Orientalist's Notes

Нұрсұлтан Зұлпықар ұстаздың электронды тұңғыш еңбегі жарық көрді. Өзім кітаппен танысып, пікір де жазған болатынмын.

Кітап атауы: “Ақиқат алдында жеңілген жүрек”

📖 Құран – адамзатқа жіберілген Ұлы Мұғжиза!

Бұл кітап сізді Құранның таңғажайып әлеміне жетелейді:

✔️ Ғылым мен Құранның үйлесімін ашасыз 🧪🌌

✔️ Құранның әдеби шеберлігін сезінесіз ✍️✨

✔️ Мұсылман еместердің Құран туралы шынайы пікірлерімен танысасыз 🌍🤝

💡 Неге бұл кітапты оқу керек?

🔸 Құранның шынайы табиғатын ғылыми тұрғыда түсінесіз;

🔸 Әдеби ерекшеліктерін терең зерттейсіз;

🔸 Исламға деген көзқарасыңызды өзгертетін жаңа пікірлер оқисыз.

🛒 Өз біліміңізге инвестиция жасап, Құранның кереметтеріне куә болыңыз!

Төлем жасау үшін ⤵️

💳Каспи: 87086592916

Чек жіберу үшін: 87086592916

💵 Бағасы: [1590тг]

🔥 Ақиқатқа қадам басып, жүрегіңізге нұр сыйлаңыз! 🔥

Ұстаздың телеграм арнасы:

https://t.me/nursultan_zs

“Кеңшілікте Алланы еске алыңдар, таршылықта Ол да сендерді еске алады (жарылқайды).”

(с) Имам Ахмадтың Мүснәдінде келетін асыл Пайғамбарымыздың ﷺ хадисі

#рухани_азық

"2021 жылы қызымның өлігін алып шықтым. Алла жазаларын берсін."

Осы сөздер үшін жұмыс істеп жүрміз әйтеуір, - дейді менің Елнұр есімді педиатр-дәрігер ағам. Ары қарай да сол кісінің сөздері:

Осы айда 368 сағат жұмыста болады екенмін. Оған келіп-кету уақытын тағы қосайық. Таңертең жарты сағат, кешке жарты сағат. 17.5 сағат, барлығы 385.5 сағат. Жұмыс уақыты бітсе де кейде кеш қайтатын күндерді санамадым.

Бұл айда 744 сағат бар, оның жартысы 372 сағат. Демек, айдың жартысынан көп уақытын отбасымнан жырақта өткізеді екенмін.

Оқу бітіргеннен бастап зейнетке шыққанша 36 жыл бар. 18 жыл жұмыста. Жақсы деген жағдайда осы...

Сөйтіп жүргендегі алған рахметіміз жоғарыдағыдай...

Құдай емеспіз! Жай ғана сіз сияқты ажалын күтіп жүрген пенде екенбіз...

Осы уақыт ішінде ажалмен бетпе-бет тұрып, бала үшін жанталасып, жеңіліп қалған кездерім де аз емес...

Қанша амал жасасаң да, бүкіл республика мамандарымен қосылып емдесең де құтқара алмайтын кездер болады.

Ал енді бұл баланы құтқару мүмкін емес деген балақайларымыз қазір әке-шешесінің көз қуанышы боп, қуантып жүр.

#ой_түймекке

Кітап оқу — өмір салтыңа айналу керек қой.

Кітап оқып отырған адамға сыртынан қарағанда да сүйсінесің. Неге? Себебі өзінің қараңғы боп қалуына разы емес. Кітап оқуының артында бір өзгеріске деген ұмтылыс бар. Өмірді сүріп жатқан адам ғой, жалпы.

#ой_түймекке

Корейлік бір қаламгердің кітабын оқып жүр әйелім. Сол кітаптан алған тамаша бір оймен бөлісті.

“Бүгінде көп әрі әдемі сөйлей білетін адамға қарағанда, көбірек тыңдай білетін адам құнды.”

Бәрі сөйлейді қазір, рас. Бірақ бәрі тыңдамайды…

#ой_түймекке

Қазір түрікше видео аударып, сол арқылы охват жинап, контент жүргізетін адам көп-ақ. Біреу бастап берді, содан кетті жалғасын тауып…

1-2 ай түрік тілін оқып, “примерно” аударып салады. Бірақ жеткізбегім ол емес.

Сол түрік ағайынның ақыл айтатын ерлері бар, камераға қарап қойып. Отбасы, әйел, бала-шаға ж/е т.б.

Түріктің махаббат концепциясы біздікіндей емес. Сериалдағыдай “идеализированный образ” береді. Сондайды көріп алған соң апатай-жеңгелеріміз жанындағы күйеуі “Бурак” болмағаны үшін сөгіп жіберіп жатады.

Жаңа ғана бір видео астындағы пікірлерді оқып туған ойлар.

“Бу акшам өлүрүм” дегендерді беталды аудара берудің қажеті жоқ ше…

#ой_түймекке

Хабиб Нурмагомедов та, Нұрлан Сабуров та жекелей қатты қызық болған емес, бірақ мына сұхбат өте ерекше, сезімге толы шыққан екен.

1.25 жылдамдықпен 40-50 мин. уақыт ішінде көріп шықтым.

Бала тәрбиелеуге, шәкірт шығаруға қатысты терең ойлар алдым.

“Словарь Ожегова” деген де біздің бала күннен қалған іздерден. Хабиб секілді бастан-аяқ көшіріп жазбадық, бірақ өте көп оқыдық.

Жазу — әрдайым маңызды. Қазіргі таңда бәрі бір нәрсе үйренудің оңай жолын іздеп жүргенде, өмірде оңай нәрсенің жоғын әдемі жеткізді.

Артық нәтиже қалайсың ба? Ендеше, артық әрекет қыл, еңбектен, тер төк.

⤵️⤵️⤵️

Хабиб Нурмагомедов & Нурлан Сабуров

#рекомендасьон

Оқымайтын адамның оқи алмайтын адамнан еш айырмашылығы жоқ.

(с) Марк Твен

#ой_түймекке

Жаныңды жеп жүрген жаралардың көбі жарты сағаттық салихалы сұқбаттан жазылатын жаралар ғой.

Жалпы, контент жүргізіп бастағалы өзім де қатар өстім, көп нәрсе үйрендім, белгілі бір деңгейде есейдім дей аламын. Себебі ертеректегі контентімді қарасам ішінде балалық та бар, қателік те бар, қызық. Көптің алдына шығу - ол да бір жауапкершілік. Оған бей-жай қарау - салмақсыздық.

Блог жүргізу әлеміне білім туын желбіретіп кірдік және әлі де сол жолды жалғап келеміз. Әлбетте, ағартушылық контентпен блог дамыту қиын әрі ұзақ, бірақ сапалы оқырман жиналады. Сапалы оқырманның сауалы да сапалы, көзқарасы да сапалы, пікірі де сапалы.

Мен тұрақты ұсынатын контенттің бірі - онлайн-курстар. Иә, ол тек курс сату емес, жай ғана тіл үйрету сабақтары емес, біздің призма, ой-таным, өмірлік принциптерді де қамтиды.

#ой_түймекке

— Таңертең ерте тұра алу үшін не істеу керек?

— Шынында, таңертең ерте тұруды қалау керек. Таңғы 7:00-де ұшақпен рейсі бар адам түннің жарымында жатса да лезде тұрады (көп жағдайда). Себебі нақты мақсаты бар. Сол секілді жалпы өмірлік мақсаттар ұйқымыздан тұрғызатындай болса…

Сосын, ұйқыға жататын нақты уақытыңыз болса игі. Мен, әдетте максимум түнгі 01:00-ге дейін ғана жүремін, одан асырмауға тырысамын. Қазір қыс мезгілі, таң намазының уақыты да ұзарған, ұйқы жақсы қанады. Дұрысы - 23:00-ден ұйқыға жату. Қазір кітап жазу процесіне қарқынды кіріскен соң, аздап ұйқының сағаттарынан алдым.

Таңертең ояна салып су ішу әдетім. Алдындары бөтелкемен төсек маңына қоятынмын, қазір тұрып ас бөлмеге барамын.

Сосын, Мухаммад Ратиб Нәблуси есімді Ислам әлемінде атақты уағызшы бар, сол кісі айтады:

“Ерте жат және таң намазына тұрам деген шынайы ниетің болсын. Егер Алла Тағала сенің шынайы ниетіңді көрсе, таң намазына дейін сағат төртте тұрамын деп оятқыш қойсаң, содан бір минут алдын оятады сені. Әсірелеп жатқаным емес. Шынайы ниет таныт, оятқышсыз-ақ тұратын боласың.”

#сұрақ_жауап

— Ата-анаға, үлкендерге насихат ете аламыз ба? Қалай дұрыс? Яғни, намаз жайлы дегендей…

— Біздің ең үлкен насихатымыз - амал-әрекетіміз. Намаз бастаған соң сөзіміз, мінезіміз, қарым-қатынасымыз жақсы жаққа қарай өзгерсе, айналадағы жақын адамдар да сөзсіз байқай бастайды. Туған-туыстар өз баласының сіздей болғанын қалайды. Ал енді намаз бастаған соң да баяғы жартас сол жартас боп қала берсек, керісінше, теріс ой қалыптастырамыз.

Ата-ана, үлкендер — авторитет позициясында. Сіздің оларға насихатыңыз өтімді болу үшін Абай (رحمه الله) айтқан екі құрал қажет-ақ: билік н/е байлық.

Ал жалпы перзент ретінде ата-анаға көп қызмет етуіміз міндет. Күн сайын жақсы боп жатқаныңызды байқаса, намаз оқығалы осылай жақсы жаққа өзгерді деп қабылдайды.

#сұрақ_жауап

— Жоспар құруда нелерге басымдық берген дұрыс? Қалай дұрыс жоспар құрамыз?

— Жоспар құруға кірісуден алдын бүкіл ойды, идеяны ақ парақтың бетіне төгіп алуды ұсынамыз. Оны Brainstorm десек те болады. Ойға не келеді, бәрін-бәрін жаза беріңіз. Жазу - нақтылық береді адамға. Бәрін жазып болған соң шетінен бастап қарап шығасыз. Мысалы, осы жылы шетелге барғым келеді деген нәрсе жаздыңыз (делік, АҚШ). Қалай барғыңыз келеді? Саяхат, оқу, жұмыс… Соны анықтаған соң қадамдарды жазасыз. Студент болсаңыз Work & Travel бар (бір вариант). Шетінен қажет нәрселерді тізіп шығасыз. Компания -> ақша -> ағылшын тілін үйреніп консулмен сұхбатқа дайындалу -> барып келген адамдармен танысу, кездесу, кеңес сұрау -> жұмыс іздеу ж/е т.б.

“Компания” дегеннің өзін алып соның астына тағы тізіп шығасыз. Қандай компания дұрыс, таныстарыңыз қай компания арқылы жасатты құжаттарын деген секілді…

“Ақша” дегеннің астына тағы тізіп шығасыз. Кімнен аламын, қайдан аламын дегендей… ата-ана вариант болса, оларға түсіндіру жұмыстарын жүргізу — ол да бір мақсат.

Яғни, үлкен мақсаттарды барынша майда қадамдарға бөле бересіз. Міне, сосын барып қолда бар нәрсеге қарай жоспар құрасыз.

Дедлайндардың болуы өте маңызды. Мәселен, бір кітапты оқуды жоспарға қойдыңыз, енді соны қалай болса да қаңтардың 24-не дейін бітіруіңіз керек. Дедлайн: 24.01.2025.

Кітап оқу - жай мысал. Өмірлік мақсаттарымызда дедлайн болмаса, кейінге қалып кете береді.

Шынайылықтан ұзақтап қалмау керек. Ол қалай? Ағылшын тілін үйрену қажет. Оның дедлайнын 1 жыл, 2 жыл деп қойыңыз. Дата жазыңыз. 2 айда айырам деген болмайды. Бұл - ұзақ мерзімді жоспар.

Сұраққа талдап отырып жауап жаза беруге болады. Бастысы, негізгі ойды жеткіздім деп ойлаймын. Жағдай, қалау, мақсатқа қарай түрлене береді.

#студентке_кеңес #сұрақ_жауап

Жириновский, жарықтық, тірі кезінде бәрі клоун деді, қазір ол туралы жаман пікір жазатындар кемде-кем.

Сағат-сағат лекцияларына, сұхбаттарына жатып алдым осы күнде. 😁 Қалай болғанда да “Востоковед”, біздің сала бойынша берері бар тұлға-тын.

Иран туралы айтқан пікірлері қызық, енді. Сараптамасы бойынша осы жылдың жазында Иранды бомбылау басталады. 2004-те Украина, Сирияны айтқан. Ерте не кеш, Израиль АҚШ қолдауымен Иранға кіріседі.

#запискиВостоковеда

Қайбірде дүкенге кірдім. Кезекте тұрған бір кісі ішімдік сатып алды да, есебін төлеп болған соң алдын-ала өзімен әкелген ішіндегісі көрінбейтін қалың пакетке салды.

Алған затына ұялады. Жасырады. Адамның фитраты қабылдамайды, себебі. Күнә екенін біледі… Білмейтіндей болатын өзіміз.

#ой_түймекке

Өткенде Нұрлан Сабуровтың бір видеосын көріп қалдым. Сонда әйел-бала-шағасы Қазақстанда болған, өзі Мәскеудегі кезін еске алып жатыр.

Пәтерде жалғызбын, тып-тыныш, отбасым аман-есен елде екенін білемін, бірақ іште біртүрлі жалғыздық сезімі болды дейді…

Ал енді үйде болған кезде әйел-бала-шағаң ұйықтап жатады арғы бөлмеде, сен үйдесің, міне, осы кездегі тыныштықтың рахаты бөлек дейді.

#ой_түймекке

Ел тыныш заманда да, аласапыран кезеңде де білімнің маңызы жоғары.

Өміріміздің әр сәті дайындық.

Соғыстан қираған, қуаты құлдыраған елді де қайта аяққа тұрғызатын оқыған-тоқығандар.

Бейбітшілік дәуірде де соның баянды болуын қамтамасыз ететін де білімділер.

Үлкен өзгерістер әкелетін, жаңалық ашатын да білім иелері.

Білімнің мәртебесі әрдайым жоғары.

Білім алудың қиындығы сол сәттік болса, надандықтың қиындығы өмір бойына жалғасады.

Тәтті, балғын, қуатты кезеңде жасаған әрекеттеріңіз, ертең кім болатыныңыздың кіріспесін жазады.

#студентке_кеңес #ой_түймекке

Барлық нәрсені Алла үшін жаса. Сол кезде өкініш болмайды.

Али Тантауи (Алла рахым етсін)

Нұрлан Қоянбаев ағамыздың “Qazaq аlemi” деген туындысына бардық, өте ұнады. Киноға баруды жоспарлап жүрсеңіз, осы фильмді ұсынамын. Мен де біреудің “Баруға ұсынамын” деген тарихшасы арқылы бардым.

Нұрлан аға өзі тарихшыға оқыған. Қызық бір феномен. Өнер саласымен көтеріліп келіп, енді өз мамандығына қызмет етіп жатыр. Мына фильм соған дәлел.

Подкасттарда айтып жүрген идеяларын қолындағы құралдар арқылы жүзеге асыруда бірте-бірте. Яғни, тарихты өзгеше, extraordinary форматта жеткізу. Көрерменді жалықтырмастай белгілі дәрежеде сюжет бар, юмор бар фильмде.

Соңғы жақтағы “Осындай бақытты қазақтарды көрсем қуанамын” дегені де әсер қалдырды.

#рекомендасьон

Адам өз өмірінің әр кезеңінде есеп беріп, жағдайын саралап отыруы құба-құп. Соңғы 2 аптадан бері инстаграм парақшамдағы статистикаға қарасам, жұмсалған уақыт есебінің орта көрсеткіші 2-3 сағатты құрап тұр. Әлбетте, курс сатылымы болып жатыр, соның да әсері шығар, бірақ ол тым көп уақыт.

Білімге, басқа бір курс оқуға, кітап оқуға соның 2 сағаты арналса, нағыз пайда сол болмақ.

Осы себепті өзіме шектеу қойдым, инстаграмның өз ішінде де сондай функция бар, инстаграмда отыруым 1 сағатқа жуықтағанда ескертпе келеді, содан бір күндік лимитімнің таусылғанын түсінемін де инстадан шығамын. Тамаша, рахат сезімдер кешудемін. Бірте-бірте алгоритм тұтқыны болып, құрдымға кетудің алдында қалғандаймын.

Өмір өтіп жатыр, ал сен соның 3 сағатын күнде скроллингке жұмсаудасың. Нендей өкініш!

Біз студент болған шақта әл.желі алгоритмі бүгінгідей емес еді, сол себепті оқуға фокус қоя алатынбыз. Бүгінгі студенттер арнайы құралдармен, жоспарлы түрде бас тартуға, шектеуге мүдделі. Сол үшін де назарға алғайсыздар. Келешекте өкінбес үшін, қазірден өзіңізге есеп бергейсіз.

#ой_түймекке #студентке_кеңес

Мысалы, студент кезде жауып тастау керек мәселелердің бірі — Құран оқуды үйреніп алу.

Мұсылманбыз, бәрібір күндердің-күні жүрекпен сеземіз, Құран оқу керек еді деген мәселемен ұшырасамыз. Студенттік кезеңде жақсы орта қалыптастыруға да осы сіздің Құран оқып үйренуіңіз сеп болуы мүмкін.

Ұстаз іздеп мешітке барасыз. Универден босаған соң мешіттегі дәріске аттанасыз. Сол жақта жүріп жақсы дос, қыздар жақсы құрбы табар… IQ мен SQ қатар дамиды.

#студентке_кеңес

الطاعم الشاكر كالصائم الصابر

Тамақтанып шүкір етуші, ораза ұстап сабыр етушінің сауабын алады.

(с) Хадис, Тимризи

#рухани_азық

Сөреңізде оқылмай жатқан кітаптарға да жоспар құрған игі. Мәселен, тізім жасайсыз, 1 айда осы кітапты бітірем, келесі айда осы деген секілді кесте құрасыз.

Яғни, кітаптарыңызға қарап “Мынаны оқысам ба, жоқ әлде мынаны ма?” деп бас қатырмайсыз, жоспар бойынша кестеде қай кітаптың кезегі, соны оқисыз. Кезінде сол кітапты алып жатқанда берері бар деп сеніп алдыңыз ғой, демек, шынында да берері бар. Егер кітап сыйлыққа келген болса, сыйлаған адам да берері бар деп тарту еткен болар.

Өміріңізде, өмірлік жоспарыңызда кітап оқуға орын болғаны құп. Сезім басқа. Өзіңізге адам екеніңізді сездіреді.

#ой_түймекке #студентке_кеңес

Ең соңғы 2 күн қалды…

Не нәрсеге?

Жалпы құны 200.000тг-ден асатын 12 курсымызды 10.000тг-ге беруге 😮‍💨✅

Өзіміздің сапалы, білімге негізделген онлайн-курстарымызды мұндай бағаға биылдыққа соңғы рет беріп жатырмыз.

Төмендегі сілтемелерді басып әрбірімен жеке-жеке танысып шыға аласыз (не өтіледі, не қамтылады ж/е т.б.).

Полиглот курсы (5 сабақ) = тегін.

Араб тілі 0-ден (15 сабақ);
Араб тілі кіріспе (Саудияда түсірілген) (15 сабақ) - ішінде Олжас ұстаз, Арман ұстаз, Нұрсұлтан ұстаздармен араб тілі туралы сабақтар бар.
Араб тілі жалғастырушы (24 сабақ) - Әл-Китабуль Әсәси кітабын аяқтау;
Араб тілі грамматика (18 сабақ) - Ән-Наһу әл-Уадых кітабы.

Ағылшын Beginner (16 сабақ);
Ағылшын Elementary (15 сабақ);
Ағылшын Pre-Intermediate (15 сабақ).

Орыс тілі 0-ден бастап (10 сабақ)
Орыс тілі интенсив (10 сабақ).

Түрік тілі А1 Стамбул пакеті (10 сабақ).
Ескі дәрістер топтамасы (24 сабақ).

Осының бәрі 3 жылдық доступпен = 10.000тг. Иә, 10мың тг тек бір мәрте төлейсіз, болды, 3 жыл бойы сабақтар сіздікі.

Бұл массово сату үшін, сол себепті кері байланыс болмайды. Менеджерлерден сайтқа қатысты, техникалық мәселер бойынша кез-келген уақытта көмек ала аласыздар.

170-ке жуық сабақ.

Алуға нақты сенімді болған кезде төмендегі реквизит бойынша төлем жасап, түбіртегін (чек) көрсетілген номерге жіберу керек болады.

4400 4302 4131 5982 (Kaspi карта)

+7 701 134 37 38 (Kaspi номер)

Арсен Ш. деп шығады.

Менеджер, чек жіберу

— Болашағым үшін қорқамын, не істеуге болады?

— Үлкен Ислам ғұламалары мұсылман емес хәлде өліп кетуден қорқатын болған. Имам Захаби өз биографиясында жазады:

وإذا سلِم لي إيماني فيا فوزي

“Егер иманым аман қалса…, паһ, бұл неткен тамаша жетістік болар еді”.

Имам Тақиюддин Әс-Субки өз ұлына жолдаған хатында жазады:

غاية مناي أن أموت مسلما

“Менің армандарымның шыңы - өмірден мұсылман болып өту”.

Darulfikr.ru порталынан

#ғалымдар_өсиеті

Мәлик ибн Динар (رحمه الله) айтты:

“Егер де жүрегіңнің қатайып, денеңнің әлсіреп, ризығыңның кеміп қалғанын байқасаң, білгің, өзіңе қатысы жоқ нәрсені сөйлеп қойғансың”.

(с) Файдуль-Қадир, 1/369

Azan.ru порталынан

#ғалымдар_өсиеті

Өзі бірнәрсені жасай алмайтынына сенген адам "Сен де жасай алмайсың" деп сендіруге тырысады.

Ол басқа, сен басқа.

#ой_түймекке

Ең соңғы 3 күн қалды…

Не нәрсеге?

Жалпы құны 200.000тг-ден асатын 12 курсымызды 10.000тг-ге беруге 😮‍💨✅

Өзіміздің сапалы, білімге негізделген онлайн-курстарымызды мұндай бағаға биылдыққа соңғы рет беріп жатырмыз.

Төмендегі сілтемелерді басып әрбірімен жеке-жеке танысып шыға аласыз (не өтіледі, не қамтылады ж/е т.б.).

Полиглот курсы (5 сабақ) = тегін.

Араб тілі 0-ден (15 сабақ);
Араб тілі кіріспе (Саудияда түсірілген) (15 сабақ) - ішінде Олжас ұстаз, Арман ұстаз, Нұрсұлтан ұстаздармен араб тілі туралы сабақтар бар.
Араб тілі жалғастырушы (24 сабақ) - Әл-Китабуль Әсәси кітабын аяқтау;
Араб тілі грамматика (18 сабақ) - Ән-Наһу әл-Уадых кітабы.

Ағылшын Beginner (16 сабақ);
Ағылшын Elementary (15 сабақ);
Ағылшын Pre-Intermediate (15 сабақ).

Орыс тілі 0-ден бастап (10 сабақ)
Орыс тілі интенсив (10 сабақ).

Түрік тілі А1 Стамбул пакеті (10 сабақ).
Ескі дәрістер топтамасы (24 сабақ).

Осының бәрі 3 жылдық доступпен = 10.000тг. Иә, 10мың тг тек бір мәрте төлейсіз, болды, 3 жыл бойы сабақтар сіздікі.

Бұл массово сату үшін, сол себепті кері байланыс болмайды. Менеджерлерден сайтқа қатысты, техникалық мәселер бойынша кез-келген уақытта көмек ала аласыздар.

170-ке жуық сабақ.

Алуға нақты сенімді болған кезде төмендегі реквизит бойынша төлем жасап, түбіртегін (чек) көрсетілген номерге жіберу керек болады.

4400 4302 4131 5982 (Kaspi карта)

+7 701 134 37 38 (Kaspi номер)

Арсен Ш. деп шығады.

Менеджер, чек жіберу

Студентке кеңес хештегімен жазылған жазбаларымызды шолып шыға аласыздар, берері бар, пайдасы мол деп білеміз. Сілтемені бассаңыз бірден жазбаға қарай көтереді.

1. Бакалаврдағы студенттік шақтың құндылығы

2. Рухани саулық

3. Уақыт құндылығы

4. Келесіні күтумен уақыт өткізу

5. Жоспарды қазір құру керек

6. Студенттік кезде ұйқының бұзылуы

7. Кітап жайлы

8. Студентке 5 кеңес

9. Томас Эдисон мысалы

10. Ақша жинай білу

11. Миллионнан бұрын 100.000

12. Эмоционалды дисциплина

13. Дұрыс резюме дайындап қою

Оқыңыз, пайда алыңыз, өзгеге таратыңыз, олар да пайда алсын, сіз де сол арқылы сауап алыңыз.

#студентке_кеңес

– 2025-ке ең ұлы мақсат?

– Бірде-бір намазды қаза етпеу.

Іздедім, тырыстым, бірақ таппадым деп айтпа. Шынайы ықыласпен іздеген адам табады.

©️Имам ибн Атаиллә әс-Сәкәндари.

Таңда тұрғанда подкаст тыңдайтын әдеттеріңіз болса, жаңа подкаст шықты, әсіресе студенттер үшін өте-мөте пайдалы дер едім. Бұл жерде тек менің айтқандарым емес, Данияр аға, Шраз мырза, Мирас мырзалардың да мысалдары ерекше.

Өзім бастан-аяқ енді көріп біттім. Сырттан қарағанда да жақсы шығыпты. Өзіме таңданып қарамадым, алайда Алла Тағала көкейге дұрыс сөздер салып бергеніне шүкір еттім, себебі студенттер шынайы пайда алса деймін.

Мүмкіндігінше студент таныстарыңызға жіберіп қойыңыздар, мүмкін сіздің септігіңізбен біраз “әттеген-ай”-дың алдын алып қалар…

Сілтемесі міне ⤵️

Студентке керек кеңес

Жазу = нақтылық. Жоспар, арман, мақсаттарыңызды жазған игі. Ой жинақтауға көмектеседі.

Бір қызығы, бұрында жазған заметкаларды, қойын дәптерге түртіп қойған дүниелерді шолып шықсам, бүгінде соның көп бөлігі орындалған боп шығады, Алланың қалауымен.

Яғни, ертеректе жазылып қойған дүние — сіздің ниетіңіз. Соған сай амал-әрекетіңізді жасайсыз, ары қарай нәтижесін көресіз.

#ой_түймекке

Студенттік шақта үйреніп тастау керек қабілеттердің бірі — дұрыс CV (резюме) жасай білу.

Жұмысқа, оқуға, бағдарламаға, стажировкаға тапсырар кезде сұралатын нәрсе. Өзіңіз жайлы, оқыған жерлеріңіз, қабілеттеріңізден жалпы хабар беретін портфолио іспетті.

Әлеуметтік желі парақшаңызда жасаған әдемі видеоларыңыз болса, солардың сілтемелерін қоюға болады. Сол арқылы сіздің талғамыңызға баға бере алады.

Мен YouTube-тағы өзім қатысқан подкасттардың сілтемесін қоямын. Бірнеше бағдарламаға өтуге сеп болған.

Яғни, студент кезде CV дайындап қойсаңыз, әр қатысқан жаңа нәрсеңізбен толықтырып қана отырасыз.

Көп жағдай болған, шетелдік бағдарламаға грант ұту мүмкіндігі бар, дедлайнның аяқталуына санаулы сағаттар қалған, ал студенттің қолында дайын CV жоқ. Себебі бұған дейін оған қажет болмаған. Алайда өмірдің әрбір сәті дайындық екенін ұмытпауымыз керек. Details matter.

#студентке_кеңес

Бүгін кешкі сағат 18:00-де KitapAl Podcast-тың мен қатысқан шығарылымы жарық көреді.

Алла сәтін салса жақында шығатын “Студентке кеңес” атты кітабымыздың тақырыптарын да қамтып кеттік. Студент һәм студент емес адамдарға да пайдалы болады деп сенеміз.

Басты жеткізгім келетін ой — өмірді мақсатты, жоспарлы сүру. Жоспар құру керек. Ол деген ниет. Жақсы мақсаттарға ниет етеміз. Ниетімізге сай Алла Тағала Өз даналығымен бізге бірнәрселерді береді, бірнәрселерді бермейді. Екі жағдайда да ең дұрысы, хайырлысы орындалады.

Бізден әрекет, Алладан берекет.

#студентке_кеңес

Өткенде әлдебіреудің жазбасын оқыдым, бүй депті:

“Енді үйленген жастарға той жасаудың орнына, сол тойға кетер ақшаны алғашқы жарна ретінде беріп, ипотекаға үй алып берген құп”.

Бір қарағанда жанашырлық, жақсылық іспетті…

Бүкіл айналадағы адамнан еститінім: “Біреуге төлегенше өз пәтеріңе төлеп отқан артық қой”.

Былай алғанда, енді отау көтеріп жатқан жас отбасыны қарызбен өмір сүруге тығып жібересің, басталмай жатып үйретіп қоясың.

Қарызға өмір сүру психологиясы өте кең тарап кетті. Ешқалай біреуді күстаналау, сөгу емес. Замандастарымның ойын сәл де болса қозғап қойғым келеді.

Енді үйленген жас отбасы сәл пәтер жалдап тұрып көрсін, өмірде піссін, пәтер іздесін, бір пәтерден келесі пәтерге жоқтай көрінген заттарымен көшіп көрсін… өмірдің бір кезеңдері ғой.

Бұл жерде шариғи үкімдерді сөз етіп жатқан жоқпын “Пайыз - харам” дегендей, оны менсіз-ақ біледі ел. Жеткізгім келгені, үйлі болудың басқа жолдары бар. Құдай-ау, кәсіп қылам, тірлік қылам дегенге, адал ақша табам дегенге көптеген есіктері ашық. “Елдің бәрі кредитте” дейміз ғой, бірақ мойындап та қоялық арасында, өзіміз ғой алып жатқан, иә?! Шығатын жол деп тек соны көріп қаламыз…

Бір жақын досымның мысалын жазайын, өзі түйген ойымен бөліскені. Автокредит алады. Сол көлікті бір апта мінді-мінбеді, үлкен жол апатына ұшырайды, шүкір, адамы аман. Ал көлікті қайта жинауға 6-7 ай кетіп қалды дейді. Содан ол көлікті сату да қиын болған, бірақ алатын адам табылып, ақырында сатылған. Осы оқиғадан соң кредитке жоламаймын деп айтқаны өзінің.

Бәрінің басында осылай болады деген нәрсе емес. Жай ғана ой түймекке.

Аз-маз қанағатты да үйренсек, шүкір дерміз, жоқ нәрсемізге емес, бар нәрсемізге қарармыз.

#ой_түймекке

Алла сәтін салса, осы жылдың тағы бір қорытындысы ретінде "Студентке кеңес" атты кітабымыз шығу керек. Енді 10 күндей уақыт қалды ғой, үлгермей қалсақ қаңтардың басынан қалмаймыз, ин ша Алла.

Не себеп?

Студенттер 1 айлық каникулға шығады, сол уақытта кітапты оқып, студенттік кезеңдерін жоспарлап, жыл басынан бастап нақтылы әрекеттерге көшсе екен. Жылдың басын, айдың басын, аптаның басын күтетін әдетіміз бар ғой. Солай күтетін адамдарда сылтау қалмайтындай жасау қажет.

Кітаптың атауы "Студентке кеңес" болғанымен, студент емес адамдар да пайда ала алады. Себебі баршамыз да өмірлік студентпіз. Алдында 23 беттік электронды нұсқасын шығарған кездің өзінде көптеген Feedback алдық, маңызды тақырып екенін бағамдадық.

#ой_түймекке #студентке_кеңес

Тәуелсіздік біз үшін ерекше қымбат. Жай бір-екі ауыз сөз жетпейді. Арнайылап инста-парақшада жазбаша пост шығарғаным бар, төмендегі сілтемемен өтіп оқып шықсаңыздар болады ⤵️

инста-жазба

Жазбаша посттардың қадірін білсе, осы телеграм-жамағат біледі деп сенемін, сондықтан да осында бөлісіп жатқан жайым бар. Әйтпесе екі жақтың тіршілігі екі түрлі өрбіп жатыр, бірінің сілтемесін біріне көп лақтыра бермеймін.

Сирия енді не болмақ?!

Сирияға қатысты түрлі пікірлер айтылып жатыр. Біз, әлбетте, ел болып аяққа тұрып кетуіне мүдделіміз.

Қазақстан — үлкен әлемдік қауымдастықтың бір бөлігі. Сол себепті әлемде орын алып жатқан кез-келген оқиғаның бізге әсері бар.

Мәселен, баз-біреулер Ресейдің құлап, ыдырап кетуін қалайды. Жарайды, Ресей ыдырағаннан кейінгі сценарий белгілі ме?! Ол оңай нәрсе емес.

Экономикалық тұрғыдан біз тікелей Ресейге байланғанбыз. Сауда-саттық жолдары, түрлі дәліздер, маршруттар өзгереді.

Оның тысында босқын мәселесі бар. Түрік қоғамымен бірнеше жыл бірге өмір сүргендіктен босқын мәселесін іштен көрдік. Ресеймен біздің шекара — әлемдегі ең ұзын шекара боп саналады. Ал енді Ресей ыдыраса үлкен дәрежедегі Ресейден келетін босқындар ағыны болуы мүмкін. Ондай тұрақсыздық кезеңде қылмыс деңгейі де артады. Отанынан айырылып тұрған халық ессіздікке даяр болады.

Мәселе көп-ақ…

Қазақ еліне соғыссыз, тыныш уақыт керек. Ибн Халдун социологиясына сай біздің мемлекет өте-мөте жас әлі. Аумалы-төкпелі заманда ел боп сол тыныштық қамын жасауымыз өте маңызды.

Әлемдегі жағдайлардың бәрі үлгі ретінде жеткілікті.

#ой_түймекке #запискиВостоковеда

مجد التاجر في كيسه ومجد العالم في كراريسه

Саудагердің ұлықтығы қалтасында,
Ғалымның ұлықтығы кітаптарында.

(с) Ізгілердің сөзінен

#ой_түймекке

Кеше түнде жазып отқан нәрсем еді…

Бірінші диссертациям осы Сириядағы Асад режиміне қатысты болатын.

Жалпы Асад әулеті Сирияда 55 жылға жуық үстемдік құрды. Енді міне, Башар Асад елді тастап, шетелге қашты, оппозиция Димашқ (Дамаск) қаласын алды.

2011 жылы орын алған “Араб көктемі” бірқатар елде биліктің ауысуына әкеп, бірнеше жүйені құлатқан-ды. Алайда Сирия президенті - Башар Асад Ресей және Иранның қолдауымен саяси алаңда қалып, халықты қантөгіспен басып-жаншыған болатын.

Араға 13 жыл салып ақыры жеңіліске ұшырады.

Сирия, жалпы есепте Шам жері, Дамаск қаласы террористік ұйымдардың емес, Ислам мұрасының көрнекі жері еді. Кезіндегі Әмәуи халифатының астанасы болған құтты мекен.

Жаңа кезең, жаңа толқын позитивті өзгерістер алып келсін, біздер шығыстанушы, зерттеуші ретінде сол жақтарға саяхат жасап, қайта қалыпқа келгенін көрсек деймін.

#запискиВостоковеда

Біздің телеграм арнаның атауы "Orientalist's Notes" болса да бұл жақта салама қатысты жазбалар шығармаймын десем де болады. Көптеген подкасттарға, кездесулерге тіл бойынша, білім бағыты бойынша шақырту аламыз, сол жағынан таныла түстік, былайша.

Ал өзімнің салам бойынша күн сайын мониторинг жасап, 4 тілде бірдей жаңалықтарды қарап отырамын, бірақ ол туралы жазбаймын. Шыны керек, жалпы контингент оқырманыма Сириядағы Тахрир аш-Шам қозғалысының және өзге де Башар Асад үкіметіне қарсы топтардың Хәләбті (Алеппо) басып алғаны қызық емес әрі маңызды емес. Арнайы осындай жаңалықтар үшін арна ашып, соны қосымша жүргізсем бе деген ой болған, алайда қатты бір сауап алатын іс емес екені ойландырды.

Анадолы түріктерімен бірге өмір сүрдік қой. Сонда қоғамның саяси қатты "білгір" болуы аса керемет нәрсе емес деген байламға келдім. Жалпы түсінік болсын, сол жетеді. Түрік БАҚ-тарын оқып отырсаң бүкіл Түркия халқы "саясаттанушы" дерсің...😁 Ооһ, басқа айналысар ісі жоқтай...

Халықаралық қатынастар саласының арнайы теориясы, зерттеу методологиясы бар. Пікірдегі адамдар шай ішіп отырып "талдап" тастайды ғой.

#ой_түймекке

Подкаст тыңдауды қосымша білім алу көзіне айналдырдым. Арнайы осы подкаст үшін деп YouTube премиум подпискасына жазылдым.

Бірінші ай тегін, кейін айына 6500тг екен. Білім үшін тұрарлық деп шештім.

Маған керек әрі ұнаған мүмкіндіктері:

• жарнама жоқ (жарнамасы деген толған фитна, қажетсіз ақпар, саған керек емес нәрселер);

• подкастты қосып қойып телефон экранын сөндіруге болады;

• YouTube-тан шығып кетіп, басқа жаққа кіре бересің, видео өшпейді;

• YouTube кэшіне подкасттарды жүктеп алып, офлайн түрде, телефонды әуе режиміне қойып тастап тыңдай бересің, мысалы, ұшақта болғанда маған өте жайлы болды.

Ертерек неге қолданбадым деп қоямын. Жарнамасының біткенін күтіп тұрасың, артынан екінші жарнамасы қосылып кететіні ше?! 😁

Сол жалпы. Подпискаға үгіттемеймін, қажет десеңіз, көп қолдансаңыз ыңғайлы екенін ғана жеткізгім келді.

#ой_түймекке

Нәрікби мырзамен болған подкаст қалай?

Реті келсе бір тыңдап шығарсыз. Подкаст тыңдауды да бір жүйеге келтірген жөн-ақ. Өзім үшін солай жасадым. Кезекке қойдым.

Жақында филистиндік арабша подкаст тыңдадым. “Алла Алла, ма ша Алла” деп отырдым… көбіне, сол диалектіні түсінуге мүмкіндік берген Аллаға шүкір ету сезімімен.

Қызық өзі. 5 жыл бұрын араб диалектілерін жек көретінмін, фусха ғана білу жеткілікті деген ұстанымда жүрдім. Шамдық шейхтардан дәріс алған соң, ұстаздың жанында еріп жүрген соң өзара көп диалектіде сөйлесетінін аңғардым, содан бірқатар тіркестер мен сөздерді ұғыну үшін бас қатырдым, орыс востоковедтары мен батыс ориенталистерінің жазған, құрастырған шамдық диалектісі бойынша сөздіктерін қарадым, 1-1.5 жылда ілгерілеу болды.

Саудияға оқу бағдарламасымен барғанда да жергілікті диалектінің көп сөздерін ұғынып, сөйлесу процесінде қолданатын болдық.

Ал енді диалектілерде подкаст тыңдаған тым бөлек екен. Миға салмақ салу күшті ғой. Тірі екенін сезесің. Түсініп отқаныңа өзіңнің миың жарылады. Ойлаңызшы, Алланың нығметі!

Сосын араб әлемінде атақты боп кеткен подкаст бар, Ибраһим Мәлидің “Әсир” арнасындағы, соны қарап шықтым. Оны маған ертеректе Ато деген шейх бауырым ұсынған-ды. Фусхада бастан-аяқ подкаст тыңдаудың ләззаты одан да ерекше. “Оф-оф” деумен боласың.

Әлем кең, ғалам шексіз, білім көп. Үлгі болар деп бір тізіп жазып шыққан жайым, ал.

#ой_түймекке

Арсен Шади: Түркия идеологиясы, Сауд Арабия мен Иран саясаты, Палестина шешімі / Narikbi LIVE 108

Бүгінгі подкаст қонағы – шығыстанушы, полиглот Арсен Шади мырза. Осыдан 5 жыл бұрын дәл осы подкастта алғаш рет жолыққан Арсен екеуміз бүгін шығыс әлемінің қыр-сырына үңілеміз.

Бұл шығарылымда біз өзекті әрі маңызды сұрақтарды қозғадық:
- Түркияның идеологиясы қандай бағытта дамып жатыр?
- Сауд Арабиясы жаңа саясаты арқылы нені көздейді?
- Иран мен Израиль арасындағы қарым-қатынастардың астарында не жатыр?
- Және ең бастысы – бұл оқиғалар біздің елге қалай әсер етеді?

Шығыс – сан қырлы, әрі күрделі аймақ. Ондағы жағдайларды түсіну арқылы әлемдік процестердің терең мәнін ұғынуға болады. Бұл тақырыпты тек кәсіби маманмен талқылау мүмкіндігі сізге жаңа білім мен терең түсінік сыйлайтынына сенімдіміз.

https://youtu.be/SdjLQXEuwMQ

Өміріміздің әртүрлі кезеңінде түрлі жағдаяттарға, оқиғаларға тап боп жатамыз. Бірде біреуді масқаралаймыз, кейде өзіміз масқара боламыз. Оның тысында ақымыз желінеді, біреу бізді қатты ренжітеді, есеміз кетіп қалады ж/е т.б. Соның бәрі ұмытылады. Егер ол ұмытылмаса, өмір бойы қорлық болар еді.

Ойлаңызшы, жаман түс көріп, соны өмір бойы ұмыта алмасаң, қалай болар еді?! Азабы қатты ғой.

Ұмыту — бізді даналықпен жаратқан Алла Тағаланың сыйы.

#ой_түймекке

Цените людей, в окружении которых вы не боитесь тупить.

Сағат тілінің 00:00-ден асып кеткеніне қарамастан осы бір жазбаны салып қояйыншы дедім.

Бүгін (нақтырақ дата бойынша кеше) өзім үшін жақсы бір әдет қалыптастырып бастадым. Бұл жазба да номиналды, жалпы, өзім үшін, ертең датасын көріп отыру үшін, өзіме есеп бере алу үшін.

Ал енді біреу тәсірленіп “қой, мен де жақсы әдет қалыптастырайын” деп қалып жатса, ол да жаман нәтиже емес.

#ой_түймекке #жақсы_әдет

«Өзіңе пайдалыға ұмтыл және әлсіреме!».

(Хадис, сахих Муслим)

اللهم إني أعوذ بك:
إن يحبني الناس فيك، و أنت لي مبغض

“Аллаһым адамдар мені сен үшін жақсы көріп, сенің маған ашулы болғаныңнан өзіңнен пана тілеймін!”

Алматыға келдім. Ұшақта не тыңдадым? “Кейін көру” тізімін аштым да, таңдауым ертеректе белгілеп қойған Оразәлі Досбосынов пен Ринат Зайытовтың айтысына түсті. Бір ағам айтқан ғой “Ууф” дейтін айтыс деп.

Айтыс тыңдамағалы көп болған екен. Соңғы жылдар, соңғы кезеңдердегі жиналған білім комплексінен өткізіп, жаңаша бір таныммен қарағандай болдым, өзгеше ашылғандай болды.

Сөз саптау, ұйқас тудыру, аз сөзге көп мағына салу, басын бастап аяғын жабу ж/е т.б. нәрселер ілінді.

Қазақша кітап жазып жүрген н/е жазам дейтін адамдарға арасында айтыс тыңдауға да болады екен деп қалдым, себебі түртіп алып отырдым біраз дүние.

Айтқандай, Алматы жылы екен. “Ма ша Алла” деп тыныстап қалдық.

#ой_түймекке

Жетістік = таңда тұру.

Осы нәрсені өмірімізге толыққанды енгізбейінше жетістікке жеткен болмаймыз.

Қиын, бірақ мүмкін.

Жетістіктің бастауы — қалауларыңа қарсы тұра білуде.

Ұйқыбас, маубас болсақ та ұйқыны реттеумен Алладан береке сұрап, таңда тұруға машықтана аламыз.

Әдет қылып тастау керек. Әдетің — мінезіңе айналады. Мінезің — сенің тағдырың. Яғни, өмір бойы өзіңмен бірге болатын нәрсе дейді Шаһкәрім атамыз (رحمه الله)

#ой_түймекке

Рас, студенттік шақта “Ертең қалай жұмыс табам, қалай ақша табам” деп бас қатырып ойламаған екенбіз. Оқы деді, оқыдық, оқи бердік. Араб тілін кемі 8 сағат оқымасаң ештеңе шықпайды деген соң соған нанып жасадық.

Яғни, қазір алдыңда қандай міндет тұр, соны жасау қажет. Студент — оқу керек. Онсыз да жұмысты өмір бойы жасайсың ғой деген оймен студенттік шақты өткердік.

Қазіргі буынға, іні-қарындас толқынға бағыт-бағдар берер бағдаршам боп берсек деген ниетпен кітап жазуға кірістік.

Дұға — ең үлкен қару ғой, негізі. “Ең болмағанда дұға етейік” деген дұрыс емес. Қолымыздан келетін, бір-біріміз үшін жасай алатын ең ұлы істерден — дұға ету.

Сол үшін бір дұға етіп қоярсыздар. 🤲🏻🤝

#ой_түймекке

Өзіме позитивті энергиямен қуаттайтын, ұлы істермен дерттендіретін адамдар ұнайды.

Айналаңда ондай адам таппасаң, кемі сондай адамдарды оқу керек әл.желіде.

Қазір түнде ұйықтамай болмашы нәрсе көріп жатам деген жоспар болған болса, таста. Ертеңгі күніңнің сапасын құртады. 1 күннің сапасы өмірге әсер етеді.

#ой_түймекке #енді_қайырлы_түн

Түнде ұйықтарда жақсы ниетпен, ертеңгі күнге деген жақсы үмітпен жатыңыз.

Жақсылық жоспары, дұрыс ниет — таңда тұруға сеп.

Таңда тұрсаңыз ырыс артық + бір іс артық.

Жасайтын іс, оқитын дүние, өзгертетін кемшілік, туралайтын қатынас, атқаратын жоба, тудыратын идея өте көп.

Әрекет. Сонда болар берекет.

#ой_түймекке #қайырлы_түн

Ғаззада (Палестина) залым Израиль үкіметінің шабуылдарынан зардап шеккен, үйінен қуылған, қазіргі таңда Ғазза бөлігінің оңтүстік жағына қарай қоныс аударған, сол жердегі босқындар лагеріне жайғасқан Мұхаммед Әл-Холиди есімді бауырымызды әл.желіде бақылап отырам.

Өмір сүруді тоқтатпауда…

Тіршілік етіп жатыр…

Қашан үстімізге бомба түседі деген үрейде…

Хубз (нан) алу үшін сағаттап кезекте тұрады…

Бұның бәрі кино емес, шынайы өмірде боп жатқан ақиқат.

Жақында YouTube-қа алғашқы видеосын “Study in impossible time” деген атпен салды. Мағынасы: Мүмкін емес кезеңде білім алу.

Мына сілтемемен өтіп міндетті түрде көріңізші, ok?!

Көп нәрсе түсінесіз, ойлы болсаңыз ой түйесіз.

Оқымауға сылтау жоқ қой бізде…

#ой_түймекке

Кейбір есте қалған түйіндер:

• Өз стандарттарыңды, өз нормаларыңды өзгеге тықпалама. Сенің отбасыңдағы әйеліңмен қарым-қатынасың өзгенің отбасына келмеуі мүмкін.

• Бір адамға кешке жұмыстан келіп, отбасымен отырып теледидар қараған ұнайтын шығар. Ол солай өзін бақытты сезінеді. Ал сен келіп оған шетелге шықпадың деп, жан-жаққа бармадың деп айып тағасың. Ол кредит алып Каппадокияда жүрмесе де қазіргі хәлімен бақытты болар.

• Демалыс кезінде маңызды нәрсе — дағдыны жоғалтпау. Оқу дағдысын бұзып алмау қажет.

(с) Аты жоқ подкасттан

Екі арада жұмыс мәселесімен бір жаққа барып-келген жолда Нұржан Смағұл ұстаз бен SciQ лақабындағы (атеистпін дейді) бір жігіттің диспутын тыңдап шықтым.

Балғын боп тұрғанда зәметкімді түртіп қоя салайын дедім. Кейін жылдар өтіп мұрағатқа қарап осы кезеңде немен айналысқанымды еске алу үшін.

Мұсылман болғаным үшін ғана өз танымыммен тыңдамадым, атеист жігіттің де аргументтерін тыңдап көргім келді.

Нұржан ұстазға Алла разы болсын, мұназара (диспут) жасаудың қағидаларын жақсы білумен қатар Ысқаққа сабақ беріп тастады.

Арасында ұстаздың сөздерінен “Оуф” деп отқан кездерім көп болды.

Ысқақ та ойлы жігіт секілді, ин ша Алла, иманға келіп қалар, мұсылман болар. Көп тупикке тіреліп қалып жатты. Есті болса, іздегені ақиқат болса, келер.

#ой_түймекке

Жазудан шаршадың ба?

Кейде жазушылардың өзі басқа авторлардан мотивация алады.

Мысалы, Ақселеу Сейдімбек былай дейді: «Көркем дүние жазарда Мұхтар Әуезовтің «Қорғансыздың күні» әңгімесін бір оқып шығу әдетіме айналған. Онсыз қолым жүрмей, ойым тұсалып, кібіртіктей беремін».

Егер сен де белгілі бір дүниені жазарда ой тоқырауына тап болсаң, өзіңе ұнамды тұлғалардың еңбегін оқып көр.

Дастан, Нұрсұлтан, Абылай ұстаздардың “Аты жоқ подкаст” атты серияларын толық тыңдап шықтым. Таңғы ризығым. Жолдағы уақытты осындай пайдалы нәрсемен толтырғызған Аллаға шүкір. Әрбір сәт — мүмкіндік.

Бүгінгі замандастарға, жастарға өте қажетті нәрселерді қамтыған подкасттарда.

Осы сілтемемен толық бөлімдерін көріп шықсаңыздар: сілтеме

Уақыт — құнды валюта. Бүгін сол уақытыңызды қайда, не нәрсе көруге жұмсап жатсыз, ертең алдыңыздан шығады. Жақсы/жаман боп нәтижесін береді.

#ой_түймекке

Қазақстан инфобизнесінде кейбір курстардың бағасы ессіз қымбат және кей жағдайда бағасы мен сапасы сай болмай жатады.

Оның себептерінің бірі ретінде социалстік өткенімізді көрдім. Сөзім бос болмас үшін әлеуметтану саласы аясында түсіндіріп көрейін (100% осы себепті демеймін, бір талдау ғана деп қабылдаңыздар).

Мысалы, әлеуметтануда, экономикада "Дефицит психологиясы" деген ұғым кең қолданылады.

Кеңестік дәуірде халық тұтынатын тауар тұрғысынан, азық-түлік тұрғысынан, алатын қызмет тұрғысынан көп дефицит көрді. Ата-аналарымыздың, үлкендердің әңгімесін тыңдасақ ол кезеңде көп нәрсенің қолжетімсіз, жеткіліксіз болғанын түсінеміз. Осындай background тауар бағасы мен сапасына қатысты белгілі бір деңгейде қоғамдық таным қалыптастырды деп пайымдаймын. Адамдар қымбат баға көрсе, демек бұл эксклюзивті, сапалы тауар деп қабылдай бастады. Әлбетте, біз Кеңестік кезеңді көрмедік, алайда бізге дейінгі буын көрген және сол кезеңде қалыптасқан қоғамдық таным солар арқылы бізге берілген.

Тағы бір фактор ретінде Кеңестік дәуірде шетелден келетін импорттық тауарлардың қымбат болуы деп көрдім. Үлкендерден бүгін де "Инәмәркі" (Иностранная марка) деген сөзді ести аламыз. Шетелден келген тауарға өзгеше қарау, оны жоғары бағалау өткен буында көптеп кездеседі. Содан да болар, қоғамда зат құны неғұрлым қымбат болса, соғұрлым сапалы деген таным қалыптасқан.

Онлайн-курс сататын бір кісілермен кезінде пікірталасқа түскенім бар. Сонда тура осы әңгімені естігенмін. Курстың бағасын арзан қылсақ, адамдар оны сапасыз деп ойлайды деген.

Сосын инфобизнесте "Өзіңді қаншалықты бағалайсың?" деген нәрсе бар. Сәл-пәл өзін ұстай алмай қалатын адамдар шашты жайып жібереді бағасын аспандатып. Орыс тілінде "Набивать себе цену" деген ұғым бар. Кей кезде біздің инфобизнесмендердің сондай қыры бааар енді. 😁 Набивать себе цену - ондай емессің, бірақ сондай боп көрінесің деген нәрсе ғой, жалпы.

#ой_түймекке

Білім алуға мүмкіндік табудың өзі тамаша нығмет.

Қаншалаған адамдар бар, бос уақыттары жай нәрселермен өтіп жатқан…

Біз бүгінгі жасаған әрекеттеріміздің ертеңгі күнімізге әсері боларын қатты ойланбаймыз, сол себепті де “қарын сипап” жатып қаламыз.

Мәселен, кеше бірге университетте оқыған группаласыммен жолықтым. Студенттік шақты еске алып, біраз сапар шегіп қайттық.

Абу деген жігіт, біршамаңыз танисыздар да, елге белгілі мобилографтардың бірі, соңғы 1-1.5 жылдан бері режиссура саласына қарай өсті, бүгінде Huawei, Saudi Exeed сынды гиганттармен жұмыс жасайды. Ол да шығыстанушы, қытай тілінің маманы (HSK 4).

Сол Абу өзінің студент кезіндегі режимі туралы айтып беріп жатыр. 1, 2 курста универ, универден соң Конфуций орталығы, одан шығып жаттығуға, жаттығудан шығып түнде тойға шығамыз дейді қосымша ақша табуға, содан үйге келесің, құлайсың. Ағасы екеуі стипендиясын қосып, 10 мың тг-ге бір айға азық-түлік алады, 10 мың тг-ге автобуста жүретін проездной, ар жағында азғантай тиын-тебен қалады, ол да нан-панға.

Қай жерден не үйренуге болады, қандай қабілет дамыта аламын деп жанып тұратын. Қытай тілін дамытуға қосымша курстар да оқи алмайтынбыз дейді, себебі ол кезде ондай курстар жоқтың қасы және болса да, оған төлейтін ақша жоқ кезең.

Бүгінгілерге күніміздің мүмкіндіктерінің қадірін білмек керек.

#ой_түймекке

Инстаграмда соңғы рилстың астына “Тіл” деп жазсаңыз “Полиглот” атты курсымызды тегін ала аласыз.

Полиглот курсынан не аласыз?
⠀
• Тіл үйренудің маңызы;
• Тілді қалай үйреніп бастаймыз?
• Тіл үйренудің қандай тәсілдері бар?
• Тіл үйрену арқылы таным есіктерін қалай ашамыз?
• Тіл үйрену өмірімізге қалай әсер етеді?
• Тіл үйрену арқылы табысымызды арттыра аламыз ба?
⠀
Осы ж/е т.б. көптеген маңызды нәрселерді қамтып өттік.
⠀
“Полиглот” курсын көріп болғандарға тағы да қосымша керемет сыйлық болады 🤫🎁🤝
⠀
Жақсылыққа нұсқаған соны жасағандай сауап алады дейді хадисте. Сол себепті жақындарыңызға, шын жаныңыз ашитын, білім алсын деген адамдарыңызға осы видеоны жіберіңіз. ✅
⠀
#TilBil_Polyglot #әлем_кең

Үшінші немесе төртінші сынып. Айдар деген сыныптасым екеуміз мектептегі бір іс-шарада Ерболат Құдайбергеновтің “Мен қазақпын” деген өлеңін айтқанбыз. 😅

Өлеңнің минусын жасату керек болған, бірақ соны дұрыс жасап бере алмады ешкім. Содан артында Ерболат мырзаның дауысы шығып тұрады, біз Айдар екеуміз жыртып тұрып сол өлеңді айтып бердік. 😁

Әкем келген ғой тамашалауға. Кейін қайсібір туыстардың жиынына барсақ та әкем соны айтып мақтанатын: “Менің балам мен қазақпын деп өлең айтты ғой мектебінде” деп…😅

Осы жақында есіме түсіп кетіп “эх” деймін ғой. Әке үшін баласының кішкентай, болмашы қадамдарының өзі үлкен көрінеді, сол үшін кеудесін мақтаныш кернейді екен-ау…

#ой_түймекке

Алдында "Зейін" оқырмандар клубында Джек Лондонның "Мартин Иден" деген кітабын талдап, сол бойынша кездесу өткізіп едік. Сонда айтылған негізгі ойларымның бірі келесідей еді:

Алайда өмірдің ақиқатына тап болған шақта Иден, сол ақиқатты көтере алмайды. Ешкім болмаған кездегі Иден мен атақты болған кездегі Иден – екеуі де бір адам, алайда адамдардың оған деген қатынасы әртүрлі. Мартин Иден осы нәрсені түсінбейді, қабылдағысы келмейді, неткен екіжүзділік деп пайымдайды.

Бірақ Мартин түсінбеген нәрсені біз түсінуіміз керек. Жалпы қоғамға ештеңе жасамасаң, пайда келтірмесең, шынында, қажет емессің.

Шәкәрім (Алла рақымына алсын) атамыз айтады: “Адамдық борышың – халқыңа қызмет қыл”. Белгілі бір білімге жеткен соң өзімізге жауапкершілік алып, елдің жүгін арқалай алатындай болуымыз қажет. Сен бірнәрсеге жеткен кезіңде ғана сенімен араласқысы келетін адамдарға ренжіп қажет емес. Ол заңдылық. Соны қабылдай білу керек. Берері жоқ адаммен ешкім араласуды қаламайды.

Әлбетте, романда аздап оқиға желісі басқаша өрбиді. Кезінде Иденді менсінбеген адамдар аты шыққан соң алдына өздері келе бастайды. Бірақ Мартин ешкім емес болған кезінде де қолдау берген жандардың бар екенін ескеру қажет.

#ой_түймекке

Ай соңы Алматыдамын, Алла сәтін салса.

• KitapAl Podcast, ол жерде “Студентке кеңес” тақырыбында сөйлеймін.

• KitapAl Talks, ол жерде “Бізге бейтаныс Шығыс” тақырыбында сөз саптаймын.

Алматылықтар барып көрермен ретінде де қатыса алады екен. Жобаның инста-парақшасына кіріп толық мәліметтерді көре аласыз.

#студентке_кеңес #KitapAl

20 жасар кезде түрлі сұхбаттарға, телевизиялық жобаларға, подкасттарға шақырса алып-ұшып бара беретін едім. Ол кезде қателесіп қалам-ау деген секілді алаңдамайсың, ауыздан шығатын сөзге жауапкершілікпен қарамайсың аса…

Қазір бір жаққа шақырса ойланатын болыппын. Бұған дейін айтылды ма, айтылмады ма, тақырып аясында өзімнің берерім бар ма, жоқ па деген сынды. Сосын, айтылатын сөздің жауапкершілігін, салмағын ойлана бастайды екенсің.

Сірә, бұл да бір өскендік шығар, иә?! 🥲

#ой_түймекке

Ер азаматтардың бүгінде әлсіреп қалғаны құпия емес. Қазақтың бұрынғы ат үстіндегі салты жоқ, оның тысында спортпен шұғылданып жүргені шамалы. Түрлі қосалқы замануи факторлар жетіп артылады…

Кеше адал кәсіп жасап адал ақша табу туралы жазып едім ғой. Солай адал кәсіп етіп, адал рызық-несібесін теріп жүрген бауырымның ұсынатын жақсы өнімі бар.

Ер азаматтарға арналған, бойға күш беретін, халал, тексерістен өткен, бүкіл құжаттары қамтылған бал.

Тек үйленген жігіттерге деп қояйын, ал:)

Толық ақпарат ⤵️

WhatsApp номері

Подкасттардан көп пайда алуға болады. 1 сағаттық подкастты 40 минут шамасында бір жерге барып-келе жатып тыңдап аяқтадым. Алған пайда көп.

Соңғы тыңдаған подкаст міне, Әбілқайыр ұстаздың қаржы сауаттылығы турасында айтқандары.

Байлық = тәуелсіздік.

Ешкімге алақан жаймау, күніңді ешкімге қаратпау турасында жақсы ойлар айтылды.

Банктер ұсынатын рассрочка, бөліп төлеу = шындап келгенде, келісімшарт бойынша кәдімгі кредит.

Халалды харамға айырбастап алмау қажет. Ақшаның басын құрап, соны көбейтуге жұмыс жасау маңызды.

Кредит — шығатын жол емес, керісінше, берекетсіздіктің бастауы.

#ой_түймекке

“Студентке кеңес” атты кітабымыз дайындық үстінде. Алла сәтін салса, осы жыл аяқталмай баспадан шығу қажет.

1 ай алдын электронды нұсқасын (23 бет) сатылымға шығарып, оқырман реакциясын тексеріп едік. 1000-нан аса адам алып, кітапты қолдаушылар деген тізімге аты-жөндерін енгізген болатынбыз.

Баспадан шығатын кітап 180-200 бет арасында деп жоспарлануда. 23 беттің өзінен орасан зор пайда алған адамдар 200 беттің қадірін ерекше білер.

Ауа емес екеніне көз жеткен оқырмандар “ертерек шықсын” деп тілек білдіруде.

“Әумин” деп қойғайсыз. 🤲🏻

#студентке_кеңес

Алланың қалауымен башқұрт бауырларымыз бастаған 40 күн таң намазын мешітте жамағатпен оқу челленжін аяқтадық.

Челленж мақсаты — жақсы үлгіні насихаттау және өзімізде де сол әдетті қалыптастыру еді. Шыны керек, әдетте таң намазы үшін мешітке бара бермейді екенмін. Көптеген бауырлар да жақсы тәсір алды деп сенеміз.

Жақсылыққа себеп болған, соған жол нұсқаған адам жасағандай сауап алады деген мағынадағы хадисті білеміз. Себепкер болған бауырларға рахмет, үміттіміз, біз де өзге адамдар үшін себепкер бола білдік деп.

Енді кешеден бастап #quptan_namaz деген хештегпен 40 күндік құптан намазын мешітте жамағатпен оқу челленжін жібердік.

Таң намазы челленжіне де, құптан намазы челленжіне де қосылам деушілерге мархаба. Өмірді жақсы жаққа өзгертуге ешқашан кеш емес.

Әл.желі — құрал. Жақсылыққа пайдалансақ та, жамандыққа пайдалансақ та өз еркімізде.

Әл.желі парақшаларын ойын-күлкі, уақыт өлтіру құралы деп қабылдамаған жөн. Керісінше, даму құралы деп қарасақ игі.

#ой_түймекке

Имам Шафиғи (رحمه الله) білімге 6 нәрсесіз жете алмайсың деп өлең жолдарында жазып келеді де, соңында “Уақыт кеңдігі, ұзақтығы қажет” дейді.

Бұны қалай түсінсек болады?

Біз, әдетте, қандай да бір ілімді үйреніп бастасақ, мәселен, тіл үйренуге кіріссек нәтиженің бірден болғанын күтеміз. Бір-екі адым жасап, болмай жатса қол сілтеп кете береміз. Табандап, ыждағат танытып, уақыт арнап, сабырмен нәтижесін күте білсек, араға жылдар салып еккен егіннің гүл ашып бастағанын көрер едік.

Аяқ асты байып кету, аяқ асты білімді болып кету, аяқ асты қолына билік тиіп қалу сынды адамдардың мысалы шын білім ізденген жанға үлгі болмау керек.

Еңбек етіп, сол еңбектің адал жемісін көруді жазсын.

#ой_түймекке

3 апта бұрынғы жұма намазында болса керек… Астанада әлі қар түспеген. Намаздың уақыты таяғанда барып қалдым мешітке. Содан ақырындап далада бір бұрышқа жайғаса бердім.

Үстімде пальто, соны төсеп тұра қалам деген ой. Аз уақыт өткен соң арқа жақтан бір аға “Бауырым, менің спортивкамды төсеп алшы, пальтоға қарағанда бүлінбейді, оңай тазаланады” деді де киімін ұзатып жіберді.

Енді Алла разы болсын дей беріп едім, тағы басқа бір ағамыз “Жігіттер, ығысайық” деп бір жайнамазды алып берді де “Осының үстіне тұрып емін-еркін оқышы” деді.

Ертеректе ұстазым айтып еді: “Мұсылмандардың ішінде жақсылық көп, тек үлгі беретін адам болса болғаны, соның амалына ереді” деп.

Расында ғажап бауырлық!

#ой_түймекке

Адамға алғыс айта білу де өте маңызды, себебі адамға алғысы жоқтың Құдайға шүкірі жоқ дейді.

Ертеде Марокко Корольдігінде оқуда болғанда Мухаммад Әмин есімді Кот Д'ивуарлық қари ағамен таныстық. Жалпы, өмірімде алғаш кездестірген Құран хафиздарының бірі еді.

Сол Мухаммад Әмин ағамыз шай құйып берген адамға да алғыс айтуды ұмытпа дейтін. Ол сенің бір қызметіңді өтеп берді, саған пайдасы тиді, шай құйды, мойныңда қарыз қалмасын “шукран” (рахмет) деп айт дегені есімде қалды.

Деңгей.

#ой_түймекке

Қолыңнан келіп жүрген қандай да бір іс бар болса, соны жақсы атқарып жүрген болсаң өзіңе қатты таңданып, ғажаптанба делінеді. Себебі ол нәрсені Алла Тағала қазір саған жеңіл етіп тұр.

Мәселен, таң намазына тұру жеңіл соғады делік. Енді сен келіп таң намазына тұруға қиналатын бауырыңды сөгесің “Не осы сендердікі таңда сасып ұйықтай беру?!” деген сынды…

Адамның ниеті дұрысталу мен дұрыстау болмаса, ертең әлгі ісі оған қиынға соға бастайды және арты мүлдем намазға тұра алмауға әкелуі мүмкін.

Ескерту — сөгу емес, айыптау емес.

Ескерту — шынайы махаббатқа құрылса игі.

#ой_түймекке

Өзің өзгермесең, өмірлік проблемаң да өзгермейді.

Не бар?

Жаман мінез, жалқаулық, жүйесіздік, енжарлық ж/е т.б., бұның бәрі адамның өзімен бірге. Көп өмірлік проблемалардың басында тұратын да солар.

Салдармен емес, себептің өзімен күресу.

#ой_түймекке

Таңғы ас — патшаның асындай болсын,

Түскі ас — байдың асындай болсын,

Кешкі ас — кедейдің асындай болсын.

Бізде бәрі керісінше, содан да денсаулық нашар дейміз.

#ой_түймекке

Таңда алып жүрген ризықтарымның бірісі:

Мешітке жаяу баруға 15-20 мин. кетеді, кері қарай тағы тура солай. Сонда 35-40 минут делік орта есепте (бару-қайту).

1-1.5 сағаттық подкасттардан кезек-кезегімен тыңдап жатырмын, жылдамдығын х1.5-х1.75-ке қоямын. Тек таңғы уақытта. Яғни, басқа уақытта арнайылап отырмастан.

Жаңа ақпарат, білімдер алған сайын білмейтін нәрсеміздің сондай көп екенін ұға береміз. YouTube платформасын дұрыс пайдалансақ нағыз қазына екенін түсінеміз.

Heyecan.

#ой_түймекке

Ұйқы ретті болса, ісің ретті болады. Ерте жатып, таңда ерте тұру — жетістік негізі.

Бұл үмметтің берекесі таңда.

Өзгеріс нүктесі — таң.

Код доступа — таң.

Оңай емес. Алайда мүмкін.

#ой_түймекке

Егер дипломды өзің жазбайтын болсаң, біреуге жаздырып өз атыңнан ұсынар болсаң, ол мамандықты оқу қаншалықты қажет?! Сол саланың маманымын деу қаншалықты орынды?!

Бұл сөгу емес, жай ғана сұрақ…

Ақша табу жолдары, көздері көп. Универ оқып бітіру деген өмірлік қағида емес. Бәрі бірдей тауысып, ғалым болуы шарт емес. Алайда бір қалаумен мамандық таңдап, сол жолға түскен соң, соңына дейін адал болып беру керек-ақ.

Отбасы жағдайы, өмірлік фактор, жұмыс, бала-шаға ж/е т.б. себептермен өзім дипломдық жұмысымды жаза алмай жатырмын, уақыт жоқ деуге болады. Иә, одан да сол нәрселермен айналысып, соған көңіл бөлген дұрысырақ емес пе?!

Мамандық алу керек деп қана мамандық игереміз бе?! Диплом алу керек деп қана диплом аламыз ба?! Өмірде басқа да жолдар көп. Ал енді білім алу жолын таңдаған соң, қиындығы мен талабын біліп келеміз.

Әсіресе магистратура, докторлық оқитын жандар. Не үшін оқисың?! Бакалаврдан кейін жалғастыруға ешкім мәжбүрлемейді (қоғамдық деңгейде). Ал енді түсініп тұрып магистратура, докторлық оқуды таңдаған соң жүрдім-бардым өтірік бітіріп алар болсақ, нәтижеде магистр, доктор, Phd атақтарын алармыз, алайда қаншалықты лайықты боламыз, және бір үлкен сұрақ туғызар мәселе…

#ой_түймекке

Кофеге қатысты қалыптасқан мендегі үрдіс.

Түскі 12-ден соң мүлдем ішпеуге тырысам (99% жағдайда).

Таңда ерте ішер болсам американо, 9-дан аса ішер болсам капучино (сиропсыз, қантсыз н/е кейде айриш қана).

Түскі және кешкі ұйқы жақсы. Кофе ішкен “круто” екен деп беймезгіл қабылдай беру қазір жоқ.

Дені сау кофе — таңда ішілген кофе делінеді.

Денсаулық аманатын дұрыс сақтауды жазсын.

#ой_түймекке

Толық ақпарат қажет болса осында ✅

Чектерді скриндап, кесіп, тарихша қып жасау уақыт алып кетті :)

20 орын қалды жалпы ✅

Алғандарға берекелі болсын!

Тағы да еске салайын, приоритетті умраға, жалпы сыйлыққа қоймасаңыз. Ұтып жатсаңыз, ма ша Алла, ұтпай қалсаңыз қайғырмайтындай амал жасасаңыз игі. Ин ша Алла, бір адамға міндетті түрде бұйырады.

Тәәк, темп күшейіп бастады 😮‍💨

30 орын қалды ✅

Сомен 2024 қабылдауы жабылады ✅

إن شاء الله

40 орын қалды 😮‍💨💣🔥

Осы жылдың соңғы қабылдауы онлайн-курсқа ✅

Бір ірі сатылып жасап, қаңтарға дейін курс жұмыстарынан аздап тынықсақ деп ниет еттік, сол себепті осы лекте сатып алушылар ішінен рандомды түрде бір адамды УМРАҒА жібереміз, бір адамға садақ береміз, сосын бірнеше адамға кітап сыйлаймыз 🥳🤝

Біз, қазақ, комплексі бар халықпыз. Кейде мойындағымыз келмейді, бірақ сол нәрсенің түгел өзі, кей жандарда ізі бар. Бакалаврда оқып жүргенде мен де (өзім аңғармаған хәлде немесе аңғара тұрып мән бермеген хәлде немесе мән бере тұрып елемеген хәлде) орысша көп сөйлейтінмін. 4 жыл оқу ішінде бойға сіңіп, болмыстан көрініс тапқандығы сондай, дүкендерге кіргенде сатушы емес, бірінші болып өзім орысша сәлемдесетінмін. Тілдік комплекс. Қазақша сәлемдессең төмен боп қалардай деген ішкі кембағал сана. Ол кезде бұлай өзімдікін мойындай алмайтын шығармын, алайда қазір жазып отырмын.

Жылдар өтіп, түрлі жолды кешіп, шетелде тұрып келген соң санам құбылғаны сөзсіз. Өстім де. Сана тұрғысынан, рухани тұрғыдан. Дәл қазіргі хәлімде өзімнің қазақша сөйлейтінім, қазақша сәлемдесіп, тек қазақша сөз бастайтыным бір өзіндік ләззат береді. Азды-көпті өзіңе бірнәрсе дәлелдеген соң ба, көп тіл білген соң ба, не нәрсе екенін анық таба алмадым, бірақ өзгелер "орысша білмейді екен" деп ойлап қалар деген нәрсе мүлдем мазаламайтын болыпты.

Қазақ тілі үшін деп күйттеп жүрген жандардың көбінің (бәрінің демедім) ішінде осы бір дерт бар. Қанша жерден "қазақша сөйле" деп айтып жүрсе де, түбінде орыс тілін білмегенінен туған қарсылық деп пайымдаймын.

Азды-көпті сіздің де санаңызда бар шығар. Біздің өзіміз тәуелсіздікте туған, тәуелсіздікте өскен жастар болсақ та, постколониалды дәуірге тап болдық. Сондықтан өткен тепкінің ізін татудамыз.

Оңалу, оңалту, әлеуметтік сананың жаңа операциялық жүйесін орнату жауапкершілігі біз бен сізге жүктелген деген болар едім. Телеграмда оқитын, оқуға бейім жандар отырады деп сенемін. Сол себепті осы жерде жақсы-жақсы ойларыммен бөлісіп отырғанды құп көремін. 10 мың адамның біріне тәсір ете білсек, сана төңкерісіне қосқан үлесіміз болар.

#ой_түймекке

50 орын қалды ✅

55 орын қалды ✅

60 орын бар ✅

68 орын қалды ✅😮‍💨💣

Араб тілі, ағылшын тілі, түрік тілі, орыс тілі бойынша онлайн-курсымызға тіркелуді қалаған жандар үшін хабарландыру!

Соңғы 75 орын қалды.

75 орын толуымен қабылдауды тоқтатамыз. ✅
⠀
Араб тілі:
⠀
1. Кіріспе
2. Жалғастырушы
3. Грамматика тобы

Бәрі бірге кері байланыспен (5.5-6 ай) 30.000тг
⠀
Ағылшын тілі:
⠀
1. Beginner
2. Elementary
3. Pre-Intermediate

Бәрі бірге кері байланыспен (4.5-5 ай) 30.000тг
⠀
Түрік тілі:
⠀
1. А1
2. А2
3. В1
4. В2
5. С1

Бәрі бірге кері байланыспен (5.5-6 ай) 30.000тг
⠀
Орыс тілі:
⠀
1. 0-ден
2. Интенсив

Бәрі бірге кері байланыспен (3 ай) 30.000тг
⠀
Курстар арнайы жазылған видео-дәрістер арқылы ✅
⠀
Құрметті достар! Толық ақпаратпен веб-сайтымыздан танысып, алуға сенімді болған жағдайда барып төлем жасасаңыздар! ⤵️

https://shadi-courses.kz/courses/tilbilandumra/
⠀
Төлем жасау үшін ⤵️
⠀
Кері байланыссыз: 14.990₸ (бір тілден)
⠀
Кері байланыспен: 30.000₸(бір тіл бойынша толық пакет)
⠀
Орын алып қалу үшін: 5000₸ (3 күн ішінде толық төлем жасау керек)
⠀
Реквизит:
⠀
4400 4302 4131 5982 (Kaspi карта)
⠀
+7 701 134 37 38 (Kaspi номер)
⠀
Арсен Ш. деп шығады ✅
⠀
Төлем түбіртегін (чекті) көрсетілген номердің WhatsApp-ына жіберу керек:

https://wa.me/77011343738
⠀
Сәттілік!
⠀
#TilBil_Polyglot #әлем_кең #өміріңді_өзгерт

Кофе ішуге азғантай үзіліс алғаным бар жұмыс арасында. Мынау конкурсымыз жайлы жазайыншы…

Достар, бұл жердегі мәселе — білім. Тіл курстарын қолжетімді бағада ұсындық, осы жылдың соңғы наборы дедік. Шынайы өзіңіздің қажетіңізді анықтаңыз, тіл білімі керек деп тапсаңыз, оқыңыз.

Ал умра, садақ, кітаптар — жай ғана ынталандыру. Сол курсты алған, білімге құмартқан жандардың ішінен біреулерге бұйырары сөзсіз. Сол себепті де рандомды түрде анықтасақ дедік. Приоритетті оған қоймағайсыздар. Әдеттегідей, тіл курсын алып жатқан, білім іздеген жан бола беріңіздер.

Алла кімге бұйыртады, сол адам умраға барып қайтсын, ин ша Алла. Бірақ уәде — міндетті түрде барады.

Және бір түсіну керек нәрсе — умраны, сыйлықтарды алдын-ала ұйымдастырып қойғанбыз. Осы сатылымнан түскен ақшаға сол сыйлықтарды ұйымдастыру Ислам шариғаты бойынша харам болады. Яғни, көп сатылым жасаймын, содан умраның ақшасын шығарамын да бір қатысушыны умраға жіберемін деген нәрсе болмайды. Азғантай дүниелік нәрселер үшін діни қағидаттарымызды бұзбаймыз. Курс жасаушы адамдардың ойына келіп жатқан идея болса, харам жолдардан аулақ болу қажетін ескертеміз.

Білімге құмартқан жан болсаңыздар екен деймін. Адамды өзгертетін, өсіретін, жеткізетін құрал — білім. Сол себепті де білімді мен білімсіз тең бола алмайды.

#ой_түймекке

Онлайн-курсымыздағы видео-дәрістерді өзім монтаждаймын, себебі тілдерге қатысты дәрістер болғандықтан монтаж жасайтын жігіттер кейбір нәрселерді түсінбей жатады н/е білмей жатады. Қате кетпес үшін, сапалы етіп жасау үшін өзіміз сағаттап отыруға мәжбүрміз. Бірақ сол процесстің өзі ләззат сыйлайды. Өзіңе ұнайтын іспен ақша табу деген де бір нығмет екен.

#еңбектің_наны_тәтті

Аллаһым, Өзіңнен мен білетін және білмейтін хайыр-жақсылықтың бәрін сұраймын;

және де Өзіңнен мен білетін және білмейтін бүкіл жаманшылық-зұлымдықтан пана сұраймын.

#таң_береке_дұға

Таңның берекеті болсын, құрметті достар!

Кешегі жұма жеңілдігі аяқталса да, курс бағасы әлі де қолжетімді.

Сілтемеге өтіп, асықпай, зерделеп танысып шығыңыздар курстарымызбен. Содан кейін барып алам десеңіз төлем жасаңыз.

Видео-дәрістердің де бір-бір сабағын тегін шығарып қойдық, себебі ниет еткен адам дұрыс таныссын, кімнен не алайын деп жатқанын білсін деген мағынада.

#TilBil_Polyglot #өміріңді_өзгерт

Қазір инстаграмда @welcomenur деген бауырымыздың контенті ұнап жүр. Орыс тілінде жүргізеді. Қателеспесем, қарағандылық.

Шынымен пайдалы болсам деп жүрген ықыласы сезіледі. Салып жүрген тарихшалары мен рилстары маған өтіп жүр.

Мен де өзгелерден пайда аламын, осы сынды санаулы кісілерді оқып тұрам.

Сондай, таңертең ерте тұрып іс қылатын кісілер жігерлендіреді.

#ой_түймекке

Осы сілтемемен өтіп, курстардың тегін пробный сабақтарын қарап шығыңыз.

Қараша мен желтоқсанда жаңа набор болмайды. Жыл соңында керемет мүмкіндікпен курсты алып қалуды қаласаңыз, ертерек әрекет етуге шақырамыз.

300 орыннан 115 орын қалды. ✅

Сілтеме төменде ⤵️

Сабақтарымызға сенімдіміз, сол себепті ұялмай көрсете аламыз. Жаңа тіл бастап үйренем деп жүргенімізде жыл аяқталуда. Текке кетпесін, бізбен бірге тиімді бастап алыңыз. 😎

https://shadi-courses.kz/courses/tilbilandumra/

Бауырлар, Алланың қалауымен, бір бауырымызға қолдау көрсетейін деп жатырмыз.

Аталмыш бауырымыз Түркияда университетте білім алып жатыр. Күтпеген жерден оқу ақысын төлеу керек болып қалған. Бұл қаражат аз сома емес, бұған дейін ол өз бетімен төлеуге тырысып келген, бірақ қазіргі жағдайда біздің қолдауымыз маңызды болып тұр.

Ол бауырымыз ешкімнен көмек сұрайтын адам емес. Университет пен медреседегі дәрістерін қатар алып жүрген жігіт.

+7 702 464 9879 Асхат

Және бұдан кейін каналда жақын арада сборда ашпайтын болармыз.

Ол (Алла) сендерді жер бетінің халифалары қылды және сендерді берген нығметтері арқылы сынау үшін (байлық, мансап, күш-қуат, ақыл-ой тұрғысынан) біріңді біріңнен түрлі дәрежеде үстем етті. Шүбәсіз, Раббың (уақыты келгенде) өте жылдам жазалаушы, сондай-ақ Ол – Ғафур (тәубеге келгендер үшін өте кешірімді), Рахим (әсіресе тәубе етіп, Өзіне бет бұрған мүмін құлдарына ерекше мейірімді).

(«Әнғам» сүресі 6:165)

#ой_түймекке

Кедейліктен қорқып өз балаларыңды (құрсақта жатқанда да, дүниеге келгеннен кейін де) өлтірмеңдер, сендердің де, олардың да ризығын беретін Бізбіз.

(«Әнғам» сүресі 6:151)

#ой_түймекке

Таң берекесін мұсылман адам да, мұсылман емес адам да сезеді.

АҚШ тәжірибесі есімде. Көршілеріміз таң атқан сәттен жүгіруге шығатын, сосын міндетті түрде таңғы кофесін қолына алып не кітап оқиды не бір ісін бітіреді.

Мен, қайбірде АҚШ-та аппендицит болып, ота жасатқаным туралы жазып едім ғой. Сонда ауру түнгі 3-те басталған-ды. Таңға дейін қиналып, аунап, құсып (8-9 рет), таңғы алтыда төрт аяқтап барып көршінің есігін қақтым көмек сұрап. Американдық, түбі ирландық жұп тұратын, ерлі-зайыптылар. Сонда әйелі есікті ашты, қолында таңғы кофесі бар еді. Картина әлі көз алдымда. Яғни, мыжылып, ұйқыдан енді тұрған жоқ, ояу-тын.

Мені емханаға апара аласыз ба деген өтінішіме Тамара есімді тәтей еш қиналмастан бірден келісіп, лезде көлігімен шығып кеткенбіз. Сондағы таңның берекесі ғой деп қоямын. Ол уақытта ұйықтап жатқан бірісі болса ше?!

#ой_түймекке

Арна авторы телеграм каналға кімнің кіргенін және кімнің шыққанын көре алады. “Соңғы әрекет” деген бөлімде бәрін аты-жөнімен көрсетеді. 😁

Кімнің “хизметші” екенін біліп алдық дейін бе?! 🥲😁

#сәл_сәл_әзіл

Сонымен, Фетхуллаһ Гүленге қандай қатысым бар, соны жазайын (инстаграмда уәде еткендей)

Бір қызығы, ешқандай. Бар қатысым, ертеректе “Көкжиек” баспасынан шыққан Фетхуллаһ Гүленнің қазақшаға аударылған кітаптарының бірнешеуін оқып көргеніміз. Жалпы, ол кезеңде бүкіл Қазақстанда оқылды, себебі қазақша кітап жазатындар да аз еді, оның ішінде діни кітаптарды. Ал былай, ортаның шайына да бармаппыз, майынан да татпаппыз.

2015 жылы соңына түсіп зерттеп-зерделеп, жан-жақтан сұрастырып, нендей қауіпі бар деп ізденгеніміз бар.

Инстаграм тарихшамда тарихи тұлға ретінде зерттелу керек дедім. Иә, солай. Тек біржақты ойлансақ, әлбетте, қажет емес. Бірақ мойындайық, Гүлен — өте күрделі тұлға. Әлемдік деңгейде бұндай жүйе құра білу…екінің бірі жасай бермейді (артында ЦРУ бар деген секілді әңгімелер бөлек тақырып).

Екі тарапты лагерь іспетті. Бірісі — осы жамағат өкілі, екіншісі — Эрдоған жағы.

Эрдоған үкіметі тұсында Түркияға оқуға түскен қазақ жастары қаттырақ екінші топқа жақын.

Түркия — кешегі империя, сондықтан да идеологиясы қатты, тәсірі мықты. Ал біздің жастарда ермелік бар. Ерген кезде сондайынан ереміз, қатты махаббат қойып, жат десе жатып, тұр десе тұруға бармыз (сәл-сәл әсірелеп жіберсем де шындығы осы).

Және бір мәселе — кез-келген тұлғаның тарихи бағасын бере білу керек. Залым, диктатор, аяулы, мықты, әлсіз болса да…

Көп жағдайда діндар қауымнан көрініс табатын үрдіс бар. Мысалы, “Ататүрік — кәпір” деп атын да естігісі келмейді.

Сейдахмет Құттықадам “Служение нации” деген кітабында Ататүрікті ел басқарған адам ретінде, тарихи тұлға ретінде бағасын береді, біздің елмен параллель келтіреді. Яғни, жақсы көріп керек емес, залым деп таны, яһуди деп біл, бірақ ізденуге, зерттеуге жабық болма.

Біреуді қатты жақсы көру мен біреуді қатты жек көру — екеуі де экстремизм. Иә, тілдік мағынасында. Латын тіліндегі “extremus” деген сөз осыны меңзейді. Яғни, шектен тыс, тым, шалғай.

Ал енді Түркия БАҚ өкілдері секілді Гүлен мырзаға лағынет айтып, қаралаудан аулақпын. Өзім Түркияда магистратура оқыған адам ретінде Таяу Шығыстың күрделі жер екенін түсінемін (Восток — дело тонкое деседі). Жылдар өткен соң Түркияда Гүленнің есімі қайта дәріптеліп, көтерілуі бек мүмкін (ИМХО). Эрбакан мен Эрдоғанның 2000 жылдар басындағы жасаған саяси ойыны бұл пікірді жоққа шығара алмайды.

Енді Гүлен де өткеннің адамына айналды. Мұсылман хәлінде өткен болса “Алла рақымына алсын” дейміз.

Жақын бауырларымның арасында Гүлен құрған жүйеге кіріп, кейіннен шыққандары болды және шыға алмай қалғандары да бар. Ислам дініне, халыққа шынайы қызмет етіп жүрмін деп жан-тәнімен сенеді. Мақсатсыз жүргенінен солай да жақсы ғой деп пікір қылам…

Менің өзім жүйе ішінен жүйе құрып, үй ішінен үй тігуге қарсымын. Ертеде бір ұстазым “Хизметті” түсіну үшін Борис Акуниннің “Азазель” романын оқы деп еді, оқыдым. Роман желісі бойынша бостандық пен жарық әкелу керек болған “Азазель”, түбінде өлім мен қараңғылық әкеледі.

Ислам шариғатында қағида бар: мақсаттың игі болуы оған апаратын құралдарды ақтамайды (цель не оправдывает средства). Яғни, мақсат игі болар, мақұл, тамаша, келістік. Алайда сол мақсатқа жетелейтін жолдар да игі болуы шарт.

Ал аталмыш жамағатта кей нәрселерден аттап кететінін хабары бар жандар жақсы біледі.

Сайып келгенде осы жазарым. Соқыр еруді құптамаймын, кімге болсын.

Сосын деген, қазақтың жастары қызыл кеңірдек боп бір-бірімен осы тақырып аясында тартысып жататыны несі?!

#ой_түймекке

300 орыннан 250 қалды ✅

Онлайн-курсымызға қабылдаудың 2024 жылғы қорытындысын осылай жасауды ұйғардық. 🥳🔥
⠀
Бізде араб тілі, ағылшын тілі, түрік тілі, орыс тілі курстары бар.
⠀
Кері байланыссыз 14.990₸-ге кез-келген тілдің кез-келген деңгейін аласыз, солайша конкурсқа қатысасыз.
⠀
Қараша айының 2-не (02.11.2024) тікелей эфирде жеңімпаздарды анықтаймыз.
⠀
Бас жүлде: Умра сапары (қарашаның ортасында) 🕋
⠀
Одан кейін дәстүрлі садақ ойнатамыз және көптеген пайдалы кітаптар болады.
⠀
Ал егер курсымызды біздің тараптан кері байланыспен алуды қаласаңыз таңдаған тіліңіздің толық пакет курсын 30.000₸-ге алып, әрі конкурсқа да қатысасыз және біздің тараптан кері байланыс пен толық қадағалау аласыз.
⠀
Араб тілі:
⠀
1. Кіріспе
2. Жалғастырушы
3. Грамматика тобы
⠀
Ағылшын тілі:
⠀
1. Beginner
2. Elementary
3. Pre-Intermediate
⠀
Түрік тілі:
⠀
1. А1
2. А2
3. В1
4. В2
5. С1
⠀
Орыс тілі:
⠀
1. 0-ден
2. Интенсив
⠀
Курстар арнайы жазылған видео-дәрістер арқылы ✅
⠀
Мазмұнымен, не өтілетінімен танысқыңыз келсе веб-сайтымызға өте аласыз:

https://shadi-courses.kz/allcourses/
⠀
Орындар саны шектеулі 😮‍💨🔥
⠀
Төлем жасау үшін ⤵️
⠀
Кері байланыссыз: 14.990₸ (бір тілден бір топ)
⠀
Кері байланыспен: 30.000₸(бір тіл бойынша толық пакет)
⠀
Орын алып қалу үшін: 5000₸ (3 күн ішінде толық төлем жасау керек)
⠀
Реквизит:
⠀
4400 4302 4131 5982 (Kaspi карта)
⠀
+7 701 134 37 38 (Kaspi номер)
⠀
Арсен Ш. деп шығады ✅
⠀
Төлем түбіртегін (чекті) көрсетілген номердің WhatsApp-ына жіберу керек:

https://wa.me/77011343738
⠀
Сәттілік!
⠀
#TilBil_Polyglot #әлем_кең #өміріңді_өзгерт

Мен дәйім айтам, қазақ - қазақ болғалы, қазақ баласының ең жақсы, әл-ауқаты бүтін, мүмкіндігі кең кезеңі дәл бүгінгідей болмаған.

Осы кезеңдегі біз бен сізде бәрі бар, әлеуметтік тұрғыдан қазақ бұлай жақсы өмір сүрмеген. Қанағат - өлшем бірлік. 1 ғасыр, 2 ғасыр, 3 ғасыр, 4 ғасыр, 5 ғасыр бұрынғы ата-бабаң осы мүмкіндіктерді аңсаған, сол үшін күресті-ақ.

Енді соған жетіп отқан біз бен сіз неге жылана береміз?!

Кезінде Құнанбай қажы (رحمه الله) Мекке-Мединеге 6 сағатта ұшып бармаған, транзитпен 12 сағат Ыстанбұлда н/е Абу-Дабиде тоқтамаған.

Нығметтердің үстінде екеніңді ойламасаң, өмірің қызықсыз, мәнсіз көріне береді.

Қазақ баласының ең жақсы кезеңіндеміз. Өркениет тұрғысынан да. Осындай деңгейде жаппай қазақ баласының білімге бет бұрғанын да тарих бетінен табу қиын.

Дамумен кері кету де бар. Алайда көп нәрсені біздің қарым-қатынасымыз бағамдайды.

#ой_түймекке

“Өзімді таппай жүрмін…” деген сөз қаншалықты орынды?!

Адам тек бір емес, бірнеше қасиет пен қабілеттің симбиозы.

Ол нәрселерді игеру, бойға сіңіру мүмкін емес пе?!

Әрекет еткен адам шешімін таппай қоймайды. “Студентке кеңес” атты кітаптың кіріспесінде Мәуләнә Румидің (رحمه الله) сөзінің негізінде жазғанымыздай, қадам жасап жолға шыққан адамға жол да көріне бастайды, мақсат та пайда болады, ұстанымы да айқындалады. Ал енді жолға шықпаған, қадамын жасамаған адамға ше?!

Ойланарлық…

#ой_түймекке

"Кімнен не нәрседе қалып бара жатсаң да қала бер, бірақ тақуалықта қалып кетпе".

(с) Шейх Са'ид Әл-Кәмәлидің дәрістер легінен

Өте маңызды сөздер, шынында. Өмірлік ұстаным болсын.

#ой_түймекке

Инфобизнес. Қазақстанда ковидтен кейін қатты дамып кетті. Адамдар ауаны да (условно) сатып жатыр.

Бағаны неғұрлым қымбат қоясың, соғұрлым сенің өнімің “ТОП” деген түсінік қалыптасқан.

Кішкене академиялық подходпен зерделеп осыны ұққым келді, себебі азды-көпті біздің де қатысымыз бар инфобизнеске. Жауаптың ұшы көрінгендей.

Енді жазбам аздап жүйеленіп піскен соң сіздермен бөліссем деймін.

Реакция лүпілдетіп, күте берсеңіздер. Бүгін жазамын.

#инфобизнес

Студент кезде Шамиль Аляутдиновтың “Финансы триллионера” деген кітабы қолыма түскен болатын. Ол кісіден де біраз пайда алғанбыз. Бүгінде ғой, аз-маз менсінбей қарайтынымыз, сынайтынымыз. Құдай кешірсін. Бізді де, оны да.

Айтпағым, сол кітапты оқып алып жақсы ақша жинағаным есімде. Студ.билет әрі университетке пропуск ретінде бұрынғы Цеснабанк карточкасы болатын. Соның ішіне арнайы банк бөлімшесіне барып артық ақшаны салып қоямын. Қазіргідей каспи терминалдар емес, ал банкомат арқылы тегі салынбайтын. Содан кәдімгі банк бөлімшесіне барып, талон алып, кезекте тұрып ерінбей шотыма ақша салып кететінмін. Банк қызметкерлері де қызық көретін шығар, 5мың-7мың тг-ден саламын сондағы.

Ұсақ 1000-2000тг-ліктерді қолма-қол ақша күйінде кітаптардың арасына бөліп салып тастайтынмын.

Әлгі Шәкеңнің кітабынан алған негізгі ой қандай болды?

“Эмоциональная дисциплина” деген пункті бар еді. Яғни, қаржылай шешімдерге келгенде эмоциялық тұрақтылықты сақтау. Қатты жанып кетіп, қызығып кетіп ақшаны жарата салмау, импульсивті шешімдерден қашу, қажетсіз нәрселерді өзіңе қажеттей көрмеу. Осы бір нәрсе тиындап ақша жинауды үйретті.

Студентке қажетті, маңызды қабілет дер едім. Грантта оқыса мем-тік стипендиясынан, ақылы оқыса ата-ана берген ақшадан үнемдеп, дұрыс басқарудың алғышарттарын игере алады.

Хадис бар, “Үнемшіл адам кедейлікті көрмейді” деген мағынада.

Студенттік шағыңыз қызықсыз болып қалмайды. Сапалы, сауатты, пайдалы, жоспарлы болса, ертең берекесін көресіз.

#студентке_кеңес #ой_түймекке

Әйелім маған “Жазғышбек” деп прикол ұстайды. 😁

Қашан қараса телеграмға н/е ескертпелерге бірнәрсе жазып отырсам керек. “Қалай жаза бересіз, қайдан шыға береді сөздер?” дейді.

Марқұм Олжас Ханафин ұстаз айтушы еді, бірнәрсе оқыған адам жазбай тұра алмайды деп. Ішіне сыймайды, жай ғана. Әйтеуір жазсаң біреу оқыр, пайда алар.

Өзімде де жағдайлар болған, біреудің жазғанынан н/е салған видеосынан ой түйіп, үлкен өзгерістер жасай білген.

Азды-көпті оқырман бар ғой бізде. Ал мен негізі, оқырманы жоқ адамдардан пайда көп аламын. Нағыз өз саласының мамандарында оқырман аз болады (деп негізсіз бірнәрсе жаза салайын 😄). Жоқ, рас. Көп байқадым. Мықты маман, қаралымы және оқырманы аз. Контентін рахаттанып көрем. Миға азық кәдімгідей. Айтпағым, оқырман саны аз болса да пайда берер дүниемен бөлісе беріңіз. Кем дегенде 1 адамға әсер ете аласыз.

P.s. Оқырманы көп мықты мамандар да бар. Менікі жай, негізсіз әңгіме ғой.

#ой_түймекке

Жас адамға, студентке бірден миллионер-миллиардерлердің баю жолы деген сынды кітаптар оқығаннан, әуелгі 100мың тг-сін жинау жайлы оқып білу керек секілді.

Қияли деңгейден реалистік деңгейге түсіп, нақтылы әрекет жолын ұсына білу маңызды.

Жастарға Марғұлан Сейсенбайларды оқу — келесі деңгей. Алайда оған дейін қатарлас-замандасының үлгісін беру қажет.

Сондықтан да “Студентке кеңес” атты жобамыз керек.

#студентке_кеңес

Студенттің тағы бір жақсы қабілеті — ақша жинай білу. Тиындап болсын жас кезіңізден ақша басқаруды үйренсеңіз, жалпы өміріңіз үшін жасаған жақсылықтардың бірі болады.

Ақша табу қиын емес. Оны жинап ұстап қалу қиын.

#ой_түймекке #студентке_кеңес

Томас Эдисон шамды ойлап тапқан кезде жүздеген сәтсіз сынақтардан өткен. Оған бір шамды жасаудың дұрыс тәсілін табу үшін көптеген қателіктер жасауға тура келді. Эдисон сәтсіздіктерді қабылдай отырып, әр қателіктен сабақ алып, дұрыс жолды таба білді. «Мен сәтсіздікке ұшыраған жоқпын, тек жұмыс істемейтін 10,000 жол таптым» деген сөздері сәтсіздікті табысқа жетудің жолы ретінде қабылдау қажеттілігін көрсетеді.

(c) Арсен Шәди, "Студентке кеңес" кітабы, Қателіктер мен сәтсіздіктерді қабылдау

#студентке_кеңес #ой_түймекке

Кешегі Мұқағали бабамызды сөз еткен жігіт.

Сол туралы жазбаға адамдар “Осы АЭС салар алдындағы халықтың назарын бұру емес пе?” деген сарында пікірлер білдіріп жатыр екен.

Саяздығымыз сан қақсатты деп қисынсыз бір мақал шығарайын. Тиынын жасап, “Палау - кедейдің асы” деп оттап блогерлерге сценарий жазып беріп жүрген қайдағы біреудің аузынан шыққан парасатсыз сөзінің бәрінен мемлекеттің саясатын көре беруді қою қажет қой.

Ойлау көкжиегіміз осы сынды нәрселерге кеп тақалып қала беретіні өкінішті…

#ой_түймекке

Жексенбінің таңын адамдар ұйқыға арнаса, мұсылмандар ояу болуы қажет.

(с) шейх Холид Харса (حفظه الله)

#ой_түймекке

Orientalist's Notes pinned Deleted message

Кітаптан үзінді әрі қызықтыру болсын. Студенттерге арналған жоспардан алғашқы тек 5-еуін берейін, қалған бесеуін кітапты алғанда оқырсыздар.

Жоспардың қысқаша концепциясы қалай болмақ? Тек 10 қадамнан тұратын мысал бере аламын, өз өміріңізге сай өзіңіз қалыптастырасыз.

1. Алла жазса университет бітіргенше ағылшын тілім IELTS-тан кем дегенде 6.5 балл (магистратураға шетелге түсу үшін басталады) жинай алатындай болады.
2. (Ерлерге қатысты) әскери кафедра оқып алуға мүмкіндік болса міндетті түрде оқып аламын, себебі ертең алдымнан шығады, сол уақыт сәті келгенде дайын болып тұрсын.
3. Көлік айдау білмесем осы 1-курстан дайындалып, 2-курста жүргізуші куәлігін алып аламын, себебі өмірде түрлі жағдайлар болады, көлік айдай білу қажет.
4. Бір курс аясында университетте оқитын студентке жылына 12-15 кітап оқу ұсынылады, оның ішінде мамандық бойынша, өзін-өзі дамыту + руханият (руханият болмаса адам тез шаршайды) және көркем әдебиеттерді қамту маңызды. Әрине, оқу жүктемесіне байланысты бұл санды реттеуге болады, бірақ студенттердің кәсіби және жеке дамуы үшін жүйелі түрде кітап оқу өте маңызды. Сол себепті мен өзіме айына 1 немесе 2 кітап оқимын деп бағдарлама қоямын, сонда жылына 12-15 кітапқа жетемін деуіңіз керек. Бұл орта есепте өте жақсы көрсеткіш. Алайда өмірлік жоспарыңызда кітапқа орын болуы қажет. Сөзсіз.
5. Әр курсты аяқтаған сайын қаржылай мүмкіндік болса шетелге бір шығып отырамын. Қаржылай қиындығы бар адамның өзі түрлі гранттар жеңе алады. Шетелге шығу өте жоғары дәрежеде адам миын өзгертеді, ашады, дамытады. Жаз мезгілінде шетелдік курс немесе саяхат сынды мүмкіндіктерді пайдалану керек.

(c) "Студентке кеңес" кітабынан үзінді

#ой_түймекке #студентке_кеңес

"Студентке кеңес" деген кітап дайындап жатырмыз дедім ғой баспаға. Бүгін соның электронды нұсқасын шығарамыз сатылымға.

Таңертең Әлинұр есімді 4-курста оқитын бауырымыз келіп, бірге таңғы кофе іштік сағат 6:00-де. Кітаптан біраз хабар бердім, ерекше әсерде қалғанын айтты.

"Бірінші курста осылай жол сілтейтін аға, ақыл айтар адам болғанда ғой" деп қалды. Алайда бұл кітап тек студенттерге емес, өмірін жоспарлап, өзін тапқысы келетін әрбір жанға арналады дей аламын. Жаза отырып ерекше әсерленген тұстарым болды. Шынайы жанашырлығымды кітапты алып оқыған жандар сезеді деген үміттемін.

Дұғамен қолдап қойсаңыздар. Ел ертеңі жарқын болғай.

#ой_түймекке #студентке_кеңес

Астана қаласында қыз балаларға арналған мектеп ашылған. Қазақтың қаракөз қыздары сол жақта білім алып жатыр.

Бүгінде білесіздер, орамалды қыздарды мектепке кіргізбеу мәселесі бар. Бұл мектеп - сол мәселенің бір шешімін ұсынды.

Мектеп. Директордан бастап мұғалімдерге дейін әйелдер қауымы. Аспаз, асханашы, еден жуушы кісілер де әйелдер. Оқушылар мектепке келгенде орамалын шешіп кіреді, шығарда қайта орамалын киеді. Ешбір ер азамат кірмейді. Келісім солай.

Ел-жұрттың бәрі бала-шағасын жинап шетелге кете берсе, елдің ертеңі үшін қауіпті үрдіс қалыптасады. Егер де ата-ана мықтап жұмыс жасамаса, шетелде тәлім алған бала, түбінде, өзге мәдениеттің жемісіне айналады.

Мүмкіндік болса, қолдан келсе осы сынды бастамаларды қолдауға мүдделіміз. Жоқ дегенде дұға етіп, қаракөздеріміздің келешегі үшін күйе білсек игі.

Кеше ұстаздар күніне орай құрылтайшы мырзаның шақыруымен сол мектептің ұжымын құттықтап, тілек білдіріп қайттым.

Ертеде өз ұстазымнан әйелімізге қалай білім берсек болады деп сұрағанымда, оған әйел ұстаз тауып бер деген болатын. Себебі әйелдің жанын әйелден артық ешкім ұға алмайды.

Ал мына мектепте бәрі үйлесіп тұр екен. Қыз балаларға әйел мұғалімдер. Ұлттың сапалы келешегін жасап жатқан жансыздар дедім. Расында солай.

Ұстаздық - ұлы сапар. Жас буын, көзі мөлдіреген оқушылар - біздің ертеңіміз. Оларды қыспаққа ала берместен, сапалы білім беру үшін жанын түсініп, лайықты әрекет етпек қажет деп түсінеміз.

#ой_түймекке

Студенттерге арналған кітап шығармақпыз баспадан. Қазір дайындық процесі жүруде.

Ол кітап не жайында болмақ?

Студенттік шақты қалай сапалы өткізуге болады, қалай жоспар құрған жөн, студенттік шақта не нәрсеге үлгеріп қалу керек деген секілді практикалық кеңестерді қамтиды.

Соңғы жылдары ойда жүрген мәселе-тін.

Адам іші жақсылыққа, күшке, энергияға толы. Жастарға тек үлгі моделі қажет. Дұрыс үлгі табылмаса, сөзсіз, бұрыс үлгі алдынан шығады.

Сол кітаптың бүгін қысқа форматтағы электронды нұсқасын жариялаймыз (номиналды бағаға).

Оқырманнан Feedback алуды қалаймыз және сол алған адамдардың бәрінің аты-жөнін алғашқы қолдаушылар деп кітаптың ішіне жазамыз.

Бүгін хабар күтіңіздер! 🤝

#студентке_кеңес

Бір бауырымыздың мысалын жазайын, мысалы өрнек болар өзгеге.

Таң намазын мешітте оқу деген челленж (қазақша жазғанда “д” әріпінсіз дұрыс) бар еді ғой, әлгі бауырымыз мешіттен алыстау жақта тұрады, сол челленжге қатысамын деп қанша уақыттан бері жүрмей тұрған көлігін жөндетіп, енді тұрақты түрде таңды мешітте жамағатпен оқуға бел буып отыр.

Осындай мысалдар өтеді өзіме.

Сізге де өтсе реакция басу арқылы білдіре аласыз.

#ой_түймекке

Әр тыныс алған сәтіміз — мүмкіндік. Өзіміздің ең жақсы нұсқамызға ұмтылуды тоқтатпау — міне, мәнге ие нәрсе.

Таң атқан сәтте аспанға бір көз тастап ғажаптығын ойла. Қарапайым нығметтерді норма деп қабылдап кеткен кезде өмірімізден дәм кете бастайды.

#ой_түймекке

Өткенде Біріккен Араб Әмірліктерінен қонақтар келген болатын. Жай қонақтар емес, үлкен-үлкен лауазымда қызмет ететін, Дубайдың басқарушы әулетінің жобаларын басқаратын, бүкіл Әмірліктердің цифрлендіруін жүргізетін, Шаржаның Премьер-министрі деген сынды…

Астанада “Sandyq” ресторанына апардық. Тамақтанып болған соң даяршыдан желінбеген тамақты не істейтінін сұрады. Егер лақтыратын болса, өзімізбен салып беруін өтінді.

Дубайда жүргенде де әдеттері солай екен. Қандай қымбат ресторанға барса да, қалған тамақты салдырып алып, кейде тағы қосымша 1-2 нәрсе тапсырыс беріп жүргізушісіне, қызметкерлеріне тарататынын айтты. Хошыма кетті.

Әрине, біз де ысырап болмасын деп жүрген жерімізде қалғанын салдырып аламыз, алайда долларлық миллионердің салдырып алуы көркем нәрсе.

Сосын бізде қымбат ресторанда тамақ салдырып алуға кей адамдар ұялады.

Кей кембағал сананың жемістерінен ақырын-ақырын арылу қажет-ақ. Қоғам боп өсеміз.

#ой_түймекке

Курстан жақсы сатылым болып, жақсы ақша түсіп жатса, біз де қуанамыз. Жақсы ақша тапқанға қуанбайтын адам жоқ шығар, негізі…

Бастысы адалынан болса. Ойланам, отбасыңа, перзентіңе жегізетін астың адалдығы орасан маңызға ие. Кей адамдар түйені түгімен жұтып, содан бала-шағасына жегізеді. Қасірет.

Жақсы ақша тапқан сайын одан да жақсы жобалар жасап, ары қарай дамытып, өзің де дамығың келеді. Жақсы табыс — білім алу жолында да, білім тарату жолында да жақсы демеуші құрал.

#ой_түймекке