سۆران عومەر Soran Omar

وەزارەتی دارایی عێراق بەنوسراوی ژمارە (٤٢٤٦ لە ١٧/٢/٢٠٢٥) پشت بەست بەنوسراوێکی نوسینگەی سەرۆک وەزیران ژمارە ( ٣٠٠٥/٢٥١٢٥٤ لە ٢/٢/٢٠٢٥) لەگەڵ لیستی موچەی مانگی شوباتی ٢٠٢٥ و مانگەکانی دیکە داوای بەپەلەی ژمارەی بانکیی فەرمانبەران دەکات بۆ توطين بەپێی ئەو ڕێکارانەی کە دادگای فیدراڵی دیاریکردووە.
جگە لەوە داوای داهاتی ناوخۆ دەکات و ڕازی نیە بەو ٥١ ملیار دینارەی کە بۆ مانگی (١) هەرێم وەک داهاتی ناوخۆ گەڕاندیەوە بۆ دارایی عێراق.
لەخاڵی کۆتایی نوسراوەکەدا داوای داهاتی نەوت دەکات بخرێتە سەر ئەو هەژمارەی وەزارەتی دارایی عێراق لەبانکی ناوەندی بەژمارە (٣٠٠٩٠٠) کردویەتیەوە.

بەپێی بڕیاری دادوەر تاکو ٣/٣ ڕاگرتنی ئەوانە درێژکرایەوە کە لەسەر لایڤ و قسەی نەشیاو لەتۆڕەکۆمەڵایەتیەکان دەستگیرکراون، دەستخۆشی بۆ ئاسایشی سلێمانی هەڵمەتەکە بەردەوامە.
#بەرەنگاربوونەوەی_بڵاوکراوە_نەشیاوەکان

دەست بە هەڵمەتی #بەرەنگاربوونەوەی_بڵاوکراوە_نەشیاوەکان کرا

دەسخۆشیم بۆ دەزگای ئاسایشی گشتی هەرێم/ئاسایشی سلێمانی بۆ دەسکردن بەدەستگیرکردنی ئەوانەی کە لەتۆڕەکۆمەڵایەتیەکان ڤیدیۆو قسەی نەشیاو بڵاو دەکەنەوە.
پاش پەیوەندی کردن لەگەڵ بەڕێزان وەزیری ناوخۆو بەرپرسی دەزگای ئاسایشی هەرێم پشتیوانیان دەربڕی ئەو کەسانە ڕوبەڕوی یاسا بکەنەوە.
ئەمڕۆ بەڕێوەبەرایەتی ئاسایشی سلێمانی دەستگیرکردنی ٨ کەس لەوانەی لەتۆڕە کۆمەڵایەتکان کاری نەشیاو بڵاودەکەنەوە دەستگیرکران و هەڵمەتەکە بەردەوامەبێت.

.....
دەزگای ئاسایشی هەرێم دەستگیرکردنی ٨ تۆمەتباری خراپ بەکارهێنانی تۆڕە کۆمەڵایەتییەکان ڕادەگەیەنێت.

کوردی/عربي

#بەرەنگاربوونەوەی_بڵاوکراوە_نەشیاوەکان

بەڕێوەبەرایەتی ئاسایشی پارێزگای سلێمانی، بەمەبەستی بەرەنگاربوونەوەی بڵاوکراوە نەشیاوەکان، بەبڕیاری بەڕێز داواکاری گشتی ( ٨ )تۆمەتباری خراپ بەکارهێنانی تۆڕەکۆمەڵایەتییەکانی دەستگیرکرد، تۆمەتباران لەڕێگەی گرتە ڤیدیۆیی و لایڤەکانیان بابەتی نەشیاویان بڵاوکردوەتەوە و کاریگەری نەرێنییان لەسەر تاک و خێزانەکان هەبووە.

لەسەر داوای هاوڵاتییان بۆ زیاتر پاراستنی بەها کۆمەڵاتییەکان، بەڕێوەبەرایەتی ئاسایشی پارێزگای سلێمانی، دوای بەدواداچوون و دەستنیشانکردنی شوێن و ناسنامەی ئەو تۆمەتبارانەی کە لەتۆڕەکۆمەڵایەتییەکان لەگرتە ڤیدیۆیی و لایڤەکانیاندا ڕەفتاری دوور لە نەریت و ڕەوشتی کۆمەڵایەتییان بڵاودەکردەوە دەستگیرکران و ڕووبەڕوی یاسا کرانەوە.

لە هەڵمەتی بەرەنگاربوونەوەی بڵاوکراوە نەشیاوەکان، دەزگای ئاسایشی هەرێم بەپێی یاسا و بەبڕیاری دادوەر ڕووبەڕوی خراپ بەکارهێنەرانی تۆڕە کۆمەڵایەتییەکان دەبێتەوە و لەپێناو تێکنەدانی شیرازەی کۆمەڵگا.

_________

جهاز اسايش الإقليم يعلن اعتقال 8 متهمين بإساءة استخدام شبكات التواصل الاجتماعي.

في إطار جهود مديرية أسايش السليمانية لمكافحة المنشورات غير اللائقة، وبناءً على قرار قاضي التحقيق الأمني، تم القبض على ثمانية أشخاص متهمين بإساءة استخدام شبكات التواصل الاجتماعي. حيث قام المتهمون بنشر محتويات هابطة عبر مقاطع الفيديو والبث المباشر، مما أثر سلبًا على الأفراد والعائلات.

وبناءً على طلب المواطنين لحماية القيم الاجتماعية، قامت مديرية أمن السليمانية، بعد التحقيق وتحديد أماكن وهويات المشتبه بهم الذين نشروا محتويات هابطة على شبكات التواصل الاجتماعي، باعتقالهم وتقديمهم إلى العدالة.

وتأتي هذه الحملة ضد المنشورات غير اللائقة في إطار جهود جهاز اسايش الإقليم لمواجهة من يسيئون استخدام شبكات التواصل الاجتماعي وفقًا للقانون وقرارات القضاء، وذلك من أجل بناء مجتمع سليم وحماية القيم الأخلاقية.

_________

‏The Kurdistan Region Security Agency has apprehended 8 individuals involved in Misuse of social media networks related to social media. These individuals disseminated content through live streams and videos that negatively impacted individuals and their families.

‏In response to public concerns about protecting social norms, the Sulaymaniyah Region Security Agency, under directives from the Security Agency Judge, conducted thorough investigations. This led to the identification and apprehension of the perpetrators responsible for activities that contravened traditional and societal values, disseminated via their live streams and videos.

‏In its ongoing efforts to uphold societal standards and prevent the publication of inappropriate content, the Kurdistan Region Security Agency, in accordance with prevailing laws and judicial directives, is committed to combating Misuse of social media networks related to social media. This initiative aims to safeguard social conduct and preserve the integrity of community values.

#بەرەنگاربوونەوەی_بڵاوکراوە_نەشیاوەکان

#دەزگای_ئاسایشی_هەرێمی_کوردستان
#ئاسایش_دامەزراوەیەک_بۆ_ئارامی
بەڕێوەبەرایەتی گشتی ئاسایش - سلێمانی

https://soranomar.krd/4797/

شاندێکی لیژنەی ئابوری لە سەردانی تونس،
لەگەڵ عبدالامير الشمري وەزیری ناوخۆ و عبدالحكيم القصاب باڵوێزی عێراق لەتونس.

پێویستە وەزارەتی ناوخۆو دەزگای ئاسایش و داواکاری گشتی سنورێک بۆ ئەم کەسانە دابنێن

وەزارەتی نەوخۆو دەزگای ئاسایش و داواکاری گشتی ئەرکی سەرشانیانە ڕێکاری پێویست بگرنە بەر بەرامبەر ئەو کەسانەی کە لە تۆڕە کۆمەڵایەتیەکان دور لە هەموو بەهاو رەوشت و ئاینێک تۆماری ڤیدیۆیی پڕ لە جنێوو بێڕێزی و قسەی نەشیاو بڵاودەکەنەوە.
پێویستە وەزارەتی ناوخۆ بەفەرمی فۆڕمێک بڵاوبکاتەوە تاکو هاوڵاتیان ئەو بڵاوکراوەو ڤیدیۆو زانیاریانە بنێرن بۆیان کە شیرازەی کۆمەڵایەتی تێکداوەو مەترسیە لەسەر تاک تاکی ئەم کۆمەڵگایە.
لەعێراق ئەم هەڵمەتە گیراوەتە بەر بەناوی بەرەنگاربونەوەی (المحتوى الهابط) و ڕۆڵی باشی هەبووە لەکەمکردنەوەو بەرگرتن بەو کەسانە کە لە لایڤی تیکتۆک و فەیسبووک و هەندێ پلاتفۆڕمی دیکە ئەو بێ ڕێزی و قسە نەشیاوانە بڵاودەکەنەوە.

https://soranomar.krd/4785/

https://soranomar.krd/4781/

https://soranomar.krd/4776/

داوای ١٠٠ هەزاری باشکردنی بژێویم ئاراستەی سەرۆک وەزیرانی عێراق کرد تاکو ئەو بڕیارە خانەنشینانی هەرێمی کوردستانیش بگرێتەوە.
دوو ١٠٠ هەزار دیناریی دەدرێت بەخانەنشینان، یەکەمیان لەیاسای خانەنشینی یەکگرتووی عێراق هەیە بۆ ئەوانەی موچەکانیان کەمترە لە ٥٠٠ هەزار، ئەمە جێبەجێکراوەو بەردەوامە.

دووەمیان بڕیاری ئەنجومەنی وەزیرانی عێراقە بۆ ئەوانەی موچەکانیان کەمترە لە ملیۆنێک دینار، ئەم ١٠٠ هەزارەیان لەئێستەدا تەنها خانەنشینانی عێراق وەریدەگرن بەبڕیاری ئەنجومەنی وەزیران.
داوامکردووە ئەو ١٠٠ هەزارە خانەنشینانی هەرێمیش بگرێتەوە.
پێشتر هەرێمی کوردستان خۆی ئەمەی جێبەجێکردوەو داویەتی بەخانەنشینان، لەمانگی یەکەوە عێراق دەڵێ ئەو ١٠٠ هەزارە نادەین بەخانەنشینانی هەرێم .

https://soranomar.krd/4773/

چۆنێتی هەژمارکردنی موچەی خانەنشینی بەپێی یاسای خانەنشینی یەکگرتووی عێراق

بۆ نمونە ئەگەر فەرمانبەرێک موچەکەی (٦٥٠) هەزار دینار بێت و (٣٠) ساڵ خزمەتی هەبێت و بڕوانامەی بە(دبلۆم)ی هەبێت بەم جۆرە موچەی خانەنشینیەکەی بۆ دیاری دەکرێت:

١- تێکڕای موچەی (بنەڕەتی) بۆ سێ ساڵ دیاری دەکرێت، ئەگەر بەم جۆرە دیاری دەکرێت:
أ- موچەی بنەڕەتی ساڵی یەکەم * ١٢
٢٥٠،٠٠٠*١٢ = ٣،٠٠٠،٠٠٠
ب- موچەی بنەڕەتی ساڵی دووەم * ١٢
٢٧٥،٠٠٠*١٢ = ٣،٣٠٠،٠٠٠
ج- موچەی بنەڕەتی ساڵی سێیەم * ١٢
٢٨٥،٠٠٠ *١٢ = ٣،٤٢٠،٠٠٠

٢- کۆی ئەنجامی أ +ب+ج دابەشی ٣٦ دەکرێت
(٣،٠٠٠،٠٠٠+٣،٣٠٠،٠٠٠+ ٣،٤٢٠،٠٠٠) / ٣٦ = ٢٧٠،٠٠٠ دینار

٣- ئەنجامی ژمارە (٢) * ساڵانی خزمەت * ٢.٥ دابەشی ١٠٠ = موچەی خانەنشینی
٢٧٠،٠٠٠*٣٠*٢.٥ / ١٠٠ = ٢٠٢،٥٠٠ دینار

٤- غلاء المعيشي
موچەی خانەنشینی*ساڵانی خزمەت دابەشی ١٠٠
٢٠٢٥٠٠*٣٠\١٠٠ = ٦٠،٧٥٠ دینار

٥- هەژمارکردنی بڕوانامە (دبلۆم ٪٥ بەکالۆریۆس، بکالۆریۆس ٪١٠، ماستەر ٪١٥ ، دکتۆرا ٪٢٠
موچەی خانەنشینی*دەرماڵەی بڕوانامە
٢٠٢،٥٠٠*٪٥= ١٠،١٢٥ دینار

تێبینی : ئەگەر موچەی خانەنشینی کەلە خاڵی (٣) دەرچووە زیاتر بوو لە کۆتا موچەی بنەڕەتی ئەوا کۆتا موچەی بنەڕەتی حساب دەکرێت لێکدانی ٪١ دەکرێ لێکدانی ساڵانی خزمەت.
کۆتا موچەی بنەڕەتی*٪١*٣٠= موچەی خانەنشینی

٦- ئەگەر موچەی خانەنشینی کەمتر دەرچوو لەبنەڕەتی ئەوا موچەی خانەنشینی+غلاء المعيشي+دەرماڵەی بڕوانامە = کۆتا موچەی خانەنشینی

٢٠٢،٥٠٠+٦٠،٧٥٠+١٠،١٢٥= ٢٧٣،٣٧٥ دینار

٧- بەڵام بەپێی یاسای ژمارە ٢٦ی ساڵی ٢٠١٩ کە هەمواری یەکەمی یاسای خانەنشینی یەکگرتوو ژمارە ٩ ی ساڵی ٢٠١٤ بوو بۆ باشکردنی بژێوی نابێت موچەی خانەنشینی لە ٥٠٠ هەزار دینار کەمتر بێت.

سۆران عومەر
ئەندامی لیژنەی ئابوری و پیشەسازی و بازرگانی

(١)
هەمواری یاسای بودجەی ٢٠٢٥ تایبەت بە دیاریکردنی تێچوی بەرهەمهێنانی بەرمیلێک نەوتی هەرێم دواخرا، بەهۆی ئەوەی سەرۆک وەزیرانی عێراق پێشنیارێکی نوێی ناردوە، داوای ڕادەست کردنی داهاتی نەوت و بەرهەمە نەوتیەکان و غازی سروشتی دەکات لەناوخۆو دەرەوە بەبێ ئەوەی هیچی لێ ببڕدرێت.
(٢)
سەبارەت بە جێبەجێکردنی تەمەنی خانەنشینی لە ٦٠ ساڵی بەپێی یاسای خانەنشینی یەکگرتووی عێراق کەبڕیاری دادگای فیدراڵی بۆ دەرچووە، لە ١/١/٢٠٢٥ ەوە هەر فەرمانبەرێک تومەنی گەشتبێتە ٦٠ ساڵ خانەنشین دەکرێ و پاداشتی کۆتایی خزمەتی پێدەدرێت کە ١٢ موچەی تەواوە، واتە ئەگەر فەرمانبەرێک کۆی کۆتا موچە کە وەریگرتووە ١ ملیۆن بێت ئەوە ١٢ ملیۆن دیناری پێ دەدرێت، بەمەرجێک خزمەتی لە ٢٥ ساڵ کەمتر نەبێت.

الهجرة والمهجرين والمصالحة المجتمعية النيابية تعقد اجتماعها الدوري لمناقشة جدول اعمالها خلال الفترة المقبلة


عقدت لجنة الهجرة والمهجرين والمصالحة المجتمعية النيابية اجتماعها الدوري برئاسة النائب احلام فتاح الكاكائي رئيسة اللجنة وحضور عدد من اعضائها، يوم الثلاثاء 2025/1/21، لمناقشة عدد من الملفات على جدول الاعمال. وجرى خلال الاجتماع مناقشة تحضيرات اللجنة لاجراء زيارة ميدانية لمخيمات النازحين في اقليم كردستان والمحافظات الاخرى لغرض الاسراع بغلق مخيمات النزوح، فضلا عن مفاتحة مكتب رئيس مجلس الوزراء لبحث الملفات العالقة الخاصة بالمهجرين والنازحين. كما قررت اللجنة استضافة وزيرة الهجرة والمهجرين بحضور الوكلاء ومدراء العامين في الوزارة لمناقشة ملف النازحين وتعويضاتهم. بالاضافة الى استضافة رئيس هيئة المسألة والعدالة ونائبه، وما هي الاجراءات المتخذه على كتاب مجلس النواب العراقي ذي العدد 11029 في 2023/10/2 وموضوعه المادة 25 من قانون الهيئة الوطنية العليا للمساءلة والعدالة، وكذلك استضافة هيئه دعاوى الملكية . كما تم مناقشة عمل لجنة المادة 140، وتعويضات المبعدين من دولة الكويت .

مجلس النواب الدائرة الاعلامية 2025/1/21

پاش دەنگدان بەیاسای هەڵوەشاندنەوەی بڕیارەکانی بەعسی لەناوچوو بۆ زەویەکانی کەرکوک و گەڕاندنەوەی بۆ خاوەنەکانیان کە کوردو تورکمانن، پاش دەنگدان بەیاسای لێبوردنی گشتی.

کوتلە شیعیەکان ناڕەزایەتیان دەربڕی و لەسەر دەنگدانەکە واژۆیان کۆکردەوە بۆ دەستلەکارکێشانەوەی سەرۆکی پەرلەمان .
یاسای لێبوردنی گشتی کەئەمڕۆ دەنگی لەسەر درا هەرێم ناگرێتەوە.

https://soranomar.krd/4748/

بۆ بەڕێز بەڕێوەبەرو ستاف و ڕۆژنامەنوسانی کەناڵ 8
پاش سڵاوو ڕێز
پیرۆزبایی یەکەم ساڵیادی پەخشی کەناڵەکەتان لێدەکەم، بەساڵێک لەکاری میدیایی، کەناڵ 8 توانیویەتی سەرکەوتووبێت و ڕوبەرێکی باشی دەنگ و ڕەنگی جیاواز بێت.
کەناڵ 8 پیشەییانە کاری کردووەو ئازایانە ڕای جیاوازی پەخش کردووە، هیوای کاری باشترو سەرکەوتنی بەردەوامتان بۆ دەخوازم لەگواستنەوەو گەیاندنی ڕاوبۆچونی پێچەوانەو زانیاری دروست.

سۆران عومەر
ئەندامی ئەنجومەنی نوێنەرانی عێراق
١٨/١/٢٠٢٥

https://soranomar.krd/4742/

سۆران عومەر: بەغدا بە مەرج مووچەی مانگی یەک دەنێرێت
سۆران عومەر: بەغدا دەڵێت لەداهاتی نانەوتی کورتهێنانی موچەی مانگی ١٢ تەواو بکەن

سۆلین حەمەدەمین
رووداو هەولێر

ئەندامێکی لیژنەی ئابووری لە پەرلەمانی عێراق دەڵێت، وەزارەتی دارایی پێیڕاگەیاندن بە مەرج مووچەی مانگی یەک دەنێرن، یەکێک لە مەرجەکان بەجێکردنی مووچەیە (تەوتن). دەشڵێت، "بەغدا ٤٤١ ملیار دیناری ناردووەو هیچ پارەیەکەی دیکە بۆ مووچەی مانگی 12 نانێرت."

رۆژی سێشەممە، 14ـی کانوونی دووەمی 2025، سۆران عومەر بە تۆڕی میدیایی رووداوی راگەیاند، "ئەمڕۆ سەردانی وەزارەتی دارایی عێراقمان کرد، بۆ بەدواداچوونی پرسی ژمارە جیاوازەکانی نێوان وەزارەتی دارایی هەرێمی کوردستان و عێراق، ئەو ئامارە جیاوازانەی بڵاوکرانەوە سەبارەت بە تەرخانکراوەکان، پارەدارکردن و ئەوەشی کە نێردراوە، هەروەها پرسیارمان کرد کە بۆچی لێبڕین لە مووچەی مانگەکانی 10، 11، و 12ـی هەرێمی کوردستان و چارەنووسی مووچەی مانگی 12".

ئەو ئەندامەی لیژنەی ئابووری لە پەرلەمانی عێراق گوتی، "وەزارەتی دارایی لە وەڵامی پرسیارەکانی ئێمەدا گوتیان، بەپێی خەرجکراوی كردەیی (إنفاق الفعلي) تێپەڕاندن هەیە لەلیستی موچە لەبودجەی هەرێمی کوردستان."

تاوەکو ئێستا عێراق تەنیا 441 ملیاری بۆ مووچەی مانگی 12ـی ساڵی 2024 ناردووە. سۆران عومەر دەڵێت، "ئەمڕۆ لە وەزارەتی دارایی عێراق بەڵگەکانیان خستەڕوو گوتیان، هیچ پارەیەکی دیکە بۆ مووچەی مانگی کانوونی یەکەمی 2024 نانێردرێت و ژمێرکاری داخراوە."

تەممووزی ساڵی رابردوو، مووچەی خانەنشینانی هەرێمی کوردستان هاوتای خانەنشینانی عێراق کرا. سۆران عومەر گوتی، "عێراق دەڵێت بابەتی هاوتاکردنی مووچەی خانەنشینان لەلایەن لیژنە هاوبەشەکەی نێوان هەردوو وەزارەت هێشتا بڕیاری لێنەدراوە، ئێمە بۆ هاوتاکردن بودجەی تەرخانکراومان نەبووە هەرێم یەکلایەنە ئەو خەرجییەی کردووە، کە لەموچەی خانەنشینی شارستانی مانگانە 92 ملیار دینار زیادەی خەرجکردووە."

ئەو پەرلەمانتارە باس لەوە دەکات، "وەزارەتی دارایی عێراق دەڵێت 'هەموو مانگێک 10٪ لێبڕینمان کردووە بۆ خانەنشینی و بە پێی خەرجیی کردەیی مامەڵەمان کردووە. هەرێمی کوردستان داوای 430 ملیار گواستنەوەیان کردبوو بۆمان کردوون، 441 ملیاریش بۆ مووچەی مانگی 12ـی 2024 نێردراوە'، بۆیە مووچەی هەرێمی کوردستان تەواو بووە."

کۆتا جار هەرێمی کوردستان داهاتی مانگی حوزەیرانی بۆ عێراق ناردووە. ئەو ئەندامەی لیژنەی ئابووری پەرلەمانی عێراق گوتی، "بەغدا داوادەکات کورتهێنانی مووچەی مانگی 12 بە داهاتی ناوخۆ پڕبکەنەوە چونکە شەش مانگە بۆیان نەنێردراوە."

لەبارەی مووچەی مانگی 1، سۆران عومەر بە رووداوی گوت، "بۆ مووچەی مانگی کانوونی دووەم، سەرۆکوەزیرانی عێراق نووسراوی کردووە کە مووچە بەجێبکرێت (تەوتین)، عێراق کۆمەڵێک مەرجی داناوە بۆ مووچەی مانگی یەک گرنگتریناین بەجێکردنە ئەگەرنا مووچەی مانگی یەک کێشەی بۆ دروست دەبێت."

سۆران عومەر گوتیشی، "عێراق داوادەکات کێشەکانی لیستی مووچە چارەسەر بکرێت بە گشتی کێشە لە لیستەکان هەیە، گرنگترینیان لیستی ژمێریاری، ژمارەی وەزیفی و بایۆمەتری و (UPN).

یاسای بودجەى گشتی سێ ساڵە (2023 و 2024 و 2025)، لە 12ـی حوزەیرانی2023 لە پەرلەمان پەسندکرا و لە 26ـی هەمان مانگدا لە رۆژنامەى وەقائیعی عێراقى بڵاوکرایەوە.

https://soranomar.krd/4737/

وەزارەتی دارایی عێراق بەنوسراوی ژمارە ( (٣٥٢٩٦ لە ٣١/١٢/٢٠٢٤) دواین گوژمە پارەی موچەی مانگی ١٢ی فەرمانبەرانی سەربازی و مەدەنی و خانەنشینان و تۆڕی کۆمەڵایەتی و کەسوکاری شەهیدان و ئەنفالکراوانی ناردووە بەڵام هەرێم پارەی موچەی مانگی ١٢ی خەرج کردووە و موچەی مانگی ١١ی پێداوە!

چۆن ڕووتان دێ پیرۆزبایی ساڵی ١٠ مانگی لەخەڵک دەکەن؟!

عێراق موچەی مانگی ١٠ی نارد بەڵام ١٧ ڕۆژ دەستان بەسەردا گرت، دواتر بە ٧ ڕۆژ دابەشتان کرد!
ئێستەش ١٤ ڕۆژە موچەی مانگی ١١ی ناردووە ئامادە نەبوون دابەشی بکەن خەڵکتان سەرقاڵ کردووە بەوەوە بەغدا موچەی مانگی ١٢ ی نەناردوە!
عێراقی دوژمن کەسەرۆک کۆمارەکەی و دەیان بەرپرسی باڵای کوردە ئەمساڵ ١٠ ترلیۆن ٢٥٣ ملیار دینارە بۆ مووچە ناردووە!
ئێوە تەنها دابەشکردنی موچەتان لەسەرە دەستی بەسەردا دەگرن!
لەکاتێک دا هیچ ساڵێک هێدەی ٢٠٢٤ داهاتی نەوت و ناوخۆی زۆر نەبووە، هیچ ساڵێکیش بەقەد ئەمساڵ داهاتیان نەبردووە! بەڵام ئامادە نەبوون لەو داهاتە زۆرە تەواوکاری موچەی خەڵک بدەن!

ئەم زیندانە گەورەترین زیندانە لە عێراق کە بە زیندانی حوت ناسراوە دەکەوێنە ٥ کیلۆمەتر لەدەرەوەی شاری ناصریە، چیرۆکی زۆر غەمگین لەسەر ئەم زیندانە هەیە! هەزاران سزادراوی تێدایە.
ڕەوشی مافەکانی مرۆڤ لە زیندانەکانی عێراق لەهەموو ڕویەکەوە لەوپەڕی خراپیدایە، لەپاش ڕوخانی ڕژێمەکەی بەشار دۆخی زیندانەکان لەعێراق خراپتر بووە، مەترسی لەسێدارەدانی بەکۆمەڵ زۆرە!
لەعێراق هەزاران کەسی سونە بە تۆمەتی ئینتیما بۆ تـ•یـ•رۆر بە هەواڵدەری نهێنی سزای لەسێدرارەی بۆ دەرکراوە، لەمساڵدا بەواژۆی سەرۆک کۆمار کەکوردە لەلایەن وەزارەتی داد زۆرترین سزای لەسێدارەدانیان جێبەجێ کردووە!!!
لەعێراق ڕفاندن و ئەشکەنجەو سزادان بەهەوڵدەری نهێنی لەسیما دیارەکانی پێشێلکاری مافی مرۆڤەو ڕەوشی ناو زیندانەکان لەوپەڕی خراپیدایە!

https://soranomar.krd/4646/

سۆران عومەر ئەندامی ئەنجومەنی نوێنەرانی عێراق یەکێک لەئامادەبوانی پانێڵی سەرژمێری گشتی دانیشتوان بۆ ساڵی 2024 وتی :
حکومەتی هەرێمی کوردستان هیچ ئامادەکاریەکی بۆ چونە سەرژمێری دانیشتوان نەکردوە، بڕیارەکانی ١٢ی ئەم مانگەی ئەنجومەنی وەزیرانی عێراقیش گرنتی رەواندنەوەی ترسەکانی هەرێم لەسەر ئەنجامی سەرژمێری ناکات لەناوچە ناکۆکی لەسەرەکان.

پەرلەمانتاران ( دكتۆر موسه‌ننا ئه‌مین و سۆران عومه‌رو دارا سێكانیانی‌ ) چاویان ده‌كه‌وێت به‌ نوێنەرانی پارتە سیاسیەكانی‌ ناڕازی لە ئەنجامه‌كانی هەلبژاردنی پەرلەمانی هەرێمی کوردستان.
ئەمرۆ سێ شەممە رێکەوتی ۱۲/۱۱/۲٠۲٤ هەریەک لە پەرلەمانتاران (دکتۆر موسەنا ئەمین ئەندامی لیژنەی پەیوەندیەکانی دەرەوە و سۆران عومەر ئەندامی لیژنەی ئابوری و پیشەسازی و بازرگانی له‌ ئەنجومەنی نوێنەرانی عێراق و بەرێز دارا سێکانیانی ئەندامی لیژنەی یاسایی لە ئەنجومەنی نوێنەرانی عێراق)، له‌ نوسینگه‌ی‌ ئه‌نجومه‌نی‌ نوێنه‌ران له‌ پارێزگای‌ سلێمانی‌، پێشوازیانكرد له‌ نوێنەرانی پارتە سیاسیەکانی هەرێمی کوردستان کە نارازین لەئەنجامەکانی هەلبژاردنی په‌رله‌مانی‌ كوردستان ، كه‌ پێكهاتبوون له‌ (یه‌كگرتوی‌ ئیسلامی‌ وكۆمه‌ڵی‌ دادگه‌ری‌ كوردستان و به‌ره‌ی‌ گه‌ل و بزوتنه‌وه‌ی‌ گۆڕان و بزوتنه‌وه‌ی‌ ئیسلامی‌ و بزوتنه‌وه‌ی‌ په‌یوه‌ندی‌ ئیسلامی‌)، لەمیانەی چاوپێکەوتنەکەدا پەرلەمانتاران داوایان لە ئامادەبوان کرد, راپۆرتێکی‌ تێرو ته‌سه‌ل هاوپێچی‌ داواكارییه‌كه‌یان پێشکەش بکەن بۆ ئەوەی بیگەیەننە لایەنی پەیوەندیدار لە حکومەتی فیدراڵی عێراق.

السادة النواب د. مثنی أمين و سوران عمر و دارا سيكانياني يلتقون بممثلي الأحزاب السياسية المعترضة علی نتائج إنتخابات برلمان إقليم كوردستان.
إستقبل يوم الثلاثاء ۱۲/۱۱/۲٠۲٤ كل من السادة النواب د. مثنی أمين عضو لجنة العلاقات الخارجية النيابية، و سوران عمر عضو لجنة الاقتصاد والصناعة و التجارة النيابية، و دارا سيكانياني عضو اللجنة القانونية النيابية، في مكتب مجلس النواب بمحافظة السليمانية، ممثلي الاحزاب السياسية المعترضة علی نتائج إنتخابات برلمان كوردستان، وهم كل من (الاتحاد الاسلامي، جماعة العدل الكردستانية، جبهة الشعب، حركة التغير، الحركة الاسلامية و حركة الاتصال الاسلامي)
و خلال اللقاء، طالب النواب من الاطراف المعترضة تقديم تقرير كامل و موحد وارفاقه مع طلبهم لإيصاله الی جهات ذات العلاقة في الحكومة الاتحادية.

بۆچی موچەی مانگی ١٠ دواکەوتووە؟
موچەی مانگی ١١ و ١٢ چی لێ دێت؟!

حکومەتی هەرێم لیستی موچەی خانەنشینانی بەهاوتاکراوی ناردووە بۆ دارایی فیدراڵ کە لەدوو مانگی ڕابردودا پێش هەڵبژاردنەکان بەبێ ڕەزامەندی بەغدا موچەی شارستانی خانەنشینانی هاوتاکرد! ئێستە بۆ هەرمانگێک ٥٦ ملیاری پێویستەو داوای لەبەغداکردوە، بەڵام بەغدا تاکو لیژنە هاوبەشەکەی پێکیهێناوە بۆ هاوتاکردنی موچەی خانەنشینی و چۆنێتی چارەسەری نەبونی سندوقی خانەنشینی ناچێتە ژێر باری ئەو هاوتاکردنە کەهەرێم خۆی کردویەتی!
لەسەر چارەسەر نەکردنی کێشەی لیستەکانی موچە بۆ مانگی (١٠) دارایی عێراق بڕی (٢٥٠) ملیار دینار دەبڕێت، وەک چۆن لەمانگی ڕابردوش (١٣٠) ملیار دیناری بڕی.
جگە لەوە بەغدا دەڵێ لەبەشە بودجەی هەرێم کەکەیاسای بودجە بۆی تەرخانکراوە ٪١٢.٦٧ هەرێم هیچ پارەیەکی تری نەماوە.
بڕیارەکەی دادگای فیدراڵیش کە بەغدای پابەندکردووە بەپێدانی موچە بە توطين ئاماژەی بەوەکردووە لەبەشەبودجەی دیاریکراو بۆ هەرێم لەیاسای بودجە!
هەرێم داوا دەکات بەشی موچەی مانگەکانی ١٠،١١،١٢ گواستنەوەی بۆ بکرێت لە وەبەرهێنان بۆ موچە.
داهاتی نەوت نادیارە کەهەرێم خۆی فرۆشتویەتی، داهاتی ناوخۆش تاکو ئێستە هەرێم لە ١٠ مانگ تەنها ٣٢٠ ملیار دیناری ناردوە بۆ بەغدا!
عێراق دەڵێ هەرێم کەدەبوو هەموو ڕۆژێک ٤٠٠ هەزار بەرمیل نەوت بدات بە سۆمۆ، یەک لیتر نەوتی ڕادەست نەکردوە لەزیادکردنی داهاتی عێراق بۆ ساڵی ٢٠٢٤ هەرێم ٣٢٠ ملیار دیناری زیادکردوە! بەڵام بەغدا نزیکەی ٧ ترلیۆن و ٥٠٠ ملیاری بۆ موچە ناردووە.

کێشەکانی لیستی موچە کە بریتی بوون لە پێنج خاڵ چارەسەر نەکراوە؛
١- دوو موچە لەنێوان وەزارەتەکانی هەرێم و لەنێوان هەرێم و بەغدا.
٢- نەبونی ژمارەی وەزیفی فەرمانبەر، کەئەمەش گومانی زۆری خستۆتە سەر لیستی موچە.
٣- دوبارەی ژمارەی وەزیفی فەرمانبەر، کەچەند فەرمانبەرێک یەک ژمارەی وەزیفی هەیە! هەرمانگێکیش ژمارەکەی جیاوازە!
٤- نەبونی بایۆمەتری، کەتاکو ئێستە زۆرن ئەوانە بایۆمەتریان نیەو تەعینی تازەن!
٥- ئەو فەرمانبەرو مامۆستایانەی خوێندنی کوردی و بەڕێوەبەرایەتیەکانی کەرکوک کەموچەیان لەهەرێمەو لەسەر فەرمانگە فیدراڵەکانن.
عێراق دەڵێ ڕاژەکانیان دەگوازینەوە مادام موچەکانیان ئێستە لەسەر عێراقە، هەرێم دەڵێ ڕازی نابین! ئەڵێ ئیداریەن هەر لەهەرێمەبن مالیەن با لای ئێوەبن!

بۆیە پيویستە هەرێم لەوە زیاتر یاری بەقوتی خەڵک نەکات و مەترسی بۆ موچەی ئەم سێ مانگەی کۆتایی ٢٠٢٤ دروست نەکات و لەداهاتی نەوت و ناوخۆ زامنی ئەو موچانە بکات.

دۆسێ گەورە بێ خاوەنەکە!

وەزارەتی دارایی عێراق بۆچی ئامادەی جێبەجێکردنی بڕیاری دادگا نیە!؟

دوو هاوڵاتی بالیسان کە زەرەرمەندی شاڵاوەکانی ئەنفالن، سکاڵا لەسەر عەلی حەسەن مەجید تۆمار دەکەن و لەساڵی ٢٠٠٩ دادگا بڕیاری وەرگرتنی قەرەبووی ٤٢٨ ملیۆن دیناریان بۆ دەدات و سەرۆک وەزیران و وەزیری دارایی عێراق پابەند دەکات بەپێدانی ئەو بڕە پارە.
دوای ئەوەی دائیرەی تەنفیز لەوەزارەتی دادی عێراق بۆ جێبەجێکردنی بڕیارەکە نوسراو ئاراستەی وەزارەتی دارایی دەکات، دۆسێکەمان بەنوسراوی ژمارە (٨٦٣/د لە ٢٥/٩/٢٠٢٤) ئاراستەی وەزیری دارایی عێراق کرا بۆ جێبەجێکردنی بڕیاری دادگاو قەرەبوکردنەوەی ئەو دوو هاوڵاتیە، بەڵام وەزارەتی دارایی بەنوسراوی ژمارە (٢٢٢٧٢٧ لە ٦/١١/٢٠٢٤) لەوەڵامدا دەڵێت (بەپێی یاسای قەرەبووی زیانلێکەوتووانی دەستی ڕژێم ژمارە (٢٠)ی ساڵی ٢٠٠٩) لەیاسای بودجەی ساڵی ٢٠٢٤ لەچوارچێوەی نەفەقاتی سیادی و حاکیمە نیە تاکو پارەکە سەرف بکەین!
ئەمە دۆسێیەکی گەورەی پەیوەست بەقەربووی زیانلێکەوتوانی دەستی ڕژێمی پێشوی لەناوچووە کە پێویستە لەیاسای بودجەی ساڵانە بڕە پارەیەکی بۆ دابنرێ تاکو هەموو هاوڵاتیانی زیانلێکەوتوی دەستی ڕژێمی لەناوچوو لەئەنفال و کیمیاباران لەدادگا داوای قەرەبووی مادی بکەنەوەو وەک نوێنەرانی کورد پێویستە ئەم بابەتە لەوە زیاتر پشتگوێ نەخرێت و بەیەک دەنگ داوای ئەو قەرەبووانە بکەین، ئێمە لەسەر ئەم دۆسێ دەڕۆین.
دوای دەرچونی بڕیاری دادگای باڵای تاوانەکان لەسەر هەڵەبجەو ئەنفال و بەسزاگەیاندنی سەدام و عەلی حەسەن مەجیدو چەند تاوانبارێکی دیکە، دادگا مافی داوە بەخانەوادەی زیانلێکەوتووان لەو تاوانانە لەداگای تایبەتمەند سکاڵا بکەن و داوای قەرەبووی زیانەکانیان بکەن بەڵام تاکو ئێستە ئەم دۆسێ بێ خاوەن و بێ خەمخۆر ماوەتەوە بۆیە عێراقیش هیچ بڕە پارەیەکی بۆ تەرخان نەکردوە!

بەبڕیاری کێ دەست بەسەر موڵک و ماڵی سۆران عومەردا گیراوە؟ پەیام ئاشکرای دەکات

پەیام
بەپێی بەڵگەنامەیەکی بانکی ناوەندی کە وێنەیەکی دەست پەیام کەوتووە دەریدەخات سەرۆکایەتی دادگای تێهەڵچونەوەی هەولێر/ دادگای لێکۆڵینەوەی بنەسڵاوە دەستی بەسەر ماڵ و موڵکی گوازراوەو نەگوازراوەی سۆران عومەردا دەگرێت و وەک تۆمەتبار ناوی دێنێ و لە ٢/٩/٢٠٢٤ نوسراو بۆ بانکی ناوەندی دەکات بۆ لابردنی حجزەکە!
بانکی ناوەندیش لقی هەولێر لە ٣٠/١٠/٢٠٢٤ نوسراو دەکات بۆ هەموو بانکەکان بۆ هەڵگرتنی دەست بەسەراگرتنەکە!

لەسەر داوای دادگای هەولێر دەست بەسەر تەواوی موڵک و ماڵی سۆران عومەردا دەگیرێت

#بوار
دەست بەسەر سەرجەم موڵک و ماڵی گواستراوەو نەگواستراوەی سۆران عومەردا دەگیرێت.

بەپێی نوسراوێکی لقی هەرێمی کوردستانی بانکی مەرکەزی عێراق، بڕیار دراوە بە دەست بەسەرداگرتنی سەرجەم موڵک و ماڵی پەرلەمانتار سۆران عومەر.

بەپێی نوسراوەکەی لقی هەرێمی کوردستانی بانکی مەرکەزی عێراق، ئەو بڕیارە پشت دەبەستێت بە بڕیارێکی دادگای هەولێر کە داوای کردووە دەست بگیرێت بەسەر سەرجەم موڵک و ماڵی گواستراوەو نەگواستراوەی پەرلەمانتار سۆران عومەر.

سۆران عومه‌ر، پەرلەمانتاری کۆمەڵی دادگەری لە پەرلەمانی عێراق لە لێدوانێکیدا ئەوەی ڕاگەیاند کە ماوه‌ى پێنج مانگه‌ ده‌ستگیراوه‌ به‌سه‌ر موچه‌ى خۆی و پاسه‌وانه‌كانی به‌بێئه‌وه‌ى هۆكاره‌كه‌ى بزانێت.

پێنج مانگ و نیو حجزی ئەموال خرایە سەر موچەی خۆم و پاسەوانەکانم بەبێ ئەوەی هۆکارەکەیم پێ بڵێن!
بەنوسراوی ژمارە (٢٩-٣٩٤ ق ٢٠٢٤ لە ١٣/٥/٢٠٢٤)ی بانکی ناوەندی عێراق، حجزی ئەموال خراتە سەر هەژماری بانکی بەندە لەبانکی TBI کە موچەی خۆم و پاسەوانەکانی لەسەرە، بەبێ ئەوەی لەهیچ ئاگاداربکرێمەوە، بەبێ ئەوەی هیچ هۆکارێک هەبێت! ناشزانم بۆ ئەوەم بەرامبەر کراوە!
بانکی ناوەندی بەنوسراوی ژمارە (٧١٥ لە ٣٠/١٠/٢٠٢٤) نوسراوێکی دیکە دەکات بۆ TBI حجز لەسەر موچەی خۆم و پاسەوانەکان هەڵدەگرێ!
پەیوەندیم بە پارێزگاری بانکی ناوەند کرد، چاوەڕێم بەڕێزیانم ڕونکردنەوەم پێ بدات! چونکە TBI دەڵێ ئێمە لەهۆکارەکەی ئاگادارنەکراوین!

https://soranomar.krd/4642/

https://soranomar.krd/4638/

https://soranomar.krd/4635/

https://soranomar.krd/4628/

دۆسێی دامەزراندنی گرێبەست و سێ یەکەم و خاوەن بڕوانامە باڵاکان ئاراستەی وەزارەتی دارایی عێراق دەکرێت...
لە ٢٧/٨/٢٠٢٤ بەنوسراوی ژمارە ٨١٧/د داوام لەسەرۆک وەزیرانی عێراق کرد دۆسێی دامەزراندنی گرێبەستەکان و سێ یەکەمەکان و خاوەن بڕوانامە باڵاکانی هەرێمی کوردستان یەکلایی بکەنەوە.
نوسینگەی سەرۆک وەزیران بەنوسراوی ژمارە ٣٠٢٦/٢٤٢٧٠١٣ لە ١١/٨/٢٠٢٤ ئەمیندارێتی گشتی ئەنجومەنی وەزیرانی لەم بابەتە ئاگادارکردۆتەوە.
ئەمیندارێتی گشتی ئەنجومەنی وەزیران داواکاریەکەی بەنوسراوی ژمارە ٥٠٥٤٩ لە ٢٤/١٠/٢٠٢٤ ئاراستەی وەزارەتی دارایی کردووە بەمەبەستی زانینی ڕای وەزارەت لەوبارەوە.

په‌رله‌مانتاران دكتۆر موسه‌نا ئه‌مین و سۆران عومه‌ر پێشوازی له‌ به‌ڕێز ئارام كمال ده‌كه‌ن سه‌رپه‌رشتیاری پرۆژه‌ی پارێزگای سلێمانی و نوێنه‌رانی كرد له‌ رێكخراوی كوردستان بۆ هه‌موان.

نوسینگەی سەرۆک وەزیران داوای سەرفکردنی ٢٨٤ ملیار دیناری گەنمی جوتیارانی هەرێمی کوردستانی ئاراستەی ئەمیندارێتی گشتی ئەنجومەنی وەزیران کرد.
لەگەڵ کاک هەرێم کەمال ئاغا بە دوو نوسراوی جیا، داوامان لەسەرۆک وەزیران محمد شیاع سودانی کرد پارەی گەنمی جوتیارانی هەرێم دواکەوتووەو جوتیاران وا خۆیان بۆ وەرزێکی نوێ ئامادە دەکەن بەڵام تاکو ئێستە بەشێکی پارەی ئەو گەنمەی ئەمساڵیان وەرنەگرتووە کەتەسلیم بەسایلۆکانیان کردووە.
نوسینگەی سەرۆک وەزیران داوای لەوەزارەتی بازرگانی کردوە کە ئاگاداریان بکات ئەو پارە چەندی ماوە، وەزارەتی بازرگانی ئاماژە بەوە دەکات ٢٨٤ ملیار دینار ماوە بدرێت بە جوتیارانی هەرێمی کوردستان.
بەنوسراوی ژمارە (3002/2438500 لە ٣٠/١٠/٢٠٢٤) نوسراو ئاراستەی ئەمیندارێتی گشتی ئەنجومەنی وەزیران دەکات بۆ سەرف کردنی پارەکە.

https://soranomar.krd/4623/

توطين بەتەزویرکردن و بڵاوکردنەوەی وەڵامی نوسراوێکی بەندە ناکرێت!
ئەم نوسراوەی بڵاوی دەکەنەوە گوایە لەسلێمانی توطين دەست پێدەکات بەنوسراوی تەیف سامی كە تەزویرەو وەڵامی نوسراوێکی بەندە تەزویرکراوە.

پێویستە گرێبەستی کۆمپانیای (میرۆ سیستم)ی کۆریای باشور لەگەڵ کۆمیسیۆنی هەڵبژاردنەکانی عێراق هەڵوشێنرێتەوە

کۆمپانیای میرۆ سیستم کە ساڵی ١٩٩٩ دامەزراوە لەبواری سیستمی هەڵبژاردنی ئەلکترۆنی، بەداخەوە ئەم کۆمپانیا ئەزمونێکی ناشەفاف و گوماناوی هەیە بەتایبەت پاش ئەنجامدانی هەڵبژاردنی کۆنگۆ و عێراق لەساڵی ٢٠١٨ و ٢٠٢١
ئەم کۆمپانیا لەپاش ئەنجامدانی هەڵبژاردنی کۆنگۆ، سەرۆکی کۆمسیۆنی هەڵبژاردنەکانی کۆنگۆ لەلایەن وەزارەتی گەنجینەی ئەمریکاوە خرایە لیستی سزاکان بەتۆمەتی ئەوەی ١٠٠ ملیۆن دۆلاری خستۆتە سەر حسابی کۆمپانیای میرۆ سیستم لەبەرامبەر دەستکاری ئەنجامەکانی دەنگدان.
لە عێراقیش گرێبەستی دابین کردنی پێداویستیەکانی هەڵبژاردنی ئەلکترۆنی لەگەڵ میرۆ سیستم کراوە، چاودێری دارایی عێراق پاش وردبینی لەگرێبەستەکەو کاری سیستمە ڕاپۆرتێکی (١١) خاڵی لەکەموکوڕیەکان ئاراستەی کۆمیسیۆن کردوە بەڵام پشتگوێ خراوە، پشکنین و تاقیکردنەوەی ئەم سیستمەی کۆمپانیای میرۆ ئەگەر کرابێتیش ئەنجامەکەی نەخراوەتە ڕوو بۆیە گومانی زۆر لەسەر ئەم کۆمپانیا هەیە بەجۆرێک کە لەهەر وڵاتێک میرۆ سیستم پێداویستی دیجیتاڵی هەڵبژاردن دابین بکات ئەمریکا لەڕێی USAID ڕازی نابێت هاوکاری مادی ئەو وڵاتەو کۆمیسیۆنەکەی بکرێت چونکە سیستمەکەی قابیلی دەستکاری و گۆڕینی ئەنجامی هەڵبژاردنە، وەک ئەوەی لەهەڵبژاردنی سەرۆکی ڕوسیا بۆ جاری پێنجەم ئەم کۆمپانیا ئەنجامیدا!
ئەم کۆمپانیا بازرگانیەو تۆمەتبارن بەوەی لەدەرەوەی سیستمی بانکی کۆمپانیاکەو لەدەرەوەی کۆریای باشور پارە خراوەتە سەر ٤٩ هەژماری بانکیان!
لەعێراقیش سەرۆکی پێشوی کۆمیسیۆنی باڵای هەڵبژاردنەکانی عێراق کەگرێبەستی لەگەڵ ئەم کۆمپانیا کردبوو بۆ هەڵبژاردنی ساڵی ٢٠٢١ و باڵوێزی عێراق لەکۆریای باشور نامەیەکی ئاراستەی حکومەتی کۆریا کردبوو لەسەر ئەوەی ئەم سیستمە ئەلکترۆنیە دروستکراوی کۆمپانیای میرۆ نیە بەڵکو کۆکراوەو لێکدراوە، تێچوی گرێبەستەکەی عێراق چەندین ملیۆن دۆلاری بۆ زیادکرا بەبێ ئەوەی بزانرێ هۆکارە ڕاستەکەی چیە! ئەوکاتە بەئاشکرا ئەنجامەکان دەستکاریکرا، سەرۆکی کۆمیسیۆنی هەڵبژاردنەکانی عێراق کە سەر بەڕەوتی صەدر بوو دوای هەڵبژاردنەکان ناچار بەدەستلەکار کێشانەوە کرا، هەڕەشەی ئەوەشی لێکرا ئەگەر دەست لەکارنەکێشێتەوە لێپرسینەوەی لێ دەکرێت.
ئەم هەڵبژاردنەش کە ٢٠/١٠/٢٠٢٤ ئەنجامدرا، هەمان کۆمپانیا (میرۆ سیستم) ئەنجامیدا، هەرلایەنێک پارەی دابێت و گەشتبێت بەکۆمپانیاکە لەڕێی کەسانێکی شارەزای ناو کۆمیسیۆنی هەڵبژاردنەکانی عێراق و بەنێوەندگیری لایەک ئەوە ڕێژەی دەنگەکانی لەپرۆگرامی سیستمەکەدا بۆ دەستکاری کراوەو بەملیۆنان دۆلار ئەنجامەکەیان بەبەرژەوەندی ئەو لایەنانە دەستکاری کردووە لەسەر حسابی چەند لایەنێکی دی کەدەنگەکانیان کەمکراوەتەوە.
ئەوانەی کەلەبواری ئایتی و پرۆگرامین شارەزان دەزانن چۆن ئەم کارە دیزاین دەکرێت!
کاتێک ئەم تۆمەتانە ئاراستەی کۆمپانیای میرۆ دەکرێت، لەوەڵامدا دەڵێن وەک ئەوە وایە کەسێک بەچەقۆ یەکێک دەکوژێت بێن سکاڵا لەو کارگە بکەن کە چەقۆکەی دروست کردووە، پێویستە سکاڵا لەبەکارهێنەری چەقۆکە بکەن! واتە میرۆ دەڵێت ئەوەی سیستمەکەی ئێمە بەکاردێنێ ئەو بەرپرسیارە لە دەرەنجامەکانی! ڕەدی ناکاتەوە کەئەم سیستمە بەئاسانی دەستکاری دەکرێت و ئامێرەکانی ئەوانیش پرۆسەکە بەپێی دەسکاریکردنەکە جێبەجێ دەکەن!

بۆ ئاشکراکردن و بەرگرتن بەم دیزانکردنە مەترسیدارە لەڕێی ئەنجومەنی نوێنەرانی عێراق و سەرۆک وەزیرانی عێراق و دەستەی دەستپاکی هەوڵ دەدەین تاکو گرێبەستی کۆمیسیۆنی عێراق لەگەڵ کۆمپانیای میرۆ سیستم هەڵوەشێنرێتەوەو بەرپرس لەدەسکاری ئەنجامەکانی هەڵبژاردنی پەرلەمانی کوردستان ئاشکرا بکرێت و ڕوبەڕوی دادگا بکرێنەوە لەڕێی لیژنەیەکی باڵا لە ئەنجومەنی نوێنەران و لایەنی پەیوەندیدار لەحکومەتی عێراقی لەشارەزایانی ئایتی دەزگای ئەمنی و دەستەی نەزاهەو داواکاری گشتی.

سۆران عومەر
ئەندامی ئەنجومەنی نوێنەرانی عێراق
٢٤/١٠/٢٠٤

https://soranomar.krd/4619/

https://soranomar.krd/4614/

هەوڵەکان بۆ هاوتاکردنی ماف و ئیمتیازی خانەوادەی شەهیدانی هەڵەبجەو زیندانیانی سیاسی بەعێراق

ئێوارەی ئەمڕۆ کۆبونەوەی هەر پێنج فراکسیۆنی کوردستانی بەسەرۆکایەتی د.شاخەوان عبداللە جێگری سەرۆکی ئەنجومەنی نوێنەران و لیژنەی شەهیدانی ئەنجومەنی نوێنەران، لەگەڵ د.حسێن السلطاني سەرۆکی دامەزراوەی زیندانیە سیاسیەکانی عێراق و نوێنەری ئەنجومەنی دەوڵەت سەبارەت بە هەمواری یاسای ژمارە ٤ی ساڵی ٢٠٠٦ یاسای زیندانیە سیاسەکانی عێراق.
تاکو زیندانیانی سیاسی هەرێم و خانەوادەی شەهیدانی هەڵەبجە بەیاسا بگوازرێنەوە سەر عێراق.
هەمواری یاساکە لە ئەنجومەنی دەوڵەتەو بڕیارە هەفتەی داهاتوو ڕەوانەی ئەنجومەنی نوێنەران بکرێت.
ئەمەش دەسکەوتێکی دیکە دەبێت بۆ خانەوادەی شەهیدانی هەڵەبجەو زیندانیانی سیاسی.

https://soranomar.krd/4608/

https://soranomar.krd/4599/