አማዶን @amadonart Channel on Telegram

አማዶን

15 Jan, 14:10

ጠዋት ቡና እየጠጣሁ ፥ አንዱ የሐረር ሽማግሌ ስለ ደጉ ዘመን ሲያወራ ምን ይላል

“ቀይ ወጥ በ2 ብር ከ50 በልተን እኮ ፥ በርበሬው ስለሚያቃጥል እየተባለ ፥ እርጐ በነፃ ይደረግ ነበር። አልፈልግም አልፈልግም እያልን ራሱ ፥ አምጥተው ይደረግሙታል እርጐውን”

“ቡና በነፃ ነበር ካስታወስክ...” ይለዋል። “የበላንበት ሆቴል ቡና ከሌላቸው ፥ ስንጨርስ ብድግ ብለን እዛኛው ሆቴል እንጠጣለን። ‘ምግብ እዛ ነው የበላችሁትና’ ብለው ቡና አይከለክሉንም”

ለቡናዬ ከፍዬ ተነሳሁ።

309

አማዶን

14 Jan, 17:12

መፃፍ ትተሃል። ወሬ ብቻ ሆንክ። ወሬ ብቻ ስለሆንክ ፥ ሰለቸኸኝ። ስለሰለቸኸኝ ፥ ጥዬህ ልሄድ ነው።

ሂጂ

ለምን አትፅፍም? ብትፅፍ ፥ ወሬ ብቻ አትሆንም። ካልሆንክ ፥ አትሰለቸኝም። ካልሰለቸኸኝ ፥ ጥዬህ አልሄድም።

ሂጂ

ካልሄድኩ ፥ ህይወት አይከብድህም። ካልከበደህ ፥ ብዙም አይከፋህም። ካልከፋህ ፥ ወሬ ብቻ አትሆንም። ካልሆንክ ፥ ትፅፋለህ። ከፃፍክ ፥ አትሰለቸኝም። ካልሰለቸኸኝ...

ሂጂ

አልሄድም እንደውም። ምን ትሆን?

398

አማዶን

09 Jan, 20:05

01|05|17

አንድም ቀን ፥ በከለር ታይቶኝ የማያውቀው ህልሜ ውስጥ ነው። እጅግ በጣም ሩቅ የሆነ ብልጭታ አያለሁ። ብልጭ... ብልጭ... ብልጭ... ይላል። ይህ ብልጭታ እየቀረበኝ እየቀረበኝ ይመጣል። የሰው መልክ እየያዘ ይመጣል። ሴት ናት። እቺ ሴት ወደኔ አቅጣጫ ትምዘገዘጋለች። ፊቷ ላይ ፈገግታ፣ ሰውነቷ ላይም መናፈቅ ያለ ይመስላል። ትሮጣለች። ልትደርስ ትላለች። እንደገና ትርቃለች። ትቀርባለች። ንፋስና ሌሎች የህልም ምትሐቶች ጉዞዋ ላይ ይጫወታሉ። ግን እሷ አልቆመችም። እና በመጨረሻ ደረሰች። ስትደርስ ግን ፥ ቀጥ ቀዝቀዝ ብላ ቆመች። ታየኛለች እንጂ ቃል አታወጣም።

“ቅድም ከርቀት ሳይሽ ፥ ብልጭታ ብቻ ነበርሽ። እንግዲህ መብራትም አልያዝሽ ፥ ልብስሽም ጥቁር ነው። አልገባኝም... ገብቶሻል?” አልኳት። አውቃታለሁ።

ዝም ብላ አየችኝ። ከዛ አይታኝ ስትጨርስ ያስታውቃል። ልክ ምግብ በልቶ እንደመጨረስ፣ ወይ ጠጥቶ እንደማጠናቀቅ ይመስላል። ቀጥላ ለምስጋና አፏን የከፈተች ይመስላል። አፏን ከፍታም፦

“ገደል ግባ! እጠላሃለሁ በጣም!” አለችኝ።

ከረጅም ርቀት የመጣች ብልጭታ ፥ መልዕክት ይህ ነው።

659

አማዶን

03 Jan, 17:29

“የእኔ መንገድ ፥ ታጥቦ ንፁህ ሆኖ ፥ ወደ ስራዬ መቅረብ ነው። ክፉ ሰው ፥ ጥሩ ልቦለድ ሲፅፍ ሳይ ይገርመኛል” አለ አለማየሁ ገላጋይ ሰሞኑን

833

አማዶን

31 Dec, 12:43

ጤና ይስጥልኝ እመቤት

ሰላም

ሙዚቃ ትወጃለሽ?

በጣም

ከዛ ጃዝ ትወጃለሽ?

በስመአብ... ተወኝ ጃዝ ስወድማ

ናይስ ናይስ... ልቦለድስ?

እወዳለሁ

ዶስተየቭስኪ?

ድንግልናዬን ከወሰደው ልጅ እኩል

ናይስ... እንገናኝ በቃ

ግን ግን

ምን

ግጥም ሙዚቃ ልቦለድ ምናምን...

እ

የሚወድ ወንድ አይመቸኝም 👍🏾

1,009

አማዶን

29 Dec, 10:51

ተስፋ

በጠዋት ተነስታ አልጋዋ ላይ እየተርመሰመሰች ፥ የሚሸሻትን አይኑን ታሳድዳለች። የማይጨበጥ አይን አለው። ተስፋ ስትቆርጥ

“እኔ የምልህ” ትለዋለች

እ?

ከተጋባን ስንት አመት ሆነን?

ጠፍቶሽ አደለም። ምነው?

እህም...

እንዴት?

እየወለድን አይደለም። ለምን እየወለድን አይደለም?

እንዳልተነጋገርን አትሁኚ

ተነጋግረናል?

ቀጣይ አመት

ብለናል?

ስራ ረፍዶብኛል።

የምሳ ሰዓት ቡና እየፈላች ይስቃሉ፤ ይጫወታሉ። ቆንጆ እጣን ታውቃለች። ፈገግታ አመጣጠን ታውቃለች። አለመሰልቸት ፥ የተሰጣት ፀጋ ነው ይባላል። ይስቃሉ፤ ይጫወታሉ። ሁለት ሆነው ፥ እንደ ሺህ ሞቋቸው ይኖራሉ። ፈንዲሻው ይፈነዳል። ፈንዲሻው ሲፈነዳ

“እኔ የምልህ” ትላለች

እም (ያውቃል)

ቀጣይ አመት ብለን ረሳነው?

አልረሳነውም

ታዲያ?

ክረምቱ ይውጣ ቆይ

ቀጣይ አመት!?

ሁለት ወር ብቻ ፕሊስ። ሁለት ወር ነው...

የሆነ ቀን ጠዋት 12 ሰዓት ፥ ጥርሷን እየፋቀች እየተጉመጠመጠች፣ እየተፋች፣ እየፋቀች... ትን ይላታል። አራት ጊዜ አሳላትና ነፍሷ ተመለሰ። የሩቅ ዘመድ መርዶ የነገሯት ትመስላለች። እንዳታለቅስ ፥ ዘመዷ ትዝ እያላት አይደለም። ዝም እንዳትል ፥ ሰው ሞቷል። እንደነገሩ ፊቷን ውሃ አስነካችና ወደ መኝታ ክፍላቸው እየሮጠች ሄደች።

“ተነስ! ተነስ! ተነስ!” ብላ ባሏን ወዘወዘችው።

“ምንድነው? ምነው?” እያለ ከእንቅልፍ ይወጣል...

ክረምቱ ይውጣ ብለኸኝ ነበር። ክረምቱ ብቻ ይውጣ ብለኸኝ ነበር (እየጮኸችና እያለቀሰች)

እኮ

እኮ? አመት አለፈው

እ?

አመት ብቻ አይደለም። ሁለት አመት አለፈው። ሁለት አይደለም አንተ

ቆይ ተረጋጊ እመቤት

አምስት አመት ነው። አምስት አመት ነው! (ይህንን ስትል ፥ እንባዋ ሙሉ ሹሯቧን ጨርሶ ፥ ሱሪዋን ማበስበስ ጀምሯል)

በቃ ነገ እመቤት። ነገ እንጀምራለን።

አምስት አመቱ ነው። ብወልድ አምስት አመቱ ነው።

“አዳምጪኝ አንዴ” አለና አፈፍ አርጐ ያዛት። ሸብልሎ አቀፋት። መረጋጋት ስትጀምር...

“ነገ ብዬሻለሁ” አላት። አንገቷን በአዎንታ ነቀነቀች።

የሆነ አንድ አርብ ማታ ፥ እሱ ጋቢውን ለብሶ ተቀምጦ ፥ እሷ ቲሸርት ብቻ ጣል አርጋ በቆሎ እየጠበሱ ይበላሉ።

“አይበርድሽም ወይ ምነው?” ይላታል

ኧረ ተወኝ ሰሞኑንስ... ግራ ግብት ያለ ነገር ነው

እንዴት?

የሆነ ሙቀት ይለቅብኛል በሰውነቴ

እንዴት ከመች ወዲህ?

ይኸው ስንት ጊዜው... ማታ ያልበኛል። ራስ ምታቱ ሁሉ ሃይለኛ ነው አንተ። ቁርጥማቱ ራሱ ቀልድ ይመስልሃል?

አይ ይሄስ ያለ ነው

እንዴት ያለ ነው?

ከእንትኑ ጋ ነዋ። Menopause ሲጀምር ወጉ ነው እንደዚህ

አሃ... እሱ ነው በቃ አየህ። ሌላ ነገር መስሎኝ እኮ ፥ ሳስብ ነበር። እሱ ነው...

ከከባድ ጭንቀት የተገላገለች አይነት ፥ ረጅም ትንፋሽ አስወጣች። ፀጥ ብለው በቆሏቸውን ሲግጡ ቆዩ። በቆሎው ሲያልቅ ፥ ድንገት መብረቅ እንደመታት “ዋይ!” ብላ ጮኸች። ዘሎ ተነስቶ ያዛት

“ምነው? ምን ሆንሽ?” አላት እያለከለከ። ፀጥ አለች። ከፀጥታ በኋላ...

“እንኳን ደስ አለህ” አለችው፤ በቀዝቃዛ አይን እያየችው።

20|04|17

816

አማዶን

29 Dec, 09:03

ቆንጆ ሴት የመሆን ፈተናው ምንድነው?

እኔን ምን አውቃለሁ?

ቆንጆ ሴት ነሽ

እውነት!? (ትደነግጣለች)

ደመግቡ የመሆን ቻሌንጅ ምንድነው?

ይህንን እንዴት አውቃለሁ?

ደመግቡ ነሽ

እውነት!? (እንባዋ ይመጣል)

ቀይ ሴት የደስ ደስ ያላት ፥ መከራዋ ምንድነው?

ይህንን እኔ መመለስ እችላለሁ?

ቀይ የደስ ደስ ያለሽ ሴት ነሽ

ስለዚህ መመለስ እችላለሁ?

ትችያለሽ (ከእንባዋ ጋ ፈገግ ትላለች)

717

አማዶን

29 Dec, 08:45

መልካም ሰንበት

714

አማዶን

27 Dec, 17:09

18|04|17

ቅብጠት ይመስል
የምጠይቀው
ጐዶን ይመስል
የምጠብቀው...
ትንሽ ምኞቴ ፥ ይሳቅበታል
ትንሽ ተስፋዬ ፥ ይፌዝበታል
እንዲህ ይባላል፦

የማነው ደፋር
ምኑ የተሞኘ
ለዚህ አእምሮው
ጤና ተመኘ?

952

አማዶን

24 Dec, 14:55

15|04|17

አየሩ ፥ ባላባት
ደናሽ ፍጡር አለው
እኔን የማይመስለው

የምድርን በረከት
ሞልቷል ሚቀበለው
እኔን የማይመስለው

ደስታን አናት በአናት
አለ የሚለጋ
ከእኔ ማይጠጋ

ያውና አንበሳ
ጥሶ የሚወጣ
ይኸውና ኤሊ ፥ አለሁኝ ቀንድ አውጣ።

1,172

አማዶን

21 Dec, 10:10

“ውበት ፥ የእግዜር ጥበብ
አትጠገብ”

1,123

አማዶን

18 Dec, 18:54

አለችኝ፦

እድሜዬን ባብዛኛው ፥ ከልጅነቴ ጀምሮ... አለመታየትን ስፈልግ ኖርኩ። ነገር ግን ረጅም ሆንኩ አየህ። የቀይ ቆንጆ ሆንኩ። ስንቀሳቀስ ጥላ አጠላለሁ። የደስ ደስ ነገርም አለ ይኸውልህ። በአንዳንድ አጋጣሚዎች ፈገግ ስል ፥ ሰዎች አብረውኝ የመሳቅ አባዜ አመጡ። ከዚያ ደሞ ፥ ብሩህ የሚባል አእምሮ ተቸረኝ። አለመታየት አልቻልኩም። አለመታየት አልሆነልኝም።

1,315

አማዶን

16 Dec, 12:25

Pain

ውይ ዛሬ ኮከቦቹን አየሃቸው?

እም...

ኮከብህ ምንድነው?

Sagittarius መሰለኝ

እውቀት ፈላጊ ኮከብ ፥ እንዳንተ

እም...

ጨረቃዋን አይተሃታል ዛሬ?

አየኋት

እንደዚህ ሆና... እንደዛ ሆና...

ኦኬ

ኢቢኤስ የጠፉ ሰዎችን ፕሮግራም አየኸው ትላንት

አይ

እንደዚ ሆነው... እንደዛ ሆነው...

ያሳዝናል

የትላንትናውን ስንኩል ህይወት episode አየኸው?

ምን?

የቃና ቲቪ ድራማው

አይ

እንደዚህ ተፈጥሮ... እንደዛ ተፈጥሮ...

ኦኬ እሺ

ትላንት ቲክቶክ ላይቭ ላይ ፥ ምን ተፈጠረ በለኝ

አየሽ ሰይጣን ፥ ‘በ..ቃኝ! እወጣለሁ!’ የሚለው ወዶ አይደለም። እና እወጣለሁ። ገና ለገና ፥ ጠቅመሽኝ እጠቅምሻለሁ ብዬ ፥ ጨርቄን መጣል የለብኝም። ለምን ከጨረቃና ኮከብሽ ጋ ፥ እንዲሁ ከቃናና ኢቢኤስሸ ጋ ፥ ገደል እንደማትገቢም አላውቅም።

ምን ሆንክ ሰውዬ?

06|04|17

1,498

አማዶን

14 Dec, 07:40

Inevitable

ለማይቀርለት
አንጀት ሊበላ
መንገድ ለመንገድ
ኬላ ለኬላ
አይን አይኔን ያያል...

ይጠይቀኛል
የእዝነት ከለላ
ማፈራርሰው
ቃለ-መሃላ።

1,092

አማዶን

10 Dec, 10:24

የዶሮ አይን

በጠራራ ፀሃይ
ሰው ቡና ፍለጋ
ሁለት ኪሎ ሜትር
በእግሩ እየተጋ
ሃያምስት ሰላሳ
ከኪሱ እየወጣ
ተከፍሎበት ሳይሆን
እንዲሁ እንደመጣ...

ቡናው ሁሉ ቀጭን
ቡናው ሁል መራራ
ቡናው ሁሉ ጥቁር
ማጋመስ መከራ
መተውም መከራ
ለሰነፉ ጓዴ
ለጨጓራ ስራ

እንዳልተከፈለ...

1,488

አማዶን

09 Dec, 17:48

የአዳም ረታን አዲስ ኢንተርቪው ሰምታችኋል? ለነገሩ የሆነ የተካለበ call record የሚባል ነው

እና እንደተለመደው ፥ መልሱ አጭር አጭር እየሆነ ሲያስቸግረው ፥ ጋዜጠኛው
“ንግግር ብዙም አይሆንልህም። ስትፅፍ ደግሞ በተቃራኒው ነህ” ይለዋል።

ጄምስ ቦንድም “ንግግሬ እንዲህ የሆነው አዳም ስለሆንኩ ነው። የምፅፈው ደራሲ ስለሆንኩ ነው።” አለው 😂

1,216

አማዶን

08 Dec, 18:33

ሰላም... ሴት እፈራለሁ። ይሄ የመጀመሪያ ቴክስቴ ሲሆን ፥ ሞራሌን ጠብቂ

ኦኬይ... ሰላም እንዴት ነህ

ቆንጆ ሴት ነሽ። የትኛዋንም ሴት እንዲህ ብዬ አላውቅም

እሺ ቴንክስ

ትህትናሽ እየማረከኝ ነው። እንዲህ ስልሽ የመጀመሪያዋ ሴት ነሽ

የመጀመሪያ ነሽ...
የመጀመሪያዬ ነሽ...
የመጀመሪያዋ ነሽ...

ይኸውልህ ወንድሜ ፥ ለምን ራስህን አታጠፋም?

ምን?

Blocked...

1,449

አማዶን

08 Dec, 16:30

የሌሊቱስ ይሁን
ደሜ የማይደማው
የወንድ እንባ ይጠጣል?
ቀኑ ምን ቢጠማው

28|03|17

3,775

አማዶን

05 Dec, 19:19

https://youtu.be/GK6zb9kwBDc?si=3czMwgjhmCQ1qUEe

1,408

አማዶን

05 Dec, 19:19

ዝምተኛ ልቦችን በዚህች ፈረንጅ ሰምታችኋል?

1,429

አማዶን

05 Dec, 16:19

“ሕፃናትን ተዉአቸው፥ ወደ እኔም ይመጡ ዘንድ አትከልክሉአቸው፤ መንግሥተ ሰማያት እንደነዚህ ላሉ ናትና።”

1,193

አማዶን

04 Dec, 18:13

ትለኛለች... "እነዚህ ሴቶች ምን ያውቃሉ?"

እላታለሁ... 'ምንም'

መፅሐፍ ያውቃሉ? የፊልም አይን አላቸው? ስለ ጥበብና ፖለቲካ ፥ መሰንዘር የሚችሉት ሀሳብ አለ?

የለም

ቀልድ ቀልደህ ይገባቸዋል? ትንንሽ ሀዘኖችህን ይረዷቸዋል?

በፍፁም

እና?

እና?

የማትተዋቸው ለምንደነው?

ቆንጆ ናቸው። ቆንጆ ብቻ ናቸው። ከባድ ነው...

1,348

አማዶን

03 Dec, 17:22

Numb

ቀኔን ያለማዘን
ሳቃጥል ሳነደው
የተስፋዬን መንገድ
ገፍቼ ሳስኬደው
ከምሽቱ ጋራ
ስቀር ለብቻዬ
ቁጭት አይሰማኝ
አይደንቀው ገላዬ

ቃላቴን ሰብስቤ
መጫወት ዕቃቃ
ግጥም እንቶፈንቶ...
አልለወጥ እኔ
ቅጣት ካልጣለብኝ
እድል - ተበሳጭቶ።

24|03|17

838

አማዶን

01 Dec, 16:12

Romantic

ብዙ ጊዜ ሽንቴ ሲወጥረኝ ፥ እንደ ሴት ያደርገኛል። ካልሸናሁ function የማረግ አይመስለኝም። ግን ከአንቺ ጋ ወሬ ስይዝ...

ሲርበኝ ሰውነቴ ይደነግጣል። ሆዴ ሲጮኽ ፥ የአደጋ ጊዜ አላርሙ እንደበራበት ህንፃ ነው። እኔን ሆኖ መራብ ፥ የሚያስፈራ ነገር አለው። ምግብ ፍለጋ ምድረበዳ ለምድረበዳ ፥ 40 አመት መንከራተት የሚችል desperateness በውስጤ ይፈጠራል። ምንም ነገር አያዘነጋኝም። ግን ከአንቺ ጋ ወሬ ስይዝ...

በጭንቅላቴ አቅም የሆነ ነገር ፥ ጥያቄ ከሆነብኝ ፥ መልስ የመፈለግ አባዜዬ በቀላሉ የሚገለፅ አይደለም። ኢንተርኔት ላይ እራወጣለሁ። ካልገባኝ የምሞት ይመስለኛል። “ምንድነው ከቀልብህ አይደለህም?” መባል ለኔ አዲስ አይደለም። ቶሎ ካልተረዳሁት እጨነቃለሁ። አልተወውም። ግን ከአንቺ ጋ ወሬ ስጀምር...

አሁን አሁን ሰንፌ እንጂ ፥ ልቦለድ ስፅፍ የምገባበት ተመስጦ ፥ ድራማዊ ነው። ፊቴ ቁጥርጥር ይላል። እተጣጠፋለሁ። ምንም አይነት ንግግር አልፈልግም። በቅንድቤ መመለስ ሁሉ ዳገት ነው። ፀጥ... እላለሁ። በዚያች ሰዓት ፥ ከፅሁፉ በቀር የሚጠቅም ነገር የለም። ግን አንቺ ወሬ ከጀመርሽ...

22|03|17

3,569

አማዶን

30 Nov, 14:40

ኢትዮጵያዊ ሆና ፥ tattoo ካላት ፥ ታሪክ አላት 👍🏾

1,016

አማዶን

27 Nov, 05:41

Imagine there is no research...

1,306

አማዶን

27 Nov, 05:41

links / via

1,416

አማዶን

24 Nov, 20:38

አይኖቼ ኮስታሮች
አየሩን ያያሉ
ዝም ነው፤ ፀጥ ነው...
እግሮቼ ኀይለኞች
መሬት ይረግጣሉ
ሩጫ ነው፤ ጥድፊያ ነው...

ምን ሆነ? ምን ነካው?
ሰው ይቀርብ ነበረ
ተጫዋች ከርታታው
አፉ ተሳሰረ
ምን ሆነ? አበደ?

1,681

አማዶን

22 Nov, 20:43

ልፅፍ የምወደው
ስለ ፀጉሯ ውበት
ስፅፍ የምገኘው
ስለ ፀጉሯ ሽበት

ሚያሳስበኝ ነገር
የወገቧ መቅጠን
ግጥም የምፅፈው
ስለ ሀዘኗ መጠን

ሀሳብ የሆነብኝ
የእግሮቿ እጣ ፈንታ
መፅሐፌ መጠሪያው
‘የልቧ ከፍታ’

በእጄ ያለችው እሷ
አካል ሰውነቷ
32 ጥርስዋ
እኔ የምፅፈው
ስለ ፈገግታዋ

13|03|17

1,540

አማዶን

22 Nov, 20:03

እንዴት ነህ?
ደህና ነኝ!...
አለው ትንሽ ምፀት
ማሳየት ነው ንቀት
ከቁብ አልቆጥራትም
እቺን ትንሽ እብደት።

13|03|17

786

አማዶን

22 Nov, 17:21

links / via

839

አማዶን

21 Nov, 17:17

"እንዳለች የቄስ ልጅ ፥ የያዘች ዳዊት
ስማ ቃለ እግዚአብሔር ፥ የምታጫውት

አንቺ ሆዬ ለኔ..."

"የዘመድ የባዳ እጅ ባይዳብሰው
ኑሮን ለመታገል ፥ ይችላል አንድ ሰው?

"እብድ ይሆናል እንጂ ፥ ስቶ ህሊናውን
ስቃይን ይችላል ፥ አንድ ሰው ብቻውን

የዘመድ የባዳ..."

ተሾመ ምትኩ

1,191

አማዶን

19 Nov, 17:56

ብቸኝነት ቀስ እያደረገ የሚበላቸው ፥ ሌሊቶች አሉ። ቶሎ አይበላቸውም። ስቃይ ያለበት አሟሟት ነው። እኔን ደግሞ አማልዕክት ፥ ወደውና ፈቅደው የሌሊቱ ጠበቃ አድርገውኛል። እቆረቆራለሁ። ‘አቤት!’ እላለሁ። ዝም ይላሉ። ዝምስ አይሉም። ‘ቆይ እንደውም...’ ይላሉ። ከጠበቃነት ያለፈ ስልጣን ይሰጡኛል። በከፊል ሌሊቱን እንድሆን ያዛሉ። በግማሽ ሌሊቱን እንድሆን ያዛሉ። ሙሉ በሙሉ ሌሊቱን እንድሆን ያዛሉ። አሁን ነው መበላት...

እና አንድ ዘመድ ነበረኝ። በጉን ከማረዱ በፊት ፥ ቆዳውን የገፈፈ። አገጩን(የበጉን) ወደ ላይ ወጥረንለት። እግሮቹን ጠፍንገን ይዘንለት። የበጉ ፊት በአይኔ አለ። የእኔን ፊት ይመስላል። እንግዲህ አማልዕክትም ‘ዘመዶችህ ነን’ ይላሉ።

906

አማዶን

18 Nov, 19:18

Taxi Driver (1976)

962

አማዶን

18 Nov, 16:02

ክፍሉን በቻርሟ ስታጥለቅልቅ የነበረች ልጅ ፥ ሊፒስቲክ ያላት፣ መልክ ያልጐደላት፣ ቅጥነትና ውፍረት መሃል ላይ የተገናኙላት፣ አይኗ የሚቅበዘበዝ፣ የትኛውም ወንድ ፕረዘንሷን ኢግኖር ማድረግ እንዳይቻለው የሆነላት፣ አማላይ መሆኗ እየታመነላት የነበረች ሴት... ትጓዛለች። ትቆማለች። ፈገግ ትላለች። እዝን ትላለች። ሁሉም ነገር እየሄደባት ነበር። ቀና እንዳልኩላት ሁሉ ፥ ዝቅ ብዬ የምትሄድበትን እግሯን ሳይ ግን ደነገጥኩ። የቀኝ እግሯ አውራ ጣት ፥ ካልሲዋን በጥሶ ብቅ ብሏል። በስመአብ! ጣፍቶኝ የበላሁት ምግብ ፥ ‘የድመት ስጋ ነው’ ያሉኝ ያህል አቅለሸለሸኝ።

926

አማዶን

17 Nov, 20:13

መብራቱን አጥፊውና ነይ

ለምን

ምን ማለት ነው ለምን

ቆይ እንጂ እናውራ

እሺ! ምን እናውራ

እኔንጃ... ግን ምን አስቸኮለን

ምን እናውራ

እኔንጃ...

መብራቱን አጥፊው!

ተው እንጂ ተረጋጋ

እሺ ጥፊ ከፊቴ

935

አማዶን

17 Nov, 17:26

ሕይወት እምሻውን ፌስቡክ ላይ እያነበባችሁ ነው? ከተመለሰች ወዲህ ፥ የፃፈችውና የሚጣል የላትም። በደስታ ነው የኮመኮምኳቸው እኔ።

817

አማዶን

17 Nov, 08:46

🚫

ደግሞስ አንዳንድ ጊዜ ፥ ፍፁም ፀጥታ አያስፈልግም? ማስፈለግ ሲባል ፥ እንደ ልብስ፣ እንደ ምግብ፣ እንደ መጠለያ። ስለ ሰው ድምፅ፣ ስለ ቴሌቪዥን ድምፅ፣ ስለ ሚያልፍ መኪና ድምፅ፣ ስለ ህፃናት ጫጫታ፣ ስለ ውሾች ማላዘን... ማውራቴ አይደለም። ይሄንን በምፅፍበት ስልኬ እንኳን ፥ ቴክስት ሲገባና ሁለቴ ሲነዝረው መስማት ስላለመቋቋም ማለቴ ነው። መልካም እሁድ 👍🏾

869

አማዶን

16 Nov, 12:07

Paradox

ታክሲ ውስጥ ሆኜ ፥ መኪናው አጉል ሲንቀዠቀዥ፣ ሹፌሩ እረፍት ሲያጣ እና አንዳንዴም ፍሬን ድንገት ሲይዝ... ምንም አይደንቀኝም። ለህይወቱ የሚጨነቅ ተሳፋሪ “ሾፌር ቀስ በል እንጂ” ሲል ፥ ፀጥ ነው የምለው። ምንም አይመስለኝም። መኪናችን እየበረረ ሄዶ ፥ ሲኖትራክ ጋር ቢሳሳም ፥ ፊቴን ብቻ መለስ አደርጋለሁ እንጂ በመኪኖች ፍቅር ጣልቃ የምገባ አይመስለኝም። ከዚያ ግን እግረኛ ሆኜ አስፓልት ስሻገር ፥ በትክክል ግራና ቀኜን አይቼ ነው። ከርቀት የሚመጣ መኪናም አሳልፋለሁ እንጂ ፥ በጭራሽ ሪስክ አልወስድም። በኔ ጥንቃቄ ጉድለት ፥ መኪና አይገጨኝም። ይህ ለምንድነው?

አሁን በቀደም መሬት ተንቀጠቀጠ። አሁን አሁን እንኳን ፥ የአይን አፋር ተወዛዋዥ ሆኗል። ሶስቴ አልሆነም ከባለፈው ወዲህ? እና ሁለቱን ጊዜ ፥ ሽው ያለብኝ ሃሳብ አለ። ‘ይሄ ነገር ቢለይለትና ፥ እዚህ እንደተቀመጥኩ ድርምስምሱ ቢወጣ እንዴት ነው?’ አልኩ። ይህንንም አልፈራሁም። እንደማይሆን እርግጠኛ ስለነበርኩ ነው ሊባል ይችላል... እርግጠኛ መሆን ሞኝነት ነው። ከዚህ ባለፈም ግን ፥ መሬቱ በደንብ እንዲቀጠቀጥ ሳልመኝ አልቀረሁም። ውጤቱን ባውቅም ፥ ጨዋታ ነው የመሰለኝ። ከዚያ ደግሞ በመንገድ ስጓዝ ፥ በጅምር ህንፃ በኩል አልሄድም። ‘አንድ ብሎኬት ድንገት ቢወድቅብኝስ’ ብዬ እሰጋለሁ። ይህ ለምንድነው?

አንዳንዴ ቁጭ ብዬ እያነበብኩ፣ ወይ ፊልም እያየሁ... የሆነ ሄሊኮፕተር ቆርቆሮውን ንጦት ያልፋል። ፍጥነቱ እና ጩኸቱ ፥ የነገር ይመስላል። ‘ተዋጊ ሄሊኮፕተር ቢሆን’ ብዬ አስባለሁ። ‘በተቀመጥኩበት ቦንብ ጥሎ ቢያልፍ’ እላለሁ። አንዳች የደስታ ንዝረት ይሰማኛል እንጂ አልፈራም። እንዲህ ያለ ዲስትራክሽን አልፈራም። ከዚያ ግን በመንገድ ስሄድ ፥ ክላሸ በያዘ ፖሊስ ጐን ማለፍ አልወድም። ፒካፕ መኪናቸው ጀርባ ፥ ጠመንጃውን ወደ ህዝቡ አዙረው የተቀመጡ ፖሊሶችን ፥ አይናቸውን አላይም። ከአሁን አሁን ተኮሱ ስል ይጨንቀኛል። ይህ ለምንድነው?

07|03|17

996

አማዶን

14 Nov, 18:14

ፊቷ እንኳን የዋህ ነበር። ፈገግታዋ ኃጥያት የሌለበት ነው። አካሄዷ የጨዋ ነው። ጨዋ ማለት ፥ ተንኮል የማያውቅ ማለት ነው። የጉንጮቿ ስርጉዶች የጮሌ አይደሉም። ያልተጋነነው ፍንጭቷ ፥ ሰማያዊ ነው። መላ ሰውነቷ ፥ አንድ አፍታ ሱቅ ተብሎ የተላከ እንጂ ፥ የውጪ አይመስልም። ድንገት ውጪ የተገኘ እንጂ ፥ የውጪ አይመስልም። ነገር ግን ማመን አይቻልም። ይቻላል? ከቤት እስከ ሱቅ ስንት ነገር አለ?

841

አማዶን

14 Nov, 17:39

ካልጋው ጋር፣ ተጣብቄ
ቃሬዛው ላይ፣ አልቄ
በበሽታ መዓት፣ አካሌ ፈራርሶ
ደዌ በያይነቱ፣ ጨርሶኝ ቀማምሶ
የሞት ሞቴን ብተርፍ፣ ይህን አፈር ልሼ
ማቄን ወዲያ ጥዬ፣
መጎናፀፊያዬን፣ ብለብስም መልሼ
ለመኖር ብዘጋጅ፣ አልፎልኝ ያ ሁሉ
"ታሞ ጨረሰ" እንጂ፣"ድኗል" አትበሉ።
D.T

869

አማዶን

14 Nov, 09:42

ሰው ታሞ ሲመጣ ፥ በብዙዎቻችን አይን በሽታውን ብቻ ነው። ያ bladder ca patient፣ ያ DKA patient፣ ያቺ cervical patient እንላለን እንጂ ፥ ስማቸው ጉዳያችን አይደለም። ያሳለፉት experience ወይም ያበረከቱት ነገር ብሎ ሃሳብ ፥ ወደ አእምሮአችን አይመጣም። ሰው ሲታመም ወደ በሽታ reduce የመደረግ እጣ ፈንታው ፥ ሊካድ አይችልም።

(እዚህ ጋ ፥ ሐኪሙ ሁሉ እንዲህ ያስባል እያልኩ አይደለም። እኔም ሁሌ እንዲህ አስባለሁ እያልኩ አይደለም። ውንጀላ አይደለም)

የዛሬ ስንት ወር እንደሆነ እንጃ እንጂ ፥ አንድ ኮፍያ የለበሰ ፥ ሽንቱ አልወጣለት ያለው ታካሚ ፥ Urology የተባለ ዋርድ አንድ ቀን ያድራል። የታወቀ bladder cancer patient ሲሆን ፥ ለጊዜው የተደረገለት ነገር ፥ የሽንት ትቦ ማስገባት ብቻ ነበር። ሌላ ምን እንደተደረገለት ትዝ አይለኝም ወይም የለም። አንዳንድ ዋርድ (በተለይ የቀዶ ህክምና ዋርድ) ታካሚው ጉዳዩ ካለቀ ፥ በፍጥነት እንዲወጣ ይደረጋል። መቆየቱ አንድም አልጋ ይይዛል። ሁለት በኢንፌክሽን የመያዙ እድል ይጨምራል። ዋናው ደግሞ በዚህ በዚህ የተነሳ የሚቆጡ ፥ ሲኒየር ሐኪሞች አሉ። ስለዚህ አካልበን ነው ምናስወጣቸው።

እና ይሄ የሽንት ትቦ የተደረገለትን ሰውዬ ፥ በቅዳሜ ጠዋት እንዲወጣ ስነግረው ፥ ቅር ብሎታል። ቆጣ ቆጣም ይል ነበር። አንድ ቀን ተጨማሪ ማደር ይችል እንደሆነ ይለምነኛል። እሱን እሱ እንደማይወስንና እንደማይቻል ነገርኩት። “እንዴት ሽንቴን በፌስታል አድርጌ እሄዳለሁ? ወይ ይውጣልኝና ልውጣ” ይላል። እሱም እንደማይቻል ነገርኩት። አብሮት ያለ ቲቪ ላይ የሚታወቅ ጓደኛ አለው። እሱም ቀስ ብሎ ይለምነኛል። እኔ እንደማልወስንና ታካሚው ካልወጣ ፥ የሚጋተተኝ ሬዚደንት ሐኪም እንዳለ ላስረዳቸው ሞከርኩ። አልፋታ ሲሉኝ እንግዲህ ፥ እኔም ቆጣ ቆጣ አልኩና ተስፋ ቆርጠው ሄዱ። ሰውየው አኩርፎኝ ነው የወጣው ምናምን።

ከስንት ጊዜ በኋላ ሰሞኑን ፥ የእረፍት ዜና ተብሎ ፌስቡክ ላይ ከነስሙ ተለጥፎ ሳየው ትዝ አለኝ። ለካ ሰውየው ታዋቂ የክራር ተጫዋች ኑሯል። በየሬስቶራንቱና የመድረክ ዝግጅቶች ላይ የምንሰማቸው፣ የኢቲቪ መሸጋገሪያ ክላሲካሎች ፥ እነዛ የተቀነባበሩ የክራር ጨዋታዎች ብዙዎቹ የሱ ናቸው አሉ። ምርጥ አልበሞች ያሉት ሰው ነው።

በእርግጥ ይህንን ሁሉ የምለፈልፈው ለምን እንደሆነ እንጃ... ‘ትልቅ ባለሙያም ስለነበር የተለየ መስተንግዶ ሊደርግለት ይገባ ነበር’ ለማለትም አይደለም። ግን እንዲሁ ነገሩ ገርሞኝ ነው። ሰው ሲታመም ፥ በሽታ ብቻ መሆኑ አሳዝኖኝ ነው።

መሰለ አስማማው ይባላል።

782

አማዶን

14 Nov, 09:42

links / via

610

አማዶን

12 Nov, 19:13

ትለኛለች... 'ቁምነገር እያወራን ፥ ሽንቴ መጣ ትላለህ እንዴ? ቀድሞውኑ ወንድ ልጅ ሽንቴ መጣ ይላል?'

'እንግዲህ ከመጣ ምን ማድረግ እችላለሁ?' እላታለሁ

ልትይዘው አትችልም ምንድነው? አታስበው።

እሺ። ግን ሸንቼ ብመለስ አይቀለንም?

ሃሳባችን ይበተናል። ሃሳባችን ከተበተነ...

እሺ

እኮ

'ምን እያልን ነበር ታዲያ?' እላታለሁ

ምን አውቃለሁ? ቁምነገር ይዘን ነበር

ነበር?

መሰለኝ...

ትዝ አለኝ! ትዝ አለኝ...

ትዝ አለሽ?

አዎ ትዝ አለኝ

ምን ትዝ አለሽ?

እ? አንተ ግን ለምንድነው ውሃ የምታበዛው? ውሃ አብዛ ይሁን። ምነድነው ሽንት ማብዛት?

አልቻልኩም ግን እባክሽ... ደርሼ ልምጣ እ? ሄጄ ልምጣ?

ሂድ! ሂድ... አልከለክልህም። ልከልክልህ ይከብደኛል።

ሄድኩ። ለረጅም ጊዜ ሄድኩ።

797

አማዶን

11 Nov, 07:41

I learned at least that I was on the side of the guilty, the accused, only in exactly so far as their crime caused me no harm. Their guilt made me eloquent because I was not its victim. When I was threatened, I became not only a judge in turn but even more: an irascible master who wanted, regardless of all laws, to strike down the offender and get him on his knees. After that, mon cher compatriote, it is very hard to continue seriously believing one has a vocation for justice and is the predestined defender of the widow and orphan.

Albert Camus | The Fall

ጅምላ ገዳዮችንና ደፋሪዎችን፣ ዘራፊዎችንና አቃጣዮችን ወዘተ... Psychologically ለመረዳት፣ ማለትም ህመም የመሆኑን ጉዳይ የሚያስረዱ መላ ምቶችን መፈላለግ አበዛለሁ። ከሁለት ከሶስት አመት በፊት The Fallን ሳነብ ግን ፥ ከላይ ያለው አንቀፅ አብሮኝ ቀረ። እውነት ነው። ወንጀለኛው በሽተኛ ነው የምለው ፥ እኔና አካባቢዬ ላይ እስካልደረሰ ድረስ ብቻ ነው።

803

አማዶን

10 Nov, 20:46

(M was the ex girlfriend of the man talking)

When I learned of M’s death I felt sure I was the second-loneliest man on the planet. The loneliest man had to be her husband.

I reserve that seat for him. I have no idea what kind of person he is. I don’t
know his name, or the place where he lives. Perhaps he had already lost his name and place. He was, after all, the world’s loneliest man . And I imagine what it means to be the
loneliest man on earth. I already know what it is to be the second-loneliest man on earth. But I still don’t know what it is to be the loneliest. A deep gulf separates the second and the first loneliest on earth.

Men without women | Haruki Murakami

837

አማዶን

10 Nov, 14:19

የሰናፍጭ ቅንጣት ታክል እምነት ስላለኝ ፥ ተራራውን አንቀሳቅሳለሁ። ተራራውን ግን ገፍቼው አላውቅም። የማውቀው ተራራውን ወደ እኔ ማቅረብ ነው። የኔ ችሎታ... መከራን ከደመና ውስጥ መጥራት፣ ከአለት ውስጥ ፈልፍሎ ማውጣት፣ እንዲሁም ከጥልቅ ጉድጓድ ስቦ ማውጣት ነው። ግን ይህም ተዓምር ነውና።

2,878

አማዶን

08 Nov, 04:59

Perfection

ፃድቁ ልቤ
ንስሃ ገቢ
ሕጐች አርቃቂው
በፈጣሪ ፊት
ሰው አስታራቂው

ከትራሱ ጋ
ያንጐራጉራል
እንደዚህ ይላል ፦

ከሰራኋት አይቀር
እቺንስ ኃጢያት
ያቺኛዋን ኃጥያት
እንዲህ ባላደርጋት
እንዲህ እንዲህ ባደርጋት...

29|02|17

975

አማዶን

03 Nov, 16:33

Dostoevsky - To love is to suffer and there can no be love otherwise.

Woody Allen - To love is to suffer. To avoid suffering one must not love. But then one suffers from not loving. Therefore, to love is to suffer; not to love is to suffer; to suffer is to suffer.

Notes from Underground (1864)
Love and Death (1975)

1,085

አማዶን

02 Nov, 18:46

ጄምስ ቦንድ ከአድናቂዎቹ ጋ

1,186

አማዶን

31 Oct, 19:43

ድሮ ኳስ ስንጫወት ነው፤ አንዱ ልጅ ግርግር አነፍናፊ ነበር። ሰውነቱስ ለጠብ የሚሆን አይመስልም፤ ግን የወንድ ልጅ ልቡ አይታወቅም ብለን መሰለኝ... ንቀነው አናውቅም። ደግሞ ባህሪውን ሁሉም ሰው ስለሚያውቅ ፥ ማንም አይጣላውም።

አንድ ቀን ታዲያ ፥ የሌላ ሰፈር ልጆች ጋር ኃይለኛ ግጥሚያ ተይዞ እያለ ፥ ይሄው የእኛ ልጅ ፥ ከአንድ ትልቅ ልጅ ጋር ነገር ይፈልጋል። በቁመትም በግዝፈትም ትልቅ ነው። ጀግናው ልጃችን ግን ፥ አጓጉል አርጐ ይሰድበዋል። መስደቡ ሳይበቃው ፥ ካልደበደብኩት አለ። ይህ ማለቱም ሳይበቃው ፥ እየፎከረ ወደ ትልቁ ልጅ ሄደ። እና ድብድቡ እውነት ሊሆን ምንም ያህል እንዳልቀረው ሲያይ

ልጃችን ወደፊት እየተራመደና እየተሳደበ ፥
ለእኛ ደግሞ እጆቹን ወደ ኋላ ጣል እያረገ ፥ “እየያዛችሁኝ እንጂ” አለ።

1,274

አማዶን

31 Oct, 10:32

"Worshipers or poets can bring drama, passion, tears and worries to women, but never any pleasure. I knew one once. He worshiped his wife. Then he took up worshiping someone else. He didn't like humiliating the one by deceiving her and the other by making her a clandestine mistress. So he confessed everything to his wife, asked her to help him, his wife fell ill, he spent all his time crying, so his mistress finally couldn't stand it anymore and announced she was leaving him.

He lay down on the tracks in front of a streetcar. Unfortunately, the motorman saw him in time, and that worshiper had to pay fifty crowns for impeding traffic."

| Litost | Milan Kundera |

1,092

አማዶን

30 Oct, 20:35

ሄይ

ሄይ

ደህና አመሸሽ

ደህና

እስካሁን አልተኛሽም?

አው

ምነው

ምንም

ጠዋት እንቅልፍ አያስቸግርሽም?

አይ

ከእኔ ጋር ተቃራኒ ነን ማለት ነው

ኦኬ..ይ

ቃላቶችሽ አጫጭር ናቸው

ናቸው?

ደስ ይላሉ

🤦‍♂

(ነፍስ ይማር)

898

አማዶን

29 Oct, 18:44

ከሞት ሁሉ ቅስም ሰባሪው ፥ የልጅ ሞት ይመስለኛል። ከወሎ የፈለቀች ከወዳጄ የሰማሁዋት ፥ አንድ ጨዋታ ትዝ ትለኛለች።

አያ ሙሄ የተባለ ገበሬ ልጁ ሞቶበት ፥ ጎጆው በርንዳ ላይ ኩርትም ብሎ ይቆዝማል ፤ ባለንጀራው አዋ ይመር አጠገቡ ተቀምጧል ፤ አዋ ይመር ወዳጁን በቃል ማጽናናት በቂ ሆኖ አላገኘውም ፤ የወዳጁን ልጅ የቀሰፈውን ፈጣሪ ለመበቀል ስለፈለገ ፥ ጠመንጃውን አነጣጥሮ ወደ ሰማይ ተኮሰ፤

ተኩሱ በረድ ሲል ፥ አዘንተኛው አያ ሙሄ ወዳጁን እያየ እንዲህ አለ፤

“ካገኘከው ገላገልኸን፤ ከሳትኸው ግን አስፈጀኸን”

(Bewketu seyoum)

3,635

አማዶን

28 Oct, 20:29

የውሃ ሽታ

ቤትሽ የት ነው? (ትስቃለች)

ቤቴን ማየት ፈለግክ?

ታዲያ

እኔ ግን እኮ ቤት የለኝም

እየቀለድኩ አይደለም

እሺ ግን ቤቴን ባሳይህስ? አባቴ እኮ ሻምበል! ነው

ቢያንስ ከሩቅ እሺ

ይገለኛል ተው...

ሰፈርሽ የት ነው እሺ?

ሰፈሬን ማወቅ ፈለግክ?

ታዲያ

እኔ እኮ ሰፈር የለኝም

እቀየምሻለሁ

ከነገ ወዲያ እወስድሃለሁ

አትነግሪኝም?

አይ እወስድሃለሁ።

እሺ

እሺ

ግን አባትሽስ

ክፍለ ሃገር ይሄዳል...

ስልክሽን አትሰጪኝም?

ስልኬን ልስጥህ? (ትስቃለች)

በዚህ ዘመን ፥ እዚህ ደርሰን... ስልክሽ እንዴት አይኖረኝም?

ስልክ ማውራት እንደምጠላ እያወቅክ

ቢሆንም...

እሺ እሰጥሃለሁ

አሁን ስጪኝ

እሺ ልደውልልህ ቆይ... ውይ ባትሪ ጨርሻለሁ

ማለት በቃልሽ አታውቂውም?

እንዴት በቃሌ አውቀዋለሁ?

እንዴት አታውቂውም!?

ተው እባክህ አታስጨንቀኝ

ህም...

ነገ እሰጥሃለሁ። ነገ...

ሰላም (ፊት ለፊቷ)

ሰላም እንዴት ነህ?

ከጓደኞቼ ጋ ከሩቅ እያየንሽ ነበር።

እሺ (ፈገግ አለች)

ሁላችንም ምራቃችንን እየዋጥን ነበር

እሺ (እየተሽኮረመመች)

ሁሉም ‘ባል ይኖራታል’ ብለው ፈሩ። እኔ ደፍሬ መጣሁ

ባል የለኝም

ና..ይስ

(ፍልቅልቅታ)

ስምሽ ማነው?

የውሃ ሽታ

የውሃ ሽታ?

አዎ የውሃ ሽታ

ቻው እሺ

ቻው...

(ሄድ)

የውሃ ሽታ?

(ዞር) አቤት

እንዳትሆኚ የውሃ ሽታ

አልሆንም...

ግን ሆነች። ቤቷ?... ሰፈሯ?... ስልኳ?... ስሟ።

18|02|17

974

አማዶን

28 Oct, 11:39

ቢሆንም ግን አላበቃም
ትንሽ ተስፋ ያጃጅላል
በመጠበቅ ደዌነት ላይ
ማደንዘዣ ይወጋጋል

872

አማዶን

27 Oct, 19:23

አእምሮ ሆይ ፥ አንገቴን የሰጠኹህ እኔ ፥ ወገንተኝነትህ ለማን ነው?

874

አማዶን

27 Oct, 19:01

Where were you last night?

That's so long ago, I don't remember.

Will I see you tonight?

I never make plans that far ahead.

Casablanca (1942)

809

አማዶን

26 Oct, 17:38

‘ምንድነው ይህ ሁሉ’ ሳትሉ አጣጥሙ።

860

አማዶን

26 Oct, 17:38

links / via

1,130

አማዶን

26 Oct, 17:09

links / via

531

አማዶን

25 Oct, 20:09

15|02|17

412

አማዶን

25 Oct, 20:09

ምንም ነገር ቢያቅተኝ ይኸውልሽ... አንድ ሁለት ቃላት ብዬ ፥ ጥሩ ጥሩ አረፍተ ነገሮች አላጣም። ‘ተስፋ የለውም’ ስትዪ ፥ ተስፋ የሚሰጡ ንግግሮች ማምጣት አውቃለሁ። ‘ቀልብ የለውም’ ስትዪ ፥ ከልብ የሆኑ ጨዋታዎችን መዘርዘር አውቃለሁ። ‘ይህ ጨዋና ዝምተኛ ሰው ፥ ምን ያውቃል?’ ስትዪም ፥ ከእኔ የማይመስሉ ልብ ወለዶችን መስጠት እችላለሁ። ምንም ነገር ቢያቅተኝ... መፃፍ እችላለሁ። አይመስልሽም?

439

አማዶን

25 Oct, 20:09

ኑሮዬ ሁሉ ፥ ለሆዴ መሆኑ ያስቆጨኛል። ስለ አላማዬ እያሰብኩ በመሃል ፥ ሆዴ ትንሽ ከተገለባበጠ ፥ ምንም የማያረገኝን ረሃቤን ለማስታገስ ሁሉንም ትቼ እነሳለሁ። ከሴትዮይቱ ጋር ሆኜ ፥ ስለ ወደፊቱ ህይወታችን እያወራን በመሃል ፥ ሆዴ ከተንጓጓ አምቦ ውሃ ፍለጋ እንከራተታለሁ። ‘ከጨነቀኝ ጨነቀኝ ነው’ እላታለሁ። ከሰው ጋር የለየለት ፀብ ይዤ ካፏሸከኝ ፥ ሁሉን ትቼ እነሳለሁ። ‘ጠላቴ ሆይ መብላት አለብኝ’

ቁርስ ምሳ መክሰስ እራት...

451

አማዶን

25 Oct, 20:09

አንድ ልብ ወለድ ፥ እንደ ሚላን ኩንዴራ
አንድ ግጥም ፥ እንደ ቡካውስኪ
አንድ ዘፈን ፥ እንደ ተሾመ ምትኩ
አንድ ፊልም ፥ እንደ ዮርጎስ ላንቲሞስ
አንድ የሳይንስ እውቀት ፥ እንደ ሪቻርድ ዳውኪንስ

ግን አንድ ያንሳል

610

አማዶን

25 Oct, 12:59

"Apathy's a tragedy and boredom is a crime." Bo Burnham

ከዚህ ተጠያቂነት ለማምለጥ ፥ ይህንን ከሰዓት ምን እያደረግኩ ነው?

የሚላን ኩንዴራን Book of laughter and forgetting እኮመኩማለሁ። Background music ላይ ግርማ ይፈራሸዋ አለ። አንዱ Story ሄዶ ሄዶ ፥ ገፁ ሙሉ ቁጥር ላይ ሲደርስ (120 ላይ ሲደርስ) ተንቀዥቅዤ PCዬን ከፈትኩ። አልጠፋም አካልቤ የደገምኩት ፊልም። ደስታን በትንሽ በትንሹ ስለሆነ ፥ ዝግት ንቅል አድርጌ ሞባይሌን ደግሞ አነሳሁ። ያቋረጥኩትን ፖድስካት በ2× ፈፃፀምኩ። በዛው እዚህ አቃጥሬ ልለፍ ብዬ ነው። ወደ መፅሐፌ ልመለስ...

ድብርት ወንጀል ነው።

475

አማዶን

24 Oct, 17:33

ቢወድቅ ባይነሳ
ተስፋው ቢንኮታኮት
ቅስሙ መቅኔ ቢሆን
ለክፉው ዳረጎት
እየተመጠጠ
ምኑንም ምኑንም
ለቀኑ እየሰጠ...
ባልደግፈው እኔ
ቢያልቅብኝም መልሴ
ምንም አይበግረው
ጠንካራው መንፈሴ።

598

አማዶን

22 Oct, 18:52

ተረት ተረት...

እድሜው 65 ነበር። አልዛይመር ያለባት ሚስቱ ፥ በአንድ አመት ትበልጠዋለች። እሱም ደግሞ የአፍ ካንሰር አለበት። ለዚህ ቦታ ሳይመርጥ ለወጣ ካንሰር ኦፕሬሽኖች አድርጓል። የጨረር ህክምና አድርጓል። ጨረሩ መንጋጋውን ይመታዋል። መንጋጋው ካልተደገፈ አይሆንም ከዛ።

ሚስቱ ፥ በቀን ውስጥ ሁለት ሶስት ዳይፐር ያስፈልጋታል። ሲቀይርላት ተፀይፎ አያውቅም። አጣጥቧት ሲጨርስ ፥ ለአፉ ጉዳይ ወደ ሆስፒታል ይሄዳል። መንዳት ስለማይችል ታክሲ ይጠራል። መናገር ስለማይችል ፥ በእጅ ፅሁፍ የሚሄድበትን ያሳያል።

ሐኪሙ ፥ ተጨማሪ ኦፕሬሽን እንደሚያስፈልገው ይነግረዋል። ከግራ ጉንጩ የተወሰነ፣ ከምላሱም የተወሰነ መነሳት አለበት። እንጂ አደገኛ ነው...

ይህንን ሰምቶ ሲመለስ ፥ የሚስቱን ዳይፐር ቀየረ። እራታቸውን ማሞቂያው ውስጥ ከተተ። የማታ 3:00 ሰዓቱን ዜና አየ። ተነሳ። ተነስቶ ወደ መኝታ ክፍል ሄደ። ተኝታለች። ከመሳቢያው ውስጥ ሽጉጡን አወጣ። ግንባሯ ላይ ደቀነው። ተኮሰ።

በፀጥታ ወደ ሳሎን ሄደ። ሶፋው ላይ ተመቻችቶ ተቀመጠ። አፈሙዙን አፉ ውስጥ አስገባው። ተኮሰ።

ሁለቱም ተኩስ ጐረቤት አልቀሰቀሰም። ቆየና ግን ማሞቂያ ውስጥ ገብቶ የነበረው እራት ፥ መቃጠል የጀመረው እራት ሰው ጠራ። ሰዎች መጡ። የሆነውን አዩ። ቀጥሎ ፖሊሶች መጡ። የሆነውን አዩ። ብርበራቸውን አደረጉ። የተዘጋ የባንክ ደብተር... 114 ብር የቀረው ሌላ ደብተር... ነበር።

Suicide ነው አሉ።

ከሶስት ሳምንት በኋላ አዲስ ተከራዮች መጡ። አዲስ ባልና ሚስት ናቸው። እሱ የኮምፒውተር ኢንጂነር፣ እሷ ዳንስ የተማረች ናት። እነዚህም ወደ ስኬት እየተጓዙ ያሉ የሚመስሉ ናቸው።

(የCharles Bukowskiን ውብ ግጥም ፥ ዝርው አድርጌ እንደተረጐምኩት)

233

አማዶን

21 Oct, 11:00

ልክ ካርድ ሞልቼ ፥ ረስቼው የተወሰነ ደቂቃ አልፎ ፥ ስልኬ ዝ ዝ ይልና
810 በአማርኛ “እዳዎ በሙሉ ተከፍሏል” ሲለኝ ድንግጥ እላለሁ። በደንብ አልለመድኩትም።

340

አማዶን

19 Oct, 16:07

ትወጂኛለሽ?

የመጀመሪያህ ነኝ።

አዎ እሺ...

ትወጂኛለሽ?

ከአንተ ውጭ ማን አለኝ?

አዎ እሺ...

ትወጂኛለሽ?

አንተ እረፍ! ወንድ ልጅ እንዲህ አይጠይቅም።

እሺ...

513

አማዶን

19 Oct, 16:07

ከዚህች ሴት ጋር ብዙ ቆየሁ ። ቀላል ጊዜ አብረን አላሳለፍንም። ‘ከእንግዲህስ ምን ቀረን’ በማለት ለትዳር ከጀልኳት።

ነገርኳት። ይህንን ብዙ ሴቶች በጉጉት የሚጠብቁትን (ህብረተሰቡ ከሴቶች በአያሌው የሚጠብቀውን) ነገር ፥ ትዳር የሚባለውን ከእሷ ጋር እንዳሰብኩ ነገርኳት። አነጋገሬስ ምንም ሮማንቲክ አልነበረም። ልጅት ግን በጣም ደስ አላት። ፍንድቅድቅ አለችልኝ።

“ግን ግን...” አልኳት

“ግን ምን?”

“አንድ ነገር እንድታረጋግጪልኝ እፈልጋለሁ”

“እሺ”

“በህልሜ ነሽ በእውኔ? አንድ ሁለት ብለሽ ማስረጃዎች ስጪኝ።”

ሳቀች። ኮስተር አልኩ

“አይ አይ... አንዲህ አይነት ቀልድ አይሰራም። ከመሄዴ በፊት ማስረጃ!”

486

አማዶን

19 Oct, 16:07

በህልሜ ነው

እላታለሁ... “መድረስ አልፈልግ፤ በርትቼ እጓዛለሁ። ማግኘት አልፈልግ፤ አይኔ ይቅበዘበዛል።”

“ችግርህ ሁሉ የቅንጦት ነው” ትለኛለች

“ቆይ አማርኛዬን አስተካክላለሁ”

(በትዝብት ፈገግ ትላለች)

“አማርኛዬን አስተካክዬ እነግርሻለሁ አልኩሽ!”

“አየህ?”

“ምን?”

“ላንተ እንደዚህ ነው። ነገር ሁሉ የቃላት ጨዋታ ነው።”

(ላስተባብል አልኩና አፌን ያዘኝ)

“አየህ? አየህ?” ትለኛለች። ታለቅሳለች? አዎ ታለቅሳለችስ...

(ላባብላት አልኩና አሁንም ያዝ ያዘኝ)

በትዝብት ፈገ..ግ አለች ደግሞ። ነቃሁ ወይ ወደ ሌላ ህልም ገባሁ ከዚያ...

413

አማዶን

19 Oct, 16:07

የሆነ ነገር ለመፃፍ እነሳና አያታለሁ። “ምን ታየኛለህ?” ትለኛለች

“አትቆጪኛ...”

“መች ተቆጣሁኽ? ለምን ታየኛለህ እንደዚህ”

“የሆነ ነገር ልፅፍ”

“እሺ በል ቶሎ በል” ትለኝና ተረጋግታ መቀመጧን ትቀጥላለች።

ታውቃለች። ልፅፍ ስል አተኩሬ እንደማያት ታውቃለች። ሁሌም ግን ትጠይቀኛለች። ደስ ይላታል።

419

አማዶን

17 Oct, 18:45

ለግጥም የሚሆን መረጋጋት ማጣት... ያስቆጫል።

548

አማዶን

14 Oct, 12:10

የፍቅር ጥያቄውን በጨዋ ደንብ አቀረበላት። እዝን አለች። አለች፦

“ታውቃለህ እንዴት እንደማከብርህ። ያንተን ያህል የምቀርበው ሰውም የለኝም። ከአንተ በላይ ምቾቴን የሚሰጠኝ ሰው የለም። የነፍሴ ሰው ነህ። የልቤ ሰው ነህ። ግን ይህንንም ታውቃለህ። የእናቴ ልጅ ማለት ነህ። በሁለታችን መሃል ሌላ ነገር ግን ፥ የኃጥያት ያህል ነው።”

“እሺ” አላት

“ትረዳኛለህ አደል?”

“ደግነቱ... እኔም አንቺም ሁላችንም እንሞታለን። ሁለመናችን አፈር ይለብሳል። አፈር።” ተፍለቀለቀ።

804

አማዶን

13 Oct, 16:14

ምናልባት የአንዳንድ ሰው የልጅነት ህልም ይሄ ይሆናል። ከመች መች አርጅተው ፥ የባቡር ወንበር ለማስለቀቅ መቁለጭለጭ እንደሚችሉ እና ከመች መች ረጅም የታክሲ ሰልፍ ፥ በነፃነት ሰብረው መግባት እንደሚችሉ እየተመኙ የኖሩ ይመስላሉ። I mean...

773

አማዶን

13 Oct, 12:23

ሀዘን ያስቀናል ወይ

817

አማዶን

12 Oct, 06:48

ንዴቴ እንደ ገሞራ ነው፤ ግን አይፈነዳም።
ቁጣዬ የአንበሳ ነው፤ ተሳስቶት ግን አያገሳም።
ኃይሌ የሶስት ጐሽ ጉልበት ነው፤ ነገር ግን አይነሳም።
ሰላም ወዳድ አይደለሁም። የሰላም ባሪያ ነኝ።

971

አማዶን

11 Oct, 16:29

የሚወዱትን ስራ መስራት መቻል፤ በዚህም በቂ ገንዘብ ማግኘት መቻል... መታደል እንደሆነ እያሰብኩ ነው።

853

አማዶን

05 Oct, 19:58

ማንያዘዋል እንደሻው ፋና ቲቪ የሰራለት ዶክመንተሪ ላይ ፥ አንዳንዴ እንዴት እውነተኛው አለምና ቴአትር እንደሚምታቱበት ይናገራል። “የሆነ ጊዜ ቤተ መንግስት ለስራ ሄጄ ፥ ግድግዳ ላይ የተሰቀሉ የንጉሱን ከወርቅ የተሰሩ የሆኑ ነገሮች አየሁና ፥ በውስጤ ምናለ እነዚህን ለቴአትር በተጠቀምኳቸው... አልኩ። ለራሴ አይደለም የተመኘኋቸው።” ይላል።

እኔም አንዳንድ ነገሮችን ፥ ከእውኑ ይልቅ ለህልሜ ስመኝ ይገርመኛል።

(ዛሬስ? ምን ይሆን የተደገሰልኝ)

1,216

አማዶን

05 Oct, 17:02

links / via

1,108

አማዶን

04 Oct, 17:10

“ተው ግን አእምሮ ተው...”

943

አማዶን

አማዶን (Amharic)

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን

አማዶን