RFA Burmese

စစ်မှုထမ်းဇာတ်လမ်းများ - အပိုင်း(၁၃)
ခမရ ၃၂၅က ခြေလျင်ထွက်ပြေးခဲ့တဲ့ ကိုဝေကြီးရဲ့ မိုင်ရာချီခရီးကြမ်း
~~~
■ စစ်မှုထမ်းဥပဒေကြောင့် ပျက်စီးသွားတဲ့ အနာဂတ်တွေ၊ ပြိုကွဲသွားတဲ့ မိသားစုတွေ၊ ရုန်းကန်နေရတဲ့ ဘဝတွေအကြောင်း ပြောပြပေးမယ့် "စစ်မှုထမ်းဇာတ်လမ်းများ" Podcast ကို အပတ်စဉ် စနေနေ့တိုင်း ထုတ်လွှင့်နေပါပြီ။

ဒီတစ်ပတ်အစီအစဉ် အပိုင်း (၁၃)မှာတော့ ရှမ်းပြည်နယ် မိုင်းရယ်မြို့ ခြေမြန်တပ်ရင်း ၃၂၅ ကနေ မိုင်တစ်ရာကျော်ခရီးကို ခြေလျင်ထွက်ပြေးခဲ့တဲ့ ကိုဝေကြီးအကြောင်း ကြားရပါမယ်။

လမ်းတလျောက် စစ်တပ်စစ်ဆေးရေးဂိတ်တွေနဲ့ တောအထပ်ထပ် တောင်အစွယ်စွယ်ကိုဖြတ်ပြီး ကိုဝေကြီး ဘယ်လို စွန့်စားခရီးနှင်ခဲ့ရသလဲဆိုတာ RFA ရဲ့ Facebook, YouTube, Spotify နဲ့ Apple Podcasts တွေကနေ လာမယ့် နိုဝင်ဘာလ ၂၃ ရက် စနေနေ့ ညနေ ၆ နာရီခွဲအချိန်မှာ နားဆင်နိုင်ပါတယ်။

--------
#conscription #စစ်မှုထမ်း #rfaburmese #လွတ်လပ်တဲ့အာရှအသံ

Live stream finished (15 minutes)

Live stream started

နေစရာ ဤမြေကမ္ဘာ
တရုတ်ပြည်မီးလင်းဖို့ မြစ်ဆုံစီမံကိန်းကို စစ်ကောင်စီ ပြန်စတာလား
~~~
■ မြန်မာနိုင်ငံမှာ မီးပုံမှန်မရပေမဲ့ တရုတ်နိုင်ငံကို လျှပ်စစ် ၉၀ ရာခိုင်နှုန်းတင်ပို့မယ့် ဧရာဝတီမြစ်ဆုံရေကာတာစီမံကိန်းကို အရင်စစ်အစိုးရလက်ထက်က လေ့လာခဲ့တဲ့အဖွဲ့က မလုပ်သင့်ကြောင်း ကန့်ကွက်ခဲ့ပါတယ်။ လူထုကလည်း မကျေနပ်တဲ့အတွက် ၂၀၁၁ ခုနှစ်က ဆိုင်းငံ့ခဲ့တဲ့ အဲဒီစီမံကိန်းပြန်စဖို့ အာဏာသိမ်းစစ်ကောင်စီက ပြင်ဆင်နေပုံရတဲ့အကြောင်း ဒေါ်စမ်းစမ်းတင် တင်ပြပါမယ်။
____________
RFA Burmese Website တွင် ဖတ်ရှုရန်…

#ကချင် #မြစ်ဆုံ #လျှပ်စစ် #လွတ်လပ်တဲ့အာရှအသံ #rfaburmese

မနက်ခင်းသတင်း (၂၀၂၄ နိုဝင်ဘာ ၂၁ ရက်)
~~~
■ တရုတ်နယ်စပ် ကန်ပိုက်တီမြို့ကို KIA နဲ့ ပူးပေါင်းတပ်တွေ သိမ်းပိုက်၊
■ အကြမ်းဖက်တိုက်ခိုက်မှုတွေအတွက် စစ်ကောင်စီ တာဝန်ခံရမည်၊
■ မင်္ဂလာဒုံမြို့မရဲစခန်းကို Dark Shadow အဖွဲ့ တိုက်ခိုက်၊
■ PNLO နယ်မြေကို စစ်ကောင်စီနဲ့ ပြည်သူ့စစ်အဖွဲ့ ထိုးစစ်ဆင်၊
■ ကျူးကျော်ငါးဖမ်းရင် အရေးယူမယ်လို့ AA သတိပေး၊
■ ဘန်ကောက်အနီး ကားမှောက်မှု မြန်မာ ခုနစ်ဦး သေဆုံး၊
■ စစ်ကောင်စီ လက်နက်ကြီးကြောင့် ညောင်လေးပင် ဒေသခံနှစ်ဦး သေဆုံး၊
■ စစ်ကောင်စီစစ်ကြောင်းကြောင့် ကျွန်းလှဒေသခံ ထောင်ချီ ထွက်ပြေး၊
____________
#သတင်းများ #လွတ်လပ်တဲ့အာရှအသံ #rfaburmese

မြန်မာတွေကို အတင်းအကျပ်ပြန်မပို့ဖို့ ထိုင်းကို လူ့အခွင့်အရေးကျွမ်းကျင်သူတွေ တောင်းဆို
~~~
■ ပြစ်ဒဏ်ကျခံထားပြီး လွတ်ရက်စေ့လို့ ပြန်လွတ်လာတဲ့ မြန်မာနိုင်ငံသားတွေကို မြန်မာပြည် အတင်းအကျပ် ပြန်မပို့ဖို့ လူ့အခွင့်အရေးကျွမ်းကျင်သူတွေက ထိုင်းအစိုးရကို တောင်းဆိုလိုက်ပါတယ်။ RFA ဝိုင်းတော်သား ကိုရဲခေါင်မြင့်မောင် တင်ပြထားပါတယ်။
____________
RFA Burmese Website တွင် ဖတ်ရှုရန်…

#ထိုင်းအစိုးရ #မြန်မာနိုင်ငံသား #လွတ်လပ်တဲ့အာရှအသံ #rfaburmese

မြေမြှုပ်မိုင်းကြောင့် ခြေထောက်တစ်ဖက်ဆုံးရှုံးခဲ့သူ

PNLO နယ်မြေကို စစ်ကောင်စီနဲ့ ပြည်သူ့စစ်အဖွဲ့ ထိုးစစ်ဆင်
~~~
■ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) နယ်မြေကို စစ်ကောင်စီနဲ့ ပအိုဝ်းပြည်သူ့စစ်အဖွဲ့ (PNO) တို့ ထိုးစစ်ဆင်တိုက်ခိုက်နေတယ်လို့ PNLO က သတင်းထုတ်ပြန်ပါတယ်။

နိုဝင်ဘာ ၂ဝ ရက်နေ့ မနက် ဆယ်နာရီခွဲလောက်မှာ ရှမ်းပြည်နယ်တောင်ပိုင်း ဆီဆိုင်မြို့နယ်အတွင်းက အများပြည်သူ သုံးနေတဲ့ ဆိုက်ခေါင်-ဟိုနမ့်ပွန်ချောင်းတံတားကို လေယာဉ်နဲ့ ဗုံးသုံးကြိမ်ကြဲပြီး တိုက်ခိုက်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။ လေကြောင်းတင်မကဘဲ မြေပြင်ကပါ ထိုးစစ်ဆင်တိုက်ခိုက်လာတာကြောင့် အဲဒီတံတားအနီးမှာ နှစ်ဘက်တိုက်ပွဲဖြစ်ခဲ့တယ်လို့လည်း ဆိုပါတယ်။

စစ်ကောင်စီနဲ့ PNO ပြည်သူ့စစ်တွေ အင်အားထပ်မံဖြည့်တင်းပြီး ထိုးစစ်ဆင်တိုက်ခိုက်ဖို့ ကြိုးစားနေတယ်လို့ PNLO ထုတ်ပြန်ချက်မှာ ဖော်ပြထားပါတယ်။

ဒီအခြေအနေနဲ့ပတ်သက်ပြီး စစ်ကောင်စီ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းနဲ့ PNLA ပြောခွင့်ရှိသူတို့ကို RFA က ဆက်သွယ်ထားပေမဲ့ ပြန်လည်ဖြေကြားတာ မရှိပါဘူး။

ပြီးခဲ့တဲ့ ဩဂုတ်လအတွင်းကလည်း စစ်ကောင်စီနဲ့ PNO အဖွဲ့တွေ တိုက်ခိုက်ခဲ့တာကြောင့် ဆီဆိုင်မြို့နယ်က ဒေသခံ သောင်းနဲ့ချီ ထွက်ပြေးခဲ့ရပါတယ်။
________
RFA Burmese Website တွင် ဖတ်ရှုရန်…

#ရှမ်းပြည်နယ် #PNO #PNLO #ဆီဆိုင် #လွတ်လပ်တဲ့အာရှအသံ #rfaburmese

မြန်မာ့အရေး တံခါးပိတ်ဆွေးနွေးပွဲ ကျင်းပ
~~~
■ ကုလသမဂ္ဂဆိုင်ရာ ဗြိတိန်သံအမတ်ကြီး Barbara Woodward က မြန်မာစစ်ကောင်စီရဲ့ အကြမ်းဖက်တိုက်ခိုက်မှုတွေကို အပြင်းအထန် ရှုတ်ချပြီး ဒီတိုက်ခိုက်မှုတွေအတွက် တာဝန်ခံရမယ်လို့ ပြောလိုက်ပါတယ်။

နိုဝင်ဘာ ၂ဝရက်နေ့ မနက်က မြန်မာ့အရေး လုံခြုံရေးကောင်စီ တံခါးပိတ်ဆွေးနွေးပွဲတွေ မစတင်ခင်မှာ သတင်းထောက်တွေကို ပြောလိုက်တာဖြစ်ပါတယ်။

အာဏာသိမ်းပြီးနောက်ပိုင်း မြန်မာပြည်သူတွေအပေါ် စစ်တပ်ရဲ့ လေကြောင်းတိုက်ခိုက်မှုတွေဟာ ပြီးခဲ့တဲ့ ဩဂုတ်လကနေ အောက်တိုဘာလအထိ သုံးလအတွင်း အမြင့်ဆုံးအခြေအနေကို ရောက်ရှိခဲ့တယ်လို့လည်း သူက ပြောခဲ့ပါတယ်။

ဒါ့အပြင် မနှစ်ကစပြီး ပိုပြီးပြင်းအားကောင်းတဲ့ ဖောက်ခွဲရေးပစ္စည်းတွေနဲ့ မြေမြှုပ်မိုင်းတွေ၊ အမြောက်ကျည်တွေ ပိုသုံးပြီး တိုက်ခိုက်လာတယ်လို့ ဆိုပါတယ်။ မြန်မာပြည်လူဦးရေ သုံးပုံတစ်ပုံကျော်ဟာ လူသားချင်းစာနာမှုအကူအညီတွေ လိုအပ်နေတယ်လို့ ဗြိတိန်သံအမတ်ကြီးက ပြောပါတယ်။

အမျိုးသားညီညွတ်ရေးအစိုးရ (NUG) ရဲ့ ကုလသမဂ္ဂ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းကလည်း မြန်မာစစ်တပ်ဟာ နိုင်ငံတကာရာဇဝတ်မှုတွေကို ဆက်တိုက်ကျူးလွန်နေဆဲဖြစ်ပြီး၊ ရွာတွေကို မီးရှို့တာ၊ အရပ်သားတွေကိုပါမချန် ဗုံးကြဲတိုက်ခိုက်တာ၊ အရပ်သားပြည်သူတွေကို အစုအပြုံလိုက်သတ်ဖြတ်တာ၊ မတရားဖမ်းဆီးချုပ်နှောင်တာ၊ လိင်ပိုင်းဆိုင်ရာ အကြမ်းဖက် ညှဉ်းပန်းနှိပ်စက်တာ၊ အဓမ္မစစ်သားစုဆောင်းတာတွေအပါအဝင် မကြုံဖူးတဲ့ ဒုက္ခတွေကို မြန်မာပြည်သူတွေ အကြီးအကျယ်ခံစားနေရတယ်လို့ သတင်းထောက်တွေကို ပြောခဲ့ပါတယ်။

စစ်ကောင်စီဟာ နိုင်ငံတကာအသိုင်းအဝိုင်းတချို့ရဲ့ တိုက်ရိုက်ဖြစ်စေ၊ သွယ်ဝိုက်လို့ဖြစ်စေ ပံ့ပိုးပေးတာတွေကြောင့် ဒီလိုရက်စက်ကြမ်းကြုတ်တဲ့ ရာဇဝတ်မှုတွေ ကျူးလွန်နိုင်တာဖြစ်တယ်လို့လည်း သူက ပြောပါတယ်။ ဒါ့အပြင် ဒီတံခါးပိတ်ဆွေးနွေးပွဲကနေ မြန်မာပြည်သူတွေအတွက် မျှော်လင့်ချက်တွေ ဖော်ဆောင်ပေးနိုင်ဖို့လည်း အဖွဲ့ဝင်နိုင်ငံတွေကို ဦးကျော်မိုးထွန်းက တိုက်တွန်းခဲ့ပါတယ်။
______
RFA Burmese Website တွင် ဖတ်ရှုရန်…

#ကုလသမဂ္ဂ #ဗြိတိန် #အကြမ်းဖက် #စစ်ကောင်စီ #လွတ်လပ်တဲ့အာရှအသံ #rfaburmese

ဘင်္ဂလားဒေ့ရှ် ငါးဖမ်းလှေ ခုနစ်စီးကို AA ပြန်လွှဲပြောင်း
~~~
■ မြန်မာရေပြင်ပိုင်နက်ထဲ ဝင်ရောက်လာတဲ့ ဘင်္ဂလားဒေ့ရှ်ငါးဖမ်းစက်လှေ ၁၅ စီးကို ဖမ်းဆီးပြီး အဲဒီထဲက ခုနစ်စီးကို နိုဝင်ဘာလ ၂၀ ရက်နေ့က ဘင်္ဂလာဒေ့ရှ် နယ်ခြားစောင့်တပ် (BGP) ကို ပြန်လည်လွှဲပြောင်းပေးခဲ့တယ်လို့ အာရက္ခတပ်တော် (AA) ကထုတ်ပြန်ပါတယ်။

ကျန်တဲ့ ငါးဖမ်းလှေ ရှစ်စီးကို လုံခြုံရေး အာမခံချက်ရှိတဲ့အချိန်မှာ လွှဲပြောင်းပေးသွားမယ်လို့ ဆိုပါတယ်။ AA ထိန်းချုပ်ထားတဲ့ ရေပိုင်နက်ထဲ ကျူးကျော်ဝင်ရောက် ငါးဖမ်းရင် အပြစ်ပေးအရေးယူသွားမယ်လို့ ထုတ်ပြန်ချက်မှာ ရေးသားပါတယ်။

ပြီးခဲ့တဲ့ နိုဝင်ဘာလ ၅ ရက်နေ့က မြန်မာရေပိုင်နက်ထဲမှာ ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံက ငါးဖမ်းလှေ အစီး ၆၀ ခန့်ကို AA ကမ်းခြေစောင့် လုံခြုံရေးတပ်ဖွဲဝင်တွေက တွေ့ရှိပြီး ငါးဖမ်းလှေ ၁၅ စီးနဲ့ ဘင်္ဂလားဒေ့ရှ်နိုင်ငံသား ရေလုပ်သား ၂၀ ဦးကို ဖမ်းဆီးရမိခဲ့တာလို့ ရေးသားထားပါတယ်။

ဒီအထဲက ဘင်္ဂလားဒေ့ရှ်နိုင်ငံသား ရေလုပ်သား ၂၀ ဦးကို နှစ်ရက်ကြာထိန်းသိမ်းပြီး နိုဝင်ဘာ ၇ ရက်နေ့မှာ ဘင်္ဂလာဒေ့ရှ် နယ်ခြားစောင့်တပ် (BGP) ကို ပြန်လည်လွှဲပြောင်းပေးခဲ့တယ်လို့ ဆိုပါတယ်။

စစ်ဆေးမေးမြန်းချက်အရ ဒီရေလုပ်သားတွေဟာ ဆင်းရဲနွမ်းပါးပြီး မိသားစုစားဝတ်နေရေး အကျပ်အတည်းကို ငါးဖမ်းပြီး အသက်မွေးဝမ်းကျောင်းပြုသူတွေဖြစ်တယ်လို့လည်းရေးသားထားပါတယ်။

ဒီလူတွေကို နောက်နောင် မြန်မာပိုင်နက်ထဲ ဝင်ရောက် ငါးဖမ်းတာတွေမလုပ်ဖို့ ခံဝန် ကတိလက်မှတ်ထိုးပြီး လွှဲပေးခဲ့တယ်လို့လည်း ဆိုပါတယ်။

မောင်တောဒေသမှာ စစ်ကောင်စီနဲ့ AA အကြား စစ်ရေးပြင်ထန်နေတာနဲ့ လေကြောင်းရန်ကြောင့် ငါးဖမ်းလှေတွေ ပြန်လည်ပေးအပ်ဖို့ ကြန့်ကြာနေတာလို့လည်း ရေးသားထားပါတယ်။
ဘင်္ဂလားဒေ့ရှ် အစိုးရကတော့ ဒီအခြေအနေနဲ့ ပတ်သက်ပြီး တစ်စုံတစ်ရာ ထုတ်ပြန်ပြောဆိုတာမရှိသေးပါဘူး။

အောက်တိုဘာ ၁၁ ရက်နေ့ကလည်း အာရက္ခတပ်တော် (AA) ထိန်းချုပ်ရာ မြန်မာရေပိုင်နက်ဖြစ်တဲ့ နတ်မြစ်အတွင်းရောက်လာတဲ့ ဘင်္ဂလားဒေ့ရှ် ရေလုပ်သားငါးဦးကို AA က ဘင်္ဂလားဒေ့ရှ်နယ်ခြားစောင့်တပ်ဖွဲ့ထံ ပြန်လွှဲပြောင်းပေးခဲ့ပါတယ်။
________
RFA Burmese Website တွင် ဖတ်ရှုရန်…

#ဘင်္ဂလားဒေ့ရှ် #ငါးဖမ်းစက်လှေ #AA #လွတ်လပ်တဲ့အာရှအသံ #rfaburmese

ဘန်ကောက်အနီး ကားမှောက်မှု မြန်မာ ခုနစ်ဦး သေဆုံး
~~~
■ ထိုင်းနိုင်ငံ ဘန်ကောက်မြို့အနီးမှာ မြန်မာနိုင်ငံသားတစ်ဦး မောင်းလာတဲ့ ကားအရှိန်မထိန်းနိုင်ဘဲ တိမ်းမှောက်ရာမှာ ကားပေါ်လိုက်ပါလာတဲ့ မြန်မာ ခုနစ်ဦး သေဆုံးသွားတယ်လို့ ဘန်ကောက်ပို့စ်သတင်းက ဖော်ပြပါတယ်။

နိုဝင်ဘာ ၂ဝ ရက်နေ့ မနက်အစောပိုင်းမှာ ထိုင်းရဲတပ်ဖွဲ့က စစ်ဆေးဖို့ ကားရပ်ခိုင်းတာကို မရပ်ဘဲ မောင်းပြေးရာကနေ အရှိန်မထိန်းနိုင်ဘဲ ဓာတ်တိုင်ကို ဝင်တိုက်မိပြီး ကားက မြောင်းထဲထိုးကျသွားတာလို့ ဘန်ကောက်ပို့စ်သတင်းက ဖော်ပြပါတယ်။

ကားပေါ်လိုက်ပါလာသူ အမျိုးသား နှစ်ဦးနဲ့ အမျိုးသမီး ငါးဦး သေဆုံးခဲ့တာဖြစ်ပါတယ်။ နှစ်ဦးရဲ့ ရုပ်အလောင်းကို ကားပေါ်မှာ တွေ့ရှိခဲ့ပြီး ကျန်တဲ့ ငါးဦးကိုတော့ မြောင်းထဲမှာ တွေ့ရှိခဲ့တာလို့ ဆိုပါတယ်။

အသက် နှစ်ဆယ်ကျော်အရွယ် မြန်မာနိုင်ငံသား ကိုအောင်အောင်ဦးရဲ့ ယာယီယာဉ်မောင်းလိုင်စင်ကို ထိုင်းကူညီကယ်ဆယ်ရေးအဖွဲ့က တွေ့ရှိထားပြီး ကျန်တဲ့သူတွေရဲ့ အထောက်အထားတွေကိုတော့ မတွေ့သေးပေမဲ့ အားလုံးက မြန်မာနိုင်ငံသားတွေဖြစ်တယ်လို့ ထိုင်းရဲတပ်ဖွဲ့က ယူဆပါတယ်။ သူတို့နဲ့အတူ ထိုင်းငွေ ဘတ် တစ်သောင်းသုံးထောင်နဲ့ အသုံးအဆောင်ပစ္စည်းတချို့ကို တွေ့ရှိခဲ့တယ်လို့ ရဲတပ်ဖွဲ့က ပြောထားပါတယ်။

သေဆုံးသူတွေဟာ တခြားပြည်နယ်တစ်ခုကို အလုပ်သွားလုပ်ဖို့ သွားကြတဲ့ အလုပ်သမားတွေ ဖြစ်နိုင်တယ်လို့ ရဲတပ်ဖွဲ့ ပြောဆိုချက်ကို ဘန်ကောက်ပို့စ်က ဖော်ပြထားပါတယ်။ နိုဝင်ဘာ ၂ဝ ရက်နေ့ မနက် လေးနာရီလောက်ကလည်း တာ့ခ်ခရိုင်မှာ တရားမဝင် ဝင်ရောက်လာတဲ့ မြန်မာနိုင်ငံသား ကိုးဦးကို ထိုင်းရဲတပ်ဖွဲ့ဖမ်းဆီးထားတယ်လို့ Khaosod သတင်းဌာနက ဖော်ပြထားပါတယ်။ အဲဒီကိုးဦးထဲမှာ ကလေးနှစ်ဦးနဲ့ အမျိုးသမီးတွေလည်း ပါဝင်ပါတယ်။
_______
RFA Burmese Website တွင် ဖတ်ရှုရန်…

#ထိုင်း #ဘန်ကောက် #ကားမှောက် #မြန်မာ #လွတ်လပ်တဲ့အာရှအသံ #rfaburmese

စစ်ကောင်စီစစ်ကြောင်းထိုးတာကြောင့် ကျွန်းလှဒေသခံထောင်ချီ ထွက်ပြေးရ
~~~
■ စစ်ကိုင်းတိုင်း ကျွန်းလှမြို့နယ် ကုက္ကိုလ်ကုန်းရွာကို နိုဝင်ဘာ ၂၀ ရက်နေ့ညနေက စစ်ကောင်စီ စစ်ကြောင်းဝင်ရောက်မီးရှို့နေတဲ့အပြင် ရွာအနီးဝန်းကျင်ကို လေကြောင်းကနေပါ ဗုံးကြဲတိုက်ခိုက်နေတာကြောင့် ရွာရှစ်ရွာက ထောင်နဲ့ချီတဲ့ ဒေသခံတွေ ဘေးလွတ်ရာထွက်ပြေးနေရတယ်လို့ ကျွန်းလှ တက်ကြွလှုပ်ရှားသူများအဖွဲ့က ပြောပါတယ်။

စစ်ကြောင်းက ရွာထဲဝင်ရောက်မီးရှို့နေတာကြောင့် အရပ်သားတွေ ထွက်ပြေးနေရတယ်လို့ ကျွန်းလှ တက်ကြွလှုပ်ရှားသူများအဖွဲ့ တာဝန်ရှိသူတစ်ဦးက RFA ကို ပြောပါတယ်။

"စောစောပိုင်းကလည်း ဂျက်ဖိုက်တာနဲ့ ပစ်သွားတယ်၊ စစ်ကြောင်းကလည်း အဲနားရှိနေတုန်းပဲ၊ မီးရှို့ခံရတဲ့ အိမ်ခြေလည်း မသိရသေးဘူး၊ စစ်ကြောင်းက ရွာထဲက တိုက်နယ်ဆေးရုံမှာ ထိုင်နေတယ်လို့ သိရတယ်၊ ရွာတွေက အဲနားပတ်ပတ်လည်ဆို အကုန်ရှောင်ရမယ်၊ တကုန်း၊ ကုက္ကိုကုန်းရွာက အုပ်စုရွာဆိုတော့ လေးရွာပတ်ပတ်လည်ပေါ့၊ အနည်းဆုံး ရှစ်ရွာလောက်ရှိမယ်"

တကုန်း၊ ကုက္ကိုကုန်း၊ သံပုရာပင်စု၊ မြဘုံသာ၊ ဘအင်းသရက်တော၊ တောင်ယာဆိပ်၊ မြင်သာဦး၊ လွှတ်တိုက်၊ မတောင် စတဲ့ ရွာဆယ် ရွာလောက်က ဒေသခံ ငါးထောင်ကျော်ဟာ ဘေးလွတ်ရာကို ထွက်ပြေးနေရတယ်လို့လည်း ဆိုပါတယ်။

ကုက္ကိုကုန်းရွာအနီးကို ဒရုန်းနဲ့ ဗုံးသီး ခြောက်ဆယ်လောက် ကြဲချတိုက်ခိုက်နေတာကြောင့် စစ်ဘေးဒုက္ခသည်တွေ ထိမှန်မှာကိုလည်း စိုးရိမ်နေရတယ်လို့ ဆိုပါတယ်။

လက်ရှိစစ်ကြောင်းမှာ အင်အား နှစ်ရာဝန်းကျင်ရှိပြီး နောက်ထပ် တစ်ရာလောက်လည်း ထပ်ရောက်နေတယ်လို့ ဆိုပါတယ်။

ဒီထုတ်ပြန်ချက်နဲ့ ပတ်သက်ပြီး စစ်ကောင်စီပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကို RFA က မေးမြန်းဖို့ ဖုန်းဆက်ခဲ့ပေမဲ့ လက်ခံဖြေဆိုတာမရှိပါဘူး။

ပြီးခဲ့တဲ့ နိုဝင်ဘာလ ၁၈ ရက်နေ့ကလည်း ကန့်ဘလူမြို့နယ် တောင်ခြမ်း ရွှေဘို-မြစ်ကြီးနားဗျူဟာလမ်းပိုင်းကို စစ်ကောင်စီက ဒရုန်းနဲ့ဗုံးကြဲတိုက်ခိုက်ခဲ့တာကြောင့် ခရီးသွားကားကို ထိမှန်ပြီး ဘုန်းကြီးတစ်ပါး ပျံလွန်တော်မူခဲ့တဲ့အပြင် အမျိုးသားနှစ်ဦး၊ အမျိုးသမီးတစ်ဦး သေဆုံးခဲ့သလို ခရီးသည်ဆယ်ဦးထိခိုက်ဒဏ်ရာရရှိခဲ့ကြောင်း ကျွန်းလှတက်ကြွသူများအဖွဲ့က ထုတ်ပြန်ပါတယ်။

ဒါ့အပြင် ကျွန်းလှမြို့နယ် လိပ်ဆင်းတောင်ရွာကို နိုဝင်ဘာ ၁၇ ရက်နေ့ညနေမှာ စစ်ကောင်စီက လေကြောင်းတိုက်ခိုက်ခဲ့တာကြောင့် အမျိုးသားတစ်ဦးသေဆုံးပြီး နေအိမ်တွေနဲ့ ကားတွေ ထိခိုက်ပျက်စီးခဲ့ကြောင်း ကျွန်းလှဒေသခံတွေက ပြောပါတယ်။

အောက်တိုဘာ ၃၀ ရက်နေ့ဝန်းကျင်ကစပြီး စစ်ကောင်စီတပ်က ကန့်ဘလူခရိုင်ထဲက ရွာတွေကို နေ့တိုင်းနီးပါး စစ်ကြောင်းထိုးနေတဲ့အပြင် ဒရုန်းနဲ့ ဗုံးသီးချတာ၊ လေကြောင်းတိုက်ခိုက်တာတွေ လုပ်နေတာလို့ ကန့်ဘလူဒေသခံတွေက ပြောပါတယ်။

စစ်ကောင်စီက စစ်ကြောင်းထိုးချိန်အတွင်း ကန့်ဘလူခရိုင်ထဲက နေအိမ်တွေ ထောင်နဲ့ချီ မီးရှို့ဖျက်ဆီးခံခဲ့ရတယ်လို့လည်း ဒေသခံ အရပ်ဘက်အဖွဲ့တွေက ထုတ်ပြန်ထားပါတယ်။
_______
RFA Burmese Website တွင် ဖတ်ရှုရန်…

#ကျွန်းလှ #မီးရှို့ #လေကြောင်း #ဗုံးကြဲ #လွတ်လပ်တဲ့အာရှအသံ #rfaburmese

စစ်ကောင်စီ လက်နက်ကြီးကြောင့် ညောင်လေးပင်ဒေသခံနှစ်ဦးသေဆုံး၊ လေးဦးဒဏ်ရာရ
~~~
■ ကရင်အမျိုးသားအစည်းအရုံး (KNU) ထိန်းချုပ်နယ်မြေမှာရှိတဲ့ ပဲခူးတိုင်း ညောင်လေးပင် (ခလယ်လွီထူ) ခရိုင်အတွင်း စစ်ကောင်စီက ဒရုန်းနဲ့လက်နက်ကြီးပစ်ခတ်တာကြောင့် အရပ်သားပြည်သူ နှစ်ဦးသေဆုံးပြီး ၁၈ နှစ်အောက် ကလေးနှစ်ဦးအပါအဝင် လေးဦး ထိခိုက်ဒဏ်ရာရခဲ့တယ်လို့ KNU ဗဟိုက နိုဝင်ဘာလ ၂၀ ရက်နေ့က ထုတ်ပြန်ပါတယ်။

နိုဝင်ဘာလ ၁၇ ရက်နေ့က စစ်ကောင်စီရဲ့ ခမရ-၃၀၇ ရွှေဝါတပ်ရင်းက မူးမြို့နယ် ရွာကြီးအင်းရွာကို ဟောင်ဝစ်ဇာလက်နက်ကြီးနဲ့ပစ်ခတ်ခဲ့လို့ အသက် ၅၅ နှစ်အရွယ် ဦးပြူးကျော်နဲ့ အသက် ၇၇ နှစ်အရွယ် ဦးဝဲကြည်တို့နှစ်ဦး သေဆုံးခဲ့တယ်လို့ ဆိုပါတယ်။

နိုဝင်ဘာလ ၁၆ ရက်နေ့က ခလရ-၂၆၄ တပ်က လယ်ဒိုမြို့နယ် တောကြောင်ပေါက်ရွာက စာသင်ကျောင်းကို ဒရုန်းနဲ့ပစ်ခတ်ခဲ့တာကြောင့် အသက်ဆယ်နှစ်အရွယ် ကျောင်းသူ နော်ရွှင်စင်ဦးနဲ့ နော်သူမူးအင် နှစ်ဦးအပါအဝင် ဒေသခံလေးဦး ထိခိုက်ဒဏ်ရာရခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် ဆေးပေးခန်း၊ မူကြိုကျောင်း၊ ခရစ်ယာန်ဘုရားကျောင်းနဲ့ နေအိမ်လေးလုံးထိခိုက်ပျက်စီးခဲ့တယ်လို့ ထုတ်ပြန်ပါတယ်။

ပြီးခဲ့တဲ့ နိုဝင်ဘာလ ၁၅ ရက်နေ့ကနေ ၁၉ ရက်နေ့အထိ ငါးရက်အတွင်း စစ်ကောင်စီက လက်နက်ကြီးနဲ့ ၈၆ လုံးပစ်ခတ်ခဲ့သလို စာသင်ကျောင်းကို ဒရုန်းဗုံးရှစ်လုံးပစ်ခတ်ခဲ့တယ်လို့ ထုတ်ပြန်ချက်မှာ ထည့်သွင်းပြောဆိုထားပါတယ်။

KNU ထုတ်ပြန်ပြောဆိုချက်နဲ့ ပတ်သက်ပြီး စစ်ကောင်စီပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကို RFA က မေးမြန်းဖို့ ဖုန်းဆက်ခဲ့ပေမဲ့ ဆက်သွယ်လို့ မရခဲ့ပါဘူး။

စစ်ကောင်စီတပ်တွေက ကျေးရွာတွေကို စစ်ကြောင်းထိုးဝင်ရောက်နေတာကြောင့် အိမ်ခြေ တစ်ထောင်ကျော် (၁၁၅၂ လုံး) က လူဦးရေ ခြောက်ထောင့်ငါးရာနီး (၆၄၅၁ ဦး) ဟာ ဘေးလွတ်ရာကို ထွက်ပြေးတိမ်းရှောင်နေရပြီး ကျန်းမာရေးအပါအဝင် စားနပ်ရိက္ခာအခက်အခဲတွေရှိနေတယ်လို့ KNU က ထုတ်ပြန်ထားပါတယ်။
_______
RFA Burmese Website တွင် ဖတ်ရှုရန်…

#ပဲခူး #ညောင်လေးပင် #လက်နက်ကြီး #လွတ်လပ်တဲ့အာရှအသံ #rfaburmese

မင်္ဂလာဒုံမြို့မရဲစခန်းကို တိုက်ခိုက်ခဲ့ကြောင်း Dark Shadow အဖွဲ့ ထုတ်ပြန်
~~~
■ ပြည်လမ်းနဲ့ ခရေပင်လမ်းခွဲထောင့်မှာရှိတဲ့ ရန်ကုန်တိုင်း မင်္ဂလာဒုံမြို့နယ် မြို့မရဲစခန်းကို နိုဝင်ဘာလ ၂၀ ရက်နေ့ ညနေက ဝင်ရောက်ခိုက်ခဲ့ကြောင်း မြို့ပြပြောက်ကျားအဖွဲ့တစ်ဖွဲ့ဖြစ်တဲ့ Dark Shadow အဖွဲ့က ထုတ်ပြန်ပါတယ်။

စစ်တပ်နဲ့ပေါင်းပြီး ပြည်သူတွေကို ဒုက္ခပေးနေလို့ တိုက်ခိုက်ခဲ့တာလို့ Dark Shadow အဖွဲ့ ဒုတာဝန်ခံ ရဲဘော်ပဒုမ္မာက RFA ကို ပြောပါတယ်။

"အဓိကတော့ လူစိတ်မရှိတော့တဲ့ စစ်မိစ္ဆာတွေရဲ့ အလိုကျလိုက်လုပ်ပေးနေတဲ့ ရဲတွေကို တိုက်ခိုက်တာပါ၊ ပြည်သူ့ရဲဆိုရင် ပြည်သူဘက်ရပ်တည်ရမှာလေ၊ အခုက စစ်သားတွေနဲ့ပေါင်း ဧည့်စာရင်းစစ်ပြီး ပြည်သူကို ဒုက္ခပေးနေတယ်ဆိုထဲက ပြည်သူ့ရဲမဟုတ်တော့ဘူး"

မင်္ဂလာဒုံရဲစခန်းကို ညနေ ခုနစ်နာရီလောက်မှာ ဝင်ရောက်တိုက်ခိုက်ခဲ့တာဖြစ်ပြီး ရဲစခန်းဘက်ကလည်း ပြန်လည်ပစ်ခတ်တာတွေရှိခဲ့တယ်လို့ ဆိုပါတယ်။

ဒီတိုက်ခိုက်မှုကြောင့် ရဲတွေဘက်က ထိခိုက်သေဆုံးတာတွေရှိနိုင်ပြီး Dark Shadow အဖွဲ့ဝင်တွေဘက်က ထိခိုက်မှုမရှိဘဲ ပြန်ဆုတ်နိုင်ခဲ့တယ်လို့လည်း ပြောပါတယ်။

မင်္ဂလာဒုံမြို့မရဲစခန်း တိုက်ခိုက်ခံရတယ်ဆိုတာနဲ့ ပတ်သက်ပြီး စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းကို RFA က ဖုန်းနဲ့ဆက်သွယ်မေးမြန်းပေမဲ့ လက်ခံဖြေဆိုတာ မရှိပါဘူး။ ရဲစခန်းတိုက်ခိုက်ခံရတယ်ဆိုတဲ့ အခြေအနေကိုလည်း စစ်ကောင်စီက တစ်စုံတစ်ရာ ထုတ်ပြန်ပြောဆိုတာမရှိသေးပါဘူး။

ပြည်သူတွေကို နေ့စဉ်ဒုက္ခပေးနေတဲ့ စစ်သားတွေကို ရတဲ့နေရာမှာ တိုက်ခိုက်သွားမှာ ဖြစ်ကြောင်းနဲ့ နောက်ထပ်ပစ်မှတ်တွေကိုလည်း ဆက်လက်တိုက်ခိုက်သွားမယ်လို့ Dark Shadow အဖွဲ့က ဆိုပါတယ်။

ပြီးခဲ့တဲ့ နိုဝင်ဘာ ၁၄ ရက်နေ့ကလည်း ရန်ကုန်တိုင်း ရန်ကင်းမြို့နယ်က ရုပ်ရှင်သရုပ်ဆောင် ရန်အောင်ရဲ့နေအိမ်ကို ပြင်းအားပျော့မိုင်းနဲ့ တိုက်ခိုက်ခဲ့တယ်လို့ မြို့ပြပြောက်ကျားအဖွဲ့တစ်ဖွဲ့ဖြစ်တဲ့ Dark Shadow အဖွဲ့က ထုတ်ပြန်ထားပါတယ်။
_________
RFA Burmese Website တွင် ဖတ်ရှုရန်…

#မင်္ဂလာဒုံရဲစခန်း #ရန်ကုန် #တိုက်ခိုက် #Dark Shadow #လွတ်လပ်တဲ့အာရှအသံ #rfaburmese

တရုတ်နယ်စပ်က ကန်ပိုက်တီမြို့ကို KIA သိမ်းယူ
~~~
■ တရုတ်နိုင်ငံနယ်စပ်က ကချင်ပြည်နယ် ကန်ပိုက်တီမြို့ကို ကချင်လွတ်မြောက်ရေးတပ်မတော် (KIA) နဲ့ပူးပေါင်းတပ်တွေ ဒီနေ့ည ၇ နာရီဝန်းကျင်က အပြီးသိမ်းယူခဲ့ကြောင်း ဒေသခံတွေနဲ့ KIA သတင်းရင်းမြစ်တွေက ပြောပါတယ်။

ကန်ပိုက်တီမြို့ကို နိုဝင်ဘာ ၂၀ ရက်နေ့ မနက်ပိုင်းက စတင်တိုက်ခိုက်ခဲ့တာဖြစ်ပြီး ည ၇ နာရီဝန်းကျင်မှာ အပြီးသိမ်းနိုင်ခဲ့တာလို့ ကန်ပိုက်တီ ဒေသခံတစ်ဦးက ပြောပါတယ်။

“ညနေပိုင်းမှာသိမ်းပြီးပြီ။ အခုက အကုန် တိတ်ဆိတ်နေပြီ။ စစ်ကောင်စီ စစ်သားတွေကလည်း နယ်စပ်ခြံစည်းရိုးဘက်ပြေးသွားတာတော့ တွေ့လိုက်တယ်။ တရုတ်တွေဘက်ပြေးသွားတာဖြစ်နိုင်တယ်။ သိမ်းပြီးတော့ လေယာဉ်နဲ့လည်းလာပစ်သွားတယ်။ ဌာနဆိုင်ရာဝန်ထမ်းတွေကလည်း ဒီနေ့နေ့လယ်ကတည်းက နယ်စပ်ဝင်ပေါက် လိုင်းဂေါင်းကနေ တရုတ်ဘက်ထွက်ပြေးသွားတာရှိတယ်”

အမည်မဖော်လိုတဲ့ KIA အရာရှိတစ်ဦးကလည်း ကန်ပိုက်တီမြို့ကို ဒီနေ့ ၇ နာရီလောက်မှာ အပြီးသိမ်းနိုင်တာဖြစ်ပြီး ကန်ပိုင်တီ သိမ်းပြီးနောက် ကန်ပိုက်တီမြို့နဲ့ အင်ဂွမ်လက တပ်မဟာ(၁)နဲ့ တပ်မဟာ (၁) အောက်က တပ်ရင်း(၇)နယ်မြေတွေကို စစ်ကောင်စီက လေကြောင်းနဲ့ ပစ်ခတ်သွားတယ်လို့ ပြောပါတယ်။

မြို့သိမ်းတိုက်ပွဲအတွက် နှစ်ဖက် ထိခိုက်သေဆုံးမှုအရေအတွက်ကိုတော့ RFA က အတည်ပြုနိုင်တာမရှိသေးပါ။

ကန်ပိုက်တီမြို့ဟာ တရားဝင် တရုတ်-မြန်မာ နယ်စပ်ဂိတ်ရှိတဲ့မြို့ဖြစ်ပြီး ကချင်ပြည်နယ်မှာ စစ်ကောင်စီ ထိန်းချုပ်ထားတဲ့ တစ်ခုတည်းကျန်တဲ့ နယ်စပ်ဂိတ်လည်း ဖြစ်ပါတယ်။

တိုက်ပွဲအခြေအတွေနဲ့ပတ်သက်ပြီး စစ်ကောင်စီရဲ့ ကချင်ပြည်နယ် ပြောခွင့်ရသူ ပြည်နယ်လူမှုရေးဝန်ကြီး ဦးမိုးမင်းသိန်းနဲ့ KIA သတင်းနဲ့ပြန်ကြားရေး တာဝန်ခံ ဗိုလ်မှူးကြီး နော်ဘူတို့ကို RFA က တယ်လီဖုန်းနဲ့ ဆက်သွယ်ခဲ့ပေမဲ့ ဆက်သွယ်လို့မရပါဘူး။

ဦးဇခုန်းတိန့်ယိန်းရဲ့ ကချင်အထူးဒေသ(၁)ဒေသဖြစ်တဲ့ ချီဖွေ၊ ဆော့်လော်၊ ပန်ဝါ၊ ကန်ပိုက်တီဒေသတွေကို KIA နဲ့ ပူးပေါင်းတပ်တွေက စက်တင်ဘာလကုန်းပိုင်းကစပြီး တိုက်ခိုက် သိမ်းပိုက်ခဲ့တာတာပြီး ကန်ပိုက်တီမြို့က ကချင်အထူးဒေသ(၁)က နောက်ဆုံးကျန်တဲ့ မြို့လည်းဖြစ်ပါတယ်။
________
RFA Burmese Website တွင် ဖတ်ရှုရန်…

#ကချင် #ကန်ပိုက်တီ #KIA #တရုတ်နယ်စပ် #လွတ်လပ်တဲ့အာရှအသံ #rfaburmese

Live stream finished (15 minutes)

Live stream started

မြင်းခြံနဲ့ မတ္တရာမှာ တိုက်ပွဲပြင်းထန်နေပြီး ဒေသခံ တစ်သောင်းကျော် ထွက်ပြေးနေရ
~~~
■ ကာကွယ်ရေးတပ်တွေ ထိန်းချုပ်ထားတဲ့ မန္တလေးတိုင်း၊ မတ္တရာမြို့နယ်နဲ့ မြင်းခြံမြို့နယ်ထဲက နယ်မြေအချို့ကို စစ်ကောင်စီတပ်က အင်အားအလုံးအရင်းနဲ့ ပြန်လည်ထိုးစစ်ဆင်နေတာကြောင့် တိုက်ပွဲပြင်းထန်နေပြီး ဒေသခံ တစ်သောင်းကျော်လည်း ဘေးလွတ်ရာကို ထွက်ပြေးနေရပါတယ်။ ထိန်းချုပ်ထားတဲ့ နယ်မြေအချို့ကိုလည်း ကာကွယ်ရေးတပ်တွေဘက်က လက်လွှတ်ရတာတွေရှိတယ်လို့ ဒေသခံတွေနဲ့ ကာကွယ်ရေးတပ်ဖွဲ့ဝင်တွေက ပြောပါတယ်။ ဒီအကြောင်း မသဇင်လှိုင် တင်ပြပေးထားပါတယ်။
____________

#မြင်းခြံ #မတ္တရာ #တိုက်ပွဲ #ဒေသခံထွက်ပြေးရ #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

အစီအမံကောင်းတွေချမှတ်ပြီးမှ မြေရှားသတ္တုတူးဖော်ဖို့ Global Witness တိုက်တွန်း
~~~
■ မြေရှားသတ္တု တူးဖော်တဲ့နေရာတွေ အားလုံးကို သိမ်းပိုက်ထားတဲ့ ကချင်လွတ်မြောက်ရေးတပ်မတော် (KIA) အနေနဲ့ မြေရှားသတ္တုတူးဖော်မှုအပေါ် နိုင်ငံတကာစံညွှန်းတွေနဲ့အညီ အစီအမံတွေမရှိမချင်း တူးဖော်မှုတွေ ရပ်တန့်ဖို့အတွက် တာဝန်ရှိတယ်လို့ ကမ္ဘာ့သဘာဝသယံဇာတ တူးဖော်မှုတွေကို စောင့်ကြည့်လေ့လာနေတဲ့ Global Witness က တိုက်တွန်းပါတယ်။ ဒီအကြောင်း မယဉ်မျိုးသူ တင်ပြပေးထားပါတယ်။
_________

#မြေရှားသတ္တု #Global witness #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

မြင်းခြံနဲ့ မတ္တရာကို အလုံးစုံထိန်းချုပ်နိုင်ဖို့ စစ်ကောင်စီတပ် ထိုးစစ်ဆင်
~~~

#လွတ်လပ်တဲ့အာရှအသံ #rfaburmese #မြင်းခြံ #မတ္တရာ #စစ်ကောင်စီထိုးစစ် #ဒေသခံတွေထွက်ပြေး

စစ်တွေမြို့ စက်ရုံစုရပ်ကွက် ရဲကင်းစခန်းအနီးက နေအိမ်တွေ ဖြိုဖျက်ရွှေ့ပြောင်းခံရ
~~~
■ ရခိုင်ပြည်နယ် စစ်တွေမြို့ စက်ရုံစုရပ်ကွက် နာဇီရွာ ရဲကင်းစခန်းအနီးဝန်းကျင်မှာရှိတဲ့ နေအိမ်နှစ်ဆယ်ခန့်ကို လုံခြုံရေးအကြောင်းပြချက်နဲ့ အာဏာပိုင်တွေက ဖယ်ရှားခိုင်းတာကြောင့် ဖြိုဖျက်ဖယ်ရှားပေးလိုက်ရတယ်လို့ စစ်တွေမြို့ခံတွေက ပြောပါတယ်။

ရဲကင်းစခန်း ပတ်ပတ်လည်က နေအိမ် နှစ်ဆယ်ခန့်ကို နိုဝင်ဘာလ ၈ ရက်နေ့ကနေ ၁၀ ရက်အထိ သုံးရက်အတွင်းမှာ အပြီးဖြိုဖျက် ဖယ်ရှားပေးလိုက်ရတာကြောင့် မိသားစုသုံးဆယ်ခန့် နေစရာမရှိဘဲ အိုးမဲ့အိမ်မဲ့ ဖြစ်သွားတယ်လို့ ဆိုပါတယ်။

အာဏာပိုင်တွေက ပြောင်းရွှေ့ရမဲ့နေရာ မစီစဉ်ပေးတာနဲ့ အစားထိုးမြေနေရာချထားပေးတာတွေ မရှိတဲ့အတွက် နီးစပ်ရာ ဘုန်းကြီးကျောင်းနဲ့ အသိဆွေမျိုးတွေဆီကို ပြောင်းရွှေ့နေထိုင်နေကြရတယ်လို့ နေအိမ်ဖယ်ရှားပေး လိုက်ရသူ တစ်ဦးက ပြောပါတယ်။

“အခုကတော့ ဖျက်ရမဲ့အိမ်တွေအကုန်လုံးလိုလို ဖျက်ပြီးပါပြီ။ တချို့လည်း ဖျက်တဲ့ သစ်တို သစ်စတွေ ရောင်းတဲ့သူ ရောင်းတယ်။ ယူသွားတဲ့သူလည်း ယူသွားတယ်။ ရွှေ့တာကတော့ ကိုယ့်အစီအစဉ်နဲ့ကိုယ် နီးစပ်ရာကို ပြောင်းကြရတာပါ”

လက်ရှိမှာတော့ အဲဒီရဲကင်းစခန်း ပတ်ပတ်လည်မှာ အကာအရံတွေ၊ ကတုတ်ကျင်းနဲ့ ပစ်ကျင်းတွေ တူးနေတာကို တွေ့မြင်ရတယ်လို့ စစ်တွေမြို့ခံတွေက ပြောပါတယ်။

နေအိမ်တွေ ပြောင်းရွှေ့ခိုင်းတာနဲ့ ပတ်သက်ပြီး တုံ့ပြန်ချက်ရနိုင်ဖို့ စစ်ကောင်စီရဲ့ ရခိုင်ပြည်နယ်ပြောခွင့်ရသူ ပြည်နယ်ဥပဒေချုပ် ဦးလှသိန်းကို RFA က တယ်လီဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာ မရှိသေးပါဘူး။

စစ်တွေမြို့ ပတ်ပတ်လည်ကို အာရက္ခတပ်တော် (AA) က ဝိုင်းပတ်ပိတ်ဆို့ထားတာကြောင့် စစ်ရေးတင်းမာနေပြီး မြို့ဆင်ခြေဖုံး ရပ်ကွက်တွေဘက်မှာတော့ ပစ်ခတ်သံတချို့ မကြာခဏ ကြားရတယ်လို့လည်း စစ်တွေမြိုခံတွေက ပြောပါတယ်။ စစ်ကောင်စီတပ်ကလည်း စစ်တွေမြို့ကို ခံစစ်အခိုင်အမာ ပြင်ဆင်ထားပြီး မြို့တွင်းလုံခြုံရေး တင်းကျပ်ထားပါတယ်။

စစ်ကောင်စီတပ်နဲ့ AA တို့ တစ်ကျော့ပြန် တိုက်ပွဲပြင်းထန်နေတဲ့ အချိန်တစ်နှစ်အတွင်း ရခိုင်ပြည်နယ် ၁၇ မြို့နယ်ထဲက မြို့နယ် ဆယ်မြို့နယ်နဲ့ ချင်းပြည်နယ် ပလက်ဝမြို့နယ်ကို AA က သိမ်းပိုက်ထားပါတယ်။
_________

ရခိုင်ပြည်နယ် စစ်တွေမြို့တစ်နေရာကို တွေ့ရစဥ်။ (Photo: RFA)

#စစ်တွေ #နေအိမ် #ရွှေ့ပြောင်းခံရ #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ ရှေ့နေအဖွဲ့ ထပ်မံတောင်းဆို
~~~
■ စစ်ကောင်စီက ဖမ်းဆီးအကျဉ်းချထားတဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်နဲ့ လူချင်းတွေ့ခွင့်ရဖို့ သူရဲ့ ရှေ့နေအဖွဲ့က စစ်ကောင်စီထံ တရားဝင်တင်ပြ တောင်းဆိုထားပေမဲ့ နိုဝင်ဘာလ ၁၄ ရက် ဒီနေ့အထိ တွေ့ဆုံခွင့် မရသေးဘူးလို့ ရန်ကုန်တိုင်း ကမာရွတ်ခရိုင်တရားရုံးနဲ့ နီးစပ်သူတွေက ပြောပါတယ်။

ရန်ကုန်မြို့ တက္ကသိုလ်ရိပ်သာလမ်းက ခြံအမှတ် (၅၄) နဲ့ နေအိမ် အမွေဆိုင်အမှုကိစ္စအတွက် နိုဝင်ဘာလ ၁၃ ရက် မနေ့က ရုံးချိန်းမှာ ဒေါ်အောင်ဆန်းစုကြည်ရဲ့ ရှေ့နေတွေဘက်က တင်ပြဖို့ရှိနေပေမဲ့ ဒေါ်အောင်ဆန်းစုကြည်နဲ့ တွေ့ခွင့်မရသေးတာနဲ့ ညွှန်ကြားချက်မရသေးတာတွေကြောင့် ရုံးချိန်းကို ရွှေ့ဆိုင်းပေးဖို့ တောင်းဆိုခဲ့တာလို့ ဆိုပါတယ်။

ဒီအမှုနဲ့ ပတ်သက်ပြီး ဒေါ်အောင်ဆန်းစုကြည်နဲ့ လူချင်းတွေ့ဆုံဆွေးနွေးဖို့အတွက် အောက်တိုဘာလ ၂၈ ရက်နေ့မှာ စစ်ကောင်စီရဲ့ ခွင့်ပြုချက်ပေးနိုင်တဲ့ သက်ဆိုင်ရာ အဖွဲ့အစည်းတွေထံ ရှေ့နေအဖွဲ့က တရားဝင်တင်ပြ တောင်းဆိုထားတာလို့ တရားရုံးနဲ့ နီးစပ်သူတွေက ပြောပါတယ်။ စစ်ကောင်စီရဲ့ ဘယ်ဌာနတွေကို တင်ပြထား တယ်ဆိုတဲ့ အသေးစိတ် အချက်အလက်ကိုတော့ မသိရသေးပါဘူး။

ကမာရွတ်ခရိုင်တရားရုံးကတော့ ရုံးချိန်းကို နိုဝင်ဘာလ ၂၁ ရက်နေ့ကို ရွှေ့ဆိုင်းပေးခဲ့ပါတယ်။

စစ်တပ်အာဏာသိမ်းချိန် ဒေါ်အောင်ဆန်းစုကြည်ကို ဖမ်းဆီးစွပ်စွဲခဲ့တဲ့ အမှုတွေထဲက နောက်ဆုံးလက်ကျန် အမှုတွေကို ၂၀၂၂ ခုနှစ် ဒီဇင်ဘာလ ၃၀ ရက် အမိန့်ချတဲ့နေ့ နောက်ပိုင်းကစပြီး ရှေ့နေအဖွဲ့နဲ့ လုံး၀တွေ့ဆုံခွင့် မရတော့သလို ပြင်ပကမ္ဘာနဲ့လည်း အဆက်သွယ်ဖြတ်ခံထားရတာပါ။

ဒီအပြင် ဒေါ်အောင်ဆန်းစုကြည်ရဲ့ ရှေ့နေအဖွဲ့ကိုလည်း ပြည်တွင်း၊ ပြည်ပမီဒီယာတွေနဲ့ ဆက်သွယ် စကားပြောဆိုခွင့်ကို စစ်ကောင်စီက ပိတ်ပင်ထားပါတယ်။

ရှေ့နေအဖွဲ့က ဒေါ်အောင်ဆန်းစုကြည်နဲ့ လူချင်းတွေ့ဆုံခွင့်ပေးဖို့ ၂၀၂၃ ခုနှစ်၊ ဇန်နဝါရီလကစလို့ အကြိမ်ကြိမ် စာနဲ့ တင်ပြတောင်းဆိုခဲ့ပေမဲ့ စစ်ကောင်စီက တစ်ကြိမ်တစ်ခါမှ အကြောင်းပြန်လာတာမျိုး မရှိဘူးလို့လည်း ရှေ့နေအဖွဲ့နဲ့ နီးစပ်သူတွေက ပြောပါတယ်။

ဒီအခြေအနေတွေနဲ့ ပတ်သက်လို့ စစ်ကောင်စီရဲ့ သဘောထားကို သိနိုင်ဖို့ စစ်ကောင်စီပြောခွင့်ရသူ ဗိုလ်ချုပ်ဇော်မင်းထွန်းကို RFA က ဒီနေ့ တယ်လီဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာ မရှိပါဘူး။

အသက် ၇၉ နှစ်အရွယ် ဒေါ်အောင်ဆန်းစုကြည်ဟာ စစ်ကောင်စီစွပ်စွဲတဲ့ အမှု (၁၉) မှုအတွက် ထောင် (၃၃) နှစ်ကျခံခဲ့ရပြီး ၂၀၂၃ ခုနှစ်၊ သြဂုတ်လ ၁ ရက်မှာ အမှု ငါးမှုအတွက် ခြောက်နှစ် လွတ်ငြိမ်းသက်သာခွင့် ရခဲ့တာကြောင့် လက်ရှိ ထောင် (၂၇) နှစ် ဆက်လက် ကျခံနေရပါတယ်။
_________

ရန်ကုန်မြို့ တက္ကသိုလ်ရိပ်သာလမ်းရှိ နေအိမ် အမှတ် (၅၄) တွင် ဒေါ်အောင်ဆန်းစုကြည်အား ၂၀၁၁ ခုနှစ်၊ ဇူလိုင်လ ၁၁ ရက်နေ့က တွေ့ရစဥ်။ (Photo: Reuters)

#ဒေါ်အောင်ဆန်းစုကြည် #ရှေ့နေအဖွဲ့ #တောင်းဆို #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

စစ်မှုထမ်းဇာတ်လမ်းများ - အပိုင်း(၁၂)
အဓမ္မစစ်သားစုဆောင်းခံရသူတွေကို ဖော်ထုတ် ကူညီနေသူ
~~~
■ စစ်မှုထမ်းဥပဒေကြောင့် ပျက်စီးသွားတဲ့ အနာဂတ်တွေ၊ ပြိုကွဲသွားတဲ့ မိသားစုတွေ၊ ရုန်းကန်နေရတဲ့ ဘဝတွေအကြောင်း ပြောပြပေးမယ့် "စစ်မှုထမ်းဇာတ်လမ်းများ" Podcast ကို အပတ်စဉ် စနေနေ့တိုင်း ထုတ်လွှင့်နေပါပြီ။

ဒီတစ်ပတ်အစီအစဉ် အပိုင်း (၁၂)မှာတော့ စစ်တပ်ရဲ့ အဓမ္မစစ်သားစုဆောင်းခံရသူတွေကို ဖော်ထုတ် ကူညီပေးနေတဲ့ ဒေါ်စုစုနွေးအကြောင်း ကြားရဖို့ရှိပါတယ်။

သူဘယ်လိုကူညီနေလဲ၊ ဘယ်လို အတားအဆီးတွေရင်ဆိုင်ရလဲ စတဲ့ စိတ်ဝင်စားစရာအကြောင်းစုံကို RFA ရဲ့ Facebook, YouTube, Spotify နဲ့ Apple Podcasts တွေကနေ လာမယ့် နိုဝင်ဘာလ ၁၆ ရက် စနေနေ့ ညနေ ၆ နာရီခွဲအချိန်မှာ နားဆင်နိုင်ပါတယ်။

Facebook:
https://www.facebook.com/watch/100064542350311/521970730519785/
YouTube:
https://www.youtube.com/playlist?list=PLkh5repCXjaYwdlLhH--DixSWlBZNeUIU
Spotify:
https://open.spotify.com/show/3DOgSgKmLoRXe8e570LGGU
Apple Podcasts:
https://podcasts.apple.com/us/podcast/ရေဆန်လမ်း/id1760546967
--------
#conscription #စစ်မှုထမ်း #rfaburmese #လွတ်လပ်တဲ့အာရှအသံ

Live stream finished (15 minutes)

Live stream started

နေစရာဤမြေကမ္ဘာ
အပူပြင်းဆုံးနိုင်ငံထဲ မြန်မာပါဝင်
~~~
■၂၀၂၄ ဟာ အပူပြင်းဆုံးနှစ်ဖြစ်ဖို့သေချာသလောက်ရှိနေပြီလို့ ကုလအကြီးအကဲက ပြောပါတယ်။ ဒီနှစ်ထဲ ကမ္ဘာ့အပူပြင်းဆုံးနေ့ ကြုံရတဲ့မြို့တွေထဲ မြန်မာနိုင်ငံလည်း ပါဝင်တဲ့အကြောင်း ဒေါ်စမ်းစမ်းတင်က တင်ပြပါမယ်။

စစ်ခေါင်းဆောင်ရဲ့ တရုတ်ပြည်ခရီးစဉ်နောက်ပိုင်း အကြမ်းဖက်မှုပိုလုပ်လာ
~~~
■ အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ရဲ့ တရုတ်ပြည်ခရီးစဉ်နောက်ပိုင်းမှာ တိုင်းရင်းသားလက်နက်ကိုင်တော်လှန်ရေးအဖွဲ့တွေထိမ်းချုပ်ထားတဲ့မြို့ရွာတွေကို လေကြောင်းကနေ တိုက်ခိုက်တာပိုများလာပါတယ်။ ဒီအကြောင်းကို RFA သတင်းထောက် နန်းဆိုင်ဖူး တင်ပြပါလိမ့်မယ်။
____________
#တရုတ် #စစ်ခေါင်းဆောင် #လွတ်လပ်တဲ့အာရှအသံ #rfaburmese

မနက်ခင်းသတင်း (၂၀၂၄ နိုဝင်ဘာ ၁၄ ရက်)
~~~
- မြန်မာမှာ အကြမ်းဖက်မှုချက်ချင်းရပ်ဖို့ ကန်နဲ့ အင်ဒို သမ္မတပြော၊
-မြန်မာ့အရေး ထရမ့်ရဲ့ အာရုံစိုက်မှုရမှာမဟုတ်ဘူးလို့ ထိုင်းပညာရှင်ပြော၊
- နောင်ချိုမှာ စစ်ကောင်စီတပ် နဲ့ TNLA တိုက်ပွဲပြင်းထန်နေ၊
- ချောင်းဦးက စစ်ဘေးဒုက္ခသည်တစ်သောင်းခွဲ အရေးပေါ်အကူညီလိုအပ်၊
- NLD ဗဟိုဘဏ်ဒုဥက္ကဌ ဆေးကုသမှုခံယူရ၊
- ဘင်္ဂလားဒေ့ရှ်နိုင်ငံသား ၆ ယောက်ကို AA ဖမ်းဆီးသွား၊
- ထိုင်းမှာ သက်တမ်းကျော်နေထိုင်သူတွေကို မြန်မာသံရုံး သတိပေး၊
- မလေးရှားလုပ်ငန်းရှင်ချီးမြှင့်တဲ့ ကားလက်ဆောင် မြန်မာအလုပ်သမားရရှိ၊
____________
#သတင်းများ #လွတ်လပ်တဲ့အာရှအသံ #rfaburmese

အမ်းက စစ်ကောင်စီတပ်ရင်းတပ်ခွဲ ရှစ်ခုကို သိမ်းယူထားကြောင်း AA ကြေညာ
~~~
■ ရခိုင်ပြည်နယ် အမ်းမြို့နယ်က စစ်ကောင်စီတပ်ရဲ့ အနောက်ပိုင်းတိုင်းစစ်ဌာနချုပ်အောက်မှာရှိတဲ့ တပ်ရင်းတွေအပါအဝင် တပ်စခန်းရှစ်ခုကို သိမ်းယူထားကြောင်း ရခိုင်နဲ့ ပလက်ဝဒေသ စစ်ဆင်ရေး (၁) နှစ်ပြည့်တဲ့ နိုဝင်ဘာ ၁၃ ရက်နေ့မှာ အာရက္ခတပ်တော် (AA) က ထုတ်ပြန်ပါတယ်။

အမ်းမြို့နယ်အခြေစိုက် စစ်ကောင်စီတပ်ရဲ့ အနောက်ပိုင်းတိုင်း စစ်ဌာနချုပ် လက်အောက်ရှိ အမှတ် (၃၇၃) ခြေမြန်တပ်ရင်း၊ အမှတ် (၃၇၄) အမြောက်တပ်ရင်း၊ အမှတ် (၇၅၇) လျှပ်စစ်အလုပ်ရုံတပ်ခွဲ၊ အမှတ် (၃၄၅) စစ်လက်နက်ပစ္စည်းတပ်ခွဲ၊ အမှတ် (၈) တိုက်ပွဲဝင်စည်းရုံးရေးသင်တန်းကျောင်း၊ အမှတ်-၂ ကုတင် ၃၀၀ တပ်မတော်စစ်ဆေးရုံ၊ လေကြောင်းရန်ကာကွယ်ရေးတပ်နဲ့ စစ်ဖက်ရေးရာလုံခြုံရေးတပ်တွေကို သိမ်းယူထားတယ်လို့ ဆိုပါတယ်။

ဒါ့အပြင် ကျန်ရှိနေတဲ့ အနောက်ပိုင်းတိုင်း စစ်ဌာနချုပ်အပါအဝင် တပ်ရင်းတပ်ခွဲ ဆယ်ခုကိုလည်း ထိုးစစ်ဆင် တိုက်ခိုက်နေတယ်ကြောင်းလည်း AA က ပြောထားပါတယ်။

အနောက်ပိုင်းတိုင်း စစ်ဌာနချုပ်၊ အမှတ် (၉၄၆) ဆောက်လုပ်ရေးအင်ဂျင်နီယာတပ်ခွဲ၊ အမှတ် (၃၇၁) ခြေမြန်တပ်ရင်း၊ အမှတ် (၃၇၂) ခြေမြန်တပ်ရင်း၊ အမှတ် (၇၅၇/၂) လျှပ်စစ်အလုပ်ရုံတပ်ခွဲ၊ အမှတ် (၉၂၆) ထောက်ပံ့နှင့်ပိုဆောင်ရေးတပ်ခွဲ၊ အမှတ် (၉) ဆက်သွယ်ရေးလုံခြုံမှုတပ်ရင်း၊ အမှတ် (၈) အဆင့်မြင့်ဆက်သွယ်ရေးတပ်ရင်း၊ အမှတ် (၁၀) တပ်ထိန်းတပ်ခွဲနဲ့ အမှတ် (၉၁၉) စစ်မြေပြင်အင်ဂျင်နီယာတပ်ရင်းတွေကို ထိုးစစ်ဆင်တိုက်ခိုက်နေတာပါ။

သိမ်းထားတဲ့စခန်းတွေက ထွက်ပြေးလွတ်မြောက်နေတဲ့ စစ်ကောင်စီ တပ်ဖွဲဝင်တွေကိုလည်း လိုက်လံချေမှုန်း တိုက်ခိုက်နေတာကြောင့် အမ်း၊ နပခဌာနချုပ် ပတ်ဝန်းကျင်မှာ တိုက်ပွဲတွေ ဆက်လက်ပြင်းထန်နေခဲ့တယ်လို့လည်း ဆိုပါတယ်။

အာရက္ခဒေသတစ်ခုလုံး အာရက္ခပြည်သူ့လက်ထဲကို အမြန်ဆုံးရောက်ရှိစေရေးနဲ့ စစ်ကောင်စီတပ်ဖွဲ့ဝင်တွေ ကင်းစင်ရေး စတဲ့ ရည်မှန်းချက်တွေအတွက် စစ်ကောင်စီရဲ့လက်ကျန် စခန်းတွေကို ထိုးစစ်ဆင်တိုက်ခိုက်ရာမှာ အပြီးသတ် သိမ်းပိုက်နိုင်ဖို့ လက်တစ်ကမ်းအလိုကို ရောက်နေပြီလို့လည်း ရေးသားထားပါတယ်။

ဒီထုတ်ပြန်ချက်နဲ့ ပတ်သက်ပြီး စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းကို RFA က ဖုန်းနဲ့ဆက်သွယ်မေးမြန်းပေမဲ့ လက်ခံဖြေဆိုတာ မရှိပါဘူး။

အမ်း၊ တောင်ကုတ်၊ ဂွနဲ့ မောင်တောမြို့တွေမှာ တိုက်ပွဲတွေ ပြင်းထန်နေသလို မောင်တောမြို့တစ်ခုလုံး သိမ်းယူနိုင်ဖို့အတွက် နယ်ခြားစောင့် အမှတ် (၅) (နခခ-၅) စခန်း တစ်ခုသာကျန်တော့တာကြောင့် ထိုးစစ်ဆင်တိုက်ခိုက်နေတယ်လို့ ဆိုပါတယ်။

ပလက်ဝဒေသ၊ ကျောက်တော်၊ မင်းပြား၊ မြောက်ဦး၊ ရသေ့တောင်၊ ဘူးသီးတောင်၊ ပုဏ္ဏားကျွန်း၊ ရမ်းဗြဲ၊ မြေပုံ၊ ‌ပေါက်တော၊ သံတွဲနဲ့ ကျိန္တလီမြို့တွေက စစ်ကောင်စီစခန်းတွေကို စစ်ဆင်ရေးတစ်နှစ်မပြည်ခင်မှာ သိမ်းယူနိုင်ခဲ့တယ်လို့လည်း ရေးသားထားပါတယ်။
___
အာရက္ခတပ်တော် (AA) မှ အမ်းမြို့ရှိ သိမ်းယူထားတဲ့ တပ်စခန်းတွေ့အား ၂၀၂၄ ခုနှစ် နိုဝင်ဘာလ ၁၃ ရက်နေ့က ထုတ်ပြန်ထားစဉ်။ (Photo : Telegram/ AA Info Desk)
#AA #အမ်း #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

မြန်မာ့အရေးကို ထရမ့်အစိုးရ အာရုံစိုက်မှာမဟုတ်ကြောင်း ထိုင်းပညာရှင်ပြော
~~~
■ မြန်မာနိုင်ငံမှာလက်ရှိဖြစ်ပေါ်နေတဲ့ အကျပ်အတည်းတွေက အရှေ့တောင်အာရှအတွက် အရေးပါနေပေမယ့် ထရမ့်အစိုးရရဲ့ အာရုံစိုက်မှုကိုတော့ ရနိုင်မှာ မဟုတ်ဘူးလို့ ဘန်ကောက်မြို့ Thammasat တက္ကသိုလ်က အရှေ့အာရှရေးရာ လက်ထောက်ဒါရိုက်တာ Dulyapak က ပြောပါတယ်။

ကမ္ဘာလုံးဆိုင်ရာ မဟာဗျူဟာနယ်ပယ်မှာ မြန်မာဟာ အစ္စရေး ယူကရိန်း နဲ့ ကိုးရီးယားကျွန်းဆွယ်တို့နဲ့ နှိုင်းယှဉ်ရင် အမေရိကန်အတွက် အရေးမကြီးကြောင်း၊ မြန်မာနိုင်ငံအကျပ်အတည်းကိုဖြေရှင်းရာမှာ အမေရိကန်က ပြင်းပြင်းထန်ထန် တက်တက်ကြွကြွ ပါဝင်မှာမဟုတ်ကြောင်း သူက ထိုင်း PBS သတင်းဌာနကို ပြောပါတယ်။

ဒါပေမယ့် တရုတ်ကို ပိုမိုတိုက်ရိုက်ထိတွေ့ဖို့ ဆုံးဖြတ်ရင် မြန်မာ့အရေး အမေရိကန်ရဲ့ ပါဝင်ပတ်သက်မှု သိသိသာသာ တိုးလာနိုင်တယ်လို့ဆိုပါတယ်။ မြန်မာ့ပြဿနာဟာ သိသာထင်ရှားတဲ့ ပထဝီနိုင်ငံရေး အကျပ်အတည်းအဖြစ် ရောက်လာခဲ့မယ်ဆိုရင် ထရမ့်က စိတ်ဝင်စားလာပြီး မြန်မာမှာ တရုတ်ရဲ့ဩဇာလွှမ်းမိုးမှုကို ထိန်းချုပ်ဖို့ ရည်ရွယ်နိုင်တယ်လို့ ဆိုပါတယ်။
_____

ဘင်္ဂလားဒေ့ရှ် နိုင်ငံသား ခြောက်ယောက်ကို AA ဖမ်းဆီးခေါ်ဆောင်သွား
~~~
■ အာရက္ခတပ်တော် (AA) က ဘင်္ဂလားဒေ့ရှ်ပင်လယ်အော်အတွင်း နတ်မြစ်ကိုဖြတ်ပြီး သွားလာနေတဲ့ သင်္ဘောနှစ်စင်းနဲ့ အတူ ဘင်္ဂလားဒေ့ရှ်နိုင်ငံသား ခြောက်ယောက်ကို ဖမ်းဆီးခဲ့ကြောင်း Dhaka Tribune သတင်းက နိုဝင်ဘာ ၁၃ ရက်နေ့က ဖော်ပြပါတယ်။

အဲဒီလှေတွေမှာ ဘိလပ်မြေနဲ့ အုတ်၊ သဲ၊ ကျောက်တွေ တင်ဆောင်လာပြီး စိန့်မာတင်ကျွန်းကို သွားနေစဉ်မှာ ဖမ်းဆီးခံခဲ့ရတာလို့ ဆိုပါတယ်။ ဒီအဖြစ်အပျက်ကြောင့် ဖမ်းဆီးခံရသူတွေရဲ့ မိသားစုတွေ ထိတ်လန့်စိုးရိမ်နေကြတယ်လို့ ဆိုပါတယ်။ ဒီကိစ္စနဲ့ပတ်သက်ပြီး ဘင်္ဂလားဒေ့ရှ် ကမ်းရိုးတန်းစောင့်တပ်က AA နဲ့ စစ်ကောင်စီကို ဆက်သွယ်ဖို့ ကြိုးပမ်းနေတယ်လို့ သတင်းက ဖော်ပြပါတယ်။

ပြီးခဲ့တဲ့ သီတင်းပတ်ကလည်း အာရက္ခတပ်တော် (AA) တပ်ဖွဲ့ဝင်တွေက နတ်မြစ်အတွင်း ဖမ်းဆီးခေါ်ဆောင်သွားတဲ့ ဘင်္ဂလားဒေ့ရှ် ငါးဖမ်းသမား ၂၀ ကို တက္ကနပ်ဖ်မြို့ ဆိပ်ခံတံတားကတစ်ဆင့် ပြန်ပို့ပေးခဲ့ပါတယ်။
_____
အာရက္ခတပ်တော် (AA) မှ ဘင်္ဂလားဒေ့ရှ် နယ်ခြားစောင့်တပ်ထံ ပြန်လည်လွှဲပြောင်းပေးခဲ့သည့် ဘင်္ဂလားဒေ့ရှ် ရေလုပ်သား နှစ်ဆယ်အား တွေ့ရစဉ်။ (Photo : Dhaka Tribune)
#AA #ဘင်္ဂလားဒေ့ရှ် #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

ချောင်းဦးက စစ်ဘေးဒုက္ခသည်တွေ အရေးပေါ်အကူအညီ လိုအပ်နေ
~~~
■ ဆောင်းရာသီကူးပြောင်းပြီး အအေးဓာတ်ပိုလာတဲ့အတွက် စစ်ကိုင်းတိုင်း ချောင်ဦးမြို့နယ်က စစ်ဘေးဒုက္ခသည်တစ်သောင်းခွဲကျော် အနွေးထည်တွေနဲ့ စောင်တွေလိုအပ်နေတယ်လို့ စစ်ဘေးဒုက္ခသည်အရေး ကူညီပေးနေသူတွေက ဆိုပါတယ်။

အခုရက်ပိုင်းအတွင်း ရာသီဥတုအေးလာတဲ့အတွက် စစ်ဘေးဒုက္ခသည်စခန်းတွေကို စောင်နဲ့အနွေးထည်တွေ ပို့ပေးနေရတယ်လို့ အကူအညီပေးနေတဲ့ We are People အဖွဲ့တာဝန်ရှိသူတစ်ဦးက ပြောပါတယ်။

“လိုအပ်ချက်တွေကတော့အများကြီးပါ။ ဆောင်းတွင်းအတွက်တော့ အနွေးထည်တွေ စောင်တွေလိုအပ်နေပါတယ်ဗျ”

ဒါ့အပြင် စစ်ဘေးဒုက္ခသည်စခန်းတွေအတွက် စားနပ်ရိက္ခာနဲ့ ဆေးဝါးအကူအညီတွေလည်း လိုအပ်နေတယ်လို့ ဆိုပါတယ်။

အခုလက်ရှိလည်း ချောင်းဦးမြို့နယ်အတွင်း စစ်ကောင်စီက လက်နက်ကြီးနဲ့ နေ့စဉ်ပစ်ခတ်နေတဲ့အတွက် ဒေသခံတွေ ထွက်ပြေးတိမ်းရှောင်နေရဆဲ ဖြစ်တယ်လို့ ဆိုပါတယ်။

ချောင်းဦးမြို့နယ်က ကျေးရွာအများစုဟာ စစ်ကောင်စီက မီးရှို့ဖျက်ဆီးထားတဲ့အတွက် ဒေသခံတွေ စစ်ဘေးဒုက္ခသည်အဖြစ် နှစ်ရှည်ကြာ ထွက်ပြေးတိမ်းရှောင်နေရပါတယ်။
___
ချောင်းဦးမြို့နယ်ရှိ စစ်ဘေးဒုက္ခသည်များအား ၂၀၂၄ ခုနှစ် နိုဝင်ဘာလ ၁၃ ရက်နေ့က စောင်လှူဒါန်းနေသည့်အား တွေ့ရစဉ်။ (Photo : We are People)
#ချောင်းဦး #စစ်ဘေးဒုက္ခသည် #လှူဒါန်း #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

နောင်ချိုမြို့နယ်မှာ စစ်ကောင်စီတပ်နဲ့ TNLA တိုက်ပွဲပြင်းထန်
~~~
■ ရှမ်းပြည်နယ်မြောက်ပိုင်း၊ နောင်ချိုမြို့နယ် တောင်ခမ်းရွာအနီးမှာ စစ်ကောင်စီတပ်ဖွဲ့တွေနဲ့ တအာင်းအမျိုးသားလွတ်မြောက်ရေးတပ်မတော် (TNLA) တို့ တိုက်ပွဲတွေ ပြင်းထန်နေတယ်လို့ TNLA က နိုဝင်ဘာ ၁၃ ရက် ဒီနေ့ ထုတ်ပြန်ပါတယ်။

နောင်ချိုမြို့နယ် တောင်ခမ်းရွာအနီးမှာရှိတဲ့ ဘုန်းကြီးကျောင်းနဲ့ စစ်ကောင်စီတပ် အမြောက်တပ် (၃၅၄) တပ်စခန်းနေရာအနီးမှာ တိုက်ပွဲဖြစ်ပွားနေတာလို့ TNLA က ဆိုပါတယ်။

ရှမ်းပြည်နယ် ရပ်စောက်မြို့နယ် ကျောက်ဂူကနေ နောင်ချိုမြို့နယ်အတွင်းသို့ စစ်အင်အားပြန်လည်ဖြည့်တင်းဖို့ စစ်ကောင်စီက ကြိုးပမ်းလာတဲ့အတွက် နှစ်ဘက်တပ်တွေအကြား ထိတွေ့ တိုက်ပွဲဖြစ်ပွားခဲ့တာလို့ ဆိုပါတယ်။

ဒါ့အပြင် နောင်ချိုမြို့ မကျီးရေရွာကိုလည်း စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့တယ်လို့ TNLA က ထုတ်ပြန်ပါတယ်။

၁၀၂၇ စစ်ဆင်ရေး ဒုတိယကာလ ၂၀၂၄ ဇူလိုင်လမှာ နောင်ချိုမြို့ကို TNLA နဲ့ပူးပေါင်းတပ်တွေ သိမ်းယူခဲ့ပြီးနောက် နောင်ချိုနဲ့ မိုင်နှစ်ဆယ် အကွာမှာရှိတဲ့ တောင်ခမ်းရွာက စစ်ကောင်စီရဲ့ အ.မ.တ (၉၀၂) အမြောက်တပ်စခန်းကို ဆက်လက်သိမ်းပိုက်နိုင်ဖို့ ထိုးစစ်ဆင်နေတာ လေးလနီးပါး ရှိနေပြီ ဖြစ်ပါတယ်။

စစ်ကောင်စီတပ်ကလည်း စစ်အင်အားဖြည့်တင်းပြီး နောင်ချိုမြို့ကို ပြန်ပြီး သိမ်းယူနိုင်အောင် ထိုးစစ်ဆင်နေတာဖြစ်ပါတယ်။

နောင်ချိုမြို့က လက်ရှိတိုက်ပွဲတွေနဲ့ပတ်သက်ပြီး စစ်ကောင်စီပြောခွင့်ရသူ ဗိုလ်ချုပ်ဇော်မင်းထွန်းကို RFA က ဆက်သွယ်ခဲ့ပေမဲ့ ဖုန်းလက်ခံဖြေဆိုတာ မရှိပါဘူး။
___
ရှေ့တန်းစစ်မြေပြင်တစ်နေရာမှ တအာင်းအမျိုးသား လွတ်မြောက်ရေးတပ်မတော် (TNLA) တပ်ဖွဲ့ဝင်အား ၂၀၂၄ ခုနှစ် နိုဝင်ဘာလ ၁၃ ရက်နေ့တွင် TNLA က ထုတ်ပြန်ထားစဉ်။ (Photo : Telegram/PSLF/TNLA News)
#TNLA #နောင်ချို #တိုက်ပွဲ #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

မလေးရှားလုပ်ငန်းရှင်ချီးမြှင့်တဲ့ ကားလက်ဆောင် မြန်မာအလုပ်သမားရရှိ
~~~
■ မလေးရှားလုပ်ငန်းရှင်တစ်ဦးက သူ့ရဲ့စားသောက်ဆိုင်နဲ့ ကာရာအိုကေလုပ်ငန်း အောင်မြင်မှုအတွက် ဝန်ထမ်းတွေကို ရင်းဂစ်ငွေ သုံးသန်းတစ်သိန်း တန်ဖိုးရှိ မော်တော်ကားတွေ လက်ဆောင် ပေးအပ်တဲ့ထဲမှာ မြန်မာနဲ့ နီပေါနိုင်ငံသားတွေလည်း ပါဝင်တယ်လို့ မလေးရှားသတင်းတစ်ပုဒ်က ဖော်ပြပါတယ်။

အလုပ်ကြိုးစားတဲ့ ဝန်ထမ်းတွေကို နှစ်စဉ်ဆုချီးမြှင့်ရာမှာ ဒီနှစ်မှာ BMW၊ Audi၊ Toyota၊ Hondaနဲ့ Proton လို တန်ဖိုးကြီးကားတွေကို ဝန်ထမ်း ၃၁ ဦးကို ပေးအပ်ခဲ့တယ်လို့ ဆိုပါတယ်။

နိုဝင်ဘာ ၁၁ ရက်နေ့က အခမ်းအနားမှာ လုပ်သက်ရင့် အလုပ်သမား လေးဦးကို စုစုပေါင်း ရင်းဂစ် တစ်သန်းရှစ်သိန်းတန်ဖိုးရှိတဲ့ BMW 6 series ကားတွေ ပေးအပ်ခဲ့တယ်လို့ လုပ်ငန်းရှင်က ပြောပါတယ်။ မြန်မာနဲ့ နီပေါက နိုင်ငံခြားသားအလုပ်သမားတွေကိုလည်း ကားနဲ့အတူ ယာဉ်မောင်းလိုင်စင်နဲ့ တခြားဆက်စပ်ကုန်ကျစရိတ်တွေ ပေးခဲ့တယ်လို့ ဆိုပါတယ်။

သူ့ရဲ့ စားသောက်ဆိုင်နဲ့ ကာရာအိုကေဆိုင်တွေဟာ Klang Valley နဲ့ Johor မှာ ဆိုင်ခွဲများစွာဖွင့်ထားပြီး စားသုံးသူတွေကြား အလွန်ရေပန်းစားတယ်လို့ ဆိုပါတယ်။
___
၂ဝ၂၂ ခုနှစ် စက်တင်ဘာလ ၈ ရက်နေ့က တွေ့မြင်ရသည့် မလေးရှားနိုင်ငံ၊ ကွာလာလမ်ပူမြို့ မြင်ကွင်း။ (Photo : AFP)
#မလေးရှား#မြန်မာအလုပ်သမား #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

လွယ်ကထုံပွဲတော်ကျင်းပဖို့ ချင်းမိုင်မြို့မှာ ကြိုတင်ပြင်ဆင်နေ
~~~
■ ထိုင်းနိုင်ငံရဲ့ ယဉ်ကျေးမှု၊ ထုံးတမ်းစဉ်လာတစ်ခုဖြစ်တဲ့ လွယ်ကထုံပွဲတော်ကို မနက်ဖြန် နိုဝင်ဘာလ ၁၄ ရက်နေ့ကနေ နိုဝင်ဘာလ ၁၆ ရက်နေ့အထိ ထိုင်းနိုင်ငံတစ်ဝန်းမှာ သုံးရက်ကြာ ကျင်းပဖို့ ပြင်ဆင်နေကြပါတယ်။ ချင်းမိုင်မြို့မှာလည်း လွယ်ကထုံပွဲတော်အတွက် ကြိုတင်ပြင်ဆင်ထားပါတယ်။

ချင်းမိုင်မြို့ရဲ့ အထင်ကရနေရာတွေဖြစ်တဲ့ Tha Phae Gate၊ ချင်းမိုင်မြို့ရိုး၊ ဘုန်းတော်ကြီးကျောင်းတချို့မှာ ကြိုတင်ပြင်ဆင်တာတွေလုပ်နေတာပါ။

လွယ်ကထုံပွဲတော်ကိုတော့ မီးထွန်းပွဲတော်၊ မီးမျှောပွဲတော်လို့ ခေါ်ကြပြီး ရေနတ်သမီးကို ကျေးဇူးတင်တဲ့အနေနဲ့ ရေကန်၊ မြစ်၊ တူးမြောင်းနဲ့ ကမ်းခြေတွေမှာ အလှဆင်ထားတဲ့ ပန်းတွေ၊ ဖယောင်းတိုင်တွေကို မျှောပြီး ဆုတောင်းကြတဲ့ ပွဲတော်ပါ။

ထိုင်းနိုင်ငံ ခရီးသွားလာရေး အာဏာပိုင်အဖွဲ့ (TAT) က လွယ်ကထုံပွဲတော်လာရောက်ဖို့အတွက် ကမ္ဘာလှည့်ခရီးသွားတွေကို ဖိတ်ခေါ်ထားပါတယ်။
____
ထိုင်းနိုင်ငံ၊ ချင်းမိုင်မြို့တွင်ကျင်းပမည့် လွယ်ကထုံပွဲတော်အတွက် ကြိုတင်ပြင်ဆင်နေမှုများကို နိုဝင်ဘာ ၁၃ ရက်နေ့ညက တွေ့ရစဉ်။

မြန်မာရုပ်ရှင်ဇာတ်ကားကို ဝေဖန်သူ ပျောက်ဆုံးနေ
~~~
■ "ဂျစ်ကားစီးဖူးသလား ဂျာကစ် စာဘူးသရီး" ရုပ်ရှင်ဟာ ဟိန္ဒူရိုးရာဝတ်စုံနဲ့ ရိုးရာယဥ်ကျေးမှုကို လှောင်ပြောင်ထားတယ်လို့ ဆိုရှယ်မီဒီယာကနေ ဝေဖန်ခဲ့တဲ့ ကိုဟာဆယ်ရွန် အောက်တိုဘာလ ၂၆ ရက်နေ့ ညနေကစပြီး မိသားစုနဲ့အဆက်အသွယ်ပျက်ပြီး ပျောက်ဆုံးနေတယ်လို့ မိသားစုနဲ့ နီးစပ်သူတွေက ပြောပါတယ်။

အောက်တိုဘာလ ၂၆ ရက်နေ့က မရမ်းကုန်းမြို့နယ် ခဝဲခြံမျက်မမြင်ကျောင်းမှာ အသံအလှူအတွက် စာအုပ်ဖတ်ဖို့ အပြင်ထွက်သွားပြီးနောက်ပိုင်း အဆက်အသွယ်မရတော့တာလို့ မိသားစုနဲ့ နီးစပ်သူတစ်ယောက်က ပြောပါတယ်။

ကိုဟာဆယ်ရွန်ပျောက်ဆုံးနေတဲ့အတွက် မိသားစုဝင်တွေနဲ့ မိတ်ဆွေတွေက မရမ်းကုန်းမြို့နယ်ရဲစခန်းကို ဆက်သွယ်အကြောင်းကြားထားပေမယ့် အကျိုးအကြောင်းမသိရသေးဘူးလို့ ဆိုပါတယ်။

"ဂျစ်ကားစီးဖူးသလား ဂျာကစ် စာဘူးသရီး" ရုပ်ရှင်ပိုစတာနဲ့ ရုပ်ရှင်ခေါင်းစဉ်ဟာ ရိုးရာ၊ ယဉ်ကျေးမှု၊ လူမျိုးရေးကို ပျက်ရယ်ပြုစရာမဟုတ်ဘဲ လူမျိုးစုတစ်ခုလုံးကို နှိမ့်ချတာဖြစ်တယ်ဆိုပြီး အောက်တိုဘာလ ၂၄ ရက်နေ့က ကိုဟာဆယ်ရွန်ရဲ့ ဖေ့ဘုတ်စ်စာမျက်နှာကတဆင့် ဝေဖန်ခဲ့ရာကနေ အွန်လိုင်းအသုံးပြုသူတွေအကြား အတော်လေး ပျံ့နှံ့ခဲ့ပါတယ်။

မကြာခင်ကျရောက်တော့မယ့် ဒီပဝလီ (Dipavali) ပွဲတော်အချိန်အခါနဲ့ ကိုက်ညီပြီး ရုပ်ရှင်ထွက်လာတဲ့အတွက် ဘာသာရေး၊ လူမျိုးရေး သတိထားဖို့ ဝေဖန်သံတွေလည်း ရှိခဲ့တာပါ။

"ဂျစ်ကားစီးဖူးသလား ဂျာကစ် စာဘူးသရီး" ရုပ်ရှင်ကို ရိုက်ကူးခဲ့တဲ့ ဒါရိုက်တာ ကိုဇော် (အရုဏ်ဦး) ကတော့ လူမျိုးကို စော်ကားလိုစိတ်မရှိကြောင်းနဲ့ ဟိန္ဒူဘာသာရေးခေါင်းဆောင်တွေကို ပြသပြီး အတည်ပြုချက်ရမှ ရုပ်ရှင်ဆင်ဆာတင်ခဲ့တာလို့ သတင်းမီဒီယာတချို့မှာ ပြောဆိုထားပါတယ်။

အွန်လိုင်းသုံးသူအများစုက ရိုးရာယဉ်ကျေးမှုကို ထိခိုက်အောင် လုပ်နေတာတွေကို ရပ်တန့်ဖို့ တောင်းဆိုနေချိန်မှာ ကိုဟာဆယ်ရွန် ပျောက်ဆုံးနေတဲ့အတွက် ရုပ်ရှင်ကိုဝေဖန်တဲ့အတွက် စစ်ဆေးမေးမြန်းဖို့ ဖမ်းဆီးခံရတာလို့လည်း သုံးသပ်သူတွေရှိပါတယ်။

ဒီကိစ္စနဲ့ ပတ်သက်ပြီး စစ်ကောင်စီရဲ့ ရန်ကုန်တိုင်းပြောရေးဆိုခွင့်ရှိသူ တိုင်းလူမှုရေးဝန်ကြီး ဦးဌေးအောင်ကို RFA က မေးမြန်းဖို့ ဖုန်းဆက်ခဲ့ပေမဲ့ ဖုန်းလက်ခံဖြေဆိုတာမရှိပါဘူး။

ကိုဟာဆယ်ရွန်ဟာ ရုပ်ရှင်နဲ့ဗီဒီယိုဇာတ်လမ်းတိုတွေကို မိတ်ဆွေတွေနဲ့ အပျော်တမ်းရိုက်ကူးနေသူဖြစ်ပြီး လူမှုရေးပရဟိတလုပ်ငန်းတွေမှာလည်း တက်တက်ကြွကြွ ပါဝင်ဆောင်ရွက်နေသူ ဖြစ်ပါတယ်။
____________
RFA Burmese Website တွင် ဖတ်ရှုရန် ....

#ရုပ်ရှင် #လွတ်လပ်တဲ့အာရှအသံ #rfaburmese

ထိုင်းက စက်ရုံပေါက်ကွဲမှု မြန်မာအလုပ်သမားနှစ်ယောက် သေဆုံး
~~~
■ ထိုင်းနိုင်ငံ အရှေ့ပိုင်း Prachin Buri ပရကျင်ဘူရီ ခရိုင် Kabin Buri မြို့နယ်မှာရှိတဲ့ စက်ရုံတစ်ရုံက ဓာတုရည်သိုလှောင်ကန် စနေနေ့မနက် ၉ နာရီ မိနစ် ၂ဝ ကျော်လောက်မှာ ပေါက်ကွဲတဲ့အတွက် မြန်မာအလုပ်သား နှစ်ယောက် သေဆုံးသွားပါတယ်။

အလုပ်သမား အနည်းဆုံး ၁ဝ ယောက်ထက်မနည်း ဒဏ်ရာရပြီး ပေါက်ကွဲတဲ့နေရာနားမှာ အလုပ်သမားတစ်ယောက် သေဆုံးနေတာတွေ့ရပေမဲ့ မီးတောက်လောင်တာ မတွေ့ရဘူးလို့ ဘန်ကောက်ပို့စ်က အောက်တိုဘာ ၂၆ ရက်နေ့က ဖော်ပြပါတယ်။ ဒဏ်ရာရတဲ့ အလုပ်သမားတွေကို ဆေးရုံပို့လိုက်နိုင်ပေမဲ့ အဲဒီအထဲက တစ်ယောက်သေဆုံးခဲ့တယ် လို့လည်း ဆိုပါတယ်။

သတ်မှတ်တဲ့ အတိုင်းအတာထက် ကျော်လွန်ပြီး ဓာတုဆေးရည်ထည့်တဲ့အတွက် ပေါက်ကွဲမှု ဖြစ်ပွားတာလို့ စုံစမ်းစစ်ဆေးသူတွေက ပြောကြားတဲ့အကြောင်း The Nation သတင်းကလည်း ဖော်ပြပါတယ်။

ဘိုထောင်းစက်မှုဇုန်က တရုတ်ကုမ္ပဏီပိုင် အဲဒီသတ္တုစက်ရုံမှာ အမျိုးသမီး ၂၇ ယောက်နဲ့ အမျိုးသား ၂၀၅ ယောက် စုစုပေါင်း အလုပ်သမား ၂၃၂ ယောက်လုပ်ကိုင်နေတာ ဖြစ်ပါတယ်။
_________
၂ဝ၂၁ ခုနှစ်က တွေ့မြင်ရသည့် ဘန်ကောက်မြို့မြင်ကွင်း။ (Photo: AFP)

#ထိုင်း #စက်ရုံ #လွတ်လပ်တဲ့အာရှအသံ #rfaburmese

ဘုတလင်မြို့နယ်က စစ်ဘေးဒုက္ခသည် တစ်သောင်းကျော် အကူအညီလိုနေ
~~~
■ စစ်ကိုင်းတိုင်း၊ ဘုတလင်မြို့နယ်က ကျေးရွာတွေကို စစ်ကောင်စီက နေ့တိုင်းလေကြောင်းကနေ တိုက်ခိုက်နေတာကြောင့် ထွက်ပြေးတိမ်းရှောင်နေရတဲ့ စစ်ဘေးဒုက္ခသည် တစ်သောင်းကျော် အကူအညီတွေ လိုအပ်နေတယ်လို့ စစ်ဘေးဒုက္ခသည်အရေးကူညီပေးနေသူတွေက ပြောပါတယ်။

အောက်တိုဘာလ ၂၇ ရက်နေ့ညကလည်း စစ်ကောင်စီက ဘုတလင်မြို့နယ် ငပရင်းကျေးရွာကို Mi 35 နဲ့ လေကြောင်းကနေ ဆက်တိုက်ပစ်ခတ်တိုက်ခိုက်ခဲ့တာကြောင့် ‌ဒေသခံတွေ ဘေးလွတ်ရာကို ထွက်ပြေးတိမ်းရှောင်နေရတယ်လို့ ဆိုပါတယ်။

စစ်ဘေးဒုက္ခသည်တွေ အကူအညီလိုအပ်နေတဲ့အပြင် ကူညီဖို့သွားရောက်ရာမှာလည်း အခက်အခဲ ရှိနေတယ်လို့ လုံခြုံရေးအရအမည်မဖော်လိုတဲ့ စစ်ဘေးဒုက္ခသည်အရေး ကူညီပေးနေသူတစ်ဦးက ပြောပါတယ်။

“လက်ရှိ အချိန်ထိ ကျွန်တော်တို့ စစ်ရှောင်အိမ်ထောင်စု နှစ်ထောင်လောက်ကို တတ်နိုင်သမျှ ရိက္ခာပို့ပေးနေပါတယ်။ ဒါပေမဲ့ အင်အားအရမ်းများတာမို့ အားလုံးကို ပေးနိုင်ဖို့မလုံလောက်ပါဘူး။ ဘုတလင်မှာ ဖြစ်ပျက်နေတဲ့ အရာတွေဟာ အခုထိမပြီးသေးဘူးဆိုတာကို ပြည်သူတွေကို သိစေချင်ပါတယ်”

အောက်တိုဘာလဆန်းကစပြီး စစ်ကောင်စီက စစ်ကြောင်းထိုးဝင်ရောက်နေတာကြောင့် ကျေးရွာ ၁၉ ရွာက ဒေသခံတစ်သောင်းကျော် ထွက်ပြေးနေရပြီး စစ်ကြောင်းမရှိတဲ့ရွာတွေမှာ လှည့်လည်ခိုလှုံနေရတယ်လို့ အကူအညီပေးနေသူတွေက ပြောပါတယ်။

စစ်ကြောင်းထိုးတာကြောင့် ဒေသခံတွေထွက်ပြေးနေရပြီး အကူအညီလိုအပ်နေတာနဲ့ ပတ်သက်လို့ စစ်ကောင်စီပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကို RFA က မေးမြန်းဖို့ ဖုန်းဆက်ခဲ့ပေမဲ့ လက်ခံဖြေဆိုတာမရှိပါဘူး။

စက်တင်ဘာ ၃ဝ ရက်နေ့က ဘုတလင်မြို့နယ် စီပါရွာအနီးမှာ စစ်ကောင်စီစစ်ကြောင်း တိုက်ခိုက်ခံရတာကြောင့် စစ်ကောင်စီတပ်သား သုံးဆယ်ကျော် သေဆုံးပြီး လေးဆယ်ကျော် ဖမ်းဆီးခံခဲ့ရပါတယ်။ အဲဒါကြောင့် စစ်ကောင်စီတပ်သားတွေက စီပါရွာအပါအဝင် အနီးအနားက ရွာတွေကို ပြန်လည်တိုက်ခိုက်နေတာ ဖြစ်ပါတယ်။

ပြီးခဲ့တဲ့ အောက်တိုဘာ ၁၇ ရက်နေ့က စစ်ကောင်စီတပ်ဖွဲ့ဝင်တွေက ဘုတလင် စီပါကျေးရွာမှာ ဒေသခံ ခြောက်ယောက်ရဲ့ ခန္ဓာကိုယ်တွေကို ရက်ရက်စက်စက် အပိုင်းပိုင်းသတ်ဖြတ်ပြီး ခြံစည်းရိုးမှာ ချိတ်ဆွဲခဲ့သလို နေအိမ်တွေကို မီးရှို့ဖျက်ဆီးပြီး အရပ်သားပြည်သူအများအပြားကို ဖမ်းဆီးခေါ်ဆောင်သွားခဲ့ပါတယ်။

ဘုတလင်မြို့နယ်ထဲကို မုံရွာမြို့ အနောက်မြောက်ပိုင်းတိုင်း စစ်ဌာနချုပ်ကနေ အောက်တိုဘာလ ၆ ရက်နေ့ကတည်းက စစ်ကြောင်းထိုး ဝင်ရောက်တိုက်ခိုက်နေတာလို့ ဆိုပါတယ်။
________________

RFA Burmese Website တွင် ဖတ်ရှုရန် ....

#ဘုတလင် #စစ်ဘေးဒုက္ခသည် #လွတ်လပ်တဲ့အာရှအသံ #rfaburmese

စစ်ကောင်စီကြောင့် တစ်နှစ်အတွင်း အရပ်သား ၃၃၉ ဦး သေဆုံးခဲ့ကြောင်း HRAN ထုတ်ပြန်
~~~
■ "၁၀၂၇ စစ်ဆင်ရေး" အတွင်း ရှမ်းပြည်နယ်မြောက်ပိုင်းမြို့နယ်တွေမှာ စစ်ကောင်စီက လေကြောင်းနဲ့ လက်နက်ကြီးပစ်ခတ်တိုက်ခိုက်တာကြောင့် သေဆုံးသူ ၃၃၉ ဦးနဲ့ ဒဏ်ရာရသူ ၆၇၂ ဦးရှိခဲ့ပြီး စုစုပေါင်း ပြည်သူ ၁ဝ၁၁ ဦး သေဆုံးတာနဲ့ ဒဏ်ရာရတာတွေဖြစ်ခဲ့တယ်လို့ လူ့အခွင့်အရေးဆိုင်ရာလှုပ်ရှားမှုကွန်ရက်(HRAN)က အောက်တိုဘာ ၂၇ ရက်နေ့က ထုတ်ပြန်ပါတယ်။

စစ်ကောင်စီရဲ့ လေကြောင်းတိုက်ခိုက်မှုကြောင့် သေဆုံးထိခိုက်သူ အများဆုံးဖြစ်ပြီး သေဆုံးသူ ၁ဝ၇ ဦးနဲ့ ထိခိုက်ဒဏ်ရာရရှိသူ ၃၂ဝ ဦးရှိတယ်လို့ ထုတ်ပြန်ချက်မှာ ဖော်ပြပါတယ်။

မြောက်ပိုင်းမဟာမိတ်သုံးဖွဲ့သိမ်းပိုက်ထားတဲ့ နမ့်ခမ်း၊ မူဆယ်၊ ကွတ်ခိုင်၊ လားရှိုး၊ လောက်ကိုင်၊ မိုးကုတ်၊ မိုးမိတ်အပါအဝင် ၁၄ မြို့က သေဆုံးဒဏ်ရာရသူစာရင်းကို ကောက်ယူထားတာပါ။

တအာင်းအမျိုးသားလွတ်မြောက်ရေးတပ်မတော် (TNLA)၊ ကိုးကန့်တပ်မတော် (MNDAA) နဲ့ အာရက္ခတပ်တော် (AA) တို့ပူးပေါင်းထားတဲ့ မြောက်ပိုင်းညီနောင်မဟာမိတ်အဖွဲ့ရဲ့ ၂၀၂၃ အောက်တိုဘာ ၂၇ ရက်နေ့မှာ စတင်ခဲ့တဲ့ "၁၀၂၇ စစ်ဆင်ရေး"ဟာ အောက်တိုဘာ ၂၇ ရက်နေ့မှာ တစ်နှစ်ပြည့်ခဲ့ပြီဖြစ်ပါတယ်။

တစ်နှစ်တာအတွင်း ရှမ်းပြည်နယ်မြောက်ပိုင်းက ပြည်သူတွေရဲ့နေအိမ်၊ စာသင်ကျောင်း၊ ဆေးရုံ၊ ဆေးခန်းနဲ့ ဘာသာရေးအဆောက်အဦတွေအပါအဝင် စုစုပေါင်း တစ်ထောင့်ကိုးရာကျော် (၁၉၀၉) ပျက်ဆီးဆုံးရှုံးခဲ့တယ်လို့ ဆိုပါတယ်။

စစ်ကောင်စီနဲ့ ပတ်သက်တဲ့အဖွဲ့အစည်းတွေကို ဆက်သွယ်ဆောင်ရွက်တာတွေ မလုပ်ဖို့၊ စစ်ကောင်စီ အထောက်အပံ့ဖြစ်စေမယ့် စီးပွားရေးနဲ့ ရင်းနှီးမြှုပ်နှံမှုတွေကို တားမြစ်ဖို့၊ စစ်ကောင်စီရဲ့လေကြောင်းလိုင်းတွေကို လေယာဉ်ဆီတင်သွင်းမရောင်းချဖို့၊ စစ်ကောင်စီကို တော်လှန်နေတဲ့ အင်အားစုတွေကို ချိတ်ဆက်ကူညီပေးဖို့၊ စစ်ကောင်စီကို အပြစ်ပေးအရေးယူဆောင်ရွက်ဖို့ အပါအဝင် အချက်ခုနစ်ချက်ကို HRAN က နိုင်ငံတကာအစိုးရနဲ့ အဖွဲ့အစည်းတွေကို တိုက်တွန်းတောင်းဆိုထားပါတယ်။
____________

RFA Burmese Website တွင် ဖတ်ရှုရန် ....

#၁ဝ၂၇ #ရှမ်းပြည်နယ် #လွတ်လပ်တဲ့အာရှအသံ #rfaburmese

မဲခေါင်မြစ်ရေကာတာစီမံချက်တွေကြောင့် ဂေဟစနစ်ထိခိုက်နိုင်
~~~
■ မြန်မာအပါအဝင် ခြောက်နိုင်ငံကိုဖြတ်သန်းစီးဆင်းတဲ့ မဲခေါင်မြစ်က ရေကာတာစီမံချက်တွေဟာ ထိုင်းနိုင်ငံက သဘာဝပတ်ဝန်းကျင်သာယာရေးကို အန္တရာယ်ပေးမယ့် အနေအထားမှာ ရှိတယ်လို့ အမျိုးသားလူ့အခွင့်အရေးကော်မရှင် NHRC က ပြောတဲ့အကြောင်း ဘန်ကောက်ပို့စ်သတင်းက အောက်တိုဘာ ၂၇ ရက်မှာ ဖော်ပြပါတယ်။

ရေအားလျှပ်စစ်စီမံချက် လေးခုစလုံး မဲခေါင်မြစ်အောက်ပိုင်း ထိုင်း-လာအိုနယ်စပ်တစ်လျှောက်မှာ ရှိပြီး ထိုင်းမှတ်ပုံတင် ကုမ္ပဏီတွေက စီမံချက်အကောင်ထည်ဖော်မယ်လို့ ထိုင်းဝန်ကြီးချုပ်ဆီ NHRC က ဒီလ ၃ ရက်က ပေးပို့တဲ့စာမှာ ပါရှိပါတယ်။

ဒီရေကာတာတွေအားလုံး လာအိုဘက်ခြမ်းမှာ တည်ဆောက်မှာ ဖြစ်ပေမဲ့ ထိုင်းနဲ့ နီးကပ်နေပြီး နယ်စပ်မှာ လာအကျိုးသက်ရောက်မယ်လို့ ဆိုပါတယ်။

ဒီစီမံချက်တွေဟာ သဘာဝပတ်ဝန်းကျင်၊ ဇလဗေဒ၊ငါးလုပ်ငန်း၊ စီးပွားရေးနဲ့ လူမှုရေးသာမက နယ်စပ်လုံခြုံရေးနဲ့ နယ်မြေတည်တံ့ခိုင်မြဲရေးကို ထိပါးမယ်လို့ NHRC အစီရင်ခံစာမှာ ပါရှိပါတယ်။

ရေကာတာတွေကြောင့် မြစ်ကမ်းတိုက်စားခံရရုံတင်မက ရေချိုဂေဟ စနစ်ပျက်မယ်လို့လည်း ပြောပါတယ်။
__________
Photo: AFP

#သဘာဝပတ်ဝန်းကျင် #ရေကာတာ #လွတ်လပ်တဲ့အာရှအသံ #rfaburmese

ဘုတလင်မြို့နယ်က ရက်ရက်စက်စက်သတ်ဖြတ်မှု NGYSC ဆန္ဒပြ
~~~
■ စစ်ကိုင်းတိုင်း ဘုတလင်မြို့နယ် စီပါရွာက ‌ပြည်သူတွေကို စစ်ကောင်စီက ရက်ရက်စက်စက်သတ်ဖြတ်ခဲ့တာကို မျိုးဆက်သစ်လူငယ်သပိတ်ကော်မတီ (NGYSC) က ရန်ကုန်မြို့မှာ အောက်တိုဘာလ ၂၇ ရက်နေ့က ဆန္ဒပြခဲ့ပါတယ်။

ရန်ကုန်မြို့က ကုန်းကျော်တံတားတစ်ခုပေါ်မှာ "သွေးကြွေးမှာ ဆွေးနွေးစရာမရှိ မမေ့ဘူး ဘုတလင်" ဆိုတဲ့ ဘန်နာချိတ်ဆွဲပြီး ဆန္ဒပြခဲ့တာပါ။

ဘုတလင်မြို့နယ်၊ စီပါ‌ရွာက ပြည်သူတွေကို ရက်ရက်စက်စက် သတ်ဖြတ်ခဲ့‌တဲ့ လုပ်ရပ်တွေနည်းတူ တခြား စစ်ရာဇဝတ်မှုတွေကို ပြည်သူလူထုတွေအနေနဲ့ သွေးအေးမေ့လျော့မသွားဘဲ စစ်အာဏာရှင်ကိုအမြစ်ပြတ် တွန်းလှန်တိုက်ခိုက်ကြဖို့ တိုက်တွန်းတာလို့ လုံခြုံရေးအရ အမည်မဖော်လိုတဲ့ မျိုးဆက်သစ်လူငယ်သပိတ်ကော်မတီ (NGYSC) တာဝန်ခံတစ်ဦးက ပြောပါတယ်။

“အာဏာရှင်ဖက်စစ်တပ်က ပြည်သူတွေအပေါ် ရက်ရက်စက်စက် အကြမ်းဖက် သတ်ဖြတ်ခဲ့တာ ယခုဘုတလင်မှာတင်မဟုတ်ဘဲ ရှေ့အရင်ကတည်းက အလားတူဖြစ်ရပ်များစွာရှိခဲ့ပါတယ်။ ဒါကြောင့် ပြည်သူလူထုတစ်ရပ်လုံးအနေနဲ့ သွေးအေးမေ့လျော့မသွားဖို့ရာ လှုပ်ရှားမှုလုပ်ခဲ့တာပါ"

ပြီးခဲ့တဲ့ အောက်တိုဘာ ၁၇ ရက်နေ့က စစ်ကောင်စီတပ်ဖွဲ့ဝင်တွေက ဘုတလင် စီပါကျေးရွာမှာ ဒေသခံအရပ်သား ခြောက်ယောက်ကို ခန္ဓာကိုယ်တွေကို ရက်ရက်စက်စက် အပိုင်းပိုင်းသတ်ဖြတ်ပြီး ခြံစည်းရိုးမှာ ချိတ်ဆွဲခဲ့သလို အရပ်သားပြည်သူအများအပြားကို ဖမ်းဆီးခေါ်ဆောင်သွားခဲ့ပါတယ်။

စီပါရွာသားတွေ ရက်ရက်စက်စက်သတ်ဖြတ်ခံရတာနဲ့ ပတ်သက်ပြီး အမျိုးသားညီညွတ်ရေးအစိုးရ (NUG) အပါအဝင် တော်လှန်ရေးတပ်ဖွဲ့တွေနဲ့ ပြည်သူအများစုက နိုင်ငံတကာကို တရားမျှတမှု ဖော်ဆောင်ပေးဖို့ ဆန္ဒပြတောင်းဆိုနေကြပါတယ်။
________
RFA Burmese Website တွင် ဖတ်ရှုရန် ....

#ဘုတလင် #လွတ်လပ်တဲ့အာရှအသံ #rfaburmese

"ဟဟ ပါပဲ"
~~~
■ ပြင်ပဆောင်းပါးရှင် မောင်သံဒိုး နှစ်ပတ်တစ်ကြိမ် တင်ဆက်နေတဲ့ "ဟဟ ပါပဲ" အစီအစဉ်ပါ။ ဒီတစ်ပတ်မှာတော့ ... “ဆွေမျိုးပေါက်ဖော်”ဆိုတဲ့ ခေါင်းစဉ်နဲ့ တင်ပြထားပါတယ်။

"ဟဟ ပါပဲ"အစီအစဉ်ပါ အကြောင်းအရာတွေဟာ ဆောင်းပါးရှင်ရဲ့ မူရင်းအာဘော်သာဖြစ်ပါတယ်။
______________
#ဟဟ ပါပဲ #လွတ်လပ်တဲ့အာရှအသံ #rfaburmese

Live stream finished (15 minutes)

Live stream started

၁၀၂၇ စစ်ရေးရည်မှန်းချက်တွေ ဆက်အကောင်အထည်ဖော်မယ်လို့ လက်နက်ကိုင်တပ်တွေပြော
~~~
■ ၂၀၂၃ ခုနှစ် အောက်တိုဘာလ ၂၇ ရက်နေ့က စခဲ့တဲ့ ၁၀၂၇စစ်ဆင်ရေးဟာ ဒီနေ့ တစ်နှစ်ပြည့်ပြီ ဖြစ်ပါတယ်။ ဒီစစ်ဆင်ရေးကြောင့် ရှမ်းပြည်နယ်မြောက်ပိုင်း၊ မန္တလေး၊ ချင်းနဲ့ ရခိုင်ပြည်နယ်က မြို့ပေါင်းလေးဆယ်ခန့်ကို စစ်ကောင်စီက လက်လွှတ်ထားရပါတယ်။ ၁၀၂၇ စစ်ဆင်ရေးမှာပါဝင်နေတဲ့ လက်နက်ကိုင်တပ်ဖွဲ့တွေကတော့ စစ်ရေးရည်မှန်းချက်တွေ ဆက်ပြီးအကောင်အထည်ဖော်မယ်လို့ ဒီနေ့ပြောပါတယ်။ သတင်းအပြည့်အစုံကို စောဖိုးခွားက တင်ပြပေးထားပါတယ်။
____________

#၁၀၂၇ #စစ်ရေးရည်မှန်းချက် #လက်နက်ကိုင်တပ်များ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

ဖလမ်းမြို့မှာ နှစ်ဖက်တိုက်ပွဲ ပြင်းထန်နေ
~~~
■ ချင်းပြည်နယ်၊ ဖလမ်းမြို့မှာ အောက်တိုဘာ ၂၅ ရက်ကစပြီး ဒီနေ့ အောက်တိုဘာ ၂၇ ရက်နေ့အထိ စစ်ကောင်စီတပ်နဲ့ ချင်းအမျိုးသားကာကွယ်ရေးတပ်ဖွဲ့ (CNDF) တို့ သုံးရက်ဆက်တိုက် နှစ်ဖက်တိုက်ပွဲ ပြင်းထန်နေတယ်လို့ ဒေသခံတွေက RFA ကို ပြောပါတယ်။

စစ်ကောင်စီရဲ့ လက်နက်ကြီးကြောင့် အောက်တိုဘာ ၂၅ ရက်နေ့မှာ ဖလမ်းမြို့က အမျိုးသား နှစ်ဦး၊ အောက်တိုဘာ ၂၆ ရက်နေ့က တောင်ယာမှာ အလုပ်လုပ်နေတဲ့အမျိုးသမီးနှစ်ဦး ထိခိုက်ဒဏ်ရာရတယ်လို့ ဒေသခံတွေက ပြောပါတယ်။

တိုက်ပွဲတွေကြောင့် ဒေသခံတွေလည်း ထွက်ပြေးတိမ်းရှောင်နေရပြီး အရေအတွက် အတိအကျ မသိရသေးဘူးလို့ လုံခြုံရေးအရ အမည်မဖော်လိုတဲ့ ဖလမ်းဒေသခံတစ်ဦးက RFA ကို ပြောပါတယ်။

"မြို့ထဲမှာ တိုက်ပွဲ စတော့မယ်ဆိုတာ သတင်းတွေ ထွက်လာတာတော့ ကြာပြီ။ အခု ဒုတိယအကြိမ် ထွက်ပြေးကြတာပေါ့၊ မြို့ထဲမှာ သုံးပုံတစ်ပုံပဲကျန်တော့တယ်။ တိုက်ပွဲက မြို့ရဲ့ အောက်ဘက်ပိုင်းမှာ ဖြစ်တာ"

CNDF ရဲ့ ပြောခွင့်ရသူ ဆလိုင်းတင်မီထွဋ် ကတော့ ဖလမ်းမြို့မှာ ဒီနေ့ အောက်တိုဘာ ၂၇ ရက်နေ့မှာလည်း စစ်ရေးအခြေအနေ တင်းမာနေတယ်လို့ RFA ကို ပြောပါတယ်။

ဒီကိစ္စနဲ့ပတ်သက်ပြီး စစ်ကောင်စီရဲ့ ချင်းပြည်နယ်ပြောခွင့်ရသူ ပြည်နယ်အတွင်းရေးမှူး ဦးအောင်ချိုကို RFA က တယ်လီဖုန်းနဲ့ ဆက်သွယ်မေးမြန်းပေမဲ့ လက်ခံဖြေကြားတာ မရှိပါဘူး။

ဖလမ်းမြို့နဲ့ ခြောက်မိုင်အကွာ လိမ်ဆိန် (Relsing) ရွာ စာသင်ကျောင်းနဲ့ ဘောလုံးကွင်းအနီးကို အောက်တိုဘာလ ၉ ရက်နေ့မှာ စစ်ကောင်စီတပ်က ဗုံးကြဲတိုက်ခိုက်တာကြောင့် ဒေသခံ တစ်ဦး သေဆုံးပြီး ကလေး သုံးဦး ဒဏ်ရာရခဲ့ပါတယ်။
_________
ဖလမ်းမြို့တွင် ၂၀၂၄ ခုနှစ် အောက်တိုဘာ ၂၆ ရက်နေ့က စစ်ကောင်စီလက်နက်ကြီးကြောင့် ပျက်စီးသွားသည့် နေအိမ်ကို တွေ့ရစဉ်။ (Citizen Photo)

#တိုက်ပွဲ #ပြင်းထန် #ဖလမ်း #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

ရွှေဘိုထောင်က နိုင်ငံရေးအကျဉ်းသားတွေ မိသားစုနဲ့ ဧည့်တွေ့ခွင့်မရ
~~~
စစ်ကိုင်းတိုင်း၊ ရွှေဘိုအကျဉ်းထောင်က နိုင်ငံရေးအကျဉ်းသား ၆၀၀ ခန့်ကို လုံခြုံရေးအကြောင်းပြပြီး ဧည့်တွေ့ ခွင့်ကန့်သတ်ထားတာ ငါးလနီးပါးကြာမြင့်လာပြီလို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) ရဲ့ ဦးဆောင်ကော်မတီဝင် ကိုသိုက်ထွန်းဦးက RFA ကို အောက်တိုဘာလ ၂၇ ရက် ဒီနေ့ပြောပါတယ်။

ပြီးခဲ့တဲ့ ဇွန်လ ၁ ရက်နေ့ကစပြီး ရွှေဘိုမြို့နယ်ကို စစ်အုပ်ချုပ်ရေး ကြေညာခဲ့ပြီးနောက် ရွှေဘိုအကျဉ်းထောင်က နိုင်ငံရေးအကျဉ်းသားတွေကို မိသားစုနဲ့ ဧည့်တွေ့ခွင့်ကို တားမြစ်ပိတ်ပင်ခဲ့တာလို့ ကိုသိုက်ထွန်းဦးက ပြောပါတယ်။

“အခုလိုမျိုး အကြောင်းပြချက် ခိုင်ခိုင်လုံလုံမရှိဘဲနဲ့ စစ်အုပ်ချုပ်ရေးကို အကြောင်းပြတယ်။ လုံခြုံရေးအကြောင်းပြပြီး ပိတ်ပင်မယ်ဆိုရင် အကျဉ်းသားအားလုံးကို ပိတ်ပင်ရမှာ ဖြစ်ပါတယ်။ သို့သော်လည်းပဲ လက်ရှိမှာ တခြားရာဇဝတ် အကျဉ်းသားတွေကိုတော့ မိသားစုနဲ့ ဧည့်တွေ့ခွင့်တွေပေးပေမဲ့ နိုင်ငံရေးအကျဉ်းသားတွေကို ဧည့်တွေ့ခွင့်မပေးတာဟာ အကျဉ်းသားအချင်းချင်းမှာ အကျဉ်းသားအခွင့်အရေး အပြည့်အဝမရရှိဘဲနဲ့ အကျဉ်းသားအခွင့်အရေးတွေ ချိုးဖောက်ခံနေရတာဖြစ်ပါတယ်”

ရွှေဘိုမြို့နယ်ရဲ့ စစ်အုပ်ချုပ်ရေး အဓိကတာဝန်ယူထားတဲ့ ဗိုလ်မှူးကြီး အောင်အောင်ဆိုတဲ့သူက နှုတ်မိန့်နဲ့ နိုင်ငံရေးအကျဉ်းသားတွေရဲ့ ဧည့်တွေ့ခွင့်ကို ပိတ်ခဲ့တာလို့ သူကပြောပါတယ်။

ရွှေဘိုအကျဉ်းထောင်မှာ နိုင်ငံရေးအကျဉ်းသား ၆၀၀ ခန့်ရှိပြီး တိုက်ပွဲတွေကြောင့် မိသားစုဝင်တွေက အရင်လို ထောင်ဝင်စာ မပို့နိုင်တော့ဘူးလို့ဆိုပါတယ်။

ဒါ့အပြင် ထောင်ဝင်စာပို့ဖို့လည်း ခက်ခဲသွားတာကြောင့် နိုင်ငံရေးအကျဉ်းသားတွေ အစာအာဟာရ ချို့တဲ့မှုတွေနဲ့ ရင်ဆိုင်နေရတယ်လို့ ဆိုပါတယ်။

ဧည့်တွေ့ခွင့်မရတာကြောင့် အကျဉ်းကျခံနေရတဲ့ နိုင်ငံရေးအကျဉ်းသားတွေနဲ့ အပြင်က သူတို့ရဲ့ မိသားစုဝင်တွေဟာ ရုပ်ပိုင်းနဲ့ စိတ်ပိုင်းဆိုင်ရာ ထိခိုက်မှုတွေရှိလာတယ်လို့ နိုင်ငံရေးအကျဉ်းသားတွေကို အကူအညီပေးနေသူတွေက ပြောပါတယ်။

ဒီအခြေအနေနဲ့ပတ်သက်လို့ စစ်ကောင်စီရဲ့ အကျဉ်းဦးစီးဌာန ပြောခွင့်ရသူ ဒုတိယညွှန်ကြားရေးမှူးချုပ်ရုံး ကို RFA က အောက်တိုဘာ ၂၇ ရက်နေ့ ဒီနေ့မှာ ဆက်သွယ်ခဲ့ပေမဲ့ ဖုန်းလက်ခံဖြေကြားတာမရှိပါဘူး။

ကိုဗစ်- ၁၉ ကပ်ရောဂါကြောင့် ၂၀၂၀ ပြည်နှစ်ကတည်းက ပိတ်ထားခဲ့တဲ့ အကျဉ်းသားတွေနဲ့ မိသားစုဝင်တွေ ထောင်ဝင်စာ ဧည့်တွေ့ခွင့်ကို စစ်ကောင်စီက ၂၀၂၃ ခုနှစ် အောက်တိုဘာ ၂၄ ရက်ကစပြီး ပြန်လည်ခွင့်ပြုခဲ့တာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ အောက်တိုဘာလ ၂၅ ရက်ထုတ်ပြန်ချက်အရ အာဏာသိမ်း သုံးနှစ်ကျော်အတွင်း နိုင်ငံတစ်ဝန်း ဖမ်းဆီးခံရသူ သုံးသောင်းခန့် ( ၂၇၅၈၀ ဦး) ရှိပြီး အဲဒီအထဲက နှစ်သောင်းကျော် ( ၂၁၀၃၇ ဦး) ဟာ ထိန်းသိမ်းခံနေရဆဲဖြစ်ပါတယ်။
_________

ရွှေဘိုအကျဉ်းထောင်မှ ပြစ်ဒဏ်လွတ်ငြိမ်းခွင့်ပြုလိုက်သည့် အကျဉ်းသားများအား ၂၀၂၄ ခုနှစ် ဇန်နဝါရီလ ၄ ရက်နေ့က တွေ့ရစဉ်။ (Photo: MOI)

#နိုင်ငံရေးအကျဉ်းသား #ဧည့်တွေ့ခွင့်မရ #အကျဉ်းထောင် #ရွှေဘို #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

KIA ဖမ်းဆီးထားတဲ့ အလွတ်သတင်းသမားနှစ်ဦး ပြန်လွတ်လာ
~~~
■ ကချင်ပြည်နယ်၊ ဖားကန့်မြို့နယ်မှာ ကချင်လွတ်မြောက်ရေးတပ်မတော် (KIA) က ဖမ်းဆီးထားတဲ့ အလွတ်သတင်းသမားနှစ်ဦး အောက်တိုဘာ ၂၇ ရက် ဒီနေ့မှာ ပြန်လွတ်လာပြီလို့ ဖမ်းဆီးခံခဲ့ရတဲ့ သတင်းထောက် ကိုနောင်ရိုးက သူ့ရဲ့ လူမှုကွန်ရက်မှာ ရေးသားထားပါတယ်။

ဖားကန့်မြို့နယ်က ဒေသတွင်းသတင်းတွေကို ပြည်တွင်းမီဒီယာတွေမှာ ရေးသားနေတဲ့ ကိုတာလင်းမောင်နဲ့ ကိုနောင်ရိုးတို့ကို KIA က စက်တင်ဘာ ၂၉ ရက်နေ့က ဖမ်းဆီးခဲ့တာပါ။

သူတို့ကိုဖမ်းဆီးပြီး တစ်လခန့်အကြာမှာ ပြန်လွှတ်လိုက်တာဖြစ်ပြီး နေကောင်းကျန်းမာစွာနဲ့ ပြန်လွတ်မြောက်လာပြီလို့ ကိုနောင်ရိုးက သူ့ရဲ့ လူမှုကွန်ရက်မှာ အောက်တိုဘာ ၂၇ ရက် ဒီနေ့ နေ့လယ်ပိုင်းက ရေးသားထားပါတယ်။

“ကျွန်တော်နဲ့ ကိုတာလင်းမောင် နေကောင်း၊ ကျန်းမာစွာနဲ့ ပြန်လည်လွတ်မြောက်ခဲ့ပါပြီ။ ကူညီစောင့်ရှောက်ပေးခဲ့သူအားလုံးကို ကျေးဇူးတင်ပါတယ်ခင်ဗျာ”

ကိုတာလင်းမောင်နဲ့ ကိုနောင်ရိုးတို့ ပြန်လွတ်လာတာနဲ့ပတ်သက်လို့ အသေးစိတ်သိရဖို့ သူတို့ကို RFA က ဆက်သွယ်ခဲ့ပေမဲ့ အင်တာနက်နဲ့ တယ်လီဖုန်းလိုင်းအခက်အခဲကြောင့် ဆက်သွယ်လို့မရသေးပါဘူး။

ပြီးခဲ့တဲ့ စက်တင်ဘာလအတွင်းက KIO အရာရှိဆိုသူရဲ့ ခိုင်းစေချက်နဲ့ KIO တိုက်နယ်မှူးက တာဝန်ကျ PDF တွေကိုအကြောင်းမကြားဘဲ ဆိုင်းတောင်နဲ့ ဖားကန့်ကြားမှာရှိတဲ့ Jade Garden စားသောက်ဆိုင်က ဝန်ထမ်းတွေကို ကယ်ထုတ်တဲ့အပေါ် ကိုတာလင်းမောင်က သူ့ရဲ့လူမှုကွန်ရက်မှာ ရေးသားခဲ့တာကြောင့် ဖမ်းဆီးခံခဲ့ရတာလို့ အဲဒီဖြစ်စဉ်ကိုသိတဲ့ ဒေသခံတွေက ပြောပါတယ်။

ကိုနောင်ရိုးကတော့ ကိုတာလင်းမောင်နောက်ကို လိုက်သွားရင်းနဲ့ ထပ်မံဖမ်းဆီးခံရတာလို့ ဆိုပါတယ်။

ကိုနောင်ရိုးဟာ အာဏာသိမ်းခါစ ၂၀၂၁ ခုနှစ် မတ်လ ၉ ရက်နေ့မှာ စစ်ကောင်စီရဲ့ ဖမ်းဆီးခြင်းခံရပြီး ရာဇသတ်ကြီးဥပဒေ ပုဒ်မ ၅၀၅ -က နဲ့ တရားစွဲဆိုခံရပြီးနောက် ၂၀၂၂ ခုနှစ် အောက်တိုဘာလမှာ ပြန်လွတ်မြောက်ခဲ့ပါတယ်။

ကိုတာလင်းမောင်ကတော့ အာဏာမသိမ်းခင်က ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှာ သတင်းထောက်လုပ်ကိုင်ခဲ့ပြီး အာဏာသိမ်းပြီးနောက် အကြမ်းမဖက်အာဏာဖီဆန်ရေးလှုပ်ရှားမှု (CDM) ဝင်ထားသူတစ်ဦး ဖြစ်ပါတယ်။

ဖမ်းဆီးခံရတဲ့ သတင်းထောက်တွေရဲ့ အချက်အလက်တွေကို စောင့်ကြည့်မှတ်တမ်းတင်နေတဲ့ (Detained Journalist Information Myanmar) ရဲ့ စာရင်းတွေအရ စစ်တပ်အာဏာသိမ်းထားတဲ့ သုံးနှစ်ကျော်အတွင်း သတင်းမီဒီယာ ၁၅ ခု ပိတ်သိမ်းခံရပြီး သတင်းထောက် ခုနစ်ဦး သေဆုံးခဲ့ပါတယ်။ ၂၀၂၄ ခုနှစ် ဇူလိုင်လအထိ သတင်းသမား ၁၇၂ ဦး ဖမ်းဆီးခံခဲ့ရပြီး အဲဒီအထဲက ၅၂ ဦး အခုအချိန်အထိ အကျဉ်းချခံထားရဆဲ ဖြစ်ပါတယ်။
_________

KIA ဖမ်းဆီးခဲ့သည့် ကိုတာလင်းမောင် (ဝဲ) နှင့် ကိုနောင်ရိုး (ယာ) အား တွေ့ရစဥ်။ (Facebook/ Tarlin Mg/Naung Yoe)

#အလွတ်သတင်းထောက် #ပြန်လွတ် #KIA #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

ချင်းမိုင်မြို့မှာ MOU စာချုပ်နဲ့သွားတဲ့ မြန်မာအလုပ်သမားတွေ လုပ်ခလစာမရ
~~~
■ ထိုင်းနိုင်ငံ၊ ချင်းမိုင်မြို့မှာ နှစ်နိုင်ငံ အလုပ်အကိုင်သဘောတူညီမှုစာချုပ် (MOU) နဲ့ အလုပ်လုပ်ကိုင်နေတဲ့ မြန်မာအလုပ်သမား ၁၆ ဦးဟာ လုပ်ခလစာတွေမရဘဲ အခက်ကြုံနေရတယ်လို့ ရွှေ့ပြောင်း မြန်မာအလုပ်သမားအရေး အကူအညီပေးနေသူတွေက RFA ကို ပြောပါတယ်။

သူတို့ဟာ MOU စာချုပ်အရ ဘန်ကောက်မှာ အလုပ်လုပ်ရမှာဖြစ်ပေမဲ့ ကုမ္ပဏီဒေဝါလီခံရတာကြောင့် ချင်းမိုင်ဘက်ကို ဆောက်လုပ်ရေးလုပ်ငန်း လုပ်ကိုင်ဖို့ ရွှေ့ပြောင်းခံခဲ့ရတာပါ။

အဲဒီနောက် အလုပ်သမား ၁၆ ဦးရဲ့ လုပ်ခလစာ တစ်လခွဲစာကို အလုပ်ရှင်ဘက်က အောက်တိုဘာ ၂၇ ရက် ဒီနေ့အထိ မပေးတာကြောင့် အခက်အခဲဖြစ်နေတယ်လို့ မြန်မာအလုပ်သမား ကူညီစောင့်ရှောက်ရေးအဖွဲ့ (WAG) ရဲ့ တာဝန်ခံ ကိုမုန်တိုင်းက RFA ကို ပြောပါတယ်။

“အလုပ်သမားတွေကို မြန်မာနိုင်ငံကနေ စာချုပ်ချုပ်လာတယ်။ သူတို့ချုပ်လာတဲ့ စာချုပ်က အလုပ်မရှိဘူး ဆိုပြီးတော့ ဒေဝါလီခံရတယ်ဆိုပြီးတော့ အလုပ်သမားတွေကို ပြောတယ်ပေါ့။ အဲဒီအချိန်မှာပဲ ချင်းမိုင်ကို သွားပြီးတော့ အလုပ်သမားတွေကို ဒီဆောက်လုပ်ရေးပေါ့နော်။ သူတို့ ဆောက်လုပ်ရေးကို သွားထည့်လိုက်တယ်။ ဒီအလုပ်သမားတွေက အလုပ်ကတော့ လုပ်ရတယ်။ ပိုက်ဆံမရဘူးပေါ့။ စားဝတ်နေရေးက အရမ်းခက်ခဲလာ တယ်။ လက်ရှိ လုပ်အားခမရဘူး။ နေဖို့တွေလည်း ခက်ခဲနေတယ်”

သူတို့ဟာ မြန်မာနိုင်ငံဘက်က ပြည်ပအလုပ်အကိုင်အေဂျင်စီတစ်ခုဖြစ်တဲ့ Great Silver Land Services ကုမ္ပဏီက ထိုင်းနိုင်ငံ ဘန်ကောက်မြို့မှာ အလုပ်လုပ်ဖို့အတွက် နှစ်နှစ်စာချုပ်ချုပ်ဆိုပြီး ဇူလိုင်လကုန်ပိုင်းမှာ ထိုင်းနိုင်ငံကို ပို့ခဲ့တာလို့ ဆိုပါတယ်။

လုပ်ခလစာမပေးတာကြောင့် အလုပ်သမားတွေက အလုပ်ဆက်မဆင်းတဲ့အပေါ် အလုပ်ရှင်ဘက်က အလုပ်ထုတ်လိုက်ပြီး စားဝတ်နေရေးပါ ခက်ခဲနေတာလို့ ကိုမုန်တိုင်းက ပြောပါတယ်။

မြန်မာနိုင်ငံကနေ ထိုင်းနိုင်ငံကို တရားဝင်သွားတဲ့အလုပ်သမားတွေအပေါ် အေဂျင်စီတွေဘက်က တာဝန်ယူမှုမရှိသလို ထိုင်းနိုင်ငံက မြန်မာအလုပ်သမားသံရုံးကလည်း တာဝန်ယူမှုမရှိဘူးလို့ အလုပ်သမားအရေး ဆောင်ရွက်နေသူတွေက ပြောပါတယ်။

ဒီဖြစ်စဉ်နဲ့ ပတ်သက်ပြီး တုံံ့ပြန်ချက်ဖို့ စစ်ကောင်စီရဲ့ အလုပ်သမားညွှန်ကြားမှုဦးစီးဌာနရုံးကို အောက်တိုဘာလ ၂၇ ရက် ဒီနေ့ မှာ RFA က ဆက်သွယ်ပေမဲ့ ရုံးပိတ်ရက်ဖြစ်တာကြောင့် ရုံးဖွင့်ရက်အတွင်း ပြန်လည်ဆက်သွယ်ဖို့ ပြောပါတယ်။

အလုပ်သမားတွေကို တာဝန်ယူ စေလွှတ်ခဲ့တဲ့ ပြည်ပအလုပ်အကိုင်အေဂျင်စီဖြစ်တဲ့ Great Silver Land Services ကုမ္ပဏီကို RFA က တယ်လီဖုန်းနဲ့ဆက်သွယ်ပေမဲ့ လက်ခံဖြေကြားတာ မရှိပါဘူး။

ထိုင်းနိုင်ငံမှာ MOU စနစ်နဲ့ သွားတဲ့ မြန်မာအလုပ်သမားတွေဟာ စာချုပ်ပါအတိုင်းအလုပ်မရတာ၊ အလုပ်ရွှေ့ပြောင်းခံရတာနဲ့ လုပ်ခလစာမရတာတွေ မကြာခဏ ကြုံနေရပါတယ်။
_________

MOU စနစ်ဖြင့် ထိုင်းနိုင်ငံသို့ တရားဝင် ဝင်ရောက်ခွင့်ရခဲ့သည့် မြန်မာအလုပ်သမားများအား ၂ဝ၂၄ ခုနှစ်၊ အောက်တိုဘာ ၂၆ ရက်နေ့က တွေ့ရစဉ်။ (Photo: Facebook/WAG မြန်မာအလုပ်သမား ကူညီစောင့်ရှောက်ရေးအဖွဲ့)

#မြန်မာလုပ်သား #MOU #လုပ်ခလစာမရ #ချင်းမိုင် #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

မတ္တရာမှာ လေကြောင်းတိုက်ခိုက်မှုကြောင့် လူငါးထောင်ကျော် နေရပ်စွန့်ခွာ ထွက်ပြေး
~~~
■ မန္တလေးတိုင်း၊ မတ္တရာမြို့နယ်မှာ စစ်ကောင်စီရဲ့ မြေပြင်စစ်ကြောင်းနဲ့ လေကြောင်းတိုက်ခိုက်မှုတွေကြောင့် ဒေသခံ ငါးထောင်ခန့် နေရပ်စွန့်ခွာထွက်ပြေးနေရတယ်လို့ မတ္တရာဒေသခံတွေက RFA ကို အောက်တိုဘာလ ၂၇ ရက် ဒီနေ့ပြောပါတယ်။

အောက်တိုဘာလ ၂၆ ရက် မနေ့က မတ္တရာမြို့ကနေ အင်အား ငါးဆယ် ဝန်းကျင်ရှိတဲ့ စစ်ကောင်စီတပ် စစ်ကြောင်းဟာ ဝေါစု၊ တုံကုန်း၊ မရမ်းကုန်း၊ ရွာသစ်၊ ထိန်ပင်စောက် စတဲ့ ရွာတွေကို စီးနင်းပြီး လေကြောင်းတိုက်ခိုက်မှုတွေပါ လုပ်နေတာလို့ ဆိုပါတယ်။

နှစ်ဖက်တိုက်ပွဲမဖြစ်ဘဲ စီနင်းပစ်ခတ်မှုတွေကြောင့် အရပ်သား သုံးဦး ထိခိုက်ဒဏ်ရာရတယ်လို့ လုံခြုံရေးအရ အမည်မဖော်လိုတဲ့ မတ္တရာဒေသခံတစ်ဦးက RFA ကို ပြောပါတယ်။

“မနေ့က ဘာတိုက်ပွဲမှမရှိဘဲနဲ့ အလွတ်ဝင်ပစ်သွားတာ။ ဂျက်တိုက်လေယာဉ်နဲ့ရော၊ Mi 35 နဲ့ရော ဝင်ပစ်တာ။ ထိခိုက်မှုရှိတယ်။ သုံးယောက်ထိတယ်လို့ သတင်းရတယ်ဗျ။ နည်းနည်းတော့ စိုးရိမ်ရတယ်”

လက်ရှိမှာတော့ ရွာသစ်ရွာမှာ စစ်ကောင်စီတပ် စစ်ကြောင်း အထိုင်ချထားသလို အောက်တိုဘာလ ၂၆ ရက်နေ့ မနေ့ကလည်း အဲဒီရွာကို အချိန်သုံးနာရီကြာ မီးရှို့ခဲ့တယ်လို့ ဒေသခံတွေက ပြောပါတယ်။

ဒါနဲ့ပတ်သက်လို့ တုံ့ပြန်ချက်ရဖို့ စစ်ကောင်စီရဲ့ မန္တလေးတိုင်းပြောခွင့်ရသူ စီးပွားရေးဝန်ကြီး ဦးသိန်းဌေး ကို RFA က ဆက်သွယ်ခဲ့ပေမဲ့ လက်ခံဖြေကြားတာမရှိပါဘူး။

အောက်တိုဘာ ၂၁ ရက်နေ့က မတ္တရာမြို့နယ် အနောက်ခြမ်းမှာရှိတဲ့ ဧရာဝတီမြစ်ဘေးကရွာတွေကို စစ်ကောင်စီတပ်က လေကြောင်းကနေ တိုက်ခိုက်ခဲ့လို့ မြွေတလိုင်းရွာအနီး စက်လှေပေါ်က တစ်နှစ်အရွယ် ကလေးငယ်တစ်ဦးနဲ့ အသက် ၂၈ နှစ်အရွယ် မိခင်ဖြစ်သူတို့ သေဆုံးသွားပါတယ်။

ပြီးခဲ့တဲ့ စက်တင်ဘာ ၂၀ ရက်နေ့ကစလို့ စစ်ကောင်စီတပ်က တစ်ကျော့ပြန် ထိုးစစ်ဆင်နေတာကြောင့် ဧရာဝတီမြစ်ဘေးတစ်လျှောက်က သုံးဆယ်ပေး၊ ကုန်းတန်းလေး၊ ဘိုကုန်း၊ ကြိမ်တော၊ ဘုရားမကုန်း၊ ဆူးလေကုန်း၊ ရွှေဘောင်၊ သဖန်းဒေါင့်၊ ငယ်တိုး၊ ဝန်စု၊ ဝေါစု စတဲ့ရွာက ဒေသခံတွေ ရွာလုံးကျွတ် ထွက်ပြေးတိမ်းရှောင်နေရပါတယ်။
_________

မန္တလေးတိုင်း၊ မတ္တရာမြို့နယ်၊ ရွာသစ်ရွာ မီးလောင်နေသည်ကို ၂၀၂၄ ခုနှစ် အောက်တိုဘာ ၂၆ ရက်နေ့က တွေ့ရစဉ်။ (Photo: Wetlet informational Network)

#မတ္တရာ #လေကြောင်းတိုက်ခိုက် #ဒေသခံ #နေရပ်စွန့်ခွာ #လွတ်လပ်တဲ့အာရှအသံ #rfaburmese


RFA Burmese Website တွင် ဖတ်ရှုရန်…

၁၀၂၇ စစ်ဆင်ရေး တစ်နှစ်ပြည့်နေ့မှာ နမ့်ခမ်းနဲ့ လောက်ကိုင်မြို့ ဗုံးကြဲတိုက်ခိုက်ခံရ
~~~
■ စစ်ကောင်စီရဲ့ ထိန်းချုပ်နယ်မြေတွေ လက်လွှတ်ခဲ့ရတဲ့ ၁၀၂၇ စစ်ဆင်ရေး တစ်နှစ်ပြည့်တဲ့ အောက်တိုဘာလ ၂၇ ရက် ဒီနေ့မှာ ရှမ်းပြည်နယ်မြောက်ပိုင်းက နမ့်ခမ်းနဲ့ လောက်ကိုင်မြို့တွေကို လေကြောင်းကနေ ဗုံးကြဲတိုက်ခိုက်သွားတယ်လို့ ဒေသခံတွေက RFA ကို ပြောပါတယ်။

နမ့်ခမ်းမြို့ကို တအာင်းအမျိုးသားလွတ်မြောက်ရေးတပ်မတော် (TNLA) က သိမ်းပိုက်ထားပြီး လောက်ကိုင်မြို့ကို ကိုးကန့်တပ်မတော် (MNDAA) က သိမ်းပိုက်ထားတာပါ။

စစ်ကောင်စီတပ်က လောက်ကိုင်မြို့နယ် တာရွှေထန်ရွာနဲ့ မြို့ပေါ်ကျင်ကျန်းရပ်ကွက်နေရာတွေကို လေကြောင်းကနေ ဗုံးကြဲတိုက်ခိုက်ခဲ့ပြီး တရုတ်နိုင်ငံဘက်ကလည်း သတိပေး အချက်ပြပစ်ခတ်တာတွေ လုပ်တယ်လို့ ဆိုပါတယ်။

ကိုးကန့်တပ်မတော် (MNDAA) က စစ်ကောင်စီရဲ့ ဗုံးကြဲတိုက်ခိုက်မှုကြောင့် အဆောက်အအုံအများအပြား ပျက်စီးပြီး အရပ်သား လေးဦး ထိခိုက်ဒဏ်ရာရတယ်လို့ အောက်တိုဘာလ ၂၇ ရက် ဒီနေ့ မနက်မှာ ထုတ်ပြန်ပါတယ်။

အလားတူ နမ့်ခမ်းမြို့အတွင်းမှာလည်း စခန်းသစ်ကုန်းနဲ့ အနီးနားက နေရာတွေကို ဂျက်တိုက်လေယာဉ်သုံးစင်းနဲ့ လာရောက်တိုက်ခိုက်တယ်လို့ လုံခြုံရေးအရ အမည်မဖော်လိုတဲ့ နမ့်ခမ်းဒေသခံ တစ်ဦးက RFA ကို ပြောပါတယ်။

“စခန်းသစ်ကုန်းနဲ့ အနီးတစ်ဝိုက်ကို သုံးကြိမ်လာကြဲသွားတယ်။ လေယာဉ်သုံးစင်းနဲ့ လာတာ။ လူတော့ ထိခိုက်မှု မရှိဘူး။ အိမ်တွေ ပျက်တာတော့ရှိတယ်”

တအာင်းအမျိုးသားလွတ်မြောက်ရေးတပ်မတော် (TNLA) ကလည်း နမ့်ခမ်းမြို့လေကြောင်းတိုက်ခိုက်မှုကို အတည်ပြုထားပြီး ထိခိုက်ပျက်စီးမှုကိုတော့ ထုတ်ပြန်ထားတာမရှိသေးပါဘူး။

လေကြောင်းတိုက်ခိုက်မှုနဲ့ ပတ်သက်လို့ တုံ့ပြန်ချက်ရဖို့ စစ်ကောင်စီရဲ့ ရှမ်းပြည်နယ်ပြောခွင့်ရသူ စီးပွားရေးဝန်ကြီး ဦးခွန်သိန်း မောင်ကို RFA ဖုန်းနဲ့ ဆက်သွယ်ပေမဲ့ ပြန်လည်ဖြေကြားတာမရှိပါဘူး။

စစ်ကောင်စီက အဲဒီမြို့တွေကိုပြန်လည်သိမ်းပိုက်နိုင်ဖို့ မြေပြင်ကနေ စစ်ကြောင်းထိုးဖို့ ပြင်ဆင်နေသလို လေကြောင်းကနေ လည်း နေ့စဉ်လိုလို ဗုံးကြဲတိုက်ခိုက်နေတယ်လို့ ဒေသခံတွေက ပြောပါတယ်။
_________

လောက်ကိုင်မြို့ကို ၂၀၂၄ ခုနှစ် အောက်တိုဘာ ၂၇ ရက်နေ့က လေကြောင်းတိုက်ခိုက်မှုကြောင့် အဆောက်အအုံအချို့ ထိခိုက်ပျက်စီးခဲ့သည်ကို တွေ့ရစဉ်။ (Photo: Facebook/果敢资讯网)

#နမ့်ခမ်း #လောက်ကိုင် #ဗုံးကြဲတိုက်ခိုက်ခံရ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

Live stream finished (15 minutes)

Live stream started

အာရှတစ်လွှား သတင်းများ
~~~
■ RFA ဝိုင်းတော်သား စောဖိုးခွား အပတ်စဉ် တနင်္ဂနွေနေ့တိုင်း စီစဉ်တင်ဆက်တဲ့ အာရှတစ်လွှား သတင်းများ အစီအစဉ်ကို ထုတ်လွှင့်မှာ ဖြစ်ပါတယ်။
____________
#အာရှသတင်းများ #လွတ်လပ်တဲ့အာရှအသံ #rfaburmese

မနက်ခင်းသတင်း ( ၂၀၂၄ အောက်တိုဘာ ၂၇ ရက်)
~~~
- ခင်ဦးနဲ့ ရေဦးမှာ ဗုံးကြဲခံရ၊ သံဃာတော် နှစ်ပါးအပါအဝင် ၁၄ ဦး ဒဏ်ရာရ
- မင်းတပ်မြို့ ဗုံးအလုံးရေ ၇ဝ ခန့် ကြဲချတိုက်ခိုက်ခံရ
- ကြို့ပင်ကောက်မှာ နှစ်ဖက်တိုက်ပွဲကြောင့် ဒေသခံတွေ ထွက်ပြေးနေရ
- နိုင်ငံရေးမရိုးသားမှုကြောင့် ပြည်တွင်းစစ် ရှည်ကြာနေကြောင်း SNLD ပြော
- လုံခြုံရေးတင်းကျပ်တဲ့ မန္တလေးမြို့လယ်မှာ ဒေါက်တာတေဇာစန်းတို့အဖွဲ့ ဆန္ဒပြ
- မြန်မာရေဘေးအတွက် အမေရိကန်က ဒေါ်လာ သုံးသန်း ထပ်မံကူညီမည်
- သံလွင်တိုင်းမ်သတင်းဌာန အယ်ဒီတာချုပ်နေအိမ် ချိပ်ပိတ်ခံရ
- ရွှေအရောင်းအဝယ်လုပ်ငန်းအတွက် စစ်ကောင်စီ ညွှန်ကြားချက်ထုတ်
____________
#သတင်းများ #လွတ်လပ်တဲ့အာရှအသံ #rfaburmese

စစ်တွေမြို့ခံ နှစ်ဆယ်ကျော် ဖမ်းဆီးခံရ
~~~
■ ရခိုင်ပြည်နယ် စစ်တွေမြို့ မင်းဂံရပ်ကွက်က မြို့ခံ ၂၀ ကျော်ကို အောက်တိုဘာလ ၂၄ ရက် ညပိုင်းမှာ စစ်ကောင်စီတပ်က ဖမ်းဆီးသွားတယ်လို့ စစ်တွေမြို့ခံတွေက ပြောပါတယ်။

စစ်ကောင်စီတပ်ဖွဲ့ဝင် ၈၀ လောက်က စစ်ကားတွေနဲ့ မင်းဂံရပ်ကွက် အမှတ် ၄၊ ၅၊ ၆၊ ၇၊ ၈၊ ၉ တို့ကို ဝင်ရောက်ပြီး ဖမ်းဆီးသွားတာလို့ လုံခြုံရေးအရ အမည်မဖော်လိုတဲ့ စစ်တွေမြို့ခံတစ်ဦးက ပြောပါတယ်။

“ည ၇ နာရီ ဝန်းကျင်လောက်မှာ မင်းဂံရပ်ကွက် အကွက် ၆ က ရဲစခန်းမှာ ကားရပ်ပြီးတော့ ဝင်ဖမ်းတာ၊ လမ်းသွားလမ်းလာတချို့ရော၊ အိမ်တွေကို ဧည့်စာရင်းနဲ့ မှတ်ပုံတင်စစ်ဆေးပြီး သူတို့ မသင်္ကာတဲ့သူတွေကို ဖမ်းသွားတာ၊ အမျိုးသမီးတွေရော ၂၀ ကျော်‌လောက် ဖမ်းသွားတယ်လို့ ကြားရတယ်”

ဖမ်းဆီးခံရသူတွေကို မင်းဂံရပ်ကွက် အမှတ် ၆ မှာရှိတဲ့ ရဲစခန်းကနေ အချုပ်ကားနဲ့ တင်ဆောင်သွားပေမဲ့ ဘယ်နေရာကို ခေါ်သွားတယ်ဆိုတာ မသိရသေးဘူးလို့ ပြောပါတယ်။

စစ်ကောင်စီတပ်ဖွဲ့ဝင်တွေက စစ်တွေမြို့ခံတွေကို မကြာခဏ ဖမ်းဆီးနေပြီး ဖမ်းဆီးခံရသူတချို့ရဲ့ မိသားစုဝင်တွေကို ငွေနဲ့ပြန်ရွေးခိုင်းပြီးမှ လွှတ်ပေးတာတွေရှိသလို တချို့လည်း အဆက်အသွယ်မရဘဲ ပျောက်ဆုံးနေတာတွေရှိတယ်လို့ မြို့ခံတွေက ပြောပါတယ်။ ပြီးခဲ့တဲ့ စက်တင်ဘာလ ၁၅ ရက်နေ့ကလည်း စစ်တွေမြို့ ရွှေပြားရပ်ကွက်နဲ့ ကမ်းနားလမ်းတစ်ဝိုက်က ဒေသခံ ခုနစ်ဆယ်လောက်ကို စစ်ကောင်စီက ဖမ်းဆီးခဲ့ပါတယ်။

ဒီအပေါ်တုံ့ပြန်ချက်ရဖို့ စစ်ကောင်စီ ပြောခွင့်ရသူ ဗိုလ်ချုပ် ဇော်မင်းထွန်းနဲ့ ရခိုင်ပြည်နယ် ပြောရေးဆိုခွင့်ရှိသူ ပြည်နယ်ဥပဒေချုပ် ဦးလှသိန်းကို RFA က ဖုန်းနဲ့ဆက်သွယ်ခဲ့ပေမဲ့ လက်ခံဖြေဆိုတာမရှိပါဘူး။

ပြီးခဲ့တဲ့ မေလ ၂၉ ရက်နေ့က စစ်တွေမြို့နယ် ဗျိုင်းဖြူရွာကို စစ်ကောင်စီတပ်က ရောက်စီးနင်းပြီးနောက် လူတစ်ရာကျော် သတ်ဖြတ်ခံခဲ့ရသလို ရွာခံတွေလည်း ဖမ်းဆီးတရားစွဲဆိုခဲ့ပါတယ်။ အဲဒီအထဲက အာရက္ခတပ်တော် (AA) နဲ့ ဆက်စပ်တယ်ဆိုပြီး ဖမ်းဆီးခံထားရတဲ့ ဗျိုင်းဖြူရွာသား ၂၉၅ ဦးကို စစ်တွေထောင်တွင်းအထူးတရားရုံးကနေ မတရားအသင်းဆက်သွယ်မှု ဥပဒေပုဒ်မ - ၁၇ (၁) နဲ့ စက်တင်ဘာလ ၇ ရက်နေ့မှာ ထောင်ဒဏ်တွေ ချမှတ်ခဲ့တယ်လို့ မိသားစုဝင်တွေနဲ့ နီးစပ်သူတွေက RFA ကို ပြောထားပါတယ်။
___
ရခိုင်ပြည်နယ် စစ်တွေမြို့တစ်နေရာကို တွေ့ရစဥ်။ (Photo : RFA)
#ရခိုင် #စစ်တွေ #ဖမ်းဆီး #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

တရားမဝင် မြန်မာထုတ်ကုန်တွေ မစားကြဖို့ အမေရိကန် ထပ်မံသတိပေး
~~~
■ မြန်မာနိုင်ငံက တရားမဝင်တင်သွင်းလာတဲ့ ကြက်သားအပါအဝင် အသားအမျိုးမျိုးပါတဲ့ ထုတ်ကုန်တွေကို မစားကြဖို့ အမေရိကန် အစားအသောက်ဘေးကင်းရေးနဲ့ စစ်ဆေးရေး ဝန်ဆောင်မှုဌာန (FSIS) က အောက်တိုဘာ ၂၄ ရက်မှာ ထပ်မံသတိပေးလိုက်ပါတယ်။

ဒီတစ်ခေါက် FSIS က ကြေညာလိုက်တဲ့ထုတ်ကုန်တွေဟာ Best တံ‌ဆိပ် အမဲသားဟင်း၊ ကြက်သားဒံပေါက်၊ မြန်မာဘဲသွေး၊ ထိမိဂွိ နဲ့ အိမ်ချက်တံဆိပ် မုန့်ဟင်းခါးအနှစ်၊ အုန်းနို့အနှစ်၊ မင်းသားကြီးတံဆိပ် ငါးခြောက်ထုပ် စတာတွေ ပါဝင်ပါတယ်။

ဒီထုတ်ကုန်တွေဟာ အမေရိကန် အစားအသောက်ဘေးကင်းရေးနဲ့ စစ်ဆေးရေးဝန်ဆောင်မှုဌာန အသိအမှတ်ပြု USDA အမှတ်အသားမပါသလို ပြည်သူ့ကျန်းမာရေးသတိပေးချက်တွေလည်း မရှိဘူးလို့ ဆိုပါတယ်။

နိုင်ငံတွင်းကို ဒီထုတ်ကုန်တွေ ဘယ်လိုရောက်လာသလဲဆိုတာ ဆက်လက်စုံစမ်းနေတယ်လို့လည်း ဆိုပါတယ်။

အမေရိကန်နိုင်ငံက အရီဇိုးနား၊ ကယ်လီဖိုးနီးယား၊ အိုင်အိုဝါ၊ ကန်းဆက်၊ မေရီလန်း၊ မင်နီဆိုးတား၊ နီဘရားစကား၊ အိုကလာဟိုးမားနဲ့ တက်က်ဆက်စ် စတဲ့ ပြည်နယ် ကိုးခုမှာ တင်သွင်းရောင်းချနေတာကို FSIS က စစ်ဆေးတွေ့ရှိခဲ့တာပါ။

FSIS က လက်လီရောင်းချတဲ့ဆိုင်တစ်ဆိုင်ကို ဝင်ရောက်စစ်ဆေးစဉ်မှာ အမေရိကန်ကိုတင်ပို့ဖို့ အရည်အချင်းမပြည့်မီတဲ့ မြန်မာနိုင်ငံက တင်ပို့တဲ့ အသားနဲ့ ကြက်သား ထုတ်ကုန်တွေကို တွေ့ရှိခဲ့တယ်လို့ ဆိုပါတယ်။

ဒါတွေကို စားလို့ တစ်ခုခုဆိုးကျိုးဖြစ်တယ်ဆိုတဲ့ အတည်ပြုချက်တွေတော့ မရှိသေးပေမဲ့ ဖြစ်လာခဲ့ရင် ကျန်းမာရေးဌာနနဲ့ ဆက်သွယ်ကြဖို့လည်း ရေးသားထားပါတယ်။

ဒီပစ္စည်းတွေ ဆက်မရောင်းဖို့ ဆိုင်ရှင်တွေကို တိုက်တွန်းထားပြီး ဝယ်ထားမိခဲ့ရင် လွှင့်ပစ်တာ ဒါမှမဟုတ် ဝယ်ခဲ့တဲ့ဆိုင်တွေကို ပြန်အပ်တာတွေလုပ်ကြဖို့လည်း ကြေညာထားပါတယ်။

သြဂုတ်လ ၁၆ ရက်ကလည်း အဖွားလက်ရာ စည်သွတ်ဘူးဟင်းလျာတွေ၊ စံပြဒေါ်ကြည်နဲ့ ထိမိဂွိ မုန့်ဟင်းခါးတို့ကို အမေရိကန်ရဲ့ အရောင်းဆိုင် စင်တွေပေါ်ကနေ ဖယ်ချဖို့ဆိုပြီး FSIS က သတိပေးခဲ့ပါတယ်။
___
မြန်မာနိုင်ငံမှ တရားမဝင် တင်သွင်းလာသည့် စားသုံးရန်မသင့်သည့် စည်သွတ်ဘူးထုတ်ကုန်များအား အမေရိကန်ပြည်ထောင်စု အစားအသောက် ဘေးကင်းရေးနှင့် စစ်ဆေးရေးဝန်ဆောင်မှုဌာန (FSIS) က ၂၀၂၄ ခုနှစ် ဩဂုတ်လ ၁၆ ရက်နေ့တွင် ထုတ်ပြန်ထားစဉ်။ (Photo : FSIS )
#မြန်မာထုတ်ကုန် #FSIS #rfaburmese #လွတ်လပ်တဲ့အာရှအသံ
RFA Burmese Website တွင် ဖတ်ရှုရန်…

ရိုဟင်ဂျာ ၁၅၂ ဦးကို အင်ဒိုနီးရှားမှာ ကယ်တင်ထား
~~~
■ အမျိုးသမီးနဲ့ ကလေးတွေအပါအဝင် ရိုဟင်ဂျာ ၁၅၂ ဦး ပါတဲ့ စက်လှေတစ်စီးကို အင်ဒိုနီးရှားနိုင်ငံမှာ ကယ်တင်နိုင်ခဲ့တယ်လို့ ကုလသမဂ္ဂဒုက္ခသည်များဆိုင်ရာ အေဂျင်စီက အောက်တိုဘာ ၂၅ ရက်နေ့မှာ ပြောလိုက်ပါတယ်။

အဲဒီလှေဟာ အင်ဒိုနီးရှားနိုင်ငံ တောင်အာချေးခရိုင် ကမ်းရိုးတန်းမှာ ရက်အတော်ကြာ ကျောက်ချထားတာဖြစ်ပြီး အောက်တိုဘာ ၂၄ ရက်နေ့မှာ အာဏာပိုင်တွေက ကမ်းပေါ်ကို ဆိုက်ကပ်ခွင့်ပြုလိုက်တာလို့ AFP သတင်းက ဖော်ပြပါတယ်။ ဒီရိုဟင်ဂျာတွေကို လူသားချင်းစာနာတဲ့စိတ်ဓာတ်နဲ့ ကမ်းကပ်ခွင့်ပြုခဲ့တဲ့ ဒေသခံတွေနဲ့ အာဏာပိုင်တွေကို UNHCR က ကျေးဇူးတင်ကြောင်းလည်း ပြောထားပါတယ်။

ဒီလှေပေါ်မှာ ပါလာတဲ့အများစုက လူကုန်ကူးတဲ့အဖွဲ့တွေရဲ့ ပစ်မှတ်ဖြစ်တဲ့ အမျိုးသမီးတွေနဲ့ ကလေးတွေဖြစ်ပြီး သူတို့ကို လူသားချင်းစာနာထောက်ထားရေးအဖွဲ့အစည်းတွေက အကူအညီတွေ ပေးနေတယ်လို့ ဆိုပါတယ်။ အောက်တိုဘာ ၂၄ရက်နေ့မှာပဲ နောက်ထပ် ရိုဟင်ဂျာ ၁၄ဝ ကျော်ကိုလည်း အင်ဒိုနီးရှားအနောက်ကမ်းရိုးတန်းမှာ ကမ်းကပ်ခွင့်ပြုခဲ့ပါတယ်။

မြန်မာစစ်တပ်ရဲ့ ဖိနှိပ်အကြမ်းဖက်မှုတွေကြောင့် ၂ဝ၁၇ ခုနှစ်နောက်ပိုင်း နေရပ်စွန့်ခွာထွက်ပြေးကြတဲ့ ရိုဟင်ဂျာတွေဟာ ဘင်္ဂလားဒေ့ရှ်နိုင်ငံက ဒုက္ခသည်စခန်းတွေမှာ စားဝတ်နေရေးကျပ်တည်းပြီး အခက်အခဲပေါင်းစုံကြုံနေရတဲ့အတွက် မလေးရှား၊ အင်ဒိုနီးရှားနိုင်ငံတွေကို ပင်လယ်ပြင်ကို ဖြတ်ပြီး ထွက်ခွာနေကြတာဖြစ်ပါတယ်။

အင်ဒိုနီးရှားနိုင်ငံဟာ ၁၉၅၁ ခုနှစ် ကုလသမဂ္ဂ ဒုက္ခသည်များဆိုင်ရာ သဘောတူညီချက်ကို လက်မှတ်မထိုးထားပေမဲ့ ရိုဟင်ဂျာတွေကို လက်ခံထားလေ့ရှိပါတယ်။ ပြီးခဲ့တဲ့နှစ်ကုန်လောက်ကစပြီး ဒေသခံတချို့ကတော့ အခုလိုရိုဟင်ဂျာဒုက္ခသည်တွေကို လက်ခံတဲ့အပေါ် ကန့်ကွက်တာတွေ ရှိလာပါတယ်။
________
အင်ဒိုနီးရှားနိုင်ငံ အာချေးပြည်နယ်တောင်ပိုင်း Labuhan Haji ရှိ ယာယီတဲများတွင် UNHCR ဝန်ထမ်းများမှ ရိုဟင်ဂျာဒုက္ခသည်များကို ၂၀၂၄ ခုနှစ် အောက်တိုဘာ ၂၄ ရက်က ကိုယ်ရေးအချက်အလက်များ မေးမြန်းနေစဉ်။ (Photo : AFP)
#ရိုဟင်ဂျာ #UN #အင်ဒိုနီးရှား #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

မြန်မာနဲ့ ထိုင်းတို့ရဲ့ကထိန်ပွဲ မဲဆောက်မြို့မှာကျင်းပ
~~~
■ ထိုင်းနိုင်ငံ မဲဆောက်မြို့က တောရကျောင်းတိုက်မှာ မြန်မာနိုင်ငံသားတွေနဲ့အတူ ထိုင်းနိုင်ငံသားတွေရဲ့ စုပေါင်းမဟာဘုံကထိန်ပွဲကို အောက်တိုဘာလ ၂၅ ရက်နေ့က ကျင်းပခဲ့ပါတယ်။ ကိုရဲစည်သူကာ က တင်ပြထားပါတယ်။

မိုးရေတင်ကျန်ပြီး တာမွေမှာ ရေကြီးနေဆဲ
~~~
■ ရန်ကုန်မြို့၊ တာမွေမြို့နယ်မှာရှိတဲ့ Ocean စျေးဝယ်စင်တာ အနီးတဝိုက်မှာ အောက်တိုဘာ ၂၅ ရက်နေ့က မိုးကြီးပြီးနောက် ကားလမ်းရေကျော်နေပြီး ကားတွေသွားလာဖို့ ခက်ခဲနေပါတယ်။

အဲဒီနေရာတဝိုက်မှာ ဒီနှစ်အတွင်း အခုလိုရေကြီးနေတာ သုံးကြိမ်ရှိပြီလို့ တာမွေအဝိုင်းထိပ်မှတ်တိုင်နားက စျေးသည်တစ်ဦးက ပြောပါတယ်။

ဒီနေ့ညနေပိုင်းမှာ မိုးရွာပြီးနောက် Ocean ဈေးဝယ်စင်တာရှေ့မှာ ကားလမ်းရေကျော်ပြီး ဘတ်စ်ကားတွေ သွားလာဖို့ ခက်ခဲနေသလို ဘတ်စ်ကားတချို့ ပျက်နေတာကြောင့် ကားလမ်းလည်းပိတ်ဆို့ခဲ့ပါတယ်။

စစ်ကောင်စီ မိုးလေဝသနဲ့ ဇလဗေဒညွှန်ကြားမှုဦးစီးဌာန ကတော့ ရန်ကုန်တိုင်းနဲ့ ဧရာဝတီတိုင်းတို့မှာ မိုးတိမ်တောင်တွေ ဖြစ်နေပြီး၊ အဲဒီမိုးတိမ်တောင်တွေ ရွေ့လျားတဲ့နေရာတစ်လျှောက်မှာ မိုးကြီးတာ၊ လေပြင်းတိုက်တာ၊ မိုးသီးကြွေတာတွေ ဖြစ်နိုင်တယ်လို့ အောက်တိုဘာ ၂၅ ရက်နေ့က သတိပေးထားပါတယ်။
____
ရန်ကုန်မြို့၊ တာမွေမြို့နယ်ရှိ Ocean Supercenter တဝိုက် ရေကြီးနေသည်ကို ၂၀၂၄ ခုနှစ်၊ အောက်တိုဘာလ ၂၅ ရက်နေ့က တွေ့ရစဥ်။ (RFA Photo)
#ရန်ကုန်#ရေကြီးမှု #လွတ်လပ်တဲ့အာရှအသံ #rfaburmese

ဒေါက်တာနေစိုးမောင်နဲ့အတူ ဆရာဝန်လူငယ် ၁၁ ယောက်ကိုစစ်ဆေးနေ
~~~
■ အာဏာရှင်ဟောင်း ဦးသန်းရွှေရဲ့ သမက် ဒေါက်တာနေစိုးမောင်နဲ့အတူ ကျန်းမာရေးဆိုင်ရာပရဟိတ ဆောင်ရွက်နေတဲ့ အထက်မြန်မာပြည်ကဆရာဝန်ငယ်တွေနဲ့ လူငယ် စုစုပေါင်း ၁၁ ယောက်ကို စစ်ကောင်စီက ထိန်းသိမ်းစစ်ဆေးနေတယ်လို့ မိသားစုဝင်တွေနဲ့နီးစပ်သူက RFA ကိုပြောပါတယ်။

သူတို့ထဲက တချို့ကို မိသားစုနဲ့ ဖုန်းပြောခွင့်ပေးတယ်လို့ဆိုပါတယ်။ ဒါကြောင့် ပြန်လွတ်လာမလားဆို ပြီး မိသားစုတွေက မျှော်လင့်နေကြပါတယ်။

ဒေါက်တာနေစိုးမောင်ဟာ NLD ဒုခေါင်းဆောင် မန္တလေးတိုင်းဝန်ကြီးချုပ် ဒေါက်တာဇော်မြင့်မောင်ရဲ့ ရက်လည်ဆွမ်းကျွေးပွဲသွားရောက်ခဲ့သလို၊ ဒေါက်တာဇော်မြင့်မောင်ကို လေးစားတဲ့အကြောင်းနဲ့ We Free ဆိုတဲ့ စာတန်းပါတဲ့ တီရှပ်အင်္ကျီဝတ်ပြီး မန္တလေးနန်းတော် ကျုံးဘေးမှာ ရိုက်ထားတဲ့ ဓာတ်ပုံကို သူ့ရဲ့ ဖေ့စ်ဘွတ်လူမှုကွန်ရက်မှာ အောက်တိုဘာလ ၈ ရက်နေ့က တင်ခဲ့ပါတယ်။

သူ့ကို နိုင်ငံတော် တည်ငြိမ်မှု ပျက်ပြားအောင် လူမှုကွန်ရက်မှာ လှုံ့ဆော်ရေးသားတယ်ဆိုတဲ့ စွပ်စွဲချက်နဲ့ အောက်တိုဘာလ ၂၃ ရက်နေ့က ဖမ်းဆီးအရေးယူထားတယ်လို့ စစ်ကောင်စီက အောက်တိုဘာလ ၂၄ ရက်နေ့မှာ ထုတ်ပြန်ပါတယ်။

ဒါပေမဲ့ ဒေါက်တာနေစိုးမောင်နဲ့အတူ ဆရာဝန်တွေပါတဲ့လူငယ် ၁၁ ယောက်ကို ထိန်းသိမ်းစစ်ဆေး နေတဲ့အကြောင်းတော့ စစ်ကောင်စီက သတင်းမထုတ်ပြန်သေးပါဘူး။ ဒီကိစ္စနဲ့ပတ်သက်လို့ စစ်ကောင်စီရဲ့ မန္တလေးတိုင်းပြောခွင့်ရသူ တိုင်းစီးပွားရေးဝန်ကြီး ဦးသိန်းဌေးကို RFA က တယ်လီ ဖုန်းနဲ့ဆက်သွယ်ခဲ့ပေမဲ့ မရသေးပါဘူး။
______
ဦးသန်းရွှေ၏ သမက်ဖြစ်သူ ဒေါက်တာနေစိုးမောင်ကို ၂၀၂၄ ခုနှစ် အောက်တိုဘာလ ၈ ရက်က မန္တလေးမြို့ ကျုံးပတ်လမ်းတွင် တွေ့ရစဉ်။ (Photo: Facebook/Dr.Nay Soe Maung)
#ဒေါက်တာနေစိုးမောင် #စစ်ကောင်စီ #ဖမ်းဆီး #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

Live stream finished (15 minutes)

Live stream started

လားရှိုးမြို့ ဓာတ်ခဲစက်ရုံဟောင်း ဗုံးကြဲခံရပြီး တစ်ဦး သေဆုံး
~~~
■ ရှမ်းပြည်နယ်မြောက်ပိုင်း၊ လားရှိုးမြို့အထွက်မှာရှိတဲ့ ဓာတ်ခဲစက်ရုံဟောင်းနေရာကို စစ်ကောင်စီတပ်က အောက်တိုဘာလ ၂၅ ရက် ဒီနေ့မှာ လေကြောင်းကနေ ဗုံးငါးလုံးကြဲချခဲ့တာကြောင့် အရပ်သားတစ်ဦး သေဆုံးတယ်လို့ ဒေသခံတွေက ပြောပါတယ်။

နေ့လယ်ပိုင်း တစ်နာရီကျော် အချိန်ကနေ နှစ်နာရီနီးပါးအထိ အဲဒီနေရာတစ်ဝိုက်ကို လေကြောင်းကနေ ဗုံးကြဲခဲ့တာလို့ ဒေသခံက ပြောပါတယ်။

"မြို့အထွက်က ရွှေမြင်းနှစ်ကောင် စက်ရုံနဲ့ အနီးတစ်ဝိုက်ကို ကြဲသွားတာဗျ။ ဆိုင်ကယ်နဲ့ သွားနေတဲ့ သူတစ်ယောက် ပွဲချင်းပြီး သေသွားတယ်”

သေဆုံးသူရဲ့ ကိုယ်ရေးအချက်အလက် သေးစိတ်ကိုတော့ မသိရသေးပါဘူး။

ဓာတ်ခဲစက်ရုံဟောင်းနေရာဟာ စစ်ကောင်စီတပ်က စစ်ဆေးရေးဂိတ်ဖွင့်လှစ်ခဲ့တဲ့ နေရာဖြစ်ပြီး ကိုးကန့်တပ်မတော် (MNDAA) တပ်ဖွဲ့ဝင်တွေလည်း တစ်ခါတစ်ရံ မြို့အဝင်အထွက် စစ်ဆေးမှုတွေ လုပ်တတ်တယ်လို့ ဒေသခံတွေက ပြောပါတယ်။

လေကြောင်းတိုက်ခိုက်မှုနဲ့ ပတ်သက်လို့ စစ်ကောင်စီရဲ့ ရှမ်းပြည်နယ် ပြောခွင့်ရသူ ပြည်နယ်စီးပွာရေးဝန်ကြီး ဦးခွန်သိန်းမောင်ကို RFA က တယ်လီဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာ မရှိပါဘူး။

အောက်တိုဘာလ ၂၃ ရက်နေ့ကလည်း လားရှိုးမြို့က အရက်ချက်စက်ရုံ၊ အမှတ် (၂) ရဲစခန်းစတဲ့ နေရာတွေကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် အချုပ်သားနှစ်ဦး အပါအဝင် လေးဦး သေဆုံးပြီး ဆယ်ဦးထက်မနည်း ဒဏ်ရာရခဲ့ပါတယ်။

၁၀၂၇ စစ်ဆင်ရေး ဒုတိယပိုင်းကာလအတွင်း ၂၀၂၄ ခုနစ် သြဂုတ်လ ၃ ရက်နေ့မှာ လားရှိုးမြို့ကို MNDAA က သိမ်းပိုက်ခဲ့ပြီးနောက်ပိုင်း သြဂုတ် ၃၀ ရက်နေ့ကစလို့ စစ်ကောင်စီက လားရှိုးမြို့ကို လေကြောင်းကနေ နေ့စဉ်လိုလို ဗုံးကြဲတိုက်ခိုက်နေတယ်လို့ လားရှိုးမြို့ခံတွေက ပြောပါတယ်။

RFA က ပြုစုထားတဲ့ စာရင်းတွေအရ လားရှိုးမြို့နယ်အတွင်းမှာ သြဂုတ်လ ၃၀ ရက်နေ့ကနေ အောက်တိုဘာလ ၂၅ ရက်နေ့အတွင်း စစ်ကောင်စီတပ်က လေကြောင်းကနေ အကြိမ်လေးဆယ်ကျော် တိုက်ခိုက်ခဲ့တာကြောင့် နိုင်ငံရေးအကျဉ်းသား တစ်ဦး၊ အချုပ်သား နှစ်ဦး အပါအဝင် စုစုပေါင်း အရပ်သား ၁၈ ဦး သေဆုံးပြီး နောက်ထပ် လူခြောက်ဆယ်ကျော် ဒဏ်ရာရခဲ့ပါတယ်။
_________

လေကြောင်းတိုက်ခိုက်ခံရသည့် လားရှိုးမြို့ ဓာတ်ခဲစက်ရုံဟောင်း နေရာအား ၂၀၂၄ ခုနှစ်၊အောက်တိုဘာလ ၂၅ ရက်နေ့က တွေ့ရစဉ်။ (Saw Nay Wai Soe/ လားရှိုးမြို့ပြန်လည်ထူထောင်ရေးအဖွဲ့)

#ရှမ်းပြည်နယ် #လေကြောင်းတိုက်ခိုက်မှု #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

အမ်းနဲ့ ဂွက ဒေသခံ ငါးထောင်နီးပါး အရေးပေါ် အကူအညီ လိုအပ်
~~~
■ ရခိုင်ပြည်နယ်၊ ဂွမြို့နယ်နဲ့ အမ်းမြို့နယ်က တိုက်ပွဲဧရိယာအတွင်း ကျရောက်နေတဲ့ ရပ်ကွက်နဲ့ ကျေးရွာတွေက ဒေသခံ ငါးထောင်နီးပါး အရေးပေါ်အကူအညီတွေ လိုအပ်နေတယ်လို့ ဒေသခံတွေက အောက်တိုဘာလ ၂၅ ရက်နေ့မှာ ပြောပါတယ်။

ဂွမြို့နယ်ထဲမှာ သံတွဲမြို့နယ်က တိုက်ပွဲတွေကြောင့် တိမ်းရှောင်လာတဲ့ စစ်ဘေးဒုက္ခသည် တစ်ထောင်ခန့်နဲ့ ကြွေချိုင်၊ တိုင်ကျိုး၊ ဆပ်သွား စတဲ့ ရွာတွေမှာ နေထိုင်ကြတဲ့ ဒေသခံ သုံးထောင်ခန့် စားနပ်ရိက္ခာနဲ့ ကူညီစောင့်ရှောက်မှုတွေ လိုအပ်နေတာပါ။

အမ်းမြို့နယ်မှတော့ စစ်ဘေးဒုက္ခသည်စခန်းတွေနဲ့ စုရပ်တွေကို မရောက်ဘဲ နီးစပ်ရာ ဘုရားကျောင်းတွေနဲ့ ဘုန်းကြီးကျောင်းတွေမှာ ခိုလှုံနေရသူ ငါးရာခန့်ရှိနေပြီး စာရင်းအပြည့်အစုံ မရသေးတာကြောင့် အရေအတွက် ဒီထက်ပိုများနိုင်တယ်လို့ ဒေသခံတွေက ပြောပါတယ်။

တိုက်ပွဲဖြစ်နေဆဲနေရာတွေကို အကူအညီတွေ မရောက်နိုင်တာကြောင့် အခက်အခဲကြုံနေရတယ်လို့ ဂွမြို့နယ်မှာ နေထိုင်တဲ့ ဒေသခံတစ်ဦးက RFA ကို ပြောပါတယ်။

“တိုက်ပွဲဖြစ်ပြီးသားနေရာတွေကိုတော့ အကူညီတွေ ပေးနိုင်ကြတယ်။ ဒါပေမဲ့ တိုက်ပွဲမဖြစ်သေးတဲ့နေရာတွေနဲ့ ဖြစ်နေဆဲနေရာတွေကိုတော့ အကူအညီတွေက မရောက်နိုင်ဘူး၊ စားစရာမရှိတော့ဘူး”

ဂွမြို့နယ်က စစ်ဘေးဒုက္ခသည်တွေဟာ နေရာအနှံ့ ပြန့်ကြဲနေပြီး လုံခြုံမယ်ထင်ရတဲ့နေရာတွေမှာ ခိုလှုံနေကြတာပါ။

လေကြောင်းတိုက်ခိုက်မှုနဲ့ စစ်ကောင်စီတပ် စစ်ကြောင်းတွေ ရှိနေတဲ့အတွက် ဘယ်နေရာမှာ လူဦးရေဘယ်လောက်ရှိတယ်ဆိုတာ လူသိထင်ရှား ထုတ်ဖော်ပြောပြလို့ မရနိုင်တာကလည်း အကူအညီတွေရဖို့ အတားအဆီးတစ်ခု ဖြစ်နေတယ်လို့ ဆိုပါတယ်။

တိုက်ပွဲတွေပြင်းထန်နေတဲ့ အနောက်ပိုင်းတိုင်း စစ်ဌာနချုပ်ရှိရာ အမ်းမြို့နယ်ထဲမှာလည်း အရေးပေါ် အကူအညီလိုအပ်နေသူတွေ တိုးလာနေတယ်လို့ ကူညီပေးဖို့ ကြိုစားနေတဲ့ ဒေသခံ လူငယ်တစ်ဦးက ပြောပါတယ်။

“အမ်းမှာက စစ်ရှောင်စခန်းတွေ စုရပ်တွေမှာ မရောက်ဘဲ နီးစပ်ရာ ဘုရားကျောင်းတွေ၊ ဘုန်းကြီးကျောင်းတွေမှာ ဝင်ပြီးခိုလှုံနေရတဲ့ မိသားစု ၁၆၀ (လူဦးရေ ၅၀၀ နီးပါး) လောက် ရှိတယ်။ စစ်ရှောင်စခန်းကို ရောက်တဲ့သူတွေကတော့ အကူအညီရဖို့ အခွင့်အလမ်းရှိပေမဲ့ ပြင်ပမှာ နီးစပ်ရာခိုလှုံရသူတွေက အကူအညီ ဘယ်ကမှ မရနိုင်သေးပါဘူး”

အမ်းမြို့နယ်၊ အမ်းမြောက်အုပ်စုထဲက ဒိုင်ကြီး၊ ကျောက်စကွဲ၊ မီးလောင်ချောင်း၊ ရွာသာယာ၊ ဆူးပုတ်ကုန်း၊ ထမင်းထုတ်၊ ပျဉ်းတောကြီး ရွာတွေနဲ့ အမ်းတောင် အုပ်စုထဲက ပဲပဒုံ၊ ဇာတီမော်၊ စတဲ့ကျေးရွာတွေထဲက မြေမြှုပ်မိုင်းကြောင့် မသန်စွမ်းဖြစ်သူ ဦးရေ နှစ်ဆယ်ကျော်ဟာလည်း အရေးပေါ်အကူအညီတွေ လိုအပ်နေတယ်လို့ ဆိုပါတယ်။

ဒီလူဦးရေ အရေအတွက်ဟာ ဆက်သွယ်ရေး အခက်အခဲကြောင့် လက်လှမ်းမီသလောက်ဖြစ်ပေမဲ့ ဒီထက်မက ပိုနိုင်တယ်လို့လည်း စာရင်းပြုစုနေတဲ့ လူငယ်တွေက ပြောပါတယ်။

အမ်းမြို့မှာ တိုက်ပွဲတွေ ပြင်းထန်နေဆဲဖြစ်ပြီး အာရက္ခတပ်တော် (AA) က မြို့ကို ဝိုင်းပတ်ပိတ်ဆို့ထားတဲ့ အခြေအနေဖြစ်တယ်လို့ ဆိုပါတယ်။ ဂွမြို့နယ်မှာတော့ တိုင်ကျိုးရွာအနီးမှာ ဒီမနက်မှာ ပစ်ခတ်သံတချို့ ကြားရပြီး တိုက်ပွဲဖြစ်ရာနေရာကို စစ်ကောင်စီတပ်က လေယာဉ်နဲ့ ထောက်လှမ်းတာတွေ လုပ်နေတယ်လို့ ဒေသခံတွေက ပြောပါတယ်။
---------------

ရခိုင်ပြည်နယ်၊ ဂွမြို့နယ်၊ ဒေါင်းချောင်းဆင်စခန်းမှ လူများ ပြောင်းရွှေ့နေသည်ကို ၂၀၂၄ ခုနှစ်၊ အောက်တိုဘာလ ၁၄ ရက်နေ့က တွေ့ရစဉ်။ (Citizen Photo)

RFA Burmese Website တွင် ဖတ်ရှုရန် .....

#အမ်း #ဂွ #အကူအညီ #လွတ်လပ်တဲ့အာရှအသံ #rfaburmese

မြန်မာမှာဆောင်ရွက်မဲ့ စီမံကိန်းငါးခုအတွက် အိန္ဒိယနဲ့ စစ်ကောင်စီ လက်မှတ်ထိုး
~~~
■ မြန်မာနိုင်ငံမှာ အိန္ဒိယနိုင်ငံက အကောင်အထည်ဖော်မဲ့ စီမံကိန်းငါးခုအတွက် အောက်တိုဘာလ ၂၄ ရက်နေ့က နှစ်နိုင်ငံလက်မှတ်ရေးထိုးခဲ့တယ်လို့ စစ်ကောင်စီက ဒီနေ့ ထုတ်ပြန်ပါတယ်။

အဲဒီစီမံကိန်းတွေကတော့ အုပ်ချုပ်ရေးပညာ သင်တန်းကျောင်းအတွက် ထောက်ပံ့တာ၊ ရန်ကုန်နည်းပညာတက္ကသိုလ်မှာ အသိဉာဏ်တု ဓာတ်ခွဲခန်းဆောက်တာ၊ ဒစ်ဂျစ်တယ်မှုခင်းသိပ္ပံ ဓာတ်ခွဲခန်း အဆင့်မြှင့်တာ၊ မိုးခေါင်ရေရှားဒေသတွေကို ထောက်ပံ့ဖို့နဲ့ စိုက်ပျိုးရေးစွန့်ပစ်ပစ္စည်းကနေ လောင်စာထုတ်ဖို့ သုတေသနစီမံကိန်းကိစ္စတွေ ပါဝင်ပါတယ်။

စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကလည်း အိန္ဒိယနဲ့ ပူးပေါင်းဆောင်ရွက်မှု ဆက်လက်တိုးမြှင့်မယ်လို့ မနေ့က နေပြည်တော်မှာ ပြုလုပ်တဲ့ အိန္ဒိယနည်းပညာနဲ့ စီးပွားရေးပူးပေါင်းဆောင်ရွက်မှု အစီအစဉ်ရဲ့ နှစ် (၆၀) ပြည့် အခမ်းအနားမှာ ပြောဆိုပါတယ်။

၂၀၂၃-၂၀၂၄ ဘဏ္ဍာနှစ် ဖေဖော်ဝါရီလကုန်အထိ စုစုပေါင်း ကုန်သွယ်မှုပမာဏ အမေရိကန်ဒေါ်လာ သန်းပေါင်း ၁၁၅၀.၁၈၁ ရှိခဲ့ပြီး မြန်မာနိုင်ငံမှာ လာရောက်ရင်းနှီးမြှုပ်နှံနေတဲ့ နိုင်ငံ၊ ဒေသပေါင်း ၅၃ ခုအနက် ၂၀၂၄ ခုနှစ် ဇန်နဝါရီလအထိ စာရင်းအရ အိန္ဒိယဟာ ရင်းနှီးမြှုပ်နှံမှု အဆင့် ၁၁ မှာ ရှိနေတယ်လို့ စစ်ကောင်စီက ဖော်ပြပါတယ်။

အရပ်ဘက်အဖွဲ့တွေကတော့ အိန္ဒိယအနေနဲ့ စစ်ကောင်စီနဲ့ ပူးပေါင်းဆောင်ရွက်တာတွေ မလုပ်ဖို့ တိုက်တွန်းတောင်းဆိုထားကြပါတယ်။

စစ်ကောင်စီကို စစ်လက်နက်နဲ့ ဆက်စပ်ပစ္စည်းတွေ ရောင်းချတာအပါအဝင် တရားဝင်မှုပေးတဲ့ ထိတွေ့ဆက်ဆံမှု၊ စီးပွားရေးပူးပေါင်းဆောင်ရွက်မှုတွေကို ရပ်တန့်ဖို့ အိန္ဒိယဗဟိုအစိုးရထံ အရပ်ဘက်အဖွဲ့အစည်း ၂၆၈ ဖွဲ့က စက်တင်ဘာလ ၂၁ ရက်နေ့မှာ အိတ်ဖွင့်ပေးစာပေးပို့ တောင်းဆိုခဲ့ပါတယ်။

ရုရှားနဲ့ တရုတ်ပြီးရင် စစ်ကောင်စီကို စစ်လက်နက်ပစ္စည်း တင်ပို့မှု တတိယ အများဆုံးဖြစ်တဲ့ အိန္ဒိယနိုင်ငံဟာ စစ်ကောင်စီတပ်ဖွဲ့ဝင်တွေကို စစ်ဘက်ဆိုင်ရာ သင်တန်းပေးတာတွေလည်း ရှိနေတာကြောင့် ဝေဖန်ခံနေရပေမဲ့ နှစ်နိုင်ငံစစ်တပ်ချင်း ပူးပေါင်းဆောင်ရွက်ရေးကိစ္စဆက်လုပ်နေဆဲပဲလို့ လေ့လာသူတွေက ထောက်ပြကြပါတယ်။

တစ်ဖက်မှာလည်း လာမဲ့ နိုဝင်ဘာမှာ ကျင်းပဖို့ရှိနေတဲ့ အိန္ဒိယကမ္ဘာ့ရေးရာကောင်စီ (ICWA) ရဲ့ နှီးနှောဖလှယ်ပွဲကို တက်ရောက်ဖို့အတွက် အမျိုးသားညီညွတ်ရေးအစိုးရ (NUG)၊ ချင်းအမျိုးသားတပ်ဦး (CNF)၊ ကချင်လွတ်မြောက်ရေးတပ်မတော် (KIA) နဲ့ အာရက္ခတပ်တော် (AA) တို့ကို ဖိတ်ကြားထားလိုက်တာက အိန္ဒိယအစိုးရအနေနဲ့ မြန်မာ့အရေးမှာ ချဥ်းကပ်မှု ပုံစံပြောင်းလာတာလို့ သုံးသပ်မှုတွေလည်းရှိနေပါတယ်။
---------------

၂၀၂၄ ခုနှစ်၊ အောက်တိုဘာလ ၂၄ ရက်နေ့က နေပြည်တော်တွင် ကျင်းပသည့် အိန္ဒိယနည်းပညာနဲ့ စီးပွားရေးပူးပေါင်းဆောင်ရွက်မှု အစီအစဉ် နှစ် (၆၀) ပြည့် အခမ်းအနားတွင် ဗိုလ်ချုပ်မှူးကြီး မင်းအောင်လှိုင်အား တွေ့ရစဉ်။ (Photo: Myanmar Military)

RFA Burmese Website တွင် ဖတ်ရှုရန် .....

#အိန္ဒိယ #လက်မှတ်ထိုး #စစ်ကောင်စီ #လွတ်လပ်တဲ့အာရှအသံ #rfaburmese

ရခိုင်မှာ စစ်ဘေးဒုက္ခသည်ခြောက်သိန်းခန့် စားဝတ်နေရေးခက်ခဲနေ
~~~
■ ရခိုင်ပြည်နယ်မှာ စစ်ကောင်စီတပ်နဲ့ AA တို့ တိုက်ပွဲဖြစ်နေတာ တစ်နှစ်ခန့်ရှိလာပြီး တိုက်ပွဲကြောင့် ဘေးလွတ်ရာ ထွက်ပြေးနေရတဲ့ စစ်ဘေးဒုက္ခသည်တွေလည်း ခြောက်သိန်းခန့်ရှိလာတယ်လို့ အကူအညီပေးနေတဲ့ အဖွဲ့တွေက ပြောပါတယ်။ အဲဒီစစ်ဘေးဒုက္ခသည်တွေဟာ စားဝတ်နေရေးအတွက် ကြုံသလိုဖြေရှင်းနေရပြီး အခက်အခဲတွေနဲ့ ရင်ဆိုင်နေရတယ်လို့ ဆိုပါတယ်။ ဒီအကြောင်း မထက်ထက်အိန္ဒြာအောင် တင်ပြထားပါတယ်။
----------------

RFA Burmese Website တွင် ဖတ်ရှုရန် .....

#ရခိုင် #ဒုက္ခသည် #အကူအညီ #လွတ်လပ်တဲ့အာရှအသံ #rfaburmese

ရခိုင်ကစစ်ဘေးဒုက္ခသည်တွေ အကူအညီ လိုအပ်နေ

ရခိုင် #ဒုက္ခသည် #အကူအညီ #လွတ်လပ်တဲ့အာရှအသံ #rfaburmese

လှိုင်သာယာမှာ လူငယ်တစ်ဦး ဓားထောက်ဖမ်းဆီးပြီး စစ်တပ်ထဲ အပို့ခံရ
~~~
■ ရန်ကုန်တိုင်း၊ လှိုင်သာယာမြို့နယ်၊ မီးခွက်စျေးအနီးမှာ အသက် ၂၂ နှစ်အရွယ် ကိုစောလင်းထွန်းကို လူတစ်စုက ဓားထောက်ဖမ်းဆီးပြီးနောက် မင်္ဂလာဒုံစစ်တပ်ထဲ ပို့လိုက်တယ်လို့ မိသားစုဝင်နဲ့ ကူညီပေးနေသူတွေက အောက်တိုဘာလ ၂၅ ရက်နေ့မှာ ပြောပါတယ်။

အောက်တိုဘာလ ၉ ရက်နေ့ နေ့လယ်ပိုင်း အထည်ချုပ်စက်ရုံတစ်ခုက ပြန်လာချိန်မှာ အခုလို ဖမ်းဆီးခံရတာလို့ ကိုစောလင်းထွန်းရဲ့ မိခင်က ဒေါ်ညိုညိုဝင်းက RFA ကို ပြောပါတယ်။ ဖမ်းဆီးခံရပြီးနောက် ခြောက်ရက်အကြာ သားဖြစ်သူက ဖုန်းဆက်ပြောတဲ့အတွက် ဒီဖြစ်စဉ်ကို သိခဲ့ရတာလို့ ဆိုပါတယ်။

“စက်ရုံကအပြန်မှာ အလုပ်ကောင်းရှိတယ်ဆိုပြီး သူ့ကို ခေါ်သွားတာတဲ့။ လူခြောက်ယောက်က မင်းမအော်နဲ့အော်ရင် ဓားနဲ့ထိုးသတ်လိုက်မယ်။ မင်းမအော်နဲ့ ဆိုပြီးတော့မှ သံတုတ်တွေ ဘာတွေနဲ့ ရွယ်ထားပြီးတော့ ကိုယ်ထိလက်ရောက် သူ့ကို ထိုးကြိတ်ပါတယ်။ မျက်နှာတွေလည်း အမေ့ သားမှာ ယောင်ဖူးလို့တဲ့၊ နောက်စေ့တွေမှာလည်း မပျောက်သေးဘူးတဲ့”

ကိုစောလင်းထွန်းကို ဖမ်းဆီးပြီးနောက် ကနဦး မင်္ဂလာဒုံ စစ်စခန်းကို ပို့ဆောင်ခဲ့ပြီး အဲဒီကတစ်ဆင့် မကွေးတိုင်း၊ မင်းဘူးမြို့နယ် ခြေလျင်တပ်ရင်း အမှတ် (၈၈)၊ အဲဒီကတစ်ဆင့် ရှမ်းပြည်နယ်တောင်ပိုင်း ပင်လောင်းမြို့ကို စစ်သင်တန်းတက်ဖို့ ရောက်နေပြီလို့ ပြောပါတယ်။

ဒါနဲ့ ပတ်သက်ပြီး တုံ့ပြန်ချက်ရနိုင်ဖို့ ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ ဥက္ကဋ္ဌရုံး (နေပြည်တော်) ကို RFA က တယ်လီဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာ မရှိပါဘူး။

စစ်မှုထမ်းကြောင့် အခက်အခဲဖြစ်နေသူတွေကို ကူညီပေးနေတဲ့ နိုင်ငံရေးအကျဉ်းသူ ဒေါ်စုစုနွေးကတော့ ကိုစောလင်းထွန်းဟာ စိတ်ဆန္ဒမပါဘဲ အတင်းအဓမ္မဖမ်းဆီးပြီး စစ်တပ်ထဲ ပို့ခံရတာဖြစ်တဲ့အပြင် မိခင်ဖြစ်သူကလည်း သူ့သားအပေါ် မှီခိုနေထိုင်ရတာဖြစ်တာကြောင့် လက်ရှိမှာ ပြန်လည်လွတ်မြောက်နိုင်ဖို့ ကူညီပေးနေတယ်လို့ ပြောပါတယ်။

နိုင်ငံတစ်ဝန်းက စစ်သင်တန်းကျောင်း ၂၃ ကျောင်းမှာ စစ်ကောင်စီရဲ့ စစ်မှုထမ်း အမှတ်စဥ် (၁) ကနေ (၅) အထိ စစ်သားစုဆောင်းခံရသူ နှစ်သောင်းကျော် (၂၁,၀၀၀) ထက်မနည်း ရှိနေတယ်လို့ လွတ်လပ်တဲ့ သုတေသနအဖွဲ့တစ်ခုဖြစ်တဲ့ ဗမာ့ရေးရာနဲ့ ပဋိပက္ခလေ့လာရေးအဖွဲ့ (BACS) က အောက်တိုဘာ ၁၉ ရက်နေ့မှာ ထုတ်ပြန်ထားပါတယ်။
_________

ရန်ကုန်တိုင်း၊ လှိုင်သာယာမြို့နယ်တွင် ဓားထောက်ဖမ်းဆီးခံရပြီး စစ်တပ်ထဲ ပို့ခံခဲ့ရသည့် ကိုစောလင်းထွန်းအား တွေ့ရစဉ်။ (Citizen Photo)

#စစ်မှုထမ်း #စစ်ကောင်စီ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

၂၀၂၄ မှာ အစုလိုက် အပြုံလိုက် သတ်ဖြတ်ခံရမှု ပိုများလာ
~~~
■ အာဏာသိမ်းပြီးနောက် နိုင်ငံတစ်ဝန်းမှာ အရပ်သားတွေ အစုလိုက်အပြုံလိုက် သတ်ဖြတ်ခံရတာတွေ တစ်နှစ်ထက်တစ်နှစ် ပိုမိုဆိုးလာပြီး ဒီနှစ်မှာ အရေတွက် ပိုများလာပါတယ်။ စစ်ကောင်စီဟာ နယ်မြေဆုံးရှုံးရ တာတွေ များလာတာကြောင့် အရပ်သားတွေကို ပစ်မှတ်ထားတိုက်ခိုက်တာတွေ ပိုလုပ်လာတာလို့ လူအခွင့်ရေးသမားတွေနဲ့ ပြည်သူ့ကာကွယ်ရေးတပ်တွေက ပြောပါတယ်။ ဒီအကြောင်း မသီရိမင်းဇင် ပြောပြပေးထားပါတယ်။
———————-

#အစုအပြုံလိုက်သတ်ဖြတ်ခံရမှု #၂၀၂၄ #ပိုများလာ #လွတ်လပ်တဲ့အာရှအသံ #rfaburmese

ထိုင်းနိုင်ငံထဲ နယ်စပ်ဂိတ်ကဝင်လာသူတွေကို ဗီဇာတိုးမပေးတော့
~~~
■ စစ်တပ်အာဏာသိမ်းပြီးချိန်ကနေ စစ်မှုထမ်းဥပဒေထုတ်ပြန်ပြီး နောက်ပိုင်းအထိ မြန်မာပြည်တွင်းက လူငယ်တွေဟာ အိမ်နီးချင်းနိုင်ငံတွေထဲက ထိုင်းနိုင်ငံကရွေးချယ်ပြီး ထွက်လာကြတာပါ။ အခုတော့ ထိုင်းနိုင်ငံထဲက နေထိုင်ခွင့်ဗီဇာတွေနဲ့ ပက်သက်ပြီး ထိုင်းလဝကဘက်က ကန့်သတ်ချက်တချို့ရှိလာပြန်ပါတယ်။ ဒီအကြောင်းအပြည့်အစုံကို မယဥ်မျိုးသူ တင်ပြပေးမှာပါ။
____________

#ထိုင်း #ဗီဇာ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

Live stream finished (15 minutes)

Live stream started

ဘုတလင်ဒေသခံတစ်ဦးနဲ့ RFA မေးမြန်းချက်
~~~
■ စစ်ကိုင်းတိုင်း ဘုတလင်နဲ့ အနီးနားကရွာတွေကို စစ်ကြောင်းထိုးနေတဲ့ စစ်ကောင်စီစစ်ကြောင်းဟာ အရပ်သားတွေကို ရက်ရက်စက်စက်သတ်ဖြတ်သွားတယ်လို့ ဒေသခံတွေက ပြောပါတယ်။ လူတွေကို ကြက်ကလေး၊ ငှက်ကလေးလို သဘောထား သတ်ဖြတ်ပြီး စွန့်ပစ်ခဲ့တဲ့ ရုပ်အလောင်းပုံတွေနဲ့ ဗီဒီယိုတွေ အွန်လိုင်းစာမျက်နှာပေါ်မှာ ပျံ့နှံ့လာပြီး လူအများလည်း ရှုတ်ချနေပါတယ်။ အဲဒီဒေသမှာ လူတွေကို ဘယ်လိုသတ်ဖြတ်သွားပါသလဲ... ။ ဒေသခံတစ်ဦးကို RFA သတင်းထောက်စောဖိုးခွား ဆက်သွယ်မေးမြန်းထားပါတယ်။

RFA Burmese Website တွင် ဖတ်ရှုရန် ...

ဘုတလင် #စစ်ကောင်စီတပ် #လွတ်လပ်တဲ့အာရှအသံ #rfaburmese

မနက်ခင်းသတင်း (၂၀၂၄ အောက်တိုဘာ ၂၂ ရက်)
~~~
■ စီးပွားရေးလုပ်ငန်းရှင်တွေကို ခြိမ်းခြောက်ငွေကြေးတောင်းခံသူ နှစ်ဦးကို စစ်ကောင်စီ ဖမ်းဆီး၊
■ တောင်ကြီးတန်ဆောင်တိုင်ပွဲ ကျင်းပဖို့ ဖိအားပေးငွေကောက်ခံ၊
■ မဏိပူရ်မှာ ဖမ်းဆီးခံထားရတဲ့ မြန်မာတွေ နေရပ်ပြန်ဖို့ အကူအညီလိုနေ၊
■ တရုတ်-အိန္ဒိယ နယ်စပ်ကိစ္စ ဖြေရှင်းနိုင်၊
■ မူးယစ်ဆေးမှုနဲ့အလိုရှိသူ မလေးရှားမှာဖမ်းဆီးမိ၊
■ သဘာဝပျက်ယွင်းမှု ကုစားရေး ရည်မှန်းချက်မပြည့်၊
■ ဘင်္ဂလားပင်လယ်အော်မှာ မုန်တိုင်းဖြစ်ပေါ်နိုင်ကြောင်းခန့်မှန်း၊

#သတင်းများ #လွတ်လပ်တဲ့အာရှအသံ #rfaburmese

ဘင်္ဂလားပင်လယ်အော်မှာ မုန်တိုင်းဖြစ်နိုင်ကြောင်း ခန့်မှန်း
~~~
■ ဘင်္ဂလားပင်လယ်အော် အရှေ့အလယ်ပိုင်းနဲ့ ကပ္ပလီပင်လယ်ပြင်မြောက်ပိုင်းမှာ ဖြစ်ပေါ်တဲ့ လေဖိအားနည်းရပ်ဝန်းကနေ ပိုမိုအားကောင်းလာနိုင်ပြီး အောက်တိုဘာ ၂၂ ရက်မှာ မုန်တိုင်းငယ်ဖြစ်ပေါ်ပြီး ၂၃ ရက်နေ့မှာတော့ ဘင်္ဂလား ပင်လယ်အော်အရှေ့အလယ်ပိုင်းမှာ ဆိုင်ကလုန်းမုန်တိုင်း ဖြစ်ပေါ်နိုင်မယ်လို့ စစ်ကောင်စီ မိုးလေဝသနဲ့ဇလဗေဒ ဦးစီးဌာနက အောက်တိုဘာ ၂၁ ရက်က ထုတ်ပြန်ပါတယ်။

အောက်တိုဘာလ ၂၅ ရက်မှာ အိန္ဒိယကို မုန်တိုင်းဖြတ်ကျော်မယ်လို့ ခန့်မှန်းပါတယ်။ အိန္ဒိယမိုးလေဝသဌာနကလည်း ၂ဝ၂၄ ဟာ လေတိုက်နှုန်း ပြင်းတဲ့ ဆိုင်ကလုန်းမုန်တိုင်း တိုက်တဲ့နှစ်လို့ ဖော်ပြပါတယ်။

မြန်မာ့အိမ်နီးချင်း ထိုင်းနိုင်ငံမှာလည်း ခရိုင် ၁၅ ခုမှာ ရုတ်တရက်ရေကြီးမယ်လို့ မိုးလေဝသဌာနက အောက်တိုဘာ ၂၁ ရက်နေ့က ခန့်မှန်းပါတယ်။

အလယ်ပိုင်း ၁၁ ခရိုင်နဲ့ အရှေ့ပိုင်း လေးခရိုင်အတွင်း တောင်တွေအနီးတစ်ဝိုက်နဲ့ မြေနိမ့်ပိုင်းမှာ နေထိုင်သူတွေ သတိနဲ့နေဖို့ ပြောကြားတယ်လို့ ဘန်ကောက်ပို့စ်သတင်းက ဖော်ပြပါတယ်။
_______________
(Photo: RFA)

#မုန်တိုင်း #ရေကြီး #လွတ်လပ်တဲ့အာရှအသံ #rfaburmese

ကောင်စစ်ဝန်ချုပ်ရုံးတိုက်ခိုက်ခံရမှု အရေးယူပေးဖို့ တရုတ်တောင်းဆို
~~~
■ ၁ဝ၂၇ စစ်ဆင်ရေးမှာ ရှမ်းပြည်နယ်မြောက်ပိုင်းက မြို့အတော်များများကို မြောက်ပိုင်းတိုင်းရင်းသား လက်နက်ကိုင်အဖွဲ့တွေ သိမ်းပိုက်လိုက်တဲ့နောက်မှာ စစ်ပွဲတွေရပ်ဖို့ တရုတ်ကလျှို့ဝှက်ဖိအားပေးနေသလို နယ်စပ်ဂိတ်တွေက ကုန်စည်စီးဆင်းမှုတွေကိုလည်းပိတ်ပင်ထားပါတယ်။ တစ်ဖက်မှာလည်း စစ်ကောင်စီကို ဆက်ဆံပြီး ကူညီနေတာတွေ ရှိလာပါတယ်။ ဒီကာလမှာ တရုတ်ကောင်စစ်ဝန်ရုံး တိုက်ခိုက်ခံရတာအပါအဝင် ဆန့်ကျင်ခံရတာတွေရှိလာပါတယ်။ မစန်းမော်အောင် တင်ပြထားပါတယ်။

RFA Burmese Website တွင် ဖတ်ရှုရန် ...

#တရုတ် #စစ်ကောင်စီတပ် #လွတ်လပ်တဲ့အာရှအသံ #rfaburmese

ဝါးခယ်မမြို့မီးလောင်မှု လူတစ်ဦးသေဆုံး

#ဝါးခယ်မ #မီးလောင် #လွတ်လပ်တဲ့အာရှအသံ #rfaburmese

တောင်ကြီးတန်ဆောင်တိုင်ပွဲ ကျင်းပဖို့ ဖိအားပေးငွေကောက်ခံနေ
~~~
■ မကြာခင်ကျရောက်တော့မယ့် တောင်ကြီးတန်ဆောင်တိုင်ပွဲတော် ကျင်းပဖို့အတွက် ရှမ်းပြည်နယ်တောင်ပိုင်း၊ တောင်ကြီးမြို့မှာ လုပ်ငန်းရှင်တွေနဲ့ လူထုကို ဖိအားပေးငွေကြေးကောက်ခံနေတယ်လို့ တောင်ကြီးဒေသခံ အမျိုးသားတစ်ယောက်က RFA ကို ပြောပါတယ်။

စစ်ကောင်စီဘက်က ပြည်သူတွေ လွတ်လပ်ပျော်ရွှင်နေတယ်ဆိုတာ ပြချင်ရုံသက်သက်အတွက် ကျင်းပဖို့ စီစဉ်နေတာလို့လည်း ဆိုပါတယ်။

“တိုင်းပြည်ကို (စကစ)အနေနဲ့ တည်ငြိမ်အောင်ထိန်းနိုင်တယ် ပြည်သူတွေကလည်း လွတ်လပ်ပျော်ရွှင်နေတယ်ဆိုတာကို ပြချင်ရုံသက်သက်ပါပဲ။ လက်တွေ့မြေပြင်အနေအထားမှာကတော့ လုပ်ငန်းရှင်တွေ ပြည်သူလူထုတွေကို ဖိအားပေး အတင်းအကျပ်ငွေကြေးကောက်ခံပြီး ပွဲမဖြစ် ဖြစ်အောင် တရွတ်တိုက်လုပ်ခိုင်းတာပါပဲ”

တောင်ကြီး အဝေရာ မီးပုံးပျံကွင်းမှာ နိုဝင်ဘာ ၉ ရက်နေ့ကနေ ၁၅ ရက်နေ့အထိ တန်ဆောင်တိုင်ပွဲတော်ကို ခုနစ်ရက်တိုင်တိုင် ကျင်းပမှာပါ။

ရှမ်းပြည်နယ်မှာ စစ်ဘေး၊ ရေဘေးကြုံနေရတဲ့ ဒေသတွေဖြစ်ပေမဲ့ တောင်ကြီးမြို့ကတော့ ငြိမ်းချမ်းတဲ့အတွက် ငြိမ်းချမ်းတဲ့အတိုင်း လုပ်ဆောင်တာလို့ ရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်း တာဝန်ရှိသူက RFA ကိုပြောပါတယ်။

“တခြားနေရာမှာ မငြိမ်းချမ်းတော့လည်း တောင်ကြီးမြို့မှာ ငြိမ်းချမ်းနေတဲ့အတွက် ငြိမ်းချမ်းတဲ့နေရာတော့ ငြိမ်းချမ်းတဲ့အတိုင်း လုပ်ဆောင်ပေးရတာဖြစ်ပါတယ်။ အကုန်လုံးအခက်အခဲဖြစ်နေပေမယ့်လည်း ရိုးရာမပျက် ကျင်းပရတဲ့အတွက်ကြောင့် ဒါနဲ့ပတ်သက်ပြီးတော့မှ အင်းလေးမှာ ရေနစ်တဲ့အပိုင်းမှာ ဆုံးရှုံးတာတွေ များသလို ဒီလိုပွဲတော် ကျင်းပရခြင်းအားဖြင့် ရေကျပြီးနောက်ပိုင်းမှာ ဘုရားဖူးဖို့ လာမဲ့ဧည့်သည်တွေ နိုင်ငံခြားက လာမဲ့ဧည့်သည်တွေ ဒေသခံတွေ အကုန်လုံး စီးပွားဖြစ် ကိုယ်ကျိုးအလုပ်ပြန်ဖြစ်အောင် ဒီပွဲတော်ကို ပြန်ကျင်းပရတဲ့သဘောပေါ့”

စစ်တပ်အာဏာသိမ်းပြီး သုံးနှစ်ကျော်အတွင်း ဒုတိယအကြိမ်မြောက် တောင်ကြီးတန်ဆောင်တိုင်ပွဲတော် ပြန်လည်ကျင်းပခဲ့ပြီး ပြီးခဲ့တဲ့ ၂၀၂၃ ခုနှစ်မှာတော့ မီးပုံးပျံအလုံး ၁၂ဝ ပဲ လွှတ်တင်နိုင်ခဲ့ပါတယ်။

အမျိုးသားဒီမိုကရေစီအဖွဲ့ချုပ် (NLD) အစိုးရလက်ထက်၊ ၂၀၁၉ ခုနှစ်က တောင်ကြီး တန်ဆောင်တိုင် မီးပုံးပျံပြိုင်ပွဲမှာ အလုံးရေ လေးရာနီးပါး လွှတ်တင်နိုင်ခဲ့ပါတယ်။
_____________
RFA Burmese Website တွင် ဖတ်ရှုရန် .... A

#တန်ဆောင်တိုင် #တောင်ကြီး #လွတ်လပ်တဲ့အာရှအသံ #rfaburmese

စီးပွားရေးလုပ်ငန်းရှင်တွေကို ခြိမ်းခြောက်ငွေတောင်းသူ နှစ်ဦးကို စစ်ကောင်စီ ဖမ်းဆီး
~~~
■ စီးပွားရေးလုပ်ငန်းရှင်တွေကို ခြိမ်းခြောက်‌ပြီး ငွေကြေးတောင်းခံသူ နှစ်ဦးကို ဖမ်းဆီးရမိခဲ့ကြောင်း စစ်ကောင်စီက အောက်တိုဘာ ၂၁ ရက်နေ့က သတင်းထုတ်ပြန်ပါတယ်။

မန္တလေးတိုင်း၊ ပြင်ဦးလွင်မြို့နယ်၊ မိုးကြိုးပြင်ကျေးရွာမှာ နေထိုင်နေတဲ့ ဦးကျော်ခိုင်ဦးနဲ့ မအေးအေးဝင်းတို့ကိုဟာ စီးပွားရေးလုပ်ငန်းရှင်တွေထံနေ ခြိမ်းခြောက်ငွေကြေးတောင်းခံနေကြောင်း သတင်းရတာကြောင့် အောက်တိုဘာ ၂၀ ရက်နေ့မှာ ဝင်ရောက်ဖမ်းဆီးခဲ့တာလို့ စစ်ကောင်စီက ပြောပါတယ်။

ဖမ်းဆီးရမိသူတွေဟာ အကြမ်းဖက်ဖောက်ခွဲရေးအဖွဲ့ကဆိုပြီး စီးပွားရေးလုပ်ငန်းရှင်တွေကို ငွေကြေးတောင်းခံစာနဲ့ ကျည်ဆန်တွေ ပေးပို့ပြီး ခြိမ်းခြောက်တောင်းခံခဲ့တာလို့ စစ်ကောင်စီက ထုတ်ပြန်ပါတယ်။

ငွေကြေးတောင်းခံတာကို တပ်၊ ရဲ၊ ပြည်သူ့စစ်နဲ့ တခြားအဖွဲ့အစည်းတွေကို တိုင်ကြားရင် သတ်ဖြတ်ခံရမယ်လို့လည်း ခြိမ်းခြောက်ခဲ့တယ်လို့ ဆိုပါတယ်။

စီးပွားရေးလုပ်ကိုင်နေတဲ့ လားရှိုးမြို့က လေးဦး၊ သီပေါမြို့က တစ်ဦး၊ မူဆယ်မြို့က ငါးဦး၊ နမ့်ခမ်းမြို့က နှစ်ဦး၊ တောင်ကြီးမြို့က တစ်ဦး၊ လွိုင်ကော်မြို့က တစ်ဦး၊ ပြင်ဦးလွင်မြို့က လေးဦး၊ နောင်ချိုမြို့က တစ်ဦး၊ မန္တလေးမြို့က ရှစ်ဦးအပါအဝင် စုစုပေါင်း စီးပွားရေးလုပ်ငန်းရှင် ၂၇ ဦးထံကနေ ငွေကျပ်သိန်းပေါင်း နှစ်ထောင့်နှစ်ရာကျော် (၂၂၁၃ သိန်း) ကို ခြိမ်းခြောက်တောင်းခံခဲ့ကြောင်း ဖမ်းဆီးရမိသူတွေက ထွက်ဆိုခဲ့တယ်လို့ စစ်ကောင်စီက ပြောပါတယ်။

ကိုးကန့်တပ်ဖွဲ့ (MNDAA) အဖွဲ့ဝင်တွေ အယောင်ဆောင်ပြီး မန္တလေး၊ တောင်ကြီးနဲ့ မူဆယ်မြို့တွေက စီးပွားရေးလုပ်ငန်းရှင်တွေထံကနေ လိမ်လည်ငွေကြေးတောင်းခံတာတွေရှိနေကြောင်း MNDAA အဖွဲ့က စက်တင်ဘာ ၂၃ ရက်နေ့မှာ ကြေညာချက်ထုတ်ပြန်ပါတယ်။

MNDAA အဖွဲ့အနေနဲ့ မန္တလေးမြို့တွင်း ငွေကြေးတောင်းခံတာတွေမရှိကြောင်းနဲ့ အဲဒီလိုတောင်းခံသူတွေကို ပြင်းပြင်းထန်ထန် အရေးယူသွားမယ်လို့ ထုတ်ပြန်ထားပါတယ်။
_______________
RFA Burmese Website တွင် ဖတ်ရှုရန် ...

#ခြိမ်းခြောက် #စီးပွားရေးလုပ်ငန်းရှင် #လွတ်လပ်တဲ့အာရှအသံ #rfaburmese

တရုတ်-အိန္ဒိယ နယ်စပ်ကိစ္စဖြေရှင်းနိုင်ပြီလို့ အိန္ဒိယနိုင်ငံခြားရေးဝန်ကြီးပြော
~~~
■ မြန်မာ့အိမ်နီးချင်း တရုတ်နဲ့အိန္ဒိယနိုင်ငံတို့ နယ်စပ်ပြဿနာ ဖြေရှင်းနိုင်ပြီလို့ ရိုက်တာ သတင်းက အောက်တိုဘာ ၂၁ ရက်နေ့က ဖော်ပြပါတယ်။

နှစ်နိုင်ငံနယ်စပ် ကင်းလှည့်ရေးကိစ္စ လေးနှစ်ကြာ ရှေ့မတိုး နောက်မဆုတ်ဖြစ်နေတာ ပြေလည်သွားကြောင်း အိန္ဒိယနိုင်ငံခြားရေးဝန်ကြီးက ပြောတယ်လို့ ဆိုပါတယ်။

ဒီအတွက် အာရှတိုက်က နိုင်ငံကြီး နှစ်နိုင်ငံ နိုင်ငံရေးနဲ့ စီးပွားဆက်ဆံရေး တိုးတက်ဖို့ လမ်းပွင့်စေတတယ်လို့ သတင်းက ဖော်ပြပါတယ်။ နှစ်ဖက်အချင်းမများရအောင် သဘောတူထားတဲ့အတိုင်း နယ်စပ်မှာ ကင်းလှည့်မယ်လို့လည်း ဆိုပါတယ်။

ရုရှားနိုင်ငံမှာ ဒီလ ၂၂ ရက်နေ့ကနေ ၂၄ ရက်နေ့အတွင်း ကျင်းပမယ့် BRICS ထိပ်သီးညီလာခံကို အိန္ဒိယဝန်ကြီးချုပ် မိုဒီ တက်ရောက်ကာနီးမှာ ဒီသတင်းထွက်ပေါ်လာတာပါ။

BRICS ဟာ ဘရာဇီးလ်၊ ရုရှား၊ အိန္ဒိယ၊ တရုတ်နဲ့ တောင်အာဖရိကနိုင်ငံတွေရဲ့ အတိုကောက်ဖြစ်ပြီး အဲဒီညီလာခံမှာ ဝန်ကြီးချုပ် မိုဒီဟာ တရုတ် သမ္မတ ရှီကျင့်ဖျင်နဲ့ ဆွေးနွေးနိုင်ခြေရှိတယ်လို့ သတင်းမှာ ဖော်ပြပါတယ်။
___________
(Photo: AFP)

#အိန္ဒိယ #တရုတ် #လွတ်လပ်တဲ့အာရှအသံ #rfaburmese

Live stream finished (15 minutes)

Live stream started

ပုလောမှာ စက်လှေနစ်မြုပ်မှု ရှစ်ဦးသေဆုံးပြီး နှစ်ဆယ်နီးပါး ပျောက်ဆုံးနေ
~~~
■ တနင်္သာရီတိုင်း၊ ပုလောမြို့နယ် ကျောက္ကာရွာအနီးပင်လယ်ပြင်မှာ မနေ့ညက ခရီးသည်တွေပါတဲ့ စက်လှေတစ်စင်း နစ်မြုပ်ခဲ့တာကြောင့် ရှစ်ဦးသေဆုံးပြီး ၁၇ ဦး ပျောက်ဆုံးနေသလို ဒီနေ့နေ့လယ်အထိ ၄၇ ဦးကို အသက်ရှင်လျက် ကယ်တင်နိုင်ခဲ့တယ်လို့ ကူညီပေးနေသူတွေက ပြောပါတယ်။ စက်လှေပေါ်မှာ လူဦးရေ ရှစ်ဆယ်ကျော်ပါတယ်လို့ ပြောနေကြပေမဲ့ စာရင်းအတိအကျမရှိတာကြောင့် အဲဒီထက် ပိုနိုင်တယ်လို့ ကူညီကယ်ဆယ်ရေးလုပ်နေသူတွေက ပြောပါတယ်။ ဒီအကြောင်း မသဇင်လှိုင် တင်ပြပေးထားပါတယ်။
_________
#ပုလော #စက်လှေနစ်မြုပ် #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

အာဏာရှင်ဆန့်ကျင်သူ တယောကိုဖိုးစံ
~~~

#တယောကိုဖိုးစံ #အာဏာရှင်ဆန့်ကျင်သူ #လွတ်လပ်တဲ့အာရှအသံ #rfaburmese

မဏိပူရ်မှာ ဖမ်းဆီးခံထားရတဲ့ မြန်မာတွေ နေရပ်ပြန်ဖို့ အကူအညီလိုနေ
~~~
■ အိန္ဒိယနိုင်ငံ မဏိပူရ်ပြည်နယ် အင်ဖာအကျဉ်းထောင်ထဲမှာ လူဝင်မှုကြီးကြပ်ရေးဥပဒေနဲ့ ဖမ်းဆီးခံထားရတဲ့ မြန်မာနိုင်ငံသား ၅၆ ဦး နေရပ်ပြန်ဖို့အတွက် မြန်မာသံရုံးက ထုတ်ပေးမဲ့ နိုင်ငံသားဖြစ်ကြောင်း အထောက်အထားမရသေးလို့ ပြန်ခွင့်မရသေးဘူးလို့ မိသားစုတွေဝင်က RFA ကို အောက်တိုဘာလ ၂၁ ရက်နေ့မှာ ပြောပါတယ်။

သူတို့ဟာ ၂၀၂၁ ခုနှစ်ကတည်းက မဏိပူပြည်နယ်မှာ ဖမ်းဆီးခံထားရတဲ့ မြန်မာရွှေ့ပြောင်းအလုပ်သမားတွေဖြစ်ပြီး စစ်ကိုင်းတိုင်း မုံရွာမြို့နယ်က အများဆုံးပါဝင်တယ်လို့ ဆိုပါတယ်။ အမျိုးသား ၂၇ ဦး၊ အမျိုးသမီး ၂၁ ဦးနဲ့ ကလေး ရှစ်ဦး၊ စုစုပေါင်း ၅၆ ဦး ဖြစ်ပါတယ်။

မြန်မာနိုင်ငံကို ပြန်နိုင်ဖို့အတွက် မြန်မာသံရုံးက နိုင်ငံသားဖြစ်ကြောင်း အတည်ပြုချက်တွေ အပါအဝင် နိုင်ငံကူးလက်မှတ်တွေ ထုတ်ပေးမှ ပြန်လို့ရမယ်လို့ မဏိပူရ် ထောင်အာဏာပိုင်တွေက ပြောထားတယ်လို့ အကျဉ်းကျခံနေရသူတွေရဲ့ မိသားစု၀င်တွေက ပြောပါတယ်။

ထောင်ဒဏ်ရော၊ ငွေဒဏ်ပါ ကျခံပြီးသားဖြစ်တာကြောင့် အကျဉ်းကျခံနေရသူတွေကို မြန်မာသံရုံးအနေနဲ့ အမြန်ဆုံးကူညီပေးဖို့အတွက် တောင်းဆိုချင်တယ်လို့ အင်ဖာအကျဉ်းထောင်မှာ ထိန်းသိမ်းခံရတဲ့ အမျိုးသမီးတစ်ဦးက RFA ကို ပြောပါတယ်။

“ကျွန်မတို့က လေးနှစ်လောက်ရှိတော့မယ်၊ ဒီထောင်မှာ မနေချင်တော့ဘူး။ မြန်မာဘက်ကို အမြန်ဆုံး ဒီနှစ်မကုန်ခင် ပြန်နိုင်ဖို့အတွက် ကူညီပေးစေချင်တယ်။ မြန်မာသံရုံးနဲ့ မြန်မာဘက်က အာဏာပိုင်တွေက ကူညီပေးရင် ကျွန်မတို့က ပြန်နိုင်မှာ ဖြစ်ပါတယ်။ အခုက ကလေးနို့စို့အရွယ်တွေလည်း ရှိတယ်။ အိပ်ရင်လည်း တမန်သလင်းပေါ်မှာပဲ အိမ်နေရတာ အစားအသောက်အပြင် သောက်ရေလည်း အဆင်မပြေဘူးရှင့်။ ကျွန်မတို့ ပြန်ချင်ပြီရှင့်”

ဒီကိစ္စနဲ့ပတ်သက်ပြီး အိန္ဒိယနိုင်ငံ နယူးဒေလီမြို့အခြေစိုက် မြန်မာသံရုံးကို RFA က အီးမေးလ်ပို့ မေးမြန်းထားပေမဲ့ လက်ခံဖြေကြားတာ မရှိသေးပါဘူး။

အိန္ဒိယနိုင်ငံ၊ မဏိပူရ်ပြည်နယ် အင်ဖာအကျဉ်းထောင်မှာ အဖမ်းခံထားရတဲ့ မြန်မာအမျိုးသမီး ၃၈ ဦးကို ဇွန်လ ၁၁ ရက်နေ့က စစ်ကောင်စီထံကို ပြန်ပို့ခဲ့သလို မေလ ၂ ရက်နေ့ကလည်း မြန်မာ ၃၈ ဦးကို အိန္ဒိယဘက်က ပြန်လွှဲပေးခဲ့တယ်လို့ မိသားစုဝင်တွေက ပြောပါတယ်။
---------------

အိန္ဒိယနိုင်ငံ၊ မဏိပူရ်ပြည်နယ်ရှိ အင်ဖာအကျဉ်းထောင်ကို တွေ့ရစဉ်။ (Photo: e-pao.net)

RFA Burmese Website တွင် ဖတ်ရှုရန် .....

#မဏိပူရ် #အင်‌‌ဖာအကျဉ်းထောင် #အိန္ဒိယ #လွတ်လပ်တဲ့အာရှအသံ #rfaburmese

စစ်ကောင်စီက ရုရှားနဲ့ ပူးတွဲစစ်ရေးလေ့ကျင့်မည်
~~~

#ရုရှား #စစ်ကောင်စီ #စစ်ရေးလေ့ကျင့် #လွတ်လပ်တဲ့အာရှအသံ #rfaburmese

ပုလောမှာ စက်လှေ နစ်မြုပ်မှုကြောင့် သေဆုံးသူ ရှစ်ဦးအထိ ရှိလာ
~~~

#ပုလော #စစ်လှေနစ်မြုပ်မှု #သေဆုံး #လွတ်လပ်တဲ့အာရှအသံ #rfaburmese

နယ်စပ်တစ်နေရာက အနုပညာနဲ့တော်လှန်နေတဲ့ တယောသမား
~~~
■ အာဏာသိမ်းကာလ လေးနှစ်နီးပါး ကြာလာပေမဲ့ နယ်ပယ်အသီးသီးက လူငယ်တွေဟာ နိုင်ရာဝန်ကိုထမ်းရင်း တော်လှန်ရေးခရီးကို ဆက်လျှောက်နေကြပါတယ်။ တယောသမား ကိုဖိုးစံတစ်ယောက်လည်း နယ်စပ်တစ်နေရာမှာ မိသားစုနဲ့အတူ နေထိုင်ပြီး သူကျွမ်းကျင်နဲ့ တယောပညာနဲ့ တော်လှန်ရေးမှာ ဆက်ပြီးပါဝင်နေပါတယ်။ ဒီအကြောင်းကို မထက်ထက်အိန္ဒြာအောင်က တင်ပြထားပါတယ်။
---------------

RFA Burmese Website တွင် ဖတ်ရှုရန် .....

#တယောသမား #တော်လှန်ရေး #လွတ်လပ်တဲ့အာရှအသံ #rfaburmese

သံရုံးတိုက်ခိုက်တဲ့သူတွေကို ဖော်ထုတ်အရေးယူပေးဖို့ တရုတ်တောင်းဆို
~~~
■ မန္တလေးမြို့က တရုတ်ကောင်စစ်ဝန်ရုံး တိုက်ခိုက်တဲ့လုပ်ရပ်ကို တရုတ်အစိုးရက ပြစ်တင်ရှုတ်ချလိုက်ပါတယ်။ ကျူးလွန်တဲ့သူတွေကိုဖော်ထုတ်ပြီး ဥပဒေအရပြင်းပြင်းထန်ထန် အရေးယူပေးဖို့ကိုလည်း တရုတ်နိုင်ငံခြားရေးဝန်ကြီးဌာန ပြောခွင့်ရသူ လင်ကျန်းက ဒီနေ့တောင်းဆိုလိုက်ပါတယ်။

အောက်တိုဘာလ ၁၈ ရက် သောကြာနေ့ညနေ ၅ နာရီလောက်ကဖြစ်ခဲ့တဲ့ ဗုံးနဲ့တိုက်ခိုက်တဲ့ဖြစ်ရပ်မှာ လူထိခိုက်တာမရှိပေမဲ့ သံရုံးအဆောက်အအုံ နည်းနည်းပျက်စီးသွားတယ်လို့ အောက်တိုဘာလ ၂၁ ရက်နေ့ ညနေက ဘေဂျင်းမှာပြုလုပ်တဲ့ ပုံမှန်သတင်းစာရှင်းလင်းပွဲမှာ ပြောဆိုလိုက်တာလို့ ရိုက်တာသတင်းမှာ ဖော်ပြထားပါတယ်။

မြန်မာနိုင်ငံမှာရောက်နေတဲ့ တရုတ်နိုင်ငံသားတွေ၊ စီးပွားရေးသမားတွေ၊ အသင်းအဖွဲ့တွေအနေနဲ့ လုံခြုံရေးသတိထားဖို့ကိုလည်း သူကထပ်လောင်းပြောဆိုလိုက်ပါတယ်။
---------------

မန္တလေးမြို့၊ ချမ်းမြသာစည်မြို့နယ်ရှိ တရုတ်ကောင်စစ်ဝန်ချုပ်ရုံးရှိရာလမ်းကို ၂၀၂၁ ခုနှစ် ဖေဖော်ဝါရီလ ၂၂ ရက်နေ့က တွေ့ရစဉ်။ (Photo: The Mandalay News Journal)

RFA Burmese Website တွင် ဖတ်ရှုရန် .....

#တရုတ် #သံရုံး #မန္တလေး #လွတ်လပ်တဲ့အာရှအသံ #rfaburmese

ငါန်းဇွန်မှာ စစ်ဘေးဒုက္ခသည်တွေကို ပြန်လွှတ်ဖို့ ငွေကြေးတောင်းခံနေ
~~~
■ မန္တလေးတိုင်း ငါန်းဇွန်မြို့နယ်မှာ စစ်ကြောင်းထိုးချိန် ဖမ်းဆီးခံခဲ့ရတဲ့ ဒေသခံသုံးဆယ်ကျော်ကို ပြန်လွှတ်ပေးဖို့အတွက် စစ်ကောင်စီဘက်က ငွေကြေးတောင်းခံနေတယ်လို့ ဒေသခံတွေက အောက်တိုဘာ ၂၁ ရက် ဒီနေ့မှာ ပြောပါတယ်။

သူတို့ကို ငါန်းဇွန်မြို့ပေါ်က ဘောလုံးကွင်းထဲမှာ ဖမ်းဆီးထားပြီး ပြန်လွှတ်ပေးဖို့အတွက် လူတစ်ဦးကို ငွေကျပ် ဆယ်သိန်းကနေ သိန်းနှစ်ဆယ်ကျော်အထိ တောင်းယူနေတယ်လို့ ဒေသခံတစ်ဦးက ပြောပါတယ်။

“အခုထိ ဘောလုံးကွင်းထဲမှာ ဖမ်းထားတာဗျ။ အထဲမှာ ၇ နှစ်အရွယ် ကလေးတစ်ဦးရော၊ အသက်ကြီးတဲ့သူတွေရော ပါတယ်။ အလုပ်အကိုင်မရှိလို့ စစ်ရှောင်နေရပါတယ်ဆို ငွေကြေးနဲ့ ပြန်ရွေးခိုင်းမှတော့ ဘယ်လိုရွေးနိုင်မတုန်း။ မိသားစုတွေကိုလည်း အတွေ့မခံဘူး”

ညောင်လေးပင်ရွာ ဘုန်းကြီးကျောင်းမှာ တိမ်းရှောင်နေကြတဲ့ စစ်ဘေးဒုက္ခသည် ငါးဆယ်ကျော်ကို အောက်တိုဘာ ၈ ရက်နေ့ စစ်ကြောင်းထိုး ဝင်ရောက်ချိန်မှာ ဖမ်းဆီးခဲ့ပြီး အသက်အရွယ်ကြီးသူတွေနဲ့ အမျိုးသမီးအများစုကို ပြန်လွှတ်ပေးခဲ့ပေမဲ့ သုံးဆယ်ကျော်ကို ဆက်လက် ဖမ်းဆီးထားတာလို့ ဒေသခံတွေက ပြောပါတယ်။

ဒီအခြေအနေတွေနဲ့ပတ်သက်လို့ အသေးစိတ်သိနိုင်ဖို့ စစ်ကောင်စီရဲ့ မန္တလေးတိုင်းပြောခွင့်ရသူ တိုင်းစီးပွားရေးဝန်ကြီး ဦးသိန်းဌေးကို RFA က တယ်လီဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာ မရှိသေးပါဘူး။

စစ်ကောင်စီကတော့ ညောင်လေးပင်ရွာမှာ စစ်ကြောင်း ကင်းပတ်တာတွေရှိပေမဲ့ ဒေသခံတွေကို ဖမ်းဆီးခဲ့တာ မရှိဘူးလို့ အောက်တိုဘာ ၁၁ ရက်နေ့ထုတ် နိုင်ငံပိုင်သတင်းစာတွေမှာ ဖော်ပြခဲ့ပါတယ်။

ပြီးခဲ့တဲ့ စက်တင်ဘာလအတွင်းမှာလည်း ငါန်းဇွန်မြို့ပေါ်နဲ့ သံကုန်း၊ မြေတိုင်း၊ ကျောက်တစ်လုံး စတဲ့ ရွာပေါင်းဆယ်ရွာထက်မနည်းက ဒေသခံအမျိုးသား ရှစ်ဆယ်ကျော် စစ်မှုထမ်းဖို့ ဖမ်းဆီးစုဆောင်းခံခဲ့ရတယ်လို့ ဒေသခံတွေက ပြောပါတယ်။
_______
မန္တလေးတိုင်း၊ ငါန်းဇွန်မြို့တစ်နေရာကို တွေ့ရစဉ်။ (Facebook/ Than Htun Oo nzn Photo)

#ငါန်းဇွန် #စစ်ဘေးဒုက္ခသည်များ #ငွေကြေးတောင်းခံ #စစ်ကောင်စီ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

တမူးကနေ ကလေးမြို့ကို ဆေးကုသဖို့ သွားလာခွင့် ကန့်သတ်
~~~
■ စစ်ကိုင်းတိုင်း တမူးမြို့နယ်နဲ့ ကလေးမြို့ အသွားအလာတွေကို စစ်ကောင်စီတပ်က တင်းတင်းကျပ်ကျပ် စစ်ဆေးမှုတွေလုပ်ပြီး ဆေးကုသဖို့ လာတဲ့လူနာတွေကို ကလေးမြို့ထဲ ဝင်ခွင့်ကန့်သတ်လိုက်တယ်လို့ ကလေးဒေသခံတွေက RFA ကို အောက်တိုဘာ ၂၀ ရက် ဒီနေ့ပြောပါတယ်။

ဒီရက်ပိုင်းမှာပဲ တမူးမြို့ကနေ ကလေးမြို့ကို ဆေးကုသဖို့လာတဲ့ လူနာတွေကို ကလေးမြို့အဝင် စစ်ဆေးရေးဂိတ်က ဝင်ခွင့်မပြုဘဲ လှည့်ပြန်ခိုင်းတာတွေ ရှိတယ်လို့ လုံခြုံရေးအရ အမည်မဖော်လိုတဲ့ ကလေးမြို့ခံတစ်ဦးက RFA ကို ပြောပါတယ်။

“တချို့က ကားတွေကို ဂိတ်မရောက်ခင်ရပ်ပြီး ဆိုက်တွဲငှားပြီး မြို့ထဲကို ဝင်ကြရတာ။ ဒီရက်ပိုင်းမှာလည်း အရေးပေါ် လူနာပေါ့။ ကလေးမြို့ ဆေးရုံးတက်ဖို့ လာကြတာ။ ကလေးမြို့ အဝင်လမ်းကနေ ဝင်ခွင့်မပြုတာ ပြန်လှည့်ခဲ့ရတာမျိုးရှိတယ်”

စစ်ဆေးရေးဂိတ်က စစ်ကောင်စီတပ်က ဘယ်လိုအကြောင်းပြချက်မှမပြောဘဲ လှည့်ပြန်ခိုင်းခဲ့တာလို့ သူက ပြောပါတယ်။

အိန္ဒိယ-မြန်မာ တမူး-မိုးရေး နယ်စပ်ကုန်သွယ်ရေး ပိတ်ထားတာကြောင့် တမူးမြို့နယ်က ဒေသခံတွေဟာ ကလေးမြို့ကနေ စားသောက်ကုန် အပါအဝင် ကျန်းမာရေးအတွက် ဆေးခန်းပြတာကအစ ကလေးမြို့ကို လာကြရတာပါ။

ပြီးခဲ့တဲ့ စက်တင်ဘာလကစပြီး တမူး-ကလေး ကားလမ်းမကြီးပေါ် သွားလာမှုကို ကန့်သတ်တာ၊ တင်းတင်းကျပ်ကျပ်စစ်ဆေးတာတွေ ပြုလုပ်လာပြီးနောက် အောက်တိုဘာလကစပြီး ကုန်စည် သယ်ယူခွင့်ကိုလည်း ပိတ်ထားတယ်လို့ ဒေသခံတွေက ပြောပါတယ်။

ဒီကိစ္စနဲ့ပတ်သက်ပြီးတော့ စစ်ကောင်စီရဲ့ စစ်ကိုင်းတိုင်းပြောခွင့်ရသူကို RFA က တယ်လီဖုန်းနဲ့ဆက်သွယ်ပေမဲ့ လက်ခံဖြေကြားတာ မရှိပါဘူး။

တမူးအခြေစိုက် ကာကွယ်ရေးတပ်ဖွဲ့တွေကတော့ တမူးမြို့နယ်ထဲက ခမ်းပါတ်မြို့ကို ကာကွယ်ရေးတပ်ဖွဲ့တွေက သိမ်းပိုက်ထားတာကြောင့် အခုလို ဖြတ်တောက်မှုတွေ လုပ်တာလို့ ပြောပါတယ်။

ကလေးမြို့ကနေ ချင်းပြည်နယ်ဘက်ကို ဆန်အပါအဝင် စားသောက်ကုန်နဲ့ အိမ်ဆောက်ပစ္စည်း သယ်ယူခွင့်ကို စစ်ကောင်စီက သြဂုတ်လလယ်ပိုင်းကစပြီး အခုအချိန်အထိ ပိတ်ပင်ထားဆဲ ဖြစ်ပါတယ်။
_____
ကလေးမြို့ လမ်းဆုံအနီးကို ၂၀၂၃ ခုနှစ်၊ ဒီဇင်ဘာ ၁၃ ရက်နေ့က တွေ့ရစဥ်။ (RFA Photo)

#ကလေးမြို့ #တမူး #လူနာ #ကန့်သတ် #စစ်ကောင်စီ #လွတ်လပ်တဲ့အာရှအသံ #rfaburmese

တမူးကနေ ကလေးမြို့ကို ဆေးကုသဖို့ သွားလာခွင့် ကန့်သတ်

ပခုက္ကူမှာ ကိုယ်ဝန်ဆောင်တစ်ဦးနဲ့ PDF နှစ်ဦး သတ်ဖြတ်ခံရ
~~~
■ မကွေးတိုင်း၊ ပခုက္ကူမြို့နယ်၊ ကိုင်းကျေးရွာအနီးက ပြည်သူ့ကာကွယ်ရေးတပ် (PDF) စစ်ဆေးရေးဂိတ်ကို စစ်ကောင်စီတပ်က အောက်တိုဘာ ၁၇ ရက် မနက် ငါးနာရီခန့်မှာ ဝင်ရောက်စီးနင်းခဲ့ပြီး တော်လှန်ရေးတပ်ဖွဲ့ဝင် နှစ်ဦးနဲ့ ကိုယ်ဝန်ဆောင်တစ်ဦး သတ်ဖြတ်ခံလိုက်ရတယ်လို ဒေသခံတွေနဲ့ ကာကွယ်ရေးတပ်ဖွဲ့ဝင်တွေက RFA ကို အောက်တိုဘာ ၂၀ ရက် ဒီနေ့ပြောပါတယ်။

ပခုက္ကူမြို့ကနေ စစ်ကောင်စီတပ် အင်အားတစ်ရာကျော်နဲ့ စစ်ကြောင်းထိုးလာပြီး ကိုးပင်ကျေးရွာဘက် ချောင်းကနေတစ်ဆင့် ကိုင်းရွာအနီးက PDF စစ်ဆေးရေးဂိတ်ကို စီးနင်းခဲ့တာလို့ ဆိုပါတယ်။

သေဆုံးသူ ကိုယ်ဝန်ဆောင်အမျိုးသမီးဟာ အသက် ၂၅ နှစ်အရွယ် မအသန်းဖြစ်ပြီး စစ်ကောင်စီတပ် ဝင်ရောက်စီးနင်းချိန်မှာ ထွက်မပြေးနိုင်တာကြောင့် ပြန်လည်ခုခံရင်း သတ်ဖြတ်ခံလိုက်ရတာလို့ ဒေသခံတွေက ပြောပါတယ်။

မအသန်းဟာ ကိုယ်ဝန်ငါးလရှိနေပြီး သေဆုံးချိန်မှာ ခန္ဓာကိုယ်တစ်ခုလုံး ဓားနဲ့ အမွှန်းခံရကာ ရုပ်ပျက်ဆင်းပျက် ဖြစ်နေတယ်လို့ မျက်မြင်တွေ့ခဲ့သူတွေက ပြောပါတယ်။

သူ့ရဲ့ခုခံပစ်ခတ်မှုကြောင့် စစ်ကောင်စီတပ်သားတစ်ဦးလည်း သေဆုံးသွားတယ်လို့ လုံခြုံရေးအရ အမည်မဖော်လိုတဲ့ ပခုက္ကူမြို့နယ် ပြည်သူ့ကာကွယ်ရေးအဖွဲ့ရဲ့ တာဝန်ရှိသူတစ်ဦးက RFA ကို ပြောပါတယ်။

“အမျိုးသမီးက သေနတ်နဲ့ ပြန်ပစ်လိုက်တာ စကစဘက်က တစ်ယောက် သေသွားတယ်။ အဲဒီမှာ အမျိုးသမီးကို သတ်ဖြတ်ခဲ့တာ။ ကျန်ရဲဘော်နှစ်ယောက်ကတော့ အဆက်အသွယ် ပြတ်သွားတာ။ စစ်ကောင်စီတပ် ထောက်ခံတဲ့ တယ်လီဂရမ် ချန်နယ်မှာလည်း ရဲဘော်နှစ်လောင်း တွေ့တယ်။ လက်နက်တွေရောပေါ့။ အစီးခံရတဲ့အချိန်မှာ ကစဥ့်ကလျား ဖြစ်သွားပေါ့လေ။ ရဲဘော်တွေကို ကျွန်တော် ရှာနေပေမဲ့ အဆက်အသွယ် ပြတ်သွားတာ”

မအသန်းရဲ့ အမျိုးသားဟာ ကာကွယ်ရေးတပ်ဖွဲ့ဝင် တစ်ဦးဖြစ်ပြီး စစ်ကောင်စီတပ် စီးနင်းချိန် ပစ်ခတ်မှုဖြစ်ပြီးနောက် ထွက်ပြေးလွတ်မြောက်သွားတယ်လို့ သူက ပြောပါတယ်။

နောက်ထပ် သေဆုံးတဲ့ ကာကွယ်ရေးတပ်ဖွဲ့ဝင်နှစ်ဦးရဲ့ အသေးစိတ် အချက်အလက်ကိုတော့ မသိရသေးလို့ ဆိုပါတယ်။

စစ်ကောင်စီတပ် ထောက်ခံတဲ့ တယ်လီဂရမ်တွေမှာတော့ သေဆုံးသူ သုံးဦးစလုံးဟာ ကာကွယ်ရေးတပ်ဖွဲ့ဝင်တွေဖြစ်ပြီး သူတို့ရုပ်အလောင်းနဲ့အတူ လက်နက်တွေလည်း သိမ်းဆည်းရမိတယ်လို့ အောက်တိုဘာ ၁၉ ရက် မနေ့က ဖော်ပြထားပါတယ်။

ဒါနဲ့ပတ်သက်လို့ တုံ့ပြန်ချက်ရဖို့ စစ်ကောင်စီရဲ့ မကွေးတိုင်းပြောခွင့်ရသူ လူမှုရေးဝန်ကြီး ဦးမျိုးမြင့်ကို RFA က ဖုန်းနဲ့ ဆက်သွယ်ပေမဲ့ လက်ခံဖြေကြားတာ မရှိပါဘူး။
____
မကွေးတိုင်း၊ ပခုက္ကူမြို့တွင်းတစ်နေရာကို တွေ့ရစဥ်။ (Citizen Photo)

#ပခုက္ကူ #ကိုယ်ဝန်ဆောင် #PDF #စစ်ကောင်စီ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

လေဖိအားနည်းရပ်ဝန်းအရှိန်ကြောင့် နိုင်ငံတစ်ဝန်း မိုးရွာသွန်းမှု များနိုင်ကြောင်း မိုးဇလပြော
~~~
■ ကပ္ပလီပင်လယ်ပြင် မြောက်ပိုင်းမှာဖြစ်ပေါ်နေတဲ့ လေဖိအားနည်းဆဲလ်ဟာ လေဖိအားနည်းရပ်ဝန်း တစ်ခုဖြစ်လာပြီး အဲဒီအရှိန်ကြောင့် မြန်မာနိုင်ငံတစ်ဝန်းမှာ မိုးကြီးခြင်း၊ မိုးထစ်ချုန်းရွာတာနဲ့ လေပြင်းတိုက်ခတ်တာတွေ ဖြစ်နိုင်တယ်လို့ စစ်ကောင်စီရဲ့ မိုးလေဝသနဲ့ ဇလဗေဒညွှန်ကြားမှူ ဦးစီးဌာနက အောက်တိုဘာ ၂၀ ရက် ဒီနေ့မနက် ထုတ်ပြန်ပါတယ်။

ဒါ့အပြင် လေဖိအားနည်း ရပ်ဝန်းကနေ မုန်တိုင်းငယ်အဖြစ်သို့ ဆက်လက်ရောက်ရှိနိုင်ပြီး မြန်မာ့ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တို့မှာ မိုးသက်လေပြင်း ကျရောက်ပြီး လှိုင်းကြီးနိုင်တယ်လို့လည်း ဆိုပါတယ်။

အခုရက်ပိုင်းအတွင်း နိုင်ငံတစ်ဝန်းမှာ မိုးသည်းထန်စွာ ရွာသွန်းပြီး လျှပ်တစ်ပြက် ရေကြီး၊ မြေပြိုတာတွေ ဖြစ်လာနိုင်တာကြောင့် ကုန်းမြင့်ဒေသအနီးမှာ နေထိုင်ကြသူတွေအနေနဲ့ မြေပြိုမှုအန္တရာယ် သတိပြုကြဖို့နဲ့ မြစ်၊ ချောင်းအနီး နေထိုင်သူတွေအနေနဲ့ ရေကြီးရေလျှံမှုကို သတိပြုကြဖို့လည်း မိုးဇလက တိုက်တွန်းပါတယ်။

ရန်ကုန်မြို့မှာတော့ အောက်တိုဘာ ၁၉ ရက်နေ့ကစလို့ လေပြင်းတွေ တိုက်ခတ်ပြီး မိုးသည်းထန်စွာ ရွာသွန်းမှုတွေ ဖြစ်ပေါ်ခဲ့ပါတယ်။

အလားတူ ပြည်နယ်နဲ့ တိုင်းဒေသကြီးတချို့မှာလည်း မိုးသည်းထန်စွာ ရွာသွန်းမှုတွေရှိနေတယ်လို့ ဒေသခံတွေက ပြောပါတယ်။

ပြီးခဲ့တဲ့ စက်တင်ဘာလအတွင်း ရာဂီမုန်တိုင်းအရှိန်ကြောင့် နိုင်ငံတစ်ဝန်း မိုးသည်းထန်စွာ ရွာပြီးနောက် ရေကြီး၊ မြေပြိုမှုတွေဖြစ်ပြီး သေဆုံးသူ ၄၃၃ ဦးနဲ့ ပျောက်ဆုံးသူ ၇၉ ဦးအထိ ရှိတယ်လို့ စစ်ကောင်စီက စက်တင်ဘာ ၂၇ ရက်နေ့မှာ ထုတ်ပြန်ထားပါတယ်။
____
ရန်ကုန်မြို့တွင် ၂၀၂၄ ခုနှစ် စက်တင်ဘာလ ၆ ရက်နေ့က မိုးသည်းထန်စွာ ရွာသွန်းခဲ့ခြင်းကြောင့် ရေကြီးရေလျှံနေသည်ကို တွေ့ရစဉ်။ (RFA Photo)

#လေဖိအားနည်းရပ်ဝန်း #မိုးရွာသွန်းနိုင် #စစ်ကောင်စီ #မိုးဇလ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

Live stream finished (15 minutes)

Live stream started

မနက်ခင်းသတင်း ( ၂၀၂၄ အောက်တိုဘာ ၂၀ ရက်)
~~~
- မန္တလေးမြို့က တရုတ်ကောင်စစ်ဝန်ချုပ်ရုံးကို တိုက်ခိုက်ခံရမှု NUG ကန့်ကွက်ရှုတ်ချ၊
- ပန်ဝါမြို့သိမ်းပိုက်ပြီးနောက် KIA ထိန်းချုပ်နယ်မြေက နယ်စပ်ဂိတ်တွေကို တရုတ်က ပိတ်၊
- ရေးမြို့က စစ်ကောင်စီ ယာယီအထိုင်စခန်းကို မဟာမိတ်ပူးပေါင်းတပ်ဖွဲ့တွေ တိုက်ခိုက်၊
- စစ်ကောင်စီကို လုံခြုံရေးကောင်စီကတဆင့် ICC ကိုလွှဲအပ်ဖို့ ဦးကျော်မိုးထွန်း တောင်းဆို၊
- စက်တင်ဘာလအတွင်း တိုက်ခိုက်မှုတွေကြောင့် အရပ်သား ၂၆၀ ကျော် သေဆုံး၊
- ရခိုင်ရိုးမအစပ်က နေအိမ် သုံးရာခန့်ကို ပြောင်းရွှေ့ဖို့ စစ်ကောင်စီ ညွှန်ကြား၊
- လူကုန်ကူးခံရတဲ့ရိုဟင်ဂျာတွေ သေဆုံးမှု ထိထိရောက်ရောက်အရေးယူဖို့ HRW တောင်းဆို၊
- ရိုဟင်ဂျာတစ်ရာကျော်ပါတဲ့ စက်လှေတစ်စီး အင်ဒိုနီးရှားကမ်းခြေရောက်၊
____________
#သတင်းများ #လွတ်လပ်တဲ့အာရှအသံ #rfaburmese

မန္တလေးမြို့က တရုတ်ကောင်စစ်ဝန်ချုပ်ရုံးကို တိုက်ခိုက်မှု NUG ကန့်ကွက်ရှုတ်ချ
~~~
■ မန္တလေးမြို့က တရုတ်ကောင်စစ်ဝန်ချုပ်ရုံး ပစ်ခတ်ခံရတာနဲ့ပတ်သက်လို့ ကန့်ကွက်ရှုတ်ချကြောင်း နဲ့ လူမျိုးရေးပဋိပက္ခ ဖြစ်ပွားမှာ အထူးစိုးရိမ်ကြောင်း အမျိုးသားညွတ်ရေးအစိုးရ (NUG) နိုင်ငံခြားရေးဝန်ကြီးဌာနက အောက်တိုဘာ ၁၉ ရက်နေ့မှာ ကြေညာချက် ထုတ်ပြန်ပါတယ်။

မန္တလေးမြို့၊ ချမ်းမြသာစည်မြို့နယ်၊ မင်္ဂလာမန္တလေးအနီး၊ ၇၃ လမ်းပေါ်မှာရှိတဲ့ တရုတ်ကောင်စစ်ဝန်ရုံး အောက်တိုဘာ ၁၈ ရက်နေ့ ညနေ ငါးနာရီ ခွဲအချိန်မှာ ဗုံးခွဲတိုက်ခိုက်ခံခဲ့ရပါတယ်။ အိမ်နီးချင်းနိုင်ငံတွေနဲ့ ဆက်ဆံရေးပျက်ပြားစေမဲ့ အကြမ်းဖက်လုပ်ရပ်တွေ၊ အကာအကွယ်ပေးရမဲ့ သံတမန်အဆောက်အအုံတွေကို တိုက်ခိုက်တဲ့လုပ်ရပ်တွေကို ကန့်ကွက်ကြောင်းနဲ့ NUG အနေနဲ့ လူမျိုးရေး၊ ဘာသာရေး ပဋိပက္ခဖြစ်ပွားစေမဲ့ ဘယ်လုပ်ရပ်မျိုးကိုမဆို အမြဲ ဆန့်ကျင်သွားမယ်လို့လည်း ဆိုပါတယ်။

စစ်အုပ်စုဟာ အမျိုးသားရေးလှုပ်ရှားမှုနာမည်ခံပြီး တရုတ်ဆန့်ကျင်ရေး ဆန္ဒပြပွဲတွေ၊ ဆန့်ကျင်လှုပ်ရှားမှုတွေ လုပ်နေသလို တစ်ချိန်က တရုတ်-မြန်မာပဋိပက္ခ ဖြစ်ပွားစေခဲ့တဲ့ လက်သည် တရားခံဖြစ်ကြောင်း ထပ်လောင်းသတိပေးလိုတယ်လို့ NUG ထုတ်ပြန်ချက်မှာ ဖော်ပြထားပါတယ်။

အိမ်နီးချင်းနိုင်ငံအားလုံးနဲ့ မတူကွဲပြားတဲ့သဘောထားတွေ ရှိခဲ့ရင်လည်း NUG အနေနဲ့ သံတမန်နည်းအရ ညှိနှိုင်းဆွေးနွေးအဖြေရှာသွားမှာဖြစ်ပြီး အိမ်နီးချင်းနိုင်ငံတွေရဲ့ ပုံရိပ်ကို ထိခိုက်စေမယ့်ကိစ္စတွေ၊ လူမျိုးရေး၊ ဘာသာရေး အမုန်းတရားဖြစ်စေမယ့် ကိစ္စတွေကို ကန့်ကွက်ရှုတ်ချ‌ကြောင်းလည်း ရေးသားထားပါတယ်။
______
မန္တလေးမြို့၊ ချမ်းမြသာစည်မြို့နယ်ရှိ တရုတ်ကောင်စစ်ဝန်ချုပ်ရုံးရှိရာလမ်းကို ၂၀၂၁ ခုနှစ် ဖေဖော်ဝါရီလ ၂၂ ရက်နေ့က တွေ့ရစဉ်။ (Photo: The Mandalay News Journal)
#မန္တလေး #NUG #တရုတ်ကောင်စစ်ဝန်ရုံး #တိုက်ခိုက်ခံရ #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

စက်တင်ဘာလအတွင်း တိုက်ခိုက်မှုတွေကြောင့် အရပ်သား ၂၆၀ ကျော် သေဆုံး
~~~
■ ၂၀၂၄ ခုနှစ် စက်တင်ဘာလ တစ်လအတွင်း ပဋိပက္ခဒေသတွေမှာ အနည်းဆုံး အရပ်သား ၂၆၁ ဦး သေဆုံးခဲ့ပြီး ၄၄၈ ဦး ထိခိုက်ဒဏ်ရာရခဲ့တယ်လို့ လွတ်လပ်တဲ့ သုတေသနအဖွဲ့အစည်းတစ်ခုဖြစ်တဲ့ ဉာဏ်လင်းသစ် သုတေသနအဖွဲ့က အောက်တိုဘာလ ၁၉ ရက်နေ့မှာ ထုတ်ပြန်ပါတယ်။

ဒီသေဆုံးမှုတွေဟာ စစ်ဆင်ရေးနဲ့ တိုက်ပွဲတွေကြောင့်တင်မကဘဲ စစ်ကောင်စီတပ်၊ လက်နက်ကိုင်တော်လှန်ရေးတပ်ဖွဲ့တွေနဲ့ အမည်မသိအဖွဲ့အစည်းတွေရဲ့ အရပ်သားတွေအပေါ် ပစ်မှတ်ထား တိုက်ခိုက်မှုတွေကြောင့် ဖြစ်တယ်လို့ ဆိုပါတယ်။

အဲဒီထဲမှာ အရပ်သားတွေအပေါ် စစ်ကောင်စီတပ်က ပစ်မှတ်ထားပြီး လေကြောင်းကနေ တိုက်ခိုက်တာဟာ စက်တင်ဘာလအတွင်း အများဆုံးဖြစ်ပြီး သေဆုံးသူ အရပ်သား ၁၂၄ ဦး ရှိတယ်လို့ ဖော်ပြထားပါတယ်။ ဒုတိယအများဆုံးကတော့ လက်နက်ကြီးပစ်ခတ်မှုကြောင့် ၄၉ ဦး သေဆုံးခဲ့တယ်လို့ ဖော်ပြထားပါတယ်။ ဒါ့အပြင် အမည်မသိအဖွဲ့အစည်းတွေကြောင့် သေဆုံးသူ ၂၂ ဦး ရှိတာကို တွေ့ရှိရတယ်လို့ ဆိုပါတယ်။

လက်နက်ကိုင်တော်လှန်ရေးအင်အားစုတွေကြောင့် အရပ်သားထိခိုက်သေဆုံးမှုတွေလည်း ရှိခဲ့ပြီး မန္တလေး၊ စစ်ကိုင်း၊ မကွေးနဲ့ ရှမ်းပြည်နယ်တောင်းပိုင်းတွေက စုစုပေါင်း သေဆုံးသူ အရပ်သား ငါးဦးအထိ ရှိတယ်လို့ ရေးသားထားပါတယ်။

စက်တင်ဘာလအတွင်းက တိုက်ပွဲဖြစ်စဉ်တွေမှာ စစ်ကောင်စီတပ်သား ထောင့်တစ်ရာနီးပါး (၁၀၉၉ ဦး) သေဆုံးခဲ့ပြီး သုံရာကျော် (၃၂၆ ဦး) ဒဏ်ရာရခဲ့သလို လက်နက်ကိုင်တော်လှန်ရေးတပ်ဖွဲ့တွေက ၂၉ ဦး သေဆုံးခဲ့ပြီး ၃၈ ဦး ဒဏ်ရာရခဲ့တယ်လို့လည်း ဖော်ပြထားပါတယ်။

ဒီထုန်ပြန်ချက်ကို သတင်းဌာနပေါင်း လေးဆယ်နဲ့ တော်လှန်ရေးအင်အားစုတွေရဲ့ တရားဝင် သတင်းထုတ်ပြန်မှုတွေကို လေ့လာကောက်ယူထားတာဖြစ်ပြီး ထိခိုက်သေဆုံးမှုအရေအတွက်ဟာ မြေပြင်မှာ ပိုများနိုင်တယ်လို့ ဉာဏ်လင်သစ်အဖွဲ့က ဆိုပါတယ်။
___
လားရှိုးမြို့ရှိ မန်နားရွာကို စစ်ကောင်စီတပ်က ၂၀၂၄ ခုနှစ် စက်တင်ဘာလ ၃၀ က လေကြောင်း တိုက်ခိုက်မှုကြောင့် ထိခိုက်ပျက်စီးခဲ့သည့် နေအိမ်အဆောက်အအုံများကို တွေ့ရစဉ်။ (ဓာတ်ပုံ - Facebook/လားရှိုးမြို့ပြန်လည်ထူထောင်ရေးအဖွဲ့)
#သေဆုံး #ဉာဏ်လင်းသစ် #rfaburmese #လွတ်လပ်တဲ့အာရှအသံ
RFA Burmese Website တွင် ဖတ်ရှုရန်…

စစ်ကောင်စီကို လုံခြုံရေးကောင်စီကတဆင့် ICC ကို လွှဲအပ်ဖို့ ဦးကျော်မိုးထွန်း တောင်းဆို
~~~
■ မြန်မာနိုင်ငံမှာ လက်ရှိဖြစ်ပေါ်နေတဲ့ အခြေအနေတွေက မြန်မာပြည်တရားဥပဒေတွေနဲ့ ရာဇဝတ်မှု ကျူးလွန်သူတွေကို ထိထိရောက်ရောက် အပြစ်ပေးအရေးယူနိုင်ခြင်း မရှိတဲ့အတွက် ကုလသမဂ္ဂလုံခြုံရေးကောင်စီအနေနဲ့ ရာဇဝတ်မှုကျူးလွန်နေတဲ့ စစ်ကောင်စီကို
နိုင်ငံတကာ ရာဇဝတ်ခုံရုံး (ICC) ကို လွှဲပြောင်းပေးဖို့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်း က တောင်းဆိုလိုက်ပါတယ်။
နိုင်ငံတကာရာဇဝတ်မှုတွေ ကျူးလွန်နေတဲ့ စစ်ကောင်စီအတွက် မြန်မာနိုင်ငံအပါအဝင် တခြားကမ္ဘာ့‌နေရာ တွေမှာ ခိုအောင်းလို့ မရအောင် ခိုင်မာတဲ့ နိုင်ငံတကာစနစ်ပေါ်ပေါက်ဖို့ လည်း ဦးကျော်မိုးထွန်း က တောင်းဆိုလိုက်ပါတယ်။

“ ကမ္ဘာလုံးဆိုင်ရာ တရားစီရင်ပိုင်ခွင့် အခြေခံမူရဲ့ နယ်ပယ်နဲ့ အသုံးချမှု ” ခေါင်းစဥ်နဲ့ အောက်တိုဘာ ၁၆ ရက်က အမေရိကန်နိုင်ငံ၊ နယူးယောက်မြို့မှာကျင်းပတဲ့ ကုလသမဂ္ဂလုံခြုံရေးကောင်စီအစည်းအဝေးမှာ တောင်းဆိုလိုက်တာပါ။

မြန်မာနိုင်ငံမှာ စစ်အာဏာသိမ်းကာလ လေးနှစ်နီးပါးရှိလာချိန်မှာ စစ်ကောင်စီဟာ နိုင်ငံရဲ့ တရားဥပဒေစိုးမိုးမှုကို စနစ်တကျ ဖျက်ဆီးခဲ့ပြီး ပြည်သူတွေအပေါ် ရက်စက်ကြမ်းကြုတ်မှုတွေ အရှိန်မြှင့်လုပ်ဆောင်နေတယ်လို့လည်း ဆိုပါတယ်။

ဒီလိုဆိုးရွားတဲ့ လူ့အခွင့်အရေးချိုးဖောက်မှုတွေ ကျူးလွန်နိုင်ဖို့ စစ်ကောင်စီခန့်ထားတဲ့ ပြည်ထောင်စုရှေ့နေချုပ် အပါအဝင် လက်ရှိနိုင်ငံရဲ့ တရားစီရင်ရေးနဲ့ ဥပဒေကဏ္ဍကို ဉီးဆောင်နေသူတွေက ဥပဒေတွေ ပြင်ဆင်ရေးဆွဲပေးခဲ့ပြီး ဒီဥပဒေတွေနဲ့ ပြည်သူတွေအပေါ် လက်နက်သဖွယ် သုံးနေတာကြောင့် နိုင်ငံတကာက ဝိုင်းဝန်း ထောက်ပြနေတဲ့ စစ်ကောင်စီကျူးလွန်ခဲ့တဲ့ ရာဇဝတ်မှုတွေအတွက် နိုင်ငံတွင်း လွတ်လပ်ပြီး ဘက်မလိုက်ဘဲ တရားမျှတတဲ့ စုံစမ်းစစ်ဆေးမှုတွေလုပ်ဖို့ မဖြစ်နိုင်တော့ကြောင်းလည်း ဦးကျော်မိုးထွန်း က ဆိုပါတယ်။

နိုင်ငံတကာ အဖွဲ့အစည်းတွေက မြန်မာနိုင်ငံလို ဖြစ်စဥ်တွေမှာ ကျုးလွန်သူတွေ ပြစ်ဒဏ်ကင်းလွတ်နေတာကို ဖြေရှင်းမပေးနိုင်တဲ့အခါ ကမ္ဘာလုံးဆိုင်ရာ တရားစီရင်ပိုင်ခွင့်ကို သုံးဖို့က အထူးအရေးပါလာတယ်လို့လည်း သူက ထောက်ပြပါတယ်။

အဲဒါကြောင့် စစ်ကောင်စီကို နိုင်ငံတကာ ရာဇဝတ်ခုံရုံး (ICC) ထံ ကုလသမဂ္ဂလုံခြုံရေးကောင်စီကနေတဆင့် လွှဲအပ်တင်သွင်းဖို့၊ စစ်ကောင်စီကို တစ်ကမ္ဘာလုံးက လက်နက်တင်ပို့ရောင်းချတာနဲ့ တိုက်လေယာဉ်ဆီ ထောက်ပံ့တာတွေကို အရေးယူပိတ်ဆို့ပေးဖို့နဲ့ စစ်ကောင်စီအဖွဲ့ဝင်တွေကို ကမ္ဘာလုံးဆိုင်ရာ စီရင်ပိုင်ခွင့်ကို သုံးပြီး အရေးယူဆောင်ရွက်မှုတွေ လုပ်ပေးဖို့လည်း သူက တောင်းဆိုလိုက်ပါတယ်။
___
အမေရိကန်ပြည်ထောင်စု နယူးယောက်မြို့မှာ ကျင်းပတဲ့ ကုလသမဂ္ဂလုံခြုံရေးကောင်စီအစည်းအဝေး တက်ရောက်နေသည့် ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းအား ၂၀၂၄ ခုနှစ် အောက်တိုဘာလ ၁၆ ရက်နေ့က တွေ့ရစဉ်။
#UN #ukyawmoetun #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

လေးကေ့ကော်ဒေသခံတွေ စစ်ကောင်စီတပ် လေကြောင်းရန် စိုးရိမ်နေ
~~~
■ စစ်ကောင်စီတပ်က အောက်တိုဘာလ ၁၇ ရက်နေ့က လက်လွှတ်လိုက်ရတဲ့ လေးကေ့ကော် စွယ်တော်ကုန်းစစ်စခန်းကို လေကြောင်း၊ ကုန်းကြောင်းနဲ့ ပြန်လည်စစ်ဆင်သိမ်းယူမဲ့ သတင်းတွေကြောင့် ဒေသခံတွေ စိုးရိမ်ထိတ်လန့်နေကြပြီး မြို့ကိုစွန့်ခွာဖို့ ပြင်ဆင်နေကြတယ်လို့ ဒေသခံတစ်ဦးက ပြောပါတယ်။

အမြောက်ကုန်းစခန်းအနီးက ဖလူးကျေးရွာ၊ ရသေ့ဂူကျေးရွာ၊ ထီးမယ်ဝါးခီးကျေးရွာနဲ့ လေးကေကော်မြို့သစ်ကနေ စစ်ဘေးရှောင်နေရတဲ့ ပလော့တပို့ စစ်ရှောင်စခန်းနေရာတွေက ဒေသခံတွေဟာ အရေးပေါ်လေကြောင်းရန် ရှောင်ရှားဖို့ စီစဉ်နေကြတယ်လို့ ဖလူးကျေးရွာသားတစ်ဦးက RFA ကိုပြောပါတယ် ။

"လေယာဥ်ကလည်း စခန်းသိမ်းပြီးတော့ တစ်ခေါက်လာကြဲတယ်ပေါ့နော်၊ စစ်ကြောင်းထိုးမယ်ဆိုတဲ့ သတင်းလည်းကြားတယ်၊ ကျွန်တော်တို့ဘက်ကတော့ ကြိုတင်ပြင်ဆင်မှုကတော့ရှိတယ်၊ သွားရမဲ့နေရာ ရှောင်ရမဲ့နေရာတွေ ကြိုတင် ပြင်ထားတာရှိတယ်၊ သက်ကြိးရွယ်အိုတွေ၊ကလေးတွေအတွက်"

လတ်တလောမှာ ဖလူးကျေးရွာနဲ့ မင်းလက်ပံ ကျေးရွာသားတွေဟာ နေ့ဘက်မှာနေအိမ်နဲ့ တောင်ယာစိုက်ခင်းတွမှာ ပြန်လည်နေထိုင် အလုပ်လုပ်ကြပြီး ညဘက်မှာ အကာအကွယ်အခိုင်အမာရှိတဲ့နေရာတွေမှာ ရှောင်တိမ်းညအိပ်ကြတယ်လို့ ထီးမယ်ဝါးခီးကျေးရွာက အမျိုသမီးတစ်ဦးကလည်း ပြောပါတယ် ။

" ဖလူးတို့၊ မင်းလက်ပံတို့ကတော့ သတိထားရတာပေါ့လေ၊ အခုနောက်ပိုင်းကတော့ တိုက်ပွဲဖြစ်ပြီးတဲ့နောက်ပိုင်းမှာတော့ သူတို့နေ့ခင်းနေ့လယ်အိမ်ပြန်ကြည့်တယ်၊ ညဘက်ကျတော့ သူတို့ကရှောင်နေတယ်၊ အခြားနေရာမှာ ရှောင်အိပ်နေတယ်လို့သိတယ်၊ လေးကေကော်ကလူတွေကျတော့သူတို့အရင်ထဲက စစ်ရှောင်ထားပြီးသားလေ၊ လေးကေ့ကော်မှာ ပြန်နေလို့မှမရတာ၊ သူတို့ရှိနေတဲ့အတိုင်းပဲ ရှိနေတာပဲလေ၊ နည်းနည်းတော့သတိထားရတာပေါ့"

ပြီးခဲ့တဲ့ ၂၀၂၁ ခုနှစ် ဒီဇင်ဘာ ၁၅ ရက်ကတည်းက လေးကေ့ကော်ဒေသကို စစ်ကောင်စီက ထိုးစစ်ဆင်ခဲ့တာတွေကြောင့် ဒေသခံတစ်သောင်းကျော် ထိုင်းမြန်မာနယ်စပ်က ယာယီစစ်ဘေးရှောင်စခန်း ခုနစ်ခုမှာ ခိုလှုံနေကြရပြီး ဒီကနေ့အချိန်အထိ နေရပ်ပြန်လည်နေထိုင်လို့ မရသေးပါဘူး။

အဲဒီထဲက မြို့လုံးကျွတ် စစ်ဘေးရှောင်နေရတဲ့ လေးကေ့ကော်မြို့သစ်က ရပ်ကွက်ခြောက်ခုနဲ့ ထီးမယ်ဝါးခီး၊ ရသေ့ဂူကျေးရွာတွေက လူပေါင်းသုံးထောင်ကျော်ဟာ သောင်ရင်းမြစ်အနီးက ပလော့တပို့ စစ်ရှောင်စခန်းနဲ့ အင်ကြင်းမြိုင် စစ်ရှောင်စခန်းမှာ နေထိုင်နေကြပါတယ်။

အခုတော့ အဲဒီကျေးရွာတွေကို ပစ်ခတ်နေတဲ့ စစ်ကောင်စီရဲ့ အမြောက်ကုန်းကို KNLA ပူးပါင်းတပ်တွေ ဖျက်စီးသိမ်းပိုက်လိုက်တဲ့အပေါ်ဝမ်းသာပီတိဖြစ်ရပြီး KNU လူကြီးတွေက ကိုယ့်အိမ်ကိုယ့်နေရာတွေကို ပြန်လည်နေထိုင်လို့ရပြီဆိုတဲ့အချိန်ကို စောင့်ဆိုင်းနေတယ်လို့ လေးကေကော်ဒေသမှာ ကျန်းမာရေးစောင့်ရှောက်မှုပေးနေတဲ့ အမျိုးသမီးတစ်ဦးက ပြောပါတယ်။

ဒီကနေ့ အောက်တိုဘာ ၁၉ ရက်နေ့မှာ စစ်ကောင်စီတပ်စခန်းသိမ်းပိုက်ရာမှာ ပူးပါင်းပါဝင်တိုက်ခိုက်ခဲ့ကြတဲ့ KNLA မဟာမိတ်ပူးပေါင်းစစ်ကြောင်းတွေကို ကျေးရွာဒေသခံတွေက ကြိုဆိုဂုဏ်ပြုကြပြီး မြဝတီမြို့အနီးက မေတ္တာ‌လင်းမြိုင်ကျေးရွာဘက်အထိ အောင်ပွဲခံလှည်လည်ခဲ့ကြပါတယ်။
____
KNLA နှင့် ပူးပေါင်းတပ်များ သိမ်းဆည်းထားသည့် စွယ်တော်ကုန်းလက်နက်ကြီးဗျူဟာတပ်စခန်းကို ၂၀၂၄ ခုနှစ် အောက်တိုဘာ ၁၇ ရက်နေ့က တွေ့ရစဉ်။ (Photo : Cobra Coloumn တပ်ခွဲ-၃)
#လေးကေ့ကော် #KNLA #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

လူကုန်ကူးခံရတဲ့ရိုဟင်ဂျာတွေ သေဆုံးမှု ထိထိရောက်ရောက်အရေးယူဆောင်ရွက်ဖို့ HRW တောင်းဆို
~~~
■ ထိုင်းနိုင်ငံအတွင်း မြန်မာနိုင်ငံက ရိုဟင်ဂျာဒုက္ခသည်တစ်စု သေဆုံး၊ ဒဏ်ရာရခဲ့တဲ့ ကိစ္စကို ထိုင်းအစိုးရအနေနဲ့ ထိထိရောက်ရောက်စုံစမ်းစစ်ဆေးဖို့ လူ့အခွင့်အရေးလေ့လာစောင့်ကြည့်ရေးအဖွဲ့ (HRW) က အောက်တိုဘာ ၁၉ ရက်နေ့ ဒီနေ့ ကြေညာချက်ထုတ်ပြန် တောင်းဆိုလိုက်ပါတယ်။

ထိုင်းအာဏာပိုင်တွေအနေနဲ့ အသက်ရှင်ကျန်ရစ်သူတွေကို အရေးပေါ်အကာအကွယ်တွေပေးဖို့နဲ့ ကျူးလွန်မှုမှာ တာဝန်ရှိတဲ့သူတွေကို အရေးယူဖို့လည်း HRW က တိုက်တွန်းလိုက်ပါတယ်။

အောက်တိုဘာ ၁၇ ရက်နေ့က ထိုင်းနိုင်ငံတောင်ပိုင်းက ဘုန်းကြီးကျောင်းတစ်ကျောင်းအပြင်ဘက်မှာ ဒုက္ခရောက်နေကြတဲ့ ရိုဟင်ဂျာအုပ်စုတစ်စုကို ဘုန်းကြီးတွေက တွေ့ရှိခဲ့ပြီး ရဲတွေကိုအကြောင်းကြားခဲ့ကြပါတယ်။ ဒီရိုဟင်ဂျာတွေထဲက အနည်းဆုံး ၁၀ ဦးဟာ စိုးရိမ်ရတဲ့အခြေအနေမှာရှိနေပြီး အများစုက သတိလစ်မေ့မြောနေကြတယ်လို့ ဆိုပါတယ်။ အဲဒီထဲက နှစ်ဦးဟာ သေဆုံးနေပြီး ကျန်တဲ့သူတွေကို ဘန်ကောက်မြို့တောင်ဘက် ကီလို ၅၀၀ အကွာ Lang Suan ခရိုင်က ဆေးရုံတွေကိုပို့ဆောင်ပေးခဲ့ကြောင်းနဲ့ နောက်ထပ် တစ်ဦး သေဆုံးသွားခဲ့တယ်လို့ ဆိုပါတယ်။

အသက်ရှင်ကျန်ရစ်သူတွေရဲ့ ပြောကြားချက်အရ ရခိုင်ပြည်နယ်က ရိုဟင်ဂျာ ၇၀ ခန့် မဲဆောက်မြို့ကို အောက်တိုဘာ ၁၆ ရက်နေ့က ရောက်လာခဲ့ကြောင်း၊ ထိုင်းနိုင်ငံကိုရောက်တာနဲ့ မလေးရှားနယ်စပ် ကီလိုမီတာ ၁၅၀၀ ခရီးကိုသွားဖို့ ထရပ်ကားတွေထဲကို အတင်းထိုးသိပ် တွန်းပို့ခံခဲ့ရကြောင်း နဲ့ ထရပ်ကားတစ်စီးစီမှာ ရိုဟင်ဂျာ ဒါဇင်နဲ့ချီတင်ဆောင်ပြီးထွက်အလာ ကီလို ၁၀၀၀ ကျော်ခရီးအရောက်မှာ ထရပ်ကားတစ်စီးက ကားမောင်းသူတွေက အသက်ရှုမွန်းကျပ်သေဆုံး၊ မေ့မျောနေတဲ့ ရိုဟင်ဂျာတွေကို စွန့်ပစ်ထားခဲ့တာလို့ ဆိုပါတယ်။
____
ရိုဟင်ဂျာ သုံးဦး အသက်ရှုကျပ်သေဆုံးမှုနှင့် ပတ်သက်ပြီး စုံစမ်းစစ်ဆေးမှုများ ပြုလုပ်နေသည့် ထိုင်းအာဏာပိုင်များအား ၂၀၂၄ ခုနှစ် အောက်တိုဘာလ ၁၈ ရက်နေ့က တွေ့ရစဉ်။ (Photo: Thai News)
#ထိုင်းနိုင်ငံ #ရိုဟင်ဂျာ #HRW #rfaburmese #လွတ်လပ်တဲ့အာရှအသံ
RFA Burmese Website တွင် ဖတ်ရှုရန်…

ရေးမြို့က စစ်ကောင်စီ ယာယီအထိုင်စခန်းကို မဟာမိတ်ပူးပေါင်းတပ်ဖွဲ့တွေ တိုက်ခိုက်
~~~
■ မွန်ပြည်နယ် ရေး - သံဖြူဇရပ်ကားလမ်းမပေါ် စံပြကျေးရွာအနီးက စစ်ကောင်စီ ခမရ (၅၈၈) ယာယီအထိုင်စခန်းကို တော်လှန်ရေးပူးပေါင်းတပ်ဖွဲ့တွေ ဝင်ရောက်တိုက်ခိုက်ခဲ့တာကြောင့် စစ်ကောင်စီတပ်က ဗိုလ်ကြီး တစ်ဦးအပါအဝင် ငါးဦးသေဆုံးပြီး သုံးဦးဒဏ်ရာရခဲ့တယ်လို့ တောင်ပိုင်းစစ်ဒေသ ပြည်သူ့ကာကွယ်ရေးတပ်မတော် ဒေါနတပ်ရင်းက အောက်တိုဘာလ ၁၉ ရက်နေ့မှာ သတင်းထုတ်ပြန်ပါတယ်။

စစ်ကောင်စီ ခမရ (၅၈၈) ယာယီအထိုင်စခန်းကို အောက်တိုဘာလ ၁၇ ရက်မနက်ပိုင်းက ဝင်ရောက်တိုက်ခိုက်ခဲ့ပြီး MA1 တစ်လက်နဲ့ MA 2 တစ်လက်ကိုလည်း သိမ်းဆည်းရမိခဲ့တယ်လို့ ဆိုပါတယ်။

နှစ်ဖက်တိုက်ပွဲအတွင်း စစ်ကောင်စီဘက်က သေဆုံးဒဏ်ရာရသူတွေကို လူနာတင်ယာဉ် လေးစီးနဲ့ ရေးမြို့ပြည်သူဆေးရုံကြီးကို သယ်ဆောင်သွားတယ်လို့ ထုတ်ပြန်ထားပါတယ်။

မဟာမိတ်အဖွဲ့တွေဘက်က နှစ်ဦးသေဆုံးခဲ့ပြီး တစ်ဦးဒဏ်ရာခဲ့တယ်လို့လည်း ဆိုပါတယ်။ နှစ်ဖက် ထိခိုက်သေဆုံးမှုတွေနဲ့ပတ်သက်ပြီး RFA အနေနဲ့ သီးခြားအတည်မပြုနိုင်သေးပါဘူး။

တိုက်ပွဲအတွင်း စစ်ကောင်စီ ခလရ (၁၀၆) က လက်နက်ကြီးနဲ့ လေးကြိမ်ပစ်ခတ်ခဲ့တာကြောင့် စံပြကျေးရွာထဲ သုံးလုံးကျရောက်ပေါက်ကွဲခဲ့ပြီး နေအိမ်တစ်လုံး ပျက်စီးခဲ့တယ်လို့လည်း ထုတ်ပြန်ချက်မှာ ဖော်ပြထားပါတယ်။

ဒီထုတ်ပြန်ချက်နဲ့ ပတ်သက်ပြီး တုံ့ပြန်ချက်ရဖို့ စစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းကို RFA က ဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာမရှိပါဘူး။

စစ်ကောင်စီ ခမရ (၅၈၈) ယာယီအထိုင်စခန်းကို ပြည်သူ့ကာကွယ်ရေးတပ်မတော် ဒေါနတပ်ရင်း လုံခြုံရေးတပ်ခွဲ၊ ရေး ‌ပြောက်ကျားတပ် (YGF) တပ်ခွဲ၊ ဗျူဟာ ၃၃ အထူးစစ်ဆင်ရေးတပ်ဖွဲ့၊ မွန်ပြည်တော်လှန်ရေးတပ် (MSRF)၊ KNLA တပ်ရင်း ၂၇၊ မွန်ပြည်သစ်ပါတီ စစ်အာဏာရှင်တိုက်ဖျက်ရေးအဖွဲ့ (NMSP-AD)နဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) တပ်ရင်း ၁ စတဲ့ အဖွဲ့တွေ ပူးပေါင်းတိုက်ခိုက်ခဲ့တာဖြစ်ပါတယ်။
______
ပြည်သူ့ကာကွယ်ရေးတပ်မတော် ဒေါနတပ်ရင်းမှ တပ်ဖွဲ့ဝင်များအား ရေးမြို့နယ်ရှေ့တန်းတစ်နေရာမှာ ၂၀၂၄ ခုနှစ် အောက်တိုဘာလက တွေ့ရစဉ်။ (Photo : Dawna Column)
#ဒေါနစစ်ကြောင်း #ရေး #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

ရိုဟင်ဂျာတစ်ရာကျော်ပါတဲ့ စက်လှေတစ်စီး အင်ဒိုနီးရှားကမ်းခြေရောက်
~~~
■ ရိုဟင်ဂျာ တစ်ရာကျော် တင်ဆောင်လာတဲ့ စက်လှေတစ်စီးကို အင်ဒိုနီးရှားနိုင်ငံ အနောက်ဘက်ဆုံးပြည်နယ်မှာ တွေ့ရှိခဲ့ပြီး လိုက်ပါလာသူတွေထဲက အနည်းဆုံး တစ်ဦး လှေပေါ်မှာ သေဆုံးနေတာတွေ့ရတယ်လို့ ဒေသဆိုင်ရာ အာဏာပိုင်တွေ ပြောလိုက်ပါတယ်။

စက်လှေဟာ အာချေးခရိုင် တောင်ဘက် ကမ်းရိုးတန်းနဲ့ လေးမိုင်ခန့်အကွာမှာ ကျောက်ချရပ်နားထားတာကို တွေ့ရတာလို့ AFP သတင်းက ဖော်ပြပါတယ်။

ရပ်ရွာခေါင်းဆောင် Muhammad Jabal က အဲဒီစက်လှေကို သောကြာနေ့ (အောက်တိုဘာ ၁၈ရက်) မှာ စတွေ့ခဲ့တာဖြစ်ပြီး လှေပေါ်ပါလာတဲ့ ဒုက္ခသည်တွေကို ရေနဲ့ အစားအသောက်တွေ ပို့ရင်း လှေပေါ်မှာ ကလေးတွေအများအပြား လိုက်ပါလာတာတွေ့ရတယ်လို့ ဆိုပါတယ်။

တောင်အာချေးခရိုင် ပြောခွင့်ရှိသူက ဒီစက်လှေတွေ့ရှိတာကို အတည်ပြုပေမဲ့ ဒုက္ခသည်တွေနဲ့ပတ်သက်ပြီး ဘယ်လိုဆက်လက်ဆောင်ရွက်မလဲဆိုတာကို လူဝင်မှုကြီးကြပ်ရေးဌာန တာဝန်ရှိသူတွေကသာ ဆုံးဖြတ်မှာဖြစ်တယ်လို့ AFP ကို ပြောထားပါတယ်။ ကုလသမဂ္ဂဒုက္ခသည်များဆိုင်ရာ အေဂျင်စီ (UNHCR) က ဒီဒုက္ခသည်တွေကို ဒေသအာဏာပိုင်တွေ ချက်ချင်းကယ်တင်နိုင်မယ်လို့ မျှော်လင့်ကြောင်း ပြောထားပါတယ်။

ဒီဒုက္ခသည်လှေကို မတွေ့ခင် ရိုဟင်ဂျာအမျိုးသမီးတစ်ဦး ရုပ်အလောင်းကို ပင်လယ်ပြင်မှာ တွေ့ရှိခဲ့ပေမဲ့ သေဆုံးသူက အဲဒီလှေပေါ်မှာ လိုက်ပါလာသူတွေနဲ့ ဆက်စပ်မှု ရှိ မရှိကိုတော့ ဒေသဆိုင်ရာ ရဲတပ်ဖွဲ့က အတည်မပြုသေးပါဘူး။

အာချေးဒေသခံအများစုကတော့ ရိုဟင်ဂျာဒုက္ခသည်တွေအပေါ် စာနာနားလည်ပေမဲ့ အခုလိုဒုက္ခသည်တွေ ရောက်လာတဲ့အပေါ် ကန့်ကွက်ဆန္ဒပြသူတွေလည်း ရှိပါတယ်။

မြန်မာစစ်တပ် အကြမ်းဖက်မှုတွေကြောင့် နေရပ်စွန့်ခွာထွက်ပြေးကြတဲ့ ရိုဟင်ဂျာတွေဟာ မလေးရှား ဒါမှမဟုတ် အင်ဒိုနီးရှားကို သွားဖို့ အသက်အန္တရာယ်များတဲ့ ပင်လယ်ပြင်လမ်းကြောင်းကနေ နှစ်စဉ်ထွက်ခွာနေကြတာဖြစ်ပါတယ်။

ပြီးခဲ့တဲ့နှစ် တစ်နှစ်တည်းမှာတင် အင်ဒိုနီးရှားကို ရောက်လာတဲ့ ရိုဟင်ဂျာ ၂၃ဝဝ ကျော်ရှိပြီး၊ ရိုဟင်ဂျာအယောက် ၅၇ဝ နီးပါးကတော့ ပင်လယ်ပြင်မှာ သေဆုံးပျောက်ရှခဲ့ရတယ်လို့ ကုလသမဂ္ဂက ပြောထားပါတယ်။
___
ဘင်္ဂလားဒေ့ရှ် ဒုက္ခသည်စခန်းများမှ စက်လှေနှင့် ထွက်ပြေးလာသည့် ရိုဟင်ဂျာဒုက္ခသည်များအား ၂၀၂၃ ခုနှစ်၊ နိုဝင်ဘာလ ၁၆ ရက်နေ့က အင်ဒိုနီးရှားနိုင်ငံ အာချေးပြည်နယ်တွင် တွေ့ရစဉ်။ (Photo : AFP)
#ရိုဟင်ဂျာ #အင်ဒိုနီးရှား #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

မန္တလေးမြို့က တရုတ်ကောင်စစ်ဝန်ရုံး ဗုံးနဲ့ တိုက်ခိုက်ခံရ
~~~
■ မန္တလေးမြို့၊ ချမ်းမြသာစည်မြို့နယ်၊ မင်္ဂလာမန္တလေးအနီး၊ ၇၃ လမ်းပေါ်မှာရှိတဲ့ တရုတ်ကောင်စစ်ဝန်ရုံးကို အောက်တိုဘာ ၁၈ ရက် မနေ့ ညနေ ၅နာရီ ခွဲအချိန်မှာ ဗုံးနဲ့ တိုက်ခိုက်ခံရတယ်လို့ မန္တလေးမြို့ခံတွေက RFA ကို အောက်တိုဘာလ ၁၉ ရက် ဒီနေ့ပြောပါတယ်။

တိုက်ခိုက်မှုဖြစ်ပြီးနောက် စစ်ကောင်စီတပ်က ၇၃ လမ်းကို လမ်း ၁၀၀ (သိပ္ပံလမ်း) ကစပြီး မင်္ဂလာမန္တလေး အနီးအထိ ပိတ်ဆို့ကာ စစ်ဆေးမှု တွေလုပ်ခဲ့တယ်လို့ မန္တလေးမြို့ခံ တစ်ဦးက RFA ကို ပြောပါတယ်။

"ဖြစ်စဉ်ကတော့ဟုတ်တယ်။ ပြောရမယ်ဆိုရင် အဲဒီလမ်းက လုံခြုံရေးလည်း တင်းကျပ်ထားတာ ဒီလိုမျိုး လွယ်လွယ်နဲ့ ဝင်ဖို့မလွယ်တဲ့လမ်း၊ ဌာနဆိုင်ရာရုံးအများကြီးရှိတယ်။ လုံခြုံရေးလည်း တင်းကျပ်ထားတဲ့ အနေအထားကြီးမှာ မြို့ပြ ပြောက်ကျားပုံစံလုပ်တာမဟုတ်ဘူး”

မန္တလေးမြို့က တရုတ်ကောင်စစ်ဝန်ရုံးကို RFA က တယ်လီဖုန်းနဲ့ ဆက်သွယ်တဲ့အခါ ဖြေကြားဖို့ မဖြစ်နိုင်တဲ့အကြောင်းနဲ့ အီးမေးလ်နဲ့ ဆက်သွယ် မေးမြန်းဖို့ ဖုန်းလက်ခံဖြေကြားသူက ပြောပါတယ်။

ဒါ့ကြောင့် မြန်မာနိုင်ငံဆိုင်ရာ တရုတ်သံရုံးနဲ့ ကောင်စစ်ဝန်ရုံးကို RFA က အီးမေးလ်ကနေတစ်ဆင့် ဆက်သွယ်မေးမြန်းထားပါတယ်။

ဒီအခြေအနေတွေနဲ့ ပတ်သက်လို့ စစ်ကောင်စီရဲ့ မန္တလေးတိုင်း ပြောခွင့်ရသူ စီးပွားရေးဝန်ကြီး ဦးသိန်းဌေးကို RFA ကတယ်လီဖုန်းနဲ့ ဆက်သွယ်ပေမဲ့ လက်ခံဖြေကြားတာ မရှိသေးပါဘူး။

စစ်တပ်အာဏာသိမ်းပြီးနောက် တရုတ်ဟာ စစ်ကောင်စီနဲ့ ပူးပေါင်းနေတယ်ဆိုတဲ့ အကြောင်းပြချက်နဲ့ တော်လှန်ရေးအင်အားစုတွေက ကန့်ကွက်သလို စစ်ကောင်စီရဲ့ နယ်မြေဆုံးရှုံးမှုတွေမှာ တရုတ်က ပါဝင်ပတ်သက်နေတယ်ဆိုတဲ့ စွပ်စွဲချက်တွေနဲ့ စစ်ကောင်စီတပ် ထောက်ခံသူတွေကလည်း ဆန့်ကျင်မှုတွေရှိနေပါတယ်။

လက်ရှိမှာ မန္တလေးမြို့ တရုတ်ကောင်စစ်ဝန်ချုပ်ဟာ မစ္စကောင်းဖျင် ဖြစ်ပါတယ်။ ဒီတိုက်ခိုက်မှုနဲ့ပတ်သက်လို့ စစ်ကောင်စီက တရုတ်ကောင်စစ်ဝန်ရုံးတာဝန်ရှိသူတွေနဲ့ပူးပေါင်းကာ ပေါက်ကွဲတဲ့အကြောင်းအရင်း စိစစ်နေသလို၊ ကျူးလွန်သူတွေကို ဖမ်းဆီးနိုင်ဖို့ စုံစမ်းစစ်ဆေးနေပြီး လုံခြုံရေးတိုးမြှင့်ထားတယ်လို့ အောက်တိုဘာ ၁၉ ရက်ညပိုင်းမှာ သတင်းထုတ်ပြန်ပါတယ်။

(မှတ်ချက်။ ။ စစ်ကောင်စီထုတ်ပြန်ချက်ကို ဖြည့်စွက်ဖော်ပြထားပါသည်။)
_________

မန္တလေးမြို့၊ ချမ်းမြသာစည်မြို့နယ်ရှိ တရုတ်ကောင်စစ်ဝန်ချုပ်ရုံးရှိရာလမ်းကို ၂၀၂၁ ခုနှစ် ဖေဖော်ဝါရီလ ၂၂ ရက်နေ့က တွေ့ရစဉ်။ (Photo: The Mandalay News Journal)

#မန္တလေး #စစ်ကောင်စီ #တရုတ်ကောင်စစ်ဝန်ရုံး #တိုက်ခိုက်ခံရ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

Live stream finished (15 minutes)

Live stream started

ကချင်အထူးဒေသ (၁) ပန်ဝါမြို့ကို KIA သိမ်းပိုက်
~~~
■ ပြည်သူ့စစ်ခေါင်းဆောင် ဦးဇခုန်တိန့်ယိန်း ရဲ့ ကချင်အထူးဒေသ (၁) ဌာနချုပ်ရှိရာ ပန်ဝါမြို့ကို KIAနဲ့ ပူးပေါင်း တပ်ဖွဲ့တွေက အောက်တိုဘာလ ၁၈ ရက် မနေ့က သိမ်းပိုက်လိုက်ပါတယ်။ မြေရှားသတ္တုအဓိကထွက်ရာ ပန်ဝါမြို့သိမ်းတိုက်ပွဲအခြေအနေကို ကိုရဲခေါင်မြင့်မောင် က တင်ပြထားပါတယ်။
___________
#ပန်ဝါ #တရုတ် #နယ်စပ်ဂိတ်ပိတ် #KIA #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

ရခိုင်ရိုးမအစပ်က နေအိမ် သုံးရာခန့်ကို စစ်ကောင်စီက ပြောင်းရွှေ့ဖို့ ညွှန်ကြား
~~~
■ ရခိုင်ရိုးမအစပ်ဖြစ်တဲ့ ဧရာဝတီတိုင်း၊ ရေကြည်မြို့နယ်နဲ့ ရခိုင်ပြည်နယ် ဂွမြို့နယ်က နေအိမ် သုံးရာခန့်ကို နီးစပ်ရာ ရွာတွေမှာ ပြောင်းရွှေ့နေထိုင်ဖို့ စစ်ကောင်စီတပ်တွေက ညွှန်ကြားထားတယ်လို့ ဒေသခံတွေက RFA ကို အောက်တိုဘာလ ၁၉ ရက် ဒီနေ့ပြောပါတယ်။

အဲဒီဒေသခံတွေဟာ ရခိုင်ရိုးမအစပ်မှာ ရွာပုံစံ စုစည်းနေထိုင်ကြသူတွေဖြစ်ပြီး ရခိုင်ပြည်နယ်မှာ အာရက္ခတပ်တော် (AA) နဲ့ စစ်ကောင်စီတပ်တို့ တိုက်ပွဲပြင်းထန်လာပြီးနောက် အခုလို ရွှေ့ပြောင်းခိုင်းတာလည်း ဖြစ်ပါတယ်။

နေထိုင်သူတွေကို အောက်တိုဘာလ ၂၀ ရက်မတိုင်ခင် အပြီးပြောင်းရွှေ့ဖို့ စစ်ကောင်စီတပ်ဘက်က ပြောထားတယ်လို့ အဲဒီအခြေအနေကိုသိတဲ့ လုံခြုံရေးအရ အမည်မဖော်လိုတဲ့ သာပေါင်းမြို့နယ်က ဒေသခံတစ်ဦးက RFA ကို ပြောပါတယ်။

“စစ်တပ်က ရွှေ့ခိုင်းတာ။ မရွှေ့ရင် အဲဒီနေရာတွေ တကယ်လို့ ဗုံးကြဲခဲ့မယ်ဆိုရင် ကိုယ့်ထိုက်နဲ့ ကိုယ့်ကံဆိုပြီးပြောတယ်။ အဲဒီမှာနေကြသူတွေက တောထဲမှာ သစ်ခုတ်၊ ဝါးခုတ်၊ မီးသွေးဖုတ်ကြတဲ့သူတွေ။ စုစုပေါင်းဆို လူတစ်ထောင်ကျော်လောက်ရှိတယ်”

ရခိုင်ပြည်နယ်၊ ဂွမြို့နယ် ရိုးမတောအနီးက ရခိုင်ကွင်းအပါအဝင် အိမ်စု နှစ်ဆယ်ဝန်းကျင်က က ဒေသခံတွေဟာ ဂူကြီး၊ ဂူလေး၊ ဓနိ၊ သစ်ကောက် စတဲ့ရွာတွေကိုပြောင်းရွှေ့ရမဲ့အပြင် သာပေါင်းမြို့နယ်ဘက်ကိုလည်း ပြောင်းရွှေ့ရမယ်လို့ ဆိုပါတယ်။

ရေကြည်မြို့နယ်၊ ရိုးမအစပ်မှာရှိတဲ့ စောပြာ၊ စိမ့်ကြီး စတဲ့ ရွာအသေးနှစ်ဆယ်ဝန်းကျင်ကိုတော့ တောင်စမ်း၊ မြောက်စမ်း စတဲ့ ရွာကြီးတွေကို ပြောင်းရွှေ့ခိုင်းတာလို့ ဒေသခံတွေက ပြောပါတယ်။

စစ်ကောင်စီဟာ ဂွ- ငသိုင်းချောင်း ကားလမ်းတစ်လျှောက်က ရွာတွေကို အဓိက ဖယ်ရှားခိုင်းတာဖြစ်ပြီး အဲဒီနေရာတွေမှာ ရခိုင်ပြည်နယ်က အာရက္ခတပ်တော် (AA) နဲ့ ပြည်သူ့ကာကွယ်ရေးအဖွဲ့တွေ မဝင်ရောက်နိုင်အောင် စစ်ရေးပြင်ဆင်တာတွေလုပ်ဖို့ စီစဉ်နေတာလို့လည်း ဒေသခံတွေက ပြောပါတယ်။

ဒါနဲ့ပတ်သက်ပြီး တုံ့ပြန်ချက်ရဖို့ စစ်ကောင်စီရဲ့ ဧရာဝတီတိုင်းပြောခွင့်ရသူ လူမှုရေးဝန်ကြီး ဦးခင်မောင်ကြည်နဲ့ ရခိုင်ပြည်နယ်ပြောခွင့်ရသူ ဥပဒေချုပ် ဦးလှသိန်းကို RFA က အောက်တိုဘာ ၁၉ ရက်နေ့ ဒီနေ့မှာ ဆက်သွယ်ပေမဲ့ ဖုန်းမကိုင်ပါဘူး။

ဧရာဝတီတိုင်း သာပေါင်း၊ ရေကြည်၊ ကြံခင်းနဲ့ မြန်အောင်မြို့နယ်တွေက သစ်တောကြိုးဝိုင်းနဲ့နီးတဲ့ ရွာတွေမှာ စစ်ကောင်စီတပ်က စစ်ကြောင်းထိုးတာ၊ ကင်းပုန်းဝပ်တာအပြင် စစ်ဆေးရေးဂိတ်တွေပါ တိုးမြှင့်ချထားတယ်လို့ ဒေသခံတွေက ပြောပါတယ်။
_________

ရေကြည်မြို့နယ် ငသိုင်းချောင်းမြို့ရှိ ရေနံ့သာ စစ်ဆေးရေးဂိတ်အား ၂၀၂၀ ပြည့်နှစ် ဩဂုတ်လ ၂၃ ရက်နေ့က တွေ့ရစဉ်။ (Photo: MOI)

#ရခိုင်ရိုးမ #စစ်ကောင်စီ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

ဝမ်းပျက်ရောဂါ ကုသဆေး ကမ္ဘာတစ်ဝန်း ပြတ်လပ်
~~~
■ ဝမ်းလျှော၀မ်းပျက်ရောဂါအတွက် သောက်ဆေး ကမ္ဘာတစ်ဝန်းမှာ ပြတ်လပ်သွားတာကြောင့် ကာလ၀မ်းရောဂါကာကွယ်ရေးလုပ်ငန်း ထိခိုက်နေရတယ်လို့ WHO ကမ္ဘာ့ကျန်းမာရေးအဖွဲ့က သောကြာနေ့က ထုတ်ပြန်ကြေညာတယ်လို့ AFP သတင်းမှာ ဖော်ပြပါတယ်။

အခုလို ဆေးပြတ်သွားခြင်းဟာ ထုတ်လုပ်မှုရပ်သွားလို့မဟုတ်ဘဲ လိုအပ်ချက်များလာတာကြောင့်လို့ ဆိုပါတယ်။

“အောက်တိုဘာ ၁၄ ရက်နေ့မှာ လုံး၀ပြတ်သွားတာ ဘာမှကို မကျန်တော့ဘူး” လို့ ပြီးခဲ့တဲ့ WHO ရဲ့ အခြေအနေတင်ပြတဲ့ အစီရင်ခံစာမှာ ရေးထားပါတယ်။

ပြီးခဲ့တဲ့ စက်တင်ဘာ ၁ ရက်နေ့ကနေ အောက်တိုဘာ ၁၄ ရက်နေ့အတွင်း မြန်မာ၊ ဘင်္ဂလားဒေ့ရှ်၊ ဆူဒန်၊ အီသီယိုးပီးယား၊ နိုက်ဂျာ စတဲ့ နိုင်ငံတွေမှာ ၀မ်းပျက်၀မ်းလျှောရောဂါတွေ ဖြစ်ပွားခဲ့ပြီးနောက် အခုလို ဆေးပြတ်လပ်မှုတွေ ဖြစ်ပွားခဲ့တာပါ။

လက်ရှိမှာ လိုအပ်ချက်အရ ဆေးအမှာစာ ရှစ်သန်းကျော် မှာယူထားပေမဲ့ ခုနစ်သန်းခွဲကျော်ပဲ ပေးပို့နိုင်ခဲ့ပါတယ်။

WHO ရဲ့ စက်တင်ဘာ ၂၉ ရက် ထုတ်ပြန်ချက်အရ ၂၀၂၄ ခုနှစ်အတွင်း ဝမ်းရောဂါဖြစ်ပွားသူ လေးသိန်းခွဲနီးပါး (၄၃၉,၇၂၄) ရှိခဲ့ပြီး သေဆုံးသူက သုံးထောင်ကျော် (၃၄၃၂) ရှိတယ်လို့ ထုတ်ပြန်ထားပါတယ်။
_________

သာကေတမြို့နယ်တွင် ဝမ်းပျက်ဝမ်းလျှော ဖြစ်နေသည့် လူနာတစ်ဦးကို လူမှုကူညီရေးအသင်းမှ ဆေးခန်းသို့ ပို့ဆောင်ရန် ကူညီနေသည်ကို ၂၀၂၄ ခုနှစ် ဇူလိုင်လ ၇ ရက်နေ့က တွေ့ရစဉ်။ (Photo: Facebook/သင်္ခါရဝိမုတ္တိ လူမှုကူညီရေးအသင်း)

#ဝမ်းရောဂါ #ဆေးဝါး #ပြတ်လပ် #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

ဘုတလင်မြို့နယ်က စစ်ဘေးဒုက္ခသည်တွေ စားနပ်ရိက္ခာပြတ်လပ်နေ
~~~
■ စစ်ကိုင်းတိုင်း၊ ဘုတလင်မြို့နယ်က စီပါရွာအပါအဝင် ရွာလေးရွာက နေရပ်စွန့်ခွာထွက်ပြေးနေရတဲ့ စစ်ဘေးဒုက္ခသည် သုံးသောင်းခန့် စားနပ်ရိက္ခာ ပြတ်လပ်နေတယ်လို့ ဒေသခံတွေက RFA ကို အောက်တိုဘာလ ၁၉ ရက် ဒီနေ့ပြောပါတယ်။

နေရပ်စွန့်ခွာထွက်ပြေးရတာ နှစ်ပတ်ကျော်ကြာလာပြီးနောက် အခုလို စားနပ်ရိက္ခာပြတ်လပ်မှုနဲ့ ကြုံနေရတာလို့ ဆိုပါတယ်။

ဒီအပြင် တက်လှိုင်း၊ စီပါ၊ ကျွဲသေချောင်း၊ ဆယ်ဝ စတဲ့ရွာတွေကို အောက်တိုဘာ ၁၆ ရက်ကနေ ၁၈ ရက်အတွင်း စစ်ကောင်စီက စစ်ကြောင်းထိုးပြီး မီးရှို့ဖျက်ဆီးခဲ့တာကြောင့် နေအိမ် နှစ်ရာကျော် မီးလောင်ပျက်စီးသွားတယ်လို့ ဒေသခံတွေက ပြောပါတယ်။

နေရပ်စွန့်ခွာရတဲ့ စစ်ဘေးဒုက္ခသည်တွေဟာ စားနပ်ရိက္ခာပြတ်လပ်မှုအပြင် ကျန်းမာရေး ပြသနာတွေပါ ကြုံနေရတယ်လို့ လုံခြုံရေးအရ အမည်မဖော်လိုတဲ့ စစ်ဘေးဒုက္ခသည် အကူအညီပေးနေသူတစ်ဦးက RFA ကို ပြောပါတယ်။

“နေ့စဉ်နဲ့အမျှ ရက်တွေကြာလာတော့လေ သူတို့ စားနပ်ရိက္ခာတွေ ရှားပါးလာတယ်။ စားနပ်ရိက္ခာ အဆင်မပြေမှုတွေ ကြုံတွေ့ရတယ်ပေါ့နော်။ ရာသီအကူးအပြောင်းဆိုတော့ တချို့ဆိုရင် လောလော လောလောပြေးလာရတာဖြစ်တဲ့အတွက် စောင်တွေဘာတွေ မယူခဲ့ရဘူး။ ရာသီအကူးအပြောင်း မနက်ခင်းပိုင်းအေးတာ ဖြစ်တဲ့အတွက် အဝတ်အစားတွေ ပြီးတော့ အိပ်စရာနေရာတွေ၊ စောင်တွေ လိုအပ်နေတာရှိတယ်”

အောက်တိုဘာလ ၁၉ ရက် ဒီနေ့မှာ စစ်ကောင်စီတပ်သားတွေဟာ စိုင်ပြင်လေးရွာကနေတစ်ဆင့် ညောင်ကန်ရွာကို စစ်ကြောင်းထိုးနေတယ်လို့ ဒေသခံတွေက ပြောပါတယ်။

ဘုတလင်မြို့နယ်မှာ စစ်ကောင်စီတပ်တွေ စစ်ကြောင်းထိုးပြီး ကျေးရွာတွေကို မီးရှို့တဲ့ ဖြစ်စဉ်မျိုးတွေ မရှိသေးဘူးလို့ စစ်ကောင်စီရဲ့ စစ်ကိုင်းတိုင်းပြောခွင့်ရသူ လူမှုရေးဝန်ကြီး ဦးညွန့်ဝင်းအောင်က RFA ရဲ့ မေးမြန်းမှုကို အောက်တိုဘာ ၁၉ ရက် ဒီနေ့မှာ ပြန်လည်ဖြေကြားပါတယ်။

စက်တင်ဘာ ၃၀ ရက်နေ့က ဘုတလင်မြို့နယ်၊ ကူတော်ရွာ စစ်ကောင်စီ အခြေချစခန်းကနေ ထွက်လာတဲ့ စစ်ကြောင်းကို ကာကွယ်ရေး ပူးပေါင်းတပ်ဖွဲ့တွေက ကြားဖြတ်တိုက်ခိုက်ခဲ့တာကြောင့် စစ်ကောင်စီတပ်ဖွဲ့ဝင် သုံးဆယ်ကျော်သေဆုံးပြီး လေးဆယ်ကျော် ဖမ်းဆီးခံရပါတယ်။

အဲဒီနောက် တစ်ကျော့ပြန်စစ်ကြောင်းထိုးမှုအတွင်း ဘုတလင်မြို့အပါအဝင် မြောက်ကြည်နဲ့ တက်လှိုင်းရွာက ဒေသခံ ၁၇ ဦး သတ်ဖြတ်ခံရပါတယ်။
_________

ဘုတလင်မြို့နယ်မှ စစ်ဘေးဒုက္ခသည်များကို ၂၀၂၄ ခုနှစ်၊ မေလ ၂၁ ရက်နေ့က တွေ့ရစဥ်။ (Photo: Facebook/ The Helpers For Spring)

#ဘုတလင် #စစ်ဘေးဒုက္ခသည် #စားနပ်ရိက္ခာပြတ် #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…