Олтин воҳа

⚡️⚡️⚡️

2025 йил юртимизда “Атроф-муҳитни асраш ва “яшил” иқтисодиёт йили” деб эълон қилинди.

@oltin_voha

⚡️⚡️⚡️

Президент Шавкат Мирзиёев Ўзбекистон Республикаси Бош вазири лавозимига Абдулла Арипов номзодини кўрсатди.

“Абдулла Арипов катта ташкилотчилик салоҳиятига эга бўлган, ижро ҳокимияти тизимида бой билим ва тажриба орттирган, масъулиятни доимо чуқур ҳис этадиган раҳбар”, деди давлат раҳбари.

@oltin_voha

Ўзбекистон ҳукумати истеъфо берди

Бош вазир Абдулла Арипов тегишли қарорни имзолади.

@oltin_voha

ТЕЛЕГРАМДА ФИРИБГАРЛАР ТОМОНИДАН ЯНА БИР ВИРУС ТАРҚАТИЛМОҚДА!

❗️Бу хабарда сизга телеграм премиум 1 йилга бепул подаркага берилди, деб ёзилган. Аслида ссылкани боссангиз, сизнинг профилингизга вирус тушади.

Ҳушёр бўлинг, ҳеч ким сизга бекорга совға бермайди.

Бу хабарни яқинларга жўнатиб, огоҳлантириб қўйинг.

@oltin_voha

#Айни_дамда

Янгийўл шаҳри ҳокими ишдан олинди

Тошкент вилояти ҳокими Зойир Мирзаевнинг тегишли қарори билан Янгийўл шаҳри ҳокими Султанов Дилшод Шухратович лавозимидан озод этилди.

@oltin_voha

⚡️⚡️⚡️

"Бюджетни болалар ҳисобидан тўлдирмоқчимисизлар?"

Расул Кушербаев мактаб дарсликлари учун ижара пули жорий этиш таклифини кескин танқид қилди ва баъзи вазирларга аччиқ гапирди.

@oltin_voha

❄️❄️❄️

Қор ёғяпти. Биринчи қор муборак бўлсин!😘

@oltin_voha

#Кайфият

Жонли ижрони соғинганлар учун махсус – "Ёшлик" студиясида янги қўшиқ.

🎵Қўшиқ номи: "Сен мендан кетдинг".
🎙Ижро: Авазбек Усмонов
✍️Шеър: Мирзо Озод
🎹Мусиқа: Аҳрорхон Ибрагимов

@oltin_voha

#Бехабар_қолманг

Оҳангарон туманида "Янги Ўзбекистон" массиви қурилади

✅Лойиҳага кўра, ушбу массив Оҳангарон туманининг "Ўзбекистон" МФЙ ҳудудидаги 36 гектар ер майдонида бунёд этилади.

🏗2026-2029 йилларда қурилиши мўлжалланган "Янги Ўзбекистон" массивида 30 та 7 қаватли (1-қавати нотурар), 51 та 9 қаватли, жами 3 784 хонадонли турар жой бинолари қад ростлайди.

‼️Шунингдек, массивда 1500 ўринли умумтаълим мактаби, 1500 ўринли мактабгача таълим ташкилоти, оилавий шифокорлик пункти, бизнес марказ, меҳмонхона, конгресс зали, парк объектлари қурилиши режалаштирилган.

@oltin_voha

Тошкент вилоятидан сенаторлар сайланди

Бугун Тошкент вилоятида халқ депутатлари вилоят, туман ва шаҳар кенгашларининг қўшма йиғилиши бўлиб ўтди. Унда Тошкент вилоятидан Сенат аъзоларини сайлаш масаласи кўриб чиқилди:

➖вилоят ҳокими Зойир Мирзаев,

➖Олмалиқ кон-металлургия комбинати бошқаруви раиси Абдулла Хурсанов,

➖Ёзувчилар уюшмаси вилоят бўлими раиси Маҳмуд Тоиров,

➖ тадбиркор Малика Қодирхонова Сенат аъзоси этиб сайланди.

Уларнинг барчаси ўтган таркибдаги Сенат аъзолари эди.

@oltin_voha

#Вакансия #дайжест

📣Хорижда ишлашни хоҳловчилар диққатига!

💼 Чет давлатларда ишлаш истагида бўлган фуқаролар мазкур бўш иш ўринлари тўғрисида маълумотга эга бўлиши мумкин.

🇺🇿Туркияда темирчи, қолипчи, ғишт терувчилик бўйича бўш иш ўринлари. Ойлик маош 950 АҚШ доллари.

🇺🇿Литвада товуқ гўшти маҳсулотларини ишлаб чиқариш корхонасидаги бўш иш ўринлари. Ойлик маош 1000 евро.

🇺🇿Германиянинг "CLAAS" концерни филиалларига механика соҳаси мутахассислари ишга қабул қилинади.

🇺🇿Японияда қурилиш ишлари бўйича ишчи-ходимлар талаб этилади. Ойлик маош 180600 иена-1200 АҚШ доллари (brutto).

🇷🇺 Россия Федерациясининг бир нечта корхоналарида вакансиялар мавжуд:

🇺🇿ООО "Сопа групп" қурилиш корхонаси. Ойлик маош 70-100 минг рубль.

🇺🇿АО "СТАЛЬМОСТ" ташкилоти Тюмен ва Ярославл шаҳарларига  кўприк металл конструкцияларини ишлаб чиқариш йўналишида бўш иш ўринларини эълон қилмоқда.

🇺🇿ООО "СПАР Мидл Волга" қандолатчилик маҳсулотлари ишлаб чиқариш корхонасидаги мабжуд бўш иш ўринлари. Ойлик маош 70-90 минг рублгача.

🇺🇿 "ДАТ Энерго" логистика корхонаси ишчи-ходимларни бўш иш ўринларига таклиф этади. Ойлик маош 80 минг рублдан бошланади.

Yoshlar kundaligi

#Биласизми

Антарктидага борган биринчи ўзбек ким?

🇺🇿 Ўзбеклар орасида Антарктида қитъасига биринчилардан бўлиб Ўзбекистон Республикаси байроғини ўрнатган киши халқаро спорт журналисти Санъат Шариповдир. У 2014 йилнинг февраль ойида Антарктидага борган.

📌Аёллар орасида илк бор Антарктида қитъасига бориб, байроқ қадаган ўзбек Шаҳноза Низамова бўлиб, у 2020 йил февраль ойида Антарктидага борган.

📹Видеода: блогер Абдураҳмон Фозилов Ўзбекистон ва қўшни қардош халқлар байроғини Антарктидага ўрнатмоқда. Фахрландим...

@oltin_voha

#Аҳволимиз

«ТЎЙЧИБОЙ»

Тўйчибой тўй қиладиган бўлди: суннат тўй...
«Сабзи тўғрар»га келган маҳалла оқсоқоллари «юз кило гуруч дамлаш шартми, ўзингизни қийнамай қўя қолинг», деган эди, астойдил хафа бўлди:
— Нима, мен одаммасманми? ўзимга яраша орзу-ҳавасим бор, улфатларим бор... Мен ҳам юртнинг ошини еганман...

...Шундай бўлди... Юз кило эмас, юз йигирма кило ош дамланди...
Тонг отмасдан ҳофизлар ҳониш қилди... Гурас-гурас одамлар келди...
Тўйчибой «юз йигирма кило ошнинг тагида бир капгир қолмаганини» гапириб юрди...

...Икки ҳафталардан кейин уйида қий-чув бўлиб қолди. Ўзи бақирган, хотини додлаган...
Ҳарқалай, қўшни... Чиқдим.
Қарасам, Тўйчибой ток сўри тагида турибди. Кўзлари бежо.
Нуқул бир гапни такрорлайди: «Ўзимни ўлдирсам қутиламанми? Ўлиб кетсам қутиламанми, санлардан?!»

Янга нарироқда шумшайиб турибди.
— Тўй қиламан деб бўғзимгача қарзга ботдим! — деди қўшним чинқириб. — Мени хонавайрон қилмоқчимисан?!.. Ўзимни ўлдириб қўя қолай!..
Янга мени кўриб бир қадар таскин топди, шекилли эрини юпатди:
— Қўйинг, дадаси, ўзингизни босинг... — Кейин айвон томонга қараб мушт дўлайтирди. — Сан, қиз ўлгурга қачон ақл киради-а?! Ман буни нонга чиқарсам, китоб обкебди!.. Ҳаҳ, ўша санга китоб ўқишни буюрган ўқитувчингнинг уйига ўт тушсин! Саккиз юз сўмгаям китоб оладими, жувонмарг?! Китоб санга ош билан нон бўлармиди, ер ютгур!

...Қўшнимнинг еттинчими, саккизинчими синфда ўқийдиган қизига энди кўзим тушди.
Қизалоқ айвон устунига суяниб турар, кафти билан юзини тўсганча, унсиз, ўкиниб-ўкиниб йиғлар эди...
Индамай, чиқиб кетдим.

...Ростини айтсам, умримда биринчи марта... ўзбек бўлганимга уялдим...

✍️Ўткир Ҳошимов.

@oltin_voha

⚡️⚡️⚡️

Опа: Мумкин биз Байден даврида эзилдик...

@oltin_voha

ТРАМПДАН КУЧЛИ ҚАЙТИШ!

✊АҚШ президенти дунё сиёсатига таъсир кўрсатувчи шахс. Трамп камбэкни амалга оширди, маълум танаффусдан сўнг дрижаблни яна қўлга олди.

✔️Мана шу рақс тушаётган бобой энди супердавлатнинг янги раҳбари.

@oltin_voha

#Хотира

"Боғбон қиз".
Шароф Рашидов шеъри.
Шерали Жўраев қўшиғи.

Бугун Шароф Рашидов таваллуд топган сана.

Шароф Рашидов, аввало, журналист, шоир эди. У мамлакатимизга етакчилик қилган йилларда юртимизда адабиёт ва санъат гуллаб-яшнади.

Охиратингиз обод бўлсин, Шароф ота. Сиз эккан, эктирган чинорларни беаёв кесдик, сотдик. Оқибат чанг-тўзонлар босди бизнинг боғларни.

Боғбон қизи ҳам юрибди, тинч. Фақат отасидан қолган боғини кластерга берворишган. Энди унга муҳаббат - эртак. У ҳозир кластердан боғини қайтариб олса бас. Шу орзуда яшаётир...

@oltin_voha

#Видео

Тўйлардаги навбатдаги аҳмоқгарчилик

Афсуски, мана шундай кераксиз одатларимиз ҳеч йўқолмаяпти.

@oltin_voha

ЎЗГАРИШ ВАҚТИ КЕЛДИ!

Чехов эрталаб соат бешда уйғонар, тўққизгача беморларни қабул қилар, тиббиёт ҳақида мақолалар ёзар, мутолаа қилар, тушдан сўнг хизматкорларга ўқиш-ёзишни ўргатар, кейин яна ўқир ва ёзар эди. У, шунингдек, аҳолини рўйхатга олиш ишларини олиб борган, деҳқончилик билан шуғулланган, вабо тарқалганда уезд бўйлаб сафар қилган ва касалхоналар қурганди.

Баъзида бизнинг авлодимиз ялқовлик ва дангасалик сабаб депрессиядан азият чекаётганга ўхшайди. Биз Гоа ва Балидан “ўзимизни излаймиз”, клублар атрофида ўралашамиз, гиёҳлар чекамиз, фаҳш билан шуғулланамиз ва норозилик билдирамиз, айни дамда қандай қилиб шунчаки меҳнат қилиш мумкинлигини билмаймиз. Виждонан, ҳар куни, кайфият ва хоҳишдан қатъи назар, меҳнат қилишни. Қаттиқ меҳнат, иродага қарши эмас, балки қолганлар учун қилаётган ишингнинг аҳамиятини ҳис қилиш билан ижодийлик касб этувчи меҳнат.

Сиз яратишингиз, фойдали бўлишингиз, ўзингиздан каттароқ нарсанинг бир қисми бўлишингиз керак. Сиз коинотнинг маркази эмас, балки тузилишини ҳатто тасаввур ҳам қилиб бўлмайдиган улкан бинодаги битта ғиштсиз. Сиз нарсаларнинг янги табиатини кашф этмайсиз. Сиз буни қабул қилиб, хотиржам яшайсиз ёки исён кўтариб, тубсизликка тушиб қоляпсиз холос.

Кўп нарсани бой беряпсиз. Вақт поёни йўқ денгиз эмас. Мулоҳаза қилинг, ўзгариш пайти келди!

@oltin_voha

#Фахр

🇺🇿 Ўзбек келаётир ...

🏔 Кўнгиллилар Антарктидага бориб, бепоён музликлар ўлкасига байроғимизни тикиб келишмоқчи.

Омад, йигитлар!

@oltin_voha

Мурожаатдан сўнг

Ангрен шаҳри Янгиобод шаҳарчасидаги мурожаат шаҳар ҳокимлиги ҳамда Тошкент вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан ўрганилди (Ўрганиш натижалари ва тегишли далолатномалар масъуллар томонидан бизга ташлаб берилган).

Фуқаро Ўзбекистон Республикаси Маъмурий жавобгарлик тўғрисидаги Кодекснинг 159-моддасининг 3-банди ва бошқа ҳуқуқбузарлик учун жавобгарликни назарда тутувчи норматив-ҳуқуқий ҳужжат талабларини бузган деб топилган. Фуқарога жарима ва 14 кун ичида ноқонуний қурилмани бузиб, аввалги ҳолатига қайтариш мажбурияти юклатилган.

Демак, мавзуга 14 кундан сўнг яна қайтамиз.

@oltin_voha

#Бугуннинг_гапи

Интернет

✍️ Шеър: Сирожиддин Саййид
🎤 Ўқиди: Акрамали Маханов (Тангатопди қишлоғи)

@oltin_voha

Ассалом, янги кун!
Салом, ноябрь.

😍❤️😊

@oltin_voha

ТАЙИНЛОВ

📌 Боймирзаев Суҳроб Санжарович - Олмалиқ шаҳар ҳокимининг матбуот котиби - ахборот сиёсати масалалари бўйича маслаҳатчиси лавозимига тайинланди.

💼 Суҳроб Боймирзаев ушбу лавозимга тайинлангунга қадар Тошкент вилояти ҳокимлиги ахборот хизмати етакчи мутахассиси сифатида фаолият юритиб келаётган эди.

@oltin_voha

#Сайлов2024

✅Блогерлар овози: Олмалиқ шаҳрининг машҳур инстаблогерлари бугунги сайловда овоз бераркан, барча ёшларни фаол бўлишга чақирди.

Yoshlar kundaligi

Диққат, сўровнома!

Хабарингиз бор, партиялар ўртасида ҳар жума куни сайловолди дебатлар ташкил қилинмоқда.

Бўлиб ўтган дебатлардан келиб чиқиб айтингчи, қайси партияга кўпроқ ишоняпсиз?

@olimlar_minbari

ЯШАШ МЕЗОНЛАРИ: АВВАЛ ВА ҲОЗИР

▪️Олдинлари одамлар бир-бирининг ёнига шунчаки, иши бўлмаса ҳам гурунглашиш учун бораверарди. Ҳозир гурунгга вақт йўқ. Иши бўлмаса, биров-бировга қўнғироқ қилиши ҳам амримаҳол.

▪️Олдинлари кимдир раҳбар бўлиб тайинланса, ўша кишини таниган-танимаган одамлар ғойибона "Жуда яхши, халқпарвар одам дейишаяпти. Худо назар қилган киши экан-да. Бўлмаса катта бўлармиди?", деб яхши гумон қилишарди. Ҳозир эса энди иш бошлаётган раҳбарнинг ёмон жиҳатини топишга уриниш урфга кириб бораяпти.

▪️Олдинлари муаллимлар болани уришса, ота-онаси ҳам муаллимни ёқлаб, фарзандига танбеҳ берар, ҳатто тарсаки ҳам туширарди. "Муаллим хато гапирмайди, тўғри қилибди" дейишар ва "Устознинг урган жойи қиёматда куймасмиш" дея матал ҳам айтиб қўярдилар. Ҳозир эса бирор муаллим фарзандимизни уришиб қўйса, уни судга беришгача бораяпмиз.

▪️Олдинлари бирор киши ким биландир кўришиши керак бўлса, у билан бир ой олдин аҳдлашиб қўйса бас, ўша манзилга айтилган вақтда борар эди. Ҳозир телефонда юз марта келишилгандан кейин ҳам бирор нарса тўғри келмай қолиб, ваъдалар бузилаяпти.

▪️Олдинлари одамларнинг сони кам эди, орзулар катта ва кўп эди. Ҳозир эса аҳоли кўп, аммо орзулар майдалашиб қолди.

▪️Олдинлари  яшаш учун яшардилар. Ҳозир эса пул топиш учун ишлашаяпти. Яшаш урфдан қолаяпти.

✍ Шодмонқул САЛОМ.

@oltin_voha

#Тезкор

Президент раислигидаги йиғилишда Тошкент вилояти ҳокимининг қишлоқ хўжалиги бўйича биринчи ўринбосари Ботир Алимбеков, вилоят ҳокимининг биринчи ўринбосари Эркин Мухитдинов лавозимидан озод этилди.

@oltin_voha

ПРЕЗИДЕНТ ОЛМАЛИҚҚА ТАШРИФ БУЮРАДИ

Бугун Президент Шавкат Мирзиёев Олмалиқ кон-металлургия комбинатига ташриф буюриб, саноат тармоқлари учун муҳандисларни тайёрлаш мактаби ҳамда "Ёшлик-1" конини ўзлаштириш ишлари билан танишади, мис бойитиш бўйича янги қувватлар қурилишига старт беради.

Шунингдек, Президент раислигида Тошкент вилоятини ижтимоий-иқтисодий ривожлантириш вазифалари юзасидан йиғилиш ўтказилиши режалаштирилган.

@oltin_voha

#Кайфият_учун

Ҳар бир тонг - янги имкон. Бу имкон бугун бор, эртага бўлмаслиги мумкин. Шундай экан, янги кунни ажойиб тарона билан бошланг, кайфиятингиз аъло бўлади (эрталабдан 10 марта эшитдим ўзим ҳам, сизларгаям илиндим😍)

Салоҳиддин Азизбоев
«Қошларингиз қаролиги»

@oltin_voha

#қовун2024

“Тирбандликни камайтириш учун йўлларни торайтириш керак” — шаҳарсоз

“Шаҳарсозларнинг бу борадаги фикри шундай: шаҳарда йўлларни қанчалик кенгайтирсак, тирбандлик шунча кўпаяди. Йўлларни торайтириш ва жамоат транспортини ривожлантириш керак. Токи одамлар камроқ автомобилда юришга ҳаракат қилишсин”, – дейди шаҳарсоз, архитектор Мурадхан Усманов.

@oltin_voha

Тайинлов

Бош вазир Абдулла Арипов Ўзбекистон шахмат федерацияси раиси этиб сайланди.

Алишер Саъдуллаев эса федерация раисининг биринчи ўринбосари этиб сайланди.

@oltin_voha

✏️✏️✏️✏️

Жуда муҳим эслатма

1. Ҳеч кимга диний мазмундаги материал (матн, фото/видео, мусиқа, куй ва ҳ.к.) юборманг! Бир марталик юбориш, ҳатто лайк босиш ҳам ТАРҚАТИШ деб талқин қилиняпти!

2. Телефонингизга (телеграм, Фейсбук, инстаграм ва ҳ.к. мессенджерлар орқали) шу мазмундаги материал келса, зудлик билан ўчириб ташланг, асло оча кўрманг!

3. Ўзингиз ҳам диний мазмундаги материалларни интернетдан (Google, YouTube) умуман қидирманг! Нима тўғри, нима нотўғрилигига ”ўзимнинг ақлим етади” деб калта ва хом ўйламанг!

4. Телефонингиздаги шу мазмундаги материаллар, браузерингиз тарихини батамом тозалаб ташланг!

5. Фақат расмий дўконлардан, Мусулмонлар идораси томонидан маъқулланиб, голограмма қўйилган маҳсулотларни (диний материалларни) харид қилинг, лекин фақат шахсан ўзингиз фойдаланинг, бугун “рухсат” берилган дин вакили эртага “тақиқ”га тушиб террорчи, диний ақидапараст, экстремист деб топилмаслигига ҳеч ким кафолат бера олмайди!

Яқинларниям огоҳлантириб қўйинг.

@oltin_voha

👀 Жаҳонгир Отажонов тезликни оширгани ҳақидаги видеодан сўнг интернетда кўриниш берди.

😂 Унда Отажонов барча айбни машинага ағдариб, танқидий муносабат билдирганларнинг устидан гўёки кулганинини кўриш мумкин.

@oltin_voha

Санъаткор Жаҳонгир Отажоновдан янгиси. У ўзининг Zeekr автомашинасини 195 км/соат тезликка чиқарди.

👏 Жарима муборак бўлсин!

@oltin_voha

#Янгилик

Маҳалла Ватан ичра кичик Ватандир. Ўз маҳалласи, қишлоғи тарихини эса ҳар ким билиши керак.

"Ёшлар кундалиги" нашриётида “Тошкент вилояти қишлоқлари тарихи” сериясидаги биринчи китоб нашрдан чиқарди.

Илмий-оммабоп китобда вилоятнинг 41 та қишлоқ ва маҳалласининг тарихи, бугуни, таниқли инсонлари ҳақида қисқача баён қилинган. Йил якунига қадар китобнинг иккинчи ва учинчи жилдлари ҳам чоп этилиши режалаштирилган.

Лойиҳа раҳбари: Тошкент вилояти ҳокими Зойир Мирзаев.
Муаллифлар: Нигора Ўролова, Дилшода Аннаева

Китоб 3 минг нусхада чоп этилган.

@oltin_voha

#Эслаб

“Қачон тиз чўкувдик, ҳамон иззамиз...”

Бугун ўзбек халқининг буюк шоири, адабиётимизнинг муаззам устунларидан бири бўлмиш Шавкат Раҳмон таваллуд топган сана.

Шавкат Раҳмон қандай шоир эканини кўпчилик яхши билади, айримлар эҳтимол билмас. Ҳақиқат шуки, у адабиётдан бошқа бирор бир манфаатни қалбига яқинлаштирмади. У энг сара шеърларини, адабиёт тарихига муҳрланган шеърларини унвонлар, мукофотлар таъмасида ёзмади. У Муҳаммад Юсуф, Иқбол Мирзо сингари шоирларнинг устози, маънавий раҳнамоси эди.

Муҳаммад Юсуфнинг машҳур "Лолақизғалдоқ" шеъри Шавкат Раҳмон хотирасига бағишланган.

Қуйида Шавкат Раҳмон шеърларидан айрим мисраларни эътиборингизга ҳавола қиламиз. Зеро, бу – ўлдим-куйдим, яллама ёрим эмас, асил шеърият! Қалбни даволайдиган, кўнгилга ёруғлик улашадиган масрур назм!

****

Нодиражон, Шоиражон,
Танам қимир этмайди,
Боринг, қорли тоғларга:
Бир шоир ётибди денг
Худонинг ҳовлисида…
Осмон тўла ҳаволар
Фақат менга етмайди…

****

Умр ҳам ўтгандай...
гўё бир кунда
настарин гулидай очилиб сўлдик,
гўё бир нафаслик равшан қуюнда
қалби сўқирларга афсона бўлдик.
Умр ҳам ўтгандай...
наҳот бир кунда
настарин гулидай очилиб сўлдик?
Бир нафис гул кўрдик ёвуз жунунда,
орзулаб исмини армона қўйдик,
исми жисмига мос армона бўлди,
бу гулга тикилиб вайрона бўлдик.
Эй, гулим,
кўзларга ёшлар тўлганда
соямиз қўшилган дамларни эсланг!

****

Ҳаммамиз қуёшда куйган жиззамиз,
қачон тиз чўкувдик, ҳамон иззамиз,
сирқираб оғрийди шишган тиззамиз,
ўриндан озгина турсак майлиму?
Насимлар гулламиш озод тоғларда,
озодлик муждаси сўлу соғларда,
боболар қийналиб тиккан боғларда
ағанаб бир хаёл сурсак майлиму?

****

Ахир кимман ўзим, мангуликка сал
агар қиёсласак Шавкат Раҳмон ким?
Ким дея борлиқдан сўрайман ҳар гал,
макон жим, замон жим,
парвардигор жим...

@oltin_voha

Тошкент вилояти прокурори янги лавозимга тайинланди

Сирожиддин Эшқувватов Қурилиш ва уй-жой коммунал хўжалиги соҳасида назорат қилиш инспекцияси раҳбари сифатида иш бошлади. Козим Тўлаганов ушбу лавозимдан озод этилди.

@oltin_voha

#Фикр

Сайлов 2024: кимлардан эҳтиёт бўлиш керак?

📣 Сайловга оз қолди. Депутатликка номзодлар сараланмоқда, бугун партиялар офисларида иш қизғин, ўтган йиллардан сабоқ чиқариб, Олий Мажлисга, Халқ депутатлари вилоят, туман ёки шаҳар кенгашларига номзодларни рўйхатга олиш ишлари якунига етказилмоқда.

❕ Хўш, бу сайловда кимлардан эҳтиёт бўлиш керак? Келинг, шу ҳақида четдан қараб, мулоҳаза юритиб кўрамиз.

1️⃣— Энг аввало, давлатнинг камчиликларини кўрсатиш, унинг олдини олиш учун ваколати доирасидаги таъсирчан механизмлар, адекват дискусс йўли билан эмас, оммани чалғитиш билан ҳаракат қиладиган сохта реформаторлардан чарчадик. Депутатнинг асосий минбари ижтимоий тармоқ эмас, парламент ёки маҳаллий Кенгаш минбаридир.

2️⃣— Депутатликка номзодларнинг руҳий соғломлиги, жинни эмаслиги ҳақида аниқ-тиниқ хулоса олиш керак. Чунки, сайловдан амаллаб ўтиб олган жиннилар YouTube'да томоша кўрсатиб юрибди, баъзилари эса кейинчалик мияси айниб, ҳар турли гаплар айтиши, ўзбек халқини, давлатимизни обрўсизлантириши катта зиён бўлди.

3️⃣— Давлатчилик асослари, ҳуқуқ назарияси ва мантиқдан оз-моз хабардор инсонлар депутат бўлсин, илтимос. Минбарлардан туриб янграётган тутуриқсиз таклифлар халқни ҳолдан тойдиради, депутатлик мандатини мансабдорлар билан курашиш воситаси қилиб олган лўттивозларнинг томошасидан тўйдик.

4️⃣— Қариндош-уруғ, ошна-оғайнилардан иборат тўданинг бирон шаҳар ёки туман маҳаллий Кенгашини эгаллаб олиши – бу ерда ижро ҳокимияти ишини орқага тортади холос. Сайловдан кейин де факто шаҳарда иккита ҳокимият вужудга келади, шайка ўз манфаатидан келиб чиқиб, раҳбарларни чилдирма чалиб ўйнатади. Шу шартмас бу сафар. Тўйдик "уже".

5️⃣— Маҳаллий кенгашларнинг йиғилишларини ҳам жонли эфирда намойиш қилиб бориш тартибини йўлга қўйсангиз, илтимос. Чунки депутатнинг ҳақиқий савияси сессияда билинади, кўринади. Кўчада сайраб, сессияда пусиб ўтирадиганларни халқ кўрсин.

@oltin_voha

#Билиб_қўйган_яхши

ИБН СИНО БИСОТИДАН

Замонавий тиббиётнинг отаси Ибн Сино ҳақидаги илмий тўпламни ўқиётиб, баъзи маълумотларга кўзим тушди. Сизгаям илиндим.

🔖Ҳаёт қувончларидан бебаҳра бўлиб ва доимо кимлардандир норози бўлиб юрганларнинг қонларида турли иллатлар юзага келади.

🔖Одам бирор нарсани кўришни истамаса, кўз нури заифлашади ёки инсон ўз келажагидан қўрқса, кўзи фақат яқиндан кўра олади, ўзини ҳақиқий оламда кўришни истамаганларда – астигматизм, яъни кўз хираланиши юз беради.

🔖Тумов – тўкилмай қолиб кетган кўз ёшидир.

🔖Тушкунлик – ичингизда қолиб кетган қаҳр-ғазаб, юзага чиқмаган хафагарчиликлар ва ҳоказо.

🔖 Қаҳр-ғазаб, нафрат, жаҳолат вужудни ич-ичидан емиради. Натижада ақлдан озиш, ақл заифлашуви, пай
чўзилиши, буйракларда тош йиғилишига, подаграга, жигар касалликларига мубтало қилади.

🔖 Ранж-алам (дилсиёҳлик) танани емиради ва ёмон шишларнинг ўсишига олиб келади.

🔖 Ўзини айбдор ҳис қилиш – ҳар қандай оғриқлар, алкоголизм, аллергияни қўзғатади.

🔖 Инжиқлик, заҳархандалик, киноя, ҳамма нарсага шубҳа билан қараш бўғинларнинг яллиғланиши, бод касалликларини пайдо қилади.

🔖 Ҳаёт олдида қўрқувга тушиш - мушаклар тиришиши билан боғлиқ оғриқлар, яралар, диққинафаслик, камқонлик, ҳафсаласизлик, шоллик, кўричак ва фригидликни келтириб чиқаради.

Ҳолбуки, шифобахш малҳам одамнинг ўзидадир, бу муаммоларни ақлу тафаккур кучи билан ҳал қилиб, ҳаётга нотўғри қарашларни ўзгартириб, саломатликка эришилади.

@oltin_voha

ДИҚҚАТ, ФИРИБГАРЛАР!

Фирибгарлар судга чақирув қоғози ниқоби остида Телеграм орқали вирус юборишни бошлади.

Агар сиз ушбу файлни очсангиз, телефонингиздаги барча маълумотлар ўғирланади ва вирус сизнинг номингиздан барча контактларингизга юборилади.

Яқинлардан келган бўлса ҳам бундай файлларни очманг.

@oltin_voha

Тошкент вилоятининг чегаралари ўзгариши мумкин

🔹 Сирдарё вилоятининг 5 та (Сирдарё, Сайхунобод, Гулистон, Боёвут туманлари ва Ширин ш) ҳудудидан 310,4 гектар ер майдони Тошкент вилояти ҳудудига ўтказилади;

🔹 Тошкент вилоятининг 6 та (Чиноз, Қуйи Чирчиқ, Оққўрғон, Бўка, Бекобод туманлари ва Бекобод ш) ҳудудидан 347,2 гектар ер майдони Сирдарё вилояти ҳудудига ўтказилади;

🔹 Наманган вилоятининг Поп тумани ҳудудидан жами 38,8 гектар ер майдони Тошкент вилояти ҳудудига ўтказилади;

🔹 Тошкент вилоятининг Оҳангарон тумани ҳудудидан жами 26,3 гектар ер майдони Наманган вилояти ҳудудига ўтказилади.

Кадастр бошқармасининг ёзишича, вилоят Кенгаши депутатлари қарор лойиҳасини маъқуллаган.

@oltin_voha

#Фикр

Хусусий мактабнинг муаммоси хусусий эмас – умумий!

⛔️ Бухоро мактаби йўқ!

Кейинги вақтда "Бухоро мактаби", "Қоракўл мактаби", деб номланган хусусий таълим ташкилотлари кўпайди. Тушунган одам учун мактабларнинг бундай номланишиёқ савия ҳаминқадар эканлигини билдиради. Чунки Бухоройи Шарифнинг илмий шуҳрати оламга маълум-у машҳур. Бироқ гап айнан қандай мактаб ҳақида кетаётгани баён этилиши керак. Ҳатто ўша Тўхтамурод Жумаев асос солган машҳур мактабнинг номи ҳам "Математика фанини ўргатишга ихтисослашган Қоракўл махсус мактаби"дир. Бундан кўринадики, мақсад – Қоракўлдаги ҳақиқий мактабнинг оламшумул шуҳратига шерик бўлиш, вассалом.
Ахир Олмалиқ мактаби, Тошкент мактаби, Бўка мактаби бўлиши мумкинмас, бу оддий аксиома.

💠 Методика

Гап хусусий мактаблар ҳақида кетар экан, унинг оддий мактабдан фарқи нимада эканлигини тушуниб олишимиз керак. Дарсликлар, турли фанлардаги билимлар мажмуи ўша-ўша. Қонунлар, қоидалар, теоремалар бир хил. Унда фарқ нимада?
Фарқ иккита жиҳатда бўлади: методика ва қўшимча воситалар билан жиҳозланганлик. Методика – ўқитувчининг ноёб қуроли. Педагогик олийгоҳларда тўрт йил асосан таълим методикаси ўргатилади. Яъни билимни болаларга етказишнинг турли усуллари ўргатилади. Ва педагогнинг асосий иш қуроли унинг методикасида бўлади. Қўшимча жиҳозлар эса: лаборатория, замонавий хариталар ва бошқалар бўлиши мумкин. Хўш, хусусий мактабларда, педагогика институтларини ҳали битирмаган, методика ҳақида тасаввури йўқ ёшлар дарс бериши мумкинми? Йўқ ва яна бир марта йўқ. Бундай муаллимларнинг болани такрорлаш, руҳан эзиш эвазига мавзуни ёд олдиришга қурби етади холос. Бундайлар болада билимга муҳаббатни уйғота олмайди. Хусусий таълимда бола билан шуғулланишга вақт кўпроқ бўлгани учун такрорлаш усулидан кўп фойдаланилади. Бу натижа беради, аммо узоқ истиқболда болада безиллаш кайфиятини ўстиради.

🫂 Непотизм (қариндош-уруғчилик, таниш-билишчилик)

Хусусий таълимнинг энг ёқимсиз жиҳати – непотизм. Мактабдор кўп ҳолларда ўз атрофига қариндошлари, дўстлари, шогирдларини йиғиб олади. Давлат мактабларида қаттиқ қораланадиган бу иллатлар нима учун хусусий мактабларда оддий ҳол бўлиши керак? Ходимларни ишга олиш тартиби ҳақида ота-оналар олдида ижтимоий масъулият йўқ. Яна бир машҳур хронология: мактаб иши сал оёққа туриши билан таъсисчи ишдан ўзини четлатади, ўрнига ўзига қарашли битта "шолғом"ни директор этиб тайинлайди ва ўзи асосий вақтини саёҳатларда, дам олишларда ўтказади. Чунки "результат" бор, мактабга талаб катта, таълим бизнеси даромадли соҳа, хуллас, ҳаммаси бир қарашда – окей. Бундай мактаблар молиявий шаффофлик, очиқликка ўз рейтинги, обрўси учун ҳам амал қилиши керак, шунингдек, бериладиган чеклари қатъий солиқ реестрида турадиган чек бўлиши шарт.

📚 Кузатганларим. Математика ва адабиёт.

Математика ва адабиёт бир-биридан узоқ туюлса ҳам, аслида жуда яқинлик бор. Шунинг учун ҳам дунёнинг энг машҳур математиклари айни пайтда адабиётчи бўлишган. Масалан, Ибн Сино, Беруний, Хоразмий, Али Қушчи, Умар Ҳайём, Улуғбек, Ломоносов, Да Винчи ва ҳоказо. Чунки математика ва адабиёт битта нарса – абстракт тафаккур устига қурилган. Яъни киши ўзи кўрмаган, муқобили бўлмаган нарсани тасаввур қилади. Шу жиҳатдан мен фарзандимга хусусий мактабда ўқитилаётган адабиёт дарсини мунтазам кузатдим, аҳволни ўнглашга интилдим. Бироқ "Бухоро мактаби" номли Олмалиқдаги хусусий мактабдан фарзандларимни қайтариб олиб, қизиқишларига кўра, бирини Тошкент шаҳридаги хусусий мактабга, қизимни эса оддий давлат мактабига бердим. Бу – менинг танловим.

🫥 Хулоса

Бугун Тошкент вилоятида "Бухоро мактаби", "Қоракўл мактаби" деб номланган ўндан ортиқ таълим даргоҳлари бор. Илтимос, аввало, мактаб номини тўғри ёзинглар. Қолаверса, фарзандига юқори таълим беришга орзуманд халқимизга сифатли таълим беринглар. Боланинг олий ўқув юртига ўқишга кириши эмас, билимли кадр бўлиши муҳимроқ. Бугун меҳнат бозорида дипломли қоқбошлар жуда кўп. Ташкилотингизни непотизмдан тозаланг, молиявий шаффофликка интилинг. Илтимос. Ахир ниятингиз яхшику.

✍️ Беҳзод Қобулов,
журналист.

@oltin_voha

Ўзбекистон халқ артисти Бобомурод Ҳамдамов вафот этди

Ўзбекистон, Туркманистон ва Қорақалпоғистон Республикаси халқ артисти Бобомурод Ҳамдамов 84 ёшида ҳаётдан кўз юмди.

@oltin_voha