MIKRE AIMRO | ምክረ-አዕምሮ™ @mikre

MIKRE AIMRO | ምክረ-አዕምሮ™

11 Jan, 20:13

⭕️እንግሊዝኛን በአንድ ወር ውስጥ አቀላጥፎ ማውራት ይፈልገሉ❔

👍አዎን እፈልጋለሁ ካሉ
👌እንግዲያውስ አሪፍ ቻናል ልጋብዛችሁ
❤️ያለ ምንም ጥርጥር
ትወዱታለችሁ💯

✳️JOIN አድርጉና እንግሊዝኛን በአማረኛ ይማሩ✅

የቻናሉ Link👇👇
@Learn_English_Language_USA
@Learn_English_Language_USA
@Learn_English_Language_USA

605

MIKRE AIMRO | ምክረ-አዕምሮ™

11 Jan, 18:30

ከባዱን ተሻገር!
፨፨፨//////፨፨፨
ተሰብሮ መኖር ከባድ ነው፤ ይቅርታ አለማድረግ ከባድ ነው፤ ስራ ማጣት ከባድ ነው፤ ወገን ማጣት፣ ረዳት ማጣት እጅግ ከባድ ነው። ነገሮች እንዳሰቡት ሳይሆኑ ሲቀሩ፣ እቅዶች አልሳካ ሲሉ፣ መንገዶች ሁሉ ምቾት ሲያጡ፣ ሸክሞች ሲበዙ፣ ጫናዎች ሲያይሉ ተስፋ አስቆራጭ ከባድ የህይወት ከስተቶች ከፊታችን ይደቀናሉ። ለአመታት የለፋንበት ትምህርት በቀናት ወይም በወራት ውስጥ ፍሬ አፍርቶ መመልከት እንፈልጋለን። ለረጅም ጊዜ አብሮን የነበረ ሰው በአንዴ ሲለየን በቅፅበት ልንረሳው እንሞክራለን፤ የፈተናዎችን እድሜ ማሳጠር፣ ችግራችንን ወዲያው መቅረፍ የሁልጊዜ ምኞታችን ነው።

አዎ! የደስታ ሰዓታት ቢረዝሙ፣ የፈተና ጊዜያት ቢያጥሩ መልካም ነበር። ነገር ግን ከባዱም ቀላሉም ነገር የእራሱ ቀነ ገደብና የተመጠነ ጊዜ አለው። ገፍተህ ወይም ሸውደህ የምታልፈው የፈተና ወቅት የለም፤ ይዘህ የምታቆየውም የደስታ ጊዜ አይኖርም። እጅጉን በብዙ ጥበቃህን የፈተነ፣ እንቅልፍህን ያሳጠህ ነገር ካለ የትኩረት አቅጣጫህን ቀይረው፤ እርሱ ካለሆነ ብለህ በጥበቃ ብዛት ሰውነትህን አታዝለው። ብዙ አሻጋሪ አማራጭ መንገዶች እንዳሉ ተመልከት። ቀጥተኛ መንገድ ባለሙያ አሽከርካሪ እንደማይፈጥር ሁሉ የተስተካከለና የተመቻቸ አካሄድም ሊያጠነክርህና ሊያሻሽልህ እደማይችል አስብ።

አዎ! ጀግናዬ..! ከባዱን ተሻገር! በፅናት ተፋለመው፤ በትግስት ተጋፈጠው፤ እራስህን አበርታ። ከባድ መሆኑን እንደማይታለፍ አትቁጠረው፤ አስቸጋሪ መሆኑ እንደማያልፍ አይሰማህ። የማያልፍ የለም፤ የማይረሳ፣ የማይዘነጋ ጊዜ አይኖርም። አስጨናቂ ሰዓታት ይረዝማሉ ምክንያቱም ሙሉ ትኩረታችን ጉዳዩ ላይ ስለሆነ፤ አስደሳች ጊዜያት ያጥራሉ ምክንያቱም ቅፅበቷን ከማጣጣም ይልቅ የማለቂያዋን ጊዜ ስለምንጠብቅ። አንተ ጋር የመጣ ሁሉ የሚታለፍ፣ የሚረሳ ነውና በቶሎ እጅ አትስጥ፤ ለመሰበር አትጣደፍ፤ ካንተ የቀረ ከሌለ አምላክህ የሚያስብልህን ጠብቅ፤ የእርሱ ምርጫ እንደሚስማማህ አትጠራጠር፤ በፅናትና ትዕግስትህም ተማመን።
ውብ ምሽት ይሁንልን! 🌘🌒✨💫
✍ (Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

1,124

MIKRE AIMRO | ምክረ-አዕምሮ™

11 Jan, 17:34

🔴 ሰውን መተው ልመዱ!

👍LIKE ✍️ COMMENT SUBSCRIBE 📣 SHARE 🙏

https://youtu.be/PtgL8FHWOcE?si=oCJyPFwwmUB8zLlz

1,398

MIKRE AIMRO | ምክረ-አዕምሮ™

11 Jan, 05:25

ጅል ሁን!
፨፨///፨፨
አንዳንዴ በጣም የሚገርም የጥበበኞች አስቂኝ ጨዋታ...
እንደ ጅል- ጅል ለመሆን ብልሃት ከትግስት ጋር ጥበብ ነው። በጣም የሚያስቀው ነገር፣ አንተን እያጃጃሉህ እንደሆነ ለሚስሉ ሰዎች ማጃጃላቸውን እንዳላወቀ ሆነህ ስታጃጅላቸው ለብቻህ ጊዜ ሳቅ።
አንዳንዴ- ሰዎች እንደተመቀኙህ አውቀህ ምቀኝነታቸውን እንዳላወቀ በወጥመዳቸው ሊያስገቡህ ሲቸኩሉ አምልጠህ ስታያቸው፣ የራሳቸው ወጥመድ አጥምዷቸው ስታይ ለብቻህ ጊዜ ሳቅ።

አንዳንዴ- የሚጠሉህ እንደሚውዱህ አይነት ሲተውኑ አጨብጭብላቸው። ለብቻህ ጊዜ ግን ሳቅ።
አንዳንዴ- በላይህ ላይ የደረበች ሴት እወድሃለሁ፣ ማሬ፣ ወተቴ ስኳሬ ስትልህ (ስታጃጅልህ) እንዳላወቀ የሁል ጊዜ ፈገግታህን አሳያት ከዛ የምታገባትን ታማኝ ሴት አስበህ። ለብቻህ ጊዜ ሳቅ።

አንዳንዴ- ሊያጭበረብሩህ የባጥ የቆጡን ለሚቀባጥሩ ነጋዴዎችን አሃ ብለህ እንዳላወቀ በትኩረት ስማቸው። ከዛም በልብህ እንደማትገዛቸው በማወቅ ደስ ይበልህ።
አንዳንዴ የምታውቀውን እንደማታውቅ እንደሚያውቅ አድርጎ የሚያወራ ሰው ሲያጋጥምህ እዋቀቱን እንዳላዋቂ አድንቅለት። ለብቻህ ጊዜ ግን ሳቅ።

አየህ አንዳንዴ ሁሉም ቦታ ላይ እንደባነንክ ማስባነን የለብህም። ለጅል እንደ ጅል የምትሆንበት የግድ ጊዜ አለ። አንዳንዴ ጠላትህ ጠላቱ እንደሆንክ ማወቅህን ካወቀ ደህንነትህ ስጋት ያጋጥመዋል። እስከ ጊዜው ለተዋናዮች ማጨብጨብና ለገጸባህሪያቸው መስታወት መሆን ያስፈልጋል።
📚 በራስመተማመን መጽሐፍ
ግሩም ድንቅ ቀን ይሁንልን! 🏞🌞🌅
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,309

MIKRE AIMRO | ምክረ-አዕምሮ™

10 Jan, 18:41

ቀጥታ ከህይወት...!
፨፨፨፨፨///////፨፨፨፨
እራስህን አዘጋጅተህ፣ የሚያስፈልግህን አሟልተህ፣ በአካል፣ በጊዜ፣ በስነልቦና ብቁ ሆነህ መደበኛውን ትምህርት ትማራለህ። በእርግጥ ወደሀውና አምነህበት ከሆነ አስገራሚውን ተዓምር እንድትፈጥር ያልችልሃል፤ ነገር ግን በተቃራኒው ተገደህና ሳታምንበት የተማርከው እንደሆነ ጊዜህን የሚበላ፣ ውስጥህን የሚያውክ፣ የቁጪትህ መንስዔ ሆኖ ታገኘዋለህ። እውነታን ብትሸሸውም አታመልጠውም። ብዙ የትምህርት ዘርፍ ስለተማርክ፣ ትልቁን መዓረግ ስለተሸከምክ ብቻ ህይወትን አታሸንፍም። ህይወት የእድሜህን እኩሌታና ከዛ በላይ ከበላው ዲግሪ፣ ማስተርስና ፒኤችዲ በብዙ እጥፍ ትበልጣለች። መደበኛውን ትምህርት ብትማር በተወሰኑ ዘርፎች ባለሙያ ልትሆን ትችላለህ በተቀሩት ግን ከእውቀት የራክ አላዋቂ ትሆናለህ። በብዙ አቅጣጫ ያልተሳለና የእውቀት ዘርፉን ያላሰፋ ሰው ደግሞ ውስን አማራጭ ብቻ ይኖሩታል፣ ብቃቱ በተወሰኑ ዘርፎች ብቻ ይሆናል፣ እራሱን ይገድባል፣ የህይወት ዘመኑን በሙሉ አንድን ነገር ደጋግሞ በመስራት ያሳልፈዋል።

አዎ! ጀግናዬ..! ከአሰልቺ ህይወት ለመላቀቅ፣ እራስህን ለማሳደግ፣ የዘረፈ ብዙ ሙያ ባለቤት ለመሆን ቀጥታ ከህይወት ተማር፤ ቀጥታ ተግባራዊ የህይወት ዘርፎች ላይ ጠንክር፣ ከሚያጋጥሙህ እያንዳነዱ ተግዳሮቶች ትምህርትን ቅሰም። ከማንም የማታገኘውን እውቀት በተግባር ከህይወት ተማር፣ ማንም የማያስረዳህን የህይወት ሚስጥር እየኖርክ እወቅ፤ በሂደት ተረዳ። በመኖር ውስጥ ከምታሳልፋቸው ሁኔታዎች በላይ የስኬትህ ቁልፍ ሚስጥራት፣ የለውጥህ ወሳኝ ምክንያቶች አይኖሩም። ህይወት ስትገባህ እርምጃህ በእውቀት ይሆናል፣ ጉዞህ በብቃት ይከወናል። ከፊትህ የማይደፈር የሚመስል ትልቅ ገደል ቢኖርም እንዴት እንደምታለፈው በሚገባ ታውቃለህ።

አዎ! እየኖርክ ነውና ህይወት በየዘርፉ፣ በየአቅጣጫው ትፈትንሃለች፣ ወደ ትግሉ ሜዳ ትመራሃለች፣ ከተለያዩ ተጋጣሚዎችህም ታገናኝሃለች። አንተም ሁሌ በተሸናፊነት አትኖርም፣ ሁሌም እያማረርክ አትቀጥልም። ከሽንፈትህ ትማራለህ የምሬት ምክንያቶችህንም ትቀርፋለህ። ጥሩ ተማሪ ለማሸነፍ ጊዜ አይወስድበትም፤ ህይወትን የተረዳ ሰው እርምጃዎች ሁሉ ይቀሉታል፤ ከነገሮች በላይ የገዘፈ ማንነት ይኖረዋል፤ መራመድ ሲፈልግ ይራመዳል፣ መቆም ሲኖርበትም ይቆማል። ቻይነትን፣ አስተዋይነትን፣ ብርታትን፣ ጥንካሬን፣ ማስተዋልን ከህይወት ይማራል። ጠባሳውን የሚሽርበት፣ እራሱን የሚጠግንበት ብርቱ አቅም አለው። ከመሸሽ በላይ መጋፈጥን፣ ከመደበቅ በላይ ከፊት መውጣትን ይመርጣል። መማርህ ካልቀረ የህይወት ዘመን ትምህርት ተማር፣ ማወቅህ ካልቀረ የህይወት ሚስጥራትን እወቅ። የመረጥከውን ህይወትም በሙላት፣ በአግባብና በብቃት ኑር።
ውብ ምሽት ይሁንልን! 🌘🌒✨💫
✍ (Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,420

MIKRE AIMRO | ምክረ-አዕምሮ™

10 Jan, 17:12

🔴 ኮራ በሉ!

👍LIKE ✍️ COMMENT SUBSCRIBE 📣 SHARE 🙏

https://youtu.be/-pvgPqPQw9Y?si=4lbs1BLID4pTBAiK

2,223

MIKRE AIMRO | ምክረ-አዕምሮ™

10 Jan, 02:59

ፍላጎትህን አቃና!
፨፨፨////////፨፨፨
ቀላል ህይወት እንዲኖርህ ከፈለክ፣ ቀላል የህይወት መርህ ያስፈልግሃል። አንደኛውም መርህ ከሰዎች የምትጠብቀውን ነገር ይዳስሳል። ማንም መወደድን የሚጠላ፣ ተቀባይነትን የሚጠየፍ፣ መከበርን የሚገፋ ሰው የለም። ነገር ግን ፍላጎቱ ስህተት መሆን የሚጀምረው ያየው ሰው ሁሉ እንዲወደው፣ ስራውን የተመለከተው ሰው ሁሉ እንዲያደንቀው፣ የሰማው ሁሉ እንዲከተለው መፈለግ የጀመረ እለት ነው። ይህን መርህ ይዘህ ከህመም በቀር ምንም ልታተርፍ አትችልም። ምክንያቱም አንተ እራስህ የማትተገብረውን ነገር ከሰዎች እየጠበክ ነውና ነው። ማንም ብትሆን የእራስህ ስሜትና ፍላጎት አለህና ሁሉንም ሰው ልትወድ፣ ሁሉም ሰው የሚናገረውን ልታዳምጥ፣ የሁሉም ሰው አድናቂና ተከታይ ልትሆን አትችልም። የምትወደው ሰው እንደመኖሩ የማይመችህና ምርጫህ ያልሆነ ሰው አለ። ይህም በሰውነቱ ሳይሆን በተግባሩ ነው። ስለዚህ ከፍላጎትህ ጋር የሚሄደውን፣ ለአላማህ የሚጠቅምህን፣ ንግግሩ ፍሬ ነገር የሚሰጥህን ሰው ትሰማለህ፣ ትወዳለህ፣ ትቀበላለህ ሌላውን ትተዋለህ።

አዎ! ጀግናዬ..! ፍላጎትህን አቃና! ምኞትህን ፈር አስይዝ፤ የህይወት መመሪያህን ከአቋምህ ጋር አስኪድ፤ ከተግባርህ ጋር አጣጥም። አንተ የማትፈፅመውን ተግባር ሌሎች እንዲፈፅሙልህ አትጠብቅ፤ እራስህ የማትሆንላቸውን ገፀባህሪ እነርሱ እንዲሆኑ አታስገድዳቸው። አንተ ስትፈልግ ቀላልና መደረግ ያለበት ግዴታ፣ ሌሎች ሲፈልጉ ደግሞ በፍላጎትህ ልክ በምርጫ የምታልፈው ነገር የለም። ከሌሎች የምትጠብቀውን ነገር ሌሎች ካንተ እንደሚጠብቁ ብታውቅ ምንያክል ልታደርግላቸው ዝግጁ እንደሆንክ እራስህን ጠይቅ። እራስህ ባስቀመጥከው ሚዛናዊ ያልሆነ መርህ አትሸነፍ፤ መልሶ አንተኑ በሚያጠቃህ አቋም እራስህ አትገድብ።

አዎ! ለደስታህ ሲባል መርሆችህ በሙሉ ደጋፊህና ከገሃዱ አለም እውነታ ጋር የሚሔዱ ሊሆኑ ይገባል። ሰዎች እንደማያደርጉልህ እያወክ ስለምን ደጋግመህ እነርሱን እየጠበክ እራስህን ትሰብራለህ? በፍላጎቶችህ ከደብ ማጣት ስለምን ለጭንቀትና ብሶት እራስህን ታጋልጣለህ? ከውጭ የምትፈልገው ነገር ቢኖር ቅድሚያ ውጥህ እንደሌለና ለእራስህ እንዳላደረክ እርግጠኛ ሁን። እግዚአብሔር ከሚሰጥህ፣ አምላክ ከሚያድልህ ነገር በቀር አንዱም ከሰዎች የሚመጣ ነገር አብሮህ አይቀርም። ውጫዊ መሻትህን ገድብ፤ ከእራስህ የምትጠብቀው ነገር ላይ አተኩር፤ መሬት ላይ ባለው ተጨባጭ እውነታ አንፃር ህይወትህን ቀለል አድርገህ ኑር።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,713

MIKRE AIMRO | ምክረ-አዕምሮ™

09 Jan, 17:42

አንዱን ብቻ አድርጉ!
፨፨፨፨////////፨፨፨፨
በሙዚቃው ዘርፍ ትልቁን አሻራ አሳርፎ ያለፈው Mozart በትኩረትና ብዙ ነገሮችን በቶሎ ስለማገባደድ የተናገረውን ንግግር ላንሳላችሁ። "ብዙ ነገሮችን የማከናወኛው አጭሩ መንገድ በአንድ ጊዜ አንድ ነገር ላይ በማተኮር ብቻ ማድረግ ነው።" ብዙ አማራጭ እንዳለን እያሰብን በኖርን ቁጥር በእራሳችንና በስራችን ከመተማመን በላይ ባሉን አማራጮች ላይ ይበልጥ እምነት ይኖረናል፤ አንዱ ነገር እንደሚሳካ ከማሰብ ይልቅ አንዱ ባይሳካ አንዱ ይሳካል እያልን እንዘናጋለን። የጀመርናቸው ብዙ የጀጨረስናቸው ግን ጥቂቶች ይሆናሉ። ብዙ ነገር በአንዴ ማድረግ ቢቻል ጥሩ ነበር ነገር ግን የምንሰራውን ስራ በጥራት ለመስራት ብቸኛውም ያለን አማራጭ በአንዴ አንድ ነገር ብቻ ማድረግ ነው።

አዎ! በየቦታው እራስን በትኖ፣ ብዙ ነገር ላይ አተኩሮ፣ ይህንንም ያንንም ጀምሮ የትኛውንም ስራ በጥራትና በፍጥነት ማጠናቀቅ አይቻልምና በሰዓቱ ወሳኙንና በጣም አስፈላጊውን አንዱን ብቻ አድርጉ። ለእራሳችሁና ለቤተሰባችሁ እንኳን ጊዜ እስክታጡ ድረስ እራሳችሁን Busy ከማድረጋችሁ በፊት የምርም ትርፍ ላለውና ህይወታችሁ ላይ እሴት ለሚጨምር ነገር በየአቅጣጫው እየባከናችሁ እንደሆነ እርግጠኛ ሁኑ። አሁን እጃችሁ ላይ ብዙ ስራ ካለባችሁና ሁሉንም በተመሳሳይ ሰዓት ጨርሳችሁ ለማለፍ እየሞከራችሁ ከሆነ ቅድመተከተለ አስቀምጡና ዋናውን ስራችሁን አስቀድማችሁ አገባዱ። ቢቻልና በአንዴ በሁሉም ዘርፍ ስኬትንና አንቱታን ማግኘት የሚጠላ ሰው የለም። ነገር ግን አዕምሯችን በአንዴ ማተኮር የሚችለው አንድ ነገር ላይ ነውና አንዱን ስትጨርሱ ሌላውን የመጀመር ልማድን አዳብሩ።

አዎ! ጀግናዬ..! ፈለክም አልፈለክም፣ ጠበከውም አልጠበከውም ትኩረትህን የሚወስድ፣ ውስጥህን የሚረብኝ፣ መረጋጋት የሚነሳህ ሃሳብም ሆነ ተግባር በየትኛውም ሰዓት ሊመጣብህ ይችላል። የአፈፃፀም ደረጃህና የስራህ ጥራትም የሚፈተነው በዚህ ሰዓት ነው። አንድ አስፈላጊ ነገር በጀመርክ ቅፅበት ሌሎች አስፈላጊ ነገሮችም እንዳሉ ሊታዩህ ይችላሉ፣ የታየህን ሁሉ ለማድረግ ስትጥርም አንዱንም በስረዓት ሳታደርገው ጊዜና አቅምህን ትጨርሳለህ። በሰዓቱ መስራት ያለብህን አንድ ነገር ስራ፤ በጣም አንገብጋቢ ለሆነው ጉዳይ ትኩረት ስጥ። ብዙ ነገሮችን በአጭር ጊዜ ማገባደጃው ብቸኛ መንገድ በአንዴ አንድ ነገርን ብቻ ማድረግ እንደሆነ ተረዳ።
ውብ ምሽት ይሁንልን! 🌘🌒✨💫
✍ (Epha A.)
ምክረ-አዕምሮ ለተሻለ ነገ! 🦋

🔺🔻በYouTube ቤተሰብ መሆኖን እንዳይረሱ!
SUBSCRIBE NOW! 👇
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊💪

2,707

MIKRE AIMRO | ምክረ-አዕምሮ™

09 Jan, 06:47

ህመሙን ተቀበሉት!
፨፨፨፨////////፨፨፨፨
የትኛውም ውሳኔ የራሱ ተመጣጣኝ ዋጋ አለው፤ የትኛውም ተግባር የራሱ ግብረመልስ፣ የራሱ ውጤት አለው። ለውሳኔያችሁ መታመን፣ ተግባራችሁን እስከመጨረሻው ማስኬድ፣ ጥረታችሁንም መቀጠል አምናችሁ መቀበል ላለባችሁ ህመም ያጋልጣችኋል። ህመሙን እንደ ጥፋት፣ ስቃዩንም እንደ ቅጣት የምትመለከቱ ከሆነ ግን ዳግም አዲስ ውሳኔ መወሰንና እንደገና አዲስ ተግባር የመሞከር ድፍረት እያጣችሁ ትመጣላችሁ። የምትችሉት አንድ ነገር ነው፦ ጥፋቱን ሳይሆን ህመሙን መቀበል፣ ውጣውረዱን እንደ ቅጣት ሳይሆነ ነገ ውጤት ሊያመጣ እንደሚችል ግበዓት መውሰድ። የሞከራችሁት ነገር በሙሉ ባልተሳካ ቁጥር እራሳችሁን ጥፋተኛ ማድረግ ተነሳሽነታችሁን እየገደለ፣ አቅማችሁን እያሳነሰና ዋጋ እያሳጣችሁ እንደሚመጣ አስተውሉ።

አዎ! ጥፋቱን ተውት ህመሙን ተቀበሉት! የሚያሳድጋችሁን ህመም፣ የሚቀይራችሁን ህመም፣ ደረጃችሁን የሚጨምረውን ህመም ተቀሉት። ሃሳባችሁ ትልቅ ሲሆን ህመማችሁም ትልቅ ይሆናል፣ ተግባራችሁ ፈታኝ ሲሆን ጥረታችሁና ድካማችሁም እንዲሁ ፈታኝ ይሆናል። በጥረታችሁ መሃል የምታጠፉትን ጥፋት፣ የሚያጋጥማችሁን ውድቀት፣ የሚደርስባችሁን ጫና፣ የምታጡትን ሰውና የምትከስሩትን ገንዘብ እንደመማሪያ እንጂ እንደ ሌላ የስጋት ምንጭ አትውሰዱት። ምንጊዜም የጥፋተኝነት ስሜት እስረኛ ያደርጋችኋል፤ በስህተታችሁ በተፀፀታችሁ ቁጥር ወደፊት መጓዝ ያቅታችኋል፣ ሃሳባችሁ እንዲሁ ያስፈራችኋል፣ ምኞታችሁ ከንቱ ሆኖ ይቀራል፣ የራሳችሁ እንቅፋት እራሳችሁ ትሆናላችሁ፣ ሳታውቁት ለዘመናት በተመሳሳይ አስተሳሰብ ተመሳሳይ ስፍራ እራሳችሁን ታገኙታላችሁ።

አዎ! ጀግናዬ..! ጥፋቱ እንደጥፋት፣ ስህተቱም እንደስህተት ይቀመጥ፣ ይልቅ ከጥፋቱ ቦሃላ ከደረሰብህ ህመም፣ ከስህተቱ ቦሃላ ካጋጠመህ ስቃይ በሚገባ ተማር። ትሞክራለህ ትሳሳታለህ፣ አዲስ ነገር ትጀምራለህ ታጠፋለህ፣ ነገር ግን በሂደቱ ውስጥ መማር ከቻልክ ነገሮች ሁሉ የማይቀየሩበት ምክንያት አይኖርም። በህመም ውስጥ ተምሮ መውጣት፣ በስቃይ መሃል እራስን ፈልጎ ማግኘት መቻል የትልቁ አላማህ አካል መሆን ይኖርበታል። ስቃይ የመኖር እጣፋንታ ነው፣ ህመም የህይወት አንድ አካል ነው። ነገር ግን ለምን እየተሰቃየህ ነው? ለምን ብለህ እየታመምክ፣ ዋጋ እየከፈልክ ነው? የሰዎችን ኢምፓየር ለመገንባት ወይስ የእራስህን ለመመስረት፣ ሰዎችን ለማበልፀግ ወይስ እራስህን ከእስር ነፃ ለማውጣት? ምክንያትህን በሚገባ እወቀው፣ ባወከው ልክ ለላቀቀው ህመም እራስህን አዘጋጅ፣ ሁሌም ከርሱ ተማር፣ እራስህንም አብቃበት።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,921

MIKRE AIMRO | ምክረ-አዕምሮ™

08 Jan, 18:14

በርታ በል!
፨፨////፨፨
መድሃኒት ቀማሚው ለመድሃኒትነት የሚያገለግሉትን ግብዓቶች ፍለጋ ወደ ጫካ ይገባል፤ አትክልቶችንም ያስሳል። አሰሳው መድሃኒት ለመቀመምና ታካሚውን ከህመሙ ለማዳን እንዲሁም ለማሳረፍ ነው። ጥረቱ ግን አልጋ በአልጋ አልነበረም፤ የሚያገኛቸው ቅጠሎች ሁሉ ለፈለገው መድሃኒት የሚሆኑ አልነበሩም ነገር ግን ትከክለኛውን ቅጠልና ሌሎች ግብዓቶችን ፍለጋ ማሰሱን አላቆመም። ጥረቱም መና እንዳይቀር፣ ታካሚውም እንዲፈወስ የሚጠበቅበትን ሁሉ ለማድረግ እራሱን በይበልጥ አዘጋጅቶ ጥረቱን ቀጥሏል። በእርሱ ድካም ታካሚው ቢያመልጠው ቁጪትና ፀፀቱ የህይወት ዘመን ቁስሉ ነው። ነገር ግን ስለበረታ የታካሚውን ህይወት መታደግ ቻለ። አንተም ሁሌም ደስተኛ ላትሆን ትችላለህ፣ ህይወት ፊቷን ልታዞርብህ እድልም ጀርባ ልትሰጥህ ትችላለች፣ ቀኑ ሰጨልምብህ ተስፋ ለመቁረጥ ልታቀርብህም ትችላለች። ነገር ግን ካደረካቸው በላይ ባላደረካቸው እየተቆጨህና እየታመምክ ከምትኖር አሁን በርታ በል። የምታየው ሁሉ የሚያነቃህ፣ የምትሰማው ሁሉ የሚያበረታታህ፣ የምትሰራው ሁሉ ለውጤት የሚያበቃህ ላይሆን ይችላል። አንተ በፈለከው ጉጉት ልክ ብዙዎች አይሳኩም፤ መንገድህ አይቀናም፤ ሃሳብህ አይሞላም። ካልጠነከርክ ግን ሁሉም ያበቃል።

አዎ! ጀግናዬ..! በርታ በል! በመኖርህ የምታዝን ሳትሆን ስላለህ ብቻ፣ አምላክህ ፊት በመቆምህ ብቻ ህያዊት ነፍስህን በተስፋ የምትሞላ ሁን። ጠንካራ ነህና ቀላል ነገር አይሰብርህም፤ ብርቱ ነህና በጥቃቅን ክፍተት ተስፋ አትቆርጥም። ከባዱ ሊሰብርህ ቢመጣም እንዳትበገር፤ እጅህን ለመስጠት አትፋጠን። ተስፋህ ውስጥ ገና ያልኖርከው፣ ያላጣጣምከው፣ ያልተነካ ሙሉ ህይወት አለ። በእራሰህ አዝነህ ተስፋ ስላጣህ ከምንም የከፋውን ምንም ሳታገኝ ምንም ታጣለህ፤ እራስህን ትጥላለህ፤ በእራስህ ትከፋለህ፤ መልካሟን የህይወት ገፅም ወደ ክፉ፣ አስደሳቿንም ወደ አሳዛኝ ትቀይራታለህ። ያለፈው ጊዜ ቢያሳምምህ፣ ቢያሰቃይህ፣ ቢያቆስልህም ከበረታህ ከአሁን ጀምሮ ያለው ጊዜ ግን ይጠግንሃል፤ ያክምሃል፤ ያሳርፍሃል።

አዎ! ደጋግመህ በእራስህ ከማዘን ተቆጠብ፤ በእራስህ ከመጨከን ተመለስ። የማይደክም፣ የማይዝል፣ የማይታመም ሰው የለም። ሲስቅ የምታየው ሁሉ የሚያለቅስበት ጊዜ ነበር፤ ሲደሰት የተመለከትከው ሁሉ በህይወት አጋጣሚ ለአሳዛኝ ክስተት የሚጋለጥበት ጊዜ ይኖረዋል። ኑሮ ስለከበደህ ህይወትህን እንደ እርግማን አትቁጠራት፤ ችግር ስለተደራረበብህ በብሶት አንገትህን አትድፋ። የጨለመችው ጀንበር ጎህ ለምትቀደው ብረሃን ቦታ የምትለቅበት ጊዜ ይመጣል፤ መቼም ጨልሞ አይቀርም። የምታምነው አምላክ ሁሌም ከጎንህ ነውና መቼም ብቻህን እንደሆንክ አይሰማህ። ከተሰባሪው ሰው በላይ በማይበገረው ፅኑ ድጋፍህ በሆነው በፈጣሪህ ተማመን። በምክንያት የሆኑት ሁሉ በምክንያት ያልፋሉ፤ ያስደመመህን ለውጥ በሰዎች ላይ እንዳየሀው አትቀርም፤ ከበረታህ፣ በተስፋ ከተሞላህ፣ ካመንክ፣ በእምነትህ ልክ ከጣርክ ያለጥርጥር ያንን ለውጥ በአንተም ህይወት ሲከሰት ትመለከተዋለህ።
ውብ ምሽት ይሁንልን! 🌘🌒✨💫
✍ (Epha A.)
ምክረ-አዕምሮ ለተሻለ ነገ! 🦋

🔺🔻በYouTube ቤተሰብ መሆኖን እንዳይረሱ!
SUBSCRIBE NOW! 👇
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊💪

3,078

MIKRE AIMRO | ምክረ-አዕምሮ™

08 Jan, 15:54

🔴 ቆፍጠን በሉ!

👍LIKE ✍️ COMMENT SUBSCRIBE 📣 SHARE 🙏

https://youtu.be/YnMusLdztPY?si=OR4n9wV3_67rdnnX

2,782

MIKRE AIMRO | ምክረ-አዕምሮ™

08 Jan, 05:35

ቀላሉን እርሱት!
፨፨፨//////፨፨፨
ስለ ቀላሉ ገንዘብ መስሪያ መንገድ ብዙ ሲባል ሰምታችኋል፣ ስለ ቀላሉ ስራ ብዙ ተብላችኋል፣ ስለ አቋራጩ ሃብት ማከማቻ መንገድ፣ ስለ ተለመደው የቁማር ጫወታ ከብዙም ብዙ ሰምታችኋል፣ ከመስማትም በላይ ደጋግማችሁ ሞክራችሁታል። ነገር ግን ምን አገኛችሁ? እድሜን ከማባከን፣ ስሜትን ከመረበሽና እንቅልፍን ከማጣት በቀር ምን አተረፋችሁ? ምንም። ሁሌም የሰነፎች መገለጫ አቋራጭ መንገድ ነው፤ ሌቦች አምታተው ማትረፍ የሚፈልጉ ናቸው። ለማንም ያልሰራውን መስጠት እንደማትፈልጉ ሁሉ ባልሰራችሁትም ለመሸለም አትሯሯጡ። ቀላሉን መምረጥ ቀላል እንደሚያደርጋችሁ አስታውሱ፣ አቋራጩን መምረጥ ብኩን እንደሚያደርጋችሁ ተረዱ። ለሰነፎች ቦታ የማትሰጥ፣ በቀላሉ የማታበለፅግ፣ በአጭሩም ትርፋማ የማታደርግ ዓለም ላይ እንደምትኖሩ እወቁ።

አዎ! ቀላሉን እርሱት፣ አቋራጩን አቁሙ፣ ማምታታቱ ይቅርባችሁ፣ እራሳችሁም አትወናበዱ። ሰው ያደረገውን ማድረግ ትችላላችሁና ለከባዱ ፈተና እራሳችሁን አዘጋጁ፣ ውስብስቡን ለማለፍ፣ ከባዱን ለመጋፈጥ፣ ፍረሃታችሁን ለማሸነፍ፣ የወደፊት ህይወታችሁን ለማስተካከል፣ ልባችሁን ለማሳረፍ፣ እራሳችሁን ከድህነት ወለል ነፃ ለማውጣት መንፈሳችሁን አጠንክሩ፣ ስሜታችሁን አድሱ፣ ወኔያችሁን አነሳሱ። ከማንም ሳታንሱ ከማንም ያነሰ ህይወት ለመኖር አትንደርደሩ። ማንም ብትሆኑ ያለማቋረጥ የምትሰሩት ስራ የማይከፍላችሁ መንገድ አይኖርም። ተፈጥሮ የምትመራው በአንድ ህግ ብቻ ነው። "ከባዱ ምርጫ ከባድ ባለድል ያደርጋል፣ ቀላሉምርጫ ልፍስፍስ ደካማ ያደርጋል።" ከህጉ ዝንፍ ማለት ለህይወት ዘመን ከባድ ፀፀት ይዳርጋል።

አዎ! ጀግናዬ..! ቀላሉን ማሳደድ አቁመ እራስህን ፈትነው፣ እያወክ ዋጋ አስከፍለው፣ አቀርቅሮ አሰንዲሰራ አድርገው፣ ሳያቋርጥ እንዲተጋ አድርገው። ሰው የሚጠቁምህን ቀላል ስራ ሁሉ አትመን፣ የተባልከውን ሁሉ በመጀመር ጊዜ አታጥፋ። ዋጋህ የሚጨምረው ልክ እንደብረቱ በእሳት ስትፈተን እንደሆነ አስታውስ። አጭሯን እድሜ በልፍስፍሶች መንገድ እየተጓዝክ ይበልጥ አታሳጥራት፣ ውዷን ህይወትህን ትርጉም በማይሰጡ ጥቃቅን ተግባራት እርባና ቢስ አታድርጋት። ጨከን በል፣ ፈተና ያለውን ምርጫ በልበሙሉነት ምረጥ፣ ላሰኘህ ሳይሆን ለሚጠቅምህ፣ ለቀለለህ ሳይሆን ከብዶ ለሚያከብድህ እራስህን አሳልፈህ ስጥ። ጠንክረህ ተፋለም፣ እስከመጨረሻው ታገል፣ መቼም ተስፋህን አትጣ፣ ለከባዱ የህይወት ምርጫም የሚመጥን ማንነትን ገንባ።
ብሩህ ቀን ይሁንልን! 🏞🌞🌅
✍ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,176

MIKRE AIMRO | ምክረ-አዕምሮ™

07 Jan, 17:19

ጨለማው አብቅቷል!
፨፨፨፨/////////፨፨፨፨
አዎ! ጠለማው አብቅቷል እናም ድጋሜ አይመለስም፣ አሳፋሪው ወቅት፣ አስፈሪው ጊዜ አልፏል እናም ድጋሜ አትመለከተውም። ከልክ በላይ ማሰብ፣ ለሚሆነውም ለማይሆነውም መጨነቅ፣ በየትኛውም ስፍራ አቀርቅሮ መጓዝ፣ ለከባዱ የህይወት አጋጣሚ አስቀድሞ መንበርከክ፣ ሰዎች ባስቀመጡት ክብ ደጋግሞ መመላለስ፣ በራስ አለመተማመን፣ በራስ ማፈር፣ እራስን ማሸማቀቅና ማጎሳቆል ሁሉ አብቅቷል። ለእራስህ የምትኖርበት ጊዜ መጥቷል፣ እራስህን የምታኮራበት፣ ከጨለማው አስተሳሰብ፣ ከውድቀት አቋም እራስህን ነፃ የምታወጣበት ጊዜ አሁን ነው። ብዙዎች ስለወደፊት ያወራሉ፣ ብዙዎች በትናንትናቸው ታስረዋል አንተ ግን ዛሬ አሁን የውሳኔ ሰው ሆነህ ተገኝ፣ ዛሬውኑ ህይወትህን ወደመቀየር ተሸጋገር። ለራስህ የገባሃቸው መሰረተ ቢስ ቃላቶች፣ የሚገባህን ህይወት መኖር ያልቻልክበት ጊዜ እንዲያበቃ አድርግ።

አዎ! ጀግናዬ..! ጨለማው አብቅቷል፣ የብረሃን መንገድ ተጀምሯል፤ የኋሊቱ ጉዞ ቆሟል ወደፊት መራመድ ጀምረሃል፤ በራስ ማዘን አብቅቷል በማንነት መኩራት ተጀምሯል። ማስመሳል፣ እራስን ማታለል፣ ለታይታ መኖር ለእይታ መመላለስ፣ እራስን በየአቅጣጫው ማድከም፣ ህይወትን ማክበድ ቀርቷል። ብዙዎች እውነታን መጋፈጥ ይፈራሉ፣ ብዙዎች ሪስክ መውሰድ ይፈራሉ፣ ብዙዎች በስንፍና ታስረዋል፣ በእምነት ማጣት በጥርጣሬያቸው እየተበዘበዙ ነው፣ ብዙዎች ከተግባር በራቀ ሃሳብ፣ እርምጃ ባልተወሰደበት ህልም፣ ከዛሬ ነገ ተንከባሎ በመጣ እቅድ በጭንቀት ይኖራሉ። ከብዙዎቹ አንዱ እንደሆንክ ከተሰማህ እርምጃ የምትወስደው እንደለመድከው በሃሳብ ወይም በእቅድ ወይም በወሬ ሳይሆን በተግባር እንደሆነ አስታውስ።

አዎ! ህይወት ለማን ቀላል ሆና ታውቃለች? ኑሮ ለማን አልጋባልጋ ሆኖ ያውቃል? ለማንም። ማንም ህይወቱን ወዶ ተመችቶት ለመኖር የግድ ማድረግ ያለበት ነገር ይኖራል። በተመሳሳይ የለውጥ አመለካከት፣ በተለመደው የህይወት መረዳት፣ በአንዳይነት የግል አቋም አንዳች የሚፈጠር ነገር የለም። የጨለማው ዘመን ያበቃ ዘንድ ህልምህን መሞከር ይኖርብሃል፣ ከቀደመው ችግር ለመውጣት አዲስ አደጋን መጋፈጥ የግድ ነው፣ ትናንትህን ለማደስ ዛሬ እንቅስቃሴ መጀመር ይጠበቅብሃል። ያለ ተግባር የሚገፈፍ ጨለማ፣ ያለጥረትም የሚመጣ ለውጥ የለም። የምርም ህይወትህን ከወደድከው ይበልጥ ትደሰትበት ዘንድ በምትፈልገው መንገድ መቀየር ይኖርብሃል። ቀስበቀስ ነገር ግን በእርግጥም ነገሮችን ትቀይራለህ፣ በሂደት ነገር ግን የምርም የምትመኘውን ህይወት መኖር ትጀምራለህ። በተስፋህ ተማመን በከባዱ መንገድም ህይወትህን አሻሽል።
ውብ ምሽት ይሁንልን! 🌘🌒✨💫
✍ (Epha A.)
ምክረ-አዕምሮ ለተሻለ ነገ! 🦋

🔺🔻በYouTube ቤተሰብ መሆኖን እንዳይረሱ!
SUBSCRIBE NOW! 👇
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊💪

3,517

MIKRE AIMRO | ምክረ-አዕምሮ™

07 Jan, 15:34

🔴 ለመጠላት ዝግጁ ሁኑ!

👍LIKE ✍️ COMMENT SUBSCRIBE 📣 SHARE 🙏

https://youtu.be/xWzCf4lx3gE?si=7d9r9c9bxSEcqsVD

3,103

MIKRE AIMRO | ምክረ-አዕምሮ™

07 Jan, 04:15

🔴 ንጉስ ተወለደ!

ጌታ ተወለደ!
በሹማምንቶች ቤት ሳይሆን በከብቶች በረት ተወለደ፣ ገና ከውልደቱ ትህትናን ያስተማረበት ቀን እነሆ ዛሬ ነው።
በውልደቱ አዳነን!
በፍቅሩ ማረከን፤
ፀጋውን አበዛልን፤ አምላክ ሆኖ ሳለ በከብቶች በረት ተወለደ። በሹማምንት ቤት በነገስታት እጅ ያድጋል ተብሎ ሲጠበቅ እርሱ ግን ከድንግሊቷ ንፅሃ ነፍስ፣ ንፅሃ ስጋ ቅድስት ማሪያም ተወለዶ በእቅፏ አደገ። በውልደቱ ስፍራ ትህትናውን፣ ንፅህናውንም ከቅድስቲቱ በውልድ አሳየን።

ዙፋኑን ጥሎ አምላክ ተወለደ
ልጆቹን ፍለጋ ወደ ምድር ወረደ
በፍቅር ሊገዛን ከድንግል ማሪያም ተዋሃደ
በአብ አባትነት፣ በመንፈስ ቅዱስ ስርፀት፣
ወልድም ሰው ሆኖ ልጆቹን ሊታደግ፣ ህያዋን ሊያደርገን ወደ ምድር ወረደ።

እንኳን ለጌታችን ለመድሃኒታችን ለኢየሱስ ክርስቶስ በዓለ ልደት በሰላም፣ በፍቅር በጤና አደረሰን፤ አደረሳችሁ። በዓሉ የትህትና፣ የመረዳዳት፣ የመዋደድ፣ የአንድነት፣ የፍቅር ይሆንልን ዘንድ ከልብ እንመኛለን።

❇️ መልካም የገና በዓል ይሁንልን!
✍ (Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,535

MIKRE AIMRO | ምክረ-አዕምሮ™

06 Jan, 18:09

ከዓለም ተላቀቅ!
፨፨፨////////፨፨፨
መለየት ደስ ይላል፣ በታሪክ ውስጥ ማለፍ፣ የእራስን አሻራ ማሳረፍ፣ ሆነም ቀረም የሚያኮራን ተግባር መፈፀም የተለየ ስሜትን ይፈጥራል። ዓለም ሁሌም ስጋን መማረክ ትፈልጋለች፣ ምድር በየቀኑ የጥፋትን በር ከፍታ ትጠባበቃለች። ትኩረት በየሔድንበት ሁሉ በሚታደንበት ዓለም እየኖርን ትኩረትን ሰብስቦ፣ እራስን ገዝቶ፣ ምግባርን አስቀድሞ፣ በአምላክ እየተመሩ መኖር እጅግ ከባድ ነው። ህያዊት ነፍስ የተጠማችው መንፈሳዊውን ስራ እንጂ ምድራዊውን ፌሽታ አይደለም። ለነፍሳችሁ ስትታዘዙ የዓለም አብረቅራቂ ጊጣጌጥ ሁሉ የማይረባ ኮተት እንደሆነ ይገባችኋል። ነፍስ ምንምእንኳን በስጋ ብትጨቆንም የዘወትር ፍላጎቷና አምሮቷ ግን ለአምላኳ መገዛትና በህግጋቱ መመራት ብቻ ነው።

አዎ! ጀግናዬ..! ከዓለም ተላቀቅ፣ ገደብ ከሌለው ስጋዊ ፍቃድ እራስህን ጠብቅ፣ ሰዶ ማሳደድ ውስጥ አትግባ፣ ከዓለም ለማትረፍ አትሽቀዳደም፣ ክብርን ለማግኘት በጥፋት መንገድ አትጓዝ። የዓለም መድሃኒት ጌታችን ኢየሱስ ክርስቶስ ይህን አለ፦ "ለሁለት ጌቶች መገዛት የሚቻለው ማንም የለም፤ ወይም አንዱን ይጠላል ሁለተኛውንም ይወዳል፤ ወይም ወደ አንዱ ይጠጋል ሁለተኛውንም ይንቃል፤ ለእግዚአብሔርና ለገንዘብ መገዛት አትችሉም።" ለገንዘብ የሚገዛ እግዚአብሔርን ሊያከብር አይችልም፤ እግዚአብሔር አምላኩንም ያከበረ እንዲሁ በምድራዊ ንብረትና ዝና አይሰናከልም፣ ለእርሱም ብሎ እራሱን አያጣም፣ ነፍሱንም አያረክስም። የዓለምን ሃብት በሙሉ በእጅ ብታስገባና የእግዚአብሔርን ፍቅር ብታጣ ትርፍህ ምንድነው?

አዎ! ትርፍ ለሌለው ድካም እራስህን አታጋልጥ፣ ለማታርፍበት፣ ውስጥህን ለማታረጋጋበት፣ ሰላምህን ለማታረጋግጥበት ነገር ዋጋ ከመክፈል ተቆጠብ። እራስን መግዛት ተለማመድ ከዛም በላይ እራስህን ለእግዚአብሔር ለማስገዛት የምትፋጠን ሁን። በአምላኩ የሚታመን፣ ለፈጣሪው እራሱን የሰጠ፣ መንፈሱን ለጌታው ያስገዛ ሰው ሁሌም ህይወቱ የተረጋጋችና በሃሴት የተሞላች ነች። በዓላትን አስታኮ ስጋን ብቻ ለማስደሰት መሽቀዳደም፣ መንፈሳዊነትን ረስቶ በዓለም ዳንኪራ ለመሳተፍ መፋጠን፣ እድሜን ጨምሮ፣ ጤናን ሰጥቶ፣ ባርኮና ጠብቆ ለዚ ያደረሰን ፈጣሪ ዘንግቶ የስጋን ፍቃድ ብቻ ለመፈፀም መቻኮል አግባብ አይደለም። በደስታህም ሆነ በሃዘንህ ወቅት የፈጣሪህን አብሮነት አስብ። በደስታህ አመስግነው በሃዘንህም ተማፀነው። በምንም ሁኔታ ውስጥ ብትሆንም በቻልከው መጠን ለነፍስህ የሚበጃትን የአምላክህን ፍቃድ መጠበቅህን አንዳትዘናጋ።
ውብ ምሽት ይሁንልን! 🌘🌒✨💫
(Epha A.)
ምክረ-አዕምሮ ለተሻለ ነገ! 🦋

🔺🔻በYouTube ቤተሰብ መሆኖን እንዳይረሱ!
SUBSCRIBE NOW! 👇
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊💪

3,561

MIKRE AIMRO | ምክረ-አዕምሮ™

06 Jan, 13:21

🔴 በነዚህ 6 ነገሮች ደፋር ሁኑ!

👍LIKE ✍️ COMMENT SUBSCRIBE 📣 SHARE 🙏

https://youtu.be/1jQHFbaEM38?si=Ud2OwbwtDk9f0He_

3,577

MIKRE AIMRO | ምክረ-አዕምሮ™

06 Jan, 07:18

ብርቱዎች ብቻ ይበረታሉ!
፨፨፨፨፨//////////፨፨፨፨፨
ጥሩ በሚባሉት ጊዜያት ማንኛውም ሰው ጥሩ ነው፤ በመልካሙ ጊዜ ብዙ ሰው ሰዎችን ለመርዳት አይቸገርም፣ እንዲሁም ጎበዝ ነው፤ ጠንካራ ነው፣ ማድረግ የሚፈልገውን ያደርጋል፣ በፈለገው ቦታ ይገኛል፣ የተመኘውን ያገኛል፣ የሃሳቡን ይሞላል፣ ውጥኑን ያሳካል፣ መርዳት ያለበትን ይረዳል። ነገር ግን ጊዜያትና ሁኔታዎች ሁሌም በጥሩነታቸው ላይቀጥሉ ይችላሉ። በእኛም ይሁን በሌሎች ምክንያት፣ መልካም የተባሉት ሁነቶች ወደ አስከፊና ወደማይመቹ አጋጣሚዎች ይቀየራሉ። ይህም ሁኔታ በሰዎች መሃል ትልቁን የህይወትና የማንነት ልዩነት ይፈጥራል። ወንፊት ስንዴውን ከእንክርዳዱ እንደሚለየው ሁሉ ይህም ወቅት ጠንካሮችንና ደካሞችን፣ ብርቱዎችንና ሰነፎችን የሚለይ ሁነኛ ወቀት ነው።

አዎ! ጀግናዬ..! ብርቱዎች ብቻ ይበረታሉ! መጥፎ በሚባሉት ጊዜያት ጠንካሮች ብቻ ይጎብዛሉ፤ አስከፊ በተባለ ጊዜ ብርቱዎች ብቻ ይበረታሉ፤ ጀግኖች ብቻ ይጀግናሉ፣ ይጋፈጣሉ፤ ይታገለሉ። ለጋሶች ብቻ ይለግሳሉ፤ መልካሞች ብቻ በጎ ያደርጋሉ፤ ቅኖች ብቻ ቀና ይሆናሉ። የእያንዳንዱ ሰው ጥንካሬ በማይቹ ሁነቶች ውስጥ የተመቻቸ ስፍራን በመፍጠር ይለካል። ፅናትህን የሚፈትን ትንሽ ነገር ሲገጥምህ ከተሰበርክ ምንም ከሌላው የሚለይህ ነገር የለም። እንደማንኛውም ሰው ፈተናዎች ሲመጡ ታቆማለህ፣ ወደ ኋላ ትመለሳለህ፤ እጅህን ትሰጣለህ፣ ትሰበራለህ፤ ትሸነፋለህ። ነገር ግን ከሽንፈትህ ማግስት ለአሸናፊነት እራስህን አዘጋጅ።

አዎ! ጥላቻህ ለብክነት ያጋልጥሃልና፤ ማድረግ ከምትችለው ይከለክልሃልና፤ አምኖ ከመቀበል ዘወትር በምሬት እንድትኖር ያደርግሃልና ደጋግ ጊዜያትን እንደምትወደው ሁሉ ክፉና መጥፎ ጊዜያትንም አምርረህ አትጥላ። በተመቻቸ ጊዜ ስታደርገው የነበረው ባልተመቸህ ሰዓት ለማድረግ ቀላል አለመሆኑ ግልፅ ነው። በብዙ የምትፈተነውም በዛን ሰዓት ነው።
ይብዛም ይነስም በሰውነቱ የችግርን ገፈት ያልቀመሰ፣ በፈተና ውስጥ ያላለፈ ሰው አይኖርም። አንተም የእኔ በምትለው መንገድ የሚመጥንህ ፈተናና ችግር ይገጥምሃልና እራስህን ይበልጥ አጠንክር፤ ሁሌም ነገሮችን እንዳመጣጣቸው ለመመለስ ተዘጋጅ። አንተን ብሎ መምጣቱ ስለሚያስፈልግህ ነውና "ለምን እኔን?" ለማለት አትቸኩል።
ብሩህ ቀን ይሁንልን! 🏞🌞🌅
✍ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,503

MIKRE AIMRO | ምክረ-አዕምሮ™

05 Jan, 17:34

🩸 ስሜትን ለመቆጣጠር 4 መንገዶች!



አንድ ጥናት እንደሚያመላክተው ሁለት ሰዎች እየተነጋገሩ ሳለ፣ የአንደኛቸው አእምሮ የሌላኛቸውን የመምሰል አዝማሚያ አለው። ይህም ማለት ሚስትህ በቁጣ ስትናገርህ፣ ያንተም ምላሽ በቁጣ የተሞላ ይሆናል፤ ልጅህን በስክነት ውስጥ ሆነህ ስታናግረው፣ የእርሱም አእምሮ የሰከነ ይሆናል። 

ወዳጅህ ሲስቅ አንተም ትስቃለህ፤ ወይም እርሱ ሲያዛጋ አንተም ማዛጋት ትጀምራለህ። ሁሉም ስሜቶች ተላላፊ ናቸው፤ ልክ እንደ ጉንፋን። ፍርሃት፣ ጭንቀት፣ ሃዘን ሁሉም ከሰው ወደ ሰው ይጋባሉ። 

ስሜቶችህን ለመቆጣጠርና ወደ መንፈስ ከፍታ ለመድረስ የሚያስችሉህ መንገዶች:-

አንድ- በየዕለቱ፤ ጠዋትና ማታ ለአስር ደቂቃዎች ያህል ጽሞናን አካሂድ።

ሁለት- ከሰዎች ጋር መልካም የሆነ ግንኙነት እንዲኖርህ አድርግ፤ ሳቅህንና መልካም ሃሳቦችህን አጋባባቸው።

ሶስት- በሄድክበት ሁሉ ያንተን እርዳታ የሚሹ ሰዎችን ፈልግ፤ በተቻለህ አቅምም እርዳቸው። ይህም ሁላችንም አንድ ለመሆናችን እና የሌላው ደስታ ያንተም ደስታ እንደሆነ ማስታወሻ ይሆንሃል።

አራት- ያበሳጨህን፣ ያናደደህን ነገር በማስታወሻ ደብተርህ ላይ አስፍር፤ ይህን ስታደርግ ንዴትህ ይበርድልሃል፡፡

የአእምሮ ኢነርጂ መጽሐፍ

https://t.me/Elodia_G
https://t.me/Elodia_G

3,591

MIKRE AIMRO | ምክረ-አዕምሮ™

05 Jan, 16:01

🔴 ካሁን ቦሃላ አትናቁም!

👍LIKE ✍️ COMMENT SUBSCRIBE 📣 SHARE 🙏

https://youtu.be/gu8569sVGy0?si=dHLBa6HT01_wOkvJ

3,427

MIKRE AIMRO | ምክረ-አዕምሮ™

04 Jan, 19:21

⭕️እንግሊዝኛን በአንድ ወር ውስጥ አቀላጥፎ ማውራት ይፈልገሉ❔

👍አዎን እፈልጋለሁ ካሉ
👌እንግዲያውስ አሪፍ ቻናል ልጋብዛችሁ
❤️ያለ ምንም ጥርጥር
ትወዱታለችሁ💯

✳️JOIN አድርጉና እንግሊዝኛን በአማረኛ ይማሩ✅

የቻናሉ Link👇👇
@Learn_English_Language_USA
@Learn_English_Language_USA
@Learn_English_Language_USA

874

MIKRE AIMRO | ምክረ-አዕምሮ™

04 Jan, 18:07

አዲሱን መንገድ ውደደው!

➡️

🗣️

ከዚህ በፊት ያልተጓዝክበትን፣ ያልሄድክበትን፣ ያልመረጥከውን መንገድ ውደደው፤ ከአዲሱ ተሞክሮህ ጋር ትስስር ፍጠር። ያላደረካቸውን ነገር ግን ያመንክባቸውን የተለዩ ድርጊቶች ከልብህ ውደዳቸው፣ ፈልጋቸው፣ ተዳፈራቸው፣ ተላመዳቸው። አዲስ መንገድ የአዲስ ግኚት ቁልፍ ነው፤ የአዲስ ግኚት መጨረሻም የተሻለና ከፍ ያለ ውጤት ማስገኛ ነው። ከዚህ በፊት ያልተደረጉ፣ በህይወታችን ፈፅመናቸው የማናውቃቸው፣ ኬት አንስተው የት ሊያደርሱን እንደሚችሉ የማናውቃቸው አዳዲስ ተግባሮች የምርጫችን ውጤት፣ የፍላጎታችን መነሻ ከሆኑ የተሻለ ነገር የማስገኘት እድላቸው ከፍተኛ ነው። ፍቅር ውስጥ ጥርጣሬ የለም፤ መውደድና ፍረሃት አብረው አይሄዱም፤ ህልምና ስጋት አይጣጣሙም። አዲስ ነገር እስኪጀመር ሊያስፈራ ይችላል፣ ካልተጀመረ ግን ሁሉም ነገር በነበረበት መቀጠሉ አይቀርም። ፍረሃትህን የሚደመስስ፣ ስጋትህን የሚያስወግድ መውደድ ያስፈልግሃል።

አዎ! ጀግናዬ..! አዲሱን መንገድ ውደደው! ፍረሃትህን በፍቅሩ አሸንፈው፣ ስጋትህን በመውደድህ ርታው፤ በሩን በድፍረት ክፈተው። በነገሮች ላይ ያለህ አረዳድ ሲቀየር፣ እይታዎችህ ሲለወጡ፣ በአዳዲስ እርምጃዎችህ ማመን ስትጀምር፣ ውስጥህ በድፍረት ሲሞላ፣ የወደድከው ላይ ስታተኩር የተዘጉ መንገዶች ይከፈቱልሃል፤ የተለየው እይታህ ለተለየ ውጤት፣ የተለየው ተግባርም ለተሻለ ድል ያበቃሃል። ሁሌም አዲስ ተግባር ውስጥ አዲስ ልምድ፣ አዲስ ውጤት፣ አዲስ ተሞክሮ ይገኛል። ከባቢህን የምትቀይረው የተሻለ ነገር ፍለጋ ነው፤ አዲስ ሰዎች የምትተዋወቀው፣ አዲስ ወዳጅነት የምትመሰርተው፣ አዲሱን መንገድ የመረጥከው ማንነትህን ለማሻሻል፣ እራስህን ለማብቃትና ለመቀየር ነው። የዘመናት ጥረትህ ተጨባጭ ውጤት ካላመጣልህ በተለየ አቅጣጫ መንቀሳቀሱ ያንተ ድርሻ ነው።

አዎ! የወደድከው ነገር አሸናፊ ያደርግልሃል፤ ምርጫህ ለውጤታማነት ያበቃሃል፤ እምነትህ ወደፊት ያራምድሃል። ስንቶች ለማይወዱት ስራ ስንት መሱዓትነት እየከፈሉ ባሉበት ሰዓት አንተ ለወደድከው፣ ለመረጥከው፣ ላመንክበት አዲስ መንገድ መሱዓትነት መክፈል አያቅትህም። ፍቅርህ ብቻ ብርታት ይሆንሃል፤ ፍረላጎትህ ብቻ እምቅ አቅምህን ያወጣዋል፤ መውደድህ ብቻ ህይወትና ተግባርህን ያስተሳስራል። ለእራስህ ብርታት መሆን ከፈለክ፣ ድሎችህን ማክበር፣ በጥንካሬዎችህ መደነቅ፣ ለተሻለ ነገር መብቃት ከፈለክ በአዲስ ወኔ፣ በአዲስ ፍቅር፣ በተለየ መንገድ ማሸነፍ ጀምር። ትናንት በነበርክበት መንገድ ምንም አይነት ስሜት ሰጪ አዲስ ግኚት ካልተገኘ በድፍረት የወደድከውን መምረጥ ያንተ ሃላፊነት ነው። ከልበህ የወደድከውን፣ ከመንፈስህ ጋር የተዋሃደውን፣ ስሜት የሚሰጥህን፣ ትልቅ ትርጉም እንዳለው የተማመንከውን ተግባር ከጀመርክ የምታቆምበት ምክንያት አይኖርህም። መውደድህን ሃይልህ፣ ፍቅርህን ብርታትህ አድርገው፤ ለወደድከው እስከ ጥግ መጋፈጥንም ከማንነትህ ጋር አዋህደው።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

4,167

MIKRE AIMRO | ምክረ-አዕምሮ™

04 Jan, 08:30

⚠️

አስተውሉ!

🔴

የሚያስፈልጋችሁን ነገር ሁሉ አላችሁ!

🎙 ረጅም ሰዓት ያለማቋረጥ መስራት አይጠበቅባችሁም፣ የሚያስፈልጋችሁ አለመረበሽ ነው።

🎙የሚያስፈልጋችሁ መነቃቃት አይደለም፣ የሚያስፈልጋችሁ ራስን መግዛት ነው።

🎙 ብዙ ግብዓት አያስፈልጋችሁም የሚያስፈልጋችሁ ያላችሁ በቂ እንደሆነ ማሰብ ነው።

🎙የሚያስፈልጋችሁ እድል አይደለም የሚያስፈልጋችሁ ዝግጂት ነው።

🎙የሚያስፈልጋችሁ በስራ መወጠር አይደለም፣ የሚያስፈልጋችሁ ስራውን በሙሉ ትኩረት መስራት ነው።

🎙ሁሉንም ነገር ማወቅ አይጠበቅባችሁም፣ የሚያስፈልጋችሁ ጀምሮ መገኘት ነው።

🔗ምክንያት ከመደርደር አዙሪት ውጡ፣ ነቃ በሉ በእጃችሁ ላይ ባለ ነገር ወደፊት ተራመዱ፣ እንቅስቃሴ ላይ ስለመሆናችሁ ብቻ እርግጠኛ ሁኑ፣ ሌላውን ጉዳይ ለሂደቱ ስጡት።
ብሩህ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,355

MIKRE AIMRO | ምክረ-አዕምሮ™

03 Jan, 18:37

አይንህን ግለጥ!

➡️

🗣️

ወደኋላ ዞረህ እራስህን ስትመለከት ምን ይታይሃል? ብዙ ርቀት ወደፊት ተጉዘሃል ወይስ እዛው አካባቢ በቅርብ ርቀት ነህ? ሃሳቦችህን በሚገባ አሳክተሃል ወይስ ከነጭራሹ ትተሃቸዋል? አምስት አመታትን ወደኋላ ስትቆጥር የነበሩ ችግሮችህ ዛሬም አሉ ይሆን? ያኔ ሲያስጨንቁህ የነበሩ ጉዳዮችስ ከምን ደረሱ? በጊዜ ፍጥነት ነገሮች በቶሉ ይቀያየራሉ። የሆነ ጊዜ እራስን ማወቅ፤ እራስ ላይ መስራት፣ እራስን ማዳን፤ ከእራስ በላይ ለሰዎች መኖር የሚባለውን ነገር አናውቀውም ነበር። ዛሬ ግን ህይወት በእራሷ በተግባር እያስተማረችን ነው። ዝም ብሎ በዘፈቀድ መኖር፣ ያለምንም እቅድና አላማ ምድር ላይ መመላለስ ህይወትን የባሰ ከባድና ውስብስብ እንደሚያደረግው እራሷ ህይወት በሚገባ አስረድታናለች።

አዎ! ጀግናዬ..! አይንህን ግለጥ፤ በአፅንዖት መመልከት ጀምር፤ እራስህን በሚገባ መርምር። ከአመታት በፊት የነበርክበት ስፍራ ነህ ወይስ እየተጓዝክ ነው? ዛሬም ባለፉት አመታት ችግሮችህ ተከበሃል ወይስ ከእንቅስቃሴህ ጋር ከተቀየሩ አዳዲስ ችግሮችህ ጋር ነህ? የት ነበርክ? የትስ አለህ? ምን ይዘሃል? ከምንስ ደርሰሃል? እድሜ እስከጨመረ ድረስ የፊት ገፅታ፣ የሰውነት አቋምና ድምፅ መቀየሩ አይቀርም። ዋናው ቁብነገር ግን እርሱ አይደለም። በግል ስብዕና፣ በአመለካከት፣ በአስተሳሰብ ልኬት፣ በማስተዋል ችሎታ እራስህ ላይ የተመለከትከው ለውጥና እድገት ምንድነው? ምናልባት በቻልከው መጠን ትጥር ይሆናል፤ ብዙ ስራ እየሰራህ፣ ብዙ ወዳጆችህን አፍርተህም ይሆናል። ሂደቱ ካልሰራህ ግን እራስህ ቆም ብለህ ማሰብ ይጠበቅብሃል።

አዎ! ምንም ቢሆን አንተን የማይቀይር፣ እሴት የማይጨምርብህ፣ ዋጋህን ከፍ የማያደርግ፣ ካለህበት ቦታ ፈቀቅ የማያደርግህ ጥረት ምንም ትርጉም የለውም። ከፍጥነቷ የተነሳ ህይወትን ትናንት ብለን ዛሬ ለማለት ጊዜ ልናጣ እንችላለን፤ ያለምንም ቁብነገርና አለማ የሚደረግ ሩጫ ደግሞ ጠዓም እያሳጣት በብዙ እጥፍ ያሳጥራታል። የመኖርህን ትርጉም ለመረዳት ጊዜ አታጥፋ፤ አይንህን በቶሎ ግለጥ፤ እርሱን ለማወቅ ማድረግ የሚጠበቅብህን ሁሉ አድርግ። በዚህ ጉዳይ ቀጠሮ ሰጠህ ማለት ህይወትህን ሙሉ፣ ትርፋማ፣ አስደሳችና በእግዚአብሔር የተወደደ ለማድረግ እያቅማማህ እንደሆነ እወቅ። ህይወትህን መቀየር እንደምትችል፣ የተሻለ ስፍራ ማድረስ እንደምትችል ማወቅህ ብቻ በቂ አይደለምና ውስጥህ የሚመላለሰውን ግሩም ሃሳብ በመተግበር በመግለፅ እውቀትህን ተግባራዊ አድርገው።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,469

MIKRE AIMRO | ምክረ-አዕምሮ™

03 Jan, 16:22

🔴

ሰው አትለምኑ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/BgZd7LnRYgI?si=QbADPXi4iUVwYFg9

3,241

MIKRE AIMRO | ምክረ-አዕምሮ™

03 Jan, 05:42

ራሳችሁን አትግለፁ!

➡️

🗣️

ብዙዎች ምን ያስባሉ? ራሳቸውን ከልክ በላይ ስለገለፁ ሰዎች የሚረዷቸው ይመስላቸዋል፣ ደጋግመው ስለራሳቸው ስላወሩ ሰው የሚቀበላቸው ይመስላቸዋል፣ የራሳቸውን ችግር ሳይፈቱ የሌሎችን መፍታት እንደሚችሉ ያስባሉ። ነገር ግን ያለው እውነት ከዚህ የተለየ ነው። የሰው ልጅ የሚረዳችሁ ብዙ ስላወራችሁ ወይም ብዙ ስለ ለፋችሁ ሳይሆን ሊረዳችሁ ሲፈልግ ብቻ ነው፤ የሰው ልጅ ከጎናችሁ የሚቆመው ስላሳዘናችሁት ወይም ስር ስሩ ስላላችሁ ሳይሆን በአስፈላጊነቱ ሲያምን ብቻ ነው። ከሰው ጋር ባላችሁ ግልፅ ያልሆነ ግንኙነት ምክንያት ራሳችሁን ስቃይ ውስጥ አትክተቱ፣ ከልክ በላይ ብዙ ነገር ከሰው እየጠበቃችሁ ራሳችሁን አታስጨንቁ። የትኛውም ገደብ የሌለው ግንኙነት መጨረሻው መጎዳዳት እንደሆነ አስተውሉ። ማንንም ለመቆጣጠር አትሞክሩ፣ ማንም እንዲቆጣጠራችሁም አትፍቀዱ። ግንኙነት ሊኖራችሁ የሚችለው ከምታውቁት ሰው ጋር ብቻ እንዳልሆነ እወቁ። በየትኛውም ማህበራዊ ሚድያ የምታውቁትን ሰው ከልክ በላይ እየተከተላችሁና በእርሱ ሃሳብ እየተመራችሁ ከሆነ መጨረሻችሁ እንደማያምር አትጠራጠሩ። መቼም ቢሆን የእኔ የምትሉት አመለካከትና አቋም ሊኖራችሁ አይችልም፣ እንዴትም ቢሆን የምትኮሩበት ደረጃ ላይ ልትገኙ አትችሉም።

አዎ! ራሳችሁን አትግለፁ፤ የምታውቁት ሰው ሁሉ እንዲያውቃችሁ አታድርጉ። ፍላጎታችሁን የሚያውቅ፣ ውስጣችሁን የተረዳ፣ የሚያስደስታችሁን ነገር የሚያውቅ ሰው እናንተን ለመቆጣጠር ትልቅ ነገር ማድረግ አይጠበቅበትም። የምትፈልጉትን ያቀርብላችኋል እናንተም የራሳችሁን ህይወት መኖር ትታችሁ እርሱን መከተል ትጀምራላችሁ፣ ትኩረታችሁን ከራሳችሁ ላይ አንስታችሁ አርሱ ላይ ታደርጋላችሁ፣ ሁን ተብሎ ለሚሰጣችሁ ጊዜያዊ ደስታ ብላችሁ የወደፊት ህይወታችሁን መሱዓት ታደርጋላችሁ። ሳታውቁት ትኩረታችሁን እየሸጣችሁት ነው፣ ሳይገባችሁ የሆነ አካል ባሪያ እየሆናችሁ ነው፣ እንዲሁ በደፈናው ወደማታውቁት የህይወት መስመር እየገባችሁ ነው። ማንነታችሁ በታወቀ ቁጥር ለብዙ ሀሳቦች እየተጋለጣችሁ ትመጣላችሁ፣ ፍላጎታችሁን ባሳያችሁ መጠን ተከታይ ብቻ የመሆን እድላችሁ እየሰፋ ይመጣል። በምንም መንገድ ሊያነቁዋችሁና ለተሻለ ስፍራ ሊያበቋችሁ የማይችሉትን ከዛም በላይ የማይመለከቷችሁን ሰዎች ሌትከቀን ትከታተላላችሁ ቦሃላ ግን ራሳችሁን ትወቅሳላችሁ።

አዎ! ጀግናዬ..! አሰየታደንክ ነው፣ እየተፈለክ ነው። "እንዴት? ለምን?" ካልክ ምክንያቱም ሲበዛ ግልፅ ነህ፣ አዕምሮህን አደባባይ አስጥተሀዋል፣ የውስጥ ገመናህን ለማንም አሳይተሃል። የምትታደነውም ለሚሰጥህ ነገር ምንም የማትከፍል ከሆነ የምትሸጠው አንተ ስለሆንክ ነው። ግልፅ መሆን አለብኝ ካልክ የሚጠቅምህን አቋም ብቻ ግለፅ፣ ማንነቴ ሊታወቅ ይገባል ካልክ የሚጥልህን ማንነት አደባባይ አታውጣ። አደጋ ላይ ነህ ራስህን ጠብቅ፣ ህይወትህ በሰው ቁጥጥር ስር እየገባ ነው ፈጥነህ ራስህን አድን። አሁን የፈለከውን ነገር ሁሉ እያደረክ ያለህ ሊመስልህ ይችላል፣ ምናልባትም ዛሬ በምርጫህ እየኖርክ እንደሆነ ሊሰማህ ይችላል ነገር ግን አሁንም እውነታው ካልገባህ ቀስበቀስ ህይወትህ ካንተ ቁጥጥር ስር እየወጣ እንደሆነ አስተውል። ጊዜ አታጥፋ ከእያንዳንዱ ነገር ተማር። ከሰው ተማር፣ ከተፈጥሮ ተማር፣ ከህይወት ተማር፣ አንተን ማዕከል አድርገው ከሚሰሩ ፕሮግራሞች ተማር፣ ዘመንህን ሙሉ በመዝናናትና በጫወታ ጊዜህን አታባክን። ከመጣብህ አደጋ ራስህን አድን፣ በዙሪያህም ላሉት ከለላ ሁናቸው።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,855

MIKRE AIMRO | ምክረ-አዕምሮ™

02 Jan, 17:41

በእድልህ አትተማመን!

➡️

🗣️

መዳረሻህ በእድልህ አይወሰንም፤ ስኬትህ በአጋጣሚ አይመጣም፤ ልዕልና እንዲሁ ከአየር ላይ የሚታፈስ አይደለም። በውሳኔህ ልክ ህይወት የምትሰጥህ ስጦታ አለ፤ በምርጫህ አኳሃን የምትደርስበት ስፍራ ይኖራል። በእድል የሚያምን ስኬት የተባለውን አስደሳችና ትርጉም ሰጪ ህይወት ሊያገኝ አይችልም። በአጋጣሚ ነገሮች ሊመቻቹልህ ይችላሉ፤ እንደ እድል ከቤተሰብህ ባገኘሀው ንብረት ልትከብር ትችላለህ፤ ሎተሪም ሊደርስህ ይችላል። ነገር ግን ያ ሁሉ በአጋጣሚ የመጣው ነገር በአጋጣሚ ቢጠፋ ዳግም የምታገኝበት እድልህ እጅጉን ያነሰ ነው። መርጠህ የመጣህበት ስትመለስ ሊጠፋብህ አይችልም። በአጋጣሚ የገባህበት ስፍራ ግን መውጫውም አዳጋች ነው። ምርጫህ ውጤት እስኪያመጣ ድረስ ከባዱ መንገድ ነው፤ እድል ግን ከውጤቱ ቦሃላም ሆነ በፊት ከባድ ሁኔታ መፍጠሩ አይቀርም።

አዎ! ጀግናዬ..! በእድልህ አትተማመን፤ አጋጣሚ ላይ አትደገፍ። በምትኩ ለምርጫህ ትኩረት ስጥ፤ በውሳኔህ ተማመን፤ ለፍላጎትህ የምትከፍለውን መሱዓትነት በሚገባ ጠንቅቀህ እወቀው። ለፍተው፣ ደክመው፣ ጥረው ግረው በተቀየሩ ሰዎች አትቅና። ከቻልክ የእነርሱን መንገድ ምረጥ፤ ካልሆነ ግን ስለ እድለኝነታቸው ደጋግመህ አታውራ። ታሪክ የሚፃፈው በእድልህ ሳይሆን በመረጥከው ምርጫ ነው። እድል ላይቀናህ ይችላል፣ የሚልቀው ምርጫህ ግን ሁሌም በእጅህ፣ ሁሌም በቅርብህ ነው። የያዝከውን ይዞ መቀመጥ ምርጫ ነው፤ ገና ለገና የሚመጣውን መጠባበቅ የአጋጣሚ ምርኮኛ፣ የእድል ተጧሪ መሆን ነው። ገና ለገና እንደሚፈጠር በሚታሰብ መላምት ህይወትህ ወደፊት ሊራመድ አይችልም። ምርጫህን በጊዜ ካልተጠቀምክ ኪሳራህ በየጊዜው እየጨመረ ይሔዳል።

አዎ! ገበሬ አምኖ ዘሩን ይዘራል፣ ፍሬውንም ያጭዳል። ያለመዝራትና መንግስት እንደሚረዳው የመጠበቅ ምርጫ ግን ነበረው። ይህ ግን የሚሆነው እድለኛ ከሆነ ብቻ ነው፤ ካልሆነ ግን እድሉን እያማረረ ለመኖር እራሱ ላይ መፍረዱ የግድ ነው። "እድሌ ጠማማ ነው፤ እኔ የነካውት ነገር አይበረክትም፤ እድለኛ አይደለሁም።" እያልክ እጅህን አጣጥፈህ የመቀመጥ ሙሉ ምርጫ አለህ፤ በዛው ልክ ጠማማውን እድልህን ለማቃናትም በድፍረት ወደ ተግባር የመግባት ምርጫ አለህ። እድልህን እርሳውና በምርጫህ ላይ ህይወትህን ገንባ፤ አጋጣሚዎችን መጠባበቅ አቁምና በውሳኔዎችህ አጋጣሚዎችን መፍጠር ጀምር። አብዝተህ ስለጠበከው የሚመጣው አጋጣሚ ሳይሆን ያንተ ብክነት እንደሆነ ተረዳ። በምጫህ ማንነትህን አስከብር፤ በውሳኔህ የወሳኝ አጋጣሚዎች ባለቤት ሁን።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,440

MIKRE AIMRO | ምክረ-አዕምሮ™

02 Jan, 16:33

🔴

የስንፍና ባሪያ አትሁኑ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/uaKDH_G08wk?si=3g0wMbCmLZ2QpuiU

3,486

MIKRE AIMRO | ምክረ-አዕምሮ™

02 Jan, 07:27

በቀላችሁን መልሱ!

➡️

🗣️

ብትፈልጉም ባትፈልጉም ማንም ቆሞ አይጠብቃችሁም፣ ተመኛችሁም አልተመኛችሁም ምንም ነገር በነበር አይቀጥልም። ያለፈው አልፏል፣ የሆነው ሆኗል፣ የሚሆነውም ወደፊት ይሆናል። በእናንተ ምርጫ ሳይሆን መሆን ስላለበት ይሆናል። በገዛ ፍቃዳችሁ ዓለም እንድትገፋችሁ፣ በምርጫችሁ ምድር ፊቷን እንድታዞርባችሁ፣ ሰዎችም እንዲርቋችሁ አታድርጉ። ህይወትን እንድ ህይወት ኑሯት፣ የግል ዓለማችሁን ሰፋ አድርጋችሁ ተመልከቷት፣ ያመለጣችሁን የተሻለ ኑሮ የመኖር እድል አሁን መበቀል ጀምሩ። ነገሮችን ሁሉ ግላዊ እያደረጋችሁ ራሳችሁን አታሰቃዩ። ከዚህ ቀደም የማትፈልጉትን ህይወት ስትኖሩ የነበራችሁት እናንተ ብቻ አይደላችሁም። ከዛ ህይወት ግን እናንተ ብቻ መውጣት ትችላላችሁ፣ ያንን ህይወት ግን እናንተ ብቻ ልትቋጩት ትችላላችሁ። በእርግጥ የሰው ህይወት አይመለከታችሁም ነገር ግን ውድቀትና ችግራችሁን ግላዊ ካደረጋችሁ በደምብ ይመለከታችኋል። በምንም ጉዳይ ከልክ በላይ ማዘን፣ መሳቀቅ፣ መጨነቅ አያስፈልግም። ከእናንተ አቅም በላይ የሆነን ነገር አምናችሁ ተቀበሉት፣ የእናንተ ጉዳይ ያልሆነን ነገር ተውት። ብዙ ጥላችሁ ልታልፉት የሚገቡ የህይወት ፈተናዎች እያሉባችሁ ከሰው ጋር ተጨማሪ ግግብግብ ውስጥ አትግቡ።

አዎ! የሰው ሳይሆን በሙላት የመኖር በቀላችሁን መልሱ፣ የክህደት ወይም የመገፋት ሳይሆን ከፍ ብሎ የመኖር በቀላችሁን፣ በስኬት መንገድ የመመላለስ አምሮታችሁን፣ ተርፎ ተትረፍርፎ የመኖር ምኞታችሁን መልሱ። ሰው መጣ ሰው ሄደ፣ አንዱ ጠቀማችሁ አንዱ ጎዳችሁ፣ በአንዱ አተረፋችሁ በአንዱ ከሰራችሁ፣ አንዱ አስደሰታችሁ አንዱ አሳዘናችሁ። ህይወት ግን በዚህ ነገር አትቆምም። ፈጣሪ የፈቀደው መሆኑ ላይቀር የሰውን በደልና ክፋት እየቆጠራችሁ ልባችሁን አታስጨንቁት፣ ከሆነላችሁ መልካም ነገር በላይ የሆነባችሁን መጥፎ ነገር አትቁጠሩ። ሰው እያሳደዳችሁ ህይወታችሁን በሚገባ ሳትኖሩ እንዳታልፉ፣ እድሜ ልካችሁን ስለሰው ጉዳይ እየተጨነቃችሁ የራሳችሁን ህይወት ባዶ አታድርጉት። መበቀል ካለባችሁ ሰውን ሳይሆን ራሳችሁን ተበቀሉ፣ መናደድ ካለባችሁ በሰው ሳይሆን በራሳችሁ ጥፋት ተናደዱ። ሰው ላይ ጣት መጠቆም እናንተን ጠንካራ ወይም ፃድቅ አያደርጋችሁም፣ የሆነ አካል መርጣችሁ መውቀስ ለእናንተ የሚያመጣላችሁ የተለየ ነገር የለም። ትርፍ ያለው ህይወት መኖር ከፈለጋችሁ፣ ትርጉም በሚሰጣችሁ መንገድ መመላለስ ካሰባችሁ እለት እለት ራሳችሁን ውቀሱ፣ ከባዶ ወቀሳም በላይ ለአንዴና ለመጨረሻ ጊዜ ራሳችሁን አስጨንቃችሁ ፍሬ አፍሩ።

አዎ! ጀግናዬ..! ፍፁም ነፃ አውጪው በቀል በሰው ላይ የምትወጣው በቀል ሳይሆን ራስህ ላይ የምትወጣው በቀል ነው። ማንኛውንም የጎዳህን ሰው ዳግም ብትጎዳው በሰውዬው ጉዳት የምታገኘው አንዳች ትርፍ የለም። ይልቅ የራስህን የቀደመ ጥፋትና በደል ሽረህ ራስህን በተሻለ መንገድ ብትበቀል ከአንተ በላይ የሚጠቀም አካል የለም። በቀል ሁሌም አሉታዊ ተግባር አይደለም፣ በቀል ሁሌም ጥፋት አይደለም። ራስህን ተበቀልክ ማለት ያመለጡህን ጥሩ የህይወት አጋጣሚዎች ተበቀልክ ማለት ነው። ባለፈ ጊዜ ላይ ቆመህ መጪውን ጊዜ ማስተካከል አትችልም። የትኛውም ስህተትም ሆነ ጥፋት የሚታረመው ከአሁን ጀምሮ ባለው መጪ ጊዜ ነው። ፊት ኋላህን አስተውል፣ ግራ ቀኝህን ተመልከት፣ መጣል መነሳት ያሉባቸውን ነገሮች ለይ፣ ቀና ብለህም አዋጩን ትክክለኛ መንገድ ተከተል። በተበዳይነት እሳቤ ራስህን እየወቀስክ አትኑር። ለራስህ ክብርና ዋጋ ስትል በፍፁም የጎዱህ ፊት ዝቅ አትበል፣ ከእነርሱ በላይ ራሳን ከፍ የማድረግ ትልቅ አጀንዳ እንዳለህ በተግባር አሳይ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,633

MIKRE AIMRO | ምክረ-አዕምሮ™

01 Jan, 19:06

ጉዞ ላይ ናችሁ!

➡️

🗣️

ያላችሁበት ሁኔታና ቦታ የማይመች፣ አሰልቺ፣ ለእናንተ የማይመጥንና “ራሴን እዚህ ቦታ አገኘዋለሁ ብዬ አላስብም ነበር” የሚያሰኝ ቢሆንም፣ “እንኳን በዚያ ሁኔታ አለፍኩ” የምትሉበትን ሁኔታ መፍጠር ትችላላችሁ፡፡ ያንን ለመፍጠር ግን በጉዞ ላይ መሆን አለባችሁ፡፡

1. ትምህርት፡- ካላችሁበት ሁኔታና ቦታ የምታገኙትን ሁሉ ትምህርት ውሰዱ፡፡ አንዳንድ የሕይወት ትምህርቶች በሁኔታው ካላለፋችሁ በስተቀር በፍጹም አትማሯቸውም፡፡ አንድ ልምምድ ጎጂን የባከነ የሚሆነው ትምህርት ካልተገኘበት ብቻ ነው፡፡

2. ውሳኔ፡- ካላችሁበት ሁኔታና ቦታ ለመውጣት ተገቢውን ውሳኔ አድርጉ፡፡ ዋናው ነገር የላችሁበት ሁኔታ ሳይሆን በዚያ ላለመቆየት ያላችሁ ምርጫና ውሳኔ ጉዳይ ነው፡፡

3. እቅድ፡- ካላችሁበት ሁኔታና ቦታ የምትወጡበትን ተገቢውን እቅድ አቅዱ፡፡ ካላችሁበት ሁኔታ ለመውጣት መወሰን ለብቻው በቂ አይደለም፡፡ በሚገባ የታሰበበትና ተግባራዊ ሊሆን የሚችልን እቅድ ከጊዜ ገደብ ጋር ማስቀመጥ የግድ ነው፡፡

4. እንቅስቃሴ፡- ካላችሁበት ሁኔታና ቦታ ለመውጣ ተገቢውን እቅስቃሴ አድርጉ፡፡ ከትምህርቱ፣ ከውሳኔውና ከእቅዱ በኋላ፣ ባቀዳችሁት መሰረት ወቅቱን ጠብቃችሁ መንቀሳቀስ ከቻላችሁ የላቀ ማንነት ይዛችሁ መውጣታችሁ አይቀርም፡፡

ከላይ የተጠቀሱትን ተግባራዊ እውነታዎች ከተለማመዳችሁ ያላችሁበት ቦታ በእርግጥም የምትማሩበት፣ የምታድጉበትና ለነጋችሁ በስላች የምትወጡበት ትክክለኛ ሁኔታና ቦታ ይሆንላችኋል፡፡
✍ Dr.EyobMamo
ውብ ምሽት ይሁንልን! 🌘🌒

✨

💫

ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,757

MIKRE AIMRO | ምክረ-አዕምሮ™

31 Dec, 18:05

ውብ ነሽ!

➡️

🗣️

ከሰዎች ጠብቀሽ ላታገኚው ትችያለሽ፣ በወዳጆችሽ መባል ፈልገሽ አልተባልሽም ይሆናል፣ የተለየ ቦታ በሰጠሻቸው ሰዎች እንዲሁ የተለየ ስፍራ አልተሰጠሽም ይሆናል። ነገር ግን አንድ ነገር አስታውሺ የትም ሳትሔጂ፣ ማንንም ሳትመስዪ፣ ከማንም ሳትወዳጂ፣ ማንም ሳይኖርሽ፣ ምንም ሳትጨምሪ እንዲሁ ውብ ነሽ። ውበትሽም የግድ በሰዎች ሊነገርና ሊደነቅ አይገባም። ዛሬ ውብ እንደሆንሽ የነገረሽ ሰው ነገም ውብ ስለመሆንሽ እንደሚመሰክር እርግጠኛ መሆን አትችይም። አዳማቂ የማይፈልገው ውበትሽ ከትምህርት ደረጃሽ የመጣ አይደለም፣ ከስራሽ የመጣ አይደለም፣ ከቤተሰቦችሽ የመጣ አይደለም፣ ከጓደኞችሽ የመጣ አይደለም። የውበትሽ ምንጭ የአምላክሽ ልጅ መሆንሽ ነው፤ የውበትሽ መነሻ ሴትነትሽ፣ አንቺነትሽና ጥልቁ ማንነትሽ ነው።

አዎ! ጀግኒት..! ውብ ነሽ! እስካከበርሽው ድረስ ሴት በመሆንሽ ብቻ ቆንጆ ነሽ፤ አሁን ያለሽበት ስፍራ በመገኘትሽ ብቻ ብርቱ ነሽ፣ እንዳቅምሽ ስለተንቀሳቀስሽ ብቻ ጠንካራ ሴት ነሽ። አለም የሚያደንቅልሽን ሳይሆን በአምላክሽ መንፈስ የተቃኘውን ውስጣዊ ውበትን የሚያዩ፣ የስብዕናሽን ጥልቀት የሚመረምሩ፣ እንዲሁ አይተው የሚማረኩብሽ ሰዎች እስኪከቡሽ ድረስ ውበትሽን ለእራስ ተናገሪ፣ ጥንካሬሽን ደጋግመሽ ለእራስሽ መስክሪ። የሚረዱሽን መምረጥ፣ የማይረዱሽንም የመተው ምርጫ አለሽ። ማንም እንዲያምንብሽ ዝቅ ብሎ የመለመን ግዴታ የለብሽም። አንደኛው ውበትሽ ክብርሽ እንደሆነ አስታውሺ። ለእራስሽ ብርታትና ሃይል መሆን ትችያለሽ፤ ለእራስሽ የሰጠሽውን ቦታ በመቀየር ብቻ አካባቢሽንና የተሰጠሽን ቦታ መቀየር ትችያለሽ።

አዎ! ጀግናዬ..! ወንድነት በእራሱ ለፈተና የሚያዘጋጅህ ቢሆንም በጥንካሬህ ግን አትጠራጠር። በህይወት እስካለህ ቀላል ነገር አገኛለሁ ብለህ እንዳታስብ። ከምድር በላይ አንተ ዋጋህን ጨምረህ፣ ይበልጥ ጠንክረህና ተሻሽለህ እስካተገኘህ ድረስ ሁሉም ነገር ከባድ ነው። እራስህን ለመስራት አትስነፍ፣ አቅምህን ከማጎልበት ወደኋላ አትበል፣ ምንም ድጋፍ ባታገኝ ድጋፍህ ወንድነትህና ፈጣሪ እንደሆነ አስታውስ። ወንድነት በእራሱ የሃላፊነት መለኪያ ነው። አሁንም ሃላፊነት አለብህ፣ ወደፊትም እንዲሁ ሃላፊነትህ ይጨምራል። ምንም ባይኖርህ፣ ማንም ባይጠጋህ እግዚአብሔር አምላክህን ብቻ ስለያዝክና ወንድ ስለሆንክ ጠንካራ ነህ፣ ብርቱ ነህ። ለእራስህ አይደለም ለምትወዳቸውና ለሚወዱህ ሁሉ ዋጋ ከፍለህ ህይወታቸውን የመቀየር አቅሙ አለህ። እራስህን ጠበቅ፣ እራስህን ተንከባከብ፣ የወንድነትህን ልክ ለእራስህም አሳየው።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,642

MIKRE AIMRO | ምክረ-አዕምሮ™

31 Dec, 16:14

🔴

ከመርዘኛ ስፍራ ውጡ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/213Itj0-WcI?si=tN3ksW3nrtdckjsz

3,450

MIKRE AIMRO | ምክረ-አዕምሮ™

31 Dec, 08:13

በልብ ግዘፉ!

➡️

🗣️

ሳታስቡት ቀን ይጥላችኋል፣ እንዲሁ ከመቅፅበት ነገሮች ይበላሹባችኋል፣ በአጋጣሚ በሰውም ሆነ በሁኔታዎች ተጎጂ ትሆናላችሁ፣ ብቻችሁን ፊትለፊት መጋፈጥ ላለባችሁ ችግር ትጋለጣላችሁ። አውቃችሁ አልገባችሁበትም ነገር ግን ከዚህ አጣብቂኝ የመውጣት ግዴታ ይኖርባችኋል፣ ፈልጋችሁ አልተፈተናችሁም ነገር ግን ፈተናውን የማለፍ ግዴታ አለባችሁ። ሁሉን ነገር እንደ አመጣጡ የሚመልስ ማንነት በአንዴ አይገነባም፣ ከሁኔታዎች በላይ የሆነ ስብዕና በትንሽ ጊዜ አይመጣም። ልባችሁ ትንሽ ሲሆን በትንሹም በትልቁም ነገር ላይ ለመፍረድ ትቸኩላላችሁ፣ የማስተዋል አቅማችሁ አናሳ ሲሆን ከራሳችሁ በላይ የሰውን ጉድፍና ድክመት መመልከት ትጀምራላችሁ፣ ያልተሰራ ማንነት ሲኖራችሁ ዝቅ ማለትን ትጠየፋላችሁ፣ ንቀትና እብሪት ይነግስባችኋል፣ በሰው ላይ የበላይነታችሁን ለማሳየት ትደክማላችሁ፣ ሁሉም ሰው እንዲወዳችሁና እንዲቀበላችሁ ትጠብቃላችሁ፣ ክፋትን በላቀ ክፋት፣ መጎዳትንም በሌላ ጉዳት ለመመለስና ለመሻር ትሞክራላችሁ። ስታድጉ ሁሉም ነገር ድካም እንደሆነ ይገባችኋል፣ ትንሽ መብሰል ስትጀምሩ ጥሩ ስለሆናችሁ ብቻ የሚወሰድባችሁ ነገር እንደሌለ ትረዳላችሁ።

አዎ! በልብ ግዘፉ፣ በሃሳብ እደጉ፣ ራሳችሁን በማስተዋል አንፁ፣ በትምህርት ከፍ በሉ፣ ለጥበብ ልቦናችሁን ክፈቱ፣ ብስለትን በጊዜ ተለማመዱ። እውቀት ስም ያስጠራል፣ ተፈላጊና ተወዳጅ ያደርጋል፣ ጥበብ ግን ያነግሳል፣ ጥበብ ችግር ፈቺና እንቁ ሰው ያደርጋል። ልባችሁን ለጥበብ ክፈቱ፣ ውስጣችሁን ተነግሮ በማያልቅ መንፈሳዊ እውቀት ሙሉት፣ ሁሉም ሰው የሚመኘውን ፅኑ ማንነት ገንቡ። ማድረግ እየቻላችሁ እናንተን የሚጠቅም ቢሆን አንኳን ሰውን የሚጎዳ ስለሆነ ብቻ የማታደርጉት ነገር ይኑር። ከማንኛውም ሰው ጋር የምትወዳደሩት በሚታየው ስኬት፣ ንብረት ወይም ገንዘብ ሳይሆን፣ በማይታየውና በመልካም ምግባሮች በሚገለጠው ትልቁ ልባችሁ ይሁን። ልባቸው ትልቅ የሆኑ ሰዎች ቅንኖች ናቸው፣ ራሳቸውን የሚያውቁ፣ የሚፈልጉትን የሚያውቁ፣ ህይወትን በተለየ መንገድ የተረዱና እንዴት ክብራቸውን ሳያጡ ከሰው ጋር መኖር እንደሚችሁ የተረዱ ሰዎች ናቸው። ልባችሁን ዘግታችሁ ራሳችሁን አታስጨንቁ፣ ቀለል ብላችሁ ቀላል ህይወት ኑሩ።

አዎ! ጀግናዬ..! በማይሆን መንገድ አዕምሮህን አትወጥረው፣ በአጉል ልክ አልባ የክፋት ሃሳብ ልህን አታስጨንቃት። ትልቅ ሆነህ ትንሽ ስራ አትስራ፣ እያወቅክ በሚያጠፋህ መጥፎ ምግባር አትወጠር። አንተ አሳልፈህ ካልሰጠሀው ያንተን ሰላም የሚቀማህ ሰው የለም፣ አንተ ካልፈቀድክ ማንም ከታላቅነት ማማህ ላይ ሊያወርድህ አይችልም። ለሰው ብዙ አድርገህ ምላሽ የጠበቅበትን ጊዜ አስታውስ፣ አንተ መልካም ሆነ በክፉ ሰዎች የተጎዳህበትን ወቅት አስታውስ፣ ብዙ ሰጥተህ ባዶ እጅህን የቀረበትን ሰዓት አስታውስ። ትልቅ ሰው የሚሰጠው ተቀባዩን ለመጥቀም ሳይሆን ራሱን ለመጥቀም ነው። ካንተ የሆነው ነገር በቅንነት ከሆነ ትልቁ ስጦታህና ሽልማት ውስጣዊ ሃሴት ነው። ልብህ ብሩህ ሆኖ ሳለ የጨለማን ሃሳብ አታስብ፣ ተስፋ እያለህ የተስፋ ቢስ ሰው ተግባርን አትፈፅም። ለሰው ለመድረስ ከመድከምህ በፊት አስቀድመህ ራስህን ከመጥፎ ትርክቶችና ኩናኔዎች አድን። ለራስህ መሆን ሰትችል ለሁሉ መድረስ ትችላለህ፣ ራስህን ሰትጠቅም የምትፈልገውን ሰው መጥቀም ትችላለህ። ያንተ እያረረ የሰው በማማሰል አትጠመድ። ምንምያህል ደግና መልካም ሰው ብትሆን ራስን ከማዳን የሚቀድም ሌላ በጎ ስራ እንደሌለህ አስታውስ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,730

MIKRE AIMRO | ምክረ-አዕምሮ™

30 Dec, 19:04

እርሱን ታምኜ እወጣለሁ!

➡️

🗣️

ከራስ ጋር ንግግር፦ " አዎ! እርሱን ታምኜ፣ እርሱን አምኜ፣ በእርሱ ተደግፌ አወጣለሁ እገባለሁ፣ አምላኬን ይዤ ባህሩን እሻገራለሁ፣ አውሎ ንፋሱን አልፈዋለሁ፣ ፈተናዬን እፈትነዋለሁ፣ ችግሬን አስቸግረዋለሁ። እንደማንኛውም የሰው ልጅ ትልቅ ራሃብ አለብኝ፣ እንደ ማንኛውም ሰው ይጠማኛል። መንፈሴ ይራባል፣ ነፍሴ ትጠማለች። መንፈሴም የሚጠግበው፣ ነፍሴም የምትረካው አምላኳን ያገኘች እለት ነው፣ በእርሱ ጥላ ስር የተከለለች እለት ነው፣ ከስጋዋ በላይ ሆና ለእርሱ የተገዛች እለት ነው። ትናንተ ስታገል ነበር፣ ዛሬም እየታገልኩ ነው፣ ነገም እንዲሁ ትግሌ ይቀጥላል። ሲሆን ሲሆን ግን ያለፈው ትግሌ በዓለም ለመድመቅ፣ ስጋዬን ለማድመቅ፣ ክብሬንም ለመጨመር ቢሆንም ከአሁን ቦሃላ ግን ድካሜ ሁሉን ነፍሴን ለማጉላት፣ መንፈሴን ለማርካት፣ አምላኬንም ለማስደሰት እንዲሆን እፈልጋለሁ። ባልናገረውም ነፍሴ ግን እሱን ታምናለች፣ እንዲህ በቃላት ባልዘረዝረው ውስጤ ግን በእርሱ ፍቅር ተማርኳል። እርሱን አምኜ ወጥቼ አፍሬ አላውቅም፣ እርሱን ተማምኜ ወጥቼ አንገት ደፍቼ አላውቅም። እርሱን ሳስብ ልቤ ትልቅ ነው፣ ፍቅሩን ለመለካት ስሞክር መለኪያ አላገኝለትም።

አዎ! እርሱን ታምኜ እወጣለሁ፣ አምላኬን ታምኜ እገባለሁ። መውጫና መግቢያዬን የሚጠብቅልኝ ድንቅ መካር ሃያል ጌታ አለኝ። ብዙ ክፉ ነገር ሲናገር ያላፈረው አንደበቴ የአምላኩን ድንቅ ስራ መናገር ክብሩ እንጂ እፍረቱ አይደለም። ኬት አንስቶ የት እንዳደረሰኝ፣ ከምንአይነት ማንነት እንደቀየረኝ፣ እንዴት አድርጎ ዳግም እንዳበጃጀኝ እኔና እርሱ ብቻ እናውቃለን። ለዘመናት ያደረገልኝን ሳልመሰክር ቆይቼያለሁ፣ ለዓመታት የሚሰጠኝን ሁሉ እንደ ግዴታ ስቆጥርበት ሰንብቼያለሁ። ከረፈደም ቢሆን አሁን ፍቅሩ ገብቶኛል፣ ጊዜው ከሔደም ቢሆን ማዳኑን ተመልክቼያለሁ። በስኬቴ ውስጥ ፍቅሩ አብሮኝ ነበር፣ በውድቀቴ ውስጥም እንዲሁ ፍቅሩ ነበር። "አሁን ተሳክቶለታል፣ ነገሮች ሁሉ ሆኖለታል የእኔ እርዳታ አያስፈልገውም በራሱ መንገድ ይሒድ" ብሎ ትቶኝ አያውቅም። "አሁን ወድቆል፣ የዲያብሎስ መጫወቻ ሆኗል፣ ኀጢአት ሰልጥኖበታል፣ አይነ ልቦናው በፍቅረ ነዋይ ታውሯል፣ ራሱን ለዓል ሰጥቷል" ብሎ በእኔ ተስፋ ቆርጦ ረስቶኝ አያውቅም። የዘላለም አባቴ ነውና እርሱ እንደ አባት ይጠብቀኛል፣ እኔም ልጁ ነኝና እንደ ልጁ እታዘዝለትና በሚመራኝ መንገድ እጓዝ ዘንድ እንደሚያበረታኝ አምናለሁ፣ አምኜም በእርሱ ፊት እመላለሳለሁ።"

አዎ! ጀግናዬ..! አንድ ሁለቴ ሳይሆን በጣም ብዙ ጊዜ እምነትህ ይፈተናል፣ አንድ ሁለቴ ሳይሆን በጣም ብዙ ጊዜ ለአምላክህ ያለህ ፍቅር ይፈተናል። ነገር ግን ፈተና ሁሉ ሊጥልህ እንደማይመጣ አስተውል። አብዛኛው ፈተናህ ለቀጣይ ጉዞህ መንገድ ከፋች ነው። እምነትና ፍቅር የሚፀኑት በከባባድ ፈተናዎች ወቅት ነው። ፅናት የሌለው እምነት እምነት አይደለም፣ በትዕግስት የማይመራ ፍቅር ፍቅር አይደለም። የአምላክን አሰራር ብዙ ለመመርመር አትሞክር። ዝም ብለህ ራስህን እየተመለከትክ እመን፣ እንዲሁ ላንተ ያደረገልህን እያስታወስክ አመስግነው። "ከመንፈስህ ወዴት እሄዳለሁ? ከፊትህስ ወዴት እሸሻለሁ? ወደ ሰማይ ብወጣ አንተ በዚያ ነህ ወደ ሲኦልም ብወርድ በዚያ አለህ።" እንዳለ ቅዱስ ዳዊት አምላክህን አትሽሽ፣ ከእርሱም ተሰውረህ ለማጥፋት አትሞክር። የትም ሒድ እርሱ እዛ አብሮህ አለ፣ ምን አድርግ እርሱ እያንዳንዱን ድርጊትህን ያያል። ከማታመልጠው አባትህ ስር ለማምለጥ አትሩጥ፣ ይልቅ በእርሱ አምነህ ውጣ፣ በእርሱ ተማምነህ ግባ፣ የዓለምህም ገዢ፣ የምድራዊ መርከብህም ካፒቴን ሁን።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,305

MIKRE AIMRO | ምክረ-አዕምሮ™

30 Dec, 16:50

🔴

ለ6 ወር ለብቻ ሁኑ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/tWPrLxx-so4?si=S7Tj-CVagEzdx-wp

3,349

MIKRE AIMRO | ምክረ-አዕምሮ™

30 Dec, 07:01

ብትወድቁ ትነሳላችሁ!

➡️

🗣️

ትምክህት አያሰናክላችሁ፣ ትዕቢት መንገድ አያስታችሁ፣ አጉል ድፍረት ችግር ውስጥ አይክተታችሁ። ለሌላ ለማንም ሳይሆን ለራሳችሁ ጠንቃቃ ሁኑ፣ ሌላ ማንንም ለመጥቀም ሳይሆን ራሳችሁን ለመጥቀም ራሳችሁን ገስፁ። ስህተትና ውድቀት ብርቅ ባልሆነበት ዓለም ላይ እየኖራችሁ አንዴ ስለተሳሳታችሁ ወይም አንዴ ስለወደቃችሁ ሰማይ የተደፋባችሁ ምድር የዋጠቻችሁ አታስመስሉ። እደጉ ስትባሉ ስህተት ወደ ህይወታችሁ ይመጣል፣ መቀየር ካለባችሁ ውድቀት ደጋግሞ ይጎበኛችኋል። "በፍፁም እንዳትሳሳቱ፣ በፍፁም እንዳትወድቁ።" የሚል አስተምህሮ የለም። የስህተት ጥቅም የገባቸው ለመሳሳት ይደፍራሉ፣ የውድቀትን ትርፍ ያገኙ ደጋግመው ለመውደቅ ይዘጋጃሉ። ህይወት እስርቤት ሳትሆን ነፃ ሜዳ ነች። አስሬ ብትሳሳቱ በሰውኛ የሚፈርድባችሁ ሰው ቢኖርም ተጨማሪ እድል የሚሰጣችሁ ፈጠሪ ግን አለ። እድሉ የሚሰጣችሁም እንደገና እንድትሳሳቱና እንድትበድሉ ሳይሆን ከስህተታችሁ ታርማችሁ በትክክለኛው መንገድ እንድትጓዙ ነው። ጥሩ ተማሪ ስህተቱን አይደግምም፣ ብልህ ሰውም ዳግም በወደቀበት መንገድ አይጓዝም።

አዎ! የዓለም ፍፃሜ አታስመስሉት፣ ብትወድቁ ትነሳላችሁ፣ ብትሳሳቱ ትታረማላችሁ፣ ብትጠፉም ትመለሳላችሁ። ባለፈ መጥፎ ትዝታ ራሳችሁን አትሰሩ፣ በቀደመ ጥፋት ራሳችሁን እየወቀሳችሁ አትኑሩ። አዋቂ ሁኑ፣ አንዱን ስህተታችሁን ከቀጣዩ ስህተት መጠበቂያ አድርጉት፣ የአሁን ውድቀታችሁን ለቀጣይ ጉዟችሁ መጀመሪያ አድርጉት። በራሱ የሚያዝንን ሰው ማንም ሊያፅናናው አይችልም፣ ራሱ ላይ የሚጨክንን ሰው ማንም ሊረዳው አይችልም። እርግጥ ነው ፍረሃታችሁ መሳሳት ወይም መውደቁ ሳይሆን በስህታችሁ ወይም በውድቀታችሁ ምክንያት የሚደርስባችሁ ሰው ትቺትና ፍርጃ ነው። ይሔን አስታውሱ፦ "ብዙ ሰው አዋቂ ሳይሆን ፈራጅ ነው፣ ብዙ ሰው አራሚ ሳይሆን ተቺ ነው።" በሳታችሁ ሰዓት ፈጣሪያችሁን አስቡ፣ ስትወድቁ አምላካችሁን ተመልከቱ። ሁሌም በስህተት መንገድ እንድትመላለሱ የሚፈልግ ፈጣሪ የላችሁም፣ እዛው በወደቃችሁበት ስፍራ እንድትቀሩ የሚፈልግ አምላክ የለም። መነሳታችሁን የሚፈልግ አባት አላችሁና እርሱን ተደግፋችሁ ዳግም ተነሱ፣ የእናንተን በትክክለኛው መንገድ መጓዝ የሚናፍቅ አምላክ አላችሁና መንገዱን እንዲመራችሁ ፍቀዱ።

አዎ! ጀግናዬ..! ከዋጋህ በታች አትኑር፣ በሚያጠፋህ መንገድ አትመላለስ፣ አስኮኙ ምግባር ላይ አትሰየም። አውቀህ አውቀህ ለድህነት ትቀርብ ይሆናል ፍፁም ነፃ የሚያወጣህና የሚያድንህ ግን እምነትህ ነው። አንድም ከስህተት የመውጣት እመነት፣ ሌላም ፈጣሪ ከስህተት እንደሚያወጣህ ማመን። ተስፋህን ቸል አትበለው፣ እምነትህን አትፈትነው፣ ዳግም የመነሳት ሃሳህን አትገዳደረው። አንድ ቀን ከተሳሳተው መንገድ ትወጣለህ፣ አንድ ቀን ካቀረቀርክበት ቀና ትላለህ፣ አንድ ቀን ውድቀትህን ትሽረዋለህ፣ በአምላክህ ፍቃድ ነፃ ሆነህ በሰው ፊት በነፃነት ትራመዳለህ። ሁሉም ሰው የራሱ የውድቀት ታሪክ አለው፣ ማንኛውም ሰው ደግሞ ማንሳት የማይፈልገው የህይወት ከስተት አለው። የተለየውና ልብ ሰባሪው ታሪክ ያንተ ብቻ አይደለም። ታሪክህ ምንም ይሁን እንዲያልፍ ፍቀድለት፣ ትዝታህ ምንም ይሁን እንዲያስርህ አትፍቀድለት። አሁን የትም በምንም ውስጥ ሁን፣ ያለህበት ስፍራ የተሳሳተ እንደሆነ ከተሰማህ ግን ጊዜ ሳታጠፋ ጥለሀው ውጣ፣ ከዳግም ውድቀትም ራስህን አድን።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,789

MIKRE AIMRO | ምክረ-አዕምሮ™

29 Dec, 18:24

ከምንም አትጣበቅ!

➡️

🗣️

ለብቻ መሆን፣ እራስን በብዙ ዘርፍ መቻል፣ ለግል አቋም ታማኝና ቆራጥ መሆን፣ ከማንም ምንም ብታጣ እንኳን ከተፅዕኖ ነፃ መሆን መቻል ቀላል አይደለም። ቢሆን ኖሮ ብዙዎች ባደረጉትና ከሰዎች ሲለያዩ እራሳቸውን ባላጡ ነበር። ከአንድ ሰው ወይም ከቁስ ጋር ባለህ ግንኙነት ዘወትር ፈላጊው አንተ፣ ሙሉ ትኩረትህ እርሱ ላይ፣ ደስታና ሰላምህንም ከእርሱ እያገኘህ ከሆነ የአደጋህ ቀይ መብራት በትልቁ እንደበራ አስተውል። የዛፍ ቅርንጫፎች የዛፉ ስር ሲቆረጥ አብረው ይወድቃሉ፣ አንተም እንዲሁ የተደገፍከው፣ የተጣበከው፣ ከልብህ የተማመንክበት ነገር ካጋደለ ያንተም ህይወት ከማጋደልና ከመውደቅ አያመልጥም። እንደ ቀልድ የጀመርከው የትኛውም ግንኙነት ገዢህና መሪህ እንዲሆን አትፍቀድ። ምንም ዘላለማዊ ነገር የለም። ያለን ነገር ሁሉ ጅማሬና ፍፃሜ አለው።

አዎ! ጀግናዬ..! ከፈጣሪህ፣ ከአምላክህ በቀር ከአንዳች ምድራዊ ነገር ለመነጠል እስከሚያስቸግርህ ድረስ አትዋሃደው፤ ከምንም አትጣበቅ፤ ለማንም እራስህን፣ ክብርህን፣ ማንነትህንና ህልውናህን አሳልፈህ አትስጥ። ላንተም ሆነ ለአምላክህ ካንተ በላይ ዋጋ ያለው ነገር የለም። የሚመጡ ሁሉ የጊዜ ጉዳይ እንጂ የሆነ ጊዜ ጥለውህ ይሔዳሉ፤ የማይሔዱም ቢሆን ሊገዙህና እንደፈለጉ ሊነዱህ ስልጣን የላቸውም። የብዙዎች ስብራት፣ የብዙዎች ህመም፣ የብዙዎች ቁስል ዋናው ምክንያት ከልክ ያለፈ መዋሃድ፣ ገደብ የሌለው መጣበቅ ወይም Over Obsession, Over Attachment ነው። ፍቅርና Attachment, ግንኙነትና ጥገኝነት የተለያዩ ጉዳዮች ናቸው። ነፃነትን የሚነሳ ፍቅር ፍቅር ሳይሆን ጥገኝነት ነው፤ "ያለእርሱ መኖር አልችልም፤ ያለእርሷ ህይወት ለእኔ ባዶ ነው" የሚያስብል ግንኙነት ጤነኛ ግንኙነት አይደለም።

አዎ! ምንም አይነት ግንኙነት ውስጥ ብትሆን ትልቁና ቅድሚያ የሚሰጠው ጉዳይ አንተ ከእራስህ ጋር ያለህ ግንኙነትና አብራህ ያለችው ወዳጅህ ከእራሷ ጋር ያላት ግንኙነት ነው። ግንኙነት ውስጥ ያሉ ሁለት ሰዎች ከእራሳቸው ጋር ሰላም ከሆኑ፣ ምንም አይነት የጥገኝነት ባህሪና ሙጭጭ የማለት ፀባይ ከሌለባቸው ግንኙነት ሰላማዊ፣ የተረጋጋና አስደሳች የመሆን እንድሉ እጅግ በጣም ሰፊ ነው። ሰውን ተደግፈህ ሰው ቢጥልህ ካለሰውየው ድጋፍ ለመነሳት ልትቸገር ትችላለህ፤ ፈጣሪህንና እራስህን ተደግፈህ ብትወድቅ ግን በፈጣሪህ ድጋፍ ባንተ ብርታት ድጋሜ ትነሳለህ። እራስን ማክበር እራስን ከልብ የመውደድ አይነተኛ ማሳያ ነው። መገፋትህ እንዳያሳምምህ፣ በመገለልህ እንዳትሰበር፣ ሁሉም ቦታ በመገኘት ዋጋህን እንዳታጣ፣ ጥገኛ በመሆን ስሜትህ እንዳይጎዳ ከምንም በላይ ለእራስህ ቦታ ስጥ፣ ከማንም በተሻለ ከእግዚአብሔር አምላክህና ከእራስህ ጋር የጠበቀ ግንኙነት ይኑርህ። መጪው ቀድሞ ያልነበረ ስላለመሔዱም እርግጠኛ የማትሆንበት ነውና እራስህን በመውደድህ፣ ለእራስህም ቅድሚያ ባለመስጠትህ ምንም ሃፍረት አይሰማህ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

4,004

MIKRE AIMRO | ምክረ-አዕምሮ™

29 Dec, 17:02

🔴

ቀና በሉ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/eusaqWtAY3A?si=QkdzDMZS-fwcJfmH

3,668

MIKRE AIMRO | ምክረ-አዕምሮ™

28 Dec, 18:22

ያልተሰጠህን ለእራስህ ስጥ!

➡️

🗣️

ብቻህን ትጓዛለህ ቢሆንም አትፈራም፤ ብቻህን ትለፋለህ ቢሆንም አትጨነቅም፤ ብቻህን ትኖራለህ ቢሆንም በእራስህ መቆም አይከብድህም፤ በችግሮችህ መዋል ማለፍ ትችላለህ፤ ብዙዎች ባያምኑብህ በእራስህ ትተማመናለህ፤ ማንም ባይደግፍህ እራስህን ትደግፋለህ፤ ማንም የተሻለ ቦታ ባይሰጥህ ለእራስህ ግሩም ቦታ ትሰጣለህ። ያጣሀውን ለእራስህ አድርግ፤ ያልተሰጠህን ለእራስህ ስጥ። ብቻህን ነበርክ ዛሬም ዳግም ብቻህን መቅረትህ ሊደንቅህ አይገባም። ሰዎች ይመጣሉ በፊት እንደነበርከውም ብቻህን ጥለውህ ይሔዳሉ። ብቸኝነትን ተለማመድ፤ ከሌሎች ስታገኘው የነበረውን ነገር ከእራስህ ለማግኘት ሞክር። በእርግጥ ሰው የሚሰጥህን በሙሉ ከእራስህ ላታገኝ ትችላለህ ከልቡ አምኖበት፣ ፈልጎና ወዶ የሚሰጥህ እስኪመጣ ግን ለእራስህ በፍፁም አንሰህ እንዳትገኝ። ለእራሱ፣ በእራሱ ደስተኛ፣ ጠንካራ ብርቱ የሆነ ሰው ከውድቀቱ እንዴት ማገገም እንዳለበት፣ በምንያክል ፍጥነት ዳግም መነሳት እንዳለበት፣ እንዴት እራሱን ዳግም ማግኘት እንደሚችል ጠንቅቆ ያውቃል።

አዎ! ጀግናዬ..! ያልተሰጠህን ለእራስህ ስጥ! ከሌሎች ጠብቀህ ያጣሀውን፣ ስትናፍቀው ያስቀሩብህን፣ እያስፈለገህ የተነፈከውን ነገር ለእራስህ በእራስህ ለመስጠት ቆርጠህ ተነስ። በሰዎች ችግር ምክንያት፣ በሰዎች ፍላጎት ማጣት፣ በሰዎች ፊታቸውን ማዞር ማላዘንህን አቁም፤ እራስህን መውቀስ አቁም፤ እራስህን ተጠያቂ ማድረግ አቁም። ይህ ጊዜ ብቸኝነትህን በሚገባ የምታከብርበት፣ ማየት ለሚገባቸው፣ ማየት ለሚፈልጉ ትክክለኛውን ማንነትህን የምታሳይበት ጊዜ እንደሆነ እወቅ። ብቻውን የፈለገውን ነገር ማድረግ የሚችልን ሰው የትኛውም ጫና ሊያስቆመው አይችልም፤ የትኛውም አይነት በደል ወደኋላ ሊያስቀረው አይችልም። ብቻህን ስትሆን ፍፁም የተለየህ ሰው ትሆናለህ፤ ፍፁም ከዚህ በፊት የማትታወቅ ላንተም ለሌላውም አዲስ ሰው ትሆናለህ።

አዎ! ድጋፍ ማጣትህ ያጠነክርሃል፤ የሚያምንብህ አለመኖሩ በእራስህ እንድታምን ያነሳሳሃል፤ በሰዎች መገፋትህ እግዚአብሔር አምላክህን እንድትጠጋ ያደርግሃል፤ ተቀባይነት ማጣትህ እራስህን ከነድክመቱ እንድትቀበለው ይጠቁምሃል። ብቻህን ስትጓዝ አብሮህ ያለው አምላክህ ነውና መከዳት የለም፤ መገፋት አይኖርም፤ ድራማ የለም፤ በሰዎች ስሜት ምክንያት ዋጋ መክፈል አይኖርም። ብቻህን እራስህ ላይ ትሰራለህ፤ ብቻህን እራስህን ታጠነክራለህ፤ ብቻህን ማን እንደሆንክ፣ ምን ማድረግ እንደምትችል ታሳያለህ። በስተመጨረሻም የእውቁ ደራሲ የዋይኒ ዳየርን ንግግር አስታውስ፡ "ብቻህን ስትሆን አብረሀው የምትሆነውን ሰው ከወደድከው በፍፁም ብቸኛ ልትሆን አትችልም።" ያንን ሰውም አንተ ሁን፤ በህይወትህ በጣም የምትፈልገውን ሰው እራስህ ሁን፤ እራስህ ላይ በመስራትህ የሚያኮራህን አይነት ሰው ሆነህ ተገኝ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

4,549

MIKRE AIMRO | ምክረ-አዕምሮ™

26 Dec, 18:01

በክብር ተቀበል!

➡️

🗣️

ማንም ሰው የእራሱ መገለጫ፣ የእራሱ እምነትና የእራሱ የህይወት ዘይቤ ይኖረዋል። አስተዳደጉ፣ ባህሉ፣ አመለካከቱና አቋሙ ሁሉ የማንነቱ መገለጫ ነው። እስካመነበትና እስከተቀበለውም ድረስ ለእርሱ ልክ ነውና ከብሩና ኩራቱ ነው። የሌላውን ሰው የክብር መገለጫ፣ የሌላውን ባህልና እምነት ማክበር ደግሞ እራስን እንደማክበር፣ ለእራስም ጥበብን እንደማስተማር ነው። ከጥላቻ በላይ እለት እለት ፍቅርን የሚመግበን፣ መተሳሰብ መከባበርን የሚያስተምረን፣ ሰብዓዊነት ሰውነትን የሚያሳድርብን አምላክ አለን። የጎሪጥ በመተያየት የሚመጣ ነገር ቢኖር ጥላቻና መጠፋፋት ብቻ ነው። መከባበር፣ መፈቃቀር፣ መዋደድ ውስጥ ዋናውን የሰውነት ማንነት እናገኘዋለን። እንደጠዋቷ ጀምበር እንዲሁ እያየናት ለምትጠልቅ አጭር የህይወት ዘመናችን እርስበእርስ ባንገፋፋና ባንጠላላ ጥቅሙ ለእራሳችን ነው።

አዎ! ጀግናዬ..! በክብር ተቀበል! ማንም የወደደውን ቢያደርግ፣ ማንም የትም ቢገኝ፣ ማንም በእምነት በአመለካከቱ ቢመላለስ አንተን እስካልነካና እስካልተጋፋህ ድረስ በክብር ተቀበለው፤ ወግ ባህሉን፣ አስተምህሮውንና እሳቤውን አክብርለት። ቢሳሳት እንኳ በቂም በቁርሾ አትመልሰውም፤ ቢያጠፋ እንኳን ፊት በመንሳት፣ የማይሆን ስም በመስጠት አታስተምረውም። ፍቅር ሰውን ይገዛል፤ አክብሮትም ልብን ያቃናል። ጠልቶህ ጠልተሀው፣ ገፍቶህ ገፍተሀው፣ አርሱም ልታይ አንተም ልታይ ብለህ መቼም ደህንነትህን ልታስጠብቅ፣ ቁስልህን ልትሽርና ሰላምህን ልታስጠብቅ አትችልም። አፋፍና አፋፍ ቆመህ እርስበእርስ ብትነታረክ ነገህን ይባስ ታስከፋው፣ መጪውንም ጊዜህን ታጨልመው ይሆናል እንጂ አንዳች ትርፍ አይኖርህም።

አዎ! በፍቅር ግዛ፣ በክብር ተቀበል። ቂም ያነገበ፣ በእልህ የሚጓዝ፣ በጥላቻ የታወረ፣ ሁሌም እኔ ብቻ የሚል ሰው አትሁን። እግዚአብሔር በጊዜ መረብ ሁሉን ሲያነሳ ሌላውንም ሲተካ አይተናል። ትናንት ብዙ የተባለላቸው፣ ትናንት ስማቸው ብቻ የሚያስፈራ፣ ትናንት ደጋግ የነበሩ እንዲሁም ክፉዎች የነበሩ ዛሬ ጠፍተው፣ ተረስተው ከስመዋል። የዛሬውም ሆነ የነገው የህይወት ጉዞ ከዚህ የተለየ አይደለምና በአጋጣሚ ሁሉ እትመካ፤ ከአንተም በላይ ሰው የሌለ እይምሰልህ። በታሪክ እስራት እራስህን አትግረፍ፤ ውዷ ዛሬ ውስጥ ሆነህ በማታውቀው ትናንት ክስተት ጨጓራህን አትታመም፤ ውስጥህን አታቁስል። ወንድምህ ቢሳሳት በጥላቻ ከምትርቀው በፍቅር መልሰው፣ ማስተዋልን ቢያጣ፣ በጭፍን ቢጓዝ ዞር ብለህ ከምትፈርድመት፣ ስሙንም ከምታጠለሽ በክብር ተቀበለው፣ በትህትናም አስተምረህ መልሰው።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

776

MIKRE AIMRO | ምክረ-አዕምሮ™

26 Dec, 16:58

🔴

ዝምታን ተናገሩት!

👍

LIKE ✍️ COMMENT SUBSCRIBE 📣 SHARE

🙏

https://youtu.be/31IBeLySAQQ?si=o6EEHhtx-h5v0Ckd

1,023

MIKRE AIMRO | ምክረ-አዕምሮ™

26 Dec, 07:48

ተሸናፊ አትሁን!

➡️

🗣️

ያለህን ሁሉ ሰጥተህ ልትሸነፍ አትችልም፤ የእውቀትህን ጥግ ተጠቅመህ ላይሳካልህ አይችልም፣ የምትችለውን ሁሉ አድርገህ ልትወድቅ አትችልም። እያንዳንዱን እርምጃህን ፈጣሪ ያያል፣ ፍላጎትህን በሚገባ ያውቀዋል፣ ጥልቅ ተነሳሽነትህን ጨምሮ ሁሉንም ጥረትህን ፈጣሪ በእርግጥም ይመለከታል። የሚሰጥም የሚነሳም እርሱ እንደሆነ ታውቃለህ፣ ነገሮችን የሚያሳካልህም እርሱ እንደሆነ ታምናለህ። እንግዲያውስ እምነትህን በእርሱ ላይ ጥለህ ካንተ የሚጠበቀውን ማድረግ ስለምን አቃተህ? እንግዲያውስ የሰጠህን ሁሉ አቅም ሳትጠቀም ስለምን የተሻለ ነገር እንዲሰጥህ ትጠብቃለህ? እንግዲያውስ እንዴት ለስንፍናህ እንዲሸልምህ ትመኛለህ? ዘመንህን በሙሉ ያለህን ሁሉ የማውጣት አቅም አይኖርህም፣ እድሜ ልክህን በፈለከው ሰዓት የምትጠቀመው ጥንካሬና ብርታት የለህም። ሰውነትህ ተጠቀምክበትም አልተጠቀምክበትም የሆነ ጊዜ መድከሙና ከቁጥጥርህ ውጪ መሆኑ አይቀርም። ሁሉም ነገር የሚጠቅምህ በትክክለኛው ጊዜ ስትጠቀመው ነው። አሁን ላይ ያለህን ነገር ሁሉ አውጥተህ እንዳትጠቀም የሚያደርግህ ብዙ ነገር ይኖር ይሆናል። ነገር ግን ሁሉም እንዳለ ሆኖ ምርጫህ ሁለት ነው። አንድም ምክንያትህን አልያም ትልቅ አቅምህን።

አዎ! ማንም የማታምንበትን ነገር እንድታደርግ አያስገድድህም፤ ማንም በግድ አሁን ካለህበት ቦታ አያወጣህም። "ሁሉም ነገር ሲወራ ቀላል ነው።" ከማለትህ በፊት ከወሬው በላይ አንተ በተግባር ያደረከውን ነገር በጥልቀት ተመልከት። ለምትፈልገው ነገር ያለህን ሁሉ ሰጥተሃልን? ቢሆንልኝ ብለህ ለምትመኘው ነገር የምትችለውን ሁሉ አድርገሃልን? የምትመኘውን ህይወት እንዳትኖር የከለከሉህን ነገሮች ለማሸነፍ የሚጠበቅብህን ሁሉ አድርገሃልን? አንድ ሰው ያለውን ሁሉ ከሰጠ፣ እስከ ጥግ ከተፋለመ፣ አንድን ነገር መርጦ እሱ ላይ ለዘመናት ከቆየ፣ የእኔ ነው የሚለውን ነገር ሳያቋርጥ ከሰራው በእርሱ ስኬታማ እንደሚሆን አምኖበታልና ማሳካቱ የማይቀር ነው። ይሔ ነገር ላንተም የማይሰራበት ምንም አይነት ምክንያት አይኖርም። አማኝ አይቸኩልምና ፈጣሪ የልፋትህን ውጤት እንደሚሰጥህ ካመንክ፣ ያንተም ምርጫ ነፃ እንደሚያወጣህ ከተማመንክ አትቸኩል፣ አቋራጭ መንገድን አትመልከት፣ ትንሽ ሞክረህ ተስፋ አትቁረጥ፣ ነገሮች እንዳሰብከው ሳይሆኑ ሲቀሩም አታማር። መዋጥ ያለብህን እውነታ ዋጠው። የአቅምህን ሁሉ አውጥተህ ብትሰራ ሁሉም ነገር ይቀየራል።

አዎ! ጀግናዬ..! ራስህን ካልገደብክ፣ በፍቃድህ አቅምህን ካላሳነስክ፣ እምነትህን ካልሸረሸርክ፣ የውስጥ ፍላጎትህን ካልዘጋሀው በእርግጥም ትሸለማለህ፣ የምርም ታሸንፋለህ፣ የእውነትም ውጤታማ ትሆናለህ። "ምክንያት የሚደረድሩ ብፁዓን ናቸው" የተባለ ይመስል ሁሉም ሰው ምክንያት መደርደር ላይ አንደኛ ነው "አምነህ ስራ" ሲባል ግን ፊቱን ያዞራል። አትሸወድ አምነህ ስራ፤ እንዳትበላ የጉብዝናህን ወራት በሚገባ ተጠቀምባቸው። የተለየ ውጤት የሚያመጡት እነዛ የተለየ እምነትና የተለየ አፈፃፀም ያላቸው ሰዎች ብቻ እንደሆኑ እወቅ። ተሸናፊ አትሁን ያለህን ሁሉ ስጥ፣ መካከለኛ አትሁን የምትችለውን ሁሉ አድርግ፣ በሰዎች ጥንካሬና ስኬት አትቅና እንዴት ያንን ጥንካሬና ስኬት ወደ ራስህ ህይወት ማምጣት እንደምትችል መርምር። ሰዎች አዝነውልህ ፍርፋሪ እየሰጡህ የዘመናት አገልጋያቸው እንዲያደርጉህ አትፍቀድ። ራስህን ቻል፣ ራስህን ወደፊት አውጣ፣ በድብቅ አቅምህ እመን፣ ውስጥህ ለሚንቀለቀለው የማያባራ ፍላጎት እድል ስጠው፣ ሳትሰስት አሁኑ በተግባር ግለጠው።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

1,784

MIKRE AIMRO | ምክረ-አዕምሮ™

25 Dec, 18:16

ክፍተቱን አጥብብ!

➡️

🗣️

ከየትኛውም እርምጃህ በፊት የሚመጣ ለምን ይኖርሃል፣ ከየትኛውም ጅማሮህ አስቀድሞ ለምን እንደምትጀምር ታስባለህ፣ ምንም ነገር ከማቆምህ በፊት ለምን እንደምታቆም ለእራስህ አሳማኝ ማስረጃ ታቀርባለህ። ከእያንዳንዱ እንቅስቃሴ በስተጀርም በጉልህ የሚነገር፣ ግልፅ ሆኖ መታየት ያለበት ለምንህን በአሳማኝ ሁኔታ የሚመልስ ምክንያት አለ። አሁን የምታደርገውን የምታደርገው ለምንድነው? ይህን ፅሁፍ የምታነበው ለምንድነው? እራስህን ለማስተማር፣ እራስህ ላይ ለመስራት የተነሳሀው ለምንድነው? ጠንካራው ለምንህ የውጤትህን ጥራት ይወስናል፤ ከኋላ የሚገፋህ ምክንያት ከመዳረሻህ የማድረስ ሃይል አለው። ህመም፣ ስቃይ፣ መገፋት፣ መከዳት፣ ሱስ፣ ገንዘብ ማጣት፣ ድህነት፣ የቤተሰብ ችግር፣ ውድቀት፣ የማይቋረጠው ፍላጎትህ? የቱ ይሆን የለምንህ ጥያቄ መልስ የሚሆነው? የቱ ይሆን እስከጥግ እንድትታገል፣ እስከ ተራራው ጫፍ እንድትጓዝ የሚያደርግህ?

አዎ! ጀግናዬ..! ክፍተቱን አጥብብ፤ ርቀቱን ቀንስ፣ ከፍታውን ቁረጠው፣ ፍራሃትን አሸንፈው። ፍላጎትህና የአሁን ያለህበት ቦታ መሃል ያለውን ክፍተት አጥብብ፤ መድረስ የምትመኘው ስፍራና አሁን የቆምክበት ስፍራ መሃላ ያለውን ርቀት ቀንስ፤ እለት እለት አስሮ የሚይዝህን፣ በየሰዓቱ መሰናክል የሚሆንብህን ፍረሃት አሸንፈው። ከጀርባህ ለሚነዳህ ግፊት እድል ስጠው፣ ምክንያትህን በሙሉ ልብህ አዳምጠው፣ ምንለማግኘት እንደምትጥር፣ ለምን ዋጋ እንደምትከፍል፣ ለእራስህን እንደምታሰቃይ ጮክ ብለህ ለእራስህ ተናገር። ምክንያትህ ከምንም እንደሚበልጥ፣ ለምንህን ከየትኛውም ነገር እንደሚልቅ ጠንቅቀህ እወቅ። ከጥረትህ ጀርባ ልምድ አለ፣ በሙከራህ ውስጥ ድፍረት፣ ንቃት፣ ትጋት፣ ጥንካሬ፣ ብስለት አለ።

አዎ! ለምንህ ይነዳሃል፣ ለምንህ ይመራሃል፣ ለምንህ የህይወት አቅጣጫህን ይወስንልሃል። በየጊዜው ምክንያትህን አትቀያይር፣ አቋም አጥ በየሰዓቱ የሚረበሽና የሚታወክ ሰው አትሁን፣ ለምክንያትህ የምትተጋ፣ ለምንህን የምታስበልጥ፣ እራስህ ወደፊት የምትገፋ፣ ለእራስህ የገባሀው ቃልና ተግባርህ መሃል ያለውን ክፍተት (Gap) አጥበብ። ማቆምን እርሳውና እረፍት ለማይሰጥህ የውስጥ ህመምህ መፍትሔ ፈልግለት፣ የገንዘብ ችግርህን ለመቅረፍ ከምንም ጊዜ በላይ ጥረትህን ጨምር፣ ለቤተሰቦችህ ደስታ፣ ለወዳጆችህ እረፍት የምትፈራውን ነገር ፊትለፊት ተጋፈጠው። ለምንህን ባገኘህ ቅፅበት አላርምህን መዝጋት፣ Snooze Button መጫን ታቆማለህ፣ በቀላሉ ተስፋ መቁረጥ ታቆማለህ፣ ወደኋላ ከመመለስ እራስህን ትታደጋለህ በምትኩ ማድረግ ያለብህን እንዴት ልታሳካው እንደምትችል መንገድ መፈለግ ትጀምራለህ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,442

MIKRE AIMRO | ምክረ-አዕምሮ™

25 Dec, 16:09

🔴

ከፍ ብላችሁ ኑሩ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/a71gv1PFzDo?si=k6m26BezDvAsiArG

2,379

MIKRE AIMRO | ምክረ-አዕምሮ™

25 Dec, 09:55

MIKRE AIMRO | ምክረ-አዕምሮ™ pinned «🔴 ብልህ ጠቢብና ሳቢ ለመሆን የግድ እነዚህን ማድረግ አለባችሁ! 👍LIKE ✍️ COMMENT SUBSCRIBE 📣 SHARE 🙏 https://youtu.be/5TtBaIyecrA?si=TwpCEQRUuNxbGGO0»

0

MIKRE AIMRO | ምክረ-አዕምሮ™

25 Dec, 07:19

አስፈሪ ሰው ሁኑ!

➡️

🗣️

አንድ ሰው ጥሩ ሰውም አስፈሪ ሰውም መሆን አይችልም ብላችሁ የምታስቡ ከሆነ ተሳስታችኋል። በሚገባ ይችላል። በጥሩነት ማስፈራትን የተካኑ ብዙ ሰዎች አሉ። በብዙዎች የሚከበር የሚፈራና የሚደመጥ ሰው መሆን ከፈለጋችሁ በጣም ብዙ ጥረት አይጠበቅባችሁም። አንድ ወሳኝ ነገር ብቻ አድርጉ። ዝምታችሁ እንዲናገር አድርጉ። የዓለማችን በጣም አስፈሪውና አደገኛው ሰው ጮክ ብሎ የሚያወራና በሰው ፊት ለራሱ የተለየ ቦታ የሚሰጥ ሰው አይደለም። ይልቅ አስፈሪው ሰው ሙኑም የማይታወቀውና ከስንት አንዴ የሚናገረው ሰው ነው። አስፈሪ ሰው ብዙ የማይታይ ሃይል አለው። ብዙ አይናገርም ሲናገር ግን በአንዴ ትልቅ ተፅዕኖ መፍጠር ይችላል፣ ብዙ ቦታ አይገኝም በሚገኝበት ስፍራ ግን በብዙዎች ይከበራል፣ ስለራሱ ደጋግሞ አያወራም በተግባር ያሳያል። ሰው እንዲፈራችሁ የምታደርጉት ሰውን ለመጉዳት ወይም በሰው ለመጠቀም ሳይሆን የራሳችሁን ጥቅምና ክብር ለማስጠበቅ ነው። የዋህነትም ሲበዛ እንደ ሬት ይጎመዝዛል። ለራሳችሁ መቆም የማትችሉ የሁሉም ሰው መጠቀሚያና መጫወቻ አትሁኑ።

አዎ! ራሱን የሚጠብቅ አስፈሪ ሰው ሁኑ፤ ራሱን አድኖ ለብዙዎች መትረፍ የሚችል መጥፎ ሰው ሁኑ። ጅብ ካለፈ እንደሚጮሀው ውሻ እንዳትሆኑ ተጠንቀቁ። ከብዙ አቅጣጫ ከተጎዳችሁና ከተበደላችሁ ቦሃላ ዳግም ለመነሳት አትፍጨርጨሩ። አስቀድማችሁ የማይናወጥ ፅኑ ማንነትን ገንቡ፣ ለራሳችሁ ተገን ሁኑ። ምንም አይነት ያለፍቃዳችሁ በህይወታችሁ ውስጥ የሚከናወን ነገር እንዲኖር አትፍቀዱ። አንዳንዴ ባዶ ክብር ያዋርዳል፣ ቀን ቆርጦ ዋጋ ያስከፍላል፣ ሳታስቡት አንገት ያስደፋችኋል። ፍረሃት የታከለበት ክብር ግን ድንበራችሁን ሁሉ ያስጠብቃል፣ ዙሪያችሁን ሁሉ ያፀዳዋል። ሃይላችሁን አሰባስቡ፣ አቅማችሁን አጠናክሩ፣ ደረጃችሁን ጨምሩ፣ የሚያኮራችሁን ስብዕናና ማንነት ገንቡ። በፍረሃት የምታከብሩትን አንድ ሰው አስቡ። ምናልባትም ያን ሰው ትወዱት ይሆናል፣ ትልቅ ቦታ ትሰጡት ይሆናል፣ በዛው ልክም ትፈሩታላችሁ። የምትፈሩት ሊጎዳችሁ ስለሚችል ወይም ልታሸንፉት ስለማትችሉ አይደለም። የምትፈሩት ከእናንተ የላቀ ደረጃን ስላለው ነው፣ በፍረሃት የምታከብሩት ኬት ተነስቶ አንዴት የት እንደደረስ በሚገባ ስለምታውቁ ነው፣ እናንተን ለማስፈራራት ምንም አይነት የተለየ ነገር ስለማያደርግ ነው።

አዎ! ጀግናዬ..! ጥሩ ሰው ሁን በዛው ልክም ለሚንቁህና ለሚሳለቁብህ ሰው አስፈሪ መሆንህን እንዳትረሳ። ለሚወድህ ፍቅርን፣ ለሚያከብርህ ክብርን፣ ጊዜ ለሚሰጥህ ጊዜና ትኩረትን፣ ለሚያስደስትህም ሳቅና ደስታን ትሰጣለህ ለሚንቅህ ግን ክብርን ልትሰጥ አትችልም፣ ለሚያንቋሽሽህ ግን ቦታ ልትሰጥ አትችልም፣ ስምህን ለሚያጠፋው ግን ትኩረትህን ልትሰጠው አትችልም። ምንም ያህል መልካም ብትሆን መልካምነትህ በራሱ የማይሰራበት ስፍራ መኖሩን አስተውል። ለሰዎች ጥሩ ነገር አድርግ፣ ሰዎችን ውደድ፣ ሰዎችን አክብር የራስህን ክብር ግን በየቦታው አትጣል፣ በፍፁም ራስህን ባይተዋር አታድርግ። ለሰዎች ተፋለም ለራስህ ግን ከዛ በላይ ተፋለም፣ ሰዎችን ጠብቅ ራስህን ግን ከዛ በላይ ጠብቅ። ስምህ በጥሩነት ይነሳ፣ ምግባርህ በመልካምነት ይታወቅ ድንበርህ ሲታለፍ ግን ዝም እንደማትል አሳይ። ሰውን አትጥላ፣ ተጎድቼያለሁ ብለህ አቅም የሌለውን ሰው ለመጉት አትነሳ፣ በእውነቱ አዛኝ ልብ ይኑርህ። ነገር ግን አቅምህን ሊገዳደር ለሚመጣው በር ሰባሪ እውነተኛ ማንነትህን አሳየው። አስፈሪ ሰው የሚያስፈራው አንዱ በትዕግስቱ ሲሆን ሌላውም በዝምታው ነው። በዙሪያህ ካሉ ሰዎች ሁሉ ዝምተኛውና ታጋሹ ሰው ሁን፣ የአስፈሪነትን ሃይልም ተጎናፀፍ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,912

MIKRE AIMRO | ምክረ-አዕምሮ™

24 Dec, 18:42

እኔ ግን አደረኩት!

➡️

🗣️

ከእራስ ጋር ንግግር፦ "ስለ ገዛ ሰላሜ፣ ስለ ውስጣዊ መረጋጋቴ፣ ስለ እኔነቴ፣ ስለ ማንነቴ ብዙ አሰብኩ፣ ብዙ አወጣው ብዙ አወረድኩ፣ ብዙ ሰማው ብዙ አወራው። በስተመጨረሻም አንድ ነገር አስተዋልኩ የሰላሜ ባለቤት፣ የመረጋጋቴ መሰረት፣ የጤንነቴ ምንጭ፣ የመንፈሴ ገዢ አምላኬ ቅዱስ እግዚአብሔር እንደሆነ ደረስኩበት። ውስጥን በድፍረት ማዳመጥ ይህን ያክል ቀላል ባይሆንም ይጠቅመኛልና አደረኩት፤ አይኖች ሁሉ ውጪውጪውን በሚያማትሩበት፣ ሰው ሁሉ ሃሳቡ በተሰረቀበት ወቀት እራስን መመልከት ቢከብድም፣ ስለ እራስ ማሰብ፣ ስለ እራስ ማሰላሰል ቢከብድም እኔ ግን አደረኩት፤ ዓለም አጀንዳዋ ባያልቅም፣ ዘወትር ኮሽታ ባይጠፋትም፣ ትኩረቴንም አብዝታ ብትፈታተንም እኔ ግን የእርሷን አጀንዳ ትቼ፣ ጫጫታዋን ወደኋላ ገፍቼ እራሴ ላይ ማተኮር ቻልኩኝ።

አዎ! ዋናው አላማዬ ብዙ ተጉዤ፣ ብዙ ለፍቼ፣ ብዙ ደክሜ፣ ትልቅ ዋጋ ከፍዬ የምደርስበት ስፍራ አይደለም፤ ይልቅ በጉዞዬ መሐል የምገነባው ማንነትና የምፈጥረው ስብዕና ነው። እንደማንኛውም ሰው ጉድለት ቢኖርብኝም እንደማንኛውም ሰውም የተባረኩበት ነገር አለኝ። አምላኬን የማመሰግነው የሚያስፈልገኝን ስለሰጠኝ፣ የሚገባኝ ስፍራ ስላደረሰኝ፣ በጉዞዬ ሁሉ ስለረዳኝ፣ በመውጣት መውረዴ፣ በመውደቅ መነሳቴ፣ በመተቸት መወደሴ ሁሉ አብሮኝ ስለነበረ ብቻ አይደለም። የምስጋናዬ ምክንያት ሰውነቴ ነው፤ የምስጋናዬ ምክንያት እኔን እኔ ስላደረገኝ ነው፤ የአድናቆቴ መንስኤ የአባትነት ፍቅሩ፣ የአምላክነት ስጦታው ነው። እራሴን በማውቀው ልክ ለእራሴ መሆን ባልችልም አምላኬን በማውቀው ልክ ግን እለት እለት በቃሉ ለመመራት፣ ትዕዛዙን ለማክበር፣ ይቅርታውን ለማግኘት የምጥር ምስኪን ልጁ ነኝ። አመስጋኝህ ስላደረከኝ አመሰግንሃለሁ፤ ስጦታህን እንድረዳ በረከትህንም እንድመለከት ስላስቻልከኝ ከልቤ አከብርሃለሁ፤ በደካማው ማንነቴም እወድሃለሁ።

አዎ! ጀግናዬ...! ከእራስህ ገር የምታደርገው ንግግር በአስተውሎት አድርገው፤ ከአምላክህ ጋር ስትወያይ ጉዳይ ከልብህ ተወያይ። ሰው አይኘን አላየኝ፣ ሰማኝ አልሰማኝ፣ ስም አወጣልኝ ፈረደብኝ ብለህ አትፍራ። እራስህ ከእራስህና ከአምላክህ በላይ የሚያቅስህ አካል የለም። እራስህ ላይ ብትፈርድ፣ ለእራስህ የግል አቋም ብታበጅ፣ እምነትህን ብትፈትን፣ መንገድ ብትስት፣ ብትሳሳት ቀዳሚው ሃላፊነት የእንደሆነ አስተውል። ከእራስህና ከደጉ አባትህ በቀር ማንም ስለማይሰማህ የልብ ንግግር አትጨነቅ፤ ከእራስህና ከህያው አምላክህ በቀር ማንም በማያይህ መንፈሳዊ ተግባርህ አትሸማቀቅ። ከእራስህ ጋር ለመነጋገር ነፃ ሁን፤ ከአምላክህ ለመማከር ዘወትር መንፈሰ ጠንካራ ሁን።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,821

MIKRE AIMRO | ምክረ-አዕምሮ™

24 Dec, 17:06

🔴

ከፍ ብላችሁ ኑሩ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/iOrtTgBh9rA?si=8SydLq7gnaZOtBrZ

2,715

MIKRE AIMRO | ምክረ-አዕምሮ™

24 Dec, 15:02

🔴

ብልህ ጠቢብና ሳቢ ለመሆን የግድ እነዚህን ማድረግ አለባችሁ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/5TtBaIyecrA?si=TwpCEQRUuNxbGGO0

2,767

MIKRE AIMRO | ምክረ-አዕምሮ™

24 Dec, 11:28

ℹ️

ዛሬ ምሽት 12:00 ሰዓት

💥 ብልህ ናችሁ ወይስ አይደላችሁም?
ብልህ ሰውን ከብዙ ሰው የሚለየው ምንድነው?

አሁን SUBSCRIBE 🛎 አድርጋችሁ ጠብቁኝ!
👇👇
https://www.youtube.com/channel/UCSdpYXLmn4YzEzA3y_Qn64A?sub_confirmation=1

2,773

MIKRE AIMRO | ምክረ-አዕምሮ™

24 Dec, 08:03

•// ትግልህን ምረጥ •//

🔺 ከሕይወት የምትፈልገው ምንድነው?” ብዬ ብጠይቅህና “ደስተኛ መሆን፣ ታላቅ ቤተሰብ መመስረትና የምወደው ስራ እንዲኖረኝ፡፡” ብለህ ብትመልስልኝ፣ መልስህ የተለመደና የሚጠበቅ ከመሆኑ የተነሳ ምንም ትርጉም የሌለው ይሆናል፡፡

ሁሉም ሰው ጥሩ በሆነው ይደሰታል፡፡ ሁሉም ሰው ጭንቀት የሌለበት፣ ደስተኛና ቀላል ሕይወት መኖር፤ በፍቅር መውደቅ፣ በጣም ደስ የሚል ወሲባዊ ግንኙነትና የፍቅር ጓደኝነት፣ ዘናጭ መሆንና ገንዘብ መስራት፣ ታዋቂና የተከበረ መሆን፣ በጣም የተደነቀ ከመሆን የተነሳ ወደ አንድ ቦታ ሲራመድ ሰዎች እንደ ቀይ ባህር የሚከፈሉለት ቢሆን ይፈልጋል፡፡

ሁሉም ሰው ያንን ይፈልጋል፤ ያንን መፈለግ ቀላል ነው፡፡

በጣም ደስ የሚለውና ብዙ ሰዎች በጭራሽ የማያስተውሉት መጠየቅ ያለበት ጥያቄ ግን “በሕይወትህ ውስጥ ምን አይነት ስቃይ ትፈልጋለህ? ልትታገል የምትፈልገው ምንድነው?” የሚል ነው፡፡ምክንያቱም ህይወታችን እንዴት እንደሚሆን የሚወስነው ትልቁ ነገር ያ ነውና፡፡

ለምሳሌ ብዙ ስዎች አሪፍ ቢሮ እንዲኖራቸውና ብዙ ገንዘብ መስራት እንዲችሉ ይፈልጋሉ፡፡ ነገር ግን በሳምንት ስልሳ ሰዓት በመስራት፣ በረጅም ጉዞዎችና አሰልቺ በሆኑ የወረቀት ስራዎች መሰቃየት የሚፈልጉ ሰዎች ብዙ አይደሉም፡፡

ብዙ ሰዎች አሪፍ ወሲብ፣ ጥሩ የፍቅር ግንኙነት እንዲኖራቸው ይፈልጋሉ፡፡ ነገር ግን ሁሉም ሰው ወደዚያ ለመድረስ አስቸጋሪ የሆኑ ንግግሮችን፣ አሳፋሪ ሁኔታዎችንና የስሜት መጎዳቶችን ለማለፍ ፈቃደኛ አይደለም፡፡ ከዚያ ይረጋጉና፣ ጥያቄው ከ “ቢሆንስ?” ወደ “ከዛስ?” እስኪለወጥ ድረስ ለአመታት ያስባሉ፡፡

ደስታ ትግል የሚጠይቅ በመሆኑ የሚነሳው ከችግር እንጂ ልክ እንደ አበባና ቀስተደመና ከመሬት የሚነሳ አይደለም፡፡ እውነተኛ የእድሜ ልክ እርካታና ትርጉም የሚገኘው ትግሎቻችንን በመምረጥና ማስተዳደር በኩል ነው፡፡

አሪፍ የሰውነት አቋም እንዲኖርህ ትፈልጋለህ እንበል፡፡ ነገር ግን ለብዙ ሰዓታት ጂም ውስጥ በመስራት የሚያጋጥምህን ህመምና አካላዊ ጭንቀት በፅናትና በደስታ ካልተቋቋምክ፣ የምትመገበውን ምግብ መመጠን እና ማስተካከል ካልወደድክ፣ የምትፈልገውን በስፖርት የተገነባ ሰውነት አታገኝም፡፡

ሰዎች የራሳቸውን ስራ መስራት ይፈልጋሉ፡፡ ነገር ግን ያንን ለማድረግ በሚደረግ ሙከራ የሚያጋጥማቸውን አደጋ፣ እርግጠኛ ያለመሆን፣ ተደጋጋሚ ውድቀት ካልተቋቋሙ፣ ምንም ነገር ጠብ ለማይል ነገር ያጠፏቸውን ጊዜያት በደስታ ካልተቀበሉ፣ስኬታማ ስራ ፈጣሪ መሆን አይችሉም፡፡

ሰዎች የትዳር አጋር፣ ወይም የፍቅር ጓደኛ ይፈልጋሉ። ነገር ግን ከሚያጋጥሙህ ተደጋጋሚ አለመፈለጎች የተነሳ የሚመጣብህን የስሜት መዋዠቅ በትዕግስት ካላለፍክ፣ ማስተንፈስ የማትችለውን ወሲባዊ ውጥረት ካልተቋቋምክና የማይደወል ስልክ ላይ ማፍጠጥን ካልተጋፈጥክ ማራኪ አጋር ማግኘት አትችልም፡፡ ይህ የፍቅር ጨዋታ ክፍል ነው፡፡ ካልተጫወትክ ማሸነፍ አትችልም፡፡

ያንተን ስኬት የሚወስነው “በምን መደሰት ትፈልጋለህ?” በሚለው ጥያቄ አይደለም፡፡ ወደ ደስታ የሚወስደው መንገድ በሚያንሸራትቱ ነገሮችና በእፍረት የተሞላ በመሆኑ ተገቢ የሚሆነው ጥያቄ “ምን አይነት ስቃይን መቋቋም ትፈልጋለህ? የሚል ነው፡፡
ሕይወት ሁልጊዜ በፅጌረዳ ያሸበረቀ ሊሆን አይችልም፡፡ ስቃይ አልባ ሕይወት ሊኖርህ የማይችል ከሆነ ደግሞ የሆነ ነገር መምረጥ አለብህ ፡፡

በአብዛኛው በጉርምስናና በወጣትነት ዘመኔ ሙዚቀኛ በተለይም የሮክ ሙዚቃ ኮከብ ስለመሆን አልም ነበር።የትኛውንም በጊታር የታጀበ ሙዚቃ ስሰማ አይኖቼን ጨፍኜ በምናቤ ራሴን መድረክ ላይ በአድናቆት
ለሚጮኹ ብዙ ሰዎች ጊታር ስጫወት፣ ሰዎች በእኔ ጊታር አጨዋወት ተማርከው ራሳቸውን ሲስቱ እመለከት ነበር፡፡ ሀሳቡ ለእኔ ቢሆንስ? የሚል ጥያቄ ስላልነበረ ይህ ህልም ለሰአታት ይዞኝ ይቆይ ነበር፡፡ በአድናቆት በሚጮኹ ተመልካቾች ፊት እንደምጫወት እርግጠኛ ነበርኩ፤ ግን መቼ? ሁሉንም ማቀድ ነበረብኝ፡፡ እዚያ ደርሼ አሻራዬን ለማሳረፍ፣ እንዲሁም አስፈላጊውን ኃይልና ጥረት መስጠት ከመቻሌ በፊት ጊዜዬን መጠበቅ ነበረብኝ፡፡ በመጀመሪያ ትምህርቴን መጨረስ፣ ከዚያ ጊታር ለመግዛት ተጨማሪ ገንዘብ መስራት፣ ከዚያ ደግሞ ለመለማመድ በቂ ነፃ ጊዜ ማግኘት፣ ቀጥሎ የመጀመሪያ ፕሮጀክቴን ማቀድ ያስፈልገኝ ነበር፡፡ ከዚያ... ከዚያ. . . በቃ፡፡

ይህንን ነገር የእድሜዬን ግማሽ ያህል ሳልመው የኖርኩ ቢሆንም ምኞቴ ግን ለፍሬ አልበቃም፡፡ በመጨረሻ ለምን ለፍሬ እንዳልበቃ እስክረዳ ድረስ ረጅም ጊዜና ረጅም ትግል ወስዶብኛል፡፡ ለካ ለፍሬ ያልበቃው ከልቤ ስላልፈለግኩት ነበር፡፡

በምናቤ ራሴን መድረክ ላይ ሆኖ ሳየው፣ ሰዎች በአድናቆት ሲጮሁ፣ እኔ ፍፁም ከልቤ ሆኜ ጊታር ስጫወት ሳልም ፍቅር የወደቅኩት ከውጤቱ ጋር እንጂ ከሂደቱ ጋር አልነበረም፡፡

ያልተሳካልኝም በዚያ ምክንያት ነበር፡፡ በተደጋጋሚ ወድቄያለሁ፡፡ በበቂ ሁኔታ አለመሞከር ብቻ ሳይሆን እንዲያውም አልሞከርኩም ማለት ይቻላል፡፡ የየእለቱ አሰልቺ ልምምድ፣ የሙዚቃ ቡድን መፈለጉና አብሮ መለማመዱ፣ ሰዎችን የመጠበቁ ስቃይ፣ የጊታሬ ክሮች መበጠስ፣ እቃዎቼን ከቦታ ቦታ ለማንቀሳቀስ የመኪና አለመኖር ህልሜን ተራራ የሚያክል አድርጎብኝ ነበር፡፡ እዚያ ላይ ለመድረስ ደግሞ ተራራውን መውጣት ያስፈልግ ነበር፡፡ እኔ ደግሞ የወደድኩት ውጤቱን በምናቤ ማየት ብቻ ስለነበር፣ ብዙም ተራራ መውጣት እንደማልወድ ለመረዳት ብዙ ጊዜ ወስዶብኝ ነበር፡፡

የተለመደው ባህላዊ ትረካ ያቋረጥኩ ወይም ተሸናፊ መሆኔ፣ “ያላገኘሁ” መሆኔ፣ ህልሜን በመተው እና ምናልባትም በህብረተሰቡ ጫናዎች እንድሸነፍ በማድረግ በሆነ መንገድ ራሴን እንድወድቅ ያደረግኩ እንደሆንኩ ይነግረኛል፡፡

እውነቱ ግን ከእነዚህ ገለፃዎች በተሻለ ደስ የሚል አለመሆኑ ነው፡፡ እውነቱ የሆነ ነገር እንደምፈልግ አስቤ ነበር፡፡ ግን አልፈለግኩም ነበር፡፡ አለቀ፡፡ የፈለግኩት ሽልማቱን እንጂ ትግሉን አልነበረም፤ የፈለግኩት ውጤቱን እንጂ ሂደቱን አልነበረም፡፡ ፍቅር የያዘኝ ከድሉ እንጂ ከትግሉ አልነበረም፡፡

ሕይወት ደግሞ በዚያ መንገድ አይመራም፡፡ማንነትህ የሚታወቀው ልትታገልለት ፈቃደኛ በሆንከው ነገር ነው፡፡ ስፖርት የመስራትን ትግል በደስታ የሚቀበሉ ሰዎች የሚፈልጉትን ስፖርታዊ አቋም ያገኛሉ፡፡ ረጅም የስራ ሳምንትንና ቢሮክራሲ መቋቋም የሚችሉ ሰዎች የአመራር መሰላል ጫፍ ላይ መድረስ የሚችሉ ሰዎች ናቸው፡፡

ይህ ስለ ቆራጥነት ወይም ጥርስን ስለመንከስ አይደለም፡፡ ይህ “ህመም ከሌለ ማግኘት የለም” የሚለው አይነት ሌላ ግሳፄ አይደለም፡፡ ይህ ትግላችን ስኬታችንን ይወስናል፡፡ ችግሮቻችን የደስታዎቻችን መፈጠሪያ ናቸው የሚል የሕይወት በጣም ቀላሉና መሰረታዊ አካል ነው፡፡

አየህ ይህ መጨረሻ የሌለው ቀጥ ብሎ የቆመ ጠመዝማዛ ብረት ነው፡፡ የሆነ ነጥብ ላይ መውጣት ማቆም እንደሚፈቅድልህ ካሰብክ፣ ነጥቡን ስተሃል ብዬ እፈራለሁ፡፡ ምክንያቱም ደስታው ያለው በራሱ በመውጣቱ ላይ ነውና!!

ምክረ-አዕምሮ ለተሻለ ነገ ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,873

MIKRE AIMRO | ምክረ-አዕምሮ™

24 Dec, 06:56

ጠንካራ ሁኑ!

➡️

🗣️

በምድር ላይ በክብር ትመላለሱ ዘንድ፣ ዓለም ቦታ ትሰጣችሁ ዘንድ፣ ሰዎች ይፈልጓችሁና ይመርጧችሁ ዘንድ፣ የህይወትን ፈተናንም በድል ትወጡ ዘንድ ጠንካራ ሁኑ። ከአለት የጠነከረ ጠንካራ፣ በእሳት ተፈትኖ ከሚወጣው ብረት በላይ ጠንካራ፣ ልቡ የደነደነ፣ ውስጡ የረጋ፣ ለምንም ለማንም የማትበገር ብርቱ ጠንካራ ሰው ሁኑ። በዚህ ዓለም ለደካሞች ቦታ የለም፣ ምድር ሰነፎችን ሸልማ አታውቅም። ህይወትን እስከኖራችሁ ድረስ የጀብደኛ ህይወትን ኑሩ። በእያንዳንዳችን ህይወት ውስጥ ምንአይነት ከባባድ ነገሮች እንደሚፈጠሩ አናውቅም። ነገር ግን የምናውቀው አንድ ነገር አለ እርሱም "ጠንካራ ካልሆንን በእነዛ ከባባድ ክስተቶች ምክንያት አሳዛኝ ህይወት መኖራችንን ነው።" ተስፋችሁ የመከነ ቢመስላችሁም በፍፁም ተስፋ አትቁረጡ፣ ህይወት ከባድ ብትመስላችሁም በፍፁም እጅ እንዳትሰጡ፣ ሰዎች እንደገፏችሁ ቢሰማችሁም ለራሳችሁ ብርቱ ወዳጅ ሁኑ። ደካማ መሆን ለውድቀት ያመቻቻችኋል፣ ስንፍና በቀላሉ እንድትሸነፉ ያደርጋችኋል፣ ልፍስፍስ መሆን ተስፋን ያሳጣችኋል። ከልባችሁ አስባችሁ አቅማችሁን መዝኑት፣ ጥንካሬያችሁን ለኩት፣ ከፊትለፊት የሚጠብቃችሁን ፈተና ለማለፍ ያላችሁን ብርታት መርምሩት።

አዎ! ጠንካራ ሁኑ፣ በጨለማ መሃል ብረሃንን የምትመለከቱ፣ በማጣት ሰዓት ማግኘትን የምታምኑ፣ በረሃብ ወቅት ጥጋብም እንደሚኖር የምታስተውሉ፣ በብቸኝነት ሰዓት የፈጣሪ አብሮነት እንዳለ የምትረዱ፣ በመገፋት ወቅት ማራኪ ፍቅር እንደሚመጣ የምታስቡ ጠንካራ ሰው ሁኑ። በምንም መንገድ ለራሳችሁ የደካማነት አማራጭ አትስጡ፣ ፈተና ቢበዛ፣ ችግር ቢፈራረቅ፣ ዓለምም ፊቷን ብታዞርባችሁ እንዴትም በህይወታችሁ ተስፋ እንዳትቆርጡ። አስቀድማችሁ ያያችሁት ብሩህ ቀን ከጨለማው ማግስት ይጠብቃችኋል፣ ከልባችሁ ከምትፈልጉት መንፈሳዊ ደሴታችሁ በችግራችሁ በኩል ትደርሱበታላችሁ፣ ደጋግማችሁ ያሰባችሁት ለውጥና እድገት በጥረታችሁ ልክ እጃችሁ ይገባል። በማጣት ውስጥም ብትሆኑ፣ ለጊዜው ስኬት ቢርቃችሁ፣ በሰዓቱ የምትፈልጉበት ቦታ ባትደርሱ፣ ውስጣችሁ መረጋጋት ቢሳነው፣ መቋጫ የሌለው ሀሳብ ፋታ ቢነሳችሁ እንኳን መኖር የሚያምርባችሁ ጠንካራ ስትሆኑ ብቻ እንደሆነ እወቁ፣ ዓለም እጇን ዘርግታ በፍቅር የምትቀበላችሁ አሸናፊዎች ስትሆኑ ብቻ እንደሆነ ተረዱ።

አዎ! ጀግናዬ..! የልብህን እምነት መደበቅ አትችልም፣ ምግባርህን ሸሽገህ አትዘልቀውም፣ ስንፍናህን ልትሰውረው አትችልም። እምነትና አስተሳሰብህ ሳይውል ሳያድር በውጤትህ ይገለጣል፣ ለራስህ የምትሰጠው ቦታና በራስመተማመንህ በተግባርህ ይታያል። ጠንካራ፣ ለዓለም ፈተና የማይበገር፣ በምድራዊ ችግር ተስፋ የማይቆርጥ፣ ልቡን በአምላኩ ፍቅር ያደነደነ፣ ረዳት ደጋፊውን እያሰበ የሚፀና ሰው መሆን ከፈለክ ስቃይን አትሽሽ፣ ፈተና በመጣ ቁጥር አታማር፣ ችግር ሲደራረብብህ ቶሎ አትብረክረክ። በቀላሉ የሚገኝ ጥንካሬ የለም፣ እንደ ቀልድ የሚገኝ ብርታት የለም። "በዓለም ሳላችሁ መከራ አለባችሁ፤ ነገር ግን አይዟችሁ፤ እኔ ዓለምን አሸንፌዋለሁ።" እንዳለ ቅዱስ መፅሐፍ ዓለምን ያሸነፈላችሁን ፈጣሪ እያሰባችሁ ጠንክሩ፣ ብቻችሁን እንዳልሆናችሁ እያሰባችሁ በመከራ መሃል ፅኑ። ተስፋ የማይቆርጥ ትውልድ እርሱ በስተመጨረሻ አስደሳቹን የድል ፅዋ እንደሚጎነጭ እመኑ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,605

MIKRE AIMRO | ምክረ-አዕምሮ™

23 Dec, 18:16

ብቸኝነቴ አይሰብረኝም!

➡️

🗣️

ከእራስ ጋር ንግግር፦ "ብቻዬን ብሆንም ያሰብኩበት ሳልደርስ አላቆምም፤ ቢደክመኝም ከሙከራዬ አልገታም፤ ጫናዎች ቢበዙብኝም፣ ተስፋዬ ቢጨልምም፣ ደጋፊ ባጣም፣ የሚረዳኝ ባይኖርም፣ ደጋግሜ ብሰበርም፣ በሰዎች ዘንድ ዋጋ ባይኖረኝም ለእራሴ ብዬ በከባዱ መንገድ እጓዛለሁ፣ ለቤተሰቦቼ ብዬ መክፈል ያለብኝን ዋጋ እከፍላለሁ፣ ለምወዳቸውና ለሚወዱኝ ስል እስከ ጥግ እፋለማለሁ፣ በእኔ በኩል እንዲጠቀሙ የምፈልጋቸው ሰዎች እንዲጠቀሙ፣ ፈጣሪዬ በእኔ እንዲደሰት፣ ለላቀው ክብርም እንዲያጨኝ ስል እርሱ በሚወደው መንገድ እራሴን እሰራለሁ፣ ለብዙዎችም ብቁ አድርጌ እገኛለሁ። ብዙ የማይመቹ ሁኔታ ውስጥ እራሴን ባገኝም እለት እለት ሁኔታዎች ለእኔ እንዲመቹ ለማድረግ መትጋቴን እቀጥላለሁ።

አዎ! ብቸኝነቴ አይሰብረኝም፤ መገፋቴ እራሴን እንድጠላ አያደርገኝም፤ መጠላቴ ለእራሴ የምሰጠውን ቦታ አያሳንሰውም፣ መውደቅ መሰበሬ ተስፋቢስ ሰው አያደርገኝም፣ ብቻዬን መቅረቴ፣ የሚያምንብኝ ማጣቴ፣ የሚደግፈኝ፣ የሚያግዘኝ፣ የሚያበረታኝ ማጣቴ ከጉዞዬ አይገታኝም፣ ፍፁም ወደኋላ አያስቀረኝም፣ መቼም በእራሴ እንዳዝንና ተሰብሬ እንድቀር አያደርገኝም። እራሴን አውቃለሁ፣ ፍላጎቴን አውቃለሁ፣ ወዴት እንደምሔድ፣ ምን እንደማደርግ፣ በእያንዳንዱ እርምጃዬ ውስጥ ማን አብሮኝ እንዳለ ጠንቅቄ አውቃለሁ። ተፈጥሮዬን አከብራለሁ፣ ማንነቴን እወደዋለሁ፣ በእኔነቴ እኮራለሁ፣ በአምላኬ ሃይል፣ በፈጣሪዬ መንፈስ እተማመናለሁ፣ በተሰጠኝ ፀጋ፣ በታደልኩት መክሊት ከልቤ አምናለሁ። የምኖረው ለማንም ሳይሆን ለምወደው ሰውነቴ ነው፣ የምኖረው ለማንም ሳይሆን በእኔ ለሚደሰቱ፣ በእኔ ለሚያርፉና በእኔ ምክንያት ፈጣሪያቸውን ለሚያመሰግኑ ነው። እግዚአብሔር አምላኬ ያለምንም ቅድመሁኔታ እንደሚወደኝ አውቃለሁ።

አዎ! ጀግናዬ..! "ብቸኝነቴ አይሰብረኝም፤ ማጣት ዋጋዬን አያሳንስም፤ ስብራቴ ህይወቴን ጥላሸት አይቀባው፤ በሰዎች የሚሰጠኝ መጥፎ እስተያየት ከጉዞዬ አያደናቅፈኝም፤ ከእራሴ በላይ በሚያስብልኝ አምላኬ የማይሸረሸር መተማመን አለኝ።" ብለህ ለእራስህ ንገረው። ከእራስህ መምጣት ላለበት ብርታት፣ ከውስጥህ መመንጨት ላለበት በእራስመተማመን፣ በማንነት ሊገለፅ ለሚገባው ጀግንነትህ ማንንም አትጠብቅ፣ ማንም እርሱን እንዲልህ አትጠብቅ፣ ማንም የልብ ትርታህን እንዲያወራልህ አትጠባበቅ። እራስህን በማበርታት ህይወትህን በከፍታው ላይ ምራው፣ ለአንተነህ ተገን ሁን፣ ለምትፈልገው ነገር እራስህን በመስጠት፣ ለምርጫህ እስከመጨረሻው በመታገል የምትመኘውን ሰው ሁን። አስደናቂው አዕምሮህ፣ አስገራሚው የአምላክህ መንፈስህ የማይቻለውን እንዲያስችልህ ፍቀድ፣ የማይታመን የሚመስለውን አምኖና በተግባር አድርጎ በገሃድ እንዲገለፅ አድርግ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,942

MIKRE AIMRO | ምክረ-አዕምሮ™

23 Dec, 16:05

🔴

መፍራት አቁሙ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/F3d73qjI9Wg

2,921

MIKRE AIMRO | ምክረ-አዕምሮ™

23 Dec, 06:45

ወደፊት ሂዱ!

➡️

🗣️

አሁን የት ናችሁ? እናንተ ጋር ያለው እውነት ምንድነው? ቆም ብላችሁ በጥልቀት ስታስቡ ምን ጎልቶ ይታያችኋል? በአስተሳሰብ እስራት አትታሰሩ፣ በሰዎች አመለካከት አትገደቡ፣ ፍረሃት መረማመጃ እንዲያሳጣችሁ አትፍቀዱ። ለማንም የማይታየው፣ ማንም ሊረዳው የማይችለው እውነት እናንተ ጋር አለ። እውነታውም ወደፊት መሔድ ነው፤ እውነታው ዝም ብሎ መጓዝ ነው፤ እውነታው ትርጉም ባለው መንገድ ህይወትን መኖር ነው። ለማንም ብላችሁ አትሳቀቁ፣ ለማንም ብላችሁ አትሸማቀቁ፣ በምንም ነገር ላይ ተስፋ አትቁረጡ። ልባችሁ ውስጥ ጥልቅ ፍላጎት ካለ፣ ከማንነታችሁ ጋር የተዋሃደ ብርቱ ሀሳብ ካለ ለማን ብላችሁ ሳትኖሩት ትቀራላችሁ? ለማን ብላችሁ ሳታደርጉት ትቀራላችሁ? ማን ደስ እንዲለውስ ነው ሄዳችሁ የማታገኙት? አሁን ከምትኖሩት የተለየ ህይወት እንዳለ የምታምኑ ከሆነ ያለምንም ግፊትና ጫና ራሳችሁን ወደፊት ግፉት፣ ማንም ሳያስገድዳችሁ ጉዟችሁን ጀምሩ። በእርግጥ ፈልጋችሁ ባላችሁበት ቦታ ለረጅም ጊዜ አትኖሩም። ነገር ግን እንዳልፈለጋችሁት ለማሳየት የግድ መሞከር ይኖርባችኋል።

አዎ! ወደፊት ሂዱ፣ ተንቀሳቀሱ፣ ሁሌም ራሳችሁን ለተሻለ ነገር ለማብቃት ትጉ። ያሰሯችሁ ብዙ ነገሮች ይኑሩ፣ በብዙ ነገር ተያዙ፣ ማንም ምንም ይበላችሁ እናንተ ግን ጉዟችሁ ላይ ብቻ አተኩሩ፣ እናንተ ግን ስለአሁኑና ስለቀጣይ እርምጃችሁ ብቻ አስቡ። ሁሌም ቢሆን አንድ የተለየ መንገድ እንዳለ አትርሱ። ብዙ ሰው የሚመለከተውንም የማይመለከተውንም ለመረዳት ይታገላል፣ ሁሉም ነገር እንዲገባው ይፈልጋል። እውነታው ግን አዕምሮው የሚቀበለውና የሚረዳው በአቅሙ ልክ መሆኑ ነው። ለአዕምሯችሁ ሰላም፣ ለውስጥ መረጋጋታችሁ፣ ለለውጥ ተነሳሽነታችሁ፣ ህልማችሁን ለመኖር፣ የአላማ ሰው ለመሆን ብላችሁ ሁሉንም ነገር ለመረዳት አትሞክሩ። አዕምሯችሁ በዚህም በዛም ጉዳይ ተወጥሮ እንዴትም በትክክል ሊያስብና ሊያስተውል አይችልም። ሄዳችሁ ሄዳችሁ ለብቻ የምትቀሩት እናንተ እንደሆናችሁ አስተውሉ። በፍፁም እዚም እዛም የሚገባ፣ ይሔም ያም የሚያሳስበው ብኩን ሰው እንዳትሆኑ። የራሳችሁ ጉዳይ ላይ ብቻ አተኩሩ፣ ወደፊት ፍሬ የሚያፈራላችሁን ተግባር ብቻ ፈፅሙ፣ የሚመለከታችሁና የሚጠቅማችሁ ቦታ ብቻ ተገኙ።

አዎ! ጀግናዬ..! ድካም በማንኛውም ሰዓት ይመጣል፣ ስንፍና ሁሌም ከበርህ አፋፍ ሆኖ ይጠብቅሃል፣ መቼም ከችግር የፀዳ ህይወት ልትኖር አትችልም። ዋናው ቁብነገር ግን በዚህ ሁሉ መሃል ወደፊት መራመድ መቻልህ ነው። ለማንም ብለህ ለዘመናት አንድ ቦታ ቆመህ አትቅር፣ ማንም እንዲደሰት ወይም ያዝንብኛል ብለህ ፍረሃትህን አትኑረው። ከታጠረልህ አጥር ውጣ፣ ከገባህበት አዘቅት ራስህን መንጭቀህ አውጣ፣ እስራትህን ፍታ፣ በገዛ ሰማይህ ላይ በከፍታ መብረሩን እወቅበት። ጉዞ የሌለው ህይወት ይሰላቻል፣ ለውጥ የሌለው ኑሮ አያጓጓም። ለውጥን አማራጭ አታድርገው፣ ወደፊት መጓዝን መብት አታድርገው። እየተለወጥክ ካልሆነ፣ እያደክ ካልሆነ፣ ሌላው ቢቀር እንኳን እንደ አቅምህ እየጣርክ ካልሆነ ስለህይወት ክፉና ደግ ለማውራት ብቁ እንደሆንክ አታስብ። ነገሮችን አታወሳስብ፣ ችግርና መሰናክሉ ላይ ብቻ አታተኩር። አንቂ ሳትፈልግ በራስህ ንቃ፣ አበረታች ሳትፈልግ ራስህ በርታ፣ ሁሌም ወደፊት ወደ ግብህ አቅጣጫ መጓዝህን ቀጥል።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,524

MIKRE AIMRO | ምክረ-አዕምሮ™

22 Dec, 18:22

ፍቅርን ብለሽ...!

➡️

🗣️

ፍቅርን ብለሽ ብታቀረቅሪ፣ አንገትሽን ብትደፊ፣ ብትታዘዢ፣ ዝቅ ብትይ፣ እራስሽን ብትሰዊ፣ እራስሽን ብትሰጪ ምንም ክፋት የለውም። ክፋቱ ፍቅርን ብለሽ ባቀረቀርሽበት ስትረገጪ ነው፤ ፍቅርን ብለሽ እራስሽን በሰጠሽበት ስትሰቃዪ ነው፤ ፍቅርን ብለሽ ብትታዘዢ እንደባሪያ ስትቆጠሪ ነው። ሁሌም ያንቺ ፍቅር በመልካም ሃሳቦች፣ በቅን ተግባሮችና በበጎ ሁነቶች የተደገፈ ሊሆን ይችላል፣ የተቀባዩ ግን በበደልና በክፋት ከታገዘ፣ በጭካኔ ከተሞላ፣ ርህራሄ ከራቀው፣ ፍቅርን ካልታደለ ያንቺ ፍቅርን መምረጥ፣ በፍቅር መመላለስ፣ ፍቅርን ማለት አደጋ ላይ መውደቁ አይቀርም። ፍቅር እንዲገባው የሚፈልግ ሰው ይገባዋል፤ ካልፈለገ ግን ሊገባው ቀርቶ ምንም ለመረዳትና ለማስታወስ አይፈልግም።

አዎ! ጀግኒት..! ፍቅርን ብለሽ ፍቅርን አትግፊ፤ ያተረፍሽ መስሎሽ አታጉድይ፣ ያገኘሽ መስሎሽ አትጪ፤ ባንቺ ውስጥ ባለው ስሜት ብቻ እየተመራሽ አንቺን ብሎ ከመጣው አትሽሺ። በፍቃድሽ ሰዶ ማሳደድ ውስጥ አትግቢ። ለእውነተኛ ስሜትሽ፣ ለጥልቅ ፍቅርሽ ዋጋ ብትከፍይም፣ ብትሰቃይም፣ ብትወጪም ብትወርጂም ይህ ሁሉ መሱዓትነት ለፍቅርሽ ዋስተና፣ ላንቺም ደህንነት ጠበቃ ሊሆንሽ እንደማይችል አስታውሺ። ስትወጂው የማይወድሽን፣ ጊዜ ስትሰጪው ጊዜ የማይሰጥሽን፣ ስትከተይው የሚሸሽሽን፣ ስትደግፊው የሚጎዳሽን፣ ስታክሚው የሚያሳምምሽን እያሳደድሽ ተንከባካቢሽን፣ ውድ አፍቃሪሽን፣ ጠባቂሽን እንዳታጪ፣ በምላሹም ከረፈደ ወደማሳደድ እንዳትገቢ ተጠንቀቂ።

አዎ! ጀግናዬ..! የሚያለቅስልህ፣ የሚያስብልህ፣ የሚራራልህ እያለ ለሚስቅብህ፣ ለሚያፌዝብህ፣ ለሚቀልድብህ አታልቅስ። ላንተውን ጊዜን የሚያመቻች እያለ በትፍ ጊዜ ከሚያስታውስህ ጋር አትታገል። ፍቅርህን ከረገጠው ባላይ በፍቅር የሚያነግስህ አለ፤ መውደድህን ካኮሰሰው በላይ በፍቃዱ የሚንከባከብህ አለ። ለፍቅርህ ብለህ ብቻህን ዋጋ ብትከፍል፣ ብትሰበር፣ ብትጋጣ፣ ብትላላጥ፣ ብትገፋ፣ ብትረሳ እራስህን ታጣለህ እንጂ ፍቅርህን አታተርፍም፤ ማንነትህን ታሳንሳለህ እንጂ ለክብር አትበቃም፤ በስቃይ ትሞላለህ እንጂ ሰላምን አታገኝም። ዋጋ መክፈልህ ድጋፍ ይፈልጋል፤ መሱዓትነትህ አጋዥ መሶዓትነት ይጠበቅበታል። ብቻህን ጥረህ፣ ግረህ የእራስህን ቤት ልትገነባ ትችላለህ ነገር ግን ብቻህን ለፍተህና ደክመህ እኩልነት የሰፈነበት፣ በነፃነት የተሞላ፣ በፍቅር የታነፀ የጋራ ቤት መገንባት እንደማትችል አስታውስ። ቢያንስ የጋራ ጥረትና ልፋት ምሰሶውን ማቆሙ የግድ ነው።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,418

MIKRE AIMRO | ምክረ-አዕምሮ™

22 Dec, 17:41

🔴

ራሳችሁን አስቀድሙ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/JgSXs4HpfPo

3,326

MIKRE AIMRO | ምክረ-አዕምሮ™

21 Dec, 17:57

መጠጊያ አለህ!

➡️

🗣️

በየትኛውም ሁኔታ ውስጥ፣ በየትኛውም ከባድና ቀላል አጋጣሚ ውስጥ የአምላክ መንፈስ አለ። ሽብር፣ ስብራት፣ ስጋት፣ ፍረሃት፤ ጭንቀት ቢገጥምህ የምታመልጥበት፣ የምታልፍበት መጠጊያ አምላክ አለህ። ነገሮች በምክንያት ይሆናሉ፣ ሁነቶች ሌላ ውጤት አስከትለው ይመጣሉ፣ ውጤትም ወደ ሌላ ውጤት ይመራል። አምላክም በህይወታችን የሚከሰቱትን አጋጣሚዎች በምክንያት ዝም ይላቸዋል፤ እነርሱን ከማሳለፍ ወይም ከማስቀረት ይልቅ እኛን ያበረታናል፣ በጥንካሬያችን እንድናልፈው ያደርገናል። ቢያስቀራቸው ለእርሱ እጅጉን ቀላል ነው፤ እኛ ግን በምትክቱ ማግኘት የሚገባንን ጥንካሬ እናጣለን፣ ብርታታችን ይሸሸናል፣ እድገታችን ይገታል፣ ከለውጥ እንርቃለን።

አዎ! ጀግናዬ..! መጠጊያ አለህ! ከጭንቀትህ የምታመልጥበት፣ ፍራቻህን የምትሻገርበት፣ ስጋትህን የምትቀርፍበት በማንነቱ አሳራፊ የሆነ፣ ከለላ የሆነ፣ መጋቢ የሆነ ደንቅ መጠለያ፣ ግሩም መጠጊያ አለህ። በአለማዊ ጫናዎች አትሸበር፤ በሰዎች ጫጫታ አትጨነቅ፣ በምድራዊ ውጣውረድ አትበገር። አላማህን ያዝ፣ አምላክህን አስቀድም፣ ህይወትህን ትርጉም ስጠው፣ ብትደገፍ የማይጥልህን፣ ብታምነው የማይከዳህን፣ ብትከለልበት የማያስጠቃህን ቸር አምላክ፣ ሩህሩህ ፈጣሪ ያዝ። አምላክ ምንም ቢያደርግ ምክንያት አለው፤ ምንም ቢፈጥር ከእኛ የሚልቅ ሰበብ አለው። የሆነው መሆን ስላለበት ሆነ፤ እየሆነ ያለውም መሆን ስላለበት እየሆነ ነው፣ መሆን ያለበትም መሆን ስለሚገባው ይሆናል።

አዎ! ሁሉም ለበጎ ሆኗል፤ በበጎ ያልፋል። የሚቀየር ነገር ይቀየራል፤ የሚስተካከል ይስተካከላል፤ የሚታረም ይታረማል፤ ለውጥም ይመጣል፣ እድገትም ይከሰታል፤ አንዳች ሁነት ግን ላይታለፍ፣ ላያልፍ አይመጣም። የዛሬ ጭንቀቶች ነገ ተረት ናቸው፤ የዛሬ ስጋቶች ነገ ብርታት ናቸው፤ የዛሬ ከባዶች ነገ ሃይል ናቸው። ህያው መጠጊያ ባለበት፣ ዘላለማዊ መሸሸጊያ፣ ማምለጫ ባለበት በጊዜያዊ ጭንቀት፣ በአላፊ ስብራት እራስህን አትጉዳ፤ ከየትኛውም ምድራዊ ፈተና የሚከልልህ፣ የሚጠብቅህ ድንቅ አባት እንዳለህ አስታውስ። በድካምህ ተደገፈው፣ በህመምህ ተጠጋው፣ ጭንቀትህን አዋየው፣ ስጋትህን አስረዳው፣ የማያልፍ የሚመስለውን በእርሱ እለፍ፣ የማይሻገሩት የሚመስለውን በእርሱ ተሻገር፤ በእርሱ ከለላነት፣ በእርሱ መጠጊያነት ከጊዜያዊ ፈተናዎችህ አምልጥ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

4,375

MIKRE AIMRO | ምክረ-አዕምሮ™

07 Dec, 18:06

እንቆቅልሾችህን ፍታ!

➡️

🗣️

ሩቅ መጓዝ፣ ተዓምር መስራት፣ ድንቅ ማድረግ ከፈለክ ምርጫ በሌለው አማራጭ እንቆቅልሾችህን ፍታ፤ አስጨናቂዎችህን አስወግድ፤ መሰናክሎችህን ተሻገር፤ ከእንቅፋቶችህ ራቅ። ፍረሃት፣ ጭንቀት፣ አሉታዊነት፣ ሰበበኝነትና መጥፎ ልማዶች ዋንኞቹ እንቆቅልሾችህ ናቸው። ፈሪ ተዓምር ሲሰራ ያያል እንጂ ተዓር መስራት አይችልም፤ የሚጨነቅ ሰው ድንቅ ሲደረግ ይመለከታል እንጂ ድንቅ የሚያደርግ ማንነት አይኖረውም፤ ሰበበኛ እንቅፋቶቹን ይቆጥራል እንጂ በረከቶቹን አይመለከትም። በእንቆቅልሾችህ ተከበህ ተዓምረኛ ሳይሆን መደበኛውን ህይወትም ለመምራት ልትቸገር ትችላለህ። ሩቅ መጓዝ የሚፈልግ ሰው የመንገዱ ምቾት ሊያሳስበው ይገባል፤ ትልቅ ህልም ያለው ሰው በማንነቱ ላይ የሰለጠኑ ባህሪያትን ለይቶ ማወቅ ይጠበቅበታል፤ በተዓምረኛነቱ የሚተማመን ሰው መሰናክሎቹን ለማስወገድ ደፋርና ቁርጠኛ መሆን ይኖርበታል።

አዎ! ጀግናዬ..! እንቆቅልሾችህን ፍታ! በውስጥህ የያዝከውን ሸክም ልቀቅ፤ ከሚረብሹህ አስተሳሰቦች ተላቀቅ፤ ወደኋላ ከሚያስቀሩህ እሳቤዎች ነፃ ውጣ። በጨለማ መጓዝ አትችልምና ብረሃንህን ፈልገህ አግኘው፤ ከአሉታዊ ሰዎች ጋር ግብህን አትመታምና ከአዎንታዊዎቹ ጋር ተወዳጅ፤ የሚደግፉህንና የሚያበረታቱህን ምረጥ። መጥፎ ልማዶችህ ሳይቀየሩ ህይወትህን ስለመቀየር ብታስብ ከጭንቀትና መብሰልሰል በቀር የምታተርፈው ነገር የለም። ካንተ ብዙ ከሚጠብቁብህ፣ ዘወትር እጅ እጅህን ከሚያዩ፣ ከሚበዘብዙህ፣ ለእኔ ብቻ እንጂ ላንተን ከማያውቁ ሰዎች ጋር ሆነህ ለእራስህ ልትተርፍ አትችልም።

አዎ! ሩቅ አሳቢ ለትናንሾቹ ተግባሮቹ ትኩረት ይሰጣል፤ ጥቃቅን ክፍተቶቹን በጥንቃቄ ይሞላል፤ ላልተመቸው ጉዳይ በጊዜ መፍትሔ ይሰጣል፤ ከማይረዱትና ከማይደግፉት ሰዎች ለመነጠል ጊዜ አያጠፋም። ለእራስህ መሆን ካልቻልክ እንዲሁ እንደ ሸንኮራ ታኝከህ ትተፋለህ፤ እራስህን ካላስከበርክ መሳቂያ መሳለቂያ ትሆናለህ፤ ለህልምህ ዘብ ካልቆምክ በተራነትህ መዘባበቻና መሳለቂያ ትደረጋለህ። ልዩ ሃሳብ እንዳለው፣ ባለትልቅ ህልም ባለቤት እንደሆነ፣ ከፊቱ ትልቅ ስኬት እንደሚጠብቀው፣ ለራዕይው ከማንም በላይ እንደሚያስፈልገው ሰው ኑር። ቁጥብነትህ ሳቅ ጫወታን ጠልተህ አይደለም፤ ጥንቃቄህ አደጋዎችህ በዝተው አይደለም፤ ህልምን የመኖርን መንገድ ቀላልና የተደላደለ ለማድረግ በማሰብ ነው። እንቆቅልሾችህን ፍታ፤ በፍጥነት ወደ መዳረሻህ ተጓዝ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE ማድረግ እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

728

MIKRE AIMRO | ምክረ-አዕምሮ™

07 Dec, 17:11

🔴

በልክ ታገሱ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/L88gimaJaGs

942

MIKRE AIMRO | ምክረ-አዕምሮ™

06 Dec, 18:46

ውዳቂ አይደለህም!

➡️

🗣️

እራስህን መዝነው!
1. የተሳሳቱ ሰዎችን (ራስህን ጨምሮ) የመውቀስ ልማድ አለብህ?
2. በሌሎች ሰዎች እንዳልተሳካለት ሰው ሆኜ እታያለሁ የሚል ስጋት አለብህ?
3. እንደሚሳካልህ እርግጠኛ የሆንክባቸውን ነገሮች ብቻ እየመረጥክ ማድረግ ትወዳለህ?
4. አንድን ነገር አንድ ጊዜ ሞክረኸው ካልተሳካ ደግሞ የመሞከር ፍላጎት የለህም?
5. ስኬታማ ሰዎች የስኬታማነትን ብቃት በጥረት ሳይሆን በውርስ ወይም በእድል እንዳገኙት ታስባለህ?
6. ምንም ያህል ብትሞክር እንኳ ማድረግ የማትችላቸው ብዙ ነገሮች እንዳሉ ታስባለህ?
7. የማንነትህ ዋጋ ከተሳካልህና ካልተሳካልህ ነገር አንጻር የተያያዘ እንደሆነ ታስባለህ?
8. ያለመሳካትን ሃሳብ ስታስብ የተስፋ መቁረጥ ስሜት ይጫጫንሃል?
9. ስላልተሳኩልህ ሁኔታዎች ሙሉ ሃላፊነትን ከመውሰድ ይልቅ ምክንያት ማብዛት ትወዳለህ?
10. አዳዲስ ችሎታዎችን ከማዳበር ይልቅ ያለህን ችሎታ ማሳየትና ስለእሱ ማውራት ይቀናሃል?

ከላይ ለተጠየቁት አስር ጥያቄዎች ከግማሽ በላይ ለሆኑት “አዎ” የሚል መልስ ከሰጠህ ከዚህ በታች ላሉት ነጥቦች አስፈላጊ ትኩረት በመስጠት ለውጥን ለማስተናገድ ጥረት አድርግ፡፡

አመለካከትህን ለውጥ
ውድቀት ምንድን ነው? ለወደፊቱ ደግመን እንዳንወድቅ እንቅፋትን ለይቶ የማወቂያ ሂደት ወይስ እንዳከተመልን ጠቋሚ ነገር? አለመሳካት ምንድን ነው? የመሞከራችንና ወደፊትም ከመሞከር እንደማናቆም አመልካች ነገር ወይስ ያለመቻል ምልክት? ስህተትስ ምንድን ነው? ሁሉም ሰው የሚያልፍበት ጤናማ የሕይወት ሂደት ወይስ የማንነት ቀውስ?

የመውደቅ ፍርሃትህን ተጋፈጠው
በጥቅሉ ሲታይ በአንድ ጉዳይ ላይ የመውደቅና የመሳሳት ስሜት ሲጋፋን ያንን ፍርሃታችንን የመጋፈጡ ምርጫ ውጤታማ ነው፡፡ ይህም ማለት የምንፈራቸውን ነገሮች ቀስ በቀስ በመዳፈር መነካካትና ማድረግ ማለት ነው፡፡

ስትወድቅ እንደገና ተነሳ
ራሳቸውን ላሸነፉ ጎበዞች መውደቅን እንደመጨረሻ ክስተት መቀበል የማይታሰብ ነው፡፡ እነዚህ ሰዎች ከአንድ ውድቀትና ስህተት በኋላ የመነሳትን ሁኔታ ሳያስመዘግቡ በፍጹም አያርፉም፡፡ አንተም ይህንን አመለካከት እንደ ራስህ አድርገህ ልትወስደውና ከውድቀት ባሻገር ዘልቀህ ልትጠቀምበት ትችላለህ፡፡ መውደቅና መነሳት የሕይወትህ አንዱ አካል እንደሆነ በመቀበል በወደክ ጊዜ ሁሉ በመነሳት ወደፊት መገስገስ ትችላለህ፡፡

ከውድቀታችን አጉል ተጽእኖ ማምለጥ እንችላለን እንጂ መውደቅ እንዳይከሰት ማድረግ አንችልም፡፡
/ዶ/ር ኢዮብ ማሞ/
ውብ ምሽት ይሁንልን! 🌘🌒

✨

💫

ምክረ-አዕምሮ ለተሻለ ነገ!

🦋

#SHARE ማድረግ እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,114

MIKRE AIMRO | ምክረ-አዕምሮ™

06 Dec, 17:49

🔴

ስትናደዱ ዝም በሉ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/MqTvJGxPCS8

2,036

MIKRE AIMRO | ምክረ-አዕምሮ™

06 Dec, 06:29

ሽንተፈታችሁን አታውጁ!

➡️

🗣️

ደካሞች ሁሌም ተሸናፊዎች ናቸው። ትልቁ ችግራቸውም ሽንፈታቸውን አምኖ አለመቀበላቸው ነው። ተሸናፊዎች ተቀባይነት ሲነፈጉ ተቀባይነት ለማግኘት ያላቸው ፍላጎት ይበልጥ ይጨምራል፣ በሰው ሲገፉ በግድ ሰውን ለመቆጣጠርና ለመግዛት ይሞክራሉ፣ በምንም መንገድ ሽንፈትና ውድቀታቸው እንዲታወቅባቸው አይፈልጉም። አንድ ሰው ካልፈለጋችሁ ለነገሩ የማይሆን ምክንያት እየደረደራችሁ አታወሳስቡት፣ አንድ ሰው ካልመረጣችሁ በግድ እንዲመርጣችሁ ለማድረግ አትሞክሩ። አንዳንዴ ብዙ እያወቁ እንዳላዋቂ ማለፍ ጥበብም ብለሃትም ነው። አለመፈለግ የማንም ሰው እጣፋንታ ሊሆን ይችላል፣ በሰው ዘንድ ተቀባይነት አለማግኘት ማንም ላይ ሊከሰት ይችላል። እውነታውን ለመሸፋፈን አትጣሩ፣ የሆነባችሁን እንዳልሆነ ለማድረግ አትድከሙ። በፍፁም ደከሞችና ተሻናፊዎች የሚያደርጉትን የሰነፍ ስራ አታድርጉ። አንዳንድ ሽንፈቶቻችሁ ሽንፈት የሚሆኑት እናንተ መቀበል አቅቷችሁ በምታስመስሉበት ጊዜ ይሆናል። ምንም በሌለበት ስሜታችሁን ብቻ እየተከተላችሁ አትድከሙ፣ የትም ብትሔዱ ወደ ህይወታችሁ የሚመለሰው ራሳችሁ ያደረጋችሁት ነገር እንደሆነ አስተውሉ።

አዎ! ሽንፈታችሁን አታወቀጁ፣ ድክመታችሁን አደባባይ አታውጡ፣ ስንፍናችሁን ለዓለም አታሳዩ፣ ውድቀታችሁን አታሳውቁ። ባላወቃችሁትና ባልገባችሁ መንገድ ራሳችሁ ላይ አትጨክኑ። ብቸኝነት ብርቅ አይደለም፣ አለመፈለግ አለመወደድ አዲስ አይደለም፣ ተቀባይነት ማጣት ብርቅ አይደለም። የትኛውም ከባድ ነገር ሲገጥማችሁ እናንተ ላይ ብቻ እንደተከሰተ አድርጋችሁ ማሰባችሁን አቁሙ። ዓለም በብዙ አጥቂዎችና ተጠቂዎች የተሞላች ነች፣ ምድር ላይ በጣም ብዙ ጎጂዎችና ተጎጂዎች አሉ። ስለመጠቃታችሁ፣ ስለመጎዳታችሁ፣ ስለመገለላችሁና ለብዙ በደል ስለመዳረጋችሁ ደጋግማችሁ ማውራት የጀመራችሁ እለት አስከፊውን አይወድቁ አወዳደቅ ትወድቃላችሁ፣ ለመጥፎው የከፋ ሽንፈት ትዳረጋላችሁ። ዓለም ላይ ብዙ ደካማና ልፍስፍስ ሰው ሊኖር ይችላል፣ ከሁሉም በላይ ግን በጉልበቱ እንደሚተማመን፣ ያጣውን ነገር ሁሉ በግድ ለማግኘት እንደሚጥር ሰው ልፍስፍስ ሰው የለም።

አዎ! ጀግናዬ..! በገዛ ፍቃድህ ፀጋህን አትግፈፍ፣ ወደህ ደካማና ልፍስፍስ አትሁን። በትንሹም በትልቁም እልህ ውስጥ አትግባ። አንዳንድ ነገሮችን ባላየ ባልሰማ ማለፍን ተለማመድ። ለማንም እንዳስቀመጠህ አትገኝለት፣ ከተሰጠህ ቦታ ከፍ በል፣ ነው ተብለህ ከምትታሰብበት እርከን ውጣ። የህይወት አቅጣጫህን ሰው ሳይሆን ራስህ ምረጥ። ፊት የነሱህን ሰዎች እየተከተልክ ዘመንህን አትፍጅ፣ የማትፈለግበት ስፍራ እያንዣበብክ ዋጋህን አታሳንስ። ራስን ሆኖ መገፋት ውርደትም ሆነ ውድቀት ሊሆን አይችልም፣ በራስ ምርጫ ተቀባይነት ማጣት ምንም የሚያሳፍር ነገር የለውም። ሲሔዱ መውደቅ እንደመኖሩ ሲጠይቁም እምቢ መባል ያለ ነው። "የወደድኩት አልወደደኝም፣ ያከበርኩት አላከበረኝ፣ የመረጥኩት አልመረጠኝም" ብለህ ራስህን ጫና ውስጥ አትክተት። ቆፍጠን ብለህ የመጣውን እንደ አመጣጡ አሳልፍ፣ በምትሰጠው ያልተገባ ምላሽ ድክመትና ሽንፈትህን አጉልተህ አታሳይ። እያመመህም ቢሆን መቻልን፣ ተቸግረህም ቢሆን በራስህ መወጣት መቻልህን አሳውቅ።
ውብ ደማቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,671

MIKRE AIMRO | ምክረ-አዕምሮ™

05 Dec, 18:46

ግድየለም አመስግኑ!

➡️

🗣️

ችግር ውስጥ ናችሁ? ከነ ችግራችሁ አመስግኑ፣ ፈተና ገጥሟችኋል? ከነፈተናችሁ አመስግኑ፣ ድካማችሁ ፍሬ አላፈራም? ሀሳባችሁ አልሞላም? እቅዳችሁ አልተሳካም? ስራችሁ አልሰመረም? ውጥናችሁ ከዳር አልደረሰም? ባልጠበቃችሁት መንገድ ተገፍታችኋል? ብቸኝነትና ጭንቀት ፋታ ነስቷችኋል? ምንም ውስጥ ሁኑ ግዴለም አመስግኑ፣ ምንም ይግጠማችሁ ዝም ብላችሁ በህይወት ስለመኖራችሁ ደስተኛ ሁኑ። አንዳንድ ነገሮች በእናንተ ላይ ቢከሰቱም የመቀየር ስልጣኑ ላይኖራችሁ ይችላል፣ አንዳንዱ ሁነቶች መሆን ስላለባቸው ብቻ ሊሆኑባችሁ ይችላል። ነገር ግን ሁሉም ነገር አላፊ ነው። ከየትኛውም ችግር የከፋ ችግር አለ፣ ከማንኛውም ህመም የሚበልጥ ሌላ ህመም አለ። እነዛ በብዙ ችግር መሃል ሆነው፣ እነዛ አጣብቂኝ ውስጥ ሆነው እንኳን "ተመስገን" የምትለውን ቃል ያልዘነጉ፣ ካጡት በላይ ያገኙንተን የሚቆጥሩ፣ በፍቃዳቸው በተስፋ የሚሞሉ፣ መርጠው ፈጣሪን የሚያመሰግኑ ሰዎች ከማንም በተሻለ ህይወትን ቀለል አድረገውና ተደስተው ይኖራሉ። የአሁን ሁኔታችሁን እያማረራችሁ የባሰው አትጥሩ፣ በአሁኑ ከባድ ሁነት እየተበሳጫችሁ የበለጠውን አትሳቡ።

አዎ! ግድየለም አመስግኑ፣ ግድየለም ባላችሁ ተደሰቱ፣ ግድየለም በትንሹም በትልቁም አታማሩ። ባላችሁ ለማመስገን ቅጣት እስኪመጣባችሁ አትጠብቁ። የሰው ልጅ ምንም የሚወዳደርበት ነገር ቢጠፋ እንኳን በችግር መወዳደር የለበትም፣ በህመም መነፃፀር የለበትም። ባላችሁ ለማመስገን የግድ እናንተ ያላችሁ ነገር ሌላው የሌለው ነገር መሆን የለበትም። በዚህ ሰዓት ሌላ ቦታ መሆን እንደነበረባችሁ እያሰባችሁ የምትጨነቁ ከሆነ ቆም በሉ፣ አሁን የምትኖሩት ኑሮ የማይገባችሁ እንደሆነ እያሰባችሁ ከራሳችሁ ጋር የምትሟገቱ ከሆነ ቆም በሉ፣ አሁን አብሯችሁ ያለው ሰው እንደማይመጥናችሁ እያሰባችሁ እርሱን ለመውቀስ የምትሞክሩ ከሆነ አሁንም ቆም በሉ። የበዛው ሀሳብና ጭንቀታችሁ መቼም ነፃ አያወጣችሁም። ይልቅ በቅድሚያ የሚያስጨንቃችሁ ነገር ላይ ያላችሁን ስልጣን መርምራችሁ እወቁ፣ ከእናንተ የሚጠበቀው ሁሉ ስለማድረጋችሁ በቅድሚያ እርግጠኛ ሁኑ።

አዎ! ጀግናዬ..! ምስጋናም ሆነ ማማረር የምርጫ ጉዳይ ነው። ማንም እንድታመሰግን አያስገድድህም፣ ማንም ካላማረርክ ብሎ እጅህን አይጠመዝዝህም። ሁለቱም አማራጭ በእጅህ ነው። ማንም ሰው ቢታመም ራሱ መድሃኒቱን ፈልጎ ካልዋጠ ሊድን አይችልም። በብሶትና በምሬት የቆሰለ አንጀትም እንዲሁ መድሃኒቱ ምስጋና ብቻ ነው። ካንተ ቁጥጥር ውጪ በሆነ ነገር ራስህን አታማር፣ ዋናው በህይወት የመኖር ስልጣን ተሰጥቶህ በትርፍ ነገር ውስጥህን አታውክ። ቢሆንለት ማንም ሳቅና ደስታን አይጠላም፣ ቢሳካለት ማንም ምስጋናና ውዳሴ የሚረብሸው የለም። ነገር ግን የምታመሰግነው ሲሆንልህ ብቻ አይደለም፣ የምትደሰተው ሲሳካልህ ብቻ አይደለም። አንተ የማታውቀው የከፋ ነገር በትንሽ ሀዘን ሲያልፍልህ ማመስገን ይኖርብሃል፣ ለቀጣይ ስኬት የሚያመቻችህ የአሁን ማጣትና ውድቀት ሲገጥምህ መደሰት ይኖርብሃል። ለጭንቀትና ሀዘን ምክንያት ከምትፈልግ ለደስታና መረጋጋትህ ምክንያት ፈልግ፣ የሚያማርሩና የሚያበሳጩ ክስተቶችን ከምትቆጥር የሚያስመሰግኑና የሚያስወድሱ በረከቶችህን ቁጠር።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE ማድረግ እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,737

MIKRE AIMRO | ምክረ-አዕምሮ™

05 Dec, 16:33

🔴

ስሜታችሁን ደብቁ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/5RC-vU9gXUc

2,652

MIKRE AIMRO | ምክረ-አዕምሮ™

04 Dec, 17:57

ምግብህን ምረጥ!
፨፨፨፨///////፨፨፨፨
ወደ ውስጥህ የምታስገባውን፣ እንዲነዳህና እንዲቆጣጠርህ የምትፈቅድለትን የአዕምሮ ምግብ በሚገባ ምረጥ። የተመረዘ ምግብ ጤናህን ይመርዛል፣ ለአካላዊ ህመም ይዳርግሃል፤ የተመረዘ ንግግር፣ የጥላቻ አመለካከት፣ ኋላቀር አስተምህሮ፣ የፀባጫሪነት ትርክት፣ ጭፍን ጥላቻ ደግሞ አዕምሮህን ሚዛን ያሳጣዋል፤ መንፈሳዊ ህይወትህን ያዛባዋል፤ አስተሳሰብህን ዋጋ ቢስ ያደርገዋል፤ በተደጋጋሚ ለስህተት ይዳርግሃል፤ ውድቀትህን ያፋጥነዋል፤ በትንሹም በትልቁም በእራስህ እንድታዝን ያደርግሃል። አንተ ያልተጠነከክለት አዕምሮህ በፍፁም ሊጠነቀቅልህና የተሻለ ለምትለው ስፍራ ሊያበቃህ አይችልም።

አዎ! ጀግናዬ..! ምግብህን ምረጥ፤ አዕምሮህ ውስጥ የሚቀረውን፣ ከአስተሳሰብህ ጋር የሚገናኘውን፣ ትኩረትህን የሚስበውን፣ ስሜትህን ሊነዳ፣ ህይወትህን ሊቆጣጠር የሚፈልገውን የትኛውንም አስተምህሮም ሆነ ንግግር በጥንቃቄ ተቀበል። በምንም መንገድ ያልሰማሀው፣ ያላነበብከው፣ ጆሮ ሰተህ ያላዳመጥቀው፣ በትኩረት አስበህበት ያልተከታተልከው ነገር በተግባርህ ሲገለጥ ልታየው አትችልም። አስተሳሰብህ በሙሉ የምታየው፣ የምትሰማው፣ የምትከተለው፣ ትኩረት የምትሰጠው የእያንዳንዱ ግብዓትህ ውጤት ነው። ከአንድአይነት ተግባር የተለየ ውጤት እንደማይጠበቀው ሁሉ፣ አንድአይነት ነገር አዕምሮህን እየመገብከው የተለየ ውጤት ልታመጣ አትችልም። አዕምሮህ የተቀበለውን ብረሃን እንደሚያንፀባርቅ መስታወት ነው። ጠቃሚ ይሁን ጎጂ የሰጠሀውን ሊሰጥህ ሁሌም ዝግጁና ትጉ ነው።

አዎ! መሬት የዘራሀውን ዘር ያበቅልልሃል፤ ስንዴን ብትዘራ ስንዴውን በተሻለ ምርት ያበረክትልሃል፣ ገብስንም ብትዘራ እንዲሁ ያደርጋል። ምድር በእግዚአብሔር ድንቅ ጥበብ የሰጠሀውን መልሶ አብዝቶ መስጠቱ ግብሩ ነው፤ ስራው ነው። አዕምሮም ከዚህ የተለየ ተግባር የለውም። የዘራህበትን በእጥፉ ያሳጭድሃል። በልጅነታችን የተዘራብን አትችልም፤ ፈሪ ነህ፣ ነውር ነው፣ ሰው ምን ይልሃል፣ ጎመን በጤና፣ የእንትና ዘር ዘርህን እንደዚህ አድርጓል፣ በዚህ ዘመን ዘመዶችህን እንዲ ያደረጉት እነርሱ ናቸው የሚሉ አመለካከቶችና አስተምህሮዎች ከእድሜያችን ጋር አብረው ያድጋሉ፣ ከፍ ስንል ፍረሃታችንም ይጨምራል፤ የይሉኝታ አጥራችን ይጠነክራል፤ የጥንቃቄያችን ብዛቱ ከሙከራ ያግደናል፤ ባላየው ይባስም በማይጠቅመን የክፋት ታሪክ ታስረን፣ ቂምን አንግበን፣ ቁጪትን ታቅፈን የእራሳችንን ህይወት በአግባቡ ሳንኖር እናልፋለን። ህይወትህ ውድና አንድ እንደሆነች አስታውስ። የሚመራትን አዕምሮህን በሚገባ ጠብቀው፣ ተንከባከበው፣ ከለላ ሁንለት። በሆነ ባለሆነው አታዋክበው፣ ትኩረቱን አትረብሽ፣ ሰላሙን አታናጋ። የትኛውንም ነገር መርጠህ አቀብለው።
ሰናይ ምሽት ይሁንልን! 🌘🌒💫✨
✍ (Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,680

MIKRE AIMRO | ምክረ-አዕምሮ™

04 Dec, 17:55

MIKRE AIMRO | ምክረ-አዕምሮ™ pinned «🔴 ልባም፣ ተፈላጊና ተወዳጅ ሴት የምትታወቅበት 8 ነገሮች! 👍LIKE ✍️ COMMENT SUBSCRIBE 📣 SHARE 🙏 https://youtu.be/9l1OZ_juGsk?si=yAav4AVQE_zhEIhj»

0

MIKRE AIMRO | ምክረ-አዕምሮ™

04 Dec, 04:07

ዓለምን ተጋፈጡ!

➡️

🗣️

መድሎን የሚጠብቁ፣ ፈጣሪ እነርሱን ብቻ እንዲያግዝ፣ ዓለም ከእነርሱ ጋር ብቻ እንድትተባበር፣ የሚያውቁትም የማያውቁትም ሰው እንዲያግዛቸው የሚጠብቁ ሰዎች ከራሳቸው በላይ ምንም አይነት ጠላት የላቸውም። ዓለም ለማንም አታዳላም፣ ፈጣሪምም ማንንም ከማንም አይለይም፣ የሰው ልጅም እንዲሁ ሰውን ከሰው ለይቶ አይደግፍም። ነገር ግን ሁሉም አንድ ቅድመ ሁኔታ ይኖራቸዋል። የማይሞክርን ሰው በፍፁም አይደግፉም፣ አያበረታቱም። እርሱን የሚያደርገው ብቸኛው ፍጡር ከክብሩ ወርዶ ወደ እቶን እሳት የተጣለውና የሰውን ለውጥና እድገት የማይፈልገው ሰይጣን ብቻ ነው። ከሞከራችሁ፣ ከሰራችሁ፣ ከጣራችሁ፣ ምቾታችሁን መሱዓት ካደረጋችሁ፣ ብዙ ሰው ከሚጓዝበት መንገድ በተለየ መንገድ ከተጓዛችሁ፣ በየቀኑ ባለድል፣ በየሰዓቱ አሸናፉ፣ በየጊዜው የምትሻሻሉ ከሆነ ከማንም በፊት ፈጣሪ አብሯችሁ ይሆናል፣ ዓለም እጃችሁን ስማ ትቀበላችኋለች፣ የሰው ልጅ መንገድ ይሰጣችኋል። ሰነፍ ሰውን ማስገደድ አይችልም፣ ብርቱና ጠንካራ ሰው ግን በስራውና በውጤቱ ሰውን ይገዛል፣ ዓለምን ይቆጣጠራል።

አዎ! ማንም ከሰው በተለየ እንዲያዳላላችሁ አትጠብቁ፣ ማንም ከሰው ለይቶ ከጎናችሁ እንዲቆም አትፈልጉ። እናንተ ከማንም የተለየ ነገር እስካላደረጋችሁ ድረስ፣ ብዙ ሰው በሚጓዝበት መንገድ እስከተጓዛችሁ ድረስ ማንም ሰው የተለየ ነገር ሊያደርግላችሁ አይመጣም። ማንነታቸውን ያሳዩ፣ አቅማቸውን በግልፅ ያስመለከቱ፣ በችሎታቸው የተመሰከረላቸው፣ ውጤታቸው የሚናገርላቸው ሰዎች ብቻ የሚከበሩበት ዓለም ላይ እንደሆናችሁ አስታውሱ። ስንፍናን እንደ ጥበብ፣ ግዴለሽነትን እንደ ጀብድ፣ ወሬና አሉባልታን እንደ ተልቅ ስራ የሚቆጥሩ ሰዎች አወቁትም አላወቁትም ዓለም ቀስ በቀስ ለይታ የምትመታቸው ሰዎች ናቸው። ደፋር አያወራም ያደርጋል፣ ብርቱ ሰው ዙሪያ ጥምጥም አይሄድም ፊትለፊት ይጋፈጣል፣ በፈጣሪው የሚያምን፣ በራሱ የሚተማመን ሰው በፍፁም ተስፋ አይቆርጥም፣ ምንን እስከመቼ መጠበቅ እንዳለበት የሚያውቅ ሰው ሊሸነፍ አይችልም። በጥንካሬያችሁ ዓለምን ተጋፈጡ፣ በፅናታችሁ ዓለምን አሸንፉ፣ በታታሪነታችሁ ከሰው ተሽላችሁ ተገኙ።

አዎ! ጀግናዬ..! አምሮትህ ብዙ ነው የእውነት የሚያስፈልግህ ግን እጅግ በጣም ጥቂት ነው፤ የምትጓጓለት ህይወት ትልቅ ነው የምር የልብህን የሚያደርሰው ግን ትንሽ ነገር ነው። ሰው የሚያሳይህ ነገር በሙሉ ላንተ ትርጉም የሚሰጥህ አይደለም፣ ስታየው ያማረ ሁሉ ሲነካ ውድ እንቁ አይደለም። ጦርነትህን ካልመረጥክ ሁሌም ተሸናፊ ትሆናለህ፣ አቅምህን ካልተረዳህ ዘላለም ባሪያ ሆነህ ትኖራለህ። የእውነት አዋቂዎች እውቀትን በማሳደድ የተጠመዱ ሳይሆኑ የያዙትን እውቀት በተሻለ መንገድ የሚኖሩት ናቸው፣ ትክክለኛውን ተፅዕኖ መፍጠር የሚችሉት ስለህልምና ፍላጎታቸው ደጋግመው የሚያወሩ ሳይሆኑ ሁሌም እርሱን በመኖር ውስጥ ያሉ ሰዎች ናቸው። ከሰው ሳይሆን ከራስህ የምትጠብቀውን ነገር ከፍ አድርገው፣ በየቀኑ ወደፊት የሚገፋህን ፅኑ ፍላጎት ወደ ውስጥህ አስገባ፣ በማያስተኛ ምኞት ተሞላ፣ ስንፍናን በማይታገስ አጣብቂኝ ውስጥ እራስህን አስገባ። ውሎህን የጠንካራ ሰራተኛ አድርገው፣ ህይወትህን የአሸናፊ ህይወት አድርገው። ተቀምጠው እጅ ከሚሰጡት ሳይሆን ተነስተው ከሚታገሉት ጎራ ተቀላቀል።
ውብ ደማቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

4,073

MIKRE AIMRO | ምክረ-አዕምሮ™

03 Dec, 17:50

🔖

🎤

በእናንተ እገዛ በYouTube5️⃣0️⃣K ገብተናል!

🙏 እግዚአብሔር ይመስገን! 🙏

🔖 ሁላችሁንም ከልብ አመሰግናለሁ! 🙏
ቀጣይ ጉዞ ወደ 100K!

©

ምክረ-አዕምሮ ለተሻለ ነገ!

🦋

🔴

ቤተሰብ ያልሆናችሁ አሁን SUBSCRIBE 🔔 በማድረግ ተቀላቀሉን! 👇👇
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,707

MIKRE AIMRO | ምክረ-አዕምሮ™

03 Dec, 16:27

ሰው በሁለት ነገሮች ተጠምዶ ህይወቱን ያባክናል። ወይ በበታችነት ስሜት ወይ ደግሞ በበላይነት ስሜት ይሰቃያል፡፡

አንድ ሰው በበታችነት ስሜት ከተያዘ ውስጡ በጥልቀት ይታመማል፡፡ ከንቱ እንደሆነ እያሰበ ከኖረ በህይወት የመቆየቱ ጉዳይ አስቸጋሪ ይሆናል። በህይወት እየኖረ ቢሆንም ሙት ነው። እስከ እለተ ሞታቸው ድረስ በህይወት የሚቆዩ በጣም ጥቂት ሰዎች አሉ፡፡ አብዛኞቹ ግን ከመሞታቸው በፊት የሚሞቱ ናቸው፡፡ በሰባ አመታቸው ቢቀበሩም የሞቱት ግን ቀደም ብለው ነው፡፡ በሞታቸውና በቀብራቸው መሀል የሰላሳ፣ የአርባ ወይም የሃምሳ ዓመታት ክፍተት ሊኖር ይችላል፡፡

በዙሪያችሁ የተንሰራፋውን ግዝፈተ ተፈጥሮ ስትመለከቱ የበታችነት ሊሰማችሁ ይችላል። ከዚህ አንፃር ሲታይ ሰው ምንም ነው፡፡ በውቅያኖስ ሞገዶች ላይ እንደተንሳፈፈ ገለባ ነው፡፡ ምንም አይነት ሃይልም ሆነ አቅጣጫ የለውም፡፡ እንደዚህ አይነት የበታችነት ስሜት አይምሮን ጨምድዶ ከያዘ የሰው ህይወት በመከፋት የተሞላ ይሆናል፡፡ በህይወት የሚኖር ሙት ይሆናል። ህይወቱ አመድና ትቢያ ይሆናል። የህይወታችሁ ነበልባል ከውስጣችሁ ከጠፋ፣ የፋኖሳችሁ ነበልባል ከጠፋ፣ በፀሃይ ብርሃንም ምንም ማድረግ አትችሉም፡፡ ለናንተ ፀሃይ ምንም ጥቅም አይኖራትም፡፡

በሰው ውስጥ መላው ግዝፈተ ተፈጥሮ እንደሚገኝ ማስታወስ ያስፈልጋል። በሰው ውስጥ መለኮት እንደሚገኝ ማስታወስ ያስፈልጋል፡፡ በዚህም ሰው የበታች አይሆንም፡፡ በጣም የሚገርመው ሰው የበታችነት ስሜቱን ለማውደም አስቦ በየበላይነት ስሜት መጃጃሉ ነው፡፡ የበታችነት ስሜቱን ለማፈን የተለያዩ መንገዶችን መፈለግ ይጀምራል። ውስጡን የበታችነት ስሜት ሲሰማው ሃብት በማከማቸት ለአለም ህዝብ ከንቱ አለመሆኑን ሊያሳይና ከሌላው የበላይ የመሆን ስሜት ሊሰማው ይችላል። ከየበታችነት ስሜቱ የተነሳ ጭንቅላቱ ላይ ዘውድ ደፍቶ ከንቱ አለመሆኑን ለማሳየት ይሞክራል። የበላይነት ፉክክር ውስጥ የሚከተው የበታችነት ስሜት ነው፡፡ እናም የበላይ ለመሆን በሚደረግ የእብዶች እሽቅድምድም ውስጥ ያሉ ሰዎች ያለጥርጥር ውስጣቸው በየበታችነት ስሜት እየተሰቃየ ነው ።

ምክረ-አዕምሮ ለተሻለ ነገ! 🦋

#SHARE እንዳይረሳ ቤተሰቦች! 🙏😍
በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/@mikre_aimro2
ምክረ-አዕምሮ/ @mikre_aimro 😊 💪

3,694

MIKRE AIMRO | ምክረ-አዕምሮ™

03 Dec, 15:02

🔴

ልባም፣ ተፈላጊና ተወዳጅ ሴት የምትታወቅበት 8 ነገሮች!

👍

LIKE ✍️ COMMENT SUBSCRIBE 📣 SHARE

🙏

https://youtu.be/9l1OZ_juGsk?si=yAav4AVQE_zhEIhj

3,320

MIKRE AIMRO | ምክረ-አዕምሮ™

03 Dec, 08:51

እውነትን ያዝ!

➡️

🗣️

ተከታይህ ከህሊና ድህነት አያድንህም፤ ሃብት ንብረትህ አስተሳሰብህን አይቀርፅም፤ ወዳጆችህ ውስጣዊ ሰላም አይሰጡህም። በእውነት ካልተመራህ፣ በስረዓት ማሰብ ካልቻልክ፣ ጥንያቄን ካልመረጥክ፣ ምላስህን ካልገራህ፣ ተግባርህን ካልቆጠብክ ጉዞህን እንጂ መውደቂያህን አታስተውልም፤ ጭብጨባውን እንጂ ስህተትህን አትረዳም፤ ድጋፍህ እንጂ ጥፋትህ አይገባህም። አዕምሮህን ክፍት ማድረግህ ሚዛናዊ ማንነት እንዲኖርህ ያደርግሃል። መስማት የሚፈልግ ሰው ሁሉ ይሰማህ ይሆናል፤ የሚወድህም ይከተልህ ይሆናል፤ የሚያምንብህም እንዲሁ ሊያሽቃብጥልህ ይችላል። እውነታ በሌለበት ግን ማንም ሰው እስከመጨረሻው አብሮህ እንደማይቆይ እወቅ። ጥልቁ ማንነትህ እንጂ የያዝከው ጊዜያዊ ንብረትና ዝና ነፃ አያወጣህም።

አዎ! ጀግናዬ..! እውነትን ያዝ! አምታተው ሲያድጉ አይተህ ይሆናል፣ እድገታቸው ውስጡ ባዶ ነውና እውነትን ያዝ። በውሸት ሲበለፅጉ ተመልክተህ ይሆናል፣ በክህደት ከከፍታው ሲደርሱ አስተውለህ ይሆናል። ነገር ግን አንድ ነገር በቅጡ አታውቅም። በውሸት የበለፀገ ሰው ከእራሱ ጋር ሰላም የለውም፤ በማስመሰል ለከፍታው የበቃ ሰው ትክክለኛ ስሜቱን አዳምጦ አያውቅም፤ እረፍትን ከውስጡ አጣጥሞ አያውቅም። በጥላቻህ ብዛት ብዙ ደጋፊና አድናቂ ታገኝ ይሆናል፣ ነገር ግን በሚያሳዝን ሁኔታ በዚሁ ተከታይህ ባፈራልህ ጭፍን ጥላቻህ ምክንያት የገዛ እራስህ ጠላት ሆነህ ትቀራለህ። አውቀህ ታጠፋለህ፣ ሳታውቅ ታጠፋለህ። ቁብነገሩ የጥፋትህ ብዛት ወይም አደገኝነት አይደለም። ዋናው ነገር ከጥፋትህ ለመማር ዝግጁ መሆንህና ጥፋትህን ላለመድገም ቁርጠኛ መሆንህ ነው።

አዎ! ህሊና ይፈርዳል፣ የእራሱን ብይንም ይሰጣል። ስለተጨበጨበልህ እውነት ተናግረሃል ማለት አይደለም፤ ተቃውሞ ስለበዛብህም ውሸት ተናግረሃል ማለት አይደለም። ለሁሉም ሰው የተሰጠው ኀህሊና የመንገድህ መሪ፣ የንግግርህ ቆንጣጭ፣ የተግባርህ አራሚ ነው። ለመፍረድ አትቸኩል፤ ለንግግር አትጣደፍ፤ እውነታውን በጥላቻህ አትሸፍን፤ በእውቅናህ ሰላምን አትግፋ፤ በተሰሚነትህ ክፍተትን አታስፋ። ውሸት የአብሮነት ምክንያት ሆኖ አያውቅም፤ ተንኮል ፍቅርን አንግሶ አያውቅም፤ ጥላቻም የሰላምን በር ከፍቶ አያውቅም። ሞገስ ተሰቶህ እንጂ አምጥተሀው አይደለምና ለበጎ ተጠቀመው። እውነትን በፍቅር ያዝ፣ ለሰላም ግድ ይኑርህ፣ ለመከባበርም ቅድሚያ ስጥ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,727

MIKRE AIMRO | ምክረ-አዕምሮ™

02 Dec, 18:27

አንዱ ይበቃሃል!

➡️

🗣️

ብዙዎች በአንድ ነገር ላይ እምነት የላቸውም፣ አንድ ስራን የመጨረሻ አማራጫቸው ማድረግ አይፈልጉም፤ በአንድ ሙያ መገደብ አይፈልጉም። በሄዱበት ሁሉ አማራጭ እንዲኖራቸው፣ አንዱ ባይሳካ ሌላው እንደሚሳካ እርገጠኛ መሆን ይፈልጋሉ። በአማራጮች ተከበው የተረጋጋ ህይወትህን መምራት ተቀዳሚ ምርጫቸው ነው። ነገር ግን እንደ አማራጭ መካከለኛ አድርጎ የሚያስቀር ነገር የለም። የተለያዩ ሙያዎች እውቀት ይኖርሃል ነገር ግን ተመረጭ አይደለህም፤ ከተለያየ ዘርፍ እውቀት ትሰበስባለህ ነገር ግን በአንደኛውም የጠለቀ እውቀት የለህም፤ ሁሉንም የተረዳህ ይመስልሃል ነገር ግን አንዱንም ለማስረዳት ብቁ አይደለህም። በአማራጮች ተከበህ ነፃ መውጣት አትችልም፤ ምቾት እያንገላታህ፣ ከየአቅጣጫው Secured ለመሆን እየጣርክ ተፅዕኖ መፍጠር አትችልም። ያማረህን ሁሉ ከማድረግ የምርም ልብህ ውስጥ ባለውና በሚያነቃህ ዘርፍ ጠለቅ ያለ ምርምር ውስጥ መግባት ይኖርብሃል።

አዎ! ጀግናዬ..! አንዱ ይበቃሃል! ጫወታው ሁሉን ባሳደደ፣ የትም በተገኘና ሁሉንም በሞከረ አይደለም። የጀመርከውን አንድ ነገር የመጨረስ አቅምህ ምንያክል ነው? ያቋረጥካቸው ተግባሮች ብዛት ስንት ናቸው? ለጅማሬህ ያለህ መነሳሳት ለመጨረስ ከምታደርገው ጥረት ጋር ምንያክል ይጣጣማል? ወደፊትህን በምን መልኩ ትመለከታለህ? በመጀመርህ ብቻ ሳይሆን በመጨረስህም ጭምር ምንያክል እርግጠኛ ነህ? ያየው ሁሉ፣ የሰማው ሁሉ ለእርሱ እንደሚሆንና ስኬታማ እንደሚያደርገው የሚያስብ ሰው በየትኛውም መንገድ የውስጡን እርካታ ሊያገኝ አይችልም፤ ስኬት ዘወትር የሚያሳድደው ነገር ግን የማይጨብጠው፣ ሁሌም በሰዎች ህይወት ውስጥ የሚመለከተው ነገር ግን ወደእርሱ ህይወት የማይመጣ የህልም እንጀራ ይሆንበታል። መልፋትህ ብቻ የስኬትህ ዋስትና እንዳልሆነ እወቅ።

አዎ! እራስህን ስታባክን ብኩን ማንነት፣ ያልተረጋጋ አስተሳሰብ፣ ፍፁም ያልሰከነ እይታ ባለቤት መሆንህ አይቀርም። እራሱን ለመጠብቅ እንኳን ሰዓት የሌለው ሰው ብዙ ጊዜ ከአንድ በላይ ተግባር ውስጥ በአንዴ የሚገኝ፣ እዚህም እዛም እያለ እራሱን የሚወጥር፣ ህይወቱን በሙሉ በሩጫ የሞላው ሰው ነው። ህይወትህን ተረጋጋትህ መኖር ከፈለክ፣ ተፈላጊ፣ ተመራጭና ተፅዕኖ ፈጣሪ መሆን ከፈለክ አንድ ሙያ፣ አንድ ስራ ወይም አንድ ተግባር በቂህ እንደሆነ አስብ። ዘለህ የማይመለከትህ ቦታ መገኘት አይጠበቅብህም፣ ሮጠህ የሁሉንም እንጀራ ካልቀመስኩ ማለት አይኖርብህም። የእራስህን እንጀራ በሚገባ ከተመገብክ ያንተን ሃላፊነት በልበሙሉነት መወጣት ትችላለህ። እራስህን ሰብሰብ አድርገው፤ ውሎህን ሰብሰብ አድርገው፤ የህይወት አቅጣጫህን መስመር አስይዘው፤ በአንዴ ሁሉም ቦታ ካልተገኘው አትበል፤ ጀግንነት የያዝከውን ይዘህ እስከመጨረሻው መጓዝ እንደሆነ ተገንዘብ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE ማድረግ እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,441

MIKRE AIMRO | ምክረ-አዕምሮ™

02 Dec, 16:44

🔴

ብልህ ሁኑ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/ZN5FmGWAyrE?si=w9lp7ICJopZ_K_95

3,271

MIKRE AIMRO | ምክረ-አዕምሮ™

02 Dec, 06:57

ደስተኛ ሁኑ!

➡️

🗣️

ሁለት ነገሮችን በፍጥነት አስወግዱ። ያለበለዚያ ህይወታችሁ እያያችሁት ምድራዊ ሲዖል ይሆናል፣ ቀስበቀስ ሰላማችሁን ታጣላችሁ፣ እያደረ ሀሳባችሁ ይቃወሳል፣ መረጋጋት ይሳናችኋል፣ ስክነት ታጣላችሁ፣ ሁነኛው የህይወት አቅጣጫ ይጠፋችኋል። እነዚህ ሁለት ነገሮች ምንድናቸው ካላችሁ፦ አንደኛ የመጥፎ ወደፊት ፍራቻ ሁለተኛ ያለፈው ጊዜ መጥፎ ትውስታ። ዛሬ ላይ ቆማችሁ የምታውቁት ሁለት ነገር ነው። ትናንተ ያለፋችሁበትንና ዛሬ ያላችሁበትን ሁኔታ። ነገን ግን በፍፁም ልታውቁት አትችሉም። ወደፊቱ የሚያስፈራችሁ ከሆነ እየፈራችሁ ያላችሁት ተጨባጭ ነገር ሳይሆን ሀሳባችሁ የፈጠረባችሁን መጥፎ ነገር ነው፣ የምትጨነቁት የእውነት በህይወታችሁ በተከሰተ ጉዳይ ላይ ሳይሆን ገና ለገና ሊከሰት ይችላል ብላችሁ በምታስቡት ስጋት ላይ ነው። አንድ ሰው ስለሚያውቀው ነገር ብቻ በጥልቀት የማሰብ ክህሎት ሲኖረው ከራሱ በላይ አካባቢውን የመግዛት አቅሙ ይኖረዋል። ስለወደፊታችሁ ብዙ ትጨነቃላችሁ? ነጋችሁ ያስፈራችኋል? በትናንታችሁ ትበሳጫላችሁ? ያለፈው ጊዜ ትውስታችሁ መረጋጋት ነስቷችኋል? በነዚህ መሃል ምን አገኛችሁ? ምንስ አተረፋችሁ?

አዎ! የማትችሉትን አትታገሉ፣ የመቀየር ስልጣኑ የሌላችሁን ነገር ለመቀየር አትድከሙ። ደስተኛ መሆን እየፈለጋችሁ በየቀኑ የደስታችሁን ጠላቶች አታሳዱ፣ የተረጋጋ ሰላማዊ ህይወት መኖር እየፈለጋችሁ ሰላም የሚነሳችሁ፣ መረጋጋትን የሚቀማችሁ ተግባር አትፈፅሙ። ሁሉም ሰው የሚኖረው ሀሳቡን ነው፤ ሁሉም ሰው የሚገዛው በሀሳቡና በፍላጎቱ ነው። ሀሳባችሁ በፍረሃት የተከበበ፣ ስጋት ያየለበት፣ ጭንቀት የተጫነው፣ መረጋጋት የራቀው፣ አዎንታዊነት የጎደለው፣ ተነሳሽነት የሌለው ከሆነ እንዴትም ደስተኛና ሰላማዊ ህይወት ልትኖሩ አትችሉም። የወደፊታችሁ ስልጣን በእጃችሁ ነው፣ ዛሬያችሁን የማስተካከል አቅሙም ብርታቱም አላችሁ። ደስተኛ ሁኑ፣ የራሳችሁን የግል ዓለም ፍጠሩ፣ በማንም ህይወት ውስጥ ጣልቃ አትግቡ፣ ትናንታችሁን ለማስተካከል አትሞክሩ፣ በወደፊቱ የሀሳብ ማዕበልም አትዋጡ። ልኩን ያወቀ ሰው ደስታው በእጁ ነው፣ አቅሙን የተረዳ ሰው የሰላሙ ጌታ ነው። መዓበል ቢመጣ አያናውጠውም፣ አውሎነፋስ ቢነሳ አያፈናቅለውም፣ ከምንም ከማንም በላይ የፀና እምነትን በራሱና በፈጣሪው ላይ አለው።

አዎ! ጀግናዬ..! የሚበጅህን ብቻ እየመረጥክ ካላደረክ፣ በሚጠቅምህ አቅጣጫ ብቻ የማትንቀሳቀስ ከሆነ ብዙ የሚጎዱህና የሚያሰናክሉህ ሁነቶች በዙሪያህ አሉ። ብዙ ምርጫ እያለህ ፍረሃትን ብቻ አትምረጥ፣ ብዙ ምርጫ እያለህ በቁጪትና ፀፀት መንገድ አትመላለስ። ዓለም የሰጠችህን ሁሉ አትቀበል፣ ሰው ባዘጋጀልህ መንገድ ብቻ አትጓዝ። ቀብረር በል፣ ደረጃህን ጨምር፣ እርከንህን አሳድገው፣ ትንሽም ቢሆን ራስህን ቆልል፣ ከፍ አድርገው። ለዓመታት ለሰው ደስታ ለፍተህ ከሆነ አሁን ትኩረትህን ወደራስህ ደስታ አዙረው፣ ለረጅም ጊዜ በማታውቀው የሀሳብ ውቂያኖስ ውስጥ እየዋኘህ ከነበረ አሁን ራስህን ከዛ ውስጥ አውጣ። ወርቁ በእጅህ እያለ መዳቡን ፍለጋ ራስህን አታስጨንቅ፣ መሪህ ሆነህ ለመመራት አትዘጋጅ። ደፋር ደፋር የሆነው የሚገጥመውን ሁሉ ስለሚያውቅ አይደለም፣ ይልቁንም የሚገጥመውን ሁሉ ለመቀበል ዝግጁ ስለሆነ እንጂ። ፍረሃትህን በፍረሃት አስታግስ፣ ደስታህን ከትናንትም ከነገም ነጥለው፣ የምትፈልገውን ዓለምም ለራስህ ፍጠር።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,844

MIKRE AIMRO | ምክረ-አዕምሮ™

01 Dec, 18:51

ማነው የበላይ?

➡️

🗣️

ሁሌም አስታውስ ሃሳብህ የትኩረትህ ነፀብራቅ ነው፤ ትኩረትህም የህይወትህን እውነታ ይወስነዋል። በአጭር መንገድ ህይወትህን ማሻሻል ከፈለክ ትኩረትህን መቀየር በቂህ ነው። ክፍተት ይሁን ድክመት፣ ጥንካሬ ይሁን ብስለት ስላተኮርክበት ብቻ ከጊዜ ወደጊዜ እየሰፋና እያደገ የማይመጣ ነገር አይኖርም። ትኩረታችንን መቆጣጠር ብንችል የማንም ግዞተኛ፣ የማንም መጫወቻ ባልሆንን ነበር። ልማድህ እንደፈለከው ሳይሆን እንደፈለገው ይነዳሃል፤ ፓራዳይምህ ስለሚጠቅምህ ሳይሆን ስለሚጠቀምብህ ያንገላታሃል። እውቀትህ ከተራ ህይወት አላዳነህም፤ ምክንያቱም እውቀቱን ያዝከው እንጂ ትኩረት አላደረክበትም፤ ለማሳደግም ምንም አይነት እንቅስቃሴ አላደረክም። ቀኑን ሙሉ ጥቃቅን የሰፈር ወሬና ሃሜት ላይ አተኩረህ አስተሳሰብህንም ሆነ ህይወትህን አንድ እርምጃ ወደፊት ማስኬድ አትችልም።

አዎ! ጀግናዬ..! ማነው የበላይ? ማነው ገዢህ? ማነው የሚያስተዳድርህ አላስፈላጊው ልማድህ ወይስ የመረጥከው ትኩረትህ? ከልጅነት ጀምሮ የተሰራብህ ፓራዳይም ወይስ ዛሬ በትኩረት ልትጠቀመው የምትጥረው የትልቅነት፣ የስኬትና የደስታ አመለካከት? ቀላል እንዳልሆነ ግልፅ ነው፤ ነገር ግን አንተ ትችለው ዘንድ ግዴታ ቀላል መሆን አይጠበቅበትም። ትኩረትህን በሚገባ ከተቆጣጠርክ፣ ሃሳብህ ላይ ትሰለጥናለህ፣ ሃሳብህን ከገዛህ ተግባርህን መንገድ ማስያዝ ትችላለህ፣ ተግባርህ ሲስተካከል የጠበከውን ውጤት አለማምጣት አትችልም። ችላ ያልከው ትኩረትህ ምንያህል ሃይል እንዳለው ተገንዘብ። እዚህም እዛም እየገባህ ዋናውን የስኬትህን ቁልፍ መጫወቻ አታድርገው፤ በፍፁም ባንተ ትኩረት ማጣት እጅህ የገባ ወርቅ እንዳያመልጥህ። እድሜ ሲሔድ ሃላፊነት ይጨምራል፣ ሃላፊነት ሲጨምር ሁን ብለው ትኩረታችንን የሚፈልጉ ነገሮች ይኖራሉ፣ ያኔም አስፈላጊ ተግባሮች ይበዛሉና ትኩረት የማድረግ አቅማችን ይቀንሳል።

አዎ! ትኩሱን ትኩረትህን በጊዜ ተጠቀም። አለም ትንቅንቁ ትኩረትህን ለማግኘት ነው። በነጋ በጠባ ቁጥር ስንት አዲስ ነገር ትመለከታለህ? ስንተ የተሻሻለና ያደገ ነገር ትመለከታለህ? ሁሉም ጥረቱ አይንህን ለመሳብ፣ ጆሮህን ለማግኘት፣ ትኩረትህንም ለመቀማት ነው። የአለምን ጥረት አስተውል። ትኩረትህ ጠቃሚ ባይሆን፣ ምንም ለውጥ የማያመጣ ቢሆን ማን ይህን ያክል ዋጋ ከፍሎ፣ ስሜትህን አጥንቶ፣ አስተሳሰብህን ገምግሞ፣ ፍላጎትህን ነቅሶ አውጥቶ በቢልዮን ገንዘብ INVEST ያደርግብሃል? ትኩረትህን ለመሳብ ንብረቱን ያፈስብሃል? ያንተ ንብረት ትኩረት ነው፤ የአለም ደግሞ ትኩረት የሚስቡ ነገሮችን በየሰከንዱ የማዘጋጀት አቅም ነው። በአለም አትታለል፤ ትኩረትህ ላይ ሰልጥን፣ እራስህን ግዛ፣ ወደመሩህ ሳይሆን ወደሚያዋጣህ የእራስህ መዳረሻ ተጓዝ።
ውብ ምሽት ይሁንልን! 🌘🌒

✨

💫

✍️ (Epha A.)
ምክረ-አዕምሮ ለተሻለ ነገ!

🦋

#SHARE ማድረግ እንዳይረሳ ቤተሰቦች! 🙏

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,656

MIKRE AIMRO | ምክረ-አዕምሮ™

01 Dec, 17:49

🔴

ልካችሁን እወቁ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/pPjrAZ4mh30?si=M2jeVACJ4DAnLwP-

3,583

MIKRE AIMRO | ምክረ-አዕምሮ™

01 Dec, 10:53

👍

ልባም ሴት ለእናንተ ምን አይነት ሴት ነች?

ℹ️ቀጣይ ቪድዮዋችን ስለ ልባም፣ ተፈላጊና ተወዳጅ ሴት ይሆናል።
አሁን ቻናሉን SUBSCRIBE 🔔 አድርጋችሁ ጠብቁኝ! 👇👇

https://www.youtube.com/channel/UCSdpYXLmn4YzEzA3y_Qn64A?sub_confirmation=1

3,961

MIKRE AIMRO | ምክረ-አዕምሮ™

23 Nov, 18:24

ልክህን አስቀድም!

➡️

🗣️

አንተ ማለት ትክክለኛው ማንነትህ ነህ። ዛሬ ታይቶ የሚጠፋ ማንነት የለህም፤ በየጊዜው የሚቀያየርና ለሰዎች እይታ ብቻ የሚኖር ስብዕና የለህም። የምታደርገውን ሁሉ ሰዎች አይተው እንዲያደንቁህ አትፈልግ፤ በሰው ፊት ተወዳጅና ጥሩ ስም ያለው ለመምሰል ከአቅምህ በላይ አትኑር። ሁላችንም ደረጃ አለን፤ እያንዳንዳችን የሚወክለን የገቢ ምንጭ፣ ማንነትና ስብዕና አለን። ለእራሳችን ከመገዛታችን፣ እራሳችንን ከማስደሰታችን፣ በእራሳችን ከመኖራችን በፊት ግን ለታይታና እይታ ውስጥ ለመግባት የምናወጣው ወጪ፣ የምናባክነው ጊዜና ንብረት ሁሉ ዋጋችንን የሚያወርድ እንጂ የሚያሳድግ አይደለም። ሳይኖርህ እንዳለህ ስለታሰብክ፣ ከደረጃህ በላይ ስለተለካህ፣ በማይወክልህ ማንነት ስለታወቅክ ጊዜያዊና የውሸት ኩራት (pride) ሊሰማህ ይችላል፣ ነገር ግን በስተመጨረሻ እራስህን ስታታልል እንደነበር ትገነዘባለህ። መኖራችን ለሰዎች፣ ለስም፣ ለይውንታ፣ ለመወደድና ለክብር አይደለም። መኖራችን ከእራሳችን በላይ ሰዎችን በትክክለኛው መንገድ ለመርዳትና ለማገዝ ነው።

አዎ! ጀግናዬ..! ልክህን አስቀድም! እንደ አቅምህ፣ በደረጃህ ተንቀሳቀስ። ሃብታም መስለህ መታየትህ ያለህንም ከማሳጣቱ ውጪ ምንም የሚያተርፍልህ ነገር የለም፤ የቤትህን ክፍተት ሳትሞላ በሔድክበት ሁሉ ካላጋበዝኩ ማለትህ ክፍተትህን አይሞላም፤ ባልሆንከው ሰውነት ለመታወቅ መጣርህ ትክክለኛውን አንተነትህን አይቀይርም። እውነት እውነት ነው፤ ምንም ብትደብቀው፣ ብታስመስልበት፣ በውሸት ብትሸፍነው በጊዜው መታወቁና መገለፁ አይቀርም። ያንቺ ባልሆነው ጌጥ ብታጌጪ አንድም ድጋሜ በእራሱ ጌጥ ለመታየት ትቸገሪያለሽ፣ ሌላም ያለጌጥ ያለውን ማንነት ለማሳወቅ አጣብቂኝ ውስጥ ትገቢያለሽ። ማንም የሚችለውን ያውቃል፤ ወጪውን ገቢውን ጠንቅቆ ይረዳል፤ መጠኑ ለእራሱ ግልፅ ነው።

አዎ! ለጊዜያዊ ከንቱ አድናቆትና ውዳሴ ብለህ እወነተኛ ማንነትህን (identity) አትጣ፤ ከምትችለው በላይ ለመኖር አትሞክር፤ አቅምህን ተረዳው፤ ችሎታህን በሚገባ እወቅ። ማስመሰል ከከፋው ውድቀት በቀር የሚያመጣው ነገር የለም። ሙሉና የተረጋጋ ህይወት የሚገኘው ሰዎች ፊት መስሎ ለመታየት በሚደረገው ጥረት ሳይሆን፣ የእራስን መልክና ገፅ፣ አቅምና ደረጃ በመቀበል በእርሱ ልክ በሚገባ በመኖር ነው። ከሌለህ የለህም፤ እንዳለህ ለማስመሰል የምታስመስልበት ምክንያት የለም። ድህነትህን አይቶ የሚርቅህ ካለ ቢመጣም አንተን ብሎ ሳይሆን ንብረትህን ብሎ እንደሆነ ተረዳ። በየጊዜው እራስህን ከማሻሻል በላይ ለታይታ በመኖርና በማስመሰል እራስህን አታድክም። መኩራት ካለብህ ባለህና እጅህ ላይ ባለው ነገር ኩራ፤ መደሰት ካለብህ ከውጭ በሚመጣ አድናቆትና ውዳሴ ሳይሆን ከገዛ ማንነትህ ከውስጥህ በሚመነጨው ጥልቅ ስሜት ተደሰት።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

765

MIKRE AIMRO | ምክረ-አዕምሮ™

23 Nov, 11:12

🔴

ለብቻ አውሩ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/IYvpRPxl_vA?si=0wv5oYKlcKfwqRaO

1,504

MIKRE AIMRO | ምክረ-አዕምሮ™

23 Nov, 04:37

ከአሉታዊነት ተጠበቅ!

➡️

🗣️

ጥቃቅን ችግሮች አድገው የጭንቀት መንስዔ ይሆናሉ፣ ሰላምን ያሳጣሉ፣ ህመምን ያስከትላሉ። ከስር መሰረታቸው መቀረፍና መወገድ ሲኖርባቸው በቸልተኝነት በመተዋቸው መዘዛቸው ብዙ ሆኖ ይገኛል። አሉታዊ የተባሉት ሃሳቦችም ለእነዚህ ችግሮች ዋንኞቹ መንስኤዎች ናቸው። በትንሹም በትልቁም ሆድ የሚብስህ፣ ለማማረር የቀረብክ፣ ለአሉታዊነት የፈጠንክ፣ ምስጋናን የዘነጋህ ከሆንክ እምቅ አቅምህ እያነሰ፣ ማንነትህ እየወረደ፣ መልካም ስብዕናህ እየተመረዘ፣ በፍቃድህ ነፃነትህን እያጣህ፣ ተናዳጅና ወቃሽ ሆነህ ትቀራለህ። አስተዋይ ልቦና የሚያስብ፣ የሚያመዛዝን አዕምሮ አለህ፣ እርሱም ከአሉታዊነት የፀዱ አዎንታዊነት ላይ የተመረኮዙ ሃሳቦችን ታስተጋባ ዘንድ ይረዳሃል። በአሉታዊነት አለም ድንቅ ተዓምራት አይኖሩም፤ አስደማሚ ክስተቶች አይታሰቡም፤ የተሻሉ አማራጮች መኖራቸውም አይታወሰም። በምሬት ተጀምረው በምሬት የሚያልቁ ቀናቶች ብቻ ይደጋገማሉ፤ የትኛውም ስራ ችግርና ክፍተቱ ብቻ ጎልቶ ይወጣል።

አዎ! ጀግናዬ..! ከአሉታዊነት ተጠበቅ! አሳሪ ሃሳቦችህን ፍታቸው፣ አሰናካይ እይታዎችህን ተፋታ። በግዴታ ሳይሆን ፈልገህና መርጠህ አሉታዊ ሰዎችን ከህይወትህ አስወጣ፤ ራቃቸው፤ ከእነርሱ ጋር ከመመሳሰልህ በፊት ተነጥለሃቸው ሂድ። እነርሱም እንዳንተው ሃሳብ አላቸው፣ ፅኑ አቋም ይኖራቸዋል፤ ይቻላል ስትላቸው በአንቻልም ይመልሱልሃል፤ ልታስረዳቸው ብትሞክር የማይቻልበትን መንገድ በሚገባ ያብራሩልሃል፤ ባለህ ብትኮራም እነርሱ የተሻለ ኖሯቸው ሲያማሩ ትመለከታለህ፤ ችግር ከአፋቸው አይጠፋም፤ ዘወትር ሌላ አካል ለመውቀስ ቆርጠው ተነስተዋል፤ ሃላፊነት መውሰድ የሚባል ነገር አይወዱም፤ የችግሩ ግዝፈት እንጂ መፍትሔው አይታያቸውም። አሉታዊነት ጨለማ ሳይኖር ድቅድቁን ጨለማ፣ ችግር ሳይኖር ግዙፉን ችግር፣ ምንም ጉድለት ሳይኖር የበዛውን እጥረት የመፍጠር አቅም አለው።

አዎ! ሃሳብ ይታሰራል፤ አቅም ይገደባል፤ በምን? በአሉታዊነት፣ በወረደና በዘቀጠ አመለካከት። ለውጥን የሚዘክሩ ሃሳቦች፣ የተሻሉ አማራጮች የማይማርከውና የማያስደስተው ሰው በፍፁም የእድገት ሃሳብህ ደጋፊ ሊሆን አይችልም። ለአመታት ስታቅደው የኖረከው ግዙፍ ተግባር በአንድ አሉታዊ ሃሳብ ብቻ ዋጋ ሲያጣ፣ አፈር ሲሆን፣ ወደ ምንም ሲቀየር ልትመለከት ትችላለህ። ማሰብ የሚከብደው፣ ማቀድ የሚሳነው፣ መመኘት የማይችል ሰው የለም። ነገር ግን ከብዙ አቅጣጫ የሚመጡ አሉታዊና የወረዱ ሃሳቦችን እንዴት መጋፈጥና ማለፍ እንዳለበት የሚያውቀው እጅጉን ጥቂት ነው። ማንም ሰው ያንተን ህልም አይቻልም ቢልህ፣ የማይችለው እርሱ እንጂ አንተ አይደለህም፤ የሚያወራው ከእራሱ እይታ (perspective) እንጂ ካንተ አይደለም፤ ሃሳቡ የእርሱ እንጂ ያንተ አይደለም። በእይታዎችህ ከተሻልክ፣ በሃሳብህ ከበለጥክ፣ በውሳኔዎችህ ካሸነፍክ፣ በእራስህ ከተማመንክ ማንም አያስቆምህም። የምሬት መዓት ሲደረድሩለህ በምስጋና ታከሽፈዋለህ፤ መሰናክሉን ሲዘረዝሩልህ ድልድዩን ትዘረዝርላቸዋለህ፤ ፍረሃታቸውን ሲያስረዱህ ድፍረትህን ታስረዳቸዋለህ። አሉታዊነትን በአዎንታዊነት፤ ምሬትን በምስጋና፣ ቸግርን በመፍትሔ፣ ፍረሃትን በድፍረት ተጋፍጠህ አሸንፋቸው፤ በይቻላል መንፈስም ችለህ ተገኝ።
ውብ ደማቅ ቀን ይሁንልን! 🏞🌞🌅
ምክረ-አዕምሮ ለተሻለ ነገ!

🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

1,973

MIKRE AIMRO | ምክረ-አዕምሮ™

22 Nov, 17:48

ይቅርታ መጠየቅ አቁሚ!

➡️

🗣️

ስለ ማንነትሽ ይቅርታ መጠየቅ አቁሚ፤ ስለ አስተሳሰብሽ፣ ስለ እይታዎችሽ፣ ስለ አቋምሽ አንገት መድፋት አቂሚ፤ እራስሽን ስለመሆንሽ፣ የተለየ ምርጫ ስለ መምረጥሽ፣ በተለየ አኳሃን ስለ መራመድሽ፣ ስለ ተለየው የህይወት ትርጉምሽ፣ የህይወት አረዳድሽ ይቅርታ መጠየቅ አቁሚ። ማንም በማንነትሽ፣ በአስተሳሰብሽ፣ በምርጫዎችሽ፣ በእይያዎችሽ የመውቀስ መብት የለውም። ከፍርድ ለማምለጥ፣ ከጥላቻ ለመራቅ፣ ከመኮነን ለመሸሽ ያላመንሽበትን፣ ያልተመቸሽን፣ ያልወደድሽውን ተግባር የመፈፀም ግዴታ የለብሽም። ይቅርታ የምትጠይቂው ለስህተትሽ እንጂ ለማንነትሽ አይደለም፤ ለጥፋትሽ እንጂ ለአንቺነትሽ አይደለም። አምነሽ የተቀበልሽው የገዛ ማንነትሽ የሃፍረት ምልክት፣ ለአንገት መድፋትሽ መንስዔ ሳይሆን የኩራትሽና አንገትሽን ቀና የማድረግሽ ምክንያት ነው። የማንም ያልሆነ፣ የእራስሽ ብቻ የሆነ፣ አንቺነትሽን የሚገልጥ፣ ለተመካችሽና ለአስተዋይሽ መለየ የሆነ የሰውነት አቋም አንዲሁም የፀና የአመለካከትና የእሳቤ አቋም አለሽ። ይህ አቋም የሚያኮራ እንጂ የሚሸማቅቅ አይደለም፤ የሚያስደስት እንጂ የሚያሳዝን አይደለም፤ ቀና የሚያደርግ እንጂ አንገት የሚያስደፋ አይደለም።

አዎ! ጀግኒት..! ይቅርታ መጠየቅ አቁሚ! ስለሆንሽው፣ ስላመንሸበት፣ ስላስደሰተሽ፣ ስለተቀበልሽው ማንነት ይቅርታ መጠየቅ አቁሚ። ሰዎች እንዲቀበሉሽ፣ ሰዎች እንዲወዱሽ፣ እንዲከተሉሽ፤፣ እንዲያደንቁሽ ያልሆንሽውን ከመሆን፣ ያላመንሽበትን ከማድረግ፣ የማይመለከትሽ ቦታ ከመገኘት ተቆጠቢ። ላንቺ ትክክል የሆነ፣ አንቺን ያሳመነ፣ አንቺን የሚገልፅ ተግባር ለሌሎች ስህተትና አሳማኝ ስላልሆነ ብቻ ይቅርታ የመጠየቅ ግዴታ የለብሽም። አቋምሽን የማንፀባረቅ፣ እምነትሽን የመግለፅ፣ ማንነትሽን የማሳየት፣ እራስሽን ሆነሽ የመታየት፣ በሚጠቅምሽ መንገድ የመጓዝ ነፃነት አለሽ። አቋም ስታጪ ብቻ በጥፋተኝነት አጥር ትታጠሪያለሽ፣ በይሉኝታ ትከበቢያለሽ፣ ለተግባርሽ ጥብቅና መቆም ያቅትሻል፤ ሁን ብለሽ ለፈፀምሽውም ጭምር ይቅርታ መጠየቅ ይዳዳሻል። አቋም አልባ ሰው ሲያወላውል፣ ተቀባይነትን ለማግኘት ሲጥር፣ አጉል ትሁት ለመሆን ሲጣጣር፣ ለመወደድ ሲለፋ ጀንበር ትጠልቅበታለች፤ ቀኑም ይጨልምበታል።

አዎ! ጀግናዬ..! ክብርን በፀነው አቋምህ እንጂ በበዛው ይቅርታና ማጎብደድህ አታገኘውም። አንተ አንተ የሚያደርግህ የተለየ አቋም፣ የተለየ አመለካከት፣ የተለየ እይታ፣ ሃሳብና የገዘፈ ህልም መኖርህ ነው። ለአንተነትህ መገለጫና ለማንነትህ መለያ ደግሞ ይቅርታ የመጠየቅም ሆነ የመሸማቀቅ ግዴታ የለብህም። ማንኛውም ሰው እርሱን እርሱ ያደረገው፣ ከሌሎች የነጠለው፣ ለይቶ የሚያሳውቀው የእራሱ ባህሪ፣ አቅም፣ መልክ ወይም ሃሳብ ይኖረዋል። ፈልጎ እንኳን ባያደርጋቸው መታወቂያው ለሆኑ መገለጫዎቹ ይቅርታ የመጠየቅ ግዴታ የለበትም። ትልቅ ህልም ስላለምክ፣ አስደንጋጭ ሃሳብ ስላመነጨህ፣ አይቻልም የተባለውን ለመቻል ስለተነሳህ አትሸማቀቅ፣ አትሳቀቅ፣ ለይቅርታ አትሽቀዳደም። ይቅርታ የሚያስጠይቁና የማያስጠይቁ ነገሮችን ለይተህ እወቅ። ለበደልህ፣ ለጥፋትህ፣ ለጫናህ ይቅርታ መጠየቅ ሊኖርብህ ይችላል። እራስህን ለመሆንህ፣ ፍላጎትህን ለመግለፅህ፣ ስሜትህን ለማስተጋባትህ፣ እውነተኛውን አረዳድህን ለማንፀባረቅህ ግን ይቅርታ የምትጠይቅበት ምክንያት አይኖርም። እራስህን ሆነህ ኑር፤ መገለጫዎችህን በነፃነት ከውን፤ ማንነትህን ግለፅ፤ አምነህ ስለሆነከው ሁሉ ይቅርታ መጠየቅ አቁም።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,400

MIKRE AIMRO | ምክረ-አዕምሮ™

22 Nov, 16:55

📣

💥

የስልጠናችን ምዝገባ ሊጠናቀቅ 5 ቀን ብቻ ቀረው!

❗️

ፈጥነው ይመዝገቡ!

የተግባር ሰው መሆን!
BEING PRACTICAL

✍️

ለመመዝገብ በዚህ አድራሻ መልዕክት ያስቀምጡ
@epha_aschalew or
0960411282

ምክረ-አዕምሮ ለተሻለ ነገ!

🦋

2,223

MIKRE AIMRO | ምክረ-አዕምሮ™

22 Nov, 06:44

መጠጋትህን ቀጥል!
፨፨፨፨/////////፨፨፨፨
አዎ! የቻልከውን እያደረክ፣ ከቻልከው በላይም እየጣርክ፣ እየለፋህ፣ እየተጋህ፣ በአዳዲስ መንገዶች እየሞከርክ ህይወት ላላትሞና የታሰበችውን ያክል ላትሆን ትችላለች። ያዝኩት ስትላቸው የሚበተኑ፣ ደረስኩ ስትል የሚርቁህ፣ አገኘዋቸው ስትል የሚበኑ አያሌ ጉዳዮች ይኖራሉ። ጭራዉን አጥብቀህ መያዝህ እንኳን ላሰብክበት መዳረሻ ዋስትና ላይሆንህ ይችላል። ብዙ ዋጋ ከፍለህ የገነባሀው የፍቅር ህይወት የከፈልክለትን ዋጋ ያክል ሳይሆንልህ ሲቀር፤ ለዘመናት የለፋህበት ትምህርት ምንም ሳይጠቅምህ ሲቀር፣ የተማመንከው ስራ ውጤቱ አልባ ሲሆን፣ ተስፋ ያደረከው ሰው እየሸሸህ ሲመጣ፣ ነገሮች በተገላቢጦሽ መጓዝ ሲጀምሩ የተለየ ግንዛቤ፣ የተለየ አረዳድና ከወትሮው የላቀ ጥረት እንደሚጠበቅብህ አስተውል። በአንዳንድ የህይወት አጋጣሚ አንዳንድ ጉዳዮች ከሚጠቅባቸው ላነሰ እርካታ ይዳርጋሉ፣ ደስታ መስጠት ላይ ችግር ይኖርባቸዋል፣ የተሻለ ነገር ለመፍጠር አቅም ሲያንሳቸው ይስተዋላል።

አዎ! ጀግናዬ..! ውጤትህ ከጠበከው በታች በመሆኑ፣ የጓጓህለትን ያክል እርካታ ስላልሰጠህ፣ ስሜትህን ስላልቀየረ ብቻ ካመንክበት ተግባር እንዳትገታ። መጠጋትህን ቀጥል! የህይወትህ ትልቁ ሚስጥር ልታቆምበት ከነበረው አንድ እርምጃ ቦሃላ ሊሆን እንደሚችል አስብ፤ አንተነትህን የሚለካው፣ አቅምህን የሚያሳየው፣ ጥረትህን የሚያስመለክተው ውጤት በቅርብ ሊሆን እንደሚችል አስተውል። ምንም እንኳን የተጓዝከው አጭር መንገድ፣ በፅናት የታገልከውም ለተወሰነ ጊዜ ቢሆንም የሚቀርህና የሚጠበቅብህ ግን ካለፈው ጥረትህ በእጅጉ ያነሰ ነው። ስትነሳ በነበረህ ተነሳሽነት፣ ስትጀምር በነበረህ እውቀት፣ በጠዋቱ በነበረህ ሰሜትና ብቃት ላይ አይደለህም። አንድ በሞከርክ ቁጥር ምንም ካለመሞከር ተሽለህ ትገኛለህ፤ ወደጓጓህለት ግኚት በአንድ እርምጃ ትቀርባለህ፤ የሚቀርህን መንገድ ታሳጥራለህ።

አዎ! ያለዋጋ የሚገኝ ጠቃሚና ዋጋ ያለው ነገር የለም። መሃበራዊ ግንኙነትህ ያድግ ተዘንድ ተግባቢነት ላይ፣ ሰዎችን መረዳት ላይ፣ የእርስ በእርስ ግንኙነት ላይ መስራት ይኖርብሃል። የፍቅር ህይወትህ እንዲያድግ፣ ትርጉም እንዲሰጥህ፣ እንዲረጋጋና ሰላማዊ የደስታ ምንጭ እንዲሆንህ እለት እለት በመታደስ፣ በአዳዲስ ማራኪ ክስተቶችና ትርጉም ሰጪ ክንውኖች መሞላት ይኖርበታል። ሙያዊ አቅምህ እንዲዳብር፣ በብቃትህ የመተማመን ደረጃ ላይ እንድትደርስ፣ ተፈላጊነትህ እንዲጨምር፣ ያንተም ዋጋ ጎልቶ እንዲወጣ የበዛ ጥረት ከማያቋርጥ መስተጋብር ጋር ይጠበቅብሃል። የዛፉ ፍሬ ላይ ሳይሆን መወጣጫው ላይ አተኩር፣ በእርሱ ተማረክ። በስተመጨረሻ ከምትጎናፀፈው ድል በበለጠ ከትግሉ ጋር በፍቅር ውደቅ፣ በስሜት ተገናኘው፤ ከሂደቱ ጋር ተሳሰር፣ ከልብህ ውደደው። እንደ መዓድን አውጪው መዓድኑን ለማግኘት የመጨረሻው አንድ ቁፋሮ ሲቀርህ ጥረትህን እንዳታቆም።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,778

MIKRE AIMRO | ምክረ-አዕምሮ™

21 Nov, 18:03

ጥበቃ ይብቃህ!

➡️

🗣️

ወደፊት ለመራማድ፣ አዲስ ነገር ለመሞከር፣ አዲስ ሰው ለመተዋወቅ፣ ወደ ግብህ ለመቅረብ ጥበቃ፤ ጥበቃ፤ ጥበቃ። ማንን ይሆን የምትጠብቀው? ጓደኛህን፣ ወንድምህን፣ መንግስትን ወይስ እራስህን? የእስከዛሬው ጥበቃህ ምን እንዳሳጣህ ተመልክት። ከዚህ ቦሃላም ምን ሊያሳጣህ እንደሚችልም አስብ። ኑሮ ውድነቱ እንደቀጠለ ነው፤ የህይወት ክብደት እየባሰበት ነው፤ ችግሮችህ እየጨመሩ ነው፤ ሃላፊነት በየጊዜው እየተጨመረልህ ነው። የሚያደክሙህ ሸክሞች እየተደራረቡብህ እርምጃ ሳትወስድ ቆመህ የምትጠብቃቸው እስከመቼ ነው? ተዘጋጅተህ ለቁጪት እራስህን አሳልፈህ የምትሰጠው ለምንድነው? በምኞት አለም የምትንሳፈፈውስ እስከመቼ ነው?

አዎ! ጀግናዬ..! ጥበቃ ይብቃህ! ምክንያት መደርደር ይብቃህ፤ ሰበብ ማብዛት ይብቃህ፤ ሃላፊነት አለመውሰድ ይብቃህ፤ ተጠያቂነትን መሸሽ ይብቃህ፤ ማለቃቀስ ይብቃህ። ያንተ ጉዳይ ያንተና ያንተ ብቻ ነው። የሚያለፋህና የሚፈትንህ እንጂ እየተንከባከበ ወደ ከፍታው የሚመራህ መንገድ የለም። ጥበቃህ ነገሮች እስኪመቻቹ? እስክታድግ? ገንዘብ እስኪመጣ? የሚረዳህን ሰው እስክታገኝ ነውን? እውነታውን ተቀበል! ነገሮችን ለእራስህ የምታመቻቸው ማንም ሳይሆን እራስህ ነህ፤ የምታድገው ስትንቀሳቀስ ብቻ ነው፤ ገንዘብ የሚኖርህ ያመንክበትን እስከ ጥግ ስታደርገው ነው፤ የሚረዳህ ሰው የሚመጣው ጥረትህን ተመልክቶ ነው። ባለህበት ቆመህ በምኞት ያሰረህ ጥበቃ ምንም አያመጣልህም።

አዎ! ትርጉም ሰጪ ትርፋማ ነገር የሚገኘው በጥበቃ ሳይሆን በፍለጋ ነው። ተንቀሳቀስ፣ ዞር ዞር በል፣ ዙሪያህን ተመልከት፣ ለእራስህ መፍጠር ባትችል የመጣልህን አጋጣሚ በሚገባ ተጠቀም። ብለሃትህ ከጥበቃ ካላወጣህ፣ ብልጠትህ እንቅስቃሴ ውስጥ ካልከተትህ፣ ከባቢህን ካልቀየረ ትርጉሙ ምንድነው? እንዴትስ ብለሃት ሊባል ይችላል? በእራስህ ላይ እርምጃ ለመውሰድ ያለህ እውቀት በጣም በቂ ነው፤ በመረጥከው መንገድ ህይወትን ለመጀር ያለህ አቅም በቂ ነው። ጥበቃህ እንቅፋትህ እንጂ አሻጋሪ መሰላል እንዳልሆነ አስታውስ። ወደኋላ የምትቀረው ተግባርን ረስተህ በሃሳብ ብቻ መኖርን ስለምትመኝ ነው። ያልተኖረ እውቀት፣ ያልተሰራ ሃሳብ፣ ያልተጀመረ እቅድ ጥበቃውን ያራዝም እንደሆነ እንጂ የተሻለ ነገር ሊያመጣ አይችልም። ጥበቃ ይብቃህ፣ ቀጠሮ ማብዛት ይቅርብህ፣ ሃሳብህን መኖር ጀምር፣ ወደ እንቅስቃሴ ግባ።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,792

MIKRE AIMRO | ምክረ-አዕምሮ™

21 Nov, 15:45

📣

💥

ስልጠናችን 6 ቀናት ብቻ ቀርቶታል!

የተግባር ሰው መሆን!
BEING PRACTICAL

❗️

ፈጥነው ይመዝገቡ!

✍️

ለመመዝገብ በዚህ አድራሻ መልዕክት ያስቀምጡ
@epha_aschalew or
0960411282

ምክረ-አዕምሮ ለተሻለ ነገ!

🦋

2,656

MIKRE AIMRO | ምክረ-አዕምሮ™

21 Nov, 11:04

🗣️

ጠንክራችሁ ስትሰሩ ብዙዎች ሊያስቆሟችሁ ይሞክራሉ። ምክንያቱም እነርሱ ተስፋ የቆረጡበትን ነገር ስለምታስታውሷቸው ነው።

🗣️

(Epha A.)
ምክረ-አዕምሮ ለተሻለ ነገ!

🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,799

MIKRE AIMRO | ምክረ-አዕምሮ™

21 Nov, 04:36

ጊዜ ይጠራችሁ!

➡️

🗣️

ራሳችሁ ላይ በመስራታችሁ ሰዎችን ለመጥላት ጊዜ ይጠራችሁ፣ ራሳችሁን በመውደዳችሁ ሰዎችን ለመናቅ ጊዜ ይጠራችሁ፣ ራሳችሁን በማክበራችሁ ሰዎችን ለመግፋት ጊዜ ይጠራችሁ። ትኩረታችሁ ሁሉ ራሳችሁ ስትሆኑ ለአሉታዊነት ጊዜና ቦታ ታጣላችሁ፣ በራሳችሁ ችግር ላይ ስታተኩሩ፣ በዋናነት ለራሳችሁ ቅድሚያ ስትሰጡ፣ ሁሌም በራሳችሁ የግል ጉዳይ ስትወጠሩ ከአላስፈላጊ ድራማና ጫወት ነፃ ትሆናላችሁ። አይናችሁን ጨፍኑ፣ በልባችሁ ፊትለፊታችሁን ተመልከቱ፣ ጥልቅ ፍላጎታችሁ ላይ አነጣጥሩ፣ ስሜታችሁን፣ ትኩረታችሁን፣ ሀሳባችሁን ሁሉ እርሱ ላይ ጣሉ። ማንንም በክፉ አይን ለመመልከት፣ ከማንም ጋር በቅራኔ ለመቆም፣ ማንንም ለማስቀየምና ለማሳዘን ጊዜ ይጠራችሁ። ሰዎችን መክሰስ ያቆማችሁ እለት ራሳችሁን መቀየር ትጀምራላችሁ፣ በሰው መመቅኘትን ከውስጣችሁ ያወጣችሁ እለት በረከታችሁ መብዛት ይጀምራል። ከምንም በላይ ውስጣችሁ ባለው ጥሩ ስሜትና ፍላጎት እመኑ፣ ከየትኛውም ውጫዊ ሃይል በተሻል ከውስጥ ባለው ብርቱ ሃይል ተመሩ።

አዎ! ጊዜ ይጠራችሁ! ለክፋት፣ ለምቀኝነት፣ ለተንኮል፣ ለሴረኝነትና ለዘረኝነት ጊዜ አይኑራችሁ። ብዙዎች ጊዜ ለማሳለፍ ብለው መጥፎ ስራ ላይ ይሰማራሉ፣ ብዙዎች በትርፉም በዋናውም ጊዜያቸው አጀንዳቸው ሰዎች ይሆናሉ። ከራሳቸው ጋር ጊዜ ማሳለፍ የማይፈልጉ፣ የውስጥ ጩሀታቸውን ማዳመጥ የሚፈሩ፣ በአንድም በሌላም አጀንዳዎች የታጠሩ ሰዎች ከራስ በላይ ለሰውና ለማይመለከታቸው አጀንዳዎች የሚሰጡት ብዙ ጊዜ አላቸው። "ራሴን እወደዋለሁ፣ ለራሴ ቦታ አለኝ፣ ራሴን አከብረዋለሁ፣ ራሴን የተሻለ ቦታ ማድረስ እፈልጋለው" ካላችሁ ለየትኛውም ዋጋቢስ ከንቱ ነገር ጊዜያችሁን አትስጡ፣ ከማንኛውም የማይረባ ጎጂ የውድቀት አስተሳሰብ ካለው ሰው ጋር ህብረት አይኑራችሁ። ከእናንተ ውዴታና ፍላጎት ውጪ ማንም ሰው ወደ ህይወታችሁ መጥቶ ጊዜያችሁን ሊወስድባችሁ አይችልም። ከራስ ተርፎ ለማይጠቅም ነገር የሚውል ትርፍ ጊዜ እንደሌላችሁ አስታውሱ፣ ራስን ከማዳን የሚቀድም ምንም ብርቱ ጉዳይ እንደሌላችሁ እወቁ።

አዎ! ጀግናዬ..! ውጭ ውጩን መሮጥህን ቀንስ፣ የማይመለከትህ ጉዳይ ውስጥ መግባት አቁም፣ ዙሪያህን ፋታ በማይሰጥ ነገር ማጠር ይቅርብህ። ስለሰዎች ክፉ ማሰብህን እስክትረሳ፣ ከዓለም ፍቅር መላቀቅህን እስክታስተውል፣ በአምላክህና በፈጣሪህ ሀይል መተማመንህ እስኪገባህ ከራስህ ጋር የጠበቀ ትስስር ይኑርህ፣ ከገዛ ማንነትህ ጋር በፍቅር ውደቅ። የለውጥ ሁሉ መጀመሪያ ራስን መውደድ ነው፤ የእድገት ሁሉ መሰረት ደግሞ ራስን ከልብ ማፍቀር ነው። ብልጭልጯ ዓለም ጊዜያዊ ነገር እየሰጠችህ እንድታዘናጋህ አትፍቀድ፤ በዙሪያህ ያሉ ሰዎች ብዙ ጉዳይ እያቀበሉህ የራስህን እንድትረሳ እንዲያደርጉህ አትፍቀድ። ምርጫህ ከባድም ይሁን ቀላል ታመንለት፣ ፍላጎትህ ብዙ ጥረት የሚፈልግ ቢሆንም ባይሆንም ራስህን ስጠው። ራስን መውደድ ምንም ይሉኝታ የለውም፣ ለራስ መልካም ፍላጎት መገዛት ነውር አይደለም። ትርፉን ሳይሆን ዋናውን ጊዜ ለራስህ ስጥ፣ ትኩረትህን የሚስብ ነገር ስላጣህ ሳይሆን መጀመሪያውኑ ራስህ ላይ አተኩር፣ ራስህን በማብቃት ቢዚ (Busy) ሁን።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,001

MIKRE AIMRO | ምክረ-አዕምሮ™

20 Nov, 17:45

ሰበብ ባይኖርስ?

➡️

🗣️

አዎ! በሔድንበት ሁሉ ድክመታችን እንዳይታወቅ፣ ስንፍናችንን ላለማመን፣ መጥፎ ስሜታችንን አለባብሶ ለማለፍ የማናቀርበው ምክንያት፣ የማንደረድረው ሰበብ የለም። ሃላፊነት መውሰድ፣ ለእራስ ጥፋት ተጠያቂ መሆን የሚባለውን ነገር አብዝተን እንሸሸዋለን። ተጠያቂነትን ፍራቻ ሁሌም ምክንያት የምትደረድር ከሆነ የትም እንደማትደርስ እወቅ፤ ሰበብ እያበዛህ አንድ እርምጃ እደማትጓዝ ተገንዘብ። የስሜቱ ባሪያና በሰበብ አስባቡ የተገዛ ሰው አንድም የእራሴ የሚለው ታማኝ ማንነት የለውም፣ ሌላም በሰው ፊት ድፍረትና በእራስ መተማመን አይኖረውም። በሚያሳዝን ሁኔታ የሚያቀርበው ምክንያት እንኳን ሌሎችን ይቅርና እራሱንም የሚያሳምን አይደለም። ለገዛ እራሱ የሰጠው ግምትና የበታችነት ወደ ውድቀትና ተስፋ ቢስነት ያንደረድረዋል። እላይ ታች ብለህ እራስህን ማዳን በሚገባህ ጊዜ ምክንያት በመደርደር የተጠመድክ እንደሆነ ከእራስህ በላይ ለእራስህ ጠላት አይኖርህም።

አዎ! ጀግናዬ..! ሰበብ ባይኖርስ? ምክንያት መደርደር ባይቻልስ? ለጥፋቱም ሆነ ለልማቱ ሃላፊነት አለመውሰድ ባይቻልስ? የት በደረስክ ነበር? የህይወትህ መልክ፣ ገፅታው፣ ማንነቱ ምን ይመስል ነበር? አንተስ ምን አይነት ሰው ትሆን ነበር? ሰበብ በእርግጥም አለ ነገር ግን በመኖሩ የሚጨምርልን ነገር ከሌለ፣ ወደፊት ለመጓዝ ካላገዘን፣ እንድንጠነክር ካላደረገን፣ ካላበረታን ምንድነው ነጥቡ? ቆዳን ማልፋት ቢያደክምም በመጨረሻ ውጤት ያመጣል፤ ሰበብ ማብዛቱ፣ ምክንያት መደርደሩ፣ ሁኔታዎችን ማገለባበጡ ግን እራስን ከማታለል፣ የእራስን ዋጋ ከማሳነስ፣ ክብርን ዝቅ ከማድረግ ውጪ የሚያመጣልን ነገር የለም።

አዎ! ያሰብከውን ላለማድረግህ ቆጥረህ የማትጨርሳቸው በቂ ምክንያቶች ይኖሩሃል፤ ብታደርገውም ለማድረግህ እጅግ ብዙ በቂና ከዛ በላይ ምክንያቶች ይኖሩሃል። ለሁለቱም ሚዛን የሚደፉ ምክንያት ቢኖርህም ሚዛኑ ግን አንተ ነህ፤ እራስህ ላይ የምትወስነው፣ አዋጩን የምትመርጠው፣ ጠቃሚውን የምታደርገው አንተ ነህ። የምክንያት ለውጥ አድርግ፤ ላለማድረግ የምትደረድረውን ምክንያት ማድረግ በሚያስችሉህ ጠንካራ ምክንያቶች ተካቸው፤ በእነርሱ ለውጣቸው። ላለህበት ሁኔታ ያደረሱህ ነገሮች በተናጥል ሳይሆን በጋራ ለዚህ አብቅተውሃል። አዎንታዊ ምክንያቶችህም ብቻቸውን ሳይሆን ከቆራጥነትህ ጋር፣ ውሳኔህን በማካተት፣ በህይወት አላማህ በመደገፍ ተዓምራዊውን ህይወት ወዳንተ ያመጣሉ። ሰበቦችህን አሸጋሽግ፤ ምክንያቶችህን አቀያይር። አሉታዊዎቹን አስቀር፣ በአዎንታዊዎቹ ተመራ፤ ብርታቶችህን ምረጥ ጥንካሬህን አስቀድም፤ ያሰብከውን ትልቅ ነገር አድርገህ ተገኝ።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,786

MIKRE AIMRO | ምክረ-አዕምሮ™

20 Nov, 16:04

🔴

ለሰው አትዘኑ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/2R99aoSrLjk?si=cDXxW3h15UWEFO8p

3,082

MIKRE AIMRO | ምክረ-አዕምሮ™

20 Nov, 12:47

📣

💥

ስልጠናችን 1 ሳምንት ብቻ ቀርቶታል!

የተግባር ሰው መሆን!
BEING PRACTICAL

❗️

ፈጥነው ይመዝገቡ!

✍️

ለመመዝገብ በዚህ አድራሻ መልዕክት ያስቀምጡ
@epha_aschalew or
0960411282

ምክረ-አዕምሮ ለተሻለ ነገ!

🦋

2,957

MIKRE AIMRO | ምክረ-አዕምሮ™

20 Nov, 04:26

የታየህን አሳይ!
፨፨፨//////፨፨፨
አዲስ ንጋት፣ አዲስ ጀምበር፣ አዲስ ብረሃን፣ ልዩ በረከት፣ ልዩ ስጦታ ከአምላክ ውጪ ከሌላ የማይታደል፣ ከማንም የማይሰጥ እጅግ የተዋበ ስጦታ ዛሬ። በግሩም ቀን ግሩም ተግባር ያስፈልገናል። የአምላክን ድንቅ ስራ ማስታውስ፣ በፈጣሪ መልካም ተግባር መደነቅ፣ የእጆቹን ስራዎች ማስታወስ፣ በየመንገዱ የወደቁ ነፍሳትን መርዳት፣ ለወገን መድረስ፣ ወገንን ማሳረፍ፣ ከጎኑ መቆም፣ ከመጣበት መከራ በተቻለን አቅም ለመታደግ መጣር ይጠበቅብናል። አንዳንዴ ተፈጥሮ ትዛባለችና የእኛን የማስተካከል ድርሻ ትፈልጋለች። ሚዛኑን የሳተ ኑሮ መጨረሻው ጥፋት ነውና ሙሉ በሙሉ ሚዛኑን እንዲጠብቅ ማድረግ ባትችል እንኳን ደጋፊውን መደገፍና፣ ከጎን መቆም ትችላለህ። የንጋትህ እዳ አለብህ፣ በሰላም ያየሃት፣ በጤና የደረስክባት ብሩህዋ ዛሬ አደራ ጥላብሃለች። ያለምክንያት ለዛሬ አልደረስክም፣ የዛሬን ብረሃን በሙላት አልተመለከትክም።

አዎ! ጀግናዬ..! የታየህን አሳይ፣ ያለህን አካፍል፤ ብረሃኑን ለሌላውም አብራ፣ የአምላክህ ማመስገኛ ሁን፣ በመፅዋች እጆችህ መፅውት፣ የተራቡ ወገኖችህን፣ የተጠሙ ነፍሳትን ከልብህ አስባቸው፣ በቻልከው ድረስላቸው። ሰው መሆን ፈተና ነው፤ በተለይ የተቸገሩ ነፍሳትን እያዩ ዝም ማለት ሰውነትም አይደለም። ምንም ማድረግ ባትችል ከሁሉ የሚበልጥ ፀሎትና ተማፅኖን በጉያህ ይዘሃል። የፀሎት መፅሐፍህን አንሳ፣ ስለተቸገሩ ነፍሳት ፀልይ፣ ስለደከሙ እናት አባቶች ተማፅኖህን አቅርብ፣ ለሚሰቃዩት እንስሳት ቃልህን አውጣ። አዛኝ ልብ በመከራው ጊዜ እረፍት የለውም፤ በሰቆቃው ሰዓት ሰላም አይሰማውም፤ በእርዛቱ ሰዓት ሳቅ ጫወታ አያምረውም። አስተዋይ ነውና የወገኑ ህመም ያመዋል፤ ስቃዩ ይደርሰዋል፤ ችግሩን ይጋራዋል።

አዎ! ምናልባትም ካለህ መቁረስ ላይጠበቅብህ ይችላል፣ ህመማቸው ከተሰማህ፣ ችግራቸውን ከተጋራህ ግን ትልቁ አበርክቶትህ ይሆናል። ለወገን በማሰብ ውስጥ የሰውነት ደስታ አለ፤ ሰውን በመርዳት ውስጥ ጥልቁ ሰው የመሆን ባህሪ ይታያል። ማንም ለእራሱ እንደፈለገው በልቶ ጠጥቶ ማደር ላይከብደው ይችላል፣ ነገር ግን ሰው የመሆናችን አላማ ለእራስ ጉርሳችን ብቻ እንድንኖር አይደለም። ከእራስህ በላይ እጅህን ለሚጠብቁ፣ ምፁዋትህን ለሚናፍቁ ነፍሳት መድረስ እንዳለብህ አስብ። ተመችቶህም እያማረርክ፣ ሳይመችህም እያማረርክ ህይወትን መግፋት አትችልም። የፈጠሪህን መቅድም፣ የአምላክን መልካም ፍቃድ ጠይቅ። ጠንክረህ አጠንክራቸው፤ ጎብዘህ አጎብዛቸው፣ ሰርተህ አሰራቸው። የመጣህበትን የህይወት አላማ አሳካ። እንዲሁ ከንፈር መጠህ፣ አዝነህ፣ አንገትህን ደፍተህ ዝም የምትል እንዳልሆንክ አስተውል። አቅሙ አለህ፣ ብርታቱ አለህ፣ በበረከቱ ተሞልተሃልና ወገንህን ለመርዳት፣ ለመታደግ እንዲሁ የአምላክህን ፍፁም በረከት ለመቀበል ወደኋላ አትበል።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,263

MIKRE AIMRO | ምክረ-አዕምሮ™

19 Nov, 18:33

ከብዶህ አይደለም!
፨፨፨፨///////፨፨፨፨
ብዙ የአዲስ ነገር ፈጣሪነት ጠላት፣ የአዲስ ግኘት ባላንጣዎች ቢኖሩም የምቾት ቀጠና ግን ዋናውና ቀንደኛው ነው። ተመችቶህ የምትፈጥረው አንዳች ነገር አይኖርም፤ ተደላድለህ የተሻለ ነገር ልታስብ አትችልም። በምቾት ውስጥ ምንም አለመኖሩን የምታውቀው በእራስህ ላይ የጨመርከውን ነገር እንደሌለ ስታስተውል ነው። ማደግ እየቻልክ፣ የመቀየር አቅሙ እያለህ በቃኝ ብለህ ባለህበት መርጋትህ የእድሎች ፈጣሪ ሳትሆን እድሎችን ጠባቂ ያደርግሃል። ለመለወጥህ ቢያንስ አንድ ግልፅ ክፍተት ያስፈልግሃል፤ አንድ የማያስተኛ፣ የማያረጋጋ ብርቱ ፍላጎትና ጥማት ያስፈልግሃል። በምቾት ውስጥ ለውጥን የሚያስብ ቢኖርም በጣም ጥቂት ነው። መቾት ተነሳሽነትን ይገድላል፤ ንቃትን ያደበዝዛል።

አዎ! ብዙ ነገር የተሟላበት፣ ወሳኝ የተባሉ አስፈላጊ ግበዓቶች ባሉበት ሁኔታ በእርግጥም ምቾት ሊባል ይችላል። እርሱ ከብዙ ጥረት ሊያግድ ይችል ይሆናል። ነገር ግን ድህነትን ተላምዶ መመቻቸት፣ አላወቂነትን ተዛምዶ መመፃደቅ ከምቾትነቱ በላይ ስቃይነቱ ያይላል። ህይወትህ መሻሻል ያለበት ሆኖ፣ ማሻሻልና ማስተካከልም እየቻልክ እንደተመቸውና ምንም ለውጥ እንደማይፈልግ መቀመጥ በእርግጥም እራስን አለማወቅ፣ አቅምን አለመረዳትና በበታችነት ስሜት መዋጥ ነው።
ዛሬ ባለህበት ከባድ ሁኔታ ለመቀየር ካልሰራህ፣ ለማደግ እንቅልፍህን ካላጣህ፣ ምቾት የመሰለህን ሁነት መሱዓት ካላደረክ በእርግጥም ማጣትን ለምደሃል፣ ችግርም መገለጫህ ሆኗል ማለት ነው።

አዎ! ጀግናዬ..! ከብዶህ አይደለም፤ አቅቶህ አይደለም፤ ስላልቻልክም አይደለም። ድህነት ያለስራ፣ ያለልፋት፣ ያለትጋት አይናድም፤ አላዋቂነትም ያለትምህርት፣ ያለንባብ፣ ያለእውቀት አይጠፋም። ውስጥህ በሚያውቀው አለለመመችት እንደተመቸህ አድርገህ አትደልለው። ፍላጎትህን ታውቃለህ፣ የሚገባህን፣ የሚመጥንህን አውቀሃል። እንደተመቸህ እያሰብክ አርፈህ ቁጭ በማለትም እንደማይመጣ በሚገባ ትረድተሃል። ይብዛም ይነስም በእውቀትህ ልክ ለመንቀሳቀስ ሞክር፤ እውነተኛውን ምቾት በጥረትህ ውስጥ አግኘው፤ መደላደሉን ህልም ውስጥ ተመቻቸው። ባልተመቸህ ሁነት እንደተመቸህ ማስመሰሉን አቁም፤ መቀየር የምትችለው ብዙ ነገር እያለ ያረጀና ያፈጀ ሃሳብ ይዘህ በስንፍና አትቀመጥ። የቻልከውን ሞክር፣ ጣር፤ በሂደት ህይወትህን እያሻሻልክ በሙላት ነር።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,197

MIKRE AIMRO | ምክረ-አዕምሮ™

19 Nov, 17:41

🔴

የዋህ አትሁኑ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/69_Hs1kg2JY

3,217

MIKRE AIMRO | ምክረ-አዕምሮ™

19 Nov, 04:38

ዘግተህ ስራ!

➡️

🗣️

በዝምታ ውስጥ፣ ያለምንም ኮሽታ፣ ምንም ሳታሳዩ እንዲሁ በድብቅ ስትቀየሩና ስታድጉ ሰዎች መቼና የቱጋ ሊያጠቋችሁ እንደሚችሁ አያውቁም። የዓለም ጥበበኞች፣ የምድር ታላላቅ መሪዎች፣ ህይወትን በአግቡ የተረዱ፣ አቅማቸውን በሚገባ ያወቁ፣ ተደብቆ የማደግ ሃይል የገባቸው ሰዎች ትናንትም ተደብቀው ይሰራሉ፣ ዛሬም ዝም ብለው ይሰራሉ፣ ነገም እንዲሁ ከብዙዎች ተሸሽገውና አቀርቅረው ራሳቸውንና ግዛታቸውን ይገነባሉ። ሰው አውቋችሁ እናንተ ግን ራሳችሁን ባታውቁት፣ ሰው አጨብጭቦላችሁ እናንተ ግን ውስጣችሁ ባዶነት ቢሰማችሁ፣ ዓለም ስማችሁን እየጠራ አመስግኗችሁ እናንተ ግን ራሳችሁን መውደድና ማክበር ቢሳናችሁ ትርፋችሁ ምንድነው? የምርም ምንም ትርፍ የላችሁም፣ እንዴትም ሰላማችሁን ልታገኙ አትችሉም። መስሎን እንጂ ከውጭ የሚመጣ ነገር ሊያሳርፈን አይችልም፣ መስሎን እንጂ ከዓለም የምናገኘው ነገር ሙሉ ሊያደርገን አይችልም። በጥቅሉ የህይወት ትርጉም ያለው ግልፅ በወጣውና ሰው በሚያውቀው ማንነታችን ውስጥ ሳይሆን በተደበቀውና ማንም ሰው በማያውቀው የብቸኝነት ህይወት ውስጥ ነው።

አዎ! ጀግናዬ..! ተደብቆ የሚሰራን ሰው ሰዎች አያውቁትም፣ ሰዎች ሊረዱት አይችሉም፣ ሰዎች በፍፁም ሊገባቸው አይችልም። ብቻህን ስትሆን ምን ታደርጋለህ? ማንም በሌለበት፣ ከፈጣሪ በቀር ማንም በማያይህ ሰዓት ምን ትሰራለህ? ማንም ሰው ሰፊ ማህበራዊ ህይወት ቢኖረው እንኳን ብቻውን ሲሆን የሚያደርገውን ነገር መርጦ የሚያደርግ ከሆነ ያለምንም ጥርጥር ህይወቱ ከብዙዎች የተሻለ መሆኑ አይቀርም። ብዙዎች ብቸኝነትን አጥብቀው ይፈራሉ፣ ብዙዎች ተደብቆ ማደግ ያስጨንቃቸዋል፣ ብዙዎች ሰው ካላያቸው የሰሩም አይመስላቸውም። ነገር ግን በቀዳሚነት የሚኖረው ለሰው ወይም ለዓለም ሳይሆን ለራስ ነው። ራስህን ካላዳንክ የዘመናት ልፋትና ጭንቀትህ ሁሉ ከንቱ ነው። ጥረትህ ሁሉ አደባባይ በወጣ ቁጥር፣ ለውጥና እድገትህ ሁሉ ግልፅ በሆነና ሰዎች ባወቁት ቁጥር እንቅፋቶችህ እየበዙ፣ በላይ በላይ መሰናክሎች እየተደራረቡብህ፣ አቅምና ተነሳሽነቱ እያጣህ ትመጣለህ። ሀይልና ብርታትህ፣ ንቃትና አሸናፊነትህ ከማንም እንዴትም ልታገኘው የማትችለው ስጦታህ እንደሆነ አስተውል።

አዎ! ብዙ የለውጥና የእድገት መንገዶች ይኖራሉ፣ ብዙ የስኬትና የከፍታ መንገዶች አሉ ነገር ግን የትኞቹም ተደብቆ የማደግን ያህል በቀላሉ ለትልቅ ውጤት ሊያበቁ አይችሉም። ብዙ ጠላት ካልፈለክ በርህን ዘግተህ ስራህን ስራ፣ ብዙ እንቅፋት ካልፈለክ ለሰው ሁሉ ሚስጥር ሁን፣ ረጅም ርቀት መጓዝ ከፈለክ ለማንም የግል ጉዳይህን አታሳውቅ። ብዙዎች ግልፅ አለመሆን ንቀት ይመስላቸዋል፣ ብዙዎች ራስን ከድራማ አርቆ በራስ የግል መንገድ መጓዝ ጥላቻ ይመስላቸዋል። ነገር ግን ሰው መሰለው ማለት እውነት ነው ማለት አይደለም። ትልቁ ድል ራስን ንቆ በሰው መከበር ሳይሆን ከሆነ ራስን አክብሮ በሰው መከበር ካልሆነም ራስን አክብሮ፣ ራስን ከልብ ወዶ በሰው በመገፋት ብዙ አለመረበሽ ነው። የየትኛውም ታላቅ ስኬት ሚስጥርህ አንተ ጋር ነው፣ የማንኛውም መሰረታዊ ለውጥህ መነሻ አንተጋር ነው። ህይወት ትርጉም የሚኖራት ዘመኑን በሙሉ ለሰው በመኖር ሳይሆን ለራስ ኖሮ ለሰው በመትረፍ ውስጥ ነው። ጊዜ ወስደህ ከሰው ሁሉ ተሸሽገህ በመኖርህ እትሸማቀቅ፣ ከምንም በፊት ለራስህ ለመድረስ በመሞከርህ አትፈር። ዘግቶ መስራትህን መገለጫህ፣ ተሰውሮ ማደግንም ማንነትህ አድርጋቸው።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,505

MIKRE AIMRO | ምክረ-አዕምሮ™

18 Nov, 17:41

የልባችሁን ምረጡ!

➡️

🗣️

እውነት እውነቱን አውሩ፣ ግልፅ ግልፁን አስቀምጡ። አሁን ላይ ተስፋችሁ ማነው? ያኖረኛል ብላችሁ የምታስቡት አካል ማነው? ሁሉነገራችሁን ብታጡ እንኳን ያ አካል አብሯችሁ ስለሆነ ብቻ ሙላትና እረፍት የሚሰማችሁ ማነው? ሰውን ተስፋ የሚያደርግ በርሱም ላይ የሚተማመን እርሱ የተረገመ ይሁን እንዲል መፅሐፍ። ይሔን እንኳን እያወቃችሁ በሰው ተደግፋችኋልን? ይሔን እየሰማችሁም ሰውን ተስፋ አድርጋችኋልን? ለማን ምንያህል ቦታ መስጠት እንዳለባችሁ ካላወቃችሁ መቼም ቢሆን ልባችሁ ሊያርፍ አይችልም። የሚያኖራችሁ ፈጣሪ ሆኖ ሳለ የማያኖራችሁ የሰው ልጅ ላይ አትጣበቁ፤ ብትወድቁ የሚያነሳችሁ፣ ብትሳሳቱ የሚያርማችሁ፣ ብትጠፉም የሚመልሳችሁ እግዚአብሔር ሆኖ ሳለ ሰውን ከልክ በላይ በሰው ወይም ባላችሁ ነገር ላይ አትደገፉ። አፈጣሪ ውጪ ሌላው ምድራዊ ነገር ጠፊና አጥፊ ነው። ሲታይ ራሱ የማይጠፋ ይመስላል ነገር ግን ይጠፋል፣ ሲታሰብ ብዙና ሀይለኛ ይመስላል ሲጨበጥ ግን ምንም ነው። ሳይጨልም ንቁ፣ ጊዜው ሳያልፍ ተማሩ።

አዎ! ጨለማ በብረሃለን ይጠፋል፣ ብረሃን ለጨለማ እጁን ይሰጣል። ተፈጥሮ ፈረቃ አላት። ያለምንም ፈረቃ፣ ያለምንም የጊዜ ገደብ፣ ያለምንም እርከን የሚሰራ ግን ፈጣሪ ብቻ ነው። ዓለምን ከጥግ እስከ ጥግ አይታችኋታል፣ ባታዩአትም ስለርሷ ብዙ ሰምታችኋል፣ የምድር ምርጫ ምን አንደሆነ፣ ከእናንተ ምን እንደምትፈልግ፣ ማንስ ደግሞ እንደሚያዋጣችሁ በሚገባ ታውቃላችሁ። የልባችሁን ምረጡ፣ ለሚያሳርፋችሁ ቦታ ስጡ፣ የሚያኖራችሁን አጥብቃችሁ ያዙ። በራሳችሁ ብርታት ብቻ ዛሬ ያላችሁበት ስፍራ አልደረሳችሁም፤ በዙሪያችሁ ባሉ ሰዎች እርዳታ ብቻ አሁን ያገኛችሁትን ነገር አላገኛችሁም። ባፈራችሁት ንብረት ወይም በገነባችሁት ዝና ብቻ ነፃ አልወጣችሁም። አወቃችሁትም አላወቃችሁትም፣ አስተዋላችሁትም አላስተዋላችሁትም፣ የሚገባውን ቦታና ክብር ሰጣችሁት አልሰጣችሁትም በእያንዳንዱ ጥቃቅን እርምጃዎቻችሁ ውስጥ ፈጣሪ ነበረ፣ ዋናው የእርሱ ስራ ነበረ።

አዎ! ጀግናዬ..! ብትረሳ ብትረሳ እስከዛሬ ያኖረህን፣ እዚህ ያደረሰህን፣ ብዙ ብዙ ነገር ያሳለፈህን የእርሱን የፈጣሪህን ውለታ እንዳትረሳ። በሁለት እግር ቆሞ መሔድ ትልቅ ፀጋ ነው፣ በራስ ፍላጎት ወደ ብዙ አቅጣጫ መንቀሳቀስ ስጦታ ነው፣ ሌላው ቢቀር ለማማረርና የጎደለውን ነገር ለመጠየቅ እንኳን መመረጥ ያስፈልጋል። የትናንት ከባድ አስጨናቂ ጊዜ እስኪያልፍ ረጅም ነበር ሲያልፍ ግን ምንም ነው። ለሰውም ይሁን ለሰዎች ውለታቢስ አትሁን፣ አምላክህንም የምትፈልገውን ለመጠየቅ አትፈር። ከላይ ከላይ ሳይሆን የውስጥህን አውጥተህ ፈጣሪህን ጠይቅ። ሀሳብ ይዘህ አትተኛ፣ ራስህን እያስጨነክም ህይወትህን ለመግፋት አትሞክር። ልብህ አይደንግጥ፣ ውስጥህም አይረበሽ። ህይወት ብለህ የምትኖረውን ኑሮ በአምላክህ ፍቃድና በራስህ መንገድ ለመኖር ራስህን አሳምን።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ!

🦋

#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,534

MIKRE AIMRO | ምክረ-አዕምሮ™

18 Nov, 16:04

🔴

ስቃይን ምረጡ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/iE_K71TTIn4

3,286

MIKRE AIMRO | ምክረ-አዕምሮ™

11 Nov, 20:28

⭕️እንግሊዝኛን በአንድ ወር ውስጥ አቀላጥፎ ማውራት ይፈልገሉ❔

👍አዎን እፈልጋለሁ ካሉ
👌እንግዲያውስ አሪፍ ቻናል ልጋብዛችሁ
❤️ያለ ምንም ጥርጥር
ትወዱታለችሁ💯

✳️JOIN አድርጉና እንግሊዝኛን በአማረኛ ይማሩ✅

የቻናሉ Link👇👇
@Learn_English_Language_USA
@Learn_English_Language_USA
@Learn_English_Language_USA

338

MIKRE AIMRO | ምክረ-አዕምሮ™

11 Nov, 18:16

በረከቶችህን አትግፋ!

➡️

🗣️

ችግሮችህን ስትቆጥር በረከቶችህ አያምልጡህ። የትም ብትሔድ፣ ማንንም ብትጠይቅ የማታጣው ነገር ቢኖር ችግሩን የሚተርክልህ ሰው ነው። "የኔ ችግር ይለያል" የሚልህ ሰው ብዛቱ ያንተን ችግር እንድትረሳ ሊያደርግህም ይችላል። ቸግሩን ሲያወራ በረከቶቹን የሚረሳም ብዙ ሰው አለ። በረከት፣ ፀጋ፣ ስጦታ ተነፍጎ በችግር፣ በመከራና በስቃይ ብቻ የተከበበ ሰው የለም። አንተ አላየሀውም ማለት ስጦታ የለህም ማለት አይደለም፤ አንተ አታውቀውም ማለት ክህሎት አልባ በረከት የተነፈክ ነህ ማለት አይደለም።

አዎ! ጀግናዬ..! ቸግሮችህን እያጎላህ በረከቶችህን አትግፋ። እንዳለህ ባለማወቅህ ብቻ እንደሌለህ አትናገር። እራስን ላለማወቅ ተጠያቂው እራሱ ባለቤቱ ነው። ፀጋህን አለማወቅህ ያለመኖሩ ማረጋገጫ አይደለም። ሁሉም ሰው ከችግሩ በላይ በረከቶች አሉት። የምናስበውን ያለመለየት ጉዳይ ነው እንጂ መልካሙን የሚያስብ፣ በጎውን የሚመኝ ችግሮቹ ላይ መንገሱ አይቀርም። "ይሔ ችግር አለብኝ" ከማለት በላይ "ይሔ በረከት ተሰቶኛል" ማለት ነገሮችን የማስተካከል አቅም አለው። ከፈለከው ታገኘዋለህ፤ ካተኮርክበት ይገለጥልሃል፤ ጊዜ ከሰጠሀው በእርግጥም ትደርስበታለህ። ያንተ ሆኖ የማታውቀው፣ ተሰቶህ የሚሸሸግብህ ስጦታ አይኖርም።

አዎ! እንኳን የቅርቡን የራስህን ይቅርና የሩቁን፣ በሰዎች ላይ ያለውን መመልከት ትችላለህና ለእራስህ ሲሆን አትስነፍ፤ አትድከም። ችግሩን የሚያወራ ብቻ ሳይሆን ችግሩን የሚፈታ ማንነትም እንዳለህ አስታውስ። ማንም ስለሆክ ችግር አንተጋር ብቻ አይመጣም። ማንኛውም ሰው የእራሱ የግል ሸክም፤ የእራሱ አስጨናቂ ሃሳብ አለበት። የሌላው ጉዳይ ያንተ አይደለም፤ ማንም ሰው የእራሱን ፈተና የመወጣት አቅም አለው። የዚህ ንደፈ-ሃሳብ እውነታ አንተም ጋር ይሰራል። ችግርህን መቁጠር ትርፍ አልባ ነው፤ በረከትህን መቁጠር ግን ሰላም፣ ፍቅር፣ እርካታ አለው። ባታውቀው እንጂ ብታውቀው ከችግር በላይ ነህና ተስፋህን ተንከባከብ፤ አንተነትህን ውደድ፤ ፀጋህን አጎልብት፤ በበረከቶችህ አመስግን፤ እንዲኖርህ የምትፈልገውን ውብ ስብዕና ከሚያጎናፅፍህ ሰላም አንፃር ከውስጥህ ፈልገህ አግኘው።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

935

MIKRE AIMRO | ምክረ-አዕምሮ™

11 Nov, 17:20

🔴

ሰው ስር ስር አትበሉ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/UgWuRVQhjz8?si=DJ7yauWhuPw4Qb9q

1,256

MIKRE AIMRO | ምክረ-አዕምሮ™

11 Nov, 08:51

💥

እያንዳንዱ ምዕራፍ እራሱን የቻለ ተግባራዊ መልመጃዎችና ራስን መገምገሚያ ተግባራት ይኖሩታል።

❗️

ፈጥነው ይመዝገቡ!

✍️

ለመመዝገብ በዚህ አድራሻ መልዕክት ያስቀምጡ
@epha_aschalew or
0960411282

ምክረ-አዕምሮ ለተሻለ ነገ!

🦋

1,899

MIKRE AIMRO | ምክረ-አዕምሮ™

11 Nov, 06:47

ጥረትህን አስመዝግብ!

➡️

🗣️

ፅድቅን ፍለጋ ብዙ ለፍተናል፣ ፍፁም ለመሆን ረጅም ተጉዘናል፣ በየጊዜው ለማደግ ለመሻሻል ያለማቋረጥ ጥረናል። ነገር ግን አንዳንድ ቀናት አሉ ጥረታችንን መና የሚያስቀሩት፣ አንዳንድ ሀሳቦች አሉ ልፋታችንን ትርጉም የሚያሳጡት፣ አንዳንድ ድርጊቶች አሉ በአንዴ ረጅሙን ጉዟችንን ድካም ብቻ የሚያደርጉት። በህይወታችሁ አንድ ነገር እመኑ። ሰዎች ናችሁ የተፈጠራችሁት ከስተት ጋር ነው፤ የምታዩዋቸው ሰዎችም ልክ እንደ እናንተ ሰዎች ናቸው ስህተት ይሰራሉ፣ ይወድቃሉ፣ ነገሮች ይባላሹባቸዋል። ራሳችሁ ላይ ጨክናችሁ ምንም የምታመጡት ነገር የለም። አውቆም ይሁን ሳያውቅ ስህተት ለሚሰራ ሰው ስህተቱን ላለመድገም እስከጣረ ድረስ ፈጣሪ ጥፋቱን ይቅር ማለቱ አይቀርም። ሁለት አይነት ሀጢአት አለ። የልማድና የአጋጣሚ። ከልማድ ሀጢያት፣ በቋሚነት ከሚፈፀም ስህተት የምታመልጡት በፆም፣ በፀሎትና በልባዊ ቆራጥነት ነው። ከአጋጣሚው ስህተት ደግሞ ማንነትን ሙሉ በሙሉ በመቀየር ነው። ዓለም ሁሌም ላዩን ወርቅ ውስጡን እሳት አድርጋ ብዙ የምታቀብላችሁ ነገሮች አሏት። እነዚም እናንተ ጋር ሲመጡ ስህተቶች ሆነው ይፃፋሉ።

አዎ! አትደናገጡ አትረበሹ። ፍፁም አይደላችሁም፣ ፍፁም ለመሆንም አትሞክሩ። እግዚአብሔር የሚጠላው ሀጢአትን አንጂ ሀጢአተኛን አይደለም። ስህተቱን አምኖ፣ ጥፋቱን ተቀብሎ፣ ተፀፅቶ ለተመለሰ ሁሌም በሩ ክፍት ነው። ስህተታችሁን የህይወት ዘመን ሸክም አድርጋችሁ አትኑሩ። ትናንት ብትሳሳቱ ቀሪው ዘመናችሁ ሁሉ የተሳሳተና የተመሰቃቀለ እንዲሆን አትፍቀዱ። ነገ መስራት ያለባችሁ የግል የቤት ስራ አለባችሁ፣ ዳግም እንዳይፈጠር ሊታረም የሚገባ ምግባር አላችሁ። በመጥፎ ለማድ አዙሪት ውስጥ ወድቆ ህይወቱ የጨለመበትና ተስፋ ያጣ ሰው ቢኖር ሁሌም ጨልሞ እንደሚቀር አያስብ፣ ሁሌም ጀምበር እንዳዘቀዘቀችበት እንደምትቀር አያስብ፣ ሁሌም ብሶተኛና የዓለም ተጠቂ ሆኖ እንደሚቀር አያስብ። በራሳችሁና በፈጣሪያችሁ ላይ ተስፋ ቆርጣችሁ ሰይጣንን ባለ ድል አታድርጉት፣ ራሳችሁ ላይ ጨክናችሁ የሰማይ አባታችሁን አታሳዝኑት። ስህተት አልባ ህይወት ለመኖር ራሳችሁን አታስጨንቁት። ተሳሳቱ ነገር ግን ታረሙ፣ አሁንም ተሳሳቱ ነገር ግን አሁንም ታረሙ። ስህተት መገለጫችሁ ሆኖ ፋታ ቢነሳችሁ ዝቅ ብላችሁ ከፈጣሪ ብርታትን ለምኑ።

አዎ! ጀግናዬ..! በራስ ላይ ተስፋ መቁረጥ ሽልማት የለውም፣ ራስን ችላ ብሎ መናቅ ምንም ዋጋ አያስገኝልህም። ምግባርህ ቢያሳፍርህ፣ ስራህ ስህተት ሆኖ ቢታይህ ምግባሩ አልያም ስራው እንጂ ስህተት አንተ ስህተት አይደለህም። እያወቅክም ይሁን ሳታውቅ ብታጠፋ ዳግም ራስህን የምታርምበት ሁለተኛ እድል እንዳለህ አስተውል። ሰይጣን ክፋቱ ክፉ ስራ አሰርቶ በራስህ እንድታዝን ያደርግሃል፣ ዲያቢሎስ መሰሪነቱ ብዙ ፈተና ፈትኖህ በአንዱ ቢጥልህ በዛው በአንዱ ሲኮንንህ ይኖራል። የመጡብህን ክፉ ሀሳቦች አንድ ለአንድ ታግለህ ያሸነፍክበትን ጊዜ አስታውስ። ጥንካሬህ ዛሬም እንዳለ ነው፣ አይበገሬነትህ አሁንም እንደዛው እንደተቀመጠ ነው። አንዲት ተልካሻ ስህተት በራስመተማመንህን እንድትሸረሽር አትፍቀድ፤ አንዲት ያልታሰበች ውድቀት ባዶነት እንዲሰማህ እንድታደርግህ አትፍቀድ። ከነስህተትህ ቀና በል፣ ከነጥፋትህ ደረትህን ነፍተህ ተራመድ። ነገር ግን ዳግም ያንን ጥፋት ሰርተህ የሚወድህንና የምትወደውን ፈጣሪህን ላለማሳዘን የቻልከውን ሁሉ አድርግ። ሌላው ቢቀር በእሱ ፊት ጥረትህን አስመዝግብ።
የፍቅር ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

1,991

MIKRE AIMRO | ምክረ-አዕምሮ™

10 Nov, 18:13

ፈልገህ አትረበሽ!

➡️

🗣️

ተረጋግተህ መመሰጥ ስትፈልግ የሚረብሽህ ነገር አታጣም፤ ውስጥህን ለማዳመጥ ስትመቻች ትኩረትህን የሚበትን ነገር አይጠፋም፤ የህይወትህን ከፍታና ዝቅታ፣ ክብደትና ቅለት ለመረዳት ስትሞክር ውስጣዊና ውጫዊ ጫናዎች ፋታ ያሳጡሃል። የምርታማነትህ ዋነኛ መሰናክል መረበሽ፣ መረጋጋት አለመቻልና ትኩረት ማጣት እንደሆነ አስተውል። እንኳን ፈልገህ ይቅርና አለም እራሷ መረጋጋትህን አትፈልገውም፤ ተመስጦህ አይመቻትም፤ ከእራስህ ጋር በጥሞና መነጋገርህ አያስደስታትም። ስትረጋጋ ውስጥህን ትመለከታለህ፣ ፍላጎትህን በሚገባ ትለያለህ፣ ለአለም ጫጫታም ጊዜ የሚሰጥ ማንነት አይኖርህም፣ በእራስህ አለም የእራስህን አስደሳች ሁነት ትፈጥራለህ። እራሳቸውን የሚያዳምጡ ሰዎች ሰዎችን የማዳመጥና የመረዳት አቅማቸው ከፍተኛ ነው።

አዎ! ጀግናዬ..! ፈልገህ አትረበሽ፤ መርጠህ ጫጫታ ውስጥ አትግባ፤ በፍቃድህ ውስጣዊ ሰላምህን አትጣ። ለአለም ክስተት ትኩረት እንደምትሰጠው ለእራስህም ትኩረት ስጥ፣ ሌላው ሰው ሲያወራ እንደምታዳምጠው ውስጥህን የማዳመጥ ብርታት ይኑርህ፣ ለአለም ጫጫታ ምላሽ ለመስጠት እንደምትሯሯጠው የውስጥ ጥያቄህን ለመመለስ ጊዜ ውሰድ። ከየትኛውም ሃላፊነት የሚበልጠው ሃላፊነት እራስን የማወቅና እራስን የመግዛት ሃላፊነት ነው። በምታየው፣ በምትሰማው፣ በምታደርገው የምትረበሽ ከሆነ የመቀየር ሙሉ መብት አለህ። በተረበሸ አለም አንተም ለመረበሽ እራስህን አሳልፈህ እየሰጠህ እንዴትም እራስህን ልታገኘው አትችልም። ትኩረትህን ለማግኘት አለም ምንያክል ገንዘብ ፈሰስ እንደምታደርግ ብታውቅ ዋጋው በገባህ ነበር። ስትረጋጋ፣ ውስጥህን ስትረዳ፣ ለውስጣዊ ሰላምህ ዘብ ስትቆም ከአለም የእስር ሰንሰለት መውጣት ትችላለህ።

አዎ! ማንም ፈጣሪውን ያውቀውና ይከተለው ዘንድ አስቀድሞ እራሱን ማወቅና መረዳት ይጠበቅበታል። በጠፋች አለም እራስህን ለማጥፋት አትፋጠን፤ በተረበሸ አለም እራስህን በፍቃድህ ለመረበሽና ለማወክ አትንደርደር። ለእራስህ ጊዜ ካልሰጠህ ልትረጋጋ አትችልም፤ ውስጥህን ካላዳመጥክ ወደእራስህ ልትመለስ አትችልም፤ የግል አቋም ከሌለህ፣ በእራስህ አቅጣጫ ካልተመራህ ማንም ሲመራህ የምትመራ፣ ማንም የነገረህን የምታምንና በየትኛውም ጊዜያዊ ጫጫታ የምትሸበር ትሆናለህ። ብዙ ሃላፊነት እንዳለብህ አስብ፣ እንዲሁ እንደ ዋዛ ትኩረትህን አሳልፈህ መስጠት እንደሌለብህ ተረዳ። እራስህን ለማዳን ብለህ ከሚረብሹህ ነገሮች ፈቀቅ በል፣ ለውስጣዊ ሰላምህ ስትል ከእየአቅጣጫው ከሚመጡ ማዕበሎች እራስህን ጠብቅ።
ውብ ምሽት ይሁንልን! 🌘🌒

✨

⭐️

(Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች! 🙏😍

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,429

MIKRE AIMRO | ምክረ-አዕምሮ™

10 Nov, 17:04

🔴

ጆሯችሁን ድፈኑ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/RtXFrm8wJxY?si=-8HDspZCOOF8tU2F

2,357

MIKRE AIMRO | ምክረ-አዕምሮ™

10 Nov, 04:20

በአምላኬ እታመናለሁ!

➡️

🗣️

ከራስ ጋር ንግግር: "በአምላኬ እታመናለሁ፣ በፈጣሪዬ የማይናወፅ፣ የማይሸራረፍ፣ የማይታወክ እምነት አለኝ። እራሴን የምወደው አንድም የእግዚአብሔር አምላኬ የስስት ልጁ በመሆኔ ነው፤ ሁለትም በእርሱ ህያው መንፈስ በመታነፄ ነው። ለሁሉም ነገሬ መሰረቴ እርሱ እንደሆነ አውቃለሁ፣ የትም ብደርስ፣ የትም ብገኝ የሚያደርሰኝ አምላኬ እንደሆነ አውቃለሁ። ጥፋቴ ቢበዛም፣ ሃጢያቴ ማለቂያ ባይኖረውም፣ ብዙ ብበድል ብዙ ብስትም በይቅርታው ብዛት ግን እስካሁን አለው፣ በርህራሔው ጥግ በምህረት መንገድ እመላለሳለሁ። ወዳጅ ባጣ፣ ሰው ቢርቀኝ፣ ዓለም ፊቷን ብታዞርብኝ፣ ከስኬት ጋር ሆድና ጀርባ ብንሆን፣ ብቸኝነት ቢፈትነኝ፣ የውስጤን የምትነፍስለት፣ የሆዴን የማዋየው ሰው እንኳን ባጣ በቸሩ አባቴ በእግዚአብሔር ግን ሁሌም ሙሉ ነኝ፣ ዘወትር ደስ ይለኛል።

አዎ! በአምላኬ እታመናለሁ፣ ፈጣሪዬን አስቀድማለሁ፣ ለእርሱ እራሴን እሰጣለሁ። በእግዚአብሔር የመታመንን ጥቅም፣ ፈጣሪን የማስቀደምን ትርፍ፣ ህይወትን በእርሱ መንገድ የመምራትን፣ እለት እለት ከእርሱ ጋር የማሳለፍን ሽልማት ከማንም በላይ አውቃለሁ። ፈጣሪውን ይዞ ማን ወደቀ? በአምላኩ እቅፍ ሆኖ ማን ይጨነቃል? ማንስ ውስጣዊ ሰላም ያጣል? ዓለም ከንቱ ነች፤ ከሌለኝ ለእኔ ቦታ የላትም፣ ሰው ለእኔ ከመስጠት በላይ ከእኔ መውሰድን ይመርጣል። የእግዚአብሔር አምላኬ ውለታ ግን በምንም መመዘኛ ከፍጥረታቱ ዓለምና የሰው ልጅ ጋር አይነፃፀርም። ምናልባት ደጋግሞ ይፈትነኝ ይሆናል፣ ምናልባት አውቆ አጣብቂኝ ውስጥ ይከተኝ ይሆናል። ነገር ግን መቼም እንደማይተወኝ፣ እኔእንኳን ፊቴን ባዞርበት፣ ከደጁ ብርቅ፣ ዓለም ውስጥ ብደበቅበት ፈለጎ እንደሚያገኘኝ አምናለሁ። ያደረገልኝን ዘርዝሬ ባልጨርስም በእርሱ ስለመታመኔ፣ በምህረቱ እዚ ስመድረሴ፣ በይቅርታው ብዛት ሙሉ ሰው ስለመሆኔ ሁሌም ምስክር ነኝ።"

አዎ! ፈጣሪያችሁ እያለ አትሰበሩ፣ አምላካችሁ አብሯችሁ ሆኖ አንገት አትድፉ፣ ሁሉን ቻይ የሆነ ቸር አባት እያላችሁ ስለምን ሆድ ይብሳችኋል? የዓለምን ክብር፣ የሰውን አንቱታ፣ የምድሩን ዝናና ንብረት ለአፍታ ተወት አድርጉት። ከዓለም ጌጥ በላይ፣ ከስጋዊ ፍቃድ በላይ ስለ ህያዊት ነፍሳችሁ በትንሹ ማሰብ መጨነቅ ጀምሩ። የሰው ልጅ የታመመች ነፍሳችሁን አያድንላችሁም፣ የምትደርሱበት ከፍታና ስኬት በበደል የቆሰለውን ውስጣችሁን አያክምላችሁም። ከእግዚአብሔር የምታገኙትን ፈውስ ከዓለም አትጠብቁ፣ በፈጣሪያችሁ የሚሰጣችሁን ነፃነት ለማግኘት ሰውን ደጅ አትጥኑ። በአምላካችሁ ለመታመን ቅንጣት አታመንቱ፣ በፈጣሪያችሁ ድንቅ ስራ ተስፋ ከማድረግ እንዴትም ወደኋላ አትበሉ። የሚያዋጣችሁን አስቀድማችሁ እወቁ፣ በገባችሁ ልክ በፍፁም ልባችሁ ፈጣሪን ጠብቁት።
የተባረከ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,903

MIKRE AIMRO | ምክረ-አዕምሮ™

09 Nov, 18:41

🔖

🛍 10 ድንቅ አባባሎች

1️⃣"እናንተ የእጣ ፈንታችሁ ጌታ ናችሁ። የራሳችሁን አካባቢ የመቀየር፣ የመምራት እና የመቆጣጠር አቅም አላችሁ።"

2️⃣"ሀሳብህን በአንድ የተወሰነ ግብ ላይ አኑር፤ ያኔ ዓለም አንተን ለማሳለፍ ምን ያህል በፍጥነት ገለል ብሎ እንደሚቆም ትመለከታለህ።"

3️⃣"ቆራጥነትን ለማዳበር መንገዱ ካለህበት መጀመር ነው።"

4️⃣"ጥንካሬ እና እድገት የሚመጣው ቀጣይነት ባለው ጥረት እና ትግል ብቻ ነው። "

5️⃣ "የስኬቶቻችሁ ከፍታ ብቸኛው ገደብ የህልሞቻችሁ ትልቅነት እና ለእነሱ ጠንክሮ ለመስራት ፈቃደኛ መሆን ነው።"

6️⃣ "አስታውሱ! በህይወት ከፍ ያለ ነገር ለማለም እና የተትረፈረፈ ህይወትን ለመጠየቅ፤ መከራን እና ድህነትን ከመቀበል የበለጠ ጥረት አያስፈልግም።"

7️⃣ "አብዛኞቹ ሰዎች ሽንፈት የሚያጋጥማቸው ፤ አዳዲስ እቅዶችን ለማቀድ ጽናት ስለማይኖራቸው ነው።"

8️⃣ "ራስህን ካላሸነፍክ በራስህ ትሸነፋለህ።"

9️⃣ "የሁሉም ስኬት መነሻ ነጥብ ግልጽ የሆነ የህይወት ዓላማ መኖር ነው።"

1️⃣0️⃣ "ራእዮቻችሁን እና ህልሞቻችሁን የነፍሳችሁ ልጆች፣ የመጨረሻ የስኬቶቻችሁ ንድፍ እንደሆኑ አድርጋችሁ ተንከባከቡ። "

😀😀📚 አስበህ ሀብታም ሁን መፅሐፍ

❓

የቱን ይበልጥ ወደዳችሁት

❓

https://t.me/Elodia_G
https://t.me/Elodia_G

2,607

MIKRE AIMRO | ምክረ-አዕምሮ™

09 Nov, 17:24

❓

⚠️

ዝምተኛ ሰዎችን ለምን ሰዎች የሚፈሯቸው ይመስላችኋል?

2,672

MIKRE AIMRO | ምክረ-አዕምሮ™

09 Nov, 15:04

🔴

አሁኑኑ መቀየር ያለባችሁ መጥፎ ልማድ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/iz47ol4vdGc?si=WaQ4gj6iVEUCrIN8

2,998

MIKRE AIMRO | ምክረ-አዕምሮ™

09 Nov, 08:56

💥

ዛሬ ምሽት 12:00 ሰዓት

❗️ብዙዎችን ለጭንቀትና ለውድቀት የዳረገ ችግር!
🔴PERFECTION እና ጣጣው!
⚠️ቶሎ ማቆም አለባችሁ!

አሁን SUBSCRIBE 🛎 አድርጋችሁ ጠብቁኝ!
👇👇
https://www.youtube.com/channel/UCSdpYXLmn4YzEzA3y_Qn64A?sub_confirmation=1

3,130

MIKRE AIMRO | ምክረ-አዕምሮ™

09 Nov, 04:18

💥 የአንድ ሰው ህይወት የተግባሩ ጥገኛ ነው። ሀሳብና ፍላጎት ብቻውን ለውጥ አያመጣም፤ ምኞትና ወሬ ብቻ የትም አያደርስም። ከባዱን የተግባር መንገድ መከተል የግድ ነው።

እንዴት የተግባር ሰው መሆን እችላለሁ ካላችሁ ይህ ስልጠና በቂ ግንዛቤንና አቅጣጫዎችን ያስጨብጣችኋል።
➡️ግብን መቅረፅ
➡️በትንሹ መጀመር
➡️ጅማሬውን በዲሲፕሊን ማስቀጠልና
➡️ውጤታማ ልማዶችን መገንባት
ዋንኞቹ የስልጠናው አካላት ናቸው።

❗️ፈጥነው ይመዝገቡ!

✍️

ለመመዝገብ በዚህ አድራሻ መልዕክት ያስቀምጡ
@epha_aschalew or
0960411282

ምክረ-አዕምሮ ለተሻለ ነገ!

🦋

3,055

MIKRE AIMRO | ምክረ-አዕምሮ™

08 Nov, 18:20

ከአድናቆትህ ተጠቀም!

➡️

🗣️

ሰዎች በመሆናችን የሚመቸን፣ የምንወደው፣ የምናደንቀው ሰው ይኖራል። ከእርሱ ብዙ እንማራለን፣ እናውቃለን፣ እንደርሱ ለመሆንም እንጥራለን። ነገር ግን አኛ ስለወደድነውና አድናቂው ስለሆንን ብቻ ጥፋቱ ትክክል፣ ስህተቱ ተገቢ፣ ውድቀቱም ጥፋት ሊሆን አይገባም። የምታደንቀው ሰውን እንደሆነ እንዳትዘነጋ። ድጋፍህ ሃይልና ብርታት ሊሆነው ይችላል አንተም ከእርሱ ተግባር መጠቀም ካልቻልክ ግን የዘወትር አድናቂነትህ ይቀጥላል። አንተ ስለምትወደው ብቻ የማይሳሳት፣ አንተ ስለምትጠላው ብቻ ትክክል የማያደርግ ሰው የለም። አድናቂው ያደረገህ የግል ፍላጎትህና የእይታ አቅጣጫህ ነው። ማንንም የመደገፍ ምርጫ ቢኖርህም የምትደግፈውን ሰው እያንዳዱን ተግባር ግን የመቀበል ግዴታ የለብህም። ትወደዋለህ ማለት በአጥፊ ሃሳቦቹ ትስማማለህ ማለት አይደለም፤ አይመችህም ማለት መልካም ሃሳቦቹን አትቀበልም ማለት አይደለም። የሚጠቅምህን መውሰድ ላይ ብልህ ሁን፤ ከማንነቱ በላይ ተግባራቱ ላይ አተኩር።

አዎ! ጀግናዬ..! ከአድናቆትህ ተጠቀም! በልክም አድርገው። ስህተት የማይሰራ የለም፤ የማይታረምም እንዲሁ። ተሳስቷል ብለህ ለተቺት አትጣደፍ፤ ታርሟል ብለህም ለማሞካሸት አትቸኩል። ትልቁን ቁብ ነገር አስታውስ፤ የአድናቂና የተደናቂነትን ልዩነት በመሃላችሁ የፈጠረው ነገር የተፈጥሯችሁ ጉዳይ ሳይሆን የድፍረትና የበራስ መተማመናችሁ ጉዳይ ነው። በእራሱ ስለተማመነ፣ ጠንክሮ ስለሰራ፣ ዘወትር በእድገት ውስጥ ስለሚያልፍ፣ በየጊዜው ክህሎቱን ስለሚያዳብር፣ ለአፍታም በጭብጨባ ስለማይዘናጋ፣ በተቃውሞ ስለማይደናገጥ ያለበት ብታ ላይ ቆየ፣ አንተን የመሰሉ ብዙ የልብ ወዳጆችና አድናቂዎችን አፈራ። አንተስ እንደርሱ መሆን የማትችል ይመስልሃልን? በፍፁም! በእርግጥም መሆን ትችላለህ። እዚም እዛም ከማለት በላይ የሚማርክህንና አርዓያ የሚሆንህን አንድ የምትመኘው ሰፍራ ቀድሞህ የደረሰን ሰው በጥሞና ተከታተል፤ ከአድናቂነት ባሻገር ለመማር ተጠጋው፤ እያንዳንዱን እንቅስቃሴውን ከልብህ መርምር።

አዎ! ከአድናቂነትህ አትርፍበት፣ ከደጋፊነትህ ተጠቀም። በውዳሴ ከንቱና ስለሰው ዝና በማጨብጨብ ብቻ ህይወትህ እንዲቀየር አትጠብቅ። እንድትከተለው ያደረገህ በቂ ምክንያት ካለህ ከእርሱ የምትማረው ነገርም እንደሚኖር እሙን ነው። ለመማር የፈጠነ፣ አድናቆቱን ትርጉም የሚሰጠው፣ ብዙ ተከታይ ስላለው ብቻ ለመከተል የማይሽቀዳደም ሰው በእርግጥም የሚፈልገውን የሚያውቅ ሰው ነው። ህይወትህን በሙሉ ስለ አንድ ሰው ብርታትና ጥንካሬ፣ ስለ ጀብዱ እያወራህ ከምታሳልፍ የተጠቀምከውና በህይወትህ ላይ የፈጠረውን ተፅዕኖ ማስተጋባት ብትችል የተሻለ ነው። ለጊዜው ተከታይ ነህ፣ ከጊዜዎች ቦሃላ ግን ተከታዮች ይኖሩሃል። ለአሁን አድናቂ ብቻ ነህ፣ በቅርቡ ግን አድናቂዎች ይኖሩሃል። በየትኛውም ዘርፍ አድናቂና ደጋፊ ማግኘት ላይከብድህ ይችላል ነገር ግን በምታምንበትና በሚያስደስትህ ዘርፍ ላይ የምታፈራቸው እውተኛ ተከታዮችህ ይሆናሉ። ከምታደንቀው ሰው ተማር፣ ፈጠራህን አክልበት፣ በእራስህ መንገድ እርራስህን ለመሆን ጣር፤ አለም ካንተ ብቻ የምትጠብቀው አንድ ውድ አበርክቶት እንዳለ እመን።
ውብ ምሽት ይሁንልን! 🌘🌒✨💫
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,164

MIKRE AIMRO | ምክረ-አዕምሮ™

08 Nov, 17:10

🔴

በዝምታ ስሩ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/VO5MWwsS3a8?si=Uh9i6OHCGrt0YVzD

3,183

MIKRE AIMRO | ምክረ-አዕምሮ™

08 Nov, 05:30

ከዛሬ ቦሃላ!

➡️

🗣️

ሁሉም ነገር ይቀየራል፤ እይታዎችህ ይቀየራሉ፤ አመለካከትህ፣ እሳቤህ ይቀየራል፤ ስራህ ይቀየራል። ምክንያቱም በእራስህ የፀና እምነት ስላለህና ለውጥ የሚጀምረው እራስን ከመመልከት፣ እራስን ከማሻሻል፣ እራስን ከመለወጥ፣ እራስን ከማንሳት፣ እራስ ላይ በመስራት ስለሆነ። ማወቅ የሚገባህን ማወቅ ይኖርብሃል፤ መማር ያለብህን መማር ይጠበቅብሃል፤ መጀመር ያለብህን መጀመር ይኖርብሃል። ከሁሉም በላይ፣ ከየትኛውም ጊዜ በተሻለ መጠንከር፣ መበርታት ይኖርብሃል። አይኖችህን ትገልጣቸዋለህ፤ እውቀትህን ወደ መሬት ታወርደዋለህ፤ እራስህን ወደ መሆን ትጠጋለህ። ሃሳበህን ወደ መተግበር፣ ህልመህን ወደ መኖር፣ እራስህን ወደ ማብቃት ትሸጋገራለህ።

አዎ! ጀግናዬ..! ከዛሬ ቦሃላ! ነገሮች ያበቃሉ፤ ሸክሞችህ ይወርዳሉ፤ ጭንቀትህ ይራገፋል፤ ብሶትህ ይርቃል። ከዛሬ ቦሃላ ነገን ታያለህ፤ ነገ ማለት ትናንት ቃል የገባህለት፣ ትናነት ያቀድክለት፣ ትናንት ያሰብክበት ቀን ነው። ዛሬ ላይ ነገን ስታልም ከርመሃል፤ የቀናቱን ለውጥ በጉጉት ጠብቀሃል፤ የጊዜውን መቀየር፣ የሰዓታትን መክነፍ ከልብህ ተመኝተሃል። ነገር ግን ሁሉም ነገር በጊዜ ውስጥ ቢመስልህም ዋናው ጉዳይ ግን ባንተ እምነትና ተግባር የሚገለፅ ነው። ቀናት ስለተየሩ የምትቀየር ከመሰለህ ዛሬን የመጨረሻ ቀንህ አድርገው። የስብራትህ መጨረሻ፣ የጭንቀትህ መጨረሻ፣ የብሶትህ መደምደሚያ። የትናነት ውሳኔዎችህን አስታውስ፣ የትናነት ህመምህን ከግምት አስገባ፤ በቃኝ ያልክበትን ጊዜ ወደኋላ ተመልከት።

አዎ! ህይወትህን እንዴት እየኖርክ ነው? በምን ደረጃ ላይ ትገኛለህ? ስለ እራስህ ምን ታስባለህ? የሚገባህ ምንደነው? የምትሰራው ምንደነው? ከሁሉም በላይ አምነህ የተቀበልከው ትልቁ ህልምህ ምንድነው? በጥቃቅን ሽልማቶችን ትልቁን ህልምህን እንዳትረሳ፤ ዛሬ በሚሰጥህ ጊዜያዊ ማደንዘዣ ደሞዝ መኖር ከምትችለው ህልም እንዳትሰናከል፤ ታይቶ ከሚጠፋው፣ አጓጉቶ ከሚወርደው ጊዜያዊ ስጦታ ለመጠበቅ ምን እያደረክ ነው? ምላሾችህ ሁሉ ዋጋ የሌላቸው፣ ለውጥ የማያመጡ፣ መንገድ የማይጠቁሙህ እንዳይመስሉህ። ጥያቄህ ውስጥ ሁሉም ነገር እንዳለ አስታውስ፤ ምላሾችህም የህይወትህ ቁልፍ እንደሆኑ እወቅ። ከዛሬ ቦሃል የምትልበት የተሻለ ጊዜ የለህምና ከዛሬ ቦሃላ ሁሉም እንዲያበቃ የማድረግ ድፍረትን ተላበስ፤ ለእራስህ በቃኝ ያልከበትን የመጨረሻ ውሳኔ አክብረህ ተገኝ።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,655

MIKRE AIMRO | ምክረ-አዕምሮ™

07 Nov, 18:02

በዝቅታህ ታድጋለህ!

➡️

🗣️

ብዙ ብታውቅም እውቀትህ አያመፃድቅህም፤ ዝነኛ ታዋቁ ብትሆንም ዝናህ አያኮራህም፤ ታዋቂነትህ አያስኮፍስህም። ብዙ ጀብድ ብትፈፅም፣ ብዙ ተዓምራትን ብታደርግ፣ በብዙ ውጣውረድ ውስጥ ብታልፍም፤ ፈተናዎችህን ብታልፍም፤ ታግለህ ብታሸንፍም ትህትናህን አላጣህም፤ ከሰውነትህ አልወረድክም፤ ማንነትህን አላጣህም። ምንም እንኳን ታዋቂ ያደረገህ ተግባርህና ጥንካሬህ ቢሆንም እውቅናህ ግን በሰዎች ዘንድ ነውና ሰዎችን ማገልገል አታቆምም፣ ማህበረሰብህን መጥቀም አትተውም። ጀርባህን ስላልረሳህ፣ መንገድህን ስላልካድክ ታማኝነት በውስጥህ ይታያል፤ ታታሪነትህ ይቀጥላል፤ ተወዳጅነትህም እየጨመረ ይሔዳል።

አዎ! ጀግናዬ..! በዝቅታህ ታድጋለህ! አንገትህን ብታቀረቅር ስለማትችል አይደለም፤ ታች ወርደህ ብታገለግል ደረጃህ ታች ሆኖ አይደለም፤ የመጣልህን እድል ለሌሎች አሳልፈህ ብትሰጥ፣ ወንድምህን ብታስቀድም፣ ያለህን ብታካፍል፣ ለሰዎች መኖር ብትጀምር ለእራስህ ባዳ ልትባል አትችልም። ቅንነትን ገንዘቡ ያደረገ፣ በትህትና የተመላለሰ፣ ወንድም እህቱን ያስቀደመ መልካም ሰው በጎ ተግባሩ ብቻ ያሳልፍለታል፤ ሰላም ይሰጠዋል፤ በሃሴት ይሞላዋል፤ በመንፈስ ያበረታዋል፤ አቅሙን ያንፀዋል። ዝቅ ብለህ ስታገለግል፣ በትህትና የሚገባህን የተሻለ ለሚጠቅመው ሰው ስትሰጥ ክብርን በውዴታ ታገኛለህ፤ ፍቅርን በፍላጎት ትቸራለህ፤ በሰዎች ልብ ውስጥ በደማቁ ትፃፋለህ።

አዎ! ትህትናህ ብዙ ሊያሳጣህ ይችላል፤ ዝቅ ብለህ በነፃ ማገልገለህ ብዙ ሊያስብልህ ይችላል፣ ያለህን ማካፈልህ፣ እድልህን አሳልፈህ መስጠትህ፣ ለተቸገሩ ወገኖችህ መድረስህ፣ እነርሱን ማስቀደምህ በአሉታዊ ጎኑ ጫና ውስጥ ሊከትህ፣ እንደ አስመሳይነትህም ሊያስመለክትህ ይችላል። ነገር ግን እራስህን ዝቅ ማድረግህ ማንነትህን አያሳጣህም፤ አንተነትህን አያጠፋውም፤ ችሎታህን አያደበዝዘውም። ማድረግ የምትፈልገውን በማድረግ፣ ማድረግ የምትችለውን አድርጎ በመገኘት ብርቱውን አንተነትህን ትገነባለህ፤ ጠንካራውን ማንነትህን ታጎለብታለህ።

አዎ! ማደግ ከፈለክ በሚገባህ ልክ ማገልገል ይኖርብሃል፤ ደረጃህን ማሻሻል ከተመኘህ ዝቅ ብለህ አስፈላጊ ነገሮችን መመርመር፣ በቻልከው መጠን የእራስህን አስተዋፅዎ ማበርከት፣ ወደሚያስተምርህና ልምድ ወደሚሰጥህ ተግባር መጠጋት ይኖርብሃል። አምነህበት እስካደረከው ድረስ ዝቅ በማለቴ አመለጠኝ የምትለው በረከት አይኖርም፤ በትህትናዬ ምክንያት ተሸሸገብኝ የምትለው ስጦታም አይኖርም። የውስጥ እርካታህን፣ ንፁ ደስታህንና የተጣራውን እድገትህን ታረጋግጣለህና መቼም በአትራፊው ዝቅታህና በልባዊ ትህትናህ አንዳታዝን፤ በፍፁም እንዳትቆጭ።
ውብ ምሽት ይሁንልን! 🌘🌒💫✨
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,404

MIKRE AIMRO | ምክረ-አዕምሮ™

07 Nov, 05:05

ሁሉንም አታስደንቁም!

➡️

🗣️

ዓለምን ብትገዙ፣ ብዙ ድንቅ ነገርን ብታደርጉ፣ የስኬት ማማ ላይ ብትቀመጡ፣ በብዙ መንገድ ራሳችሁን ብትቀይሩ ምንም የማይደነቁባችሁና የማይኮሩባችሁ ሰዎች ይኖራሉ። ምናልባትም እነዚህ ሰዎች የሚደነቁት ምንም ውጤት ሳይኖር ጠንቅራችሁ ስትሰሩ ይሆናል፣ ይበልጥ የሚገረሙት ተስፋ ትቆርጣላችሁ ብለው በሚያስቡበት ወቅት ጥረታችሁን በመቀጠላችሁ ይሆናል። የለውጥ ሂደታችሁን በሚገባ ይመለከታሉ፣ አካሔዳችሁን ይከታተላሉ፣ ጥረታችሁን እግር በእግር ያስተውላሉ ነገር ግን እንዴት እንደምትሰሩ፣ በምን መንገድ ወደፊት እንደምትጓዙ አያውቁም። ትወድቃላችሁ ብለው ሲጠብቁ እናንተ ፍጥነታችሁን ጨምራችኋል፣ ይሳሳታሉ ብለው ሲጠብቁ እናንተ ይበልጥ ተምራችሁና ተሻሽላችሁ ወደፊት እየተጓዛችሁ ነው። እናንተ ላይ እንከን በመፈለግ ተጠምደዋል ነገር ግን ይሔን ያህል ትልቅ እንከን አያገኙም። በዚህ ሰዓት በጣም ይደነቃሉ፣ የእነርሱ ምቀኝነትና ክፉ ሀሳብ እንደማያስቆማችሁ ሲረዱ ይበልጥ ይገረማሉ። ከጉዟችሁ ሊያስተጓጉሏችሁ ቢሞክሩም ግን አልቻሉም፤ ጭብጨባቸውን በመንፈግ ስሜታችሁን መጉዳት ቢፈልጉም አይችሉም።

አዎ! ሁሉንም አታስደንቁም! ሁሉም ሰው በእናንተ ለውጥና እድገት አይገረምም፣ ሁሉም ሰውም ለጥረታችሁ እውቅና ለመስጠት አይመጣም። "እኔ ህይወቴ እንዲቀየር፣ ስኬታማና ደስተኛ እንድሆን ሰዎች ሊያምኑብኝ ይገባል፣ እነርሱም የግድ ሊደግፉኝ ይገባል።" ብላችሁ የምታስቡ ከሆነ አትሳሳቱ። ምንም ለማድረግ ከሰው አመኔታ ይልቅ የሚያስፈልጋችሁ የራሳችሁ በራስመተማመን ነው፤ ከሰው ድጋፍና ጭብጨባ በላይ የራሳችሁ ተነሳሽነትና ወኔ ነው። ስኬትና ጥንካሬ ለሰዎች እንደምትችሉ ማሳየት ሳይሆን ለራሳችሁ እንደምትችሉና አቅሙ እንዳላችሁ በተግባር ማስመስከር ነው። አንዳንዴ ብዙ ታዛቢና ደጋፊ ያላችሁ ቢመስላችሁም መጀመሪያ ግን የሚታዘባችሁ የገዛ ማንነታችሁ ነው። ራሱን ያላኮራ በምንም መንገድ ሰዎችን ሊያኮራ አይችልም፣ ራሱን ያላስደነቀ ሰው እንዴትም ሰዎችን ሊያስደንቅ አይችልም። "ከአሁን ከአሁን ሰዎችን አስደንቃለሁ፣ ከአሁን ከአሁን ሰዎችን አስደስታለሁ" ብላችሁ የምታስቡ ከሆነ አትሸወዱ። መጀመሪያ ራሳችሁን አስደስቱ፣ በቅድሚያ በራሳችሁ አቅም ተማመኑ።

አዎ! ጀግናዬ..! ከማንም ምንም ያለመጠበቅን ጥበብ ተማር፤ ከፈጣሪ እገዛ ውጪ የማንም ድጋፍ እንደማያስፈልግህ እመን። ውስጥህ ያለው ፅኑ ፍላጎት ትልቁ ብርታትህ ነው፣ ሰዎች የሚጥሉብህ እያንዳንዱ ትቺት ትልቅ ሃይልህ ነው። አንተ ራስህ ውስጥ የማታየውን ሰው ሰዎች በፍፁም አንተ ውስጥ ሊመለከቱት አይችሉም። ስላንተ የሚሉህን ሁሉ አትመን፣ ስለአቅምህ የሚነግሩህን በሙሉ አትቀበል። ራስህን ባወቅከው ልክ ራስህን ወደፊት ትገፋለህ፣ በራስህ በተማመንክ መጠን ጥረትህን ትጨምራለህ። በፍፁም ራስህን ዝቅ አድርገህ አትመልከት፣ በፍፁም አቅምህን አታሳንስ። ብዙ ፈታኝ ሁነቶች ይመጣሉ ይሔዳሉ፣ ብዙ አስቸጋሪ ጊዜያት ይመጣሉ ይሔዳሉ አንተ ግን በፈጣሪ ቸርነት እስካሁን አለህ። ሰው ከሚደነቅብህ በላይ በራስህ የምትደነቅበት ጊዜ ያስፈልግሃል፣ ሰው ከሚኮራብህ በላይ በራስህ የምትኮራበት ሰዓት ያስፈልግሃል። ሰውን ለማስደመም አትጣር ይልቅ ራስህን አስደምም፣ ሰው ፊት በግርማሞገስ ለመመላለስ አትድከም ይልቅ የራስህን ግርማሞገስ ራስህ አጣጥም።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

4,087

MIKRE AIMRO | ምክረ-አዕምሮ™

06 Nov, 18:16

💥

እያንዳንዱ ምዕራፍ እራሱን የቻለ ተግባራዊ መልመጃዎችና ራስን መገምገሚያ ተግባራት ይኖሩታል።

❗️

ፈጥነው ይመዝገቡ!

✍️

ለመመዝገብ በዚህ አድራሻ መልዕክት ያስቀምጡ
@epha_aschalew or
0960411282

ምክረ-አዕምሮ ለተሻለ ነገ!

🦋

3,024

MIKRE AIMRO | ምክረ-አዕምሮ™

06 Nov, 17:21

🔴

ከሚጎዳቹ ሰው ራቁ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/IIgsQoUbglg?si=ottluV_CHw6yP16f

2,912

MIKRE AIMRO | ምክረ-አዕምሮ™

06 Nov, 13:40

ጊዜህን በርካሽ ዋጋ አትሽጥ ወዳጄ !!

"ሴኔካ አካላዊ ንብረቶቻችንን መጠበቅ ላይ ጥሩ የሆንነውን ያህል፣ አእምሯዊ ድንበሮቻችን ማስመር ላይ ግን ግድ የለሽ መሆናችንን . ያስታውሰናል። ማንም እንዳሻው ድንበራችንን አልፎ ሲገባ አንቃወመውም: ንብረት ተመልሶ ሊገኝ ይችላል፤ እንዲያውም ገና ብዙ የምድር ሃብቶች በሰው አልተነኩም። ጊዜ ግን? ጊዜ ፈጽሞ ሊተካ የማይችል ሀብታችን ነው፤ ተጨማሪ መግዛት አንችልም፡፡ ማድረግ የምንችለው በተቻለ መጠን ለመቆጣጠር ጥረት ማድረግ ብቻ ነው፡፡"

"በሕይወታችን ውስጥ ሌሎች ጣልቃ እንዲገቡ በቀላሉ እንፈቅዳለን፤ የከፋው ነገር ደግሞ በአብዛኛው ጊዜያችንን ሊያጠፉት ለሚችሉት ሰዎች መንገድ የምናመቻች መሆናችን ነው። ማንም ሰው ለአላፊ አግዳሚው ገንዘቡን አይሰጥም፤ ግን እያንዳንዳችን ለምን ያህል ሰዎች ሕይወታችንን ሰጥተናል!ለንብረትና ለገንዘብ እጃችን አይፈታም፣ ሁላችንም እጅግ ስስታሞች መሆን ለሚገባን ለሚባክን ጊዜ ግን የምናስበው እጅግ ትንሽ ነው።”
- ሴኔካ

"የሕይወታችንን ቀናት ልክ እንደ ገንዘባችን አንመለከተም? በትክክል ለምን ያህል ቀናት በሕይወት እንደምንቆይ ስለማናውቅ፣ አንድ ቀን የምንሞት የመሆኑን ሀቅ በቻልነው ሁሉ ላለማሰብ ስለምንሞክር፣ ጊዜያችንን በነጻነት ለማባከን ፍቃድ የተሰጠን ይመስለናል። እዚህ ላይ እኔ በምትኩ የማገኘው ምንድነው?” ብለን እምብዛም ሳንጠይቅ በዚያችው ባለችን ጊዜ ላይ ሰዎችና ክስተቶች ጊዜያችንን እንዲሰርቁን እንፈቅድላቸዋለን፡፡"

"እንዴት እንደምትጠቀምበት ካወቅክ፣
ሕይወት ረጅም ነው ነገሩ፣ ለመኖር ያለን ጊዜ አጭር ስለመሆኑ ሳይሆን ብዙውን ያባከንነው ስለመሆናችን ነው። በደንብ ከተጠቀምንበት ሕይወት በበቂ ሁኔታ ረጅም ነው ብዙ ታላላቅ ነገሮችን ለመስራት በበቂ ሁኔታ ተለክቶ የተሰጠ ነው። በድሎትና ችላ በማለት ውስጥ ካባከንነው፣ መልካም ፍጻሜ ለማግኘት ካልሰራን፣ በመጨረሻ ማለፉን እንኳን ከመረዳታትን በፊት አልፎ እናገኘዋለን። ስለዚህ የተቀበልነው ሕይወት አጭር አይደለም፤ አጭር ያደረግነው እኛ
ነን።”
-ሴኔካ

ስለዚህ ዛሬ ራስህን ስትጣደፍ ወይም “በቂ ጊዜ የለኝም፡፡” የሚሉትን ቃላት ስትናገር ብትሰማው፣ ቆም በልና ጥቂት ሰከንዶች ውሰድ፡፡ ይህ እውነት ነው? ወይስ ብዙ አላስፈላጊ ነገሮች በመስራት ተጠምደህ ነው? በእርግጥ ውጤታማ ነህ፣ ወይስ በሕይወትህ ውስጥ ብዙ የባከነ ነገር እንዳለ ትገምታለህ? በህይወታችን አብዛኛውን ጊዜ የምናባክነው በማይጠቅሙን ሀሳቦች እና በማይረቡ ነገሮች ላይ ነው። እያንዳንዱን ደቂቃ የምንጠቀም ቢሆን ምን ያህል ጊዜ ሊተርፈን እንደሚችል አስቡ!!

"እንዲህም እላለሁ እንዲት ቀንም ቢሆን አልሰጥም - ማንም ቢሆን አንድ ቀኔን ሊመልስልኝ አይችልምና!!

እንዲህም እላለሁ እያንዳንዷ ሰከንድ የእኔ ናት በባለቤትነት እና በስልጣን አስተዳድራታለሁ:: አልፋኝ የምትሄድ ሽርፍራፉ ሰከንድ አትኖርም!!"

ምክረ-አዕምሮ ለተሻለ ነገ! 🦋

#SHARE እንዳይረሳ ቤተሰቦች! 🙏😍
በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/@mikre_aimro2
ምክረ-አዕምሮ/ @mikre_aimro 😊 💪

3,284

MIKRE AIMRO | ምክረ-አዕምሮ™

06 Nov, 05:59

አይንህን ጣልባቸው!

➡️

🗣️

በሮች ሲዘጉ መስኮቶች ይከፈታሉ፤ ጨለማ ሲውጥህ ትንሽዬ የብረሃን ጭላንጭል ትታይሃለች፤ በእራስህ ስታዝን የሆነ የሚያጓጓህ ነገር ይከሰታል፤ ተስፋ ስታጣ አምላክህ አብሮህ መሆኑን ስታስብ ተስፋ ማድረግ ትጀምራለህ። ህይወት እንዲህ ነች፤ ፅናትህን ትፈልጋለች እንጂ እድሎችን ዘግታ አትዘጋም፤ እምነትህን ትሻለች እንጂ እስከ ወዲያኛው ተስፋ የምታስቆርጥ አይደለችም፤ ብርታትህ ያስፈልጋታል እንጂ እንዲሁ እንደ ቀላል ቆላልፋ አታስቀርህም። ብዙ በሮች ይዘጉብህ፣ አንተ ግን ወደ ተከፈቱት መስኮቶቾ ማማተርህን ቀጥል፤ ጨለማ ይክበብህ፣ አንተ ግን ወደ ትንሿ የብረሃን ጭላንጭል ተጠጋ፤ ተስፋ ማጣት ይፈታተንህ፣ አንተ ግን የመኖርህ ምክንያት፣ የተስፋህ ሚስጥር ወደ ሆነው አምላክህ ቅረብ፤ ተነሳሽነት ይጉደልህ፣ ድካም ይሰማህ አንተ ግን ጠንክረው የሚያጠነክሩህ፣ በርትተው የሚያበረቱህ ላይ አተኩር።

አዎ! ጀግናዬ..! ጨለማውን ለመግፈፍ፣ ህይወትን በተስፋ ለመሙላት፣ የተሻለውን ክስተት ለመፍጠር ተስፋን ወደሚሰንቁት፣ ብረሃን ወደሚያስገቡት የተከፈቱ መስኮቶች አይንህን ጣልባቸው፤ ተስፋ ወደሚሰጥህ አምላክ ተጠጋ፣ የሚያዋጣህን አቅጣጫ ያዝ። ህይወት ላከበዳት ከባድ፣ ላወሳሰባት ውስብስብ፣ ለደከመላት አድካሚ፣ ተስፋ ለቆረጠባት ተስፋ አስቆራጭ ነች። በተቃራኒውም ለተማመነባት ታማኝ፣ ለተደሰተባት አስደሳች፣ ላመሰገነባት አትራፊ፣ ላቀለላት ቀላል፣ ለሚኖራትም በፍቅር የምትኖር ነች። በትግል እደሰታለሁ፣ በውጪው ጫጫታ እረካለሁ፣ በከባቢው እረካለሁ ካልክ መቼም እንደማይሆንልህ አስታውስ። ከውስጥህ የሚወጣ እንጂ ከውጭ የሚመጣ ነገር አያሳርፍህም፤ የሆንከው እንጂ ያስመሰልከው ረፍት አይሰጥህም፤ ለእራስህ የተሰጠው እንጂ የቀማሀው አያስደስትህም።

አዎ! ማንንም ሳትጠብቅ ወደ ውስጥህ መመልከት ከጀመርክ ዙሪያህ በሙሉ ይቀየራል። ሁን ብለህ የምታጠፋው ጥፋት፣ አስበህበት የምትጋፈጠው ውድቀት፣ ፈልገህ የምታጣው ተስፋ የለም። ከእያንዳንዱ ድርጊቶች ጀርባ አስገዳጅና ከባድ ምክንያቶች ይኖሩሃል። ነገር ግን እስካልፈቀድክለት ድረስ የትኛውም ከባድ ነገር መኖርህን ሊያስጠላህ፣ ህይወትህን ሊያጨልም፣ ተስፋህንም ሊያሳጣህ አይችልም። ምንም ውስጥ ብትሆን በህይወት በመኖርህ የምትኮራበት፣ በመተንፈስህ የምታመሰግንበት ጊዜ አታጣም። የመጀመሪያው ሽንፈትህ እስከወዲያኛው ሽንፈትን እያፈራረቀ፣ ውድቀትን እያስከተለ፣ ሃፍረትን እያከናነበ አይቀጥልም።

አዎ! ሽንፈትህን ብቻ ከቆጠርክ ብዙ ተሸንፈሃል፤ ወደፊት እየተሸነፍክ ትቀጥላለህ። አሸናፊነትህን ከቆዘርክ፣ ድልህ ላይ ካተኮርክ፣ የተሻገርካቸውን መሰናክሎች፣ ያለፍካቸውን ፈተናዎች ካስታወስክ የአሁኑን ጨምሮ መጪዎቹን ፈተናዎችና መከራዎች እየተሻገርክ፣ እያሸነፍክ ትቀጥላለህ። ምንም ለማሰብ፣ ምንም ላይ ለማተኮር፣ ምንም ለማድረግ ማንም እጅህን በካቴና አስሮ የሚያስገድድህ አካል የለም። እራስህን የምታስረው፣ ማንነትህን የምታሳንሰው፣ አቅምህን የምትገድበው፣ ሰውንተህን የምትቀብረው አንተ እራስህ ነህ። ትኩረትህን በመቀየር ህይወትህን ቀይር፤ እይታህን በማሻሻል የህይወት አረዳዳህን አሳድግ፤ ክብርህን እያሰብክ፣ ከፍታህን እያስተዋልክ በልኩ ተንቀሳቀስ።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,275

MIKRE AIMRO | ምክረ-አዕምሮ™

05 Nov, 18:26

ለእራስህ ምን ሰጠህ?

⌨

🎤

ኬት መጣህ? የት ትገኛለህ? ወዴት እየሔድክ ነው? በእነዚህ መንገዶች ሁሉ ምንም ስህተት የለም። ስህተቱ ጉዞህን በተመለከተ ለእራስህ የሰጠሀው ቦታ ነው። ኬትም ተነስ፣ የትም ተገኝ፣ ወዴትም ተጓዝ ዋናው ነገር እርሱ አይደለም። ዋናው እራስህን ምን ያክል ትቀበላለህ፣ እስከምን በእራስህ ትተማመናለህ፣ በየትኛው ማንነትህ ትኮራለህ፣ በየትኛው ስብዕናህ ይበልጥ ትደሰታለህ፣ ህይወትህን በሙላት የምትኖረው መቼ ነው? የሚለው ነው። ህይወት እስካለ ጉዞ አለ፤ አቅጣጫውም አንተ የመረጥከው ይሆናል። ወደ ፊት ወይም ወደ ኋላ፣ ወደ ቀኝ ወይም ወደ ግራ። ትልቅ ትርጉም ያለውም ሁሌም እንቅስቃሴ ላይ መሆንህ ነው። ወደፊት ለመጓዝህ፣ የተሻለውን ለመምረጥህ፣ እራስህን ለማግኘትህ፣ እራስህን ለማብቃትህ ግን ማረጋገጫ ያስፈልግሃል። ችላለው ካልክ መቻልህ ይታይ፤ አደርገዋለሁ ካልክ ማድረግህ ይገለጥ፣ አሳካዋለሁ ካልክ ማሳካትህ ስሜቱ ይሰማህ። ህይወት ክብደቷን እንድትቀንስ፣ ውስብስብነቷን እንድታጣ፣ አተልጋ በአልጋ እንድትሆን አትመኝ። በቀላል መንገድ ተጉዞ ቀላል ህይወት የሚኖር ሰው የለምና።

አዎ! ጀግናዬ..! ለእራስህ ምን ሰጠህ? ስለ እራስህ ምን ይሰማሃል? እየሔድክ የቆምክ ይመስልሃልን? እየለፋህ ያቆምክ ያክል ይሰማሃልን? ጥረትህ ትርጉም አልባ፣ ድካምህም ድካም ብቻ እንደሆነ ይሰማሃልን? መዳረሻህ ካነሰ ለጉዞህ ስሜት ማጣትህ አይቀርም፤ በትንሽ ግብ ጥረትህ ይገደባል፤ ባነሰ ራዕይ አቅምህ ይገታል፤ በወረደ ህልም ማንነትህ ያንሳል። ትግል አድርገህ የምትሰራው ነገር ሁሌም ትግልነቱ ይቀጥላል፤ ሳይዋሃድህ የምታደርገው ነገር ዘወትር ችግርና ክፍተቱ ብቻ ይታይሃል፤ ያንተ ያልሆነ ነገርም መዘዝ ብቻ ይዞብህ ይመጣል። ለእራስህ ለማድረግ ስትታገል፣ እንዲዋሃድህ ስትጥር ያንተ የሆነውንና እስከዛ ሰዓት ያልሞከርከውን ነገር ትበድለዋለህ። ዋናው ጉዳይ ላንተ የሚሰጥህ ስሜት ሆኖ ትኩረትህ ውጤት ከሆነ ቆም ብለህ ማሰብ ይጠበቅብሃል። እየሔድክ ቢሆንም የመሄድ ስሜት ሊሰማህ ይገባል፤ እየሰራህ ከሆነም የስራውንና ተከትሎት የሚመጣውን የድካም ጠዓም ማጣጣም ይኖርብሃል። እያንዳንዱ እርምጃ ውስጥ መኖርህን የሚያስታውስ፣ ትርጉም ያለው ነፍስ አለ።

አዎ! በየቀኑ መንገድ ላይ ስለወጣህ፣ በሩጫ ስለተጠመድክ፣ መጓዝህ ስላላቆምክ ብቻ ከመዳረሻህ አትደርስም። የጉዞህ ስሜት፣ የሩጫህ ድካም ትጉም ያለው መሆኑን ከውስጥ ሊሰማህ ይገባል። ብትሰራው ባትሰራው፣ ብትሞክረው ባትሞክረው በስሜትህ ላይ ለውጥ የሌለው፣ እርካታን የማይሰጥህ፣ ህይወትህን ነፍስ የማይዘራበት፣ ነፃነትን የማያድልህ፣ ከገንዘብ ውጪ ትርፍ የሌለው ነገር ውስጥ እራስህን ካገኘህ የህይወት ውስብስብ መረብ ውስጥ ተገኝተሃል ማለት ነው። ንቃትህ ለእራስህ ይጠቅምሃልና አመጣጥህን ትተህ፣ ችግሮችህን ረስተህ፣ ድክመቶችህን ወደኋላ ብለህ፣ ያለህበትን አጣብቂኝ ወደጎን ተትህ በዚች ቅፅበት ስላለህበት የህይወት ደረጃ ምን እንደሚሰማህ መርምር። ጥቂትም ቢሆን ለሰዎች ህይወት ምን እያበረከትክ ነው? ካንተ ብቻ የሚገኝ ምን ነገር አለ? የሚያምርብህ፣ የሚገልፅህ፣ የምትሆነው፣ ያንተ የሆነ ነገር ምንድነው? ህይወት ቅፅበት ናትና ሁሌም አሁንህ ውስጥ እንድትኖር፣ በአሁንህ እንድትደሰት የሚያደርግህ የህይወት ስንቅ ያስፈልግሃል። ለእራስህ የሰጠሀውን ግምት አስተካክል፤ ማንነትህን ስታስብ በእራሱ ደስታን የሚጭር፣ ፈገግታን የሚያድል፣ የሚያኮራህ አይነት ስሜት እንዲሰማህ አድርግ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,576

MIKRE AIMRO | ምክረ-አዕምሮ™

05 Nov, 17:22

🔴

ስትናቁ ፀጥ በሉ!

👍

LIKE ✍️ COMMENT SUBSCRIBE 📣 SHARE

🙏

https://youtu.be/FrS6O23O8oY?si=0wrdRFInFBdGJQJZ

3,157

MIKRE AIMRO | ምክረ-አዕምሮ™

05 Nov, 10:37

📣

መልካም ዜና 📣📣
"የስልጠና እድል"

✔️የተግባር ሰው መሆን
Being Practical

ማድረግ የምትፈልጉት ነገር ኖሮ እስከ ዛሬ ሳታደርጉት በይደር ያቆያችሁት ነገር ካለ፦
🗣️ አዲስ ልማድ መገንባት
🗣️ትምህርት መጀመር
🗣️የግል ቢዝነስ መጀመር
🗣️ስራ መቀየር
🗣️ለራስ ጊዜ መስጠት
🗣️ሀገር መቀየር
🗣️መጥፎ ልማድ (ሱስ) ማቆም
እና ሌሎችም ሀሳብ ኖሯችሁ እስካሁን ወደ ተግባር መግባት ከተቸገራችሁ ይሔ ስልጠና ተግባራዊ አቅጣጫዎችንና የተለየ ግንዛቤን በማስጨበጥ የተግባር ሰው ያደርጋችኋል።
እንዳያመልጣችሁ።

📣

ስልጠናው የሚሰጥበት ጊዜ

ከህዳር 18 ጀምሮ ባሉ አራት ተከታታይ ረቡዎች (ህዳር 18 (Nov 27)፣ ህዳር 25 (Dec 4)፣ ታህሣሥ 2 (Dec 11)፣ ታህሣሥ 9 (Dec 18) ከምሽቱ 3:00 - 4:30 በOnline በTelegram

📣

የስልጠናው አበይት ጉዳዮች

ርዕስ፡ “የተግባር ሰው መሆን”
          BEING PRACTICAL

የስልጠናው አካላት

ምዕራፍ አንድ - ለአንደኛ ሳምንት
➡️ ተግባራዊ ግብን ማውጣት መቻል
       Smart Goal Setting

ምዕራፍ ሁለት - ለሁለተኛ ሳምንት
➡️በትንሹ መጀመር
       Start Small

ምዕራፍ ሶስት - ለሶስተኛ ሳምንት
➡️ዲሲፕሊን የመገንባት መርሆች
     Discipline Principles

ምዕራፍ አራት - ለአራተኛ ሳምንት
➡️ውጤታማ ልማዶችን መገንባት
    Building Productive Habits

እያንዳንዱ ምዕራፍ እራሱን የቻለ ተግባራዊ መልመጃዎችና ራስን መገምገሚያ ተግባራት ይኖሩታል።

❗️

ፈጥነው ይመዝገቡ!

ክፍያ
ለአራቱም ቀናት በአጠቃላይ 300 ብር ብቻ
አሰልጣኝ
Life Coach,
Lecturer and Content Creator Ephrem Aschalew

✍️

ለመመዝገብ በዚህ አድራሻ መልዕክት ያስቀምጡ
@epha_aschalew

ምክረ-አዕምሮ ለተሻለ ነገ!

🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,405

MIKRE AIMRO | ምክረ-አዕምሮ™

05 Nov, 05:16

በማንም አልደገፍም!

⌨

🎤

ከራስ ጋር ንግግር ፦ "አንድን ነገር ስፈልግ ከልቤ ጠንክሬ እሰራለሁ፣ እርሱን ለማግኘት መተው ያለብኝን ሁሉ እተዋለሁ፣ እስከ ጥግ እጓዛለሁ፣ መጠየቅ ያለብኝ እጠይቃለሁ፣ መጋፈጥ ያለብኝን ነገር ፊት ለፊት እጋፈጣለሁ። ይሔን ሁሉ የማደርገው እውነተኛውን አቅሜን ስለማውቅ ነው፣ ጠንክሬ ብሰራ ምን ማግኘት እንደምችል ስለገባኝ ነው። ለዓመታት የዓለምን ግርግር ተመልክቼያለሁ፣ ለዘመናት ብዙ ነገር ከሰው ስጠብቅ ከርሜያለሁ፣ በጣም ለረጅም ጊዜ አንድ ቦታ ቆሞ ነገሮች በምኞቴ ብቻ እንዲስተካከሉ ስጠባበቅ ቆይቼያለሁ። ሰዎች እንዲወዱኝ ደፋ ቀና ያልኩበት ጊዜ ትዝ ይለኛል፣ ሰዎች እንዲረዱኝ የተጓዝኩት ረጅም ርቀት ትዝ ይለኛል፣ እራሴ ማድረግ የምችለውን ነገር ከሰው ስጠብቅ የነበረበት ጊዜ ትዝ ይለኛል፣ እኔ ለእራሴ ህልም የነበረኝን ተነሳሽነት ሰዎችም እንዲኖራቸው የተመኘውበት ጊዜ ይታወሰኛል። ነገር ግን እያንዳንዱ አስተሳሰቤ እያደር ብዙ ዋጋ አስከፍሎኛል፣ ቀድሞ የነበሩኝ አቋሞቼ ብዙ ርቀት ወደኋላ አስቀርተውኛል። ስቃይን ሸሸው ምቾትን መረጥኩ ነገር ግን በምቾት ውስጥ ስሰምጥ ይሰማኝ ጀመረ፣ ከፈጣሪና ከራሴ በላይ በሰው ስመካና ስደገፍ ራሴን እያጣውትና በራስመተማመኔን እየተነጠኩ እንደሆነ ይገባኝ ጀመረ።

አዎ! በማንም አልደገፍም፣ ከማንም ምንም አልጠብቅም፣ ማንም የወደፊት እጣፋንታዬን እንዲወስንልኝ አልፈቅድም። የእኔ ህይወት የእኔ ነው። በፈጣሪዬ እገዛ የት መድረስ እንደምችል አውቃለሁ፣ ራሴ ላይ ብጨክን ምን ማምጣት እንደምችል በሚገባ ተረድቼያለሁ። የዘመናት ወቀሳዬ ምንያህል እንሚያሳፍረኝ ማንም አያውቅም። በራሴ ጥፋት አንገቴን ስደፋ ነበር፣ ራሴን ለከፋ ውድቀት ሳመቻች ነበር። ነገር ግን እዛው የነበርኩበት ላይ አልቆምኩም። ቀና አልኩ፣ በችግሮቼ ነቃው፣ በውሱንነቴ ተንገበከብኩ፣ "እስከመቼ ከሰው እጠብቃለሁ" አልኩ፣ ረጅሙንና ፈታኙን የህይወት ጉዞ ተቀላቀልኩ። የተሻሉ ቀናት ከፊቴ እንዳሉ ስለማውቅ ለነዛ ቀናት ስል ዋጋ ከፈልኩ፣ ከራሴ በላይ ማንም እንደማይደርስልኝ ስለተረዳው ቀጥታ ወደ እርምጃ ገባው። ከእግዚአብሔር ጋር ህይወትን ድል አድርጌያለሁ፣ ከአምላኬ ጋር ፍፁም ከቀድሞ የተለየ ህይወትን መኖር ጀምሬያለሁ፣ የከፈልኩት ዋጋ በውጤት ተከቦ በእጄ ገብቷል።"

አዎ! ጀግናዬ..! ድጋፍን ፍለጋ ያባከንከውን ጊዜ አስብ፣ ነገሮች ሁሉ በቀላሉ እንዲሳኩልህ የጠበክበትን ወቅት አስብ። ቀላል ነገርን ፍለጋ ብትደክም ይባስ ከባዱንና ፈታኙን ነገር ታገኘዋለህ። የትም ብትሔድ ፈታኙን ነገር ማግኘትህ አይቀርም፤ ምንም ብታደርግ ዋጋ ሳትከፍል የምታገኘው ትልቅ ነገር የለም። ምቾትህ ለስንፍና አሳልፎ እንዲሰጥህ አትፍቀድ፣ ቸልተኝነትህ ለውድቀት እንዲያመቻችህ አትፍቀድ። በጥንካሬ የሚገለጠውን በረከትህን አትግፋው፣ ከብርታትህ የሚመጣውን ስኬት አትሽሸው። የአምላክ እግዛ በሚሰሩ እጆች ላይ ነው። "ከልቤ ከፈለኩት አገኘዋለሁ።" የሚለውን አስተሳሰብ ወደ ውስጥህ አስርፅ። በራስመተማመንህን ሰርትህና ለፍተህ እንጂ በፍፁም ተመኝተሀው እንደማታገኝ እወቅ። ጠንክረህ ስራ፣ የምትመኘውን ህይወትም በፈለከው መንገድ ኑረው።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,788

MIKRE AIMRO | ምክረ-አዕምሮ™

04 Nov, 20:07

መፅሐፍ ከተወደደ አንባቢ ይጠፋል!
ምክንያቱም የመግዛት አቅም የለውምና!!

ይሄን መሰረት በማድረግ
የተለያዩ መፅሐፍ በ Pdf ድርሰቶች አጫጭር ታሪኮችን የሚያዘጋጅ የቴሌግራም ቻናል
ልጠቁማችሁ!!!

ስሙ እንማር ይሰኛል !!
ቀኖትን እያረመ ማታዎትን እያደመቀ ምርጥ ምርጥ መፅሀፎች ይጋብዛቸዋል ።
100%ትወዱታላችሁ

https://t.me/Enmare1988
https://t.me/Enmare1988

261

MIKRE AIMRO | ምክረ-አዕምሮ™

04 Nov, 18:53

ጥላቻውን አታቆመውም!

⌨

🎤

እብደትህ እስከቀጠለ ጥላቻው አያቆምም፤ ልዩነት መፍጠር እስካላቆምክ ትቺቱ አያቆምም፤ ማስመሳል እስካልቻልክ ወቀሳው አይቀርም፤ ማጨብጨብ እስካልጀመርክ መነቀፍህ አያቆምም፤ መንጋውን እስካልተቀላቀልክ አጀንዳ መሆንህ አይቆምም፤ ተስፋ እስካልቆረስክ ጣት የሚቀስርብህ አታጣም። እራስህን መሆን ካላቆምክ በአንድ ፅንፍ የሚያንቋሽሽህ፣ የሚያወራብህ፣ የሚተችህ፣ የሚሰድብህ አይጠፋም። መረዳት የማይፈልግን ሰው ፈትፍተህ ብታጎርሰውም ሊቀበልህ አይችልም። ያንተ ሃሳብ ጤና ቢስ ሆኖ ሳይሆን ውስጡ የተፈጠርው ፈር አልባ ጥላቻና የበታችነት ስሜት ስለሚያንጨረጭረው ነው። እውነቱን ሲነጓሯት የኮረኮሯት መሰላት እንደሚለው አባባሉ፤ የሚመለከተው ጉዳይ ሲነሳ ያዙኝ ልቀቁኝ ማለቱ የማይቀር ጉዳይ ነው።

አዎ! ጀግናዬ..! ጥላቻውን አታቆመውም! መገፋቱን አታስቀረውም፤ ትቺቱ ሁሌም ይኖራል። በተመሳሳይ የህይወት አዙሪት የተጠመደ ሰው አልተረዳኝም ብለህ አንገትህን አትድፋ፤ በፍረሃት ሰነሰለት የታሰረ ሰው ጠላኝ ብለህ ሆድ አይባስህ። የምታደርገው ነገር ስሜት ካልሰጠው ዝም ማለት ቢችልም መፍጨርጨሩን ከመረጥ እርሱ ያንተ ጉዳይ ሳይሆን የእራሱ ጉዳይ ነው። እውነት እያደር ይጠራል፤ የሚገባውም በጊዜው ይገባዋል። የመጣህበትን መንገድ የማያውቅ ሁሉ ለመፍረድ መቸኮሉ እጅግ ያስገርማል። ነገር ግን ይህ ይሆን ዘንድ የግድ ነው። ማሰብ እንደሚችል ስትነገረው አለመቻሉን ካረጋገጠለህ ያንተ እንዲረዳህ መጠበቅ ከንቱ ድካም ነው። ህይወቱን ይውደደው አይውደደው ያንተ ጉዳይ ባይሆንም በምትችለው መንገድ ማስረዳትህን ግን እንዳታቆም። አሉታዊ ሰዎች ባሉበት አለም ከአስደናቂ ተዓምር ውስጥ እንኳን ህፀፅና ክፍተት መታየቱ አይቀርም። አብዛኛው ሰው የሚፈልገውን እንጂ የሚያስፈልገውን አያይም። በኡሉታዊነቱም ፍላጎቱ አሉታዊና መጥፎ ሃሳብ ነውና የፈለገውን ነቅሶ ለማውጣት ዘወትር ይተጋል።

አዎ! በመደበኛው ክልል ተከልለህ፣ በጊዜያዊ ሁካታ ተከበህ፣ ማንም የሚያደርገውን እያደረክ፣ መንጋውን እየመራህ አንዳች ነገር ጠብ እንዳላለልህ ካንተ በላይ ምስክር የለም። የተለየ ነገር መፍጠር ከፈለክ ለእራስህ ጤነኛና የመልካም ስሜት ባለቤት ብትሆንም በብዙዎች ግን እብድ መባል ይኖርብሃል። በሁለት መልኩ እብድ ልትባል ትችላለህ፤ አንድም በሃሳብህ፣ ሌላም በተግባርህ። የተለየ ነገር ለማሰብ ተጠንቅቀህ፣ አዲስ ድርጊት ለመፈፀም የሰውን ምላስ ጠብቀህ እስከ መቼ ትዘልቀዋለህ? ስታስብለት የማይገባው ቢገጥምህም እንዳልገባው ለመረዳት መጣርህን ትተህ እስኪገባው መወትወትህን ቀጥል። አንዳንዴ በቀጥታ የተነገረለት ሰው ባይጠቀመውም በተዘዋዋሪ የሚጠቀመው ሰው ይኖራል። አላማህ መቀየር፣ ማደግ፣ ለሰዎች መትረፍ፣ ህይወትን በሙላት መኖር ከሆነ ምንህንም ለማያውቅ ሰው ብለህ ወደኋላ አትመለስ፤ በእራስህ አትዘን፣ ተስፋ አትቁረጥ፤ አላማህን አትዘንጋ። በሚያዋጣህ መንገድ ጉዞህን ቀጥል፤ ያመንክበትን ማድረግህን ግፋበት፤ ከግብህ የሚያደርስህ እንደብረት የጠነከረ ፅኑ አቅም ይኑርህ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel 😊 💪

2,997

MIKRE AIMRO | ምክረ-አዕምሮ™

04 Nov, 17:38

MIKRE AIMRO | ምክረ-አዕምሮ™ pinned «

📣

📣መልካም ዜና 📣📣 "የስልጠና እድል" ✔️የተግባር ሰው መሆን Being Practical ማድረግ የምትፈልጉት ነገር ኖሮ እስከ ዛሬ ሳታደርጉት በይደር ያቆያችሁት ነገር ካለ፦ 🗣️ አዲስ ልማድ መገንባት 🗣️ትምህርት መጀመር 🗣️የግል ቢዝነስ መጀመር 🗣️ስራ መቀየር 🗣️ለራስ ጊዜ መስጠት 🗣️ሀገር መቀየር 🗣️መጥፎ ልማድ (ሱስ) ማቆም እና ሌሎችም ሀሳብ ኖሯችሁ እስካሁን ወደ ተግባር…»

0

MIKRE AIMRO | ምክረ-አዕምሮ™

04 Nov, 17:28

✅ የወረደ ሰው አትሁኑ!

👍LIKE ✍️ COMMENT SUBSCRIBE 📣 SHARE 🙏

https://youtu.be/sUv6NFl_Ad0?si=LpUZIemNeh2pMXXu

3,000

MIKRE AIMRO | ምክረ-አዕምሮ™

04 Nov, 12:05

📣

መልካም ዜና 📣📣
"የስልጠና እድል"

✔️የተግባር ሰው መሆን
Being Practical

ማድረግ የምትፈልጉት ነገር ኖሮ እስከ ዛሬ ሳታደርጉት በይደር ያቆያችሁት ነገር ካለ፦
🗣️ አዲስ ልማድ መገንባት
🗣️ትምህርት መጀመር
🗣️የግል ቢዝነስ መጀመር
🗣️ስራ መቀየር
🗣️ለራስ ጊዜ መስጠት
🗣️ሀገር መቀየር
🗣️መጥፎ ልማድ (ሱስ) ማቆም
እና ሌሎችም ሀሳብ ኖሯችሁ እስካሁን ወደ ተግባር መግባት ከተቸገራችሁ ይሔ ስልጠና ተግባራዊ አቅጣጫዎችንና የተለየ ግንዛቤን በማስጨበጥ የተግባር ሰው ያደርጋችኋል።
እንዳያመልጣችሁ።

📣

ስልጠናው የሚሰጥበት ጊዜ

ከህዳር 18 ጀምሮ ባሉ አራት ተከታታይ ረቡዎች (ህዳር 18 (Nov 27)፣ ህዳር 25 (Dec 4)፣ ታህሣሥ 2 (Dec 11)፣ ታህሣሥ 9 (Dec 18) ከምሽቱ 3:00 - 4:30 በOnline በTelegram

📣

የስልጠናው አበይት ጉዳዮች

ርዕስ፡ “የተግባር ሰው መሆን”
          BEING PRACTICAL

የስልጠናው አካላት

ምዕራፍ አንድ - ለአንደኛ ሳምንት
➡️ ተግባራዊ ግብን ማውጣት መቻል
       Smart Goal Setting

ምዕራፍ ሁለት - ለሁለተኛ ሳምንት
➡️በትንሹ መጀመር
       Start Small

ምዕራፍ ሶስት - ለሶስተኛ ሳምንት
➡️ዲሲፕሊን የመገንባት መርሆች
     Discipline Principles

ምዕራፍ አራት - ለአራተኛ ሳምንት
➡️ውጤታማ ልማዶችን መገንባት
    Building Productive Habits

እያንዳንዱ ምዕራፍ እራሱን የቻለ ተግባራዊ መልመጃዎችና ራስን መገምገሚያ ተግባራት ይኖሩታል።

❗️

ፈጥነው ይመዝገቡ!

ክፍያ
ለአራቱም ቀናት በአጠቃላይ 300 ብር ብቻ
አሰልጣኝ
Life Coach,
Lecturer and Content Creator Ephrem Aschalew

✍️

ለመመዝገብ በዚህ አድራሻ መልዕክት ያስቀምጡ
@epha_aschalew

ምክረ-አዕምሮ ለተሻለ ነገ!

🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,030

MIKRE AIMRO | ምክረ-አዕምሮ™

04 Nov, 06:26

በአላማ ተማር!
፨፨፨//////፨፨፨
እውቀት የጥበብ መግቢያ በር ነው። አላዋቂ ምንምያህል ቢጥርና ቢታገል የጥበብ ደጃፍ ሊደርስ አይችልም። ለዓመታት የምትማሩት ሰው የሆነውን ለመሆን አይደለም፣ ለዘመናት እንቅልፍ አጥታችሁ የምታነቡት የሆነ ቦታ ተቀጥራችሁ ዘመናችሁን በሙሉ ለመፍጀት አይደለም። ለምን እንደምትማሩ ካላወቃችሁ ትምህርቱ ቢቀርባችሁም ግደየለም። መማር ብክነት ሆኖ አያውቅም፤ ትምህርት ቤት ሔዶ እውቀትን መገብየትም ኪሳራ ሆኖ አያውቅም። በምክንያት የሚደረግ የትኛውም ነገር ጥቅም አለው። አሁን አሁን በትምህርት ዙሪያ ብዙዎች በሁለት ጎራ ተከፍለዋል። አንደኛው ለዓመታት መማርን እንደ ግዴታ ያየዋል፣ ሌላኛው ከነጭራሹ ትምህርት መማር እንደማያስፈልግ ያስባል። ምናልባት ሁለቱም በራሳቸው መንገድ ልክ ሊሆኑ ይችላሉ ነገር ግን ሁለቱንም ሊያስማማ የሚችል አንድ ሃሳብ አለ። እርሱም "ለምን ትማራለህ?" የሚለው ጥያቄ ነው። የጥያቄው ምላሽ ሁሉንም ነገር ያስተካክላል። በዓላማ የምትማሩት ትምህርት ትርፉ እጅግ ከፍተኛ ነው፤ ዓላማ የሌለው ትምህርት ግን ከኪሳራዎች ሁሉ የላቀ ትልቅ ኪሳራ ነው።

አዎ! ምንም ውስብስና ግራ የሚያጋባ ነገር የለም። አሁን ላይ እየተማራችሁ ከሆነ ለምናችሁን ፈልጉ፣ ገና የመማር ሀሳብ ካላችሁም ለምናችሁን ፈልጉ። ህይወት እቃቃ ጫወታ አይደለችም። በተገደበ እድሜያችሁ አትጫወቱ። ብዙ ሰው ስለተማረ፣ ብዙ ሰው ማስተርስ (Masters) ፒኤችዲ (PhD) ስለደራረበ፣ ብዙ ሰው ዘመኑን በሙሉ በትምህርት ላይ ስለፈጀ እናንተም የብዙውን ሰው መንገድ የመከተል ግዴታ የለባችሁም። ስም እንጀራም ሆነ ዳቦ አይሆንም፣ ስም ብቻውን አንድ እርምጃ ወደፊት ፈቀቅ አያደርጋችሁም፣ ለዘመናት የለፋችሁበት ትምህርት ብቻውን ነፃ አያወጣችሁም። የተማራችሁትን ካልተገበራችሁት፣ እውቀታችሁን ዓላማችሁ ላይ ካላዋላችሁት፣ የጥበብን በር እንዲከፍትላችሁ ካልፈቀዳችሁለት፣ በመረጣችሁት ዘርፍ ላይ ስመጥር ባለሙያ ካልሆናችሁበት ጊዜያችሁን እያባከናችሁ ነውና ቆም ብላችሁ አስቡ። ለዘመናት ያከማቻችሁት እውቀት ድፍረት ካልሰጣችሁ፣ ህይወታችሁን ካላሻሻለላችሁ፣ ወደፊት ካልገፋችሁ እውቀትነቱ ምኑ ጋር ነው? መማሩስ ጥቅሙ ምንድነው?

አዎ! ጀግናዬ..! በአላማ ተማር! በምክንያት ጊዜህን ስጠው። በዋናነት ተማሪ ብትሆን፣ በትርፍ ጊዜህም ብትማር ጊዜ ማሳለፊያ የሚባል ወይም በሰው ግፊት የምትማረው ትምህርት የለም። ብዙ ጊዜ የተማረ ሰው ይፈራል፣ ብዙ ጊዜ የተማረ ሰው ከተማረበት ውጪ መስራትን እንደ ሀጢያት ይመለከተዋል። በፍፁም አትሸወድ። በተማርክበትም ይሁን ባልተማርክበት ከፍ የሚያደርግህንና ከአላማህ ጋር የሚገናኝ ስራን ካገኘህ ዝቅ ብለህ ስራ። ዘላለም ዝቅ ብለህ አትኖርም፣ እድሜ ልክህን ከሰው በታች እንደሆንክ አትቀርም። መማርህ ዝቅ ብሎ መነሳትን እንዲያስተምርህ አድርግ፣ እውቀትህ ለአላማህ የመፋለም አቅምህን እንዲያበረታ አድርግ። አትዘናጋ፣ መዘናጋት ከፍለህ የማትጨርሰው እዳ ያሸክምሃል፤ ዛሬ ነገ አትበል፣ ቀጠሮ አታብዛ ቀጠሮህ ፈሪና ጭንቀታም ያደርግሃል። ከማንም ምንም አትጠብቅ። ተምረህ ተምረህ የተማረ ሰው የማይገባውን ህይወት እየኖርክ ከሆነ የትምህርት ስረዓቱን ከመውቀስ የራስህን እወቀትና ትምህርት በመጠቀም ከተመፅዋችነት ነፃ ውጣ። የገጠመህን ችግር የሚያሳልፍህ የተማርከው ትምህርት ሳይሆን ያንተ ብስለትና ጥንካሬ እንደሆነ እወቅ።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,166

MIKRE AIMRO | ምክረ-አዕምሮ™

03 Nov, 18:51

ጥድፍ ጥድፍ አትበሉ!
፨፨፨፨///////////፨፨፨፨
ጥያቄው ምንም ይሁን ምላሻችሁ አዘግዩት፣ ትዕዛዙ ምንም ይሁን በቅድሚያ ስለይዘቱ መርምሩ። የመጣውን ወዲያው መቀበል አልያም ወዲያው መግፋት ከጥቅሙ ጉዳቱ ያመዝናል። ቸኩለው የተቀጡ ብዙ አሉ፣ ቸኩለው ያተረፉም ብዙ አሉ። እንዲሁ በተቃራኒውም ዘግይተው ያተረፉና በዛው ልክ የከሰሩ ሰዎች አሉ። ፍጥነታችሁ ከሁኔታዎች አንፃር ይወሰናል። ስለሮጠ ብቻ የደረሰ የለም፣ በዝግታ ስለተራመደም ካሰበበት ሳይደርስ የቀረ የለም። ችኮላችሁ ለምንድነው? ሁሉም ነገር ላይ የምትጣደፉት ለምንድነው? ነገሮች አሁኑ ካልሆኑ የሚሆኑ የማይመስላችሁ ለምንድነው? እርጋታ ውስጥ ያለውን ሰላም ታውቁታላችሁ? ስክነት የሚያጎናፅፈውን ግርሞገስ አስተውላችሁታል? ጥድፍ ጥድፍ አለማለት ከምን እንደሚያድናችሁ ታውቃላችሁ? ብዙ ጊዜ ነገሮች ፈጥነው እንዲሳካላቸው የሚያስቡ ሰዎች ከበዛው ፍጥነታቸውና ጉጉታቸው የተነሳ ይወድቃሉ፣ ውጤቱን ቶሎ አይመለከቱምና ቶሎ ተስፋ ይቆርጣሉ፣ ሩጫቸው ለውጤት ነውና ወዲያው ተነሳሽነትን ያጣሉ።

አዎ! ጥድፍ ጥድፍ አትበሉ! ከፊታችሁ ያለውን የውድቀት ገደል አስተውሉ። ተጣድፋችሁ ከምታገኙት የምታጡት ይበዛል፤ ተረጋግታችሁ ከምታጡት የምታገኙት ይበልጣል። በሰከነ አስተሳሰብ ያልተቃኘ፣ ተረጋግቶ ያልተወሰነ፣ ከመዳረሻው መንገዱን ከውጤቱም ሂደቱን ያላስቀደመ አካሔድ ከስኬት በላይ ለውድቀት የቀረበ ነው። ትንፋሽ እስኪያጥራችሁ የምትጣደፉት፣ እንዲሁ ምንም ፋታ ሳትወስዱ የምትዋከቡት ምን ለማምጣት እንደሆነ አስቀድማችሁ እወቁ። ውጤት ከምታሳድዱ እውቀትና ክህሎትን አሳዱ። ሁለቴ አዳምጡ አንዴ ተናገሩ፤ ሁሉም ነገር ፈጣን ምላሽ እንደማይፈልግ እወቁ። በጥበብ የሚመሩ፣ ማስተዋልን የተካኑ፣ የህይወት ይዘት የገባቸው ከችኮላ በላይ እርጋታን ይመርጣሉ፣ ከጥድፊያም በላይ ስክነትን ያስቀድማሉ። በጥድፊያችሁ ልክ የሚመጣ ውጤት፣ በስክነታችሁም ምክንያት የምታጡት ጥሩ ነገር የለም። ዛሬ ዛሬ ብዙዎች ይጣደፋሉ፣ ብዙዎች ወከባ ውስጥ ገብተዋል ነገር ግን በውጤታቸው ሲመዘኑ ምንም ያመጡት ለውጥ የለም።

አዎ! ጀግናዬ..! እቅድህን ለመናገር አትቸኩል፣ ስራህን ለማሳወቅ አትፍጠን፣ ትልቁን ክንውንህን ለመግለፅ አትዋከብ። ነገሮች የሚሻሻሉት በጥድፊያ ውስጥ ሳይሆን በስክነት ውስጥ፣ ህመም የሚታከመው በችኮላ ሳይሆን በእርጋታ ነው። በአዕምሮህ ውስጥ የሚዋከበውን ሀሳብህን ያዝ አድርገው፣ ነገሮችን በነገሮች ላይ የሚደርበውን ማንነትህን ግራው። በአንዴ ብዙ ነገር ሞከርክ ማለት ሁሉም ይሳካልሃል ማለት አይደለም። ችግር ብቸኛው የምትሰራበት መንገድ ነው። ብዙዎች አንዴ እስኪወድቁ ድረስ ጥድፊያቸው አይቻልም፣ አንዴ እስኪሳሳቱ ድረስ የመረጋጋት ዋጋ አይገባቸውም። ቶሎ ቶሎ ያወራ ሁሉ አዋቂ አይደለም፣ ቀስ ብሎ የሚያወራም አላዋቂ አይደለም። የተደራረቡብህን ነገሮች ደረጃ በደረጃ ቅረፍ፣ ቦታ የሚፈልጉ ጉዳዮችን በሂደት ቦታ አስይዝ። ጭብጨባን የሚፈልጉ ቀደም ቀደም ይላሉ፣ ውጤትን የሚፈልጉ ግን ድምፅ አጥፍተው ይሰራሉ። በጥድፊያህ ሳይሆን በውጤትህ ለመታወቅ ስራ፤ በወሬህ ሳይሆን በተግባርህ በልጠህ ተገኝ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,302

MIKRE AIMRO | ምክረ-አዕምሮ™

03 Nov, 17:04

✅ ለብቻ ኑሩ!

👍LIKE ✍️ COMMENT SUBSCRIBE 📣 SHARE 🙏

https://youtu.be/ucSdU4nhKvQ?si=M8onB4Bedv0ByQZ0

2,995

MIKRE AIMRO | ምክረ-አዕምሮ™

03 Nov, 12:37

ጥሩ ሰዎች እንደ ወይን ናቸው!



እያደር በ7ቱ ይጣፍጣሉ

 

1- መቼም አይናደዱብህም!

ደጋግመው ይቅር ይላሉ። በደልን ይረሳሉ።

2- በመጥፎ ወቅት እንኳ ዘና የሚያደርጉ ናቸው!

በተለይ እጅግ በከፋህ ጊዜ፣ ምናልባት የሚያስፈልግህ የነሱ እቅፍ ሊሆን ይችላል።

3- በስኬትህ ይደሰታሉ!

አዲስ መኪና ስትገዛ በደስታ የመጀመሪያ ተሳፋሪዎች ወይም እድገት ስታገኝ እንድትጋብዛቸው የሚፈልጉ ናቸው።

4- ጀግናና ሩህሩህ ልብ አላቸው

ለዚህም ነው ብዙ ጊዜ ልባቸው የሚይሰበረው። 

5- በራሳቸው ችግር ብቻ አይነዘንዙህም

ይህም ነው ጥሩ ወዳጅ የሚያደርጋቸው።

6- ለሌሎች ማሰብና መርዳት የተወለዱበት ነው

በሚያስፈልጉህ ጊዜ ከጎንህ ናቸው።

7- ለወዳጅነት ዋጋ አላቸው

በማይረባ ነገር ሁሉ ጸብ የሚያስነሱ ጅሎች አይደሉም።

#ሰውና_ተፈጥሮው_መጽሐፍ
https://t.me/Elodia_G

3,027

MIKRE AIMRO | ምክረ-አዕምሮ™

02 Nov, 18:16

መነቀፍህ አይቀርም!
፨፨፨፨/////////፨፨፨፨
ጉዳይ የምትሰራው ተዓምር አይደለም፤ ጉዳዩ የምትፈጥረው አዲስ አለም አይደለም፤ ጉዳዩ በራስህ ተጣጥረህ የምትደርስበት ከፍታ እደለም፤ ቁብነገሩ ብቻህን ሮጠህ የምትበጥሰው ሪከርድ፣ ብቻህን ደክመህ የምታመጣው ውጤትም አይደለም። ጉዳዩ መጀመር፣ መስራት፣ ማድረግ መቻልህ ብቻ ነው። ምንም ብታደርግ ግድ አይሰጣቸውም፣ ሃገር ዝረፍክ ሃገር አለማህ፣ እራስህን ጠቀምክ እራስህን ጎዳህ፣ ፍጥነትህን ጨመርክ ዝግ አልክ፣ አገባህ አላገባህ፣ ወለድክ አልወለድክ አጀንዳ ከመሆን፣ የወሬ ርዕስ መነጋገሪያ ከመሆን መቼም አታመልጥም። አንድ እርምጃ በተራመድክ ቁጥር አይኖች ወዳንተ ይሆናሉ፣ ጆሮዎች ወዳንተ ያዘነብላሉ፣ መነጋገሪ ሊያደርጉህ ይፋጠናሉ። ሊጥሉህ ቢሽቀዳደሙም ስለመነሳትህ፣ ስለመታረምህ ግድ አይሰጣቸውም።

አዎ! ጀግናዬ..! መነቀፍህ አይቀርም፣ መወገዝህ አይቀርም። ለመወገዝም ሆነ ለመነቀፍ ብዙ አስደናቂና አስደማሚ ተዓምር መስራት አይጠበቅብህም። ብዙሃኑ ስለሁሉም ነገር የሚያውቅና የሚያገባው ይመስለዋል፣ ለዛም በየትኛውም አጋጣሚ ማውራት ይፈልጋል፣ አስተያየት መስጠት ያምረዋል፣ ለመተቸት ይንደረደራል፣ ነቀፋ ይቀድመዋል። ማንንም እንደ ልማዱና እንደማንነቱ ካልተቀበልከው ትልቁ መሰናክልህ ሰው ሊሆን እንደሚችል አስታውስ። አንዳንዴ ልታገለግለው በለፋህ፣ ልትረዳው ጊዜህን፣ እራስህን ለሰዋህ እርሱ እራሱ መልሶ ህፀፅ ያወጣብሃል፤ ጣት ይቀስርብሃል፤ ጥረትህን ያሳንሰዋል፤ ዋጋ ያሳጣሃል። ብዙዎች በሰዎች ተሰናክለው ወድቀዋል፣ ብዙዎች በሰዎች ንግግር፣ በሰዎች ተግባር ከህልማቸው ተለይተዋል፣ አላማቸውን ትተዋል፣ እቅዳቸውን ጥለዋል።

አዎ! ጥቂቶች ግን በትቺታቸው ላይ ተራምደዋል፣ በስድብ በዘለፋቸው ላይ ተሸጋግረዋል፣ በስራቸው የተናጋሪዎችን አፍ አዘግተዋል። የምትሰማውን ካልመረጥክ፣ የምታየውን ካልለየህ፣ የሚጠቅምህ ላይ ብቻ ካላተኮርክ ትቺቱን ደጋግመህ በሰማህ ቁጥር፣ እርሱ ላይ ባተኮርክ ልክ እየተንሸራተትክ፣ እየወደክ፣ አላማህን እየሳትክ፣ እራስህን እያጣህ ትመጣለህ። በምድር ርካሹና የትምቦታ የምታገኘው ነገር ሃሳብና አስተያየት ሆነና የሚያውቀው የማያውቀውም፣ የሚመለከተውም የማይመለከተው አስተያየት ለመስጠት ሰስቶ አያውቅም። በማንም አስተያየት የመጣ ህልም የለህምና ማንንም እንዳትሰማ፤ ማንም ደግፎህ የህይወት አለማህን አላገኘህምና ለማንም ነቀፋ ጆሮ እንዳትሰጥ፤ ብቻህን ያየሀውን ህልም ብቻህን ማሳካት እንደምትችል አሳይ፤ ከውጥህ የመነጨው የህይወት ስንቅ በፍሬው አስመስክር።
ውብ ምሽት ይሁንልን! 🌘🌒✨💫
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,326

MIKRE AIMRO | ምክረ-አዕምሮ™

02 Nov, 17:11

✅ አድርጋችሁ አሳዩ!

👍LIKE ✍️ COMMENT SUBSCRIBE 📣 SHARE 🙏

https://youtu.be/1AT6Be3yHYA?si=rfPANwYYYlB6Zc48

2,732

MIKRE AIMRO | ምክረ-አዕምሮ™

02 Nov, 15:07

✅ በራሳችሁ ለመተማመን ከዚህ ጀምሩ!

❇️ ራስን ማስቀደም! SELF ACCEPTANCE

👍LIKE ✍️ COMMENT SUBSCRIBE 📣 SHARE 🙏

https://youtu.be/WlfLxdDoLVc?si=49Hk1TwrcHA5YJX_

2,999

MIKRE AIMRO | ምክረ-አዕምሮ™

02 Nov, 11:37

❇️ ዛሬ ምሽት 12:00 ሰዓት
ራስን የመቀበል ጥበብ
THE ART OF SELF ACCEPTANCE

✅ ከራሳችሁ ጋር በፍቅር ለመውደቅ ማድረግ ያሉባችሁ ነገሮች!

አሁን SUBSCRIBE 🛎 አድርጋችሁ ጠብቁኝ!
👇👇
https://www.youtube.com/channel/UCSdpYXLmn4YzEzA3y_Qn64A?sub_confirmation=1

2,947

MIKRE AIMRO | ምክረ-አዕምሮ™

02 Nov, 03:18

አፈንግጥ!
፨፨/////፨፨
እንደ ቡድን በህብረት ልትጫወቱ፣ በህብረት ልታጠቁ፣ በህብረት ልትጫኑ ትችላላችሁ ነገር ግን የተሰጠህን ኳስ አንተ ማግባት ካልቻልክ ማንም አንተ አግብተህ ጎል ማድረግ የምትችለውን ኳስ ሊያገባልህ አይችልም። የሰዎች እርዳታ እንደ ፈረሱ ነው፣ ያደርሱሃል እንጂ አይዋጉልህም፤ ያደርሱሃል እንጂ ያንተን ህይወት አይኖሩልህም፤ ያግዙሃል እንጂ እራሳቸውን አሳልፈው አይሰጡህም። ላንተ ሃላፊነት የሚሰማቸው ሰዎች ሁሌ እየደገፉ አቅምህን ከማሳነስ፣ ብቁነትህን ከማውረድ ይልቅ አንተ ማድረግ የምትችለውን ነገር በእራስህ እንድትሞክር ያበረታቱሃል። ህፃን ልጅ ቢወድቅ እያለቀሰም ቢሆን በእራሱ መነሳት እንዲችል ያበረታቱታል፤ በሂደት የሰው ብርታት ሳይጠብቅ በእራሱ እንዲነሳ ይተዉታል። የበዛ ድጋፍ፣ የበዛ ጥገኝኘት አቅምህን እየገደለው፣ በእራስ ማንነትህን እያሳነሰ እንደሚሄድ ተረዳ።

አዎ! ጀግናዬ..! አንተ እራስህን መርዳት ካልቻልክ ደጋፊዎችህ እስከጥግ አያደርሱህም፤ አጋዦችህ እስከ ተራራው ጫፍ አያስወጡህም፤ አድናቂዎችህ ክህሎትህን አያሻሽሉልህም፤ የቡድን አጋሮችህ ለውጤት አያበቁህም፤ አሻራቸውን ባንተ ስም አያኖሩልህም። ያገዙህ መስሎአቸው፣ የጠቀሙህ መስሎአቸው እራስህን እንዳትችል፣ በእራስህ እንዳትጥር፣ እራስህን እንዳትሆን፣ ማንነትህን እንዳታውቅ፣ አቅምህን እዳትረዳ፣ ብቻህን እንዳትወስን በእነርሱ እርዳታ ብቻ እድትኖር፣ በእነርሱ አሳቢነት ብቻ እንድትንቀሳቀስ፣ ያለነሱ ህይወት ባዶ እንድትሆንብህ፣ ያለድጋፋቸው ጨለማ እንዲውጥህ፣ ተስፋ እንድታጣ ከሚያደርጉ ሰዎች እራስህን ጠብቅ። ያንተን ህይወት የማቃናት፣ የማስተካከል፣ የማሳደግ ሃላፊነት ያለብህ አንተ ነህ። ብዙዎች በእራሳቸው መጓዝ፣ ብቻቸውን መወሰን፣ በግላቸው ማድረግ እየቻሉ ምርኩዝ፣ ደጋፊና የሚያደፋፍር ስለለመዱ ብቻ ለብቻቸው ምንም ማድረግ አይችሉም፤ የኋላ ድጋፍ፣ አይዞህ ባይ አበርታች ከሌለ ምንም ነገር ለማድረግ ድፍረቱ አይኖራቸውም።

አዎ! አፈንግጥ! አንዳንዴም ቢሆን የእራስህን ጉዳይ እራስህ ተወጣ፤ ምርጫዎችህን በእራስህ አከናውን፣ የሚያምርብህንና የምትወደውን አለባበስ እራስህ እወቅ፤ አብሮህ የሚሔደውን የአኗኗር ዘይቤ እራስህ ወስን። ዘወትር እርዳትን በመጠየቅ ከምትደክም እራስህን እንዲችል ብቁ በማድረግ ድከም፤ ሁሌም የሚገፋህን ተጨማሪ ሃይል ከምትጠብቅ እራስህን እየገፋህ ተጓዝ። መኪናህን ነዳጅ የሚሞላልህ፣ የሚጠግንልህ፣ የሚያድስልህ ሌላ ሰው ሊሆን ይችላል መኪናውን መንዳት እስከቻልክና ያንተ እስከሆነ ደረስ ደግሞ ሌላውን ማድረግ ባትችል እንኳ እየነዳህ የፈለክበት መድረስ አያቅትህም። ብዙ ከልባቸው የሚራሩልህ፣ ከውስጣቸው የሚያዝኑልህ፣ የሚያስቡልህ ሰዎች ሊኖሩ ይችላሉ ነገር ግን ሃሳብና ሃዘኔታቸው አቅምህን አሳስሮ የሚያስቀምጥ እንዲያደርግ አትፍቀድ። ከገፊት የፀዳ፣ ከጫናዎች ውጪ የሆነ ነፃ ሃሳብ፣ ነፃ ተግባር፣ ነፃ እንቅስቃሴ ለማድረግ ሞክር። ማንም ባይኖርህ፣ ማንም ባይደግፍህ እራሱ ብቻህን ምን ማድረግ እንደምትችል ለብቻህ ሞክረህ አሳይ፤ ማፈንገጥህ፣ መለየትህ፣ መነጠልህ እራስህን ለማብቃት፣ እራስህን ለማሳደገ፣ እራስህን ለመቀየር እንደሆነ አድርገህ አስመስክር።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,311

MIKRE AIMRO | ምክረ-አዕምሮ™

01 Nov, 17:59

ሁሉም የእርሱ ነው!
፨፨፨፨///////፨፨፨፨
እውቀትህ መሰረት አለው፣ ጥበብህ መገኛ አለው፣ ክብርህ ቤት አለው። አዋቂው ያውቅ ዘንድ የሚያሳውቅ የሚሰጥ፣ ያወቀውን እውቀት ያመዛዝን፣ ይለይ ዘንድ የሚያሰላስል አዕምሮ የሚሰጥ የእውቀት መሰረት አምላክ ነው። ጠቢብ ይጠበብ ዘንድ ጥበብን የሚገልፅ፣ ብለሃትን የሚያድል እርሱ ፈጣሪ ብቻ ነው። ሰውነት የተሰጠ ከእርሱ፣ አስተዋይ ልቦና፣ ቅን ልብ፣ ብርቱ ጉልበት የተቸረው ከእርሱ ነው። አንዳች የእራስህ ነገር ሳይኖርህ ከባለቤቱ ጋር መሟገት አይከብድምን? ከሰሪው ጋር መፋጠጥ አያስፈራምን? ሁሉን ሰጥቶ ከእይታህ በጎደለች፣ ከዙሪያህ ባነሰች ኢምነት ነገር ቅር መሰኘት ልክ ይመስለሃልን?

አዎ! ጀግናዬ..! ሁሉም የእርሱ ነው! አንዳች ያንተ የሆነ፣ ለእራስህ የፈጠርከው፣ በውስጥህ ያኖርከው፣ ለእራስህ ያስገኘሀው ነገር የለም። ብቻህን ሮጠህ ያሸነፍክ ቢመስልህ ፈጣን አዕምሮን ከፈጣን እግሮችህ ያጣመረ፣ ብርታትን ብርታት ላይ ያከለ፣ ጥንካሬን ጉብዝናህ ላይ የጨመረ እርሱ ነው። አንዳች ብቻህን ያደረከው ተዓምር፣ ያመጣሀው ውጤት ያለ እንዳይመስልህ። ፈጣሪህ በሁሉ እርምጃዎችህ አብሮህ አለ፣ በሁሉም እንቅስቃሴህ አብሮህ ይጓዛል። ከውድትህ የሚያነሳህ፣ በስህተቶችህ የሚያርምህ፣ በድክመቶችህ የሚያክምህ እርሱ ነው።

አዎ! ውለታውን ማሰብ ካለብህ ሰው ስላደረገህ፣ በአምሳሉ ስለሰራህ፣ ህያው ስላደረገህ፣ ብርታትን ስላደለህ፣ ጥንካሬን ስለሰጠህ አስበው። ምንም ያላደረገልህ ቢመስልህ በእርሱ አትደነቅ፣ ሁሉን ያጎደለብህ ቢመስልህ በእርሱ አትዘን፣ አሳይቶ ቢነሳህ፣ ሰቶ ቢያሳጣህ፣ አድርሶ ቢመልስህ አትከፋ። አንተን ሲሰራ ያልተሳሳተ አምላክ ላንተ በሚያደርገው ነገር ይሳሳታል ብለህ አታስብ። ሁሉን የሚሰጥህ እርሱ ነው፣ ሁሉን የሚነሳህ እርሱ ነውና "ለበጎ አደረገው፣ ለመልካምም ፈፀመው" ብለህ ተፅናና። ሁላችን ሰሪ አለን፣ ሁላችን አስገኚ፣ ፈጣሪ አለን እርሱ ደግሞ እይታችን ቢሳሳት እርሱ ግን በስራው ፍፁም ነው፣ አመለካከታችን ቢዛባ እርሱ ግን ተግባሩ እንከን የለውም። በእራስህ ጥፋት አምላክን ከመውቀስ ተቆጠብህ፣ በእራስህ ድክመት ፈጣሪህ ላይ ማለቃቀስ፣ ጣትህን መቀሰር አቁም። ሁሉን እንድትችል አድርጎ ፈጥሮሃልና እርሱን አስቀድመህ ሁሉን ለመቻል፣ ያቃተህን ለመሞከር እራስህን አጠንክር፣ ወደብታትህም ፊትህን አዙር።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,930

MIKRE AIMRO | ምክረ-አዕምሮ™

01 Nov, 13:44

የማንን ሃሳብ፣ በማን ጭንቅላት እያሰባችሁ ነው ?

( ብዙ ጭንቅላቶች ቢኖሩም፣ ብዙ ሀሳበች የሉም)

የሰው ልጅ አሳቢ ፍጡር ነው ቢባልም አብዛኛው ግን አይደለም፡፡ ብዙሃኑ ታስቦ ያለቀ አሳብ እራሱ ላይ ጭኖ የሚሄድ መንገደኛ ነው፡፡ ግቡ መሄዱ እንጂ መድረሱ አይደለም፡፡ “ለምን” የሚባል ጥያቄ ጠላቱ ነው፡፡ በሰዎች ምላስ ጣዕምን ይለካል እንጂ፣ የራሱ ምላስ(የጣዕም ልኬት) የለውም፡፡ ኬክ ጣፋጭ ነው! አዎ ነው!! እንትን ነውር ነው! አዎ ነውር ነው!! የእንትና መፅሐፍ አሪፍ ነው! አዎ በጣም ብዙ ሰው ይወደዋል አሪፍ ነው! እንዲህ ነው ብዙሀኑ-ገደል ማሚቱ!
የያዛችሁትን ሀሳብ ለምን ያዛችሁ ? ብዙሀን ስለተከተሉት? ብዙሃን ስለተከተሉት በቡዝሀን ሀሳብ ብቻ ትክክል ሆኖ የሚያውቅ ሀሳብ አለ፡፡ ትክክል በመሆኑ ብዙዎች የተከተሉት ሀሳብ ይኖር ይሆናል፣ ብዙሃን ስለተከተሉት እውነት የሆነ ሀሳብ ግን በፍፁም! የያዝከውን ሀሳብ ትጠይቃላችሁ? ለምን እንዲህ አመንኩ ብላችሁ ትጠይቃላችሁ ወይስ ለምን ከሚባል ጥያቄ እስከ አለም ጥግ ትሸሻላችሁ፡፡

ሃሳባችሁ ማን ሰራሽ ነው? ሃይማኖት ሰራሽ? ማህበረሰብ ሰራሽ? ቤተሰብ ሰራሽ? ነው ቅልቅል? ግርር ብሎ ማሰብ ትልልቅ ሰዎችን ፈጥሮ አያውቅም- ባለህበት እርገጥ እንጂ፣ ወደ ፊት! የለውም፡፡ ታላቅነት “ለምን” በምትል ጥያቄ ውስጥ ነው የሚወለደው፡፡ ነፃ መሆን፣ ወይም የብዙሃኑ ቡችላ መሆን የግለሰቡ ምርጫ ነው፡፡ እንደተመረጠልህ መኖር ወይስ እንደመረጥከው መጓዝ፡፡

ትልቁ ጥያቄ- የያዝከውን አቋም የመፈተሸ ድፍረት አለህ ወይ? ለሃይማኖትህ መልስ የምትሰጠው ከሰባኪያን ከለቀምከው ቃል ነው ወይስ የሀይማኖት መፃሕፍትህን መርምረህ ከደረስክበት? መፀሐፍቱን ስታነብስ አራት ነጥብ እያደረክ ነው የምታነበው ወይስ ጥያቄ ምልክት ታስቀምጣለህ በመሃል? ያለመጠየቅ ሙቀት ይሻልሀል፣ የመጠየቅ ገነት? ሳይጠየቁ የኖሩ አዲስ እውነት አፍጦ በመጣባቸው ጊዜ ያብዳሉ፡፡

“ ያልተመረመረ ህይወት ዋጋ ቢስ ነው” ይላል ጋሽ ሶቅራጥስ፡፡ የኛው ሌሊሳ ደግሞ፣
“ ሕይወትን ሂስ ማድረግ የማይችል ዘመን የፈጠራ መንፈስ አይኖረውም” ይላል ፡፡ ዘመን ብቻ ሳይሆን ሕይወቱን ሂስ የማያዳረግ ሰውም እንደዛው ነው፡፡ እርግጥ በመመርመር የሚመጡብህ ቅጣቶች አሉ፡፡ አንደኛው የለውጥ ስቃይ ነው፡፡ የቀደመ አስተሳሰብን መለወጥ ለብዙዎች ስቃይ ነው፡፡ አንዳንዱ እዚህ ድረስ መጥቼ እንዴት እመለሳለው ብሎ፣ በጀመረው የስህተት መንገድ መንገድ ይመርጣል( አዲሱ መንገድ ትክክል እንደሆነ ቢያውቅም፣ የኖረበትን መንገድ መልቀቅ ሞቱ ነው)፣ ሌላኛው በስቃይም ቢሆን አዲሱን እውነት ይቀበላል፡፡

እናንተ የየትኛው ዘመን ሃሳብ ባሪያዎች ናችሁ? ለየትኛው ሰው? ለየትኛው ድርጅት?….
መንግድህ እያሳየህ ያለው ከሌሎች ባትሪ የሚወጣው ብርሀን ነው ወይስ የራስህ ባትሪ አለህ? ስንት ሃይማኖት መርምረህ ያንተ ሃይማኖት ልክ መሆኑን አወክ? ስንት ማህበረሰብ አይተህ አንተ ያለህበት ማህበረሰብ አስተሳሰብ ልክ መሆኑን አመንክ? የስንት ህዝብ ባህል ፈትሸህ፣ የባህልህ ተገዢ ሆንክ? “ባህላችን” ስትል ምን ማለትህ ነው? ሙሉ ለሙሉ እንከን የማይወጣለት ባህል አለኝ ነው የምትል ወይስ ባህሉ “የአንተ ስለሆነ” ብቻ ልክ ነው? የትኛው ባህልስ ነው ልክ? ባህል እንደሚሻሻል እንደሚለወጥ ታምናለህ ወይስ ለአያቶችህ መንፈስ የመታመን እዳ በላይህ ላይ ጭነሃል?

"የማን ሆናችኋል? ማን እየሾፈራችሁ፣ ማን እየዘወረን ነው? “

ጥያቄው የማንን ጭነት ተሸክማችኋል ነው፡፡ የራሳችሁን ሸክም ነው የሌላውን የተሸከማችሁት? ……ሸክማችሁ የከበደ እናንተ ሸክማችሁን ጣሉ….! የራሳችሁን ሸክም ብቻ ተሸከሙ፡፡ ማንነታችሁንና ዘመናችሁን በማይመጥን ሸክም ትከሻችሁን አታጉብጡ፡፡

“ ብዙ ያማሩ ጭንቅላቶችን፣ ብዙ ያማሩ ቡድኖች ውስጥ ገድለን ቀበርን! ብዙ ሃሳብ ያላቸው ጥቂት ሰዎች እንጂ፣ ጥቂት ሃሳብ ያላቸው ብዙ ሰዎች ምን ይረቡናል? በቡድን ውስጥ የሚጨፈለቀው እኔ ለራሱም ለሌላውም የሚፈይደው የለውም፡፡ እንዲያ ማለት አብዝተህ እራስህን ውደድ አይደለም፣ የሌሎችን ህልውና ጨፍልቅ አይደለም! – የራህን ጫማ አድርግ ማለት ነው፡፡ ያባትህ ጫማ ያንተ አይደለም- ላንተም አይደለም! መንገድ ላይ ከርፈፍ ከርፈፍ እያልክ ከመሄድ ውጪ የሚያተርፍልህ የለም፡፡ አንቺም የእናትሽን ጫማ አውልቀሽ ጣዪ፡፡ ማን እንደሰራው ከማታውቂው፣ ከሚያወለካክፍሽ ጫማም እራስሽን ጠብቂ፡፡

በመጨረሻም፣ እራሳቸውን ችለው የሚያስቡ ጭንቅላቶች ያብዛልን !!

ምክረ-አዕምሮ ለተሻለ ነገ! 🦋

#SHARE እንዳይረሳ ቤተሰቦች! 🙏😍
በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/@mikre_aimro2
ምክረ-አዕምሮ/ @mikre_aimro 😊 💪

2,902

MIKRE AIMRO | ምክረ-አዕምሮ™

01 Nov, 05:51

ሰላምን ምረጡ!
፨፨፨///////፨፨፨
የእውነት ለራሳችሁ ዋጋ የምትሰጡ፣ የምርም የተረጋጋ ህይወትን መኖር የምትፈልጉ፣ ከልባችሁ መንፈሳዊነትን ካስቀደማችሁ አንድ ነገር ብቻ ምረጡ። እርሱም ሰላም ነው። ውስጣችሁ ሰላም ባይሆን፣ ቤታችሁ ሰላም ባይሆን፣ አካባቢያችሁ ሰላም ባይሆን፣ ሀገራችሁ ሰላም ባትሆን እንዴት ልትኖሩ ትችላላችሁ? በጭቅጭቅ የተገነባ ቤት የለም፣ በንትርክና በክርክር የሚገፋ ፍቅር ወይም ትዳር የለም። የትኛውም ግንኙነት ክብርን ይፈልጋል፣ የትኛውም ግንኙነት ልባዊ መረዳዳትን ይፈልጋል። ቤት የሚፈርሰው፣ ትዳር የሚበተነው፣ ሀገር የምትበጠበጠው ሰላምን መምረጥ ስላልተቸለ ነው። መቼም ቢሆን ጥልና ብጥብጥ የመጨረሻ አማራጭ ሆኖ አያውቅም። ሁለት ሰዎች ባይግባቡ አንዱ የአንዱን ሀሳብ ለመጨፍለቅ እስካልተነሳ ድረስ በሰላም ተቻችሎ መኖር ይቻላል። ሰላም በማጣት አትቀልዱ፣ ፍቅርን በመሻር አታፊዙ፣ መንፈሳዊነትን ለመፈረጅ አትሞክሩ። ሁሉም ነገር የሚያንገበግበው ሲኖር ሳይሆን ሲጠፋ ነው። ሰላም የሌለበት ቤት ከምድራዊ ሲኦል አይተናነስም። ነፃነታችሁን ሸጣችሁ በፍረሃትና በሰቀቀን እንደምትኖሩበት ዓለም ቁጠሩት።

አዎ! ብዙ አማራጭ ያላችሁ ቢመስላችሁም፣ ብዙ እንደተማራችሁ፣ ብዙ እንዳወቃችሁ ቢሰማችሁም፣ ከማንም በላይ ጠንካራና ጉልበተኛ እንደሆናችሁ ብታውቁም ሰላምን ምረጡ፣ ራሳችሁን ለፍቅር አስገዙ፣ ህይወታችሁን ሰከን አድርጉት። የትኛውም ቤት ችግር አለ፣ ማንም ጋር ትልቅ ፈተና ይኖራል። ልዩነቱ መኖር አለመኖሩ ሳይሆን ችግሩ የሚፈታበት መንገድና ፈተናው የሚታለፍበት አኳሃን ነው። ሁለት ጆሮ አንድ አፍ የተሰጠን ብዙ እየሰማን ጥቂት እንድናወራ እንደሆነ አስተውሉ። ገደብ የሌለው ንግግር ከችግር ፈቺነቱ በላይ ችግር ፈጣሪ ነው። ብዙ ማውራታችሁ ነገሮችን ካባባሰ በዝምታ ሰላማችሁን ምረጡ፤ ከማንም ጋር ከፍተኛ ያለመግባባት ደረጃ ላይ ብትደርሱ ባለመስማማት ተስማምታችሁ ጉዳዩን ቋጩት። የሰላምን ዋጋ ለመረዳት እስክታጡት አትጠብቁ። የትም ብትሔዱ፣ ከማንም ጋር ብትሆኑ የሚያኖራችሁ ሰላም መራጭ መሆናችሁ ብሎም ለፍቅር መገዛት መቻላችሁ ነው።

አዎ! ጀግናዬ..! ቤትህን አክብር፣ ወዳጆችህን አክብር፣ ለሰላም እጦት በርህን አትክፈት። ህይወት አጭር ናት፣ የምትኖራትም አንዴ ነው። እንዲሁ በትንሹም በትልቁም እየተጨቃጨክ፣ እንዲሁ በትንሹም በትልቁም ራስህ ላይ ችግር እየፈጠርክ ፍሬ አልባ አታድርጋት። ለሰላማቸው ዘብ የሚቆሙ ብርቱ ሰዎች ለሀገርም ለቤተሰብም ያስፈልጋሉ። ቤትህን ከጭቅጭ ነፃ አድርግ፣ ውስጥህን አሳርፈው፣ ግንኙነቶችህን ሰላማዊና በፍቅር ላይ የተመሰረቱ አድርጋቸው። ሁሉም አላፊ ነው። ደስታው ሳቁ ጫወታው፣ ሀዘኑ ለቅሶው ብሶቱ፣ ድሎቱ ምቾቱ፣ ችግሩ ጥፋቱ እርዛቱ ሁሉ ቆይታው ለጊዜው ነው። አንድ ቀን ሁሉም ነገር ማለፉ አይቀርም። በዛሬ ሁኔታ ውስጥ ዘላለም የሚቆይ ሰው የለም። ሁሉም ነገር ማለፉ ለማይቀር በራስህም በሰዎችም ራስህን ትዝብት ውስጥ አትክተት። ለራስህ ቅድሚያ ስጥ። በሚያልፍ ሁነት ውስጥ የማያልፍ ጠባሳን አታስቀምጥ። በምርጫህ ህይወትን አታክብዳት፣ ሰላምን ምረጥ፣ ለፍቅር ተገዛ፣ ህይወትህንም ቀለል አድርገህ ኑር።
ብሩህ ደማቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,078

MIKRE AIMRO | ምክረ-አዕምሮ™

31 Oct, 18:09

ሁሉም ዋጋ አለው!
፨፨፨፨///////፨፨፨፨
ሁሉም የተሳሰረ ነው፤ ሁሉም የተያያዘ ነው። እያንዳንዱ እንቅስቃሴ የእራሱ ውጤት አለው፤ እያንዳዱ ተግባር በሌላኛው ተግባርና እንቅስቃሴ ላይ የእራሱ ተፅኖ አለው። "ችግር የለውም፣ ምንም አያመጣም፣ ምንም አያስከትልም" ተብሎ የሚደረግ አንዳች ነገር የለም። ሁሉም ነገር አስፈላጊና ውጤት አምጪ ነው። ጉዳዩ የነገርዬው ወይም የተግባሩ ውጤት ማነስ አይደለም፤ ብዙ ጫናም አለማሳደሩ አይደለም። ትንሽ የተባለው ውጤት ትግበራው ባይፈፀም የሚኖር አልነበረም፤ ያነሰ ጫናም ቢሆን ጉዳዩ ባይተገበር የሚከሰት አልነበረም። ይህም ማለት እያንዳንዱ በህይወታችን የምናደርጋቸው ነገሮች የየራሳቸው ተፅኖና ግብረመልስ አላቸው ማለት ነው። ተፅዕኗቸው ለጊዜው የማይታይ ሊመስል ይችላል በአዕምነሯቸን ግን ቦታ ይይዛል፣ ግብረ መልሳቸው ትልቅና የሚያስገርም ላይሆን ይችላል በምናባዊ ሃሳብ ግን ደጋግመው ይታሰባሉ።

አዎ! ጀግናዬ..! ሁሉም ዋጋ አለው! አቅልለህ አደረከው፣ አግዝፈህ ፈፀምከው፣ ሳታደርገው አለፍከው ከሁሉም ተፅዕኖ ግን አታመልጥም። አንድ መፅሃፍ አንብበህ ትልቅ ተፅዕኖ ፈጣሪ አንባቢ ላትሆን ትችላለህ በእራስህ ላይ ግን ምንያክል ተፅኖና ለውጥ እንዳመጣህ ትመለከታለህ። አንድ ቀን ባደረከው እንቅስቃሴ የሚታይና በብዙዎች የሚስተዋል አካላዊ ለውጥ ላታመጣ ትችላለህ ውስጥህ የሚሰማህን የመንፈስ ጥንካሬና አካላዊ ንቃት ግን ታጣጥመዋለህ። ብዙ አማራጮች እያሉህ ከአላማና ግብህ ጋር የሚገናኙ ትምህርትና ስልጠናዎችን መውሰድህ በዘርፉ ያለህን እውቀትና ግንዛቤ በእጅጉ ሲጎለብት እንድታይ ያደርግሃል። የምርጫ ጉዳይ ቢሆንም ውጤት አልባ እንቅስቃሴ ግን የለም።

አዎ! በህይወታችን ውጤት የለውም፣ አይጠቅምም፣ ዋጋ የለውም ብለን የምንተውው አንዳች ነገር የለም። ውጤት ወይም ዋጋ ግዴታ በአዎንታዊና በጠቃሚው ዘርፍ መታየት የለበትም። አንድን ተግባር ስለፈፀምን ልንጎዳ ወይም ልንጠቀም እንችላለን። ስላልፈፀምንም እንዲሁ ከጥቅሙ ወይም ከጉዳቱ አናመልጥም። ምናልባት ለጊዜው ምንም ለውጥ ላናይ እንችል ይሆናል ለማይታው ለውጥ መንሰዔው ግን ጉዳዩን ፈፅሞ አለመገኘታችን ነው። ለውጥ አለመኖሩ ውጤት ሲሆን አለማድረጋችን ደግሞ የውጤቱ ምክንያት ይሆናል። ምንም ነገር ስታደረግ ውጤት እንደሚኖረው አስብ፣ ምንም ነገር ሳታደርግ ስትቀር የእራሱ ውጤት እንደሚያስከትል አስተውል።ችግር የለውም በሚል እሳቤ የምታደርጋቸውን እያንዳንዱን ተግባርህን በጥልቀት መርምር። አለመስራትህ ችግር አለው፤ መስራትህ ደግሞ ትርፍ አለው፤ አለማንበብህ እውቀትህን ይገድበዋል፤ ማንበብህ ደግሞ ለዘርፈ ብዙ እውቀት መንገድ ይከፍትልሃል። እናም የማይጠቅምና ዋጋ የሌለው ነገር የለምና ለምታደርገው ነገር ሁሉ ሃላፊነት ውሰድ፣ በማስተዋልም ተግብረው።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

440

MIKRE AIMRO | ምክረ-አዕምሮ™

31 Oct, 17:16

✅ ዙሪያችሁን ጠብቁ!

👍LIKE ✍️ COMMENT SUBSCRIBE 📣 SHARE 🙏

https://youtu.be/WMs1C8Ae__E?si=Ojsvo0qH8B-SKoCU

686

MIKRE AIMRO | ምክረ-አዕምሮ™

31 Oct, 06:24

" አገኘዋለሁ! "
፨፨፨////፨፨፨
ለእራስህ ቃል የምትገባው ትልቅ ነገር ቢኖር ይህ ነው። እርሱም "ያጣሁትና ድጋሜ ላገኘው የምፈልገው ብቸኛው ሰው እኔ ነኝ፤ እርሱንም አገኘዋለሁ።" እለት እለት የምትናፍቀው የቀድሞ ማንነት አለህ፣ ሁሌም ከውጥህ የማይጠፋ፣ በምንም በማንም ያልተመረዘ፣ በምንም ያልደበዘዘ ንፁ ማንነት ነበረህ። ልትኮራበት የማትሰስተው፣ ልትመፃደቅበት የማታፍርበት፣ ብትመሰክርለት የማትሳቀቅበት የምትወደው ግሩም አንተነት ነበረህ። በእርግጥ ያ ማንነት ይናፍቃል፣ ትዝታው ከውስጥ አይጠፋም፣ ግርማሞገሱ ከልብ አይፋቅም። ነገር ግን ከብዙ ድካምና ውጣውረድ ቦሃላም ቢሆን አሁንም ዳግም ልታገኘው ትችላለህ፣ ልትፈጥረው ትችላለህ።

አዎ! ጀግናዬ..! ምኞትህ እርሱ ከሆነ አድርገው፤ በብዙዎች የተከዳውን፣ በብዙዎች የተገፋውን፣ በብዙዎች የታመመውን፣ የማይሆን መንገድ ላይ የተጣለውን የአሁን ማንነትህን በቀድሞው አኩሪና አስተደሳች አንተነት መቀየር ትችላለህ። አዕምሮህን ተቆጣጠር፣ ሚዛንህን ጠብቅ፣ እራስህን አስቀድም፣ ለእራስህ ወግን፣ ለእራስህ አድላ። ምናልባት እራስወዳድ፣ ጨካኝ፣ ክፉ ልትባል ትችላለህ፣ በጉዳትና ህመምህ ወቅት ግን ማንም ቅንና ደግ እንዳላለህ፣ ማንም እንዳላዘነልህ አስታውስ። ከብዙ መከዳት፣ መገፋት፣ መታመምና መሰቃየት ቦሃል እንደበፊቱ አሁንም ለእራስህ ጥብቅና ለመቆም በመብቃትህ አንድ ሰው ቢናገህ ጆሮ እንዳትሰጠው።

አዎ! ይህን ጊዜ ምንያክል ስትናፍቀው እንደነበር የምታውቀው አንተና ፈጣሪህ ብቻ ናቹ፤ ለዚህ ሁኔታ ለመብቃት ምን እንደከፈልክ የምታውቁት አንተና ፈጣሪህ ብቻ ናቹ። በእርግጥ የናፈከውንና የተመኘሀውን የቀድሞ ማንነት አግኘተህ ነፃ ትወጣለህ፣ ለድልም ትበቃለህ። የጠፋው ቢጠፋ፣ የተበላሸው ቢበላሽ አንተ በህይወት እስካለህ፣ እስከተነፈስክ ድረስ ዳግም እራስህን ማግኘት፣ እንደገና መታደስ፣ እንደ አዲስ መሰራት ትችላለህ። እንደ ህፃን አዕምሮ የፀዳ፣ እንደ ነጭ ወረቀት የነፃ ማንነት ነበረህ። ሩቅ የሚያስብ ተስፈኛ፣ ትልቅ የሚመኝ ህልመኛ ስብዕና ነበረህ። በእውቀትም ሆነ ሳይታወቅ ከነበሩህ ምኞቶችና ሃሳቦች ታጥፈህ አዲስ ህይወት ጀምረህ ይሆናል። ነገር ግን የቀድሞውን ማንነት ማግኘት ከፈለክ፣ የከርሞ ህልምና ራዕይህን መኖርና ማሳካት ከፈለክ በሚገባ ታገኘዋለህ፤ ታሳካዋለህ፤ ትኖረዋለህም።
ብሩህ ደማቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

1,617

MIKRE AIMRO | ምክረ-አዕምሮ™

30 Oct, 18:16

ምን ይቻላል?
፨፨፨////፨፨፨
ምን ይቻላል? ምን አይቻልም? ምን ያዋጣል? ምን አያዋጣም? ምን ጊዜ ይፈልጋል? ምንስ በአጭር ጊዜ ይሳካል? እነዚህን ወሳኝ ጥያቄዎች ሳንመልስ ምንም ነገር ብንጀምር መሃል ደርሰን ላለማቋረጣችን ምንም ዋስትና የለንም። ረጅም ርቀት ለመጓዝና ረጅም ርቀት ለመጓዝ የሚደረግ ዝግጅት አንድ አይደለም። በአጭር ጊዜ የሚፈፀምና የተወሰነ ጊዜ ለሚፈጅ ነገር የሚሰጥ ቦታ ተመሳሳይ አይደለም። ልብህ እንደማይዘልቅ ያውቃል ነገር ግን እስካሁን ባልተመቸህ የፍቅር ግንኙነት ውስጥ ነህ፤ ካንተ አቅምና እውቀት ጋር እንደማይሔድ ታውቃለህ ነገር ግን ዛሬም እዛው ስራ ላይ ሙጭጭ ብለሃል፤ ደጋግመህ ሞክረህ ለኪሳራ ተዳርገሃል ነገር ግን አሁንም አካሔድህን አልቀየርክም። አንዳንድ ተግባሮችን ለመጀመር ጥበብ ያስፈልጋል፣ አንዳንዶችንም ለማቆም እንዲሁ ጥበብ ያስፈልጋል።

አዎ! ጀግናዬ..! ምንም ከመጀመርህ በፊት አቅምህን እወቅ፤ ፍላጎትህን መርምር፤ አዋጩንም ነጥል። "በእኔ ደረጃ ምን ይቻላል? ምንስ አይቻልም?" ብለህ እራስህን ጠይቅ። ብዙዎች የቀለላቸው አንተንም ላይቀልህ ይችላል፤ ለብዙዎች የተሳካ ላንተ ላይሳካ ይችላል፤ በብዙዎች የተወደደ ባንተ ዘንድ ስሜት የማይሰጥ ሊሆን ይችላል። የልብ ትርታህ የተግባርህ መሪ ነው። የጀመርከውን ስራ ለመጨረስህ ብቸኛው ዋስትናህ ገንዘብ፣ ድጋፍ ወይም አድናቆት አይደለም። ዋናው ጉዳይ ያንተ አቅምና ፍላጎት ነው። በአጭር ጊዜ እንዲመጣ የምትመኘው ውጤት ባይመጣም ጥረትህን ልትቀጥል የምትችልበት መንገድ ፍላጎት ሲኖርህ ብቻ ነው። አዕምሮህ ነፃ መሆኑን እስካመነ ድረስ ነፃ ነው፤ በአዕምሮህ እስካልተገደበ ድረስ ሰውነትህ በፈለከው መንገድ ይታዘዛል።

አዎ! ጉዞህ ትርጉም ይኖረው ዘንድ አስቀድመህ ትርጉም ባለው፣ ስሜት በሚሰጥህና በምትፈልገው መንገድ ጀምረው። ሁሉም ነገር ይቻላል ስለተባለ ብቻ ሁሉን ለመቻል እራስህን አታባክን። መንገድ አገኘው ብለህ በሁሉም መንገድ እንደቦይ ለመፍሰስ አትሞክር። እያንዳንዳችን የሚሆነን ነገር አለ፣ የማይሆነን አለ፤ የሚስማማን ይኖራል፣ የማይስማማን ይኖራል። አንዳንድ ሁኔታዎች መሔድ ብንፈልግም እንድንሔድ አይፈቅዱልንም፤ ጥረታችንን እጥፍ ብናደርግም ለውጤት አያበቁንም፤ እስከጥግ ብንፋለምም በልፋታችን ልክ አይከፍሉንም። ምክንያቱም ስንጀምራቸው የእኛ ስለመሆናቸው ምንም አይነት የሚዛናዊነት ጥናት ስላላደረግን ነው። የምትችለውን ፈልገህ መያዝ ላይ በርታ፤ አዋጩን ማሳደድህን ቀጥል። ያንተ ባልሆነ ሜዳ ላይ በፍፁም እራስህን ደጋግመህ ለሽንፈት አሳልፈህ አትስጥ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,363

MIKRE AIMRO | ምክረ-አዕምሮ™

30 Oct, 17:31

✅ ልካችሁን አሳዩ!

👍LIKE ✍️ COMMENT SUBSCRIBE 📣 SHARE 🙏

https://youtu.be/1MG3BsAS4h4?si=_4T-txk8xpobBbzn

2,109

MIKRE AIMRO | ምክረ-አዕምሮ™

30 Oct, 04:59

አለመኖርን ፍሩ!
፨፨፨///////፨፨፨
የሰው ልጅ ሊፈራው የሚገባው ሞትን አይደለም፣ ይልቅ መፍራት ያለበት እስካሁን መኖር አለመጀመሩን ነው።
- Marcus Aurelius
ሞትን ፈርቶ ያስቀረው ማነው? ከሞት ሮጦ ያመለጠው ማነው? የሰው ልጅ ሲፈጠር ሞትም አብሮት ተፈጥሯልና የማይቀረውን አትፍሩ ይልቅ ምንም ሳትኖሩ የሞት አፋፍ ላይ እንዳትቀመጡ ንቅታችሁ ኑሩ። ህይወት አንድ ነች፣ ተለዋጭም ሆነ ሌላ ቅጥያ የላትም፤ ህይወት ውድ ናት የምትኖረው ዛሬና አሁን ነው። አንድ ለምትኖሩት ህይወት ብዙ አትጨነቁ፣ ለተገደበች ህይወት ራሳችሁን አታሰቃዩ። በእርግጥ ሁሉም ነገር አልጋ በአልጋ አይደለም ነገር ግን አልጋ በአልጋ ያልሆነውን ነገር ተቀብላችሁ የቻላችሁትን ያክል ለማስተካከል እየጣራችሁ ህይወታችሁን በጥራት ኑሩ። እስከ ዛሬ ፍረሃታችሁ ምን አሳጥቷችኋል? እስከ አሁን ምንያህል ወደ ኋላ አተስቀርቷችኋል? ፍረሃታችሁን እያዳመጣችሁ ከምን ደረሳችሁ? ቆማችሁ ቀራችሁ ወይስ ወደፊት ተራመዳችሁ? ውሸት መሆኑን ተረዳችሁ ወይስ እውነት አድርጋችሁ ተገዛችሁለት?

አዎ! አለመኖርን ፍሩ፤ በፈለጉበት መንገድ አለመኖርን፣ በፍረሃትና በጭንቀት፣ በሰቀቀንና በውጥረት መኖርን ፍሩ። በስጋትና በሰቀቀን የተከበበ ህይወት መቼም ነፃ ህይወት ሊሆን አይችልም። በፍረሃት በተወጠራችሁ ቁጥር ምን እንዳይፈጠር እንደምትፈሩ ራሳችሁን መርምሩ። ደመናውን አትፍሩ ይልቅ በዝናብ ውስጥ መደነስን ተለማመዱ። ወደዳችሁም ጠላችሁም ምድር የደፋሮች ነች፤ ህይወት የምታዳላው ለፈሪዎችና ለአይናፋሮች ሳይሆን ለደፋሮችና ለንቁዎች ነው። በውዴታም ይሁን በግዴታ ማንም ሰው የመረጠውን ህይወት ይኖራል። ፍረሃትን መርጣችሁ እንደሆነ መኖር እንዳቆማችሁ አስተውሉ፣ በትንሹም በትልቁም እየተጨነቃችሁ ከሆነ ገና ውስጣችሁ ያለውን አቅም እንዳላወጣችሁ አስተውሉ። ጥግ ላይ ምንም የለም፣ መሃል ገብታችሁ የምትፈልጉትን አድርጉ፤ ዳር ዳሩን ነፃነት የለም መሃል ገብታችሁ ነፃነታችሁን አጣጥሙ። ፍረሃትን የትም ሸሽታችሁ አታመልጡም፤ ውድቀትና ስህተትን ምንም ብታደርጉ አታልፉትም። የማይቀርላችሁን ነገር እየሸሻችሁ የፍረሃታችሁ ባሪያ አትሁኑ።

አዎ! ጀግናዬ..! መኖር በራሱ ድፍረት ይጠይቃልና በፍፁም በምትፈልገው መንገድ ለመኖር ፈሪ አትሁን። ህይወት ብዙ ምርጫ እያላት ፍረሃትህን ተቀብለህ ተስፋ መቁረጥን ብቸኛ አማራጭህ አታድርግ። እስከ ዛሬ ማድረግ አስበህ ስትፈራቸው የነበሩትን ነገሮች አድርገሃቸው ቢሆን ምን የምታገኝ፣ ምንስ የምታጣ ይመስልሃል? ፍረሃትን በጭፍኑ ሔደህ ፊትለፊት ላትጋፈጠው ትችላለህ ነገር ግን የፍረሃትህን መንስኤ መርምረህ፣ አመጣጡን ተረድተህ፣ ተጋፍጠሀው ብታልፈው የምታገኘውን እንዲሁም እንዲሁ እንደፈራህ ብትቀመጥ የምታገኘውን አመዛዝነህ ህይወትህን አደጋ ላይ በማይጥል መልኩ ፊት ለፊት ተጋፍጠህ ታልፈዋለህ። በፍረሃት ውስጥ ህይወት ያለ እንዳይመስልህ፣ በፍረሃት ውስጥ ጥበብ ያለ እንዳይመስልህ። የፍረሃቱ ተገዢ የሆነ ሰው የሚኖረው ፍረሃቱን እንጂ ህይወቱን አይደለም፣ ፈሪ ሰው ከጭንቀት የነፃ ሰላማዊና የተረጋጋ ህይወት መኖር አይችልም። ፍረሃትህን አትግፋው ፍረሃትህ ይሰማህ ነገር ግን ከተሰማህ ቦሃላ ህይወትህን በአሸናፊነት እንድትኖር እንደ ዋና ግፊት አድርገህ ተጠቀመው።
ብሩህ ደማቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,888

MIKRE AIMRO | ምክረ-አዕምሮ™

29 Oct, 17:58

የእራስህ ባላንጣ አትሁን!
፨፨፨፨፨//////////፨፨፨፨፨
የመርሆች ሁሉ መርህ፣ የህግ ሁሉ ህግ፣ የደስተኛ ህይወት መሰረት፣ የስኬትህ ቁልፍ፣ የመንፈሳዊነትህ ዋነኛ ማሳያ እራስን ከማንም ጋር አለማፎካከር። ማንንም የበለጥክ ስለመሰለህ ደስ አይበልህ፤ ከማንም ያነስክ ስለመሰለህም አትዘን። ያንተ መንገድ የተለየ ከመሆኑ የተነሳ አንተም አካሔድህ የተለየ ነው። ውስጥህ የታመቀው የከማን አንሼ እብሪት ቢጥልህ እንጂ በፍፁም ቀና ሊያደርግህ አይችልም። ከማንም ጋር ስትፎካከር እራስህን እየናክ እንደሆነ አስታውስ። ጥሩ ስሜት እንዲሰማህ ግዴታ የምትበልጠውን ሰው ፍለጋ ትወጣለህ፤ በእራስህ ለመተማመን ግዴታ አንተ የተሻልክ ሆነህ የምትታይበት ስፍራን ታፈላልጋለህ።

አዎ! ጀግናዬ..! የእራስህ ባላንጣ አትሁን፤ የእራስህ መሰናክል፣ የእራስህ እንቅፋት አትሁን። ማንም ደስታህን ከሚቀማህ በላይ ከሰዎች ጋር የምታደርገው ፉክክር ይቀማሃል፤ ማንም በእራስ መተማመንህን ከሚያሳጣህ በላይ በሌሎች አይን እራስህን ለመለካት መሞከር በእራስመተማመንህን ያሳጣሃል፤ ማንም ስኬት አልባ ከሚያደርግህ በላይ መብለጥ የምትፈልገውን እንደማሳደድ ስኬት አልባ ዋጋቢስ የሚያደርግህ ነገር አይኖርም። የሰዎችን እድገት ታደንቃለህ፣ ከእነርሱ ትማራለህ፣ በእነርሱ ውጤት ትነቃቃለህ፤ ነገር ግን በፍፁም እነርሱን ለመብለጥና ከእነርሱ ለመሻል የማይሆን ትግል ውስጥ አትገባም። ብትወዳደር እንኳን ውድድርህ የእውነት ነው፣ ሰዎች የሚያሳዩህ ነገር ግን በሙሉ እውነት አይደለም።

አዎ! ጥሩ ሆኖ መታየትን የሚጠላ የለም። የሚያስፈልግህ ግን ለሌሎች ጥሩ ሆኖ፣ ከሌሎች ተመራጭ ሆኖ መገኘት ሳይሆን ለእራስ ጥሩና ከሌሎች በተሻለ ለእራስ ክብርና ቦታ ሰጥቶ በመገኘት ነው። እያንዳንዱ ሰው የግል ትግል አለበት፣ ትግሉም ህይወቱን ለማሸነፍ፣ እራሱን ለማሻሻልና፣ ጥሩ የተባለ ደረጃ ላይ ለመድረስ ነው እንጂ አስቀድሞ ስራ ከያዘው ጓደኛው ለመሻል፣ አመርቂ ውጤት ካስመዘገበው ተማሪም ለመብለጥ አይደለም። መሻልን ከፈለክ ከእራስህ ተሻል፤ የማትወደውን ባህሪህን ተወው፤ የሚጠቅምህን ክህሎት አዳብር፤ ጠይቅ፣ ተማር፣ በየጊዜው ከቀድሞው የተሻለውን አንተ መፍጠር ላይ በርታ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,744

MIKRE AIMRO | ምክረ-አዕምሮ™

29 Oct, 16:31

✅ ውድነታችሁን አሳዩ!

👍LIKE ✍️ COMMENT SUBSCRIBE 📣 SHARE 🙏

https://youtu.be/zT3m3zcBRzE?si=HudCC9V4eMpBPzCb

2,667

MIKRE AIMRO | ምክረ-አዕምሮ™

29 Oct, 06:23

በትልቁ ውደቅ! FAIL BIG!
፨፨፨፨፨///////////፨፨፨፨፨
ሰዎች ፊት ቆመህ ሃሳብህን ለመግለፅ ስትሞክር ተስቆብሃልን? እራስህን ለማስተዋወቅ ስትሞክር ምላስህ ተሳስሯልን? የጀመርከው Business ደጋግሞ ከስሮብሃልን? መቻልህ ውሸት አለመቻልህም እውነት እስኪመስልህ ደጋግሞ የሚነግርህ ሰው አጋጥሞሃል? ገና ሳትጀምር ውድቀትን ፈርተህ ያቆምከው ትልቅ ሃሳብ አለህን? በዙሪያህ ካሉ ሰዎች እራስህን እያነፃፀርክ እንደማትረባና የትም መድረስ እንደማትችል ታስባለህን? ለአመታት የለፋህበት፣ እድሜህን የፈጀህበት ትምህርት እንደማይጠቅምህ ይሰማሃልን? በሰዎች ጆሮ በመነፈግህ፣ ትኩረት በማጣትህ፣ ተከታይ ባለማግኘትህ ውስጥህ ተሰብሯልን? ተስፋ አጥተሃል? እምነትህ ላሽቋል? እያንዳንዱን እንቅፋትህን እንደውድቀትና እንደስህተት መቁጠር ከጀመርክ ከእነርሱ ለመማር እራስህን አዘጋጅ። ወድቆ የሚቀር ማንነት የለህም፣ ተንቆ፣ ትኩረት ተነፍጎ፣ እንዲያዳምጡት ብቻ ሰዎችን የሚለምን ስብዕና የለህም።

አዎ! ጀግናዬ..! በትልቁ ውደቅ! በትልቁ ተማር። ስሜት በሚነካ መንገድ ተተች፣ ተሰደብ፣ ተገፋ፤ ማንነትህን በሚቀይር፣ ስሜትህን በሚጠግን፣ አቅምህን በሚያወጣ፣ ተዓምርን በሚያሰራህ መንገድ ድጋሜ ተነስ። በትንሹ ብትሳሳት በትንሹ ትማራለህ፣ በትንሹ ብትከስር፣ በጥቂት ሰዎች ብትገፋ፣ የምትፈልገውን ትንሽ ነገር ባታገኝ ለመታረምና ጠንቅረህ ለመስራት የምታደርገው ጥረትም ትንሽ ይሆናል። በሚያስጠላ መንገድ ትወድቃለህ፣ ነገር ግን በሚያስገርም ሁኔታ ትማራለህ፤ ባልጠበከው ጊዜ በስህተት ትታሰራለህ፣ ነገር ግን አስበህና አቅደህ ስህተትህን በሚገባ አርመህ ትመለሳለህ። የምትችለው መውደቅ ብቻ ሳይሆን መነሳትም ነው፤ መሳሳት ብቻ ሳይሆን ዳግም ታርሞ ነፍስ መዝራትም ነው፤ የምትችለው የፍረሃት ምሳሌ መሆን ብቻ ሳይሆን የድፍረትና የቆራጥነት ተምሳሌት መሆን ነው።

አዎ! ማንም ይወድቃል፣ ነገር ግን ከውድቀቱ ለመማር የቆረጠ ጥቂት ነው። ማንም ይሳሳትል ነገር ግን ስህተቱን ለማረም የሚፋጣን ሰው ብዙ አይደለም። ከውድቀትህ የምትማረው ለሌላ ውድቀት በመዘጋጀት አይደለም፤ ከስህተትህም የምትታረመው እንደገና ሌላ ስህተት በመስራት አይደለም። መውደቅ ቀላል ነው ስለዚህ ብዙ ሰው ይወድቃል፤ መነሳት ግን ከባድ ነው ስለዚህ ጥቂቶች ብቻ ይነሳሉ። መነሳትን እንደ መጨረሻ አማራጭ ስትወስድ ተነስተህ ድጋሜ የመሞከር ድፍረት ይኖርሃል። ህይወት ያለውድቀትና ያለስህተት ስሜት አልባ ነች። በትልቁ ለማደግ በትልቁ መማር ያስፈልጋል፣ በትልቁ የሚያስተምረው ደግሞ በትልቁ መውደቅ ብቻ ነው። ከመገፋት፣ ከመጠላት፣ ከኪሳራ፣ ትኩረት ከመነፈግ፣ በሰዎች መቀለጃ ከመሆን በላይ ምን የሚያስተምር ነገር አለ? በትልቁ ለመውደቅ ድፍረት ይኑርህ፣ ከእርሱም በትልቁ ለመማር ቆራጥ ሁን።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel 😊 💪

3,092

MIKRE AIMRO | ምክረ-አዕምሮ™

28 Oct, 18:10

ማንም አይፈልግህም!
፨፨፨፨//////////፨፨፨፨
ያሳዝናል ነገር ግን እውነታው ከዚህ የተለየ አይደለም፤ ልብ ይሰብራል ቢሆንም ከመቀበል ውጪ አማራጭ የለህም፤ ያሳምማል ነገር ግን በገሃድ አለም የምታየው ነገር ከዚህ የተለየ አይደለም። ተራና መደበኛን ሰው ከቤተሰቡ በቀር ማንም አይፈልገውም። እንደውም አንዳንዴ ቤተሰቡም ላይፈልገው ይችላል። ዋናው ጫወታ በሌሎች የመፈለገና ያለመፈለግ ጉዳይ ሳይሆን በእራስ መመዘኛ ዋጋ ያለው ጠቃሚና ለሰው የሚተርፍ ሰው ሆኖ መገኘት መቻል ነው። የተለየህ እንደሆንክ ደጋግመህ ከማሰብህ በተሻለ ሆነሀው ተገኝ። በብዙ ሰዎች ዘንድ መታወቅ ቀላል ሊሆን ይችላል፤ ነገር ግን ትልቁ ቁብነገር "በምን ታወክ?" የሚለው ጉዳይ ነው። "በእርግጥም ዋጋ ያለው፣ ጠቃሚና ከእራስ በላይ መኖር የምችል ሰው ነኝ።" ብለህ ታስባለህ? እንግዲያውስ ካሃሳብህ በላይ ሆነህ የመታየቱን ጉዞ አሁኑኑ ጀምር።

አዎ! ጀግናዬ..! ማንም አይፈልግህም! ዋጋህን ሳታውቅ ዋጋ እንደሌለው ሰው ከተመላለስክ ማንም አይፈልግህም። ደረጃህን ሳትረዳ ከደረጃህ ወርደህ፣ ከከፍታህ አንሰህ ከተገኘህ ማንም አያስታውስህም። እውነተኛ ማንነትህን ወደኋላ ብለህ በአስመሳይ ማንነት ብትመላለስ ማንም ዞር ብሎ አያይህም። መፈለግን የሚጠላ ሰው የለም፤ ነገር ግን እራሱን የማይፈልግን፣ ለማደግ ያልተነሳሳን፣ ለመለወጥ የማይታገልን፣ ህይወቱን በተለየ እሴት ለመሙላት የማይጥርን ሰው ደግሞ ማንም አይፈልገውም። እራስህን ሳትወድ ማን እንዲወድህ ትጠብቃለህ? አንተ ወደህ፣ አክብረህ ጊዜና ቦታ ያልሰጠሀውን ማንነት ማንም ይወደው ዘንድ ግዴታ የለበትም። እራስህን ስታሸንፍ በአምላክህ ስራና በእራስህ ትኮራለህ፤ ውጫዊ ፈተናና ውጣውረዶችን ድል ስትነሳ ደግሞ የእግዚአብሔርን ክብር ባንተ በኩል ትጨምራለህ፤ ለእራስህም ትልቅ ስፍራን ታዘጋጃለህ።

አዎ! አትሸወድ፤ እራስህን እየጠላህና ዋጋ ቢስ እያደረክ የምትፀድቅ እንዳይመስልህ። ድህነት የገነት በር መግቢያ እንዳልሆነ አስተውል፤ ባለጠግነትም እንዲሁ የሲዖል መክፈቻ ቁልፍ እንደሆነ ማሰብ አቁም። ስንፍናህን ውሃ በማያነሳ ትርክት አታጠንክረው። እግዚአብሔር ልጆቹን ሁሉ ይወደላል፤ በተሰጠው መክሊት ተጠቅሞ ስልሳም መቶም ያማረ ፍሬ በሚያፈራ ልጁ ግን እጅግ ደስ ይሰኛል፤ ተጨማሪ ፀጋና በረከትም ያድለዋል። ከንቱ ምኞት የሰይጣን ባሪያ ያደርገናል፤ ፅኑ እምነት ግን የአምላካችን ቆራጥ ወታደር ያደርገናል። ህይወትን ከፈጣሪህ ስጦታ በቀር ልታሸንፋት አትችልም። መንፈሳዊነትም ዋነኛው ማሸነፊያ መሳሪያህ ነው። ለእራስህ ለምትሰጠውን ቦታ አስተካክል፤ እራስን ከመሆን በላይ ትልቅ ድል የለምና እራስህን ሆነህ እራስህን ፈልግ። ማንም እንዲፈልግህና ቦታ እንዲሰጥህ ከመጠበቅህ በፊት አስቀድመህ እርሱን ለእራስህ አድርገህ ተገኝ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel 😊 💪

3,162

MIKRE AIMRO | ምክረ-አዕምሮ™

28 Oct, 17:02

✅ ከጭንቀት ውጡ!

👍LIKE ✍️ COMMENT SUBSCRIBE 📣 SHARE 🙏

https://youtu.be/qz4ojfclKwg?si=eWtznD-hX39T4p9B

2,949

MIKRE AIMRO | ምክረ-አዕምሮ™

28 Oct, 05:02

ለአዕምሮህ ተጠንቀቅ!
፨፨፨፨///////////፨፨፨፨
ሁሉም ነገር ሲጀመር ከባድና ነውር ነበር፣ አዕምሯችን ውስጥ ከገባና ደጋግመመን ስለእርሱ ማሰብ ከጀመርን ጊዜ አንስቶ ግን አዲስነቱ ያበቃል፤ ነውርነቱ ይቀራል፣ አሳፋሪና የሚጠላ መሆኑ ተረስቶ የተለመደ፣ የሚያኮራና አስደሳች ሆኖ እንመለከታለን። ደጋግመህ በምታየው፣ ደጋግመህ በምትሰማው፣ አብዝተህ ትኩረት በምትሰጠው አስነዋሪና የወረደ ነገር አዕምሮህን እያጠለሸሀው፣ ስብዕናህን እየመረዝከው፣ ነውርንም እየተለማመድክ እንደሆነ እወቅ። ደጋግመን የጦርነት፣ የመጠፋፋትና የሞት ዜና በሰማን ቁጥር አዕምሯችን ይለምደዋል በመቀጠልም መደንገጥ እናቆማለን፣ እንዲሁ ደንዝዘን አንዳች ሰብዓዊነት ሳይሰማን የሞተን ሰው እየቆጠርን እንኖራለን። በሃይማኖትም በባህልም እጅግ የሚወገዘውና በነውርነቱ ብዛት የሰውን ልጅ በመቅሰፍት ያስመታው ግብረሰዶማዊነትም እንዲሁ እንደ ቀላል አዕምሯችንን ወደመቆጣጠር እየተሸጋገረ ነው።

አዎ! ጀግናዬ..! ለውድ ንብረትህ ለአዕምሮህ ተጠንቀቅ! አዕምሮህ ውስጥ የገባን ነገር ወይ ታጥበህ አታፀዳውም ወይም ቆርጠህ አትጥለውም። ዛሬ ላይ በሞት መደንገጥ ቀርቷል፣ እዚም እዛም አስነዋሪ ተግባራትን መመልከቱ ተለምዷል። አለም አዕምሯችንን እያጠበ (Brain Wash) ቀስ በቀስ ነውሩን Normalize እንድናደርግ፣ እግዚአብሔርን እየሸሸን የሰይጣን መሳሪያ እንድንሆን በየእለቱ ይተጋል። ህፃናት የሚያዩት ፊልም አብሯቸው ያድጋል፣ ወጣቶች የተጠመዱበት የፖርን፣ የአደንዛዥ እፅና የአስነዋሪ ንግግር ሱስ እያደር በእራስመተማመናቸውን እየሸረሸረ፣ አዕምሯቸውን እየመረዘ፣ የአምላክን ህግ የሚጥሱ፣ ለሞራላቸው የማይጠነቀቁና በሃይማኖት አልባነት እንዲኖሩ ያደርጋቸዋል።

አዎ! የሚሆነውን ፀያፍ ነገር ደጋግመህ በመስማት ነውርነቱን እንዳትረሳ ጆሮህን ይህን ከመስማት፣ አይንህንም ይህን ከመመልከት ጠብቀው። ብትሰማው ብትሰማው አንዳች ጠብ የማያደርግልህ፣ ብታየው ብታየው አንዳች ዋጋህን የማይጨምር ይልቁንም በክፉ ሃሳብ እየመረዘህ፣ አዕምሮህን እያጠለሸ፣ ውስጥህን እየረበሸ፣ በስጋት እያጠረ ተስፋ ቢስ ከሚያደርግህ የትኛውም ነገር ተቆጠብ። አዕምሮህ ሰላም ሲያጣ ምንምህም ሰላም ሊያገኝና ሊረጋጋ አይችልም። ከሁሉም ከሁሉም ለአዕምሮህ ተጠንቀቅ፣ መርጠህ መግበው፣ የሚሰማውን ምረጥለት፣ ማተኮር ያለበትን ጉዳይ ምረጥለት። እንደነዱህ መነዳት አቁም፤ በፈሰሱበትም መፍሰስ አቁም። አንተ ያልጠበከውን አዕምሮህን ማንም አይጠብቅልህም። በአዎንታዊ፣ ተስፋ በሚሰጡ፣ ውስጣዊ ሰላምን በሚያረጋግጡ በፈጣሪ ቃልና በሰው ልጆች መልካም ትሩፋቶች አጥረህ ከጥፋትና ከውድቀት ጠብቀው።
ብሩህ ደማቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel 😊 💪

3,448

MIKRE AIMRO | ምክረ-አዕምሮ™

27 Oct, 17:57

ድምፃቸውን ቀንስ!
፨፨፨///////////፨፨፨
ሁለት አይነት ሰዎች አሉ። የተግባር ሰዎችና የንግግር ሰዎች። አንተም ከሁለቱ መሃል በአንደኛው ውስጥ መመደብህ አይቀርም። የተግባር ሰዎች ሳይናገሩ ያደርጋሉ፤ ተናግረውም ያደርጉታል። የንግግር ሰዎች ግን በቃላቸው ብቻ ሊያታልሉህ ይሞክራሉ፤ ምላሳቸው እንደ ቂቤ ያቀልጥሃል፣ ተግባር ላይ ግን የሉበትም። በአፋቸው ያልሞከሩት ነገር፣ ያልወጡት ተራራ፣ ያልፈነቀሉት ድንጋይ እንደሌለ ይነግሩሃል፣ በተግባር ግን አንድም እርምጃ ወደፊት አልተጓዙም፤ ምንም አይነት የተለየ እንቅስቃሴ አላደረጉም። እንደሚወዱህ፣ እንደሚያከብሩህና እንደሚያዝኑልህ ይነግሩሃል ነገር ግን ሁሌም ሲያበሳጩህ፣ ሲያሳምሙህና ሲንቁህ ይገኛሉ። አንዴ ከአፍ የወጣ ቃል እዳ ነው። ለቃል ትልቅ ስፍራ የሚሰጥበት ማህበረሰብ ውስጥ አድገን ቃልአባይ ሆኖ መገኘት ዋጋ የለውም። "ቃል ከሚጠፋ የወለዱት ይጥፋ" ከሚል አባባል በላይ ለቃል ትልቅ ቦታ የሚሰጥበት ስፍራ አይኖርም።

አዎ! ጀግናዬ..! ብዙ አይተህ፣ ብዙ ጠብቀህ፣ ለረጅም ጊዜ ታግሰህ ከቃል ውጪ ተጨባጭ ነገር ማግኘት ካልቻልክ አዲስ የተለየ እርምጃ መውሰድ እንዳለብህ እወቅ። በዚህ መንገድ ያሰሩህን፣ በቃል ብቻ የነገሱብህን፣ እለት እለት በሚያማምሩ ቃላቶቻቸው ሊያታልሉህ የሚሞክሩ ሰዎችን ድምፃቸውን ቀንስ፤ ከቻልክም mute አድርገሃቸው ተግባራቸውን ብቻ ተከታተል። ማውራትንና ማድረገን አንድ ለማድረግ የሚጥር ወሳኙን የህይወት መንገድ የሳተ ነው። የሚታይ ገሃድ የወጣ እውነታ ያለው ድርጊት ውስጥ እንጂ ቃል ውስጥ አይደለም። አታላይ ሰው ብዙ ጊዜ የሚጠቀመው ሃይል ያላቸው ውሃ የሚያነሱ ቃላትን ነው። ውሸቱን በንግግር ብቃቱና በማሳመን ችሎታው ብቻ እውነት ሊያስመስለህ ይጥራል። አንተ ግን ድርጊቱን ብቻ ተመልከት።

አዎ! ጀግኒት..! ከሚደረድርልሽ የሚያማምሩ የቃላት መዓት በላይ ተግባሩ ላይ አተኩሪ። እድሜ ልክሽን ከተስፋ በቀር ጠብ የሚል ነገር ሳታገኚ መኖር ካልፈለግሽ በቀር የተባልሽውን ሁሉ እንደ እውነትና እንደሆነ ተቀብሎ መቀመጥን አቁም። የሚባሉ ነገር ምንያክል እውነት ናቸው? ምንያክልስ በተግባር ተገልጠዋል? ምንያክልስ በተባሉት ልክ ተፈፅመዋል? አስሬ እንደሚወድሽ ከሚነገርሽ በላይ መውደዱን የሚገልፅ አንድ ተግባር ቢፈፅም ይበልጥ ተቀባይነት ያገኛል፤ ደጋግሞ እንደሚታመንልሽ ከሚያወራ መታመኑን ብቻውን ሲሆን ለእራሱ ቢያረጋግጥ የእነትም ታማኝ ያደርገዋል። ባሸበረቁ ቃላት ጋጋታ መታለል አቁሚ። ከቃል በላይ ተግባር ላይ ማተኮር ጀምሪ፤ እውታውንም ከድርጊቱ ተረጂ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel 😊 💪

3,677

MIKRE AIMRO | ምክረ-አዕምሮ™

27 Oct, 16:12

✅ ብልጥ ሁኑ!

👍LIKE ✍️ COMMENT SUBSCRIBE 📣 SHARE 🙏

https://youtu.be/bQYKOxMyIP0?si=onLJGaFFgI072P-F

3,393

MIKRE AIMRO | ምክረ-አዕምሮ™

27 Oct, 09:13

አንበሳ የጫካው ንጉስ የሆነው በክብደት: በቁመት: በፍጥነት አልያም በብልጠት አይደለም

በቁመት ቀጭኔ
በክብደት ዝሆን
በፍጥነት ጥንቸል
በብልጠት ጦጣ ይበልጡታል

👇🏾

አንበሳን የጫካ ንጉስ ያስባለው አመለካከቱ ወይም Mind-set ነው

ለአንበሳ ሁሉም እንስሳ የሚታየው እንደ ምግብ ነው: የአንበሳ የአስተሳሰብ ውቅር ይህ ነው - that is what makes a Lion King of the Jungle

👇🏾

አንበሳ ብዙ እድሜ አይኖርም: የብርታት እድሜውም ትንሽ ነው - ውስጡ ያለውን ብርታት ከሚያደክምበት ነገር ዋነኛው ደግሞ ጩኸቱ ነው/the Roaring Force

ድንበሩን ለማስጠበቅ ይጮሃል: ሀይሉን ለማሳየት ይጮሃል: ወገኖቹን ለመጥራት ይጮሃል: ለንግስናውም ይጮሃል - በዚህም የተነሳ አለአግባብ ሀይሉን አባክኖ ብርታቱ በጩኸት ይከስማል

ከፍ ስትል ዝም በል

“Privacy is power” እንዲል ❤️🙌🏼

Semir ami

3,689

MIKRE AIMRO | ምክረ-አዕምሮ™

27 Oct, 04:23

አልፎካከርም!
፨፨፨/////፨፨፨
ከራስ ጋር ንግግር፦ "ብርቱ ስራ አለብኝ፣ ፋታ የማይሰጥ፣ እንቅልፍ የማያስተኛ፣ ስንፍናን የማይቀበል፣ ለተስፋ መቁረጥ ቦታ የሌለው ብርቱ ስራ አለብኝ። ስራዬን እወደዋለሁ ለዛም ነው ፈጣሪዬ ሁሌም ከጎኔ ሆኖ እንዲያበረታኝ የምማፀነው። አቅም እንዳለኝ አውቃለሁ፣ ጠንካራ እንደሆንኩ አውቃለሁ፣ የተሰጠኝ ፀጋ ብዙ እንደሆነ አውቃለሁ ነገር ግን ዛሬም ቢሆን የምመካው በተሰጠኝ ነገር ሳይሆን በሰጠኝ አምላኬ ነው። በእርሱ ተመክቼ አፍሬ አላውቅም፣ እርሱን ተማምኜ አንገት ደፍቼ አላውቅም፣ እርሱን አስቀድሜ ወድቄ አላውቅም። በገለጠልኝ መጠን የፈጠረኝን አውቀዋለሁ፣ የሰጠኝን ቦታ አውቀዋለሁ ለዚህም ነው የማልፎካከረው፣ ለዚህም ከማንም ጋር እራሴን የማላነፃፅረው። እራሴን ከመናቅ በላይ የፈጠረኝን መናቅ አልፈልግም፣ እራሴን ከማዋረድ በላይ ወደ ምድር ያመጣኝን ማዋረድ አልፈልግም። ሌላ ትልቅ ስራ ሰርቼ አምላኬን ባላኮራውም በፍፁም ግን እንዲያፍርብኝ የሚያደርገውን ተግባር አልፈፅምም። ራስን የመሆን ስራ ስጥቶኛልና ሁሌም ቢሆን ራሴን ለመሆን መስራቴን እቀጥላለሁ።

አዎ! አልፎካከርም! ዋጋዬን የሚያሳንስ ተግባር ላይ አልሳተፍም፣ የሚያስንቀኝን ስራ በፍፁም አልሰራም። እኔ ክብሬን ስጠብቅ፣ እኔ ራሴን ስሆን፣ እኔ ራሴን ሳሻሽል፣ በተሰጠኝ መክሊት ፍሬ ሳፈራ የሚከብርብኝ ፈጣሪ አለኝ፤ ሌላ በረከትን የሚያድለኝ አምላክ አለኝ። ሁሌም ቢሆን ፉክክሩ እኔና እኔ መሃል እንደሆነ ገብቶኛል። ራሴን ማሸነፍ ዋንኛው አጀንዳዬ ነው፤ ከትናንቴ ተሽሎ መገኘት ትልቁ ተልዕኮዬ ነው። እግዚአብሔርን ያወቅኩት ከሰው ለመሻል፣ ሰውን ለመብለጥ ስጥር ሳይሆን ከራሴ ለመሻል ስሞክርና ራሴን በማሻሻል ጉዞዬ ውስጥ ነው። ለአንድ ሌላ ሰው የተሰራን መነፅር ልጠቀም ብል ምናልባትም ማየት የምፈልገውን ነገር ለእርሱ እንደሚያሳየው በጥራት ላያሳየኝ ይችላል። ምክንያቱም መነፅሩ የተሰራው ለርሱ እንጂ ለእኔ ስላልሆነ። የሰው የሆነን ነገር መመኘቴም ከዚህ የተለየ ትርፍ እንደማይሰጠኝ ገብቶኛል። የሰው ነገር የሰው ነው። የእራሴን ጥዬ የሰውን ነገር ለማንሳት አልጥርም። የሌሎች ስኬት እኔን እንዲያሳንሰኝ አልፈቅድም። የነርሱ መንገድ የራሳቸው ነው፣ የእኔም መንገድ የእራሴ ነው።"

አዎ! ጀግናዬ..! ሰው እንዲንቅህ እንደማትፈልገው አንተም ራስህን አትናቅ። ከብርህን የሚያሳንስ ተግባር እያደረክ አትገኝ። ራሱ ጋር ያለውን ነገር ሳያውቅ ሰው በር ላይ ያለን ነገር ከሚያማትር ሰው በላይ ደረጃውን የሚያወርድና ራሱን የሚንቅ ሰው የለም። እንትናን በሆንኩ እያልክ አንተነትህን ቦታ አታሳጣው፤ የማይመለከትህን ነገር አርቀህ እየተመለከትህ ራስህን ባዶ አታድርገው። አንተ ጋር ብዙ መሻሻል ያለባቸው ጉዳዮች አሉ፣ ማንንም ሳትመለከት አንተ ራስህ ማስተካከል ያሉበህ ነገሮች አሉ። ብዙዎችን ተመልከት፣ ከብዙዎች ተማር፣ ከእነርሱም ልምድ ውሰድ በስተመጨረሻ ግን ትኩረትህን ራስህ ላይ አድርግ። ፉክክር በጣም አስፈላጊና ጥሩ ነገር ነው። ነገር ግን መሆን ያለበት ከራስ ጋር ብቻ ነው። ራስህን ተቀበል፣ የገዛ ቤትህን አድምቅ፣ ውስጥህን አረጋጋ፣ ለራስህ ሰላም ስጥ፣ የሰላሙ አለቃም እንዲነግስብህ አድርግ።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,749

MIKRE AIMRO | ምክረ-አዕምሮ™

26 Oct, 03:30

ከ97% ራቁ!
፨፨፨///፨፨፨
"ስለራሴ አውቃለሁ፣ የሚበጀኝን ማንም እንዲነግረኝ አልፈልግም፣ የተሻለ ነገር ይገባኛል፣ ስኬት ምርጫዬ ነው፣ እድገት እጣፋንታዬ ነው፣ ደስታ መገለጫዬ ነው፣ ከኖርኩ መኖር ያለብኝ በፍቅርና በመትረፍረፍ ነው" ካላችሁ አሁኑኑ ምንም ጊዜ ሳታጠፉ ከ97% የዓለማችን ህዝብ ራቁ፣ ራሳችሁን ከነርሱ ነጥሉ፣ እነርሱ እንደሚያወሩት አታውሩ፣ እነርሱ የሚውሉበት ቦታ አትዋሉ፣ እነርሱ እንደሚመገቡት አትመገቡ፣ እነርሱ የሚሔዱበት ቦታ አትሒዱ፣ እነርሱ የሚያስቡትን አታስቡ በአጠቃላለይ አነርሱ እንደሚኖሩት አትኑሩ። የዓለማችን 3% ሰው ፍሬ ያለው ነገር ለማምጣት ያለመታከት ይለፋል፣ ሌት ከቀን ይጥራል፣ ያለውን እውቀት አንጠፍጥፎ ይጠቀማል፣ በተሰጠው ጥበብ ለማትረፍ ይሞክራል። ቀሪው 97% ግን 3% ያመጣውን ውጤት ለመጠቀም ይሽቀዳደማል፣ 3% የፈጠረውን ፈጠራ ለመግዛት ይጥራል፣ 3% ያፈራውን ፍሬ ለመብላት ራሱን ያዘጋጃል። በተለመደው መንገድ ለመኖር ማንም አይቸገርም፣ ብዙዎች የሚያደርጉትን ደጋግሞ ማድረግ ለማንም ከባድ አይደለም። የአብዛኛውን ሰውን ህይወት አይቶ መድገም ጥበብም ሆነ የተለየ እውቀት አያስፈልገውም። እውቀትና ጥበብ የሚሻው የራስን ነገር ይዞ ተለይቶ መውጣት ነው።

አዎ! ከ97% ራቁ! በእርግጥ ከ97% የዓለም ህዝብ መራቅ ማለት ለብቻ እንደመሆን ይቆጠራል። ምክንያቱም የተቀሩትን 3% የዓለም ህዝብ በቀላሉ በአካባቢያችን ማግኘት ስለማንችል። ስለዚህ ከሚመርዛችሁ መንጋ መራቃችሁ ለብቸኝነት ቢያጋልጣችሁም ራሳችሁን ለማዳን ግን ሌላ አማራጭ የላችሁም። የራሳችሁን የግል ህይወት ጀምሩ፣ ለራሳችሁ የግል ዓላማ ታመኑ፣ የገዛ ፍላጎታችሁን አስቀድሙ፣ ለነፃነታችሁ ዋጋ ለመክፈል ተዘጋጁ፣ ቋንቋችሁን ቀይሩ፣ አስተሳሰባችሁን ቀይሩ፣ ድርጊታችሁን ቀይሩ። ለውጥ ላይ የማያባራ አብዮት አስነሱበት። ህይወታችሁን እንዴት እየኖራችሁ እንደሆነ ቆም ብላችሁ ተመልከቱ፣ ወዴት እየሔዳችሁ እንደሆነ አስተውሉ፣ የትኛውን መንገድ እንደመረጣችሁ መርምሩ። በስንፍና የተያዘውን ስፍራ ለጠንክሮ መስራት ስጡ፣ ስሜታዊ በመሆን ፋንታ ራሳችሁን ግዙ፣ ሰውን ከመለመን ፈጣሪን ለምኑ፣ ባላችሁ ጥቂት ነገር ከመመካት በአምላክ ተመኩ፣ እወቀታችሁን ከማውራት ኖራችሁት አሳዩ፣ ቀደም ከደም ከማለት ከኋላ አድፍጣችሁ ስራችሁን በአግባቡ ስሩ።

አዎ! ጀግናዬ..! ብዙ ሰው የሚጓዝበት መንገድ ትክክለኛ መንገድ ሳይሆን ቀላል መንገድ ነው፤ ብዙ ሰው የሚሰራው ስራ ትልቅ ውጤት የሚያመጣ ሳይሆን የተለመደ ስራ ነው። ልዩነት ለመፍጠር ተለይቶ መውጣት አማራጭ የሌለው ብቸኛ አማራጭ ነው። ማንም ሊቀበለው ወይም ላይቀበለው ይችላል እውነታው ግን አንድ ነው "ዋጋ የማያስከፍል ስኬት የለም። ብዙዎች ዋጋ መክፈል አይፈልጉም ነገር ግን ስኬታማ መሆን ይፈልጋሉ፣ ብዙዎች መነሳት አይፈልጉም ነገር ግን የከፍታው ጫፍ ላይ መቀመጥ ይፈልጋሉ። ለዚህ ነው ከብዙ ሰው መለየት ያለብህ። ጥቃቅን ራስን የመግዛት እርምጃዎች ማንም ያላያቸውን ከፍታዎች ያሳዩሃል፣ ትንንሽ የውጤታማ ልማዶች ክንውን በሂደት ተፅዕኖ ፈጣሪ ያደርጉሃል። ምንም የምታማርረው ነገር የለም አሁን የምትኖረውን ህይወት መርጠሀው እየኖርክ ነው። መኖር የምትፈልገውን የተለየ ህይወትም እንዲሁ መርጠሀው፣ ዋጋ ከፍለህለት፣ ራስህን ሰጥተሀው መኖር ትችላለህ። ካለህበት የማያሳድግህ መዓቀፍ ውጣ፣ ራስህንም ገንባ።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

788

MIKRE AIMRO | ምክረ-አዕምሮ™

25 Oct, 17:58

አትጠብቅ!
፨፨/////፨፨
ሁሌም በእጅህ ያለ ነገር ቢኖር ያለመቀየርና ያለማደግ አማራጭ ነው። ጊዜው ይሒድ፣ እድሜህ ይግፋ፣ የምትበላው አይኑር፣ የሚረዳህ ይጥፋ፣ ችግር ይደራረበብህ ይህን ሁሉ ተላምደህ መኖር ትችላለህ። ይህን አስታውስ "ችግሮቼ መፈናፈኚያ ካሳጡኝ፣ ድህነቴ ከከፋብኝ፣ ተቀባይነት ካላገኘው፣ በእራስ መተማመኔ ካልተሻሻለ፣ ፍረሃቴ አልተውም ካለኝ ለመቀየር እሞክራለሁ" ካልክ ያለመቀየር አማራጭህን እይደገፍክ ነው። ፈልገህ የምትኖረው ህይወት እንጂ ተፈልገህ የሚሰጥህ ህይወት የለህም። ወደድክም ጠላህም የውድቀትህና የበታችነትህ ምክንያት አንተ ነህ። ብዙ ምክንያት ልትደረድር ትችላለህ፤ ብዙ ነገሮች እንዳልተመቹህ ልታወራ ትችላለህ፣ እውነታው ግን ከዛ በላይ አሳማኝ ነው። ሸፋፍነህ የምታመልጠው እውነታ፣ እያሳበብክ የምትሸውደው ሃቅ ፈፅሞ አይኖርም። ከማያልቀው ምኞትህ ጋር መወዳጀት፣ ከማይሰለችህ ፍላጎትህ ጋር መዛመድ መብትህ ነው። እርሱን እውን ለማድረግና ለመኖር የምታስበውን ጊዜ ግን በሚገባ አስበው።

አዎ! ጀግናዬ..! አትጠብቅ! የከፋ ጊዜ ይመጣል፣ ችግሬ ይቀሰቅሰኛል፤ ማጣቴ ያነቃኛል፤ መገፋቴ ያነሳሳኛል ብለህ አታስብ። አሁን ካለህበት የህይወት መንገድ በተሻለ ለለውጥና እድገትህ አመቺ ጊዜ አይመጣም። የምትጠብቀው ሁሉ አሁን እየሆነ እንዳለ አስተውል። ከአሁን ውጪ የሚሆን ምንም ነገር የለም። የምትጨነቀው አሁን ነው፤ ሃሳብ የሚመጣልህ፣ ነገሮችን የምታመዛዝነው፣ አማራጮችን የምትመለከተው፣ ዙሪያህን የምታስተውለው አሁን ነው። ተግባርህም በዚው ቅፅበት ቢጀመር ምን የሚፈጠር ይመስልሃል? ሃሳብ ውስጥ የነበረው አዕምሮህ ያርፋል፤ በእራስመተማመንህ ይመጣል፤ በትንሿ እርምጃህ ምክንያት ደስታ ይሰማሃል፤ ሙሉ ሰውነትህ ሲረጋጋ ትመለከታለህ፤ ትልቁ አቅምህ ምን እንደሆነ ይገባሃል፤ ብሩህ ወደፊት በግልፅ ይታይሃል፤ የሚሆን የመሰሉህ ነገሮች ሲሆኑ ትመለከታቸዋለህ።

አዎ! መኖር ወደፊት ነው፤ ህይወት ወደፊት ነች። ወደፊትም አሁን ይጀምራል። የተኖረው አልፏል ያልተኖረውም ገና ነው፤ ዋንኛው ኑሮም ከአሁን የሚጀምረውና ወደፊት የሚቀጥለው ህይወት ነው። አምላክ ከአሁን የተሻለ ድንቅ ስጦታ ሊሰጥህ አይችልም። አሁን ደህና ነህ፤ ውስጥህ ሰላም አለ፤ በህይወት አለህ፤ በዙራያህ የምትወዳቸውና የሚወዱህ፣ የምታስብላቸውና የሚያስቡልህ ውድ ሰዎች አሉ፤ የምትፈልገውን አይነት ህይወትም መኖር መጀመር ትችላለህ። ካሉህ ብዙ ነገሮች አሁን ያለህበት ቅፅበት ከሁሉም እንደሚልቅ አስተውል። መኖር አሁንን ነው። የምትጠብቀው ነገር በሙሉ ሃሳባዊ ነው፤ ወደፊት የሚታይህ ነገር በሙሉ ምናባዊ ነው። አሁን የቻልከውን ለማድረግ ሌላ ተጨማሪ አሁንን አትጠበቅ፤ እጅህ ላይ ያለውን ውድ ጊዜ ተተቀም። ለለውጥህ ክፉውም ሆነ ደጉ ጊዜ አሁን ሃሳቡ የመጣልህ ሰዓት ነውና ረጅሙን ጉዞህን አሁኑኑ ሀ ብለህ ጀምር።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel 😊 💪

1,348

MIKRE AIMRO | ምክረ-አዕምሮ™

25 Oct, 17:16

✅ ዕብድ ሁኑ!

👍LIKE ✍️ COMMENT SUBSCRIBE 📣 SHARE 🙏

https://youtu.be/3luJUXdlETw?si=JQaLpW4rxgos4UhM

1,401

MIKRE AIMRO | ምክረ-አዕምሮ™

25 Oct, 13:09

❇️ የስልጠና እድል!

✅ "የተግባር ሰው መሆን"
"BEING PRACTICAL"

✅ሙሉ መግለጫ በቅርብ ቀን!
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

1,701

MIKRE AIMRO | ምክረ-አዕምሮ™

25 Oct, 05:46

ለአሸናፊነት ታመኑ!
፨፨፨፨//////፨፨፨፨
ፀጋችሁ ምንድነው? ምን አይነት ስጦታ አላችሁ? በየትኛው መንገድ ላይ ናችሁ? ምንስ ጀምራችኋል? እምነታችሁስ በምን ተፈትኗል? ምርጫውን ጠንቅቆ የመረጠ ሰው፣ አንድን ነገር ለማሳካት የሚተጋ ሰው፣ ከብዙ ሰው በተለየ መንገድ የሚጓዝ ሰው፣ የዛሬን ችግር ሳይሆን የነገን ድልና አሸናፊነት የሚመለከት ሰው በዋናነት ሊፈተን የሚችለው በእምነቱ ነው። ከጅማሬው ማግስት ብዙ ፈተናዎች ከፊቱ ይደቀናሉ፣ ልክ እንደጀመረ በብዙ ተስፋ አስቆራጭ ክስተቶች የሞላል፣ ነገሮች ባሰበው መንገድ አልሔድ ሲሉት ይመለከታል፣ የተማመነባቸው ሰዎች ሲሸሹ፣ የቀደመ ተነሳሽነቱም ሲቀንስ ያስተውላል። በዚህ ሁሉ ፈታኝ ሁነት ውስጥ ሆኖም ግን በጥረቱ የሚያምን፣ በፈጣሪውና በራሱ የሚተማመን ከሆነ ዝናቡ እስኪያባራ ጥላውን ይዞም ሆነ በዝናብ እየተመታ እስኪያባራ ይታገሳል፣ ሁሉም ነገር እስኪስተካከል ይፀናል። አሸናፊነት የመጨረሻ መዳረሻው ይሆን ዘንድ መክፈል ያለበትን ዋጋ ሁሉ ይከፍላል። ዛሬ ላይ ሆናችሁ ወደፊት ትልቅ ነገር እንደሚታያችሁ ካመናችሁ በምንም መንገድ ያንን ያያችሁትን ነገር በእጃችሁ ሳታስገቡ ጥረታችሁን እንዳታቆሙ።

አዎ! ለአሸናፊነት ታመኑ! ለድል አድራጊነት ያላችሁን ሁሉ ስጡ፣ ለምትመኙት ህይወት ራሳችሁን መስዋዕት አድርጉ። ከጀመራችሁ ጨርሱ፣ ካልጨረሳችሁ አትጀምሩ። አንድ ነገር ይስራ አይስራ፣ ለእናንተ ይሁን አይሁን፣ ይጥቀማችሁ አይጥቀማችሁ፣ ፍላጎታችሁ ይሁን አይሁን ከመጀመራችሁ በፊት ለማወቅ ሞክሩ። ከጀመራችሁም ቦሃላ ቢሆን ረጅም ርቀት ሳትጓዙ በጊዜ ወስኑ፣ ለውሳኔያችሁም ታመኑ። በህይወታችሁ ውስጥ እየተከናወነ ላለ የትኛውም ነገር ማንንም አትውቀሱ። ጥሩ ሰዎች ደስታን ይሰጧችኋል መጥፎ ሰዎች ጥሩ የህይወት ትምህርት ያስተምሯችኋል። ለማንም ብላችሁ የጀመራችሁትን የታላቅነት ጉዞ ለማቆም እንዳታስቡ። ህይወት መቆም ውስጥ የለችም፣ ህይወት ከተስፋ መቁረጥ ጋር ህብረት የላትም፣ ህይወት ያለፈ ታሪክን ከመኖር ጋር ምንም አያገናኛትም። ወደፊት መጓዝ ካለባችሁ የዛሬ ችግራችሁን ዋጥ አድርጉት፣ የዛሬ ህይወታችሁን ታሪክ ማድረግ ከፈለጋችሁ በራሳችሁ ላይ ጨክኑ፣ በህመማችሁ ላይ ተረማመዱ፣ ችግራችሁን ወደ አድል ቀይሩት፣ የግል ዓለማችሁን ከየትኛውም ጥፋት ተከላከሉት።

አዎ! ጀግናዬ..! በብዙ እንቅፋቶች ተከበሃል፣ ብዙ ችግሮች አሉብህ፣ አጣብቂኝ መሃል ያለህ ይመስልሃል። በፈጣሪህም ሆነ በራስህ ላይ እምነት እንዳለህ ስታስብ ግን ከሁሉም መሃል የመውጣት አቅሙ እንዳለህ ታስታውሳለህ። ጫወታው ተጀምሯል የእረፍት ሰዓት ሳይደርስ ወይም የጫወታው መጠናቀቂያ ፊሽካ ሳይነፋ ማቆም አትችልም። ህመም ድካም፣ ፈተና ተስፋ መቁረጥ፣ ውድቀት ፍረሃት፣ መገለል መበደል ሁሉ በየመንገዱ ከፊትህ ይደቀናሉ። ጥለሃቸው የማለፍ ሃላፊነት አለብህ። ብዙ ውድቀትህን በጉጉት የሚጠብቁ ሰዎች አሉ፣ ብዙ እንቅፋት ሊሆኑህ የሚጥሩ ሰዎች አሉ። አንተ ግን ትርዒቱን እስከመጨረሻው እንዲመለከቱ አድርግ፣ ስታሸንፍ በአይናቸው እንዲያዩ ጋብዛቸው። እያየሃቸው አትውደቅ፣ በቆፈሩልህ ጉድጓድ ውስጥ አትግባ። ቀና ብለህ ተራመድ፣ ዙሪያህን በሚገባ ቃኝ። ብዙ ጠላት ቢኖርብህም ስኬትና አሸናፊነት ወዳጆችህ እንደሆኑ በእጅህ አስገብተሃቸው አሳይ። ለራስህ የተናገርከውን የአሸናፊነት ቃል አስታውስ። እርሱንም በተግባር ፈፅመሀው ተገኝ።
ውብ ደማቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,173

MIKRE AIMRO | ምክረ-አዕምሮ™

24 Oct, 17:48

ሃላፊነት ይሰማህ!
፨፨፨፨/////፨፨፨፨
ከእድሜህ በላይ እንደበሰልክና በጥበብ የምትመራ እንደሆንክ ከሚያመላክቱ ዋነኛ ምልክቶች ውስጥ አንደኛው ለእያንዳንዱ ነገር ሃላፊነት መውሰድ መቻልህ ነው። ብልህ ሰው ጣቱን ወደ ውጪ ከመቀሰሩ በፊት እራሱን ይመረምራል፤ ውስጡን ያያል፤ እራሱን ያጠናል። ምንም እንኳን ያሰበውን ነገር ማድረግ ያልቻለበት ውጫዊ ምክንያት ቢኖርም በሌላ አማራጭ መንገድ ባለመሞከሩ እራሱን ተጠያቂ ያደርጋል። ባንተ ድክመት ላመለጠህ እድል ማንንም ብትወቅስ ድክመትህን ከመጨመር ውጪ ትርፍ አይኖርህም። ብዙዎች ትችላለህ ከሚሉህ በላይ አንተ አልችልም ስላልክ ሳትችል ትቀራለህ። ለእራስህ የምትሰጠው ጭፍን አመለካከት የትልቁ ጉዞህ መሰናክል ሆኖ ታገኘዋለህ። ዞሮ ዞሮ ያለመቻልህና ተሽለህ ያለመገኘትህ ሃላፊነት በአንተ ላይ ይወድቃል።

አዎ! ጀግናዬ..! ሃላፊነት ይሰማህ፤ ተጠያቂነትን ወደ እራስህ አዙር፤ ለሆነብህ፣ ላጣሀውና ላመለጠህ ሁሉ ጣትህን እራስህ ላይ ቀስር። ሃላፊነትን ሸሽተህ አታመልጥም፤ ጣትህን በሌሎች ላይ እየቀሰርክ እራስህን አታድንም። ከመሸም ቢሆን ለውድቀትህና ለጥፋትህ ተጠያቂው እራስህ እንደሆንክ ይገባሃል። ማመን የማይገባህን ለማመንህ፣ መቀበል የሌለብህን ለመቀበልህ፣ እሺ ማለት ለሌለብህ እሺታን ለማብዛትህ፣ በትንሹ መጀመር እየቻልክ ላመጀመርህ፣ ችሎታው እያለህ ከኋላ የሚገፋህን ለመጠበቅህ ሃላፊነቱን የምትወስደው አንተ እንደሆንክ ይገለጥልሃል። እጅግ ብዙ እራስን ከመሆን የሚያግዱ፣ በእራስ መንገድ ከመጓዝ የሚመልሱ፣ ባመኑበት ሃሳብ እንዳይፀኑ፣ በጀመሩት አካሔድ እንዳይቀጥሉ የሚያደርጉ አይነተኛ መሰናክሎች አይጠፋም። ነገር ግን እነርሱን ማስቀረት ባትችልም መቀነስ ትችላለህ።

አዎ! ለሆነው ነገር ሃላፊነት በወሰድክ ቅፅበት መቀየርና ማድረግ የምትችለው ነገር ላይ ማተኮር ትጀምራለህ፤ ያተኮርክበት ደግሞ በየጊዜው እያደገ ይመጣል። ብለሃትህን በምትችለው ነገር ላይ አውለው፤ እውቀትህን በመረጥከው ወሳኝና ጥቂት ነገር ላይ ተግብረው፤ ብስለትህን ሃላፊነትህን በአግባቡ በመወጣት አስመስክር። ጥበብ ከፈጣሪ ዘንድ ነው፤ ብስለትህም በመረዳት አቅምህ ልክ ነው። ሁሉም ሰው የአምላክ ጥበብ ማደሪያ ነው፤ ነገሮችን መመርመር፣ መረዳትና ማወቅ ደግሞ ማንኛውም ሰው በተሰጠው ጥበብ ተጠቅሞ የሚደርስበት ነገር ነው። ብስለትህ ሃላፊነትን በመውሰድና እራስን ተጠያቂ በማድረግ መንገድ እንዲያሳድግህ አድርግ፤ እወቀትህ በጥበበ፣ መረዳትህም በብለሃት እንዲተገበር ፍቃዱን ለእራስህ ስጥ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,521

MIKRE AIMRO | ምክረ-አዕምሮ™

24 Oct, 10:10

✅ ዝምታን አስቀድሙ!

👍LIKE ✍️ COMMENT SUBSCRIBE 📣 SHARE 🙏

https://youtu.be/5iBqUtzczg4?si=O3ma-Ug3WRNtFQBy

2,680

MIKRE AIMRO | ምክረ-አዕምሮ™

23 Oct, 17:49

አትመለስ!
፨፨////፨፨
ከስጋትህ ውጪ፣ ከኢጎህ ውጪ፣ ከፍራቻህ ውጪ፣ ከጭንቀትህ ውጪ ህይወትህን በሰከነ አዕምሮ ለመመልከት ሞክር። ተፅዕኖህን ማስተዋል ጀምር፣ ሃላፊነትህን ተረዳው፣ አልፈህ የመጣውን ታሪክ አስተውል፣ ሞክረህ የተሳሳትከውን፣ ጀምረህ የተበላሸብህን ነገር አስታውስ። እዚህ ለመድረስ ረጅም ርቀት ተጉዘሃል፤ ብዙ ዋጋ ከፍለሃል፤ ተቸግረሃል፤ አጥተሃል፤ ተተችተሃል፤ ተሰቃይተሃል ዛሬ ግን እዚህ ያለህበት ስፍራ ደርሰሃልና ልትኮራ ይገባል። ገንዘብ ከማሳደድ ውጪ ሙላት እንዲሰማህ የሚያደርግህ፣ ትርጉም ያለው፣ እሴት የሚጨምርልህ ተግባር ላይ መሰማራትህን እርግጠኛ ሁን። በየጊዜው የምታደርገው ጥረት በየጊዜው እያሻሻለህ የሚመጣ፣ ወደፊት የሚመራህ፣ ከመዳረሻህ የሚያስጠጋህ ነው። ካልተሻሻለክ ምንም እንደማታመጣ አስተውል፤ በየጊዜው ካላደክ የህይወትን አስደሳች ገፅ መመልከት እጅግ ሊያስቸግርህ እንደሚችል ተረዳ።

አዎ! ጀግናዬ..! የህይወት ዘይቤህ የህይወት ጠዓምህ ነው። እውነታ ውስጥህ አለ፤ ምናልባትም ወጥቶ እየኖርከው ይሆናል አልያም በውስጥህ እየተመላለሰ እረፍት ነስቶህ ይሆናል። ምንም ቢሆን ግን የእራስህ እውነታ፣ የእራስህ የመኖር ምክንያት አለህ። በዚህም ምክንያት ጀምረህ የምታቆም፣ ረጅም ተጉዘህ ተስፋ የምትቆርጥ፣ ደጋግመህ እራስህን የምትወቅስ፣ ዋጋህን የምታሳንስ፣ በሰዎች ቃል የምትሰበርና ከሌሎች ጋር በመወዳደር እራሳህን የምታሳንስ አትሆንም። ለእራስህ የምታሰምረው የአላማህ መስመር አለ፣ የደስታህ መስመር አለ፣ የስኬትህ መስመር አለ። በእርሱ ትጓዛለህ፣ እራስህን ትቀይራለህ፣ ዙሪያህን ትቀይራለህ፣ ህይወትህን ታሻሽላለህ፣ በአጋጣሚ ሳይሆን በምርጫ ትኖራለህ፣ ካንተ በላይ ተፅዕኖህ ብዙዎችን መለወጥ ሲጀምር ትመለከታለህ። ትክክለኛው መንገድ ላይ ነህን? እንግዲያውስ በፍፁም እንዳታቆም። የዛሬው ክብደቱ አያሰናክልህ፣ የዛሬ አስጨናቂነቱ ተስፋ እንዳያስቆርጥህ፣ ፈታኝነቱ ወደኋላ እንዳያስቀርህ።

አዎ! ዲስፕሊንድ ካልሆንክ፣ እራስህን መግዛት ካልቻልክ፣ ለአላማህ ካልታገልክ፣ ከትናንት በላይ ወደፊትህን መመልከት ካልቻልክ መቼም ነፃ መሆን እንደማትችል አስታውስ። ሃሳብህን ገስፀው፣ እርምጃህን ገስፀው፣ ንግግርህን ገስፀው፣ አመለካከትህን፣ አቋምህን፣ እይታህን፣ ውሎህን ገስፀው። እስኪገባህ ዋጋ ላትሰጠው ትችላለህ ሲገባህ ግን ለእውንነቱ፣ ለስኬታማነቱ፣ ግቡን ለመምታቱ የማትከፍለው መሱዓትነት አይኖርም። ያስቀመጥከው ቀይ መስመር ሲጠብቅህ፣ የሰነቅከው ራዕይህ መንገድ ጠቋሚህና መሪህ ይሆንሃል። ወደፊት የመሔድህ ዋስትና ብዙ ነገር ማግኘትህ፣ በብዙዎች መደገፍህ ሳይሆን ያለህበት ስፍራ፣ የምትጓዝበት ቦታና የምትጓዝበት ምክንያት ነው። የከፍታህ ስፍራ ምንም ይሁን ባሰብከውና ባስታወስከው ቁጥር የሚያነቃህ፣ የሚያበረታህ፣ በተለየ ሁኔታ የሚያተጋህ ሆኖ ታገኘዋለህና ከአፋፍ ደርሰህ አትመለስ፤ በጀመርከው መንገድ ግፋበት።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,988

MIKRE AIMRO | ምክረ-አዕምሮ™

23 Oct, 05:50

እፍ ክንፍ አትበሉ!
፨፨፨/////////፨፨፨
አሁን በዚህ ሰዓት ህይወታችሁ ውስጥ ምን እየተከናወነ ነው? ያሳካችሁት ምን ነገር አለ? የተበላሻባችሁስ ምን ነገር አለ? ስኬትና ደስታችሁን እንዴት እየገለፃችሁት ነው? ማጣትና ሀዘናችሁንስ እንዴት እየተቀበላችሁት ነው? ዛሬ ሲሳካላችሁ ከልክ በላይ እየተደሰታችሁ ነውን? ዛሬ ሀዘን ቢገጥማችሁ፣ ችግር ውስጥ ብትወድቁ፣ ፈተና ቢበዛባችሁ ጥግ ይዛችሁ ፈጣሪን እያማረራችሁ እድላችሁንም እየረገማችሁ ነውን? የእናንተ ሁኔታችሁን ከልክ በላይ በመሆን መንገድ መግለፅ በፍፁም ሰላም ሊሰጣችሁ እንደማይችል አስተውሉ። በህይወታችሁ አሳዛኝም ሆነ አስደሳች ነገር ሲከሰት አንዱን የስቶኢሲዝምን (Stoicism) መርህ አስታውሱ። "ከሆነ ጥሩ ካልሆነም ችግር የለም።" ለሆነላችሁም ሆነ ላልሆነላችሁ ነገር ጥግ ይዛችሁ ስሜታችሁን አትግለፁ። አንዳች ላይሔድ ወደ ህይወታችን የሚመጣ አሉታዊም ሆነ አውንታዊ ክስተት የለም። ስሜታችሁን ገደብ አብጁለት፣ ራሳችሁን ተቆጣጠሩ፣ ውስጣችሁን ሰላም አድርጉት። አንድ ሰሞን ከፍተኛ ደስታ አንድ ሰሞን ደግሞ በጣም አስከፊ ሀዘን ውስጥ ራሳችሁን አትክተቱ። ሁለቱንም በመጠን አድርጓቸው።

አዎ! እፍ ክንፍ አትበሉ! ለመጣው ሁሉ ጮቤ አትርገጡ፣ ለሔደውም ጥግ ይዛችሁ አታልቅሱ። መሆን ያለበት ይሆን ዘንድ የግድ ነው። የመጣው ዘላለም አብሯችሁ አይቆይም፣ የሔደውም ዘላለም ከእናንተ ተነጥሎ አይቆይም። ህይወትን በሁለቱ ተቃራኒ ፅንፎች ቆሞ መኖር እጅጉን ከባድና ውስብስብ ነው። ስሜታዊነት የነገሰበት ሰው ከሰው ጋር መኖር አይችልም ከዛም በላይ እንዴት ራሱን መግዛት እንደሚችል አያውቅም። ከአይነተኛ የህይወት መገለጫዎች ውስጥ ስሜት ዋነኛው ነው። ስሜት አልባ ህይወት ህይወት ሊባል አይችልም። ልኬት የሌለው የስሜት አገላለፅም ህይወትን በትክክለኛው መንገድ ለመምራት አያስችልም። የስሜት ብልህነት ክህሎታችን መሪ ወይም ተመሪ ያደርገናል። እንደ ቁስ ስሜት አልባ አትሁኑ ነገር ግን የስሜታችሁ ባሪያም አትሁኑ፤ አንዲሁ ማሰብና ማገናዘብ የማይችል ሰነፍ ሰው አትሁኑ ይልቅ ነገሮችን አስቦና አገናዝቦ፣ መርምሮና አጣርቶ የሚጠቅመውን እየመረጠ የሚያደርግ ብልህ ሰው ሁኑ። የትም ሂዱ የት የማትወድቁበት ቦታ የለም፣ ምንም አድርጉ ምን የማትበሳጩበት ነገር አይኖርም። የህይወት መንገድ ዘርፈ ብዙ ነው። ጨልሞ አይቀርም፣ ብረሃኑም ዘላለም አይቆይም። ሁሉም በየፈረቃው ቦታውን ይይዝ ዘንድ የግድ ነው።

አዎ! ጀግናዬ..! ለህይወትህ ምቹ ሁን፣ ሁሉን እንደ አመጣጡ ተቀበል። በጨለማው ውስጥ ተመቻች፣ በብረሃኑም ተመቻች፤ ደስታህን በልክ አጣጥም፣ ሀዘኑንም ገደብ አብጅለት። ህይወት በውጣውረድ የተሞላች ነች ሲባል ዋንኛውና ለዩነት ፈጣሪው ውጣውረዷ የስሜት ውጣውረድ ነው። ወጥቶ ለሚወርድ፣ ወርዶም ዳግም ለሚወጣ ስሜት ባሪያ መሆን ደግሞ ህይወትን ጥቁርና ነጭ (Black and White) አድርጎ እንደመኖር ይቆጠራል። ህይወት ብዙ ቀለም አላት (Colored ነች።) ሁለቱን ትላልቅ የደስታና የሀዘን ስሜቶች የምትከተል ከሆነ በመሃል ያሉትን ውብ ቀለማት ታጣቸዋለህ። አስደሳቹና ስሜት ሰጪው ከስተት ያለው ደግሞ መሃል ላይ ነው። በህይወቴ ከነጭ በቀር በፍፁም ጥቁርም ሆነ ወደ ጥቁር የቀረበ ነገር ማየት አልፈልግም አትበል። ነጩ ደስታህ ቢሆን ጥቁሩም ሀዘን ቢሆን ሁለቱም እንደ አቅማቸው የሚያስተምሩህና የሚሰሩብህ መንገዶች አሏቸው። ጥግ አትያዝ፣ ወደ መሃል ግባ። ሁሉንም የህይወት ስሜቶች በልክ አጣጥማቸው፣ በስተመጨረሻም የሚበጁህን ራስህ ጋር አስቀራቸው።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,237

MIKRE AIMRO | ምክረ-አዕምሮ™

22 Oct, 18:10

ፍቅርህ እስኬት ነው?
፨፨፨፨/////////፨፨፨፨
የይቅርታ ሃይል የሚለካው፣ ቢያሳምም በደል የሚተወው፣ ለሰው መኖር የሚቻለው፣ የአምላክ ፍቃድ ቅድሚያ የሚሰጠው፣ ጥልቁን ስሜት ለመጋራት ወደኋላ የማይባለው በእርግጥም ፍቅርን ከቃል በላይ መኖር ሲቻል ነው። ሰዎች ይሳሳታሉ በፍቅራቸው ግን ይተራረማሉ፣ ጥፋትን ይፈፅማሉ ነገር ግን ተጨማሪ የመስተካከያ እድል ይሰጣጣሉ፣ ከጉዳታቸው በላይ የሚወዱት ሰው ስለመጎዳቱ አብዝተው ያስባሉ፣ በሚወዱትና በሚያፈቅሩት ሰው ደስታ ሃሴት ያደርጋሉ፤ ነፍሳቸውን ያሳርፋሉ፤ መረጋጋትን ይጎናፀፋሉ። ነገር ግን ይህም ሆኖ ሳለ በአስደሳቹ የፍቅር ህይወት ድንበር መኖሩ አይቀሬ ነው። ዋንኛው ምክንያቱም ፍቅርን ለማፅናት፣ ለመጠበቅና ከለላ ለመስጠት ነው። በፍቅር ውስጥ እራስህን ትገድባለህ፣ ከብዙ ነገር ትጠበቃለህ፣ የእሳቤ ደረጃህን ታሳድጋለህ፣ የአንድን ሰው ህይወት በሃላፊነት ትረከባለህ።

አዎ! ጀግናዬ..! ፍቅርህ እስኬት ነው? የመውደድህ ዳርቻ፣ የማክበርህ ጥግ፣ የእንክብካቤህ መጠን፣ የሃዘኔታህ ጫፍ እስኬት ነው? ያለህበትን የፍቅር ህይወት እስከምን ታከብረዋለህ? እስኬት ጊዜ ትሰጠዋለህ? ምንያክል በሙሉ ትኩረት ትጠብቀዋለህ? ሃሳብህ ትልቅ ከሆነ፣ በአላማ የምትኖር ከሆነ፣ ህይወትህን በትክክለኛው መንገድ መምረት የምትፈልግ ከሆነ የፍቅር ህይወትህን መስመር የማስያዝና አስደሳች የማድረግ ሃላፊነት አለብህ። አንተ ያልጠበከው ግንኙነት በማንም አይጠበቅም፣ አንተ ያላከበርካትን፣ ያልተረዳሃትን፣ ያላወካትን ወዳጅህን ማንም ካንተ በላይ ሊያከብራት፣ ሊረዳትና ሊያውቃት አይችልም። ትኩረት የሰጠሀው የፍቅር ግንኙነትህ የተረጋጋ ህይወትህ ዋስትና ነው። በአንዳንድ የህይወት አጋጣሚ ብትፈተን በእርሱ ትበረታለህ፤ በስራ ጉዳይ ብትሰበር በእርሱ ትጠገናለህ።

አዎ! ፍቅር ሰላም ነው፤ ፍቅር መረጋጋት ነው፤ ፍቅር ሃይል ነው፤ ፍቅር ብርታት ነው። የትኛውም አይነት ፍቅር ሊሆን ይችላል የእራስ፣ የእናት፣ የአባት፣ የወንድም፣ የእህት፣ የልጅ፣ የጓደኛ፣ የተቃራኒ ፆታ፣ የሃገር ፍቅር ይሁን አዎንታዊ ሃይልን እስካመነጨና ውስጣዊ ሰላምን እስካረጋገጠ ድረስ ሁሌም የፍቅር ሃያልነት ፀንቶ እንደኖረ ነው። ነገር ግን ለምንም ነገር እምነትህ ወሳኝ እንደሆነው ሁሉ የፍቅርን ፍፁም ሃይል ለመመልከትም በፍቅር ሃያልነት ማመን ይጠበቅብሃል። መኖር በፍቅር ሲሆን ችግር ቢኖርም መፍትሔ ይኖረዋል፤ መሰናክል ቢበዛም መሻገሪያው ድልድይም በዛው ልይ ይዘጋጅለታል። ከምንም በፊት እራስህን ጠብቅ፣ ለጤናህ ተጠንቀቅ በመቀጠልም የፍቅር ህይወትህን ጨምሮ ሌሎች ግንኙነቶችህን ጠብቅ። አንተ በመኖርህ የፍቅር ህይወት ኖረህ፣ የፍቅር ህይወት ስላለህ ደግሞ የተሻለ ህይወት እየኖርክ እንደሆነ እርግጠኛ ሁን። የህይወት አጋር የምትፈልገው ለተሻለ ብርታና ጥንካሬ እንጂ ለውድቀትና ለስብራት እንዳልሆነ አስታውስ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,025

MIKRE AIMRO | ምክረ-አዕምሮ™

22 Oct, 17:31

✅ ሰው ምረጡ!

👍LIKE ✍️ COMMENT SUBSCRIBE 📣 SHARE 🙏

https://youtu.be/ibGFY2oVIRA?si=aGlAO2_hLPGRhjTg

2,879

MIKRE AIMRO | ምክረ-አዕምሮ™

22 Oct, 05:58

ከእስራትህ ውጣ!
፨፨፨/////////፨፨፨
ጥፋተኛ ስለሆንክ ላትታሰር ትችላለህ፤ ስለበደልክ፣ ስለጎዳህ ወህኒ ላትወርድ ትችላለህ፤ ነገር ግን ባለማወቅም ይሁን በሃሰት ልትታሰር ትችላለህ፤ የአካል እስራትህ ግን ነፃ የሆነውን አዕምሮህን ሊያስረው አይችልም። የትኛውም ነፃነት ከአስተሳሰብህ ይነሳል፤ ከሁነኛው አቋምህ ይመነጫል፤ ከማንነትህ ይመጣል። አጠፋህ አላጠፋህ፣ ጎዳህ አልጎዳህ ሰዎች ከሚሰጡህ የአጥፊነትና የክፋት ስም ይልቅ አንተ ለእራስህ የምትሰጠው የንፅህናና የመልካምነት ስም ይልቃል። ለእራስህ ባለህ አቋም አንድ ልትወድቅ ትችላለህ፤ ሌላም ከቀድሞ በተሻለ ቀና ብለህ መታየት ትችላለህ። የአስተሳሰብህን ሃይል በመጣህበት የህይወት ጉዞ ውስጥ መመልከት ይኖርብሃል። ብትወድቅ የውድቀትህ መንስኤ ምንድነው? ብትታሰር ያሰረህ ማነው?

አዎ! ጀግናዬ..! ማንም ይሰርህ ማን፣ ማንም ይጣልህ ማን አንተ ግን ጊዜ ሳታጠፋ ከእስራትህ ውጣ፤ እራስህን ነፃ አውጣ። ያለጥፋትህ ላሰሩህ፣ ለጉዳት ለዳረጉህ፣ ጠብቀው ላደቡብህ ከልብህ ይቅር በማለት ከቂም እስራት ነፃ ሁን፤ ከጥፋተኝነት አጥር ውጣ። አስሬ ሰዎች ያደረጉብህን ደጋግመህ ብታስብ ሰዎቹን ከመጉዳት ይልቅ በፍቃድህ እራስህን መጉዳት፣ ማሰርና ማሳዘን ትጀምራለህ። የፈረዱብህ ላይ ለመፍረድ እስካልተጣደፍክ ድረስ፣ ለእራስህ ነፃነት እስካሰብክ ድረስ፣ የይቅርታ ልብ አስከኖረህ ድረስ ባላጠፋሀው መወንጀልህ፣ ባልሆንከው መጠራትህ፣ በማይገልፅህ መወከልህ ምንም አይደለም። ወደኋላ ቢያስቀርህም በንፁው ልቦናህ የተረጋጋና አስደሳች ህይወትን ያጎናፅፍሃል።

አዎ! የነፃነት መሳሪያህ አስተሳሰብህ ነው። በአስተሳሰብህ ከታሰርክ፣ እራስህን ከገደብክ፣ አቅምህን ካሳነስክ፣ በእራስመተማመን ከተሳነክ ብዙዎች ቢደግፉህ፣ ብዙዎች ቢያምኑብህ፣ ብዙዎች ቢያበረታቱህ እንኳን የትም መሔድ አትችልም። አቅምህ በአመለካከትህ ፍቃድ የሚወጣ ነው፤ ትክክለኛው ማንነትህ ካንተ አስተሳሰብ ጋር የተገናኘ ነው። ከምንም ተፅዕኖ ነፃ ለመውጣት ከመታገልህ በፊት እየጎዳህ ካለው ከገዛ አሉታዊ አመለካከትህ ነፃ ውጣ፤ ሃሳብህ ላይ ሰልጥን፤ እራስህን መግዛት ጀምር፤ ትናንትን በይቅርታ የምትሽር፣ ወደፊት ለመራመድ የፈጠንክ፣ እራስህ ላይ የሰለጠንክ ብርቱና ጠንካራ ሰው ለመሆን ሞከር። አንተ ያልፈታሀውን እስር ማንም ቢመጣ ሊፈታልህ እንደማይችል አስተውል።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,226

MIKRE AIMRO | ምክረ-አዕምሮ™

21 Oct, 18:02

አማራጭ አይደለም!
፨፨፨፨////////፨፨፨፨
ለዓመታት የምትለፋበት ትምህርትህ የት እንደሚወስድህ፣ የት እንደሚያደርስህ፣ ከምን እንደሚያበቃህ፣ ምን እንደሚያሰራህ ሳታውቅ አትጀምረው። መዳረሻህን የምታውቀው አንድ ቦታ ከደረስክ ቦሃላ ሳይሆን ጉዞህን ሳትጀምር ነው። ብዙ መማርህ አላማው እድሎችን ለማስፋትና የተሻለ ገቢን ለማግኘት ከሆነ ከእርሱ የሚቀድም ጉዳይ እንዳለ አስተውል። አማራጭህን ለማስፋት መጣርህ ክፋት የለውም ነገር ግን ለአማራጭ ብለህ የምታባክነው ጊዜ ግን እጅጉን ወሳኝ ነው። በአጭር ህይወት ለአማራጭ የምትኖረው አመት ሳይሆን የእኔ ብለህ በሙሉ ልብህ አምነህበት፣ ወደሀው፣ መርጠሀው፣ ደስ እያለህ ጊዜህን የምትሰጠው፣ Invest የምታደርግበት ነገር ያስፈልግሃል። ጥረትህ ብዙ አማራጭ ያለው ሰው ለመሆን ሳይሆን በመረጠው ዘርፍ ቁንጮ የሚሆን ሰውን መፍጠር ነው።

አዎ! ጀግናዬ..! አማራጭ አይደለም! እዚም እዛም ማለትህ አጋጣሚዎች እንዲፈጠሩልህ አይደለም፤ ሁሉም ዘርፍ ላይ መሳተፍ መፈለግህ እረፍት ለማግኘት አይደለም። እዚም እዛም እየረገጥክ አንድ የምተማመንበት፣ የሚያሳርፈኝና የሚያረጋጋኝ ነገር አገኛለሁ ብለህ እንዳታስብ። የምትረጋጋው ብዙ አማራጭ ስላለህ ሳይሆን በአንዱ ምርጫህ ስኬታማ ስትሆን ነው። ምንም አይነት ኮተት ማብዛት አያስፈልግም፤ ህይወትህ ጥራት እንዲኖረው ተለይተህ የምትታወቅበት አይነተኛ ዘርፍ ያስፈልግሃል፤ በእርሱ መንገድ ማደግና ከፍ ማለት ትችላለህ። ነፍስህ ያለው ሌላ ቦታ ሆኖ አንተ የምትማረው ሌላ ከሆነ አንዴት ደስ እያለህ እንደምትማር፣ እንዴት ወደሀው እራስህን እንደምትሰጥለት፣ እንዴት እርግጠኛ እንደምትሆንበት አስበው።

አዎ! የምትፈልገውን ካወክ፣ አላማህን ከተረዳህ፣ የልብ መሻትህን ከለየህ፣ ውስጥህን ካዳመጥክ እዚም እዛም በማለት የምትደክምበት፣ ጀምሮ በመተው የምትሰቃይበት ሁኔታ አይኖርም። ለምትፈልገው ነገር መኖር፣ የምትወደው ስፍራ ላይ መገኘት፣ ወደሚያስፈልግህ አቅጣጫ መጓዝ ከምንም በላይ የውስጥ ሰላም ነው፤ ደስታ ነው፤ በእራሱ ስኬት ነው። አማራጮችህ በበዙ ቁጥር መካከለኛ (mediocre)፣ መደበኛ የመሆን እድልህ በጣም ሰፊ ነው። ብዙ ምርጫ እንዳለህ ማሰብህ ሲጥልህ እንጂ የተሻልክ ሲያደርግህ አተሰመለከትም። በየአቅጣጫው የሚመጣው ትናንሽ ነገር ከአንድ ቦታ በተለየ ሁኔታ ከሚመጣው ጋር አይወዳደርም። በብዙ አማራጭ መከበብ ቀላል ነገር አይደለም። አንዱን አለመያዝህ አንድም ብኩን፣ ሌላም ስሜት አልባ ያደርግሃል። የኔ የምትለውን አንዱን ምረጥ፤ እርሱን እስከ ጥግ ተማር፤ እወቀው፣ ተረዳው፤ ህይወትህን በእርሱ ዙሪያ መስርት፣ እሴትህንም በዛው ዘርፍ ጨምር።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,556

MIKRE AIMRO | ምክረ-አዕምሮ™

21 Oct, 17:04

✅ ጎራችሁን ፈልጉ!

👍LIKE ✍️ COMMENT SUBSCRIBE 📣 SHARE 🙏

https://youtu.be/UdqcHpgDFVM?si=3ROWLAdSEvQ0lb7U

2,976

MIKRE AIMRO | ምክረ-አዕምሮ™

21 Oct, 04:19

"እድል ነው" ይላሉ!
፨፨፨፨///////፨፨፨፨
ራስን አብቅቶ መታየት፣ አስተሳሰብን ቀይሮ መምጣት፣ ስራን መቀየር፣ ያማረ ተክለሰውነት መግንባት፣ ኩሩ ማንነትን መላበስ፣ ብቸኝነትን እንደ ስጦታ ማጣጣም፣ ትቺትና ዘለፋን መረማመጃ ማድረግ፣ ከናቁት ተሽሎ መገኘት፣ የገፉትን አሸንፎ መገኘት "እድል ነው" ይላሉ። አንዲሁ እንዳጋጣሚ የመጣ፣ እንዲሁ ሳይታሰበ የተፈጠረ፣ እንዲሁ ዱብዳ የሆነ ይመስላቸዋል። ማመን የሚፈልጉት ይሔንን ነውና እስኪሆን ይጠብቁታል፣ ውስጣቸው በእድልና በአጋጣሚ እንደሚያልፍላቸው ያስባልና ተኝተው ደጋግመው እድላቸውን ይሞክራሉ፣ ስንፍናቸውን እያስታመሙ ጥግ ላይ ቆመው ጥሩ ነገር እንዲሆንላቸው ይመኛሉ። ከስራ ይልቅ ምቾት ያንገላታቸው ቢመስላቸውም እውነታው ግን የማይጨበጠው ምኞታቸው እያሰቃያቸው መሆኑ ነው፤ እውነታው ግን ራሳቸውን ከማሻሻል ይልቅ ራሳቸውን ማስነፋቸው ነው። በአድል ማንም ህይወቱን አልገነባም፤ በአንድ አጋጣሚ ብቻ ማንም ሙሉ አካባቢውን አልቀየረም፤ ማንም በአንዲት ቅፅበት ስኬትን አላስመዘገበም። ብዙዎች ባይፈልጉትም ሁሉም የከፍታ ጉዞ ሂደት አለው፣ ሁሉም የለውጥ መንገድ ሂደት አለው፣ ሁሉም የስኬት ጉዞ ረጅም የፈተና ጎዳና አለው።

አዎ! ብዙ መደነቅም ሁነ መደናገጥ አያስፈልግም። አንድ ቦታ ቆመው እድላቸውን የሚጠባበቁትን ተወት አድርጋችሁ እናንተ ግን እድላችሁን አሳዳችሁ ያዙ፣ ስንፍናን ምርጫቸው አድርገው፣ አንድ አጋጣሚ እንዲፈጠርላቸው ከሚማፀኑት ገለል ብላችሁ ያላችሁበትን ሁኔታ ሁሉ እንደ አጋጣሚ መጠቀም ጀምሩ። የቱ ይጠቅማችኋል? የትኛው ያሳርፋችኋል? የቱ ነፃ ያወጣችኋል? ያላችሁበት ቦታ ቆማችሁ እድላችሁን መሞከር ወይስ ጠንክራችሁ ሰርታችሁ በሒደት ራሳችሁን ማሻሻል? ልክ እንደ ሰነፎች በአንዲት አጋጣሚ ህይወታችሁ እንዲቀር መጠበቅ ወይስ በእያንዳንዱ ሁኔታዎች ውስጥ ለእናንተ የተሻለ የምትሉትን አጋጣሚ ለመፍጠር መሞከር? ምርጫችሁን በጥበብ ምረጡ። ጠቢባን የተሰጣቸውን ሁሉ አምነው አይቀበሉም፣ ጠቢባን ብዙዎች ስለመረጡት ብቻ የሚመርጡት ነገር የለም። ጠቢባን የጥበብን መንገድ ይመርጣሉ፣ ጠቢባን በአስተውሎት ወደፊት ይጓዛሉ፣ ጠቢባን የሚበጃቸውን በጥንቃቄ ይመርጣሉ። ምንም ቢፈጠርባቸው ህይወታቸውን በባዶ ምኞት አይሞሉትም፣ ደጋግመው ቢወድቁ እንኳን ቀና በለው እስኪያሸንፉ ድረስ ሙከራቸውን አያቆሙም።

አዎ! ጀግናዬ..! የፊትለፊቱ በር ክፍት ሆኖ ሳለ ከዓመታት ቦሃላ ሊከፈት የሚችለውን የጀርባ በር አትጠብቅ። በህይወት መኖርህን እንደ እድል እየቆጠርክ ለራስህ የሚሆንህን ወደ መፍጠር ተሸጋገር። "በእድል የሚያምኑ ብፁዓን ናቸው።" የተባለ ይመስል አንድ ቦታ ቆመህ እድለህን እየጠበክ ውይም እያማረርክ አትቀመጥ። ሁሉም ነገር በእጅህ ነው። ፈጣሪም የሚረዳህ የተወሰነ እርምጃ ወደፊት የተራመድክ እንደሆነ ብቻ ነው። በራሳቸው የማይተማመኑ፣ በፍረሃትና በስጋት የተወጠሩ ሰዎች የሚወስኑትን የወደቀ ውሳኔ አትወስን። ለትንሹም ለትልቁም ነገር ምክንያት መደርደር ይሰለቻል። በገዛ ፍቃድህ ራስህን አቅመቢስ ደካማ አታድርገው፤ በምርጫህ ብቻ ህይወትህን ትርጉምአልባ አታድርገው። ምንም ነገር መጠበቅ ከፈለክ ካንተ የሚጠበቀውን ሃላፊነት እየተወጣህ ጠብቅ። መንገዶች ሁሉ ዝግ የሆኑብህ እንዳይመስልህ። ስኬት የአገልግሎትህ ክፍያ እንደሆነ አስተውል። ጊዜህን በጊዜያዊ ነገር ላይ ሳይሆን በዘላቂ ነገር ነገር ላይ አሳልፍ፤ አቅምህን በማይረባ ጫወታ ላይ ሳይሆን በሚረባ ትርፍ ያለው ተግባር ላይ አውለው። ዘወትር በርህን ለሚያንኳኳው እድልህ በርህን ከፍተህ ለማስገባት ደፋር ሁን።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,421

MIKRE AIMRO | ምክረ-አዕምሮ™

20 Oct, 05:53

ካንተ የሆነው መልካም ነው!
ተመስገን! 🙏

1,230

MIKRE AIMRO | ምክረ-አዕምሮ™

19 Oct, 17:55

ዳግም አንፀው!
፨፨፨///////፨፨፨
አፍርሰህ ገንባው፤ እንደገና አስተካክለህ አድሰው፣ ዳግም በንፅህናና በበጥንካሬ አንፀው። አዕምሮህ ትልቁና ዋናው የግል ንብረትህ ነው። የምትመራበትን መርህ ይቆጣጠራል፣ የልማዶችህ መሰረት ነው፣ የአስተሳሰብህ ምንጭ ነው፣ የትላልቅም ሆነ የትናንሽ አቋሞችህ መነሻ ነው። ከድብቁ አዕምሮህ የጅምላና የልማድ ሃሳብ እራስህን ነፃ አውጣ። ለዛሬ ያበቃህ የቀድሞ ልማድህ፣ ያለፈ እምነትህና የበፊቱ አመለካከትህ እንደሆነ አስተውል። በአንድ አይነት የእሳቤ ደረጃ ለተለየ ከፍታ መብቃት አይቻልምና የእሳቤ ደረጃህን፣ አዎንታዊነትህንና ብለሃትህን በማሻሻል መገንባት የምትፈልገውን ህልም መገንባት፣ ልታሳካ የምትመኘውንም ግብ ማሳካት ትችላለህ። ምናልባትም ዛሬ ሰበብ መደርደሩ እንደልማድነቱ ቀላል ሊሆን ይችላል፣ ለነገ ግን ነገሮችን ማክበዱ አይቀርም። እንዲሁ ዛሬ እራስን መግዛት ከባድ ሊሆን ይችላል፣ ለነገ ግን ቀላሉን ህይወት ያጎናፅፍሃል።

አዎ! ጀግናዬ..! እየጣለህ፣ እያሳመመህ፣ እየመረዘህና ወደኋላ እያስቀረህ ከሆነ ጊዜ ሳታጠፋ አዕምሮህን አፍርሰህ እንደገና ገንባው፤ በሚጠቅምህና በሚያሻግርህ መንገድ ዳግም አንፀው፤ እንደገና ሰርተሀው ለእራስህም እንዲሰራ አድርገው። ከአዕምሮህ ጋር ሰጣገባ ውስጥ እየገባህ፣ ከገዛ አመለካከትህ ጋር እየተሟገትክ፣ ለአመታት ከገነባሀው ልማድህ ጋር ፊትለፊት እየተጋጨህ በምንም መንገድ ለታሸንፍና ለድል ልትበቃ አትችልም። በአንዴ በሃይል፣ በቁጪትና በግለት የሚገረሰስ የአመለካከት ክምር፣ የአቋም ስብስብ የለም። ለውድቀት የሰጠሀው ቦታ በአንዴ የመጣ አይደለም፣ ፍረሃትን የምትመለከትበት መንገድ በቀላሉ የተፈጠረ አይደለም፣ ስለቆራጥንት ያለህ እይታ በብዙ አስተምህሮዎችና ተግባራዊ ተሞክሮዎች የተገነባ ነው። እናም በአንዴ የምትቀይረው ወይም አውጥተህ የምትጥለው አይደለም።

አዎ! ሰለዚህ ነገር አታስብ ተብለህ ቢነገርህ ስለምን እንደሆነ ተነግሮሃልና አለማሰብ አትችልም። እንዲሁ አዕምሮህንም ስለገዛው መጥፎ ልማድ ያለማሰብ እድልህ በጣም ጠባብ ነው። እያንዳንዱ የአዕምሮ እድሳትህ፣ የአመለካከት ለውጥህ አሉታዊዎቹንና ጎጂዎቹን ልማዶችህን በሂደት እንደሚቀይሩልህ እርግጠኛ ሁን። የለውጥ ሁሉ መሰረት የአስተሳሰብ ለውጥ ነው፤ የእድገት ሁሉ ቁልፍ ሳያቋርጡ እራስን ደጋግሞ ማስተማር ነው፤ በየጊዜ እራስ ላይ መዋለነዋይን ማፍሰሰ፣ ኢንቨስት (Invest) ማድረግ ነው። ማንኛውም ያስቸገረህ የህይወትህ ክፍል መፍትሔው ለእርሱ ከምትሰጠው ቦታና ከምትመለከትበት አቅጣጫ እንደሚነሳ ተረዳ። አመለካከትህ ላይ ስራ፤ አዕምሮህን በሚጠቅምህ መንገድ ዳግም አንፀው፤ ልማዶችህ እንዲሰሩብህ ሳይሆን እንዲሰሩልህ አድርጋቸው።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,088

MIKRE AIMRO | ምክረ-አዕምሮ™

19 Oct, 16:12

✅ ራሳችሁን አድኑ!

👍LIKE ✍️ COMMENT SUBSCRIBE 📣 SHARE 🙏

https://youtu.be/trLqhCPyfF8?si=eRIg7tH67dWLuRGF

2,077

MIKRE AIMRO | ምክረ-አዕምሮ™

19 Oct, 04:07

ጓደኛ አታብዛ!
፨፨፨////፨፨፨
እውቁ አሜሪካዊ ቦክሰኛና ባለብዙ ድል ባለቤቱ ማይክ ታይሰን (Mike Tyson) እንዲህ ይላል፦ "የሁሉም ሰው ጓደኛ ከሆንክ አስታውስ አንተ የራስህ ጠላት ነህ።" ብዙ ጓደኛ ኖሮት ለራሱ በቂ ጊዜ የሚሰጥን ሰው ፈልግ፣ ያገኘውን ሰው በሙሉ ጓደኛ እያደረገ የተጠቀመን ሰው ፈልግ። በፍፁም አታገኝም። የጓደኛ ብዛት ችግር እንጂ ምንም የሚጠቅምህ ነገር የለውም። ከሰዎች ጋር ያለህን ግንኙነት ገደብ አብጅለት። በሰው ተከበህ ለራስህ ጠላት ከምትሆን ብቻህን ቀርተህ ለራስህ ወዳጅ ብትሆን ይሻላል። ጫወታው ጓደኛ ባበዛ ሳይሆን ጥራት ያላቸው ካንተ ባህሪና ማንነት ጋር የሚሔዱ፣ የሚጠቅሙህና የሚረዱህ ጥቂት የልብ ጓደኞችን ማፍራት ነው። ከራሱ ጋር ጊዜ ማሳለፍ የማይወድ ሰው የጓደኞቹ ብዛት ተቆጥሮ አያልቅም። ባይፈልግም እንኳን ሁሌም ራሱን የሚያገኘው እነርሱን ለማስደሰት ሲጥር ነው። ብቸኝነትን ይፈራልና እየተጠቀሙበትም ቢሆን ጎጂ ጓደኝነት (toxic friendship) ውስጥ ለረጅም ጊዜ ይቆያል። ጓደኝነት ካልጠቀመህ ብዛቱ ምን ያደርግልሃል? በዙሪያህ ብዙ ሰው ካለ በዋናነት የምታቃጥለው የራስህን ውድ ጊዜ ነው።

አዎ! ጀግናዬ..! ራስህን ታደግ! እርግጥ ነው ለብቻ መጓዝ ከባዱ ጉዞ ነው ነገር ግን ከእርሱ በላይ የሚያጠነክርህ ነገር የለም። በጫጫታና በአላስፈላጊ ድራማ በከበብ ማንንም ነፃ አውጥቶ አያውቅም። ብዙ ብዙ ጓደኛ ስላላቸው በሰዎች የሚወደዱ ይመስላቸዋል። ነገር ግን እነዛ ጓደኞቼ የሚሏቸው ሰዎች እንደሚወዷቸው ለማረጋገጥ በደስታቸውና በሃዘናቸው ጊዜ የሚሰማቸውን ስሜት ማስተዋል ቢችል ብዙ ያተርፋል። ምቀኛም ሆነ ሌባ ከሩቅ አይመጣም። አብዝቶ የሚያውቅህ፣ የቅርብ ጓደኛዬ ነው አመነዋለሁ የምትለው ሰው ስለሚቀናብህ ብቻ ከጀርባህ ምን ሊሰራብህ እንደሚችል አታውቅም። ብዙ ጓደኛ ሲኖርህ ችግር አያጣህም። የእያንዳንዳቸውን ችግር ለመቅረፍ ስትሞክር የራስህ ችግር ሊያሰምጥህ ይደርሳል። ለእነርሱ ስትሯሯጥ ራስህን ትረሳለህ፣ ምናልባትም ባላሰብከው መንገድ ልትጠፋ ትችላለህ። በአንድም ሆነ በሌላ የማይጠቅምህ ጓደኝነት እየጎዳህ ነው ማለት ነው።

አዎ! ጓደኛ አታብዛ፣ በዙሪያህ ያሉትን ሰዎች ቀንስ። ከእነርሱ የምታገኘውና ለእነርሱ በምትሰጠው ነገር ላይ ግንኙነትህን መስርት። በፍፁም ትርጉም አልባ ግንኙነት ውስጥ ተሳስተህ እንኳን እንዳትገባ። ግደኝነት የህይወት አቅጣጫህን ሙሉ በሙሉ ይቀይረዋል። በጓደኛህ ትጠፋለህ በጓደኛህ ትድናለህ። በክፉ ቀን የሚደርስህ ጓደኛህ ነው፣ ደስታህንም እንደራሱ ደስታ የሚደሰትልህ እርሱ ነው። ከባድም ቢሆን ጓደኛህን በአግባቡ ምረጥ። ከቻልክ ቁጥራቸውን ቀንስ፣ የጋራ ነገር ከሌላችሁና የማያተርፍልህ ከሆነ ጓደኝነቱ ይቅርብህ። ማንም ትርፍ አልባ ግንኙነት የሚፈልግ ሰው የለም። አንተ ለራስህ ካላወቅክ ማንም መጥቶ የሚጠቅምህን ሊነግርህ አይችልም። በመሰለህ መንገድ ሳይሆን በሚጠቅምህ ትክክለኛ መንገድ ተጓዝ። የይሉኝታ ተጠቂ አትሁን። አንዳንዴ ጓደኛህን ምንም ያህል ብትወድውም ወደ ጥፋት መንገድ እየመራህ ከሆነ አንድም ለራስህ ብለህ ሌላም ራስህን አድነህ ዳግም ተመልሰህ እርሱን ታድነው ዘንድ እያዘንክ ትተወዋለህ። የምታውቀውን ሰው በሙሉ ጓደኛ ለማድረግ አትሞክር ይልቅ በቅድሚያ የራስህ ጓደኛ ሁን።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,513

MIKRE AIMRO | ምክረ-አዕምሮ™

18 Oct, 17:22

ገደብህ እራስህ ነህ!
፨፨፨፨//////////፨፨፨
በእድሜህ ብዙ አይተሃል፤ ምድር ላይ በቆየህባት ዘመን ብዙውን እተውለሃል። ከሁሉ በላይ የፈተነህ ግን የደስታህ ጉዳይ እንደሆነ እርግጥ ነው። የሁሉም ሰው የመጨረሻ ግብ ደስታና የሙላትን ህይወት መኖር ነውና ያንተም ከአርሱ አይለይም። ብዙዎች ግን ይህን ህይወት ፍለጋ የአሁን ደስታቸውን ያጣሉ፤ አንድ ቀን ለመደሰት ለዘመናት ይለፋሉ፤ አንድ ቀን ሰዎችን ለማስደሰት እራሳቸውን መሱዓት ያደርጋሉ። ደስታ ግባቸው የሆነ ሰዎች የሚጠብቁትን ደስታ እስኪያገኙ ቀን ከሌሊት ይተጋሉ፣ ይለፋሉ፣ ይደክማሉ። ትጋታቸውንም እየተመለከቱ ያ ቀን የቀረበ ይመስላቸዋል ነገር ግን ጊዜው በሄደ ቁጥር የመደሰቻ ጊዜውም እንዲሁ እየራቀ ይመጣል። ከረፈደም ቦሃላ ከሩቅ እንደሚመጣ ሲጠብቁት የነበረው ደስታ ከጉያቸው ተቀምጦ፣ አይናቸው ስር ሆኖ ከአይናቸው እንደተሰወረ ይገነዘባሉ።

አዎ! ጀግናዬ..! ገደብህ እራስህ ነህ! የደስታህ፣ የመረጋጋትህ፣ የውስጣዊ ሰላምህ ገደብ እራስህ ነህ። ከእራሳችን መምጣት የነበረበትን ነገር ከሰዎች ስንጠብቅ ጊዜያት ነጎዱ፤ አንድን ቀን በደስታ ለመኖር ለዘመናነት ስንታገል ዘመናት ነጎዱ፤ በሰዎች ዘንድ ስማችንን ልንተክል፣ ቅቡልነትን ልናገኝ፣ ተወዳጅነትን ልናተርፍ፣ ከብርን ልናገኝ ስንዳክር እራሳችንን ጣልነው። አንተ ለውጫዊው አለም እየደከምክ ውስጥህን ማን እንዲጠግን ትፈልጋለህ? በምታየው ነገር ብቻ እየተደመምክ ማን ባንተ ይደመም? ማንስ ላንተ ድካምና ትጋት እውቅና ይስጥህ? ደስታን ከውጭ ፍለጋ ስትጦዝ ያገኘሀው ሲመስልህ አላገኘሀውም፤ አገኘውት ብለህ ማጣጣም ስትጀምር ዳጋም ስታሳድደው እራስህን ታገኛለህ፤ ከአንዱ አንዱ የተለየ መልክ ይዞ ትመለከተዋለህ፤ ነገር ግን የትኛውም መልክ ካንተ ጋር እንደማይሔድ እያደር ይገባሃል።

አዎ! እራስህን ገድበህ ደስታህ ኬት ይመጣል? ውጪውን እያማተርክ ውስጥህ እንዴት ይዳን? ውዳቂ ተደግፈህ እንዴት ለእራስህ ብቁ መሆን ትችላለህ? ስልጡን መሪ አስቀድሞ የሰለጠነ ነው፤ ጎበዝ መምህር መጀመሪ እራሱን ያስተማረ ነው፤ የሰዎች የደስታ ምክንያት የሚሆን ሰው ቀድሞ በእራሱ የተደሰተ፣ ከማንነቱ እርካታን ያገኘ፣ በአምላኩ ፀጋ መሞላቱን ያወቀና ያሳወቀ ነው። ውጫዊ ፍለጋ መቋጫ የለውም፤ ውጫዊ አሰሳ መጨረሻው አይታወቅም። የምትፈልገውን ሰው ያገኘህ ሲመስልህ ከቆይታ ቦሃላ ጠፍቶ ታገኘዋለህ፤ በውጫዊ ነገር ለማረፍ ስትፈልግ በስተመጨረሻ ከንቱ ድካምህ ይታወቅሃል። ውጫዊ ሩጫህን ገታ አድርገው፤ ከባቢህን ከማሰስ መለስ በለ፤ እርጋታህን እራስህ ፍጠር፤ ሰላምህን አንተው ለማረጋገጥ ሞክር፤ ለእግዚአብሔር የበረከት ልጁ እንደሆንክ መገንዘብ ጀምር። ለአመታት ሮጠህ ካልሆነልህ ለትንሽ ጊዜ አድፍጠህ ለሰላምህ ዘብ፣ ለደስታህም ዋስትና ሁን።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,471

MIKRE AIMRO | ምክረ-አዕምሮ™

18 Oct, 16:34

✅ ለማንም አትመለሱ!

👍LIKE ✍️ COMMENT SUBSCRIBE 📣 SHARE 🙏

https://youtu.be/Jqnw-83icVY?si=Spmsmq4HaB_KRHJP

2,352

MIKRE AIMRO | ምክረ-አዕምሮ™

18 Oct, 05:15

እኛ እንደዚህ ነን!
፨፨፨////////፨፨፨
ይሔ የጋራ አቋማችን ሊሆን ይገባል፦ "አስተሳሰባችን ከወትሮው በተለየ መንገድ ተቀይሯል፣ ምቾትን ከማሳደድ እምቅ አቅማችንን ወደማሳደድ ተሸጋግረናል፣ በትንሽ ነገር ከመረበሽ ዲሲፕሊንድ መሆንን መርጠናል፣ ቆሞ ካሰብ እያደረግን ማሰብ ጀምረናል። ብዙዎች ላያምኑበት ይችላሉ እኛ ግን ወደ እውነታው እንጓዛለን፤ ለሁላችንም የወጣችውን ፀሃይ እንሞቃለን፣ በራችን ላይ ያለውን እድል እንጠቀማለን፣ እለት እለት ራሳችንን እናሳድጋለን፣ በየቀኑ ወደፊት እንራመዳለን። ከአሉታዊ ሀሳቦች በብዙ ማይል እንርቃለን፣ እይታችንን እናሻሽላለን፣ አስተሳሰባችንን እናስተካክላለን፣ አመለካከታችንን ከብዙ አቅጣጫ እንቃኛለን፣ እኛን ፈልገው ሊረብሹን የሚመጡ ሁኔታዎች እንዲቆጣጠሩን አንፈቅድም።" ከፈጣሪ ቀጥሎ የሰው ልጅ ትልቁ ደጋፊው እራሱ የሰው ልጅ ነው። ምናልባት ሰዎች የውድቀታችን መንስኤ፣ የህመማችን ምክንያት ሊሆኑ ይችላሉ ነገር ግን በስተመጨረሻም ለከፍታችን የሚያግዙን፣ በጥረታችን ከጎናችን የሚቆሙት፣ ወደምንፈልገው ስፍራም እንድንሔድ የሚደግፉን እነርሱ ይሆናሉ። ፈጣሪ ለሰው ልጅ የሰጠው ትልቅ አቅም ራሱ ብቻ የሚፈልገውን ህይወት እንዲኖር እንዲያስችለው አይደለም። ይልቅ ከራሱ በላይ ብዙዎችን ይዞ እንዲያድግና ለሰው የሚተርፍ ህይወት እንዲኖረው የሚያደርግ ነው።

አዎ! እኛ እንደዚህ ነን! ከአቋምም አቋም አለን፣ ከእውቀትም እውቀት አለን፣ ከድፍረትም ድፍረት አለን። እየተደጋገፍን የት እንደምንደርስ እናውቃለን፣ አብረን ሆነን ምን መፍጠር እንደምንችል ይገባናል፣ ተረዳድተን ወዴት እንደምንቀየር እናውቃለን። ከብዙዎች የተነጠልነው ምርጫችንን ስለምናከብር ነው፤ ምቾትን የምንሸሸው እድገትን አጥብቀን ስለምንፈልግ ነው፤ እንቅልፍና ድካም፣ ድብርትና ስንፍና የማያሸንፉን የሚንቀለቀል ውስጣዊ ፍላጎት ስላለን ነው። እንዴትም አንዘናጋም፣ ማንም ከጀመርነው የታላቅነት ጉዞ አያስቆመንም፣ ለብዙዎች ይሔን መቀበል ቢከብዳቸውም ለራሳችን ነፃነት ማንም እንዲዋጋልን አንፈልግም። እራሳችን ተዋግተን እራሳችንን ነፃ እናወጣለን። እስከዛሬ ከሰው ስንጠብቅ የባከነው ጊዜ ይበቃል፣ እስከ አሁን የኖርነው የበታችነትና የፍረሃት ህይወት ይበቃል። ከአሁን ቦሃላ ቁጭ ብለን የምንመኘው አስደሳች ህይወት የለም፤ ሰርተን እንኖረዋለን፣ ከአሁን ቦሃላ በግርድፉ የምናሳልፈው ውድ ጊዜ አይኖርም፣ ከፋፍለን በአግባቡ እንጠቀመዋለን።

አዎ! ጀግናዬ..! አቋማችን ግልፅ ነው። የራሳችንን ቤተመንግሥት የምንገነባው እኛው ነን፤ እስከ ተራራው ጫፍ የምንጓዘው እኛው ነን፤ በፍቅርና በፅናት የምናሸንፈው እኛው ነን። ሰዎች አሳክተው የምንመለከተውን ትልቅ ነገር የማሳካት አቅሙ እንዳለን ያመንን እለት የህይወት ዘይቤያችን በሙሉ እየተቀየረ ይመጣል። ድልድያችንን አፍርሰናል፣ ምንም ወደኋላ የሚመልሰን ነገር አይኖርም፣ ማሳካት የምንፈልገውን ነገር ከማሳካት ውጪ ሌላ አማራጭ የለንም። ወደፊት የምንጓዘው ማንም ገፍቶን ሳይሆን ፈልገን ነው፤ ጠንክረን የምንሰራው ተመችቶን ሳይሆን ስቃይ ወዳጃችን ምቾትም ጠላታችን እንደሆነ ስለገባን ነው። የምናውቀውን እናውቃለን ባወቅነው ልክም ለመኖር እንጥራለን፤ የገባን ገብቶናል በገባን ልክም ሁሌም ልናሳካው እንሞክራለን። ከባዱን መንገድ ስንመርጥ በዋናነት ከባዱን ማሳካት የሚችል ማንነት እግዚአብሔር እንደሚሰጠን ስለምናምን ነው፣ ሌላም ውስጣችን ያለው እምቅ አቅም ከባዱንም ነገር መቋቋም እንደሚችል ስለምናምን ነው። አሁን ጉዞ ጀምረናል እስክናሸንፍ አናቆምም፤ አሁን ሂደቱ ውስጥ ነን ሂደቱን ሳናጠናቅቅ ወደኋላ አንመለስም። በእርግጥም የተጠማነውን ስኬት በእጃችን አስገብተን በጋራ የምንኮራበት ጊዜ ሩቅ አይደለም።
እንበርታ ቤተሰቦች!
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,617

MIKRE AIMRO | ምክረ-አዕምሮ™

17 Oct, 17:58

ፍቅርም ይባክናል!
፨፨፨፨//////፨፨፨፨
ስንት ያለቦታው ሲገባ፣ የማይመጥነው ስፍራ ሲገኝ፣ ለማይመጥነው ሲሰጥ የሚባክን ነገር ታውቃላችሁ? ገንዘብ፣ እውቀት፣ ጊዜ ሌላም ሌም። እንዲሁ ፍቅርም ከሚባክኑ ስጦታዎቻችን ውስጥ አንዱ ነው። የማይገባችሁን ሰው አፍቅራችሁ ስትሰቃዩ ፍቅራችሁን ለማይገባው ሰው ሰጥታችኋልና በሌላ መንገድ እያባከናችሁት ነው፤ ምናቹንም ለመቀበል ዝግጁና ፍቃደኛ ያልሆነ ሰው ፍላጎታችሁን በግድ እንዲቀበል እራሳችሁንና ሰውዬውን ስታስጨንቁ ፍላጎታችሁ ያለምንም ምክንያት እየባከነ ነው። የትኛውም ትግል ብክነት ባይሆንም ትርፍ አልባው፣ አስጨናቂውና ዋጋ ቢሱ ትግል ግን ብክነት ነው። ሰው ፍላጎቱን ሊያሳካ ላይ ታች ይላል፣ ይወጣል ይወርዳል፣ እራሱን አሳልፎ እስከመስጠትም ይደርሳል። ለማን እራሱን አሳልፎ እንደሚሰጥ ካላወቀ ግን ውድቀቱ የማይሆን ይሆናል።

አዎ! ጀግናዬ..! ፍቅርም ይባክናል፤ የተቀጣጠለው፣ ገደብ አልባው፣ የታፈነው መውደድም ዋጋ ያጣል፣ ይንኮታኮታል፣ ትርፍ አልባ ይሆናል። ከሶስቴ በላይ አከታትለህ ደውለህ የማይነሳን ስልክ ለማስገደድ ብትጥር ሸክሙ የእራስህ ነው፤ ለረጅም ጊዜ ደጇ ስትጠና፣ ፍላጎትህን ስታሳያት፣ ስሜትህን ስታስረዳት ሰንብተህ ትኩረት ከተነፈክ፣ ችላ ከተባልክ፣ ፍቅርህ ምላሽ ካጣ በጊዜ መንገድህን መቀየሩ የእራስህ ሃላፊነት ነው። ምንም የሚሰጥ ነገር ሊኖርህ ይችላል፣ ምንም እፁብ ድንቅ የምታጋራው ስጦታ ሊኖርህ ይችላል፣ የትኛውንም ዓለምን የሚያስደምም እንቁ በእጅህ ሊገባ ይችላል ያለቦታው ሲቀመጥ ግን ከምንም አንሶ መና የሆነ ብክነትን ብቻ የሚያስከትል የሚሆንበት ጊዜ ይኖራል። ንጉስ በሃገሩ ንጉስ ነው በሰው ሃገር ግን መደበኛ የሀገሬው ነዋሪ ነው። ፍቅርህም ለሚገባው ሰው ሲሰጥ የምድራዊ ገነትህ መፍጠሪያ መሳሪያ ነው፤ ለማይገባው ሲሰጥ ግን ምድራዊ ሲዖል ውስጥ የሚከትህ ይሆናል።

አዎ! አንዳንድ መልካም ነገሮች በደፈናው መልካም ይሆናሉ እንዳንዶች ግን በቦታና በሁኔታ ይገደባሉ መልካምነታቸውንም ያጣሉ። የፍቅር መጥፎ የለውም፣ ምንም እንኳን የፈለገውን ምላሽ የመስጠት ምርጫ ቢኖረውም የሚፈቀረው ሰው ግን መጥፎ ሊያደርገው ይችላል። ያለምንም ጥርጥር አብዝተህ ደጅ ፀንተህ በጎና ፍፁም እንከን አልባ ምላሽ ሊሰጥህ የሚችለው እግዚአብሔር አምላክህ ብቻ ነው። የሰጠሀውን ለመቀበል እራስህን ብታዘጋጅ ስብራቱ ለእራስህ ነው። ፍቅርህ ሲባክን፣ መውደድህ ትርጉም ሲያጣ፣ እንክብካቤህ ከንቱ ልፋት ሲሆን ማንነትህን ያሳንሳልና፣ ዋጋህን ያወርደዋልና ከሚባክን ፍቅር እራስህን ጠብቅ። ለብክነት የሚሆን ጊዜም ሆነ ስሜት እንደሌለህ ለእራስህ አስምረህ ንገረው።
ውብ ምሽት ይሁንልን! 🌘🌒✨💫
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,086

MIKRE AIMRO | ምክረ-አዕምሮ™

17 Oct, 14:21

//•• Mastering Your mind & Thought ••//

ተመስጦህን አሳድግ !!!

የተመስጦ ዋናውን ገጽታ የበለጠ እያሰላሰልክ ስትሄድ፤ አንተ አለቃ፣ አእምሮህ ደግሞ ባሪያ ይሆናል፤ ሁልጊዜም መሆን ያለበት እንደዚህ ነው። አእምሮ ማለቂያ በሌለው መከራ ውስጥ የሚያሳልፍህ አስፈሪ ጌታ ቢሆንም፣ በተወሰነ መንገድ ከያዝከው ግን የምትፈልገውን ማንኛውንም - ነገር ልታደርግበት የምትችል ድንቅ ባሪያ ይሆናል። በዚህ ጊዜ በደንብ ልትቆጣጠረው ትችላለህ
ማሰብ ከፈለግክ ማሰብ ትችላለህ፧ ማሰብ ካልፈለግክ ደግሞ አታስብም፡፡ መሆን የሚገባውም እንደዚህ ነው፡፡

አሁን እጄን ማንቀሳቀስ ከፈለግኩ እጄን አንቀሳቅሳለሁ፤ ካልፈለግኩ ደግሞ አላንቀሳቅስም፡፡ ሰውነትህ ሁልጊዜ ዝም ብሎ የሚንቀሳቀስ ፡ ከሆነ፣ እብድ እየሆንክ ነው ማለት ነው። በአእምሮህ ላይም ተመሳሳይ ነገር እየሆነ ከሆነ ማለትም ማሰብህን ማቆም እየፈለክ ደጋግመህ በማይረቡ ሀሳቦች ውስጥ የምተዘፈቅ ከሆነ ፣ ሰዎች ሊያዩት በቀላሉ ስለማይችሉ እብድ ሆኗል አትባልም እንጂ ፣በበቂ ሁኔታ ራስህን ስትመለከት ግን እያበድክ እንደሆነ ትገነዘባለህ።

አእምሮህ ተመስጦ አይወድም። መቀመጥና ማሰላሰል ስትፈልግ አእምሮህ ያንን እንዳታደርግ ሁሉንም ነገር ያደርጋል። በመጀመሪያ" ነገ ታደርገዋለህ” ይልሃል። “ነገ” የአእምሮ ጥልቅ ማታለያ ነው።ነገ ደግሞ በፍጹም አይመጣም፡፡ ሰዎች በሕይወታቸው ውስጥ ሊያደርጓቸው የሚገቡ ብዙ ነገሮችን “ነገ” ብለዋል፡፡ ለራሳቸው ደስታ ሳይቀር “ነገ” ይላሉ፡፡

ለተመስጦ ወይም ለማሰላሰል ስትቀመጥ የአእምሮ “ነገ” የሚለው ዘዴ ካልትሳካና “አይ፣ ነገ አይሆንም፤ ዛሬ ለማድረግ ቆርጫለሁ” ካልክ፣ ሁለተኛ ዘዴውን ይሞክራል፡፡ ሳምንቱን ሙሉ ለማስታወስ ስትሞክር የነበረው የስልክ ቁጥር ድንገት ብልጭ ይልልህና ወደ ስልክህ ትሮጣለህ ተመስጦውም ያበቃል፡፡

ይህንንም - ከተቋቋምክና ወደ ስልኩ ሳትሮጥ ተመስጦህን ከቀጠልክ፣ በሁለት እና ሶስት ደቂቃዎች ደርዘን የሚሆኑ የተለያዩ የሰውነትህ ክፍሎች በድንገት ያሳክኩሀል፡፡ ለዚህ ምክንያቱ አእምሮ ሰውነት ከተረጋጋ እርሱም እንደሚረጋጋ ስለሚያውቅ ነው፡፡ አእምሮ ይህ እንዲሆን ከፈቀደ ደግሞ ባርያ እንደሚሆን ያውቃል፡፡

ራስህን ብታስተውል፤ ስትቆም፣ ስትቀመጥና ስትናገር ሰውነትህ ምን ያህል አላስፈላጊ እንቅስቃሴዎችን እንደሚያደርግ ታያለህ። ሕይወትህን ስትመለከት ምናልባት ከግማሽ በላይ ጊዜ የወሰዱት እነዚህ ነገሮች እንደሆኑ ትገነዘባለህ፡፡ በሰውነትህ ውስጥ አንተ ግድ የማትሰጣቸው ብዙ አላስፈላጊ ሀሳቦችና እንቅስቃሴዎች አሉ። ነገር ግን ሰውነት መረጋጋት ከቀጠለ፣ አእምሮም ቀስ በቀስ መርገብ ይጀምራል።

ይህን ማድረግ ከቻልክ፣ አእምሮ የሚያደርገውን የማያቋርጥ ሩጫ ገታህ ማለት ነው።እናም አእምሮ በድንገት የተለየና ድንቅ ባሪያ ይሆናል።

ምክረ-አዕምሮ ለተሻለ ነገ! 🦋

#SHARE እንዳይረሳ ቤተሰቦች! 🙏😍
በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

2,728

MIKRE AIMRO | ምክረ-አዕምሮ™

17 Oct, 11:03

✅ ስትከዱ ፈገግ በሉ!

👍LIKE ✍️ COMMENT SUBSCRIBE 📣 SHARE 🙏

https://youtu.be/HtH0wLXg8zo?si=HsC54AIz-qZCBqz9

2,640

MIKRE AIMRO | ምክረ-አዕምሮ™

17 Oct, 03:27

ማን ይምጣ?
፨፨፨////፨፨፨
ያንተን የግል ችግር ለመፍታት ማን ይምጣ? ያንተን ጭንቀት ካንተ በላይ ለመጨነቅ ማን ይምጣ? አንተን በሌሊት ሊቀሰቅስህ፣ ስፖርት ሊያሰራህ፣ ስራህን በአግባቡ እንድትሰራ ሊያደርግህ፣ ወደፊት እንድትጓዝ ሊያደርግህ ማን ይምጣ? አንተ የተሻልክ ሰው ትሆን ዘንድ ምን ይፈጠር? አንተ ህይወትህን ትቀይር ዘንድ መንግስት ድጎማ ያዘጋጅልህ ወይስ ቤተሰቦችህ ስር ስርህ እየሔዱ ይለምኑህ? አንተ ደስተኛ ስኬታማ ትሆን ዘንድ ወዳጅ ጓደኞችህ የራሳቸውን ህይወት ትተው ያንተ ረዳት ይሁኑ ወይስ በየጊዜው የሚያስፈልግህን ነገር ያሟሉልህ? ለራሱ የማያውቅ ሞኝ አትሁን። ላንተ ህይወት ካንተ በላይ ሃላፊነት የሚወስድ ሰው የለም። ዛሬ ተነስተህ አንተ ብትወድቅ፣ ብትጎዳ፣ ብትከስር፣ ብትገፋ፣ ብትሰቃይ ካንተ በላይ ሁኔታው ሊያስጨንቀው የሚችል ሰው ልታገኝ አትችልም። "ቤተሰቤ የምፈልገውን አላደረገልኝም፣ ጓደኞቼ አይረዱኝም፣ ፍቅረኛዬ ጊዜ አትሰጠኝም፣ መንግስት ደሞዝ አልጨመረልኝም" እያልክ ብታለቃቅስ ትርፍህን እዛው ከጎንህ ታገኛለህ። ሰው እየወቀሰ አንድ ያለፈለትን ሰው ፈልግ፣ ለውድቀቱ ሌላ አካል ላይ እያሳበበ ዳግም ራሱን ያገኘን ሰው ፈልግ ኬትም አታገኝም።

አዎ! ጀግናዬ...! ራሱን የሚያጃጅል ጂል አትሁን፣ ራሱ ላይ የሚበላውን ቁማር የሚቆምር ሰነፍ ቁማርተኛ አትሁን። ብታምንም ባታምንም ያንተ ህይወት 100% ያንተ ሃላፊነት ነው። ማንን በምን ላይ ተስፋ ማድረግ እንዳለብህ ጠንቅቀህ እወቅ፣ ማንን ተደግፈህ ወዴት እንደምትሔድ አስተውል። ለሆነብህ ነገር ዙሪያህን ከመውቀስ ራስህን መውቀስ እስካልጀመርክ ድረስ አንድ እርምጃ ወደፊት ልትራመድ አትችልም። በአላፊ አግዳሚው መረበሽህን፣ የመጣው የሔደው ላይ አይንህን ማንከራተትህን፣ በቀላሉ እጅ መስጠትህን፣ የማይመለከትህ ጉዳይ ተንታኝ መሆንህን፣ በማያገባህ መግባትህን፣ ሳይጠሩህ አቤት ሳይልኩህ ወዴት ማለትህን አቁም። እውቀትህ የማትፈልገውን ህይወት መቀየር እስኪችል ድረስ መማርህን እንዳታቆም፤ ከራስህ በላይ በዙሪያህ ያሉ ሰዎች ባንተ ተፅዕኖ ስር መውደቅ እስኪችሉ ድረስ ጠንክረህ መስራትህን እንዳታቆም። "ሊታደጉኝ ይመጣሉ፣ አሁን ካለሁበት አስከፊ ህይወት ያወጡኛል፣ ችግሬ ይገባቸዋል፣ ፍላጌትን ይረዱታል፣ ጥረቴን ያግዛሉ፣ ከጎኔ ይቆማሉ" ብለህ የምትጠብቃቸው ሰዎች አይመጡም ተስፋ ቁረጥ፣ እነርሱም የራሳቸው ብዙ ጣጣ አለባቸው አትጠብቃቸው።

አዎ! ከፈጣሪ ውጪ ከሰው መጠበቅን አሁን በቃኝ ካላልክ መቼ በቃኝ ልትል ነው? አሁን ሌላውን አካል መውቀስ ካላቆምክ መቼ ልታቆም ነው? ዛሬ ለራስህ ህይወት ሃላፊነት መውሰድ ካልጀመርክ መቼ ልትጀምር ነው? ዓለም በምታሳይህ ጊዜያዊ ብልጭልጭ አትሸወድ፣ ለምታጠምድህ የፈጣን እርካታ ሱስ ራስህን አትስጥ። ወደፊት መጓዝ የምትፈልግ ከሆነ መራር ቢሆንም እውነታውን ለመቀበል ደፋር ሁን። አንተ የሌለህበት ህይውት ባዶ እንደመሆኑ፣ ያንተ ጥረት የሌለበት ነገርም ትርፍ ሊያመጣልህ አይችልም። የሁሉም መጀመሪያ፣ የሁሉም መጨረሻ አንተ ነህ። ይሔ እውነታ ዛሬ ባይገባህ ነገ ይገባሃል፣ ነገም ባይሆን ከጥቂት ጊዜያት ቦሃላ በተግባር ይገባሃል። አሁን የጀመርከውን ነገር አቋርጠህ ከሆነ ተመልሰህ ጀምረው፣ አሁን ከሚጠቅምህ ሙድ ወጥተህ ከሆነ ድጋሜ ተመለስ፣ አሁን በብዙ ጅምሮች ተከበህ ከሆነ ሁሉንም በየተራ ጨርሳቸው። ሰውን ትልቅ ሰው የሚያደርገው መጀመር ሳይሆን የጀመሩትን መጨረስ እንደሆነ አስታውስ። ከማንም ምንም አይነት ግፊት አትፈልግ፣ ራስህን ወደፊት ግፋው፣ የሚጠበቅብህን ስራም በፍጥነት ጀምር።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,095

MIKRE AIMRO | ምክረ-አዕምሮ™

16 Oct, 17:59

አያውቁኝም!
፨፨፨///፨፨፨
ከራስ ጋር ንግግር፦ "አንተ ማነህ ብለው ቢጠይቁኝ ምላሼ "እኔ እኔ ነኝ" ነው። ማንም ጠንቅቆ ሊያውቀኝ የሚፈልግ ካለ እስከዛሬ የተጓዝኳቸውን ጉዞዎች አብሮኝ መጓዝ አለበት፣ እስከዛሬ ሳስባቸው የነበርኩትን ሀሳቦች አብሮኝ ማሰብ አለበት፣ እስከ ዛሬ የሞከርኳቸውን ስራዎች አብሮኝ መሞከር አለበት፣ እስከዛሬ በገፉኝ ሰዎች መገፋት አለበት። ካለዛ በፍፁም እንዴትም እኔን ሊያውቀኝ አይችልም። ምንያህል ርቀት ብቻዬን ከፈጣሪዬ ጋር ብቻ ስጓዝ እንደነበር ማንም አያውቅም፤ ምንያህል አስፈሪና አስጨናቂ ቀናንትን ፊት ለፊት ስጋፈጥ እንደነበር ማንም አያውቅም፤ ምንያህል እንቅልፍ አልባ ምሺቶችን ሳሳልፍ እንደነበር ማንም አያውቅም፤ ምንያህል ሰዓት ወገቤ እስኪጎብጥ፣ እጆቼ እስኪዝሉ፣ አዕምሮዬ እስኪደነዝዝ ስሰራ እንደነበር ማንም አያውቅም። ሁሉም የሚያውቀው ውጤቴን ብቻ ነው፣ ሁሉም የሚያየው የደረስኩበትን ደረጃ ብቻ ነው። ብዙዎች የስኬታማ ሰዎችን ህይወት ይመኛሉ ነገር ግን ስቃይና ድካማቸውን በፍፁም አይመኙም፤ ብዙዎች በዓለም አደባባይ ስማቸው ተጠርቶ የአሸናፊነት ሜዳልያን ማጥለቅ ይፈልጋሉ ነገር ግን አሸናፊ የሚያደርገውን የዘመናት ልምምድ አይፈልጉም።

አዎ! ስሜንና ስራዬን ሲያውቁ ያወቁኝ ይመስላቸዋል ነገር ግን በፍፁም አያውቁኝም፤ ውሎዬንና ንግግሬን ስላወቁ ማንነቴንም የተረዱት ይመስላቸዋል ነገር ግን በፍፁም አልተረዱትም። ማንነቴን እኔና ፈጣሪዬ በሚገባ እናውቀዋልን። ምን እንደዚህ እንደ አለት እንዳጠነከረኝ፣ እነማን ወደዚህ ከፍታ እንገፉኝ፣ ማንን ለማስደሰት ትልቅ ዋጋ እንደከፈልኩ ከእኔና ከፈጣሪ በቀር ማንም አያውቅም። ከብዙ ድካምና ስቃይ ቦሃላ ቢገባኝም አንዴ ከገባኝ ቦሃላ ግን አንድም ቀን ዓለምን ለማሸነፍ ታግዬ አላውቅም፤ ለደቂቃዎች ከአቅሜ በላይ በሆነ ጉዳይ እራሴን ለማስጨነቅ ሞክሬ አላውቅም። ጥረቴ ራሴን ለማሸነፍ ነው። አንዳንዴ እላለሁ "ፈተናዎቼ ጌጦቼ ናቸው፣ መሰናክሎቼ ሰሪዎቼ ናቸው።" በእነርሱ ብኮራ እንጂ በፍፁም አላዝንም፤ በእነርሱ ብመካ እንጂ በፍፁም አላፍርም። ምክንያቱም ብርቱውንና ጠንካራውን ማንነት ገንብተው ሰጥተውኛልና፤ ምክንያቱም የዛሬውን እኔ በሚገርም ሁኔታ ገንብተው አስረክበውኛልና። ራሴን በሚገባ ካወቅኩት፣ የመረጥኩትን ምርጫና የምጓዝበትን መንገድ ከተረዳው በሰው ለመታወቄ ግድ የለኝም። በሰው ለመታወቅ ብቁ ስሆን ያኔ ሊያውቀኝ የሚፈልግ ሁሉ ያውቀኛል። እስከዛ ግን ሁሌም ራሴን ለማወቅ እጥራለሁ፣ ጥበቡንም ፈጣሪ እንዲያድለኝ ዘወትር እማፀነዋለሁ።"

አዎ! ጀግናዬ..! እያንዳንዳችን ብዙ ብዙ ሰው የማያውቀው፣ ለሰውም የማይነገሩ እንዲሁ በጓዳ ጎድጓዳው የተደበቁ አያሌ ነገሮች አሉን። እኚህ ነገሮች ፈልገነውም ሆነ ሳንፈልገው ሰርተውናል ወይም አፍርሰውናል። ማንም የማያውቃቸው የብችኝነት ፈተናዎች ዛሬ ቀና ብለህ በኩራት እንድትራመድ አድርገውሃል። ለአፍታም ቢሆን ጥረትህና ድካም ለሰው እይታ እንዳይሆን። ሰው ከውጭ ባየህ ሊለካህ ቢሞክርም አንተ ግን ማን እንደሆንክ፣ ወዴት እንደምትሔድ፣ ምንስ ማሳካት እንደምትችል አንተ ታውቃለህ። እንደ አምላክ ፍቃድ እነዛን አስፈሪ ጊዜያት አልፈሃል፣ በፅናትና ትዕግስትህ ልክ ጠንካራውን ማንንትህን ገንብተሃል። አሁን ላይ ራስህን ታውቀዋለህ፣ ውስጥህን ትረዳለህ፣ ዙሪያህን ትቃኛለህ፣ እንኳን ሊሸጡህ ይቅርና ሲያስማሙህ ታውቃለህ። እነዛ የሚያሴሩብህ ላይ ቆቅ ሁንባቸው፣ እነዛ ያወቁህ ለመሰላቸው ድብቅ ሰው ሁንባቸው። መገለጥ ስትፈልግ ብቻ በልክ ተገለጥ፣ አስፈሪውናና ባለግራማሞገሱን ማንነትም ራስህ ጋር አቆየው።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel 😊 💪

3,259

MIKRE AIMRO | ምክረ-አዕምሮ™

16 Oct, 10:06

✅ ልቃችሁ ተገኙ!

👍LIKE ✍️ COMMENT SUBSCRIBE 📣 SHARE 🙏

https://youtu.be/8RHmvq7yEgc?si=rKjp8aQS2FsXfuPk

3,182

MIKRE AIMRO | ምክረ-አዕምሮ™

16 Oct, 05:47

ለመናገር ጊዜ አለው!
፨፨፨፨//////////፨፨፨፨
አስተዋይ ሰው አስተውሎቱ የሚታወቀው ከንግግር ዝምታን የመረጠ እለት ነው። ለዘመናት አውርታችሁ ምንም ካላመጣችሁ አሁን ተራውን ለዝምታ ሰጥታችሁ ሞክሩት፣ ለረጅም ጊዜ ብዙ በማውራታችሁ እውቅና አግኝታችሁ ተፅዕኖ መፍጠር ካልቻላችሁ ለዝምታም ጊዜ ሰጥታችሁ ተፅዕኖውን አስተውሉ። በህይወታችሁ እንደማትችሉት የሚሰማችሁ ትልቅ ነገር ምንድነው? እንደ ተራራ አልገፋ ብሎ ያስቸገራችሁ አበይት ጉዳይ ምንድነው? ለዓመታት አልፋታ ያላችሁ ችግር ምንድነው? እርሱ ምንም ይሁን ነገር ግን እርሱን ላገኛችሁት ሰው ሁሉ ማውራት መፍትሔ እንደማያመጣላችሁ እወቁ። ለሁሉም ጊዜ አለው እንደሚል ቅዱስ መፅሐፍ ለመናገርም ጊዜ አለው፣ ለዝምታም እንዲሁ ጊዜ አለው። ዝምታን ወይም ንግግርን የምትመርጡበት ሁኔታ መፃኢውን የህይወት አውዳችሁን ይወስነዋል። ዝም ማለት ባለባችሁ ሰዓት ብትናገሩ ምን የሚፈጠር ይመስላችኋል? መናገር በሚኖርባችሁ ጊዜስ ዝም ብትሉ ምን የሚፈጠር ይመስላችኋል? ነገሮች በሁኔታዎች ላይ ይመሰረታሉ። በቅፅበታት ውስጥ የሚወሰኑ ውሳኔዎችም ቀጣዩን የህይወት መንገድ የሚወስኑ ይሆናል።

አዎ! ለመናገር ጊዜ አለው፤ ቃላትን ለማውጣት ጊዜ አለው፣ ስሜትን ለመግለፅ፣ ሁኔታዎችን ለማስረዳት፣ ጥፋትን ለመጠቆም፣ ሀሳብን አደባባይ ለማውጣት ጊዜ አለው። አንዳንዴ በቃላት ከምታስረዱት በላይ ዝምታችሁ ነገሩን በግፅ ሊያስረዳ ይችላል። ቃላት አውጥቶ መናገር፣ ጮክ ብሎ ማውራት፣ ምንም ነገር በግልፅ ማድረግ ለአንዳንዶች የጥንካሬና የአስፈሪነት ምልክት መስሎ ይታያቸዋል። እውነታው ግን ማንም ጮክ ብሎ ቢያወራ፣ ማንም በሃይለ ቃላት ቢናገር፣ ማንም ያለውን ነገር በሙሉ ለሰው ቢያሳይ ከዛ ዝምታን ከመረጠው፣ ከተረጋጋውና ነገሮችን በፀጥታ ውስጥ ከሚከታተለው ሰው በላይ ሊያስፈራና ሰውን ሊያሸብር አይችልም። ብታውቁት ዝምታና ጊዜ ማንም የማይሰጣችሁን ሃይል ይሰጧችኋል። ምንምያህል በእርሱ አሻግራችሁ የምትመለከቱት ነገር ውብና አጓጉዊ ቢሆንም የሚጎዳችሁን መስኮት መዝጋት ይኖርባችኋል። ምናልባት በንግግራችሁ ብዙዎችን እያስደሰታችሁና ለብዙዎች እየጠቀማችሁ ቢሆንም ንግግራችሁ ግን ለእናንተ እንደ እሾህ ተመልሶ እየወጋችሁና ለራሳችሁ የምትሰጡትን ቦታ እያሳነሰ ከሆነ መናገራችሁን አቁሙና በዝምታ ነገሮችን ማስተዋል ጀምሩ። እድሉን ስላገኛችሁ ብቻ አትናገሩ፣ የመናገር እድል ስለተነፈጋችሁም ብቻም ዝም አትበሉ። ምርጫችሁን ምክንያታዊ አድርጉት።

አዎ! ጀግናዬ..! ማንም የማይቀማህን አደገኛ ትጥቅ ታጥቀሃል። እርሱም አንደበትህ ነው። ዝም ሲልም ሆነ ሲናገር ተፅዕኖ መፍጠር ይችል ዘንድ አጠቃቀሙን በሚገባ እወቀው። ያለጊዜው ብትጠቀመው ያጠፋሃል፣ በጊዜው ብትጠቀመው ግን ከምታስበው በላይ ከፍታ ላይ ያስቀምጥሃል። መናገር እንደሚችሉ እያወቁ ጊዜው ስላልሆነ ብቻ ዝም የሚሉ፣ ዝም ማለት እንደሚችሉ እያወቁ ጊዜው እንዳልሆነ ስላወቁ የሚናገሩ ሰዎች ህይወት ምነኛ የገባቻቸው ሰዎች ናቸው? አስተዋይ ዝም ይላል፣ ብልህ ሰውም የንግግሩን ጊዜ ጠንቅቆ ያውቃል። ጊዜ ስላለህ ብቻ በአንዴ ብዙ ስራ ልትሰራ አትችልም፣ ስለፈለክ ብቻም እንደፈለክ የመናገር መብቱ የለህም። የቅጣትና የፀፀት ናዳ ሳይወርድብህ ልብህን ግዛ፤ የማንም መሳቂያና መሳለቂያ ከመሆንህ በፊት ለአንደበትህ ስረዓት አብጅለት። የእውነት አዋቂ፣ የምርም ጠቢብ ትሆን ዘንድ ለምታደርገው የትኛውም ነገር ጊዜ አስቀምጥለት። ሃይልና ብርታትህን በገዛ ፍቃድህ ለሰዎች አሳልፈህ አትስጥ። ቁጥብ ሁን፣ ራስህን ግዛ፣ ምንም ከመናገርህ በፊት ጊዜው መሆኑን ተረጋግተህ አስብ።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,006

MIKRE AIMRO | ምክረ-አዕምሮ™

15 Oct, 17:27

አትዋከቡ!
፨፨////፨፨
አንድ ቀን ቆም ብላችሁ ወደኋላ ትመለከታላችሁ። በሰዓቱም ፈጣሪ እያንዳንዱን የህይወት ጉዟችሁን አብሯችሁ እንደተጓዘ ታስተውላላችሁ። አሁንም ቢሆን ብቻችሁን የሆናችሁ ቢመስላችሁም ብቻችሁን እንዳልሆናችሁ እወቁ፤ ውጤት አልባ ጥረት ላይ እንዳላችሁ የሚሰማችሁ ቢመስላችሁም እስካላቆማችሁ ድረስ ግን ጥረታችሁ አንድ ቀን እንደሚከፍላችሁ እወቁ። ሁሌም ቢሆን ይሔንን አስታውሱ፦ የፈጣሪ ጊዜ ከእናንተ ጊዜ የፈጠነና የተሻለ ነው። ስለቸኮላችሁ የፈለጋችሁትን አታገኙም፣ ስለሮጣችሁ ከሁሉም ቀድማችሁ አትደርሱም፣ ያለማቋረጥ ስለለፋችሁም የምትመኙትን ህይወት አትኖሩም። እግዚአብሔር ካለው ጊዜ የተሻለ ፈጣንና ትክክለኛ ጊዜ የለም። ሁሌም ቢሆን የመጨረሻ ተስፋችሁም ሆነ ምርኩዛችሁ ፈጣሪ እንደሆነ እወቁ። ብቸኝነትን የመረጡ የፈጣሪን አብሮነት ያስተዋሉ ናቸው፤ ተገፍተው ብቻቸውን የሆኑ ግን የፈጣሪን አብሮነት ሊያስታውሱ አይችሉም። በምርጫ ውስጥ እውቀት አለ፣ በግፊት ውስጥ ግን ጭንቀትና ብሶት አለ።

አዎ! ከትክክለኛው የፈጣሪ ጊዜ ለመቅደም አትዋከቡ፤ እርሱ ካሰበላችሁ በተሻለ ለማግኘት ራሳችሁን አትሰዉ። ሰውን ተከራክራችሁ እንደምትረቱት ከፈጣሪ ጋር ተከራክራችሁ ለማሸነፍ አትሞክሩ። እናንተ አሁን ላይ ጥሩ ሁኔታ አይደላችሁም ማለት፣ እናንተ ተበድላችኋል ማለት፣ ደጋግማችሁ ወድቃችኋል ማለት፣ ብቸኝነት ጎድቷችኋል ማለት ፈጣሪ ለእናንተ ሲሆን ተሳስቷል ማለት እንዳልሆነ አስተውሉ። የእርሱ ስራ አንዳች ስህተት ጥቂት ግድፈት የለባትም። እርሱ ይሁን ካለው የማይሆን አንዳች ነገር የለም። ከአቅማችሁ በላይ በሆነው የፈጣሪ ስራ ገብታችሁ ራሳችሁን ከልክ በላይ አታስጨንቁ። ይልቅ የሆነው መሆኑ አይቀርምና የሆነውን ለመቀበል ራሳችሁን አዘጋጁ፣ ራሳችሁን አጠንክሩ፣ ፈጣሪ ብርታቱን እንዲሰጣችሁ ተማፀኑ። ምድር ላይ የሰው ልጅ ሳይቀር የትኛውም ነገር ማለፉና ታሪክ መሆኑ አይቀርም። ማለፉ ለማይቀር ጊዜያዊ ስሜትና ክስተት ራሳችሁን መውቀስ አቁሙ።

አዎ! ጀግናዬ..! የምትፈልገው ነገር ሁሉ ፈጣሪህ ጋር አለ። ቀን ከሌሊት የምትደክምለት ገንዘብ፣ እንቅልፍ አጥተህ የምትጨነቅለት አስደሳች የፍቅር ህይወት፣ ያለማቋረጥ ለዓመታት ዋጋ የምትከፍልለት ዝናና እውቅና፣ ዛሬ ላይ የምትተችበት የራስህ የህይወት መንገድ ሁሉ አምላክህ ጋር አለ። ህይወትህን ላም ባልዋለበት ኩበት ለቀማ አታድርገው። ፈጣሪህን ሳታገኘው፣ የእርሱን ፍቃድ ሳትጠይቅ፣ ህግጋቱን ሳትጠብቅ ምንም ነገር ለማግኘት ብትለፋ ትርፉ ድካም እንጂ ምንም አይነት ውጤት አይኖረውም። ንቁዎች በመንገዳቸው ሁሉ ስኬትን ይጎናፀፉ ዘንድ ፈጣሪያቸውን ያስቀድማሉ፤ ልባሞች የተረጋጋና ደስተኛ ህይወትን ይኖሩ ዘንድ ለእያንዳንዱ ተግባራቸው የአምላክን ይሁንታ ይጠብቃሉ። የእውነት በፈጣሪያቸው ፍቅር የተማረኩ፣ እገዛውን የሚያሰተውሉ፣ አብሮነቱ የገባቸው፣ ለእነርሱ ያደረገውን ያወቁ ሰዎች ለአፍታ ከእርሱ ፈቀቅ አይሉም፣ ለደቂቃዎች ህግጋቱን ለመሻር አያስቡም። የተገዙት በፍቅር እንጂ በፍረሃት አይደለም፤ የሚተማመኑበት በሰው ስለተከዱ ሳይሆን አስቀድመው መርጠውት ነው። ሀሳብህ ሁሉ በፈጣሪ መንገድ ይከናወንልህ ዘንድ ታጋሽ ሁን፣ የፈጣሪን ጊዜ ጠብቅ፣ ፅናትና ብርታቱንም እርሱ እንዲሰጥህ ራስህን አዘጋጅ።
ውብ ምሽት ይሁንልን! 🌘🌒💫✨
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

3,558

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™ (Amharic)

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™

MIKRE AIMRO | ምክረ-አዕምሮ™