ထိုင်း မဲဆောက်ပေ့ချ်ကနေတင်ထားတာဖြစ်ပါတယ်ဗျ။
အတိုချုပ်ပြန်ရရင်
မီးရှူးမီးပန်းဗျောက်ဖောက်ခြင်းများကို မသင့်တော်စွာကစားခြင်းပကြောင်းပြောထားပါတယ်ဗျ။ ပြီးတော့ အိမ်ရှင်နိုင်ငံရဲ့ ယဉ်ကျေးမှု ဓလေ့ထုံးတမ်းများကိုသေချာမလေ့လာပဲ မိမိလုပ်နေကျအတိုင်း လုပ်ဆောင်နေကြကြောင်း၊ အများပြည်သူ ထိခိုက်နစ်နာမှု တွေကိုသိရှိနားလည်သင့်ကြောင်းရေးထားပါတယ်။
ထိုနောက် ယဉ်စည်းကမ်းလမ်းစည်းကမ်းများကို မလိုက်နာခြင်းနှင့် လမ်းသွားသူ အချင်းချင်း လေးစားလိုက်နာရမည့်အချက်များ မလိုက်နာမှုတွေကြောင့် နှစ်ဦးနှစ်ဖက် နစ်နာမှုတွေ အများကြီးဖြစ်ကြရကြောင်း ပါဖော်ပြထားပါတယ်။ လမ်းတွေကိုသေချာဆောက်ထားသော်ြငားလည်း ယဉ်းစည်းကမ်းများမလိုက်နာ လမ်းသွားလမ်းလာ သူတိုကို ကြည့်ရှောင်နေရကြောင်း၊ စည်းကမ်းမဲ့ လမ်းဖြတ်ကူးခြင်းများကိုပြောထားပါတယ်။ အားလုံးမလိုက်နာနိုင်သေးရင်တောင် ကြိုးစားပြီးတယောက်တဝက် (ထိုင်း-မြန်မာ) လိုက်နာနိုင်ကြရင်တောင်တော်သေးတယ်။ မိမိနိုင်ငံမှာနေခဲ့သည့်အတိုင်း ဒီနိုင်ငံမှာလဲဒီလိုပဲနေမယ် ဆိုတဲ့စိတ်နဲ့နေနေကျတော့ ထိုင်းနိုင်ငံသားတွေအနေနဲ့ တနေ့တာဖြတ်သန်းရတာတွေမှာ အခက်ခဲမျိုးစုံတွေ့ရပါတယ်။
တခါမှထုတ်ဖော်မပြောဖူးပေမယ့် လက်ရှိမှာ မခံစားနိုင်လို ထုတ်ဖော်ပြောဆိုရကြောင်းနှင့် လူသားချင်းစာနာထောက်ထားမှုအရ ဒုက္ခသည်တွေကို အဖွဲစည်းတွေက လက်ခံ ကူညီစောင့်ရှောက် ထားကြတယ်ဆိုပေမယ့် အိမ်ရှင်ထိုင်းနိုင်ငံသားတွေအတွက် ထိခိုက်နစ်နာမှုတွေကိုကျ ဘယ်အဖွဲစည်းမှတာဝန်ယူမဖြေရှင်းပေးကြကြောင်း ဖော်ပြထားပါတယ်။
AAT မှ Local CSOs များကို မိမိနီးစပ်ရာရပ်ကွက်များကို အောက်ပါအချက်များလိုက်လံမျှဝေ ကြေငြာပေးကြပါရန်မေတ္တာရပ်ခံထားပါတယ်ဗျ။
လက်ရှိမှာ ဗျောက်၊ မီးရှူးမီးပန်းဖောက်ခြင်းကိစ္စနဲ့ပတ်သက်ပြီး ထိုင်း social meida များမှာ Myanmar community တွေကိုပစ်မှတ်ထားပြီး ပြောနေကြပါတယ်။ မလိုအပ်တဲ့ ပြသနာများမဖြစ်ပွါးရန်အတွက် အသိပညာမျှဝေပေးကြပါရန် မေတ္တာရပ်ခံထားပါတယ်ဗျ။
လွဲကထုံပွဲတော်ရက်များတွင် မီးရှူးမီးပန်းမျကစားခြင်းအတွက် ဆောင်ရန်ရှောင်ရန်အချက်များအား လိုက်နာဆောင်ရွက်ရန် တောင်းဆိုချက်
လေးစားအပ်ပါသော မိဘပြည်သူများခင်ဗျာ
လွဲကထုံပွဲတော်ကာလအတွင်း ဖြစ်ပေါ်လာနိုင်သော အန္တရာယ်များနှင့် ပျက်စီးဆုံးရှုးမှုများကို ကာကွယ်ရန်အတွက်ဗျောက်၊ မီးရှူးမီးပန်းများအသုံးပြုရာတွင် အောက်ပါအချက်များအား လိုက်နာဆောင်ရွက်ပေးကြပါရန် မေတ္တာရပ်ခံအပ်ပါသည်။
၁။ လုံခြုံသော နေရာများတွင်သာ မီးရှူးမီးပန်းများ ကစားရန် - နေအိမ်များ၊ အဆောက်အအုံများနှင့် လူစည်ကားရာ နေရာများကို ရှောင်ကြဉ်ပါရန်။
၂။ အကြီးစား မီးရှူးမီးပန်းများ အသုံးပြုခြင်းကို ရှောင်ကြဉ်ရန် - အထူးသဖြင့် အများပြည်သူပိုင်နေရာများတွင် ဆူညံသံများနှင့် အန္တရာယ်ဖြစ်စေနိုင်သော မီးရှူးမီးပန်းများကို ရှောင်ကြဉ်ပါရန်။
၃။ ည ၁၀:၀၀ နာရီနောက်ပိုင်းတွင် မီးရှူးမီးပန်းများ ကစားခြင်းကို ရှောင်ကြဉ်ရန် - အခြားသူများ၏ အနားယူချိန်ကို လေးစားရန်။
၄။ မီးပုံးများ လွှတ်တင်ရာတွင် သတိထားရန် - အထူးသဖြင့် လေဆိပ်အနီးတဝိုက်တွင် လွှတ်တင်ခြင်းကို ရှောင်ကြဉ်ရန်၊ လေကြောင်းခရီးသွားလာမှုကို အန္တရာယ်ဖြစ်စေနိုင်သည့်အပြင် ကြီးမားသော မတော်တဆမှုများ ဖြစ်ပွားနိုင်သည်။
၅။ ကလေးများအား လူကြီးများ၏ ကြီးကြပ်မှုမရှိဘဲ မီးရှူးမီးပန်းများ ကစားခွင့်မပြုရန် - အသုံးမပြုမီ မီးရှူးမီးပန်းများမှာ ကစားရန် လုံခြုံစိတ်ချရကြောင်း သေချာစွာ စစ်ဆေးရန်။
၆။ မီးလောင်လွယ်သော ပစ္စည်းများအနီးတဝိုက်တွင် မီးရှူးမီးပန်းများ မဖွင့်ရန် - ဥပမာ အမှိက်ပုံများ သိုမဟုတ် ခြောက်သွေ့သော ပစ္စည်းများရှိရာ နေရာများ။
မီးရှူးမီးပန်းများကြောင့် ဆူညံသံထွက်ပေါ်ခြင်း သိုမဟုတ် အနှောင့်အယှက်ဖြစ်စေခြင်းအတွက် ပြစ်ဒဏ်များ
ပြည်သူ့ကျန်းမာရေးဥပဒေ ၂၅၃၅ (၁၉၉၂) နှင့် ပြင်ဆင်ချက် ပုဒ်မ ၂၅၊ ပုဒ်မ ၂၈/၁၊ ပုဒ်မ ၇၄ အရ ကျူးလွန်သူသည် ထောင်ဒဏ် ၃ လထက်မပို သိုမဟုတ် ဒဏ်ငွေ ဘတ် ၂၅,၀၀၀ ထက်မပို သိုမဟုတ် ဒဏ်နှစ်ရပ်လုံး ချမှတ်ခြင်းခံရမည်။ အနှောင့်အယှက်ဖြစ်စေမှုအတွက် တိုင်ကြားခံရနိုင်ခြေ မြင့်မားပါသည်။
ဤပွဲတော်ကာလအတွင်း လုံခြုံရေးကို ထိန်းသိမ်းရန် ပူးပေါင်းဆောင်ရွက်ပေးကြသော အားလုံးကို အထူးကျေးဇူးတင်ရှိပါသည်။ လူတိုင်း ပျော်ရွှင်စွာနှင့် လုံခြုံစိတ်ချစွာ ဆင်နွှနိုင်ကြပါစေ။
အများပြည်သူများ လုံခြုံရေးရှေးရှု၍ ပွဲတော်ကာလအား ပျော်ရွှင်စွာ ဆင်နွှနိုင်ရေးအတွက် စည်းကမ်းများလိုက်နာဆောင်ရွက်ပေးကြပါရန် မေတ္တာရပ်ခံအပ်ပါသည်။