Adpi.uz | Rasmiy kanal

Institutda “Zakovat quiz” intellektual o‘yini bo‘lib o‘tdi

Andijon davlat pedagogika institutida talabalar turar joyida yashovchi talabalarning bo'sh vaqtlarini mazmunli o'tkazish maqsadida "Zakovat" nodavlat notijorat tashkiloti bilan hamkorlikda "Zakovat Quiz" intellektual o'yini tashkil etildi. Qiziqarli va murosasiz kechgan o'yinda "Turon" jamoasi faxrli 1-o'rinni egalladi, 2-o'rin "Iqro" jamoasiga, 3-o'rin esa "Iqtidorsiz talabalar" jamoasiga nasib etdi.

Bunday intellektual o'yinlar talabalar orasida bilim va tafakkurni rivojlantirish, jamoaviy ishlash ko'nikmalarini oshirish hamda bo'sh vaqtlarini mazmunli o'tkazishga xizmat qiladi. Institutda "Zakovat" o'yinlari muntazam ravishda o'tkazilib, talabalarning intellektual salohiyatini yuksaltirishga alohida e'tibor qaratilmoqda.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

🟦🟦🟦🟦🟦🟦

"Maʼrifat ulashib" loyihasi doirasida kinofilm namoyish qilindi

"Ma'rifat ulashib" loyihasi doirasida 21-noyabr kuni Andijon davlat pedagogika institutida adiblarning hayoti va ijodiga bag'ishlangan kinofilmlar namoyishi o'tkazildi. Ushbu tadbir 3-dekabr kuni bo'lib o'tadigan katta adabiyot bayrami va adiblar hamda talaba-yoshlar uchrashuviga tayyorgarlik sifatida tashkil etildi.

Kinofilmlar namoyishi orqali talabalar adiblarning ijodiy faoliyati bilan yaqindan tanishib, ularning asarlari va hayotiy tajribalaridan ilhom oldilar. Bu kabi tadbirlar yoshlarning adabiyotga bo'lgan qiziqishini oshirish va ularni milliy madaniyatimizga yaqinlashtirishga xizmat qiladi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

"Psixologiya bilan dunyoni qayta anglaymiz!" mavzusida ma'naviy-ma'rifiy tadbir tashkil etildi

22-noyabr kuni "Xalqaro psixologlar kuni" munosabati bilan Pedagogika va psixologiya kafedrasi o‘qituvchisi Z. Alisherova boshchiligida Pedagogika yo‘nalishi talabalari ishtirokida "Psixologiya bilan dunyoni qayta anglaymiz" mavzusida ma'naviy-ma'rifiy tadbir tashkil etildi.

Tadbir davomida psixologiyaning inson hayotidagi o‘rni, uning jamiyat taraqqiyotiga qo‘shayotgan hissasi hamda shaxsiy rivojlanishdagi ahamiyati haqida so‘z yuritildi. Talabalar tomonidan psixologik treninglar, amaliy mashg‘ulotlar va qiziqarli o‘yinlar o‘tkazildi.

Shuningdek, tadbirda psixologiya fanining rivojlanish tarixi, uning zamonaviy yo‘nalishlari va amaliyotdagi qo‘llanilishi haqida ma'lumotlar berildi. Bu kabi tadbirlar talabalarning psixologiya faniga bo‘lgan qiziqishini oshirish, ularning nazariy bilimlarini amaliyotda qo‘llash ko‘nikmalarini rivojlantirishga xizmat qiladi.

Tadbir yakunida ishtirokchilar psixologiya fanining inson hayotidagi ahamiyati va uning jamiyatdagi o‘rnini yanada chuqurroq anglab yetishdi. Bunday ma'naviy-ma'rifiy tadbirlar talabalarning kasbiy va shaxsiy rivojlanishiga ijobiy ta'sir ko‘rsatadi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube