Gospel is Jesus

////መንፈስ ቅዱስ ////
ክፍል ( 2 )
፨ መንፈስ ቅዱስ በመጽሐፍ ቅዱሳችን ውስጥ በተለያዩ ስሞችና ምሳሌዎች ተገልጿል ። ከእዚህ መካከል ጥቂቶቹን በዝርዝር እንመልከት ፦

1/ መንፈስ ቅዱስ ፦ መንፈስ ተብሎ ተጠርቷል

፨ጌታች ኢየሱስ ክርስቶስ በመጥመቁ ዩሐንስ ለመጠመቅ ወደ ዮርዳኖስ በወረደ ጊዜ መንፈስ ቅዱስ ኢየሱስ የእግዚአብሔር ልጅ መሆኑን ሊመሰክር ተገለጠ ።

" ዮሐንስም እንዲህ ብሎ መሰከረ። መንፈስ ከሰማይ እንደ ርግብ ሆኖ ሲወርድ አየሁ፤ በእርሱ ላይም ኖረ።"
ዮሐ 1:32)

2/ መንፈስ ቅዱስ ፦ የእግዚአብሔር መንፈስ ተብሎ ተጠርቷል ።
፨ ሐዋሪያው ጳውሎስ የእግዚአብሔር ልጆችን ባህሪና የሕይወት ዘይቤ ለመግለፅ በጻፈው መልዕክቱ ላይ መንፈስ ቅዱስን "የእግዚአብሔር መንፈስ " በማለት ገልጿል ። የአማኞች ወይም የእግዚአብሔር ልጆች መለያቸው በመንፈስ ቅዱስ መመራታቸው ነው ።

" በእግዚአብሔር መንፈስ የሚመሩ ሁሉ እነዚህ የእግዚአብሔር ልጆች ናቸውና።" ሮሜ 8:14)

3/ መንፈስ ቅዱስ ፦ የጌታ የክርስቶስ መንፈስ ተብሎ ተጠርቷል ።
፨መንፈስ ቅዱስ የክርስቶስ መንፈስ ነው ። የክርስቶስ መንፈስ የሌለው የመንፈስ ቅዱስን ሙላት አልተካፈለም ማለት ነው ። የመንፈስ ቅዱስ ሙላት አማኞች የክርስቶስን ባህሪ እንዲላበሱ እርሱን እንዲመስሉ ያደርጋል ።

" የክርስቶስ መንፈስ የሌለው ከሆነ ግን ይኸው የእርሱ ወገን አይደለም።" ሮሜ 8:9

" ጌታ ግን መንፈስ ነው፤ የጌታም መንፈስ ባለበት በዚያ አርነት አለ።" 2ኛቆሮ 3:17

4/ መንፈስ ቅዱስ ፦ የእውነት መንፈስ ተብሎ ተጠርቷል።

፨ የመንፈስ ቅዱስ አንዱና ትልቁ ስራው አማኞችን ወደ እውነት መምራት እና ክርስቶስን እለት እለት በሕይወታቸው መግለጥ እንዲሁም እርሱን መተረክ ነው።

" ዳሩ ግን እኔ ከአብ ዘንድ የምልክላችሁ አጽናኝ እርሱም ከአብ የሚወጣ የእውነት መንፈስ በመጣ ጊዜ፥ እርሱ ስለ እኔ ይመሰክራል፤" ዮሐ 15:26)

5/ መንፈስ ቅዱስ ፦ አጽናኝ ተብሎ ተጠርቷል።

በዚህ አለም ክርስቶስ መስሎ መኖር ምንም ከባድ ቢሆን እንኳ የተቀበልነው መንፈስ ሁሉን የሚያስችል ከሁኔታዎች በላይ ሆነን እንድንኖር አቅም የሚሰጥ ነው ። በሚገጥመን መከራ ሁሉ የሚያጽናና ፣የሚያስተምር ታላቁ ተፋችን የሆነውን እመጣለው ያለንን ጌታ ኢየሱስን እንድንጠብቅ የሚያሳስበን መንፈስ ቅዱስ ነው ። መንፈስ ቅዱስ ያላፅናናው በምንም አይፅናናም !

" አብ በስሜ የሚልከው ግን መንፈስ ቅዱስ የሆነው አጽናኝ እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል።" ዮሐ14:26)

6/ መንፈስ ቅዱስ ፦ በርግብ ሀምል ተገልጧል።

፨ እግዚአብሔር እንድንከተል፣እንድንሰማው ያዘዘን ኢየሱስን ብቻ ነው ።

ኢየሱስም ከተጠመቀ በኋላ ወዲያው ከውኃ ወጣ፤ እነሆም፥ ሰማያት ተከፈቱ የእግዚአብሔርም መንፈስ እንደ ርግብ ሲወርድ በእርሱ ላይም ሲመጣ አየ፤
እነሆም፥ ድምፅ ከሰማያት መጥቶ። በእርሱ ደስ የሚለኝ የምወደው ልጄ ይህ ነው አለ። ማቴ 3፥16-17

7 / መንፈስ ቅዱስ ፦ በእሳት ሀምል ተገልጧል።

" እኔስ ለንስሐ በውኃ አጠምቃችኋለሁ፤ ጫማውን እሸከም ዘንድ የማይገባኝ ከእኔ በኋላ የሚመጣው ግን ከእኔ ይልቅ ይበረታል፤ እርሱ በመንፈስ ቅዱስ በእሳትም ያጠምቃችኋል፤" ማቴ 3:11

እንደ እሳትም የተከፋፈሉ ልሳኖች ታዩአቸው፤ በያንዳንዳቸውም ላይ ተቀመጡባቸው።
በሁሉም መንፈስ ቅዱስ ሞላባቸው፥ መንፈስም ይናገሩ ዘንድ እንደ ሰጣቸው በሌላ ልሳኖች ይናገሩ ጀመር። ሐዋ 2፥3-4

8 / መንፈስ ቅዱስ ፦ በነፋስ ሀምል ተገልጧል።

" ነፋስ ወደሚወደው ይነፍሳል፥ ድምፁንም ትሰማለህ፥ ነገር ግን ከወዴት እንደ መጣ ወዴትም እንዲሄድ አታውቅም፤ ከመንፈስ የተወለደ ሁሉ እንዲሁ ነው።"
ዮሐ 3:8

9 / መንፈስ ቅዱስ ፦ በእግዚአብሔር ጣት ተገልጧል።

" እኔ ግን በእግዚአብሔር ጣት አጋንንትን የማወጣ ከሆንሁ፥ እንግዲህ የእግዚአብሔር መንግሥት ወደ እናንተ ደርሳለች።" ሉቃ 11:20

" እኔ ግን በእግዚአብሔር መንፈስ አጋንንትን የማወጣ ከሆንሁ፥ እንግዲህ የእግዚአብሔር መንግሥት ወደ እናንተ ደርሳለች።" ማቴ 12:28

10/ መንፈስ ቅዱስ ፦ በእግዚአብሔር እስትንፋስ ተገልጧል።

በእግዚአብሔር እስትንፋስ ይጠፋሉ፥
በቍጣውም መንፈስ ያልቃሉ። ኢዮ 4፥9
@gospelisjesua
@pastorayalew

//// መንፈስ ቅዱስ /////
ክፍል ( 1 )

መንፈስ ቅዱስ ፦ ይህ ስም ከዘላለም ከአብና ከወልድ ጋር ለሚኖረው ለእግዚአብሔር መንፈስ ቅዱስ የአካል የህላዌ( የመኖር ) ስሙ ነው ።
መንፈስ ቅዱስ ከአብ የሠረጸ ወይም የወጣ ነው ። ይህም ማለት መንፈስ ቅዱስ እራሱ እግዚአብሔር ነው ማለት ነው ።
መንፈስ ቅዱስ በክርስቶስ ኢየሱስ የማዳን ሥራ ለሚያምኑ እና በንስሐ ታጥበው ዳግመኛ ለሚወለዱ ሁሉ የሚሰጥ ነው ።
፨ መንፈስ ቅዱስ ሁልጊዜ በአማኞች ውስጥ ይኖራል ።
ብትወዱኝ ትእዛዜን ጠብቁ። እኔም አብን እለምናለሁ ለዘላለምም ከእናንተ ጋር እንዲኖር ሌላ አጽናኝ ይሰጣችኋል፤
እርሱም ዓለም የማያየውና የማያውቀው ስለ ሆነ ሊቀበለው የማይቻለው የእውነት መንፈስ ነው፤ ነገር ግን ከእናንተ ዘንድ ስለሚኖር በውሥጣችሁም ስለሚሆን እናንተ ታውቃላችሁ። ዩሐ14፥15-17

" ዳሩ ግን እኔ ከአብ ዘንድ የምልክላችሁ አጽናኝ እርሱም ከአብ የሚወጣ የእውነት መንፈስ በመጣ ጊዜ፥ እርሱ ስለ እኔ ይመሰክራል፤" ዮሐ15:26)

፨ ደቀመዛሙርት የእውቀት ችግር የላቸውም ምክንያቱም ከራሱ ከእየሱስ ከሶት አመት በላይ ተምረዋል ።ነገር ግን የተማሩትን ለመኖርና ለመግለጥ እውቀቱ ብቻውን በቂ አልነበረም ለዚህም ጌታ ከማረጉ በፊት የመንፈስ ቅዱስን ሀይል ለመቀበል እንዲጠብቁ እና ከተቀበሉም በኃላ እስከምድር ዳርቻ ለመሄድ እና ወንጌልን ለማድረስ አቅም እንደሚያገኙ ተስፋ ሰጣቸው ።

" ነገር ግን መንፈስ ቅዱስ በእናንተ ላይ በወረደ ጊዜ ኃይልን ትቀበላላችሁ፥ በኢየሩሳሌምም በይሁዳም ሁሉ በሰማርያም እስከ ምድር ዳርም ድረስ ምስክሮቼ ትሆናላችሁ አለ።" ሐ/ሥራ 1:8)

የተስፋውም ቃል ተፈፀመ የናፈቁት የጠበቁት መንፈስ ቅዱስ በዓለ ኀምሳ በተባለው ቀን ከሰማይ በሁሉም ላይ ሞላባቸው ። ሐዋሪያቱ እንደ ቀድሞ ፈሪ፣ ደካማ፣ ድንጉጦች መሆን አልቻሉም የወረደውና የሞላባቸው መንፈስ ቅዱስ በገዳዮችና፣ በአሳዳጆች ፊት ቆመው ስለሰቀሉት እና ስለገደሉት እግዚአብሔር ግን ከሙታን ስላስነሳው ኢየሱስ ሀይልና በድፍረት ሰበኩ ።

ሐ/ ሥራ2፥1-4
በዓለ ኀምሳ የተባለውም ቀን በደረሰ ጊዜ፥ ሁሉም በአንድ ልብ ሆነው አብረው ሳሉ፥
ድንገት እንደሚነጥቅ ዓውሎ ነፋስ ከሰማይ ድምፅ መጣ፥ ተቀምጠው የነበሩበትንም ቤት ሁሉ ሞላው።
እንደ እሳትም የተከፋፈሉ ልሳኖች ታዩአቸው፤ በያንዳንዳቸውም ላይ ተቀመጡባቸው።
በሁሉም መንፈስ ቅዱስ ሞላባቸው፥ መንፈስም ይናገሩ ዘንድ እንደ ሰጣቸው በሌላ ልሳኖች ይናገሩ ጀመር።


" ስለዚህ በእግዚአብሔር ቀኝ ከፍ ከፍ ብሎና የመንፈስ ቅዱስን የተስፋ ቃል ከአብ ተቀብሎ ይህን እናንተ አሁን የምታዩትንና የምትሰሙትን አፈሰሰው።" ሐ/ሥራ 2:33)

፨የመንፈስ ቅዱስ ሀይል ዛሬም እንደገና ያስፈልገናል !
በመንፈስ ቅድስ ባልሆነ አገልግሎት ኢየሱስ አይታይበትም ፣አይብርበትም፣አይደምቅበትም !!

፨መንፈስ ቅዱስ ሀይል ከሌለበት ሕይወት የመንፈስን ፍሬ መጠበቅ ዘበት ነው !

መንፈስ ቅዱስ እንገና ሙላን 🙏
መንፈስ ቅዱስ እንደገና ዳሰን 🙏
መንፈስ ቅዱስ እንደገና ስራብን 🙏

እንኳን ለባዓለ 50 ቀን አለረሰን ❤❤🙏❤❤

@gospelisjesus
@pastorayalew

* ዕረፉ ****
" ዕረፉ፥ እኔም አምላክ እንደ ሆንሁ እወቁ፤ በአሕዛብ ዘንድ ከፍ ከፍ እላለሁ፥ በምድርም ላይ ከፍ ከፍ እላለሁ።"
(መዝ 46:10)

በዚህ ክፍል አውድ መሰረት "ዕረፍ" ማለት ፦ እወቁ፣ አስተውሉ፣ ልብ አድርጉ ማለት ነው ።

1፨ እግዚአብሔር ፅኑ ምሽግ ነው መሆኑን በማወቅ ዕረፉ
" አምላካችን መጠጊያችንና ኃይላችን፥ ባገኘን በታላቅ መከራም ረዳታችን ነው።
፤ ስለዚህ ምድር ብትነዋወጥ፥ ተራሮችም ወደ ባሕር ልብ ቢወሰዱ አንፈራም። መዝ46፥1-2

2፨ እግዚአብሔር ከእኛ ጋር መሆኑን በማወቅ ዕረፉ ነው
፤ እግዚአሔር በመካከልዋ ነው አትናወጥም፥ እግዚአብሔርም ፈጥኖ ይረዳታል። መዝ46፥5

" ስሙንም አማኑኤል ይሉታል ...፥ ትርጓሜውም። እግዚአብሔር ከእኛ ጋር የሚል ነው።" ማቴ 1:23)

" እንግዲህ ስለዚህ ነገር ምን እንላለን? እግዚአብሔር ከእኛ ጋር ከሆነ ማን ይቃወመናል?"ሮሜ 8:31

3፨ የእግዚአብሔር ሰላም ዘልአለማዊ መሆኑን በማወቅ ዕረፉ ።
መዝ46፥9 " እስከ ምድር ዳርቻ ድረስ ጦርነት ይሽራል። ቀስትን ይሰብራል፥ ጦርንም ይቈርጣል በእሳትም ጋሻን ያቃጥላል።

" ነገር ግን የእናንተ የራሳችሁ ጠጕር ሁሉ እንኳ የተቈጠረ ነው፤ እንግዲያስ አትፍሩ ከብዙ ድንቢጦች ትበልጣላችሁ።" (ሉቃ 12:7)

" ሰላምን እተውላችኋለሁ፥ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጥ አይደለም። ልባችሁ አይታወክ አይፍራም።" ዮሐ 14:27)

፨አማኝ ሁኔታዎችን ለማሸነፍ እና በጠላት ፣በሁኔታዎች ላይ ድል ለማግኝት ድርሻው እግዚአብሔርን ማመን እና መፈለግ ብቻ ነው።
@gospelisjesus
@pastorayalew

https://www.facebook.com/100014235519810/posts/1763222394162261/?mibextid=BYcHcyzmIIJBUxZu

....ኢየሱስን አይቶ ማሪያምን አለማየት አይቻልም....

" ወደ ቤትም ገብተው ሕፃኑን ከእናቱ ከማርያም ጋር አዩት፥ ወድቀውም ሰገዱለት፥ ሣጥኖቻቸውንም ከፍተው እጅ መንሻ ወርቅና ዕጣን ከርቤም አቀረቡለት።"
(የማቴዎስ ወንጌል 2:11)
በዚህ ክፍል ላይ እንደምን መለከተው ሰበአ ሰገል(ጠቢባን) የአይሁድ ንጉስ መወለዱን በኮኮ ተረድተው ከምስራቅ እንደመጡ እና የሚፈልጉትን ህፃን ከእናቱ ጋር አዩት ፡፡
ኢየሱስ ክርስቶስን ያለ ቅድስት ድንግል ማሪያም ማየት አይቻልም ምክንያቱም እርሷ በስጋ እናቱ ስለሆነች ነው ፡፡

፨እነዚህ ጠቢባን ወይም በአሁኑ ቋንቋ ተመራማሪዎች ያገኙትን ምልክት ተከትለው ህፃኑን ንጉስ ለማግኝት ብዙ ኳትነው ደክመው በመጨረሻም አግኝተውት ሲደሰቱ አይተናል፡፡

፨በዚህ ክፍል ላይ የሚገርመው እና ትኩረት የሚሻው ነገር ቢኖር ህፃኑን ከእናቱ ጋር ይዩት እንጀ ለእናቱ ያደረጉላት ነገር አልነበረም ለምን ፈልገው የመጡት ህፃኑን ስለሆነ፡፡
" ኢየሱስም በይሁዳ ቤተ ልሔም በንጉሡ በሄሮድስ ዘመን በተወለደ ጊዜ፥ እነሆ፥ ሰብአ ሰገል። የተወለደው የአይሁድ ንጉሥ ወዴት ነው? ኮከቡን በምሥራቅ አይተን ልንሰግድለት መጥተናልና እያሉ ከምሥራቅ ወደ ኢየሩሳሌም መጡ።"(የማቴዎስ ወንጌል 2:1-2)

፨ያንን ሁሉ መንገድ ተጉዘው የመጡበት አላማው ለተወለደው ለአይሁድ ንጉስ ለመስገድ ነው ።
ሰብአ ሰገል ህፃኑን ከእናቱ ጋር አዩት እንጂ የዘውለት የመጡትን ስግደት ለሷ አላጋሩአትም ምክኒያቱም እነዚ ጠቢባን የሚደርጉትን ሁሉ በማስተዋል ነው የሚያደርጉት ስግደት የሚገባው ለማን እንደሆነ ያውቃሉ ስለዚ ለህፃኑ ሰገዱለት፡፡ ሳጥናቸውን ከፍተው ወርቅና እጣን ከርቤም አቀረቡለት ለኢየሱስ ዛሬም ስግደት ለሚገባ እንጂ ለማይገባው እንዳንሰጥ እንደ ሰብአ ሰገል ቃሉን እየመረመርን ለሚገባው የሚገባውን እንስጥ እላለው፡፡

" ለስሙ የሚገባ ክብርን ለእግዚአብሔር አምጡ፤ ቍርባንን ይዛችሁ በፊቱ ግቡ፤ በቅድስናው ስፍራ ለእግዚአብሔር ስገዱ።"
(መጽሐፈ ዜና መዋዕል ቀዳማዊ 16:29)

፨መልአክት እንኳን ለእርሱ ይሰግዱለታል ለእርሱ ብቻ ስግደት እንደሚገባው ያውቃሉ፡፡

" ደግሞም በኵርን ወደ ዓለም ሲያገባ። የእግዚአብሔር መላእክት ሁሉም ለእርሱ ይስገዱ ይላል።"
(ወደ ዕብራውያን 1:6)

" እርሱም። እንዳታደርገው ተጠንቀቅ፤ ከአንተ ጋር ከወንድሞችህም ከነቢያት ጋር የዚህንም መጽሐፍ ቃል ከሚጠብቁ ጋር አብሬ ባሪያ ነኝ፤ ለእግዚአብሔር ስገድ አለኝ።" (የዮሐንስ ራእይ 22:9)

@ Ayu ሼር በማድረግ ወንጌልን
ይስሩ
@gospelisjesus
@pastorayalew

"ከምንጩ የደፈረሰን ውኃ ከወራጁ ማንጻት ይከብዳል።ሐሳብ ቀላል ነገር አይደለም። ይልቁንም የድርጊት ምንጭ ነው።መጥፊያ፣መመለሻም ነው።ሰው ጥቂት ያውቃል ።ብዙም አያውቅ።የተማረ ይሁን ያልተማረ፤ብዙ ዘመን የከረመም ይሁን አዲስ ሰው እንግዳ...ከወደቀበት ለመነሳት ሐሳብ ያስፈልገዋል። ሰው የሚያውቅ ያማያውቅም ነው። " ዮናስ ዘውዴ

ሁንተናችን በኃጢአት ምክንያት እንዳደፈ ሁሉ ሁለንንተናችን በክርስቶስ ደም ካልነፃ የዘላለም ሞትን መሞት ግድ ነው !! የእግዚአብሔር ቀል ሲናገር ...

" የኃጢአት ደመወዝ ሞት ነውና፤ የእግዚአብሔር የጸጋ ስጦታ ግን በክርስቶስ ኢየሱስ በጌታችን የዘላለም ሕይወት ነው።" ይላልና ሮሜ 6፥23

በንስኃና በመመለስ ከአብ ዘንድ በተሰጠን ለአዲስ ኪዳን በሆነው የኢየሱስ ደም ታጥበን ልንነጻ፣ልቀደስ፣በእርሱ በማመን ብቻ ልንፀድቅ ግድ ይለናል ።
ወይም ሌቦች ወይም ገንዘብን የሚመኙ ወይም ሰካሮች ወይም ተሳዳቢዎች ወይም ነጣቂዎች የእግዚአብሔርን መንግሥት አይወርሱም።

ከእናንተም አንዳንዶቹ እንደ እነዚህ ነበራችሁ፤ ነገር ግን በጌታ በኢየሱስ ክርስቶስ ስም በአምላካችንም መንፈስ ታጥባችኋል፥ ተቀድሳችኋል፥ ጸድቃችኋል።
1ቆሮ 6፥ 10-11

" እንደ ምሕረቱ መጠን ለአዲስ ልደት በሚሆነው መታጠብና በመንፈስ ቅዱስ በመታደስ አዳነን እንጂ፥ እኛ ስላደረግነው በጽድቅ ስለ ነበረው ሥራ አይደለም፤"
ቲቶ 3:5

" በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና።"
ዮሐ3:16
@gospelisjesus
@pastorayalew

ማደሪያዬንም በእናንተ መካከል አደርጋለሁ፤ ነፍሴም አትጸየፋችሁም።

በመካከላችሁም እሄዳለሁ፥ እኔም አምላክ እሆናችኋለሁ፥ እናንተም ሕዝብ ትሆኑኛላችሁ።
ባሪያዎች እዳትሆኑአቸው ከግብፅ ምድር ያወጣኋችሁ እኔ እግዚአብሔር አምላካችሁ ነኝ፤ የባርነታችሁን ቀንበር ሰብሬአለሁ፤ ቀና ብላችሁ እንድትሄዱ አድርጌአችኋለሁ። ዘሌ 26፥11-13
@pastorayalew
@gospelisjesus

# ቅንነት
ቅንነት እጅግ መልካም እና እግዚአብሔር ከሚደሰትባቸው ባህሪያት አንዱ ነው ።
መዝገበ ቃላት “ቅንነት” የሚለውን ቃል “ማስመሰል ወይም ግብዝነት የሌለበት፤ ሐቀኝነት፣ ግልጽነት፣ ሐሳበ ቀናነት” በማለት ተርጉሞታል
ቅንነት ማለት የቀና አስተሳሰብና የቀና አካሄድን የተሞላ ማንነት ማለት ነው ። ይህ ደግሞ የራሱ የእግዚአብሔር ባሕርይ ሲሆን እኛ ክርስቲያኖችም ከጌታ የተካፈልነው ማንነት ነው ።
ምክንያቱም መፅሐፍ ቅዱስ እግዚአብሔር ሲፈጥረን ቅኖች አድርጎ እንደፈጠረን ይናገራል
" እግዚአብሔር ሰዎችን ቅኖች አድርጎ እንደ ሠራቸው፥ እነሆ፥ ይህን ብቻ አገኘሁ፤ " መክብብ 7:29
፨ቅንነት የእግዚአብሔር የሕይወት ስርአት ነው ስለሆነም እግዚአብሔር የሚደሰተው ቅንነት በሞላበት ህይወት ነው ።የትኛውም መንፈሳዊ ስርአትና አምልኮ፣አገልግሎት በቅንነት ካልቀረበ ያንን መስዋዕት እግዚአብሔር አያውቀውም ደግሞም አይደሰትበትም
የእግዚአብሔር ሥርዓት ቅን ነው፥ ልብንም ደስ ያሰኛል፤ የእግዚአብሔር ትእዛዝ ብሩህ ነው፥ ዓይንንም ያበራል።
የእግዚአብሔር ፍርሃት ንጹሕ ነው፤ ለዘላለም ይኖራል፤ የእግዚአብሔር ፍርድ እውነትና ቅንነት በአንድነት ነው።
ከወርቅና ከክቡር ዕንቍ ይልቅ ይወደዳል፤ ከማርና ከማር ወለላም ይጣፍጣል። መዝ19፥8-10

" ልበ ንጹሖች ብፁዓን ናቸው፥ እግዚአብሔርን ያዩታልና።"
ማቴ 5:8

" በቅን የሚሄድ ሰው እግዚአብሔርን ይፈራል፤ መንገዱን የሚያጣምም ግን ይንቀዋል። "ምሳ 14:2

" ከቸር ሰው ጋር ቸር ሆነህ ትገኛለህ፤ ከቅን ሰው ጋር ቅን ሆነህ ትገኛለህ፤ " መዝ 18:25

" ዳዊት በዘመኑ ሁሉ በእግዚአብሔር ፊት ቅን ነገር አድርጎ ነበርና፥ ካዘዘውም ነገር ሁሉ ፈቀቅ አላለም ነበርና።"
1 ነገ 15:5)

" እንደ ልቤ የሆነ ሰው ፈቃዴንም ሁሉ የሚያደርግ የእሴይን ልጅ ዳዊትን አገኘሁ አለ።" ሐዋ 13፥25

አንተ ልብህን ቅን ብታደርግ፥
እጅህንም ወደ እርሱ ብትዘረጋ፥
በዚያን ጊዜ በእውነት ፊትህን ያለ ነውር ታነሣለህ፤
ትበረታለህ፥ አትፈራምም።
መከራህንም ትረሳለህ፤
እንዳለፈ ውኃ ታስበዋለህ።
ከቅትር ይልቅ ሕይወትህ ይበራል፤
ጨለማም ቢሆን እንደ ጥዋት ይሆናል።
ተስፋም ስላለህ ተዘልለህ ትቀመጣለህ፤
በዙሪያህ ትመለከታለህ፥ በደኅንነትም ታርፋለህ።
ትተኛለህ፥ የሚያስፈራህም የለም፤
ብዙ ሰዎችም ልመና ያቀርቡልሃል።
የክፉዎች ዓይን ግን ትጨልማለች፤ ኢየ11፥13-20

@pastorayalew
@gospelisjesus

ድሬድዋ ዩኒቨርስቲ
እንኳን ደህና መጣችሁ ❤

ወንጌላውያን ክርስቲያን ተማሪዎች ህብረት የሚቀበሏችሁ የካምፖስ ሕብረት መሪዎችና አገልጋዮች አድራሻዎች

📞 Fireselam Tamiru = 0927429815
📞 Bernabas Mokonin = 0986291715 📞 Daribe Alemu = 0937921017 📞 Kibreab Menamo = 0934097761 📞 Bezawit Sharew = 0910276790
📞 Fraol Gebeyehu = 0954590954
📞 Amanuel Zawude = 0930905126
📞 Helen Alamayew = 0961243514

ድሬድዋ ዩኒቨርስቲ ለደረሳችሁ አዲስ ተማሪዎች

መልካም የፋሲካ በዓል ❤
@Zemareapp