SABBATH SCHOOL(ሰንበት ትምህርት )

@sabbathschool

@TekalignSorato
+251913070430

SABBATH SCHOOL(ሰንበት ትምህርት ) (Amharic)

በሳባት ትምህርት ላይ ሰንበት በመስቀል የተፈጸመ የሚያሳያ የትምህርት ቤተ-ተማርካሪ ለሙሉ መደምደም በማገናኘት መቆም ያስፈልገነው ነው። ይህ የቤተ-ተማርካሪ ቤተሰብ በጥናት ይመቻቸዋል። ታላላቅ በዚህ ሳቤ ትምህርት ለምናምን ለመመልከት እና ለመቆም የሚችል መለኮት ከሰንበት ትምህርት ቍጥያው እንዲሁም ትምህርትን ማቆም የማይገኝ ሲሆን አዳዲስ መረጃዎች ከዚህ የላይነህ ሰፈር በተለመደ መልክ ቀይረው። ሳቤ ትምህርት በአማርኛ ሆኖ ለመሸላት ለሚሸሽበት በሰነበቷል። በሌላ እርምጃ ተጨማሪ በትምህርት እንዲያገኙበት መረጃ ምንም አይሆንም። ሳባት ትምህርት በተለያዩ አማራጮች ለመሸጥ ይህ ትምህርት ታልቀዋል። በሌሎቹ ቤተ-ተማርካሪ መሠረት ውስጥ ከመተንተን ሚስጥረኛ ለመቆም የሚሸሽበት መሆኑን በመሆን እንዲሄዱ የሚያገኙትን መሳሪያ ከፈጣሪው በተመሳሳይ ለማገናኘት እና ለመወሰን ከሚመለከቱ አገልግሎቶቻችን የሚረዱ ስራዎች ለማግኘት እና መቆም ይህ በማስተማሩ መደጋችን ማገናኘት ነው።

SABBATH SCHOOL(ሰንበት ትምህርት )

23 Jan, 03:00

ሐሙስ
ጥር 15
Jan 23

ርህሩህ እና አፍቃሪ

የመጽሐፍ ቅዱሱ አምላክ ሩኅሩኅ እና አፍቃሪ ነው፣ እነዚህ መለኮታዊ ስሜቶች በጥልቀት በኢየሱስ ክርስቶስ ተገጸዋል። እግዚአብሔር አዛኝ ነው (ከኢሳ. 63፡9፣ ዕብ. 4፡15 ጋር ያስተያዩ)፤ በሕዝቡ ሰቆቃ ውስጡ ይነካል (መሳ. 10፡16፣ ሉቃ. 19፡41)፤ ለመስማት፣ ለመመለስ እና ለማጽናናትም ፈቃደኛ ነው (ኢሳ 49:10, 15፣ ማቴ. 9፡36፣ ማቴ. 14፡14)። 1 ቆሮ. 13:4–8ን ያንብቡ። ይህ ክፍል ከሌሎች ጋር ባለን ግንኙነት የእግዚአብሔርን ርኅራኄ እና አስደናቂ ፍቅር እንድንገልጽ የሚጠራን በምን መንገዶች ነው?

Save Notes

በ1ኛ ቆሮ. 13፡4–8 ላይ የተገለጸውን ፍቅር ከሚያሳዩ ሰዎች ጋር ወዳጅነት እንዲኖረን እንናፍቃለን። ለሌሎች እንዲህ አይነት ሰው ለመሆን ግን ምን ያህል እንፈልጋለን? ራሳችንን ታጋሽ እና ደግ ማድረግ አንችልም፤ ራሳችንን የማይቀና፣ የማይመካ፣ የማይገባውን የማያደርግ፣ ወይም የራሱን የማይፈልግ ማድረግ አንችልም። “ሁሉን የሚታገስ፥ ሁሉን የሚያምን፥ ሁሉን ተስፋ የሚያደርግ፥ በሁሉ የሚጸና፣ ለዘወትር የማይወድቅ ፍቅር” በራሳችን ሊኖረን አይችልም (1ኛ ቆሮ. 13፡7፣ 8)። እንዲህ ዓይነቱ ፍቅር በሕይወታችን ሊታይ የሚችለው የመንፈስ ቅዱስ ፍሬ ሆኖ ነው። መንፈስ ቅዱስም በእምነት የክርስቶስ ኢየሱስ ለሆኑት በልባቸው ውስጥ እግዚአብሔር አፍቃሪና ሩኅሩኅ ነው የእግዚአብሔርን ፍቅር ያፈስላቸዋል፤ እግዚአብሔር ይመስገን (ሮሜ. 5፡5)። በእግዚአብሔር ጸጋ እና በመንፈስ ቅዱስ ኃይል፣ ለእግዚአብሔር ጥልቅና ስሜታዊ፣ ግን ሁልጊዜ ፍጹም ንጹህ እና ምክንያታዊ ፍቅር፣ እንዴት ባለ ተግባራዊ መንገድ ምላሽ ልንሰጥ እና ለሌሎች ልናሳይ እንችላለን? በመጀመሪያ፣ ብቸኛው ተገቢ ምላሽ ፍቅር የሆነውን አምላክ ማምለክ ነው። ሁለተኛ፣ ለሌሎች ርኅራኄ እና ደግነት የተሞላበት ፍቅር በማሳየት ለእግዚአብሔር ፍቅር ምላሽ መስጠት አለብን። በክርስትና እምነታችን ረክተን መቀመጥ ብቻ ሳይሆን ሌሎችንም ለማጽናናት መነሳሳት አለብን። በመጨረሻም፣ እግዚአብሔር ብቻ እንጂ እኛ ልባችንን መለወጥ እንደማንችል መገንዘብ አለብን። ስለዚህ እግዚአብሔርን አዲስ ልብ እንዲሰጠን እንለምነው - መልካሙን የሚወድ እና ከውስጥ እንክርዳዱን የሚያስወግድ ንጹህ እና የሚያነጻ ፍቅር እንዲኖረን። ጸሎታችን "ጌታችንም ኢየሱስ ክርስቶስ ከቅዱሳኑ ሁሉ ጋር ሲመጣ፥ በአምላካችንና በአባታችን ፊት በቅድስና ነቀፋ የሌለበት አድርጎ ልባችሁን ያጸና ዘንድ፥ … ጌታ እርስ በእርሳችሁ ያላችሁን ለሁሉም የሚሆን ፍቅራችሁን ያብዛ ይጨምርም” ይሁን (1 ተሰ. 3:12, 13)። ለምንድነው ለራስ እና ራስ ወዳድነትና ክፋት ለሞላበት ለተፈጥሮአዊ ልባችን መሞት ይህን አይነት ፍቅርን ለመግለፅ ብቸኛው መንገድ የሆነው? ለእኔነት እንሞት ዘንድ ምን ምርጫዎች ማድረግ እንችላለን?

@SabbathSchool @TekalignSorato

SABBATH SCHOOL(ሰንበት ትምህርት )

22 Jan, 03:00

ረቡዕ
ጥር 14
Jan 22

ቀናተኛ አምላክ?

የመጽሐፍ ቅዱሱ አምላክ “ሩኅሩኅ አምላክ” ነው። በዕብራይስጥ እግዚአብሔር ኤል ራሁም ይባላል (ዘዳ. 4፡31)። “ኤል” የሚለው ቃል “እግዚአብሔር” ማለት ሲሆን፣ ራሁም ደግሞ ሌላው የርኅራኄ (ራሃም) ሥርወ-ቃል ነው። ሆኖም እግዚአብሔር ሩኅሩኅ አምላክ ብቻ ሳይሆን ቀናተኛ አምላክ ኤል ካና ተብሎም ተጠርቷል። ዘዳ. 4፡24 እንደሚናገረው “አምላካህ እግዚአብሔር የሚበላ እሳት፣ ቀናተኛም (ኤል ካና) አምላክ” ነው (ዘዳ. 6:15ን፣ ኢያ. 24:19ን፣ ናሆ. 1፡2ን ይመልከቱ) ። 1ኛ ቆሮ. 13፡4 “ፍቅር አይቀናም” በማለት ያውጃል። ታዲያ እግዚአብሔር “ቀናተኛ አምላክ” እንዴት ሊሆን ይችላል? 2ኛ ቆሮ. 11፡2 አንብበው በመጽሐፍ ቅዱስ ውስጥ የእግዚአብሔር ሕዝብ ለእርሱ ታማኝ ያልሆኑበትን መንገድ ያሰላስሉ (ለምሳሌ መዝ. 78፡58 ይመልከቱ)። እነዚህ ጥቅሶች መለኮታዊውን “ቅናት” ለመረዳት እንዴት ይረዱናል?

Save Notes

የእግዚአብሔር "ቅናት" ብዙውን ጊዜ በትክክል አልተስተዋለም። አንድን ሰው ቀናተኛ ባል ወይም ሚስት ነው ካሉ ይህ ሙገሳ አይደለም። ብዙውን ጊዜ ቅናት የሚለው ቃል በብዙ ቋንቋዎች አሉታዊ ፍቺዎች አሉት። ይሁን እንጂ በመጽሐፍ ቅዱስ ውስጥ መለኮታዊ ቅናት ምንም ዓይነት አሉታዊ ትርጉም የለውም። ይህም ንጹህ ፍቅር ሲሆን፣ አፍቃሪ ባል ከሚስቱ ጋር ያለው ብቸኛ ግንኙነት ነው። ፍቅርን የሚጻረር ዓይነት ቅናት ቢኖርም (1ቆሮ. 13፡4)፣ እንደ 2ኛ ቆሮ. 11፡ 2 መልካም እና ንጹህ “ቅናት” አለ። ጳውሎስ “አምላካዊ ቅንዓት” ብሎ ይጠራዋል (2ቆሮ. 11፡2)። የእግዚአብሔር ቅናት ሁልጊዜ ንጹህ ሲሆን፣ እግዚአብሔር ለሕዝቡ ያለው ጥልቅ ፍቅር ሊባል ይችላል። የእግዚአብሔር ፍቅር (ካና) ለሕዝቡ ካለው ጥልቅ ፍቅር የመነጨ ነው። እግዚአብሔር ከሕዝቡ ጋር ብቸኛ የሆነ (ያልተከፋፈለ) ግንኙነት ይፈልጋል፤ እርሱ ብቻ አምላካቸው ሊሆን ይገባል። ሆኖም እግዚአብሔር ብዙ ጊዜ ምላሽ የጎልማሶች ሰንበት ትምህርት የተነፈገው፣ የተናቀ ፍቅረኛ ሆኖ ይገለጻል (ሆሴ. 1-3ን፣ ኤር. 2፡2ን፣ ኤር. 3፡ 1-12ን ይመልከቱ)። ስለዚህ የእግዚአብሔር "ቅናት" ወይም "ጥልቅ ስሜት" ያለ ምክንያት የሚመጣ አይደለም፣ ነገር ግን ሁልጊዜ ለከዳተኞችና ለክፉ ሰዎች ምላሽ ነው። የእግዚአብሔር ቅናት (ወይም "ጥልቅ ፍቅር") እንደ ሰው ቅናት አሉታዊ ትርጉም የለውም። ምቀኛም አይደለም፤ ነገር ግን ሁልጊዜ ለጥቅማቸው ብቻ፣ ከሕዝቡ ጋር ሊኖረው የሚፈልገው ብቸኛ የሆነ፣ ትክክለኛና ንጹህ ፍቅር ነው ። አምላክ ለእኛ ያለውን ዓይነት መልካም “ቅናት” ለሌሎች ማንጸባረቅ የምንችለው እንዴት ነው?

@SabbathSchool @TekalignSorato

SABBATH SCHOOL(ሰንበት ትምህርት )

21 Jan, 18:31

Live stream finished (58 minutes)

SABBATH SCHOOL(ሰንበት ትምህርት )

21 Jan, 17:33

Live stream started

SABBATH SCHOOL(ሰንበት ትምህርት )

21 Jan, 03:04

ማክሰኞ
ጥር 13
Jan 21

የኢየሱስ ርኅራኄ

እንደ ብሉይ ኪዳን ሁሉ፣ አዲስ ኪዳንም የእግዚአብሔርን ርኅራኄ ለማሳየት ተመሳሳይ ምስል ይጠቀማል። ጳውሎስ አብን “የርኅራኄ አባት የመጽናናትም ሁሉ አምላክ” ይለዋል (2ቆሮ. 1፡3)። በተጨማሪም ጳውሎስ በኤፌ. 2፡4 ላይ እግዚአብሔር “በምሕረቱ ባለ ጠጋ” እንደሆነ እና “ከወደደን ከትልቅ ፍቅሩ የተነሣ” እንደዋጀን ይገልፃል። ክርስቶስ ራሱ በተለያዩ ምሳሌዎች፣ የአብን ርኅራኄ ለማሳየት ውስጣዊና አንጀትን የሚያላውስ ስሜትን የሚገልጹ ቃላትን ደጋግሞ ይጠቀማል (ማቴ. 18፡ የጎልማሶች ሰንበት ትምህርት 27፣ ሉቃ. 10፡33፣ ሉቃ. 15፡20)። በብሉይ እና በአዲስ ኪዳን መለኮታዊ ርኅራኄን ለመግለጽ የተጠቀማቸውን ተመሳሳይ ቃላት፣ ወንጌልም ኢየሱስ ለተጨነቁ ሰዎች የሰጠውን በርኅራኄ የተሞላ ምላሽ ለማሳየትም ተጠቅሞበታል። ማቴ. 9:36ን፣ ማቴ. 14:14ን፣ ማር. 1:41ን፣ ማር. 6:34ን እና ሉቃ. 7:13 ያንብቡ። በተጨማሪ ማቴ. 23፡37ን ይመልከቱ። እነዚህ ጥቅሶች ክርስቶስ በሰዎች ሥቃይ የተነካበትን መንገድ የሚገልጹት እንዴት ነው?

Save Notes

ወንጌል ደጋግሞ፣ ክርስቶስ በጭንቀት ወይም በችግር ላሉ ሰዎች እንደራራላቸው ይናገራል። መራራትም ብቻ ሳይሆን፣ ችግራቸውንም ፈቶላቸዋል። በተጨማሪም ኢየሱስ ለሕዝቡ አንብቷል። ክርስቶስ ከተማዋን ሲመለከት፣ አይኖቹ እንባ እንዳቀረሩ መገመት አይከብድም፡- “ዶሮ ጫጩቶችዋን ከክንፎችዋ በታች እንደምትሰበስብ ልጆችሽን እሰበስብ ዘንድ ስንት ጊዜ ወደድሁ! አልወደዳችሁምም” (ማቴ. 23: 37)። እዚህ ላይ የታየው የክርስቶስ ሀዘን፣ በብሉይ ኪዳን ውስጥ ከተገለጸው የእግዚአብሔር ኀዘን ጋር እንደሚመሳሰል እንመለከታለን። እንዲያውም ብዙ የመጽሐፍ ቅዱስ ሊቃውንት፣ ወፍ ለጫጩቶቿ ያላት እንክብካቤ በጥንታዊ ቅርብ ምሥራቅ አገሮች ለመለኮት ብቻ ጥቅም ላይ መዋሉን አስተውለዋል። ይህን ብዙዎች በዘዳ. 32፡11 ላይ ስለ እግዚአብሔር ከተገለጸው ጋር ያመሳስሉታል — ወፍ ከጫጩቶቿ በላይ እንደምትሰፍፍ፣ እንደምትጠብቅ እና እንደምትንከባከብ። እግዚአብሔር ለእኛ ያለውን ታላቅ ፍቅር የሚያሳይ ከኢየሱስ የሚበልጥ ምሳሌ የለም - ፍቅሩን ለመግለፅ ራሱን ለእኛ አሳልፎ ሰጥቷልና። ሆኖም ክርስቶስ ፍጹም የእግዚአብሔር አምሳል ብቻ አይደለም። በተጨማሪም እርሱ ፍጹም የሰዎች ምሳሌ ነው። ሕይወታችንን በክርስቶስ አምሳል የምንቀርፀው አንዴት ነው? በሌሎች ሰዎች ፍላጎት ላይ በማተኮር፣ በመስበክ ብቻ ሳይሆን በተጨባጭ መንገድ የአምላክን ፍቅር ማሳየት የምንችለው እንዴት ነው? እግዚአብሔር አፍቃሪና ሩኅሩኅ ነው

@SabbathSchool @TekalignSorato

SABBATH SCHOOL(ሰንበት ትምህርት )

20 Jan, 03:00

ሰኞ
ጥር 12
Jan 20

አንጀት የሚያላውስ ፍቅር

እግዚአብሔር ለሰው ያለው የማይለካው ጥልቅ ፍቅር በሆሴዕ ተገልጿል። እግዚአብሔር ነብዩን ሆሴዕን እንዲህ ሲል አዞት ነበር፡- “ምድሪቱ ከእግዚአብሔር ርቃ ታላቅ ግልሙትና ታደርጋለችና፣ ሂድ ጋለሞታን ሴትና የግልሙትናን ልጆች ለአንተ ውሰድ አለው” (ሆሴ. 1፡2)። ኋላ ላይ በሆሴ. 11 እግዚአብሔር ከሕዝቡ ጋር ያለውን ግንኙነት በአፍቃሪ አባት ይመስለዋል። ሆሴ. 11:1-9ን ያንብቡ። በእነዚህ ጥቅሶች ውስጥ ያለው ምስል እግዚአብሔር ለሕዝቡ ያለውን ፍቅርና ጥንቃቄ እንዴት ሕይወት ይዘራበታል?

Save Notes

እግዚአብሔር ለሕዝቡ ያለው ፍቅር፣ ወላጅ ለልጁ ባለው ርኅራኄ የተሞላ ፍቅር ተመስሏል። ቃሉ ፍቅሩን ለመግለጽ ሌሎች ምሳሌዎችን ተጠቅሟል፡ - ሕጻን ልጅን እንዲራመድ ማስተማር፤ የሚወደውን ልጅ በክንዶቹ ማቀፍ፤ መፈወስ እና በሕይወት ማኖር፤ ለሕዝቡ መጠንቀቅ። “ሰው ልጁን እንደሚሸከም” እግዚአብሔር ሕዝቡን እንደ “ተሸከመ” ይናገራል (ዘዳ. 1፡31)። “በፍቅሩና እግዚአብሔር አፍቃሪና ሩኅሩኅ ነው በረህራሄውም ተቤዣቸው”፣ በቀደመውም ዘመን ሁሉ አንስቶ ተሸከማቸው” (ኢሳ. 63፡9)። ከእግዚአብሔር የማይናወጥ ታማኝነት ጋር ሲነጻጸር፣ ሕዝቡ ግን በተደጋጋሚ ታማኝ አልነበሩም፤ እንዲያውም እግዚአብሔርን በመጋፋትና በራሳቸው ላይ ፍርድ በማምጣት እጅግ አሳዘኑት። እግዚአብሔር ሩኅሩኅ ነው፣ ነገር ግን ፍትሃዊም ነው። (በቀጣዩ ትምህርት እንደምንመለከተው ፍቅርና ፍትሕ አይነጣጠሉም)። በሆነ ነገር ተበሳጭተው አንጀትዎ ተላውሶ ያውቃል? ይህ እግዚአብሔር ለሕዝቡ ያለውን ጥልቅ ስሜት ያሳያል። የልብ መቃተት እና በርኅራኄ መንሰፍሰፍ የእግዚአብሔርንም ሆነ የሰዎችን ጥልቅ ስሜት የሚያሳዩ ምሳሌዎች ናቸው። በርኅራኄ መንሰፍሰፍን (ካማር) የሚያሳው ምሳሌ፣ ወደ ሰሎሞን በመጡትና ሕጻኑ የራሳቸው እንደሆነ በተናገሩት ሁለት ሴቶች ጥቅም ላይ ውሏል። ሰሎሞን ሕፃኑን ለሁለት እንዲከፍሉት ባዘዘ ጊዜ፣ ይህ ሥዕላዊ መግለጫ የእውነተኛዋን እናት ስሜት ይገልጻል (1 ነገ. 3፡26፤ ከዘፍ. 43፡30 ጋር ያስተያዩ)። ወላጅ የሆነ ሁሉ ትምህርቱ ስለ ምን እየተናገረ እንደሆነ ያውቃል። ሌላ ምድራዊ ፍቅርም ከዚህ ጋር አይወዳደርም። ይህ አምላክ ለእኛ ያለውን ፍቅር እንድንገነዘብ የሚረዳን እንዴት ነው? ከዚህ መረዳትስ ምን የሚያፅናና ነገር ልናገኝ ይገባል?

@SabbathSchool @TekalignSorato

SABBATH SCHOOL(ሰንበት ትምህርት )

19 Jan, 15:02

እሑድ
ጥር 11
Jan 19

ከእናት ፍቅር በላይ

ምናልባትም ሰዎች ሁሉ የሚቀምሱት ትልቁ ፍቅር ወላጅ ለልጁ ያለው ፍቅር ነው። እግዚአብሔር ለሰዎች ያለውን አስደናቂ ርኅራኄ ለማሳየት መጽሐፍ ቅዱስ ብዙውን ጊዜ የወላጅ እና የልጅን ግንኙነት እንደ ምሳሌ ይጠቀማል፡- ምንም እንኳን የእግዚአብሔር ርኅራኄ ጥልቅ እና በጣም ውብ ከሆነው የሰው ርኅራኄ ስሜት እጅግ የላቀ መሆኑን አጽንዖት ቢሰጥም። መዝ. 103:13ን፣ ኢሳ. 49:15ን እና ኤር. 31:20ን ያንብቡ። እነዚህ ምስሎች ስለ እግዚአብሔር ርኅራኄ ሁኔታ እና ጥልቀት ምን ያስተላልፋሉ?

Save Notes

በእነዚህ ጥቅሶች፣ እግዚአብሔር እኛን እንደ ተወደዱ ልጆቹ ያየናል፣ መልካም አባት እና እናት ልጆቻቸውን እንደሚወዱ ይወደናል። ሆኖም ኢሳ. 49: 15 እንደሚገልጸው፣ እናት እንኳን “የምታጠባውን ልጇን ትረሳ ይሆናል” ወይም “ከማኅፀንዋ ለተወለደው ልጅ ላትራራ ትችላለች”፣ ነገር ግን አምላክ ልጆቹን ፈጽሞ አይረሳም፣ ርኅራኄውም ፈጽሞ አያልቅም (ሰቆ. ኤር. 3፡22)። በተለይም፣ በዚህና በሌሎች ጥቅሶች ርኅራኄ ተብሎ የተተረጎመው የዕብራይስጥ ቃል ረኸም የእግዚአብሔርን የተትረፈረፈ ሩኅሩኅ ፍቅር የሚገልፅ ሲሆን፣ ማሕፀን ከተባለው የዕብራይስጥ ቃል ሬኼም እንደተወሰደ ይታመናል። ስለዚህም ሊቃውንት እንዳስተዋሉት፣ የእግዚአብሔር ርኅራኄ “በማኅፀን የተመሰለ የእናት ፍቅር” ነው። በእርግጥም፣ እናት ለአራስ ልጇ ካላት ርኅራኄ እጅግ የላቀ ነው። ምንም እንኳን በተደጋጋሚ በእርሱ ላይ በማመፅ ቢያሳዝኑትም፣ በኤር. 31:20 እግዚአብሔር የቃል ኪዳን ሕዝቡን እንደ “ውድ ልጅ” እና “ደስ የሚያሰኝ ልጅ” አድርጎ ይመለከታቸዋል። እግዚአብሔር “ልቤ ይናፍቀዋል”፣ የጎልማሶች ሰንበት ትምህርት “በእርግጥም እምረዋለሁ” ይላል። እዚህ ላይ ምሕረት ተብሎ የተተረጎመው ቃል ከላይ መለኮታዊ ርኅራኄ (ረሃም) የተባለው ቃል ነው። በተጨማሪም “ልቤ ይናፍቃል” የሚለው ሐረግ “ውስጤ ታወከ” ተብሎ ሊተረጎም ይችላል። ይህ ገለጻ ከአንጀት ጋር የተቆራኘ፣ እግዚአብሔር ለሕዝቡ ያለውን ጥልቅ ፍቅር የሚያሳይ፣ የመለኮታዊ ስሜት ቋንቋ ነው። ምንም እንኳን ታማኝ ባይሆኑም፣ እግዚአብሔር የተትረፈረፈ ርኅራኄውን እና ምህረቱን በሕዝቡ ላይ ያፈሰዋል - ያውም ከምንጠብቀው በላይ። ለአንዳንዶቻችን፣ አምላክ ለእኛ ያለው ርኅራኄ ከአፍቃሪ አባት ወይም እናት ጋር መመሳሰሉን ማወቃችን እጅግ የሚያጽናና ነው። ሆኖም፣ አንዳንድ ሰዎች ወላጆቻቸው አፍቃሪ ስላልነበሩ ለማስተዋል ሊቸገሩ ይችላሉ። ለእነዚህ የአምላክ ርኅራኄ በምን ሌሎች መንገዶች ሊገለፅ ይችላል?

@SabbathSchool @TekalignSorato

SABBATH SCHOOL(ሰንበት ትምህርት )

19 Jan, 04:34

ጥር 10 - 16
4ኛ ትምህርት
Jan 18 - 24

እግዚአብሔር አፍቃሪና ሩኅሩኅ ነው

ሰንበት ከሰዓት በኋላ
ለዚህ ሳምንት ጥናት የሚከተሉትን ጥቅሶች ያንብቡ፡- መዝ. 103:13፣ ኢሳ. 49:15፣ ሆስ. 11:1–9፣ ማቴ. 23:37፣ 2 ቆሮ. 11:2፣ 1 ቆሮ. 13:4–8

የመታሰቢያ ጥቅስ፡ “በውኑ ሴት ከማኅፀንዋ ለተወለደው ልጅ እስከማትራራ ድረስ ሕፃንዋን ትረሳ ዘንድ ትችላለችን? አዎን፣ እርስዋ ትረሳ ሆናል፣ እኔ ግን አልረሳሽም” (ኢሳ. 49፡15)።

ስሜቶች ብዙውን ጊዜ የማይፈለጉ እና ሊወገዱ እንደሚገቡ ይቆጠራሉ። ለአንዳንድ ሰዎች ስሜቶች ምክንያታዊነት የጎደላቸው ስለሆኑ፣ ጥሩ ወንድ ወይም ሴት “ስሜታዊ” ናቸው ተብለው አይገለጹም። በአንዳንድ ጥንታዊ የግሪክ ፍልስፍናዎች፣ “ምክንያታዊ” ሰው የሚባለው ለስሜታዊነት የማይዳረግ ወይም ስሜቱን ስሜት-አልባ በሆነ አመክንዩ የሚገዛ ተመራጭ ነው ተብሎ ይሸለማል።

በእርግጥ ያልተገሩ ስሜቶች ችግር ሊፈጥሩ ይችላሉ። ነገር ግን እግዚአብሔር ሰዎችን የፈጠራቸው ስሜት እንዲኖራችው አድርጎ ነው፤ እግዚአብሔር ራሱ በቃሉ የተገለፀው ጥልቅ ስሜቶች እንዳሉት ተደርጎ ነው።

እግዚአብሔር በጥልቅ ስሜቶች ውስጥ የሚያልፍ ከሆነ፣ ስሜቶች በተፈጥሯቸው መጥፎ ወይም ምክንያት አልባ ሊሆኑ አይችሉም - ምክንያቱም የመጽሐፍ ቅዱሱ አምላክ ፍጹም መልካም እና ፍጹም ጥበብ ያለው ነውና።

በርግጥ እግዚአብሔር ለእኛ ያለው ፍቅር ጥልቅ ስሜታዊ ፍቅር መሆኑን በመገንዘብ ውብ እውነታዎችን ልናገኝ እንችላለን፣ ነገር ግን የእግዚአብሔር ፍቅር (ስሜታዊም ሆነ ሌላ) ሁልጊዜ ፍጹም ስለሆነ፣ ከሰው ስሜቶች ጋር ተመሳሳይ ነው ተብሎ ሊታሰብ አይገባም። እግዚአብሔር አፍቃሪና ሩኅሩኅ ነው

@SabbathSchool @TekalignSorato

SABBATH SCHOOL(ሰንበት ትምህርት )

17 Jan, 19:42

Live stream finished (1 hour)

SABBATH SCHOOL(ሰንበት ትምህርት )

17 Jan, 18:40

https://www.youtube.com/live/NCQgouoFqhQ?si=_XwhZdterihA1cA_

SABBATH SCHOOL(ሰንበት ትምህርት )

17 Jan, 17:57

Live stream started

SABBATH SCHOOL(ሰንበት ትምህርት )

17 Jan, 03:04

ዓርብ ጥር 9 Jan 17

ተጨማሪ ሀሳብ

የዘመናት ምኞት ከሚለው የኤለን ጂ. ኋይት መጽሐፍ “ልባችሁ አይታወክ” የተሰኘውን ርዕስ ከገጽ 662–680 ያንብቡ።

“ጌታ ሕዝቡ ለራሳቸው ዝቅተኛ ግምት ሲሰጡ ያዝናል። የመረጠው ርስቱ የሆነ ሕዝብ፣ እርሱ በሰጣቸው ዋጋ ልክ ራሳቸውን እንዲተምኑ ይሻል።

እግዚአብሔር ይፈልጋቸዋል፣ ያማ ባይሆን ኖሮ ልጁን እንዲቤዣቸው እንዲህ ያለ ውድ ዋጋ የሚያስከፍል መልዕክት አስይዞ ባልላከው ነበር። ለእነርሱ ሥራ አለው፤ ስሙንም ያከብሩ ዘንድ ታላላቅ ልመናዎችን ሲያቀርቡለት በጣም ይደሰታል።

በተስፋዎቹ ካመኑ ታላላቅ ነገሮችን ሊጠብቁ ይችላሉ።

"በክርስቶስ ስም መጸለይ ግን ትርጉም አለው። ባሕርይውን መቀበል፣ መንፈሱን መግለጥ እና ሥራውን መሥራት አለብን ማለት ነው። የአዳኛችን ተስፋ የተሰጠው በቅድመ ሁኔታ ነው። ‘ብትወዱኝ ትእዛዜን ጠብቁ’ ይላልና። ሰዎችን የሚያድናቸው ከነኃጢአታቸው ሳይሆን ከኃጢአታቸው ነው። የሚወዱትም በመታዘዝ ፍቅራቸውን ያሳያሉ። እግዚአብሔርን ደስ ማሰኘት

"እውነተኛ ታዛዥነት ሁሉ ከልብ ይመነጫል። ክርስቶስ ጉዳዩ ልብን መለወጥ ነው። ፍቃደኛ ብንሆን፣ ራሱን ከሀሳባችን እና አላማችን ጋር ያጣምራል፣ ልባችንን እና ሀሳባችንን ከፈቃዱ ጋር እንዲስማማ ያዋህደዋል፣ እርሱን ስንታዘዝ ታዲያ የራሳችንን ስሜት እንደመፈጸም ይሆንልናል። የታደሰና የተቀደሰ ፈቃዳችን፣ ሥራውን በመፈጸም ከፍ ያለ ደስታን ያገኛል። በተሰጠን እድል ልክ እግዚአብሔርን ስናውቀው፣ ሕይወታችን ቀጣይነት ያለው የታዛዥነት ሕይወት ይሆናል። የክርስቶስን ባሕርይ ስናደንቅ፣ ከእግዚአብሔር ጋር በጸሎት ስንቆይ፣ ኃጢአትን እንጠላዋለን።”—ኤለን ጂ. ዋይት፣ የዘመናት ምኞት ፣ ገጽ. 668.

የመወያያ ጥያቄዎች

1. “ሳንሳሳ መቀበል” ምን ማለት ሊሆን ይችላል? የመስጠትና የመቀበል ግንኙነት በሰማይና በአዲሲቱ ምድር ምን ሊመስል ይችላል?

2. ምናልባትም የጄምስ ዌብ የጠፈር ቴሌስኮፕ ዓይኖች ሊደርሱባቸው ከማይችሉት ከሩቅ የኮስሞስ ክፍል የመጡ ሰማያዊ መልእክተኞች ነቢዩ ዳንኤልን ሃሙድ “የተወደድክ፣ ተፈላጊ፣ ውድ” በማለት ጠርተውታል። ያውም ሦስት ጊዜ። በዳን. 9፡23 ገብርኤል ኪ ሃሙድ አታ “አንተ እጅግ የተወደድክ ነህና” ይላል። በዳን. 10፡11 ላይ ሰማያዊው ፍጡር (ምናልባትም ገብርኤል) ኢሽ ሃሙድ “እጅግ የተወደድህ ሰው” ብሎ ይጠራዋል፤ ይህም ሀረግ ለዳንኤል ተደግሞለታል (ዳን. 10፡19)። ይህ ስለ እግዚአብሔር ምን እንደሚል እና ምን ያህል ቅርባችን እንደሆነ ያስቡ። ከዚህ አስደናቂ እውነት ምን ተስፋ ሊሰንቁ ይችላሉ?

3. በዕብ. 11 ላይ የተገለጹት የእምነት ጀግኖች ምሳሌዎች ከዚህ ሳምንት ትምህርት ይዘት ጋር እንዴት ይዛመዳሉ? በተለይም አንድ ሰው በእምነት 'እግዚአብሔርን ደስ ማሰኘት' የሚችለው እንዴት እንደሆነ እነዚህ ምሳሌዎች ምን ያሳያሉ? ከእነዚህ የእምነት እና የታማኝነት ምሳሌዎች ምን መማር እና በየዕለት ህይወታችሁ መተግበር ትችላላችሁ?

@SabbathSchool @TekalignSorato

SABBATH SCHOOL(ሰንበት ትምህርት )

16 Jan, 03:05

ሐሙስ ጥር 8 Jan 16

የከበረ አላማ

በእግዚአብሔር ምሕረትና ምልጃ ጥላ ስር፣ ለፍቅሩ ትንሽዬ አዎንታዊ ምላሽ እንኳን ስንሰጥ እግዚአብሔር ደስ ይለዋል። ብቻውን ሊወደድ በሚገባው እና ፍጹም ጻድቅ በሆነው በርሱ በኩል፣ እያንዳንዳችን ጻድቃን ተብለን፣ በእግዚአብሔር ተወደው ለዘላለምም ከርሱ ጋር ፍጹም በሆነ ፍቅር ከሚኖሩት ጋር ልንቆጠር እንችላለን። ይህ ታላቅ የመቤዠት ተስፋ ነው፣ እሱም ክርስቶስ በሰማይ ለእኛ የሚሰራውን ሥራ ያካትታል።

ግን ይህ እኔንም ሊያካትት ይችላል? ብለው ሊደነቁ ይችላሉ። ብቁ ባልሆንስ? በቂ እምነት የለኝም ብዬ ብፈራስ? ማር. 9:17-29ን ያንብቡ። ክርስቶስ በታሪኩ ውስጥ ላለው ሰው ምን ምላሽ ሰጠው? ምን ያህል እምነት ነው በቂ እምነት ሊሆን የሚችለው?

Save Notes

ደቀ መዛሙርቱ ጋኔኑን ማውጣት አልቻሉም፤ ተስፋው ሁሉ የተሟጠጠ መሰለ። ኢየሱስ ግን ቀርቦ ለአባቱ ‘‘ብታምን፣ ለሚያምን ሁሉ ይቻላል’’ አለው (ማር. 9፡23)። አባትየውም በእንባ፡- "ጌታ ሆይ፥ አምናለሁ፤ አለማመኔን እርዳው አለ” (ማር. 9፡24)።

ኢየሱስ ሰውየውን፣ “እምነት ሲኖርህ ወደ እኔ ተመለስ” እንዳላለው አስተውሉ። ይልቁንም “አለማመኔን እርዳው” የሚለው ጩኸቱ በቂ ነበር።

ያለ እምነት እግዚአብሔርን ደስ ማሰኘት አይቻልም (ዕብ. 11፡6)፤ ሆኖም ኢየሱስ ትንሿን እምነት እንኳን ይቀበላል። እናም በእምነት (በክርስቶስ የምልጃ ሥራ) እርሱን ደስ ማሰኘት እንችላለን። በእምነት እና ክርስቶስ በእኛ ፈንታ ባደረገው ሥራ፣ አምላክን በሚያስደስት መንገድ ምላሽ መስጠት እንችላለን - ምድራዊ አባት ልጁ ብዙም ዋጋ የሌለው ስጦታ ሲያመጣለት እንደሚደሰት ሁሉ ማለት ነው። የጎልማሶች ሰንበት ትምህርት

ስለዚህ የጳውሎስን ምክር በመከተል እግዚአብሔርን ‘ማስደሰት’ አላማችን ሊሆን ይገባል (2 ቆሮ. 5:9, 10፤ ከቆላ. 1:10፣ 1 ተሰ. 4:1፣ ዕብ. 11፡5 ጋር ያስተያዩ)። እናም የምንወዳቸውን ሰዎች ፍላጎት ለመሙላት የኛን ምኞት እንዲለውጥልን እና ፍቅራችን ለሌሎች እንዲደርስ እንዲያሰፋው እግዚአብሔርን ልንጠይቀው ይገባል። “በወንድማማች መዋደድ እርስ በርሳችሁ ተዋደዱ፤ እርስ በርሳችሁ ተከባበሩ፤ ለሥራ ከመትጋት አትለግሙ፤ በመንፈስ የምትቃጠሉ ሁኑ፤ ለጌታ ተገዙ፤ በተስፋ ደስ ይበላችሁ፤ በመከራ ታገሡ፤ በጸሎት ጸኑ፤ ቅዱሳንን በሚያስፈልጋቸው እርዱ፤ እንግዶችን ለመቀበል ትጉ” (ሮሜ. 12፡10–13፣)።

እግዚአብሔር በክርስቶስ የሚቀበለን ከሆነ፣ እኛስ ሌሎችን እንዴት አብልጠን መቀበል አለብን? ባልንጀራህን እንደ ራስህ ውደድ የሚለው ትእዛዝ (ዘሌ. 19፡18፣ ማቴ. 22፡39) እና ሰዎች ሊያደርጉልህ የምትፈልገውን አንተም እንዲሁ አድርግላቸው የሚለው ወርቃማው ሕግ ይህን ሃሳብ እንዴት ይገልጹታል? @SabbathSchool @TekalignSorato

SABBATH SCHOOL(ሰንበት ትምህርት )

15 Jan, 03:02

ረቡዕ ጥር 7 Jan 15

ሕያዋን ድንጋዮች

የወደቅንና ኃጢአተኛ ፍጡራን ቅዱሱን አምላክ እንዴት ደስ ማሰኘት እንችላለን? ሮሜ 8፡1ን እና ሮሜ 5፡8ን ያንብቡ። እነዚህ ጥቅሶች በእግዚአብሔር ፊት ስላለን ተቀባይነት ምን ያስተምራሉ?

Save Notes

የጎልማሶች ሰንበት ትምህርት

ሰዎች ገና ምላሽ ሳይሰጡ፣ እግዚአብሔር ለሰዎች ጸጋውን ይሰጣቸዋል።

ምንም ሳናደርግ በፊት፣ እግዚአብሔር ወደ እኛ መጥቶ ፍቅሩን እንድንቀበል ወይም እምቢ እንድንል እድሉን ይሰጠናል። ሮሜ 5፡8 “ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል” በማለት ይገልጸዋል (ከኤር. 31፡3 ጋር ያስተያዩ)። እናም አዳኛችን ለኛ በሠራው ሥራ በማመን፣ ከእግዚአብሔር ጋር ልንታረቅና በፊቱም ደስ ልናሰኘው እንችላለን።

1 ጴጥ. 2:4–6ን አንብበው ከዕብ. 11:6 ጋር ያስተያዩ። እግዚአብሔርን እንዴት ደስ ማሰኘት እንደምንችል ይህ ምን ይነግረናል?

Save Notes

ያለ እግዚአብሔር ጣልቃ ገብነት፣ በኃጢአት የወደቁ ሰዎች ምንም ዋጋ ያለው ነገር ለእግዚአብሔር ሊያመጡ አይችሉም። ነገር ግን እግዚአብሔር በጸጋው እና በምህረቱ፣ በክርስቶስ ሥራ መንገድን አዘጋጀ። በተለይም “በኢየሱስ ክርስቶስ ለእግዚአብሔር ደስ የሚያሰኝ መንፈሳዊ መሥዋዕትን ማቅረብ” እንችላለን (1ጴጥ. 2፡5)። ምንም እንኳን “ያለ እምነት እርሱን ደስ ማሰኘት ባይቻልም” (ዕብ. 11፡6)፣ በክርስቶስ የማስታረቅ ሥራ፣ እግዚአብሔር “በኢየሱስ ክርስቶስ በኩል በፊቱ ደስ የሚያሰኘውን በእናንተ እያደረገ፥ ፈቃዱን ታደርጉ ዘንድ በመልካም ሥራ ሁሉ ፍጹማን ያድርጋችሁ፤ ለእርሱ እስከ ዘላለም ድረስ ክብር ይሁን፤ አሜን” ይላል (ዕብ. 13:21)። የርሱ ጽድቅ ብቻ ተቀባይነት ስላለው፣ በክርስቶስ ምልጃ ለእግዚአብሔር በእምነት ምላሽ የሚሰጡ፣ በእርሱ ፊት ጻድቃን ሆነው ይቆጠራሉ። ለእግዚአብሔር ፍቅር ምላሽ የሚሰጡ በክርስቶስ ምልጃ ምክንያት ብቁ ሆነው ይቆጠራሉ (ሉቃ. 20፡35)፤ እርሱም እርሱን እንዲመስሉ ይለውጣቸዋል (1ቆሮ. 15፡51-57፣ 1ዮሐ. 3፡2)። የእግዚአብሔር የማዳን ሥራ ለእኛ ብቻ የሚደረግ ሳይሆን፣ በእኛ ውስጥም የሚፈፀም ነው።

ክርስቶስ በሰማይ ስለ እናንተ የሚማልድ መሆኑ የሚያበረታታ የሆነው ለምንድን ነው? እግዚአብሔርን ደስ ማሰኘት @SabbathSchool @TekalignSorato

SABBATH SCHOOL(ሰንበት ትምህርት )

14 Jan, 19:00

Live stream finished (52 minutes)

SABBATH SCHOOL(ሰንበት ትምህርት )

14 Jan, 18:40

https://www.youtube.com/live/--T5Zc5pRtA?si=So-c0FSyK2rB_wIh

SABBATH SCHOOL(ሰንበት ትምህርት )

14 Jan, 18:11

https://t.me/sabbathschool?livestream=a6bc01703a5c3f5ba2

SABBATH SCHOOL(ሰንበት ትምህርት )

14 Jan, 18:08

Live stream started

SABBATH SCHOOL(ሰንበት ትምህርት )

14 Jan, 03:02

ማክሰኞ ጥር 6 Jan 14

እግዚአብሔርን ማስደሰት?

የአለማት ሁሉ አምላክ በዚች ትንሽ ፕላኔት (ዓለም) ውስጥ በሚኖሩ ተራ ሰዎች - ጊዜያዊ የህዋስ ፈሳሽ ነጠብጣቦች - እንዴት ሊደሰት ይችላል? ሁሉን ቻይ ለሆነውና ምንም ለማያስፈልገው ልዑል፣ የሰዎች ጉዳይ ይህን ያህል ግድ የሚለው ለምን ይሆን? እነዚህ ጥያቄዎች በሁለት መልኩ ሊተነተኑ ይችላሉ። በመጀመሪያ እግዚአብሔር ራሱ እንዴት ሊደሰት ይችላል? ሁለተኛ ኃጢአተኛ የሆንን ሰዎች እንዴት ልናስደስተው እንችላለን? የመጀመሪያው ጥያቄ የዛሬው ርዕስ ሲሆን ሁለተኛው ደግሞ የነገ ይሆናል።

ኢሳ. 43:4ን፣ መዝ. 149:4ን እና ምሳ. 15:8, 9ን ያንብቡ። እግዚአብሔር በሕዝቡ እንዴት ደስ ይለዋል?

Save Notes

ትላንት በከፊል እንዳየነው አምላክ በሰዎች ሊደሰት ይችላል ምክንያቱም እግዚአብሔር ሰዎችን የሚወዳቸው እንዲሰምርላቸው ነው - ሌሎችን የሚወድና እግዚአብሔርን ደስ ማሰኘት የሚጠነቀቅላቸው እንደሚያደርገው ሁሉ ማለት ነው።

በአንጻሩ ሕዝቡ ክፉ ሲሠሩ እግዚአብሔር ያዝናል። ምሳ. 15:8, 9 የክፉዎች “መሥዋዕት” እና “መንገድ” “በእግዚአብሔር ዘንድ አስጸያፊ” ሲሆን፣ “የቅኖች ጸሎት ግን በእርሱ ዘንድ የተወደደ ነው”፣ ደግሞም “እርሱ ጽድቅን ይወድዳል” በማለት ያስተምራል። ይህ ክፍል እግዚአብሔር በክፋት ማዘኑን፣ በበጎ ነገር ደግሞ መደሰቱን ያሳያል። በተጨማሪም መለኮታዊ ደስታን እና ፍቅርን ጎን ለጎን ያስቀምጣቸዋል፣ ይህም በቃሉ ውስጥ በእግዚአብሔር ፍቅር እና ደስታ መካከል ያለውን ጥልቅ ቁርኝት ያሳያል።

እንደ መዝ. 146፡8 “እግዚአብሔር ጻድቃንን ይወድዳል”። ደግሞም 2 ቆሮ. 9፡7 “እግዚአብሔር በደስታ የሚሰጠውን ይወዳል” ይላል። በመጀመሪያ እነዚህ ጥቅሶች የማያስተምሩትን አስተውሉ። እግዚአብሔር ጻድቃንን ወይም በደስታ የሚሰጠውን ብቻ ይወዳል አይሉም። እግዚአብሔር ሁሉንም ይወዳል።

ሆኖም እነዚህ ጥቅሶች የሚያስተላልፉት መልዕክት፣ እግዚአብሔር “ጻድቃንን” እና “በደስታ የሚሰጠውን” በተለየ መንገድ ይወዳቸዋል የሚል ነው። በምሳ. 15: 8, 9 ላይ የተመለከትነው ነገር ፍንጭ ይሰጠናል፦ አምላክ ሁሉንም የሚወዳቸው በእነርሱ ደስ በመሰኘት ነው።

የአለማት ፈጣሪ የሆነው አምላክ በስሜት እንኳን ሳይቀር ከእኛ ጋር በመቆራኘቱ፣ ሰማይና ምድር ምን ያህል የተሳሰሩ እንደሆነ ያስቡ።

ይህ አስደናቂ ሐሳብ ምን ተስፋ ሊሰጥዎ ይገባል - በአስቸጋሪ ሁኔታ ውስጥም ቢሆኑ? @SabbathSchool @TekalignSorato

SABBATH SCHOOL(ሰንበት ትምህርት )

13 Jan, 03:00

ሰኞ ጥር 5 Jan 13

በደስታ ሐሴት ማድረግ

ለመገመት ቢከብደንም፣ እግዚአብሔር እያንዳንዱን ሰው የማይተመን ዋጋ እንዳለው ይቆጥረዋል፤ ለዚህም ነው በአንድ ነፍስ መዳን የሚደሰተው።

ሶፎ. 3:17ን ያንብቡ። ይህ ጥቅስ የአባካኙን ልጅ ምሳሌ ለመረዳት እንዴት ያስችለናል?

Save Notes

ሶፎ. 3፡17 አምላክ በተዋጁት ሕዝቡ ላይ ያለውን ደስታ አጉልቶ ያሳያል።

በዕብራይስጥ ደስታን የሚገልፁባቸው ቃላት ሁሉ በዚህ አንድ ጥቅስ ውስጥ ታጭቀዋል፣ ይህም እግዚአብሔር በተቤዠው ሕዝቡ ደስ እንደሚሰኝ ያሳያል።

በዚያ ቀን የእግዚአብሔርን ደስታ ለመግለጽ ከቃላቶቹ ውስጥ አንዳቸውም ብቻቸውን ብቁ አይሆኑም።

በዚህ ጥቅስ መሠረት እግዚአብሔር በሕዝቡ "መካከል" እንዳለ አስተውሉ። ከፍቅር ግንኙነት የሚመነጨው እርቅ የእግዚአብሔርን መገኘት እውን ያደርጋል። ልክ እንደ አባካኙ ልጅ አባት - ልጁን ከሩቅ ሲያየው እንደሮጠ - እግዚአብሔር በሕዝቡ መካከል ነው።

በኢሳ. 62፡4 ላይ ተመሳሳይ መልዕክት ያዘለ የጋብቻ ምሳሌ ይገኛል።

በኢሳ. 62:4 የእግዚአብሔር ሕዝብ “ደስታዬ የሚኖርባት” ተብሎ ሲጠራ፣ ምድሪቱም “ያገባች” ትባላለች። ለምን? ምክንያቱም ጥቅሱ “እግዚአብሔር በአንቺ ደስ ብሎታልና፥ ምድርሽም ባል ታገባለችና” ይላል። አባቱ በአባካኙ የጎልማሶች ሰንበት ትምህርት ልጅ እንደተደሰተ፣ የእግዚአብሔር የደስታ ጥግ፣ ሕዝቡን በመንግስቱ ተቀብሎ በሚደሰትበት ቀን ይሆናል።

ኤፌ 5:25–28ን ያንብቡ። እኛ እንድናሳይ ስለተጠራንለት የፍቅር ዓይነት ምን ይላል?

Save Notes

ይህ ክፍል ባሎች ሚስቶቻቸውን “ክርስቶስ ደግሞ ቤተ ክርስቲያንን እንደ ወደዳት እና ስለ እርስዋ ራሱን አሳልፎ እንደ ሰጠ” እንዲወዷቸው እና “እንደ ገዛ ሥጋቸው” እንዲወዷቸው ይመክራል (ኤፌ. 5፡25፣ 28)። እነዚህ ጥቅሶች ባል ለሚስቱ ሊኖረው ስለሚገባው ከራስ ወዳድነት የጸዳና መስዋዕትነት የሚያስከፍል ፍቅር ብቻ ሳይሆን የሚጠቁሙት፣ ክርስቶስም ራሱ ሕዝቡን (ቤተ-ክርስቲያንን) እንደራሱ እንደሚወዳቸው ያሳያሉ።
@SabbathSchool @TekalignSorato

SABBATH SCHOOL(ሰንበት ትምህርት )

12 Jan, 03:02

እሑድ ጥር 4 Jan 12

ከምትገምተው በላይ ዋጋ ያለው

ቀደም ባለው ትምህርት ላይ እንዳየነው፣ እግዚአብሔር የማይወደው የከፋ ኃጢአተኛ ወይም ክፉ አድራጊ የለም። እግዚአብሔር ለሰዎች ከምንገምተው በላይ ትልቅ ዋጋ ስላለው፣ ስለሚወደንና ኃጢአትም ምን እንደሚያመጣብን ስለሚያውቅ፣ እርሱ የሚያዝነው በኃጢአት ነው።

ሉቃ. 15:11-32ን ያንብቡ። የአባካኙ ልጅ ምሳሌ ስለ እግዚአብሔር ርኅራኄና ፍቅር ምን ያሳየናል? ልክ እንደሌላኛው ልጅ በቤት ላሉ ሰዎች ምን ማስጠንቀቂያ ይሰጣል?

Save Notes

ኢየሱስ በተናገረው በዚህ ታሪክ ውስጥ፣ የሰውየው ልጅ አባቱንና የአባቱን ቤተሰብ በመናቅ ርስቱን አስቀድሞ ጠየቀ። አባካኙ ልጅ ድርሻውን ካባከነ በኋላ ደኸየ፤ ተርቦም ከገንዳ በሚመገቡ እርያዎች ቀና። በአባቱ ቤት ያሉ አገልጋዮች ከበቂ በላይ ምግብ እንዳላቸው ሲያስታውስ፣ አገልጋይ ለመሆን ተመኝቶ ወደ ቤቱ ለመመለስ ወሰነ።

ቀጥሎ የሆነው አስገራሚ ነው። አንዳንድ አባቶች እንዲህ ዓይነቱን ልጅ ሲመለስ አይቀበሉትም። “ርስትህን ወስደሃል፣ ከቤቴ ተለይ። ከእንግዲህ እዚህ ቤት የለህም” ይሉታል። ይህ ምክንያታዊ እና ትክክለኛ አስተሳሰብ አይደለም? በአንዳንድ ወላጆች እይታ፣ ልጁ እንደ ልጅ ወደ ቤት ሊቀበሉት ወደ ማይችሉበት ደረጃ ደርሷል።

በምሳሌው ላይ እግዚአብሔርን የሚወክለው አባት ግን በእነዚህ አይነት መንገዶች ምላሽ አይሰጥም። ይልቁንም “እርሱም [አባካኙ ልጅ] ገና ሩቅ ሳለ አባቱ አየውና አዘነለት፥ ሮጦም አንገቱን አቀፈውና ሳመው” (ሉቃ. 15፡20)።

በዚያን ዘመን አባወራ አንድን ሰው ለመቀበል መሮጥ ነውር ቢሆንም ፣ አባትየው ከታላቅ ርኅራኄው የተነሳ ልጁን ለመገናኘት ሩጦ በጣም በሚያስደንቅ ሁኔታ ወደ ቤተሰቡ ቀላቀለው፤ ግብዣም አደረገለት። ይህ እግዚአብሔር ለእያንዳንዱ እግዚአብሔርን ደስ ማሰኘት ለባዘነ ሰው ያለውን ታላቅ ርኅራኄ እና ወደ ቤት ሲመለስም ደስ እንደሚሰኝ የሚያመለክት ነው። እንዴት ያለ የእግዚአብሔር ምስል ነው! የሌላኛው ልጅ ሁኔታ የሚገርም ነው። ለምንድነው ይህ ምላሽ፣ በከፊል ፍትሃዊና ለመረዳት የማያስቸግር፣ የሰው ምላሽ የሆነው? ይሁን እንጂ የሰው ልጅ የፍትሃዊነት ፅንሰ-ሀሳቦች የወንጌልን ጥልቀት ወይም እግዚአብሔር ለእኛ ያለውን ፍቅር ሊገልጹት እንደማይችሉ የዚህ ታሪክ ክፍል ምን ያስተምረናል? @SabbathSchool @TekalignSorato

SABBATH SCHOOL(ሰንበት ትምህርት )

11 Jan, 15:05

ጥር 3 - 9
3ኛ ትምህርት
Jan 11 - 17

እግዚአብሔርን ደስ ማሰኘት

ሰንበት ከሰዓት በኋላ
ለዚህ ሳምንት ጥናት የሚከተሉትን ጥቅሶች ያንብቡ፡- ሉቃ 15፡11–32፣ ሶፎ. 3፡ 17፣ ኤፌ. 5፡25–28፣ ኢሳ. 43፡4፣ ሮሜ. 8፡1፣ ሮሜ. 5:8፣ ማር. 9:17-29።

የመታሰቢያ ጥቅስ፡ አምላክሽ እግዚአብሔር በመካከልሽ ታዳጊ ኃያል ነው፤ በደስታ በአንቺ ደስ ይለዋል፥ በፍቅሩም ያርፋል፥ በእልልታም በአንቺ ደስ ይለዋል” (ሶፎ. 3፡17)።

እስቲ የሚከተለውን ሁኔታ ያስቡ፡- የአምስት ዓመት ልጅ በአባቶች ቀን በደንብ ያልተጠቀለለ ስጦታ ይዞ ወደ አባቱ ይመጣል። በደስታ ስጦታውን ለአባቱ ይሰጠዋል። አባትየው “ልጄ፣ ስለ ስጦታህ ግድ የለኝም። እንዲያውም እኔን የሚያስደስት ምንም ነገር ልትሰጠኝ አትችልም። ልትሰጠኝ የምትችለው ሁሉ፣ ራሴ እገዛዋለሁ፣ የምትሰጠኝ ማንኛውም ነገር በገንዘቤ የተገዛ ወይም ከከፈልኩባቸው ቁሳቁሶች የተሰራ ነው። ስለዚህ ስጦታህ ለራስህ ይሁንልህ።

አያስልፈልገኝም። ለማንኛውም ግን እወድሃለሁ” እንዳለው ያስቡ። እህ!

የዚህ አባት ምላሽ ምን ይመስልዎታል? “ጨካኝ”፣ “ቀዝቃዛ” እና “ስሜት- የለሽ” የሚሉት ቃላት ወደ አእምሯችን ይመጣሉ። እግዚአብሔር እንደዚህ ነው ለእኛ ምላሽ የሚሰጠን? በእርግጥ እግዚአብሔርን ደስ ማሰኘት እንችላለን? ለመገመት አስቸጋሪ ቢሆንም - የወደቅን፣ በኃጢአት የተጨማለቅን እና ለክፋት የተጋለጥን ብንሆንም እንኳን - አዎን እግዚአብሔርን ደስ ማሰኘት እንችላለን! በሌላ አነጋገር፣ እግዚአብሔር እኛን ወይም የምናመጣቸውን ስጦታዎቻችንን እንደዚያ አባት አይመለከታቸውም። በተቃራኒው፣ በክርስቶስ ብቻ እግዚአብሔርን ደስ ማሰኘት እንችላለን። የጎልማሶች ሰንበት ትምህርት *የሳምንቱን ትምህርት በማጥናት ለሰንበት ይዘጋጁ። @SabbathSchool @TekalignSorato

SABBATH SCHOOL(ሰንበት ትምህርት )

10 Jan, 22:06

እባካችሁ የአቅማችሁን እንድ
ትረዱት በእግዚአብሄር ስም እለምናችኋለሁ

ጉዳዩ፡- የእርዳታ እጃችሁን እንድትዘረጉልን ስለመጠየቅ ይሆናል፡፡

ከላይ በመነሻ ሀሳብ እንደተጠቀሰው በክርስቶስ ወንድማችንና ወንድማችህ መምህር ማርቆስ ሄሴቦ በመምህርነት ሥራ ተሰማርተው ራሳቸውን እየመሩ፣ ትውልድ እያፈሩ፤ ቤተስባቸውን እያስተዳደሩ እና የእግዚአብሔርን ቤተ-ክርስቲያን በትጋት እያገለገሉ እያሉ በተፈጥሮ የበሽታ ተከላካይ የሆነው የነጭ ደም ሴል ማነስ ገጥሞኣቸው በኢትዮጵያ ውስጥ ባሉት እውቅ ንክምና ቤት(ጥቁር አንበሳ) ለወራት ቢታከሙም ለኅክምና ቤቱም የማይቻል ሆነው በመገኘቱ ከኢትዮጵያ ውጪ እንዲሄዱ በመደረጋቸው በግብጽ አገር ህክምና እየተደረገላቸው ይገኛሉ።

በመሆኑም ይህንን ወንድማችንን የገጠመው ከፍተኛ የበሽታ አደጋ ከራሱ አልፎ በቤተሰቡም ላይ የተጋረጠባቸው አደጋ መሆኑ ለሁላችንም ግልጽ ነው፡፡

ስለዚህ ለእግዚአብሔር ሰው ደራሽ የእግዚአብሔር ቤተሰብ በመሆነ የስበካችን ኮሚቴ በህዳር 23/2017 ዓ.ም በወሰነዉ ውሳኔ ለወንድማችን የአንድ ቀን ስጦታ በሁሉም ቤተ-ክርስቲያናት ተሰብስቦ ለግለሰቡ እንዲደርስ ተወስነዋል። በመሆኑም ቤተ-ክርስቲያናችሁም ለዚሁ መልካም ትብብራችሁን እንድተሳዩ በጌታ ስም እንጠይቃልን። Acc No 1000056405376 Markos Hesebo Heramo
1000098676256 Wubunesh HeseboHeramo
Address +251916476055 +201115765839

SABBATH SCHOOL(ሰንበት ትምህርት )

10 Jan, 19:23

Live stream finished (1 hour)

SABBATH SCHOOL(ሰንበት ትምህርት )

10 Jan, 18:55

https://www.youtube.com/live/G5MmGEqDeXU?si=CtZB1R478wTwnpkM

SABBATH SCHOOL(ሰንበት ትምህርት )

02 Jan, 02:59

ሐሙስ ታህሣሥ 24 Jan 2

ስለኛ ተሰቀለ

እግዚአብሔር ሁሉንም ሰው ከእርሱ ጋር የፍቅር ግንኙነት እንዲኖረው ይጋብዛል፣ ነገር ግን ግብዣውን በፈቃዳቸው የሚቀበሉት ብቻ ዘላለማዊ ደስታን ያገኛሉ። በሠርጉ ግብዣ ምሳሌ እንደታየው፣ ንጉሡ የጠራቸው ብዙዎቹ "ለመምጣት ፈቃደኛ አልነበሩም" (ማቴ. 22: 3)።

ክርስቶስ ከመስቀሉ ጥቂት ቀደም ብሎ እንዲህ ሲል በሀዘን ተናገረ:- “ኢየሩሳሌም ኢየሩሳሌም ሆይ፣ ነቢያትን የምትገድል ወደ እርስዋ የተላኩትንም የምትወግር፣ ዶሮ ጫጩቶቿን ከክንፎችዋ በታች እንደምትሰበስብ ልጆችሽን እሰበስብ ዘንድ ስንት ጊዜ ወደድሁ! አልወደዳችሁምም” (ማቴ. 23፡37)።

ክርስቶስ በጉያው ሊሰበስባቸው ፈለገ፣ እነርሱ ግን ፈቃደኛ አልነበሩም። ቴሎ የሚባለው ተመሳሳይ የግሪክ ግስ ክርስቶስ እነርሱን ለማዳን መፈለጉን እና እነሱ ግን ለመዳን ፈቃደኛ አለመሆናቸውን ለመግለጽ ጥቅም ላይ ውሏል። ይህ ቃል በማቴ. 22፡3 ላይም ይገኛል።

ሆኖም ክርስቶስ ወደ መስቀል የሄደው ለእነዚህ ሰዎች እና ለእኛ ሲል ነው።

አስደናቂ ፍቅር! በኃጢአት ምክንያት ሰው ሞት የሚገባው ሆኖ ሳለ፣ እግዚአብሔር ራሱ (በክርስቶስ) ዋጋ ከፍሎ በሰማይና በምድር መካከል የተቋረጠውን ግንኙነት ለማደስ መንገድን አዘጋጀ። ምንም እንኳን ከርሱ ነፃ ቁርጠኝነት ውጭ ምንም ግዴታ ባይኖርበትም፣ አሁንም ፍቅሩን በኛ ላይ ማፍሰሱን ቀጥሏል። የጎልማሶች ሰንበት ትምህርት ዮሐ. 10:17፣ 18ን ያንብቡ። ከገላ. 2:20 ጋር ያስተያዩ። በእነዚህ ጥቅሶች ውስጥ ለእኛ ያለው መልእክት ምንድን ነው?

Save Notes

የእግዚአብሔር ፍቅር በአስደናቂ ሁኔታ በታየበት በመስቀሉ፣ ክርስቶስ በራሱ ፍቃድ ለእኛ ሲል ራሱን አሳልፎ እንደሰጠ እናያለን። ክርስቶስ ህይወቱን አሳልፎ የሰጠን “በራሱ ተነሳሽነት” ነው። ማንም ሕይወቱን ከእርሱ አልወሰደበትም፣ አለም ሳይፈጠር በፊት በሰማይ በተዘጋጀው የደህንነት እቅድ መሠረት ራሱን በፈቃዱ አቀረበ።

“የእኛ የደህንነት እቅድ ከአዳም ውድቀት በኋላ የተነደፈ አልነበረም።

ይልቅስ ‘ከዘላለም ዘመንም የተሰወረው‘ ምስጢር ተገለጠ (ሮሜ 16፡25)። ከዘመናት በፊት የእግዚአብሔር ዙፋን መሠረት የሆነው መርህ ተዘረጋ። ገና ከጅምሩ እግዚአብሔር እና ክርስቶስ የሰይጣንን ክህደት እና በአታላዩ አማካኝነት የሰው ዘር እንደሚወድቅ ያውቁ ነበር። ኃጢአት እንዲኖር የእግዚአብሔር ፈቃድ አልነበረም፣ ነገር ግን የኃጢአትን መከሰት አስቀድሞ ተመለከተ፣ እናም አስፈሪውን አደጋ ለመቀልበስ ሁኔታዎችን አዘጋጀ። ለዓለማችን የነበረው ፍቅር ታላቅ ስለነበር፣ ‘በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ’ አንድያ ልጁን ለመስጠት ቃል ኪዳን ገባ (ዮሐ. 3፡16)።”—ኤለን ጂ. ዋይት፣ የዘመናት ምኞት፣ ገጽ. 22.
@SabbathSchool @TekalignSorato

SABBATH SCHOOL(ሰንበት ትምህርት )

01 Jan, 19:07

Channel photo updated

SABBATH SCHOOL(ሰንበት ትምህርት )

01 Jan, 18:52

Live stream finished (1 hour)

SABBATH SCHOOL(ሰንበት ትምህርት )

01 Jan, 18:13

https://www.youtube.com/live/trPJ2g0f3_g?si=PEiYLsbE0f3sr5w1

SABBATH SCHOOL(ሰንበት ትምህርት )

01 Jan, 17:49

https://www.youtube.com/live/FdxglUKk2PQ?si=pwrTuczVtvKx4guH

SABBATH SCHOOL(ሰንበት ትምህርት )

01 Jan, 17:35

https://t.me/sabbathschool?livestream=8d97ee61012de48689

SABBATH SCHOOL(ሰንበት ትምህርት )

01 Jan, 17:32

Live stream started

SABBATH SCHOOL(ሰንበት ትምህርት )

01 Jan, 02:59

ረቡዕ ታህሣሥ 23 Jan 1

የተጠሩ ብዙዎች፣ የተመረጡ ግን ጥቂቶች ናቸው

እግዚአብሔር ሰዎችን በገዛ ፈቃዱ ስለሚወዳቸው፣ በምላሹም እንዲወዱት ይጋብዛቸዋል። እግዚአብሔር ለሰዎች ፍቅሩን ለመቀበል ወይም ላላመቀበል የምርጫ ነፃነት እንደሰጣቸው፣ ክርስቶስ ስለ ሠርግ ግብዣ በተናገረው ምሳሌ ላይ በግልጽ ይታያል። ማቴዎስ 22:1-14ን ያንብቡ። የዚህ ምሳሌ ትርጉም ምንድን ነው?

Save Notes

ክርስቶስ ስለ ሰርጉ ግብዣ በተናገረው ምሳሌ ላይ፣ አንድ ንጉሥ ለልጁ ሰርግ አዘጋጅቶ አገልጋዮቹን “ወደ ሰርጉ የታደሙትን እንዲጠሩ” ይልካቸዋል።

ነገር ግን የታደሙት "ሊመጡ አልወደዱም" (ማቴ. 22:2, 3)። ንጉሡ ከአንድ ጊዜ በላይ የታደሙትን እንዲጠሩዋቸው ባሮቹን ላከ፣ እነርሱ ግን ጥሪውን ችላ አሉ፣ ይባስ ብለውም ባሪያዎቹን ይዘው ገደሏቸው (ማቴ. 22፡4-6)።

ንጉሡ አገልጋዮቹን የገደሉትን ከቀጣ በኋላ፣ ሌሎች አገልጋዮቹን እንዲህ አላቸው:- “ሰርጉስ ተዘጋጅቷል፣ ነገር ግን የታደሙት የማይገባቸው ሆኑ፤ እንግዲህ ወደ መንገድ መተላለፊያ ሄዳችሁ ያገኛችሁትን ሁሉ ወደ ሰርጉ ጥሩ” (ማቴ. 22:8, 9)። የሰርግ ልብስ ያልለበሰው ሰው ወደ ውጭ ከተጣለ በኋላ፣ በሰርጉ ግብዣ ለመታደም የሰርግ ልብስ ከንጉሱ መቀበል አስፈላጊ መሆኑን አመልክቶ፣ ምሳሌውን “የተጠሩ ብዙዎች፣ የተመረጡ ግን ጥቂቶች ናቸው” (ማቴ. 22፡14) የሚለውን ትልቅ ትርጉም ያለውን ሐረግ በመናገር ይቋጨዋል ።

ይህ ምን ማለት ነው? በመጨረሻ “የተመረጡት” የጌታን የሰርግ ግብዣ ጥሪ በፈቃዳቸው የተቀበሉ ናቸው ማለት ነው።

በርግጥ እግዚአብሔር ሁሉንም ሰው ወደ ሰርጉ ድግስ ይጠራል ። ሆኖም ማናችንም ብንሆን የእግዚአብሔርን ፍቅር እምቢ ልንል እንችላለን። የምርጫ ነፃነት ለፍቅር አስፈላጊ ነው። እግዚአብሔር ፍቅሩን እንድንቀበል ማናችንንም እግዚአብሔር እንዲሁ ይወዳል በፍጹም አያስገድድም። የሚያሳዝነው ግን ከእግዚአብሔር ጋር የፍቅር ግንኙነት እዳይኖረን መቃወም እንችላለን።

“የተመረጡት” ግብዣውን የሚቀበሉ ናቸው። እግዚአብሔርን ለሚወዱት፣ እኛ ልንገምተው ከምንችለው በላይ፣ አስደናቂ ነገሮችን እግዚአብሔር አዘጋጅቷል። ሁሉም የሚንጠለጠለው በፍቅር እና በፍቅር ውስጥ ባለው የምርጫ ነፃነት ላይ ነው። የሰርጉን ግብዣ መቀበልህንና በአግባቡ መልበስህን ሕይወትህ ያሳያል? @SabbathSchool @TekalignSorato

SABBATH SCHOOL(ሰንበት ትምህርት )

31 Dec, 18:14

ዛሬ ለተፈጠረው ክፍተት ይቅርታ እንጠይቃለን ነገ ማታ አዲሱ ሰንበት ትምህርት ጥናት እንጀምራለን ።

SABBATH SCHOOL(ሰንበት ትምህርት )

31 Dec, 02:59

ማክሰኞ ታህሣሥ 22 Dec 31

በነጻ የተሰጠ ፍቅር

እግዚአብሔር ፍቅሩን ያለማቋረጥ እንዲሁ የለገሰው በተደጋጋሚ ለሚያምፀው ለእሥራኤል ብቻ ሳይሆን፣ ለእኛም ገና ኃጢአተኞች ሳለን እንዲሁ በነፃ ፍቅሩን መስጠቱን ቀጥሏል። የእግዚአብሔር ፍቅር በጭራሽ አይገባንም፤ በሥራም ልናገኘው አንችልም። እግዚአብሔር ከኛ ምንም አይፈልግም (ሐዋ. 17፡ 25)። እግዚአብሔር ለኛ ያለው ፍቅር በራሱ በጎ ፈቃድ የተመሰረተ ነው። እግዚአብሔር እንዲሁ ይወዳል ራእይ 4:11ን ከመዝሙር 33:6 ጋር ያነፃፅሩ። እነዚህ ጥቅሶች እግዚአብሔር ፍጥረትን እንደፈለገው ስለ መፍጠሩ ምን ይነግሩናል?

Save Notes

እግዚአብሔር ይህንን ዓለም በፈቃዱ ፈጠረው። በዚህ ምክንያት እግዚአብሔር ክብር፣ ውዳሴና ኃይል ሁሉ ይገባዋል። እግዚአብሔር የትኛውንም ዓለም መፍጠር አያስፈልገውም ነበር። ዓለም ገና ሳይፈጠር፣ እግዚአብሔር በሥላሴ (በመለኮት) መካከል በነበረው የፍቅር ግንኙነት ይደሰት ነበር።

ዮሐንስ 17:24ን ያንብቡ። ዓለም ከመፈጠሩ በፊት ስለነበረው የእግዚአብሔር ፍቅር ምን ይነግረናል?

Save Notes

እግዚአብሔር ለፍቅሩ መገለጫ ፍጡራን አያስፈልጉትም ነበር። ነገር ግን እግዚአብሔር ባሕርይው ፍቅር ስለሆነ፣ እግዚአብሔር ዓለምን ለመፍጠር እና ከፍጡራን ጋር የፍቅር ግንኙነት እንዲኖረው መረጠ።

እግዚአብሔር ይህን ዓለም በፈቃዱ የፈጠረው ፍቅሩን አብዝቶ ለመስጠት ብቻ ሳይሆን፣ ሰዎች በኤደን በኃጢአት ከወደቁ በኋላም ሆነ በግል ኃጢአት ከሠራን በኋላም እግዚአብሔር ሰዎችን እንዲሁ በነፃ መውደዱን ቀጥሏል።

አዳምና ሔዋን በኤደን ከወደቁ በኋላ፣ በሕይወት መኖር እና የእግዚአብሔርን ፍቅር የመቀበል መብት አልነበራቸውም። ነገር ግን "ሁሉን በስልጣኑ ቃል" የሚደግፈው እግዚአብሔር (ዕብ. 1:3)፣ ከታላቅ ፍቅሩ፣ ምህረቱና ጸጋው የተነሳ በሕይወት እንዲኖሩና የሰው ዘርም ከራሱ ጋር የሚታረቅበትን መንገድ አዘጋጀ። ያ እርቅ እኛንም ያካትታል።

አለማችን የወደቀና ክፉ ቢሆንም፣ እግዚአብሔር ፍቅሩን መለገስ መቀጠሉ ስለ ፍቅሩና ባሕርይው ምን ይነግረናል? ይህ እውነት በምላሹ እሱን እንድንወደው ሊያደርገን የሚገባው እንዴት ነው? @SabbathSchool @TekalignSorato

SABBATH SCHOOL(ሰንበት ትምህርት )

30 Dec, 02:59

ሰኞ ታህሣሥ 21 Dec 30

ምላሽ የተነፈገው ፍቅር

እግዚአብሔር ለወደቀው የሰው ዘር ያለውን አስገራሚ ፍቅር በሆሴዕ ታሪክ ውስጥ እናገኛለን። እግዚአብሔር ነቢዩን ሆሴዕን እንዲህ ብሎ አዘዘው፡- “ምድሪቱ ከእግዚአብሔር ርቃ ታላቅ ግልሙትና ታደርጋለችና ሂድ፤ ጋለሞታን ሴትና የግልሙትናን ልጆች ለአንተ ውሰድ አለው” (ሆሴ. 1፡2):: ሆሴዕ እና ታማኝ ያልሆነችው ሚስቱ፣ እግዚአብሔር ታማኝ ላልሆኑትና በመንፈሳዊ ግልሙትና ለተዘፈቁት እሥራኤላውያን ያለውን ፍቅር የሚያሳዩ ሕያው ምስክሮች መሆን ነበረባቸው። ይህም ለማይገባቸው ሰዎች እንዲሁ የተበረከተው የእግዚአብሔር ፍቅር ታሪክ ነው።

እግዚአብሔር ታማኝ እና አፍቃሪ ቢሆንም፣ ሕዝቡ በእርሱ ላይ ደግመው ደጋግመው አመፁበት። ስለዚህ ቃሉ እግዚአብሔርን፣ በተደጋጋሚ ታማኝ ያልሆነችውን የባለቤቱን ፍቅር ምላሽ የማይጠብቅ አፍቃሪ አድርጎ ይመስለዋል። እርሱ ሕዝቡን በፍፁም ታማኝነት ወደዳቸው፤ እነርሱ ግን ንቀውት ሌሎች አማልክትን በማገልገልና በማምለክ እጅግ አሳዘኑት፤ ሊጠገን የማይችል እስኪመስል ድረስ ኪዳኑን አፈረሱ።

ሆሴዕ 14:1–4ን ያንብቡ። እነዚህ ጥቅሶች እግዚአብሔር ለሕዝቡ ስላለው ጽኑ ፍቅር ምን ይገልፃሉ?

Save Notes

የጎልማሶች ሰንበት ትምህርት

ሕዝቡ በተደጋጋሚ ካመፁም በኋላ፣ እግዚአብሔር እንዲህ ይላል፡- “ዓመፃቸውን እፈውሳለሁ፣ በገዛ ፈቃዴም እወድዳቸዋለሁ።” “በገዛ ፈቃዴም እወድዳቸዋለሁ” በሚለው ሐረግ ውስጥ የሚገኘው “በፈቃዴ” የሚለው ቃል የተተረጎመው ነዳባ ከሚባለው የዕብራይስጥ ቃል ሲሆን በፈቃደኝነት የተለገሰን ነገር ያመለክታል። በመቅደስ አገልግሎት ውስጥ በገዛ ፈቃድ የሚሰጥ ስጦታን ለመግለፅ ጥቅም ላይ የዋለው ተመሳሳይ ቃል ነው።

በሆሴዕ እና በሁሉም የመጽሐፍ ቅዱስ ታሪኮች፣ እግዚአብሔር ለሕዝቡ ያለው አስደናቂ ታማኝነትና ርኅራኄ ይታያል። ምንም እንኳን ደጋግመው ሌሎች አፍቃሪዎችን ቢከተሉም፣ ሊጠገን የማይችል እስኪመስል ድረስ የቃል ኪዳኑን ግንኙነት ቢያፈርሱም፣ እግዚአብሔር በገዛ ፈቃዱ ፍቅሩን በነሱ ላይ ማፍሰሱን ቀጠለ። ሕዝቡ የእግዚአብሔር ፍቅር አይገባቸውም ነበር፤ እንዲያውም ፍቅሩን ንቀውት መብታቸውን አጥተው ነበር። ቢሆንም እግዚአብሔር ማንም ሳያስገድደው ፍቅሩን መለገሱን ቀጠለ። ቃሉ የእግዚአብሔርን ፍቅር ነፃ እና በፈቃዱ የሚሰጥ መሆኑን ያሳያል።

ብዙ ሰዎች እግዚአብሔርን ሩቅ፣ ጨካኝ ገዥ እና ዳኛ አድርገው ያስቡታል። እግዚአብሔር ታማኝ ባልሆነች ባለቤቱ ምላሽ እንደተነፈገው አፍቃሪ በመሆኑ የተናቀና የሚያዝን እንደሆነ መመሰሉ እግዚአብሔርን በተለየ መንገድ እንዲያዩት የሚረዳዎ እንዴት ነው? ከአምላክ ጋር ያለዎትን ግንኙነት የሚያዩበትን መንገድ እንዴት ይለውጠዋል? @SabbathSchool @TekalignSorato

SABBATH SCHOOL(ሰንበት ትምህርት )

29 Dec, 19:49

እሑድ ታህሣሥ 20 Dec 29

ከምንገምተው በላይ

እግዚአብሔር እኛን "ትወደኛለህን" ብሎ መጠየቅ ብቻ ሳይሆን፣ እግዚአብሔር ራሱ እያንዳንዱን ሰው እንዲሁ ይወዳል። በእርግጥ እርሱ ልትገምተው ከምትችለው በላይ አንተን እንዲሁ ይወድሃል። ይህንን ፍቅር በዘመናት ሁሉ ለሕዝቡ ባደረገው ድርጊት እናውቃለን።

ዘጸ. 33፡15–22ን ያንብቡና የጥቅሶቹን አውድ እና የተገለጹበትን ሁኔታ ያስቡ። ይህ ክፍል በተለይም ቁጥር 19 ስለ እግዚአብሔር ፈቃድና ፍቅር ምን ይገልጻል?

Save Notes

ሁሉም ነገር ያበቃለት ይመስል ነበር። እግዚአብሔር ሕዝቡን ከግብፅ ባርነት በድንቅ ሁኔታ ነፃ ካወጣ በኋላ፣ ብዙም ሳይቆይ እሥራኤላውያን በእግዚአብሔር ላይ ዓምፀው የወርቅ ጥጃ አመለኩ። ሙሴም ከተራራው በወረደ ጊዜ፣ ያደረጉትን አየና አሥርቱን ትእዛዛት የያዙትን ጽላቶች ጥሎ ሰበራቸው። ምንም እንኳን ሕዝቡ እግዚአብሔር እንዲሁ የሰጣቸውን የቃል ኪዳኑን ዕድሎች እና በረከቶች የማግኘት መብታቸውን ቢያጡም፣ ምንም እንኳን የኪዳኑ በረከቶች የማይገባቸው ቢሆንም፣ እግዚአብሔር በኪዳኑ ከእነርሱ ጋር ለመቀጠል እንዲሁ መረጠ።

በዘፀአት 33፡19 ላይ፡- “ይቅር የምለውን ይቅር እላለሁ፣ የምምረውንም እምራለሁ” የሚለው ቃል ብዙ ጊዜ በተሳሳተ መንገድ እግዚአብሔር በዘፈቀደ ለአንዳንዶች ሩኅሩኅና መሃሪ፣ ለሌሎች ግን እንዳልሆነ ተደርጎ ይስተዋላል። ነገር ግን እንደ አውዱ ከሆነ፣ እግዚአብሔር አንዳንዶችን ይቅር ብሎ እንደሚምር እና ሌሎችን ግን ችላ እንደሚል እየተናገረ አይደለም። እግዚአብሔርም የሚሠራው በዚህ መልኩ አይደለም፤ እንዲያውም እግዚአብሔር አንዳንዶቹን እንዲጠፉና ለዘለዓለም እንዲኮነኑ አስቀድሞ ወስኗል የሚለውን የተሳሳተ ግን በብዙዎች ዘንድ ተቀባይነት ያገኘውን የሥነ-መለኮት አስተምሮ ይቃወማል። እግዚአብሔር እንዲሁ ይወዳል

ታዲያ እግዚአብሔር እዚህ ላይ ምን እያለ ነው? እግዚአብሔር የሁሉ ፈጣሪ ስለሆነ፣ ለማይገባቸው ሰዎች እንኳን ፣ ጸጋን እና ርኅራኄን እንዲሁ የመስጠት መብትና ሥልጣን እንዳለው እያወጀ ነው። የወርቅ ጥጃ በማምለክ ቢያምፁም፣ ምንም እንኳን የማይገባቸው ቢሆኑም፣ በዚህ ሁኔታ ውስጥም ቢሆን ለሕዝቡ ለእሥራኤል መሃሪ መሆኑን ያሳያል።

ይህ እግዚአብሔር ፍቅሩን ከምንገምተው በላይ ከገለፀባቸው ከብዙ አጋጣሚዎች አንዱ ነው። ለሁላችንም መልካም ዜና አይደል? እግዚአብሔር ለአንተ ከምትገምተው በላይ ፍቅሩን አየገለጸ ያለው በምን በምን መንገዶች ነው? @SabbathSchool @TekalignSorato

SABBATH SCHOOL(ሰንበት ትምህርት )

28 Dec, 15:02

ታህሣሥ 19 - 25
1ኛ ትምህርት
Dec 28 - Jan 3

እግዚአብሔር እንዲሁ ይወዳል

ሰንበት ከሰዓት በኋላ
ለዚህ ሳምንት ጥናት የሚከተሉትን ጥቅሶች ያንብቡ፡- ዘጸ. 33:15–22፤ ሆሴዕ 14:1-4፤ ራእይ 4:11፤ ዮሐንስ 17:24፤ ማቴ. 22:1–14፤ ዮሐንስ 10:17፣ 18

የመታሰቢያ ጥቅስ፡ “ቁጣዬ ከእርሱ ዘንድ ተመልሶአልና ዓመፃቸውን እፈውሳለሁ፣ በገዛ ፈቃዴ እወድዳቸዋለሁ” (ሆሴዕ 14፡4)።

ኢየሱስ አስቀድሞ እንደተናገረው ጴጥሮስ ኢየሱስን ሦስት ጊዜ ቢክደውም፣ (ማቴ. 26፡34) ክህደቶቹ ግን የታሪኩ መጨረሻ አልነበሩም። ከትንሣኤ በኋላ ኢየሱስ ጴጥሮስን “ከእነዚህ ይልቅ ትወደኛለህን? አለው። አዎን ጌታ ሆይ፥ እንድወድህ አንተ ታውቃለህ አለው። ግልገሎቼን አሰማራ አለው። ደግሞ ሁለተኛ፡- የዮና ልጅ ስምዖን ሆይ፥ ትወደኛለህን? አለው። አዎን ጌታ ሆይ፥ እንድወድህ አንተ ታውቃለህ አለው። ጠቦቶቼን ጠብቅ አለው። ሦስተኛ ጊዜ፡- የዮና ልጅ ስምዖን ሆይ፥ ትወደኛለህን? አለው። ሦስተኛ ትወደኛለህን? ስላለው ጴጥሮስ አዘነና፡- ጌታ ሆይ፥ አንተ ሁሉን ታውቃለህ፤ እንድወድህ አንተ ታውቃለህ አለው። ኢየሱስም፡ - በጎቼን አሰማራ አለው” (ዮሐንስ 21፡15–17)። ጴጥሮስ ኢየሱስን ሦስት ጊዜ እንደካደው ሁሉ፣ ኢየሱስም “ትወደኛለህን?” በሚለው ወሳኝ ጥያቄ አማካኝነት ጴጥሮስን ሦስት ጊዜ የራሱ አድርጎታል። ምንም እንኳን እኛ ያለንበት ሁኔታ ከጴጥሮስ የተለየ ቢሆንም፣ መርሆው ግን በብዙ መልኩ ተመሳሳይ ነው። ኢየሱስ ጴጥሮስን የጠየቀውን ጥያቄ፣ እግዚአብሔር በእኛ ዘመንና በምንኖርበት ቦታ ለእያንዳንዳችን የሚያቀርበው ወሳኝ ጥያቄ ነው፡ - ትወደኛለህን?

ሁሉም ነገር ለዚህ ጥያቄ በምንሰጠው ምላሽ ላይ የተመረኮዘ ነው።

@SabbathSchool @TekalignSorato

SABBATH SCHOOL(ሰንበት ትምህርት )

28 Dec, 08:41

የጎልማሶች ሰንበት ትምህርት

የመጸሐፍ ቅዱስ ጥናት መምሪያ

የእግዚአብሔር ፍቅር እና ፍትሕ

1ኛ ሩብ ዓመት 2025

ጥር፣ የካቲት፣ መጋቢት 2017 ዓ.ም.

መደበኛ እትም

1ኛ ሩብ ዓመት
ከታህሳስ 19 - መጋቢት 19/2017 ዓ.ም

1 ዮሐ. 4:8 እና 16 እግዚአብሔር ፍቅር ነው ይላል። መላው መጽሐፍ ቅዱስ ይህን እውነታ ይመሰክራል። የክርስትና እምነት ማዕከሉ የእግዚአብሔር ፍቅር ነው። ፍቅር የእግዚአብሔር ማንነት እምብርት ነው፤ እኛም የምናምነውና የምንሰራው ነገር ሁሉ ማዕከል ፍቅር መሆን አለበት። በዚህ መሠረት ፍቅርን የምንረዳበት መንገድ በእምነታችን እና በድርጊታችን ላይ ተፅዕኖ ይኖረዋል።

ለምሳሌ አንድ ሰው የእግዚአብሔር ፍቅር በሥራ ይገኛል ብሎ ካመነ፣ ኃጢአተኛና ያልበቃ ስለሆነ እግዚአብሔር እንደማይወደው ሊያስብ ይችላል። ከሌሎችም ጋር ባለው ግንኙነት፣ ሰዎችን ይወዳቸው ዘንድ፣ እነርሱ አስቀድመው መልካም ነገር ማድረግ ይኖረባቸዋል ብሎ ያስባል፡- ይህም ለውድቀት መንስኤ ይሆናል።

ስለዚህ የእግዚአብሔርን ፍቅር የምንረዳበት መንገድ በእምነታችን እና በልምምዳችን ላይ ትልቅ አንድምታ አለው። ለመሆኑ ፍቅር ምንድን ነው? ፍቅርን እንዲገልጹ አሥር ሰዎችን ቢጠይቋቸው፣ አሥር የተለያዩ ምላሾችን ሊያገኙ ይችላሉ። በክርስቲያኖች መካከል እንኳን፣ ስለ እግዚአብሔር ፍቅር ብዙ አፈ-ታሪኮች እና የተሳሳቱ መረዳቶች አሉ።

ለምሳሌ ክርስቲያኖች ለሚቀጥሉት ጥያቄዎች የተለያዩ ምላሾችን ይሰጣሉ፡ - የእግዚአብሔር ፍቅር መስጠት ብቻ እንጂ ምላሽ አይጠብቅምን? መለኮታዊው ፍቅር ራሱን መስዋዕት የሚያደርግ ብቻ ነው ወይስ እግዚአብሔር በሰዎች ሐሴት ሊያደርግ ይችላል? የእግዚአብሔር ፍቅር ስሜታዊ ነው? በእርግጥ እግዚአብሔር ለሰው ልጆች ይጠነቀቃል? የእግዚአብሔር ፍቅር ቸል ሊባል ወይም ሊገፋ ይችላል? እግዚአብሔር ከፍጡራን ጋር የሰጥቶ መቀበል የፍቅር ግንኙነት ውስጥ ይገባል? ቁጣ ከፍቅር ጋር አይጣጣምም? ፍቅር እና ፍትሕ እንዴት አብረው ይኖራሉ? እግዚአብሔር ፍቅር ከሆነ፣ ክፋት በዚህ ዓለም ላይ ለምን እጅግ በዛ? ሰዎች እንደ እግዚአብሔር ሊወዱ ይችላሉ? ከሆነ ያ ምን ሊመስል ይችላል?

ከላይ ለተጠቀሱት ለአንዳንዶቹ ጥያቄዎች የሚሰጡት መልሶች ግልጽ ሊመስሉ ይችላሉ፤ ነገር ግን ክርስቲያኖች ለመለኮታዊው ፍቅር ያላቸውን አመለካከት አስመልክቶ ብዙ ጊዜ ክርክሮች ይነሳሉ። ግልጽ የሚመስሉ ብዙ ምላሾች በጥልቀት ስንመረምራቸው፣ መጽሐፍ ቅዱስ ስለ እግዚአብሔር ፍቅር ከሚያስተምረው ጋር የማይጣጣሙ ሆነው ይገኛሉ።

እነዚህን ጥያቄዎች ሁሉ በአንድ ጊዜ አንፈታቸውም፤ ነገር ግን እነዚህን እና ሌሎች ጥያቄዎችን በዚህ ሩብ አመት እንዳስሳለን። በዚህም የእግዚአብሔር ፍቅር ከምናስበው በላይ እጅግ ከፍ ያለ መሆኑን እናያለን። በቅዱሳት መጻሕፍት ላይ የተገለጸው የእግዚአብሔር ፍቅር፣ በአሁኑ ጊዜ በዓለማችን "ስለ ፍቅር" ከሚነገሩ ሃሳቦች እጅግ የላቀ ነው። በሚቀጥሉት ሳምንታት፣ በመጽሐፍ ቅዱስ ውስጥ ስለ እግዚአብሔር ፍቅር የተገለጹትን አንኳር እና ውብ ገጽታዎች በጥልቀት እንመለከታለን።

ጥናታችንን ስንቀጥልም መለኮታዊው ፍቅር እና ፍትሕ እንዳይነጣጠሉ ሆነው የተጋመዱ መሆናቸውን እናያለን። በመጽሐፍ ቅዱስ የተገለጸው እግዚአብሔር ፍትሕን ይወዳል (ለምሳሌ፡- ኢሳ. 61፡8ን ይመልከቱ)። መጽሐፍ ቅዱስ እንደሚገልጠው፣ መለኮታዊው ፍቅር እና ፍትሕ ስለማይነጣጠሉ፣ አንዱ ከሌላው ውጭ ሊኖር አይችልም። እግዚአብሔር ፍቅር ስለሆነ፣ በዚህ ዓለም ያለው ኢ-ፍትሃዊነትና ስቃይ እጅግ ያሳስበዋል፤ ራሱንም ከተጨቆኑና ከተሰቃዩት ጋር አንድ አድርጎ በመቁጠር፣ ክፋት በፍጥረት ላይ ባመጣው ስቃይና ሀዘን ውስጥ በፈቃዱ ራሱን ሰጠ—ራሱ ከሁሉም በላይ ተሰቃየ። ስለዚህም እግዚአብሔር ራሱ ከሁሉ ይልቅ የክፋት ተጠቂ ሆነ።

እግዚአብሔር እያንዳንዱን ሰው ከምንገምተው በላይ ስለሚወድ፣ በክፋት እና በስቃይ በተደጋጋሚ ማዘኑን በመጽሐፍ ቅዱስ ውስጥ እናገኛለን።

የእግዚአብሔርን ጥልቅ ፍቅር፣ ክርስቶስ በሕዝቡ ላይ፡- “ኢየሩሳሌም ኢየሩሳሌም ሆይ፣ ነቢያትን የምትገድል ወደ እርስዋ የተላኩትንም የምትወግር፣ ዶሮ ጫጩቶቿን ከክንፎችዋ በታች እንደምትሰበስብ ልጆችሽን እሰበስብ ዘንድ ስንት ጊዜ ወደድሁ! አልወደዳችሁምም” እያለ በተናገረው እንጉርጉሮ ውስጥ ማየት ይቻላል (ማቴ. 23፡37)።

ፍቅር የሆነው የመጽሐፍ ቅዱሱ አምላክ፣ ያ ፍቅር ችላ ስለተባለና ስለተገፋ ልቡ እንደተሰበረና እንዳዘነ በቃሉ ውስጥ ተገልጧል። ቃሉ እግዚአብሔር ፍቅሩን በዓለማት ሁሉ ለማስፈን ስላደረገውና እያደረገ ስላለው ነገር ይተርካል። ይህ የዚህ ሩብ ዓመት ትምህርት ርዕስ ነው።

ጆን ሲ. ፔካም የአድቬንቲስት ሪቪው ተባባሪ አርታኢ ናቸው። ይህ የጥናት መመሪያ በተጻፈበት ጊዜ፣ እሳቸው በአንድርውዝ ዩኒቨርሲቲ በሰባተኛው ቀን አድቬንቲስት ስነመለኮት ሴሚነሪ የነገረ መለኮት እና የክርስቲያን ፍልስፍና ፕሮፌሰር ነበሩ።

@SabbathSchool @TekalignSorato

SABBATH SCHOOL(ሰንበት ትምህርት )

27 Dec, 19:11

Live stream finished (48 minutes)

SABBATH SCHOOL(ሰንበት ትምህርት )

27 Dec, 18:22

Live stream started

SABBATH SCHOOL(ሰንበት ትምህርት )

27 Dec, 18:21

Live stream finished (45 minutes)

SABBATH SCHOOL(ሰንበት ትምህርት )

27 Dec, 17:53

https://www.youtube.com/live/8xV3LjuEFoQ?si=trTtZeeLdoVn_vuY

SABBATH SCHOOL(ሰንበት ትምህርት )

27 Dec, 17:49

https://t.me/sabbathschool?livestream=2b768126026fd4cc9e

SABBATH SCHOOL(ሰንበት ትምህርት )

27 Dec, 17:36

Live stream started

SABBATH SCHOOL(ሰንበት ትምህርት )

27 Dec, 03:01

ዓርብ
ታህሣሥ 18
Dec 27

ተጨማሪ ሀሳብ

የእግዚአብሔር አመለካከት ከሰዎች አመለካከት በእጅጉ የተለየ ነው። እግዚአብሔር በመንፈስ ቅዱስ ኃይል፣ በቃሉ፣ በመጽሐፍ ቅዱስ በኩል ያለውን ዕይታ ለእኛ ያጋራል። በጨለማ መመላለስ ወይም በቃሉ እንደተገለጠው ከኢየሱስ ክርስቶስ የሚመጣውን ብርሃን መቀበል ብንፈልግ ምርጫው የእኛ ነው። ከዚህ ምርጫ ጋር ሊነጠል የማይችለው ነገር የሰዎች ቤዛ ለሆነው ለእግዚአብሔር ልጅ ለኢየሱስ ክርስቶስ ራሳችንን አሳልፈን መስጠታችን ነው። በመንፈስ ቅዱስ ኃይል፣ እግዚአብሔር አብ በኢየሱስ ሕይወት፣ ሞት እና ትንሣኤ የፍቅሩን ጥልቀት ገልጦልናል። ስለ ኢየሱስም እናውቃለን ምክንያቱም ሕይወቱ፣ ሞቱ እና ትንሳኤው በእግዚአብሔር ቃል ውስጥ ተመዝግቧልና። “የእግዚአብሔር መላእክት ያለ ማቋረጥ ከምድር ወደ ሰማይ፣ ከሰማይ ወደ ምድር ይመላለሳሉ። ክርስቶስ ለተጎሳቆሉትና ለሚሰቃዩት ያደረጋቸው ተአምራት ሁሉ የተከናወኑት በመላእክት አገልግሎት አማካይነት በእግዚአብሔር ኃይል ነበር። ከእግዚአብሔር የሚላክልን በረከት ሁሉ የሚመጣው በክርስቶስ አማካይነት በሰማያዊ መልእክተኞች አገልግሎት በኩል ነው። ሰብአዊነትን በመልበሱ መድኃኒታችን ከአዳም ልጆች ጋር አንድነትን መሰረተ፤ በመለኮታዊነቱም የእግዚአብሔርን ዙፋን ጨብጦአል። ስለዚህ ክርስቶስ በእግዚአብሔርና በሰዎች መካከል አገናኝ ድልድይ ነው (ኤለን ጂ ዋይት፣ የዘመናት ምኞት፣ ገጽ 129)።
የመወያያ ጥያቄዎች

1. በዮሐንስ መጽሐፍ ውስጥ ካሉት ታሪኮች ሁሉ ስለ እግዚአብሔር ፍቅርና ባሕርይ አብልጦ የሚናገረው የትኛው ነው? ያ ታሪክ ለምን አሳማኝ ሆኖ እንዳገኛችሁት በሰንበት ትምህርት ጥናት ቡድን ውስጥ አጋሩ። 2. በተጨባጭ ሁኔታ አንድ ሰው እውነትን ፍለጋ እንዴት መሄድ አለበት? 3. ራስን እንደ እውነተኛ ዳኛ አድርጎ መቁጠርን መተው ብዙ ጊዜ ከባድ የሚሆነው ለምንድን ነው? ይህን ሙሉ በሙሉ ማድረግ እንችላለን ወይንስ ሰው መሆናችን በተወሰነ ደረጃ ለቅዱሳት መጻሕፍት ያለን ዕይታ ላይ ተጽዕኖ ያሳድራል? ይህን እውነታ መገንዘብ ያለብን ለምንድን ነው? ትሕትና ጭፍን ጥላቻን ለጌታ ቃል ስንል እንድንተው የሚረዳን እንዴት ነው? 4. የምዕራቡ ዓለም ክርስትና ታሪክ የእግዚአብሔር ቃል በሰዎች ፖለቲካና ጭፍን ጥላቻ ሥር ሲወድቅ ምን እንደሚከሰት በሚያሳዩ አስፈሪ ምሳሌዎች የተሞላ ነው። ከእነዚህ ምሳሌዎች መካከል አንዳንዶቹ ምንድን ናቸው? የሰው አመለካከቶች መጽሐፍ ቅዱስን “ለመተርጎም” ዋነኛ ማጣሪያ ሲሆኑ ምን ያህል አደገኛ እንደሆነ ላለንበት ጊዜ ከእነርሱ ምን ትምህርት እናገኛለን? 5. የዮሐንስ ወንጌልን ትልቁን ምሥል በራሳችሁ አባባል አጠቃሉ። ዛሬ ለእኛ ያለው መካከለኛው መልእክት ምንድን ነው?

@SabbathSchool @TekalignSorato

SABBATH SCHOOL(ሰንበት ትምህርት )

26 Dec, 03:01

ሐሙስ
ታህሣሥ 17
Dec 26

በየሱስ መኖር

ዮሐንስ 12:32ን አንብቡ። ይህ አስደናቂ መግለጫ የኢየሱስ ክርስቶስን ሥልጣን የሚገልጸው በምን መንገዶች ነው?

በዚህ የሩብ ዓመት ትምህርት ውስጥ እንደተመለከትነው፣ የዮሐንስ ወንጌል ወደ ኢየሱስ ይስበናል፣ ነገር ግን ይህ የሚሆነው እግዚአብሔርን ለማወቅ እና ፈቃዱን ለማድረግ ፈቃደኛ ከሆንን ብቻ ነው። በወንጌሉ ውስጥ፣ ኢየሱስን የሚያገኙት ሰዎች ብርሃኑን ተቀብለው አድገዋል ወይም ብርሃኑን ንቀው ታውረዋል። ኒቆዲሞስ፣ በጕድጓዱ አጠገብ ያለችው ሴት፣ የንጉሡ ሹም፣ በቤተ ሳይዳ መጠመቂያ ያለው ሰው፣ እንጀራና ዓሣ የተመገቡት አምስት ሺህ ሰዎች፣ የኢየሱስ ወንድሞች፣ የኃይማኖት መሪዎች፣ ዐይነ ሥውር ሆኖ የተወለደው ሰው፣ ማርያምና ማርታ፣ ጲላጦስ፣ እነዚህ ሁሉ ኢየሱስን ካገኙት በኋላ ይዞ ስለመጣው እውነትና ብርሃን ምርጫ አድርገዋል።

ከታች ከዓለም ያለው ሥነ-መለኮት የሚጀምረው የእግዚአብሔርን መኖር እና ተፈጥሮ ለመወሰን እና ለመመርመር በሚደረግ የሰዎች ክርክር ነው። የሰዎች አመለካከት፣ ያነከሰ፣ የወደቀ፣ ጭፍን ጥላቻ የተሞላ ሆኖ ሳለ፣ ነገር ግን ከመለኮታዊው፣ ከቅዱሱ፣ ፍጹምና ሁሉን አዋቂ ከሆነው ሊቀድም ይፈልጋል። ከዚህ ከታች ያለው ሥነ-መለኮት ቀደም ሲል እንዳደረገው እና ወደፊትም እንደሚያደርገው ሰዎችን ወደ ጥፋት እንደሚመራ የተረጋገጠ ነው (ራእይ 14:1-12ን ተመልከቱ)። መለኮታዊውን ለመተካት የሚፈልግ የሰው ጥበብ፣ የሐሰት አምልኮን በዓለም ላይ አስገድዶ ሊጭን ይሞክራል። ዮሐንስ 15:1-11ን አንብቡ። የመንፈሳዊ እድገት እና ጤና ምስጢር ምንድነው?

ሚስጥሩ ከኢየሱስ ጋር ተያይዞ መቆየት ነው። እሱ የእግዚአብሔር ቃል ነው።

የእግዚአብሔር ቃል፣ የሕይወት እንጀራ፣ የዓለም ብርሃን፣ የበጎች በር፣ መልካም እረኛ፣ ትንሣኤና ሕይወት፣ መንገድ፣ እውነትና ሕይወት፣ እና እውነተኛው የወይን ግንድ ነው።

የመለኮት አካላት እና እንዲሁም ቃላቸው የሆነው መጽሐፍ ቅዱስ እንደ ማግኔቶች ናቸው። ካልተቃወምን ወደ እነርሱ ይስቡናል። “የእግዚአብሔር ድምፅ በቃሉ እየተናገረን ነው፣ የምንሰማቸውም ብዙ ድምፆች አሉ። ክርስቶስ ግን ይህን ብሏል፦ እነሆ ክርስቶስ በዚህ ወይም በዚያ አለ ከሚሏችሁ ተጠንቀቁ። ታዲያ እኛ ሁሉንም ነገሮች ወደ ቃሉ ካላመጣን እውነት በእነርሱ ዘንድ እንደሌለ እንዴት እናውቃለን?” (Ellen G. White, The Advent Re- view and Sabbath Herald, April 3, 1888)። ስለዚህ የራሳችንን አመለካከት በእግዚአብሔር ቃል ውስጥ ለቀረቡት እውነቶች አሳልፈን መስጠት አለብን።

@SabbathSchool @TekalignSorato

SABBATH SCHOOL(ሰንበት ትምህርት )

25 Dec, 03:01

ረቡዕ
ታህሣሥ 16
Dec 25

“ከላይ” ወይስ “ከታች” የሆነ ሥነ መለኮት

ዮሐንስ 4:46-54ን አንብቡ። ባለሥልጣኑን ወደ ኢየሱስ ያመጣው ችግር ምንድን ነው? ከዚህ ጀርባ ያለው ዋናው ጉዳይስ ምን ነበር?

ይህ ሰው የዓለም ብርሃን ወደሆነው ወደ ኢየሱስ መጣ፣ ነገር ግን ኢየሱስ ልጁን ከፈወሰው ብቻ ለማመን ወስኖ ነበር። የዚህ ሰው ሥነ መለኮት “የታች (ከዓለም) የሆነ” ነው ልንል እንችላለን። ከዓለም የሆነ ሥነ-መለኮት ለእግዚአብሔር እና ለቃሉ ህጎችንና ደረጃዎችን ያወጣል። የሰው ሀሳቦች አንካሳና ውስን፣ እንዲሁም እንደየሁኔታዎች ተለዋዋጭ ቢሆኑም ሰዎች የእግዚአብሔርን ቃል የሚተረጉሙበት የመጨረሻ ሥልጣን ሲሆኑ ይታያል። በዚህ ውስጥ መውደቅ እንዴት ያለ አደገኛ ወጥመድ ነው!

“ከላይ” የሆነ ሥነ-መለኮት በተቃራኒው በመጀመሪያ በእግዚአብሔር እና በቃሉ በማመን በእምነት ምላሽ ይሰጣል (ዮሐንስ 4፡48፤ ዮሐንስ 6:14፣ 15፤ 2 ጢሞ. 3፡16)።

መጽሐፍ ቅዱስ በእምነት ለሚቀበሉት የራሱ ተርጓሚ ይሆናል። ከዘመኑ ፍልስፍና ይልቅ መጽሐፍ ቅዱሳዊ ዕይታ ቅዱሳት መጻሕፍትን ለመረዳትና ለመተርጎም መመሪያ ነው። የሰዎች አመለካከት ለእግዚአብሔር ቃል መገዛት እና መታዘዝ አለበት እንጂ በተቃራኒው መሆን የለበትም።

የኢየሱስን ቃል ማመን ከፈለግን የቅዱሳት መጻሕፍትን ቃል ማመን አለብን (ዮሐንስ 5፡46፣ 47)። “በቃሌ ብትኖሩ በእውነት ደቀ መዛሙርቴ ናችሁ” (ዮሐ 8:31)።

የእግዚአብሔርን ቃል ከተጠራጠርን ቃሉ በእኛ ውስጥ ሊኖር አይችልም (ዮሐ. 5፡38)። “የሚጥለኝ ቃሌንም የማይቀበለው እርሱ የሚፈርድበት አለው፤ እኔ የተናገርሁት ቃል እርሱ በመጨረሻው ቀን ይፈርድበታል። እኔ ከራሴ አልተናገርሁምና፤ ነገር ግን የላከኝ አብ እርሱ የምለውን የምናገረውንም ትእዛዝ ሰጠኝ” (ዮሐ. 12፡ 48-49)።

የእግዚአብሔርን ቃል መስማት ብቻውን መረጃን ከማግኘት በላይ ነው።

የእግዚአብሔርን ፈቃድ ማድረግ ማለትም ነው። ይህ ደግሞ ቃሉን ሰምቶ በተግባር ምላሽ መስጠት ነው። «ፈቃዱን ሊያደርግ የሚወድ ቢኖር እርሱ ይህ ትምህርት ከእግዚአብሔር ቢሆን ወይም እኔ በራሴ የምናገር ብሆን ያውቃል” (ዮሐ. 7:17)።

እናም ይህ የእግዚአብሔርን ቃል መስማት እና ማድረግ ለእርሱ ያለን ፍቅር መግለጫ ነው። “የሚወደኝ ቢኖር ቃሌን ይጠብቃል፤ አባቴም ይወደዋል ወደ እርሱም እንመጣለን በእርሱም ዘንድ መኖሪያ እናደርጋለን።” (ዮሐ. 14:23) ለኢየሱስ ባለን ፍቅር እና ታዛዥነት መካከል ያለው ግንኙነት ምንድን ነው? ለምንድነው የትኛውም አይነት “ታዛዥነት” በፍቅር ላይ ያልተመሰረተ ሲሆን ሕጋዊያን (የህግ ባሪያ) የመሆን አደጋ ያለበት?

@SabbathSchool @TekalignSorato

SABBATH SCHOOL(ሰንበት ትምህርት )

24 Dec, 18:50

Live stream finished (1 hour)

SABBATH SCHOOL(ሰንበት ትምህርት )

24 Dec, 17:37

https://www.youtube.com/live/cE2K3xqWZQ4?si=9DXUJ8vvTTTEHfUF

SABBATH SCHOOL(ሰንበት ትምህርት )

24 Dec, 17:27

https://t.me/sabbathschool?livestream=8dcd0dd5c2639e32ba

SABBATH SCHOOL(ሰንበት ትምህርት )

24 Dec, 17:25

Live stream started

SABBATH SCHOOL(ሰንበት ትምህርት )

24 Dec, 03:01

ማክሰኞ
ታህሣሥ 15
Dec 24

ብርሃን እና ጨለማ

ዮሐንስ 1:4-10፤ ዮሐንስ 3:19-21፤ ዮሐንስ 5:35፤ ዮሐንስ 8:12፤ ዮሐንስ 9:5፤ ዮሐንስ 11:9፣ 10፤ እና ዮሐንስ 12:35ን አንብቡ። እዚህ ላይ ምን ታላቅ ንፅፅር ታያላችሁ? ይህ ንፅፅር እውነትን ለመረዳት መሰረታዊ የሆነውስ ለምንድን ነው?

ዓለም በጨለማ ውስጥ ነው፤ ብርሃንን ይቃወማል እናም ወደ እውነተኛው የፍጥረት፣ የመገለጥ እና የመቤዠት አምላክ የሚወስደውን መንገድ በራሱ ማግኘት አይችልም።

“ሰብአዊ ፍጡር በራሱ ስለ መለኮት ፈጽሞ ማወቅ አይችልም። ከሰማይ ይልቅ ከፍ ይላል፤ ምን ልታደርግ ትችላለህ? ከሲኦልም ይልቅ ይጠልቃል፤ ምን ልታውቅ ትችላለህ? ኢዮብ 11፡8። ጥልቅ የሆነውን የእግዚአብሔርን ነገር ሊገልጽልን የሚችለው የልጅነት መንፈስ ብቻ ነው። ዓይን ያላየችው ጆሮም ያልሰማው በሰውም ልብ ያልታሰበው… ለእኛ እግዚአብሔር በመንፈሱ በኩል ገለጠው” (ኤለን ጂ ዋይት፣ የዘመናት ምኞት፣ ገጽ 424)።

ኢየሱስ ክርስቶስ ብቻ አብን “ተረከው” (ዮሐንስ 1፡18)። የግሪኩ ግስ ex- ēgéomai ሲሆን ትርጉሙም «መተርጎም» «መግለጽ» «መተረክ» ማለት ነው። ዮሐንስ ኢየሱስን፣ አምላክን ማወቅ ምን ማለት እንደሆነ የገለጸ የሰማይ መልእክተኛ አድርጎ ያቀርባል።

እግዚአብሔርን በእውነት ማወቅ የምንችለው በኢየሱስ ብቻ ነው። ዮሐንስ 8:42-44ን አንብቡ። ኢየሱስ የእስራኤል ሃይማኖታዊ መሪዎች እምነታቸውን የመሠረቱበትን የተሳሳተ መሠረት የገለጸው እንዴት ነው?

በእውነት ያልቆሙት ከራሳቸው ይናገራሉ። እነሱ የአንድን ጽሑፍ ትርጉም “የሚያዩት” ከሰው እይታ አንጻር ብቻ ነው። ከዚህ በተቃራኒ፣ ክርስቶስ የዓለም ብርሃን መሆኑን መቀበል እና በቃሉ ትርጓሜ እርሱን መከተል አለብን። በአንጻሩ፣ ዲያብሎስ የሚናገረው “ከራሱ” ነው (ዮሐንስ 8፡44)። ካልተጠነቀቅን እና በእምነት እና ለእግዚአብሔር በመታዘዝ ካልተገዛን፣ ተመሳሳይ ነገር የማድረግ፣ ማለትም መጽሐፍን በራሳችን ፍላጎት፣ መሻት እና አመለካከት ብቻ በማንበብ አደጋ ላይ ነን። ይህ ደግሞ ከምንገምተው በላይ ድካማችን የሆነ ነገር ነው። ምቾት ለሚነሷችሁ እውነቶች መስጠት ከሚገባችሁ ምላሽ በተቃራኒ እንዴት ነው ምላሽ የምትሰጡት?

@SabbathSchool @TekalignSorato

SABBATH SCHOOL(ሰንበት ትምህርት )

23 Dec, 03:01

ሰኞ
ታህሣሥ 14
Dec 23

ዓይኖችን በኢየሱስ ላይ ማድረግ

ዮሐንስ 21:20-22ን አንብቡ። ጴጥሮስን ወደ ተሳሳተ ጎዳና የመራው የትኛው ጥያቄ ነው? ኢየሱስ መንገዱን ያቃናው እንዴት ነው?

ኢየሱስ ጴጥሮስን ወደ አገልግሎት መልሶት “ተከተለኝ” ብሎት ነበር። ይህ ማለት በባሕሩ ዳርቻ ከኢየሱስ ኋላ በአካል ተከትሎ መሄድ ሊሆን ይችላል። ይህም የሆነው ጴጥሮስ ዘወር ብሎ ዮሐንስ ኢየሱስን ሲከተል ስላየ ነው፤ ከዚያም “ጌታ ሆይ፥ ይህስ እንዴት ይሆናል?” ብሎ ይጠይቃል (ዮሐንስ 21:21)።

ጴጥሮስን ወደ አገልግሎት ሲመልስ፣ ኢየሱስ የጴጥሮስን አሟሟት ተንብዮ ነበር (ዮሐንስ 21፡18)። ጴጥሮስ ስለ ዮሐንስ ሞት የማወቅ ጉጉት የነበረው ይመስላል። ኢየሱስ በሌላ ደቀ መዝሙር ላይ ምን እንደሚደርስበት እንዳይጨነቅ የጴጥሮስን ትኩረት እርሱን ወደ መከተል ጉዳይ ይመልሳል። ዮሐንስ 21:23–25ን አንብቡ። ኢየሱስ የተናገረው ነገር በተሳሳተ መንገድ የተወሰደው እንዴት ነው? ሐዋርያው ዮሐንስ ይህን አለመግባባት ማስተካከል የቻለው እንዴት ነው?

ኢየሱስ “እስክመጣ ድረስ ይኖር ዘንድ ብወድስ፥ ምን አግዶህ? አንተ ተከተለኝ!” ሲል የተናገረውን ሰዎች በተሳሳተ መንገድ ተረድተውታል (ዮሐንስ 21:22)። ኢየሱስ ዮሐንስ ከመሞቱ በፊት ተመልሶ ይመጣል ማለት እንደሆነ አስበው ነበር። ጊዜ እያለፈ ሲሄድ እና ዮሐንስ አርጅቶ ሲሞት (በእርግጥም ደግሞ ሞተ) ኢየሱስ ካልተመለሰ፣ ቀውስ ሊፈጠር ይችል ነበር።

ዮሐንስ ይህን የተሳሳተ አመለካከት ያስተካክለው ጉዳዩ የኢየሱስ ፈቃድ መሆኑን የሚያመለክት እንደሆነ እንጂ የተተነበየው ወደፊት ስለሚሆነው እንዳልሆነ በማመልከት ነው።

በሌሎች ሰዎች ላይ ከማተኮር ይልቅ በኢየሱስ ላይ የማተኮር ሃሳብ በቀሪው የሳምንቱ ትምህርት ውስጥ ትልቅ መሪ ሀሳብ ነው። ኢየሱስ፣ እና ኢየሱስ ብቻ አዳኛችን ነው። ሰዎች ሊያሳዝኗችሁ ወይም ሊጎዷችሁም ይችላሉ። ከማክሰኞ እስከ ሐሙስ ድረስ ያሉት እውነቶች የእግዚአብሔርን ቃል የመረዳትን ሀሳብ ያነሳሉ፤ ዓላማውም፣ ምንም እንኳን ሌሎች የሚሰጡን እርዳታ፣ ምክር፣ እና ምሪት ቢኖርም፣ ዋናው ነገር ብቻውን ጌታችንና መሪያችን ሊሆን የሚገባውን ኢየሱስን ማወቅ እና መከተል ነው። እናንተ ከፍ አድርጋችሁ የምትመለከቷቸው ሌሎች ሰዎች ምን ያህል ጊዜ ነው ያሳዘኗችሁ? ከዚህ ልምድስ ምን ትምህርት ተማራችሁ?

@SabbathSchool @TekalignSorato

SABBATH SCHOOL(ሰንበት ትምህርት )

22 Dec, 03:00

እሑድ
ታህሣሥ 13
Dec 22

በገሊላ መሰባሰብ

ዮሐንስ 21:1-19ን አንብቡ። ስለ እግዚአብሔር ጸጋ እና ስለ ሰው ትሕትና በተለየ መልኩ ምን ወሳኝ እውነቶች ተገለጡ?

ዮሐንስ 20 የሚያበቃው ለመደምደም ምክንያታዊ አግባብ ባለው በመጽሐፉ ዓላማ ነው፣ ነገር ግን አንድ ተጨማሪ ምዕራፍ አለ። ምዕራፍ 21 የሚጀምረው ጴጥሮስን ጨምሮ አንዳንድ ደቀ መዛሙርት ወደ ገሊላ ተመልሰው ሌሊቱን በባህር እንዳሳለፉ በመጠቆም ነው። አሮጌው ዘመን የተመለሰ፣ ደቀ መዛሙርቱም ወደ ቀድሞው ዓሣ የማጥመድ ሥራቸው የተመለሱ ይመስላል። ነገር ግን በዚያ ምሽት ምንም ዓሣ አልያዙም ነበር።

በማለዳ በባህር ዳርቻ ላይ የተገኘ አንድ ሚስጥራዊ እንግዳ መረባቸውን በጀልባው በቀኝ በኩል እንዲጥሉ ነገራቸው። ከዚያም መረቡን ወደ ውስጥ መሳብ እስከማይችሉ ብዙ ዓሦችን ያዙ። ከኢየሱስ ጋር አገልግሎት ሲጀምሩ የነበረውን ጊዜ ይመስላል (ሉቃስ 5:1-11ን ተመልከቱ)። ዮሐንስ ኢየሱስን አውቆት ወዲያው ለጴጥሮስ ነገረው፤ እርሱም ዘሎ ወደ ውሃው ውስጥ ከገባ በኋላ ወደ ባሕሩ ዳርቻ መጣ።

ለጌታው ያለውን ፍቅር በተመለከተ ኢየሱስ ጴጥሮስን ሦስት ጥያቄዎችን ጠየቀው።

ከስቅለቱ በፊት፣ ጴጥሮስ ነፍሱን ስለ ኢየሱስ አሳልፎ እንደሚሰጥ አጥብቆ ተናግሯል (ዮሐንስ 13፡37)። የዚያን ጊዜ ነበር ኢየሱስ ይልቁንም እርሱ ሦስት ጊዜ እንደሚክደው የነገረው (ዮሐንስ 13፡38)። በገሊላ በተካሄደው በዚህ ስብሰባ ላይ ጴጥሮስ ራሱን ምሥክር አድርጎ አላቀረበም፤ ከዚህ ይልቅ ኢየሱስን “ጌታ ሆይ፣ አንተ ሁሉን ታውቃለህ። እንድወድህ አንተ ታውቃለህ አለው” እንጂ (ዮሐንስ 21:17)።

አንዳንዶች ኢየሱስ ጴጥሮስን ሲጠይቅ (ከመጨረሻው ጊዜ በስተቀር) “አጋፔዮ” (“agapaō”) የሚለውን ግስ እንደተጠቀመ፣ ጴጥሮስ ደግሞ ሁል ጊዜ “ፊሌዮ” (“phileō”) በሚለው ግሥ ምላሽ ይሰጥ እንደነበር ያስተውላሉ፤ ይህም ልክ እንደ ጓደኛ መውደድን ይገልጻል። አንድምታው ጴጥሮስ ከፍ ወዳለው የፍቅር ዓይነት አልደረሰም ማለት ነው።

በእርግጥም፣ የጴጥሮስ ምላሽ ራስን ዝቅ ማድረግ ላይ ያተኮረ ነበር። ጴጥሮስ የበፊቱን ውድቀቱን በመመልከት፣ በትሕትናና ስለ ራሱ ከልክ በላይ መናገርን ባለመፈለግ “ዝቅ ያለ ቃል” መጠቀሙ ሳይሆን አይቀርም። ኢየሱስም ያረጋገጠው ይህንን ትህትና ነው፤ ይህም ጴጥሮስን ወደ አገልግሎት ለመመለስ ነበር። ትህትና አንዱ ትልቅ የአገልግሎት መመዘኛ እንደሆነ ምንም ጥያቄ የለውም፣ ምክንያቱም ከዚያ በኋላ የትኩረት ማዕከል ኢየሱስ ክርስቶስ እንጂ ራስ ሊሆን አይችልም።

የጴጥሮስ ተሐድሶ እና በቀደመችው ቤተ ክርስቲያን ውስጥ የመሪነት ሚናው ኢየሱስ ከሞት መነሳቱን ከሚያሳዩት ጠንካራ ማስረጃዎች አንዱ ነው። ኢየሱስ በሌሎቹ ደቀ መዛሙርት ፊት ወደ አገልግሎት መልሶት ካልሆነ በስተቀር ጴጥሮስ ከዚያ ሁሉ በኋላ ጎልቶ የወጣበትን ምክንያት ማስረዳት አስቸጋሪ ነው የሚሆነው። ጌታን ለማወቅ ለሚፈልግ ሰው ትህትና ቁልፍ የሆነው ለምንድነው? በመስቀሉ ብርሃን ፊት ማናችንም ብንሆን ልንኮራበት የምንችለው ምን ነገር አለ?

@SabbathSchool @TekalignSorato

SABBATH SCHOOL(ሰንበት ትምህርት )

21 Dec, 15:01

ታህሣሥ 12 - 18
13ኛ ትምህርት
Dec 21 - 27

ማጠቃለያው፡ ኢየሱስንና ቃሉን ማወቅ

ሰንበት ከሰዓት በኋላ
ለዚህ ሳምንት የመጽሐፍ ቅዱስ ጥናት የሚተከሉትን ጥቅሶች ያንብቡ፡ ዮሐንስ 21፤ ዮሐንስ 11:9፣ 10፤ዮሐንስ 8:42–44፤ ዮሐንስ 4:46–54፤ 2 ጢሞ. 3:16 ፤ ዮሐንስ 15፡1-11።

የመታሰቢያ ጥቅስ፡ “እናንተ በመጻሕፍት የዘላለም ሕይወት እንዳላችሁ ይመስላችኋልና እነርሱን ትመረምራላችሁ፤ እነርሱም ስለ እኔ የሚመሰክሩ ናቸው” (ዮሐ. 5፡39)።

የዮሐንስ ወንጌል ልክ እንደ ማርቆስ ወንጌል፣ በገሊላ በሚሆን መሰባሰብ ይደመደማል። ይህ የዮሐንስ የመጨረሻ ትምህርት ስለዚያ ስብሰባ የሚናገር ነው፤ ነገር ግን ኢየሱስን እና የእግዚአብሔርን ቃል እንዴት እንደምናውቅ ከሚገልጸው ጭብጥ ጋር ይገናኛል፤ ይህም በአራተኛው ወንጌል ውስጥ የሚታይ ጽንሰ-ሀሳብ ነው።

ደቀ መዛሙርቱ ከኢየሱስ ጋር ከሦስት ዓመታት በላይ ቢቆዩም፣ ኢየሱስ የሚሆነውን ደጋግሞ ቢነግራቸውም፣ አሁንም ለሥቅለቱና ለትንሣኤው ዝግጅት በጣም ይጎድላቸው ነበር።

እንደ አለመታደል ሆኖ ቃሉን አልተቀበሉትም ነበር። እኛም ተመሳሳይ ስህተት የመሥራት ችግር ውስጥ ልንወድቅ እንችላለን፦ ይህም የእግዚአብሔርን ቃል ልንሰማ ወይም ልናነብም ብንችልም፣ ነገር ግን በቃሉ አለመኖር እና አለመታዘዝ፤ ማለትም ሃሳባችንንና ድርጊታችንን ሊመራ የሚገባ ብርሃን አድርገን አለመቀበል ማለት ነው። ይህ ምናልባትም በሚያሳዝን ሁኔታ በጣም ብዙ ክርስቲያኖች ሳያውቁት ያሉበት ሁኔታ ነው።

በዮሐንስ ወንጌል ውስጥ ባለን የመጨረሻ ሳምንት ስለ ኢየሱስ ከማወቅ እንድንሻገር፣ ይልቁንም እሱን በተሻለ እንድናውቀው እንዲሁም በእርሱ እና በቃሉ ውስጥ እንድንኖር ሊረዱን የሚችሉትን የዚህን ወንጌል ቁልፍ ነጥቦች ጥቂቶቹን እንመለከታለን። *የዚህን ሳምንት ትምህርት በማጥናት ለታኅሣሥ 19 ሰንበት ይዘጋጁ።

@SabbathSchool @TekalignSorato

SABBATH SCHOOL(ሰንበት ትምህርት )

20 Dec, 19:17

Live stream finished (1 hour)

SABBATH SCHOOL(ሰንበት ትምህርት )

20 Dec, 18:25

https://t.me/sabbathschool?livestream=8a917661c9baa7e674

SABBATH SCHOOL(ሰንበት ትምህርት )

20 Dec, 18:10

Live stream started

SABBATH SCHOOL(ሰንበት ትምህርት )

20 Dec, 17:43

ከይቅርታ ጋር 3:10 ሰንበት ትምህርት ጥናታችንን እንጀምራለን ።

SABBATH SCHOOL(ሰንበት ትምህርት )

20 Dec, 03:02

ዓርብ
ታህሣሥ 11
Dec 20

ተጨማሪ ሀሳብ

ከኤለን ጂ ዋይት፣ የዘመናት ምኞት፣ ከሚለው መፅሐፍ “ተፈፀመ” ገጽ 758-764፤ “ለምን ታለቅሻለሽ?” ገጽ 788-794 ያንብቡ፤ እንዲሁም Clifford Goldstein, Risen: Finding Hope in the Empty Tomb (Nampa, ID: Pacific Press, 2020) ተመልከቱ። “ጲላጦስ የሱስን ለማዳን ጉጉት ነበረው፣ ነገር ግን የሱስን ከሞት ማዳን ማለት ማዕረጉንና ክብሩን ማጣት ማለት መሆኑን አወቀ። ዓለማዊ ሥልጣኑን ከማጣት ንጹሁን ነፍስ አሳልፎ መስጠትን መረጠ። ክስረት ወይም ስቃይ እንዳይደርስባቸው በማለት ጲላጦስ እንዳደረገው ሁሉ መርሕን የሚጥሱ ስንት ናቸው? ሕሊናና ግዴታ ወደ አንድ አቅጣጫ ሲያመለክቱ ራስ ወዳድነት ግን ወደ ተቃራኒ አቅጣጫ ያመለክታል። ማዕበሉ የሚገፋው ወደተሳሳተ አቅጣጫ ስለሆነ ከኃጢአት ጋር የሚደራደር ሁሉ ተጠርጎ ወደ ኃጢአት ጨለማ ይገባል” (ኤለን ጂ ዋይት፣ የዘመናት ምኞት፣ ገጽ 782)። “ክርስቶስ የመጣበትን ተልእኮ ሳያከናውን ሕይወቱ አላለፈችም፤ ስለሆነም የመጨረሻ እስትንፋሱን በተነፈሰ ጊዜ “ተፈፀመ” ሲል ጮኸ። ዮሐ. 19፡30። ጦርነቱ በድል ተፈፀመ። የሱስ ድልን የተጎናጸፈው በራሱ ኃይል ነው። ድል በማድረጉም ሰንደቅ ዓላማውን ከሁሉ በላይ ከፍ አድርጎ ሰቀለ። መላእክትስ በዚህ ድል አልተደሰቱምን? በየሱስ አሸናፊነት ሰማየ ሰማያት የድል ተሳታፊ ሆኑ። ሰይጣን ድል ተመታ፣ መንግሥቱንም እንዳጣ አወቀ። “ለመላእክትና በኃጢአት ላልተበከሉት ዓለማት ተፈፀመ የሚለው አነጋገር ጥልቅ ትርጉም ያለው ነው። ታላቅ የማዳን ሥራ መጠናቀቁ እንደ እኛ ለእነርሱም ጠቀሜታ አለው። ምክንያቱም የክርስቶስ ድል አድራጊነት የሚያስገኘውን ውጤት ከእኛ ጋር ይሳተፋሉና” (ኤለን ጂ ዋይት፣ የዘመናት ምኞት፣ ገጽ 804)።
የመወያያ ጥያቄዎች

1. ጲላጦስ የሠራውን ዓይነት ስህተት እንዳትሠሩ ሊረዷችሁ የሚችሉ የውሳኔ አሰጣጥ ሂደቶች ምንድን ናቸው? 2. ኢየሱስ በእኛ ቦታ መሞት ያስፈለገው ለምንድን ነው? ለምንስ ምትካችን መሆን አስፈለገው? እኛ መዳን ካለብን የእርሱ ሞት ለምን አስፈለገ? መልሳችሁንስ የሚደግፉት የትኞቹ የመጽሐፍ ቅዱስ ክፍሎች ናቸው? 3. በኢየሱስ ትንሣኤ ማመንን በተመለከተ በቅዱሳት መጻሕፍት ማስረጃዎችና በታሪክ ማስረጃዎች መካከል ያለው ዝምድና ምንድን ነው? የኢየሱስን ትንሣኤ በብርቱ የሚያረጋግጡት ታሪካዊ ማስረጃዎችስ ምንድን ናቸው? 4. ስለ 1ኛ ቆሮንቶስ 15፡12-20 አስቡ። “በክርስቶስ ያንቀላፉት” ወዲያውኑ ወደ ሰማይ የሚሄዱ ከሆነ፣ ያለ ክርስቶስ ትንሣኤ “ በክርስቶስ ያንቀላፉት ደግሞ ጠፍተዋላ” (1ኛ ቆሮ. 15:18) የሚለውን ቃል፣ አንድ ሰው ትርጉም የሚሰጥ ሊያደርግ የሚችለው እንዴት ነው? እዚህ ላይ የጳውሎስ ቃላት፣ ሙታን በክርስቶስ ዳግም ምፅአት ጊዜ እስከሚሆነው ትንሣኤ ድረስ በእንቅልፍ ላይ ናቸው የሚለውን እውነት የሚያረጋግጡት እንዴት ነው?

@SabbathSchool @TekalignSorato

SABBATH SCHOOL(ሰንበት ትምህርት )

19 Dec, 03:01

ሐሙስ
ታህሣሥ 10
Dec 19

ኢየሱስና ማርያም

ዮሐንስ 20:11-13ን ያንብቡ። ከዚህ ላይ መግደላዊት ማርያም ስለ ባዶው መቃብር ትርጉም እንዳልተረዳች የሚያሳያው ነገር ምን ነበር?

ከዚህ ጥቅስ በፊት ከማርያም ጋር ተያይዞ የተጠቀሰው ቃል፣ ማርያም ለጴጥሮስና ለዮሐንስ ስለ ባዶ መቃብሩ የነገረቻቸውን አካቷል (ዮሐ. 20፡2)። እነርሱም ወደ መቃብሩ ሮጡ፣ እሷም ትንሽ ቆይታ ከዚያ ተመለሰች። ጴጥሮስና ዮሐንስ መቃብሩን ከመረመሩ በኋላ ትተውት ሄዱ። ማርያም ግን እንደገና ተመልሳ እያለቀሰች እዚያ ቆየች። ባለፉት ጥቂት ቀናት ውስጥ ብዙ እንዳለቀሰች ምንም ጥርጥር የለውም። እና አሁንም ይህ ቀጥሏል? ጎንበስ ብላ ወደ መቃብሩ ውስጥ ተመለከተች።

እርሷን በሚያስገርም ሁኔታ ነጫጭ ልብስ የለበሱ ሁለት መላእክት በመቃብሩ ውስጥ፣ የኢየሱስ ሥጋ ተኝቶበት በነበረበት ቦታ ተቀምጠው ነበር። “አንቺ ሴት፥ ስለ ምን ታለቅሻለሽ?” ብለው ጠየቁአት (ዮሐ. 20፡13)። የእርሷ ሕመም ያለበት ምላሽ ጌታዋን እንደወሰዱትና ወዴት እንዳኖሩት አላውቅም የሚል ነበር። ዮሐንስ 20:14-18ን ያንብቡ። ለማርያም ሁሉንም ነገር የለወጠው ምንድን ነበር?

ማርያም እንባ በተሞሉ አይኖቿ ዘወር ብላ አንድ ሰው ከኋላዋ ቆሞ አየች።

ከመላእክቱ ቃላት ጋር በሚመሳሰል መልኩ እንግዳው “አንቺ ሴት፣ ለምን ታለቅሻለሽ? ማንንስ ትፈልጊያለሽ?” (ዮሐ. 20:15) ብሎ ጠየቃት። እርሷ ግን አትክልተኛውን እያነጋገረች መስሏት የኢየሱስን አስከሬን ለማግኘት ይረዳ እንደሆነ ጠየቀችው።

እንግዳው “ማርያም” በማለት አንድ ቃል ተናገረ። ዓለምን የለወጠው የአንድ ቃል መገለጥ ነበር። ወዲያውኑም፣ የተገረመችው ማርያም ከሞት የተነሳው ኢየሱስ እያነጋገራት እንደነበር ተገነዘበችና ጠራችው። ኢየሱስ የግድ ወደ አባቱ መውጣት ስላለበት እርሱን እንዳትነካው ተናገራት። ነገር ግን የእርሷ የሥራ ድርሻ የነበረው ሄዳ ለደቀ መዛሙርቱ “ወደ አባቴና ወደ አባታችሁ፣ ወደ አምላኬና ወደ አምላካችሁ’” (ዮሐ. 20፡17) ባለው መሠረት ወደ ሰማይ እንደሚያርግ መንገር ነው። ማርያም ተልዕኮዋን ተወጣች። እርሷም ጌታን እንዳየችው ለደቀ መዛሙርቱ ነገረቻቸው እናም የቀረውንም ከእርስዋ ጋር የተነጋገረውን ዝርዝር ነገሮች አካፈለቻቸው (ዮሐ. 20፡18)። 1ኛ ቆሮንቶስ 15:12-20ን ያንብቡ። ጳውሎስ እንደተናገረው ክርስቶስ ከሙታን ካልተነሣ የክርስትና እምነታችን ጥቅሙ ምን ላይ ነው?

@SabbathSchool @TekalignSorato

SABBATH SCHOOL(ሰንበት ትምህርት )

18 Dec, 19:24

Live stream finished (49 minutes)

SABBATH SCHOOL(ሰንበት ትምህርት )

18 Dec, 18:34

Live stream started

SABBATH SCHOOL(ሰንበት ትምህርት )

18 Dec, 03:01

ረቡዕ
ታህሣሥ 9
Dec 18

ባዶ የሆነው መቃብር

ዮሐንስ 20:1-7ን ያንብቡ። በእነዚህ ጥቅሶች ውስጥ የተገለጸው ነገር ለእኛ ያለው ጠቀሜታ ምንድን ነው?

ኢየሱስ የሞተው አርብ ከሰአት ረፋዱ ላይ ሲሆን፣ እሁድ እጅግ በማለዳ ላይ ደግሞ ተነስቷል። የተቀበረበት ጊዜ ሰንበት ሊጀምር የተቃረበበት ስለሆነ (ዮሐ. 19፡42)፣ ግብዓተ መሬቱ በፍጥነት ተፈጽሟል፤ ነገር ግን ሙሉ በሙሉ አልተጠናቀቀም ነበር። ኢየሱስን የቱንም ያህል የሚወዱት ቢሆንም ተከታዮቹ የሰንበትን ቀን በማክበር ወደ መቃብር አልሄዱም ነበር (ከማር. 16፡1፣ ሉቃስ 23፡56 ጋር አነጻጽሩ)። ሰንበት ካለፈ በኋላ፣ ሴቶች እሁድ በጥዋት ወደ መቃብሩ ለማምጣት ሽቶ (ቅመማ ቅመሞችን) ገዙ። ሲመጡም በጣም ባስደነገጣቸው ሁኔታ ድንጋዩ ተንከባሎ፣ መቃብሩ ባዶ ነበር።

መግደላዊት ማርያም በማለዳ ወደ መቃብሩ ከመጡት አንዷ ነበረች። ያየችውን ለመንገር ወደ ጴጥሮስና ወደ ዮሐንስ ሮጠች። እነርሱም ሁለቱ ወደዚያ ሮጡ። ዮሐንስ ከጴጥሮስ ቀድሞ በመጀመሪያ ደረሰ። ጎንበስ ብሎ ወደ ውስጥ ተመለከተና ኢየሱስ ተጠቅልሎበት የነበረውን የተልባ እግር ልብስ በዚያ ተቀምጦ አየ። ነገር ግን እርሱ ወደ ውስጥ አልገባም ነበር።

ጴጥሮስ ግን ወደ ውስጥ ገባና ተቀምጦ የነበረውን የተልባ እግር ልብስ አየ። በኢየሱስ ራስ ላይ የነበረውን የፊት መጎናጸፊያም ተመለከተ፣ ነገር ግን ከቀሩት ጨርቆች ጋር በአንድ ላይ አልነበረም፤ ይልቅ ተጣጥፎ ለብቻው ተቀምጦ ነበር። ዮሐንስ 20:8-10ን ያንብቡ። ተጣጥፎ የነበረው የፊት ጨርቅ ትርጉሙ ምን ነበር?

ጴጥሮስ ወደ መቃብሩ ከገባ በኋላ ዮሐንስ ደግሞ ገባ። ዮሐንስ 20፡8 ላይ ቃሉ ዮሐንስ ወደ ውስጥ ገብቶ እንዳየና እንዳመነ ይናገራል። የመቃብር ልብሶች እዚያው ተጋድመው እና የፊት መጎናጸፊያውም ተለይቶ ለብቻው ተጣጥፎ መቀመጡ ዮሐንስ ኢየሱስ ከሞት መነሳቱን እንዲያምን ያደረገው ለምንድነው?

ለዚህ ጥያቄ መልስ ለማግኘት በመጀመሪያ መቃብሩ ለምን ባዶ ሆነ ብሎ ማሰብ አስፈላጊ ነው። በጣም የተለመደው መልስ የመቃብር ዘራፊዎች ዘርፈውት ይሆናል የሚለው ነው። ነገር ግን ይህ ማብራሪያ ከሦስት ምክንያቶች የተነሳ ውድቅ ይሆናል። በመጀመሪያ፣ ማቴዎስ መቃብሩ እየተጠበቀ እንደነበረ ይነግረናል (ማቴ. 27፡62-66)፣ ይህም የመቃብር ዝርፊያን የማይመስል ያደርገዋል። በሁለተኛ ደረጃ፣ የመቃብር ዘራፊዎች በተለምዶ የሚሰርቁት ውድ የሆኑ ዕቃዎችን እንጂ እየበሰበሰ ያለን አስክሬን አይደለም። ሦስተኛ፣ የመቃብር ዘራፊዎች ተግባራቸውን በጥድፊያ የሚያከናውኑ ስለሆነ የመቃብር ልብስን አያጣጥፉም። ለዚህ ነው ዮሐንስ የፊት መጎናጸፊያውን ታጥፎ ባየ ጊዜ ኢየሱስ ከሞት እንደተነሳ ማመኑ ምንም የማያስደንቀው።

@SabbathSchool @TekalignSorato

SABBATH SCHOOL(ሰንበት ትምህርት )

17 Dec, 03:00

ማክሰኞ
ታህሣሥ 8
Dec 17

“ተፈፀመ”

ዮሐንስ 19፡17-22 እንደሚያሳየው፣ ጲላጦስ በላቲን፣ በግሪክ እና በዕብራይስጥ ቋንቋ “የአይሁድ ንጉሥ የናዝሬቱ ኢየሱስ” የሚል ጽሑፍ ጻፈ (ዮሐ. 19፡19)። የኃይማኖት መሪዎቹ ይህ እንዲለወጥ ይፈልጉ ነበር። ጲላጦስ ግን አልፈቀደም ነበር፤ እናም ስለ ኢየሱስ እውነት እና ኢየሱስ ንጉሥ ሆኖ በመስቀል ላይ እንደነገሠ ከሚጠቁሙት ምልክቶች አንዱ፣ ዝምተኛው ምሥክር የሆነው ጽሑፉ ከእርሱ ጋር አብሮ ተሰቀለ። እነሆ ኢየሱስ፣ በእውነት ንጉሣቸው፣ አዎ የአይሁድ ንጉሥ፣ እንደ ተራ ወንጀለኛ በመስቀል ላይ ተንጠልጥሎ ይታያል።

“ያ ማስታወቂያ እንደዚያ ተጽፎ እንዲሰቀል ያደረገ ከአይሁዶችና ከጲላጦስ በላይ የሆነ አንድ ኃይል ነበር። በእግዚአብሔር ጸጋ ይህ ማስታወቂያ ሰዎች ቅዱሳት መጻሕፍትን እንዲመረምሩ ለማድረግ አሳባቸውን የሚቀሰቅስ ነበር” (ኤለን ጂ ዋይት፣ የዘመናት ምኞት፣ ገጽ 791)። ዮሐንስ 19:25-27ን ያንብቡ። የኢየሱስን እናት በተመለከተ በመስቀል ላይ ምን ልብ የሚነካ ሁኔታ ተከሰተ?

በዚያን እለት በመስቀል ስር ከቆሙት መካከል የተወደደው ደቀ መዝሙር ዮሐንስ፣ የኢየሱስ እናት ማርያም እና ሌሎችም ይገኙበታል። ከብዙ አመታት በፊት፣ ዮሴፍ እና ማርያም ኢየሱስን ሊያስባርኩት ወደ ቤተ መቅደስ ባመጡት ጊዜ ስምዖን ይህንኑ ተንብዮ ነበር (ከሉቃስ 2፡34፣ 35 ጋር አነጻጽሩ)። አሁን ኢየሱስ በሚሞትበት ጊዜ፣ እናቱን “አንቺ ሴት፣ እነሆ ልጅሽ አላት” እና ዮሐንስን ደግሞ፣ “እናትህ እነኋት አለው” (ዮሐ. 19፡26፣ 27)። ዮሐንስ 19:28-30ን ያንብቡ። ኢየሱስ እየሞተ ሳለ የተናገረው “ተፈጸመ” የሚለው ቃል ምን ትርጉም አለው?

በቁጥር 28 ላይ የግሪክ “ቴሎ” (teleō) የሚለው ግስ (መጨረስ፣ ማጠናቀቅ፣ ማከናወን) “ሁሉ እንደተፈጸመ” ተብሎ የተቀመጠ ሲሆን በቁጥር 30 ላይ “ተፈፀመ” ተብሎ ጥቅም ላይ ከዋለው ግስ ጋር ተመሳሳይ ነው። በተጨማሪም፣ ተዛማጅ የሆነው “ቴሊዮ” (te- leio) የሚለው ግስ (መጨረስ፣ ፍጹም ማድረግ) በቁጥር 28 ላይ የቅዱሳት መጻሕፍትን ፍጻሜ በማመልከት “የመጽሐፉ ቃል ይፈጸም” ተብሎ ተቀምጧል። ምንም እንኳን ትዕይንቱ አሰቃቂ ቢሆንም፣ ሁሉም ነገር እየተፈጸመ፣ እየተሳካ፣ እየተጠናቀቀም ነበር። ኢየሱስ፣ “ተፈጸመ!” ሲል፣ አብ እንዲሠራው የሰጠውን ሥራ በመፈጸም፣ በማጠናቀቅ ላይ ነበር። ኢየሱስ “ተፈጸመ” ያለው ለእያንዳንዳችን ምን ትርጉም አለው? የተጠናቀቀው ነገር ምንድን ነበር? ይህስ በሕይወታችን ላይ እንዴት ተግባራዊ ይሆናል?

@SabbathSchool @TekalignSorato

SABBATH SCHOOL(ሰንበት ትምህርት )

16 Dec, 03:01

ሰኞ
ታህሣሥ 7
Dec 16

እነሆ ሰውዬው!

ዮሐንስ 18:38-19:5ን ያንብቡ። ጲላጦስ ሕዝቡ ኢየሱስ እንዲፈታ እንዲጠይቅ ለማሳመን የሞከረው እንዴት ነበር?

ጲላጦስ እውነትን በተመለከተ ከኢየሱስ መልስ አልጠበቀም ነበር። ይልቁንም ሕዝቡን ለማሳመን ወደ ውጭ ወጣ። ጲላጦስ ኢየሱስን በነፃ እንዲለቀቅ ከመፍቀድ ይልቅ ከሕዝቡ ጋር በመነጋገር ራሱን ለችግር ዳርጓል። የኃይማኖት መሪዎቹ ገዥውን በሕዝቡ አማካኝነት ለሚፈልጉት ዓላማ ሊጠቀሙበት እንደሚችሉ አውቀው ነበር።

ጲላጦስ በፋሲካ ወቅት አንድ እስረኛን ነፃ የመልቀቅ ልማድን በመጥቀስ ሕዝቡ “የአይሁድን ንጉሥ” እንዲፈታላቸው ይፈልጉ እንደሆነ ጠየቀ። በሚያስደንቅ እናም እንግዳ በሆነ ሁኔታ ህዝቡ ንፁህ የሆነውን ኢየሱስን ሳይሆን በርባን የተባለውን ወንበዴ እንዲፈታ ጠየቀ።

አሁን የኢየሱስ ፌዝ እና ውርደት የሚጀምርበት ጊዜ ደረሰ። የሮማውያን ወታደሮች የእሾህ አክሊል ጐንጕነው፣ ቀይ ልብስ አለበሱትና ወደ እርሱ እየመጡ የአይሁድ ንጉሥ እያሉ ማሾፍ ተያያዙ። የዚህ ዓይነት ሰላምታ ወታደሮቹ ለንጉሠ ነገሥቱ ከሚሰጡት የሰላምታ መንገድ ጋር ይመሳሰላል፤ ነገር ግን ይህ አሁን በፌዝ ነበር የተከናወነው።

ጲላጦስ የሕዝቡን ርኅራኄ በመጠቀም ኢየሱስን የሚፈታበትን መንገድ እየፈለገ ያለ ይመስላል። ኢየሱስ የእሾህ አክሊል ተጎንጉኖ እንዲጫንበትና ሐምራዊውን ልብስ ለብሶ እንዲወጣ አደረገው። ትዕይንቱ፣ በዮሐንስ አስተያየት ባይሰጥበትም፣ ነገር ግን ኢየሱስ ፌዘኛ የሆነውን የንጉሥ ልብስ ለብሶ፣ ገዥውም ሕዝቡን “እነሆ ሰውዬው!” (ዮሐ. 19፡5) ብሎ ሲጣራ ያሳያል። ይህ በዮሐንስ 1፡29 ያለውን የመጥምቁ ዮሐንስን ቃል አንባቢው እንዲያስታውስ ያደርጋል፣ “እነሆ የዓለምን ኃጢአት የሚያስወግድ የእግዚአብሔር በግ!” አንድ የአሕዛብ ገዥ፣ መሲሑን በዚህ ንጉሣዊ ዓይነት አለባበስ በእስራኤል ፊት ማቅረቡ እጅግ እንግዳ የሆነ ድርጊት ነበር።

ነገር ግን ሕዝቡ ዮሐንስ 19፡6-16 እንደሚያሳየው፣ ኢየሱስ የእግዚአብሔር ልጅ ነኝ ብሏል በሚለው መሠረት እንዲሰቀል ጠየቀ። ይህም የኢየሱስን መፈታት ይበልጥ የሚፈልገውን ጲላጦስን አስፈራው። ነገር ግን መሪዎቹ ኢየሱስን መልቀቅ ቄሳርን መቃወም ነው በማለት የኢየሱስን እጣ ፈንታ ያተሙ መሰለ። ጲላጦስ ለቄሳር ያለው ታማኝነት፣ ተመሳሳይ ሚናን እጫወታለሁ የሚለውን ሰው ሊፈታ እንዳይችል እንደሚያደርገው ያውቃሉ። መሪዎቹ ከቄሳር በቀር ሌላ ንጉሥ የለንም አሉ። ስለዚህ ሕዝቡ ለኢየሱስ ያላቸው ጥልቅ ጥላቻ ከብሔራዊ ኩራታቸው የሚበልጥ ነበር። ይህንን ኢየሱስን ለማስወገድ፣ አገራዊ የሆነውን ራስን በራስ የማስተዳደር መብትን እንኳን ለመሰዋት ፈቃደኞች ነበሩ። ኢየሱስን ሊያውቁት የሚገባቸው የአገሩ መንፈሳውያን መሪዎች እንዲሰቀል እየፈለጉ ሳለ በምትኩ አንድ አረማዊ ገዥ እሱን ሊፈታው መፈለጉን ማየት እንዴት አስፈሪ ነገር ነው! ከዚህ ለራሳችን ምን ዓይነት ትምህርት እናገኛለን?

@SabbathSchool @TekalignSorato

SABBATH SCHOOL(ሰንበት ትምህርት )

15 Dec, 03:00

እሑድ
ታህሣሥ 6
Dec 15

እውነት ምንድን ነው?

በዮሐንስ 18፡28-32፣ የኢየሱስ የፍርድ ሂደት በዝርዝር አልተገለጸም። ትኩረቱ የነበረው በጴንጤናዊው ጲላጦስ ፊት በቀረበው ኢየሱስ ላይ ነው። ዮሐንስ 18:33-38ን ያንብቡ። ጲላጦስ እና ኢየሱስ ስለ ምን ነበር የተነጋገሩት?

ገዥው ኢየሱስ የአይሁድ ንጉሥ እንደሆነ ጠየቀው (ዮሐ. 18፡33)። ይህ ማዕረጉ ለመጀመሪያ ጊዜ የተጠቀሰበት ሥፍራ ሲሆን ነገር ግን የመጨረሻው አልነበረም። ኢየሱስ ጲላጦስን ይህን ጥያቄ የጠየቀው ከራሱ ወይም ሌሎች እርሱ እንደሆነ ስላሉ ነው በማለት ጠየቀው። ጥያቄው ጠረጴዛውን ወደ ገዥው በማዞር እርሱ ከማን ጋር እየተናገረ እንደነበረ ተረድቶ እንደሆነ የሚያሳስብ ነበር። ይህንን የሚያነብ ኢየሱስ ንጉሥ መሆኑን ያውቃል። ገዥው ግን ያውቅ ይሆን?

ጲላጦስም በጥያቄ ሲመልስ “እኔ አይሁዳዊ ነኝን? ወገኖችህና የካህናት አለቆች ለእኔ አሳልፈው ሰጡህ፤ ምን አድርገሃል? አለው” (ዮሐ. 18:35)። ይህ ኢየሱስ ተግባራዊ አድርጎ የጠየቀውን ጥያቄ ለማስወገድ በብስጭት የተጠየቀ ጥያቄ ነበር። ጭፍን ጥላቻ አመለካከቱን እንዲገድበው በማድረግ ከእውነት የራቀ የገዢው የመጀመሪያ እርምጃ ነበር።

ኢየሱስ መንግሥቴ ከዚህ ዓለም አይደለችም ብሎ መለሰ (ዮሐ. 18፡36)።

ጲላጦስም ኢየሱስ ከንግግሩ ንጉሥ ነኝ እያለ እንደሆነ ወደ ድምዳሜ ደረሰ (ዮሐ. 18፡37)። ይህም ኢየሱስን ለእውነት ለመመስከር መወለዱን እና “ከእውነት” የሆነ ሰው ሁሉ ድምፁን እንደሚሰማ ወደ ገለጸው ጠቃሚ ማብራሪያ መራው (ዮሐ. 18፡37)።

ከዚያም ጲላጦስ፣ “እውነት ምንድን ነው?” ሲል ጠየቀ (ዮሐ. 18፡38)። ነገር ግን መልሱን አልጠበቀም ነበር። ይልቁንም ኢየሱስን ከሕዝቡ ለማዳን ወደ ውጭ ወጣ።

እውነት የዮሐንስ ወንጌል ዋናው ሐሳብ (ጭብጥ) ነው። እንደ ዘላለማዊ ቃል (ሎጎስ፣ ዮሐ. 1፡1-5)፣ ኢየሱስ ብርሃን እና እውነት ነው። ይህ ሁሉ ከጨለማ እና ከስህተት ጋር ተቃራኒ የሆነ ነው። እርሱ በጸጋና በእውነት የተሞላ ነው (ዮሐ. 1፡14)። ጸጋና እውነት በእርሱ በኩል መጣ (ዮሐ. 1፡17)። መጥምቁ ዮሐንስ ስለ እውነት መስክሯል (ዮሐ. 5፡33)። ኢየሱስ አባቱ “እውነት” መሆኑን አረጋግጧል (ዮሐ. 7፡28)። ኢየሱስ ራሱ እውነትን ከአባቱ ሰምቷል (ዮሐ. 8፡40)። ኢየሱስ “መንገድ፣ እውነትና ሕይወት” ነው (ዮሐ. 14፡6)። የእግዚአብሔር ቃል “እውነት” ነው (ዮሐ. 17፡17)። ጲላጦስ በተሳሳተ አመላካከቱ፣ ቀደም ሲል ባደረጋቸው ውሳኔዎችና ከደረሰበት ጫና የተነሳ እውነቱን የማወቅ አጋጣሚን አጣ። ኢየሱስ እውነት ነው የሚለውን ሃሳብ እንዴት ትረዱታላችሁ?

@SabbathSchool @TekalignSorato

SABBATH SCHOOL(ሰንበት ትምህርት )

15 Nov, 03:00

ዓርብ
ህዳር 6
Nov 15

ተጨማሪ ሀሳብ

ከኤለን ጂ ዋይት፣ የኃይማኖት አባቶችና ነቢያት መፅሐፍ “የእምነት መፈተን” ከገጽ 145-155 እና የዘመናት ምኞት ከሚለው መፅሐፍ ደግሞ “የሱስ በጲላጦስ ፍርድ ቤት” ከሚለው ከገጽ 723-740 ያንብቡ። ቶማስ “በየሱስ እግር ላይ ወድቆ “ጌታዬ አምላኬም” ሲል ጮኸ።” “የሱስ የቶማስን እምነት ተቀብሎ ስለ ጥርጣሬው አንተስ “ስለ አየኸኝ አምነሃል፤ ሳያዩ የሚያምኑ ብፁዓን ናቸው” ሲል በጥንቃቄ ገሰጸው። ቶማስ ከወንድሞቹ በሰማው ምስክርነት አምኖ ቢሆን ኖሮ እምነቱ የሱስን የበለጠ ያስደስተው ነበር። ዓለም የቶማስን አርአያነት ቢከተል ኖሮ ማንም ከኃጢአት ስለ መዳን አያምንም ነበር። ሰዎች በክርስቶስ የሚያምኑት የሌሎችን ምስክርነት በመቀበል ነው። “እንደ ቶማስ ተጠራጣሪ የሆኑ ብዙ ሰዎች ቶማስ ከባልንጀሮቹ እንደተሰጠው ያለ ማስረጃ ቢያገኙ እንደሚያምኑ በመናገር ራሳቸውን ለመከላከል ይሞክራሉ። ያ ብቻ ሳይሆን ከዚያ የበለጠ ማስረጃ እንዳላቸው አይገነዘቡም። እንደ ቶማስ ለጥርጣሬ ምክንያት የሆነው ሁሉ እስኪወገድ የሚጠብቁ ብዙ ሰዎች ፍላጎታቸውን አይገነዘቡም። እንደዚህ ያሉ ሰዎች ቀስ በቀስ ጽኑ ኢ-አማኞች ይሆናሉ። መጥፎ ነገርን ብቻ ለማየት ራሳቸውን የሚያሰለጥኑና የሚያጉረመርሙ ሰዎች የሚሠሩትን አያውቁም። የጥርጣሬ ዘር ይዘራሉ፣ የጥርጣሬ መከርን ይሰበስባሉ። እምነትና መተማመን እጅግ አስፈላጊ በሚሆንበት ጊዜ ብዙዎች ተስፋ ለማድረግና ለማመን አቅም ያንሳቸዋል” (ኤለን ጂ ዋይት፣ የዘመናት ምኞት፣ ገጽ 855)።
የመወያያ ጥያቄዎች

1. በአብርሃም እና በቶማስ የእምነት መግለጫዎች ውስጥ ያለው አስፈላጊ ልዩነት ምንድን ነው? ከታሪካቸው ምን እንማራለን? 2. በዮሐንስ ወንጌል ላይ እንዳየነው በጥናት ቡድናችሁ ውስጥ፣ ፈቃደኛ የሆኑት ስለ ኢየሱስ እንዲመሰክሩ አድርጉ። ዘገባዎቹ ሊለያዩ ቢችሉም የሚመሰክሩት ሰዎች ምን ይላሉ? ሁሉም ስለ አንድ ጌታ የሚመሰክሩት እንዴት ነው? 3. ጲላጦስ “እውነት ምንድን ነው?” የሚል በጣም ፍልስፍናዊ ጥያቄ ጠየቀ። ለዚህ ጥያቄ በዮሐንስ ወንጌል ሁሉ ላይ ካጠናነው አንጻር መልሳችሁን ስጡ። 4. በዳንኤል 2 እና 7 ላይ የሚገኙትን ትንቢቶች ተመልከቱ። ምንም እንኳን በኢየሱስ ዘመን የነበሩት ሰዎች እነዚህ ሁለት ምዕራፎች የነበሯቸው ቢሆንም፣ ትንቢቶቹ ፍጻሜያቸውን በማግኘታቸውና ከዚህም የበለጠ ለማመን ብዙ ምክንያቶች ስለሚገኙ ዛሬ ላይ ለምንገኝ ምን ትልቅ ዕድል አለን?

@SabbathSchool @TekalignSorato

SABBATH SCHOOL(ሰንበት ትምህርት )

14 Nov, 03:01

ሐሙስ
ህዳር 5
Nov 14

ስለ ኢየሱስ የምንሰጠው የእኛ ምስክርነት

ዮሐንስ ስለ ኢየሱስ የመሰከሩትን ደጋግሞ ሲያቀርብ፣ ነጥቡ እኛን ወደ አንድ ትልቅ መደምደሚያ ለማድረስ ነው፡- “የሱስም በዚህ መጽሐፍ ያልተጻፈ ሌላ ብዙ ምልክት በደቀ መዛሙርቱ ፊት አደረገ፤ ነገር ግን ኢየሱስ እርሱ ክርስቶስ የእግዚአብሔር ልጅ እንደ ሆነ ታምኑ ዘንድ፥ አምናችሁም በስሙ ሕይወት ይሆንላችሁ ዘንድ ይህ ተጽፎአል” (ዮሐንስ 20:30፣ 31)። በአካል፣ በሥጋ በዚያ መገኘትን አስቡና ኢየሱስ እነዚህን ብዙ ተአምራት ሲፈጽም ተመልከቱ። በእርግጠኝነት እናምናለን አይደል? እኛ እንደዚህ ማሰብ እንፈልጋለን፤ ነገር ግን በአንዳንድ ሁኔታዎች፣ ተአምራቱን ከተመለከቱት ሰዎች የበለጠ በኢየሱስ ለማመን የሚያነሳሱ ምክንያቶች አሉን። ለምን? በዛሬው ዘመን ላይ የምንገኝ ሰዎች፣ በኢየሱስ ዘመን የነበሩ ሰዎች ግን የሌላቸው አንዳንድ ለማመን ሊረዱን የሚገቡ ነገሮች የትኞቹ ናቸው? ለምሳሌ ማቴ. 24፡2፣ ማቴ. 24፡14፣ ማቴ. 24፡6-8 ተመልከቱ።

Save Notes

ይህ ደግሞ በዮሐንስ ወንጌል ውስጥ የሚገኙት ኃይለኛ ዘገባዎች ስላሉን ብቻ ሳይሆን፣ ኢየሱስና ሌሎች የመጽሐፍ ቅዱስ ጸሐፊዎች የተነበዩት አብዛኛው ሲፈጸም የማየት ትልቅ አንጻራዊ ዕድል ስላለን ነው። ለምሳሌ እንደ ቤተ መቅደሱ ጥፋት (ማቴ. 24፡2)፣ ወንጌል በዓለም ዙሪያ መስፋፋቱ (ማቴ. 24፡14)፣ ታላቁ ክህደት (2ኛ ተሰ. 2፡3)፣ እና ዓለም የወደቀች እና ክፉ ቦታ ሆና መቀጠሏ ሊጠቀስ ይችላል (ማቴ. 24፡6-8)። በኢየሱስ ሕይወት እና አገልግሎት ጊዜ ሁሉ፣ የእርሱ ተከታዮች አናሳ እና ትንኮሳ የሚፈጸምባቸው እንዲሁም በሁሉም የሰው ልጅ ደረጃዎች ከረጅም ጊዜ በፊት ከታሪክ መጥፋት የነበረባቸው ወንዶች እና ሴቶች ነበሩ። እነርሱ እኛ ዛሬ እንደምናውቀው፣ እነዚህ ሁሉ ነገሮች እንደሚፈጸሙ እንዴት ሊያውቁ ቻሉ? እነርሱ ግን ያውቁ ነበር። በእርግጥ፣ የእኛ የራሳችን እምነት እንኳን ኢየሱስ ወንጌል ለዓለም ሁሉ እንደሚሄድ የተናገረው ትንቢት ፍጻሜ ሆኖ ይገኛል። እና ዛሬ ከሁለት ሺህ ዓመታት ገደማ በኋላ፣ እኛም የኢየሱስ ተከታዮች እንደመሆናችን መጠን፣ ስለ ኢየሱስና ስላደረገልን ነገር የመመሥከር መብት አለን። ኢየሱስ መሲሕ መሆኑን ለራሳችን ማወቅ የምንችለው በናትናኤል፣ በኒቆዲሞስ፣ በሰማርያ ሴት ወይም በፈሪሳውያን በኩል በተሰጠው ምክንያት አይደለም። ኢየሱስን የዓለም አዳኝ አድርገን የምንቀበለው በመንፈስ ቅዱስ የወቀሳ ኃይልና ቅዱሳት መጻሕፍትን በማንበብ ነው። ከዚያም እያንዳንዳችን፣ በራሳችን መንገድ እና ራሳችን ከእግዚአብሔር ጋር ካለን ግንኙነት የተነሳ የምንናገረው ታሪክ ሊኖረን ይችላል። ታሪካችን ሙታን ሲነሱ ወይም ከመወለዱ ጀምሮ ዓይነ ስውር የነበረው ሲፈወስ የማየት ያህል አስደናቂ ላይሆን ይችላል፤ ነገር ግን ይህ ምንም ችግር የለውም። ዋናው ነገር ኢየሱስን በግላችን ማወቃችን እና በዮሐንስ ወንጌል ውስጥ እንደተጠቀሱት በራሳችን መንገድ ስለ እርሱ መመስከራችን ነው።

@SabbathSchool @TekalignSorato

SABBATH SCHOOL(ሰንበት ትምህርት )

13 Nov, 03:00

ረቡዕ
ህዳር 4
Nov 13

የቶማስ ምስክርነት

ዮሐ. 20:19-31ን ያንብቡ። ስለ እምነት እና ጥርጣሬ ከቶማስ ታሪክ ምን እንማራለን? ቶማስ የሠራው ትልቅ ስህተት ምንድን ነው?

Save Notes

ክርስቶስ ከትንሣኤው በኋላ በፍርሃት ምክንያት በአንድ ክፍል ውስጥ ተዘግተው በነበሩበት ጊዜ ለደቀ መዛሙርቱ ተገለጠላቸው። ቶማስ ግን ከእነርሱ ጋር አልነበረም። በኋላም የትንሣኤውን ዘገባ ከሌሎቹ ደቀ መዛሙርት ሰማ፣ ሆኖም እርሱ ግን ተስፋ ቆረጠ። እርሱ ስለ መንግሥቱ ከሳለው ምሥል ጋር አልገጠመለትም። ደግሞም ኢየሱስ እርሱ በሌለበት ሰዓት ለምን ራሱን ለሌሎች እንደገለጠ ሳያስብ አልቀረም።

ቶማስም “የችንካሩን ምልክት በእጆቹ ካላየሁ ጣቴንም በችንካሩ ምልክት ካላገባሁ እጄንም በጎኑ ካላገባሁ አላምንም አላቸው” (ዮሐ. 20:25)።

ቶማስ የእምነቱን ሁኔታ እየመራ ነበር። ይህ በኢየሱስ የማመን አቀራረብ በዮሐንስ ወንጌል ውስጥ ተደጋግሞ ታይቷል። ኒቆዲሞስ ለኢየሱስ መልሶ፡- “ሰው ከሸመገለ በኋላ እንዴት ሊወለድ ይችላል?” አለ (ዮሐ. 3፡4)። በጕድጓዱ አጠገብ የነበረችው ሴት “ጌታ ሆይ፥ መቅጃ የለህም ጕድጓዱም ጥልቅ ነው፤ እንግዲህ የሕይወት ውኃ ከወዴት ታገኛለህ?” በማለት ጠየቀች (ዮሐ. 4፡11)። እንጀራውንና ዓሣውን የተመገቡት ሰዎችም “ምን ምልክት ታደርጋለህ?” ብለው ጠየቁ (ዮሐ. 6፡30)።

የዮሐንስ ወንጌል የሚቃወመው ይህንን “እዩ ከዚያም እመኑ” የሚለውን አተያይ ነው።

ኢየሱስ ከትንሣኤ በኋላ ቶማስን ባገኘው ጊዜ፣ ከሙታን የተነሳውን ሥጋውን መጥቶ እንዲያይ እና እንዲዳስሰው ጋበዘው። ከዚያ በኋላ ግን “ሳያዩ የሚያምኑ ብፁዓን ናቸው” አለ (ዮሐ. 20፡29)።

“እግዚአብሔር እምነታችንን ለመመስረት የሚያስችል በቂ ማስረጃ ሳይሰጠን እንድናምን ፈጽሞ አይጠይቀንም። ስለ ህልውናው፣ ስለ ባህሪይው እና ስለ ቃሉ እውነተኛነት የሚያረጋግጡልን ለአእምሮአችን አጥጋቢ የሆኑ ምስክሮች ከመጠን በላይ ሰጥቶናል። ሆኖም ግን እግዚአብሔር የጥርጣሬ በሮችን ሁሉ አልዘጋም። በዓይን የሚታይ ማረጋገጫ ባናገኝም እምነታችን በማስረጃዎች ላይ መመስረት አለበት” (ኤለን ጂ ዋይት፣ ወደ ክርስቶስ የሚመራ መንገድ፣ ገጽ 101)።

በእግዚአብሔር ቃል፣ በፍጥረት፣ እና በግል ተሞክሮ፣ በኢየሱስ ላይ ለማመን በሚያስደንቅ ሁኔታ ማስረጃ ተሰጥቶናል። አንድ ሰው በኢየሱስ ለምን ታምናለህ? ብሎ ቢጠይቃችሁ ምን ትላላችሁ?

@SabbathSchool @TekalignSorato

SABBATH SCHOOL(ሰንበት ትምህርት )

12 Nov, 18:52

Live stream finished (1 hour)

SABBATH SCHOOL(ሰንበት ትምህርት )

12 Nov, 17:48

https://www.youtube.com/live/UXjOTyPalgo?si=yqf5zlfmHOFaq8zq

SABBATH SCHOOL(ሰንበት ትምህርት )

12 Nov, 17:38

https://t.me/sabbathschool?livestream=f03431d3631ca2f3dd

SABBATH SCHOOL(ሰንበት ትምህርት )

12 Nov, 17:34

Live stream started

SABBATH SCHOOL(ሰንበት ትምህርት )

12 Nov, 03:00

ማክሰኞ
ህዳር 3
Nov 12

ጲላጦስ ሳያውቀው የሰጠው ምስክርነት

ዮሐንስ የሃይማኖት መሪዎቹ ኢየሱስን ለመያዝ፣ ለፍርድ ለማቅረብ እና የሞት ፍርድ ሊያስፈርዱበት ያደረጉትን ሙከራ በተደጋጋሚ ዘግቧል። በኢየሱስ ብዙ ጊዜ የተነገረውና በዮሐንስ ወንጌል ውስጥም ያለው ጭብጥ፣ ኢየሱስ ጊዜው ወይም ሰዓቱ ገና አልደረሰም የሚለው ነበር፤ ይህም እርሱ የሚሰቀልበት ጊዜ መሆኑ ነው (ዮሐ. 2:4፤ ዮሐንስ 7:6፣ 8፣ 30፤ ዮሐ. 12:7፣ 23፣ 27፤ ዮሐ. 13:1፤ ዮሐ. 17:1)። አሁን ሰዓቱ ደርሶ ነበር። ኢየሱስ በጌቴሴማኒ የአትክልት ስፍራ ተይዞ፣ ወደ ሐና፣ ከዚያም ወደ ሊቀ ካህናቱ ቀያፋ፣ ከዚያም ሁለት ጊዜ በጲላጦስ ፊት ቀረበ። ኢየሱስ እርሱ ክርስቶስ ስለመሆኑ የሚመሰክሩትን ብዙ ምስክሮች ዮሐንስ ከሁሉም የሕይወት አቅጣጫ በመውሰድ ጠቅሷል። አሁን ዮሐንስ ገዥ ወደሆነውና ኢየሱስን ወደሚመረምረው ጲላጦስ ያመላክታል። ይህ አስፈላጊ ምስክር ነበር፤ ምክንያቱም ጲላጦስ ሮማዊ፣ ገዥ እና ዳኛ ነበር፤ ሌሎቹ አብዛኛዎቹ ምስክሮች አይሁዶች እና ተራ ሰዎች ነበሩ። የጲላጦስ ፍርድ ከዮሐንስ ወንጌል ጭብጥ ጋር የተያያዘው እንዴት ነው? ዮሐ. 18:38፣ ዮሐ. 19:4-22።

Save Notes

ኢየሱስ አርብ በማለዳ ወደ ጲላጦስ ተወሰደ (ዮሐ. 18፡28)። ዕቅዱ የነበረው በፍጥነት እስረኛውን እጣ ፈንታው ወደሆነው መስደድ ነበር። ይሁን እንጂ የኢየሱስ ውጫዊው ገፅታ የጲላጦስን ትኩረት ሳበው። ገዥው ኢየሱስን አቅርቦት ጠየቀው እና “እኔ ለእውነት ልመሰክር ስለዚህ ተወልጃለሁ ስለዚህም ወደ ዓለም መጥቻለሁ፤ ከእውነት የሆነ ሁሉ ድምፄን ይሰማል” የሚለውን ከአንደበቱ ሰማ (ዮሐ. 18:37)። ምንም እንኳን ገዥው በመጨረሻ በኢየሱስ ላይ የሞት ፍርድ ቢፈርድም፣ ኢየሱስን ንፁህ እንደሆነ አውጆ ነበር (ዮሐ. 18:38፤ ዮሐ. 19:4፣ 6)። በመስቀሉ ላይ ደግሞ “የአይሁድ ንጉሥ የናዝሬቱ ኢየሱስ” (ዮሐ. 19:19) የሚለውን ቃል በመጻፍ ስለ ኢየሱስ ማንነት የሰጠውን ምስክርነት አጠናቋል። እናም ምንም እንኳን ስለ ክርስቶስ ንፁህነት ቢመሰክርም፣ ኢየሱስን በሞት እንዲቀጣ ፈርዶበታል። ከጲላጦስ ፊት እውነት ራሱ ቆሞ ነበር እናም ህዝቡ እንዲዘብቱበት በመፍቀድ፣ ጲላጦስ በኢየሱስ ላይ ሞት ፈረደበት! ይህ ሕሊናችሁና ልባችሁ ትክክል መሆኑን የሚነግሯችሁን አለመከተልን በተመለከተ እንዴት ያለ አሳዛኝ ምሳሌ ነው! የሕዝብ ስሜት አልፎ ተርፎም ግፊት ትክክል ነው ብለን የምናምንበትን ነገር እንዳናደርግ ስለ መፍቀድ አደጋ ከጲላጦስ ምሳሌ ምን እንማራለን?

@SabbathSchool @TekalignSorato

SABBATH SCHOOL(ሰንበት ትምህርት )

11 Nov, 03:00

ሰኞ
ህዳር 2
Nov 11

የማርያም ምስክርነት

ከፋሲካ ስድስት ቀናት በፊት ኢየሱስ ማርያምን፣ ማርታንና ከሞት ያስነሳውን ወንድማቸውን አልዓዛርን ሊጠይቃቸው መጣ። ከለምጽ የተፈወሰው ስምዖን ኢየሱስ ላደረገለት ነገር የምስጋና ግብዣ አዘጋጀ። ማርታ ታገለግል ነበር፣ አልዓዛርም ከእንግዶቹ ጋር በማዕድ ተቀምጦ ነበር (ዮሐንስ 12፡1-8)። በዚህ ሥፍራ የማርያም ድርጊት አስፈላጊነት ምኑ ላይ ነበር? ይህ ኢየሱስ ማን እንደነበር የሚመሰክረው እንዴት ነው? ዮሐንስ 12፡1-3።

Save Notes

ሽቶው በጣም ውድ ነበር፣ ለአንድ ሠራተኛ የአንድ አመት ደሞዝ ዋጋ ያለው ነው። ማርያም ምናልባት ይህን ስጦታ ያመጣችው አዳኙ ለኃጢአቷ ይቅርታ ስላደረገና እና ወንድሟን ከሞት ስላስነሳ የምስጋና መግለጫ እንዲሆን ሊሆን ይችላል። አንድ ቀን ደግሞ ይህ ለኢየሱስ መቃብር እንዲሆን አስባ ነበር። ነገር ግን በቅርቡ ንጉሥ ሆኖ እንደሚቀባ ሰማች። እንደዚያ ከሆነ ደግሞ ለእርሱ ክብር የሚሆነውን ለማምጣት የመጀመሪያዋ ትሆናለች ማለት ነው። ማርያም የምታደርገው እንዲታወቅ አላሰበችም ይሆናል፣ ነገር ግን ዮሐንስ “ቤቱም ከናርዶስ ሽቱ ሞላ” በማለት ተናግሯል (ዮሐንስ 12፡3)። ይሁዳ ሽቶው ተሽጦ ትርፉ ለድሆች መሰጠት ነበረበት በማለት በፈጣን ተግሣጽ አፀፋውን ሰጠ። ኢየሱስ ወዲያውኑ “ተውአት ድሆችስ ሁልጊዜ ከእናንተ ጋር ይኖራሉና፥ እኔ ግን ሁልጊዜ ከእናንተ ጋር አልኖርም” በማለት ማርያምን አፅናናት (ዮሐ. 12፡7-8)። ተደጋግሞ የሚመጣ አንድ ጭብጥ ሐሳብ በወንጌል ውስጥ ይታያል። ኢየሱስ በሰዎች ውስጥ ያለውን ያውቃል (ዮሐ. 2:24-25፤ ዮሐ. 6:70-71፤ ዮሐ. 13:11፤ ዮሐ. 16:19)። በዚህ ሁኔታ በስምዖን ግብዣ ላይ፣ ኢየሱስ በይሁዳ ውስጥ የነበረውን ያውቅ ነበር። ዮሐንስ ይሁዳ ማን እንደሆነ ለመጠቆም ጥንቃቄ አድርጓል፤ ራሱን የሚያገለግል ሌባ ነው በማለት (ዮሐ. 12፡6)። “ማርያም በጌታ አስክሬን ላይ ለመርጨት ያቀደችውን የጥሩ መዓዛ ስጦታ በሕያው አካሉ ላይ ቀባችው። ሽቶውን በአስክሬኑ ላይ አፍስሳው ቢሆን ኖሮ ያ ጣፋጭ ሽታ የሚያውደው መቃብሩን ነበር፤ አሁን ግን ሽቶው የሃይማኖትዋና የፍቅርዋ መግለጫ ሆኖ ስለቀረበ ጌታን እጅግ አስደሰተው። … ጌታ የሱስ ወደ ታላቁ የፈተና ጨለማ ሲገባ ማርያም ያደረገችለት የፍቅር መግለጫ ከኃጢአት ያዳናቸው ጻድቃን ለዘላለም የሚገልጹለት ፍቅር ማስታወሻ ሆነው” (ኤለን ጂ ዋይት፣ የዘመናት ምኞት፣ ገጽ 577)። ኢየሱስ በማርያም እና በይሁዳ ልብ ውስጥ ያለውን ያውቅ ነበር። እርሱ በእናንተ ልብ ውስጥም ያለውን ያውቃል። ይህ እውነት እኛን ለመለወጥና ለመሸፈን ክርስቶስ ጽድቃችን የመሆኑን አስፈላጊነት በተመለከተ ምን ሊነግረን ይገባል?

@SabbathSchool @TekalignSorato

SABBATH SCHOOL(ሰንበት ትምህርት )

10 Nov, 03:01

እሑድ
ህዳር 1
Nov 10

ወደ አብርሃም ተመልሶ መስማት

ኢየሱስ ስለ ማንነቱ በመግለጽ ወይም አብርሃምን ጨምሮ ከብዙ ጊዜ በፊት የነበሩትንና ስለ ማንነቱ የመሰከሩትን እንኳ ለማንሳት አላፈረም ነበር። “አባታችሁ አብርሃም ቀኔን ያይ ዘንድ ሐሤት አደረገ፥ አየም ደስም አለው” (ዮሐ.8:56)። የአብርሃም ምስክርነት በዮሐንስ ወንጌል ውስጥ እስኪካተት ድረስ በጣም አስፈላጊ የሆነው ለምንድነው? ዘፍ. 12፡3፣ ዘፍ.18፡16–18፣ ዘፍ.26፡4፣ ማቴ. 1፡ 1፣ የሐዋርያት ሥራ 3፡25።

Save Notes

“እግዚአብሔር በሰጠው ተስፋ “ወንጌልን ለአብርሃም አስቀድሞ አስታወቀው” (ገላ. 3፡8)፡፡ የአብርሃም እምነት ደግሞ ወደፊት በሚመጣው አዳኝ ላይ የተመሰረተ ነበር፡፡ ክርስቶስ ለአይሁዶች እንዲህ ብሎአቸዋል “አባታችሁ አብርሃም ቀኔን ለማየት ተስፋ በማድረግ ተደሰተ አየም፤ ሐሴትም አደረገ” (ዮሐ 8፡56)፡፡ በይስሐቅ ምትክ የቀረበው በግ ስለ እኛ መስዋዕት የሆነልንን የእግዚአብሔር ልጅ ይወክላል፡፡ የሰው ልጅ አምላካዊውን ሕግ በመተላለፉ ምክንያት ሞት ሲፈረድበት፤ እግዚአብሔር አብ ወደ ልጁ እየተመለከተ ኃጢአተኛውን እንዲህ አለው፡- “በአንተ ምትክ የሚሞትልህን ስላገኘሁ እነሆ በህይወት ትኖራለህ” (ኤለን ጂ ዋይት፣ የኃይማኖት አባቶችና ነቢያት፣ ገጽ 169) አብርሃም የአይሁድ ሕዝብ አባት ነበር። በእርሱ በኩል አሕዛብ ሁሉ እንደሚባረኩ የተገባውን ቃል ተቀበለ። ይህ በረከት የመጣው ከእርሱ ዘር በተወለደው በመሲሑ ነው። አብርሃምም ለእግዚአብሔር በእምነት ምላሽ ለሚሰጡ ሰዎችም አባት ነበር (ዕብ. 11፡8፣ 17- 19)። የተስፋው ልጅ የሆነውን ልጁን ይስሐቅን (ዘፍ. 22) ለመሠዋት የነበረው ፈቃደኛነት የእምነት ማረጋገጫ ብቻ ሳይሆን የመዳን ዕቅድ መስኮት ነበር። ኢየሱስ “አባታችሁ አብርሃም ቀኔን ያይ ዘንድ ሐሤት አደረገ” ሲል (ዮሐ. 8:56) መሪዎቹም “ገና አምሳ ዓመት ያልሆነህ አብርሃምን አይተሃልን?” በማለት ምላሽ ሰጡ (ዮሐ. 8:57)። የኢየሱስ መልስ አስደናቂ ነበር። “እውነት እውነት እላችኋለሁ፥ አብርሃም ሳይወለድ እኔ አለሁ” (ዮሐ. 8:58)። ኢየሱስ በሚቃጠለው ቁጥቋጦ ውስጥ እግዚአብሔር ለሙሴ የተናገረውን የሚያስታውስ ቋንቋን ተጠቀመ። ይህን ሲል ራሱን የቻለ አምላክ ነኝ ማለቱ ነበር። ምንም ጥያቄ የለውም፣ መሪዎቹ የተናገረውን አንድምታ ተረድተዋል ምክንያቱም ከዚያ በኋላ “ሊወግሩት ድንጋይ አነሡ” (ዮሐንስ 8፡59)። ሮሜ 4፡1-5ን ያንብቡ። እዚህ ላይ ጳውሎስ ይህን የአብርሃምን ታሪክ ከሕግ ስራ ውጭ በእምነት ብቻ የሆነውን ታላቁን የመዳን እውነት ለመግለፅ እንዴት አድርጎ ተጠቀመ? እነዚህ ጥቅሶች አብርሃም በእምነት ለሚኖሩ ሰዎች አባት ነው የሚለውን ሐሳብ እንድንረዳ የሚረዱን እንዴት ነው?
@SabbathSchool @TekalignSorato

SABBATH SCHOOL(ሰንበት ትምህርት )

09 Nov, 17:08

ጥቅምት 30 - ህዳር 6
7ኛ ትምህርት
Nov 9 - 15

የሚያምኑ ብፁአን ናቸው

ሰንበት ከሰዓት በኋላ
ለዚህ ሳምንት የመጽሐፍ ቅዱስ ጥናት የሚተከሉትን ጥቅሶች ያንብቡ፡ ዮሐ. 8:54–58, ዘፍ. 12:3፣ ሮሜ. 4:1-5, ዮሐ. 12:1-8፣ ዮሐ. 19:4-22፣ ዮሐ 20:19-31፣ ዳን. 2፣ ዳን. 7።

የመታሰቢያ ጥቅስ፡ “የሱስም ስለ አየኸኝ አምነሃል፤ ሳያዩ የሚያምኑ ብፁዓን ናቸው አለው” (ዮሐ. 20፡29)።
ዮ ሐንስ በወንጌሉ ውስጥ ስለተለያዩ ሰዎች ይናገራል፤ የተለያየ አስተዳደግ፣ እምነት እና ልምምዶች ያላቸው ቢሆኑም ሁሉም ኢየሱስ ማን እንደሆነ ይመሰክራሉ። “እነሆ የእግዚአብሔር በግ!” (ዮሐ. 1:36)። “መሢሕን አግኝተናል” (ዮሐ. 1:42)። “ሙሴ በሕግ ነቢያትም ስለ እርሱ የጻፉትን …አግኝተነዋል” (ዮሐ. 1:45)። “መምህር ሆይ፥ አንተ የእግዚአብሔር ልጅ ነህ፤ አንተ የእስራኤል ንጉሥ ነህ አለው!” (ዮሐ. 1:50)። “እንጃ እርሱ ክርስቶስ ይሆንን?” (ዮሐ. 4:29)። “እኛ ራሳችን ሰምተነዋልና፤ እርሱም በእውነት ክርስቶስ የዓለም መድኃኒት እንደ ሆነ እናውቃለን” (ዮሐ. 4:42)። “ጌታ ሆይ፥ ወደ ማን እንሄዳለን? አንተ የዘላለም ሕይወት ቃል አለህ” (ዮሐ. 6:68)። “አንተ ወደ ዓለም የሚመጣው ክርስቶስ የእግዚአብሔር ልጅ እንደ ሆንህ እኔ አምናለሁ” (ዮሐ. 11:27)። “ዕውር እንደ ነበርሁ አሁንም እንዳይ” (ዮሐ. 9:25)። “እነሆ ንጉሣችሁ” (ዮሐ. 19:14)። “እኔስ አንዲት በደል ስንኳ አላገኘሁበትም” (ዮሐ. 19:6)። “ጌታዬ አምላኬም” (ዮሐ. 20:28)። ከእነዚህ ሰዎች መካከል አንዳንዶቹ እነማን ነበሩ፣ እናም ስለ ኢየሱስ ማንነት የመሰከሩት ለምን ነበር? *የዚህን ሳምንት ትምህርት በማጥናት ለሕዳር 7 ሰንበት ይዘጋጁ።
@SabbathSchool @TekalignSorato

SABBATH SCHOOL(ሰንበት ትምህርት )

08 Nov, 18:46

Live stream finished (1 hour)

SABBATH SCHOOL(ሰንበት ትምህርት )

08 Nov, 18:01

https://www.youtube.com/live/uF_ZMifIdzI?si=e4AIUKSPSu9hqdA4

SABBATH SCHOOL(ሰንበት ትምህርት )

08 Nov, 17:33

https://t.me/sabbathschool?livestream=5678a1bf7ab6fb23c7

SABBATH SCHOOL(ሰንበት ትምህርት )

08 Nov, 17:31

Live stream started

SABBATH SCHOOL(ሰንበት ትምህርት )

08 Nov, 03:01

ዓርብ
ጥቅምት 29
Nov 8

ተጨማሪ ሀሳብ

ከኤለን ጂ ዋይት፣ የዘመናት ምኞት ከሚለው መፅሐፍ “አስጊ ሁኔታ በገሊላ” ገጽ 383-394፤ “በቤተ መቅደስ የውጭ አደባባይ” ገጽ 621፣ 626 ያንብቡ። “ወደ ማን እንሄዳለን?” የእስራኤል መምህራን የስግደት ሥርዓትና ሕግጋት ባሮች ነበሩ። ፈሪሳውያንና ሰዱቃውያን ዘወትር እንደተነታረኩ ናቸው። ከየሱስ መለየት ማለት በስግደት ሥርዓት አምላኪዎችና በሕልማቸውና በእውናቸው የራሳቸውን ክብር ብቻ በሚያስቡ ሰዎች እጅ መውደቅ ማለት ነው። ደቀ መዛሙርት ክርስቶስን ከተቀበሉ ወዲህ ከዚያ በፊት አግኝተውት የማያውቁትን ሰላምና ደስታ አግኝተዋል። እንዴት የኃጥአንን ወዳጅ ወደናቁትና ወደአሳደዱት ሰዎች ይሔዳሉ? ለብዙ ዘመን ሲጠብቁት የነበረው መሲህ መጥቶላቸዋል። ስለሆነም እርሱን ትተው ሕይወቱን ለማጥፋት ወደሚፈልጉትና እነርሱም የመሲሑ ተከታይ በመሆናቸው ወደሚያሳድዱዋቸው ሰዎች መሔድ አይችሉም። “ወደ ማን እንሄዳለን?” የክርስቶስን የፍቅርና የምሕረት ትምህርት ትቶ ወደ አለማመንና ወደ አመጽ የጨለማ ዓለም መሔድ የማይታሰብ ነገር ነው። የየሱስን አስደናቂ ሥራ ያዩ ብዙ ሰዎች ትተውት ሲሔዱ ጴጥሮስ “አንተ ክርስቶስ የሕያው የእግዚአብሔር ልጅ እንደ ሆንህ” አውቀናል በማለት የደቀ መዛሙርቱን እምነት ገለጸ። የነፍሳቸውን መልህቅ የማጣት ሐሳብ ፍርሃትና ጭንቀት ለቀቀባቸው። አዳኛቸውን ማጣት ማለት በጨለማ በባሕር ላይ በማዕበል መነዳት ማለት ነው” (ኤለን ጂ ዋይት፣ የዘመናት ምኞት፣ ገጽ 393)።
የመወያያ ጥያቄዎች

1. አንዳንድ ሰዎች ኢየሱስ መሲሕ ስለመሆኑ እና ስለ ክርስትና እውነት ማስረጃ ሲሰጣቸው በደስታ የሚቀበሉት እና ሌሎች ደግሞ ተመሳሳይ ማስረጃ ቢሰጣቸውም የማይቀበሉት ለምን እንደሆነ፣ ስለዚህ ከባድ ጥያቄ በቡድናችሁ ውስጥ ተነጋገሩ? 2. ኢየሱስ ክርስቶስ ለኃጢአታችን ሞቷል ከሚለው የበለጠ ምን እውነት አለ? ሆኖም፣ ይህን ወሳኝ እውነት ማወቅ የቻልነው እንዴት ነው? በሳይንስ፣ በተፈጥሮ ህግ፣ በተፈጥሮ ነገረ-መለኮት፣ በሎጂክ ወይም በምክንያት ነው? ምንም እንኳን እነዚህ ነገሮች ፈጣሪ በሆነው እግዚአብሔር እንድናምን ሊመሩን ቢችሉም፣ ነገር ግን የመጀመሪያው ምክንያት፣ የማይንቀሳቀሰው አንቀሳቃሽ፣ እነዚህ የጥናት መስኮች ምንም ይሁኑ ምንም፣ ለብቻቸው ወይም በጋራ ሆነው፣ ማወቅ ያለብንን በጣም አስፈላጊ እውነት ሊያስተምሩን አይችሉም። ክርስቶስ ስለ ኃጢአታችን ሞተ። እነዚህ ሁሉ የትምህርት ዓይነቶች፣ በመርሕ ደረጃም ቢሆን እንኳን፣ በእርግጥ ማወቅ ወደሚገባን አንድ ነገር ሊመሩን አለመቻላቸውና መጽሐፍ ቅዱስን በእምነት ጉዳዮች ላይ የመጨረሻው ባለስልጣን ማድረግ ምን ያህል አስፈላጊ መሆኑ ሊያስተምረን የሚገባው እውነታ ምንድን ነው? 3. አምላክ በአንድ ሰው የግል ሕይወት ውስጥ ያደረጋቸውን ነገሮች መናገሩ በራሱ ለእምነት በጣም አስፈላጊ የሆነው ለምንድን ነው?

@SabbathSchool @TekalignSorato

SABBATH SCHOOL(ሰንበት ትምህርት )

07 Nov, 03:01

ሐሙስ
ጥቅምት 28
Nov 7

የሕዝቡ ምስክርነት

“ከበዓሉም በታላቁ በኋለኛው ቀን ኢየሱስ ቆሞ። ማንም የተጠማ ቢኖር ወደ እኔ ይምጣና ይጠጣ። በእኔ የሚያምን መጽሐፍ እንዳለ፥ የሕይወት ውኃ ወንዝ ከሆዱ ይፈልቃል ብሎ ጮኸ” (ዮሐ. 7:37-38)። ኢየሱስ ስለ ራሱ፣ ስለ ማንነቱና ምን ሊያደርግ እንደመጣ በድፍረት የተናገረውን ዮሐንስ ብዙ ጊዜ መዝግቦ ነበር። ከላይ በዮሐንስ 7፡37-38 ድረስ የተጠቀሱት ቃላቶች ኢየሱስ ስለ ራሱ እና ወደ እርሱ ለሚመጡት ሁሉ ምን እንደሚያደርግ የተናገረውን የሚገልጽ ሌላ ምሳሌ ነው። እነዚህም አስገራሚ የይገባኛል ጥያቄዎች ነበሩ። ኢየሱስ በዳስ በዓል ላይ ለነበሩት አይሁዳውያን ሲናገር የብዙ ሰዎች ምላሽ ምን ነበር? ዮሐንስ 7፡37-53።

Save Notes

አንዳንዶች እርሱ እንደ ሙሴ ከረጅም ጊዜ በፊት የተተነበየለት ነቢይ ነው ብለው ነበር (ዘዳ. 18፡15-19 ይመልከቱ)። ሌሎች ደግሞ ኢየሱስን ክርስቶስ ነው ብለው አስበዋል። ነገር ግን ይህ መሲሑ ከገሊላ ስለማይመጣ፣ ከዳዊት ዘር ሆኖ በቤተልሔም መወለድ አለበት የሚለውን ክርክር አስነሳ፤ ምንም እንኳን ብዙዎች ይህንን ያወቁ ባይመስልም፣ ስለ ኢየሱስ የተባሉት እነዚህ ሁሉ እውነት ነበሩ! (ከማቴዎስ 1-2 ጋር አነጻጽሩ) ሊያስሩት የመጡ ወታደሮች እንኳን በእሱ እና በንግግሮቹ አንደበተ ርቱዕነት ተቸገሩ። ፈሪሳውያን ለወታደሮቹ ሌላ ጥያቄ በመጠየቅ መልስ ሰጡ “ከአለቆች ወይስ ከፈሪሳውያን በእርሱ ያመነ አለን?” (ዮሐ. 7፡ 48)። ይህ የፈሪሳውያን ጥያቄ ዮሐንስ ከኢየሱስ ጋር ከተገናኘ በኋላ ኢየሱስን ከፈሪሳዊያን ተንኮል ለመጠበቅ ሲፈልግ ስለነበረው ስለኒቆዲሞስ ለመናገር እንደገና እድል ሰጠው። “ሕጋችን አስቀድሞ ከእርሱ ሳይሰማ ምንስ እንዳደረገ ሳያውቅ በሰው ይፈርዳልን? አላቸው” (ዮሐ. 7፡51)። ኒቆዲሞስ ኢየሱስን መሲሕ አድርጎ ተቀብሎት ይሆን? ምንም እንኳን ይህ ትዕይንት እርሱን እንደ መሲሕ እንደተቀበለው ባያረጋግጥም፣ በዚህና ኢየሱስ ከሞተ በኋላ ባደረገው ድርጊት መካከል (ዮሐ. 19:39፣ 40ን ተመልከቱ) መጽሐፍ ቅዱስ ኒቆዲሞስ በእርሱ እንዳመነ ጠንካራ ማስረጃ ይሰጠናል። እናም ለጥያቄያቸው ትክክለኛው መልስ የሚሆነው፣ አዎን እንደውም ከፈሪሳውያን አንዱ በእርሱ አምኗል የሚል ነው። ዮሐንስ 7:49ን ያንብቡ። መሪዎቹ ኢየሱስን ተከትለው ለመጣው ሕዝብ ያላቸውን ንቀት በሚያሳይ መልኩ የተናገሩት ምን ነበር? ከዚህ ላይ ምን ትምህርት ልንወስድ እንችላለን?

@SabbathSchool @TekalignSorato

SABBATH SCHOOL(ሰንበት ትምህርት )

06 Nov, 03:01

ረቡዕ
ጥቅምት 27
Nov 6

የአብ ምስክርነት

የዮሐንስ ወንጌል የሚጀምረው ስለ ቃሉ (ሎጎስ) ከእግዚአብሔር ጋር እንዳለ በመናገር ነው፤ ይህም ከእግዚአብሔር አብ ጋር ማለት ነው (ዮሐ. 1፡1)። ቃል ሥጋ ሲሆን መንፈስ በጥምቀቱ ጊዜ በእርሱ ላይ በማረፍ ስለ ኢየሱስ መሰከረ (ዮሐ. 1፡32-34)። ነገር ግን አብም በምድራዊ አገልግሎቱ ወቅት ስለ ኢየሱስ ይመሰክራል። ዮሐንስ 5:36-38ን ያንብቡ። እዚህ ላይ ኢየሱስ ስለ አብ ምን አለ?

Save Notes

ኢየሱስ አብን ካደረጋቸው ሥራዎችና ተአምራቶች ጋር ያያይዛል። አብ እንደላከው እና ስለ እርሱም እንደመሰከረ በጣም በግልጽ ተናግሯል። ማቴዎስ 3:17፣ ማቴዎስ 17:5፣ ማርቆስ 1:11፣ እና ሉቃስ 3:22ን ያንብቡ (በተጨማሪም 2ኛ ጴጥ. 1:17፣ 18 ተመልከቱ)። አብ ስለ የሱስ ምን ይላል?

Save Notes

በኢየሱስ ጥምቀት ጊዜ፣ አብ እና መንፈስ ቅዱስ ከልጁ ጋር በመሆን ይህን አስፈላጊ አጋጣሚ ማለትም የኢየሱስን አገልግሎት መጀመርን አመልክተዋል። አብ ኢየሱስ በእርሱ ደስ የሚሰኝበት የሚወደው ልጁ እንደሆነ ይናገራል። ነገር ግን በዮሐንስ ወንጌል ውስጥ እንደተዘገበው በክርስቶስ ወሳኝ በሆነ የአገልግሎት ወቅት፣ አብ በድጋሚ ይናገራል። በዚያ አገልግሎት የመጨረሻዎቹ ቀናት ነገሮች ከፍተኛ ደረጃ ላይ እየደረሱ ነበር። የኃይማኖት መሪዎቹ እሱን ሊያስቆሙት አልቻሉም (ዮሐ. 12፡19ን ይመልከቱ)። አሁን ከመቼውም ጊዜ ይልቅ እንዲሞት ይፈልጉ ነበር። አልዓዛርን ከሞት እንዳስነሳው የሰሙ ሰዎች፣ የሕዝቡ ቁጥሩ እየጨመረ በመጣ ጊዜ እጅግ ደስ ብሏቸው (ዮሐ. 12: 17፣ 18) ኢየሱስን መከተል ጀመሩ። ለበዓሉ እዚያ የነበሩት ግሪኮች እንኳ ኢየሱስን ለማየት ይፈልጉ ነበር። በዚህ ጊዜ፣ በዮሐ. 12፡28 ላይ “አባት ሆይ ስምህን አክብረው” ብሎ ለተናገረው ለኢየሱስ ቃል ምላሽ አብ ከሰማይ ሆኖ “አከበርሁት ደግሞም አከብረዋለሁ” በማለት በድጋሚ ተናግሯል (ዮሐ. 12:28)። ቀደም ሲል እንዳየነው የኢየሱስ የክብር ሰዓት መስቀሉ ነው። ስለዚህ፣ ስለ ኢየሱስ የሚሰጠውን የአብ ምስክርነት፣ የእግዚአብሔር በግ ለዓለም ኃጢአት ሲል የሚሰዋውን ታላቅ መስዋዕት ያመለክታል። ይህ የምድራዊ አገልግሎቱ ፍጻሜ ነው። የእርሱ ሞት የኃጢአታችንን ቅጣት በሙላት ከፍሏል፣ እናም በእርሱ በማመን መዳን እንጂ ያንን ቅጣት ራሳችን ልንጋፈጠው አይገባንም።

@SabbathSchool @TekalignSorato

SABBATH SCHOOL(ሰንበት ትምህርት )

05 Nov, 18:32

Live stream finished (1 hour)

SABBATH SCHOOL(ሰንበት ትምህርት )

05 Nov, 17:38

https://t.me/sabbathschool?livestream=57856d683418c69431

SABBATH SCHOOL(ሰንበት ትምህርት )

05 Nov, 17:32

Live stream started

SABBATH SCHOOL(ሰንበት ትምህርት )

05 Nov, 03:01

ማክሰኞ
ጥቅምት 26
Nov 5

ተቀባይነት እና ተቃውሞ

ሁለተኛው የሰንበት ትምህርት በዮሐንስ 6 ላይ ስለ 5,000 ሰዎች አመጋገብ ገልጿል፤ ነገር ግን የዚያ ታሪክ የመጨረሻውን ክፍል አልዳሰሰም ነበር፤ ይህም አሁን የምናጠናው ይሆናል። ዮሐንስ 6:51-71ን ያንብቡ። ኢየሱስ ሰዎች ለመቀበል ችግር እንዳለባቸው በተመለከተ ምን አለ?

Save Notes

በኢየሱስ አማካኝነት በተአምር ከተመገቡ በኋላ፣ ሰዎቹ ኢየሱስን ንጉሥ አድረገው ዘውድ ሊጭኑበት ተዘጋጅተው ነበር (ዮሐ. 6፡1-15)። በኋላ ግን በቅፍርናሆም ምኵራብ ከእነርሱ ጋር ሲነጋገር፣ የተአምራቱን መንፈሳዊ ትርጉም ገለጸ፤ “እኔ የሕይወት እንጀራ ነኝ” በማለት ተናግሯል (ዮሐ. 6፡35)። ይህ እንጀራ ለዓለም ሕይወት ሲል የሚሰጠው ሥጋው እንደሆነ በሰፊው ገልጿል (ዮሐ. 6፡51)። ይህ አባባል ኢየሱስ ምድራዊ ንጉሣቸው እንደማይሆን የሕዝቡን ዓይን የከፈተ እውነታ ነበር። ምድራዊ አስተሳሰብ ከፈጠረው አቋም ጋር ሳይገጥም ቀረ። እነርሱ ሲያስቡ የነበረውን መንገድ በመቀየር እንዲለወጡ የሚያደርገውን ኢየሱስን እንደ መሲሕ እንዲያውቁና እንዲቀበሉት የሚያደርገውን መንገድ ሳይቀበሉ ቀሩ። በዚህ ጊዜ ብዙዎቹ ደቀ መዛሙርቱ ትተውት ሄዱ (ዮሐ. 6፡66)። ከሰብዓዊነት አንፃር ይህ ለኢየሱስ ከባድ ሊሆን ይችላል። የሕዝቡ ተቀባይነት ደስ ይላል። መወደድን የማይፈልግ ማነው? ነገር ግን ብዙ ሰዎች ወደ ኋላ ሲመለሱ እና የአንድን ሰው መርሖዎች ጥያቄ ውስጥ ሲያስገቡ ማየት ተስፋ አስቆራጭ ተፈጥሮ አለው። ሕዝቡ ሲሄድ አይቶ፣ ኢየሱስ የእርሱ የቅርብ የሆኑትን አስራ ሁለቱን፣ እነሱም መሄድ ይፈልጉ እንደሆነ ጠየቃቸው። በዚህ ጊዜ ነበር ጴጥሮስ አስደናቂ የሆነውን ምስክርነት የገለጸው፤ ይህ ኢየሱስ ምን እንዳለው እና ስለ ማንነቱ የተሰጠ ሌላ ምስክርነት ነው። “አንተ የዘላለም ሕይወት ቃል አለህ፤ እኛስ አንተ ክርስቶስ የሕያው የእግዚአብሔር ልጅ እንደ ሆንህ አምነናል አውቀናልም ብሎ መለሰለት” (ዮሐ. 6:68፣ 69)። ደቀ መዛሙርቱ ከኢየሱስ ጋር ለተወሰኑ ዓመታት አብረው ሲጓዙ፣ ተአምራቱን ሲያዩ፣ ስብከቱን ሲሰሙ ነበር። ከእርሱ ጋር የሚወዳደር ማንም እንደሌለ ከልምድ አውቀዋል። ምንም እንኳን አንዳንድ ሁኔታዎች ያልተለመዱ ቢሆኑም፣ ይህ ሰው የመምጣቱን ዓላማ የቱንም ያህል ባይረዱም መሲሕ መሆኑን በማመን ጸንተው ነበር። ኢየሱስ ለምን እንደ መጣ መረዳት የጀመሩት ከሞቱና ከትንሳኤው በኋላ ነው። ብዙሃኑ ብዙውን ጊዜ ስህተት ስለመሆኑ ከዚህ ታሪክ ምን እንማራለን? በተለይም በብዙዎች ክርስቲያኖች ዘንድ እንኳ ተቀባይነት ከሌላቸው የእምነታችን ገጽታዎች አንጻር፣ ይህንን ማስታወስ ያለብን ለምንድን ነው?

@SabbathSchool @TekalignSorato

SABBATH SCHOOL(ሰንበት ትምህርት )

04 Nov, 03:01

ሰኞ
ጥቅምት 25
Nov 4

ስለ መሲሑ አዲስ ግንዛቤ

ዮሐንስ 1:32-36ን ያንብቡ። እዚህ ላይ መጥምቁ ዮሐንስ ስለ ኢየሱስ፣ ሕዝቡ በጣም ሲጠበቅ ስለነበረው መሲሕ፣ ነገር ግን ስላልተዘጋጀበት ሁኔታ ምን አለ?

Save Notes

አይሁዶች ከሮም አገዛዝ ነፃ የሚያወጣቸውን መሲሕ ይጠባበቁ ነበር። በጭቆና ውስጥ ለረዥም ጊዜ የቆዩት አይሁዳውያን መሲሑ ሮምን እንደሚያስወግድ ብቻ ሳይሆን ታላቅና ኃያል ሕዝብ አድርጎ እንደሚያቋቁማቸው ያምኑ ነበር። ይሁን እንጂ ዮሐንስ ኢየሱስን “የእግዚአብሔር በግ” ብሎ መጥራቱ፣ ምንም እንኳን በቀጥታ ወደ ቤዛ መስዋዕቱ ቢያመላክትም፣ አብዛኛዎቹ ሰዎች ሳይረዱት ቀርተው ሊሆን ይችላል። የሚናገረውን ሁሉ ጨርሶ ላያውቁም ይችላሉ። በመሆኑም ዮሐንስ በወንጌሉ ስለ መሲሑ ያላቸውን ግንዛቤ በመቀየር፣ ስለሚመጣው ንጉሥ የሚናገሩት ትንቢቶች በኢየሱስ ፍጻሜ እንዳገኙና እርሱ ስለሚያደርጋቸው ነገሮች እንዲገነዘቡ ለማድረግ ፈልጎ ነበር። እርሱ የሚመጣው እንደ ፖለቲካ እና ወታደራዊ መሪ ሆኖ ሳይሆን ነገር ግን ራሱን ለዓለም ኃጢአት መስዋዕት አድርጎ በማቅረብ ነበር። አላማውም ያ ነበር። ከዚያ በኋላ ብቻ፣ ሁሉም ነገር ሲፈጸም ነው የመጨረሻው መንግሥት የሚመጣው (ዳን. 7፡18ን ይመልከቱ)። “የሱስ በተጠመቀ ጊዜ፣ ዮሐንስ የሱስ የእግዚአብሔር በግ እንደሆነ ሲናገር ስለ መሲሑ ሥራ አዲስ ብርሃን መከሰቱ ነበር። የነቢዩ አእምሮ “ለመታረድ እንደሚነዳ ጠቦት፥ በሸላቶቹም ፊት ዝም እንደሚል በግ፥ እንዲሁ አፉን አልከፈተም” ወደሚለው ወደ ኢሳያስ ትንቢት አመራ (ኢሳ. 53፡7)።” (ኤለን ጂ ዋይት፣ የዘመናት ምኞት፣ ገጽ 121) ዮሐንስ በዮሐንስ 1፡31 ላይ “እኔም አላውቀውም ነበር” ይላል። ታዲያ ዮሐንስ ኢየሱስን መሲሕ መሆኑን ያወቀው እንዴት ነው? መልሱ ዮሐንስን የላከው ጌታ አስቀድሞ፡- “መንፈስ ሲወርድበትና ሲኖርበት የምታየው፥ በመንፈስ ቅዱስ የሚያጠምቅ እርሱ ነው አለኝ። እኔም አይቻለሁ እርሱም የእግዚአብሔር ልጅ እንደ ሆነ መስክሬአለሁ” (ዮሐ. 1:33፣ 34) በሚለው ውስጥ ነው። በሌላ አነጋገር፣ እግዚአብሔር ኢየሱስ መሲሕ መሆኑን ለዮሐንስ ገለጠለት። “የእግዚአብሔር ኃይልና የእግዚአብሔር ጥበብ የሆነው ክርስቶስ ነው” (1ኛ ቆሮ. 1:24)። ኢየሱስ እርሱ ክርስቶስ መሆኑን ማወቅ፣ በመንፈሱ የማሳመን ኃይል አማካኝነት ከእግዚአብሔር ከራሱ የሚመጣ ነው። ይህ ጭብጥ በዮሐንስ ውስጥ በተደጋጋሚ ይታያል። መዳን ከዓለማዊ ፍልስፍና፣ ሳይንስ ወይም ከፍተኛ ትምህርት አይመጣም። በእምነት እና በመታዘዝ ለኢየሱስ ወደተሰጠ ልብ ከእግዚአብሔር ብቻ ይመጣል። ለእኛ ካልተገለጠልን በቀር ኢየሱስ የስርየታችን መስዋዕት የመሆኑን እውነት እንዴት እናውቃለን? ታዲያ መጽሐፍ ቅዱስንና ስለ ኢየሱስ የሚያስተምረውን ነገር ማወቅ በጣም አስፈላጊ የሆነው ለምንድን ነው?

@SabbathSchool @TekalignSorato

SABBATH SCHOOL(ሰንበት ትምህርት )

03 Nov, 15:53

እሑድ
ጥቅምት 24
Nov 3

የነፍስ ትሕትና፡- መጥምቁ ዮሐንስ

እንደገና ይመሰክራል ሁለተኛው ትምህርት የመጥምቁ ዮሐንስ ምስክር የመጀመሪያዎቹን ደቀ መዛሙርት ማለትም እንድሪያስንና ዮሐንስን፣ ጴጥሮስ፣ ፊሊጶስንና ናትናኤልን ወደ ኢየሱስ እንዴት እንዳመጣቸው ይገልጻል። አንድ ሰው መጥምቁ ምስክርነቱን ከሰጠ በኋላ ከአከባቢው ይሄዳል ብሎ ይጠብቅ ይሆናል። ነገር ግን በዮሐንስ ወንጌል ውስጥ በተደጋጋሚ ይመጣል። ዮሐንስ 3:25-36ን ያንብቡ። መጥምቁ ዮሐንስ ራሱን ከኢየሱስ ጋር የሚያነጻጽረው እንዴት ነው?

Save Notes

በመጥምቁ ዮሐንስ ደቀ መዛሙርት እና ስሙ ባልተገለጸ አንድ አይሁዳዊ መካከል ስለ መንጻት አለመግባባት ተፈጠረ፤ ይህም ደግሞ የጥምቀትን ውጤታማነት የሚመለከት ጥያቄ ሊሆን ይችላል (ከማር. 1:4፣ 5 ጋር አነጻጽሩ)። ያለ ጥርጥር ጥያቄውን ለመፍታት ደቀ መዛሙርቱ ወደ ዮሐንስ ሲመጡ፣ በሚገርም ሁኔታ “እነሆ፥ እርሱ ያጠምቃል ሁሉም ወደ እርሱ ይመጣሉ’’ ብለው ስለ ኢየሱስ አነሱለት። በጥቅሶቹ መካከል ለማንበብ አስቸጋሪ አይደለም፡ በኢየሱስ ቀንተዋል፤ እንዲሁም ለመምህራቸው እና ለራሳቸውም ቀናተኞች ነበሩ። ለዮሐንስ በቅናት ውስጥ ለመግባት በጣም ቀላል ይሆን ነበር፤ ነገር ግን አላደረገውም፣ ምክንያቱም ተልዕኮው ምን እንደሆነ ያውቅ ነበርና። ከዚህ ይልቅ ደቀ መዛሙርቱን እርሱ ክርስቶስ ነኝ ብሎ ፈጽሞ እንዳልተናገረ አሳስቧቸዋል። በተቃራኒው ወደ እርሱ ሊያመለክት፣ መንገዱን ሊጠርግለት፣ ስለ እርሱ ሊመሰክር ነበር የመጣው (ዮሐንስ 1፡6-8)። የሠርግ ምሳሌን በመጠቀም ራሱን የሙሽራው ወዳጅ ኢየሱስን ደግሞ ሙሽራው ብሎ ጠራ። ሙሽራይቱ የእግዚአብሔር ሕዝብ መሆኑ ነው (ከሆሴዕ 2፡16-23፣ ኢሳ. 62፡1-5 ጋር አነጻጽሩ)። ከዚያም የዮሐንስን እውነተኛ ታላቅነት በሚያሳዩ ቃላት “እርሱ ሊልቅ እኔ ግን ላንስ ያስፈልጋል” አለ (ዮሐ. 3፡30)። ዮሐንስ 3፡31–36 በኢየሱስ እና በዮሐንስ መካከል ያለውን ንጽጽር ይቀጥላል፣ ይህም የመሲሑን ከመንገድ ጠራጊው በላይ መሆን ያሳያል። ወደ ኢየሱስ በማመላከት የተሰጠው የዮሐንስ ምስክርነት፣ የምስክርነትን ሐሳብ እንደገና አጽንዖት እንዲሰጠው አድርጓል። ያንን ምስክር የተቀበሉ እና በኢየሱስ የሚያምኑ የዘላለም ሕይወት አላቸው። እርሱን ያልተቀበሉት በእግዚአብሔር ቁጣ ሥር ይቀራሉ። ጽሑፉ የሚለው ይህንን ነው። እግዚአብሔር ዓለምን ስለሚወድ ዓለምን ለመቤዠት ልጁን ላከ (ዮሐ. 3፡16፣17)። ነገር ግን የተሰጣቸውን ስጦታ እምቢ ያሉ ሰዎች ለኃጢአታቸው ቅጣቱን ማለትም የዘላለም ሞትን መክፈል ይኖርባቸዋል። በእግዚአብሔርም ሆነ በሰው ፊት የትሕትናን ትምህርት እንዴት ልንማር እንችላለን? ስለ ነፍስ ትሕትና ከዮሐንስ ምሳሌ ምን ልንማር እንችላለን?

@SabbathSchool @TekalignSorato

SABBATH SCHOOL(ሰንበት ትምህርት )

03 Nov, 15:52

ጥቅምት 23 - 29
6ኛ ትምህርት
Nov 2 - 8

ስለ ኢየሱስ የተሰጡ ተጨማሪ ምስክርነቶች

ሰንበት ከሰዓት በኋላ
ለዚህ ሳምንት የመጽሐፍ ቅዱስ ጥናት የሚተከሉትን ጥቅሶች ያንብቡ፡ ዮሐ. 3፡25-36፣ ዮሐ. 1፡32-36፣ ዳን. 7፡18፣ ዮሐ. 6፡51-71፣ ዮሐ. 5፡36-38፣ ዮሐ. 7፡37-53።

የመታሰቢያ ጥቅስ፡ “እኔም ከምድር ከፍ ከፍ ያልሁ እንደ ሆነ ሁሉን ወደ እኔ እስባለሁ” (ዮሐ. 12፡32)።
ኢ የሱስ ስለ ራሱ፣ ስለ ማንነቱ፣ ማን እንደላከው፣ ወይም ከየት እንደመጣ ብቻ አስገራሚ ነገሮችን አልተናገረም። ባደረጋቸው ተአምራትና ምልክቶችም ማንነቱን አሳይቷል። አንዳንዶች ስለ ኢየሱስ በግልጽ እንደሚመሰክሩት፡- “ክርስቶስ በመጣ ጊዜ ይህ ካደረጋቸው ምልክቶች ይልቅ ያደርጋልን? አሉ” (ዮሐ. 7፡ 31)። እርሱ የቃሉን እውነት በሚያረጋግጡ ተግባራት ቃላቱን ደግፏል። ድራማው ሲቀጥል ግን በህዝቡ መካከል መለያየት ይጀምራል። በቤተሳይዳ መጠመቂያ አጠገብ ያለው ሰው ፈውስ የአንዳንድ መሪዎችን ቁጣ ቀስቅሷል። 5,000 ሰዎችን መመገቡን ተከትሎ በቅፍርናሆም የተደረገው ውይይት ኢየሱስን ብዙ ሰዎች እንዳይቀበሉ አድርጓል። የአልዓዛር ትንሣኤ በአንዳንዶች ላይ እምነት ቢፈጥርም በሌሎች ላይ ግን የኢየሱስን ፍርድ እና ሞት የሚያስከትል ጠላትነት እንዲፈጠር አድርጓል። የዚህ ሳምንት ትምህርት ስለ ኢየሱስ ከተሰጡ ምስክርነቶች የተወሰኑትን ይመለከታል። በእነዚህ በእያንዳንዳቸው ክንውኖች ውስጥ፣ የኢየሱስ እውነተኛ ማንነት አንዳንድ ገጽታዎች የተገለጡ ሲሆን፣ በአንድ ላይ ሆነው ስለ መሲሑ ኢየሱስ ጥልቅ ራእይ ፈጥረዋል። የዚህን ሳምንት ትምህርት በማጥናት ለጥቅምት 30 ሰንበት ይዘጋጁ።

@SabbathSchool @TekalignSorato

SABBATH SCHOOL(ሰንበት ትምህርት )

01 Nov, 18:54

Live stream finished (1 hour)

SABBATH SCHOOL(ሰንበት ትምህርት )

01 Nov, 18:31

A, ኢየሱስ “በመንፈስና በእውነት” ማምለክ ሲል ምን ማለቱ ነው? ይህስ በዛሬው ጊዜ በእኛ ላይ የሚሠራው እንዴት ነው?

SABBATH SCHOOL(ሰንበት ትምህርት )

01 Nov, 18:02

https://www.youtube.com/live/_wus5ViQD6k?si=5sNHLuKKRzrHjIkH

SABBATH SCHOOL(ሰንበት ትምህርት )

01 Nov, 17:52

https://www.youtube.com/live/NjPZ_49D8E4?si=GbxJV7OSns6REbRi

SABBATH SCHOOL(ሰንበት ትምህርት )

01 Nov, 17:31

https://t.me/sabbathschool?livestream=a9edca58d47e2a4122

SABBATH SCHOOL(ሰንበት ትምህርት )

01 Nov, 17:27

Live stream started

SABBATH SCHOOL(ሰንበት ትምህርት )

01 Nov, 17:03

ዛሬ Live በ YouTube ና Telegram Channel ይጠብቁን
#Subscribe #Share #Like #Comment

SABBATH SCHOOL(ሰንበት ትምህርት )

01 Nov, 03:02

ዓርብ
ጥቅምት 22
Nov 1

ተጨማሪ ሀሳብ

የኤለን ጂ ዋይትን «በያዕቆብ ጉድጓድ» ገጽ 183–195፣ ከዘመናት ምኞት ውስጥ ያንብቡ። “ሳምራዊቷ ሴት አዳኛችንን እንዳገኘችው ወዲያውኑ ሌሎችን ወደ እርሱ አመጣች። ከደቀ መዛሙርቱ የተሻለች ወንጌላዊት መሆንዋን አስመሰከረች። ደቀ መዛሙርቱ በሰማርያ ለወንጌል ሥራ የሚያደፋፍር ሁኔታ አልታያቸውም ነበር። ትኩረታቸው ወደ ፊት በሚከናወን ትልቅ ሥራ ላይ ነበር። በዙሪያቸው ለመሰብሰብ የደረሰ አዝመራ መኖሩ አልታያቸውም። ነገር ግን በናቅዋት ሴት አማካይነት የአንድ ከተማ ሕዝብ በሙሉ አዳኛችንን ለመስማት መጣ። ለወገኖችዋ ብርሃንን በአንድ ጊዜ አዳረሰች። “ይህች ሴት የተግባራዊ እምነት አሠራር ምሳሌ ናት። እያንዳንዱ እውነተኛ ደቀ መዝሙር ለእግዚአብሔር መንግሥት ወንጌላዊ ለመሆን ተወልዷል። ከሕይወት ውኃ የጠጣ ሁሉ እራሱ ምንጭ ይሆናል። ተቀባዩ ሰጪ ይሆናል ማለት ነው። በነፍስ ውስጥ የክርስቶስ ጸጋ ሁሉን ለማርካት እንደሚፈልቅና ለመጥፋት የተቃረቡትን ሁሉ ከሕይወት ውሃ ለመጠጣት ጉጉት እንዲያድርባቸው እንደሚያደርግ የምድረ በዳ ምንጭ ነው” (ኤለን ጂ ዋይት፣ የዘመናት ምኞት፣ ገጽ 184)።
የመወያያ ጥያቄዎች

1. በጥናት ቡድናችሁ ውስጥ፣ ለእሁዱ የመጨረሻ ጥያቄ የሰጣችኋቸውን መልሶች ተመልከቱ። በጉዳዩ ላይ ፍጹም ሀቀኛ ሁኑ። እናንተ ራሳችሁ ለሌሎች እንዳትመሰክሩ የሚያግዷችሁ፣ በባህላችሁ ውስጥ ያሉ እንደ ነውር የሚታዩ ነገሮች ምንድን ናቸው? 2. ኢየሱስ ከራሱ ሰዎች በተቃራኒ በሳምራውያን መካከል እንዲህ ያለ የሞቀ አቀባበል የተደረገለት ለምን ይመስላችኋል? 3. ራሳችንን በዚያች ሳምራዊት ሴት ቦታ እናስቀምጥ። አንድ እንግዳ ሰው መጥቶ ጥልቅ ምስጢሯን እንደሚያውቅ ያሳውቃታል። ማንኛውም ሰው፣ ያውም ደግሞ እንግዳ፣ እነዚህን ነገሮች እንዴት ሊያውቅ ቻለ? በኢየሱስ መገረሟ ምንም አያስደንቅም። ጌታ ጥልቅ እና በጨለማ ውስጥ የደበቅናቸውን ምሥጢሮች እንኳ ሳይቀር ስለ እኛ ሁሉንም ነገር እንዴት እንደሚያውቅ ይህ ታሪክ ምን ሊነግረን ይገባል? ግን ደግሞ፣ ምስጢራችንን እያወቀ እንኳ እርሱ እኛን እንዴት ሊንከባከበን እንደሚፈልግ እሷን ያስተናገደበት መንገድ ምን ይለናል? ከዚህ እውነት ምን ማጽናኛ ማግኘት እንችላለን? 4. ኢየሱስ በውኃ ጉድጓድ አጠገብ ለነበረችው ሳምራዊት ሴት ባከናወነው አገልግሎት ውስጥ እስካሁን የተማርናቸው በዮሐንስ ወንጌል ውስጥ የሚገኙት የትኞቹ ርዕሰ ጉዳዮች ናቸው?

@SabbathSchool @TekalignSorato

SABBATH SCHOOL(ሰንበት ትምህርት )

31 Oct, 03:01

ሐሙስ
ጥቅምት 21
Oct 31

የሳምራውያን ምስክርነት

ዮሐንስ 4:27-29ን ያንብቡ። ሴትዮዋ ምን አስገራሚ እርምጃ ወሰደች?

Save Notes

ኢየሱስ ከሴቲቱ ጋር ያደረገው ውይይት የተቋረጠው ደቀ መዛሙርቱ በመጡ ጊዜ ነው። ከሴት ጋር መነጋገሩ ቢገርምም አልጠየቁትም ነበር። ይልቁንም እንዲበላ ገፋፉት። ሴቲቱ በበኩሏ የውሃ ማሰሮዋን ትታ ከኢየሱስ ጋር ያጋጠማትን ነገር ለሌሎች ለማካፈል ወደ ከተማዋ በፍጥነት ሮጠች። ዮሐንስ 4:30-42ን ያንብቡ። ከዚህ ገጠመኝ በኋላ ምን ሆነ? ወንጌል እንዴት ሊስፋፋ እንደሚችልስ ምን ያስተምራል?

Save Notes

ኢየሱስ ስለ መኸር የተናገረው ትረካ በከተማው ውስጥ የብዙዎችን የንግግር ታሪክ ማቋረጡ እንግዳ የሚመስል ነገር ነው። ዮሐንስ ግን ኢየሱስ እየሆነ ያለውን ነገር እንዴት እንደተረዳ እንድንመለከት ይፈልጋል። የመዳንን እቅድ ለሳምራዊቷ ሴት ማጋራት ለእርሱ ከመብል እጅግ የላቀ ነበር። ነፍሳትን ወደ ድነት መምራት አላማው ነበር፣ እናም እንደ እነርሱ ላልሆኑትም ጭምር ወንጌልን የማካፈልን አጣዳፊነት ለደቀ መዛሙርቱ ለማስተማር ይህንን አጋጣሚ ተጠቀመበት። በዮሐንስ ወንጌል ውስጥ ብዙ ከፍ ያሉ ነጥቦች አሉ። በእርግጥም ዮሐንስ 4፡39-42 ከእነዚህ መካከል ነው። “ያደረግሁትን ሁሉ ነገረኝ” ስትል በመሰከረችው ሴት ምክንያት ብዙ ሳምራውያን አመኑ (ዮሐ. 4፡39)። ሳምራውያን ኢየሱስን ከእነርሱ ጋር እንዲቆይ ጠየቁት። በውጤቱም ብዙዎች በየሱስ ቃል ምክንያት አመኑ። “ሴቲቱንም። አሁን የምናምን ስለ ቃልሽ አይደለም፥ እኛ ራሳችን ሰምተነዋልና፤ እርሱም በእውነት ክርስቶስ የዓለም መድኃኒት እንደ ሆነ እናውቃለን ይሉአት ነበር” (ዮሐ. 4፡42)። የአንድ ሰው ምስክርነት ምን ያህል ኃይል እንዳለው ይህ ታሪክ ምን ሊነግረን ይገባል? ኢየሱስ በሕይወታችን ስላደረገው ነገር ምን ያህል ጠንካራ ምስክሮች ነን?

@SabbathSchool @TekalignSorato

SABBATH SCHOOL(ሰንበት ትምህርት )

30 Oct, 03:00

ረቡዕ
ጥቅምት 20
Oct 30

የኢየሱስ መገለጥ

ዮሐንስ 4:16-24ን ያንብቡ። ኢየሱስ ይህችን ሴት ጥልቅ ሚስጥሯን እንደሚያውቅ ለማሳየት ምን አደረገ? እሷስ ምን ምላሽ ሰጠች?

Save Notes

ብርሃኑ ዓይንን የሚያሳውር ከመሆኑ የተነሳ በቀጥታ ለማየት አይቻልም ነበር። ሴቲቱ ኢየሱስ ነብይ መሆኑን ብትረዳም፣ አሁንም ለመደበቅ ትሞክራለች። በአይሁዶችና በሳምራውያን መካከል ስላለው ኃይማኖታዊ አለመግባባት ማለትም፣ ስለ ትክክለኛው የአምልኮ ቦታ ጥያቄ አነሳች። ኢየሱስ የሰጠው ምላሽ ሳምራውያን የሚያመልኩትን እንደማያውቁ ነበር። የእነርሱ አምልኮ የአይሁድ እምነት እና የጣዖት አምልኮ ውህደት ነበር። አይሁዶች ራሱን የሚገልጥ አምላክን ያመልኩ እንደነበር መናገር ለአንዲት ሳምራዊት አንድ ጠቃሚ እውነታን መቀበል ነበር። የእውነተኛው አምላክ አምልኮ ከአንድ ቦታ ጋር የተቆራኘ አይደለም። ስለዚህ ስለ አንድ የአምልኮ ቦታ የተደረገው ውይይት ከነበረው ንንግግር ጋር ምንም ግንኙነት የለውም። እግዚአብሔር መንፈስ ነውና የሚሰግዱለትም በመንፈስና በእውነት ሊያደርጉት ይገባቸዋል። ሴትዮዋ ኢየሱስ የተናገረውን ግልጽ እውነት የተቀበለች ከመሆኑም ሌላ፣ ለበለጠ ነገር ዝግጁ ነበረች። ዮሐንስ 4:25፣ 26ን ያንብቡ። ኢየሱስ ማንነቱን የገለጸላት እንዴት ነበር?

Save Notes

በአራቱም ወንጌላት ውስጥ፣ ኢየሱስ ከመከራው በፊት መሲሕ መሆኑን ለአንድ ሰው በግልፅ የተናገረበት ብቸኛው ክፍል ይህ ነው። ይህንንም ያደረገው ለብዙ ሕዝብ ወይም ትልቅ ቦታ ላለው ሰው አይደለም፣ ነገር ግን በያዕቆብ የውኃ ጉድጓድ አጠገብ ላለች ስሟ ላልተጠቀሰ ሳምራዊት ሴት እንጂ። እርሱ መገለልና እና ብቸኝነት ስለሚሰማው ስለ ማንኛውም ብቸኛ ነፍስ ግድ ይለዋል። ስለዚህም እንግዳ ከሆነ ባህል የመጣች ብቻ ሳትሆን መልካም ስብእናም ለሌላት ለእንደዚህች ዓይነት ሴት ኢየሱስ ማንነቱን ፊትለፊት ገልጧል። ደግሞም፣ በጨለማ ስለተሸሸገው ምስጢሯ ያለውን ዕውቀት ከገለጠላት በኋላ፣ ለዚህች ሴት እንዲሁ በእርሱ እንድታምን ትልቅ ምክንያት ሰጣት። ይህ ታሪክ እኛ ሰዎች እርስ በእርሳችን ላይ የምንፈጥረውን አጥር ወንጌል ለምን ማፍረስ እንዳለበት ምን ሊነግረን ይገባል?
@SabbathSchool @TekalignSorato

SABBATH SCHOOL(ሰንበት ትምህርት )

29 Oct, 03:00

ማክሰኞ
ጥቅምት 19
Oct 29

“ጌታ ሆይ ይህን ውኃ ስጠኝ”

“ጥሩ ውኃንም እረጭባችኋለሁ እናንተም ትጠራላችሁ፥ ከርኵሰታችሁም ሁሉ ከጣዖቶቻችሁም ሁሉ አጠራችኋለሁ። አዲስም ልብ እሰጣችኋለሁ አዲስም መንፈስ በውስጣችሁ አኖራለሁ፤ የድንጋዩንም ልብ ከሥጋችሁ አወጣለሁ የሥጋንም ልብ እሰጣችኋለሁ። መንፈሴንም በውስጣችሁ አኖራለሁ በትእዛዜም አስሄዳችኋለሁ፥ ፍርዴንም ትጠብቃላችሁ ታደርጉትማላችሁ” (ሕዝ. 36:25-27)። ሕዝቅኤል 36፡25-27 ኢየሱስ ለኒቆዲሞስና በውኃ ጉድጓድ አጠገብ ለነበረችው ሴት ሊሰጣቸው የፈለገውን እውነት የሚያንጸባርቀው እንዴት ነው?

Save Notes

በሁለቱም ሁኔታዎች፣ ኢየሱስ ይህን ለማድረግ ከተፈጥሮው ዓለም ምሳሌዎችን ቢጠቀምም፣ ለእነዚህ ሰዎች መንፈሳዊ እውነቶችን ለማድረስ ይሻ ነበር። ሁለቱም በእርግጠኝነት ኢየሱስ ምን ማለቱ እንደነበር አልተረዱም ነበር። ኒቆዲሞስ፦ “ሰው እንዴት ዳግመኛ ሊወለድ ይችላል?” ሲል ጠየቀ። ማለትም፣ ወደ እናቱ ማኅፀን እንዴት ይመለሳል? ምንም እንኳን ኢየሱስ ወደ መንፈሳዊ እውነት እየጠቆመው ቢሆንም፣ ኒቆዲሞስ ግን በዘልማዳዊና ምድራዊ መንገድ እያሰበ ነበር። ይህች ሴትም ኢየሱስ ስለ ውኃ የተናገረውን ቃል በቃል የወሰደችው ኢየሱስ በግልጽ ስለ መንፈሳዊ ነገር ሲናገር ሳለ ነበር። ሴትዮዋ ለኢየሱስ የሕይወት ውኃ ስጦታ የሰጠችው ምላሽ፣ “ጌታ ሆይ፥ እንዳልጠማ ውኃም ልቀዳ ወደዚህ እንዳልመጣ ይህን ውኃ ስጠኝ” የሚል ነበር (ዮሐ. 4፡15)። ኢየሱስ ያቀረበው ውኃ፣ ወደ ጕድጓዱ የሚደረገውን ጉዞ እንደሚያስቀርና ከሌሎች ጋር የመገናኘት ዕድልን እንደሚቀንስ አሰበች። ንግግራቸው ከኢየሱስ የሚጠጣ ውኃ ጥያቄ ወደ ሴቲቱ የሚጠጣ ውኃ ጥያቄ በፍጥነት መቀየሩ አስገራሚ ነው። ዮሐንስ 4:16ን ያንብቡ። ኢየሱስ ለሴቲቱ ጥያቄ ምላሽ የሰጠው እንዴት ነው?

Save Notes

ኢየሱስ በድንገት የውይይቱን ርዕስ ለወጠው፤ ሴቲቱ ሄዳ ባሏን ጠርታ እንድትመለስ ነገራት። ድንገተኛ የርዕስ ለውጥ ለምን አስፈለገ? የሴቲቱ ተግባር ጉዳዩን ወደጎን ለማድረግ መፈለግን ያመለክት ነበር። ኢየሱስ የልቧን ማንበብ ይችል ነበር። ፈውስ ለማግኘት ሁኔታውን መጋፈጥ አለባት። “ይህቺ ሴት የሱስ ሊሰጣት የፈለገውን ስጦታ ከመቀበልዋ በፊት ኃጢአትዋንና አዳኝዋን ማወቅ ነበረባት” (ኤለን ጂ ዋይት፣ የዘመናት ምኞት፣ ገጽ 175)።

@SabbathSchool @TekalignSorato

SABBATH SCHOOL(ሰንበት ትምህርት )

28 Oct, 03:01

ሰኞ
ጥቅምት 18
Oct 28

በውኃ ጉድጓድ አጠገብ ያለች ሴት

ዮሐንስ 4:7-15ን ያንብቡ። ኢየሱስ ለዚህች ሴት መመሥከርን ለመጀመር ይህን አጋጣሚ የተጠቀመበት እንዴት ነው?

Save Notes

“በአይሁዶችና በሳምራውያን መካከል የነበረው ጥላቻ ሴቲቱ የሱስን ከመርዳት አገዳት። አዳኛችን ግን የልብዋን በር ለመክፈት በማሰብ ከመለኮታዊ ፍቅር በመነጨ ዘዴ ቸሮታ ጠየቀ እንጂ አላበረከተም። ችሮታ ሊያደርግላት ቢሞክር ኖሮ ምናልባት አትቀበልም ይሆናል፤ ነገር ግን እምነት እምነትን ይወልዳል” (ኤለን ጂ. ኋይት የዘመናት ምኞት ገጽ 173)። ልክ ከኒቆዲሞስ ጋር እንደተገናኘበት ሁኔታ ሁሉ፣ ኢየሱስ በሌሎች ልብ ውስጥ ያለውን ያውቃል። አንድ አይሁዳዊ እንዲህ ያለውን ውለታ ከአንዲት ሳምራዊት ሴት መጠየቁ ለፈጠረባት መደነቅ ምላሽ ለመስጠት በቀጥታ ወደ ጉዳዩ ነበር የሄደው። ኢየሱስ መልሶ፦ “የእግዚአብሔርን ስጦታና፣ ውኃ አጠጪኝ የሚልሽ ማን መሆኑንስ ብታውቂ፥ አንቺ ትለምኚው ነበርሽ የሕይወትም ውኃ ይሰጥሽ ነበር” አላት (ዮሐ. 4፡10)። የሴቲቱ ምላሽ እንደ ኒቆዲሞስ “ይህ እንዴት ሊሆን ይችላል?” የሚል ነበር (ዮሐ. 3:9)። እርሷም እንዲህ ብላ ጠየቀች፦ “ጌታ ሆይ፥ መቅጃ የለህም ጕድጓዱም ጥልቅ ነው፤ እንግዲህ የሕይወት ውኃ ከወዴት ታገኛለህ?” (ዮሐ. 4:11)። በሁለቱም ሁኔታዎች ኢየሱስ እነርሱን (ዝነኛውን የአይሁድ አስተማሪና በሥውር መልካም ያልሆነ ስብእና ያላትን ሳምራዊት ሴት) እያሳየ የነበረው እያንዳንዱ ሰው ሊሰማውና ሊረዳው የሚገባውን እጅግ የላቀ መንፈሳዊ እውነትን ነበር። በእያንዳንዱ ሁኔታ፣ ኢየሱስ በመሠረቱ ለሁለቱም ተመሳሳይ ነገር እየነገራቸው ነበር፦ ይህም መለወጥ እንደሚያስፈልጋቸው ነው። ኢየሱስ ስለ ሕይወት ውኃ ለተናገረው ሀሳብ የብሉይ ኪዳን ዳራው ምንድን ነው? (ኤር. 2፡13፣ ዘካ. 14፡8)

Save Notes

ውኃ ለሕይወት አስፈላጊ ነው፤ ሰዎች ከውሃ ውጭ ሊኖሩ አይችሉም፣ እናም ውኃም እንዲሁ ለዘላለም ሕይወት ኃያል እና ተገቢ ምሳሌ ሊሆን ይችላል። ስለዚህም ኢየሱስ እንዲህ ብሏል፦ “እኔ ከምሰጠው ውኃ የሚጠጣ ሁሉ ለዘላለም አይጠማም። እኔ የምሰጠው ውኃ በእርሱ ውስጥ ለዘላለም ሕይወት የሚፈልቅ የውኃ ምንጭ ይሆናል” (ዮሐ. 4:14)። ዮሐንስ 7:37፣ 38ን ያንብቡ። ኢየሱስ በእነዚህ ጥቅሶች ውስጥ ምን እያለን ነው፣ እሱ የሰጠውንስ ተስፋ እንዴት እንለማመዳለን?

@SabbathSchool @TekalignSorato

SABBATH SCHOOL(ሰንበት ትምህርት )

27 Oct, 16:15

እሑድ
ጥቅምት 17
Oct 27

የክስተቱ መቼት

ዮሐንስ 4:1-4ን ያንብቡ። ኢየሱስን በሰማርያ እንዲያልፍ ያደረገው ከጀርባ ያለው ታሪክ ምን ነበር?

Save Notes

ፈሪሳውያን የኢየሱስ ደቀ መዛሙርት ከመጥምቁ ዮሐንስ ደቀ መዛሙርት ይልቅ ብዙ ሰዎችን እያጠመቁ እንደሆነ አወቁ። ይህ ሁኔታ በዮሐንስና በኢየሱስ ተከታዮች መካከል አለመግባባት ሊፈጥር ይችላል። የዮሐንስ ደቀ መዛሙርት፣ በተፈጥሯቸው፣ ለጌታቸው ዝና እና ደረጃ ቅናት ነበራቸው (ከዮሐ. 3:26-30 ጋር አነጻጽሩ)። ነገር ግን የዮሐንስ አስደናቂ መልስ እንዲህ የሚል ነበር፦ “እርሱ ሊልቅ እኔ ግን ላንስ ያስፈልጋል”(ዮሐ. 3፡30)። ምናልባት ጠብ እንዳይፈጠር ኢየሱስ ወደ ገሊላ ሊሄድ ይሁዳን ተወ። በእነዚህ ሁለት ቦታዎች መካከል ለመጓዝ ቀጥተኛው መንገድ በሰማርያ ማለፍ ነበር፣ ነገር ግን ይህ ማለፍ የሚቻልበት ብቸኛው መንገድ አልነበረም። ወግ አጥባቂ አይሁዶች በፔርያ በኩል ወደ ምሥራቅ ዞረው በማለፍ ረጅም መንገድ ይጓዙ ነበር። ኢየሱስ ግን በሰማርያ ተልእኮ ነበረው። ዮሐንስ 4:5-9ን ያንብቡ። በውኃ ጉድጓድ አጠገብ ካለች ሴት ጋር ውይይት ለመጀመር ኢየሱስ ይህን አጋጣሚ የተጠቀመበት እንዴት ነው?

Save Notes

የያዕቆብ ጒድጓድ በሴኬም አቅራቢያ ይገኝ የነበረ ሲሆን፣ ሴቲቱ የምትኖርበት ከተማ ሲካር አንድ ማይል (1.5 ኪሎ ሜትር ገደማ) ይርቅ ነበር። ደቀ መዛሙርቱ ምግብ ሊገዙ ወደ ከተማይቱ ሲገቡ ኢየሱስ ከጉድጓዱ አጠገብ ተቀመጠ። የጉድጓዱን ቀዝቃዛ ውኃ ለማግኝት የሚችልበት ምንም መንገድ አልነበረውም። ሴቲቱም ውኃ ልትቀዳ ስትመጣ እንድታጠጣው ጠየቃት። በዮሐንስ 3 ላይ፣ የአይሁድ ገዥ እና መምህር የሆነው ኒቆዲሞስ ወደ ኢየሱስ ለመምጣት ራሱን ዝቅ ማድረጉ የሚያስገርም ነበር። ሰዎች እንዳያዩት ሲል በሌሊት መጣ። ነገር ግን በዮሐንስ 4 ላይ፣ ሴቲቱ በጠራራ ፀሀይ ትደበቃለች፣ ምናልባትም በቀኑ መጀመሪያ ወይም መገባደጃ ላይ ፀሐዩ በረድ ሲል ከመጡ ሴቶች ጋር እንዳትገናኝ ይህ አመቺ ጊዜ ነው። ለመሆኑ ውኃ ለመቅዳት በእኩለ ቀን ሊጥል በሚችል ፀሐይ፣ ረጅም መንገድ ለምን ሄደች? እዚያ የምትገኝበት ምክንያት ምንም ይሁን ምን ከኢየሱስ ጋር መገናኘቷ ሕይወቷን ለውጦታል። ቀጥሎ ምን ትዕይንት ይታያል? አንድ አይሁዳዊ አስተማሪ ከአንዲት መጥፎ ስም ከነበራት ሳምራዊት ሴት ጋር ተነጻጽሯል። እንዴት ያለ ተቃርኖ ነው! ነገር ግን፣ በዚህ ትክክለኛ አውድ ውስጥ፣ አንድ አስደናቂ ገጠመኝ ይከሰታል። ለሌሎች ያለንን ምስክርነት ሊያደናቅፉ የሚችሉ ባህላችን ውስጥ እንደነውር ተቆጥረው የተከለከሉ አንዳንድ ነገሮቻችን ምንድን ናቸው? እነዚህን ነገሮች መሻገርን እንዴት እንማራለን? መልሶቻችሁን በሰንበት ወደ ጥናት ቡድናችሁ አምጡ።

@SabbathSchool @TekalignSorato

SABBATH SCHOOL(ሰንበት ትምህርት )

27 Oct, 14:10

ጥቅምት 16 - 22
5ኛ ትምህርት
Oct 26 - Nov 1

የሳምራውያን ምሥክርነት

ሰንበት ከሰዓት በኋላ
ለዚህ ሳምንት የመጽሐፍ ቅዱስ ጥናት የሚተከሉትን ጥቅሶች ያንብቡ፡ ዮሐ. 4:1-42፤ ዮሐ.3:26–30፤ ኤር. 2:13፤ ዘካ. 14:8፤ ሕዝ. 36፡25-27።

የመታሰቢያ ጥቅስ፡ “ሴቲቱንም፦ አሁን የምናምን ስለ ቃልሽ አይደለም፥ እኛ ራሳችን ሰምተነዋልና፤ እርሱም በእውነት ክርስቶስ የዓለም መድኃኒት እንደ ሆነ እናውቃለን ይሉአት ነበር” (ዮሐ. 4፡42)።

ሳምራውያን እነማን ነበሩ? ሰሜናዊው የእስራኤላውያን መንግስት በ722 ዓመተ ዓለም በአሦራውያን ተማርኮ ነበር። የፖለቲካ መረጋጋት ለመፍጠር አሦራውያን ምርኮኞቻቸውን በመላው ግዛቶቻቸው በትነው ነበር። በተመሳሳይም ከሌሎች ሀገራት ህዝቦች የተወሰዱ ምርኮኞች በሰሜናዊው የእሥራኤል መንግሥት ምድር እንዲሠፍሩ ተደረገ፤ እነዚህም የራሳቸውን ዓይነት የአይሁድ እምነት የሚከተሉ ሳምራውያን ሆኑ።

ነገር ግን በእነርሱ እና በአይሁዶች መካከል የነበረው ግንኙነት ጥሩ አልነበረም።

ለምሳሌ አይሁዳውያን ከባቢሎን ሲመለሱ ቤተ መቅደሱን እንደገና እንዳይገነቡ ሳምራውያን ተቃውመዋል። ሳምራውያን በገሪዛን ተራራ ላይ የራሳቸውን ቤተ መቅደስ ሠርተው ነበር። ነገር ግን ይህ ቤተ መቅደስ በአይሁድ ገዥ በዮሐንስ ሂርካነስ በ128 ዓመት ከክርስቶስ ልደት በፊት (ከ.ክ.ል.በ) ፈረሰ።

በክርስቶስ ጊዜም ይህ ጥላቻ ቀጥሎ ነበር። አይሁዶች በተቻለ መጠን ከሰማርያ ራቁ። ንግድ የቀጠለ ቢሆንም፣ ሌላ መስተጋብር ግን የተከለከለ ነበር። አይሁዶች ከሳምራውያን አይበደሩም ወይም ከእነርሱ ውለታን እንኳን አይቀበሉም ነበር። በዚህ ዐውደ-ጽሑፍ ውስጥ፣ ዮሐንስ በውኃ ጉድጓዱ አጠገብ በኢየሱስና በሴቲቱ እንዲሁም በሕዝቡ ዘንድ፣ በሳምራውያን ከተማ በሲካር የሆነውን ክስተት ይተርካል። የዚህን ሳምንት ትምህርት በማጥናት ለጥቅምት 24 ሰንበት ተዘጋጁ።

@SabbathSchool @TekalignSorato

SABBATH SCHOOL(ሰንበት ትምህርት )

25 Oct, 18:52

Live stream finished (1 hour)

SABBATH SCHOOL(ሰንበት ትምህርት )

25 Oct, 17:39

https://www.youtube.com/live/HixHw0jTR6s?si=geBehSv07AAWMlzD

SABBATH SCHOOL(ሰንበት ትምህርት )

25 Oct, 17:29

Live stream started

SABBATH SCHOOL(ሰንበት ትምህርት )

25 Oct, 05:15

ዛሬ Live በ YouTube ና Telegram Channel ይጠብቁን
#Subscribe #Share #Like #Comment

SABBATH SCHOOL(ሰንበት ትምህርት )

25 Oct, 03:01

ዓርብ
ጥቅምት 15
Oct 25

ተጨማሪ ሀሳብ

የዘመናት ምኞት ከሚለው የኤለን ጂ ዋይት መጽሐፍ፣ በገጽ 167 - 177 «ኒቆዲሞስ» የሚለውን ያንብቡ። “ኒቆዲሞስ ስለ ንድፈ ሀሳብ መከራከር ሳይሆን ሕይወትን ለማግኝት ሲል ቅዱሳት መጻሕፍትን በአዲስ መንገድ መረመረ። እራሱን ለመንፈስ ቅዱስ መሪነት እንዳስረከበ መጠን የሰማይን መንግሥት ማየት ጀመረ። “በእምነት የእግዚአብሔርን ጸጋ እንቀበላለን፤ እምነት ግን አዳኛችን አይደለም። እምነት የሚያስገኘው ነገር የለም። እምነት ክርስቶስን የምንጨብጥበትና የኃጢአት መድኃኒት የሆነውን የእርሱን ብቃት የምናገኝበት እጃችን ነው። … ለኃጢአት ይቅርታ የሚገኘው ከክርስቶስ እንደሆነው ሁሉ ንስሐ መግባት በእርሱ አማካይነት ነው። “ታዲያ እንዴት ነው የምንድነው? “ሙሴ በምድረ በዳ እባብን እንደ ሰቀለ” እንዲሁም የሰው ልጅ ተሰቀለ። የተታለሉና በእባብ የተነደፉ ሁሉ እርሱን በመመልት መኖር ይችላሉ። “እነሆ የዓለምን ኃጢ አት የሚያስወግድ የእግዚአብሔር በግ” (ዮሐ. 1፡29)። ከመስቀሉ ላይ የሚወጣው ብርሃን የእግዚአብሔርን ፍቅር ይገልጻል። ፍቅሩ ወደ እርሱ ይስበናል። ይህን ስበት ካልተቋቋምን አዳኛችን እንዲሰቀል ካደረገው ኃጢአት ንስሐ በመግባት ወደ መስቀሉ እንመራለን። ያን ጊዜ በእምነት አማካይነት የእግዚአብሔር መንፈስ ለነፍሳችን አዲስ ሕይወት ይሰጣል። ሀሳብና ምኞት ሁሉ ለክርስቶስ ፈቃድ ተገዥ ይሆናል። ልብና አእምሮም በውስጣችን ሁሉንም ነገር ለእርሱ ተገዥ በሚያደርገው አምላክ አምሳያ ይቀረጻል። ይህ ሲሆን የእግዚአብሔር ሕግ በልባችንና በአእምሯችን ላይ ይጻፋል፤ ያን ጊዜ እኛም እንደ ክርስቶስ “አምላኬ ሆይ፥ ፈቃድህን ለማድረግ ወደድሁ፥ ሕግህም በልቤ ውስጥ ነው” እንላለን (መዝ. 40:8)” (ኤለን ጂ ዋይት፣ የዘመናት ምኞት፣ ገጽ 163-164)።
የመወያያ ጥያቄዎች

1. መጥምቁ ዮሐንስ የኢየሱስን መንገድ ሊያዘጋጅ መጣ። አገልግሎቱ ቢያንስ በሰው እይታ ምን ያህል የተሳካ ነበር ትላላችሁ? በተጨማሪም፣ ስለ መልሳችሁ እያሰባችሁ ይህንንም ጠቃሚ ጥያቄ ጠይቁ፦ በመንፈሳዊ ነገሮች ያለንን “ስኬት” የምንገልጸው እንዴት ነው? 2. ቆይቶ መጥምቁ ዮሐንስ ከልብ የሆኑ ጥቂት ጥርጣሬዎችን ገለጸ (ማቴ. 11:2፣ 3፤ ሉቃ. 7:19)። የጥያቄዎቹ መንስኤ ምንድን ነው? በእምነታችን እንዴት እንደምንጸና ከነዚህ የምንማረውስ ምንድን ነው? 3. በጥናት ቡድናችሁ ውስጥ፣ እንደ ኒቆዲሞስ ሁሉ ዛሬም እውነተኛይቱ ቤተክርስትያን ውስጥ መሪ የሆነና ብዙ እውቀት ያለው ሰው በእርግጥም እንዴት አስፈላጊ ስለሆኑ ነገሮች መንፈሳዊ አላዋቂነት ሊኖረው እንደሚችል ተወያዩ። ከእንደዚህ ዓይነቱ ሁኔታ ምን ትምህርቶችን ልንማር እንችላለን?

@SabbathSchool @TekalignSorato

SABBATH SCHOOL(ሰንበት ትምህርት )

24 Oct, 03:01

ሐሙስ
ጥቅምት 14
Oct 24

የኒቆዲሞስ ምስክር

ዮሐንስ 3:1-21ን ያንብቡ። የኒቆዲሞስ ምስክርነት የዮሐንስን ወንጌል ጭብጥ የሚደግፈው እንዴት ነው?

Save Notes

ኒቆዲሞስ በእስራኤል ውስጥ የተከበረ መምህር፣ ባለጸጋ እና የአይሁድ ሸንጎ አባል ነበር። የእርሱ ምስክርነት በዮሐንስ ወንጌል ውስጥ ትልቅ ሚና የሚጫወተው በብዙ ምክንያቶች ነው። ኢየሱስን “መምህር” ሲል ጠርቶታል እንዲሁም ኢየሱስ ያደረጋቸውን ምልክቶች የመለኮታዊ ተልእኮው ማስረጃ እንደሆኑ ጠቁሟል። በመሆኑም ኒቆዲሞስ የሚያደርገውን ነገር ከመገንዘቡ በፊት እንኳ፣ የኢየሱስን መሲሕነት የሚደግፍ ማስረጃ እየሰጠ ነበር። ኒቆዲሞስ ምልክቶቹን ራሳቸውን የኢየሱስ መለኮታዊ ጥሪ ማስረጃዎች እንደሆኑ አድርጎ ይመለከታቸው ነበር፤ ነገር ግን በብሉይ ኪዳን ስለ መሲሑ የተነገሩት ትንቢቶች ፍጻሜ በመሆን ወደ ኢየሱስ እንደሚያመለክቱ አላያቸውም ነበር። ስለዚህ፣ ኒቆዲሞስ ጥቂት መጠራጠርን ይዞ መጣ፤ በዚህ ጊዜ ኢየሱስን እንደ ክርስቶስ አላወቀውም ነበር። ዮሐንስ 3:3-21ን ያንብቡ። በኒቆዲሞስ ውስጥ የተደበቀውን ነገር ሁሉ እንደሚያውቅ ለማሳየት ኢየሱስ ምን አለው?

Save Notes

ኢየሱስ የእያንዳንዱን ሰው ልብ ያውቃል። ለኒቆዲሞስ የሰጠው ምላሽ ድንገተኛ ሊመስል ይችላል ነገር ግን በቀጥታ ወደ ጉዳዩ ነበር የሄደው። ምንም እንኳን አይሁዶች አሕዛብ መለወጥ እንዳለባቸው ቢያምኑም፣ ነገር ግን ብዙዎቹ የተመረጡት ሕዝብ ወገን የሆኑት እንኳ መለወጥ እንደሚያስፈልጋቸው አልተረዱም ነበር። ዜግነቱ ወይም ያደገበት ቤተ ክርስቲያን ምንም ይሁን ምን፣ በዚያ ስለተወለደ ብቻ አይድንም። እስከ አብርሃም ድረስ ወደኋላ ብንሄድ የአይሁዶች አስደናቂ ታሪካዊ አመጣጥ ብዙ ልዩ ልዩ ጥቅሞችን ሰጥቷቸው እንደነበር ምንም አያጠያይቅም (ሮሜ 3፡1፣ 2ን እንመልከት)። ነገር ግን ያ በራሱ በቂ አልነበረም። ኢየሱስ ለኒቆዲሞስ ለማሰብ እንኳ የማይቻልን ነገር ነገረው፦ በእሥራኤል ውስጥ መምህርና ገዢ ቢሆንም ቅሉ፣ ከላይ ከሰማይ እንደገና መወለድ እዳለበት! ከዚያም ኢየሱስ ኒቆዲሞስን ስለ መንፈሳዊ አላዋቂነቱ እንዲህ ሲል ተጋፍጦት ነበር፦ “አንተ የእስራኤል መምህር ስትሆን ይህን አታውቅምን?” (ዮሐ. 3:10)። “የተከበርህ መምህር ሆነህ ሳለ፣ እንዴት ይህንን ላታውቅ ትችላለህ?” ይህ ተግሣጽ በጣም ሳያስደነግጠው አልቀረም። ኒቆዲሞስ እስከዚያ ጊዜ ድረስ ስለ ኢየሱስ ምንም ዓይነት ጥያቄዎች ቢኖሩትም፣ ቆይቶ ግን ከየሱስ ተከታዮች ጎን ቆመ (ዮሐ. 19፡39 ተመልከቱ)። “ዳግመኛ መወለድ” ሲባል ምን ማለት ነው፤ ለምንስ ነው የሱስ ስለዚህ አጽንዖት የሰጠው?
@SabbathSchool @TekalignSorato

SABBATH SCHOOL(ሰንበት ትምህርት )

23 Oct, 03:01

ረቡዕ
ጥቅምት 13
Oct 23

ፊልጶስ እና ናትናኤል

ዮሐንስ 1:43-46ን ያንብቡ። የፊልጶስ መልእክት በኢየሱስ ላይ ስላለው እምነት ምን አሳይቷል?

Save Notes

ልክ እንደ እንድርያስና እንደ ጴጥሮስ ሁሉ፣ ፊሊጶስም የቤተሳይዳ ሰው ነበር። ወዳጁ ናትናኤልን አግኝቶ ስለ ኢየሱስ ነገረው። መጥምቁ ዮሐንስ ኢየሱስን “የእግዚአብሔር በግ” ብሎ ጠርቶታል። እንድርያስ ለጴጥሮስ “መሲሑን” እንዳገኘ ነግሮት ነበር። ፊልጶስ ግን ሙሴና ነቢያት የጻፉለትን ኢየሱስን “የናዝሬቱ ኢየሱስ” ሲል ጨምሮ ጠርቷል። ናዝሬት የሚለውን ሥም መጥቀሱ ከጓደኛው የሰላ ምላሽን አስከትሏል። ናትናኤል ለትንሿ ናዝሬት ከተማ ጭፍን ጥላቻ የነበረው ይመስላል። በእርግጥ ንጉሥ ከእንዲህ ዓይነቱ መንገድ ዳር ላይ ከለ ሥፍራ እንደማይመጣ የታወቀ ነው። ጭፍን ጥላቻ በእውነት ዋጋ ያለውን ነገር እንዳያዩ ሰዎችን በቀላሉ አይናቸውን ያሳውራል። ፊልጶስ ቀደም ሲል ከናትናኤል ጋር ካደረገው ውይይት ምናልባትም ጭፍን ጥላቻን ለመቋቋም ትክክለኛው መንገድ ከፍ ያለ ፍልስፍናዊ ወይም ሥነ-መለኮታዊ ክርክር ሳይሆን ግለሰቡ እውነቱን ለራሱ እንዲያውቅ መጋበዝ እንደሆነ የተገነዘበ ይመስላል። ዝም ብሎ “መጥተህ እይ” አለው። ያደረገውም ይህንኑ ነው። ሄዶ አየ። ዮሐንስ 1:47-51ን ያንብቡ። ኢየሱስ ናትናኤልን ማንነቱን ያሳመነው እንዴት ነበር? የናትናኤልስ ምላሽ ምን ነበር?

Save Notes

በቁጥር 46 እና 47 መካከል የሌለው ነገር ናትናኤል ለፊልጶስ ግብዣ የሰጠው ምላሽ ወሳኝ ዝርዝር ጉዳይ ነው። ምንም ቢሆን ግን ተነሥቶ ለማየት ሄደ። ከፊልጶስ ጋር የነበረው ወዳጅነት ከጭፍን ጥላቻ ይልቅ የበረታ ነበር፤ እናም ሕይወቱ ከዚያ ጊዜ ጀምሮ ተለወጠ። ኢየሱስ ስለ ናትናኤል ጥሩ ቃላት ተናግሯል፣ “ተንኰል የሌለበት በእውነት የእስራኤል ሰው” ብሎ ጠራው (ዮሐ. 1:47); ይህ ናትናኤል (በዮሐ. 1:46) ስለ ኢየሱስ ከተናገረው በጣም የተለየ ነው። ናትናኤል ኢየሱስን ከዚህ በፊት አግኝቶት ስለማያውቅ በመገረም መለሰ። ከዚያም ኢየሱስ ከበለስ ዛፍ ሥር እንዳየው የተናገረ ሲሆን፣ ይህ ጥቂት ንግግር ናትናኤልን አሳምኖታል። ናትናኤል እውነትን በመሻት በዚያ ዛፍ ሥር ሲጸልይ ኢየሱስ በመለኮታዊ መገለጥ ተመልክቶታል። ናትናኤልም መልሶ፦ “መምህር ሆይ፥ አንተ የእግዚአብሔር ልጅ ነህ፤ አንተ የእስራኤል ንጉሥ ነህ” ሲል ከፍ ያለ ኑዛዜን ተናገረ። ትንሽ የሚመስለው መገለጥ ወደ ትልቁ የእምነት ኑዛዜ እንዴት እንደሚመራ አስተውሉ።

@SabbathSchool @TekalignSorato

SABBATH SCHOOL(ሰንበት ትምህርት )

22 Oct, 18:40

Live stream finished (1 hour)

SABBATH SCHOOL(ሰንበት ትምህርት )

22 Oct, 17:36

https://www.youtube.com/live/yQmy_xJjh4I?si=0XhrGH-YNy6MhQw8

SABBATH SCHOOL(ሰንበት ትምህርት )

22 Oct, 17:28

Live stream started

SABBATH SCHOOL(ሰንበት ትምህርት )

22 Oct, 03:00

ማክሰኞ
ጥቅምት 12
Oct 22

ሁለቱ የዮሐንስ ደቀ መዛሙርት

ኢየሱስ በዚያ ሲያልፍ ሁለት የመጥምቁ ዮሐንስ ደቀ መዛሙርት አብረውት ቆመው ነበር። ዮሐንስ (በዮሐ. 1፡36) “እነሆ የእግዚአብሔር በግ!” ሲል አውጆ ነበር። ሁለቱ ደቀ መዛሙርት የዮሐንስን መልእክት ሰምተው ነበር; እርሱም ስለሚመጣው መሲሕ የብሉይ ኪዳን ትንቢቶችን ይፈጽማል። ደቀ መዛሙርቱ ኢየሱስ ከመጥምቁ ዮሐንስ እንደሚበልጥ እና እርሱ የዮሐንስ መልእክት ፍጻሜ መሆኑን አውቀው ዮሐንስን ትተው ኢየሱስን ተከተሉት። ዮሐንስ 1:35-39ን ያንብቡ። እነዚህ ሁለት ደቀ መዛሙርት ዮሐንስ ስለ ኢየሱስ የሰጠውን ምስክርነት ከሰሙ በኋላ ምን አደረጉ?

Save Notes

ከኢየሱስ ጋር ለመሆን በመሻት ቀኑን ሙሉ ከእርሱ ጋር አብረው አሳልፈዋል። ያን ጊዜ የተማሩትን እና ያጋጠሟቸውን አስደናቂ ነገሮች ማን ያውቃል? በጣም ድንቅ ነገሮች መሆን አለባቸው፣ ምክንያቱም ብዙም ሳይቆዩ ፍላጎታቸው ልምዳቸውን ለሌሎች ማካፈል ነበር። ከሁለቱ ደቀ መዛሙርት አንዱ የሆነው እንድርያስ እርሱ አስቀድሞ የራሱን ወንድም ስምዖንን አገኘውና፦ “መሢሕን አግኝተናል አለው፤ ትርጓሜውም ክርስቶስ ማለት ነው” (ዮሐ. 1፡41)። እንድርያስ ወንድሙን ወደ ኢየሱስ ባመጣው ጊዜ፣ ወዲያው ኢየሱስ እንደሚያውቀው እንዲህ ሲል ነገረው፦ “አንተ የዮና ልጅ ስምዖን ነህ። አንተ ኬፋ ትባላለህ” (ዮሐ. 1:42)። ኢየሱስ ጴጥሮስን አውቆ ተረድቶታል። ኢየሱስ ሰውን እንደሚያውቅ ማሳየት የዮሐንስ ወንጌል የተደጋገመ ጭብጥ ነው (ለምሳሌ ዮሐንስን 2:24፣ 25ን እንመልከት)። “ዮሐንስና እንድርያስ እንደ ካህናቱና መኳንንቱ ያለማመን መንፈስ ቢኖርባቸው ኖሮ በየሱስ እግር አጠገብ ተቀምጠው የመማር ዕድል አይኖራቸውም ነበር። በቃሉ ላይ ለመተቸት ስህተት ፍለጋ ወደ እርሱ ይመጡ ነበር። … እነዚህ የመጀመሪያ ደቀ መዛሙርት ግን ይህን አላደረጉም። በዮሐንስ መጥምቁ ስብከት አማካይነት የመንፈስ ቅዱስን ጥሪ ተቀበሉ። አሁን የሰማያዊውን መምህር ድምፅ ለማወቅ ቻሉ። … በብሉይ ኪዳን ውስጥ በሚገኙት ትምህርቶች ላይ መለኮታዊ ብርሃን ፈነጠቀባቸው። ብዙ ርዕስ ያለው እውነት በአዲስ ብርሃን ጎልቶ ወጣ” (ኤለን ጂ ዋይት፣ የዘመናት ምኞት ገጽ 124)። የዮሐንስ ወንጌል በጠቅላላው አጽንዖት የሰጠው ይህ የምሥራች ለዓለም ይነገር ዘንድ የኢየሱስን ማንነት ወደ ብርሃን ማምጣትን ነው። ክርስቶስ እና በክርስቶስ ያለን እምነት ህይወታችንን በምን መንገድ ለውጦታል? አሁንም ምን ሌሎች ለውጦች እንዲከሰቱ እንፈልጋለን?

@SabbathSchool @TekalignSorato

SABBATH SCHOOL(ሰንበት ትምህርት )

21 Oct, 18:43

https://www.youtube.com/live/U0-t8in61zo?si=pTaovqHIAjAtbQIL

SABBATH SCHOOL(ሰንበት ትምህርት )

21 Oct, 03:02

ሰኞ
ጥቅምት 11
Oct 21

የእግዚአብሔር በግ

የእሥራኤል ሕዝብ ከሮም ነጻ የሚያወጣቸውን መሲሕ ይፈልጉ ነበር። የዮሐንስ ወንጌል ዓላማ ስለ መሲሑ ያላቸውን ግንዛቤ በመቀየር ስለሚመጣው ንጉሥ የሚነገሩትን ትንቢቶች በኢየሱስ አማካይነት እንዲገነዘቡ ማድረግ ነበር። መሲሑ ምድራዊ ገዥ አይሆንም። እርሱ የመጣው ስለ ራሱ የገባውን የብሉይ ኪዳን ተስፋዎች ሁሉ ሊፈጽም ነው፤ ይህም ስለ ዓለም ራሱን መስዋዕት ማድረግን እንዲሁም በእግዚአብሔር እና በሕዝቡ መካከል ያለውን ግንኙነት ማደስን ይጨምራል። ዮሐንስ 1:29-37ን ያንብቡ። መጥምቁ ዮሐንስ ስለ ኢየሱስ ምን ዐዋጅ ይናገራል? እርሱን ለመግለጽስ ምን ዓይነት ምስል ይጠቀማል? ደግሞስ ይህ የኢየሱስን ማንነትና የተልዕኮውን ምንነት ከማስረዳት አንጻር ያለው ጉልህ ፋይዳ ምንድን ነው?

Save Notes

መጥምቁ ኢየሱስን የእግዚአብሔር በግ መሆኑን አስመልክቶ የሰጠው መግለጫ የዮሐንስ ወንጌል ዓላማን ይደግፋል፣ እርሱም ስለመሲሑ ሥራ እና ማንነት አዲስ ግንዛቤ ለማምጣት ነው። ኢየሱስ በእርግጥም በዘፍጥረት 3፡15 ወደነበረው ወደ ቤዛነቱ ተስፋ መጀመሪያ በመመለስ፣ የመሥዋዕቱ ሥርዓት የተስፋ ቃል ፍጻሜ ይሆናል። “የሱስ በተጠመቀ ጊዜ ዮሐንስ የሱስ የእግዚአብሔር በግ እንደሆነ ሲናገር ስለ መሲሑ ሥራ አዲስ ብርሃን መከሰቱ ነበር። የነቢዩ አእምሮ “እንደ በግ ለመታረድ ቀረበ” ወደሚለው የኢሳይያስ ቃል ነበር (ኢሳ. 53:7)” (ኤለን ጂ ዋይት፣ የዘመናት ምኞት፣ ገጽ 121)። ማርቆስ 10:45፣ ሮሜ 5:6፣ እና 1ኛ ጴጥሮስ 2:24ን ያንብቡ። እነዚህ ጥቅሶች የኢየሱስን ሚና “እንደ እግዚአብሔር በግ” እንደ እንድንገነዘብ የሚረዱን እንዴት ነው?

Save Notes

መጥምቁ ዮሐንስ ምንም እንኳ ስለኢየሱስ አገልግሎት ይበልጥ ለማወቅ ቢፈልግም፣ ነገር ግን ኢየሱስ ቃል የተገባውና የትንቢት ፍጻሜ ሆኖ የመጣው መሲሕ እርሱ ስለመሆኑ እርግጠኛ ነበር። ኢየሱስ “የእግዚአብሔር በግ” ተብሎ የተጠራበትን ይህን የማዕረግ ስም በጥልቀት እንመልከት። ወደ አእምሯችን ያመጣቸው ምስሎች ምንድን ናቸው? ከብሉይ ኪዳን የመሥዋዕት ሥርዓት ጋር ያለው ትስስር የመዳናችንን ታላቅ ዋጋ እንድናደንቅ የሚረዳን እንዴት ነው?

@SabbathSchool @TekalignSorato

SABBATH SCHOOL(ሰንበት ትምህርት )

20 Oct, 05:48

እሑድ
ጥቅምት 10
Oct 20

የመጥምቁ ዮሐንስ ምስክርነት

ባለፈው ሳምንት ትምህርት እንደተገለጸው፣ የዮሐንስ ወንጌል የሚጀምረው ከፍጥረት በፊት ጀምሮ ህያው በነበረውና የእግዚአብሔር ቃል በሆነው በኢየሱስ ክርስቶስ ነው። ነገር ግን በዚያው መቅድም ላይ፣ መጥምቁ ዮሐንስ የኢየሱስ ምስክር ሆኖ ቀርቧል። በኢየሱስ ዘመን የነበሩ አንዳንድ አይሁዶች፣ አንዱ ካህን ሌላኛው ደግሞ ንጉሣዊ የሆኑ ሁለት መሲሖችን ይጠባበቁ ነበር። የዮሐንስ ወንጌል መጥምቁ ዮሐንስ ከእነዚህ መሲሖች አንዱ መሆኑን እንዳልተናገረና ይልቁንም የአንዱ የእውነተኛው መሲሕ ምሥክር እንደነበር በግልጽ ያስተምራል። ዮሐንስ 1:19–23ን ያንብቡ። መጥምቁ ዮሐንስ አገልግሎቱንና ተልእኮውን እንዴት ነበር የገለጸው?

Save Notes

የኃይማኖት መሪዎቹ ዮሐንስን እንዲጠይቁት ካህናትንና ሌዋውያንን ላኩ። አይሁድ መሲሑን በከፍተኛ ጉጉት ይጠብቁ ስለነበር፣ መጥምቁ ዮሐንስ ከዚህ አንጻር ያለውን ዝምድና መግለጹ አስፈላጊ ነበር። እርሱ ብርሃን አልነበረም፣ ነገር ግን ስለ ብርሃን ሊመሰክር እና ለመሲሑ መምጣት መንገድን እንዲጠርግ፣ ከእግዚአብሔር ተልኮ ነበር (ዮሐ. 1፡6-8)። ለዚህም ነው የቻለውን ያህል ግልጽ በሆነ መንገድ እንዲህ ሲል የመለሰላቸው፦ “እኔ ክርስቶስ አይደለሁም” (ዮሐ. 1:20)። ደግሞም፣ ዮሐንስ በውኃ አጠመቀ፣ ክርስቶስ ግን በመንፈስ ያጠምቅ ነበር (ዮሐ. 1፡26፣ 33)። ዮሐንስ የኢየሱስን የጫማ ማሰሪያ ሊፈታ የተገባው አልነበረም (ዮሐ. 1፡27)። ክርስቶስ ከዮሐንስ ይልቅ ይመረጣል፣ ምክንያቱም እርሱ ከዮሐንስ በፊት ነበር (ዮሐ. 1፡ 30)። ኢየሱስ የእግዚአብሔር ልጅ ነው፣ እናም ዮሐንስ ወደ ክርስቶስ ብቻ አመለከተ (ዮሐ. 1፡34)። ኢሳይያስ 40:1-5 እና ዮሐንስ 1:23ን ያንብቡ። ዮሐንስ እነዚህን ጥቅሶች የተጠቀመባቸው እንዴት ነው?

Save Notes

የተበላሹና በድንጋይ የተሞሉ መንገዶች በነበሩበት ጊዜ የንጉሡን መንገድ ለማስተካከል አንዳንድ ጊዜ አገልጋዮች ከንጉሡ ፊት ይላኩ ነበር። ስለዚህ፣ በትንቢቱ ፍጻሜ፣ ዮሐንስ የመጣው የሰዎችን ልብ ለኢየሱስ ለማዘጋጀት ነበር። እንደ ሰባተኛ ቀን አድቬንቲስቶች፣ የመጥምቁን ዮሐንስ ዓይነት አገልግሎት የምንሠራው በምን መንገድ ነው? ከዚህ ጋር ተነጻጻሪ የሆኑ ነገሮች ምንድን ናቸው?

@SabbathSchool @TekalignSorato

SABBATH SCHOOL(ሰንበት ትምህርት )

19 Oct, 19:10

ቅምት 9 - 15
4ኛ ትምህርት
Oct 19 - 25

ክርስቶስ መሲሕ የመሆኑ ምሥክሮች

ሰንበት ከሰዓት በኋላ
ለዚህ ሳምንት የመጽሐፍ ቅዱስ ጥናት የሚተከሉትን ጥቅሶች ያንብቡ፡ ዮሐ.1:19–23፤ ኢሳ. 40:1–5፤ ዮሐ.1:29–37፤ ሮሜ. 5:6፤ ዮሐ.1:35–39፤ ዮሐ. 1:43–51፤ ዮሐ. 3፡1-21።

የመታሰቢያ ጥቅስ፡ “ኢየሱስም መለሰ እንዲህም አለው፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም” (ዮሐ. 3፡3)።
“ እውነት እውነት እላችኋለሁ፣ በእኔ የሚያምን የዘላለም ሕይወት አለው” የሚለውን ጨምሮ ኢየሱስ ስለራሱ የተናገራቸውን ነገሮች ለማጽናት ኃይል ያለውን የእግዚአብሔርን ቃል ከቅዱሳን መጻሕፍት ለሰዎች በማስረጃነት ያቀርብ እንደነበር ምንም ጥያቄ የለውም (ዮሐ. 6:47)። ግን ደግሞ ሌላም አለ፦ ውሃን ወደ ወይን መለወጥ፤ በሺዎች የሚቆጠሩ ሰዎችን በጥቂት እንጀራ መመገብ፤ የመኮንኑን ልጅ መፈወስ፤ በቤተሳይዳ መጠመቂያ አጠገብ የነበረውን ሰው መፈወስ፤ ዕውር ሆኖ የተወለደውን ሰው ዓይኖች እንዲያዩ ማድረግ፣ አልዓዛርን ከሙታን ማስነሣት። ወንጌላዊው የተለያዩ ክንውኖችን እና ሰዎችን—ከአይሁዳውያን፣ ከአሕዛብ፣ ከባለ ጠጎች፣ ከድሆች፣ ከወንድ፣ ከሴት፣ ከገዥዎች፣ ከተራ ሰዎች፣ ከተማሩ እና ካልተማሩ ሰዎች ጎራ፣ ስለ ኢየሱስ ማንነት እንዲመሰክሩ ጥሪ አቅርቧል። እግዚአብሔር አብና መጽሐፍ ቅዱስም እንኳ ሁሉም ማንነቱን የሚያረጋግጡ መሆናቸውን ዮሐንስ አመልክቷል። ይህ ሳምንት የሚጀምረው በመጥምቁ ዮሐንስ ኃያል ምስክርነት ነው። ሌሎች ምስክሮችም ወደ መድረኩ ይመጣሉ፦ እንድርያስና ስምዖን ጴጥሮስ፣ ፊልጶስ እና ናትናኤል፣ እንዲሁም ማንም ያልጠበቀው ምስክር፣ ፈሪሳዊው ኒቆዲሞስ። ነገር ግን በጥላ ውስጥ የተደበቀ ሌላ ምሥክር ነበር፤ ከእንድርያስ ጋር ያለው ሌላ ደቀ መዝሙር ዮሐንስ ራሱ (ዮሐ. 1:35፣ 40)። የዚህን ሳምንት ትምህርት በማጥናት ለጥቅምት 16 ሰንበት ተዘጋጁ።

@SabbathSchool @TekalignSorato

SABBATH SCHOOL(ሰንበት ትምህርት )

18 Oct, 18:55

Live stream finished (1 hour)

SABBATH SCHOOL(ሰንበት ትምህርት )

18 Oct, 18:17

https://youtube.com/live/KWAUFaeIT98?si=reoBDCGfwZHGAzxB

SABBATH SCHOOL(ሰንበት ትምህርት )

18 Oct, 17:35

Live stream started

SABBATH SCHOOL(ሰንበት ትምህርት )

18 Oct, 14:55

ዛሬ Live በ YouTube ና Telegram Channel ይጠብቁን
#Subscribe #Share #Like #Comment

SABBATH SCHOOL(ሰንበት ትምህርት )

18 Oct, 08:11

SABBATH SCHOOL ሰንበት ትምህርት Live Stream 3ኛ ትምህርት የኋላ ታሪክ፡ መቅድም
https://youtube.com/live/nM0xd3EOBZg?si=pTQtb8UeAkoYF1U3

#Subscribe #Like #Share #Comment

SABBATH SCHOOL(ሰንበት ትምህርት )

18 Oct, 03:01

ዓርብ
ጥቅምት 8
Oct 18

ተጨማሪ ሀሳብ

ኤለን ጂ ዋይት፣ «እግዚአብሔር ከእኛ ጋር» በዘመናት ምኞት፣ ገጽ 19-26። “ጌታ ኢየሱስ ክርስቶስ፣ መለኮት የሆነው የእግዚአብሔር ልጅ፣ ከዘላለም ጀምሮ የነበረ፣ ግላዊ፣ ነገር ግን ከአባቱ ጋር የሆነ ነው። እርሱ የሰማይ ታላቅ ክብር ነበር። እርሱ ሰማያዊያን የሆኑ ጠቢባን አዛዥ ነበር፤ የመላእክትንም ስግደት እንደ መብቱ ተቀብሎታል። ይህ ከእግዚአብሔር የተቀማ አልነበረም (ምሳ. 8፡22-27 ተጠቅሷል።] “ዓለም ሳይፈጠር ክርስቶስ ከአብ ጋር አንድ የመሆኑ እውነት ውስጥ ብርሃንና ክብር አሉ። ይህ በመለኮታዊ የመጀመሪያ ክብር፣ በጨለማ ቦታ ውስጥ የሚያበራውን ብርሃን ያማረ ያደርገዋል። ይህ እውነት፣ በራሱ የማይደረስበት ምሥጢር ያለው ሆኖ ሳለ፣ ሌሎችን ሚስጥራዊ እና በሌላ መንገድ ሊገለጹ የማይችሉ እውነቶችን ያብራራል፣ እሱ ግን ማንም ሊቀርበው በማይችል እና ለመረዳት በማይቻል ብርሃን ውስጥ ተቀምጧል” (Ellen G. White Com- ments, The Seventh-day Adventist Bible Commentary, vol. 5, p. 1126)። “ኢየሱስም አለ፦ እኔ ከምድር ከፍ ከፍ ያልሁ እንደ ሆነ ሁሉን ወደ እኔ እስባለሁ” (ዮሐ. 12፡32)። ክርስቶስ ለኃጢአተኛው ሰው ስለ ዓለም ኃጢአት የሚሞት አዳኝ ሆኖ መገለጥ አለበት፤ እናም የእግዚአብሔርን በግ በቀራንዮ መስቀል ላይ ስናይ፣ የቤዛነት ምስጢር በአእምሯችን መገለጥ ይጀምራል፤ የእግዚአብሔርም ቸርነት ወደ ንስሃ ይመራናል። ለኃጢአተኞች ሲሞት ክርስቶስ ለመረዳት የማይቻል ፍቅር አሳይቷል፤ ኃጢአተኞች ይህን ፍቅር ሲያዩ፣ ልባቸው ይለዝባል፣ አእምሯቸውም ይደነቃል፣ እና በነፍሳቸው ውስጥ መጸጸት ይቀሰቀሳል። … (ሰዎች) ጽድቅን ለማድረግ በእውነተኛ መሻት ተነሳስተው ለመለወጥ ጥረት ባደረጉ ጊዜ ሁሉ፣ የክርስቶስ ኃይል ነው የሚስባቸው። እነርሱ ሳያውቁት ተጽእኖ በነፍስ ላይ ይሠራል፣ እናም ሕሊና ሕያው ይሆናል፣ ውጫዊው ህይወትም ይሻሻላል። ደግሞም ክርስቶስ መስቀሉን እንዲመለከቱ፣ ኃጢአታቸው የወጋውን እርሱን እንዲያዩ ሲስባቸው፣ ትእዛዙ ወደ ሕሊናቸው ይመጣል” (ኤለን ጂ ዋይት፣ ወደ ክርስቶስ የመሚመራ መንገድ፣ ገጽ 26፣ 27)።
የመወያያ ጥያቄዎች

1. ዮሐንስ ኢየሱስን በፈጣሪነት ሚናው ገልጾ በመናገር የጀመረው ለምንድን ነው? ይህ በሁሉም ሥነ-መለኮት ውስጥ ስለ ፍጥረት አስፈላጊነት ምን ይነግረናል? ታዲያ ለምንድን ነው በመጽሐፍ ቅዱስ ውስጥ እንደተገለጠው ስለ ፍጥረት ትክክለኛ ግንዛቤ እንዲኖረን የሚያስፈልገው? 2. በእሁድ ጥናት መጨረሻ ላይ በተጠየቀው ጥያቄ ላይ የበለጠ ጊዜ ወስዳችሁ ተወያዩ። በመስቀል ላይ የሞተው በዘለአለማዊው አምላክ ፋንታ ፍጡር ቢሆን ኖሮ ምን ይሆን ነበር? ኢየሱስ የዘላለም አምላክ ባይሆን ኖሮ የምናጣው ምን ነበር?

@SabbathSchool @TekalignSorato

SABBATH SCHOOL(ሰንበት ትምህርት )

17 Oct, 03:00

ሐሙስ
ጥቅምት 7
Oct 17

እንደገና የሚታዩ ጭብጦች - ክብር

ዮሐንስ 17:1-5ን ያንብቡ። ኢየሱስ፣ “አባት ሆይ፥ ሰዓቱ ደርሶአል፤ ልጅህ ያከብርህ ዘንድ፥ በሥጋም ሁሉ ላይ ሥልጣን እንደ ሰጠኸው፥ ለሰጠኸው ሁሉ የዘላለምን ሕይወት ይሰጣቸው ዘንድ ልጅህን አክብረው።” ሲል ምን ማለቱ ነበር?

Save Notes

የትናንቱ ጥናት በኢየሱስ ማንነት እና በሚሠራው ሥራ ላይ በማጠንጠን፣ የዮሐንስ ወንጌልን ምድራዊ፣ የሰው ታሪክ፣ በሰዎች መካከል ያለውን ግጭትና መስተጋብር አንስቶ ተመልክቷል። የዛሬው ጥናት የሚያተኩረው አሁንም በዮሐንስ ወንጌል ውስጥ በሚገኘው መለኮታዊ፣ ሰማያዊ ታሪክ ላይ ነው። መቅድሙ የሚጀምረው በዚያ የሰማይ ታሪክ ነው። ኢየሱስ የእግዚአብሔር ልጅ፣ የአጽናፈ ሰማይ ፈጣሪ ሆኖ ቀርቧል። አሁንም ከዚያ በፊት ያልነበረ ነገር ግን ወደ ሕልውና የመጣው ነገር ሁሉ የሆነው በኢየሱስ በኩል ብቻ ነው። “ሁሉ በእርሱ ሆነ ከሆነውም አንዳች ስንኳ ያለ እርሱ አልሆነም” (ዮሐ. 1:3)። ነገር ግን በሥጋ መልበስ (በተዋሕዶ) ሰው የመሆኑን ክብር እያስታወሰ ይቀጥላል (ዮሐ. 1፡14)። ዮሐንስ እነዚህ ትርጉሞች ያሏቸውን “ክብር” (“dox- sa” ብርሃን፣ ግርማ፣ ዝና፣ ክብር)፤ ማክበር (“doxsazo” ማሞገስ፣ ማክበር፣ ከፍ ማድረግ፣) የሚሉት ቃላትን ይጠቀማል። ከሰዎች ክብርን ስለማግኘት እና ከእግዚአብሔር ክብርን ወይም ግርማን ስለማግኘት ሁለቱንም ይናገራል። በዮሐንስ ወንጌል ውስጥ፣ ኢየሱስን የማክበር ሐሳብ ከእርሱ ሰዓት፣ ማለትም፣ ከመሞቱ ጊዜ ጽንሰ-ሐሳብ ጋር የተያያዘ ነው። (ከዮሐ. 2፡4፣ ዮሐ. 7፡30፣ ዮሐ. 8፡20፣ ዮሐ. 12፡ 23–27፣ ዮሐ. 13፡1፣ ዮሐ. 16፡32፣ ዮሐ. 17፡1 ጋር አነጻጽሩ) መስቀል የእርሱ የክብር ሰዓት ነው። ይህ ሐሳብ እርስ በርሱ የሚቃረን ነው፤ ምክንያቱም ስቅለት በጥንት የሮማውያን ዓለም እጅግ አሳፋሪ እና አዋራጅ የሞት ቅጣት መንገድ ነበር። ይህ የማይታመን ልዩነት፣ የአምላክ በመስቀል መሞት፣ የሰው ሴራ ታሪክ ከመለኮት ጋር መጠላለፉን ያሳያል። በሰው ደረጃ፣ ኢየሱስ፣ የተናቀው ወንጀለኛ በድካም “አምላኬ፣ አምላኬ፣ ለምን ተውከኝ?” ብሎ በሥቃይ በመጮህ ሞተ። ይህ ሰዋዊ የሆነ የመስቀሉ ጨለማ አንዱ ጎን በተለይ በማቴዎስ እና በማርቆስ ወንጌል ውስጥ ቀርቧል (ማቴ. 27፡46 ማር. 15:34)። ነገር ግን የመስቀሉ የክብር ሌላው ጎን በተለይ በሉቃስ እና በዮሐንስ ወንጌል ውስጥ ቀርቧል (ሉቃስ 23፡32–47፣ ዮሐ. 19፡25–30)። ይህም የመዳን፣ የምሕረት እና የእግዚአብሔር ልጅ ራሱን ለአባቱ የሚሰጥበት ቦታ ነው። እንዴት ያለ ተቃርኖ ነው! የእግዚአብሔር ታላቅ ክብር የሚገለጠው የዓለምን ኃጢአት በራሱ ተሸክሞ እጅግ በመዋረዱ ውስጥ ነው። እኛን ከኃጢአት ሊያድነን አምላክ ራሱ በመስቀል ላይ እንዲህ ያለ ከባድ ነገር ወሰደ ማለት ምን ማለት እንደሆነ አስቡ። ይህ ኃጢአት እንዴት መጥፎ እንደሆነ ምን ሊነግረን ይገባል?

@SabbathSchool @TekalignSorato

SABBATH SCHOOL(ሰንበት ትምህርት )

16 Oct, 03:01

ረቡዕ
ጥቅምት 6
Oct 16

እንደገና ብቅ የሚሉ ጭብጦች፡- ማመን/አለማመን

ዮሐንስ 3፡16-21፣ ዮሐንስ 9፡35-41፣ እና ዮሐንስ 12፡36-46ን ያንብቡ። እነዚህ ጽሑፎች በመቅድሙ ውስጥ የሚገኘውን የማመንን/አለማመንን ጭብጥ እንዴት ይደግማሉ?

Save Notes

በዮሐንስ ወንጌል ውስጥ፣ የሰው ልጅ በሁለት ዋና ዋና ቡድኖች የተከፈለ ይመስላል፦ በኢየሱስ አምነው እንደመሲህ የተቀበሉት እና የማመን እድል አግኝተው፣ ነገር ግን ላለማመን የመረጡት። ደቀ መዛሙርቱ ከመጀመሪያው ጎራ ውስጥ ናቸው፤ ልክ እንደ ኒቆዲሞስ (ቀስ በቀስ ወደ እምነት የመጣው)፣ በውኃ ጉድጓዱ አጠገብ የነበረችው ሴት፣ እና ዐይነ ሥውር ሆኖ የተወለደው ሰው። በሁለተኛው ቡድን ውስጥ ፈሪሳውያን እና ሊቃነ ካህናት፣ አምስት ሺህ ሰዎችን ሲመግብ ተአምር የተመለከቱ ሰዎች እና ሌላው ቀርቶ ከደቀ መዛሙርቱ አንዱ የሆነው ይሁዳ ይገኙበታል። የሚገርመው፣ “እምነት” ወይም በግሪክ “ፒስቲስ” (pistis) የሚለው ሥማዊ አገባብ ያለው ቃል በዮሐንስ ወንጌል ውስጥ ፈጽሞ አለመታየቱ ነው። ይሁን እንጂ “ማመን” “ፒሲቲኦ” (pisteu) የሚለው ግስ 98 ጊዜ ተጠቅሷል። በአጠቃላይ በሐዲስ ኪዳን ውስጥ ደግሞ ከ241 ጊዜ በላይ! ይህ ግስ በዮሐንስ ወንጌል ውስጥ በጣም ትልቅ ጭብጥ ነው። ከሥም ይልቅ የዚህ የግስ አጠቃቀም ክርስቲያን የመሆንን በጣም ንቁ ስሜት ሊያመለክት ይችላል። በኢየሱስ ማመን እኛ የምንተገብረው ነገር ነው፣ እናም እንዴት እንደምንኖር ይገለጻል እንጂ እንዲሁ በኃይማኖቶች ውስጥ መሆንን አይደለም። እንደምናውቀው፣ ዲያብሎስም እንዲሁ በየሱስ ያምናል (ያዕቆብ 2፡19 ይመልከቱ)። በዮሐንስ ወንጌል ውስጥ፣ በሁለቱ ቡድኖች መካከል ያለው ዋነኛው ልዩነት ከኢየሱስ ጋር ያላቸው ግንኙነት ነው። አማኞች፣ ወይም ያመኑት፣ ሲቃወማቸው ወይም ሲገስጻቸውም፣ ለእርሱ ግልጽነት አላቸው። ወደ ኢየሱስ ይመጣሉ እንጂ ሸሽተው አይሄዱም። እርሱ የሚያበራላቸው ብርሃን ነው። እናም በእምነትና በማመን የእግዚአብሔር ልጆች ይሆናሉ። የማያምኑት ግን በተለምዶ እርሱን ለመቃወም ወደ ኢየሱስ ይመጣሉ። ከብርሃን ይልቅ ጨለማን የሚወዱ ሰዎች በመሆን ተለይተው ይታወቃሉ። ንግግሩን መቀበል ይከብዳቸዋል ወይም ያረጁ ወጎቻቸውን ሲጥስ እና የጠበቁትን ሳይፈጽም ያዩታል። የእርሱ ብርሃን እንዲዳኛቸውና እንዲመዝናቸው ከመፍቀድ ይልቅ በእርሱ ላይ ለመፍረድ ይቆማሉ። ነገር ግን እንደ ሕዝቡ መንፈሳዊ መሪዎች ኢየሱስን ለመቀበል የመጀመሪያዎቹ ሊሆኑ ሲገባ፣ ይህ አመለካከት በኃይማኖት መሪዎች ዘንድ በተደጋጋሚ ታይቷል። የሱስ መሲሕ መሆኑን በአእምሮ ከማወቅ ባለፈ፣ እምነታችሁን እንዴት ነው በሕይወታችሁና በኑሯችሁ የምትገልጡት? ልዩነቱን ማወቅ ለምን አስፈለገ?(ማቴ. 7:21–23 ተመልከቱ)።

@SabbathSchool @TekalignSorato

SABBATH SCHOOL(ሰንበት ትምህርት )

15 Oct, 18:48

Live stream finished (8 minutes)

SABBATH SCHOOL(ሰንበት ትምህርት )

15 Oct, 18:40

Live stream started

SABBATH SCHOOL(ሰንበት ትምህርት )

15 Oct, 18:39

Live stream finished (1 hour)

6,242

subscribers

86

photos

22

videos

Best Similar Channel

TIKVAH-ETHIOPIA

1,530,705 subscribers

@tikvahethiopia

4-3-3 ስፖርት በኢትዮጵያ™

581,022 subscribers

Tikvah-University

311,085 subscribers

@tikvahuniversity

Afriwork (Freelance Ethiopia)

235,303 subscribers

@freelance_ethio

AWAQI | አዋቂ ኢትዮጵያ

144,607 subscribers

EBC (Ethiopian Broadcasting Corporation)

140,011 subscribers

ETHIOPIAN 🇪🇹 MUSIC🎵✔

66,563 subscribers

@new_ethiopian_music

Entrance Tricks ️️

56,677 subscribers

@entrance_tricks

Pharmacy References

32,224 subscribers

እንግሊዝ ፕሪሚየር ሊግ ⚽️

28,171 subscribers

Random Similar Channel

1,694 subscribers

የክርስትና መጽሐፍት ስብስብ ethio christians' books

8,451 subscribers

@amhnewtestamentbible

Ethiopian SDA Songs

3,283 subscribers

Super christian tube ሱፐር ክርስቲያን ቱብ

20,861 subscribers

@superchristiantube7

" ሕይወት ከክርስቶስ ጋር"

1,944 subscribers

@uznesswzchristjesus

BARUMSA SANBATAA SDA

1,492 subscribers

@barumsasanbataa

Dilla University Official

14,604 subscribers

Ethiopian SDA Instrumental songs Seventh day Adventist

1,264 subscribers

@sdainstrumentals

1,210 subscribers

Adventist information አድቬንቲስት መረጃ

1,901 subscribers

@adventistethio

Grade 9 new curriculem TextBook

3,152 subscribers

የኛ ሊቨርፑል ⚽️ GOAL

2,217 subscribers

"የሸይኽ ዐብዱልሐሚድ አል–ለተሚይ" ትምህርቶች ቻናል [THE OFFICIAL CHANNEL OF SHAYKH ABDULHAMID LATAMO]

16,714 subscribers

1,169 subscribers

Akiya Wood Work

1,724 subscribers

ዘመናዊ የተመረጡ ሙዚቃዎች

ዘመናዊ የተመረጡ ሙዚቃዎች

1,286 subscribers

የኡስታዝ አቡ ሀይደር ትምህርቶች ስብስብ

17,210 subscribers

ባያ ባያ የመኪናና የቤት ደላላ

1,183 subscribers

ትጉሃን ሚዲያ

1,046 subscribers

ISLAMIC SCHOOL 2

5,010 subscribers