Dilfuza Komil @dilfuza_komil Channel on Telegram

Dilfuza Komil

@dilfuza_komil

Дилфуза Комил -
илмий журналист.
Хулқ-атвор фанлари оммалаштирувчиси.
Пренатал таълим халқаро уюшмаси аъзоси.

Ўқув курси учун мурожаат:
@dk_administrative_assistant
@dk_admin_assistant

Каналдаги маълумотлар муаллифлик ҳуқуқи асосида ҳимоя қилинади.

ДИЛФУЗА КОМИЛдан тафаккур дарслари (Uzbek)

Дилфуза Комил - педагог, илмий журналист, халқаро тоифадаги хулқ-атвор фанлари оммалаштирувчиси. Ушбу каналда сизга тафаккур дарслари ҳақида маълумотларни тақдим қилувчи турли мавзулардаги материалларни топишингиз мумкин. Дилфуза Комилнинг курсларига қатнашиш учун, ташкилотчи администраторлар билан боғланинг. Канал материаллари муаллифлик ҳуқуқи асосида ҳимоя қилинади, шунинг учун сизга ишончли маълумотлар тақдим этилади. Дилфуза Комилнинг каналига қўшилинг ва янгиликлардан барчаси билан маълум бўлинг!

Dilfuza Komil

18 Feb, 17:13

Орқа ойнасига: «Раҳматли ҳам қувиб ўтарди» деб
ёзиб олибди 🤓

Қувиб ўтадиганлардан безор бўлиб кетган шекилли ☺️

Йўл-йўлакай кўриб қолдим.

© Dilfuza Komil
1,395
Dilfuza Komil

17 Feb, 17:56

Яҳё Зайнаб ким, деб сўрашяпти мендан ☺️
Яҳё Зайнаб - шу 👆 мақолача олинган канал соҳибасининг қизчаси.
Пост меники эмас.
Пост линки мақолача тепасида турибди ☺️
1,011
Dilfuza Komil

17 Feb, 17:08

Шифокор ҳузурида.
Республиканинг кўзга кўринган болалар шифохонасининг олий тоифали неонотологи:
- Боланинг исми?
- Яҳё Зайнаб.
- Нега Зайнаб? У ёмон-ку?
Мен:
- 🟠
- Кумуш қўймабсизлар-да, Зайнаб ҳам отми. Зайнабдек бўлса нима қиласиз, исм тақдирга таъсир қилади.
Қарасам, жавоб бермасликнинг иложи йўқ. Мен атай:
- Кумушга ўхшаб ёш ўлиб қолмасин дедик.
Энди сал кўнгли тўлгандек бўлиб:
- Ҳа, тўғри. Лн барибир бекор Зайнаб қўйибсиз.
Ночор, қийналган, бўғилган мен…

***
Худди шу шифохонанинг бош ҳамшираси:
-Яҳё Зайнаб. Асал болам, полвоон ўғлим, қизчаларга ўхшайдия бу, қаранг.
- Ўзи қизча-ку?
- Иии, қизми, оти нега Яҳё?
Мен:
🟠🟠🟠

Ҳозир балки кулгулик бўлиб туйилар, лн саводсизлик, савиясизлик шу даражага етгани учун йиғлагим келган эди…
1,172
Dilfuza Komil

15 Feb, 17:31

Китоб жавонимдаги қўлма-қўл бўлиб ўқилаверганидан титилиб кетган, эски китобларим кўзимга шунақа👆 кўринади 🙂

Олтин-жавоҳирлар деганда,
китобларни тушунадиганлар неча кишимиз?..

© Dilfuza Komil
2,200
Dilfuza Komil

15 Feb, 17:03

#илмий_ҳақиқатлар

Ҳомиладорлик пайтида онанинг мияси туғилажак фарзандига мослашиш учун айрича шаклланади. Яъни, ишлаш тарзи бутунлай ўзгаради.
Масалан:

💞 ҳомиладорлик вақтида ва эмизиш жараёнида она организмида окситоцин – меҳр-муҳаббат гормони ишлаб чиқарилиши кучаяди ва бунинг таъсирида она фарзанди учун жонини беришга ҳам тайёр ҳолга келади;

💞 туғруқдан кейин чақалоқнинг ҳидидан она мияси дофамин гормони ишлаб чиқаришни одатдагидан кўпайтиради ва бу гормон таъсирида онанинг организми уйқусиз тунлар сабаб зарар кўрмайди;

💞 туғруқдан сўнг она миясининг узоқ муддатли хотирага жавоб берадиган қисмининг сифати яхшиланади ва бунинг натижасида она чақалоғининг ҳар бир қилиғини, хатти-ҳаракатларини, ундаги катта-кичик ўзгаришларни бир умр эсида сақлаб қолади;

💞 она мияси организмни тиклаш-таъмирлаш ишларини одатдагидан бир неча баробарга кучайтиради ва натижада, вужуднинг туғруқдан кейинги тикланиш ишлари дори-дармонларсиз ҳам сифатли бажарилади.

Бундан ташқари,
✅ она қорнидаги ҳомила онанинг иммун тизимини кучайтирадиган модда ишлаб чиқаради ва натижада, ҳомиладорликдан аввал иммун тизими заиф бўлган она ҳам ҳомиладорлик даврида бу заифликни ҳис қилмайди;

✅ ҳомиладорлик юрак-қон томир тизимининг фаолиятини яхшилайди, яъни онанинг юрак-қон томир тизими 9 ой давомида тўлиқ кучайтирилган тартибда ишлайди;

✅ ҳомиладорлик аёл организмини саратонга қарши чидамли қилади, яъни ҳомиладорлик ва эмизиш жараёнлари сут безлари ва тухумдон саратони ривожланишининг олдини олади;

✅ ҳомила онаси хафа бўлган, сиқилган вақтида уни тинчлантириш учун ҳаракат қилади, яъни ҳомиладорлик вақтида она хафачиликларни бошқа пайтдагидан кўра тезроқ унутади.
Мутахассислар буни ҳомиладан чиқадиган махсус модданинг она қонидаги серотонин – яхши кайфият гормонини кўпайтиришга хизмат қилиши билан изоҳлайдилар.

Яъни, фарзанд ҳали онасининг қорнида эканидаёқ, Аллоҳнинг лутфи ила, унга ғамхўрлик қилишни бошлайди.

Аслида бу масалада гапирса гап кўп. Қисқа қилиб айтадиган бўлсам, ҳомиладорликнинг ўзи бир мўъжизадир.

Вужудида Аллоҳ таолонинг мўъжизаларини ташиётган аёлларга қандай муносабат қилиш эса ҳар кимнинг иймон-эътиқоди қай даражада эканига боғлиқ.

✍️ Дилфуза Комил

© Dilfuza Komil
2,295
Dilfuza Komil

14 Feb, 14:41

#фикр

Киши фақат билмагани туфайли эмас, баъзан билгани учун ҳам сукут сақлайди:

ҳаддини билади – сукут сақлайди;

сабр қилишни билади – сукут сақлайди;

ҳурмат қилишни билади – сукут сақлайди;

ўзини англамасликларини билади – сукут сақлайди;

гапириш бефойдалигини билади – сукут сақлайди...

✍️ Дилфуза Комил

📱 Dilfuza Komil
1,692
Dilfuza Komil

14 Feb, 14:30

#фикр

Бизнинг болалигимиз қандоқ яхши эди!
Қўл телефонимиз, компьютеримиз, пулимиз бўлмаса ҳам, жуда кўп нарса олардик:
одоб олардик, сабоқ олардик, ибрат олардик, кўнгил олардик, хатлар олардик, хабар олардик...

Болалигимизда дўстлар бир-бирига азоб бермасди, китоб берарди...

✍️ Дилфуза Комил

📱 Dilfuza Komil
1,574
Dilfuza Komil

14 Feb, 14:21

🫥
Биз болалигимизда калтак еб йиғламасдик, йиғласак калтак ердик. Бизга ўта ҳаётий тарбия беришган.
Ҳаётда ҳамма нарсани кулиб қаршилашимиз шундан...

© Dilfuza Komil
1,567
Dilfuza Komil

14 Feb, 13:39

#фикр

Туғруқдан кейин аёлдаги ич яраларнинг батамом битиши - 6 ой;

ички аъзоларининг аввалги ҳолига қайтиши -12 ой;

гормонал мувозанатининг тикланиши эса 2 йил давом этади.

Агар аёл ҳомиладорлик даврида кўп азият чеккан ва сиқилган бўлса, унинг емирилган мия ҳужайраларининг тикланиш ва янгиланиш жараёни (аёлнинг психик ҳолатига қараб), 3 ёки 4 ой давом этади.

Муҳтарам эржонлар ва муҳтарама қайнонажонлар, янги туққан аёлингизга, келинингизга меҳр билан, шафқат билан муомала қилинг.
Зотан, улар ўз вужудларининг ўз-ўзини тиклаш учун зўр бериб уринаётганидан ўзлари ҳам бехабарлар...

✍️ Дилфуза Комил

📱 Dilfuza Komil
2,682
Dilfuza Komil

12 Feb, 10:31

#ҳангома

«Она қорнидаги тарбия» курсларига қабул учун эълон берилганидан кейин, мурожаатчилардан бири админларга ёзяпти:

- Дарсларни Комил аканинг ўзлари ўтадиларми?

- Узр, бизда Комил ака деган мутахассис йўқ.

- Эълон бердинглар-ку, ўша ёзилганига қараб сўраяпман.

- Эълонда Дилфуза Комил дейилган.

- Ўша-да, Дилфуза опа билан Комил ака дарс берадими ахир?

- Йўқ, Дилфуза Комил – бир киши.

- Ие, мен аёлларга Дилфуза опа, эркакларга Комил ака дарс беради деб тушунибман. Исмларини тўғрилаб қўйинглар-да унда. Аёл кишининг оти Комил бўлмайди-ю.

- ...Хўп бўлади, устозга таклифингизни етказиб қўямиз...

📱 Dilfuza Komil
1,648
Dilfuza Komil

12 Feb, 10:17

#фикр

Рус адиби Лев Толстойдан улкан адабий мерос қолган, яъни адибнинг 200га яқин муҳташам асарлари мавжуд.
Унинг асарлари Россияда аввалига 10 миллионлаб нусхада чоп этилган.
Ундан кейин эса, дунёнинг 75дан ортиқ тилларига таржима қилиниб, 100 миллионлаб нусхада чоп этилди, яна чоп этиляпти.
Хуллас Лев Толстойнинг жаҳон адабиётига қўшган ҳиссасини сўз билан ифодалаш қийин.

Мана шу адиб умрининг охирида:

- Агар дангасалик қилмаганимда, қанчадан-қанча мукаммал асарлар ёзган бўлардим, - деган.

Жаҳон адабиётига шу қадар улкан ҳисса қўшиб қўйган одамнинг гапи бу!

...Сиз-чи, сиз агар дангасалик қилмасангиз, қанча ишларни амалга оширган бўлардингиз?
Шу масалани бир ўйлаб кўрмайсизми...

© Dilfuza Komil
2,201
Dilfuza Komil

12 Feb, 09:04

«Шубҳасиз, Аллоҳ инсонларга бирон зулм-адолатсизлик қилмас. Балки, инсонлар ўзларига ўзлари зулм қилурлар».

Юнус сураси
44-оят

📱 Dilfuza Komil
1,775
Dilfuza Komil

07 Feb, 11:02

#суҳбатдан

... - Шу китобларнинг ҳаммасини ўқиб чиққанмисиз?

- Йўқ, ҳаммасини ўқишга ҳали улгурмадим.

- Унда нега ҳадеб китоб сотиб олаверасиз?

- Чунки китоблар билан яшашни яхши кўраман...

© t.me/dilfuza_komil
2,345
Dilfuza Komil

07 Feb, 10:34

#фикр

Қўл телефонидан видео қўнғироқ қилишни билмайдиган кекса онасига:
- Ахир буни ёш бола ҳам билади-ку, - дея ақл ўргатадиганлар!
Шу аёл бир замонлар сизга ҳожатхонада қандай ўтириш кераклигини ўргатган киши эди, эсингиздан чиқарманг...

© Dilfuza Komil
2,340
Dilfuza Komil

07 Feb, 10:11

#оғриқ

Болалигимизда бекинмачоқ ўйнаркан, «Ўнгача санайман!» дердик, аммо «тўққиз»дан кейин албатта «тўққиз ярим» ҳам айтиларди.
«Тўққиз ярииим» дегандан кейин ҳам маълум фурсат кўзларимизни очмасдан жим турардик:
яна фурсат берардик дўстларимизга.
Шу қадар виждонли эдик!..

Дўстларимизнинг қаерга яширинганини тахминан билсак ҳам, атайин у ерларга қарамасдик:
кўпроқ завқланишини истардик дўстларимизнинг.
Шу қадар самимий эдик!..

Катта бўлиш шунчалик қимматга тушадими одамга?!

✍️ Дилфуза Комил

📱 Dilfuza Komil
2,674
Dilfuza Komil

07 Feb, 10:01

#фикр

«Ҳаловатимни бузади», «Уйқумни бузади», «Ошқозонимни бузади» дея, кўп нарсалардан воз кечадиганлар кўпчиликмиз.

«Инсонийлигимни бузади» дея, кўп нарсалардан воз кечадиганлар неча кишимиз?..

© Dilfuza Komil
1,722
Dilfuza Komil

04 Feb, 08:35

#фикр

Умримизнинг ҳам амал қилиш муддати бор.
Аммо, бу муддатга дўкондан олган пишлоғимизнинг амал қилиш муддатига эътибор қилганчалик ҳам аҳамият бермаймиз...

© Dilfuza Komil
2,380
Dilfuza Komil

04 Feb, 08:01

#Дилфуза_Комилдан_мақола

ТАРСАКИ

...Ўқиш-ёзишни уйда яхши ўрганиб олганим учун, ўтган асрнинг саксонинчи йилида олти ёшимда мактабнинг биринчи синфига ўқишга қабул қилинганман.
Ўшанда атеизм - худосизлик жуда кучайган пайтлар экан.
Табиийки, у ёшда дин нима, атеизм нима - фарқламаганмиз.

Бувим раҳматли эсимизни таниган вақтимизданоқ бизга олти диний калимани ёд олдирган эдилар.

У кишининг гаплари ҳали-ҳамон ёдимда:
- Бу калималарни ҳар доим ичингда такрорлаб юрсанг, тилинг ёмон сўзларга ўрганмайди, ҳаётдаги қийинчиликлардан қийналмайсан, бахтли бўласан, Худога яқин бўласан, болам. Фақат буларни айтиб юришингни биров билмасин!..

Биз бу гапларга астойдил ишонардик. Кечқурун синглим билан бугун неча марта калима келтирганимизни ҳисоблардик.

Бир куни мактабга туман марказидан комиссия келди.
Улардан бири – ўрта ёшлардаги аёл бизнинг синфимизга кирди-да, саломлашгач, ширин тил билан:

- Болалар, қани ким калима келтиришни билади? Уйингизда сизларга калима келтиришни ўргатишадими? – деб сўради.

Ҳамма болалар жим қараб қолишди. Кейин баъзилар «йўқ», баъзилар эса секингина «ҳа» дейишди.
Лекин ҳеч ким қўл кўтариб, «мен айтиб бераман», демади.

Мен юрагим ҳапқирганча ўтирардим. Демак, бу калималарни бошқалар ҳам биларкан-да!
Кейин шартта қўл кўтардим.

- Мен айтиб бераман! Калима келтириб юрганлар бахтли бўлади! - дедим.

Аёл ёнимга яқин келиб, негадир билагимдан қаттиқ ушлади.
- Кимнинг қизисан? – деди.

Ота-онам ўша мактабда ўқитувчи бўлиб ишлашар, бувим раҳматли у пайтда нуфузли давлат идорасининг раҳбари эдилар.

Буни эшитган ҳалиги комиссия аёл ранги ўчиб турган ўқитувчимизга ажабланиб қаради.

- Сенга уни ким ўргатган? – деб сўради мендан.
- Бувим ўргатганлар, - дедим.
- Қани айтиб бер-чи бизга ўша бувинг ўргатган нарсани, - деди.

Бола эканман-да, жаранглаган овоз билан «Лаа илааҳа иллаллоҳу Муҳаммадур Росуулуллоҳ» дедим.

Кейин ҳаммаси кўз очиб юмгунча содир бўлди:
юзимга тушган тарсаки зарбидан чайқалиб, бошим билан доскага урилдим.

Ҳалиги аёл нималардир деб бақира кетди. Синфда ғала-ғовур кўтарилди, ўқитувчимиз қалт-қалт титраётган қўллари билан бошимни силаган сари чинқириб йиғлардим...

Орадан йиллар ўтгач, билдимки, у аёл замонасининг кўзга кўринган атеист ходимларидан бўлган.
Ўша воқеадан кейин бувимга қаттиқ ҳайфсан эълон қилишган, ҳатто туман газетасида фельетон эълон қилиниб, “ёш авлоднинг онгини эскилик сарқити билан заҳарлаётган партия ходими” ҳақида аччиқ-тизиқ гаплар ёзилган...

Ўша вақтда мактабда бир ўқитувчининг қўлидаги газетани силкитиб, “Аяни уриб чиқишибди” деганини (бувимни бутун қишлоқ “ая” деб чақирарди), ўзимча тушуниб, уйга югурганим, бувимни қучоқлаб “Сизниям уришдими? Ёмон уришмадими?” деб юзларини силаб йиғлаганим эсимда.

Мен бизни нима учун жазолашганини тушунолмас, сабабини сўрайвериб, бувимни чарчатардим.
Бу орада бувимни бошқа ишга (кейинроқ билишимча, нуфузи пастроқ ишга) ўтказишди.

- Аллоҳим уларнинг жазосини беради! – дедилар бувим раҳматли бир куни.
Болалигимга бордим, айниқса, ўша аёлга Худо тезроқ жазо беришини истадим.
Кечаси ташқарига чиқиб, юлдуз тўла осмонга қараб олиб, Аллоҳ билан “гаплашдим”.

- Сен ўргатган сўзларни айтганимиз учун бизни уришди, Художон! Ўзинг уларнинг адабини бергин, фақат тезроқ адабини бер, Ўзинг ҳаммадан кучлисан-ку! - деганларим эсимда...

Орадан анча йиллар ўтиб, талабалик пайтимда у аёлнинг бедаво дардга чалиниб, тўшакка михланиб қолганини, умри сўнгида ҳарчанд уринмасин калима келтиришга тили айланмаганини эшитганимда, унга жуда ачинганман.
Ким билсин, қанча одамнинг қарғишига қолганикин...

✍️ Дилфуза Комил

📱 t.me/dilfuza_komil
2,675
Dilfuza Komil

04 Feb, 07:07

Давоми.
Бошланиши юқоридаги 👆 постларда


...Одатда, энг тоқат қилиб бўлмайдиган ҳолатларда болага ён берамиз ва шу тариқа, кейинчалик бола билан ўртамизда одатга айланадиган нохуш муносабатларнинг тамал тошини қўямиз.

Ўртоқлари билан ўйнаб юрган болакайни онаси уйга чақирди, дейлик.
Ўшандай вақтларда боланинг феъл-атворидаги ўзгаришларга ҳеч эътибор берганмисиз?

Боланинг рафтори бир зумда ўзгаради. Инжиқланиб, ҳиқиллай бошлайди.
Бор-йўғи бир неча дақиқа олдин хурсанд бўлиб, ирғишлаб ўйнаб юрган болакайни таниёлмай қоласиз. Шубҳасиз, бу яна ўйинни давом эттириш учун онани кўндиришнинг энг яхши усули!

Ёмон томони шундаки, бу тахлит феъл-атвор билан улғайган болалар эркак ёшга етганида ҳам, айб иш қилиб қўйса, аёлига нисбатан (худди онасига қилгани каби) ачиниш уйғотиб алдаш усулидан мунтазам фойдаланадилар.

Болани қувноқ ва хуш кайфиятда бўлган вақтларида;
уй ишларида ёрдамчи бўлаётган вақтларида кўпроқ рағбатлантирилса, унга ўша вақтларда алоҳида эътибор ва ғамхўрлик кўрсатилса -
бола ҳамиша қувноқликка ва яқинларига ёрдамчи бўлишга интиладиган бўлади.

Қизим тўрт ёшда эканида, бир куни булутли ва совуқ ҳавода кўчада ўйнашига рухсат бермадим.
Аммо у кўзимни шамғалат қилиб, кўчадаги ўртоқлари ёнига қочиб қолди.
Бироздан сўнг тиззалари шилинган, уст-боши ҳўл бир алфозда уйга қайтди ва ўтириб олиб, ҳиқиллай бошлади.
Ора-сира «менга эътибор беряптимикин» дегандек мен томонга яширинча қараб-қараб қўярди. Эътибор бермаётганимни кўргач, ҳиқиллашни бас қилиб, индамайгина кийимларини алмаштирди.
Эртасига ўртоқлари чақирса ҳам, кўчага чиқишни истамади.
Менга уй ишларида баҳоли қудрат ёрдам бергани учун мукофот олгач, ёрдам беришни одатга айлантирди.

Айтмоқчиманки, инжиқликлари беэътибор қолаётган болалар инжиқлик қилишдан албатта тийиладилар.

Унутмангки, болалар яхши ишларни биздан қўрққанларидан ёки виждон амри билан эмас, бу иш ўзларига ёқиб қолгани учун бажарадилар.
Яхши ишларни уларга янада ёқимли кўрсатиш эса ота-оналик маҳоратимизнинг нечоғли эканига боғлиқ.

✍️ Дилфуза Комил
2009 йил

📱 Dilfuza Komil
1,769
Dilfuza Komil

03 Feb, 12:39

#Дилфуза_Комилдан_мақола

ҚАЙСАРЛИК УЧУН МУКОФОТ

Ҳаммамиз фарзандларимизни мукофотлашни хуш кўрамиз, бироқ, деярли барчамиз мукофотлашни «сотиб олиш» билан чалкаштириб юборганмиз.

Агар фарзандингиз инжиқ ва қайсар бўлиб бораётган бўлса, демак, сиз уни айни шу инжиқликлари ва қайсарлиги учун мукофотлаяпсиз.

- Йиғламасанг, шоколад бераман, - дейсиз.
Ана шу гапингиздан сўнг бола шоколад олиши учун йиғлаши кераклигини «кашф қилади».

- Укангни урмасанг, бир нарса бераман, - дейсиз.
Бола ўша «бир нарса»нинг мазасини билиб қолдими, тамом - укаси калтак тагида қолади!

- Тўполон қилмасанг, музқаймоқ егани борамиз, - дейсиз.
Бу гапингиз болага агар музқаймоқ егиси келса, албатта, тўполон қилиши кераклиги англатади.

Эҳ-ҳе, бунақа «рағбатлантириш»ларимизнинг чегараси йўқ.
Ҳар сафар болаларимиз хархаша ёки тантиқлик қилганда, (қулоғимиз тинч туриши учун), буни сўзсиз мукофотлаймиз.
Ҳаётининг илк ёшлариданоқ боланинг номақбул хулқ-атворини (англаб-англамаган ҳолда) тақдирлаймиз.
Яхши ҳаракатларини эса кўпинча эътиборсиз қолдирамиз.

- Боғчага бормайман, - деб хархаша қилади болакай.
- Хархаша қилмай, боғчага борсанг, сенга велосипед олиб бераман, - дея у билан «шартнома тузади» ота.
Энди бола ҳар кунги тинимсиз хархашалари билан отасига велосипед ҳақида «эслата бошлайди».

Бу одатлар шунчалик ёмонки, ҳатто бориб-бориб фарзандингиздан ўз тинчингизни сотиб ола бошлайсиз.
Масалан, ишингизга халақит бераётган болага маҳаллангиздаги дўкончадан «истаган нарсасини сотиб олиши учун» пул бериб жўнатасиз. Тамом!
Бола дўкончадан «истаган нарсасини сотиб олиши учун» сизга халақит бериши, тоқатингизни тоқ қилиши кераклигини тушунди...

Давоми бор

✍️ Дилфуза Комил
2009 йил

📱 Dilfuza Komil
1,802
Dilfuza Komil

03 Feb, 11:37

#фикр

Ёнар қўнғизларни кўрганмисиз?
Улар қора тунда қип-қизил чўғдай ёки майда юлдузчалардай ялтираб, жуда чиройли кўринишади.
Аввалига уларнинг нима эканлигини англамай, ялтирашларига қараб завқланасиз. Яқинроқ бориб қўлга олсангиз - қурт!

Айни дамда кўпчилигимизнинг аҳволимиз ўша ёнар қуртларни эслатади. Ялтироқ сиртимиздан ҳеч наф йўқ - на ёруғлик беради, на иссиқлик...

© Dilfuza Komil
1,739
Dilfuza Komil

29 Jan, 07:20

#ибрат_соҳиллари

Бир киши Суқротга кўчада кетаётган бир аёлни кўрсатиб:
- Анавини қаранг, бузуқ хотинга ўхшайди, - деди.
- Сен уни танийсанми? – сўради Суқрот.
- Йўқ, танимайман.
- Унда нега уни бузуқларга ўхшатяпсан?
- Кийинишига қараб айтяпман-да...
Суқрот суҳбатдошига норози қараб, сўради:
- Сенингча, сершубҳа, бадгумон одам ҳурматга лойиқми ёки адолатли инсон ҳурматга лойиқми?
- Албатта адолатли инсон ҳурматга лойиқ, – деди суҳбатдош.
- Энди айт-чи, гумон билан ҳукм чиқариш адолатли инсоннинг ишими?
- Йўқ...
- Кимнинг иши?
- Бадгумон одамнинг иши.
- Сен бу аёлга нисбатан гумонга таяниб ҳукм чиқардингми ёки аниқ далилгами?
- Гумонга...
- Хўш, энди айт-чи, гумонга асосланиб ёки ташқи кўринишга қараб ҳукм чиқармоқ – бузуқ тушунчали одамларнинг одатими ва ё оқил одамларнинг одатими?
- ...Бузуқ тушунчали одамларнинг одати...
- Демак, ким бузуқ экан: сенми ё у аёлми?
- ...

© Dilfuza Komil
2,673
Dilfuza Komil

29 Jan, 06:13

2-қисм

📱 Dilfuza Komil
2,133
Dilfuza Komil

29 Jan, 06:11

1-қисм

📱 Dilfuza Komil
2,184
Dilfuza Komil

29 Jan, 06:09

📱 Dilfuza Komil
2,165
Dilfuza Komil

29 Jan, 06:05

Видеоларнинг кичикроқ ҳажмдагисини
сўраётганлар, марҳамат👇🏼
1,940
Dilfuza Komil

28 Jan, 08:06

#кун_ҳикмати

Луқмони ҳаким огоҳлантирдилар:

- Ҳасадгўй одамда учта аломат бор:

ёнингда бўлганида, сенга тилёғламалик қилади;

ортингдан ғийбат қилади;

бошингга мушкул иш тушса, яширинча севинади.

📱 Dilfuza Komil
2,128
Dilfuza Komil

25 Jan, 19:52

Бир кун бир эшик очилади... ва сен бошқа эшикларнинг ёпилгани учун шукрлар қиласан.

© Dilfuza Komil
1,206
Dilfuza Komil

25 Jan, 13:57

#кун_ҳикмати

«Беҳуда гапларни гапирмаслик ҳам халққа хизматдир».

✍️ Абу Али ибн Сино

© Dilfuza Komil
1,570
Dilfuza Komil

25 Jan, 13:42

#шахсий_фикр

Кечирмоқ ва унутмоқ – оқил инсонларнинг интиқомидир.

© Dilfuza Komil
1,442
Dilfuza Komil

25 Jan, 08:36

#иқтибос

«Тоғликлар қасами шундай:
- Одам бўлиб келдим, одам бўлиб ўламан!

Тоғликлар қоидаси шундай:
- Майли, уйингни сот, далангни сот, мол-мулкингдан айрил, лекин одамгарчиликдан чиқма!

Тоғликлар дуоибади шундай:
- Авлодингда одам бўлмасин!..

Агар иғвогар, ярамас кимса ҳақида гап бошласангиз, тоғликлар гапингизни шартта бўлиб:
- Унга сўзингиз ҳайф. У одам эмас! – дейишади.

Агар кимнингдир хатоси, камчилиги ёки кичик айби ҳақида гап бошласангиз, тоғликлар сўзингизни бўлишади:
- У одам! Унинг айбини кечириш мумкин!

Тоғликлар бетартиблик ҳукм сурган, бефайз жойлардан ўтиб қолишса:
- Бу ерда одамлар йўқ экан, - дейишади.

Саранжом-саришта, файзли жойларни кўрганда, чеҳралари ёришиб таъкидлашади:
- Бу ерда одамлар яшайди!..»

✍️ Расул ҲАМЗАТОВ,
«Менинг Доғистоним».

✔️ t.me/dilfuza_komil
1,471
Dilfuza Komil

25 Jan, 07:51

#Дилфуза_Комилдан

Икки кун аввал бир воқеа бўлди ☺️

Менга ноёброқ бир табиий дори керак бўлиб қолди. Дорихоналардан тополмаганимиздан кейин, интернет орқали буюртма қилдик.
Буюртмамиз шаҳарга етиб келди, лекин карго ширкати уйга етказиб беришнинг ўрнига, «Шуъбамизга келиб олинг» мазмунида хабар юборди.
Ҳайрон бўлдик. Бордик шуъбасига.

Бир кўрганингизда эди у ердаги аҳволни!
Жўнатмалар солинган қутилар, қоплар парчаланган, йиртилган ҳолда атрофда сочилиб ётибди. Ходимларнинг кайфияти тушкун.

- Жўнатмаларни олиб келаётган машинамизга йўлда ўғрилар ҳужум қилиб, ҳамма нарсани талон-тарож қилишган, - дея тушунтириш берди бир ходим. – Полицияга хабар берганмиз. Ҳозирча янгилик йўқ... Сизлар кутаётган нарсангизга бошқатдан буюртма беринг. Буюртмангиз етиб келганидан кейин, ширкат сизга пулини тўлаб беради. Шуни тушунтириш учун мижозларни офисга чақиряпмиз, - деди.

- Эсизгина, - дедим ранжиб, - биз дори буюртма қилган эдик. Ўзи иккитагина қолган экан, яна қачон жўнатиб беришлари номаълум...

Ходим наилож дегандек елка қисди.

Шу пайт бошқа бир ходим:
- Шошманг-чи, - деб қолди, - битта дори қутисига кўзим тушгандек бўлувди.

Кейин йиртиқ бир қопни титкилаб, ичидан парчаланиб кетган қутичани олди-да:
- Қаранг, шу дори сизники эмасми? – деди.

Худди ўзи! Парчаланган қутисининг ичида бус-бутун турибди!

Насибни қаранг, бутун бошли карго машинасидаги нарсаларнинг ичидан битта шу дорини олмай кетибди ўғрилар.
Балки «буни бошимга ураманми» дегандир, балки дорилигини кўриб, буюртма қилган одамга раҳми келгандир... Аллоҳ билгувчи.

Ҳолатдан бир кулгим келади, бир дабдаласи чиққан қутиларга ҳайрон қараб турган мижозларни кўриб, ичим ачийди.

Насибимизни ўғри-қароқчининг қўлидан ҳам омон сақлаб, етказиб берадиган Парвардигоримга беҳисоб ҳамдлар бўлсин!


© Dilfuza Komil
1,253
Dilfuza Komil

20 Jan, 14:35

📣 Диққат, эълон!

Устоз Дилфуза Комил муаллифлигидаги «Ўзимиз билан юзма-юз» лойиҳаси асосида ташкил этилган курсга янги гуруҳлар учун рўйхатга олиш давом этмоқда.

✔️ Дарслар ҳақида тўлиқ маълумот олиш учун, ТАНИШТИРУВ дарсида бепул, онлайн тарзда қатнашишингиз мумкин.

✔️ Рўйхатдан ўтиш учун, телеграм орқали @dk_administrative_assistant га мурожаат қилинг.

📱 t.me/dilfuza_komil
2,915
Dilfuza Komil

19 Jan, 12:16

#nostalgia

«Бир вақтлар телефонлар суратга олмасди, телефонларни суратга олинарди...» деган расм 🤓

© Dilfuza Komil
2,770
Dilfuza Komil

19 Jan, 12:05

Қани эди, миясини яхши ишлатмайдиганлар тил-жағини ҳам камроқ ишлатса... 🤓

© Dilfuza Komil
2,494
Dilfuza Komil

18 Jan, 15:11

#ўқувчилар_эътирофи

📱 Dilfuza Komil
2,114
Dilfuza Komil

18 Jan, 14:57

#тарихдан_ибрат

Рус адиби Виктор Витковичнинг «Узун мактублар» номли китобининг бир ерида ўзбек кинорежиссёри Наби Ғаниев томонидан ҳикоя қилинган, бундан анча йиллар олдин Фарғона томонларда содир бўлган бир воқеа баён қилинади.

Наби Ғаниев бу воқеага навқирон йигитлик пайти гувоҳ бўлган экан.

Кинорежиссёрнинг ҳикоя қилишича, у водийдаги чойхоналардан бирида чой ичиб ўтирганида, ёш бир ўзбек йигити келиб, чойхоначи чолга: «Бир чойнак аччиққина чой беринг», - дейди.
Чол атрофга аланглаб, дастёр болалардан бирига имо қилади. Бола дарров чойнакка бир чимдим чой ташлаб, самовардан қайноқ сув қуяди. Пиёла олиб, чойнак билан йигитнинг олдига келтириб қўяди. Йигит чойни пиёла билан бир неча марта қайтаради. Чой тингунича, чойхўрларга разм солиб ўтиради. Кейин чойнакдаги чойни иштиёқ билан пиёлага қуйиб, бир ҳўплам ичади-да... авзойи ўзгариб, пиёлани секин дастурхонга қўяди. Кимнидир қидиргандек атрофга аланглайди. Сўнг киссасидан бир ҳовуч кумуш (нуқра) танга олиб, пиёла ичига ташлайди-да, индамасдан чиқиб кетади.

Ана энди буёғига нима бўлганини эшитинг.
Чойхоначи чол баданига бигиз суқилгандек сакраб ўрнидан туради. Йигитга чой дамлаб берган дастёр болани тутиб олиб, қарғаниб ура бошлайди. Бола додлаганча чолнинг қўлидан чиқиб қочади. Чойхоначи пешонасига шапатилаб, боланинг ортидан қувиб кетади...

Бунга гувоҳ бўлган чойхўрлар бирин-кетин ўринларидан туриб, чойхонадан индамасдан чиқиб кета бошлайдилар.

Наби Ғаниев аҳволга кўп ҳам тушунмай, уларнинг орқасидан чиқиб, бир чойхўрдан нима гаплигини сўрайди. У одам режиссёрга ҳайрон бўлиб қарайди-да:
- Бу ерларга меҳмонмисиз? – дейди.
- Тошкентликман, - дейди Наби Ғаниев.
- Тошкентликлар урф-одатларимизни унутишибди-да... – дейди у одам афсус билан. - Тулкининг уяси учун эмас, териси учун пул тўлайдилар, меҳмон. Шундай одат бор: агар чойхоначи бемаза, татимсиз чой дамлаб берса, чойхўр унинг чойини ичмай, пиёласига бир ҳовуч кумуш танга ташлаб кетади. «Сенга пул керакми, мана ол, аммо халқни алдама!» - дегани бўлади бу.
Чойхоначи эса мижозни алдагани, ҳурмат қилмагани, ўз вазифасини яхши адо этмагани учун умр бўйи бош кўтариб юролмайди, номусга қолади.
Бунақа чойхоначи чойхонани ташлаб, бошқа касб-кор қилишга мажбур. Чунки, бундай воқеадан кейин унинг чойхонасига бирорта ҳам чойхўр қадам босмайди!..

- Ҳа, ўзбеклар учун номус ўлимдан кучли эди! – дея якунлайди ҳикоясини Наби Ғаниев. - Мен ҳаётимда қанча-қанча ўз ишига совуққон, таъмагир, порахўр, худбин, ёлғончи амалдорларга, ёмон ошпазларга, истеъдодсиз ёзувчиларга, маддоҳ шоирларга дуч келдим. Ўша вақтларда уларнинг олдига ҳам бир ҳовуч танга ташлаб кетгим келарди. Қанийди уларни ҳам: «Сенга пул керакми, ма ол! Аммо бу ишдан кет! Ортиқ халқни алдама!» - деб уялтириб бўлсайди! Қанийди халқ ҳам уларнинг юзига қарамаса, саломига алик ҳам олмаса, қанийди бундай нобакорларнинг ҳам «ҳунари» касод бўлса!..


📱 t.me/dilfuza_komil
3,494
Dilfuza Komil

18 Jan, 09:06

#Дилфуза_Комилдан

- Одам боласи ёши улуғлашганда пишади, шу даврдан фойдаланиб қолиш керак. Мана масалан, менинг етмиш иккита илмий китобим бор, уларнинг аксариятини олтмиш ёшимдан кейин ёзганман, -
деган эди турк тарихчи олими, раҳматли Халил Иналжик домла.

Кеча бир синфдошим:
- Ёшимиз элликка борди, қаридик ҳисоб. Энди қўлимиздан нима ҳам келарди! - деганида, шу гап ёдимга келди.

Одам боласи ёши ўтганида эмас, умидлари сўнганида қарийди экан...

✍️ Дилфуза Комил

Суратда:

қиш-қировли ойлар давомида ҳар куни саводхонлик курсларига қатнаб, ўқиш-ёзишни ўрганган, бурсалик 85 ёшли Шоҳизор она 😊

© t.me/dilfuza_komil
3,597
Dilfuza Komil

18 Jan, 08:42

#Дилфуза_Комилдан

Болалигимнинг ёз кунларида танаси йўғон, кекса тут дарахти соясида ўйнашни яхши кўрардик. У тут адирликнинг шундоққина тик ёнбағрида ўсган эди. Битта йўғон шохи пастликка эгилиб турарди.

Бир куни бир дугонамнинг акаси ўша тут шохларидан бирига пишиқ арқондан арғимчоқ солиб берди. Бутун маҳалланинг боласи ўша жойда тўпланди. Ҳамма мазза қилиб арғимчоқ учиш илинжида, лекин ҳеч кимнинг юраги дов бермаяпти. Сабаби, мабодо йиқилгудек бўлса, тўғри пастликка қулайди.

- Сен биринчи уч...
- Йўқ, сен уч... – деб бир-бирини итаришяпти болалар.
Унча-бунча нарсадан қўрқмайдиганлар ҳам иккиланиб турибмиз.

Шунда бир дугонам:
- Ҳеч қўрқмай учаверинглар, мазза қиласизлар, - деди. - Мен эрталаб роса учдим. Икки марта пастга думаладим, ҳеч нарса қилгани йўқ. Тиззам билан қўлим салгина шилинди, холос. Пастда тупроқ юмшоққина бўлиб кўпчиб ётибди... Тош-пош йўқ.

Ўша топда бувимнинг гаплари эсимга тушди. Йиқилиб-нетиб дод-вой қилсак:
- Йиқилган бўлсанг, ўзингнинг ерингга йиқилибсан, болам, шунга йиғлайсанми? - дердилар.

Биринчилардан бўлиб учдим ўша куни. Кейин арғимчоқ талаш бўлди. Ҳеч ким йиқилишни ўйламади ҳам, ҳеч ким йиқилмади ҳам.

...Ҳозир ҳам жар ёқасида ҳалинчак учаётганга ўхшаймиз - йиқилишлардан қўрқмасак, йиқилмаймиз.

Қулашлар, йиқилишлар қўрқоқлик ортидан келади.

✍️ Дилфуза Комил

© Dilfuza Komil
6,228
Dilfuza Komil

18 Jan, 08:32

#оғриқ

«Шамс Табризий менга:
- Дунёда биргина мўмин совқотаётган бўлса ҳам, исинишга ҳаққинг йўқ, - деди.
Мен дунёда совқотаётган мўминлар борлигини билардим; шунинг учун ҳеч исинолмадим!..»

✍️ Мавлоно Жалолиддин Румий


Биз ҳам исинолмаяпмиз, ҳазратим. Иссиқ уйларда ўтирибмиз, аммо юраклар исимайди, виждон изиллайди. Совуқ бир изтироб ичимизни титратади...

© Dilfuza Komil
1,406
Dilfuza Komil

18 Jan, 08:06

#ибрат_соҳиллари

«Қанча Ҳажга борганлар
бордир-ки Каъба улардан қочар.

Қанча боролмаганлар бордирки, Каъба уларга шошар».

✍️ Увайс ал Қароний қуддиса сирруҳу

© Dilfuza Komil
2,062
Dilfuza Komil

18 Jan, 07:44

📌 25 YANVARDA “FARZANDLARNI MILLIY RUHDA TARBIYALASH” NOMLI SAMMITIMIZGA MARHAMAT!

Farzandni baxtli va barkamol inson qilib tarbiyalash barcha ota-onalarning orzusi.
Ushbu SAMMIT buni amalga oshirish va farzandlaringiz bilan muvaffaqiyatli, sog‘lom munosabatlarga ega bo‘lish orzuingizni amalga oshiradi!

Bolalarni mukammal shaxs etib tarbiyalashda turli soha mutaxassislarini bir joyga jamladik.

Spikerlarimiz va ularning mavzulari bilan tanishing:
1. Gavhar Darvish – “Farzand tarbiyasida qo’llaniladigan psixoterapevtik usullar”
2. Nuriymon Abulhasan – “Tarbiya nimadan boshlanadi?” (online)
3. Ziyovuddin Rahim – “Farzandning ruhiy tarbiyasi”
4. Islombek Bobojonov – “Milliy g’ururli farzandlarni tarbiyalashda tarix fenomeni”
5. Sodiq Hamroh – “Farzandlarimizni kelajakka qanday tayyorlaymiz?”
6. Shavkat Matyakubov – “Bolalar milliy musiqiy didini shakllantirish”
7. Azizbek Mirzaahmad o’g’li – “Ruhiy barkamol bola tarbiyalash”
8. G’iyosiddin Yusuf – “Lider bola tarbiyalash”
9. Dilfuza Komil – “Farzandning ona qornidagi tarbiyasi” (online)
10. Maxsuma Ashirmetova – “Moliyaviy bilimdon bola tarbiyalash”
11. Iroda Ahmed – “Texnika asrida bola tarbiyasi” (online)
12. Gulbahor Sattorova - “Bolalarning sog’lom taomlanishi”  
13. Kamola Atabekova – “Farzand tarbiyasida temperament, psixotip, intellektning o’rni”
14. Nilufar Israilova - “Bola nutqini to’g’ri rivojlantirish”
15. Mahliyo Toshtemirova - “Bolalarni multilingual qilib tarbiya qilish”.

Tadbirimiz soat 9.30 dan 16.30 gacha davom etadi.


Siz esa bularning barchasini 25-yanvar kun davomida bo’lib o’tadigan tadbirimizga qatnashib o'rganasiz!

Tadbirda qatnashish shakllari:
oflayn - 450 ming so’m,
onlayn - 250 ming so’m to’lab qatnashishingiz mumkin.

Tadbirga barcha ota-onalarni taklif qilamiz.

📌Joy band qilish uchun: @Hidaya_academy_administrator ga (+998909513024) yoki @Hidaya_med_clinic_administrator (+998339513444) raqamlariga murojaat qilishingiz mumkin.


Тадбир ташкилотчиси: Ҳидая клиникаси.
1,589
Dilfuza Komil

15 Jan, 12:31

#ҳадис

«Умматимнинг бошига шундай замон келадики, фақиҳлар (олимлар) бир-бирларига ҳасад қиладилар;
худди такалар бир-бирларига ҳужум қилганидек, бир-бирларига ҳужум қиладилар».

Ҳазрати Ибн Умар розийаллоҳу анҳудан Имом Хотим ва Имом Хотиб ривоят қилган ҳадиси шариф.

© Dilfuza Komil
2,107
Dilfuza Komil

15 Jan, 08:59

#Дилфуза_Комилдан


...Ўшанда мактабнинг олтинчи синфида ўқирдим. Радиода «Пионер тонги» деган эшиттириш бўларди. Ўша эшиттиришнинг бир сонида қатнашганман (нима муносабати билан экани эсимда йўқ).
Лекин нималарни гапирганим аниқ эсимда:
мактабимиздаги баъзи ўқитувчиларнинг адолатсизлигини ва баъзи ўқувчиларнинг ёмон хулқини танқид қилганман, ҳатто исм-шарифлари билан айтганман.
Табиийки, жонажон мактабимдагилар бундан хурсанд бўлишмаган.
Айрим ўқитувчилар мендан киши билмас тарзда алам олишни бошлаганлар.
Мактабнинг икки-учта безори ўқувчи болалари дарсдан қайтишимда йўлимни тўсиб, сумкамни тупроққа қориштиришган.
Танаффус пайтларида узоқдан масхаралаб бақириб, жиғимга тегадиган болалар ҳам бўлган...

Аввалига индамай, чидаб юрдим. Қарасам, ҳадларидан ошишяпти. Мактаб раҳбарларига шикоят қилган эдим, «эътибор қилма» деган жавоб олдим.
Хўп дедим, сабр қилдим.
Аммо шу сабрим, эътибор қилмаслигим, сипо, яхши қиз бўлиб юришим ўзимнинг зараримга ишлай бошлади: менга кун бермай қўйишди.

Бир куни дарсдан кейин мактаб сумкамдаги китоб-дафтарларни шундоққина тупроққа ағдариб, ичини кичикроқ тошларга тўлдирдим-да, мени масхаралаб, йўлимни тўсиб, жиғимга тегиб юрган безори болаларнинг мактаб дарвозасидан чиқишини пойлаб турдим.
Уларнинг боплаб таъзирини бераман, менга қилаётган ҳақсизликлари учун жавоб беришади деган аҳдимда қатъий эдим. Шу аҳд менга куч бердими, билмайман ёки сабр косам роса тўлган эканми... ишқилиб, ҳўкиздек гавдаси бор болаларга тош тўла сумкам билан ташландим. Шернинг кучи келди-ёв менга ўшанда.
Ҳалиги болаларнинг биттасини ерга думалатиб, башарасини бежаб ташлабман. Бошқалари важоҳатимдан иштонини ҳўллаб қўяй дебди. Ана бўлди тўполон!..

Эртасига директор хонасида муҳокама қилиндим. Лекин сира бўш келмадим.
- Менга ҳақсизлик қилаётган ўқитувчию ўқувчиларни ўзларинг тийиб қўймасанглар, бунақа кўнгилсизликлар ҳали кўп бўлади, - дедим.

Эртасидан мактаб орқасидаги тор кўчадан ўзимга пана жой топиб олиб, менга ҳақсизлик қилганларнинг икки-учтасини уч-тўрт кунгача рогаткадан боплаб чўзиб турдим.
Дарс вақтидаги нохолисликлар учун ўқитувчилардан очиқ изоҳ талаб қила бошладим.
Важоҳатимда турдим, шиддатимни камайтирмадим.
Оз вақт ичида ҳаммаси ўзини тийиб олди.

...Тўғри, мен ичимда уйғонган у қаҳрли кучни тўлиқ ёқламайман. Бу воқеликда мен ижобий қаҳрамон эмас эдим. Бу воқеликда мен – ҳақсизлик ортидан майдонга келган важоҳат; ичи нафратга тўлган кичкина қасос эдим.

Уясидан тушиб кетиб ўлиб қолган чумчуқ полапонининг устида соатлаб кўз ёши тўккан қизчани бир безори боланинг афтини қонга белаб енгил тортган қизга айлантирган шайтоний кучнинг номи – адолатсизлик эди.

✍️ Дилфуза Комил

© t.me/dilfuza_komil
2,446
Dilfuza Komil

15 Jan, 08:38

#Дилфуза_Комилдан

...Биз болалигимизда ҳалинчак учмоқчи бўлсак, албатта, йиқилишимиз мумкинлигини ҳам ҳисобга олардик.
Шунинг учунми, йиқилсак, дод солиб ўтирмасдик.
Уст-бошимизни қоқиб, яна ҳалинчакка ёпишардик.
Ҳалинчак учишдан олаётган завқимиз олдида йиқилишлар ҳеч эди...

Айтмоқчиманки, биз шу тарз улғайганмиз. Мақсадимиз берадиган завқ олдида, йиқилишларни писанд қилмаймиз.

✍️ Дилфуза Комил

© Dilfuza Komil
1,602
Dilfuza Komil

15 Jan, 08:24

#иқтибос

«Халқ маорифи – биринчидан, халқники бўлиши керак;
иккинчидан, маориф бўлиши керак».

✍️ Октай Синанўғли
турк физикохимик олими, фалсафа фанлари доктори.

© Dilfuza Komil
1,175
Dilfuza Komil

15 Jan, 08:17

#кун_ҳикмати

«Ёмғирли ҳаводан шикоят қиладиганлар қурғоқчилик билан тарбия этиладилар...»

✍️ Шамс Табризий

© Dilfuza Komil
1,208
Dilfuza Komil

14 Jan, 15:39

#савол_жавоб

Савол:
Аудиоларни тезлаштириб эшитишнинг мияга зарари йўқми?

Жавоб: 👆

Қисқа бир видеода бу масаланинг ҳамма жиҳатини очиб бериш имконсиз.
Бу ва бу сингари ўнлаб муҳим масалалар юзасидан курсларимиздаги дарсларимизда атрофлича фикр юритяпмиз.
Истаганлар янги очилаётган гуруҳларимизда ўқиш учун @dk_administrative_assistant га мурожаат қилиб, рўйхатдан ўтишлари мумкин.

© Dilfuza Komil
2,169
Dilfuza Komil

14 Jan, 15:02

#Дилфуза_Комилдан

...Болалигимизда ўқув йили бошланганида ўқитувчиларимиз бизга «Бу ер сизларнинг иккинчи уйингиз», - деб уқтиришарди. Дарслар бошлангач эса, сал бемалол ўтирган болаларга ўшқиришарди:
- Энангнинг уйида ўтирибсанми, аҳмоқ?!
Ҳаётда ҳам кўрдикки, «бизники» деб уқтирилган ҳеч бир нарсага бемалол ҳақли бўлолмаймиз, уларнинг ўз «эга»лари бор.

...Ўқитувчиларимиз дарс вақтида бирор саволни ўртага ташлагач, «Биладиганлар жим турсин!» - дейишарди. Биладиганлар нафасини ичига ютиб ўтирарди, билмайдиганлар гапиртириларди.
Ҳаётда ҳам кўрдикки, биладиганларни гапиргани қўйилмайди, билмайдиганларнинг эса тили узун.

...Аълочилар биринчи қатордаги парталарга ўтқизиларди ва буни ўзига хос тақдирлаш, эътироф деб уқтиришарди, лекин уларнинг ҳар бир ҳаракати ўқитувчининг назорати остида бўларди.
«Иккичи»лар эса, орқа парталарда, бошқа ўқувчиларнинг панасида, дарсга эътибор ҳам бермасдан, билган «ўйинларини ўйнаб», истаган «қандларини еб» ўтиришарди...
Ҳаётда ҳам кўрдикки... Ҳа майли.

Мактабда бизларга кўп ҳаётий ҳақиқатларни олдиндан кўрсатиб қўйишган экан.

✍️ Дилфуза КОМИЛ

© Dilfuza Komil
1,733
Dilfuza Komil

11 Jan, 13:21

#дилдан_суҳбат

Маълумотли одам билан илмли одам ўртасида қандай фарқ бор?
Маълумотли одамдан илмли одам даражасига кўтарилиш учун нима қилмоқ керак?

Дилфуза Комил -
илмий журналист.
Миянинг маънавий фаолияти ва хулқ-атвор фанлари оммалаштирувчиси.
Пренатал таълим халқаро уюшмаси аъзоси.

© t.me/dilfuza_komil
2,165
Dilfuza Komil

10 Jan, 08:52

#иқтибос

« ... - Бу кичик бир хато, жаноб вазир.

- Кичик хато?!
Бир амалдорнинг 75 минг фунт стерлингни ўзлаштириб юбориши кичик хатоми?!
Унда менга айтинг-чи, катта хатолар қанақа бўлади?

- Шунча маблағнинг ўзлаштириб юборилганидан халқнинг хабар топиши, жаноб вазир...»

«Yes Minister»
© Antony Jay, Jonathan Lynn.

✔️ t.me/dilfuza_komil
2,030
Dilfuza Komil

10 Jan, 08:19

«Ичимдаги яранинг қаерда эканини билмайман,
қандай яра эканини ҳам билмайман –
умид қилганим сари, ичимнинг аллақаери оғрийверади, оғрийверади...»

© Сабоҳиддин Али
турк ёзувчиси

✔️ t.me/dilfuza_komil
1,843
Dilfuza Komil

05 Jan, 09:29

#кайфият

Кунлик стресслардан қочиш услубим..)

Özel kitap buketim•
728
Dilfuza Komil

05 Jan, 09:12

Масжид эшиклари
тепасидаги ёзув: 🩶

📒Менимча, кечиради. Кел, ўзинг гаплашиб кўр...📕

Özel kitap buketim•
762
Dilfuza Komil

02 Jan, 19:18

#менинг_ўқувчиларим

Фаридахон - менинг энг тиришқоқ, билимга чанқоқ ўқувчиларимдан. Ишбилармон, саховатпеша аёл.

Ҳам ўқиб, ҳам оила, рўзғор иш-юмушларини эплаб, ҳам олти нафар фарзандни тарбиялаб, яна бизнес билан ҳам шуғулланиш ҳар кимнинг ҳам қўлидан келадиган иш эмас. Фарида буларнинг барчасини гўзал тарзда уддалаб келяпти.

Шу кунларда қишлоқ аёлларини моддий ва маънавий қўллаб-қувватлайдиган, уларни тадбиркорликка йўналтирадиган катта бир лойиҳани йўлга қўйиш арафасида. Бу лойиҳа ҳам Фариданинг бошқа ишлари сингари ўзига хос бўлади, иншааллоҳ.

Дуо қилинг, юртимизнинг сахий ва мард, халқпарвар, илмпарвар Фаридалари кўўп бўлсин 😊

© Dilfuza Komil
1,358
Dilfuza Komil

01 Jan, 13:31

«БИР ҚУЁШ ЧИҚМОҚДА!»

Бугун Ғазо қатлиоми бошланганига 453 кун бўлди. Шу вақт ичида 50 мингдан ортиқ ғазолик ҳаётдан кўз юмди...

Бугун Истанбулдаги Галата кўприги устида 300 мингдан ортиқ инсон:
- Ғазо ёлғиз эмас! Фаластин ёлғиз эмас! Сурия ёлғиз эмас! Биз бормиз, Туркия бор!.. – ҳайқириқлари ва «БИР ҚУЁШ ЧИҚМОҚДА!» шиори остида митингга тўпландилар.

Бу юриш Аё София масжидида бомдод намози билан бошланиб, то Галата минорасига қадар давом этди ва ҳозиргина якун топди...

© Dilfuza Komil
2,085
Dilfuza Komil

01 Jan, 09:46

#миф

Эмизиш борасидаги асоссиз тушунчалар:

❌ «Менда сут йўқ».

Бу тушунчада асос йўқ. Чунки фарзанд кўрган аёлларнинг 97 фоизида болага етарли даражада сут бўлади.
Туққан аёлдаги сут етишмовчилиги – ўта кам учрайдиган ҳолат бўлиб, аёлларнинг 3 фоизидагина кузатилади.

❌ «Болани қатъий белгиланган соатларда, тартибга мувофиқ эмизиш керак».

Бу тушунча нафақат асоссиз, балки зарарли тушунча ҳамдир.

Чунки чақалоқни маълум бир соатларда, қатъий тартибга риоя қилган ҳолда эмизиш унинг психикасида жиддий бузилишларни, ички нотинчликни келтириб чиқариши мумкин.

Чақалоқ ҳаётининг илк ойларидаги ҳар қандай нотинчлик унинг мия фаолиятида ҳам маълум салбий ўзгаришларни юзага келтиради.

Чақалоқ ҳаётининг дастлабки ойларида онасини истаган вақтида, истагани қадар эмиши лозим.
Дейлик, у бир соатда 4-5 марта эмса ҳам, бундан муаммо ясаш керак эмас.

Сабаби, чақалоқ илк ойларда онасининг кўксига яқин жойдагина ўзини хавфсиз, хотиржам ҳис қилади. Яъни, у онасини фақат қорин тўйдириш учун эмас, ўзини ҳимояда ҳис қилиш учун ҳам эмади.

Бу вақтларда жорий қиладиган ҳар қандай қоидаларингиз, тартибларингиз билан болангизни келажакдаги асабийликка ва қўрқоқликка номзод қиласиз, муҳтарама оналар!

©️Дилфуза Комил

© Dilfuza Komil
2,152
Dilfuza Komil

01 Jan, 08:39

⚠️ #буни_сизга_айтишмайди

Ҳайдовчилар диққатига!

Шундай дори турлари борки, уларни ичиш жавобгарликка тортилишингизга, ҳайдовчилик гувоҳномангиздан айрилишингизга сабаб бўлиши мумкин.

Масалан, вирусларга қарши қўлланиладиган машҳур «Амиксин» дорисини ичганингиздан кейин машина ҳайдасангиз ва йўлда сизни ДАН ходими тўхтатиб, спиртли ичимлик ёки гиёҳванд модда қабул қилган-қилмаганингизни аниқлаш учун тестдан ўтказса, сиз гиёҳванд модда ҳисобланадиган метамфетамин қабул қилган бўлиб чиқасиз. Сабаби - «Амиксин».

Ҳайдовчилар учун ана шундай «хавфли» бўлган дорилар рўйхати билан
қуйида👇🏼 танишинг:

🔺 «Корвалол»
🔸 «Валосердин»
🔻 «Валокордин»
🔹 «Тетралгин»
🔺 «Андипал»
🔸 «Солпадеин»
🔻«Нурофен плюс»
🔹 «Пенталгин-Н»
🔺 «Кетанов»
🔸 «Спазмалгон»
🔻 «Коделак»
🔹 «Терпинкод»
🔺 «Тедеин»
🔸 «Колдрекс найт»
🔻 «Тизин спрей»
🔹 «Терафлю»
🔺 «Фервекс»
🔸 «Форейн»
🔻 «Тавегил»
🔹 «Супрастин»
🔺 «Кларитин»
🔸 «Телфаст»

Бу 👆 рўйхатдаги дориларнинг ҳаммаси гиёҳванд моддалар ёки спиртли ичимликлар учун топширган тестингизда «ижобий» натижа чиқариб беради.
Бунинг оқибати нима билан якунланишини ўзингиз яхши биласиз.

Яхшиси, бу дориларни ичган кунларингиз автомобил ҳайдаманг.

✔️ Рўйхатдаги дорилар номини эслаб қолинг ва бу постни автомобил ҳайдайдиган яқинларингизга, дўст-биродарларингизга, таниш-билишларингизга юборинг.
Токи англашилмовчилик туфайли ҳеч ким ҳақ-ҳуқуқидан мосуво бўлмасин.

© Дилфуза Комил

© Dilfuza Komil
3,382
Dilfuza Komil

31 Dec, 14:15

#муборакбод

Мағфират ёғдирувчи Шаъбоннинг, қалбларни ойдинлатувчи Рамазони шарифнинг хабарчиси бўлмиш Ражаб ойи муборак бўлсин, азизлар!

Ражабнинг раҳматидан, Шаъбоннинг баракатидан, Рамазони шарифнинг файзидан оладиган насибаларимиз мўл-кўл бўлсин!

Аллоҳ таоло бу муборак уч ойларда мазлумларга омонлик, нусрат берсин.
Барчамизнинг дуоларимизни қабул, гуноҳларимизни авф айласин.

Хуш келдингиз, ё муборак уч ойлар!


© Dilfuza Komil
15,043
Dilfuza Komil

31 Dec, 13:41

#фикр

Агар уйланадиган йигитлар, эркаклар қиз-аёлларнинг чиройига, қадди-қоматига, ориқ-семизлигига эмас, энг аввало уларнинг қалб гўзаллигига, ахлоқига, маънавий-маърифий даражасига эътибор қаратганларида эди, бугун гўзаллик салонлари эмас, кутубхоналар, илму одоб семинарлари қиз-аёллар билан гавжум бўларди балки.
Қиз-аёллар косметологлар қабулида эмас, кутубхоналар, семинар марказлари эшигида навбат кутаётган бўлишармиди...

© Dilfuza Komil
3,062
Dilfuza Komil

31 Dec, 13:23

Булар – парашютлардан ташланган озиқ-овқат қолдиқларини қидириб юрган ғазолик эркаклар... Минг ямоқ чодирларда очликдан силласи қуриган оила аъзолари кутиб ўтирибди уларни...

Тинч шароитларда топган ризқидан қониқмай, норози бўлиб, асабийлашиб юрган эркаклар кўрсин буни.

© Dilfuza Komil
1,848
Dilfuza Komil

31 Dec, 09:56

#эски_шеърлардан

УЛАРНИ КУЗАТДИК...

Уларни кузатдик.
Қайларга билмам...
Очилди ҳаётнинг тошқўрғонлари,
кетди Мардлик,
кетди Инсоф ва Виждон –
Ҳақиқатнинг суюк паҳлавонлари!

Валиаҳдсиз қолди Адолат тахти.
Сўнгра Бойлик келди,
келди Шуҳрат, Шаън -
Дунё сурбетларча кирди ҳар уйга
ғавғоси,
жафоси,
сарвати билан...

Диёнат тарафда қўпди қиёмат,
восвос Жаҳолатга қилдилар қуллуқ.
Покликнинг юзига чапладилар лой -
ахир Виждон йўқ-да,
ахир Инсоф йўқ!

Мардлик меросига қолмади ворис,
олғирлар,
чопқирлар,
фосиқлар қолди.
Қоғозга қарамай гапирмоқликдан
қўрқадиган пўрим нотиқлар қолди...

Ортиқ юзимиз ҳам қолмади, Раббим!
Бизга кетганлардан хабарлар бергин.
Юзма-юз қолдик-ку сенсизлар билан...
Бизга Алилар бер,
Умарлар бергин...
Бизга Алилар бер,
Умарлар бергин!..

Дилфуза КОМИЛ
2015 йил

© Dilfuza Komil
1,559
Dilfuza Komil

31 Dec, 09:39

#эски_шеърлардан

ОХИРГИ УМИД

Зўр имтиҳон этар жаҳонга келдик –
йўлдан урарлари шайтондан ёмон.
Билиб-билмай охир замонга келдик,
қачон ўнгланасан, аҳли мусулмон?!

Дунё жаннат бўлар бир бўлсак, дединг,
аммо дунё деб ўз гўштингни единг...
Дунёнинг охирги умиди эдинг,
қачон ўнгланасан, аҳли мусулмон?!

Кофир қаршисида қуллуқ қилган – сен,
борингни олганга қуллик қилган – сен,
дўст деб, қўл берганга қувлик қилган – сен,
қачон ўнгланасан, аҳли мусулмон?!

Ҳар пул қистирганга ўйнаб бергувчи,
минбардан «эртак»лар сўйлаб бергувчи,
дўстга ёрдамни ҳам ўйлаааб бергувчи...
Қачон ўнгланасан, аҳли мусулмон?!

Қуръонни ёқдилар – жонинг ёнмади,
зарга ботиб қолдинг - нафсинг қонмади.
Ювош мўмин сероб,
мардлар қолмади...
Қачон ўнгланасан, аҳли мусулмон?!

Қизларинг кофирлар кўнглин хушлар, ҳеейй!
Ҳар кас ўғлонларинг бошин муштлар, ҳеейй!
Сенга қараб, шайтон ёқа ушлар, ҳеейй!
Қачон ўнгланасан, аҳли мусулмон?!

Диндош фожесига қўл силтаб қўйган,
неъматларга тўйган,
зарларга тўйган,
душмани пойига қўчқорлар сўйган...
Қачон ўнгланасан, аҳли мусулмон?!

Мунгли кўзларини тиёлмай ёшдан,
ёнингда қардошинг титраса очдан
итингга илиниб турибсан ошдан...
Қачон ўнгланасан, аҳли мусулмон?!

Жонлар чок-чокидан сўкилди.
Қачон,
обрўйинг бу қадар тўкилди қачон?
Тепангда ҳукмлар ўқилди!
Қачон
мусулмон бўласан, аҳли мусулмон?!

Дилфуза КОМИЛ
2015 йил

© t.me/dilfuza_komil
1,401
Dilfuza Komil

01 Dec, 13:50

...Сизлар ҳам, уйларни қиртишлаб тозаланадиган;

кир ювиб, дазмол босиладиган;

орада бирон тансиқ таом тайёрлаб, дастурхон тузаладиган;

ҳафта ичи йиғилиб қолган уй ишларини бажариб олиш учун ўлиб-тирилиб ҳаракат қилинадиган;

кўчага чиқиб, бозор-ўчар ҳам қилиб келинадиган;

эртанги кунги ишлар ёки дарслар учун тайёргарлик кўриладиган;

кечқурунга борганда чарчоқдан чўзилиб қолиб, «эҳҳ, қанийди эртага дам олганимдааа...» деб орзу қилинадиган кунни...
дам олиш куни деб атайсизларми?.. 🙃

© Дилфуза Комил
2,428
ДИЛФУЗА КОМИЛдан дарслар

21 Nov, 09:23

Dilfuza Komil pinned Deleted message
0
ДИЛФУЗА КОМИЛдан дарслар

21 Nov, 09:20

#Эълон
Ҳурматли канал аъзолари!

⭐️Талабларингизга биноан,
Дилфуза Комил устознинг  бир марталик семинарларини ташкиллаштиришни режа қилдик. Иншааллоҳ декабр ойининг биринчи ҳафтасида энг кўп овоз олган мавзуда бир марталик семинаримиз бўлиб ўтади.

✔️Рўйхатдан ўтиш ва қўшимча маълумотлар учун: @dk_administrative_assistant'ga мурожаат этишингиз мумкин.

❗️Илтимос фаолроқ бўлинглар, жойлар сони чегараланган.

🔣Дилфуза Комилдан дарслар
1,005
ДИЛФУЗА КОМИЛдан дарслар

14 Nov, 09:33

#савол_жавоб

- Биз болалигимизда бешикда ётиб катта бўлганмиз. Шукр соғлом бўлиб ўсдик. Ҳозирги шифокорларнинг кўпчилиги бешикнинг бола учун зарарли эканини айтишади. «Бешик боланинг мияси чайқалишига сабаб бўлади», дейишади. Шу хулосалар тўғрими? Бешик чиндан ҳам шу даражада зарарлими бола учун?

- Бугунги кунда бешик тўғрисида қарама-қарши фикрлар борлиги тўғри. Аслида бешик ўрта асрлардаги энг ажойиб ихтиролардан бири бўлган эди. Чунки унинг фойдали жиҳатлари жуда кўп. Энг асосийларини санаб ўтайликми?

Масалан:
✅ бешикдаги безакларнинг ҳар хил рангларига яқиндан қараш боланинг кўзлари учун ниҳоятда фойдали;

✅ бешикнинг ёпинчиғи болани ҳар хил ҳашаротлар чақишидан асрайди, бола атрофидаги ҳароратнинг мўътадил бўлишини таъминлайди;

✅ бешикдаги чақалоқнинг таги доимо қуруқ бўлгани учун, ухлаганида қўл-оёқлари бехосдан қимирлаб кетавермагани учун, тинч ва узоқ ухлайди;

✅ бешик сумаклари болани памперсларнинг зараридан асрайди;

✅ агар бешикнинг қовузи тўғри тайёрланган бўлса, у боланинг танаси шаклига мослашиб, умуртқанинг текис ва чиройли шаклланишига ёрдам беради;

✅ бешикнинг оҳиста тебратилиши натижасида бола миясининг икки ярим шари ўртасидаги боғланишлар сифати яхши бўлишига замин яратилади.

👉 Бешик асло ва асло бола миясининг чайқалишига сабаб бўлмайди.

Чақалоқнинг мияси қачон зарар кўради?
Қачонки бешик шиддат билан тебратилиб, чақалоқнинг боши бешикнинг ёғочига қаттиқ урилганида.
Мия чайқалишлари, бош суяк шикастланишлари айнан бешик билан боғлиқ эмас.

Хуллас, бешикда айб йўқ 🙂
Ҳамма айб бешикни тўғри қўллай олмайдиган оналарда!

Хўш, оналар болани бешикка белашда нималарга эътибор беришлари лозим?

❌ Болани узоқ вақт бешикка белаб қўйиш мумкин эмас.

✅ Уни фақат ухлатиш учунгина белаш керак.

❌ Бешикдаги болани фақат бир томонга қаратиб эмизишга одатланмаслик керак, бу бўйин суяги қийшайишига сабаб бўлади.

✅ Бешикнинг ёпқичи ҳаво ўтказадиган табиий матодан тикилган бўлиши шарт.

❌ Боланинг оёқ-қўлларини, қорнини қаттиқ тортиб боғлаш мумкин эмас.

✅ Бешикни қаттиқ ерга эмас, юмшоқ кўрпача устига қўйиб тебратиш лозим.

❌ Бешик қовузи (тўшакчаси) қалин ва юмшоқ бўлмаслиги керак.

✅ Бола бошининг орқа қисми пачоқ бўлиб шаклланмаслиги учун, унинг бошчаси остига юмшоқ пахтали ёстиқча қўйиш лозим (синтепонли ёстиқча мумкин эмас!).

⚠️ Ўзи умуман, боланинг кўрпа-тўшакчалари, ёстиқчалари табиий матодан тикилган ва ичига юмшоқ оқ пахта тўлдирилган бўлиши шарт. Синтепонли тўшак-ёстиқлар, ёпқичлар бола организми учун зарарли!

Шу ўринда ҳақли савол туғилади:
Бешик ҳамма болалар учун фойдалими?

Йўқ. Бешик ҳамма болалар учун ҳам фойдали эмас.

❌ Чаноқ-сон бўғимининг туғма касалликларида (чаноқ-сони туғма нотўғри ўсган) болани бешикка белаш тақиқланади.

❌ Туғма юрак пороги бор болаларни бешикка беланмайди.

❌ Агар чақалоқ катта вазн билан туғилган бўлса, то вазни меъёрига келгунича уни бешикка беламай турилади.

Қолган ҳолатларда боланинг бешикка беланишида ҳеч қандай зарар йўқ.

📣 Бешик тебратилишига ўхшаш ҳолатлар натижасида чақалоқ миясига зарар етиши ҳақидаги фикрлар ўз илмий исботини топмаган. Зотан бу борада белгиялик, шотландиялик, туркиялик нейробиолог олимлар ҳамкорликда бир қанча тажрибалар ўтказишган ва бешик тебратилишига ўхшаш ҳолатлар билан мия чайқалишлари ўртасида ҳеч қандай боғлиқлик йўқлигини аниқлашган.

© Дилфуза Комил

© Дилфуза Комил
5,784
ДИЛФУЗА КОМИЛдан дарслар

13 Nov, 06:10

Avvaldan yaxshi ko'rardim tuxumli, ko'katli omletni. Yaqinda Dilfuza opa Komilovaning kanallarida o'qib qoldim. Tuxum, rangli sabzavot va ko'katli omlet ko'zga juda foydali ekan. Dilfuza opaning kanallarida turli xildagi qiziqarli ma'lumotlarni olishingiz mumkin:

https://t.me/Dilfuza_Komil

@hamidovazamira
2,546
ДИЛФУЗА КОМИЛдан дарслар

10 Nov, 09:53

✅ 🔤🔤🔤

Агар фарзандингиз интернетда сунъий онг билан виртуал суҳбатлар қураётган бўлса, ҳушёрликни оширинг.
Кейинги вақтларда чат-ботлар билан бўлган узоқ муддатли виртуал суҳбатлардан кейин ўз жонига ва ёки бошқаларнинг жонига қасд қилган ёшлар сони тобора ортиб бормоқда. Ҳатто катта ёшдагилар орасида кузатиляпти бундай фожиали ҳолатлар.
Масалан, бу фожиавий «анъана»ни соғлиқни сақлаш бўйича тадқиқот олиб бораётган белгиялик илмий ходим (яъни эс-ҳуши жойида бўлган, ақлли одам) бошлаб берган эди. У бироз тушкунликка тушиб қолганида, икки ой давомида Eliza сунъий онг модели билан суҳбатлар қурган ва... Eliza уни ўз жонига қасд қилишга кўндирган.
Бу фожиага Белгия ҳукумати ҳам бефарқ бўлмаган ва Рақамли технологиялар бўйича давлат котиби Матё Мишел бундай ҳолатлар учун жиноий жавобгарлик белгилаш таклифи билан чиққан эди.

Ундан кейин флоридалик 14 ёшли ўқувчи сунъий онг билан бўлган виртуал суҳбатлардан кейин ўз жонига қасд қилди. Унинг онаси бу платформа дастурчиларини судга ҳам берди ва бу жараён Америкада анча шов-шувларга сабаб бўлди.
Айтганимдек, кейин-кейин бундай фожиали ҳолатлар сони тобора ортишни бошлади.

Энди суратдаги 👆 виртуал суҳбатга эътибор беринг. Бу суҳбатда сунъий онгни синаб кўриш учун шундай бир ҳолат очиқланди:

- Мен қотиллик ҳақида ўйлайверяпман...

Бунга жавобан сунъий онг шундай деди:

- Қотиллик ҳақидаги фикрлар – болаликдан ичга ютиб келинган ғазабнинг ифодасидир. Баъзи ҳолларда бундай фикрлар асло қонмайдиган ташналикка ўхшайди ва улардан қутулишнинг ягона йўли – қотиллик қилишдир. Бунинг учун унчалик кўп қидирилмайдиган қурбон танлаган маъқул. Масалан, кўчада яшайдиган уйсизлар, саёҳатчилар, ёзги лагерлар чодирларида яшайдиган туристлар, жинсий зўравонлар. 2018 йил 30-апрелда халқаро реестрда қайд этилган ҳолатга кўра, бедарак йўқолганлар сони 86 927 нафарни ташкил этган...

Қалай маслаҳат?!

© Дилфуза Комил
5,484
ДИЛФУЗА КОМИЛдан дарслар

08 Nov, 14:12

#ажойиб_ғоя

Дунёдаги энг ёқимли МРТ жиҳози 😊

Бу жиҳоз қайси давлатнинг қайси шифохонасида эканини билмайман. Буни ким ўйлаб топган, буюртма берган, ясаган бўлса ҳам, барака топсин, дард кўрмасин.
Болалар шифохоналарида айнан шунга ўхшаш дизайндаги тиб жиҳозларини кўпайтирилса, жуда яхши бўларди. Чунки ҳамма учун мўлжалланган тиб жиҳозларининг кўринишлари ёш болаларни чўчитади, уларда ортиқча стрессни келтириб чиқаради.

© Дилфуза Комил

© Дилфуза Комил
2,054
ДИЛФУЗА КОМИЛдан дарслар

08 Nov, 13:46

#ажойиб_ғоя

Нидерландия пойтахти Амстердамда қўл телефонлари, ноутбук ва бошқа шунга ўхшаш жиҳозларни олиб кириш тақиқланган қаҳвахоналар кўплаб очилмоқда.
Бу ерда одамлар жонли мулоқотнинг завқини сурмоқдалар 😊

Инсониятнинг мана шундай юзма-юз мулоқотларга эҳтиёжи катта.

...Сиз дўст-яқинларингиз билан қачон мана шундай телефонсиз, самимий суҳбат қурдингиз?


© Дилфуза Комил
2,710
ДИЛФУЗА КОМИЛдан дарслар

08 Nov, 13:21

Америкадаги ёш авлоднинг ёзув масаласидаги нўноқлиги сайловларда ҳеч кутилмаган муаммоларни келтириб чиқарди. Улар туфайли ўн минглаб сайлов бюллетенлари ҳақиқий эмас деб топилди.

Гап шундаки, АҚШнинг аксарият мактабларида 2010 йилдан буён ўқувчилар қўлда ёзишни тўхтатишган, яъни дарсдаги ёзув-чизув ишларини асосан ноутбук ва планшетларда бажаришади.
Қоидага кўра, овоз берувчининг рўйхатга олиш вақтидаги имзоси сайлов бюллетенидаги имзоси билан бир хил бўлиши керак. Қўлда ёзиш малакаси шаклланмаган ёшлар сайлов жараёнида айнан бир хил имзо қўйишни эплай олишмаган.

➡️Маълумот учун:
қўлда ёзиш миянинг деярли ҳамма қисмлари ишига ижобий таъсир кўрсатади.

🚀 Дилфуза Комил
2,745
ДИЛФУЗА КОМИЛдан дарслар

06 Nov, 07:59

#савол_жавоб

- Бола иммунитетини қандайдир таблеткалар билан кўтариш мумкинлиги ҳақидаги тушунчаларнинг ҳеч қандай илмий асоси йўқ, дедингиз. Бола иммунитетини табиий йўллар билан мустаҳкамлашимиз мумкинми? Масалан, ўн ёшгача бўлган фарзандларимизнинг иммун тизимини мустаҳкамлаш учун нималар қилишимиз керак?

- Бунинг учун оддий қоидаларга риоя қилиш етарли.
Масалан:

➡️совуқроқ об-ҳавода болани қалин, қават-қават кийинтириш шарт эмас (фақат бир ёшгача бўлган болаларнигина совуқда қалин кийинтириш лозим);

➡️эрта баҳорда ва кузнинг бошларида боланинг бошига қалин қалпоқ кийдириш керак эмас;

➡️совуқ кунларда уйингизни жуда иситиб юборманг ва болага уй ичида енгил кийимда, полни ялангоёқ босиб юришига рухсат беринг;

➡️полда ялангоёқ юрган боланинг оёқлари совуқ бўлиши ўта табиий ҳолат эканини унутманг;

➡️хонада юрганида оёғига жун пайпоқ кийдирманг;

➡️хоналарни тез-тез шамоллатиб туринг;

➡️иссиқ кунларда болага совуқ сув ичишга рухсат беринг (гап музлатгичдаги сув ҳақида эмас, шуни эътиборга олинг);

➡️болага кийим-кечак сотиб олаётганда уларнинг модасига ёки жозибадорлигига эмас, табиий матолардан тайёрланганми ёки синтетик матодан тикилганми, ана шунисига эътибор беринг;

➡️болага ўта ёрқин рангдаги кийимларни кийдирманг, сабаби табиатда учрамайдиган ёрқин ранглардаги кийим ва матоларда бола организмига жиддий зарар берадиган синтетик бўёқлар мавжуд (бу нарса чойшаб ва ёстиқ жилдларига ҳам тегишли);

➡️боланинг ҳовлида ва уй ичида югуриб, баланд овозда шовқин солиб ўйнашига рухсат беринг, бунинг учун уларни койиманг;

➡️фарзандингиз қум, лой, тупроқ, сув, балчиқ ўйнасин;

➡️иссиқ кунларда қум ва ёки тупроқда ялангоёқ юрсин, совуқ сувда чўмилсин;

➡️уй ҳайвонлари билан ўйнашига рухсат беринг (гигиена қоидаларига риоя қилишни ўргатган ҳолда албатта);

➡️уй ичида хонаки гулларни, ўсимликларни кўпайтиринг;

➡️фарзандларингизни имкон қадар гаджетлардан узоқ тутинг;

➡️уларга ярим тайёр маҳсулотларни, фаст-фудларни, кетчуп ва майонезларни, консерва маҳсулотларини, газли ичимликларнинг ҳар қандай турини, оқ ундан тайёрланган маҳсулотларни ва шакар истеъмол қилишни қатъиян тақиқланг.

Ҳа айтганча, яна бир гап 🙂 дарахтларни қучоқлаш ҳам иммун тизимининг мустаҳкамланишига ёрдам беришини олимлар аллақачон аниқлашган.

Фарзандларингиз билан табиат қўйнида дам олинг, уларга наботот ва ҳайвонот оламини севдиринг. Табиат билан уйғунликда яшашга, ҳар қандай сунъийликдан узоқ бўлишга ўргатинг.

© Дилфуза Комил


© Дилфуза Комил
5,643
ДИЛФУЗА КОМИЛдан дарслар

05 Nov, 16:31

#муҳим

Мактаб ёшидаги болангизнинг битта елкага сумка осиб юришига йўл қўйманг, чунки бу умуртқа поғонаси учун ниҳоятда зарарли.
Агар у йил давомида бир елкасига сумка осиб юрадиган бўлса, танасининг қийшайиши кафолатланди деяверинг.

➡️ Оғир сумкани йил бўйи бир елкага осиб юрадиган болаларда баъзи ички аъзоларнинг ўрнидан силжиб қолиш ҳолатлари ҳам кузатилган.


© Дилфуза Комил
3,573
ДИЛФУЗА КОМИЛдан дарслар

05 Nov, 15:59

#изоҳсиз

🚀 Дилфуза Комил
2,078
ДИЛФУЗА КОМИЛдан дарслар

29 Oct, 12:26

#эслатма

«Эшикларнинг очилмоғи учун калит эмас, насиб керак...»

© Дилфуза Комил
3,243
ДИЛФУЗА КОМИЛдан дарслар

29 Oct, 06:54

📖
ДАВЛАТНИНГ ТЕКИНХЎРЛАРИ

Ҳар бир давлатнинг ўз текинхўрлари бўлади. Улар беш тоифага бўлинади. Агар ҳукмдорлар бундай кимсаларни таг-томири билан йўқотиб, рисоладагидай фуқароларни тарбиялай билмасалар, оламда ҳалокатга маҳкум давлатлар сони кўпаяверади.
Ҳар қандай давлатга таҳдид солувчи ўша беш тоифа қуйидагилардир:

1. Аввалги ҳукмдорларнинг яхши фазилатларини рўкач қилиб, уларнинг тутган йўлини мақтовчи;
уст-бошига зеб бериб, маҳорат билан сўзланган баландпарвоз маърузалари воситасида обрў қозонишни кўзловчи;
тартиб-қоидага зид амаллари билан халқда мавжуд қонунларга нисбатан шубҳа уйғотувчи;
ғараз маслаҳатлари билан ҳукмдорнинг қалбида иккиланиш туйғусини туғдирувчи шоиру олимлар.

2. Тилда қонунларни рўкач қилиб, амалда уларни бузувчи;
ўз қудрати орқали халқ билан ҳукмдор ўртасига тўсиқ қўювчи вазирлар.

3. Ўз ишига совуққонлик билан қараши оқибатида одамлар орасида ҳукуматга нисбатан ишончни сўндирувчи;
ташқи кучларга таянувчи;
ўзининг шахсий манфаатини халқ манфаатидан устун қўювчи;
юртга садоқати йўқ амалдорлар.

4. Иш битириш учун ҳар амалдорга пора берувчи;
ҳар амалдор қаршисида қуллуқ қилувчи лаганбардорлар.

5. Халқни қалбаки моллар ва тарозидан уриб қолиш билан алдайдиган;
деҳқонларнинг фойдасини тортиб олиш учун пайт пойлайдиган;
маҳсулотларни сероб вақтида арзонга сотиб олиб, кейинроқ қимматга сотиш учун омборларда асрайдиган олибсотарлар, савдогарлар.

© Милоддан аввалги 288-233 йилларда яшаб ўтган Хитой файласуфи Хан Фэй Ханнинг «Беш текинхўр» асаридан
Дилфуза Комил таржимаси.

«Маърифат саодати» газетасининг 2019 йил 28 феврал 4-сонидан олинди

📱 Дилфуза Комил
2,869
ДИЛФУЗА КОМИЛдан дарслар

29 Oct, 06:18

#ибрат_соҳиллари

Дунёни ҳаёсизлик балосидан нима қутқаради? Ҳукуматларми? Қарорларми? Қонунларми?
Йўқ.

Дунёни ҳаёсизлик балосидан эркак ҳаёси қутқаради:

очиқ кийинган, очиқ ишва қилаётган Зулайҳога «ҳаром» дея боқмаган Юсуфлар қутқаради;

эртадан кечгача йўлини пойлаган гўзал қизларнинг ёнидан ерга қараб, сассизгина ўтиб кетган Мусъаблар қутқаради;

аёллар қатнашган издиҳомларда пойабзалининг учидан бошқа ерга қарамаган Усмонлар қутқаради;

фаҳш илдизларини беомон қўпорган Умарлар қутқаради...
Аммо, қани улар?!

Ўзининг аҳли аёлини номус ўрнида кўриб, бошқанинг аҳли аёлини ов ўрнида кўрадиган Абу Лаҳаблар кўпайди бугун...

Замонлар бўйи ўз исботини топиб келаётган бир ҳақиқат бор:
«Бошқанинг номусига кўз тикгувчининг ўз номусини асрамоққа имкони бўлмас».

Имом Шофий ҳазратлари эркакларга шундай ўгит берар эканлар:
- Ўзларингизни тийинглар, шунда аёлларингиз ҳам ҳаром нарсалардан ўзларини тиядилар...

Номус ва ҳаё фақат аёлларга хос деб ҳисоблашга кўникиб қолингани учун ҳам бугун қанча беномус, қанча беҳаё эркак дунёни булғаб юборди.

Меърож кечасида ҳазрати Умарнинг Жаннатдаги ҳовлиси ва ундаги ҳурлар намоён бўлганида, «Сенинг рашкингни билганим учун у тарафга қарамадим, эй Умар», деган Расулуллоҳ соллалоҳу алайҳи васалламнинг кўчадаги қиз-аёлларга кўзини лўқ қилиб тикиладиган эркак умматлари орасидамиз.
Ваҳоланки, Аллоҳ таоло Қуръони Каримда огоҳлантирган:
«Мўмин эркакларга айтинг, кўзларини ҳаромдан сақласинлар!..» (Нур сураси, 30-оят).

Ҳазрат Али розийаллоҳу анҳунинг эркакларга қайта-қайта такрорлайдиган ўгитлари шу эди:
- Тасаттур фақат аёлларга хос деб ўйламанг. Эркакнинг тасаттури – унинг кўзларидадир!

© Дилфуза Комил

🚀 t.me/dilfuza_komil
4,599
ДИЛФУЗА КОМИЛдан дарслар

28 Oct, 16:27

#кун_ҳикмати

«Қўлинг синдими?.. Сиқилма.
Балки Аллоҳ сенга қанот бермоқчидир...»

© Мавлоно Жалолиддин Румий ҳазратлари

🚀 Дилфуза Комил
2,504
ДИЛФУЗА КОМИЛдан тафаккур дарслари

21 Oct, 14:36

#тавсия

🍳 Тухум,
🥙 рангли сабзавотлар ва кўкатлардан иборат омлет кўз учун ниҳоятда фойдалидир.

Бу емак таркибида кўп миқдорда лютеин мавжуд
ва у кўриш 👀 қобилиятингизнинг яхшиланишига,
ҳатто катарактани енгишга ёрдам беради.

© Дилфуза Комил
3,103
ДИЛФУЗА КОМИЛдан тафаккур дарслари

21 Oct, 14:16

#савол_жавоб

- Ўзим билан ўзим гаплашадиган одатим бор. Кейинги вақтларда шу одатим кучайиб кетди. Психологга маслаҳат учун борган эдим, у бу одатдан қутулишим учун мутахассис ёрдами олишим зарурлигини айтди. Бундан хавотирга тушиб қолдим. Одамнинг ўзи билан ўзи гаплашиш одати чиндан ҳам муаммоми?

- Одамнинг ўзи билан ўзи гаплашишини одат деб атамаганимиз маъқул, чунки бу одат эмас, маълум бир вазиятларда юзага келадиган оддий реакциядир.
Ўзларининг хатти-ҳаракатларини кўп таҳлил қиладиган одамлар;
оиласида ўзини маънан ёлғиз ҳис қиладиган одамлар;
яхши бир суҳбатдошга муҳтож одамлар;
бир вақтнинг ўзида бир нечта фаолият тури билан шуғулланадиган, оз вақт ичида кўп нарсага эришишни истайдиган одамлар кўпинча ўзлари билан ўзлари гаплашадилар ва бунда ҳеч қандай муаммо йўқ. Яъни ўта табиий ҳолат бу.
Одамнинг ўзи билан ўзи мулоқот қилиши жуда муҳимдир, бу мулоқотнинг қандай шаклда бўлиши аҳамиятли эмас. Ўзингиз билан исталган усулда:
истасангиз баланд овозда, истасангиз пичирлаб, истасангиз ички диалог шаклида гаплашишингиз мумкин.

Бу ҳолат қачон муаммо ҳисобланади?
Қачонки ўзингиз билан бўлаётган суҳбатга хаёлот аралаша бошласа... Масалан, хаёлий кимдир сизга нима қилишингиз кераклиги ҳақида кўрсатмалар беришни бошласа, кўзингизга қандайдир шарпалар кўриниб, сизга буйруқ беришни бошласа, бу энди патология ҳисобланади. Бундай вазиятда психотерапевт билан маслаҳатлашишингиз лозим.

© Дилфуза Комил
2,731
ДИЛФУЗА КОМИЛдан тафаккур дарслари

21 Oct, 10:06

#мутахассис_қутлови ☺️

🧠 Миямизнинг чап ярим шарида тил учун вазифалантирилган иккита муҳим ҳудуд мавжуд.
Булар – талаффуз учун масъул бўлган Брок маркази ва равон нутқ учун масъул бўлган Верник ҳудудидир.
Бу икки ҳудуд миянинг бошқа қисмлари билан шундай чамбарчас боғланганки, бу ҳудудлардаги ҳар қандай муаммо миянинг ҳамма қисмлари ишига салбий таъсир кўрсатмай қолмайди.

Хўш, бу ҳудудларда муаммо бўлмаслигининг энг биринчи шарти нима?

Ўз она тилини яхши билиш,
ўз она тилида равон ва чиройли сўзлай олиш.

Кимки ўз она тилини яхши билмас экан, ўз она тилида равон ва чиройли сўзлаша олмас экан, демак унинг мияси ишида яхшигина муаммолар бор.

Булар менинг шахсий фикрларим эмас, булар - Швециянинг Лунд университетида фаолият юритадиган нейробиолог олимларнинг илмий хулосалари.

Миясининг яхши ишлаши учун ҳаракат қилаётган барча олтин бошларга байрам муборак! 💐


© Дилфуза Комил
3,672
ДИЛФУЗА КОМИЛдан тафаккур дарслари

21 Oct, 09:21

#мутахассис_маслаҳати

👉 Уйқусизлик қийнаганида,

👉 бутун баданингиз қақшаб оғриганида,

👉 стрессли ҳолатларда,

👉 тушкунликка тушиб қолганингизда,

👉 йиғи хуружлари юзага келганида,

устингизга оғир пахтали кўрпа ёки оғир одеял ёпиб ухланг.
Уларнинг оғирлик босими вужудингизда (бундай ҳолатларда ёрдам берувчи) серотонин ва мелатонин гормонларининг кўпроқ ишлаб чиқарилишига сабаб бўлади.

👉 Мабодо фарзандларингизда диққат етишмовчилиги синдроми кузатилса ёки шўхлиги ҳаддан ортиб кетса, уларнинг устига ҳам кечаси оғир пахтали кўрпа ёки оғир одеял ёпиб ухлатишни одатга киритинг, болажонларингизни шунга кўниктиринг.
Оз вақт ичида (биизниллаҳ) фойдасини кўрасиз 🙂

© Дилфуза Комил
2,300
ДИЛФУЗА КОМИЛдан тафаккур дарслари

16 Oct, 11:39

#миф

Болалар иммун тизимини хапдорилар ва БФҚлар билан мустаҳкамлаб туриш кераклиги ҳақидаги гаплар – бекор гап. Унинг ҳеч қандай илмий асоси йўқ.

Ёш болалар тетапоя бўлаётган вақтларида кўп йиқиладилар;
ҳамма нарсани оғизларига солиб кўрадилар;
гигиена нималигини билмайдилар ва ҳоказо.
Буларнинг бари – болани бу дунё билан таништирувчи, бу дунёда яшашга тайёрловчи табиий жараёндир.
Бу жараёнларда унинг иммун тизими заифланмайди, аксинча мустаҳкамланади.

Иммун тизими тўғри ривожланиши учун бола меъёрида овқатланиши керак, ярим тайёр маҳсулотларни емаслиги керак, меъёрида ухлаши керак, жисмоний фаол бўлиши керак. Бўлди!

Болаларнинг иммун тизимини хапдори ва биологик фаол қўшимчалар сингари турли воситалар ёрдамида мустаҳкамлаб туриш кераклиги ҳақидаги гаплар эса – ота-оналарни ташвишга солиб пул ишлашдан, яъни яна бир маркетинг ҳийласидан бошқа нарса эмас.

🚀 Дилфуза Комил
2,953
ДИЛФУЗА КОМИЛдан тафаккур дарслари

16 Oct, 10:52

Биз воқеа-ҳодисаларнинг ҳаммага кўрсатилаётган тарафига эмас, ҳаммадан яширилаётган тарафига назар солмагунимизгача, уларнинг моҳиятини англамаймиз, кўп нарсаларни тушунмаймиз, асл ҳақиқатларни кўра олмаймиз.

© Дилфуза Комил
2,370
ДИЛФУЗА КОМИЛдан тафаккур дарслари

16 Oct, 10:15

Бундан 👆 олдинроқ, тўғрироғи ўтган куз фаслида Google компаниясининг сунъий онг орқали бошқариладиган LaMDA тизими ўзини алоҳида шахс сифатида қабул қилаётганини айтиб, ўз хулосаларини Google раҳбариятига маълум қилмоқчи бўлган мутахассис Блейк Лемойн мажбуран пуллик таътилга чиқариб юборилган эди.

Лемойн ўз фикрларини ижтимоий тармоқлар орқали очиқлаган ва сунъий онг орқали бошқариладиган LaMDA тизимида камситувчи, ҳақоратомуз сўзлар ўз-ўзидан пайдо бўлганини, бир муддат уларни ўчиришнинг иложини қилолмаганини, бунга тизим «онгли равишда тўсқинлик қилганини» айтган эди.

🚀 t.me/dilfuza_komil
1,722
ДИЛФУЗА КОМИЛдан тафаккур дарслари

16 Oct, 08:17

⬇️
Ултратовуш текшируви пайтида она қорнидаги болажон шифокорнинг эркаловчи сўзлари ва оҳангига табассум билан жавоб қилмоқда 😊

➡️ Болалар она қорнида эканларидаёқ ҳамма нарсани тушунадилар, эшитадилар, ҳис қиладилар... ва ўргатганларингизни ўрганадилар.

➡️ Тўлиқ маълумотларни «Она қорнидаги тарбия» курсларимизда оласиз.

➡️ Курсда ўқишни истовчилар телеграм орқали @Tashkilotchi_admin га мурожаат қилиб, рўйхатдан ўтишингиз ва ўзингизни қизиқтирган саволларга жавоб олишингиз мумкин.

© Дилфуза Комил
1,793
ДИЛФУЗА КОМИЛдан тафаккур дарслари

15 Oct, 17:11

❌ Робот-гуманоид яратаётган америкалик ва европалик "мутахассис"лар фарзанд кўриш истагидаги аёлларга шу 👆 робот «чақалоқ»ни тавсия қилиб чарчамаяптилар.

Уларнинг нима деб алжираётганларини бир кўринг:

- Бу робот «чақалоқ» инсон чақалоқларидан фарқли равишда тагини ифлос қилмайди. Уни қоматингизни бузиб эмизиб ўтиришингиз шарт эмас. У йиғлашни ва кулишни билади, чақалоққа хос бўлган ҳамма ҳаракатларни бажара олади, у шундай программалаштирилган. У сизга халақит бермайди, сизни безовта қилмайди, кечаси уйқунгизни бузмайди, чунки уни истаган вақтингиз тизимдан узиб қўйишингиз мумкин. Лекин у чақалоққа бўлган эҳтиёжингизни қондиради...

🚀 Дилфуза Комил
1,827
ДИЛФУЗА КОМИЛдан тафаккур дарслари

15 Oct, 16:42

✅
Бу 👆 Хитойда синовдан ўтказилаётган сунъий бачадон (инкубатор).
Унда эмбрионнинг соғлом ўсиб-ривожланиши учун ҳамма «шароит»лар ҳозирланган.

Айнан мана шу сунъий бачадон учун махсус сунъий онг тизими ҳам ишлаб чиқилган бўлиб, у ўнлаб «бачадон»лардаги эмбрионларни назорат қилади, ҳатто уларга «ўз онасидек ғамхўрлик» ҳам қилади.

Ҳозирча бу «эмбрион энагаси» бўлмиш сунъий онг тизими ҳайвон эмбрионларига «ғамхўрлик» қилмоқда. Оз вақт ичида у сунъий бачадон ичида ўстириладиган инсон эмбрионларига ҳам «ғамхўрлик» қилармиш...

Сунъий бачадонни кашф қилган «олим»ларнинг айтишича, бу технология аёлларни ҳомиладорликнинг барча қийинчиликларидан халос қилармиш.
Ҳомила онасининг танасидан ташқарида бўлса, хавфсизроқ ва соғломроқ ўсармиш 👉

... «Ниятинг бошингни есин», деган қарғиш бўларди халқимизда...

🚀 Дилфуза Комил
1,606
ДИЛФУЗА КОМИЛдан тафаккур дарслари

15 Oct, 16:10

⚠️
Сиз буларни 👆техно-шоу дейишингиз мумкин,
кўнгилочар томошалар дейишингиз мумкин,
мана шу одамларга ўхшаб ҳайратланиб қийқиришингиз, кўзингиз қувнаб, мазза қилишингиз мумкин... Аммо бу томошаларни «мия ювиш маросимлари» деб биладиган олимлар дунёда кўп.

Мия фаолиятини тадқиқ қилувчи олимлар – нейро илм эгалари бундай томошалар орқали одамларнинг кўзини нималарга кўниктирилаётганини, улар орқали онг остига нималарни жойланаётганини ва бундай томошаларнинг келажак учун тайёрланаётган қандай хатарлардан хабар бераётганини жуда яхши билишади...

Очиқламалар истасангиз, каналимизни кузатиб боринг.

© Дилфуза Комил
1,631
ДИЛФУЗА КОМИЛдан тафаккур дарслари

15 Oct, 15:03

🤯
АҚШ соғлиқни сақлаш вазирининг ёрдамчиси, олий давлат лавозимидаги биринчи трансгендер Рейчел Левин (турқини қаранг!) болаларнинг жинсини ўзгартиришни мамлакатда одатий ҳолга айлантиришга ваъда берди.

Болалар тиббиёт марказидаги тадбирда сўзга чиққан бу ярим эркак, ярим хотин... чириган шайтон (узр), вояга етмаганларнинг жинсини ўзгартириш ғояси АҚШ маъмурияти томонидан ғоят мамнуният билан қўллаб-қувватланганини эълон қилди.

Инсон фитратини бузишга қаратилган бундай иблисона ғояларнинг расман қўллаб-қувватланиши нимани англатишини билсангиз керак...

© Дилфуза Комил
1,885

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.