ቶፋ የስብዕና ለዉጥ /Change

አዕምሮ ልክ እንደ አትክልት ቦታ ነዉ። የአንድ መኖሪያ ቤት የአትክልት ቦታ በአግባቡ የሚኮተኮት እና ዉሃ የሚጠጣ፣ የተለያዩ ዝርያዎች ከተተከሉበት እና ንጽሕናዉ የሚጠበቅ ከሆነ ያ የአትክልት ቦታ ጥሩ መዐዛ የሚያመነጭ እና ለአይን ማራኪ ይሆናል። በአንፃሩ ይህ የአትክልትና ቦታ ንፅህናዉ የማይጠበቅና ቆሻሻ የሚጣልበት ከሆነ በዛው ልክ በሽታን ያስከትላል። አዕምሮም እንደዛዉ ነዉ የአእምሮን አስተሳሰብ የምያደብር ሰዉ የህይወቱን ግብ በአግባቡ ይቀርፃል።


@tofamotivationallife
@tofamotivationallife

ይሳካል!! የሰው ልጅ ለለውጥ እራሱን ካስነሳ እናም በቀና ልቡ መንገድ ከጀመረ ፈፅሞ የሚያቆመው አይኖርም ! መሰናክሉም ይሰበራል ምንም አይነት ፈተና ቢመጣ ያንገዳግደዋል እንጂ አይጥለውም ! ሁሌም ወደፊት 💪


ሼር አድርጉት

@tofamotivationallife
@tofamotivationallife

እስቲ ጠይቂለት

ይሄ ጭንቅላቴ
“ዓለም የሚለውጥ፣
ብልህ የሚያታልል፣
ሁሉ የሚመኘው-ሃሣብ አለኝ!” ብሎ -
                      ኩራት ኩራት ካለው
አትጠራጠሪ!
የሃሣቡ አስኳል አንቺ ነሽ ማለት ነው።

ይሄ ድህነቴ!
“ከዕንቁ የተወደደ፣
ከገበያ የሌለ፣
ገንዘብ የማይገዛው – ንብረት አለኝ!” ብሎ
                      ኩራት ኩራት ካለው፤
አትጠራጠሪ
ብቸኛ ንብረቱ አንቺ ነሽ ማለት ነው᎓᎓

ይህ ምንም እኔነት!!
ራሱን ፍለጋ ወደነፍሱ ዘምቶ፤
በእርካታ ቢጠመቅ የፈካ ገጽ አይቶ፡፡
ከዚያ
“ራሴን አገኘሁ፣
ስኬቴን ጨበጥኩት፣
አቅሜን መዘንኩት!” በተሰኘ ዜማ -
               ፎክር ፎክር ካለው፤
አትጠራጠሪ
የተገኘው ምስል ያንቺ ነው ማለት ነው።

እኔ የምልሽ ግን?
ይሄ ፈጣሪያችን ፣
አካል ነፍስያዬን፣
ክብደቴን፣ ቁመቴን፣
ስፋቴን፣ ጥልቀቴን፣
መለያ ቀለሜን፣
የምናብ ዓለሜን፣
አንስቶ ያስረከበሽ ሕልምና ዕውኔን፤
እስቲ ጠይቂልኝ የት ጥሎኝ ነው እኔን?

ምንጭ -የመንፈስ ከፍታ
ደራሲ-ሩሚ
ገጣሚ በረከት በላይነህ እንደተረጎመው

ምርጡ በቀል ራስህን ቀይረህ ማሳየትህ ነው!

ብዙዎች አሁን ያለህበትን ሁኔታ እያዩ ይሳለቁብሀል።ብዙዎች የራሳቸውን ደካማ መንፈስ አንተ ላይ ለመዝራት ይጣጣራሉ።ብዙዎች ያንተን መለወጥ ሞትን እንደመጋፈጥ እንደሆነ ይነግሩሀል።ነገር ግን አንድ ማስታወስ ያለብህ ነገር ይህ ሌላኛው የለውጥ መሠሰናክል ነው።የነሱ ደካማ አስተሳሰብና የአልችልም መንፈሳቸው አንተ ላይ እንደማይሰራ አሳያቸው። ማመን እስከሚያቅታቸው እራስህን ቀይረህ መቀየርን አስተምራቸው።


@tofamotivationallife

ኢጎ እና አእምሮ

የሰው ልጅ ለደረሰበት ስልጣኔ እና ብዙ ሳይንሳዊ እውቀቶች ምክንያት አእምሮዉን በሚገባ መጠቀሙ መሆኑ ግልፅ ነው። ነገር ግን አእምሮአችን በጣም አስፈላጊ የመሆኑን ያህል አውዳሚም ሊሆን ይችላል። እንዴት?

አእምሮ በውስጡ ወደ 100 ቢሊየን የሚጠጉ ኒውሮኖች ይገኛሉ። በዚህም ምክንያት የሰው ልጅ በቀን (24ሰአታት) ውስጥ ከ 40,000 እስከ 60,000 ሀሳቦችን ያስባል። ከነዚህ ሀሳቦች ውስጥ 75% የሚሆኑት መጥፎና አውዳሚ (negative thoughts) ሲሆኑ 95% ደግሞ ተደጋጋሚ (repetitive thoughts) ናቸው። ስለዚህ ከነዚህ ሁሉ ምናስባቸው ሀሳቦች ውስጥ ቀና እና መልካም (positive thoughts) የሚባሉት 5%ቱ ብቻ ናቸው።

ተመስጦ (meditation) የማድረግ ልምድ ካላችሁ ይህንን መረዳት ትችላላችሁ። አእምሮአችን በአብዛኛው ምንም ለህይወታችን ፋይዳ በሌላቸው ሀሳቦች ሲባክን ይውላል። ነገር ግን ይህን ለመረዳት መጀመሪያ አእምሮአችሁን መታዘብ መጀመር አለባችሁ። ይህንን ካላደረጋችሁ ግን የምታስቡት እናንተ እንጂ አእምሮአችሁ ላይመስላችሁ ይችላል። አብዛኛው ሰዉ የሚያስበው አእምሮ መሆኑን አይረዳም፤ የሚያስበው፣ የሚያስታውሰው፣ የሚያሰላስለው አእምሮአችሁ እንጂ እናንተ አይደላችሁም። ይህንን ለማረጋገጥ ጭንቅላቱ ላይ አደጋ የደረሰበትን ሰው መመልከት በቂ ነው፤ ጭንቅላታቸው የተጎዱ ሰዎች ያለፈ የህይወት ታሪካቸውን እና ያከማቹትን እውቀት የሚረሱበት አጋጣሚ አለ።

አእምሮአችን እንድናስብበት እና እንዲያገለግለን የተሰጠን ድንቅ ገፀ በረከት ቢሆንም በተቃራኒው እኛ እራሳችን የአእምሮአችን ባርያ ነን። ነገር ግን አእምሮን በአግባቡ ከተጠቀምንበት መጥፎ ጌታ ከመሆን ይልቅ ጥሩ ባርያ ማድረግ እንችለላለን። አእምሮአችን ማስላት ይወዳል፤ እራሱን ከሌሎች ያነፃፅራል።

አእምሮ የኢጎ ማእከል ነው። ኢጎ እራስን በሆነ አይነት ማንነት ለሰዎች ለመግለፅ መሞከር እና ከሌሎች የተሻለ መሆኑን ለማሳየት የሚሞክርበት መንገድ ነው። ለምሳሌ ፦ የብሔር ማንነትን፣ የትምህርት ደረጃን፣ የቆዳ ቀለምን፣ ሀይማኖትን፣ ግለሰባዊ አመለካከትን እንደ ራስ ማንነት በመቁጠር ከሌሎች የተሻሉ መሆንን ለማሳየት የሚደረግ ጥረት የኢጎ የተለያየ ገፅታ ነው። አንድ ሐኪም ለሙያው ካለው ፍቅር የተነሳ የሚሰጠው የህክምና አገልግሎት ጤናማ ቢሆንም፤ የህክምና እውቀት መያዙ ከሌሎች ሰዎች የተሻለ እንደሆነ እንዲሰማዉ የሚያደርገው ከሆነ እና በየአጋጣሚው ስለሱ የሚያወራ ከሆነ ግን ይህንን ኢጎ ልንለው እንችላለን።

ኢጎ ራስን ከሁለንተና የመነጠል ውጤት ነው። አእምሮአችሁ ከሁለነተና ጋር አንድ እንድትሆኑ አይፈልግም። ምክንያቱም ከሁለንተና (universe) ጋር አንድ ከሆናችሁ ከአእምሮ በላይ ትሆናላችሁ፤ ማሰብ በምትፈልጉበት ሰአት ታስባላችሁ ካልፈለጋችሁ ደግሞ አእምሮን እንዳያስብ ማድረግ (shutdown) ትችላላችሁ። አሁን ግን እየሆነ ያለው የተገላቢጦሽ ነው፤ አእምሮአችን በያንዳንዷ ሰከንድ ያለኛ ፍላጎት ያስባል። ይህም ማለት እጃችን ያለኛ ፍላጎት ቢንቀሳቀስ ማለት ነው፤ አእምሮአችን ግን ይህንን ያደርጋል። ሰዎችም ይህንን የአእምሮአቸውን ጫጫታ ለመርሳት በተለያዩ የአልኮል እና አደንዛዥ እፆች እራሳቸውን ይጠምዳሉ።

እዉነታው ግን እኛ ከሁለንተና የተለየን አይደለንም። አእምሮአችን ከእውነተኛ ውስጣዊ ተፈጥሮአችን በታች ነው። ይህንን ውስጣዊ ተፈጥሮአችንን ለማግኘት ከኢጎ (አእምሮ) የበላይነት መላቀቅ ይኖርብናል። አእምሮ ማለት ምንም ሳይሆን ያለፈ እና የወደፊት ህይወታችን የሀሳብ ጥርቅም ማለት ነው። ከአእምሮአችን ቁጥጥር ለመላቀቅ አሁንን መኖር ይኖርብናል፤ ምክንያቱም አሁን(now) የጊዜ አካል አይደለም። ሀሳብ እንዲኖር ያለፈ ወይም የወደፊቱ ግዜ መኖር አለባቸው።



@tofamotivationallife

"ሰው የተፈጠረለትን አላማ መረዳት ሲሳነው ደስታና እርካታ ይርቀዋል፡፡"
አርስቶትል

በህልውናችን ውስጥ ያለምክንያት የሚፈጠር ነገር የለም፡፡ ከእያንዳንዱ ፍጥረት በስተጀርባ አላማ አለ፡፡ ህይወትም ሆነ ሞት የተፈጠሩት በምክንያት ነው፡፡ ተፈጥሮ ማንኛውንም ነገር በከንቱ አትፈጥርም

ሰዎችም እንዲሁ የራሳቸው ተፈጥሯዊ አላማ፣ ግብና አቅጣጫ አላቸው፡፡ የአላማቸውና የተልእኳቸው ስኬት ውበት፣ እርካታና ደስታን ይፈጥራል፡፡ አምላክ ሰውን የፈጠረው በምክንያት፣ በአላማ ነው፡፡ ሰው የተፈጠረለትን አላማ መረዳት ሲሳነው ደስታና እርካታ ይርቀዋል፡፡ በአንጻሩ የተፈጠረበትን ምክንያት ተገንዝቦ ተልእኮውን ማሳካት ሲችል የአእምሮ ሰላምና የመንፈስ እርካታን ያገኛል፡፡

በብዙሀኑ ዘንድ ( Self - Realizationism) በመባል ፣ የሚጠራው የአርስቶትል የስነ ምግባር ፍልስፍና መልካም ህይወት ወይም ደስተኝነት ባህሪን፣ ሰብእናንና እምቅ ሀይልን ሙሉ ለሙሉ ጥቅም ላይ ከማዋል ይመነጫል የሚለውን እሳቤ መሰረት ያደረገ ነው፡፡

አንድ ህጻን እንደተወለደ ሰው አይባልም  ሰው የመሆን  እምቅ ሀይል ያለው ግን ሰው ለመባል ያልደረሰ ፍጡር ነው፡፡ እውነተኛ ሰው ለመሆን እምቅ ሀይሉ እውን ሆኖ መታየት አለበት፡፡

አንድ ሰው ከቤትሆቨን ያልተናነሰ ዜማዊ ተሰጥኦ ተችሮት ተሰጥኦውን ማወቅ ከተሳነው ወይም እያወቀ መጠቀም ካቃተው ከቶውኑ አርቲስት ሊሰኝ አይችልም፡፡ ታላቅ አርቲስት ለመሆን የሚያበቃ እምቅ ሀይል ቢኖረውም ሀይሉንና ተሰጥኦውን ጥቅም ላይ እስካላዋለው ድረስ የአርቲስትነት ተሰጥኦ ስላለው ብቻ አርቲስት አይባልም፡፡

እንደ አርስቶትል እሳቤ የሰው ልጅ ተቀዳሚ አላማ ተፈጥሮውና ተሰጥኦው እስከፈቀደለት አጥናፍ ተለጥጦ እምቅ ሀይሉን እውን ማድረግና ምሉእነትን መጎናጸፍ ነው፡፡ ይህን ማድረግ የቻለ ሰው ተልእኮውን ከመወጣት ስሜት የሚመነጭ የተሟላ እርካታና ደስታ ያገኛል፡፡

አንድ የአበባ ዘር ሊያብብ፣ ሊፈካና ሊያፈራ የሚችለው የእድገት ኡደቱን አጠናቆ ውበቱንና ሙሉነቱን አሟልቶ ሲገኝ ብቻ ነው፡፡ ሰው በርካታ ውስብስብ ባህሪያትን ይዞ ቢፈጠርም ተልእኮውን መወጣት ከቻለ ስኬታማ የሆነ ውብ፣ ደስተኛና ምሉእ ፍጡር ይሆናል፡፡

@tofamotivationallife

በራስህ መወሰን ስለምትችልበት መንገድ አስብ። ያንተን ህይወት ሰዎች እንዲያስቡልህ አትጠብቅ። ላንተ ድል ከማንም በላይ ረዳቱ አንተ ነህ። ብዙ ሰዎች ከራሳቸዉ በላይ ሌሎች እንዲያስቡላቸዉ ይጠብቃሉ። በራሳቸው ማሰብ የሚኖርባቸውን ኃላፊነት ይዘነጋሉ። ሳያስተዉሉት ግዜያት ያልፋሉ፤ በሚጠበቅባቸው መጠን አቅማቸዉን ለፍሬ አያበቁም። ይህን ስህተት አንተም ደጋሚ እንዳትሆን ተጠንቀቅ። የራስህን ስኬት ዓለም የምትፈጥረው አንተ ራስህ ነህ።



@tofamotivationallife
@tofamotivationallife

...እሺ በቃ እወድሻለሁ "አላት የሞት ሞቱን።ቃላቱ አልወጣ ብለው ተናንቀውት ነበር። "እወድሻለሁ ማለት መሸነፍ የሚመስላችሁ ለምንድን ነው?'' አለች ሰብለ።
ደስታ የሰማውን አላመነም ''አልሰማሽም እንዴ፤እወድሻለሁ ነው እኮ ያልኩት ''አለ። 'እሱንማ ሰምቼዋለሁ።

የጠየቁህ ግን ያንን ለማለት የፈጀብህን ጊዜ እና ሂደት ከግምት ውስጥ በማስገባት "እወድሻለሁ"ብሎ ደፍሮ ፊት ለፊት መናገር ለምን ይከብዳቸዋል ብዬ ነው አለች።''ትልቅ መሸነፍ ነው የሚሆንባችሁ"አለችው ከሱ መልስ ሳትጠብቅ። "መሸነፍማ ነው አላት። "ምን?ምን አልክ?"አለች እሷም በተራዋ የሰማችውን ባለማመን።

"አዎን መሸነፍ ነው ።ፍቅር መሸነፍ ነው።ፍቅር መያዝ ነው።ፍቅር ለስሜት ተገዢ መሆን ማለት ነው።ፍቅር ከምክንያት ውጪ ሆኖ መኖርን መቀበል ነው።ፍቅር ከራስ ቁጥጥር ውጪ መሆን ነው" ስለዚህ አዎ መሸነፍ ነው።ያስፈራል ፍቅር ፣የማይታከሙት ህመም፣የማይጠገን ቁስል፣የማያባራ እንባና ሰቆቃ :: ሊሆን ይችላል።

የሚያስፈራው ያፈቀርሽው ሰው ሳይሆን ፤ማፍቀር ራሱ ነው"ካፈቀርሽ በኋላ"እኔ የምትይው ሁሉ ይጠፋል።ለራስሽ ትርፍ ትሆኛለሽ።በፈቃደኝነት ከራስሽ የምታስቀድሚውና የምታስበልጪው ሌላ ሰው ይኖራል ማለት ነው።"
ፍቅር ያለ ውጊያ መማረክ ነው፣እጅ መስጠት፣ወዶ

መግባት ፣ከራስ መነጠል፣መጥፋት ፣በማያውቁት ሰው ዓለም ውስጥ ገብቶ መሰደድ ።አያስፈራም አትበይኝ ያስፈራል ::''

ወንድ ወይንም ሴት ስለሆንን ግን አይደለም ፍቅርን የምንፈራው።ሰው ስለሆንን ነው።

ማናችንም ብንሆን የህይወታችንን መንገድ መቆጣጠር ባንችል እንኳን ማቀድና መምራት እንፈልጋለን ።አንቺን ወደድኩሽ ስል ይህን ሁሉ መተው ማለት ነው።አንቺን በመውደዴ ከዚህ ቀደም የኖርኩት፣ ያቀድኩትና እያሰብኩት ሁሉ ተጠራርጎ ገደል ይገባል። ምን እንደሚሆን፣ምን እንደሚመጣ፣ምን እንደሚፈጠር አላውቅም፡፡ምክንያቱም ከኔ ቁጥጥር ውጪ ነው"
አለማወቅ ደግሞ ያስፈራል።

ራሴን እንኳን እየተቆጣጠርኩ ባለሁበት ሁኔታ፣ስለ ህይወቴ አካሄድ የማውቀው ጥቂት ነው።ግን የማውቅ ስለሚመስለኝ በሰላም እኖራለሁ "ፍቅር ግን መምሰልን ያጠፋል።ከፊት ለፊቴ የተቀመጠው ስራዬ፣ዕውቀቴ፣ ጓደኞቼ ወዘተ የምላቸው የኑሮ ማስመስያዎች በሙሉ ትርጉም ያጣሉ።ከዚህ ሁሉ በላይ ግን ምን እንደሚያስፈራ ታውቂያለሽ ?አላት። ምን ? አለችው።

አፏን ከፍታ ስታዳምጠው ስለነበር ጥያቄውን ያነሳችው እሷ ራሷ መሆኗ ሁሉ ጠፍቶባት ነበር::
"ፍቅር መተወን አይችልም

በመሆኑም ከልቡ የወደደና ያፈቀረ ሰው ማፍቀሩን ማወጅ ቢያስፈራው አይደንቅም።በቀላሉ እወድሻለሁ የሚል ሰው መውደዱን ገና ያላወቀ ወይንም አስመሳይ ነው" አላት።

መፅሀፍ-አለመኖር
ደራሲ- ዳዊት ወንድማገኝ

@tofamotivationallife

አደጋን ተጋፈጥ

ከብዙ ሰዎች የበለጠ ውድቀት ይገጥመኛል፡፡ በንግድ ሥራዬ ውድቀት ግጥሞኛል፡፡ በማህበራዊ ግንኙነት ውድቀት ገጥሞኛል፡፡ በሕይወቴ ብዙ ጊዜ ውድቀት ይገጥመኛል፡፡ ይህ ለምን እንደተከሰተ በመገረም አስባለሁ፡፡ በውድቀቴ እማረር ነበር፡፡ አሁን ግን ገብቶኛል፡፡ ውድቀት ከታላቅ ደረጃ ለመድረስ የሚከፈል ዋጋ ነው፡፡ ውድቀት የታላቅ ስኬት መሠረታዊ ግብአት ነው፡፡ አዲስ ነገር በመፍጠር ጠቢብ የሆነው ዴቪድ ኬሊ ይህን ብሏል፡- «ቶሎ ውደቅና ፈጥነህ ተነሥ››.. ከምቾት ቀጠናህ ሳትወጣና በተጠና መልኩ አደጋን ካልተጋፈጥህ ልታሸንፍ አትችልም፡፡

ብዙዎቻችን የምንኖረው የደህንነት ስሜት በሚፈጥርልን በሚታወቅ «ወደብ› ላይ ሆነን ነው። ለሃያ ዓመታት አንድ ዓይነት ምግብ ስንመገብ ኖረናል፣ ለሀያ ዓመታት በአንድ ሥፍራ ተወስነን ኖረናል፤ ለሀያ ዓመታት በአንድ መንገድ ተመላልሰናል፣ ለሀያ ዓመታት አንድ ዓይነት አስተሳሰብ አንጸባርቀናል። በዚህ መልኩ አስደሳች ሕይወት ለመምራት አይቻልም፡፡ እስከዛሬ ስትሰራ የኖርከውን መሥራት ከቀጠልክ እስከዛሬ ስታገኝ የቆየኸውን ማግኘትህን ትቀጥላለህ፡፡ አይንስታይን እብደትን የገለጸው «ተመሳሳይ ነገር እየሰሩ የተለየ ውጤት መጠበቅ» በማለት ነው። እውነተኛ ሐሴትን ልትጎናጸፍ የምትችለው አደጋን ተጋፍጠህ ወደ ታላቁ ባሕር ቀዝፈህ ስትገባ እንጂ ከወደብ ላይ ተወስነህ ስትቆም እይደለም፡፡

ውድቀት ደረጃህን ከፍ የማድረግ ሂደት አካል ነው። በምድሪቱ ላይ የሚገኙ ግዙፍ ስኬታማ ተቋማት ስኬትማ ከመሆናቸው በፊት ብዙ ውድቀትን አስተናግደዋል፡፡ በጣም ስኬታማ ሰዎች ከተራ ሰዎች ይበልጥ ውድቀት
አስተናግደዋል።  ለእኔ፣ ውድቀት ለመሞከር ና ለመድፈር አለመቻል ነው። እውነተኛ አደጋ ያለው አደጋ አልባ ሕይወት በመምራት ነው፡፡ ማርክ ትዌይን ትዝብቱን እንዲህ ሲል አስፍሯል፡- ‹ከሀያ ዓመታት በኋላ ከሠራሃቸው ይልቅ ባልሰራሃቸው ነገሮች ትበሳጫለህ›› ስለዚህ፣ ከዛሬ ጀምር፡፡

✍️ሮቢን ሻርማ



@tofamotivationallife
@tofamotivationallife

የአንተ ክብረ-ወሰን ምንድን ነው?

ፈላስፋው አርተር ሾፐን-አወር ይህን ተናግሯል፡፡ ‹‹ብዙ ሰዎች የራሳቸውን የራእይ ገደብ የዓለም ወሰን አድርገው ይወስዳሉ፡፡ ጥቂቶች ግን እንዲያ አያስቡም፤ ከእነርሱ ጎራ ተሰለፍ፡፡» በጣም ጥልቅ ነጥብ ነው፡፡አሁን የምትኖረውን ሕይወት  ባለህ አቅም ልክ እየኖርክ ነው?? ምናልባት ነገሮችን የምትመለከተው በፍርሐት፣ በገደብና በሀሰተኛ ግምት እይታ ይሆናል። የመስኮትህን መስታወት ወልውለህ ወደ ውጭ ስትመለከት አዲስ አማራጮችና እድሎች ይከሰታሉ፡፡

ዓለምን የምንመለከተው እንደሆነው ሳይሆን እኛ እንደሆንነው መሆኑን አስታውስ፡፡ ከአስርት ዓመታት በፊት ደስታ የራቀው ጠበቃ ሆኜ ሕይወቴን የምመራበት የተሻለ መንገድ እየፈለግሁ ሳለ ይህ ሐሳብ ሕይወቴን ለውጦታል፡፡
ከ1954 ዓ.ም. በፊት የአንድ ማይል ርቀትን ከአራት ደቂቃ በታች በሩጫ ሊሽፍን የሚል ሯጭ እንደማይኖር ይታመን ነበር፡፡ ነገር ግን፣ ሮጀር ባኒስተር ይህን ክብረ ወሰን ከሰበረ በኋላ በሳምንታት ውስጥ የእርሱን ክብረወሰን በርካታ አትሌቶች ለማሻሻል በቁ፡፡ ለምን? ምክንያቱም ምን እንደሚቻል ለዓለም እርሱ አሳይቷልና፡፡ ከእርሱ በኋላ የሮጡ አትሌቶች አዲስ ማነፃፀሪያ ነጥብ አግኝተዋል። ያን እምነት ታጥቀውም ሰዎች የማይቻለውን ለማድረግ በቁ፡፡

የአንተ ክብረ-ወሰን ምንድን ነው? ለመሆን እንደማትችል ለማድረግ እንደማትችል፣ ልታገኝ እንደማትችል በማሰብ ስለራስህ የያዝከዉ የውሽት ግምት ምንድን ነው? አስተሳሰብህ እውነታህን ይፈጥራል፡፡ እምነቶችህ ድርጊቶችህን ስለሚመሩ ከአስተሳሰብህ ጋር በሚቃረን መልኩ ፈጽሞ ምንም ነገር አታደርግም፡፡

የሕይወትህ ደረጃ የአስተሳሰብህ ደረጃ ነፀብራቅ ነው። በሕይወትህ አንዳች ነገር ሊከሰት እንደማይችል ካሰብክ ያን ግብ እውን ለማድረግ የሚያስፈልጉ እርምጃዎችን የምትወስድበት አንዳችም መንገድ አይኖርም፡፡ የ«አይቻልም» አስተሳሰብህ ራሱን እውን ያደርጋል። በራስህ ላይ የምትፈጥረው ገደብ መድረስ ከሚገባህ የታላቅነት ደረጃ እንዳትደርስ ጠልፎ የሚጥልህ ሰንስለት ነው፡፡

✍️ሮቢን ሻርማ


@tofamotivationallife
@tofamotivationallife

ሙሉ ልያደርግህ የሚችለው እውቀት እና እዉነት ነው። ለማወቅ እና እውነታው ጋር ለመድረስ ደግሞ ማንበብ ያስፈልጋል ።


አንብብ።


@tofamotivationallife
@tofamotivationallife

የመተው ችሎታ ብቸኛው የመንፈሳዊ ከፍታ መለኪያ ነው። ያ ማለትም ነገሮችን ስንተው እንጂ ትተውን ሲሄዱ አይደለም። ወደዚች ጽንፍ ወደሆነች አለም የራሳቸንን ክር ወደምናመጣበት ስፍራ ውስጥ ስንነቃ ድል ማለት ጡረታ የለሽ በመሆን በእርጋታ ያለጸጸት ማፈግፈግ ነው..

@tofamotivationallife
@tofamotivationallife

You can always start again.

You can always fall and try to get up again everytime.

You can always meet people and discover new things about yourself.

You can always fail and try harder the next time.

You can always lose and learn how to win after that.

Humans are always living with the hope.

They can always start again...

@tofamotivationallife

ይህ ምርጥ ጉዋደኛህ ነዉ

ገሳጭህ ነው፥ የሰዎችን ውድቀት ይጠቁምሃል። መካሪህ ነው፥ የስኬታቸውን ምስጢር ሹክ ይልሃል። ካንተ ጋር በሚኖረው ቆይታ አይሰለችም፤ ካንተ ርቆም አያሴርም። ከታላላቅ የዓለማችን ምሁራን ጋር ያስተዋውቅሃል፤ ከጥበባቸው ማዕድ ትቋደስ ዘንድ ያስችልሃል። የግለሰቦችንና የህዝቦችን ውድቀት ወይም ምጥቀት ምክንያት ያትትልሃል። ያልኖርካቸውን የጥንት ዘመናት በዐይንህ ህሊና ኖረሃቸው ትማርባቸው ዘንድ እድል ይሰጥሃል።

ምርጥ ጎደኛህ ነው፤ ካንተ አንዳችም ጥቅም አይፈልግም። ምርጥ ጎረቤትህም ነው፤ ባንተ ላይ አንዳች ችግር አይፈጥርም። ያጋጠመህን ችግር አማክረኸው መፍትሔ ሳይጠቁምህ እንዲሁ አይተውህም። ህልምህን አጋርተኸው የስኬት ጎዳናን ሳያመለክትህ አይቀርም። ግለሰባዊና ቤተሰባዊ ሕይወትህን አወያይተኸው የማበልፀጊያ መላውን ሳይዘይድ ቸል አይልህም። የሀገርህ ድህነትና ኋላቀርነት ሲያብከነክንህ የማስመንደጊያ ንድፉን ሳያስጨብጥህ ዝም አይልህም፤ የዘመናት የሰው ልጆችን እምቅ ዕውቀት በውስጡ ያቀፈ በመሆኑ በበርካታ የመፍትሄ ሃሳቦች ተሞልቷልና።

ይህ ምርጥ ጓደኛ ሌት ከቀን ካንተ ላይለይ ፈቃደኛ ነው። ነዋሪም ሁን መንገደኛ ካንተ ጋር መሆን ያስደስተዋል። እንቅልፍ ቢያዳፋህ እርሱ እንቅልፍ ባይኑ ሳይዞረ እስከምትነቃ ይጠብቅሃል። ተሰላችተህ ብትወረውረው ዳግም እስክታነሳው ይታገስሃል። ቸር ነው፤ ያለውን ሊሰጥህ ዝግጁ ነው። ትጉህ ነው፤ ያለማቋረጥ ቢያስተምርህ ይወዳል። ነፃ ነው፤ ማንነትህ አያሳስበውም። ሃብታም ብትሆን ወይም ደሃ፣ ደስተኛ ብትሆን ወይም የተከፍህ፣ ብቸኛ ብትሆን ወይም ባለ ብዙ ጓደኛ፣ ባለሰልጣን ብትሆን ወይም ተርታ ሰው ለርሱ ግዱ አይደለም።

ይልቁንስ ሃብታም ከሆንክ ገንዘብ አያያዝና አጠቃቀም ያስተምርሃል። ድሃ ከሆንክ የብልጽግና መንገድ ይጠቁምሃል። ብቸኛ ከሆንክ ጓደኛ ይሆንሃል። ባለ ብዙ ጓደኛ ከሆንክ ከሰዎች ጋር የመኖር ጥበብ ይክንሃል። ባለ ስልጣን ከሆንክ የአመራር ችሎታ ያላብስሃል። መልካም ልቦና ይኖርህ ዘንድ ይመክርሃል። ተራ ሰው ከሆንክ ደግሞ የታላቅነትን ማማ ትቆናጠጥ ዘንድ የስኬትን ምስጢር ያስተምርሃል።
ይህ ምርጥ ጓደኛ መጽሐፍ ነው!
#ከለውጥ ኡስታዝ በድሩ ሁሴን !


@tofamotivationallife

ምንም ነገር በተሳሳተ መንገድ አገኘዋለሁ ብለህ አትልፋ። በቤተሰብ መገፋት ምክንያት ያጣሀዉን ደስታ ፍቅረኛህ ልትሰጥህ አትችልም፤ በገንዘብ ምክንያት ያጣሀዉን ደስታ የትዳር አጋርህ ልትሰጥህ አትችልም ፤ በፆታዊ ፍቅር ያጣሀዉን ደስታ በገንዘብህ ልታገኘው አትችልም። በጤና እጦት ምክኒያት የራቀህ ደስታ በገንዘብህ ሊመለስ አይችልም።



ለሁሉም ነገር በራሱ መንገድ መፍትሔ አብጅለት። ወርቅ ባሌለበት መሬት ብትቆፍር ልታገኘው የምትችለው ወርቅ ሳይሆን ዉሃ ነዉ።


@tofamotivationallife
@tofamotivationallife

አንድ ሰውዬ ዶክተር ጋር ይሄድና '' እባክ ምከረኝ ራሴን ላጠፋ ነዉ በጣም ተስፋ ቆርጫለሁ'' ይለዋል ዶክተሩም ''ምንድነው የሚሰማህ'' ይለዋል ''ይደብረኛል ስቄ ተደስቼ አላውቅም'' ይለዋል ያኔ ዶክተሩም ''ok እኔ ሲደብረኝ ምን እንደማደርግ ልንገርህ እዚህ አደባባይ ወጣና አንድ በጣም ጎበዝ ተሸፋፍኖ ሰርከስ የሚሰራ ልጅ አለ እሱን አያለሁ በጣም ስቄ ተደስቼ ነዉ የምመጣው እሱን ብታይ አንተም በህይወትህ ትደሰታለህ '' ይለዋል ያኔ ሰውየዉ '' እሱማ እኮ እኔ ነኝ ተሸፋፍኜ ሰርከስ የምሰራው '' አለው።

አየህ አንዳንዴ የቀልዱ ባለቤት ቀልዱ አያስቀውም ህይወትም እንደዚህ ነች ሁሉም ነገር የምርጫህ ውጤት ነዉ ሀዘን,ሳቅ,ድብርት ,ደስታ,ሁሉም ያንተ የምርጫ ዉጤት ነው።

@tofamotivationallife
@tofamotivationallife

📍ተከታይህ ከህሊና ድህነት አያድንህም፤ ሃብት ንብረትህ አስተሳሰብህን አይቀርፅም፤ ወዳጆችህ ውስጣዊ ሰላም አይሰጡህም። በእውነት ካልተመራህ፣ በስረዓት ማሰብ ካልቻልክ፣ ጥያቄህን ካልመረጥክ፣ ተግባርህን ካልቆጠብክ ጉዞህን እንጂ መውደቂያህን አታስተውልም፤ ጭብጨባውን እንጂ ስህተትህን አትረዳም፤ ድጋፍህ እንጂ ጥፋትህ አይገባህም።

አዕምሮህን ክፍት ማድረግህ ሚዛናዊ ማንነት እንዲኖርህ ያደርግሃል። መስማት የሚፈልግ ሰው ሁሉ ይሰማህ ይሆናል፤ የሚወድህም ይከተልህ ይሆናል፤ የሚያምንብህም እንዲሁ ሊያሽቃብጥልህ ይችላል። እውነታ በሌለበት ግን ማንም ሰው እስከመጨረሻው አብሮህ እንደማይቆይ እወቅ። ጥልቁ ማንነትህ እንጂ የያዝከው ጊዜያዊ ንብረትና ዝና ነፃ አያወጣህም።

🔷ስትታወቅና ከፊት ስትሆን በእውቀት እና በጥበብ ካልተጓዝክ ብዙ ነገር ታበላሻለህ፡፡ በሰዎች ሙገሳና አድናቆት በሞቅታ መስመር ትስታለህ፡፡ ዛሬ ላይ  ሶሻል ሚዲያ ላይ ብዙ ተከታይ ለማግኘት ካሰብክ ካንተ ሚጠበቀው  ለገንዘብ ተገዝተህ ወጣ ያለ አቋም መያዝ፣ ሌላ ፆታን ማራከስ፣ ሌላውን ብሄር  በመጥፎ ማውገዝ ነው። ያኔ ማን ይሆን እሱ! እያለ ሁሉም ካለበት ቦታ እየሮጠ ይመጣልሃል።

♦️ወዲህ ግን ቁምነገር የሚጽፉ ተከታያቸው ጥቂት ብቻ የሆኑ ጠንካራ የማህበረሰብ አንቂዎች አሉ። ግና ሰው ስለራሱ ነውርና እንከን ለመስማት የሸሸበት የረሳበት ዘመን ላይ ነው ያለነው። ከዕውቀት ከጥበብ ይልቅ ስላቅና ፣ ዘለፋን  ያስበለጠበት ዘመን ላይ እንገኛለን። እስቲ ይሄን ሥልጣኔ ያለንበትን ነገር በጥሞና ተመልከቱ። የዘመንኛው ቁሳዊ ሥልጣኔ ግኝቶችን ልብ እንበል። ዓለም ላለባት ችግር መፍትሔ ከመሻት ይልቅ፤ ግኝቶቹ ራሳቸው ከምንም የከፋ ችግር እየሆኑ እንዲያውም የቀደሙትን ችግሮች እስከማስረሳት ደርሰዋል። ግኝቶቹ ከሚያስከትሉት ጠንቅ ይልቅ በግኝቶቹ የሚገኘው ኃይል ገንዘብና ዝና ይበልጥ ትኩረት ተሰጥቶታል ።

🔑እናም ወዳጄ ቁምነገሩን ስንቅ አርግ

ዋናው ጉዳይ የሰው ክትትል ወይም ጭብጨባ አይደለም፤ ከፈጠረህ አምላክ አንፃር ትክክል ከሆንክ የፍጡራን ክትትል አያሳስብህ። ፊት መሆን በሚችል ስብዕና ከፊት ቁም፣ ጊዜህን አፍ በመካፈት አትብላው፣ አለምን የገዙ ፣ በአስተሳሰብ ሊቅነታቸው አርአያነታቸውን የምንከተላቸው ፈላስፎች ፣ ተመራማሪዎች፣ የህይወት መንገድ እያመቻቹልን እነሆ በዚህ ተጓዙ፣ ያኛው የብዝኋኑ መንገድ አሜኬላና እንቅፋት አለው። የዓለም ምስጢራት የሚገለጡት በስውር መስመር ነው እያሉ አመላክተውናል።

ለሰው ልጅ በተሰጠው ወንበር ላይ ቁጭ ብለን ሰው የመሆናችንን፣ ሰው የመባላችንን ልዩ ገፀ-በረከት የሚያጎናፅፉን ሀብቶቻችን እንከተል።

💡ህሊና ይፈርዳል፣ የእራሱን ብይንም ይሰጣል። ስለተጨበጨበልህ እውነት ተናግረሃል ማለት አይደለም፤ ተቃውሞ ስለበዛብህም ውሸት ተናግረሃል ማለት አይደለም። ለሁሉም ሰው የተሰጠው ህሊና የመንገድህ መሪ፣ የንግግርህ ቆንጣጭ፣ የተግባርህ አራሚ ነው። ለመፍረድ አትቸኩል፤ ለንግግር አትጣደፍ፤ እውነታውን በጥላቻህ አትሸፍን፤ በእውቅናህ ሰላምን አትግፋ፤ በተሰሚነትህ ክፍተትን አታስፋ። ውሸት የአብሮነት ምክንያት ሆኖ አያውቅም፤ ተንኮል ፍቅርን አንግሶ አያውቅም፤ ጥላቻም የሰላምን በር ከፍቶ አያውቅም።

♦️ሁሉን ያገኘህው በፈጣሪህ ሞገስ እንጂ አንተ አምጥተህው አይደለምና ለበጎ ተጠቀመው። እውነትን በፍቅር ያዝ፣ ለሰላም ግድ ይኑርህ፣ ለመከባበርም ቅድሚያ ስጥ። ትዕቢትን፣ ጉራን፣ ጀብደኝነትን፣ ጥቅመኝነትን ከውስጥህ አስወግደው የመልካምነትን ስብዕና ገንባ፣ ጥሩ መሪ ፣ ጥሩ ተከታይም ሁን።

    

✍️ ethiohum


@tofamotivationallife
@tofamotivationallife

የፖስፖርት ቀጠሮ እናሲዝላችሁዋለን።

ሁኔታዎች
> የልደት ካርድ እና የቀበሌ ማታወቂያችሁን ጥራት ባለው ካሜራ ፎቶ አንስተው ይልኩልናል።
> ሙሉ መረጃችሁን በምንጠይቀው መልኩ ትነግሩናላችሁ።

እኛ ምዝገባውን ሞልተን ስንጨርስ ማረጃዎን በ pdf  ስንልክሎ ትክክለኛ ከሆነ በ2 ሰዓት ዉስጥ የፖስፖርቱን ክፍያ እርሶ ይከፍላሉ ለኛ ምንም የሚልኩት ገንዘብ የለም።


ለማመልከት @onlinesur ላይ ያናግሩን።

ስልክ:- 0929326203

ስትሞት ከቀብርህ በላይ የምፃፍ ነገር ሰርተህ ሙት። አለም ባበረከትክላት ልክ ስትሞት ትዘክርሃለች።


@tofamotivationallife
@tofamotivationallife

በሕይወትህ የምታገኛቸው ዉጤቶች ካልወደድክ የምታበረክተውን አስተዋፆና ድርጊትህን ገምግም። ተራ እና እንደነገሩ የሆነ ሕይወት ከኖርክ የምታገኘውም ተራ ነገር ይሆናል። በአንጻሩ ላቅ ያለ ነገርን ካደረግክ ላቅ ያለና ጥራት የለዉ ህይወትን ትኖራለህ።

ማንኛውም ሐሳብ ልክ እንደ ዘር ነዉ። አነስ ያለ ዘር ዘርተህ ትልቅ ፍሬ መጠበቅ አትችልም።



@tofamotivationallife
@tofamotivationallife

አእምሮህ ከሰማሃዉ ብዙ የሚነገርህ ውሸት አለ። ከእነዚህ መኻከል ዋነኛው የሆኑ የሆኑ ሰዎች ለአንተ ህይወት እንደሚጨነቁ፤ የሆነ ሰዓት ላይ እንደሚረዱህ ከልጆቻቸው ለይተው እንደማያዩህ ይነግርሃል።


ይሄ ትልቅ ውሸት ነዉ ልንገርህ '' አንተ ጡንቻ ልታወጣ ሌላ ሰዉ ስፖርት አይሰራልህም '' ይላል ናፖሊዮን ፤ እነዚህ የምታስባቸዉ ሰዎች ሊረዱህም ላይረዱህም ይችላሉ። ዋና ለአንተ ህይወት ትልቅ ሚና ምትጫወተው አንተ ነህ።


@tofamotivationallife
@tofamotivationallife

ተወዉ!!


ምንድነው ወደኋላ እየጎተተህ ያለዉ? ምንድነው ከጓደኞችህ ወደኋላ እያስቀረህ ያለዉ? ፍቅር ነዉ ? በቃ ለግዜዉ ገታ አድርገው ። መልካምነትህ ነዉ? በቃ ለግዜው አቁመዉና ክፉ ሁን። ሰዎችን ማመንህ ነዉ? በቃ ለግዜው ማንንም እንዳታምን። ጓደኞችን ናቸዉ? በቃ እስኪ ለግዜዉ ብቻህን ሁን። ፍርሃት ነዉ ? በቃ አትፍራ።


ወደኋላ የሚያስቀርህ ነገር ምንድንነው? ተወዉ።


@tofamotivationallife
@tofamotivationallife

ሀሳብ ይሞታል

ምናልባትም ትልቅ ሀሳብ ሊኖርህ ይችላል ፤ ይህን ሀሳብ ወደተግባር ካላመጣሃውና ሀሳብ ሆነ ከቀረ ሞቶዋል። አሸናፊዎች ምንም የተለየ ነገር የላቸውም ለሁሉም ነገር Risk ይወስዳሉ ሀሳባቸውን ወደተግባር ያመጡታል። ነገሮችን በተለያዩ መንገዶች ይሞክራሉ ያደርጋሉ።



@tofamotivationallife
@tofamotivationallife

አይምታታብህ!

በሰዎች ዘንድ ምን ያክል ቦታ እንዳለህ እወቅ። አንዳንድ ሰዎች በለህ ገንዘብ ልክ የሚያከብሩህ ከሆነ ምንም መልካም ብታደርግላቸዉ ሊያከብሩህ አይችሉም፤ በእዉቀትህ ልክ የሚያከብሩህ ከሆነ ምንም ገንዘብ ቢኖርህ ሊያከብሩህ አይችሉም። ከአንተ የሆነ ነገር ፈልገዉ እስከሚወስዱ ስለሳቁ ከአንተ ጋር ያከብሩሃል ቦታ ይሰጡሃል በህይወታቸዉ ዉስጥ ቦታ አለህ ማለት አይደለም ይግባህ የሳቁት እስከሚቀበሉህ ድረስ ነበር።



@tofamotivationallife
@tofamotivationallife

ምንም የተለየ ነገር አትጠብቅ፤ በየለት ዉሎህ ትገፋለህ፤ ትናቃለህ፤ትተቻለህ፤ሰዎች ስለአንተ መጥፎ ያወራሉ፤ ሰዎች በገንዘብህ ልክ ቦታ ሲሰጡህና ሲያከብሩህ ታያለህ ከዚህ በላይ ራስህን ለመለወጥና ራስህን ለማንቃት ምክንያት አያስፈልግም።



ሰላም አምሹ 🌑


@tofamotivationallife
@tofamotivationallife

እንዳይሰለችሁ!

አንዳንድ ጌዜ የሆነ Skill ለመማር ፈልጋች ጀምራችሁት በጣም ከብዷችዉ ''ቢቀርብኝስ'' ብላችሁ አታውቁም? በእርግጠኝነት ''ምን አለፋኝ ከልቻልኩ እተወዋለሁ'' ብላችሁዋል፤ ሌሎች ሰዎችን ስታዩ ደግሞ በጣም ትልቅ ልምድ ይኖራቸዉና ታያላችሁ ያኔ ይበልጥ ይሰለቻችሁዋል።

መፍትሔው ምን መስላችሁ።

1 እስኪ ያን skill መማር በህይወታችሁ በጣም አስፈላጊውና በጣም ወሳኙ እንደሆነ አስቡ ፤ የለ እሱ ምንም አማራጭ እንዳሌላችሁ።

2 ሌሎች ሰዎች የተረሱበትን በጭራሽ እንዳታዩ ምክንያቱም እነሱን ስታዩ ጭራሽ ከ0 የጀመሩም አይመስላችሁም በጭራሽ እነሱ የደረሱበትን የምትደርሱ አይመስላችሁም። እነርሱ በ3 ደቂቃ የሚሰሩትን ስራ እናንተ 1 ሰዓት ፈጅቶባችሁ ይሆናል።


3 ትንሽ ትምህርት ዉሰዱ ስለዛ ነገር። ትችላለህ ማለት ምንም እዉቀት ሰይኖርህ ሰይሆን ከአንተ ከሚበልጡት ስትማር ነው።


በጣም ቀላል ነዉ እነርሱም እንደናንተ ነበር የከበዳቸዉ ሲጀምሩት።


@tofamotivationallife
@tofamotivationallife

በሀሳብ እንዳይደክምህ።


ምን ማለት መሰለህ፤ አንዳንድ ሰዎች ብዙ ያቅዳሉ፣ ትልቅ የሆነ ሊደረስበትም ለይደረስበትም የሚችል እቅድ ለረጅም ሰዓት ቁጭ ብለዉ የወጣሉ። እቅዳቸዉን በዙሪያቸው ላሉም ሰዎች ይናገራሉ '' G+5 ቤት ይኖረኛል፣ መኪናዬ እንደዚህ አይነት ይሆናል፣ ቢሮዬ እንደዚህ አይነት ነዉ፣ ድርጅቴ ላይ 400 ሰዎችን ቀጥሬ አሰራለሁ'' ይላሉ። አበቃ በሀሳብ ኖረዉት ጨርሰዋል ይደክማቸዋል እቅዳቸዉን በምናብ ይኖሩታል ወደ ምድር አይመጣም።


በጣም ብዙ አታቅድ በጣም ትንሽም አታቅድ፤ ልትደርስበት በምትችለዉ ልክ አቅድ። ብዙ አታዉራ፣ ህልምህን በምናብ አትኑረዉ።



ዉብ የሆነ ምሽት ተመኘን 🙏


@tofamotivationallife
@tofamotivationallife

መወሰን ለምን ከበደህ?

____

አንዳንድ ጊዜ የሆነ ነገር እናቅድና ውሳኔ ላይ ለመድረስ ይከብደንና መሀል ላይ ቆመን '' ለምን ከበደን እንላለን? ዉሳኔ ላይ ልንደርስ የሚከለክሉን ነገሮች ብዙ ቢሆኑም አንዱን እንመልከት ለዛሬ።


ዉሳኔ ላይ ለመድረስ ከሚከለክሉን ነገሮች ዋነኛዉ ፍላጎት ነዉ። ያንን ነገር ለማድረግ፣ለማቆም ወይም ለመጀመር ፍላጎታችን ምን ያክል ነዉ? ከልብ ፈልገነዉ ነዉ ወይንስ ዝም ብለን? አንዳንዴ ከዛሬ ጀምሮ መፅሐፍ አነባለሁ እንላለን፤ መፅሐፍ መንበብ ከልባችን ፈልገን ነዉ ወይንስ ሰዎች ፣ በዙሪያችን ያሉ ጓደኞቻችን አንባቢ ስለሆኑ ነዉ?


ሌላኛዉ መቼ ነዉ ምናቅደዉ። አንዳንድ ጌዜ ቁማር ቆምረን ስንበላ ነዉ '' ከዛሬ ጀምሮ ቁማር አቆማለሁ '' እንላለን። ነገር ግን ቁማር ተበልተን ያቀድነዉን እቅድ ወደ ዉሳኔ ለማድረስ እጅግ ከባድ ነዉ።


በጣም ስንደሰት ፣ በጣም ስንከፋ ተማረን ፣ ሰዎች ስያደርጉ አይተን የምናቅዳቸዉ እቅዶች ወደ ዉሳኔ አይመጡልንም አስቸጋሪ ናቸዉ። በተቻለው መጠን ከራሳችን ጋር ሆነን በለን ሰዓት እቅድ ብናወጣ እንዲሁም ፍላጎታችን ከልብ ቢሆን የተሻለ ነዉ።



@tofamotivationallife
@tofamotivationallife

Relationship

የሆነ የፍቅር ግንኙነት ዉስጥ ሆነህ፤ ያ የፍቅር ግንኙነት ጊዜያዊ እንደሆነ'ና የሆነ ጊዜ እንደሚቋረጥ የሚሰማህ አይነት ነገር ይፈጠራል። ምናልባት ግንኙነቱ የሚቋረጥበት ትክክለኛ ምክንያት ሊሆን ይችላል። መቼስ ፍቅር ፍቅር ነዉ አንለያይም አይባልም። ዋናው ነገር እዚህ ጋር ነዉ እንደሚቋረጥ እርግጠኛ የሆንክበትን ወይም ጥርጣሬ የለብህን Relationship በጊዜ ነዉ ማቋረጥ የለብህ። '' አይ ትጎዳለች ብዬ ነዉ'' ተወዉ መጎዳቷን ፍቅር በበጎ አድራጎት የሚሰራ ተግባር አይደለም።

ሌላኛው አንተም ብዙ ነገር ታጣለህ ጊዜህን፣ በራስ መተማመንህን፣ ወኔህን ብዙ ነገርህን በዛ በተሳሳተ የፍቅር ግንኙነት ዉስጥ ታጣለህ።


የፍቅር የተሞላ ቀን ተመኘን 🙏


@tofamotivationallife
@tofamotivationallife

ቁማር ቤት፣ ጫት ቤት፣ መጠጥ ቤት አለመሄድህ ምናልባት ከሱስ አንፃር እንጂ ከግዜ አጠቃቀም ጋር ምንም ትርጉም አይኖረውም አንተ ሕይወት ለይ ፤ ለ5 ሰዓት tik tok፣ ለ5 ሰዓት YouTube ፣ለ3 ሰዓት Instagram እንዲሁም Facebook እየተጠቀምክ የምትዉል ከሆነ።


ጊዜህን በአግባቡ ተጠቀምክ ሚባለው እያንዳንዷን ደቂቃ ራስህ ላይ ስታዉላት ነዉ። ራስህን build ስታደርግባት ነዉ።



መልካም ቀን 🙏


@tofamotivationallife
@tofamotivationallife

ለራስህ ከፍ የለ ደረጃ አትስጠዉ።

አዎ የሆነ ሰፈር ልጅ ስለሆንክ የቤት አከራይህ ዋጋ አይቀንስልህም ወይም የቤት ኪራይ አይተዉልህም፤የእንትናን ልጅ ስለሆንክ የምግብ ዋጋ አይቀንስልህም፤ በዶክትሬት ስለተመረቅክ የታክሲ ረዳት መሆን ለአንተ ዉርደት አይደለም ምክንያቱም እነዛ ያዩኛል ብለህ ምታስባቸወ ሰዎች ቁርስ አይገዙልህም። በማህበራዊ ሚዲያ ብዙ ተከታይ ስላለህም ለአንተ የሱቅ እቃዎች ዋጋ አይቀንሱም። የአንተ ዝና የእለት ምግብ አይገዛልህም።


ክብርህም ትልቅነትህም ለሆነ ጊዜ ተወዉና ራስህን የምትችልበትን የሆኑ ሰዎች ትከሻ የምቶርድበትህ መንገድ ፍጠር።


@tofamotivationallife
@tofamotivationallife

ጠብታ ዉሃ በርሜል ይሞላል። ዛሬ ላይ የምታዳብራቸዉ አስደናቂ ልማዶች የነገዉን ህይወትህን ዉብ ያደርጉልሃል። ህይወትህን የሚቀይረው የሆነ ግዜ ያስቀመጥከዉ ገንዘብ ሰይሆን በየ ቀኑ የምታስቀምጣት አንዳንድ ብር ናት። ሞኝ ሰዉ የትላንቱን ዉሎዉን ዛሬ ይደግማል፤ ብልህ ሰዉ ከትላንት ዉሉዉ ዛሬ በተሻለ ይዉላል። በእያንዳንዱ ቅፅበት ራስህን አሻሽል፤ ተማር እርምጃህ ሁሉ ያስተምርህ።



@tofamotivationallife
@tofamotivationallife

አንድ ሰው ሙሉ የተሟላ እውቀት አለው የሚባለው በሟያው ጎበዝ ሲሆን ብቻ አይደለም። ስብዕናውም ትልቅ ሲሆን ነው።


በቻልከው መጠን academic knowledge ብቻ ሰይሆን ስብዕናህንም አሳድግ።



@tofamotivationallife
@tofamotivationallife

አብዛኞቻችን ጋር የሚገኘዉ ትልቁ ችግር ይሄ ነዉ << የቱ ጋር እንዳለን በግልጽ አናዉቀዉም>> << ልንኖረዉ ከምንፈልገዉ ህይወት እና አሁን ከለንበት ህይወት መካከል ምን ያክል ርቀት እንዳለ አናዉቀዉም>>


ማደግ እና መለወጥ ከፈለግክ ከላይ በተጠቀሱት ላይ ምን ያክል ልዩነት እንዳለህ በግልጽ እወቀዉ። የት ነዉ መድረስ የምትፈልገው? የቱ ጋር ነዉ የቆምከዉ? ምን አይነት ህይወት ነዉ መኖር የምትፈልገው? አሁን ምን አይነት ህይወት እየኖርክ ነዉ??


ለጓደኞቻችሁ Share አድርጉ

@tofamotivationallife
@tofamotivationallife