Shwe Phee Myay News Agency

🟢 သီပေါမှာ အမျိုးသားတစ်ဦး မိုင်းနင်းမိပြီး ဒဏ်ရာရ

ရွှေဖီမြေ၊ ဇန်နဝါရီ ၂၄ ရက်၊ သီပေါ

ရှမ်းမြောက် သီပေါမြို့မှာ အမျိုးသားတစ်ဦး မိုင်းနင်းမိတာကြောင့် လက်ချောင်းပြတ်ပြီး ထိခိုက်ဒဏ်ရာ ရရှိခဲ့တယ်လို့ တအာင်းတပ်မတော်- TNLA က ဒီနေ့ ဇန်နဝါရီ ၂၄ ရက်မှာ ထုတ်ပြန်လာပါတယ်။

သီပေါမြို့နယ် မန်ကောင်းရွာမှာရှိတဲ့ အမျိုးသားတစ်ဦးက ပြီးခဲ့တဲ့ ဇန်နဝါရီ ၂၂ ရက် ည ၈ နာရီမှာ မိုင်းနင်းမိခဲ့တာ ဖြစ်ပါတယ်။

မိုင်းနင်းမိပြီး လက်ချောင်း ပြတ်သွားတဲ့ အမျိုးသားဟာ အသက် ၃၄ နှစ်အရွယ်ရှိတဲ့ ဦးဆိုင်လီနော်ဆိုသူ ဖြစ်ပါတယ်။

ဦးဆိုင်လီနော် မိုင်းနင်းမိတဲ့နေရာဟာ အရင်က စစ်ကောင်စီတပ် ခမရ ၅၀၄ တပ်စခန်းအနီးမှာ ဖြစ်တယ်လို့ ဖော်ပြထားပါတယ်။

ပြီးခဲ့တဲ့ ဇန်နဝါရီ ၇ ရက်ကလည်း သီပေါမြို့နယ် စံဖိတ်ရွာက ဦးအိုက်ဆိုင်ဆိုသူဟာ ခြံအတွင်း မြက်ရှင်းရာကနေ မိုင်းနင်းမိပြီး ခြေထောက်တစ်ဖက် ဆုံးရှုံးခဲ့ပါတယ်။

#ဓာတ်ပုံ- Google
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 တန့်ယန်းမြို့ရှိ ရွှေဆိုင် ဓားပြတိုက်ခံရ၊ တစ်ပတ်အတွင်း ဓားပြတိုက်မှု ၃ ကြိမ်ဖြစ်

ယာရူစိင်း၊ ဇန်နဝါရီ ၂၄ ရက်၊ တန့်ယန်း

စစ်ကောင်စီတပ် ထိန်းချုပ်ထားတဲ့ ရှမ်းမြောက် တန့်ယန်းမြို့မှာ ရွှေဆိုင်တစ်ဆိုင် ဓားပြတိုက်ခံရပြီး တစ်ပတ်အတွင်း ဓားပြတိုက်မှု ၃ ကြိမ်ထက်မနည်း ဖြစ်ပွားခဲ့ကြောင်း ဒေသခံတွေရဲ့ ပြောပြချက်အရ သိရပါတယ်။

မနေ့ ဇန်နဝါရီ ၂၃ ရက် နေ့လယ်ပိုင်းမှာ တန့်ယန်းမြို့ ရပ်ကွက်(၄)ရှိ မြို့မဈေးထဲက ရွှေဆိုင်တစ်ဆိုင်ကို သေနတ် ကိုင်ဆောင်ထားတဲ့ လူတစ်စုက ကားနဲ့ လာရောက်ကာ ဓားပြတိုက်သွားတယ်လို့ တန့်ယန်းမြို့ခံ အမျိုးသမီးတစ်ဦးက ရွှေဖီမြေကို ပြောပါတယ်။

"အဲဓားပြတွေက သေနတ်ပါတယ်။ ဆိုင်ပိုင်ရှင်ကို သူတို့က လည်ပင်း ညှစ်ပြီး‌ သေနတ်‌ ထောက်တယ်။ ပြီးကျ ရှိသမျှ ရွှေတွေ အကုန်ယူသွားတာ အများကြီး ပါသွားတယ်။ အဲဒီနားမှာကျ လူတွေအများကြီးပါ လူပျက်တဲ့အချိန်ဆိုရင် ရှားတယ်"

ဓားပြတိုက်သူတွေ ယူဆောင်သွားတဲ့ ရွှေတွေရဲ့တန်ဖိုး အသေးစိတ် မသိရသေးဘဲ ဓားပြအဖွဲ့ထဲက အမျိုးသားတစ်ဦးကိုတော့ ဘေးပတ်ဝန်းကျင်မှာရှိတဲ့ လူထုတွေက ဝိုင်းဝန်းဖမ်းဆီးရမိခဲ့တယ်လို့ ၎င်းက ဆက်ပြောပါတယ်။

နောက်ထပ် ဒေသခံ အမျိုးသားတစ်ဦးကလည်း "ပြီးခဲ့တဲ့ ၁၉ ရက်ကလည်း ဓားပြတိုက်မှု ဖြစ်သေးတယ်။ ဒါပေမဲ့ ဆိုင်ပိုင်ရှင်က ဒီအတိုင်းဘဲ ထားလိုက်တာ။ ဘာမှ တိုင်ကြားတာ မရှိဘူး။ ဒီရက်ပိုင်းမှာ ဓားပြတိုက်မှု မကြာခဏ ဖြစ်ပွားနေတယ်ဗျ။ အသွားအလာလည်း မလုံခြုံတော့ပါဘူးဗျ။ တော်တော် ဆိုးဆိုးဝါးဝါး ဖြစ်နေပါတယ်" ဆိုပြီး ပြောပါတယ်။

တန့်ယန်းမြို့ထဲ ကျားဖြန် လုပ်ကိုင်သူတွေ ရောက်လာပြီးနောက် စားသောက်ကုန်နဲ့ အိမ်ခန်းငှားခ အဆမတန် ဈေးတက်လာပြီး တရားဥပဒေစိုးမိုးရေးလည်း အားနည်းနေကြောင်း ဒေသခံတွေက ရွှေဖီမြေသို့ ပြောဆိုထားဖူးပါတယ်။

#ဓာတ်ပုံ- Google (ပုံဟောင်း)
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 လားရှိုး ကောင်းကျဲအုပ်စုထဲက ကျေးရွာတွေမှာ SSPP နဲ့ KIA ဆန်နဲ့ငွေ တောင်းခံ၊ ဇန်နဝါရီလအတွင်း အပြီးပေးခိုင်းနေ

ယာရူစိင်း၊ ဇန်နဝါရီ ၂၄ ရက်၊ လားရှိုး

ကိုးကန့်တပ်မတော်- MNDAA ထိန်းချုပ်ထားတဲ့ ရှမ်းမြောက် လာရှိုးမြို့နယ် ကောင်းကျဲအုပ်စုထဲရှိ ကျေးရွာတွေမှာ ရှမ်းပြည်တပ်မတော်- SSPP နဲ့ ကချင်တပ်မတော်- KIA က ဆန်နဲ့ငွေ တောင်းခံနေပြီး ဇန်နဝါရီလအတွင်း အပြီးပေးခိုင်းနေပါတယ်။

ကောင်းကျဲအုပ်စုထဲက အိမ်ခြေ ၂ဝဝ ခန့်ရှိတဲ့ ခါးချဉ်ရွာ၊ အိမ်ခြေ ၆ဝ ကျော်ရှိတဲ့ ကောင်းမတ်ကျန်းရွာ၊ အိမ်ခြေ ၈ဝ ကျော်ရှိတဲ့ နမ့်မော်ဂျင်ရွာ၊ ပန်ဝူးလျန်ကျေးရွာနဲ့ အိမ်ခြေ ၁ဝဝ ကျော်ရှိတဲ့ ညောင်ပင်သာရွာတွေမှာ ကောက်ခံနေတာပဲ ဖြစ်ပါတယ်။

မြေပြင်အခြေအနေသိရှိသူ အမျိုးသားတစ်ဦးက "တစ်ရွာနဲ့တစ်ရွာ မတူဘူး။ SSPP က ရွာတစ်ရွာကို ဆန်အိတ် ဘယ်လောက် ပေးရမယ်ဆိုပြီး သတ်မှတ်ထားတာ ရှိပါတယ်။ ခါးချဉ်ကျေးရွာဆိုရင် ဆန်အိတ် ၂၀ ကို အိမ်ခြေ ရှိသလောက် မျှခံကြရတယ်။ KIA ကတော့ အိမ်တစ်အိမ်ကို ဆန် ၁၆ ပြည် (၁ တင်း) ငွေ တစ်သောင်းကျပ်နဲ့ ဆား ၁ ပိဿာ ကောက်ခံနေပါတယ်" လို့ ပြောပါတယ်။

ဇန်နဝါရီလအတွင်း အပြီးပေးခိုင်းနေသလို မပေးနိုင်ကြောင်း ငြင်းဆိုတဲ့သူရှိရင် လာရောက် တိုင်ကြားဖို့ ကျေးရွာ‌တွေမှာရှိတဲ့ ရွာလူကြီးကို မှာကြားထားတယ်လို့လည်း ၎င်းက ဆက်ပြောပါတယ်။

နောက်ထပ် မြေပြင်အခြေအနေသိရှိသူ အမျိုးသားတစ်ဦးကလည်း "ကချင်ရွာဆိုပြီး ခွဲထားတာ မရှိပါဘူး။ ကချင်တွေကိုကျတော့ သီးသန့် ခေါ်တွေ့တာ ရှိတယ်။ အိမ်တိုင်း ပေးရမယ့်ပုံစံပါ။ နှစ်စဉ်ကြေးလို့ ပြောတယ်။ ခါတိုင်းနှစ်တွေလည်း ကောက်တယ်။ SSPP က သူတို့ရှမ်းပြည်ဆိုတဲ့ ပုံစံနဲ့ အရင်နှစ်တွေဆို စစ်မှုထမ်းဖို့ လူပါတောင်းတယ်။ KIA တပ်က ဒီနှစ်မှ စကောက်တာ အရင်ကတော့ ကောက်တာ မရှိပါဘူး" ဆိုပြီး ပြောပါတယ်။

ဆန်နဲ့ငွေ ကောက်ခံနေတဲ့ ရွာတွေမှာ ကချင်၊ ဗမာ၊ ဂေါ်ရခါး၊ ရှမ်း၊ တအာင်း၊ ကိုးကန့်နဲ့ ကရင်လူမျိုးတွေ ရောနှောနေထိုင်ကြတာဖြစ်ပြီး KIA ဟာ ကချင်လူမျိုးတွေကိုသာ ကောက်ခံတာဖြစ်ပြီး တခြားတိုင်းရင်းသားကိုတော့ ကောက်ခံတာ မရှိဘူးလို့ ၎င်းက ဆက်ပြောပါတယ်။

ကိုးကန့်တပ် ထိန်းချုပ်‌နယ်မြေမှာ ဘယ်အဖွဲ့အစည်းမှ ငွေနဲ့ စစ်မှုထမ်း ကောက်ခံတာကို လက်ခံမှာမဟုတ်ဘဲ ကောက်ခံတာရှိရင် တိုင်ကြားနိုင်ကြောင်း ကိုးကန့်တပ်‌က ပြောဆိုဖူးတယ်လို့ အထက်ပါ သတင်းအရင်းအမြစ်က ပြောပါတယ်။

"ဘယ်သူမှ မတိုင်ရဲကြပါဘူး။ ခြိမ်းခြောက်ထားတာ မရှိပေမဲ့ ကြောက်နေကြတာဘဲ။ အခု နေရတာလည်း မလုံခြုံဘူး။ သူခိုးဓားပြရန်ကတမျိုး စစ်ရေးကတစ်မျိုးလေ။ SSPP ကို ကြိုက်နှစ်သက်တဲ့သူတွေရှိသလို KIA တပ်ကို ထောက်ခံအားပေးတဲ့သူတွေလည်း ရှိတာပေါ့ဗျ"

၁၀၂၇ စစ်ဆင်ရေး ဒုတိယလှိုင်းအတွင်း လားရှိုးမြို့ကို သိမ်းပိုက်ပြီးနောက် KIA က ကချင်လူမျိုးတွေကို စစ်မှုထမ်းဖို့ ခေါ်တာကြောင့် ကိုးကန့်တပ်ဘက် တိုင်ကြားခဲ့တဲ့ ပန်ဝူးလျန်ရွာလူကြီးကို KIA က ဖမ်းဆီးသွားတဲ့ဖြစ်စဉ်လည်း ရှိခဲ့ကြောင်း ဒေသခံတွေရဲ့ ပြောပြချက်အရ သိရပါတယ်။

#ဓာတ်ပုံ- Local
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 မိုးကုတ် နယ်မြေ ၁၃ မှာ ထမင်းချက်နေစဉ် မီးလောင်မှုဖြစ်

မိုင်းပန်ပျော်၊ ဇန်နဝါရီ ၂၄ ရက်၊ မိုးကုတ်

တအာင်းတပ်မတော် ထိန်းချုပ်ထားတဲ့ မန္တလေးတိုင်း မိုးကုတ်မြို့နယ်က အိမ်တစ်အိမ်မှာ ထမင်းချက်နေစဉ် မီးလောင်မှု ဖြစ်ပွားခဲ့ပါတယ်။

ဇန်နဝါရီ ၂၂ ရက် နေ့လယ် ၁ နာရီခန့်မှာ မိုးကုတ်မြို့ နယ်မြေ ၁၃ မင်းတံတားက အိမ်တစ်အိမ်မှာ ထမင်းချက်နေစဉ် မီးလောင်မှု ဖြစ်ပွားခဲ့တာလို့ ဖြစ်စဉ်သိရှိသူ အမျိုးသမီးတစ်ဦးက ရွှေဖီမြေကို ပြောပါတယ်။

"ဖြစ်စဉ်ကတော့ အတိအကျ မသိဘူး။ တချို့ပြောတော့ ထမင်းချက်နေတဲ့အချိန် မီးကူးစက်ပြီး‌ ေ‌လာင်သွားတယ်။ တချို့ပြောတာတော့ ကလေးက မီးခြစ်ဆော့ပြီး မီးလောင်သွားတယ်လို့ ပြောကြတယ်"

မီးလောင်မှု ဖြစ်ပွားတဲ့အိမ်ကို PSLF/TNLA ရဲ့ မီးသတ်ဌာနက လူအင်အား ၃၀ နဲ့ မီးသတ်ကား ၄ စီး အသုံးပြုပြီး မီးငြိမ်းသတ်ခဲ့ရတယ်လို့ ၎င်းက ဆက်ပြောပါတယ်။

မီးလောင်မှု ဖြစ်ပွားတာနဲ့ပတ်သက်ပြီး လူအထိအခိုက် မရှိပေမဲ့ အိမ်ထဲမှာရှိတဲ့ ပစ္စည်းတန်ဖိုး ၂၆ သိန်းဝန်းကျင် ဆုံးရှုံးခဲ့ရတယ်လို့ ဆိုပါတယ်။

အလားတူ ပြီးခဲ့တဲ့ ဇန်နဝါရီ ၁၅ ရက်မှာလည်း မိုင်းရယ်မြို့မှာ ဘက်ထရီအိုး ပေါက်ကွဲကာ မီးလောင်မှု ဖြစ်ပွားခဲ့တာကြောင့် ၂ နှစ်သား ကလေးငယ်တစ်ဦးနဲ့ ၂ လသား ကလေးငယ်တစ်ဦး မီးလောင်ပြီး သေဆုံးခဲ့ပါတယ်။

ဇန်နဝါရီ ၉ ရက်က နမ့်ခမ်းမြို့နယ် နမ့်စိတ်ရွာမှာ အိမ်ရှင်ဖြစ်သူက အသုဘသို့ သွားနေစဉ် ဝိုင်ယာကြိုး ရှော့လ်ဖြစ်ပြီး နေအိမ်တစ်လုံး မီးလောင်မှု ဖြစ်ပွားခဲ့ပြီး သိန်း ၅ဝ ကျော်ဖိုး ဆုံးရှုံးခဲ့ပါတယ်။

#ဓာတ်ပုံ- Local
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 စစ်စည်းကမ်း ချိုးဖောက်ပြီး စစ်သုံ့ပန်း ၂ ဦး သတ်ဖြတ်ခဲ့တာကို AA ဝန်ခံ၊ ကျူးလွန်တဲ့ တပ်ဖွဲ့ဝင်ကို အရေးယူထားတယ်လို့ AA ပြော

ခိုင်လေး၊ ဇန်နဝါရီ ၂၄ ရက်

စစ်စည်းကမ်း ချိုးဖောက်ပြီးတော့ စစ်သုံ့ပန်း ၂ ဦးကို သတ်ဖြတ်ခဲ့တဲ့ တပ်ဖွဲ့ဝင်ကို အရေးယူထားတယ်လို့ အာရက္ခတပ်တော်- AA က ပြောပါတယ်။

ပြီးခဲ့တဲ့ ၂၀၂၄ ဖေဖော်ဝါရီ ၇ ရက်မှာ ဖြစ်ပွားခဲ့တာဖြစ်ပြီး ကျောက်တောမြို့ထဲက စကခ ၉ ဌာနချုပ်ကို AA က ထိုးစစ်ဆင် တိုက်ခိုက်ခဲ့ချိန်မှာ ဖမ်းဆီးရမိတဲ့ သုံ့ပန်းတွေဖြစ်တယ်လို့ AA ရဲ့ ပြောရေးဆိုခွင့်ရှိသူ ဦးခိုင်သုခက ရွှေဖီမြေကို ပြောပါတယ်။

"စစ်စည်းကမ်း ချိုးဖောက်ပြီးမှ ပြစ်မှု ကျူးလွန်တာ။ ဘာကြောင့်လဲဆိုရင် တစ်ချိန်တုန်းက သူတို့ရဲ့ မိသားစုတွေကို မတရား ဖမ်းဆီးသတ်ဖြတ်ထားတဲ့ အကြမ်းဖက် စစ်သားတွေကို သူတို့ဖမ်းမိတဲ့အချိန်မှာ ကျနော်တို့‌ရဲ့ ဒေသခံပြည်သူ့စစ်တွေက ဒေါသ မထိန်းနိုင်ဘဲနဲ့ အခုလိုမျိုး လက်စားချေတဲ့ပုံစံမျိုးနဲ့ စစ်စည်းကမ်း ချိုးဖောက်တာ ပြစ်မှုကျူးလွန်ခဲ့တာ ဖြစ်ပါတယ်"

ဖြစ်စဉ်မှာ ပါဝင်ခဲ့တဲ့ တပ်မှူးငယ်‌အပါအဝင် ပါဝင်သူအားလုံးကို AA က ဖော်ထုတ်ပြီး အပြစ်ပေး အရေးယူထားတယ်လို့ ဦးခိုင်သုခက ဆက်ပြောပါတယ်။

စစ်သည်တော်ကျင့်ဝတ်၊ လူ့အခွင့်အရေးကျင့်ဝတ်ကို လိုက်နာဖို့အတွက် သင်တန်းမှာကတည်းက စနစ်တကျ ပို့ချထားတာရှိပြီး စစ်မြေပြင်မှာလည်း လိုက်နာလုပ်ဆောင်ဖို့အတွက် အတိအကျ ညွှန်ကြားထားကာ အကောင်းဆုံး လိုက်နာဆောင်ရွက်လျက်ရှိကြောင်း ပြောပါတယ်။

လက်ရှိဖြစ်ရပ်တစ်ခုတည်းကိုသာကြည့်ပြီး ရာထောင်ချီတဲ့ စစ်သုံ့ပန်းကို ဆေးဝါး ကုသပေးပြီး ကောင်းကောင်းမွန်မွန် ကျွေးမွေးစောင့်ရှောက်ထားတာကို မမေ့ဖို့နဲ့ မြင်အောင် ကြည့်ဖို့လည်း လိုအပ်ကြောင်းနဲ့ AA က ဥပဒေမဲ့ သတ်ဖြတ်မှုမျိုးကို လုံးဝ လက်မခံတဲ့အပြင် ကျူးလွန်သူ‌တွေကိုလည်း အပြစ်ပေး အရေးယူသွားမှာဖြစ်ပြီး အခုလိုကိစ္စမျိုး မဖြစ်အောင် အကောင်းဆုံး ထိန်းကျောင်းပြီးတော့ တိုက်ပွဲဝင်သွားမှာဖြစ်တယ်လို့ ဆိုပါတယ်။

ဖမ်းဆီးရမိတဲ့ စစ်သုံ့ပန်းနှစ်ဦးကို သတ်ဖြတ်ခဲ့တဲ့အပေါ် နိုင်ငံတကာ ရာဇဝတ်ခုံရုံး- ICC အနေနဲ့ ရခိုင်ပြည်နယ်အတွင်းရှိ ရက္ခိုင့်တပ်တော်က ကျူးလွန်ခဲ့တဲ့ စစ်ရာဇဝတ်မှုကို စုံစမ်းစစ်ဆေးသင့်ကြောင်း Fortify Rights အဖွဲ့က မနေ့ ဇန်နဝါရီ ၂၃ ရက်မှာ ထုတ်ပြန်ခဲ့ပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 မကွေးနယ်စပ်တစ်လျှောက် တိုက်ပွဲကနေ ထွက်ပြေးလာတဲ့ စစ်သားကို PRF-Magway က ကြားဖြတ်တိုက်ခိုက်ရာ ဗိုလ်ကြီးအပါအဝင် ၁၀ ဦး သေဆုံး

ခိုင်လေး၊ ဇန်နဝါရီ ၂၃ ရက်၊ မကွေး

ရခိုင်-မကွေးနယ်စပ်မှာ တိုက်ပွဲ ဖြစ်ပွားနေပြီး တိုက်ပွဲကနေ ထွက်‌ေပြးလာတဲ့ စစ်ကောင်စီတပ်သားကို PRF-Magway က ကြားဖြတ်တိုက်ခိုက်ရာ ဗိုလ်ကြီး ၂ ဦး၊အရာခံဗိုလ် ၁ ဦးအပါအဝင် စစ်သား ၁၀ ဦး သေဆုံးခဲ့တယ်လို့ PRF-Magway က ဒီနေ့ ဇန်နဝါရီ ၂၃ ရက်မှာ ထုတ်ပြန်လာပါတယ်။

ခမရ ၁၁၃ မှ ဗိုလ်ကြီး ၂ ဦးအပါအဝင် ၁၂ ဦးကိုလည်း အရှင်ဖမ်းမိပြီး ၆၀ မမ ကွန်မန်ဒိုစိန်ပြောင်း ၁ လက်၊ လက်နက်ငယ် ၈ လက်နဲ့ ခဲယမ်း စစ်အသုံးအဆောင်တွေကို သိမ်းဆည်းရမိတယ်လို့ ဆိုပါတယ်။

PRF-Magway မှ တာဝန်ရှိသူတစ်ဦးက "ဖမ်းဆီးရမိတဲ့ စစ်သုံ့ပန်းတွေကို သုံ့ပန်းဥပဒေနဲ့အညီ ထိန်းသိမ်းထားပြီး ဒဏ်ရာရတဲ့သူတွေကို ဆေးကုသပေးနေတာတွေ ရှိတယ်" လို့ ဆိုပါတယ်။

ပြီးခဲ့တဲ့ ဇန်နဝါရီ ၁၉ ရက်မှာ ဂုတ်ကြီးရွာ အနောက်ဘက် မီတာ၂,၅၀၀ ခန့်အကွာမှာ ပဒါန်းဘက် တက်လာတဲ့ ခဲယမ်း တင်တဲ့ကား ၄ စီးနဲ့ အင်အား ၁၀၀ ခန့် ပါဝင်တဲ့ စစ်ကောင်စီ စစ်ကြောင်း PRF-Magway က ကြားဖြတ်တိုက်ခိုက်ရာ ၅ ဦး သေဆုံးပြီး ၈ ဦး ဒဏ်ရာ ရရှိခဲ့ပါတယ်။

အလားတူ ဇန်နဝါရီ ၇ ရက်ကလည်း ဂုတ်ကြီးရွာကနေ ခွန်ဇူရွာဘက် အင်အား ၃၀ နဲ့စစ်ကြောင်း ထိုးလာတဲ့ စစ်‌တပ်ကို ခြုံခိုတိုက်ခိုက်ရာ ၄ ဦး သေဆုံးပြီး ၃ ဦး ဒဏ်ရာရခဲ့ပါတယ်။

ရခိုင်နဲ့ မကွေးနယ်စပ်ဘက်မှာ တိုက်ပွဲ ဖြစ်ပွားလျက်ရှိပြီး ဇန်နဝါရီလပိုင်းအတွင်းတပ်မ ၉၉ လက်အောက်ခံတပ်ရင်းနဲ့ ထိတွေ့မှု ဖြစ်ပွားနေပြီးတော့ စစ်ပွဲကနေ ထွက်ပြေးလာတဲ့ စစ်သားတွေကိုလည်း ပိတ်ဆို့ဖမ်းဆီးတာ ရှိပါတယ်။

လူထုတော်လှန်ရေး မဟာမိတ်အင်အားစု (PRF-Magway)က စစ်ရေးဆိုင်ရာ ရည်မှန်းချက်အတိုင်း တစ်ဆင့်ချင်း အကောင်အထည်ဖော်လျက်ရှိပြီး မကြာမီကာလအတွင်း မြေပြန့်ဒေသအထိ ထိုးစစ်အရှိန် မြှင့်တင်သွားမှာဖြစ်ကြောင်း ထုတ်ပြန်ချက်မှာ ဖော်ပြထားပါတယ်။

https://www.facebook.com/100068918215879/posts/938029951837603/
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 နမ့်ခမ်း ပန်လော်ရွာမှာ ကျောင်းသား ၉၀ ဝန်းကျင်ရှိပြီး စာသင်ဆောင်က မလုံလောက်တာကြောင့် စာသင်ကြားဖို့ အခက်တွေ့နေ

မိုင်းပန်ပျော်၊ ဇန်နဝါရီ ၂၀ ရက်၊ နမ့်ခမ်း

တအာင်း‌တပ် TNLA ထိန်းချုပ်ထားတဲ့ ရှမ်းမြောက် နမ့်ခမ်းမြို့နယ် ပန်လော်ကျေးရွာမှာ ကျောင်းသူ၊ ကျောင်းသား ၉၀ ဝန်းကျင်ရှိပြီး စာသင်ကြားနိုင်ဖို့အတွက် ကျောင်းဆောင်မလုံလောက်တာကြောင့် အခက်တွေ့နေကြတယ်လို့ သိရပါတယ်။

ကလေးတွေ စာသင်ဖို့ ကျောင်းဆောင်တွေ မလုံလောက်တာအပြင် ဆရာ၊ ဆရာမတွေအတွက် ရုံးခန်းလည်း မရှိသေးတာကြောင့် အခက်ကြုံနေရတယ်လို့ ပန်လော်ကျေးရွာမှ ကျောင်းကော်မတီဖြစ်သူ မိုင်းညီလောတ်က ရွှေဖီမြေကို ပြောပါတယ်။

"ကျောင်းမှာတော့ ၉ တန်းအထိ ရှိတယ်။ ဆရာမတွေရဲ့ နားဆောင်ထဲ စာ‌သင်ပေးနေရတာ။ ကလေးတွေကို စာသင်ပေးတဲ့ အချိန်ဆိုရင်လည်း အခန်းတွေ တအားကပ်တော့ စာသင်ပေးရတာ မ‌ပြေလည်ဘူး။ ဝါးထရံနဲ့ပဲ ခြားတယ်ဆိုတော့ ကလေးတွေက ဆူညံနေ‌တာ။ စာသင်ပေးတဲ့အချိန်လည်း အာရုံမစိုက်နိုင်ဘူး"

ကျောင်း‌ဆောင်နဲ့ ရုံးခန်းတွေ ပြန်ဆောက်ဖို့အတွက် ကျေးရွာခံတွေက တတ်နိုင်တဲ့ ငွေအားတွေနဲ့ ဝိုင်းဝန်းကူညီကြပေမယ့် မလုံလောက်တာကြောင့် ကျောင်းဆောင်အသစ် ပြန်ဆောက်နိုင်ဖို့အတွက် အကူအညီတွေ လိုအပ်နေတယ်လို့ မိုင်းညီလောတ်က ဆက်ပြောပါတယ်။

ပ‌န်လော်ကျေးရွာက စာသင်ကျောင်းဟာ စစ်‌တပ်အာဏာသိမ်းပြီးကတည်းက ကျောင်းပိတ်ထားခဲ့ရာကနေ ပြီးခဲ့တဲ့ ၂၀၂၂ ခုနှစ်မှာတော့ တအာင်းပြည် ပညာရေးကောင်စီ TLEC က စာသင်ကျောင်း ပြန်လည်ဖွင့်‌လှစ်‌ ပေးခဲ့တာလည်း ဖြစ်ပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 စစ်ကောင်စီတပ်ရဲ့ ကာကွယ်ရေးပစ္စည်း ထုတ်လုပ်တဲ့ ကပစ (၂၁) ဟာ ရှော့တိုက်ဒုံးနဲ့ တိုက်ခိုက်ခံရတာကြောင့် အရာရှိအပါအဝင် ၉ ဦး သေဆုံး၊ ၈ ဦး ဒဏ်ရာရ

လွေးထွေး၊ ဇန်နဝါရီ ၂၀ ရက်၊ ဆိပ်ဖြူ

မကွေးတိုင်း ဆိတ်ဖြူမြို့နယ်အခြေစိုက် စစ်ကောင်စီတပ်ရဲ့ ဗုံးသီးတွေ ထုတ်လုပ်တဲ့ ကာကွယ်ရေးပစ္စည်းစက်ရုံ ကပစ (၂၁) စက်ရုံကို Brave Warriors for Myanmar (BWM) က ရှော့တိုက်ဒုံးနဲ့ ပစ်ခတ်တိုက်ခိုက်ခဲ့လို့ အရာရှိအပါအဝင် ၉ ဦး သေဆုံးခဲ့ပြီး ၈ ဦး ဒဏ်ရာရခဲ့တယ်လို့ ထုတ်ပြန်ထားပါတယ်။

ဇန်နဝါရီ ၁၈ ရက် ညနေ ၄ နာရီခွဲဝန်းကျင်မှာ စစ်ကောင်စီတပ်ရဲ့ လေတပ်သုံး ဗုံး‌တွေ ထုတ်လုပ်တဲ့ ကပစ (၂၁) ကို ၁၀၇ မမ ရှော့တိုက်ဒုံး ၈ လုံးနဲ့ BWM က ပစ်ခတ်တိုက်ခိုက်ခဲ့တာလို့ ဆိုပါတယ်။

BWM ရဲ့ တာဝန်ရှိသူတစ်ဦးက "အဲနေရာက နိုင်ငံတစ်ဝှမ်းက လူထုတွေကို ဗုံးကြဲတဲ့နေရာမှာ အသုံးပြုတဲ့ ပေါင် ၂၅၀၊ ပေါင် ၅၀၀ ဗုံးသီးနဲ့ Cluster ဗုံးသီးတွေကို အဓိက ထုတ်လုပ်ပေးတာဖြစ်တယ်" လို့ ပြောပါတယ်။

အဲဒီတိုက်ခိုက်မှုကို BWM အဖွဲ့က ဦးဆောင်ပြီး Eagle Brigade (ANyar Eagle) အဖွဲ့ ၊ No More Dictatorship-NMD အဖွဲ့၊ Shadow (Mandalay) အဖွဲ့နဲ့ ဒေသခံတော်လှန်ရေးအင်အားစုတွေ ပူးပေါင်းဖော်ဆောင်ခဲ့တာဖြစ်တယ်လို့လည်း ဆိုပါတယ်။

အလားတူ ပြီခဲ့တဲ့ ဇန်နဝါရီ ၁၄ ရက်ကလည်း BWM က အနောက်မြောက်တိုင်း စစ်ဌာနချုပ်ကို ရှော့တိုက်ဒုံးနဲ့ ပစ်ခဲ့လို့ ဗိုလ်ကြီးအပါအဝင် စစ်ကောင်စီတပ် ၆ ဦးသေဆုံးပြီး ၃ ဦး ဒဏ်ရာရခဲ့သလို ဒုတိယစစ်ခေါင်းဆောင် ဗိုလ်ချုပ်ကြီး စိုးဝင်းက ညစာစားပွဲ တက်ရောက်နေတဲ့ ကရင်နီပြည် ခန်းမထဲကိုလည်း ရှော့တိုက်ဒုံး ၅ လုံးနဲ့ ပစ်ခတ်တိုက်ခိုက်ခဲ့ပါတယ်။

ဓာတ်ပုံ - BWM
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 စစ်သုံ့ပန်း ထားရှိရာနေရာ ဗုံးကြဲခံရ၊ ၂၈ ဦး သေဆုံးပြီး ၂၅ ဦး ပြင်းထန်ဒဏ်ရာရ

ရွှေဖီမြေ၊ ဇန်နဝါရီ ၂၀ ရက်၊ မြောက်ဦး

ရခိုင်ပြည်နယ် မြောက်ဦးမြို့ထဲ စစ်သုံ့ပန်း ထားရှိတဲ့ ရမ်းချောင်းအနီးတဝိုက်ကို စစ်တပ်က ဂျက်ဖိုက်တာနဲ့ ၃ ကြိမ် ဗုံးကြဲတိုက်ခိုက်ခဲ့တာကြောင့် ကလေးငယ်နဲ့အမျိုးသမီးအပါအဝင် ၂၈ ဦး သေဆုံးခဲ့ပြီး ၂၅ ဦး ဒဏ်ရာ ရခဲ့တယ်လို့ အာရက္ခတပ်တော်- AA က မနေ့ ဇန်နဝါရီ ၁၉ ရက်မှာ ထုတ်ပြန်ပါတယ်။

ဇန်နဝါရီ ၁၈ ရက်က လေကြောင်းကနေ ဗုံးကြဲတိုက်ခိုက်ခဲ့တာဖြစ်ပြီး ဒဏ်ရာရရှိသူ‌တွေထဲမှ တချို့က အရေးပေါ် ဆေးကုသမှု ခံယူနေရပြီး ဒဏ်ရာပြင်းထန်သူ ရှိတာကြောင့် နောက်ထပ် သေဆုံးသူ ရှိလာနိုင်တယ်လို့ ဆိုပါတယ်။

သေဆုံး ဒဏ်ရာရရှိတဲ့ စစ်သုံ့ပန်းမိသားစုဝင်‌တွေကို အာရက္ခဒေသ စစ်ပွဲအတွင်း ဖမ်းဆီးရမိခဲ့တာဖြစ်ပြီး စစ်တပ်မိသားစုဝင်တွေကို ပြန်လွှတ်ပေးဖို့ စီစဉ်ထားပြီး စစ်ရှောင်စခန်းမှာ ယာယီထိန်းသိမ်းထားတာလို့လည်း ဆိုပါတယ်။

စစ်ရှုံးနေတဲ့ စစ်တပ်က စာသင်ကျောင်း၊ ဆေးရုံဆေးခန်း၊ ဈေး၊ ဘာသာရေးအဆောက်အုံ၊ လမ်းတံတား၊ စစ်ဘေးရှောင်စခန်းနဲ့ လူနေထူထပ်တဲ့နေရာတွေကို ပစ်မှတ်ထား တိုက်ခိုက်နေပြီး ရာဇဝတ်မှု‌ကို နေ့စဉ်နဲ့အမျှ ကျူးလွန်နေတယ်လို့ ပြောဆိုထားပါတယ်။

၂၀၂၅ ခုနှစ် နှစ်ဆန်းပိုင်းကစပြီး‌ လေ‌ကြောင်း တိုက်ခိုက်မှု‌ကို စစ်တပ်ဘက်မှ ခပ်စိပ်စိပ် ပိုမိုပြုလုပ်လာတာကြောင့် လေကြောင်းရန်နဲ့ လေကြောင်း အန္တရာယ်ကို အရင်ကထက် ပိုမိုသတိထားကြဖို့ အင်တာနက်၊ ဖုန်းသုံးစွဲမှု‌ကိုလည်း သတိထား သုံးစွဲကြဖို့လည်း သတိပေး တိုက်တွန်းထားပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 စစ်ကောင်စီတပ်နဲ့ မွန် ပူးပေါင်းတပ် တိုက်ပွဲဖြစ်၊ စစ်တပ်ဘက်က ၇ဝ ခန့် သေဆုံး

ရွှေဖီမြေ၊ ဇန်နဝါရီ ၁၉ ရက်၊ ရေး

မွန်ပြည်နယ် ရေးမြို့နယ်ထဲ စစ်ကောင်စီတပ်နဲ့ မွန်ပြည် လွတ်မြောက်ရေးတပ်တော်- MLA ပူးပေါင်းတပ်တို့အကြား တိုက်ပွဲ ဖြစ်ပွားခဲ့ရာ စစ်တပ်ဘက်က ၇ဝ ဦးခန့် သေဆုံးခဲ့ကြောင်း MLA က ဒီနေ့ ဇန်နဝါရီ ၁၉ ရက်မှာ ထုတ်ပြန်လာပါတယ်။

ရေးမြို့နယ် ကျုံးလောင်းကျေးရွာအနီး စစ်ကောင်စီ စကခ ၁၉ လက်အောက်ခံ ခလရ ၃၁၊ ၆၁၊ ၁၀၆၊ ခမရ ၂၉၉၊ ၃၄၃၊ ၅၈၆၊ ၅၈၇၊ ၅၈၃၊ ၅၉၁ နဲ့ အမတ ၃၁၆ တပ်က အင်အား အလုံးအရင်းနဲ့ စစ်ကြောင်း ထိုးလာရာ ဇန်နဝါရီ ၉ ရက်အပြင် ၁၁ ရက်နဲ့ ဒီနေ့အထိ တိုက်ပွဲ ပြင်းထန်နေတယ်လို့ ဆိုပါတယ်။

စစ်တပ်ဘက်က လက်နက်ကြီး ရမ်းသမ်းပစ်ခတ်ပြီး ဇန်နဝါရီ ၁၁ လေကြောင်း တိုက်ခိုက်မှု ၂ ကြိမ် ပြုလုပ်ခဲ့ကြောင်းနဲ့ စစ်ကောင်စီတပ်ဘက်မှ သေဆုံးသူအပြင် ၃၀ ထက်မနည်း ဒဏ်ရာ ရရှိခဲ့ကြောင်း ဖော်ပြထားပါတယ်။

MLA နဲ့ ပူးပေါင်းမဟာမိတ်တပ်ဖွဲ့ဘက်က ၃ ဦး မစိုးရိမ်ရတဲ့ ထိခိုက်ဒဏ်ရာ ရရှိခဲ့ကြောင်း ဆက်လက် ဖော်ပြထားပါတယ်။

#ဓာတ်ပုံ- MLA
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ဖားကန့် လုံးခင်းမှာ တိုက်ပွဲမရှိဘဲ လေကြောင်းကနေ တိုက်ခိုက်ခံရ၊ ထိခိုက်သေဆုံးသူ များ

ပျားကြီး၊ ဇန်နဝါရီ ၁၃ ရက်၊ ဖားကန့်

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စုမှာ စစ်ကောင်စီတပ်က လေကြောင်းကနေ ပစ်ခတ်တိုက်ခိုက်ခဲ့တယ်လို့ ဒေသခံတွေက ပြောပါတယ်။

ဒီနေ့ ဇန်နဝါရီ ၁၃ ရက် မနက် ၁၀ နာရီခွဲဝန်းကျင်က လုံးခင်းကျေးရွာအုပ်စု မဇွပ်ယာန်နဲ့ဆန်ခါရွာထဲ တိုက်ပွဲ ဖြစ်ပွားမှုမရှိဘဲလေကြောင်းကနေ တိုက်ခိုက်ခဲ့တာပဲ ဖြစ်ပါတယ်။

"အဲဒီမှာ အမျိုးသမီးတွေရော အမျိုးသားတွေရော သေနေကုန်ပြီ။ လေယာဥ်နဲ့ တောက်လျှောက်ကို ပစ်သွားတာ။ လုပ်ကွက်တွေထဲလည်း ကျလို့ သေတဲ့သူတွေ အများကြီးပဲ" လို့ ဒေသခံအမျိုးသားတစ်ဦးက ပြောပါတယ်။

မဇွပ်ယာန်ထောင်၊ မနောကွင်းနဲ့ ဆန်ခါရွာက တောက်ပကြယ် ကျောက်စိမ်းလုပ်ကွက်ဘက်ကို ဂျက်လေယာဥ်နဲ့ ဗုံးကြဲချမှုအပြင်စက်သေနတ်နဲ့လည်း တရစပ် ပစ်ခတ်တိုက်ခိုက်ခဲ့တာလို့ ဒေသခံတွေက ဆိုပါတယ်။

လက်ရှိအချိန်ထိ အဲဒီဒေသမှာ လေကြောင်းတိုက်ခိုက်မှု သတိပေးချက် ရှိနေသေးတာကြောင့် ထိခိုက်သေဆုံးမှုအခြေအနေကိုအတည်ပြုဖို့ ခက်ခဲနေသေးတယ်လို့ ဒေသခံတွေက ပြောပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ရှမ်းတောင်ရှိ မြို့နယ် ၇ ခုမှာ တစ်နှစ်အတွင်း လေကြောင်းနဲ့ လက်နက်ကြီး တိုက်ခိုက်မှု ၅,၆၀၀ ကျော် ပြုလုပ်၊ အရပ်သား ၁၂၀ ကျော်သေဆုံး

မိုင်းရူပ၊ ဇန်နဝါရီ ၁၃ ရက်

ရှမ်းတောင်မှာ ပအိုဝ်းလူမျိုးတွေ အများစုနေထိုင်တဲ့ မြို့နယ် ၇ ခုထဲ ၁ နှစ်အတွင်း စစ်ကောင်စီတပ်က လေကြောင်းနဲ့ လက်နက်ကြီးတိုက်ခိုက်မှု ၅,၆၀၀ ကျော် ပြုလုပ်ခဲ့ရာ အရပ်သား ၁၂၇ ဦး သေဆုံးခဲ့တယ်လို့ ပအိုဝ်းလူငယ်အစည်းအရုံး- PYO ရဲ့ စာရင်းအရ သိရပါတယ်။

ဒီအချက်အလက်တွေဟာ ရှမ်းတောင် ဆီဆိုင်၊ ပင်လောင်း၊ ညောင်ရွှေ၊ ဟိုပုံး၊ မောက်မယ်၊ လွိုင်လင်နဲ့ ဖယ်ခုံ စတဲ့မြို့နယ်မှာ အချက်အလက် ကောက်ယူထားတာဖြစ်ပြီး လေကြောင်း တိုက်ခိုက်မှု ၅၀၀ ကြိမ်နဲ့ လက်နက်ကြီး ပစ်ခတ်တိုက်ခိုက်မှု ၅,၁၈၆ ကြိမ် ပြုလုပ်ခဲ့တယ်လို့ ဆိုပါတယ်။

အရပ်သား သေဆုံးမှုတွေထဲ လေကြောင်းတိုက်ခိုက်မှုအပြင် လက်နက်ကြီး၊ ဒရုန်း၊ မြေမြှုပ်မိုင်းနဲ့ သတ်ဖြတ်ခံရတာတွေ ပါဝင်ပြီး PYO က ရရှိထားတဲ့ စာရင်းအရ သေဆုံးသူတွေထဲ အမျိုးသား ၈၉ ဦး၊ အမျိုးသမီး ၁၆ ဦး၊ ကလေးငယ် ၁၆ ဦးနဲ့ ကျား မ အတည်မပြုနိုင်သူ ၆ ဦး ဖြစ်ပါတယ်။

ဒါ့အပြင် ရှမ်းတောင်ရှိ မြို့နယ် ၇ ခုမှာ စစ်ဘေးရှောင်နေတဲ့ ဒေသခံ ၆ သောင်းခွဲအထိ ရှိနေပြီး အရေးပေါ်အကူအညီ လိုအပ်နေတယ်လို့ PYO ရဲ့ တာဝန်ရှိသူတစ်ဦးက ပြောပါတယ်။

"စစ်ရှောင်တွေဟာ အခြေခံ လိုအပ်ချက်တွေအတွက် စိန်ခေါ်မှုတွေနဲ့ ကြုံနေရတယ်။ စစ်ရှောင်လာတာ ကြလာတဲ့အမျှ စားဝတ်နေရေး၊ ကျန်းမာရေးတွေကအစ အစစအရာရာ ကြပ်တည်းလာတယ်"

ဒီအချက်အလက်ဟာ PYO က မြေပြင်မှာ ဖြစ်ပွားနေတဲ့ သတင်းအချက်အလက်တွေကို စုဆောင်းတာ၊ နေ့စဥ် သတင်းဖော်ပြမှုတွေကို လေ့လာတာနဲ့ အင်တာဗျူးကနေတဆင့် အချက်အလက်တွေကို ကောက်ယူတာဖြစ်ပြီး မြေပြင်မှာ ဒီထက် ပိုများနိုင်တယ်လို့ သူမက ဆက်ပြောပါတယ်။

ရှမ်းတောင်မှာ စစ်တပ်၊ ပအိုဝ်းပြည်သူ့စစ်- PNOနဲ့ ကရင်နီ တော်လှန်ရေးအင်အားစု၊ ပအိုဝ်း တပ်မတော်- PNLA တို့အကြား တိုက်ပွဲဖြစ်ပွားနေတာ ဖြစ်ပါတယ်။

#ဓာတ်ပုံ- PNLA, Local
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 မူဆယ်မှာ အမျိုးသမီးတစ်ဦး ပျောက်ဆုံးပြီး ၄ ရက်အကြာမှာ အလောင်းသာ ပြန်တွေ့

ယာရူစိင်း၊ ဇန်နဝါရီ ၁၃ ရက်၊ မူဆယ်

စစ်ကောင်စီတပ် ထိန်းချုပ်ထားတဲ့ ရှမ်းမြောက် မူဆယ်မြို့မှာ အမျိုးသမီးတစ်ဦး ပျောက်ဆုံးပြီး ၄ ရက်အကြာမှာတော့ သေဆုံးနေတဲ့ အလောင်းကိုသာ ပြန်လည် တွေ့ရှိခဲ့ပါတယ်။

အသက် ၂၀ ကျော်အရွယ် နန်းချစ်စုအောင်ဟာ ပြီးခဲ့တဲ့ ဇန်နဝါရီ ၇ ရက်မှာ ပျောက်ဆုံးခဲ့တာဖြစ်ပြီး ဇန်နဝါရီ ၁၁ ရက်မှာတော့ မူဆယ်မြို့ Win စီးကရက် စက်ရုံအနောက်ဘက်မှာ အလောင်း တွေ့ရှိခဲ့တယ်လို့ သိရပါတယ်။

အပြင်သွားရင်း ဆိုင်ကယ်နဲ့ဖုန်း ပါသွားတဲ့အတွက် ဓားပြ တိုက်ခံရပြီး သေဆုံးခဲ့တာလို့ ဖြစ်စဉ်သိရှိသူ အမျိုးသမီးတစ်ဦးက ရွှေဖီမြေကို ပြောပါတယ်။

"သမီးရည်းစားကြောင့် မဟုတ်ပါဘူးနော်။ သူ့မှာ အမျိုးသား ရှိတယ်လို့ ကြားထားတယ်။ သူအပြင်သွားရင်းနဲ့ ဓားပြ တိုက်ခံရတာ ဖုန်းနဲ့ဆိုင်ကယ် ပါသွားတယ်။ အဲဓားပြတွေက သူ့အလောင်းကို ဖျောက်ထားတာ လူမလာတဲ့နားမှာ ထားခဲ့တာပေါ့။ ဖြစ်စဉ် အတိအကျကိုတော့ ကျမကိုယ်တိုင်ကလည်း မမြင်ရတဲ့အတွက် အများကြီး မပြောလိုပါဘူး"

နောက်ထပ် သတင်းအရင်းအမြစ် အမျိုးသားတစ်ဦးကလည်း "မနေ့ ၁၂ ရက်နေ့မှာ ရက်လည် လုပ်တယ်။ သူများပြောသလို တခြား ယောကျာ်းလေးကိစ္စ အရှုပ်အရှင်းကြောင့် မဟုတ်ပါဘူးနော်။ ကောင်မလေးက အပြင်သွားရင်း ပျောက်သွားတာပါ" ဆိုပြီး ပြောပါတယ်။

စစ်တပ်က အာဏာသိမ်းပြီးနောက်ပိုင်း မူဆယ်မြို့မှာ မူးယစ်ဆေးဝါး ရောင်းဝယ်သုံးစွဲသူနဲ့ လောင်းကစားဝိုင်း ပိုများလာပြီး ခိုးမှု၊ လုယက်မှုနဲ့ ဓားပြတိုက်မှုလည်း မကြာခဏ ဖြစ်ပွားနေပါတယ်။

#ဓာတ်ပုံ- Facebook
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 မတ္တရာမြို့နယ်က လူမရှိတဲ့ ကျေးရွာတွေကို စစ်ကောင်စီက သိန်းရာချီ တောင်းပြီးလေလံ တင်၊ ပစ္စည်းတွေ အကုန်ယူပြီး နေအိမ် မီးရှို့

ပျားကြီး၊ ဇန်နဝါရီ ၁၂ ရက်၊ မတ္တရာ

မန္တလေးတိုင်း မတ္တရာမြို့နယ်ထဲက ကျေးရွာတချို့ကို စစ်ကောင်စီတပ်က သိန်း ရာနဲ့ချီတောင်းယူပြီး ပျူစောထီးတွေကိုလေလံတင် ရောင်းချနေတယ်လို့ ဒေသခံနဲ့ တပ်သတင်းရင်းမြစ်တွေက ပြောပါတယ်။

လေကြောင်း တိုက်ခိုက်မှုနဲ့ လက်နက်ကြီးပစ်ခတ်မှုကြောင့် ဘေးလွတ်ရာ ထွက်ပြေးနေရတဲ့ ကျေးရွာခံတွေရဲ့ ပစ္စည်းအားလုံးကို ယူဆောင်ခွင့် ပေးထားပြီး ပစ္စည်းသယ်ယူပြီးစီးတဲ့ နေအိမ်တွေကိုတော့ တစ်အိမ်ချင်းမီးရှို့ဖျက်ဆီးပစ်နေတာ ဖြစ်ပါတယ်။

"ပျူတွေထဲက ပိုက်ဆံရှိတဲ့ ကောင်တွေကလေလံ ယူတာပေါ့။ ပြီးရင် ကြိုက်တာကို ကြိုက်သလို ယူခွင့် ပေးထားတယ်။ အကုန်လုံး ယူပြီးရင် တစ်ခါတည်း မီးရှို့ပေါ့။ အရင်လို ရွာလုံးကျွတ် မရှို့တော့ဘူး။ အမှိုက်ထဲက ရွှေထုတ်တယ်လို့ ခေါ်ကြတယ်။ ပစ္စည်း ယူပြီးတဲ့အိမ်ကိုပဲ ရှို့တာ" လို့ ဒေသခံတစ်ဦးက ပြောပါတယ်။

စစ်တပ်က လေလံတင်ထားတဲ့ ကျေးရွာပေါင်း ၁၀ ရွာထက်မနည်း ရှိနေပြီး ဒေသခံရဲ့စီးပွားရေးအခြေအနေနဲ့ ရွာအကြီး အသေးပေါ် မူတည်ပြီး တစ်ရွာကို အနည်းဆုံး သိန်း ၂၅၀ ကနေ သိန်း ၄၀၀ အထိ တောင်းယူနေတယ်လို့ ဒေသခံတွေက ဆိုပါတယ်။

"လေလံ ဆွဲချင်တဲ့ပျူတွေက အများကြီးပဲ။ ပထမဆုံးတစ်ရွာမှာ လေလံဆွဲတဲ့ကောင်က သိန်းထောင်ချီ ရလိုက်တာ။ အခု အနောက်ပိုင်းက ရွာတွေဘက် ဝင်နေကြတယ်" လို့ လုံခြုံရေးအရ နာမည်နဲ့ရာထူးကို မဖော်လိုတဲ့တပ်သတင်းရင်းမြစ်တစ်ဦးက ပြောပါတယ်။

လက်ရှိအချိန်မှာ ငါးလုံးပြွန်၊ သပြေပင်ကုန်း၊ လက္ကောင်းကြီး၊ လက္ကောင်းလေး၊ မြွေဥဒိန် စတဲ့ကျေးရွာကို လေလံ ပေးထားပြီး မြွေဥဒိန်ရွာကို ၁၂ ရက်ဆက်တိုက် နေအိမ် မီးရှို့ဖျက်ဆီးနေတယ်လို့ ဒေသခံတွေက ပြောဆိုပါတယ်။

#ဓာတ်ပုံ- CJ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ရပ်စောက် တိုက်ပွဲအတွင်း လေကြောင်းနဲ့ လက်နက်ကြီး အသုံးပြုလာလို့ ဒေသခံ ၄ ထောင်နီးပါး တိမ်းရှောင်နေရ

အင်းငယ်၊ ဇန်နဝါရီ ၁၂ ရက်၊ ရပ်စောက်

ရှမ်းတောင် ရပ်စောက်မြို့နယ် ကျောက်ဂူဒေသမှာ ဇန်နဝါရီ ၁၀ ရက် ၁၁ ရက် နှစ်ရက်တာအတွင်း စစ်ကောင်စီတပ်က လေကြောင်းတိုက်ခိုက်ခဲ့တယ်လို့ မြေပြင်သတင်းအရင်းအမြစ်တွေက ပြောပါတယ်။

ကျောက်ဂူဒေသမှာ ဒီဇင်ဘာ ၉ ရက်ကနေ ဒီနေ့ ဇန်ဝါရီ ၁၂ အထိ တိုက်ပွဲ ဖြစ်ပွားနေတာ ဖြစ်ပြီး စစ်တပ်ဘက်က အရေးနိမ့်နေတာကြောင့် လက်နက်ကြီးနဲ့ လေကြောင်း အသုံးပြုလာတာ ဖြစ်ပါတယ်။

ဓနုပြည်သူ့ လွတ်မြောက်ရေးတပ်ဦး- DPLF/DPLA ရဲ့ ပြောရေးဆိုခွင့်ရှိသူ ကိုအမောင်က “လက်နက်ကြီး လေယာဉ်တွေ ပစ်ခံရတာကတော့ အများဆုံးက ဒီကျောက်ဂူဒေသတစ်ဝိုက်က ကျေးရွာတွေ ဖြစ်မယ်။ ကျောက်ဂူ၊ ပယင်းကုန်း၊ ထမင်းပေါင်းတို့ပေါ့။ အားလုံးဆို ၄ ထောင်နီးပါး (စစ်ရှောင်)လောက် ရှိတယ်” လို့ ပြောပါတယ်။

စစ်တပ်က ကျောက်ဂူဒေသအခြေစိုက် အမြှောက်တပ်ရင်း (အမတ ၃၄၉)ကနေ ပစ်ခတ်နေပြီး မြေပြင်အခြေအနေ ရှုပ်ထွေးနေဆဲ ဖြစ်တာကြောင့် ထိခိုက်မှု တစ်စုံတစ်ရာ သိရှိနိုင်ဖို့အတွက် ရွှေဖီမြေ သတင်းဌာနအနေနဲ့ စုံစမ်းနေဆဲ ဖြစ်ပါတယ်။

“ကျနော်တို့လည်း ဒဏ်ရာရရှိမှု အနည်းငယ် ထိခိုက်မှုတွေတော့ ရှိတယ်ဗျာ့။ စစ်ကောင်စီကတော့ သိရသလောက်ဆိုရင်တော့ ဒီဇင်ဘာ ၉ ရက်နေ့ စဖြစ်ကတည်းကဆိုရင်တော့ ၆၀ ဝန်းကျင် ကျဆုံးမှု ရှိတယ်” လို့ ကိုအမောင်က ဆက်ပြောပါတယ်။

ဒဏ်ရာရ စစ်ကောင်စီ တပ်ဖွဲ့ဝင်ကို အောင်ပန်း ကုတင် ၇၀၀ စစ်ဆေးရုံမှာ ကုသပေးနေပြီး ပအိုဝ်းပြည်သူ့စစ်- PNA နဲ့ ရှမ်းပြည်တပ်မတော်- RCSS/SSA ကလည်း စစ်တပ် ယူနီဖောင်း ပြောင်းဝတ်ပြီး အင်အားဖြည့်ထားတယ်လို့ ဒေသခံတွေဆီက သိရပေမဲ့ အတည်မပြုနိုင်သေးပါဘူး။

ဇန်ဝါရီ ၄ ရက်နဲ့ ၅ ရက်နေ့ကလည်း စစ်ကောင်စီရဲ့ အမတ ၃၄၉ အပါအဝင် တောင်ထိပ်နဲ့ အင်တောရွာကြားက စစ်စခန်းတွေကို DPLA က ဝင်ရောက် တိုက်ခိုက်ခဲ့တာကြောင့် စစ်ကောင်စီတပ်ဘက်က တုန့်ပြန်တဲ့ အနေနဲ့ လက်နက်ကြီး၊ လေကြောင်း အသုံးပြုလာတာလို့လည်း မြေပြင်သတင်းအရင်းအမြစ်တွေက သုံးသပ်ပါတယ်။

လက်ရှိ အခြေနေအရ စစ်တပ်က အင်အားနေ့စဉ် ဖြည့်တင်းနေပြီး လက်နက်ကြီးနဲ့ လေကြောင်း နောက်ထပ် အသုံးပြုလာနိုင်တာကြောင့် တိမ်းရှောင်နေသူတွေအနေနဲ့ နေရပ်သို့ မပြန်လာကြသေးဖို့၊ လက်ရှိ နေထိုင်နေသူတွေလည်း ဘေးလွတ်ရာ အမြန်ဆုံး ရှောင်ကြဖို့ DPLF တပ်ဖွဲ့ဝင်တွေက သတိပေးထားပါတယ်။

#ဓာတ်ပုံ- DPLA
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 တနိုင်းမြို့နယ် စံလွန်(သံလွင်) ရွှေမှော်ကို လေယာဉ်နဲ့ ဗုံးကြဲလို့ ၁ နှစ်အရွယ် ကလေးအပါအဝင် ၁၅ ဦး သေဆုံး

မြတ်နိုး၊ ဇန်နဝါရီ ၁၂ ရက်၊ တနိုင်း

ကချင်ပြည်နယ် တနိုင်းမြို့နယ်က စံလွန်(သံလွင်) ရွှေမှော်ကို လေယာဉ်နဲ့ ဗုံးကြဲလို့ အသက် ၁ နှစ်အရွယ်ကလေးအပါအဝင် အရပ်သား သေဆုံးမှု များပြီး ဒဏ်ရာ ရသူလည်း ရှိခဲ့ပါတယ်။

မနေ့ ဇန်နဝါရီ ၁၁ ရက် မနက် ၁၁ နာရီခွဲကျော်မှာ စစ်‌ကောင်စီတပ်က ဗုံးကြဲတိုက်ခိုက်ခဲ့ရာ သေဆုံးဒဏ်ရာရသူအပြင် ပျောက်ဆုံးနေသူလည်း ရှိနေသေးကြောင်း ဒေသခံတွေက ပြောပါတယ်။

"တနိုင်းဘက်က ရွှေမှော်မှာ စစ်ကောင်စီက လေယာဉ်နဲ့ ဗုံး ၂ ခါ လာကြဲပြန်တယ်။ ဈေးဆိုင်တန်းဘက် ထိတယ်။ ဈေးရာင်းသူ‌တွေရော ထိ၊ ဆိုင်‌တွေလည်း ပျက်ကုန်တယ်" လို့ ဒေသခံ အမျိုးသားတစ်ဦးက ပြောပါတယ်။

အရပ်သား ၁၅ ဦး သေဆုံးပြီး ၁၀ ဦး ဒဏ်ရာရကာ ပျောက်ဆုံးသူလည်း ရှိနေ‌သေးတယ်လို့ သူက ပြောပါတယ်။

သေဆုံးသူတွေဟာ မခမ်းစိန် (၃၇ နှစ်)၊ မထွေးလင်း (၂၆ နှစ်)၊ မအေဟွမ်း (၂၈ နှစ်)၊ ကောင်းဆက်ထွန်း (၅ နှစ်)၊ ဖွေးဟော်မ် (၁ နှစ်)၊ မထွေးကြည် (၄၁ နှစ်)၊ ဂျပု၊ အားပန်၊ မောင်မင်းနေစိုး (၂၂ နှစ်)၊ ဒေါ်ရွှေမီး (၆၀ နှစ်)၊ မသက်ဝေမြင့် (၂၅ နှစ်)၊ ကိုခိုင်၊ လှိုင်ဟိန်းထက်၊ ဒေါ်နန်မွန်း၊ ရဝမ်ဇော်အောင်တို့ဖြစ်တယ်လို့ ဒေသခံတွက ပြောပါတယ်။

စိုင်းသီဟ (၂၀ နှစ်)၊ အိအိအောင် (၂၁ နှစ်)၊ မျိုးမင်းသူ (၃၂ နှစ်)၊ ဖြိုးကျော် (၃၂ နှစ်)၊ ကိုနာဂ၊ မိစူ (၃၃ နှစ်)၊ မမြစိုး (၂၉ နှစ်)၊ ဆိုင်းအိန် (၄၂ နှစ်)၊ ဆင်ဝါး၊ လုံပူဆိုင်းခေါန် (၂၁ နှစ်)တို့ကတော့ ပြင်းထန်ဒဏ်ရာ ရရှိခဲ့ပြီး ပျောက်ဆုံးနေသူလည်း ရှိသေးတယ်လို့ ဆိုပါတယ်။

"စစ်ကောင်စီက အခု စစ်ရေးနဲ့မဆိုင်တဲ့ နေရာတွေကိုလည်း မခွဲခြားတော့ဘူး။ ကိုယ်နဲ့ မဆိုင်ဘူးဆိုပြီး သတိလက်လွှတ် နေလို့ကို မရတော့ဘူး။ ဗုံးက ကြဲချင်တဲ့နေရာ ကြဲနေတာ" လို့ နောက်ထပ် ဒေသခံ အမျိုးသားတစ်ဦးက ပြောပါတယ်။

တိုက်ပွဲ ဖြစ်ပွားတဲ့နေရာ မဟုတ်ရင်လည်း လေကြောင်းအန္တရာယ် စိုးရိမ်နေရတာကြောင့် ဘယ်နေရာပဲဖြစ်ဖြစ် အရပ်သားတွေအတွက် လုံခြုံမှု မရှိဘူးလို့ သူက ပြောပါတယ်။

စစ်ကောင်စီရဲ့ ဝါဒဖြန့် တယ်လီဂရမ်မှာတော့ KIA တပ်ဖွဲ့ကို ဆက်ကြေး ပေးဆောင်ပြီး ရွှေ တူးဖော်နေသူတွေကို ဗုံးကြဲခဲ့ကြောင်း ရေးသားထားပါတယ်။

လေကြောင်းရန်ကို စောင့်ကြည့် မှတ်တမ်းယူနေတဲ့ National Air Scout (NAS)ကတော့ မနေ့မနက် ၁၁ နာရီ ၄၅ မိနစ်မှာ တနိုင်းမြို့နယ် သံလွင် ရွှေမှော်သို့ တံတားဦး လေတပ်မှ တက်လာတဲ့ Yak-130 Fighter Jet ၁ စီးနဲ့ အကြောင်းမဲ့ ဗုံး ၂ လုံး ကြဲချခဲ့ကြောင်း မှတ်တမ်း တင်ထားတာကို တွေ့ရပါတယ်။

၇၇ ကြိမ်မြောက် ကချင်ပြည်နယ်နေ့မှာ စစ်ကောင်စီ‌ခေါင်းဆာင် မင်းအောင်လှိုင်က လက်ရှိအချိန်မှာ နိုင်ငံရဲ့ နိုင်ငံရေး၊ စီးပွား‌ရေး၊ လူမှုရေးကဏ္ဍပေါင်းစုံ ဆောင်ရွက်နေတဲ့ကာလဖြစ်ကြောင်း၊ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စု တည်ဆောက်နိုင်ရေး၊ တစ်နိုင်ငံလုံး ထာဝရ ငြိမ်းချမ်းရေး ရရှိစေရေးတို့အတွက် တို့တာဝန် အရေးသုံးပါးနဲ့အညီ ကာကွယ်စောင့်ရှောက်လျက်ရှိကြောင်း ပြောဆိုခဲ့ပါတယ်။

ဒါ့အပြင် နိုင်ငံတော် ဖွံ့ဖြိုးတိုးတက်ရေးကို ဆက်လက် ဆောင်ရွက်သွားမှာဖြစ်ကြောင်း သဝဏ်လွှာ ပေးပို့ခဲ့ပေမဲ့ လက်တွေ့မှာတော့ စစ်ရေးပစ်မှတ် မဟုတ်တဲ့ နေရာ‌တွေကို လေကြောင်းနဲ့ ဗုံးကြဲ တိုက်ခိုက်‌နေတာကို ခပ်စိပ်စိပ် တွေ့လာရပါတယ်။

#ဓာတ်ပုံ- Local
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

https://youtu.be/D6SnbwOlx40

🟢 မန္တလေးမှာ လျှပ်စစ်မီး မိနစ်ပိုင်းသာ ရရှိနေ

ပျားကြီး၊ ဇန်နဝါရီ ၁၁ ရက်၊ မန္တလေး

မန္တလေးမြို့ပေါ်ရှိ ရပ်ကွက်တွေမှာ လျှပ်စစ်မီး ရရှိမှုက တစ်ရက်ကို ပျမ်းမျှ တစ်နာရီအောက်သာ ရနေတယ်လို့ ဒေသခံတွေက ပြောပါတယ်။

ဇန်နဝါရီ လဆန်းပိုင်းကစပြီး မီး ရရှိမှုဟာ သိသိသာသာ လျော့နည်းလာတာဖြစ်ပြီး တစ်ရက်ကို မိနစ် ၃၀ ကနေ ၄၅ မိနစ်ကြားသာ ရရှိနေတာ ဖြစ်ပါတယ်။

"ထမင်းအိုးတောင် မကျက်တော့ဘူး။ နန်းတွင်းကလွဲရင် တစ်မြို့လုံး အမှောင် ကျနေတာ။ တစ်ကယ်ကို ဒုက္ခရောက်ပါတယ်" လို့ အသက် ၆၀ ကျော်အရွယ် ဒေသခံ အငြိမ်းစားဝန်ထမ်းအမျိုးသမီးတစ်ဦးက ပြောပါတယ်။

အခုလို မီးရရှိမှု လျော့ကျရတာဟာ အမှန်တစ်ကယ် ဓာတ်အား ထုတ်လုပ်နိုင်မှု ပမာဏရဲ့ ၅၀ ရာခိုင်နှုန်းဝန်းကျင်ရှိတဲ့ ၂,၂၀၀ မဂ္ဂါဝပ်ကိုသာ ထုတ်လုပ်ဖြန့်ဖြူးပေးနိုင်တယ်လို့ စစ်ကောင်စီ လက်အောက်ခံ လျှပ်စစ်စွမ်းအားဝန်ကြီးဌာနက ဇန်နဝါရီ ၆ ရက်မှာ ထုတ်ပြန်တာကို တွေ့ရပါတယ်။

အခုလို ဓာတ်အားထုတ်လုပ်နိုင်မှုပမာဏ လျော့နည်းခဲ့တာကြောင့် ၂၀၂၅ ခုနှစ်အတွင်းမှာ မန္တလေးတိုင်းတစ်ခုလုံးကို ဖြန့်ဖြူးပေးနိုင်တဲ့ပမာဏ စုစုပေါင်းရဲ့ ၁၇ ရာခိုင်နှုန်းကိုပဲ ပေးနိုင်တော့မယ်လို့ ထုတ်ပြန်ချက်မှာ ဖော်ပြထားပါတယ်။

လက်ရှိအချိန်မှာ လျှပ်စစ်ဓာတ်အား ရရှိမှု မရှိသလောက် နည်းပါးတာကြောင့် မန္တလေးကအသေးစား လုပ်ငန်းအများစု လုပ်ငန်း ရပ်ဆိုင်းထားရတာနဲ့ ရင်ဆိုင်နေရတယ်လို့ ဒေသခံလုပ်ငန်းရှင်တစ်ဦးက ဆိုပါတယ်။

#ဓာတ်ပုံ- Google (ပုံဟောင်း)
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ပမိူင်ကီုင် ဆီုက်ဆျှံမ် SSPP ကဲပဴင် တိုအီးရဝ် ပါင်ကေတု ယံမ်းဟာဝ်း

လိုည်းဇူန်မိုး၊ ဇံန်နႎရီ ဆငည်း 11၊ မိူင်ကီုင်

ယဲ တခေါရ်နံပ်တကူန်ရဝ်မာဂါင်ကဲဒါႈ တံပ်ဆီုက်ဆျှံမ် SSPP ကဲ ပဴင်တိုအီးရဝ် ပါင်ကေတု အ်ုန်အီဇီုဝ် ခတ္တိယျ ဘိူန်းအဆာက် 42 ဆန်ုမ် ကဒါႇကပီုန်ဆျှံမ် ကဒါႇက်ြုမ်။

ကောန်အီမာည်း ကဝ်အီနံပ် ဘည်မိုႈဘည်ဘာည်းဒါႈ ကျံရ်ဇံန်နႎရီ ဆငည်း 6 ဒိူန်း ကဝ်အီမိုႈ ခတ္တိယျဒီန် အ်ုန်စီဂေါည်ခေဲင်လိုင်း ဂေါႇပဲန်ဒေဲႈအမှုပ္လေပဒူ; ရီမ်းပြောရဝ်မောက်လျံန် ဂေါႇမိုႈအ်ုန်ယံဝ်းစီဒဝ် ကတူႈဆီုက်ဆျှံမ်ကဲတောပ်ဒေပဴင် လအ်ုန်ယံမ်းဟာဝ်းပွံတ်။

“အ်ုန်ဂေါည်ခေဲင်လိုင်းဆဘေ။ ဂေါႇမဲင်ပဒူႈဒီႈ အ်ုန်ကဒိုန်စီဒဝ်ဟာဝ်း ဆီုက်ဆျှံမ်ကဲမာ် ဒါဆနာတ်ပဴင်အ်ုန် ပ္လေဆနာတ် လထာန်မှောမာ်အာဝ်နံပ်။ ဂေါႇဘည်ဒီန် အ်ုန်စီယံမ်း”

ကဝ်အီဒါႈရကႎိုည်နီန်ဒါႈဘိုး အီပဴင်ယံမ်းကောန်အီမာည်းနီန်မိုႈ ဆီုက်ဆျှံမ် SSPP ဂဲ ကဲအီရံပ်ခါမ် ဇီုင်းကပ္လိူင် ရံပ်ဇီုင်းကာန် ခေဲင်ရဝ်ပါင်ကေတု ကဲမိုႈကောန်ဆီုက် စိုင်းမိန်ဟာ်ႇ။

“‌ရမာအ်ုန်ဟည်နံပ်။ အာဝ်နံပ်‌ဒေဘာည်းမှော ။ဂေါႇမိုႈအာဝ်ဆမာဘာည်းမှော စီပဲန်အာဝ်ကြောႈ အာဝ်ဒါႈ(တဘိအူန်းမိုည်ႇ)။ အီရံပ်ခါမ် ဇီုင်းကပ္လိူင် ခေဲင်ရဝ်ပါင်ကေတုမိုႈ အ်ုန်အီဇီုဝ် စိုင်းမိန်း။ အာဝ်နံပ်မ ဘ္လံက်ချှံန်အ်ုန်”

ကနာည်နံင်ဘိူန်း ကြောႈက္လာင်း အီကဆီုဝ်ကဆဲင်တောပ် ဘည်ပဴင်ဆီုက်ဆျှံမ် SSPP ကဲတကောန်အီမာည်းနီန် ဘိူည်ဒါဓှုင်ကတူည်ႇအာရ်လိူရ်ႈ တကဝ်အီဘိူန်းကြောႈက္လာင်း ခေဲင်တပ် SSPP အ်ုန်အီမိုႈခူန်အွံရ် စိုင်းဖုန်ဟန်မာ် အ်ုန်အာဝ်ရံပ်ကြောႈက္လာင်းမႎှုင်။

ဂေါႇအ်ုန်ပဲန်ဒေဲႈ အမှုပ္လေပဒူႈ ရီမ်းပြောရဝ်မောက်လျံန်ဒီန် တံပ်ဆီုက်ဆျှံမ် SSPP ကဲ တိုည်းဟာဝ်း တိုအီးရဝ်မောက်လျံန် ကောန်အီမာည်း 9 အီး ကဲဘိူည်ပ္လေႈႎီရ် 8 အီမာ် ကဲဆီုင်ဂီုည်ဒါ့်တိုည်းအူန်းဘိုး အူအီး။

ခည်ဆန်ုမ် 2023 ကျံရ်မေ ဆငည်း 19 ဒိူန်းမာ် ဆီုက်ဆျှံမ် SSPP ကဲ ပဲင်ယံမ်း တိုအီးလှံင်မိူင်ကီုင် ရဝ်လွယ်ယန်း အ်ုန်အီဇီုဝ် ကွီထွေး ဘိူန်းအဆာက် 50 ဆန်ုမ်ဒိူန်။

ကဝ်အီကပ္လါႇဘေဲႇဆဒါင်- လိုည်းပိုႈဆပေ
~ ~ ~
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Telegram ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။

YouTube
https://youtube.com/@ShwePheeMyayNewsAgency

Website
https://shwepheemyay.org

https://www.youtube.com/watch?v=hv5fSMJYZ8A

🟢 စစ်တပ်က ဖမ်းဆီးမှာကို စိုးရိမ်တာကြောင့် ၁၃ မျဉ်း‌စောင်း မဟုတ်တဲ့ တခြားဒေသက လူထုတွေ ကွင်းလမ်းကနေ ပတ်သွားရလို့ ကားခ ပိုပေးနေရ

ခိုင်လေး၊ ဇန်နဝါရီ ၁၁ ရက်၊ တောင်ကြီး

ရှမ်းတောင် တောင်ကြီးကနေ ရှမ်းမြောက် လားရှိုးဘက် လာမယ့်သူတွေထဲက ၁၃ မျဉ်း‌စောင်း မဟုတ်တဲ့ တခြားဒေသက လူထုတွေဟာ စစ်တပ်က ဖမ်းဆီးမှာကို စိုးရိမ်တာကြောင့် ကွင်းလမ်းကနေ ပတ်သွားရလို့ ကားခ ပိုပေးနေကြရပါတယ်။

ကွင်းလမ်းကနေ ပတ်ပြီး သွားရတဲ့ ဒေသခံ‌‌တွေဟာ ကားခ တစ်ယောက်ကို ကျပ် ၅ သိန်း ပေးရပြီးတော့ ၁၃/ ကိုင်ဆောင်တဲ့ ဒေသခံတွေကတော့ လမ်းမကြီးအတိုင်း သွားလာလို့ရတဲ့အတွက် ကားခက ၁ သိန်း ၇ သောင်းကနေ ၂ သိန်းဝန်းကျင်အထိ ပေးနေရတယ်လို့ ကားသမားတစ်ဦးက ပြောပါတယ်။

အမျိုးသမီး ခရီးသည်တစ်ဦးက "အရင်က ကားစီးရင် ကားခက ထောင်ဂဏန်းလောက်ဘဲ ရှိတယ်။ အခုဟာက သောင်းဂဏန်းတောင် မရဘူး။ သိန်းဂဏန်း ပေးပြီး သွားနေရတယ်။ ကုန်ဈေးနှုန်းတွေလည်း မနည်းဘူးလေ" ဆိုပြီး ပြောပါတယ်။

၁၃ မျဉ်းစောင်း ကိုင်ဆောင်တဲ့ ခရီးသည်တွေကတော့ ထောက်ခံစာနဲ့အတူ ပုံမှန် လမ်းမကြီးအတိုင်း သွားလာလို့ရကြောင်း အထက်ပါ ကားသမားက ပြောပါတယ်။

၁၁ မျဉ်းစောင်း၊ ၅ မျဉ်းစောင်း၊ ၁ မျဉ်းစောင်း ကိုင်‌ဆောင်ထားတဲ့ ခရီးသည်တွေဟာ ကွင်းလမ်းက‌နေတဆင့် ပို့‌ဆောင်‌ပေးရတာဖြစ်ပြီး ၎င်းတို့ကိုတော့ ထောက်ခံစာ ပြုလုပ်ပေးတာ မရှိဘူးလို့ ဆိုပါတယ်။

"၁၃/ တွေကြတော့ ထောက်ခံစာပါရင် ဂိတ်တွေက ပေးဖြတ်တယ်။ ထောက်ခံစာကိုကြတော့ ရဲစခန်းနဲ့ အေးသာယာ ကားကွင်းမှာ လုပ်လို့ရတယ်။ လားရှိုးက‌နေ လာရင်တော့ မလိုဘူး။ ၁၁/၊ ၅/၊ ၁/တို့ကြတော့ စစ်တပ်ဘက်က ဖမ်းထားမှာဆိုးလို့ ကွင်းလမ်းကနေပတ်ပြီး သွားရတယ်"

၁၀၂၇ စစ်ဆင်ရေး ဖော်ဆောင်ပြီးနောက် ရှမ်းမြောက်ရှိ မြို့အများစုကို ညီနောင်မဟာမိတ် ၃ ဖွဲ့နဲ့ ပူးပေါင်းတပ်ဖွဲ့ တိုက်ခိုက်သိမ်းပိုက်ပြီးနောက် စက်သုံးဆီဈေးနှုန်း အဆမတန် မြှင့်တက်လာသလို ကားခလည်း ၅ ဆကနေ ၁ဝ ဆအထိ မြှင့်တက်လာပါတယ်။

#ဓာတ်ပုံ- Google (ပုံဟောင်း)
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ကျောက်မဲမှာ မူးယစ်ဆေးဝါး သုံးစွဲသူ ၁၃၁ ဦးကို TNLA ပြန်လွှတ်ပေး

ရွှေဖီမြေ၊ ဇန်နဝါရီ ၁၁ ရက်၊ ကျောက်မဲ

တအာင်းတပ်မတော်- TNLA ထိန်းချုပ်တဲ့ ရှမ်းမြောက် ကျောက်မဲမြို့မှာ မူးယစ်ဆေးဝါး သုံးစွဲသူ ၁၃၁ ဦးကို ပြီးခဲ့တဲ့ ဇန်နဝါရီ ၇ ရက်က ပြန်လွှတ်ပေးလိုက်တယ်လို့ TNLA က ဒီနေ့ ဇန်နဝါရီ ၁၁ ရက်မှာ ထုတ်ပြန်လာပါတယ်။

မူးယစ်‌ဆေးဝါး တိုက်ဖျက်ရေးအဖွဲ့က ဖမ်းဆီးခဲ့တာဖြစ်ပြီး တချို့ကတော့ သက်ဆိုင်ရာ မိဘကိုယ်တိုင် သားတွေကို အကျင့်စာရိတ္တ ပြုပြင်ပေးဖို့ လာရောက် အပ်နှံပေးတာတွေလည်း ပါဝင်တယ်လို့ ထုတ်ပြန်ချက်ထဲ ဖော်ပြထားပါတယ်။

အကျင့်စာရိတ္တ ပြုပြင်ရေးစခန်းမှာ မူးယစ်ဆေး သုံးစွဲသူတွေကို ၆ လကြာ အကျင့်စာရိတ္တ ပြုပြင်ပေးခဲ့ပြီး သက်ဆိုင်ရာ မိဘထံ ပြန်လည် အပ်နှံပေးခဲ့တယ်လို့ ဆိုပါတယ်။

မူးယစ်ဆေးဝါး သုံးစွဲသူတွေဟာ ပထမအကြိမ် အကျင့်စာရိတ္တ ပြုပြင်ရေးစခန်းသို့ ပို့ဆောင်ခံရပြီး ၆ လ ပြစ်မှု ခံယူရပြီး ဒုတိယအကြိမ် ထပ်မံ သုံးစွဲတာရှိရင် ၃ နှစ်ကြာ အကျင့်စာရိတ္တ ပြုပြင်ရေးစခန်းသို့ ပို့ဆောင်ခံရမှာ ဖြစ်ပါတယ်။

၁၀၂၇ စစ်ဆင်ရေး မတိုင်ခင် တအာင်းဒေသအတွင်း မူးယစ်ဆေးဝါး သုံးစွဲသူ များပြီး TNLA ထိန်းချုပ်ပြီးနောက် တရားဥပဒေစိုးမိုးရေးလုပ်ငန်း ဆောင်ရွက်ပြီး‌နောက် မူးယစ်ဆေးဝါး ရောင်းဝယ်သုံးစွဲသူတွေကို ထိရောက်စွာ အရေးယူနိုင်ခဲ့တယ်လို့ ဖော်ပြထားပါတယ်။

ဒါပေမဲ့ တအာင်းတပ် ထိန်းချုပ်တဲ့ မြို့နယ်တချို့မှာတော့ ကျေးရွာပိုင်းမှာ မူးယစ်ဆေးဝါး ရောင်းဝယ်သုံးစွဲသူ ပြန်များလာပြီး တအာင်းတပ်ရဲ့ အရာရှိတချို့ကလည်း မူးယစ်ဆေးဝါး သုံးစွဲတာတွေ တွေ့လာရတယ်လို့ ဒေသခံတွေက ရွှေဖီမြေသို့ ပြောဆိုထားဖူးပါတယ်။

ပြီးခဲ့တဲ့ ဇွန်လ ၁၁ ရက်ကလည်း နမ့်ဆန်မြို့မှာ PSLF/TNLA ရဲ့ မူးယစ်ဆေးဝါး တိုက်ဖျက်ရေးအဖွဲ့က မူးယစ်ဆေးဝါး သုံးစွဲသူ ၅၀ ဦးကို အကျင့်စာရိတ္တ ပြုပြင်ပြီး ပြန်လွှတ်ပေးခဲ့ဖူးပါတယ်။

#ဓာတ်ပုံ- PSLF/TNLA
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ကချင်မှာ စစ်စခန်းတွေ ဆက်တိုက် လက်လွှတ်ဆုံးရှုးရပြီးနောက် သဘာဝ သယံဇာတကို မျှတစွာ ခွဲဝေအသုံးချဖို့ မူဘောင် ချမှတ်ဖို့လိုကြောင်း စစ်ကောင်စီခေါင်းဆောင်ပြော

မြတ်နိုး၊ ဇန်နဝါရီ ၁၁ ရက်၊ မြစ်ကြီးနား

စစ်ကောင်စီခေါင်းဆောင် ဗိုလ်မှူးကြီး မင်းအောင်လှိုင်က KIA နဲ့ ပူးပေါင်းတပ်ဖွဲ့က ကချင်ပြည်နယ်ရှိ နေရာအများစုကို သိမ်းပိုက်ပြီးနောက် သဘာဝသယံဇာတကို မျှတစွာ ခွဲဝေအသုံးချဖို့ မူဘောင် ချမှတ်ဖို့လိုကြောင်း မနေ့ ဇန်နဝါရီ ၁၀ ရက်မှာ ကျရောက်တဲ့ ၇၇ နှစ်မြောက် ကချင်ပြည်နယ်နေ့အတွက် ပေးပို့တဲ့ သဝဏ်လွှာမှာ ပြောဆိုထားပါတယ်။

သဘာဝ သယံဇာတ ရင်းမြစ်တွေကို ရေရှည်ထိန်းသိမ်းပြီး မျှတမှန်ကန်စွာ ခွဲဝေ အသုံးချနိုင်မယ့် စီးပွားရးမူဘောင်‌တွေ ချမှတ်ဆောင်ရွက်ဖို့လိုကြောင်း အဲဒီသဝဏ်လွှာမှာ ထည့်သွင်းဖော်ပြထားပါတယ်။

ကချင်ပြည်နယ်မှာ တန်ဖိုးမဖြတ်နိုင်တဲ့ အဖိုးတန်ရတနာတွေ ပေါကြွယ်ဝပြီး သဘာဝ အရင်းအမြစ်တွေ ထွက်ရှိရာ ပြည်နယ်ဖြစ်ပြီး သဘာဝသယံဇာတ အရင်းအမြစ်တွေကို ရေရှည် ထိန်းသိမ်းနိုင်မယ့် မူဘောင်တွေ ချမှတ်ကာ အလေးထား လုပ်ဆောင်ကြဖို့လည်း ပြောဆိုထားပါတယ်။

ဒါ့အပြင် လက်ရှိမှာ စစ်ကောင်စီက နိုင်ငံရဲ့ နိုင်ငံရး၊ စီးပွား‌ရေး၊ လူမှုရေး ကဏ္ဍပေါင်းစုံ ဆောင်ရွက်နတဲ့ကာလဖြစ်ကြောင်း၊ ဒီမိုကရစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စု တည်ဆောက်နိုင်ရေး၊ တစ်နိုင်ငံလုံး ထာဝရငြိမ်းချမ်းရေး ရရှိစေရေးအတွက် တို့တာဝန်အရေးသုံးပါးနဲ့အညီ ကာကွယ်စောင့်ရှောက်လျက်ရှိကြောင်း ပြောပါတယ်။

ဒါပေမဲ့ လတ်တလော ကချင်ပြည်နယ်က တိုက်ပွဲ ဖြစ်ပွားတဲ့ ဗန်းမော်၊ မံစီအပြင် တိုက်ပွဲ ဖြစ်ပွားခြင်း မရှိတော့တဲ့နေရာမှာလည်း လေကြောင်းနဲ့ မကြာခဏ ဗုံးကြဲ တိုက်ခိုက်တာတွေ ပြုလုပ်ခဲ့တယ်လို့ ဒေသခံတွေက ပြောပါတယ်။

အရင်က ကချင်ပြည်နယ်နေ့ကို ကချင်စာပေနဲ့ ရိုးရာယဉ်ကျေးမှုအဖွဲ့က ဦးဆောင်ပြီး ကချင်ပြည်နယ်နေ့ အထိမ်းအမှတ်ကို ဂုဏ်ပြုတဲ့အနေနဲ့ မနောအက ဆင်နွှဲခဲ့ပေမဲ့ စစ်အာဏာ သိမ်းပြီးနောက် စစ်ကောင်စီက ဦးဆောင်ပြုလုပ်လာပြီး ဒီနှစ်မှာ စစ်ကောင်စီ ဖိတ်ခေါ်ထားတဲ့ လူတွေ၊ ဖိအားပေး ခေါ်ထားတဲ့ ဌာနဆိုင်ရာဝန်ထမ်းတွေသာ မနောအက ကကြတာကို တွေ့ရတယ်လို့ ဆိုပါတယ်။

မြန်မာနိုင်ငံ လွတ်လပ်ရေး ရရှိပြီးနောက် ကချင်ပြည်နယ်ကောင်စီ ညီလာခံရဲ့ ပထမဆုံး ညီလာခံ အစည်းအဝေး ကျင်းပခဲ့တဲ့ ၁၉၄၈ ဇန်နဝါရီ ၁၀ ရက်ကို ဂုဏ်ပြုတဲ့အနေနဲ့ ဇန်နဝါရီ ၁၀ ရက်ကို ကချင်ပြည်နယ်နေ့အဖြစ် သတ်မှတ်ဂုဏ်ပြုခဲ့တာ ဖြစ်ပါတယ်။

#ဓာတ်ပုံ- စစ်ကောင်စီ လက်အောက်ခံ ကချင်ပြည်နယ်အစိုးရ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ဘန့်‌ဘွေး-အင်ဝိုင်းကြား ဖွင့်ထားတဲ့ စစ်တပ်ဂိတ် ၃ ဂိတ်ကို ဗျူဟာမှူးကိုယ်တိုင် ဦးစီးပြီး ကြံကားတစ်စီးကို တစ်သိန်းခန့် တောင်း

ယာရူစိင်၊ ဇန်နဝါရီ ၁၁ ရက်၊ နောင်ချို

ရှမ်းမြောက် နောင်ချိုမြို့နယ်နဲ့ ပြင်ဦးလွင်ကြားရှိ ဘန့်ဘွေး-အင်ဝိုင်းရွာကြားမှာ စစ်တပ်က ဂိတ် ၃ ဂိတ်ဖွင့်ပြီး ဗျူဟာမှူးကိုယ်တိုင် ဦးစီးပြီးတော့ ကြံကားတစ်စီးကို ငွေ ၁ သိန်းနီးပါး တောင်းနေပါတယ်။

ဘန့်ဘွေးကနေ အင်ဝိုင်း ၂ မိုင်အတွင်းရှိ ကြံပို့ရာ လမ်းကြောင်းတွေမှာ စစ်တပ်က ဂိတ် ၃ ဂိတ် ဖွင့်ထားသလို ဂိတ် ၁ ခုကို ဖြတ်သန်းခ ၁ သိန်းနီးပါး ပေးနေရတယ်လို့ ဖြစ်စဉ်သိရှိသူ အမျိုးသားတစ်ဦးက ရွှေဖီမြေကို ပြောပါတယ်။

"ဘန့်ဘွေး ဗျူဟာမှူး စီးပွားရှာ ကြမ်းနေတယ်။ ဘန့်ဘွေးဒေသ ကြံစိုက်တောင်သူများ ကြံပို့ရာ လမ်းကြောင်း ဘန့်ဘွေးမှ အင်ဝိုင်း နှစ်မိုင်အတွင်းမှာ ဂိတ် သုံးဂိတ် ဖွင့်ထားပါတယ်။ ဂိတ်တစ်ဂိတ် ဖြတ်သန်းခ ကြံကား တစ်စီး ငါးသောင်းကို ကြံပိုင်ရှင်က ပေးရပြီး ကားသမားက နှစ်သောင်း ထပ်ပေးရပါတယ်"

ဖြတ်သန်းခ ဂိတ်ကြေး ပေးရတာဟာ များတဲ့အတွက် ကွင်းလမ်းက‌‌နေ သွားရတဲ့အပြင် ဗျူဟာမှူးကိုယ်တိုင် ဦးစီးပြီး ကွင်းလမ်းအထိ ဂိတ်တွေ ဖွင့်နေတယ်လို့ ၎င်းက ဆက်ပြောပါတယ်။

နောက်ထပ် သတင်းအရင်းအမြစ် အမျိုးသားတစ်ဦးက "ဟုတ်တယ် ဗျူဟာမှူးကိုယ်တိုင် ဦးစီးပြီး ငွေတောင်းနေတာကို ကျနော်လည်း ကြားထား သိထားပါတယ်။ နားမလည်တာက အဲဘက်တစ်ကြောမှာ မကြာခဏဆိုသလို စစ်ပွဲတွေ ဖြစ်နေတာလေ။ ရှောင်ကွင်းလမ်းက အစ ဂိတ်တွေဖွင့်ပြီး ငွေတောင်းနေတာဆိုတော့လေ ထူးဆန်းတယ် ပြောရမှာပေါ့။ ဗျူဟာမှူးကိုယ်တိုင်က သုံးစရာပိုက်ဆံ မရှိလို့နေမှာပါ။ သူတို့ဘယ်လိုအခြေအနေ ဘယ်လိုပုံစံနဲ့ တောင်းနေလဲဆိုတာ ကျနော်လည်း သေချာမသိရပါဘူး"

အလားတူ ရှမ်းတောင် ရပ်စောက်မြို့ကနေ ရှမ်းမြောက်ဘက်သွားမယ့် ကားတွေကိုလည်း ဗထူးစစ်တပ်ဂိတ်မှာ ပိတ်ပင်ထားပေမဲ့ ညပိုင်းမှာ သိန်း ၂၀၊ သိန်း ၄၀ ပေးနိုင်သူကိုသာ ဖြတ်သန်းခွင့်ပေးတဲ့ဖြစ်စဉ် ရှိခဲ့ဖူးပါတယ်။

#ဓာတ်ပုံ- Google (နောင်ချို ဂုတ်တွင်းမှာ တွေ့ရတဲ့ စစ်ကောင်စီတပ်-ပုံဟောင်း)
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 တအာင်းအလံ မလွှင့်ထူရင် အရေးယူမယ်ဆိုတာ မဟုတ်ဘဲ တအာင်းမဟုတ်တဲ့ တခြားတိုင်းရင်းသားတွေ အလံ လွှင့်ထူစရာမလိုကြောင်း မြို့နယ်မှူးပြော

ရွှေဖီမြေ၊ ဇန်နဝါရီ ၁၁ ရက်၊ နမ္မတူ

တအာင်းတပ်မတော်- PSLF/TNLA တိုက်ခိုက်သိမ်းပိုက်ပြီး အုပ်ချုပ်နေတဲ့ နမ္မတူမြို့မှာ တအာင်းအလံ မလွှင့်ထူရင် ဒဏ်ငွေ ရိုက်ကာ အရေးယူမယ်ဆိုတာ မဟုတ်ကြောင်း မြို့နယ်အုပ်ချုပ်ရေးမှူးက ပြောပါတယ်။

မနက်ဖြန် ဇန်နဝါရီ ၁၂ ရက်မှာ ကျရောက်မယ့် ၆၂ နှစ်မြောက် တအာင်းအမျိုးသား တော်လှန်ရေးနေ့မှာ ရပ်ကွက်တိုင်းက လူထုအားလုံး မိမိနေအိမ်မှာ တအာင်းအလံ လွှင့်ထူရမယ်ဆိုပြီး ရပ်ကွက်အုပ်ချုပ်ရေးမှူး၊ နယ်မြေမှူးတွေက ပြောဆိုခဲ့တာပဲ ဖြစ်ပါတယ်။

PSLF/TNLA ရဲ့ နမ္မတူမြို့နယ် အုပ်ချုပ်ရေးမှူး တားဒီဝမ်းက “ကျနော်တို့အနေနဲ့ အစည်းအဝေး ခေါ်တဲ့အချိန်မှာ အဲလို ပြောဆိုထားခြင်း မရှိပါဘူး။ နှုတ်နဲ့ဖြစ်စေ စာထုတ်တာဖြစ်စေ ရပ်ကွက်တိုင်း အိမ်တိုင်း အဲနေ့ (ဇန်နဝါရီ ၁၂ ရက်)မှာ တအာင်းအလံ ထောင်ရမယ်ဆိုပြီး မပြောထားပါဘူး။ မထောင်တဲ့သူကို ဒဏ်ငွေ ရိုက်မယ်ဆိုတာလည်း မဟုတ်ပါဘူး” လို့ ရွှေဖီမြေကို ပြောပါတယ်။

မြို့တွင်းရှိ လမ်းမကြီးတစ်လျှောက်မှာတော့ တအာင်းအလံကို မြို့နယ်အုပ်ချုပ်ရေးအဖွဲ့က စိုက်ထူမှာဖြစ်ပြီး လမ်းမကြီးဘေးရှိ နေအိမ်တွေအနေနဲ့ အဆင်ပြေရင် အလံ လွှင့်ထူစေချင်ကြောင်းသာ ပြောဆိုခဲ့ပြီး မဖြစ်မနေ လုပ်ရမယ်ဆိုပြီးတော့ အမိန့်ပေးတာတွေ မရှိကြောင်း သူက ဆက်ပြောပါတယ်။

ဇန်နဝါရီ ၆ ရက်က မြို့နယ်အုပ်ချုပ်ရေးအဖွဲ့ရဲ့ စာရေးတစ်ဦးက သက်ဆိုင်ရာ ရပ်ကွက်အုပ်ချုပ်ရေးမှူးတွေကို ဖုန်းဆက်ပြောဆိုခဲ့တာဖြစ်ပြီး အလံ လွှင့်ထူခိုင်းတဲ့ကိစ္စ လူထုကြား ဝေဖန်မှု မြှင့်တက်လာပြီးနောက် ၈ ရက်နေ့နဲ့ ဒီနေ့ ဇန်နဝါရီ ၁၁ ရက်မှာ ရပ်ကွက်အုပ်ချုပ်ရေးမှူးတွေကို အစည်းအဝေး ခေါ်ယူကာ အဆိုပါကိစ္စကို ထပ်မံ ရှင်းလင်းပြောကြားခဲ့တယ်လို့ ဆိုပါတယ်။

ရပ်ကွက် ၈ နေ အသက် ၂၈ နှစ်အရွယ် အမျိုးသားတစ်ဦးက “အဲနေ့ကျရင် မဖြစ်မနေ အလံ ထောင်ရမယ်ဆိုပြီး အိမ်အထိ လာပြောသွားတာ။ မထောင်ရင် ဒဏ်ငွေ ငါးသောင်း ရိုက်မယ်တဲ့” ဆိုပြီး ပြောပါတယ်။

အလံလွှင့်ထူခိုင်းတဲ့ကိစ္စ ပြောဆိုရာမှာ ရပ်ကွက်အုပ်ချုပ်ရေးမှူးနဲ့ နယ်မြေမှူးတွေဟာ နားလည်မှုလွှဲပြီး ရပ်ကွက်နေ လူထုတွေဆီ မှားယွင်းတဲ့ သတင်းအချက်အလက် ပေးခဲ့တာဖြစ်ကြောင်း မြို့နယ်အုပ်ချုပ်ရေးမှူးက ပြောပါတယ်။

တအာင်းတပ်ရဲ့ အုပ်ချုပ်ရေး သက်ရောက်တဲ့ မန်စံမှာ နေထိုင်ကြတဲ့ လူထုတွေကိုလည်း တအာင်းအလံ မဖြစ်မနေ လွှင့်ထူဖို့ ပြောဆိုထားတာမရှိဘဲ တအာင်းတပ်ဖွဲ့နဲ့ အုပ်ချုပ်ရေးအဖွဲ့ ရှိတဲ့နေရာမှာသာ လွှင့်ထူမှာဖြစ်တယ်လို့ ဆိုပါတယ်။

နမ္မတူမြို့ကို ၁ဝ၂၇ စစ်ဆင်ရေး ပထမလှိုင်းအတွင်း ၂ဝ၂၃ ခုနှစ် ဒီဇင်ဘာ ၂၈ ရက်မှာ တိုက်ခိုက်သိမ်းပိုက်ခဲ့တာဖြစ်ပြီး ရပ်ကွက် ၈ ရပ်ကွက်အဖြစ် ပြန်လည် ပြင်ဆင်ဖွဲ့စည်းလိုက်ပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 မန္တလေးက ယာဥ်ထိန်းရဲအိမ်ယာ မီးလောင်မှုဖြစ်ပွား

ပျားကြီး၊ ဇန်နဝါရီ ၁၀ ရက်၊ မန္တလေး

မန္တလေးတိုင်းက ယာဥ်ထိန်းရဲ ဝန်ထမ်းအိမ်ယာတစ်ခု ဒီနေ့ ဇန်နဝါရီ ၁၀ ရက် မနက်ပိုင်းမှာ မီးလောင်မှုဖြစ်ပွားခဲ့တယ်လို့ ဒေသခံတွေက ပြောပါတယ်။

မနက် ၁၀ နာရီဝန်းကျင်မှာ ချမ်းအေးသာဇံမြို့နယ်၊ ၂၉ လမ်းနဲ့ လမ်း ၃၀ ကြား၊ ၆၈ လမ်းနဲ့ ၆၉ လမ်းကြားမှာရှိတဲ့ ယာဥ်ထိန်းရဲ ဝန်ထမ်းအိမ်ယာမှာ မီးလောင်ခဲ့တာဖြစ်ပါတယ်။

"၄ ခန်းတွဲအိမ်ယာတွေ လောင်တာပေါ့။ လူထိခိုက်တာတော့ မကြားမိဘူး။ ဒီနားက တိုင်းအရံရဲရုံးတို့၊ ခရိုင်တရားရုံးတို့နဲ့ နီးတော့ မီးအကူးမခံဘူး။ အသည်းအသန် ငြှိမ်းတာနေကြတာ" လို့ မီးလောင်မှုကို စောင့်ကြည့်ခဲ့တဲ့ ဒေသခံတစ်ဦးက ပြောပါတယ်။

မီးလောင်မှုဖြစ်ပွားနေချိန်မှာ အနီးဝန်းကျင်က လမ်းမကြီးတွေအားလုံးကို ပိတ်ဆို့လိုက်ပြီး မှတ်တမ်းဓာတ်ပုံ ရိုက်ကူးသူတွေကိုလည်း ကိုယ်ထိလက်ရောက် ရိုက်နှက်မှုတွေ ပြုလုပ်ခဲ့တယ်လို့ မျက်မြင်တွေ့သူတွေက ပြောပါတယ်။

မီးလောင်မှုကြောင့် ၄ ခန်းတွဲ ဝန်ထမ်းအဆောင် ၂ ဆောင်၊ စုစုပေါင်းအခန်း ၈ ခန်း မီးလောင်ခဲ့ပျက်စီးခဲ့ပြီး မီးလောင်မှု စတင်ဖြစ်ပွားရတဲ့ အကြောင်းအရင်းကိုတော့ လတ်တလော မသိရသေးပါဘူး။

ယာဥ်ထိန်းရဲတွေဟာ စစ်ကောင်စီအာဏာသိမ်းပြီးနောက်ပိုင်း မန္တလေးမြို့ပေါ်မှာ နေ့စဥ်နဲ့အမျှ ပြည်သူတွေအပေါ် အပြစ်ရှာဖမ်းဆီးပြီး ဒဏ်ငွေအဆမတန်တောင်းယူမှုတွေ လုပ်ဆောင်လေ့ရှိပေမဲ့ လက်ရှိ ဝန်ထမ်းလိုင်းခန်း မီးလောင်မှုမှာတော့ ချမ်းအေးသာဇံမြို့နယ်ထဲမှာ စစ်ဆေးဖမ်းဆီးတာတွေ ညနေပိုင်းအထိ မရှိဘူးလို့ ဒေသခံတွေက ဆိုပါတယ်။

ဓာတ်ပုံ - မီးသတ်(မန္တလေး)
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

https://youtu.be/mq70O7j0_-s

🟢 စစ်ကောင်စီတပ်ဟာ သမိုင်းတွင်တဲ့ ရှုံးနိမ့်မှုတွေနဲ့ ဆက်တိုက်ကြုံတွေ့နေရတယ်လို့ TNLA ပြော၊ တော်လှန်ရေးကို အရှိန်မြှင့်ဖို့ အချိန်အခါကောင်းဖြစ်တယ်လို့ဆို့

ရွှေဖီမြေ၊ ဇန်နဝါရီ ၁၀ ရက်

ဖိအားအမျိုးမျိုးကြားကနေ ရုန်းကန်နိုးထကြရတဲ့ တော်လှန်ရေးအင်အားစုတွေဟာ နိုင်ငံတဝန်းက ဒေသအသီးသီးမှာ ဘုံရန်သူဖြစ်တဲ့ စစ်ကောင်စီကို တော်လှန်တိုက်ခိုက်နေပြီး စစ်ကောင်စီတပ်ဟာလည်း သမိုင်းတွင်တဲ့ ရှုံးနိမ့်မှုတွေ ဆက်တိုက်ကြုံနေရတယ်လို့ တအာင်းတပ် TNLA က ပြောပါတယ်။

ဒီနေ့ ဇန်နဝါရီ ၁၀ ရက်မှာ PSLF/TNLA ရဲ့ နှစ်ပတ်လည်အစည်းအဝေး ထုတ်ပြန်ချက်ကို ထုတ်ပြန်ရာမှာ အခုလို ဖော်ပြထားတာဖြစ်ပါတယ်။

လက်ရှိအချိန်ဟာ တိုင်းရင်းသားလက်နက်ကိုင်တပ်တွေနဲ့ နွေဦးတော်လှန်ရေးအင်အားစုတွေ စုပေါင်းပြီး တော်လှန်ရေးအရှိန်ကို အမြင့်ဆုံးလွှင့်ကာ အောင်ပွဲရယူဖို့ အချိန်အခါကောင်းဖြစ်တယ်လို့ နှစ်ပတ်လည်အစည်းအဝေးမှာ ရှုမြင်ကြောင်း ဆိုပါတယ်။

TNLA အနေနဲ့ ၁၀၂၇ စစ်ဆင်ရေးအတွင်း ထိန်းချုပ်ထားတဲ့ မြို့တွေကို လုံခြုံရေး၊ တရားဥပဒေစိုးမိုးရေး၊ ပညာရေး၊ ကျန်းမာရေးနဲ့ လူမှုဘဝဖွံ့ဖြိုးတိုးတက်ရေးတွေကို ဦးဆောင်အုပ်ချုပ်သွားပြီး လူထုတွေ ပါဝင်နိုင်တဲ့ လူထုအစိုးရပေါ်ပေါက်ဖို့ ကြိုးစားသွားမယ်လို့ ပြောပါတယ်။

နှစ်ပတ်လည်အစည်းအဝေးမှာ TNLA ကို တပ်မဟာ ၉ ခုအဖြစ် ပြောင်းလဲဖွဲ့စည်းခဲ့ပြီး မြို့ ၁၈ မြို့ပါဝင်တဲ့ ခရိုင် ၅ ခုကိုလည်း ပြင်ဆင်စုဖွဲ့ဖို့ သဘောတူခဲ့ကြပါတယ်။

အရှိန်ပြင်းတဲ့ တော်လှန်ရေးကာလအတွင်း အသက်၊ နေအိမ်နဲ့ လုပ်ငန်းတွေ စွန့်လွတ်ခဲ့ကြတဲ့ လူထုတွေနဲ့ တအာင်းတပ်ဖွဲ့ဝင်တွေကို ပြည်လည်ထူထောင်ရေးနဲ့ လုံခြုံအေးချမ်းတဲ့ လူ့အဖွဲ့အစည်းကို တည်ဆောက်နိုင်ဖို့ တအာင်းပြည်အတွင်းမှာရှိတဲ့ လူထုတွေနဲ့ ပူးပေါင်းသွားမယ်လို့လည်း ဆိုပါတယ်။

TNLA ရဲ့ နှစ်ပတ်လည်အစည်းအဝေးကို TNLA ရဲ့ ယာယီဌာနချုပ်မှာ ဇန်နဝါရီ ၃ ရက်ကနေ ၇ ရက်အထိ ၅ ရက်ကြာ ကျင်းပခဲ့ပြီးTNLA ရဲ့ ဗဟိုကော်မတီဝင်တွေအပါအဝင် ၁၇၃ ဦး တက်ရောက်ခဲ့ပါတယ်။

TNLA ဟာ ၁၀၂၇ စစ်ဆင်ရေးအတွင်း နမ့်ဆန်၊ မန်တုံ၊ နမ္မတူ၊ နမ့်ခမ်း၊ ကွတ်ခိုင်၊ ကျောက်မဲ၊ မိုင်းလုံ၊ မိုင်းငေါ့၊ မိုးမိတ်၊ မိုကုတ်၊ သီပေါနဲ့ နောင်ချို စတဲ့မြို့တွေကို တိုက်ခိုက်သိမ်းပိုက်ပြီး အုပ်ချုပ်နေတာလည်း ဖြစ်ပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 လွိုင်လင်လေးမှာ စစ်ကောင်စီရဲ့ လက်နက်ကြီးကြောင့် ကလေးငယ် ၂ ဦး သေဆုံးပြီး လသားကလေးအပါအဝင် ၂ ဦး အပြင်းအထန်ဒဏ်ရာရ

မိုင်းရူပ၊ ဇန်နဝါရီ ၁၀ ရက်၊ လွိုင်ကော်

ကရင်နီပြည် လွိုင်ကော်မြို့နယ် လွိုင်လင်လေးမြို့ အိုင်စန့်ကျေးရွာက လသားကလေးအပါအဝင် ၂ ဦးဟာ စစ်ကောင်စီရဲ့ လက်နက်ကြီးကြောင့် သေဆုံးခဲ့ရပြီး နောက်ထပ် ၂ ဦးလည်း အပြင်းအထန်ဒဏ်ရာရခဲ့တယ်လို့ သိရပါတယ်။

မနေ့ ဇန်နဝါရီ ၉ ရက် မနက်ပိုင်း ၁၁ နာရီဝန်းကျင်မှာ လွိုင်လင်လေးအခြေစိုက် စစ်ကောင်စီရဲ့ ခြေမြန်တပ်ရင်း ခမရ-၅၃၀ တပ်က ပစ်ခတ်ခဲ့တဲ့ လက်နက်ကြီးကြောင့် ၁၂ နှစ်အရွယ်ရှိ ကလေးငယ် ၂ ဦး သေဆုံးပြီး ၅ လသား ကလေးတစ်ဦးအပါအဝင် အသက် ၃၀ ကျော်အရွယ် အမျိုးသမီးတစ်ဦး ထိခိုက်ဒဏ်ရာရခဲ့ပါတယ်။

"ကလေး ၂ ယောက် သေဆုံးရတယ်။ ၅ လသားအရွယ် ကလေးတစ်ဦး လက်ပြတ်သွားတယ်။ အမျိုးသမီးတစ်ဦး ရင်ဘတ်မှာ ဒဏ်ရာရတယ်" လို့ ကရင်နီအမျိုးသားများ ကာကွယ်ရေးတပ် KNDF ရဲ့ ဗဟိုနဲ့ သတင်းပြန်ကြာရေးတာဝန်ခံက ရွှေဖီမြေကို ပြောပါတယ်။

စစ်ကောင်စီတပ်ဟာ လူထုတွေကို ပစ်မှတ်ထား တိုက်ခိုက်နေတာ ဖြစ်တယ်လို့လည်း သူက ဆက်ပြောပါတယ်။

စစ်ကောင်စီတပ်ဘက်ကတော့ အိုင်စန့်ကျေးရွာကို လက်နက်ကြီးနဲ့ ပစ်ခတ်တိုက်ခိုက်ခဲ့တာနဲ့ ပတ်သက်ပြီး တစ်စုံတစ်ရာ သတင်းထုတ်ပြန်ထားတာတော့ မရှိသေးပါဘူး။

ပြီးခဲ့တဲ့ ဒီဇင်ဘာလ ၃၁ ရက်နဲ့ ဇန်နဝါရီ ၁ ရက်မှာလည်း စစ်ကောင်စီတပ်ဟာ ဒီမော့ဆိုအနောက်ခြမ်းရှိ စစ်ရှောင်တွေ နေထိုင်တဲ့ နေရာတွေကို ၂ ရက်ဆက်တိုက် ဗုံးကြဲတိုက်ခိုက်ခဲ့ပြီး အရပ်သား ၁ ဦး ထိခိုက်ဒဏ်ရာရခဲ့ပါတယ်။

အလားတူ ပြီးခဲ့တဲ့ ဒီဇင်ဘာ ၃၁ ရက်မှာပဲ ကရင်နီပြည် လွိုင်ကော်မြို့နယ် အရှေ့ဘက်ခြမ်းရှိ ဆင်စခန်း စစ်ရှောင်စခန်းကို စစ်ကောင်စီ ဗုံးကြဲတိုက်ခိုက်ခဲ့ပြီး သားအမိ ၂ ဦး ပွဲချင်းပြီး သေဆုံးကာ ၃ ဦး ဒဏ်ရာရခဲ့ပါတယ်။

တိုးတက်သော ကရင်နီပြည်သူ့အင်အားစု PKPF ရဲ့ စာရင်းအရ ကရင်နီပြည်အတွင်းမှာ စစ်တပ်အာဏာသိမ်းပြီး ၄ နှစ်နီးပါးအတွင်း သေဆုံးခဲ့ရတဲ့ အရပ်သား ၅၃၆ ဦး ရှိပြီလို့ ပြီးခဲ့တဲ့ ဇန်နဝါရီ ၁ ရက်က ထုတ်ပြန်ထားချက်အရ သိရပါတယ်။

ဓာတ်ပုံ - KNDF
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 အောင်ပန်းမြို့ ရဲစခန်းမှာ ရဲတပ်ဖွဲ့ဝင်တွေနဲ့ အချုပ်သား ၁၀ ဦး သေနတ်ယူဆောင်ပြီး ထွက်ပြေး

မိုင်းရူပ၊ ဇန်နဝါရီ ၁၀ ရက်၊ ကလော

ရှမ်းတောင် ကလောမြို့နယ် အောင်ပန်းမြို့ ရဲစခန်းကနေ ရဲတပ်ဖွဲ့ဝင်နဲ့ အချုပ်သား ၁၀ ဦး သေနတ်ယူပြီး ရဲစခန်းကနေ ထွက်ပြေးသွားတယ်လို့ ရွှေဖီမြေက စုံစမ်းသိရှိရပါတယ်။

မနေ့ ဇန်နဝါရီလ ၉ ရက် မနက် ၃ နာရီဝန်းကျင်မှာ ရဲတပ်ဖွဲ့ဝင်တွေနဲ့ အချုပ်သား ၁၀ ဦးက သေနတ်ယူပြီး ထွက်ပြေးသွားခဲ့တာ ဖြစ်ပါတယ်။

" မနက် ၃ နာရီဝန်းကျင်လောက်မှာ ထွက်ပြေးသွားတယ်လို့ သိရတယ်။ ၁၀ ဦး ထွက်ပြေးသွားတယ်လို့ သိရတယ်။ သတင်းဖုံးထားတော့ အသေးစိတ်မသိရသေးဘူး" လို့ ဒီဖြစ်စဥ်ကို သိရှိထားတဲ့ အောင်ပန်းဒေသခံတစ်ဦးက ရွှေဖီမြေကို ပြောပါတယ်။

ရဲနဲ့ အချုပ်သားတွေ ထွက်ပြေးသွားပြီးနောက်ပိုင်း အောင်ပန်းမြို့မှာ စစ်ကောင်စီတပ်ဖွဲ့ဝင်တွေက စစ်ဆေးမှုတွေ တင်းကြပ်နေပြီး ထွက်ပြေးသွားတဲ့သူတွေကို လိုက်လံရှာဖွေနေတယ်လို့လည်း သူက ဆက်ပြောပါတယ်။

ရဲနဲ့ အချုပ်သား ထွက်ပြေးသွားတဲ့သတင်းကို စစ်ကောင်စီက သတင်းဖုံးထားတာကြောင့် ထွက်ပြေးသွားတဲ့ သူတွေရဲ့ အချက်အလက်အသေးစိတ်နဲ့ ယူသွားတဲ့ သေနတ်အရေအတွက်ကို မသိရသေးပါဘူး။

အောင်ပန်းရဲစခန်းမှာ ရဲတပ်ဖွဲ့ဝင်တွေနဲ့ အချုပ်သားတွေ ထွက်ပြေးထားတဲ့ဖြစ်စဥ်ဟာ ပထမဆုံးအကြိမ် ဖြစ်တယ်လို့လည်း သိရပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 နမ့်ဆန်မြို့မှာ ရေမီတာဒိုင်ခွက် အသစ်လဲပေး‌ခကို ၅ သောင်းကျပ်အထိ ပေးနေရသလို ရေအသုံးပြုခကိုလည်း တစ်ယူနစ်ကို ၃ ရာနဲ့ ၅ ရာကြား ပေးနေရ

လွေးထွေး၊ ဇန်နဝါရီ ၉ ရက်၊ နမ့်ဆန်

တအာင်းဒေသ နမ့်ဆန်မြို့ပေါ် ရပ်ကွက်တချို့မှာ ရေမီတာဒိုင်ခွက် အသစ်လဲပေးနေပြီး လဲခကို ၅ သောင်းကျပ်အထိ ပေးဆောင်‌နေရသလို ရေအသုံးပြုခကိုလည်း တစ်ယူနစ်ကို ကျပ် ၃၀၀ ကနေ ၅၀၀ အထိ လူထုတွေက ပေးနေရတယ်လို့ အမည်မဖော်လိုသူ မြို့ခံအမျိုးသမီးက ရွှေဖီမြေကို ပြောပါတယ်။

ပြီးခဲ့တဲ့ ၂၀၂၄ ခုနှစ် ဒီဇင်ဘာလမှာ သက်ဆိုင်ရာတွေက အုပ်ချုပ်ရေးမှူးကနေတစ်ဆင့် အစည်းအဝေးခေါ်ယူပြီး ရေမီတာဒိုင်ခွက် တပ်ဆင်ခကို ၁ သိန်းအထိ ပေးဆောင်ရမယ်လို့ ပြောကြားခဲ့ချိန် လူထုအများစုက ကန့်ကွက်ခဲ့ကြပေမယ့် ဒီ ၂၀၂၅ ခုနှစ် ဇန်နဝါရီလအစမှာ ရေမီတာဒိုင်ခွက်တွေကို စတင်တပ်ဆင်ပေးနေတာ ဖြစ်ပါတယ်။

နမ့်ဆန်မြို့ခံ အမျိုးသမီးတစ်ဦးက "အဲလိုလုပ်ဆောင်ပေးတာက မကောင်းဘူးလားဆိုတော့ ကောင်းပါတယ်။ ဒါပေမယ့် ငွေပမာဏ အရမ်းများတယ်။ ကျွန်မတို့ အခြေခံလက်လုပ်လက်စားတွေအတွက် တကယ်အဆင်မပြေတာပါ။ ရေယူနစ်လည်း အရမ်းများတော့ တချို့လူတွေက ဘာပြောကြလဲဆိုတော့ မသုံးနိုင်တော့ဘူး။ ချောင်းရေဘဲ သုံးတော့မယ်တဲ့" ဆိုပြီး ရွှေဖီမြေကို ပြောပါတယ်။

ရေမီးတာ ဒိုင်ခွက်တွေကို ဇယန်း၊ မြို့လယ်၊ မင်္ဂလာ၊ နမ္မဝေါ စတဲ့ ရပ်ကွက်တွေမှာ တပ်ဆင်ပေးပြီးဖြစ်တယ်လို့လည်း ဆိုပါတယ်။

နောက်ထပ် မြို့ခံအမျိုးသားတစ်ဦးက "ရေမီတာကြည့်လို့ မရတော့ဘူး။ ဖတ်မရတော့ဘူး။ လဲရမယ်ဆိုရင်တောင် လက်ခံလို့ရတယ်။ အခုက အကောင်းကြီးရှိနေတာကိုလည်း မလဲမနေရဆိုတော့လေ။ စီးပွားရေးကြပ်တည်းနေတဲ့ ကာလဆိုတော့ ပိုဆိုးတာပေါ့" လို့ ပြောပါတယ်။

လက်ရှိပေးဆောင်နေရတဲ့ ပမာဏဟာ လူထုတွေအတွက် အခက်အခဲဖြစ်စေတဲ့ ပမာဏဖြစ်တာကြောင့် လျှော့ပေါ့ပြီး ကောက်ပေးစေချင်တယ်လို့ နမ့်ဆန်ဒေသခံတွေက တောင်းဆိုထားကြပါတယ်။

ဒီဖြစ်စဉ်နဲ့ပတ်သက်ပြီး TNLA ရဲ့ ပြောရေးဆိုခွင့်ရှိသူ လွေးယေဦးက "မီတာဘောက်နဲ့ အခြားသော ပစ္စည်းတွေ လဲ‌ပေးတာက ဒေသအတွင်း ဖွံ့ဖြိုးတိုးတက်ဖို့ စီမံဆောင်ရွက်တာဖြစ်တယ်။ တခြားမြို့တွေမှာလည်း လုပ်ဆောင်သွားဖို့ ရှိပါတယ်။ အခွန်ကောက်ခံမှုနဲ့ပတ်သတ်ပြီး ကျွန်မက ပြန်ပြီးမေးကြည့်ပါမယ်" လို့ ပြောပါတယ်။

နမ့်ဆန်မြို့ကို ၂၀၂၃ ခုနှစ် ဒီဇင်ဘာ ၁၅ ရက်မှာ တအာင်းတပ်မတော် TNLA က တိုက်ခိုက်သိမ်းပိုက်ခဲ့တာဖြစ်ပြီး လက်ရှိမှာတော့ TNLA ရဲ့ အုပ်ချုပ်ရေးယန္တယားတွေ ပုံမှန်လည်ပတ်နေတဲ့မြို့လည်း ဖြစ်ပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 TNLA ကဲဘိူန်းဒေတိုည်း ကဲအီလူည်ႇအမှု ရေဲန်စိုန် ကာည်း ဘည်ရေဲန်အဓမ္မတေဲင်ကောန်အီပ်ုန်ကဲ 3 အီး ပဆဘော

ဆျှိုည်ဖီမျေ၊ ဇံန်နႎရီ ဆငည်း 9၊ ဆဘော

အမှိူဝ် ဇံန်နႎရီ ဆငည်း 8 TNLA ကဲပ္လိူရ်ႈဒါႈ TNLA ကဲဟည်ဘိူန်းဒေတိုည်း ခေဲင်တိုအီးကဲအီလူည်ႇအမှု ရေဲန်စိုန် ကာည်း ရေဲန်အဓမ္မတေဲင်ကောန်အီပ်ုန် ပကီုင်းဆဘော ကပီုန်ဆျှံမ်ကဒါႇပိူည် ဒီထိင်ခြဲအူန်း တံပ်နာန်းပ်ုန်လောတ်ခြိူဝ်းတအာင်း- TNLA ကဲ 7 အီးနီန် ဟည်ဘိူန်းတိုည်း 3 အီး။

အောင်နိုင်စိုး အဆာက် 44 ဆန်ုမ်၊ ကိုရဲဟိန်း အဆာက် 42 ဆန်ုမ်၊ ဇင်မင်းပိုင် အဆာက် 29 ဆန်ုမ် ကဲအီလူည်ႇအမှုတာမ်အီုင်ဂ္လံတ်ကဲနီန် ဆန်ုမ် 2024၊ ဒီဆဲမ်ဘာ 19 ဘိုန်းဒိူန် တီုင်ဒံန်ခြဲတြားဥပဒေ TNLA ကဲ ဟည်ဘိူန်းဒေတိုည်းကဲ ရအာည်ႇဆဴင်အိုမ်ပျြံင်ထာတ် AAA၊ ပယုင်စာက်ရကာဝ်။

ကဲဒါႈဘိုး ကောန်အီမာည်း ခေဲင်ပ်ုန်ဘိူန်းကဲတတိုည်း 3 အီးကဲဒီန် ကဝ်အီမိုႈ အောင်နိုင်စိုးနီန် အ်ုန်မိုႈအီယိူဝ်ႇရေဲန်ဒေဲႈစြေး အွံရ်နာန်းဒါင်း ပလူမ်ဒံန်ခြဲတြားဥပဒေ အီမိုႈခြူမ်တည်း တံပ်ဆီုက်ဘြာန်ကဲ။

ကဲနှဲအူန်း ဘည်ဘိူန်းတတိုည်း အောင်နိုင်စိုးနီန် တောပ်ဆံက်ဆေ ဂြိုခြီုင်အီမိုႈ RPG7 1 ပိုင်း၊ စာက်ကြောႈ 1 ပိုင်း၊ ပ္လေ MA3 47 ပိုင်း၊ ပ္လေစလက် 19 ပိုင်း၊ 60MM 3 ပိုင်း၊ M9 2 ပိုင်း၊ ပျူ M9 7 လှေ၊ ဖိင်လူည် 1 ကာ့်၊ ဘဲတ်ထရီ W27000 Mah 1 ပိုင်း၊ ကဘဝ်ယာမ (ခံင်မဝ်) 20 ပိုင်း၊ ဘိုတ်ဒျဲမ် 1 ပ္လါႇ ဂဲကဲနီန်ယာ့်။

ဝေဖြိုးအောင်၊ ငဖြိုး၊ အသားတု၊ ဇွဲပိုင်ထွန်း ကဲနီန်ဖိုန်အီး အီလူည်ႇအမှုတာမ်အီုင်ဂ္လံတ် တောပ်ကဲရကႎိုည် 3 အီးနီန် ဆီုင်ဂီုည်လောတ်ဘိုန်း ရောတ်ကဇေန်နီန်။

TNLA ကဲဒါႈ ကောန်အီမာည်း ပ်ုန်ဘိူန်းတတိုည်းအူန်း ကဲ 3အီးကဲနီန် လူမ်ဒံန်ခြဲတြားဥပဒေ TNLA ကဲ နံင်တိူဝ်ႈလာည်းဖါ်ႈအရေး တောပ်ဥပဒေ၊ ကဲအီဆီုင်ဂီုည်လောတ်ကဲဒီန်မာ် နံင်ရီန်းနှာင်းကံပ်ဘိူန်းတိုည်း ချာ်န်းချာ်န်းယာ့်။

ကောန်အီပ်ုန်အူအီး က္လာင်းဒါႈ ဇံန်နႎရီ ဆငည်း 27 ဘိုန်းဒေဲႈဒိူန်မာ် ပဆဘော မိူဝ်ႈကောန်အီမာည်းအူအီး ဟာဝ်းပရဝ်ကျင်တီ ကနာည်နံင်ဒါလဴင် အီန်တာနဲတ် ကတူႈဖါ်ႈအီစိုန် တောပ်ဟာဝ်းပွံတ် ႎှုင် 2 ပိုင်း၊ အာဝ်ႎံန်းလိူည်ကား ရိူန်းမာ် တောပ်ဟာဝ်းဘိုးစရီတ်။

ကဝ်အီကပ္လါႇဘေဲႇဆဒါင်- Lway N Tra

#ရူပ်ရာင်- TNLA
~ ~ ~
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Telegram ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ခနား တံပ်ဆီုက်ဘြာန်ကဲ ကာည်း တံပ် DPLA ကဲ ဆီုပ်ပဲန်ပ္လေါည်ကတီုက်ကပဴင် ပအရာပ်စောက်ဂူ လှံင်ယဲတ်ဆောက်

မာည်းရူပ၊ ဇံန်နႎရီ ဆငည်း 9၊ ယဲတ်ဆောက်

ကဝ်အီမိူဝ်ႈအခွါင်းအရေး ကြောႈက္လာင်း ခေဲင် DPLA က္လာင်းတဆျှိုည်ဖီမျေဒါႈ ခနားတံပ်ဆီုက်ဘြာန်ကဲ ကာည်း တံပ်ဆီုက်ဓနု DPLA ကဲ ဆီုပ်ပဲန်ပ္လေါည်ကတီုက်ကပဴင် ပအရာပ်ယဲတ်ဆောက်။

အာဝ်ႎံန်းလိူည် ဆီုက်ကဇောည်ပ်ုန်တိုန်း တံပ်ဆီုက်ဘြာန်ကဲ ပအရာပ်စောက်ဂူ ပဲန်ဘိုးပ္လေါည်ကတီုက်ကပဴင်တောပ် ဆီုက်ကဇောည်ပ်ုန်တိုန်း တံပ်ဆီုက်ဘြာန်ကဲ ပရဝ်တော်င်ခံမ်း လှံင်နော်င်ချို။

ကဝ်အီမိူဝ်ႈအခွါင်းအရေး ကြောႈက္လာင်း ခေဲင် DPLA က္လာင်းတဆျှိုည်ဖီမျေဒါႈ “ဘည်ကပဴင်၊ ပ္လေါည်ကတီုက်ကပဴင်နီန် ရာမ်ပဲန်ပွံတ်တောန်ဆငည်းယာ့်”

ဂေါည်ထံင်အူန်းဖါ်ႈ ပတံပ်လာက်နာက်ဒါင်းဆီုက်ဘြာန်ကဲ 349၊ ဒေင်ယဲတ်ဆောက်-စောက်ဂူ ပပဲန်တံပ်ဆီုက်တအာင်း TNLA ကဲ ကာည်း တံပ်ဆီုက်ဘြာန်ကဲ တပ္လေါည်ကတီုက်ကပဴင် ရဝ်တော်င်ခံမ်းမာ် အ်ုန်ပဲန်ပွံတ်ရဒေင် အမဒါင်းဒါင်း ကနာည်တံပ်ဆီုက်ဘြာန်ကဲ ပနိုက်တ ရဲင်ဘ္လောမ်တိုအီး။

ကဝ်အီဂေါည်ပ ဒီပဲန်ပ္လေါည်ကတီုက်ကပဴင်နီန်အူအီး က္လာင်းတဆျှိုည်ဖီမျေဒါႈ ရဝ်တော်င်ခံမ်း ဒီမိူဝ်ႈတတံပ်လာက်နာက်ဒါင်း တံပ်ဆီုက်ဘြာန်ကဲမာ် ခနားတံပ်ဆီုက်တအာင်း TNLA ကဲ ကာည်း တံပ်ဆီုက်ဘြာန်ကဲ ဂီုည်ပဲန်ပ္လေါည်ကတီုက်ကပဴင် ရာမ်နှေရ်ပွံတ်တောန်ဆငည်းယာ့်။

“ကဒါႇတော်င်ခံမ်း ဂီုည်ဒါ့်ဆီုပ်ပဲန်ပ္လေါည်ကတီုက်ကပဴင်။ ကဒါႇအုမ္မတီ ကာည်း ဘန်ဘွေး မိူဝ်ႈအေ့ ဆီုက်စကစကဲ ဒါဒရုန်း ပျောႈပ္လေ။

ဆာ်မိုႈကဒါႇတံပ်ဆီုက်ဘြာန်ကဲ ညှံမ်မိူဝ်ႈမ ထုက်လေႈဆဒါင်မံင်မျိုးမံင်လှေ အီကဆီုဝ်ကဆဲင်တောပ် ပ္လေါည်ကတီုက်ကပဴင် ပစောက်ဂူ ကာည်း တော်င်ခံမ်းနီန်။

ကဝ်အီကပ္လါႇဘေဲႇဆဒါင်- Lway N Tra

#ရူပ်ရာင်- DPLA
~ ~ ~
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Telegram ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 မံစီက စစ်ကောင်စီ တပ်စခန်း ၃ ခုကို တချိန်တည်း လက်လွှတ်ဆုံးရှုံးခဲ့တဲ့ ညမှာပဲ တိုက်ပွဲဖြစ်ပွားခြင်း မရှိတဲ့ ဖားကန့် ဘွမ်နန်ရွာကို လေယာဉ်နဲ့ ဗုံးကြဲတိုက်ခိုက်၊ ဒေသခံ ၁ ဦး သေဆုံးပြီး ၂ ဦး ဒဏ်ရာရ

မြတ်နိုး၊ ဇန်နဝါရီ ၉ ရက်၊ ဖားကန့်

ကချင်ပြည်နယ်၊ ဗန်းမော်ခရိုင်၊ မံစီမြို့ အခြေစိုက် စစ်ကောင်စီ တပ်စခန်း ၃ ခုကို တချိန်တည်း လက်လွှတ်ဆုံးရှုံးခဲ့တဲ့ မနေ့ ဇန်နဝါရီလ ၈ ရက်နေ့ ညမှာပဲ စစ်ကောင်စီတပ်က တိုက်ပွဲဖြစ်ပွားခြင်းမရှိတဲ့ ဖားကန့်မြို့နယ် ဘွမ်နန်ရွာကို စစ်ကောင်စီက လေယာဉ်နဲ့ ဗုံးကြဲတိုက်ခိုက်လို့ အရပ်သား ၁ ဦး သေဆုံးပြီး ၂ ဦး ဒဏ်ရာရကြောင်း ဒေသခံတွေဆီက သိရပါတယ်။

"ညက လေယာဉ်နဲ့ ဗုံး ၂ ကြိမ် လာကြဲသွားတာ ဟုတ်တယ်။ အသက် ၄၀ ဝန်းကျင် အမျိုးသမီး တစ်ယောက် သေဆုံးသွားတယ်။ အမျိုးသမီး နှစ်ယောက်လည်း ဒဏ်ရာရတယ်" လို့ ဒေသခံ အမျိုးသား တစ်ဦးက ပြောပါတယ်။

လေယာဉ်ဗုံးဟာ ဈေးဆိုင်တန်းငယ်တွေရှိတဲ့အနားမှာ ကျရောက်ပေါက်ကွဲခဲ့တာကြောင့် ဆိုင်ထဲက အမျိုးသမီးတွေကို ထိခိုက်သေဆုံးသွားတာဖြစ်ပြီး ဆိုင် ၃ ဆိုင်လည်း ထိခိုက်ပျက်စီးသွားတယ်လို့ ဆိုပါတယ်။

"မနေ့ည ၁၀ နာရီ မိနစ် ၅၀ လောက်က လာကြဲတာပါ။ ၂ ကြိမ်ပါ။ အရင်က KIA တပ်မဟာ ၉၊ တပ်ရင်း ၆ ရဲ့ စခန်း အဟောင်းနားလေ" လို့ KIA နဲ့ နီးစပ်သူတစ်ဦးက ပြောပါတယ်။

စစ်ကောင်စီဟာ တပ်စခန်းတွေကို လက်လွတ်ဆုံးရှုံးရပြီဆိုရင် အခုလို စစ်နဲ့ မဆိုင်တဲ့နေရာတွေ၊ စစ်ရှုံးခဲ့တဲ့ နေရာတွေ၊ တိုက်ပွဲဖြစ်ပွားခြင်း မရှိတော့တဲ့ နေရာတွေကို လေကြောင်းနဲ့ ဗုံးကြဲတိုက်ခိုက်လေ့ရှိတာကြောင့် ဒေသခံတွေအနေနဲ့ သတိလက်လွတ်မနေသင့်ဘူးလို့ ၎င်းက ဆက်ပြောပါတယ်။

မနေ့ ဇန်နဝါရီလ ၈ ရက် နေ့လည် ၁ နာရီဝန်းကျင်မှာလည်း တိုက်ပွဲဖြစ်ပွားခြင်း မရှိပဲ စစ်ကောင်စီက TNLA ထိန်းချုပ်တဲ့ မိုးကုတ်မြို့ ဂေါက်ကွင်းနဲ့ မစိုးရိမ်ကျောင်းတိုက်တွေဘက်မှာ Y-12 လေယာဥ်နဲ့ ဗုံးအလုံး (၂၀) ခန့် ကြဲချတိုက်ခိုက်ခဲ့လို့ နေအိမ် ၅ လုံး၊ ဘုန်းကြီးကျောင်းနဲ့ မော်တော်ယာဥ် ၁ စီး ထိခိုက်ပျက်စီးသွားခဲ့ ပါတယ်။

ဓာတ်ပုံ - Google
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 စက်သုံးဆီဈေး မြင့်တက်မှုကြောင့် မူဆယ်နဲ့ နမ့်ခမ်းမြို့တွေမှာ တရုတ်ထုတ်ဆိုင်ကယ် ဘက်ထရီဘီးတွေ ပိုမိုအသုံးပြုလာ

လွေးပို့ဆပေ၊ ဇန်နဝါရီ ၈ ရက်၊ မူဆယ်

ရှမ်းမြောက် စစ်ကောင်စီတပ် ထိန်းချုပ်တဲ့ မူဆယ်မြို့နဲ့ တအာင်းတပ် TNLA ထိန်းချုပ်တဲ့ နမ့်ခမ်းမြို့မှာ စက်သုံးဆီ ဈေးမြင့်တက်မှုကြောင့် တရုတ်ထုတ်ဆိုင်ကယ် ဘက်ထရီဘီးတွေ ပိုမိုအသုံးပြုလာကြတယ်လို့ ဒေသခံတွေက ပြောပါတယ်။

စက်သုံးဆီ အဆမတန်ဈေးမြင့်တက်လာတာကြောင့် စက်သုံးဆီမလိုအပ်တဲ့ ဘက်ထရီဆိုင်ကယ်တွေကို ပိုအသုံးပြုလာကြတာဖြစ်တယ်လို့ မူဆယ်မြို့ခံ အမျိုးသားတစ်ဦးက ပြောပါတယ်။

“ဓာတ်ဆီဈေး အရမ်းတက်လို့ သူများက ဘက်ထရီဘီးဘဲ အသုံးပြုလာတာ များတယ်။ ဆီဈေးအတွက် မနိုင်ကြဘူး။ သူက ဘက်ထရီခြောက်လေ။ ဓာတ်ဆီ မလိုဘူး။ လျှပ်စစ်မီးနဲ့ သွင်းရတာ။ ဘက်ထရီနဲ့ပဲ ဓာတ်ဆီမစားဘူး။ အဲကြောင့် ဒီနောက်ပိုင်း ပိုသုံးလာတာ”

ဓာတ်ဆီမလိုတဲ့အပြင် အားအပြည့် တစ်ခါသွင်းထားရင်လည်း သုံးလေးရက် အသုံးပြုလို့ရတာကြောင့် ဘက်ထရီဆိုင်ကယ်ကို ပိုပြီးဝယ်စီးလာကြတာဖြစ်တယ်လို့ သူက ဆိုပါတယ်။

နမ့်ခမ်းမှာ နေထိုင်တဲ့ အမျိုးသားတစ်ဦးကလည်း “အဓိကတော့ ဓာတ်ဆီပါပဲ။ အရင်က အဲဆိုင်ကယ်တွေ မစီးဘူးလားဆိုရင် စီးတယ်။ ဒါပေမဲ့ ဒီနောက်ပိုင်းက အရမ်းစီးလာတယ်။ သူက ဓာတ်ဆီမလို အားနဲ့ပဲဆိုတော့ အဆင်ပြေတယ်” လို့ ပြောပါတယ်။

တရုတ်ထုတ် ဘက်ထရီဆိုင်ကယ်တွေက ဈေးအမျိုးမျိူးရှိပြီး တစ်စီးကို တရုတ်ယွမ်ငွေ ၂ ထောင်ကနေ ၅ ထောင်ဝန်းကျင်အထိ ရှိတယ်လို့ သိရပါတယ်။

မြန်မာ- တရုတ်နယ်စပ်ဖြစ်တဲ့ မူဆယ်မြို့မှာ တရုတ်အာဏာပိုင်တွေက စက်သုံးစီနဲ့ စားသောက်ကုန် သယ်ယူခွင့် ပိတ်ပင်လိုက်ပြီးနောက် စက်သုံးစီဈေးနှုန်း အဆမတန် မြင့်တက်လာတာဖြစ်ပြီး လက်ရှိ မူဆယ်နဲ့ နမ့်ခမ်းမှာ ဓာတ်ဆီတစ်လီတာကို ၈ထောင်ကနေ တစ်သောင်းဝန်းကျင်ရှိတယ်လို့ ဒေသခံတွေက ပြောပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 ရှမ်းမြောက်မှာ ကြံတွေ စတင်ခုတ်နေပြီး ကြံ ၁ တန်မှာ တရုတ်ယွမ် ၃ ရာကျော် စျေးရ

မိုင်းရူပ၊ ဇန်နဝါရီ ၈ ရက်

ရှမ်းမြောက်က ကြံစိုက်ပျိုးထားတဲ့ ဒေသတွေမှာ ကြံတွေ စတင်ခုတ်နေပြီး ကြံ ၁ တန်ကို တရုတ်ငွေ ယွမ် ၃ ရာကျော် (၁ သိန်းခွဲကျပ်ဝန်းကျင်) စျေးရတယ်လို့ ကြံတောင်သူတွေက ရွှေဖီမြေကို ပြောပါတယ်။

ရှမ်းမြောက် သိန္နီ၊ ကွတ်ခိုင်မြို့နယ်၊ နမ့်ဖတ်ကာနဲ့ မိုင်းယုလေး၊ မူဆယ်မြို့နယ် (၁၀၅) မိုင်၊ ပန်ဆိုင်း(ကြုတ်ကုတ်)မြို့နဲ့ မုံးကုံးမြို့တွေမှာ ကြံတွေကို အဓိကစိုက်ပျိုးကြတာ ဖြစ်ပါတယ်။

ကြံစိုက်တောင်သူတစ်ဦးက "တရုတ်ငွေ ၃၀၅ ကျပ် မေးမယ်လို့ ပြောတယ်။ နမ့်ဖတ်ကာတကျောက ထွက်တဲ့ ကြံတွေကိုတော့ နမ့်အွမ်က ကြံစက်ရုံမှာ အဓိကပို့တာ" လို့ ရွှေဖီမြေကို ပြောပါတယ်။

လက်ရှိ ရှမ်းမြောက်က ကြံစိုက်တဲ့ နေရာအများစုမှာ ကြံတွေ စတင်ခုတ်နေပေမယ့် ကွတ်ခိုင်မြို့နယ် နမ့်ဖတ်ကာနဲ့ မိုင်းယုလေးဂွင်မှာတော့ လမ်းတွေပြုပြင်နေဆဲဖြစ်တာကြောင့် ကြံမခုတ်နိုင်သေးဘူးလို့ သူက ဆက်ပြောပါတယ်။

ဒီနှစ် ကြံခုတ်ရာသီမှာ ကြံခုတ်သူတွေအတွက် ကြံ ၁ စည်းကို ၅၀၀ ကျပ်ပေးတယ်လို့ သိန္နီမြို့နယ်မှာ ကြံခုတ်နေတဲ့ ဒေသခံတစ်ဦးက ရွှေဖီမြေကို ပြောပါတယ်။

"ကိုယ်ဟာကိုစား ၁ စည်း ၅၀၀ ပေးတယ်။ ၁ စည်းကို အချောင်း ၂၀ ထည့်ရတယ်" လို့ ပြောပါတယ်။

ပြီးခဲ့တဲ့နှစ် ကြံစိုက်ရာသီမှာတော့ ကြံ ၁ တန်ကို တရုတ်ငွေ ယွမ် (၂၈၀) ရရာကနေ ဒီနှစ်မှာ ကြံ ၁ တန်ကို တရုတ်ငွေ ၃၀၀ ကျော် ဈေးတက်လာပေမယ့် အဆမတန် မြင့်တက်လာတဲ့ ကုန်စျေးနှုန်းတွေကြောင့် ဒေသခံတွေအတွက် မကာမိဘူးလို့ ကြံစိုက်တောင်သူတွေက ဆိုပါတယ်။

ရှမ်းမြောက်မှာထွက်တဲ့ ကြံတွေကို မူဆယ်မြို့နယ် နမ့်အွမ်ကျေးရွာ သကြားစက်ရုံ၊ ညီနောင်မဟာမိတ် ၃ ဖွဲ့ ထိန်းချုပ်ထားတဲ့ တရုတ်- မြန်မာနယ်စပ် ကျင်စန်းကျော့နဲ့ ချင်းရွှေဟော် ဂိတ်ကနေတစ်ဆင့် တရုတ်နိုင်ငံဘက်ကို တင်ပို့ကြတာ ဖြစ်ပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 နမ့်ဆန်မြို့နယ်မှာ မိုးနဲ့ ဆောင်းရာသီကာလ ကမျဉ်းနီကောင် ပိုကိုက်ခံရတတ်ပြီး ၂၀၂၄ ခုနှစ်မှာ ကမျဉ်းနီကိုက်ခံရလို့ ကလေးငယ်အပါအဝင် ၄ ဦး သေဆုံး

လွေးထွေး၊ ဇန်နဝါရီ ၈ ရက်၊ နမ့်ဆန်

မိုးနဲ့ ဆောင်းရာသီတွေမှာ ကမျဉ်းနီကောင် ပိုအကိုက်ခံရတတ်တဲ့ ရာသီဖြစ်ပြီး ပြီးခဲ့တဲ့ ၂၀၂၄ ခုနှစ် တစ်နှစ်အတွင်း နမ့်ဆန်မြို့နယ်က အသက် ၄ နှစ်အရွယ်သာရှိသေးတဲ့ ကလေးတစ်ဦးအပါအဝင် ၄ ဦး သေဆုံးသွားခဲ့တယ်လို့ နမ့်ဆန်မြို့နယ်မှ အထက်တန်းသူနာပြုဆရာမ ဒေါ်ခင်အုံးကြည်က ရွှေဖီမြေကို ပြောပါတယ်။

ကမျဉ်းနီကောင်ဟာ လူတွေရဲ့ အသားနုတဲ့ အပိုင်းဖြစ်တဲ့ ပေါင်အရင်း၊ ဂျိုင်း၊ လည်ပင်းနဲ့ ဝမ်းဗိုက် စတဲ့နေရာတွေမှာ အကိုက်များလေ့ရှိတယ်လို့လည်း ဆိုပါတယ်။

ဒေါ်ခင်အုန်းကြည်က "ကျွန်မတို့စီ ရောက်လာတဲ့ လူနာတွေက များတယ်။ အဲထဲမှာမှ နောက်ဆုံးအဆင့်နဲ့ လာတာမဟုတ်ရင် အကုန်သက်သာတယ်။ အဲလိုသေဆုံးသွားတယ်ဆိုတာက နောက်ဆုံးအဆင့် အရမ်းအခြေအနေဆိုးမှ ရောက်လာလို့ ကယ်လို့မရတော့တာ" လို့ ပြောပါတယ်။

ကမျဉ်းနီကိုက်ခံရပါက ခေါင်းကိုက်တာ၊ မူးဝေတာ၊ ချမ်းတုန်တာ၊ မအီမသာဖြစ်တာ၊ ဝမ်းဗိုက်နာတာနဲ့ အန်တာ စတဲ့ လက္ခဏာတွေ ဖြစ်တတ်ပြီး ၃ ရက် အထက် အဖျားမကျပါက မိမိခန္ဓာကိုယ်‌ပေါ် အကောင်ကိုက်ခံထားရတာရှိမရှိကို စစ်ဆေးကြည့်ဖို့ လိုအပ်ကြောင်းကိုလည်း သူမက ဆိုပါတယ်။

ကမျဉ်းနီကောင်တွေဟာ အိမ်မွေးတိရိစ္ဆာန်၊ စိုက်ပျိုးရေးခြံ၊ မြက်ခင်း၊ ကောက်ရိုးပုံနဲ့ ပြောင်းဖူးခင်း စတဲ့ နေရာမျိုးမှာ ခိုအောင်းနေထိုင်တတ်တယ်လို့လည်း ဆိုထားပါတယ်။

အလားတူ ပြီးခဲ့တဲ့ ၂၀၂၄ ခုနှစ် ဒီဇင်ဘာလကုန်နဲ့ ၂၀၂၅ ခုနှစ် ဇန်နဝါရီလ လဆန်းမှာလည်း နမ့်ဆန်မြို့နယ်က ကျေးရွာတချို့မှာ ကမျဉ်းနီကောင် ကိုက်ခံရပြီး သေဆုံးသွားသူတွေ ရှိတယ်လို့ ဒေသခံက ပြောဆိုကြပေမယ့် ဖုန်းလိုင်းနဲ့ အင်တာနက်လိုင်း ဖြတ်တောက်ခံထားရတာကြောင့် ရွှေဖီမြေက သတင်းအတည်ပြုချက် မရခဲ့ပါဘူး။

ဓာတ်ပုံ - Google
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.org

🟢 TNLA ထိန်းချုပ်ထားတဲ့ မိုးကုတ်မြို့ကို စစ်ကောင်စီက ဗုံးအလုံး ၂၀ ကျော် ကြဲချတိုက်ခိုက်

မိုင်းရူပ၊ ဇန်နဝါရီ ၈ ရက်၊ မိုးကုတ်

တအာင်းတပ်မတော် TNLA ထိန်းချုပ်ထားတဲ့ မန္တလေးတိုင်း မိုးကုတ်မြို့ကို စစ်ကောင်စီတပ်က Y-12 လေယာဥ်အမျိုးအစားနဲ့ ဗုံးအလုံး ၂၀ ကျော် ကြဲချတိုက်ခိုက်ခဲ့တယ်လို့ ရွှေဖီမြေက စုံစမ်းသိရှိရပါတယ်။

ဒီနေ့ ဇန်နဝါရီ ၈ ရက် နေ့လည် ၁ နာရီဝန်းကျင်မှာ မိုးကုတ်အရှေ့ပိုင်းရှိ ဂေါက်ကွင်းအနီးတစ်ဝိုက်မှာ စစ်ကောင်စီတပ်က ဗုံးကြဲချတိုက်ခိုက်ခဲ့တာ ဖြစ်ပါတယ်။

"နေ့လည် (၁) နာရီဝန်းကျင်မှာ Y-12 နဲ့ ဗုံး (၅) ကြိမ် အလုံး (၂၀) ကျော် ကြဲချတာ။ ဂေါက်ကွင်းတကြောမှာ ကျတာ။ ထိခိုက်မှုတော့ မသိရသေးဘူး" လို့ မိုးကုတ်ဒေသခံတစ်ဦးက ရွှေဖီမြေကို ပြောပါတယ်။

ဗုံးကြဲတိုက်ခိုက်မှုကြောင့် ထိခိုက်သေဆုံးမှု အခြေအနေကိုတော့ ရွှေဖီမြေက ဆက်လက်စုံစမ်းနေဆဲ ဖြစ်ပါတယ်။

မိုးကုတ်အရှေ့ပိုင်းရှိ ဂေါက်ကွင်းမှာ TNLA က ကျောက်တူးဖော်နေတယ်ဆိုပြီး စစ်ကောင်စီထောက်ခံတဲ့ တယ်လီဂရမ်ချယ်နယ်တွေမှာ မကြာခဏ စွပ်စွဲပြီး ရေးသားဖော်ပြနေကြတာ တွေ့ရပါတယ်။

TNLA ရဲ့ ပြောရေးဆိုခွင့်ရှိသူ လွေးယေဦးကတော့ ဂေါက်ကွင်းမှာ TNLA က ရွှေတူးဖော်တာ မရှိကြောင်း ရွှေဖီမြေကို ပြောဆိုထားပါတယ်။

ပြီးခဲ့တဲ့ ၂၀၂၄ ခုနှစ် နိုဝင်ဘာလ ၁၁ ရက်ထဲမှာလည်း မိုးကုတ်မြို့ကို စစ်ကောင်စီတပ်က လေယာဥ်နဲ့ ဗုံးကြဲတိုက်ခိုက်ခဲ့တာကြောင့် သေဆုံးသူနဲ့ ဒဏ်ရာရသူ ၂၀ ကျော် ရှိခဲ့ပါတယ်။

မိုးကုတ်မြို့ကို ၂၀၂၄ ခုနှစ် ဇူလိုင်လ ၂၅ ရက် စစ်ဆင်ရေးဒုတိယလှိုင်းအတွင်းမှာ TNLA နဲ့ ပူးပေါင်းတပ်တွေက တိုက်ခိုက်သိမ်းပိုက်နိုင်ခဲ့တာ ဖြစ်ပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 မိုင်းကိုင်မှာ ပေါက်ကွဲမှုတစ်ခုဖြစ်တာကြောင့် မောက်လျန်ရွာခံ ၉ ဦးကို SSPP တပ်က ဖမ်းဆီးစစ်ဆေး၊ ၈ ဦးကို ပြန်လွတ်ပေးခဲ့ပေမယ့် ၁ ဦးကို ဆက်လက်ဖမ်းဆီးထား

လွေးလာဝ်ဇာရ်၊ ဇန်နဝါရီ ၇ ရက်၊ မိုင်းကိုင်

ရှမ်းတောင် မိုင်းကိုင်မြို့နယ် ပန်ကေတု‌ကျေးရွာအုပ်စု မောက်လျန်ရွာအနားမှာ ပေါက်ကွဲမှုတစ်ခုဖြစ်လို့ဆိုပြီး မောက်လျဥ်ရွာခံ ၉ ဦးကို ရှမ်းပြည်တိုးတက်ရေးပါတီ SSPP က သံသယနဲ့ ဖမ်းဆီးခေါ်ဆောင်သွားတယ်လို့ သိရပါတယ်။

မနေ့ ဇန်နဝါရီ ၆ ရက်မှာ ဖြစ်စဉ်ဖြစ်ပွါးခဲ့တာဖြစ်ပြီး အဲဒီပေါက်ကွဲမှုကြောင့် မောက်လျန်ရွာက အမျိုးသား ၉ ဦးကို SSPP တပ်ဖွဲ့က ဖမ်းဆီးခေါ်ဆောင်သွားတာ ဖြစ်ပါတယ်။

SSPP ဖမ်းဆီးသွားတဲ့ ရွာခံ ၉ ဦးထဲမှ ၈ ဦးကို ပြန်လွတ်ပေးခဲ့ပေးမယ့် ၁ ဦးကိုတော့ ပြန်မလွှတ်ပဲ ဖမ်းဆီးထိန်းသိမ်းထားဆဲလို့ သိရပါတယ်။

"မနေ့က မောက်လျန် ရွာနားမှာ ဗုံးတစ်လုံးပေါက်ကွဲမှုဖြစ်တယ်။ အဲရွာကလူတွေ အဲပေါက်ကွဲမှုသံသယကြောင့် ကိုးယောက်အဖမ်းခံရတယ်။ ရှစ်ယောက်ကတော့ ပြန်လွတ်လာပြီ။ တစ်ယောက်ကထိန်းထားနေဆဲဖြစ်တယ်" လို့ ဖြစ်စဉ်သိရှိသူ အမျိုးသားတစ်ဦးက ပြောပါတယ်။

ဖမ်းဆီးထိန်းသိမ်းခံထား‌ရတဲ့ အမျိုးသားဟာ (၄၇) နှစ်အရွယ်ရှိတဲ့ ဦးကြည်ညွန်းဆိုသူဖြစ်ပြီး သူ့ကို ဘာကြောင့်ပြန်မလွှတ်ပေးသေးဘူး ဆိုတာကိုတော့ သေချာမသိရဘူးလို့ အထက်ပါ အမျိုးသားက ဆက်ပြောပါတယ်။

"ဖမ်းခံရတဲ့ သူတွေ အကုန်လုံးက အမျိုးသားတွေဘဲ။ အမျိုးသမီးမပါဘူး။ သူတို့ပြောတာတော့ ဗုံးပေါက်ကွဲချိန် တွေ့လားတဲ့။ မတွေ့ဘူးပြောရင် ပြန်လွတ်ပေးတယ်။ အဲတစ်ယောက်ကို ဘာကြောင့်ဖမ်းခံထား‌နေတုန်းလဲ ဆိုတာမသိရဘူး" လို့ ပြောပါတယ်။

ဒါ့အပြင် ပန်ကေတုအုပ်စုထဲက ကျေးရွာခံတွေကိုလည်း SSPP တပ်ဖွဲ့ဘက်က စစ်ဆေးမှုတွေ ပြုလုပ်မယ်ဆိုပြီး တောင်ယာ၊ လယ်ယာမသွားခိုင်းဘူးလို့ သိရပါတယ်။

ဦးကြည်ညွန်းကို SSPP တပ်ဖွဲ့ ဖမ်းဆီးထိန်းသိမ်းထားတာနဲ့ ပတ်သက်ပြီး တုန့်ပြန်ချက်ရဖို့ SSPP ရဲ့ ပြောရေးဆိုခွင့်ရှိသူ ဗိုလ်မှူးစိုင်းဖုန်းဟန်ကို ဖုန်း‌နဲ့အကြိမ်ကြိမ် ဆက်သွယ်ခဲ့ပေမယ့် ဆက်သွယ်လို့ မရခဲ့ပါဘူး။

မိုင်းကိုင်မြို့နယ်မှာ SSPP တပ်က တပ်သားသစ် စုဆောင်းတာနဲ့ ကျေးရွာအုပ်စုတွေမှာ ငွေတောင်းတာတွေ မကြာခဏ လုပ်ဆောင်နေတယ်လို့ မိုင်းကိုင် ဒေသခံတွေက ရွှေဖီမြေကို ပြောဆိုထားဖူးပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 စစ်ကောင်စီတပ်က ဒရုန်းနဲ့ မီးလောင်ဗုံးကြဲချခဲ့လို့ ထီစုံရွာက နေအိမ် ၂ လုံး မီးလောင်ပျက်စီး

လွေးဇွန်မိုး၊ ဇန်နဝါရီ ၇ ရက်၊ ဆီဆိုင်

ရှမ်းတောင် ဆီဆိုင်မြို့နယ် ထီစုံကျေးရွာထဲကို စစ်ကောင်စီတပ်က ဒရုန်းနဲ့ မီးလောင်ဗုံး ကြဲချတိုက်ခိုက်လို့ နေအိမ် ၂ လုံး မီးလောင်ပျက်စီးသွားခဲ့တယ်လို့ ပအိုဝ်းအမျိုးသားလွတ်မြောက်ရေးတပ်မတော် PNLA က ဒီနေ့ ဇန်နဝါရီလ ၇ ရက်မှာ ထုတ်ပြန်ထားပါတယ်။

မနေ့ ဇန်နဝါရီလ ၆ ရက် မနက် ၉ နာရီမှာ လွယ်ထွယ်ကျေးရွာမှာ တပ်စွဲထားတဲ့ စစ်ကောင်စီတပ်က ထီစုံရွာကို ဒရုန်းနဲ့ မီးလောင်ဗုံး ကြဲခဲ့တာဖြစ်ပြီး မီးလောင်တဲ့နေအိမ်ကို PNLA တပ်က မီးငြိမ်းပေးခဲ့တာဖြစ်တယ်လို့ PNLA ရဲ့ ပြောရေးဆိုခွင့်ရှိသူ ခွန်ရိန်းယံက ပြောပါတယ်။

"လွယ်ထွယ်ကျေးရွာမှာ တပ်စွဲထားတဲ့ စစ်ကောင်စီတပ်က ဒရုန်းနဲ့ လာကြဲတာပေါ့နော်။ ထီစုံကျေးရွာထဲကို ကြဲတာ။ သူတို့က နေ့တိုင်းလိုလို အဲလိုမျိုး ရွာထဲကို ဒရုန်းတွေနဲ့ ဗုံးကြဲတော့ ရွာသူရွာသားတွေလည်း ရွာထဲမှာ မနေရဲကြတော့ဘူး"

စစ်ကောင်စီတပ် ဗုံးကြဲတဲ့ ထီစုံကျေးရွာဟာ တိုက်ပွဲဖြစ်ပွားတာမရှိသလို တော်လှန်ရေးတပ်ဖွဲ့တွေ တပ်စွဲထားတာလည်း မရှိဘူးလို့ ခွန်ရိန်းယံက ပြောပါတယ်။

စစ်ကောင်စီတပ်က ထီစုံကျေးရွာကို နေ့တိုင်းနီးပါး ဒရုန်းနဲ့ လက်နက်ကြီးတွေ အသုံးပြုပြီး တိုက်ခိုက်နေတာကြောင့် ထီစုံရွာက နေအိမ်စုစုပေါင်း ၂၄ လုံးအထိ ထိခိုက်ပျက်စီးခဲ့တယ်လို့ PNLA ရဲ့ ထုတ်ပြန်ချက်မှာ ဖော်ပြထားပါတယ်။

ဓာတ်ပုံ - PNLA
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 တောင်ငူ လေတပ်စခန်းကို BWM က ရှော့တိုက်ဒုံး ၁၀ လုံးနဲ့ ပစ်ခတ်၊ အရာရှိအပါအဝင် ၇ ဦး သေဆုံးပြီး လေယာဉ် ၂ စီးလည်း ပျက်စီး

လွေးထွေး၊ ဇန်နဝါရီ ၅ ရက်၊ တောင်ငူ

ပဲခူးတိုင်း တောင်ငူမြို့နယ်ရှိ တောင်ငူ လေတပ်ခန်းကို Brave Warriors for Myanmar- BWM က ဇန်နဝါရီ ၄ ရက် မနက်အစောပိုင်း ၁၂ နာရီကျော်မှာ တိုက်ခိုက်ခဲ့ရာ စစ်ကောင်စီတပ်ရဲ့ အရာရှိအပါအဝင် ၇ ဦး သေဆုံးခဲ့ပြီး အရာရှိအပါအဝင် တပ်သား ၈ ဦးလည်း ထိခိုက်ဒဏ်ရာ ရခဲ့ပါတယ်။

စစ်ကောင်စီတပ် သေဆုံးတာအပြင် တောင်ငူလေတပ်စခန်းရဲ့ လေယာဉ်ဂိုဒေါင်ရှိ K8 Jet Fighter ၂ စီးလည်း ရှေ့လေကာမှန် ကွဲသွားသလို ဘီးနဲ့ ရှော့ဘား ကျိုးပျက်ခဲ့ကြောင်း BWM က ပြောပါတယ်။

BWM ရဲ့ တာဝန်ရှိသူတစ်ဦးက "လွတ်လပ်ရေးနေ့ ဆိုသည့်တိုင် စစ်အာဏာရှင်အောက်မှ မလွတ်မြောက်သေးဘဲ နေ့စဉ်နှင့်အမျှ စစ်ရှုံးကောင်စီ၏ နှိပ်စက်ညှင်းပန်းမှုအောက် ဒုက္ခရောက်နေသော ပြည်သူတို့ လွတ်မြောက်ရေးအတွက် အထောက်အပံ့ ဖြစ်စေဖို့ ဒီမစ်ရှင်ကို ဖော်တာဖြစ်တယ်" လို့ ပြောပါတယ်။

ဒါ့အပြင် တောင်ငူ လေတပ်စခန်းဟာ နှစ်သစ်ကူးညမှာ ကရင်နီဒေသကို ဗုံးကြဲမှုအပါအဝင် နိုင်ငံတဝှမ်းမှ လူထုကို လေကြောင်းမှ ဗုံးကြဲ တိုက်ခိုက်နေတာ‌ကြောင့် တော်ငူလေတပ်ကို BWM နဲ့အတူ မဟာမိတ်အဖွဲ့က ၇၇ နှစ်မြောက် လွတ်လပ်ရေးနေ့မှာ Mission 28 အဖြစ် ဖော်ဆောင်လိုက်တာလို့လည်း ဆိုပါတယ်။

အလားတူ ပြီးခဲ့တဲ့ ၂၀၂၄ ခုနှစ် ဒီဇင်ဘာ ၂၂ ရက်ကလည်း တောင်ပိုင်းတိုင်းစစ်ဌာနချုပ် (တပခ)ကို BWM နဲ့ ပူးပေါင်းတပ်က ရှော့တိုက်ဒုံး ၇ လုံးနဲ့ ပစ်ခတ်တိုက်ခိုက်ခဲ့တာကြောင့် အရာရှိအပါအဝင် ၁၂ ဦး သေဆုံးခဲ့ဖူးပါတယ်။

#ဗီဒီယို- BWM
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 ကချင်ပြည်နယ် ဝန်ကြီးချုပ်အပါအဝင် နိုင်ငံရေးအကျဥ်းသား ၆ ရာခန့် လွှတ်လာ

ရွှေဖီမြေ၊ ဇန်နဝါရီ ၄ ရက်

အမျိုးသားဒီမိုကရေစီအဖွဲ့ချုပ် (NLD) အစိုးရလက်ထက်က ကချင်ပြည်နယ် ဝန်ကြီးချုပ်ဖြစ်တဲ့ ဒေါက်တာ ခက်အောင်အပါအဝင် နိုင်ငံတစ်ဝှမ်းမှာ အကျဥ်းချခံထားရတဲ့ နိုင်ငံရေး အကျဥ်းသူ အကျဥ်သား ၆ ရာခန့်ကို လွတ်ငြိမ်းခွင့်ပေးလိုက်တယ်လို့ စစ်ကောင်စီရဲ့ ပြောခွင့်ရသူ ဗိုလ်ချုပ်ဇော်မင်းထွန်းက ၎င်းတို့ရဲ့ လက်အောက်ခံ မီဒီယာတွေမှာ ပြောကြားထားပါတယ်။

စစ်ကောင်စီက ကချင်ပြည်နယ်ဝန်ကြီးချုပ် ဒေါက်တာခက်အောင်ကို ပြီးခဲ့တဲ့ ၂၀၂၂ ခုနှစ်မှာ အဂတိလိုက်စားမှု တိုက်ဖျက်ရေးဥပဒေ၊ သဘာဝဘေးအန္တရာယ် စီမံခန့်ခွဲရေးပုဒ်မ၊ ရာဇသတ်ကြီး ပုဒ်မ-၅၀၅ (ခ)၊ မတရားအသင်း အက်ဥပဒေပုဒ်မတွေနဲ့ ထောင်ဒဏ် ၁၂ နှစ် ချမှတ်ခဲ့တာဖြစ်ပါတယ်။

နိုင်ငံတစ်ဝှမ်းမှာ ထောင်ချခံထားရတဲ့ နိုင်ငံရေး အကျဥ်းသူ အကျဥ်းသား ၉,၉၅၈ ဦး ရှိတဲ့အထဲမှာ ပုဒ်မ ၅၀၅ နဲ့ ထောင်ချခံထားရတဲ့ နိုင်ငံရေး အကျဉ်းသူ အကျဥ်းသား ၆ ရာနီးပါးသာ ပြန်လည်လွတ်မြောက်လာတာ ဖြစ်ပါတယ်။

ဒီနေ့ ဇန်နဝါရီ ၄ ရက်မှာ ကျရောက်တဲ့ ၇၇ နှစ်မြောက် လွတ်လပ်ရေးနေ့ကို ဂုဏ်ပြုတဲ့အနေနဲ့ နိုင်ငံတစ်ဝှမ်းက အကျဥ်ထောင်မှာ အကျဥ်းကျနေတဲ့ အကျဥ်းသူ အကျဥ်းသားပေါင်း ၅,၈၆၄ ဦးကို လွှတ်ငြိမ်းခွင့်ပေးလိုက်တာဖြစ်ပြီး ရာဇဝတ်ကျင့်ထုံး ဥပဒေ ပုဒ်မ ၄၀၁ (၁) အရ နောက်တစ်ကြိမ် ပြစ်မှုကျူးလွန်ရင် အဲဒီပြစ်မှုအပြင် အရင်က ကျခံရမယ့် ပြစ်ဒဏ်တွေကိုပါ ဆက်လက်ကျခံရမယ်လို့ ဆိုပါတယ်။

စစ်တပ်အာဏာသိမ်းပြီးနောက်ပိုင်း နိုင်ငံတစ်ဝှမ်းက ဒီမိုကရေစီအရေး လှုပ်ရှားသူပေါင်း သုံးသောင်းဝန်းကျင် (၂၈,၀၉၆ ဦး) ဖမ်းဆီးခံခဲ့ရပြီး အဲဒီအထဲက ၂ သောင်းကျော် (၂၁,၄၉၉ ဦး) ဟာ ထိန်းသိမ်းခံနေရဆဲဖြစ်သလို ထိန်းသိမ်းခံနေရသူတွေထဲက ၉ ထောင်ကျော် (၉၉၅၈ ဦး)တော့ ထောင်ဒဏ်ချမှတ်ခံထားရတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ ဇန်နဝါရီ ၃ ရက် ထုတ်ပြန်ချက်အရ သိရပါတယ်။

ဓာတ်ပုံ - Facebook (ပုံဟောင်း)
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 PSLF/TNLA ရဲ့ အုပ်ချုပ်ရေးသင်တန်းကျောင်း အပတ်စဉ် (၂) ကို တအာင်းဒေသ တစ်နေရာမှာ ကျင်းပပြုလုပ်

ရွှေဖီမြေ၊ ဇန်နဝါရီ ၄ ရက်

တအာင်းအမျိုးသား လွတ်မြောက်ရေးတပ်မတော် PSLF/TNLA ထိန်းချုပ်ထားတဲ့ တအာင်း‌ဒေသ တစ်နေရာမှာ အထွေထွေအုပ်ချုပ်ရေးဌာနက ဦးစီးဖွင့်လှစ်ထားတဲ့ အုပ်ချုပ်ရေးသင်တန်း‌ကျောင်း (Administrative School) အပတ်စဥ် (၂) သင်တန်းဆင်းပွဲကို ကျင်းပပြုလုပ်ခဲ့ပါတယ်။

သင်တန်းဆင်းပွဲကို ပြီးခဲ့တဲ့ ဒီဇင်ဘာလ ၃၁ ရက် မနက် ၉ နာရီကနေ နေ့လည် ၁၂ နာရီအထိ ကျင်းပပြုလုပ်ခဲ့တာလို့ PSLF/TNLA က ဒီနေ့ ဇန်နဝါရီလ ၄ ရက်မှာ ထုတ်ပြန်ပါတယ်။

အုပ်ချုပ်ရေးသင်တန်းကျောင်းဟာ ၂ နှစ်ကျော် ကြာမြင့်ပြီး ဘာသာရပ်တွေကိုတော့ Personal Capacity Building၊ Basic Politic၊ အုပ်ချုပ်ရေးလုပ်ငန်းနဲ့ ဆိုင်တဲ့ဘာသာရပ်တွေ၊ ရဲလုပ်ငန်းနဲ့ သက်ဆိုင်တဲ့ ဘာသာရပ်တွေကို အဓိက သင်ကြား‌ပေးခဲ့တယ်လို့ ဆိုပါတယ်။

သင်တန်းသား ၅၅ ဦးက တက်ရောက်ခဲ့တာဖြစ်ပြီး သင်တန်းကျောင်း ပြီးထားတဲ့ သူတို့တွေဟာ အုပ်ချုပ်ရေးနဲ့ တရားဥပဒေစိုးမိုးရေး နေရာတွေမှာ တာဝန်ထမ်းဆောင်သွားမယ်လို့လည်း ဆိုထားပါတယ်။

အဲဒီသင်တန်းဆင်းပွဲကို TNLA ရဲ့ ဒုက္ကဌ (၁) ဒုတိယဗိုလ်ချူပ်ကြီး တားဂျုတ်ဂျား၊ ဒုက္ကဌ (၂) ဗိုလ်ချုပ် တားခူရ်လာင်း၊ ဗိုလ်မှူးချူပ် တားအိုမ်တမာဝ်း၊ ဗိုလ်မှူးချုပ် တားနော်ရိူန်း၊ ဗိုလ်မှူးကြီး တားကုင်ခြီရ်၊ အရာရှိ အရာခံ၊ ရဲဘော်တွေအပြင် ကျောင်းသားမိဘတွေနဲ့ ဒေသခံလူထုတွေအပါအဝင် စုစုပေါင်းလူဦးရေ (၂၀၀) နီးပါး တက်ရောက်ခဲ့ပါတယ်။

ဒီအုပ်ချုပ်ရေးသင်တန်းကျောင်းကို ပြီးခဲ့တဲ့ ၂၀၁၈ ခုနှစ်မှာ အပတ်စဉ် (၁) အဖြစ် စတင်ဖွင့်လှစ်ပေးခဲ့တာြဖစ်ပြီး အဲတုန်းက သင်တန်းသား (၅၄) ဦး တက်ရောက်သင်ကြားခဲ့တယ်လို့ PSLF/TNLA ရဲ့ ထုတ်ပြန်ချက်အရ သိရပါတယ်။

လက်ရှိ အဲဒီသင်တန်းသားတွေဟာ ရုံးချုပ် ရုံးအုပ်၊ မြို့နယ်အုပ်ချုပ်ရေးမှူး၊ ခရိုင်ရုံးအုပ်တွေ၊ မြို့နယ် တရားဥပဒေစိုးမိုးရေးတပ်ဖွဲ့နဲ့ အထူးတပ်ဖွဲ့မှူး နေရာတွေမှာ တာဝန်ထမ်းဆောင်နေကြပြီလို့ ပြောပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢အာဏာရှင်တော်လှန်ရေး စိတ်အားထက်သန်တဲ့ ယော မျိုးနွယ်စု

မိုင်းအနိုင်၊ ရွှေဖီမြေ

ယောလူမျိုးစု တိုင်းရင်းသားတွေဟာ မကွေးတိုင်း ဂန့်ဂေါမြို့နယ်၊ ထီးလင်း၊ ဆော၊ ကျောက်ထု၊ လောင်းရှည်နဲ့ ကျောမြို့နယ်တွေမှာ အများဆုံးနေထိုင်ကြပြီး စစ်တပ်အာဏာသိမ်းယူပြီးနောက် စစ်အာဏာရှင်ကို နည်းမျိုးစုံနဲ့ တော်လှန်နေကြတဲ့ မျိုးနွယ်စုတစ်ခုဖြစ်ပါတယ်။

စစ်တပ်အာဏာသိမ်းယူပြီးပြီးချင်းမှာတော့ ယောလူမျိုးတွေဟာ အများနည်းတူ ငြိမ်းချမ်းစွာ ဆန္ဒပြခဲ့ကြပြီး စစ်တပ်ရဲ့ အကြမ်းဖက်ဖြိုခွဲမှု၊ ဆန္ဒပြသူတွေကို မတရားဖမ်းဆီးမှုတွေကြောင့် ယောလူမျိုးဟာ ဆန္ဒပြရာကနေ လက်နက်ကိုင်တော်လှန်ရတဲ့ အခြေနေထိ ဖြစ်လာခဲ့ပါတယ်။

ယောလူမျိုးတို့ နေထိုင်ရာ ဒေသတွေဟာ လမ်းပန်းဆက်သွယ်ရေး ခက်ခဲလွန်းတာကြောင့်နဲ့ ငွေကြေးအင်အား ခက်ခဲပြီး လက်နက်ရရှိမှု နည်းပါးတာကြောင့် ရိုးရာလုပ် တူမီးသေနတ်နဲ့ လက်လုပ်မိုင်းတွေနဲ့သာ စစ်ကောင်စီကို တော်လှန်ခဲ့ရပြီး တချို့စစ်ဆင်ရေးတွေမှာ ထိရောက်မှုရှိခဲ့ပြီး တချို့စစ်ဆင်ရေးတွေမှာတော့ ယောတော်လှန်ရေးအဖွဲ့တွေဘက်က ထိခိုက်မှုတွေ ရှိခဲ့ပါတယ်။

ယောဒေသရှိ ကျေးရွာအများစုကို တော်လှန်ရေးတွေတပ်က ထိန်းချုပ်နိုင်ကြပြီး ကျေးရွာမှာ အုပ်ချုပ်ရေး ယန္တယားတွေလည်း တည်ဆောက်ထားကြပါတယ်။

မြို့အနီးနဲ့ စစ်တပ်စခန်းတွေ အထိုင်ချထားတဲ့ ကျေးရွာတွေမှာတော့ ပျူရွာတွေရှိနေပြီး အဲရွာတွေနဲ့တော့ အဆက်ဖြတ်ထားကြပါတယ်။

လူအင်အားအများအပြားရှိပေမယ့် လက်နက်အင်အား မမျှတခြင်းကြောင့် စစ်ကောင်စီ စစ်ကြောင်းထိုးလာရင် ရွာလုံးကျွတ် ထွက်ပြေးနေကြရဆဲဖြစ်ပြီး ထွက်မပြေးနိုင်သူတွေကတော့ ဖမ်းဆီးသတ်ဖြတ်ခံရတာတွေလည်း မကြာခဏဖြစ်ပွါးနေပါတယ်။

ဂန့်ဂေါမြို့နယ်အတွင်းက ယောလူမျိုးစု ရွာတစ်ရွာက ပြည်သူ့အုပ်ချုပ်ရေးအဖွဲ့ရဲ့ ခေါင်းဆောင်တစ်ဦးကတော့ “ဒီရွာမှာ တစ်ဝက်လောက်က စစ်ရှောင်တွေပဲ။ ထွက်ပြေးလာတော့ ကျွန်တော်တို့က တော်လှန်ရေးအင်အားစုတွေ အချင်းချင်းဆိုတော့ ကူညီကြတာပေါ့။ ဒီမှာ အိမ်တွေ ခွဲပြီးနေကြတယ်။ ပြီးရင်တော့ အဆင်ပြေတဲ့ အိမ်တွေမှာ နေ့စားသွားလုပ်ပြီး ဖြတ်သန်းကြတယ်။ ကျွန်တော်တို့ ပြေးရရင်လည်း အခြားရွာက အဲလိုလုပ်ပေးမှာပဲ။ ခေတ်ကိုက ဒီတိုင်းဖြစ်နေတာ” လို့ ဆိုပါတယ်။

အဲရွာက စစ်ရှောင်လာကြသူတွေ အားလုံးနီးပါးဟာ နေအိမ်မီးရှို့ခံထားရတဲ့ ယောလူမျိုးစုတွေ ဖြစ်ကြပါတယ်။

ယောလူမျိုးစုတွေဟာ ဗုဒ္ဓဘာသာ ကိုးကွယ်ယုံကြည်ကြသူတွေဖြစ်ပြီး ရှေးကျတဲ့ လူမျိုးဖြစ်သလို ပုဂံခေတ် ကျောက်စာမှာပါတဲ့ စာတွေအတိုင်း လေယူလေသိမ်း စကားအသုံးနှုန်းတွေကို အသုံးပြုနေကြဆဲ လူမျိုးလည်း ဖြစ်ပါတယ်။

ခေတ်အဆက်ဆက်က အာဏာရှင်တွေက ယောလူမျိုးတွေရဲ့ ကိုယ်ပိုင်စရိုက်လက္ခဏာ၊ ဖြစ်တည်မှုတွေကို လျစ်လျူခဲ့ကြပြီး ယောလူမျိုးတွေရဲ့ သဘောဆန္ဒကို မခံယူဘဲ ဗမာလူမျိုးစု (၉) မျိုးအောက်မှာ ထည့်သွင်းခြင်း ခံခဲ့ရပါတယ်။

မှတ်ပုံတင်မှာလည်း ယောလူမျိုးတွေရဲ့ မိမိကိုယ်မိမိ ရပ်တည်ခွင့်ကို တားဆီးပိတ်ပင်တာတွေ ကိုယ်ပိုင်ဝိသေသ လက္ခဏာ မှေးမိန်ပျောက်ကွယ်အောင် အာဏာရှင်ခေတ်အဆက်ဆက်က ကြိုးစားအားထုတ်ခဲ့ပါတယ်။ လမ်းပန်းဆက်သွယ်ရေး၊ ပညာရေး၊ ကျန်းမာရေးနဲ့ လူမှုစီးပွါးတွေမှာလည်း ခေတ်အဆက်ဆက် နောက်ကျခဲ့ပြီး လျစ်လျူခံထားရတဲ့ လူမျိုးစုတစ်ခုဖြစ်ပါတယ်။

လမ်းပန်းဆက်သွယ်ရေး၊ ပညာရေး၊ ကျန်းမာရေးနဲ့ လူမှုစီးပွါးတွေမှာလည်း ခေတ်အဆက်ဆက် နောက်ကျခဲ့ပြီး လျစ်လျူခံထားရတဲ့ လူမျိုးစုတစ်ခုဖြစ်ပါတယ်။

အရပ်သားတစ်ပိုင်း စစ်အစိုးရတစ်ပိုင်းခေတ် ရောက်ခါမှ လမ်းပန်းဆက်သွယ်ရေး၊ ပညာရေး၊ ကျန်းမာရေးတွေ အသိပညာတွေ အနည်းငယ်ပွင့်လာပြီး အမျိုးသားတန်းတူရေးနဲ့ ဆုံးရှုံးနေတဲ့ သူတို့အခွင့်အရေးတွေကို သိလာခါမှ အာဏာသိမ်းမှုကို ထပ်မံကြုံတွေ့လာရပါတယ်။

စစ်တပ်ရဲ့ ဖိနှိပ်မှု၊ နေအိမ်မီးရှို့မှု၊ ဖမ်းဆီးသတ်ဖြတ်မှုတွေ ခံနေရပေမယ့် ယောလူမျိုးတွေရဲ့ တော်လှန်ရေး စိတ်အားထက်သန်မှုဟာ မြင့်တက်နေဆဲဖြစ်ပြီး လူထုတွေကိုယ်တိုင်က တတ်နိုင်တဲ့ဘက်က တော်လှန်ရေးမှာ ပါဝင်နေကြဆဲ ဖြစ်ပါတယ်။

တော်လှန်ရေးတပ်တွေ ရွာထဲဝင်လာရင် မရှိရှိတဲ့ ဟင်းလေးတွေ၊ အစားအသောက်လေးတွေကို အိမ်တိုင်းစေ့ လင်ပန်းနဲ့ ခေါင်းပေါ်ရွက်ပြီး လာပို့တဲ့ အလေ့အကျင့်ဟာ သူတို့ဒေသအတွက် ဓလေ့တစ်ခုလို ဖြစ်နေပါတယ်။

“ဒီလိုလုပ်တာက ပုံမှန်ပါပဲ။ ဘယ်အဖွဲ့လာလာ တော်လှန်ရေးတပ်မှန်ရင် အကုန်တူတူပဲလေ။ ရှိတာလေးနဲ့ လုပ်ကျွေးကြတာပေါ့။ အဲထဲမှာ စစ်ရှောင်တွေလည်း အများကြီးပါတယ်” လို့ ရပ်ရွာ ပြည်သူ့အုပ်ချုပ်ရေး ခေါင်းဆောင်တစ်ဦးက ထပ်ပြောပါတယ်။

ဒါကြောင့် ဘယ်လိုအခြေနေရောက်ရောက် အာဏာရှင်ရှိနေသ၍ ယောလူမျိုးတွေရဲ့ တော်လှန်ရေး ဆက်ရှိနေအုန်းမယ့် အနေထားကို မြင်တွေ့နေရပါကြောင်းပါခဗျာ။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 နိုင်ငံတစ်ဝှမ်းက အကျဥ်သား ၅,၈၀၀ ကျော်ကို စစ်ကောင်စီက လွတ်ငြိမ်းခွင့်ပေး၊ လွတ်ပေးတဲ့အထဲမှာ နိုင်ငံခြားသား (၁၈၀) ဦးလည်း ပါဝင်

ရွှေဖီမြေ၊ ဇန်နဝါရီ ၄ ရက်

ဒီနေ့ ဇန်နဝါရီလ ၄ ရက်မှာ ကျရောက်တဲ့ ၇၇ နှစ်မြောက် လွတ်လပ်ရေးနေ့ကို ဂုဏ်ပြုတဲ့အနေနဲ့ နိုင်ငံတစ်ဝှမ်းက အကျဥ်ထောင်မှာ အကျဥ်းကျနေတဲ့ အကျဥ်းသူ အကျဥ်းသားပေါင်း ၅,၈၆၄ ဦးကို လွတ်ငြိမ်းခွင့် ပေးလိုက်တယ်လို့ စသ်ကောင်စီက ဒီနေ့ ဇန်နဝါရီလ ၄ ရက် မနက်မှာ ထုတ်ပြန်ထားပါတယ်။

အကျဉ်းထောင်၊ အချုပ်ထောင်တွေမှာ ထောင်ဒဏ်တစ်သက် ကျခံနေရတဲ့ အကျဉ်းသား၊ အကျဉ်းသူ ၁၄၄ ဦးကိုလည်း ထောင်ဒဏ်တစ်သက်ကနေ ထောင်ဒဏ် ၁၅ နှစ် လျှော့ပေါ့ပြောင်းလဲပြီး ပြစ်ဒဏ်လွတ်ငြိမ်းသက်သာခွင့် ပြုလိုက်တယ်လို့ ဆိုပါတယ်။

ရာဇဝတ်ကျင့်ထုံး ဥပဒေ ပုဒ်မ - ၄၀၁ (၁) အရ လွတ်ငြိမ်းခွင့် ပေးလိုက်တဲ့ အကျဥ်းသူ အကျဥ်းသားတွေဟာ နောက်တစ်ကြိမ် ပြစ်မှုကျူးလွန်ရင် အဲဒီပြစ်မှုအပြင် ယခင်ကျခံဖို့ ကျန်ရှိနေတဲ့ ပြစ်ဒဏ်တွေကိုပါ ဆက်လက်ကျခံရမယ်လို့ ဆိုထားပါတယ်။

နိုင်ငံအချင်းချင်း မိတ်ဝတ်မပျက် ဆက်ဆံရေးနဲ့ လူသားချင်း စာနာထောက်ထားမှုကို အလေးထားတဲ့အနေနဲ့ အကျဥ်ထောင်၊ အချုပ်ထောင် အသီးသီးမှာ ပြစ်ဒဏ်ကျခံနေတဲ့ နိုင်ငံခြားသား အကျဉ်းသူ၊ အကျဉ်းသား ၁၈၀ ကိုလည်း ရာဇဝတ်ကျင့်ထုံး ဥပဒေပုဒ်မ ၄၀၁ (၁) နဲ့အတူ ပြစ်ဒဏ်လွတ်ငြိမ်းခွင့်ပြုပြီး ပြည်နှင်ဒဏ်ပေးလိုက်တယ်လို့ ထုတ်ပြန်ပြောဆိုထားပါတယ်။

လက်နက်များ အက်ဥပဒေ၊ အကြမ်းဖက်မှု တိုက်ဖျက်ရေး ဥပဒေ၊ မတရားအသင်း ဆက်သွယ်မှု၊ အဂတိလိုက်စားမှု၊ မူးယစ်ဆေးဝါးမှု၊ လူသတ်မှု၊ အဓမ္မပြုကျင့်မှု၊ သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေ စတဲ့ အမှုတွေနဲ့ ပြစ်ဒဏ်ကျခံနေသူတွေကလွဲလို့ တခြားတည်ဆဲဥပဒေအရ ပြစ်မှုပြစ်ဒဏ် ကျခံနေရသူတွေကိုလည်း ကျခံနေရတဲ့ ပြစ်ဒဏ်ရဲ့ ခြောက်ပုံ တစ်ပုံကို လျှော့ပေါ့ပေးလိုက်တယ်လို့ ဆိုပါတယ်။

စစ်ကောင်စီ လွတ်ငြိမ်းချမ်းသာခွင့်ပေးတဲ့အထဲမှာ နိုင်ငံရေး အကျဉ်းသူ အကျဥ်းသားတွေ ဘယ်နှစ်ဦးပါသလဲဆိုတာကိုတော့ ရွှေဖီမြေက ဆက်လက်စုံစမ်းနေဆဲဖြစ်ပါတယ်။

ဓာတ်ပုံ - CJ (ပုံဟောင်း)
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢 နမ့်ဆန်က နေအိမ်တစ်ခုမှာ မူးယစ်ဆေးဝါး ရောင်းဝယ်ဖောက်ကားတယ်ဆိုတဲ့ စွပ်စွဲချက်နဲ့ TNLA တပ်သား ၂ ဦးက ငွေကျပ်သိန်း ၁ ရာ တောင်းခံ

မိုင်းပန်ပျော်၊ ဇန်နဝါရီ ၄ ရက်၊ နမ့်ဆန်

တအာင်းတပ်မတော် TNLA ထိန်းချုပ်ထားတဲ့ နမ့်ဆန်မြို့နယ် မြို့သစ်ကျေးရွာက နေအိမ်တစ်ခုမှာ မူးယစ်ဆေးဝါး ရောင်းဝယ်ဖောက်ကားတယ်ဆိုတဲ့ စွပ်စွဲချက်နဲ့ TNLA တပ်သား ၂ ဦးက ငွေကျပ်သိန်း ၁ ရာ တောင်းခံခဲ့ကြောင်း စုံစမ်းသိရှိရပါတယ်။

ငွေတောင်းခံတဲ့ အဲဒီတပ်သား ၂ ဦးဟာ နောင်ချိုမြို့နယ် တောင်ခမ်းတိုက်ပွဲကနေ ပြန်လာကြသူဖြစ်ပြီး ပြီးခဲ့တဲ့ ၂၀၂၄ ခုနှစ် ဒီဇင်ဘာလ တတိယအပတ်လောက်မှာ မြို့သစ်ကျေးရွာက အဲဒီနေအိမ်တစ်ခုမှာ အခုလို ငွေတောင်းခံခဲ့တာ ဖြစ်ပါတယ်။

"သူတို့က ဒဏ်ရာရတဲ့ စစ်သားတွေ။ တောင်ခမ်းကနေ ပြန်လာတာ။ သူတို့ RPG တစ်လုံးပါတယ်။ အဲမှာ ထားခဲ့မယ်။ နောက်သုံးရက် ပြန်လာယူမယ်ပြောပြီးတော့ အဲအိမ်မှာ ထားခဲ့တယ်လို့ ပြောတယ်။ သူတို့ထားတဲ့ ရက်ကတော့ ၁၅၊ ၁၆ လောက် ကျမှာပေါ့နော်။ ၁၉ ရက်နေ့ သူတို့ပြန်လာတာ။ ပြန်လာတဲ့ချိန် သူတို့ပစ္စည်းမဟုတ်ဘူးတဲ့။ မင်းတို့ လက်နက်တွေ ထားတယ်။ မူးယစ်အရောင်းအဝယ် လုပ်တယ်ဆိုပြီး အဲလိုခြိမ်းခြောက်စကားပြောပြီးတော့ မင်းတို့ ပိုက်ဆံပေးရမယ်။ သိန်း ၁၀၀ ပေးရမယ်။ အဲလိုပြောတာ" လို့ မြို့သစ်ရွာခံ အမျိုးသားတစ်ဦးက ပြောပါတယ်။

သူတို့တောင်းခံတဲ့ ငွေသိန်း ၁ ရာကို အိမ်ရှင်တွေက မပေးနိုင်တာကြောင့် ညှိနှိုင်းရာကနေ နောက်ဆုံး ကျပ်ငွေ ၂၅ သိန်း ပေးခဲ့ရတယ်လို့ ဆိုပါတယ်။

အဲဒီနောက် ဒီဇင်ဘာလ ၂၄ ရက်နေ့မှာ TNLA ရဲ့ အဲဒီတပ်သား ၂ ဦးက ငွေထပ်တောင်းဖို့ ပြန်လာချိန်မှာ မြို့သစ်ကျေးရွာက လူငယ်တွေက ဝိုင်းဝန်းဖမ်းဆီးပြီး ကျောက်မဲမြို့နယ် မိုင်းငေါ့မြို့က TNLA ရဲ့ ရဲတပ်ဖွဲ့ထံ ပြန်လည်လွှဲအပ်ပေးခဲ့တယ်လို့ သိရပါတယ်။

သူတို့တွေကို ဘယ်လိုဆက်လက် အရေးယူမှာလဲ ဆိုတာနဲ့ ပတ်သက်ပြီး တအာင်းတပ်မတော် TNLA ရဲ့ ပြောရေးဆိုခွင့်ရှိသူ လွေးယေဦးကို ဆက်သွယ်မေးမြန်းထားပေမဲ့ ပြန်လည်ဖြေကြားတာတော့ မရှိသေးပါဘူး။

ပြီးခဲ့တဲ့ ဒီဇင်ဘာ ၂၅ ရက်တုန်းကလည်း ရှမ်းပြည်နယ်မြောက်ပိုင်း မဟာမိတ်တပ်ရင်း NSSAA က မန္တလေးတိုင်း မိုးကုတ်မြို့မှာ ဖမ်းဆီးရမိတဲ့ ငွေကြေးလိုက်လံ လိမ်လည်နေသူ ၉ ဦးထဲမှာ TNLA ရဲ့ ရပ်ရွာလုံခြုံရေးအဖွဲ့ ၃ ဦး ပါဝင်ပါတယ်။

ဓာတ်ပုံ - ဒေသခံ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay.com

🟢တစ်လအတွင်း စစ်ကောင်စီတပ်ဗုံးကြဲလို့ တအာင်းဒေသက အရပ်သား ၃၈ ဦးသေဆုံးပြီး ၇၀ ဦး ဒဏ်ရာရ

လွေးဇွန်မိုး၊ ဒီဇင်ဘာ ၂ ရက်၊ ကွတ်ခိုင်

တအာင်းအမျိုးသားလွတ်မြောက်ရေးတပ်မတော် PSLF/TNLA ထိန်းချုပ်ဒေသမှာ စစ်ကောင်စီတပ်လေကြောင်းကနေ ဗုံးကြဲလို့ တစ်လအတွင်း အရပ်သား ၃၈ ဦး သေဆုံးခဲ့ပြီး ၇၀ ဦး ထိခိုက်ဒဏ်ရာရခဲ့တယ်လို့ TNLA ကဒီနေ့ နိုဝင်ဘာ ၂ ရက်မှာ ထုတ်ပြန်ထားပါတယ်။

ပြီးခဲ့တဲ့ နိုဝင်ဘာလတစ်လအတွင်း နောင်ချိုမြို့နယ်က ဒေသခံ ၁၆ ဦး၊ မိုးကုတ်မြို့နယ်က ဒေသခံ ၉ ဦး၊ ကွတ်ခိုင်မြို့နယ်က ဒေသခံ ၃ ဦးနဲ့ ကျောက်မဲမြို့နယ်က ဒေသခံ ၁၀ ဦး စုစုပေါင်း ၃၈ ဦး သေဆုံးသွားခဲ့တယ်လို့ ဆိုပါတယ်။

လေကြောင်းဗုံးကြဲမှုတွေကြောင့် လူထုတွေဟာ စိုးရိမ်ထိပ်လန့်နေကြရတယ်လို့ ဆိုပါတယ်။

ကွတ်ခိုင်ဒေသခံ အမျိုးသမီးတစ်ဦးက "ကြောက်တာပေါ့။ ကြောက်လည်း ဘယ်လိုလုပ်ရမှာလဲမသိဘူးလေ။ ရွာဘက်တွေမှာ အမျိုးရှိတဲ့သူတွေက ညညဆို ရွာပြန်အိပ်ကြတာ။ မရှိတဲ့သူတွေလည်း ဒီတိုင်းပဲ အိပ်​ရတာပေါ့" လို့ပြောပါတယ်။

လေကြောင်းဗုံးကြဲမှုကြောင့် ထိခိုက်ဒဏ်ရာရသူ ၇၀ ဦးထဲမှာ နောင်ချိုမြို့နယ်က ဒေသခံ ၂၅ ဦး၊ မိုးကုတ်မြို့်ယ်က ကလေးငယ် တစ်ဦးအပါအဝင် ဒေသခံ ၁၃ ဦး၊ မိုင်းငေါ့မြို့နယ်က ဒေသခံ ၅ ဦး၊ ကွတ်ခိုင်မြို့နယ်က ဒေသခံ ၇ ဦးနဲ့ ကျောက်မဲမြို့နယ်က ဒေသခံ ၂၀ ဦးပါဝင်ပါတယ်။

ဒါ့အပြင် စစ်ကောင်စီတပ် ဗုံးကြဲမှုအတွင်း နေအိမ် အလုံး  ၁၃၀ ကျော်လည်း ထိခိုက်ပျက်စီးခဲ့တယ်လို့ ဆိုပါတယ်။

အလားတူ  ပြီးခဲ့တဲ့ နိုဝင်ဘာ ၃၀ရက် ည ၆နာရီခွဲ ကျောက်မဲမြို့ ရပ်ကွက်(၈) အင်းကြင်းတောင်ကို စစ်ကောင်စီတပ်က လေကြောင်းတိုက်ခိုက်ခဲ့တာကြောင့် သံဃာတော် ၁ ပါးအပါအဝင် အရပ်သား ၇ဦးသေဆုံးပြီး ၁၁ဦးခန့် ဒဏ်ရာရရှိသွားခဲ့တယ်လို့ ရွှေဖီမြေက စုံစမ်းသိရပါတယ်။

#ဓာတ်ပုံ - CJ

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢သီပေါကနေ ရပ်စောက်ထိ SSPPတပ်က ဂိတ်တွေဖွင့်ပြီး ကားသမားတွေဆီကနေ ငွေသိန်းချီတောင်း

ရွှေဖီမြေ၊ ဒီဇင်ဘာ ၂ ရက်

သီပေါကနေတဆင့် ရှမ်းတောင် ကျောက်ဂူ ၊ ရပ်စောက် ထိ ရှမ်းပြည်တိုးတက်ရေးပါတီ SSPPတပ်က ဂိတ်တွေဖွင့်ပြီး လာတဲ့ကားတွေဆီကနေ ငွေသိန်းချီတောင်းယူနေတာရှိတယ်လို့ ကြုံတွေ့ခဲ့ရတဲ့ ကားဆရာအမျိုးသားတစ်ဦးက ရွှေဖီမြေကိုပြောပါတယ်။

ရှမ်းမြောက် သီပေါမြို့ကနေစ SSPPတပ်က ငွေတောင်းယူတာတွေက ရှမ်းတောင်ကျောက်ဂူထိ ဂိတ် (၁၀) ခုရှိပြီး ကျောက်ဂူ အကျော် ရပ်စောက် ဘက်ထိဂိတ် (၄) ခု ထပ်ရှိတယ်လို့ ဆိုပါတယ်။

"SSPP ဂိတ်တွေကို ၁၄ ခုလောက်ဖြတ်ရတယ်။ ဂိတ်တိုင်းက ငွေသိန်းချီတောင်းတာ။တချို့ဂိတ်ကကားခွန်ဆိုပြီး ဖြတ်ပိုင်းပေးတယ်။ တချို့ဂိတ်ကဖြတ်ပိုင်းမပေးဘူး။ လျှောက်ရမ်းတောင်းကြတာ။"လို့ သူက ဆိုပါတယ်။

ဖြတ်လာတဲ့ SSPP ဂိတ်တွေတိုင်းက ငွေသိန်းချီနဲ့တောင်းတာ‌တွေအပြင် နောက်ထပ်ဟင်းဖို့ဆိုပြီး ၄၊၅သောင်းကျပ်ပြန်တောင်းတာတွေလဲရှိတယ်လို့ သူကဆက်ပြောပါတယယ်။

"သူတို့က တစ်သောင်းနှစ်သောင်းဘဲ တောင်းရင်တော့မပြောလိုပါဘူး။ အခုဟာက ဂိတ်တိုင်းကိုသိန်းချီ ဆိုတော့ အရမ်းလွန်တယ်လို့ထင်တယ်"

SSPPတပ်ဟာ ၁၂ ဘီးကားကို ၁သိန်းကျော် ၆ ဘီးကားကို ၅သောင်းကျပ် ၊အိမ်စီးကားကိုတော့ ၁သောင်းကနေ ၂သောင်းကျပ် စသဖြင့် တောင်းယူတာတွေရှိ နေပါတယ်။

မန္တလေးတိုင်းဒေသတွေဘက်ကလဲ စစ်ကောင်စီဂိတ်တွေက ငွေတောင်း‌ ယူတာတွေရှိပေမဲ့ ၎င်းတို့နဲ့က ညှိနှိုင်းလိုရပြီး SSPP တွေနဲ့ကြတော့ညှိနှိုင်းလို့ မရဘဲ ဖြစ်နေတယ်လို့ ဆိုပါတယ်။

ရှမ်းမြောက်ကနေ ရှမ်းတောင်ကို အဓိကဆက်သွယ်ပေးတဲ့ ကျောက်ဂူ - ရပ်စောက် (ဗထူး)ဂိတ်တွေကို ကုပစ္စည်းသယ်ယူခွင့်တွေကိုလည်း စစ်ကောင်စီဘက်က ပိတ်ထားတာတွေ ပြလုပ်နေပါတယိ။

#ဓာတ်ပုံ - SSPP

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ဖမ်းဆီးအရေးယူခံရမှု နည်းပါးတာကြောင့် မန္တလေးမှာ လုယက်မှုတွေကို အမျိုးသမီးတွေပါ အတင့်ရဲလုပ်ကိုင်လာ

ပျားကြီး၊ ဒီဇင်ဘာ ၂၊ မန္တလေး

ဖမ်းဆီးအရေးယူခံရမှုမရှိသလောက်နည်းပါးတာကြောင့် မန္တလေးမြို့မှာ လုယက်မှုတွေ များပြားလာပြီး အမျိုးသမီးတွေပါ ရဲရဲတင်းတင်းကျူးလွန်လာနေတယ်လို့ ဒေသခံတွေကပြောပါတယ်။

ဒီနေ့ ဒီဇင်ဘာလ ၂ ရက် မနက်ပိုင်းနဲ့နေ့လည်ပိုင်းတွေမှာ အောင်မြေသာစံမြို့နယ်အတွင်း အမျိုးသမီးတွေပါဝင်တဲ့ဆွဲကြိုးဖြတ်လုယက်မှု ၂ ကြိမ်အပါအဝင်ပြီးခဲ့တဲ့ နိုဝင်ဘာလ တစ်လလုံးမှာနေ့တိုင်းလိုလိုလုယက်မှုတွေရှိခဲ့တာ ဖြစ်ပါတယ်။

"ပြဿနာက အဖမ်းမခံရတာပဲ။ ပြည်သူတွေဖမ်းပေးပြန်တော့လည်းမကြာဘူး ပြန်လွှတ်ပေးလိုက်တာဆိုတော့ အတင့်ရဲလာတာပေါ့ဗျာ။ နေ့ခင်းကြောင်တောင်ရပ်ကွက်တွေထဲအထိဆွဲကြိုးလိုက်ဖြတ်တာကတော့ အတော်ကြီးကိုဆိုးရွားသွားပြီ"လို့ အောင်မြေသာစံမြို့နယ်ကဒေသခံအမျိုးသားတစ်ဦးကပြောပါတယ်။

စစ်တပ်အာဏာသိမ်းပြီးနောက်ပိုင်း မန္တလေးမှာလုယက်မှုတွေပြန်လည်များပြားလာတာဖြစ်ပြီး အရင်က လူခြေပြတ်တဲ့နေရာမျိုးတွေမှာပဲ လုယက်မှုတွေအများဆုံးကြုံတွေ့ခဲ့ရတာဖြစ်ပေမဲ့ အခုနောက်ပိုင်းမှာ လူစည်ကားတဲ့မြို့ပေါ်ရပ်ကွက်တွေနဲ့ဈေးတွေအတွင်းမှာကို လုယက်မှုတွေရှိလာတယ်လို့ ပြည်ကြီးတံခွန်မြို့နယ်ကဒေသခံတစ်ဥဦးက ဆိုပါတယ်။

"အဓိကအကြောင်းတရားက မူးယစ်ဆေးဝါးနဲ့လောင်းကစားကို သူတို့စစ်တပ်နဲ့ရဲအသိုင်းအဝိုင်းကလူတွေပါဝင်ပတ်သက်ပြီး ပေါ်ပေါ်ထင်ထင်လုပ်နေတာကနေဒီပြဿနာတွေ စတာပဲ။ ဘိန်းခန်းတွေမှာကြည့်လိုက်အမျိုးသမီးတွေဆိုတာ မြင်လို့တောင်မကောင်းဘူး၊ အများကြီးပဲ"လို့ အသက် ၄၇ နှစ်အမျိုးသား တစ်ဦးကပြောပါတယ်။

မန္တလေးမြို့ပေါ်မှာ လုယက်မှုတွေ၊ ဓားပြတိုက်ခံရမှုတွေဟာ အာဏာသိမ်းဖြစ်စဥ်နောက်ပိုင်းမှာ မကြာခဏဖြစ်ပွားလာနေပြီးဖမ်းဆီးအရေးယူခံရမှုကမရှိသလောက်နည်းပါးနေတဲ့အပေါ်မြို့ခံတွေကမကျေမနပ်ဖြစ်နေကြတာတွေ့ရပါတယ်။

#ဓာတ်ပုံ - CJ
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢နောင်ချိုမြို့နယ်မှာ စစ်ကောင်စီနဲ့ TNLA အကြား တိုက်ပွဲဆက်လက်လက်ပြင်းထန်၊ ၂ ဖက်အထိအခိုက်အကျအဆုံးများ

မိုင်းရူပ၊ ဒီဇင်ဘာ ၂ ရက်၊ နောင်ချို

ရှမ်းမြောက် နောင်ချိုမြို့နယ် တောင်ခမ်းကျေးရွာနဲ့ ဂန့်ကော်ကျေးရွာတွေမှာ စစ်ကောင်စီနဲ့ တအာင်းတပ်မတော်- TNLA အကြား တိုက်ပွဲဆက်လက်လက်ပြင်းထန်နေပြီး ၂ ဖက်အထိအခိုက်အကျအဆုံးများတယ်လို့ ရှေတန်းစစ်မြေပြင်မှာ ရှိနေသူတွေက ရွှေဖီမြေကို ပြောပါတယ်။

"တိုက်ပွဲက နေ့တိုင်းလိုလို ပြင်းထန်နေတယ်။ ဂန့်ကော်မှာက အခုထိ စစ်ကောင်စီထိန်းချုပ်ထားဆဲပဲ။ စစ်ကောင်စီဘက်ရော ဒီဖက်အဖွဲ့ရော အထိအခိုက်များတယ်" လို့ ရှေ့တန်းစစ်မြေပြင်မှာ ရှိနေသူတစ်ဦးက ရွှေဖီမြေကို ပြောပါတယ်။

တိုက်ပွဲအတွင်း စစ်ကောင်စီတပ်ဘက်က နေ့စဥ်လိုလို လေကြောင်းအသုံးပြုပြီး ဗုံးကြဲတိုက်ခိုက်နေတယ်လို့ ရှေ့တန်းစစ်မြေပြင်မှာ ရှိနေသူတွေဆီက သိရပါတယ်။

စစ်ကောင်စီရဲ့ အမြောက်တပ်တွေတည်ရှိရာ တောင်ခမ်းကျေးရွာမှာတော့ ပြီးခဲ့တဲ့ သြဂုတ်လကတည်းကစကာ စစ်ကောင်စီနဲ့ TNLA အကြား တိုက်ပွဲပြင်းထန်နေတာဖြစ်ပြီး လက်ရှိ တိုက်ပွဲဖြစ်နေတာ ၄ လနီးပါးရှိနေပါပြီဖြစ်ပါတယ်။

နောင်ချိုနဲ့ မန္တလေးတိုင်း ပြင်ဦးလွင်ကြားရှိ ဂန့်ကော်၊ အုမ္မတီးနဲ့ ရေဝင်းစတဲ့ကျေးရွာအနီးတစ်ဝိုက်မှာတွေတော့ စစ်ကောင်စီနဲ့ TNLA အကြား ပြီးခဲ့တဲ့ အောက်တိုဘာတတိယအပတ်ကတည်းက တိုက်ပွဲစတင်ဖြစ်ပွားခဲ့တာ ဖြစ်ပါတယ်။

နောင်ချို-ပြင်ဦးလွင်ကြား တိုက်ပွဲဖြစ်ပွားပြီးနောက်ပိုင်း ပြင်ဦးလွင်မြို့အဝင် ဝက်ဝံဂိတ်ကနေ စစ်ကောင်စီတပ်က ဖြစ်သန်းသွာလာခွင့် ပိတ်ပင်ထားပါတယ်။

လက်ရှိဖြစ်ပွားနေတဲ့ တိုက်ပွဲတွေနဲ့ ပတ်သက်ပြီး စစ်ကောင်စီတပ်ဘက်ကတော့ တစုံတရာထုတ်ပြန်ထားတာ မရှိသေးပါဘူး။

ပြီးခဲ့တဲ့ နိုဝင်ဘာ ၂၅ ရက်မှာ TNLA ဘက်က လက်ရှိဖြစ်ပွားနေတဲ့ တိုက်ပွဲတွေကိုရပ်ဖို့ အသင့်ရှိကြောင်း ထုတ်ပြန်ထားတာပေမယ့် မြေပြင်မှာတော့ တိုက်ပွဲတွေဆက်ဖြစ်နေသလို စစ်ကောင်စီတပ်ဘက်ကလည်း TNLA ထိန်းချုပ်ထားတဲ့မြို့တွေကို လေကြောင်းနဲ့ တိုက်ခိုက်မှုတွေ ပြုလုပ်နေပါတယ်။

ဒါကြောင့် လက်ရှိမှာ စစ်ကောင်စီနဲ့ TNLA အကြား အပစ်ရပ်ရေး ဆွေးနွေးမှုတွေပြုလု ပ်ဖို့ မဖြစ်နိုင်သေးပါဘူးလို့ နိုင်ငံရေးအကဲခတ်တွေက သုံးသပ်ကြပါတယ်။
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ကျောက်မဲ ခိုတင့်ရွာမှာရှိတဲ့ ဘုန်းကြီးတစ်ပါး ရေတာပိုက်သွားဖွင့်ရင်း ရေနစ်ပြီး ပျံလွန်တော်မူ

ပို့လဘား၊ နိုဝင်ဘာ ၂ရက်၊ ကျောက်မဲ

ရှမ်းမြောက် ကျောက်မဲမြို့နယ်မှာရှိတဲ့ ခိုတင့်ရွာ ဘုန်းကြီးတစ်ပါး လျှပ်စစ်ရေတာပိုင်ကို သွားဖွင့်ရင်း ရေနစ်ပြီး ပျံလွန်တော်မူခဲ့တယ်လို့ ကျောက်မဲမြို့မှာရှိတဲ့ နမ့်ခုံးရှမ်းများ ပရဟိတအသင်းတစ်ဦးက ပြောပါတယ်။

ဖြစ်စဉ်ဟာ ပြီးခဲ့တဲ့ နိုဝင်ဘာ ၃၀ရက် ညနေပိုင်း ၆နာရီခွဲအချိန်မှာ ကျောက်မဲမြို့ ခိုတင့်ရွာမှာ ရှိတဲ့ ကျိုက်ထီးရိုး ကျောင်းတိုက်က ဘုန်းကြီးတစ်ပါး ရေတာပိုင်ကို သွားဖွင့်ရင်း ရေနစ်ပြီး ပျံလွန်တော်မူခဲ့တယ်လို့ ပြောပါတယ်။

"ဘုန်းကြီးက ရေတာပိုင် သွားဖွင့်တာ။ အဲအချိန်ကလည်း ကျောက်မဲမှာ ဗုံးလာကြဲတဲ့အချိန် ကွတ်တိဖြစ်နေတာ။ ဘုန်းကြီးက အသံကြားပြီး လန့်သွားတာ။ ‌ဝိုင်ယာကြိုးနဲ့ သွားထိမိပြီး ရေထဲကျသွားတာ။ အဲအချိန် မှောင်လည်းမှောင်နေပြီဆိုတော့လေ မမြင်ရတော့ဘူး။ မနက်မှပဲ အလောင်းသွားယူတာ"

အဆိုပါ ရေနစ်ပြီး ‌ပျံလွန်တော်မူခဲ့တဲ့ ဘုန်းကြီးဟာ ကျောက်မဲမြို့မှာရှိတဲ့ နမ့်ခုံးရှမ်းများ ပရဟိတအသင်းက သွားရောက်သယ်ဆောင်လာခဲ့ပြီး အေးချမ်းသာ သုသာန်ကို ဝိုင်းဝန်းကူညီပြီး မီးသဂြိုလ်ပေးခဲ့တယ်လို့ ပြောပါတယ်။

အဲဒီ နမ့်‌စမ်းချောင်းဟာ ပြီးခဲ့တဲ့ နှစ်တွေကလည်း ကလေးတစ်ဦးက ရေဆင်းချိုးရာကနေ ရေနစ်ပြီး သေဆုံးခဲ့တယ်လို့ ပြောပါတယ်။

ပြီးခဲ့တဲ့ နိုဝင်ဘာ ၂၇ရက်ကလည်း ‌မူဆယ်မြို့မှာရှိတဲ့ ရွှေလီမြစ်အတွင်း သေဆုံးနေတဲ့ အမျိုးသားအလောင်းတစ်လောင်း တွေ့ရှိခဲ့ပါတယ်။

#ဓာတ်ပုံ - နမ့်ခုံး ရှမ်းများလူမှုကူညီရေးအသင်း
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ယောဒေသက တစ်ပတ်ကျော်ကြာတိုက်ပွဲအတွင်း စစ်ကောင်စီတပ်ဘက်က ၁၀ ဦးထက်မနည်းသေဆုံးပြီး ၁ ဦးအရှင်ဖမ်းမိကြောင်း ယောတပ်ပြော

မိုင်းရူပ၊ ဒီဇင်ဘာ ၂ ရက်၊ ကျောက်ထု

မကွေးတိုင်း ကျောက်ထုနဲ့ ထီလင်းမြို့နယ်တွေမှာ တစ်ပတ်ကျော်ကြာတိုက်ပွဲအတွင်း စစ်ကောင်စီတပ်ဘက်က ၁၀ ဦးထက်မနည်းသေဆုံးခဲ့ပြီး ၁ ဦးအရှင်ဖမ်းမိခဲ့တယ်လို့ ယောတပ်တော်-YA ရဲ့ စစ်ရေးတာဝန်ခံ ဗိုလ်ဝေလက ရွှေဖီမြေကို ပြောပါတယ်။

ပြီးခဲ့တဲ့ နိုဝင်ဘာ ၂၀ ရက်ကနေ နိုဝင်ဘာ ၂၈ ရက်အထိ ကျောက်ထုမြို့နယ် စစ်ကောင်စီရဲ့ အမြောက်တပ်-၄၆၈ နဲ့ ထီးလင်မြို့နယ်ရှိ စစ်ကောင်စီရဲ့တပ်ဖွဲ့ဝင်တွေနဲ့ ယောတပ်တော်အကြား တိုက်ပွဲတွေအပြင်းအထန် ဖြစ်ပွားခဲ့တယ်လို့ ဆိုပါတယ်။

၁ ပတ်ကျော်ကြာတိုက်ပွဲအတွင်း စစ်ကောင်စီတပ်ဘက်က ၁၀ ဦးကျော်ထက်မနည်းသေဆုံးကာ ၁ ဦးအရှင်ဖမ်းမိပြီး လက်နက်ခဲယမ်းအချို့ကိုလည်း သိမ်းဆည်းရမိခဲ့ပါတယ်။

လက်ရှိမှာလည်း မြေပြင်တိုက်ပွဲတွေ ငြိမ်သက်နေပြီး စစ်ကောင်စီတပ်ဘက်က လက်နက်ကြီးနဲ့ လေကြောင်းအသုံးပြုပြီး ပစ်ခတ်တာတွေပြုလုပ်နေတယ်လို့ ယောတပ်တော်-YA ရဲ့ စစ်ရေးတာဝန်ခံ ဗိုလ်ဝေလက ရွှေဖီမြေကို ပြောပါတယ်။

"တိုက်ပွဲကတော့ လောလောဆယ်အေးနေပါတယ်။ စကစ ဘက်ကတော့ လက်နက်ကြီးနဲ့ လေကြောင်းသုံးပြီးမကြာမကြာခြိမ်းခြောက်ဆဲပါ။ သူတို့ခံစစ်စည်းအပြင်ကို ထွက်လာတာမျိုးတော့မရှိသေးဘူး" လို့ ဆိုပါတယ်။

တိုက်ပွဲအတွင်း ယောတပ်တော်နဲ့ ပူးပေါင်းတပ်တွေဘက်က ၁ ဦးကျဆုံးပြီး ၂ ဦးထိခိုက်ဒဏ်ရာရခဲ့တယ်လို့ ယောတပ်တော်က ထုတ်ပြန်ထားပါတယ်။

တိုက်ပွဲအတွင်း စစ်ကောင်စီရဲ့ အထိအခိုက်သေဆုံးမှုအခြေအနေကိုတော့ ရွှေဖီမြေက သီးခြားအတည်ပြုနိုင်ခြင်းမရှိသေးဘဲ စစ်ကောင်စီတပ်ဘက်ကလည်း ကျောက်ထုနဲ့ ထီလင်းမြို့နယ်က တိုက်ပွဲတွေနဲ့ ပတ်သက်လို့ တစ်စုံတရာ တုန့်ပြန်ထားတာ မရှိသေးပါဘူး။

#ဓာတ်ပုံ - ယောတပ်တော်
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ဟိုပုံးမြို့နယ်က အုပ်ချုပ်ရေးမှူးတစ်ဦးကို RCSS က ပစ်သတ်ခဲ့ကြောင်း SSPP ထုတ်ပြန်

ရွှေဖီမြေ၊ ဒီဇင်ဘာ ၂ ရက်

ရှမ်းတောင် ဟိုပုံးမြို့နယ် နားပုံကျေးရွာအုပ်စု အုပ်ချုပ်ရေးမှူးကို ရှမ်းပြည်ပြန်လည်ထူထောင်ရေးကောင်စီ (RCSS)တပ်ဖွဲ့ က ချောင်းမြောင်းပစ်ခတ်ခဲ့လို့ အဲနေရာမှာတင် ပွဲချင်းပြီးသေဆုံးသွားတယ်လို့ ရှမ်းပြည်တိုးတက်ရေးပါတီ (SSPP) က မနေ့ ဒီဇင်ဘာ ၁ ရက်မှာ ထုတ်ပြန်ထားပါတယ်။

ပြီးခဲ့တဲ့ ၃၀ ရက် ည ၁၀ နာရီခွဲမှာ နားပုံကျေးရွာ ရွာသူကြီးနေအိမ်ကို အလည်သွားပြီးပြန်လာတဲ့ အသက် ၂၈ နှစ်အရွယ် အုပ်စုအုပ်ချုပ်ရေးမှူး စိုင်းစံအောင်ဆိုသူကို RCSS တပ်ဖွဲ့က ချောင်းမြောင်းပစ်သတ်ခဲ့ပြီး တွဲဖက်အတွင်းရေးမှူး အသက် ၃၁ နှစ်အရွယ် စိုင်းပန်တိကိုလည်း ဖမ်းဆီးသွားတယ်လို့ ဆိုပါတယ်။

ရှမ်းတပ်နှစ်ဖွဲ့ ပေါင်းစည်းနိုင်ရေးအတွက် ရှေးရှူ့ကာ နှစ်ဖက်တိုက်ပွဲ မဖြစ်ပွားစေဖို့ SSPP/SSA က ထိန်းသိမ်းခဲ့ပေမယ့် RCSS တပ်ဖွဲက SSPP ရဲ့တပ်စခန်း ၊ တပ်ဖွဲ့ဝင်တွေ နဲ့ ဒေသခံလူထုတွေကို မကြာခဏ တိုက်ခိုက်နေတယ်လို့ ထုတ်ပြန်ထားပါတယ်။

ပြီးခဲ့တဲ့ နိုဝင်ဘာ ၂၅ ရက်ကလည်း အင်အား ၁၀၀ ကျော်ရှိတဲ့ RCSS စစ်ကြောင်းဟာ SSPP တွေတပ်စွဲထားတဲ့ တုံလောကျေးရွာအုပ်စု ပန်ပွဲကျေးရွာဘက်ကို ထိုးစစ်ဆင်တိုက်ခိုက်လာပြီး အရပ်သားတစ်ဦးသတ်ဖြတ်ခဲ့တဲ့အပြင် SSPP တပ်ဖွဲ့ဝင် ၈ ဦးကိုလည်း ဖမ်းဆီးသွားတယ်လို့ SSPP ကထုတ်ပြန်ထားပါတယ်။

SSPPဘက်က ထုတ်ပြန်ချက်တွေကို RCSSဘက်ကတော့ တုန့်ပြန်တာမျိုးမရှိသေးပါဘူး။

ရှမ်းတောင်မှာ RCSSနဲ့ SSPPတို့ မကြာခဏ ထိတွေ့တာတွေရှိနေပြီး အပြန်အလှန် ပစ်ခတ်တာတွေ စွတ်စွဲတာတွေလည်း မကြာခဏဖြစ်ပွါးလေ့ရှိနေခဲ့ပါတယ်။

#ဓာတ်ပုံ - SSPP
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢မူဆယ်မှာ ပွဲစားတစ်ဦးက တရုတ်သွားမယ့် လူရာချီရဲ့ မှတ်ပုံတင်တွေကို သိမ်းဆည်းသွားပြီး ထိန်းသိမ်းထား၊ ပြန်ရင် ဖမ်းမယ်လို့ ခြိမ်းခြောက်ထား

ရွှေဖီမြေ၊ ဒီဇင်ဘာ ၂ရက်၊ မူဆယ်

မူဆယ်မှာ ပွဲစားအမျိုးသမီးတစ်ဦးက တရုတ်ဘက်ကို အလုပ်သွားလုပ်မယ့် လူရာချီကို ထိန်းသိမ်းထားပြီး မှတ်ပုံတင်တွေလည်း သိမ်းဆည်းသွားခဲ့တယ်လို့ ရွှေဖီမြေက စုံစမ်းသိရပါတယ်။

အဲဒီ တရုတ်ဘက် အလုပ်သွားလုပ်မယ့် ရာနဲ့ချီအလုပ်သမားတွေဟာ လက်ရှိ မူဆယ်မြို့ရဲ့ မှန်တံတားနားမှာ နေခိုင်းစေပြီး ပြန်ပါက လက်နက်ကိုင်တွေကို ဖမ်းခိုင်းမယ်လို့ ခြိမ်းခြောက်ထားကြောင်း ဆိုပါတယ်။

“သူက မှတ်ပုံတင်တွေအကုန်သိမ်းထားတာ။ ဟိုက ပြန်မယ်လုပ်တော့ ပြန်ရင် တအာင်းတပ်ကို ဖမ်းခိုင်းမယ်ဆိုပြီး ခြိမ်းခြောက်ထားတာ။ လက်နက်ကိုင်နာမည်တွေကို အလွဲသုံးစားလုပ်နေတာ။ အဲလူတွေက အခု လေယာဉ်ကွင်းဘက် မှန်တံတားအနီးမှာ ဖြစ်သလိုနေပြီး စားသောက်နေကြရတယ်။ ဘာမှလည်း လုပ်မရဘူး။ သူပြောတဲ့အတိုင်းပဲ လုပ်နေတယ်”လို့ ဆိုပါတယ်။

အဲဒီပွဲစားဟာ တရုတ်ပြည်ဘက် ဝင်နိုင်ဖို့ စာအုပ်နီကိုလုပ်ဆောင်ပေးနေသူဖြစ်ပြီး အလုပ်သမားတွေဟာ သူ့ကိုယုံကြည်ပြီး မှတ်ပုံတင်နဲ့ ငွေတွေပေးလိုက်ကြတာ ဖြစ်တယ်လို့ ဆိုပါတယ်။

အဲဒီထဲက လူအချို့ဟာ အသိမိတ်ဆွေတွေကနေတစ်ဆင့် သွားရောက်ကယ်ထုတ်နိုင်ခဲ့ပေမယ့် အများစုကတော့ ကျန်ရှိနေဆဲ ဖြစ်တယ်လို့ ဆိုပါတယ်။

အဲဒီအမျိုးသမီးရဲ့ နာမည်နဲ့နေရပ်လိပ်စာကို ရွှေဖီမြေက ဆက်လက်စုံစမ်းနေဆဲဖြစ်ပြီး သက်ဆိုင်ရာဘက်က အရေးယူပေးဖို့ အလုပ်သမားတွေက တောင်းဆိုနေကြပါတယ်။

မူဆယ်မှာ တရုတ်ပြည်ဘက်ဝင်နိုင်ဖို့ ရာနဲ့ချီ ဒေသခံတွေဟာ မူဆယ်မှာ သောင်တင်နေကြပြီး ပွဲစားတွေရဲ့ အမျိုးမျိုးလိမ်လည်နေတာကို ခံနေကြရလျက်ရှိနေပါတယ်။

စစ်တပ်အာဏာသိမ်းပြီးနောက် အလုပ်အကိုင်ရှားပါးမှုကြောင့် တရုတ်-မြန်မာနယ်စပ်မှာ အလုပ်သွားရောက်လုပ်ကိုင်ကြတဲ့ မြန်မာနိုင်ငံသား သောင်းကဏန်းမဏထိရှိလာနေပြီလို့ မူဆယ်ဒေသခံတွေက ပြောပါတယ်။

#ဓာတ်ပုံ - CJ

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ညီနောင်မဟာမိတ်သုံးဖွဲ့ ထိန်းချုပ်ထားတဲ့ မူဆယ် (၁၀၅ မိုင်) ကျင်စန်းကျော့ဂိတ်ကို တရုတ်ဘက်က ပြန်ဖွင့်၊ အဝင်ပစ္စည်းတွေကိုသာ လက်ခံပြီး အထွက်ပစ္စည်းမရ

ပို့လဘား၊ နိုဝင်ဘာ ၂၁ရက်၊ မူဆယ်

ညီနောင်မဟာမိတ် ၃ ဖွဲ့ ထိန်းချုပ်ထားတဲ့ ရှမ်းမြောက်၊ တရုတ်-မြန်မနယ်စပ် မူဆယ်မြို့ (၁၀၅ မိုင်) ကျင်စန်းကျော့ဂိတ်ကို တရုတ်ဘက်က ပြန်လည်ဖွင့်လှစ်ပြီလို့ နယ်စပ်ဂိတ်နဲ့ နီးစပ်သူ တစ်ဦးက ပြောပါတယ်။

ကျင်စန်းကျော့ဂိတ်ကို ဒီနေ့ နိုဝင်ဘာ ၂၁ရက်နေ့ တရုတ်ဘက်က စတင်ဖွင့်လှစ်ခဲ့တာဖြစ်ပြီး ပြောင်းဖူးတစ်မျိုးတည်းကိုသာ တရုတ်နိုင်ငံထဲကို တင်သွင်းခွင့်ပြုပြီး တရုတ်နိုင်ငံကနေ မြန်မာဘက်ကိုတော့ ကုန်ပစ္စည်းသယ်ယူခွင့် မပြု‌သေးဘူးလို့ ဆိုပါတယ်။

"တရုတ်ဘက်က ဒီနေ့ ပြန်ဖွင့်ပြီ။ ပြောင်းဖူးတစ်မျိုးကိုပဲ တင်သွင်းလို့ရသေးတယ်။ နောက်ကျရင် ကြံလည်း တင်သွင်းလို့ ရမယ်လို့ သိရတယ်" လို့ နယ်စပ်ဂိတ်နဲ့ နီးစပ်သူ တစ်ဦးက ရွှေဖီမြေကို ပြောပါတယ်။

ကျင်စန်းကျော့ဂိတ်ဟာ ၁၀၂၇ စစ်ဆင်ရေး ပထမလှိုင်းကတည်းက တရုတ်ဘက်က ပိတ်ထားတာဖြစ်ပြီး စစ်ဆင်ရေးပထမလှိုင်းအတွင်း ညီနောင်မဟာမိတ် ၃ ဖွဲ့ တိုက်ခိုက်သိမ်းထားပြီး ထိန်းချုပ်ထားတာ ဖြစ်ပါတယ်။

၁၀၂၇ စစ်ဆင်ရေး ဒုတိယလှိုင်းစတင်ပြီးကတည်းက ညီနောင် မဟာမိတ်ထိန်းချုပ်ထားတဲ့ နယ်စပ်ဂိတ်တွေကို တရုတ်နိုင်ငံက ပိတ်ပင်ထားရာကနေ ဒီရက်ပိုင်းအတွင်း နယ်စပ်ဂိတ်အချို့ကို ပြန်လည်ဖွင့်လှစ်ခဲ့တာ ဖြစ်ပါတယ်။

လက်ရှိမှာ တရုတ်နိုင်ငံဘက်က နယ်စပ်ဂိတ်အချို့ကို တရုတ်နိုင်ငံက ပြန်ဖွင့်ပေးခဲ့ပေမယ့် ကုန်ပစ္စည်းတင်သွင်းခွင့် မပေးသေးတာကြောင့် ရှမ်းမြောက်မှာ ကုန်ပစ္စည်းနဲ့ စက်သုံးဆီဈေးတွေ အဆမတန် ဈေးမြှင့်တက်လာနေပါတယ်။

#ဓာတ်ပုံ - CJ

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢လားရှိုးမြို့ တိုက်ပွဲဖြစ်လာနိုင်တဲ့ သတင်းတွေကြောင့် လူထုတွေကြား စိုးရိမ်နေပြီး စစ်ကောင်စီရဲ့ တန်ပြန်ထိုးစစ်အပေါ် ကြိုတင်ပြင်ဆင်ထားတယ်လို့ဆို

GLM, နိုဝင်ဘာ ၂၁၊ ကိုးကန့်ဒေသ

ကိုးကန့်ခေါင်းဆောင် ဖုန်တာရွှင်ကို တရုတ်အစိုးရက အကျယ်ချုပ် ဖမ်းဆီးခဲ့တဲ့ သတင်းတွေထွက်လာပြီးနောက် လားရှိုးမြို့တကျော့ပြန် တိုက်ပွဲ ဖြစ်လာမှာကို လူထုတွေစိုးရိမ်နေပြီး တစ်ဖက်မှာလည်း စစ်ကောင်စီရဲ့ တန်ပြန် ထိုးစစ်အပေါ် ခံစစ်ကိုပြင်ဆင်ထားကြောင်း စုံစမ်းသိရှိရပါတယ်။

လားရှိုးမြို့ဒေသခံတစ်ဦးက " ဒီလ ၂၅ ထဲလားရှိုး တိုက်ပွဲဖြစ်မယ်ပြောကြတယ်။ မနေ့ကလည်း ရပ်ကွက်လူကြီးတွေက သတိထားပြီးနေကြဖို့ပြောတယ်။ အမျိုးမျိုးကြားနေရတယ်။ စစ်ပြေးရတာ တစ်ကယ်ပန်းနေကြပြီ။ လူတွေမခံနိုင်တော့ဘူး။ စစ်မဖြစ်စေချင်တော့ဘူး"

လားရှိုးမြို့ထဲ အားလုံးပုံမှန် လည်ပတ်နေပြီး ကိုးကန့်တပ်ကလည်း ၎င်းတို့အုပ်ချုပ်ရေးယန္တားထဲက ရေ၊ မီးအပြင် အိမ်ထောင်စုတွေကို တစ်အိမ်ဝင် တစ်အိမ်ထွက် လိုက်လံကောက်ခံနေတယ်လို့ ၎င်းကဆက်ပြောပါတယ်။

ကိုးကန့်တပ် - MNDAA ဘက်ကတော့ လားရှိုးမြို့ကနေ ဆုတ်ခွာသွားဖို့မရှိဘဲ စစ်ကောင်စီဘက်က ထိုးစစ်ဆင်လာပါက ပြန်လည်ခုခံသွားမှာ ဖြစ်တယ်လို့ ကိုးကန့်တပ်မှ တာဝန်ရှိသူတစ်ဦးက ပြောပါတယ်။

"လားရှိုးထဲက ဆုတ်ဖို့မရှိပါဘူး။ ပုံမှန်ပဲလည်ပတ်နေပါတယ်။ ကျွန်တော်တို့ရဲဘော်တွေကော ပြည်သူတွေကော အသက်၊ အိုးအိမ်တွေပေးခဲ့ရတာလေ။ ပြန်ဆုတ်ဖို့ မရှိဘူး"

လားရှိုး - မိုင်းရယ်မှာတော့ စစ်ကောင်စီနဲ့ ကိုးကန့်တပ်ကြား ထိတွေ့မှုတွေ အနည်းငယ်ရှိခဲ့ပြီး ဟိုယ မှာတော့ နှစ်ဖက်အပြန်အလှန် ဆိုင်းငံ့ကာ ဂိတ်ချစခန်းထိုင်တဲ့ အနေအထားမှာ ရှိနေတယ်လို့ ၎င်းဆက်ပြောပါတယ်။

လားရှိုးမြို့အပြင် ကိုးကန့် ထိန်းချုပ်ဒေသတွေဖြစ်တဲ့ ကွမ်းလုံ၊ ဟိုပန်၊ သိန္နီ၊ ချင်းရွှေဟော်၊ လောက်ကိုင် ဘက်တွေမှာလည်း တည်ငြိမ်အေးချမ်းစွာနဲ့ လည်ပတ်နေပြီး ခံစစ်အတွက်တော့ ကြိုတင်ပြင်ဆင်ထားကြောင်း စုံစမ်းသိရှိရပါတယ်။

ကွမ်းလုံမြို့နေ အမည်မဖော်လိုတဲ့ သတင်းအရင်းအမြစ် တစ်ဦးက "ခုခံစစ်အတွက် ကြိုပြင်တာက ရှေ့ ၂ လမတိုင်ခင် တည်းကပါ။ သူတို့ မိုင်းရယ်မှာ ရမခ စဖွဲ့တည်းက ဒီဘက်ကလည်းပြင်ဆင်ရတယ်။ ခံစစ်ဆိုတာကလည်း စကစ ဘက်က လေကြောင်းပဲရှိတာပါ။ အဲ့အတွက် ကတုတ်ကျင်းတွေကို စခန်းတိုင်းတူးလာတယ်။ အဓိက စစ်ရေးပြင်ဆင်မှုကတော့ မိုင်းရယ်တကြောဘက်မှာပါ။ ဒီဘက်ခြမ်းတွေကတော့ အထက်အမိန့်ကိုပဲ စောင့်နေရတယ်။ ခြေနေကိုစောင့်ကြည့်နေကြတဲ့သဘော"

MNDAA ရဲ့ လားရှိုးကို သိမ်းပိုက်မှုနဲ့ ပတ်သက်လို့ တရုတ်က မလိုလားသလို လက်ရှိ ရင်ဆိုင်နေရတဲ့ ဖိအားတွေကြောင့် လားရှိုးကနေ ပြန်ဆုတ်ပေးလိုက်ရတာတွေလည်း ဖြစ်လာနိုင်တယ်လို့ နိုင်ငံရေးလေ့လာသုံးသပ်သူ ဦးသန်းစိုးနိုင်က သုံးသပ်ထားပါတယ်။

"ဒါပေမဲ့ ယတိပြတ်ပြောလို့မရဘဲ MNDAA ရဲ့ တုံ့ပြန်မှုတွေကိုတော့ စောင့်ကြည့်ရဦးမယ်" လို့လည်း ဆိုပါတယ်။

စစ်ကောင်စီကတော့ ဆုံးရှုံးသွားတဲ့ အရှေ့မြောက်တိုင်း စစ်ဌာနချုပ် အပါအဝင် စစ်တပ်ဗျူဟာယန္တရား၊ မြို့နယ် အုပ်ချုပ်ရေးအဖွဲ့ယန္တရားတွေကို ဖွဲ့စည်းပုံအတိုင်း ပြန်လည် ပြင်ဆင်ဖွဲ့စည်းလိုက်ပြီး နယ်မြေတွေ ပြန်သိမ်း ပိုက်ပြီးပါက ချက်ချင်းအစားထိုးနိုင်ရေးအတွက် အသင့်ပြင်ထားကြဖို့ နိုဝင်ဘာလထဲ ညွှန်ကြားထားကြောင်း နေပြည်တော် တပ်တွင်းသတင်းအရင်းအမြစ်တွေဆီက သိရှိရပါတယ်။

#ဓာတ်ပုံ - The Kokang

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢မကွေးတိုင်းကနေ ရခိုင်ဘက်ကို စစ်ကူပို့မယ့် စစ်ကောင်စီရဲ့ စစ်ကူစစ်ကြောင်းကို PRA တပ်ဖွဲ့တိုက်ခိုက်၊ စစ်ကောင်စီဘက် ၉ ဦးသေဆုံး

မိုင်းရူပ၊ နိုဝင်ဘာ ၂၁ ရက်၊ ငဖဲ

မကွေးတိုင်း ငဖဲမြို့နယ်ကနေ ရခိုင်ပြည်ဘက်ကို စစ်ကူပို့မယ် စစ်ကောင်စီရဲ့ စစ်ကူစစ်ကြောင်းကို လူထုတော်လှန်ရေးမဟာမိတ်အင်အားစု (PRA-Maway) တပ်ဖွဲ့တိုက်ခိုက်ခဲ့ပြီး စစ်ကောင်စီဘက် ၉ ဦးသေဆုံးခဲ့တယ်လို့ PRA-Magway ရဲ့ စစ်ရေးတာဝန်ခံ နောင်သူရိန်က ရွှေဖီမြေကို ပြောပါတယ်။

မနေ့ နိုဝင်ဘာ ၂၀ ရက် ညနေ ၄ နာရီဝန်းကျင်မှာ ရခိုင်ပြည်နယ် အမ်းမြို့နယ်ဘက်ကို စစ်ကူပို့မယ့် အင်အား ၄၀ ခန့်ပါတဲ့ စစ်ကောင်စီ စစ်ကြောင်းကို ငဖဲမြို့နယ် ဂုတ်ကြီးကျေးရွာအနီးမှာ PRA-Magway က ခြုံငုံတိုက်ခိုက်ခဲ့တာဖြစ်တယ်လို့ ဆိုပါတယ်။

" ရခိုင်ဘက်ကို တက်တဲ့ ယာဥ်တန်းရှိတယ်ပေါ့လေ။ ဒီယာဥ်တန်းကို မိုင်းဆွဲတိုက်ခိုက်ဖို့ ပြင်ဆင်ထားပေမယ့် ကားထဲမှာ ပါတဲ့ Jamber တွေကြောင့် အဝေးထိန်းခလုတ် အလုပ်မလုပ်ခဲ့ဘူး။ အဲယာဥ်တန်းကို လုံခြုံရေးယူထာတဲ့ စစ်ကောင်စီတပ်ဖွဲ့တွေနဲ့ ကားပျက်လို့ ကျန်ခဲ့တဲ့ စစ်ကောင်စီတပ်ဖွဲ့တွေကို ကျနော်တို့ တိုက်ခိုက်ခဲ့တယ်" လို့ PRA-Magway ရဲ့ စစ်ရေးတာဝန်ခံ နောင်သူရိန်က ရွှေဖီမြေကို ပြောပါတယ်။

တိုက်ခိုက်မှုအတွင်း ၁၅ မိနစ်ကြာ တိုက်ပွဲဖြစ်ပွားခဲ့ပြီး စစ်ကောင်စီဘက်က ၉ ဦးသေဆုံးပြီး ၁၀ ထိခိုက်ဒဏ်ရာရခဲ့တယ်လို့ PRA-Magway က ထုတ်ပြန်ထားပါတယ်။

ဒီတိုက်ခိုက်မှု အပြီးမှာ စစ်ကောင်စီ စစ်ကြောင်းဟာ ရှေ့ဆက်မတိုးနိုင်တော့ဘဲ နောက်ပြန်ဆုတ်သွားတယ်လို့ ကိုနောင်သူရိန်က ဆိုပါတယ်။

PRA-Magway ရဲ့ စစ်ရေး ရည်မှန်းချက်ဟာ ငဖဲမြို့နယ် ပဒါန်းရွာနဲ့ ရခိုင်ပြည်နယ် အမ်းမြို့နယ် လမ်းပိုင်းကို ထိနိးချုပ်ဖို့ ဖြစ်တယ်လို့ ဆိုပါတယ်။

ပြီးခဲ့တဲ့ နိုဝင်ဘာ ၅ ရက်မှာလည်း ငဖဲမြို့နယ် ဂုတ်ကြီးကျေးရွာအနီရှိ စစ်ကောင်စီရဲ့ ကာကင်းစခန်းကို PRA-Magway နဲ့ ပူးပေါင်းတပ်တွေက တိုက်ခိုက်ခဲ့ပါတယ်။

စစ်ကောင်စီတပ်ဘက်ကတော့ စစ်ကြောင်းတိုက်ခိုက်ခံရတာနဲ့ ပတ်သက်ပြီး တစ်စုံတရာ သတင်းထုတ်ပြန်ထားတာ မရှိသေးပါဘူး။

လက်ရှိ ရခိုင်ပြည်နယ် စစ်ကောင်စီရဲ့ အနောက်ပိုင်းတိုင်းစစ်ဌာနချုပ်တည်ရှိရာ အမ်းမြို့နဲ့ တောင်ကုန်၊ မောင်တောနဲ့ ဂွမြို့နယ်တွေမှာ စစ်ကောင်စီနဲ့ အာရက္ခတပ်တော်-AA အကြား တိုက်ပွဲပြင်းထန်တယ်လို့ သိရပါတယ်။

#ဓာတ်ပုံ - PRA

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢မြန်မာနိုင်ငံဟာ ကမ္ဘာမှာ မြေမြှပ်မိုင်းကြောင့် သေဆုံးသူအများဆုံးနိုင်ငံဖြစ်လာ

လွေးဇွန်မိုး၊ နိုင်ဝင်ဘာ ၂၁ ရက်

ကမ္ဘာမှာ မြန်မာနိုင်ငံဟာ မြေမြှပ်မိုင်းနဲ့ ပေါက်ကွဲစေတက်တဲ့ စစ်လက်နက်တွေကြောင့် သေဆုံးသူအများဆုံးနိုင်ငံဖြစ်လာတယ်လို့ နိုင်ငံတကာ မြေမြှုပ်မိုင်းသုံးစွဲမှု ပပျောက်ရေး လှုပ်ရှားမှုအဖွဲ့ (ICBL) ရဲ့ မနေ့နိုဝင်ဘာ ၂၀ ရက် ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

ပြီးခဲ့တဲ့ ၂၀၂၃ ခုနှစ်အတွင်း မြေမြှုပ်မိုင်းနဲ့ ပေါက်ကွဲစေတတ်တဲ့ စစ်လက်နက်အကြွင်းအကျန်တွေကြောင့် မြန်မာနိုင်ငံတစ်ဝှမ်းက လူတစ်ထောင်ကျော် (၁,၀၀၃ ဦး) သေဆုံးခဲ့တယ်လို့ ဆိုပါတယ်။

စစ်တပ်ကအာဏာသိမ်းပြီးနောက် နိုင်ငံတစ်ဝှမ်းက တိုက်ပွဲတွေအတွင်းမှာ မြေမြှပ်မိုင်း ကျယ်ကျယ်ပြန့်ပြန့် အသုံးပြုလာပြီး ၁၀၂၇ စစ်ဆင်ရေးနောက်ပိုင်း ရှမ်းမြောက်မှာ မြေမြှပ်မိုင်းကြောင့် ထိခိုက်သေဆုံးမှုတွေ ပိုများလာပါတယ်။

စစ်တပ်အာဏာသိမ်းပြီး မြေမြှပ်မိုင်းကြောင့် သေဆုံးသူ အမျိုးသား ၁ ဦးနဲ့ ဒဏ်ရာရသူ အမျိုးသား ၄ ဦးနဲ့ အမျိုးသမီး ၆ ဦးအထိရှိခဲ့တဲ့ ကွတ်ခိုင်မြို့နယ်မှာ လက်ရှိအချိန်အထိမြေမြှပ်မိုင်းအန္တရာယ်ကို စိုးရိမ်နေရဆဲဖြစ်တယ်လို့  
ကွတ်ခိုင်ဒေသခံ အမျိုးသားတစ်ဦးက ပြောပါတယ်။

"အဲဒါတွေကြောင့် တစ်ခါတစ်လေဆို ကျွဲကျောင်းနေကျသူတွေတောင် ကျွဲသွားမကျောင်းရဲတော့ဘူး။ လွယ်ဆိုင်ရွာဘက်မှာဆို ခဏခဏနင်းမိတယ်"လို့ ဆိုပါတယ်။

၁၀၂၇ စစ်ဆင်ရေး စတင်တဲ့ ၂၀၂၃ ခုနှစ် အောက်တိုဘာလကနေ ၂၀၂၄ ခုနှစ် နိုဝင်ဘာလ အထိ ၁ နှစ်ကျော်အတွင်း ရှမ်းမြောက်မှာ မြေမြှမ်မိုင်းကြောင့် အမျိုးသမီး ၂ ဦးနဲ့ ကလေး ၁ ဦးအပါအဝင် အမျိုးသား ၅ ဦးသေဆုံးပြီး ကလေးတစ်ဦးအပါအဝင် အမျိုးသား ၂၉ ဦး၊ အမျိုးသမီး ၁၀ ဦးနဲ့ ဒေသခံ ၃ ဦး ထိခိုက်ဒဏ်ရာရခဲ့ပါတယ်။

တအာင်းတပ် TNLA ထိန်းချုပ်ထားတဲ့ ကွတ်ခိုင်မြို့နယ်၊ သီပေါနဲ့ စစ်ကောင်စီတပ်ထိန်းချုပ်ထားတဲ့ မူဆယ်မြို့နယ်ဟာ မြေမြှပ်မိုင်းကြောင့် ​သေဆုံးတာနဲ့ ထိခိုက်ဒဏ်ရာသူအများဆုံးခံရတဲ့ မြို့နယ်တွေဖြစ်ပါတယ်။

ဒီအချက်အလက်တွေဟာ ရွှေဖီမြေက လက်လှမ်းမှီသလောက် ကောက်ယူထားတဲ့ အချက်အလက်တွေသာဖြစ်ပြီး မြေပြင်မှာ ဒီထက်ပိုများနိုင်ပါတယ်။

မြေမြှပ်မိုင်းကြောင့် ထိခိုက်သေဆုံးသူ အများဆုံးနိုင်ငံစာရင်းထဲမှာ မြန်မာနိုင်ငံပြီးရင် ဆီးရီးယား၊ ယူကရိန်းနဲ့ အာဖဂန်နစ်စတန် စတဲ့နိုင်ငံတွေရပ်တည်နေတယ်လို့ ICBL ရဲ့အစီရင်ခံစာမှာ ဖော်ပြထားပါတယ်။

#ဓာတ်ပုံ - ရွှေဖီမြေ

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢မန္တလေးမှာ စစ်မှုထမ်းသင်တန်းတက်ဖို့ တစ်ယောက်ကို ငွေကျပ် ဆယ်သိန်းနှုန်းနဲ့ သူခိုးနဲ့ဆေးသမားတွေကို လူစားထိုးခေါ်ယူ

ပျားကြီး၊ နိုဝင်ဘာ ၂၀၊ မန္တလေး

မန္တလေးမှာ စစ်ကောင်စီရဲ့စစ်မှုထမ်းသင်တန်းကိုလူစားထိုးတက်ဖို့အတွက် တစ်ယောက်ကို ငွေကျပ် ၁၀ သိန်းနှုန်းနဲ့ သူခိုး ကြမ်းပိုး၊ ဆေးသမားတွေကို ငွေပေးစေလွှတ်မှုတွေရှိနေတယ်လို့ ဒေသခံတွေက ရွှေဖီမြေကို ပြောပါတယ်။

တနိုင်ငံလုံးမှာ စစ်ရှုံးနေပြီး စစ်အင်အားချွတ်ခြုံကျနေတဲ့ စစ်ကောင်စီက စစ်အင်အားအရေးပေါ်
လိုအပ်နေတဲ့အတွက် မြို့ပေါ်ရပ်ကွက်တွေမှာ တစ်ရပ်ကွက်ကို လူ ၂ ယောက်နှုန်းတောင်းခံထားတာကြောင့် အုပ်ချုပ်ရေးမှူးတွေက ရပ်ကွက်နေလူထုဆီက ခွဲတမ်းကျငွေကြေးကောက်ခံပြီး လူစားထိုးငှားရမ်း ပြီးသင်တန်းတက်ဖို့ စေလွှတ်နေတာဖြစ်ပါတယ်။

"မြိုပေါ်မှာက ငွေတတ်နိုင်တဲ့သူများတယ်။ နာမည်စာရင်းပါတဲ့ရပ်ကွက်က တစ်အိမ်ကိုဘယ်လောက်ဆိုပြီးအချိုးကျငွေထည့်ပေးရတယ်။ အုပ်ကြီးတွေကနေမှ လူရှာပြီးထည့်ပေးလိုက်တာ။ အားလုံးဆို လူ ၂၀၀ နီးပါးပဲ လိုက်သွားတာ။ အိမ်ကကောင်က သင်တန်းဆင်းကာနီးပြီ။ သွားမယ့်ရက်ကတောင် အိမ်ကဖုန်းကို ခိုးသွားသေးတယ်"လို့ အောင်မြေသာစံမြို့နယ်က လူစားထိုးစစ်သင်တန်းတက်ရောက်နေသူတစ်ဦးရဲ့ မိသားစုဝင်ကပြောပါတယ်။

စစ်မှုမထမ်းမနေရ ဥပဒေအတည်ပြုပြီးနောက်ပိုင်း မန္တလေးမြို့ပေါ်မှာ သတ်မှတ်အရည်အချင်းပြည့်မီတဲ့သူတွေကို သင်တန်းတက်ရောက်ဖို့ ဆင့်ခေါ်မှုတွေပြုလုပ်ခဲ့ပေမဲ့ ၈၅ ရာခိုင်နှုန်းလောက်က လာဘ်ငွေသိန်းဆယ်ချီပေးပြီး ရှောင်လွှဲမှုတွေပြုလုပ်ခဲ့တယ်လို့ စစ်မှုထမ်းသင်တန်းတွေကို စောင့်ကြည့်လေ့လာနေတဲ့ မန္တလေးဒေသခံနိုင်ငံရေးသမားတစ်ဦးက ပြောပါတယ်။

"အပတ်စဥ် ၆ ခုဆင်းတော့မယ်၊ အခုချိန်ထိပထမဆုံးစာရင်းပါတဲ့သူတွေ တက်တာမရှိသေးဘူး။ နောက်လည်းရှိမှာမဟုတ်ဘူးဆိုတော့ စစ်တပ်ကလွှမ်းမိုးထားတဲ့ တံတားဦး၊ မြစ်သား၊ ကျောက်ဆည်နယ်တွေဖက်ကလူတွေကို ပစ်မှတ်ထားလာတယ်။ ပေါ်တာဆွဲတာတွေခပ်စိတ်စိတ်လုပ်လာတယ်"လို့သူကဆက်ပြောပါတယ်။

လတ်တလောမှာ သင်တန်းအမှတ်စဥ် ၇ အတွက်လူစုဆောင်းမှုတွေကို စတင်ပြုလုပ်နေပြီး တံတားဦးနဲ့ မြစ်သားမြို့နယ်တွေမှာ နေ့ခင်းကြောင်တောင် ဧည့်စာရင်းစစ်ဆေးမှုတွေနဲ့ ဖမ်းဆီးခေါ်ဆောင်မှုတွေပြုလုပ်နေတာကြောင့် နိုဝင်ဘာလဆန်းပိုင်းကစပြီးလက်ရှိအချိန်ထိ ဖမ်းဆီးခံထားရသူစုစုပေါင်း ၁၅၀ ကျော်အထိရှိနေတယ်လို့ အသက် ၅၅ နှစ်အရွယ်ရှိတံတားဦးမြို့ခံ တစ်ဦးက ဆိုပါတယ်။

လက်ရှိအချိန်မှာ စစ်မှုထမ်းသင်တန်းကို အစားထိုးတက်ရောက်လိုတဲ့ အလုပ်လက်မဲ့၊ သူခိုးနဲ့ ဆေးသမားပေါင်းရာနဲ့ချီရှိနေပြီး ရပ်ကွက်အုပ်ချုပ်ရေးမှူးတွေဆီမှာစာရင်းပေးထားတယ်လို့ အောင်မြေသာစံမြို့နယ်ကအုပ်ချုပ်ရေးအဖွဲ့နဲ့ နီးစပ်သူတစ်ဦးက အတည်ပြု ပြောဆိုထားပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ကွတ်ခိုင်မှာ ကလေးငယ်တစ်ဦး ငါးမွေးကန်ထဲက ညီမလေးဖြစ်သူရဲ့ ဖိနပ်ဆင်းယူရင်း ရေနစ်သေဆုံး

လွေးဇွန်မိုး၊ နိုဝင်ဘာ ၂၁ ရက်၊ ကွတ်ခိုင် 

ရှမ်းမြောက် ကွတ်ခိုင်မြို့နယ် တုံဆင်လေးကျေးရွာက အသက် ၁၃ နှစ်အရွယ် လွေးအေးဝင်းဆိုတဲ့ ကလေးငယ်ဟာ ညီမဖြစ်သူရဲ့ ဖိနပ်လိုက်ဆယ်ရင်း ရေနစ်သေဆုံးသွားခဲ့တယ်လို့ သိရပါတယ်။

ပြီးခဲ့တဲ့ နိုင်ဝင်ဘာ ၁၇ ရက် မနက် ၇ နာရီဝန်းကျင်မှာ လွေးအေးဝင်းဟာ မိခင်နဲ့ ညီမလေးဖြစ်သူတို့နဲ့အတူ တုံဆင်ကြီးရွာအနီးက ငါးမွေးကန်မှာ အဝတ်လျော်၊ ရေချိုးအပြီးမှာ ရေနစ်သေဆုံးသွားခဲ့တယ်လို့ လွေးအေးဝင်းရဲ့ ဆရာမတစ်ဦးက ပြောပါတယ်။

"ရေချိုးမယ်။ အဝတ်လျော်မယ်။ ခေါင်းလျော်မယ်ဆိုပြီးတော့ အဲဒီငါးမွေးကန်ကိုသွားတာ။ ရွာထဲက ကလေးတွေလည်း အဲဒီငါးမွေးကန်မှာ အမြဲတမ်းရေချိုးနေကျတဲ့။ အဲမှာ အကုန်လုံးပြီးတော့မယ့်အချိန်မှာ သူ့ညီမလေးရဲ့ ဖိနပ်လေး ရေထဲမှာ မျှောသွားတာ။ မျှောသွားတဲ့အချိန်မှာ သူကလိုက်ပြီးတော့ဆယ်တယ်။ ဆယ်နေတဲ့အချိန်မှာပဲ သူမြုပ်သွားတယ်လို့ ပြောတယ်ရှင့်"

လွေးအေးဝင်းဟာ ဟွေခုတ်ကျေးရွာမှာ ပညာသင်ကြားနေတဲ့ ၆ တန်းကျောင်းသူတစ်ဦး ဖြစ်တယ်လို့ ဆိုပါတယ်။

အဲဒီ ငါးမွေးကန်ဟာ ရွာခံတွေ ရေချိုးနေကျနေရာဖြစ်ပြီး ဒီလိုရေနစ်သေဆုံးတဲ့ဖြစ်စဥ်တွေ မရှိခဲ့ဖူးပဲ ဒါဟာ ပထမဦးဆုံးအကြိမ်ဖြစ်တယ်လို့ ဒေသခံတွေက ပြောပါတယ်။

အလားတူ ပြီးခဲ့တဲ့ အောက်တိုဘာ ၈ ရက် ည ၁၁ နာရီခွဲမှာလည်း ကွတ်ခိုင်မြို့နယ် မန်ဂျတ်အုပ်စု အထက်လွယ်အွန်ရွာအနီးရှိ ရေချောင်းထဲ ကားတစ်စီးအရှိန်လွန်ပြုတ်ကျသွားပြီး အမျိုးသား ၄ ဦး ဒဏ်ရာရကာ တစ်ဦးသေဆုံးသွားတယ်လို့ ဒေသခံ အမျိုးသားတစ်ဦးက ပြောပါတယ်။

#ဓာတ်ပုံ - CJ

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ကလေးမြို့မှာ စက်သုံးဆီ အလုယက် ဝယ်ယူနေကြတဲ့အတွက် စျေးနှုန်းမြင့်တက်လာနေ
https://t.me/spmnewsagency2019

အိုက်ပွီး၊ နိုဝင်ဘာလ ၂၀ရက်၊ ကလေး

စစ်ကိုင်းတိုင်း၊ ကလေးမြို့မှာ စက်သုံးဆီ အလုအယက် ဝယ်ယူနေကြတဲ့အတွက် စက်သုံးဆီစျေးနှုန်း မြင့်တက်သွားတယ်လို့ ဒေသခံတွေဆီက သိရပါတယ်။

ကလေးမြို့ကို စစ်ကောင်စီတပ်က စက်သုံးဆီခွဲတမ်း ချပေးတော့မည်မဟုတ်ဘူးလို့ စီးပွားရေးလုပ်ငန်းရှင်တွေဆီကို နိုဝင်ဘာလ ၁၇ရက်နေ့က ညွန်ကြားထားတယ်လို့ သိရပါတယ်။

အဲ့ဒီညွန်ကြားချက်ကြောင့် ကလေးမြို့မှာ မနေ့ နိုဝင်ဘာလ ၁၉ရက်နေ့ကစလို့ စက်သုံးဆီ အလုယက်ဝယ်ယူနေကြတာဖြစ်တယ်လို့ ဒေသခံတစ်ဦးက ရွှေဖီမြေသို့ ပြောပါတယ်။

"အဓိကတော့ စက်သုံးဆီ အလုအယက် ဝယ်ယူတယ်ဆိုတာ စက်သုံးဆီပြတ်သွားမှာကို စိုးရိမ်နေကြလို့ဖြစ်တယ်။ တကယ်တော့ စစ်ကောင်စီက ခွဲတမ်းမချပေးရင်တောင် ကလေးမှာ စက်သုံးဆီကို အတိုင်းအတာတစ်ခုနဲ့ နယ်စပ်ကနေလည်း တင်သွင်းလို့ရတယ်။ လုံးဝ ပြတ်သွားနိုင်တဲ့အနေထားက မရှိပါဘူး။"

ကလေးမြို့မှာ မနေ့ နိုဝင်ဘာလ ၁၉ ရက်နဲ့ ဒီနေ့ ၂၀ရက်နေ့ နှစ်ရက်ဆက်တိုက် စက်သုံးဆီ အလုယက်ဝယ်ယူနေကြတဲ့အတွက် စက်သုံးဆီ တစ်ဂါလံ ၂၈,၀၀၀ ကျပ် ကနေ ၄၀,၀၀၀ ကျပ် စျေးနှုန်းမြင့်တက်သွားတယ်လို့ သိရပါတယ်။

ဒါ့အပြင် စက်သုံးဆီ အလုအယက်ဝယ်ယူနေကြတဲ့အတွက် ဒီနေ့ နိုဝင်ဘာလ ၂၀ရက်မှာ ကလေးမြို့က စက်သုံးဆီ အရောင်းဆိုင်တချို့ ပိတ်ထားရပြီး တချို့ဆိုင်တွေမှာ စက်သုံးဆီပြတ်လပ်နေတယ်လို့ ဒေသခံတစ်ဦးက ရွှေဖီမြေသို့ ပြောပါတယ်။

"မနေ့ကတည်းက လူတွေတန်းစီးပြီး အလုယက်ဝယ်နေကြတယ်။ ဒီနေ့မှာတော့ မြို့ထဲက ဆိုင်တချို့ပိတ်ထားပြီး ဖွင့်တဲ့ဆိုင်မှာ အလုယက်ဝယ်ကြတယ်။ ဖွင့်တဲ့ဆိုင်မှာလည်း ဒီနေ့ ညနေလောက်မှာ စက်သုံးဆီကုန်သွားပြီလို့ကြားတယ်။"

စစ်ကောင်စီတပ်ရဲ့ စက်သုံးဆီခွဲတမ်း ချပေးမှာ မဟုတ်တဲ့မြို့နယ်တွေမှာ ချင်းပြည်နယ်က မြို့နယ်တွေအားလုံးပါဝင်ပြီး ထိးချိုင့်၊ ကသာ၊ ပုလဲ၊ ဝက်လက်၊ ဗန်းမောက်၊ မင်းလှ၊ မော်လိုက်၊ မိုးမိတ်၊ ချောင်းဦး၊ နောင်ချို၊ လားရှိုး၊ ကလေး ၊ မိုင်းရယ်၊ ခမ်းပက်၊ ဆားလင်းကြီး၊ ကျွန်းလှ၊ ရေဦး၊ ဖောင်းပြင်၊ မြင်းမူ၊ နဘား၊ ဘုတလင်၊ အင်းတော်၊ ယင်းမာပင်၊ ရေနီ၊ ကန့်ဘလူ၊ တမူး၊ မြောင်၊ ခင်ဦး၊ ဒီပဲယင်း၊ ကောလင်း၊ ပေါက်(မကွေး) ၊ မိုးကုတ်၊ မြင်းခြံ စတဲ့မြို့တွေဖြစ်ပါတယ်။

#ဓာတ်ပုံ - CJ

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢 မိုင်းငေါ့မြို့ပေါ်ကို စစ်ကောင်စီတပ်က လေယာဥ်နဲ့ ဗုံးကြဲတိုက်ခိုက်၊ အရပ်သား ၄ ဦး ဒဏ်ရာရပြီး နေအိမ် ၁၅ လုံး ထက်မနည်းပျက်စီး

မိုင်းရူပ၊ နိုဝင်ဘာ ၁၇ ရက်၊ မိုင်းငေါ့

တအာင်းတပ်မတော်- TNLA ထိန်းချုပ်ထားတဲ့ ရှမ်းမြောက် ကျောက်မဲမြို့နယ် မိုင်းငေါ့မြို့ပေါ်ကို စစ်ကောင်စီတပ်က လေယာဥ်နဲ့ ဗုံးကြဲတိုက်ခိုက်ခဲ့ပြီး အရပ်သား ၄ ဦး ဒဏ်ရာရကာ နေအိမ် ၁၅ လုံး ထက်မနည်းလည်း ပျက်စီးခဲ့တယ်လို့ သိရပါတယ်။

ဒီနေ့ နိုဝင်ဘာ ၁၇ ရက် မနက် ၁၁ နာရီခွဲဝန်းကျင်မှာ မိုင်းငေါ့မြို့ မန်လုံရပ်ကွက်ကို စစ်ကောင်စီက ဂျက်လေယာဥ်နဲ့ ၁ ကြိမ် ဗုံးကြဲတိုက်ခိုက်ခဲ့တာ ဖြစ်ပါတယ်။

"သေဆုံးတာတော့ မရှိပါဘူး။ လူ ၄ ယောက်လောက်တော့ ထိခိုက်ထားတယ်။ မန်လုံရပ်ကွက် မိုင်ငေါ့ ဘောလုံးကွင်းအထက်နားလေး ၁ ကြိမ် ကြဲသွားတာ" လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။

ဒီဗုံးကြဲတိုက်ခိုက်မှုဟာ မိုင်းငေါ့မြို့ကို TNLA ထိန်းချုပ်ပြီးနောက် စစ်ကောင်စီတပ်က ပထမဆုံးအကြိမ် ဗုံးကြဲတိုက်ခိုက်ခဲ့တာ ဖြစ်ပါတယ်။

စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ရဲ့ တရုတ်ခရီးစဥ်နောက်ပိုင်း တော်လှန်ရေးအင်အားစုတွေ ထိန်းချုပ်ထားတဲ့မြို့တွေကို စစ်ကောင်စီတပ်က လေကြောင်းနဲ့ ဗုံးဆက်တိုက်ကြဲနေတာ ဖြစ်ပါတယ်။

မနေ့ နိုဝင်ဘာ ၁၆ ရက် ညနေပိုင်းမှာလည်း TNLA ထိန်းချုပ်ထားတဲ့ နောင်ချိုမြို့နယ် လုံစံကျေးရွာကို စစ်ကောင်စီတပ်က လေယာဥ်နဲ့ ဗုံးကြဲတိုက်ခိုက်ခဲ့ရာ ကလေးတစ်ဦး သေဆုံးပြီး ၃ ဦး ဒဏ်ရာရခဲ့ပါတယ်။

ဒါ့အပြင် နိုဝင်ဘာ ၁၂ ရက်မှာလည်း နောင်ချိုမြို့ လန်းဆန်းလက်ဖက်ရည်ဆိုင်ကို စစ်ကောင်စီက လေကြောင်းနဲ့ ဗုံးကြဲတိုက်ခိုက်ခဲ့ပြီး အရပ်သား ၁၁ ဦးသေဆုံးကာ ၁၁ ဦး ထိခိုက်ဒဏ်ရာရခဲ့ပါတယ်။

ဓာတ်ပုံ - Local
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢နောင်ချိုမှာ စစ်ကောင်စီက လေယာဉ်နဲ့ ထပ်မံဗုံးကြဲတိုက်ခိုက်မှုကြောင့် ကလေးတစ်ဦးသေဆုံးပြီး အရပ်သား၃ဦး ဒဏ်ရာရ

ပို့လဘား၊ နိုဝင်ဘာ ၁၇ရက်၊ နောင်ချို

ရှမ်းမြောက်၊ နောင်ချိုမြို့မှာ စစ်ကောင်စီက လေယာဉ်နဲ့ ထပ်မံဗုံးကြဲတိုက်ခိုက်မှုကြောင့် ကလေးငယ်တစ်ဦးသေဆုံးပြီး အရပ်သား ၃ဦး ဒဏ်ရာရရှိခဲ့တယ်လို့ သိရှိရပါတယ်။

မနေ့ နိုဝင်ဘာ ၁၆ရက် ည၈နာရီအကျော်မှာ နောင်ချိုမြို့၊ လုံစံကျေးရွာကို စစ်ကောင်စီက လေယာဉ်နဲ့ ဗုံးကြဲတိုက်ခိုက်ခဲ့လို့ ၁၂နှစ်အရွယ်ရှိတဲ့ ကလေး တစ်ဦးသေဆုံးပြီး အရပ်သား ၃ဦး ဒဏ်ရာရရှိခဲ့တယ်လို့ သိရှိသူအမျိုးသားတစ်ဦးက ပြောပါတယ်။

"ကျတဲ့နေရာက ဦးမြင့်ဦးဆိုတဲ့ လူအိမ်မှာ ကျတာ။ သူက စစ်တပ်ကို အားပေးနေတာ။ သူ့အိမ်သားထဲက လူ ၄ယောက်ထိတာ။ ကလေးက ပွဲချင်းသေတယ်။ ကျန်တဲ့ ၃ယောက်က ဒဏ်ရာရထားတယ်"

နောင်ချိုမြို့ တောင်ခမ်းဘက်မှာလည်း စစ်ကောင်စီနဲ့ TNLAတို့ကြား တိုက်ပွဲပြင်းထန်နေပြီး စစ်ကောင်စီဘက်က ဗိုလ်မှူးနဲ့ ဗိုလ်ကြီးအဆင့်ရှိသူတွေ သေဆုံးခဲ့တယ်လို့ TNLA က မနေ့ နိုဝင်ဘာ ၁၆ရက်‌ေန့မှာ ထုတ်ပြန်ထားပါတယ်။

ပြီးခဲ့တဲ့ နိုဝင်ဘာ ၁၄ရက်နေ့မှာ စစ်ကောင်စီက လေယာဉ်နဲ့ ဗုံးကြဲတိုက်ခိုက်ခဲ့လို့ အမျိုးသားတစ်ဦး သေဆုံးပြီး နေအိမ်တွေလည်း ပျက်စီးခဲ့ရပါတယ်။

#ဓာတ်ပုံ - Local (ပုံဟောင်း)

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢နောင်ချိုမြို့နယ် တောင်ခမ်းတိုက်ပွဲဆက်ပြင်းထန်နေပြီး စစ်ကောင်စီဘက်က ဗိုလ်မှူးနဲ့ ဗိုလ်ကြီးအဆင့်ရှိသူတွေ သေဆုံး

ရွှေဖီမြေ၊ နိုဝင်ဘာ ၁၆ ရက်၊ နောင်ချို

ရှမ်းမြောက် နောင်ချိုမြို့နယ် တောင်ခမ်းကျေးရွာမှာ စစ်ကောင်စီနဲ့ တအာင်းတပ်မတော်-TNLA တို့အကြား တိုက်ပွဲဆက်ပြင်းထန်နေပြီး စစ်ကောင်စီဘက်က ဗိုလ်မှူးနဲ့ ဗိုလ်ကြီးအဆင့်ရှိသူတွေ သေဆုံးခဲ့တယ်လို့ တအာင်းတပ်က ဒီနေ့ နိုဝင်ဘာ ၁၆ ရက်မှာ ထုတ်ပြန်ပါတယ်။

တောင်ခမ်းအခြေစိုက် ကောင်စီရဲ့ အမြောက်တပ်စခန်းကွပ်ကဲမှုဌာနချုပ်-၉၀၂ နဲ့ အမြောက်တပ်- ၃၅၄ မှာ တိုက်ပွဲတွေ ဆက်ပြင်းထန်နေတယ်လို့ ဆိုပါတယ်။

တိုက်ပွဲအတွင်း စစ်ကောင်စီတပ်ဘက်က တပ်မ(၁၁) ခြေမြန်တပ်ရင်း (၂၁၃) တပ်ရင်းမှူး ဗိုလ်မှူး၊ ဗိုလ်ကြီး အဆင့်ရှိသူနှဲ့ တပ်ဖွဲ့ဝင်တွေ သေဆုံးခဲ့ပြီး  စစ်ကောင်စီတပ်ရဲ့လက်နက်ခဲယမ်းတွေကိုလည်း သိမ်းဆည်းရမိခဲ့တဲ့လို့ ဖော်ပြထားပါတယ်။

ဒါ့အပြင် တိုက်ပွဲအတွင်း စစ်ကောင်စီတပ်ဖွဲ့ဝင် ၄ ဦးကို လက်နက်ခဲယမ်းတွေနဲ့အတူ ဖမ်းဆီးရမိခဲ့တယ်လို့ ဆိုပါတယ်။

စစ်ကောင်စီတပ်ဟာ တောင်းခမ်းကျေးရွာကို ပြန်ထိန်းချုပ်ဖို့ ရှမ်းတောင် ရပ်စောက်ကနေတစ်ဆင့် စစ်အင်အားတွေ ဖြည့်တင်းနေပြီး လေကြောင်းနဲ့ လက်နက်ကြီးတွေ ပစ်ကူပေးတာတွေ လုပ်နေတယ်လို့ ဆိုပါတယ်။

ဒါ့အပြင် ဒရုန်းကြောင့် ထိခိုက်မှုများခဲ့တဲ့ စစ်ကောင်စီတပ်ဟာ ဒရုန်းကို ပိုမိုအသုံးပြုလာတယ်လို့ ရှေ့တန်းစစ်မြေပြင်မှာ ရှိနေသူတွေက ရွှေဖီမြေကို ပြောပါတယ်။

တောင်ခမ်းကျေးရွာမှာ ပြီးခဲ့တဲ့ သြဂုတ်လကစပြီး စစ်ကောင်စီတပ်နဲ့ TNLA အကြား တိုက်ပွဲစတင်ဖြစ်ပွားခဲ့တာဖြစ်ပြီး တိုက်ပွဲပြင်းထန်နေတာ ၃ လကျော်ကြာ ရှိနေပြီ ဖြစ်ပါတယ်။

တောင်ခမ်းကျေးရွာနဲ့ မိုင် ၂၀ ခန့်ကွာဝေးတဲ့ နောင်ချိုမြို့ကိုတော့ TNLA က ပြီးခဲ့တဲ့ ဇူလိုင် ၁၀ ရက်မှာ တိုက်ခိုက်သိမ်းပိုက်ထားပါတယ်။

#ဓာတ်ပုံ - TNLA

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢 ၅ ရာကျပ်တန်သာရှိတဲ့ နယ်စပ်ဖြတ်ကျော်ခွင့်စာအုပ် BP ကို ခရိုင်လဝကဝန်ထမ်းတွေက သိန်းဆယ်ချီတောင်းပြီး ပြုလုပ်ပေးနေ
https://t.me/spmnewsagency2019
သူတော်စိန်၊ နိုဝင်ဘာ ၁၆ ရက်၊ မူဆယ်

မူဆယ်ဒေသခံတွေက ၎င်းတို့ အမှန်တကယ်ကိုင်ဆောင်ထားတဲ့ မူဆယ်အိမ်ထောင်စုနဲ့ တစ်နှစ်သက်တမ်းရှိတဲ့ မြန်မာ-တရုတ်နယ်စပ် ဖြတ်သန်းခွင့် BP စာအုပ်အနီကို သွားရောက် ဆောင်ရွက်ရာမှာ တရားဝင်သတ်မှတ်ထားတဲ့ ၅၀၀ ကျပ်တန် စာအုပ်ကို ငွေကျပ် ၅ သောင်းပေးနေရကြောင်း စုံစမ်းသိရှိရပါတယ်။

"တခြားသူတွေက စေတနာရှိသလောက် ပေးတာကို ဘာမှမပြောဘူး။ ဒီဒေါ်ဆွေဆွေလဲ့က ၅ သောင်း တောင်းတယ်။ ဘာအတွက် တောင်းတာလဲဆိုပြီး ပြန်မေးရင် စာအုပ်ကို ချက်ချင်းလုပ်မပေးတော့ဘူး။ ဆယ့်လေးငါးရက်လောက် အချိန်ဆွဲပြီးမှ လုပ်ပေးတာ။ သူက ဒုတိယခရိုင် ဦးစီးမှူးဆိုတော့ ဘယ်သူမှ မပြောရဲဘူး။ နောက်ပြီး တောင်ကြီးက ပြည်နယ်လဝကမှူးကိုလည်း သူက ငွေကြေး လစဥ် ထောက်ပံထားတော့ သူ့ကို အရေးမယူတာလို့လည်း သိရတယ်" ဆိုပြီး BPစာအုပ်အနီ သွားလုပ်ခဲ့တဲ့ ကောင်းနောင်ရပ်ကွက်မှ ဒေသခံအမျိုးသမီးတစ်ဦးက ရွှေဖီမြေကို ပြောပါတယ်။

မူဆယ်ခရိုင်ရုံးမှာ တာဝန်ထမ်းဆောင်နေတဲ့ ဒုတိယခရိုင်လဝကမှူး ဒေါ်ဆွေဆွေလဲ့ဟာ ပြီးခဲ့တဲ့ လပိုင်းအကြာက ပြုလုပ်ထားတဲ့ အိမ်ထောင်စုနဲ့ စာအုပ်လာလျှောက်ရင် တစ်အုပ်ကို နှစ်သိန်းနူန်းနဲ့ ရံပုံငွေ ထည့်ခိုင်းကြောင်းလည်း သိရပါတယ်။

အထောက်အထားမရှိဘဲ BP စာအုပ်အနီလုပ်ရင် ဒေါ်ဆွေဆွေလဲ့က အိမ်ထောင်စုနနဲ့ မှတ်ပုံတင်ကို အစားထိုးဖြင့် တစ်အုပ်ကို ၇၅ သိန်းနဲ့ ဆောင်ရွှက်ပေးနေကြောင်းကိုလည်း စုံစမ်းသိရှိရပါတယ်။

"လူကြီးတွေဖက်က စုံခုံဖွဲ့ပြီး စာအုပ်နံပါတ်နဲ့ အိမ်ထောင်စုစာရင်းကို တိုက်ပြီးစစ်လိုက်ရင် ဒေါ်ဆွေဆွေလဲ့ စားထားတာတွေ အကုန်ပေါ်မှာ" ဆိုပြီး ခရိုင်လဝကရုံး ဝန်ထမ်းတစ်ဦးက ပြောပါတယ်။

ကျန်းမာရေးမကောင်းတဲ့ ခရိုင်လဝကမှူးက ဒေါ်ဆွေဆွေလဲ့ကို လုပ်ပိုင်ခွင့် အပြည့်အဝပေးထားတာကြောင့် အခုလို လုပ်ဆောင်နေတာလို့ လဝကဝန်ထမ်း သတင်းရင်းမြစ်တွေထံမှ သိရှိရပါတယ်။

၂၀၂၄ သြဂုတ်လတုန်းက ဒု-ခရိုင်လဝကမှူး ဒေါ်ဆွေဆွေလဲ့ လာဘ်စားတာတွေနဲ့ ပါတ်သက်ပြီး ခရိုင်လဝကမှူး ဦးကျော်ကျော်နိုင်သို့ လိပ်မူပြီး ဒေသခံ (၃၁) ဦးက လက်မှတ်ရေးထိုးကာ တိုင်ကြားခဲ့သော်လည်း တစ်စုံတစ်ရာ အရေးယူခြင်း မရှိခဲ့ပါဘူး။

အရေးယူဆောင်ရွက်ခြင်း မရှိတာကြောင့် လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနရဲ့ အတွင်းဝန် ဦးဇော်ဝင်းအောင်သို့ လိပ်မူပြီး ထပ်မံတိုင်ကြားထားတယ်လို့လည်း စုံစမ်းသိရှိရပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢တန်းဆောင်မုန်းလပြည့်ညမှာ စစ်ကောင်စီထိန်းချုပ်ထားတဲ့ ရန်ကုန်နဲ့ မန္တလေးမြို့တွေမှာ ပံ့သကူနဲ့အတူ တော်လှန်ရေးသတင်းစကားဖြန်ဝေတဲ့ လှုပ်ရှားမှုပြုလုပ်

မိုင်းရူပ၊ နိုဝင်ဘာ ၁၆ ရက်၊ ရန်ကုန်

မနေ့ နိုဝင်ဘာ ၁၅ ရက်မှာ ကျရောက်တဲ့ တန်းဆောင်မုန်းလပြည့်ညမှာ စစ်ကောင်စီထိန်းချုပ်ထားတဲ့ ရန်ကုန်နဲ့ မန္တလေးမြို့တွေမှာ ပံ့သကူနဲ့အတူ တော်လှန်ရေးသတင်းစကားဖြန်ဝေတဲ့ လှုပ်ရှားမှုပြုလုပ်ခဲ့တယ်လို့ လှုပ်ရှားမှုမှာ ပါဝင်တဲ့ စစ်အာဏာရှင်ဆန့်ကျင်ရေး ရန်ကုန်အင်အားစု- AJAY ရဲ့ ပြောရေးဆိုခွင့်ရှိသူ ကိုဗျတ္တက ပြောပါတယ်။

စစ်အာဏာရှင်ဆန့်ကျင်ရေးလှုပ်ရှားမှုတွေမှာ ဦးဆောင်ပါဝင်နေတဲ့ သပိတ်ခေါင်းဆောင် ဒေါက်တာတေဇာဆန်းနဲ့ ကိုနန်းလင်းတို့ရဲ့ တော်လှန်ရေးသတင်းစကားကို ပံ့သကူနဲ့အတူ လှုပ်ရှားမှု ပြုလုပ်ခဲ့တာ ဖြစ်ပါတယ်။

"ဒီတော်လှန်ရေးမှာ ပြည်သူတွေဟာ အဓိကကျတယ်။ ပြည်သူတိုင်းက ဒီစစ်အာဏာရှင်စနစ်အောက်ကလွတ်မြောက်ဖို့ တော်လှန်ရေးသမားဖြစ်ရမယ်။ အဒါကြောင့် ဒီ စစ်ကောင်စီကို ရတဲ့နည်းနဲ့ ဆက်လက်ဆန့်ကျင်နေကြဖို့ တော်လှန်ရေးမှာ နိုင်တဲ့၀န်မှန်သမျှကို ထမ်းကြဖို့ သတင်းစကားပေးတာ" လို့ AJAY ရဲ့ ပြောရေးဆိုခွင့်ရှိသူ ကိုဗျတ္တက ပြောပါတယ်။

ဒီလှုပ်ရှားမှုကို ရန်ကုန်တိုင်း စမ်းချောင်း၊အလုံကြည့်မြင်တိုင်၊ တာမွေ၊ သဃ်န်းကျွန်းမြို့နယ်များအပါအ၀င် မြို့နယ် ၁၀ မြို့နယ်ကျော် နဲ့ မန္တလေးမြို့တွေမှာ အရေအတွက်သောင်းနဲ့ချီ ပံ့သကူပစ် လှုပ်ရှားမှု ပြုလုပ်ခဲ့တာ ဖြစ်ပါတယ်။

တန်းဆောင်မုန်းလပြည် နေ့ဟာ ဗုဒ္ဓဘာသာဝင်တွေအတွက် နေ့ထူးနေ့မြတ်ဖြစ်ပြီး အလှူတွေပြုလုပ်တာနဲ့ ပံ့သကူဖြစ်တာတွေ ပြုလုပ်ကြတဲ့ နေ့လည်းဖြစ်ပါတယ်။

#ဓာတ်ပုံ - ရန်ကုန်အင်အားစု-AJAY

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢လားရှိုး - တောင်ကြီး ကားဂိတ်တွေမှာ မှတ်ပုံတင်အလိုက် ခွဲခြားထားပြီး ကားခပေးနေရ

GLM၊ နိုဝင်ဘာ ၉၊ လားရှိုး

ရှမ်းမြောက်က လားရှိုး - တောင်ကြီး ကားဂိတ်တွေမှာ မှတ်ပုံတင် ၁၃မျဥ်းစောင်း၊ ၅ မျဥ်းစောင်း၊ ၉ မျဥ်းစောင်းဆိုပြီး ခွဲခြားကာ ကားခတွေ ပေးဆောင်နေရတယ်လို့ ကိုယ်တိုင်ကြုံတွေ့ခဲ့ရတဲ့ ခရီးသည်တစ်ဦးက ရွှေဖီမြေ ကိုပြောပါတယ်။

လက်ဝယ်ကိုင်ဆောင်ထားတဲ့ မှတ်ပုံတင်ပေါ် မူတည်ပြီး ကားခစျေးတွေ အနည်းအများ အပြောင်းအလဲ ရှိတယ်လို့ ၎င်းကဆိုပါတယ်။

"လားရှိုး- တောင်ကြီးကို ၁၃/ က ၂သိန်း၊ ၉/ က ၃သိန်း၊ ၅/က ၆သိန်းအဲ့လို သတ်မှတ်ထားတာ ဆိုပြီးကားဆရာကပြောပြတယ်။ ရန်ကုန်ကားကတော့ express ပုံမှန် ၄၅,၀၀၀ ပါ"

အခုလိုမှတ်ပုံတင်အလိုက် ကားခစျေးနှုန်းသတ်မှတ်ထားတာဟာ လမ်းတစ်လျောက်ပေါ်က စစ်ဆေးရေး ဂိတ်တွေမှာ ဂိတ်ကြေးအနေနဲ့
ပေးဆောင်ရတာကြောင့် ဖြစ်တယ်လို့ ၎င်းကဆက်ပြောပါတယ်။

"အဓိက စစ်ဆေးရေးဂိတ်တွေပေါ့ဗျာ။ လမ်းမှာ စကစ ဂိတ်တွေက မှတ်ပုံတင်ကြည့်ပြီး ရစ်တာလေ။ ငွေခင်းရတယ်။ ငွေပေးရင်ရတယ်။ အကြောင်းပြချက်က အဲ့တာပဲ။ လာဘ်ထိုးတဲ့သဘောပါ။ လူတွေလည်း အမျိုးမျိုးကြားက ရူးချင်ပြီ"

အလားတူ နိုဝင်ဘာ ပထမအပတ်ထဲ ၁၃/ ကိုင်ဆောင်ထားသူ လားရှိုးဘက်ဝင်မဲ့ ကားတွေကိုလည်း တောင်ကြီးအဝင် ၄ မိုင်ဂိတ်မှာ စစ်ကောင်စီက ဖမ်းဆီးစစ်ဆေးတာတွေရှိတယ်လို့ ဒေသခံတွေက ပြောပါတယ်။

ဒါ့အပြင်ရှမ်းရှေ့ ကျိုင်းတုံ၊ တာချီလိတ်ဘက်မှာ လည်း ကိုးကန့်၊ ရခိုင်နဲ့ ပလောင်လူမျိုးတွေကို သြဂုတ်လတည်းက စတင်ပြီးလက်ရှိချိန်ထိ စစ်ကောင်စီက ခရီးသွားလာခွင့် ကန့်သတ်ပိတ်ပင် ထားကြောင်း သိရှိရပါတယ်။

#ဓာတ်ပုံ - Local
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢တရုတ်-မြန်မာ နယ်စပ်ဖြစ်တဲ့ ဆင်ဖြူနယ်စပ်ဂိတ်ကနေ တစ်ပိုင်တစ်နိုင် ကုန်ပစ္စည်း သယ်ယူခွင့်ကို တရုတ်ဘက်က စတင်ပိတ်ပင်၊ အလုပ်သမား ရာနဲ့ချီ အလုပ်လက်မဲ့ဖြစ်စေနိုင်

ပို့လဘား၊ နိုဝင်ဘာ ၁၀ရက်၊ မူဆယ်

တရုတ်-မြတ်မာ နယ်စပ်ဖြစ်တဲ့ ဆင်ဖြူပေါက်ဂိတ်နဲ့ နန်းတော်ပေါက်ဂိတ်ကို တစ်ပိုင်တစ်နိုင် ကုန်ပစ္စည်းသယ်ယူခွင့်ကို တရုတ်ဘက်က စတင်ပိတ်ပင်လိုက်တယ်လို့ သိရှိရပါတယ်။

တရုတ်နိုင်ငံ ကျယ်ဂေါင်ကနေ လုပ်ငန်းသုံးမဟုတ်တဲ့ သယ်ယူပို့ဆောင်ရေးဖြစ်တဲ့ ခရီးသည်တင်ကား၊ အိမ်စီးကား၊ ဆိုင်ကယ်၊ သုံးဘီး၊ လက်တွန်းလှည်း‌တွေကို ကုန်စည်ဖြတ်သန်းသွားလာခွင့်မပြုတော့ဘဲ တရားဝင်ကုန်စည်လမ်းကိုသာ ခွင့်ပြုတော့မယ်လို့ တရုတ်နိုင်ငံဘက်က မနေ့ နိုဝင်ဘာ ၉ရက်မှာ ထုတ်ပြန်ထားပါတယ်။

နယ်စပ်ကုန်သွယ်ရေးဂိတ်မှာ လုပ်ငန်းသုံး မဟုတ်တဲ့ကုန်စည်သယ်ယူမှုတွေကို တရုတ်ဘက်က မနက်ဖြန် နိုဝင်ဘာ ၁၁ရက်နေ့ကစပြီး ကန့်သတ်သွားမယ်လို့ ကျယ်ဂေါင်မှာ ကုန်ပစ္စည်းတင်သွင်းနေတဲ့ အမျိုးသားတစ်ဦးက ပြောပါတယ်။

"မနေ့တော့ တရုတ်ဘက်က စာထုတ်ထားတယ်။ သူတို့အဲဂိတ်တွေပိတ်ပြီး မန့်ဝိန်းဂိတ်ဘက် ပြန်ဖွင့်မယ်လို့တော့ ပြောတယ်။ မနက်ဖန် ၁၁ရက်နေ့စပြီး လုပ်မယ်လို့ပြောတယ်။ တရုတ်နာရီ ၈နာရီဆို မြန်မာနာရီဆို ၆ခွဲပေါ့။ ပစ္စည်းတင်ရင် အဲဒီမိန့်ဝိန်းဂိတ်ပဲထွက်ရမယ်"

တရုတ်ဘက်က ကုန်ပစ္စည်းတင်သွင်းတာ ပိတ်လိုက်တာကြောင့် ကျယ်ဂေါင်မှာ ပစ္စည်းတင်သွင်းနေတဲ့ အခြေခံလူတန်းစား ရာချီနဲ့လည်း အလုပ်လက်မဲ့ဖြစ်လာနိုင်တယ်လို့ သိရှိရပါတယ်။

တရုတ်ဘက် တင်သွင်းခွင့် ပိတ်ပင်လိုက်တာကြောင့် တရုတ် - မြန်မာ နယ်စပ်ဖြစ်တဲ့ မူဆယ်နဲ့ နမ့်ခမ်းမြို့မှာ စက်သုံးဆီနဲ့ စားသောက်ကုန်ပစ္စည်းတွေလည်း ပြတ်လပ်နေပါတယ်လို့ သိရှိရပါတယ်။

ပြီးခဲ့တဲ့ အောက်တိုဘာလ ၂၂ရက်နေ့မှာ မူဆယ်မြို့မှာရှိတဲ့ တရုတ်- မြန်မာ နယ်စပ်ဂိတ်ဖြစ်တဲ့ နန်းတော်ပေါက်နဲ့ဆင်ဖြူပေါက်ဂိတ်ဟာ တရုတ်ဘက်က ကုန်ပစ္စည်းတွေ တင်းတင်းကြပ်ကြပ် စစ်ဆေးပြီး သယ်ယူခွင့်ပိတ်ပင်ထားပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢နောင်ချိုနဲ့ ပြင်ဦးလွင်ကြားမှာ စစ်ကောင်စီနဲ့ TNLA အကြား တိုက်ပွဲဆက်လက်ပြင်းထန်နေ၊ ဒရုန်းကြောင့် ထိခိုက်မှုများခဲ့တဲ့ စစ်ကောင်စီတပ်ဟာ ဒရုန်းကို ပိုမိုအသုံးပြုလာနေ

မိုင်းရူပ၊ နိုဝင်ဘာ ၁၀ ရက်၊ နောင်ချို

ရှမ်းမြောက် နောင်ချိုနဲ့ မန္တလေးတိုင်း ပြင်ဦးလွင်ကြားရှိ ဂန့်ကော်ကျေးရွာမှာ စစ်ကောင်စီနဲ့ တအာင်းတပ်မတော်-TNLA တို့အကြား တိုက်ပွဲတွေ ဆက်လက်ပြင်းထန်နေတယ်လို့ မြေပြင်အခြေအနေ သိရှိသူတွေဆီက သိရပါတယ်။

စစ်ကောင်စီတပ်ဟာ ၎င်းလက်လွတ်ထားရတဲ့ နောင်ချိုမြို့ကို ပြန်ထိုးစစ်ဆင်ဖို့ နောင်ချိုမြို့နယ် ဘန်ဘွေးကျေးရွာကနေ ဂန့်ကော်ကျေးရွာဘက်ကို ထိုးစစ်ဆင်တိုက်ခိုက်နေတာဖြစ်ပြီး အဲဂန့်ကော်ရွာကို ပြန်လည်ထိန်းချုပ်ဖို့ TNLAဘက်ကလည်း ကြိုးစားနေတာ ဖြစ်ပါတယ်။

"ဂန့်ကော်ဘက်ကတော့ အင်အားထပ်ဖြည့်နေရတယ်။ စကစတွေဘက်က ဒရုန်းတွေနဲ့သုံးတိုက်နေလို့ အထိနာတာတွေရှိနေတယ်" လို့ မြေပြင်အခြေအနေ သိရှိတစ်ဦးက ရွှေဖီမြေကို ပြောပါတယ်။

နောင်ချိုနဲ့ ပြင်ဦးလွင်ကြားမှာ ပြီးခဲ့တဲ့ အောက်တိုဘာ တတိယအပတ်ကတည်းက စစ်ကောင်စီတပ်နဲ့ TNLA အကြား တိုက်ပွဲစတင်ဖြစ်ပွားခဲ့တာ ဖြစ်ပါတယ်။

စစ်ကောင်စီတပ်က ထိုးစစ် ရက် ၂၀ နီးပါးအတွင်း စစ်ကောင်စီတပ်ဟာ ဂန့်ကော်ကျေးရွာကို ထိန်းချုပ်နိုင်ခဲ့ပြီး တိုက်ပွဲအတွင်း နှစ်ဖက်အထိအခိုက်များခဲ့တယ်လို့ သိရပါတယ်။

နောင်ချိုမြို့နယ်က တိုက်ပွဲတွေနဲ့ ပတ်သက်ပြီး PSLF/ TNLA ရဲ့ ပြောရေးဆိုခွင့်ရှိသူကို စာပို့ဆက်သွယ်ခဲ့ပေမယ့် ပြန်လည် ဖြေကြားတာမရှိသလို စစ်ကောင်စီတပ်ဘက်ကလည်း နောင်ချိုမြို့နယ်က တိုက်ပွဲတွေနဲ့ ပတ်သက်ပြီး တစ်စုံတရာ သတင်းထုတ်ပြန်ထားတာ မရှိသေးပါဘူး။

ပြီးခဲ့တဲ့ သြဂုတ်ဒုတိယအပတ်ကတည်းက စစ်ကောင်စီနဲ့ TNLA အကြား တိုက်ပွဲစတင်ဖြစ်ပွားခဲ့တဲ့ စစ်ကောင်စီရဲ့အမြှောက်တ့်တွေ တည်ရှိရာ နောင်ချိုမြို့နယ် တောင်ခမ်းကျေးရွာမှာလည်း ၃ လကြာအထိ တိုက်ပွဲတွေ ဆက်ဖြစ်နေပါတယ်။

နောင်ချိုမြို့ကိုတော့ ပြီးခဲ့တဲ့ ဇူလိုင် ၁၀ ရက်ကတည်းက TNLA နဲ့ ပူးပေါင်းတပ်တွေက တိုက်ခိုက်သိမ်းပိုက် နိုင်ခဲ့တာ ဖြစ်ပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢TNLA ထိန်းချုပ်ထားတဲ့ ကျောက်မဲမြို့မှာ မူးယစ်ဆေးဝါး သုံးစွဲသူ ၃၀၀ ကျော်ကို အကျင့်စာရိတ္တပြုပြင်ရေးကျောင်းဖွင့်ပြီး မူးယစ်ဆေးဝါး တိုက်ဖျက်ပေးနေ

မိုင်းရူပ၊ နိုဝင်ဘာ ၁၀ ရက်၊ ကျောက်မဲ

တအာင်းတပ်မတော်-PSLF/TNLA ထိန်းချုပ်ထားတဲ့ ကျောက်မဲမြို့မှာ မူးယစ်ဆေးဝါး သုံးစွဲသူ ၃၂၀ ဦး
ကို အကျင့်စာရိတ္တပြုပြင်ရေးကျောင်းဖွင့်ပြီး မူးယစ်ဆေးဝါး တိုက်ဖျက်ပေးနေတယ်လို့ TNLA က မနေ့ နိုဝင်ဘာ ၉ ရက်မှာ ထုတ်ပြန်ထားပါတယ်။

ကျောက်မဲမြို့ရှိ မူးယစ်ဆေးဝါး ရောင်းဝယ်သုံးစွဲသူတွေကို PSLF/TNLA ရဲ့ မူးယစ်ဆေးဝါးတိုက်ဖျက်ရေးဌာနက လိုက်လံ ဖမ်းဆီးနေပြီး သုံးစွဲသူတွေကို အကျင့်စာရိတ္တပြုပြင်ရေးကျောင်းပို့ပြီး ရောင်းဝယ်သူတွေကိုတော့ အရေးယူသွားမယ်လို့ ဆိုပါတယ်။

မူးယစ်ဆေးဝါးသုံးစွဲသူတွေကို အကျင့်စာရိတ္တပြုပြင်ရေးကျောင်းမှာ ၆ လကြာ အကျင့်စာရိတ္တပြုပြင်ပေးသွားမယ်လို့ TNLA ရဲ့ ထုတ်ပြန်ချက်ထဲ ဖော်ပြထားပါတယ်။

ကျော်မဲမြို့ကို TNLA ထိန်းချုပ်ပြီးနောက်ပိုင်း မူးယစ်ဆေးဝါးသုံးစွဲသူတွေသိသိသာသာလျော့နည်းလာပြီး လမ်းဘေးမှာ မူးယစ်ဆေးဝါးတွေကို ပေါ်ပေါ်တင်တင်သုံးစွဲသူတွေ လျော့နည်းလာတာကို ကျောက်မဲဒေသခံ အမျိုးသားတစ်ဦးက ရွှေဖီမြေကို ပြောပါတယ်။

"သူခိုးနည်းသွားတယ်။ လမ်းဘေးမှာ ဆေးပေါ်တင်ထိုးသုံးစွဲတာ မတွေ့ရတော့ဘူးပေါ့။ ဆေးခိုးသုံးနေတဲ့ သားသမီးဆိုးတွေ မိဘကိုယ်တိုင်အပ်လိုက်ရင်လည်း ဖမ်းတယ်။ ခါတိုင်းတိုင်လည်း မဖမ်းဘူး။ လမ်းဘေးအိပ်စား နည်းသွားတာထက်မရှိသလောက်ဖြစ်သွားတာတွေ့ရပါတယ်"

ကျောက်မဲမြို့ကို ပြီးခဲ့တဲ့ သြဂုတ် ၅ ရက်မှာ TNLA က တိုက်ခိုက်သိမ်းပိုက်နိုင်ခဲ့ပြီး ၎င်းတို့ရဲ့ အုပ်ချုပ်ရေးယန္တရားတွေ စတင်အကောင်အထည် ဖော်နေပြီလည်း ဖြစ်ပါတယ်။

#ဓာတ်ပုံ - TNLA

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

https://youtu.be/O_UhpQcpAFg

🟢စစ်ကောင်စီတပ်က ကျွန်းလှက ဘအင်းသရက်တောရွာခံ ၂ ဦးကို သတ်ဖြတ်ပြီး ၃ ဦးကို ဖမ်းဆီးသွား

လွေးဇွန်မိုး၊ နိုဝင်ဘာ ၉ ရက်၊ စစ်ကိုင်း

စစ်ကိုင်းတိုင်း ကျွန်းလှမြို့နယ် ဘအင်းသရက်တောရွာကို မီးရှိုးဖျတ်ဆီးခဲ့တဲ့ စစ်ကောင်စီတပ်နဲ့ပျူစောထီးတွေက ဒေသခံ အမျိုးသား ၂ ဦးကို သတ်ဖြတ်သွားပြီး ​ ဒေသခံ ၃ ဦးကို ဖမ်ဆီးခေါိဆောင်သွားခဲ့တယ်လို့ ကျွန်းလှတက်ကြွလှုပ်ရှားသူများအဖွဲ့က မနေ့ နိုဝင်ဘာ ၈ ရက်မှာ ထုတ်ပြန်ထားပါတယ်။

မနေ့ နိုဝင်ဘာ ၈ ရက် မနက် ၃ နာရီမှာ ဘအင်းသရက်တောရွာထဲကို စစ်ကောင်စီစစ်ကြောင်းကဝင်ရောက်ခဲ့ပြီး ဖမ်းဆီးခံရသူထဲမှာ အမျိုးသမီးလည်း ပါဝင်ပြီး ဖုန်းလိုင်းမရတာကြောင့် သတ်ဖြတ်ခံရသူတွေနဲ့ ဖမ်းဆီးခံရသူတွေရဲ့ အချက်အလက် အသေးစိတ်ကိုတော့ မသိရသေးဘူးလို့ ကျွန်းလှကန့်ဘလူ တက်ကြွလှုပ်ရှားသူများအဖွဲ့ တာဝန်ခံက ရွှေဖီမြေကို ပြောပါတယ်။

"အဲဒီဒေသခံတွေက ဘအင်းသရက်တောက စစ်ကြောင်းက ကျွန်းလှပြန်ဝင်သွားပြီဆိုရင် (ရွာ)ပြန်ဝင်လောက်ပြီထင်ပါတယ်။ ဒီနေ့တော့ ပြန်ဝင်လောက်ပြီရှင့်။ ဒါပေမယ့် ကျမတို့တွေက ဖုန်းလိုင်းတွေပျက်နေတဲ့အခါကျတော့ ချိတ်ဆက်ဖို့အရမ်း ခက်ခဲနေတယ်ပေါ့နော်။ ဘာမှအကျိုးအကြောင်းမေးလို့မရဘူးဖြစ်နေတယ်​။ မနက်ဖန်တော့ ကျမတို့ ထပ်ကြိုးစားကြည့်ရမှာပေါ့ရှင်"

ကန့်ဘလူမြို့နယ် တင့်ကားတပ်ရင်း (တကရ ၆၀၀၆)တပ် စစ်ကောင်စီစစ်တပ်သားနဲ့ ပေကုန်းရွာမှာရှိတဲ့ ပျူစောထီးတွေပေါင်းပြီး အင်အား ၁၂၀ ခန့်ရှိတဲ့ စစ်ကြောင်းက ကံပေါက်တောကျောင်းကနေတဆင့် ဘအင်းသရက်တောရွာထဲကို  စစ်ကြောင်းထိုးဝင်ရောက်လာတာလို့ ဆိုပါတယ်။

ပြီးခဲ့တဲ့ ၂၀၂၃ ခုနှစ် ဇန်နဝါရီ ၃၀ ရက်မှာလည်း စစ်ကောင်စီတပ်က ဘအင်းသရက်တောရွာက  နေအိမ် ၃၃ လုံးအပါအဝင် တောင်ယာဆပ်ကျေးရွာအုပ်စုက နေအိမ်ပေါင်း ၁၂၇ လုံး မီးရှို့ဖျတ်ဆီးသွားခဲ့တယ်လို့ ဆိုပါတယ်။

စစ်တပ်အာဏာသိမ်းပြီး ၃ နှစ်ကျော်ကာလအတွင်း စစ်ကောင်စီတပ်နဲ့ ၎င်းတို့ရဲ့လက်အောက်ခံတပ်တွေ မီးရှိုးဖျတ်ဆီးမှုကြောင့် နိုင်ငံတစ်ဝှမ်းကအရပ်သား နေအိမ်ပေါင်း ၁ သိန်းကျော်ပျက်စီးခဲ့ရပြီး အဲဒီအထဲမှာ စစ်ကိုင်းတိုင်းက နေအိမ်ပေါင်း ၇ သောင်းကျော်(၇၃၁၁၄)နဲ့ ပျက်စီးမှုအများဆုံးဖြစ်တယ်လို့ Data for Myanmar ရဲ့ စက်တင်ဘာ၁၇ ရက်ထုတ်ပြန်ချက်အရ သိရပါတယ်။

ဓာတ်ပုံ - ကျွန်းလှတက်ကြွလှုပ်ရှားသူများအဖွဲ့

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢နမ့်ခမ်းမှာ ခရမ်းချဉ်သီး တစ်ပိဿာ ၁သောင်းထိ ရောက်လာ

ပို့လဘား၊ နိုဝင်ဘာ ၉ရက်၊ နမ့်ခမ်း

ရှမ်းမြောက်၊ နမ့်ခမ်းမြို့မှာ ခရမ်းချဉ်သီး တစ်ပိဿာကို ၁သောင်းကျပ်ထိ ရောက်ရှိလာနေတယ်လို့ သိရှိရပါတယ်။

ပြီးခဲ့တဲ့ အောက်တိုဘာလ တတိယပတ်မှာ တရုတ်ဘက်က ကုန်ပစ္စည်းတွေ တင်ခွင့်ပိတ်ပင်လိုက်တာကြောင့် ကုန်ပစ္စည်းတွေလည်း အဆမတန်မြင့်တက်လာတယ်လို့ နမ့်ခမ်းမြို့ခံတစ်ဦးက ပြောပါတယ်။

"ခုတလော ဘာမဆို ဈေးကြီးနေတာ။ ဟိုနေ့ ခရမ်းချဉ်သီးသွားဝယ်တာ ၉ထောင်ပဲရှိတယ်။ မနေ့က၁သောင်းတောင်တက်သွားတာ။ စားသုံးဆီလည်း တစ်ဗူးကို ၅သောင်းကျော်နေပြီ။ တရုတ်ငွေကတော့ မတက်ဘူး။ ပစ္စည်းပြတ်နေလို့"

တရုတ်ဘက်က ကုန်ပစ္စည်းတင်ခွင့် မပိတ်ခင်မှာ ခရမ်းချဉ်သီး တစ်ပိဿာကို ၄၅၀၀၊ ၅၀၀၀ ဝန်းကျင်သာရှိပြီး ဆီတစ်ဗူးကို ၃သောင်းဝန်းကျင်ရှိနေတယ်လို့ သူကပြောပါတယ်။

အလားတူ မူဆယ်မြို့မှာလည်း ခရမ်းချဉ်သီး တစ်ပိဿာ ၃၀၀၀၊၃၅၀၀ ကနေ ၈၀၀၀၊၁၀၀၀၀ဝန်းကျင်ရှိနေတယ်လို့ မူဆယ်မြို့ခံတစ်ဦးက ပြောပါတယ်။

"ကျယ်ဂေါင်မှာ အကြာကြီးတန်းစီ စောင့်နေရလို့ ၃ ည ၄ ညမှ ထွက်လို့ရတာ။ အဲကြောင့် အသီးအရွက်တို့ကျတော့ ပုန်ကုန်လွယ်တာလေ။ မူဆယ်ဘက်ထွက်လို့ရတဲ့ချိန် အကုန်လွင့်ပစ်ရတယ်"

တရုတ်ဘက်က တင်သွင်းခွင့် ပိတ်ပင်လိုက်တာကြောင့် တရုတ်- မြန်မာ နယ်စပ်ဖြစ်တဲ့ မူဆယ်မြို့နဲ့ နမ့်ခမ်းမြို့မှာစားသောက်ကုန်ပစ္စည်းအပြင် စက်သုံးဆီတွေလည်း ပြတ်လပ်နေတယ်လို့ သိရှိရပါတယ်။

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢မင်းတပ်မြို့မှာ စစ်ကောင်စီတပ်က သုံးနေရာထက်မနည်း နေအိမ်တွေကို မီးရှို့ဖျက်ဆီး

အိုက်ပွီး၊ နိုဝင်ဘာလ ရက်၊ မင်းတပ်

ချင်းပြည်နယ်၊ မင်းတပ်မြို့မှာ စစ်ကောင်စီတပ်က တစ်ရက်တည်း သုံးနေရာထက်မနည်း နေအိမ်တွေ မီးရှို့ဖျက်ဆီးနေတယ်လို့ ဒေသခံတွေဆီက သိရပါတယ်။

မီးရှို့ခံရတဲ့နေရာတွေဟာ မြို့မရဲစခန်းရှေ့၊ ဆောက်လုပ်ရေးဝန်း အနောက်ဘက်ခြမ်းနဲ့ မင်းတပ်မြို့အနောက်ရပ်ကွက် ကန်ပက်လက်လမ်းခွဲနေရာတွေဖြစ်ပါတယ်။

ဒီနေ့မနက် ၉ နာရီအချိန်ကစပြီး စစ်ကောင်စီတပ်နဲ့ ရဲတပ်ဖွဲ့ဝင်တွေက နေအိမ်တွေကို မီးရှို့တာလို့ ဒေသခံအမျိုးသားတစ်ဦးက ရွှေဖီမြေသို့ ပြောပါတယ်။

"မီးရှို့ခံရတာက သုံးနေရာပါ။ မြို့မရဲစခန်းအနားက မီးတွေက နှစ်နာရီလောက် လောင်ပြီးမီးငြိမ်သွားပါပြီ။ ကျန်တဲ့နေရာတွေက မီးခိုးတွေ ထွက်နေသေးပါတယ်။ ဘယ်နှစ်အိမ်လောက် လောင်တယ်ဆိုတာမသိရသေးဘူး။ မကြည့်ရဲသေးဘူး။"

မီးရှို့ခံရတဲ့နေရာတွေဟာ စစ်ကောင်စီတပ်ဖွဲ့ဝင်တွေ ခြေကုပ်နေရာယူ တပ်စွဲထားတဲ့ အနီးအနားက နေအိမ်တွေဖြစ်ပါတယ်။

အဲ့ဒီနေရာတွေမှာ တပ်စွဲထားတဲ့ စစ်ကောင်စီတပ်ဖွဲ့ဝင်တွေဟာ မကြာခဏပစ်ခတ်ခံရတဲ့အတွက် ပစ်ကွင်းရှင်းအောင် နေအိမ်တွေ မီးရှို့ဖျက်ဆီးတာလို့ ဒေသခံတစ်ဦးက ရွှေဖီမြေသို့ပြောပါတယ်။

"မင်းတပ်မှာ အခုရက်ပိုင်း ပစ်ခတ်မှုတွေ အမြဲရှိတယ်။ အဲ့ဒီအတွက် စစ်သားတွေက သူတို့လုံခြုံရေးအတွက် ရှေ့မြင်ကွင်းတွေ၊ ပစ်ကွင်းတွေရှင်းအောင် နေအိမ်တွေမီးရှို့တဲ့သဘောပါ။"

မင်းတပ်မြို့မှာ ယခုလ နို၀င်ဘာ ၃ ရက်နေ့ကလည်း ဆည်မြောင်းရုံး၀န်းရှိ ၀န်ထမ်းအိမ်ရာတွေကို စစ်ကောင်စီတပ်က မီးရှို့ဖျက်ဆီးခဲ့ပြီး နေအိမ် ၅လုံးထက်မနည်း ပြာကျသွားပါတယ်။

ဒီနေ့ နေ့လည်အချိန်မှာလည်း မင်းတပ်မြို့မှာ ပစ်ခတ်သံတွေကြားနေရပြီး စစ်ကောင်စီကလည်း လက်နက်ကြီးကျည်တွေ ရမ်းသမ်းပစ်ခတ်နေတယ်လို့ သိရပါတယ်။

#ဓာတ်ပုံ- Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

မူဆယ်က ဂိမ်းဆိုင်မှာ အလုပ်လုပ်နေတဲ့ မန်တုံက လူငယ်အမျိုးသားတစ်ဦး မိသားစုနဲ့ဆက်သွယ်မရဘဲ ပျောက်ဆုံးနေ

နိုဝင်ဘာ ၆ ရက်၊ မူဆယ်

ရှမ်းမြောက် မန်တုံမြို့နယ် တန်တေးကျေးရွာမှာ နေထိုင်တဲ့ လူငယ်အမျိုးသားတစ်ဦးဟာ မူဆယ်မြို့မှာ အလုပ်သွားလုပ်ရင်းနဲ့ ၁၂ရက် အကြာ အဆက်အသွယ်ပြတ်သွားတာကြောင့် မိသားစုဝင်တွေက စိတ်ပူနေကြတယ်လို့ ပြောပါတယ်။

အဲဒီအမျိုးသားဟာ မိုင်းလှိုင်ခမ်း(၁၉ နှစ်)ဆိုသူဖြစ်ပြီး သူဟာ ပြီးခဲ့တဲ့ အောက်တိုဘာ ၂၆ ရက်မနက်ပိုင်းမှာ တုံကင်ယူဖို့ ထွက်သွားတဲ့အချိန်မှာ ယခုအချိန်အထိ ဆက်သွယ်မရဘူးလို့ အစ်ကိုဖြစ်သူက ဆိုပါတယ်။

အစ်ကိုဖြစ်သူက “သူမူဆယ်က ဂိမ်းဆိုင်တစ်ခုမှာ အလုပ်လုပ်တာ။ ပြီးခဲ့တဲ့ ၂၆ ရက်က တုံကင်သွားယူမယ်ဆိုပြီး သူရဲ့ လောပန်းဆီကို ပြောသွားတယ်။ မှတ်ပုံတင်လည်း ထုတ်သွားတယ်တဲ့။ အဲနေ့ကနေ အချိန်ထိ ဆက်သွယ်မရဘူး။ အမေလည်း သူ့ကို စိတ်ပူနေတာ။ လိုင်းပေါ်လည်း မတက်၊ ဖုန်းလည်း စက်ပိတ်ထားတာ” လို့ ပြောပါတယ်။

အစ်ကိုဖြစ်သူက မိုင်းလှိုင်ခမ်းနဲ့ အဆက်သွယ်မရတာကြောင့် မူဆယ်ကိုတက်လာပြီး သုံးရက်ကြာခဲ့ပေမယ့် အခုချိန်ထိ ရှာမတွေ့ခဲ့ဘူးလို့ သိရပါတယ်။

မိသားစုဝင်တွေ စိတ်ပူနေတာကြောင့် မိုင်းလှိုင်ခမ်းကို တွေ့ရှိတဲ့သူတွေအနေနဲ့လည်း အစ်ကိုဖြစ်သူရဲ့ ဖုန်း - 09 404 033 082 သို့ ဆက်သွယ်ပေးဖို့ မိသားစုဝင်တွေက တောင်းဆိုထားပါတယ်။

#လူပျောက်ဆုံး #လူငယ် #မူဆယ်

🟢ကနီမြို့မိသားစုလိုက် သတ်ဖြတ်ခံရမှု ဖြစ်စဥ်အမှုမှန် ပေါ်ပေါက်တဲ့ထိ NUG ဖော်ထုတ်သွားမည်

ရွှေဖီမြေ၊ နိုဝင်ဘာ ၆၊ ကနီမြို့

အမျိုးသား ညီညွတ်ရေး အစိုးရ (NUG) လက်အောက်ခံ စစ်ကိုင်းတိုင်း ပညာရေးဘုတ်အဖွဲ့တာဝန်ခံ ဦးဝင်းဌေးအပါ မိသားစုဝင် ၃ ဦး မတရား သတ်ဖြတ်ခြင်း ခံခဲ့ရပြီး အမှုမှန်ပေါ်ပေါက်တဲ့ထိ ဖော်ထုတ်သွားမယ်လို့ NUG ရဲ့ ပညာရေးဝန်ကြီးက နိုဝင်ဘာ ၅ ရက်နေ့မှာ ထုတ်ပြန်ခဲ့ပါတယ်။

ဖြစ်စဥ်ဟာ စစ်ကိုင်းတိုင်း ဒေသကြီး၊ ကနီမြို့နယ်၊ တပုန်းကျေးရွာ နေအိမ်မှာ နိုဝင်ဘာ ၄ ရက် ညနေက ဖြစ်ပွားခဲဲ့ပြီး ပညာရေး ဘုတ်တာဝန်ခံ ဦးဝင်းဌေးနဲ့ အတူ ဇနီးဒေါ်ခြိမ့်ခြိမ့်သဲဝေ၊ သုံးလအရွယ်သမီးငယ် မရွှေဝတ်ရည်လွှာတို့ သတ်ခံရပြီး သေဆုံးခဲ့ပါတယ်။

အမျိုးသား ညီညွတ်ရေးအစိုးရ - NUG၊ ပညာရေးဝန်ကြီး ဌာနအနေနဲ့ အခုလို ရက်စက်စွာ မတရားသတ်ဖြတ်ခြင်း ခံရတဲ့အပေါ် ကျန်ရစ်သူ မိသားစုဝင်တွေနဲ့ ထပ်တူခံစားရပြီး ဝမ်းနည်းကြေကွဲရကြောင်း သဝဏ်လွှာထဲ ရေးသားထားပါတယ်။

NUG - လက်အောက်ခံ ပညာရေး ဝန်ကြီးဌာန အနေနဲ့ ဒီဖြစ်စဥ်နဲ့ပတ်သက်ပြီး အမှုမှန်ပေါ်ပေါက်တဲ့ထိ သက်ဆိုင်ရာ အဖွဲ့အစည်း အသီးသီးနဲ့ ပူးပေါင်းကာ အမိန့်ပေးစေခိုင်းသူတွေ၊ ကျူးလွန်းသူတွေကို တစိုက်မတ်မတ် ဖော်ထုတ်သွားမှာ ဖြစ်ကြောင်း ပါဝင်ပါတယ်။

သေဆုံးသူ ဆရာဦးဝင်းဌေးဟာ အမှန်တရားဘက်က ရပ်တည်ပြီး တိုင်းပြည်ကောင်းကျိုး၊ ဒေသကောင်းကျိုးတွေအတွက် ကိုယ်ကျိုးမကြည့်ဘဲ ဆောင်ရွက်သူတစ်ဦးဖြစ်ပြီး အခုလို တရားလက်လွှတ် ရက်ရက်စက်စက် သတ်ဖြတ်ခံခဲ့ရတဲ့အပေါ် အပြင်းအထန် ကန့်ကွက်ရှုတ်ချကြောင်း ဖော်ပြထားပါတယ်။

ဒါ့အပြင် ဦးဌေးဝင်းနဲ့ မိသားစု သတ်ဖြတ်ခံရတဲ့
အပေါ် ဖြစ်စဥ်အသေးစိတ်ကို မှတ်တမ်းတင်သွားမှာ ဖြစ်ပြီး သေဆုံးသွားသူတွေအတွက် တရားမျှတမှု ရရှိအောင် ထိထိရောက်ရောက် ကြိုးပမ်းဆောင်ရွက် သွားမှာဖြစ်ကြောင်း ထုတ်ပြန်ချက်ထဲ ကတိကဝတ်ပြုထားပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢မိုးကုတ်ဝင်တဲ့ လမ်းတွေ ပိတ်ထားလို့ လမ်းလွှဲတွေ
ကနေ သွားလာနေရလို့ အချိန်နဲ့ ငွေကြေးကုန်ကျမှု ၂ ဆနီးပါး ပိုများလာ

အင်းငယ်၊ နိုဝင်ဘာ ၆၊ မိုးကုတ်

မန္တလေးတိုင်း၊ မိုးကုတ်မြို့ကိုဝင်တဲ့ လမ်းဖြစ်တဲ့ စစ်ကိုင်း - သစ်ဆိပ် - ရွှေပြည် - လက်ပံလှလမ်းလွှဲကို နိုဝင်ဘာလ ၃ ရက်နေ့ကတည်းက တိုက်ပွဲတွေကြောင့် ပိတ်ဆို့ထားတယ်လို့ ယာဉ်မောင်းတွေက ပြောပါတယ်။

မန္တလေး - ပြင်ဦးလွင် - မိုးကုတ်လမ်းကို ဩဂုတ်လပိုင်းကတည်းက ပိတ်ထားတာကြောင့် စစ်ကိုင်းလမ်းလွှဲက သွားလာခဲ့ရပြီး လက်ရှိမှာ အဲဒီ လမ်းလွှဲကို ထပ်မံ ပိတ်ဆို့လိုက်တာပဲ ဖြစ်ပါတယ်။

မိုးကုတ်ကနေ ပြန်ဆင်းမယ့်ကားတွေက ရွှေဘို - ကျောက်တန်း - မောင်းကုန်း - တကောင်း - သျှားတော လမ်းလွှဲကနေ သွားလာနေရပြီး အချိန်နဲ့ ငွေကြေးကုန်ကျမှု ၂ ဆနီးပါး ပိုတယ်လို့ ယာဉ်မောင်း တစ်ဦးက ပြောပါတယ်။

“စစ်ကိုင်းကနေ ကူးတာကြတော့ မတ္တရာရဲ့ အပေါ်ဘက် စဉ့်ကူးရဲ့ အောက်ကနေ ကူးတာ။ မြစ်ရဲ့ အနောက်ဘက်လမ်းကနေ မြစ်ရဲ့ အရှေ့ဘက်လမ်းကို ပြန်ကူးရတာ။ အဲဒီ ကူးတို့ခက သိပ်မရှိဘူး။ အခုလမ်းက မြစ်ကြီးနားကို အရင်တက်ရတာ။ အဲဒီကနေ ကသာရောက်ခါနီးမှ ဧရာဝတီမြစ်ကို ကူးပြီး ဗန်းမော်လမ်းကို ပြန်သွားရတာ။ အဲဒီ လှေဆိပ်မှာက ကူးတို့ခ တော်တော်ဈေးကြီးတယ်”

အရင် စစ်ကိုင်းလမ်းလွှဲတုန်းက ကူးတို့ခအနေနဲ့ ကားသေး ၂ သိန်း၊ ကားလတ် ၄ သိန်း၊ ကားကြီး ၈ သိန်းခန့်သာ ကုန်ကျခဲ့ရက လက်ရှိလမ်းပိုင်း ကသာဆိပ်ကမ်းမှာတော့ ကားသေး ၄ သိန်း၊ ကားလတ် ၆ သိန်း၊ ကားကြီး ၁၂ သိန်းအထိ ၂ ကုန်ကျနေတယ်လို့ သူက ဆက်ပြောပါတယ်။

ယာဉ်လိုင်းတွေဘက်က ကူးတို့ခ ပိုပေးရတဲ့ နောက်ဆက်တွဲ အနေနဲ့ ကားခဈေးတက်လာပြီး အရင် နောက်ခန်း ၂ သိန်း၊ ရှေ့ခန်း ၃ သိန်း၊ အံစာတုံး တစ်သိန်းခွဲခန့်သာ ကုန်ကျခဲ့တဲ့ ယာဉ်လိုင်းတွေက လက်ရှိမှာ နောက်ခန်း ၃ သိန်းခွဲ၊ ရှေ့ခန်း ၄ သိန်းခွဲ၊ အံစာတုံး ၂ သိန်းခွဲအထိ ကုန်ကျနေတာပါ။

ဒါ့အပြင် အရင်စစ်ကိုင်းလမ်းလွှဲက သွားရတာထက် ၈ နာရီခန့်ပိုကြာတာ၊ တချို့ရက်တွေမှာ ကမ်းကူးဖို့အတွက် ၃ ရက်အထိ စောင့်ဆိုင်းရတာတွေကြောင့် မလိုလားအပ်တဲ့ နှောင့်နှေးကြန့်ကြာမှုတွေ ကြုံနေရတယ်လို့ ဆိုပါတယ်။

“မဖြစ်မနေလူတွေလောက်ပဲ သွားလာကြတာပါ။ ကုန်သည်တို့ ဝန်ထမ်းတို့ပေါ့။ ကားခက လေယာဉ်ခထက်တောင် ဈေးကြီးနေတာလေ။ ရွှေဘိုဘက်က တော်လှန်ရေးဂိတ်တွေလည်း တိုးလာတော့ မနည်းဘူး ပေးရတယ်” လို့ မိုးကုတ်မြို့ အနောက်ပိုင်း ဒေသခံ တစ်ဦးက ပြောပါတယ်။

မန္တလေး -ကျောက်ဆည် - ရွာငံ - ရပ်စောက် - ကျောက်ဂူ - နမ့်လန် ကျောက်မဲလမ်းနဲ့ မန္တလေး - ရွှေဘို - ကသာ - ငါးအိုး - မဘိမ်းလမ်းပိုင်း ၂ ခုကနေလည်း ယာဉ်လိုင်းတချို့ သွားလာကြပြီး ဘယ်လမ်းလွှဲမဆို စစ်ကိုင်းလမ်းလွှဲက သွားလာတာထက် အချိန်နဲ့ ငွေကြေးပိုမိုကုန်ကျတယ်လို့ သိရပါတယ်။

လမ်းပိတ်တဲ့ နောက်ဆက်တွဲအနေနဲ့ အခြားလမ်းလွှဲတွေကနေ သွားလာရတာကြောင့် ကုန်စည်စီးဆင်းမှု နှောင့်နှေးလာပြီး ကုန်ဈေးနှုန်းထပ်တက်မှာကို မြို့ခံတွေက စိုးရိမ်နေကြပါတယ်။

#ဓာတ်ပုံ- Local(ပုံဟောင်း)

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢နမ့်လန်မှာ လက်နက်ကြီး ကျရောက်ပေါက်ကွဲလို့ ကလေးငယ် ၂ ဦးဒဏ်ရာရ

မိုင်းပန်ပျော်၊ ‌နိုဝင်ဘာ ၆ ရက်၊ နမ့်လန်

ရှမ်းမြောက် သီပေါမြို့နယ် နမ့်လန်မြို့ထဲမှာ လက်နက်ကြီးကျရောက်ပေါက်ကွဲလို့ ကလေးငယ် ၂ ဦး ဒဏ်ရာရခဲ့တယ်လို့ ရွှေဖီမြေက သိရှိရပါတယ်။

မနေ့က နိုဝင်ဘာ ၅ ရက် နေ့လယ် ၂ နာရီဝန်းကျင် နမ့်လန်မြို့ ကောင်းလန်းရပ်ကွတ်မှာ လက်နက်ကြီးကျရောက်ပေါက်ကွဲခဲ့တာကြောင့် အသက် ၁၀ နှစ်ဝန်းကျင်အရွယ် ကလေး‌ငယ်နှစ်ယောက်ကို ထိမှန်ပြီး ဒဏ်ရာရခဲ့တယ်လို့ ‌ဒေသခံအမျိုးသမီးတစ်ဦးက ရွှေဖီမြေကိုပြောပါတယ်။

‌နမ့်လန်မြို့ ဒေသခံအမျိုးသမီးတစ်ဦးက"မနေ့ နေလယ် ၂ နာရီကျတယ်။ တောင်ရပ်ကွတ်ကောင်လန်းအဆပ်နား တစ်လုံးကျ‌တယ် ကလေး နှစ်ယောက်ထိတယ် ပန်ဟိုက်မှာ တစ်လုံးကျတယ် လူတော့မထိဘူး အိမ်တွေပဲထိတယ်" လို့ ဆိုပါတယ်။

ပြီးခဲ့တဲ့ အောက်တိုဘာအတွင်းမှာ စစ်ကောင်စီက နမ့်လန်မြို့မှာ ဆက်တိုက်အင်အားဖြည့်နေပြီး နမ့်လန်မြို့ပတ်ပတ်လည်မှာ စစ်ကောင်စီတပ်သားတွေက နေရာတော်တော်များများယူထားပြီး အဲလက်နက်ကြီးကို ကိုးကနမ့တပ်ဘက်ြ ပစ်ခတ်လိုက်တာဖြစ်တယ်လို့ တဆိုပါတယ်။

နမ့်လန်မြို့မှာ ပြီးခဲ့တဲ့ စက်တင်ဘာ ၂၉ ရက်တုန်းက စစ်ကောင်စီနဲ့ MNDAA တို့ကြားတိုက်ပွဲဖြစ်ပွားခဲ့ပြီး ခရီးသည် အမျိုးသား ၂ ဦးသေဆုံးခဲ့တယ်လို့ သိရပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢သီပေါမှာ လက်နက်အကြွင်းအကျန်နဲ့ မြေမြုပ်မိုင်းကြောင့် အရပ်သား ၁ ဦးသေဆုံးပြီး ၂ ဦးဒဏ်ရာရ၊ လက်နက်အကြွင်းအကျန်နဲ့ မိုင်းရှင်းလင်းရေးလုပ်ပေးဖို့ ဒေသခံတွေ တောင်းဆို

မိုင်းရူပ၊ နိုဝင်ဘာ ၆ ရက်၊ သီပေါ

တအာင်းတပ်မတော်-TNLA ထိန်းချုပ်ထားတဲ့
ရှမ်းမြောက် သီပေါမြို့မှာ ဒေသခံ ၃ ဦး မိုင်းနင်းမိပြီး ၁ ဦးသေဆုံးကာ ၂ ဦးဒဏ်ရာရခဲ့တယ်လို့ ဒေသခံတွေက ပြောပါတယ်။

ပြီးခဲ့တဲ့ အောက်တိုဘာ ၂၉ ရက်မှာ တုံစင့်ရွာခံ အမျိုးသားတစ်ဦးက နေအိမ်အနီးမှာ မြက်ရှင်းနေစဥ် မပေါက်ကွဲသေးတဲ့ လက်နက်ကြီးကို ဓားနဲ့ခုတ်မိပြီး ပေါက်ကွဲမှုဖြစ်ကာ ပွဲချင်းပြီးသေဆုံးခဲ့ပါတယ်။

ဒါ့အပြင် ပြီးခဲ့တဲ့ နိုဝင်ဘာ ၁ ရက်မှာ ကုန်စုံရွာခံဖြစ်တဲ့ အသက် ၄၀ကျော် ဦးအကြိုင်းနဲ့ အသက် ၅၀ ကျော် ဦးအလှ ဆိုသူဟာ တောထဲမှိုသွားရှာစဥ် မိုင်းနင်းမိပြီး ဦးအလှဆိုသူခြေထောက်တစ်ဖက်ပြတ်ထွက်သွားပြီး ဦးအကြိုဆိုသူပေါင်မှာ ဒဏ်ရာရခဲ့ပါတယ်။

"မှိုသွားရှာရင်း နင်းမိတာ။ ဦးအလှက အရင်နင်းမိတာ။ ခြေတစ်ဖက်က ဖြတ်ရတော့မှာတော့ အခု လားရှိုးဆေးရုံမှာ ပို့ထားတယ်" လို့ မိုင်းနင်းမိတဲ့ ဦးအကြိုင်းက ရွှေဖီမြေ ပြောပါတယ်။

ဒေသခံ မိုင်းနင်းမိတဲ့နေရာဟာ အရင်က စစ်ကောင်စီရဲ့ ခြေလျင်တပ်ရင်း-၂၃ တပ်အနီးမှာဖြစ်ပြီး သက်ဆိုင်ရာတွေအနေနဲ့ လက်နက်ကြီးအကြွင်းအကျန်တွေနဲ့ မြေမြုပ်မိုင်းကို ရှင်းလင်းပေးဖို့ ဒေသခံတွေ တောင်းဆိုနေကြပါတယ်။

"မပေါက်ကွဲသေးတဲ့ လက်နက်တွေလည်း ရှိသေးတယ်။ တချို့က တာယာတွေနဲ့ အုပ်ထားတာ" လို့ သီပေါမြို့ရှိ လူမှုကူညီရေးအသင်းတစ်ခုရဲ့ တာဝန်ရှိသူတစ်ဦးက ပြောပါတယ်။

သီပေါမြို့ဟာ စစ်ကောင်စီတပ်နဲ့ တအာင်းတပ်အကြား တိုက်ပွဲအပြင်းအထန် ဖြစ်ပွားခဲ့တဲ့နေရာဖြစ်ပြီး ပြီးခဲ့တဲ့ စက်တင်ဘာ ၁၃ ရက်မှာ သီပေါမြို့ကို TNLA က အပြီးသတ်တိုက်ခိုက်သိမ်းပိုက်နိုင်ခဲ့တာ ဖြစ်ပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢TNLA ထိိန်းချုပ်ဒေသတွေမှာ တင်သွင်းလာတဲ့ သွင်းကုန် ပို့ကုန်အပေါ် အခွန်ကင်းလွတ်ခွင့်ပြုမယ်လို့ TNLA ပြော

လွေးလာဝ်ဇာရ်၊ နိုဝင်ဘာ ၆ ရက၊ ရှမ်းမြောက်

TNLA တိုက်ခိုက်သိမ်းပိုက်ထားတဲ့ ဒေသအတွင်းကို တင်သွင်းလာတဲ့ သွင်းကုန် ပို့ကုန်အပေါ် အခွန်ကင်းလွတ်ခွင့်ပြုမယ်လို့ ပလောင်ပြည်နယ် လွတ်မြောက်တပ်ဦး(PSLF/TNLA)က မနေ့ နိုဝင်ဘာ ၅ ရက်က သတင်းထုတ်ပြန်ပါတယ်။

TNLA ရဲ့ အကောက်ခွန်ဌာနကနေမှ ဒေသခံပြည်သူလူထုတွေရဲ့ အခက်အခဲတွေကို ဖြေရှင်းနိုင်ရန်အတွက် အောက်တိုဘာ ၂၅ ရက်ကနေစပြီး ညွန်ကြားစာ ပြန်ပြီး မရုပ်သိမ်းနေသ၍တော့ အခွန်ကင်းလွတ်ခွင့်ထဲ အကျုံးဝင်တယ်လို့ TNLA ရဲ့ ပြောရေးဆိုခွင့်ရှိသူ လွေးယေဦးက ဆိုပါတယ်။

ပြောရေးဆိုခွင့်ရှိသူ လွေးယေဦးက “ဒီအခွန်ကင်းလွတ်ခွင့်နဲ့ ပတ်သက်ပြီးတော့မှ ကျမတို့ ထုတ်ပြန်ထားတဲ့အတိုင်းဘဲ အောက်တိုဘာ ၂၅ ရက်နေ့ကနေစတင်ပြီးတော့မှ လက်ရှိအချိန်အထိ အကျုံးဝင်တာဖြစ်တယ်။ ဒီညွှန်ကြားစာသည် ကျမတို့ပြန်ပြီးတော့မှ ညွှန်ကြားမှုအထိ မရှိသေးသ၍ အကျုံးဝင်တာ ဖြစ်တယ်” လို့ ပြောပါတယ်။

မြန်မာပြည်ကနေမှ တအာင်းပြည်အတွင်း တင်သွင်းတဲ့ သွင်းကုန်တွေဖြစ်ကြတဲ့ စားသောက်ကုန်ပစ္စည်း၊ စက်သုံးဆီအမျိုးမျိုး၊ အိမ်သုံးကုန်ပစ္စည်းတွေနဲ့ တအာင်းပြည်အတွင်း အချင်းချင်းကူးသန်းရောင်းဝယ်မှုတွေသာ အကျုံးဝင်တယ်လို့ ထုတ်ပြန်ချက်မှာ ဖော်ပြထားပါတယ်။

“ကုန်ခွန်ကတော့ သတ်မှတ်ထားတဲ့ ဒီသုံးခု လွှဲပြီးတော့မှ ကျန်တဲ့အားလုံးကတော့ မူလအတိုင်း ဆက်လက်ပြီးတော့မှ ကောက်ခံသွားမှာ ဖြစ်ပါတယ်” လို့ လွေးယေဦးက ပြောပါတယ်။

တကယ်လို့ ဒေသခံတွေအနေနဲ့ သတ်မှတ်ထားတဲ့ အခွန်ကင်းလွတ်ခွင့်ထဲက သုံးမျိုးကို TNLA တပ်သားတွေဘက်က ဆက်လက်ပြီး အခွန်ကောက်ခံတာနဲ့ တောင်းခံတာမျိုးတွေရှိခဲ့တယ်ဆိုရင် PSLF/ TNLA ရဲ့ ပြည်သူ့ဆက်ဆံ‌ရေးစင်တာ PRC ကနေတစ်ဆင့် ဆက်သွယ်ပြီး တိုင်ကြားလို့ရနိုင်တယ်လို့ လွေးယေဦးက ဆိုပါတယ်။

PSLF/TNLA ရဲ့ အကောက်ခွန်ဌာနက အခွန်ကောက်ခံမယ့် ကုန်ပစ္စည်းနဲ့ ပတ်သက်ပြီးတော့ တအာင်းပြည်- တရုတ်ပြည်အကြားမှာ သွင်းကုန် ပို့ကုန်တဲ့ပစ္စည်းနဲ့ တအာင်းပြည်ကနေ မြန်မာပြည်ကို တင်ပို့တဲ့ ကုန်ပစ္စည်းတွေကို အခွန်ကောက်ခံသွားမယ်လို့ ဆိုပါတယ်။

#ဓာတ်ပုံ - TNLA

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢၁၀၂၇ စစ်ဆင်ရေးအတွင်း ကျဆုံးသွားတဲ့ တပ်ဖွဲ့ဝင်တွေကို TNLA က အလှူပြုလုပ်ပေး၊ သမိုင်းမှတ်တမ်းတင်သွားမယ်လို့ ဆို

ရွှေဖီမြေ၊ အောက်တိုဘာ ၂၇ ရက်

၁၀၂၇ စစ်ဆင်ရေးအတွင်း ကျဆုံးသွားတဲ့ တပ်ဖွဲ့ဝင်တွေကို TNLA က စစ်ဆင်ရေး တစ်နှစ်ပြည့်တဲ့ ဒီနေ့ အောက်တိုဘာ ၂၇ ရက်မှာ အလှူပြုလုပ်ပေးခဲ့တယ်လို့ PSLF/TNLA က ထုတ်ပြန်လာပါတယ်။

၁၀၂၇ စစ်ဆင်ရေးအတွင်း ကျဆုံးသွားတဲ့ တပ်ဖွဲ့ဝင်တွေဟာ တအာင်းပြည်လွတ်မြောက်ရေး၊ မြန်မာနိုင်ငံရှိ တိုင်းရင်းသားပြည်သူလူထုတွေကို ရက်ရက်စက်စက်သတ်ဖြတ်နေတဲ့အာဏာရှင်စစ်ကောင်စီတပ်ကို အမြစ်ပြတ်ချေမှုန်းရေး၊ စစ်မှန်တဲ့ ဖက်ဒရယ်ဒီမိုကရေစီရရှိရေးအတွက်
အာဏာရှင်စစ်ကောင်စီတပ်ကို တော်လှန်တိုက်ခိုက်ရင်း အသက်ပေးလှူခဲ့ကြသူ တွေဖြစ်တယ်လို့ ဆိုပါတယ်။

၁၀၂၇ စစ်ဆင်ရေးမှာ ညီနောင် ၃ ဖွဲ့နဲ့အတူ နွေဦးတော်လှန်ရေးအင်အားစုတွေလည်း ပါဝင်တိုက်ခိုက်ခဲ့တယ်လို့ TNLA က ထည့်တွင်းဖော်ပြထားပါတယ်။

စစ်ဆင်ရေးအတွင်း ကျဆုံးသွားတဲ့ TNLA တပ်ဖွဲ့ဝင်တွေနဲ့ တော်လှန်ရေးပူးပေါင်းတပ်တွေကို TNLA နဲ့ လူထုတွေကအစဥ်အောက်မေ့ဂုဏ်ယူကာ သမိုင်းမှတ်တမ်းတင်အပ်တယ်လို့ ဆိုပါတယ်။

TNLA ဟာ ၁၀၂၇ စစ်ဆင်ရေးအတွင်း ရှမ်းမြောက် နမ့်ခမ်း၊ ကွတ်ခိုင်၊ နမ္မတူ၊ မန်တုံ၊ နမ့်ဆန်၊ မိုင်းလုံ၊ မိုင်းငေါ့၊ ကျောက်မဲ၊ သီပေါ၊ နောင်ချို၊ မိုးမိတ်မြို့နဲ့ မန္တလေးတိုင်း မိုးကုတ်မြို့ကို တိုက်ခိုက်သိမ်းပိုက်နိုင်ခဲ့ပါတယ်။

#ဓာတ်ပုံ - PSLF/TNLA
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢၁၀၂၇ စစ်ဆင်ရေး ၁ နှစ်အတွင်း ရှမ်းမြောက်မှာ အရပ်သား ၁ ထောင်ကျော် ထိခိုက်သေဆုံးခဲ့တယ်လို့ လူ့အခွင့်အရေးလှုပ်ရှားမှုဆိုင်ရာကွန်ယက်ရဲ့ အစီရင်ခံစာမှာ ဖော်ပြ

ရွှေဖီမြေ၊ အောက်တိုဘာ ၂၇ ရက်

ညီနောင်မဟာမိတ် ၃ ဖွဲ့ရဲ့ ၁၀၂၇ စစ်ဆင်ရေး ၁ နှစ်အတွင်း ရှမ်းမြောက်မှာ သေဆုံးသူနဲ့ ဒဏ်ရာရသူ အရပ်သား ၁ ထောင်ကျော်(၁၀၁၁) ဦး ရှိတယ်လို့ လူ့အခွင့်အရေးလှုပ်ရှားမှုဆိုင်ရာကွန်ယက်- HRAN ရဲ့ ဒီနေ့ အောက်တိုဘာ ၂၇ ရက်မှာ ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

ရှမ်းမြောက် သီပေါ၊ သိန်းနီ၊ မန်တုံ၊ ကွတ်ခိုင်၊ ကျောက်မဲ၊ ကွမ်းလုံ၊ လားရှိုး၊ လောက်ကိုင်၊ မိုးမိတ်၊ မူဆယ်၊ နမ့်ခမ်း၊ နမ့်ဆန်၊ နမ္မတူ၊ နောင်ချို၊ ချင်းရွှေဟော်၊ မိုင်းလုံနဲ့ မိုင်းငေါ့ စတဲ့ မြို့ ၁၇ ခုက အချက်အလက်တွေကို ကောက်ခံထားတာဖြစ်တယ်လို့ H RAN က ဆိုပါတယ်။

HRAN ရဲ့စာရင်းအရ စစ်ဆင်ရေး ၁ နှစ်အတွင်း သေဆုံးသူ ၃၃၉ ဦးနဲ့ ဒဏ်ရာရသူ ၆၇၂ ဦးရှိပြီး လေကြောင်းနဲ့ လက်နက်ကြီးကြောင့် သေဆုံးသူအများဆုံးဖြစ်ပြီးသတ်ဖြတ်ခံရတာ၊ ဒရုံးနဲ့ မြေမြုပ်မိုင်းစတဲ့တွေလည်း ပါဝင်တယ်လို့ ဆိုပါတယ်။

ဒါ့အပြင် စစ်ဆင်ရေး ၁ နှစ်အတွင်း မြို့နယ် ၁၄ ခုက နေအိမ်ပေါင်း ၂ ထောင်နီးပါး(၁၉၀၅) လုံး ထိခိုက်ပျက်စီးခဲ့တယ်လို့ HRAN ရဲ့ အစီရင်ခံစာမှာ ဖော်ပြထားပါတယ်။

ဒီအချက်တွေကို သေဆုံးသူရဲ့ မိသားစုဝင်တွေကို ကွင်းဆင်းပြီး မေးမြန်းတာ၊ ဖုန်းနဲ့ အင်တာနက်အသုံးပြုပြီး ကောက်ခံတာနဲ့ သတင်းမီဒီယာတွေမှာ ဖော်ပြထားတဲ့ အချက်အလက်တွေကို စုစည်းထားတာ ဖြစ်တယ်လို့ ဆိုပါတယ်။

HRAN ဟာ ပြီးခဲ့တဲ့ ၂၀၂၀ ခုနှစ်မှာ ရှမ်းမြောက်ရှိ အရပ်ဖက်အဖွဲ့အစည်းတွေနဲ့ စုစည်းပြီး ဖွဲ့စည်းထားတာဖြစ်ပြီး အရပ်သားတွေကို ပစ်မှတ်ထားပြီး တိုက်ခိုက်နေတဲ့ စစ်ကောင်စီကို နိုင်ငံတကာတွေအနေနဲ့ ဆက်ဆံတာနဲ့ လေယာဥ်ဆီတွေ ရောင်းချတာမလုပ်လို့ HRAN က တောင်းဆိုထားပါတယ်။

ဒီနေ့ဟာ တအာင်းတပ်မတော်-TNLA၊ ကိုးကန့်တပ်မတော်-MNDAA နဲ့ အာရက္ခတပ်တော်-AA တို့ ညီနောင်မဟာမိတ်-၃ ဖွဲ့ရဲ့ ၁၀၂၇ စစ်ဆင်ရေး ၁ နှစ်ပြည့် နှစ်ပတ်လည် ဖြစ်ပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢အောင်ပန်းမှာ သားမိ၂ယောက်ကို ရိုက်နှက်ပြီး မိခင်သေဆုံးတဲ့အထိ ဆိုင်ကယ်ရိုက်နှက်လုယက်ခဲ့တဲ့ သွားတဲ့ အမျိုးသားနှစ်ဦးကို ဖမ်းမိ

မိုင်းပန်ပျော်၊ အောက်တိုဘာ ၂၇ ရက်၊ အောင်ပန်း

ရှမ်းတောင် အောင်ပန်းမြို့မှာ ဆိုင်ကယ်လုယက်ပြီး အမျိုးသမီးကို ရိုက်နှက်သွားတဲ့ အမျိုးသားနှစ်ဦးကို အောင်ပန်းရဲတပ်ဖွဲ့တွေက ဖမ်းမိခဲ့တယ်လို့ စုံစမ်းသိရှိရပါတယ်။

ပြီးခဲ့တဲ့ အောက်တိုဘာ ၂၄ ရက်က အောင်ပန်းမြို့ တောင်ရိုးစာပေနဲ့ယဉ်ကျေးမှုရုံးနံဘေး မယ်ခိုတောင်အထက်လမ်းမှာ ခိုနားနေတဲ့ သားအမိနှစ်ဦးကို ဆိုင်ကယ်လုယက်ပြီး ရိုက်နှက်သွားခဲ့တဲ့ အမျိုးသားနှစ်ဦးကို မနေ့က အောက်တိုဘာလ ၂၆ ရက်နေ့မှာ အောင်ပန်းရဲတပ်ဖွဲ့တွေက မိထ္တိလာမြို့မှာ ဖမ်းမိခဲ့တယ်လို့ အောင်ပန်းမြို့ခံအမျိုးသားတစ်‌ဦးက ရွှေဖီကိုပြောပါတယ်။

"မနေ့ကတည်းဖမ်းမိတယ် သူတို့ကမိတ္ထီလာအထိသွားပြီးတော့ဖမ်းမိတယ်။ ဘယ်ချိန်ဖမ်းမိလဲဆိုတော့ ကျနော်မသိဘူး။ ည ၇ နာရီရောက်မှပဲ ကျနော်တို့ဆီသတင်းပို့လာတယ်။ ‌ဖမ်းတာကတော့ အောင်ပန်းရဲတပ်ဖွဲ့တွေက ဖမ်းပြီးအခုအောင်ပန်းရဲစခန်းမှာ သူတို့ထားတယ်"

အောင်ပန်းရဲတပ်ဖွဲ့တွေကဖမ်းမိထားတဲ့ တရားခံကိုတော့ ဘယ်သူလဲဆိုတာမသိရသေးဘူးလို့ သူကဆက်ပြောပါတယ်။

ပြီးခဲ့တဲ့‌‌ အောက်တိုဘာ ၂၄ ရက် မနက် ၉ နာရီကျော်တဲ့အချိန်မှာ ကလော ကနေပြန်လာတဲ့ သားအမိနှစ်ယောက်က အမေဖြစ်သူ ခေါင်းမူလို့ဆိုပြီးတော့ အောင်ပန်းမြို့အဝင် မယ်ခိုတောင်အထက်လမ်းမှာ ခိုနားနေတဲ့ချိန် အမျိုးသားနှစ်ဦးက ဆိုင်ကယ်လုယက်ပြီး ရိုက်နှက်ခဲ့တာကြောင့် သားအမိနှစ်ယောက် ဒဏ်ရာရခဲ့ပြီး တောင်ကြီးစစ်စံထွန်းဆေးရုံးမှာ ဆေကု‌သနေချိန် အမေဖြစ်သူက သေဆုံးသွားခဲ့ပါတယ်။

အောင်ပန်းမြို့မှာ ဆိုင်ကယ်ခိုးမှုတွေက မကြာခဏဖြစ်ပြီး ဒီလိုမျိုး ဆိုင်ကယ်လုယက်ပြီး ရိုက်နှက်ခဲ့တဲ့ ဖြစ်စဉ်မျိုးကိုတော့ အောင်ပန်းမြို့မှာ ပထမဆုံးဖြစ်စဉ် ဖြစ်တယ်လို့ အထက်ပါအမျိုးသားက ထပ်ပြောပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢နောင်ချိုနဲ့ ပြင်ဦးလွင်ကြားမှာ စစ်ကောင်စီနဲ့ TNLA အကြား တိုက်ပွဲဆက်ဖြစ်နေပြီး စစ်ကောင်စီ က ပြင်ဦးလွင်ကနေ လက်နက်ကြီးနဲ့ ပစ်ကူပေးနေ

မိုင်းရူပ၊ အောက်တိုဘာ ၂၅ ရက်၊ နောင်ချို

ရှမ်းမြောက် နောင်ချိုမြို့နဲ့ မန္တလေးတိုင်း ပြင်ဦးလွင်မြို့ကြားမှာ စစ်ကောင်စီနဲ့ တအာင်းတပ်မတော်-TNLA တို့အကြား တိုက်ပွဲတွေ ဆက်ဖြစ်နေပြီး စစ်ကောင်စီက ပြင်ဦးလွင်ကနေ လက်နက်ကြီးနဲ့ ပစ်ကူပေးနေတယ်လို့ ရှေ့တန်းသတင်းအရင်းအမြစ်တွေဆီက သိရပါတယ်။

နောင်ချိုနဲ့ ပြင်ဦးလွင်ကြားမှာရှိတဲ့ ဂန့်ကော်ကျေးရွာမှာ တိုက်ပွဲဖြစ်ပွားနေတာဖြစ်ပြီး စစ်ကောင်စီတပ်ဟာ တအာင်းတပ်တည်ရှိတဲ့ အုမ္မတီးနဲ့ သုံးဆယ်ရွာတွေဘက်ကို စစ်ကောင်စီက ထိုးစစ်တင်ဖို့ ကြိုးစားနေတာ ဖြစ်ပြီး နောင်ချိုမြို့နယ် ဘန်ဘွေးကျေးရွာနဲ့ ပြင်ဦးလွင်မြို့ကနေ လက်နက်ကြီး ပစ်ကူပေးတယ်လို့ ဆိုပါတယ်။

" လောလောဆယ် အဲကြားက တိုက်လိုက်၊ နားလိုက်ပေါ့။ လက်နက်ကြီး ပစ်တာတော့နေ့တိုင်းပါပဲ။ လက်နက်ကြီးနဲ့ ဘန့်ဘွေးကနေရော ပြင်ဦးလွင်ကနေရော တောင်ခမ်းဘက် အုမ္မတီးဘက် သုံးဆယ်ဘက် ပစ်လာတယ်" လို့ ရှေ့တန်းသတင်းအရင်းအမြစ်
တစ်ဦးက ရွှေဖီမြေကို ပြောပါတယ်။

လက်ရှိ ပြင်ဦးလွင်မြို့အဝင် ဝက်ဝံဂိတ်ကို စစ်ကောင်စီက ပြန်ဖွင့်ပေးခဲ့ပေမယ့် စစ်ဆေးမှုတွေ တင်းကြပ်နေပြီး ပြင်ဦးလွင်မြို့တွင်းမှာတော့ ပုံမှန်သွားလာနေတယ်လို့ သိရပါတယ်။

TNLA တပ်ဘက်ကတော့ နောင်ချိုမြို့နဲ့ ပြင်ဦးလွင်းကြားမှာရှိတဲ့ ဂန့်ကော်ကျေးရွာမှာ စစ်ကောင်စီနဲ့ တအာင်းတပ်အကြား တိုက်ပွဲဖြစ်ပွားခဲ့တယ်လို့ ပြီးခဲ့တဲ့ အောက်တိုဘာ ၂၂ ရက်မှာ နောက်ဆုံးထုတ်ပြန်ထားပါတယ်။

စစ်ကောင်စီတပ်ဘက်တော့ နောင်ချိုမြို့နယ်က တိုက်ပွဲတွေနဲ့ ပတ်သက်ပြီး သတင်းထုတ်ပြန်ထားတာ မရှိသေးဘဲ စစ်ကောင်စီတပ်ဟာ ၎င်းတို့လက်လွတ်ထားရတဲ့ နောင်ချိုမြို့ကို
ရှမ်းတောင် ရပ်စောက်နဲ့ ပြင်ဦးလွင်ကနေ ပြန်ထိုးစစ်ဆင်ဖို့ ကြိုးစားနေတယ်လို့ စစ်ရေးအကဲခက်တွေက သုံးသပ်ကြပါတယ်။

စစ်ကောင်စီရဲ့ စစ်တက္ကသိုလ်တွေ တည်ရှိရာ ပြင်ဦးလွင်မြို့နဲ့ အနီးစပ်ဆုံးမှာရှိတဲ့ နောင်ချိုမြို့ကို TNLA က ပြီးခဲ့တဲ့ ဇူလိုင် ၁၀ ရက်ကတည်းက တိုက်ခိုက်သိမ်းပိုက်ထားတာ ဖြစ်ပါတယ်။

#ဓာတ်ပုံ - TNLA

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢MNDAA ထိန်းချုပ်တဲ့ လားရှိုးမြို့ကို စစ်ကောင်တပ်က လေယာဉ်နဲ့ ဗုံး ၅ လုံးထပ်မံကြဲချတိုက်ခိုက်၊ သေဆုံးမှုရှိ

လွေးပို့ဆပေ၊ အောက်တိုဘာ ၂၅ ရက်၊ လားရှိုး

ကိုးကန့်တပ် MNDAA ထိန်းချုပ်တဲ့ လားရှိုးမြို့ကို စစ်ကောင်စီတပ်က လေယာဉ်နဲ့ ဗုံး ၅ လုံး ထပ်မံကြဲချတိုက်ခိုက်ခဲ့တယ်လို့ သိရပါတယ်။

ဒီနေ့ အောက်တိုဘာ ၂၅ ရက် နေ့လယ်ပိုင်း ၁ နာရီနဲ့ ၁၃ မိနစ်ကနေ ၂ နာရီဝန်းကျင်အထိ ဆက်တိုက် ၅ ကြိမ် ဗုံးကြဲတိုက်ခိုက်နေတယ်လို့ ဆိုပါတယ်။

မယ်ဟန်ကျေးရွာက ရွှေမြင်းနှစ်ကောင် ဓာတ်ခဲစက်ရုံ ကိုဗုံးကြဲတိုက်ခိုက်ခဲ့တာဖြစ်ပြီး ပေါက်ကွဲမှုကြောင့် စက်ရုံအဆောက်အအုံ အပါအဝင် အနီးပတ်ဝန်းကျင်ရှိ
အဆောက်အဦးတွေ ပျက်စီးဆုံးရှုံးခဲ့ပြီး
ဆိုင်ကယ်စီးလာတဲ့ ဒေသခံ တစ်ဦး ဗုံးစထိမှန်ပြီး သေဆုံးခဲ့တယ်လို့ ဆိုပါတယ်။

မြိုခံ အမျိုးသမီးတစ်ဦးက “ ရွှေမြင်းနှစ်ကောင်စက်ရုံအဆောက်အအုံးအနီးမှာကြဲပါတယ်။ အနီးပတ်ဝန်းကျင်က အဆောက်အဦး တွေလည်းပျက်စီးသွားတယ်။ ဗုံးကြဲစဉ် ဆိုင်ကယ်စီးလာတဲ့ ပြည်သူတစ်ဦးထိပြီး သေဆုံးသွားတယ်” လို့ပြောပါတယ်။

၁ နာရီ ၁၃ မိနစ်မှာ တစ်ကြိမ်၊ ၁ နာရီနဲ့ ၁၇ မိနစ်မှာတစ်ကြိမ်၊ ၁ နာရီနဲ့ ၂၂ မိနစ်မှာတစ်ကြိမ်၊ ၁ နာရီ ၂၇ မိနစ်မှာ တစ်ကြိမ်၊ ၁ နာရီနဲ့ ၄၅ မိနစ်မှာ ၅ကြိမ်မြောက်ကြဲချတိုက်ခိုက်ခဲ့ပါတယ်။

ပြီးခဲ့တဲ့ အောက်တိုဘာ ၂၃ ရက်က တစ်ရက်တည်းကို လားရှိုး အမှတ်(၁)ရဲစခန်းအပါအဝင် ဗုံး ၃ ကြိမ်လာရောက်ဗုံးကြဲတိုက်ခိုက်ခဲ့ပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢တိုက်ပွဲပြင်းထန်နေတဲ့ ရခိုင်မှာ စားသောက်ကုန်တွေပြတ်လပ်ပြီး ကုန်စျေးနှုန်းတွေမြင့်တက်

အိုက်ပွီး၊ အောက်တိုဘာ ၂၅ ရက်၊ ရခိုင်

စစ်ကောင်စီရဲ့ အနောက်ပိုင်းတိုင်း စစ်ဌာနချုပ်ရှိတဲ့ ရခိုင်ပြည်နယ်၊ အမ်းမြို့နယ်အဝင် မောင်တော၊ ဂွ စတဲ့မြို့တွေမှာဖြစ်ပွားတဲ့ တိုက်ပွဲကြောင့် ကားလမ်းတွေပိတ်ထားရပြီး ကုန်ပစ္စည်းတွေပြတ်လက်နေကာ စားသောက်ကုန်တွေ စျေးမြင့်တက်နေတယ်လို့ ဒေသခံတွေဆီက သိရပါတယ်။

အမ်းမြို့နယ်မှာ စစ်ကောင်စီနဲ့ အာရက္ခတပ်​တော်(AA)တို့ ဖြစ်ပွားတဲ့ တိုက်ပွဲကြောင့် အမ်းမြို့အဝင်အထွက် အားလုံးကို စစ်ကောင်စီက ပိတ်ဆို့ထားတဲ့အတွက် ဘယ်စားသောက်ကုန်ပစ္စည်းတွေ ဝင်ရောက်နိုင်တာ မရှိတော့ဘူးလို့ သိရပါတယ်။

"အပြင်ကလူတွေ မြို့ထဲဝင်မရဘူး။ မြို့ထဲကလူတွေ အပြင်ထွက်မရဘူး။ ပိုဆိုးတာက ကုန်ကားတွေ၊ ကုန်ပစ္စည်းတွေ တင်သွင်းမရဘူး။ အခုဆန်တွေပြတ်လက်နိုင်တဲ့အခြေနေမျိုး ကြုံတွေ့နေရပြီ။ အရင်က တစ်ထောင်တန်ကို အခု တစ်ထောင်သုံးရာ ဖြစ်နေကြပြီ။"လို့ အမ်းဒေသခံတစ်ဦးက ရွှေဖီမြေသို့ ပြောပါတယ်။

အမ်းမြို့မှာ အရင်က တိုက်ပွဲမဖြစ်ခင် ဆန်တစ်ပြည်ကို ၃,၅၀၀ ကျပ်ကနေ လက်ရှိမှာ ဆန်တစ်ပြည်ကို ကျပ် ၅,၀၀၀ ထိ စျေးနှုန်းတက်သွားတယ်လို့ သိရပါတယ်။

အလားတူ အမ်းနဲ့ ဂွ မှာဖြစ်ပွားတဲ့ တိုက်ပွဲကြောင့် တောင်ကုတ်မြို့မှာ မည်သည့်ကုန်ပစ္စည်းတွေ အဝင်မရှိတော့ဘဲ စားသောက်ကုန်တွေပြတ်လက်နေပြီလို့ သိရပါတယ်။

"အရင်က ပြည်မဘက်က ကုန်ပစ္စည်းတွေ အမ်းကနေတဆင့် တင်သွင်းလို့ရတယ်။ အမ်းဘက်ကနေ ပိတ်ထားရင်တောင် ဧရာဝတီတိုင်းဘက်က ဂွမြို့ကတဆင့် တင်သွင်းလို့ရတယ်။ အခုအဲ့မြို့နှစ်ခု တိုက်ပွဲဖြစ်တော့ လမ်းကြောင်းတွေ ပိတ်ထားရတယ်။ လမ်းကြောင်းတွေ ပိတ်ထားတော့ တောင်ကုတ်မြို့ကို ကုန်ပစ္စည်းတွေ မရောက်နိုင်တော့ဘူး။ ကုန်ပစ္စည်းတွေမရောက်လာတာ ကြာလာတော့ တောင်ကုတ်မှာ စားသောက်ကုန်တွေပြတ်လတ်လာပြီ။"လို့ တောင်ကုတ်ဒေသခံတစ်ဦးက ရွှေဖီမြေသို့ ပြောပါတယ်။

တောင်ကုတ်မြို့မှာ လက်တလော တိုက်ပွဲတွေမရှိပေမဲ့ မြို့ထဲက စစ်ကောင်စီတပ်စခန်းတွေကို AA က ဝိုင်းပိတ်ဆို့ထားတဲ့အတွက် စစ်ရေးတင်းမာနေတယ်လို့ သိရပါတယ်။

တိုက်ပွဲပြင်းထန်နေတဲ့ မောင်တောမှာ စစ်ဘေးရှောင်တွေဟာ ထမင်းအစား မျှစ်ရှာစားသောက်နေရတယ်လို့ မြိုစစ်ဘေးရှောင်တစ်ဦးက ရွှေဖီမြေကို ပြောပါတယ်။

"ဒီဘက်မှာ ပိုက်ဆံရှိလည်း ဆန်ရဖို့မလွယ်ဘူး။ တစ်ခါတလေ အလှူရှင်တွေကနေ တကူးတကား လာလှူမှ ထမင်းစားရတယ်။ ဆန်မရှိတဲ့အခါကျရင် မျှစ်ကိုရှာပြီး ပြုတ်စားကြတယ်။ ဆန်ရောက်တဲ့ခါကျရင် အကုန်မျှစားကြတယ်။ တိုက်ပွဲတွေက ဖြစ်နေတုန်း မပြီးသေးဘူး။"

ဒါ့အပြင် အခုလ အောက်တိုဘာ ပထမအပတ်ကစလို့ မိုးအဆက်မပြတ်ရွာသွန်းမူကြောင့် မြောက်ဦး၊ မင်းပြား၊ ကျောက်တော်၊ ပေါက်တော၊ မြေပုံ စတဲ့မြို့နယ်တွေက လယ်မြေဧက ထက်ဝက်ကျော်ခန့်ဟာ ပျက်စီးသွားတဲ့အတွက် လာမယ်နှစ်မှာ ဆန်စားနပ်ရိက္ခာပြတ်လက်မှာကို ဒေသခံတွေက စိုးရိမ်နေကြပါတယ်။

ရခိုင်ပြည်နယ်ကို စစ်ကောင်စီက ကုန်ပစ္စည်းသယ်ယူခွင့် လပေါင်းများစွာ ပိတ်ထားတဲ့အတွက် ရခိုင်မြောက်ပိုင်းမြို့နယ်တွေက ဒေသခံတွေဟာ ချင်းပြည်နယ် ပလက်ဝမြို့နယ်ကနေတဆင့် အိန္ဒိယနိုင်ငံ၊ မီဇိုရမ်ပြည်နယ်၊ လောက်တလိုင်ခရိုင်မှ အဓိကဝယ်ယူတင်သွင်းနေကြပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢စစ်ကောင်စီတပ်ဟာ လက်လွတ်ထားရတဲ့ သပိတ်ကျင်းမြို့နယ်ထဲက တွင်းငယ်ရွာကို ပြန်ရဖို့ ထိုးစစ်ဆင်နေ

မိုင်းရူပ၊ အောက်တိုဘာ ၂၅ ရက်၊ သပိတ်ကျင်း

စစ်ကောင်စီတပ်ဟာ ၎င်းလက်လွတ်ထားရတဲ့ မန္တလေးတိုင်း တွင်းငယ်ကျေးရွာကို ပြန်ရဖို့ ဒီရက်ပိုင်းအတွင်း ထိုးစစ်ဆင်တွေပြုလုပ်နေပြီး စစ်ကောင်စီနဲ့ တော်လှန်ရေးအင်စုတွေအကြား စစ်ရေးတင်းမာနေတယ်လို့ ရှေ့တန်းသတင်းအရင်းအမြစ်တွေဆီက သိရပါတယ်။

စစ်ကောင်စီတပ်ဟာ တွင်းငယ်ကျေးရွာကို ပြန်ရဖို့ သပိတ်ကျင်းမြို့နယ်ရှိ တန်းမြင့်လေ့ကျင်းရေးကျောင်းအမှတ်-၁၃ တပ်ကနေ တွင်းငယ်ကျေးရွာကို ထိုးစစ်ဆင်တိုက်ခိုက်နေပြီး လက်နက်ကြီးနဲ့ ဒရုန်းတွေအသုံးပြုပြီး တိုက်ခိုက်နေတယ်လို့ ဆိုပါတယ်။

" စကစက တွင်းငယ်ကို ပြန်ရဖို့ ကြိုးစားနေတာ။တကက-၁၃ ဘက်ကနေ ထိုးနေတာ။ လက်နက်ကြီးနဲ့ ပစ်နေတာလည်း ရှိတယ်။ စစ်ကောင်စီနဲ့ တော်လှန်ရေးတပ်တွေရှိတဲ့ နေရာက ခြံစည်းရိုးပဲ ခြားတယ်" လို့ ရှေ့တန်းစစ်မြေပြင်မှာ ရှိနေသူတစ်ဦးက ရွှေဖီမြေကို ပြောပါတယ်။

တွင်းငယ်ကျေးရွာက တအာင်းတပ်မတော်- TNLA သိမ်းပိုက်ထားတဲ့ မိုးမိတ်မြို့နဲ့ ပြည်သူ့ကာကွယ်ရေးတပ်-PDF တွေ ထိန်းချုပ်ထားတဲ့ မန္တလေးတိုင်း သပိတ်ကျင်းမြို့လမ်းပိုင်းပေါ်မှာ တည်ရှိပြီး တွင်းငယ်ကျေးရွာကနေ ကချင်ပြည်နယ်ဘက်ကို သွားနိုင်သလို မန္တလေးဘက်လည်း သွားနိုင်ပြီး စစ်ရေးအရအရေးပါတယ်လို့ သူက ဆက်ပြောပါတယ်။

နောက်ထပ်စစ်ရေးသတင်းအမြစ်တစ်ဦးကလည်း စစ်ကောင်စီတပ်ဟာ တွင်းငယ်ကျေးရွာကို ပြန်ရဖို့ ထိုးစစ်ဆင်နေပြီး စစ်ကောင်စီနဲ့ တော်လှန်ရေးအင်စုတွေအကြား ထိတွေ့မှုတွေ ရှိနေတယ်လို့ ဆိုပါတယ်။

လက်ရှိ တွင်းငယ်ကျေးရွာခံအများစုဟာ ထွက်ပြေးတိမ်းရှောင်နေကြရပြီး တွင်းငယ်ကျေးရွာရှိ နေအိမ်အားလုံးနီးပါးလည်း တိုက်ပွဲအတွင်း ထိခိုက်ပျက်စီးခဲ့တယ်လို့ သိရပါတယ်။

လက်ရှိ မိုးမိတ်-တွင်းငယ်လမ်းပိုင်းကို TNLA နဲ့ ပြည်သူ့လွတ်မြောက်ရေးတပ်မတော်-PLA က ထိန်းချုပ်ထားတယ်လို့ သိရပါတယ်။

#ဓာတ်ပုံ - Local

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ပြင်ဦးလွင်က မြို့တွင်းလူထုတွေ ပုံမှန်သွားလာဆဲ

GLM၊ အောက်တိုဘာ ၂၅၊ ပြင်ဦးလွင်

မန္တလေးတိုင်းဒေသကြီး ပြင်ဦးလွင်မြို့မှာ လက်နက်ကြီးပစ်ခတ်မှုတွေရှိနေပေမယ့် မြို့တွင်း လူထုတွေပုံမှန် သွားလာနေကြကြောင်း ဒေသခံတစ်ဦးက ရွှေဖီမြေ ကိုပြောပါတယ်။

မြို့အနီးတိုက်ပွဲဖြစ်ပွါးခြင်းမရှိသေးဘဲ တိုက်ပွဲသတင်းတွေကြောင့် မိသားစုဝင်တွေ အနေနဲ့ စိုးရိမ်နေရပြီး လူထုတွေကြား မလိုလားအပ်တဲ့ အခက်အခဲတွေ ကြုံလာစေတယ်လို့ ၎င်းကဆိုပါတယ်။

"ကျွန်တော်တို့ မြို့အနီးမှာစစ်ဖြစ်တာ မကြားမိဘူး။ တစ်ကယ်သာ ဖြစ်နေရင်ဘယ်လိုနေနေ ကျွန်တော်တို့သိမှာပဲလေ။ ဒေသခံမို့ သိနိုင်တာပဲလေ။ ပြင်ဦးလွင် အဝင် ဝက်ဝံဂိတ်ကနေ လက်နက်ကြီးတွေနဲ့ လှမ်းပစ်ကူတာလောက်ပဲရှိပါတယ်။ ပုံမှန်အတိုင်း သွားလာနေပါတယ်"

လက်ရှိ တန်ဆောင်တိုင်ပွဲပါ ကျင်းပပြုလုပ်ဖို့ စစ်ကောင်စီဘက်က ပြင်ဆင်နေတယ်လို့ ဆိုပါတယ်။

"ပြင်ဦးလွင် အနီးစစ်မဖြစ်ဘူးနော်။ နောင်ချိုပဲ ဖြစ်နေတာ။ သီတင်းကျွတ် ဘုရားပွဲကဆို လူတွေများလွန်းလို့ ခြေချစရာကိုမရှိတာ။ ပွဲကောက် ကန်တော်ကြီးဘက်လည်း ကားတွေမှတစ်ပုံကြီးပါ။ ခုရက်ပိုင်းထဲ စစ်တပ်က နောင်ချိုဘက်ကို ထိုးစစ်ဆင်နေတာကြောင့် လားရှိုးဘက်တက်မဲ့ကားတွေ မတက်ခိုင်းတာရယ် အဲ့ဘက်က ကားတွေလည်းအဝင်မခံတာ မျိုးပါ"

လက်ရှိမှာတော့ စစ်ကောင်စီတပ်နဲ့ တအာင်းတပ်တို့ နောင်ချို ဂန့်ကော်ဘက်မှာ နှစ်ဖက်အပြန်အလှန် ထိတွေ့တိုက်ပွဲတွေ ဖြစ်ပွားနေပြီး စစ်ကောင်စီ ဘက်ကလေကြောင်းနဲ့ အဆက်မပြတ် ထိုးစစ်ဆင်တိုက်ခိုက် နေတယ်လို့ ရှေ့တန်းသတင်း အရင်းမြစ်ကဆိုပါတယ်။

"စကစ နဲ့မြေပြင်စစ်ဖြစ်တာ ၁၈ ရက်လောက်တည်းကပါ။ ဒီနေ့နဲ့ဆို တစ်ပတ်ဝန်းကျင်ထဲရှိပြီ။ သူတို့ဘက်က ထိုးစစ်ဆင်လာနေတာပါ။ ဒီနေ့ထိ ဂန့်ကော်ဘက်ကို မြေပြင်ကော လေကြောင်းကော တိုက်ခိုက်တယ်။ အုမ္မတီးကတော့ မကြာမကြာ ဒရုန်းနဲ့ လာကြဲတယ်"

စစ်ကောင်စီ ရဲ့အခုလိုလေယာဥ်နဲ့ ဗုံးကြဲတိုက်ခိုက်မှုကြောင့် လူထုတွေရဲ့ နေအိမ်ထိခိုက်ပျက်စီးမှုတွေ များပြီး လူထိခိုက်သေဆုံးတာတွေလည်း ရှိတယ်လို့ အထက်ပါသတင်းရင်းမြစ်က ပြောပါတယ်။

တောင်ခမ်း ဘက်မှာလည်း စစ်ရေးနဲ့ပတ်သက်ပြီး မြေပြင် စစ်ဖြစ်နေတာမျိုးမရှိပဲ တည်ငြိမ်နေတယ်လို့ TNLA ပြောရေးဆိုခွင့်ရှိ သူလွေးယေဦး ကဆိုထားပါတယ်။

နောင်ချိုမြို့ကိုတော့ ၁၀၂၇ စစ်ဆင်ရေး ဒုတိယလှိုင်းအတွင်း ပြီးခဲ့တဲ့ ဇူလိုင် ၁၀ ရက်နေ့မှာ TNLA နဲ့ ပူးပေါင်းတပ်က ထိန်းချုပ်နိုင်ခဲ့တာ ဖြစ်ပါတယ်။
#ဓာတ်ပုံ - Local
~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay

🟢ဘုတလင်နယ်မှာ လေယာဥ်နဲ့ လမ်းကြုံဗုံးကြဲမှုတွေ လုပ်နေတာကြောင့် ဒေသခံတွေထိတ်လန့်နေ၊ မြို့နယ်တစ်ခုလုံးစစ်ဘေးရှောင်နေရ

ပျားကြီး၊ အောက်တိုဘာ ၂၅၊ ဘုတလင်

စစ်ကိုင်းတိုင်း၊ ဘုတလင်မြို့နယ်မှာ စစ်ကောင်စီတပ်တွေက လေယာဥ်တွေနဲ့ လမ်းကြုံဗုံးကြဲချမှုတွေပြုလုပ်နေတာကြောင့် စိုးရိမ်ထိတ်လန့်မှုတွေရှိနေတယ်လို့ ဒေသခံတွေက ပြောပါတယ်။

ဘုတလင်မြို့ပေါ်မှာ လေယာဥ်နဲ့ရဟတ်ယာဥ်တွေဟာ ရက်သတ္တပတ် ၃ ပတ်အတွင်းအကြိမ်ရေပေါင်း ရာနဲ့ချီပျံသန်းခဲ့ကြတာဖြစ်ပြီး လေကြောင်းတိုက်ခိုက်မှုတွေလည်း ကြုံသလိုလုပ်ဆောင်နေတာ ဖြစ်ပါတယ်။

"ကိုယ့်ခေါင်းပေါ်ကနေဖြတ်ပျံသွားပြီးတခြားရွာကိုသွားပစ်တယ်။ ခဏနေကျပြန်လှည့်လာပြီး ကိုယ့်ရွာပေါ်လည်းလမ်းကြုံပစ်ချသွားတာ။ ခဏခဏဖြစ်နေတော့ လေယာဥ်သံကြားရင်ကိုကြောက်နေပြီ။ ကြိုပြီးရှောင်ထားလည်း လူစုစုမြင်ရင်ပစ်ချသွားတာဆိုတော့ အချိန်မရွေးကိုယ့်ပေါ်ကျလာနိုင်တယ်လေ"လို့အသက် ၄၀ အရွယ်ဒေသခံတစ်ဦးကပြောပါတယ်။

လက်ရှိအချိန်မှာ ဘုတလင်မြို့ပေါ်ရပ်ကွက်တွေအပြင်မြို့နယ်တခုလုံးနီးပါးက သောင်းနဲ့ချီတဲ့ ဒေသခံတွေဟာ စစ်ကောင်စီရဲ့မြေပြင်စစ်ကြောင်းထိုးမှုတွေနဲ့ လူမဆန်တဲ့လူမျိုးတုန်းသတ်ဖြတ်မှုတွေကြောင့် နေရပ်စွန့်ခွာထွက်ပြေးနေရတယ်လို့ စစ်ဘေးရှောင်တွေကို ကူညီပေးနေသူတစ်ဦးက ပြောပါတယ်။

အထူးသဖြင့် ဘုတလင်မြို့နယ်အနောက်ခြမ်းနဲ့မြောက်ခြမ်းဒေသက ပြည်သူတွေဟာနေ့စဥ်ရွာတွေကို မီးရှို့ဖျက်ဆီးမှုခံနေရတာကြောင့် ချင်းတွင်းမြစ်ကိုကျော်ပြီး ကနီမြို့နယ်ထဲအထိ ထွက်ပြေးတိမ်းရှောင်မှုတွေ ပြုလုပ်နေရတာဖြစ်ပါတယ်။

လက်ရှိဘုန်းကြီးကျောင်းတွေနဲ့ ဇရပ်တွေပေါ်မှာဖြစ်သလိုနေထိုင်နေရတဲ့ ဒေသခံတွေဟာ ရိက္ခာ၊ ဆေးဝါး၊ အနွေးထည်နဲ့ စောင်တွေအဓိကလိုအပ်နေတယ်လို့စစ်ဘေးရှောင်တွေကို ကူညီပေးနေသူတွေကဆိုပါတယ်။

အောက်တိုဘာလ ၄ ရက်နေ့ကစတင်တဲ့ စစ်ကောင်စီတပ်တွေရဲ့ ဖမ်းဆီးသတ်ဖြတ်မှုတွေကြောင့် အမျိုးသမီးနဲ့ကလေးငယ်တွေအပါအဝင် ပြည်သူ ၂၄ ဦးသတ်ဖြတ်ခံထားရပြီး ဖမ်းဆီးခံထားရသူ ၁၀၀ ကျော်ရှိနေတယ်လို့ သိရပါတယ်။

#ဓာတ်ပုံ - CJ

~ ~ ~
ရွှေဖီမြေ သတင်းတွေကို Facebook နဲ့ Telegram အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube
https://youtube.com/@ShwePheeMyayNewsAgency

Website
https://shwepheemyay