🍒ТӘМЛЕ КИҢӘШЛӘР🍒

Җомга көнгә - Белен
3стакан сөт
2 стакан он
2 йомырка
Шикәр комы
Сода
Усемлек мае
Тоз
Тәмле булсын🤗

Чәй янына - эремчекле шарчыклар

📌Моның өчен 1 стакан эремчек, 2-3 йомырка, ярты стакан шикәр комы, бер чеметем тоз, чәй кашыгы очына элеп кенә чәй содасы, 1 стакан чамасы он (әзрәк тә ярый) кирәк.

📌Эремчеккә йомырка, шикәр комы, тоз һәм чәй содасы салып болгатабыз. Аңа он өстибез. Шарчыклар тәгәрәтерлек куелыктагы камыр барлыкка килә. Сыек майда йөздереп пешерәсе.
Тәмле булсын 🤗

БАЛЫКЛЫ КАБАРТМА
📌Камыр өчен: 400 г он, 1 балкашыгы чүпрә, 1,5 ст сөт, 2 йомырка сарысы, көнбагыш мае, тоз, судак балыгы, яшел суган белән башлы суган, борыч.
📌Эш тәртибе: җылы сөткә чүпрә салып яхшылап болгатабыз, бераз тоз, он салып йомшак камыр басабыз да 30 минутка җылырак урынга куябыз.

📌Камыр бераз кабаргач, йомырка сарысы белән бераз көнбагыш мае кушып, камырны янә басабыз һәм тагын бераз куеп торабыз.

📌Балык итен вак итеп турыйбыз яки блендр ярдәмендә ваклыйбыз. Баш суган белән яшел суганны шулай ук вак итеп турыйбыз.

📌Майлы табада башта суганны кыздырабыз, аннары балыкны өстибез. Ахырдан яшел суган белән, тәмләткечләр салып, аз гына кыздырып алабыз.

📌Әзер камырны 12-14 кисәккә бүләбез. Һәр кисәкне түгәрәкләп җәябез дә 1,2 аш кашыгы эчлек салабыз. Камырның як-якларын тоташтырып чеметеп чыгабыз, бераз камырның өстен ачык калдырырга да була.

📌Кабартмаларның өстен йомырка сарысы белән майлап, 200 градус кызулыктагы мичкә куябыз. Кызарганчы пешерәбез.
Тәмле булсын 🤗

Бик тиз генә катлап ясала торган, бик тәмле салат
📌 Тавык ите
📌Помидор
📌Йомырка
📌Кириешки
1 рәт тавык итен вак итеп
Майонез
2 рәтПомидор вак итеп турап
Майонез
3 рәт Йомырканы угычтан уабыз
Иң өскә кириешки тезәбез
Тәмле булсын 🤗

👳🏻‍♂️🕌📿 Ислам дине турында бик файдалы канал. Татар телендә вәгазь һәм нәсыйхәтләр, тәфсир дәресләре.📚
Язылып кую өчен ссылка 👇👇👇

https://t.me/mechet_eniler

Ял көннәрендә сыйланырга - "Өч стакан" кабак пирогы
📌 400гр. Кабакны вак теркадан уабыз, ярты лимонның суын сыгабыз, кабыгын теркадан уабыз
ярты ст. песок салып болгатабыз.
Аннары крошка ясыйбыз, ярты ст. онга, яртышар ст. песок һәм Манный ярмасын кушып болгатабыз, өстенә 100гр. ак май салабыз һәм барысын бергә болгатабыз.
📌Табага иң элек крошканы җәябез, өстенә кабакны җәябез һәм яңадан крошканы җәеп өстенә тагын кабакны җәябез, иң өскә крошканы җәеп 35-40мин. 180 гр. пешереп алабыз, бик тәмле, авызда эри торган пирог булды.

Чәй янына татлы рулет
Ингредиентлар:
📌2 йомырка
1 ст. шикәр комы
1 ст. йогурт
ванилин
1 бал калагы сода
1,5 ст. он
джем яки баллы сөт (сгущенка)

📌Әзерләү:
1. Беренче эш итеп духовканы кабызып куегыз. Аны 300 градуска кадәр җылытырга кирәк.
2. Йомырка, шикәр комы һәм ванилинны болгатыгыз. Шушы катнашмага йогурт, сода өстәгез. Әкренләп он куша башлыйк: камыр куе, тик агып торучан булырга тиеш.
3. Табага кәгазь куеп камырны тигезләп салыгыз. Һәм шул килеш духовкага озатабыз. Озак тотмыйбыз: нибары 7-8 минут. Кызара башлагач аласы.
4. Алгач шул кызарган ягын юеш сөлгегә куегыз. Тиз-тиз сгущенка яки джем сылап рулет формасында төрегез. Шул сөлге уратып куеп суынырга калдырыгыз.
5. Табынга рулетны өстенә пудра сибеп бирәсе.
Тәмле булсын🤗

Кичке ашка - Яшелчә ашы
Суган,кишер,помидор,болгар борычы,ташкабак, бәрәңге,дөге,тәмләткечләр,яшеллек - барын бергә пешерәбез. Бик тәмле аш була.
Тәмле булсын🤗

🌧️🍁😌Көзге күңел төшенкелегеннән 5 ризык

📌Банан. Ул баш миенә бәхет гармоны – серотонин бүлеп чыгарырга ярдәм итә.

📌Шоколад. Кәеф күтәрү өчен менә дигән ризык. Кечкенә шоколад кисәгеннән ләззәт алу өчен лайфхак: аны тел очында тотып эретегез. Тәме бөтенләй башкача ачылыр.

📌Аш. Яңгырлы-җилле көнне кайнар аш ашаудан да яхшысы юк. Беренчедән, аш җылыта, икенчедән, файдалы. Шулпада бик күп төрле витаминнар, минераллар бар.

📌Бал белән чикләвек. Бал кәефне күтәрсә, омега-3кә бай чикләвек стресс дәрәҗәсен киметә.

📌Лимонлы чәй. Чәй антиоксидантларга бай, ә С витамины күп булган лимон иммун системасын ныгыта, стресс белән көрәшергә ярдәм итә.

Чәй янына рогаликлар

📌Камыр өчен:
- 500 гр сөт,
- 1 чәй кашыгы тоз,
- 2 аш каш шикэр комы;
- 100 гр сыек май,
- 11 гр коры чүпрә.

📌Эчлек өчен төсле мармеладлар кирәк була.

1. Камырны басабыз һәм кабарырга куябыз.
2. Әзер камырны 0,7 см калынлыкта җәябез.
3. Камырны өчпочмаклап кисәбез. Һәр өчпочмак эченә мармелад кисәкләрен куеп чыгабыз. Өспочмакларны рогалик рәвешендә төрәбез.
4. Рогаликларыбызның өстен йомырка бн буяп чыгарга.
5. Духовкада өсте кызарганчы пешерергә.
Мармеладлар эрегәнче рогаликлар пешеп тә чыга. Балалар кызыгып, яратып ашыйлар.
Тәмле булсын🤗

Кичке ашка - АВЫЛЧА БӘРӘҢГЕ
📌тоз, паприка, борыч
«Итальянские травы» приправасы
Ваклаган сарымсак
Кипкән укроп
Үсемлек мае

Әзерләү:

1. Бәрәңгене чистартабыз, авылча кисәкләргә кисәбез, киптерәбез бераз. Бәрәңгене тирән бер савытка салып, тәмләткечләр һәм үсемлек мае кушабыз.
2. Табага салабыз (пергамент җәйсәгез яхшы булыр).
3. Мичтә 200 ° 20 минут кыздырабыз (температурасын яки вакытын үзегезнең мичегезгә карап куегыз)

📌Соус өчен:

📌20% каймак
Укроп
Сарымсак

Тәмле булсын🤗

"Күке оясы" салаты

📌1-2 чи бәрәңге, 4 каты пешкән йомырка, 1 кисәк пешкән тавык ите (1 ысланган тавык боты алырга да була), 1 суган, 1 банка маринадланган шампиньон гөмбәсе, салат яфраклары, укроп, майонез, тоз, борыч. Кыздыру өчен үсемлек мае.

📌Чистартылган бәрәңгене юка саламлап турарга һәм алтынсу төскә кергәнче үсемлек маенда кыздырырга. Бәрәңгене табадан алып, тоз сибәргә. Аннан калган майда суган һәм гөмбәне бергә кыздырырга, суытырга.

📌Итне саламлап турарга яки җепселләргә аерырга.

📌Йомырканың агын вак итеп турарга.

📌Йомырка сарысын чәнечкә белән изеп, вакланган укроп, 1 аш кашыгы майонез өстәргә һәм яхшылап болгатырга. Әлеге массадан 5-6 түгәрәк – «йомырка» әвәләргә.

📌Яссы салат савытына салат яфракларын салырга. Салатны шуңа катламлап өяргә: ит, йомырка, майонез, гөмбә белән суган, майонез. Салат кырыена, оя барлыкка килерлек итеп, кыздырылган бәрәңге салырга. Оя уртасына «йомыркаларны» тезәргә. 1-2 сәгать суыткычта тотканнан соң гына табынга куярга.
Тәмле булсын🤗

Ял көннәрендә сыйланырга - Груша крамблы рецепты
Кирәк (8 порция):
📌«Конференц» грушасы – 4 данә
Шикәр – 100 г
📌Кукуруз оны (кукуруз крахмалы да ярый) – 2 аш кашыгы
📌 Бодай оны – 100 г
📌 Атланмай – 100 г
📌 Солы ярмасы – 150 г
📌 Дарчин (корица) – бер чеметем

Әзерләү
1. Грушаны вак шакмаклап турыйбыз, кукуруз оны, шикәрнең яртысы һәм дарчинны кушып, болгатабыз.
2. Форманың төбен атланмай белән майлап, шушы массаны салабыз.
3. Майны он, солы һәм калган шикәр белән бутап, груша өстенә таратабыз һәм форманы 200 градус кайнарлыктагы духовкага 20–25 минутка куябыз.
Тәмле булсын🤗

Кабартма
Камыр өчен :
1 стакан сөт ;
1 стакан кайнатып суытылган су;
1 йомырка;
1 кап дрожжи Саф-момент;
ярты бал кашыгы тоз;
1 бал кашыгы шикәр комы ;
3 кашык сыек май ;
Он кирәк була.

-"Шушы состав белән камырны басабыз ,кабарганын көтеп торабыз ,камыр күтәрелгәч бер ике кат төшереп кабартып алабыз ,аннары кабарган камырны җәеп ,тигез булсын өчен бокал белән кисеп "Идеал "сыек маенда ,алтынсу төскә кергәнче кыздырып алабыз .Кабартмаларыбызны кыздырыр алдыннан майда ярты баш суганны көйдермичә кыздырып-сөзеп алабыз ,болай эшләгәндә кабартмаларыбыз үзенчәлекле бер тәм ала.
Тәмле булсын 🤗

Кичке ашка - Марокканча гуляш

📌Гуляш пешерү өчен уртача зурлыктагы 4 бәрәңге, 300 гр кара ит, 500 гр кабак, 1 аш кашыгы атланмай, 1 алма, 1 суган, 1 аш кашыгы сөт өсте, 1 аш кашыгы он, 2 стакан су, тәменчә тоз, борыч, шикәр комы һәм петрушка алына.

📌Итне юып, зур булмаган кисәкләргә турыйбыз, тоз, борыч салып, суган белән бергә үсемлек маенда кыздырабыз. Шуңа он өстәп, тагын 3-5 минут кыздырып алабыз. Алманы вак итеп турап, иткә кушабыз. Кайнар сөт өстен һәм суны аз-азлап шулар өстенә салып, тулысынча әзер булганчы пешерәбез.

📌Кабакның тышын әрчеп, эре итеп турыйбыз. Бәрәңгене дә әрчибез һәм икесеннән дә, махсус җайланма ярдәмендә, әстерхан чикләвеге зурлыгында шарчыклар ясыйбыз. Тоз сибеп, фритюрда яисә күп май салып, тирән табада кыздырып алабыз.

Тәмле булсын 🤗

"Шимбә" салаты

1 кап краб таякчыгы, 1-2 каты пешкән йомырка, 1әр кыяр, әче алма һәм баллы борыч, 50 г каты сыр, 200 г кәбестә, майонез, яшел тәмләткечләр, тоз.

Саламлап туралган кәбестәгә тоз сибеп, кул белән уарга. Чистартылган борычны ярым боҗралап, кыяр, алма һәм краб таякчыкларын саламлап, йомырка һәм сырны вак итеп турарга. Тоз сибеп, майонез өстәп, барысын бергә болгатырга. Яшел тәмләткечләр белән бизәргә
Тәмле булсын 🤗