📚📚 የመፅሐፍ ድምፅ ( The sound of a book ) 📚📚

🎙ሲ ድ ኒ ሼ ል ደ ን 🙌👍

እ.ኤ.አ. February 11,1917 Chicago, Illinois የተወለደው ሲድኒ ሼልደን፤ ዓለማችን ካፈራቻቸውና በስነ-ጽሑፍ ሥራዎቻቸው አንቱ ከተባሉ የስለላ መጻሕፍት ታላላቅ ደራሲዎች መካከል አንዱ ነው፡፡

በ10 ዓመቱ ሲድኒ የመጀመሪያ ግጥሙን በ5 የአሜሪካን ዶላር በመሸጥ የደራሲነት ሕይወቱን አሟሽቷል። በዴንቨር ኮሎራዶ የሁለተኛ ደረጃን ካጠናቀቀ በኋላ በኖርዝዌስተርን ዩኒቨርሲቲ በስኮላርሺፕ ትምህርቱን ተከታትሏል።

በ1937 ሼልደን ሆሊዉድን በመቀላቀል የፊልም ስክሪፕት ጸሐፊ ሆነ። ከረዥም ልቦለድ ሥራዎቹ በፊትም በበርካታ የፊልም ድርሰቶችና የቴሌቪዥን ድራማዎቹ ዝነኝነትን ለማግኘት ችሏል።

ሲድኒ ሼልደን 50ዎቹ የዕድሜ ክልል ውስጥ እስኪገባ ድረስ ረዥም ልቦለዶችን መፃፍ አልጀመረም ነበር። ከዚያ በፊት በነበሩት ጊዜያት «I Dream of Jeannie»እና «The Patty Duke Show» የመሳሰሉ ተወዳጅ የቴሌቪዥን ድራማዎችን ነበር የሚፅፈው። ቬልደን «The Bachelor and the Bobby Soxer» በሚለው የፊልም ጽሑፉ የኦስካር ሽልማትን አሸንፏል - «ምርጥ ኦሪጅናል የፊልም ጽሑፍ» በሚል ዘርፍ።

ሼልደን በህይወት በቆየባቸው 89 ዓመታት ውስጥ ከተለያዩ ሴቶች ጋር ትዳር የመሰረተ ሲሆን፦
- ከመጀመሪያ ባለቤቱ Jane kaufman Handing ጋር ከ1945 - 1948 ቆይቶ በፍቺ ተለያይተዋል፣
- ሁለተኛ ባለቤቱ ከሆነችውና አንድ ልጅ
ለማፍራት ከበቁት Jorja Cunright ጋር
ከ1951 - 1985 የቆዩ ሲሆን ሕይወቷ በማለፉ ምክንያት ወደ ብቸኝነት ቢመለስም
- በስተመጨረሻ ካገባት እና በሱ ሞት ምክንያት ከተለያዩት Alexandra Joyce kostoff ጋር ከ1989 - 2007 ድረስ ሦስት ሚስቶችን አግብቶ ኖሯል፡፡

ሼልደን ካበረከታቸው የስነ ፅሁፍ ሥራዎች ውስጥ አብዛኞቹ የሀገራችንን ቋንቋ ጨምሮ በተለያዩ ሀገራት ቋንቋዎች ተተርጉመው ለንባብ በቅተዋል።

ከሲድኒ ሼልደን ድርሰቶች መካከል ፦
➥ The stars shine down (1992)
➥ A stranger in the mirror (1976)
➥ The best laid plans (1997)
➥ The naked face (1970)
➥ Tell me your dreams ("ህልምሽን ንገሪኝ" በሚል ወደ ሀገራችን ቋንቋ ሊተረጎም የበቃ) (1998)
➥ Memories of midnight (1990)
➥ Rage of angels (1980)
➥ Nothing lasts forever (1994)
➥ Bloodline (1977)
➥ Master of the game ("አስኳል" ተብሎ በሀገራችን ቋንቋ የተተረጎመ) (1982)
➥ If tomorrow comes (1985)
➥ The dooms day conspiracy ("የፍርድ ቀን ዘመቻ" በሚል የተተረጎመ) (1991)
➥ Morning, Noon, and Night (ማለዳ፣ ቀትርና ምሽት በሚል የተተረጎመ) (1995)
➥ The Other Side Of Me ("ሌላው ገፅታዬ" በሚል ወደ አማርኛ የተተረጎመ) ግለ-ታሪክ (2005) እና ሌሎች በርካታ ድርሰቶች ለንባብ ያበቃቸው ሥራዎቹ ናቸው።

የሼልደን 18 የልቦለድ ድርሰቶቹ ከ300 ሚልዮን ቅጂዎች በላይ በ51 ቋንቋዎች ተተርጉመው ተሸጠዋል። በዚህም ከ10 የምንጊዜም ከፍተኛ ሽያጭ ያላቸው ልቦለድ ጸሐፊዎች አንዱ ሊሆን በቅቷል።

ሲድኒ ሼልደን January 30, 2007 በተወለደ በ89 ዓመቱ Rancho Mirage , California ውስጥ ሕይወቱ አልፏል።

✍️ አቡ Ema

*ጠቃሚ ምክሮች*
~ለመውደድ አትቸኩል ለመጥላትም አትቸኩል።
~ለማመስገን አትቸኩል ለመተቸትም አትቸኩል።
~አልችልም አትበል በመቻልህም አትታበይ
~ፈጣሪህን በሰፊው ጠይቅ ሲሰጥህ ግን አትርሳ።
~ሁሉም ስማ መርጠህ ግን አድምጥ።
~ፈጣሪህን ሁሌ አመስግን ባመሰገንከው ቁጥር ፀጋውን ይጨምርልሃልና።
~ክብርህን ከህሊናህ ፍቅርን ከአምላክ ጠብቅ።
~ሰበብን ተፀየፍ ምክኒያትን ውደድ።
~ሚስጥርን አትናገር መጣላት አለና።
~ስለተጣላህም አትማ መታረቅ አለና።
~ወላጆችህን በትዳርህ አትቀይር መፍታት አለና።
~ቁሳዊ ሀብት የለኝም ብለህ አታማር ጤናውን ያጣ ብዙ ነውና።
~ሀብትና ጤና ስላለህ አትታበይ ሁለቱም አንድ ቀን ሊከዱህ ይችላሉና።
~ፈጣሪን እንጂ ሰውን አትደገፍ የሰው ልጅ ሸንበቆ ነውና።
~ጫማ የለኝም ብለህ አታማር እግር የሌለው አለና።
~ሌሎችን ለመምሰል አትሞክር ውድቀትህ ያኔ ነው የሚጀምረውና።
~የተማርከውን ጥሩ ነገር ለሰዎች አጋራ ሳትመርጥ ሁሉን ወሬ ግን እንደገደል ማሚቶ አታስተጋባ።

✍️ ከጠቃሚ ንግግሮች የተወሰደ

መፅሀፍ ቅዱስ እንደ እባብ ልባሞች ሁኑ የሚለን ለምንድን ነው? እባብ ብዙ ፍጥረታት ያሏቸው ነገሮች የሉትም። ለምሳሌ፦
♦ ጆሮ የለውም፤
♦እግር የለውም፣
♦እጅ የለውም፤
♦አይኑን የሚከላከልለት የአይን ቆብና ሽፋሽፍትት የለውም(ሲተኛም አይኑ አይከደንም)፤
♦ወዳጅ እንስሳ የለውም፤
♦ክንፍ የለውም፤
♦ፀጉር ወይም ላባ የለውም፤ ወዘተ........

👉 ነገር ግን ጆሮ ባይኖረውም ምላሱንና አይኑን በመጠቀም ጆሮ ካላቸው እንስሳት በላይ አካባቢውን ይረዳል!

👉 እግር ባይኖረውም እግር ካላቸው በላይ ይሄዳል!

👉 እጅ ባይኖረውም እጅ ካላቸው በላይ አድኖ ይይዛል! ዛፍና ተራራ ይወጣል!

👉 እንደወፍ ክንፍ ባይኖረውም በአየር ላይ ከዛፍ ዛፍ ይወረወራል! እንደአሳ ክንፍ ባይኖረውም በውሀ ውስጥ ይዋኛል!

👉 እንደሌላው እንስሳ ዝናብና ፀሀይ የሚከላከልለት ፀጉርና ላባ ባይኖረውም ከሌላው እንስሳ በተሻለ ዝናብና ፀሀይን ይቋቋማል!

👉 ወዳጅ እንስሳ ባይኖረውም ከሚፈራቸው ይልቅ የሚፈሩት ይበዛሉ! ወዘተ.......

🙏 የመፅሀፉ ቃል እንደእባብ ልባሞች ሁኑ ሲለን ምን ማለቱ ነው ካልን እጅም፣ እግርም፣ ጆሮም፣ ደጋፊም፣ ወዳጅም፣ ልብስም፣ ወዘተ ባይኖራችሁ እንኳን የሌላችሁን እየቆጠራችሁ ተስፋ ከመቁረጥ ይልቅ እነዚህ ነገሮች እንደሌሉት እንደእባብ ባላችሁ ነገር ተጠቅማችሁ ከማንም ሳታንሱና ከማንም ሳትጠብቁ ኑሩ ማለቱ ነው። እንደባብ ልባሞች ሁኑ!!!

✍️ ሀቅ እና ድንቅ

🙏 ብዙ ሰዎች የሚያምኑት ግን የማይኖሩበትን ትምህርት የጥቅስ መዝገበቃላት ለመሆን ብቻ ነው። ስለሆነም መስሎ መኖር ኑፋቄነት ነው። የሰው ልጅ መመሪያው ወይ እውነት ወይ ሀሰት ወይ ነው ወይ አይደለም ነው።

👉 ከእውነት እና ከሀሰት መካከል ምን አለ?
👉 ከነው እና አይደለም መካከል ምን አለ?
👉 ከሲኦል እና ከገነት መካከል ምን አለ?
👉 ከቤልሆርና ከክርስቶስ መካከል ምን አለ?
👉 ከዳጎን እና ከጽዮን መካከል ምን አለ?
👉 ከመልአክና ከሰይጣን መካከል ምን አለ?

🙏 ስለሆነም አስመሳይነት መካከለኛነት ነው። ከገነት ከወጡም ሲኦል ነው። ከሲኦል ከወጡም ገነት ነው። በመካከሉ ግን ለአስመሳዮች የሚሆን ቦታ የለም። ይሄ ደግሞ ኑፋቄ ነው።"ነገር ግን ክፉዎች ሰዎችና አታላዮች እያሳቱና እየሳቱ፥ በክፋት እየባሱ ይሄዳሉ ይላል ታላቁ መፅሐፍ #መፅሐፍ_ቅዱስ።

🙏 ሁሉም ቦታ መገኘት ሁሉን ማወቅ አይደለም ለሁሉም ሰው እሆናለሁ ማለትም በፍፁም የሚታሰብ አይደለም። በሁሉም ቦታ ተገኝቶ ለሁሉም መታየት ከእውቀት የሚመነጭ ሳይሆን ለመታየትና እሱ ሁሉም ቦታ አለ ተብሎ ለመወደስ ብቻ ነው የሚጠቅመው። ውዳሴ መፈለግ ደግሞ አንድ ቀን አንገት ያስደፋልና አንዳንዴ ከእኔ የሚበልጥ ሰው አለ ብሎ ማሰብን መልመድ አለብን።

🙏 “አሞራው ውብነህ” በመባል የሚታወቁት ደጃዝማች ውብነህ ተሰማ (በኋላ ራስ) ከ1928 እስከ 1933 ዓ.ም. ፋሽስት ኢጣሊያ ኢትዮጵያን በወረረችበት ወቅት በምእራብ ቤጌሚድር ግዛት በተደረገው የፀረ-ፋሽስት ትግል ግንባር ቀደም መሪ ነበሩ። ከሱዳን ጋር በሚያዋስነው ቆላማ አካባቢ የአርማጭሆ አውራጃ ተወላጅ የሆኑት ውብነህ ተሰማ በ 16 ዓመታቸው ነበር ከበርካታ ሽፍቶች አመራሮች መካከል አንዱ በመሆን ትግላቸውን ጀመሩት። በልጅነታቸው የአባታቸውን ጠመንጃ በመያዝ አደን ያድኑ እንደነበር ልጃቸውና የልጅ ልጃቸው ይናገራሉ፡፡

🙏 ፋሽስት ኢጣሊያ በወረረበት ወቅት ውብነህ ተሰማ ተልዕኮውን ከሽፍትነት ወደ አርበኝነት ደረጃ ከፍ በማድረግ ወራሪውን ፋሽስት ባገኟቸው ቦታዎች ሁሉ ማጥቃትን ተያያዙት፡፡ ራስ ውብነህ ተሰማ አገርንና ወገንን የሚወዱ፤ ታሪክን የሚያስተምሩና ከአገር የሚበልጥብኝ ነገር የለም በማለት እራሳቸውን ያሳመኑና ፀሎተኛም እንደነበሩ የልጅ ልጃቸው ገብርኤላ አድማሱ ይናገራሉ፡፡ የራስ ውብነህ ተሰማ የልጅ ልጅ ገብሬላ አድማሱ ውብነህ ተሰማ፤ ባለቤታቸውን ጨምሮ ቁጥራቸው ከጊዜ ወደጊዜ እያደገ የመጣው የአርበኞች ቡድን በምስራቅ ሱዳንና በምዕራብ ኢትዮጵያ መካከል በነፃነት በመጓዝና በድንበር አካባቢም ካሉ ታዋቂ ሰዎች ጋር የጠበቀ ግንኙነት ስለፈጠሩ ፋሽስት ኢጣልያ ቤጌሚድርን አረጋግቶ ለመቆጣጠር በፍጹም አልቻለም።

🙏 ራስ ውብነህ በተለያዩ ጊዜያት በሌሎች የአርበኞች ግንባር እንደተገለጸው ሁሉ ጠላትን በመፋለምና በኢትዮጵያ ዙፋን ላይ ተቀናቃኝ ናቸው በሚባሉት ላይ ፀረ ተቃውሞ ትግል በመምራት ለንጉሠ ነገሥቱ ቀዳማዊ ኃይለ ሥላሴ በነበራቸው ጽኑ የግል ታማኝነት ጎልተው ታይተዋል። ምንም እንኳን ከጠላት ጋር ሲፋለሙ በአንድ ወገን የራስነት የማዕረግ ስም ቢይዙም ንጉሠ ነገሥት ኃይለ ሥላሴ ግን የደጃዝማችነትን ማዕረግ ያረጋገጡላቸው በ1933 ዓ.ም. ነበር፡፡

🙏 ራስ ውብነህ ባመኑበት ነገር ንጉሠ ነገሥቱን ጨምሮ ፊት ለፊት ከመናገር የማይቆጠቡና የማይፈሩ ደፋር ተናጋሪ ነበሩ፡፡ ምንም እንኳን ይህ ድፍረት የተሞላበት ንግግራቸው ለተወሰነ ጊዜ ለቁም እስር ቢዳርጋቸውም ቅሉ፤ ንጉሠ ነገሥቱ ግን ለራስ ውብነህ ከፍተኛ ፍቅር ስለነበራቸው ምክራቸውን ከፍ አድርገው ይመለከቱት እንደነበር ይነገራል፡፡ ኢትዮጵያ በፋሽስት የኢጣሊያ አገዛዝ ትማቅቅ በነበረበት ዘመን የኢትዮጵያ ጀግና የቁርጥ ቀን ልጅ በመሆን ባስመሰከሩት እና ለንጉሠ ነገሥቱም ጽኑ የግል ታማኝ አርበኛ የሆኑትን ራስ ውብነህን ማሰር አሳፋሪ በደል እንደመፈፀም የሚቆጠር ተግባር መሆኑን የታሪክ ጸሐፊዎች ሳይዘግቡት አላለፉም፡፡

🙏 በሱዳን ገዳሪፍ የተወለዱት የራስ አሞራው ውብነህ ልጅ ወይዘሮ ኢትዮጵያ ውብነህ፤ ራስ አሞራው ውብነህ፤ በጎንደር፣ በምጽዋ፣ በአዲስ አበባና በተለያዩ ቦታወች እየተዘዋወሩ የአርበኝነት ተግባር ማከናወናቸውን ይናገራሉ፡፡

🙏 በአቡነ መልከጸዴቅ የመቃብር ጽሁፍ ላይ እንደተገለፀው፤ አሞራው ውብነህ የምድር አርበኛ ብቻ ሳይሆኑ የሰማይ አርበኛ ጭምር እንደነበሩ እና ከነፃነት በኋላ እንግሊዞች ጎንደር ገብተው የራሳቸውን ሠንደቅ ዓላማ ሲሰቅሉ የተመለከቱት ራስ አሞራው ውብነህ፤ በአገሬ ላይ የውጭ ሀገር ሠንደቅ ዓላማ አይሰቀልም በማለት እንግሊዞችን አስገድደው የእነርሱ ሠንደቅ ዓላማ ወርዶ በምትኩ የኢትዮጵያ ሠንደቅ ዓላማ እንዱሰቀል ማድረጋቸውን ሱዳን ገዳሪፍ የተወለዱት ልጃቸው ወይዘሮ ኢትዮጵያ ውብነህ ያስረዳሉ፡፡

🙏 ጀግናው አገር ወዳድ አርበኛ ራስ አሞራው ውብነህ፤ ከጥቂት ዓመታት ቆይታ በኋላ ከዚህ ዓለም በሞት ተለይተዋል፡፡ አስከሬናቸው አዲስ አበባ በሚገኘው የታላላቅ አርበኞች አፅም ባረፈበት በመንበረ ፀባዖት ቅድስት ሥላሴ ካቴድራል በክብር እንዲያርፍ ተደርጓል፡፡

#ጥምቀትን_በጎንደር

👉ደራሲ እና መምህር ወርቁ "የመማፀኛ ከተማ" ሲል ይገልፃታል።
👉ክብሩ ዶክተር አርቲስት ቴዎድሮስ ካሳሁን "የኢትዮጵያ ዋልታ እና ማገር" ይላታል።
👉የባህል ዘፋን አቀንቃኙ ይርጋ ዱባለ (ጋሸ) በመረዋ ድምፁ እንደ መንፈቅ ልጅ "እሹሩሩ"ሲል ያሞካሻታል።
👉ተወዳጁ ደራሲ እና መምህር በረደድ ገዳሙ የቅድስና እና የልዕልና ከፍታዋን በ"ሉባር" በመመሰል በማራኪ ብዕር አሽሞንሙኗታል። የ"ልቤ ከተማ" ብሎም ይጠራታል።
👉ደራሲ ሲሳይ፣ዋሴ ነጋሽ እና ግርማይ ከበደ "የከተሞች እናት"ይሏታል።
👉አንጋፋው ደራሲ አለማየሁ ገላጋይ "የህልሜ ከተማ" ይላታል።
👉የአብራኳ ክፋይ መሀሪ ደገፋው ብዙ ዘፍኖላት የፍቅሩ መጠን ሲበዛበት "ሙቼ ነው እምወድሽ" ሲል የፍቅሩን ጥግ አዚሞላታል።
👉ብዙ መከራን ያየላት ልጇ ፋሲል ደምወዝ "ልክፍት ነሽ" ይላታል።
👉 ጎንደርን በአንድ መስመር ግለጿት የተባሉ ገጣሚያን ደግሞ ፦
ሞኝነት ነው እንጅ የመናፈቅ ነገር፤
እንዴት ባንድ መስመር ይገለፃል ጎንደር።

ግዑዙ ጀበና የሠው እጅ ሥራ
ይላል በደል በቃኝ በድርገቱ ፉከራ
ሠውም ከማለዳው ሲጀምር ከአዳም
በደልን አምቆ መታገሥን ቢያውቅም
ምንም ወኔ ቢያጣ -
ኢትዮጵያዊው ትውልድ ከጀበና አያንስም
በሁሉም አካሄድ በሁሉም ማእዘን
ትግስትም ልክ አለው ለበደል ወሠን
መጠኑ ካለፈ በግፍ መታመሱ
ሥፍሩ የሞላለት አይቀርም መፍሰሱ።

✍️ የኢትዮጵያ ትንሳኤና ወሮበላው ቡድን ገፅ 6

🙏 “የዩኒቨርሲቲ ዲግሪ ፣ አራት መፅሓፍትና በመቶዎች የሚቆጠሩ መጣጥፎች አሉኝ። ግን አሁንም ድረስ ሳነብ እሳሳታለሁ። አንቺ "እንዴት አደርክ" ብለሽ ስትፅፊልኝ እኔ ደግሞ "እወድሃለሁ" ብዬ ነው የማነበው።”
ገጣሚና ደራሲ #መህሙድ_ደርዊሽ

🙏 110 books down this year 🫡🎊 You wouldn't think reading books like this is a waste of time until you engage with someone like this and have conversations with them about random things, then you wonder how they got so much knowledge from.

👉 በዚህ አመት 110 መፃህፍት ተቀምጠዋል 🫡🎊ከእንደዚህ አይነት ሰው ጋር እስክትገናኝ እና ከእሱ ጋር ስለነሲብ ጉዳዮች እስክትወያይ ድረስ እንደዚህ አይነት መፅሃፍ ማንበብ ጊዜ ማባከን ነው ብለህ አታስብም ከዛ ብዙ እውቀት እንዴት እንዳገኘ ትገረማለህ።

✍️ Zaineb

👉👉👉👉 https://t.me/damtad

🙏🙏🙏 #አዘርጋዊያን 🙏🙏🙏

👉 ወድቆ መነሳት አንዱ የህይወት ጉዞ መርህ አካል ነው።

🙏 አዳም ሕግ አፍርሶ ወደቀ ንስሐ በመግባትም ከውድቀቱ ተነሳ፣

🙏 ዳዊት አምላኩን በመበደል ተጓዘ ፤ ንስሐ በመግባትም ከውድቀቱ ተነሳ፡፡

🙏 ሰሎሞንም በደለ ወድቆም ተነሳ፣

🙏 ጴጥሮስ አምላኩን በመካድ ወደቀ በፀፀት እንባው ከውድቀቱ ተነሳ፣

🙏 ቅ/ጳውሎስ ክርስቲያንኖችን በማሳደዱ ወደቀ በይቅርታም ከውድቀቱ ተነሳ።

🙏 የዜማው ሊቅ ቅዱስ ያሬድ በትምህርቱ በተደጋጋሚ ወድቆዋል፣ ከውድቀቱም በመነሳት 5 የዜማ መጻሕፍትን ደረሰ።

👉 ለሰው ልጅ ችግሩ ውድቀቱ ሳይሆን ወድቆ መነሳት አለመቻሉ ነው፡፡ አትውደቅ የሚያነሰህ የለም የሚለው ንግግር መውደቃችንን ሳይሆን ከውድቀታችን አለመነሳታችንን ለማስረዳት የተባለ ንግግር ነው።

🙏 ሚስት እና ባል ይጣሉና ሽማግሌ ይሰበሰባል ከዚያም ሁለቱም ችግራችሁን ተናገሩ ሲባሉ ...
"ባል እኔ ከስራ ደክሞኝ ስመለስ ማረፍ እፈልጋለው ነገር ግን ልጅቷን እያንጫጫች አያሳርፉኝም" አለ
ሽማግሌዎቹ እሱን በመታዘብ "ሌላስ ?"ይሉታል
"እኔ ከስራ ስመለስ ልጅ ያዝ ትለኛና ወጥ ትሰራለች የልጅ ወተት ታፈላለች ምናለ ስመጣ ጨርሳ ብጠብቀኝ ተቀምጣ እየዋለች" ይላል በንዴት።

🙏 ሚስትም በሰዎቹ ፊት ይቅርታ ትጠይቀውና አይለምደኝም ብላ ሽማግሌዎቹ እንዲሄዱ ይደረጋል በነጋታውም ሚስት ልጇን ይዛ እናቷ ቤት ሄደች ከስራ ሲመጣ ቤቱ ተቆልፏል ልክ ከፍቶ ሲገባ ቤቱ እጅግ ይቀዘቅዛል ከሰል ለማቀጣጠል ቢሞክር እምቢ አለው ልብሱን ደራርቦ ሚስት ሰርታ የነበረውን ጠራርጎ በላ። ዝምታው ሲጨንቀው ቴሌቪዥን ከፍቶ ለማየት ሞከረ ግን የለመደው የልጁ ድምፅ ናፈቀው እና እየከፋው ተኛ።

🙏 ጠዋት ሲነሳ ቁርስና ያ የሚወደው የሚስቱ ፈገግታ የለም። ከፋው ፊቱን ታጥቦ ወደ ስራው ሄደ ቁርሱንም ውጪ በላ ግን አላረካውም። ቀኑ እንደከበደው ነው። ስልኩን ቢያይም አትደውልለትም ውሎ ሲመለስ ራቱን በልቶ ከጓደኞቹ ጋር ቢያመሽም ያባዶ ቤት ግን ጠበቀው ለቅሶ ቤት ይመስል መግባት አስጠላው ነገሩ ዞር ብሎ ሲያስብ ለካ ያለ ሚስቱ ጎዶሎ ነው።ለካ ልጁ አጫዋቹና የመንፈስ እርካታው ነች። ይቅር በይኝ ማሪኝ ብሎ በሽማግሌ ታረቃት።

🙏 የቤት እመቤት ሚስቶች የቤቱ ኃላፊ፣ ሰራተኛ እና አስተዳዳሪዎች ናቸው። ደስታ የሚሰጠንን ነገር ከማጣታችን በፊት ቀድመን ለይተን አውቀነው ተገቢውን ቦታ እንስጠው።


✍️ ምንጭ :-ንበብ

💬
❝ሥራ ከሦስት ታላላቅ ሰይጣናዊ ድርጊቶች ይጠብቀናል። እነሱም ስንፍና፣ ክፉ ተግባር እና ድህነት ናቸው።❞
          ቮልቴር

💬
❝99% የሚሆኑ ሰዎች ሀሳብህን ከተጠራጠሩህ፣ እጅጉን ስተሀል አልያም ታሪክ ልትሰራ ነው።❞
          ስኮት ቤልስካይ

💬
❝ሰውን ሰው ያደረገው ልብስ ነው። እርቃናቸውን የሆኑ ሰዎች በማኅበረሰቡ ምንም ተሰሚነት የላቸውም።❞
          ማርክ ትዌን

💬
❝ተፈጥሮ ንጹህና ምርጥ ጓደኛ ናት።❞
         ዊልያም ወርድስወርዝ

💬
❝ታላቅ ስልጣኔ የሚመጣው በሰው አእምሮ ውስጥ በሚገኝ ነፃነት ነው።❞
          ፍሬድሪክ ኒቼ

💬
❝ቴክኖሎጂን ያለጥበብ እና ጥንቃቄ መፍጠር ከቀጠልን፣ እንዲያገለግሉን የምንፈጥራቸው ማሽኖች አጥፊዎቻችን ሊሆኑ ይችላሉ።❞
          ጄኔራል ኦማር ብራድሊ

💬
❝የግንባራችንን መሸብሸብ ልባችን አይወቀው።❞
          ጀምስ ጋርፊልድ

     ✍️ Ethiobooks

👉 #በወልደዮሃንስ_ወርቅነህ እና #በገመቹ_መልካ የተፃፈ #መፅሐፍ 👈

👉👉👉👉 https://t.me/damtad 👈

🙏 መዋቢያ እቃዎችን እና ልብሶችን እንደምንገዛ ሁሉ የአእምሮችንን ውበት መጠበቂያ መጻሕፍትን እንሸምት እናንብ በጎ እናስብ፡፡

✍️ ጌታመሳይ

🙏 የፖለቲከኛው #ጂዋር_መሐመድ አዲሱ መፅሐፍ ተመረቀ።

መጠኑና አይነቱ ይለያይ እንጂ ሁላችንም ታመናል!!

ምን ሆኜያለሁ? ምን ሆነሃል? ምን ሆነሻል? ምን ሆናችኋል ?

አብዛኛዎቻችን ላይ የስነ ልቦና ችግር፤ ትልቅ የባህሪ ዝንፈት አለ። ከየት መጣ? ከልጅነት! ከአስተዳደግ! ከቤተሰብ ስነልቦና። ይሄን መጽሐፍ አስደናቂ የሚያደርገው ያለብንን እንከን መርምሮ ዋናው ምንጭ ጋር ነው የሚሄደው—ልጅነታችን ጋር።

በዚህ አለም ፍጹም ጤናማ ቤተሰቦች በጣም ጥቂት ናቸው ወይም ምንም የሉም። ሁላችንም የመጣነው ከታመመ ቤተሰብ ነው። በእርግጥ ደረጃው ይለያያል።

ሁላችንም የአእምሮ ቁስለት(trauma) አለብን። ከየት መጣ? እንዴት ይታከማል? መጽሀፉ ለሁሉም መልስ አለው ። ይነበብ። መጽሀፉን ገዝታችሁ ወይም ተውሳችሁ እስክታነቡ ድረስ ጥቂት ሃሳቦች ልቆንጥርላችሁ።

የመጽሀፉን መሰረታዊ ሃሳብ ልንገራችሁ። አንድ ሰው በPneumonia(የሳንባ ምች) ሲያዝ ከባድ ሳል ያስለዋል። ለውጪ ተመልካች ኒሞኒያው አይታይም። ሁላችንም የምንመለከተው ሳሉን ነው። የሳል ሽሮፕ ብንወስድ ሳሉ ሊያቆም ይችላል። ኒሞኒያው ግን አይጠፋም። የስነልቦናችንም ነገር እንዲሁ ነው። አሁን የምናሳየው የታመመ ባህሪ ሳሉ ነው። ኒሞኒያው የታመመ ቤተሰብ፣ የታመመ አስተዳደጋችን ነው።

መጽሐፉ በታመመ ቤተሰብ ውስጥ የሚያድጉ ልጆችን በ7 አይነት ይከፍላቸዋል፦ የሜዲሊያ ልጅ፣ ተሸካሚው ልጅ፣ የጠፋው ልጅ፣ የተቀባው ልጅ፣ አስታራቂው ልጅ፣ ሞግዚቱ ልጅ፣ ብርቅዬው ልጅ። በሰዎች መካከል ያሉ ግንኙነቶችን ደግሞ በ3 ዋናዋና የባህሪ ስሪቶች ይከፍላቸዋል፦ አዛይ፣ ታዛይ እና ፈላጭ ቆራጭ። ዝርዝሩን ከመጽሀፉ።

ቴዲ እና ቲጂ በዚህ መጽሐፍ ጥሩ ጥምረት ፈጥረዋል—ቲጂ የመጽሐፉን ስነልቦናዊ ይዘት ስታረቅ፣ ቴዲ ደግሞ ስነጽሁፋዊ ደረጃውን እንዲጠብቅ አድርጎታል። ቲጂ ይዘቱን፣ ቴዲ ቅርጹን አዋልደዋል።

✍️ ሀሁ መጻህፍት መደብርን

ከታተመ 32 ዓመት የሞላው የፍልስፍና መጽሐፍ በእነሆ መጻሕፍት ያገኙታል።

ይህ የፍልስፍና መጽሐፍ በብዙ ፍልስፍና ለሚወዱ ለሚማሩ የሚጠቅም መጽሐፍ ነው ጥቂት ቅጂዎች እጃችን ላይ አሉ በአዱሱ መገኛችን ተግባረዕድ ት/ቤት ፊት ለፊት የባቡር ትኬት መቁረጫው ላይ ያገኙናል።

*የምዕራባውያን ፍልስፍና ሥልጣኔ ታሪክ*
በቀለ ተገኝ መኰንን

(በውስጥ ገጾቹ የያዙት)

* የግሪኮች ሥልጣኔ ከመሬት አነሣሱ

* ሚሊጦሳዊው ትምህርት ቤት

* ጲፃጐራስ

* ሔራቅሊጦስ

* ጳርሜኒዲስ

* ኤምጲዶቅሊስ

* የአቴና ባህላዊ ሥልጣኔ

* አናግዛጐራስ

* አቶሚስቶቹ

* ጵሮታጐራስ

ክፍል ሁለት:- ሶቅራጥስና ፕሌቶ (አ ፍ ላ ጦን )

* ሶቅራጥስ

* በጥንቱ ሥልጣኔ የስፓርታ ፈንታ

* ፕሌቶ የፍልስፍና ተአምኖቱን የቀዳባቸው
ምንጮች

* የፕሌቶ ተምኔተ ዓለም (ዩቶፒያ)

* የፕሌቶ ጽርሓ አርአያዊ አሚነህላዌ

* የፕሌቶ ዘለዓለማዊት ሕይወት

* የፕሌቶ መድበላተ ዓለማት

* በፕሌቶ ፍልስፍና የገሐዳዩና የጽሩዩ ሐሊዮት ዕውቀት

✍️ የእነሆ መጻሕፍት ግብዣችን ጥቆማ ይቀርብበታል።

ደራሲ አቤ ጉበኛ ከሞተ ከ19 አመታት በኋላ የዳግማዊ ምኒልክ የአስከሬን ምርመራ ውጤትን ኤሊያስ አያልነህ በመጽሐፉ አትሞት አወጣው፡፡

የአቤ ጉበኛ አስከሬን ምርመራም ውጤት፦

የሟች ስም፡- አቤ ጉበኛ
ዕድሜ ፦ 41
ፆታ ፦ ወንድ
የሬሳ ቁጥር፡- 445/72
የምርመራው ቀን፦ 3/6/72
ዜግነት፡- ኢትዮጵያዊ
አድራሻ፡- አ.አ
የውጭ ሰውነት ምርመራ ውጤት፡- መጠኑ 3×4 ሴንቲ ሜትር ሆኖ የተቆረጠ ቁስል ግራ እግሩ ላይ ታይቷል፡፡ በቀኝ በኩል በሚገኘው የመሐል ጭንቅላቱ ቆዳ ላይ የተፋቀ ቁስለት አለበት፡፡ በቀኝ በኩል በሚገኘው የመሐል አንጐል ውስጠኛ ሽፋን ክፍሉ ስር 7x5x8 ሴንቲ ሜትር መጠን ያለውና ደም የቋጠረ እብጠት አለበት፡፡ አንጐሉ ውስጠኛ ሽፋን ክፍል ብዙ ደም አለበት፡፡ አንጐሉ አብጧል፡፡
በአጠቃላይ ለሞት ያበቃው፡- ስለት በሌለው (በድልዱም) መሳሪያ ጭንቅላቱ ላይ በመመታቱ ምክንያት ብዙ ደም የቋጠረ እብጠት ታችኛው አንጐል ሽፋን ክፍል ሥር በመከሰቱ ነው፡፡
***
ከኤሊያስ አያልነህ መጽሐፍ የተቆነጠረ
***
አቤ "እውነት በሌለበት አልወለድም!" ያለው ለዚህ ነበር።

ስለአቤ ሀውልት፦
"...ይስማላ /የአቤ/ አገሩ ነው ተብሎ ነው አይደል እንደዚያ የቆመው!? አገር ማለት ምን ማለት ነው? እሱ ለይስማላ ነው የተሟገተው!? የተሟገተው ለጠቅላላው ጭቁን ህዝቦች ነው። ...በዓሉ ግርማ መቃብሩ አይታወቅም ግዴለም! እዚህ ቦታ እንዳረፈ አድርገን ፣ባያርፍም እንኳን እንደዚህ ነው ብለን ማስቀመጥ አንችልም!?
ሀሳብ ዋጋ ካልተሰጠው አንድ ሀገር ምን ተስፋ አለው!? አንድ መንግስትስ ምን ስለሆነ ነው ተስፋ የምትጥዪበት!? የልጆቿን ፣የአንድ ሀገር የእውቀት አመንጪ የሆኑ ልጆቿን ሀሳብ ባይቀበል እንኳን ክብር የማይሰጥ ከሆነ ምን ብለሽ ነው መንግስትሽን አፕርሼት ማድረግ የምትችዪው!?"

ጋዜጠኛ መስከረም ጌታቸው ስለአቤ ጉበኛ ባቀረበችው ጥናታዊ ዘገባ ላይ የተናገሩት ምሁር።

✍️ውድነህ ክፍሌ

✍️ ሶቅራጥስ ለመጀመሪያ ጊዜ የተፈላሰፈው “እኔ ማን ነኝ?” ሲል ራሱን በመጠየቅ ነበር። ከዚያም በአደረገው የፍልስፍና ጉዞ የተቀዳጀው ውጤት ቢኖር “ራስህን ማወቅና መሆን የእውቀቶች ሁሉ መሰረት ነው” የሚለውን ነበር። ባለቅኔው ዊሊያም ሼክስፒርም ይህን አስመልክቶ ሲናገር ለራስህ እውነት ከሆንክ ለሌላ ለማንም ሰው ውሸት ልትሆን አትችልም” ነበር ያለው።

✍️ ስኬታማ ለመሆን ቀዳሚው እርምጃ መሆን ያለበት “ራስን ማወቅ” ነው። በዚህ መጽሃፍ ውስጥ እንዴት ራስን ማወቅ ራስን መሆን ራስን ማግኘት ራስን ማሳደግና የላቀ ማንነት ባለቤት መሆን እንደሚቻል የሚያስገነዝቡና ይህንንም የሚያላብሱ መርሆች ሰፍርዋል።

✍️ መጽሃፉ በህይወት ውስጥ ትርጉምን ፤ ዘላቂ ደስታንና እውነተኛ ሰላምን ለሚሹ ሁሉ የቀረበ ሲሆን በአለማችን በብዙ ሚሊዮን ቅጂዎች የተሰራጩና በሽያጭ ቁጥር አንድ የሆኑ የስነ ልቡና መጽሃፍት ተዳሰው የቀረቡበት ነው።

✍️ ራስን ማወቅና መሆን ስኬት ላይ የሚያደርስና ወደ ልቀትም የሚያሸጋግር ድልድይ ነው።

🙏 እይታ ከሚለው መፅሐፍ

❤ ነፍስ የምትገኘው ከሥጋ ውስጥ ነው፡፡ ፍቅር የሚገኘው ከወሲብ ውስጥ ነው፡፡ ወሲብ ሥጋዊ ነገር ነው፡፡ ፍቅር ግን መንፈሳዊ ነው፡፡ ወሲብ እንደ መሬት ያለ ነው፡፡ ፍቅር ደግሞ እንደ ጽጌረዳ ነው፡፡ ነገር ግን መሬት ከሌለ ጽጌረዳን ለማግኘት አይቻልም፡፡ ስለዚህም መሬቱን አትጥሉ፡፡

✍️ ኦሾ

...............የተናቀዉም ሆነ የተወደደው ከጥበብ ተነጥሎ አልሆነም፡፡ ግን የሚያስተውል የለም፡፡ የተናቀውን ልቦናችሁ ሲጠየፍ ጥበብ ባጠገብ ነበረች፡፡ የተወደደውም ላይ ስትስገበገቡ ጥበብ አድፍጣለች፤ ራሷን ሰውራ ነበረች፡፡

በጥበብ ሁሉ ፈተና እናድጋለን በጥበብ ሁሉ ፍተሻ እንጎለምሳለን መሰጠትን ስንፈልግ እንለመልማለን ።

ነገር ግን የሚበላና የሚጠጣ ሁሉ ትሩፋት እንደመጠኑ ወይ ቁንጣን ወይ እረፍት ነው እንጂ...

ቢሆንም ፍጥረቶቼ ሆይ:- ዕውቀትን ስለመሻት፣ ጥበብን ስለመጥናት ቸልታችሁ ስለምንድን ነው?

እነሆ ዣን መጥቶአል፤ በመንፈስ የወለድኩት የምወደው ልጄ እርሱ ነው...

ዣን ልክ እንደ ወንዝ ጎርፍ ነው፤ ያገኘውን ሁሉ የሚጠራርግ፤ ያልጠራም ሊጠጣ የማይገባ ውኃ ሊሻገሩትም የሚሉትን የሚያሸብር...

ዣን ልክ በማዕበላት የተከበበ ነፍስ ነው፡፡ ከማዕበላት ጸጥታ ውስጥ ሊፈጠር የሚላወስ፤ ከተፃራሪ ኃይላት ጽንስ ለፈውስ የሚንከላወስ፤ ዘወትር ነፍሱ ተጨንቃ፣ በፍጥረት ውስጠ ምስጢር ሰቆቃ እንዳለ...

እነሆ ስቆቃወ ዣን ክልኤቱ፦

ከወረቀት ክምር….. በየጊዜው እየጫጫረ _ ከሚወረውረው ስር ትቢያ የቃመ ሰበርባራ፣ _ ሰንጠቅጣቃ የፊት መስታውት ሙንድል አለ -- ሥራ ባጣ የተጨነቀ አዕምሮ ሲፈላልሰው፡፡ አንዳንድ ጊዜ እንዲህ ግራ ግብት ይለዋል— «ምነው ግራ ገባኝሳ?» ይልና «ማነው ድንግርታን በግራ የወከለው?» ደግሞ ይላል፡፡ እና ፊቱን አይሆኑ አድርጎ አሳየው ብዥ ያለ፣ የተገማመሰ፣ የተከፋፈለ፣ የተጣመመ አድርጎ መስተዋቱ፡፡ ተናደደ፡፡ አጋጨው ወርዉሮ ከግድግዳው ጋር፡፡ አንዲት ስባሪ ድንቅር አለች ፊት ለፊቱ፡፡ ሙሉ የፊት ገጹን ማየት ባታስችለውም የሚታየው ግን የተስተካከለ ነበር- ከአቧራው የተነሳ የደበዘዘ ምሥል ቢሆንም ቅሉ፡፡ ጥርግርግ--- ውልውል ሲያደርጋት—- መልኩ ወለል ሲል ትኩር ብሎ አየ-- ዐይኑን ባይኑ -- ራሱን ራሱ፡፡ ዝም ብሎ አየው፡፡ ቁጭ ምሥሉም እዚያው፡፡ መስተዋቱን አራቀው፡፡ ምሥሉም እኩል ራቀው፡፡ አቀረበው፣ ምሥሉም እኩል ቀረበው፡፡ ፈገግ አለ ዣን---የሐዘን ፈገግታ፣ ብልጭ ብልጭታ...

ሕይወት እንዲህ ናት ወይ?–ቁራጭ መስተዋት--- የራስ ምሥልስ እንዲህ ነው ጠባዩ?– ራስን ማወቅ....

ሕይወት ምንድን ናት?

ምንድን ነው የሕይወት ምግባር?

በዓለም የመኖር ጥልቅ ምሥጢር...

#ሀብታሙ_አለባቸው
#ዣን

📕 ጥሩ ስው ከሆንክ በህይወት እያለም ሀውልት ይሰራል ስትሞት ብቻ አይደለም

📕 አንድ ቀን ሙላ ነስሩዲን በመንገድ ላይ ሲሄድ ፊቱ በሐዘን የተኮማተረ ሰው በእጁ ትንሽ ከረጢት አንጠልጥሎ ይመለከታል። በዚህ ጊዜ ነስሩዲን ተጠግቶ፦ ምን ሆነሃል? ሲል ይጠይቀዋል። ሰውዬውም፦ በዚህ ዓለም ላይ የደከምኩበት ነገር በሙሉ በዚህች ከረጢት የያዝኩት ብቻ ሆነና አዝኛለሁ አለው። ናስሩዲንም፦ እንዴት ያሳዝናል በማለት የሚያፅናናው መስሎ በመጠጋት ከረጢቱን ነጥቆት ሮጠ።

📕 በምድር ላይ አለኝ የሚለውን ነገር በሙሉ የተነጠቀው ሰውዬውም በድንጋጤ እየጮኸ ናስሩዲንን መከተል ጀመረ። ጥቂት ርቀት እንደተጓዘም ናስሩዲን እየሳቀ ቆመና ጠበቀው። ሰውዬው ከናስሩዲን አጠገብ እንደደረሰ ከረጢቱን ነጥቆ በእቅፉ ይዞ እየተደሰተ፦ ከ ረ ጢ ቴ ከ ረ ጢ ቴ የጠፋችብኝ መስሎኝ ደንግጬ ነበር አለ።

📕 ናስሩዲን መሳቁን ሳያቋርጥ፦ አየህ! የሐዘንህ ምንጭ በእጅህ የያዝከው ነገር ትንሽ ከመሆኑ አልነበረም፤ ነገር ግን የሌላውን ሰው ብዙ ነገር ከመመልከት ነበር። በማለት ጥሎት ሄደ።

📕 ለዚህ ነው ሱፊዎች ሲመክሩ፦ በሕይወት ስጦታ በቃኝ ማለት የደስታ ሁሉ ምንጭ ነው የሚሉን።

✍️ ሱፊዝም

📕 "ይህች አገር እንደው ውሽሞቿ በዝተዋል። ባሉዋን ለኀፍረት ጥላለች ልጆቿም የማን እንደሆኑ አይታወቅም በዲቃላ ተሞልታለች። ባለሥልጣኖቿ ራሳቸውን እና ልጆቻቸውን የሚመግቡት በእርሷ ገላ ነው። ሰርክ እያረከሷት ሥጋዋን ሽጠው ከርሳቸውን ይሞላሉ። የተከበረ ሥራ እንዳላቸው ነገር ደግሞ በአደባባይ በኩራት ይንጎማለላሉ። የሚገርመው ደግሞ ከመካከላቸው አንዱም እንኳ ሲያፍር አይተይም የውልደት መብታቸው ይመስላቸዋል።

📕 የበሰበሰ ፍሬ አፈር ለብሶ ከርሞ ሊበሉት የሚያጓጓ ፍሬ የሚያፈራ ዛፍ ሆኖ የበቅላል። አሮጌውን ቤት እናፍርስ አዲስ ቤትም እንሥራ። መሰረቱን ከእምነት የማይናወጥ ግድግዳውን ሰላምንከምየላብሰው የይቅርታ ጡብ ጣሪየውንም ኹሉ እንድኾን ከሚያደርገው የምስጋና ቃል አዋቅረን ኑ አዲስ ጎጆ እንሥራ እምነት በጸናበት በዝያ ተዓምር አለ። ይቅርታ ባለበት በዝያ ጥልቅ ሰላም አለ። ምስጋናም ባለበት የተትረፈረፈ ጸጋ አለ ታምነው ይታዘዙታል።

አንዳንዴ አንዳንድን ሰዎች ደጋግመን ባነበብናቸው ቁጥር አዲስ የሚሆኑብን መልሰን ስናያቸው ደግሞ እንዲሁ እንድንደነቅ የሚያደርጉን ሰው ሁነው ግን ከሰውም እኩል ናቸው እንዳንልና ፍጡር ሁነው ከምድራዊያን ጋር እንዴት እኩል ሆኑ የሚያስብሉን ልዩ ሰዎች አሉ ልክ አንዳንድ መፅሐፎችን ደጋግመን ወደናቸው እንደምናነባቸው አይነት ነገር።

ልክ ስንቀርባቸው ለመጀመሪያ ጊዜ እያነበብነው ያለነው መፅሀፍ የሚመስሉ እንደ አዲስ፣ ከዚህ ቀደም አይተናቸው እንደማናውቃቸው አይነት ነገር። አሁን ለሶስተኛ ጊዜ ለማንበብ እንደምንዘጋጅ አይነት ሰዎች። ነገሩ እንደ መሎኮታዊ መፅሀፍ ይመስላሉ እያነበብናቸው በሄድን ቁጥር እንደገና እንደ አዲስ የሚገቡህ። ብቻ ፈጣሪ ይመስገን እንዲህም ዓይነትን ሰው በመፍጠርህ።

ፈጣሪ ከፈጠራቸው ፍጥረታት ሴቶችን የፈጠረበት መንገድ እጅግ ጠበባዊ መሆኑ የገባን የእኛ ድምቀት የሆኑ ቀን ነው። ሴቶች ባይኖሩ የእኛ ህይወት የሻከረና የገረጣ መሆኑን የሚገባን ሚስት ሆነው ልጅ የሰጡን ቀን: ልጅ ሆነው ብረት መዝጊያ አማች ያመጡልን ቀን: እናት ሁነው መተኪያ የሌለውና የማያልቅ ፍቅር የሰጡን ቀን ነው ያለ ሴት ህወታችን የተበላሸ መሆኑን የሚገባን። ያያችሁ ገብቷችኋል ያላያችሁ ስታዩ ይገባችኋል።

<<…ልጅ ሆኜ ነብሴን እጅግ ደስ የሚላት ጢቢ፣ ጢቢ ስጫወት ነበር። ጎረምሳ ሆኜ ነብሴን እጅግ ደስ የሚላት ሴት ልጅን ሳቅፍ ነበር። ዛሬ አርጅቼ ነብሴን እጅግ ደስ የሚላት ልጄ ስትስቅ ሳይ ነው። አሁን እነዚህን ሶስት እኔዎች ሳስተያያቸው አንድ ሰው ናቸው? እርግጠኛ መሆን ያስችላል። እኔ ሽማግሌውስ አንድም፣ አራትም ብሆን ይኸው እዚህ አለሁ። ያ እኔ የምለው ልጅና ያ እኔ የምለው ጎረምሳ ግን የት ሄዱ? የኔ ትውስታ ውስጥ ከልጅየውም ከጎረምሳውም ከብዙ በጥቂቱ እንደ ፊልም ተቀርፆ ይገኛል እንጂ እነሱ ግን የሉም። እኮ እንዴት እኔ ውስጥ ተቀርፀው ሊገኙ ቻሉ? ያን ጊዜ ልጅየው ሆነ ጎረምሳው ሲኖሩ እኔ እዚያ አልነበርኩም'ኮ። ገና አልመጣሁም ነበራ። ያን ጊዜ ያልነበርኩ ሰውዬ ትውስታ ውስጥ አሁን የሌሉ ያን ጊዜ የነበሩ ሰዎች ተቀርጸው ይገኛሉ። ይሄ እንዴት ሊሆን ቻለ? የጊዜና የትውስታ ምስጢራዊ ምትሀት ነው። ለመሆኑ ጊዘና ትውስታ ምንና ምን ናቸው?...>>

-- --
ምንጭ ፦ እግረ-መንገድ፣ ስብሃት ገብረእግዚአብሔር ...ገጽ 206-207

📕 አልፈልግም ስትለኝ እምባዬ እንዳይመጣ ታግዬ ፈገግ አልኩኝ ። ለእምባዬ ፊት መስጠት አልፈለኩም ። የሄደን ሰው እምባ አይመልሰውም ብዬ ነው መሰለኝ ! ግን ከፋኝ ፦

📕 ተደግፌባት ነበር አደጋገፌ በጥርጣሬ አልነበረም ከኔ እሷን አምናት ነበር ፣ እንዳልጎዳት ስጣጣር ነበር እንዳላሳዝናት ሁኔታዬን ሁሌ አየው ነበር ! አልፈልግህም ስትለኝ ....

📕 ጭር አለብኝ በግርግር ውስጥ ጭርታ ስሜት እንዴት ይወለዳል ? ጭርታው አስፈራኝ ጭርታው ድብርት ወለደ ። ስታብራራ መልስ መስጠት አልፈለኩም ። እንዲ ስለው እንዲ ይላል ብላ ምላሽ ተሸክማ እንደመጣች ገብቶኛል ።

📕 ምላሽ ካጠና ሰው ጋር ውይይት ትርፍ የለውም ። ማን ለማን ብሎ ከማን ጋ ይሆናል ? ይሄ መስቀል ሳላጉረመርም የምሸከመው ነው። ግን ይሄን ሁሉ ሲሰማኝ ፈገግ ብዬ ነበር ።

🙏 እሷም አልፈልግህም ስለው ፈገግ ብሎ ነበር ትል ይሆናል ።

✍️ አዳሐኖም ምትኩ

👉👉👉👉 https://t.me/damtad

🙏 ከማንም ሰው ጋር ለመኖር ከመሞከራችሁ በፊት ከራሳችሁ ጋር መኖርን ልመዱ፡፡ ያን ጊዜ ሰዎች ትተዋችሁ ሄዱም፣ አልሄዱም ከራሳችሁ ጋር በሰላም ትኖራላችሁ፡፡

🙏 ማንንም ሰው ለማሸነፍ ከመሞከራችሁ በፊት ራሳችሁን የማሸነፍ አቅም አዳብሩ፡፡ ያን ጊዜ ሰዎችን ብታሸንፉም፣ ባታሸንፉም ከራሳችሁ ጋር በሰላም ትኖራላችሁ፡፡ 

🙏 ማንም ሰው ይቅር እንዲላችሁ ከመታገላችሁ በፊት ራሳችሁን ይቅር በሉ፡፡ ያን ጊዜ ሰዎች አኮረፏችሁም፣ አላኮረፏችሁም ከራሳችሁ ጋር በሰላም ትኖራላችሁ፡፡

🙏 ማንም ሰው እንዲቀበላችሁ ከመታገላችሁ በፊት ራሳችሁን ተቀበሉ፡፡ ያን ጊዜ ሰው ተቀበላችሁም፣ አልተቀበላችሁም ከራሳችሁ ጋር በሰላም ትኖራላችሁ፡፡

✍️ ዶ/ር እዮብ ማሞ

በብዙ አንባቢዎች ሲጠበቅ የነበረው የናሁሰናይ ፀዳሉ አበራ (ዶ/ር) ሜሎሪና መጽሐፍ ክፍል 3 ለአንባቢያን ቀርቧል።

“ሜሎሪና” ታሪካዊ የሥነልቡና ልብወለድ የሰው ልጅ ሞትን ለማሸነፍ በሚያረገው ትግል ውስጥ የኢትዮጵያውያንን ቀደምት ጥበብ ሚና የሚተርክና ስለ ኢትዮጵያ ትንሣኤ የሚያወራ ልብወለድ መጽሐፍ ነው ፡፡ በአቀራረቡም #የሥነልቡና_ምክሮችንና ሀሳቦችን
#የሥነ_አመራር ጥበቦችን #ከታሪካዊ_ክስተቶች ጋር አጣምሮ ይዟል፡፡በተጨማሪም በመጽሐፉ የቀድሞ ጠ/ሚኒስትር መለስ ዜናዊ እንደ አንድ ገጸ ባህሪ ተካተዋል።

ከ"ሜሎሪና" መጽሐፍ የተወሰዱ ሀሳቦች

📕 ‹‹ትልቁ ብቸኝነት ሰውን ማጣት ሳይኾን ራስን ማጣት ነው። በምድር ላይ ራሱን እንዳጣ ሰው ብቸኛ የለም። ራስን ማጣት፥ በኛ ውስጥ ያሉ ችሎታዎቻችንን አቅማችንንና ስሜቶቻችንን ማጣት ነው፡፡ እራሱን ያጣ ሰው በዙሪያው እልፍ ሰዎች ቢሰበስብ እሱ ግን ዘወትር ብቸኛ ነው።››

📕‹‹...ትዝታ ለብዙ ሰው የዕድሜ ዘመን እስር ቤት ነው። ብዙ ሠዎችም ወደፊት መራመድ እየፈለጉ አስሮ የሚይዛቸው በገዛ አዕምሮአቸው ውስጥ ያስቀመጡት የትናንት ታዝታቸው ነው።››

📕‹‹አፍሪካ ውስጥ ‹ሕዝቡ› እንደሚለው ቃል በመሪዎች የተነገደበት ቃል የለም። አንዳንዱ መሪ ሕዝቡ የሚለው የገዛ ራሱን እሳቤ ነው። ሌላው ደግሞ ቤተሰቦቹንና ዘመዶቹ ብቻ ነው ሕዝቡ ብሎ የሚቆጥረው።››

📕‹‹በህይወት ስትኖር መቼም ቢሆን ኹሉንም ሰው ማስደሰት አትችልም፤ ማወቅና መጠንቀቅ ያለብህ ዋናው ቁም ነገር ማስከፋት የሌለብህን ሰው ለይተህ ማወቁ ላይ ነው።››

📕‹‹ትልቁ የጦርነት ሥፍራ አእምሮ ነው፤ ትልቁ ድል ደሞ ራስን ማሸነፍ ነው››
“Dirreen lolaa inni guddaan sammuu namaati, Injifannoo guddaan of mo’uudha

📕የሰው ልጅ በሕይወት ዘመኑ ሁሉ መጠኑና ስፋቱ ቢለያይም፣ ራሱ በሠራው አሊያም ሌሎች ባጠሩለት እስር ቤት ይኖራል፡፡ እንደ ራሱ አሳብና አመለካከት ግን ትልቅ እስር ቤት የሚኾንበት አንዳች ነገር የለም፡፡ ለካስ እስር ቤት ቦታ ሳይኾን አስተሳሰብ ነው፡፡ በዚህች ምድር እጅግ ብዙ ሰው በአእምሮው እስር ቤት ውስጥ በአሉታዊ አስተሳሰብ ታስሮ፣ በከንቱና እንቶ ፈንቶ ፍርሀት ተይዞ ማንም እንዳይረዳው ኾኖ የእስር ቤት ቊልፉን ራሱ ደብቆ ይኖራል።

💚ሜሎሪና - ስውር ጥበብ
💛ሜሎሪና - ቴሎስ
❤️ሜሎሪና- ሕይወቴ

መጽሐፉን በኹሉም የመጽሐፍ መደብሮችና ከአዟሪዎች እጅ ይገኛል።

✍️ ከናሁሰናይ ገፅ የተወሰደ

🤝 የውሸት ጓደኞችህ የተሻለ ህይወት እንድትመራ በፍጹም አይፈልጉም ፡፡ ነገሮች መልካም ሲሆኑ የሚሰበሰቡ ሰዎች ሊያስገርምህ አይገባም! አንድ ቀን ህልምህ 'ወለም' ብሎ ካዩ እጃቸውን ቀስረው ይስቁብሃል ፡፡ የዛኔ ያልሳቁብህን የልብ ጓደኞችህ አድርጋቸው ።

🤝 ገንዘብ ያለውና ፀዳ ብሎ የሚመላለሰውን ሰው ብዙዎች ሲያከብሩት ትመለከታለህ ፡፡ የማያዉቅህ እንኳን ቢሆን ፀዳ ካልክበት ሊያከብርህ ሲዳዳው ታየዋለህ ።

🤝 ለሰዎች ምክር መስጠት በጣም ቀላል ነው ነገር ግን ምክርን ወደተግባር መቀየር ከባዱና አስቸጋሪው ነገር ነው ፡፡አንዳንዴ ሰውን ካለበት ማጥ ለማዉጣት ካሰብክ ከምክር በላይ የሆነ ስብዕና ሊኖርህ ይገባል ፡፡

🤝 አንድ ውሸታም ጓደኛህ ከ100 ጠላትህ ጋር እኩል ጥፋት ያደርሳል ፡፡ ጠላቶችህን ተከታተላቸው ጓደኞችህን ደግሞ በጣም ተከታተላቸው ።

🤝 ነገሮች መልካም እንዲሆኑና እንዲሳኩ ያለ የሌለ ጥረትህን አድርገህ ሳይሳካልህ ቀርቶ ይሆናል ፡፡ ይሄ ያንተ ደካማነት ሳይሆን ህይወት እንዲህ አይነት ገፅታም ስላላት ነገሩን ተቀበለው ፡፡

🤝 ለመወደድ ልዩ ሰዉና ሁሉንም ሞካሪ መሆን አይጠበቅህም ፡፡አንዳንዴ ሰው ሁሉ ባይወድህ እንኳን ይሄ ምንም ማለት እንዳልሆነ ተረዳ ፡፡

🤝 በሰዎች መጠላትንም ቀለል አድርገህ ውሰደው ምክንያቱም እንዴት እራስህን ማሳደግ እንዳለብህ ማጤን ወሳኙ ነገር ሲሆን የሰዎችን ስሜት እያዳመጥክ ከፍና ዝቅ እያልክ መኖር አይጠበቅብህም ፡፡

🤝 የራስህ አስተሳስብ ይኖርሃል ፡፡ ሌሎችም እንዲሁ...ሰዎች በሀሳብህ አለመስማማታቸው አንተነትህ ላይ የሚያመጣው ነገር የለም ፡፡ ሃሳብህን ለማሳመን የሰዎችን አስተሳሰብ ረጋግጠህ አትውጣ ፡፡ የሰዎችን ሃሳብ አክብር ሰዎችም ሃሳብህን እንዲያከብሩ አድርግ ።

🤝 ይቺ አለም የምትፈልግህ ጠቃሚ ነገር አንተ ጋር እንዳለ ስታምን ብቻ ነው ፡፡ በአጠቃላይ አለም እራስ ወዳድ ናት ።

🤝 ሰዎች ስለ ደስታ አጋነው ሲያወሩ ትሰማ ይሆናል ፡፡በአጭሩ ደስታ ማለት ስሜትህ ሳይሆን አእምሮህ ያለበት ሁኔታ ነው ፡፡

🤝 ደስተኛ ሆነህ በሰዎች ልትጎዳ ትችላለህ ፡፡ ብቻ ህይወት እኩል አይደለችም ። በሆነ ነገር ጎበዝ ብትሆን ካንተ የበለጠ በጣም ጎበዝ ሰው አለ።

✍️ ምርጥ ፅሁፎች

🙏 " ማደግ የሚናፍቀኝ እንደነ ‘እገሊት‘ እንደነ ‘እገሌ‘ ለመሆን ሆነ ። እንደ‘ራሴ‘ መሆን መኖሩን የማውቅበት ስንዝር የሀሳብ ክፍተት አልነበረኝም ። እገሊትና እገሌን ለመሆን ስኳትን ብዙ ስብርባሪ እገሌዎችን ሆንኩ ።   ሁሉንም የምሞክር ፣ ልክና ስህተትን ልክ ሆኜና ተሳስቼ የምፈትን ፣ ቀናና ወልጋዳውን ቀንቼና ተወላግጄ የማረጋግጥ ሆንኩ ። ምክንያቱም ትክክለኛ መንገድ የሚሉትን በዱላና በስድብ ሊያሳምኑኝ ሲሞክሩ እንጂ ሲኖሩት አይቼ የማላውቅ ነኛ ! .. "

✍️ ጠበኛ እውነቶች በሜሪ ፈለቀ አምስተኛ ዕትም

🙏 " በድሮ ጊዜ ቀስት ሲሰራ ቂጡ ላይ ለሚዛን እንዲሆን ላባ ይገባለታል ፡፡ እና አንድ ጭልፊት ጎኑን በቀስት ተመትቶ ከሰማይ ላይ እየወደቀ እያለ ዞር ብሎ የተወጋበትን ቀስት ሲያይ ፤ የራሱን ዐይነት ላባ ተሰክቶበት አየ ፡፡  ገባህ !?በወገንህ እጅ እንደ መጥፋት ቀላልና ከባድ ነገር የለም  ማለት ነው ፡፡ "

✍️ የስንብት ቀለማት አዳም ረታ

"ሽማግሌዎቻቸውን እንደ አበቃለት እቃ በመቁጠር ይጥላሉ ፤ ይገድላሉ።" ሔሮዶቱስ

" ...ለመሆኑ ወደ ልማት እየተጓዝን ነው ወይንስ ወደ ውድቀት ? ሰውን ያላማከለ ስልጣኔ መዳረሻው ምንድነው? ኑሮ ላይ ያልታየ እድገት መለኪያው ምንድነው ? አለ ያልነው አድሮእየሻሸረ ፣ የጨበጥነው ህይወት ላይ ዋስትና ካጣን የራዕያችንን መቆናጠጫ የት ላይ ነው? ... ኤጭ!!"

ኢህአዴግን እከሳለሁ።
ገፅ :- 57-58

መፅሐፉ ስለ ብዙ ነገር ያነሳል። በታሪክ ፀሐፊው ሔሮዶቱስ አማካኝነት ስለ ግብፅ ንጉስና አዛውንት በመቀጠል ሀገር ፍቅር አከባቢ ስላገኛቸው አሳዛኝ እናት።
ታሪኩን ሳነብ በአከባቢዬ የማያቸውን እናቶችና አባቶች እንዳስብ አድርጎኛል።

✍️ የልቤን ለእናንተ

👉 #ሊነበቡ_የሚገባቸው_10_ምርጥ_የታሪክ_መጻሕፍት

ከንግሥተ ሳባ እስከ ታላቁ ዐድዋ ዘመቻ
ኅሩይ ወልደሥላሴ
ዐፄ ቴዎድሮስና የኢትዮጵያ አንድነት
ተክለጻድቅ መኩሪያ
ዐፄ ዮሐንስና የኢትዮጵያ አንድነት
ተክለጻድቅ መኩሪያ
ዐፄ ምኒልክና የኢትዮጵያ አንድነት
ተክለጻድቅ መኩሪያ
አጤ ቴዎድሮስ
ጳውሎስ ኞኞ
የኢትዮጵያና የኢጣሊያ ጦርነት
ጳውሎስ ኞኞ
የኢትዮጵያ ታረክ ከ1848 እስከ 1966
ባሕሩ ዘውዴ
የኢትዮጵያ አጭር ታሪክ
ብርሃኑ ድንቄ
መጽሐፈ ትዝታ
መንግስቱ ለማ
ጣይቱ ብጡል
ታደሰ ዘውዴ

👉 #ሊነበቡ_የሚገባቸው_10_ምርጥ_ልቦለድ_ድርሰቶች

ፍቅር እስከመቃብር
ሐዲስ አለማየሁ
አደፍርስ
ዳኛቸው ወርቁ
ዐምስት ስድስት ሰባት
ስብሐትለአብ ገብረእግዚአብሔር
የብካይ ነበልባል
አሳምነው ገብረወልድ Asamnew Gebrewold
ወዳጄ ልቤ
ኅሩይ ወልደሥላሴ
አርኣያ
ግርማቸው ተክለሐዋርያት
አንድ ለናቱ
አቤ ጉበኛ
የታንጉት ምስጢር
ብርሃኑ ዘርይሁን
ከአድማስ ባሻገር
በአሉ ግርማ
አዳባይ
ጥላሁን ጣሰው

- #ሊነበቡ_የሚገባቸው_10_ምርጥ1የግጥም_መድብሎች

እሳት ወይ አበባ
ፀጋዬ ገብረመድኅን
ሙናዬ
ዮፍታሔ ንጉሴ
ትንሽ ዐማርኛ
ዮፍታሔ ንጉሴ
ብርሃነ ሕሊና
ከበደ ሚካኤል
የግጥም ጉባኤ
መንግስቱ ለማ
በረከተ መርገም
ኃይሉ ገብረዮሐንስ
እስቲ ተጠየቁ
ዮሐንስ አድማሱ
መተከዣ
ተስፋዬ ገሰሰ
እምቧ በሉ ሰዎች
ዳኛቸው ወርቁ
ማን ይኾን የበላ
አያልነህ ሙላት

👉👉👉 ቴሌግራሜ https://t.me/damtad

ሰሞንኛ ነገር......የጊኒው ሰውየ ድርጊት እና መልዕክቱ
.
.
“ለእርሱም (ሰለሞን ነው) ወይዛዝር የሆኑ ሰባት መቶ ሚስቶች ሦስት መቶም ቁባቶች ነበሩት፤ ሚስቶቹም ልቡን አዘነበሉት።” ይላል መፅሐፍ ቅዱስ — 1ኛ ነገሥት 11፥3 ። ይሄ ድርጊት ስህተት ነው። ኋጢያት ነው። ሰለሞን ግን በኋላ በንስሀ ተመልሷል።
.
.
" ጥበብን ገንዘብ ያደረገው ሰለሞን እነዚያን ያህል ሴቶቹን ማግባቱ በአንድ በኩል በዚያ ዘመን ያሉትን ሰዎች የባህርይ መጎሳቆል የሚያሳይ ነገር አለው" ይላል ዲ/ን ዮሐንስ ጌታቸው ኦርቶዶክሳዊ አዕምሮ (ገፅ 24) ብሎ ባዘጋጃት መረቅ የሆነች መፅሐፉ። መራራዋ እውነት "በዚያ ዘመን ያሉትን ሰዎች የባህርይ መጎሳቆል ያሳያል" የምትለዋ ፅሑፍ ነች። ጠቢቡ በነበረበት ዘመን የሰዎች ባህርይ እንደዚህ ከተጎሳቆለ....አሁንንን ምን ያህል ሁኖ ይሆን??
.
.
አሁን ያለውን ደግሞ የጊኒው ዳግማዊ ሰለሞን (በድርጊት እንጂ በሌላ አደለም) 400 ምናምን ምናምን....አድርጎ በማስረጃ አስደግፎ (የሰለሞን በመፅሐፍ የተፃፈ ነበር። የዚህ ሰውየ በቪዲዮ የተደገፈ ነው) ጉድ አስብሎናል። የዚህን ዘመን ሰዎች የባህርይ መላሸቅ የሚያሳየው 400 ሴቶች መሆናቸው አደለም (ያማ ባለስልጣኑ ሰለሞንም በጥንት ያደረገው ነገር ነው። ሁለቱም ባለስልጣን ናቸው)። መላሸቃችንን፣ መጎሳቆላችንን፣ ተስፋ ቢስ መሆናችንን የሚያሳየው በቪዲዮ መሆኑ ነው። በቪዲዮ መደገፉ። ለማህበረሰብ ሰላም ሲባል በድብቅ ሲደረጉ የነበሩና መደረግ ያለባቸውን ነገሮች በቪዲዮ ቀርፀን መለጠፍ ስንጀምር ማህበረሰብ መዝቀጡን፣ ከጥልቅ የውድቀት ውቅያኖስ እየሰጠመ መሆኑን ማሳያ ነው። መለጠፍ የሌለብንን የተገላለጠ ሰውነት ስንለጥፍ፣ የሚንቀጠቀጥ ዳሌ ስንለጥፍ፣ የተንጠለጠለ ጡት ስንለጥፍ፣ የሚያምር ከንፈር ስንለጥፍ አዕምሮ አይቶ ዝም አይልም። ያያችሁትን አምጡ ይላል። ያየነውን ለማግኘት ከ400 ሴት በአካል ባንወስብ በስሜት እንዋስባለን። "ተው ተው!! ነውር ነው!! ሰው ምን ይለኝ!! የሚለንን የማህበረሰብ ባህል አንቀን ስለገደልነው በአካል የተገኘን ገላ የምናልፍ አይመስለኝም። ያገኘነውን እንደደሮ ተሽከርክሮ መስረር የወደፊት ዕጣችን ነው። ከዚህ በኋላ ዋኝተን አንወጣም። የሰውየው ድርጊት ይሄንን ነው ሚነግረን።
.
.
"Everybody is a whore. We just sell different parts of ourselves" ያለው ገፀባህሪይ ነብይ ነው?? ወይስ ጠቢቡ ሰለሞን ተነስቶ ተናግሮ ነው?? ብቻ "ሁሉም ሸርሙጣ ነው" ብለን ተርጉመን መኖር እንቀጥላለን። መኖር ብዙ ያሳያልና።

🙏 ሳይንስና ሃይማኖት" መምህሩ የሳይንቲሲዝም ፈተናን በእራሳቸው የሳይንስ ሊቃውንት ዋርካዎች ድምዳሜ ጭምር ይሞግቱታል። ለዚህ ትውልድ የሚኾን ስራ፤ ማንም ቢያነበው የሚያተርፍበት ምርጥ መፅሐፍ ነው።

👉 #ባይፈርስ ይሉታል ጓደኞቹ ሲጠሩት የቃሊቲዉን ሞጋቹን ጋዜጠኛ። በልጅነቱ ድቁንናን ተቀብሏል፤ጎበዝ እግር ኳስ ተጫዋች ነዉ የህይወቱ መንገድ ይህ ነዉ፡፡

👉 በጉራጌ ዞን የህዝብ ግንኙነት ባለሙያ ፋና አባይ ሬዲዮ የመንግስት ኮምኒኬሽን ዋልታ በነፃ ሀሳብ ከ350 በላይ እንግዶችን በሀሳብ ሞግቷል፡፡

👉 እንግዶቹን ቃለመጠይቁ ላይ እንጂ ቀድሞ አይጠጋቸዉም። የኤሌክትሪክ መኪና ተሸላሚዉ አምባሰደሩ ጋዜጠኛ፤ መጠየቅም መጠየቅም ሲያምርበት ሞጋቹ ጋዜጠኛ ስምኔህ ባይፈርስ።

👉 አሁን ደግሞ ይህ የሐሳብ ሞጋቹ ጋዜጠኛ በአዲስ መፅሐፍ መቷል #የግዞት_ሰንሰለት ይላል የመፅሐፉ ርዕስ።

ሴት ነኝ አየሽ፡፡ በትምህርት ነፃ አልወጣም:: እዚህች አገር በትምህርት ነፃ አይወጣም:: በትምህርት ብቻ ነፃ የወጣ የለም:: ሕይወት አሁን ነው: በልጅነት ነው ጨዋታ:: ሴት ሆነሽ ሁለት ነገር፣ ዋና ዋና ነገር ያስፈልግሻል:: ቢቻል ሦስት:: ወሲብ መስጠት፣ ቁንጅና፣ ትምህርት:: በአጭሩ ሸርሙጣ፣ ቆንጆና ምሁር መሆን፡፡ አለበለዚያ የትም አትደርሺም፡፡ ሸርሜነትን ጀማምረሽ አቁመሽዋል፣ ምሁር አይደለሽም፣ ቁንጅናሽ ከጥቂት ዓመታት በኋላ ይጠፋል:: ይጎልሻል:: አንዱን ብቻ ከሆንሽ ይጎልሻል፡፡ ወንዶች ወይም ገዢዎችሽ እንድትሆኚ የሚፈልጉትን መሆን አለብሽ፡፡ ሴት ለማን ተሰራች? ለወንድ:: ቆንጆ…….ሸርሙጣ….ምሁር፡፡ ሦስቱን በአንዴ አጠቃለሽ መያዝ፡፡ እንደ እኔ መኪና መንዳት ትፈልጊያለሽ? ነጠላ ተከናንበሽ ከሠፈር ሉዘሮች ጋር ስትዳሪ ልታረጂ ነው? ነቃ በይ፡፡ ቆንጆ ነሽ፡፡ ሸርሙጣ ነሽ፡፡ በቀላሉ ካናሳ ፖለቲከኛ ጋር አገናኝሻለሁ………ከፈለግሽ፡፡ ይኼ ሁሉ የምታይው ብዙው የማይረባ ሰው ነው:: ይሉኝታ አይያዝሽ፡፡ ኢትዮጵያ ሺት ነገር ሆናለች፡፡ ትዳር ይፈርሳል በየቦታው………እንደ እኔ አይነቶች 'አፍርሱ' የተባልነውን እናፈርሳለን፡፡ ሻል ያለ ፈልጊ……..ጎጆ መውጣት' ምናምን ሲሉ ቃሉ ራሱ አያስቅም? እ? ሂሂሂ 'ቪላ መውጣት' 'መኪና መውጣት' አይሉትም እንዴ?………ሂሂሂሂ… የምትኖሪው አንድ ጊዜ ነው . አስናቀ ምንድነው? የሆነ ባርያ ነገር (ኣውጥታዋለች እኮ)

ወንድ ላሳይሽ? ያለው፣ የሚያበሉ የሚያጠጡ፣ የሚተኙ፣ የሚያለብሱ፡፡ ማሳደር የሚችሉ:: መኪናቸውን የሚያውሱ:: ሳይቆጥቡ የሚያሰክሩ

አዳም ረታ፡ እቴሜቴ ሎሚ ሽታ ገፅ 92

📚#ማናችንም_ሰዎች_በሚሉት_ልክ_አይደለንም📚

✍️ኦሾ ቤቱ ዉስጥ እያነበበ እያለ አንድ ወዳጁ ዘዉ ብሎ ገባና ዘርፈጥ ብሎ ተቀመጠ። እንዲህም አለዉ "አንተኮ ቅዱስ ነህ: ጥበብህና እዉቀትህ ሁሌም ያስደንቀኛል አለዉ። "ትክክል ነህ!" አለዉና ማንበቡን ቀጠለ።

✍️ከደቂቃዎች ቆይታ አንድ ኦሾን አምርሮ የሚጠላ ሰዉዬ ገባና "አንተኮ አለምን ሰላም የነሳህ አምሳያ የሌለህ ዲያብሎስ ነህ" ሲል ኦሾ ላይ ወረደበት።

✍️ኦሾም መፅሀፉ ላይ እንደተተከለ "ትክክል ነህ!" አለዉ። ይህን የሰማ የመጀመርያዉ ሰዉዬ "እኔ ቅዱስ ስልህ 'ልክ ነህ' ብለህኝ ነበር: አሁን ደግሞ ይሄ እብድ ሰዉዬ ዲያብሎስ ሲልህ ሰምተህ ተቀበልከዉ: እንዴት ሊሆን ይችላል?" ሲል ጠየቀዉ።

👉ኦሾም "ስማኝ ወዳጄ የተለያዩ ሰዎች እየመጡ እኔን ሺ አይነት ስም ይሰጥኛል ነገር ግን እኔ እነሱ እንዳሉት ሺ አይነት ማንነት ያለዉ ሰዉ ልሆን አልችልም።

✍️ ሰዎች ለኔ የሚሰጡኝ ሰም የራሳቸዉን ነዉ። እኔን በዉስጣቸዉ ካለዉ ባህሪጋ እንደማስተዋወቅ ነዉ። አንተ እኔን ቁዱስ ያልከኝ ቅዱስ ስለሆንኩኝ አይደለም።
በዉስጥህ ያለችዉ ትንሽዬ ቅድስና ነዉ የነገርከኝ። ሰዉየዉም የነገረኝ በዉስጡ ስላለ ዲያብሎስነት ነዉ። እኔም ሁለታችሁንም ልክ እንደሆናቹ ነገርካቹ: ምክንያቱም ስለራሳቹ ከናንተ በላይ ስለማላዉቅ ነዉ።" ብሎ መለሰለት።

👉 ማንም ሰው በእኛ ላይ ከሚኖረው አመለካከት በበለጠ ሁኔታ እኛ ራሳችን በራሳችን ላይ ያለን አመለካከት ትልቅ ተጽእኖ አለው፡፡ አንድ ሰው ራሱን ሙሉ ለሙሉ ሲቀበልና ቀና ብሎ መኖር ሲጀምር ሰዎች በእሱ ላይ ያላቸው አመለካከት አቅም እያጣ ይሄዳል፡፡

👉 ራስን አለመቀበል የዘመናችን ችግር ነው፡፡ መቀየር የምንችለውን ለመቀየርና መቀየር የማንችለውን ነገር ተቀብለን ቀና ብለን እንድንኖር እንመከራለን፡፡

✍️ ዶ/ር ኢዮብ ማሞ

👇👇👇 #ታላቁ_ማንነትህ 👇👇👇

🙏 ማይክል አንጀሎ ታላቅ የሆነ የዕምነበረድ ቅርፅ ሰርቶ አስመረቀ፤ ሰዎች ተገረሙ አንዳንዶች በእጅ ጥበቡ ውበት ተደንቀው 'ታይቶ የማይታወቅ' አሉ። እሱ ግን ተጠየቀ "ይሄን የዳዊትን ቅርፅ እንዴት እንዲህ ድንቅ አርገህ ሰራኸው" ተባለ፤ ከዛ መለሰ "አንድ ትልቅ ዕምነበረድ አመጣሁና የማያስፈልገውን ሁሉ ገፍፌ ፈቅፍቄ ከላዩ አነሳሁለት፤ ምንም የተለየ ነገር አለሰራሁም" አለ።

🙏 አንዳንዴ ከህይወትህ ተቆርጠው ተገፈው የሚወጡ ሰዎች ሁኔታዎች ትዝታዎች ሁሉ ታላቁ ማንነትህን ሊያወጡት ስለሚችሉ በዚህ አለም ፈተናዎች በፍፁም አትደንግጥ!

✍️ ሳያት ደምሴ

👉👉👉 https://t.me/damtad

👉 ምርጥ ናቸው

የሰው ልጅ በመርሳት ሳይሆን በመዘንጋት በይቅርታ ሳይሆን በመተው የሚያልፋቸው ብዙ ብዙ ሁነቶች አሉት ።
.....እረስቻለሁ ሳይሆን ለአሁን ዘንግቻለሁ!! <<ይቅርታየ የሆነውን ትቸዋለሁ ማለት እንጂ ይቅርታ አድርጊያለሁ ዳግም አይታወሰኝም ወይ ሁሉን እረስቻለሁ ማለትም አይደለም>> ።

ለኔ መርሳት የሚባል ነገር የለም !!
ቸል ማለት መተው እና መዘንጋት ቢሆኑ እንጂ ....
እረስተን ሳይሆን ዘንግተን ቸል ብለን የተውናቸው ብዙ ሁነቶች አሉን ።

..ከመዋደድ እስከ መጣላት ...ከመቀራረብ እስከ መራራቅ አብሮ ከመኖር እስከ መለያየት ያደረሱን ብዙ እና ብዙ በይቅርታ ስም የተተው ነፍ ጉዳዩች አሉን ።
.....አንዳንድ ሁነቶች ቢዘነጉም በሆነ በሆነ ቅፅበት ትውስ የሚሉን ከትውስታ ማህደር የተቀመጡ ናቸው ።
....በመጥፎም ይሁን በጥሩ ለመታወስ የአንድ ቀን ወይ የአንድ ሁኔታ ሁነት በቂ ነው ።
ያሳለፍነው ወይ ያለፈብን የተበደልነው ወይ የበደልነው በበዳዩም በተበዳዩም ውስጥ ያለ የሆነች የትውስታ ቅፅበት አለች ።

<<ትውስታ በእኛ ውስጥ ሀይል እንዳለው የምንረዳው የትውስታችንን በር የሚያንኳኳ ቅፅበታዊ ሁነት ውስጥ ስንሆነን ነው>> ።
አስበነውም ሆነ አስተውለነው በማናውቀው ነገር የሆነ አጋጣሚ ካለፈው ኑረታች ጋ በትውስታ ገመድ ያስተሳስረናል ።

......የምናስታውስባቸው አጋጣሚዎች የተለያዩ ቢሆኑም ለኔ ግን ሽቶ ረቂቅ የትውስታ መዛግብቴን ሲያገላብጥ የተዳፈነ ትዝታየን ሲጪር ....የደበዘዘ ናፍቆቴን ሲገላልልጥ የተደበቀ ፍቅሬን ሲቀሰቅስ የተረሳ የመሰለን መውደድ ዳግም በውስጤ ሲያንቀለቅል ይሰማኛል ።ሙቀቱ ይገርፈኛል !!

<<በመራቅ ላይ ያለን በመንገድ ላይ ያለ ልቤን ወደ ኋላ ሲመልሰው ተተወ ያልኩትን መውደዴን ተረሳ ያልኩትን ማፍቀሬን ቀረ ያልኩትን ወዳጄን በመለየት እና በመጠበቅ ተንጠፍጥፎ ያለቀውን ተስፋየን ዳግም ከውስጤ ፈንቅሎ ሲወጣ ሁለ መናየን በፍቅር ንዳድ ሲያነደው ይታወቀኛል>> ።
....የሆነኛን ሰው ጠረን ከትውስታየ ላይ እየጨለፈ አሁን እንደሆነ አሁን ከጎኔ እንዳለ ሁላ የሰውየውን ማአዛ አየሩ ሲሞላበት አፍንጫየ ከሚያውቀው ሰው አንገት እንደተሸጎጠ አይነት ስሜት ይሰማኛል ።<<ልክ ከአንገቱ ተሸጉጬ የሚጋረፍ ትንፋሹን እንደምሞቅ በእቅፉ እንዳለሁ ለብዙ ዘመናት ማሳልፍን እመኝ እንደነበር አይነት ......
<<ህልም እንደሚያልም በሰመመን እንዳለሁ አይነት ተኚቼ ነው ነቅቼ እውነት ነው ቅዠት ብየ ራሴን እስከመጠራጠር አየሩ ሁሉ በሰውየው መአዛ ሲሞላ እሱን እንዳገኘሁ ሁላ ስፈነድቅ ወይ ስነፈርቅ>> ...ድንገት ራሴን አገኛለሁ ።
ያኔ ነው የጠረንን ሀይል የሽቶን ጥንካሬ የምረዳው ።........
ሁሉም ሰው የራሱ ጥሩም መጥፎም ትውስታ አለው ።
ማስታወስ አልፈልግም ብሎ የሚያስታውሰው፣ ማሰብ አልፈልግም ብሎ የሚያስበው ሀሳብ፣ አልናፍቅም ብሎ የሚናፍቀው ሰው አለው ።
ሁሉም በይቅርታ የሸፈነው መጥፎ ትዝታ አለበት በመተው የተሻገረው ትላንት አለው ።በመበደል እና በ'መበደል የተራመዳቸው መንገዶች አሉት ።
የማይረሳቸው ግን የተዋቸው ..የተዋቸው ግን የማይዘነጋቸው የዘነጋቸው ግን ያልሰረዛቸው ብዙ ብዙ .....ትውስታዎች አሉን ..አሉብን አሉልን ።

#ስለ ሽቶ ተነስቶ ክብር መፅሀፍን አለማስታወስ .........

😭❤ እስከ መቼ ❤😭

መከረኞች መሆን ሁሌም ይሰለቻል
ወይ መሞት ወይ መዳን አንዱንም ያስመኛል
መታገል ከሆነ ታስረንም አይተናል
መሞትም ከሆነ በግፍ ተቀብረናል
መሳደዱንማ በደንብ ተለማምደናል
መታገል መታገል መታገል ይሉናል
እነሱ ወንበር ላይ በምቾት ወድቀዋል
ስልጣኑ ከህዝቡ ለእነሱ ይበልጣል
መከረኞች ስንሆን ማን ይደርስልናል

እናም ወገኖቼ

አንድነት ፍቅር አብሮነት ይሻላል
የእኛ መለያየት ለእነሱ ተስማምቷል
የእኛ መገዳደል እነሱን ያኖራል
የእኛ አለመንቃት እነሱን ያከብራል
የእኛ ዝም ማለት እነሱን ያስወራል

ስለዚህ ወገኖቼ

ሰውነት ይሻላል ከሁሉም የሚቀድም
የፈጣሪን ትእዛዝ ሁላችን እንፈፅም
ሌላው ደስታ ወንድሜን አልገልም
ብለን ተማምለን እንኑር በህብረት
ሰይጣን ይናደዳል በእኛ መደሰት
ያኔ እንለያለን ወዳጅና ጠላት