Yoshlar kundaligi | Rasmiy

#Янгилик

🐎 Нурафшонда отчопар очилди.

© Миллий гвардия

Yoshlar kundligi

#Туйғу

Унутма ёр,
Мен зорингни.
Соғинганман,
Дийдорингни.

🎼 Қўшиқдан.

🖼 Образ: Зилола Ҳакимжонова
📸 Фото: Мирзо Озод.

Yoshlar kundaligi

#Диққат #Тарқатинг #Огоҳ_бўлинг

⚠️ ЎЗБЕКИСТОНДА ФАОЛИЯТИ ТАЪҚИҚЛАНГАН НАШРЛАРНИНГ ЯНГИ РЎЙХАТИ

Ўзбекистон Республикаси Олий суди томонидан интернет жаҳон тармоғидаги диний экстремистик, террористик ва ақидапарастлик ғоялари билан йўғрилган деб топилган ҳамда Ўзбекистон Республикасининг ҳудудига олиб кириш, тайёрлаш, сақлаш, тарқатиш ва намойиш этилиши тақиқланган манба ва контентлар (материаллар) рўйхати.

Yoshlar kundaligi

#Орамиздаги_одамлар #ЖамшидПўлатов #ПрокурорОиласи

8 ЯНВАР ➖ ПРОКУРАТУРА ХОДИМЛАРИ КУНИ

▶️"Ёшлар кундалиги"дан байрам туҳфаси – Тошкент вилояти прокуратураси масъул ходими Жамшид Пўлатовнинг кундалик фаолиятидан телеочерк.

Жамшид ва унинг оиласи ҳақида қисқача:

🎵Бўка тумани, "Дўстлик" маҳалласи, Ҳамза номидаги кўча. Бу уйда шеъру санъатга қизиқадиган, таъби назми баланд, "Сегоҳ"ни хиргойи қили-ии-иб, дунёнинг ишларидан ажаб гурунглар берадиган бир инсон яшайди. У қаҳрамонимизнинг отаси Дилшод Пўлатов.

🏡Кенг ёруғ хонадон, ҳовлида анвойи гуллар, томорқада қўй-мол, ҳамма нарса саранжом-саришта. Дилшод ака набираси Хонзодага дутор бериб, чертишни сўради: у дуторни бир сайратди-бир сайратди...

🤲Мана, Жамшид Пўлатов ота-онасидан дуо олиб, ишга отланди – давлат хизматчисининг кундалик ҳаёти бошланди.

Қолгани видеода...

#Архивдан

Yoshlar kundaligi

#Туйғу

Қўша симнинг титратмаси,
Бири сенсан, бир – мен.
Бир парданинг икки саси,
Бири сенсан, бир – мен.

Қўшиқдан

📸Фото: Мирзоозод Мирзонеъматов
🖼Образда: Авазбек Усмонов,
Зилола Ҳакимжонова

Yoshlar kundligi

#Муҳаррир_танлови

БАХМАЛДА ҚОР: БАХТ МАНЗАРАСИ

✅Жиззах вилояти Бахмал туманининг Уяс қишлоғида яшовчи Холбуви она Бободўстова — 70 ёшда.

◀️Видео: Холбуви ая фарзандлари ва набиралари билан қор ўйнаяпти. Ҳаёт сурури.

Ташқарида об-ҳаво ҳўмрайиб турибди, ҳализамон қор ёғади, синоптиклар шундай деяпти.

❄️Тоғ ва тоғ олди қишлоқларда эса қор ёғишни бошлаган. Ҳар фаслнинг ўз гашти бор.

📍P.S. Видео таниқли журналист Аҳмадали Шерназаровнинг телеграм саҳифасидан олинди.

Yoshlar kundaligi

#Тавсия

😍БОЛАЛАР УЧУН КИШГИ ТАЪТИЛ ДАВОМ ЭТМОҚДА - ЎЗБЕКИСТОН БОЛАЛАР ТАШКИЛОТИ ТАВСИЯ ҚИЛАДИ

Қишги таътил кунларида уйингизга яқин ҳудудларда қандай қизиқарли ўйинлар, спорт беллашувлари ва мулоқотлар ўтказилиши ҳақида махсус дайжест тайёрладик. Марҳамат, Тошкент вилояти бўйлаб болалар учун таътил вақтида болалар учун қандай шарт-шароитлар бор?

Таътил қисқа, бироқ уни мазмунли ўтказиш, болани қўл телефонидаги ўйинларга қарамликдан қутқариш керак. Марҳамат, ўз ҳудудингиздаги имкониятларни кўриб чиқинг ва болаларингиз билан бу қизиқарли ўйинларда иштирок этинг.

📍Ангрен шаҳри;

📍Бекобод шаҳари;

📍Бекобод тумани;

📍Бўка тумани;

📍Бўстонлиқ тумани;

📍Зангиота тумани;

📍Нурафшон шаҳар;

📍Оққўрғон тумани;

📍Оҳангарон шаҳар;

📍Оҳангарон тумани;

📍Тошкент тумани;

📍Ўрта Чирчиқ тумани;

📍Юқори Чирчиқ тумани;

📍Янгийўл шаҳар;

📍Янгийўл тумани;

📍Чирчиқ шаҳар;

📍Чиноз тумани;

📍Пискент тумани;

📍Паркент тумани;

📍Олмалиқ шаҳар;

📍Қуйи Чирчиқ тумани;

📍Қибрай тумани.

Yoshlar kundaligi

#Туйғу

"Кечки сайрга чиққан қиз". Тошкент вилояти, Пискент тумани.

Шерзод Қорабоев фотолавҳаси.
Образ: Ирода Илашова

Yoshlar kundligi

#Тезкор

Шавкат Мирзиёев қисқа муддатли меҳнат таътилига чиқди

Ўзбекистон президенти 6-январдан таътилга чиқди.
Президент охирги марта 2024-йил 26-июлидан 5-августига қадар ҳам қисқа муддатли меҳнат таътилида бўлганди.

Yoshlar kundligi

#Туйғу

Шарҳга не ҳожат?
Ҳаётни бошимга кўтариб бугун,
Қайга кетаяпман,
шошиб, бетоқат?..

Эҳ, Забаржад 💔😭

Yoshlar kundaligi

#Тарих

ЎЗБЕК ҲУКМДОРЛАРИНИНГ БУГУНГИ АВЛОДЛАРИ ҚАЕРДА?

💠 Заҳириддин Муҳаммад Бобурнинг 15-авлоди тириклигини биласизми?

🔗 Мақолани ўқиш

Yoshlar kundaligi

#Туйғу

Ўйлайсанки, бу қор остида,
Хазонлар бор, куз бордир абгор.
Мен айтурман кўзингга боқиб,
Қор остида гул бор, баҳор бор.

✍️Баҳодир Баҳром

🖼 Образда: Анора Абдурашитова, Дониёр Акбаров

✈️ Yoshlar kundaligi

#Даҳонинг_болалиги

ДУНЁНИ ЎЗГАРТИРГАН "ИККИ"ЧИ

🍏 Дунё иккита машҳур олма орқасидан ўзгариб кетди. Бири қаҳрамонимизнинг бошигами, ёнигами тушган. Иккинчисини эса кимдир "тишлаб" қўйган. Гап олмада ҳам эмас. Ахир, олма тушган билан ҳар бир каллага очилавермайди-ку янги бир қонун.

👶🏻 Бу чақалоқнинг яшаб кетишига ҳеч ким ишонмасди. Ҳатто, ота-онаси ҳам каттароқ чўмичга сиққудек митти, нимжон ўғлидан бугун бўлмаса эртага ажралиб қолишидан хавфсираб яшади. Аммо у яшаб кетди. Болакай айрилиқ азобини эрта тортди: отаси вафот этди, онаси ташлаб кетди. Аввал бувисининг, кейин амакисининг қўлида катта бўлди.

😔 Мактабда ўзини кўрсатмас, оддий болалар қатори бориб-келарди. Ўқитувчилари дарсга бепарволигидан, саволларга жавоб бермаслигидан нолиб қоларди. Синфдошлари билан муносабати ҳам жуда ёмон бўлган. Чунки оиласидаги ўзгаришлар руҳиятига кучли таъсир қилиб, уни одамови қилиб қўйганди-да.

🎓 Бир куни уни мактабда калтаклашди. Шундан кейин ўзини кўрсатиб қўйишга қарор қилди. Ақли, хотираси, ўзлаштириши билан ҳаммани шошириб қўйди. Энди ўқувчининг саволларига ўқитувчилар жавоб топа олмай хижолатда қолди. Шу тариқа 19 ёшида Кембриж университетига имтиёзли равишда қабул қилинди.

💡 Талабалик йиллари Англияда вабо тарқалиб, карантин эълон қилинди. Ҳамма жон ҳовучлаб, ваҳима ва умидсизлик ичида юрганида ўзини илмга урди. Баҳаво тепаликда, соя-салқин олма дарахти тагида фан билан машғул бўлди. Кейин битта олма қаҳрамонимизнинг бошигами, ёнигами "тўп" этиб тушди...

🔥 У ҳаёт синовларидан, оғир шароитдан синиб қолмади, аксинча чиниқиб борди. Механика ва астрономиянинг назарий асосларини яратди, бутун олам тортишиш қонунини очди, кўзгули телескопни кашф қилди ва исмини ўчмас қилиб тарихга михлаб қўйди.

🎓 1643 йил 4 январда туғилган бу болакай

Исаак эди. Исаак Ньютон эди...

Yoshlar kundaligi

#Туйғу

Мен бахтни кўрганман. Кўрганман. Аниқ.
Ҳатто кўзларимиз учрашган бир зум.
Ўртада бўлмаган салому алик,
Фақат лабларига қўнган табассум.

✍️Шеър: Усмон Азим
🖼️Образда: Анора Абдурашидова ва Дониёр Акбаров

Yoshlar kundaligi

#Тезкор

⚡️⚡️Ғайрат Дўстов суд залидан озод этилди.

Yoshlar kundaligi

#Фикр

❗️Авомга томоша керак.

Yoshlar kundaligi

#Кўрмадингизми

👀 Ўзбекистон миллий ахборот агентлиги Бош директори Абдусаид Кўчимов ва унинг жамоасини кўрмадингизми?

Yoshlar kundaligi

💪ОСИЁ ПОЛВОНЛАРИ: АФСОНАВИЙ НИЗАМИ

Тарихда бир нечта курашчилар ўзининг улкан ютуқлари билан нафақат ўз мамлакатини, балки бутун дунёни лол қолдирган. Озарбайжоннинг энг буюк курашчиларидан бири бўлмиш Низами Агабеёв айнан шундай юлдузлардан биридир. У Грек-Рим кураши тарихида ажойиб услуби, кучли иродаси ва жасорати билан чуқур из қолдирган. У 1941 йил 1 майда Баку шаҳрида дунёга келган.

🦁 Енгилмас шер

1960-йилларнинг бошларига келиб, Озарбайжон курашининг олтин даври бошланган эди. Низами Агабеёв бу даврнинг энг ёрқин юлдузи бўлиб, дунё курашида ўз ўрнини топган эди. Пахлавоннинг курашга бўлган муносабати ўзгача эди. У курашни оддий жанг эмас, балки ҳар бир зарба ва ҳаракатни аниқ ҳисобга олишни талаб қиладиган спорт тури деб биларди. Шу сабабли, унинг курашдаги ютуқлари нафақат жисмоний кучга, балки ақлий ёндашувга асосланган эди. Халқ орасида унга “Енгилмас шер” деб ном қўйилганди.

🏅 Олимп оша баланд қўзғалган байроқ

Агабеёвнинг спорт тарихидаги энг йирик ютуғи, шубҳасиз, 1964 йилги Токио Олимпиадасида қўлга киритган олтин медали бўлди. Ўша йили Грек-Рим кураши бўйича мусобақада бутун дунёда таниқли ва ҳурматга сазовор курашчиларни мағлуб этиб, қаҳрамонимиз олтин медални қўлга киритди. Агабеёвнинг бу ғалабаси Озарбайжоннинг курашдаги энг йирик ютуғи сифатида тарихга кирди ва халқаро спорт оламида катта эътирофга сазовор бўлди.

✨ Ғалабалар сирини очган устоз

Агабеёвнинг курашдаги ажойиб ютуқларининг сири фақат кучда эмас, балки унинг махсус техникаларида ҳам эди. Унинг курашдаги “трюклари” ўша даврда жуда машҳур бўлиб, баъзан бу усулларни ўша пайтларда курашда ишлатилмаган янги ёндашувлар деб баҳолашган. Агабеёв жангда ўзининг аниқ ва тезкор ҳаракатлари билан рақибларини ҳайратга солиб, ўз услуби билан курашни санъат даражасига кўтарарди.

Агабеёв ўзининг “цикл” деб аталадиган усули билан машҳур бўлган. Бу усулда курашчи рақибининг ҳаракатларини олдиндан башорат қилиб, бир неча босқичдаги ўзгарувчан тактикалардан фойдаланарди. У тезда рақибининг заиф жойларини топиб, зарбаларини аниқ ва мақсадга йўналтирарди. Агабеёв жангда нафақат жисмоний кучдан, балки ақл-заковатдан ҳам фойдаланар эди, бу унинг рақибларини қийин аҳволга солар эди.

🇦🇿 Миллат юрагидан жой олган қаҳрамон

Низами Агабеёв нафақат ўзининг ютуқлари билан танилган, балки Грек-Рим курашини Озарбайжонда оммалаштиришда ҳам катта ҳисса қўшган. Ўзининг муваффақиятлари ва машғулотлари орқали у ёш спортчиларга илҳом манбаи бўлиб, курашни Озарбайжоннинг энг машҳур спорт турларидан бирига айлантирди. Унинг қаттиқ меҳнати ва курашга бўлган эҳтироси Озарбайжоннинг спорт тарихида алоҳида ўрин тутади.

✍️ Анора Абдурашидова тайёрлади.

Yoshlar kundaligi

#Сўровнома_2024

СЎРОВНОМА ҒОЛИБЛАРИ БИЛАН ТАНИШИНГ!

🔴 Иккинчи сектор раҳбарлари ўртасида ўтказилган сўровнома ўз якунига етди. Топ – 3 натижа эса қуйидагича:

🥇ўрин: Аллаёр Хайриддинов (Ангрен ш.) – 3277 овоз;
🥈ўрин: Бахтиёр Илясов (Бекобод ш.) – 3254 овоз;
🥉ўрин: Жасурбек Хайитбоев (Паркент т.) – 2506 овоз.

🎁 Биринчиликни қўлга киритган ғолибларимиз йил якунида ҳомийларимиз томонидан муносиб тақдирланади.

Бизни кузатиб боринг. "Ёшлар кундалиги" энг муносибларни аниқлашда давом этади!

Yoshlar kundaligi

#Кайфият

🎄Вилоятнинг бош арчаси атрофида ҳар куни эртакнамо томошалар, байрам дастури намойиш қилинмоқда.

Нурафшон марказидан (Макро супермаркети ёнидан) бош арчага қадар бепул автобус йўлга қўйилган.

📍Локация

Yoshlar kundaligi

#Туйғу

Ярашибди янги рўмолинг,
Ярашибди юздаги холинг.
Яна ортибди чиройинг...

🎼 Қўшиқдан

📸 Фото: Отабек Турсунқулов
🖼Образда: Анора Абдурашидова

Yoshlar kundaligi

#Сўровнома_2024

СЎРОВНОМА НАТИЖАСИ БИЛАН ТАНИШИНГ!

🔴Тошкент вилоятидаги энг фаол учинчи сектор раҳбарлари ўртасида ўтказилган сўровнома ўз якунига етди. Топ – 3 натижа эса қуйидагича:

🥇ўрин: Азимжон Мирходжаев (Ангрен ш.): 2677 овоз;
🥈ўрин: Бахрам Кузибаев (Янгийўл т.): 1790 овоз;
🥉ўрин: Улуғбек Жўраев (Оҳангарон т.): 1625 овоз.

🎁 Биринчиликни қўлга киритган ғолибларимиз йил якунида ҳомийларимиз томонидан муносиб тақдирланади.

Бизни кузатиб боринг. "Ёшлар кундалиги" энг муносибларни аниқлашда давом этади!

Yoshlar kundaligi

⚡️⚡️⚡️

Бу йил ҳам Ўзбекистон аҳолиси Янги йилни қорсиз кутиб олади

Сўнгги 10 йил ичида Ўзбекистон ҳудудининг катта қисмида янги йил байрамлари қорсиз ўтган.

31 декабрда Тошкент вилоятининг айрим жойларида ёғингарчилик кузатилади, лекин қор ёғиши кутилмаяпти. Ҳаво ҳарорати асосан кечалари 0-5 даража илиқ, кундуз кунлари 5-10 даража илиқ атрофида бўлади.

Yoshlar kundaligi

#Тавсия #Байрам_яқин

​​🎁 ЯНГИ ЙИЛ СОВҒАЛАРИ: КИМГА НИМА ТАНЛАШ КЕРАК?

🎄Янги йил олдидан совға танлашда шошиб қолманг. Биз сизга ҳам фойдали, ҳам ҳамёнбоп танлов таклиф қиламиз. Қуйидаги тавсиялар вақт синовидан ўтган, қабул қилувчига завқ улашувчи совғалардир. Ишонмасангиз, синаб кўринг!

➖ Оталар учун

🧣Оталарга қўл соати, иссиққина шарф, пул ва бошқа ҳужжатлар олиб юриш учун кармон олинг. Агар отангизнинг иши офисда бўлса стол чироғи, қулай ён дафтари, ноодатий ручка, портфель беришингиз мумкин.

➖ Оналар учун

💐 Онангиз учун иссиқ рўмол, бежирим рўмолчалар, қулай соч қуритгич, қўлқоплар тавсия қилинади. Яна дастурхон, диван ва курсиларга қопламалар, ошхонага сувенирлар, илгаклар олиш мумкин. Онангиз гулларни яхши кўрса уруғлар ва кўчатлар, чиройли гултуваклар танланг.

➖ Болалар учун

📚 5-10 ёш. Болаларбоп соатлар, магнитли алифбо, алифбо, энциклопедиялар;
⚽️ 10-15 ёш. Қўлсоат, гаджет ёки замонавий аксессуарлар, спорт жиҳозлари, стол ўйинлари, сенсор учун бармоқли қўлқоплар;
⌚️15-20 ёш. Китоб, бассейн ёки машқ залига абонемент, атир, чиройли клавиатура ва симсиз сичқонча, антиқа будильник, идиш (офис учун кружка), ноутбуклар учун ғилофлар.

➖ Ҳамкасблар учун

🎉 Аёлларга. Осонгина йўлни танлаб, аёл ҳамкасбларнинг барчасига бир хил совға олиш мумкин. Масалан, ўрамдаги арча ўйинчоқлари, тақвимлар, ошхона анжомлари.

⌨️ Эркакларга. Компьютер сичқончаси учун гиламча, брелоклар, қайдлар учун чиройли қоғозчалар.

📌 Буларнинг ёнига ширинлик қўшиш эса байрамни яна-да тотли қилади. Унутманг, совғани очиқ чеҳра ва чиройли тилаклар бериш унинг қадрини ўн баробар кўтаради.

🔗Тавсияларни дўстларингизга ҳам улашиб, совға танлашда ёрдам беринг.

Yoshlar kundaligi

#Фикр

📺Бугун "Нетфликс" платформасида “Калмар ўйини” сериалининг янги қисмлари намойиш қилинади. "Ўлим ўйини" номи билан танилган сериал Жанубий Корея киноси ҳисобланади. Унда ҳаётда қийин шароитларга тушиб қолган инсонлар таваккал қилиб, мўмай пул эвазига ҳаётларини гаровга қўядиган хатарли ўйинда иштирок этадилар, охирида тирик қолган иштирокчи ғолиб бўлади.

‼️Маълумот ўрнида, мазкур сериал ғояси ўз вақтида ўзбек зиёлилари ҳамда олимлари томонидан кескин танқидга учраган, телеканалларда бу кинони "намойиш этмасликни" сўраб мурожаатлар қилинган. Бироқ, телеграмда кино-ботлар, пуллик платформалар сериални ўзбекча таржимада кўрсатган. Давлат эса бу вазиятга сукут сақлаган. Умид қиламизки, бу сафар мафкура сўзчилари кино таржимаси ва тарқалишига тўсқинлик қила олишади.

Yoshlar kundaligi

#Манзара

☁️ Она табиат ҳар бир фаслда ўзининг такрорланмас гўзаллиги ва таровати билан инсонни мафтун этади.

📹 Видеода Оҳангарон туманидаги Кичик Лашкарак шаршарасининг айни қиш фаслидаги музлаган ҳолати акс этган. Нақадар чиройли.

Yoshlar kundaligi

#Туйғу

Ўн саккизга кирмаган ким бор,
Боғингдан гул термаган ким бор...

Шеър: Эркин Воҳидов

🖼Образларда: Илҳом Иминжонов, Зилола Ҳакимжонова
📷Фото: Абдул Азиз

Yoshlar kundaligi

#Шукуҳ_Нурафшон

🎄Нурафшон шаҳрида улкан арча ёғду соча бошлади.

🔔Атрофни юқоридан томоша қилинг, шунчаки супер, кайфият эса байрамона.

Yoshlar kundaligi

#Кайфият

🎄 Арча, ҳинд куйи, атлас кийган қизлар – дам олиш куни романтикаси.

🤩Ўлкамизда янги йил шукуҳи кезмоқда.

Yoshlar kundaligi

#Туйғу

Қор қўйнида лола...

Сатр: Чўлпон

Yoshlar kundaligi

#Шарҳсиз

Қаердадир ва кимдир ҳозир шунақа гаплар айтаётган чиқар. Пфф, кўнглинг айнийди.

Маддоҳлар, бунчалар ўхшашсиз?

Yoshlar kundaligi

#Табрик

“Ҳалол меҳнатингиз, шижоатингиз учун катта раҳмат” — Шавкат Мирзиёев қишлоқ хўжалиги ходимларини табриклади.

Батафсил

Yoshlar kundaligi

#Шукуҳ

🎉Маҳалладаги ёшлар етакчиларидан Конституция кунига махсус ролик.

📍Олмалиқ шаҳар

Yoshlar kundaligi

​#Бу_қизиқ

😳СИЗ БИЛГАН ВА БИЛМАГАН КОНСТИТУЦИЯ

🤩 Конституция илк бор қаердан келиб чиққанини биласизми? Бошқа давлатларга тегишли бу муҳим ҳужжат ҳақидаги қизиқарли фактларни билмоқчимисиз? Унда ушбу пост айнан сиз учун.

➖👀 Дунёнинг илк Қобусномаси

1600 йили АҚШ да яратилган Сан-Марино Конституцияси дунёдаги илк қомусдир. У лотин тилида ёзилган ва 6 та китобдан иборат. Муаллифи Камилло Бонелли. Унга охирги марта 2002 йилда ўзгартириш киритилган.

➖🇺🇸 АҚШ

7 моддадан иборат АҚШ Конституцияси дунёдаги энг кичик ва энг ўзгармасдир. Фавқулодда қонунчиликка бирор бир ўзгартириш киритиш керак бўлган вақтда ҳужжатнинг асосий матнига ҳеч қандай ўзгартириш киритилмайди, балки маълум матн охирига алоҳида илова сифатида қўшимча киритилади. Аммо конституцияда “демократия” сўзи умуман учрамайди.

➖🇯🇵 Япония

Япония Конституцияси дунёдаги энг тинчликпарвар деб эътироф этилган. Унинг 9-моддасида Япония келажакда бирор уруш олиб бориш ҳуқуқидан бутунлай воз кечгани алоҳида қайд қилинган.

➖🇫🇷 Франция

Французларнинг ҳозирги конституцияси бешинчи "авлод" бўлиб, 1958 йил 4 октябрда қабул қилинган. Одатда у Бешинчи Республика Конституцияси деб ҳам аталади. Мамлакатнинг илк Конституцияси 1791 йилда ишлаб чиқилган. Аммо содир бўлган инқилоблар натижасида Конституция алмашиб тураверган.

➖🇦🇺 Австралия

Бошқа давлатлар Конституциясидан фарқли Австралия генерал губернатори (Президент) нинг давлатдан оладиган маош миқдори мамлакатнинг асосий қомусида ёзиб қўйилган. Ушбу Конституция Австралиянинг мустамлака даврида, яъни 1900 йилда Британия парламенти томонидан қабул қилинган. Ҳужжатга ўзгартириш киритиш эса тақиқланган.

➖🌐 Буюк Британия ва Шимолий Ирландия Бирлашган Қироллиги, Исроил ва Янги Зеландия каби давлатларда ягона Конституция мавжуд эмас. Бирлашган Қиролликнинг Конституцияси 300 га яқин ҳужжатлардан иборат. Ҳа айтганча, жаҳондаги энг катта ва мураккаб Конституция Ҳиндистон Конституциясидир. У 395 модда, 12 та илова, 500 та тузатишдан иборат.

Yoshlar kundaligi

#шукуҳ

Конституция - халқчил давлат, барқарор тараққиёт ва фаровон ҳаёт асоси

🎞 8 декабрь — Ўзбекистон Республикаси Конституцияси қабул қилинган кун муносабати билан "Ёшлар кундалиги" дан махсус видео.

Yoshlar kundaligi

#Дунё_тажрибаси

🧨МАВСУМ ОЧИҚ: ЯНА ПАҚИЛДОҚЛАР МАВЗУСИ

‼️🤨Ўзбекистонда пиротехника воситаларини сотиш ва шу турдаги воситалардан фойдаланганлик учун 7 миллион сўмгача жаримага тортилиши ҳақида хабарлар тарқалмоқда.

❔Хўш, қўшниларимизда бу борада вазият қандай?

➖🇰🇿Қозоғистон

Жамоат жойларида пиротехника воситаларини рухсатсиз қўллаш 2 миллион сўм миқдорида жаримага сабаб бўлади. Агар 16 ёшгача бўлган болалар қўлга олинса, уларга огоҳлантириш берилади ёки ота-оналари жаримага тортилади. Бир йил давомида такрорий қоидабузарлик учун эса 3 миллион 800 минг сўм.

➖🇰🇬Қирғизистон

Қирғизистонда пиротехникалардан фақатгина рухсатнома асосида фойдаланиш мумкин. Ноқонуний фойдаланиш учун жарима миқдори 1 ярим миллион сўмдан 7 ярим миллион сўмгача.

➖🇹🇯Тожикистон

Республикада пиротехника воситаларини тақиқлаш тўғрисидаги қонун бундан 15 йил муқаддам, бахтсиз ҳодисалар сони ортгани учун қабул қилинган. Пақилдоқ олди-сотдиси билан шуғулланганлар 3 миллион сўм атрофида, фойдаланганлик учун эса 205 минг сўмдан 360 минг сўмгача жарима белгиланган.

➖🇹🇲Туркманистон

Бу ерда пиротехникани ноқонуний ишлатиш учун жарима миқдори 750 минг сўмдан 7 ярим миллионгача бўлиши мумкин. Аниқ миқдор ва жарима даражаси ҳолатга қараб фарқ қилиши мумкин.

Анора Абдурашидова тайёрлади.

Yoshlar kundaligi

#Таъзия

❗️Халимахон Ибрагимова узоқ йиллик хасталикдан сўнг вафот этди

Бу ҳақида Ўзбекистон халқ артисти Юлдуз Усмонова ўз инстаграм саҳифасида маълум қилди.

Yoshlar kundaligi

#Табрик

Президент Конституция куни муносабати билан ўзбекистонликларга табрик йўллади

Шавкат Мирзиёев “Атроф-муҳитни асраш ва “яшил иқтисодиёт” йили” бўйича давлат дастурини ишлаб чиқишда фуқароларни фаол иштирок этишга чақирди.

👉 Батафсил

Yoshlar kundaligi

#Tезкор

Давлатимиз раҳбари Бўстонлиқ туманида "Ugam River" туризм мажмуасининг қурилиши билан танишди.

Yoshlar kundaligi

#Тезкор

🚉Президент Шавкат Мирзиёев тезюрар электропоездда Хожикентга етиб борди

Сафар чоғида мутасаддилар билан темир йўл соҳаси ва "Яшил макон" лойиҳаси доирасида қилинаётган ишлар ва режалар муҳокама қилинди.

Yoshlar kundaligi

#Тезкор

Президент поездда Хожикентга (Чорвоқ) жўнаб кетмоқда.

Yoshlar kundaligi

⚡️⚡️⚡️

Бугун Президент Шавкат Мирзиёев Тошкент вилоятига ташриф буюради

Президент транспорт, энергетика ва туризм соҳаларида амалга оширилаётган ишлар ва истиқболли лойиҳалар билан танишади.

Бу ҳақида Президент матбуот котиби Шерзод Асадов хабар берди.

Yoshlar kundaligi

#Даҳонинг_болалиги

🌠 ҚЎЛИ, ОЁҒИ, ТИЛИ КЕСИЛГАНДА ҲАМ КУРАШДАН ТЎХТАМАГАН ШОИР

Атиги 32 йил яшаган, унинг 7 йилини ҳам қамоқда ўтказган инсон ҳаётда нимага улгуриши мумкин? Аммо шундай шоир борки, бу вақт ичида номини абадиятга муҳрлади. Хўш, у ким эди❔

❗️МАҚОЛАНИ ЎҚИШ

Yoshlar kundaligi

#Дангал

Шароит қил хотинга,
Хотин тенгдир олтинга!

Yoshlar kundaligi

#Туйғу

Севги! Сенинг ширин тилингдан
Ким ўпмаган, ким тишламаган?

✍ Шеър: Усмон Носир.

📸Фото: АбдулАзиз
🎞Образ: Анора Абдурашидова, Илҳом Иминжонов

〰️〰️〰️〰️〰️
Бугун оташнафас шоир Усмон Носир туғилган кун.

Yoshlar kundaligi

#Кайфият

🎶😍Жонли ижрони соғинганлар учун махсус – "Ёшлик" студиясидан янги қўшиқ.

Қўшиқ номи: "Сен мендан кетдинг".
Ижро: Авазбек Усмонов
Шеър: Мирзо Озод
Мусиқа: Аҳрорхон Ибрагимов

Yoshlar kundaligi

#Кун_иқтибоси

О, ёшлик! Ёшлик! Эҳтимол, бутун латофатинг сири ҳамма нарсага қодирлигингда эмас, балки ҳамма нарсани уддалайман, деб ўйлай олишингдадир.

"Эртага" сўзи эса қатъиятсиз одамлар ва болалар учун ўйлаб топилган.

✍️ Иван Тургенев

〰️〰️〰️〰️
Бугун рус ёзувчиси, публицист, драматург ва таржимон Иван Сергеевич Тургенев (1818-1883) туғилган кун.

Yoshlar kundaligi

#Туйғу

«Ўша йили куз шундай тиниқ, шундай маъюс келган эдики, беихтиёр одамнинг йиғлагиси келарди...»

✍️Хайриддин Султон

📼 Видео: Отабек Турсунқулов
🖼 Образда: Зилола Ҳакимжонова

Yoshlar kundaligi

#Вакансия #дайжест

📣Хорижда ишлашни хоҳловчилар диққатига!

💼 Чет давлатларда ишлаш истагида бўлган фуқаролар мазкур бўш иш ўринлари тўғрисида маълумотга эга бўлиши мумкин.

🇺🇿Туркияда темирчи, қолипчи, ғишт терувчилик бўйича бўш иш ўринлари. Ойлик маош 950 АҚШ доллари.

🇺🇿Литвада товуқ гўшти маҳсулотларини ишлаб чиқариш корхонасидаги бўш иш ўринлари. Ойлик маош 1000 евро.

🇺🇿Германиянинг "CLAAS" концерни филиалларига механика соҳаси мутахассислари ишга қабул қилинади.

🇺🇿Японияда қурилиш ишлари бўйича ишчи-ходимлар талаб этилади. Ойлик маош 180600 иена-1200 АҚШ доллари (brutto).

🇷🇺 Россия Федерациясининг бир нечта корхоналарида вакансиялар мавжуд:

🇺🇿ООО "Сопа групп" қурилиш корхонаси. Ойлик маош 70-100 минг рубль.

🇺🇿АО "СТАЛЬМОСТ" ташкилоти Тюмен ва Ярославл шаҳарларига  кўприк металл конструкцияларини ишлаб чиқариш йўналишида бўш иш ўринларини эълон қилмоқда.

🇺🇿ООО "СПАР Мидл Волга" қандолатчилик маҳсулотлари ишлаб чиқариш корхонасидаги мавжуд бўш иш ўринлари. Ойлик маош 70-90 минг рублгача мавжуд.

🇺🇿 "ДАТ Энерго" логистика корхонаси ишчи-ходимларни бўш иш ўринларига таклиф этади. Ойлик маош 80 минг рублдан бошланади.

Yoshlar kundaligi

#Фото_лаҳза

Ноябрь. Далада иш қизғин, бозорлар тўкин. Нурафшон атрофидаги далаларда барака қайнамоқда.

📍Нурафшон шаҳри, "Дегантепа" МФЙ
📸Фото: Шерзод Қорабоев, Саҳобиддин Рустамов

Yoshlar kundaligi

#Фикр

✍Мактабда одобнома дарсларида устозим: «Одобли бўл, қилпанглама, чиройли гапир, бачкана бўлма, ўзингга ярашмаган ишларни қилма, камтар бўл, бегуноҳ инсонларга азият берма, шунда катта одам бўласан», дердилар.

👀Манави кап-катта одамда ўша салбий хислатларнинг ҳаммаси бор. Устозимдан жичча хафаман. 😕

Yoshlar kundaligi

#Манзара

📍Ангрен. Дукент қўрғони. Бугун.

Yoshlar kundaligi

🇺🇿Президент Шавкат Мирзиёев Туркий давлатлар саммитида қатнашиш учун Қирғизистон пойтахти Бишкек шаҳрига борди.

Yoshlar kundaligi

#Киноя

Бизнинг жаҳолат – мураккаб жаҳолатдир.

✍️ Маҳмудхўжа Беҳбудий

Yoshlar kundaligi

#Туйғу

Менинг муҳаббатим нимага арзир,
Нимага арзирди ёниб-куйганим.
Меҳр бу суннатдир, меҳр бу фарздир,
Сени худо суйсин, менинг суйганим.

✍️ Шеър: Эшқобил Шукур.

🖼Образда: Зилола Ҳакимжонова
📷Фото: Отабек Турсунқулов

Yoshlar kundaligi

#Cўровнома_2024

ДИҚҚАТ, ЙИЛ СЎРОВНОМАСИ БОШЛАНМОҚДА: СИЗНИНГЧА, ВИЛОЯТИМИЗДА 2024 ЙИЛДА ЭНГ ФАОЛ МАКТАБГАЧА ВА МАКТАБ ТАЪЛИМИ БЎЛИМИ МУДИРИ КИМ?

🔘"Ёшлар кундалиги" йилнинг энг яхшиларини аниқлашда давом этади. Юқоридаги суратда туман ва шаҳарлардаги мактабгача ва мактаб таълими бўлимлари бошлиқлари ўрин олган.

⚡️Вилоят бошқармаси томонидан тавсия этилган ушбу бўлим бошлиқларининг фаолиятини қандай баҳолайсиз? Ким йилнинг энг яхшиси бўлишга лойиқ? Муносибларни қўллаб-қувватлаймиз.

⚠️Эслатма: турли ботлар орқали сунъий овоз жамғаришга интилганлар сўровномадан четлаштирилади.

®Биз сизга энг зўрини илинамиз: "Неаven's Garden" дам олиш маскани. ☎️+998702020101


⏰Сўровнома 4 ноябрь куни соат 14:00 га қадар давом этади. Энг кўп овоз тўплаган иштирокчи йил якунида ҳомийимизнинг махсус совғаси билан тақдирланади.

#Туйғу

Мен айвонда китоб ўқийман,
Чорбоғимда беҳи узар куз.

✍️Шеър: Носиржон Жўраев
📸Фото: Абдулазиз Абдурашидов

Yoshlar kundaligi

#Мулоҳаза

🎃 ХЭЛЛОУИН ТАРИХИНИ БИЛАСИЗМИ ➖ БУ АСЛИДА ҚАНДАЙ БАЙРАМ?

🤔 Янги асрда “оммавий маданият” таъсирига учраган Хэллоуин моҳияти ва ўтказиш тартибларида туб бурилиш ясалди. Энди Хэллоуин карнавалларида ўликлар, қонхўрлар ёки қароқчилар образи урфдан қола бошлади. Уларнинг ўрнини машҳур шахсларнинг ниқоблари, одамларнинг эркин тасаввурида туғилган ваҳший махлуқлар, ҳатто жинсий ҳаёт манзаралари тасвири эгаллади.

‼️ Аслида эса бу байрам тарихи қуйидагича👇

📌 БАТАФСИЛ ЎҚИШ УЧУН

Yoshlar kundaligi

#Туйғу

Майда шохларгача бир-бир силкитиб,
Сўнгги баргларни ҳам тўкди ноябрь.
Ҳамма эшикларни зичлаб беркитиб,
Тебранма курсига чўкди ноябрь.

✍️Шеър: Носиржон Жўраев
📸 Фото: Нозим Абдулла

📍Қуйи Чирчиқ тумани

Yoshlar kundaligi

🔰Yoshlar yetakchilarga qanday imtiyozlar berilgan?

✅Mahallalarda Yoshlar yetakchilariga quyidagi imtiyozlar berilgan:

➖har chorak yakuni bo‘yicha oylik ish haqining 50 foizigacha miqdorda mukofot puli beriladi;
➖ bazaviy hisoblash miqdorining ikki baravarigacha bo‘lgan miqdorda turar joy ijara to‘lovi qoplab beriladi;
➖yil yakuni bo‘yicha o‘ziga biriktirilgan hududda yuqori natijalarga erishgan Yetakchilarga ipoteka krediti asosida sotib olinayotgan uy-joy qiymatining 50 foizidan yuqori bo‘lmagan miqdorda subsidiya beriladi;
➖har chorakda eng ilg‘or 100 nafar Yetakchilar bir oylik ish haqiga teng miqdorda bir martalik pul mukofoti bilan taqdirlanadi;
➖Milliy kadrlar zaxirasiga kiritiladi bunda ushbu Yetakchilar tanlovsiz to‘g‘ridan-to‘g‘ri yuqori lavozimlarga o‘tkaziladi.

☝️Mazkur videoni Yoshlar yetakchilariga yuborib qo‘ying

Telegram Instagram Youtube

#Биласизми

🤔 НОЯБРДА ҚАНДАЙ САНАЛАР НИШОНЛАНАДИ?

🗓 БАЙРАМЛАР:

➖🏢 4 ноябрь — Ўзбекистон Фанлар академияси ташкил топган кун

Жорий йилда 1943 йилдан буён фаолият юритаётган Академиянинг 80 йиллиги кенг нишонланади.

➖🛜 8 ноябрь — Бутунжаҳон Wi-Fiсиз кун

Асосий мақсад симсиз технологиялар билан боғлиқ турли хавфларга жамоатчилик эътиборини қаратишдир.

➖🇺🇿 11 ноябрь — Ўзбекистон касаба уюшмалари куни.

➖🏥 12 ноябрь — Ўзбекистон тиббиёт ходимлари куни

Ушбу байрам 2006 йилдан буён ноябрь ойининг иккинчи якшанбасида анъанавий тарзда нишонланади.

➖🇺🇳 16 ноябрь — ЮНЕСКО ташкил топган кун

БМТнинг Таълим, фан ва маданият масалалари бўйича ташкилоти – ЮНЕСКО Иккинчи жаҳон урушидан сўнг, 1945 йил 16 ноябрда тузилган. 1946 йил 4 ноябрдан ташкилот Низоми кучга кирган.

➖🇺🇿 18 ноябрь — Давлат байроғи куни

1991 йил 18 ноябрда Ўзбекистон Республикаси Олий Кенгашининг 8-сессиясида "Ўзбекистон Республикаси Давлат байроғи тўғрисида"ги қонун қабул қилинган.

➖🎞 21 ноябрь — Бутунжаҳон телевидение куни

Ушбу сана БМТ Бош Ассамблеясининг 1996 йил 17-декабрдаги қарорига кўра ҳар йили 21 ноябрда форум тарзида ўтказилади.

➖🇺🇳 25 ноябрь — Бутунжаҳон аёлларга қарши зўравонликка барҳам бериш куни

Хотин-қизларга нисбатан зўравонликка барҳам бериш мақсадида БМТ Бош Ассамблеясининг 1999 йилдаги резолюцияси билан белгиланган.

➖🌐 30 ноябрь — Халқаро ахборотни ҳимоя қилиш куни

1988 йилдан буён нишонланадиган сананинг мақсади фойдаланувчиларга ўз қурилмаларини зарарли ахборотлардан ҳимоя қилишни эслатиб қўйишдир.

🔰 ТАВАЛЛУДЛАР:

➖ 2 ноябрь — Шохруҳ Хон. Мегаюлдуз ҳисобланган ҳинд актёри 1965 йилда Нью-Деҳли шаҳрида туғилган.

➖ 4 ноябрь — Сайида Мирзиёева (1984). Ўзбекистон Республикаси президенти ёрдамчиси.

➖ 4 ноябрь — Рашод Нури Гунтекин (1889-1956). Турк ёзувчисининг "Чолиқуши", "Хиноли қор", "Оқшом қуёши", "Муҳаббат симфонияси", "Оташ кечаси", "Яшил кеча", "Қон даъвоси" каби асарлари ўзбек тилига ўгирилган.

➖ 6 ноябрь — Шароф Рашидов (1917-1983). Давлат ва жамоат арбоби, атоқли ёзувчи ва шоир. Ўзбекистоннинг 1959-1983 йиллардаги раҳбари.

➖ 8 ноябрь — Михаил Ломоносов (1711-1765). Рус табиатшунос олими, рус адабий тилининг асосчиси, шоир, рассом ва тарихчи.

➖ 9 ноябрь — Иван Тургенев (1818-1883). Ўзбек китобхонлари орасида "Оталар ва болалар", "Овчининг мактублари", "Муму" каби асарлари машҳур.

➖ 11 ноябрь — Фёдор Достоевский (1821-1881). "Жиноят ва жазо", "Телба", "Ака-ука Карамазовлар", "Хўрланганлар ва ҳақоратланганлар", "Ўлик уйдан мактублар" сингари 20 га яқин асарлари таржима қилинган.

➖13 ноябрь — Усмон Носир (1912-1944). ХХ аср 30-йилларининг бошида ўзбек шеъриятига янги оқим олиб кирган. Шоир, таржимон ва драматург сифатида шуҳрат қозонган.

➖15 ноябрь — Насиба Абдуллаева (1961). 63 ёшни қарши олаётган санъаткор Ўзбекистон ва Озарбайжон халқ артисти унвонлари соҳибаси.

➖ 28 ноябрь — Стефан Цвейг (1881-1942). Австриялик ёзувчининг "Номаълум аёл мактуби" новелласи шуҳрат қозонган.

➖ 30 ноябрь — Жонатан Свифт (1667-1745). 1667 йилда туғилган ирландиялик ёзувчи ва жамоат арбоби "Гулливернинг саёҳатлари" романи орқали бутун дунёга машҳур бўлган.

➖ 30 ноябрь — Уинстон Черчилль(1874-1965). 9 йил давомида Буюк Британия бош вазири бўлган. Адабиёт бўйича Нобель мукофоти соҳиби.

Yoshlar kundaligi

#Туйғу

Сабрнинг энг сўнгги ипи узилди,
Хат ёзгим келяпти кимгадир...

✍️Усмон Азим

Yoshlar kundaligi

#Ким_экан

Бунча узун бўйларингиз,
Яқин Шарққа бўйладингиз,
Кесган ошни мақтаб-мақтаб,
Нималарни ўйладингиз?

❓Рассом нигоҳидаги йигитни ким таниди? Изоҳларда ёзинг.

Yoshlar kundaligi

#Сиёсат

❓Сайлов олдидан нимага турлича фикрлар кўпаяди?

☝️Профессор тўғри жавоб берибди.

Yoshlar kundaligi

#Назар

ҲОСИЛ БАЙРАМИ МАРКАЗИЙ ОСИЁДА!

🍉 Аксарият давлатларда кузги йиғим-терим ўзига хос байрам қилинади. Бугун биз қўшниларимиздаги Ҳосил байрамига назар ташлаймиз.

➖🇹🇯Тожикистон. 2009 йил 5 августда Меҳржон миллий байрам сифатида эълон қилинган. Байрамда асал кўргазмаси, ош фестивали, меҳмондўстлик маданияти ва дастурхон безаклари каби республика танловлари ҳам ўтказилади (видео).

➖🇹🇲Туркманистон. 2017 йилдан буён ноябрь ойининг иккинчи якшанбасида Ҳосил байрами нишонланади (2024 йилда бу сана 10 ноябрга тўғри келади). Байрам бутун мамлакат бўйлаб, кўргазмалар, спорт мусобақалари, концертлар ташкил этилган ҳолда ўтказилади.

➖🇰🇿Қозоғистон. Мазкур фестивал ҳосил йиғиб олингандан сўнг, кузги тенг кунликда бўлиб ўтади. Унда вилоятлардан йиғиб олинган қишлоқ хўжалиги маҳсулотлари ва миллий таомларнинг катта ярмаркаси ташкил қилинади.

➖🇺🇿 Ўзбекистонда эса Ҳосил байрами тор доирада, фақат боғчаларда ўтказилади. Шу кунларда вилоятимизнинг айрим мактабгача таълим ташкилотларида мазкур байрам нишонланмоқда.

Yoshlar kundaligi

#Туйғу

О жаноби муҳаббат, салом,
Салом сенга, эй ҳазрати Ишқ!

✍️ Шеър: Гулжамол Асқарова.

🖼 Суратда: Шаҳриёр Шавкат, Нозима Ҳабибуллаева.

Yoshlar kundaligi

⚡️⚡️⚡️

Шавкат Мирзиёевни Қозон аэропортида Татаристон раҳбари Миннихонов кутиб олди

Эътиборлиси, Мирзиёев ва Миннихонов ўртасидаги муносабатлар туркий тилнинг икки бўғини – ўзбек ва татар тилларида бўлди.

Бу тилдан сиёсий қурол сифатида фойдаланиш урфга кираётган бугунги кунларда биз учун ўта муҳим ҳодиса!

Yoshlar kundaligi

#Биласизми

BRICS+ : ҚАЧОН? ҚАЕРДА? НИМА УЧУН?

Ўзбекистон Республикаси Президенти Шавкат Мирзиёев БРИКС мамлакатлари саммитида иштирок этиш учун амалий ташриф билан Қозон шаҳрига жўнаб кетди. Давлатимиз раҳбари "Брикс плюс" форматидаги ялпи сессияда нутқ сўзлайди. Саммит 22-24 октябрь кунлари ўтказилиши режалаштирилган.

➖ Бу қандай ташкилот?

📆 BRICS (Бразилия, Россия, Ҳиндистон, Хитой, Жанубий Африканинг инглизча қисқартмаси) 2006 йил июнь ойида Петербург иқтисодий форуми доирасида иқтисодий ва маданий ҳамкорликни ривожлантириш мақсадида ташкил этилган.

➖ Аъзо давлатлар

Дастлаб ташкилотга беш давлат аъзо бўлган бўлса, 2024 йилнинг январида уларнинг сони яна тўрттага кўпайди. Шундан кейин ташкилот BRICS+ дея юритила бошланди. Айни дамдаги аъзолар: Бразилия, Россия, Ҳиндистон, Хитой, Жанубий Африка, Эрон, Миср, Эфиопия, БАА.

🇷🇺Россия BRICS дан нима кутяпти?

2009 йилдан бери BRICS саммитлари ҳар йили ўтказилади. Бу галги саммитдан Россиянинг умидлари катта. Россия глобал тўлов тизимини яратмоқчи ҳамда ҳали яккаланиб қолишдан йироқ эканини исботламоқчи.

Тадбирга МДҲ, ЕОИИ, ШҲТ ва АСЕАН каби бирлашмаларга аъзо бўлган 36 нафарга яқин давлат раҳбарлари ва сиёсатчилар таклиф этилган.

Владимир Путин BRICS га аъзо бўлган ҳамда бўлмаган давлатларнинг етакчилари билан алоҳида учрашув ўтказиш ниятида.

🇺🇿BRICS ва Ўзбекистон

Ўзбекистон BRICS га расман аъзо эмас. Аммо ташкилотнинг лойиҳаларида фаол иштирок этиб келади.

@olimlar_minbari

Сўнгги соатларда

➖🇰🇬Жим туринг, шовқинланманг: Қирғизистонда қабул қилинган “Жимжитлик тўғрисида”ги қонунга кўра, энди полиция рухсат этилган даражадан ошиб кетган шовқин учун одамларни жаримага тортиш ҳуқуқига эга.

➖🇺🇿Квадроберлар қамалади: ИИВ маълумотига кўра, вояга етган шахсларнинг бундай ҳаракатлари майда безорилик сифатида баҳоланиб, 15 суткагача қамоқ жазоси тайинланиши мумкин.

➖🇺🇸 Борма, куясан: АҚШда McDonald’s тармоғида бургер истеъмол қилган 49 киши заҳарланди, улардан бири вафот этди.

➖🇵🇸Ҳимоядасан, Фаластин: Қозонда ўтказилган саммитда БРИКС давлатлари Фаластиннинг БМТга тўлақонли аъзо сифатида қабул қилинишини қўллаб-қувватлади.

Yoshlar kundaligi

#Кайфият

Куз симфонияси I Оҳангарон тумани Овжазсой туризм қишлоғи

Yoshlar kundaligi

​ДАҲОНИНГ БОЛАЛИГИ

"Мен шу ҳазин товушлар дунёсида тарбия топдим".

🗓 1958 йил, 30 октябрь. Тун. Сурхондарё воҳасининг Кундажувоз қишлоғида тонги шеър билан бошланиб, кечи матал ва достон куйланиб тугайдиган ижодкорлар оиласида янги чақалоқ туғилди.

У оиласидаги маталгўйлик, достонхонлик муҳитида Ойбиби момоси, Саидумар амакиси ва Исломиддин тоғасидан халқ эртаклари, оғзаки ижодларини тинглаб, ёдлаб улғайди. Шундан бўлса керак, бўлажак шоир суҳбатларининг бирида "...боболарим бошлаган достонни сўнгги нуқтасига етказиш менинг бурчим", деганди.

🕓 Орадан вақтлар ўтди. Пойтахтга кетиш. Йигит мактабни битириб, олис воҳадан қайноқ пойтахтга ўқишга келди. Оиласи даврасидан кўп узоқда бўлмаган шоирни ўз уйи соғинчи қийнарди. Шунда:

"Яшинлар ёритган, эй олис уйим!
Шунча йиллар куйиб,
Қанча қисмат кечиб,
қанча ўю фироқ,
Ҳикмат кўрмадим мен сендан буюкроқ!",

деб битик қоралаганди.

Болалигидан шеърият оғушида улғайган йигит пойтахтга келиб ҳам бегона муҳитга эмас, журналистика факультетига, ижодкорлар бағрига сингди.

📚 Ижод иштиёқи. Ўқишга кирганидан кейинги йили "Тошкент оқшоми"да иш бошлади. Кейинроқ "Ўзбекистон адабиёти ва санъати" газетасида, ҳозир ҳам ижодкорларни тобида тоблаётган, фаолият юритаётган отахон журнал "Муштум"да адабий ходим, бўлим мудири сифатида фаолият олиб борди. Илк тўплами 28 ёшида "Тошкент оқшоми" газетида ишлаб юрган кезлари "Руҳим харитаси" номи билан чоп этилди.

❗️У замонасининг улуғ шоири Абдулла Орифга шогирд тушиб, сўзнинг ойдин йўлига тушганида юлдузи чарақлаб кетди. Ўзбек шеъриятининг яна бир паҳлавони етишиб чиққанини эл билди, кўрди. Буюк даштнинг кўҳна оҳанглари ҳар бир ўзбекнинг қалбига соҳир туйғулар билан кириб борди.

🔻 Сиёсий фаолияти. Сиёсатчилар ичида ҳам шоирлар, носирлар, ҳеч бўлмаганда шеърият, наср ва умуман ижодга шинавандалари талайгина. Бу таъриф қаҳрамонимизга ҳам насиб этди, яъни у мустақиллик, сўз эркинлиги берилганида – шеърият цензурасидан воз кечилган 2018 йилларда Ёзувчилар уюшмаси раиси сифатида фаолиятини бошлади. 2020 йилда давлат раҳбарининг фармонига мувофиқ Сенатор этиб, шу йили одамлар ижтимоий тармоқларда Америкадаги эгизак бинолар билан бўлган воқеани хотирлаётган кезда унинг номзоди ЎзЛиДеПга тасдиқланди.

🔄 У шоир, журналист, сиёсатшунос бўлиб қолмай, таржимонлик билан ҳам фаол тарзда шуғулланган. Жумладан, унинг таржимасида машҳур рус шоирлари А.Вознесенский, Б.Ахмадулина, В.Висоцкий ва русийзабон ўзбек шоири А.Файнбергнинг шеърларини ўқишимиз мумкин.

🏅 Чарчоқлар тарқалганда. У ким бўлсин, қилган иши, ижоди, яхшилигига кунжут донасича эътибор, эътироф ва рағбат олса, чарчоқлари тарқалиб, иштиёқи чандон ортади. Унинг ижоди беэътибор қолмади, ҳозирга қадар "Дўстлик" ордени, "Ўзбекистон халқ шоири" унвони ва "Меҳнат шуҳрати" ордени билан мукофотланган.

Бугуннинг энг таниқли шоиру сиёсатдони, кўплаб китоблар муаллифи бўлган бу адибнинг исми...

Сирожиддин эди. Сирожиддин Саййид эди...

Yoshlar kundaligi

#Туйғу

Қийналади офтобни кутиб,
Ёмғирларда ивиган шаҳар...
Ухлаб қолдинг, йиғлаб, қон ютиб,
Кўринганда уфқда саҳар.

✍️ Усмон Азим

Yoshlar kundaligi

#Чақириқ

🇺🇿 27 октябрь – Ўзбекистон Республикаси Олий Мажлиси ва маҳаллий Кенгашлар депутатлари сайлови куни.

💠 Чирчиқ шаҳрининг фаол ёшлари турли миллат вакилларига мурожаат билан чиқди.

Yoshlar kundaligi

#Кайфият

У ерда Қўқон обод,
Бу ерда Нурафшон обод.

Ижро: Аҳрорхон
〰️〰️〰️〰️

"Ёшлар кундалиги" медиа студиясида янги қўшиқ: "Ҳижрон". Марҳамат, тингланг ва баҳо беринг.

Маълумот ўрнида, мазкур студияда бугунга қадар "Ёшлар мадҳияси", "Мен ёшликман" сингари қўшиқлар яратилди ва катта саҳналарда намойиш қилинди. Медиа гуруҳ айни пайтда "Миллий репертуар" лойиҳаси устида иш олиб бораяпти.

Yoshlar kundaligi

#Ташаббус

Ранг-баранг Ўзбекистон-2

Қарши. Спутник канали. Маҳаллий ёшлар дарёга балиқ эҳсон қилиб, шу орқали табиатда мувозанатни тиклашга чақирмоқда.

Ана шунақа гаплар, ҳурматли Миразиз Баҳромович. 😶

Yoshlar kundaligi

#Ташаббус

Ранг-баранг Ўзбекистон-1

Ёшлар ташкилоти фаол, ташаббускор.

Yoshlar kundaligi

#Туғилган_кун

ОХУНБОБОЕВНИНГ ШАХСИЙ КОТИБИ ҲАҚИДА БИЛАСИЗМИ?

🔹Педагог, файласуф олим, Ўзбекистонда хизмат кўрсатган фан арбоби Сулаймон Эгамбердиевич Азимов 1908 йил 21 октябрда Қирғизистоннинг Ўзган туманида деҳқон оиласида туғилган.

🔘 Сулаймон Азимов ўзбек зиёлиларининг йигирманчи асрдаги буюк вакилларидан бири эди. Тақдир тақозоси билан, иқтидорли болалар таълими дастурига асосан Тошкентдаги Алмаий намуна иш мактабини битиради. Ўрта Осиёдан биринчи бўлиб 1932 йилда Москва Тарих-фалсафа ва адабиёт институтининг фалсафа факультетига ўқишга киради, Ўқув юртини муваффақиятли тамомлаб, Ўрта Осиё давлат университетида (САГУ) ва Низомий номидаги Тошкент давлат педагогика институтида фалсафадан дарс беради.

📁 Меҳнат фаолияти давомида Ўзбекистон ССР Марказий Ижроия Комитетининг раиси Йўлдош Охунбобоевнинг шахсий котиби, Республика Маданият вазири ўринбосари, Фанлар Академиясининг Фалсафа ва ҳуқуқ институти сектор мудири лавозимларида ишлади. Бир қанча орден ва медаллар билан тақдирланган.

📌 Осиё ва дунё миқёсидаги бир қатор мамлакатлар ўртасида сиёсий, маданий ва дўстлик юзасидан шартномалар тузилишида ҳукумат вакили сифатида иштирок этган.

📎 Сулаймон Азимов 1996 йилнинг 3 январида ҳаётдан кўз юмади.

@olimlar_minbari

#Хушхабар

Шафёрлар диққатига: Йигирма олтинчи километрда аҳвол ўнгланади

Оҳангаронда Чотқол, Қурама ва... Чиқинди тоғи бор. Буни шафёрлар, шу йўлдан ўтганлар яхши билади. Энди мана шу чиқинди тоғ тизмалари йўқолади.

🇰🇷 Корея Республикасининг “Sejin” компанияси 55 миллион доллар эвазига Тошкент вилояти Оҳангарон туманидаги маиший чиқинди полигонида ҳосил бўладиган газдан муқобил электр энергияси олишни йўлга қўяди. Унинг қуввати 16 мегаватт бўлиши кўзда тутилган.

🔰 Тошкент-Оҳангарон йўлининг 26-километридаги бадбўй ҳаво, чиқинда полигони атрофидаги аянчли манзара ҳаммага маълум. Ниҳоят бундан қутиладиган бўлдик!

Yoshlar kundaligi