Abror Zohidov

✅ Қўлимизга пул тушди, демак эгаларига етказиш вақти келди

⚡️ Дўстларим, илтимос, бўлишворинглар!

* Мурожаатга оилавий аҳвол, муҳтожлик сабаби, манзил, телефон каби қисқа маълумотларни киритиб, https://t.me/Abror_Zohidov телеграми орқали йўллаш сўралади;
* Танловда устунлик тартиби: дастлаб беморлар ва уларнинг яқинлари, кейин ижарада яшовчи муҳтожлар, ундан сўнг талабалар, мусофирлар ва ҳ.к.;
* Мурожаатлар 05.12.24 й. соат 10.00 гача қабул қилинади. Мурожаатлар сони 100 тадан ошса, қабул муддатидан олдин тўхтатилишиям мумкин;
* Пул қиймати вазиятга кўра ҳал қилинади, ҳозирча режамиз муҳтожлик ҳолатига кўра 300 мингдан 500 минг сўмгача. Пул ҳаммага зарур, бу тушунарли. Шу боис кимгадир рад этсак, хафа бўлманг;
* Кўмак берганларга раҳмат, яна бош қўшмоқчилар бўлса, алоқадамиз. Раҳмат!

✍️ Мурожаат намунаси!
1. ФИО, манзил, телефон, пластик карта;
2. Муҳтожлик сабаби батафсил (беморлик бўлса, бемор исм-шарифи, бевалик, талабалик, ижара бўлса, у ҳолат...);
3. Қайси турдаги эҳсонни олмоқчисиз?
4. Яқин 3 ой ичида биз томонимиздан эҳсон тарқатилганда олган-олмаганлигингиз.

* Касаллик тарихидан кўчирмалар, суратларни сўралмагунча ташламанг!;
* Хат жўнатиб дарҳол жавоб кутманг;
* Дори-дармон учун пул бевосита дорихонага туширилади.

🖌 Керакли маълумотларни узуқ-юлуқ қилмасдан яхлит хат шаклида ёзиб юборинг. Ўрганиб кўрилади ва муносиб топилсангиз, қайта алоқага чиқилади.
⚡️Муносиб топилмасангиз ёки мурожаат сўралганидек тўлдирилмаса, жавоб ёки изоҳ берилмайди.

Аброр Зоҳидов
Телеграм | Инстаграм

Д И Қ Қ А Т Э Ъ Л О Н !

Божхона қўмитаси ҳудудий бошқармалар божхона постларидаги бўш лавозимларга хизматга қабул қилиш бўйича танлов эълон қилади.

Мазкур лавозимларга танлов асосида Ўзбекистон Республикаси фуқаролари, ёши ўн еттидан кам бўлмаган ва ўттиздан ошмаган,
ўзининг шахсий, ишчанлик ва ахлоқий сифатлари, соғлиги ва жисмоний тайёргарлиги даражасига кўра божхона органи ходимининг хизмат вазифаларини бажаришга қодир, бўйи 165 см.дан кам бўлмаган олий маълумотга эга ЭРКАКЛАР (20 нафаргача) ҳамда бўйи 160 см.дан кам бўлмаган олий маълумотга эга ХОТИН-ҚИЗЛАР қабул қилинади.

Танловда иштирок этмоқчи бўлган хотин-қизлар Андижон, Наманган, Фарғона, Сирдарё ва Сурхондарё вилоятларида доимий яшашлари, эркак номзодлар эса муддатли ҳарбий хизматни ўтаган ёки сафарбарлик чақируви резервида хизмат қилган ёхуд олий таълим муассасаларида ҳарбий тайёргарликдан ўтган бўлишлари лозим.

Номзодлар чет тилларидан бирини мукаммал билиши лозим.

Ўзбекистон Республикасининг “Давлат божхона хизмати тўғрисида”ги Қонунининг 13-моддасига кўра, муомалага лаёқатсиз ёки муомала лаёқати чекланган деб топилган, хизматни ўташга монелик қиладиган касаллиги ёки жисмоний нуқсонлари бўлган, бошқа давлат органларидан салбий сабабларга кўра бўшатилган, содир этган жинояти учун илгари ҳукм қилинганлар, қўлланилган жазо туридан, судланганлик ҳолати тугатилганлигидан ёки олиб ташланганлигидан ва ўзига нисбатан амнистия акти ёки афв этиш қўлланилганлигидан қатъи назар ёхуд ярашув муносабати билан жиноий жавобгарликдан озод қилинган фуқаролар хизматга қабул қилинмайди.

Юқоридаги талабларга мос келмаган, саралаш босқичларидан ўта олмаган ёки ўзи ва яқин қариндошлари тўғрисида била туриб нотўғри маълумотлар берган, шунингдек белгиланган ҳужжатларни белгиланган муддатда тақдим этмаган номзодларни хизматга қабул қилиш рад этилади.

Танловда иштирок этиш аризалар жорий йилнинг 13 декабрига (шу куни ҳам) қадар https://customs.uz/uz/services/vacancy ҳаволаси орқали онлайн қабул қилинади.

Танлов бўйича қўшимча маълумотлар билан танишиш ҳаволаси: https://new.customs.uz/uz/services/vacancy/questions

Қўшимча маълумотлар учун ҳудудий бошқармаларнинг телефон рақамлари: https://new.customs.uz/public/docfiles/1690367527.pdf

🍲Ўн йилдан ортиқ емаган таомимни едим

⭕️ Хоразмда шавлани “қорма” дейишаркан, энди билибман. Қориб пиширилгани учун шундай аталаркан. Самарқанд тарафларда шулла дейиларди.

👁 Кўрдиму, ёшлигим эсимга тушиб кетди. Ўйлаб қарасам, шавла емаганимга ўн йилдан ошган, эсимдан ҳам чиқиб кетган экан ҳатто. Нега бу таом тайёрланмай қўйгани сабабиниям топгандай бўлдим. “Гуруч, гўшт, сабзи солинса, шунинг ўрнига ош қилиб қўя қолай” деган фикр шавлани сиқиб чиқариб қўйди шекилли.

✅ Лекин шулла жуда мазали, қолаверса, арзон масаллиқлардан тайёрлаш мумкин. Бундай таомни унутиб қўймаслик, тез-тез қилиб туриш керак. Мен бугун маза қилдим масалан.

Аброр Зоҳидов
Телеграм | Инстаграм

🥇Диёранинг кимоноси 6 млн, чемпионлар қўлқопи 26 млн сўмга сотиб олинди

✅ Куни кеча бўлиб ўтган аукционларда 10 бош узум 30 млн сўмга харид қилинган. Тушган пуллар оққон ва онкологик касалликларга чалинган болаларни қўллаб-қувватлашга сарфланади.

🌽 Шу кунларда Тошкент шаҳрида қишлоқ хўжалиги кўргазмаси бўлиб ўтмоқда. “Ўзэкспомарказ”да ўтказилаётган тадбирлар доирасида бемор болалар томонидан чизилган суратлар кўргазмаси ҳам бўлиб ўтди. Анъанага кўра суратларга нарх белгиланмади, ташриф буюрувчилар истаган нархларида сотиб олишлари мумкин бўлди.

🍇 Махсус ташкиллаштирилган кимошди савдоларининг биринчи кунида ўн бош узум 30 млн сўмга, хусусан 10-рақамли узум 10 млн сўмга харид қилинганди. Аукционнинг иккинчи кунида эса олимпиада чемпиони, Ўзбекистон фахри Диёра Келдиёрованинг кимоноси унинг шахсий имзоси туширилган ҳолда сотувга қўйилди ва 6 млн сўмга сотиб олинди.

🥊 Бокс бўйича олимпиада чемпионларимиз имзолари туширилган қўлқопнинг баҳоси эса қаттиқ кураш жараёнида 26 млн сўмга қадар чиқди ва "Омонбой Фармонов" фермер хўжалиги раҳбари, самарқандлик Жўрабек Фармонов томонидан харид қилинди. У ва охиригача курашган фермер аёл олимпиадачимиз Баҳодир Жалолов билан тушлик қилиш ҳуқуқини ҳам қўлга киритишди.

🤲 Ғолиб бемор болалар қўллаб-қувватланаётганидан хурсандлигини билдирди ва кимонони янаги савдоларга қўйиш учун “Сен кучлисан” жамоасига қайта ҳадя қилди.

Аброр Зоҳидов
Телеграм | Инстаграм

🍜Ресторан-чойхоналарга зўр лайфхак

🥗Сўнгги пайтларда овқатлангандан кейин тўловга қўшиладиган 15-20 фоизли хизмат ҳақи кўп баҳсларга сабаб бўляпти.

🙋‍♂️Кимдир буни ёқлайди, яна кимдир ортиқча деб билади. Лекин шуниси аниқки жуда кўпчилик ўша фоизни тўлашда оғринади. Очиғи, мен учун ҳам бу тўлов анчагина малол келади. Лекин тўғри тушунаман, дунёнинг кўплаб мамлакатларида у ёки бу шаклда қўшимча харажатлар бўлади, чойчақа дейди, солиқ дейди, ундиришади хуллас. Яна билганим – буни амаллаб йўқ қилсак ҳам ўша пул овқат устига қўшиб қўйилади, тамом.

🤷🏻‍♂️ Хўш, ечим нимада?

✅ Бир таклиф киритмоқчиман: умумий овқатланиш масканлари бу борада прогрессив шкала қўллашлари, оддийроқ айтганда бонус беришлари керак. Масалан – 300 минглик овқатлансангиз хизмат ҳақи 20 фоиз, 500 мингга 10 фоиз, 1 млнликка энг зўр бонус – умуман олинмайди. Тўғри тушунинглар ахир, 1 млн сўм овқат ҳақи устига 200 минг қўшиб тўлаш ҳар қандай одамга оғир ботади.

🍽 “Ресторанлар харажатичи?” дея оғизга урманг. Сизнинг эҳтимолий “харажат”ингиз, яъни жойингиз банд бўлиши, идишингиз ювилиши, официант хизмат қилиши кабилар 500 минглик овқат ейилгандаям, 1 млнлик буюртма бўлгандаям деярли ўзгармайди. Қолаверса, бундай усуллар қўллаш орқали мижозлар сонини анча оширасиз.

❓Балки бир ўйлаб кўрарсиз? Замонамиз манзараси кўчада овқатланиш бўлиб қолган бир пайтда Сиз ҳам мижоз томон арзирли бир қадам ташласангиз ёмон бўлмасди...

Аброр Зоҳидов
Телеграм | Инстаграм

✅ Эээээҳ, тарих нималарни кўрмадия...

Аброр Зоҳидов
Телеграм | Инстаграм

🔥 Тошкент транспорт тизими коллапсга яқин

✅ Балки коллапсга тушиб бўлгандир ҳам. Ечимлар зарур, эртага кеч бўлади!

Аброр Зоҳидов
Телеграм | Инстаграм

❓Осонгина ҳайдалиб кетаверадими?

✍️ Мамлакатнинг барча муҳим сирларини сақловчи, азалий анъаналарда “иккинчи шахс” бўлган амалдорнинг ҳайдаб юборилиши ғалати эмасми?

✅ Бу рангдаги лавозим эгаси жуда бўшатилиши керак бўлса ҳам одатда ҳурматини қилиб, бирор рамзий бўлсада номдор креслога ўтқазиб қўйиларди. Ёки шунга яраша қилган гуноҳи очиқланилиши зарур, токи жамоатчиликда савол қолмасин. Давлат ва шахсларга оид энг жиддий маълумотлар кетига тепиб юборилган аламзада одам билан кетавермайдику.

🤷🏻‍♂️ Тушунмадим хуллас...

⚡️ Лекин ўзгармас ҳукумат ортидан зўр ахборий бум бўлди, шуниси қизиқ барибир.

Аброр Зоҳидов
Телеграм | Инстаграм

🌘 Ярим тун, икки янгилик, икки ҳис

✍️ Бу постни кечикиб ёзяпман. Ҳар икки хабар эскирган. Лекин уларда ўта таъсирли ҳолатлар бор. Камида биз учун...

✅ “Сен кучлисан” ҳамон ҳаракатда, бемор болажонлар билан имконимиз қадар биргамиз. Яқинда бўлиб ўтган акциямиз жуда кенг қамровли бўлди, танловларимиз қизғин кечди ва табиийки ҳамма ғолиб бўлди. Ҳомийимиз Муқаддас Тахировна ажратган совғалар оз эмас, кўп эмас 121 нафар боланинг кўнглини шод қилди. Сафимизга кирган янги волонтёрлар олам-олам қувонч, ҳаяжон ва кўзда ёш билан ҳадяларни тарқатиб чиқишди.

👁 Аммо ўтган ҳафтада жуда оғир йўқотиш ҳам бўлди. Сафимизга нисбатан янги қўшилган бўлсада, энг чаққон, энг куюнчак волонтёримизга айланиб улгурган Муҳаммадбобур инимиз бу оламни тарк этди. 19 ёшда, ўзининг ва яқинларининг орзулари олам-олам бўлган бир пайтда. Видеоларни қаранг, кўргазмаларда туну-кун ишлаганидан йўлларда ухлаб қоларди. Оғир жуда.

🍃 Ҳаёт шунақа, шодлик ва ғам ёнма-ён давом этаверади...

Аброр Зоҳидов
Телеграм | Инстаграм

🚦20 млн нафардан ортиқ одамни боғловчи йўл: У ҳамиша янги лойиҳаларга муҳтож!

🚘 Пойтахтни водий билан боғловчи Қамчиқ довони бир кунда ўртача 20-30 минг автомобилни ўтказаркан. Тошкентни воҳа билан боғловчи М-39 трассасини эса камида 50 минг автомобиль босиб ўтиши тайин. Чунки бу томонда 20 млн.дан ортиқ аҳолимиз борда.

✅ Айниқса Сирдарё кўприги ва Тошкент оралиғида қатнов ниҳоятда зич. Чунки Тошкент вилояти, Сирдарё, Жиззах, Сурхондарё... Борингки Мўйноғу Оролгача йўл олган барча транспорт воситалари шу йўлдан ўтади. Бу йўл Самарқанд, Бухоро ва Хива каби асосий туристик йўналишларга хизмат қилиши, унинг аҳамиятини янада оширади. Зеро 50 минг автомобилда ўтиб қайтаётган 200-300 минг инсон, яъни йирик бир шаҳар аҳолиси мана шу йўл бўйлаб умрининг маълум қисмини ўтказади.

🔥 Бундай муҳим йўл албатта муносиб инфратузилма билан таъминланиши шарт. Афсуски ҳозирча бу борадаги ютуқларимиз билан мақтана олмаймиз. Тартибсиз ва пайдарпай қурилаётган ошхоналар, АЁҚШлар кўнгилдагидек хизмат кўрсатмаслик билан бирга қатновга халал берадиган ва бемалол кириб дам олиб бўлмайдиган қилиб жойлаштирилган.

☘️ BMB Holding мана шу йўналишга ҳам эътибор қаратиб, М-39 йўли бўйлаб Чиноз тумани ҳудудида Тошкент сари юрганда BMB Village мажмуаси фаолиятини йўлга қўйди. Бугун, 23 ноябрь куни очилиш маросими бўлди, кўпчилик бўлиб бордик.

✨ Ҳали тўлиқ ишга тушмаган бўлсада, комплекс энг муҳим хизмат кўрсатиш тармоқларини қамраб олган. Жойлашув жуда яхши. Қатновга халал бермаган ҳолда алоҳида ҳудудга кирилади, яъни йўл бўйига машина қолдириш йўқ, одамлар хавфсизлиги ҳисобга олинган.

⚡️ Мажмуада анча танилиб қолган Za'faron ресторани, йирик автотураргоҳ, машиналар ювиш нуқтаси, арзон, аммо қулай шароитли хостел, ювиниш хонаси ва энг-энг-энг-энгггг муҳими, покиза ҲОЖАТХОНАлар усталик билан жойлаштирилган.

🫖 Ресторан миллий ва Европача услубларни уйғунлаштирибди, каттакон чархпалак ва сўрилар қадрдон туйғуларни ўйғотса, ойнаванд девор ортида, мижозлар кўз ўнгида таомлар тайёрланиши кишига ишонч бағишлайди. Таомлар танлови ҳам чаккимас, Жиззах сомса бренди шундоқ кўчириб келинган, Жиззах ошини маза қилиб едик, кабобларнинг хилма-хилини кўрдик.

✍️ BMB Holding таъсисчиси, бемор болажонларни ҳамиша қўллаб келган сахий инимиз Бекзод Маматқуловнинг таъкидлашича, мажмуани барпо этиш учун холдингнинг 17 млрд сўмдан ортиқ маблағлари сарфланган. Унда дастлаб 50 нафардан ортиқ иш ўринлари яратилса, кейинчалик бу кўрсаткич 80 тага етказилади, қурилиш ишлари эса давом эттирилаверади. Бешта вилоятда фаолият юритаётган, 6.5 мингдан ортиқ ишчилари билан Ўзбекистоннинг гигант корхоналаридан бирига айланган BMB Holding учун бу 31-корхона сифатида қайд этилибди.

🤲 Кўз тегмасин, ҳавас қиларли!

Аброр Зоҳидов
Телеграм | Инстаграм

🏠 Айрим ноинсоф қурувчилар:

1. Мижознинг пулини олиб уй қуради;
2. Қурилишни йиллаб чўзади;
3. Мижоз эътироз билдирса, шартта пулини қайтариб сувдан қуруқ чиқиш пайида бўлади;

🤷🏻‍♂️ Чунки уй нархи ошган, янги харидорга қимматига сотиш мумкин, судга берсаям "пулини қайтарганманку" деб тураверади.

✅ Мард бўлинглар, сизларга пул керак пайти ишониб берганларни ноумид қилманглар!

Аброр Зоҳидов
Телеграм | Инстаграм

✅ Ай ёронлар, 1000 долларсиз саёҳат саёҳат эмас!

Аброр Зоҳидов
Телеграм | Инстаграм

✅ Тўғри, “лар” ҳурмат, лекин у бўлмаслиги ҳурматсизлик эмас

🤝 Кўп ҳудудларда катталарга ҳурмат маъносида “лар” қўшимчасини қўшилади. Албатта бу чиройли одат, эътироз йўқ.

🤷🏻‍♂️ Аммо турли шевалар, маданиятлар, дунёқарашлар бирлашадиган пойтахтда ёки йирик шаҳарларда кўплаб ноқулайликлар келтириб чиқаради. Шахсан ўзим қишлоқнинг боласиман, бизда бу қўшимча одат тусига кирмаган. Тошкентда 15 йилдан ортиқ мунтазам яшаб ҳам шевамни ўзгартирмадим (нафсиламбрини айтганда, менда муайян шеванинг ўзи йўқ, гапириш услубим кўпроқ адабийга тортади. Шунингдек, олти ойда зўрма-зўраки воттилаб кетадиганларни ҳеч тушунмайман).

✍️ Яна “лар” ҳақида. Бу қўшимча тилимизга босим билан тиқиштирилаётгандай назаримда. Аввал китобларда бир-бир учраб қолар, адабий тил меъёрларига кирмас, “ларчи” ёзувчилар ҳам қўлламасди. Охирги пайтлар (менга ўхшаган) жайдарилар ҳам шунга ўтиб кетишяпти.

💥 Қўллаган қўллайверсинку, қўлламаган хижолат бўлиб қоляптида! Гўё “фалончи-фалончиевич келди” десангиз ўта ҳурматсизлик қилган бўласиз. Аслида “лар” қўшиш ҳурмат белгисидир, майли, лекин уни қўшиб сўзламаслик/ёзмаслик зинҳор ҳурматсизлик дея қабул қилинмаслиги шарт.

P.S.: Янаям тилчилар аниқроқ фикр айтар...

Аброр Зоҳидов
Телеграм | Инстаграм

🙋‍♂️ Эҳтиёжим бўлса, ўзим киярдим

✅ Ҳазили йўқ, эҳсон қилинган шу кийимларни бемалол кийган бўлардим.

✍️ Бемор болага кийимлар сўраб эълон бергандим. Фаолиятимизга доимий кўмак берувчи акамиз икки қути кийим-кечак жўнатворибди. Фақат аксарияти ёши катталарники.

👩‍🌾 Болаларга мосини ажратиб қўйдим. Қолганлари ё жуда яхши ҳолатда, ё мутлақо янги. Яна бренд кўйлаклар, шимлар, костюмлар, курткалар. Кимда эҳтиёж бўлса, марҳамат олиб кетсин.

1. Фақат эркаклар кийимлари;
2. Костюмлар барваста инсонларга мос;
3. Бир кишига иккитадан ортиқ берилмайди, тўғри тушунинглар.

🤷🏻‍♂️ Узр, суратларини қўймадим.

📲 Боғланиш учун: https://t.me/Abror_Zohidov

Аброр Зоҳидов
Телеграм | Инстаграм

🤲 Авлодлар довони ва шукрона

🎂Қайноғам тўй қилди, Самарқандга оилавий бордик. Ўчоқбошига ўтсам таом тайёрлаётган истарали онахон менга жилмайиб қаради:

– Сиз фарғоналиксиз а?
– Йўқ, асакаликман.
– Водийликсизда хуллас. Бу хонадонга куёвсиз, шунақами?
– Ҳа. Мени қаердан танийсиз?
– Мен сизларнинг тўйингизда ҳам ун оши пиширганман...

🍲Тўлқинланиб кетдим. Онахонга миннатдорлик билдирдим ва ўша тўй ортидан Яратган бизга инъом қилган соқолли полвонни ёнимга олиб суратга тушдим.

☘️ Шукр...

Аброр Зоҳидов
Телеграм | Инстаграм

✅ Божхона қўмитаси боплади

✍️ Яқинда бемор болажонларни турли ташкилотларга экскурсия қилдириш ғоясини ёзгандик. Таклифлар кутганимиздан ҳам кўпроқ бўлди. Лекин улоқни биринчи бўлиб Божхона қўмитаси тортиб кетди.

🤝 Барака топкурлар 24 нафар бола ва 25 нафардан ортиқ оналар ҳамда волонтёрларни ўзлари транспорт ташкил қилиб олиб кетишди. Энг катта раҳбарлари болалар билан шахсан учрашди, соғлик тилаш билан бирга катта бўлганларида ишлаш истагини билдиришса, божхоначи бўлишга ёрдам беришларини маълум қилишди. Қизиғи, ҳар бир болага бир нафардан ходим бириктирибдилар. Айниқса операциядан чиққан болажонга алоҳида машина жўнатишгани, икки ходим авайлаб кўтариб айлантиргани жуда тўлқинлантирди.

👮🏻‍♀️Қўмита масъули, тадбирга бош бўлган қадрдон укамиз Ҳусан Тангриев меҳмонларни бир пиёла чойга таклиф қилиш билан бирга музейлар, ходимлар фаолияти билан таништирди.

🐶 Болажонларни айниқса кинологлар жуда хурсанд қилди. Махсус тайёрланган итлар нафақат кўргазмали чиқишлар кўрсатишди, балки болалар билан бирга ўйнаб, роса қувноқ кайфият улашишди. Жажжи болажонлар учун алоҳида кийимлар тиктириб қўйишганига эса шунчаки гап йўқ.

🤲 Соғ бўлишсин илоҳим, планлари доим юздан ошсин. Фахрланамиз!!!

Аброр Зоҳидов
Телеграм | Инстаграм

👍Куламизу, лекин ҳожатхона зўр бизнес

🤷🏻‍♂️ Метрода бавл қилган амаки, унинг ортидан жамоат ҳожатхоналари очилиши ҳақидаги хабар диққат марказига чиқди. Амалга ошсаку дуруст, олдинги ваъдаларга ўхшаб қолмаса бўлди.

🏦 Аслида ҳожатхона зўр бизнес, мунтазам даромад манбаи. Чунки унга иши тушмайдиган одам йўқ. Зарурати муқаррар, демак муаммо муҳокамасида кулги ва андишани йиғиштириб қўйиш ҳамда аниқ ечимлар бериш керак.

☘️ Аслида жуда кўп давлатларда ҳожатхона муаммоси узил-кесил ечилган, ҳам давлат, ҳам тадбиркорлар бунда ҳисса қўшишган. Деярли ҳаммаси пулли, фойда келтириб туради, иш ўринлари яратади ва энг муҳими – инсонларни мураккаб вазиятлардан қутқаради.

🇬🇪 Грузияга бордик. Бирор гавжум жой ҳожатхонасиз эмас. Кириш автоматлаштирилган, 1 лари (тахминан 4700 сўм) тангани ташлайсиз, турникет очилади. Ичи озода, ҳеч қандай ҳид йўқ, мунтазам тозалаб турилади, ювиниш хоналаригача бор. Пул тинимсиз тушиб турибди, хизмат кўнгилдагидек кўрсатилгани учун қимматлигига эътироз ҳам йўқ. Ҳамма жойда бир хил нарх, бутун жамият шу тўловга кўникиш билан бирга мана шу эталонга ҳам ўрганган. Наҳот биз шу тизимни йўлга қўя олмасак?

✅ Айнан Грузия мисоли ўринли, сабаби биз каби постсовет давлат бўлсада, қатор ютуқларга эришган. Яна бу давлатни ёки одамларини жуда бой деб бўлмайди, ҳаёти анчайин камтарона.

🕌 Яхшики мачитлар таҳоратхоналари жонга оро кириб турибди. Бўлмаса йирик шаҳарлар, айниқса пойтахт бу муаммо билан жиддий тўқнашган бўларди.

Аброр Зоҳидов
Телеграм | Инстаграм

🎤 Дўстларим, замондошларим учун қизиқ эълон!

❓Бемор болалар орасида сўров ўтказдик – “Қайси касб эгаси бўлишни хоҳлайсан?” деган. Жуда қизиқ-қизиқ орзуларни эшитдик.

🙋‍♂️Албатта, истаклар ҳам болаларча. Кимдир шифокор, кимдир ички ишлар ходими, банкир бўлиш истагини билдирган. Адвокат, журналист, қурувчи, ошпаз, ўқитувчи, бизнесмен, футболчи, ҳарбий ва албатта президент... Шундай танловлар борки, у соҳа вакиллари оммага кўриниш беришмайди, кўпам тилга олинмайди, лекин ватан учун хизмат қилишади ва бир боламиз уларга ҳавасда.

✅ Хуллас тушундингиз. Энди буёғини ўқинг. Ўз касбингиз, фаолиятингиз билан таништириш учун болаларни ишхонангизга олиб борайлик*. Ҳеч қандай харажат йўқ, ўзимиз олиб бориб-олиб келамиз. Кўпи билан 30-40 дақиқа вақтингиз кетади, фақат ишингизни болаларча соддалик билан, қизиқарли тушунтириб, саволларга жавоб берсангиз бас. Жуда жўшиб кетсангиз, соҳангизга оид рамзий совғалар (масалан оддий кепка) бериш мумкин, яъни сиз ва ҳамкасбларингизни қийнаб қўймаймиз.

⭕️ Кўргазмалар уюштира олмай турган пайтимиз оғир муолажалардан диққанафас бўлган болаларга шуям бир мотивацияда, нима дедингиз?

🤝 Ҳозирча укамиз Жамолиддин Насимов кўмаги билан Тошкент шаҳар ИИББга экскурсия уюштиришни режалаштиряпмиз. Яна таклифлар бўлса эди...

* Касалликлар юқумли эмас, болалар учун эҳтиёт чоралари кўрилади албатта.

Аброр Зоҳидов
Телеграм | Инстаграм

☘️ Шундай хабарлар учун яшасанг, интилсанг арзийди!

✍️ Эрталаб шу хатни олдим. Мусофирхонага келганларнинг бошини қовуштириб, келди-кетдини назорат қилиб юрадиган Нилуфар исмли аёлдан келди.

✅ У менга сингилдай, ўғли жиян қатори бўлиб қолганди. Хабардан бошим кўкка етди.

🤲 Охири билан суюнтирсин илоҳим!

Аброр Зоҳидов
Телеграм | Инстаграм

* Пул бевосита дорихонага тўлаб берилади;
* Фақат 05.11.24 йилгача бўлган қарзлар инобатга олинади;
* Энг муҳтож деб ҳисобланганлар танланади ва қайта алоқага чиқилади. Узр, бошқаларга жавоб ёки изоҳ берилмайди.

✍️ Мурожаатни https://t.me/Abror_Zohidov га йўлланг. Илтимос, битта хатда батафсил ёзинг. Ўқиган одам бирданига ҳаммасини тушунсин.

✅ Намуна:

1. Менинг фарзандим Эшматов Тоҳир оққон касаллиги бўйича 2022 йил 1 ноябрдан бери даволаниб келмоқда. Айни пайтда дорихонадан 3 млн сўм қарзимиз бор. Телефоним 9065445?? ;
2. Охирги марта 2024 йил август ойида сизлар томонингиздан берилган эҳсон олганман (кўрсатилсин: пул, озиқ-овқат, дори-дармон...);
3. Карта рақамим 8600011155559999 Эшматов Т. номида. Биз қарздор дорихона қуйидаги манзилда: ?????. (телефон рақами бўлса, киритинг).

Аброр Зоҳидов
Телеграм | Инстаграм

🙋‍♂️ Рухсат берсангиз, бир сиёсатчилик қилсам

🤷‍♀️ Америкадаги сайловларда роса шовқин кўтарилади, ҳаяжонлар бўлади, лекин барибир Трамп ютади. Чунки у эркак!

☝️ АҚШнинг аксарият аҳолиси юксак тараққиётга эришганлик билан билган консерватизмни хуш кўради. Шу пайтгача аёл президент бўлмаган, давлатни бошқармаган, мамлакат эса етакчиликни сақлаб келмоқда. Шундай экан, анъаналарга содиқ қолинади ва энг камида эркак бўлгани учун ҳам Трамп ғолиб бўлади.

🌋 “Ҳар қандай анъана қачондир бузилади. Масалан қора танли инсон АҚШ президенти бўлишини ҳеч ким тасаввур қила олмаганди, Барака Обама ютиб чиқди ва муваффақиятли ишладику” дейишингиз мумкин. Бу ерда ҳам икки жиҳат бор эди – ирқчилик узил-кесил жиловланган ва Обама ҳам эркак бўлган.
2016 йилдаги президентлик пойгасида қатор сўровларда Клинтон хоним Трампни ортда қолдирганди. Аммо сайловларда америкаликлар барибир ўз тасаввурларини ўзгартиришдан воз кечдилар.

⚡️ Энди диққат қилинг ва баҳсга киришмоқчи бўлсангиз, ҳисобга олинг:
1. Бу менинг, фақат менинг шахсий фикрим ва сизникидан бошқача бўлиши мумкин;
2. Фикримда феминизмга ёки гендер тенгликка қаршилик йўқ, фақат АҚШ давлатчилиги тарихидан келиб чиқяпман;
3. Хато қилишим мумкин ва АҚШда аёл киши президент бўлиши мен учун ҳам қизиқ бўларди.

Аброр Зоҳидов
Телеграм | Инстаграм

✍️ “Оллоберганга ноутбук олиб берайлик” деб ёзганим эсингиздами?

👁 “Ўзбекнинг бир ўғлони мўлтираб қолмасин” дея бошланган постда 16 ёшли Оллоберган Аллаберганов ноутбуги бузилиб қолгани учун IT курсларида қатнаша олмаётгани айтилганди.

🙋‍♂️Эълондан кейин кўпчилик боғланди ва ёрдам бериш истагини билдирди. Энг муносиб таклифни эса самарқандлик акамиз Xayrulla Mamasoliev берди. У кишидан қурилмани олдик ва Хоразмга жўнатдик. Бугун қувончли хабар келди – ҳаммаси яхши, Оллоберган яна машғулотларга қўшилди!

✅ Раҳмат сизга, дўстларим!

Аброр Зоҳидов
Телеграм | Инстаграм

Нотариус харажатини ким тўлаши керак: олувчи ёки сотувчи?

Уй ёки машина олаётганда сотувчига пул қачон берилиши лозим? Имзо қайси пайтда қўйилади? Юртдошларимиз кўпинча дуч келадиган зиддиятли ҳолатлар ҳақида фикр юритган бўлдик.

Аброр Зоҳидов
Телеграм | Инстаграм

🎗Йўқотилган жилов ёки топилган 3 млн доллар!

🏦 Анжан ҳокими замининг уйидан 3 млн доллар чиқибди. Газини босинглар! Сен амалдорларни ким сўрарди?..

❓Табиий савол туғилади – замҳокимнинг уйидан шунча чиқса, тепароқларда нима гап экан а?! Ҳали бу топилгани, нақди, ишлатилмагани. Бошқа жойлардагиси, еб-ичилгани, кўчмас мулкка жойлангани, чет элларга олиб чиқиб кетилгани қанча бўлса?

✅ Олдин ҳам айтганман: ҳар инсонда ҳам, жамиятда ҳам кўринмас жилов бўлиши шарт. Жиловни йўқотган одамдан хавфли жонзот йўқ. Қутиради, ўзини ҳам, атрофдагиларни ҳам кемиради.

🤷🏻‍♂️ Афсуски ўша жиловни ё йўқотдик, ё писанд қилмай қўйдик. Оғир бўлади ҳали...

Аброр Зоҳидов
Телеграм | Инстаграм

✅ Илтимос, бўлишворинглар ва албатта шартларини ҳам кўрсатинглар:

🤝 Тўпламлар Тошкент шаҳридаги болалар гематологияси шифохонаси ёнида тарқатилади.

* Мурожаатда оилавий аҳвол, муҳтожлик сабаби, манзил, телефон каби қисқа маълумотлар бериш сўралади. Муносиб топилганлар билан қайта алоқага чиқиб чақирилади. Чақирилмадингизми, демак хижолат қилиб қайта сўрашга ҳожат йўқ;
* Мурожаатлар https://t.me/Abror_Zohidov телеграми орқали қабул қилинади. Зарур бўлса намуна берамиз;
* Яқин 3 ойда олганлар бу сафар навбатни бошқаларга беришади;
* Танловда устунлик тартиби: дастлаб беморлар ва уларнинг яқинлари, кейин ижарада яшовчи муҳтожлар, ундан сўнг мусофирлар ва ҳ.к.;
* Мурожаатлар сони 60 тадан ошса, қабул муддатидан олдин тўхтатилади. Чунки кўпчиликни умидлантириш дуруст эмас. Рад этсак, хафа бўлманг;
* Тўплам қийматича пул берилмайди. Пул бошқа эҳсон. Чақирилмаганлар келиб сўраб хижолат қилмасин. Чақирилганлар кимнидир еталаб келмасин;
* Бош қўшмоқчилар бўлса, бош устига. Раҳмат!

Аброр Зоҳидов
Телеграм | Инстаграм

👳🏾‍♀️Ҳиндистон ва биз

🇳🇪 Дўстимиз бир ҳиндистонлик билан суҳбатлашиб қолибди ва нақадар ўзиб кетганимиз ҳақида сездириб қўйгиси келиб шундай дебди:
– Сизларда одамларнинг аксарияти қашшоқ, кўчаларда ётишар экан а?
🏦 – Ҳа, қашшоқлар ҳам кўп. Лекин биздаги долларли миллионерлар сизларнинг аҳолингиздан кўпроқ, – дермиш ҳинд ака...

Аброр Зоҳидов
Телеграм | Инстаграм

💐Инсон қалби гул бўлар, соғинч дамлар вақтинча!

🔥Ҳислар жуда ўйноқи бўладида. Олдинги постимни ўқидингиз а? Ўша кайфиятда ўтирсам хабар келди – зоминлик Нодирбек Йўлдошев дўстимиз “бемор болаларга тарқатинглар” дея икки қути егулик жўнатибди.

☘️ Бу маҳсулотларнинг ўзига хос жиҳати бор – кимё аралашмаган, табиий, тоза тоғ неъматлари. Ичида асал, сариёғ, ёнғоқ ва мевалар бор. Худо хоҳласа буларни озиқ-овқат тўпламига қўшиб тарқатамиз. Айниқса “Аброр. “Сен кучлисан” болажонлари учун” деган ёзувни кўриб ғариб кўнгил бирам шодландиеййй...

👏 Нодирбек аукционимизни бошлаб берган, ўз ҳиссасини қўшганди. Ҳар бир ватандош Зомин тоғларига борганда йўқласа арзийдиган яна бир тоғ бор. Барака топсин!

Аброр Зоҳидов
Телеграм | Инстаграм

✅ 5 млн сўм! Шу таклиф билан аукцион якунланди. Ҳаммага раҳмат!

Дўстларимизнинг ёрдами билан режаларни амалга оширамиз насиб қилса.

👁 Ўта тушкунман бугун...

🙋‍♂️ Хайрияга оид барча ишларни якунлаш ҳақида ўйлаяпман. Ишонинг, шундай!

1. Яқин укамиз ҳомийлигида 3-мусофирхонамизни тайёрладик. Роса хурсанд бўлгандик. Анча қимматга уй харид қилинди, таъмирланди, жиҳозланди. “Миллий тиббиёт маркази”га яқин жой танланганди. Чунки жуда кўп муҳтожлар бутун шаҳар оралаб, Чилонзордаги мусофирхоналарга қатнашарди.
Лекин... Ҳаммаси тайёр бўлганда қўшнилар қаршилик қилишди. Бу уй бепул берилишига, мақсад фақат савоб эканлигига ишонтира олмадим. Терроризм, педофиллар, фоҳишалар, юқадиган касаллар... ва ҳ.к. эҳтимоли билан розилик бермади. Хориждаги ҳомийга айтсам, “Хусусий мулк деган тушунча қани?” дея ҳайратда қолди. Қонунан ҳақ бўлармиз ҳам, чунки 10 кунгача рўйхатдан ўтмай яшаш мумкин. Аммо шундоқ ҳам муаммолардан чарчаган инсонларни бу муҳитга олиб келиб бўлмасди;

2. Мусофирхоналар ҳақида яна бир марта эълон бердим, тагидаги илк изоҳда бир неча кунга эканлигини, айнан зарурат билан вақтинча келганлар, асосан беморларнинг яқинларига эканлигини ёздим. Бундай эълонларни мунтазам бераман, лекин негадир шуниси жуда кўп тарқалибди, гуруҳларга улашилибди. Изоҳларнинг аксариятида ёлғончию фирибгарга чиқарилибман. Кўпчилик боғланди, аксарияти йиллаб ижарада яшовчилар. Бу вақтинча берилишини айтсам “халқни алдайдиган мошенник”лигимни билдиришди...

3. Айнан бу банд бўйича ҳеч кимдан хафа бўлишга ҳаққим йўқ! Шунчаки ҳолат буям. Бемор болаларни бир амаллаб эътиборга, мотивацияга ўргатдик, ўргатяпмиз. Бу мунтазам тадбирлар, дастурлар билан амалга ошади. Узоқ узилишдан кейин битта аукцион уюштирдик. Ҳеч бўлмаса битта телефон (барглар танловида ютган болага), битта ноутбук (IT курсларида қатнашаётган болага), муҳтож оилаларга мунтазам тарқатиладиган 20 тўплам озиқ-овқатни режалаштирдик. Натижани биласиз. Бир нарсани уят бўлса ҳам айтаман – ўша 5 млн ҳам ўз дўстимизники...

🍃 Энг эзгани илк икки ҳолат. Биз ўзимиз қилиш нари турсин эзгуликка умуман ишонмайдиган жамиятга айланяпмиз! Афсус...

Аброр Зоҳидов
Телеграм | Инстаграм

📺 Ҳозиргина “Россия 24” каналида АҚШнинг куни битгани ҳақидаги навбатдаги кўрсатув берилди

🎤 Ҳазрати Соловёв етовидаги дастурда Америка сайловлардаги ноҳақликлар, мамлакатнинг даҳшатли қарзи, борган сари чўкиб бораётган иқтисоди ва маънавияти ҳақида ўта эҳтиросли фикрлар билдирилди. Нуфузли экспертлар далиллар келтиришди, лавҳаларда АҚШ аҳолиси қашшоқликдан адо бўлаётгани акс этди.

🇨🇳 СССР даврини ҳам яхши эслайман. Асосий сиёсий дастур бўлган “Время” аталмиш кўрсатувнинг салмоқли қисми Американинг таназзули ҳақида кечар, капиталистик тузумнинг абгорлигидан фалсафа сўқиларди.

💥 Бу орада энг йирик ва мустаҳкам, энг қудратли дея сингдирилган иттифоқ аввал иқтисодий-сиёсий жарга қулади, кейин буткул парчаланиб кетди. Асосий вориси бўлган Россия камида уч марта молиявий коллапсни бошдан кечирди, очликка юз тутди ҳатто. Лекин Америка адо бўлганига оид дастурлар бир он бўлсин тўхтамади.

🙋‍♂️ Мен зинҳор Америкапараст эмасман, бу давлатда бўлмаганман ҳам. Бу давлат сиёсатининг аксарият йўналишларини қоралайман ҳатто. Аммо ҳануз чўпчаклар тўқилавериши, ҳамон унга миллионлар ишонаверишидан ҳайратланаман.

✅ Яхшики бизнинг ғоявий душман давлатимиз йўқ. Йўқса рангдор ва ярқироқ дастурларга уста ўз “24”имиз ҳам мияларни ювиб ташлармиди?..

Аброр Зоҳидов
Телеграм | Инстаграм

✍️ "Sirli mijoz narxni 4.600.000 ga ko’tardilar.
Ularning niyati jiddiy"
Шу хат келди. Кичик бўлсада, яна битта қадам. Раҳмат!

❓Аукционни қачон тугатамиз?
1. Охирги таклиф 1 сутка сақланиб турса;
2. 28.10.2024 йил соат 10:00 да.

👮🏻‍♀️ Бугун “Ички ишлар ходимлари куни” экан

🤝 Табриклайман. Самимий! Ўзим уларни жуда кўп танқид қиламан. Ичларида сўкишсада, чидашади.

🌍 Мелисалар сафида қариндошларим, таниш-дўстларим жуда кўп. Танқид қилаверсамда, бир нарсага аминман – ўзим бир кун ҳам уларнинг ишини қила олмайман. Кунни тунга улаш, ҳамиша раҳбарлар босимида ишлаш, бола-чақа олдида бемалол ўтира олмаслик аниқ қўлимдан келмайди. Ички ишлар ходимлари ҳар куни дуч келадиган, бевосита ишлайдиган ёмонларга дуч келсам пақиллатиб отиб ташлай қолсам керак.

✅ Шу ватандошларимиз, ака-укаларимиз ўз жонларини тикканлари учун хотиржам ухлаймиз, кимдир тинчлигимизга рахна солса дод деб олдиларига югурамиз.

💥 Соғ бўлишсин, “смен”лари ҳамиша яхши ўтсин!

Аброр Зоҳидов
Телеграм | Инстаграм

✅ Янги кунда янги таклиф – аноним харидордан 4.5 млн сўм! Баракалла!!!

💥 Sarvar Kabirov ва дўсти биргаликда 4 млн сўм таклиф қилмоқдалар. Ажойиб!🤝

🔥 3.5 млн сўм!!! 🔥

✅ Сирли мижоздан янги қадам!!!

❓Хўш, қанақа жавоб бўларкин?

Жимлик онлари...

Сирли мижозга Sarvar Kabirovдан жавоб – 3 млн!

"Shaxsini sir saqlashni istagan sirli mijoz 2.500.000 taklif qildilar"

Ҳозиргина шу хатни олдик: демак янги қадам – 2.5 млн сўм!!!

Ким сирли мижозни юта олади?!

Доимий фаол дўстимиздан янги қадам! Sarvar Kabirov нақд 2 млн сўм бермоқчи! Қойил!!!

Хўўўш, янгисини кутамиз.

1 млн сўмлик ҳайратимиз узоққа чўзилмади. Дўстимиз Аброр Турдипулатовдан янги ва залворли таклиф – 1,5 млн сўм!!!! Ура!

Ээээнди нима бўлади?

Дўстларимиз Бектемир Муродов ва Нодирбек Йўлдошларнинг 100 минг сўмлик таклифларидан кейин Otabek Sodiqov – 1 млн сўм таклиф қилмоқда. Жуда жиддий қадам бошиданоқ!

Хўўўш, ким ошира олади?

🏋️‍♂️ Бу сафар ҳақиқий оғир артиллерияни олиб келдик!

🥊 Олимпиада ва жаҳон чемпиони, ўзбекнинг фахри ҳамда асл ўғлони Баҳодир Жалоловнинг қўллови билан янги аукционимизга старт бермоқдамиз. Ғолибга ютуқни бевосита боксчимизнинг ўзи бир пиёла чой устида топширмоқчи.

✅ Ҳаммаси жуда оддий – олимпиада чемпионлар имзоси туширилган қўлқоп, болалар қаламига мансуб икки сурат ва ажойиб аппликациялар тўплами кимошди савдосига қўйилади. Тушган маблағ (чўғига қараб албатта) янги танловда умид билан қатнашган 40 нафарга яқин болажонларга совға-салом харид қилиш, ортса муҳтож оилалар учун озиқ-овқат тўпламлари бериш учун сарфланади. Омадимиз келиб, қимматроққа сотсак ёки ҳомийлар бош қўшишни истасалар, дорихоналардан қарздорликларни камайтиришга ҳаракат қиламиз.

☘️ Демак учтаси бирда бўлган лот: чемпионлар имзоси туширилган қўлқоп болалар қаламига мансуб икки сурат ва ажойиб аппликациялар тўпламининг бошланғич баҳоси – бор йўғи 5 минг сўм!

❓Хўш, ким қанчага оширади?

* Ҳар бир жиддий таклиф изоҳларда қайд этиб борилади;
* Аукционда жамоа бўлиб ҳам қатнашиш мумкин;
* Аукционда қатнашмай эҳсон қилиш имконияти ҳам бор, каналимизга кириб, ижоди ўзингизга ёққан болани танлаб олинг ва олға!

Аброр Зоҳидов
Телеграм | Инстаграм

👁 Шу беғуборлик Сизнинг эътиборингизга тушса эди!

☘️ “Сен кучлисан” жамоаси бемор болажонлар иштиёқини ошириш учун янги танлов эълон қилди. Шарти жуда оддий – кузги барглардан чиройли нарсалар ясаш.

✅ Ҳозир https://t.me/senkuchlisanm телеграм каналимиз ҳақиқий санъат асарларига тўлиб тошган. Бола болада барибир. Битта мақтов, бир оғиз ширин сўзга маҳтал (аслида биз катталар ҳам шундаймиз). Сиздан илтимосимиз, шу каналга киринг ва болалар ижодига бир эътибор қаратиб қўйинг. Имконингиз бўлса оддий совғалар билан йўқланг, қўлланг. Имкон қадар ҳамма иштирокчиларни рағбатлантиришни режалаштирганмиз.

🍃 Асарларнинг фақат айримларинигина эътиборингизга ҳавола қиляпман. Кўринг, завқланинг.

Аброр Зоҳидов
Телеграм | Инстаграм

Зўр ёзиб қўйган эканманми а :)

👁 Ўзбекнинг бир ўғлони мўлтираб қолмасин!

🤝 Хабарингиз бор, Ёшлар ишлари агентлиги кўмагида оққонга чалинган 12 нафар болалар бепул ноутбуклар билан таъминланган ва IT курсларида ўқишлари йўлга қўйилганди.

💻 Танлов якунланиб, ноутбуклар тарқатилгандан сўнг исм-шарифи ҳам ўзи сингари ажойиб йигитча – 16 ёшли Оллоберган Аллаберганов ҳам машғулотларда иштирок этиш истагини билдирди. У эски бир ноутбук топиб, дарсларда фаол иштирок этиб келаётган, анча қўли келишиб ҳам қолганди.

📲 Яқинда онаси биз билан боғланди – ўша эски қурилма бузилиб, буткул яроқсиз ҳолга келибди. Оққон билан курашаётган Оллоберган энди ўзи қизиқиб қатнашаётган курсларидан қолиб кетяпти.

🔥Азизлар! Балки уйингизда ишлатилмай турган бақувватроқ ноутбук бордир, ҳадя қилгингиз келмаса – арзонроқ сотарсиз. Балки орамиздан янгисини олиб берадиган ҳиммат эгалари чиқар... Жуда бўлмаганда кўплашиб пул йиғиб олармиз.

✅ Муҳими – Оллоберганнинг Оллоҳ берган истеъдодига андак кўмак бериш ва у руҳан чўкиб қолмаслиги зарур!

🍃 https://t.me/Abror_Zohidov орқали алоқадаман. Ҳар қандай кўмакка хурсандмиз!

“Сен кучлисан” жамоаси

❓Оммага эълон қилинган қизиқ ёзишма: Хўш, йигитни айблай оламизми?

👁 Мана бу скриншотни ўқиб кўринг – унга кўра йигит унаштирув бузилгандан кейин қилган харажатларни қайтаришни талаб қилган. Харажат ҳам нима, ўйинчоқ пули, ресторан тўлови, совғалар... Майда-чуйда хуллас.

✅ Мутлақ кўпчилик йигитнинг қилмишини қоралаган. Мен ҳам бу пулларни сўраш йигит кишига хос иш эмас, деб ҳисоблайман. Лекин лаганнинг иккинчи томониям бор: йиллардирки гендер тенглик, эркакнинг аёлдан афзал эмаслиги, керак бўлса қиз йигит ўрнига ўтирғизиб қўйиш ҳуқуқига эгалигини уқтириб келдик. Хўш, энди нима кутяпмиз?
Ҳуқуқлар тенг бўлса, нега харажатлар бир тарафлама бўлиши керак ва режа амалга ошмаганда қайтарилмаслиги лозим? Умуман, шу ракурсдан қаралса, янаям чуқурроқ борайлик – қиз йигитни учрашувга таклиф қилсин, совға-салом билан сийласин, забт этиш учун чўнтак қоқиштирсин.
“Жиннимисиз?” деяпсизми? Яшанг! Демак тушундингиз – қиз ўз ўрнини, йигит ўз ўрнини йўқотмаслиги керак. Шарт! Нуқта!!!

P.S.: Бу гапларимдан аёлларни камситишни топа олган алоҳида тормозларга – олдин ҳам айтганман: Гендер тенглик деган тушунчаларни сингдириш аёл қадрини янада кўтаришда акс этса дуруст ва қўллайман. Лекин у эркак қадрини туширишга қаратилар экан – сафсата ва зарарли ғоянинг ўзгинасига айланади!

✍️ Адекват баҳсга тайёрман.

Аброр Зоҳидов
Телеграм | Инстаграм

❓Нега кераксиз жойга пул сарфлайверамиз?

🚶🏽‍♂️Ҳар куни Алишер Навоий театри, Ўзбекистон тарихи музейи ёнидан ўтаман. Театр олдидаги туппа-тузук майдон реконструкция қилиняпти, музей эса тўлиқ таъмирланяпти.

🤷🏻‍♂️ Алам қиларлиси, икковиям бинойидек эди. Айниқса Навоий театри ёнидаги майдонга ачинаман. Бир аср хизмат қилган, яна икки аср ишлаб берадиган тош тўшамалар кўчириб ташланди ва ўрнига замонавий материаллар қопланяпти. Юзлаб одам ғимирлаб ишлаган, табиийки миллиардлар сарфланади.

1. Нега биз тарихий манзарани йўқ қилишга, замонавий ва мўрт нарсага пул сарфлашга ўчмиз?
2. Нега биз туппа-тузук ишлаб турган, бузишга асло зарурат бўлмаган жойга ташланамизу, йиллаб абгор бўлиб ётган масканларга эътибор бермаймиз?

🔥 Сиз билган нарсани мен ҳам биламан. Ободончилик ниқобида пул ювиш, коррупция, бошбошдоқлик...

⭕️ Бунинг охири бўлиши керакку ахир? Қачонгача кўкдалалик Матқовулнинг боласи телевизорда жаннатдек давлатни кўриб, лой йўлда пахса деворли мактабга боради?!

Аброр Зоҳидов
Телеграм | Инстаграм

🔥 Ўйлаб қарасам, “Афросиёб” деган зорманда фақат бизнинг асабимизни бузиш учун яратилган экан!

🚄 Кеча темирйўлнинг каттаси чиқиб “Нолийвермаларинг, ўзи “Афросиёб” ғирт убиткада. Манаман деган давлатларингда ҳам поезд самолётдан қиммат. Биз ҳиммат қилганимиз учун яйраб юрибсанлар ўзи...”, деди.

☝️ Қизиқ, нархи истаганча оширилгани камлик қилгандек билети ҳамиша минг тавалло билан олинадиган бу ярамас поезд ҳали ўзбекнинг бошига битган миннатли ош ҳам экан.

❓Пулингга эркин чиқолмасанг, амаллаб чиққанингда ҳам бировга зарар келтирсанг, яна валломати оғиз тўлдириб “Бу ҳам кам, яна оширамиз” деса – керакми шу хўрликлар?!

✨ Кўтар миннатли аравангни. Фақат доим негатив билан эсланадиган қилиб қўйганинг – “Афросиёб” номини қайтар!

Аброр Зоҳидов
Телеграм | Инстаграм

✅ Дўстларим, 3 бемори бор оилага бошпана керак!

🍃Кичиги 10 яшар бемор бўлган, бир оилада 3 кишига дард илашган ва ногиронликка олиб келган оила қишлаб олиши учун бошпана керак.

🏠Кимда Тошкентда ёки яқин атрофда бўш квартира, ётоқхона (обшежитие), ҳовли ёки ҳатто дача бўлса ҳам “ҳой” деворинглар. Оила қишда пойтахтга даволанишга қатнаши керак. Ўзи яшайдиган ҳудудда совуқ, газсиз-кўмирсиз қийналишади. Уч беморни парваришлаш осонмас. Оладиган пенсиялари егуликка аранг етади, дори-дармон тақчил, қиммат ижара олишнинг эса умуман иложи йўқ. Муносиб жой топилса, балки ҳашар қилиб юборармиз, кўрамиз хуллас.

🤷🏻‍♂️Одатда бу масалада мендан ёрдам сўрашарди, энди ўзим илтимос билан юзланяпман. Кимга қизиқ бўлса, овозли хабарларини ташлайман, эшитиб юрак эзилади...

❓“Ўзинг берсанг бўлмайдими?”, дерсиз. Ижарага алоҳида уйим йўқ, мусофирхоналарни узоқ муддат бир оила билан банд қилиб қўя олмайман, кўпчиликнинг ҳожати тушадиган жой.

🙋‍♂️ https://t.me/Abror_Zohidov орқали алоқадаман. Кутаман!

Аброр Зоҳидов
Телеграм | Инстаграм

🔥 Тиланчилар ҳаддидан ошишмоқда

✅ Ҳар қандай соҳа, ҳар қандай машғулот эгалари маълум қонуниятларга бўйсунишлари, назоратни ҳис қилишлари ва энг муҳими – ҳаддидан ошмасликлари шарт. Ҳатто тиланчилар ҳам!

🤷‍♀️ Рафиқам билан дўкон ёнида тўхтадик. Машинадан тушмасимиздан бир жувон келди.
– Ака, йўлкирамга 5 минг сўм бера олмайсизми?
– Узр, бера олмайман.
– Нега бера олмайсиз?
– Чунки соғломсиз, ишланг. Тиланчиликка муносиб эмассиз.
– Ҳа, сиз бойлар ҳеч берманглар-берманглар. Берсангиз давлатингиз камайиб қолади. Билсангиз – сиз бойларда биз камбағалларнинг ҳақи бор. Бировнинг ҳақидан қўрқмасангиз ҳам Худодан қўрқинг!

⭕️ Афсус, қаршимда аёл киши, қолаверса замон ҳам кўтармайди. Эркак киши бўлса, боплаб саваласанг...
* * *
🫔 Лаваш еб ўтиргандим. Бир тиланчи қиз индамай ёнимга келди ва хайр сўрай бошлади. Бермаслигимни билдирсам, ҳе йўқ бе йўқ қўлимдаги егуликка чанг солди. Ҳайдаб солдим. Қарғаб-қарғаб кетди.
Қизиқ, булар нега бунча жиловни йўқотишди? Улар бугун ҳар қадамда. Чорраҳаларда ҳаётга жиддий хавф солиб, бола кўтариб автомобиллар оралаб юришади, мачитлар ёнидан гўё меҳнат ярмаркаси ташкил қилишган, бозорлар, гавжум жойларку тўлиқ уларники. Энг ачинарлиси – бу жараёнга болаларни, гўдакларни қўрқмай жалб қилишмоқда.

🏦 Тиланчилар ишлаб топаётган ақл бовар қилмас бойликлар тўғрисида афсоналар юради. Улар бежиз эмаслиги аниқ. Динимизда бир қорин тўйгуликдан ортиғини сўраш ортиқчалиги таъкидланган. Наҳот шу даражада оч ва яланғоч қолишаётган бўлса?!

❓Улар билан шуғулланаётган бирор тизим фаолияти кўринмаяпти. Қонунчиликдаги юмшоқлик масъулларнинг қўлини боғлаш билан бирга, боқимандаларнинг сафи кун сайин кенгайиб, очиқ тиланчиликка киришувчилар сони ортиб боришига замин яратяпти. Чунки уларни жазолаш механизми йўқ, қўлланиладиган жарималар эса ишлаётган пуллари олдида кулгили даражада.

🤷🏻‍♂️Натижани эса кўриб турибмиз.

Аброр Зоҳидов
Телеграм | Инстаграм

!!!!✅🔥💥⭕️🍃🥀

🤷🏻‍♂️ Матқовул 200 доллар пора олганда гирибонидан тутиб, пулга бармоғини ниқаб сазойи қилган тизим 40 минг доллар олган прокурорни “қочириб юборди”

😄 Янаям қизиғи, биз лохлар шунга ишонишимиз керак!

✍️ Воқеани эшитиб, расмий баёнотни ўқиб, ҳайратга тушасиз. Прокурор 40 минг доллар талаб қилармиш (хўш, нимаси ғайритабиий бунинг?). Пул берармон тегишли жойга арз қилармишда “Қонуний чора кўрсаларинг бўлмайдими, нима деган гап бу, наҳот мусаффо осмон остида прокурор пора олса?” дея масалани кўндаланг қўярмиш.

🔥 Шундан кейин катта гуруҳ тузилармиш ва операцияга киришилармиш. Махсус пул махсус жойда берилаётган жойда – ПАҚ! Прокурор 40 минг долларни қуртдек санаб олиб, мингга қўйворармиш. Уни тутадиган гепардсимонлар қораси ўчгунча шошмай турармиш. Албатта, кейин қидирувга беришганку, қанақа эътироз?!

✅ Энди бир гапни эслаб қолинглар – отаси роса мойли жойларнинг эгаси бўлган бу прокурорча тутилиши мумкин. Лекин пулни олмаган ва айбсиз бўлиб чиқади!

Аброр Зоҳидов
Телеграм | Инстаграм

BMB HOLDING янги саҳифа очди – Za’faron чуқур қайта ишловда!

✅ Ўзимизнинг тадбиркорлар эгалик қилса, ўзимизнинг қоракўзлар ишлаб қозонини қайнатса, ишлаб чиқариш корхоналаридек файзли маскан йўқ. Яна бундай корхоналар олис ҳудудларда ишга туширилса ва қишлоқ аҳли ҳам ишли бўлиб, келажагидан хавотирланмай яшаса икки карра зўр!

⚡️ BMB HOLDING BMB Za’faron брендини яратганидан кўпчилик хабардор. Энди холдинг янги қадам қўйди ва Жиззах вилоятининг Бахмал туманида чуқур қайта ишлаш корхонасини ишга туширди. Биз шу воқеага гувоҳ бўлдик.

🍃 Маълумки, заъфарон (шафран) – дунёдаги энг қиммат ва ноёб зираворлардан бири бўлиб, дунёда унга 350 тонна талаб бўлгани ҳолда атиги 175 тонна ишлаб чиқарилади. Ўзбекистон ишлаб чиқаришни 20 тоннага етказиш орқали бу соҳада етакчилардан бирига айланиши аниқ. Бу маҳсулот қўлланилиш соҳаларининг кўплиги, етиштириш ва ишлаб чиқариш жараёнларининг мураккаблиги, соғлиқ учун фойдали хусусиятлари ҳамда қиймати юқорилиги нуқтаи назардан “қизил олтин” дея эътироф этилади.

⭕️ Заъфарон плантацияларини кенгайтириш, қуритиш ва қайта ишлашни ташкил этиш лойиҳасининг умумий қиймати 120 млн еврони ташкил этади. Жумладан,
- 70 млн евро тўғридан-тўғри хорижий инвестициялар;
- 37 млн евро ўз маблағи;
- 13 млн евро кредит маблағлари.
Ўтган давр мобайнида мазкур лойиҳа доирасида 60,8 млн евро инвестициялар ўзлаштирилиб, қарийб 120 та доимий ва 25 минг нафар мавсумий иш ўринлари яратилган. Заъфарон маҳсулотлари экспорт ҳажмлари ҳам салмоқли:
- 2021 йил - 1,2 млн евро;
- 2022 йил - 2,7 млн евро;
- 2023 йил - 4,5 млн еврони ташкил этган бўлса
- 2024 йилда 12 млн еврога етказиш режалаштирилган.

🤝 Шу билан бирга, лойиҳа ташаббускори томонидан қўшимча равишда киритилган 5 млрд сўм сармоя натижасида 2,5 км га яқин йўлларга бетон қопламаси ётқизилиши ва 25-30 км узунликда электр тармоқлари тортиб келиниши орқали аҳоли электр энергияси билан таъминланиши ушбу ҳудуд учун нафақат иқтисодий, балки ижтимоий аҳамият касб этади.

👏 Мана шу қишлоқни обод қилиш дегани!

✍️ Энди бу холдингни бошқараётган Бекзод Маматқулов ҳақида икки оғиз: Мен учун у бемор болаларимизга катта ёрдам берган меценат ва шунинг ўзиёқ ҳурмат қилишим учун етарли. Бу даражада кенг кўламли тадбиркорлик эса шахсан менинг қўлимдан ҳам келмайди.

Аброр Зоҳидов
Телеграм | Инстаграм

✅ Соддагина ўзбегима😄

❤️СССР пайтида Сибирда хизмат қилган самарқандлик тоғамиз бир рус қиз билан севишиб қолади. Қайтганидан кейин ҳам анча вақт хат ёзишиб юради.

🏇Ниҳоят қизнинг олдига боришга қарор қилади ва севгилисини ҳайратлантириш йўлини топади. Ўша пайт Тошкентда “Пепси Кола” заводи янги очилган бўлган. Йигитнинг гули Тошкентга келиб, ўнта пепсини фалон пулга амаллаб топади ва Сибирга учади.

🍃 Севгилиси билан кўришиб, иккови балконга чиққан пайтда тантана билан пепсини очади ва иккови ичишади. Қизни буткул ҳайратда қолдирганидан, умрида кўрмаган ичимлиги билан сийлаганидан ғурур туйган йигит узоқларга тикилиб фахр билан сўрайди:
– Анави рўпарамизда тутун чиқараётган жой нима?
– “Пепси Кола” заводи! – жавоб беради қиз☺️.

Аброр Зоҳидов
Телеграм | Инстаграм

☝️Ҳеч қачон ишга жойлаштириш масаласида ўртага тушманг. Ҳеч қачон!

🤝 Ўрнини топишга қийналиб юрган бир йигит бўларди. Уч-тўрт марта иш сўради, “танишларингизга ишчи керакдир”, деди. Ёрдам бера олмай хижолат бўлиб юргандим.

✅ Бир куни ўрни келиб қолди шекилли, дурустгина маош берадиган дурустгина бир компанияга ишчи кераклигини билиб қолдим ва шу йигитни ошиғич тавсия қилдим. Ишга жойлашиб кетганини эшитиб хурсанд бўлдим.

❓Икки ойча ўтиб нима бўлганига қизиқдим. Ишхонадагилар менга шундай дейишди:
– Ака унингиз (унингиз!) на ўзи бир ишни эпларкан, на айтганни қиларкан. Бирор нарсани эплай олмагани камлик қилгандек, бир ойдан кейин ойликларинг кам экан деб жанжал қилди. “Бўпти, тўғри келмаса кетақолинг” десак “Бўшатганинг учун компенсация тўлайсанлар” деб роса можаро қилди. Ўзи бир йилда тўрт жойда ишлаб, тўполон билан кетган экан. Сиз айтганингиз учун йўқ демай олгандик...
Роса изза бўлдим. Орқаваротдан ўша ишчининг версиясига ҳам қизиқдим:
“Ойлигининг тайини йўқ, яна бир-бало ишлар буюраверишади. Иш-иш, тиним йўқ. Кўтар, дедимей! Ўзи Аброр ака айтгани учун йўқ дея олмай ўтгандим у жойга...”.

🤷🏻‍♂️ Ҳе, танкалигу ўртакашлик қилган Аброр аканг ҳам ҳар нарса бўлсин!

Аброр Зоҳидов
Телеграм | Инстаграм

Оддий халққа уй йўқми?

Аброр Зоҳидов
Телеграм | Инстаграм

Ким нима деб ўқиди? 😁

Аброр Зоҳидов
Телеграм | Инстаграм

🤲 Бунча одам адашиши мумкин эмас ёки мен ҳам ана шу кўп қаторидаман!

✍️ Менда диний илм йўқ, фақат ақлим доирасида айрим хулосалар чиқара оламан. Шулардан бири жамоат ибодати, айниқса жума намозлари.

🙋‍♂️ Минглаб, ўн минглаб одам орасида бўларканман, беихтиёр ўйлайман: “Миллиардлаб инсон асрларки адашиб юриши мумкин эмас. Нотўғри таълимот мунтазам кенгайиб бора олмайди. Ёки ҳеч бўлмаганда охирги таскиним – шунча одам нима бўлса, мен ҳам шу бўламан-да...”.

✅ Бекорга жамоат намозларига жиддий урғу берилмайди ва тарғиб қилинмайди.

P.S.: Суратни бугун олдим. Ундаги позитивни топинг ва изоҳга ёзинг!

Аброр Зоҳидов
Телеграм | Инстаграм

✍️ Ижодкор укамиз Мурод Файзиевдан дунёни ўзгартириш бўйича намуна!

🙋‍♂️ Ҳар биримиз бунга қодирмиз. Фақат уйғонган иштиёқни сўндирмасак, дангасаликни енга олсак бас. Эзгулик қилиш имкониятлари чексиз.

Аброр Зоҳидов
Телеграм | Инстаграм

🪱Ылондаги Э!

😃 Янгийўлда илонлар қочиб кетиши ортидан бир воқеа эсимга тушди.

✅ Воҳалик бир киши телефон орқали банк ҳисоб рақамини айтаётган, мен ёзиб олаётгандим. Йигирматалик сонларни, МФО, ПИНФЛ ҳаммасини айтиб охирида:
– ЭНЭНЭН, деди.
– ИННми, сўрадим мен.
– Йўқ, ЭНЭНЭН! Ылондаги Э, таъкидлади у))

✨ Шеваларингдан, оҳангларингдан айланай, ўзбегим!

Аброр Зоҳидов
Телеграм | Инстаграм