әл-Жаузи келтіреді
5,932
Дастан Құрманбаев

11 Nov, 20:27

Өлім періштесі күніне бес рет әр үйдің есігіне келеді. Егер ризығы таусылып, ажалы жеткен адамды көрсе, оның үстіне өлімнің қайғысы мен қасіретін жаудырады. Үй ішіндегілер бірі шашын жұлып, бірі бетін ұрып, енді бірі бақырып жылайды. Сол кезде өлім періштесі “Сендерге не болды? Не үшін жылап, не үшін қайғырасыңдар?! Мен ешкімнің ризығын бітіріп, ажалын жақындатқан жоқпын ғой! Мен тек бұйрықпен келдім. Бұйрықпен ғана жанын алдым. Мен әлі сендерге қайтып келем. Сосын тағы келем. Соңында ешқайсысың қалмайсыңдар!” деп айтады.

📚 Қуртуби. Тазкира
6,376
Дастан Құрманбаев

11 Nov, 09:37

Екі қасиет бір адамның бойында бірікпейді: қанағат пен көреалмаушылық!

Хасан әл-Басри (Алла рахымына алсын)
6,676
Дастан Құрманбаев

11 Nov, 09:06

Не маклюбе жемедік, не дубайский шоколадты көрмедік, хотя бы шайн мускат алайықшы депті ғой бір трендтен қалып қоя беретін жеңгеміз ))
4,264
Дастан Құрманбаев

11 Nov, 09:01

Ризық-несібемізді кемітетін жұрттың тіл-көзі емес, өзіміздің күнәларымыз ғой…
6,779
Дастан Құрманбаев

11 Nov, 08:47

— Берген адам неге ақымақ?
— Өйткені, ол қайтармайтынын біле тұра берді.
— Қайтарған адам неге ақымақ?
— Өйткені, ол ақымаққа кітап қайтарып жатыр?
— Неге оның ақымақтығы бергендікінен де бетер?
— Өйткені, берген адам кітабын ақымаққа беріп жатқанын білген жоқ ))
6,825
Дастан Құрманбаев

11 Nov, 08:32

“Кітабын оқи тұруға берген адам ақымақ, ал оны қайтарған адам одан да өткен ақымақ” деген сөз бар еді ))
6,700
Дастан Құрманбаев

10 Nov, 17:16

Бауырының үстінен пайда көру — адамгершілікке жатпайды.

Хасан әл-Басри (Алла рахымына алсын)
7,198
Дастан Құрманбаев

10 Nov, 13:22

— Темекі намазды бұза ма?
— Темеке сені бұзады!
7,266
Дастан Құрманбаев

09 Nov, 17:42

Біреуді жаман сөз естуге лайықты деп білсең де, өзіңді ондай сөзді айтуға лайық көрме!
9,125
Дастан Құрманбаев

09 Nov, 15:20

Суфиян әс-Саури деген (табаға табиғин) ғұлама айтыпты (Алла рахымына алсын):

“Түн болса адамдардан демалатын болдым деп қуанам”.

📚 Хилия

Біз керісінше, адамдарды көретін болдым деп қуанамыз ғой ))

Өйткені жаңа өсектер, тәтті ғайбаттар, біреудің өмірін талқылайтын орта іздеп тұрамыз...
8,246
Дастан Құрманбаев

09 Nov, 15:10

https://youtube.com/@tanym_studio?si=S7fnV9dVE4x0XkiC
5,907
Дастан Құрманбаев

09 Nov, 13:57

“Егер Аллаға жақсы қарыз берсеңдер, берген қарыздарыңды еселеген үстіне еселеп қайтарады және күнәларыңды кешіреді”. (64:17)

Бүгін қиындық көріп жатқан біреуге қол ұшын берсең, ол Алла Тағаланың құзырында “жақсы қарыз” болып сақталады. Ертең сенің де басыңа қиындық түскенде одан да артығымен қол ұшын беретін біреуді жібереді.

Ендеше біреуге жақсы сөз айтып қайғысын жеңілдетіп жатқаныңда.. қасынан табылып қолдау білдіріп жатқаныңда.. зұлымдықтан қорғап жатқаныңда.. соның барлығы бір күні өзіңе еселеніп қайтып келетін “жақсы қарыз” екенін ұмытпа!

Тіпті бірауыз жылы сөз болса да, қолыңнан келген жақсылықтың ешбіреуін аз көрмей жасай бер. Басыңа іс түскенде соның барлығы сенің сабыңда тұрып, сенімен бірге соғысатын әскеріңе айналады!
5,908
Дастан Құрманбаев

09 Nov, 08:18

Егер адамдар бір-бірін таныса және солай қабылдаса, көптеген келіспеушіліктер жойылар еді. Бір-біріне ашуланып, өкпелеп жүрмес еді. Өйткені оның барлығы түсінбестіктен, яғни бір-бірін түсінбеуден туады. Сондықтан өзің танитын, қандай екенін білетін көп адамның сөзі мен мінезіне түсіністік танытып “қоя салшы, ол өзі сондай адам” деген көзқараспен қарайтын болсаң, ұзақ өмір сүресің! 😉
6,046
Дастан Құрманбаев

09 Nov, 07:02

Тілін еркіне жіберіп, не айтып, не қойғанына мән бермейтін адамның тілі — шайтанның қолындағы жіп! Шайтан оны қалаған жағына бұрып әкете береді.

📚 М.Ғазалидің “Мұсылманның мінезі” кітабынан

Егесі еркіне жіберген тілді “жүгенсіз тіл” деп жүрсек, тіл жүгенсіз болмайды екен ғой! Тек оның жүгені шайтанның уысында болады екен…

Демек, тілдің тізгінін не өзің ұстайсың, не шайтан ұстайды!
6,213
Дастан Құрманбаев

08 Nov, 09:22

Қысқасы, себепсіз жұмадан қалмайық, мұсылман бауырлар! Сол кезде шынымен “жұма мүбәрәк (берекелі)” болады!
6,536
Дастан Құрманбаев

08 Nov, 09:20

Байқасаңыз, Алла Тағала “Жұмаға бар” деп, артынша бір емес, екі рет “ризық берем” деп уәде беріп жатыр. Одан артық не керек?
6,513
Дастан Құрманбаев

08 Nov, 09:18

Сауда қызып жатса да, парызға үлгерем ғой деп жүре берме! Уағыз бен құтбада да береке бар.
6,645
Дастан Құрманбаев

07 Nov, 10:00

Ақпарат ағынымен санасу

Хижраның 5-інші жылында Пайғамбарымыз ﷺ мусталиқ тайпасымен соғысады. Сол кезде мұнапықтар біраз фитна шығарады: жала жабады, сахабалардың арасына ылаң салады т.с.с. Соның бәрін ұйымдастырып жүрген мұнапықтардың көсемі Абдулла ибн Убай еді. Омар ашуланып “Уа, Алланың Елшісі, рұқсат берсеңіз мен оның басын алайын!” дейді. Пайғамбарымыз ﷺ оған “Оны қоя сал. Ертең адамдар “Мұхаммед өзінің жақтастарын өлтіріп жатыр” деп айтып жүрер” дейді. Себебі жалпы жұрт оның мұнапық екенін білмейді, сахаба деп ойлайды. Соның кесірінен жаңағыдай қауесет тарап Исламның таралуын тежеуі мүмкін еді. Пайғамбарымыз ﷺ осыны ескеріп ақпарат ағынымен санасты.

Түйін: Кейде өмірде кейбір шешімдерді шығарар кезде, тіпті кейбір нәрселерді айтар кезде өзіңдікі 100% дұрыс болып тұрса да қоя салу керек болады. Өйткені оны ақпарат ағыны қалай қарай алып кететіні белгісіз.
7,419
Дастан Құрманбаев

06 Nov, 13:52

Қазір әлеуметтік желіде ұстаздар көбейіп кеткен секілді ме?

Алайда әлеуметтік желіде белсенді жүрген сол 20-30 адамның маңайы ғана. 20 миллион халыққа 20 ұстаз деген өте аз. Азғындық, ажырасу, зұлымдық, арсыздық секілді істерді тоқтату үшін кемі 2000-ға жуық белсенді ағартушы қажет.
5,996
Дастан Құрманбаев

05 Nov, 12:16

Қазір бізге жанашырлық, қамқорлық деген қасиеттер жетіспей жатыр ғой. Мейірім туралы мүлде айтпай-ақ қояйын! Бұл қасиеттер жақындарыңа қолыңда барды бөліп, не таратып беруді талап етпейді. Ең болмаса жан жарасын түсініп, басындағы қиындықтарға ақшамен де, қолмен де, тіпті сөзбен де көмек бере алмасаң да, жан-дүниеңмен болысуды талап етеді.

Айша анамызға жала жабылып, шарасыздықтан үйінде жылап отырған уақытта бір ансарлық әйел келіп, не деп жұбатарын білмей, қасына отыра қалып қосылып жылайды. Оның осы бір ісін Айша анамыз “Әлі күнге дейін ұмытқан жоқпын” деп өле-өлгенше айтып өткен екен…
6,826
Дастан Құрманбаев

05 Nov, 09:19

Ассаламуғалейкум, құрметті бауырлар! Кешегі қарындасымыздың еміне деп жинаған қаражаттарыңызды бүгін үйіне барып табыстап келдік. Алла Тағала сіздердің садақаларыңызды, дұғаларыңызды қабыл етіп, қарындасымызға шипа берсін 🤲🏻
Ауырмаңыздар ✊🏻
1,363
Дастан Құрманбаев

04 Nov, 14:59

Сүюдің түпкі мәнін сезініп барып түсінесің!

Ибн Хазм әл-Андалуси (Алла рахымына алсын)
7,793
Дастан Құрманбаев

04 Nov, 14:21

Адамды жақсы көр, дүниені пайдалан. Бірақ дүниені жақсы көріп адамды пайдаланба!

#бір_жерден_оқып_едім
7,507
Дастан Құрманбаев

04 Nov, 14:00

Көп адам сені бойыңдағы кемшіліктерің үшін емес, артықшылықтарың үшін жек көреді.
7,261
Дастан Құрманбаев

04 Nov, 13:10

Қиямет күні махшар алаңында адамдардың дүниедегі жақсы, жаман істері таразыға тартылады.

Әнәс ибн Мәлик әңгімелейді (Алла разы болсын):

Таразының басында бір періште тұрады. Сосын адам баласын алып келіп, таразының екі табақшасының ортасына тұрғызады. Жақсылық жағы басса, әлгі періште барлық жаратылыс еститіндей дауыспен “Пәленше бақытты болды! Ол енді осыдан кейін ешқашан сорламайды” деп хабарлайды. Егер жамандық жағы басса “Пәленше сорлады! Ол енді осыдан кейін бақытты болмайды” деп дауыстайды.

Хузайфа (Алла разы болсын) әлгі періштенің Жәбірейіл екенін айтады.

Сол кезде атыңды атап тұрып “Пәленше бақытты болды!” деп айтқан Жәбірейіл періштенің даусын есту қандай бақыт десеңші 😭
7,872
Дастан Құрманбаев

04 Nov, 10:29

Тыйым салынған (харам) істерден аулақ жүр. Сонда ең көп құлшылық қылатын адам боласың. Алла Тағаланың өзіңе бөліп берген (несібеге) риза бол. Сонда ең бай адам боласың.

Хадис
7,274
Дастан Құрманбаев

04 Nov, 09:32

Жаны кеудесінен шыққанда мына үш нәрседен таза болған адам жәннатқа кіреді: тәкаппарлық, ұрлық және қарыз!

📚 Хадис. Ахмад
7,448
Дастан Құрманбаев

03 Nov, 18:51

Ризықтың дәрежелері

• Ең төменгі – мал-мүлік
• Ең жоғары – денсаулық
• Абзал ризық – салиқалы ұрпақ
• Ең кемел ризық – Алланың разылығы

Имам Шағрауи (Алла рахым етсін)
7,722
Дастан Құрманбаев

03 Nov, 15:49

Шын махаббат адалдықтан жаралады.

Ибн Хазм әл-Андалуси (Алла рахымына алсын)
8,255
Дастан Құрманбаев

03 Nov, 12:52

Үмбеттің ғұламасы атанған ардақты сахаба Абдулла ибн Аббас айтады (Алла разы болсын):

“Бес нәрсе бар. Ол бесеуі асыл тұқымды аттардан да артық!

1. Өзіңе қатысы жоқ істер жайында жақ ашпа! Өйткені ол артық сөз. Тіпті, күнә болуы да мүмкін.

2. Өзіңе қатысты істердің өзінде де, орынсыз жерде сөйлеме! Өйткені ол айып.

3. Момынмен де, ақымақпен де сөз таластырма! Өйткені момын сені үндемей-ақ жеңеді. Ал ақымақ кесірін тигізеді.

4. Өзіңнің сыртыңнан қандай сөз айтылғанын қаласаң, бауырыңның да сыртынан сондай сөздер ғана айт! Өзіңді кешіре салғанын қалайтын істерде, оны да кешіре сал!

5. Жақсы істеріңнің жақсылығын, жаман істеріңнің жамандығын көретініңді ұмытпа!

📚 Ибн Әбуд-Дуния
9,006
Дастан Құрманбаев

03 Nov, 11:44

Кедейлердің көзіне байлардың бәрі мұңсыз, мұқтажсыз көрінетіні сияқты, бойдақтардың көзіне үйленгендердің бәрі бақытты, баянды көрінеді емес пе?! Бірақ “әркімнің өз соқпағы бар” дегендей, әркімнің өз сыры өзіне мәлім. Біреудің бағына қызықпа, соры сенікінен бес есе болуы мүмкін. Тек қана Жаратқанның хикметіне сен! Ол ешкімге ештеңені бекер бере салмайды. Оның да өз сыры бар. Өз несібеңе риза бола да, соның шеңберінен бақыт ізде. Абайдың
“Адамды сүй, Алланың хикметін сез,
Не қызық бар өмірде одан басқа” дегені осы болса керек…
8,866
Дастан Құрманбаев

03 Nov, 11:24

Мұса пайғамбар Алла Тағаланың теңіздің ортасынан жол тауып беретінін білген жоқ. Бірақ әйтеуір көмексіз қалдырмайтынына сенді!

@454е
8,585
Дастан Құрманбаев

01 Nov, 20:59

Біреулердің өлгені жаныма батады! Бірақ ішімде тірі адамдардың өліп жатқаны жанымды одан да қатты ауыртады. Адамның жүрегі жер басып жүрген біреудің қабіріне айналуы қандай қорқынышты…

📚 ليطمئن قلبي
10,488
Дастан Құрманбаев

31 Oct, 16:45

Жетістіктің бес кілті: Таң, бесін, аср,ақшам, құптан.
8,383
Дастан Құрманбаев

30 Oct, 17:05

Болашағымызды ойлаймыз, тіпті балаларымыздың болашағына алаңдаймыз, бірақ сол біз уайымдайтын “болашақтың” ішінде ақирет бар ма екен..?
10,999
Дастан Құрманбаев

30 Oct, 15:54

Мен сондай адаммын, өзімнен бұрын басқаларды ойлап жүрем. Жоқ. Өзімде барды жұртқа таратып беретіндей дәрежеде емес. Ұсақ-түйек істерде ғой )) Мысалы, көп қабатты үйдің ауласына көлікпен кіріп адам күтіп тұрғанымда тоқтаған жеріме тұра салу оңай, әрі ыңғайлы болса да, басқалардың өтуіне кедергі болмайын деп бос, ешкімге кедергі келтірмейтін жерге барып тұрамын. Көлік тұрағында да басқалар сыймай қалмасын деп, қалай болса, солай емес, дұрыстап, түзулеп, құлпынай егетін орын қалдырмай қоямын. Сондықтан Қазақстанның жарты жері атасынан қалған мұрасы сияқты жүретіндерді солардың деңейінде ойланып көрейінші деп қанша таяз ойлауға тырыссам да түсіне алмадым. Осы ойдың үстінде қоңыр күздің салқын жаңбыры терезесін тесіп кетердей тарсылдата тиіп, қарсы беттегі көліктердің жарығына жарыса шағылысқан тамшылары көзіне күмістей жарқырап көрініп Дастан өз үйіне қарай бет алып кете барды деееп әңгіме қылып аяқтап жіберген дейсің ғо )))
10,822
Дастан Құрманбаев

29 Oct, 08:01

Баяғы ғалымдар көз зинасы, ғайбат сияқта әдетке айналып кеткен күнәлар адамға өлетін шағында тілін кәлимаға келтіруіне кедергі болады деп біледі екен…
10,701
Дастан Құрманбаев

28 Oct, 20:17

Мұстафа Махмұт деген мысырлық жазушы “Өмір және махаббат” деген кітабында ерлі-зайыптылардың үйленгеннен кейін бір-біріне үйреніп кетуі жайында жазады.

Оның айтуынша, адам тек өзгерістерді ғана байқайды. Үйреніп кеткен нәрселерді көре бермейді. Себебі адамда бейімделу үдерісі жақсы әрі жылдам жүреді. Мысалы, үстіндегі киімді кигенде және шешкенде ғана сезеді. Осы екі ортада денесіне киім жабысып тұрғанын сезбейді.

Сол сияқты, бір-біріне құлай сүйіп қосылған ғашықтардың өзі уақыт өте келе күнделікті тіршілікке бейімделіп, араларындағы албырт сезім бір қалыпқа түседі.

Енді не істемек керек? Үйрену үдерісіне қарсы жұмыс істеп, күнде бір кейіпке еніп өзгеріп отырамыз ба? Ол кезде жұнырып кетпейміз бе?

Менің ойымша, отбасы деген қасиетті ұғымды иманға, діни сенімге байлау керек. Бұл іс екеуміздің таңдауымыздан бұрын Алла Тағаланың қалауы екенін түсінуіміз қажет. Біз өзіміздің табиғи қажеттілігімізді өтеумен қатар, Жаратушы Иемізге ғибадат жасап жатқанымызды ұққанымыз жөн. Шын мәнінде, отбасын құру, сақтау — ұлы ғибадат!

#отбасы_тағылымы
11,402
Дастан Құрманбаев

28 Oct, 18:25

Сабырдан айырылма! Өйткені әдемі нәрселер әдемі сабырдан кейін келеді.

@454е
9,667
Дастан Құрманбаев

28 Oct, 18:23

Барлығы саған зиян келтіруді қалап, бірақ Алла пайда тигізуді қаласа, олардың зияндарын сен үшін пайдалы қылып қояды.

@454е
9,915
Дастан Құрманбаев

28 Oct, 14:01

https://youtu.be/di4lOQlSvzI?si=U7NYyxOrsmIJiBtG
16,616
Дастан Құрманбаев

28 Oct, 11:33

Сөйлеу — Алла Тағаланың адам баласына нәсіп етіп, сол арқылы оны басқа жаратылыс атаулыдан үстем ектен үлкен нығметтерінің бірі. “Рахман” сүресінде Алла Тағала өзі жайында “Адамды жаратты. Оған сөйлеуді үйретті”, — деп айтады.

Сондай-ақ үлкен нығметтің сұрауы да үлкен болады және шүкір етуді де көбірек талап етеді…

Ендеше бір нәрсе айтпас бұрын соны айту қажет пе, жоқ па осыны бір ойлап қою керек. Біле білсеңіздер, қажеттілік жоқ жерде сөйлемеудің өзі сауабы мол ғибадат!

📚 М.Ғазали “Мұсылманның мінезі”
7,537
Дастан Құрманбаев

27 Oct, 04:55

Біреудің қолындағыға қарау — өз қолымыздағының рахатынынан айырады.

📚 نبض
7,791
Дастан Құрманбаев

25 Oct, 09:36

https://youtu.be/Quuf56r7OAk
9,200
Дастан Құрманбаев

24 Oct, 14:56

Әбу Хазимнің (рахимаһулла) екі дүниеге жеткілікті өсиеттері🤝🏻

Оқып, пайда аларсыз…
Имам Әбу Хазим үшін дұға етіп қойыңыз🤲🏻
5,648
Дастан Құрманбаев

23 Oct, 14:18

Кім ілімді кәсіпке, жұмысқа, ризық пен табыс көзіне айналдырса, одан қайыр жоқ: оның ілімінен де, оны ізденуінен де пайда жоқ.

Сол сияқты, ілімді басқалармен таласу, пікірталас жүргізу, адамды айыптап, сын айту құралына айналдырған адамнан да, оның ілімінен де, оның жазғандарынан да қайыр жоқ.

Ілім — амал жасау үшін, үмметті үйрету үшін, өзінің және үмметтің ой-санасын, сенімін түзету үшін, және амалдарын Алланың және Оның елшісінің (оған Алланың салауаты мен сәлемі болсын) қалауы бойынша түзеу үшін алынуы керек, бұл салиқалы алдыңғы буын имамдарының және олардың жолын ұстанғандардың (Алла оларға разы болсын) түсінгені секілді болуы тиіс.

Шейх, ұлы ғалым, хадисші Мұхаммед Ауама - Алла оны сақтасын - сөздерінің інжу-маржандары.

Adilkhan Orazov
10,047
Дастан Құрманбаев

23 Oct, 06:43

Медет бауырымыздың еңбегі ☝🏻
8,544
Дастан Құрманбаев

23 Oct, 06:40

Әссаламуғалейкум, оқырман қауым!

Күн сайын жария боп жатқан жүректі жыртатын жаңалықтар арасында мына бір рухани құнды дүниені қабыл алыңыздар!

Татар халқының ағартушысы Қайым Насырдың шағын еңбегін қазақ тілінде дайындадым. Кітаптың мазмұнымен, үзіндісімен мына суреттерден таныс болыңыздар.

Kaspi карта: 4400 4302 1499 0985

Kaspi: +7 706 416 1091 (Медет Ж.)

Чекті бұрынғыша мында жіберіңіздер: @zhansanov немесе http://wa.me/77714908670
8,142
Дастан Құрманбаев

22 Oct, 14:55

Біреу сені түсінбей жатса өкпелеме. Кейде адамдар өз-өздерін түсінбей жатады.

Шарқауи
6,825
Дастан Құрманбаев

22 Oct, 14:11

Баяғыда бір патша өзі билеп отырған елдің ордасын жаяу аралапты. Тасы мен тікені аяғына кіре берген соң елорданың бүкіл жеріне тері төсеңдер деп жарлық шығарыпты. Сонда уәзірлерінің бірі “Уа, патшеке, біз одан да сіздің аяғыңызға шақ қылып тері тігіп берейік. Сонда сізге бүкіл жерге тері төселгендей сезіледі” деп кеңес беріпті. Бұл ой патшаға ұнап, осылай аяқкиім пайда болыпты деген аңыз бар. ))

Қысқасы, барлығы Әлемді өзгерткісі келеді. Бірақ ешкім өзі өзгергісі келмейді.

📚 Нәбә-ун Яқин
6,742
Дастан Құрманбаев

20 Oct, 13:07

Пайғамбарымыз ﷺ үйреткен таңғы және кешкі зікірлерді оқып, бес уақыт намазға бекем болған кісіге жын-пәленің ешқайсысы жоламайды. Көп “жын шығарушылардың” қорқытуы бос әңгіме ғана.
7,809
Дастан Құрманбаев

20 Oct, 12:41

Жын адамға ғашық болады, қызғанады, үйленуіне кедергі жасайды деген сияқты қиял-ғажайыптарды айтуды қойыңдаршы, құрметті жынологтар ))

Құранда, сахих хадистерде бар нәрсені ғана айтсаңдаршы. Әйтпесе жынның не істеп, не қойып жүргенін қайдан білесіңдер?
12,254
Дастан Құрманбаев

19 Oct, 19:04

Өмірің қатты қиындап кетсе де, Алла ешкімге шамасы жетпейтін нәрсені жүктемейтінін есіңнен шығарма!

@454е
9,215
Дастан Құрманбаев

19 Oct, 11:31

Ыстанбұлға келіп Абылай ұстаздың жаңалықтарын тыңдадық. “Исламдағы тұлғалық даму” кітабы аяқталып қалыпты. Күтіңіздер 📚
21,506
Дастан Құрманбаев

18 Oct, 10:42

Құранда Алла Тағала 8 рет ант етіп барып “Сол нәпсіні (тәкаппарлық пен Аллаға қарсы келу дертінен) арылтқандар (Алланың ауыр азабынан) құтылып, мұратына жетеді”, — деп айтады.

Нәпсімен күресудің, оны тәрбиелеудің маңызын осыдан-ақ біле беріңіз, құрметті жамағат!

#жұма_уағызынан
9,367
Дастан Құрманбаев

17 Oct, 18:39

“Намазды кемеліне жеткізіп, үзбей әрі уақытылы оқыңдар, зекетті толық беріңдер және Алла елшісіне мойынсұныңдар, міне, сонда Алланың рақымына бөленесіңдер”.

“Нұр” сүресі, 56-аят
9,888
Дастан Құрманбаев

17 Oct, 08:39

Тіпті сөзбен айтып жеткізе алмайтын тілектеріңді де Алла естиді!

@454е
7,812
Дастан Құрманбаев

16 Oct, 05:42

Өзіңізді мазалайтын діни мәселелердің пәтуасын осы сайттан іздеп көріңіз. Егер жоқ болса “сауал жолдау” деген жерін басып жолдауыңызға болады.

https://fatua.kz/kk/
9,283
Дастан Құрманбаев

14 Oct, 23:47

Бәрі де бір Алланың қолында екенін түсінгенде барып жүрек тыныштық табады.
10,380
Дастан Құрманбаев

13 Oct, 18:49

Мықты болу деген ұғым өзгелерден мықты болуды білдірмейді. Өзіңді өзгелермен салыстырсаң, жарыссаң, түбінде рухани құлдырауға тап боласың. Өзіңді жегідей жейтін боласың.

Мықты болу деген ертең бүгінгіден жарты есе болса да алда болу. Даму. Өзің. Өзіңнен. Біреуден емес. Біреуден тек үлгі аласың. Біреу тек түрткі болады.
10,432
Дастан Құрманбаев

13 Oct, 18:04

Сенен біреу көмек сұрап жатса мына нәрсеңі есіңе ал!

Ол ең алдымен Алладан жәрдем сұрады. Сосын Алла оны саған бағыттады. Әрі сенің оған көмегіңді тигізіп, сол арқылы сенің бір күнәңді кешіргісі келді.

©️Хафиз Омар.
6,954
Дастан Құрманбаев

10 Oct, 18:43

“Дін — өмірдің күш-қуаты. Адам өмір сүреді екен, демек, ол әлденеге сенеді… Сенімсіз өмір сүру мүмкін емес”.

📚 Лев Толстой. Арылу (Исповедь)
11,859
Дастан Құрманбаев

10 Oct, 12:00

“Дүние сенің сәби көзіңмен көргендегідей өмір бойы қайырымды: аспаны — күмбез, желі — жібек, әдемі ертек болып тұра берсе, кәне”.

📚 “Ұшқан ұя” повесінен
12,374
Дастан Құрманбаев

10 Oct, 07:40

Мөңке бидің “Ақыр заман боларда” деген толғауындағы “Өлімің қойдай болады,
Садақаң тойдай болады” дегені осы шығар.

Біз орыс пен қытайдан қорқып отырмыз. Бірақ олардан бұрын өзімізді өзіміз қойша қырып бітетін сияқтымыз ғой…

Не иманды, не заңды күшейту керек!

“Егер Алла (осылайша) адамдарды бір-біріне қарсы қойып, кей адамдардың бетін кей адамдармен қайтарып отырмағанда, шүбәсіз, жер беті түгелдей бүлінер еді де, онда өмір сүру мүмкін болмас еді (яғни жерде әділдік жойылып, шартарапты зұлымдық жайлар еді)”. (2:251)

Бұл жерде заң, қылмыстық жазалар меңзеліп отыр. Егер адамдар заңнан, оның орындалуынан қорықпаса, небір ауыр қылмыстарды шіміркпестен істей береді. Бүлінгені осы емес пе?!
32,455
Дастан Құрманбаев

09 Oct, 14:42

Бесінші әділетті халифа атымен белгілі Омар ибн Абдул-Азиз қайтыс болғаннан кейін баласының түсіне кіріпті. Баласы одан “Ең абзал іс не екен?” деп сұрапты. Сонда ол “Истиғфар” деп жауап беріпті.

📚 Суюти. Шарх-ус Судур
11,457
Дастан Құрманбаев

08 Oct, 11:00

Аты жоқ болса дағы, мағынасы бар,
Жүз мың адам жазылған арнасы бар.
Бұл podcast осыменен бітті деме,
Жаратқан ғұмыр берсе, жалғасы бар!
20,203
Дастан Құрманбаев

06 Oct, 17:00

Қарым-қатынастағы қиындықтар мен түсініспеушіліктердің көбісі бір-бірімізді сыртымыздан әңгіме қылмай, бетпе-бет отырып әңгімелессек шешіледі екен ғой.

@454е
13,672
Дастан Құрманбаев

06 Oct, 14:05

Шынайы мұсылман өзінің іс-әрекеттерін шындық таразысына тартады. Шындық таразысы деп отырғанымыз — шариғат таразысы.

Нуруд-Дин Итр (Алла рахымына алсын)

📚 Фи зиләл-ил Хадис
13,621
Дастан Құрманбаев

06 Oct, 12:32

Төрт нәрсе пайғамбарлардың сүннеті (жолы):

“Ұялу, иіссу себіну, тіс тазалау және үйлену”.

📚 Хадис. Тирмизи
12,855
Дастан Құрманбаев

05 Oct, 19:46

Пенде мен ризығының арасында бір перде болады. Егер сабыр етсе, ризығы келеді. Егер ашкөздік қылса, пердені жыртады, әрі өз ризығынан артығын ала алмайды.

Омар ибн әл-Хаттаб (Алла разы болсын)

📚 Мауғизат-ул Хабиб уа тухфат-ул Хатиб

“Егер сабыр етсе” дегені — адал еңбек етіп, арам жолдарға жоламаса дегені. Өйткені бұл жердегі перде, Алла біледі — адал еңбек пен арам жолдың ортасындағы “қызыл сызық”.

“Пердені жыртады” дегені — шариғат шеңберінен шығып кетеді дегені.

“Әрі өз ризығынан артығын ала алмайды” дегені — бәрібір өзіңе бөлінген ризықты, бірақ арам жолмен аласың, сәл сабыр еткеніңде соны адал еңбеніңмен де алатын едің ғой дегені.
12,672

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.