Dilmurod Nabiyev

⚡️Universitetning “Lochin” voleybol jamoasi oliy ligada ishtirok etishni rejalashtirmoqda

Qarshi davlat universitetining “Lochin” talaba yigitlar voleybol jamoasi joriy yilda voleybol bo‘yicha O‘zbekiston chempionatida ishtirok etishi borasida dastlabki kelishuvga erishildi. Bu haqda bugun Qarshi davlat universitetiga tashrif buyurgan Ichki ishlar vaziri o‘rinbosari, general-mayor Bekmurod Tojimirzayevich Abdullayev bilan uchrashuvda so‘z bordi. Ayni kunda oliygohning sport faoliyati: voleybol yo‘nalishida 30 nafar talabalar tahsil oladi. Shuningdek, 14 nafar iqtidorli yoshlar “Lochin” voleybol jamoasi tarkibida mashg‘ulot olib bormoqda.

B.Abdullayev bilan muloqotda O‘zbekiston voleybol federatsiyasi tomonidan jamoaning yig‘inlarga tayyorgarlik ko‘rishi, murabbiylar malakasini oshirish borasida amaliy ko‘mak berilishi ma’lum qilindi. Barcha jarayonlardan so‘ng “Lochin” jamoasi oliy liga chempionatida ishtirok etishi uchun murojaat bilan chiqishi va shu asnoda ruxsat berilishiga kelishib olindi.

Ma’lumot uchun, ayni vaqtda Ichki ishlar vaziri, general-leytenant Po‘lat Bobojonov O‘zbekiston voleybol federatsiyasi raisi hisoblanadi.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

🟦🟦🟦

Qadrli Vatan himoyachilari!

Sizlarni O‘zbekiston Respublikasi Qurolli Kuchlari tashkil topganligining 33 yilligi hamda “Vatan himoyachilari kuni” bayrami munosabati bilan chin dildan muborakbod etaman!

Sizlarning yakdil, bir so‘zli, kuchli va ishonchli ekanligingizni hamisha qadrlaymiz. Barchangizga ona Vatan va xalqingiz oldidagi muqaddas burchingizni ado etishdek sharafli, mas’uliyatli ishlaringizda zafar va omad, sihat-salomatlik, kuch-quvvat, matonat tilayman.

Vatanimiz himoyasi sizlardek ishonchli, qat’iyatli va kuchli posbonlarimiz qo‘lida ekanligidan hamisha  faxrlanamiz!

Jonajon O‘zbekistonimiz, xalqimiz, oila-a’zolaringiz, yaqinlaringiz baxtiga doimo sog‘-omon bo‘ling! Yana bir bor bayramingiz qutlug‘ bo‘lsin!

Dilmurod Nabiyev
Qarshi davlat universiteti rektori, professor

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

⚡️YANGI YIL BAYRAMI MUNOSABATI BILAN REKTOR TABRIGI

Muhtaram professor-o‘qituvchilar, aziz talabalar, qadrli ishchi-xodimlar!

O‘tayotgan har bir kunimizning tarix o‘laroq kelajakka ta’siri benihoya katta bo‘ladi, albatta. Yurt va jamiyat taraqqiyotida ham tarixning alohida ahamiyati borligi ko‘p bor ta’kidlangan. Shu nuqtai nazardan, kishilik jamiyatida yaqin va uzoq tarixni sarhisob qilish, xulosalar chiqarishga odatlanilgan. Bunday holat, ayniqsa, yangi yil arafasida yanada ravshan ko‘rinadi.

Haqiqatan, bu bayramning ahamiyati, nafaqat, bayram qilish, o‘zaro kayfiyat ulashish bilan, balki o‘tgan yilning barcha yutuqlari va kamchiliklarini tahlil qilib, yangi yil uchun rejalar tuzishda ham namoyon bo‘ladi. Har bir inson yangi yilga o‘z hayotida yangi sahifa ochish, yangi imkoniyatlar va yutuqlar sari intilish sifatida qaraydi.

Batafsil ushbu ➡️ havolada

Dilmurod Nabiyev
Qarshi davlat universiteti rektori, professor

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#sarhisob_2024

⚡️Yil davomida Qarshi davlat universitetida o‘quv, ilmiy, ma’naviy-ma’rifiy va bunyodkorlik, obodonchilik sohalarida amalga oshirilgan ishlar to‘g‘risida videorolik

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#беш_ташаббус_олимпиадаси #батафсил

⚡️Қарши шаҳри талабалар ўртасидаги оммавий спорт мусобақаларига мезбонлик қилди

10-13 декабрь кунлари Олий таълим, фан ва инновациялар ҳамда Спорт вазирликлари ташаббуси билан Қарши давлат университетида “Беш ташаббус олимпиадаси” доирасидаги олий таълим муассасалари талабалари ўртасида оммавий спорт мусобақаларининг республика финал босқичи бўлиб ўтди. Жорий йилдаги мусобақалар Қарши давлат университети ва вилоятнинг бошқа олий таълим муассасалари мезбонлигида ўтказилди. Тўрт кун давом этган мусобақалар кўплаб иқтидор эгаларини кашф этгани, жамоаларни янада жипслаштиргани, ёшлар ўртасида ҳамжиҳатлик туйғуларини, дўстлик ришталарини янада мустаҳкамлагани билан аҳамиятли бўлди.

Беллашувлар мини футбол, стол тенниси, волейбол, енгил атлетика, стритбол каби спорт турлари бўйича бўлиб ўтди. Финал босқичида умумий ҳисобда 574 нафар спортсевар талаба иштирок этди. Қарши давлат университетида ташкил этилган тақдирлаш маросимида барча ғолиб ва совриндорларга кубок, диплом ва медаллар тантанали топширилди. Тақдирлаш маросимида Олий таълим, фан ва инновациялар ҳамда Спорт вазирликлари, Ёшлар ишлари агентлиги, вилоят ҳокимлиги раҳбар ва масъул ходимлари, олий таълим муассасалари раҳбарлари, талаба-ёшлар иштирок этди. Тадбирда сўз олганлар ушбу олимпиада жисмоний ва маънавий баркамол авлодни тарбиялашда муҳим аҳамиятга эга эканлигини алоҳида таъкидлашди.

Мусобақанинг якуний натижаларига кўра, енгил атлетика бўйича 1-ўрин Бухоро давлат педагогика институти жамоасига насиб этди. Йигитлар ўртасида стол тенниси бўйича 1-ўринни Ўзбекистон давлат жисмоний тарбия ва спорт университети талабаси Шаҳзод Тоштемиров қўлга киритган бўлса, қизлар ўртасида Чирчиқ давлат педагогика университети талабаси Шаҳризода Шариповага тенг келадиган рақиб топилмади. Стритбол мусобақалари ҳам кескин баҳс ва мунозараларга бой тарзда ўтиб, йигитлар ўртасида Ўзбекистон давлат жисмоний тарбия ва спорт университети жамоаси 1-ўринни, қизлар ўртасида эса Фарғона давлат университети жамоаси юқори ўринни эгаллади. Футбол бўйича ўтказилган ўйинларда Ўзбекистон давлат жисмоний тарбия ва спорт университети жамоаси ўйинчиларининг қўли баланд келди. Йигитлар ўртасида бўлиб ўтган волейбол ўйинларида Ўзбекистон-Финляндия педагогика институти жамоаси ғолиб бўлди. Қизлар ўртасида эса Бухоро давлат университети волейболчи қизлари устунликка эришди. Мезбон Қарши давлат университети талаба йигитлари мини-футбол беллашувларида кумуш медалга сазовор бўлган бўлса, қизлар ўртасида ўтказилган волейбол мусобақасида университет жамоаси бронза медални қўлга киритди.

Қарши давлат университети бу каби йирик мусобақаларга илк бора мезбонлик қилмоқда. Шу боис, ушбу мусобақа шарафига университетда “Зиёлилар боғи” ҳам барпо этилди. “Беш ташаббус олимпиадаси” республика финал босқичи мусобақалари якунига бағишланган тантанали маросимга ташриф буюрган юртимиздаги олий таълим муассасалари ректорлари “Яшил макон” умуммиллий лойиҳаси доирасида “Зиёлилар боғи”га кўчат экиш тадбирида иштирок этди. Меҳмонлар томонидан олийгоҳнинг белгиланган ҳудудида маҳаллий иқлим шароитига мос мевали дарахт кўчатлари экилди. Яхши ниятлар билан барпо этилган ушбу мўъжаз боғ келгусида олий таълим муассасаси ҳудудини янада гўзал ва бетакрор яшил масканга айлантириши шубҳасиздир.

👉@rektor_qarshidu

Qarshi davlat universitetida “Ziyolilar bog‘i” barpo etildi

“Besh tashabbus olimpiadasi” respublika final bosqichi musobaqalari yakuniga bag‘ishlangan tantanali marosimga tashrif buyurgan yurtimizdagi OTM rektorlari “Yashil makon” umummilliy loyihasi doirasida ko‘chat ekish tadbirida ishtirok etdilar.

Mehmonlar tomonidan oliygohning belgilangan hududida mahalliy iqlim sharoitlariga mos mevali daraxt ko‘chatlari ekildi.

Yaxshi niyatlar bilan ziyolilar va ilm ahli tomonidan barpo etilgan ushbu mo‘jaz bog‘ kelgusida universitet hududini yanada go‘zal va betakror yashil maskanga aylantirishi shubhasizdir.

👉@rektor_qarshidu

#rektor_tabrigi

🇺🇿 8-dekabr — O‘zbekiston Respublikasi Konstitutsiyasi qabul qilingan kun!

Konstitutsiya milliy davlatchiligimiz, suverenitetimiz, shu kunga qadar erishgan barcha yutuq va marralarimiz, demokratik huquqiy davlat barpo etish yo‘lidagi sa’y-harakatlarimizning mustahkam poydevori hisoblanadi.

Bosh qomusimizning 32 yilligi yurtdoshlarimizga muborak bo‘lsin, barchaga farovonlik, omad, sog‘lik va oilaviy baxt tilayman.Yurtimiz tinch, osmonimiz musaffo, xalqimiz omon bo‘lsin!

Har birimiz ona Vatanimiz ravnaqi uchun hissa qo‘shishda davom etaylik!

Dilmurod Nabiyev
Qarshi davlat universiteti rektori, professor

👉@rektor_qarshidu

#Davlat_bayrog'i
#33yil

🇺🇿O‘zbekiston Respublikasi Davlat bayrog‘i qabul qilinganligining 33 yilligi munosabati bilan Qarshi davlat universiteti rektori, professor D.Nabiyevning bayram tabrigi

Aziz yurtdoshlar!

Avvalambor barchangizni O‘zbekiston Respublikasi davlat bayrog‘i qabul qilinganligining 33 yilligi bilan chin qalbimdan tabriklayman.
O‘zbekiston nomi jaranglagan har bir tadbirda Davlat bayrog‘i baland ko‘tarilib, vatandoshlarimiz qalbida shu yurt, shu vatan farzandi ekanligidan iftixor hissini oshirib kelmoqda.

Davlatimiz rahbari sharafiga boshqa davlatlarda yurtimiz bayrog‘i ko‘tarilganda, xorij safarlarida, o‘zga davlatlar hududida O‘zbekiston bayrog‘ini ko‘rganimizda, nufuzli xalqaro sport anjumanlarida mamlakatimiz bayrog‘i hilpiraganda, vatan hissini yurakdan tuygan har bir inson borki, yurt bayrog‘ini muqaddas bilib, uning hurmat va sharafini chin qalbdan e’zozlaydi. Zero, milliy bayrog‘imiz – mamlakatimizning suverenitetining oliy ramzi bo‘lib, xalqaro musobaqalarda O‘zbekiston Respublikasining timsoli sifatida namoyon bo‘ladi.

Ana shunday lahzalarda qalbimizda shu bayroqqa, uning timsoliga ona Vatanimizga bo‘lgan cheksiz hurmat, chuqur daxldorlik hissi jo‘sh o‘radi. Dunyoda millatlar ko‘p, xalqlar va davlatlar ko‘p, lekin O‘zbekiston bitta. Uning bayrog‘i ham yagona. Ana shu bayroq ostida davlatimiz rahbari rahnamoligida xalqimiz uchun hech kimdan kam bo‘lmagan hayot barpo etish yo‘lida ezgu maqsadlar sari olg‘a boraveramiz.

Qadrli do‘stlar!

Siz azizlarni yana bir bor O‘zbekiston Respublikasi davlat bayrog‘i qabul qilinganligining 33 yilligi munosabati bilan chin dildan muborakbod etaman.

👉@rektor_qarshidu

#xushxabar

⚡️Sifatli ta'lim: Endi universitet diplomi xalqaro darajada tan olinadi

Xabaringiz bor, 2024-yil sentyabr oyida ENQA – Oliy ta’lim sifatini ta’minlash bo‘yicha Yevropa assotsiatsiyasi a’zoligiga ega “IAAR” mustaqil akkreditatsiya va reyting agentligi tashqi ekspert komissiyasi Qarshi davlat universitetining ta’lim faoliyati sifati va samaradorligini jahon standartlari va mezonlariga muvofiqligini baholadi.

Baholash natijasiga ko‘ra, universitetning “60230100 - Filologiya va tillarni o‘qitish (ingliz tili)” bakalavr ta’lim dasturi 5 yil muddatga xalqaro akkreditatsiyadan muvaffaqiyatli o‘tdi.

Ta’kidlash joiz, xalqaro akkreditatsiyadan o‘tganlik to‘g‘risidagi guvohnoma ta’lim va xizmatlarning sifati, ularning xalqaro talablarga muvofiqligi kafolatlarini tasdiqlaydi va ushbu dastur bo‘yicha oliy ta’lim to‘g‘risidagi diplom butun dunyoda tan olinadi. Ma'lumot o‘rnida, kelgusida Qarshi davlat universitetining boshqa ta'lim yo‘nalishlarini ham xalqaro akkreditatsiyadan o‘tkazish rejalashtirilmoqda.

Ushbu muvaffaqiyat bilan universitet jamoasini tabriklaymiz!

👉@rektor_qarshidu

#ректор_табриги

Ҳурматли тиббиёт ходимлари!

Мана бир неча йилдирки, ноябрь ойининг иккинчи якшанбаси мамлакатимизда "Тиббиёт ходимлари куни" сифатида нишонланади.

Шифокорлик касби – энг машаққатли ва шу билан бирга шарафли касблардан бири ҳисобланади. Чунки, маҳорат, малака, маъсулият инсонларнинг ҳаёти ва тақдирида муҳим ўрин эгаллайди.

Давлатимиз раҳбарининг 2020 йил 12 ноябрдаги ПФ-6110-сонли Фармони билан университетимизда 2021-2022-ўқув йилидан бошлаб Тиббиёт факультети ташкил этилди ва ҳозирда 778 нафар бўлғуси шифокорлар таҳсил олмоқда.

Ўқув дастурларидан келиб чиққан ҳолда қиймати салкам 4 млрд сўмлик дарслик, атлас, адабиётлар ва ўқув лаборатория жиҳозлари харид қилинди. Шунингдек, Қарши шаҳрида жойлашган 18 та тиббиёт муассасаларида талабалар  амалиёт ўтамоқда.

Бир сўз билан айтганда, келгусида вилоятимизда малакали шифокорлар етиштириш учун мустаҳкам пойдевор қўйилди.

Сизларни касб байрамингиз – Тиббиёт ходимлари куни билан табриклаб, барчангизга сиҳат-саломатлик, шарафли ва масъулиятли фаолиятингизда улкан ютуқ ва омадлар, хонадонларингизга файзу барака тилайман.

Дилмурод Набиев
Қарши давлат университети ректори, профессор

👉@rektor_qarshidu

#xalqaro_reyting #xushxabar

Nufuzli xalqaro QS reyting tashkiloti Osiyo Universitetlarining 2025-yil uchun (QS Asia University Rankings - 2025) reyting natijalarini e’lon qildi.

Quvonarlisi, Qarshi davlat universiteti ushbu xalqaro reytingda yuqori natija ko‘rsatib, mintaqadagi yetakchi universitetlar qatoridan joy oldi.

Jumladan, natijalarga ko‘ra, Qarshi davlat universiteti QS Osiyo reytingida 825-o‘rinni, Markaziy Osiyo universitetlari orasida esa 55-o‘rinni egalladi.

Ushbu yuksak natija bilan universitet jamoasini chin dildan qutlaymiz!

👉@rektor_qarshidu

🏆Лочин жамоаси қаторасига учинчи марта вилоят кубогини қўлга киритди

Бугун вилоят кубогининг финал баҳсини кўпчилик қатори бевосита стадионда катта ҳаяжон билан кузатдим. Учрашувдан аввал футболчиларни руҳлантирар эканман, ғалаба учун майдонда бор кучларини бериб ўйнашларини таъкидладим.

Шукрки, жамоамиз Қарши туманининг Бешкент жамоаси устидан йирик ҳисобда (4-2) муваффақият қозониб, вилоят кубогини учинчи бор бошлари узра баланд кўтаришди. Лочин жамоаси ташкил этилганига кўп вақт бўлмади, аммо қўлга киритаётган ютуқлари кўпчиликнинг ҳавасини келтириши аниқ.

Такрорлашдан чарчамайман: жамоамизнинг келажагига ишонамиз ва қўллаб-қувватлашда давом этамиз. Футболга мухлисликнинг маъноси ҳам шунда. Бугунги ғалаба билан университет жамоасини ва барча футбол ихлосмандларини самимий табриклайман. Муваффақиятлар бардавом бўлсин! Олға Лочин!

👉@rektor_qarshidu

#taqdimot

Qashqadaryoda ilk bor to‘liq nemis standartiga asoslangan kasbiy ta’lim tizimi joriy qilinadi

Qarshi davlat universitetida "Qashqadaryo viloyatida nemis standartiga asoslangan kasbiy ta’lim tizimni joriy etish" yuzasidan taqdimot o‘tkazildi. Unda Oliy ta’lim, fan va innovatsiyalar vaziri Q.Sharipov, viloyat OTM rektorlari ishtirok etdi. Taqdimotda viloyat Oliy ta’lim, fan va innovatsiyalar boshqarmasi boshlig‘i O.Mavlonov ushbu yo‘nalishda Qashqadaryoda amalga oshirilayotgan ishlar bo‘yicha batafsil ma'lumot berdi.

Ma'lum qilinishicha, Germaniyaning Leypsik shahar Hunarmandchilik palatasi va Avestos kompaniyasi bilan hamkorlikda G‘uzor tuman va Shahrisabz shahar 1-son politexnikumlarida nemis ta’limi standartiga asoslangan kasbiy ta’lim tizimi joriy qilindi.

Loyiha doirasida 8 nafar o‘qituvchilar Metallar texnologiyasi hamda Bino va inshootlar qurilishi kasbi bo‘yicha Germaniyada malaka oshirdilar. Joriy yilning sentyabr oyida germaniyalik ekspertlar ta’lim muassasalariga tashrif buyurib, nemis ta’lim standarti asosida o‘qitishga ruxsat beruvchi guvohnomalarni topshirdilar.

Endilikda mazkur loyiha doirasida o‘qishni muvaffaqiyatli tamomlagan politexnikum bitiruvchilariga Germaniya Hunarmandchilik palatasi va Oliy ta’lim, fan va innovatsiyalar vazirligi tomonidan diplomlar beriladi.

Muloqotda Oliy ta’lim, fan va innovatsiyalar vaziri Q.Sharipov mazkur istiqbolli loyihani yurtimizning barcha viloyatlarda joriy qilish lozimligini qayd etdi.

👉@rektor_qarshidu

☘️#yashil_makon

Shu kunlarda Oliy ta’lim, fan va innovatsiyalar vaziri Qo‘ng‘irotboy Sharipov Qashqadaryo viloyatida joylashgan oliy ta’lim muassasalarida olib borilayotgan ishlarni ko‘zdan kechirmoqda. Bugun Qo‘ng‘irotboy Sharipov Qarshi davlat universitetida bo‘lib, “Yashil makon” umummilliy loyihasi doirasida ko‘chat ekdi.

Xalqimizda “Yaxshidan bog‘ qoladi” degan naql bejizga aytilmagan. Ekilgan nihollar, kelajakda unib-o‘sib universitet hududiga ko‘rk bag‘ishlashi bilan bir qatorda, atrof-muhit ekologiyasining yaxshilanishiga ham hissa qo‘shadi.

👉@rektor_qarshidu

🇺🇿Bayrog‘im - g‘ururim, faxrim! Qarshi davlat universitetida ulkan bayroq qad rostladi

O‘zbekiston suverenitetini belgilaydigan ramzlar orasida Davlat bayrog‘i alohida o‘rin tutadi. Mustaqilligimiz timsoli bo‘lgan milliy bayrog‘imizning davlat idoralari, o‘quv yurtlari, O‘zbekiston a’zo bo‘lgan xalqaro tashkilotlar, xorijdagi elchixona va vakolatxonalarimiz binosida hilpirab turishi, turli bayram va tadbirlarda, nufuzli sport musobaqalarida Vatanimizning sha’ni, xalqimizning g‘ururini o‘zida namoyon etishi barchamizga iftixor baxsh etib, qalblarimizni yayratadi.

Qarshi davlat universitetida kirish qismida maxsus maydon hozirlanib O‘zbekiston davlat bayrog‘i o‘rnatildi. Bayroq o‘rnatilgan ustunning balandligi 15 metr, bayroqning uzunligi 6 metr, eni esa 3 metrga teng bo‘lib, universitet ko‘rkiga ko‘rk qo‘shgan holda uzoq masofadan yaqqol ko‘zga tashlanib turadi. Mag‘rur hilpirayver, yurtim bayrog‘i!

👉@rektor_qarshidu

#e'tirof

Oliy taʼlim, fan va innovatsiyalar vazirining buyrug'i bilan Qarshi davlat universiteti rektori, professor Nabiyev Dilmurod Xamidullayevich “Oliy taʼlim a'lochisi” ko'krak nishoni bilan taqdirlandi.

Qarshi davlat universiteti jamoasi nomidan Dilmurod Xamidullayevichni ushbu yuksak e'tirof bilan samimiy qutlaymiz! Muvaffaqiyatlar bardavom bo‘lsin!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#rektor_tabrigi

📔 21-oktyabr — O'zbek tiliga davlat tili maqomi berilgan kun!

Avvalombor barchangizni bugungi ayyom - O‘zbek tiliga Davlat tili maqomi berilganligining o‘ttiz besh yilligi bilan samimiy muborakbod etaman!

Til - insoniyatga in’om etilgan buyuk ne’mat! U xalq tarixi, ruhiyati, o‘zligini ifodalaydi. Binobarin, betakror madaniy-ma’rifiy boyliklar, asriy qadriyatlar shu tushunchaga payvandlanadi.

Yer yuzida tillar ko‘p, lekin har bir xalq uchun o‘z tili aziz va muqaddas, davlat tili – milliy mustaqillikning timsoli, jamiyat ko‘zgusi va davlat ramzi sanaladi.

O‘zbek tili xalqimizning shu kungacha qo‘lga kiritgan yutuqlaridan eng zalvorlilari qatorida deya, hech shubhasiz, milliy tilimizni e’tirof etsak bo‘ladi.

Ona tilimizning so‘nmas ziyosi ongu tafakkurimiz, qalblarimizni hamisha yoritib tursin!

Dilmurod Nabiyev
Qarshi davlat universiteti rektori, professor

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#vazir_tashrifi

Bugun Qarshi davlat universitetiga Raqamli texnologiyalar vaziri Sh.Shermatov tashrif buyurdi. Vazir dastlab joriy yil mart oyida universitetda tashkil etilgan “Us High Quality International Logistics Service” IT-Park rezidenti faoliyati bilan tanishdi.

Hozirda ushbu Logistika Call markazida 10 ta yangi ish o‘rinlari yaratilgan bo‘lib, mahalliy va masofaviy IT-xizmatlar eksporti amalga oshiriladi.

Tanishuvning navbatdagi manzili universitet Inkubatsiya markazi bo‘ldi. Sh.Shermatov iqtidorli talabalar tomonidan taqdim etilgan innovatsion loyihalar bilan tanishar ekan, ularni amalga oshirish imkoniyatlari, istiqboli bo‘yicha tegishli tavsiyalar berdi.

👉@rektor_qarshidu

#bayram_muborak_bo‘lsin

⚡️1-OKTABR – O‘QITUVCHI VA MURABBIYLAR KUNI MUNOSABATI BILAN REKTOR TABRIGI

Muhtaram professor-o‘qituvchilar, ustoz va murabbiylar!

Dunyo tamadduniga ulkan hissa qo‘shgan allomalar borki, ularning barchasi inson komilligining omilini ilmu ma’rifat deb bildilar va shunday uqtirdilar.

Bu borada ulug‘ ajdodimiz Ahmad Yugnakiy shunday o‘git berganlar:
Bilim bilan saodat yo‘li ochiladi, shunga ko‘ra,
ilmli bo‘l, baxt yo‘lini izla.

Haqiqatan, saodat manziliga ilmdan o‘zga yo‘l yo‘q. Ilm sababidan siyratimiz yuksaladi, ruhimiz quvvat oladi, tafakkurimiz kengayadi.

Tabrik matnining to'liq shakli 👉🏻 bu yerda

Dilmurod Nabiyev
Qarshi davlat universiteti rektori, professor

👉@rektor_qarshidu

🟦🟦🟦🟦🟦🟦🟦

⚡️Turkiya – O'zbekiston ta'lim forumi doirasida rektor Dilmurod Nabiyev muhim kelishuvlar olib bordi

Xabar berilganidek, Turkiyada boʻlib oʻtayotgan Turkiya-Oʻzbekiston uchinchi taʼlim forumi doirasida Qarshi davlat universiteti rektori D.Nabiyev Turkiyaning Ege universiteti rektori Necdet Budak va Marmara universiteti rektori Mustafa Kurt bilan uchrashdi.

Samimiy muloqotlarda tibbiyot va muhandislik-texnika ta’lim yo‘nalishlari bo‘yicha hamkorlik qilish, oʻzaro professor-oʻqituvchilar va talabalar almashinuvini yanada rivojlantirish, birgalikda ilmiy izlanishlar olib borish kabi qator masalalar muhokama qilindi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#O‘zbekiston #Turkiya
#Ta'lim_forumi #Live

Joriy yilning 27-28-sentyabr kunlari Turkiya davlatida "III Turkiya-O‘zbekiston ta'lim forumi" o‘tkazilmoqda. Mazkur forumda O‘zbekiston delegatsiyasi tarkibida Qarshi davlat universiteti rektori, professor D.Nabiyev ham ishtirok etmoqda.

Forum doirasida universitet rahbari D.Nabiyev Istanbulning Marmara va Izmirning Ege universitetlari rektorlari bilan uchrashuv o‘tkazdi. Tafsilotlar biroz keyinroq...

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#rektor_tabrigi

Assalomu alaykum, hurmatli ustozlar! Qadrli hamkasblar!
Aziz talabalar!

Avvalo, yangi – 2024/2025-o‘quv yilining boshlanishi va talabalik baxtiga musharraf bo'lgan yoshlarni chin dildan qutlayman.

Bilim barcha eshiklarning kaliti, muvaffaqiyatning asosidir. Bugungi kunda yurtimizda ilmga juda katta e’tibor qaratilmoqda va bularning barchasi barkamol yoshlarni tarbiyalab, yetishtirishga qaratilgan.

Talabalik buyuk imkoniyatlar davri hisoblanadi. Undan unumli foydalaning, yangi bilimlarga intiling, do‘stlar orttiring, kelajak uchun rejalar tuzing va har bir lahzani qadrlang. Sifatli taʼlim sizning tirishqoqliginingiz, ilmga erishish yo‘lidagi sobitligingiz bilan chambarchas bog‘liqligini unutmang!

Yangi o‘quv yilida sizga omad va muvaffaqiyat yor bo‘lishini tilayman.

Nabiyev Dilmurod Xamidullayevich
Qarshi davlat universiteti rektori, iqtisodiyot fanlari doktori, professor

👉@rektor_qarshidu

Яшасин Ўзбекистон Республикаси! Яшасин Ўзбекистон халқи!
—
Да здравствует Республика Узбекистан! Да здравствует народ Узбекистана!

Prezident.uz|Facebook|Instagram|YouTube|X

#bayram_muborak

⚡️Bir bo‘lsak – yagona xalqmiz, birlashsak – Vatanmiz!

Qadrli hamkasblar, aziz talabalar!

“Erk – manzilmas. Erk – yo‘ldir...”, deganida naqadar haq so‘zni aytgan edi O‘zbekiston xalq shoiri Usmon Azim. Darhaqiqat, hurlik bu – doim kurash, mehnat va mashaqqat, intilish bilan bosib o‘tiladigan va uning natijasida yangidan yangi marralar zabt etiladigan nihoyasiz yo‘ldir.

Vatanimiz ham bugungi hurlik shabadasining esishi uchun uzoq kurashlarga to‘la shonli yo‘lni bosib o‘tdi. Ushbu yo‘lning Vatan uchun qanchalar qimmatga tushganini ko‘rgan ota-bobolar mustaqillik haqida gapirilganda ko‘zlariga yosh oladilar, bu ne’matning qadriga yetish haqida uzoq so‘zlaydilar.

Batafsil: https://qarshidu.uz/oz/news/899-bir-bolsak-yagona-xalqmiz-birlashsak-vatanmiz

Dilmurod Nabiyev
Qarshi davlat universiteti rektori, professor

👉@rektor_qarshidu

https://uza.uz/uz/posts/talabalar-uchun-yana-bir-qulaylik_620790

#talabalarga_qulaylik

Bugun Oliy ta’lim, fan va innovatsiyalar vaziri Qo‘ng‘irotboy Sharipov Qarshi davlat universitetida bo‘lib, Turizm amaliyot markazisining ochilish marosimida ishtirok etdi.

Ushbu markaz Turizm va mehmondo‘stlik ta’lim yo‘nalishining bakalavr va magistrantlari uchun xizmat ko‘rsatish sohasida nazariy bilimlarini amaliyotda qo‘llash imkoniyatini yaratadi. Ta’kidlash joizki, markaz 4 yulduzli darajadagi mehmonxona andozasida bunyod etilgan bo‘lib, mehmonlarni kutib olish, joylashtirish, umumiy ovqatlantirish xizmatlarini o‘z ichiga oladi. Shuningdek, markazdan anjumanlar zali va o‘quv xonasi ham o‘rin olgan.

👉@rektor_qarshidu